#Article 1: Astronomia (513 words)


Le astronomia [-mí-] (ab le greco astro pro stella e nomia de nomos pro lege, tunc astronomia o leges del stellas) es le scientia que studia le universo material ultra le atmosphera terrestre.

Le astronomia es le scientia que tracta de lo que se refere al astros, e principalmente al leges de lor movimentos.

Le astronomia se divide in varie specialitates, in function del objecto a studio, technica empleate, e aspecto del astros que se studia ():

Inter alteres, nos distingue specialitates como:

Astronomia, que significa etymologicamente leges del stellas, es le scientia cuje objecto es le observation e le explication de phenomenos que occurre o existe foras del terra. Quando se comprendeva que le elementos que forma le objectos celestial esseva le mesme que forma le terra, e que le mesme leges del physica se applica a illos, le astrophysica habeva nascite, como un application del physica al phenomenos observate per le astronomia.

Le majoritate del astronomos (si non tote illes) ha un solide preparation in le physica, e le observationes es semper ponite in contexto astrophysic, assi que le distinction inter astronomia e astrophysica jam quasi non existe.

Le astronomia es un del poc scientias ubi amateurs totevia joca un rollo active, per exemplo in le discoperta de objectos transiente (como cometas) e le observation del variabilitate del stellas.

In su principios, le astronomia suponeva solo le observation e prediction del movimentos del objectos celestial que poteva esser identificate per simple vista. Le astronomos esseva communmente tamben sacerdotes, e per un large tempore se credeva que le phenomenos celestial habeva alcun influentia occulte in le eventos in le terra (vide Astrologia). Le grecos faceva importante contributiones al astronomia, ma le progresso cessava quasi completemente in le Medievo, excepto per le travalio de alcun astronomos arabe.

Le studio del planetas de nostre systema solar ha essite in tempores recente considerate un disciplina a parte, appellate scientia planetari o planetologia.

Debite al amplitude de su objecto de studio le astronomia se divide in diferente brancas.

Iste brancas non es completemente separate, non obstante, e su intersectiones, assi como le astronomos qui travalia in 
differente areas, es le norma plus que le exception.

In astronomia, on obtene information principalmente del detection e analyse del radiation electromagnetic. Un division traditional del astronomia tracta del regiones del spectro electromagnetic observate:

Le astronomia optic e illo de radio pote realisar se usante observatorios terrestre, proque le atmosphera es transparente in ille longitudes de unda. Le lumine infrarubie es facilemente absorbite per le vapor de aqua, assi que le observatorios de infrarubie debe establir se in locos alte e sic.

In astronomia de radios X, astronomia de radios gamma, astronomia ultraviolette e astronomia in le longe infrarubie se pote facer observationes unicamente desde globos aerostatic desde observatorios spatiales.

Tote le disciplinas previe es basate in le detection de photones, ma tamben nos pote reciper information desde foras del Terra transportate per le radios cosmic, neutrinos, e gravitones.

Un division differente pote esser realisate usante le regiones del spatio e le problemas commentate in alto; alcun de illos es:




#Article 2: Archeologia (281 words)


Le archeologia (del greco archaios, vetule o antique, e logos, scientia) es le studio del populos historic e prehistoric e lor culturas per le analyse de lor artefactos, monumentos, edificios, etc.

Le archeologia es le scientia que studia lo que se refere al artes, monumentos e objectos del antiquitate, specialmente per medio de restos o ruinas. Dunque, iste disciplina scientific es dedicate al studio del antique culturas human. Le majoritate del prime archeologos, qui applicava le origine de lor disciplina al studios del antiquarios, definiva le archeologia como le studio systematic del restos material del vita human jam disparite; altere archeologos accentuava aspectos psychologic-conductista e definiva le archeologia como le reconstruction del vita del populos antique. 

In alcun paises le archeologia ha essite considerate semper como un disciplina pertinente al anthropologia; durante que iste se concentrava in le studio del culturas human, le archeologia se dedicava al studio del manifestationes material de istos. De iste modo, ben que le antique generationes de archeologos studiava un antique instrumento de ceramica como un elemento chronologic que adjutarea a poner un data al cultura que esseva objecto de studio, o simplemente como un objecto con un certe valor esthetic, le anthropologos viderea le mesme objecto como un instrumento que les servirea pro comprender le pensamento, le valores e le cultura de qui lo fabricava.

Le investigation archeologic ha essite connectite fundamentalmente al etate de petra e al antiquitate; nonobstante, durante le ultime decennios le methodologia archeologic se ha applicate a eras plus recente, como le medievo o le periodo industrial. In le actualitate, le archeologos dedica occasionalmente lor attention a materiales actual, illes investiga residuos urban, con lo que nasce le si-nominate archeologia industrial.




#Article 3: Architectura (552 words)


Le architectura [ar-ki-tek-tú-ra] es le studio e profession del designo structural de edificios e communitates. Le architectura es le arte o scientia del designo del milieu construite; includite citates, edificios, interiores, exteriores, mobiles, objectos, etc. Le parola architectura es usate tamben pro le designo o le acto de designar altere systemas complexe, per exemplo, architectura de computatores, architectura de software, architectura de information.

In un texto antique popular, super le thema De architectura, de Vitruvio, Seculo I aEC, es dicite que le architectura se divide in tres principios: le Beltate (Venustas), le Firmitate (Firmitas) e le Utilitate (Utilitas); le architectura pote esser definite como un equilibrio inter iste tres elementos, sin exceder le un al altere. Il esserea difficile essayar comprender un projecto de architectura sin acceptar iste tres aspectos. 

Nonobstante, il suffice leger le tracto pro comprender que Vitruvio exige iste characteristicas pro alcun edificios public multo particular. De facto, quando Vitruvio osa tentar un analyse del arte super le qual ille scribe, il es interessante notar que ille propone comprender le architectura como composite de quatro elementos: 

Le historia del diverse versiones del tractato de Vitruvio resume ben le conflicto al hora de definir le architectura. In 1674, Claude Perrault, medico physiologic, specialisate in dissection de tote typo de cadaveres, bon designator, publicava su traduction resumite del tractato de Vitruvio, que fini totalmente reorganisate. Non obstante, il ha essite trans le «resume» de Perrault que Vitruvio ha essite divulgate e ha influite in le tractatos e theorias del seculos sequente. E il es in ille resume que le triada vitrubian ha vidite le lumine.

Le differentia substantial inter le version de Perrault e le anterior radices, secundo Jose Luis Gonzalez Moreno-Navarro, in qui Perrault tracta le character synthetic del architectura in un vision strictemente analytic e fragmentate in tres brancas autonome [lo que] es un consequentia de su structura mental [...] formate in duration de un vita dedicate al analyse del organismos vivente, que evidentemente in necun momento recomponeva e volveva dar vita.

Pro le contrario, secundo Vitruvio: la architectura es un scientia que surge de multe altere scientias, et adornate con multo variate apprendimento; per le adjuta de que un judicio se forma de iste travalios que son le resultato de altere artes. Le practica e le theoria son lor patres. Le practica es le contemplation frequente e continuate del modo de ejectar alcun travalio date, o del operation mer del manos, pro le conversion del materia del melior forma e del maniera plus terminate. Le theoria es le resultato de ille rationamento que demonstra e explica que le material forgiate ha essite convertite pro resultar como le fin proposite. Proque le architecto mermente practic non es capace de assignar le rationes sufficiente pro le formas que ille adopta; e le architecto de theoria falla tamben, sasiente le umbra in vice del substantia. Ille qui es theoric assi como tamben practic, in tanto construeva duplemente; capace non solo de probar le convenentia de su designo, si non equalmente de poner lo in execution. 

Como disciplina, le importantia del architectura in le seculo XX esseva enorme, depois su exercitio esseva responsabile de non minus del tertie parte del materiales portate per le humanitate in ille epocha. Pro plus detalios super le relationes inter le architectura e le ecologia vide: .




#Article 4: ASCII (943 words)


ASCII (American Standard Code for Information Interchange) es un collection de characteres e un codification de characteres basate super le alphabeto roman secundo le uso del anglese moderne. Illo es usate per computatores e altere equipamentos de communication pro representar texto e per apparatos de controlo que opera con texto.

Como altere codices, ASCII specifica un correspondentia inter numeros integre que pote esser representate digitalmente e le symbolos de un lingua scripte, permittente que apparatos digital communica inter se e processa e immagazina information de natura textual. Le codification de characteres ASCII (o un extension compatibile; vide infra) es usate in quasi tote computatores commun, specialmente in computatores personal e stationes de travalio. Le denomination MIME preferite pro iste codification es US-ASCII.

ASCII es un codice de septe bits, lo que significa que illo usa numeros integre representabile con septe digitos binari (un gamma de 0 a 127 in decimal) pro representar information. Mesmo in le epocha del introduction del ASCII, le majoritate del computatores operava con bytes de octo bits como le minor unitate de information; le octave bit communmente era usate pro controlo de errores in lineas de communication o altere functiones in apparatos specific.

ASCII non specifica ulle maniera de representar informatoin super le structura o apparentia de un fragmento de texto. Isto require le uso de un linguage de marcation.

ASCII esseva publicate como un standard in 1963 per le American Standards Association (ASA), que posteriormente deveniva ANSI. Il habeva multe variationes de ASCII, mais su forma actual e plus disseminate es ANSI X3.4-1967, equalmente standardisate como ECMA-6, ISO/IEC 664:1991 International Reference Version, e ITU-T Recommendation T.50 (09/92). ASCII es considerate generalmente como le standard de software le plus successose jammais promulgate.

Le prime trenta-duo codices (numeros 0—31 in decimal) de ASCII es reservate pro characteres de controlo que pote non representar information in se, mais es usate pro controlar apparatos (como impressores) que utilisa ASCII. Per exemplo, le character 10 representa le function Line Feed (avantiamento de linea, que face le impressor avantiar le papiro), e le character 27 representa le clave Escape trovate in le angulo superior sinistre de clavieros commun.

Le codice 127 (tote le septe bits accendite) es un altere character special cognite como Delete. Ben que su function es similar a illo de altere characteres de controlo, illo esseva placiate in su position a fin que illo poterea esser usate pro cancellar un section de banda perforate, un medio de immagazinage popular in le passato, per perforar tote su foramines.

In le tabella supra, le quinte columna contine characteres graphic que es reservate pro representar le position de codices de controlo in un fluxo de datos; tu agente de usator HTML pote requirer le installation de fontes additional a fin de exhibir los.

Softwares utilitari e systemas de operation ha varie conventiones pro representar le fin de un linea de texto. Le majoritate usa o LF o CR individualmente, o CR sequite per LF. Quando un SO immagazina texto in un file usante ASCII o un codification compatibile de 8 bits, iste characteres es representate per lor bytes 0A, 0D, o 0D sequite per 0A, respectivemente. In EBCDIC, le codice Next Line (NEL) al byte 15 (hex) es le typic character de fin de linea. ASCII non del toto codifica NEL, le byte 15 in illo es NAK. Le tabella sequente demonstra le variationes in le conventiones de fin de linea inter differente SOs:

Le codice 32 es le character de spatio, denotante le spatio inter parolas, que es producite per le grande barra de spatio de un claviero. Le codices de 33 a 126 es appellate characteres imprimite, que representa litteras, digitos, signos de punctuation e alcun symbolos miscellanee.

Nota que le characteres majuscule pote esser convertite in minuscule per le addition de 32 a lor valores ASCII; in binario, isto pote esser obtenite simplemente per definir le sexte bit minus significante como 1.

Le dissemination international del informatica ha provocate le apparition de multe variationes e extensiones del collection de characteres ASCII, viste que ASCII non include litteras accentuate e altere symbolos necessari pro scriber le majoritate del linguas que usa alphabetos de base roman. Le standard international ISO 646 (1972) esseva le prime tentativa de remediar iste problema, ben que illo infortunatemente creava simultaneemente problemas de compatibilitate. ISO 646 esseva ancora un collection de characteres de septe bits, e viste que il non habeva codices additional disponibile, alcunes esseva reassignate in variantes pro linguas specific. Per exemplo, le codice ASCII 93 (le parenthese quadrate dextere ]) es usate in le variante german ISO 646-DE pro le littera majuscule U con dierese (Ü), e in le variante danese ISO 646-DK pro le littera majuscule A con anello (Å).

Meliorationes technologic apportava manieras de representar exteriormente le information previemente codificate in le octave bit de cata byte, liberante iste bit pro componer 128 codices de character additional pro nove assignationes. Standards de octo bits tal como ISO 8859 possibilitava le representation de un gamma plus large de linguas, mais le incompatibilitates e limitationes persisteva. ISO 8859-1 e le original ASCII de 7 bits es le plus commun codificationes de characteres in uso hodie, ben que Unicode (con un collection de characteres multo plus grande) rapidemente deveni standard in multe locos. Iste codices plus recente es retrocompatibilitate, isto es, le prime 127 positiones de cata codice es identic al ASCII, e le prime 256 positiones de Unicode es identic al ISO 8859-1.

Le parola anglese ASCIIbetical describe le ordination de datos in le ordine de ASCII in vice del ordine alphabetic genuine (que require un computation ingeniose, e varia secundo le lingua in question).




#Article 5: Arte in ASCII (284 words)


Le arte in ASCII (ASCII art) consiste de figuras formate per characteres (habitualmente del collection definite per ASCII). Illos pote esser create con un editor de textos. Le majoritate require un typo de litteras non proportional pro visualisation correcte.

Le formas plus simple de arte in ASCII es emoticones: micre combinationes de duo o tres characteres pro exprimer emotiones in un texto. :-) Exemplos plus complexe usa plure lineas de textos pro designar figuras plus complexe. Il esseva un costume popular poner tal designos in le signatura in messages de e-mail e articulos in gruppos Usenet. Alcun exemplos commun:


Alcun typos ignora le forma del characteres e los tracta como blocos plus o minus occupate:


Arte in ASCII es usate quandocunque texto se imprime o transmitte plus promptemente que graphicos, per exemplo via machinas a scriber, telex, terminales de computator textual, retes de computatores primitive, messages de e-mail e articulos in Usenet.

Es simplice generar arte in ASCII con algorithmos. Existe editores de texto specialisate projectate pro designar lineas, rectangulos, e areas plen facilemente. Converter un imagine formate per pixels in arte in ASCII es un caso special de quantification de vectores.




#Article 6: Aaron (179 words)


Aaron es un personage in le mythologia de judaismo. Secun le Torah ille era un israelita in Egypto, le filio de Amram e Jokheved del tribo de Levi, le gran-granpatre de Aaron. (Ex 6:13, 16-20.) Ille habeva un soror major que ille, Miriam, e un fratre tres annos plus juvene, Moses. (Ex 2:1-4; 7:7.) Ille se maritava con Elisheva, filia de Aminadav del tribo de Juda, con qui habeva quatro filios: Nadav,
Avihu, Eleazar e Itamar. (Ex 6:23.)

Debite a que Moses non parlava con fluentia, Deo designava Aaron como le parlator pro Moses ante Pharaon, e diceva: Io sape con
certitude que ille si pote parlar.

Post le eventos a Monte Sinai quando le israelitas ha devenite le judeos Moses investiva Aaron con le deberes sacrate como
representante de Deo in un ceremonia de installation que durava septe dies. (Le 8:7-9; Ex 28.) Aaron esseva ungite, secun le maniera descripte in le Psalmo 133:2, e Deo indicava que ab su progenie o casa deberea esser nominate omne le futur sacerdotes supreme.

Su nomine in hebreo es אַהֲרֹן‬, Aharon.




#Article 7: Arabia Saudita (103 words)


Arabia Saudita (official in arabe: Al-Mamlaka al-‘Arabîya al-Su‘ûdîya) es un pais in le Oriente Medie. Illo es un monarchia dictatorial exercite nominalmente per le rege Fahd bin Abdul Aziz as-Saud cuje fortuna personal se estima in plus de 20 000 milliones de dollars american. Le pais comprende le regiones traditional de Nejd (cuna del dynastia saudita regnante), Hejaz (ubi es situate le sacre citates islamic de Mecca e Medina), al-Ahsa/Bahrain (majoritarimente shiita) e Jizan, ‘Asir e Najran (juxta Yemen). Arabia Saudita es governate secundo le interpretation wahabita del lege islamic. Illo possede un abundantia de petroleo, cuje exportation es fundamental a su economia.




#Article 8: Alexander Gode (312 words)


Alexander Gottfried Friedrich Gode-von-Aesch, Ph.D. (30 de octobre 1906 - 10 de augusto 1970), le principal realisator de Interlingua, esseva de origine german per su patre, ab le urbe hanseatic de Bremen, e switze per le matre, veniente de un ancian familia burgese Von Aesch, ab un village in le proximitate de Berna. Alexander Gode moriva le 10 de augusto 1970 al etate de 63 annos.

Ille inseniava lingua romance e germano al universitates Columbia e Chicago e esseva active pro interlingua desde 1934. Ille esseva le ultime director de recerca del IALA fin a 1946, redactor del Interlingua-English Dictionary (1951) e co-autor del Interlingua Grammar (con Hugh E. Blair, 1951). Gode fundava in 1946 le casa editorial Storm Publishers, que ille gereva.  Pois ille esseva chef de Interlingua Division del Science Service (1953-1967). 

Ille redigeva libros referential 1943—1946 e publicava con E. Clark Stillman le serie Spanish at Sight, French at Sight e Portuguese at Sight. Traduceva centos de articulos e alcun libros ab plure linguas in anglese. Editava in 1941 300 paginas super Natural Science in German Romanticism. Gode esseva autor de numerose publicationes in Interlingua e germano. Durante su ultime annos ille traduceva textos scientific in su firma Interlingua Translations. In plus, ille esseva co-autor de Interlingua a prime vista, basate sur le serie ...at Sight.

Desde 1955 al su morte in 1970 ille esseva le prime presidente del Union Mundial pro Interlingua.

Premiate con i.a. Harald Swanberg Distinguished Service Award del American Medical Writers' Association pro contributiones excellente a revistas medical e pro summarios in interlingua; anque premiate per le Fédération Internationale des Traducteurs pro le labor de traducer publicationes scientific e le labor pro le profession de traductores. Co-fundator e prime presidente del Association American de Traductores (1960—1963). In su honor, iste organisation confere cata anno le Medalia Alexander Gode pro servicios eminente pro le professiones traductori.




#Article 9: Alice Vanderbilt Morris (106 words)


Alice Vanderbilt Morris (1874-12-07 — 1950-08-15), {USA}, nasceva Alice Vanderbilt Shepard. Illa esseva le filia de Elliot Fitch Shepard (1833-1893) e Margaret Louisa Vanderbilt (1845-1924). Illa se maritava con Dave Hennen Morris (1872-1944) in 1895. 

Fundatrice del International Auxiliary Language Association (IALA), illa deveniva secretaria honorari del organisation e gerente del departimento de recercas. Illa recipeva un doctorato honorari de scientia litterari del Universitate de Syracuse, e esseva un membro honorari del societate Phi Beta Kappa. Illa anque esseva le vice-presidente del World Service Council del YWCA de USA.
Illa primo esseva esperantista ardente, lo que causava multe dilemmas pro illa, ma illa succedeva remaner neutral.




#Article 10: André Schild (169 words)


Andre Schild (1910 - 13 de julio 1981): Interlinguista switze, ex-functionario in le Universala Esperanto Asocio in Geneva. Ille publicava su systema Neolatino ma presto adhereva al movimento pro Interlingua e deveniva co-fundator del Union Mundial pro Interlingua. Al fundation le 28 de julio 1955 in Tours, Francia, ille esseva eligite prime secretario general del UMI (1955-1958). Redactor del prime organo official del UMI, Circular al cognoscitores e amicos de Interlingua (22 de februario 1954), Circular al prime membros del UMI (26 de maio 1954), Lista del membros (augusto 1954), Bulletin del Union Mundial pro Interlingua (octobre 1954, januario, martio e junio 1955) e Union Mundial pro Interlingua (UMI) - bulletin publicate per le Secretariato General (augusto 1955). Redactor lingual de Le Currero del Mundo (septembre-decembre 1955 usque augusto 1957) e de Bulletin de Interlingua (septembre 1957 usque junio 1959). Ille publicava le manual Interlingua in 20 lectiones in francese, italiano e germano. Ille redigeva quasi tote le texto del grande dictionario germano-interlingua. - Rememoration in Currero nº 66/1981.




#Article 11: Arte (237 words)


Arte (del latino ars, genitivo artis) es ulle activitate o producto create per esseres human con scopo esthetic o communicative, con que on pote exprimer ideas, emotiones, e un vision del mundo real o imaginate.  Le manifestation del arte pote esser facite con ressources physic, linguistic o sonor.  Arte es un componente critic de cultura que monstra le valores de su gente, e que pote durar al traverso de barrieras in tempore, spatio, o vero barrieras linguistic.  

Ab le era paleolitic, arte ha facite functiones de ritual, magia, o religiose; e postea, le scopos e poteres de arte ha accrescite, ganiante valores esthetic e functiones educative, commercial, expressive, decorative, o siplemente recreative.

Le idea de arte e su rolo es un idea que es debatate hodie, proque su definition pote esser interpretate in plure modos que varia con le societate, le era, e le moda currente.  Le parola arte habe un extension grande, e pote representare ulle activitate facite con dedication.  Pro isto, one pote discuter re le arte culinari, artes martial, arte medic, et cetera; in iste capacitate, le arte es un synonimo pro habilitate, capacitate, poter, talento, o experentia.  Nonobstante, quando on dice 'arte', usualmente refire al creationes human (operas artistic) con scopos esthetic.  In iste contexto, 'arte' es le generalisation del concepto ancian de artes belle, que hodie es reducite al scopos academic.  Iste articulo considera 'arte' como un medio de expression creative human.




#Article 12: Academia pro Interlingua (165 words)


In 1910 se constitueva le Academia pro Interlingua como successor del Akademi internasional de lingu universal, que habeva propagate Idiom Neutral del ingeniero Waldemar Rosenberger, (previemente le Kadem Volapüka). Le nomine Interlingua esseva usate como un nomine general pro linguas auxiliar tractate in le Academia e Latino sine flexione esseva un de illos. 

Latino sine flexione (Lsf) es le lingua auxiliar de Giuseppe Peano (1858 - 1932), italiano e professor universitari de mathematica. Ille lo proponeva in 1903 in su Revue de Mathematiques. Peano opinava que le latino pote functionar con un minimo de grammatica, o como ille diceva: sin flexiones, i.e. sin desinentias de casos, sin desinentias personal in le conjugation de verbos, sin generes e sin formas distincte pro le plural. Le declination es superflue, nam le casos pote esser indicate e reimplaciate per prepositiones e le accusativo per le ordine del parolas. Le generes son superflue, al minus in le adjectivos. 

 Specimenes de Latino sine flexione  (Giuseppe Peano) 1903

Le Pater noster 




#Article 13: Atomo (224 words)


Un atomo (ab latino atomum, ab greco ατομος, átomos, indivisibile) es le minor quantitate de un elemento chimic que ha un existentia proprie, e non pote esser dividite per medio de processos chimic.
 
Le concepto del atomo esseva jam proponite per philosophos grec, como Democrito e le Epicureos. Non obstante illo esseva oblidate usque que le chimico anglese John Dalton revideva le idea in su theoria atomic. Ma il non esseva usque le 19ne seculo que gratias al travalios de Avogadro on comenciava a distinguer inter atomos e moleculas. Le vision moderne de su structura interne debeva sperar usque le experimento de Rutherford in 1911. Posterior discoperimentos scientific, como le theoria quantic, e avantiamentos technologic, como le microscopio atomic, ha permittite cognoscer con major detalio le proprietates physic e chimic del atomos.
 
Ben que le major parte de un atomo es spatio vacue, le atomos es componite de particulas plus parve. Per convenientia illos son dividite in:

In le caso del atomos in stato neutre le numero de electrones es identic al del protones, que es lo que characterisa cata elemento chimic. Le numero de protones de un determinate atomo se denomina numero atomic e determina su position in le tabella periodic del elementos. Le atomos con le mesme numero atomic, ma distincte massa atomic (per haber differente numero de neutrones) se denomina isotopos.




#Article 14: Andorra (135 words)


Durante multo tempore povre e isolate, le montaniose Principato de Andorra, situate in le Pyreneos, ha obtenite un notabile prosperitate desde le secunde guerra mundial gratias al tourismo. Le prosperitate economic e le carentia de impostos ha attrahite multe immigrantes.

Le Principato de Andorra es un parve pais del sud-west de Europa con un extension de 468 km2, situate in le corde del Pyreneos, inter Espania e Francia. Su territorio, cuje capital es Andorra la Vella, es dividite in septe parroquias (parochias): Canillo, Encamp, Ordino, La Massana, Andorra La Vella, Sant Julià de Lòria e Escaldes-Engordany.

Andorra es constituite como un Stato social e democratic de Derecto, cuje regime politic es le Coprincipato Parlamentari. Le lingua official es le catalano. Il non ha fortias armate e su defensa es responsabilitate de Espania e de Francia.




#Article 15: Anglaterra (151 words)


Anglaterra, es un del tres paises del Grande Britannia, e dunque face parte del Regno Unite. Illo avicina Galles al west e Scotia al nord. Su plus grande citate es London, que es etiam su capital; alteres include Birmingham, Leeds, Sheffield, Manchester, Liverpool e Bristol.

Le lingua anglese nasceva in Anglaterra.

Le regiones (o contatos) de Anglaterra include:

Le ecclesia establite de Anglaterra es le Ecclesia de Anglaterra, ecclesia matre del Communion Anglican. Il ha etiam un longe tradition catholic e un grande varietate de confessiones protestante dissidente (i.e. independente del Ecclesia de Anglaterra). Le methodismo, quakerismo e baptistas es de origine anglese.

Le immigration del seculo 20 ha establite grande communitates musulman, sikh e hindu in Anglaterra. Il ha anque un communitate judee assatis importante.

Hodie, le majoritate del gente anglese non frequenta ecclesias, ni altere domos de religion. Opiniones laic, spiritual ma non religiose, agnostic e athee son commun.




#Article 16: Afghanistan (132 words)


Afghanistan es un pais in Asia que borda a Iran, Turkmenistan, Uzbekistan, Tadzhikistan, China e Pakistan. Su capital es Kabul.

Afghanistan significa terra del afghanos. In su uso moderne deriva del parola afghano. Le pashtunes comenciava usar le termino afghano como un nomine de se mesmes.

Nominate in le antiquitate Ariana, le territorio del actual Afghanistan formava parte del Imperio persa achemenide, del regno hellenistic de Bactria, del Imperio Kushan e del Imperio persa sassanide. Post del disparition del regno hellenistic, le pais imbraciava le buddhismo e le hinduismo como religiones. Posteriormente illos esseva displaciate per le zoroastrismo e, plus tarde, se converteva al islam con le arrivata del musulmanes in le anno 636.

Afghanistan es dividite in 34 provincias, cata un con un governator e un capital.

Subdivisiones administrative de Afghanistan:




#Article 17: Analogia (581 words)


Analogia es ambe le processo cognitive de transferer information de un subjecto particular (le fonte) a un altere subjecto particular (le destination), e un expression linguistic correspondente a tal processo.

Illo significa
comparation o relation inter varie rationes o conceptos; comparar o
correlatar duo o plus esseres o objectos, per le ration, signalisante
characteristicas general e particular, generante rationamentos basate
sur le existentia de similantias inter istos, applicante a uno de
illos un relation o un proprietate que es clarmente establite in le
altere.

In le aspecto logic, illo appuncta al representation que
on attinge formar se re un cosa, como objecto in le conscientia; e,
como representation, como objecto logic del pensamento, illo recipe
de isto certe proprietates como le abstraction, le universalitate,
etc., que permitte comparar un objecto con alteres, in lor
similantias e in lor differentias. 

Le analogia permitte un forma inductive de argumentar
que assevera que si duo o plus entitates son similante in uno o plus
aspectos, tunc lo plus probabile es que il anque existe inter illos
plus similantias. Un analogia permitte le deduction de un termino
incognite ab le analysis re le relation que se establi inter duo
terminos pro illo cognoscite.  

In le psychologia del apprentissage per
experientia, le imitation convertite in regulas de conducta suppone
le confidentia inductive de que actuante del mesme forma in
situationes analoge on obtenera le mesme resultato, si iste es
satisfactorie. 

In sociologia le processo de endoculturation
consiste in
le valutation de situationes analoge pro establir le moral e le
regulas de conducta in le acceptation del rolos e normas social. Le
propaganda e le moda exploita enormemente le tendentia al imitation
generante modellos a le qual comparar se on ipse, como garantia del
successo et estima social.

Le mestiero e le
technica incontra su fundamento in que, actuante del mesme forma, in
situationes analoge, sequente le mesme regulas, le action attingera
como resultato le fin que se cerca.

Le linguistica
incontra analogias speciales in le problema del variationes semantic
e variationes etymologic, respecte al uso del parolas o le senso del
discurso: le figuras rhetoric del comparation, le allegoria e le
metaphora son le figuras a les que le analogia presta su senso. 

In derecto, le
analogia constitue le fundamento de poter considerar casos similante
per un caute comparation. Tal es le fundamento del jurisprudentia. 

In philosophia se
distacca le importantia del analogia, non tanto como modo de
argumentation, ma como characteristica del terminos con los que se
construe le discurso. In iste senso on distingue, in le philosophia
traditional, duo modos de analogia: de attribution e de
proportionalitate; essente utilisate iste distinctiones pro precisar
le modo in que il es possibile por le homine le cognoscentia de Deo.
Le philosophia actual considera le problema del analogia ligate a lo
logic e linguistic e como fundamento del epistemologia e philosophia
del scientia. 

Le mathematicos
antique in Mesopotamia e le egyptios utilisava le analogia in lor
calculos. De facto le unitate de mesura es jam in se ipse le
establimento de un analogia, nam illo non es un altere cosa que
establir le proportion per comparation de un objecto material in
relation a un quantitate fixate antea como unitate. 

Le mathematicos
grec comprendeva le analogia como proportion o ration de
proportionalitate in le senso con le qual nos parla hodie re
proportiones e rationes in mathematica. 

Esseva Platon qui
dava a iste notion un character de transcendentia que ha plenate
paginas in le philosophia e le linguage. 




#Article 18: Alpaca (117 words)


Le alpaca (Vicugna pacos) es un animal del Andes. Illo es un membro del familia Camelidae (ordine Artiodactyla. Illo es similar al lama, guanaco, e vicunia, le quales se cognosce collectivemente como lamoides. 

Le alpacas pesa inter 55 e 50 kg e su talia al puncta del spatula es de 0.95 metros. Le ancestre del alpaca es le vicunia. 
Su talia es un poco plus grande que illo del vicunias. Illos son animales plus typic del Puna humide del Peru, Bolivia e alteres locos plus al sud. 
Le alpacas se incontra in grande greges pro pascer in le altitudes plan del Andes a circa 3.500 a 5.000 metros super le nivello del mar, durante tote le anno. 




#Article 19: Ab (340 words)


Av (hebreo: אָב‎, pronunciate av ma alsi transliterate a veces ab) es le nomine que le quinte mense lunar del calendario hebree recipeva depois del exilio. Illo corresponde a parte de julio e parte de augusto.

Non se sape con certitude le significato del nomine av. In le Biblia non se mentiona iste mense directemente per nomine, si non solo como le mense quinte. Non obstante, si appare in le Mishna (Ta'anit 4:6) e in altere scriptos judee postexilic.

In le mense de av, un mense de calor estive, commenciava le recolta del uva in Israel. (Vide: Calendario.)

Aaron moriva in le monte Hor le prime die de av. (Numeros 33:38.) Durante que 2 Reges 25:8 dice que esseva in le die septime de iste mense quando Nebuzaradan, le servo del rege de Babylonia, arrivava a Jerusalem, Jeremia 52:12 afirma que Nebuzaradan entrava in Jerusalem le die dece de iste mense. super iste affaire le obra Soncino Books of the Bible commenta que le intervallo de tres dies forsan se debe al differentia inter le arrivata de Nebuzaradan al loco e le comencio del operationes (edition de A. Cohen, London, 1949). Assi que es probabile que Nebuzaradan arriva a Jerusalem le die septime, inspectiona le citate extramuros, da instructiones pro le demolition del fortificationes e le saccheo del tresores, e depois, le die dece del mense, entra in le citate e su sancte templo. Secun Josepho (La Guerra del Judeos, libro VI, cap. IV, secs. 5, 8), le romanos incendiava le templo de Herode le die dece del mense quinte (70 E.C.), e depois appuncta que esseva precisemente le mesme die e le mesme mense que le babylonios incendiava le prime templo.

Durante le sequente septanta annos de exilio in Babylonia, iste quinte mense esseva un tempore de jejunos e lamentationes in memoria del destruction del templo de Jerusalem. (Zac 7:3, 5; 8:19.) esseva tamben in le mense de av quando Esdra regresava a Jerusalem, jam re-edificate, pro instruer al judeos in le Lege de Jehovah. (Esd 7:8, 9, 25.)




#Article 20: Aquisgrano (113 words)


Aachen o Aquisgrano es un urbe in le Region urban de Aquisgrano in Rhenania del Nord-Westfalia in Germania e situate proxime al frontieras nederlandese e belge. Le urbe es celebre pro esser un station thermal favorite depost le Antiquitate, pro le cathedral (un sito de Patrimonio Mundial de UNESCO), e pro haber essite le residentia preferite de Carolo Magne e dunque capital del Sacre Imperio Roman. Le restos de Carolo Magne e Otton III se trova in le cathedral. On signava tres tractatos ibi: in 1668, in 1748, e in 2019 le Tractato de Aquisgrano.

Aquisgrano es le sede del episcopato de Aquisgrano.

Municipalitates vicin es Eschweiler, Moresnet, Würselen, Herzogenrath, Roetgen, e Stolberg.

 




#Article 21: Acquisition del linguage (594 words)


In le acquisition del linguage nos debe prender a consideration le differente theorias explicative, le existentia de differentias individual e le hypothese del existentia de un periodo critic pro illo.

Le origine e acquisition del regulas de production es objecto de multiple controversias, tanto respecto al sue natura (cognitive o specificamente linguistic) como del sue apprendissage (innate o apprendite intra le medio social). Pro multe autores, le linguage implica un function symbolic anterior a illo, que se materialisa in le differente systemas de signos, le quales son resultato del union arbitrari de le significante con su significato. Iste systemas de signos del linguage se combina, per su vice, con aspectos emotional e affective que exprime le attitude, relation o interaction del parlante respecto su message, e pretende influer in le auditor (le persona qui audi).

Il se pote distinguer duo theorias explicative de su acquisition:

In le centro del polemica se situa Chomsky, principal representante del theoria innatista, que propone le existentia de un ‘mechanismo innate’ que representa un rolo
fundamental in le linguage. On suggere que le esseres human nasce con un habilitate linguistic innate, que emerge principalmente del processo de maturation. Le cerebro human posede un systema neuronal, le mechanismo de acquisition del linguage que permitte le comprension del structura del linguage e proportiona strategias e technicas pro le apprendissage del characteristicas exclusive de un lingua natal determinate. Le formulation de Chomsky suppone que le mente del infante es preparate de gesto predeterminate pro processar le structura que characterisa le linguage human, arrivante a un specie de grammatica transformational de su lingua materne; mais isto non vole dicer que le systema grammatical veni date como cognoscentia innate, si non que se posede medios innate pro processar le information e generar structuras interne.

Le affirmation de que le infante nasce con tote le universales linguistic esseva intendite per alcun autores de un gesto multo litteral. Assi McNeill suggere que le infantes nasce con un hierarchia de categorias linguistic. In contraste, alteres ha un interpretation plus moderate. Pro Fodor, le universales linguistic son intrinsec in le infante, plus que innate. Le puncto de vista de Chomsky tamben non care de criticas. Assi, pro le theoricos del apprendissage illo es un puncto de vista in contra del perspectiva innatista al apparente capacitate del animales, tal como le chimpanzes, pro apprender le rudimentos del linguage. Le investigationes super le linguage pone de manifesto le existentia de differentias individual in le acquisition de illo, non solo in relation a su initio e rapiditate de disveloppamento, si non tamben in le uso de differente mechanismos de apprendissage e in le uso de routes evolutive non exactemente equal.

In contraste a isto, le hypothese de un periodo critic in su acquisition, tal como esseva initialmente formulate per Lenneberg, non pare esser sustenite in le actualitate. Iste investigator se basava, in grande parte, in le facto de que le periodo in le que se situa generalmente le acquisition del linguage es inter un periodo inter le duo annos usque le dece-duo, sin que pote esser acquirite a partir de iste etate; e per 
altere parte, in le existentia de recuperationes de linguage in personas qui suffreva aphasia in etates formative, ma non (o multo defective) in adultos aphasic.

Resultatos de investigationes posterior pone in evidentia le capacitate pro acquirir le linguage depois de iste periodo considerate como critic. Non obstante, malgrado su acquisition, le disveloppamento non es normal. Il pare exister un periodo ‘sensibile’ (16 menses - 8 annos, approximatemente) in le qual se produce lo essential del disveloppamento linguistic.




#Article 22: Abraham (133 words)


Abraham (o Abram; ; ) esse un homine del Oriente proxime (Mesopotamia) qui esse un persona alte in plure religiones (in particular, Judaismo, Christianismo, e Islam). Secundo le version mythologic in le Torah, Abraham nasceva in Ur del Chaldeos in le secunde millennio EC, e viveva 175 annos. Le deo Jehovah proponeva un pacto con ille: Abraham recognoscerea Jehovah como su unic deo, offerente le su filio como sacrificio, e le deo darea a Abraham progenie innumerabile e le terra de Canaan. Abraham acceptava, e esse ora recognoscite como un fondator del monotheismo; e le divinitate gratiava su filio (Isaac, secundo le Biblia; sia Isaac sia Ismael, secundo le Koran).

A vices, Judaismo, Christianitate, e Islam son nominate religiones Abrahamic gratias al rolo que Abraham habe in le libros sancte de iste religiones.




#Article 23: Abstraction (133 words)


Le abstraction [ab-strac-tsi-òn] es le facultate del mente de abstraher o de reproducer le qualitates o proprietates particular de un objecto, in maniera distincte del objecto ipse, considerante lo, ergo, un objecto a se. Assi nos ha le ideas abstracte de dulcor, color, duressa, corage, beltate, que es abstrahite e representate ab le associationes originari, sia pro omitter los del consideration, sia pro considerar los in se ipse. Nemo unquam gustava le dulcor, ma on pote gustar un cosa dulce; nemo videva le rubie, ben que on pote vider objectos rubie: nemo videva, gustava, audiva o sentiva le corage in un persona, ma on pote vider gente coragiose.

Le ideas abstracte es ergo conceptos que le mente ha de qualitate o proprietate de objectos distaccate del objectos ipse per le medio del abstraction.




#Article 24: Antony Gormley (114 words)


Antony Gormley (nascite in 1950) es un sculptor anglese. Ille es melio cognoscite como le creator de Angel of the North (Angelo del Nord), un grande sculptura public presso Gateshead.

Gormley studiava a Trinity College, Cambridge de 1968 a 1971 ante de vader a India e Sri Lanka pro studiar Buddhismo de 1971 a 1974. Quasi omne su obras ha le corpore human como lor subjecto, con su proprie corpore usate in multe obras pro facer modulos de metallo.

Le sculpturas de Gormley care detalios personal que poterea identificar los como un individuo particular. In vice, le formas es lisiate pro facer los completemente anonyme.

Gormley ganiava le Turner Prize (Premio Turner) in 1994.




#Article 25: Agnosticismo (831 words)


Le terminos agnosticismo e agnostic esseva cuneate per Thomas Henry Huxley in 1869 pro describer le vision philosophic e theologic que le veritate del existentia o inexistentia de Deo, immortalitate, e cosas affin es inherentemente incognoscibile. Personas pote haber cognoscentia scientific o real del phenomenos, mais quando uno tracta de lo que jace detra le phenomenos, il non pote haber evidentia que autorisa qualcunque persona a negar o affirmar qualcunque cosa.

Le agnosticismo es le position de creder que le cognoscentia del existentia o non existentia de Deo es impossibile. Illo es alicun vices comprendite como un medie termino inter theismo e atheismo. Comprendite in iste modo, agnosticismo es scepticismo super tote le cosas theologic. Le agnostico affirma que le human cognoscentia es limitate al mundo natural, que le mente es incapabile de cognoscer circa del supernatural. Comprendite in iste modo, un agnostico pote etiam esser un theista o un atheista. Le prime es appelate un fideista, i.e. qui crede in Deo purmente on fide. Le secunde es de tempore a tempore accusate per theistas de haber fide in le non-existentia de Deo, sed le accusation es absurd e le expression simplemente non incontra rationes.

Le parola agnostic veni del greco a- (non) e gnosis (cognoscentia). Inter le plus famose agnosticos (in le senso original) esseva Huxley, Charles Darwin, e Bertrand Russell. Le obra Proque io non es un christiano de Russell es considerate un texto classic super le agnosticismo. Considerante le obras de David Hume, specialmente Dialogos a proposito del religion natural, uno argueva que ille esseva un agnostico, totevia isto remane subjecte a debatto.

Uno non debe confunder agnosticismo con un vision specificamente opposite al doctrina del gnose e del Gnosticismo — istes es conceptos religiose que non ha relation directe con le agnosticismo.

Le majoritate del usos moderne focalisa le question del existentia de Deo plus tosto que un ample gamma de questiones metaphysic. Le termino pote esser applicate al simple incapacitate de affirmar que Deo existe o non (i.e., non prender un position). In iste senso, le positivistas logic del seculo 20, tales como Rudolph Carnap e A. J. Ayer, qui videva que qualcunque discussion super Deo e necessarimente considerationes super si uno pote saper que Deo existe es simplemente nonsenso, esserea computate como agnosticos. Le tradition de libere pensamento del atheismo denomina le agnosticismo, usate in iste senso, atheismo negative.

Le termino ha multe usos, totevia, le majoritate in disaccordo fundamental con le alteres. Un alternativa primo suggerite per Huxley dice: In questiones de intellecto, seque tu ration usque a ubi illo te portara, sin tener in conto qualcunque altere consideration. E negativemente: In questiones de intellecto, non finge que le conclusiones que non es demonstrate o demonstrabile es certe (Huxley, Agnosticismo, 1889). A. W. Momerie notava que isto es nihil plus que un definition de honestitate. Le definition usual de Huxley vadeva ultra le mer honestitate, totevia, e ille insisteva que iste questiones metaphysic esseva fundamentalmente incognoscibile.

Le opiniones agnostic es tanto vetule como le scepticismo philosophic. Mais le terminos agnostic e agnosticismo esseva applicate per Huxley pro summarisar su pensatas del disveloppamentos del metaphysic de ille tempore super le inconditionate (Hamilton) e le incognoscibile (Herbert Spencer). Es importante, per consequente, discoperir le proprie opiniones de Huxley super le question. Ben que Huxley comenciava a usar le termino agnostic in 1869, su opiniones habeva prendite forma alcun tempore ante ille data. In un littera a Charles Kingsley (23 de septembre 1860) ille discuteva su opiniones extensivemente:

E de nove, al mesme correspondente, in 6 de maio 1863:

Super le origine del nomine agnostic pro describer iste attitude, Huxley dava (Coll. Ess. v. pp. 237–239) le sequente reporto:

Uno crede que le agnosticismo de Huxley sia un consequentia natural del conditiones intellectual e philosophic del decade de 1860, quando le intolerantia cleric tentava supprimer le discopertas scientific que appareva pro confliger con un lectura litteral del libro Genesis e altere doctrinas christian stabilite. Uno non debe, totevia, confunder le agnosticismo con deismo, pantheismo o altere formas positive scientific de theismo.

Pro crear le termino agnostic, Huxley tomava le suggestion de David Hume e Immanuel Kant. Huxley diceva que ille inventava le termo pro describer lo que ille considerava haber tornate le unic inter su collegas pensatores:

Le parola agnostic veni al mente, ille dice, proque le termo esseva suggestivemente antithetic al termo 'gnostic' del historia del religion, que professava cognoscer tanto plus del exacte cosas del que io esseva ignorante... Huxley pareva haber intentionate que le termo significava que metaphysica es, plus o minus, equivocate. In summa, ille pare haber concordate con le conclusion de Hume al final de Un Investigation Concernente Human Comprehension:

Le obra de Kant, Critica del Rationamento Pur resolvite alicun del principal subjectos epistemologic levantate per Hume, sed ab le expensas de rejectar le possibilitate de cognoscer qualcunque cosa alem {?} de apparentias de phenomenos. Nos non pote cognoscer Deo, sed le idea de Deo es un necessitate practic, accordante con Kant.




#Article 26: Antillas Nederlandese (136 words)


Usque 2010, le Antillas Nederlandese esseva un parte autonome del Regno del Paises Basse in le Mar Caribe.

Illo consisteva del insulas Aruba (usque 1986), Bonaire e Curaçao, proxime al costa de Venezuela, e al nord, in le Parve Antillas, le insulas de Sancte Eustatio e Saba e le parte meridional del insula de Sancte Martin (le nord pertine al departimento francese de Guadeloupe). Aruba faceva originalmente parte del Antillas Nederlandese, ma separava de illo in 1986 devenir un entitate autonome aparte.

In 2010 se dissolveva le Antillas Nederlandese. Aruba, Curaçao e Sancte Martin son hodie tres del quatro «paises constituente» del Regno del Paises Basse (le quarte pais es le Paises Basse europee). Bonaire, Sancte Eustatio e Saba son municipalitates special del Pais Basse, cognoscite collectivemente como le insulas BES o le Pais Basse Caribe.




#Article 27: Aruba (135 words)


Aruba es un insula sur le Mar Caribe. Illo es un parte autonome del Regno del Paises Basse. Usque a 1986 illo esseva parte del territorio del Antillas Nederlandese.

Discoperite per le explorator espaniol Alonso de Ojeda in 1499, Aruba esseva acquirite per le Paises Basse in 1636. Illo formava parte del Antillas Nederlandese usque 1986; desde iste data illo es un territorio non metropolitan del Paises Basse, con su proprie camera legislative, e postea un pais constitutive del Regno del Pais Basse equal al Pais Basse europee, a Curaçao e a Sancte Martin (parte nederlandese).

Le chef de stato es le actual monarcha del Paises Basse, qui es representate in Aruba per un governator, eligite pro un periodo de sex annos. Le prime ministro forma, insimul con le Consilio de Ministros, le poter executive.




#Article 28: Africa del Sud (483 words)


Le Africa del Sud es un republica situate al puncto meridional de Africa. Illo adjace a Namibia, Botswana, e Zimbabwe al nord, e a Mozambique e Eswatini al nord-est. Lesotho es un enclave. Illo posseda 2 798 km de costas al bordo del Oceanos Indian e Atlantic.

Le Africa del Sud es ben cognite pro su diversitate cultural e linguistic. Dece-un linguas official son recognite in le constitution, de que duo son de origine europee (a saper le anglese e afrikaans, ramificationes germanic del familia indo-europee) e le nove alteres son de origine african (del branca bantu del familia nigero-congolese). Le anglese joca un rolo preponderante in le vita public e commercial del pais, ben que sia solmente le sexte lingua parlate a domo (post le linguas zulu, xhosa, afrikaans, pedi e tswana) secundo le censo de 2001.

Le grande majoritate del population (79,5%) es african «nigre», divise inter plure gruppos ethnic, de qui le zulus e xhosas son le plus populose. Le Africa del Sud contine le communitates le plus grande de personas europee («blanc», 9,2% del population sudafrican), mesticie («colorate», 8,8%) e asiatic (primarimente indian, 2,6%) in Africa.
Circa le quarte parte del population es 
desempleate e survive con minus de 1,25 $ american pro jorno. Nonobstante, su economia es un del plus grande del Africa. Le ricchessas del pais son distribute multo inequalmente. Le polos urban de Cape Town, Port Elizabeth, Durban e Johannesburg/Pretoria es assatis avantiate economicamente, ma altere regiones stagna in pauperitate relative. Le Africa del Sud es le octave pais exportator del vino le plus importante del mundo. Le sector turistic cresce e es ja importante, gratias al grande beltate natural del pais, su infrastructuras relativemente disveloppate e su interesse cultural.

Le Africa del Sud es un republica democratic e constitutional de que le capite del stato (le Parlamento) depende del majoritate del parlamento. Illo es un membro fundator del Union African e possede le economia le plus magne de tote le membros. Es anque un membro fundator del ONU e del NEPAD e un membro del Commonwealth de Nationes, le Systemo del Tractato Antarctic, le Gruppo de 77, le Zono de Pace e Cooperation del Atlantico Sud, le Union Doaner de Africa Austral, le Organisation Mundial del Commercio, le Fundo Monetari International e le G20. Le Africa del Sud es le pais le plus populose del mundo habente legalisate le maritage homosexual trans su territorio integre.

Le sports le plus popular del Africa del Sud son football, rugby a 15 e cricket. Le Cuppas del Mundo de tote iste sports ha habite loco in le Africa del Sud: cello de rugby in 1995, cello de cricket in 2003, e cello de football in 2010. Le equipa national de rugby a 15 del Africa del Sud ganiava le Cuppa del Mundo in 2007, e disputa cata anno le tornamento del Tri Nations con Australia e Nove Zelanda.




#Article 29: Anglicanismo (139 words)


Anglicanismo [an-gli-ka-nís-mo] designa un communion de ecclesias christian que se defini como reformate e catholic in mesme tempore. Iste ecclesias son historicamente derivate del Ecclesia de Anglaterra; le Archiepiscopo de Canterbury remane usque hodie le capite symbolic del Communion Anglican. In le passato, emphases characteristic includeva le recognoscentia del relation inter liturgia e theologia, e un emphase super le importantia del doctrina del incarnation. Ecclesias anglican ha preservate le succession apostolic e un governamento episcopal.

Il ha actualmente 38 provincias del Communion Anglican; cata un representa un corpore ecclesiastic national independente. Ecclesias anglican son in plen communion con un gruppo de ecclesias lutheran del Europa (con quales le anglicanos forma le Communion de Porvoo), con le Union de Utrecht (principal formation de Vetule Catholicos), con le Ecclesia Philippin Independente e con le ecclesias indian Mar Thoma e malabar independente.




#Article 30: Allergia (103 words)


Un allergia es un hypersensitivitate a certe substantias que normalmente causa poc o nulle irritation in personas sin iste sensitivitate. Substantias que pote causar allergias se appella allergenes. Il ha centennios de allergenes, ma le plus commun de istos es le polline de arbores, le pulvere, le pilo de animales, alcun alimentos, drogas o medicinas, tincturas, cosmeticos e substantias chimic. Le symptomas le plus commun es le paroxysmos de sternutamento e congestion nasal, respiration asthmatic, irritation del pelle e le eruption or manifestation de ampullas. Etiam illos pote causar vomitos, diarrhea, crampos abdominal, dolores de capite, exanthema (eruption del pelle) e altere symptomas.




#Article 31: Apologetica (126 words)


Le limites que divide le conceptos de apologia e apologetica non es ben definite. Celebre es le apologetas del ecclesia antique, inter le quales, p. ex. Aristide e Justino que elevava le apologia al genere litterari theologic.

Le apologetica classic o apologetica evidentialista es le schola traditional de apologetica. Cognoscite alsi como “Apologetica evidentialista”. Illo insenia que le veritates christian pote esser demmostrate per le exposition de probas objective. Contrasta con apologetica presuppositionalista.

Le apologetica presuppositionalista es le schola de apologetica disveloppate per Cornelius van Til. Illo repulsa le apologetica classic, e insiste sur le facto que argumentos fructuose pro establir le veritate del christianismo pote esser facite solmente per identificar le presuppositiones de un persona e in proponer le presuppositiones correcte. Contrasta con: apologetica classic.




#Article 32: Atheismo (785 words)


Atheismo (ab le greco: a- (sin o non) e theismo, le credentia in un deo o deos) es le stato de esser sin credentia in un deo o deos.

Qualcunque persona qui non crede in le existentia de un deo o deos es un atheo o atheista (ambe parolas son in le IED) — includente illes qui affirma que deos non existe e illes qui, pro qualcunque ration, non face qualcunque affirmation a proposito del existentia de deos. In le uso moderne, reflectite in le majoritate del dictionarios, atheismo es le assertion que deos non existe, o que le existentia de deos ha un probabilitate infinitesimal. Le atheismo non es synonyme de irreligion; le idea de un universo eterne non create es un importante concepto in alcun religiones e assi il es possibile esser multo religiose e multo athee.

Le termino agnosticismo (cuneate per T. H. Huxley in 1869) describe un forma de scepticismo philosophic in le qual le existentia de deos es considerate inverificabile o in le qual le investigation de un tal existentia es considerate improductive.

Alcun autores, particularmente in Internet, usa le termino atheismo forte (o explicite) pro le negation del existentia de deos, e atheismo debile (o implicite, o blande) pro le mer manco de credentia, sin le negation active de deos. In le tradition del pensamento libere, le terminos analoge es atheismo positive e negative. In iste schema, le agnosticismo representa un rationamento pro le atheismo debile. Totevia, necun de iste terminos es in uso commun.

Le Encyclopædia Britannica estima que circa 2,5% del population mundial se considera athee. Le personas ha un tendentia plus considerabile, circa 12,8%, a considerar se irreligiose. Le atheismo es aliquanto plus prevalente in Europa e Russia que in le Statos Unite e paises in disveloppamento. Per exemplo, secundo un , 33% del adultos francese dice que athee defini lor position quanto a religion satis o multo ben.

Atheos qui exprime apertemente lor opiniones ha essite frequentemente maltractate, ostracisate, discriminate, o, in alcun paises, assassinate. Pro iste ration, es possibile que le atheismo es plus prevalente que le inquestas suggere, proque le personas pote esser reluctante a exprimer lor opiniones real. Illes qui tene opiniones theista frequentemente considera que illes qui non crede in Deo debe esser immoral o indigne de confidentia — improprie como membros del societate. Le scripturas del religiones abrahamic e de alcun alteres contine denunciationes de non credentes. In le medievo europee, le atheismo esseva considerate immoral, a vices mesmo criminal; le atheos poteva esser condemnate al morte per combustion, super toto in paises ubi le Inquisition esseva active. Ben que le Protestantismo suffreva de discrimination e persecution per le Ecclesia Catholic Roman, Johannes Calvin tamben favorava le combustion de atheos e hereticos.

Del altere latere, le atheismo ha essite a vices le postura official de alcun paises, como le ancian Union Sovietic, le paises ex-socialista del Europa del est ante 1989, e le Republica Popular de China. Karl Marx, un atheo, scribeva que le religion es le opium del massas e es nocive al societate, proque illo incoragia que le laboratores accepta le ordine social currente. Doctrinas marxista a parte, le statos communista pote haber trovate convenibile discoragiar le religion a fin de debilitar nucleos de opposition al stato. In le Union Sovietic e le Republica Popular de China, ecclesias que se submitteva al controlo statal esseva tolerate.

Tote disveloppamento militar in le Statos Unite desde le Secunde Guerra Mundial ha essite accompaniate per le uso frequente del mystification Il non ha atheos in trencheas. Durante le Guerra Frigide, le facto que le antagonistas communista del Statos Unite esseva officialmente athee contribueva al vision que le atheos esseva indigne de confidentia e antipatriotic. In le campania presidential de 1987 in le Statos Unite officialmente secular, George H. W. Bush diceva : Io non sape si le atheos debe esser considerate citatanos, ni si illes debe esser considerate patriotas. Iste es un nation sub Deo. Declarationes similar esseva facite durante le controversia involvente le inclusion del phrase sub Deo in le Pledge of Allegiance (Juramento de Fidelitate) american, parolas que esseva includite in le juramento in le initio del periodo del Guerra Frigide.

Malgrado le attitudes del Guerra Frigide, le atheos es protegite per le lege contra discrimination in le Statos Unite, e illes ha essite inter le plus vehemente campiones del separation juridic inter ecclesia e stato. Le cortes de justitia american ha interpretate con frequentia, ma controversemente, le requirimento constitutional de separation inter ecclesia e stato como le protection del non credentes, assi como le prohibition del stabilimento de qualcunque religion particular. Le situation juridic es frequentemente summarisate per le phrase: Libertate de religion significa tamben libertate ab religion. 




#Article 33: Amor (323 words)


Amor indica un sentimento de affection e attaccamento verso un esser o un cosa, que impelle celles qui lo senti a cercar un proximitate, sia physic sia spiritual sia mesmo imaginari, con le objecto de iste amor, e a adoptar un comportamento particular (plus o minus rational) in consequentia. In su uso le plus typic, amor indica un profunde sentimento de teneressa verso un persona. Il ha multe typos de amor secundo le objecto (ipse, altere personas, materiales, lo divin) e le maniero de amar (platonicamente, spiritualmente, romanticamente, sexualmente). Alsi, le verbo amar pote indicar un grande varietate de sentimentos, statos e comportamentos, incluente un placer general associate a un objecto o activitate («io ama chocolate», «io ama dansar») e un attraction profunde o intense pro un o plure personas («io ama mi sposa», «io ama mi infantes»). Iste diversitate de usos e significationes del parola lo face difficile a definir de maniero unificate e universal.

Amor in su diverse formas age como un factor major in relationes social e occupa un placia central in psychologia human. Pro iste rationes, es equalmente uno del themas le plus currente in le artes.

Inter le symbolos le plus recognite del amor es le corde stilisate. Multe culturas ha un o plure divinitates qui preside al amor. Aphrodite (mythologia grec), Venus (mythologia roman), e Freya (mythologia teutonic) son le deas principal de amor. Le deo roman Amor/Cupido coadjuva su matre Venus e face le mortales inamorar se per flechar les.

Un persona sentiente amor romantic verso un altere es considerate como inamorate. Le actos per quales personas inamorate exprime su affectiones pote variar secundo le cultura, tempo, conditiones social, etc. Illos pote incluer litteras romantic, promissas de fidelitate, rendez-vous, basios, imbraciamentos, caressas, gemimentos, coito (un acto que pote anque esser designate como facer amor), maritage, etc.

On characterisa a vices personas como heterosexual, bisexual, o homosexual secundo le objectos (actual o potential) de lor amor sexual.




#Article 34: Anatomia (514 words)


Anatomia (ab le greco anatome, de ana-temnein, excisar), es le branca del biologia que tracta del structura e le organisation del cosas vivente; assi il ha le anatomia animal (zootomia) e le anatomia vegetal (phytotomia).  Le major brancas del anatomia include le anatomia comparative e le anatomia human.  Le anatomia animal pote includer le studio del structura de differente animales, nominate anatomia comparative o morphologia animal, o illo pote esser limitate a un animal solmente, e es nominate anatomia special (o anatomia specialisate). Desde un puncto de vista utilitari le studio del Homine es le plus importante division del anatomia special, e iste anatomia human pote esser approchate per differente punctos de vista. De illo del medico illo consiste del cognoscentia del forma exacte, position, talia e relation del varie structuras del san corpore human, e a iste studio es date le designation descriptive de anatomia topographic, non obstante illo es sovente, cognoscite per le pejor termino de anthropotomia.

Le cognoscentia exacte de omne le detalios del corpore human tarda annos de observation patiente pro obtener e illo es possedite solmente per pocos. Tanto intricate es le corpore human que solmente un parve numero de anatomistas human professional son complete maestros de omne su detalios, e le majoritate de illes se specialisa in certe partes, como le cerebro, visceres, etc.; contentante se con un adequate cognoscentia general del resto.  Le anatomia topographic debe esser apprendite per cata persona mesme per le dissection repetite e le inspection de un cadavere. Illo pare non plus un scientia que le cognoscentia de un pilota, e como ille cognoscentia, illo debe esser exacte e disponibile al momentos de emergentia. Desde le puncto de vista morphologic, tamen, le anatomia human es un studio scientific fascinante, habente pro su objectivo le discoperta del causas que ha apportate le structuras existente al homine, e lo que require un cognoscentia del scientias connectite como embryologia o ontogenia, phylogenia, e histologia.

Le anatomia pathologic (anatomia morbide o pathologia anatomic) es le studio de organos malade o infecte, durante que sectiones del anatomia normal, applicate a altere propositos, recipe nomines special como anatomia medic, anatomia chirurgic, anatomia gynecologic, anatomia artistic e anatomia superficial.  Le comparation del anatomia del differente racias del humanitate es parte del  anthropologia physic o anatomia anthropologic. Hic le thema del anatomia se tracta systematicamente in vice de topographicamente.

Cata articulo anatomic contine primo un description del structuras de un organo o systema (como le nervos, le arterias, le corde, etc.), assi como se trova in humanos; e illo es sequite per un description del developpamento o embryologia e anatomia comparative o morphologia, in quanto concerne animales vertebrate; ma solo ille partes del animales basse que son de interesse in explicar le structuras human se describe.  Le articulos ha un proposito duple; primo, dar bastante detalios del structura human pro facer le articulos super physiologia, chirurgia, medicina e pathologia intelligibile; e secundo, dar al lector non experte, o al laborator in qualque altere branca scientific, le theorias basic super le quales se funda le moderne anatomia scientific.

(*) plus clinicamente scripte




#Article 35: Apocryphos (179 words)


Apocryphos (del greco Απόκρυφα, apokrypfa) originalmente, isto esseva le definition de scriptos celate, secrete, que non esseva legite in le assemblea cultual public. Quando pois se consolidava le concepto de canone del scriptos biblic, le termino apocryphos assumeva un certe nuance negative in le senso de non-canonic. Generalmente se tracta de libros que non ha le mesme contento del Sacre Scripturas, ma que es bon e edificante al lectura.

Es parte del apocryphos del Ancian Testamento (secundo le catholicos roman) 3 Maccabeos, 4 Maccabeos, 4 Esdra; Odes de Salomon, Precaria de Manasseh. Le protestantes include le Deuterocanonic: 1 Maccabeos, 2 Maccabeos, Judith, Tobith, additiones a Esther, le dictos de Jesus ben Sirach (Ecclesiastico o Siracide), Sapientia de Salomon, Libro de Baruch (e Littera de Jeremiah), additiones a Daniel.

Con le termino Apocriphos del Nove Testamento, se intende ille scriptos, que surgeva in le ecclesia antique, que revela affinitates al scriptos canonic neotestamentari, illo es, evangelios, actos del apostolos, epistolas apostolic, le scriptos del si-dicite Patres apostolic (p. ex. le Evangelio de Thomas, Apocalypse de Petro, Epistola de Barnaba, etc.).




#Article 36: Arminianismo (142 words)


Le arminianismo [ar-mi-nia-níz-mo] es un systema theologic que prende su nomine de Jacobus Arminio, theologo nederlandese (1560-1609). Ille poneva in question le doctrinas fundamental del calvinismo (p. ex. Le predestination) e emphatisava le libertate human a responder al vocation evangelic. Illo denega le gratia irresistibile e substitue le election inconditionate con le Election presciente.

Le doctrina de election presciente es le doctrina del election, per le qual Deo seligerea personas al salvation in prevision del futur selection que illes facera de Ille.

Le doctrina de election inconditional es le doctrina del election, le qual assere que Deo selige personas al salvation sur le base de Su voluntate soveran, sin referentia a previdite meritos, comportamento, o selection human.

Le election divin es le selection facite per Deo de qui debera esser salvate; le selection operate per Deo de plure humanos pro le salvation.




#Article 37: Augustino de Hippona (119 words)


Augustino de Hippona (nomine in latino, Aurelius Augustinus) (354-430 E.C.) esseva le episcopo de Hippona in Africa del nord. Benque ille esseva educate como un christiano per su matre credente, Augustino deveniva un atheo durante su juventute. In 387 E.C. ille esseva baptisate in le christianismo, ma durante plure annos sequente, ille sequeva le heresia del Gnosticismo. Plus tarde in su vita Augustino retornava al christianismo orthodoxe. Consacrate episcopo in 396, ille deveniva un del plus grande theologos e scriptores del Ecclesia antique, e su influentia permane usque hodie. E Luther e Calvin esseva inspirate per le introspectiones theologic de Augustino. Le Ecclesia catholic roman le venera como sancto.

Le  augustinismo  es un termino usate in duo sensos principal. 




#Article 38: Anagnorisis (404 words)


Le anagnorisis (del grec antique ἀναγνώρισις

le discoperta per un personage re datos essential pro su identitate,
re su esseres amate o su milieu, occulte pro ille usque iste momento. Le
revelation altera le conducta del personage e le obliga a facer se un
idea plus exacte re se ipse e re lo que le circumfere.

Le termino
esseva utilisate por le prime vice per Aristoteles in su Poetica.
Ben que le anagnorisis es un ressource frequente in multe generos,
Aristoteles lo describeva in relation con le tragedia classic grec,
con lo que illo es associate per modo special.

Aristoteles, le momento ideal por le anagnorisis tragic es le
peripetia (giro del fortuna): in su momento central, toto se revela e
deveni clar al protagonista, con effectos quasi sempre demoliente.
Per exemplo, le discoperta per parte de un heroe tragic re alcun
veritate re se ipse, altere personas, o alcun actiones implica que,
nunc que ille lo sape, tote le trama cambia de direction como
resultato de su reaction a le notitias. Le revelation de iste
veritate (que ja era un facto, ma le protagonista ignorava) cambia le
perspectiva e le reaction del heroe, qui se adapta acceptante su
destino e in consequentia adjutante a que illo occurre.

Un exemplo
classic de anagnorisis in le tragedia grec se trova in Edipo Rege
per Sophocles, quando Edipo
discoperi que le persona que
ille habeva occidite era su patre e que su sposa es su matre. Un caso
specialmente emotive es le de Agave al final de Le
Bacchantes de Euripides, qui
arriva a Thebas con lo que illa crede es le capite de un bestia in su
mano. A mesura que le Deo Dionysio se va retirante de su esser, illa
comprende que se tracta de su proprie filio, Pentheus, a qui illa e
le altere bacchantes ha dispeciettate in un orgia de sanguine.

le comedia grec, le anagnorisis es anque un ressource frequente: in
le obras de Menandro e su imitatores latin, abunda le personages qui
ha essite abandonate quando illes esseva ancora pueros e illes son educate
como membros de un classe social inferior. Al inciper un relation con
un personage nobile, lor origine humile suppone un obstaculo; al
final del obra, on discoperi per alcun indicio (un marca de
nascentia, un objecto personal que le matre lassava juxta le baby) su
ver identitate, e le copula pote unir se felicemente in maritage.




#Article 39: Abana (289 words)


Abana [a-bá-na] es le nomine biblic del fluvio que passa per Damasco, in Libano, identificate hodie con le Nahr Barada, que nasce in le montanias del Anti-Libano, al nord west de Damasco. Illo es un del duo fluvios de Damasco al que alludeva Naaman, commandante del exercito syrie, quando minuspreciava le instructiones de Eliseo de baniar se in le aquas del Jordan pro curar se del lepra in 2 Reges 5:12.

A iste fluvio normalmente se identifica le Nahr Barada (), que nasce in le montanias del Anti-Libano, al nord west de Damasco. Depois de transversar le montanias, sorti de un gorga (fauce o stricto) que se trova justo al west de iste citate, cursa le parte septentrional de illo e se ramifica in varie directiones, rigante un amplie zona ante de perder se in le meremmas que se trova al est de Damasco. Su aquas, usate pro irrigar campos e verdieros per medio de canales e conductos, crea un extense oasis de exuberante vegetation. Ben se pote dicer que Damasco debe su existentia al Barada. Per multe tempore illo ha proviste le aqua pro le cisternas, fontes e banios del citate, per lo que le scriptores classic lo appellava le fluvio auree (Chrysorrhoas). Assi que le elevate opinion de Naaman super iste fluvio pare esser ben fundate.

In le margine del Texto Masoretic e in le Version Peshitta syriac se emplea le parola Amana in vice de Abana in 2 Reges 5:12. Multe traductiones usa le expression Amana in le Cantico del Canticos 4:8, le qual, secun credentia, face referentia al montanias del Anti-Libano, ubi se trova le nascentia del mentionate fluvio. Assi que il es possibile que le fluvio prendeva le nomine del montanias ubi illo nasceva.




#Article 40: Prefectura Arcadia (157 words)


Arcadia ([ar-ká-di-a]; ) es un region del Peloponneso que le poetas classic convertiva in le terra del innocentia e le virtute. Illo es metaphoricamente le loco primordial del felicitate, por exemplo in le Eclogas de Vergilio (scripte in le prime seculo ante le Era commun) o le Arcadia de Jacopo Sannazaro (1504).

Le Arcadia contemporanee es un prefectura () de Grecia cuje limites non corresponda exactemente a cellos del antiquitate. Arcadia ha hodie un extension litoral (le provincia de Cynuria, apud Leonidio) ma non imbracia su antique section septentrional sub Monte Cyllene (apud Pheneo, in le Corinthia moderne). Iste punctos importa pro que le Arcadia de litteratura classic es un pais terranee de pastores montan, e Monte Cyllene es famose como le loco arcadian del nascimentos de Hermes (Mercurio) e Pan in mythologia grec.

Le prefectura moderne compta 100'611 habitantes secundo le datos de 2005. Le sede del prefectura es Tripoli, un urbe parve de 28'976 habitantes.




#Article 41: Argentina (725 words)


Argentina, officialmente le Republica Argentin, es un Stato soveran, organisate como Republica representative e federal, situate in le extremo sud-est de America del Sud e forma parte de America Latin. Su territorio es dividite in provincias e un citate autonome, Buenos Aires, capital del nation e sede del governamento federal. Argentina ha indices de disveloppamento human, renta per capita e qualitate de vita, que se incontra inter le plus altes de America Latin.Secundo le Banco mundial, su PBI nominal es le 27º plus importante del mundo, ma si on considera le poter acquisitive su PBI total transforma le pais in le 22º economia plus importante del mundo. In 2010, Argentina esseva classificate como un pais de receptas median-alte o como un mercato emergente, anque per le Banco Mundial.

Per su extension, 2.780.400 km², illo es le secunde stato plus grande de America latin, quarte in le continente american e , considerante solmente le superficie continental subjecte a su soveranitate effective. Si on considera le Insulas Malvinas, Insulas Georgias del Sud, Insulas Sandwich del Sud e Insulas Aurora (administrate per le Regno Unite ma de soveranitate in litigio con le Argentina), plus le zona antarctic reclamate al sud del parallelo 60° S, denominate Antarctica Argentin (que include le insulas Orcadas del Sud e insulas Shetland del Sud), le superficie total se elevarea a 3 761 274 km², convertente se in le septime pais plus grande del mundo. Nonobstante, iste reclamation es affectate per illo que es establite in le Tractato Antarctic, sin que su signatura constitue un renunciation.

Su superficie continental american, que circumfere un grande parte del Cono Sur, es limitate al nord con Bolivia e Paraguay, al nord-est con Brasil, al este con Uruguay e le Oceano Atlantic, e al sud e westcon Chile.

Le venerdi 25 de maio 1810 esseva deponite le ultime vicerege espaniol qui governava desde Buenos Aires, organisante se le Prime Junta de governamento, e le martedi 9 de julio 1816 esseva proclamate formalmente in Tucumán su independentia como pais libere e soveran.

Le nomine «Argentina» proveni del latino argentum («Argento») y es associate con le mytho del Montanias del Argento, commun inter le prime exploratores europee del region, e espanioles e portugeses. Iste ultimes esseva qui denominava Rio da Prata («Río de la Plata») al grande estuario discoperite per le expedition portugese in 1502 in le qual participava Américo Vespucio e a ubi postea arrivava Juan Díaz de Solís in 1516, appellante lo Mar Dulce. 

Le nomine esseva mentionate le prime vece in le poema publicate en 1602 per le espaniol Martín del Barco Centenera intitulate La Argentina e conquesta del Río de la Plata, in le qual se describe le region del Río de la Plata e anque le fundation del citate Buenos Aires.

Le toponymo appare ratificate quando se publica in 1612 le obra Le Argentina manuscripte de Ruy Díaz de Guzmán, obra de historia in le qual, in medio de un conto epic, il ha un description del region. Al final del seculo XVIII, le parola esseva de uso commun pro denominar tote le pertinente con le Río de la Plata, su bassino, su superficie e su population, ma le viceregno create in 1776, antecedente immediate del pais independente in 1816, porta le nomine de «Viceregnato del Río de la Plata».

Le Prime Junta de Governamento utilisava le nomine de Provincias Unite del Río de la Plata, que esseva anque empleate per le governamentos sequente usque que, in 1816, le Congreso de Tucumán proclamava le independentia del Provincias Unite in America del Sud, nomine que se manteneva in le Constitution de 1819.

Officialmente, se utilisava le prime vice le denomination Republica Argentina in l Constitution de 1826. Durante le governamento de Juan Manuel de Rosas (1835-1852) se utilisava, inter alteres, le nomines de Confederation Argentin, Republica del Confederation Argentin e Federation Argentin.

Le Constitution Argentin de 1853 esseva sancite in le nomine del populo del Confederation Argentin, ma quando le Stato de Buenos Aires esseva incorporate, in 1860 esseva cambiate per Nation Argentin e se incorporava le articulo 35: 

Le 8 de octobre 1860, in la citate Paraná, in ille tempore capital del Confederation Argentin, le presidente Santiago Derqui decretava que: 

Le nomine esseva confirmate decisemente in 1862 per Bartolomé Mitre, prime presidente del pais reunificate, quando ille utilisava le titulo de Presidente del Nation Argentin.




#Article 42: Arne Garborg (121 words)


Arne Garborg (Aadne Eivindsson Garborg) (Time, Norvegia, 1851 – 1924).

Poeta norvegian, novelista, e reformator del lingua norvegian. Nascite al citate de Time. Ille scribeva libros de poemas e tractos in le promotion del cultura norvegian. Ille es cognoscite in le campo del linguistica pro su publication, in 1877, del magazine Fedraheim, in le qual ille promoveva le adoption de un lingua litterari in Norvegia, (basate sur le Antique Norse e nominate Landsmål). Ille anque promoveva le folklore norvegian, su costumes traditional e su dansas. In in 1878 ille publicava duo series de poemas lyric, e novellas religiose Un Pensator Libere, in 1878, e Animas Fatigate in 1891, tunc in 1887 ille publicava Le Nove Lingua Norvegian e le Movimento National.




#Article 43: Biologia (226 words)


Le biologia (scientia del vita; ab le greco βιολογία, componite de bió(s), vita, e lógos, derivate de lógein, discuter, rationar, studiar) es le scientia que studia tote materia vivente in tote su formas e phenomenos, relativemente al organismo o gruppos de organismos vivente. 

Le biologia, in le senso large, tracta del studio del esseres vivente, plantas e animales, in tote lor aspectos.

Illo es un branca del scientias natural que studia le vita de tote le punctos de vista:

Le classificationes del esseres vivente es multo numerose, del division traditional in duo regnos (animales e plantas), stabilite per Carl von Linné in le seculo 18, al propositiones actual del systemas cladistic con tres dominios (bacterios, archeos e eucaryotes) comprendente inter se mesme plure regnos.

Un classification traditional, acceptate pro su utilitate ben que illo non es completemente natural, divide le esseres vivente in cinque regnos:

Monera, Protista, Fungi, Plantae, Animalia.

Alicun organismos es le objecto del biologia, mesmo si le majoritate del biologos non los considera esseres vivente. Illos include le viruses, viroides, e priones.

Zoologia, Botanica, Microbiologia, Bacteriologia, Mycologia, Taxonomia, Paleontologia, Physiologia, Biophysica, Biochimia, Biologia molecular, Biologia cellular, Cytologia, Biologia structural, Genetica, Anatomia, Biotechnologia, Biología del disveloppamento, Biologia marin, Ecologia (Symbiologia, Autecologia), Ethologia, Evolution, Immunologia, Maladias infectiose (Pathologia, Epidemiologia), Virologia, Oncologia (le studio del cancere), Toxicologia (le studio de venenos e pollution), Parasitologia, Ontogenia, Phylogenia.




#Article 44: Buddhismo (1768 words)


मिच्छापनिहितं चित्तं पापियो नं ततो करे ॥

Diso disaṃ yaṃ taṃ kayirā verī vā pana verinam,
Micchāpanihitaṃ cittaṃ pāpiyo naṃ taṃ kare.

Qualcunque mal que un inimico face a un inimico o un rancoroso a un rancoroso,
un corde mal dirigite face un mal ancora plus grande.
(Dhammapada, «Cittavaggo tatiyo» Versettos super le corde, versiculo 42)

Le buddhismo es le religion e philosophia athee fundate sur le inseniamentos de Gautama Siddharta (in sanskrit; in pali, Gotama Siddhattha), un propheta indian qui viveva inter circa 563 e 483 aEC. Iste religion se originava in India, e se diffundeva gradualmente a tote Asia, a Asia Central, Tibet, Sri Lanka, sud-est asiatic, e anque le paises del est asiatic China, Corea, e Japon.

Buddha es un parola in le ancian linguas pali e sanskrit que significa le eveliato. Illo es relate al parola proto-indoeuropee bodhi que significa eveliar.

Secundo le legenda, le futur Buddha, Siddhartha Gautama, nasceva circa le seculo 6 aEC in le nord-west de India in lo que ora es le provincia de Bihar. Su patre esseva un rege, e Siddhartha viveva un vita de luxo, sin difficultates. Le legendas dice que un vidente prediceva que Siddhartha devenirea o un grande rege, o un grande sacerdote, e assi le rege probava facer que Siddhartha nunquam esseva insatisfacte. In despecto de isto, al etate de 29 annos, escortate per su attendente Channa, ille videva lo que nos appella le Quatro Visiones de Passar: un stropiato vetule, un homine malade, un cadavere in decomposition, e al fin un sacerdote viagiante. Iste quatro visiones, como on los appella, le causava saper que vetulessa, madadia e morte veni a totos, non solo un vice mais repetite de vita in vita in succession per eras innumerabile. Ille abandonava su vita mudan, su marita e infante, su privilegio, nobilitate, casta, e assumeva le vita de un sacerdote viagiante pro cercar le responsa al question de vetulessa, maladia, e morte. On dice que ille lassava su casa al medie-nocte, pausava pro vider su familia un ultime vice, e non retornava ibi per un tempore longissime. Sacerdotes indian (sadhus), in le tempore sue como in le nostre, practicava un varietate de disciplinas ascetic designate a mortificar lor carne — on pensava que per supportar pena e suffrentia, le atman o anima deveniva libere del cyclo de renascentia in pena e dolo (isto esseva un forma primitive de Hinduismo).

Siddhatha esseva adepte a iste practicas, e superpassava su mentores. In despecto de isto, ille non trovava un responsa a su problema e, relinquente su mentores, ille e un parve gruppo de companiones vadeva avantiar lor austeritates. Ille deveniva un skeleto coperite de pelle, supervivente con un sol grano de ris per die, e practicava le prisa de su respiration. Post quasi affamar se al puncto de morte, Siddhartha commenciava reconsiderar su via. A iste tempore ille rememorava un momento in su infantia in le qual ille observava su patre initiar le aratura del station, e ille cadeva in un stato natural concentrate e focalisate in le qual tempore pareva star, le qual le faceva beate e refrescava. Forsan iste fornirea un alternativo al mortification?

Ille prendeva un poco de lacte de butyro de un caprero passante, e trovava un grande arbore (alora appellate le Abore de Bodhi) sub le qual ille serea protegite del calor del sol estive, e commenciava meditar. E iste nove methodo de practicar tosto esseva fructuose. Su mente deveniva concentrate e pur, e alora, post sex annos de cercar, ille attingeva le illumination, e deveniva un Buddha. Isto significava que ille habeva discoperite un via a esser libere del penas de iste mundo.

Historicamente, il ha alcun problemas con iste historia: primo, il ha altere historias de su vita que es un poco differente — un altere historia dice que Siddartha sortiva de casa in su juventute, e con su parentes lamentante e lacrimante. Secundo, nos sape que le pais de Magadha in le qual ille viveva in ille tempore esseva un republica oligarchic, e assi il non habeva un familia regal. In despecto de isto le historia ha poter e su exactitude historic non es essential a su habilitate de inspirar le buddhistas durante duo millennios e medie.

Un Buddha es un esser human que se ha evelitate al natura essential del mundo, cuje vision a in le natura de realitate le ha transformate totalmente. Un Buddha non es un deo, e deos non joca un rolo importante in le Buddhismo. Buddha es un titulo e non un nomine personal. De facto, omne scholas de Buddhismo recognosce plure Buddhas e in le passato e in le futuro.

Un Buddha es un persona que ha (re)discoperite le principios per le quales le vetulessa, le maladia, e le morte, e tote le pena del mundo pote esser superate definitivemente. Iste principios es cognoscite como le Buddhadharma, o simplemente le Dharma. Ben que le Dharma ipse existe foras del tempore e del spatio, le cognoscentia del Dharma pote esser (e es) perdite. Omne personas pote attinger lo que le Buddha attingeva — independentemente de etate, sexo o casta. Ben que, proque un Buddha es uno qui lo rediscoperi, per su proprie effortio e sin un mentor, illes es reguardate como superior a illes qui les seque.

Le fide buddhic se centra circa tres joieles preciose appellate le Gemma Triple. Illos es le Buddha (le mentor Illuminate), le Dhamma (le veritate, e assi le inseniamento del Buddha), e le Sangha (que significa in iste contexto le Arya-Sangha o communitate de individuos Illuminate). Omne Buddistas vota haber istes como lor refugio, e anque viver per le Cinque Preceptos. Monachos ha anque cinque preceptos in ultra.

In su prime oration, le inseniamento del Buddha esseva del quatro nobile veritates.

Le Sentiero sempre se presenta in le mesme ordine, mais illo non es sequential. Nulle elemento del Sentiero Octuple es un condition de ulle altere. On lo pote gruppar in tres sectiones: cognoscentia (1, 2), moralitate (3-5), e concentration (6-8).

Secundo le tradition buddhic, tote le phenomenos (dharmas) es marcate per tres characteristicas:

On dice que Buddhismo ha habite tres periodos major de popularitate in su tempore. Le parola pro iste periodos es yana, o vehiculos. Le prime esseva fundate per Gautama Buddha in le 5e seculo A.C.. Il non ha scholas de iste era ja supervivente, ben que le schola Theravadin pote (correctemente) pretender esser hereditate de les, e es le sol schola que ha preservate su canone de textos (le si-nominate Pali Canone). Istes scholas es sovente appellate Hinayana, mais iste es un termino pejorative usate per buddhistas plus recente.

Le Mahayana se nasceva in nord-west India in le prime seculos A.D.. A parte de esser un reassertion del principios del Dharma, le scholas Mahayana anque attendeva le ideal Bodhisattva, in le qual on practica le Dharma pro le beneficio de tote le cosas existante, non solmente pro illumination personal. Alcun vices, on dice que le scholas buddhic {en: early = prior al alteres} habeva interesse solmente in le liberation personal, mais iste non se reflecte in o su textos o su practicas. In ulle caso le scholas Mahayana attendeva compassion, e universalisava le Dharma.

Quando Buddhismo commenciava interager? {en:interact} con tradition tantric indian, un nove forma de practica emergeva. Ancora un vice le Vajrayana como on lo appella ora, re-attendeva, mais illo se concerneva con experientia directe de realitate. Vajrayana es anque appellate mantrayana.

Tres menses post le passar de Gautama, le Sangha realisava le Prime Consilio. A iste puncto, il habeva nulle conflicto re le inseniamentos del Buddha, e assi le inseniamentos esseva divise a in varie partes, e cata un assignate a un senior e su studentes pro ammemorisar. Istes gruppos sovente compareva su memorias con le unes le alteres pro assecurar que on non faceva ommissiones o additiones.

Post cento annos, on realisava le Secunde Consilio, in le qual le inseniamentos mesme non esseva questionate, mais le regulas Vinaya de monachos esseva. Alcunos voleva emendar o modificar alccun regulas minor, un action permisse per le Buddha. Le monachos orthdoxe, plus tarde appellate le Theravada, diceva que on debe cambiar nihil (pro mantener le forma exacte e prevenir anarchia), ben que altere monachos insiteva super modificar alcun regulas. Le apparentemente trivial disputa concerneva le Dece Punctos, que include le ammagazination de sal in un corno, le uso de tapetes del grador improprie, e le uso de auro e argenta. Finalmente un gruppo de monachos appellate le Vajjianos quitava le concilio e formava le Mahasanghika — le Grande Communitate, e faceva lor modificationes. Inter le prime seculo aEC e le prime seculo AD, le termas Mahayana e Hinayana appareva (in le 'Sutra del Loto del Bon Lege') e per le secunde seculo EC, Mahayana, originalmente un branca del Mahasanghika, deveniva clarmente definite per le obras de Nagarjuna, Asanga e Vasubandhu.

In le tertie seculo AC, le Tertie Consilio occurreva, al qual parve sectas incontrava questionar le Vinaya, e, alora, le inseniamentos. Le presidente del Concilio, Moggaliputta Tissa, compilava un libro appellate le Kathavatthu que refuteva le ideas e theorias sponsava per alcun sectas. Le inseniamento approbate e acceptate per iste Concilio esseva appellate Theravada. Le Abhidhamma Pitaka esseva incluse a iste Concilio e le Tipitaka esseva assi portate a Sri Lanka per le filio de Asoka, Ven. Mahinda. Iste tradition serea le prime imprimer le dhamma.

Circa iste tempore, Buddhismo diffundeva ex India per medio de undas successive de mercantes e peregrines. Illo viagiava tant distante como Arabia in le occidente, e al oriente a sud-est Asia (in le qual le prime tracias de Buddhismo veni de 400 AD), e anque China, Mongolia, Japan e Corea. 

Vajrayana anque evolvite ca. iste tempore, ascentente de India a in Tibet circa 600 AD, ubi illo coexisteva con systemas credential native (vide Bön), mais plus tarde los absorbeva o supplantava.

Le fimbria nordic de est Turkestan (Xinjiang in west China moderne) adhereva al schola Theravada, mais circa 1000 AD, le buddhismo del region esseva supplantate per le crescentia del islam.

Vide etiam: Chronologia del Buddhismo.

Canone Aperte

Varie canones, le Pali canone.

Textos Mahayana.

Le tradition esoteric Vajrayana anque ha un collection distinctive de textos pro studiar, le quales include le Tantras.

Apocryphos Buddhic Chinese, e altere textos plus recente.

Hinduismo recognosce Gautama como le 9e incarnation de Vishnu, e in le religion de Shintoismo, ille es reguardate como un Kami. Le Fide Baha'i dice que ille esseva un manifestation independente de Deo. In christianismo, Gautama es credite haber site sanctificate como Sancte Josephat. Alcun Moslemes crede que Gautama Buddha es Dhul-Kifl, un del prophetas mentionate in le Coran.




#Article 45: Biblia (355 words)


Le Biblia christian (del grec τα βίβλια, que significa le libros) es un recompilation de scriptos que christianos considera esser inspirate per Deo. Illo include le Biblia judee, le Tanakh, que le christianos appella le Vetule Testamento. Etiam se cognosce le Biblia per le nomine Scripturas Sacrate.

Un biblia interlinear es un version del Biblia in le linguas original (hebreo, greco, aramaico) con correspondentia parallel in altere linguas, p. ex. anglese.

Le lista (o canone) de libros biblic hebree inspirate, esseva establite in le seculo 2, per le consenso de un gruppo de sagios rabbin qui habeva potite escappar del destruction de Jerusalem in le anno 70 aEC. e qui habeva fundate un schola in Yamnia. Iste libros se denomina protocanonic (pro christianos) e es compilate in le texto masoretic in le seculo 6.

Le Biblia del Septanta o Septuaginta es un traduction del Biblia hebree al greco, corrigite in le seculo 2 aEC. (pro adaptar expressiones hebree sin equivalente in greco). Il se includeva libros denominate deuterocanonic e le antilegomena. Alcun de istes libros non son traducite, si non scripte directemente in greco (Sagessa e Maccabeos II). 

Alcun gruppos de judeos (israeli) non accepta les deuterocanonic e antilegomena como inspirate, e usante le Canone de Palestina, sed altere, como judeo ethiope e egyptie, accepta le canone de Alexandria. 

Le christianos include le Nove Testamento. 

Le textos grec del Vetule Testamento e del Nove Testamento procede de copias manuscripte. Le plus ancian usque nunc trovate son scripte sur papyro e quasi tote illos pertine al seculo 3. Le plus complete de illos que se ha trovate, son del seculo 4 e seculo 5.

Le christianos catholic mantene como parte del Vetule Testamento le libros deuterocanonic, que alcun gruppos de judeos e de christianos protestante non considera esser inspirate per Deo.

Le christianos othodoxe accepta le libros deuterocanonic e le antilegomena como inspirate per Deo.

Le prime textos imprimite, in aramaico, hebraico e greco, se realisava in su majoritate per protestantes. On denomina istos editiones critic a causa de su grande labor bibliographic. Le actual traductiones al diverse idiomas moderne se basa sur iste editiones critic.




#Article 46: Brasil (642 words)


Brasil (nomine official Republica Federative de Brasil) es un republica federative formate per le union de 26 statos e per le Districto Federal. Le pais ha 5.565 municipalitates, 200.000.000 habitantes e un area de 8.511.965 km², equivalente a 47% del territorio sudamerican. Illo es le major pais de America del Sud.

Articulo principal: Historia de Brasil 

In 1500 Pedro Álvares Cabral comenciava un viage verso India Levava duo caravellas e 13 naves, e plus o minus 1 500 homines.  Le corona portugese voleva que ille usava le route maritime aperite per Vasco da Gama circum le Capa de Bon Sperantia.  Pro evitar un zona de calmas in le Golfo de Guinea, ille navigava verso le west e su flotta incontrava ventos que finalmente lo pulsava usque le continente sudamerican in april 1500.

Durante le annos inter 1533 e 1549 le corona portugese divideva Brasil in 15 divisiones territorial, nominate capitanias, que le rege dava a homines portugese ric (donatórios), qui, a cambio de multe poteres e privilegios, debeva usar lor proprie capital pro colonisar iste territorios e disveloppar lor ressources economic.

Inter iste capitanias solmente duo, Pernambuco e São Vicente (al sud del actual citate de Santos), habeva multe successo, Pernambuco a causa del commercio in sucro e São Vicente a causa del sucro e del elevamento de bestial bovin.

Respondente al fallimento general del capitanias, le rege, João III, assumeva lor direction per medio de un governator general con ample poteres politic. In le capitanias, le governator general esseva representate per un gruppo de functionarios local, qui fortificava le punctos strategic del costa e governava le municipios local secundo patronos jam establite in citates portugese. Le rege anque establiva le capital del pais in Bahia. Iste reorganisation del colonia attraheva multe nove colonos a Brasil.

Le prime governator de Brasil, Tomé de Sousa, veniva al colonia con un gruppo de jesuitas, qui habeva un rolo importante in le disveloppamento del pais. Illes establiva scholas, pro exemplo. Ma illes anque inspirava un opposition forte inter le latifundistas del colonia, qui essayava subjugar le indianos brasilian.

Durante que le corona portugese reorganisava le governamento de Brasil, Francia essayava establir un colonia permanente in le territorio brasilian. In 1555 Nicolas de Villegagnon, un aventurero qui habeva le appoio de Henri II de Francia, invadeva le porto de lo que iva esser Rio de Janeiro. Le governator general, Mem de Sá, ducente un armea considerabile, attaccava e expelleva le franceses e establiva le citate que finalmente devenirea le capital de Brasil.

Le franceses esseva persistente. In le prime parte del seculo XVIII illes essayava establir se in le litore Atlantic del sud de Brasil. Durante que Portugal esseva sub le corona espaniol (1580-1640) truppas hollandeses anque occupava Bahia e Pernambuco, le capital ric del region principal que produceva sucro, pro lor proprie uso. In despecto del opposition del corona espaniol/portugese, le brasilianos del nord-est e del region de São Paulo conjunctemente poteva expeller le hollandeses ex lor pais.

In despecto de su distantia de Europa, le politica Napoleonic habeva un grandissime influentia in le disveloppamento politic de Brasil. Secundo le systema continental de Napoleon, nulle pais europee poteva facer commercio con Britannia. Portugal e Anglaterra habeva essite alliatos durante multe tempore, e le governamento portugese continuava su commercio con le angleses. Napoleon respondeva marchante su truppas verso Lisbona. Con le adjuta del marina de guerra britannic, omne le familia regal, su corte, e su functionarios escappava al Brasil.

Articulo principal: Politica de Brasil

Articulo principal: Regiones e statos de Brasil

Articulo principal: Geographia de Brasil

Articulo principal: Economia de Brasil

Articulo principal: Demographia de Brasil

Articulo principal: Cultura de Brasil

Brasil es primarimente famose pro su equipa national de football, que ha ganiate le cuppa mundial cinque vices (que es plus que alicun alter equipa), e ha includite jocatores como Pelé, Garrincha, Bebeto e Ronaldo.




#Article 47: Basic English (314 words)


Basic English (Anglese Basic) esseva un lingua auxiliar international proponite in 1930 per Charles Ogden. Non como le usual lingua artificial, Basic English esseva un simplification del Anglese.

Basic English esseva unic in que illo habeva 18 verbos (16 normal e 2 auxiliar). Pro augmentar le usabilitate de su vocabulario (que esseva limitate a 850 parolas, plus conjugationes irregular), illo usava phrases (a vices bizarre). Per exemplo, body-water (aqua de corpore) esseva le phrase in Basic English pro exprimer sudor.

Le plano original de Ogden esseva usar Basic English como instrumento pro le instruction del normal Anglese; del basse de 850 parolas, listas specific de un sol thema (scientias, parolas international, negotios, et cetera) poteva esser apprendite pro expander le cognoscientia del anglese del studente, usque il habeva un habilitate quasi natural del anglese.

Ma, ben que le anglese ha attingite un certe nivello de usage como un lingua international (como in aviation), le Basic English plus facile falleva. Le grammatica non esseva un habilitate que Ogden habeva, e le lingua esseva vulnerate pro iste facto. Pro exemplo, es necessari apprender le total del conjugation del verbos anglese pro usar Basic English, ma solmente 16 esseva usate; a vices, parolas que es verbos in normal Anglese esseva facite substantivos in Basic English. (Isto non es un idea estranier al anglese, ma illo esseva usate in Basic English plus frequentemente que es considerate natural.) Le orthographia de Basic English totevia esseva irregular, con usque a 12 manieras de scriber un sono.

Il ha infrequente essayos de resuscitar o meliorar Basic English. Essential World English (Essential Anglese Mundial) esseva un version de Basic English in que le grammatica esseva plus natural, e le vocabulario esseva augmentate a 1300 pro parar phrases insolite. Special English (Anglese Special) es un version de Anglese usate per le Voice Of America pro radiodiffunder novas a nationes estranier.

Information complementari de 




#Article 48: Bambuco (469 words)


Le Bambuco es un rhythmo typic colombian hereditate del quechuas, le quales soleva interpretar lo durante que illes confectionava ceramica; a iste conclusion uno ha arrivate debite al facto que le parola bambuco es derivate etymologicamente de wampu (canoa, balsa) e puku (vasculo), resultante wampu puku (vasculo in forma de canoa), que al advenimento del espanioles istes non succedeva a intender e pronunciar correctemente; assi illes converteva le parola wampu puku in wampuku e tosto in bambuco que es commun pronunciar hodie. Existe totevia un controversia quanto a un altere possibile significato: secundo alteres ku es le possessive se, lo que significa que multo possibilemente le parola bambuco es derivate de wampu ku o sia canoeros, lo que implicarea que ha essite le canoeros indigena quechua de Columbia (si illes existeva) qui inventava le Bambuco.

Le bambuco se pote cantar, sonar e interpretar instrumentalmente; le sue provenientia esseva in le Region Andin Columbian e esseva le resultato del mixtion de plure dansas, consequentia del mixtura racial que succedeva in le continente tosto post le arrivata del espanioles.

Ben que in realitate in iste dansa predominava elementos de typo indigena in su origine, tosto illo suffreva influentias del altere gruppos racial. 

Iste rhythmo accompaniava le truppas de liberation in tote lor viages, in cerca e in le lucta pro attinger le independentia de iste cinque nationes, alora como es de memorar que le truppa del liberator Simón Bolívar esseva in su grande majoritate neogranadina (o sia, columbian). Un exemplo del bambuco como rhythmo musical del libertate columbian se trova a: .

Le bambuco nicaraguan es plus cognoscite in Nicaragua como Son Nica, sed illo es in realitate un bambuco, secundo plure maestros de musica.

Le bambuco nicaraguan es un variante del bambuco colombian. Iste variante surgeva quando le Litoral de Mosquitos esseva in seculos anterior proprietate columbian e, post le annexion del Costa de Mosquitos per Nicaragua, le bambuco variava su sono gratias al cantatores de Nicaragua e procedeva a propagar se ibi.

Ultra le parolas, le rhythmo musical characteristic del bambuco es debite al music. Le parolas pote esser qualcunque, e omnes qui scribe parolas pro le Bambuco lo pote facer de forma libere e con grande varietate, sin necessitate de que le texto gira circa un thema specific.

Dansa de rhythmo mesurate in un compasso de 3/4 o de 6/8 (o alternates), texto scripte in octosyllabos que resiste a su traduction rhythmic e del structura musical a radice de su syncopation cyclic que appare in cata duo compassos, le melodias consiste de un o duo o tres portiones de convention al poema, su passo in le forma de dansa es poner un pede ante le altere que es appoiate super le puncta del pede, faciente lo facer passo false in iste postura e retrogression in un pusille salto.




#Article 49: Belgica (137 words)


Le Regno de Belgica (in interlingua etiam nominate Belgio) es un parve pais situate inter Francia, Luxemburg, Germania e Nederland.

Belgica ha tres linguas official: nederlandese, francese, e germano. Nonobstante, le nederlandese e le francese es le plus importante, viste que minus de 100.000 personas parla le germano como lingua materne.

Principalmente, le nederlandese es parlate in le nord del pais, e le francese in le sud, con Brussel como exception del regula, un citate principalmente francophone in un area ubi se parla nederlandese. 

Le organisation politic in Belgica es multo complexe.

Le pais ha essite multe importante pro le evolution de un tradition proprie europee pro le banda designate, con multe creatores importante como Hergé, André Franquin, Jijé, Peyo etc.

Scriptores belge notabile include Hugo Claus,Hendrik Conscience, Maurice Maeterlinck, Amélie Nothomb, Georges Simenon e Marguerite Yourcenar.




#Article 50: Bandiera europee (186 words)


Le bandiera europee es le bandiera official del Union Europee e del Consilio de Europa, illo esseva designate in 1955 per Arsène Heitz, e approbate le 8 de decembre del mesmo anno.

Iste bandiera primarimente in 1955 esseva seligite como le bandiera del Consilio de Europa (non le Consilio Europee) in Strasbourg que alora habeva dece membros. Solmente desde 1986 illo tamben es le bandiera del Union Europee. Ma jam alora le numero de statos del UE esseva vinti-un.

Un miscomprension commun es que le dece-duo stellas originalmente representava le numero de statos includite in le UE, simile al situation in America ubi cata stella representa un del statos del Statos Unite de America. Ma le numero de statos del UE nunquam ha essite dece-duo.

Le numero de stellas, dece-duo, esseva seligite a causa del facto que iste numero ha essite mythic e mesmo sacral de tempores immemorabile. P.ex. il ha dece-duo deos olympic, apostolos, menses, horas del die, signos zodiacal, modos minor e modos major (musica) e ante le tempore quando on introduceva le classification decimal multe mesuras esseva fundate al numero dece-duo (dozena etc.). 




#Article 51: Vetus Latina (163 words)


Itala Antiqua o Vetus Latina es le nomine collective pro le traductiones pre-Vulgata del Biblia Christian, in uso in le Occidente desde le seculo II usque le seculo V, que veni ab le Version del Septanta (o Septuaginta) pro le majoritate del libros del Vetule Testamento e del originales grec pro le libros del Nove Testamento.

Vulgata:  le Papa Damaso incargava a Sancte Jeronimo un nova version latin usante como fonte le version Itala antiqua. 

Iste version se imponiva in le seculo VII definitivemente. Illo se denominava le Vulgata proque le intention primari de iste version esseva vulgarisar le Biblia, poner lo al accesso del vulgo, il es a dicer, le populo commun.

Neovulgata: es, basicamente, le mesme version Vulgata, al qual se incorpora avantiate recercas e descoperimentos secun continua le studios biblic e le idiomas original del Biblia.

Le ultime version approbate per le Papa de iste Biblia data de 1979, essente iste le version de referentia pro traductiones a altere linguas.




#Article 52: Baptismo (171 words)


Le baptismo es le rito christian de initiation per le qual le christianos recipe le signo (le aqua) per le qual se proclama super illes que Deo les salva in Christo, confessa lor fide in Ille, e es admittite como membros del Ecclesia christian. 

In le Ecclesia Catholic Roman, le baptismo de sanguine es le credentia que le martyrio de alicuno que non ancora recipeva le baptismo, equivale al baptismo ipse.

Le regeneration baptismal es le credentia que le salvation es conferite per le acto del baptismo ipse. Iste concepto es simile al regeneration decisional, credentia que assere que le regeneration es precedite per le conversion. Connectite con: Innocentia baptismal.

Le innocentia baptismal es le hypothese del Ecclesia Catholic Roman que le anima de un persona deveni completemente munde de omne peccato e innocente de post su baptismo. Le implication de isto es que altere peccatos committite de post le baptismo se accumula e, si non eliminate per le medio que le Ecclesia provide, illos condemna mesmo un christiano al purgatorio.




#Article 53: Britannia (188 words)


Le Britannia (, ) es un provincia historic del Francia actual. Illo occupa le peninsula armorican, situate inter le Manica e le Golfo de Biscaya (presso le Mar Celtic e le Oceano Atlantic), e consiste de cinque departamentos: le Finistère, le Morbihan, le Côtes-d'Armor, le Ille-et-Vilaine, e le Loire-Atlantique. Omnes salve le ultime es incluse in un region administrative francese que es anque appellate Britannia.

Le plus grande urbe, e un capital traditional de Britannia, es Nantes. Rennes, le secunde citate, servi como le capital administrative del region.

Le nomine de Britannia deriva de cello del insula (Grande Britannia), pro que britones native fugiente le anglo-saxones ha colonisate le peninsula in le seculo 6. Le lingua britone, ancora practicate per un quarto de un million de personas, es un lingua celtic insular multo similabile al cornico e al gallese.

Le Britannia es notate pro su climato dulce maritime, su longe costas con plagias de sablo, su patrimonio nautic, le tradition de devotion popular a sanctos catholic, su monumentos paleolithic e su importante sector agrari. Militantes regionalista, nationalista e linguistic considera le Britannia como un del nationes celtic moderne.




#Article 54: Brancas oriental del Christianitate (388 words)


In le mundo oriental (Europa del est, Asia), le representantes primari del Christianismo es le Orthodoxia o ben le Orthodoxia non-chalcedonian. Iste ecclesias crede anque de esser le continuation del ecclesia christian originari establite per Christo. Illos practica plure ritos:

Il ha quatro communiones principal de Christianitate oriental:

Originalmente il habeva cinque centros principal del Christianitate in le mundo antique: Roma, Constantinopole, Alexandria, Antiochia, e Jerusalem. Secundo le comprehension que le Ecclesias orthodoxe ha del primato papal, le episcopo de Roma esseva le prime in honor inter le episcopos, ma ille possedeva nulle autoritate directe super dioceses que non esseva le sue. In le Grande Schisma, datate conventionalmente in 1054 a. D., le ecclesias orthodoxe rumpeva lor communion con Roma in relation a plure questiones que se incentrava in differente comprehensiones del primato del Papa. Le quatro altere ecclesias remaneva in communion le unes con le alteres e illos ancora existe hodie insimul a minus prestigiose, ma sovente plus numerose, ecclesias auto-governante, o autocephale, organisate plus o minus secundo lineas national. Le plus grande de istos, e in toto le plus grande ecclesia orthodoxe, es le Ecclesia Orthodoxe russe. Il existe differentias theologic significative inter le ecclesias orthodoxe e le christianismo occidental.

Le ecclesias orthodoxe habeva acceptate le dogma chalcedonian super le natura de Christo, le qual esseva alsi acceptate per le branca occidental del ecclesia, durante que le Orthodoxes oriental lo repulsava.

Iste ecclesia utilisa le rito byzantin, traducte in plure linguas.

Le Orthodoxia oriental comprende super toto le Monophysitas, i. e. le Ecclesia Copte, le Ecclesia apostolic armenie, le Jacobitas Syrie e le Ecclesia Orthodoxe Ethiope. Istes son le plus magne ecclesias in Ethiopia, Eritrea, Egypto e Armenia. Orthodoxia oriental es equalmente presente in India del sud.

Iste denominationes utilisa le ritos alexandrin, armenie e rito syriac occidental.

Le Nestorianos (i. e. le Ecclesia del Assyria, appellate equalmente le Ecclesia del Oriente) divergeva durante le schisma nestorian (431). Iste denomination dominava durante longe tempore christianismo in Iran e Turkistan. Illo continue a presso de unes communitates assyrie. Iste ecclesia practica le rito syriac oriental.

Multe ecclesias oriental continue lor liturgia e traditiones oriental, ma recognosce le suprematia del Papa. Iste Ecclesias Catholic Oriental include le Maronitas e Melkitas de Libano, le «Catholicos grec» de Ukraina e multe altere paises, le ecclesias syro-malabar e syro-malankara in India.




#Article 55: Banda de Möbius (211 words)


Le banda de Möbius (o Moebius), nominate secundo le mathematico e astronomo german August Ferdinand Möbius, es un objecto topologic con solmente un superficie e un bordo. Illo esseva co-discoperite independentemente per Möbius e le mathematico german Johann Benedict Listing in 1858. Un modello pote esser create facilemente per semi-torquer un banda de papiro (o altere material) e unir le extremitates pro crear un sol banda.

Le banda de Möbius ha un numero de proprietates estranie. Si uno seca le banda per su medio, uno non obtene duo bandas, mais un banda longe con duo semi-torsiones. Si uno seca ancora le banda longe, uno obtene duo bandas serpentate le un circa le altere. Alternativemente, si uno seca per le banda un tertio del distantia del bordo, uno obtene duo bandas; le un es un banda de Möbius magre, e le altere es un banda longe con duo semi-torsiones. Altere combinationes de bandas pote esser obtenite per facer bandas de Möbius con duo o plus torsiones in vice de un. Per exemplo, un banda con tres semi-torsiones, quando bipartite per su longitude, deveni un banda ligate in un nodo trifolio. Per secar un banda de Möbius, dante lo extra torsiones, e reuniente le extremitates, uno produce figuras non expectate appellate anellos paradromic.




#Article 56: Base de datos (158 words)


Un base de datos es un collection organisate de informationes. Le avantage de usar un base de datos es que il es possibile de facer un recerca plus veloce, le datos pote esser usate in commun con altere usatores, un pote haber un minor redundantia de datos e un major controlo del securitate e in ultra un pote evitar le inconsistentia del datos.

Il ha plure modellos de base de datos sed le plus affirmate es le modello relational.

Edgar Frank Codd (1923—2003), proponeva in 1970 le modello relational de base de datos. Ille disconnecteva le schema (le organisation logic) del base de datos del methodo physic de immagazinage. Iste systema ha essite le standard usque hodie.

Le modello relational es associate con le linguage de interrogation del datos SQL.

Le modello relational esseva concipite principalmente como un instrumento pro liberar le usatores del frustration de deber cognoscer le detalios complicate de como le datos es effectivemente immagazinate.




#Article 57: Base de datos relational (141 words)


In le modello relational de base de datos, le datos es organisate in relationes, o tabellas. Le termino relation es basicamente un termino mathematic pro un tabella, hinc le termino relational.

In un systema relational il ha operatores que genera relationes nove de relationes vetere. Per exemplo, il ha un operator que extrahe un subensemble del rangos de un tabella e un altere operator que extrahe un subcollection del columnas.

Modellos altere es le modello hierarchic e le modello reticular.

In le modello relational, al differentia del altere modellos, alcuno realisa le independentia logic, o in altere parolas il es possibile de modificar le structuras sin deber modificar le programmas.

On pote in ultra modificar le structuras in un base de datos aperite, con le usatores connectite.

Le major parte del systemas de base de datos relational usa le linguage SQL.




#Article 58: Base de datos reticular (111 words)


In le modello reticular de base de datos, le registros es ligate inter illos con structuras a anello (punctatores) qui permitte al usator de acceder al datos plus facilemente, sin le ligamines rigide del structura hierarchic. Tote nodo pote esser le puncto de initio pro attinger un determinate campo.

Un registro pote haber un o plus de registros patres e isto permitte de evitar le problemas de redundantia.

Il remane le problema del dependentia del programmas al structuras e le problema del complexitate del structuras, qui cresce proportionalmente al crescimento del datos.

Pro modificar le structuras, mesmo partialmente, il es necessari de clauder le base de datos e de recrear illo.




#Article 59: Base de datos hierarchic (178 words)


Le modello hierarchic de base de datos organisa le datos in registros ligate inter illos secundo structuras in arbore.

Tote registro del base de datos, qui non es le radice del arbore, debe haber un sol patre. Isto es possibile alora que il existe duo registros, in arbores diverse, qui representa le mesme information. Isto implica problemas de redundantia in le base de datos e require controlos de consistentia durante su uso. In ultra il non es possibile de immagazinar informationes sin un patre.

Le structura hierarchic impone regulas rigide al maniera de facer le actualisationes e le consultas: le nivello le plus alte es le puncto de accesso a tote le informationes. Le cancellation de un registro del base de datos implica le elimination de tote le registros dependente hierarchicamente de illo. Le actualisation de un dato require le accesso e le modification de diverse registros pro assecurar le consistentia del base de datos.

Le modello hierarchic implica le dependentia del programmas al structuras, consequentemente il non es possibile de modificar le structuras sin modificar le programmas.




#Article 60: Bahrain (218 words)


Le Regno de Bahrain (Mamlakat al-Bahrain), o Bahrain, es un pais del Medie Oriente. Illo es un del paises plus parve del region, constituite per cinque insulas. Illo es localisate in le Golfo Persic, e ha frontieras maritime con Qatar in le sud e le est, e con Arabia Saudita al west e al nord-west.

Le nomine arabe del pais, Mamlakat al-Bahrayn, significa litteralmente «duo mares».

Articulo principal: Historia de Bahrain

Bahrain esseva populate ab tempores prehistoric. Su strategic position in le Golfo Persa habeva permittite le controlo e influentia del region per le assyrios, babylonianos, grecos, persas e finalmente per le arabes, qui habeva convertite le insula al Islam. Bahrain esseva cognoscite in tempores antique como Dilmun, Tylos (nomine date per le grecos) e Awal o Mishmahig quando esseva parte del Imperio Persa.

Le insulas esseva in le initio un refugio del musulmanes garmatas, essente depost occupate per Portugal in 1507. Durante 1602 a 1783 passava a esser un dependentia de Persia como un territorio con administration occasional. In 1783 es governate per le dynastia arabe del al Khalifa jam como un pais independente separate de Persia. Debite a pretensiones de Persia de recapturar le insulas, Bahrain deveniva in 1861 un protectorato britannic, in troca de protection. Mesme assi Iran revindicava pro se le possession del archipelago.




#Article 61: Chimia (304 words)


Le chimia es le scientia que investiga le proprietates, composition, e transformation de substantias e varie formas elementari de materia.

Le chimia es le scientia que studia le structura, proprietates, e transformationes del materia a partir de su composition atomic, formante differente substantias. Le atomo es le minor fraction de materia que existe, illo es constituite per differente particulas que possede differente typos de cargas, le electrones con carga negative, le protones con carga positive e le neutrones que como su nomine indica son neutre (sin carga); tote illos apporta massa pro contribuer al peso del atomo.

Le definition de chimia ha cambiate quando nove discopertas ha essite additionate al functionalitate de ista scientia. Le termino “chimia”, secunde le recognoscite scientifico Robert Boyle, in 1661, se tractava del area que studiava le principios del corpores mixate.

In 1663, chimia se definiva como un arte scientific per le qual se apprende a dissolver corpores, obtener de illos le differente substantia de lor composition, e como unir los postea por attinger un nivello major de perfection. Isto secunde le chimico Christopher Glaser.

Le definition de 1730 por le parola chimica, usate per Georg Ernst Stahl, era le arte de comprender le functionamento del mixturas, compostos o corpores usque lor principios basic; e postea tornar a componer issos corpores a partir de issos mesme principios.

In 1837, Jean-Baptiste Dumas, considerava le parola chimia por referer se al scientia que se preoccupava del leges e effectos del fortias molecular.  Iste definition postea evolverea usque 1947, quando se le denominava le scientia que se preoccupava del proprietates e le reactiones que las transforma in altere substantias (characterisation donate per Linus Pauling).

Plu recentemente, in 1988, le definition de chimia era ampliate por esser le “studio del materia e le cambios que implica”, isto, in parolas del professor Raymon Chang.




#Article 62: Christianismo (380 words)


Le Christianismo es un gruppo de traditiones religiose que origina de Jesus Christo secundo le testimonio, predication, inseniamento, experientias e exemplo de su prime discipulos, registrate in le collection de scriptos que nos esseva transmittite in le Nove Testamento.

Ab christiano (uno qui crede in le Christo) e -ismo (systema philosophic).

Le Christianismo consiste de plure brancas principal: le nestorianos, le monophysitas, le orthodoxes, le catholicos, e le varie regruppamentos de protestantes. Altere brancas del Christianismo surgeva, le quales o vole distinguer se del primes hic mentionate, o asserte haber un lineage historic separate. Le plus grande inter iste ultimes es le Testes de Jehovah e le Ecclesia de Jesus Christo del Sanctos del Ultime Dies.

Secundo un estimation de 1993, le Christianismo esseva le religion le plus numerose, con 2,1 millardos de adherentes (1 miliardo de catholicos, 500 milliones de protestantes, 240 miliones de orthodoxes e 275 milliones de alteres), ante al Islam a 1,1 miliardos, e Hinduismo a 1,05 miliardos.

Le Christianismo emergeva del Judaismo del prime seculo del Era Commun. Le christianos prendeva de Judaismo su scripturas, le doctrinas fundamental como le monotheismo, le fide in un messia (o Christo, formas de culto, includite le sacerdotio, conceptos de locos sacrate e tempores sacrate, le idea que le adoration hic sur le terra es modellate secundo le adoration de Deo que eveni in le Celo, e le utilisation del Psalmos in le oration comunitari. Le libro del Actos del Apostolos dice que le primes a esser appellate christianos esseva le non-credentes del citate de Antiochia, in le qual illes se habeva refugiate post le prime persecutiones in Palestina, probabilemente poc annos post le morte e le ascension de Jesus.

Le localismo es le inseniamento secundo le qual il ha solmente un authentic Ecclesia christian in omne localitate (p. ex. citate).

Le christianismo credal concerne le fide christian assi como es exprimite in credos, confessiones e catechismos derivate del Scriptura. Isto contrasta con: pietismo, quietismo, religion experiential, e theologia relational

Le historia del christianismo es difficile de separar del de Europa Occidental (y de altere culturas e religiones). In resume, on pote notar:

Para ver las contribuciones del cristianismo a la humanidad y a la cultura mundial, véase en filosofía cristiana, arte cristiano, literatura cristiana, música cristiana, arquitectura cristiana.




#Article 63: Codification de characteres (188 words)


In informatica, un codification de characteres es usate pro representar un collection de characteres per alcun genere de systema de codification. Dependemente del nivello de abstraction e del contexto, le punctos de codice correspondente e le spatio de codice resultante pote esser reguardate como patronos de bits, bytes, numeros natural, pulsos electric, etc. In un altere medio, generalmente electronic, illo particularmente facilita le transmission de information. Ben que le codification de characteres ha un uso in cryptographia, su uso commun es pro representar litteras in telecommunication. Un codification de characteres es usate in computation, in immagazinage de datos e in transmission de datos textual.

Le prime codices de characteres associate con le telegrapho optic o electric representava solmente un subcollection del characteres usate in linguages scribite, alcun vices limitante al litteras majuscule, al numerales e solmente alcun punctuation. Le costo basse del representation digital de datos in le systemas informatic moderne permitte codices de characteres plus elaborate (como Unicode) le quales representa le majoritate del characteres usate in multe linguages scribite. Le codification de characteres usante standards internationalmente acceptate permitte le excambio mundial de texto in forma electronic.




#Article 64: Communication (522 words)


Le communication [kom-mu-ni-ka-tsión] es un parte del scientias social que tracta studiar le processos human de communication; 
isto es, le processos in le quales occurre un intercambio de ideas. Illo ha su radice in le parola 
latin communicare, que significa poner in commun.

Quanto al forma in que tal processos de communication occurre, il es possibile parlar 
de communication directe o interpersonal (conversation presential, incontro politic, etc.), e 
illo que occurre per un medio, como le posta (gastropodic 
o electronic) o 
le telephono, in le qual le communication occurre de forma interpersonal; o ben, per 
alcun medio massive, como le radio, le television, 
le medios imprimite, le cinema e le Internet (in alcunes de su modalitates 
como le Web, le Webcast, etc.).

Si le communication occurre de tal maniera que il ha un fluxo de information continue e in 
tempore real, on parla de communication synchrone. Al contrario, quando iste fluxos 
de information occurre con intervallos temporal (como occurre con le posta), on parla de 
un forma de communication asynchrone.

Iste juvene disciplina, parte del sociologia, le qual lo apporta le bases 
methodologic pro le prime studios interprendite de forma systematic a principios del 
seculo 20, quando se da le massivification del radio (le prime medio massive electronic 
de communication).

Ben que il es possibile parlar jam de communication massive desde le invention 
del Pressa de Gutenberg (vide tamben Pressa de imprimeria), il non es usque le 
decennio de 1920 quando se interprende le prime studios super le influentia del 
propaganda in le contexto del Europa ante le guerra, con le ascension del regimes 
fascista de Germania e de Italia. Anterior a iste prime passo del disciplina, on debe 
remitter se usque le grecos classic. Aristoteles in varie occasiones abbordava le 
thema del communication, ben que sin poter dar tono al fundation de un schola dedicate 
de maniera particular a iste disciplina.

Le scientias del communication expande un grande varietate de specialitates: 

Le objecto de studio del scientias del communication (le processos e phenomenos de 
communicacion), sovente es tamben abbordate per altere disciplinas. Inter 
illos es possibile mentionar: 

Inter le principal scholas o currentes theoric del communication se distacca:

Le functionalismo: un del prime currentes que surgeva in iste disciplina, e que 
cerca studiar le formas in que un determinate message produce un effecto super le 
audientia (stimulo e responsa). Le modello classic del “agulia hypodermic” 
pertine a iste schola, cuje postulatos jam ha essite superate. Illo pote situar se 
chronologicamente circa le prime 30 annos del 20me seculo.

Le schola de Francoforte: currente critic con base in le theoria marxista, que 
se basa in le credentia que le formas symbolic (o messages) generate per le industria 
cultural ha como objectivo principal reproducer e perpetuar le modellos de domination 
capitalista. Illo surge in contraposition al functionalismo, circa le annos 1930.

Le studios cultural: currente contemporanee que cerca analysar le processos 
de communication ab un perspectiva integral, considerante le emissores, receptores e 
le contexto in que se produce le phenomenos de communication. Le theoricos de iste 
currente sustene que, al reciper un message, le receptor pote facer tres lecturas 
o interpretationes de illo: 




#Article 65: Cultura (192 words)


Cultura es un concepto central in le anthropologia moderne, que include le phenomena human que non pote esser attribuite al hereditage genetic. In usage currente, cultura se refere al cosas intangibile como linguas, costumes, artes, industrias, comportamentos e credentias. Le studio de artifactos physic es nominate cultura material. Iste studia es considerate distincte ma connexe.

Le debatto re le definition exacte de cultura non es finite e illo totevia ha disaccordos. Quando le termino esseva renascite in le seculo XVIII e seculo XIX, le parola se refereva al processo de automelioration, specialmente con education. In le seculo XIX alcun scientistas initiava usar le termino pro referer se al capacitates human univesal. In le seculo XX le termino esseva usate como un concepto central anthropologic. Le idea moderne de cultura es basate sur le idea usate in le antiquitate.

Le parola como illo esse usate hodie esseva usate primarimente per le orator roman Ciceron. Ille scribeva re le cultura animi, le cultivation del anima.  Le parola cultura significava literalmente cultivation in latino. Cicero usava un metaphoro agricultural pro describer le melioration del anima philosophic, comprendite teleologicamente como le ideal final del disveloppamento human.




#Article 66: Cinematographia (1057 words)


Le cinematographia [tsi-ne-ma-to-gra-fía] o simplemente cinema, o cine, es communmente denominate le septime arte. 
Su historia comencia al fin del 19ne seculo, quando le fratres Lumière 
filmava le sortita de obreros ab un fabrica francese.

Cinema es un medio que usa technologias pro crear picturas mobile, usualmente con sonos accompaniante. Le termino es un abbreviation de cinematographo (del greco kinema, movimento, e graphein, scriber).

Le cinema moderne initiava in 1892, Léon Bouly deponeva un patente pro un apparato a que ille dava iste nomine. Como in tote le methodos artistic, un obra cinematographic – o film – es generalmente destinate a un publico, assemblate in le occurentia in un loco de exploitation dedicate, illo mesme sovente denominate cinema per metonymia.

Le cinematographia  es le technica de projectar photogrammas de forma successive pro dar le impression de movimento del imagines. Como forma de registrar eventos o narrar historias, illo constitue un arte. Illo communmente se denomina le septime arte, malgrado que illo es chronologicamente posterior al photographia e al comic. Illo es simultaneemente un importante industria in paises como le Statos Unite o India.

A causa del diversitate del filmes e del libertate de creation, il es difficile definir le cinema de hodie.

Le principio de un historia con imagines in movimento non defini le totalitate del cinema. Il existe de facto filmes sin historia, como le filmes experimental, le documentarios, o le filmes poetic o abstracte.

Le parola cinema designa equalmente le salas o complexos de salas in le quales le filmes es diffundite. Iste ambiguitate totevia non pone problemas (compara television que designa e le medio, e le contento).

Le cinema es sovente denominate septime arte, como le prestation del actores es denominate octave arte, e le banda designate none arte. Vide a iste subjecto le articulo super le arte.

Le prime projection cinematographic pagante habeva loco le 28 de decembre 1895 al Salon Indien del Grand Café a Paris, con notabilemente le film La Sortie de l'usine Lumière à Lyon. Isto es le initio del cinema commercial e del industria cinematographic. Le cinema deveniva tosto un arte popular. Multo rapidemente, le fratres Lumière inviava filmatores trans le mundo pro reportar le scenas del vita de tote le dies. Isto es le initio del cinema de actualitates.

Prime attacco contra le libertate del pressa, le operator de Lumière, Félix Mesguich, esseva arrestate in New York in 1897 filmante un battalia de ballas de nive. In le quadro del guerra de patentes initiate per Edison, tote le industria cinematographic cadeva sub le monopolio de Trust Edison usque a 1918.

Precursor del effectos special, del cinema de fiction, de un cinema theatral e de un cinema poetic, Georges Méliès, illusionista de formation, realisava le prime functiones dotate de effectos special in trompe-l'œil (le Voyage dans la lune (1902) inter alteres).

In le annos 1910, le cineasta american David Wark Griffith codificava le principios del linguage cinematographic classic (montage alternate, variation del punctos de vista, insertion de grande planos in le scenas distante, campo-contracampo, etc.)

Usque al fin del annos 1920, necun banda sonor accompania le imagine super le pellicula e il es alora sovente un o plure musico(s) presente in le sala de projection qui accompania le filmes: on parla alora de cinema mute (pro le filmes narrative) o de cinema visual (pro le filmes de arte, le cinema pur), le dialogos del filmes narrative essente retranscribite per cartones appellate intertitulos, texto typographiate inserite in le film. Le filmes narrative de alora es sovente accompaniate per un musico o mesmo un orchestra complete, e es projicite in salas immense: le salas actual es in medio duo a quatro vices plus parve que al epocha. Le musico habeva a vices un partition precise a interpretar, o se inspirava liberemente al besonio super arias cognoscite (de operas italian per exemplo).

Le annos 1920 con le avant-gardes es le veritabile initio del futur cinema experimental de que on pote datar le nascentia per exemplo con le Manifesto del cinematographia futurista (1916) e le dadaismo: artistas se impare de iste medio nascente que es le cinema, tales como Fernand Léger, Man Ray, Germaine Dulac, Walter Ruttmann, Hans Richter, Viking Eggeling, etc. assi que cineastas: René Clair, Henri Chomette, Dziga Vertov, Joris Ivens.

Numerose tentativas ha essite facite pro synchronisar le sono e le imagine, per exemplo fixante le projector con le sononographo. Le sono ha determinate le cadentia de projection anteriormente aleatori (16, 18, 25 imagines per secunda secundo le bracio del operator de camera qui tornava le manivella, lo que provoca un acceleration del movimento quando illos es projicite al velocitate standard actual de 24 imagines per secunda).

A partir de Chanteur de Jazz in 1927, sonos (de musica, pois de dialogos e de effectos sonor) pote esser registrate e reproducite durante le projection.

Con le crise economic de 1929, le numero de spectatores diminueva in le salas: le majores (grande companias de production) de Hollywood devideva de crear un duple billet. Pro le precio de un entrata, le spectatores poteva vider duo filmes: un grande (le serie A) e un parve. Isto es le initio del filmes de serie B, de que le principal objectivos es esser poco car a producer, rapide a facer, non troppo longe (inter 50 e 70 minutas) e lucrative.

Un del numerose filmes innovative del epocha esseva un film de propaganda nazi, Olympia, un presentation del jocos olympic de Berlin in 1936, glorificante le populo german e le pretendite racia aryan. Le realisatrice, Leni Riefenstahl, mitteva pro le prime vice cameras super grues e creava le stilo e le inquadraturas de filmes o reportages sportive (Triumph des Willens es un exemplo notabile).

Le evolutiones technic major esseva successivemente le arrivata del color e del formatos large in le annos 1950 (a fin de dar plus amplitude al spectaculo pro facer concurrentia al television), del formatos stricte, le alleviation del material que permitte le avantiamento del cinema experimental, du cinema documentari, e le nascimento del Nouvelle Vague in Francia, le arrivata del synthese de imagines informatic in le annos 1990 e le arrivata del sono digital in le mesme periodo.

traduction a completar de 

Le prime passos del cinematographia esseva prendite al fin del 19ne seculo.

Il esseva le 28 decembre 1895 quando le fratres Lumière projectava publicamente le sortita de obreros de un fabrica francese.




#Article 67: Capoeira (573 words)


Capoeira es un arte martial, con emphase in le colpos de pede e manovras acrobatic, disveloppavate in Brasil in le 16e seculo per sclavos nigre como un maniera de confrontar lor oppressores.

Durante le seculo XVI, Portugal expediva negros del Africa Occidental como sclavos. Brasil esseva le plus grande destination del migration del sclavos trans le Atlantico (circa 42%). Le populationes transportate apportava lor traditiones cultural e religion al nove mundo. Le homogeneisation del populo african sub le oppression del sclavitude esseva le catalysator del capoeira. Le movimentos choreographic e le rhythmo musical connectite al capoeira lo disguisava effectivemente como un forma de dansa.

On luctava a mano libere, o con fustes o cultellos.

In le seculo XVII, bandas de capoeiristas promoveva tumultos in centros urban, como Rio de Janeiro, Salvador e Recife, provocante un forte repression policial. Le flagello deveniva un instrumento del action policial, permittente que le policieros los aggredeva sin approximar se.

Le Codice Penal de 1890 prevideva castigation corporal e exilio a illes que se dedicava al practica del capoeira.

Gradualmente le bandas de capoeiristas malfactores esseva supprimite.

In le seculo XX le capoeira ha escappate al repression policial, transmutante se in un sport e joco de habilitate, ubi le opponentes demonstra lor capacitates de attacco e defensa, sin totevia attinger se effectivemente.

Post su transformation in joco, appareva alcun variationes de capoeira, como: Angola, São Bento, jogo de dentro e jogo de fora.

Le musica es parte integral del capoeira. Illo determina le tempo e le stilo de joco que debe esser jocate in le roda. Le musica consiste de instrumentos e canto. Le cantos pote describer lo que occurre intra le roda; illos se canta in un formato de appello e responsa.

Le instrumentos es sonate in un fila denominate batteria. Le prime tres instrumentos es berimbaus, que resimila un arco (de lancear flechas) e que usa un corda de aciero e un {pt:cabaça/en:gourd?} pro resonantia. Iste tres arcos es le berraboi (basso), le viola (conduction) e le violinha (rhythmo). Altere instrumentos in le batteria es: duo tamburinos, un reco-reco, e un agogô. Le atabaque (specie de tambur) es considerate un instrumento optional in alcun gruppos.

Le roda (rota) es le circulo de personas intra le qual le capoeira es jocate. Illo ha le radio approximate del extension de un berimbau.

Le execution del capoeira como joco require un roda (rota), un circulo de personas que delimita le campo in que illo se disveloppara, e le bateria, un orchestra de berimbaus e tamburinos.

Intra le roda se quatta le contendentes, silente e immobile, obediente al precepto del joco, durante que le instrumentalistas canta le canto initial. Quando le canto attinge versos specific, le capoeiristas se leva e face un circulo complete intra le roda, un detra le altere, in passos rapide. Un de illes initia le joco, applicante le prime colpo.

Tote le colpos es characteristic de lucta per approximation, in que le adversarios non se attacca, mais, mantenente distantia, liberes, illes entra in contacto solmente in le momento precise del attacco e del defensa. In special, le colpos de capoeira utilisa solmente le pedes; le manos servi como appoio al movimentos de tote le corpore.

Assi, le joco deveni un succession de fintas, un continue experimentation del guarda del opponente, plus tosto que propriemente un combatto. Le oscillation del capoeirista, accentuate per le cantos e le sonos del bateria, da al joco un apparentia de dansa.




#Article 68: Concentrator (106 words)


In general, un concentrator es le nodo central de un rete de computatores. Le parola anglese hub (modiolo) es frequentemente usate in diverse linguas.

Un concentrator es un equipamento usate in le retes de computatores pro interconnecter plure segmentos Ethernet, facente los functionar como si illos formava un sol segmento. Quando se usa un concentrator, solmente un del machinas connectite pote transmitter in un date momento. In le caso contrari, occurre un collision e le machinas debe retransmitter lor pacchettos post haber attendite un tempore aleatori.

Quando se usa un concentrator, cata equipamento interligate divide le mesme dominio de diffusion e le mesme dominio de collision.




#Article 69: Commutator (rete de computatores) (219 words)


Un commutator (in anglese: switch) es un apparato de un rete de computatores que connecte segmentos de un rete local. Illo esseva disveloppate a partir del concentrator electronic (hub), ubi le concentrator constitue le apparato nodal central pro un rete in topologia stelliforme. Con un concentrator commun, tote le connexiones de rete stelliforme recipe un quadro de diffusion. Le commutator connecte segmentos Ethernet e Token Ring basate super le adresse MAC e le connexiones es mantenite solmente durante le transmission del datos. Iste strategia puncto-a-puncto permitte que le commutator connecte multiple pares de segmentos simultaneemente, permittente que plus de un computator transmitte datos in un mesme momento.

Il ha tres modalitates de functionamento de un commutator:

Un commutator es simile a un concentrator in le facto que illo forni un unic dominio de diffusion, sed es differente in le facto que cata porta in un commutator es su proprie dominio de collision.

Le commutatores causa difficultates in le surveliantia de traffico proque cata porta es isolate usque illo transmitte datos e mesmo assi solmente le portas inviante e recipiente es connectite.

Duo methodos popular specificamente designate pro permitter a un administrator de retes surveliar le traffico es:

Il ha essite inventate altere methodos pro permitter le investigation celate in un altere computator in le rete sin cooperation del commutator:




#Article 70: Cometa (575 words)


Le cometas, juncto con le planetas e lunas, forma parte de nostre Systema Solar. A differentia del planetas, le cometas deveni multo parve e con orbitas multo longe, lo que face que nos los vide per multo poco tempore e solo quando illos es proxime al Sol.

Le parola cometa proveni del greco e significa de capillos longe.

Il esseva depois del invention del telescopio que le astronomos comenciava studiar le cometas con plus detalio, advirtente tunc que le majoritate de illos face apparitiones periodic. Edmund Halley esseva le prime persona in notar isto e prognosticava le apparition del cometa Halley in 1758, le qual se calculava haber un periodo de 76 annos. Disfortunatemente, ille moriva ante comprobar su prediction.

Le astronomos ha trovate que le cometas proveni principalmente de duo locationes; le cinctura de Kuiper, localisate plus ultra del orbita del planeta Pluton e le nube de Oort, situate plus lontan, al 
medietate del distantia inter nos e Alpha Centauri (le stella plus proxime a nostre Sol.)

In le mesura que un cometa se approxima al Sol, comencia a disveloppar lo que nos cognosce como le cauda del cometa. Illos son corpores solide composte de aqua, bioxita de carbono (gelo sic), amoniaco, metano (gas natural), ferro, magnesio e silicatos. Debite al basse temperaturas del locationes ubi illos se trova, estas substantias que compone un cometa se trova congelate, ration per le qual se dice communmente que illos es composte de gelo immunde. Illos consque diametros de alcun dozenas de kilometros - la montania plus alte in le Terra, le monte Everest, ha approximatemente 9 kilometros de altura.

Le calor que produce le Sol face que le substancias que forma le cometa se deveni plus calide, passante directemente de gelo a gas. Le Sol, in addition a esser le fonte de lumine e calor (lo qual face que le gases cometari brilla), produce un vento constituite de particulas que son dispersate in tote directiones, lo que se le cognosce communmente como vento solar. Iste vento traina le gases cometari producente le cauda del cometa, le qual sempre appuncta in direction opposte al Sol.

Le caudas del cometas deveni de dimensiones considerabile. In le caso del cometa Halley in su apparition de 1910, su cauda veniva a metir circa de 30 millones de kilometros - le Terra ha un diametro de approximatemente 12 mil kilometros. Cate vice que un cometa passa circa le Sol illo se guasta un poco, debite a que le material que va perdiente jam nunquam es reponite. On spera que, in promedio, un cometa passa quasi 2 mille vices per le Sol ante de evaporar se completemente. Durante le longor del trajectoria de un cometa, iste va lassante grande quantitates de parve fragmentos de material. Quando le Terra transversa le orbita de un cometa, iste fragmentos cade al atmosphera in forma de stellas fugace o tamben appellate pluvia de stellas. In maio e octubre se pote observar le pluvias de stellas producite per le fragmentos que lassava le cometa Halley.

cometa Borrelly
cometa Encke
cometa Hale-Bopp
cometa Halley
cometa Humason
cometa Ikeya-Seki
cometa Mrkos
cometa Shoemaker-Levy 9

Multe mythos e superstitiones surge quando un cometa es observate a simple vista. 
Alcun personas pensa que illos son messageros de prosperitate o de disastros. 
Non obstante, iste historias fantastic son false. Il non ha nihil de timer de iste objectos miraviliose si non, 
al contrario, nos deberea essayar appreciar los in tote su splendor.




#Article 71: China (419 words)


Le Republica Popular de China (chinese simplificate: 中华人民共和国, chinese traditional: 中華人民共和國, pinyin: Zhōnghuá Rénmín Gònghéguó) es un pais in le est de Asia, le quarte plus grande del paises del mundo, post Russia, Canada e le Statos Unite. China ha frontieras con 14 paises: Afghanistan, Bhutan, Myanmar, India, Kazakhstan, Kirghizistan, Laos, Mongolia, Nepal, Corea del Nord, Pakistan, Russia, Tadzhikistan, e Vietnam. Con un population de plus de 1 300 milliones de habitantes, illo es le pais le plus populose del terra.

Le citates le plus importante es Peking, Shanghai, e Hong Kong.

Le historia de China, como chronologia de un del civilisationes plus antique del mundo con continuitate usque le actualitate, ha su origines in le bassino del Fluvio Jalne, ubi surgeva le prime dynastias Xia e Shang. Le existentia de documentos scripte con plus de 3500 annos ha permittite le developpamento in China de un tradition historiographic multe precise, que offere un narration continue desde le prime dynastias usque le etate contemporanee. Le cultura chinese, secundo le mytho, comenciava con le tres imperatores originari: Fuxi, Shennong e Huang. Totevia, il non existe registros historic pro demonstrar le existentia real de iste personalitates qui haberea vivite ante 600 annos.

Le territorio que actualmente occupa le Republica Popular de China ha essite populate desde il ha milles de annos.

Illos es le governatores mythologic de China anterior al prime dynastias historic.

Le Tres Augustos esseva Fuxi, Nüwa e Shennong e le Cinque Imperatores, Huangdi, Zhuanxu, Diku, Tangyao e Yushun.

Le rege del Qin fundava un nove dynastia e prendeva le nomine de 皇帝 (huángdì), con connotationes religiose, pote esser traducite in Interlingua como imperator. Desde iste momento historic, tote le reges chinese utilisava iste titulo, abandonante le denomination de reges (王 wáng). Le nove imperator se faceva nominar 始皇帝 Shǐ Huángdì o nove imperator, vidente se como le prime de un longe dynastia de imperatores. Illo esseva le prime dynastia de un China reunificate e multo plus grande que le governate per le Zhou. Con ille surgeva un stato chinese centralisate, forte e unificate.

Iste pais es le quarto plus grande pais del mundo in superficie total e le tertie in superficie terrestre. A causa de su enorme extension, illo contine un grande varietate de paisages e zonas climatic. 

Post le final del Guerra Civil Chinese, le Governamento del nove Republica Popular, sub le direction del Partito Communista de China, comencia applicar un serie de reformas economic de character socialista, como le nationalisation del interprisas private e le collectivisation agrari. 




#Article 72: Generalisation (177 words)


Le generalisation es le facultate del mente per le qual se forma e se reuni plure ideas in un idea universal.

Le operationes del conceptuation permitte nos de formar, con le ideas particular que surge del perceptos, le classes o generalisationes. 

Primo nos percipe le objectos, pois nos los compara le un con le altere, pois nos abstrahe le qualitates particular que non es commun a tote ille objectos, pois nos los generalisa, ordinante los secundo lor punctos de similitude, in fin, nos da un nomine al concepto assi generalisate. Con iste complicate processo, nos perveni al concepto o idea general de un classe de cosas in le qual es comprehendite le ideas particular. Assi, in vider e observar plure vaccas, nos pote, per iste processo, pervenir al idea universal de vacca. In iste concepto general es comprehendite le qualitates e le proprietates commun a tote le vaccas, e excludite illos non commun a illos. Nos pote assi formar un idea de Napoleon Bonaparte, reuniente tote su multiplice qualitates e formante nos un idea general del homine.




#Article 73: C (linguage de programmation) (113 words)


C es un linguage de programmation designate e originalmente implementate per Dennis Ritchie in le prime annos del annos 1972 pro scriber le systema de operation UNIX. C ja es le plus commun linguage pro scriber software de systema, e C es anque usate pro scriber applicationes.

C attinge su scopos via:

Ecce le programma Hello World (Salute Mundo!) scribite in C conformante le norma de ISO:

int main(void)   /* Defini le function capital qual es execute per le system operational al comentiamento del programma */
{
    printf(Hello, World!\n);   /* Scribe le texto al stdout (sortita standard) */
    return 0;   /* Indica al system operational que le programma ha finite sin errores */




#Article 74: Chordata (116 words)


Chordata (o le chordatos, le nomine scientific Chordata) es un typo zoologic characterisate per le presentia de un chorda neural tubular dorsal o notochordo, sia durante tote le disveloppamento, sia in alicunes del phases de lor vita. Il ha tres subphylos e tres subtypos: craniatos (que include le vertebratos), urochordatos, e cephalochordatos.

Essayos que divina le relationes evolutionari del phylo chordata ha create plure hypotheses.  Le consenso moderne es que le phylo chordata esse monophyletic; lo que significa que le chordatos habe tote le e sol le descendentias de un ancestre singule commun que es ille mesme un chordato, e que le plus proxime gruppo es cephalocordata.

Le sequente schema es del libro Vertebrate Palaeontology. 

Notas: 




#Article 75: Colombia (1959 words)


Colombia es un pais situate al nord-west de America del Sud, con costas super le Atlantico e le Pacifico e frontieras con Venezuela, Brasil, Peru, Ecuador e Panama.

Le origine etymologic del nomine del pais es derivate del nomine del discoperitor de America, le navigante Christophoro Columbo. 1886 esseva le anno de adoption del nomine actual: Republica de Colombia. 

Le prime vestigio archeologic in Colombia esseva de circa de 10000 a. C., 
Inter le prime culturas on incontra “la Cultura San Agustín” e “la Cultura de Tierradentro” 

Tres familias linguistic dominava le actual territorio colombian al arrivata del exploratores espaniol: le “Arawaks”, le “Caribes” e le “Chibchas”.

Duo gruppos Chibchas: le “Taironas” e le “Muiscas” esseva le plus avantiates.

Le colonisatores espaniol arrivava in 1500. Illes trovava tribos native que esseva subjugate e conquirite.

Le espanioles establiva diverse colonias.

In 1499 le navigante espaniol Alfonso de Ojeda navigava le costa nord de Colombia
(“Cabo de la vela”), insimul con Americo Vespucio qui nomina le terra, con le actual nomine in honor a Christophoro Columbo.

Le espanioles initia le expedition de Colombia circa 1500, illes funda le prime citates in 1509 in le region de Urabá e le Darién.

Iste prime colonias non prosperava, e Santa Marta, fundate in 1525 per Rodrigo de Bastidas, es le plus ancian citate espaniol que supervive actualmente in le continente american.

Trans le exploration del costa caribe, se initiava le exploration del interior del pais, in cerca de un ruta plus curte pro obtenir le ricchessa del Peru. Esseva Gonzalo Jiménez de Quesada qui habeva le commando. Ille se internava montante le fluvio Magdalena. Iste expedition se disvia al audir de un populo (“Muisca”) que habeva grande ricchessas, ibi illes cognoce super le legenda de El Dorado. 

Post le conquesta le movimento pro independentia se initia in 1810,
commandate in grande parte per Simón Bolivar (le liberator) e Francisco de Paula Santander. Le movimento ha successo in 1819.

Le territorio deveni le Republica Federal del Grande Colombia post le battalia de Boyaca le 7 de augusto 1819.

Le division de poter duce in 1830 al separation del departimentos que formava le Grande Colombia, i.e.: Venezuela, Ecuador e Colombia. 

Post le separation, le divisiones interne remane e isto produce un guerra civil. Iste guerra causa, inter alteres, le secession de Panama in 1903, sub le gerentia del Statos Unite de America.

Usque nostre dies, Colombia continua a esser fragmentate per problemas interne.
 
Desde le annos 1960 gruppos armate como le FARC (Fortias Armate Revolutionari de Colombia), ELN (Armea de Liberation National), e in le ultime annos le AUC (Autodefensa Unite de Colombia) ha un forte presentia in le pais.

Le traffico de narcoticos es tamben un fonte de problemas pro Colombia.

Colombia es un Republica parlamentari. Le derecto al voto es accordate a omne citatanos de plus de 18 annos.
Le presidente es seligite per voto popular pro un periodo de 4 annos. Ille exerce como chef de Stato e de Governamento al mesme tempore.
Le parlamento es formate per 2 cameras:
Le Camera de deputatos (166 membros seligite pro 4 annos) e le senato (102 membros, equalmente selegite pro 4 annos).
Le derecto colombian es copiate super le modello del derecto espaniol e le codice napoleonic introducite per Andrés Bello.

Colombia es dividite in 32 departimentos e un districto capital (Santa Fé de Bogotá):

Colombia es con su 44 millones de habitantes le tertie plus grande mercato in America Latin, post Brasil e Mexico.

Colombia es le quinte potentia economic de Latinoamerica, post Brasil, Mexico, Argentina e Venezuela.
 
Colombia es le prime exportator de esmeraldos e le secunde exportator de flores in le mundo, post Nederlandia.
Colombia es le secunde pais plus ric in biodiversitate a nivello mundial.

Le distribution per activitate economic in 2005 esseva 13,9% agricultura, 30,3% industria e 55,8% servicios.

Duo del principal productos colombian es le caffe e le petroleo, sed le futuro es incerte, nam le ingressos que veni del production del caffe es affectate per le basse precio international, e le production de petroleo diminuera como consequentia del exhaustion gradual del principal jacimento petrolifere: Caño Limón e Cusiana.

Colombia non ha districtos federal a causa del character unitari de su organisation politic.

Colombia es transversate per le Andes que se divide in tres grande catenas de montanias, le Occidental, le Central e le Oriental. 
Inter le catenas montaniose, on incontra le fluvios Magdalena e Cauca.
 
Le loco de major altitude del pais es le Picco “Cristóbal Colón” in le “Sierra nevada de Santa Marta”, que ha un altitude de 5.775 m.s.n.m.

Le parte oriental del pais es characterisate per terras plan e basse, 
Con locos populate de dense arbores e multe fluvios como le Putumayo, le Caquetá, le Meta e le Guaviare, que flue al Orinoco o al Amazonas.

Colombia tamben ha plure parve insulas in le Oceanos Atlantic e Pacific.
Le climate local es calide in ambe costas e in le planas oriental, ben que in le montanias e terras in altitude le climate pote esser satis frigide.

Le major citate de Colombia es su capital Santa Fé de Bogotá. 
Altere citates importante es Medellín, Santiago de Cali, Cartagena de Indias e Barranquilla.

Colombia es dividite traditionalmente in regiones geographic natural e cultural: Andina, Costa Nord, Orinoquía, Amazonía, Costa Pacific, Insular.
Le region andin ha le major parte del population.

Colombia es le tertie pais plus populate de America Latin, post Brasil e Mexico.
 
Le movimento del population rural verso zonas urban ha essite importante.
Le population urban augmentava 57% de la population total in 1951 a approximatamente 74% verso 1994.

Le nove departimentos de terras basse del Oriente (aproximatemente 54% del area total) ha minus de 3% del population e un densitate de minus de un persona per km2.

Le diversitate ethnic in Colombia es le resultato del mixtura de amerindios native, colonnas espaniol e sclavos african, lo que forma un population de mesticios, blancos, mulattos e negros, assi como le mixtura de negros e amerindios (zambos).

Le proportion de differente gruppos ethnic varie secundo le region.
Hodie solo 2% del colombianos pote esser identificate totalmente como amerindio si on prende in conto lor lingua.

De plus existe in Colombia un presentia de migrantes de altere gruppos ethnic como arabes, judeos, chineses, e gitanos e de altere paises como Germania e altere paises latinoamerican (Ecuador e le Antillas, principalmente) .

Le immigration in Colombia semper ha essite basse con respecto a altere paises del continente.

Paradoxicamente, Venezuela, que ha un historia commun, ha habite un forte immigration estranier desde le tempores del independentia.

Malgrado que le Constitution de 1991 aperiva le pais a un acceptation plus grande de immigrantes, le situation non se ha cambiate a causa del problemas de ordine public, lo que face que le pais non sia attractive al citatanos de altere paises.

Iste particularitate ha como resultato que le pauc gruppos de immigrantes se integra completemente al population native del pais o tenta passar inobservate.

Il es forsan debite a illo que il non existe in le grande citates locos como quartiero chinese, quartier italian, etc.

Malgrado lo ultime il semper ha habite un unda migratori. Le plus importantes es:

Le arabe; illes arrivava al pais al fin del seculo XIX veniente de 
Libano, Palestina, Syria e Jordania. Debite a que iste paises esseva sub le controlo del Imperio Ottoman, le nativos comenciava a nominar les turcos.

Le arabes se ubicava specialmente in le costa nord del pais (Barranquilla, Cartagena de Indias, Santa Marta, Sincelejo, Montería e Maicao)
e pauc a pauc illes comenciava a arrivar etiam al interior del pais.
  
Le prime gruppos esseva christianos maronita, assi illes non incontrava problemas de integrar se in un nation catholic.

Desde 1954, con le creation del Stato de [Israel e le aggravamento del conflictos in le Oriente Medie, arrivava a Colombia parve gruppos de arabes musulman de Palestina que se ubicava in San Andrés e Providencia e in le Guajira.

Es in le citate de Maicao ubi se incontra le Moschea plus grande de America Latin, malgrado que le population musulman colombian es un minoritate.

Le altere gruppo de immigrantes es le judeos. Olim in le epocha colonial, 
multe judeos arrivava, illes era le sefarditas o judeos espaniol, sed illes esseva obligate per le corona espaniol al conversion. Illes esseva persequite per le Inquisition; assi finalmente illes dispareva, ben que alicunos affirma que multes de illes attingeva a occultar su lineage, specialmente in le region paisa.
Il esserea solo in le seculo XIX que le judeos retornarea a Colombia, veniente de Palestina e de Europa del Est, illes se radicava in Medellín, Bogotá e Cali.

Etiam in le seculo XIX arrivava germanos al departamento de Santander in particular al municipio de Zapatoca, incoragiate per le pionero Geo Von Lengerke, qui exportara le commercio del Quina con Europa.
Post le I Guerra Mundial e plus ancora con le II Guerra Mundial, il arrivarea gruppos de judeos german usque le anno 1939, le governo emitteva un decreto que prohibiva lor entrata al pais.

Super altere gruppos de immigrantes il ha minus information, a causa de lor minor presentia e a lor celere assimilation intra le societate colombian.

Re iste thema il es a notar que omne le parve immigrationes ha essite semper pacific e illo ha contribuite multe al nation.

Migration de colombianos a altere nationes
Debite principalmente al situation economic et equalmente al problemas de ordine public, illo face que Colombia sia un del paises latinoamerican con plus de fluxo de emmigrantes.

Le duo paises de major reception es le S.U.A. et Espania, sed il existe altere paises con gruppos importante de colombianos illos es Venezuela, Mexico, Italia, Chile e Canada.
Alteres paises con minor presentia sed celebre per lor colombianos es Australia, Francia e Israel.

Iste gruppos de colombian, debite al situation sociopolitic actual, es de origine diverse plures sectores social e regiones del pais, sed plus principalmente del interior del pais e de centros urban como Bogotá, Medellín, Cali, Bucaramanga, Cúcuta inter alia.
 
Generalmente, le emmigrantes colombian apprende le lingua del pais , mais illes oblida difficilemente lor radice.

Inter le emmigrante il ha un grande numero de intellectuales, artistas, sportistas, etc.., illes face parte del phenomeno nominate “fuga de cerebros” (iste phenomeno tamben ha habite loco in altere paises que ha vivite grande emmigrationes de lor population tal como Espania, Italia e Germania) illes sera necessari pro le developpamento del pais, in quanto lor crise sociopolitic et economic sia superate. 
  

Le relgion predominante in Colombia es le Christianismo.
Le principal confession es le Catholicismo (Rito Latin) con un 92 % dl population national que dice ser o es registrate como catholicos.
Le cifras se refere al porcentage de baptismos catholic, cosa que non representa necessarimente le numero de credentes.

Le 7% restante face parte de confessiones protestante de origine nordamerican 
sed plus recentemente brasilian e local, o derivate del protestantismo; Testes de Jehovah, Mormones, etc..;

Tanto ben on pote incontrar parve representation de altere religiones monotheistic: 

Musulmanes e Judeos, de plus de secta e gruppos de origine buddista e taoista.

Le communitates indigen e afroamerican generalmente assumite como catholic, on pote incontrar practicas ancestral de cata un del populos que lo ha formate.

Hasta la constitución de 1991, el catholicismo era la religión oficial del estado

Le education formal in Colombia es conformate per le nivellos de education prescholar, education basic, education medie e de nivello universitari.
Le scholaritate normal: education basic e medie es de 11 annos.
Le organismo que coordina le education es le Ministerio de Education National, iste delega al secretarias de education le gestion et organisation secun le regiones. 
Equalmente il ha education non formal offerite generalmente per institutiones private, iste duce a diplomas in nivellos technic.




#Article 76: Chile (148 words)


Chile es un pais ubicate in le extreme sud-west de America del Sud, verso le Oceano Pacific. Le pais ha frontieras al nord con Peru, al nord-est con Bolivia e al est con Argentina. Illo se appella officialmente Republica de Chile.

Le conquisitores espaniol installate in Peru appellava al region austral como valle de Chile, termino que se utilisava posteriormente pro toto le territorio al sud del deserto de Atacama. Le origine del nomine de Chile non es cognoscite con certitude. In le scholas chilen se insenia duo theorias: le prime, que illo sia le resultato del onomatopeisation del sono de un ave national appellate Trile, e le secunde que illo proveni de un parola aymara ch'iwi, que significa gelate. Altere possibile origines es in le parola Mapudungun chili, que significa confinio, extremitate, fin del terra.

Le chilen Bernardo O’Higgins esseva un del grande liberatores del revolutiones latino-american.




#Article 77: Calvinismo (136 words)


Calvinismo [kal-vi-nís-mo] es un termino ambigue, usate con duo significatos distincte. Primo, illo se refere al ideas religiose de corpores religiose (como le Ecclesia reformate) e individuos (como Theodoro de Beza) le quales esseva profundemente influentiate per Johannes Calvin, o per documentos scribite per ille. Secundo, illo se refere al ideas religiose de Johannes Calvin ipse. Ben que le prime senso es multo plus commun, il ha un recognoscimento crescente que iste termino induce in error. (Red. Paolo Castellina).

Le theologia del reformation es le instrospectiones theologic del reformatores del seculo 16, particularmente de Martin Luther e Johannes Calvin. Aliquando iste termino se usa pro distinguer le theologia lutheran del theologia del calvinismo.

Le reformation magistral es un termino usate pro referer se al alas lutheran e calvinista del Reformation, in opposition al ala radical (Anabaptismo).




#Article 78: Credo (402 words)


Credo (L. io crede). Un definition formal o summario del fide de un religion

In le religion christian le credos plus importante es generalmente illos cognoscite como le Credo apostolic e le Credo nicene.

Le christianos crede in un Deo, le qual existe eternamente in tres personas: le Patre, le Filio, e le Spirito Sancte. Illes es identic in essentia, equal in potentia e gloria, e illes possede precisemente le mesme attributos e perfection. Secundo le credo christian, Deo es invisibile, personal, eterne, independente, immutabile, verace, confidibile, omnipotente, soveran, omnisciente, juste, sancte, bon, amabile, misericordiose, patiente e disponibile al gratia.

Le Symbolo Apostolic esseva disveloppate inter le secunde e le novesime seculos. Illo es le credo le plus popular usate in le culto de christianos occidental e forma le base del fide e del identitate del grande majoritate del ecclesias christian. Su doctrinas central es illos del Trinitate e de Deo le Creator.

Un legenda conta que le Apostolos ipse lo scribeva le decime die post le ascension de Christo in celo. Isto, tamen, non es le caso, ben que le nomine remaneva. Tamen, cata un del doctrinas que se trova in le Credo pote esser traciate a affirmationes currente in le periodo apostolic. Le version le plus antique del Credo es forsan le Credo Interrogatori de Hippolyto (circa AD 215). Le forma actual se trovava pro le prime vice in le scriptos de Cesario de Arles (m. 542).

Le Credo esseva apparentemente usate como summario del doctrina christian pro le candidatos al baptismo in le ecclesias de Roma. Pro isto illo es etiam appellate Le Symbolo roman. Como in le version de Hippolyto, illo se trovava in formato de demanda e de responsa: le candidatos al baptismo respondeva affirmativamente que illes credeva a cata affirmation.

Io crede in Deo Patre omnipotente, Creator del celo e del terra. E in Jesus Christo, Su Filio unigenite, Domino nostre; qui esseva concipite per le Spirito Sancte, nascite ex le virgine Maria; Ille suffreva sub Pontio Pilato, esseva crucifigite, moriva e esseva sepulte; ille descendeva a in le inferno; le tertie die Ille resurgeva del mortos; Ille ascendeva al celo; Ille sede al dextera de Deo Patre omnipotente; de ibi Ille venira a judicar le vivos e le mortos. Io crede in le Spirito Sancte; le sancte ecclesia universal; le communion del sanctos; le remission del peccatos; le resurrection del carne; le vita eterne. Amen.




#Article 79: Critica biblic (509 words)


Le critica biblic es normalmente le tentativas del eruditos de comprender le significato e relebantia del Biblia per le medio de divergente praradigmas e approches technic. Il ha octo typos major de tal analyse del Biblia. Compara: Critica textual, Critica del formas, Critica structural, Critica historic, Critica del redaction, Critica del fontes, Critica litterari, Critica sociologic. Vide alsi: Critica alte, e Poststructuralismo.

Le critica alte (Higher Criticism) es le critica del Biblia que appareva primo in le ultime parte del annos 1800, fundate super presuppositiones naturalista e modernista. Toto lo que es supernatural es considerate un elemento mythologic del Scriptura, le qual require un explication cultural o natural. Vide: Naturalismo, Modernismo. Simile a: Jesuologia, Jesus Historic. Contrasta con Critica basse.

Le critica litterari es un branca del exegese que studia le pertinentia de textos biblic a determinate fontes, specialmente ille libros que se compone de diverse stratos de fontes, como, p. ex. le Evangelios e le Pentateucho. Illo essaya, in ultra, de distinguer inter le partes litterari original de un texto e le subsequente additiones litterari. Illo es, de facto, un examination del Scriptura que cerca de discerner le significato e le relevantia del Biblia per le mesme sorta de analyse utilisate pro litteratura non inspirate. 

Le solution del problemas litterari e critic permitte al exegeta de melio comprender le texto o le libro, considerante lo chronologicamente e sur le nivello del contentos, in le insimul del mundo del Vetule Testamento o del Nove Testamento, e in distinguer inter aspectos principal e secundari.

Compara con:

Critica textual, Critica del formas, Critica structural, Critica historic, Critica del redaction, Critica del fontes, Critica sociologic.

Le critica sociologic es le examination del Scripturas que cerca de discerner le significato del Biblia per le theorias sociologic e le anthropologia cultural. Compara: Critica textual, Critica del formas, Critica structural, Critica historic, Critica del redaction, Critica del fontes, Critica litterari.

Le critica structural es le examination del Scriptura que cerca de discerner le significato del Biblia per comprehender le structuras linguistic del texto. Fundate sur le scriptos del erudito switze Ferdinand de Saussure in le prime parte del 1900. Compara: Critica textual, Critica del formas, Critica historic, Critica del redaction, Critica del fontes, Critica litterari, Critica sociologic.

Le authenticitate es le esser authentic; verace, original, genuin. P. ex. Le autenticitate de un declaration, de un obra, de un sentimento. Authenticitate e inautenticitate non es terminos multo bon, ma illos es utilisate per le critica del fontes e le critica litterari. Le distinction inter authentic e inauthentic deberea servir pro discerner le partes original de un texto o de un fonte scribite ab le additiones successive, o plus tosto a denegar a un autor le paternitate de un scripto que se presenta sub su nomine (p. ex. le epistolas pastoral de Paulo). Il es importante rememorar que hic se tracta de observationes de character litterari, e, a vices, anque historic, que, in omne caso, non comporta judicamentos sur le nivello theologic. Il esserea melior utilisar un altere terminologia, in distinguer inter texto primari e ampliamentos secundari.




#Article 80: Critica del formas (168 words)


Critica del formas: Examination del Scriptura que cerca de discerner le significato per divider le Biblia in unitates basate sur le forma o genere de cata uno de illos. Le criticas del formas deveniva popular in le prime parte del annos 1900. Illo presuppone que le Scriptura esseva transmittite oralmente per longe periodo ante esser ponite in scriptos. Per analysar le varie elementos de motivos in un unitate de forma, se reputa que le Biblia pote esser comprendite como un tradition que se developpa, plus tosto que un revelation divin. Compara: Critica textual, Critica structural, Critica historic, Critica del redaction, Critica del fontes, Critica litterari, Critica sociologic. Connectite con: Formgeschichte.

Le demythologisation es un approche al theologia particularmente associate con le theologo german Rudolf Bultmann (1884-1976) e su discipulos, le qual se appoia al credentia que le conception del mundo del Nove Testamento es mythologic, corresponde a un mytho. Pro comprender lo e applicar lo a nostre moderne situation, il esserea necessari que nos elimina le elementos mythologic.




#Article 81: Catto domestic (323 words)


Le catto domestic (fem. catta) (Felis silvestris catus o Felis catus) es un mammifero domestic del familia Felidae, con ungulas retractile, carnivoro, de pilos dense e suave. Insimul con le can, illo es un del animales domestic le plus commun.

Illo fluctua normalmente inter le 3 e le 8 kg de peso. Alcun cattos, como illos del racia ragdoll, pote pesar plus de 8 kg. Le cattos domestic pote viver circa 15 annos si ben curate. Le catto plus longeve registrate viveva 34 annos.

Le cauda servi pro mantener le equilibrio e pote fluctuar multo in talia. Le cattos del racia Manx non ha cauda. Su dentes e patas es adaptate a su stilo de vita carnivore.

Le gestation del catta dura 55 die e illo parturi inter 2 e 6 cattones, que lacta inter 3 e 4 septimanas.

Le cattos ha un grande varietate de colores de pilos. Illos pote haber le pilos longe o curte, salvo le racia sphynx, que non ha pilos.

Le catto es un animal de compania. Illo es plus independente que le can, sed tamben pote esser multo affectuose.

On debe habituar le catto al personas desde su infantia. 
Per natura le catto es un animal chassator. Le cattos de ferma vive de forma semisalvage e chassa muses e rattos, animales damnose. Multe cattos domestic occide insectos grande, rattos e parve aves per instincto.

Le catto esseva domesticate per le egyptianos circa 4.000 adC, pro le controlo de muses e rattos. Pro illes le cattos esseva sacrate, e le castigation pro occider un era le morte. Le dea Bastet era representate con capite de catto.

Non obstante, in le Medievo, on pensava que le cattos era proxime al magas, o al Satan. Durante le festas, a vices on combureva cattos vive.

On dice traditionalmente que le catto ha septe vitas, novem pro le anglosaxones.

Le catto ha sensos multo disveloppate, per exemplo le vista e le audito.




#Article 82: Concordantia Strong (163 words)


Le concordantia complete Strong (Strong's Exhaustive Concordance of the Bible) lista cata parola significative in le Biblia e referentia cata parola al linguas original hebree e grec usate per le scriptores. Le concordantia esseva primo publicate in 1890 per le dr. James Strong. Le obra de su vita esseva de provider al studiantes del Biblia un instrumento accurate e functional pro comprehender le linguas per le quales Deo nos communicava Su Parolas. Ille e alteres laborava durante 35 annos sin le adjuta del technologia que nos ha hodie. Le obra del dr. Strong poteva superar le proba del tempores e illo es ancora hodie recognoscite como un del adjutas essential pro studiar le Biblia per gente de tote le mundo.

Le proposito primari del concordantia es de provider un medio effective pro identificar e trovar un verso o un passage desirate in le Biblia. Cata parola listate es ligate numericamente al dictionario hebree o grec appropriate, in le qual es disponibile major adjuta.




#Article 83: Copyleft (308 words)


Le termino anglese copyleft [kó-pi-left] refere al application de copyright (derectos de autor) pro assecurar le libertate public a modificar, meliorar e redistribuer un obra autorisate e omne projectos derivate ab illo. Le concepto esseva inventate per Richard Stallman in 1984 pro le distribution de software, ben que illo es hodie usate etiam pro altere typos de material.

Secundo copyleft, le possessor de un copyright imparti un licentia irrevocabile al recipiente de un copia, permittente su redistribution (includente le vendita) de altere copias possibilemente meliorate o modificate, sub le condition que tote ille copias porta le mesme licentia e es rendite disponibile in un forma que facilita lor modification.

Le concepto de copyleft nasceva quando Stallman elaborava un interpretator de Lisp (un linguage de programmation pro computatores). Symbolics, Inc., un fabricante de computatores hodie defuncte, peteva a Stallman permission pro le uso de su interpretator de Lisp, e Stallman lo concedeva. Dunque Symbolics extendeva e meliorava le interpretator de programmas.

Ma quando Stallman demandava accesso al meliorationes que Symbolics faceva a su interpretator, Symbolics refusava dar le accesso. Postea Stallman procedeva a crear le typo de licentia pro codice de computator que impedirea iste typo de action.

Le idea de copyleft es suggerite de plus in plus pro patentes, como le patente public in projectos commun le qual permitte uso libere del patentes contribuite al uso in commun sub certe conditiones (como per exemplo le abandonamento del derecto a facer application pro nove patentes non contribuite al uso commun de altere usatores in le projecto).

Ab le anglese copy pro copia e left pro leve o sinistre, in contrasto con copyright. Proveni del phrase anglese Copyleft—all rights reversed (tote derectos revertite), scribite per Don Hopkins in un message a Richard Stallman in 1984 como un joco de parolas pro le phrase legal Copyright—all rights reserved (tote derectos reservate).




#Article 84: Canada (172 words)


Canada es le pais le plus septentrional de America del Nord e le secunde le plus grande
pais del mundo in terminos de area territorial, sed illo ha un inferior densitate de population, con circa

illo es independente in energia e es sovente prendite in error pro esser un del poc paises disveloppate
que ha un economia fortemente dependente del abundantia de su ressources natural.

Su limites es:

Le insula de Groenlandia es solmente al nord-est del plus septentrional insulas de Canada,
e le possession francese de Saint-Pierre e Miquelon es solmente apud le costa.

Su population actual supera le 31 milliones de habitantes, del quales:

Solmente 2% del population total es constituite per le population indigena.

Le duo linguas official de Canada es le anglese e le francese.

Le francese es principalmente parlate in Québec, Ontario e Nove Brunswick.

Le religion le plus diffundite es le christian, con 42% de catholicos e

Canada comprende dece provincias e tres territorios.

Le provincias e lor capitales es:

Le territorios e lor capitales es:




#Article 85: COBOL (108 words)


COBOL (acronymo del expression anglese Common Business Oriented Language) es un linguage de programmation.

COBOL esseva disveloppate in 1959 in le Conference on Data Systems Languages (CODASYL). Iste consilio esseva formate per un collaboration inter le industrias, le major universitates, e le governamento del Statos Unite de America. Illo completava le specificationes del COBOL verso le fin del annos 1959. Illos esseva alora approvate per le Consilio Executive in januario 1960, e inviate al officio typographic del governamento, qui editava e imprimeva iste specificationes como Cobol60. COBOL esseva developpate in un periodo de sex menses, illo es un del linguages de programmation le plus vetere in uso actualmente.




#Article 86: Decennio (427 words)


Le decennio o decade es un periodo de dece annos.

Vider le ligamines in basso pro information super le decennio correspondente.

Annos 2000, Annos 2010, Annos 2020

Annos 1900, Annos 1910, Annos 1920, Annos 1930, Annos 1940,
Annos 1950, Annos 1960, Annos 1970, Annos 1980, Annos 1990

Annos 1800, Annos 1810, Annos 1820, Annos 1830, Annos 1840,
Annos 1850, Annos 1860, Annos 1870, Annos 1880, Annos 1890

Annos 1700, Annos 1710, Annos 1720, Annos 1730, Annos 1740,
Annos 1750, Annos 1760, Annos 1770, Annos 1780, Annos 1790

Annos 1600, Annos 1610, Annos 1620, Annos 1630, Annos 1640,
Annos 1650, Annos 1660, Annos 1670, Annos 1680, Annos 1690

Annos 1500, Annos 1510, Annos 1520, Annos 1530, Annos 1540,
Annos 1550, Annos 1560, Annos 1570, Annos 1580, Annos 1590

Annos 1400, Annos 1410, Annos 1420, Annos 1430, Annos 1440,
Annos 1450, Annos 1460, Annos 1470, Annos 1480, Annos 1490

Annos 1300, Annos 1310, Annos 1320, Annos 1330, Annos 1340,
Annos 1350, Annos 1360, Annos 1370, Annos 1380, Annos 1390

Annos 1200, Annos 1210, Annos 1220, Annos 1230, Annos 1240,
Annos 1250, Annos 1260, Annos 1270, Annos 1280, Annos 1290

Annos 1100, Annos 1110, Annos 1120, Annos 1130, Annos 1140,
Annos 1150, Annos 1160, Annos 1170, Annos 1180, Annos 1190

Annos 1000, Annos 1010, Annos 1020, Annos 1030, Annos 1040,
Annos 1050, Annos 1060, Annos 1070, Annos 1080, Annos 1090

Annos 900, Annos 910, Annos 920, Annos 930, Annos 940,
Annos 950, Annos 960, Annos 970, Annos 980, Annos 990

Annos 800, Annos 810, Annos 820, Annos 830, Annos 840,
Annos 850, Annos 860, Annos 870, Annos 880, Annos 890

Annos 700, Annos 710, Annos 720, Annos 730, Annos 740,
Annos 750, Annos 760, Annos 770, Annos 780, Annos 790

Annos 600, Annos 610, Annos 620, Annos 630, Annos 640,
Annos 650, Annos 660, Annos 670, Annos 680, Annos 690

Annos 500, Annos 510, Annos 520, Annos 530, Annos 540,
Annos 550, Annos 560, Annos 570, Annos 580, Annos 590

Annos 400, Annos 410, Annos 420, Annos 430, Annos 440,
Annos 450, Annos 460, Annos 470, Annos 480, Annos 490

Annos 300, Annos 310, Annos 320, Annos 330, Annos 340,
Annos 350, Annos 360, Annos 370, Annos 380, Annos 390

Annos 200, Annos 210, Annos 220, Annos 230, Annos 240,
Annos 250, Annos 260, Annos 270, Annos 280, Annos 290

Annos 100, Annos 110, Annos 120, Annos 130, Annos 140,
Annos 150, Annos 160, Annos 170, Annos 180, Annos 190

Annos 00, Annos 10, Annos 20, Annos 30, Annos 40,
Annos 50, Annos 60, Annos 70, Annos 80, Annos 90




#Article 87: Die (451 words)


]
Le termino die defini varie differente unitates de tempore. Le parola se refere o al periodo de claritate quando le Sol es super le horizonte local, o al die complete comprehendente un periodo de obscuritate e un periodo de claritate. Differente definitiones de die es basate super le movimento apparente del sol a transverso del celo (die solar). Le ration pro iste movimento apparente es le rotation del Terra circa su axe, assi como le revolution del Terra in un orbita circa le Sol.

Secundo le costume antique, un nove die se initia o al levar o al poner del Sol in le horizonte local. Le momento exacte e le intervallo inter duo levares del Sol o duo poneres del Sol depende del position geographic (longitude e latitude), e le momento intra le anno.

Un die plus constante pote esser definite per le passage del Sol a transverso del meridiano local, lo que occurre al mediedie local (culmination superior) o al medienocte local (culmination inferior). Le momento exacte depende del longitude geographic, e in un grado minor del momento intra le anno. Le longor de un tal die es quasi constante. Isto es le tempore indicate per le quadrantes solar.

Un melioration ulterior defini un Sol medie ficticie que se move con velocitate constante super le equator; le velocitate es le mesme que le velocitate medie del Sol real, mais isto remove le variation que occurre durante le anno a mesura que le Terra percurre su orbita circa le Sol.

Pro propositos civil, desde le medietate del seculo XIX, quando se comenciava a usar ferrovias con horarios regular, un hora de horologio commun ha essite definite pro un integre region basate super le hora solar local medie de alcun meridiano central. Pro tote le mundo, circa 30 fusos horari similar ha essite definite. Le principal es le hora del meridiano de Greenwich, tamben denominate hora mundial o UTC (Coordinated Universal Time).

Le convention commun actual es que le die civil se comencia a medienocte, lo que es proxime al momento del culmination inferior del Sol medie al meridiano central del fuso horari. Un die es communmente dividite in 24 horas de 60 minutas de 60 secundas cata uno.

Considerante le annos bissextil, un die de horologio civil ha un duration de 86.400 o 86.401 secundas del SI (o theoricamente 86.399 si necessari, lo que nunquam occurreva).

In Astronomia le die sideral tamben es usate; illo es circa 3 minutas e 56 secundas plus curte que le die solar, e proxime al effective periodo de rotation del Terra.

Un die solar ha 24 horas o 1440 minutas o 86400 secundas.
Le die sideral ha 23 horas, 56 minutas e 4 secundas.




#Article 88: Derecto (232 words)


Le Derecto es un ordine juridic que se exprime normativemente 
(conjuncto de normas) pro reger un societate, regular su conducta e 
resolver su conflictos.

Un del questiones in le qual illes qui studia le Derecto nunquam 
trova accordo es in su definition. Desde tempores immemorial on 
ha proposte diverse definitiones, sin que existe ancora qualcun 
consenso usque nunc. Le studio del concepto del Derecto lo 
realisa un de su brancas, le Philosophia del Derecto.

Le nascimento del Derecto es etiam de natura controvertite, 
scisse in duo posturas:

Historicamente, le nascimento del Norma juridic se produce como 
imposition de qui exerce le Poter. Iste postura se suavisa in 
periodos historic posterior usque arrivar a systemas como le occidental 
vigente in que le leges surge mediante le Populo 
pro medio del election que iste face ab le Poter legislativo.

Le Derecto nasce de lo que on denomina fontes del Derecto 
e que es:

Traditionalmente, le Derecto se ha dividite in le categorias de 
Derecto public e de Derecto private. Non obstante iste 
division ha essite ampliamente criticate et in le actualitate 
non ha tanto fortia, ante le apparition del Ordenamento juridic 
in le qual le diferentias inter lo public e lo private non son tanto 
evidente. Un del exponentes de iste confusion es le Derecto Laboral, 
in le qual le relation private inter travaliator e Impressario 
se trova fortemente intervenite per un normativa public.




#Article 89: Danmark (386 words)


Le Regno de Danmark es un pais in Scandinavia, al nord de Europa, con frontiera al Mar Baltic e le Mar del Nord. Illo consiste de un peninsula (Jutlandia, in danese: Jylland) e 405 insulas nominate (del quales le 79 es habitate) al nord de Germania e al sud-est de Svedia.

Danmark es un stato membro del Union Europee desde 1972.

Danmark forma parte de Scandinavia e illo solo ha frontiera terrestre con Germania, desde 1999 illo es unite per strata e ferrovia con Svedia, per le ponte de Øresund. Le territorio danese es componite per le peninsula de Jutlandia e per 407 insulas ex le quales 79 es habitate (2009). Danmark conta con 7.314 km de costas, e illo es totalmente circumferite per le Mar del Nord e le Mar Baltic, excepte Jutlandia, que lo uni al continente europee. Le principal insulas danese son Selandia, Fionia, Vendsyssel-Thy, Lolland e Bornholm, le plus lontan ab le archipelago danese. Iste position ha date a Danmark, historicamente, le controlo super le accesso al mar Baltic.

Le bandiera official es Dannebrog, inter le bandieras le plus vetere in le mundo.

Danmark es un monarchia constitutional desde 1849, data in le qual esseva abolite le monarchia absolute que habeva regite le pais desde 1660, e illo deveniva monarchia parlamentari in 1901. In terminos de permanentia, le monarchia danese pote considerar se le plus antique del mundo, habente existite durante al minus un millennio. Danmark forma parte del Union Europee, sed illo non utilisa le euro. Quando le pais se adhereva al Communitate Europee (CEE, hodie le Union Europee) in 1973 illo lo faceva sin le Insulas Feroe, durante que Groenlandia optava pro separar se del CEE in 1985. Danmark etiam deveniva un membro fundator del OTAN in 1949, terminante con le traditional politica de neutralitate que illo habeva sustenite usque iste momento. 

Con un natura povre de ressources geologic, Danmark susteneva su economia per le activitate agricole, gratias a su fermas, le pisca e le industria naval. In le ultime seculo, le daneses ha date un impulso al industrialisation de lor pais e ha favorite le establimento de un stato de benesser garantiente le accesso a servicios public desde que in 1933 se firmava le accordo de Kanslergade. Danmark esseva occupate per le Germania nazista durante le Secunde Guerra Mundial.           




#Article 90: Debian (277 words)


Debian es un systema de operation libere pro computatores. Un systema de operation es le collection de programmas e utensiles qui face functionar un computator. Al centro de un systema de operation es le nucleo. Le nucleo es le plus fundamental programma in le computator: illo face tote le controlo del computator e permitte que illo initia altere programmas. Currentemente, Debian usa le nucleo Linux (como Debian GNU/Linux), un nucleo libere create initialmente per Linus Torvalds e supportate per milles de programmatores in tote le mundo. Le grande parte del utensiles qui es etiam essential pro le systema de operation veni de GNU; iste utensiles etiam es libere. Il ha etiam sub-projectos in curso pro crear distributiones de Debian con le ancian nucleo UNIX BSD, e le nucleo GNU Hurd (como Debian GNU/Hurd).

Debian es un projecto de disveloppamento totalmente voluntari basate super le Internet. Il ha centos de voluntarios qui labora pro Debian. Le plus grande parte de illes es incargate de un parve numero de pacchettos de software, e es multo familiar con le software que illes pacchetta. Iste voluntarios observa un numero de regulas stricte qui governa le maniera in le qual le pacchettos debe esser assemblate. Le regulas es create cooperativemente per le Internet in listas de currero electronic.

Le philosophia del projecto importa multo a Debian. Le  (disponibile in multe linguas) promitte que Debian essera totalmente libere pro semper; Debian mesme es facite de multe parve pacchettos pro permitter modificationes facile pro diverse usos.

Le Projecto Debian esseva annunciate in 1993 per Ian Murdock e Debian 0.01 esseva publicate le 15 septembre, 1993, e le prime publication stable esseva facite in 1996.




#Article 91: Canto (274 words)


Un canto es un componsition musical relativemente parve.

Le canto Dansar con Moob in le Louvre es in interlingua. Illo ha alicun partes etiam de Francese, e le choro ha un traduction in Anglese.

Le pronunciation de Moob es como anglese, e pare simile a `muub' (Muba es le mesme nomine, e on lo pronuncia como in Interlingua). Le choro e le versos ha le mesme musica.

 Dansar con Muba in le Louvre
 per: Puero de Capro e Muba

 Choro:
          D
 E c'est vrai, okai
                           Em
 Dansar avec Moob dans le Louvre, okai
       A
 E es ver, okeh
                          D        A
   Dansar con Moob in le Louvre, okeh

 Nos visita, okeh
 Notre Dame; bon pro religionar, okeh
 Mais le Louvre, okeh
 Es le prima cathedral pro dansar, okeh

 Le Bastille, okeh
 Me certemente interresa, okeh
 Mais es nihil, okeh
 In lieu del Louvre pro dansa, okeh

 E le Turre, okeh
 D'Eiffel es un opera grandissime, okeh
 Le brochure, okeh
 Dice pro dansar le Louvre es optime, okeh

Moob/Muba es le mesme persona como tomch. Ille dice:

Puero de Capro, mi fratre juvene, inspirationalmente creava le musica, e scribeva le choro (in Anglese) in le Louvre in Paris, in le pyramide vitree famose, proque nos era felice e dansante. Illo era traduceva a in Interlingua/ Francese, que es plus poetic que le Anglese, e le versos era scribite plus tarde. Io sape de nulle altere canto scribite in le Louvre, assi forsan iste es unic! (ben que io lo dubita)

Le Choro in Anglese:
 And it's true, okeh
 Dancing with Moob in the Louvre, okeh
 And it's true, okeh
 Dancing with Moob in the Louvre, okeh




#Article 92: Discurso de Gettysburg (540 words)


Le Discurso de Gettysburg es le discurso le plus famose del presidente statounitese Abraham Lincoln e un del discursos le plus citate in le historia del Statos Unite de America. Illo esseva pronunciate al dedication del Cemeterio National del Soldatos in Gettysburg, Pennsylvania, le 19 de novembre 1863, durante le Guerra Civil American, quatro e medie menses post le Battalia de Gettysburg.

Le discurso prudentemente componite de Lincoln, secundari a altere presentationes a ille die, ha ultimatemente devenite reguardate como un del discursos le plus magne in le historia statounitese. In minus de 300 parolas pronunciate durante duo o tres minutas, Lincoln invocava le principios del equalitate human stipulate per le Declaration de Independentia e redefiniva le Guerra Civil como un lucta non solmente pro le Union, ma como un nove nascentia de libertate que ducerea ver equalitate a tote su citatanos.

Initiante con le phrase nunc iconic: Ante quatro vintenas e septe annos, Lincoln refereva al eventos del Revolution American e describeva le ceremonia a Gettysburg como un opportunitate non solmente a dedicar le terra de un cemeterio, sed etiam a consecrar le viventes in le lucta pro assecurar que le governamento del populo, per le populo, pro le populo, non essera obliterate del terra. Malgrado le placia prominente del discurso in le historia e cultura popular del Statos Unite, le linguage exacte del discurso es in disputa. Le cinque cognoscite manuscriptos del Discurso de Gettysburg differe in plure detalios e differe etiam de reproductiones contemporanee del discurso in jornales.

Ante quatro vintenas e septe annos, nostre patres establiva super iste continente un nove nation, concipite in Libertate, e dedicate al ideal que tote le homines es create equal.

Nunc nos es ingagiate in un grande guerra civil, que provara si ille nation, o omne nation assi concipite e assi dedicate, pote durar longemente. Nos es reunite super un grande campo de battalia de ille guerra. Nos ha venite pro dedicar un portion de ille campo como un loco de reposo final pro illes qui dava hic lor vitas a fin que ille nation pote viver. Il es integremente juste e proprie que nos face isto.

Sed, in un senso plus ample, nos non pote dedicar – nos non pote consecrar – nos non pote sanctificar – iste terra. Le homines brave, vive e morte, qui luctava hic, lo ha consecrate, multo ultra nostre povre poter de adder o de subtraher. Le mundo a pena notara, e non se rememorara longemente lo que nos dice hic, ma illo non pote oblidar lo que illes faceva hic. Il conveni a nos le viventes, plus tosto, de esser dedicate hic al travalio incomplete que illes qui combatteva hic ha usque nunc avantiate si nobilemente. Il conveni plus tosto a nos de esser dedicate hic al grande labor restante ante nos – que ille mortos honorate nos inspira un devotion augmentate a ille causa pro le qual illes dava le ultime e total mesura de devotion – que nos face hic solemnemente le resolution que iste mortos non habera morite in van – que iste nation, sub Deo, habera un nove nascentia de libertate – e que le governamento del populo, per le populo, pro le populo, non essera obliterate del terra.




#Article 93: Dionysio Exiguo (370 words)


Dionysio Exiguo (cognite anque como Denis le Parve) (c. 470 – c. 544) esseva un monacho nascite in Scythia Minor. Depois approximativemente 500 illo habitava Roma, ubi ille traduceva multe obras ab greco in latino, includente 401 canones ecclesiastic e un collection de decretales papal de Siricio a Anastasio II. On considerava longemente iste collectiones como autoritari in le west. Dionysio scribeva anque un tractato de mathematica elementari.

Dionyso es totevia plus celebrate pro su obras sur le calendario, notabilemente su invention del Era Vulgar o Era Commun. Papa Johannes I appellava Dionysio a compilar le tabella per le futur datas del pascha. In 525, Dionysio produceva su Liber de Paschate. A iste tempore le anno esseva calculate desde le initio del regno del Imperator roman Diocletiano, un feroce persecutor del christianos. Dionysio non voleva continuar le memoria de iste, e ille proponeva de numerar le annos desde le nascentia de Jesus Christo. Le data secundo Dionysio, anque dicte le Era Vulgar, comenciava in le anno DCCLIII ab Urbe condita (753 del fundation de Roma), que deveniva assi le anno 1 del Era Vulgar. Le data esseva calculate in referentia al nascentia de Christo, ergo a.C. (ante Christo) o d.C. (depost Christo). Le romanos non cognosceva le zero; pro iste ration, zero non existe in le calendario christian, ergo al anno 1 a.C. seque immediatemente le anno 1 d.C.

Secundo le calculos de Dionysio, que hodie multes considera erronee, Jesus nasceva le 25 decembre del anno 1 E.V. Le data exacte del nascentia de Jesus Cristo es un mysterio. Probabilemente Dyonisio commiteva un error in su calculos (forsan de 7 annos, forsan de 4 o 5) pro stabilir le anno de initio del era christian. Jesus haberea potite nascer in 7 a.C. (ma anque in 4 o 5 a.C., o forsan, como dice le historico Giorgio Fedalto, ). Le data exacte non es note.  Totevia il es improbabile que le censimento general de population del Imperio Roman durante su nativitate esseva facite in le mense de decembre. Il es plus credibile que on lo faceva in primavera.

In 2008, Dionysio Exiguo esseva canonisate per le synodo del Ecclesia Orthodoxe Romanian. Su festa in iste ecclesia es le 1 de septembre.




#Article 94: Dominica (pais) (418 words)


Le Commonwealth de Dominica (do-mi-ní-ca) es un pais independente in le Mar Caribe, situate inter le insulas francese de Guadeloupe e Martinica. Nonobstante su parve superficie e population, le insula es remarcabile pro su patrimonio natural ben preservate e un ric cultura con diverse influentias.

On ha baptisate Dominica le «Insula naturistic del Caribe» pro su beltate non spoliate. Illo es le insula le plus juvene del Parve Antillas, in terminos geologic, e es ancora affectate per activitate geothermal e vulcanic, como in Boiling Lake («laco bulliente»). In le insula se trova silvas montaniose habitate per multe species rar de plantas e animales. Le papagai sisserou (cognite anque como le amazona imperial) es le ave national e figura sur le bandiera national. Multe balenas e delphinos frequenta le aquas circa de Dominica. Le puncto le plus elevate del insula es Morne Diablotins, con un elevation de 1 447 metros. Le economia de Dominica depende fortemente del tourismo, del agricultura e del taxation.

Christophoro Columbo ha date al insula su nomine actual in ration del dia (dominica) quando primo lo videva. Initialmente pauc colonisate, le insula remaneva un loco de refugio pro le indigenas caribe (o kalinago) chassate ex insulas vicin. Le Francia cedeva Dominica al Grande Britannia in 1763. Le britannos establiva un parve colonia sur le insula in 1805. Il habeva alora un population mixte de sclavos african, francophones e indigenas, con un parve elite britannic.

Le emancipation del sclavos habeva loco trans le Imperio Britannic in 1834, e Dominica deveniva in 1838 le prime colonia britannic cuje legislatura esseva controlate per un majoritate afro-caribe. Le Regno Unite reestabliva control directe de Dominica in 1896 e faceva del insula un colonia del Corona. De 1958 a 1962, Dominica esseva un provincia del ephemere Federation del Indias Occidental. Le 3 de novembre 1978, Dominica deveniva un stato independente.

Le population de Dominica es essentialmente de descendentia african, con un proportion (circa 8%) de descendentia mixte europee, african, arabe e/o indian. De plus, circa de 3 000 kalinagos indigena habita lor proprie territorio, que consiste de octo villages in le est del insula. Isto face del territorio le habitation indigena le plus grande del Caribe. Ben que institutiones public como le governamento e education sia de origine britannic, le colonisation francese ha lassate anque importante tracias: le Catholicismo Roman es le confession del grande majoritate del populo, e le lingua vernacular es un creol de base lexic francese. Dominica es un membro al vece del Commonwealth e del Francophonia.




#Article 95: Dispensationalismo (122 words)


Un movimento protestante, associate particularmente con le America del nord, le qual emphatisa le varie “dispensationes” divin con le humanitate, e le importantia del eschatologia. Un “dispensation”, secundo C. I. Scofield (1843-1921) es “un periodo de tempore durante le qual le homine es probate in respecto al obedientia a alicun revelationes specific del voluntate de Deo”. Le dispensationalismo es le hypothese que plure dispensationes biblic ha differente medios de salvation. ergo: personas qui viveva in epochas differente esseva salvate sur bases differente. Simile a: Theologia del Nove Pacto. Contrasta con Theologia del Pacto.

Le credentia que le salvation pote esser o in Christo per medio del gratia, o in Moses per medio del Lege. Iste doctrina es popular inter dispensationalistas e israelitas.




#Article 96: Deo (152 words)


Un deo es un esser con poteres o attributos supernatural, objecto de fide e adoration per un populo.

In religiones monotheistic, Deo es un esser supernatural, generalmente de representation masculin, concipite como le originator e rector del universo, le objecto principal de fide e adoration. 

Metaphoricamente pote esser appellate deo un persona qui recipe un grande admiration de alteres a causa de percipite prodessas superhuman. Exemplo: Elvis esseva un deo in le mundo del musica rock-and-roll del annos 1950s.

quem tem medo da queda não alça voo

Istes es alicun characteristicas de Deo secundo multe ecclesias christian:

es un referentia a  como le sol fonte de ben in le mundo.

In le theologia christian, le voluntate de Deo se distingue in tres sortas:

Dei gratia (latino). es un phrase (D. G.) usate pro recognoscer le soveranitate e poter de Deo in omne area del existentia human. Equivale a Si Deo lo vole.




#Article 97: Diabolo (joco) (216 words)


In jocos del circo, diabolo es un joco in le qual on gira un grande bobina (le diabolo) sur un corda, e jocula con illo.

Le diabolo mesme ha le forma de un sabliero — duo semispheras cave (usualmente de plastico), con un axe de aciero inter illos. Le jocator ha duo virgas de ligno, con le extremitates connectite per un corda.

                ========.
 --.   ,--               )
 :  \_/  :           (`-'
 :  / \  :            \ 
 --'   `--     ========`
  diabolo        virgas
               (con corda)

On pone le diabolo sur le corda, e agita un del virgas pro facer que le diabolo gira. Quando le diabolo gira, illo pote balanciar. Ora on pote facer que le diabolo vola, ambula in alto sur le corda, e altere artificios amusante.

Diabolo esseva inventate in China inter le 4te e 3ie millennios. Illo esseva portate a Europa per expeditioneros francese e anglese, e (apparentemente) nominate diaballo (Grec: dia = inter, ballo = jectar), que esseva corrumpite a diabolo (como le demone) plus tarde.

In le seculo 19ne, diabolos de ligno esseva popular inter le classes alte in Francia. In 1906, le francese Gustave Philippart ha create le prime diabolo moderne, de metal e gumma de pneumaticos. Durante/post le Prime Guerra Mundial, su popularitate declinava. Diabolo esseva re-discoperite in le decennio de 1980.




#Article 98: Dengue (339 words)


Le febre  Dengue  es un del si nominate febres tropical (anque appellate febre rumpe-ossos) causate per un virus e transmittite per le morsura de un mosquito. Il non ha totevia un vaccination pro le febre dengue.

Dengue e febre hemorrhagic del dengue (FHD) son acute maladias febril, trovate in le tropicos, con un expansion geographic similar al malaria. Illo es causate per un de quatro serotypos viral relationate del geno Flavivirus, cata serotypo es sufficientemente differente que il non ha protection commun contra illos, e le epidemias causate per multiple serotypos (hyperendemicitate) pote occurrer. Illo es transmittite a humanos per le mosquito Aedes aegypti (e rarmente per Aedes albopictus).

Le maladia se manifesta con un subite initio de febre, con sever dolor de capite, e dolores muscular e le articulos del corpore (myalgias e arthralgias, le dolor sever le da a iste febre le nomine febre rumpe-ossos), leukopenia e exanthemas, (le exanthema o eruptiones del pelle son characteristicamente rubie e coperi le majoritate del corpore). FHD anque produce alte febre, phenomenos hemorragic, thrombocytopenia e hemoconcentration. In circa 5% del casos illo causa choc e hemorragia, que pote ducer al morte. Il non existe usque nunc un vaccination disponibile commercialmente.

Le prime epidemias occurreva quasi simultaneemente, in Asia, Africa, e Nord America in le 1780s, le maladia esseva identificate e le dava un nomine in 1779. Initialmente illo esseva multo benigne. Un pandemia global comenciava in le Sud Est de Asia in le annos 1950s, e per 1975 FHD deveniva le causa plus commun de morte infantil in multe paises tropical. Le epidemia dengue ha devenite plus commun desde le 1980s, e jam per le annos del 1990s le febre del dengue esseva le plus importante maladia portate per un mosquito detra le malaria, il ha quasi 40 milliones de casos de febre de dengue e varie centos mille de casos del febre hemorrhagic cata anno. In Februario 2002 il habeva un manifestation serie del febre in Rio de Janeiro, que affectava mille personas ma solmente occideva dece-sex del infectatos.




#Article 99: Deconstruction (265 words)


In le philosophia contemporanee e scientias social, le termino deconstruction denota un processo, per le qual le textos e linguages de (particularmente) le philosophia occidental appare cambiar se e complicar se in le significato.

Illo es un termino utilisate per le philosopho
poststructuralista, nascite in Argellia, Jacques Derrida.

Illo se basa in le studio del methodo implicite in le
analysis del pensator Martin Heidegger, fundamentalmente in su plure
analysis etymologic del historia del philosophia. 

Illo consiste in monstrar como il se ha construite un
concepto qualcunque desde processos historic et accumulationes
metaphoric (de la le nomine de deconstruction), monstrante que lo
clar et evidente dista de ser lo, viste que le utensiles del
conscientia in que lo ver existe, son historic, relative e submittite
al paradoxas del figuras rhetorica, del metaphora e del metonymia.

Le concepto de deconstruction participa al mesmo tempore
del philosophia e del litteratura et illo ha essite multo in voga
specialmente in le Statos Unite. Ben que il es ver que le termino era
utilisate primo per Martin Heidegger, es le obra de Derrida le que ha
systematisate su uso e theorisate su practica.   

Le deconstructionismo es le theoria linguistic que le lingua non communica significatos objective, e que le lectores (non le autores) debe decider lo que un scripto de facto vole dicer. 

Le deconstruction biblic es le credentia que le Biblia dice qualcunque cosa que un persona reputa que illo dice. Normalmente illo implica un redefinition revisionista del significato del parolas del Scriptura pro facer los conformar al philosophias à la mode prevalente in un certe loco o placia. 




#Article 100: Doctrina (103 words)


Doctrina es un formulation theologic que resume un credentia in re un particular subjecto theologic o disciplina. Le doctrina es sovente un corpo de dogma avalisate per un particular institution religiose o tradition. Pro exemplo, le doctrina de Christo refere se a lo que on crede super le persona e le obra de Christo, le qual resulta in un christologia.

a) In le theologia christian, le inseniamentos del Scripturas o illos que se deriva del Scriptura; 

b) In le theologia catholic roman, le inseniamentos immutabile del Ecclesia. 

Le consensus fidelium (latino) es le accordo inter le christianos o corpores ecclesiastic concernente questiones doctrinal.




#Article 101: Theologia christian (581 words)


Le theologia christian es un studio rational super le fide christian.

Le punctos fundamental in le inseniamento christian es le incarnation, redemption, crucifixion, morte e resurrection de Christo pro salvar le humanitate del consequentias temporal e eterne del peccato. Le christianos crede que iste evenimentos es le base del obra de Deo in le reconciliation del humanitate con Se ipse. Multe christianos crede que iste emphase super Deo, le qual suffre pro le humanitate, es le differentia-clave inter le christianismo e le altere religiones, le qual emphasa super toto lo que le esseres human pote e debe facer pro lor salvation.

Le major parte del traditiones christian (affirmate repetitemente per le definitiones official del Catholicismo, del Orthodoxia e del ecclesias protestante) concorda super lo que es fundamental pro le fide christian. Isto include:

Certemente le christianos non es in complete accordo super tote le detalios inseniate per le Biblia e super como illo debe esser interpretate, super toto si illo pote esser confidibile como fonte de informationes scientific e historic precise. Nonobstante isto, le Biblia es amplemente considerate fonte de informationes autorisate e competente a proposito de Jesus e Deo. Le Nove Testamento es clar sur le facto que Jesus es le Messia qui le judeos expectava longemente. Assi le Christianismo es considerate per le christianos le continuation natural e complimento del fide judaic. 

Le christianos, assi como le judeos, considera le Vetule Testamento (que le judeos appella Tanakh) le Parola de Deo. A illo le christianos catholic e orthodoxe adde alicun libros, le Deuterocanonic, ma le protestantes concorda con le judaismo super qual libros debe comprender le Vetule Testamento (vide canone). Le Nove Testamento es le secunde parte del Biblia christian, e illo contine reportos super le vita de Jesus Christo, del ecclesia antique, insimul con un certe numero de epistolas (litteras) scribite per alcunes inter le Apostolos a varie auditorios.

Nonobstante tote isto, durante le historia, multes qui se appellava christianos, habeva ideas differente super lo que on pote considerar fundamental al Christianismo, de antique gruppos sectari heterodoxe como le Arianos e le Gnosticos, usque a gruppos moderne como le Testes de Jehovah, le Ecclesia de Jesus Christo del Sanctos del Ultime Dies o le Ecclesia del Unification. Iste gruppos, p. ex. differe le un del altere concernente lo que Jesus diceva de esser, ben que totes crede que Ille esseva le Christo, e con ideas differente, illes crede que ille ha importantia cosmic. Alcunes le appella un deo, o Deo, o simplemente un homine. Alcunes de iste gruppos se considera un inter le Ecclesias christian, o crede que illes es le sol ver ecclesia christian. In ultra, le Protestantismo liberal non defini le Christianismo como continente necessarimente le credentia in le divinitate de Jesus, le nascentia virginal, le Trinitate, le miraculos, le resurrection, le ascension de Christo, o le personalitate e divinitate del Spirito Sancte. Le liberales pote recommendar iste cosas o no, ma se differentia per includer in le ver christianismo tote illo que explica lor ideas o inseniamento, principalmente referente se a Jesus como le centro de lor fide.

Le theologia relational es le theologia que mitte le emphase super un relation personal (sovente emotional e anti-intellectual) con Jesus Christo, al exclusion del major parte del doctrinas. 

Theologumeno, participio presente passate del verbo grec theologhein (parlar de Deo o del cosas de Deo), litteralmente significa: lo que es dicite de Deo o del cosas divin. Como expression technic illo significa un idea o un principio theologic.




#Article 102: Denominationes christian (161 words)


Il habeva in le passato alcun denominationes que hodie non existe plus. P. ex. le Gnosticos (que al tempores in le quales se scribeva le evangelios, habeva multe plus evangelios que illos que es contenite in le Biblia, e le Arianos (que credeva que Jesus Christo esseva un esser create, non un esser coeterne con Deo Patre), e que esseva multe de plus del non-arianos durante un longe tempore intra le ecclesia institutional de ille tempore. Il es questionabile si o non iste gruppos esseva heresias (nove doctrinas que se poneva contra le doctrinas original), o si ille credentias esseva simplemente non definite usque a ille puncto. Altere schismas multo antique dava nascentia al ecclesias monophysita e nestorian.

Le divisiones le plus grande intra le Christianitate de hodie, tamen, es inter le Orthodoxia, le Catholicismo roman, e varie denominationes que se formava durante e post le Reformation protestante. Il ha alsi intra le Protestantismo varie grados de unitate e de division.




#Article 103: Deuteronomio (211 words)


Deuteronomio [Deu-te-ro-nò-mi-o] es le nomine date al quinte libro del Pentateucho, derivate de un errate traduction per le Septanta de deut. 17:18, in le qual mishné hatorah (copia del Lege), esseva rendite: deuteronòmion, repetition del Lege.

Ab le gr. deùteros e nòmos: secunde lege: Deut. o Dt.

Le libro del Deuteronomio se presenta como un longe discurso de Moses al israelitas, ante transversar le fluvio Jordan pro vader in le terra de Canaan. Su redaction final se pote facer remontar, con omne verosimilantia, al tempore del reformation del culto per le rege Josia (622-621 a. C.).

Illo comencia con Dt 1:1 e fini con 2 Reges 23:50. Le Deuteronomista colligeva e selectionava antique fontes, pro interpretar pois tote iste material con discursos e notas. Probabilemente iste obra esseva redigite a Jerusalem in le periodo del exilio sub le impression del catastrophe del 587 a. C. De isto on comprende como illo presenta le historia de Israel como un apostasia progressive ab Jahweh.

Deuteronomistic es appellate le stylo e le linguage de iste autor de scriptos historic. Le obra historic deuteronomistic es un narration del historia de Israel que parti ab le epocha de Moses, passa trans le conquesta de Canaan e le obra del Judices e perveni usque al epocha monarchic.




#Article 104: Libro de Isaia (138 words)


Le Libro de Isaia (hebreo: Sefer Y'sha'yah ספר ישעיה) es un del libros del Biblia hebree del judaismo e le Vetere Testamento del christianismo, traditionalmente attribuite a Isaia. 

Ab le greco deùteros, adj. secunde. In le theoria del moderne critica litterari, Deutero-Isaia es le nomine date al autor de Isaia 40-55, textos que se intende non scribite per le original Isaia. Iste theoria assere que iste ignote autor viveva verso le fin del exilio babylonian (597/587-538 a. C.). Su action de propheta de salvation se reputa disveloppar se inter le annos 550 e 538 a. C., quando le imperio babylonian esseva preste a su fin e le populos opprimite attendeva del rege persian Ciro lor salvator. Le Deutero-Isaia annunciava le imminente retorno del exiliatos como comenciamento del futur tempore del salvation, le qual haberea imbraciate le integre creation.




#Article 105: Europa (755 words)


Europa es un continente e un parte de Eurasia. Europa ha un area de circa 10.790.000 km² (quatro vices minor del area de Asia) e un population de circa 700 milliones de habitantes.

Traditionalmente le nomine Europa se associa con un personage mythologic. Europa (in greco Ευρώπη) esseva le filia de Agenor e Telephassa, soror de Cadmo, un princessa phenicie. In le legenda grec le plus famose super illa, Zeus, manifestante se como un tauro, la capturava e la portava de Phenicia al insula de Creta.

Le antiquitate classic es dominate per le influentia del civilisation grec e latin e del Imperio Roman super le resto de Europa. Le cadita del Imperio Roman e le arrivata de nove gruppos ethnic con nove regnos faceva que Europa se divideva politicamente.

Le principio del Medievo se situa traditionalmente in le anno 476 con le cadita del Imperio Roman del Occidente. Iste evento esseva sequite per multe tentativas de unification e conquesta, que lassava le continente in constante conflictos e guerras durante le Medievo, como le Guerra del Cento Annos. Isto, junctemente con le influentia super le continente de nove gruppos, como le mongoles arrivate per le steppas, o le apparition del islam, creante un barriera que divideva duo culturas e le Mediterraneo e con choches in le frontiera, formava iste epocha in le continente.

Pro Europa, le Etate Moderne marca le initio del processos que multo postea esserea le globalisation, e illo es un tempore in le qual le conflictos bellic esseva plus disastrose, como le Guerra del Trenta Annos.

Le processos economic e le disveloppamento scientific e technologic se accelerava de forma plus notori in iste epocha provocante tensiones que menava a guerras (como le Guerras Napoleonic e le guerras mundial). Hodie le processos al unification se cerca pacificamente, como le caso del Union Europee, cuje origine es le Declaration Schuman de 1950.

Europa es le continente que ha habite le plus grande influentia in le historia del mundo (discopertas, conquestas, colonisationes, movimentos e revolutiones, guerras mundial, etc.).

Europa, le secunde plus parve continente del mundo post Oceania, ha un extension de 10.530.751 km², representante 7% del terras emergite.

Parlante strictemente in terminos del scientia geographic contemporanee, Europa, como Oceania, non es categorisate como continente e es considerate macro-unitates geographic, pois que in le caso de Europa iste macro-unitate geographic es un prolongation occidental del continente eurasiatic. Europa es characterisate per le elevate quantitate medie de costas maritime e oceanic debite al presentia de abundante peninsulas, golfos, mares interne e insulas. Isto e le influentia del Currente del Golfo e le proximitate del desertos calide de Africa e Asia rende le climate in Europa temperate e exceptionalmente benigne pro le habitabilitate human. Le abundantia de costas e vias aquatic ha permittite le transito de populationes e postea su establimento desde le fin del Pleistoceno.

Su principal insulas es Grande Britannia, Islanda e Irlanda.

 

Actualmente, le politica europee es marcate per le existentia de un unitate de 27 paises de Europa. Illo es le Union Europee. Multe altere statos, principalmente in le Balkanes, es interessate in adherer. Le majoritate del statos europee ha un systema democratic. In despecto de isto, non totos es equalmente disveloppate in derectos del citatanos ben que le derectos fundamental es garantite. Le realisation de iste objectivos es fundamental pro esser parte del UE.

Multe citatanos pote mover se liberemente inter le differente statos de Europa, intra le Spatio Schengen.

Le economia de Europa es le plus grande del mundo. Le majoritate de su statos pertine al prime mundo. In le seculo 19 se realisava le prime integration moderne del economia de varie statos europee a transverso del union doanal.

Economicamente, Germania es le nation le plus potente de Europa, sequite per Francia, le Regno Unite, Italia e Espania. In terminos de renta per capita, le plus potente es, tanto in Europa como in le mundo, Luxemburg. Existe un grande disparitate in le ricchessa economic del differente paises europee, assi, durante que in le cinque principal economias le PIB supera le 20.000 euros per persona, Moldova a pena superpassa le 2.000.

Un grande parte del dynamica economic del continente se trova in le functionamento del Union Europee. Desde 2009, 16 statos europee usa le mesme moneta, le euro (€). Le nove realitate del economia mundial, que se ha consolidate in le curso del seculo 21, es marcate principalmente per le disintegration del Union Sovietic, le crescimento del Republica Popular de China e le materialisation del unitate economic de un grande parte de Europa.




#Article 106: Espania (3594 words)


Le Regno de Espania es un stato soveran con monarchia parlamentari. Illo occupa sex septimos del Peninsula Iberic e es parte integrante del Union Europee (UE), con altere vinti-septe statos soveran de Europa. Le territorio espaniol contine anque duo archipelagos, le Baleares in le Mediterraneo, e le Canarias in le Atlantico, e anque duo enclaves in le nord del continente african, le citates autonome de Ceuta e Melilla, e le exclave de Llivia in le Pyreneos francese.

Su territorio peninsular ha frontieras terrestre con Francia e con le Principato de Andorra al nord, con Portugal al west e con le colonia britannic de Gibraltar al sud. Su territorios african ha frontieras terrestre e maritime con Marocco.

De plus, Espania ha altere districtos e possessiones minor non continental, como le insulas Chafarinas, le Peñón de Vélez de le Gomera e le insulas del Peñón de Alhucemas, totes ante le costa de Marocco, e reclama le soveranitate del insula Perejil, actualmente disputate con Marocco. Le insula de Alborán, le insulas Columbretes e un serie de insulas e insulettas ante su costas completa su territorios.

Espania mantene etiam su revindication pro le soveranitate del colonia britannic de Gibraltar, durante que certe parve circulos politic in Portugal non recognosce le soveranitate espaniol super le urbe Olivenza. A su vice Marocco reclama como sue le territorios de Ceuta e Melilla, unic territorios del Union Europee in le continente african, sin considerar le regiones ultraperipheric.

Le etymologia le plus acceptate pro le actual nomine de Espania data del expeditiones phenicies: in canaanita (idioma parlate per le phenicios) sf(a)n o sp(a)n significa conilio. Si iste etymologia es correcte, illo se debe al facto que le phenicios constatava le presentia de un grande population de conilios in le Peninsula Iberic, le qual illes appellava Terra de conilios. Altere possibile etymologia es hellenic, speros esseva le denomination del prime stella que on observava post le crepusculo in le occidente. Le grecos dava le nomine (H)Esperia a Italia e a Espania, proque illos se trovava a su occidente; per un mutation de phonemas il es possibile que Hesperia deveniva Hispania (nomine date a tote le Peninsula Iberic) e postea Espania.

Le iberos esseva le prime populo que occupava le Peninsula Iberic del qual on conserva registros scripte. On sape que il habeva populationes pre-iberic del que on ha solmente vestigios archeologic, proque le grecos e phenicios, qui lassava le prime scriptos, nunquam entrava in contacto con illes. In iste categoria on debe probabilemente includer le bascos.

Circa le anno 1200 adC, tribos celtic, includente probabilemente le cantabros e astures, entrava in le peninsula del Nord e se establiva in grande parte de su territorio, miscente se con le iberos. Le populationes que occupava un ample frangia inter iste duo citates es cognoscite como celtiberos. Il pare que le montanias ubi viveva le populo basc nunquam esseva invadite. Le origine de iste gente es considerate incerte. Certo illo es multo antique, e su lingua etiam. Possibilemente il se tracta de un population pre-iberic.

Circa le anno1100 adC le phenicios arrivava al peninsula e fundava colonias. Le plus importante esseva Gadir, le Gades roman, que hodie es Cádiz. A su vice le grecos fundava lor colonias in le costa mediterranee de Iberia, nomine que designava tote le peninsula.

Durante le prime e le secunde Guerras Punic inter Roma e Carthago, le carthagineses invadeva le peninsula. Illes establiva lor colonias, le plus importante in le insula Ibiza e in Cartagena, nomine que certo faceva referentia al nove Carthago. Post le disfacta de Carthago, Roma initiava un occupation progressive del peninsula, que se prolongava durante quasi 200 annos. Durante quasi le prime tres decades del occupation le romanos debeva facer fronte a Numantia, citate iberic situate super le ripas del fluvio Duero, in le proximitate del actual Soria, e a guerrilleros commandate per le chef lusitan Viriato. Post le morte de Viriato (139 a.c.), le lucta del iberos contra Roma deveniva plus dismembrate e sporadic, sed non se terminava totalmente usque le tempore del imperator Augusto. Le occupation culminava in le plen submission del peninsula sub le poter de Roma e in su conversion in provincia sub le nomine de Hispania.

Hispania adoptava le cultura, lingua e leges roman, e acquireva grande importantia intra le imperio, usque le puncto que tres imperatores roman, Trajano, Adriano e Teodosio, nasceva in le peninsula.

In le anno 409, tribos germanic de suevos, alanos e vandalos invadeva le Peninsula Iberic. Post alicun annos, in 416, altere tribo germanic, le visigothos, entrava in Hispania como alliatos de Roma, expelleva le alanos e vandalos, e confinava le suevos in Gallecia. Le visigothos fundava un regno que perdurava usque al seculo 8, durante le qual occurreva lor conversion del arianismo al catholicismo e le luctas contra le suevos, le byzantinos, le francos e le bascos. Le character elective del monarchia visigothic causava quasi semper un enorme instabilitate politic characterisate per rebelliones constante e assassinatos. 

In le anno 711 comenciava le invasion musulman del peninsula, le qual se converteva in un emirato, o provincia del imperio arabe, nominate Al-Andalus.

Le avantiamento musulman esseva rapide. In 712 cadeva Toledo, le capital visigothic. Le musulmanes avantiava progressivemente verso le nord, e omne citates capitulava. In 716 illes dominava tote le peninsula, ben que lor dominio in le nord esseva plus nominal que militar. Tunc, le musulmanes orientava lor effortios verso le altere latere del Pyreneos, contra le regno carolinge. Isto permitteva revoltas in le pauc controlate zona nord-west del Peninsula.

In le anno 718 in Asturias occurreva le prime revolta, sub le commando de un (probabilemente) nobile gotho appellate Don Pelayo. Iste revolta esseva controlate. In 722 ha loco le Battalia de Covadonga, ubi Pelayo vince e funda le regno de Asturias. Ab isse momento e usque a 1492 le Peninsula Iberic esseva dividite in un parte musulman e altere christian.

Le seculos seculo 8 e le seculo 9 apportava un crescente potestate musulman, malgrado le nucleos christian del nord del peninsula. In le seculo 10, Abderraman III converte Al-Andalus in califato independente de Damasco, con autonomia religiose, inaugurante un epocha de grande prosperitate cultural, gratias al innovationes in le scientias e litteras e super toto al special attention que on dedicava al disveloppamento del citates. Le urbes le plus importante esseva Valencia, Zaragoza, Sevilla e Cordova, le qual deveniva in le seculo 10 le major citate de Europa Occidental, contante 500000 habitantes, e centro cultural del epocha. Nonobstante le decadencia arrivava in le seculo 11, quando comenciava un serie de luctas inter le varie familias real musulman. Tunc le califato se dismembrava in un mosaico de pauc regnos, appellate taifas.

Intertanto, presso le Pyreneos appareva altere duo regnos christian, Navarra e Aragon. Durante que le reconquesta avantiava, omne iste regnos se divideva e se refundeva, de sorta que solmente quatro regnos christian remaneva in le peninsula: Castilia, Aragon, Navarra e Portugal, ultra le regno musulman de Granada.

Al fin de iste periodo, in 1402, comencia le invasion de Canarias per seniores normanne que debeva vassallage al corona de Castilia (ben que Portugal etiam habeva pretensiones de dominio super iste territorio). Iste processo de conquesta non finiva ante 1496-1497.

Al fin del medievo, duo del grande regnos peninsular, le Corona de Aragon e le regno de Castilia, se alliava e conquireva le regno de Granada in 1492 e illo de Navarra in 1512. Etiam comenciava un politica matrimonial con Portugal que culminava in 1580, quando Philippo II ascendeva al throno, unificante pro le ultime vice le Peninsula Iberic.

In 1492 on decretava etiam le expulsion del judeos non christian, imitante Philippo IV de Francia e Navarra. Etiam Christophoro Columbo arrivava con su naves a America, lo que provocava le exploration e conquesta del terras american, anque per altere paises como Portugal, Francia e Anglaterra. Tonnas de argento e auro esseva portate del nove continente, e le monarchia hispanic se converteva in un del statos le plus potente in le mundo.

Post le morte de Elisabeth le Catholic, in 1504, su filia Johanna, sposate con Philippo I, la succedeva in le throno de Castilia. Nonobstante, Philippo moriva multo juvene, e on recognosceva le incapacitate de Johanna, a causa de su conducta lunatic.

Su filio Carolo I hereditava le coronas de Castilia e Aragon, malgrado le sacrate Imperio Roman-Germanic. In su etate matur ille decideva retirar se al vita religiose recolligente se in 1556 in le Monasterio de Yuste (Cáceres), lo que determinava le dismembramento del imperio, que se divideva inter le membros del familia de Habsburgo, le espaniol (Philippo II, su filio) e le austriac (su fratre).

Finalmente Philippo II, coronante se rege de Portugal in 1580, addeva a su longe lista de titulos illo de Rege de omne Espanias, e regnava super omne partes del antique Hispania Visigothic. Ille manteneva le ordinal secunde pro respectar le via castilian (Philippo I de Castilia esseva Philippo le Belle). Ergo ille pote esser considerate le prime rege de Espania, ben que le prime in le senso actual esseva Philippo V.

Le regnos iberic continuava a prosperar, gratias al commercio con le colonias american, sed al mesme tempore illos susteneva guerras contra Francia, Anglaterra e le Provincias Unite, culminante con le disastrose aventura del Grande e Felicissime Armada in 1588.

Quando le ultime rege del dynastia de Habsburgo, Carolo II de Espania, moriva sin descendentes, Philippo de Borbon, nepote del rege de Francia, Ludovico XIV, le succedeva in le throno con le nomine de Philippo V.

In 1707 le Decreto de Nove Planta de Philippo V creava Espania, unificante le varie regnos in imitation de Castilia. Antea Espania non existeva como ver entitate politic.

Le resto del seculo 17 esseva le seculo del Illuminismo. Ferdinando IV e Carolo III, filios e successores de Philippo V, faceva un politica de renovation que modernisava Espania, durante un periodo que on cognosce como Despotismo Illustrate.

Post le Revolution Francese, Napoléon prendeva le poter e invadeva Espania con su truppas in 1808, imponente su fratre Joseph I in le throno. Consequentemente comenciava le Guerra de Independentia, que durava cinque annos. Le truppas de Napoleon superate in le battalia de Vitoria, in 1813, Ferdinando VII retornava al throno de Espania, aboliva le constitution de Napoleon, persequeva le liberales constitutionalista e inaugurava un systema de rigide absolutismo.

Le recession economic e le instabilitate politic esseva le consequentia logic del guerra e, post le arrivata al Indias del notitias super le indigne comportamento del rege ante Napoleon, Espania perdeva su colonias de ultramar, con le exception de Porto Rico, Cuba e Philippinas. In ultra, como consequentia del nomination de su filia Elisabeth II como herede, lo que esseva possibile post le derogation del Lege Salic que impediva le succession royal de feminas, su fratres Carolo Maria Isidoro se rebellava contra ille, dante initio al Prime Guerra Carlista.

Le revolution de 1868, denominate Le gloriose, obligava Elisabeth II a renunciar al throno. On convocava Cortes Constituente, que se pronunciava in favor del regime monarchic, e per initiativa de General Prim on offereva le corona a Amadeo de Saboya, filio del rege de Italia. Su breve regno (a causa del fatiga provocate per le politicos contemporanee) aperiva le via al proclamation del Prime Republica, etiam de duration curte, ben que multo agitate (in dece-un menses se succedeva quatro presidentes: Figueras, Pi i Margall, Salmerón e Castelar), e terminate per le colpo de stato del General Pavía, qui dissolveva le parlamento.

Le Restauration proclamava como rege Alphonso XII, filio de Elisabeth II. Espania experimentava un stabilitate politic debite al systema de governamento concipite per Cánovas del Castillo, basate super le alternation del partitos conservator (Canovas del Castillo) e liberal (Sagasta) in le poter. In 1885 moriva Alphonso XII, e su viuda Maria Christina se cargava del regentia usque al majoritate de su filio Alphonso XIII, nascite post le morte de su patre. Le rebellion independentista de Cuba in 1895 induceva le Statos Unite a intervenir in le zona e, post le confuse incidente del explosion del cuirassato Maine le 15 de februario de 1898 in le porto de Havana, iste pais declarava le guerra a Espania. Con le disfacta Espania perdeva su ultime colonias in ultramar (Cuba, Philippinas, Guam e Porto Rico).

Le seculo 20 comenciava con un grande crise economic e le subsequente instabilitate politic, malgrado le periodo de relative prosperitate commercial gratias al neutralitate espaniol durante le Prime Guerra Mundial. Le succession de crises governamental, le marcha disfavorabile del guerra in le Rif, le agitation social e le discontento de parte del armea produceva le colpo de stato del general Primo de Rivera, le 13 de septembre de 1923, que establiva un dictatura militar con le appoio del rege Alphonso XIII.

Durante le dictatura on supprimeva le libertates e derectos. Le difficile conjunctura economic e le crescimento del partitos republican ante le situation de plus in plus difficile obligava Primo de Rivera a presentar su dimission al rege in 1930 e a partir a Paris, ubi ille moriva post pauc tempore. Le succedeva in le commando del Directorio le general Dámaso Berenguer, qui inaugurava le denominate Dictablanda, e postea, durante breve tempore, le admiral Aznar.

Le electiones municipal del 12 de april de 1931 dava le victoria al candidaturas republican, lo que compelleva le rege ad abandonar le pais e proclamava le Secunde Republica, le 14 de april.

Durante le Republica il habeva grande agitation politic e social, marcate per un drastic radicalisation de gruppos de sinistra e dextra. On boycottava le capites moderate, e cata uno pretendeva crear un Espania a su mesura. Durante le duo prime annos, governava un coalition de partitos republican e socialista. In le electiones occurrite in 1933 triumphava le derectas e in 1936 le sinistras. On affrontava un crescente unda de violentia, durante le qual on ardeva ecclesias e experimentava le sublevation monarchic de Sanjurjo, le revolution de 1934 e numerose attentatos contra capites rival. 

Le 17 de julio se sublevava le guarnitiones del Africa Espaniol, producente le Guerra Civil. Espania se divideva in duo zonas, le un sub le autoritate del governamento republican e le altere controlate per le sublevatos (inter illes se trovava le general Francisco Franco, qui postea esseva nominate chef de stato). Le appoio german e italian al sublevatos, multo plus firme que le supporto del Union Sovietic al Espania republican, e le continue querelas inter le factiones republican, permitteva le victoria del sublevatos le 1 de april de 1939.

Le victoria del general Franco originava le instauration de un regime autoritari e totalitari. Il se produceva un forte repression contra le adversarios vincite, que obligava milles de espanioles a cercar exilio e condemnava altere milles al morte o al internamento in campos de travalio. Ben que Franco manteneva le pais neutral durante le II Guerra Mundial, su non dissimulate appoio al potentias del Axe menava Espania a un isolamento international de character politic e economic. Nonobstante, le restrictiones del guerra frigide inter le Statos Unite e le Union Sovietic provocava le fin del isolamento e permitteva le signatura de accordos con le Statos Unite, con le consequente installation de bases militar conjuncte de Espania e Statos Unite in Espania. In 1956 Marocco, que habeva essite un protectorato espaniol e francese, acquireva su independentia e interprendeva un plano de stabilisation economic del pais. In 1969 Franco nominava Juan Carlos de Borbon, nepote de Alphonso XIII e prince de Espania, como successor al titulo de rege.

Le dictator moriva in 1975, e Juan Carlos I esseva proclamate rege. Comenciava un periodo cognoscite como Transition, que culminava in le establimento de un Monarchia Constitutional in 1978, post le renuncia de D. Juan de Borbón, patre del rege, a su derectos historic. Post le prime electiones democratic, Adolfo Suárez, del partito Union de Centro Democratic, esseva eligite prime ministro e introduceva importante reformas politic. Il comenciava le negotiationes pro le entrata de Espania in le Communitate Economic Europee. Post su dimission in 1981, in le proprie ceremonia de investitura de su successor, Leopoldo Calvo Sotelo, le 23 de februario (23-F), occurreva un tentativa de colpo de stato, conducite in le Congresso de Deputatos por le tenente colonnello Tejero e promovite per varie militares de alte rango, le qual esseva abortate post un die.

In le electiones sequente (1982), vinceva le Partito Socialista del Laboratores Espaniol (Partido Socialista Obrero Español), con Felipe González como prime ministro, e se manteneva in le poter durante le tres sequente legislaturas. In 1985 Espania entrava in le OTAN e in 1986 in le Communitate Economic Europee. In 1992 Espania appareva visibilemente super le scenario international con le celebration del Jocos Olympic in Barcelona, le declaration de Madrid como capital cultural europee e le celebration del Exposition Universal EXPO 92 in Sevilla. Le electiones de 1996 dava le victoria al Partito Popular, con José María Aznar como prime ministro, carga que ille exerceva usque le electiones general de 2004.

Espania es constituite como un Monarchia parlamentari ab le approbation del Constitution in 1978. Le Organos Constitutional del Stato son:

Le partitos politic e coalitiones que actualmente ha representation in le Congresso o le Senato es, in ordine alphabetic:

Le partitos politic e coalitiones presente solmente in municipios o parlamentos autonomista, ultra illos que nos ha mentionate, es actualmente:

Espania es un nation. Le origines del stato espaniol data del union matrimonial del regnos medieval de Castilia e Aragon, formate per le union de altere regnos anterior, al fin del seculo XV durante le regno del Reges Catholic, quando occurreva le unification politic, completate per le incorporation del Regno de Navarra, le Regno de Granada e altere territorios. Un processo posterior de unification institutional occurreva durante le regno de Philippo V, que configurava un forma de stato centralisate ancora existente.

Le pais contine 17 Communitates Autonome e 2 Citates Autonome, un organisation analoge al statos federal. Illos possede un ample nivello de autonomia, poteres legislative, budgetari, administrative e executive in le competentias exclusive que le stato central garanti a cata communitate como un Statuto de autonomia.

Cata communitate autonome se divide in provincias, in alicun casos usque 52.

Ubicate in Europa Occidental, illo occupa le major parte del Peninsula Iberic e duo archipelagos (le del insulas Canarias in le Oceano Atlantic e le del Insulas Baleares in le Mar Mediterranee) e duo citates, Ceuta e Melilla, in le nord de Africa.

In extension territorial illo es le quarte pais de Europa post Russia, Ukraina e Francia, e le secunde major del Union Europee.

Le limites physic de Espania es principalmente le del Peninsula Iberic, que illo divide con Portugal. Iste pais e le Oceano Atlantic al west, le Mar Mediterranee al est, le Stricto de Gibraltar al sud e le Pyreneos, insimul apud le Golfo de Vizcaya e le Mar Cantabric al nord.

Le principal systemas montaniose es: Pyreneos, Systema Iberic, Carpetana, Oretana e Cordilleras Betic (Subbetic e Penibetic)

Con un Producto Interior Bruto de 1.414.646 milliones de euros (2007) e un renta per capite de 31.471 dollares (2007), Espania es un del grande economias europee. Secundo le classification establite per le Banco Mundial pro le 2004, Espania es le octave economia del mundo. Le sperantia de vita de su population es intra le 3 plus elevate del mundo e le mortalitate infantil intra le plus basse. Le qualitate de vita es intra le plus alte del mundo, essente situate pro le unitate de intelligentia del periodico britannic The economist in decime loco, post le paises como Francia, Regno Unite, Statos Unite o Canada.

Espania habeva 40 499 791 habitantes al 1 de januario de 2000,  43 975 375 habitantes al 1 de januario de 2005 e 46.449.565 al 1 de januario de 2015. In 2003 recipeva le 50% del immigration extra-communitari usque le UE, multe de illes in situation illegal. Inter illes, il ha magrebies, subsaharianos e hispanoamericanos. Alicun immigrantes ha difficultates de assimilation e integration como laboratores.

Le areas metropolitan que superava 2003 le  habitantes esseva le sequente:

Le catholicismo es le religion plus popular del pais. Quatro de cata cinque espanioles se considera catholic. Sequente al catholicismo, le atheismo o agnosticismo suppone le 12% e altere religiones le 1,7%.

Il es importante remarcar, nonobstante, que multe espanioles se face appellar catholic, sed illes non es realmente practicante. Secundo un studio del 19 de april de 2005 del New York Times, sol le 18% del espanioles participa in massa de forma regular. De intra le espanioles de minus de 30 annos, le percentage se reduce al 14%. Isto indica le declination del religiositate del population.

Contante membros, le secunda religion in importantia es le Islam. Il se calcula que il existe circa 800000 credentes, venite in recente immigration. Le seque le Testes de Jehovah con apud 103784 adherentes. Il ha etiam varie denominationes protestante que summa apud 50000 credentes, e circa 20000 mormones. Como detalio historic, le musulmanes esseva obligate a converter se al fide christian (moriscos) in 1502 usque illes esseva finalmente expellite del pais in 1616.

Scriptores espaniol include Miguel de Cervantes, Ángel de Saavedra, Frederico García Lorca, Antonio Machado, Gloria Fuertes, Ramón del Valle-Inclán e Rubén Serrano Calvo.

Francisco Herrera, Pablo Picasso, Salvador Dalí, e Joan Miró son pictores espaniol.

Luís Buñuel esseva un innovator in surrealismo cinematic. Pedro Almodóvar es un famose director. Penélope Cruz e Antonio Banderas son actores espaniol multo succedite e in lor patria e in Hollywood. 

In plus del festivitates national, cata Communitate Autonome ha duo festas, e cata municipio, altere duo plus. In total le festas official in Espania es 15.

Interlingua es studiate in le Universitate de Granada.




#Article 107: Ekspreso (110 words)


Ekspreso es un lingua planificate disveloppate per Jay Bowks in 1996. Illo pote esser considerate como un derivativo de Interlingua e le plus obvie cambios es le phonetisation del alphabeto, e le simplification del systema verbal.

Pater de nos, ke esen in la selos, ke la nomino de vo esen sanktifiked, ke la regno de vo venien, ke la volunta de vo esen fakted superi la tera komi alsi in la selo. Donen ad nos hok dia la pane de kati dia, et perdonen ad nos la debitas de nos komi nos perdonen ad debitores de nos, et non dukten ad nos in tentesion, mai liberen ad nos de malo.




#Article 108: Esperanto (2673 words)


Esperanto es le lingua le plus famose del linguas auxiliar. Illo esseva create per le ophthalmologo judeo-polonese Ludwik Lejzer Zamenhof in 1887 pro esser un lingua auxiliar universal pro promover le pace mundial. Le nomine del lingua Esperanto deriva del verbo esperi (sperar), e del pseudonymo sub que Zamenhof publicava su lingua.

Le lingua monstra characteristicas que pareva simple a apprender e usar a Zamenhof, e combina un grammatica simple e phonologia polonese con un vocabulario agglutinative basate in germano, anglese e italiano, con un pauco de contributiones de altere linguas. Post 10 annos de travalio, in que Zamenhof creava e abandonava plure designos, Zamenhof publicava le version final del lingua in su prime libro, Unua Libro ([le] Prime Libro), in 1887. Ben que quando illo esseva create, le Esperanto solmente esseva un lingua non notabile del era auree del lingua auxiliar, illo cresceva rapidemente in popularitate, e reimplaciava su plus usate predecessor, Volapük, como le prime successo del era.

Hodie, Esperanto es usate regularmente per circa 100.000 personas in tote le mundo, e innumerabile milliones ha essayate apprender le lingua o lo usa irregularmente. Plus notabilemente, il ha alicun parlantes native del lingua, le filios e filias de esperantistas qui possedeva in commun nulle lingua altere que Esperanto. Centos de libros e alicun films ha essite traducite a Esperanto, e le lingua es mentionate con plure connotationes in plure altere medios.

Le prime lingua que poteva esser nominate esperanto non era le lingua como illo es usate hodie, ma un lingua furtive usate per le juvene Zamenhof con su amicos. Illo era basate in su observationes re le complexitates del russo e latino, e le simplicitate del verbo anglese e le usage del suffixos pro reducer le apprender de memoria. A su dece-none anniversario, ille annunciava a su amicos (con qui il ha inseniate le lingua) que celle die esseva le nascentia del lingua como un lingua auxiliar international: su Lingwe universala.

Post le nascentia de su lingua, Zamenhof laborava a illo del annos 1870 al medio del annos 1880. In iste tempore, ille essayava publicar lo alicun vices, sed le censores del czar non lo permitteva, e su prime obras in le lingwe universala era ardite per su patre. Comocunque, ille non esseva stoppate per iste reversos del fortuna; ille jam faceva correspondentia in le proto-esperanto con su amicos, e traduceva le Biblia e le obras de William Shakespeare. Su traductiones e correspondentia dava usage practic al lingua, al fin ille poteva publicar su lingua publicamente.

Le prime libro publicate in esperanto esseva le Unua Libro, un manual al vocabulario e grammatica del lingua, publicate in Varsovia in 1887. Le pseudonymo de Zamenhof, Esperanto, multo tosto se converteva in le nomine del lingua per se.

Esperanto attraheva le suspicion de plure statos totalitari, specialmente in Germania Nazi, Japon Imperial e le Union Sovietic sub Joseph Stalin.

In Germania, il habeva motivation additional a persequer al Esperanto proque Zamenhof esseva judee. In su libro, Mein Kampf, Hitler mentionava Esperanto como un lingua que esseva usate per un conspiration judee international quando illo habeva dominate al mundo. Esperantistas esseva occidite durante le Holocausto, e le familia de Zamenhof esseva particularmente cercate pro execution.

In le prime annos del Union Sovietic, Esperanto esseva date un mensura de appoio governamental, e un official Association Sovietic del Esperanto esseva create. Postea, in le anno 1937, Stalin reverteva iste politica. Ille denunciava Esperanto como le lingua de spias e mandava que Esperantistas sia exiliate o executate. Le usage de Esperanto esseva, effectivemente, barrate usque a 1956.

Esperanto nunquam ha essite le lingua official de un pais recognoscite, sed il habeva duo essayos serie pro facer Esperanto le lingua official. Le prime esseva Moresnet, un stato proponite. Quian Xuantong, un linguista chinese, proponeva le reimplaciamento del chinese per Esperanto. Un micronation, le Republica Esperantista del Insula del Rosas, usava Esperanto como su lingua official in 1968. Hodie, il etiam ha un movimento pro facer Esperanto le lingua official del Union Europee. E il ha un principato, le Principato de Hutt River al West de Australia (non recognoscite per iste pais como stato independente) que ha Esperanto como lingua official insimul al anglese e al francese. 

Le fortias armate del SUA publicava libros de phrases in Esperanto, pro esser usate in jocos de guerra per su fortias aggressor.

Esperanto es le lingua de plure organisationes international sin scopo lucrative, como Sennacieca Asocio Tutmonda. Iste organisationes frequentemente ha le scopo specific de promover Esperanto. Esperanto es etiam le prime lingua de un universitate, le Academia International del Scientias in San Marino.

Le grammatica in Esperanto es assatis simple, specialmente in comparation con le linguas national in que illo esseva basate. Il es frequentemente dicite que il solmente ha dece-sex regulas; ben que in realitate il non es tanto simple, le grammatica de Esperanto esseva create pro esser plus regular.

Cata radice in Esperanto ha un del tres typos: substantivo, verbo, e adjectivo. Le substantivos cambia in ordine e numero, le adjectivos cambia pro harmonisar con le substantivo que illes modifica, e le verbos cambia pro notar le tempore; in cata caso solmente le syllaba final cambia (e nunquam le consonante initial). Verbos in Esperanto etiam ha un distinction inter transitive e non transitive in su radice. Adverbios es tractate como radices adjectival (con alicun pauc exceptiones), e tote le particulas es unic.

Le conclusiones del substantivo (e del adjectivos que concorda con illos) es -j- pro un plural, e -n pro marcar le objecto directe. Adjectivos usate como adverbios termina con -e. Le conclusiones del verbo es -i pro infinitivo, -as pro presente, -is pro passato, -os pro futuro, -us pro conditional, e -u pro commandos. 

Le grammatica de esperanto es multo agglutinative, inspirate per russo e germano. Esperanto ha circa 40 suffixos e prefixos official, sed como usate hodie illo ha altere parolas usate como affixos, como vir- (masculin), -simil (simile a), e alteres. Cata uno del prefixos e suffixos etiam pote esser usate como un radice (e ergo ha un typo), e le sonos del suffixos e prefixos non es unic al unitates grammatic. Le usage de un suffixo generalmente cambia le typo del radice.

Esperanto se scribe con le alphabeto roman, minus le litteras q, w, x, y e plus sex litteras accentuate create per Zamenhof:

Le litteras ha valores assatis equivalente al alphabeto phonetic international, salvo que c = /ts/, ĉ = /tʃ/, ĝ = /dʒ/, ĥ = /x/, ĵ = /ʒ/, ŝ = /ʃ/, e ŭ = /w/. In su obras, Zamenhof diceva que le Esperanto debe esser pronunciate como italiano.

Le litteras accentuate es un fonte de objection contra le lingua :

Esperanto usa le cinque vocales classic del latino, que es etiam usate per swahili, japonese e italiano.

Le prime vocabulario de Esperanto esseva definite per le obra Lingvo internacia, publicate per Zamenhof in 1887. Iste libro listava 900 radices e cerca 40 affixos, que pote esser usate pro crear un plen vocabulario. In 1894, Zamenhof publicava le prime dictionario in Esperanto, le Universala Vortaro, con un plus plen lista de radices. Iste formas es le sol official parolas in Esperanto.

Le lingua de Esperanto etiam permitte le creation de parolas non-official, principalmente (sed non solmente) del linguas de Europa. Le terminos etiam ha cambiate in usage; per exemplo, le parola muso (mus, mure) ha ganiate le significantia de un mouse de computatores, basate in le usage del vocabulo in anglese. Iste es frequente; per exemplo, il es de plus in plus frequente usar adjectivos como verbos (Mi estas varma contra Mi varmas; ambes dice Io es calide).

Un affixo non ha un significato fixate, e pote significar plure cosas dependente del radice a que es affixate. Per exemplo, le suffixo -um- significa que le termino derivate ha alcun relation al radice, e le prefixo mal- significa que le termino derivate es le opposito, sed il non defini exactemente que es le opposito. Pro isto, on debe apprender cata forma derivate separatemente, sed isto permitte que le lista de affixos es pauc.

Plure personas ha respondite al criticas del Esperanto pro crear su proprie version del lingua. Iste versiones modificate de Esperanto es nominate Esperantidos, que litteralmente significa filio de Esperanto. Le plus notabile esperantido es Ido, un lingua auxiliar per Louis Couturat e inspirate per le Esperanto Reformate per Zamenhof (un revision major que ultimemente esseva rejectate per Zamenhof mesme).

Le majoritate del revisiones del esperanto esseva create in le era auree del lingua auxiliar, post del successo notabile del lingua e ante le Prime Guerra Mundial. Un linguista remarcava re le deces de revisiones de esperanto create ante del anno 1958; e un lista moderne que solmente include notabile esperantidos ha plus que un cento in 2009.

Il etiam ha alicun cambios con le scopo de facer Esperanto plus usabile pro un gruppo mundial. Isto include simple additiones (como Riismo), cambios minor (como Esperanto Sin Flexione per Rick Harrison), e recreationes complete de vocabulario e grammatica (como Bonjang, influite per indonesian e swahili). Iste modificationes varia in comprehensibilitate; per exemplo, Riismo quasi es Esperanto mesme, sed Esperanto Sin Flexione es plus differente, ma pote esser comprendite per quicunque comprende Esperanto.

Le communitate del esperantistas ha su proprie cultura, basate in le typos de persona qui promove un lingua mundial. Il ha plure typos de persona qui usa Esperanto in plure paises, e illos ha create su proprie subcultura, con su proprie obras e tendentias.

Un avantage que Esperanto habeva ante plures de su competitores esseva conventiones. Initiante in 1905, le plus grande es le Universala Kongreso de Esperanto (Convention Universal del Esperanto), que habeva 688 assistentes in su prime convention in Boulogne-sur-Mer, Francia. Iste cresceva al maximo de 5946 (in 1987 in Varsovia, Polonia), e hodie attrahe circa 2000 personas.

Le Convention Universal del Esperanto non es le sol convention que es tenite regularmente. Le Internacia Junulara Kongreso regularmente attrahe centos de juvenes, e plure organisationes national ha su proprie conventiones regular; iste conventiones national pote attraher deces o centos de esperantistas.

Esperanto ha essite usate in films pro varie rationes. Iste films generalmente usa Esperanto non pro promover le lingua, sed a causa del connotationes que le lingua ha.

Alicun vices, Esperanto es usate pro indicar que le lingua es un lingua estranie, sin representar ethnicitate, sed sin le costa de inventar un nove lingua (como le lingua klingon). Le film The Great Dictator (1940) per Charlie Chaplin monstrava un ghetto judee; in illo, le signos del botecas usava nomines con le suffixo -ejo (location de X) pro monstrar un estranie pais del Europa oriental sin usar un lingua particular del region. Le film  lo usava pro le mesme ration, in un referentia al obras de Chaplin.

Le plus moderne films Gattaca (1997) e Street Fighter lo usava etiam gratias a su connotationes dictatorial de un lingua mundial, que conveniva le thema del films. Street Fighter lo usava pro dar al film un sentimento pseudo-communista e dictatorial, e Gattaca lo usava pro monstrar un sentimento fascista.

Il ha un pauc films que usa Esperanto como su sol lingua. Le plus famose es Angoroj (1964) e Incubus (1965, famosemente con William Shatner). Illos non es le sol films in Esperanto, e le lista include films independente como Gerda Malaperis.

Esperanto ha un traduction de tote le libros sancte de tote le religiones importante, como le Biblia (Zamenhof, 1910), e le Koran (Iran, 1979). Le religion Baha'i promove le Esperanto como un utensile pro le pace mundial, e le religion Oomoto crede que Zamenhof esseva un deitate. Le Federation Spiritista Brasilian promove Esperanto desde 1909 Infortunatemente, como Culbert nunquam publicate su resultatos intermediari de cata pais e area, il es difficile mensurar independentemente le exactitude de su resultatos. Su estimationes pro le numeros de parlantes de un lingua esseva arrotundate al plus proxime million; ergo, le numero de parlantes de Esperanto es 2 million. Iste figura appareva in le Ethnologue. Si iste figura es exacte, cerca 0.03% del population del mundo parla Esperanto. Iste percentage non representa le scopo de un lingua mundial desirate per Zamenhof, sed totevia representa un popularitate excedente illo de cata altere lingua construite.

Marcus Sikosek (hodie Ziko van Dijk) ha defiate le figura de  million de parlantes como exaggeration. Ille estima que si le parlantes de Esperanto es distribuite equalmente in le mundo, on pote localisar circa 180 parlantes de Esperanto in le citate de Cologne, Germania. Van Dijk loca sol 30 fluente parlantes del lingua in celle citate, e similarmente, minus que le numero expectabile de parlantes de Esperanto in citates frequentemente dicite que ha plus parlantes que normal de Esperanto. Ille etiam nota que il ha cerca 20000 parlantes del varie organisationes de Esperanto. Ben que il ha plure parlantes de Esperanto qui non es membros de ulle organisation, ille crede que es improbabile que il ha plus que 50 parlantes de esperanto qui non es in un organisation pro cata parlator in un organisation.

Finnese linguista Jouko Lindstedt, un autoritate re parlantes natal de Esperanto, ha monstrate le lista sequente pro monstrar le proportiones de capabilitates in le communitate de Esperanto:

Con le absentia de data detaliate, il non es possibile dicer le numero de parlantes con exactitude, sed le estimationes de Lindstedt es date credibilitate.

Il ha un gruppo large de usatores de Esperanto qui ha create o traducite software a su lingua preferite. Ambe software e applicationes in linea ha essite traducite.

Duo systemas de operation notabile pote appoiar le Esperanto como un lingua de traduction. Le systema de operation copyleft Linux ha plure interfacies graphic, e le majoritate de celle interfacies ha essite traducite al Esperanto, mesmo del notabile programmas como Firefox e OpenOffice.org. Le systema de operation, Windows Vista, etiam ha un traduction non official al esperanto

Sitos web notabile etiam usa le Esperanto. Plure sitos de Google ha traductiones complete in Esperanto. Le sito web Open Directory Project etiam ha un grande section de sitos in Esperanto Il etiam ha un encyclopedia web notabile disponibile in Esperanto: Wikipedia.

(Imprimite in Discussiones de Interlingua, Parte 1, Servicio de Libros UMI, Beekbergen, 2e impression 1983. p. 27 per Alexander Gode)

In comparation con le historia centennial de Eo, le experientias del altere projectos de que nos poterea tirar conclusiones fructuose es minimal. Sed que nos reguarda Ido, Latino sine flexione, Novial e Mondial e sin ample commentarios! Lor tractos positive nos forsan pote imitar, memorante tamen que le tempores e conditiones es differente e nihil es repetibile sin consideration de isto. Lor errores nos debe evitar, sed io time que nos ha jam repetite multes de illos. 

(...)

Si un Lingua auxiliar ha succedite, isto es Eo. On pote haber opiniones diverse del metodos, sed obviemente alcunes se ha provate successose. Proque e como? Como mentionate illo veniva in le juste momento. Le Vp-istas habeva eveliate le interesse del mundo e nunc se presentava subito un lingua plus facile, mesmo in parte comprensibile. Zamenhof trovava certe adherentes qui immediatemente comenciava publicar magazines, con considerabile sacrificios personal de natura economic, e con enorme investimentos de tempore e labor. Lor enthusiasmo esseva contagiose, ubique se fundava clubs que serviva de scholas pro semper nove adherentes. Contra attaccos illes stava unite, La Sankta Afero exigeva isto. Le schismas les fortificava, si non numericamente, tamen in le solidaritate que sempre cresce inter attaccatos. Le personalitate modeste sed indubitabilemente carismatic de Zamenhof functionava ben, le congressos deveniva locos de peregrinage annual, jam ab le prime assatis grande (688 participantes in Boulogne-sur-Mer 1905). Le grande firma Hachette de Paris divulgava le manuales e le litteratura que Zamenhof e jam multe alteres creava in original o traduceva. Isto es le characteristica del successo; le enthusiasmo e le prestessa a sacrificar se.

(Discurso al Conferentia International de Interlingua, Nederland 1989, imprimite in Interlinguistica e Interlingua: Que pote nos apprender ab le alteres e ab lor experientias de un seculo? p. 39—40, per Ingvar Stenström.)

Articulo 1º del Declaration Universal del Derectos Human (Universala Deklaracio de Homaj Rajtoj, en esperanto)




#Article 109: Eurolang (161 words)


Eurolang es un lingua artificial international create per Philip Hunt inter 1995 e 1998 pro esser un lingua pro le Union Europee. Le autor specificava como un criterio del designo que le lingua debe esser multo facile a apprender pro europeos. In contrasto con altere linguas como le esperanto, Eurolang include multe parolas directemente prendite del anglese.

Al presente non es cognoscite alcun communitate de parlantes active de Eurolang. Le pagina web del autor ubi ille describeva le lingua ha disparite del rete.

Eurolang est actifacta lang, qui me creatab estar comuna 2a lang per la Europa Unized (EU). Its word-list est baseda super England-lang, Deutsh-lang, France-lang, Italia-lang, Espanja-lang et Latin. Me desinab it estar facila lernar et usar.

Detail est, que lernabera Europa person, qui deja sav un or plus un de da langs, probablae pos lectar Eurolang (no tropa usation de dictionary), si ge est lernabera it per 2 days. Evidentae, facation it est plus unfacila rel lection it.




#Article 110: Europanto (118 words)


Europanto es un lingua artificial burlesc que esseva inventate per Diego Marani in 1996. Le nomine Europanto se deriva del parola European (Europee, con plure cognates in altere linguas) e le grec penduculo πάντ (pant in litteras roman, significante omne), e etiam resimila Esperanto.

Illo non se tracta de un lingua real: parlar in europanto consiste in miscer al hasardo parolas de differente linguas europee, usante un grammatica basate in anglese. Illo ha essite create per Marini pro responder al clamation que anglese esseva la plus optime lingua in Europa. Illo se honora in le facto que su grammatica totemente manca regulas, e sol ha suggestiones.

Il ha alicun libros, un jornal, e alicun articulos publicate in Europanto.




#Article 111: Ecologia (118 words)


Ecologia [e-ko-lo-gía] (ab le greco pro studio del casa) es le scientia que studia le relationes inter organismos vivente e lor habitat, tanto con altere esseres vivente, assi como con le aspectos physic (climate, etc.) e, in addition, con le factores social e economic. 

Tamben se studia le interventiones del esser human super le spatio e le natura.

Le ecosystema es le conjuncto de esseres vivente (communitate), le medio ubi 
illos vive (biotopo), le factores ambiental e le relationes que se establi inter illos.

Tote le planeta poterea ser considerate como un ecosystema, ma tamben lo es un 
simple gutta ab un cavo de aqua.

Un interessante ma controverse idea in studios ecologic es le theoria de Gaia.




#Article 112: Etiquetta de HTML (130 words)


HTML es un linguage de marcation usate pro codificar le structura de paginas web. Le acronymo significa HyperText Markup Language, linguage pro le demarcation de hypertexto.

Le etiquettas de demarcation de HTML ha iste aspecto general:

         ... 

Ben que HTML (essente de origine un version reducite del linguage de structuration de texto SGML) non es intendite pro codificar le designo graphic de un pagina, illo ha essite multo extendite e (ab)usate a iste proposito proque nulle alternativa esseva disponibile in le initio del web. Hodie, nonobstante, il es multo preferite separar le designo del structura de un pagina con le uso de folios de stilo cascadante, CSS. Le version actual de HTML, XHTML 1.0, appoia in su version 'stricte' solmente elementos de structura e depende de CSS pro le designo.




#Article 113: Euro (161 words)


Le euro (EUR o €) es le moneta de alicun statos membros del Union Europee: illos comprese in le eurozona, e etiam de altes statos non membros del UE.

Il esseva introducite le 1 de januario 1999, inde cessava exister dece-un monetas del paises del Union.

Le notas e monetas del numerarios national ancian, nonobstante, ha continuate a esser valide usque le 1 de januario 2002.

Le euro se divide in 100 centesimos, vel eurocent. 

Le nomine euro es le successor del nomine European Currency Unit ECU.

Le documentos official del UE usa le parolas Euro e Cent semper in forma singular.

Le valor definitive del monetas que compone le euro es:

Le euro es administrate per le Systema Europee de Bancas Central (ESCB), composite per le Banca Central Europee (BCE) e le bancas national del paises-membros que ha adoptate le euro. Le BCE (situate in Francoforte super le Moeno, Germania) es le unic con autoritate pro disveloppar le politica monetari.




#Article 114: Emacs (379 words)


Il ha plure versiones de Emacs, appellate: le GNU Emacs (GNUmacs) de RMS e Projecto GNU, XEmacs, [Gosmacs de James Gosling, Chet's Emacs etc. Le Emacs original esseva per RMS (Richard M Stallman), e le nomine significa Editante MACroS, o alteremente Esc Meta Alt Ctrl Shift; vide Expansiones Multo Alternative Create Simplemente.

Super le platteforma UNIX, le systema de operation native de GNU Emacs, il habeva un USENET guerra de proportiones massive, appellate le vi-emacs guerra. Ni Emacs ni vi vinceva le altere, e le debatto se continua. vi esseva le editor native de UNIX ante Emacs lo deveni, e per le qual vi advocate le Philosophia UNIX, Emacs es un exemplo de software contra le Philosophia UNIX, sed in despecto de iste, emacs probabilemente nunc ha le plus grande numero de advocatos.

Emacs es le visualisation editor de tempore real, mesme-documentante, modificabile, extensibile, avantiate.

Nos dice que Emacs es un visualisation editor proque normalmente le texto le usator edita es visibile sur le schermo, e es actualisate automaticamente como illo dactylographa su commandos.

Nos lo appella un editor de tempore real proque le monstra es actualisate multo frequentemente, subinde post cata character o par de characteres le usator dactylographa. Iste minimisa le quantitate de informationes que le usator debe retener in su capite como illo edita.

Nos appella Emacs Avantiate proque illo provide facilitates ultra simple pro insertion e deletion: governante sub-processos; indentation automatic de programmas; vidente duo o plus files a un tempore; editante texto formatate; e arrangiante texto per characteres, parolas, lineas, phrases, paragraphos, e paginas, etiam le expressiones e commentos de plure linguages de programmation.

Le majoritate del commandos de edition de Emacs es scribite in Lisp jam; le pauc exceptiones poterea essite scribite in Lisp, sed illos es scribite in C pro efficientia. Ben que solmente un programmator pote scriber un extension, alicubi illo pote usar le extension postea.

Quando currite sub le X Systema de Fenestras, Emacs provide su proprie menus e ligamines pro le buttones de muses. Sed Emacs pote esser currer perfectemente ben super un terminal texto, e provide multe del tractos de un administrator de fenestras. P.ex., le usator pote vider o editar plure files insimul, mover texto inter files, e editar files durante que illo curre commandos del scalia.




#Article 115: Ecclesia (128 words)


Un ecclesia ha qualque definitions in le contexto de Christianismo, e in rarmente religiones altere:

Originalmente le parola grec ekklesia esseva usate in le citates libere de Grecia pro indicar le assemblea de citatanos, convocate a exir de lor casas pro votar super legislation o tractar affaires public. In le version grec del Vetere Testamento (LXX) ekklesia se refere a Israel congregate pro propositos religiose, como tal Israel es le populo de Deo convocate per initiativa de Deo in sancte assemblea. Ecclesia es ergo le populo de Deo, convocate in Christo a exir del massa indistincte del humanos pro formar un populo consecrate a servir Deo e a viver secundo Su voluntate. In le Nove Testamento, illo refere ambe al communitate integral christian e a communitates local christian.




#Article 116: Ecumenismo (111 words)


Ecumenismo es le idea que differente denominationes christian debe laborar insimul plus que illos nunc face. Illo es alsi un movimento inter ecclesias e theologos liberal pro le unification del differente denominationes sur un base minime commun, sin considerar differentias et errores. Esto es differente del toleration religiose.  Trans le annos, le Christianismo ha fracturate in varie differente movimentos. Estos fracturas es basate de doctrina, de historia e que le homines face in le vita quotidian. 

Le termino ecumenical veni ex latin/greco oecumenicus, un phrase referrente ad Le mundo entiro, significante literalmente inhabite. In Christianitate le qualification ecumenical es originalmante (et alsi) usate in termino sicut  Ecumenical concilio et Ecumenical patriarcha.




#Article 117: Edgar de Wahl (234 words)


Edgar de Wahl (tamben appellate Edgar de Wahl - Olviopol, 11 de augusto de 1867 - Estonia, 1948) esse le creator del lingua auxiliar international Occidental/Interlingue.

Ille nasceva in Olwiopol, Imperio Russe, hodie citate de Pervomaysk, Ukraina, le 11 de augusto, 1867 (secundo le calendario julian). Ille studiava in Sancte Petroburgo, e travaliava le major parte de su vita professional in le citate estonian Tallinn (anque cognoscite como Reval).

Primo un adepto de Volapük, de Wahl plus tarde esseva un del prime usatores de Esperanto, e dava consilios a Zamenhof concernente alicun punctos de grammatica e vocabulario del nove lingua. Ille renunciava iste lingua post plure annos e durante le decennios sequente laborava super le question del forma ideal de un lingua auxiliar international.

In 1922 ille publicava un clave a un nove lingua, Occidental, e le prime numero de un periodico titulate Kosmoglott (plus tarde Cosmoglotta), scribite toto in iste lingua. Ille formulava le regula de Wahl. In le annos sequente, de Wahl participava in le discussion concernente Occidental, ma lassava le lingua evolver se secundo le recommendationes de su usatores. Post le comenciamento del Secunde Guerra Mundial in 1939, ille habeva un contacto solmente intermittente con le movimento occidentalista, a ille tempore centralisate in Switza. Ille viveva le ultime annos de su vita in un sanatorio in Estonia e moriva in 1948.

Le nomine de Occidental esseva cambiate a Interlingue in 1949.




#Article 118: Evangelio (110 words)


Evangelio, [sub] Litt. bon (o gaudiose) nova, illo concernente le significato del persona e del obra de Jesus Christo. Le prime quatro scriptos del Nove Testamento.

Le material proprie de un evangelio o de un fonte del Pentateucho es date de ille textos que non ha parallelos, ma que se trova solmente in ille evangelio o in ille fonte.

On crede que le evangelios esseva le resultato de poner insimul uno o plus manuscriptos con le mesme material … ben que necun tal manuscriptos esseva unquam trovate. Connectite a: documento Q. Contrasta con: Hypothese augustinian.

Theoria que le evangelios esseva originalmente traditiones oral que esseva plus tarde ponite in scriptos.




#Article 119: Epos (346 words)


Un epos ([é-pos]) o epopeia ([e-po-pé-ya]) es un poema epic extense basate in succesos heroic (p.ex. le Odyssea, o le Araucana). Illo debe normalmente haber un character narrative e un stylo elevate o heroic.

Le epos le plus ancian es Le epos de Gilgamesh, scribite in le lingua akkadian in le secunde millennio avante nostre era.

Traditionalmente, le epopeias classic (grec o latin) esseva scripte in hexametros dactylic. Le obras de Homero, le Iliade e le Odyssea, son le plus famose e le plus antique de iste typo, ma altere poemas continuava le historia de Troia (celles del cyclo epic grec, o del Eneide de Vergilio) o tratava tal themas que le Septe contra Thebas (le Thebaide de Statio, inter alteres), Jason e le Argonautas (le Argonautica de Appolonio de Rhodos), mythologia (le Metamorphoses de Ovidio o le Dionysiaca de Nonno), o mesmo le historia roman (le Pharsalia de Lucano).

Le epopeia es etiam un forma importante de litteratura religiose in India. Le duo magne epopeias de sanskrito classic, le Ramayana e le Mahabharata, ha un significantia cultural immense. Traductiones de istes, como le Ramcharitmanas de Tulsidas (que trata del eventos del Ramayana in awadhi) o le traduction marathi del Mahabharata per Moropant ha attingite le stato de classicos in le linguas vernacular de lor composition. Le cinque magne epopeias del periodo classic de litteratura tamil ha un stato comparabile a istos e son multo plus ancian.

Beowulf, David de Sasun, Shahnameh, Mille e Un Noctes e le Edda Poetic son alicunes del epopeias le plus importante del alte medievo. Le Canto de Roland, le Epos del Rege Gesar le Epos de Manas, le Niebelungenlied, e le Canto de mi Cid proveni de un periodo un pauc posterior. Omne iste poemas ha como character commun de non esser scribite in linguas classic como le sanskrito, tamil, latino, o greco.

Le Renascentia e le periodo moderne ha producite multe epopeias in linguas vernacular, como le Divine comedia per Dante Alighieri, le Lusiadas per Luís de Camões, Paradiso Perdite per John Milton, o le Kalevala per Elias Lönnrot.




#Article 120: Epitaphio (102 words)


Un epitaphio [e-pi-tá-fio] es un phrase pro scriber super un tumba, sovente le idea per su proprietario pro iste fin, e que revela su vision del mundo.

Traditionalmente un epitaphio es in forma poetic, ma il ha exceptiones. Multe poetas ha componite lor proprie epitaphios ante lor morte.

Multes es citatos de textos sancte, o aphorismos. Un bon epitaphio es considerate como un que es memorabile, o al minus face uno pensar.

Le epitaphios sovente registra le grande cosas que le morto ha complite durante su vita. Es commun que le epitaphios 'parla' al lector e le adverti super su proprie mortalitate.




#Article 121: Elohista (129 words)


E o le Elohista (del hebreu אלוהים, elohim, que signufica Deo o plus literalmente deos) es le nomine date al autor de uno del fontes scripte del Torah. Se characterisa per le uso prevalente del nomine elohim pro significa Deo. Aliquando ille usa alsi le nomine Yahweh, ma solmente a partir de Exodo 3:14.

Le fonte elohista comencia con Genesis 15; illo describe le epocha del patriarchas e de Moses, omittente le preludio del historia del origines, e illo perveni usque al conquesta del terra promittite de Canaan (i.e. Palestina). Probabilmente illo termina con Deuteronomio 34. Le Elohista es characterisate per influxos de ideas prophetic, que suggere un datation elohistic verosimilante al origine del 8e seculo aEC.

Le nomines del altere tres fontes del Torah e lor abbreviationes son:




#Article 122: Ecclesia de Jesus Christo del Sanctos del Ultime Dies (158 words)


Le Ecclesia de Jesus Christo del Sanctos del Ultime Dies es un communitate christian con 12.300.000 de membros in tote le mundo e un crescite medie annue de 300.000 (estimation de 2005). Le termino mormon, generalmente usate pro referer se al membros de iste ecclesia, deriva del nomine del propheta Mormon un del autores del Libro de Mormon.

Le Ecclesia de Jesus Christo del Sanctos del Ultime Dies esseva organisate le 6 de april 1830 in Fayette, New York in le Statos Unite de America, illo non face parte del protestantismo, le mormones sustene que illo es le primitive ecclesia restaurate del Senior Jesus Christo in iste ultime dies con le scopo de edificar le regno de Deo sur le terra ante le secunde venita del Salvator.

A Joseph Smith esseva demandate qual esseva le doctrinas fundamental del Ecclesia. Ille resumeva le inseniamentos e le doctrinas in 13 punctos fundamentales que es cognoscite como le Articulos de Fide.




#Article 123: Evangelicalismo (736 words)


Definition lexical

Evangelicalismo, in senso strictemente lexical, ma usate rarmente, se refere a toto lo que es implicate in le fide presentate per le quatro evangelios (Mattheo, Marco, Luca, e Johannes). Esser evangelic, ergo, significarea esser simplemente christian, illo es, fundate, motivate, agente in concordantia o, in alicun maniera, identificar se con Το Ηυαγγελιον le bon nova, le Evangelio del salvation, date al Homine in Jesus Christo. Le problema lexical surge quando on vole differentiar evangelic ab evangelical (un neologismo), como in le lingua german, in le qual se differentia inter: evangelisch e evangelikal (referente se, le primo al ecclesias protestante historic, le secunde al ecclesias protestante theologicamente conservative, nascite in le seculos 18e, 19e e 20e). Hic nos utilisara le forma de evangelic(al).

In le usage commun:

Iste definition plus general de Evangelicalismo, tamen, es quasi nunquam le significato intendite, con iste termino, in le discurso religiose. Quando le Catholicos concede, per exemplo, que solmente le Protestantismo es Evangelicalismo, il non es in le senso lexical que se face iste concession, nondum plus que le appellativo de baptista concede que solmente le Baptistas possede un baptismo legitime. Al contrario, lor inseniamento es appellate Evangelicalismo proque il es super le question del predication del Evangelio que le criticos del Papa e del magisterio catholic desiderava differentiar se. Un persona de fide catholic pote mesmo insister que su identitate es catholic e non christian in le mesme senso de esser evangelic (justo como un Evangelico pote denegar de esser catholic o orthodoxe) tanto que iste terminos se identificava con le uno o con le altere, in controversias que divide le christianos, specialmente desde le Reformation protestante.

Evangelic esseva le termino preferite originalmente in le description de se mesme in le inseniamento e in le cultura que surgeva in le Ecclesias protestante (le ecclesias evangelic) durante le Reformation. Iste Evangelicalismo relativemente plus vetule esseva, durante un certe tempore, identic al Protestantismo. Iste termino ancora es usate in Europa, e in alicun ecclesias lutheran. In le 19e seculo Evangelicalismo (ab evangelical) esseva le revivalismo (litt. neol. Eveliatismo) e le activismo motivate religiosemente, que characterisava le Secunde Grande Evelia. In tempores plus recente, iste termino esseva plus amplemente usate pro differentiar le Protestantismo conservative ab le Protestantismo liberal.

Le movimento evangelic moderne perveniva a esser identificate con ille gruppos intra le ecclesias, que poneva un emphase primari sur le instruction biblic, i. e. le sermon e le activismo motivate per le predication e le inseniamento biblic. Isto se contrasta con un conception del Christianismo focalisate sur le sacramentos o sur le liturgia del Ecclesia. Un altere clave characteristic del Protestantismo evangelic(al) es le importantia date al fide personal e le personal relation con Deo fundate super le revelation del Biblia. Le plus parte del christianos protestante trinitari e doctrinalmente conservative ama definir se Evangelic(al) e lor attitudes religiose, social e politic es appellate Evangelicalismo. 

Un definition in perspectiva

Le definition evangelic(al) es semper plus considerate inadequate, proque le Evangelicalismo ha superate le confinios de un singule ecclesia o institution. Un maniera alternative de differentiar le Evangelicalismo es describer le temperamento social e religiose ipse, plus tosto que un gruppo definite. Como tal, illes que se describe evangelic(al) (o si-dicite evangelicales identificate como tales per alteres, ma non de lor ipse) se trova alsi in le Ecclesia Catholic Roman e in le Orthodoxia Oriental. Isto implica un senso de identitate commun que preterpassa le confinios traditional, referente se a attitudes similat, ultra a qualcunque definition official, in re lo que signnifica esser christiano.

Characteristicas (basate sur le definition le plus commun)

Commentatores e historicos describeva quatro characteristicas distinctive del evangelicales:

Le evangelicales generalmente crede que le Biblia es completemente confidibile como Parola de Deo scribite, e illes subscribe al doctrina del Sola Scriptura e del Sola fide. Illes crede in le historicitate del miraculos de Jesus Christo e su litteral nascentia virginal, crucifixion, resurrection e secunde advento. Generalmente, illes es conservative in lor conception politic e social, credente, p. ex. que le comportamento homosexual es un peccato e que le vita human comencia a su conception.

Le evangelicales pote esser trovate in un vaste varietate de traditiones e locationes christian, benque illes es communmente protestante. Multe fundamentalistas pote alsi esser appellate evangelicales, benque non tote le evangelicales es fundamentalista, proque illes poterea non supportar un interpretation litteral del Biblia. Alicun Evangelicales se identifica alsi con le movimento pentecostal.

Evangelicos famose include:

 




#Article 124: Evangelisation (277 words)


Le communication active del message de Jesus Christo (le Evangelio) con le sperantia de conquirer personas que se converte a illo.

Evangelisation significa le predication del Evangelio.

Il ha plure strategias evangelistic: (1) evangelisation de massa, le qual utilisa le medias e vaste cruciadas; (2) Evangelisation impersonal, como predicar sur le angulos del vias; (3) evangelisation personal, como visitar casas; (4) evangelisation de cultivation, in le qual on condivide le proprie fide con un persona depost haber devenite su amico o offerite servicios. Tote iste strategias es designate pro accomplir le Grande Mandato de Christo (Mat. 28:19,20).

Uno del ministerios recognoscite per le ecclesia antique esseva illo del evangelista (Eph. 4:11). Multe ecclesias ancora recognosce iste ministerio como un vocation specific.

Pro le christianos, le evangelisation non es un option, ma un mandato. Deo es un Deo que manda (Joh, 3:16). Jesus mandava Su discipulos a evangelisar e inseniar, in appellar totes a repentir se (Mar. 6:7-13). Le Spirito sancte habilita le ecclesia a condivider le Evangelio e a conducer le mundo a reciper lo.

Le message del evangelisation christian es le Evangelio, le affirmation que Deo esseva in Christo pro reconciliar le mundo a Se mesme. Le objectivo del evangelisation christian es condivider le Evangelio con le mundo integre. Le methodo pro attinger iste objectivo es pro omne christiano de esser evangelistic.

Le pre-evangelisation es preparar un persona a reciper le communication directe del message del Evangelio de Jesus Christo per abatter in ille (le plus possibile) omne obstaculo que non lo permitterea (i.e. prejudicios, ideas errate etc.). Le pre-evangelisation se face con methodos honeste, le dialogo e le amicitate, non con artificios, fraude e deceptiones.




#Article 125: Football (183 words)


Nascite in le Regno Unite in le seculo 18, le football es un sport collective que se joca con un balla. On joca in un campo de herba con un goal in cata latere curte e cata equipa (de 11 jocatores) debe mandar le balla in le goal del adversario. Le tracto distinguente de isto joco es que le jocatores (excepte le goalkeeper) non pote usar su manos o bracios. Le partito se joca in duo medie tempores de 45 minutas.

Le football es le sport le plus popular del mundo, e le maxime evento mundial del football es le Cuppa del mundo, le evento sportive le plus viste del mundo.

Le football es jocate conforme a un serie de regulas, cognoscite como le Leges del Joco. Le joco usa un singule balla ronde, e le duo equipas de dece-un jocatores compete a inviar le balla in le goal del adversario, e per isto facer un goal. Le equipa con le plus goals al conclusion del joco gania: si ambe equipas ha le mesme numero de goals, le joco es un partita nulle.




#Article 126: Femina (102 words)


	 
Un femina es un humano adulte de sexo feminin, contrastante al masculo (conforme al sexo) e al puera (conforme al etate). Le feminas con un disveloppamento genetic typic es capabile de parturir infantes e sustentar los durante le prime momento post le nascimento per su lacte, desde le pubertate usque al menopausa. Le vocabulo 'femina' es usate pro designar le sexo biologic, a differentes rolos social o cultural, e anque pote significar ulle persona de sexo feminin includente tote le etates, per exemplo referente al derectos del feminas. Un femina pote etiam referer se a un identitate de genere de un persona.




#Article 127: Francia (1254 words)


Francia, o le Republica francese (République française in francese) es un pais de Europa que ha frontieras al sud con Espania, Andorra, Monaco e le Mar Mediterranee, al nord e le west con le Oceano Atlantic, al est con Belgica, Luxemburg, Germania, Switza e Italia.

Depost le tractato de Roma (1957), Francia es un membro del Union Europee. Illo es etiam un membro permanente del Consilio de Securitate del Nationes Unite. Le presidente actual es Emmanuel Macron.

Durante le Antiquitate, Francia, alora appellate Gallia, esseva populate per le Celtas. In le 1me seculo a.C., le imperator roman Julio Cesar invadeva Gallia e lo integrava in le imperio roman. Isto es le ration proque le francese es un lingua romanic.

A partir del seculo 5 p.C., le imperio roman esseva attaccate per barbaros germanic. In Francia, le Francos installava lor regno. In 800, le rege del Francos Carolo Magne – qui haveva conquirite Germania e le nord de Italia – se faceva coronar imperator per le Papa. Su tres filios divideva le imperio inter se, e Carolo le calve recipeva le regno de Francia.

Durante le Medievo, Francia esseva dividite in multe ducatos que esseva constantemente in guerra. Le rege de Francia comenciava a reconquirer le regno a partir del fin del Medievo. Sub le regno de Louis 16 in le seculo 16, le pais attingeva quasi le mesme frontieras que hodie.

Durante le seculo 18, le populo francese suffreva multo del impostos, del guerras e del fame. Intellectuales disveloppava ideas liberal e voleva que le populo participa in le governamento del Stato.

In 1789, le populo de Paris, dirigite per le burgese, se revoltava: isto esseva le Revolution Francese. Le Republica esseva proclamate in 1792 e le rege Louis 16 esseva decapitate in 1793.

Le constitution del Quinte Republica esseva approbate per referendum public le 28 de septembre 1958. Illo multo fortiava le autoritate del poter executive in constrasto con le Parlamento. Secundo le constitution, le presidente es eligite directemente per le populo pro un periodo de cinque annos. Le arbitrage del presidente assecura un functionamento regular del poteres public e le continuitate del stato. Le presidente nomina le prime ministro, preside in le consilio del ministros, commanda le fortias armate, e conclude tractatos international.

Le Assemblea National (Assemblée Nationale) es le principal corpore legislative. Su deputatos es directemente eligite pro periodos de cinque annos, e tote sedes es votate in cata election. Le senatores es eligite per un collegio electoral pro periodos de novem annos, e un tertio del Senato es renovate cata tres annos. Le poteres legislative del Senato es limitate: le Assemblea National ha le ultime parola in le evento de un disaccordo inter le duo cameras. Le governamento ha un influentia forte in le organisation del agenda del Parlamento.

Francia ha 26 regiones (région), que es de nove subdividite in 95 departimentos (département).

Francia possede un grande varietate de paisages, ultra planas litoral in le nord e west, ubi Francia ha frontieras con le Mar del Nord e le Oceano Atlantic, usque le catenas de montanias in le sud (le Pyreneos) e le sudest (le Alpes); iste contine le puncto le plus alte de Europa, le Mont Blanc con 4810 m.

In le medio se trova altere regiones elevate como le Massif Central o le Vosges montanias e grande bassinos de rivieras como les del riviera Loire, del riviera Rhodena, del Garonne, e del Seine.

Le economia de Francia combina importante interprisas private con substantial, mais diminunente, intervention del governamento. Grande areas fertile, le application de technologias moderne, e subventiones ha permittite facer de Francia le major productor agricultural in Europa del west.

Le governamento conserva un influentia considerabile super segmentos clave in sectores de infrastructura, con un participation majoritari in interprisas de traino, electricitate, aeronautica, e telecommunication. Illo relaxa pauc a pauc su controlo super iste sectores depost le annos 1990. Le governamento vende lentemente su holdings in France Telecom, in Air France, e in le industrias del assecurantia, del banca, e del defensa.

Francia se reuniva con 10 altere membros del Union Europee pro lancear le euro le 1 de januario 1999; le moneta in euro reimplaciava completemente le franc francese in 2002.

Le lingua official es le francese, sed il ha varie linguas local comoe le basco, breton, catalano, corsicano, nederlandese (flaminge), germano (alsatian) e occitano; totevia le governamento e le systema scholar francese discoragiava le uso de cata un de illes usque recentemente. Le linguas regional es nunc inseniate in alcun scholas, ben que le francese remane le unic lingua official (local e nationalmente).

Secundo le Declaration del Derectos del Homine e del Citatano de 1789, Francia garanti le libertate de religion como un derecto constitutional. Le lege de 1905 institueva le separation del ecclesia e del stato e prohibiva al governamento recognoscer, salariar o subsidiar alcun religion. In le situation precedente, establite in 1801-1808 con le Concordat, le stato appoiava le Ecclesia Catholic Roman, le Ecclesia Lutherian, le Ecclesia Calvinista e le Judaismo e provideva le education religiose public in iste religiones (pro rationes historic, iste situation es ancora actual in Alsace-Moselle).

Le governamento francese non guarda statisticas concernente le religiones.

Le 2003 CIA World Factbook lista le religiones de Francia : Catholicos Roman 83-88%, Protestantes 2%, Judeos 1%, Islamiticos (laboratores de Africa del Nord) 5-10%, non affiliate 4%. (Iste numeros non es secur.)

Football es le sport le plus popular, con plus de 2,3 milliones de licentiatos (de qui 97% son homines), un popularitate accrescite per le victoria de Francia durante le Cuppa del Mundo in 1998 e postea del campionato de Europa in 2000. Tennis, equitation, artes martial, basketball, handball e golf son equalmente multo practicate, sin oblidar rugby a 15 e bollas, que son specialmente popular in le sud del pais.. De plus, presso de septe milliones de franceses skia cata hiberno, le plus sovente extra tote organisation sportive. Quanto a scherma e a cyclismo, istos son le disciplinas in quales Francia es le plus titulate (respectivement 41 e 37 titulas olympic post le Jocos Olympic de Athenas in 2004).

Paris ha traditionalmente essite un del plus importante locos pro le studio e practica del artes. Maestros estranie, como Pablo Picasso, Vincent Van Gogh o Salvador Dalí, ha sovente travaliate in Francia. Pictores francese importante include Eugène Delacroix, Jacques-Louis David, Claude Monet, Auguste Renoir, Édouard Manet, Paul Cézanne, Henri de Toulouse-Lautrec, Paul Gauguin e Henri Matisse. Le Francia comprehende etiam multe sculptores celebre, como Auguste Rodin e musicos como Erik Satie, Hector Berlioz e Maurice Ravel.

Francia ha producte multe scriptores celebre, essentialmente de lingua francese (nonobstante, Frédéric Mistral scribeva in occitano/provençal). Durante le epocha de Louis XIV, litteratura vernacular esseva largemente promote; le poetas Molière, Corneille, Racine e alteres floriva, alsi como le fabulista Jean de La Fontaine e Blaise Pascal. Beaumarchais, Sade, Voltaire e le encyclopedistas esseva importante scriptores del seculo 18. Totevia, le scriptor francese le plus amate es sin dubite Victor Hugo. Altere romanceros del seculo 19 include Stendhal, Balzac, Dumas, Flaubert e Zola, durante que Rimbaud e Baudelaire faceva significante contributiones poetic. Popular scriptores francese del seculo 20 include André Gide, Antoine de Saint-Exupéry e Marguerite Yourcenar.

Aix-en-Provence, Ajaccio, Albi, Amiens, Angers, Angouleme, Bastia, Belfort, Besançon, Bordeaux, Brest, Caen, Calais, Cannes, Carcassonne, Charleville-Mézières, Clermont-Ferrand, Colmar, Dijon, Dunkerque, Epinal, Evreux, Grenoble, La Rochelle, Le Havre, Le Mans, Lille, Limoges, Lyon, Marseille, Metz, Montpellier, Mulhouse, Nancy, Nantes, Nice, Nîmes, Orléans, Paris, Perpignan, Poitiers, Quimper, Reims, Rennes, Roubaix, Saint-Dié-des-Vosges, Rouen, Saint-Étienne, Saint-Nazaire, Strasbourg, Tarbes, Toulon, Toulouse, Tourcoing, Tours and Valence. 




#Article 128: Finlandia (346 words)


Finlandia (Suomi in finlandese, le lingua official le plus grande de Finlandia; Finland in svedese, le alter lingua official), es un pais in Scandinavia. Illo es bastante nove, proque le stato esseva un principato autonome de Russia de 1808 a 1917; ante alora, illo esseva regite per Svedia de 1154 a 1808.

Le prime habitantes arrivava al pais 10 900 annos retro. In le epocha medieval Svedia conquireva le parte occidental del pais, e le stato de Novgorod (Russia) le parte oriental. 

In 1809 Finlandia deveniva un parte del imperio de Russia secundo le pacto de Tilsit inter Napoleon e tsar Alexander I de Russia. Ma le nove principato del tsar reteneva un autonomia distincte, e con un proprie codice de leges, derivate ab Svedia, e con un proprie administration civil, que travaliava in svedese e finnese. 

Le independentia esseva attingite in decembre 1917 a causa del chaos in Russia post le colpo de stato de Lenin e su bolshevikos un mense antea. Post un breve guerra civil in 1918 inter le blancos (le bloc conservative) e le rubeos (le sinistre revolutionari) que concludeva in un defaite rubee, Finlandia deveniva un membro del familia del paises democratic scandinave. 

Depost, inter 1939 e 1944, Finlandia participava in le secunde guerra mundial, in que illo perdeva un grande parte de su territorio. Post le guerra Finlandia ageva como un pais neutral durante le guerra frigide. Le pais esseva dirigite alora per le presidente Urho Kekkonen, qui governava de 1956 a 1981.

Hodie, Finlandia es cognoscite in le mundo pro un alte nivello de technologia. Illac on produce per exemplo telephonos cellular de Nokia. Post le disintegration del Union Sovietic le pais se jungeva al Union Europee. Comocunque, nunc le cambio demographic causa un grande defia pro le disveloppement del pais.

Le capital del pais es Helsinki. Altere citates importante es Espoo, Vantaa, Turku, Tampere, Oulu, Kuopio, Joensuu, Rovaniemi e Jyväskylä.

In le parlamento finlandese il ha 200 membros, eligite cata quatro annos.

Situation post le election del april 2011:

Le proxime election habera loco in le anno 2015.




#Article 129: Frederick Gardner Cottrell (184 words)


Dr. Frederick Gardner Cottrell (10 de januario, 1877, Oakland, California - 16 de novembre 1948) esseva un chemista physic e inventator del Statos Unite de America. Un doctoro, Dr. Cottrell esseva le prime persona qui informava a Alice e Dave Hennen Morris de New York prestar super le problema interlinguistic e le necessitate pro un lingua international auxiliar. Gratias a iste discussiones se fundava le International Auxiliary Language Association (IALA) con le supporto de Alice e Dave Morris, e Dr. Cottrell deveniva un del directores fundator de IALA in 1924 (usque a su morte in 1948). 

Dr. Cottrell studiava al Universitate de California in 1896 e universitates in Berlin (1901) e Leipzig, ubi, in 1902, ille obteneva su doctorato. Ille deveniva director del Bureau de Minas e depois del Division de Nitrogeno Fixate pro le governamento american. Dr. Cottrell travaliava in le campo de chimia e se occupava de nitratos, petroleo e helium. Su memoria es usque nunc supervivente in le processo Cottrell e le Precipitator Cottrell disveloppate per ille e le qual causa le precipitation de particulas solide de fumos urban e industrial.




#Article 130: Favicon (159 words)


Un favicon (forma curte del parolas anglese favorite icon, icone favorite) es un parve icone que navigatores web discarga de un sito insimul con le paginas demandate. Illos lo monstra juxta le adresse URL del pagina.

Le comportamento poterea variar inter navigatores. Internet Explorer, per exemplo, solo discarga le icone quando le usator include le sito in le lista de favoritos.

Le icone debe haber 16  16 pixels de dimension, debe haber le nomine favicon.ico, e debe esser situate in le directorio radice del sito.

Un icone incastrate (in anglese embedded icon) es un functionalitate qui permitte associar icones a sitos del web. Illo es un alternativa al favicon.

In le caso del icone incastrate, on pote usar un altere nomine e un altere directorio, sed on debe specificar lo explicitemente in le codice HTML de cata pagina. Per exemplo:

   
   ...
   

Le favicon es un functionalitate aliquanto antiquate, e nunc il es recommendabile le uso de un icone incastrate.




#Article 131: Fide (656 words)


Fide ha duo interpretationes que poterea esser insimul o separate:

In le duo casos, le fide es basate in le interpretation de alique intangibile (un sentimento o un emotion) e non de alique tangibile.

Comocunque, le parola 'fide' in le tempore moderne es usualmente relatate con religion.

Le legitime recognoscimento que le creatura human rende a Deo como Creator e Senior, secundo lo que Ille revelava de Se mesme e de Su voluntate. Illo significa un relation personal con Deo facite de fiducia e de obedientia. In particular il esseva le Senior Jesus Christo que se manifestava como medio supreme de reconciliation inter humanos e Deo. Recognoscer le obra de Jesus Christo, applicar lo al proprie vita con fiducia e obedientia, equivale al fide in Deo, nam il es in Christo que le humanos incontra Deo. 

Articuli fidei fundamentalis, ab le latino pro articulos fundamental del fide, es le doctrinas essential del fide.

Le pistologia es le studio del origine e del characteristicas del phenomeno fide religiose (in greco pistis). 

Doctrina catholic roman que concipe in un persona un fide non consciente in Christo. Creder sin comprehender. Notion aberrante, proque le ration es anque un dono de Deo. Deo non require del humanos un fide cec, ma un fide que comprehende le multe cosas que Ille revelava de Se mesme a nos. Le mesmo que: Fide implicite. Contrasta con: Fide salvific.

Doctrina catholic roman que concipe in un persona un fide non consciente in Christo. Le mesmo que: Fide cec. Contrasta con: Fide salvific.

Le fide que require e depende del experientia de un action miraculose de Deo in le proprie vita. Miraculos es possibile, ma illos es exceptiones, non le regula. Jesus proclama beate illes que ha fide in Ille mesmo sin haber vidite physicamente Su Persona o haber assistite a miraculos. 
Compara: Fide salvific, Fide dicite, Fide morte, Fide temporari, Fide historic, Fide explicite, Fide implicite, Fide cec.

Fide pretense, false, que non es salvific. Compara: Fide morte, Fide temporari, Fide in miraculos, Fide historic, Fide cec. Contrasta con: Fide salvific.

Simple acceptation del veritate de un facto que eveniva in le historia, ma sin esser personalmente influentiate per illo. 

Fide non authentic, e ergo non salvific, fide pretendite que non se manifesta in actiones correspondente in harmonia con le character e voluntate de Deo. 
Compara con: Fide dicite, Fide temporari, Fide in miraculos, Fide historic, Fide implicite. Contrasta con: Fide salvific.

Fide sincer ma superficial, que non dura, de facto non fundate super le regeneration del Spirito Sancte que produce cambios permanente in le vita de un persona. Vide Mattheo 13:20,21. 
Compara Fide historic, Fide dicite, Fide implicite, Fide in miraculos, Fide cec. Contrasta con: Fide salvific.

Fide in favor de alicun altere, p. ex. del parentes pro lor infantes. Le message biblic semper voca a un fide personal, fundate super experientias e reactiones personal. On pote precar pro un altere persona, ma non substituer se a su proprie fide e pensar de ganiar con isto benedictiones o mesmo le salvation pro ille.

Parola del fide (A. Word of Faith) es un movimento characterisate per credentias heretic e superstitiose como fide in le fide (A. Name-It-and-Claim-It), cura per fide (A. faith healing), Evangelio del sanitate e del ricchessa (A. Health ands Wealth Gospel), e confession positive.

Fide-in-le-fide es le christianismo como medio de sanitate, ricchessa e felicitate. Connectite con un vaste radio de heresias e false credentias, le fide-in-le-fide glorifica le fide human (e su poteres supponite) supra Deo.

Name-It-and-Claim-It (A.), litt. nomina lo e reclama lo es le credentia que qualcunque cosa que uno demanda in precaria con un fide authentic certemente essera concedite.

Le confession positive es le credentia que qualcunque cosa se dice con fide va certo occurrer.

Le cura per fide es un conception prevalente in alcun circulos evangelic, super toto pentecostal e charismatic que Deo es dependente del grado de fide que un persona possede pro esser resanate.




#Article 132: Fundamentalismo (476 words)


Le termino fundamentalismo significa le attachamento stricte a un doctrina precise, religiose o altere. 

Le adjectivo fundamentalista es hodie frequentemente utilisate in le pressa. Infelicemente, iste termino ha essite utilisate pro describer phenomenos tanto diverse, qui nemo pare saper plus lo que exactemente illo significa. Hodie on se refere a fundamentalismo pro describer alicun sorta de credentia religiose traditional [radical e aggressive], mesmo si se tracta de un predicator televisive baptista, un rabbin hassidic, un femina mormon, o un soldato del jihad islamic. 

Assi, le termino fundamentalista deveniva quasi inutile. Quando illo es usate in le contexto historic del America del Nord, tamen, il ha precedentes pro le utilisation de iste termino, le quales restabli un senso de cohesion descriptive.

Le Fundamentalismo esseva un movimento que surgeva in le tarde 19e seculo e in le preste 20e seculo intra le Protestantismo american, le qual reageva sia contra le theologia modernista e le critica biblic, sia contra le cambios del scena cultural e social del Statos Unite. Illo prendeva su nomine de Le fundamentales (The Fundamentals), 1910-15, un serie de essayos in 15 volumines, projectate pro contrastar le theologia liberal. Iste movimento cresceva multo depost le prime guerra mundial.

Durante le annos 1920, le fundamentalistas luctava contra le modernismo in tres manieras, per essayar, primo, de reprender le controlo (sin successo) del denominationes protestante, agentias missionari e seminarios; secundo: per supportar (con un poco de successo) le Prohibitionismo, le leges pro le respecto del reposo dominical e altere actiones pro defender le moralitate e sensibilitate traditional del Protestantismo; e, tertio (con relative successo) per essayar de stoppar le inseniamento del hypothese evolutionista in le scholas public, un doctrina que illes videva inextricabilemente associate al alte critica german e al fonte del Grande Guerra. Iste ultime strategia resultava in le insuccesso del infame processo Scopes del 1925 (plus tarde representate in un film multo poco accurate, Inherit the Wind), in le qual un inseniante de biologia de Dayton (MN) esseva accusate de inseniar illegalmente le evolutionismo a su classe. Le atmosphera de circo que se creava, discreditava le movimento al oculos del intellectuales e del medios de communication, e resultava in le subsequente disparition del fundamentalismo del scena cultural nordamerican.

Desde le annos 1940, le termino fundamentalista perveniva a denotar un stilo particularmente aggressive ligate al conviction que le separation ab le decadentia cultural e apostasia del ecclesias liberal, es le signo meritori de distinction del fidelitate a Christo. 

Hodie, le major parte del ecclesias que se describe como fundamentalista es ecclesias baptista separatista (que sovente se appella ecclesias biblic), gruppos como le General Association of Regular Baptist Churches (GARBC), or le Independent Fundamental Churches of America (IFCA).

Institutiones associate a iste movimento include le Bob Jones University (Greenville, SC) e le Tennessee Temple (Chattanooga, TN). Publicationes representative es: The Sword of the Lord and The Biblical Evangelist.




#Article 133: FORTRAN (110 words)


FORTRAN es un linguage de programmation.

Presso IBM in 1954, John Backus e un gruppo comenciava a designar le FORmula TRANslator System, o FORTRAN 0. Le computatores esseva lente e inconfidibile e tote le programmation alora esseva facite in linguage machina o in linguage de montage. Le obra esseva completate in 1957 e illo esseva appellate FORTRAN I. Le autores affirmava que le codice resultante poterea esser tanto efficiente como le linguage machina. FORTRAN includeva multe characteristicas qui esseva specific del IBM 704, le prime computator super le qual illo esseva implementate.
FORTRAN es supertoto un linguage orientate pro calculos mathematic, e illo es multo usate in le ambiente universitari.




#Article 134: Geographia (271 words)


Le geographia [ge-o-gra-fía] es le scientia que studia le superficie del terra e elementos como le climate e le characteristicas topographic de un region.

In senso classic, le geographia es le description del Terra, ma hodie, le geographia non solmente describe ma anque explica. Le geographia se considera como un scientia que agglutina tote le altere scientias, tanto natural como social, desde le historia usque le mathematica, viste que le objectos de studio del geographia es multe e multo varie. Nonobstante, le perspectiva del geographia es differente; illo studia le modos de organisation del spatio terrestre, le distribution del elementos que compone le paisage, su formas, su populationes...

Additionalmente, illo establi un dialectica inter le explication e le description del paisage; e inter le methodo inductive e deductive. Per isto, iste elementos debe esser eligite, selectionate, ordinate, judicate e presentate. Le analyse adjuta le geographo a comprender le modos de organisation in le spatio.

Ecce un lista del campos principal que studia le geographia e su scientias principal auxiliar respective.

Naturalmente le methodos del historia appare in tote illos usque le puncto que on poterea parlar del geographia cultural, assi como del statistica e del mathematica. Tamben se usa methodos del astronomia e del geodesia pro realisar le mappas (cartographia), assi como le determination de codices de signos que adjuta a interpretar los.

In ultra il es possibile studiar le geographia de forma concrete o general in un zona, region o pais. On parla assi del geographia general e del geographia regional que es lo que se occupa del application del analyse geographic a paises concrete.

Lista del paises del mundo




#Article 135: Grammatica transformational-generative (139 words)


Un modo de pensar in le linguistica, disveloppate e popularisate in le annos 1950 per Noam Chomsky.

Le theoria in iste systema es que il existe un structura fundamental (deep structure) que es a base de tote le linguas human. Iste structura fundamental consiste de

un serie de regulas de regeneration de structura phrasal (phrase-structure rewrite rules), i.e., regulas universal que genera le structura detra un phrase;
un serie de regulas pro transformationes, secundo le quales se forma phrases plus complexe ex le structura phrasal fundamental.

Le resultato de un grammatica transformational-generative es un structura superficial (surface structure) que, in combination con parolas e pronunciationes, forma un phrase correcte in le lingua in question.

Omne linguas ha le mesme structura fundamental, ma illos differe in lor structuras superficial, proque le regulas pro transformationes, pronunciation, e insertion de parolas varia.




#Article 136: Glosa (148 words)


Glosa es un lingua auxiliar international publicate per Wendy Ashby e Ronald Clark in 1981. Illo esseva derivate de interglossa.

Qua lingua isolante, il non ha ulle inflectiones, assi que parolas remane semper in lor forma original in le dictionario, sin reguardo a qual function illa ha in le phrase. Consequentemente, functiones grammatical, quando illi non son clar ab le contexto, son indicate per parve numero de parolas operatori e per le uso del ordine de parolas (syntaxe).

Na parenta in Urani; na volu; Tu nima gene revero. Tu krati veni; Tu tende gene akti epi Geo homo in Urani Place; don a na nu-di na di-pane; e Tu pardo na plu mali akti. Metro na pardo mu; qui akti mali de na. E ne dirige na a plu moli ofere; sed libe na ab mali. Ka Tu tena u krati, u dina e un eufamo pan tem.




#Article 137: Gynecologia (113 words)


Gynecologia(a Greco ancian γυνή, gyné, mulier, et -λογία, -logía, studio, inde gynaecologia studio de mulier) es le parte del medicina que tracta del maladias proprie del feminas in particular le systema reproduction de feminina (cuje partes es vagina, uterus, tuba uterina, et ovaria), e sicut de mamma. Quasi omnes expertos de gynecologia (qui se appella gynaecologista) es etiam medicos de obstetrician, a causa de le disciplinas gynaecologia et obstetricia valde congrue. Assi es interconnectate le gynaecologia et obstetricia (breve OB/GYN) exempli gratia in le hospital.        Obstetricia es scientia medicante que cura le functionas de reproduction femina, infantes suas in gravide vel pregnante (i. e. tempore antenatali) , intra parto et immediate post parto. 

 




#Article 138: Grecia (244 words)


Grecia, etiam Hellade, officialmente le Republica Hellenic (), es un pais sudoriental del Union Europee. Su capital e urbe principal es Athenas.

Le antique Grecia confinava a Illyria e Macedonia al nord, al est al Mar Egee, al west al Mar Ionie, e al sud al Mar Mediterranee. Illo habeva un area de 77.000 km². Su montanias, con le celo quasi semper blau e su climate suave, faceva de Grecia un del plus meraviliose paises in le mundo antique.

Il esseva in ille parve pais que le prime civilisation europee comenciava plus de duo mille annos retro. In ille tempore, Grecia dominava grande areas del margines del Mediterraneo e del Mar Nigre. Actualmente, Grecia ha poter reducite, essente un del paises minus disveloppate de Europa. Athenas es le capital e le major citate del pais. In Athenas e altere partes de Grecia existe splendide ruinas que son monumentos del passato gloriose del nation.

Ante milles de annos, le grecos establiva traditiones de justitia e libertate individual que son le bases del democratia. Lor arte, philosophia e scientia se tornava fundamentos del pensamento e del cultura occidental. Le grecos del Antiquitate se  appellava mesme hellenos (totos qui parlava greco, mesmo si illes non viveva in Grecia), e dava le nomine de Hellade a lor terra. Illes qui non parlava greco esseva appellate barbaros. Illes nunquam arrivava al puncto de formar un governamento national, ma illes ancora esseva unite per le mesme cultura, religion e lingua.




#Article 139: Galles (523 words)


Galles ( ;  ) es un pais que forma parte del Regno Unite. Illo avicina Anglaterra al est e le Mar Irlandese al west. Galles ha un population estimate verso tres milliones e es officialmente bilingue; le linguas gallese e anglese ha un stato equal, e signos bilingue son normal in tote le pais. Le decrescentia ancian del population cambrophone (i.e. de lingua gallese) ha cessate in le decennios recente; circa 20% del populo de Galles pote ora parlar gallese.

Depois le Etate del Ferro, Galles es inhabitate per britones con radices linguistic celtic. Un identitate national gallese distincte emergeva post que le romanos abandonava Britannia in 407-410, e on considera Galles como un del nationes celta actual. Llywelyn le Magne establiva le principato de Galles in 1216. In le seculo 13, le defaite del prince Llywelyn le Ultime per le rege anglese Edward I completava le conquesta anglonormanne de Galles e inaugurava plure seculos de occupation anglese (malgrado un ephemere restoration de independentia gallese per le prince Owain Glyndŵr al apertura del seculo 15). Le heredes apparente al throno anglese e britannic son titulate «Prince de Galles» depois le era de Edward I. Galles esseva incorporate in le regno de Anglaterra per un serie de actos in 1535-1542; depois isto usque 1881, tote le leges facte pro Anglaterra se applicava equalmente a Galles.

Galles se industrialisava rapidemente in le seculo 19; le sector de minas de carbon, concentrate in le valleas de Galles del sud, esseva un del plus importante in le mundo. Plure characteristicas distinctive de Galles disveloppava in iste periodo: adherentia a «cappellas» (ecclesias protestante non anglican), rugby, canto choral, bandas a cupros, radicalismo politic (socialista, syndicalista revolutionari, communista etc). Galles es communmente designate le «terra del canto» (land of song) in consequentia de un potente fusion de traditiones pre-industrial del eisteddfod (festival de poesia e musica) e del canto de hymnos protestante. Actores, cantatores e altere artistas son celebrate in Galles hodie, e attinge sovente successo international (exemplos include Tom Jones, Bryn Terfel, Ivor Novello, Stuart Burrows, Mary Hopkin, Charlotte Church, Catherine Zeta-Jones, Richard Burton, Anthony Hopkins, Siân Phillips, Jonathan Pryce, Terry Jones...). Galles ha un tradition multo forte de rugby a 15; su equipa national es un del dece melior equipas in le mundo. Malgrado le declino del minas e le sector industrial, duo tertios del population gallese continua a habitar le zono ex-industrial de Galles del sud (con un altere concentration in le nord-est). Altere partes del pais ha le reputation de esser salvage [...] e pictoresc, con un relievo multo montaniose.

Durante le seculo 20, plure institutiones distinctive gallese disveloppava. In recognition del predomination de denominationes christian «non-conformista» (methodista o altere), le ecclesia anglican perdeva in Galles su stato como le ecclesia establite in 1920 e deveniva un provincia anglican independente. Le plus grande urbe de Galles, Cardiff (Caerdydd in gallese) esseva designate como le capital national in 1955. In 1999, on creava le Assemblea National pro Galles. Dotate del poter de legiferar depois 2011, iste assemblea e le governamento que illo forma determina politicas gallese sur sanitate, education, cultura, agricultura, planification urban e altere matieras.




#Article 140: Germania (268 words)


Germania, pais localisate in Europa central.
Germania se cognosce officialmente como Republica Federal de Germania (RFG; in germano: Bundesrepublik Deutschland).

Germania borda al nord con le Mar del Nord, Danmark e le Mar Baltic; al est con Polonia e le Republica Chec; al sud con Austria e Switza, e al west con Francia, Luxemburg, Belgica e le Paises Basse.

Durante le major parte de su historia, Germania esseva un termino geographic utilisate pro designar un area occupate per varie statos. Illo se convertiva in un stato unificate durante 74 annos (1871-1945), ma esseva dividite al fin del Secunde Guerra Mundial in le Republica Federal de Germania (RFG, cognoscite como Germania Occidental) e le Republica Democratic German (RDG, cognoscite como Germania Oriental). Le 3 de octobre de 1990, le RDG deveniva parte del RFG, per lo que Germania deveniva un nation unificate. Berlin es le capital e le citate plus importante del moderne Germania.

In le parlamento german il ha 709 membros, eligite omne quatro annos.

Situation post le election del 24 de septembre 2017:

Germania es un pais con un alte population pro area.

Sequente un calculo de anno 2011 Germania ha 80.767.463 habitantes.

In 2010 le habitante medie habeva un etate de 43,7 annos e in 2013 un femina medie habeva 1,41 infantes.
Malgrado cuje Germania ha plus mortes como nascentias le population de Germania incerar per immigration.

Le sport plus popular in Germania es football. Germania esseva quatro vices campion del mundo (1954, 1974, 1990, 2014) e duo vices le campionato del mundo del football eveniva in Germania (1974 e 2006).

Religiones de Germania del Est 




#Article 141: Guanaco (205 words)


Le guanaco (Lama guanicoe) es un animal del Andes. Illo es similar al alpaca, lama, e vicuna, le quales se cognosce collectivemente como lamoides.

Illo es un membro del familia Camelidae, ordine Artiodactyla, classe Mammalia.  

Le guanaco es un animal silvestre, elegante, de ossos fin, con un talia de circa 1,06 metros e pesante circa 91 kg. Como le lama, le guanaco es revestite de un duple pelle dense que lo protege.

Su talia al puncta del spatula es de 1 a 1,2 metros. Su peso es typicamente le duple que le del vicunas, circa 100 kilogrammas, sed pote attinger usque 140 kg. 

Su pelle es plus large que le del vicuna sed plus curte que le del alpaca, e es de excellente qualitate e color rubie in le guanacos del sud de Peru.

Un characteristica del guanacos es lor testa obscur e lor ventre e membros plus albe. Le guanaco del nord es le antecessor del lama. Le presentia de guanacos in Argentina es multo ample e iste pais possede 95% de tote le guanacos del mundo, distribuite desde le Patagonia usque le Puna. In America del Sud le guanacos es facile a trovar in Peru, Bolivia, Paraguay, Argentina e altere sitos al sud.




#Article 142: Guantanamera (257 words)


Guantanamera es un canto de Cuba.

Al basso es un parve version del canto famose Cuban. Le litteras es accordos pro le guitarra. Le verso secunde es multo belle, e traduce a Interlingua multo naturalmente. Alcun del versos de un hombre sincero, de que istes era perdite, echoa (in le opinion mie) partes del philosophia Zen e le inseniamentos del moderne culto de illumination spiritual.

 Guantanamera

        D         Em   A
 Io es un homine sincere
        D      Em     A
 De ubi cresce le palma
       D          Em   A
 Io es un homine sincere
         D     Em     A
 De ubi cresce le palma
         D       Em     A
 E ante io morti, io vole
         D         Em    A
 Exprime mi versos del anima

 Choro:
 G            A          D          A
 GUANTANAMERA, GUAJIRA GUANTANAMERA
   D     Em A           D      Em A
 GUANTANAMERA, GUAJIRA GUANTANAMERA

 Io veni de tote partes
 A tote partes va io
 Arte so intra le artes
 In le montes, monte so
 Arte so intra le artes
 In le montes, monte so

 Toto es Belle e constante
 Toto es musica e ration
 Toto es Belle e constante
 Toto es musica e ration
 E toto, como le diamante
 Ante le luce es carbon

Le parolas del versos de Guantanamera veni del Versos Sencillos (Versos Simple) de Jose Marti. Il ha _MILLES_ de iste versos: tu los pote trovar a  (in Espaniol). Inter le varie versiones de Guantanamera, solo le choro e le verso prime es sempre presente. Sovente, un sonator va seliger un numero del Versos de Jose Marti, que ille mesme gusta.

E finalmente, que significa Guantanamera?




#Article 143: Glandula adrenal (141 words)


Il ha duo glandulas adrenal (suprarenal o surrenal), un a cata latere del corpore, ubicate super le renes. Illos ha un forma quasi triangular de quatro per duo centimetros in diametro. Illos son composite per duo partes: un cortice e un medulla; iste duo constitue organos separate. Le medulla secreta substantias chimic cognoscite como adrenalina e noradrenalina a in le circulation sanguinee. Iste secretiones hormonal stimula le corde per augmentar le fortia del contractiones e anque augmenta le concentration de sucro in le sanguine pro le uso del cellulas, tamben illos augmenta le rata de coagulation del sanguine ma diminue le fatiga muscular e assi pote facilitar le exercitio physic prolongate. Iste secretiones tamben contrahe le vasculos sanguinee e assi concentra le fluxo de sanguine ab un parte del corpore a un altere, ubi illo poterea haber un necessitate plus urgente.




#Article 144: Glandula lymphatic (109 words)


Le glandulas lymphatic son parve structuras oval que discarga le canales lymphatic. Illos se trova per tote le corpore e se pote sentir per tacto al collo, sub le axillas, in le inguine, etc. Illos varia in grandor de un a medie centimetro. Le glandulas lymphatic son benefic proque illos cessa le infectiones del corpore. Si bacterios o substantias toxic infecta le glandulas le resultato es lor inflammation e le condition se appella lymphadenitis. Si le inflammation es del canales que duce al glandulas isto se cognosce como lymphangitis. Pro le cura de iste condition pote esser necessari le effusion chirurgic del region infectate e le prescription de antibioticos.




#Article 145: Gratia divin (458 words)


Gratia es le favor monstrate per le Creator soveran a peccatores human, le misericordia de Deo pro illes que non lo meritarea. Le gratia de Deo se manifestava in maniera supreme pro le humanos in le Persona e obra de Jesus Christo (2 Cor. 8:9; Phil. 2:6ss). Le peccatores, habente transgredite le lege de Deo, non pote expectar se nihil de Deo, sin non un condemnation. Ille, tamen, decideva de mover se, nonobstante isto, in lor favor, offerente les le reconciliation, communion, e salvation. Le punition que illes meritava esseva sumite, in lor placia, de Jesus Christo ipse, le qual, sur le cruce, expiava lor peccatos. Deo es le Deo del gratia e le christianismo un religion de gratia.

Theoria catholic roman de un gratia temporari impartite a alicuno pro un scopo specific e limitate. P. ex. Alicun bon obra o necessitate particular. Per ex. Deo me ha concedite le gratia de....

Hypothese catholic roman que le gratia conferite in le baptismo permitte a un persona de viver justemente. Simile a Innocentia baptismal.

Gratia non salvific applicate generalmente al humanitate per le cura providential del Senior. Illo frena le mal e confere benedictiones physic in le mesme maniera al electos e al reprobatos, con le objectivo de preservar le mundo pro le obra redemptive de Deo. A non confunder con le Gratia commun sufficiente. 
Contrasta con: Gratia salvific, Gratia redemptive, Gratia commun sufficiente. Lo mesme que: Gratia preservante.

Doctrina non biblic, presente particularmente in le arminianismo wesleyan, que Deo provide gratia efficace a totes sufficiente pro lor salvation. A non confunder con Gratia commun. Contrasta con: Gratia commun, Gratia salvante, Gratia redemptive, Gratia efficace. Simile a Arminianismo.

Le favor de Deo que non se basa sur meritos human. De facto illo esserea un contradiction, proque si il es gratia, illo es immeritate, proque si on lo merita illo non esserea plus gratia...

(A. Free grace). Position theologic que assere que le salvation es solmente per gratia e que illes qui non manifesta bon obras es salvate mesmo si illes se comporta como le reprobos. 
Contrasta con: Salvation per le Senioria. Compara con: Antinomista.

Le mesmo que Gratia salvific, Gratia efficace, Gratia preveniente, Gratia irresistibile. 
Contrasta con: Gratia commun.

(A. Saving grace). Le gratia que de facto comporta le salvation del persona que lo recipe. Fide authentic in le obra redemptive de Christo. 
Le mesmo que: Gratia redemptive, Gratia efficace, Gratia preveniente, Gratia irresistibile. Contrasta con: Gratia commun, Fide dicite, Fide morte, Fide temporari, Fide in miraculos, Fide historic, Fide implicite, Fide cec.

Theoria amyraldian que le application del gratia salvific es particular, ma su provision es universal. Illo neglige que le Senior esseva capabile a previder que nulle alteres que le electos subjecte al gratia irresistibile essera salvate.




#Article 146: Gnosticismo (105 words)


Gnosticismo movimento religiose pagan que emphatisava specialmente le contrasto inter le regno material e le regno spiritual, le qual assumeva special importantia durante le secunde seculo. Su doctrinas le plus characteristic include le redemption ex le mundo material, un conception dualistic del realitate que assereva como differente deos esseva responsabile pro le creation e le redemption, e le emphase super le importantia del cognoscentia (gnosis) in le salvation. Illo emphatisava le cognoscentia secrete como sol medio de cognoscer de veritate e es pantheista. Le gnosticismo entrava in le christianismo del prime seculo sin esser notate, e su condemnation pote esser trovate in plure epistolas biblic.




#Article 147: Grande Britannia (209 words)


Grande Britannia es un insula in Europa del nord-west con tres paises – Anglaterra, Scotia, Galles. Geographicamente, Grand Britannia es le insula le plus grande del archipelago del Insulas britannic. Su superficie es 219.000 km².

Irlanda es le altere magne Insula britannic. Le Insula de Man es un Insula britannic parve inter istes; le altere parve insulas del archipelago es politicamente dependente de Grande Britannia o de Irlanda.

Le tres paises de Grande Britannia es partes del Regno Unite, con Irlanda del Nord. Grande Britannia es un entitate purmente geographic; politicamente, illo es representate per le Regno Unite (stato independente) o per Scotia e Galles (regiones partialmente autonome). Il existeva totevia un Regno de Grande Britannia depois 1707 usque 1801.

Inter le symbolos de Grande Britannia es le dea Britannia, e un bulldog.

Britannia es le symbolo cultural feminin de Grande Britannia. Illa ha un capello in le stilo roman, un baston longe acute, e un scuto con le bandiera del Regno Unite. Britannia esseva un dea minor in polytheismo romano-britannic; su depiction actual ha essite modificate pro evocar le nationalismo britannic moderne.

Britannia nunquam deveniva popular como symbolo cultural. Illa es depingite super le numisma de un libra sterling. Un altere symbolo de Grande Britannia es un bulldog.




#Article 148: Gautama Buddha (120 words)


Gautama Buddha era un sacerdote indian qui viveva inter circa 563 aEC e 483 aEC. Nascite Siddhartha Gautama (in sanskrit; in pali, Siddhattha Gotama le complitor de desiros), ille deveniva plus tarde le Buddha (lit. le eveliato). Ille es anque sovente appellate Shakyamuni o Sakyamuni (lit. Le sagio del clan Shakya) e le Tathagata (lit. le assi-vadito, pro indicar que le natura de un Buddha es itinerar sin adder a o subtraher de su experientia). Gautama era un contemporaneo de Mahavira.

Gautama es le figura central del Buddhismo. Contos de su vita, discursos, e regulas monastic, era summarisate post su morte e memorisate per le sangha. Transferite in le tradition oral, le Tiptaka era scribite circa cento annos plus tarde.




#Article 149: Giuseppe Peano (313 words)


PEANO, Giuseppe, (Cuneo, Italia, 1858-1932) 

Peano Giuseppe (1858-1932) nasceva al ferma Tetto Galant presso 5km de Cuneo, Italia, in 1858. Su parentes travaliava al ferma. Ille vadeva al schola del villa in Spinetta e depois ille vadeva al schola in Cuneo, viagiante le cinque kilometros a la e de volta a pede cata die. Su parentes comprava un casa in Cuneo ma su patre continuava cata die a travaliar in le campos de Tetto Galant con le adjuta de un fratre e soror de Giuseppe, durante que su matre restava in Cuneo con Giuseppe e su fratre major.

Le matre de Giuseppe habeva un fratre qui esseva prestre e advocato in Turino, e quando ille realisava que Giuseppe habeva multe talento ille prendeva le a Turino con ille pro ir al schola secundari e preparar le pro le studios universitari. Giuseppe prendeva le examines al Ginnasio Cavour in 1873 e tunc deveniva un pupilo al Liceo Cavour ab ille se graduava in 1876 e, in ille anno, ille entrava al Universitate de Turino.

Ille deveniva lector de calculo infinitessime al Universitate de Turino in 1884 e professor in 1890. Ille anque habeva le titulo de professor al Accademia Militare, Turino, de 1886 a 1901. 
Su Formulaire de mathematiques (Formulario Mathematico in italiano e Mathematical Formulary in anglese), publicate de 1894 a 1908 
con collaboratores, esseva intendite pro le disveloppamento del mathematica in su integritate ab su postulatos fundamental usante le notation logic de Peano.

Peano es alsi cognoscite como le creator de Latino sine Flexione, plus tarde appellate Interlingua, un lingua artificial. Basate sur le synthese del vocabulario latin, francese, germano, e anglese, con un grammatica minime. Su Interlingua esseva intendite pro uso como un lingua auxiliar international. Peano compilava un Vocabulario de Interlingua in 1915 e ille esseva pro un tempore le presidente del Academia pro Interlingua (originalmente nominate le Kadem Volapuka).




#Article 150: Groenlandia (476 words)


Groenlandia (danese: Grønland, le Pais Verde; groenlandese: Kalaallit Nunaat, le pais del homines) es un parte autonome del regno de Danmark. Groenlandia non es parte del Union Europee.

In le anno 982 le marino et explorator viking de origine norvegian
Erik Thorvaldsson (950-1003), appellate Erik le Rubie debite a que
ille habeva essite proscripte ex Islanda quia le assassinato de varie
personas, navigante verso le west de Norvega discoperiva un enorme
insula al que ille appellava in lingua dan «Grønland»,
que significa terra verde. Ben que le sud de Groenlandia,
non coperite per glaciares, solmente es verde durante le estate, iste
denomination poteva haber essite un simple pretension pro attraher
colonos, proque le insula ex le que Erik procedeva, Islanda —Ísland
significa «terra de gelo»—, contava con plus vegetation que Groenlandia.

Groenlandia contine le insula de Groenlandia. Le area de Groenlandia es 2.166.086 km2, del quales 410.449 km2 es sin glacie; circa 81 procent del insula assi es coperite per glacie. Le area es 50 vices plus grande que Danmark. Le capital es Nuuk (danese: Godthåb).Groenlandia es dividite in tres regiones: Groenlandia del West (Kitaa con 91 pro cento del population), Groenlandia del Est (Tunu con 6,3 pro cento) e Groenlandia del Nord (Avannaa con 1,6 pro cento).

Le population contava 56.282 personas (2014), circa 1 pro cento del population de Danmark. 88 pro cento del population es inuites o un population mixte (groenlandeses con origine mixte, ante toto inuit, danese, german e norvegian). Plus que 20 pro cento del population ha nascite in altere paises, ante toto in Danmark. Desde le 1 de januario 2009 il ha quatro municipios: Kujalleq, Quaasuitsup, Quqqata e Sermersooq (le plus grande que include le capital Nuuk); usque le fin de 2008 il habeva 18 municipios.

Groenlandia ha essite habitate durante al minus 4.500 annos per populos arctic. Le vikinges occupava le inhabitate parte del sud de Groenlandia in le initio del annos 900. In le annos 1200 le inuites arrivava a la, e le colonias del vikinges dispareva in le fin del annos 1400. In le initio del annos 1700 Scandinavia e Groenlandia reestabliva le contacto, e Danmark establiva su soveranitate del insula.
Usque le 5 de junio 1953 Groenlandia esseva un colonia danese. Al cambio del constitution danese de iste die le insula obteneva stato como un region danese. Post un referendum in 1978 Groenlandia obteneva autonomia de parte del 1 de maio 1979. Le autonomia esseva extendite le 21 de junio 2009 al majoritate de areas, excepte le politica de affaires estranier e de securitate.
Le capite statal de Groenlandia es regina Margrethe II de Danmark. Illa appuncta un ombudsman del regno como substituto del governamento danese e le monarchia. Le parlamento groenlandese se appella Landstinget (in danese, in groenlandese: Inatsisartut) e ha 31 membros, eligite pro quatro annos. Le parlamento es situate in le capital, Nuuk.




#Article 151: Comic (417 words)


Un comic (ex anglese: comics; etiam internationalmente note como manga quando referite al stilo japonese) es un typo de litteratura graphic ubi un narration picte es designate cum imagines in sequentia, saepissime incentrate sur dialogos, cum parve descriptiones externe.

Le version moderne de iste typo de narration nasce sur le jornales de novas ut vignette comicpost prolongate a banda designatesovente de character politic. In le curso del ultime duo seculos, le simplice bandas se ha evolvite usque devenir ver e proprie libros a designos, publicate autonomemente e cum decenas de subgeneres litterari. Secundo le amplitude del narration e le publico destinatari, le historias designate contemporanee pote haber permulte formas et esser vocate in numerose manieras, como le breve librettos serial de historiettase contos a designos  majormente pro juvenes, o le plus complexe volumines unic de novellas e romances graphic, saepe etiam directe a un publico exclusivemente adulte.

Historicamente, illo es un arte producite desde longe tempore, per exemplo in hieroglyphes egyptian, frisios e insignias grec, mosaicos, columnas coclide e graffiti latin, o le tapisserias flaminge e normanne.

Le plus directe predecessores del bandas designate moderne son caricaturas humoristic a un sol vignette, facite pro revistas comic in le seculo XIX in Europa e le Statos Unite. In ille seculo, le designator suisse Rodolphe Töpffer creava diverse historietta satiric corte cum un narration sequential, que ganie popularitate. Post Töpffer, le medio esseva usate del autores german Wilhelm Busch e Heinrich Hoffman. In le epocha, on produceva etiam revistas satiric como Punch e Puck, que etiam esseva un fonte de inspiration pro designatores in Asia.

In le principio del seculo XX, in le Statos Unite, le bandas designate comenciava emerger como un ver medio del massas, in historias de un banda o un pagina sol, producite pro augmentar le vendita de jornales. Exemplos de iste tempore es Yellow Kid/Hogan's Alley de Richard Felton Outcalt, Katzenjammer Kids de Rudolph Dirks e Happy Hooligan de Frederick Burr Opper. Relativemente rapide, alter obras cum ambitiones artistico alto esseva producite, como Little Nemo in Slumberland de Winsor McCay, Krazy Kat de George Herriman, e The Kin-Der Kids e Wee Willie Winkie's World de Lyonel Feiniger.

Le plus importante tradition in Europa, le scena francobelge, initiava apparer como un scena distincto e importante durantele secunde guerra mundial, quando le occupantes nazista decideva prohibir le importation de contos designate statounitese. Proque le population belge e francese ja ha devenite accostumate a expectar contos a designos nove, un production native, de un scala plus grande, appareva.




#Article 152: HTML (267 words)


Hypertext Markup Language (HTML) es un linguage de marcation pro le confection de paginas web hypertexte destinate a esser publicate in le World Wide Web. Definite como un application de SGML, qui es usate per organisationes con necessitates de publication complexe, HTML es ora un standard de Internet mantenite per le World Wide Web Consortium (W3C). Le  del ultime version, 4.01, es disponibile ibi.

HTML generalmente appare in files de texto immagazinate in computatores connectite al World Wide Web. Iste files contine information in texto pur permeate per marcation, isto essente etiquettas qui instrue le programma como exhibir in un navigator del web o tractar le texto (generalmente se usa un editor HTML pro isto). Il ha tres typos de etiquettas de marcation in HTML:

   
      Mi prime documento HTML
   
   
      Hallo mundo!
   

Como occurre con multe standards de Internet, le popularitate e le avantiamento technologic del World Wide Web ha crescite multo plus rapido que le organo standardisator poteva accompaniar, e assi il ha alcun versiones proprietari incompatibile de HTML ancora in uso, ben que le standards se meliora, sed hodie le major parte del functionalitates de HTML 4.0 es implementate in le major parte del navigatores web. HTML 4.0 include un conjuncto comprehensive de optiones de presentation, totevia le major parte de illos ha essite disapprobate in favor de CSS, qui deberea esser usate pro le presentation, durante que le HTML deberea preferentialmente restringer se a describer le structura e le logica del pagina web.

Chronologia de versiones del standard:

Il non habera nove versiones de HTML, totevia HTML supervive in XHTML, qui se basa super XML.




#Article 153: Hypertexto (169 words)


In informatica, un systema de hypertexto se destina a exhibir information que contine referentias (denominate hyperligamines) a altere informationes in le systema, e a publicar, actualisar e recercar facilemente le information. Le systema de hypertexto le plus notori es le World Wide Web.

Probabilemente le prime description del idea appareva in 1945, quando Vannevar Bush scribeva un articulo in The Atlantic Monthly intitulate As We May Think, super un dispositivo futuristic que ille denominava Memex. Ille describeva le dispositivo como electronicamente ligate a un bibliotheca e capace de exhibir libros e films del bibliotheca, e ulteriormente capace de sequer automaticamente referentias de istes al obras referite.

Le informatico Ted Nelson cuneava le termino hypertexto in 1965. Le travalio de Nelson e multe altere systemas de hypertexto primordial como le NLS de Douglas Engelbart e le popular application HyperCard impacchettate con le computator Macintosh de Apple esseva subito eclipsate per le successo del World Wide Web de Tim Berners-Lee, ben que iste careva multe functionalitates presente in le systemas anterior.




#Article 154: Hydrogeno (844 words)


Hydrogeno es un elemento chimic de symbolo H e numero atomic 1. A temperatura ambiente illo es un gas diatomic inflammabile, incolor e inodor. Hydrogeno es le elemento chimic le plus legier e le plus abundante del Universo. Illo forma parte de un multitude de substantias, como per exemplo aqua e compositos organic. Le nucleo del isotopo plus abundante es formate per un unic proton. In plus il existe duo altere isotopos: deuterium (que ha un neutron) e tritium (con duo neutrones).

In laboratorio se obtene per le reaction de acidos con metallos como zinc e industrialmente per le electrolyse de aqua. Hydrogeno se emplea in le production de ammoniaco, e recentemente pro le provision de energia in pilas de combustibile.

Hydrogeno es le elemento chimic le plus legier, habente su isotopo plus abundante constituite per un unic par proton-electron. In conditiones normal de pression e temperatura forma un gas diatomic, H2, con un puncto de ebullition de solo 20,28 K e un puncto de fusion de 14,01 K. A pression multe alte, tal como le qual se produceva in le nucleo del stellas gigante de gas, le moleculas altera su natura e hydrogeno se converte in un liquido metallic (vider hydrogeno metallic). A pression multe basse, como le de spatio, hydrogeno debe exister in atomos individual, simplemente proque le probabilitate de que se combina es multe basse. Nonobstante, quando isto succede se pote formar nubes de H2 que se associa con le genesis de stellas.

Iste elemento ha un function fundamental in le universo, proque mediante le fusion stellar (le combination de atomos de hydrogeno que resulta in un atomo de helium) forni quantitates immense de energia.

Industrialmente se produce quantitates grande de hydrogeno, principalmente in le processo de Haber pro le obtention de ammoniaco, in le hydrogenation de grassias e oleos e in le obtention de methanol. Usos altere que se pote citar es:

Hydrogeno se pode emplear in motores de combustion interne. Un flotta de automobiles con motores de iste typo es mantenite actualmente per Chrysler-BMW. De plus, le pilas de combustibile in disveloppamento pare que essera capacitate de offerer un alternativa munde e economic a motores de combustion interne.

Hydrogeno (de greco ὕδρω hydro, significante aqua, e γενῆς genes, significante generar) esseva recognoscite como un elemente chimic in 1776 per Henry Cavendish. Plus tarde Antoine Lavoisier lo dar su nomine moderne.

Hydrogeno es le elemento le plus abundante, constituente 75% del massa e 90% del atomos del universo. Se incontra in abundantia in le stellas e in le planetas gigante gasose, nonobstante, in le atmosphera terrestre se incontra solo un fraction de 1 ppm in volumine.

Le fonte le plus commun de hydrogeno es aqua, se componer de duo atomos de hydrogeno e un de oxygeno (H2O). Fontes altere es le major parte de compositos organic, includente omne le formas de vita note, le combustibiles fossile e gas natural. Methano, producto del decomposition organic, acquire un importantia crescente como fonte de hydrogeno.

Hydrogeno se obtene de formas distincte:

Hydrogen ha un electronegativitate intermedie (2,2) pro lo que pote formar composites con elementos con major o minor character metallic. Tanto con le elementos metallic del gruppos 1 e 2 como con le nonmetallos de le gruppos 15, 16, e 17 forma hydruros. Con le primes es presente in le forma de H- e in le secundes es presente como un ion H+, pro lo que istos ultime habe un character acide.

Alicun composites binari es ammoniaco (NH3), hydrazine (N2H4, aqua (H2O), peroxydo de hydrogeno (H2O2), sulfuro de hydrogeno (H2S), etc.

Con carbon (un elemento de gruppo 14) forma un quantitate immense de composites, le hydrocarburos e derivativos que es le objecto de studio de chimia organic.

In conditiones normal, gas hydrogeno es un mixtura de duo typos de hydrogeno differente in function del direction de spin de su electrones e nucleos. Iste formas se cognosce como ortho- e para-hydrogeno. Hydrogeno normal se compone de 25% del forma para- e 75% del forma ortho-, le considerate normal, ben que non se pote obtene in un stato pur. Ambe formas habe energias legiermente differente, lo que provoca que su proprietates physic non es identic. Assi pro exemplo, le forma para- ha punctos de fusion e ebullition 0,1 K plus basse que le forma ortho-.

Le isotopo le plus comun de hydrogeno, etiam appellate protium, non possede neutrones. Existe duo alteres, deuterium (D) con un neutron, e tritium (T), radioactive con duo. Deuterium habe un abundantia natural comprendente inter 0,0184% e 0,0082%.

Hydrogeno es le unic elemento chimic que habe nomines, e symbolos chimic, distincte pro su isotopos differente.

Hydrogeno es un gas extrememente flammabile. Illo reage violentemente con fluor e chloro, specialmente con le prime, con lo que le reaction es tanto rapide e imprevisibile que non se pote controlar. Etiam un periculo es su depressurisation rapide, proque differentemente del resto de gases, si se expander super -40 °C se caleface e se pote inflammar.

Aqua pesante (D2O) es toxic pro le majoritate del species, ben que le dose fatal es multo grande.




#Article 155: Historia del astronomia (1324 words)


Le antiquos pensava que le stellas esseva fixate al sphera plus exterior, ille situate ultra le sphera de Saturno. Per esso se appellava al stellas stellas fixe, differentiante los del (stellas errante o planetas, que se moveva independentemente de iste sphera.)

Le sphera plus exterior del stellas non esseva transparente si non nigre, e le stellas brillava super iste fundo como luminarios multo parve. Tote le celo nigre gyrava con complete regularitate un vice per die, transportante con se le stellas. Quando sortiva le Sol, le celo se tornava celeste e le stellas dispareva, ma isto se debeva unicamente a que le splendor del Sol le suffocava.

Non obstante, iste thema nos porta a Hiparco (161-127 aEC), le major de tote le astronomos grec. Si nos ha in mente que practicamente ille non disponeva de qualque instrumentos e que le astronomos anterior habeva lassate poc scriptos, le discoperimentos de Hiparco bastava pro situar le in­ter le major astronomos de tote le tempores.

Hiparco travaliava in le insula de Rhoda, circa del Costa sud­-occidental de lo que hodie es Turchia, e pro explicar le movimento apparente del planetas inventava un systema de combinationes circular superior a illos concipite in le duo seculos transcurrite desde le morte de Plato. Le systema de Hiparco superviveva con parve ameliorationes durante mille septe cento annos.

Un astronomo posterior, Claudio Tolomeo (100-170 dEC), que viveva quasi tres seculos depois de Hiparco, resumiva usque le anno 150 dEC. le systema de Hiparco con alcun ameliorationes in un libro que superviveva usque le etate moderne, lo qual non occurreva con necun del obras de Hiparco. Nos appella assi le systema tolemaic al systema astronomic que situa le Terra in le centro del universo, con le altere cor­pores in circumferentia a illo.

Le majoritate del gente credeva que le planetas in lor movimentos exerceva un influentia super le Terra e super le huma­nos, e que si se consequeva elaborar un systema que prediceva exactemente lor movimentos forsan il esserea possibile deducer lor influentias super le destino futur de cata individuo. Le disveloppamento de un tal systema de astrologia (Le lectura del planetas) habeva un interesse extraordinari pro tote le personas del mundo antiquo.

Le Sol, Le Luna e le cinco planetas de aspecto stellar se move per un tracto considerabilemente tenue del celo que se divideva in dece-duo regiones, occupate cata qual per un conjuncto concrete de stellas, ubi le antiquos, plen de imagination, videva le silhouette de alcun objecto, normalmente un animal. Cata gru­ppo de stellas se appella un constellation e le dece-duo constela­tiones trans le qual se move le planetas se appella le zodiaco, de un parola grec que significa circulo de ani­males.

Le astronomos divideva tamben in constellationes le resto del celo. In epochas moderne, quando le astronomos viagiava usque le sud e poteva studiar le stellas plus meridional, tamben divideva in constellationes iste regiones. Actualmente il ha 88 constellationes que divide tote le sphera del celo, ma le dece-duo constellationes del zodiaco continua esser de plus interesse a alcun homines credule.

Non obstante, Europa e le Proxime Oriente non esseva le unic crippas del civilisation. Durante un periodo de duo mille annos, inter 500 aEC. e 1500 dEC., China superava multo al Occidente in scientia e technologia. Durante le epochas antique e medieval, le astronomos chinese observava cautemente le celo e faceva notas de toto phenomeno que illes videva. Illes non timeva confrontar se con ideas dogmatic super su perfection e viveva in un societate relativemente secular ubi le timor al esseres supernatural non restringeva lor pensatas.

Certo que le chineses non studiava le celo per motivos purmente intellectual. Tamben illes, como le babylonios e le grecos, esseva interessate in le astrologia. Illes habeva inventate significatos pro toto lo que poterea apparer in le celo e lo utilisava pro prognosticar le possibile occurrentias futur in le Terra.

In 1543 le astronomo polac Nicolas Copernico (1473-1543) publicava un libro que explicava le mathematicas necessari pro predicer le position del planetas suponente que le Terra gyrava circum le Sol, juncto con Mercurio, Venus, Marte, Jupiter e Saturno. Iste hipotese simplificava considerabilemente le problema, mesmo si Copernico continuava in supporto del idea que le planetas se moveva pro medio de orbitas circular.

In 1609 un altere sage italian, Galileo Galilei (1564-1642) ascoltava que in Holanda se habeva inventate un tubo con lentes a cata extremo que permiteva ampliar objectos. Ille comenciava experimentationes immediatamente e in poco tempore habeva lo que nunc nos appella un telescopio. Galileo faceva con illo alco nove e audace: ille lo appunctava al celo.

Le telescopio de Galileo esseva un apparato parve e primitive, ma per prime vice alcuno studiava le celo nocturne con alco melior que le simple vista. Galileo videva con su telescopio montanias e crateres in le Luna, e zonas platte que ille credeva esser mares. Ille videva maculas in le Sol. Ille videva quatro satellites circum Jupiter. Ille videva que Venus presentava phases como le Luna. Per lo que monstrava le telescopio, il pareva multo probabile que le planetas esseva mundos como le Terra, forsan tanto cam­biante e imperfecte como illo. Includente le Sol, con su inedite maculas, esseva clarmente imperfecte. In quanto a Venus, sus phases, tal como Galileo habeva observate, non poteva exister in le systema tolemaic, ma si in le systema copernican. Le telescopio de Galileo reinfortiava immensemente le conception copernican del systema solar, e isto le confrontava con le Inquisition, le qual le obligava a renegar le systema copernican.

Le astronomo german Johannes Kepler (1571-1630) confirmava in 1609 que Marte non gyrava circum le Sol in un circulo o un combination de circulos, como habeva su­ponite Platon e tote le astronomos occidental posterior, includente Copernico. Marte gyrava circum le Sol secun un orbita elliptic que habeva le Sol in un de su focos. Kepler demonstrava depois que tote le planetas se moveva secun orbitas elliptic.

Kepler habeva obtenite con isto le description real del systema solar. Il esseva su systema e non illo de Copernico le qual adjustava con le realitate. In le quasi quatro seculos transcurrite desde ille tempore, le astronomos non ha introducite ameliorationes substantial in le systema de Kepler. Il se ha confectionate theorias plus general e se ha discoperite nove planetas, ma le orbitas elliptic se ha mantenite e il es quasi secur que assi illos se mantenira sempre.

Le astronomo german Hans Bayer (1572-1625) inventava in 1603 un systema pro nominar le stellas, que consiste in dar a cata stella un littera grec e le nomine del constellation ubi esseva situate, iste systema persiste usque hodie.

Le astronomo anglese Edmond Halley (1656-1742) esseva le prime persona in dicer que le cometas se displacia in orbitas fixe circum le Sol e que torna periodicamente. Tamben studiava le determination precisse del stellas, al comparar su cifras con alteres anterior, ille videva con surprissa que le grecos habeva situate apparentemente alcun stellas incorrectemente. Mesmo si on ha in mente que le grecos non disponeva de telescopios, le error in le positiones del stellas esseva troppo grande, super toto proque solo pareva esser foras de location alcun del stellas plus brillante.

Halley pensava que solo habeva un conclusion possibile. Le grecos non esseva equivocate; il esseva le stellas que habeva cambiate de position durante le dece-sex seculos transcurrite. In 1718 Halley annuntiava que le stellas brillante Sirio, Protion e Arthuro se habeva displaciate de modo per­ceptibile desde le epocha del grecos, e inclusivemente se habeva displaciate ligermente desde que Tycho habeva fixate su latitude e su longitude un seculo e medie ante.

Halley pensava que le stellas non esseva in absolutemente fixe, si non que se displaciava durante le vaste spatios del celo como apiculas in un essame. In conjuncto, le stellas esseva tanto lontan de nos que le distantia que illos recurreva esseva parve in comparation con su distantia al Terra, e de un nocte al sequente o de anno in anno non se poteva observar qualque movimento. 




#Article 156: Hello World (996 words)


Un programma Hello, world! (anglese pro Hallo, mundo!) frequentemente es utilisate pro facer un demonstration rapide de un linguage de programmation, per exemplo, in capitulos introductori de manuales e cursos. Iste typo de programma es multo simple, e solmente exhibi le message Hello, world! super le schermo del usator. Pro le majoritate de linguages, un programma Hello World es un del plus simple programmas possibile, ben que alcun exemplos es multo complexe, in particular illos qui debe exhibir le message in un ambiente graphic (GUI).

Un programma hello, world pote esser un prova utile, pro indicar que le compilator, ambiente de disveloppamento, e ambiente de tempore de execution (run-time) es installate correctemente. Quando on vole provar un nove collection de utensiles pro programmation, frequentemente il es melior provar con un programma simplissime (sed un qui clarmente indica su successo).

Ben que parve programmas de prova ha existite ab le invention de computatores programmabile, le tradition de usar le phrase Hello, world! como le indication de successo esseva establite per un programma exemplari in le libro The C Programming Language (le linguage de programmation C), per Brian Kernighan e Dennis Ritchie. Le programma exemplari de iste libro imprime hello, world.

Un collection de programmas hello, world scribite in varie linguages de programmation pote servir como un Petra de Rosetta pro adjutar in apprender e comparar le linguages.

Ecce alcun exemplos de varie linguages:

    with Ada.Text_Io; use Ada.Text_Io;
    procedure Hello is
    begin
       Put_Line (Hello, world!);
    end Hello;

    MODEL SMALL
    IDEAL
    STACK 100H

    DATASEG
        HW      DB      'Hello, world!$'

    CODESEG
        MOV AX, @data
        MOV DS, AX
        MOV DX, OFFSET HW
        MOV AH, 09H
        INT 21H
        MOV AX, 4C00H
        INT 21H
    END

    BEGIN { print Hello, world! }

    Traditional - BASIC non structurate
    10 PRINT Hello, world!
    20 END

    Versiones plus moderne - BASIC structurate
    print Hello, world!

    GET LIBHDR
 
    LET START () BE
    $(
        WRITES (Hello, world!*N)
    $)

    #include 
     
    int main(void)
    {
        printf(Hello, world!\n);
        return 0;
    }

    #include 
     
    int main()
    {
        std::cout  io:fwrite(Hello, world!\n).

    . Hello, world! CR

       PROGRAM HALLO
       WRITE(*,10)
    10 FORMAT('Hello, world!')
       STOP
       END

    module HalloMundo (main) where

    main = putStrLn Hello World

    ON ENTER {
        Hello,  World!  SAY
    }

    public class Hello {
        public static void main(String[] args) {
            System.out.println(Hello, world!);
        }
    }

    print Hello, world!

     TERM    EQU    19          numero del MIX console device
             ORIG   1000        adresse initial
     START   OUT    MSG(TERM)   expelle datos al adresse MSG
             HLT                stoppa execution
     MSG     ALF    MIXAL
             ALF     HELL
             ALF    O WOR
             ALF    LD   
             END    START       fin del programma

    @echo off
    echo Hello, world!

    let _ =
       print_endline Hello world!;;

    PROC hallo:
      PRINT Hello, World
    ENDP

    program Hallo(output);
    begin
        writeln('Hello, world!')
    end.

    print Hello, world!\n;

    

    #!/usr/local/bin/pike
    int main() {
        write(Hello, world!\n);
        return 0;
    }

    Prova: procedure options(main);
       declare Mi_Vector char(20) varying initialize('Hello, world!');
       put skip list(Mi_Vector);
    end Prova;

    print Hello, world!

    say Hello, world!

    print Hello, world!\n

    K) PROGRAM DRUKUJE NAPIS HELLO WORLD
        LINIA
        TEKST:
        HELLO WORLD
        KONIEC

    (display Hello, world!)
    (newline)

    sed -ne '1s/.*/Hello, world!/p'

    $ include seed7_05.s7i;
 
    const proc: main is func
      begin
        writeln(Hello, world!);
      end func;

    Transcript show: 'Hello, world!'

    print Hello, world!\n;

        OUTPUT = Hello, world!
    END

    create table HALLO (TEXTO char(15));
    insert into HALLO (TEXTO) values ('Hello, world!');
    select TEXTO from HALLO;
    drop table HALLO;

    sub main
    print Hello, World
    end sub

    puts Hello, world!

    :Disp Hello, world!

    put Hello, world!

    echo 'Hello, world!'

    Algorithmo Hallo es:
        sia s:=Hello, world;
        imprime s;
    fin-Hallo

    MsgBox Hello, world!

    #include 
    #include 
    #include 
    #include 
    using namespace std;

    class HalloMundo : public Gtk::Window {
    public:
      HalloMundo();
      virtual ~HalloMundo();
    protected:
      Gtk::Button m_button;
      virtual void on_button_clicked();
    };

    HalloMundo::HalloMundo()
    : m_button(Hello, world!) {
        set_border_width(10);
        m_button.signal_clicked().connect(SigC::slot(*this,
                                          HalloMundo::on_button_clicked));
        add(m_button);
        m_button.show();
    }

    HalloMundo::~HalloMundo() {}

    void HalloMundo::on_button_clicked() {
        cout 
    #include 
    #include 
    #include 

    class HalloMundo : public QWidget
    {
        Q_OBJECT

    public:
        HalloMundo();
        virtual ~HalloMundo();
    public slots:
        void handleButtonClicked();
        QPushButton *mPushButton;
    };

    HalloMundo::HalloMundo() :
        QWidget(),
        mPushButton(new QPushButton(Hello, World!, this))
    {
        connect(mPushButton, SIGNAL(clicked()), this, SLOT(handleButtonClicked()));
    }

    HalloMundo::~HalloMundo() {}

    void HalloMundo::handleButtonClicked()
    {
        std::cout 

    LRESULT CALLBACK WindowProcedure(HWND, UINT, WPARAM, LPARAM);

    char szClassName[] = MainWnd;
    HINSTANCE hInstance;

    int WINAPI WinMain(HINSTANCE hInst, HINSTANCE hPrevInstance, LPSTR lpCmdLine, int nCmdShow)
    {
      HWND hwnd;
      MSG msg;
      WNDCLASSEX wincl;

      hInstance = hInst;
 
      wincl.cbSize = sizeof(WNDCLASSEX);
      wincl.cbClsExtra = 0;
      wincl.cbWndExtra = 0;
      wincl.style = 0;
      wincl.hInstance = hInstance;
      wincl.lpszClassName = szClassName;
      wincl.lpszMenuName = NULL; //No menu
      wincl.lpfnWndProc = WindowProcedure;
      wincl.hbrBackground = (HBRUSH)(COLOR_WINDOW + 1); //Color of the window
      wincl.hIcon = LoadIcon(NULL, IDI_APPLICATION); //EXE icon
      wincl.hIconSm = LoadIcon(NULL, IDI_APPLICATION); //Small program icon
      wincl.hCursor = LoadCursor(NULL, IDC_ARROW); //Cursor
 
      if (!RegisterClassEx(wincl))
            return 0;

      hwnd = CreateWindowEx(0, //No extended window styles
            szClassName, //Class name
            , //Window caption
            WS_OVERLAPPEDWINDOW  ~WS_MAXIMIZEBOX,
            CW_USEDEFAULT, CW_USEDEFAULT, //Let Windows decide the left and top positions of the window
            120, 50, //Width and height of the window,
            NULL, NULL, hInstance, NULL);

      //Make the window visible on the screen
      ShowWindow(hwnd, nCmdShow);
 
      //Run the message loop
      while (GetMessage(msg, NULL, 0, 0))
      {
            TranslateMessage(msg);
            DispatchMessage(msg);
      }
      return msg.wParam;
    }

    LRESULT CALLBACK WindowProcedure(HWND hwnd, UINT message, WPARAM wParam, LPARAM lParam)
    {
      PAINTSTRUCT ps;
      HDC hdc;
      switch (message)
      {
      case WM_PAINT:
            hdc = BeginPaint(hwnd, ps);
            TextOut(hdc, 15, 3, Hello, world!, 13);
            EndPaint(hwnd, ps);
            break;
      case WM_DESTROY:
            PostQuitMessage(0);
            break;
      default:
            return DefWindowProc(hwnd, message, wParam, lParam);
      }
      return 0;
    }

    import java.awt.*;
    import java.awt.event.*;

    public class QuadroDeSalutation extends Frame {
      QuadroDeSalutation(String titulo) {
        super(titulo);
      }
      public void paint(Graphics g) {
        super.paint(g);
        java.awt.Insets ins = this.getInsets();
        g.drawString(Hello, world!, ins.left + 25, ins.top + 25);
      }
      public static void main(String args [])
      {
        QuadroDeSalutation qua = new QuadroDeSalutation(Hello);

        qua.addWindowListener(
          new WindowAdapter() {
            public void windowClosing(WindowEvent e)
            {
              System.exit( 0 );
            }
          }
        );
        qua.setResizable(true);
        qua.setSize(500, 100);
        qua.setVisible(true);
      }
    }

    
    
    Hallo Mundo
    
    
    Mi programma hello world dice:
    
    
    
    

    import java.applet.*;
    import java.awt.*;

    public class HalloMundo extends Applet {
      public void paint(Graphics g) {
        g.drawString(Hello, world!, 100, 50);
      }
    }

     
     function halloMundo()
     {
         alert(Hello, world!);
     }
     

     Programma hello world

     Programma hello world

     javascript:alert('Hello, world!')

    
    
    
    

     48 65 6C 6C 6F 2C 20 77 6F 72 6C 64 21 0D 0A

    
    
    Hallo, Mundo!
    
    
    Hello, world!
    
    

    /font /Courier findfont 24 scalefont
    font setfont
    100 100 moveto
    (Hello world!) show
    showpage

    \font\HW=cmr10 scaled 3000
    \leftline{\HW Hello world}
    \bye




#Article 157: Hemophilia (149 words)


Le  hemophilia  es un morbo hereditari characterisate per le inadequate coagulation del sanguine e le consequente tendentia abnormal pro haber hemorrhagias. Le deficientia de un factor coagulante in le plasma del sanguine es a culpar. Iste condition es quasi exclusivemente un condition trovate in homines, ma illo es hereditate per illes ab lor matres qui non suffre con iste condition ma lo passa a lor infantes. (e.g. Si un hemophilo se marita a un femina sin le condition ille habera pueros que non suffre iste condition ma habera pueras qui portara iste factor genetic. Quando su filias cresce e se reproduce lor infantes masculin suffrera iste condition e lor infantes feminin non exhibira necun problemas ma como su matres, illas portara le condition in su genes). Le condition se tracta con medicinas injectate al individuos que facilita le coagulation del sanguine. Iste medicinas contine grande quantitates del factor antihemophile.




#Article 158: Hellenismo (101 words)


Le Hellenismo (323 aEC - 31 aEC) es le periodo in le historia grec ab le morte de Alexandro le Grande in 323 aEC usque tote le peninsula grec e le insulas grec es occupate per le romanos in 146 aEC. Le cultura grec deveniva un cultura mundial e esseva mesme influentiate per le Oriente. Le societate e cultura grec totevia continuava quasi sin cambios, usque arrivava le christianitate, ma le independentia grec esseva finite. Le influentia grec al resto del mundo anque deveniva minor.

Ab le lat. hellenismu(m), ab le gr. hellìnismós 'modo, locution grec', deriv. de héllìn -inos 'hellenico', 




#Article 159: Hajar Al-Aswad (168 words)


Le petra nigre (arabe:  الحجر الأسود) es un objecto famose in le angulo nord-est del Kaaba, que pelegrinos moslem in Mecca circumambula e (si illes pote) basia. Illo es un aerolitho oval irregule, con circa 17cm de largor, e circumferite per auro.

Secun le mythologia Moslem, quando Abraham voleva construer le Kaaba le petras veniva spontaneemente, e ille demandava que illes con fide basia iste petra. In le era pre-Moslem, plus que quatro seculos ante Mahomet, Hajar al-Aswad esseva mentionate como un objecto de adoration per Maximo Tyrio in le seculo II. Legenda persian dice que illo esseva un emblema de Saturno.

Secundo Ibn Abbas, Mahomet diceva que quando illo veniva de paradiso illo esseva plus blanc que lacte, e illo deveniva nigre per medio del peccatos del milliones de personas qui lo ha basiate.

Al Die de Ressurection (secun un tradition allegoric), illo habera oculos, pro recognoscer le personas qui lo ha basiate, e un lingua, al fin que illo pote reportar a Deo super lor sinceritate.




#Article 160: Hadj (117 words)


Le hadj es le pelegrinage al Kaaba in Mecca, un del cinco pilares de islam.

Secun le lege moslem, tote le musulmanes debe facer lo al minus un vice ante su morte si illos ha le moneta pro facer lo e pro sustener lor familia durante lie absentia.

Le pelegrinage es facite in le 12e e final mense lunar de cata anno in le calendario moslem; proque le anno lunar moslem non ha menses intercalari e consequentemente es plus curte que le anno solar, isto pote ser (con le passage de tempore) in alcun mense in le calendario gregorian.

Un musulman qui ha facite le Hadj es un hadji, e secun tradition pote portar un turban verde.




#Article 161: Interlingua (1595 words)


Interlingua es un lingua auxiliar international naturalistic basate super le vocabulos commun al major linguas europee e super un grammatica anglo-romance simple, initialmente publicate in 1951 per International Auxiliary Language Association (IALA). Appellate a vices Interlingua de IALA pro distinguer lo del altere usos del parola, illo es le subjecto de iste articulo e le lingua de iste encyclopedia integre.

Interlingua es le resultato del labores de 15 annos de un equipa international de linguistas. Le equipa ha laborate in le organisation IALA (International Auxiliary Language Association), que esseva establite in 1924. Le labor pro crear Interlingua habeva le initio in Europa, a Liverpool in 1936 e le fin a New York in 1951, le equipa de linguistas ha extrahite le vocabulario international del linguas europee. In 1967, ISO (International Organization for Standardization), que normalisa le terminologia, ha votate in unanimitate pro adoptar Interlingua como le base pro ille dictionarios. Interlingua es intendite que illo debe devenir un lingua commun del mundo pro succeder in servir le humanitate, ma non un sol lingua commun. 

Interlingua se basa supertoto in le anglese, francese, espaniol, portugese e italian, e additionalmente german e russe. Illo resimila un lingua romanic con un grammatica simple e multo consistente. Illo prefer usa vocabulos que on pote recognoscer in le linguas fonte. Dunque illo es facile a apprender si on parla un lingua fonte.

Anque Latino sine Flexione de Giuseppe Peano esseva anteriormente appellate Interlingua (o Interlingua de Peano), ma iste denomination cadeva in disuso post le publication de Interlingua (de IALA). Le nomine 'Interlingua' esseva usate con le permission del Academia de Interlingua, le academia del lingua auxiliar de Giuseppe Peano. Interlingua pote in ultra esser un synonymo pro lingua auxiliar international. Vide etiam interlinguistica.

Le hereditage linguistic commun de Europa e del Americas es greco-latin. Le latino que ha supervivite in le linguas moderne es registrate in un libro del instituto scientific IALA (International Auxiliary Language Association) per linguistas e philologos professional, qui laborava inter 1924 e 1951.

Le resultato se nomina interlingua. Su grammatica es simplificate al maximo, e un europeo o americano instruite comprende immediatemente un texto technic o scientific in interlingua a prime vista e apprende su uso active in tempore brevissime.

Su utilitate practic se ha demonstrate como lingua de summarios in publicationes scientific, super toto in le campo medical, e como lingua unic in conferentias international.

Pro le populos de Africa e Asia, interlingua servi como un clave al linguas occidental, del quales Interlingua es de facto le denominator commun.

In le instruction de linguas illo presenta un via rapide al vocabulario international (in le gymnasios svedese un subjecto independente) e un excellente preparation pro le studio de linguas romanic e in le studio avantiate del anglese.

Post le Guerra Mundial I il habeva un crescite interesse in le idea de un lingua auxiliar international. 
Multe linguistas, interprenditores, e scientistas se interessava in disveloppar un optime lingua auxiliar.
Con lor appoio le International Auxiliary Language Association (IALA) esseva formate in 1924 con le financiamento de Alice Vanderbilt Morris pro studiar iste question. 
Finalmente, post le fallimento de attinger compromissos inter le linguas auxiliar international existente, IALA
ha decidite a producer su proprie lingua auxiliar usante principios scientific. Le idea non esseva a inventar le lingua auxiliar, 
mais a extraher su vocabulario del parolas international commun inter le major linguas de Europa e a standardisar lo. 
Como on diceva, Il non es necesse de inventar un lingua auxiliar. Lo que es necesse es solmente que on extrahe lo.

Le recerca de disveloppamento ha comenciate in 1936 a Liverpool, Anglaterra, mais con le menacia de guerra, IALA ha movite su operationes de recerca a Nove York in 1939 sub le direction de E. Clark Stillman. In aquelle anno ille ha assemblate un equipa de linguistas pro facer le labores. 
In 1943 E. Clark Stillman e su assistante Dr. Alexander Gode ha finite un manual Interlinguistic Standardization que describeva lor concepto del maniera de extraher le parolas del linguas que illes credeva contineva le plus grande concentration de parolas international: anglese, francese, italiano, e espaniol/portugese. 

Le labor continuava durante le Guerra Mundial II, mais Stillman ha partite de IALA in 1943 pro servir in le governamento del Statos Unite. Dr. Gode deveniva le director de recerca pro tempore. In 1945 un General Reporto de IALA ha revelate que le equipa habeva producite un vocabulario de plus que 20.000 parolas international.

In le interim recerca e experimentation esseva interprendite pro investigar plure variantes del lingua auxiliar international usante le vocabulario international. Iste variantes esseva

In 1946 un ben cognoscite linguista francese, Dr. André Martinet esseva empleate como le Director de Recerca pro producer un dictionario e un forma final pro le lingua auxiliar. Martinet ha conducte un sondage de opinion super le forma del lingua auxiliar, e le resultatos ha indicate que un lingua inter le totalmente naturalistic variante e un variante minimemente regularisate esserea favorate per le plus grande numero de personas. 

In le fin de 1948 Dr. Alexander Gode ha assumite le final responsabilitate pro producer un dictionario del lingua auxiliar quando Dr. Martinet ha retornate al academia al Universitate Columbia. Sra. Alice V. Morris, qui ha essite le principal fortia e financiera de IALA, ha morite in Augusto de 1950 quando le forma final del dictionario esseva in preparation pro le imprimitores. 

Le grammatica e vocabulario de Interlingua esseva publicate primarimente in 1951. 

Dr. Gode, con su proprie moneta ha publicate le producto final, le Interlingua-English Dictionary in 1951, con circa 27.000 entratas, cuje formas es intermedie inter le formas del purmente prototypic variante e le variante con minime regularisation e modernisation. 

Alexander Gode esseva un del promotores capital de iste effortio. Ille publicava un summario del grammatica, un dictionario unidirectional (Interlingua a anglese), e un libro introductori con le titulo Interlingua a Prime Vista.

Alexander Gode e Hugh Blair, qui ha essite le assistente personal de Sra. Alice Morris in su proprie recerca super linguas auxiliar, ha publicate al mesme tempore le Interlingua Grammar, que dava un forma concrete al lingua international.

Le grammatica de Interlingua es un grammatica anglo-romance simplificate. Illo es plus simple de grammatica anglese o le grammatica del linguas romanic, germanic e slave.

Le articulo definite es sempre le, le articulo indefinite del singular es sempre un, e il non ha un articulo indefinite de plural. Le articulos exhibi nulle accordo in forma con le substantivo sequente (non se cambia in plural o secundo genere).

Le grande majoritate del substantivos fini in un del vocales -o (fructo), -a (pagina), -e (libertate). -o occurre frequentemente.
Quando le termination -o occurre in un parola que designa un esser MASCULIN, le correspondente FEMININ pote esser representate per le mesme parola con le termination substituite per -a.
Le PLURAL es formate per le addition de -s. Si le substantivo ha final in un consonante, le addition es -es; ma si iste consonante es c, le addition es -hes.

Le grande majoritate del adjectivos fini in le vocal -e (delicate, parve), o in un del consonantes -l, -n, -r, -c (equal, american, par, cyclic).
Adjectivos placiate immediatemente presso un substantivo seque le substantivo (normal e le plus frequente). 
Le adjectivo ha nulle inflexion o accordo adjectival. (Le parve femina es belle. Parve feminas es belle.)
Grados de comparation de adjectivos es exprimite per le adverbios plus e minus.

Le verbos in Interlingua non ha conjugation per pronomine. Tote le formas del verbo pro tote le pronomines: io, tu, illo, nos, vos, illos es identic. 
Le verbos in Interlingua fini a -r a infinitivo, e fini con -a, -e, o -i a presente, e le participio se forma con le fin -te.

Le intention es que Interlingua sia, essentialmente, le medio de tote le linguas de origine europee.

Interlingua es un lingua naturalistic construite con parolas del vocabulario international (in uso in le linguas con le plus parlatores international in le mundo), e con un grammatica multe simple.

Le grande majoritate del vocabulario de Interlingua es extrahite methodicamente per sequer le regula de tres e le regula de duo, principalmente del anglese e del major linguas romance, secundarimente del germano e del russo. Interlingua es un concretisation del vocabulario greco-latin commun que esseva incorporate durante millennios in tote le linguas de Europa e del Americas - le lingua international latente del scientia, technologia, e religion.

Le Union Mundial pro Interlingua ha representantes e membros in cinque continentes. Un ample litteratura - traducite e original - existe in interlingua, e illo es usate como un qualcunque altere lingua in parlar e scriber. Il ha sitos web e magazines national e international in interlingua.

Alicun del pioneros de interlingua es:

Jornales con summarios in interlingua de omne articulos original, lista assemblate in le estate 1957 per Science Service: American Heart Journal (desde 1955), American Journal of Clinical Pathology (1956), American Journal of the Medical Sciences (1955), Annals of Internal Medicine, Lancaster (1955), Archivos Peruanos de Patología y Clínica (1954), Blood (1954), Journal of Hematology, New York (1954), Circulation, American Heart Association (1955), Circulation Research, American Heart Association (1956), Clinical Orthopædics, Philadelphia (1955), Diabetes, American Diabetes Association (1955), Journal of Dental Medicine, New York (1954), Pediatrics, Springfield, Illinois (1955), Quarterly Bulletin of Sea View Hospital, New York (1953), Radiology, Syracuse, New York (1957), Revista Cubana de Cardiología (1955), Science News Letter, Washington (1955), West Indian Medical Journal, Jamaica (1957).

Altere periodicos, trovate in altere fontes: Archivos Peruanos de Patología y Clínica, Giornale Italiano di Chimioterapia, Revista Medical de Valparaiso (Chile), Hematologia Polonica (Polonia), Danish Medical Bulletin (Danmark), Arthritis and Rheumatism.




#Article 162: Islamismo (284 words)


Islamismo () es un categoria de movimentos politic, characterisate per le desiderio de transformar le systema politic secundo un interpretation relativemente stricte del islam. Islamistas reclama le unification politic de musulmanes mundial sub un eventual califato restorate, e le reinfortiamento del lege islamic in paises musulman. Wahhabismo e le ideologia del Fraternitate Musulman son precursores importante del islamismo.

Le islamismo moderne ha devenite un major fortia politic essentialmente depois le annos 1970, sur toto gratias al politica religiose de Zia-ul-Haq in Pakistan, al Revolution islamic in Iran, e al appoio del regime de Ronald Reagan a mujahidin in Afghanistan pro combatter le Sovieticos. Le rete de islamistas anti-sovietic in Afghanistan faceva postea nascer al-Qaeda, que floriva in association con le Taliban (le militia islamista que controlava Afghanistan inter 1996 e 2001). Le attaccos de al-Qaeda contra le Statos Unite le 11 de septembre 2001 inspirava un nove unde de activitate islamista militante.

Le termino «islamismo» es communmente associate con methodos violente, includente terrorismo, ben que alcun gruppos islamista sia non violente. On associa anque islamistas a takfiris, qui denuncia como apostatas celles qui non accorda con principios fundamentalista; totevia, sol un parte del movimento islamista es takfiri.

Alcun movimentos politic, como le AK Parti in Turchia, ha un certe affiliation historic con islamismo ma non se considera ja como islamista. Lor opponentes domestic los accusa de haber ancora un agenda islamista.

Il es anque a notar que, a un epocha anterior, on usava le termino «islamismo» simplemente pro significar «islam» (al analogia de christianismo, buddhismo, etc.). Iste uso obsolesceva ante le Prime Guerra Mundial. Depois le annos 1970, il es normal distinguer inter islam (un religion) e islamismo (un movimento politic o mesmo militar).




#Article 163: Italia (3039 words)


Italia (officialmente Republica Italian) es un pais del sud de Europa, membro del Union Europee.
Su territorio consiste principalmente de un peninsula (Peninsula Italic, transversate per le catena del Apenninos) e de duo grande insulas in le Mar Mediterranee: Sicilia e Sardinia. Le nord es circumferite per le Alpes. Geographicamente, Italia es constituite per tres partes: un continental, un peninsular e un insular. Italia ha frontieras con Francia, Switza, Austria e Slovenia. Le statos independente de San Marino e Citate del Vaticano es enclaves intra le territorio italian. Italia es membro del G8 o gruppo del octo nationes plus industrialisate del mundo. Situate in le corde del antique Imperio Roman, le pais es plen de thesauros que constitue le historia e le bases del civilisation occidental. Su capital es Roma, supernominate le citate eterne.

Lingua: italiano.

Durante le Etate de Ferro se succedeva varie culturas que pote esser differentiate in tres grande nucleos geographic:

Un de iste culturas, le ligures, esseva un populo enigmatic que habitava in le nord de Italia, Switza e le sud de Francia. Un altere populo, le etruscos, habeva su nucleo historic in le Toscana, e habeva un origine incerte. Illes se expandeva ab le Toscana al sud verso le Latio e le parte septentrional de Campania, ubi se trovava le colonias grec; verso le nord del peninsula Italic occupava le zona del valle del rio Po, in le actual region de Lombardia. Verso le seculo 5 ante Christo su poter comenciava deteriorar se a causa del facto de deber luctar contra le celtas, le grecos e le carthagineses. Verso 40 ante Christo, Etruria esseva conquistate per le romanos e le resto de populos esseva anque conquistate.

Roma antique designa un communitate agricole fundate in le seculo VIII aEC que se expandeva desde le citate de Roma e cresceva durante seculos usque converter se in un imperio, que in su epocha de apogeo, extenderea se desde Grande Britannia al deserto del Sahara e desde le peninsula Iberic al Euphrate, provocante un importante florescer cultural in cata location in le que governava. In un principio, post su fundation (753 aEC secundo le tradition) Roma esseva un monarchia etrusc. Plus tarde (509 aEC) esseva un republica roman latin e in 27 aEC converteva se in imperio.

Le periodo de mayor splendor es cognoscite como Pax Romana, pro le relative stato de harmonia que prevaleva in le regiones que esseva sub le dominio roman. Cesar Augusto claudeva le portas de templo de Jano, que permaneva aperte in tempos de guerra, quando credeva haver vincite a cantabros e astures in le anno 24 aEC. Illo es acceptate le initio de iste periodo le 29 aEC quando Augusto declarava le fin del guerras civil e su duration usque le morte de Marco Aurelio (180).

Con le imperator Diocletiano le Imperio se reorganisa ma post Constantino I le Grande non tornava esser unificate proque Theodosio I le Grande divideva lo inter su duo filios, Arcadio e Flavio Honorio, donante a un le Imperio Byzantin e a altere le Imperio Roman de Occidente. Le invasiones barbare essera le fin del Imperio Occidental in 476 comenciante le Medievo.

Le ostrogothos esseva un gruppo de godos que habeva essite subjugate per le hunnos, ma post su liberation, Theodorico le Grande, con le benediction del Imperator de Oriente, conduceva su populo a Italia in 488. In le peninsula governava Odoacro post le cadite del Imperio in 476, ma post un campania in le nord del peninsula, Theodorico tomava le capital, Ravenna, matante Odoacro in 493. In 526 le morte de Theodorico acabava con le pace, hereditante Italia su granfilio, Athalarico, que moriva sin filios lo que produceva un crise que faceva disparicer le regno.

Sub Justiniano I, le Imperio Byzantin initiava un serie de campanias con le scopo de reconstruer le unitate mediterranee. Le debilitate del regno ostrogotho e le desiros byzantin de recovrar le citate de Roma converteva Italia in un scopo. In 535 le general Belisario invadeva Sicilia e marchava a traverso del peninsula, prendente Neapole e arrivante in Roma in 536. Prosequeva usque le nord e prendeva Mediolanum (Milano) e Ravenna in 540, e in 561 habeva pacificate le zona.

Inter le differente populos germanic que habeva abandonate su antique morada pro viver in terras melior, contava se le lombardos, a los que Justiniano I habeva lassate installar se in Panonia, a condition de defender le frontiera. Le pression del lombardos sur le Papa faceva que le rege del francos, Pipino le Breve, realisa inter 756 e 758 repretite campanias in le nord de Italia. Le situation impejorava con le morte de Pipino, ma le reunification del francos sub Carolo Magne portava a un nove intervention in Italia in 774. Post un breve battalia, Carolo Magne conquistava le Regno de Lombardia que, mantenente su autonomia, integrava se in le Imperio Carolingio.

Inter le seculos X e XIII, certe republicas maritime haveva un gran prosperitate economic, gratias a su activitate comercial, in un marco de amplia autonomia politic. Generalmente, le definition refere se in special a quatro citate: Amalfi, Pisa, Genua e Venetia. Anque altere citates del area teneva independentia, habeva participate in le Cruciadas, contava con un flota naval, etc. Inter illas on pote destaccar Gaeta, Ancona e Noli.

Le pandemia dle peste nigra matava in le pais un tertie parte del population in 1348. Inter le seculos XIV e XVI, Italia non esseva un unitate politic jam que esseva fragmentate in multiple statos. In le nord existia citates-stato como le Republica de Venetia, le Republica de Florentia, le Ducato de Milano o le Republica de Genova. In torno a le citate de Roma esseva le Statos Pontificio e in le sud esseva le Regno de Neapole, posteriormente integrante del Corona de Aragon, e por tanto, del Monarchia Espaniol. Durante iste epoca surgiva le Renascentia italian, periodo de gran logros e cambios cultural in Italia que se expandiva desde final del seculo XIV usque 1600, constituente le transition inter le Medievo e le Europa moderne. Inter su logros cultural destacca operas literari de scriptores como Petrarca o Machiavelli, operas de arte de Michelangelo e Leonardo da Vinci, e operas architectonic como le ecclesia de Sancta Maria dei Fiore in Florentia e le Basilica de San Petro in Roma.

Pro su fragmentation, ilo esseva scenario del intereses de potentias europee durante de seculos XVI, XVII e XVIII, que portava a conflictos como le Guerras italian, le Guerra de Succession Espaniol, le conflicto inter Espania e Austria pro le possessiones napolitan assi como le guerras revolutionari francese e napoleonic, essente le imperator Napoleon I coronate prime rege de Italia le 23 de maio 1805 in le cathedral de Milano. Ancora habeva conlfictos durante le prime mitate del seculo XIX, quando apariva le sentimento nacionaliste italian que desembocava in le unification de Italia, materilizate le 17 de martio 1861, quando le statos del peninsula italian e le duo Sicilias univa se formante le Regno de Italia, le qual esserea organizate pro le monarcha Vittorio Emmanuele II, de la casa de Savoya, usque tunc governante in Pedemonte e rege de Sardenia. Le artifice del unification esseva Camillo Benso,  conde de Cavour, ministro del rege.

Roma, pro su parte, manteneva se separate del resto de Italia sub le guida del Papa e non esseva parte del regno usque le 20 de septembre 1870, data final del unification. Post realisava se un plebiscito in le qual eligeva se Roma como de capital del Regno. Fora del limites solo esseva le Republica de San Marino. Originava se un conflicto con le Sancta Sede, pro le independentia del Papa del politica italian que solo resolveva se in 1929 con le Pactos de Letran. Pro iste accordos, Italia cedeva un parve parte de su territorio que lassava al soveranitate  del Papa. Le dictatura fascista de Mussolini faceva alliar se al pis con le Germania Nazi e le Imperio de Japon, lo que conduceva al derouta post le Secunde Guerra Mundial. Durante le disrolamento de iste guerra e in le annos posterior, milles de italianos emigrava fora del pais, principalmente a Argentina, Chile, Belgica, Statos Unite, Francia e Germania.

Le 2 de junio 1946, un referendum re le monarchia establiva le republica como systema de governamento italian, adoptante le pais un nove constitution le 1 de januario 1948. Le membros del familia regal fora portate al exilio, pro su relation con le regime fascista usque le 10 de novembre 2003, quando poteva regressar, gratias al modification del constitution pro le parlamento italian. Le Tractatos de Roma in 1957 signate per sex paises europee ha facte de Italia un del membros fundator del Union Europee. Desde finales del annos sexanta usque principios del octanta produceva se un periodo de insatisfaction pro un situation politic e institutional chaotic que traduceva se in violentia in le stratas e lucta armate, actualmente nominate Anni di piombo.

Le relievo presenta quatro unitates regional: al nord, un sector continental dominate per le Alpes; al sud, un sector peninsular articulate per le Apeninos; inter ambes, le planessa del Po o Padana; e finalmente le insulas volcanic. Le systema alpin se extende pro territorio italian le quasi totalitate de su vertente meridional. In iste grande conjuncto montaniose destacca le formationes calcari del Dolomitas e in le sector crystallin, alicunes del principal cumbres de tote le systema alpin como Monte Rosa o Cervino. 

Le resto de planicies italian, ben que numerose, es de pauc extension, e se localisa principalmente in le litoral thyrren, e alicunes formate per importante rivieras como Arno o Tiber. Le catena del Apenninos constitue le spina dorsal del peninsula italian e in illo se distingue tres sectores: le Apenninos septentrional, de minor altura; le Apenninos central, anque denominate Abruzzos, que constitue le tecto del catena e presenta modelatos de typo karstic; e finalmente, le Apenninos meridional, que ha lor puncto culminante in le monte Pollino.

In le extreme sud del peninsula italic, le insula de Sicilia es considerate un prolongation del Apenninos, destacante le monte Etna, que con su 3.345 m es le vulcano plus alte de Europa. Le insula de Sardenia es anque montaniose, ben que on pote destaccar le planessa de origine fluvial de Campidano, inter Oristan e Cagliari.

Le climatologia italian, benque de character mediterranee, presenta notabile variationes regional. In prime posto, pro effecto de su extension in latitude: medias annual in Milano de 23 °C in julio e -0,6 °C in januario, durante que in Palermo, iste medias es de 24 e 13 °C, respectivemente. Le posto con plus precipitationes del pais es le provincia de Udine, in le nord-est, con 1.530 mm, e le loco con minus precipitationes is in le sud del region de Apulia, in le provincia de Foggia e in le parte sud de Sicilia, con approximadamente 460 mm. On pote differentiar le pais in tres regiones climatic: le clima meiterranee in le sud de Italia, con estates calide superante le 30º C, le planessas del rio Po, ubi le hiberno es multe frigide como in le paises del nord de Europa e le Apeninos, con clima frigide e precipitationes forte.

Le politica bassa se in un systema republica parlamentari con democratia representative desde le 2 de junio 1946, quando le monarchia esseva abolite per referendum popular. Le poter executive es a cargo el Consilio de ministros que es lierate per le chef de governamento (Presidente del Consiglio dei Ministri), informalmente nominate prime ministro, un del cinque cargos plus importante del pais juncte con los de presidente del Republica, presidente del Senato del Republica, presidente del Camara de deputatos e presidente del Corte Constitutional. Le poter legislative es a cargo del Parlamento e del Consilio de ministros. Le poter judicial es independente del executive e legislative. De plus, es un sytema m,ultipartidiste. In le sud del peninsula e in le insula de Sicilia, le mafia ha tanto o plus poter que le Stato, arrivante a controlar, jurnales,  judices e policia. In 1992, le assassinato de Giovanni Falcone, un magistrati que investigava le crimen organisate e le campania de manos munde que desatava commocionava al instutiones italian, ma pos annos de investigationes intense, ha habite pauc resultatos. Silvio Berlusconi, ex prime ministro, semper ha essite suspecte de corruption e, nonobstante, esseva seligite in tres occasiones pro su cargo. Dimitiva le 12 de novembre 2011 pro le seriose situation economic.

Le activitate industrial ha essite le motor de developpamento italian, e le actual axe de su economia. Le activitates agricole ha experimentate un considerabile retrocession, in le occupation del population active (7,3%) e in su participation in le PIB (3,7%). Le production agricole non abastece le demanda alimentari del population e es specialmente pauc abundante in le branchia bovera.

Ferrovie dello Stato nasceva in 1905, e es le plus importante compania ferroviari public e Italia. A partir del anno 2000, sequente le normativa europee que obliga al separation del sector transporto de passageros, del sector infrastructura, le societate esseva reorganisate. Actualmente, le trenos de alta velocitate italian es le ETR 500 e le lineas que existe in iste momento es: Roma-Florencia, Roma-Napole, Turin-Novara, Padua-Venecia, Milano-Treviglio e Milano-Bolonia.

In total, in 2003, illo habeva 16.287 kilometros de vias de treno, 668.721 kilometros de stratas, del quales 6.487 kilometros esseva de utopista, e 4.379 kilometros de transporto pro tubos. Le airportos con plus traffico aeree in 2003 esseva Roma-Fiumicino, Milano-Malpensa, Milano-Linate, Venetia e Catania-Fontanarossa. Pro su parte, le portos con plus carga esseva Genova, Trieste, Tarento, Augusta e Gioia Tauro. In 2005, 590 de cata 1.000 italianos possedeva un automobile e in le majoritate del citates le 60% del citatanos no esseva contente del transporto public, rationes pro le quales le numero de passageros ha disminuite.

El tourismo es uno de los sectores con plus crescimento in le economia national con 43,7 milliones de touristas por anno y un total de 42.700 milliones de dollars generate, essente assi le quarte pais con plus tourismo del mundo. Roma, le capital, es un del destinos plus visitate del mundo, con un media de 7 a 10 milliones de touristas al anno. Le Colosseo de Roma con quatro milliones de touristas, es le 37º posto plus visitate del mundo. Anque beneficia se del tourismo religiose e cultural que genera e vicinitate al Citate del Vaticano con postos tanto visitate como le Museos Vatican o le Basilica de San Petro. Altere locos de grande interesse include le pantheon de Aggripa, le Fontana di Trevi, le Placia Navona, le foro Roman, le castello Sant'Angelo o le archibasilica de San Juan de Letran, iste ultime soveranitate del Citate del Vatican. Le interesse cultural del pais anque reflite se tote le Patrimonios del Humanitate del Unesco que ha, jam que esse le pais que continen major numero de locos in le mundo con 44.

A finales de 2008 le population del pais superava le 60 milliones, essente le quarto pais plus populate de Europa e con un quinta major densitate de population con un promedio de 198 personas per kilometro quadrato. A partir del annos sexanta del seculo 19, le population italian experimentava un cambio in su rhythmo rhythmo de crescimento, que decreceva usque le 0,0% de media annual inter 1985 e 1990. Le descenso del tassa de mortalitate esseva accompaniate de un descenso considerabile del tassa de natalitate, essente in 2008 un de cata cinque italianos major de 65 annos. Le cambio in le tendentias demographic affectava assi mesme al traditional movimentos migratori que usque alora habeva facte de Italia un del plus grande reserva de mano de opera de Europa e America. Italia passava a converter se in puncto de arrivata de immigrantes del tertie mundo, ma, super toto, establiva se importante currentes migratori interne. Con un movimento massivo de population del sud a Roma e le nord industrialisate ma no verso le nord-est, ancora multe paupere, lo qual no ha facto sine radicalisar le differentias inter le nord e le sud, ma que a su vice adjutava al crescimento del natalitate. Le tassa de fertilitate cresceva in pauc annos desde 1,32 infantes per mulier in 2005 usque 1,41 in le anno 2008. Le concentration del population italian in le nucleos urbane (69% del population urban) ha generate un rete homogene de grande citates, que joca un rolo le centros regional (Neapole, 973.132 habitantes; Torino, 963.128; Palermo, 663.173; Genova, 610.887; Bolonia, 372.256, e Florentia, 364.710), con duo distaccate nucleos a nivello national; Roma (2.718.768 hab.), le capital politic, e Milano (1.299.633), le capital economic.

In Italia es vigente le principio del laicitate del Stato e por tanto non existe un religion official.

Le citatanos italian son majoritarimente catholic: in 2006 le 87,8% se declarava catholic e le 30,6% practicante. Le 18,5% del population es agnostic o non credente.

Le Ecclesia Catholic in Italia es organisate in 225 dioceses plus un ordinariato militar; le episcopo de Roma es le primate e assume le titulo de Papa. Le Ecclesia ha un rolo influente in le societate italian, prendente position re themas religiose, social e politic, como le divorcio e le aborto in le annos septanta o, in annos plus recente, le testamento biologic e la fecundation assistite, le remotion del crucifixo del aulas scholastic italian (remotion al qual se declara contrari le 60% del italianos, con un 17% a favor) o le politicas re le immigration.

Le relation Stato-Ecclesia esta scripte in le Constitution, que le demanda al Pactos Lateranense, reaffirmate in 1984 con un nove concordato, in le qual le sustenimento statal al Ecclesia es establite a traves de un quota proportional del octo per mille del IRPEF, que se adjuncta a altere financiamentos al Ecclesia Catholic in Italia. 

Inter le religiones minoritari es presente diverse altere confessiones christian (particularmente orthodoxos e protestantes, iste ultime in maxima parte protestantes), judeos, mormones e testimonios de Jehovah. Le immigration contribue a alimentar alicun del minoritate religiose del pais, le plus numerose son le orthodoxos, musulmanes buddhistas e hinduistas. 

Le italiano es le lingua official e le plus parlate; illo es anque un del lingual official del Union Europee. Illo pertenece al linguas romanic oriental del familia de linguas indoeuropee, e deriva del florentino del Trecento, idioma del classes culte de tota Italia gratias al scriptores toscan como Dante, Boccaccio e Petrarca.




#Article 164: Idiom Neutral (251 words)


Idiom Neutral esseva un lingua auxiliar international disveloppate per le Akademi Internasional de Lingu Universal sub le gerentia de Waldemar (Vladimir) Rosenberger.

Le Akademi esseva create sub le nomine Kadem bevünetik volapüka (Academia International de Volapük) per un congresso volapukista a München in augusto 1887, pro conservar e perfectar le lingua Volapük. Ma sub Rosenberger, qui deveniva le director in 1892, le Akademi comenciava a modificar drasticamente le grammatica e le vocabulario del lingua verso un schema multo plus naturalistic. Le nove lingua que emergeva esseva nominate Idiom Neutral (i.e. le idioma neutral). Un dictionario e grammatica pro le lingua esseva publicate in plure linguas national in 1902-1903.

In 1912, Rosenberger publicava un version reformate de Neutral appellate Reform-Neutral.

Exemplos de patrenostre (Patr-nostr)

Nostr Patr, kel es in sieli, ke votr nom es sanktifiked; ke votr regnia veni; ke votr volu es fasied kuale in siel, tale et su ter. Dona sidiurne a noi nostr pan omnidiurnik; e pardona a noi nostr debti, kuale et noi pardon a nostr debtatori; e no induka noi in tentasion, ma librifika noi da it mal. 

Nostr Patr, qui es in cieli. Que votr nom es sanctificat, que votr regnia veni. Que votr voluntat es facit quale in ciel tale anque su terr. Dona nos hodie nostr pan quotidian, e pardona nos nostr debti quale anque noi pardona nostr debenti e non induca nos in tentasion ma librifica nos da it mal.

Skribasion in idiom neutral don profiti sekuant in komparasion ko kelkun lingu nasional:




#Article 165: Ido (468 words)


Le lingua auxiliar international Ido esseva create in 1907 como un Esperanto reformate. Ido ha similantia con Esperanto, sed con plure differentias como un absentia complete de signos diacritic, le utilisation del littera q, un grande utilisation de suffixos ma minus del prefixo mal. Totevia illo ha numerose parolas identic. 

Ido esseva un seriose essayo de utilisar le experientias jam vaste de Esperanto, prendente in consideration le criticas que jam in 1894 habeva fortiate Zamenhof ipse a proponer cambios (vide Esperanto Reformate) le quales in grande mesura esseva simile e mesmo identic con illos differentiante Ido ab Esperanto. Zamenhof in contrasto con Schleyer habeva comprendite le valor del internationalitate al minus del radices del vocabulario; Ido lo realisava, sed non completava le passo comenciate per Zamenhof: Ido retene le artificialitate de certe affixos e dictava al apprendentes un application de regulas appellate logic con distinctiones superflue. Le resultato es que un texto in Ido a vices es tanto difficile a decifrar a un non-initiato como un in Esperanto. 

Promittente pro le promotion de Ido esseva le adhesion de publicamente cognite personalitates que dava al nove lingua un certe brillantia e lustro, lo que le prime idistas ben comprendeva como utilisar in le propaganda: Louis Couturat, Otto Jespersen, Wilhelm Ostwald, le chimista, qui donava un parte de su Premio Nobel a Ido.

Positive es anque le impressionante labores lexicographic que on initiava quasi immediatemente e que ancora hodie sembla esser un tradition que on mantene. Un idista svedese, Axel Rylander, ha recentemente finite dictionarios Ido-svedese e svedese-Ido, ambes grande.

Le prime idistas habeva essite eminente leaders del movimento esperantista, sed jam pro altere causas que illos linguistic illes se alora distantiava del esperantismo que se manifestava como un semi-religion, le homaranismo de Zamenhof, un idealismo multo sympathic e attractive, al qual decretava categoricamente que Ido es un instrumento de communication e non un medio pro fraternisar le humanitate. Iste ideologia o proclamation de manco de ideologia habeva tosto consequentias: personas attrahite per le interna ideo de Esperanto non adhereva a Ido. In loco del voces enthusiasmante del esperantistas con visiones de un mundo melior, quasi Al Utopia per Esperanto, le publico audiva le sic invitation: Ecce un lingua practic! Usa lo!

Como altere linguas auxiliar international, Ido ha trovate multe parlantes con le diffusion del Internet.

Patro nia, qua esas en la cielo, tua nomo santigesez; tua regno advenez; tua volo facesez quale en la cielo tale anke sur la tero. Donez a ni cadie l'omnadiala pano, e pardonez a ni nia ofensi, quale anke ni pardonas a nia ofensanti, e ne duktez ni aden la tento, ma liberigez ni del malajo.

Por homo vere civilizita, filozofo o yuristo, la konoco di Latina esas dezirinda, ma linguo internaciona esas utila por la komunikado moderna de un lando al altra.




#Article 166: Internet (587 words)


Internet, o Interrete, es un rete de computatores a scala mundial de milliones de computatores. Al contrario de lo que on pote pensar communmente, Internet non es synonymo de World Wide Web (Tela TransTerrestre). Isto es parte de illo, essente le Tela TransTerrestre, un del multe servicios offerite in le interrete. Le Tela es un systema de information multo plus recente (1995) qui emplea le interrete como medio de transmission.

Alcunes del servicios disponibile in Internet a partir del Web es le accesso remote a altere machinas (telnet e ssh), transferimento de files (FTP), posta electronic (e-mail), novas electronic (news o gruppos de notitias), conversationes in linea (chat), messageria instantanee (ICQ, YIM, Jabber), et cetera.

Al fin del anno 1972 il se realisava le prime demonstration public de ARPANET, un nove rete de communicationes financiate per le DARPA qui functionava de forma distribuite super le rete telephonic commutate; le successo de iste nove architectura serviva pro que, in 1973, le DARPA initiava un programma de investigation super possibile technicas pro interconnecter retes (orientate al traffico de pacchettos) de distincte classes. A iste fin il se disveloppava nove protocollos de communication qui permitteva iste intercambio de information de forma transparente pro le computatores connectite. Del philosophia del projecto surgeva le nomine de Internet qui se applicava al systema de retes interconnectite per medio del protocollos TCP e IP.

Le 1 de januario de 1983 ARPANET cambiava le protocollo NCP pro TCP/IP. Le mesme anno il se creava le IAB con le intention de standardisar le protocollo TCP/IP e de proportionar ressources de investigation a Internet. Per un altere parte, il se centrava le function de assignation de identificatores in le IANA qui, plus tarde, delegava un parte de su functiones al IR qui, a su vice proportiona servicios al DNS.

Alcun annos plus tarde, in 1986, le NSF comenciava le disveloppamento de NSFNET qui se converteva in le principal rete truncal de Internet, complementate depois con le retes NSINET e ESNET, totes in le SUA. In parallello, altere retes truncal in Europa, tanto public como commercial, junctemente con le retes statounitese formava le skeleto basic (o in anglese backbone) del Internet.

Depost 1989, con le integration del protocollos OSI in le architectura del Internet il se initiava le tendentia actual de permitter, non solmente le interconnexion de retes de structuras differente, si non de facilitar le uso de distincte protocollos de communication.

In 1989 etiam, in le CERN de Geneva, un gruppo de physicos dirigite per Tim Berners-Lee creava le linguage HTML, basate super le SGML. In 1990 le mesme equipa construeva le prime cliente de Web, appellate 'WorldWideWeb', e le prime servitor 'web'. 

Actualmente Internet include, approximatemente, 5000 retes in tote le mundo, e plus de 100 protocollos differente basate in TCP/IP, qui se configura como le protocollo del rete.

Le protocollo de transferimento de files (FTP o File Transfer Protocol) es le protocollo standard in le rete pro transferer files de un servitor a un computator o inter computatores.

In alcun paises le accesso a Internet es restringite unicamente a entitates governamental e interprisas estranier, o es fortemente controlate per le stato.

Hodie, le Internet ha devenite un grande parte del focares e del interprisas del paises ric, in iste aspecto il se ha aperite un brecha digital con le paises povre, in le quales le penetration del Internet e le nove technologias es multo limitate.

In paises ric e in vias de disveloppamento, le accesso a Internet in establimentos specialisate appellate cybercafés es multo commun.




#Article 167: ICQ (233 words)


ICQ (I seek you, in
interlingua io te cerca) es un programma popular de messageria instantanee create per Mirabilis al fin del decennio de 1990 e le prime ex su typo in esser amplemente usate in
Internet, per le qual il es possibile chattar e inviar messages
instantanee a altere usatores connectite al rete de ICQ. Illo etiam
permitte le inviage de archivos, videoconferentias e chat de voce.

ICQ esseva create per
duo juvenes israelian in 1996 con le nomine de Mirabilis con le scopo
de introducer un nove forma de communication super le Internet. Le 8
de junio de 1998 le firma esseva acquirite per AOL por 287 milliones
de dollares. 

Postea april de 2010
illo es proprietate de Mail.ru Group. 

Le protocollo de
communicationes usate per ICQ es cognoscite como OSCAR, usate
anque per AIM. Le usatores del rete ICQ es identificate per un
numero, le qual es assignate al momento de registrar un nove usator,
appellate UIN (Universal Internet Number o

de Internet). Debite al grande numero de usatores de ICQ, le
identificationes de usator le plus recente se incontra supra le
numero 100.000.000. In alcun casos, le numeros le plus simple e
facile de memorar es vendite in auctiones in Internet o mesme furate
per altere usatores.    

Le protocollo de rete usate per ICQ es proprietari, sed alcun personas ha create clones de ICQ plus o minus compatibile, includente:




#Article 168: Internet Relay Chat (675 words)


Internet Relay Chat (IRC) es un forma de communication instantanee trans le Internet. IRC es un predecessor del applicationes de messageria instantanee.

IRC consiste de retes independente e decentralisate de servitores al quales on pote connecter se con programmas-clientes special. Le protocollo de IRC es public, e il ha multe implementationes de clientes (e de servitores). Differentemente del popular servicios de messageria instantanee, il non ha un identification inherente que on debe acquirer; illo es typicamente un medio alquanto plus anonyme que le servicios de messageria instantanee.

Un rete IRC se divide in canales, cameras virtual in le quales on pote parlar con altere participantes como un gruppo. Un canal de IRC ha un nomine, comenciante con # (p.ex. #interlingua), e un linea de topico. Alcun participantes in omne canal ha le privilegio de operator (op), qui les da le poter de cambiar le configurationes, de calcar le personas obstructive del canal, e de impartir le mesme privilegio a alteres. Dependente del rete de IRC individual il pote haber nivellos de privilegio plus affinate.

IRC esseva create per Jarkko Oikarinen (WiZ) in augusto 1988. Illo esseva scribite initialmente pro substituer un programma appellate MUT (Multi-User Talk) in un BBS appellate OuluBox in Finlandia. Jarkko Oikarinen se inspirava in Bitnet Relay Chat qui operava super le rete Bitnet.

Originalmente tote le servitores de IRC esseva interconnectite in un singule rete, IRCNet, sed tosto illo se divideva a causa de conflictos interne in duo retes separate, causante le inception de EFNet e initiante un longe tradition de divisiones ulterior. Hodie il ha multe retes diverse de IRC, parve e grande; le majores include IRCNet, EFNet, UnderNet, Dalnet e QuakeNet. Illos executa varie implementationes de servitores de IRC, sed le protocollo exponite al usatores de IRC es multo similar, e on pote acceder a tote le retes de IRC con le mesme software-cliente.

Ben que altere formas de messageria instantanee generalmente es plus popular, IRC ancora il ha adherentes loyal inter multe enthusiastas de computatores. Le principal avantages de IRC super le typic applicationes de messageria instantanee es:

In addition al participantes human, il ha etiam multe programmas qui es clientes, denominate bots (abbreviation de robot). Le bots appare in le canal como altere participantes, lo qui pote initialmente confunder le novicios qui non comprende que illes interage con un programma computatorial.

Le prime bot esseva scribite per Greg Lindahl e functionava como moderator pro le joco de Wumpus, e le jocos es ancora un application popular del bots, sed le major parte del bots moderne es usate pro mantener le privilegios de operator (controlar canales), o functionar como punctos de contacto pro excambio de information (un responditor telephonic, transferentia de files, etc.) Il ha etiam bots malitiose, designate pro irritar altere usatores (per exemplo, per inviar le messages in excesso).

RFC 1459 describe le protocollo usate per le IRC2 primordial; 2810, 2811, 2812 e 2813 describe conjunctos de extensiones proponite al IRC. Le major parte del implementationes de IRC consiste de IRC2 con varie accessorios e extensiones de protocollo, resultante in incompatibilitates impediente le connexion de servitores qui executa softwares differente.

IRC es un protocollo de texto pur, lo qui significa que illo es totalmente possibile usar IRC via telnet, ben que isto es assi incommode. Pro isto illo es minus secur que le communicationes cryptographate. Proque le connexiones de IRC non es cryptographate e typicamente se mantene durante longe periodos, illos es un scopo attractive pro hackers. A causa de isto, un politica de securitate attente es necessari pro assecurar que un rete de IRC non es susceptibile a un attacco como un guerra de domination de IRC.

IRC serviva como un laboratorio primordial pro multe typos de attaccos super le Internet, como usar messages ICMP false e inattingibile pro rumper connexiones de IRC basate super TCP pro irritar usatores o facilitar dominationes.

Il debe totevia esser dicite que le major parte del programmas de messageria instantanee equalmente non es assecurate con le cryptographia o con altere mesuras. Le usator remane responsabile pro su proprie securitate.




#Article 169: Idea (140 words)


Un idea es un abstraction mental, active, e subjective, que representa un cosa real.  Le idea abstrahe se del stimulos ambiental e subsiste independentemente de relationes con ambientes externe.

In le historia del philosophia, iste termino assume significatos differente. In Platon iste termino ha un systemation conceptual: principio de intelligibilitate e modello incorruptibile e eterne del cosas, Descartes perquire le origine del ideas intendite como contentos de conscientia (ideas innate, provisori e ficticie).  Le empyrismo e le sensismo considera le ideas in relation al experientia sensibile e in qual mensura illos deriva de illo. Con Hegel, nos vide un retorno al concepto platonic de idea, indistincte de illo de realitate: i. e., le idea como synthese ultime de esser e pensamento. 

Le capacitate de crear, communicar, e comprender ideas es considerate un characteristica central in conscientia, specialmente in esseres human.




#Article 170: Lingua proto-indoeuropee (261 words)


Le proto-indoeuropeo es lingua matre commun reconstruite secundo le relationes inter le sanscrito, le greco e le latino plus certe linguas altre.

Le proto-indoeuropeo data de 3000 aEC, e usque le 2000 aEC jam se trova vestigios de differentiation notabile inter le linguas nascite de illo.

Le linguistica comparative establiva un serie de principios basic in travaliar con le antique indoeuropeo. Inter le plus importante son le leges de Grimm e Viderner que establiva le correspondentia phonetic inter le phonemas del linguas que se relationa inter se, lo que suppone que un determinate sono se comporta semper del mesme maniera sub identic conditiones in qualque lingua del mesme gruppo. De accordo con illo, in certe familias indoeuropee albanian, armenie, indoiranian, slave e in parte del baltico un phonema que se presuppone pertinente al proto-indoeuropeo /k/ se converte in le sibilante /s/. Le exemplo plus divulgate de esta regula es illo del cambio que se observa del parola 'cento' que in latin se scribe centum e se pronuncia kentum, durante que in le avestico le parola es satem, lo que attesta le passo de /k/ a /s/. Pro isto le linguas indoeuropee se ha classificate ben per pertiner al ramo occidental (del centum), o ben al oriental (del satem). 

Nonobstante, multe linguistas non aceptava ille criterio pro divider le familia in duo ramos proque illo significava que le fragmentation se habeva producite in epochas multo anterior e in plus, proque, ancora essente un tracia de grande interesse, illo non es le unic elemento decisive que differentia in duo ramos le gruppo indoeuropee.




#Article 171: Indiano american (353 words)


Nomine generic que se applica al personas qui descende exclusivemente de qualcunque del populos native de America (excepte le eschimos) pro distinguer les de altere {apportationes?} posterior (europee, african, etc), assi como del mesticios de tote iste gruppos ethnic.

Le americanos indigena ha multe linguas indigena. 

Secundo le theoria plus acceptate actualmente, le indianos american descende 
de gruppos de chassatores-recollectores de origine siberian qui migrava a America per 
le Stricto de Bering durante le ultime Glaciation. Como in le resto del 
mundo (excepte Africa), le colonisation human de iste terras veniva accompaniate del 
practic extinction de tote le megafauna local, con le exception solmente de alcunos 
bovides, como le celebre bisonte.

Circa 2500 a.EC., il habeva ja importante communitates agricole...

In le seculo XI a.EC., groenladeses de origine norvegian establiva le 
prime colonias europee in America (concretemente in lo que hodie se appella 
Nove Scotia), ben que su existentia pareva esser multo breve e su repercussion 
super le indianos local non pareva esser multo importante.

Desde 1492, nove europeos (in iste caso de origine espaniol) discoperiva America e 
comenciava colonisar lo. In prime loco, le espanioles (ex un recente guerra contra 
le musulmanes in le Peninsula Iberic) substitue le oligarchias local indian e 
impone un nove religion: Le catholicismo. Maladias e systemas 
de travalio inhuman (le famose haciendas) decima in un prime momento le 
indianos sub le governamento espaniol. De altere latere, le espanioles non imponera su 
lingua in le mesme mesura e inclusive evangelisa in quechua, contribuente 
al expansion del lingua inca e dotante lo de un systema de scriptura.

(...) In le Statos Unite, reservas indian

In le actualitate, le descendentes del indianos american (mesticiate o non con europeos e 
africanos) constitue le base del population del paises que in le antiquitate formava 
parte del Imperio Espaniol in America, con le exception de Argentina, Uruguay e 
Caribe. Duo del linguas indian, le quechua e le guarani 
ha obtenite rango coofficial. Per su parte, in le region de colonisation portugese, 
anglosaxone e francese, le continuitate indian es minor (in parte, proque esseva 
minus populate e le grado de civilisation previe esseva minor).




#Article 172: Irlanda del Nord (198 words)


Irlanda del Nord (appellate Tuaisceart Éireann in le lingua irlandese) es un del quatro territorios constituente del Regno Unite (con Scotia, Wales/Galles e Anglaterra), e le sol que non es situate in le insula de Grande Britannia. Su capital es Belfast (Béal Feirste in le lingua irlandese).

Irlanda del Nord ha frontiera con le Republica de Irlanda e es in le provincia irlandese traditional de Ulster. Ulster se compone de nove contatos. Sex contatos (quasi 57% de Ulster) comprende Irlanda del Nord: Antrim, Armagh, Down, Fermanagh, (London-)derry e Tyrone. Tres contatos (circa 43% de Ulster) es in le Republica de Irlanda: Cavan, Donegal e Monaghan. Secundo le censo de 2001, le population de Irlanda del Nord es 1 685 000, e le territorio se extende super 13 843 km². In Irlanda del Nord se parla le lingua anglese, le lingua irlandese e un dialecto de Scots.

Como in le resto del Regno Unite, le moneta es le libra sterling, subdividite in 100 pence.

Le compania aeree national del Regno Unite es British Airways. Le sol aeroporto international de Irlanda del Nord se trova presos le capital, Belfast. Illo es un del dece-un aeroportos international in le Regno Unite.




#Article 173: Corage (106 words)


Corage, etiam cognoscite como braveria, es le habilitate de confrontar le timor, dolor, periculo, incertitude o intimidation. Illo pote esser dividite in le corage physic — pro confrontar le dolor physic, suffrentia o menacia de morte — e corage moral — pro confrontar le vergonia, scandalo e discoragiamento.

Incoragiamento es alique que da corage o imparte fide e confidentia. Omne nos necessita incoragiamento, dante lo pote significar que nos provide adjuta o exprime appreciation. Sovente illo involve le assistentia de alcuno pro adjutar le a vider como poter arrangiar se con o supportar un situation difficile, o discuter rationes pro haber fide que le cosas meliorara.




#Article 174: Exegese biblic (569 words)


Le exegese biblic (del greco ἐξηγεῖσθαι 'menar extra') es un interpretation extensive e critical del Biblia. 

Durante multe seculos le Ecclesia Catholic supportava le position que le Biblia poteva solmente esser comprendite per le interpretation del Ecclesia, e que le Scriptura non pote esser comprendite excepte que illo es considerate al lumine del traditiones del ecclesias (rituales, costumes, credos, scriptos patristica, decretos de papas e de Concilios, etc):

Le idea de un tradition como supplemento del Parola de Deo comenciava tanto tosto quanto le 3e seculo con Ireneo, le qual videva le tradition oral al apostolos transmittite al episcopos como signo de distinction ab le hereticos. Durante le Medievo, le tradition embraciava multe practicas idolatre e superstitiose, e le Scripturas esseva relegate al antique traduction latin, le Vulgata, e il esseva un transgression multo grave traducer le Scripturas in le lingua del populo. Le ration date: dar al populo le Biblia haberea solmente proliferate le heresias e misinterpretationes. Tote le Reformatores, ab John Wycliffe, repulsava e opponeva se a iste idea. Tre grande heritages que pertine al Reformation es le sequente: 

Le perspicuitate (claressa) del Scriptura - le Scripturas esseva scribite in tal maniera de esser comprendite per su intendite auditores, ergo su message es fundamentalmente clar e obvie. Non tote le partes del Biblia es equalmente clar, e alcun partes es difficile a comprender, ma le message fundamental can esser comprendite per a laico non trainate in le antique linguas or leological trainamento, date a affidabile traductiones delreliable translation de le Scripturas.

Il es le derecto e necessitate de omne christiano leger e interpretar le Scriptura in su proprie lingua. 
Durante que nos ha le responsabilitate divin a divider justemente le Scripturas 2Tim 2:15 (hele correctamente), (In Greek orthotomeo - un clar e nette sentiero), nos necessita lineas de conducta pro adjutar nos a interpretar lo, sovente appellate hermeneutica - ab le Greco hermeneuo - interpretar o explicar.

Hermeneutica (definition): le scientia que insenia nos le principio, le leges e le methodo del interpretation.

Le deber special del hermeneutica: remover le distantia inter le author e su lectores. Le hermeneutica es unique, proque illo tracta con un texto que ha sia authores secundari human, sia un author primari divin.

Un studio del hermeneutica biblic es necessari proque: 

Le peccato ha obscurate le comprension del homine, obscurante su vision del realitate, specialmente de Deo, del peccato, etc.

Tote le homines differe le un ab le altere in: capacitate intellectual, education, qualitate moral, lingua, cultura, nationalitate, etc. 
Le Hermeneutica expone le lineas de guida pro consequer le objectivitate in le interpretation...

exegese (ex = foras de, geses = un guida) es objective in nature, illo es le application de hermeneutica a textos e que deriva ab illo le significato que le author intendeva.

eisogeses (ees = intra) es subjective in natura, e legente le proprie signification in le texto le qual le author nunquam intendeva.

Le genre (typo de litteratura) debe esser considerate in le interpretation: poesia, parabola, prophecia, vision, epistola, narrativa historic. Per examplo, le prophecia usa de plus linguage figurative del narrativa historic.

Lege in maniera empathic - Poner se mesme in le placia del personages e del auditorio original.

Le objectivo proprie del interpretation: non curiositate intellectual, cercar de comprender le Scripturas a fin que nos pote viver per illos. Psalmo 119:34 - Da me comprehension, e I observera tu lege e obedira con tote mi corde.




#Article 175: Inspiration biblic (107 words)


Le inspiration biblic es le doctrina in le Theologia christian super le origine divin del Biblia e que insenia le Biblia super se.

Le theoria de inspiration verbal es le theoria de que le Spirito Sancte guidava le formulation exacte del parolas usate per le scriptores biblic.

Le theoria de inspiration plenari dice que tote le Biblia es le Parola inspirate de Deo, e non solmente partes de illo. Simile a: Inspiration verbal.

Le theoria del dictation es le theoria del inspiration biblic que le parolas del Scripturas esseva dictate verbatim al scriptores del Biblia, le quales esseva, ergo, simplemente copistas. Contrasta con: inspiration verbal, inspiration plenari.




#Article 176: Intelligentia (174 words)


Intelligentia es le facultate o phase del mente human per le qual illo recipe o comprehende le ideas communicate a illo per le sensos o per le perception e per altere medios, un facultate distinguite de sentimento e  voluntate; le capacitate o facultate de perception de objectos in lor relationes; le facultate de judicamento e de comprehension; o le capacitate de pervenir a formas plus alte de cognoscentia, distincte del simple facultates de perception e de imagination.

Le termino intellecto deriva ab le latino intellectus, cuje significato original es seliger inter duo, e on debe attinger a iste significato si nos vole comprender lo in su ver essentia: ergo, facultate o phase del mente per le qual nos ha le capacitate de seliger o de decider.

Iste phase del facultate del intellecto es in stricte relation con le pensar: su productos es: le pensamentos, le imagines mental, le ideas.

Le intellecto, a su vice, comprehende un certe numero de facultates minor: le perception, le comprehension, le imagination, le memoria, le ration e le intuition.
 




#Article 177: Intuition (131 words)


Le intuition es le facultate del mente que expone, developpa, explica, le si-dicite veritates primari o ideas primari. Le ideas primari es le ideas de spatio, tempore, causa, identitate, etc.. Veritates primari es le si-dicite veritates evidente in se ipse, illo es, le veritates de geometria, mathematica e logica.

Sovente, sub le titulo de intuition se usa indicar le activitates mental del subconsciente e del superconsciente. Alicun erudito insiste in le opinion que il existe ideas innate, veritates fundamental del cognoscentia, insite in le mente human desde le nascentia, non ligate a alicun experientia. Iste idea, tamen, es objectionate. Altere eruditos assere, in vice, que iste ideas es simplemente le resultato del experientia del racia human, un patrimonio transmittite nos como idea-germine que se developpara con le experientia e le exercitio.




#Article 178: Imagine mental (380 words)


Le imagines mental es un representation de qualcosa in le mente human, le qual substitue le realitate e que da alicun informationes super illo, ma que omitte alteres. Le imagines mental adjuta le pensamento, facilita le rationamento e guida le comportamento-

On pote distinguer inter representationes externe, usate in le vita quotidian, e representationes interne, que es le representation del mundo, que nos ha in nostre mente.

Le representationes externe, a lor vice, se subdivide inter pictoric e propositional.

Le representationes pictoric, como le designos, le mappas e le diagrammas, es analogic, i.e, illos conserva le structura perceptive del mundo representate. In altere parolas, in illos es conservate le relationes topologic inter le varie elementos que los compone.

Le representationes propositional, in vice, non es analogic, proque le relation inter signo e objecto al qual illos se refere, es arbitrari. Le caso typic es le linguage, in le qual il non ha alicun ration intrinsic que liga un objecto al nomine que nos lo da, ma illo es le fructo de un convention. Le representationes linguistic ha un structura grammatical. In practica illos possede non solmente classes differente de symbolos, ma anque regulas pro connecter los inter illos. On pote dicer que le information contenite in le representationes linguistic, non necessarimente ha relation con le canal perceptive per le qual illo es transmittite.

Iste distinction inter representationes externe es applicabile anque al representationes interne o mental. Le representationes mental analogic ha le structura de imagines e pote esser de typo visive, auditive, olefactive e tactile.

Le imagines mental visive es representationes simile a photographias e, como tal, rotabile e explorabile. In ultra, le imagines mental pote esser explorate como si le subjecto percurre con le mente un mappa.

Le representationes mental propositional es plus simile al linguage, ma isto non significa que se tracta de parolas, ma solmente que illos permitte nos de exprimer conceptos abstracte. Illos constitue un sorta de linguage universal, qie non es ligate a un lingua particular e a necun modalitate perceptive. Normalmente le natura de iste representationes es specificate in le terminos de calculos de predicatos in le qual le objectos es le argumentos e le relationes inter illos es le predicatos. Omne vice que un predicato es ligate a argumentos, il ha un proposition.




#Article 179: Incarnation (177 words)


Le theologia christian se refere al incarnation [in-car-na-tsi-òn] quando illo parla in re le eterne Filio de Deo, le qual se faceva homine (deveniva carne, un esser human) in le Persona de Jesus de Nazareth. Iste termino non pare como tal in le Nove Testamento, ma su equivalente verbal compare in Joh. 1:14 esseva facite carne.

Le termino incarnation ha, al minus, duo significatos. Illo pote referer se al momento del venite sur le terra del Filio de Deo, illo es, in su conception in le virgine Maria; o illo pote referer se al integre Su advento, e ergo al persona, Jesus Christo.

In le quarte e quinte seculo A. D., le ecclesia esseva defiate a articular su conviction concernente Jesus Christo. Illo sovente usava le termino grec enanthropopesis (litt. in-homin-is-ation) pro describer Jesus; ille assi esseva le Filio de Deo humanisate. Le linguage appropriate pro parlar de Ille, esseva elaborate per le Concilio de Chalcedonia in le anno 451 A. D.- Jesus esseva un persona que possedeva duo naturas: le natura divin e le natura human.




#Article 180: Joco de rolo (444 words)


Un joco de rolo (JdR) es un typo de joco in que le jocatores assume le rolo de un personage in un mundo ficticie. Le personages gania varie habilitates basate super varie attributos (como fortia, dexteritate, intelligentia, charisma, etc.), que pote in alcun systemas de joco esser avantiate. Le termino designa duo typos distincte de joco. Un es un joco typicamente jocate a penna e papiro, con datos, per plure personas. Le termino equalmente designa un genere de videojocos que presenta conceptos similar.

In le jocos de rolo a penna e papiro, le participantes joca le rolos de personages in un mundo imaginari que usualmente es organisate, judicate, e a vices create per le maestro del joco, generalmente con le appoio de regulas, simple o complexe. Alcun jocos de rolo plus recente expande le poteres del jocatores ultra dictar le actiones de lor personages, faciente les mini-maestros. A un nivello plus radical, un JdR pote haber un rotation de maestros, o nulle maestro del toto.

Naturalmente, le dramas interactive e improvisate includeva elementos de joco multo ante le advenimento del moderne jocos de guerra — le jocos infantil de activitates domestic o indianos e vaccheros es in essentia jocos de rolo multo simple.

Le jocos de rolo moderne ha evolvite del jocos de guerra in le initio del annos 1970. In vice de representar un esquadron de soldatos, in le jocos de rolo primitive cata marcator representava un singule personage. Cata jocator controlava le actiones de un personage. Dungeons  Dragons (abbreviate como DD) es considerate le prime joco de rolo moderne, e ha influentiate quasi omne joco de rolo producite desde su inception in 1974.

In le prime dies del jocos de rolo, il habeva accusationes de connexiones al diabolismo e al satanismo. Esseva causate per certe jocos de rolo, specialmente Dungeons  Dragons (DD) que permitteva al personas usar formulas magic; alcun ecclesias interpretava ille facto como si le jocos esseva un real manual pro le magia obscur.

Le jocos de rolo se jocava originalmente con un tabula, proque illos usava papiro, datos, e sovente alcun miniaturas o dischettos. De iste origines, le jocos de rolo se ha evolvite in multe directiones. Alcun systemas de JdR es complexe e essaya esser simulationes realistic; alteres pone su prioritates in balancia, personalitate, contos epic, o narration; un specific JdR usualmente essaya balanciar cata categoria.

Hodie, il ha tamben jocos de rolo pro computatores e systemas de videojocos. Il ha mesmo un typo de JdR solmente pro le computator, nominate MMO, que usa le Internet pro junger dozenas, centos, mesmo milles o milliones de jocatores.

Le termino joco de rolo pote applicar se a tres distincte generes:




#Article 181: Judaismo (601 words)


	
Le judaismo es un religion monotheista del qual deriva le Christianismo e le Islamismo. In 2006, existeva circa 14 million adherentes in le mundo.

Su doctrina se basa super le Torah como interpretate in le Talmud e se fundamenta in le credentia in un sol Deo, su alliantia con le populo de Israel, un abhorrimento de idolos, 613 leges religiose (que include le Dece Commandamentos) e le futur apparition del Messia.Su principal celebrationes son: le Sabbato; le khagim (pascha, scenopegia o sukkot, e shavuot), que son tres festivales annual de origin agricultural; e le Dies de Repententia, un periodo que commencia in Rosh HaShanah (un nomine que significa Capite del Anno), le anno nove judee e le prime die del mense de Tishrei. Le Dies de Repententia conclude in le decime die de Tishrei que es le plus sancte die del anno judee, Yom Kippur (un nomine que significa Die de Propitiation).

Altere celebrationes (de minor significantia porque illos non es mentionate in le Torah) include Chanukah e Purim. Il ha tres sessiones de precaria per die, idealmente con un minyan, un quorum de (al minimo) dece judeos qui son de un minimo de 13 annos, ma le preces alsi pote ser recitate per un sol persona in alcun location. Le synagoga es un edificio pro precaria, ma le edificio mesme non es consecrate o considerate sancte; le cosa plus importante es le presentia de un Sefer Torah, le texto complete in le lingua hebree del Torah scripte per mano per un calligrapho judee in un voluta (rollo) de pergamena.

Le Biblia del judeos dice in Genesis que Avram, un nativo del citate de Ur in Mesopotamia residente in le citate de Harran in Syria, ha facite un pacto con Deo: Avram adorarea Deo e iria a Canaan, e su descendentes serea un grande nation. Avram e su sposa Sarai, renominate Avraham (Abraham) e Sara al mandato de Deo, habeva un filio, Isaac; ille e su sposa Rebecca era le parentes del geminos Jacob e Esau. Jacob (alsi appellate Israel) habeva 12 filios e un filia.

Jacob con su filios e lor familias ha movite a Egypto. Alcun seculos posterior (secun Exodo) le rege de Egypto ancian, le pharaon, oprimeva lor populo, qui ha crescite e dividite usque le descendentes de Jacob habeva devenite le 12 tribos de Israel o israelitas. Circa le seculo 13me ante que le era commun, Deo (secun Exodo) ha seligite Moses pro guidar le israelitas ex lor sclavitude in Egypto a libertate in Canaan. Le sclavos israelita ha revoltate con successo contra le regime del pharaon e ha fugite le pais de Egypto e ha entrate le deserto de Sinai in le eventos commemorate annualmente in le festival judee de Pesach o Pascha.

Septe septimanas post iste le israelitas ha arrivate a monte Sinai, ubi (le libro de Exodo dice) Moses ha ascendite le monte, parlate con Deo, e descendite con le Dece Commandementos gravite per le mano de Deo in duo tabulas de petra, le tabulas del lege. Isto es le evento commemorate in le festival judee de shavuot (literalmente septimanas), e es considerate le momento quando judaismo ha comenciate e le israelitas ha devenite le judeos.

Post un periodo (40 annos, secun le version mythologic in le Torah) in le deserto, e post le morte de Moses, le judeos ha entrate Canaan.Le sol fonte pro iste historia del exodo de Egypto es le Torah, que es un redaction de varie textos traditional que se basa in folklore. Il non ha evidentia archaeologic ni in le textos contemporari de Egypto ancian o alcun altere cultura. 




#Article 182: Jesus Christo (1981 words)


Jesus de Nazareth (per le christianos Jesus Christo; pron. AFI: /ʒeˈzus/ o /jeˈsus/; Bethlehem c. 5-7 aEC – Jerusalem c. 23-30 EC) esseva un judeo qui on crede viveva al initio del seculo I in le region de Judea (hodie Israel e Palestina) e moriva crucifigite in Jerusalem circa le anno 30.

Il ha numerose textos religiose super su vita (principalmente illos appellate evangelios). Le tres officios (in latino munus triplex per triplice officio) de Jesus esseva: Propheta, Sacerdote e Rege.

Christo es le persona central del religion christian, basate tanto in le doctrina que ille predicava como in le fide in su resurrection post su morte super le cruce. Le majoritate de iste religiones establiva como dogma de fide que Jesus es le Filio unigenite del Patre. 

Le islam considera Christo un de su prophetas plus importante.

Independentemente del puncto de vista, le influentia del religion de christianismo, que pretende a ser basate in su doctrina, in le cultura occidental es innegabile.

In arameo, le lingua del Judea del seculo I, le nomine Jesus proveni ex Ieshua (ישׁוע, Yēšûaʿ) ‘Yave salva’. On crede que su discipulos le appellava «Rabi Ieshua ben Iosef» (‘maestro Jesus, filio de Joseph’).

Iste nomine veni ex su equivalente in hebreo, Iehoshua (יהושע o Yēhošûa), trans le greco Iēsoûs (Ιησους) et ex latin Iesus. Nonobstante, on lo poterea translatar tamben como Josue, u vice que que altere evolution del mesme nomine Ieshua esseva Ioshua et, de hic a Josue.

Le humiliation de Christo es:

Jesus es le prenomine de Christo. Le orthographia del nomine assi como nos lo usa hodie deriva ab le greco. Su equivalente in le lingua hebraic esseva Yehoshua o Jeshua. Originarimente iste nomine significava litteralmente “le adjuta de Jehovah”, “Salvator, Liberator” o “Jehovah es salvation”. Le nomine esseva indicate a Joseph le marito de Maria, per le angelo que le appareva (Mat. 1:21).

Christo es un nomine sacre, e illo non es un appellativo o nomine commun; illo es de derivation grec e su significato es identic a su equivalente hebraic “Mashiah” (Messia), que significa “le uncto” o “le unguite” ab le antique practicas usate alora pro consecrar le reges e sacerdotes. 

Altere titulos, habente cata un de illos un significato ben precise, como: Emmanuel, Salvator, Unigenito, Senior, Filio de Deo, Filio del Homine e multo alteres ancora, on trova in le Scripturas, sed le facto principal es que tote iste varie titulos es indicative del origine divine e del divinitate de Nostre Senior e Salvator le Creator de iste terra ubi nos vive.

Le principal fonte de information re Jesus es le Evangelios scribite per Mattheo, Marco, Luca e Johannes. 

Mattheo: 
Le narration de Mattheo es characterisate per le grande emphase super como le vita de Christo compliva le prophetias del Vetule Testamento. Iste evangelio include multe discursos importante del Maestro, como per exemplo le Sermon sur le Monte (Mat. 5-7), un discurso super le parabolas del regno (Mat. 13) e un longe discurso critic re le scribas e le phariseos (Mat. 23). Mattheo describe Jesus como rege e judice de Israel, como ille qui insenia con grande poter e autoritate. Su evangelio debeva haber un particular poter super le lectores judee. 

Marco: 
Le narration de Marco es le plus breve del evangelios e illo offere un imagine toccante de Jesus, plen de action, ultra evidentiar le poter miraculose del Maestro. A causa de iste imagine dynamic, multe studioses ha retenite que illo esseva dirigite al romanos. Marco sembla esser state intimemente ligate a Petro post le morte del Salvator, e multes vide in su scriptos le influentia del narrationes de Petro.

Luca: 
Per su optime cognoscentia del greco e le description compassibile que ille face del Senior, multes ha retenite que iste autor scribeva pro le grecos de su tempore. Le evangelo de Luca pone le accento sur le pardono e le amor faciente notar, mediante parabolas que on trova solmente in su evangelio (como per exemplo le Filio Prodige), que le peccator pote trovar reposo e pace in Jesus. Luca nos forni anque importante informationes re le rolo que le feminas disveloppava durante le ministerio e le vita de Christo. Ille es le sol qui parla del visita del angelo a Zacharia e de Elisabeth, matre de Johannes Baptista. E es anque le sol qui parla del viage de Maria e de Joseph a Bethlehem e del factos detaliate re le nascentia de Jesus.

Johannes: 
Dum le evangelio de Johannes nos offere un imagine plus intime de Jesus, per mitter in evidentia le relation con le Patre, su relationes con le dece-duo apostolos, etc., le scopo principal de Johannes sembla esser celle de portar testimonio de Jesus como le Messia plus tosto que describer in detalio le locos e le eventos de Su ministerio. In su scriptos nos trova le potente testimonio de Jesus como Filio de Deo, de Jesus como le Bon Pastor, de Jesus como le Via, le Veritate e le Vita, e de Jesus como Resurrection e Vita. 

Ultra le testes biblic nos ha un altere referentia scriptural in le 
, in le capitulos 11-14, le propheta Nephi face un meraviliose description de Jesus immediatemente post Su resurrection de Su visita al populo nephita, un remanente del tribo de Joseph. Iste narration es anque cognite como le quinte evangelio inter illes qui accepta iste libro como le parola de Deo.

Al tempore del nascentia de Christo, Roma dominava un grande parte del mundo mediterranee. Augusto esseva un soveran habile e energic e ille dedicava su regno (31 a.C. - 14 d.C) a stabilir un certe tradition de legalitate e de honestitate in le bureaucratia roman, reorganisante le governamentos provincial e introducente le reforma financiari. Su regno esseva characterisate per un certe ordine.

Si nos accepta le calculo del tempore facite per Dionysius Exiguus, in le anno DCCLIII ab Urbe condita, le Imperator roman Augusto ordinava un censimento general de population del Imperio Roman. Le edicto habeva un character general, in tanto que ordinava le censimento de tote le populationes del territorios tributari del Imperio. Iste censimento esseva le secunde de tres censimentos general, que habeva intervallos de circa vinti annos cata un. Si le censimento esseva facite in le solite modo sequite per le romanos, cata persona esserea inscribite in le pais de residentia; sed le uso judaic, respectate per le leges roman, prevideva que le registration del nomines esseva effectuate in le citate o village declarate per le respective familias como lor casa ancestral.
Al tempore del nascentia de Christo Joseph e Maria non viveva in Bethlehem, terra de lor avos, sed in Nazareth e esseva durante lor viage pro facer lor registration que Jesus nasceva in le citate de Bethlehem sed ille esseva cognoscite como Nazareno perque Nazareth esseva le citate de su residentia.

Quando le angelo Gabriel appareva a Maria annunciante que illa esserea le matre del Senior, illa esseva turbate perque illa non esseva ancora sponsate con Joseph. Illa esseva secur de su stato virginal, e su demanda a Gabriel esseva: “Como pote io generar un filio si io non es ancora sponsate?” Le explication del angelo a Maria es le explication plus clar del paternitate de Deo e del divin condition de Su Filio como on trova in le Sacre Scripturas. Gabriel declarava: “Le Spirito Sancte venira supra te e le potentia del Altissimo te coperira con le umbra sue; ergo le sancto que nascera, essera appellate Filio de Deo” (Luca 1:35). Iste declaration nos dice que Jesus esseva non le filio del Spirito Sancte ma ille esseva le Filio de Deo le Patre. Ergo le infante que esserea nascite de Maria esseva generate per Elohim, le Patre Eterne e isto es le ration de esser appellate le Unigenito, perque ille es le unic “homine” nascite in iste terra como filio litteral de Deo.

Jesus esseva imprisionate e portate ante le Synedrio del Judeos, ante Erode e ante Pilato pro esser judicate e illes sapeva que Jesus esseva innocente. Pilato se lavava le manos, sequente le practica judee (Deut. 21:1-9), compliva le ritual ceremonia que habeva le scopo de liberar le del responsabilitate del morte de Jesus.

Le crucifixion esseva recognoscite per totos como le forma de morte plus horribile. Inter le romanos anque le degradation faceva parte del punition que, on infligeva a un homine libere, e illo esseva applicate solmente al criminales le plus ignobil. Le condemnate portava su cruce, o al minus un parte de illo. Le loco del execution esseva foras del citate (1 Reges 21:13; Actos 7:58; Heb 13:12). Arrivate al loco del execution, le condemnato esseva denudate, perque su vestes deveniva proprietate del soldatos (Mat. 27:35). Ergo le cruce esseva inserite in le terra de maniera que le pedes del suffrente se trovava a un certe distantia del solo. Le morte esseva lente, e le suffrentias poteva durar alcun jornos. Generalmente le corpore esseva lassate a putrescer supra le cruce per le action atmospheric, o devorate per le vultures o alteres animales carnivore. Le inhumation esseva generalmente prohibite, sed esseva facite un concession in favor del judeos (Deut. 21:22,23; Matt. 27:58).
Iste detestabile e espaventose forma de castigation esseva finalmente abolite per Constantino.

Jesus resuscitava del morte. Como esser glorificate e resuscitate Ille appareva a Su discipulos. Illes le videva e illes videva le vulneres que indicava que ille habeva essite crucifigite. Illes le videva mangiar, parlar e mover se ante illes. Ille esseva vive e illes proclamava lor testimonio ante reges e nationes e illes defendeva fidelmente iste veritate usque le fin de lor vitas.

Inter tote le apparitiones de Jesus post su resurrection forsan le plus importante esseva illo describite in (Matt. 28:16-20) quando le Senior se monstrava a un multitude de discipulos, probabilemente iste es le occasion al qual Paulo se refereva quando ille diceva que Christo 'appareva a plus de cinque centos de fratres in un sol vice' (I Cor. 15:6).
Anque le Libro de Mormon face un description detaliate del Salvator resuscitate quando Ille appareva al populo nephita (vide )

Le libro de apocalypse, le ultime libro del Biblia, face un description complete del secunde venita de Jesus Christo pro regnar sur le terra e pro judicar le homines secundo lor operas. Su venita es un evento que omne fidel expecta con impatientia.

Perque le sanctos del Altissimo demorara sur le terra que habera su fortia primitive. Illes edificara citates e illes plantara jardines, illes qui esseva fideles in pauc essera ponite supra multe cosas, le Eden florescera, le fructos e le flores del paradiso monstrara lor beltate como in le principio e le inimicitate inter le homines e le animales disparera (Isaia 11:6-9). Jesus regnara in gloria supra le Monte Sion e in Jerusalem e tote le cosas create laudara le Senior.

Islam condivide un certe numero de credentias con le christianismo. Ambes condivide ideas similar sur le monotheismo, le judicamento final, le Celos, le inferno, le spiritos, le angelos, e un futur resurrection del mortos. Jesus Christo es recognoscite e respectate per le musulmanos como un grande propheta, sin dubita le sol propheta que esseva exempte de peccato, e on face referentias a ille como le Messia e le Spirito de Deo. Ambe religiones crede alsi que Christo es proxime a Deo - In le compania del plus proxime a Allah in le Koran, metaphoricamente exprimite in le Biblia como sedente al dextera de Deo.

Le conception judaic super le Messia (mosiach in hebreo) es significativemente differente de illo supportate per le christianos. Secundo le Judeos, le Biblia hebraic contine un parve numero de prophetias concernente le futur descendente del Rege David, le qual essera consecrate, o uncte (in Hebreo Moshiach) como le nove leader del populo judee. In le conception judaic, iste leader, plenmente human e mortal, reconstruera le terra de Israel e restaurara le Regno davidic. Iste subjecto es tractate in le section del eschatologia judaic.




#Article 183: Judeo (166 words)


Judeo es un termino con duo significationes. Le un es un persona que professa le fide del judaismo, o de nascentia (per haber un matre judee) o de conversion al judaismo. Le altere es como designation ethnic e cultural pro personas de descendentia judee, mesmo si illes personalmente non mantene le fide.

Lor condition de minoritate disperse (Diaspora) les ha convertite in victimas del discrimination (antisemitismo).

Grande personages ha essite judeos, como per exemplo Hannah Arendt, Isaac Asimov, Michael Bloomberg, Marc Chagall, Noam Chomsky, Albert Einstein, Gabriel da Costa Fiuza (Uriel Acosta), Sigmund Freud, Allen Ginsberg, Emma Goldman, Rabbi Abraham Joshua Heschel, Rabbi Hillel, Abbot (Abbie) Hoffman, Rabbi Jesus de Nazareth, Allen Konigsberg (Woody Allen), Judith Malina, Groucho Marx e su fratres, Karl Marx, Marilyn Monroe, Rabbi Moshe ben Maimon (Rambam o Maimonides), Philo de Alexandria, Harold Pinter, Natalie Portman, Daniel Radcliffe, Borge Rosenbaum (Victor Borge), Oliver Sacks, Edward Sapir, Paul Simon, Baruch (Benedict) Spinoza, Elizabeth Taylor, Leon Trotsky, Robert Zimmerman (Bob Dylan), Mark Zuckerberg, etc.




#Article 184: Jacques Chirac (346 words)


Jacques René Chirac, (pron. francese: /ʒak ʁə'ne ʃi'ʁak/, jac rene shirac; 29 de novembre 1932 in Paris – 26 de septembre 2019 in Paris), esseva un homine de stato francese, 
le 22nde Presidente del Republica Francese e le 5te Presidente del 5te Republica Francese. .

Fundator de duo partitos politic orientate a dextre, le Rassemblement pour la République (RPR) in 1976, postea le Union pour un Mouvement
Populaire (UMP) in 2002, ile ocupava plure vices le fonction de deputato del tertie circonscription de Corrèze
e esseva burgomaestro de Paris entre 1977 e 1995. Prime Ministro de Valéry Giscard d'Estaing de 1974 a 1976, ile es vocate 
capite del governamento por un secunde vice per le presidente socialista François Mitterand in 1986, sequente le victoria del dextre al
elections legislative. Ile hinc deveniva le prime capite del governamento de un cohabitation sub le 5te Republica e
le sol personalitate politic del 5te Republica qui esseva duo vices Prime Ministro.

Jacques Chirac deveniva le 22nde Presidente del Republica Francese le 17 de maio 1995, sequente le election presidential de 1995, difacende le
candidato socialista, le ex-ministro Lionel Jospin. Su prime mandato esseva marcate per le plano Juppé de 1995, le 
tertie cohabitation con Lionel Jospin (1997-2002) sequente le dissolution parlamentari de 1997, le scandalos judiciari in que ile es
directemente acusate o ancora le referendum de 2000, qui reduce le mandato presidential a cinque anos. Durante le election presidential de 2002, 
ile esseva reeligite al secunde tour, difacende le candidato del dextre extreme Jean-Marie Le Pen. Durante su secunde mandato, ile se adversava contra
le bello de Iraq. Ile quitava le Elysée le 16 de maio 2007, post le election de Nicolas Sarkozy.

Ile postea sedeva al Consilio constitutional, de que ile es membro de derecto como ex-presidente del Republica,
usque le 9 de decembre 2010, ubi ile se retirava a cause de su problemas sanitari e judiciari. In 2011, ile es condemnate a duo annos de 
carcere con suspension in le affaire del empleos ficticie del Citate de Paris.

Chirac moriva in Paris al etate de 86.




#Article 185: Johann Martin Schleyer (249 words)


Le prelato german Johann Martin Schleyer ( in Oberlauda -  in Konstanz), filio de un professor de schola, inventava le lingua auxiliar international Volapük.

Schleyer esseva ordinate como prestre in 1856. Desde 1867 a 1875 ille esseva pastor in Krumbach vicin a Messkirch. Al fin de iste tempore ille esseva jectate in prision pro quatro menses durante le Kulturkampf a causa de su predication contra le socialismo.

Desde 1875 a 1885 ille esseva pastor del Ecclesia de Sanctos Petro e Paulo in Litzelstetten. Plus tarde ille scribeva que le prime septe annos in Litzelstetten esseva inter le plus felice de su vita.

Ille anque se localisava in Baden. 

Secundo su proprie reporto le idea de un lingua international veniva ex un conversation que ille habeva con un de personas, qui veniva a su ecclesia. Un agricola, qui non poteva leger o scriber multo ben e qui habeva un filio in le Statos Unite de America, non poteva communicar con su filio per medio de littera. Le servicio postal american refusava le litteras del patre a causa de su mal orthographia re le adresse.

Su prime libro re Volapük esseva publicate in 1879. Le interesse in iste lingua avantiava rapidemente e nove clubs appareva per tote Europa. Depois 1885 Schleyer se pensionava ab su travalio pastoral a causa de infirmitate, ma ille esseva ancora active in le movimento de Volapük usque illo diminueva alcun annos plus tarde.

Schleyer esseva proponite 2001 pro le beatification per un committee local de Litzelstetten.




#Article 186: Joco del Vita de Conway (1014 words)


Le Joco del Vita es un automato cellular inventate per le mathematico britannic John Horton Conway in 1970. Illo es le exemplo le plus notori de un automato cellular.

Illo faceva su prime apparition public in le edition de octobre 1970 de Scientific American, in le columna jocos mathematic de Martin Gardner. De un puncto de vista theoric, illo es interessante proque illo ha le poter de un machina de Turing universal: illo es, qualcunque cosa pote esser computate algorithmicamente in le Joco del Vita de Conway.

Desde su publication, illo ha attrahite multo interesse a causa del manieras surprendente in le qual le patronos pote evolver. Tosto post le publication le pentomino-R e patronos planatores esseva discoperite, lo que duceva a un unda de personas studiante le joco. Isto esseva adjutate per le facto que le Joco del Vita esseva describite justo quando un nove generation de minicomputatores de basse costo esseva lanceate in le mercato, lo que significava que le joco poteva esser executate per horas in iste maquinas que de altere maniera esserea sin uso de nocte. Pro multe enthusiastas, le Joco del Vita esseva simplemente un defia de programmation, un maniera divertente de consumer cyclos de CPU. Pro multe alteros, totevia, le Joco del Vita disveloppava un culto a transverso del annos 1970 e usque le medio del annos 1980.

Le joco es de facto un joco a zero jocatores, lo que significa que su evolution es determinate per su stato initial, non requirente intervention de jocatores human. Illo executa in un grillia de quadratos (cellulas) que se extende al infinito in tote le directiones. Cata cellula ha octo vicinos, que es le cellulas adjacente a illo, includente le diagonales. Cata cellula pote esser in un de duo statos: illo es o vive o morte. (Le terminos accendite e extinguite tamben es usate.) Le stato del grid evolve in passos de tempore discrete. Le statos de tote le cellulas es considerate a un sol momento pro calcular le statos del cellulas in le proxime passo de tempore. Tote le cellulas es alora actualisate simultaneemente.

Le transitiones depende solmente del numero de vicinos vive:

Il ha tote sortas de patronos differente que occure in le Joco del Vita, includente patronos static (naturas morte), patronos repetitive (oscillatores — un supercollection del naturas morte), e patronos que se translata a transverso del tabuliero (naves spatial). Le exemplos plus simple de iste tres classes es monstrate infra, con cellulas vive monstrate in nigro, e cellulas morte monstrate in blanco.

Le bloco e le barca es naturas morte, le intermittente e le bufon es oscillatores, e le planator o glissator e le astronave legier es astronaves.

Patronos denominate Mathusalemes pote evolver per longe periodos ante repetir se. Un dur de morir es un patrono que finalmente dispare post 130 generationes, o passos. Un glande prende 5206 generationes pro generar 13 glissatores, e alora se stabilisa como multe oscillatores.

In le apparition original del joco in Mathematical Games, Conway offereva un premio in moneta contante pro qualcunque patronos que cresceva indefinitemente. Le prime de istes era trovate per Bill Gosper in novembre 1970. Illos include pistolas, que tira glissatores (planatores) e altere astronaves; {puffers}, que cammina lassante un tracia de residuos; e rastrellos, que face ambe cosas. Ille tamben discoperiva un patrono con un rata de crescimento quadratic, denominate reproductor, que functiona lassante un tracia de pistolas. Desde alora, varie constructiones complicate ha essite facite, includente portas logic de glissatores, un summator, un generator de numeros prime, e un cellula unitari que emula le Joco del Vita in un scala multo major e a un rhythmo plus lente.

Le prime pistola glissator trovate es ancora le minor cognite:

Pistola de planatores de Gosper

Patronos plus simple que tamben ha crescimento infinite esseva trovate plus tarde. Tote le tres patronos sequente ha crescimento infinite. Le prime ha solmente 10 cellulas vive (quantitate que se provava esser le minimo). Le secunde se installa in un quadrato 5 × 5. Le tertie ha solmente 1 cellula de altor:

Glissatores pote interager con altere objectos de manieras interessante. Per exemplo, si duo glissatores es tirate contra un bloco del maniera correcte, le bloco va approximar se del fonte del glissatores. Si tres glissatores es tirate del maniera correcte, le bloco va distantiar se. Iste memoria de bloco glissante pote esser usate pro simular un contator. Es possibile construer portas logic e, o e non usante glissatores. Es possibile construer un patrono que age como un machina de statos finite connectite a duo contatores. Isto ha le mesme poter computational de un machina universal de Turing (vide le proba in contator), alora le Joco del Vita es tanto potente quanto qualcunque computator con memoria illimitate: illo es . In ultra, un patrono pote continer un collection de pistolas que se combina pro construer nove objectos, includente copias del patrono original. Es possibile construer un constructor universal que contine un computator {Turing complete}, e que pote construer multe typos de objectos complexe, includente plus copias de se mesme.

Desde le inception original del Joco del Vita, nove regulas ha essite disveloppate. Le Joco del Vita standard, in le qual un cellula nasce si illo ha exactemente 3 vicinos, remane vive si illo ha 2 o 3 vicinos, e mori in altere casos es symbolisate como 23/3. Le prime numero, o lista de numeros, es lo que es necessari pro que un cellula continua. Le secunde collection es le requirimento pro nascimento. Consequentemente 16/6 significa un cellula nasce si il ha 6 vicinos, e remane vive si il ha 1 o 6 vicinos. HighLife es in consequentia 23/36, proque 6 vicinos, in addition al regula original del joco de 23/3, causa un nascimento. HighLife es ben cognoscite pro su replicatores. Variationes additional al Joco del Vita existe, ben que le majoritate de iste universos es o excessivemente chaotic o excessivemente desolate.

Fonte: Life32

Le Joco del Vita de Conway non debe esser confundite con le joco de tabuliero Le Joco del Vita, pro le qual tu debe vider Joco del Vita de Hasbro.




#Article 187: Johannes Calvin (173 words)


Johannes Calvin (1509-1564) esseva reformator francese del Ecclesia christian in le 16e seculo. Educate in le Ecclesia catholic roman, in su juventute occupava alicun positiones ecclesiastic minor. Convertite al pur Evangelio, ille fugiva de Francia sub le accusation de esser un “lutherano”. Ille serviva como pastor in Geneva (Switza) durante le major parte de su etate adulte, ubi ille fundava un universitate ancora hodie active. Scriptor prolific, ille deveniva famose super toto pro haber scribite “Le Institutiones del religion christian”, libro que continua a esser publicate e utilisate hodie como exposition systematic del fide christian e del reformation biblic del christianismo historic. Plus que qualcunque altere ille esseva le theologo per excellentia del Reformation. Ille refinava, systematisava, corrigeva e elaborava lo que Martin Luther habeva scribite. Su ministerio pastoral in Geneva esseva characterisate per le institution de un doctrina biblicamente san, un disciplina ecclesiastic appropriate, un governamento juste, e le culto secundo le direction del Biblia, le cura del povres e le provision de refugio pro illes que fugiva del persecution catholic roman.




#Article 188: Jesus historic (108 words)


Le Jesus historic es un expression usate specialmente durante le seculo 19, pro referer se al persona historic real de Jesus de Nazareth, in opposition al interpretation christian de ille persona, specialmente como presentate in le Nove Testamento e in le credos. Un Jesus demythologisate prendite del historia, e que include un denegation del supernatural. 

Le jesuologia es le studio de Jesus del puncto de vista historic e human, con le proposito de demythologisar le supponite messia o Christo. 

De facto, Jesus era judee e era un rabbi, e como un judeo pie ille haberea considerate le adoration de un humano como so ille era un deo blasphemissime.




#Article 189: Java (linguage de programmation) (127 words)


Java es un linguage de programmation disveloppate per Sun Microsystems e publicate in 1995 como un componente central del platteforma Java de Sun (nunc Oracle). Le linguage deriva le majoritate de su syntaxe de C e C++ sed ha un concepto plus simple de objecto e minus de facilitates grado-basse. Le applicationes Java es compilate in bytecode qui pote functionar super le machina virtual Java (JVM) sin reguardo al architectura del computator.

Ecce le programma Hello World scribite in Java:

// Hello.java
public class Hello
{
	public static void main(String[] args)
	{
		System.out.println(Hello, world!);
	}

Pro executar iste programma, le programma debe esser salvate in un file appellate Hello.java. Iste file depost debe esser compilate in bytecode per un compilator Java, qui produce un file appellate Hello.class.




#Article 190: JavaScript (272 words)


JavaScript es un linguage de programmation popular create per Brendan Eich a Netscape Communications Corporation pro uso in le navigator del web Netscape Navigator. In reaction, imitationes plus o minus compatibile de illo esseva incorporate in practicamente tote le altere navigatores web sub varie nomines (como JScript de Microsoft). Programmettas (scripts) in JavaScript pote esser incastrate in qualcunque pagina del web e pote tractar datos e modificar le presentation del codice HTML del pagina web in question.

Durante su disveloppamento, JavaScript ha essite appellate LiveWire, e posteriormente LiveScript. Proque su syntaxe es aliquanto similar a illo de Java, le linguage esseva pro rationes de marketing renominate JavaScript quando illo esseva publicate, causante un impression false e durabile inter le publico que JavaScript e Java sia differente versiones del mesme linguage de programmation; de facto, le similaritate non es plus que superficial.

Post le marginalisation e morte final de Netscape, le organisation de standards electronica pro consumitores ECMA International ha assumite le disveloppamento ulterior de JavaScript, renominante illo ECMAScript. Totevia le nomine JavaScript continua a esser in uso general.

Durante su existentia, le varie incarnationes de JavaScript ha essite associate con plure problemas de securitate e de confidentialitate. JavaScript es usate mesmo pro le apparition automatic de fenestras salta-avante (pop-up) con annuncios commercial. Pro isto, un percentage considerabile de usatores web prefere disactivar JavaScript usque illes incontra paginas web qui non functiona sin illo.

In responsa, navigatores web moderne e non commercial como Mozilla ha incorporate controlos sophisticate de permission governante le execution de JavaScript, capace de restringer illo a sitos web in un lista de permission e blocante fenestras salta-avante non sollicitate.




#Article 191: Karl Marx (376 words)


Karl Heinrich Marx (Treveris, Rhenania prussian, le 5 de maio 1818 – London, Anglaterra, Regno Unite, le 14 de martio 1883, al 64 annos) esseva un intellectual e revolutionario german, fundator del doctrina communista moderne. Ille se establiva in su scriptos como economista, philosopho, historico, theoretico politic, e jornalista.

Con su collaborator Friedrich Engels, Marx ha proposite un «socialismo scientific», basate in un dialectica materialista. Secundo iste theoria, tote le historia esseva un serie de confrontationes inter classes social secundo le conditiones material del societates in qual existeva. Pro exemplo, in societates agrari, se confrontava paisanos e seniores; in illos industrial, se confronta burgesia e proletariato. Marx prediceva que le proletariato vadeva disfacer le regimes burgese alora existente per revolutiones socialista que establirea un societe sin classes trans le mundo.

Le concepto marxista de un dialectica historic es un adaptation del pensata de Hegel, que influentiava multo Marx e cuje vocabulario philosophic Marx usa sovente. Totevia, le application del idea dialectic a grande movimentos social, conceptualisate como le action collective de classes emergente, es toto original a presso de Marx.

Marx e Engels publicava le Manifesto del Partito Communista, lor opera fundamental, in 1848. Travaliante como jornalista, Marx debeva quittar Germania post le suppression del Revolution de 1848. Postea, ille co-fundava le Association International del Travaliatores (1864-1876). Ille laudava le Communa de Paris (1871) como un expression authentic del spirito revolutionari del proletarios.

Marx criticava amermente socialistas «utopic» e anarchistas como le conde de Saint-Simon, Pierre-Joseph Proudhon e Mikhail Bakunin. Le tensiones inter Marx, Bakunin e lor adherentes respective esseva un del causas del dissolution del Association International del Travaliatores.

Le fama de Marx cresceva multo post su morte. Su doctrinas se expandeva in le Partito Social-Democratic de Germania (SPD) e altere grande formationes socialista. Post le revolution bolchevik de 1917, directe per Lenin, marxismo-leninismo deveniva le dogma dominante del Union Sovietic. Altere revolutiones e agitationes communista del seculo 20 ha continuate le expansion del marxismo.

Le pensata de Marx influentia varias areas, tal como philosophia, anthropologia, psychologia, economia, communication, architectura, geographia, e alteres. Ille es le theorista fundamental del socialismo e communismo moderne. In un recerca del radio BBC de London, realisate in 2005, Karl Marx esseva electe le major philosopho de tote le tempores.




#Article 192: Linguistica (274 words)


Le Linguistica ([lin-gwís-ti-ka]; ab le francese linguistique pro scientia del linguas, del latino lingua) es le scientia que studia le linguage, o le lingua human.

Le linguistica, ab le francese linguistique, es le scientia del linguage, existente in le sequentes divisiones: 

In tanto, un linguista es un persona con formation in linguistica. Un persona qui parla varie idiomas es un polyglotto.

Le linguistica studia tote aspectos del idioma o lingua e include subcampos tan diverse como le phonetica, le semantica, le syntaxe, le etymologia, le lexicographia, le linguistica general o theoria del linguistica, le linguistica comparative o historic e le sociolinguistica. Le Interlinguistica que es le studio pro le disveloppamento de un Lingua auxiliar international. (Vide etiam Lingua universal).Le linguistica computational es un nove subcampo que se presenta como un area multidisciplinari inter le linguistica e le informatica.

In Europa, in le Seculo XIX, le linguistica esseva centrate in le historia relative del idiomas Indo-Europee, con le fin de trovar su radices e traciar punctos commun in su disveloppamento. Le interesse in describer le idiomas ha essite aspergite per tote le mundo, e milles de idiomas de tote partes del mundo ha essite analysate in varie grados. Quando iste travalio se disveloppava a commencios del Seculo XX, principalmente in America, le linguistas esseva confrontate con idiomas cuje structura difereva grandemente del idiomas europee familiar, e tunc illes comprendeva que illes necessitava disveloppar un theoria del structura e methodos linguisticos del analyse. Foras de tal interesse se disveloppava le campo que veniva esser cognoscite per le linguistica como Linguistica structural o Structura. Le pioneros in iste effortio includeva Franz Boas, Edward Sapir, e Leonard Bloomfield.




#Article 193: Linux (301 words)


Linux es un nucleo, sed normalmente on se refere con iste nomine a un systema de operation de libere distribution, de software libere (e de codice aperite), ubi le codice fonte es disponible publicamente e omne persona, con le cognoscimento informatic adequate, pote liberemente studiar lo, usar lo, modificar lo e redistribuer lo.

Linux es un systema de operation qui esseva create, initialmente como passatempore, per Linus Torvalds, un juvene studente finlandese del Universitate de Helsinki, con le adjuta de un equipa de hackers in tote le Internet. Torvalds esseva interessate in Minix, un version reducite del systema de operation UNIX, e decideva a disveloppar un systema con characteristicas superior, plus potente.
Le nomine Linux es un fusion del nomine de Linus Torvalds con lo de UNIX.
Le prime version (0.02) de Linux esseva publicate in 1991 e Linus Torvalds continuava a laborar super illo usque 1994 quando ille publicava le version 1.0 del nucleo Linux.

Le nucleo Linux, generalmente combinate con componentes del Projecto GNU e con un ambiente de interfacie graphic basate super X11 pro formar un systema de operation complete, es publicate e distribuite sub le Licentia Public General de GNU, dunque su codice fonte es libere e disponibile a tote le mundo.

Actualmente, centos de companias, organisationes e personas publica lor proprie versiones de systemas de operation basate in Linux.

Le systemas de operation basate super Linux es percipite como tanto functional, multo adaptabile, e robuste que ha illos ha devenite in le principal alternativa al systemas proprietari como Microsoft Windows e UNIX. IBM, Hewlett-Packard, e altere grande companias del industria del computatores, imbracia e appoia actualmente su disveloppamento.

Ben que Linux es adoptate principalmente in servitores, le uso domestic e in officios es in crescimento rapide, como su incorporation directe in microchips de apparatos e dispositivos.




#Article 194: Petroglypho (2848 words)


Petroglyphos (petra + glypho = sculptura) es, secundo LaVan Martineau, le scripturas in un forma de scripto universal usate per le aborigines american que cata puero aboriginal apprendeva de su patre in tempores ancian e mesmo esseva usate per certe aborigines usque al prime decennios de iste seculo.

In le desertos del regiones sud-west del Statos Unite se trova multe canones con muros alte del petra arenari rubie, sculpite del petra per le aquas e ventos durante milliones de annos. In iste terra aride e sic habita hodie certe tribos de populos qui ha descendite del inhabitantes original, qui ha registrate lor presentia in iste terra per pictographos sculpite super le muros de iste canones.

LaVan Martineau esseva un homine de descento europee qui deveniva un membro de un familia aboriginal in Utah quando ille deveniva un orphano. Ille deveniva un orphano quando un juventute in le parve urbe de Cedar City (Citate de Cedros) in le sud de Utah. Evidentemente su patre mesme esseva povre, proque ille habeva prendeva in location un parve casa in un section al margines del urbe inhabitate per plure familias povre del tribo de Paiutes, cuje ancestres esseva le inhabitantes original de iste region. Quando su matre moriva quando ille habeva dece annos e alora su patre moriva alcun pauc annos postea, un ancian Paiute con un bracio singule qui vive in le vicinitate veniva a ille e diceva, Veni a viver con me e sia mi filio, proque tu ha necun loco a que a vader. Con necun relationes interessate in ille, e sin objectiones del autoritates, ille habeva acceptate le invitation. Ille habeva cognoscite iste familias de Paiutes pro multe annos, jocante con le pueros Paiute del vicinitate.

Assi Martineau deveniva un Paiute, apprendente lor lingua, customes, e cantos. Iste nove vita ha apportate le a plure reservationes pro le varie tribos aboriginal. Plure annos plus tarde, quando su interessas in le competition in dansas ceremonial e del guerra del varie tribos apportava le a multe reservationes de indianos, ille apprendeva le lingua universal de signos manual, le mimica gesticulari del indianos que illes usava pro communicar inter tribos qui parlava linguas differente. Iste lingua gesticulari esseva ancora usate per alcunos in le tribos del region, le ute, le arapaho del nord, le comanche, otoe, paunee, e alteres. E ille ha audite historias super le scripturas del petras in le montanias presso le reservationes, que illos ha essite scribite per le Hopi, e per indianos del tribos del planas grande qui invadeva le region in partitas del guerra. E alcunos de iste scripturas super le muros de petra esseva inscribite per lor ancestres proprie. De facto, un ancian Hopi habeva legite alcun del pannellos de glyphos super le muros de petra al latere de un canon, indicante a ille que il ancora habeva alcun parve homines qui pote leger los.

Mais su interessa in le decryption del petroglyphos ha commenciate in 1956 quando in un conversation con un amico anthropologo pro qui ille habeva facite alcun modellos de ancian flechas aboriginal, illes commenciava discuter alcun petroglyphos presso un sito archeologic que su amico ha excavate. Le anthropologo diceva que in su opinion 
le pannellos non esseva le opera del inhabitantes del ruinas que ille habeva excavate, proque le symbolos petroglyphic non appareva super le ceramica trovate al ruinas. Martineau opinava que iste argumento pareva toto sin fundation, e isto ha interessate le in le ver significantia del petroglyphos. Es le alphabeto usate frequentemente como marcas de decoration super le plattas de europeos? Rarmente! E ille esseva stupefacite per le facto que le anthropologo pareva toto disinteressate in le petroglyphos mesme, e ignorava le historias del Paiutes super iste scriptos super le petras. Mais presto in su cerca pro responsas a su questiones super le significantia del petroglyphos ille apprendeva que il habeva pauc informationes super le petroglyphos al varie sitos. E ille habeva timor que iste manco del interessa in discoperir le significantia del petroglyphos ducerea al perdita de lor secreto. Assi ille ha assumite un responsabilitate a continuar su studios del petroglyphos secundo lo que le indianos mesme diceva de illos, un studio que habeva commenciate de facto per scholares europee in le annos initial del nove nation american qui se interessa in le scripto e lingua mimical del aborigines. Inter tanto le informationes date a iste scholares initial esseva ignorate per scholares contemporanee, le anthropologos. E un major motivo pro ille pro studiar le petroglyphos esseva pro redimer le debito que ille habeva al indianos qui habeva devenite su familia.

Mais le destino in le forma del Fortias Aeree del Statos Unite provideva un situation que esseva a provar de adjuta inestimabile in le prosecution de su objecto. Durante su servicio militar con le Fortias Aeree in le Guerra Corean al Centro pro le Controlo del Circulation Aeree, su officina in un cabana Quonset esseva usate in commun con un departimento cryptographic. De plus, septe de su octo cohabitantes de un tenta al campania travaliava in le departimento cryptographic. Presso a iste cryptographos ille ha devenite interessate in lor subjecto, e eventualmente, post haber jam recipite le permission de securitate, ille apprendeva de su companiones del tenta plus sapiente, alcun del varie principios e technicas general del deciframento del cifras. Ille crede que ille esseva multo fortunate obtener iste saper in iste maniera, proque il habeva pauc libros (a aquelle tempore) super le subjecto disponibile a ille.

Lo que iste saper del deciframento habeva inseniate a ille esseva a colliger tote materia possibile del cifras, a formular hypotheses conjectural super le maniera del inciframento, e alora a cercar pro prova objective del conjecturas. Assi ille faceva un effortio major, viagiante como un nomade a ubicunque su exigentias le apportava in le region del sud-west del Statos Unite, durante que ille colligeva schizzos, photographos, e mappas de sitos del pannellos locate per le Statos Unite, Canada e Mexico. (In Utah solmente, ille registrava e mappava 253 sitos pro su studio). Ille cercava pro tote publicationes--ancian e nove--que contineva schizzos, photos, e theorias super iste petroglyphos. Multe amicos in le varie tribos habeva adjutate le per dar le locos a habitar quando ille visitava le varie sitos, su amicos indian expectante nihil in retorno pro lor hospitalitate. Con su ressources magre isto faceva possibile que ille poteva devotar tote su tempore a su recercas. Le cryptanalyse duceva le al veritate ultime que le petroglyphos esseva vermente un scripto de communication e non simplemente le arte expressive. 

In su libro, The Rocks Begin to Speak (Le Petras Commencia a Parlar) ille da su theoria e multe schizzos e photographos. Le libro esseva publicate in 1973 per K C Publicationes de Las Vegas, Nevada, SU. Su editor publica multe libros super le Indianos aboriginal e vende iste libros in museos e magazines touristal devotate al indianos aboriginal in le sud-west del Statos Unite. 

Io es multo impressionate per su theoria e le quantitate de materiales Martineau ha assimilate a provar su theoria. Su theoria es que le pictographos super le petras es un analogo e extension del lingua mimical de gestos manual usate como un lingua universal inter le varie tribos de indianos american aboriginal parlante multe linguas dissimilar. Le methodo de signar mimical es multo ancian e prehistoric. Le syntaxo del lingua de signos gesticular e tam ben del pictographos es agglutinative, significante que signos basic representante conceptos es combinate a in un integritate, un gestalt, cuje significantia pote esser comprehendite solmente per analyser su componentes e lor interrelationes global. Assi un pictographo super le muro de un canon debe esser comprehendite 
como un gestalt e un historia verbal create a interpretar lo. Le pictographo non es le parlantia transformate a signos o symbolos representante parolas. Le signos pictographic representa conceptos in varie relationes.

Multe symbolos super le petras prende le forma de animales. Mais sovente istos non representa le animal depicte, mais attributos characteristic del animal. Per exemplo un symbolo commun ubique es le capra con capite cornate. Le corpore del capra es sovente un forma abstracte como un rectangulo o lente o hemicirculo e iste formas habeva special significantia. Mais generalmente le symbolo capriforme indica un action o motion o direction de motion. Le cornos attachate al capite mesmo ha significantia. Un corno singule extendite in un arco super le dorso del corpore del capra significa un movimento complete, correspondente al signo gesticulari in que le mano es ponite exteriorimente del corpore in un grande arco. In contrasto le concepto gesticulari de coperir es a facer le mano in le forma immobile de un cuppa invertite. Cata signo monstra un arco, mais le un es facite in motion, le altere immobile. A distinguer le un del altere pictographicamente, on exprime le arco mobile per facer lo como le sol corno de un capra, le arco immobile per un arco solo. Le capra con duo cornos o arcos symbolisa que alco ha essite removite, subtrahite, levate, o distaccate (per un colpa), o que nihil existe a impedir le movimento o le viage. In le lingua gesticulari le signo pro isto es a passar rapidemente le palma del mano dextere secundo le longor del bracio sinistre como si a remover alco de illo. Le bracio sinistre es representate pictographicamente per un corno, e le motion secundo su longor, per le altere, con le spatio inter illos indicante nihil illac. Un pictographo inscribite super un muro de petra per un Paiute qui habeva vadite per traino ferroviari al est, monstrava un pictura de un traino, e supra le connection pro accopular duo carros ille inscribeva un capra con duo cornos, affrontante al direction contrari al locomotivo. Martineau interpreta isto a significar que le carros pote esser distaccate le un de le altere. Altere symbolos es basate super altere signos in le lingua gesticulari. Per exemplo, un parve circulo continente un puncto singule ha duo curte lineas parallel extendite del latere del circulo a basso al sinistre. Le circulo con le puncto significa un cavo plen del aqua. Le duo lineas corresponde al signo gesticulari ubi on orienta le prime e secunde digitos del mano con altere digitos claudite verso su oculos pro indicar le concepto reguarda!. Assi le signo pictographic describite aqui significa Reguarda un cavo plen del aqua!. 

Le prime successo de Martineau in provar a ille le significantia de certe signos super le petras veniva quando ille trovava certe symbolos isolate super petras in le varie canones in le contato de Washington in Utah. A circa 120 sitos que ille vistava personalmente, ille trovava signos isolate super petras que significava le presentia de pannellos de signos alcun distantia del tracia. Le signos super le petras al latere del tracia esseva locatores, dante le directiones al pannellos grande continente multo plus de informationes. On pote sequer le directiones a iste locos al grande pannellos. 

Un del symbolos esseva duo punctos, le un supra le altere. Quando on face un linea inter le punctos e extende lo exteriorimente, on trovara a un distantia plus pares de punctos a altere petras, e illos in torno, duce a altere pares de punctos, etc. Illo es como si le duo punctos representa duo oculos, dirigente vostre oculos per le linea imaginari inter illes a un altere location ubi un altere signo esserea locate. 

Le secunde signo de que ille discoperiva le significantia esseva un linea directe, que tam ben dirigeva se directemente a un pannello celate. Ille dava originalmente le significantia de vade in iste direction a iste signo, o solmente vade. Plus tarde ille realisava que iste signo esseva plus como un digito orientante del mano. In alcun casos illo pareva como un homine sin le bracios e pedes, significante le numero un. E ille trovava iste mesme symbolos in regiones inhabitate per culturas differente, indicante le universalitate de illos. 

Un altere symbolo esseva un spiral concentric, commenciante a un puncto central e spirante expansivemente in le senso contrahorologic. Isto sovente indicava vade supra. Su opposite, un spiral spirante expansivemente de un centro in le senso horologic, indicava vade a basso. Isto locava pannellos a basso de illo. 

Un altere symbolo esseva un cruce, indicante que on debe cruciar o transversar alco a trovar le pannello. 

Un altere symbolo esseva un ) que significava que on debe vader circa alco a trovar le pannello. Un symbolo como le numeros un 1 o 7 indicava que alco esseva proxime a iste sito. Duo parve circulos, le un supra le altere, esseva oculos aperite, indicante a reguardar. In un caso le duo oculos esseva al latere de le un le altere presso le alto de un petra, e isto indicava reguardar al alto del collina. 

Istos esseva le prime symbolos decifrate per ille. E le prova de lor significantia esseva demonstrate independentemente a altere sitos ubi signos similar esseva trovate, dirigente le lector a un altere sito in le vicinitate ubi on trovava un pannello de signos, o aqua, un fonte, locos concelate, etc.. 

In certe casos le signos representava lineas de direction, un tracia a sequer, p.e. a trovar un cavo in un petra que retene le aqua presso a iste loco. Istos esseva signos del tracia, dante direction al viagiator ubi a trovar iste o aquelle cosa. A vices le location super un petra del symbolo representava un similar location in le vicinitate. Un vice Martineau trovava un spiral expandente in senso horologic al alto de un petra. Isto esseva presso un sito del ruina de un pueblo (casa aboriginal facite de petras o blocos de terra o solo intermixite con palea) al latere de un collina. Le spiral significava veniente a basso, alco veniente a basso del alto del collina. E un linea se extendeva del spiral inter duo punctos inscripte. Le duo punctos per que iste linea passa indica a passar per o inter, in le mesme maniera como le mesme concepto es exprimite in le lingua mimical. Al fin del linea esseva un expansion del linea, indicante le augmentation del cosa del alto del collino. Su interpretation esseva que isto representa un torrente subite que habeva venite del alto del collino, alco commun in iste terra quando in le estate le tempore mal apporta le inundation subite con le pluvia intense. A presso de iste petra esseva un altere petra con le symbolo de un homine invertite, que in le pictographia del aborigenes del est del Statos Unite, significa le morte. Alcuno ha essite occidite per le torrente de aqua del alto del collino. Il habeva evidentia de facto de iste torrente in erosion al sito. Le signos esseva advertimentos contra le periculo de un torrente subite a iste loco. 

Mais istos esseva solmente su prime successos in decifrar le petroglyphos del sud-west. Ille discopriva inscriptiones petroglyphic a sitos inscribite in tempores historic per le aborigines que habeva parallelos conservate in le scripturas de europeos super le mesme evento. Un de istos es un sito a Canon de Chelly in Nove Mexico, ubi in 1863 le soldatos del homines blanc sub direction de Kit Carson habeva venite in hiberno super cavallos a fortiar le Navahos celante se illac a vader a Forte Sumner in est Nove Mexico. Martineau presenta un detaliate interpretation de un inscription elaborate inscribite super un muro del canon per un Navaho qui recontava le historia. Ille monstra como alcun del symbolos es prendite de signos del lingua mimical, durante que alteres ha clar significationes de altere sitos. Un altere inscription in le contato de Washington in Utah pertine a un incontro inter le aborigines e Patre Escalante, un Franciscan qui explorava le region de Utah inter 1776-1777. 

Nos ha le diario de Patre Escalante, e nos ha le inscription aboriginal, e nos pote verificar le interpretation que Martineau dava del inscription mural. 

Isto es un de multe exemplos del Petra de Rosetta, disponibile a nos pro verificar le interpretationes del inscriptiones aboriginal, similar al inscriptiones usate per Champollion a decifrar le hieroglyphicos per correlar los con inscriptiones in le grec. 

Martineau ha compilate listas de symbolos e lor significantia prendite del petras del sud-west. Su conclusion es que le petroglyphos es un systema del scripto, de communication, e non picturas expressive. Alcun del symbolos es trovate in le scriptos del Mayas e le Aztecas. Per exemplo, le guerra es significate per un X, duo punctos de flechas contra le un le altere, in non solmente le signos del aborigines de Nove Mexico e Utah, mais in le signos del Aztecas. Le scripto complexe del Mayas e Aztecas possibilemente evolveva de iste scripto universal del aborigines del America del Nord. 

Multe symbolos ha parallelos in le lingua mimical universal usate per le aborigines a communicar quando tribos de linguas differente se incontrava le un le altere. Saper del usage de e le lingua mimical e le pictographia super le petras esseva importante al homine adulte in iste culturas ancian, un saper inseniate de un patre a su filio de un generation al sequente, e possibilemente le saper de un scripto e lingua universal le plus ancian del mundo. 




#Article 195: Latino sine flexione (1281 words)


Latino sine flexione (LSF) es le lingua auxiliar de Giuseppe Peano (1858 - 1932), italiano e professor universitari de mathematica. Ille lo proponeva in 1903 in su Revue de Mathematiques. Peano opinava que le latino pote functionar con un minimo de grammatica, o como ille diceva: sin flexiones, i.e. sin desinentias de casos, sin desinentias personal in le conjugation de verbos, sin generes e sin formas distincte pro le plural. Le declination es superflue, nam le casos pote esser indicate e reimplaciate per prepositiones e le accusativo per le ordine del parolas. Le generes son superflue, al minus in le adjectivos. 

In 1910 se constitueva le Academia pro Interlingua como successor del Akademi internasional de lingu universal, que habeva propagate Idiom Neutral del ingeniero Waldemar Rosenberger. Le nomine Interlingua esseva usate como un nomine general pro linguas auxiliar tractate in le Academia e Latino sine flexione esseva un de illos. 

Le obra de Peano ha trovate plure succesores, construente linguas basate super latino: Semi-Latin (1910), Simplo (1911), Novi Latine (1911), Latinulus (1919), Interlingua de Semprini (1922), Interlingua Systematic (1922), Unilingue (1923), Monario (1925), Latino Viventi (1925), Panlingua (1938), Mondi Lingua (1956) 

Patre nostro, qui es in celos, que tuo nomine fi sanctificato. Que tuo regno adveni; que tua voluntate es facta sicut in celo et in terra. Da hodie ad nos nostro pane quotidiano. Et remitte ad nos nostros debitos, sicut et nos remitte ad nostros debitores. Et non induce nos in tentatione, sed libera nos ab malo.

Nostro Academia es libero ad omne opinione. Nos habe gustu differente, proveniente ab diversitate de patria, de studio, de occupatione. Si post studio et discussiones, socios non es concorde super ullo propositione, hoc significa que es quaestione de gustu, de que non es disputando; aut que quaestione non es satis maturo, et debe es translato ad tempore meliore. In omne casu es bene que deliberationes de Academia contine non solo idea de majoritate, sed et de minoritate sufficiente. Illos que vol lingua sine variantes, pote seque opinione de majoritate.

Ecce quale spiritu de tolerante reciproco respectu regna in Academia, in praeterito es hodie.

Homo vide que Academia limita suo deliberationes ad punctos super que opiniones de socios es concorde, que ceterum, es puncto fundamentale. Via optimo, ut perveni ad concordia etiam super alio punctos, consiste in libertate pro omne socio de adopta et experimenta in practica, quod illo reputa bono et utile ad redde lingua semper plus perfecto. In isto questiones plus quam discussione in theoria, es utile applicatione in practica, et prof. Peano repete saepe isto monito, et semper invita qui fac aliquo propositione, ut simil da exemplos ex quales resulta necessitate aut utilitate de propositione ipso.

Socios tracta de omne quaestione relativo ad lingua auxiliare — vocabulario, orthographia, grammatica — et discussiones, non obstante omne diversitate de opinione, es semper quale debe es omne discussione scientifico: id es, libero, sed sereno et elevato, cum spiritu de maximo tolerantia et de pleno reciproco respectu. Quale exemplo ad plure critico de hodie, que crede de adjuva systema que illos praefer cum offende alios.

(Linguas de Europa, ab anglo ad italo, ab hispano ab russo, habe magno vocabulario commune, cum origine in latino, in graeco, in indoeuropaeo.)

Peano comencia in latino classic. Iste lingua, ille dice, gaudeva de uso international usque al fin del 18ve seculo, ma hodie multos lo considera troppo difficile. Fortunatemente, un parte solo del lingua suffice pro exprimer non importa qual idea.

Le latino exprime le casos grammatic de substantivos con postpositiones o desinentias (terminationes) e anque con de, ad, ex, e altere prepositiones. Le secunde methodo suffice, como in le latino popular e le linguas romance. Que nos dunque abandona le flexiones del substantivo e fide nos a prepositiones e al ordine de parolas. Le regulas que Peano suggere pro establir le forma invariabile del substantivo resulta, generalmente, in o le caso nominative o le caso ablative del latino. Ille suggere le mesmo pro pronomines.

Sequente su proprie suggestion ab iste puncto, como ille seque cata suggestion ulterior, Peano abandona le flexiones de caso grammatic. Anque, sin perdita de signification, on pote abandonar le generes grammatic (masculin, feminin, e neutre); on los conserva solo in alicun pronomines. In general on non distingue inter le numeros singular e plural; sed quando necessari, on pote scriber explicitemente un, plure, etc.

Pois Peano remove le flexiones del verbo secundo persona, tempore, e modo. Si le contexto non suffice pro indicar le passato o futuro, on emplea adverbios.

Peano non aboli inequivocamente le participios presentate, passate, e futur e le gerundio del verbo, ma il demonstra que on pote evitar los (e anque le desinentia del passivo) per prepositiones relative.

Le vocabulario de LsF contine non solo le parolas classic in forma standardisate ma anque le vocabulario scientific international (metro, dyne) e cata parola que se trova in duo del linguas neolatin. Pro le pronunciation, Peano prefere retener illo del latino classic.

Peano vole simplificar le derivation de parolas. On evita substantivos diminutive per adjectivos. Pro un substantivo abstracte derivate ab un adjectivo o ab un verbo, le forma del adjectivo o verbo suffice. Pro un adjectivo derivate ab un substantivo, il suffice le phrase genitive. Un adverbio derivate ab un adjectivo conserva le mesme forma, sin adder -mente. Multe parolas composite ab parolas simple se pote evitar per periphrase.

Duo differentias principal distingue le prime interlingua—Peano empleava anque iste nomine—e le interlingua de IALA.

Primo, Peano conserva un vocabulario plus archaic: on pote usar omne parola trovate in un dictionario latin. Totevia, ille admitte omne parolas moderne international e anque—presumibilemente como formas parallel—omne parolas occurrente in al minus duo del linguas romance.

Secundo, Peano seque resolutemente su sentiero quasi chinese verso le abolition del grammatica, ben que le interlingua de IALA conserva le genere e le casos [genitive e dative/accusative in su pronomines personal]; le plural de substantivos e pronomines [personal]; le articulos definite e indefinite; e le tempore del verbo, le forma del infinitivo, e le modo conditional. Illo non seque Peano in assimilar ad in un singule forma le parolas usate como substantivos, verbos, adjectivos, e adverbios. On pote arguer que iste tractos del lingua de IALA, que in omne caso infringe minimemente le regularitate, es assatis utile a recompensar amplemente le minime pena de apprender los.

Nascite in 1858, Peano deveniva professor de mathematica al Universitate de Turin, ubi ille inseniava usque su morte al etate de 73. Ille se specialisava in le logica symbolic e anque in le calculo, le geometria analytic, methodos vectorial, e le fundationes de mathematica.

In 1912 Peano voleva presentar un discurso in LsF al Quinte Congresso International de Mathematicos in Cambridge (Anglaterra). Le regulationes permitteva discursos solo in anglese, francese, germano e italiano. Ille affirmava alora que su LsF esseva le italiano; ma iste tactica non succedeva, e ille debeva parlar in ver italiano. Al congresso de Mathematicos in Toronto (Canada) in 1924, totevia, on le permitteva pronunciar su discurso in LsF.

In 1924 Peano annunciava in Circulare, le jornal de su Academia, le establimento del International Auxiliary Language Association in le Statos Unite. Alice Morris (le sra. Dave H. Morris), mecenate de IALA, deveniva membro del Academia pro Interlingua e membro, in o ante 1927, de su consilio directive. IALA le commemorava in su session de novembre, 1932, mentionante lor frequente contactos per litteras.

Le labores de Peano e de IALA es un exemplo de grande mentes qui arriva a essentialmente le mesme resultato per vias diverse. Le grande idea es non fabricar un interlingua ma trovar o extraher illo jam existente. Si ille viveva ancora, Peano esserea securmente un bon alliato nostre.

(publicate in Panorama in interlingua, No. 4, julio-augusto, 1994)




#Article 196: Lingua Franca Nova (779 words)


Le Lingua Franca Nova o LFN es un lingua artificial create per le doctor C. George Boeree del Universitate de Shippensburg in Pennsylvania. Le lingua se basa super le francese, le italiano, le portuguese, le espaniol e le catalano. Illo se pronuncia phoneticamente, e se scribe con 21 litteras, o del alphabeto latin, o del alphabeto cyrillic. 

Su grammatica es le de un creollo latin, multo simplificate. 

C. George Boeree habeva comenciate a laborar super le lingua in 1965. Su objectivo esseva crear un lingua international que esseva simple e similar al creollos. Ille habeva in mente le lingua franca, un pidgin utilisate circum le Mediterraneo medieval.

Le LFN appareva in Internet in 1998. Un gruppo Yahoo esseva initiate in 2002 per Bjorn Madsen. Stefan Fisahn creava tamben un wiki dedicate a iste lingua in 2005 (vide subtus). Presentationes e altere textos son disponibile in 12 linguas. Il es possibile trovar tamben varie dictionarios, un manual, e textos (traductiones e textos original).

LFN normalmente se scribe con le alphabeto latin. Un scriptura parallele usante le alphabeto cyrillic es disponibile tamben:

Le vocales del LFN (a, e, i, o, u) se pronuncia como in espaniol, italian e interlingua. Le diphthongos es ai , au , eu e oi  (como in thai, blau, Europa e appoio respectivemente).

Le litteras i e u es usate como semivocales ( e ) ante un vocal al initio de un parola, inter plure vocales e in cu e gu ante un vocal alsi. Le littera n se pronuncia como in attinger () ante g e c, e in -ng al fin de un parola. Le litteras e e o pote variar in pronunciation, como indicate supra per tildes (~).

Ben que le accento tonic non es phonemic in LFN, le majoritate del parolas es accentuate super le vocal o diphthongo ante le ultime consonante (e.g. CA-sa, a-be-ON, BA-ia). Parolas sin un vocal ante le ultime consonante es accentuate sur le prime vocal (e.g. TI-o). Parolas se finiente in diphthongo es accentuate sur iste diphthongo (e.g. ca-CAU). Parolas se finiente in le duple vocales ae, ao, ea, eo, oa, oe o ui es accentuate sur le prime de iste vocales (e.g. i-DE-a). Le addition de -s o -es pro nomines plural non altera le accento tonic. 

Le litteras k, q, w e y (ka, qua, wa e ya) es disponibile pro parolas e nomines proveniente de altere linguas. Allophonia es considerate acceptabile.

LFN es un lingua de typo SVO (subjecto - verbo - objecto). Modificatores grammatic es generalmente placiate post lo que illos modifica; locutiones prepositive e propositiones subordinate alsi.

Ultra le plural in -s o -es, nomines es invariabile. Le function de un nomine in un phrase es determinate per le ordine del parolas e le prepositiones. Il ha 22 prepositiones, tal como a, de, en (in) e con.

Nomines es in general precedite per un articulo definite (la) o indefinite (un) o altere determinantes como esta (iste), acel (ille), alga (alicun), cada (cata, omne), multe e poca (pauc). Adjectivos possessive, numeros cardinal e le adjectivos bon e mal precede le nomine anque; ordinales lo seque. Varie pronomines es identic a o derivate de determinantes.

Le pronomines personal es invariabile: 

El es usate pro gente e plus grande animales; Lo es usate pro toto altere. On es usate similarmente a on in interlingua e francese o man in german.

Pro le pronomines del prime e secunde personas, le reflexives es identic al pronomines normal, mais le adjectivos possessive es mea (mi), tua (tu), nosa (nostre) e vosa (vostre). Pro formar le pronomines possessive, on usa la sequite per le adjectivo possessive (per exemplo, la mea).

Se es le pronomine reflexive del tertie personas singular e plural. Le adjectivo possessive del tertie personas singular e plural es sua.

Verbos es invariabile. Le verbo illo mesme representa le tempore presente e le infinitivo. Altere tempores e modos de conjugation es indicate per un particula ante le verbo:

Adverbios como ja (jam) e verbos auxiliari como comensa (comenciar) permitte de adder precision. Le participio active (presente) fini in -nte e le passive (passate) in -da. Illos se pote usar con es (esser) pro formar le aspecto progressive e le voce passive respectivemente.

Adjectivos es invariabile e adverbios es identic al adjectivos correspondente. Adjectivos es placiate post nomines durante que adverbios es placiate post verbos mais ante adjectivos. Le comparative es formate con plu (plus) e min (minus), le superlative con la plu e la min.

Questiones es formate per adder esce (esque/an) al initio del phrase o usar un del plure parolas interrogative como cual (qual), ci (qui), do (ubi), cuando (quando) e perce (pro qual ration).

(Lo=Illo)




#Article 197: Latino Moderne (157 words)


Le latino moderne es un lingua construite per David Stark in 1996. Ille se basava in le Interlingua de IALA, imprestante le vocabulario con pauc modification, sed extendente multo le grammatica, incorporante cosas como le declination del verbos secundo le persona, le genere grammatic (masculino e feminino) e le accordo in numero e genere inter substantivos e adjectivos. Assi, le Latino Moderne de Stark es essentialmente le Interlingua de IALA con un grammatica plus complexe.

Le mesme appellation designa in Europa un altere dialecto de Interlingua, simplificate, aspirante a un comprension immediate sin studio anterior pro le miliardo de locutores del diverse idiomas neo-latin (cf. discussion del presente articulo + infra ligamine externe : Lingua latin moderne). 

Necun communitate de parlantes active del Latino Moderne de David Stark es actualmente cognoscite. 
Quanto al altere, se contenta esser comprendite e non desira que multe gente lo apprende (solmente su utilisantes professional).

E in le secunde Latino Moderne :




#Article 198: Lojban (301 words)


Le lingua artificial Lojban esseva create per le Logical Language Group in 1987, illo es derivate ab un projecto previe: Loglan. Illo es un lingua constructe (conlang), un idioma human syntaxicamente inambigue basate super logica predicate. Le nomine Lojban es un combination de loj e ban, lequales son abbreviaturas de logji (logica) e bangu (lingua), respectivemente. Su motivo es le melioration de Loglan, in facer le lingua logic plus complete, plus usabile e plus aperte al publico. Le Lojban ha iste mesme punctos in parallelo con Loglan:

Durante que le proposito initial del projecto Loglan esseva investigar le Hypothese de Sapir-Whorf, le communitate active de Lojban ha propositos additional pro le lingua:

Lojban ha tres partes del systema grammatical del phrase: un appellate brivla pro substantivos e verbos, un altere appellate cmene pro nomines o substantivos personal, e un plus cmavo pro particulas structural, articulos, numeros, indicatores de tempore grammatical e altere modificatores grammatical. Le cmavo se subdivide in selma'o, le qual es plus proxime al notion de partes del phrase (e.g. UI include interjectiones e partes discursive). 

(Ecce le Patre Nostre in Lojban)

 le xisyctu jdaselsku be la jegvon. (ni'o)
    doi cevrirni .iu noi zvati le do cevzda do'u
    fu'e .aicai .e'ecai lo do cmene ru'i censa
    .i le do nobli turni be la ter. ku se cfari
    .i loi do se djica ba snada mulno vi'e le cevzda .e .a'o la ter.
    (.i do nobli turni vi'e le cevzda .ebazake .a'o la ter.)
 (.i loi do se djica ba snada mulno vi'e le cevzda .e .a'o la ter.)
    .i fu'e .e'o ko dunda ca le cabdei le ri nanba mi'a
    .i ko fraxu mi loi ri zu'o palci
    .ijo mi fraxu roda poi pacyzu'e xrani mi
 .i ko lidne mi fa'anai loi pacyxlu
    .i ko sepri'a mi loi palci




#Article 199: Linguage de programmation (2642 words)


Un linguage de programmation es un technica de communication standardisate pro exprimer instructiones a un computator. Illo es un collection de regulas syntactic e semantic usate pro definir programmas de computatores. Un linguage permitte que le programmator specifica con precision super qual typos de dato un computator operara, e que actiones exequer sub varie circumstantias.

Le proposito principal del linguages de programmation es permitter que le programmatores exprime lor intento a un computator de un maniera plus facile que per medio de un linguage de basse nivello o codice de machina. Pro iste ration, le linguages de programmation generalmente es designate pro usar syntaxe de alte nivello, que pote esser facilemente communicate o comprendite per programmatores human. Le linguages de programmation es instrumentos importante pro adjutar ingenieros de software a scriber programmas melior plus rapido.

Comprender linguages de programmation es crucial pro le personas ingagiate in informatica proque hodie tote le typos de computation es realisate con linguages de computator.

Durante le ultime decades, un grande numero de linguages de computator ha essite create, ha substituite le unes le alteres, e ha essite modificate/combinate.
Ben que il ha habite plure tentativas de facer un linguage de computator universal que servi a tote le propositos, tote illos ha fallite. Le necessitate de un gamma significative de linguages de computator es causate per le facto que le proposito del linguages de programmation varia desde le disveloppamento de software commercial al uso scientific o como hobby; le discrepantia de competentia inter novicios e expertos es immense, e alcun linguages es excessivemente difficile pro novicios; le programmatores ha preferentias differente; e finalmente, le costo acceptabile de tempore de execution pote esser multo differente pro programmas executante in un microcontrolator e programmas executante in un supercomputator.

Il ha multe linguages de proposito special, pro uso in situationes special: PHP es un linguage de programmation de scripts specialmente apte pro disveloppamento pro le Web; Perl es convenibile pro manipulation de textos; le linguage C ha essite amplemente usate pro le disveloppamento de systemas de operation e compilatores (le assi-nominate programmation de systemas).

Le linguages de programmation rende le programmas de computatores minus dependente de machinas e ambientes particular. Isto occurre proque le linguages de programmation es convertite in codice de machina specific pro un machina particular in vice de esser executate directemente per le machina. Un objectivo ambitiose de FORTRAN, un del prime linguages de programmation, era iste independentia de machina.

Le majoritate del linguages pote esser e compilate e interpretate, mais le majoritate functiona melior con o le un o le altere methodo. In alcun systemas de programmation, le programmas es compilate in multiple stadios, in un varietate de representationes intermediari. Typicamente, le stadios posterior del compilation es plus proxime al codice de machina que le stadios initial. Un variation commun de iste strategia de implementation, usate le prime vice per BCPL in fines del decade de 1960, era compilar programmas in un representation intermediari appellate O-code pro un machina virtual, que era posteriormente compilate pro le machina real. Iste strategia successose era usate posteriormente per Pascal con le P-code e per Smalltalk con le byte code, ben que in multe casos le codice intermediari era interpretate in vice de esser compilate.

Si le mechanismo de traduction usate traduce le texto del programma como un toto e alora executa le formato interne, iste mechanismo se denomina compilation. Consequentemente , le compilator es un programma que recipe le texto del programma legibile per humanos (denominate codice fonte) como dato de entrata e produce codice objecto como exita. Le codice objecto resultante pote esser un codice de machina que essera executate directemente per le UCP del computator, o illo pote esser un codice conforme al specification de un machina virtual.

Si le codice del programma es traducite in tempore de execution, con cata passo traducite essente executate immediatemente, le mechanismo de traduction es denominate interpretation. Le programmas interpretate usualmente executa plus lentemente que le programmas compilate, mais illos ha plus flexibilitate proque illos es capace de interager con le ambiente de execution. Vide linguage interpretate pro detalios. Ben que le definition non es identic, istes typicamente cade in le categoria de linguages de programmation de scripts.

Cata linguage de programmation pote esser imaginate como un collection de specificationes formal referente a syntaxe, vocabulario e significato.

Usualmente iste specificationes include:

Le majoritate del linguages que es amplemente usate, o ha essite usate per un considerabile periodo de tempore, ha organos de standardisation que se reuni regularmente pro crear e publicar definitiones formal del linguage, e discuter le extension o supplementation del definitiones ja existente.

Internemente, tote le datos in un computator digital moderne es immagazinate simplemente como statos active-inactive (binari). Typicamente le datos representa informationes del mundo real, tales como nomines, contos bancari e mesuras, e assi le datos binari de basse nivello es organisate per le linguages de programmation in iste conceptos de alte nivello.

Le systema particular per le qual le datos es organisate in un programma es le systema de typos del linguage de programmation; le designo e le studio del systemas de typos es denominate theoria del typos. Le linguages pote esser classificate como de typage static o de typage dynamic. Linguages de typage dynamic pote esser ulteriormente subdividite in linguages que manifesta typos, ubi cata declaration de variabile e function ha su typo declarate explicitemente, e linguages de typo inferite. Es possibile realisar un inferentia de typos in programmas scribite in un linguage de typage dynamic, mais es equalmente possibile scriber programmas in iste linguages que rende le inferentia de typos impracticabile. A vices le linguages de typo inferite e de typage dynamic es denominate de typage latente.

Con linguages de typage static usualmente il ha typos predefinite pro elementos de datos individual (tales como numeros intra un certe intervallo, catenas de litteras, etc.), e le valores nominate programmaticamente (variabiles) pote haber un sol typo fixe, e permitter certe operationes: numeros non pote devenir nomines e vice versa. Exemplos de tal linguages es: C, C++ e Java.

Le linguages de typage dynamic tracta tote le positiones de datos intercambiabilemente, de maniera que operationes improprie (como summar nomines o ordinar numeros alphabeticamente) non causara errores usque al tempore de execution. Exemplos de tal linguages es: Lisp, JavaScript, Tcl e Prolog.

Le linguages de typo inferite superficialmente tracta tote le datos como si illos non ha un typo, mais de facto illo face un analyse sophisticate del maniera como le programa usa le datos pro determinar que operationes elementar es effectuate super le datos, e finalmente deduce que typo le variabiles ha in tempore de compilation. Le linguages de typo inferite pote esser plus flexibile a usar, durante que illos crea programmas plus efficiente; totevia, iste capacitate es difficile de includer in le implementation de un linguage de programmation, assi illo es relativemente rar. Exemplos de tal linguages es: MUMPS e ML.

A vices le linguages de typage static es denominate [type-safe] o fortemente typate, e le linguages de typage dynamic es denominate [untyped] o debilemente typate; confundentemente, le mesme terminos tamben es usate pro referer se al distinction inter le linguages in le quales es impossibile usar un valor como un valor de altere typo e possibilemente corrumper datos de un altere parte del programma o inducer le systema al collapso, e le linguages in le quales es possibile facer lo. Exemplos de linguages fortemente typate es: Eiffel, Oberon, Lisp, Scheme, linguage de assemblage, C++ e le majoritate del implementationes de Pascal.

Le majoritate del linguages tamben provide manieras de construer structuras de datos complexe desde typos elementar e associar nomines a iste nove typos combinate (usante arrangiamentos, listas, pilas, files).

Le linguages orientate a objectos permitte que le programmator defini typos de datos denominate objectos que ha lor proprie functiones e variabiles intrinsec (respectivemente denominate methodos e attributos). Un programma que contine objectos permitte que le objectos opera como subprogrammas indepentente mais interagente: iste interaction pote esser designate in tempore de codification pro modelar o simular objectos interagente del mundo real. Iste es un functionalitate multo utile e intuitive. Linguages tal como Python e Ruby se ha disveloppate como linguages OO (orientate a objectos). Illos es relativemente facile de apprender e usar, e gania popularitate in le circulos de programmation professional, essente equalmente accessibile a non professionales. Iste linguages plus intuitive ha augmentate le disponibilitate public e le poter del applicationes de computator personalisate.

A parte de quando e como le correspondentia inter expressiones e typos es determinate, il ha tamben le question crucial de que typos le linguage defini del toto, e que typos illo permitte como valores de expressiones (valores expresse) e como valores nominate (valores denotate). Linguages de basse nivello como C typicamente permitte que le programmas nomina positiones de memoria, regiones de memoria, e constantes de tempore de compilation, durante que illo permitte que le expressiones retorna valores capace de conformar se intra le registros del machina; le C de ANSI extendeva isto, permittente que le expressiones retornava valores struct tamben. Le linguages functional frequentemente permitte que le variabiles nomina valores computate in tempore de execution directemente in vice de nominar positiones de memoria ubi valores pote esser immagazinate. Le linguages que usa collecta de immunditias es libere pro permitter structuras de datos arbitrarimente complexe e como valores expresse e como valores denotate.

Finalmente, in alcun linguages, proceduras es permittite solo como valores denotate (illos non pote esser retornate per expressiones o ligate a nove nomines); in alteres, illos pote esser passate como parametros a subroutines, mais non pote alteremente esser ligate a nove nomines); in alteres, illos es liberemente usate como qualcunque valor expresse, mais nove proceduras non pote esser create in tempore de execution; e in ancora alteres, illos es valores de prime classe que pote esser create in tempore de execution.

Post que le datos ha essite specificate, le machina debe esser instruite a proposito de como effectuar operationes super le datos. Declarationes elementari pote esser specificate per medio de parolas clave o esser indicate per medio de un structura grammatical ben definite. Cata linguage prende unitates de iste declarationes ben comportate e los combina per medio de un systema de ordination. Dependente del linguage, existe methodos differente de aggruppar iste declarationes elementari. Isto permitte scriber programmas que es capace de coperir un grande varietate de datos de entrata, in vice de esser limitate a un micre numero de casos. Additionalmente, ultra le instructiones de manipulation de datos, altere instructiones typic de un linguage es illes usate pro controlar le processamento (ramificationes, definitiones per casos, ciclos, backtracking, composition functional).

Le nucleo del idea de referentia es que il debe haber un methodo de designar spatios de immagazinage indirectemente. Le methodo le plus commun es per medio de variabiles nominate. Dependente del linguage, un indirection ulterior pote includer referentias que es punctatores a un altere spatio de immagazinage immagazinate in tal variabiles o gruppos de variabiles. Similar a iste methodo de nominar spatios de immagazinage es le methodo de nominar gruppos de instructiones. Le majoritate del linguages de programmation usa invocationes de macros, invocationes de proceduras o invocationes de functiones como le declarationes que usa iste nomines. Usar nomines symbolic de iste maniera permitte que un programma acquire un flexibilitate significative, assi como un alte grado de reusabilitate. Referentias indirecte a programmas disponibile o divisiones de datos predefinite permitte que multe linguages orientate a applicationes integra operationes typic como si le linguage de programmation los includeva como instructiones de alte nivello.

Pro le propositos mentionate previemente, cata linguage ha essite disveloppate usante un designo o philosophia special. Un o altere aspecto es particularmente accentuate per le maniera como le linguage usa le structuras de datos, o per le qual su notation special incoragia certe manieras de resolver problemas o exprimer lor structura.

Proque le linguages de programmation es linguages artificial, illos require un alte grado de disciplina pro specificar con precision qual operationes es desirate. Le linguages de programmation non es tolerante a errores; totevia, le onere de recognoscer e usar le vocabulario special es reducite per messages de adjuta generate per le implementation del linguage de programmation. Il ha alcun linguages que offere un alte grado de libertate in permitter automodification, in le qual un programma rescribe partes de se mesme pro tractar nove casos. Typicamente, solo le linguage de machina e membros del familia Lisp (Common Lisp, Scheme) provide iste capacitate. Alcun linguages tal como MUMPS e Perl permitte le modification de structuras de datos que contine fragmentos de programma, e provide methodos pro transferer le controlo del programma a iste structura de datos; linguages que supporta ligation e carga dynamic tal como C, C++, e linguage Java pote emular automodification per incorporar un micre compilator o invocar un compilator externe e ligar le codice objecto resultante. Le interpretation de codice per medio del recompilation in tempore real es denominate recompilation dynamic; emulatores e altere machinas virtual exploita iste technica pro attinger un melior rendimento.

Il ha varie manieras de classificar linguages de programmation. Le distinctiones non es precise; un linguage particular pote esser implementate in multiple classificationes. Per exemplo, un linguage pote haber implementationes e compilate e interpretate.

Frequentemente Charles Babbage recipe le credito pro designar le prime machinas similar a computatores, que habeva varie programmas scribite pro illos (in le equivalente de un linguage de montage) per Ada Lovelace.

Alan Turing usava le concepto theoric de un machina de Turing que se comportava in principio sub tote le aspectos relevante como le computatores moderne, conforme al programma de basse nivello que es introducite.

In le decade de 1940 quando le prime computatores era create, le programmatores debeva operar le machinas a mano. Avantiamentos in le technologia electronica in le initio del seculo 20 duceva al construction de computatores electronic practic. In ille tempore, le computatores era extrememente grande e dispendiose. Solo Konrad Zuse imaginava le uso de un linguage de programmation (finalmente disveloppate como Plankalkül) como illos de hodie pro resolver problemas.

Disveloppamentos subsequente in le technologia electronic (transistores, circuitos integrate e microchips) propelleva le disveloppamento de computatores plus digne de confidentia e usabile, con varie linguages de programmation standardisate pro executar super illos. Isto duceva al disveloppamento exponential massive que resultava in le Internet, le ubiquitate del computatores personal, e le accessibilitate augmentate de linguages de programmation de computatores tal como Python, Visual Basic, etc.

A mesura que le costo del computatores ha cadite significativemente e le complexitate del programmas de computator ha augmentate dramaticamente, ha devenite evidente que le tempore de disveloppamento es plus valorose que le tempore de computation.

Nove ambientes de disveloppamento visual e integrate ha apportate un clar progresso. Illos ha reducite le dispensa de tempore, moneta (e nervos). Frequentemente le regiones del schermo que controla le programma pote esser arrangiate interactivemente. Fragmentos de codice pote esser invocate simplemente per cliccar super un controlo. Le labor tamben es facilitate per componentes prefabricate e bibliothecas de software con codice reusabile.

Linguages recente emphatisa nova functionalitates, como {mix-ins}, delegation, e aspectos.

Le methodologia orientate a objectos pote reducer substantialmente le complexitate del programmas.

Un paradigma de programmation es un paradigma usate pro programmar programma de computator o plus generalmente software o systemas de software. Illo da le vision que le programmator ha del execution del programma: por exemplo, in le caso del programmation orientate a objectos, le programmator vide le execution del programma como un collection de objectos dialogante.

Frequentemente un paradigma de programmation es intimemente connectite a un certe schola de architectura de software, ingenieria de software, o similar.

Frequentemente un paradigma de programmation es associate a un certe familia de linguages de programmation. Le majoritate del linguages supporta un sol paradigma, mais alcun linguages es capace de supportar plure.

Le linguages sequente es linguages major usate per varie centos de milles a varie milliones de programmatores in tote le mundo:




#Article 200: Linguage (414 words)


Le linguage o lingua es le base de communication inter esseres. Illo es un systema de expression (possibilemente verbal) usante terminologia commun a un gruppo de personas, o symbolos formalisate, signos, etc., usate como medio de communication human (o altere esseres). Ben que le plus commun usage de 'linguage' significa communication parlate per humanos, lingua tamben pote esser un lingua scribite, un lingua de signos, o un linguage de programmation.

Le linguages es (explicate de un maniera facile, ben que reducente lor accomplimentos e importantia pro le formation de nostre mundo) formas de representar cosas.

Le majoritate del vices le termino face referentia al linguages que le humanos usa pro communicar le unes con le alteres, sia linguage parlate, linguage de signos o le linguage empleate in le litteratura, normalmente appellate linguage natural. 

Le linguage natural include tote le communicationes animal, includente le linguage human. In le mathematica e in le informatica, per exemplo, le linguages artificial son appellate linguages formal (includente linguages de programmation). Nonobstante, le linguage human ha un characteristica que non se trova in le linguages de programmation: le diversitate.

Le studio del linguages proveni del scientia denominate linguistica, assi como le philologia. 

Linguas es organisate per linguistas in familias de linguas. Le plus grande familia, in terminos de numero de parlatores, es le familia de linguas indoeuropee. Un familia es dividite in gruppos (como linguas romanic e linguas germanic), que es dividite in subgruppos (como linguas iberic). Le systema specific usate con cata lingua varia inter familias de linguas (e a dicer, inter linguistas).

Un utile lista de 4000 linguas e dialectos (aggruppate secundo relation) con le numeros del un al dece in cata un, se trova a: 

Un quasi complete lista de tote le linguas, localisationes, population, e affiliation genetic se trova a: 

Linguas pote esser create. Le plus notabile es esperanto, que in le prime annos del seculo 1900 quasi se faceva como le singule lingua mundial. Ha essite create quasi 2.500 linguas, con plure essayos de crear un international lingua auxiliar, e ancora plus de creationes pro diversion.

In mathematica et in le informatica, un linguage formal, o linguage, es un conjuncto finite catenas de symbolos. Le structura plus basic del linguage es le alphabeto (in nostre cultura occidental), (Conjunctos de symbolos); un linguage es un subconjuncto de su alphabeto. 

Le quatro classes plus commun de linguages forma le hierarchia de Chomsky. le studio mathematic del linguages ha importante applicationes in le informatica et in le linguistica.




#Article 201: Lingua portugese (281 words)


Le portugese es un lingua romanic parlate in Portugal, Brasil e alcun paises african e asiatic.  Illo es un lingua indoeuropee de base greco-latin, con alcun elementos del lingua arabe, in consequentia de que le arabes populava le integre Peninsula Iberica e durante longe annos habitava le parte sud de Portugal, appellate Algarve (in arabe Al-Gharb, que significa le West). In Brasil, le portugese anque ha elementos del lingua tupi, perque esseva le lingua official de Brasil usque le seculo XVII, quando le lingua tupi esseva prohibite.

Ultra le paises ubi le lingua portugese es official, on debe anque adder illos ubi le portugese es usate como lingua non official: 

Macau (431,000), Region Administrative Special del Republica Popular del China.

Uruguay (3,399,227), ubi le inseniamento del lingua portugese es obligatori desde le 6º anno de scholaritate.

Le portugese es anque parlate in forma archaic in Espania, nel Region Autonome de Gallecia.

Le historia del portugese comencia quando le region de Gallecia ha essite sub le dominio roman. Le romanos duceva le latin pro le region ubi hodie es le nord-west del Espania moderne. La, un lingua differente habeva essite formate, influentiate per linguas celtic. In iste epocha, le portugese medieval (cognoscite como galleco) esseva admirate pro su beltate e rhythmo poetic.

In le curso del expansion pro le sud del peninsula, le portugese acquire plure parolas arabic, e comencia a differer del galleco.
Quando le portugese arriva in Brasil, deveniva influentiate per le tupi, lingua parlate per le populo indian de Brasil plus grande. Le tupi non existe ora, ja que su officialitate esseva cambiate per le portugese. In le portugese brasilian moderne il ha circa 10 000 parolas del tupi.




#Article 202: Lingua latin (333 words)


Le latino, lingua latina, que originalmente esseva le idioma del region Latio (Latium) sud-est de Roma e que esseva multo influentiate per le vicin etrusco, deveniva in le curso del tempores le lingua official del Imperio roman, que unquam se extendeva ab le Proxime Oriente usque a Anglaterra, del Oceano Atlantic al Mar Nigre. Del lingua grec multe parolas se introduceva in latino. Postea in le secunde seculo ante le Era Commun, le lingua comenciava a conservar se como un lingua litterari. Pro isto illo de plus in plus se differentiava ab le lingua commun, le latino vulgar, que ab le secunde seculo depois le Era Commun se disveloppava in varie idiomas regional: le presente linguas neolatin como le espaniol, le portugese, le francese o le italiano. Le latino classic remaneva usque le dece-octave seculo le lingua del scientistas, scriptores, e diplomates in Europa, e su influentia immensurabile ancora permane in nostre dies. 
Latino esseva utilisate in le liturgia del Ecclesia catholic roman usque circa 1965. Illo se considera un lingua morte, ma ancora existe effortios notabile pro reviver lo in medios radiophonic e le pressa del Vaticano. Actualmente illo es lingua official in le Citate del Vaticano, malgrado le uso commun de italiano pro quasi omne transactiones e communicationes quotidian in ille circulos bureaucratic.

Exemplo ab le Pater noster in Latino del Vulgata:

Pater noster, qui es in caelis:
sanctificetur nomen tuum;
adveniat regnum tuum.
Fiat voluntas tua,
sicut in caelo,
et in terra.
Da nos hodie, panem quotidianum

Le lingua latina ha cinque declinationes. In latin, le parolas se declina conforme su function in le phrase: caso nominativo (N) si la parola ha le function de subjeto/attributo; caso vocativo (V) exclamation; caso accusativo (Ac) si le parola ha le function de C.D.; caso genitivo (G) si la parola ha la function de C.N.; caso dativo (D): C.I.; e caso ablativo (Ab): C.C.
Exemplo del declination 1 - rosa-ae:

Nauta vetus est. Nauta es subjeto.
Puella nautae  rosam dat. Nautae es D.




#Article 203: Linus Torvalds (413 words)


Linus Benedict Torvalds (nascite a 28 de decembre 1969) initiava le disveloppamento del nucleo del systema de operation Linux, e hodie age como le coordinator del projecto. Inspirate per le systema de demonstration Minix disveloppate per Andrew S. Tanembaum, ille sentiva le necessitate de un systema de operation UNIX competente que ille poterea executar in su computator personal domestic. Torvalds faceva le disveloppamento original de Linux con su proprie ressources de tempore e equipamento.

Torvalds ha nascite in Helsinki, Finlandia, filio de Nils Torvalds, recipiente le nomine de Linus Pauling. Ille es parte del minoritate ethnic svedophone que representa circa 6% del population de Finlandia. Ille ha frequentate le Universitate de Helsinki. Actualmente ille reside in Santa Clara, California con su sposa Tove (sex vices campion national de karate in Finlandia) e su tres filias Patricia Miranda (nascite in 5 de decembre 1996), Daniela Yolanda (nascite in 16 de april 1998) e Celeste (nascite in decembre 2000). Ille es actualmente empleate per Transmeta Corporation.

Su mascotte personal es un pinguin supernominate Tux, amplemente adoptate per le communitate Linux como le mascotte del nucleo del systema.

Le Lege de Linus, un principio del modello de fonte aperte inspirate per Linus e cuneate per Eric S. Raymond es: Sub globos ocular sufficiente, tote le errores de programmation es superficial.

Differentemente de multe evangelistas del fonte aperite, Tovalds mantene un attitude discrete e generalmente refusa commentar productos de software concurrente, tal como le predominante systema de operation Windows de Microsoft. Nonobstante, Torvalds occasionalmente ha reagite con declarationes forte al strategias de mercato percipite como disinformation usate per fabricantes de software como Microsoft.

Per exemplo, in un reaction per currero electronic a declarationes del vice-presidente senior de Microsoft Craig Mundie, qui ha criticate le software de fonte aperte pro non esser innovative e destructive al proprietate intellectual, Torvalds ha scribite: Io me demanda si Mundie jammais ha audite parlar de Sir Isaac Newton. Ille non es famose solmente pro haber stabilite le fundationes del mechanica classic (e le theoria del gravitation original, qui es le cosa que le major parte del personas rememora, insimul con le historia del pomiero), sed ille es famose etiam pro como ille ha recognoscite le complimento: Si io habeva essite capace de vider plus ultra, illo es solo proque io stava super le dorso de gigantes. Addeva Torvalds: Io prefere ascoltar Newton a ascoltar Mundie. Ille pote haber essite morte pro quasi tres centos annos, sed nonobstante ille exhala minus mal odor.




#Article 204: Luna (764 words)


Le Luna es le unic satellite natural del Terra. Su diametro es minus de un tertio del Terra (3.476 km), su superficie, un dece-quarte parte (37.700.000 km2) e su volumine, circa un dece-quinte parte (21.860.000 km3). Le gravitate al superfacie es 0,165 G, un valor assi parve que Luna non poterea jamais posseder un atmosphera ultra de tracias miniscule.  

Con un
diametro equatorial de 3474 km illo es le quinte satellite le plus
grande del systema solar, dum que le grandor proportional respecto de su planeta illo es le satellite le plus grande: un quarto
del diametro del Terra e 1/81 de su massa. Post Io, illo es alsi le
secunde satellite le plus dense. Illo se incontra in relation
synchronic con le Terra, semper monstrante le mesme facie verso le
planeta. Le hemispherio visibile es marcate con obscur mares lunares
de origine vulcanic inter le brillantes montes antique e le
distaccate astroblemas. Malgrado esser in apparentia le objecto le
plus brillante in le celo depost le Sol, su superficie es in
realitate multo obscur, con un reflexion similar al del carbon. Su
prominentia in le celo e su cyclo regular de phases ha facto ex la
luna un objecto con importante influentia cultural desde le
antiquitate tanto in le linguage, como in le calendario, le arte o le mythologia. Le influentia gravitational del Luna produce le mareas e
le augmento del duration del die. Le distantia orbital del Luna,
circa trenta vices le diametro del Terra, face que illo se vide in le
celo con le mesme grandor quam le Sol e illo permitte que le Luna
coperi exactemente le Sol in le eclipses solar total. 

Le Luna es le unic corpore celeste sur le qual le esser
human ha realisate un descenso habitate. Ben que le programma Luna
del Union Sovietic esseva le prime in attinger le Luna per un nave
spatial non-habitate, le programma Apolo del Statos Unite attingeva
le unic missiones habitate usque hodie, comenciante con le prime
orbita lunar habitate per le Apolo 8 in 1968, e sex atterrages
habitate inter 1969 e 1972, essente le prime le Apolo 11 in 1969.
Iste missiones retornava con plus quam 380 kg ex rocca lunar, que ha
permittite attinger un detaliate comprension geologic del origines
del Luna (se crede que illo se formava ante 4500 milliones de annos post un grande impacto), le formation de su structura interne e
su posterior historia. 

Desde le mission del Apolo 17 in 1972, illo ha essite
visitate unicamente per sondas spatial non habitate, particularmente
per le astro-mobiles sovietic Lunokhod. Desde 2004, Japon, China,
India, Statos Unite, e le Agentia Spatial Europee ha inviate
orbitatores. Iste naves spatial ha confirmate le discoperta de aqua
gelate fixate sur le regolite lunar in crateres que se incontra in le
zona de umbra permanente e illos es ubicate sur le polos. Il se ha
planate futur missiones habitate al Luna, sed illos ancora non
comencia. Le Luna remane, sub le tractato del spatio exterior, libere
pro le exploration de qualcunque nation con fines pacific.         

Le Orbita del Luna

Le Luna se move circum le Terra approximatemente un vice per mense. (Solo como dato 
curiose nos dicera que, in le lingua anglese, le parola month mense proveni 
de moonth [un forma saxon primitive pro lunation].) Si le Terra non 
faceva un gyro in un die complete, il serea multo facile detectar le movimento del 
Luna in su orbita. Iste movimento face que le Luna avantia circa 12 grados in le celo 
cata die. Si le Terra non gyrava, lo que viderea serea le Luna transversante le 
celo durante duo septimanas, e depois disparerea e esserea duo septimanas 
absente (durante le qual le Luna serea visibile in le latere opposte del Globo.)

Non obstante, le Terra completa un gyro cata die (e, per certo, le direction de gyro 
es pro le oriente), durante que le Luna se move in su orbita tamben pro le oriente. 
Assi, cata die le Terra tarda 50 minutas plus que le Luna pro dar fronte al Luna 
novemente (lo qual significa que nos pote vider le Luna in le Celo.) 
Le gyro del Terra e le movimento orbital del Luna se combina, de tal sorte que le 
sortita del Luna se retrahe in le ordine de 50 minutas cata die.

Pro notar le movimento del Luna in su orbita, on debe haber in mente su ubication 
in le momento del posta del Sol durante alcun dies. Su movimento orbital lo portara 
a un puncto plus al oriente in le celo in le crepusculo cata die.




#Article 205: Ludwik Lejzer Zamenhof (340 words)


Ludovico Lazaro Zamenhof (o Ludwik Lejzer (Łazarz) Zamenhof), (15 de decembre 1859, Białystok - 14 de april 1917, Varsovia) es le creator del lingua auxiliar international Esperanto. 

Zamenhof cresceva in le citate de Białystok (que presentemente es in le territorio de Polonia, sed in ille tempore era sub le annexion russe), ubi on parlava multe linguas differente e il habeva difficultates de comprehension inter le diverse culturas. Isto le motivava a cercar un solution al problema, e con le passo del annos esseva disveloppate Esperanto, in un processo longe e laboriose.

Zamenhof continuava su effortios malgrado le apparition de Volapük in 1879, resultato del travalio de un altere interlinguista, Johann Martin Schleyer, in le projecto de crear un lingua international. Zamenhof considerava le Volapük, ma le problemas que ille habeva con iste lingua le motivava a continuar con su proprie planos. Finalmente, in 1887 e con le adjuta economic de su patre-affin, ille poteva publicar un brochure in le qual ille exponeva le principios de su lingvo internacia, sub le pseudonymo Dr. Esperanto (parola que deveniva le nomine de su creation).

Zamenhof moriva in Varsovia in 1917. Su tres filios esseva assassinate per le nazis durante le Secunde Guerra Mundial, proque le familia Zamenhof esseva judee.

recognoscer le immaculate idealismo de ille extraordinari homine. On se rememora le

un lingua universal veniva a Zamenhof per le experientia del hostilitates factional 
resultante ab miscomprensiones mutual inter le varie gruppos linguistic-national in 
le ambiente de su juventute.

Lo que es frappante in iste anecdota es le facto que le idealismo de Zamenhof se attacha
al tertie puncto programmatic del grande revolution francese. Zamenhof aspirava al
fraternitate pan-human, e su creation de esperanto esseva un consequentia de su recognition que omne fraternisation presuppone un comprension mutual del partenarios e que iste comprension mutual require, de su parte, un medio de perfecte intercommunication. 

(Alexander Gode)

(anglese) Aleksander Korzhenkov: Zamenhof: The Life, Works and Ideas of the Author of Esperanto [edition abbreviate], Mondial, New York 2010. 114 p. Traductor: Ian M. Richmond, Editor: Humphrey Tonkin 




#Article 206: Lingua grec (334 words)


Le lingua Grec del antiquitate se parlava non solo in le antique Grecia peninsular, mais tamben in le colonias grec, dante location al distincte dialectos que nos cognosce de illo.

Le lingua grec pertine al grande familia de linguas derivate de un lingua antepassate commun cognoscite como indoeuropeo (tamben appellate indogermanico). Ille dialectos grec constitue iste familia linguistic de linguas descendite del indoeuropeo. Isto face de ille dialectos grec, un familia linguistic soror al altere descendentes del indoeuropeo.

Le greco classic e le dialectos regional grec ha un grande affinitate in su grammatica e vocabulario con linguas como le sanscrito, le persa, le armenio, le albanese, le latino classic, le celta, le germano e le balto-slavo.

Le lingua grec assi como nos lo cognosce hodie, ha su origine in ista epocha, mais illo ha suffrite forte transformationes.

Le greco que frequentemente se studia como modello de lingua del antiquitate es lo que corresponde al dialecto attic, viste que litterarimente illo veniva a superar tote le altere dialectos, principalmente in le seculo V aEC, tamben cognoscite como le Seculo de Pericles e le seculo IV aEC. In iste dialecto scribeva le grande autores del litteratura grec: le poetas tragic Eschylo, Sophocles e Euripides, le poeta comic Aristophanes, le historicos Thucidides e Xenophonte, le philosopho Platon e le oratores Lisias, Demostenes e Eschines.

Desde le unification de Grecia sub Philippo de Macedonia, le dialecto attic, ligermente alterate per le contacto con le altere dialectos, se imponeva como lingua litterari in tote Grecia e se extendeva con le conquestas de Alexandro Magne a tote le Oriente.

Le dialecto resultante se appellava le lingua commun. In illo scribeva, inter alteres, le philosopho Aristoteles, le historiator Polibio e le moralista Plutarcho. Assi mesmo, iste dialecto constitue le fundo del greco biblic, tanto del Vetule Testamento como illo del Nove Testamento.

Durante le periodo byzantin le lingua grec perdeva su antique character, per le evolution de su formas e per le mixtura de elementos estranier, dante origine al greco moderne.




#Article 207: Luxemburg (285 words)


Luxemburg o le Granducato de Luxemburg o  es un pais del centro de Europa, membro del Union Europee. Luxemburg ha frontieras con Francia, Germania e Belgica. Es membro fundator del Union Europee, del OTAN, del Benelux e del Nationes Unite.

Depois 1984, le tres linguas official es le luxemburgese, germano e francese.

Un contato e postea ducato proveniente del Alte Lotharingia in le medievo, Luxemburg esseva un stato del Sacre Imperio Roman assatis importante gratias in parte al forte situation strategic de su capital e al multe ligamines del familia regnante con altere poteres (sur toto Trier, Metz e Bohemia). Plure duces de Luxemburg deveniva mesmo sacre imperatores roman.

In 1443, le ducato passava al domo de Burgundia; illo deveniva dunque parte del «Paises Basse burgonde» e postea del Dece-Septe Provincias habsburgie appertinente a Carolo V. Francia regnava ephemeremente sur Luxemburg in le epocha de Louis XIV, ma in general Luxemburg continuava sub le domo de Habsburgo usque le Revolution francese. Alora annexate per le Francia revolutionari, Luxemburg recipeva le codice de leges napoleonie e altere innovationes liberal.

Post le cadita de Napoléon, Luxemburg esseva governate per Gulielmo I del Paises Basse. Illo participava in le Revolution belge, ma esseva divise in duo; solmente le parte francophone jungeva Belgica, durante que cello germanophone debeva restar sub le direction de Gulielmo I post 1839. Iste parte (de qual le independentia esseva confirmate in le tractatos de London de 1867) forma le Granducato de Luxemburg actual.

Luxemburg esseva occupate e annexate per Germania durante le Secunde Guerra Mundial, ma reganiava su independentia post le liberation. In le era depois le guerra, Luxemburg es un del paises le plus alacre a promover le integration europee e le atlanticismo.




#Article 208: Lingua italian (255 words)


Le lingua italian pertine al familia de linguas indoeuropee.
Le lingua italian se ha diffundite per via litterari e usque al seculo passate ha essite parlate per limitate minoritates; le historia del lingua italian es per consequente le affirmation del dialecto litterari de Toscana, que gratias al contribution del grande scriptores e poetas de ille region, per exemplo: Dante Alighieri, Francesco Petrarca, Giovanni Boccaccio, e al importante rolo economic e commercial que Florentia assumeva in le medievo, se ha diffundite per tote le peninsula italic.

Le italiano es un del linguas official del Union Europee e illo ha circa 70.000.000 de parlantes.

Le italiano moderne ha como base le florentino litterari usate in le Trecento per Dante, Petrarca e Boccaccio, influentiate per le lingua sicilian litterari create per le Scola Sicilian de Jacopo da Lentini e del modello latin.

Pensar in le italiano como un filiation directa del latino pode esser simplistic e approximative: le italiano es le mesme lingua parlate per le romanos, que ha attravesato un longe evolution usque le italiano moderne. In altere parolas, in le epocca classic existiva un latino vulgar que reproduciva le lingua parlate.

Con le cadita del Imperio Roman e le formation de regnos barbare, le latino parlate univa se con le dialectos del populos latinisate creante le linguas romanic, inter le qual le italiano.

Le italiano actual descende del florentino vulgar del seculo XIII, con multe characteristic local. Inter le elementos del italiano actual que non ha altere dialectos de Italia e son propie del florentino es:




#Article 209: Lingua Franca del Levante (514 words)


Proque Interlingua, le moderne reincarnation del latino medieval, pertine al secunde medietate del 20me seculo, on propende a passar super le previe existentia de un lingua auxiliar anque basate super le latino que totevia non era planificate, ma resultava del besonio de marineros in le medie etate de communicar in le portos mediterranee que illes visitava. Hodie on nomina iste lingua le Lingua Franca.

Essente le creation plus o minus spontanee de homines inculte ex plure paises in portos ubi on parlava plure linguas differente, como italiano, espaniol, turco e arabe, il existeva naturalmente un grande variation in le dialectos parlate del Lingua Franca, dunque on non pote considerar lo un lingua unificate; vermente, usar le termino lingua implicarea forsan un prestigio e un formalitate que illo nunquam habeva. Ergo il serea probabilemente plus apte describer le Lingua Franca como un jargon. Illo esseva un idioma solo pro le momento e pro le circumstantias local, ma tamen possedeva un importantia notabile durante le seculos de su uso. 

Le Lingua Franca era componite de parolas extrahite ex le major linguas del regiones ubi on lo empleava, principalmente le linguas romance, dunque le vocabulario multo resimilava le de Interlingua, e.g. lavorar laborar, volir voler, lingo lingua, ben que le vocabulario non habeva le grado de standardisation e neutralitate lingual a que usatores de Interlingua son accostumate, e parolas restringite a un lingua se includeva, e.g. catibo mal (italiano cattivo), dependente del localitate ubi on usava le lingua. Le numero de parolas de origine italian monstra su popularitate specialmente in le portos de Italia.

Su grammatica era multo reducite e simplificate: 

(a) il mancava inflexiones pro marcar le plural e anque le tempores del verbo, le quales era indicate per particulos separate; e.g. le perfecto se formava per le adverbo ja: elu ja sabito ille (o illa) habeva sapite.

(b) on utilisava le infinitivo immutabile con le pronomines personal pro exprimer le tempore presente, le imperativo etc., e.g. mi avir io habe, ti avir tu habe, dar! da!, e le sol inflexion era -to, le qual on addeva al infinitivo (sin -r) pro formar le tempore passate: voi amato vos amava. 

(c) le objecto del verbo era sovente precedite per le parola per: il populo amar per elu le populo le ama; e le adjectivos possessive era substituite per di ante le pronomine: il paisi di noi nostre pais; 

(d) le articulos era invariabile, dunque il non existeva concordantia de genere. 

Ecce un texto continue in le Lingua Franca pro illustrar melio le natura del lingua — le Patre Nostre:

Le Lingua Franca serviva ben le homines que lo besionava. Al fin on lo associava con le classes inferior e forsan anque criminal — in summa, con le vita insalubre. Nonobstante, illo superviveva usque le 20me seculo, ma es nunc toto defuncte e oblidate, excepte su nomine mesme, del qual on se servi ancora in multe linguas occidental, e ergo anque in Interlingua, pro significar lingua commun. 

(re-scribite in forma electronic per Jay Bowks, 24 de junio de 1997; parve redactiones posterior in iste version de Wikipedia)




#Article 210: Latino ecclesiastic (3668 words)


Le ecclesia christian occidental semper habeva su proprie lingua international, le latino ecclesiastic, un idioma special derivate del latino classic, e usate per le libros de texto del Ecclesia catholic roman, le liturgia e le Biblia ipse, ma alsi per altere brancas del ecclesia christian, le quales lo rendeva alsi obligatori pro le studiantes de theologia e lo usava amplemente. Le latino ecclesiastic esseva alsi multo usate in le obras de ille scriptores christian del Occidente que interprendeva a explicar o a defender le doctrinas christian e illo contribueva a perpetuar le hereditage grec e latin durante invasiones barbaric. Le Latino ecclesiastic multo influentiava le linguas moderne del Occidente.

Le Latino ecclesiastic differe del Latino classic specialmente a causa del introduction de nove expressiones idiomatic e nove parolas. Pro lo que concerne le syntaxe e methodo litterari, le scriptores christian non es differente de altere scriptores contemporari. Iste differentias characteristic es debite al origine e al proposito del Latino ecclesiastic. Originalmente le populo roman parlava le antique lingua del Latio cognoscite como prisca latinitas. In le tertie seculo a. C. Ennio e alicun altere scriptores, instruite in le scholas grec, interprendeva le amelioration stilistic del lingua introducente elementos grec. Iste tentativa esseva incoragiate per le classes erudite a Roma, e il esseva iste classes al quales se adressava poetas, oratores, historicos e circulos litterari roman. Sub le influentia combinate de iste aristocratia politic e intellectual, on disveloppava le Latino classic, le qual esseva preservate pro nos in le plus grande puritate in le obras de Cesare e Ciceron. Le massa del populo simple e non erudite, tamen, remaneva foras de iste influentias hellenisante, e illo continuava parlar lor vetule lingua. Assi il eveniva que post le tertie seculo a. C. il existeva in Roma, le un al flanco del altere, duo linguas, o plus tosto, duo idiomas: illo del circulos litterari o hellenistas (sermo urbanus) e illo del illitteratos (sermo vulgaris) e quanto plus altemente le prime se disveloppava, tanto plus grande se faceva le abysmo inter le duo. Nonobstante, tamen, le effortios del puristas, le exigentias del vita quotidian portava le scriptores erudite in contacto continue con le population non erudite, e les obligava a comprender lor maniera de parlar e, a lor vice, de facer se comprender per illo. Assi illes esseva obligate, in le conversation a usar parolas e expressiones que esseva parte del lingua vulgar. Assi un tertie idioma surgeva, le sermo cotidianus, un mixtura del duo alteres, variante in su ingredientes con le varie periodo de tempore e le cultivation de illes que lo usava.

Le Latino classic non remaneva longemente al alte nivello al qual Ciceron lo habeva portate. Le aristocratia, le qual sol lo parlava, esseva decimate per le proscription e le guerra civil, e le familias que a lor vice surgeva a position de poter esseva super toto de extraction popular o estranie, . Quando illo oblidava le distinction classic inter le linguage del prosa e illo del poesia, le latino litterari, parlate o scribite, comenciava a prender a presto semper plus liberemente expressiones del linguage popular. Il esseva a iste puncto que  e isto, in illo mesme, esseva le ration proque le latino ecclesiastic differeva del latino classic. Il habeva, tamen, altere rationes: primo le Evangelio debeva esser diffundite per le predication, illo es, per le parola parlate. Pro isto le missionarios debeva construer un idioma que poteva esser appreciate e comprendite non solmente per le classes erudite, ma per le integre populo. Viste que illes essayava de conquirer al fide le massas, illes debeva descender a lor nivello e usar un linguage familiar a lor auditores. Le episcopo Augustino de Hippon diceva isto multo francamente a su auditores: “Io usa sovente,” ille dice, “parolas que non es Latino, e io lo face a que vos me comprende. Io prefere incurrer in le reproche del grammaticos plus tosto que non esser comprendite per le populo”. Isto pote parer estranie, ma il non esseva a Roma que on comenciava construer le latino ecclesiastic. Usque al medietate del tertie seculo, le communitate christian a Roma parlava prevalentemente greco. Le liturgia esseva celebrate in greco, e le apologistas e theologos scribeva in greco usque al tempore de Hyppolito, le qual moriva in 235. Il esseva quasi lo mesme in Gallia a Lyon e a Vienna, in omne caso usque al tempore de Ireneo. In Africa, greco esseva le lingua preferite per le clericos, in le prime tempores, ma latino esseva le lingua plus familiar pro le major parte del fideles, e isto gradualmente successava a prevaler, usque a Tertulliano, le qual scribeva in greco su prime obras, ma ben tosto ille comenciava scriber in latino solmente. In iste uso ille habeva essite precedite del episcopo de Roma Victor, qui esseva alsi un africano e le qual, como certifica Jeronimo, esseva le prime scriptor christian que usava le lingua latin.

Ma mesmo ante le tempore de iste scriptores, varie ecclesias local sentiva le necessitate de render in latino le textos del Vetule e del Nove Testamento, le lectura del quales formava le portion principal del liturgia. Iste necessitate surgeva quando le fideles de lingua latin deveniva le majoritate, e in omne verisimilantia, isto eveniva in Africa. Durante un certe tempore sufficeva traductiones oral improvisate, ma tosto traductiones scribite esseva necessari. Iste traductiones se multiplicava. “Il es possibile enumerar,” diceva Augustino, “illes que traduceva le Scripturas del hebreo in greco, ma non illes que los traduceva in latino. In realitate, in le prime tempores del fide, qui possedeva un manuscripto grec e pensava que ille habeva alicun cognoscentia de ambe linguas, esseva satis hardite de interprender un traduction”. Le multiplicitate de iste traductiones, que esseva destinate a haber un influentia tanto grande sur le formulation del Latino ecclesiastic, pote explicar le multe colloquialismos que illo assimilava, e que pote esser trovate in le plus famose de iste textos, illo del qual Augustino diceva: “Inter tote le traductiones, le Itala es le preferibile, proque su lingua es le plus accurate, e su expressiones le plus clar”. Benque il es ver que on dava multe renditiones de iste passage, illo que es generalmente acceptate, e illo que nos satisface reproducer hic, es que le Itala es le plus importante inter le recensiones biblic de fontes italian, le qual remonta al quarte seculo, e que esseva usate per le episcopo Ambrosio e le autores italian de ille dies, le quales ha essite partialmente preservate pro nos in multe manuscriptos e mesmo con Augustino. Con alicun legier modificationes, su version del obras deuterocanonic del Vetule Testamento, esseva incorporate in le “Vulgata” de Jeronimo.

In respecto del traductiones precoce in latino, Africa esseva plus in ante que Italia ipse. Jam in 180 a. D. se face mention in le Actos del Martyres sicilian, de un traduction del Evangelios e del epistolas de Paulo. “In le tempore de Tertulliano,” dice Harnack, “existeva traductiones, si non del tote libros del Biblia, al minus del plus grande numero de illos”. Il es un facto, tamen, que nulle inter illos possedeva autoritate predominante, ben que alcunes comenciava ganiar un certe respecto. Assi nos trova Tertulliano e Cypriano que prefereva usar illos, como appare del concordantias de lor citationes. Le puncto interessante in iste traductiones facite per plure manos es que illos forma un del elementos principal del Latino ecclesiastic: illos constitue, pro si dicer, le contribution popular. Isto on pote vider quando illes neglige inflectiones complicate, in lor tendentia analytic, e in le alterationes debite a analogia. Le litteratos pagan, como dice Arnobio, exprimeva displacer pro le facto que iste textos esseva editate in linguage vulgar e basse, con un lingua vitiate e crude.

In formar le Latino del Ecclesia, tamen, al contribution popular, le christianos plus erudite addeva lor parte. Si le christiano ordinari poteva traducer le “Actos de Sancte Perpetua”, le “Pastor de Herma”, le “Didache” e le “prime epistola” de Clemente, on necessitava un erudito pro traducer in Latino le “Actos de Paulo” e le tractato de Ireneo “Adversus haereticos”, como alsi altere obras que pare haber essite traducite in le secunde e in le tertie seculo. On non sape a qual pais iste traductores pertineva ma, in le caso de obras original, esseva Africa a guidar le processo con Tertulliano, le qual esseva justemente considerate le creator del Latino ecclesiastic. Nascite a Carthagine, Tertulliano studiava e forsan inseniava ibi rhetorica. Ille studiava lege e acquireva un vaste erudition. Ille esseva convertite al christianismo, entrava in le presbyterato, e portava al servicio del fide un ardente zelo e un potente eloquentia, al qual le numero e le character de su obra testifica. Ille tractava omne sorta de subjecto: apologetica, polemica, dogma, disciplina, exegese. Ille debeva exprimer multe ideas que le simple communitates del Occidente non ancora comprendeva. Con su temperamento focose, su rigor doctrinal, e su contempto pro canones litterari, ille nunquam hesitava de usar le parola le plus appropriate, le phrase de cata die. Hinc le exactitude meraviliose de su stilo, su vigor sollicite e alte profilo, le forte tonos como si le parolas haberea essite ibi jectate impetuosemente: hinc, super toto, un richessa de expressiones e parolas, multes del quales perveniva pro le prime vice in le Latino ecclesiastic e que remaneva desde inde. Alcun parola inter istes es parolas grec in veste latin: baptisma, charismata, extasis, idolatria, prophetia, martyr, etc. A alcunos ille poneva un termination latin: daemonium, allegorizare, Paracletus, etc. Alcunos es terminos juridic o vetule parolas latin con un nove senso: ablutio, gratia, sacramentum, saeculum, persecutor, peccator. Le plus grande parte de iste parolas es integremente nove, ma illos es derivate de fontes latin e regularmente inflectite secundo le regulas ordinari que affice parolas analoge: annunciatio, concupiscentia, christianismus, coaeternum, compatibilis, trinitas, vivificare, etc. Multes de iste nove parolas (plus que 850 de illos) moriva, ma un grande portion de illos esseva apte a exprimer strictemente ideas christian. Il non es certe que tote iste parolas debeva lor nascentia a Tertulliano, ma ante su tempore on non incontra los jammais in textos que perveniva usque a nos : multo sovente Tertulliano esseva le sol responsabile de lor naturalisation in le terminologia christian.

Le parte que Cypriano habeva in iste construction del lingua esseva minus importante. Le famose episcopo de Carthagine nunquam perdeva ille respecto pro le tradition classic que ille habeva inhereditate de su education e de su precedente profession de rhetor. Ille conservava assi su interesse pro le stilo, que le conduceva al practica del methodos litterari tanto amate per le rhetores de su dies. Su linguage lo monstra mesmo quando ille tracta de themas christian. A parte de su su imitation plus tosto caute del vocabulario de Tertulliano, nos trova in su scriptos non plus que 60 nove parolas, alicun hellenismos – apostata, gazophylacium – alicun parolas o phrases popular – magnalia, mammona – o alicun parolas formate per inflectiones addite – apostatare, clarificatio. 

In le caso de Augustino, il esseva su sermones predicate al populo que contribueva essentialmente al latino ecclesiastic e que lo presentava nos in su forma melior. De facto, nonobstante su contempto pro le grammaticos, su studios juvenil troppo le influentiava pro permitter le de distantiar se troppo del discurso classic. Ille esseva le primo a criticar le uso de certe parolas commun in su tempore, como dolus pro dolor, effloriet pro florebit, ossum pro os. Le linguage que ille usa include, in ultra a un grande parte de latino classic, e del latino ecclesiastic de Tertulliano e Cypriano, prestos ab le linguage popular de su dies – incantare, falsidicus, tantillus, cordatus – e alicun nove parolas con nove significato – spiritualis, adorator, beatificus, aedificare, inflatio (superbia), reatus (culpa) etc. 

Il es, nos pensa, inutile persequer iste investigation in le area del inscriptiones christian e le obras de Victor de Vito, le ultime de iste scriptores latin, durante que ibi nos troverea un latino peculiar solmente a certe individuos, plus tosto que illo adoptate per alicun communitates christian. Nos non tractara le africanismos, i.e. characteristicas peculiar a scriptores african. Le existentia mesme de iste characteristicas, un vice fortemente supportate per multe philologos, es hodie generalmente questionate. In le obras de plures inter iste scriptores african nos trova un grande amor pro le emphase, allitterationes e rhythmo, ma iste questiones affice plus tosto le stilo e non le vocabulario. Lo que merita dicer es que iste scriptores african reputa plus importante le latino parlate (sermo cotidianus) – ma isto non esseva un peculiaritate del Africa.

Ultra al scriptores african, nulle autor habeva un tal influentia sur le edification del Latino ecclesiastic como Jeronimo. Su contribution veniva principalmente sur le linea del latino litterari. De su maestro, Donato, ille habeva recipite un education grammatical que le rendeva le plus litterari e erudite inter le Patres del Ecclesia. Ille semper conservava un amor pro le correcte diction e un attraction pro Ciceron. Ille tanto valorisava le bon scriptura que ille semper se inragiava quandocunque ille esseva accusate de parlar in maniera incorrecte. Un medietate del parolas que ille usa es trahite de Ciceron e on demonstrava que, in ultra a usar, occasionalmente, le parolas introducite per precedente scriptores, ille mesme es responsabile pro 350 nove parolas in le vocabulario del Latino ecclesiastic, ma in iste numero il ha solmente novem o dece parolas que poterea esser appellate barbarismos, proque non se conformava al leges general del derivativos latin. “Le restante,” dice Goelzer, “esseva create per usar suffixos ordinari e esseva in harmonia con le genio del linguage”. Illos es parolas sia accuratemente formate, sia utile, exprimente, in grande parte, qualitates abstracte requirite per le religion christian e que antea non habeva existite in le lingua latin, p. ex. clericatus, impoenitentia, deitas, dualitas, glorificatio, corruptrix. A vices, in ultra, pro provider a nove necessitates, ille da nove significatos a vetule parolas: conditor (creator), redemptor, predestinatio, communio, etc. In ultra a iste inricchimento del lexico, Jeronimo rendeva un servicio non minor per su edition del Vulgata, le Biblia latin. Sia quando ille lo traduceva del texto original o quando ille adaptava precedente traductiones post haber los corrigite, ille diminueva, assi, le autoritate de multe versiones popular que non poteva non prejudicar le correctessa del linguage del Ecclesia. Per iste mesme acto, ille popularisava un certe numero de hebraismos e manieras de parlar – vir desideriorum, filii iniquitatis, hortus voluptatis – que completava le formation del particular physiognomia del latino ecclesiastic.

 Si nos tracia le varie passos del processo de producer lo, nos trova que le le ritos ecclesiastic e institutiones esseva primo cognoscite per nomines grec, e que le prime scriptores christian in lingua latin prendeva ille parolas consacrate del usage e los incorporava in lor obras, sia in toto (p. ex. angelus, apostolus, ecclesia, evangelium, clerus, episcopus, martyr) o los traduceva (p. ex. verbum, persona, testamentum, gentilis). Aliquando il mesmo eveniva que parolas que un vice esseva incorporate, esseva substituite plus tarde per traductiones (p. ex. chrisma pro donum; hypostasis pro substantia o persona; exomologesis pro confessio; synodus pro concilium).

Parolas latin esseva create per derivationes de existente parolas grec o latin, per le addition de suffixos o prefixos, o per le combination de duo o plus parolas (p. ex. evangelisare, incarnatio, consubstantialis, idololatria).

A vices es usate parolas con significato secular o profan sin modificationes in un nove senso (p. ex. fidelis, depositio, scriptura, sacramentum, resurgere etc.). Con respecto a su elementos ecclestiastic, latino consiste de latino parlate (sermo cotidianus) miscite con un quantitate de parolas grec, alcun phrases popular primitive, alcun accretiones nove e normal al lingua e, finalmente, nove significatos que surge super toto de disveloppamento o analogia.

Con le exception de alicun expressiones hebraic o hellenista, popularisate per le traductiones biblic, le peculiaritates grammatical que on incontra con le latino ecclesiastic non es debite al christianismo. Illos es resultato de un evolution trans le qual passava le linguage commun que pote alsi esser trovate inter scriptores non christian. Generalmente le revolution religiose que colorava le credentias e costumes del mundo occidental non perturbava le lingua tanto quanto on poterea supponer. Le scriptores christian preservava le latino litterari de lor dies como base de lor lingua, e si illes addeva a illo multe neologismos, on non debe oblidar que le scriptores classic, Ciceron, Lucretio, Seneca, etc. debeva, ante isto, lamentar le povressa del Latino pro exprimer ideas philosophic, e illes mesme dava le exemplo de como on poteva cunear nove parolas. Proque scriptores plus tarde haberea debite hesitar de dicer annunciatio, incarnatio, predestinatio, quando Ciceron habeva dicite monitio, debitio, prohibitio, e Tito Livio coercitio? Parolas como deitas, nativitas, trinitas non es minus estranie que autumnitas, olivitas, cuneate per Varron, e plebitas, le qual esseva usate per Caton le ancian.

Non ancora le Latino ecclesiastic habeva pervenite a su maturation quando le invasiones barbaric e le cadita del Imperio in le Occidente causava un grande choc a tote le cultura latin. Iste choc dava un colpo mortal al latino litterari,  super le qual multo se appoiava le latino ecclesiastic. Assi ambes esseva subponite a un serie de cambios que completemente les transformava. Le latino litterari esseva semper de plus humiliate, e le latino popular evolveva in le varie linguas romanic del Sud, durante que in le Nord illo esseva abandonate in favor de linguas germanic.  gratias al religion del qual illo esseva le organo e con le qual su destino haberea essite semper ligate. Il es ver que illo perdeva un portion de su poter e influentia. In le predication popular illo esseva substituite per le linguas local post le septime seculo, ma illo poteva semper appoiar se sur le liturgia e le theologia: in istos illo serviva su function de lingua vivente. In le liturgia le latino ecclesiastic monstra su vitalitate e fructuositate. Africa ancora un vice es in position de commando con Cypriano. In ultra al canto del Psalmos e al lectura in publico del Biblia, que constitueva le portion major del liturgia, illo monstra su amor pro le rhythmo in le preces establite, le equilibrio del terminationes del parolas e pro altere optime characteristicas que debeva remaner durante seculos. Durante su processo de disveloppamento, iste amor pro harmonia se manifestava in tote le preces. Illos sequeva le regulas metric e prosodic, ma il esseva su cursus rhythmic a ganiar popularitate del quarte al dece-quinte seculo. Le cursus consiste in certe arrangiamentos de parolas, accento, e aliquando, integre phrases, per le qual se produce un agradabile effecto modulate. Le prece del Angelus es le plus simple exemplo de isto. Illo contine tote le tres typos de cursus que se pote incontrar in le preces del missal e del breviario.

Tanto grande esseva lor influentia sur le linguage, que le cursus passava del preces del liturgia in alcun sermones de Sancte Leon e poc alteres, usque al bullas papal del duodecime al dece-quinte seculo e in multe litteras latin durante le Medievo.

In ultra al preces, le hymnos constitue le cosa le plus vital in le liturgia. Ab Hilario de Poitiers, al qual Jeronimo attribue le plus antique, usque a Leon XIII, que componeva multe hymnos, le numero del scriptores de hymnos es multo grande. Iste hymnos originava in rhythmos popular fundate super accento. Como regula illos esseva modellate sur metro classic, ma gradualmente le metro esseva substituite per pulsation o numero de syllabas e accento. Desde le Renascentia, le rhythmo esseva ancora substituite per le metro, e multe vetule hymnos esseva mesmo remodellate, sub Urbano VIII pro alinear los con le regulas del prosodia classic.

In ultra a iste liturgia, que on pote considerar como official, e que esseva facite per le parolas del missa, del breviario, o del ritual, nos poterea mentionar le ricchessa del litteratura que tractava de un varietate de detalios historic como le Peregrinatio ad loca sancta, un vice attribuite a Sylvia, multe collectiones de rubricas, ordines, sacramentarios, ordinarios, o altere libros religiose, del quale multes ha essite editate.

Plus ample e plus variate es le campo del theologia in le qual latino serviva como lingua principal. Iste campo es tanto ample que nos debe limitar nos a dicer que le ressources creative que le latino del qual nos parla ha date proba desde le principio del studios de theologia speculative. Plus que in alicun altere sphera, on demonstrava quanto le latino ecclesiastic es capabile a exprimer le plus delicate subtilessas de pensamento theologic, o le sophismos del Scholasticismo decadente. Le expressiones que illo creava, le significatos que illo transmitteva, es ben cognoscite. Benque le plus parte de iste expressiones esseva legitime, necessari, e successose (transubstantio, forma, materia, individuum, accidens, appetitus, etc.), il ha multe parolas que monstra un formalismo verbose e vacue, un deplorabile indifferentia pro le sobrietate de expression e pro le puressa del lingua latin (aseitas, futuritio, beatificativum, terminatio, actualitas, haecceitas, etc.).  Con le Renascentia, le mentes human deveniva plus difficile a satisfacer, lectores de gustos erudite non poteva tolerar un lingua tanto estranie al genio del latinitate classic que habeva essite revivificate. Il deveniva necessari, mesmo pro theologos como Melchior Cano in le prefation de su Loci theologici, altiar su voce contra le requestas de lor lectores como alsi contra le negligentia e le obscuritate de precedente theologos.

Ben que le uso de latino in le Ecclesia catholic non ha jammais cessate, le linguas vernacular ha ganiate un maxime importantia desde le Secunde Concilio del Vaticano. Latino es totevia le lingua official del textos del Ecclesia catholic, como le missa de Paulo VI, le catechismo, e le plus parte de bullas; mesmo quando istos son traducite in altere linguas, le texto latin es normative. On usa latino como le lingua official del Sancte Sede (que es alsi le autoritate que governa le Citate del Vaticano). Desde 1962 le Opus Fundatum Latinitas, establite per Paulo VI, promove le uso e studia de latino e publica lexicos de vocabulos moderne pro usatores de latino.

Ultra le vocabulario specialisate que on ha notate supra, le latino ecclesiastic se distingue per normas de pronunciation e phonologia.




#Article 211: Nove Testamento (2814 words)


Le Nove Testamento (in Greco: Καινὴ Διαθήκη, Kainē Diathēkē) es le nomine date al secunde major subdivision del Biblia christian. Le prime de tal divisiones es le multo plus longe Vetere Testamento. Le Nove Testamento es aliquando appellate Le Nove Testamento Grec o Le Scripturas Grec, o Le nove pacto. Iste ultime appellation traduce litteralmente le nomine grec.

Le textos original del Nove Testamento esseva scribite in Greco Koiné per varie autores de post le anno 45 A.D. Su 27 libros esseva gradualmente colligite in un singule volumine durante un periodo de duo seculos. Benque alicun poc gruppos christian differe in re le numero del libros que deberea continer le Nove Testamento, le grande majoritate del ecclesias christian concorda in acceptar le 27 libros como le canone authoritative del Nove Testamento.

Le Nove Testamento comprende quatro narrationes del ministerio de Jesus Christo, appellate evangelios; un narration del ministerio del apostolos in le ecclesia antique (isto es un supplemento del tertie evangelio; 21 epistolas (litteras), scribite per varie autores, que contine super toto instructiones doctrinal e moral; e un prophetia apocalyptic, que technicamente es le 22me epistola.

Benque le linea temporal del composition pote haber essite considerate per illes qui definiva originalmente le canone, le ordine del libros del Nove Testamento non es strictemente chronologic.

Benque Jesus ipse e le apostolos esseva hebree e parlava currentemente le lingua aramaic, le Nove Testamento esseva scribite in lingua grec proque illo esseva le lingua plus diffundite in le area del Mediterraneo in ille epocha, un sorta de lingua franca. Isto poteva melio guarantir le diffusion del message christian.

(le prime referentias es al texto, le secunde al introduction al mesme libro)

In annos recente il habeva multe confusion in re le traductiones moderne e le editiones del Nove Testamento Grec. Alicun personas face assertiones in re le Nove Testamento Grec sin haber informationes e factos que pote supportar los. Multes pretende que lor traductiones es sin errores proque ille traductiones se basa super le melior textos grec disponibile. Alcunes assere que lor traductiones es melior que illos facite sur le base del Textus Receptus proque illo, in lor opinion, adde variantes e extra lectiones al texto. Alteres, tamen, assere que le texto grec del Nove Testamento non es importante proque lor favorite traduction es melior que qualcunque texto grec. Ancora alteres dice que le texto grec non es importante proque le major parte del gente non pote leger le Greco del era del Nove Testamento.

De facto, tamen, le texto grec super le qual un traduction es basate comporta consequentias sia sur le lectura biblic devotional de un christiano, sia super le proclamation del Parola de Deo in testificar le gratia salvific de Jesus Christo.

Il es primo necessari comprender le significato del termino “textos traditional”. Durante le prime seculo a sequer le resurrection de Christo, Deo moveva homines a scriber Su Parola (2 Petro 1:21). Le resultato esseva un gruppo 
de epistolas e libros, scribite in Greco Koiné (appellate le autographos original). Iste epistolas e libros esseva copiate e recopiate trans le seculos e distribuite trans le mundo. Iste copias forma le manuscriptos del Nove Testamento. Plus que 5000 copias de iste manuscriptos grec superviveva usque hodie. Le plus parte de iste manuscriptos grec supporta lo que es appellate le tradition textual byzantine, proque illo veniva del mundo de lingua grec de ille tempore. Le melior representation del typo de texto byzantine es le Textus Receptus (o Texto Recipite). In ultra al manuscriptos, nos ha a disposition multe obras, in le quales numerose Patres del Ecclesia citava textos ex iste manuscriptos. Le obra de John Burgon establiva que le texto basic usate per 
numerose Patres del Ecclesia, es le mesme del texto nunc cognoscite como le Texto Byzantine.

Le Textus Receptus esseva compilate ex plure manuscriptos byzantine per numerose editores del prime parte del dece-sexte seculo, quando humanistas e reformatores reputava essential retornar al fontes del fide christian pro rediscoperir le christianismo original, obscurate per seculos de traditiones que accumulava super illo stratos de excrescentias. Il habeva assi editiones de editores textual como Erasmo, Stephens, Beza, le Elzeviros, Mill e Scrivener. Iste editiones differe legiermente le unos del alteres, ma ancora illos es considerate como le mesme texto basic. Certe editiones deveniva popular in differente paises e provideva le base pro traductiones del Nove Testamento. Le Textus Receptus esseva le texto usate per Tyndale e pro multe traductiones in linguas national del era del Reformation.

Durante le seculos 19e e 20e, tamen, un altere forma del Nove Testamento Grec esseva producite e usate pro le major parte del traductiones moderne del Nove Testamento. Iste Texto Critic, como illo es appellate, differe del Texto 
Traditional in le facto que illo omitte multe parolas, versos e passages, que se trova in le Texto Recipite e in le traductiones que se basa super illo.

Iste versiones moderne es basate principalmente super un Nove Testamento Grec que esseva derivate de poc manuscriptos grec ab le 4e seculo. Duo de iste manuscriptos, que plure eruditos moderne assere esser superior al byzantine, es le Manuscripto del Sinai, e le Manuscripto Vatican (c. 4e seculo). Istos es derivate de un typo de texto cognoscite como le Texto de Alexandria (pro su origine in Egypto). Iste typo de texto esseva appellate, per le criticos textual Wescott e Hort, le Texto Neutral. Iste duo manuscriptos forma le base del Nove 
Testamento Grec, al qual on se refere como le Texto Critic, le qual esseva amplemente diffundite desde le 19e seculo. In le annos recente il habeva un tentativa de ameliorar iste texto, appellante lo Texto Eclectic (a significar que multe altere manuscriptos esseva consultate in su edition e evolution), ma illo es ancora le texto que ha, qua fundamento central, iste duo manuscriptos.

Il ha multe problemas de omission que characterisa iste Nove Testamento Grec. Versos e passage que se trova in le scriptos del Patres del Ecclesia de circa le anno 200-300 A.D. manca in le Textos de Alexandria que remonta a circa le annos 200-300 A.D. In ultra, iste lectiones plus antique se trova in manuscriptos in existentia desde le anno 500 A.D.. Un exemplo de isto es Marco 16:9-20: iste passage se trova ubicunque in le scriptos de Ireneo e Hyppolito in le 2e seculo e se trova in omne manuscripto del Evangelio secundo Marco desde le 500 A.D. Illo manca in duo manuscriptos de Alexandria, le Sinai e le Vaticano. Isto es solmente uno de plure exemplos de iste problema. Il ha multe parolas, versos e passages que es omittite del moderne versiones, ma que se trova in le Texto Traditional o Byzantine del Nove Testamento, e ergo in le Textus Receptus. Le texto critic differe del Textus Receptus 5337 vices, secundo un computo. Le manuscripto vatican omitte 2877 parolas in le Evangelios; le manuscripto del 
Sinai omitte 3455 parolas del Evangelios. Iste problemas inter le Textus Receptus e le Texto Critic es multo importante al traduction e interpretation correcte del Nove Testamento. Contrarimente al assertiones de qui supporta le Texto Critic, iste omissiones de facto influe sur le doctrina e le fide in le 
vita christian.

Plure exemplos de problemas doctrinal causate del omissiones del Texto Critic es presentate hic. Isto non es un lista complete. Le Texto Cristic reconstruite:

In ultra, un error esseva create in le Biblia in Marco 1:2. In iste passage del Texto Critic, se dice que Isaiah esseva le autor del libro de Malachia. In plure placias in le Nove Testamento, le nomine de Jesus es omittite del Texto Critic; septanta vices “Jesus” se omitteva e vinti-novem vices se omitte “Christo”.

Un altere problema con le moderne Texto Critic es que le duo manuscriptos principal sur le quales le texto es construite, le Sinai e le Vaticano, non concorda le un con le altere plus que 3000 voces in solmente le Evangelios. 
Assi, le Texto de Alexandria presenta se mesme como typo de texto characterisate in plure placias per lectiones que in le linguas original es difficile, abrupte o mesmo impossibile. Il appare que non importa quanto peculiar o aberrante le lectiones variante es, illo haberea debite esser in le autographos original (como sovente on assere) proque un scriba haberea nunquam facite un cambio que non concorda con altere manuscriptos; ille haberea, in vice, facite un cambio que haberea rendite le passage plus fluente a leger.

Multo se dice super le antiquitate del manuscriptos de Alexandria. Isto es ver, ma le emphase in le studio del critica textual non deberea esser super le antiquitate del manuscripto ipse, ma quante copias distante del original illo es. Un manuscripto que es datate como copiate durante le decime seculo haberea potite esser le quinte in un linea de copias que originava del autographo original, durante que un manuscripto datate como scribite in le tertie seculo haberea potite esser le centesime in un linea de copias. Durante que il es difficile traciar le genealogia, le familia de un qualcunque manuscripto date, il es importante notar que le etate es relative in le senso que on poterea haber un manuscripto corrumpite del tertie seculo, o un manuscripto fidel del decime seculo.

Le christianos conservative que crede in le inspiration divin del Biblia, crede alsi que Deo providentialmente e activemente preservava le transcription fidel del Nove Testamento durante le seculos, e que iste texto es le Texto Traditional. Deo promitteva in Su Parola que Ille haberea non solmente preservate Su Parola durante le generationes a venir, ma que Su Parola habeva un valor permanente e haberea essite protegite del corruption.
Mattheo 5:18 assere: “Veracemente io dice vos: Usque celo e terra passa, non mesmo un iota o un apice passara del lege, usque toto essera accomplite” (vide alsi Isaia 59:21; Johannes 10:35).

Iste versos demonstra que Deo non lassava su Ecclesia, durante seculos, sin un copia authoritative del Parola de Deo, ma que le populo de Deo trans le seculos fidelmente copiava e recopiava le autographos original. Le Ecclesias trans le mundo usava le Texto Traditional in tote su varie formas, e Deo vigilava sur le multiplication de un grandissime numero de copias e Ille portava al salvation multe generationes per le medio de iste processo de preservation. Iste doctrina del preservation providential es scribite in le Confession de Fide de 
Westminster, cap. 1, par. 8:
'“Le Vetere Testamento in Hebreo, le qual esseva le lingua native del antique populo de Deo, e le Nove Testamento in Greco, le qual, durante le tempore in le qual illo esseva scribite, esseva le lingua le plus generalmente cognoscite inter le nationes, essente immediatemente inspirate per Deo e pro Su singular cura e providentia, conservate pur in omne etates, es ergo authentic. Assi, in omne controversia de religion, le Ecclesia debe appellar se a illos como su autoritate ultime”.

'Iste preciose doctrina del preservation providential del Scripturas, ha essite practicamente oblidate per le moderne eruditos del textos. Multes inter illes tracta le Parola de Deo como si illo esserea un libro qualcunque, subjecte al capricios e al mutabile normas del methodos scientific. Multe del formas destructive del alte critica del 19e seculo perveniva nos de un manco de fide que le Biblia es un libro supernatural. Le Biblia porta in se le signos del inspiration, le quales pote clarmente esser vidite per oculos credente, ma que pote esser calcate sub le pedes de homines que curre rapidemente al perdition. Nonobstante isto, tamen, Deo faceva surger Su populo, le qual ama e coltiva Su Parola e recognosce le signos del ispiration que le antique credentes recognosceva, e que iste copias que ha essite transmittite trans le seculos representa ben lo que Deo intendeva esser usate. Isto non significa que un particular edition imprimite del Nove Testamento Grec hodie es perfecte, ma lo que isto significa es que le Nove Testamento que nunc nos ha es essentialmente le mesme que esseva transmittite per le seculos per varie gruppos de credentes qze amava e observava Su Parola.

Le fortia de iste preservation in le Vetule Testamento deriva del grande qualitate del obras del scribas que copiava le Vetule Testamento Hebree. In le Nove Testamento isto es visibile in le abundantia de manuscriptos que nos hodie possede. Isto ha essite le methodo que Deo usava pro conservar pur Su Parola. Iste preservation provide que nulle texto local, como illo de Alexandria in Egypto, devenirea le texto predominante. Il necessitava le liberalismo, le incredulitate e le hereticos a defiar iste processo de preservation. On nunquam probava que iste poc manuscriptos ab Alexandria jammais existeva extra Alexandria in Egypto. Multes in le mundo hodie rejecta le Texto Critic in tote su formas. Le application practic del preservation providential es que le credente hodie debe seliger inter un texto moderne reconstruite basate essentialmente super duo manuscriptos del quarte seculo, le quales omitte le divinitate de Christo in plure locos e es estimate per alcunes de lassar foras approximativemente 200 versos (le equivalente de 1 e 2 Petro), o que ille debe seliger como texto uno que Deo ha continuate usar trans le seculos. Esque nos usa le texto que Deo ha benedicite e que honora e glorifica le Senior Jesus, o no?

Le editiones imprimite del Nove Testamento Grec que esseva publicate in le seculos 16e e 17e esseva producite per homines que comprendeva lo que significa le gloria de Deo e le importantia de haber copias accurate del Biblia. Desde le obra cognoscite como le Polyglot Complutense al varie editiones de Erasmo, al quatro editiones de Robert Stephen (le melior del quales es le texto de 1550, le qual es le base de lo que es appellate “le Berry Interlinear on le Englishman's Greek New Testament), al obra del Elzeviros in 1624 e 1633, e finalmente al obra de F. H. A. Scrivener in le annos 1870 e 1880, nos ha un erudition in le critica textual e le plus fidel e attente attitude que nos pote imaginar verso le manuscriptos. Le Texto Traditional del Nove Testamento esseva le texto del 
periodo del Reformation, un texto assi amplemente usate e grandemente benedicite.

(1) See The Great Omission, The Quarterly Record (London, England: The 
Trinitarian Bible Society, no. 524, July-September 1993). 
(2) J. Harold Greenlee, Introduction to New Testament Textual Criticism (Grand 
Rapids, MI, USA: William B. Eerdmans Publishing Co., 1964), p. 17.

England: The Trinitarian Bible Society, no. 510, January-March 1990.

Anderson, G. W. and D. E. A Textual Key to the New Testament. London, England: 
The Trinitarian Bible Society, 1992.

demonstrated by the evidence of the ancient manuscripts, Article No. 16. London, 
England: The Trinitarian Bible Society, n.d.

Article no. 75. London, England: The Trinitarian Bible Society, n.d.

Burgon, John William. The Causes of Corruption of the Traditional Text of the 
Holy Gospels. London: George Bell and Sons, 1896.

________. The Last Twelve Verses of the Gospel According to S. Mark. Oxford: J. 
Parker and Co., 1871.

________. The Revision Revised. Fort Worth, TX, USA: A. G. Hobbs Publications, 

________. The Traditional Text of the Holy Gospels. London: George Bell and Sons, 

Clark, Gordon H. Logical Criticisms of Textual Criticism. Jefferson, MD. USA: 
The Trinity Foundation, 1986.

Dabney, Robert L. The Doctrinal Various Readings of the New Testament Greek, 
Discussions of Robert Lewis Dabney, vol. 1. Carlisle, PA, USA: The Banner of 
Truth Trust, 1967.

________. The Revised Version of the New Testament, Discussions of Robert 
Lewis Dabney, vol. 1. Carlisle, PA, USA: The Banner of Truth Trust, 1967.

London, England: The Trinitarian Bible Society, n.d.

Fuller, David Otis. Counterfeit or Genuine. Grand Rapids, MI, USA: Grand Rapids 
International Publications, 1978.

________. True or False. Grand Rapids, MI, USA: Grand Rapids International 
Publications, 1983.

________. Which Bible? Grand Rapids, MI, USA: Grand Rapids International 
Publications, 1970.

Trinitarian Bible Society, n.d.

Hills, Edward Freer. The King James Version Defended. DesMoines, IO, USA: The 
Christian Research Press, 1984.

NIV, Article no. 74. London, England: The Trinitarian Bible Society, n.d.

The New Testament, The Greek Text Underlying the English Authorised Version of 

Pickering, Wilbur N. The Identity of the New Testament Text. Nashville, TN, USA: 
Thomas Nelson Publishers, 1977.

Scrivener, F. H. A. The Authorised Edition of the English Bible (1611): Its 
Subsequent Reprints and Modern Representatives. Cambridge, England: The 
University Press, 1884.

________. A Plain Introduction to the Criticism of the New Testament for the Use 
of Biblical Students, third edition. Cambridge, England: Deighton, Bell and Co., 

Sturz, Harry A. The Byzantine Text-Type and New Testament Textual Criticism. 
Nashville, TN, USA: Thomas Nelson Publishers, 1984.

van Bruggen, Jakob. The Ancient Text of the New Testament. Winnipeg, Ont., 
Canada: Premier, 1976.

________. The Future of the Bible. Nashville, TN, USA: Thomas Nelson Publishers, 

London, England: The Trinitarian Bible Society, n.d.

Trinitarian Bible Society, n.d.

Wisse, Frederik, The Profile Method for Classifying and Evaluating Manuscript 
Evidence. Grand Rapids, MI, USA: Wm. B. Eerdmans Publishing Co., 1982.

London, England: The Trinitarian Bible Society, n.d.




#Article 212: Historia del christianismo (1257 words)


Le historia del christianismo es le studio del religion initiate per le propheta judee de Nazareth nominate Jesus. Le christianismo tornava se un del plus grande religiones, affectante a tote le altere fides e modificante le curso del historia. Le christianismo se differe de altere religiones abrahamic in le affirmation de que Jesus Christo es le Filio de Deo. Le grande majoritate del christianos crede in un Deo formate per tres personas unite e distincte: Patre, Filio e Spirito Sancte. Al longe de su historia, le religion ha resistite schismas e  que resultava in multe ecclesias differente. Le plus grande brancchas del christianismo es le Ecclesia Catholic Roman, le Ecclesia Orthodoxe e le Ecclesias protestante.
Le christianismo comenciava expandir se initialemente desde Jerusalem, e postea in tote Oriente Medie, acabante pro esser le religion official de Armenia in 301, de Ethiopia in 325, de Georgia in 337, e post le Ecclesia statal del Imperio Roman in 380. Tornante se commun in tote Europa in le Medievo, le christianismo expandiva se in tote le mundo in le Era del Discopertas. Actualemente le christianismo ha circa 2,13 billiones de adeptos, essente le major religion mundial adoptate per circa 33% del population del mundo. Illo es le religion predominante in Europa, America, Oceania e in grande parte de Africa e partes de Asia.

Jesus e su prime discipulos era judee. Le christianismo continuava utilisante le Scripturas Hebree, convirtendo se le Tanakh in lo que hodie se cognosce como le Vetule Testamento. Acceptante multe doctrinas fundamental del judaismo, como le monotheismo, le libere voluntate, e le Messia, le qual es equivalente a Christo ([le] ungite in greco).

Le Terra de Israel era multe disputate per le antique imperios, pro su ubication geographic. Illo era in medite de duo grande rutas commercial: Egypto e Mesopotamia, Arabia e Asia Minor. Alexandro Magne derrotava al persas e post prendeva Palestina. Post le morte de Alexandro (323 aEC) Ptolomeo I prende Egypto; Seleaco I, Assyria] e de nove Palestina resta in discordia. Recordante le ideologia de Alexandro, que era unir tote le humanitate sub un mesme civilisation de marcate tonalitate grec (Hellenismo). Iste fussion combinava elementos grec con altere prendite del civilisationes conquistate, ancora variante de region in region. Isto le donava un unitate al bassino del Mediterranee, qe servirea al expansion del Imperio Roman e al christianismo o predication del Evangelio. Pro le judeos le hellenismo era un menacia pro su religion, nam le philosophia hellenistic era materialiste. Le pression del hellenismo era constante e le fidelitate del judeos a lor Deo e a su traditiones equalmente. Iste pression desatava un rebellion pro parte del judeos maccabee, qui rebellava se contra le hellenismo del Seleucidas, qui pretendeva imponer su ideales. Post in le historia presenta se le romano Pompeio in le 63 aEC qui prendeva Palestina deponente le ultime del maccabeos Aristobulo II. Le politica roman era tolerante al religion e le costumes del populos conquistate.

Herodes I faceva tote le possibile pro introducer el hellenismo, a tal grado que essayava colocar un aquila in le entrata del Templo de Jerusalem, lo que provocava un rebellion de nove, que sofocava se con duo mill crucifixiones. Durante iste tempo existiva gruppos religiose: le phariseos que era un partito del populo e non haveva le vantagias material que ottorgava le regimen roman e le hellenismo, anque luttava pro cumplir le lege in tempores difficile, credeva in le resurrection e in le existentia del angeles. Le saduceos era le partito del aristocratia, cuje interesses le faceva collaborar con le regimen. Illos era aristocratas e conservatores, non credeva in le resurrection ni in le angelos. Le zelotes era le partito que se opponeva al regime roman e sequeva existinte etiam post del crucifixiones. Jesus e su apostoles era plus circa del phariseos in le doctrina (Jesus non les criticava pro esser malos judee, ma proque illes se oblidava del humanos pro voler cumplir le lege). Tote le partitos e tote le sectas teniva alicun cosa in commun; compartiva le monotheismo ethic e le sperantia eschatologic.

Le christianismo anque continuava con multe del patrones trovate in le judaismo del epocha de Jesus, como le adaptation del forma liturgic del adoration in le synagoga al ecclesia o templo; le oration; le utilisation del sacrate scripturas; un calendario religiose; le uso del musica de hymnos e oration; ultra disciplinas como le jujuno. Le christianos adoptava initialemente le traductiones grec del scripturas judee, cognoscite como le Septuaginta, como su proprie Biblia e plus tarde se canonisava multe del libros del Nove Testamento.

Le christianismo comenciava inter un parve numero de judeos. In le libro del Factos del Apostolos 1:15 menciaona se circa 120. In le seculo III, le christianismo cresceva usque convertir se in le congregation dominante in le nord del mundo mediterranee. Il anque expandiva se de forma importante al est e sud del Mediterranee. Iste section examinara aquillos prime 300 annos.

Le factos que occuriva in le prime annos del christianismo relata se in le libro del Factos del Apostolos. Actualmente questiona se le veracitate de iste relatos pro le grande proliferation de libros false re le Factos del apostolos que haveva durante le christianismo primitive.

Le judeocristianos primitive es utilisate al discutir re le christianismo primitive. Jesus, su deceduo apostolos, le ancianos e la major parte del sequores era judeos. Assi como le 3000 convertite in Pentescostes post del cruxifixion descripte in le Factos del Apostolos, ubi tote le judeos, proselitos e tote le convertitos al christianismo era non gentiles ante del conversion del official roman Cornelio per Simon Petro in Factos 10, qui es considerate secunde le tradition como le prime gentil en esser convertite al christianismo. Le plus grande division in le christianismo in isse tempo presentava se inter le judeos hellenistic e non hellenistic o del lingua grec y del lingua arameea (Factos 6). Nonobstante, post del conversion de Cornelio e su acceptation como christiano, agora existiva altere gruppo, le christianos gentil. Como un movimento schatologic, illos anticipava que le gentiles transformarea al Deo de Israel como lo profetisava Isaias in le versiculos  56:6-8. Le Nove Testamento non utilisa le termino gentil-christiano o judeo-christiano, in cambio, Pablo scribe in contra de aquillos que era circumcisse, qui se separava del non circumcisse: Hic, non ha Grec e Judeo, circumcise e incircumcision, barbaro, Scythian, sclavo, libere, sed Christo es omne cosa e in omnes. (Colossenses 3:11).

In le seculo II multe eruditos comenciava a producer textos scripte que nos adjuta a entender le forma in que se disveloppava le christianismo. ISte lavoros pote aggruppar se in duo grande categorias: lavoros dirigite a un amplia audientia de eruditos non credente e lavoros dirigite a aquillos que considerava se christianos. Le scriptos pro le non credentes nominava se apologetic in le mismo sentito que le discurso donate per Socrates in su defensa ante le assemblea atheniense, nominate Apologia, cuje parola in greco significa discurso pro le deffensa que le denotation moderna plus limitate de declaration expresante regret. Le apologistas, como se cognosce a iste autores, fa un presentation pro classes educate del credentias christian, multe vices associate con un attacco del credentias e practicas del paganos. Altere scriptos ha le scopo de instruir a amonestar al frates christian. Multe scriptos de iste periodo, nonobstante, succumbiva al destruction del Ecclesia Catholic primitive como heresia o in disaccordo con su mensagio. Encora assi, hodie se ha trovate scriptos como le Evangelio de Thomas in 1945.

Durante iste periodo le governmento del Ecclesia christian toma forma hierachic que es similar al governmento roman.




#Article 213: Patres del Ecclesia (1049 words)


Patres del Ecclesia. Termino alternative pro scriptores patristic.

Inter le 100 d. C. e le 500 d. C. le ecclesia christian cambiava multo. In le anno 100 d. C. illo esseva solmente un parve minoritate, severemente persecutate. Le Evangelios e le Epistolas esseva jam in circulation, ma illos non habeva ancora essite colligite insimul pro formar le Nove Testamento.
Nonobstante alicun breve affirmationes de fide, como Jesus es le Senior, non existeva alicun credo formal a declamar. Le organisation del ecclesia esseva ancora satis fluide e illo variava de loco a loco, como in le tempores del Nove Testamento. In fin, non existeva modellos fixate pro le servicios divin, mesmo si, forsan, esseva in circulation preces como le Patre nostre.

Verso le 500, le quadro del situation esseva differente. Le plus parte del population del Imperio roman, se definiva christian, e le christianismo deveniva le religion official del Stato. Extra le confinios de Europa, tamen, como in Ethiopia o in India, il habeva ecclesias de considerabile grandor.

Le Scripturas se componeva de duo Testamentos, le Ancian e le Nove. Iste ultime, a exception de alicun variante local, esseva simile al nostre. Duo esseva le Credo le plus diffundite, e il habeva un clar comprension del Orthodoxia in opposition al Heresia, super toto in referentia al doctrinas del Trinitate e del Persona de Christo. Le ministerio del Ecclesia se exprimeva ubicunque sub le triplice forma de episcopos, presbyteros, e diaconos, mesmo si a nivello local, on poteva trovar se differentias. Le servicios divin del Ecclesia habeva un character integremente liturgic (cfr. Liturgia), con formas fixate de precarias.

Le major parte de iste transformationes, eveniva gradualmente in le curso del quatro seculos in question: generalmente illos esseva pro le profito del ecclesia e illos representava un crescimento san. Non tote le cambios, tamen, ameliorava necessarimente le situation. Hodie, per exemplo, le alliantia con le Stato e le transformation del christianismo in religion de stato, esserea considerate per multes, al minus un benediction mixte, si non como un ver malediction. Alteres, in ultra, non essere satisfacite ni del sorta de ministerio que emergeva in le ecclesias, ni del suppression de formas libere de servicios divin.

Duo esseva le tornos le plus importante del vita del ecclesia primitive. Le prime eveniva in le anno 70 d. C.: usque a ille momento, le discipulos de Jesus esseva super toto judeos, e generalmente, illes esseva considerate un sorta de gruppo deviante al interior del Judaismo, un gruppo de protesta. Le Nazarenos poteva esser considerate un secta judaic, como illo del Phariseos, del Sadduceos o del Essenos (Act. 24:5). Le ecclesia-matre esseva illo de Jerusalem. Le apostolo Paulo debeva multo luctar pro render acceptabile su mission inter le Gentiles o paganos. Ille multo luctava pro establir le principio secundo le qual il non esseva necessari que le Gentiles convertite deveniva Judeos per submitter se asl circumcision. In le anno 70 d. C., tamen, Jerusalem esseva saccheate per le Romanos, como Jesus habeva prophetisate, e le ecclesia de Jerusalem cessava de exister. Multo tosto, postea, le ecclesia principal deveniva illo de Roma, capital del mundo pagan. Durante que pro le ecclesia del Nove Testamento, le problema esseva: Le paganos qui se converte, debe o non debe esser circumcidite (o, in altere parolas, debe illes devenir judee)?. Pro le ecclesia del secunde seculo, le problema esseva un altere: Le christianos judee pote continuar a sequer le leges judaic (illo es, remaner judee)?. Le christianismo se transformava de un secta judaic a un fide potentialmente universal.

Le seconde importante torno eveniva in le anno 312, con le conversion al christianismo del imperator Constantino. Usque a ille momento, le ecclesia esseva un minoritate de dissension, periodicamente persecutate. Le situation cambiava rapidemente: Constantino faceva terminar le persecutiones e ille officialmente offereva al ecclesia su supporto e su favor. Inter le imperatores subsequente, solmente uno esseva pagan. Le christianismo deveniva religion official del stato.

Le union Stato-Ecclesia, esseva tosto recipite con favopr e enthusiasmo de alicunes (Eusebio de Cesarea per exemplo) e multes, ancora hodie lo defende. Alteres, desde le comenciamento, habeva forte dubitas super isto. Hodie il es multo popular le pensamento che un tal union es un error multo grave. Diverse questiones esseva actual. Ante totes, le adoption del christianismo como religion de Stato, portava a un massive adhesion al christianismo de massas de personas non vermente convertite a Christo, ergo de conversiones superficial. Isto comportava, de consequentia, un corruption del standard moral del ecclesia e le introduction de alicun practicas pagan e idolatric. In secunde loco, le ecclesia persecutate del martyres deveniva tosto un ecclesia de stato persecutante. Le cohercition legal esseva uno del prime instrumentos utilisate contra ille gruppos de christianos que deviava o non consentivaa al currente principal del Ecclesia catholic e, plus tarde, contra le culto pagan. Le ecclesia, servitor e suffrente, riscava, assi, de devenir le ecclesia opprimente. In tertie loco, durante le christianisation del Europa, le christianismo curreva le periculo de devenir le religion tribal del Europeos. Su legamine con lo Stato comportava problemas particular. Il es necessari rememorar que le currente principal del historia christian habeva loco in le Europa christian. Il es ibi que le ecclesia plure vices videva renovamentos, e de ibi le Evangelio se diffundeva per tote le mundo.

Le ecclesia primitive, como alsi le Imperio roman, esseva subdividite in duo sectiones: le oriental (ubi se parlava le Greco), e le occidental (ubi se parlava le Latino). In ultra a differentias linguistic, il habeve alsi differentias cultural inter le mundo grec e le mundo roman. Le plus antique christianismo developpate se inter le paganos, esseva grec, e le Nove Testamento ipse esseva scribite in Greco. Mesmo in Occidente, in le prime ecclesias, se parlava le Greco (in Roma, usque al 3e seculo). Il es in le Africa del nord que nos trova le prime tracias de christianismo latin, e le african Tertulliano (fine del secunde seculo) esseva le prime importante scriptor christian latin. Durante le prime seculos le ecclesias de lingua grec e le ecclesias de lingua latin coexisteva pacificamente, nonobstante alicun occasional rationes de tension. Plus avante, de post le cadita del Imperio roman de Occidente (quinte seculo) le duo ecclesias se separava gradualmente e, durante le tempore, nasceva assi le Ecclesia orthodoxe oriental e le Ecclesia catholic roman.




#Article 214: Vista del judaismo de Jesus (207 words)


Le conception judaic al messia (mosiach in hebreo) es significativemente differente da illo supportate per le christianos. Secundo le Judeos, le Biblia hebraic contine un parve numero de prophetias concernente le futur descendente del Rege David, le qual essera consecrate, o uncte (in Hebreo Moshiach) como le nove leader del populo judee. In le conception judaic, iste leader, plenmente human e mortal, reconstruera le terra de Israel e restaurara le Regno davidic. Iste subjecto es tractate in le section del eschatologia judaic.

Le comprehension christian del termino messia es fundate sur le affirmationes que Jesus face de se ipse in le Nove Testamento, illo es: (a) que ille esseva le complimento de multe prophetias del Vetere Testamento, specialmente le Cantos del Servitor in Isaia; (b) que ille veniva pro establir le Regno de Deo o Regno del Celos, que non essera un regno terrestre; (c) que, quando a ille se demansava si ille esseva o no le expectate Messia, ille adressava le attention al miraculos que ille faceva, como alsi al referentia de se mesme a titulos que le Judeos considerava pertinente solmente a Deo, como le IO ES; e (d) que le action demonstrative de lavar le pedes de su discipulos, le representava como un rege-servitor.




#Article 215: Vista islamic de Jesus (216 words)


Islam condivide un certe numero de credentias con le Christianismo. Ambes condivide ideas similar sur le monotheismo, le judicamento final, le Celos, le inferno, le spiritos, le angelos, e un futur resurrection del mortos. Jesus Christo es recognoscite e respectate per le musulmanos como un grande propheta, sin dubita le sol propheta que esseva exempte de peccato, e on face referentias a ille como le messia e le Spirito de Deo. Ambe religiones crede alsi que Christo es proxime a Deo - In le compania del plus proxime a Allah in le Koran, metaphoricamente exprimite in le Biblia como sedente al dextera de Deo.

Ambe religiones condivide le fide in le nascentia virginal de Jesus Christo, su miraculos e resanamentos, e que ille ascendeva al Celos. Nonobstante isto, le musulmanos non accepta que Jesus se appella Filio de Deo (excepte in le senso de alicuno amate per Deo), durante que illes crede solmente in Deo come un entitate singule, non como dice le conception christian del Trinitate. Le islamitas non accepta le crucifixion de Christo. Durante que le islamitas crede solmente in le adoration de un Deo strictemente monotheista, illes non accepta le uso de iconas, e los considera un idolatria. Pro le mesme rationes, illes non adora ni preca le propheta Mahomet, fundator de Islam.




#Article 216: Landsmål (141 words)


Le landsmål es un lingua litterari norvegian, basate super le nordico antique e dialectos norvegian (e libere de influentias danese) construite per le linguista Ivar Aasen e promovite per le poeta e linguista Arne Evenson Garborg, (Time, 1851-1924), in su libro Le nove lingua norvegian e le movimento national, (1887). Sub le pression de iste lingua del pais (Landsmål) le lingua norvegian aristocratic Riksmål (multo influentiate per le danese) se evolveva a causa de varie reformas (in 1907, 1917, e 1938).

Con le tempore le nomine del duo linguas esseva cambiate, le Riksmål deveniva le Bokmål (o lingua de libro, parlate in major quantitate al levante de Norvegia) e le Landsmål deveniva le Nynorsk (“neonorvegiano”, parlate in major quantitate in le occidente de Norvegia). Le cambios e modernisation continua in ambe linguas hodie, ma le duo son inseniate al scholas norvegian.




#Article 217: Libro de Mormon (447 words)


Le Libro de Mormon es un recompilation de scriptos que le Ecclesia de Jesus Christo del Sanctos del Ultime Dies considera inspirate per Deo al par del Biblia.

Le nomine deriva del nomine de un de su personages, appellate per le creditores le propheta Mormon. Nonobstante que le libro era scripte per Smith in le seculo XIX in le SUA in le lingua anglese, in le mythologia del mormones illo es un collection de libros de supponite antique prophetas del continente America del Nord (600 aEC - 421 EC).  De facto, le eventos e personages son fictional. Smith non cognosceva le lingua hebree ni alcun altere linguas semitic e consequentemente le nomines del hebreos in le libro non ha ver radices semitic.

Secundo le tradition del Movimento del Sanctos del Ultime Dies, le Libro de Mormon ha le registros de duo grande civilisationes que populava le continente american, un veniente de Jerusalem circa le anno 600 aEC e le altere arrivante multe seculos antea in conjunction del episodio del Turre de Babel. Iste registros haberea essite mantenite per prophetas que viveva inter iste populos, usque le ultime, Mormon, qui faceva un compilation del annales in un unic volumine, gravate in plattas de metallo.

In le narration de Joseph Smith, fundator de iste movimento, Moroni, un angelo qui le visitava le 21 de septembre 1823 e le instrueva re un antique scripto e del passos a sequer pro traducer lo. Smith contava que, quatro annos plus tarde, le plattas le era date. Ille los traduceva rapidemente in anglese con, secundo ille, auxilio divin. Le traduction del texto supponitemente se realisava per medio del Urim e Tumim que permitteva a Smith interpretar le characteres del egyptio reformate al anglese del epocha. In iste labor ille cooperava con Martin Harris e Oliver Cowdery, qui postea affirmava como testimonios original le nominate Plattas de Auro date a Smith per le angelo Moroni.

Joseph Smith publicava su opera pro le prime vice in 1830, con le titulo de The Book of Mormon, in referentia al personage del libro que ille diceva era responsabile del compilation. Como resultato del labor missionari del membros del Ecclesia de Jesus Christo del Sanctos del Ultime Dies e altere denominationes affin, le libro ha essite publicate in 78 linguas, con portiones traducite in altere 32 linguas. In summa, illo ha essite imprimite plus de 120 milliones de copias, coperiente le linguas materne del 99% de su membros e le 87% del population mundial. In 1998 le Ecclesia de Jesus Christo del Sanctos del Ultime Dies faceva traducer sectiones resumite del Libro de Mormon, annunciante que le traduction del libro a cata nove lingua serea un edition complete.




#Article 218: Don Quixote de La Mancha (131 words)


Le ingeniose hidalgo Don Quixote de La Mancha ([ðon.kiˈχote.ðe.laˈmant͡ʃa]; atque traducte como Dom Quichotte de Le Mancha, pron. approximate: /dɔn.kiˈʃɔtːe.de.leˈmanʃa/ o /don.kʷiˈkote.de.leˈmanka/; in espaniol: El ingenioso hidalgo Don Quijote de la Mancha; saepe note simplicemente como: El Don Quijote) es un opera de litteratura espaniol scribite per Miguel de Cervantes. Es le libro le plus traducite depost le Biblia.

Le libro esseva publicate in duo partes, le prime in 1605 e le secunde in 1615.

In interlingua, il ha un traduction partial per Lorenzo García de la Barrera Mora, Novus.

Le romance comencia con le description de un hidalgo paupere de un loco indeterminate de La Mancha in le sud de Espania, qui se affolla con le lectura de libros de cavalleria e se crede esser un cavallero errante del medievo.




#Article 219: Mathematica (317 words)


Mathematica ( [mathematikos]; ab μάθήμα [mathema], scientia, cognoscentia, le egyptios describeva multe problemas geometric, algebric, trigonometric e arithmetic. Pythagoras, Euclide e Archimedes fundava le base del geometria elemental.

 In le medievo, le arabes, specialmente Al-Khwarizmi, scribeva libros super algebra. In facto, le parola algebra e le systema europee de numeros es de origine arabe. In le Renascentia, le signos mathematic moderne comencia a esser usate.

Le Seculo de Auro del mathematica esseva le dece-septime: René Descartes creava le geometria analytic; Newton e Leibnitz, le calculo infinitesimal; Napier, le logarithmos napierian o natural. Etiam esseva create altere brancas, como le logica, le theoria de probabilitates, le theoria del insimules, le algebra de matrices e altere brancas que hodie es usate in le scientias natural.

On dice que le mathematica es un scientia deductive, perque es basate in propositiones logic nominate postulatos. Super iste propositiones logic es construite altere propositiones, plus complexe, nominate theoremas.

Per exemplo, le sequente propositiones geometric es postulatos:

Le sequente exemplos es theoremas arithmetic:

Le cosas que on pote vider in le spatio es nominate corpores in mathematica. Le corpores ha multe proprietates, como le longitude, le volumine, le fortia applicate, le tempore, le area, le massa, etc. Cata un de iste proprietates es nominate magnitudeAritmética teórico-práctica, Aurelio Baldor, Publicaciones Cultural, 1983 (ISBN 968-439-213-3). Alicun fontes signala que le concepto de magnitude, in mathematica, es le capacitate de mesurar le grandor de alique, per exemplo un figura plan, un corpore solide, un angulo, un fraction. Nonobstante, omne le magnitudes pote esser mesurate. Iste mesura es nominate quantitate. Le mathematica studia le magnitudes e le quantitates, e su relationes.

Le mathematica se divide in scientia pur o abstracte, ubi se considera le magnitudes o quantitates abstractemente, sin relation al materia; e in application, le qual tracta le magnitudes como substantia de corpores material. Le mathematica applicate es multo usate in le scientias natural, como le physica.




#Article 220: Modena (224 words)


Modena es un citate del region Emilia-Romagna situate in le centro-nord de Italia.

Le nomine Modena veni ex su nomine latino Mutina.

Modena esseva un colonia roman in le 183 a.C. (Ciceron lo definiva citate floridissime), Modena faceva de theatro al guerra inter Decimo Bruto e Marco Antonio (43 a.C.) que signava le ascension de Octaviano e le nascita del secunde Triumvirato.

Semidestruite in le curso del IV seculo, abandonate in le seculos V e VI a causa de guerras e inundationes, le citate resurgeva sub le governamento episcopal (seculos VIII--X) poteva gauder de privilegios imperial e entrar in le sphera de influentia del seniores de Canossa. In iste climate se initiava le construction del Cathedral (1099).

Le Estenses governava le citate desde 1289 al 1306, postea desde 1336 al 1510 e illes retornava de nove in le 1527, post un periodo de governamento ante imperial e post papal. In le 1598 on transfereva le Corte de Ferrara a Modena, que deveniva assi le capital Estense e on videva surger le nove Palatio Ducal (1634).

In le 1796 entrava in citate le truppas francese que dava initio a un dominio que durava usque al 1814. Desde ille anno, le duces austro-estenses Francesco IV e postea Francesco V governava le Stato Estense usque 1859, in sequita le ducato esseva aggregate al Regno de Italia (1861).




#Article 221: Manuela Sáenz (613 words)


Doña Manuela Sáenz de Thorne (27 de decembre 1797, Quito, Ecuador – 23 de novembre 1856, Paita, Peru), Libertadora del Libertador, esseva le amante del leader revolutionari sudamerican Simón Bolívar.

Manuela Sáenz es considerate como le prime feminista de Latinoamerica e como un importante revolutionaria de America del Sud. Le historico venezuelan Denzil Romero la appella possibilemente le femina le plus importante in le historia latinoamerican e dice que illa habeva plus influentia politic que mesmo Eva Perón.

Manuela nace in Quito, le infante ilegitima del noble espaniol Simón Sáenz Vergara (o Sáenz y Verega) e Maria Joaquina Aizpuro de Ecuador. Su matre esseva abandonate per su familia modeste e le juvene Manuelita frequentava le schola al Convento de Sancte Catharina (Santa Catalina) ubi illa apprendeva leger, scriber e exprimer se. Illa esseva fortiate a partir del convento al etate de dece-septe quando il esseva discoperite que la habeva seducite le officiero del armea Fausto d'Elhuyar, nepote e filio de Juan José e Fausto de Elhuyar y de Suvisa, le discopertores de tungsten. 

Durante plure annos illa viveva con su patre qui in 1817 arrangiava su maritage a un mercante anglese ric, James Thorne, duo vices su etate. Illes cambiava de casa a Lima, Peru in 1819 quando illa viveva como aristocrate e teneva reuniones social in su casa ubi le invitatos includeva leaders politic e officieros militar. Iste invitatos revelava a illa secretos militar super le revolution progredente, e in 1819 quando Simón Bolívar participava in le liberation successose de Nove Granada, Manuela Sáenz deveniva un membro active in le conspiration contra le vicerege de Peru, José de la Serna e Hinojosa 1820.

In 1822, illa abandonava su marito e viagiava a Quito, ubi illa incontrava Simón Bolívar. Illes sentiva un attraction mutual instantanee e durante le sequente octo annos illa dedicava su vita a Bolívar. Illes excambiava letteras de amor, illa le visitava quando ille cambiava de casa de un pais a un altere, e illa appoiava le causa revolutionari colligente informationes, distribuente pamphlettos e protestante pro le derectos del feminas. Como un del prime feminas jammais, Manuela recipeva le Ordine del Sol, honorante su servicios pro le revolution. Durante le prime menses de 1825 e ab februario usque septembre 1826 illa cohabitava con Bolívar proxime a Lima, ma le guerra continuante, Bolívar esseva fortiate a partir. Manuela le sequeva plus tarde a Bogotá. Le 25 de septembre 1828, officieros motinose essayava assassinar Bolívar, ma con le adjuta de Manuela ille succedeva a escappar, lo que le faceva appellar la plus tarde Libertadora del Libertador (liberatrice del liberator).

Bolívar sortiva ex Colombia in 1830 e moriva in Santa Marta de tuberculosis in viage ex le pais a in exilio, sin lassar alco a Manuela. Illa deveniva un spina in le latere de Francisco de Paula Santander, qui retornava al poter post le morte de Bolívar. Santander exiliava Manuela e illa iva a Jamaica. Quando illa essayava retornar a Ecuador in 1835, le presidente ecuadorian Vicente Rocafuerte revocava su passaporta e illa arrivava in Peru septentrional pro habitar in le parve citate litoral de Paita. Ibi illa incontrava le autor american Herman Melville.

Durante le sequente vinti-cinque annos, contemnite e destitute, Manuela vendeva tabaco e traduceva letteras que baleneros nordamerican scribeva a lor amantes in Latinoamerica.

In 1847 su marito esseva assassinate in Pativilca e su inimicos la refusava le 8.000 pesos de hereditage. Handicappate post que le scalas in su casa collabeva, Manuelita moriva in Paita le 23 de novembre 1856 durante un epidemio de diphteria. Su corpore esseva interrate in un fossa communal de massa e su possessiones, includente le major parte del letteras de amor de Bolívar, esseva comburite.




#Article 222: Mondial (179 words)


Mondial es un lingua auxiliar international proponite per Heimer in 1957.

Fonte: Discurso al Conferentia International de Interlingua 1989, imprimite in Interlinguistica e Interlingua: Que pote nos apprender ab le alteres e ab lor experientias de un seculo? p. 39-40, per Ingvar Stenström.

Tristan Bernard, le autor humoristique, havi un dia prendate place con un amico in un vagon de primerclase por andar a Versailles. Il alumavi imediatemente un bon cigar, que il comenzavi da fumar con un visible satisfacion. Alor un senior entravi i dicavi in un ton iritate a T.B. da gectar le cigar o da andar in un altre compartimente.

        MONDIAL              INTERLINGUA DE IALA
 -Parla sempre de amor,  -Parla sempre de amor, 
 -dica me que tu amara   -dice me que tu me amara 
 -me con tute tui ardor  -con tote tu ardor 
 -tanque tu i yo vivara. -Tanto como tu e io vivera. 
 -Non lontano e le dia   -Non lontano es le die 
 -u nu sera via, via.    -ubi nos sera via, via. 

Fonte: Samples of Constructed Languages, One Language for the World, Mario Pei. 1958. 




#Article 223: Medicina (365 words)


Le medicina ([me-di-tsí-na]) es le scientia e practica de diagnose, tractamento, e prevention de maladias in le corpore human. Le parola medicina deriva del Latin medicus, significante un medico. Le Medicina comprende un varietate de practicas pro reguardo del sanitate disveloppate pro mantener e restaurar le sanitate pro le prevention e le tractamento del maladia. Le medicina contemporanee applica le scientias biomedic, recerca biomedic, genetica, e technologia medica pro diagnosticar tractar e prevenir lesiones e maladias, generalmente per medio de pharmacos o chirurgia, pro etiam per medio de therapias tanto differente como psychotherapia, ferula e traction externe, instrumentos medic, biologic, radiation ionisante e alteres.

Le medicina existeva per mille de annos, dum le majoritate del qual esseva un arte (un area de habilitate e cognoscentia) e frequentemente haveva connexiones con le credentia religiose e philosophic del cultura local. Per exemplo, un shaman applicava herbas e precava pro sanar, o un ancian philosopho e medico qui applicarea sanguine de accordo con le theorias del humorismo. In recente seculos, desde le advenimento del scientia moderne, grande parte del medicina ha convertite un combination de arte e scientia (tanto basic e applicate, basse le parapluvia del  scientia medic). Durante que le technica pro le suturas es un arte apprendite per le practica, le cognoscimento de que eveni a nivello cellular e molecular in le texitos que on sue surge per le scientia.

Le formas del medicina prescientific alora es cognoscite como medicina traditional e medicina popular. Seque essente de uso commun con o in vice del medicina scientific e es appellate medicina alternative. Per exemplo, le evidentia super le efficacia del acupunctura es variabile e inconsistente pro ulle condition, ma generalmente es secur quando es realisate per un professional. In contrasto, le tractamentos foras del limites del securitate e efficacia es nominate charlataneria.

Le medicina debe aspirar a esser honorabile e diriger su proprie vita professional; esser moderate e prudente; esser economicamente sustenibile; esser juste e respectar le optiones e le dignitate del personas.

Le valores elemental del medicina contribue a preservar su integritate fronte al pressiones politic e social que defende un scopos alien o anachronic. Le scopos del medicina es:

Le scopos erronee del medicina es:




#Article 224: Motor de recerca (863 words)


Un motor de recerca o mechanismo de recerca es un programma designate pro adjutar le usator a acceder a files immagazinate in un computator o gruppo de computatores, como le World Wide Web, permittente que le usator specifica certe criterios (typicamente le presentia de un certe parola, collection de parolas, un expression) e recuperante le files que satisface ille criterios. Differentemente de un documento de indice que organisa le files de un maniera predeterminate, un motor de recerca solmente cerca le files post que le usator ha fornite le parolas a cercar.

In le contexto del Internet, le concepto motor de recerca generalmente refere al World Wide Web e non a altere protocollos o areas. Proque le collection de datos es automatisate, illos se distingue de catalogos del web, que es gerite per personas.

Le motores de recerca del web functiona immagazinante information super un grande numero de paginas del web que illos recupera del Web mesme. Iste paginas es recuperate per un web crawler — un navigator del web automatisate que seque tote le ligamines que illo trova. Le contento de cata pagina es analysate pro determinar como illo debe esser addite al indice (per exemplo, parolas es extrahite del titulo de fenestra, del titulos del pagina e de campos special de metainformation). Iste datos super le paginas del web es immagazinate sub alcun forma de base de datos e servira de indice in consultas futur. Alcun motores de recerca, tales como Google, immagazina un copia total o partial del codice-fonte (que illo denomina cache) in addition al information super le pagina.

Quando un usator visita le motor de recerca e face un consulta, le motor examina le indice e forni un lista del paginas que melio satisface le criterios specificate, generalmente con un breve summario que ha al minus le titulo del documento e eventualmente extractos del texto.

Pro le majoritate del personas le utilitate de un motor de recerca se basa super le relevantia del resultatos que illo produce. Malgrado le existentia de milliones de paginas del web que include un parola o expression particular, generalmente certe paginas es plus relevante, popular, o digne de confidentia. Le majoritate del motores de recerca emplea methodos de classificar le resultatos pro fornir primo le melior resultatos. Le maniera como un motor de recerca decide qual paginas satisface melio le criterios e in qual ordine illo debe presentar le resultatos, varia amplemente de un motor al altere. Le methodos etiam se cambia in le curso del tempore a mesura que le uso del Internet se cambia e le technologias se meliora.

Le majoritate del motores de recerca del web es interprisas commercial financiate per receptas publicitari, e per consequente alcunos emplea le practica controverse de permitter que le annunciatores paga pro haber lor paginas classificate in un position plus alte in le resultatos del recerca.

Le prime motor de recerca esseva Lycos que se initiava al Carnegie Mellon University como un projecto de recerca in 1994.

Tosto depost, multe motores de recerca competeva pro popularitate e ganiava e perdeva le posto maxime, tales como Lycos, WebCrawler, HotBot, Excite, Infoseek, Inktomi e AltaVista. De certe maniera illos competeva con catalogos popular tal como Yahoo!. Posteriormente le catalogos integrava o adjungeva technologias de motores de recerca pro meliorar lor functionalitate.

Le motores de recerca esseva etiam cognite como alcunes del plus brillante stellas in le phrenesia de investimentos que occurreva in le fin del annos 1990. Varie companias entrava in le mercato spectacularmente, registrante ganios record durante lor offertas initial de actiones al publico.

Ante le Web, il habeva motores de recerca pro altere protocollos o usos, tales como le motor de recerca Archie pro sitos de FTP anonyme e le motor de recerca Veronica pro le protocollo Gopher.

Le articulo de Osmar R. Zaïane Del discoperta de ressources al discoperta de cognoscentia in le Internet (1998) es un bon historia pre-Google del technologia de motores de recerca. (Recommendation: Clicca PDF in the angulo superior dextere.)

Recente additiones al lista de motores de recerca es Ask Jeeves, Ez2Find, Vivísimo, Gigablast e Kartoo.

Circa 2001—2002, the motor de recerca Google ascendeva al prominentia. Su successo se basava partialmente super le concepto de popularitate del ligamines e PageRank. Cata pagina es classificate secundo le quantitate de paginas que se liga con illo, sub le premissa que le paginas bon o desirabile recipe plus ligamines que le alteres. Le quantitate de paginas colligate e le quantitate de ligamines in ille paginas contribue al PageRank de un pagina. Isto rende possibile que Google presenta primo paginas que es altemente ligate per sitos del web de alte qualitate.

Recercatores al NEC Research Institute assere haber meliorate le technologia PageRank patentate per Google usante web crawlers pro trovar communitates de sitos del web. In vice de classificar paginas, iste technologia usa un algorithmo que seque ligamines a un pagina del web pro trovar altere paginas que se liga retro al prime e assi successivemente de pagina a pagina. Le algorithmo memora le paginas que illo ha visitate e registra in su indice le numero de ligamines cruciate e los aggruppa. De iste maniera se trova communitates virtual de paginas del web. 




#Article 225: Messageria instantanee (210 words)


Un servicio de messageria instantanee (instant messaging) permitte que duo o plus computatores excambia instantaneemente messages de texto per medio de un rete de computatores, como le Internet. Differentemente del posta electronic, ubi le messages es immagazinate in un cassa postal pro lectura posterior, in un servicio de messages instantanee le messages inviate es exhibite immediatemente al destinatario, si ille in linea. Isto rende possibile un conversation in tempore real.

Le plus popular servicios de messages instantanee in le Internet include AOL Instant Messenger (AIM), Yahoo! Messenger, .NET Messenger Service, e ICQ. Iste servicios debe multe ideas a un servicio plus antique (e ancora popular) cognoscite como Internet Relay Chat (IRC).

Le servicios de message instantanee ha surgite parallelmente in locos diverse, e cata application ha su proprie protocollos. Isto induce alcun usatores a executar plure applicationes de messages instantanee simultaneemente pro esser disponibile in plure retes.

Alternativemente, alcun applicationes tenta de coperir tote le protocollos e servicios in un singule cliente. Exemplos de isto es Trillian e Jabber.

Il ha plure tentativas de crear un standard unificate pro le servicio de messages instantanee: SIP (Session Initiation Protocol) e SIMPLE (SIP for Instant Messaging and Presence Leverage) del IETF, Apex (Application Exchange Core) e Prim (Presence and Instante Messaging Protocol).




#Article 226: Massa (quantitate physic) (184 words)


Le massa es le quantitate physic que un balancia meti.
Le unitates de massa plus commun son le kilogramma (kg) e le gramma (g)

Le massa de un particula es su inertia in un referential in reposo e es invariante. Le vetere notion de massa relativistic, secundo le qual le massa m de un particula esseva proportional al su energia E

ubi c es le velocitate del lumine, non es plus usate hodie.

Le definition moderne da a tote objecto solmente un unic massa, un quantitate invariante que non depende del velocitate. Secundo iste definition le massa de un objecto es date per

ubi E0 es le energia total del objecto in reposo.
     
Le prime definition de massa relativistic es sovente usate in alicun libros elementari. Illo esseva usate in le passato per le physicos. Sed hodie le moderne definition es usate exclusivemente. Aliquando uno usa le expression massa de reposo, o massa invariante, mais isto es solmente pro emphase. Le massa relativistic nunquam es usate. Nota que le equation E=m csup2; non es correcte. In vice de isto, le correcte equationes son scripte




#Article 227: Mahomet (308 words)


Mahomet (equalmente orthographiate Mohammed e Muhammad, del arabe محمد Le Laudato) es le ultime e maxime propheta del Islam, e assi un del plus importante prophetas in le historia Eurasian (e mundial). On non le considera totevia como le fundator de Islam, cuje prime propheta es considerate esser Adam. Pro musulmanes, Mahomet es dunque le restaurator del original fide monotheista de tote le prophetas anterior (Noe, Abraham, Moses, Jesus, etc).

Ille nasceva in Mecca circa 570 del era commun, e moriva in Medina in 632. Su nomine original esseva o Kotham o Halabi. Alcun musulmanes dice habitualmente «pace sia sur ille» post su nomine, e lo scribe in forma abbreviate: (pssi) inter parentheses.

Secundo le Qur'an (= Koran), iste libro sancte esseva narrate per Deo a Mahomet, qui lo recontava a scribas, proque ille mesme esseva analphabete. Le Qur'an es secundo inseniamentos musulman le parola immutabile de Deo, e non pote esser revidite.

Mahomet esseva le currero de Deo; ille registrava le Qur'an, e faceva publicitate pro illo. Ille (assi crede le musulmanes) esseva un homine simple e pur. Ille non debe esser adorate per musulmanes orthodoxe in ulle maniera, e ille non faceva miraculos.

Quando Mahomet presentava le nove religion al arabes, illes demandava provas miraculose. Mahomet commandava que le Monte Safa veniva a ille, lo que illo non faceva. Ille diceva: «Deo es misericordiose. Si illo habeva obedite a me, illo haberea cadite super nos, e destruite nos. Dunque, io vadera al montania, e regratiar a Deo proque ille habeva misericordia de un generation rigide.»

In despecto de isto, e del facto que legendas concernente le scriptura del Qur'an son fortemente discoragiate (proque le Qur'an es credite haber venite de Deo directemente, e tal legendas non es), il ha un parve numero de legendas super miraculos de Mahomet. Le plus cognoscite es le miraculo del luna.




#Article 228: Mythologia grec (242 words)


Le mythologia grec es le conjuncto de mythos e legendas pertinente al antique grecos que tracta de lor deos e heroes, le natura del mundo e le origines e significate de lor proprie cultos e practicas ritual. Illos esseva parte del religion del Antique Grecia.

Le mythologia grec es cognoscite in le actualitate gratias al litteratura grec e pro su representationes mythic sur medios plastic datate desde le periodo geometric (900-800 aEC).

Le contos mythic ha un rolo importante in quasi tote le generes del litteratura grec. Malgrado isto, le unic material general mythographic conservate del antiquitate grec esseva le Bibliotheca mythologic de Pseudo-Apolodoro. Iste opera essaya reconciliar le historias contradictori del poetas e proportiona un grande summario del mythologia traditional grec e le legendas heroic. Apolodoro viveva inter c. 180-120 a.Chr. e scribeva re multe de iste themas, ma nonobstante le Bibliotheca discute eventos que occurreva longemente post su morte, e pro isto illo es nominate Pseudo-Apolodoro.

Le mythologia grec ha cambiate con le tempore pro accommodar le evolution de su proprie cultura, del qual le mythologia es un indice, tanto expressemente como in su assumptiones implicite. In le formas litterari conservate del mythologia grec, como es al final del cambios progressive, es inherentemente politic como ha signalate Gilbert Cuthbertson.

Benque le contradictiones de iste historia face impossibile un linea temporal absolute, un chronologia approximate pote discerner se. Le historia mythologic del mundo pote divider se in tres o quatro periodos:




#Article 229: Maladia (136 words)


Un maladia o morbo es le stato resultante del conscientia del perdita de homeostasia de un organismo vive, total o partial, stato iste que pote occurrer debite a infectiones, inflammationes, ischemias, modificationes genetic, sequelas de trauma, hemorrhagias, neoplasias o dysfunctiones organic. Illo se distingue del infirmitate, que es le alteration damnose del organismo. Le damno pathologic pote esser structural o functional. 

Le maladia pote esser un:

Le medico face le anamnese e examina le patientes cercante signos e symptomas que defini le syndrome del maladia, sollicita le examines complementar conforme su hypotheses diagnostic, visante arrivar a un diagnostico. Le passo sequente es indicar un tractamento. 

Le Pathologia es le scientia que studia le maladia e cerca comprender lo. 

Alcun maladias porta le nomine de qui los habeva describite originalmente:

File:Gabriel Metsu 002.jpg|thumbnail|left|Gabriel Metsu: Pupo con maladia 




#Article 230: Microsoft Corporation (322 words)


Microsoft (acronymo in anglese de Microcomputer Software) es un compania in le Statos Unite, fundate e dirigite per William H. Gates III (Bill Gates) e Paul Allen, le prime essente su principal proprietario.

Le compania Microsoft produce le systema de operation appellate Microsoft Windows.

Al initio del anno 1998, Microsoft arrivava a un accordo temporari con le Departimento de Justitia statounitese le qual permitteva al fabricantes de PCs de offerer un version de Windows 95 sin accesso a Internet Explorer. Nonobstante, in maio de 1998 le Departimento de Justitia e vinti statos del Statos Unite presentava demandas contra Microsoft pro supposite practicas monopolistic e pro abusar le position dominante in le mercato pro ruinar le concurrentia. Iste demandas obligava Microsoft a vender Windows sin Internet Explorer o a includer Netscape Navigator, le navigator web de Netscape Communications Corporation, del concurrentia. Le demandas obligava etiam a modificar alcun contractos e le politica de precios. 

In junio de 1998 Microsoft lanceava Windows 98, qui includeva functiones integrate pro acceso a Internet. Al mense sequente Bill Gates nominava Steve Ballmer presidente del compania, qui esseva usque iste tempore le vice-presidente executive, e ille assumeva le carga del supervision del activitates quotidian de Microsoft. 

In 1999 Microsoft pagava 5.000 milliones de dollares al compania de telecommunicationes ATT Corp. pro usar su systema de operation Windows CE in dispositivos designate pro offerer al consumitores servicios integrate de television per cablo, telephono e accesso rapide a Internet. In plus, le mesme anno, le compania lanceava Windows 2000, un version plus actualisate del systema de operation Windows NT. In januario de 2000 Bill Gates donava su posto de presidente executive (CEO) a Steve Ballmer, un cambio qui le ha permittite de centrar se super le disveloppamento de nove productos e technologias. 

In 2003 inter battalias legal, nove mercatos e imprendimentos, Microsoft es un del companias le plus cognoscite e qui se mantene con un posto privilegiate in le bursa.




#Article 231: Michael Faraday (335 words)


Michael Faraday (1791 - 1867) esseva un physico anglese; un excellente conferentiante, e le fundator del scientia moderne de electricitate.

Faraday esseva nascite al 1791-09-22, proxime a Elephant amp; Castle, London. Del etate de 14, ille se mitte in apprentissage como un libro-ligator e durante su septe-anno apprentissage disveloppate un intereste in scientia.

Postea ille inviate a Humphry Davy alcun notos que ille ha facite, Davy emplea Faraday como su assistente. In un societate de classes multo distincte, ille non esseva considerate esser un gentilhomine, e il es dicite que le marita de Davy refusava reguardar Faraday como un equal, e non se associa con ille.

Su labor grandissime esseva con electricitate. In 1821, tosto post Ørsted, le chimico Danese, discoperite le phenomeno de electromagnetismo, Faraday construeva duo apperatos a producer illo que ille appellava rotation electromagnetic: un motion circular continue del fortia magnetic circular circa un filo. Dece annos postea, de 1831, ille comencia su serie grande de experimentos de que ille discoperite induction electromagnetic. Iste experimentos forma le base de technologia moderne electromagnetic.

In labor super electricitate static, Faraday monstra que le carga solmente residite sur le exterior de un conductor cargate, le carga exterior non ha influentia sur alique incluse intra un conductor; iste effeto protegente es usate in que es nunc appellate un cavia de Faraday.

Ille dava un serie succedite de conferentias super le chimia e physica de flammas al Royal Institution, titulate Le Historia Chimic de un Candela; iste esseva le origin del Conferentias de Natal pro personas juvene que es ancora date ibi cata anno.

Le unitate de capacitance, le farad, es nominate in su honor; su pictura ha essite imprimite sur le 20£ nottas del banca britannic.

Le garante e mentor de Faraday esseva John 'Jack Folle' Fuller, qui crate le Professorato Fulleriano de Chimia al Royal Institution. Faraday esseva le prime, e le plus famose, detentor de iste positiona a que ille esseva appunctate pro vita.

Ille mori a su casa a Hampton Court de 1867-08-25.




#Article 232: Musulman (342 words)


Adepto del Islam.
Synonymos: moslem (mós-), islamita.

Musulman o muslim es un person cuje credo religiose es le Islam. Le parola Muslim significa un que se submitte e implica le complete submission al voluntate de Deo. Le musulmanes crede que le natura mesme es islamic, date que illo seque le leges naturales dates per Deo. Assi, un musulman se effortia ad rendir al ordenes de Deo in cata passo del camino. Il non habe distinction facite intre le vita quotidian e le religion o le politica. 

Le credentias basicas del musulmanes es: creder in Deo, lor angeles, lor libros revelate, Lor messageros e le Dia del Judicatura, e affirmation del destino e del Decreto Divin, pro lo bono e lo malo.

Le cinque pilares del islam super le quales se fundamenta le vita de un musulman es:

Le terminologia de appellar al musulmanes mahometanos, significante sequitores de Mahoma (Muhammad), es considerate por istes como incorrecta e insultante quod implica que da culto al profeta Muhammad, contra al principios del mesme Islam. Per le contrario, le termino cristiano implica de facite correctamente le culto a Jesus Christo e le creder in lor ideas como divina. Le musulmanes considera ad Muhammad e Jesus (Isa) como profetas de Deo.

Le civilization musulmana tene plus de quattuordece seculos e es un del plus grandes civilizationes mundiales. Le Philosofia Musulmana Temprana es ampliamente acreditate como le ponte vital intre le civilization greco-romana classica e le europeos del Renacimente. Lo que le europeos appella le Ephoca Obscura esseva de facite le epocha aurate del civilization pro le musulmanes e le mesme Islam, que se extendiva rapidamente trans Asia usque China in lor prime decadas de existentia, e posterior plus tardamente a Africa e Indonesia.

Durante iste tempo le principal idioma del religion e le sciencia pro totes le musulmanes esseva le arabe e pro multos esseva etiam le idioma del vita quotidian. Un lista de terminos islamicos in arabe, proporciona definitiones simples del conceptos plus importantes per le que le societate, le religion e le lege es regidos.




#Article 233: Miguel Hidalgo y Costilla (741 words)


Miguel Hidalgo y Costilla nasceva in 1753 in un rancho administrate per su patre. Su familia pertineva al nobilitate. Ille venirea a esser appellate le patre del independentia mexican. Quando Miguel era infante ille amava le vita in le rancho. Ille passava multo tempore con le laboratores. Ille cognosceva le typo de vita que illes viveva, troppo de horas de travalio fatigante e un povressa terribile. Como le major parte del Americas del Nord e del Sud, Mexico habeva site conquirite per Espania. E le population indigena travaliava le campos pro le conquisitores. Espania governava Mexico como un colonia e imponeva leges e colligeva taxas. 

Quando Miguel compliva quattuordece annos de etate, su patre le inviava a studiar. Ille era multo studiose. Al vinti annos ille acquireva ja duo titulos universitari. Ille deveniva professor e ganiava varie premios pro su scriptos religiose. In pauc tempore ille deveniva director del Collegio de Santo Nicolas.

Plus tarde ille sortiva del universitate e deveniva un sacerdote catholic in un ecclesia rural. Nemo sape exactemente pro que, sed un anno post isto, ille iva a un ecclesia in Santo Felipe.

Quando Miguel era in Santo Felipe, le leaderes del ecclesia comenciava audir que ille habeva certe credentias rar. In ille tempos in Espania il habeva le inquisition, que era como un tribunal investigante ille personas que non credeva in toto lo que le Ecclesia Catholic Roman diceva que illes debeva creder.

Alicuno informava al inquisition que Miguel non credeva in le inferno, que ille non habeva respecto al Papa, e que ille amava audir musica e mesmo danciava a illo. Il se diceva etiam que ille habeva dicite que le reges non era necessari. Pro alicun ration Miguel non era castigate per le inquisition e escappava de su ira. Vermente nemo sape exactemente quante del cosas que era dicite contra Hidalgo era veridic. Sed il pare que ille era pauco {o un pauco?} rebelle.

Quando Miguel habeva cinquanta annos de etate, ille iva a un altere ecclesia Nostre Seniora del Dolores, in le village de Dolores, Mexico. Il era in iste village que ille comenciava realisar su sonios.

In Dolores ille stabiliva un carpenteria e ferreria, e ubi on etiam travaliava con seta pro vestimentos e con fango pro porcellana. Con isto ille tentava meliorar le vita del gente del village. 

In le casa de Hidalgo in Dolores, pauperes e riccos se reuniva pro festas e ballos. Le blancos e le indigenas se assemblava pro parlar super le problemas del pais. Hidalgo travaliava cata vice plus con le gente e in le negotios que ille comenciava. Posteriormente ille compartiva su salario de sacerdote catholic con un altere sacerdote qui le adjuvava con alicunes del deberes religiose in le ecclesia de Hidalgo.

Intertanto le gente de Mexico esseva cata vice plus insatisfacte con le governamento espaniol. Il habeva alicun parve tentativas de revolution contra le governamento sed illos terminava in fiasco. Le sentimentos de Hidalgo super le independentia se intensificava. Ja in 1810 Hidalgo se reuniva in secreto con alteres qui pensava como ille, includente Ignacio Allende. Illes comenciava facer planos pro un nove revolution.

Ante que Hidalgo e le altere conspiratores poteva terminar lor planos, le rumores de isto arrivava al aures del governamento. Sed le official del governamento qui debeva investigar le gruppo, Miguel Domínguez, in realitate era membro de illo, etiam su sponsa Josefa Ortiz de Domínguez. Ista les inviava aviso que le planos era discoperite. Miguel dormiva quando arrivava le novas ab su sponsa. Ille dava ordines de poner le planos in action. Subitemente assi le guerra de independentia comenciava. Hidalgo declarava que ja le revolutionarios non habeva altere alternativa. Ille mesme organisava un gruppo de revolutionarios e iva contra le carcere del village. Ille poneva su pistola al capite del carcerero e liberava a tote illes qui era incarcerate a causa de parlar contra le governamento o agir contra Espania.

Le multitude de independentistas qui luctava pro le libertate con Hidalgo augmentava rapidemente. Il habeva inter illos obreros, sacerdotes, soldatos, musicos, etc. Illes veniva pro supportar Hidalgo con spadas, bastones, lanceas, petras, e alicun armas de foco. Alicunos veniva a cavallo, alteres a pede. Il se dice que le campana del ecclesia se sonava pro appellar le gente al battalia de liberation. Annos post ille nocte ille mesme campana era installate in le Palatio National del citate de Mexico pro honorar ille evento. Illo es cognoscite como le Campana del Independentia.




#Article 234: Macao (608 words)


Macao o Macau es un pauc territorio cerca le costa sur del China. Illo es un zona special de China usque recentemente administrate per Portugal.

Se suppone le nomine Macao deriviva del tempio dedicate a Mage (cantonese: Magok, 媽閣廟) pinyin: Mage Miao, costruete in 1448 per le deita Matsu.

In China le urbe es notabile como Àomén (澳門).
Altera nomine es: Haojing'ao (壕鏡澳), Xiangshan'ao (香山澳) e Liandao (蓮島).

Macau es le nomine portogese official.
Actualmente ille nomine official del zona ès 中華人民共和國澳門特別行政區 Zhonghua Renmin Gongheguo Aomen Tebie Xingzhengchu (Zona Amministrativa Special de Macao del Repubblica Popular Chinese).

Macao es situate al sud-est del costa del China, in le delta del fluvio Zhu Hang (fluvio del perlas). Latitude 22º 03' 05 Nord e longitude 113º 05' 23 Est. Le territorio comprende le peninsula completemente occupate per le citate de Macao, ligate al Republica Popular de China per un stricte isthmo, e ligate al insula de Taipa per duo pontes, le vetere ponte Governator Nobre de Carvalho (2,6 Km) e le ponte nove Amizade (amicitate) (4,4 Km), communicante cun le insula de Coloane per 2,1 Km de strata construite super un dica. A 60 Km verso Est-Nord-Est, del altere latere del estuario del fluvio on trova Hong Kong.

Le portugeses se establiva in Macao inter 1554 e 1557, durante le Era del Discoperimentos Portugese initiate per le Prince Henrique “le Navigator”. Le prime homine a cercar le portos chinese in le sud-est del China esseva Jorge Alvares, in 1513. Post iste visita sequeva le establimento in le area de multe commerciantes portugese. Iste commercio esseva consolidate in Macao, que disveloppava le virtual monopolio commercial inter China e Japon e inter iste duo paises e Portugal e le resto de Europa.

Secundo le tradition, le occupation portugese de Macao esseva in 1557, quando un celebre pirata de nomine Chang Tse-Lac esseva battite in iste mares con le adjuta del portugeses, lo que determinava que le imperator concedeva al portugeses le derecto de esser le seniores del terra. Assi nasceva Macao le prime posto commercial (depost cultural e religiose) inter le Occidente e le Oriente. Su nomine pare haber origine del templo del dea A-Ma; Amagau (baia de A-Ma), Amacao, Macao.

Devenive colonia portuguese in 1557 e esseva recognoscite como tal ab China in 1670. Durante XVII, le seculo le hollandese essayava conquer lo. Depost Portugal ganava independencia sub le Domo de Braganza ab Domo de Hapsburg de Espania in 1640, Macao esseva date le titulo Cidade do Nome de Deus, de Macau, Não há outra mais Leal (Citate de Nomine de Deo, Nihi altera plus loyal).

Depost le conquista Britannica de Hong Kong Le importancia de Macao come centro commercial declinava. Esseva le puncto de infiltrar de jesuitas in Ming, China e centro del tiangulo commercial de argentina – bronzo de Japones e China e le dos teneva systemo de cambios differentes. Este permitava desveloppar economicamente.

Esseva tamben refugio per milioness de convertitores de Catholismo Japonese depost comenseva le presecutiones. Illes constuiva un cathedral de San Paolo que remane hodie un facadio.

Macao esseva un territorio chinese sub administration portugese usque al 20 de decembre 1999, quando esseva instituite sub le tutela chinese le Region Administrative Special de Macao, un spatio con elevate grado de autonomia, con organos de governamento e leges proprie, que remanera inalterate pro le cinquanta annos sequente. Le systema politic, judicial, social, cultural e economic actualmente in vigor, include le conservation del portugese como secunde lingua official e salveguarda un ample quadro de derectos, libertates e garantias de matrice portugese, humanista e occidental.

A Macao ci sono solo due concelhos e sette freguesias.

Macao (concelho)

Ilhas (concelho)




#Article 235: Mechanica (343 words)


Le mechanica [me-ká-ni-ka] es le studio del movimentos del corpores physic e del causas de iste movimentos, como fortia e energia. Le mechanica pote esser dividite in le mechanica classic, le mechanica relativistic, le mechanica quantic e le mechanica quantic relativistic. Iste division es dependente del dimension e del velocitate del objectos physic que es studiate. Assi, pro grande objectos o grande distantias, major que approximativemente 10-7 cm, e parve velocitates, minor que approximativemente c/10, ubi c es le velocitate del lumine (c~300000 km/s), le mechanica classic es applicabile. Si solmente le grandor es plus parve, minor que 10-7 cm, le mechanica quantic es applicabile. Si solmente le velocitate es plus grande, major que c/10, le mechanica relativistic es applicabile. Si ambe limites es superate, le mechanica quantic relativistic es applicabile.

Altere divisiones es possibile, dependente del criterio. Assi, si le criterio es le combination de disciplinas differente, nos ha le importantissime mechanica statistic concernente le application del methodos statistic al studios de insimul o multitudes de particulas, assi explicante e deducente tote le leges phenomenologic del thermodynamica. Le insimules usate pro le studio de iste multitudes de particulas son le insimul micre canonic, le insimul gran canonic e le insimul canonic.

Il ha differente formulationes pro le mechanica classic, p.ex. le mechanica newtonian, le mechanica lagrangian e le mechanica hamiltonian. Iste differente formulationes es totevia equivalente in le senso que illos da le mesme solutiones pro calculationes e que le formulationes pote esser mathematicmente deducite le unes del alteres. Nonobstante, formulationes lagrangian e hamiltonian son importante pro formular le mechanica quantic.
 
Le formulation newtonian es basate super le tres leges de Newton e super le notiones de fortia, systema de referentia, movimento relative, velocitate e acceleration. Le prime lege postula que qualcunque objecto mantenera su stato de reposo o de movimento in relation a un systema de referentia inertial si le summa del fortias que age super illo es zero. Le secunde lege postula que le acceleration es proportional al fortia resultante, le massa inertial essente le coefficiente de proportionalitate, isto es




#Article 236: Mense (143 words)


Le mense es un del dece-duo divisiones del anno e un del dece-secunde lapsos de tempore que le Terra consume pro percurrer su orbita circum le Sol. 

Le concepto de mense es basate sur le rotation del Luna circum le Terra. De facto in alicun linguas on pote intervider su etymologia (month [anglese], monat [germano], luna [romaniano]).

Le intervallo de tempore inter un Nove Luna e le sequente es appellate lunation o mense lunar e su durata media es 29,5305889 i.e. 29 dies, 12 horas, 44 minutas e 2,9 secundas, con fluctuationes que pote attinger 13 horas in plus o in minus.

Le nomines del dece-duo menses del calendario gregorian commun son:
januario, februario, martio, april, maio, junio, julio, augusto, septembre, octobre, novembre, e decembre. Un mense ha normalmente 31 o 30 dies, le februario ha 28 e cata quarte anno 29 dies.




#Article 237: Miguel Servet (1035 words)


Miguel Servet (etiam cognoscite como Miguel de Serveto e Michael Servetus) (1511 - 1553) esseva un homine remarcabile de studio e perspicacias scientific in le campo del medicina. Su interesses includeva multe scientias, astronomia e metereologia, geographia, jurisprudentia, theologia e le studio del Biblia, mathematica, anatomia e medicina. Il se ha dicite de ille que: Servet esseva in poter intellectual indubitabilemente le equal al homine plus grandiose de su seculo, e que: Ille remane un del plus grande mentes in le historia human, uno qui contribueva al cultura universal.

Miguel Servet nasceva in Villanueva de Sijena, Huesca, Espania, le 29 de septembre 1511. (Alcun historicos mentiona un data anterior, 1509, basate super le mention de illo per Miguel Servet mesme). Al etate de 13 annos, in 1524, su patre Antonio Servet (alias Reves, e anque cognoscite per le nomine de Antón Serveto Meller) qui esseva notario e advocato inviava al juvene Miguel al Universitate de Saragossa / Lerida. Miguel Servet habeva duo fratres, un qui deveniva notario como su patre e un altere qui esseva un sacerdote catholic. 

Ille habeva grande fluentia in linguas e studiava latino, greco e hebreo. Al etate de 15 annos Miguel entrava al servicio de un monaco franciscan per le nomine de Juan de Quintana, un Erasmiano, e ille legeva le Biblia in completo in su linguas original. Ille studiava plus tarde al Universitate de Toulouse in 1526 ubi ille studiava derecto. 

Ille veniva a creder in le theologia arianista, le qual mantene que le credentia del trinitate non se funda in le inseniamentos del Biblia. Post su education a Toulouse, 1529, ille retornava al servicio de Quintana, qui esseva nunc confessor del Imperator Carlo V, e travaliava per Italia a Germania. 

In octobre de 1530 ille visitava Johannes Oecolampadius in Basel, residente illac per dece menses, e travaliante como corrector de textos pro un impressor local. A ille tempore Miguel jam propagava su credentias arianista. In maio de 1531 ille cognosceva Martin Bucer e Fabricius Capito in Strassburg. Tunc duo menses depost, in julio de 1531, ille publicava De trinitatis erroribus. Le proxime anno, 1532, ille publicava De trinitate e De Iustitia regni Christi. Ille prendeva le pseudonymo Michel de Villeneuve pro evitar le persecution per le Ecclesia Catholic a causa de ille obras religiose. 

Ille studiava al Collège Calvi in Paris in 1533 e post de un intervallo ille retornava a Paris pro studiar medicina, in 1536. In Paris su magistros includeva Sylvius, Fernel, e Guinter, qui laudava le con Vesalius, como su plus capace de assistentes in dissectiones. 

Post su studios ille comenciava su practica de medicina. Ille deveniva medico personal al Archiepicopo Palmier de Vienna, e ille tamben esseva medico a Guy de Maugiron, le governator locotenente de Dauphiné. Durante que ille practicava medicina circa Lyon, pro quasi 15 annos, ille tamben publicava duo altere obras, que tractava le Geographia Ptolemaic. Ille dedicava su prime edition de iste obra e de su edition del Biblia a su patrono Hugues de la Porte, e dedicava su secunde edition del Geographia Ptolemaic a su altere patrono, le Archiepiscopo Palmier. Quando ille esseva in Lyons, Symphorien Champier, un humanista medic, anque habeva essite su patrono, e le tractos pharmacologic que Miguel Servet scribeva illac esseva scribite in defensa de Champier e contra Leonard Fuchs. 

Ancora durante su travalio como corrector de textos pro le impressor, ille publicava plus obras que tractava themas de medicina e pharmacologia. In 1553 ille publicava un altere obra religiose ab le puncto de vista arianista titulate Christianismi restitutio, durante su travalio in iste obra ille scribeva, per prime vice in imprimato in le Occidente, in 1546, super le concepto del circulation pulmonari, le circulation del sanguine per le pulmones.

Le 4 de april de 1553 ille esseva imprisionate in Vienna. Condemnate pro heresia per le autoritates Catholic Roman.. Le 17 de junio de 1553 ille escappava del prision. Ille essayava fugir a Italia, ma ille parava in Geneva, ubi Calvino e su Reformatores le denunciava. 

Le 13 de augusto de 1553 ille attendeva un sermon de Calvino a Geneva. Ille esseva immediatemente recognoscite e arrestate post le servicio. Arrestate ille esseva lanciate  ... in un atroce prision subterranee sin lumine o calefaction, con carentia de alimento, e sin facilitates sanitari.

A su judicio, Miguel Servet esseva condemnate de duo cargos, propagar e inseniar le anti-trinitarianismo e le anti-pedobaptismo. Concernente su rejection de pedobaptismo, i.e. le baptismo de infantes, Miguel Servet habeva dicite, Il es un invention del diabolo, un infernal falsitate pro le destruction de tote le Christianitate.

Le 27 de octobre 1553 ille esseva conflagrate al palo al manos del adherentes de Johannes Calvin (Calvino) le fundator del Calvinismo, justo foras del citate de Geneva. Calvino habeva mentionate iste intention sue multo ante que Servet esseva capturate, le 13 de februario 1546 (septe annos ante le arresto de Servet in Geneva) Calvino habeva scribite a su amico, Guillaume Farel: Si ille [Servet] veni [a Geneva], io nunquam permittera que ille sorti vive si mi autoritate ha alcun importantia. E durante le judicio pro heresia de Servet, Calvino tamben scribeva: Io spera que le verdicto advocara le pena de morte.

Quando le processo del execution comenciava, Miguel diceva in voce tremulante e quasi un sussurro: 'Oh Deo, Oh Deo!' Tunc Farel le critava: 'Esque tu non ha altere cosa a dicer?' A isto Miguel respondeva: 'Que altere cosa facerea io, que parlar de Deo!' Dunque ille esseva altiate super le pyra e incatenate al palo. Le Calvinistas poneva ligno medie-verde circum le pedes de Miguel Servet e coronava su capite con un guirlanda imbuite de sulfure. Quando le pyra esseva incendite sub Miguel, ille lassava sortir un crito: 'Pietate, pietate!' Le foco ardiva lentemente a causa del ligno medie-verde. Jesus, Filio del Deo eterne, ha pietate de me, Miguel Servet critava desde in medio del flammas. Le conflagration durava duo horas sub le lente foco rostiente.

Assi Calvino se disfaceva de Miguel Servet. Un anno depost Calvino publicava un defensa in le qual ille scribeva plus insultos pro su ex-adversario in linguage extrememente vindictive e intemperate.

 (Espaniol, Francese e Anglese)

Multe de iste information e plus referentias pote esser trovate a: 
 per Dan Corner




#Article 238: Mythologia japonese (292 words)


Vide anque: Pantheon japonese, Mythologia.

Il ha duo libros importante del legendas de Shinto, le religion de Japon.
Illos es:

Kojiki es super le Epocha de Deos, ante le origine del humanitate. In
Kojiki, le mundo es create, con Japon al centro, e deos e deas es
create. Nihongi es super le Imperatores de Japon. Le Imperatores es
descendentes de Ama-Terasu, le Dea del Sol.

Le historias sequente respresenta solmente le Deos e Deas Vetule listate in le
pantheon.

Izanagi e Izanami esseva mandate a crear le mundo, etc. Illes creava
multe insulas e le Deos del elementos.

Izanami moriva parturiente le Deo del Foco, e Izanagi, dolorate,
decapitava su filio, e altere Deos proveniva del sanguine. Alora
Izanagi vadeva a Yomi (inferno) pro trovar su sposa, ma quando ille
trovava le corpore, ille esseva horrificate, e curreva al mundo alte.
Como ille le purifica in un fluvio, su vestimentos super le margine
cambiava a plure Deos ulterior.

Ante que ille vadeva a Yomi, Susa-no-o e su soror reproduceva per masticar
gladios e gemmas, e spuer infantes.

Susa-no-o salvava un senioretta de un dracon con octo capites, e ille
la maritava.

Le Dea del Sol (Ama-Terasu) e le Deo del Tempestas (Susa-no-o)
confligeva violentemente. Ama-Terasu se celava in un caverna, e toto
deveniva tenebrose. Susa-no-o esseva bannite del celo al mundo. Le
altere deos e deas essayava incoragiar Ama-Terasu a sortir, mais
infructosemente. Finalmente, un Dea estraniemente vestite dansava un
dansa fabulose, e Ama-Terasu, plen de curiositate, sortiva de su
caverna, restabiliente le lumine.

Ohonamochi vadeva a Yomi (inferno), e maritava le filia de Susa-no-o.
Susa-no-o le dava plure cargas pro complir ante que ille poteva sortir, mais
ille, adjutate per su nove sposa, los compliva, e alora le copula
fugiva Yomi.




#Article 239: Malaria (135 words)


Le  Malaria  es un maladia infectiose causate per un de quatro differente typos de parasitos. Illo es transmittite per le morsura de un mosquito infectate o per le transfusion de sanguine ab un donor infectate. Il non ha un vaccination pro prevenir le malaria. Tamen, injectiones septimanal de 300mg de chloroquina adjuta in le prevention. Le diagnose positive de malaria se face depois trovar un parasito de malaria in le sanguine del persona affligite. Le maladia pote causar fremitos de frigido o febre alte in un persona qui ha essite infectate. Le pluritate de casos de malaria responde ben a tractamentos con primaquina e chloroquina le quales son plus usate nunc que le vetule remedio de quinina. Attaccos de malaria sole recurrer intermittentemente sur un periodo de annos, si le maladia non es curate completemente.




#Article 240: Mormonismo (448 words)


Le Mormonismo es un tradition religiose que prende su nomine del Libro de Mormon. Illo habeva su principio quando le juvene Joseph Smith (nascite in 1805) in Palmyra, New York, SUA, volviente a casa de su familia per un matino del primavera de 1820, se reclinava sur le camino de su casa e declarava a su matre que ille habeva sapite que le ecclesias local non habeva le veritate.

Tote le brancas del Mormonismo accepta como propheta a Joseph Smith e como libro sacrate le Libro de Mormon. Altere practicas e credentias distincte del Mormonismo varia inter le brancas.
Post haber occidite Joseph Smith le inimicos del ecclesia credeva que le Mormonismo esseva finite, totevia illo recipeva plus fortia del martyrio de su propheta.Post le morte del proheta, le ecclesia habeva un momento de disconcertamento, sed le quasi totalitate del membros remaneva fidel al ecclesia e sequeva Brigham Young verso le Utah, solmente pocos insatisfacte, fundava parve e insignificante comunitates, multe del quales discompariva con le tempore.

Joseph Smith inseniava que el cannon de libros sacrate non era claudite e que Deo continuava a revelar al homine. Le Mormonismo accepta libros sacrate e revelationes plus ultra del Biblia e le Libro de Mormon. (Vide infra in re alcun del altere libros.)

In le brancas del Mormonismo, se ha compilate le revelationes e inseniantias plus autoritative in libros appellate, per le major parte, Doctrina e Convenios. Le majoritate de iste revelationes e inseniantias proveniva de Joseph Smith. Desde le morte de Joseph Smith, le varie brancas ha aggregate su respective inseniantias secundo su fide.

Multe Mormones accepta un collection de scripturas sacrate appellate Le Perla de Grande Precio.

Il es commun audir Mormones dicer: Nos accepta tote le veritate proveni illo de ubi illo proveni. Joseph Smith inseniava que cata persona ha le responsabilitate de cercar a Deo per se mesme. Assí que in le Mormonismo, toto que pote reconcilliar se con le Spírito de Deo, guidate e probate per le inseniantias del Biblia e le Libro de Mormon, es benvenite.

In le Mormonismo se practica ceremonias in plus del ceremonias del matrimonio, baptismo, le cena del Senior, sanamentos, e altere benedictiones e ordinationes ecclestiastic. Multe Mormones practica (normalmente in su sancte templos) ordinantias a favor de qui ha morite. Multe Mormones practica le matrimonio eternal, le matrimonio que dura depois de iste vita. Alcun poc Mormones practica le matrimonio plural, o sia, la poligamia, cosa que non se practica officialmente in le actualitate per le Ecclesia de Jesus Christo del Sanctos del Ultime Dies.

Le branca plus grande e ben cognoscite del Mormonismo es le Ecclesia de Jesus Christo del Sanctos del Ultime Dies -- 

Altere brancas son:




#Article 241: Madrid (886 words)


Madrid esse le capital de Espania, e de su proprie communitate autonomic, le Communitate de Madrid.  Esse le citate plus populate e plus grande in le nation.  In le union europee, esse le tertie plus populate (post que London e Berlin), le tertie plus grande (post que Paris e London), e le quarte plus ric (post que London, Paris, e Moscova).

Madrid esse le capital constitutional de Espania.  Esse le sito del sedes del governamento, incluse le Cortes Generales e le Palacio Real de Madrid.

Madrid esseva construite sur le sito de un forte (more) appellate Magerit, le sito esseva ellegite como capital e sede del monarchia espaniol per Felipe II in 1561, reimplaciante a Toledo.  Il ha duo vices in que Madrid non esseva le capital.  De 1601 usque a 1606, le capital passava temporalmente al citate de Valladolid; in le Guerra Civil Espaniol, le governamento se saliva prime a Valencia e secunde a Barcelona.

Partiente de un nucleo urban irregular, sedite inter antique muros, Madrid non suffreva nencun transformation significative usque le medio del seculo 19, epocha in que se demoliva conventos e se aperiva nove stratas e placias, a radice del desamortisation de Mendizábal. Un prime crescimento del citate se produceva usque 1860, quando le burghesia poteva rumper le antique circulo initial, gratias al Plan Castro e le realisation del allargamentos.

Non obstante, a principio del seculo 2, Madrid conservava totevía plus tracias propie a un antique villa que a un citate moderne. In le prime 30 annos del seculo, le population de Madrid quasi se duplicava e veniva a superar le 950 000 habitantes.

Le necessitates infrastructural que dicte crescimento apportava fomentva le absorption, sequente le vías de communication radial, de nucleos de population, usque ille tempore separate de Madrid: per le sud Carabanchel; per le nord Chamartín, per la strata de Valencia), Vallecas; per le strata de Aragon, Vicálvaro, Canillas e per le strata de Burgos, Fuencarral.

Nove vicinitate como le Ventas, Tetuán o le Carmen dava benvenita al recente arrivate proletariato, durante que in le allargamentos se installava le burghesia de Madrid. Iste transformationes fomentava le idea del Ciudad Lineal, de Arturo Soria. Parallelamente se aperiva le Gran Vía, con le fin de discongestionar le casco antique e se inaugurava le metro in 1919.

Le guerra civil damnificava gravemente le citate, specialmente la zona nordwest, Argüelles e Ciudad Universitaria. Durante le annos 1940, Madrid se annexionava municipios limitrophic como Aravaca, Barajas, Hortaleza, Canillas, Chamartín, Fuencarral, Villaverde, Vicálvaro, inter altere nucleos, passante su extension de 66 km2 al 607 km2 actual. Le Plan de Ordenation del Area Metropolitan, approbate in 1963, initiava le tendentia a disviar le concentration del population de Madrid per municipios metropolitan como, Alcorcón, Alcobendas, Coslada, Getafe, Leganés, San Sebastián de los Reyes e San Fernando de Henares. Per su parte, le Plan General de Ordenation Urban de 1985, sequente le mesme direction, proponeva actuationes pro ameliorar le qualitate de vita de Madrid: recuperation del Manzanares.

Le citate experimentava un grande disveloppamento desde quando Felipe II lo convertiva in capital del Regno. Al function administrative que serviva desde ille tempore, accentuate per le character centralista del systema de governamento instaurate per le Borbones, se summava un forte crescimento industrial a comencios del medietate del seculo XX, centrate in sectores dynamic , como la chimia, le metallurgia e altere specialitates relationate con el consumo urban de technologia avanciate: mechanica de precission, electronica, pharmaceutica, e alteres.

Malgrado le actual tendentia a mover le centros de production al periferia metropolitan, Madrid es le secunde foco de manufactura del pais, solmente superate per Barcelona.

In le ultime annos, le complexitate urban de Madrid ha comportate un disveloppamento significative de su activitates terciari. Assi, al traditional functiones administrative e financiari, se ha summate alteres de charactere touristic, ludic e cultural. Le designation de Madrid como capital europee del cultura in 1992 es le culmination de iste processo, impulsate tanto per le initiativa public como le private.

Madrid distacca per le existentia de important Universitates a nivello statal: le  (le plus importante del Stato), le  (in Canto Blanco), le , le  e le  (con centros in Getafe e Leganés).

Assi mesmo Madrid distacca como centro de investigationes: le CSIC (Consejo Superior de Investigaciones Científicas), le diverse Academias national, le Bibliotheca National, etc. Tamben se distacca per esser le prime centro museistic del pais: Museo del Prado, Centro de Arte Reina Sofía, e alteres.

Madrid esse un del plus visitate citates in Europa, e cognoscite pro su attractiones cultural.

Madrid esse le location del Triangulo Auree del Arte, tres museos importante in le centro del citate.  Le vertices del triangulo include le Museo del Prado, le Museo de Thyssen-Bornemisza, e le Centro de Arte Reina Sofia (ubi se trova le obra Guernica per Pablo Picasso).

Locate in Madrid, le Museo del Prado is un del plus visitate museos e gallerias de arte in le mundo; su collection include  monstra obras per Goya, Velázquez, El Greco, Rubens, Titian, Hieronymus Bosch, Jusepe de Ribera, Patinir, van der Weyden, Raffaello, Tintoretto, Veronese, Caravaggio, Van Dyck, Dürer, Lorrain, Murillo, e Zurbarán, inter alteres.

In plus, Madrid habe le Monasterio de las Descalzas Reales e le Museo de Lázaro Galdiano.

Obras de architectura notabile include le Palacio Real, le Templo de Debod, le Parco de Retiro, e le Bibliotheca National.




#Article 242: Mysterios (170 words)


Le mysterios o religiones mysteric (greco: mystérion [mysterio, secreto]) es le cultos secrete, multo numerose in le epocha hellenistic, accessibile solmente al initiatos, le si-dicite mista, al quales se communicava le redemption e le ingresso in le mundo immortal del divinitate.

Inter le plus importante cultos mysteric es a rememorar le culto grec de Dionysio (Baccho), le mysterios de Iside e Serapide, que veniva del Egypto; le culto syriac de Adonis, illo del gran matre Cybele e de Atti, que veniva del Asia Minor, e le mysterios del deo del lumine Mithra de origine persian.

Le deos honorate in le mysterios es, in origine, divinitates natural in cuje morte e resurrection se respecula le rhythmo del vegetation, e ergo del saisones e del generationes. In le celebrationes cultual, le mista obtene de participar al sorte del divinitate. durante que le culto mysteric non pretendeva alicun exclusivitate pro lor sequitores, on poteva se initiar a plure cultos in le mesme tempore, pro obtener le major quantitate possibile de fortia vital divin.




#Article 243: Monty Python (123 words)


Monty Python es un historic gruppo comic britannic, componite per John Cleese, Terry Jones, Eric Idle, Michael Palin, Graham Chapman, e Terry Gilliam. Gilliam faceva le animation usate in certe segmentos; le altere membros scribeva le comedia e jocava le rolos principal, sovente con Gilliam e le actrice Carol Cleveland in rolos additional.

Illes comenciava lor activitate in television in 1969 con le serie Monty Python's Flying Circus e illes passava postea al cinema. Lor comicitate es basate sur un iconoclastia disfrenate (ni le officiales public ni le gente commun ni mesmo le Regina ipse se salva de lor satira corrosive), sur surrealismo e le gusto pro lo absurde. Post le morte de Chapman, le alteres sequeva post le annos 1980 carrieras separate.




#Article 244: Noam Chomsky (536 words)


Noam Chomsky (7 de decembre 1928 in Philadelphia, Pennsylvania) es un recercator american de linguistica. Ille es le inventor del grammatica transformational-generative que ha revolutionate le studio scientific de linguas depois le annos 1950. Ille es equalmente un dissidente politic (de tendentia socialista libertari) ben cognite in le societate statounitese.

Malgrado su grande contribution al scientia del seculo XX, fora del ambito academic ille es plus cognoscite per su activismo politic e su criticas al politica externe del Statos Unite e de altere paises, como Israel. Chomsky, que desvincula su activitate politic de su activitate scientific, considera se un sympathisante del anarcho-syndicalismo. Considerate per le New York Times como le plus importante del pensatores contemporanee, ille es considerate un figura multe influinte del sinistra statounitense e es specialmente admirate in Europa, ubi su conferentias, articulos es essayos politic es imprimite constantemente.

In 1957, Chomsky revolutionava le linguistica theoric con le publication del opera Structuras syntactic, basate in su thesis doctoral (Structura logic del theoria linguistic), que jam non esserea publicate usque 1975. Le effecto que produceva super le theorias linguistic e psychologic del momento era demoledor, jam que attaccava le presupostos central tanto del structuralismo como del psychologia conductiste. Usque tunc, credeva se que la acquisition del linguage, como qualcunque destreza human, produceva se per le apprentissage e le association. Nonobstante, Chomsky postulava le existentia de un dispositivo cerebral innate (le organo del linguage), que permitte apprender e utilizar le linguage de forma quasi instinctive.

Ille denominava grammatica generative al conjuncto de regulas innate que permitte traducir combinationes de ideas a combinationes de parolas. Ille discoperiva -o melior, fundamentava, proque jam habeva intuitiones anterior in iste sentido- que le grammatica es un systema combinatori discrete que permitte construir infinite phrases a partir de un numero finite de elementos mediante regulas diverse que pote formalizar se. Le nove theoria considerava que le expressiones (sequentias de parolas) ha un syntaxe que pote esser characterisate (globalmente) per un grammatica formal; in particular, un grammatica extendite per normas de transformation. Se les suponerea al infantes un cognoscentia innate del grammatica elemental commun a tote le linguas human (lo que supone que tote lingua existente es un classe de restriction). On sustene que le modelization del cognoscentia del lingua trans un grammatica formal explica le productivitate del lingua: con un joco reduscite de regulas grammatical e un conjuncto finite de terminos, le humanos pote producer un numero infinite de phrases, includente phrases que necuno ha dicte ante.

Generative grammar, universal grammar, transformational grammar, government and binding, X-bar theory, Chomsky hierarchy, context-free grammar, principles and parameters, Minimalist program, language acquisition device, poverty of the stimulus, Chomsky–Schützenberger theorem, Chomsky Normal Form, propaganda model

Dwight Macdonald, Pāṇini, Bertrand Russell, Ludwig Wittgenstein, John Dewey, Mikhail Bakunin, Karl Marx, Wilhelm von Humboldt, Adam Smith, Zellig Harris, Rudolf Rocker, Immanuel Kant, René Descartes, George Orwell, C. West Churchman, Alan Turing, W. V. O. Quine

Niall McLaren, Colin McGinn, Edward Said, Christopher Hitchens, Steven Pinker, Peter Ludlow, Tanya Reinhart, Morris Halle, Gilbert Harman, Jerry Fodor, Howard Lasnik, Robert Fisk, Neil Smith, Ray Jackendoff, Norbert Hornstein, Jean Bricmont, Marc Hauser, Norman Finkelstein, Robert Lees, Hugo Chavez, Mark Baker, Julian Boyd, Ray C. Dougherty, Derek Bickerton, Amy Goodman, Michael Albert




#Article 245: Novial (673 words)


Novial es un lingua auxiliar international publicate per Otto Jespersen in 1928.

Nota que in novial le pronomines nominative e accusative son identic.

Le normal ordine de parolas es subjecto-verbo-objecto, como in lingua anglese. Dunque, le objecto require esser marcate pro distinguer lo ex le subjecto:

Le adjectivos possessive personal son formate ab le pronomines per addition -n o post un consonante  -en. Isto es, de facto le possessivo del pronomine men significa e mi e mie (de me):
E.g.:

Possession pote tamben exprimite con le pronomine de: de me, de vu, etc.

Formas de verbo nunquam cambia con persona o numero. Le plus multe tempores, modos e voces de verbo son exprimite con verbos auxiliar precedente le forma de radice del verbo principal. Le auxiliatores seque ordine de parolas identic como le anglese equivalente. Le pronomines son indicate con parentheses e son date pro intentiones de exemplo.

Novial clarmente distingue le passive de devenir e le passive de esser. In lingua anglese le formas son frequentemente identic, usante le verbo auxiliar esser sequite per le participio passate. Totevia, le passive de devenir es tamben frequentemente exprimite con le verbo devenir le qual es usate in le exemplos in basso.

Le voce passive de devenir es formate con le auxiliator bli sequite per le forma de radice de verbo.

Le voce passive de esser es formate con le auxiliator es sequite per le participio passate passive (thema + -t).

Le articulo definite es li le qual es invariante. On usa lo como in lingua anglese.

Il non ha articulo indefinite, ben que on pote usar un (un).

Le substantivo plural es formate per adder –s al singular (-es post un consonante).

Le accusativo es generalmente identic al nominativo ma pote optionalmente esser marcate con le fin -m (-em post un consonante) con le plural essente -sem (-esem post un consonante) o con le preposition em.

Le genitivo es formate con le fin -n (-en post un consonante) con le plural essente -sen (-esen post un consonante) o con le preposition de.

Altere casos son formate con prepositiones.

Tote adjectivos fini in -i, ma isto pote esser rejectate si il es facile bastante a pronunciar e il non essera confusion causate. Adjectivos precede le substantivo qualificate. Adjectivos non concorda con le substantivo ma pote esser date fines de substantivo si il non es substantivo presente pro reciper los.

Un adjectivo es convertite a un adverbio correspondente per adder -m post le -i fin del adjectivo.

Nusen Patro kel es in siele, mey vun nome bli sanktifika, mey vun regno veni, mey vun volio eventa sur tere kom in siele. Dona a nus disidi li omnidiali pane, e pardona a nus nusen ofensos kom anke nus pardona a nusen ofensantes, e non dukte nus en li tento ma fika nus liberi fro li malum. 

Un objetione kel bli ofte fa konter konstruktet lingues es ke les pove nulitem es tam boni kam li natur-lingues. 
(O. Jespersen)

Mi prime reaction vidente Novial esseva probabilemente simile a illo de multe alteres: Que es isto? Non Ido que es un obvie filio illegitime de Eo. Ni Occ., -- proque non immediatemente comprensibile. Io ha justo perlegite 6 kilos de documentos in e re Novial, correspondentia e tote le deliberationes del Lingue-Jurie del Novialistes que discuteva durante plure annos sub le direction de Sr. Valter Ahlstedt de Stockholm. Durante iste discussiones le lingua se cambiava tote le tempore e remaneva in un stato liquide, certo un idioma plus perlaborate e apte que le original de Jespersen. Le documentos final es un grammatica de Novial per Alessandro Baietti e un altere, plus complete per Valter Ahlstedt, le persona sin dubita le plus qualificate. 

Sed durante ille annos on faceva nulle effortios pro organisar se e trovar assi un garantia que Novial superviverea. Le 2-e guerra mundial poneva un fin definitive a Novial e ha debilisate Occidental irreparabilemente.

ab: Discurso al Conferentia International de Interlingua, Nederland 1989, imprimite in Interlinguistica e Interlingua, comenciate in p. 39:  per Ingvar Stenström, p. 42




#Article 246: Navigator web (163 words)


Un navigator de rete es un programma informatic pro visualisar e navigar in paginas de rete in le Tela transterrestre, le systema de information de longe le plus diffundite in Internet.

Multe differente navigatores web esseva disveloppate al longo del annos.
Le plus usate esseva al initio Mosaic del NCSA. Le gruppo de disveloppamento de Mosaic posteriormente disveloppava in 1994 le prime navigator web commercial appellate Netscape, plus tarde renominate Netscape Navigator e Netscape Communicator, e finalmente reappellate Netscape. Netscape navigator remaneva le plus usate usque circa 1999, essente reimplaciate postea per Internet Explorer de Microsoft qui habeva le avantage de esser includite in le systema de operation Windows. Un version de Netscape con codice libere esseva alora disveloppate con le nomine de Mozilla (qui esseva le nomine de codice del ancian navigator Netscape), e publicate in 2002. Mozilla ha postea ganiate un bon parte del mercato, particularmente in platteformas altere que Windows, debite a su fundation in le movimento de software libere.




#Article 247: Nucleo (informatica) (254 words)


Le nucleo es un programma informatic qui es le componente essential de un systema de operation con controlo complete super toto in le systema. Super le majoritate de systemas, illo es un del prime programmas cargate postea poner le computator in marcha (postea le initiocargator). Illo tracta le resto del initiation assi que le requestas de entrata e sortita de software, traducente illos in instructiones processante datos pro le unitate de tractamento central. Illo tracta le memoria e hardware como clavieros, monitores, imprimitores, e altoparlatores.

Le codice critic del nucleo es usualmente cargate in un area protegite del memoria, le qual lo impedi a esser scribite ancora per applicationes o altere, plus partes minor del systema de operation. Le nucleo exeque su labores, como executar processos e tractar interruptiones, in su spatio. In contrasto, toto iste que un usator face es in su spatio: scriber texto in un editor de texto, executar programmas in un interfacie graphic, et cetera. Iste separation impedi le dato del usator e le dato del nucleo de interferer le un le altere e de causar instabilitate e relentamento.

Le interfacie del nucleo es un strata de abstraction basse. Quando un processo face requestas del nucleo, illo es appellate un appello de systema. Le designos de nucleo differe in como illos administra iste appellos e ressources de systema. Un nucleo monolithic executa tote le instructiones del systema de operation in le mesme spatio de adresse pro velocitate. Un micronucleo executa le majoritate del processos in spatio del usator pro modularitate.




#Article 248: New Age (402 words)


New Age [Nyu Edj] Nove Era (le termino remane in anglese pro su popularitate international).

Manifestate in le ultime parte del annos 1960 e habente su radices in le Nove Pensamento, New Age es un movimento large e characterisate per accostamentos alternative al cultura occidental traditional. Le movimento de New Age se occupa particularmente con le exploration spiritual, le medicina holistic e le mysticismo. Ben que il de facto non ha frontieras rigide, le termino New Age coperi perspectivas general super le historia, religion, spiritualitate, medicina, modos de viver, e musica.

New Age non es un systema de credentia per se, ma es un aggregato de credentias e de practicas (syncretismo), alicunes del quales proveni de mythos establite e de religiones. Intra le categoria de New Age se trova individuos autodidacte, altere gruppos con establite systemas de credentia resimilante religiones, e ancora altere fixe systemas de credentia, tales como clubs o organisationes fraterne.

Intertanto, alicun personas cuje credentias poterea esser etiquettate como New Age (como neo-paganos) pote pensar que isto es incorrecte proque illo pote ligar les con altere credentias e practicas. Omne categoria large pote parer disproviste de senso o fallace; un significato possibile del termino New Age es: non un ecclesia christian generalmente acceptate.

Multe adherentes de credentias characterisate como New Age depende multo del uso de metaphoras pro describer le experientias considerate como esser ultra lo empirical. Sia consciemente o non, adherentes de New Age tende a redefinir le vocabulario prestate de varie systemas de credentia, le qual pote causar confusion e augmentar le opposition de scepticos e le religiones traditional. In particular, le adoption de terminos del jargon scientific como energia, campos de energia, e varie terminos prestate del mechanica quantic e del psychologia que esseva alora applicate a conceptos irrelevante al original campos de scientia, ha servite a confunder le dialogo inter le scientia e le spiritualitate, resultante in etiquettas derisive como pseudoscientia e psychobalbutiamento.

In despecto del grande varietate de credentias e practicas intra New Age, certe modos de pensamento es bastante commun:

Intra iste contexto de relativismo se trova ancora multe concordantias a proposito del natura del mundo:

In addition, multe practicas e credentias New Age pote utilisar de lo que pote esser appellate pensamento magic. Exemplos commun es le principio que objectos post le prime contacto mantene un ligamine practic, o que objectos que ha characteristicas simile exerte un effecto le un al altere.




#Article 249: Interlingue (859 words)


Interlingue, etiam cognoscite como Occidental, es un lingua auxiliar international de typo semi-naturalistic publicate primarimente in 1922 per Edgar von Wahl.

Sub le codice ie, Interlingue es un del cinque linguas auxiliar international, con Interlingua (ia), Esperanto (eo), Ido (io) e Volapük (vo), includite in le standard ISO 639 basic (de duo litteras, il ha anque un abbreviation de tres litteras).

A su publication original in 1922, le lingua esseva nominate Occidental, sed in 1949, le vice-presidente del Occidental-Union Ric Berger convinceva le Union a cambiar le nomine a Interlingue pro ration de objectiones politic contra le nomine veniente ab Europa oriental. In addition ille sperava que le lingua poterea al fin fusionar se con le Interlingua de IALA que a ille tempore esseva ancora in disveloppamento. Clarmente isto non ha evenite; plus tosto le cambiamento facilitava le transition del parlantes de Occidental al Interlingua de IALA.

A prime vista Occidental, postea appellate Interlingue, es multo similar a Interlingua. In illo on recognosce le vocabulario international a grande mesura. Regrettabilemente su autor, Edgar de Wahl, non toto se disintricava de certe principios dominante durante le pasate decennios in le campo del construite linguas auxiliar. In Occidental on observa tractos que rememora al regularismo de Esperanto e Ido e al simplice conception de internationalitate de istos e Novial. Isto on vide in le duplication de qualque suffixos (-age/-agie, -ario/-arium, -ería/-eríe, -essa/-esse, -it /-it), e le introduction de finales distinctive pro le substantivos (-e) e le adjectivos (-i) pro responder a un exigentia de monosemia. Multe parolas esseva prendite extra le latinitate europee ab germano, anglese e svedese. 

On ha laudate Occidental pro su famose regula de Wahl. Sed non es iste ingeniose regula un tentativa de incorporar un grande serie de derivationes verbal in un simplification, requirite pro satisfacer al desiro axiomatic a combinar regularitate absolute con un maximo de internationalitate? Le internationalitate debeva ceder al regularismo.

Occidental (post 1949 nominate Interlingue) esseva ante Interlingua le melior utilisation del vocabulario international de facto existente como lingua auxiliar. Mi prime contacto con Occidental via Cosmoglotta inspirava in me un ira contra le propagandistas esperantistic a causa de lor horrificante e grotesc misrepresentation de ille lingua. Certe cosas me choccava: strax, flicca, til, sed in le grande lineas illo esseva un revelation a me. Sed adherer a illo? No. Nulle litteratura, nulle cursos, congressos, o coidealistas a contactar. Le fiasco de ille bon solution se trova sur le plano promotional: le ex-volapükistas, ex-esperantistas e ex-idistas continuava a discuter in lor Turre de Ebore. Poc e povre manuales e dictionarios restringeva efficacemente le circulos de homines que haberea volite studiar e usar lo. 

Un certe attitude de Couturat remaneva. De Wahl, linguista genial, pareva in su scriptos esser un poco orgoliose e non multo democratic. Le cognite interlinguistico Erik Berggren, Svedia, qui ha incontrate de Wahl personalmente, ha un toto altere impression de ille, sed ille certo non inspirava le sympathia a su personalitate como lo face Dr. Zamenhof quasi universalmente. Appellar a su adjuta le emotiones e le sentimentos semblava tanto lontan de Occidental como de Ido durante su prime periodo. 

Isto es secundo mi conviction – post haber studiate ben le historia del linguas universal, un error grave. 

Le transition en bloc del occidentalistas a Interlingua haberea essite un passo natural. Nos les saluta un post le altere ancora hodie cordialmente benvenite. Imagina a vos qual experientias utilissime illes pote apportar – e al mesme tempore influentiar Interlingua per lo que esseva bon in Occidental – regularitate quando possibile!

Patre nor, qui es in li cieles. Mey tui nómine esser sanctificat, mey tui regnia venir. Mey tui vole esser fat qualmen in li cieles talmen anc sur li terre. Da nos hodie nor pan omnidial, e pardona nor débites, qualmen anc noi pardona nor debitores. E ne inducte nos in tentation, ma libera nos de lu mal.

In su Histoire d'un bon brahmin Voltaire narra li vicissitúdines de un old sagi brahmane qui cadet in desesperantie, constatante que su long-annual studies hat finalmen ductet le a nequó. Plu il profundat se in li cosas, plu il sentit acrescer li póndere de su ignorantie. Su deve esset inseniar li altres, ma on posit le questiones a queles il self ne savet dar un just response. Omni to rendit le profundmen infelici.

Mi constata ancor un vez, que Occidental es un lingue occidental, e pro to usar anc un occidental historic heredat transcription, e li usationes del Arab Japanes etc, por nos ne es obligativ.

It es un erra creder que li multitá de systemas ha impedit li solution del problema.

Li 2 may noi havet li plesura del visita de Dr. F. Schmolinsky, ex Germania, con su marita. Du semanes antey nor excellent propagandist, sr. Lienhard de Zurico, passat che nos pos un viage a Munchen. Ex li raportes de nor visitatores noi aprendet con joya que hay un renascentie interlinguistic in Germania. Noi posse expectar tre bon resultates in ti land por li proxim tempor.

Interlingue, li modern lingue international, es basat sur li vocabules international, conosset sur li tot terra. Su pronunciation es natural, su grammatic es simplic e regular.




#Article 250: Oceanographia (105 words)


Le Oceanographia [o-tse-a-no-gra-'fia], anque appellate oceanologia o scientia marin, es le studio del oceanos del Terra e lor ecosystemas interligate e lor processos chimic e physic. 

Le oceanographia comenciava como un scientia proprie in 1872, quando C.W. Thomson e John Murray partiva pro le expedition del Challenger (1872-76). Durante iste tempore, varie nationes comenciava comprender que, viste le importantia del oceano pro le commercio, investimentos in le studio del oceano esserea beneficente. Varie nationes (e individuos e institutiones) inviava expeditiones assi como institutiones oceanographic esseva create. 

Le prime organisation oceanographic international esseva create in 1901 sub le nomine Consilio international pro le exploration del mar.




#Article 251: Oxygeno (142 words)


Oxygeno es un elemento chimic de symbolo O e numero atomic 8. 
In su forma molecular, O2, illo es un gas a temperatura ambiente. 
Illo representa circa 20% del composition del atmosphera 
terrestre.

Le oxygeno es un del elementos le plus importante del chimia organic e participa de forma multo importante in le cyclo energetic del esseres vive. Tote le gasose oxygeno terren es produite per le flora via le processo de photosynthese e illo consummate per le fauna via le processo de respiration. Secundo le biologos, le presentia de tal oxygeno a un planeta serea un forte signo que il ha vita illac. 

Illo es un gas incolor, inodor e insipide. 

Il etiam existe un forma molecular formate per tres atomos de oxygeno, O3, denominate ozono.

Un atomo de oxygeno combinate con duo de hydrogeno forma un molecula de aqua (H2O).




#Article 252: OTAN (296 words)


Le Organisation del Tractato del Atlantico Nord, abbreviate OTAN,  Organisation du Traité de l'Atlantique Nord o  North Atlantic Treaty Organization, o NATO, es un allantia defensive inter nationes nordamerican e european.  

Le principio de OTAN es defensa mutual:  un attacco contra ulle membro esse considerate un attacco contra tote le membros.  Le union esseva formate in le Tractato del Atlantico Nord le 4 de april 1949.  Illo es basate in Brussel, Belgica.  Hodie, OTAN habe 28 membros, e 22 altere nationes que participa in su Association del Pace.  Le nationes de OTAN expende 70 % del expensas militar in le mundo.

Le OTAN esseva create post que le Secunde Guerra Mundial pro opponer le potentia crescente del Union Sovietic.  Post que le guerra corean, le OTAN deveniva un coalition permanente, con un nove structura militar ducite per le Statos Unite.  Post que le inclusion de Germania Occidental in 1955, OTAN inspirava le Pacto de Varsovia in 1955, initiante le guerra frigide.  Le poter de OTAN que combatter un invasion sovietic esseva un thema de discussion frequente; dubitas de Francia in le capacitate de OTAN initiava su scopo de obtener armas nuclear, e eventualmente, su partita in 1966.

Post que le destruction del muro de Berlin in 1989, OTAN interveniva in le guerra de Yugoslavia, le prime action per OTAN.  Politicamente, le relationes con le previe membros del pacto de Varsovia meliorava al puncto in que alcun membros jungeva al OTAN, inter 1999 e 2004.  Le sol usage del articulo 5 del Tractato del Atlantico Nord esseva in 2001, invocate per le Statos Unite pro adjutar in su defensa.  Articulo 4 del tractato ha essite usate tres vices per Turchia:  le prime tempore in le guerra de Iraq, e duo vices in le guerra civil de Siria.




#Article 253: Organisation del Nationes Unite (647 words)


Le Organisation del Nationes Unite (ONU), o simplemente le Nationes Unite, es un organisation intergovernamental mundial, create per le Littera de San Francisco in 1945, con le finalitate de mantener le pace, promover le cooperation economic, cultural, social e humanitari, garantir le securitate del statos basante in le principios de equalitate e autodetermination e veliar pro le respecto del derectos human. Actualmente forma parte del organismo un total de 192 statos del mundo.

Iste es alicun del scopos del ONU:

Le termino Nationes Unite ha essite create per Franklin D. Roosevelt durante le Secunde Guerra Mundial pro referir se al Alliatos. On lo ha usate per le prime vice in 1942, in le Declaration del Nationes Unite, le qual establiva que le alliatos deberea observar le principios del Littera del Atlantico, e illes jurava cercar le pace in conjunction con le poteres de le Axe. Le nomine ha essite transferite al ONU per le fortias victoriose del guerra e como condition del Littera del Atlantico e de altere accordos de guerra.

In 25 de april 1945 ha comenciate le Conferentia International in San Francisco, con le intention de crear le organisation international del Nationes Unite. Dos menses postea, le 50 nationes que ha essite representate in le Conferentia ha signate le Littera del Nationes Unite, in 26 de junio, e Polonia lo ha facite un pauc postea. Finalmente, in 24 de octubre 1945 le ONU ha rascite con le ratification del Littera del Nationes Unite per le cinque membros permanentes del Consilios de Securitate: Republica de China, Francia, Union Sovietic, Regno Unite e le Statos Unite, e per le majoritate del altere 46 membros.

Le sede del Nationes Unite ha essite construite in New York inter 1949-1950 in le bordo de East River, super le terreno comprate con le donation de 8,5 miliones de dollares de John D. Rockefeller, Jr, e designate per un equipo de architectos inter le quales esseva Le Corbusier e Oscar Niemeyer. Le sede ha aperite su portas officialmente in 9 de januario 1951. Benque le bureaus principal esseva in Nova York, il ha agentias importante in Geneva, Le Haya, Vienna e altere citates del mundo.

In 2001 illo ha recipite le Premio Nobel pro Pace, que illo ha compartite con su Secretari General Kofi Annan, pro su travalio pro un mundo melior organisate e pacific. Posteriormente, in 2003, le organisation ha obtenite le Premio Sakharov pro le Libertate de Conscientia, concedite per le Parlamento Europee.

Le affiliation al ONU es aperte a tote le statos que ama le pace e que accepta le obligationes del Littera del Nationes Unite e, secun le judicio del organisation, ha le capacitate pro observar les. Le Assemblea General determina le admission super le base del recommendationes del Consilio de Securitate. 

Illo dispone de cinque organos principal:

Le ONU utilisa 6 linguas official: anglese, arabe, chinese, espaniol, francese e russo.

Le financiamento del ONU deriva del contributiones fixe e voluntari del statos membros. Le Assemblea ha establite que le ONU non debe dependre excessivemente de un membre pro financiar su operationes, e dunque illo ha imponite un limitation (22% del budget) al contributiones del statos membros. 

Le programmas special del ONU non es includite in le budget regular (como es UNICEF, UNDP, UNHCR e WFP), e illos recipe le financiamento solmente del contributionse voluntari del membros; le principal financiator es le Statos Unite.

In medio del decennio de 1980, le ONU ha habite un grave crise financiari, pois que multe statos membros (mesmo le Statos Unite e le Union Sovietic) se ha negate a pagar parte de lor aportationes pro problemas fiscal statal e pro le discontento provocate per certe aspectos del sistema de functionamento del ONU.

In 1974 le Comunitate Europee ha attingite le statuto de observator ante le ONU. Le Commission del Comunitate ha un delegation permanente ante le ONU in New York e Geneva.




#Article 254: Olivenza (316 words)


Olivenza es un municipio que se trova in le region de Extremadura, Espania, in le ripa sinistre del fluvio Guadiana, quasi in fronte del Citate de Elvas, Portugal, circa 24 km a sud de Badajoz, Espania. Le Territorio de Olivenza ha un configuration triangular, con duo de su vertices reposante sur Guadiana e le tertie internante se in Espania verso sud-est. 

Municipio de Badajoz, in Espania.

In 20 de maio 1801, Espania in alliantia con le Francia napoleonic invadeva Portugal durante le Guerra del Oranges, occupante grande parte de Alto-Alentejo. Commandate per le Generalissimo Manuel Godoy, le truppas espaniol circumfereva e prendeva Olivenza.

Portugal, vincite per Napoleon e Carlo IV, esseva obligate a consignar a Espania, in qualitate de conquesta, Olivenza, su territorio e populos desde le fluvio Guadiana, firmante in 6 de junio le Tractato de Badajoz.

Frustrate le ambitiones franco-napoleonic, le Europa se reuniva in le Congresso de Viena, aperite in septembre 1814. Ibi esseva representate le principal potentias: Anglaterra, Austria, Prussia e Russia, mais etiam Portugal, Espania, Svedia, assi como le vincite Francia. On constitueva le “Comité del Octo” que esserea le organo principal del congresso. 
Le travalios esseva prolongate usque al anno sequente e le Acta Final esseva firmate in 9 junio 1815.

Insimul al firmas del representantes de Austria (Metternich), de Francia (Talleyrand), de Anglaterra, de Prussia, de Russia e de Svedia, veniva lo de D. Pedro de Sousa Holstein, le futur Duce de Palmela, chef del delegation portugese. Espania, que alora non esseva presente, ha subscribite le Acta in 7 de maio 1817.

Le Acta del Congresso de Viena, in su articulo 105º, prescribeva:

Espania sustene que Olivenza esseva conquerite per Espania e non per le Francia napoleonic, ergo le firma del tractato de Vienna esseva facite como vincitor e non pro ceder territorios legitimemente acquirite.

Hodie, in le 2006, illo es ancora sub administration de Espania contestate per Portugal.




#Article 255: Ontologia (169 words)


Ab le gr. on, lo existente, lo que es.

Ontologia es dicite in philosophia:

Le ontologia se occupa del cognoscentia del structuras del esser, del homine e del mundo, e tange alsi le problemas del metaphysica. Como scientia philosophic super le fundamentos del esser, se pote facer lo remontar al plus antique pensatores grec (presocratic) que, le primes, essayava de dar un responsa al problema del esser con lor doctrinas sur le principio (arché) del cosas. Plures es le systemas ontologic que esseva construite durante le historia del philosophia, p. ex. illos de Platon, Aristotele, Thomas de Aquinas, Christian Wolff. In le seculo 20e Martin Heidegger, in su obra fundamental Sein und Zeit (Esser e tempore) (1927), essayava un nove fundation del ontologia e developpava un analyse del existentia human in le senso de un ontologia existential. In le 19e seculo, le Neoscholastica catholic essayava un renovamento del ontologia thomista. Le theologia evangelic, in vice, in particular Karl Barth etc. contesta le possibilitate de applicar le ontologia al theologia.




#Article 256: Orthodoxia oriental (179 words)


Le termino (non satisfactori) Orthodoxia oriental se refere a plure traditiones christian orthodoxe particularmente antique. Le ecclesias orthodoxe oriental se separava in le quinte seculo del ample communion, tunc ancora unificate, que se appellava le Ecclesia Un Sancte Catholic e Apostolic, seculos ante le Grande Schisma del dece-prime seculo, in le qual ille grande ecclesia se separava a formar le Ecclesia Occidental (catholic-roman).

Iste separation esseva causate in parte per le refusa del ecclesias orthodoxe oriental de acceptar le dogma christologic promulgate per le Concilio de Chalcedonia, le qual assereva que Jesus Christo ha duo naturas, uno divin, e uno human. Le ecclesias orthodoxe oriental es ergo appellate monophysita, benque illos non accepta iste definition, e prefere le termino ecclesias non chalcedonian.

Le Ecclesias orthodoxe oriental include:

Le communion Orthodoxe Oriental es un gruppo de ecclesias intra le Orthodoxia oriental, que es in plen communion le un con le alteres.

Le Ecclesia Assyrian del Est es aliquando considerate un Ecclesia Oriental Orthodoxe, benque illo quitava le Ecclesia Catholic e Apostolic ante le Concilio de Chalcedon.

Le mesme que: Orthodoxismo.




#Article 257: Onomatopeia de animales (189 words)


vide intra: Onomatopeia
vide extra:  (in English)

Que face le animales international? Sonos de animales in Interlingua.

Sonos que require extra datos:

Sonos stabile (non require datos):

le anate cuacca: cuac, cuac
le ape susurra: bzzzzzzz....
le asino face i-ha: i-ha, i-ha
le ave pipa: piu piu, twit twit
le can latra: hau, hau
le capra bala: meeeeeee.... (o baaaaaaaa....)
le catto miaula: miau
le cavallo hinni: hiiiiiii ha ha ha
le columba e pipeon face gu gu: gu gu
le corvo coaxa: kra, kra (o kar, kar)
le cucu face cucu: cucu, cucu
le galletto pipa: pip, pip
le gallo de India face glu-glu: glu, glu, glu pt:glu-glu-glu
le gallo face le eveliation del gallo: kikirikiiii (o cucuricuuuu)
le lupo ulula: auuuuuuuu....
le mus pipar, stridula: pip pip
le oca o ansere face ga ga: ga, ga, ga
le ove bala: meeeeeee.... (o beeeeeeee....) pt:bééééééé
le porco face oink: oink, oink
le pulla face co-co-co: co, co, co (o coc, coc) pt:có-có-có
le rana coaxa: cua, cua (o cuac, cuac)
le serpente sibila: ssssssss....
le simia face i-i-i: i-i-i
le uluco ulula: hu, hu
le vacca mugi: muuuuuuu....




#Article 258: Pagina initial (121 words)


In le World Wide Web, un pagina initial o pagina principal es le puncto de partita, o radice, de un sito del web, un gruppo de paginas logicamente correlate.
Le pagina initial usualmente include information basic super le thema de toto un sito, e ligamines a altere paginas connexe.

Le major parte del navigatores del web permitte que un URL specific sia designate como le pagina initial del navigator. Le pagina del web a esser automaticamente recuperate in le lanceamento del navigator.

Durante le decennio de 1990, multe personas usava le termino pagina initial pro referer se a un pagina que contineva informationes personal super un individuo. Iste idea de pagina initial gradualmente es supplantate per le definition plus correcte, supra.




#Article 259: Philosophia (514 words)


Philosophia (ab grec, φιλοσοφία philosophía, le amor del cognoscentia) esse le studio del pensamento e le justification del credentias; in definitivo, philosophar consiste de pensar o rationar super le mundo que nos habita. Ora ben, iste activitate habe aspectos differente de altere brancas del cognoscimento, in particular del scientia, viste que le philosophia disveloppa un systema de cognoscimento concrete (observation, mesura, hypothese e prediction), le philosophia va plus ultra e entra, per exemplo, in le terreno del theologia: illo explora le campo del rationes ultime, illos que le homine de forma traditional ha attribuite al divinitate.

Certemente, in epochas historic determinate, le philosophia e le theologia se ha fusionate e ha devenite un mesme cosa, philosophos como Agustin o Thomas de Aquino habeva un conception del mundo que supponeva le preeminentia del modello christian como fonte e finalitate de tote cognoscimento human; ma, ora, in nostre epocha, le modello de cognoscimento scientific esse le predominante. Non solo le religion ha tentate limitar le philosophia; tamben lo ha facite, o lo face, regimentos politic que nos pote appellar de pensamento unic, a saper illos que, per un motivo o per un altere, limita le libertates human e, certo, le libertate de credentia e opinion.

Le philosophia esse le tentativa plus propriemente appellate human, proque illo nasce ab un saper universal cuje attitude de contemplation reflexive es orientate circum le fundamentation intellectual de tote saper, producente un ordine particular de cognoscimentos.

Le quatre grande themas que historicamente on ha debattite in le philosophia esse

Le characteristica principal que Aristotele vede en un persona philosophe es que illo non es experte. Le sophós (le sapiens) cognosce omne cosas sin haber un ciencia specific. Su vista effunde per le mundo, su curiositate insatiabile face nos investigar non solmente le misterios del kosmos sed etiam le del physis (le natura), como le que dice respecto al homine e al societate. Post omne, le philosophe es un revelator, alicune que afasta le velo que es cubrinte le nostre oculos e cerca monstrar le objectes in le su forma e position original, operante como alicuno que trova un statua en le fundo del oceano coperite con muscos e algas, e depost, remove un per un, e monstra nos su real forma.

Para Platon, le prime attitude del philosofo es admirar ille ipse. Ab le admiration nos face le critic reflexion, lo que marca le philosophia como cerca a le veritate. Philosophar es dar significato al experientia.
Assi, pote se affirmar que philosophia es le studio racional, critic e objective de omne o qualcunque del trovate del pensamento human. Hinc, le activitate philosofic es pensar rationante super lo que nos trova in le nostre circum: del natura ab le proprie mechanismos interne de rationamento. Philosophar, es, assi, non solmente cogitar super le mundo mais etiam super le propie pensamentos.

Como omne altere studia academic, le philosophia ha numerose subdisciplinas:

Trans le seculos e paises, literalmente centos de systemas philosophic ha essite inventate, promotite, e oblidate, con plure scopos de multo specific a gigantic; isto esse un lista breve de alcun systemas notabile:




#Article 260: Psychologia (350 words)


Le psychologia [psi-ko-lo-gí-a] es le studio del mente (psyche) human e su functiones, e le scientia que tracta del comportamento human et animal.

Desde su genesis como disciplina, le psychologia se videva in necessitate de adjustar se le methodologia inductive empirico-analytic, imperante desde le seculo XVI. Ante ille seculo le scientia habeva se disveloppate a un tradition eminentemente deductive, ubi le phenomenos se explicava ab su adjustamento interpretative con le conceptiones philosophic o religiose del momento.

Si nunc es certe que le adscription del psychologia al methodo scientific lo representava un avantiamento significative, specialmente concernente le studio del processos psycho-physiologic associate al perception, tamben es certe que le discomposition analytic del phenomenos psychic superior in actos positive face quasi impossibile su restructuration ulterior pro su comprension logic.

Le disveloppamento del scientia in le seculo XX dismontava le mystification que se habeva create circa le objecto, viste que le theoria del relativitate monstra le interdependentia inter le materia e le movimento, le objecto e le action. Nonobstante, observate le essentia del differente methodos de investigation, nos trova que tote le scholas de psychologia usa le schema stimulo e responsa, independentemente del emphase del application practic que on face de illo; in realitate, le discrepantias surge ab le interpretation theoric que le investigatores assigna al distincte milieus e al consequentias.

Vygotski, Wallon e Piaget coincide in le proposition de superar le acto static que pretende parlar per se mesme e recognosce que le mesme phenomenos pote acquirer significationes differente, secun sia le structura que los junge. 

In respecto Vygotski convoca un vision genetic del mente, durante que Piaget propone le Methodo clinic experimental e Wallon rejecta qualque methodo que tenta introducer modificationes substantial in le natura del personas studiate.

Super le base de un approximation dialectic al analyse del historia human, se propone un nove methodo de investigation que pretende le analyse del funtiones psychologic superior e que es formate per tres principios:

Le methodo exposite plus in alto non es altere que le experimental, que semper aspira a un nivello explicative e non descriptive, plus commun del methodologias correlational psychologia experimental.




#Article 261: Populo del Libro (190 words)


Le Populo del Libro (arabe: أهل الكتاب, ′Ahl al-Kitāb) es un termino usate per musulmanes pro christianos e judeos, cuje religiones ha un sol deo, le deo de Abraham, e scripturas considerate sacre. Zoroastrianos alsi son includite in multe interpretationes del lege de islam, e hindus in alcunos. Le judeos etiam al vices appella se le Populo del Libro, significante le populo del Torah.

Le musulmanes crede que Deo se revelava a Abraham, Moses, Jesus, e altere prophetas judee e christian ante Mahomet. Le Torah, Nove Testamento e altere obras es assi acceptate como scripturas ver, e le Islam es le forma perfecte de iste religion, e que Abraham esseva le prime musulman ver. Le judeos e christianos non seque le ver cammino de Deo, mais practica formas divergente de Islam, e assi pote practicar lor proprie religiones, e es melio que paganos, incredulos, e le discipulos de prophetas plus recente.

Prophetas post Mahomet non son recognoscite per le musulmanes, qui considera Mahomet a ser le sigillo del prophetia, le ultime propheta ver, e assi le musulmanes non recognosce le prophetas de fides post-islamic, como pro exemplo illes de Baha'ismo.




#Article 262: Planeta (186 words)


Un planeta es un corpore celeste massive que orbita un stella. Etymologicamente proveni ab le latino que lo prendeva del greco planetës, que significa vagabundo e de planaö que significa io vaga. Le origine del termino se debe al facto que le stellas pare fixe in le volta celeste in comparation con le planetas.

Le definition de planeta se discute in iste momentos in circulos scientific viste que in le actualitate illo non pare bastante clar.

In le systema solar existe un multitude de corpores desde le pulvere interplanetari usque le grande planetas gasose e nos non pote classificar tote le corpores como planetas.

Actualmente se considera planeta qualcunque corpore que ha un massa inter 15 massas de Jupiter e le massa de Pluton. Mais iste definition es multo vage.

Con le discoperta de corpores cata vice major in le cinctura de Kuiper se pone in dubita le catalogation de Pluton como planeta.

Actualmente a parte del planetas del systema solar se cognosce plus de 75 planetas extrasolar orbitante circum stellas proxime al nostre. In nostre galaxia, le Via Lactee, il ha trilliones de iste exoplanetas.




#Article 263: Panorama in Interlingua (207 words)


Panorama in interlingua es le international magazin de novas publicate per le Union Mundial pro Interlingua. Continente actualitates e curiositates super themas varie in addition al ultime novas del mundo de interlingua, illo es un del primari medios de diffusion de interlingua.

Panorama in Interlingua es le periodico official del Union Mundial pro Interlingua e es assi neutral in questiones politic e religiose. Isto totevia non significa que iste themas non es describite. Panorama es un international magazin de novas in interlingua, cuje scopo es acclarar, activar e amusar. Panorama in interlingua es un publication bimestral, publicate desde januario 1988. Cata edition contine 28 paginas, totalmente in interlingua, con novas de interlingua, jornalismo, reportages, recensiones de libros, viages, chronica etc.

Panorama in interlingua functiona como le ligamento inter membros del Union Mundial pro Interlingua ma es al mesme tempore un fenestra al mundo exterior demonstrante le uso de interlingua. Al fin, illo es sovente usate in le inseniamento de interlingua e se dirige assi anque a nove interessatos. Panorama in interlingua appareva como le fusion del magazin trimestral Currero (ISSN 0105-8401), editate per le Union Mundial pro Interlingua desde 1964, e le private magazin bimestral Heraldo de Interlingua (ISSN 0108-0598). Le numero ISSN de Panorama es 0903-2932.




#Article 264: Photographia (670 words)


Le photographia es le technica de registrar, con medios chimic o mechanic un imagine fixe super un strato de material sensibile al exposition del lumine, basate in le uso del camera obscur como le dispositivo de formation del imagine e del film photographic como medio de immagazinage del imagine.

Le termino photographia veni ab le greco: designar con le lumine (photos: lumine, graphê: designo).

Le photographia pote ser classificate sub le plus ample denomination de tractamento de imagines e, como tal, illo ha interessate e scientistas e artistas desde su primordios. Le scientistas supertoto se ha interessate in su capacitate de facer registros precise, tal como in le studios super locomotion human e animal de Eadweard Muybridge (1887). Le artistas tamben se ha interessate in iste aspectos mais ha essayate explorar methodos de representation del realitate differente del methodo photomechanic.

Se considera que le prime photographia sia un imagine obtenite in 1826 per Nicephore Nepce. Iste imagine esseva obtenite con un camera e necessitava 8 horas de exposition a plen lumine del die. In 1839 Jacques Daguerre disveloppava un altere processo pro le obtention de photographias basate super le argento denominate daguerreotypo e que es le antecessor del actual photographia instantanee. Quasi simultaneemente William Fox Talbot disveloppava un altere methodo basate in un papiro coperite con chloruro de argento que es multo plus proxime al del photographia de hodie, viste que illo produceva un imagine in negativo que poteva ser posteriormente positivate tante vices como se desirarea.

In ille tempores le daguerreotypo esseva multo plus popular viste que illo esseva particularmente utile pro le portraits, costume commun inter le classe medie burgese del Revolution Industrial. De facto, gratias al enorme demanda de iste portraits, multo minus costose que le portraits a pictura, le photographia recipeva un enorme impulso. Ni le sales de argento ni le camara obscur esseva discopertas del seculo XIX si non anterior. Le camera obscur esseva usate per artistas in le seculo XVI como adjuta pro realisar lor schizzos e le sensibilitate al lumine del nitrato de argento esseva discoperite per Johann Schultze in 1724.

In tempores recente, le processo photographic ha evolvite per medio de un serie de raffinamentos e melioramentos inspirate in le methodos de William Fox Talbot. Le photographia habeva su apogeo commercial desde 1901 quando Kodak introduceva in le mercato su camera Kodak Browne, e supertoto debite al industrialisation del processo de processamento e impression de film photographic. Pro le laico que usa hodie un camera de uso simple, multo poco ha cambiate desde ille tempores, salvo que le photographia in color se ha imponite como standard, e que le auxilios de focalisation e le calculo automatic del velocitate de exposition e apertura del diaphragma es ora habitual. Justo como pro le affectionatos del photographia in blanco e nigro practicamente nihil ha cambiate desde le introduction in le mercato del Leica 35mm in 1925.

Iste situation esseva un ver problema pro le photographos ubicate in locos remote, como le correspondentes de pressa, que non habeva accesso a medios de processar photographias. Il es pro isto que se cercava nove medios pro poter servir imagines tanto tosto como esseva possibile, 
e veni assi in 1990 le prime camera digital.

Mesmo si in principio su precio lo faceva inaccessibile pro le grande publico, hodie le cameras digital es accessibile al major parte del personas, e illo diminue in costo de materiales e augmenta in qualitate technic, durante que le photographia traditional continua stabile in costo de productos de revelation.

Le photographia in color esseva disveloppate durante le seculo XIX. Le experimentos 
initial non esseva capace de facer que le colores remaneva fixate in le photographia. Le prime photographia in color esseva obtenite per le physico James Clerk Maxwell in 1861. Nonobstante, le prime film photographic in color — Autochrome — non veniva al mercato usque 1907. Le prime film photographic in color moderne, Kodachrome, esseva utilisate le prime vice in 1935. E le alteres ha essite basate in le technologia disveloppate per Agfacolor in 1936.




#Article 265: Programmation de scripts pro HTML (219 words)


Le standard HTML de W3C include supporto pro programmation de scripts in le latere cliente.
Illo defini como scripts executabile localmente pote esser usate in un pagina del web.
Un certe application de latere cliente, tal como un navigator del web, pote supportar varie linguages de programmation de scripts.
Le codice del script pote esser executate durante le carga del documento o esser precipitate per un evento posterior.

Le codice del script pote esser scribite directemente in le documento HTML intra:

Le elemento SCRIPT pote occurrer zero o plus vices intra le elementos HEAD e BODY.
Scripts intra elementos script es processate durante le carga del documento.

Eventos occurre pro differente elementos de un pagina del web:

Le codice del script pote esser associate a un evento e elemento scribente le codice in un attributo HTML.
Le nomine del attributo debe esser illo de un evento intrinsec supportate per le elemento (per exemplo, onLoad).
Le script es executate quandocunque le evento occurre pro ille elemento.

Le modello de eventos intrinsec de HTML consiste del sequente eventos:

Alcun navigatores supporta attributos de eventos additional (foras del standard), tal como:

Le codice del script pote esser includite como un valor de attributo HTML.
Le codice debe esser precedite per un amp;.
Nota: Macros de script frequentemente non es includite in implementationes.




#Article 266: Polonia (312 words)


Le Republica de Polonia (pol. Polska, Rzeczpospolita Polska) es un pais in Europa central; es le none plus grande pais de Europa, 312,696 km², 38 502 396  habitantes (2009) - 26e loco in le mundo.   Il ha frontieras con Germania, Republica Chec, Slovachia, Ukraina, Bielorussia, Lituania e Russia (oblast de Kaliningrad).

Le parola Polonia esseva usate pro le prime tempore in 966, le anno de su adoption del christianitate per Mieszko I.  Le regno de Polonia esseva fundate in 1025.  In 1529, il formava un union con Lithuania per signar le Union de Lublin.  Le confederation se cessava quando su territorios esseva partite inter Prussia, le Imperio Russian, e Austria.  In 1918, Polonia reformava como le Secunde Republica Polonese in 1918.  In 1939, le nation esseva invadite per Germania Nazi e le Union Sovietic durante le initio del Secunde Guerra Mundial.  In 1952, sub controllo russian, le stato se renominava al Republica Popular de Polonia, regite con politicas communiste. Le Revolutiones de 1989 cambiava le stato al Tertie Republica Polonese, como le nation es nominate hodie, e marcava liberation del communismo.  In 2004, Polonia se univa al Union Europee.

Frontiera con Germania, Republica Chec, Slovachia, Ukraina, Bielorussia, Lituania e le oblast de Kaliningrad de Russia.

Densitate de population: 123 personas/km². 

Natalitate: 0,14/1000. Disempleatos 19% (2004). 
Longevitate: homines 69 annos, feminas 77 annos.

Structura ethnic: polacos (98,7%), ukrainianos (0,6%), germanos (0.6%). 

Confession: catholicos roman (95,0%), protestantes (principalmente evangelicos, 1%), alteres (4%). 

Analphabetismo: 1%.

Le lingua principal de Polonia es polonese, un lingua slave. 

Producto national: c. 14.100 € (2009) 20.445 USD (2009) per capite (secundo le poter de compra).

Moneta: 1 złoty (aureo) = 100 groszy. 

Membro del OTAN e del Union Europee.

Regime politic: Democratia parlamentari.

President: Andrzej Duda. 

Prime ministro: Mateusz Morawiecki

Le 11 de novembre es le Die del Independentia, e le 3 de maio es le Die del Constitution.




#Article 267: Portugal (1060 words)


Portugal esse un stato de Europa sud-occidental que se extende sur le litoral atlantic del Peninsula Iberic, con bordos al nord e al est con Espania. Portugal esse le pais le plus al west in Europa continental. Portugal esse nominate pro su citate le secunde plus grande, Porto, cuje nomine latin esseva Portus Cale.

In le seculos 15 e 16, Portugal esseva un poter mundial economic e cultural; le Imperio Portugese, le prime imperio europee, se extendeva a includer Brasil, le Indias Oriental, Macao, Angola, Mozambique, Capo Verde, Guinea-Bissau, São Tomé e Príncipe, Timor Oriental, e partes de altere paises moderne. Hodie, ben que su grandor physic ha contrahite, il ja habe un economia forte, un qualitate de vita alte, e un cultura pacific e globalisate.

Portugal como esse hodie esseva create in 1143 per su prime rege Afonso Henriques; ille creava le throno in 1139, e esseva recognoscite per Espania in 1143. Su confinios esseva mantenite practicamente inalterate desde le seculo 13 usque al die presente, essente un del statos independente le plus antique de Europa. Portugal esseva semper ligate al mar. Tosto le pisca e le commercio de ultramar esseva activitates economic importante. Le interesse de Henrique le Navigator in le exploration, gratias a alcun progressos technologic in le navigation, portava al expansion del territorio portugese e a grande developpamento in su cognoscentia geographic.

Post su apogeo como potentia mundial durante le seculos 15 e 16, Portugal perdeva multe de su ricchessas e stato con le destruction de Lisbona durante le seismo de 1755, le occupation durante le guerras Napoleonic, e le perdita de su colonia le plus importante, le Brasil, in 1822. Un revolution in 1910 deponeva le monarchia portugese, e comenciava un periodo de republicanismo chaotic (prime republica); in 1926 un colpo de stato militar nationalista dava initio a un periodo de plus de cinque decades de governamentos fascista repressive.

In 1974, un colpo militar pacific de sinistre duceva le Revolution del carnationes, installava un governamento que institueva plure reformas democratic. Le anno sequente Portugal concedeva le independentia a su colonias in Africa: Mozambique, Angola, Guinea-Bissau, Capo Verde e São Tomé e Príncipe) e perdeva su colonia de Timor Oriental in Asia per un invasion de Indonesia. Portugal entrava in le Union Europee in 1986, dum que le altere dependentia asiatic, Macao, esseva revertite al soveranitate de China in decembre 1999.

In le annos que sequeva le colpo de 1974, Portugal abandonava rapidemente le institutiones non democratic usque stabilir se finalmente como un democratia constitutional. Le quatro organos de soveranitate es le Presidente del Republica, le Governamento , le Assemblea del Republica (le Parlamento) e le Judicatura.

Le presidente del republica, electe a un termino de cinque annos per suffragio directe universal, tamben es commandante-chef del fortias armate. Le poteres presidential include designar le Prime Ministro e le Consilio del Ministros, in le quales le presidente debe esser dirigite per le resultato del election del assemblea. Le Consilio del Stato, un organismo consultative presidential, componite per sex officiales civil major, le ex-presidentes anterior, electe desde 1976, cinque membros electe per le assemblea e cinque selectionate per le presidente.

Le governamento es dirigite per le Prime Ministro, qui nomina le Consilio de Ministros. Un nove governamento se require pro definir le schema general de su politica in un programma e pro presentar lo al assemblea pro un periodo obligatori de discussion. Le manco del assemblea in repeller le programma per un majoritate de deputatos confirma le governamento in carga.

Le Assemblea del Republica es un corpore unicameral constituite per 230 deputatos. Electe per suffragio universal secundo un systema de representation proportional, le deputatos servi per 4 annos, a minus que le presidente del republica dissolve le assemblea e convoca nove electiones.

Le Tribunal Supreme National es le corte de appello. Le cortes militar, administrative e fiscal se signala como categorias separate del corte. Un Tribunal Constitutional de 9 membros repassa le constitutionalitate del legislation.

Portugal continental consiste de 18 districtos:

Ultra iste, il ha duo regiones autonome: Azores (Açores) e Madeira. Cata districto es subdivide in municipios.

Lisbona, Porto, Braga, Coimbra, Funchal,
Aveiro, Ponta Delgada, Evora, Faro, Aveiro, Gaia, 
Almada, Amadora, Viseu, Guarda, Leiria, Maia, 
Guimaraes, Rio Tinto, Agualva-Cacem, Queluz, Pinhel, 
Lamego, Penafiel, Tomar, Elvas, Castelo Branco, 
Viana do Castelo, Covilha, Figueira da Foz, Odivelas, 
Caldas da Rainha, Portimao, Silves, Amarante,
Peniche, Portugal, Tavira, Angra  Horta.

Portugal continental es dividite in duo per su fluvio principal, le Tago. Al nord le paisage es montaniose. Le puncto le plus alte de Portugal es le Monte Pico in Azores con 2.351 m. Le sud in Algarve offere super toto le extense planas e le climate hic es plus calide e sic que in le nord, plus fresc e plus pluviose. Altere fluvios importante include le Douro, le Minho e le Guadiana.

Portugal se converteva in un economia diversificate e de plus in plus basate in servicios desde su ingresso in le Union Europee. In le ultime decade, le governamentos privatisava multe interprisas statal e liberalisava le areas dominante del economia, includente le sectores financiari e del telecommunicationes. Le pais se qualificava pro le Union Monetari Europee (EMU) in 1998 e comenciava circular su nove moneta, le Euro, le 1 de januario 2002, insimul con altere 11 economias membro del UE.

Le developpamento economic ha essite supra le media del UE durante un bon parte del ultime decade, sed le PIB (Producto Interne Brute) per capite es de sol 75% de illo del economias principal del UE. Le governamento non poteva controlar su deficit crescente e avantiar le reformas structural necessari pro altiar le competition economic de Portugal. Un systema educative debile, particularmente, esseva un obstaculo pro un major productivitate e crescimento. Portugal esseva substituite de plus in plus per le productores de basse costo in Europa Central e Asia como destino pro le inversion directe estranier. 

Fado  musica popular: Amália Rodrigues, Hermínia Silva, Tonicha, Dulce Pontes, Mariza, Misia, Linda de Susa,Carlos Paredes, Carlos do Carmo, Paulo de Carvalho, Tozé Brito, Paco Bandeira, Zeca Afonso, Victor Espadinha,Roberto Leal, Marco Paulo, Lenita Gentil, Marie Myriam, Cândida Branca Flor, José Cid, Fernando Tordo.

Poesia: Luís de Camões, Gil Vicente, Fernando Pessoa, Bocage, Florbela Espanca, António Nobre, Miguel Torga,
Sophia de Mello Breyner Andresen, Ary dos Santos.
 
Pictura/sculptura:Amadeo de Sousa Cardoso,Vieira da Silva, Soares dos Reis.
 
Cinema/theatro:Beatriz Costa,Laura Alves,Carmen Miranda,
Milu,Manoel de Oliveira.




#Article 268: Protestantismo (450 words)


Le Protestantismo (/pro-te-stan-tís-mo/ ab le lat. pro, in favor de, e testari, testificar = testificar al veritate (biblic) contra su oppositores) in le stricte senso del parola face referentia al gruppo de citates imperial e principes qui al dieta de Speyer in 1529 firmava un protestation contra le Edicto de Worms le qual prohibeva le inseniantias Lutheran in le Imperio Sacre Roman. De illac, le parola Protestante in germano ancora se refere al ecclesias Lutheran in contraste con le ecclesias reformate, durante que le designation commun pro omne ecclesias originante ab le Reformation es evangelic.

Termino usate in le periodo immediatemente successive al Dieta de Spyra (1529) pro designar illes qui “protestava” contra le practicas e credentias del Ecclesia catholic-roman. Ante al 1529, tal individuos e gruppos refereva a se mesme como “evangelicos”.
In senso plus amplie, le parola Protestantismo es qualque del gruppos christian de origine West Europee, que se appartava del ecclesia catholic a causa del influentia de Martin Luther, le fundator del ecclesia Lutheran, e John Calvin, le fundator del movimento Calvinista. Un tertie branca major del Reformation, que se incontrava con conflicto ab ambe le catholicos e altere protestantes, es alcun vices nominate le Reformation Radical, o le Anabaptismo. Alcun gruppos christian occidental ma non-catholic son nominate como protestante, mesmo si ille secta non recognosce un connexion con le ideologias de Luthero o Calvin, o le anabaptistas. 

Le termino evangelic esseva usate initialmente pro referer se al nascente movimentos de reformation, specialmente in Germania e Switza, in le annos 1510 e 1520. Iste termino esseva plus tarde substituite de protestante. In le tempores moderne, iste termino se utilisa super toto pro un movimento importante, specialmente in le theologia de lingua anglese, le qual emphatisa specialmente le supreme autoritate del Scriptura e le morte reconciliante de Christo.

Le protestantes generalmente tracia lor separation ab le Ecclesia Catholic Roman al seculo XVI, lo que es alcun vices nominate le Reformation magisterial proque initialmente illo proponeva numerose revisiones radical al standards doctrinal del Ecclesia Catholic Roman (appellate le magisterium). Le protesta eruptava subindemente, in multe sitos al mesme tempore, con le distinctive characteristicas national in le varie regiones in le quales illo appariva. A un certe grado, iste explosion de protesta pote esser explicate per le eventos del duo seculos previe in le Europa Occidental.

Discontento in le Ecclesia Occidental e le Imperio, que culminava in le Papato de Avignon (1308 - 1378), e depois in le schismo papal (1378-1416), excitava guerras inter principes, sublevamentos per le paisanos, et extense anxietate super le corruption in le systema monastic. Additionalmente, le Renascentia humanistic stimulava le fermento academic sin precedente, con un accompaniante preoccupation pro le libertate academic. Sincer debattos theoric 




#Article 269: Palindromo (105 words)


Un palindromo es un parola o phrase que es le mesme quando legite in reverso (ben que usualmente le punctuation pote cambiar).

Secun le Guinness Book of World Records, le parola palindromic le plus longe es saippuakivikauppias (19 litteras), que in le lingua finnese signica un mercator de hydroxido de sodium.

aerarea, ala, ama, anilina, ara, arara, ava, avelleva, aviva, cec, civic, ecce, ede, eme, esse, etate, ibi, illi, kayak, mm, nauruan, non, osso, ovo, radar, rar, rasar, recocer, reger, releger, reper, reviver, rotator, rotor, sagas, salas, sappas, sedes, sepes, setes, sexes, sis, soccos, solos, somos, sonos, SOS, tot

(inventate per )

(inventate per )




#Article 270: Polytheismo (126 words)


Polytheismo (ab Greco poly- «plure» + theos «deo») es 
le credentia in plure deos e/o deas. Religiones non derivate del judaismo es sovente polytheistic. On contrasta polytheismo a monotheismo (credentia in un sol deo), a atheismo (credentia in nulle deo) e, a vices, a pantheismo, henotheismo, duotheismo, etc. Le gruppo integre de deitates de un religion es appellate un pantheon (pan «omne» + theos «deo»). Hodie, le majoritate de religiones es monotheistic; le exception grande es hinduismo (cuje characterisation como polytheista es contestate per eruditos hindu). Shintoismo, daoismo e religiones popular o ethnic pote anque esser polytheistic.

Pro polytheistas, le numero de deos es rarmente fixe o limitate. Nove deos pote nascer o esser importate ex un altere cultura; un sol mythologia non pretende esser exhaustive.




#Article 271: Peccato (357 words)


Peccato es un termino usate principalmente in un contexto religiose pro describer un acto que viola un regula moral, o le stato de haber facite isse violation.

In le christianismo, un peccato es infringer le lege de Deo, un violation de Su voluntate. Le peccato pote esser o positive (facer lo que es prohibite), o negative (mancar de facer lo que es requirite). Un peccato es sufficiente pro esser condemnate per Deo (Jacobo 2:10). 

Typos de peccato: peccato actual, peccato hereditari, peccato hereditate, peccato mortal, peccato original, peccato venial.

Le hamartologia (ex le termino grec hamartos, peccato) es le disciplina theologic que studia le origine, characteristicas e effectos del peccato sur le corde human.

Le justitia original es le condition de innocentia ante a Deo e de esser sin peccato.

Le justitia civil es le concepto que le homine non regenerate pote facer lo que es relativemente bon benque isto non sia perfectemente in linea con le criterios perfecte de justitia que Deo establiva. Sovente presentate como incompatibile con le Depravation total, in realitate le justitia civil solmente implica un bon obstensibile superficial. Iste concepto compara con depravation total.

Le natura de peccato es le predisposition congenite del homine natural verso le peccato e le cecitate spiritual. Le depravation total es le doctrina del peccato original que assere que le humanitate decadite es inclinate a omne sorta de mal, non cerca sinceremente Deo, non comprehende le Evangelo, e non es capabile de fide authentic o de repententia real. Illo presuppone le freno del Senior super le perversos. Iste es le mesme que natura de peccato, compara con justitia civil, e constrata con depravation absolute.

Le depravation absolute (A. Utter depravity) es le conception que describe le humanitate como absolutemente e totalmente depravate in su comportamento. Illo presuppone que le Senior non contine, refrena le perversos in alicun maniera. Isto contrasta con depravation total.

Le cadita es le peccato e rebellion de Adam, le qual resultava in le descensa (degradation) del humanitate ab le justitia original al peccato original.

Iniquitate es illo que es multo moralmente mal. Sovente, illo denota lo que exerce influentia injuriante, melevolente, o destructive.




#Article 272: Sermon (623 words)


Sermon o predication es un discurso tenite in le contexto de un celebration religiose.

In le Nove Testamento, le predicator es un persona que recipeva, interiormente per le Spirito Sancte, e exteriormente per le communitate christian, le vocation a proclamar publicamente le Evangelio de Jesus Christo. Le deber del predicator es de parlar como personal teste del revelation de Deo, interpretar lo, explicar lo, e applicar lo al necessitates del gente. Le predication esseva definite como le carro que porta Christo per le vias del mundo.

Le predication trova in le Biblia su precedentes in le obra del prophetas que proclanava le Parola de Deo depost Su proprie commission (Jonas 3:2). Johannes Baptista continuava iste tradition per predicar il le deserto (symbolo) le necessitate del repententia (Luc. 3:3). Iste modello esseva alsi adoptate de Jesus, cuje prime acto de ministerio public esseva justo le predication (Mar. 1:14,15). Le Sermon sur le Monte es le predication de Jesus le plus cognoscite (Mat. 5-7). Iste tradition de predication esseva continuate in le ecclesia antique con le prime sermon de Petro a Pentecoste (Act. 2:14 e seq.). 

Le prime sermones del ecclesia christian, como le libro del Actos del Apostolos presenta nos, habeva elementos commun. Iste message commun esseva appellate kerygma, o proclamation. Illo includeva semper le sequente affirmationes: (1) que le era del accomplimento de omne promissa de Deo, habeva pervenite in le Persona de Jesus, e se manifestava in su vita, morte e resurrection.; (2) que depost le resurrection de Jesus, Ille se assideva al dextera de Deo Patre; (3) que le Spirito Sancte in le Ecclesia es le signo del actual potentia e gloria de Christo; que le era messianic terminara con le retorno de Christo; (4) que pro le salvation il es necessari un personal revision radical del proprie pensamento e conducta (le repententia), e (5) que le christiano ha le promissa del pardono, le presentia del Spirito Sancte e le salvation eterne.

Anque le Apostolo Paulo esseva un predicator, e ille comprendeva le proclamation del Evangelio como un privilegio e un mandato divin (Gal. 1:11,12). Ille comprendeva le message christian como proclamation del salvation: Le homines, con tote lor sapientia, non perveniva a cognoscer Deo e Su sapientia. Pro isto Deo decideva de salvar illes que crede, per iste annuncio de salvation que pare un follia (1 Cor. 1:21). Le predicator moderne debe, ergo, rememorar que lo que plus importa in le predication, non es le predicator, ma le message predicate. Le message debe esser le Evangelio, le bon nova de Christo.

Le objectivos del predication pote esser carie: informar, convincer, inspirar, motivar, etc. Nulle predication, tamen, pote considerar se christian se illo non contine le Evangelio de Christo como su fundamento, e le edification del Regno de Deo como su objectivo. Ma sia maledicite quicunque annuncia vos un via de salvation differente de illo que io annunciava vos; mesmo si il es io ipse o mesmo un angelo venite del cielo. Si! Io lo diceva e io lo repete: quicunque annuncia vos un salvation differente de illo que vos recipeva, sia maledicite!  (Gal. 1:8,9). Le sermones pote assumer formas differente, p. ex. esser expositive, thematic, narrative, etc. On presuppone que tote le sermones sia fundate sur le message biblic. Le prime predicationes christian, como nos los trova in le libro del Actos, assume un varietate de formas in correspondentia al situation de auditorio.

Le predicator es responsabile pro le proclamation del Evangelio. Il es le Spirito Sancte, tamen, que habilita le auditor a perciper le Parola de Deo in le message del predicator (2 Cor. 3:14-18). Justo proque isto continua evenir in le vita del ecclesia christian, le predication permane, pro le christianos, elemento central del culto communitari de adoration.




#Article 273: Pelagianismo (119 words)


Le pelagianismo es un un movimento ascetic con distincte emphase theologic, que prendeva su nomine de Pelagio, un moralista christian, active in Roma intra le 383-410 A.D.) Un comprension de como le humanos es capabile de meritar lor salvation, le qual es diametralmente in opposition a illo de Augustino de Hippona. Illo pone un considerabile emphase sur le rolo del obras human, subvalutante le idea del gratia divin. Illo denega le peccato original, e subscribe al possibilitate de perfection human in iste vita con le adjuta del gratia de Deo. Compara: Pietismo, Perfectionismo.

Le scriptos anti-pelagian es le scriptos de Augustino in re le controversia pelagian, in le quales ille defendeva su conceptiones super le gratia e le justification.




#Article 274: Postmodernismo (142 words)


Le Postmodernismo esseva un developpamento cultural general, specialmente in America del Nord, que resultava in le general collapso de confidentia in le principios rational universal del Illuminismo. Characterisate per le negation de absolutos, excepte le credentia absolute que nulle absoluto existe, illo es inimic al assertiones exclusivistic del christianismo. 

Illo variemente crede in nulle realitate objective, o que le realitate objective es incognoscibile. Illo promove le relativismo moral, le relativismo cultural, e le relativismo intellectual. Tolerantia es considerate como le ben le plus alte, intolerantia le sol peccato. In ultime analyse, postmodernismo conduce invariabilemente al nihilismo. Le termino postmoderne deriva del notion que in le Era moderne on videva ideas, philosophias e ideologias que luctava le unes contra le alteres, durante que in le Era postmoderne on vide tolerantia e harmonia: hic totes respecta como ver toto lo que le alteres crede. 




#Article 275: Post-structuralismo (118 words)


Poststructuralismo es un schola de critica biblic basate sur le deconstruction post-moderne del significato del Scriptura. Basate sur le theorias del philosopho francese Jacques Derrida in le medietate del annos 1970. Le these de Derrida esseva que: …durante que un texto pote esser legite con un multiplicitate de significatos… alora necun texto ha unquam un sol significato. De consequentia illo pote esser interpretate secundo le phantasia del lector. Obviemente iste theoria es cargate de contradictiones logic. Le simple existentia de imterpretationes multiple non proba le validitate de interpretationes multiple. In ultra, tal misinterpretationes NON establi significato alternative credibile. …solmente un excusa pro cambiar lo que dice le Biblia. Connectite a isto es: New Age, Deconstructionismo, Deconstruction biblic, Post-moderne.




#Article 276: Platte Stanley (234 words)


Platte Stanley (in anglese Flat Stanley) es le titulo de un libro, originalmente scribite in anglese, per Jeff Brown, in 1964. In 1992 illo appareva in un nove edition, revidite e con nove illustrationes. Illo ha essite traducite in un multitude de linguas, e il ha un projecto pro le juvenes basate super le personage del historia.

Stanley Lambchop es un infante qui suffreva esser applattate in un accidente con un tabula de avisos. Assi, ille face uso de su nove forma platte e non deveni deprimite a causa de su condition applattate. Al contrario, ille inventa un methodo multo economic de visitar le mundo: per posta, viste que ille nunc pote mitter se in un inveloppe. Ora personas in tote le mundo invia Platte Stanleys per posta a altere personas. Primo uno face su proprie Platte Stanley de papiro, e scribe le adresse e nomine de retorno in un inveloppe, e lo adressa a un altere persona qui lo recipe, ille persona prende su Platte Stanley in viages e aventuras e face un reporto super lor activitates, forsan includente photos de illos. Alora le persona invia le Platte Stanley de retorno al expeditor original, qui lo recipe con le reporto e face marcas in un mappa pro recordar le viages e alora lo invia a un altere persona. Pro saper plus a proposito de Platte Stanley, visita le sito del web titulate .




#Article 277: Pablo Picasso (596 words)


Pablo Picasso (1881–1973) es generalmente reguardate como le artista le plus magne del seculo XX, e esseva le co-fundator de cubismo. In 1908, ille pingeva le prime vermente moderne pictura, Les Damoiselles d'Avignon. In 1937 ille pingeva (multo famosemente) le saturation bombardamento de Guernica.

Nascite in Espania in 1881, Picasso esseva un artista talentose de un etate juvene. Su patre, un pictor e maestro d'arte, renunciava se le pictura pro inseniar melior le pictura in su filio. Picasso attendeva varie scholas de arte, e alora moveva se a Paris.

In su periodo blau de 1901 a 1904, post le suicido de un amico, Picasso pingeva picturas melancholic in tintas de azur e verde. In su periodo rosee, de 1905 a 1906, ille pingeva picturas plus allegre del arlequines del circo. In 1907, ille incontrava Georges Braque, e pingeva Les Damoiselles d'Avignon, un pictura rubie, persica e nigre de cinque feminas nude, inspirate per Henri Matisse e Arte African. Iste pictura esseva essentialmente le nascentia de cubismo, le prime movimento de arte moderne.

Cubismo analytic esseva le forma prime de cubismo, de 1909 a 1912. Formas tridimensional es dividite a in formas bidimensional, in loco de monstrar un situation de alcun angulo certe. De 1912 a 1914, cubistas experimentava con collage, disveloppar cubismo synthetic. Cubismo synthetic finiva con le guerra. Braque vadeva combatter, e le stilo de Picasso deveniva plus figurative.

In 1918, Picasso maritava un dansatrice, e moveva a circulos social plus alte. In le prime medietate del decennio 1920, ille habeva un periodo de classicismo, ben que ille retornava a cubismo de tempore in tempore. Picasso deveniva multo popular. Picasso odiava fama, e, credente que su creativitate esseva supprimite per lo, tornava a sculptura, e produceva assemblages temate super guitarras.

Circa iste tempore, in 1927, ille incontrava Marie-Thérèse Walter, un puera de 17 annos, e se inamorava de la. De alora usque 1935, Picasso faceva un serie de picturas e sculpturas visionari, alcunes de que influenciate per surrealismo. In 1935, quando Marie-Thérèse deveniva gravide e su marita le divorciava, ille
depingeva tauros menaciante o moriente. In 1936, ille incontrava photographo Dora Maar, con qui ille plus tarde habeva un amoretto.

In le estate de 1937, le mundo apprendeva que Guernica, le capital cultural e urba le plus vetule in le pais basc, habeva essite bombardate a pulvere per le Nazis. Picasso habeva essite previemente invitate per le governamento espaniol facer un pictura mural pro le Exposition Mundial de Paris, e quando Picasso audiva de Guernica, ille abandonava su planos original, e laborava sur un depiction monumental del horrores de guerra in Guernica, que es ora forsan su pictura le plus famose. Dora photographava Guernica (le pictura) a varie grados de completion. Picasso diceva que Guernica non devenirea proprietate espaniol usque le fin de fascismo in Espania, e illo se moveva a Madrid solo in 1981. Anque in 1937, ille faceva un serie adulate appellate Feminas Lacrimante, de facies fragmentate, e multicolor.

Post le Secunde Guerra Mundial, Picasso se inrollava in le Partito Communista Francese, e deveniva un activista in le movimento de pace international. A transverso del decennio 1950, ille creava interpretationes libere del picturas del maestros antique, possibilemente evitar classification, como le gente ganiava plus e plus interesse in su vita private. Ille anque creava picturas in le stilo de infantes, con lineas vacillante e areas de tela blanc. In le decennio 1960, ille pingava de nove con un palato limitate: iste vice de verde, negre e blanc, e creava un sculptura grande in Chicago, US.

Pablo Picasso moriva in 1973, con 91 annos.




#Article 278: Phonetica (1023 words)


Le phonetica [fo-né-ti-ka] es le branca del linguistica que se occupa o tracta del sonos.

Le phonetica es le branca del linguistica que studia le
production, natura physic e perception del sonos de un lingua.
Su principal brancas son: phonetica experimental, phonetica
articulatori, phonematica o phonetica acustica.

Le phonetica experimental studia le sonos oral desde le puncto de
vista physic, uniente e quantificante le datos super
le emission e le production del undas sonor que configura le
sono articulate. Le scientia del phonetica experimental usa
instrumentos como le radios X e le chimographo, que tracia le
curvas de intensitate. Le insimul del datos analysate al
metir le sonos depende unicamente del precision instrumental
e de altere cognoscentias connexe. Tamben ha essite
discoperite differentias importante in cata sono oral.

Le phonetica articulatori studia le sonos de un lingua
desde le puncto de vista physiologic, o melio dicite,
describe qual organos oral interveni in su production, in
qual position illos se trova e como ille positiones varia
le distincte camminos que le aere pote sequer sortiente
per le bucca, naso, o gorga, pro que se produce sonos
differente. Illo non se occupa de tote le activitates que
interveni in le production de un sono,
ma solmente del que tracta del loco e le forma de
articulation. Le symbolos phonetic e su definitiones
articulatori es le descriptiones abbreviate de tal
activitates. Le symbolos phonetic que on usa plus
frequentemente es le adoptate per le Association Phonetic International in le alphabeto phonetic international
(A.P.I.) que se scribe inter /lineas oblique/.

Le organos que interveni in le articulation del sonos es
mobile o fixe. Es mobile le labios, le mandibula,
le lingua e le chordas vocal, que a vices recipe le nomine
de organos articulatori. Con lor adjuta le parlante modifica
le sortita del aere que procede del pulmones. Es fixe le
dentes, le alveolos, le palato dur e le palato molle.
Le sonos se produce quando se pone in contacto duo organos
articulatori: per exemplo le bilabial de /p/, que exige le
contacto inter le duo labios; tamben quando se pone in
contacto un organo fixe e un altere organo articulatori,
e le sono se nomina con le organos que produce le junctura,
o puncto de articulation, como per exemplo le sono labiodental
que exige le contacto inter le labio inferior e le dentes
incisive superior. Quando le organo mobile es le lingua,
il non es referite a illo in le denomination del sono,
assi le sono /t/ que se produce quando le lingua tocca le
parte posterior del dentes incisive superior se appella dental.

Le modo de articulation se determina per le disposition del
organos mobile in le cavitate del bucca e como illos impedi
o lassa libere le passo del aere. Iste action pote consister
in le interruption instantanee e complete del passo del aere
pro le consonantes implosive; in lassar aperte le passo nasal
ma interrumpite le passo oral pro le sonos nasal; in producer
un contacto con le lingua ma lassar libere le passo del aere a
un e altere latere pro le consonantes lateral; in producer un
leve interruption primo e lassar le passo libere depost pro
le consonantes affricate; in permitter le passo del aere per
un passo stricte per le qual le aere race pro le fricativas,
e in permitter le passo libere del aere per le centro del
lingua sin friction alcun pro le vocales.

Il se emitte differente classes de vocales secundo le variation del position
del lingua, tanto desde su axe vertical (alto, medie e basse).
Le positiones que mantene le lingua pro emitter le vocales u,
i e a constitue le vertices del nominate schema vocalic uai.

Fonte: 

Le phonematica es le studio del sonos in le discurso, isto es, del
phonemas que son le unitates minime distinctive.

Le phonetica acustic studia le unda sonor como le sortita de un resonator
qualcunque; il es, equipa le systema de phonation con qualque altere
systema de emission e reproduction de sonos. In le communication, le
undas sonor ha un interesse plus grande que le articulation o production del
sonos, pro un determinate auditorio recipe e discodifica le impression
malgrado que illo esseva emittite per medio de un articulation oral, o
per medio de un determinate apparato emissor de sonos.

Pro recordar le characteristicas plus significative del undas sonor
e pro determinar le resultato del distincte activitates articulatori
se pote emplear le spectrographo. De forma experimental, pro poter
arrivar a saper quales es le characteristicas necessari e sufficiente
que identifica le sonos del lingua, se supprimeva partes del recordation
del unda sonor e se reproduceva alteres.

Le prime studios del phonetica se realisava ante plus de 2000 annos
e lo studiava inter alteres le grammatico Pāṇini qui se occuppava del
articulation phonetic pro establir le pronunciation inalterabile del
libros sacrate in le ceremonias e le ritos. Le prime phonetico del
mundo moderne esseva le danese J. Matthias, autor del Tractato
De Litteris (1586). Le mathematico anglese John Wallis,
qui esseva professor del surdemutes, esseva qui primo classificava
le vocales secundo lor puncto de articulation (1653). Le germano
C. F. Hellwag inventava le triangulo vocalic in 1781.
Dece annos plus tarde le physico austriac Wolfgang von Kempelen
inventava un machina que produceva sonos. Le medico german
Hermann Helmholtz, qui scribeva Sensationes del tono (1863),
inaugurava le studio del phonetica acustic; le abbate francese
Jean Perre Rousselot esseva le prime investigator del phonetica
experimental e scribeva Principes de phonetique experimentale
que esseva publicate inter le annos 1897-1908. Tamben
in le seculo XIX, le phonetica comenciava a esser studiate desde altere
angulo e le theoria del phonema esseva delineate per Jan Baudouin de Courtenay,
e le formula le fundator del schola structuralistic le suisso,
Ferdinand de Saussure. In le schola del phonetica descriptive e
articulatori labora le espaniol Tomas Navarro Tomas qui scribe
Manual de pronunciation espaniol, su discipulo Samol Gili Gaya
publica in 1961 le Elementos de phonetica general. In
le Statos Unite le linguista Leonard Bloomfeld e le
anthropologo Edward Sapir
contribue de forma decisive al theoria phonetic, durante que le
creator del Circulo de Praga, Roman Jakobson, disveloppava le




#Article 279: Python (linguage de programmation) (118 words)


Python es un linguage de programmation interpretate, interactive e orientate a objectos. Illo es communmente comparate a Tcl, Perl, Scheme o Java.

Le implementation de Python es portabile: illo functiona in multe marcas de UNIX, Windows, OS/2, Mac, Amiga, e multe altere platteformas.

Python nasceva in 1989 como un projecto personal de un programmator incognite in un instituto de recerca de Paises Basse le qual cercava un linguage pro scriber un programma facile pro le administration de su systema Unix. Guido van Rossum lo donava le nomine de Python (como in le comedia anglese de Monty Python). 
Python in relativemente pauc tempore deveniva un del plus popular linguages interpretate pro computatores, con circa 500000 usatores (estimation de 2003).




#Article 280: Perspectivas christian de Jesus (3858 words)


Le expression Jesus Christo es un combination de un nomine, Jesus (de Nazareth), e del titulo grec Christo, traduction del hebreo Messia que significa unguite, consecrate (de Deo como Rege, Propheta e Sacerdote). Il non se tracta ergo, como alcunos imagina, de un nomine plus un nomine de familia. Iste combination es ben visibile in le Nove Testamento, p. ex. in Actos 5:42, ubi nos lege: e omne die in le templo e in le casas le apostolos non cessava de inseniar e de predicar Christo Jesus, traducibile: ...de inseniar e de predicar in re le Christo: Jesus. Con le passar del tempore, tamen, le titulo se fundeva strictemente ab le initial confession de fide: Jesus es le Christo, a un sol nomine. Adder a Jesus le titulo de Christo, tamen, remane pro le christianos un confession de fide: Jesus de Nazareth non es un homine qualcunque, benque importante, ma Ille es le Persona que Deo establiva como Senior e Salvator del mundo.

Quales es le fontes historic per le quales nos hodie pote cognoscer qui esseva Jesus?

Le fontes non-christian pro nostre cognoscentia de Jesus Christo pote esser dividite ancora in duo gruppos: pagan e judaic. Ambes, tamen, es limitate in lor valor. Il ha essentialmente solo tres importante fontes pagan: Plinio (Epistulas 10:96); Tacito (Annales 15:44) e Svetonio (Vitas 25:4). Tote istes remonta al secunde decennio del secunde seculo. Le fontes judaic principal es Josepho (Antiquitates 18:3:3 e 20:9:1), e le Talmud. Le fontes non-christian provide informationes multo exigue in re Jesus, ma illos establi le facto que ille realmente viveva, que ille colligeva inter se discipulos, operava resanamentos, e que ille esseva condemnate a morte per Pontio Pilato.

Le fontes christian non-biblic consiste super toto de evangelios apocryphe (A.D. 150-350) e le agrapha (dictos non scribite de Jesus, illo es: dictos supponite authentic de Jesus non trovate in le Evangelios canonic). Lor valor es multo dubitose proque excepte lo que es totalmente phantasiose (cf. le Evangelio del infantia, de Thomas) o heretic (cf. Le Evangelio del Veritate), lor contento es solmente possibile e non probabile (cf. Evangelio de Thomas 31:47).

Le material biblic pote esser dividite inter Evangelios e le scriptos ab Actos usque al Revelation. Le informationes que nos pote apprender del libros de Actos usque al Revelation es essentialmente lo que seque: Jesus esseva un hebreo (Gal. 4:4) descendente de David (Rom. 1:3); ille esseva un homine amabile (2 Cor. 10:1), juste (1 Pi 3:18), sin peccato (2 Cor. 5:21), humile (Phil. 2:6) e ille esseva temptate como nos (Heb. 2:18; 4:15); ille institueva le Cena del Senior (1 Cor. 11:23-26), esseva transfigurate (2 Pe. 1:17,18), esseva traite (1 Cor. 11:23), esseva crucifigite (1 Cor. 1:23), resurgeva del mortos (1 Cor. 15:3ss), e ascendeva al celo (Eph. 4:8). Cognoscite es dictos specific de Jesus (cf. 1 Cor. 7:10; 9:14; Act. 20:35) e se pote alsi trovar allusiones a altere dictos sue (ex. Rom. 12:14,17; 13:7,8-10; 14:10).

Le fontes principal pro nostre cognoscentia de Jesus es le Evangelios canonic. Iste Evangelios se divide generalmente in duo gruppos: le Evangelios synoptic (que reguarda insimul: Mattheo, Marco e Luca), e Johannes. Le prime se comprende como reguardante insimul a causa de lor relation litterari. Le explication le plus commun de iste relation litterari es que Marco scribeva primo, e que Mattheo e Luca usava Marco plus un altere fonte, nunc perdite, que contineva le major parte del inseniamentos de Jesus (nominate Q), e que illos usava alsi altere materiales (M, materiales que se trova solmente in Mattheo, e L, materiales que se trova solmente in Luca). 

In Mattheo e Luca nos trova contos in re le nascentia de Jesus. Ambe contos presenta como Jesus nasceva de un virgine nominate Maria in le citate de Bethlehem (Matt. 1:18-2:12; Lu. 1:26-2:7; trovar referentia de isto in Gal. 4:4 e Joh. 8:41 es deductiones fortiate). Le tentativas de explicar iste contos como parallelos a mythos grec cade pro le manco de parallelos vermente substantial in le litteratura grec e super toto del natura judaic de iste contos.

Le ministerio de Jesus comenciava con su baptismo per Johannes (Mar. 1:1:15; Act. 1:21,22; 10:37) e su temptation per Satana. Su ministerio implicava le selection de deceduo discipulos (Mar. 3:13-19), le qual symbolisava le recolta del 12 tribos de Israel; le predication del necessitate del repententia (Mar. 1:15) e le arrivata del Regno de Deo in su ministerio (Lu. 11:20), le offerta del salvation al parias del societate (Mar. 2:15-17; Lu. 15:19-10); le resanamentos del infirmos e del indemoniatos (del quales conta etiam le Talmud judaic); e su gloriose retorno per accomplir le regno de Deo.

Le puncto decisive del ministerio de Jesus veniva a Cesarea Philippi quando, de post haber essite confessate como le Christo per Petro, ille recognosceva le correctessa de ille confession e preannunciava a su discipulos su proxime morte (Mar. 8:27:31; Mt. 16:13-21). In proceder verso Jerusalem, Jesus purificava le templo e, faciente assi, ille judicava le religion de Israel. Le nocte in le qual ille esseva traite, ille institueva le ordinantia del Cena del Senior, le qual se refere al nove pacto sigillate per su sanguine sacrifical e le recollection victoriose in le regno de Deo (Mar. 14:25; Mt. 26:29; Lu. 22:18; 1 Co. 11:26). Post isto ille esseva arrestate in le Jardin de Gethsemane, judicate ante le Sinhedrio, Herodes Antipas, e finalmente Pontio Pilato, le qual le condemnava con accusationes politic pro que ille affirmava de esser le Messia (Mar. 15:26; Joh. 19:19). Al vigilia del Sabbath Jesus esseva crucifigite pro le peccatos del mundo (Mar. 10:45), foras de Jerusalem (Joh. 19:20) in un placia nominate le Golgotha (Mar. 15:22) inter duo fures que haberea potite esser revolutionarios (Mat. 27:38).

Ille moriva ante le initio del Sabbath, tanto que il non esseva plus necessari hastar su morte per le crurifragium, i.e. le ruptura del gambas (Joh. 19:31-34). Ille esseva interrate in le tumba de Joseph de Arimathea (Mar. 15:43; Joh. 19:38), le vigilia del Sabbath. Le prime die del septimana, illo es le tertie die, ille resurgeva del mortos, le tumba esseva trovate vacue, e ille appareva a su discipulos (Mar. 16; Mat. 28; Lu. 24; Joh. 20,21). Ille remaneva quaranta dies con su discipulos e pois ille ascendeva al celo (Act. 1:1-11). Assi terminava le ministerio de tres annos (Joh. 2:13; 5:1; 6:4; 13:1) de Jesus de Nazareth.

Le auto-comprension unic de Jesus pote esser constatate per duo medios: le christologia implicite revelate per su parolas e actiones, e le christologia explicite revelate per le titulos que ille seligeva pro describer se mesme.

Durante su ministerio Jesus clarmente ageva como uno qui possedeva un autoritate unic. Ille se assumeva le prerogativas de purificar le templo, le casa de mi Patre (Mar. 11:27-33), de portar le parias in le regno de Deo (Lu. 15), e del autoritate divin de pardonar le peccatos (Mr. 2:5-7; Lu. 7:48,49).

Jesus parlava alsi como uno qui ha un autoritate plus grande que le Antique Testamento (Mat. 5:31,32, 38,39), plus grande que Abraham (Joh. 8:53), que Jacob (Joh. 4:12), e que le templo (Mat. 12:6). Ille assereva de esser Senior super le Sabbath, institution sacre e intangibile (Mar. 2:28). Ille etiam assereva que le destino de cata esser human dependeva de como illes respondeva a ille (Mat. 10:32,33; 11:6; Mar. 8:34-38). Si Jesus haberea essite un homine commun, istos esserea parolas de un folle.

Insimul al Christologia implicite de su comportamento, Jesus faceva alsi assertiones christologic per le medio del varie titulos que ille ascribeva a se ipse. Ille se refereva a se ipse como le Messia (Mar. 8:27-30); 14:61,62), e su sententia formal de morte sur le base de rationes politic (nota le inscription sur le cruce) ha senso solmente sur le base que Jesus recognosceva que ille esseva le Messia. Ille refereva se a se mesme como le Filio de Deo (Mar. 12:1-9; Mat. 11:25-27), e un passage como Marco 13:32, in le qual ille clarmente distingueva se de alteres debe esser authentic, proque nemo in le ecclesia haberea create un dicto como isto in le qual le Filio de Deo assere de esser ignorante super le tempore del fin.

Le auto-designation favorite de Jesus, debite a su natura ambigue, esseva le titulo de Filio del Homine. Jesus, quando ille usava iste titulo, habeva clarmente in mente le Filio del Homine de Dan. 7:13, como il es evidente de Mar. 8:38; 13:26; 14:62; Mat. 10:23; 19:28; 25:31. Ergo, plus que esser un titulo que sublinea humilitate, il es clar que iste titulo revela le autoritate divin que Jesus possedeva como Filio del homine pro judicar le mundo e su senso de haber venite del Patre. Multe tentativas esseva facite pro denegar le autenticitate de totes o de parte del dictos super le Filio del homine, ma tal tentativa non considera le facto que iste titulo se trova in tote le stratos del Evangelios (Marco, Q, M, L, Johannes) e illos satisface perfectemente le criterio de dissimilaritate que dice que si un dicto o un titulo como isto non pote haber surgite del Judaismo o del ecclesia primitive, illo debe esser authentic. Denegar le authenticitate de iste titulo, ergo, non es basate super un question exegetic, ma super presuppositiones rationalistic le quales a priori denega ques Jesus de Nazareth haberea potite parlar assi de se mesme.

Plure assertiones es facite in le Nove Testamento in re Jesus Christo. Per su resurrection Jesus esseva exaltate e il esseva confidite a ille le senioria super tote le creation (Col. 1:16,17; Phil. 2:9-11; 1 Cor. 15:29). Le uso del titulo Senior pro Jesus resultava rapidemente in le association del persona e del obra de Jesus con le Senior del Antique Testamento -i.e. Jahveh (Cf. Rom. 10:9-13 con Joel 2:32; 2 Thes. 1:7-10 con Is. 66:5; 1 Cor. 16:22 e Rev. 22:20; Phil. 2:1).

On mentiona su pre-existentia (2 Cor. 8:9; Phil. 2:6; Col. 1:15,16); on se refere a Ille como al Creator (Col. 1:16); on dice que Ille possede le forma de Deo (Phil. 2:6) e que Ille es le imagine de Deo (Col. 1:15; cf. alsi 2 Cor. 4:4). On se refere mesmo a ille in plure textos como a Deo (Rom. 9:5; 2 Thess. 1:12; Tito 2:13; Heb. 1:5-8; 1 Joh. 5:20; Joh. 1:1; 20:28, benque le exegese de alcunes de iste textos es questionate, il es clar que alcunes de illos clarmente parla de Jesus como Deo).

Le comenciamento del recerca del Jesus historic pote esser datate a 1774-78 quando le poeta Lessing publicava posthumemente le notas al lectiones de Hermann S. Reimarus. Iste notas defiava le portrait traditional de Jesus como se trova in le Nove Testamento e in le ecclesia. Pro Reimarus Jesus nunquam habeva asserite de esser le Messia, nunquam institueva sacramentos, nunquam prediceva su morte ni resurgeva del mortos. Le historia de Jesus, ille diceva, esseva un deliberate impostura de su discipulos. Assi Reimarus se demandava: Como esseva vermente Jesus de Nazareth?. Assi le recerca pro trovar le ver Jesus comenciava.

Durante le prime parte del 19ne seculo le methodo dominante de iste recerca esseva le rationalismo, e on essayava de explicar rationalmente le vita de Jesus. Un major cambio de direction eveniva quando D. F. Strauss publicava in 1835 Le vita de Christo. Ille assereva que il esseva futile interpretar rationalmente le miraculos in le Nove Testamento: al contrario illos haberea debite esser interpretate como mythos.

Iste approche esseva pois substituite per le interpretation liberal del vita de Jesus, le qual minimisava e negligeva le dimension miraculose del Evangelios e lo considerava como un scalia que on debeva eliminar pro concentrar se sur le inseniamento de Jesus. Il non surprende que iste approche trovava in le vita de Jesus tal doctrinas liberal como le paternitate de Deo, le fraternitate del homines e le infinite valor del anima human.

Le morte de iste recerca perveniva pro differente rationes. Il deveniva apparente, per le obra de Albert Schweitzer, que le Jesus liberal nunquam existeva, ma que illo esseva simplemente le creation del desiderata liberal. Un altere factor que adjutava le termino del recerca esseva le realisation que le objecto del fide pro le ecclesia durante le seculos nunquam esseva le Jesus historic del liberalismo, ma le Christo del fide, i.e. le Christo supernatural proclamate per le Scripturas. Martin Kähler esseva particularmente determinante hic.

Durante le periodo inter le duo guerras mundial, iste recerca non esseva plus persequite a causa de disinteresse e del dubita super su possibilitate. In 1953 un nove recerca comenciava pro le instigation de Ernst Käsemann. Käsemann timeva que le discontinuitate in theoria e in practica inter le Jesus del historia e le Jesus del fide, esseva multo simile al heresia docetic, le qual denegava le humanitate del Filio de Deo. Le resultato esseva que ille assereva le necessitate de establir continuitate inter le Jesus historic e le Christo del fide. In ultra ille relevava como le actual skepticismo super le Jesus historic esseva injustificate proque alicun datos historic esseva disponibile e indenegabile. Le resultatos de iste nove recerca ha essite deludente, e le enthusiasmo con le qual illo esseva salutate, dispareva. Nove instrumentos ha essite trovate que pote adjutar in iste deber historic.

Le problema principal que debe affrontar omne tentativa de pervenir al Jesus del historia implica le definition del termino historia. In circulos critic iste termino es comprendite generalmente como le producto del methodo historico-critic. Iste methodo presuppone pro multes un continuo claudite de tempore e spatio in le qual le intervention divin, i.e. le miraculose, non pote intruder se. Un tal definition, naturalmente, incontrara semper problemas in trovar continuitate inter le Christo supernatural e le Jesus del historia, que, per tal definition, non pote esser supernatural. Si historic significa non-supernatural, il nunquam potera haber un continuitate inter le Jesus del recerca historic e le Christo del fide. Il deveni clar, ergo, que iste definition de historic debe esser ponite in question, e mesmo in le circulos neo-liberal, hodie, alcunos require que le methodo historico-critic sia aperte al transcendentia, i.e. aperte al possibilitate del miraculose. Solmente assi il pote haber sperantia de establir un continuitate inter le Jesus del recerca historic e le Christo del fide.

Litteralmente decenas de predictiones historic in le Antique Testamento se realisava. Illos que particularmente interessa nos es le predictiones que annuncia evenimentos o personas con accuratessa, e que non haberea potite esser contrafacite o falsificate. In le antique libro de Daniel nos ha un passage que es particularmente impressionante in su detalios e accuratessa. Isto es le prophetia del septanta-septe in Daniel 9. Iste prediction non es sovente discutite pro un simple ration: illo es complicate. Nonobstante isto, il es iste facto que lo rende remarcabile.

In 539 a.C. - nos es dicite - un messagero de Deo veniva a Daniel con le vision supra describite. Le referentias al septimanas o septes per le passage significa annos sabbatic, o unitate de tempore de septe annos. Isto es clar del parte precedente del capitulo. In verso 24 illo dice que 490 annos ha essite permittite per Deo, pro le populo judee, inter altere cosas, pro adducer justitia eterne. Pois le annos es fractionate in sectiones. In verso 25 ille explica que: ab le exito del commandamento ...usque al Messia le Principe, il habera septe septimanas (49 annos) e sexanta duo septimanas (434 annos).

Iste referentia al Messia (le unguite), le qual ponera fin al peccato, delera le iniquitate (propitiation), e adducera justitia eterne non es altere que le Salvator del mundo, sovente promittite in le Antique Testamento. Le cosa stupefaciente in re iste passage es que illo non dice solmente que un Salvator venira, ma alsi quando ille venira! Rememora que le libro de Daniel esseva scribite plus que 500 annos ante le venita de Christo. De facto nos possede segmentos de Daniel del Rolos del Mar Morte e de altere fontes que es multo anterior a Christo.

Le question es, alora: qual data es mentionate pro le venita del Salvator del mundo? Surprendentemente le prophetia comencia in le quinte seculo a.C. e termina durante le ministerio de Jesus de Nazareth in le prime medietate del prime seculo A.D.! Le data exacte pro le accomplimento pote esser elaborate in duo manieras, ma le resultato non es unquam in dubita. Jesus Christo esseva predicite in maniera unic plure seculos ante a Su nascentia.

Pro stabilir un data pro le accomplimento del prediction del septanta septimanas nos debe determinar le longor del tempore predicite, le punto initial e pois le fin.

Observa de novo le parolas del prophetia: ab le exito del commandamento ...usque al Messia le Principe, il habera septe septimanas (49 annos) e sexanta duo septimanas (434 annos). Nos vide le parolas ab... usque hic, le quales specifica un intervallo de 49 + 434 annos, o un total de 483 annos.

Le puncto de comenciamento date es le decreto de reconstruer Jerusalem, le qual esseva in ruinas quando le libro de Daniel esseva scribite. Le exito del decreto es registrate in Nehemia 2:1-10, insimul al data exacte.

Qualcunque encyclopedia monstra como Antaxerxes I esseva rege de Persia de 465-424 a.c. Durante que le mense de Nisan es in primavera, le data actual de iste decreto exite in le 20e anno del regno de iste rege es Martio-April 444 a.C.

Le facto que le Judeos retornava del captivitate in Babylonia e reconstrueva Jerusalem in circa iste data, non es disputate per le historicos, proque illo es ben testificate per fontes independente. Rememora alsi que Nehemia esseva alsi scribite centenas de annos ante Christo, assi il non esseva possibile pro ille fixar le data.

Le anno hebree es 360 dies (12 menses de 30 dies cata uno), le qual forma un total de 173.880 dies. Isto es approximatemente 476 de nostre annos. Durante que il non existe qualcosa como le anno 0 in nostre calendario, nos necessita deducer un anno de plus del differentia. Subtrahente, nos obtene 444 - 467 = -32 - 1 = -33. Le numero negative indica un data A.D. In altere parolas le annos lunar hebree se converte in annos solar moderne, le data actual indicate como le anno que le Christo haberea venite es A.D. 33! Quanto plus le conversion es elaborate accuratemente, tanto plus le resultato es accurate.
Le anno melior pro le accomplimento del prophetia de Daniel es A.D. 33. In le mense de Nisan in A.D. 33 Jesus entrava in Jerusalem super un asino. Isto esseva le entrata previdite per Zacharia:

Rallegra te grandemente, O filia de Sion! Ecce, tu rege veni a te, ille es juste e porta le salvation, ille es dulce e cavalca un asino, le pullo de un asino.

Iste duo predictiones forma un comparation interessante. Illo in Zacharia haberea potite esser contrafacite de alicuno que voleva simular que ille esseva le Messia per cavalcar un asino a in Jerusalem durante que su amicos lo acclamava. Ma le prediction de Daniel non haberea potite esser contrafacite, mesmo si il habeva un motivo pro voler que ille esseva le Messia suffrente.

Con le venita del moderne archeologia nos es nunc capabile de determinar le datas exacte pro evenimentos in le ultime parte del Antique Testamento con multo plus accuratessa que quicunque altere in le tempore de Christo. Il haberea essite impossibile pro alicuno in le tempore de Christo determinar le anno exacte in le qual iste prophetia haberea essite accomplite. Illes non haberea cognoscite exactemente quante tempore habeva passate desde le publication del decreto proque nemo habeva exactemente registrate lo. Le gente del tempore de Christo esseva consciente que le prophetia de Daniel se haberea tosto accomplite, como testifica Josepho. Tamen, illes esseva solmente consciente que le Messia haberea venite intra un generation circa.

Un altere objection poterea esser facite contra iste prediction, illo es, esque il es possibile que le scriptores del Evangelio mentiva in re le integre evenimento? Pro plure bon rationes le responsa es no.

Primo, le data del morte de Christo non es directemente indicate in le Evangelios. Isto es basate super altere datos providite in ille libros que causa le historicos a determinar que solmente le April del anno 30 A.D. o 33 A.D. haberea reflectite le requirimentos del Nove Testamento. Per exemplo, Pilato debeva esser in Galilea in le tempore del morte de Christo. In ultra, le templo de Herode habeva essite in construction durante 46 annos in le tempores del ministero de Jesus (Joh. 2:20). Iste ultime data (A.D. 33) ameliora le historia del evenimentos mentionate in le Evangelios. Ergo, describente correctemente le situation in A.D. 33, le autores del Evangelios identificava indirectemente le circumstantias correcte circa le accomplimento de iste prediction.

Isto significa que si le autores del Evangelios haberea contrafacite iste passage, illes haberea debite cognoscer non solmente le data que illes contrafaceva, ma illes haberea alsi debite cognoscer qual criterios le erudistos moderne haberea usate pro fixar un data pro iste evenimentos! In ultra, si illes voleva contrafacer un data, esque illes non haberea nominate ille data in le maniera usual?

Le autores del Evangelios non haberea habite un information accurate de calendario sur le qual basar un registration contrafacite, assi como haberea illes potite esser assi accurate? In altere parolas, le accuratessa del prediction non es a considerar in asserer que le autores del Evangelios mentiva proque illes non haberea essite capabile a mentir assi accuratemente!

Finalmente, sin alcun registration del Evangelios, nos esserea capabile a determinar le factos essential in le prediction accomplite. Nos sape del antique historico roman Tacito e del antique historico judaic Josepho, que un leader religiose nominate Jesus, fundator del secta christian, habeva essite crucifigite per Pontio Pilato in Judea. Iste fontes secular non habeva alco a ganiar in contar de Christo. Illes se refere a Ille proque le fontes historic al quales illes habeva accesso, indicava que su vita esseva un facto historic.

De facto, mesmo sin le assertiones que iste testes faceva in re Jesus, nos saperea que Jesus debe haber vivite circa in iste tempore. Isto es proque le movimento christian appareva con fortia in le medietate del prime seculo. Iste movimento haberea requirite alcun annos de developpamento, le qual indica le existentia de un fundator (Christo) forsan brevemente ante o post le anno 30 A.D. Nos pote restringer le data de plus comprendente que Pilato haberea essite in le position de executar Jesus solmente durante le mesme periodo de tempore. Ecce le ration proque le existentia de Jesus in circa le anno 30 A.D. non es seriemente ponite in question per le historicos hodie.

 In accumular le probas, alora, nos vide que: 

Quando nos studia Daniel 9, nos comencia a esser consciente que ante nos es un prophetia assi remarcabile que il es impossibile provider un explication naturalistic persuasive. Iste prediction esseva scribite centenas de annos ante que illo se accompliva. Illo es detaliate e surprendentemente exacte, e illo non haberea potite esser contrafacite per un false Christo o per su discipulos. Illo es, in altere parolas, exactemente lo que Deo diceva que haberea providite -proba que le Biblia es su Parola revelate e que Jesus Christo es Su Filio. Naturalmente isto non es le sol proba.




#Article 281: Qumran (159 words)


Qumran, o plus precisemente: Kirbet Qumran es un complexo de ruinas antique sur le ripas nord-occidental dem Mar Morte, in cuje proximitates esseva discoperite del anno 1947 a 1956, deceun grottos in le quales se trovava plure manuscriptos, devenite pois famose como le rolos del Mar Morte o Textos de Qumran. 

Le manuscriptos representa, forsan, le restos de un bibliotheca del secta judaic de essenos que debe haber habite su centro in un monasterio a Kirbet Qumran ab le 2e seculo aEC usqu le 1e seculo EC. Le textos de Qumran son manuscriptos biblic (p. ex. Isaia), commentarios p. ex. a Habacuc), partes de apocryphos o pseudoepigraphos. E supertoto es importante scriptos como le si-dicite: Regula del Secta, hymnos, le Regula del Guerra, etc. pro poter melio comprender le Judaismo del tempores de Jesus.

Un altere hypothese dice que iste bibliotheca non pertineva al Essenos ma esseva solmente un repositorio secrete pro proteger le litteratura judaic del incursiones estranie.




#Article 282: Religion (126 words)


File:Countries by importance of religion.svg.png|thumb|360px|Percentage de gente in cata pais qui diceva que religion es importante in [lor] vita diari. (2008-2009)

Religion es le credentias, attitudes, emotiones, comportamentos, etc. que constitue le relation del homine con le poteres e principios del universo, specialmente con un o plure  deos,  a etiam le acto o representation explicite per le qual le homine demonstra su recognoscimento del existentia de un o varie entitates divin qui ha poter superhuman, e a qui illes obedi, servi e honora.
Le religiones se divide primarimente in monotheistic e polytheistic.

Le termino religion veni ab le latino religare, un essayo per le homine pro ligar le mundo con se mesme. Il es le explication que uno se da de lo que existe circum ille.




#Article 283: Romanal (224 words)


Romanal es un lingua artificial facite per Alfred Michaux in 1909 e representate in 1912. Romanal essayava combinar le internationalitate e latinitate del Interlingua de Peano (Latino sine Flexione) con un structura regular similar a lo del Esperanto.

Le autor de Romanal esseva un membro del Academia pro Interlingua, le qual fomentava le uso del latino existente in le linguas vivente como le base pro le extraction de un vocabulario international. Como Peano ille adoptava le orthographia e le pronunciation del latino classic, ma assi como face le esperanto ille usava un littera al fin del parola pro indicar le substantivos, le adjectivos, le verbos, et cetera. Le nomines proprie de personas etiam debeva acquirer iste termination: per exemplo, America deveniva Americe. Romanal etiam usava suffixos, como in Esperanto, pro le derivation de parolas nove attachabile a qualque radice existente.

Le Patre Nostre:
 Patro nostri,
 qui est en cieles,
 sanctificat estas nomine tui,
 advenias regne tui,
 fias volite tui,
 sicut en ciele, et en terre.
 Il pane nostri quotidiani das ad nos hodie,
 et dimittas nostri debites,
 sicut et nus dimitta debitantos nostri,
 et ne nos inducas in tentatione,
 sed liberas nos ex male. 

Motto: Li Meliori lingue auxiliari est ille quel possan facilim comprendar li americanos del norde et illos del sude.

Numeros: uni, dui, tri, quadri, quinti, sexti, septi, octi, noni, deci




#Article 284: Ric Berger (137 words)


Prof. Ric Berger (16 de augusto 1894 – 4 de augusto 1984): Professor switze de designo, decoration e historia del arte. In le etate de 18 annos ille se interessava pro linguas universal como esperantista ardente. Esseva durante 20 annos redactor del magazin Cosmoglotta, editate per le Occidental-Union e esseva responsabile pro le cambio del nomine ab occidental a interlingue. Desde januario 1959 usque decembre 1963 secretario general del UMI e simultaneemente redactor del magazin Currero. Autor de plus que 20 libros de arte e monumentos historic in Switza, un abundantia de quadernos thematic in interlingua, specialmente super le historia del linguas universal auxiliar. Ille editava 1966 – 1983 le Revista de Interlingua (cessate con su morte), in total plus que 6.000 paginas inviate a 60 paises, e manuales in multe linguas. Rememoration in Currero n° 78/1984.




#Article 285: Regno Unite (435 words)


Le Regno Unite, o in forma longe Regno Unite de Grande Britannia e Irlanda del Nord (United Kingdom of Great Britain and Northern Ireland in anglese) es un pais in nord-west Europa que forma parte del Union Europee. Le insula de Grande Britannia (Anglaterra, Scotia e Galles) es situate al nord-west del continente, separate de Francia per le Manica. Irlanda del Nord es encontrate al west, occupante le nord-est del insula de Irlanda, con le Republica de Irlanda al sud e west. Geographicamente, le Regno Unite e le Republica de Irlanda insimul forma le Insulas Britannic.

Le nomine official del pais es Regno Unite de Grande Britannia e Irlanda del Nord (United Kingdom of Great Britain and Northern Ireland in anglese). Le nomine esseva proponite per prime vice in le Acto de Union de 1707, in le qual le regnos de Anglaterra e Galles decidiva constituer un nove regno unite con Scotia, le qual haberea le nomine de Regno Unite de Grande Britannia. Plus tarde, con le Acto de Union de 1800 le insula de Irlanda passava a formar parte del pais, pro lo que le nomine esseva cambiate a “Regno Unite de Grande Britannia e Irlanda”. In 1927, quando le Republica de Irlanda obteniva le independentia, le pais obteniva su nomine actual “Regno Unite de Grande Britannia e Irlanda del Nord”.

Le Regno Unite non ha un lingua official ma le predominante es le anglese, un lingua germanic occidental que descende del anglosaxon, que conta con un gran numero de prestitos del nordic antique, del francese norman e del latino. Pro le expansion del Imperio Britannic, le lingua anglese expandeva se per le mundo e convertiva se in le lingua international assi como le secunde lingua plus parlate in le mundo.

Le linguas regional que ha recognition official in le Regno Unite (e le numero approximatemente de parlantes) son:

Scots o scote basse (~30% del population del Scotia, o ~1.6 milliones de personas).

Gaelic scote (~60,000 personas, un poc plus que 1% del population de Scotia).

Gallese (~20% del population de Galles, o ~600,000 personas).

Gaelic irlandese (~10% del population de Irlanda del Nord, o ~180,000 personas).

Cornuelliano (~2,000 - 3,000 personas in le contato anglese le plus sud-west, Cornuallia, o ~0.4 - 0.5% del population).

(www.cia.gov/library/publications/resources/the-world-factbook/geos/uk.html)
(www.cornwall.gov.uk/council-and-democracy/data-and-research/data-by-topic/population/)

Le Tractato de Union de 1701 que formava le Regno Unite, assecurava le protestantismo con un vinculo inter le Ecclesia e le Stato que permane usque le seculo XXI. De iste forma, le christianismo es le religion con plus adherentes, sequite per islam, hinduismo, sikhismo e judaismo, secundo le datos obtenite in le censo de 2001.




#Article 286: Romania (231 words)


Romania es un pais in le sud-est de Europa. Illo ha frontieras con Ukraina e Moldavia in le nord-est, Hungaria e Serbia in le west e Bulgaria al sud. Romania tamben ha un parve costa in le Mar Nigre. Su capital es Bucarest. Romania accedeva in le Union Europee (UE) le 1 de januario 2007.

Le nomine Romania origina del nomine roman. 

Le origine de populo romanian es le dacianos, que pote esser parte del populos thracian. Sub le direction de Burebista (70-44 aEC) le dacianos uni in un estato que menacia le interesses de Roma. In le anno 44 aEC Julio Cesare plana un campania contra le dacianos. Pauco post le assassination del dictator roman le capite del dacianos Burebista mori anque assassinate, e le tribo dacian dispersa. Iste divison persiste usque 95 EC quando Decebal reuni le dacianos e torna contra le potente inimico Roma. Pro iste motivo le imperator roman Trajano comencia un serie de campanias contra le dacianos, cognite como le guerra dacian (101-102 e 105-106). Le imperator Trajano, pro commemorar le victoria contra le dacianos va construer le famose columna de Trajano que se trova in le foro de iste imperator in Roma.

In le medievo le romanianos vive in tres provincia historic: Wallachia, Moldova e Transsilvania.

Le geographia multo varie de Romania comprende le montanias (le Carpates), collinas, planas e le costa del Mar Nigre.




#Article 287: Ragga (110 words)


Ragga o Raggamuffin es un variante del dancehall reggae que include instrumentation digitalisate. Le genere deveniva popular in le medietate del annos octanta. Under Me Sleng Teng (Wayne Smith; 1985) es generalmente considerate como le prime cantion de raggamuffin. La parte vocal sole recitar rimas al stilo del dub, similar al del rap, ben que le refraines es plus melodic.

Le prime themas de ragga esseva registrate in differente idiomas del continuo que va inter le anglese e le creolo jamaican. Quando le stilo deveniva plus cognoscite, illo esseva adaptate a altere linguas.

Ab anglese Raggamuffin o Ragamuffin (infante mal vestite e immunde), ab anglese medieval Ragamuffyn, un nomine personal.




#Article 288: Regno de Deo (257 words)


Regno de Deo es un expression del Biblia que exprime le regnar de Deo como Rege super le personas que se submitte in fide a Deo como lor soveran.

Le regno de Deo esseva le corde ipse del inseniamento e del predication de Jesus (Marco 1:15). Ille inseniava que le regno de Deo (o regno del celos) jam comenciava con Su proprie venita e que illo se expande quando individuos repenti se del proprie peccatos e, per fide, accepta Christo como lor proprie Senior e Salvator. Le regno de Deo non se manifesta hodie in su completessa, ma illo essera complete in le futuro.

Le signos del regno de Deo esseva manifeste in le miraculos de Jesus. Quando Johannes Baptista demandava ex le prision si Jesus esseva le Messia, Jesus respondeva adressante su attentio a Su miraculos de resanamento (Luca 7:22).

Le demonstration le plus grande que Deo ageva in Christo esseva Su resurrection. Illo esseva le signal que un nove regno esseva proxime. Ulterior demonstrationes includeva le establimento del Ecclesia a Pentecoste, le crescentia e continuation del Ecclesia durante le seculos, e le transformation de vitas per le medio del proclamation del Evangelio.
In le inseniamento de Jesus, le Regno de Deo esseva obra de Deo, non nostre. Isto non significa que nos non pote contribuer a illo. Al contrario, le christianos es responsabile de proclamar lo. 

Durante que illo non ancora se manifestava in su completessa, omne christiano debe precar, como inseniava Jesus, que le Regno de Deo veni in tote su plenitude (Mattheo 6:9,10).




#Article 289: Revelation (119 words)


In le conception de alcun religiones, le deo o deos se face cognoscer al humanitate per un revelation. Illo se presenta in duo typos: revelation general e revelation special.

Le revelation natural es comprender un deo per le medio del natura. Le lumine del natura es le comprehension de un deo per le medio del testimonio de su creation. Le lumine del conscientia es le comprehension de un deo per le medio del innate conscientia de ille o illa que es credite a ser in cata uno de nos.

Personas qui son credite a haber recipite revelationes include Abraham e Moses in le mythologia de judaismo, Saul de Tarso in lo de christianismo, e Mohammed in lo de islam.




#Article 290: Reprobation (theologia) (119 words)


In le theologia reformate, le reprobation es le condition per le qual le gratia efficace de Deo passa in ultra a su persona e non le salva. 

Contrasta con: Gratia efficace, Gratia irresistibile, Gratia preveniente.

Preterition es le conception calvinista /reformate del reprobation, per le qual Deo, in Su soveranitate, a gloria de Su justitia, decide de passar in ultra a alicuno e non conceder le Su gratia salvific, ma de lassar que ille justemente peri a causa de su peccatos. 

Equal ultimitate (in anglese equal ultimacy) es le notion que alicunos es reprobate a damnation in le mesme maniera que alteres ha essite elegite al salvation. Essentialmente, un doctrina de election al perdition. Contrasta con: Reprobation preterite, Calvinismo.




#Article 291: Justification (theologia) (249 words)


In theologia christian, le justification es le concepto de que Deo declara juste un persona sur le base del obra de expiation del peccatos e de reconciliation que Christo realisava pro le credentes per Su vita perfecte. Iste concepto compara con le justitia alien, le justitia imputate, simul iustus et peccator e le reconciliation vicari.

Comocunque, illo contrasta con le religion del obras, que es le religion del fide in le obras human, plus tosto que in le gratia de Deo. Le religion del obras compara con justification per obras e con justitia infuse. 

Le justitia alien es le justitia que le credente in Christo pote vantar ante a Deo, le qual non es le proprie, ma que pertine a Jesus Christo e que le esseva accreditate, imputate, attribuite per fide, como si illo esseva le sue proprie.

Le justitia imputate es le justitia de Christo ascribite a un individuo redimite sin alicun merito personal.

Le expression Simul Iustus et Peccator es un expression latin que significa In le mesme tempore juste e peccator. 

Le reconciliation vicari (A. vicarious atonement) es le doctrina que le obra de Christo realisava le expiation del peccatos de alteres, non del sues.

Le credentia in le justification per obras (A. works righteousness) es le credentia que un persona pote facer bon obras sufficiente a ganiar pro se le favor e approbation de Deo. 

Le doctrina de justitia infuse es le doctrina catholic roman que assere que Deo instilla Su justitia in un persona.




#Article 292: Rabbi (177 words)


Rabbi (o rabbin) [ra-bí] (ab le ebr. רַבִּי rabī 'mi maestro', per le lat. rabbinu(m)) es, in le judaismo, le titulo de doctor in le lege e le guida spiritual de un communitate judaic.

Rabbinismo indica le forma de doctrina que se disveloppava circa le prime seculo aEC in le judaismo e que tunc characterisava le vita del communitates judaic usque hodie. Le rabbis, como eruditos del Sacre Scripturas e leaders del scholas judaic, ha, in particular, le deber de interpretar le Lege, le Torah, regular le vita del communitates judaic per le cognoscentia del Talmud, e conservar le jurisdiction (specialmente in le tempores le plus antique). In le historia del rabbinismo, deveniva particularmente famose: le scholas de Hillel e de Shammai al tempore de Jesus, Rabbi Aqiba e su discipulo Rabbi Meir (1e  e seculos aEC), le Charaitas (8e seculo), e le Chassidim in le 18e seculo. Le objectivo del rabbinismo es portar a un obedientia verso le 613 commandamentos judee in un systema logic e casuisticamente precise, per accumular normas ulterior e interpretationes del Lege.




#Article 293: Redaction (116 words)


Ab le lat. redactus, part. pass. de redigere, rediger.

(scientia biblic) Redaction significa facer de un o plures fontes scribite un texto unitari, cuje forma final es representate per le libros biblic que nos possede (p. ex. le Pentateucho, le libros del reges, le Evangelios. In iste contexto, redactores es le personas que reelaborava le fontes, los colligeva, los systematisava e commentava theologicamente. In circa 1945, le Historia del formas, que concentra su investigation super le generes prelitterari, esseva integrate per le historia del redaction, le qual essaya de comprehender le peculiaritates del redactores e se effortia de pervenir al intelligentia del connectiones plus general, como le structura, le logica, e le [theologia de un scripto.




#Article 294: Republica (499 words)


Un republica es un forma de governamento non monarchic; pois que su dirigentes non heredita lor poter, illes debe esser electe per un electorato plus o minus inclusive.

Le parola deveni del latino: res publica 'cosa public'.

Le republicas del mundo comprende un magne diversitate de systemas e principios politic. Quasi universal es le presentia de un parlamento, congresso o assemblea. Iste pote esser de importantia largemente symbolic, como in le Republica Popular de China, o ben crucial al direction del stato, como in le Republica de Irlanda.

Le plus alte poter executive es normalmente in le manos de un sol individuo (ben que le Republica Roman esseva directe per duo consules, un tradition perpetuate in San Marino per le duo capitanos regente). Le capite del governamento es genericamente appellate un «prime ministro» si es responsabile ante un parlamento, de que representa le majoritate, o un «presidente» si tene un mandato independente. (Naturalmente, iste titulatura varia de pais in pais: le prime ministro de Germania es appellate le Cancellero, celle de Italia le Presidente del Concilio de Ministros, etc.) 

Il ha equalmente systemas mixte o semi-presidential. In Francia, pro exemplo, le presidente determina le large orientation politic, que le prime ministro tenta de actualisar in detalio. In paises como le Africa del Sud, le presidente es le capite ambe del stato e del governamento, ma su mandato depende del confidentia del parlamento, toto como un prime ministro. In republicas parlamentari como Germania, India o Turchia, ubi existe anque un prime ministro, le presidente non es capite del governamento, ma del stato; assi, compli functiones diplomatic e ceremonial sin influentiar le direction quotidian politic del pais.

On associa sovente republicanismo con democratia. Republicanismo moderne data del experimentationes politic del seculo 18, a saper le Revolutiones francese e american, que associava le republicanismo a un theoria politic de soveranitate popular, equalitate ante le lege, constitutionalismo, le rolo del stato como garantor del derectos fundamental e libertates civil del citatanos, etc. Nonobstante, tal association de republicanismo con democratia liberal non ha jammais essite universal. Ante le revolutiones atlantic, il habeva plure republicas medieval, como Switza, Venetia, Genua o San Marino, de character plus o minus aristocratic. Republicas pote verger verso le oligarchia (pro exemplo, le Republica Roman in Antiquitate esseva un systema mixte, ma su plus alte dirigentes esseva essentialmente nobile), verso un monarchia elective (le capite del stato de Samoa, O le Ao o le Malo, es traditionalmente un membro del quatro familias regal) o mesmo verso un monarchia hereditari (le princes de Orange-Nassau dominava le poter executive in le Republica Nederlandese). Un republica pote restringer su suffragio con le resultato de eliminar su character democratic o representative, como le Africa del Sud del epocha de apartheid. Hodie, le majoritate de dictaturas es de forma republican (exemplos include Uzbekistan, Birmania, Bielorussia, Libya, Egypto e Sudan). Al fin, tote le statos a partito unic actual (le Republica Popular de China, le Corea del Nord, Cuba, Laos, Syria, Turkmenistan, e Vietnam) son republicas.




#Article 295: Rationamento (108 words)


Le rationamento [ra-tsio-na-mèn-to] es le facultate del mente per le qual nos compara duo judicamentos, le un con le altere, e nos deduce, de isto, un tertie. Se tracta de un forma de comparation indirecte o mediate, in contrasto del judicamento in forma de comparation directe o immediate.

Ab le rationamento resulta lo que se nomina syllogismo, como, per exemplo: Tote le canes es animales; Febo es un can; ergo, Febo es un animal. Isto se generalisa con symbolos: A es equal a C, e B es equal a C, ergo: A es equal a B.

Il existe duo formas de rationamento: le rationamento inductive e le deductive.




#Article 296: Ration (206 words)


Le ration [ra-tsión] es le insimul de facultates intellective, per le quales le humano pensa, establi relationes e connexiones inter le ideas, judica, cognosce lo ver e lo false, e age in le dimension moral. Ab un significato originari de iste termino como facultate generic del mente human, le pensamento philosophic elaborava un grande quantitate de definitiones. In le sphera del historia del pensamento occidental, totevia, al minus usque al tempore de Kant, le discurso super le ration non exiva jammais del confinios del metaphysica e del logica formal. Ab le cosmogonias presocratic confuse, que arbitrarimente attribueva un ration indistinguite a deos, mundo, al Toto, etc., on perveniva al prime tentativas de distinction inter intellecto e ration. Desde le distinctiones scholastic, inter un ration superior e un ration inferior, on perveniva al ration, definite per Leibniz, como fundamento del veritates logic, a priori, distincte del si-dicite veritate de facto, fundate sur le principio del ration sufficiente (pro le qual on pote demonstrar que un cosa non pote esser differente de como illo es de facto), e al Dea Ration del Illuminismo, intendite como lege universal del pensamento, e finalmente al critica de Kant del ration (intendite como facultate human supreme de interpretar le realitate rationalmente articulate).




#Article 297: Reunion (388 words)


Le Reunion es un departimento de ultramar de Francia. Illo es situate sur un insula in le Oceano Indian inter Mauritio e Madagascar, in le archipelago del Mascarenas. Su population, verso 800 000, ha origines multo diverse: est-african, west-african, malgache, indian, vietnamese, malay, chinese e francese. Le lingua vernacular es le creolo reunionese, con un base lexic lingua italian ma un grammatica e pronunciation original.

Subjecte a un climato tropical e situate sur le route del cyclones, illo presenta un relievo scarpate marcate per un erosion forte. Illo culmina a 3 071 metros de altitude al sommeto del Piton des Neiges, e include un del vulcanos le plus active del mundo: le Piton de la Fournaise. Iste augmenta regularmente le superficie total de iste territorio, circa 200 kilometros de circumferentia e fruente sur su 2 515 kilometros quadrate actual de un endemismo natural exceptional.

Probabilemente cognite a presso de exploratores arabe medieval, e certemente per lor homologes portugese, le Reunion possedeva nulle population al momento del prime colonisation permanente in 1665 per franceses qui lo denominava le Insula de Bourbon. Post 1715, le economia e population del insula cresceva gratias al cultura del caffe.

Le cultura del canna de sucro ganiava importantia post le independentia in 1801 de Sancte Dominico (Haiti), usque alora le suppletor principal de iste commoditate a Francia. Francia aboliva definitivemente sclavage in 1848. Le apertura del Canal de Suez diverteva multe commercio ex le Reunion, ma non preveniva le modernisation del infrastructura del insula. Le Reunion esseva liberate per fortias del Francia Libere in novembre 1942.

Le Reunion es, depois 1946, un departimento francese e dunque un parte integre del territorio del Republica, malgrado su situation distante. Al momento de departimentalisation, le situation economic del insula esseva desesperate gratias al longe interruption de su exportation de canna de sucro verso Francia hexagonal. Post iste tempore, le elimination del malaria e melioration del infrastructura medical ha resultate in un cadita considerabile del mortalitate e un augmentation rapide del population. Le classa medie ha crescite; un universitate appareva e se disveloppava. Tourismo e un boom in construction ha create nove fundos de empleo.

Un epidemia de chikungunya, maladia viral, ha infecte usque le tertie parte del population in 2005/6. Cinque cento soldatos francese esseva expedite al Reunion pro extirpar le mosquitos responsabile del propagation del virus.




#Article 298: Systema de operation (1336 words)


Un systema de operation, aut systema operative (SO), es le systema de software qui provide al functiones essential pro le operation de un computator. Generalmente, un systema de operation se refere a plure differente typos de software qui functiona insimul.

Normalmente le systemas de operation provide:

Il ha plure typos diverse de systemas de operation. Systemas operative pro computatores personal include AmigaOS, Mac OS X, e Microsoft Windows; iste systemas es plen de bibliothecas expansive e interfacies simple pro promover le disvellopamento de software e facilitate pro usatores final. Pro servitores, le systema principal es Unix (implimentate per BSD, Linux, Solaris, et cetera); systemas pro servitores usualmente ha bibliothecas e interfacies minimal, usante solmente un minimo del ressources. Pro telephonos mobile, le principal systemas de operation es Android, iOS, e Symbian; iste systemas de operation balancia ressources minimal contra su pauc dimensiones. Iste categorias non es stricte; pro exemplo, le standard pro Unix ha essite implimitate in casi omne typo de devisa electronic.

Originalmente, devisas electronic esseva create pro provider solmente un function, como un calculator. Ben que le prime devisa qui pote esser considerate un computator general, le Zuse Z3, es create in maio de 1941, il non habeva nulle systema de operation; cata programma esseva create de novo, e iste programma esseva le sol function que le computator pote facer usque un nove programma esseva cargate physicamente al computator.

Bibliothecas de functiones commun esseva create per le prime programmatores pro reducer le tempore usate in programmation. Duo computatores in le anno 1948, ENIAC e le Manchester Small-Scale Experimental Machine, habeva bibliothecas commun.

Le prime programma qui pote esser nominate un systema de operation esseva GM-NAA I/O, un projecto per General Motors e North American Aviation. Solmente usate in circa 40 installationes, iste systema de operation automaticamente initia un processo pendente quando un processo ha finite, e provideva un pauc functiones general pro interfacer con le hardware.

Le nucleo es le fundation de un systema de operation. Al minimo, un nucleo minimal debe poter gerer un processator central a operar processos, manipular le memoria de accesso aleatori pro mover software e datos, e provider un interfacie in le qual processos pote usar iste ressources. Un nucleo pote haber plure altere functiones: gener peripheros (a vices con le adjuta de un pauc pecietta de software nominate un controlator), portar messages inter processos, etc. 

Un micronucleo es un typo de nucleo qui ha un pauc centro de codice, e qui delega le majoritate de operationes del systema al altere programmas e bibliothecas; versiones moderne Microsoft Windows es un micronucleo. Un nucleo monolithic es un nucleo qui incorpora tote le servicios del systema in le mesme memoria del nucleo. Le adjectivo monolitic es usate specialmente quando le nucleo incorpora altere functiones del systema de operation, como le interfacie usator. Linux es un nucleo monolithic.

Le majoritate de systemas de operation ha ni tote ni nulle del servicios in commun con le nucleo, e iste nucleos pote esser nominate un nucleo hybrida pro notar que le nucleo es ni puramente monolithic ni puramente un micronucleo. Pro exemplo, es rar hodie que un nucleo monolithic provide un interfacie usator, aun qui esseva facite assi in Windows 95.

Le systema de operation provide un interfacie inter un programma e le hardware, pro que un application pote facer actiones. Iste interfacie etiam assecura que le programma sol pote facer interactiones programmate in le systema de operation. In nucleos multiprocesso, cata application es ponite in un processo, qui defini le ressources e memoria disponibile al application del processo.

Plure systemas de operation usa processos non solmente pro le programmas del usator, sed etiam pro codice como controlatores.

Interruptiones ha un rolo central in le systemas de operation. Con interrumptiones, un pecia de hardware dedicate pote pausar le execution del programma currente, reserver le receptaculos del registros, e saltar a un specific processo pro facer un action in responsa. In systemas de operation moderne, interrumptiones es maneate per le systemas de operation.

Il ha duo typos principe de interrumption. Un interrumption hardware indica que un pecia de hardware ha un signalo pro le computator; le majoritate de systemas de operation reserva le receptaculo del interrumption pro le controllator del hardware qui mandava le interrumption. Un interrumption software indica un signallo del processo al systema de operation - pro exemplo, pro acceder al hardware, o pro mandar un message al systema de operation pro que un altere processo pote leger. Iste interrumptiones es nominate appello al systema; un nucleo pote haber cento de appellos al systema que illo ascolta.

Un nucleo de un systema de operation ha a manear tote le memoria operative del systema. Illo debe assecurar que nulle programma pote intervenir con le memoria de altere programmas, e que cata programma ha bastante.

Le prime systemas de operation usava un maneamento cooperative, sed iste modello de maneamento esseva abandonate rapidemente; il es troppo facile que un error in un programma pote causar le uso de troppo de memoria. (Le violation intentional del allocation de memoria esseva e es ja usate per plure viruses. Ergo, le majoritate del systemas de operation usa alcun forma de protection de memoria.

Systemas de operation moderne pote usar memoria virtual, in le qual alcun parte de un disco dur o altere reservo es usate pro reservar le contentos de un area de memoria.

Un computator ha plure ressources physic qui pote esser usate pro le varie programmas. Per provider un interfacie commun, le systema de operation facilita le disvellopamento del programma pro prevenir cata disveloppator que pro saper cata detalio technic de cata typo de hardware qui pote esser usate per un usator final.

Hodie, il es rar que un systema de operation pote esser create pro solmente un typo de hardware. Pro operar con plure typos de hardware, le majoritate de usatores incorpora programmas breve denominate controllatores. Como le systema de operation provide un interfacie simple al programmator, le controllator provide un interfacie simple al systema de operation. Generalmente, un controllator pote interfacer con un singule typo de hardware.

Un systema primari facite per le systema de operation es le organisation e le accesso al files. Un file pote representar un programma, un archivo de datos, o aun un function (specialmente in systemas basate super Unix e su Hierarchia de Systema de Files). Un systema de files manipula tote le files de un systema como un base de datos. Systemas de files moderne usualmente manipula directorios in un structura de arbore.

Le prime systemas de operation solmente supportava un typo de disco; usualmente, iste esseva un disco dur, o un typo de disquette super un systema de operation de disco. Iste prime systemas de file assi habeva limitationes notabile in su velocitate de accesso, e assi illo esseva create pro supportar solmente un systema de operation. Systemas de files moderne, como NTFS e ext3, es usate per plure systemas de operation.

Casi cata computator personal, e plure computatores servitor, es maneate per un usator human. Iste computatores require un interfacie usator. (Si un computator non interage directemente con un usator human, un computator pote abstiner se de haber alcun interfacie usator, sed illo debe ja haber alcun interfacie definite pro su 'usator'.)

Le prime interfacies usator qui non esseva datos crude esseva interfacies textual, basate in le interfacies dactylographic del prime computatores; un usator dactyla su commandos, e le systema de operation responde con le resultato. Aun hodie, tote del tres principal systemas de operation (Linux, Mac OS X, e Microsoft Windows) ha interfacies textual. Le interfacie textual assi es le base de un interfacies de rete, con le qual on pote manear un computator con un connexion remote.

Interfacies graphic, popularisate per le Macintosh original e le systema de operation Microsoft Windows, provide un organisation de datos in un forma plus legible. Ben que le interfacies graphic se cambia e se meliora rapidemente, le metaphora principal de un interfacie graphic es nominate wimp - qui representa le ideas de fenestras (ab  window), icones, menus, e punctator.




#Article 299: Stefano Bakonyi (817 words)


Ingeniero Stefano Bakonyi (25 de decembre 1892 presso Budapest — 8 de octobre 1969 in Bordighera, Italia) esseva un chimico e consiliator industrial hungaro-italian. Ille ha scribite  e ha instituite le Fundation Bakonyi pro Lingua Universal (FBLU), que per supporto economic assecura editiones continue in interlingua.

Doctor ingeniero Stefano Bakonyi abandonava nos le octo de octobre 1969 ex plen vita. Con su septanta septe annos ancora active in su profession, ille vadeva visitar le fabricas in Italia e Espania, ubi on produce materiales plastic secundo su methodos.

Ma juvene de spirito ille viveva e laborava con su tote corde pro un mundo melior. Extra su personal contactos practic e professional Dr. Bakonyi habeva amicos in duo campos differente, ambes idealistic e international. Ma pocos de su amical collaboratores comprendeva le in su duo mundos.
De su relationes international e de su studios historic Dr. Bakonyi videva utilitate e possibilitates de un lingua universal. Ma un grande parte del amicos interlingual non estima spiritual e moral factores. - In le Rearmamento Moral de Caux in contrario on crede toto possibile per anglese. Ma lor directivas de moral absolute e de objectivitate concretisava se in le consilios que Dr. Bakonyi dava semper al querelante interlinguistas: Non importa qui de nos ha ration, importa solo quo es juste.
Stefano Bakonyi ha venite al mundo vicin a Budapest, filio de parentes modeste. Post gymnasio classic ille studiava chimia como studente obrer. 1914-18 in le armea hungare le guerra le ha colpate con un grave vulnere cranio-cerebral. Post restitution le doctor ingeniero vadeva laborar durante multe annos in le industria german e in paises anglophone. Tosto ille avantiava in position de consiliero del interprisas. A iste specialitate professional, ma in position private e independente, Dr. Bakonyi restava fidel usque a su morte.

Durante nazismo e guerra de Hitler le familia Bakonyi viveva in Bordighera, bombardate e occupate. Multe annos on poteva trovar les in estate in lor chalet in Gryon, vicin a Montreux. De ibi veniva ante un dozena de annos un appello a omne interlinguistas pro reunir se.

Dr. Bakonyi esseva ben cognite in omne movimentos interlinguistic. Ja como studente il esseva active in Esperanto; pois ascendeva le scala del progresso verso international e natural. Il esseva Secretario de Ido e elaborava le dictionario hungare. Pois perdeva energia pro approximar Occidental e Interlingua.
Era su appello a omne interlinguistas de bon voluntate que incitava me a un prime visita in Gryon. Ambes felice constatar un large congruentia del animas del interesses, del maniera vider le mundo e le cosas interlinguistic, nos restava in continual contacto. Multe mie vacantias in Bordlghera e plure sue visitas in Escholzmatt - e finalmente multo deveniva team-work. Post le tragic morte de su amabile sposa, evenite in lor vacantias in Germania, io esseva con ille in le familia de su filia in Boppelsen vicin a Zurico. In viage per Escholzmatt e Bordighera Dr. Bakonyi conduceva me al cemeterio, ubi nunc reposa tamben ille mesme al latere de su tanto amate sposa.

Occupation e productive labor da consolation. Amico Bakonyi viveva nunc unicamente pro su opera ideal e interlinguistic. Durante annos Dr. Bakonyi ha studiate le historia del antique culturas e de lor linguas universal. In su vision historic il recognosce que Interlingua de IALA, le lingua ric con formas classic scientific e formas moderne, corresponde le plus al lingua universal natural que nos vide venir spontaneemente in nostre epocha. Il vadeva nunc al ultime correctura e perfection de su libro Civilisation e Lingua Universal, labor que per disgratia il debeva abandonar e lassar a su amicos. - Le vision historic confirma Interlingua como lingua ric, vivente e tolerante.

Con su formation classic, su carriera interlinguistic, su practica in le cinque grande linguas occidental Dr. Bakonyi esseva ben qualificate pro justificar su conception del lingua universal natural. Ric in ideas creative ille restava semper aperte ad acceptar correcturas e nove ideas ben fundate. Assi Dr. Bakonyi esseva felice de trovar in maio 1969 Dr. Gode durante plure dies in Escholzmatt. E nos omnes esseva satisfacite de constatar large concordantia in nostre maniera de vider problemas e solutiones. Nos veniva de accordo in principio, qual cosas in un lingua ric e natural nos considera essential e quales possibile e tolerabile.

Un mense ante su morte Dr. Bakonyi veniva a nos plure dies pro realisar e legalisar su Fundation Bakonyi pro Lingua Universal con sede in Luzern. Al documento del fundation es annexate un Memorandum, in le qual Dr. Bakonyi explica su conception del lingua e le intention de su donation.
Con le fundation Dr. Bakonyi da a Interlingua un centro in Europa, de ubi le luce del nove scientia interlinguistic va irradiar le continente que in tante dominios necessita un lingua ponte. Per le fundation le spirito de Dr. Bakonyi resta con nos e continua a auxiliar in nostre labor pro un nove Europa e un mundo melior.




#Article 300: Sociologia (194 words)


Le Sociologia [so-tsio-lo-gía] es le insimul de cognoscimentos que tracta explicar le comportamento del esser human in societate, studia le logica social, e se occupa del rationes que explica le comportamentos general del personas. 

Le sociologia es le scientia que studia le societate human e le conducta social. A causa de lor interesse in le interaction social, le sociologos ha un tendentia de prestar attention a gruppos in vice de individuos.

Le sociologia studia le societate human e, plus concretemente, le diverse collectivitates que lo forma e le causas que origina le disviationes e cambios sociales. 

Le sociologia es solmente un del scientias social - le gruppo de disciplinas academic que studia diverse aspectos de comportamento social inter le homines. 
Inter altere scientias social il ha le anthropologia, le psychologia, le economica, le scientia politic, e le historia.

Le sociologia como disciplina academic evolveva
ex le tumulto social del Europa del seculos XVIII
e XIX. Ma illo non emergeva como un disciplina
academic formal usque le medietate del seculo XIX, quando
le francese Auguste Compte cuneava le parola

Altere sociologos influente del seculo XIX esseva
Karl Marx, Herbert Spencer, Emile Durkheim, e Max
Weber.




#Article 301: Septimana (1102 words)


Un septimana (lat. septimana, septe dies) es un unitate de tempore plus longe que un die e plus curte que un mense. In le majoritate del calendarios moderne, includente le calendario gregorian, le septimana es un periodo de septe dies, e ben que illo es disproviste de fundamento astronomic, illo es amplemente usate como unitate de tempore. Le septimana pote esser imaginate como un calendario independente que curre in parallelo con varie altere calendarios. Totevia, alicun calendarios submitte le septimana a regulas proprie, habente dies que non pertine a un septimana, como le calendario mundial, o le calendario del Revolution Francese, que ha septimanas de 10 dies.

Le origine del periodo de septe dies es generalmente associate al judeos antique e al mytho biblic del creation, secundo le qual Deo laborava durante sex dies e se reposava in le septime. Totevia, se sape que le gente babylonian observava un septimana fixe de septe dies ante que le judeos adoptava le idea. Con le passar del tempore le uso babylonian del septimana de septe dies influentiava altere culturas in le Mediterraneo Oriental e in le Oriente Medie. Le uso del periodo fixe de septe dies probabilemente esseva un simplification de un parte del mense lunar. Intertanto le gente babylonian e le judeos reteneva le calendario lunar simultaneemente con le uso del septimana de septe dies. Il ha septe corpores celestial principal: le sol, le luna, e cinque planetas visibile al oculo nude, e isto pote explicar le septimana de septe dies.

Le uso del parola septimana initiava in Roma . Varie gruppos de citatanos del Imperio Roman adoptava le septimana, specialmente illes qui passava alicun tempore in le partes oriental del Imperio, includente le Egypto, ubi se usava le septimana de septe dies. Contemporaneemente, le christianos acquireva le practica del judeos e propagava le uso del septimana insimul con lor religion.

A mesura que le prime christianos deveniva un gruppo distincte del judeos, varie gruppos cessava de celebrar le shabbath judee (sabbato) e le prime die o die del Senior (dominica) e comenciava celebrar solmente le dominica. In Roma, le domenica esseva cognoscite como Solis dies (die del Sol), sed le nomine esseva cambiate in le medievo.

In le initio del seculo IV E.C., le imperator roman Constantino regulava le uso del septimana debite a un problema del uso de varie dies pro observantia religiose, e stabiliva le prime die como le die pro observantia religiose pro tote le gruppos, non solmente ille christianos e altere personas qui jam observava le dominica. Le judeos reteneva lor tradition de (al minus) 800 annos de observantia al sabbato. Posteriormente, post le stabilimento del Islam, le venerdi deveniva le die de observantia de ille religion.

Le concepto del septimana de septe dies definite in le antique Oriente Medie, probabilemente in Babylonia, es ora usate in le major parte del mundo debite al diffusion del commercio e del negotios corporative.

China adoptava le concepto del septimana de travalio solmente in tempores moderne quando le systema de calendario occidental esseva introducite in ille pais. Il ha varie terminos pro septimana in chinese. Le plus notori al occidentales es 星期 (Xing¹ Qi² or Periodo Stellar). Secundo :

In le China del seculo II se inventava un methodo de registrar le tempore denominate 七曜曆 (Qi¹ Yao4 Li4 o Calendario del Septe Luminares), mais illo categoricamente non contineva le methodo del Septe Luminares de contar le dies. In le seculo VIII, le manicheismo viagiava de 康居國 (Kang¹ Ju¹ Guo²; Pais Kazak) portante le methodo del Septe Luminares de contar le dies e lo transmitteva a China.

Un pauc plus ante, le passage explicava le nomenclatura del systema adoptate:

Le Septe Luminares esseva usate pro contar le dies in alicun data antique. Iste altere methodo surgeva in le Babylonia antique, un del septe dies que compone un septimana, le Luminar Sol, le Luminar Luna, le Luminar de Foco (Marte), le Luminar de Aqua (Mercurio), le Luminar de Ligno (Jupiter), le Luminar de Metallo (Venus) e le Luminar de Terra (Saturno), respectivemente, componeva le systema original e esseva denominate 星期 (Xing¹ Qi² o Periodo Stellar).

In le systema chinese primitive, le dies del septimana esseva nominate secundo le Sol (日曜日 dominica), le Luna (月曜日 lunedi), e le cinque planetas major, Marte (火曜日 martedi), Mercurio (水曜日 mercuridi), Jupiter (木曜日 jovedi), Venus (金曜日 venerdi) e Saturno (土曜日 sabbato) in iste ordine. Le lingua japonese ancora preserva le mesme denominationes, ben que le chineses non lo usa plus. In le chinese moderne, le dies del septimana es nominate per numeros, per exemplo, le lunedi es denominate periodo planetari un (星期一) etc.

Le termino final pro septimana in chinese es 禮拜 (Li³ Bai4), que significa alique como Ritual de Precaria. Quasi certemente isto esseva introducite per missionarios christian qui voleva que le chineses precava septimanalmente in le shabbath mentionate previemente, proque le religion ancestral chinese require oblationes quotidian o definite in calendario e non ha un die de reposo.

In interlingua, le nomines del dies veni principalmente de deos e deas roman usate in latino:

Secundo le costume roman, le dominica se denominava die del Sol, e le sabbato die de Saturno.

In latino, il habeva duo manieras pro nominar le dies del septimana. Un de iste manieras es usante le nomines de deos e deas roman, como es usate in interlingua, anglese, espaniol, italiano e francese. Un altere maniera es nominar ab lunedi usque venerdi con numeros:

Iste maniera es utilisate en linguas como portuguese.

Le sequentia de un sabbato e un dominica es communmente denominate fin de septimana o week-end (del anglese) e es dies de reposo e recreation in le major parte del culturas occidental.

Secundo le norma ISO 8601, le septimana se initia in le lunedi. Isto se conforma al termino fin de septimana pro le sequentia de sabbato e dominica. Totevia, secundo le decision de Constantino de facer le prime die del septimana le die de observantia religiose, le dominica es etiam considerate le prime die del septimana in paises historicamente christian. A causa de isto existe calendarios in duo varietates.

Le jovedis de un anno determina le numeration de septimanas: le septimana 1 es definite como le septimana que contine le prime jovedi del anno, etc. (Vide etiam, ISO 8601).

Un systema de litteras dominical ha essite usate pro determinar le die del septimana in le calendario gregorian o in le julian.

In un anno gregorian medie il ha exactemente 365,2425 dies, e per consequente exactemente 52,1775 septimanas. Il ha exactemente 20.871 septimanas in 400 annos gregorian, assi 25 de decembre 1601 esseva un martedi justo como 25 de decembre 2001.




#Article 302: Sun Microsystems (262 words)


Sun Microsystems, Inc. esseva un compania statounitese qui vendeva computatores, componentes de computatores, software, e servicios de technologia de information , e qui creava le linguage de programmation Java, le systema de operation Solaris, ZFS, le Systema de Files Reticular (Network File System, NFS) e le processatores SPARC. Sun contribueva significantemente al evolution de diverse importante technologias informatic, inter illos Unix, RISC processatores, computation con clientes tenue, e computation virtualisate. Sun esseva fundate le 24 februario, 1982. A su culmine, le sede de Sun esseva in Santa Clara, California (parte de Silicon Valley), super le previe campus west del Agnews Developmental Center.

Le 20 de april, 2009 illo esseva annunciate que Oracle Corporation acquirerea Sun pro US$7.4 milliardos. Le transaction esseva complite le 27 januario, 2010.

Le productos de Sun includeva servitores informatic e stationes de travalia construite super su proprie architectura de processator SPARC basate super RISC e etiam super processatores basate super x86 como le Opteron de AMD e le Xeon de Intel; systemas de immagazinage; e un suite de productos software includente le systema de operation Solaris, utensiles pro disveloppatores, software de infrastructura web, e applicationes de administration de identitates. Altere technologias include le platteforma Java, MySQL, e NFS. Sun esseva un partisano de systemas aperite in general e Unix in particular, e un contributor major al software libere. A diverse tempores, Sun ha facilitates manufacturante in diverse situationes in tote le mundo, includente Hillsboro, Oregon, Linlithgow, Scotland, e Newark, California; totevia, antea le compania esseva acquirite, illo ha donate le majoritate de su activitates pro manufacturar a altere companias.




#Article 303: Sito web (110 words)


Un cybersito, sito web, o simplemente sito, es un collection logicamente correlate de paginas in rete, hoc es documentos accessibile via le Tela transterrestre super le interrete. Le paginas de un sito es accessibile a partir de un URL radice commun, le pagina initial, e usualmente reside in un mesme servitor physic. Le URLs del paginas los organisa intra un hierarchia, ben que le hyperligamines inter illos controla como le lector percipe le structura general.

Un cybersito usualmente es le travalio de un unic persona aut organisation, tracta de un argumento particular, o servi a un proposito particular. Isto es un definition assatis vage, date le natura hypertextual del Tela.




#Article 304: SQL (280 words)


SQL es un linguage de interrogation de base de datos e illo es generalmente usate como un linguage hospite de altere linguages de programmation.

Actualmente (in 2003) illo es in curso de un processo de revision del linguage per ANSI e ISO qui deberea transformar illo in un linguage complete de programmation e illo se appellara SQL3.

Le facto de haber un standard definite per un linguage pro le base de datos relational, aperi potentialmente le strata al intercommunicabilitate inter tote le base de datos relational.

Le historia de SQL inicia en 1974 con le definition de Donald Chamberlin e de varie personas qui laborava in le laboratorios de recerca del IBM pro un linguage pro le administration de base de datos qui adoptava le modello relational. Iste linguage se appellava SEQUEL (Structured English QUEry Language) e illo esseva usate in un prototypo appellate SEQUEL-XRM inter 1974 e 1975. Le experimentationes con tal prototypo portava inter 1976 e 1977 a un revision del linguage (SEQUEL/2), qui cambiava de nomine pro motivos legal, deveniente SQL. Le prototypo (System R) fundate super iste linguage esseva adoptate e usate internemente per IBM e per alcun de su clientes seligite. Gratias al successo de iste systema, qui non esseva ancora commercialisate, altere companias anque initiava a disveloppar lor productos relational con le linguage SQL. 

In 1983 IBM comenciava a vender DB2. Al curso del annos numerose companias (per exemplo Oracle e Sybase) vendeva productos con le linguage SQL, qui deveniva le standard industrial de facto pro le base de datos relational.

In 1986 le ANSI adoptava SQL como standard pro le base de datos relational e in 1987 illo deveniva anque le standard ISO.




#Article 305: Simón Bolívar (1559 words)


Simón José Antonio de la Santísima Trinidad Bolívar Palacios y Blanco  (24 de julio 1783, Caracas, Venezuela – 17 de decembre 1830, Santa Marta, Colombia) esseva un militar e politico sudamerican, propulsor del independentia de Venezuela, de Colombia, de Ecuador, de Peru, de Panama e de Bolivia.

Ille esseva de origine basc, concretemente del village Ziortza-Bolibar in Biscaya. Quando ille habeva novem annos de etate su parentes jam habeva morite. Su avunculo empleava varie preceptores pro inseniar le e educar le, sed ille esseva un problema disciplinari. In fin, su avunculo empleava Simón Rodríguez e le problema se resolveva. Le duo deveniva bon amicos.

Durante sex annos, usque le juvene compliva dece-quatro annos, Rodríguez le inseniava le ideas del grande philosophos europee de ille tempore, qui credeva in le libertate e le equalitate pro omne personas, pensatores como Jean Jacques Rousseau, qui inseniava que on pensa solmente de como proteger su filio… on debeva inseniar le a proteger se… como superviver, in caso necessari in le frigido penetrante de Islanda o in le rocca ardente de Malta. E tal cosas Rodríguez inseniava al juvene Bolívar. Con le lectiones scholar ille anque le inseniava a luctar e como viver in un silva e in le citate. Ille le inseniava a superviver situationes difficile.

Rodríguez debeva sortir de Venezuela in 1797 proque ille habeva participate in un revolution que faceva fiasco. In ille tempore il jam habeva gente que voleva liberar Venezuela ab le dominio espaniol.

Varie annos plus tarde, le duo Simones se reuniva de novo, viagiante trans Europa, le secunde visita de Bolívar a ibi. Ille arrivava al etate de dece-sex annos. 

Al etate de dece-octo annos Simón Bolívar se maritava con le filia de un nobile espaniol e retornava con illa a Venezuela. Su juvene sposa moriva dece menses post arrivar a Venezuela a causa del febre jalne.

Simón retornava a Europa e iste visita cambiarea su vita. Ille esseva in Paris, Francia, ubi Napoléon Bonaparte se coronava imperator. Durante que ille observava centos de milles de personas tanto animate e allegre, il le pareva que le major desiro de un persona es vider se in le medietate de un gruppo de personas qui exprime assi ille typo de affecto e de amor. Ille dicerea plus tarde que isto le faceva pensar super su proprie paupere pais tanto infelice e del gloria que un persona obtinerea qui poterea liberar lo.

Con Simón Rodríguez de novo, ille visitava Roma. In un monte in le alto del citate, Simón Bolívar se genuflecteva e jurava que ille laborarea sin fatiga usque Venezuela esserea liberate ab le dominio espaniol. Bolívar dedicarea le resto de su vita a complir ille promissa.

Post multe annos terribile e duo revolutiones plus tarde Simón Bolívar comenciava a realisar su sonio.

Le initio, on pote dicer, occurreva in 1819. Bolívar jam habeva participate in un revolution dirigite per le General Francisco de Miranda. Illo esseva un fiasco. Un secunde revolution dirigite per Bolívar mesme faceva etiam fiasco. Ille quasi habeva succedite sed al fin ille perdeva contra le vaccheros del valle del Orinoco, qui luctava al latere del espanioles.

Dece-cinque annos post le juramento super un del montes de Roma, Bolívar dirigeva un exercitio de duo milles e cento homines usque Nove Granada (hodie Colombia e Panama) desde le region del Orinoco de Venezuela. Bolívar jam habeva habite fiasco in duo revolutiones sed iste vice, contra septe mille soldatos espaniol, ille triumpharea.

Ille habeva prendite cinque annos pro recomponer su nove armea, post le fiasco del secunde revolution, sed iste vice Bolívar se habeva unite al General Francisco de Paula Santander de Nove Granada. Insimul con alcun truppas britannic e irlandese illes liberarea primo Nove Granada e plus tarde Venezuela.

Il esseva le tempore de pluvias quando Bolívar sortiva. Il habeva tres camminos pro arrivar a Nove Granada. Bolívar seligeva le plus difficile proque le inimico non suspectarea ni expectarea que illes lo usarea. Avantiante con le armea, Bolívar iva de alto a basso animante su truppas. Ille adjutava le debiles e le malades.

Quando su armea passava trans le planas de Casanara, illes marchava durante un septimana con aqua usque le cinctura. Illes debeva poner lor fusiles supra lor capites. Il habeva necun sentiero e illes debeva aperir le cammino per le spisse silva. Il non habeva pontes e isto faceva que illes avantiava lentemente.

Al fin del planas illes se incontrava con le Montanias del Andes. Bolívar perdeva multe soldatos in le montanias. Multe soldatos moriva del frigido e alteres retornava a causa de maladia e del terreno impenetrabile a alcunes de lor cavallos. Sed Simón Bolívar continuava in avante, dirigente le armea per le montanias e descendente a Nove Granada.

Quando Bolívar arrivava a Nove Granada, su armea contava solmente alcun centos de homines. Sed su plano de surprender le espanioles esseva un successo. Quando le soldatos espaniol se recuperava del confusion, il esseva multo tarde: Bolívar habeva triumphate. Al tertie die su armea arrivava a Bogotá. In decembre ille esseva nominate presidente e chef militar del Republica de Colombia. Iste nove republica esseva formate de Nove Granada, Venezuela e Quito (nominate Ecuador plus tarde). Le sol problema esseva que grande partes de Venezuela e Ecuador remaneva sub dominio espaniol.

In junio 1821, Bolívar vinceva contra le espanioles in le battalia de Carabobo e Venezuela deveniva libere. Bolívar lassava le General Santander in carga del pais como ille lo habeva facite in Nove Granada e tunc se dedicava a liberar Ecuador.

In Ecuador Bolívar faceva le cognoscentia del grande amor de su vita: Manuela Sáenz.

In 1824, Bolívar con su chef de stato major, Antonio José Sucre, adjutava a liberar Peru. Alcun menses depost, Sucre liberava le Alte Peru. Iste nove pais decideva appellar se Bolivia in honor de Bolívar.

Bolívar esseva ora presidente de Peru, Bolivia e le Republica de Colombia, que includeva Nove Granada, Venezuela e Ecuador. Il se habeva proponite formar un liga de paises hispanoamerican. In 1826, il habeva un assemblea in Panama que includeva le paises de Bolívar, America Central, e Mexico. Le convention non habeva multe successo, sed esseva le initio de cooperation international.

In 1826, Simón Bolívar comenciava a perder le poter. Venezuela e Nove Granada non voleva plus esser unite in un sol pais. Il erumpeva un guerra civil e Bolívar sortiva ex Peru pro tentar conservar le Republica de Colombia unite. Ille non poteva facer lo. E le gente non amava le modo per le qual ille habeva prendite le pais. De facto ille escappava ab assassination unicamente per le corage e le sapientia de Manuela Sáenz in Bogotá, Colombia, in 1828.

In le medienocte Bolívar se eveliava con le latratos de canes e sonos estranie in le palatio. Ille prendeva su spada e su pistola e comenciava currer verso le portas, sed Manuela le deteneva. Le voces foras clamava Morte al tyranno! e Morte a Bolívar! Manuela aperiva un fenestra e Bolívar sortiva per illo. In iste momento le portas se aperiva con un grande colpo. Manuela prendeva un spada e confrontava le assassinos. Illes esseva multo surprendite per le action de iste femina, e illa les diceva que Bolívar esseva alibi.

Al fin, Bolívar arrivava al perception que ille habeva devenite un obstaculo pro le paises que ille mesme habeva adjutate a liberar. In vista de isto, in maio 1830 ille decideva a sortir de America del Sud e viagiar a Europa. Nonobstante, quando ille esseva justo super le puncto de partir, ille recipeva novas que il habeva problemas in Bogotá e ille cancellava su viage. Ille restava al casa de un cavallero espaniol qui sempre habeva admirate Bolívar. Ibi Bolívar passava su tempore e il esseva ibi que ille moriva de tuberculosis le 17 de decembre 1830.

Le legato politic de Bolívar esse massive, e il totevia esse un figura importante in le scena cultural e politic de America del Sud. Pretensions al mantello de Bolívar initiava in le annos 1840 e ja continue in le era moderne. Le Bolivarianismo del decennios recente esse sol un manifestation de iste phenomeno.

Bolívar se describeva in plure litteras como un liberal. Il admirava le Revolution American, e esseva un critico notabile del Revolution Francese, ma su philosophia non esseva le philosophia del chefes del revolution in le Statos Unite de America. Aun que il preferiva un governamento centralisate, il esseva firmemente contra-sclavitude, non como su pendantes in America de Nord, despecto de esser de un area que contava super sclavitude como un fonte de labor.

Entre le libros que il habeva quando il scribeva le Constitution de Bolivia esseva Le Spirito del Leges per Montesquieu. Le constitution bolivian habeva un termino de vita pro le presedentia e un senato hereditari, effectivemente recreante le Constitution britannic non scribite, como il existeva al tempore, sin le creation de un monarchia formal. Su essayos de crear un constitution similar in Gran Colombia in le annos 1820 causava su rejection.

Il requireva plus que un decennio pro rehabilitar su imagine public in America del Sud. Del annos 1840, le memoria de Bolívar esseva utile pro le construction de un feritate national. In Venezuela, particularmente, le stato patronava un culto de Bolivar. Proque su mantello esse importante al identitates national de Venezuela, Colombia, Ecuador, Peru e Bolivia, il esse prendite per quasi tote le politicos de cata philosophia politic.




#Article 306: Sentimento (125 words)


Le sentimento es le facultate del mente per le qual nos experi emotiones. Per le medio del sentimentos, nos percipe le conditiones mental amabile o dolorose. Isto es un termino que pote esser definite solmente con su parolas ipse; si on non ha jammais probate un certe sentimento, on non pote comprehender le parola que lo exprime.

Le sentimentos se reduce a lo que nos appella emotion, affection, desiderio. Emotion es un simple sentimento como un gaudio, un dolor. Affection es un emotion que anhela o lucta pro qualque objecto foras de se, como le invidia, le jelosia, le amor. Le desiro es un emotion que nasce ab le necessitate de posseder qualque qualitate o cosa que nos care, e le tendentia a posseder lo.




#Article 307: Satellite (166 words)


Un satellite es omne objecto que orbita un altere objecto.

Viste que tote le objectos es subjecte al fortia del gravitate, le movimento del objecto primari tamben es afficite per le satellite. Il es precisemente iste phenomeno que permitte le discoperta de planetas extrasolar. Si duo objectos possede massas similar, on sole parlar de un systema binari in loco de un objecto primari e un satelite. Le criterio habitual pro considerar un objecto como satellite es que le centro de massas del systema formate per le duo objectos es intra le objecto primari.

Tote le massas que forma le Systema Solar, includente le Terra, es satellites del Sol, o satellites de ille objectos, como le Luna. En le Systema Solar existe 240 satellites sapite, con 162 circa planetas, 4 circa nanoplanetas, e alteres circa corpos del Systema Solar plus parve.

Iste termino se usa in le linguage commun pro referer al satellites artificial. Le prime satellite artificial esseva le Sputnik, lanceate le 4 de octobre 1957.




#Article 308: Stella (323 words)


Un stella es un corpore celeste de plasma in equilibrio hydrostatic que genera energia in su interior pro medio de fusion thermonuclear. Le energia generate radia al spatio in forma de radiation electromagnetic e neutrinos.

Un grande parte de lo cognoscite super le stellas veni ab le studio del nebulosas. Le stellas nasce in nebulosas como le Nebulosa de Orion, in vice alteres, como le Nebulosa del Cancere, son le restos de un stella que ha explodite. Quando un stella mori devolve le material que lo forma al spatio interestellar, isto include elementos pesante que plus tarde formara nove stellas o planetas.

Permulte stellas son attrahite gravitationalmente a altere stellas formante systemas binari. Le stellas non es distribuite uniformemente in le universo, ma, typicamente, son aggruppate in galaxias. Un galaxia gigante typic (como le nostre) contine centos de milles de milliones de stellas.

Le Sol es considerate un stella prototypic, non proque illo es special in alicun senso, plus tosto quia illo es le plus proxime al Terra e per lo tanto le plus studiate. Le majoritate del characteristicas del stellas es mesurate in unitates solar. Exempli gratia, le massa del Sol es:

Le massas del altere stellas son date in Msol.

Le evolution stellar explica como le stellas se crea e mori.

Il ha differente classificationes de stellas que va desde le typo O (multo grande e luminose) usque al typo M (le qual, frequentemente, es justo sufficientemente grande pro provocar le fusion del hydrogeno).

Recentemente on ha characterisate le typos L e T.

Le classification es (del plus massive al minus): O, B, A, F, G, K, M, L, T; cum le Sol del typo G2. 

Le composition chimic de un stella varia de stella a stella, ma quando comencia su vita un stella como le sol es approximatemente 75% hydrogeno, 23% helium e le 2% restante son elementos plus pesante como potassium, carbon, oxygeno, aluminium, sodium, sulfure, ferro, inter alteres.




#Article 309: Systema International de Unitates (273 words)


Le Systema International de Unitates, abbreviate SI, es le systema de unitates plus extensemente usate. Insimul con le antique systema CGS (centimetro, gramma, secunda), le SI es cognoscite tamben como le systema metric, specialmente in le nationes in que su uso quotidian non es ancora acceptate.

Iste systema pote esser usate legalmente in omne pais del mundo (includente le Statos Unite), e in multe paises su uso es obligatori. Le paises in le quales on da ancora recognoscentia official al unitates non-SI (p.ex. Statos Unite, Regno Unite) los defini in terminos del SI.

Le SI esseva adoptate per le dece-prime Conferentia General de Pesos e Mesuras (CGPM) in 1960. (Vider pesos e mesuras pro le historia del disveloppamento del unitates de mesura).

Le SI es basate super septe unitates de base, como p.ex. le kilogramma e le metro, que es usate pro definir varie unitates derivate. Alicun exemplos del derivates es le metro quadrate (m2) como unitate de superficie e le kilogramma per metro cubic (kg/m3) como unitate de densitate.

Le SI defini tamben alicun prefixos, le quales on pote combinar con le nomines del unitates pro dar multiplos e submultiplos. Per exemplo, le prefixo kilo- denota mille (× 1000); assi un kilometro consiste de mille metros, un kilogramma consiste de mille grammas, et cetera.

Le symbolos del unitates es scribite in minusculas excepte le symbolos derivate de nomines de personas. Isto significa que le symbolo del SI pro le unitate de pression es Pa, durante que le proprie unitate es scribite pascal. Tamben on debe notar que il non ha plurales pro le symbolos (on scribe 2 kg e non 2 kgs).




#Article 310: Svedia (648 words)


Svedia (officialmente le Regno de Svedia) es un pais in Scandinavia in Europa que se limita con Norvegia in le west e le nord e Finlandia in le est. Illo ha alsi un frontiera maritime con Danmark in le sud-west. Svedia ha costas al Mar Baltic in le est e le sud e al Skagerrak (un parte del Mar del Nord) in le west. Svedia ha 9 milliones de habitantes. Su capital es Stockholm. Altere grande citates es Göteborg, Malmö e Uppsala. 

Svedia es un monarchia democratic. Illo ha 21 contatos (län) qui es subdividite in 290 municipalitates (kommuner). 

Desde le 1 de julio 2009 le lingua svedese es lingua official in Svedia. Desde le anno 2000 il ha existite cinque linguas minoritari official: romani chib, meänkieli, sami, yiddish e finnese.

Su prehistoria comencia in le periodo appellate Oscillation de
Allerød,
circa in le anno 12000 a. C. durante le Paleolithico superior, con le
arrivata de gruppos nomade de chassatores-collectores al zona sud del
pais, characterisate per le uso de punctas de sagitta facite ex
petra. 

Le sud de Svedia esseva parte
del area ubi se disveloppava le Etate de Bronzo Nordic.
Iste periodo comenciava circa in le anno 1800 a. C. con le initio del
importation de bronzo ab Europa central. Le industria minerari non
esseva practicate dum iste periodo e quia le territorio non possede
grande depositos, tote le metallos esseva importate. Le Etate de
Bronzo Nordic
esseva completemente pre-urban: le gente deveniva sedentari e viveva
in parve villages e fermas, in domos communal facite ex ligno. 

In absentia del domination del
Imperio Roman, se considera que le Etate de Ferro svedese finalisava
in le momento del introduction in su terras del
architectura de petra e de ordines monastic circa le anno 1100 d. C.
Nam le registros scripte de iste epocha son de pauc credibilitate,
iste periodo es considerate protohistoric, illo es, que le registros
appareva depost le
periodo in question, e que illos esseva scripte in distincte areas, o
que le registros local e contemporanee son extrememente curte.

Un intento per le romanos por
extender lor imperio preter
le fluvios Rheno et
Elba esseva abortate in le anno 9 d. C., quando le germanos
annihilava le legiones roman sub le commando de Varo, al imboscar les
in le Battalia del Bosco de Teutoburgo. Circum iste epocha il habeva
un grande cambio in materia de cultura in Scandinavia, resultato ab
un major contacto con le romanos. 

Dum iste epocha le climate
impejorava, fortiante le
fermeros ad
albergar lor animales in hangars durante le longe hibernos. Isto
portava a un accumulation annual de stercore, que poteva esser usate
per le prime vice de forma systematic pro le inricchimento del solo.
Assi, le agricultura e le elevamento de bestias progressava e illos
deveniva le motor economic del prime citates. A principios del seculo
II, un grande parte del solo cultivate del sud de lor terras esseva
dividite in  lotes con barrieras parve facite ex petra. De un latere
del muro se incontrava le terrenos pro le semination e le pratos pro
le forrage de hiberno, dum que del altere latere esseva le bosco e le
terra pro le pascer del bestias. Iste division del terra esseva usate
usque le seculo XIX.

In le protohistoria, Svedia
entrava con le libro Germania
de Cornelio Tacito in le anno 98,

le pauc information que illo reporta re iste lontan area ha essite
estimate como incerte, nam
illo mentiona varie tribos, como le suiones e le lappones de seculos
posterior. Concernente
lor scriptura, le alphabeto runic esseva inventate per le élite del
sud de Scandinavia in le seculo II, sed toto lo que ha arrivate al
presente son breve inscriptiones sur artefactos, principalmente
nomines masculin, evidentiante que le populos del sud de Scandinavia
parlava proto-nordic in ille epocha, un idioma ex le qual se derivava
le svedese e altere linguas nordic. 




#Article 311: Scotia (233 words)


Scotia [skó-tsia] es le nation le plus al nord del quatro que forma le Regno Unite. Scotia se extende super un tertio del superficie total de Grande Britannia. Le nomine de Scotia proveni del termino latino Scottia que significa terra del scotos (scoteses). In gaelico le pais se appella Alba.

Scotia coperi circa 81 610 km², con un longitude de 441 km de nord a sud, e varia inter 39 e 248 km del costa est al west. Illo es dividite in duo areas geographic e linguistic: le terras basse (Lowlands) e le terras alte (Highlands).

Actualmente le pais ha un population de alco plus de cinque milliones de habitantes, con un densitate medie de 66 personas/km².

Le lingua official es le anglese mais in alcun zonas del nord e west se conserva le gaelico que es un lingua celtic, e scots que es un lingua germanic.

Le elementos cultural per excellentia es le bagpipes (cornamusa), le kilt e le whisky, assi como le systema social basate super clans. Le joco de golf es etiam de Scotia.

Ben que le citate le plus grande es Glasgow, le capital es Edimburg, un del plus belle citates del nord de Europa. Un grande parte de su population de circa 500 000 es studiantes, e su festival annual es famose in tote le mundo. Denominate le Athenas del nord, illo es le sede del parlamento scotese.




#Article 312: Switza (235 words)


Le Confederation Switze (etiam nominate Confederation Suisse, Confederation Helvetic, brevemente: Switza , Suissa o Helvetia) es un pais in Europa central cuje vicinos es Germania al nord, Francia al west, Italia al sud, e Austria e Liechtenstein al est.

Le linguas official de Switza es germano, francese, italiano, e rhetoromano.

Le pais es etiam cognoscite sub su nomine latin, Confoederatio Helvetica (CH).

Switza es in le cruciata de alicun del grande culturas europee, le quales ha influentiate le lingua e le cultura del pais. Switza ha quatro linguas national: le germano, le francese, le italiano, e le romancio. Le tres prime linguas es anque linguas official e le romancio es official solo quando le autoritates vole communicar se con personas que parla iste lingua. Le governamento federal debe communicar se in le linguas official e in le parlamento federal ha un interpretation simultanee in germano, francese, e italiano.

Le citates le plus grande del Confederation es: Zurico con ca. 410.000 habitantes; Geneva con ca. 210.000 habitantes; Basel con ca. 200.000 habitantes; Berna con ca. 130.000 habitantes; Lausanna con ca. 125.000 habitantes; Winterthur con ca. 105.000 habitantes; Sancte Gallo con ca. 75.000 habitantes; Lucerna con ca. 63.000 habitantes; e Lugano con ca. 55.000 habitantes.

Switza non ha un religion statal benque le plus parte del cantones recognosce lor proprie ecclesias official.

Le precursores del Confederation Switze ha declarate lor autonomia del Sacre Imperio Roman in 1291.




#Article 313: Stanton Macdonald-Wright (2275 words)


Stanton Macdonald-Wright (1890–1973) esseva un artista, 
specificamente un pictor. Ille nasceva in 
Virginia, Statos Unite de America. Ille studiava in 
Paris, Francia, ubi ille incontrava famose artistas 
como Picasso, Matisse e Cézanne. A iste tempore, ille 
incontrava un altere artista statounitese, Morgan 
Russel, e illes inventava le ‘synchronismo’, un movimento 
de arte que vole crear emotion con color. In 1915, 
durante le Prime Guerra Mundial, ille lassava le mundo 
de arte parisian pro le nove mundo de arte neoyorkese, 
e postea pro California del Sud, a que ille portava le 

exposition de arte moderne in Los Angeles.

Ille esseva un del prime artistas occidental a devenir 
interessate in Zen e in le arte e cultura oriental. In su 
annos posterior, plus e plus frequentemente ille visitava 
Japon. Ille relinqueva su stilo abstracte, e habeva un 
periodo de picturas figurative, inspirate per (e 
usante) formas e colores japonese. In le annos final de 
su vita, ille retornava al synchronismo, mais su colores 
esseva plus clemente, tranquille e contemplative; multo 
inspirate per le arte e philosophia japonese.

Stanton Macdonald-Wright nasceva in 1890, in 
Chalottesville, Virginia, SUA. Su patre esseva un pictor 
amateur, e incoragiava le interresses artistic del Stanton 
juvene. Quando Stanton habeva 10 annos, le familia 
cambiava de casa a Santa Monica, California. Resistente le 
pression de su familia, pro aspirar a un carriera in 
medicina, Stanton essayava (infructosemente) escappar a 
Japon, e (fructosemente) studiar arte in Los Angeles.

In 1907, habente dece-septe (17) annos e maritate (le anno 
previe) a un femina ric de vinti-duo (27) annos, ille 
viagiava a Paris, pro gauder del vita bohemian del 
artista avant-garde (ben que sin le povressa normalmente 
associate con isto). Ille dicerea plus tarde: ‘Io me senti a casa in 
le traditiones europee proque, [...] io habeva 
parlate francese alcun vices al cena e espaniol al prandio, 
assi io esseva basicamente trilingue como infante’. 
Ille anque studiava a varie institutiones de arte, 
includente le Sorbonne, a que ille incontrava Henri Focillion,
qui le introduceva al arte e philosophia oriental.

probabilemente le esthetico le plus magne con qui io 
studiava al Sorbonne, in Paris, quando io esseva un 
homine multo juvene per illac. Su nomine esseva 
Focillion. Ille es le homine qui es recognoscite, 
probabilemente in tote le mundo, como le esthetico 
le plus magne del epocha moderne; ille es un typo multo 
dulce. E ille me diceva un die: ‘Io sape nihil del arte 
oriental, ma io crede que illo ha multe importantia’.

On debe notar que 1907 es le anno in que Picasso 
pingeva ‘Les Demoiselles d'Avignon’, le pictura 
considerate como significar le nascentia de arte moderne. 
Stanton colligeva arte, includente obras de Cézanne, 
per qui ille esseva (como tote le alteres, on debe notar) 
multo influentiate.

Cézanne esseva influentiate per ille. Cézanne esseva un 
grande fonte, de que multes de ille pueros [= homines 
como Othon Friesz] prenderea un cuppa; mais le fonte 
esseva ja illac, effundente. E sin Cézanne il non haberea 
alcun disveloppamento de pictura moderne.

In 1911, ille visitava London, Rotterdam, Amsterdam, 
Dordrecht, Antwerpen, e Brussel. Ille incontrava Morgan 
Russel, un altre Statos Unitese expatriato. Russel le 
conduceva al atelier de Percyval Tudor-Harte, un 
English theorista de color e pictor (e, secundo 
Stanton, perfectemente absolutemente folle). Ambes del 
duo studiava e laborava con Tudor-Harte, e 
profundamente studiava theoria de colores.

Stanton e Russel assisteva al varie soirées of Gertrude 
and Leo Stein, a que Stanton incontrava Picasso, Rodin, 
e Matisse. Ille anque cognosceva Man Ray e multe altre 
ora-famose artistas in Paris a iste tempore.

In 1912, quando Vorticismo esseva actual in Anglaterra, e 
Cubismo habeva su phase le plus productive, Stanton e 
Russel fundava Synchronismo, un nove ramo abstracte de 
Cubismo que considerava color esser le materia prime de 
arte. Illo resimila proximemente le Orphismo practicava 
per  al mesme tempore. Il pare que iste 
ha essite notate antea, e Stanton reproba:

legite le prime calalogo de Synchronismo del exposition 
Bernheim Jeune de 1913, o del exposition Nue Kunst 
Salon in Munich del mesme anno comprenderea que nos nos 
rideva de Orphismo e de Delauney in despecto del facto 
que Delauney esseva un de mi amicos intime. [...] Le 
ration de nos esser assimilate a illo [Orphismo] es 
porque nos esseva le prime personas distaccar se del 
genre monochromatic de obra que esseva facite per Cubismo 
a ille tempore.

[ille avantia al similaritates]

Delauney habeva un senso del color plus delicate, senso 
de color plus incantante. Delauney probabilemente esseva 
exactemente al centro del tradition Français de su plus 
magnific qualitate decorative, justo como Braque esseva 
plus tarde.

Como Kandinsky, Vorticismo e altre contemporanee alora 
artistas e movimentos abstracte, Synchronismo se 
explicava per analogia con musica. Picturas Synchonista 
esseva appellate ‘Synchronias’, un parola que 
proximemente resimila ‘Symphonias’.

de sono, e le parola synchronia significa ‘con color’ 
como symphonia significa ‘con sono’. Illes credeva que 
per pictura in scalas de color in le mesme maniera que 
on compone con scalas musical, on pote crear picturas 
que evocarea sentimentos musical in le spectator. 
Europeos al tempore sapeva super iste theorias e esseva 
agitate super illos.

vadente harditemente a in le incognoscite, nos habeva 
habite le habilitate de luctar de natura su secrete pro 
ducer pictura a su puncto le plus alte de intensitate.

In 1913, Stanton e Russel habeva duo expositiones 
duple, le un in Munich, e le altre in Paris. Alora, le 
duo les movava a Neo York, e Stanton seperava de su 
sposa. Le anno depost, 1914, illes habeva un nova 
exposition in commun in Neo York. In su introduction in 
le catalogo del exposition, illes scribeva:

colores in su relation a forma, nos nos ha applicate a 
un studio proxime del relationes harmoniose de iste 
colores de un al altres. E, como un resulto del 
incorporation de iste colores a in forma-gamut, illos 
transmitta le notion de tempore in pictura. Illes da le 
illusion que le canvas se disveloppa como musica, in 
tempore, e ambes del picturas vetule e moderne existe 
strictemente in spatio. Con un reguardo illos pote 
esser sentite in su integremento.

Alora illes retornava a Paris, e alora a London a causa 
del guerra. Illes demora con le fratre senior de 
Stanton, Willard Huntington-Wright. In 1915, Stanton e 
Willard scribe junctamente un libro, ‘Arte Moderne: Su 
Tendantia e Signification’. Alora illes retorna a Neo 
York, SUA, e ambes del fratres adjuta organisar un 
exposition gruppo ambitiose mais disappunctante: ‘Le 
Exposition Foro de Pictores American Moderne’. Stanton 
faceva alcun labor de inseniante, e habeva un 
exposition solo in 1917, ben que poco vendite.

In 1918, ille sortiva de Neo York, e retornava a casa a 
Los Angeles, California.

Testamento de Sancte Pablo; 3–6: Gruppos es formate 
et Synchronismo codificate.

California, e le resto del costa occidental del SUA, 
esseva virtualmente totalmente innocente de arte moderne 
in 1918. Impressionismo ja esseva considerate esser quasi radical.

In 1920, Stanton commenciava experimentar con film. 
Ille creava un film le longe metrage, mais illo esseva 
destruite in un foco. In le anno mesme, ille organisava 
le prime exposition de arte moderne al ‘Le Los Angeles 
Museo de Historia, Scientia e Arte, Exposition Parco’, 
titulate ‘Exposition de Picturas per Modernistas 
American’. Ille anque dava plure lectiones illac, sur 
le topico de arte moderne.

In 1923 ille commenciava inseniar al ‘Los Angeles Liga 
de Studentes de Arte’, a que ille habeva studiate 
previemente ante de movante se a Paris. Tosto, ille 
prendeva le position de director, e tene le posto pro 
dece (10) annos. Ille anque organisava le ‘Prime 
Exposition del Gruppo de Artistas Independante de Los 
Angeles’; le Gruppo de Artistas Independante de Los 
Angeles deveniva un gruppo artistic importante in le region.

In 1924 ille scribeva ‘Un Tractato sur Color’, 
summarisante le methodo Synchronista. Iste es 
probabilemente su plus importante obra literari.

graphicos de spectros facite per mano, que io spera 
vender a US$ 10 le pecia. Iste es in le manos de Deo.

Le anno depost, 1925, ille organisava le ‘Obreros de 
Arte Moderne’. Iste deveniva un altre collective 
importante de artistas in California. Ille anque 
organisava varie expositiones de arte moderne in le 
annos depost.

In 1927, le Museo de Los Angeles regalava 

Anque, Stanton scribeva e dirigeva theatro Synchronista 
in Santa Monica, usante un apparato ille inventava pro 
projecta color. Ambes de ille e Russel habeva essite 
interresate in facente un machina de lumine kinetic 
post que illes esseva in Paris; iste esseva un importante 
prime essayo (le project esseva realisate finalmente e in 
plen magnitude in 1959).

Durante le 1930s, ille creava un cyclo importante de 
picturas mural pro le Biblioteca Public de Santa 
Monica, monstrante arte, scientia, e pensatores magne 
de tote partes del mundo e del tempore. Ille esseva anque 
implicate in un numero de expositiones in Neo York e 
California, e ille deveniva le prime supervisor del 
districto, e plus tarde del stato, pro un organisation 
Statos Unitese governamental connexe con arte 
(‘Projecto de Artes Federal/ Projecto Obras 
Administration’). Plure vices ille refere a iste 
projecto como ‘Regressante arte per 150 annos’ in le 
region. Ille anque dice:

iste politicos e le gente qui esseva chefes de industrias 
por incoragiar illes dar dece percento del costo de 
eriger alcun statuas o picturas que illes non besonia e 
non vole haber, e io debeva ir ci e illac e intimidar 
illes e alora io habeva — a un vice io habeva cinque 
illac qui esseva scribente litteras ci e illac tote de 
que esseva de nulle importantia possibile o le un via o 
le altre.

Anque, in 1933, ille scribeva ‘Un Base de Cultura’, un 
studia de arte in tote le mundo (non publicate). In 

In le 1940s, ille habeva plure expositiones major, e 
comenciava instruer arte oriental e contemporanee a 
.

In 1951, su sposa moriva. In 1952, ille se re-maritava, e 
anque viagiava a Tokyo pro studiar Chinese e Japonese 
pictura e sculptura, e anque pro instruer in Tokyo, 
como un Professor de Fulbright. Ille resignava de UCLA 
in 1954 a causa que mal sanitate. In 1956 il habeva un 
retrospective major del obras de Stanton. Ille dice al tempore:

stupefaction, proque io habeva facite un grande 
circulo, veniente post 35 annos a un arte que era, 
superficialemente, non dispare al canevases de mi 
juventude. Totevia, in le fundo il habeva un 
differentia grande. Io habeva complite un realismo 
interior... Iste es un senso de realitate que non pote 
esser vidite, mais es evidente per sentimento.

Post decennios de essayos e fallimentos, in 1959 Stanton 
faceva le prime version del Synchrome Kineidoscopo, le 
machine de lumine super que ille e Russel habeva essite 
theorisante post que 1913. Willard, le fratre de 
Stanton, scribeva un libro super le machina teoretic 
titulava ‘Le Futuro de pictura’ (le copia que Stanton 
ha es datava 1923; ille dice que illo debe esser un 
reimprimer e ille pensa que illo esseva scribite in 1915).

Circa 1960, Stanton esseva date un domo in le monasterio 
in que ille viveva in 1939. Iste suggere que ille esseva 
venerate ben in Japon a iste tempore. Ille commenciava 
viver illac in le monasterio pro le plus parte de su 
tempore. De ille tempore tote de su pictura esseva 
facite in Japon.

illes jammais permitte sur le terreno); le domo in que 
nos vive ha le mesme dimensiones, al medie metro, como 
iste casa in que tu es ora. [...] illo es orientate in 
exactemente le mesme direction; e illo es dividite in 
exactemente le mesme maniera como al cameras. 
Coincidentia estranie, e ille coincidentia es le cosa 
que me da le domo. Quando le episcopo chef discoperite 
iste, e varie altre coincidentias extraordinari, ille 
deveniva convincite que io habeva vivite illac in 
tempores passate. [Intervistator interrumpe] Assi ille 
ma dava le domo pro le duration de mi vita.

[...]

Illo [le monasterio] es le fundamento original de Zen 
in Japon; le original. Illo esseva fundava per Eisai. E 
iste anno [...] marca le anniversario de 750 annos del 
morte de Eisai Zeshi. E le tumba de Eisai es intra le 
distantia de jectante de mi studio: io significa que io 
pote attinger trans a illo con un canna de pisca. Illo 
es ubi io vive.

In 1962 ille suffreva un attacco cardiac, mais se
recuperava. In 1964–1965 ille laborava con Cliff 
Karhu in Tokyo sur un serie de vinti (20) imprimationes 
de bloccas de ligno in color titulate ‘Haiga’.

In 1964, ille esseva interviewate per un femina appellate 
Betty Hoag. Ille parla super su vita e le mundo de 
arte, super influentias Japonese e Europee, e varie 
personas. Ille dice multo super le varie murales etc. 
que ille faceva, or esseva implicate in, in le region de 
California. Interessantemente, ille assere que su pictura 
non es influentiate per ideas oriental:

Ille continua, e explica

possibile pro le mente occidental... alora, nos lo pote 
constatar assi: io va citar Jung e dicer que io pensa que 
il es plus periculose pro un mente occidental jocar 
con ideas oriental. Io non pensa que deberea jocar 
con illos del toto.

Presumabilemente isto es paraphrasante, e non un 
citation directe. E in plus:

studiava Japonese comprenderea le differentia absolute 
inter nostre methodo de pensante e illo que le Japonese face.

In despecto de isto, su periodo figurative usava formas 
e colores Japonese, e su plus tarde Synchromies, con 
titulos tal como ‘Volo del Papilion’ e ‘Tempore 
Subjective’, ha un sentimento pensative, fluxente e 
subtil, que es sin dubita connexe con su contacto con 
philosophia e arte Zen.

In alto, ille probabilemente vole dicer que il ha un 
differentia fundamental inter obras vermente oriental, 
e su obras.

In 1973, ille moriva de un attacco cardiac, al etate de 83 annos.




#Article 314: Sabbato (131 words)


Le sabbato es secundo le norma ISO 8601 le sexte die del septimana.

Initialmente le romanos lo appellava Dies Saturni (die de Saturno). Postea su nomine esseva cambiate in Sabbatum del hebreo Shabbat (die de reposo) proque in iste die le judeos adorava lor Deo.

In judaismo le sabbato es le die sancte septimanal. Pro tote le dies judee le initio es al poner del sol; le duration de sabbato es approximamente 25 horas, de 18 minutos ante del poner del sol de venerdi usque le tempore le proxime die quando le celo es tan obscure que tres stellas pote ser vidite (o sia visibile si le celo era clar). Le duration es plus que 24 horas proque un margine es includite pro assecurar que le periodo sancte non es violate.




#Article 315: Sanguine (190 words)


Le sanguine [sán-gwi-ne] es le fluido que circula per le vasos sanguinee. Illo es le sol texito liquide del animales. Illo contine cellulas rubie, cellulas blanc, e plachettas, e un liquido pallide appellate plasma. 

Iste liquido age como un medio fluide pro le suspension del cellulas sanguinee e substantias pro le coagulation del sanguine. Illo etiam transporta nutrimento dissolvite al texitos del corpore; al mesme tempore illo remove le discargas residual del texitos e les livra al organos de excretion como le renes e le pulmones.

Le cellulas rubie del sanguine contine hemoglobina, le pigmento rubie que porta oxygeno. Assi le sanguine porta oxygeno a omne texitos del corpore. Le cellulas blanc del sanguine es parte del defensas del corpore contra infectiones. Alcunes de illos ingluti bacterios e viruses e destrue los, ancora alteres produce proteinas e anticorpores pro combatter le infectiones.

Le plachettas es parve cellulas que circula in le sanguine pro impedir e cessar le fluxo de sanguine foras del vasos (un hemorrhagia), e promover le coagulation del sanguine in un vulnere. Le cellulas del sanguine, rubie, blanc e le plachettas es elaborate in le medulla del ossos.




#Article 316: Sofia (107 words)


Sofia (lingua bulgare: София) es le capital de Bulgaria, con un population de 1.246.791 (le dece-quinte plus grande citate in le Union Europee) e de 1.377.761 habitantes in le area metropolitan. Illo es situate in le west del pais, al pede del montania massive Vitosha, e es le centro administrative, cultural e economic del pais.

Sofia es un del citates le plus ancian in Europa e ha un historia que comencia in le 8e seculo aEC.

Le romanos fundava le citate sub le nomine de Ulpia Serdica.

StGeorgeRotundaSofia.JPG| 
Sof.University~1935.jpg|
Narsob3.jpg| 
File:Bulgaria-Sofia-01.JPG|NDK
File:Central Bus Station Sofia 2012 PD 08 21.jpg| Station central del bus
File:1-Sofia-parliament-square-ifb.JPG|Assemblea National in Sofia




#Article 317: Secta (348 words)


Secundo su origine etymologic, secta designa le selection arbitrari de un doctrina o de un puncto de doctrina al damno del alteres, pro attribuer lo un importantia fundamental o discriminante in le theoria o in le practica.

Ab lat. secta, ab le verbo sequor sequer, o plus tosto ab le verbo seco secar. Illo traduce generalmente le vocabulo grec del Nove Testamento airesis ab le qual deriva heresia. Airesis a su vice, deriva ab le verbo grec aireo io prende, aireomai io prefere, io selige.

Le selection, o al minus, un importantia exaggerate, in emphase excessive, de un aspecto del fide o del vita christian, ha frequentemente, como consequentia, un attitude sectari, illo es un adhesion exclusivista al conception seligite e un condemnation explicite o implicite de illes qui non lo condivide. Le attitude sectari pote portar al creation de un specific secta (in le senso de partito in le contexto del ecclesia, o in le senso de un organisation socialmente e administrativemente independente).

Le termino airesis non habeva, originalmente alicun senso pejorative. Le grecos appellava con iste nomine le scholas philosophic (p. ex. le stoicismo). Flavio Josepho lo utilisava pro indicar le currentes theologic del sadduceos e del phariseos (assi tamben le Actos del Apostolos, cfr. Act. 5:17; 15:5; 26:5). In Act. 24:14 le Christianismo ipse es presentate como le via que le judeos appella airesis (secta, currente theologic? o plus tosto ja in le senso que iste termino certemente ha in le secunde seculo A. D., heresia? Es plus probabile le prime hypothese, mesmo si in senso depreciative). Le significato de heresia es plus probabile in 2 Pe. 2:1.

Durante que Interlingua adoptava le latinismo secta pro significar lo que le grecos intendeva con airesis, illo es: un organisation religiose separatista; un denomination, ecclesia, o gruppo con credentias aberrante e extra-biblic, heresia remaneva le significato de selection de un dotrina errate, heterodoxe.

Vide tamben, in le Nove Testamento, in ultra al passages ja mentionate, Act. 24:5; 28;22; 1 Cor. 11:19; Gal. 5:20. In iste duo passages, le apostolo Paulo condemna le divisiones in le communitates christian.




#Article 318: Septuaginta (241 words)


Le Septuaginta [sep-tu-a-gín-ta] (septanta) o LXX in numerales latin es le nomine date al prime traduction grec del Vetere Testamento e de multe apocryphos. Illo es etiam cognoscite como Biblia del Septanta (o anque Biblia del LXX), Biblia Alexandrina. 

Le nomine de Septuaginta se debe a que le tradition judee, transmittite in le Epistola de Aristeas, attribue su traduction per 72 sagios judee (sex de cata tribu) en 72 dies.
Illo se denomina etiam Alexandrina per haber essite facite in Alexandria e esser usate per le judeos de lingua grec in vice del texto in hebreo.

Un legenda judaic (Littera de Aristea) conta que le traduction esseva facite in exactemente le mesme maniera per septanta eruditos judee del diaspora. In realitate, le Vetere Testamento esseva traducite in greco gradualmente durante le 3e e 2e seculos aEC per plure traductores, a comenciar ab le Pentateucho, pro render accessibile le Biblia al judeos del diaspora particularmente in Egypto in le lingua que esseva familiar a illes. Iste operation comportava plure modificationes e alterationes de senso in comparation con le texto hebree.
Illo es le principal version grec per su antiquitate e autoritate. Su redaction se initiava in Alexandria in Egypto in le 3tie seculo aEC, e se concludeva probabilemente in le 1me seculo EC.

In le Ecclesia antique, le texto del LXX representava le forma le plus autorisate del Vetere Testamento. Illo es fundamental pro comprender le Christianismo e le cultura occidental mesme.




#Article 319: Sola Scriptura (105 words)


Sola Scriptura es un expression latin que significa solmente le scriptura. Le doctrina que recognosce le Biblia como le sol norma, regula del fide e del pratica. 

Le phrase latin Sola Scriptura summarisa le principio del Scriptura (A. Scripture principle). Isto es le theoria, particularmente associate con le theologos reformate, que assere que le practicas e le credentias del Ecclesia debe essere radicate in le Scriptura (le Biblia). Nihil que non poterea esser demonstrate ex le Scriptura pote esser considerate vinculante sur le credente. 

Le primatia del Scriptura es le uso del Biblia como supreme autoritate del christianos in materia de fide e de practica.




#Article 320: Structuralismo (145 words)


Le structuralismo [struk-tu-ra-lís-mo] es un approche general in varie disciplinas academic que explora le interrelationes inter elementos fundamental de alcun genere, super le quales alcun plus alte structuras mental, linguistic, social, cultural, etc. es construite, per le quales significato es alora producite intra un particular persona, systema, o cultura.

Le structuralismo appareva in le psychologia academic pro le prime vice in le 19ne seculo e postea reappareva in le secunde medietate del 20me seculo, crescente a devenir un del approches plus popular in le campos academic concernente le analyse del lingua, cultura, e societate. Le obra de Ferdinand de Saussure es generalmente considerate como un puncto de initio del structuralismo del 20me seculo. Como in omne movimento cultural, le influentias e disveloppamentos es complexe.

Le structuralismo ha essite applicate in le psychologia (19ne seculo), linguistica, anthropologia, philosophia del mathematica, e in le criticismo litterari semiotic.




#Article 321: Spirito Sancte (1622 words)


In le theologia christian (Christianismo), le Spirito Sancte es le tertie componente del divinitate, insimul a Deo Patre e le Filio Jesus Christo. Su mission es de render testimonio al veritate del Evangelio de Christo, de render efficace in le humanos le vocation al fide in Christo, de regenerar, consolar e de sanctificar le fideles. Le Spirito Sancte non ha un corpore material, sed Ille es un personage spiritual. Le tres membros del divinitate, le Patre, le Filio e le Spirito Sancte ha un sol e mesme scopo, ma illes es tres esseres separate e distincte cfr. Trinitate.

Le illumination del Spirito Sancte es un introspection inspirate supernaturalmente. Le electos es illuminate per le Spirito Sancte pro comprender le veritate del Evangelio de post lor regeneration. Le Spirito Sancte in le vita del christianos illumina le significato del Scriptura a lor mentes.

Essayo: le Spirito Sancte in le Biblia:
(per Paolo Castellina)

Le termino Spirito Sante traduce le heb. ruach elohim, Spirito de Deo, ruach hakodesh, Spirito de sanctitate; gr, pneuma hagion.

Le termino Spirito Sante es usate in le Biblia in le sequente maniera:

In le Vetule Testamento le Spirito de Deo es le manifestation de Su potentia, de Su directe operation, le qual age super le cosas (Isa. 42:5) e super le homines (Jer. 41:38; Jud. 3:10; Isa. 42:1). Su action in le VT es, tamen, occasional e momentanee (assi in Saul, 1 Sam. 19:20; Sanson, Jud. 25; 24:6,19) e Ille age sovente como fortia irresistibile. In Gen. 1:2, il pare melior traducer, non Spirito de Deo, ma un vento que veni ex Deo, o un vento multo forte. Il es semper un dono occasional e limitate. Solmente in le tempore futur le Spirito essera diffundite ab alto (Isa. 32:15) e date a tote le populo (Exo. 39:29; Isa. 44:3; Joe. 2:28 ss.). Le Spirito de Deo da fortia al guerrero (Jud. 14:6), es spirito de guida e consilio pro le chefes del populo (Is. 11:2), es Spirito de sapientia (Pro. 1:23), es dono de capacitate artistic (Exo. 31:3; 35:31), e, finalmente, es spirito prophetic (2 Sam. 23:2: Le Spirito del Senior parlava in me e Su parola es sur mi lingua; crr. Num 24:2, e inspiration.

obra del Spirito (Act. 10:38), per le qual Ille poteva expeller demones (Mat. 12:28); Su Parolas es Spirito e vita (Joh. 6:63). Le relation inter Jesus e le Spirito es tanto stricte que Joh. 7:37 pote asserer que Le Spirito non esseva ancora, proque Jesus ancora non habeva essite glorificate; durante que solmente per Jesus Ille 
es communicate al homines.

Depost le ascension, le Spirito es date al Ecclesia in le Die del Pentecoste (Act. 2:1 e seq.): Petro, in su discurso, se refere explicitemente al mentionate prophetia de Joel 2:28 e seq. Tote le libro de Actos monstra como le Spirito crea, face crescer e guida le Ecclesia (Act. 4:8; 6:10; 9:31; 13:4 etc.). On pote dicer que le Spirito es le protagonista del historia apostolic. In le epistolas de Paulo nos vide que le Spirito distribue Su donos pro le edification del Ecclesia (1 Cor. 12:7-13). Lo Spirito Sancte es Jesus ipse que demora durante omne seculos in Su Ecclesia. Assi, ante a quitar les, Jesus dice a Su discipulos que Ille retornara, e Ille annuncia le venita del Spirito (Joh. 14:16-19; 16:7). Su function es illo de guidar, de consiliar, e de supportar (cfr. Advocato).

Como in le Ecclesia, assi le Spirito Sancte opera in le singule credente como principio de vita nove e ille preside a su nascentia spiritual. Pro isto on parla de un baptismo de Spirito Sancte como comenciamento del nove vita del credente (Mat. 3:11 e par.; Act. 1:5; 11:16; etc.). Le Spirito es le comenciamento e le agente del nove vita (Joh. 3:3-8), le pignore del resurrection (1 Cor. 15:20-23), potentia de regeneration (Rom. 8:13 e seq.). Ille da le certitude del adoption a filios de Deo (Rom. 8:15-17), Ille revela realitates celate (Joh. 16:13; 1 Cor. 2:10 e seq.), Ille guida le preces del credente e Ille intercede apud Deo con suspiros inenarrabile (Ro. 8:26,27). Le Spirito es le potentia de Deo que obra in le credente e in le Ecclesia, le fonte de tote le realitate del vita christian. Le plus grande bon desiro que le Apostolo pote formular es que, con le gratia del Senior Jesus e le amor del Patre, sia presente in le Ecclesia le plen perticipation (koinonia, communion) del Spirito Sancte (2 Cor. 13:13). Tote le vita del credente debe esser conducite e guidate per le Spirito (Gal. 5:16 e seq.).

In le doctrina neotestamentari in re le Spirito Sancte, il conveni specificar le sequente elementos:

a) Le Spirito es le presentia e le action de Deo. Le Nove Testamento assere clarmente que le Spirito Sancte 
es personal assi como Christo e Deo ipse. Ille non es un entitate generic spiritual, ni un idea o un qualcosa, 
ille es Alicuno. Le Spirito testifica, parla, instrue, accusa, convince. Ille non es simplemente le objecto de un 
dono, Ille es alsi le subjecto donator. Ille non es solmente vita, Ille es creator del vita: Ille es le vivificator 
(Joh. 6:63). Benque Ille se dustingue del Patre e del Filio, le Spirito Sancte, totevia, e tanto conjuncte al 
Patre e al Filio, que in le Spirito, sia le Padre, sia le Filio, es presente e operante (Joh. 124:18-23). Cfr. 
Trinitate.

b) Iste presentia e iste action de Deo esseva realisate perfectemente in Christo. Le Spirito Sancte, de facto, es Deo que vade ab un loco al altere, ab le altor de Su majestate, al bassessa de nostre peccato, ab le sanctitate de Su gloria, al miseria de nostre debilitate. On non pote conciper le Spirito Sancte independentemente de Christo. Ille non es qualcosa de novo apud Christo, o preter Christo, in un dominio natural e supernatural, differente de Su regno e de Su Parola: Ille prendera del mie e lo annunciara vos (Joh. 16:14). Le Spirito Sancte es le Christo annunciate e obedite; Ille non es qualcosa in plus de lo que jam nos esseva date in Christo, ma Ille es iste mesme dono, actual, vivente. Ille non adde alco de novo al obra de Christo, ma in le Spirito Sante il es le Christo vivente que retorna apud le Sues (Joh. 14:18).

c) Le Spirito del Parola. Le Spirito Sancte es le Spirito del Patre e del Filio. Ergo Ille non es un spirito proxime al Parola, ma le Spirito del Parola ipse, que face audir le Parola e nihil altere que le Parola. Le consequentia de isto es que le Spirito Sancte non es un architecto de nove revelationes, nam lo que Christo promitte es un Spirito que confessa Christo e subscribe le inseniamento del Evangelio. Le Spirito Sancte, ergo, readressa le credente a Christo incarnate, le qual le attende in Su Parola, depositate in le Scriptura. Il es le function del Spirito illo de render interior, actual, le Revelation de Deo in Christo. In le homine natural, il non ha possibilitate de decision pro Deo, il non ha alicun capacitate pro le Revelation. Il es le Spirito Sancte que rende nos possibile le Revelation de Deo e lo rende real pro nos. Il es per le Spirito Sancte que le credente crita: Abba! a Deo (Rom. 8:16; Gal.4:6), e Kyrios Jesus a Su Senior resuscitate (1 Cor. 12:3). 

d) Le Spirito Sancte, elemento del fin. Con le resurrection de Christo, in le mundo entrava un potentia de vita: le Spirito Sancte. Ille es jam le grande anticipation actual del fin. Isto indica le terminos de Paulo: primitia (Ro. 8:23), e arrha (2 Cor. 1:22; 2 Cor. 5:5). Petro, in le die del Pentecoste (Act. 2:16 e seq.), in referer se a Joel 3:15, monstra in maniera evidente que ille videva in le effusion del Spirito Sancte sur le communitate, un signo del facto que le ultime dies jam comenciava, illo es, que on entrava in un nove periodo, in le qual le historia del salvation perveniva al fin.

e) Per le Spirito Sancte, le vita del resurrection jam entrava in nostre mundo. In le Nove Testamento, le resurrection de Christo (vide resurrection), e le Spirito Sancte, es strictemente unite. Non solmente le apostolo Paulo (Rom. 1:4), ma alsi Petro (1 Pet. 3:18), vide in le Spirito Sancte le potentia per le qual Deo operava le resurrection de Christo. Secundo le Evangelio de Johannes, solmente desde le glorification de Christo le Spirito Sancte entrava in le mundo (Joh. 7:39; 16:7). Le Spirito Sancte se manifesta jam nunc como un potentia de resurrection. Le baptismo, que confere le Spirito, es concipite como un resurrection in Christo (Rom. 6:3,4,5). Il es certemente ver que le transformation de nostre corpore carnal in corpore spiritual remane reservate al futuro (cfr. carne), ma le Spirito es vita (Rom. 8:6 e seq,) e Paulo monstra que jam nunc Ille renova die post die nostre homine interior (2 Cor. 4:16; Eph. 3:16). Le facto que Ille demora in nos credentes, es le garantia que in le futuro eschatologic, Ille rendera vivente nostre corpores mortal (Rom. 8:11).

(f) Le Senior resuscitate es presente e Ille opera in le Ecclesia per le Spirito Sancte. Tote le ministerios del cclesia es considerate de Paulo como charismas, como donos date per le Senior resuscitate - realmente presente in le Ecclesia - per le Spirito Sancte: Il ha diversitate de donos, ma il ha un sol Spirito. Il ha diversitate de ministerios, ma il ha un sol Senior (1 Cor. 12:4). Paulo, depost haber listate tote le donos e le ministerios del Ecclesia, conclude: Tote iste cosas los opera ille sol e mesme Spirito (1 Cor. 12:11).

Charisma, Pentecoste, Arrha, Advocato, Spirito.




#Article 322: Taoismo (159 words)


Le taoismo (secundo le systema de transcription Wade-Giles, in chinese 道教 pinyin : dào jiào. Un adoption plus moderne es daoismo) es como le confucianismo e un religion e un philosophia, e con le confucianismo e le buddhismo es un del tres philosophias traditional de China.

In contrasto con le confucianismo, le taoismo es fortemente anti-authoritari. Su message es de libertate e spontaneitate del individuo; le autoritate, si illo debe exister, sia discrete, face si pauco que possibile, que le populo crede a omne que facte es ipse faceva.

Le origine historic del taoismo non es certe. Saepe, Laozi, un contemporaneo de Confucio, es vidite como su fundator; un altere autor e pensator importante es Zhuangzi. Le religion organisate del taoismo era fundate durante le dynastia Han, quando illo era organisate secundo le modello del buddhismo ma con su proprie doctrinas. Le religion vulgar chinese, con su myriades de Deo|deos], immortales, spectros e spiritos, es sovente connectite al taoismo.




#Article 323: Theatro (206 words)


Le theatro es le branca del artes que se incarga del drama e le representationes dramatic al publico. Le parola theatro pote referer se etiam al edificio in le qual theatro es representate.

Le theatro era multe importante in le cultura de Grecia ancian. Le ludos era presentate in festas religiose sub le protection del Dionyso (le deo grec equivalente al Baccho roman). Le citatanos plus ric ha pagate pro le ludos; iste patronage era un forma de taxation. 

Ludos scripte per quatro dramaturgos grec in le quinte seculo ante del Era Commun ha essite preservate usque hodie: tragedias per Eschylo, Sophocles e Euripides, e comedias per Aristophanes. Nos ha le texto de solmente un altere ludo quasi-complete de Grecia ancian, cuje autor es Menandro, del quarente seculo a.E.C., un texto discoperite scripte in papyro in le anno 1952 E.C.

Le Theatro latin era influencite per le theatro grec, e alsi per le Etruscos. Le multe comedias scripte per Plauto circa 200 a.E.C. que ha essite preservate include Menaechmi, que William Shakespeare ha usate pro le base de su ludo Le Comedia de Errores. Comedias per Terentio, un dramaturgo roman del secunde seculo a.E.C., alsi ha essite preservate.

File:Panorámica interior del Teatro Colón (cropped).jpg| Un theatro




#Article 324: Testes de Jehovah (1370 words)


Le Testes de Jehovah (s) [tés-tes de je-ho-vá] es un gruppo religiose de ideologia millenaristic de radices christian-adventistas. Illes esseva cognoscite tamben como Studiantes del Biblia (Bible Students).

Le Testes de Jehovah comenciava lor historia moderne in 1875 con le fundation per Charles Taze Russell, in Pittsburgh (Pennsylvania), del Societate de Tractatos del Torre de Guardia (Watch Tower Tract Society, con le appellativo Zion's in 1884, e plus tarde in 1886 Bible. Hodie le Societate Watchtower es cognoscite como Societate Watchtower de Biblia e Tractatos, Watchtower Bible and Tract Society). 

In principio le credentes esseva cognoscite como Studiantes del Biblia ma in 1931 durante le secunde presidente del Societate Watchtower, Joseph Rutherford, illes assumiva officialmente le nomine actual de Testes de Jehovah (Jehovah´s Witnesses), inspirate de Isaia 43:10-12 pro dar gloria al nomine divin de Deo in le Biblia, Jehovah, e identificar se assi como personas qui da testimonio in quanto a Su Soveranitate e Su Regno. Desde su parve initios le organisation ha crescite a milliones de Testes, qui predica activemente le bon novas del Regno de Deo in plus de 240 paises.

Le fonte unic de su credentias e conducta es le Biblia, illes utilisa habitualmente le traduction proprie del Nove Mundo (1950-1961, in anglese e post traducite in altere linguas). Le publicationes del societate Watch Tower (desde Russell in avante) se considera un guida pro le correcte intendimento del Biblia, ma non infallibile: in varie occasiones il esseva necessari modificar punctos de vista depois un studio plus detaliate del Biblia. Illes crede in un Deo unic -Jehovah-, ma illes non crede Trinitate (termino que non se trova in le Biblia) proque secun le Biblia, Jesus Christo es le prime creatura angelic create per Deo, superior al alteres e con cuje collaboration Deo creava tote le altere cosas; e in plus le Biblia insenia que le Spirito Sancte es le fortia active impersonal divin. Lor fide in le Biblia e non in inseniantias de homines differentia les del christianistate con credentias trinitari (e.g. catholicismo, etc.). Illes crede tamben que le demonio lucta contra le Regno de Deo directemente e tamben trans le entitates terrestre que ille pote controlar (Mattheo 4:8,9): le commercio, le politica (le Statos, le ONU) e le religion (in special, le ecclesias que se defini christian, essente le plus prominente inter illos le Ecclesia Catholic).

Illes considera que nos vive in le ultime dies, e ergo illes centra lor vitas in attinger le approbation divin, lo que de maniera evidente illes demonstra per su obra de predication. Ergo le instruction secular e le successo in iste systema es considerate de secundari importantia. Usque poco tempore illes consiliava de sequer solmente le studios necessari pro trovar un empleo que les permitterea de mantener se, con le qual no multos decideva sequer le studios universitari. Hodie die, dato le crescente requisitos de parte del mercato del travalio pro trovar empleo, on considera que le instruction pote resultar necessari, e assi plus membros selige de sequer un carriera.

Le discipulos de iste fide ha le mission de testimoniar in omne le mundo, le existentia de Jehovah Deo e dar a cognoscer qual es su voluntate pro le esseres human e le Terra, disvelar le errores del religiones false, e viver un vita moral exemplar. Su doctrina proclama le retorno de Christo de forma invisibile in 1914 con le objectivo de assumer le governamento del Terra, assistite per 144.000 electe; illes crede tamben que, como indica le signos del tempores - odio, guerras, famine, infirmitates, catastrophes natural -, le battalia de (Harmagedon es imminente e que inaugurara le Millennio (le regno de Christo), tempore de proba in le Terra pro le Testes de Jehovah e pro multe altere personas resuscitate qui habera le occasion de apprender e subjectar se a Deo. Terminate iste periodo, inter le ultime proba e le judicio final, arrivara le regno de Deo e le justes vivera pro sempre in felicitate, sin dolor, sur le Terra transformate novemente in un paradiso como le Eden (salvo le 144.000 que vivera in celo con Christo), dum illes qui refusara de acceptar le commandamentos de Deo, morira definitivemente (on refusa le existentia de un inferno de tormento, ma le castigation per le peccato es le morte eternal, le non-existentia). Iste es, dunque, un interpretation non symbolic del libro symbolic del Apocalypse (del greco Revelation). 

Le diffusion de iste doctrina es facite principalmente per copulas de fideles, in conversationes amicabile e visitas domiciliari, oralmente o mediante brochures e libros; le auditores plus interessate es invitate a assister a su reuniones de studio del Biblia e su publicationes. Le ultra 8,6 milliones de Testes de Jehovah (8 683 117, estimation de 2019), es diffundite per practicamente tote le paises, in cuje linguas se edita su principal publicationes periodic: Le Turre de Guarda e Evelia vos!. Le societate Watchtower, entitate legal que illes utilisa como editorial, es considerate per alcunos como le major del mundo.

Multe Testes de Jehovah esseva assassinate per le nazis ante e durante le II Guerra Mundial. Sin respectar iste tragedia, tristemente, le oppositores del testes ha cercate de demonstrar que al principio illes adjutava le Partito National Socialista (NAZI), a stabilir se in le poter per su criticas al religion hebraic e le traditionales (catholic e protestante). Iste argumento manipula le facto que le testes sempre ha essite neutral in politica e illes esseva solmente criticate desde le prisma religiose (per su abandono del valores e credentias del christianitate nominal, e per su refusa de idolisar Christo), ma non como gruppos social.

Le major parte del congregationes del Testes de Jehovah se reuni tres vices per septimana. Vos es invitate a assister al reuniones (Hebreos 10:24, 25). Le Biblia es le base del inseniamento presentate. Le reuniones comencia e se termina per un precaria. In quasi tote le reuniones se canta de tote le corde cantos spiritual. (Ephesios 5:18, 19.) Le entrata es gratuite, il non ha collectas. Mattheo 10:8.

Le major parte del congregationes ha lor reuniones in un Sala del Regno, le qual es, per lo general un structura simple, construite per Testes voluntari. In le Sala del Regno vos non videra imagines, crucifixos o cosas similar. Le expensas son pagate gratias al offertas voluntari. Pro qui desira facer un offerta, il ha un cassetta pro contributiones. 2 Corinthios 9:7.

In cata congregation il ha ancianos, o surveliantes. Illes prende le directiva in le inseniamento in le congregation. (1 Timotheo 3:1—7; 5:17). Illes recipe le adjuta del servitores ministerial (1 Timotheo 3:8—10, 12, 13). Iste homines non son elevate super le resto del congregation (2 Corinthios 1:24). Illes non porta titulo special (Mattheo 23:8-10). Illes non se vesti in modo differente del alteres. Illes non recipe un salario pro lor labor. Le ancianos se occupa gratuitemente del necessitates spiritual del congregation. Illes pote offerer consilio e guida in momentos de difficultate. Jacobo 5:14—16; 1 Petro 5:2, 3.

Le Testes de Jehovah organisa tamben grande assembleas cata anno. In iste occasiones multe congregationes se reuni insimul pro un programma special de instruction biblic. Le baptismo del nove discipulos face parte del programma de omne assemblea. Mattheo 3:13—17; 28:19, 20.

Le sede mundial del Testes de Jehovah es a New York. La se trova le Corpore Governante, un gruppo de ancianos con multe experientia que dirige le congregation mundial. Le Testes ha succursales in plus de 100 paises, Le voluntarios qui servi in le succursales adjuta a imprimer e inviar publicationes biblic. Desde ille sitos se organisa le obra de predicar.

Description ab wikilibros 

Pro plus information in multe linguas visita:

Pro un brochura traducite a interlingua visita:

Le WayBack Machine a archive.org lo ha archivate:

Il ha varie gruppos con credentias similar, de minor dimension, separate in su majoritate inter le morte de Russell e le cambios realisate al tempores de Rutherford:

Trans le historia, multos ha considerate controvertite su doctrinas e practicas. Le natura public e global de su obra de predication, ha augmentate le opposition a illes, usque al puncto de suffrer attaccos per le governamentos - includente le persecution in le Holocausto- , e criticas generalisate de membros de altere religiones. Pro un discussion plus profunde, vide Criticas al Testes de Jehovah.




#Article 325: Talmud (181 words)


Le Talmud [tál-mud] (ab le hebreo lamad apprender, lamid, studiante, talmud, doctrina) in le definition plus stricte es un commentario (alsi appellate le Ghemara) in aramaico super le Mishnah; ma il es commun usar le termino Talmud como le nomine collective del Mishnah e del Ghemara. Le Ghemara (cuje etymologia es o del hebreo pro completion o del aramaico pro studio), scripte in aramaico, contine explicationes ulterior, debite al generationes subsequente de rabbines.

Se distingue duo Talmudes: illo de Jerusalem (appellate in hebreo le Talmud Yerushalmi), completate circa in le anno 400 del Era Comun e illo de Babylonia (le Talmud Bavli), plus ample, recente e importante, cuje completion es a poner circa 500 EC; referentias al Talmud sin plus clarification communmente indica le Talmud Babylonian.

Judaismo talmudic es le version de judaismo de plus de 99% del population de judeos hodie, circa 14 o 15 milliones de personas, sia orthodoxo o sia liberal. Le exceptiones son le Karaitas, gente de un secto judee que nunca ha acceptite le Talmud e cuje population es menos de 50,000, le majoritate in Israel.




#Article 326: Terra (805 words)


Le Terra es le tertie planeta a partir del Sol. Le terra es le plus grande del planetas terrestre in le systema solar in diametro, massa e densitate. Illo se appella etiam le Mundo.

Le Terra esse parte del systema solar, e orbita le sol con miles de objectos pauc e le altere planetas. Le systema solar, ipse, orbita le centro del galaxia Via Lactee.

Le Terra usa c. 24 horas pro rotar per su axe; iste rotation esse nominate un die. Le Terra usava c. 365 dies pro circumnavigar le Sol; iste circumnaviation esse nominate un anno, dividite a in quatre stationes basate in le location de Terra in su orbita. Le Terra esse (in medie) c. 150 million kilometros distante del sol, e orbita al velocitate de 30 km/s.

Le Terra reage reciprocamente con altere objectos in le spatio, includente le Sol e le Luna. Al presente, le Terra orbita le Sol approximativemente un vice pro cata 366,26 vices que illo rota circa su axe. Iste periodo de tempore es un anno sideral, equalante 365,26 dies solar. Le axe de rotation del Terra se inclina 23.4° ab le perpendicular verso su plano orbital, producente variationes saisonal in le superficie del planeta con un periodo de un anno tropic (365.24 dies solar).  Un bombardamento de cometas durante le historia initial del planeta jocava un rolo in le formation del oceanos. Plus tarde, impactos de asteroides causava considerabile cambios in le ambiente del superficie.

Le crusta terrestre se divide in plure segmentos rigide, o placas tectonic, le quales se displacia gradualmente per le superficie durante periodos de multe milliones de annos. Circa 71% del superficie se coperi con oceanos de aqua salin, e le resto consiste de continentes e insulas; le aqua liquide, necessari pro tote le vita cognoscite, non ha essite discoperite in le superficie de alcun altere planeta. Le interior del Terra remane active, con un spisse strato de mantello, un nucleo exterior liquide que genera un campo magnetic, e un nucleo interior solide de ferro.

Le Terra, como le altere planetas del systema solar, esseva formate cerca 4.5 billion (4'500'000'000) annos retro. Le planetas esseva facite del gas que restava del nebula que formava le systema solar juvene. Le origine del luna non esse intendite completemente, ma un hypothese commun esse que un planetta, Theia, collideva al Terra; postea, le mini-planetta esseva rumpite, e un fragmento escappava le superfacie del Terra, ma non su gravitate; iste fragmento prendeva orbita circum le Terra e deveniva nostre luna. 

Le sol cognoscite satellite natural del Terra, le Luna, le qual comenciava a orbitar lo ante circa 4,53 milliardos de annos, provide le mareas del oceanos, stabilisa le inclination axial e gradualmente decelera le rotation del planeta.Le Luna orbita le Terra a un distantia medie de c. 384 mil kilometros. Le luna esse fixate tidalmente al Terra: un specific latere del Luna sempre esse preste al Terra. Le orbita del Luna prende c. 28 dies; iste mense lunar esse le base de nostre mense, e su quarte partie esse le base de nostre septimana.

In le Terra vive milliones de species, includente humanos, e le planeta es le sol location cognoscite in le universo ubi existe vita. Le evidentia scientific indica que le planeta se formava ante 4,54 milliardos de annos, e que le vita appareva in su superficie durante su prime milliardo de annos. Postea, le biosphera del Terra ha considerabilemente alterate le atmosphera e altere conditiones abiotic in le planeta, permittente le proliferation de organismos aerobic e le formation del strato de ozono le qual, con le campo magnetic del Terra, bloca le radiation damnose, permittente le existentia del vita extramarin.

Le condensation de vapor, cometas e asteroides colpante le Terra creava le oceanos. Intra de un billion (1'000'000'000) annos, le prime vita terrestre evolveva. Alcun vita disvellopava photosynthese, que les habilitava que facer hydratos de carbon con le utilisation del lumine del Sol. Le evolution de photosynthese causava le creation de oxygeno atmospheric, que faceva le superfacie del Terra convenibile pro vita animal. Iste oxygeno etiam formava le strato de ozono, un gas conservatori que protegeva le vita juvene contra le radiation ultravioletto del sol. Iste strato de protection faceva possibile le migration de vita del oceano profunde al superfacie, e de illac al terra. In celle tempore, tote le terra esseva in un supercontinente, nominate Rodina.

Ambe le ressources mineral del planeta, etiam le productos del biosphera, contribue ressources que esse usate pro appoiar un population global human. Le inhabitantes esse gruppate a cerca 200 statos indepente e soveran, que reage per diplomatia, commercio e action militar. Le culturas de humanitate ha create plure differente opinions del planeta, como anthropomorphication como un dietate, un credentia in un terra platte, e un persepctivo moderne del mundo como un environmento integrate que require guardation.




#Article 327: Tetragrammaton (499 words)


Tetragrammaton es un termino grec que significa quatro litteras. Illo es usate pro referer se al nomine personal de Deo, revelate a Moses in Exodo 3:13–15. Illo es scribite in hebreo como יהוה. Illo es un sequentia de quatro consonantes (de sinistra a dextera: yod, he, vav, he), usualmente translitterate in le alphabeto latin como YHWH o JHVH. Le alphabeto hebraic esseva (e es, in parte) essentialmente consonantal, le vocales non esseva registrate.

Circa le anno 200 a.C., a causa de timor de infringer le quarte commandamento que prohibi de pronunciar le nomine de Deo in van, le judeos habeva cessate de pronunciar lo del toto. In le lectura public del Biblia, se stabiliva le tradition de pronunciar le titulo Adonai Senior, in vice del nomine JHVH. Consequentemente le pronunciation original de JHVH se perdeva durante le seculos.

Secundo le theoria plus acceptate, quando le schola del scribas masoretas, in le 9e e 10e seculos p.C., inventava un systema de punctos pro representar le vocales pro preservar le pronunciation del Biblia hebraic, illes se poneva le mesme problema: Qual vocales inserer in le nomine JHVH? Assi, illes decideva de prender le vocales de Adonai — a-o-a — e componer los con J-H-V-H, obtenente assi JaHoVaH. Le intention esseva rememorar al lector de dicer Adonai, in vice de JHVH.

Plus tarde, durante le Renascentia europee, resurgeva le passion pro le studio del linguas antique, hebreo includite, e de facer retornar le cultura europee al fontes grec e judaic. Anque le Biblia esseva, assi, facite retornar in le manos del gente in lor proprie linguas. Alora, le traductores trovava le graphia JaHoVaH introducite per le masoretas, e assumeva que illo representava le pronunciation real del parola. De isto resultava le parola Jehovah amplemente cognoscite hodie.

Alcun del prime traductiones al greco manteneva le tetragrammaton in litteras hebraic pro representar le nomine de Deo. Mais proque illo esseva frequentemente confundite con le litteras grec πιπι (pronunciate pipi), iste practica esseva abandonate. Prevaleva le uso del parola Kyrios Senior, traduction de Adonai.

In alcun Biblias moderne le parola Senior, in le instantias ubi illo representa le tetragrammaton, es scribite in litteras majuscule. Cf. Psalmo 110:1, citate in Mattheo 22:44:

In le tentativa de restaurar le pronunciation original de JHVH, recercas recente ha studiate le pronunciation de nomines hebraic antique. In Exodo 3:14, Deo dice que su nomine es ehyeh io es, prime persona singular del verbo hayah esser. JHVH es le forma del tertie persona singular de hayah, ergo: ille es. Le elemento JH es pronunciate iah in multe nomines judee. Antique translitterationes grec como Iaoue e Iabe fortifica le hypothese que le pronunciation sia iahweh, de ubi veni le graphia Jahveh.

Le facto es que le pronunciation original del tetragrammaton remane ignorate. Ben que le parola Jehovah resulta de un mal interpretation e le parola Jahveh es un hypothese academic, illos se ha popularisate, e su uso es tanto innocue como le uso del parola Jesus in vice del nomine hebraic Jeshua.




#Article 328: Tabella periodic del elementos (1035 words)


Le tabella periodic del elementos (o simplemente tabella periodic) es un exposition tabular del cognoscite 118 elementos chimic organisate per proprietates selectionate de lor structuras atomic. Elementos se presenta secundo numero atomic augmentante, le numero de protones in le nucleo atomic de un atomo. Ben que rectangular in contorno general, brechas se include in le rangos horizontal (cognoscite como periodos) quando necesse pro retener conjunctemente elementos con proprietates simile in columnas vertical (cognoscite como gruppos), e.g. metallos alcalin, terras alcalin, halogenos, gases nobile.

Iste arrangiamento commun del tabella periodic separa le lanthanidos e actinidos del altere elementos. Alicun versiones del tabella incorpora le bloco f e alicunes adde le 8ve e 9ne periodos includente le bloco g theoretic.

Omne versiones del tabella periodic solmente include elementos chimic, non mixturas, compositos, o particulas subatomic, e cata isotopo de un elemento se representa in le mesme cella. In le tabella periodic normal, le elementos se lista in ordine de numero atomic (le numero de protones in le nucleo de un atomo) augmentante. Un rango (periodo) nove comencia quando un concha nove ha su prime electron e columnas (gruppos) es determinate per le configuration electronic del atomo; elementos con le mesme numero de electrones in un subconcha particular se alinea in le mesme columnas (e.g. oxygeno e selenium es in le mesme columna proque ambes ha 4 electrones in le subconcha-p le plus externe). Le periodos es plus longe plus a basso in le tabella periodic que illos es plus in alto, e le gruppos deveni plus longe al dextre (ben que le metallos alcalin, le gruppo le plus grande, es al sinistre extreme, e le metallos alcalin terrose, un altere gruppo grande, es presso al metallos alcalin). In general, elementos con proprietates similar se alinea in le mesme gruppo in le tabella periodic, ben que in le bloco-f, e in alicun respectos in le bloco-d, le elementos in le mesme periodo tende a haber proprietates chimic similar. Ergo, es relativemente facile a predicer le proprietates chimic de un elemento si on cognosce le proprietates del elementos circum illo.

A partir de 2016, le tabella periodic contine 118 elementos chimic confirmate, recognoscite per le Union International de Chimia Pur e Applicate (IUPAC) e appellate. Novanta-quatro de istos occurre naturalmente, del quales 91 occurre regularmente, e del quales 83 es primordial. Le altere 11 elementos solmente occurre in catenas de disintegration de elementos primordial. Omne elementos de americium a oganesson, ben que illos non occurre naturalmente in le universo, ha essite recognoscite officialmente per le IUPAC como discoperite. Omne elementos ultra 118 non ha essite discoperite a partir de 2016.

In tabellas periodic imprimite o formalmente presentate, cata elemento se forni un cella organisate que usualmente forni alicun del proprietates basic del elemento. Numero atomic, Symbolo, e nomine quasi semper se include, e pesos atomic, densitates, punctos de fusion e ebullition, structura crystallin como un solido, origine, configuration electronic abbreviate, electronegativitate, e numeros de valentia le plus commun frequentemente se include in plus.

Per definition, cata elemento chimic ha un numero atomic unic que representa le numero de protones in su nucleo, sed le major parte de elementos ha numeros differente de neutrones inter atomos differente; istos es appellate isotopos. Pro exemplo, omne atomos de carbon ha sex protones e usualmente ha sex neutrones in plus, sed circa 1% ha septe neutrones, e un amonta multo parve ha octo neutrones. Omne le atomos con sex neutrones es le isotopo carbon-12, septe neutrones carbon-13, e octo neutrones carbon-14. Le major parte de elementos stabile altere ha isotopos stabile altere in plus, ben que il ha multes que solmente ha un isotopo stabile. In plus, multe elementos ha radioisotopos naturalmente occurrente; carbon-14 pro exemplo, es radioactive con un semivita de 5730 annos. Isotopos nunquam se separa in le tabella periodic; illos sempre se gruppa insimul infra un elemento singule.

Le information includite in un tabella periodic pote presentar se in multe manieras, includente le selection del typos de datos monstrate, le placiamento inter le cellas que representa elementos particular, e le formato que se usate pro presentar le patronos periodic del tabella. Colores, symbolos, e altere conventiones de composition frequentemente sole usar se in tabellas periodic pro monstrar information additional selecte pro cata elemento compactemente. Versiones interactive etiam pote includer hyperligamines a information additional, como in le version monstrate in alto de iste articulo.

Ben que le formato iconic que se presenta in alto se usa largemente, tabellas periodic alternative existe, non solmente includente formatos rectangular varie, ma etiam versiones circular o cylindric in le quales le rangos (periodos) flue de un a in un altere, sin le interruptiones requirite al margines del versiones usual imprimite o componite pro schermos.

In presentationes del tabella periodic, le lanthanidos e le actinidos costumarimente se monstra como duo rangos additional infra le corpore principal del tabella, con marcas de substitution o alteremente un elemento singule selecte de cata serie (o lanthano o lutetium, e o actinium o lawrencium, respectivemente) monstrate in un cella singule del tabella principal, inter barium e hafnium, e radium e rutherfordium, respectivemente. Iste convention es integremente un question de esthetica e practicitate de composition; un tabella periodic rarmente usate de composition large inserta le series del lanthanidos e actinidos in lor proprie placias, como partes del sexte e septe rangos (periodos) del tabella.

Multe presentationes del tabella periodic monstra un linea diagonal tenebrose in forma de grados de scala al latere del metalloides, con metallos al sinistra del linea e non-metallos al dextra. Altere gruppamentos del elementos chimic alicun vices etiam ha emphase in un tabella periodic, tal como metallos de transition, metallos povre, e metalloides. Altere gruppamentos informal del elementos existe, tal como le gruppo de plato e le metallos nobile, ma es rarmente representate in tabellas periodic.

Hydrogeno usualmente se placia super lithium, ben que su chimia differe substantialmente de illo del lithium e del altere metallos alcalin; alicun tabellas periodic lo placia isolate.

Le elementos con numeros atomic plus alte que 82, insimul con technetium e promethium, non ha isotopos stabile; le massa atomic de cata un del isotopos de iste elementos con le semivita le plus longe se representa typicamente in le tabellas periodic in parentheses.




#Article 329: Trinitate (111 words)


Trinitate, ab le latino trinitas, trinitatis del numero latin tres.

Trinitate immanente es le relation inter le tres Personas del Essentia divin le unes con le alteres.

Appropriation es un termino que concerne le doctrina del Trinitate, le qual affirma que, ben que le tres personas del Trinitate es active in omne le actiones exterior del Trinitate, il es appropriate pensar a cata uno de iste actiones como essente le obra particular de uno del personas. Assi il es appropriate pensar al creation como al obra del Patre, al redemption como le obra del Filio, nonobstante le facto que tote tres le personas es presente e active in ambe iste obras.




#Article 330: Theologia (316 words)


Le theologia es le studio de Deo o le divinitate e su relation al universo.

Le theologia es litteralmente le studio de Deo (greco θεος, theos, Deo, + λογος, logos, study). Per extension, illo alsi se refere al studio de altere themas religiose. Le termino theologia originava in le christianismo, ma illo pote esser applicate al studio del divinitate in altere religiones.

Le theologia assume como veritate al minus alcun credentia religiose e dunque pote esser distinguite del Philosophia del religion, le qual non presume le veritate in qualcun credentia religiose. Le philosophia del religion, quando studia iste themas, usa experientia e ration (o rationalisation); benque le theologia tamben usa ressources religiose como le Sancte Scriptura (e.g. le Biblia), traditiones religiose, etc. Isto non significa que on debe haber credentia religiose pro esser un theologo - non obstante theologos agnostic o atheista son multo rar. In le Christianitate Oriental (o orthodoxe) il ha plus emphase sur le oration e precaria que sur le rationamento intellectual como via pro apprender de Deo. Studiar de Deo sin haber necun desiro de relation con Deo es considerate per alcunos como quasi sin significato, ma alteres constata que on pote occupar se con notiones de lo divin e super Deo per se como un exercisio in historia, anthropologia e / o sociologia, ma sin haber desiro de occupar se con lo que alcun formas de religion presenta como Deo in forma personal. Varie ancian patres del ecclesia describeva al theologo como un persona que vermente preca. 

In responsa al horrores del Holocausto, multe theologos (specialmente theologos judee) sentiva se fortiate a inspectar plus profundemente le questiones circa le theodicea; le obras theologic que esseva create como responsa al Holocausto ha essite denominate como Theologia del Holocausto.

Le studio del theologia se divide in varie subdisciplinas:

In le Christianismo omne le themas in alto es coperite, e additionalmente, iste sequente themas:




#Article 331: Tolerantia religiose (706 words)


Ille/a ha le mente claudite, ille/a es intolerante, 
arrogante. Tote iste terminos es frequentemente usate pro denigrar e ridiculisar 
tote illes que crede que le absolutos existe e pote esser cognoscite, que il ha 
justos e injustos moral, que alicun punctos de vista es correcte e le alteres 
erronee.

Un numero crescente de homines repulsa le idea del 
existentia de absolutos in favor del philosophia del relativismo moderne. Hodie 
le relativismo assere dogmaticamente que nihil pote esser cognoscite con 
certitude, excepte le maxima del relativismo... si, un assertion contradictori. 
Iste dogmatismo es simile al assertion atheista emphatic que Deo non existe. 
Durante que, sub le relativismo, le cognoscentia positive es impossibile, nulle 
puncto de vista pote legitimemente pretender de esser superior, excepte 
naturalmente le relativismo. Non mesmo qualcunque individuo o gruppo ha un base 
o prerogativa pro dicer que qualcosa o qualcuno es juste o errate. Pro le 
relativista, facer un tal distinction es un acto inherentemente presumptuose - 
un moderne offensa. Le corollario de isto hodie se suscita le accusation de 
manco de tolerantia in quasi omne discussion super subjectos controverse. Assi, 
que es le tolerantia?

In un senso traditional, le tolerantia es le respecto del 
ideas, credentias e practicas de alteres que differe de nostre proprie. Isto 
include le capacitate de comprender alteres, como illes pensa o senti, e de 
imaginar se in lor placia. Istes es tractos nobile del character le quales 
longemente esseva inseniate e practicate in nostre civilisation.

Le maniera in le qual le concepto de tolerantia esseva 
hodie redefinite, tamen, es sovente un grande distorsion de su significato 
essential. Le ver tolerantia comprende le respecto pro le dignitate de altere 
personas, sin considerar lor qualitates. 

Le notion redefinite de toleratia, del 
altere latere, non require simplemente le respecto del differentias, ma sovente 
require le acceptation del credentias e del practicas de alteres.
Qualcunque persona o idea que se oppone a iste nove definition es, 
naturalmente, considerate intolerante. Sub le nove tolerantia, illes qui 
prefere de non esser de accordo es classificate como personas con le mente 
claudite e bigot. In le mundo relativista, il non ha alcun base genuin pro 
decider si qualcosa es juste o errate. Le criterios es simplemente si un 
preferentia personal es politicamente correcte o incorrecte.

Le relativistas dice que le moralitate es relative al 
individuo e que le valores de cata persona deberea esser tolerate (acceptate). 
Illes, tamen, judica hypocritamente cata uno secundo lor proprie redefinition de 
tolerantia. Lo que iste personas quasi semper intende quando illes parla de 
tolerantia es que vos deberea esser tolerante de tote le punctos de vista 
excepte illos con le quales illes non concorda. Iste sorta de tolerantia non 
es in toto tolerantia, ma le ethica del fortias dominante per le qual le 
relativistas reteni un complete controlo del discussion sub un dictatura 
intellectual e illes censura omne punctos de vista opposite.

Fundamentalmente illes dice: Non osa imponer vostre 
valores super nos, ma nos pote imponer nostre valores super vos. Benque illes 
lamenta effortios de censura, illes non hesita essayar de bandir ex le sphera 
public le expression de ideas que illes non ama. In breve, illes es hypocritas 

Le relativistas de hodie, in ultra, confunde un genuin 
disaccordo con expressiones de odio verso le personas con le quales on non es de 
accordo. Un bon exemplo de iste maniera de pensar fallace veni del activistas 
pro le derectos del homosexuales. Lor objectivo es le approbation universal del 
stilo de vita homosexual. Non es sufficiente pro le homosexuales esser 
respectate como esseres human - de facto omne membro del societate deberea 
acceptar le legitimitate del comportamento homosexual. Quicunque non es de 
accordo con isto es classificate como intolerante, plen de odio, bigot e 
homophobic. Iste tactica pare functionar multo ben in nostre societate, alteres 
similmente lo usa. Esque le societate non es forsan intolerante quando illo non 
accepta un varietate de altere comportamentos como, p. ex. le uso de drogas, 
incesto, copulation con animales, etc.? Si non, proque?

Dale Berryhill remarcava: Le tolerantia como virtute 
intra un structura moral functiona ben, ma le tolerantia como principio 

considerar le personas mesme que assere de fundar lor integre philosophia super 
le tolerantia, le quales se demonstra intolerante? Inter altere cosas, isto 




#Article 332: Typhoide (125 words)


Le febre typhoide [ti-fó-i-de] es causate per le bacillo typhoide. Illo es transmittite in alimentos, lacte o aqua infectate. Illo pote esser propagate per muscas, ma alsi per contacto directe con substantias infectate (como fece). Il ha un vaccino contra le typhoide. Diagnose positive se face in un laboratorio con un examine del sanguine del persona affligite; le test de Widal deveni positive post duo septimanas del maladia. Le maladia pote durar inter quatro e sex septimanas. Un portator de typhoide es un persona qui non plus suffre del symptomas del febre ma contine germines vivente in su sanguine. In alcun casos serie complicationes del maladia pote causar le ruptura del intestinos o hemorrhagia intestinal. Le tractamento include allectation, liquidos, e grande doses de antibioticos.




#Article 333: Typologia (139 words)


ab le greco Typos, tracia, modello, forma, figura, copia.

Le notion secundo le qual Deo establi certe personages, eventos historic, objectos, etc. como typos, illo es, como modellos que prefigura evenimentos futur plus grande.

Le interpretation typologic ha un rolo multo importante in le explication del Vetule Testamento. Illo, benque non face violentia contra le situation historic del assertiones veterotestamentari, les intende, tamen, dotate de un senso ulterior, in referentia a Jesus Christo e a Su communitate.

Le presupposition del interpretation typologic del Vetule Testamento es date per le analogia del duo testamentos, le qual consiste in le unicitate del mesme Deo revelator e in le relation de alliantia que Ille establi con Su populo. Jam in le Nove Testamento, Paulo intende Adam como typo del Christo (Rom. 5:34), e Israel como typo del communitate christian (1 Cor. 10:6).




#Article 334: Transcendentia (115 words)


An le lat. transcendere, passar ultra, superar.

Le transcendentia es un concepto phylosophic que, como su opposito immanentia, presuppone un division o distinction, in le realitate integre, in duo spheras: uno terren, e le altere ultra-terren, uno hic e uno ibi, uno sensibile e uno supersensibil, uno objectivabile e le altere non objectivabile, un existentia visibile e un fundamento invisibile. Le expression transcendentia indica:

Il es super toto in le theologia catholoic-roman, in le qual forte es le influentia de Aristotele e Platon que sovente se essayava de definir le relation inter Deo e le homine in terminos de immanentia e de transcendentia.

Le notion que Deo es un altere cosa (separate) de Su creation. 




#Article 335: Torah (344 words)


Le Torah ([to-rà], transliteration del hebreo תורה‬, que pote significar instruction, doctrina, o lege) es le plus importante del scripturas judee, le prime cinque libros del Tanakh (le biblia judee). Illo es alsi appellate le pentateucho (ab le greco he pentateuchòs biblòs, le libro in cinque partes) .

In judaismo le Torah es traditionalmente considerate un revelation de Deo. Per extension illo veni a significar le totalitate del lege de Deo, un exemplar divin del universo create.

In servicios communal judee (in un synagoga, pro exemplo) le portion septimanal del Torah es legite publicamente usante un Sefer Torah (hebreo: Torah-Rolo), que es scripte per mano in un roll de pergamena. De facto, le edificio del synagoga (dispare a un ecclesia christian) non es sacrate ni considerate plus sancte que altere locos: il es le Sefer Torah que es la cosa le plus sacrate e importante.

Le texto del Torah como illo existe hodie era redirigite in le medie del prime millennia aEC de quatro fontes scripte, que era date nomines (e abbreviationes) per eruditos del seculo 19 EC: Le Elohista (E), le Yahwista o Jahwista (J), le Deuteronomista (D), e le Scriptor Sacerdotal o Scriptor del Prestres (P).

Le cinque libros del Torah son:

Le Documento o Codice sacerdotal es le hypothetisate fonte le plus recente del Pentateucho, le Scriptor Sacerdotal o P. Le designation sacerdotal es motivate per le interesse que le documento manifesta pro le institutiones cultural e ritual e pro le ordinamentos sacerdotal; tal ordinamentos sovente es motivate per passages de narration, transmittite in parve o grande collectiones (p. ex. Ex. 25:31: le institution del Tabernaculo).

Le Codice sacerdotal comencia con Gen. 1:1 e termina con Deut. 34:9; illo imbracia, parallelmente al Jahvista, le historia del origines, le epocha patriarchal e le epocha mosaic usque al conquesta de Canaan.

Inter le characteristicas del Codice sacerdotal se comprehende su stylo stereotypate, le utilisation de genealogias e de numeros, le interesse pro le aspecto sacerdotal e cultural. Probabilemente le Codice sacerdotal se originava in ambientes sacerdotal del diaspora babylonic del 5e seculo aEC.




#Article 336: Tradition (107 words)


Le tradition es un processo elementari de omne cultura e de omne vita spiritual. Parolas, costumes, habitudes, rituales, ordinamentos, derectos, conceptiones del vita: tote iste phenomenos es objecto de tradition. Le facto e le contentos del tradition es le expression de un passato que continua esser determinante pro le presente.

Le parola deveni del latino traditio transmitter, passar a.

In le exegese theologic scientific, tradition sovente indica le transmission oral de textos biblic, pro distinguer lo del subsequente fixation scribite.

Tradition apostolic es illo que remonta al Apostolos.

Tradition ecclesiastic es le transmission de parolas, conceptiones, costumes, etc., emergite e establite se durante le historia del ecclesia.




#Article 337: Unitario (200 words)


Unitario, publicate in 1984 per Mario Pleyer (pseudonymo pro le germano Rolf Riehm), esseva un forte interlinguisation de esperanto, elaborate per un esperantista qui durante annos se habeva irritate del artificialitate de esperanto. 

Ora unitario ha essite developpate in duo variantes: le lingua minimal unitario 2001 e le version total unitario 2002. (Panorama in interlingua 6/1994) 

Le lingua se approxima de plus in plus a interlingua (e espaniol), lo que es natural, viste le enthusiasmo del autor pro justo interlingua. In le nove libro, multo professional in aspecto, interlingua es anque grandemente usate pro comparationes lingual. Con solmente alcun poc correctiones in le orthographia del lingua espaniol il es anque possibile traducer circa 90% de qualcunque texto, e Dictionarios del lingua espaniol es le melior pro traducer un texto a UNITARIO (p. 133). 

ab: UNITARIO DEVELOPPATE (Panorama p.21, nov-dec 1994, anno 7, num. 6)

patro nostra, kveja tuo in hewine estas, 
tuja nomino esti sanctificate; 
tuja imperio weni; 
tuja wolunto ockurius, 
como in la hewine tanto sur la terra; 
nostra pano kvotidiane al nos-mismos doni hodie; 
cay pardoni nos nostros debitoyn, 
como tambien numos nostros debitoroyn pardonamas; 
nenio nos condutsi in temptatsion, 
sed liberi nos delle pecato, 
tzar la imperio. 




#Article 338: Panroman (122 words)


Universal, renominate Panroman in 1906, es un projecto de lingua auxiliar international neo-latin create per Henrik Molenaar in 1903.

Ille formava cata parola de maniera poco systematic  a partir de al minus duo linguas romanic. Le etymologia es obscurate in tal parolas como Kan (can), Kar (car), Laser (del francese 'laisser').

Patr nostr, qui es en ziel, ton nom ese sanktifizet; ton regn vene; ton voluntat ese fazet in ter kom in ziel. Done nos hodi nostr pan quotidian; pardone nos nostr debiti, kom nos pardon a nostr debitori; e non induze nos in tentazioni, ma libere nos de mal.

Kommunikazioni internazional deven semper plus grand. Un facil komprension mutual es nezes in homers, art, szienz, in viagi kongresi e mil okasioni.




#Article 339: Usenet (665 words)


Usenet es un collection de protocollos de software projectate pro stabilir areas thematic de discussion virtual via le Internet. Iste areas generalmente es denominate gruppos de novas, recordante lor function original.

Le gruppos de novas de Usenet es un del plus ancian formas de communication via retes electronic; illos mesmo precedeva le Internet e le World Wide Web. Durante que le posta electronic es normalmente usate pro correspondentia persona-a-persona, le gruppos de novas de Usenet es usate pro discussiones in-linea inter multe participantes, pro publicar travalios, e pro distribuer materiales via le rete.

Usenet resimila un systema de plancas de annuncios e organisa discussiones hierarchicamente in gruppos de novas, ubi le topico de cata gruppo de novas es apparente in su nomine (como sci.math.research). Post que un message (cognoscite como articulo de novas e resimilante un message de posta electronic) ha essite publicate in un gruppo de novas, illo circula trans le mundo e alteres pote responder a illo.

Le majoritate del providitores de accesso al Internet provide un deposito de novas a que lor usatores pote acceder. Uno non accede al gruppos de novas con un navigator del web; in vice, uno aperi un programma appellate lector de novas. Le plus popular navigatores de Internet, Netscape Navigator e Microsoft Internet Explorer, ha buttones que uno pote cliccar pro acceder a iste lectores de novas. Hodie le lectores de novas sovente es combinate con programmas de posta electronic.

Non tote le providitores de accesso provide servitores de novas; alcunos lo face, mais omitte le gruppos de novas in le hierarchia alt.binaries.* que porta imagines, software e altere files binari.

Pro illes qui ha accesso al Internet, mais non ha accesso a un providitor de accesso que provide un deposito de novas, le  es un forma gratuite, digne de fide, e popular de acceder a gruppos de novas de Usenet. Google permitte que qualcunque persona accede al majoritate del gruppos de novas con un navigator del web via le Worldwide Web. Generalmente, leger discussiones via iste methodo non es tanto facile como con un del programmas supra, mais le software es relativemente simple de usar.

Usenet es un collection de protocollos pro generar, immagazinar e recuperar articulos de novas (que resimila messages de posta electronic) e pro excambiar los inter un publico de lectores que potentialmente es largemente distribuite. Iste protocollos plus communmente usa un algorithmo de inundation que propaga copias per tote le extension de un rete de servitores participante. Quandocunque un message attinge un servitor, ille servitor avantia le message a tote su vicinos in le rete que ancora non ha vidite le articulo. Solmente un copia de un message es immagazinate in cata servitor, e cata servitor lo rende disponibile secundo le demanda al lectores (typicamente local) capace de accessar ille servitor. Le Usenet esseva assi un del prime applicationes {peer-to-peer}.

Usenet esseva inventate in 1979 como un application del protocollo UUCP que permitteva a machinas Unix excambiar datos super lineas telephonic. Hodie, le majoritate del articulos de Usenet es distribuite per medio del protocollo NTTP que functiona super le protocollo TCP/IP del Internet.

Le prime versiones de Usenet usava le software servitor B-News, e posteriormente C-News. In le medietate del decennio 1990, uno disveloppava INN pro utilisar le avantages del forma como le Internet functionava, in contrasto con le projecto immagazina-e-avantia de UUCP. Desde ille tempore le disveloppamento de INN ha continuate, e altere software servitor de novas ha essite disveloppate.

Typicamente le usatores usa un programma appellate lector de novas pro rediger e leger articulos de Usenet. (Multe navigatores del web pote esser usate como lectores de novas, ben que frequentemente illos care de alcunes del functionalitates de un software projectate specificamente pro leger novas del rete.)

In decembre 2001, le motor de recerca , basate super le Worldwide Web includeva un archivo recercabile de postages de Usenet desde su primordios. Iste archivos es incomplete, mais multo extensive. Es possibile postar e leger Usenet in le sito del web de Google.




#Article 340: Union Europee (9792 words)


Le Union Europee es un association de statos que ha inter se relationes special economic e politic de cooperation e de integration. Actualmente le Union Europee ha 27 statos membros. Le radice del Union presente es le Communitate Europee de Carbon e Aciero (CECA), create in 1950, e le Communitate Economic Europee, create in 1957.

Le relationes special economic se funda super le libertate de transito de mercantias, de travaliatores e de capital, assi como in le establimento de un moneta commun (le euro) pro 15 del statos (que forma le si-nominate Eurozona).

Le special relationes politic se traduce in le establimento de un Ordinamento Juridic, superior al legislationes national, e in le existentia e functionamento de su proprie organismos politic e de institutiones superior a illos del statos membros.

Le Union Europee, e antea le Communitates, promove le integration continental per politica commun que include distincte ambitos de actuation, in su origine essentialmente economic e progressivemente expandite a ambitos indubitabilemente politic. Pro complir le scopos commun, le statos del Union se attribue a iste determinate competentias, facente un soveranitate in commun o compartite que se extende per le canales communitari.

Le UE ha differente typos de organos le plus importante: institution del Union Europee

Le Union conta anque con altere organos, instantias e organismos de functiones a ttributiones diverse, como le Committee Economic e Social, le Committee del Regiones, le Ombudsman europee, le lte Representante del Union pro Affaires Exterior e Politica de Securitate inter alteres.

Le territorio del Union comprende le de tote su statos.

Post le fin del Secunde Guerra Mundial, Europa se trovava in devastation.

Le 9 de maio 1950, cinque annos post del rendition del regime nazi, Schuman lanceava un appello a Germania Occidental e al paises europee que lo desirea pro que submitteva sub un unic autoritate commun le administration de lor respective productiones de aciero e carbon. Iste discurso, cognoscite como Declaration Schuman, era benvenite de maniera differente dentro del governamentos europee e marcava le initio del construction europee, al esser le prime proposition official concrete de integration in Europa.

Le declaration marcava le initio del integration del statos europee como un movimento de contraposition al anterior tendentia nationalista e al rivalitates que occasionava inter le statos de Europa. Iste nove realitate era propitiate pro le fin del traditional hegemonia europee in le mundo post le Secunde Guerra Mundial, que conscientiava al europeos de su proprie debilitate ante le surgimento de duo nove superpotentias: Statos Unite e le URSS, que habeva un poter superior al del heterogenee gruppo de statos europee.

In 1951, se firma in Paris le Tractato que institutionalisa le Communitate Europee de Carbon e Aciero concretante le proposition de Schuman. Germania, Francia, Italia, Paises Basse, Belgica e Luxemburgo (cognoscite como le sex), compli un comprehension que favora le intercambio de materias prima necessari in le siderurgia, accelerante de iste maniera le dynamica economic, con le scopo de dotar Europa de un capacitate de production autonome. Iste tractato fundator cercava approximar vincitores e deroutates europee a un Europa que poteva prener su destino in su manos, independente de entitates externe. Le tractato expirava in 2002, malgrado que su function remane obsolete post le fusion del organos executive e legislative in le Communitate Europee, que acquireva personalitate juridic, e anque gratias al Acta Unic Europee de 1986.

In maio 1952, jam in plen Guerra Frigide on firmava in Paris un tractato que establiva le Communitate Europee de Defensa (CED),  que permitteva le armamento de Germania Occidental in le marco de un armea europee. Cinque membro del CECA ratificava le tractato, ma in augusto de 1954, le parlamentarios francese lo rejectava, como consequentia del opposition conjuncte del gaullistas e communistas. Il es assi que le antique Tractato de Brussel de 1948 es modificate pro crear le Union Europee Occidental (UEO) que essera tal usque le entrata in vigor del Tractato de Amsterdam in 1999, le unic organisation europee incargate del defensa e le securitate. Ben que reinfortiava le antique tractato, le UEO sole era un entitate symbolic sin poter ni cooperation real ante le OTAN. Su rolo principal era ligate al disveloppamento de fortias nuclear, assecurante le defensa del paises europee ante un hypothetic attacco. 

Un impulso arriva in 1957 con le signatura del Tractatos de Roma.Le sex decide avantiar in le cooperation in le dominios economic, politic e social. Le scopo plantate era attinger un mercato commun que permitteva le libere circulation de personas, mercantias e capitales. Le Communitate Economic Europee (CEE) es le entitate, de typo supranational, dotate de un capacitate autonome de financiation institutionalisate per iste tractato. Iste documento formava un tertie communitate de duration indefinite, le Euroatom.

In 1965 se signa un tractato que fusiona le executivos del tres communitates europee (quando illos jam habeva institutiones commun in materia de justitia) per le creation del Commission Europee (CE) e le Consilio del Union Europee que es le institutionalisation del summitate de Chefes de Stato e de Governamento de paises membros que comenciava a disveloppar se a finales del decade del 60).

Le Acta Unic Europee signate in februario 1986 entra in application in julio 1987. ISta habeva como mission redynamisar le construction europee, fixar le consolidation de mercato interne in 1993 e permitter le libere circulation equalmente de capitales e servicios. Per iste tractato, le competentias communitari es ampliate al dominios del investigation e le disveloppamento technologic, ambiente e politic social. Le Acta Unic considera anque le existentia del Consilio Europee, que reuni al chefes de stato e de governamento e impulsa un initiative commun in materia de politica externe. (le Cooperation Politic Europee) assi como un cooperation in materia de securitate.

Le Tractato de Maastricht signate in februario 1992, entrava in vigor in 1993.  Sub iste accordo, le Union Europee continua le mercato commun e le CEE, transformate in Communitate Europee, marca un nove phase in le processo de union. Le tractato crea le derecto del cive europee e permitte circular e resider liberemente in le paises del communitate, assi como le derecto de votar e esser seligite in un stato de residentia pro le electiones europee o municipal. Decide se le creation de un moneta unic europee, le Euro, que entrarea in circulation in 2002 sub le controlo del Banca Central Europee.

In 1999 entrava in vigor le Tractato de Amsterdam. Iste tractato, colligeva le principios de libertate, democratia e respecto al derectos human, e includeva explicitemente le principio de disveloppamento sustenibile. Duo annos post on signava le Tractato de Nice, que entrarea in vigor in 2003. Interim, le anno 2002, se extingueva le CECA post finir su periodo de validitate (que era 50 annos), e su ambito de actuation remaneva includite in le del Communitate Europee.

Le 1 de maio 2004 occurreva le major ampliation del Union Europee, con le entrata de 10 nove membros. Con posterioritate, in le 1 de januario 2007, on incorporava duo nove paises: Romania e Bulgaria, 

Plus tarde, le 29 de octobre 2004 on signava in Roma le Tractato constitutional. 

Le ratification del tractato era initiate per le approbation del Parlamento, mais alicun statos convocava referendum in 2005. Le prime era le celebrate in Espania, ubi le documento era approbate con le  76,73% de appoio. Nonobstante, le ratification attingeva un obstaculo importante quando le votantes de Francia e del Paises Basse rejectava le documento. Iste ratification in grande mensura se deteneva, con sole un pauc statos essayante de approbar lo ancora. Luxemburgo sequeva con su voto e approbava le constitution in un 57%. Isto non cambiava le cosas, nonobstante, e le dirigentes anunciava que entrava in un periodo de reflexion super le rejection.

In 2007 le lideres europee poneva fin formalmente a iste periodo de reflexion con le signatura del Declaration de Berlin le 25 de marzo 2007 (in le 50º anniversario del signatura del Tractatos de Roma). Le declaration teniva como scopo donar un nove impulso al recerca de un nove accordo institutional ante de realisar le electiones europee de 2009. Jam in le anno 2007, le Consilio Europee accordava que le Constitution habeva fracassate, malgrado que le majoritate del propositiones que includeva le texto posteriormente in le reforma del tractatos del Union, in contraposition al constitution, que vadeva a reimplaciar tote le tractatos anterior. De iste modo, le 13 de decembre 2007, on signava le cognoscite como Tractato de Lisbona.

Iste tractato habeva como scopo meliorar le functionamento del Union Europee mediante le modification del Tractato de Maastricht e le Tractato constitutive del Union Europee (Tractato de Roma). Alicun del reformas plus importante que introduceva le Tractato de Lisbona era le reduction del possibilitates de stagnamento in le toma de decissiones del Consilio del Union Europee mediante le voto per majoritate qualificate, un Parlamento Europee con plus importantia mediante le extension del procedura de decision conjuncte con le Consilio del UE, le elimination del tres pilares del Union Europee (jam obsolete in ille epocha) e le creation del figuras de Presidente del Consilio Europee e Alte Representante del Union pro Affaires Exterior e Politica de Securitate pro dotar de un major coherentia e continuitate al politicas del UE.  Le Tractato de Lisbona, que entrava in vigor le 1 de decembre 2009 anque faceva que le Carta del Derectos Fundamental del Union Europee era juridicamente vinculante pro e statos membro.

Assi, post plus de medie seculo ab le Declaration Schuman, le UE affronta defias como le application del Tractato de Lisbona, le controverse processo de adhesion de Turchoa, le ampliation in le Balkanes o le adhesion de Islanda post vider se gravemente affectate per le crisis economic de 2008-2009.

Con le entrata in vigor del Tractato de Lisbona, le symbolos del UE como le bandiera, le motto, le hymno o le Die de Europa no es juridicamente obligatori, ben que tote illos es usate. Malgrado isto, 16 paises membro declarava su lealtate al symbolos del Union Europee in un declaration appendice al tractato.

Le Institutiones del Union Europee es le organismos politic e institutiones in illos que le statos membros delega parte de lor poteres e soveranitate. Con illo cerca se que determinate decisiones e actuationes institutional proveni de organos de character supranational cuje voluntate applica se in le conjuncto del statos membros, lassante sin poter al organos national de cata pais.

Le normas e proceduras que le institutiones debe sequer establi se in le tractatos, negotiate per le Consilio Europee e in conferentias intergovernamental e ratificate per le parlamentos national de cata Stato. Le Tractato de Lisbona, modifica novemente le Tractato del Union Europee, ma anque le TCE que passarea a nominar se Tractato re le Functionamento del Union Europee (TFUE).

Le legitimitate del production normative del Union ha un duple vertente: legitimitate international in le action del Consilio e le Consilio Europee, pro un parte, como le Union es un organisation international regite per le Derecto International e conventional; e democratic, per le altere, jam que le Parlamento Europee collige le principio del formation democratic del Derecto, al esser un Institution cuje membros es eligite in un electiones directemente per le cives.

Le Tractato de Lisbona ha consolidate le transformation formal del marco institutional supreme con septe institutiones. Le tres principal in le processo de toma de decisiones es le Parlamento Europee, le Consilio del Union Europee e le Commission Europee. Anque ha un grande importantia le Consilio Europee como institutiones que determina le direction e le prioritates del union.

Le Union Europee es regulate per un systema interne in regime de democratia representative. Su institutiones es septe:

Le Consilio Europee ha functiones de orientation politic general e representation externe, e nomina le chefes del alte institutiones constitutional; le Parlamento Europee e le Consilio exerce le potestate legislative in equalitate de conditiones, prendente decisiones conjuncte - a exception del procedimentos legislative special, ubi le Parlamento ha un rolo solmente consultative; le Commission o Collegio de Commissarios applica le Derecto del Union, supervisa su realisation e executa su politicas, e a illo corresponde exclusivemente le initiativa legislative ante le Parlamento e le Commission, le Corte de Justitia exerce le labores jurisdictional supreme in le systema juridic communitari; le Corte de Contos supervisa e controla le bon functionamento e le adequate administration del financias e del fundos communitari; e le Banco Central Europee dirige e applica le politica monetari unic del zona euro.

Le organos es assimilabile a institutiones de minor rango (ben que non ha iste statuto). Ben que lor functiones es concrete, illos ha competentias que va multe plus ultra del simple gestion e ha independentia in le exercitio de lor functiones. Le organismos es structuras subsidiari de altere institutiones ma con autonomia functional, generalmente versate in ambitos specialisate de gestion vicari:

Le agentias europee es organismos specialisate que se incarga de un aspecto specific (scientific, technic, juridic o social) del structura del Union Europee. Illos se trova distribuite in le paises membros del UE. Lor function es proportionar cooperation inter le statos membros e adjuta a lor citates in le areas de su competentia. 

Iste agentias ha contribuite de maniera significative al functionamento effective del UE, gratias a su specialisation in areas determinate del architectura communitari. Al esser, in su majoritate, institutiones discentralisate e independente ha servite pro reinfortiar le character plurinational del Union. 

Le agentias divide se in quatro categorias inglobate in duo typos: le agentias regulator e executive. Le agentias regulator, que se divide in tres categorias, se trova discentralisate e incarga se de un competentia concrete sin limite de tempore; cognosce se como agentias del tres pilares. Le ultimes, le agentias executive, se trova in le sede del Commission Europee (Brussel o Luxemburg e se ha create pro un tempore determinate, pro realisar un activitate specific.

Le derecto del Union Europee es le conjuncto de normas e principios que determina le functionamento, corporation e competentias del Union Europee. Illo characterisa se pro tractar se de un ordine juridic sui generis, differentiate del derecto international assi como del ordine juridic interne del statos membros. Le systema legal communitari articula se super le conjuncto de competentias que le statos ha attribuite al Union pro la via del derecto.

Le derecto originari es ille continite in le diverse tractatos que le statos membros subscribe, essente le fontes de major rango, e illos que permitte le apparition del derecto derivate, que es submittite al originari. Le derecto derivate non solo cedera in caso de contradiction con le originari, sed etiam debe esser fundamentate e originate in le differente Tractos que lo compone. 

Le Tractatos del Union Europee es de duo typos fundamentalmente. De un latere es le tractatos fundational, in le qual se include tote le normas continite in le Tractato del Communitate Europee de Carbon e Aciero (durante que illa existeva), le Tractato del Communitate Economic Europee e le Tractato del Communitate Europee del Energia Atomic.

Le resto de tractatos es modificative e complementari, includente se in iste categoria le tractatos que ha modificate le dispositiones fundational. Le plus importante es: le Tractato de fusion, le Acta Unic Europee, le Tractato del Union Europee, le Tractato de Amsterdam, le Tractato de Nice e le Tractato de Lisbona. Ben que anque es tractate modificative le Tractatos de adhesion de cata un del statos que se ha adherite al Union.

Le derecto derivate es ille que se ha disveloppate trans del distincte normas que ha approbate le distincte institutiones europee. Le normas que pote approbar iste institutiones es: le regulamentos, le directivas e le decisiones. 

Le regulamentos es normas juridic emanate del institutiones europee que possede effecto directe in le paises membros, e que prevale super le derecto national de cata un de illos. Il existe quatro proceduras pro le approbation de regulamentos: le regulamento essera adoptate pro le Consilio a proposta del Commission e con le approbation del Parlamento. Pro altere, le Commission potera dictar regulamentos pro initiativa proprie in le caso previste pro le Tractatos, assi como quando recipe le correspondente delegation del Consilio pro tal emission regulamentari.

Le directivas communitari es mandatos dirigite a un o varie paises membro, essente competente pro su emission le Consilio; le Commission, e le Consilio juncte con le Parlamento. Su rasgo plus characteristic es le absentia de efficacia directe in le Ordenamentos a los que va dirigite, necessitante de un transposition pro parte del Stato membro pro que entra in vigor e face nascer in le cives derectos e obligationes. De iste maniera, le directiva ha un scopos que le statos habera de complir usante le medios del derecto interne, dentro del termino indicate. Le incomplimento del deber de transponer le directivas non face decader le derecto del cives de exiger le al stato le complimento de su obligationes (responsabilitate vertical limitate).

Finalmente, le decisiones es plus limitate proque, ancora habente character obligatori, non ha character general, sino que dirige se a destinatarios precise. Il pote comparar se con le actos administrative in le ambito interne.

Le Carta del derectos fundamental del Union Europee es le texto in le que se collige tote le derectos civil, politic, economic e social del cives europee e de tote le personas que vive in le territorio del Union.

Le derectos fundamental es le dignitate, le libertate, le equalitate, le solidaritate, le derecto del cive e le justitia, quem jam se collige in le Convenio Europee pro le Protection del Derectos Human, in le Carta Social Europee del Consilio de Europa, in le Carta Comunitari del Derectos Social Fundamental del Lavoratores, e in les constitutiones del statos membros del Union, assi como in altere convenios international que ha signate le statos membro del Union Europee.

Le governamento del UE sempre ha oscillate inter le modello de conferentia intergovernamental, ubi le statos conserva le conjuncto de lor prerogativas, e le modello supranational, ubi parte del soveranitate del statos es delegate in le Union.

In le prime caso, le decisiones communitari es de facto tractate inter statos e illos debe adoptar se per unanimitate. Iste modello, proxime al principio del organisationes intergovernamental classic, es defendite per le currente euroskeptic. Secun istos, il es le chefes de stato o de governamento qui ha le legitimitate democratic pro representar le cives. Il es tunc le nationes que debe controlar le institutiones del Union. Le secunde caso es le del currente europhile. Istos estima que le institutiones debe representar directemente le cives mediante un modello de federalismo. Pro illos, con le ampliation del UE de 2004 e 2007, le modalitates de presa de decisiones al seno del institutiones debe esser adaptabiles con le scopo de evitar tote risco de paralysis.

Tunc, le modello de governamento del Union es un modello hybride, ubi le Consilio del Union Europee es le representante del statos (le decisiones non require unanimitate, le votos de cata stato es ponderate pro su peso demographic), e le Parlamento EUropee (unic institution europee seligite per suffragio universal) representa le cives.

De iste modo, le competentias que ha le governamento del Union Europee es les citate a continuation:

Un partito politic europee es un organisation que seque un programma politic e es formate per partitos e individuos de differente paises e que, ergo, es representate in alicun stato membro del Union Europee. 

Ab julio de 2004 le partitos politicos a scala europee ha a lor disposition un financiamento annual pro parte del Parlamento Europee. Iste financiamento es destinate a abarcar approximatemente usque le 85% del dispensas del partitos suffragante, dispensas que es directemente rilate con le scopos stabilite in le programma politic del partito (reuniones, dispensas administrative, campanias rilate con le electiones europee, publicationes, etc.) Nonobstante, tal subvention non se pote utilisar in dispensas de campanias o financiation de partitos o candidatos de comicios non europee, assi como le pagamento del debitos e dispensas rilate con su amortisation.

Pro poter aspirar a iste financiation public, le organisationes ante mentionate debe satisfacer determinate conditiones: 

Le Articulo 10.4 del Tractato del Union Europee] dice del partitos politic europee:

Le partitos politic europee forma le gruppos politic in le Parlamento Europee, e pro illo on besonia al minus 25 deputatos de un quinquagesima parte del statos membros. Post le approbation del presidentes dl gruppos, le sedes in le hemicyclo del PArlamento Europee se asigna al diputatos con arreglo a su adscription politic. Anque il pote donar se le caso de que alicun diutato pertine a nulle gruppo, pro lo que formara parte del non inscripte. 

Actualmente le Parlamento es composte per 7 gruppos politic: le Gruppo del Partito Popular Europee, le Gruppo del Aliantia Progressiste de Socilistes e Domocratas, le [Gruppo del Aliantia del Democratas e Liberales pro Europa, le Gruppo del Conservatores e Reformistas Europee, le Gruppo de Le Verdes/ Aliantia Libere Europee, Gruppo Confederal del Sinisra Unitari Europee/Sinistra Verde Nordic e Europa del Libertate e le Democratia.

Donate que le Parlamento Europee non sellige ningun governmento, in illo no ha gruppos governamental ni de opposition. Il predomina le busqueda de consensos inter le partitos majoritari, in los que traditionalmente ha un peso spacial lde duo gruppos plus grande  le PPE (demochristian) e le PSE (socialdemocrate). Isto debe se a que nulle gruppo politic attinge le majoritate absolute necessari pro ganiar un votation, a differentia de altere parlamentos ubi solo es necessari le majoritate simple.

Inter le grande prioritates del Union Europee figura le de crear un spatio de justitia, libertate e securitate. Le TRactato de Lisbona introduce modificationes importante in le actual normas europee re libertate, securitate e justitia e facilita un actuation plus amplie, legitime, efficace, transparente e democratic de le UE in iste campo.  Ante de su intrata in vigor, le decissiones importante in iste materia haveva que adoptar se pro unanimitate in le Consilio, durante que al Parlamento e al Tribunal de Justitia les correspondiva un papel minor.

Le Tractato de Lisbona supone major democratia e transparentia: un conjuncto uniforme de dispositiones juridic adopta se nunc in un processo in le que le Parlamento Europee, como colesgislator, ha un rolo plus relevante. De plus, se extende le princopio de majoritate qualificate in le Consilio.

Le actuation del Union Europee con respecto al cooperation politial e juditial in assuntos penal se ve facilitate al suprimir se le distinction inter differente ambitos politic (le denominate pillares) que ante characterisava al structura institutional.

Nonobstante, le statos membros ha le posibilitate de emprender iniciativas legislative super cooperation politicl operative, justitia penal e cooperation administrative (sempre que conta con le respaldo de un quarta parte del total de paises). Le Commission Europee assume le rolo como guardiana del Tractatos e como garante, juncte al Corte de Justitia del Union Europee, del correcte application de tote le decissiones. Le Parlamentos national participa de maniera plus active in le examine e le elaboration de dictamenes re themas de justitia, libertate e securitate. 

Le Tractato de Lisbona garantisa le libertates e le principios enunciate in le Carta del derectos Fundamental del Union Europee, cuje dispositiones pasa a essr juridicamente vinculante. Pro su parte, le Corte de Justitia obtene plus poteres pro assecurar le correcte application del Carta. Tote iste cambios contribuye a un procesi decisori plus amplio, legitime, efficace, transparente e democratic pro le spatio commun de libertate, securitate e justitia, e pone fin al repretite blocos de propostas a que donava loco le principio de unanimitate.

Il es de signalar, nonobstante, que tres statos membros (Irlanda, Regno Unite e Danmark) ha uszgate necessari negotiar o prorogar certe dispositiones particular re aspectos concrete de justitia, libertate e securitate pro mantener alicun punctos de lor normativas constitutional.

Le Alte Representante del Union pro Affaires Exterior e Politica de Securitate dirige un nove servicio diplomatic in le que se integra de immediato, fussionate, le delegationes international del Consilio e del commission presente in circa de 125 paises, assi como le Representationes special del Politica Exterior e de Securitate Commun del Union Europee.

Iste servicio es le Servicio Europee de Action Externe (SEAE, o anque simplemente Servicio Externe), create le 1 de decembre 2010, secunde lo previste per le Tractato de Lisbona.Como servicio diplomatic que es, il ha como scopo appoiar e assiter in le effortio de su functiones al Alte Representante como maxime responsabile del action externe del Union, in tote le ambitos de su activitate.. 

De plus, le Union Europee anque ha un politica de vicinitate, le qual perseque que le UE non es un entitate alien a su intorno ni desvinculate de su vicinos. Con iste politica se cerca intensificar le relationes bilateral con alicun antique republicas sovietic assi como le statos del bassino del Mediterranee. 

Dentro de iste contexto, il es disveloppante se un grande projecto, le , concentrate a longe termino a cercar un relation de approximation inter le UE e le Liga Arabe. 

In relation con le vicinos del est, il existe altere iniciative, le Association Oriental, facite inter le bloco communitari e le antique republicas sovietic. 

Tote isto face que le effecto del politica externe del Union Europee se face trans le processo de ampliation, durante que le atractivo que pro varie statos ha acquirite le qualitate de membro es un factor importante que contribue al reformation e stabilisation del paises del antique bloco communista in Europa. 

Pro lo que in le ultime annos le Union Europee, trans le Commission Europee, ha ganiate representation in organismos como le G8 o le G20, trans le Alte Representante del Union, benque le statos membros se representa in le Organisation Mundial del Commercio trans su commisario commercial. 

Finalmente il ha anque que destaccar que le Union Europee es le major donante mundial de adjuta humanitarian, e le principal financiator del agentias del Nationes Unite implicate in le adjuta humanitarian e le cooperation pro le disveloppamento, trans le Departamento de Adjuta Humanitarian e Protection Civil del Commission Europee (ECHO).

Le defensa e le securitate es traditionalmente materias de soveranitate national, ben que le politica del Union Europee in iste area era establite como le secunde del tres pillares del Union in le Tractato de Maastricht de 1992, ben que non era usque le Tractato de Amsterdam (1997) quando se definiva le scopos del Politica Externe e de Securitate Comun (PESC). 

In le culmine de Helsinki, de decembre 1999, le Consilio Europee approbava le creation de nove organos politic e militar permanente, como le Stato Major del Union Europee (SMUE). Le SMUE es un departimento del Union Europee, responsabile de supervisar le operationes in le ambito de Securitate Commun e Politica de Defesa. Iste departimento depende directemente del cabinetto del Alte Representante del Union pro Affaires Exterior e Politica de Securitate, actualmente Catherine Ashton e se occuppa del alerta temprana, le evalutation del situation e le planificamento strategic del missiones Petersberg (missiones humanitari, mantenimento del pace, gestion de crisis) e de tote le operationes dirigite per le UE. Formalmente, le SMUE es parte del Secretariato General del Consilio del Union Europee e ha dirigite un serie de displicamentos militar ab su creation.

Le potente impulso que le Tractato de Lisbona ha supposite in le ambito institutional pro le politica commun de securitate e defensa, pare mirar, con le forte impulso del nucleo dur de paises ducite per Francia, Italia, Espania, Polonia, etc. e, in minor mesura, Germania), a un repellemento del politica commun de securitate e defensa.

Le UE ha 28 statos membros. 12 regiones, qual es parte de 4 statos, es classificate como Region Peripheric Ultra (RPU). Etiam existe 25 paises e territorios de ultramar.

Altere entitates con stato special es: Gibraltar, Ceuta, Melilla.

Le Union Europee es, in su conjuncto, le prime potentia economic del mundo, superante al Statos Unite. Secunde le datos del FMI pro 2010, le PIB (nominal) del Union Europee es de 14,82 billiones de dollars (le statounitense es de 14,66 billiones). Pro su parte, le PIB (nominal) per capita del UE in 2010 era de 32 700 dollares, pro lo que es in le posto 42 a escala global.

Etiam assi, actualmente le economia europee se trova in crisis, le nominate crisis del deuda sobirane europee o crisis del euro, que ha provocate le crescentia economic in statos como Grecia, Irlanda, Portugal, Hispania o Italia ha essite negative in alicun exercicios. Le BCE arivava incluso a rescatar financieramente al tres prime paises citate ante.

Como consequentia de iste crisis economic, le Union Europee essaya augmentar le integration economic e politic inter su statos membros, habente approvate pro illo medidas commun de chracte fiscal, un plus grande coordination economic del eurozona, le refortiamento del fundos de rescate pro paises in difficultates economic e adelantente le posta in functionamento del MEchanismo Europee de Stabilitate.   

Le budget del Union Europee ha tote le ingresos e tote le gastos del UE. Si ben ha essite aumentante al longe del tempo, actualmente su limite es fisate in le 1,27% del PIB del Union. Le budget annual fixa se dentro de una marco financiero previamente stablite pro un periodo non inferior a cinque annos (actualmente 7 annos).

Debite a que le Union Europee ha un parlamento e un administration distincte e independente de su statos membros, gestiona anque de forma independente le gastos dirigite al politicas commun del Union. Pro facer frente a iste gastos, le Union Europee ha un budget accordate de plus de 133 800 milliones de euros annual, lo que equivalea un 1% del ricchessa que genera cata anno le paises membros.

Le Union Europee nutre se del recursos que le transfere le statos membros e que le corresponde pro derecto, le cognoscite como recursos prorpie, le qual provene fundamentelmente del exactiones agricole, del derectos de doanas, de un quota sur le IVA e de un quota in relation con le PIB. Durante que le resto de recursos ha fundamentalmente un character testimonial, jam que suppone sole un 1% del ingressos del Union, como le multas imposte per le Commission Europee o le excedente positive, si il ha, del anno anterior. 

Le dispensas del Union Europee se divide in cinque bloques principal: crescimento tenibile (empleo, innovation, education, prolitica social, etc.); derecto del cive, securitate e justitia; politica externe del UE; dispensas de administration e compensationes (adjutas al paises-membros con minor disveloppamento).

Le Mercato interne del Union Europee (MIUE)  es un combination del Union doanere e zona de libre comercio. Tunc, le membros del Union actua como bloque, defininte le mesme aranceles al commerciar verso fora (pro evitar competentias interne), annulante inter ilos le aranceles in frontiera e permittinte le libere transito de personas, assi como de capitales e servicios (libere prestation de servicios e libertate de stablimento del empresas).

In le anno 2007, post le duo ultime ampliationes del Union, on decidiva donar le un nove rumbo al MIUE, concedente le prioritate al consumitor e al parve empresas. Le mercato unic reformate non sole pretende sacar partito del globalisation, sino que vole adjutar a mantener le logros social e ecologic. 

Le Accordo de Schengen, signate le  14 de junio 1985 in Schengen, un localitate de Luxemburg, constitui un del passos plus importante in le historia del construction del Union Europee. Le accordo ha como scopo finalisar con le controles in le frontieras dentro del spatio de Schengen pro harmonizar le controles del frontieras externe, con le creation de un zona de libere circulation.

Tote le paises del spatio Schengen, con le exception de Switza, Norvega, Liechtenstein e Islanda,  
es membros del Union Europee. Pro altere parte, Irlanda ha optate pro permanecer fora del accordo de Schengen benque participa in certe assuntos (como habeva le Regno Unite quando illo era un membro del UE). 

Le Spatio Economic Europee (SEE) comenciava existir le 1 de januario 1994, con le motivo de un accordo inter paises membros del Union Europee e del Association Europee de Libere Comercio (AELC). Su creation permitiva al paises del AELC participar in le mercato comun europee sin tener que adheri se al UE. Le membros del asscoaition es le 27 paises integrante del UE, e Islanda, Liechtenstein e Norvega. 

Pro su parte Switza, como membro del AELC, anque haveva dercto a entrar in le SEE, ma post un resultato negative al entrata in un referendum national in decembre 1992, non ratificava la accordo. Le relationes de Switza con le UE es regite per un conjuncte de tratatos bilateral e entrava a formar parte del spatio Schengen in novembre de 2008.

Le Tractato del Union Europee, in vigor ab 1993, previde le creation de un union economic e monetari con le introduction de un moneta unic (que tunc se pensava nominar ECU. De illa formarea parte le paises que cumpliva un serie de conditiones e se introducerea de forma gradual. Le data inicialmente previste se retrasava usque, finalmente, le statos membros del Union Europee accordava le 15 de decembre 1995 in Madrid le creation de un moneta unic commun -jam sub de nomination de euro- con data de initio de circulation dde januario 2002.

Le euro es le moneta del Eurozona o zona del euro, cmposte in 2011 per 18 del 28 statos membros del UE que comparte iste moneta unic. On poneva le billetes e monetas de euro in circulation le 1 de januario 2002, data in la que 1 euro se cambiava pro 0,9038 dolares statounitense (USD). 

Altere petras milliari del moneta unic se donava in julio 2002, quando le euro sobrepasava le paritate con le dollar in le mercato de divisas, e in julio 2008 quando le euro alcanzava su valor maxim usque le momento, al cambiar se 1 euro per 1,5990 dollars. 

Le Banca Central Europee (BCE), era create in 1998, conforme al TUE, pro intrucer e gestionar le nove moneta, effectuar operationes con divisas e garantizar le bone functionamento del systema de pagamento.  Il es anque responsabile de fixar le grande lienas e executar le politica economic e monetari del UE. Un del principal tareas del BCE es mantener le stabilitate de precios del zona euro, preservante le poter acquisitive del euro. 

Post le ampliation del Union in 2004, le 16 de junio 2006, le chefes de stato e de governmento del statos membros approvava le proposta del Commission Europee del intrata de Slovenia in le Euro pro le 1 de januario 2007. Un anno post, in le cumbre de 21 1 22 de junio 2007, le chefes de stato e de governmento approvava le entrata de MAta e Cypro in le zona euro pro le 1 de januario 2008. Altere anno post, le 8 de julio 2008, le ministros de economia e finantias del Union Europee approvava le entrata de Slovachia in le zona euro a partir del 1 de januario 2009. E finalmente, le 17 de julio 2010, le ministros de economia e finantias del Union Europee approvava le ultime ampliation del zona euro usque le data, in le qual se approvava que Estonia entrava in le eurozona, e pro lo tanto adoptava le euro, a partor del 1 de januario 2011.

Le resto del statos que ingressava al UE con le ampliationes del 2004 e 2007 no ha potite adoptar le euro ancora. Nonobstante, iste paises es tomante le medidas necessari pro implementar lo como divisa proprie, benque iste processo pote tardar varie annos. Pro su parte, tanto Danmark como le Regno Unite decidiva quedar se fora del zona europ quando se ratificava le Tractato de Maastricht, ben que se espera que Danmark realisa un referendum in le proxime annos re iste question.

Le UE es membro del Organisation Mundial del commercio ab le 1 de januario 1995, e a su vice, le 27 statos membros del Union es membros del OMC. Il es importante destaccar que le UE es le prime potentia commercial del planeta, jam que representa plus del 20% del commercio international (importationes e exportationes). In su interior, Germani ha le plus grande mercato del Union attendente le PIB.

Le UE es le principal socio commercial de Russia, le majoritate de paises african, le apises europee non pertencente al UE e, ab 2005, anque del Republica Popular China, con la que le trasactiones supera le 100 000 milliones de euro cata anno. Nonobstante le UE ancora non ha recognoscite al pais asiatic como un economia de mercato. Francia petiva le levantamento del embargo de armas que Europa mantene con China ab le factos del Placia de Tian'anmen in 1989.

Le UE ha signalate que es interessate in cerrar accordos de libere commercio con le paises latinoamerican, que es integrate in arie gruppos regional. Un es le Comunitate Andina, constituite per Bolivia, Colombia, Ecuador, e Peru, e altere es le Mercato Commun Centroamerican, que ha celebrate accordos de cooperation con Mexico e Chile, e il es in negotiationes pro le liberalisation del comercio con Mercosur.

Le disveloppamento tenibile es pro le Union Europee un de su grande scopos. Le prime strategia de disveloppamento tenibile se ha realisate in le anno 2001, e posteriormente illo se ha actualisate in 2006, nam on voleva meliorar tote le deficientias derivate del nove defias.

Iste politica se focalisa fundamentalmente in le cambio climatic, in le politica energetic, assi como in le education, le investigation e le finantiamento public pro attinger le instalation de patronos tenibile de production e consumo.

Le politica regional del Union Europee es un politic con le scopo declarate de meliorar le ben-esser economic de determinate regiones del Union. Circa de un tertio del presuposto del UE se dedica a iste politic. Le scopo que se perseque es le eliminiation del disparitates de riquessa in tote le UE, le restructuration del zonas industrial in declive e le diversification del zonas rural con un sector agricole in declive. 

Le ampliation plus importante del Union haveva loco in majo 2004 con dece nove statos membros, in su majoritate procedente de Europa Central o Oriental, sequite pro le Adhesion de Bulgaria e Romania in januario 2007. Le majoritate de iste paises es plus paupere que le membros anterior e isto ha significate que le renta per capita medie del UE se ha reducite, lo qual ha facte que alicun regiones del anterior UE-15 jam non pote optar al adjuta financiera communitari, jam que le majoritate del regiones del nove statos membros cumple le requisitos pro reciper tal fondos. 

Pro consequer iste convergentia socioeconomic le Union dispone de varie Fondos Structural: le Fondo Europee de Disveloppamento Regional (FEDER), le Fondo Social Europee (FSE), le Fondo Europee de Orientation e de Garantia Agricole (FEOGA) e le Instrumento Financiero de Orientation Pesquera (IFOP). Le Union Europee, dispone de plus de un serie de iniciativas resrvate pro actiones de character innovator, le qual in origine era 13, e actualmente tan solo se mantene quatro: le programma INTERREG, cuje scopo es estimular le cooperation transfrontieriza, transnational e interregional; le programma LEADER, que se propone fomentar le disveloppamento rural; le programma EQUAL, que investiga re nove methodos de lucta contra le discriminationes e desiqualitates de tote typo pro acceder al mercato laboral; e le programma URBAN, que fomenta le revitalisation economic e social del citates e del zoanas suburban in crisis.

Le Politca Agrari Comun (PAC) es un del politicas plus antique del Union Europee e un de su scopos original.Le politica ha como scopos incrementar le production agricole, assecurar le certessa del suministro del alimentos, meliorar le qualitate de vita del agricultores e stabilisar le mercatos al asecurar precios razonabile pro le consumitores. Usque il ha pauc, operava mediante un systema de subsidios e de intervention in le mercato; usque le decada del annos 1990 le politica representava le 60% del budget annual del Union Europee, e hodie ancora representa le 40%. 

Le controles de precios e le intervention in le mercatos havava como resultato le superproduction, le qual se amacenava pro mantener le niveles minime de precios. Pro disponer de iste superavit, a menudo se vendiva in le mercato mundial international a precio sub le garantizate per le Union o, pro altere parte, le agricultores a menudo recipeva subsidios que equivaliva al differentia inter le precios mundial e le del Union. Iste systema se ha criticate pro vender plus barato que le production del paises in vias de disveloppamento. Le superproduction anque se ha criticate per le ambientalistes pro le mthodos de production intensive. Pro altere parte, los que appoia le Politica Agricole Comun, agumetna que le adjuta economic pro le agricultores, les assicura un standart de vita razonabile imposible economicamente si non existiva.

Ab le comencio del decada de 1990, le politica ha vadite reformante se. Al principio, iste reformas includiva le politica de separar un portion de terra del production, imponer quaotas in le production lactier, etc. Le dispensas agricole abandonara le subsidios rilate con le production specific pro relacionar los con le tamanio del fincas agricole, pro permiter que le mercato stabliva le nivellos de production e al mesme tempo assicurar le renta del agricultores. Le reformas anque include le abolition del regimen de sucre inter le statos membros e le nationes african e caibbean e su relation privilegiate.

In le terreno del investigation e exploration spatial in Europa existe le Agentia Spatial Europee (ASE). In illa collabora 18 statos europee, benque se espera que le membros que apportava le ampliation del Union Europee de 2004 e 2007 se incorpara al Agentia in le proxime annos. Su sede central se trova in Paris. LE loco desde le que se effectua le lansamentos del vahiculos Ariane del Agentia es le Porto spatial de Kourou, situate in le Guaayana Francese.

In le terreno del physica nuclear, il destacca le Organisation Europee pro le Investigation Nuclear (plus cognoscite per su antique siglas, CERN), le plus grande laboratorio de investigation in physica a nivel mundial. 
Il es situate in le frontiera inter Francia e Switza, inter le communa de Meyrin (in le canton de Geneva) e le communa de Saint-Genis-Pouilly (in le departamento de Ain). In le actualitate il ha 20 statos membros, e le Comission Europee actua commo observator. Un de su projectos stella es le `[Grande Collisionato

Un del projectos stella es le Grande Collisionator de Hadrones, super le que le scientificos e ingestigatores ha poste grande expectivas.

Le UE es lavorante pro meliorar su infrastructuras transfrontierise, por exemplo tra la retes transeuropee (RTE). Le projectos del RTE include le tunnel del Canal, le corredor Mediterranee, le LGV Est, le tunnel ferroviari de Frejus, le ponte de Oresund e le tunnel de basse del Brennero. In 2001 se calculava que in 2010 le rete comprenderea 75 200 kilometros de carreteras, 78 000 kilometros de vias de ferrocarril, 330 aeroportos, 270 portos maritime e 210 portos interior.

Altere projecto de infrastructura es le systema global de navigation per satellite Galileo, construite per le Union Europee e posate in marcha per le Agentia Spatial Europee (AEE), le qual es opperative ab 2010. Le projecto Galileo, era lanceate in parte pro reducir le dependentia del UE super le Systema de Positionamento Global (SPG) statounitense, e anque pro donar un cobertura mundial plus complete e prmitter un exactitute multe plus grande, donate le antiquitate del systema SPG. 
Alicunes ha criticate le systema Galileo pro su elevate costo, su varie retraos e pro su perception de redundantia, donate le existentia del systema SPG.

In 2007, le 27 statos membros del UE haveva un consumo interior bruto de energia de 1825 milliones de tonelatas equivalente de petroleo (tep), del qual, circa le 46% del enerbgia consumite se produceva in le proprie staots membros, durante que on importava le 54% restante. çIn iste statisticas, le energia nuclear es tractate como le energia primari producite per le UE, independentemente del fonte del uranio, del que minus del 3% es producte in le UE.Nuclear energy and renewable energy are treated differently from oil, gas, and coal in this respect.

Le UE he tenite le poter legislative in le ambite del politica energetic al longe de su existentia, havente su radices in le originati  Communitate Europee de Carbon e Aciero. Le introduction de un politica obligatori e integral del energia era approvate in el reunion del Consilio Europee in octubre 2005, e le borrator del politica era publicate in januario 2007.

Le Commission ha cinque punctos calve in su politica energetic: aumentar le competentia in le mercato interne, fomentar le inversion e aumentar le interconexione inter su redes de electricitate, diversificar le fontes de energia con meliores systemas pro responder a un crisis, stablir un nove marco pro le cooperation energetic con Russia, al tempo que pretende meliorar le relations con le statos ric in energia de Asia central e del nord de Africa, le uso del fontes de energia existente de maniera plus efficente e le aumento del uso del fontes de energia renovabile e, finalmente aumentar le financiation de nove technologias energetic.

Le UE importa actualmente le 82% del petroleo, le 57% del gas e le 97,48 del uranio. Il existe preocupation de que le dependentia de Europa respecto del energia de Rusia pone in pericolo al Union e su paises membros. Pro lo que le UE es tractante de diversificar su suministro de energia.

Le paises del Union Europee in su conjuncto, constitui le principal potentia mundial in lo que al disveloppamento e application de energias renovabile se refere. Le promotion del energias renovabile ha un rolo multo importante, tanto in lo que se refere a reducir le dependentia externe del UE in su abastimento energetic, como in le actiones que debe adoptar se in relation con le lucta frente al cambio climatic. Nonobstante, e benque in conjuncto le avances es positive, il existe ancora resultatos longe de cumplir le expectativas in alicun paises del Union. 

Le Consilio Europee de martio 2007 in Brussel approvava un plan energetic obligatori que include un retalio del 20% de su emmissiones de dioxido de carbono ante del anno 2000 e consumer plus energias renovabile pro que represente le 20% del consumo total del Union (contra le 7% in 2006).
Pro altere parte il se stabliva le compromisso de lograr un quota minim de un 10% de biocombustible in le consumo total de gasolina e gasole de transporto in 2020.

Le futuro reparto del esfortio de iste porcentaxe del 20% haveva in conta le specificidades energetic de cata stato. De plus, le UE compromete se a arivar usque un 30% in le recution de gases de effecto hivernadero in caso de compromiso international que involucre tanto a altere potentia como al nove paises industrialisate.

Le Union Europee conta con un del legislationes de ambiente plus severe del mundo, le qual se introduceva post de estar varie decadas studiante le principal problema ambiental existente in le Union. Le UE conta con le Agentia Europe de Ambiente, que ha per mision facilitar al UE e al paises membros la toma de decisiones super le melioramento del ambiente, e coordinar le Rete Europee de information e observation del ambiente. 

Le activitates prioritari in relation al ambiente enfoca se in le lucta contra le cambio climatic, mantiner le biodiversitate, reducir le problemas de salute derivate del contamiention e le uso del recursos natural de maniera plus responsabile. De site forma, lo que se perseque con iste politicas e sle protection del medio natural, de un maniera que se contribuiva al crescentia economic, impulsante le inivation e le empresa Le Union Europee ha poste in marchia trans un libro de medidas, un paquete ambiciose que marcava su proprie liderazgo in le preparation pro un accordo mundial. In iste sentido, se ha convertite in le prime potentia mundial que adopta scopos juridic vinculante de tal alcance in materia de clima e energia. Le prime compromiso que le paises membros ha acquirite ha essite le reduction de emissiones de gases de effecto de conservatorio calide in un 10%.

Le Rete Natura 2000 es un rete ecologic europe de areas de conservation del biodiversitate. Il consta de Zonas Spatial de Conservation designate de accordo con le Directiva Habitat, assi como de Zona de Special Protection pro le Aves (ZEPA) stablite in virtute del Directiva de Aves. Su finalitate es asecurar le superviventia a longe plazo del speties e le habitats plus menaciate de Europa, contribuinte a detener le pardita de biodiversitate pro le impacto adverse del activitates human. Il es principal instrumento pro le conservation del natura in le Union Europee. 

Iste rete de spatios coherente se fundamenta in le politica de conservation del natura del Union europee secunde su Directiva de Habitat, que complementa le Directiva de Aves de 1979.
 
Le Rete Natura 2000 se creava trans le Directiva 92/43/CEE sur le conservation del habitat natural de fauna e flora silvestre (plus cognoscite como Directiva de Habitat), de 21 de maio 1992. Iste rete debe permitter alcanzar le scopos stablite per le Convenio re le Diversitate Biologic, approvate in le Cumbre del Terra de Rio de Janeiro in 1992.

Le Projecto LIFE financia medidas que contribui al disveloppamento, le application e actualisation del politica e le legislation communitari de ambiente. Iste instrumento financiero pretende equalmente facilitar le integration del ambiente in le altere politicas e lograr un disveloppamento sostenibile in le Union Europee.

On lanciava le Projecto LIFE 1992, e ab 1996 consta de 3 componentes: 

Usque nunc ha habite quatro fases:

Le Union Europee occupa le 3tie posto in le ranking mundial de population, con un total de 501 105 661 personas que se estima vivente in le UE in 2011 frente al 313 232 044 in Statos Unite e post China e India.

Le Tractato del Union Europee o Tractato de Maastricht donava recognoscentia official al dimension cultural del integration europee, al attribuir certe competentias (multe reducite) de action cultural al Communitate Europee. Secunde le Tractato, le Communitate Europee debe impulsar le culturas del statos membros, havente special attention in preservar le diversitate, mais ponente anque de manifesto le patrimonio cultural commun. 

Super cultura, le Commission Europee dispone de un commissario que aggruppar in un sole cartera le education, le formation, le cultura e le juventute, sed non le multilinguismo.

Un del projectos cultural le plus importante es le designation del Capital Europee del Cultura. Iste es un titulop conferite per le Commission e le Parlamento Europee a un o duo citates europee, que durante un anno ha le possibilitate de monstrar su developpamento e su vita cultural. Alicun citates europee ha profitate iste desgination per tranformar completemente su structuras cultural e esser recognoscite in le ambito international. Quando un citate es nominate Capital Europee del Cultura, in illa se developpa tote typo de manifestationes artistic. 

Altere projecto cultural communitari es le Orchestra Juvene del Union Europee. In illa coincide musicos juvene con talento procedente del Union Europee juncto con proffesores recognoscite internationalemente pro conformar un orchestra renominate a scala international.

Le Union Europee ha essite sempre cognoscite como un del zonas de plus grande prestigio educative e il es famose pro su projectos e pro su grande evolution e experientia e benque ha deficits in alicun de su characteristicas, il dedica multe sfortio economic e social pro que iste debilitates esse superate, super toto in paises que se ha cohesionate recentemente. 

Ancora tunc, il existe grande differentias de nivel cultural, social e moral inter le paises potential e developpate del Union respecte al menos developpate e incluso in alicun del paises ricos il ha niveles proffesional multe debil e contraproducente al schemas del Union. 

In 1995, le Commission Europee publicava le Libro Blanco re le education e le formation. In ille on explicava ampliamente le importantia de que le cives europee poteva reciper formation al longe de lor vita, lo que se cognosce como apprentissage permanente. Le scopo es mantener le competitivitate e combatter le exclusion social.

Colleginte iste idees, in 2000, le Memorandum re le apprentissage permanente, documento de lavoro de servicios del Commission Europee, convoca un debate europee pro facer realitate le apprentissage durante tote le vita a nivel individual e institutional. Al final del memorandum, il plantea sex claves pro le strategia: garantir le accesso universal e continuo al apprentissage pro obtener e renovar le qualificationes del cives, augmentar le inversion in recursos human, crear methodos efficace pro le apprentissage permanente, valorar le apprentissage non formal e informal, assessorar e informar del opportunitates de apprentissage durante tote le vita e offrecer opportunitates proxime al apprentissage permanente.

Processo de Bologna es le nomine que recipe le processo iniciate a partir del Declaration de Bologna, acordo que in 1999 firmava le ministros de education de diverse paises de Europa (tanto del UE que de altere paises como Russia o Turchia) in le citate italian de Bologna. Il es un declaration conjuncte (le UE non ha competentias in materia de education) que donava initio a un processo de convergentia que haveva como scopos facilitar le intercambio de titulatos e adaptar le contenito de studios universitaria al demandas del mercato. 

Le declaration de Bologna conduceva al creation del Spatio Europee de Education SUperior, un ambito que servirea de marco de referentia al reformas educative que multe paises, los que incorporava a iste spatio, haberea de initiar in le prime annos del sceulo XXI. Este acuerdo se enmarca dentro del Acuerdo General de Comercio de Servicios, firmado en 1995, y cuyo objetivo declarado es liberalisar le comercio de servicios a escala mundial (porque la OMC integra a 151 estados, incluyendo a toda la Unión Europea) pro introducer los in le mercado, ya que la financiación pública es un elemento de distorsión de los mercados.

Pro multe sectores del societate, le Processo de Bologna va ultra lo firmate in Bologna, comprenhendente aspectos relative a tote le reformation universitari que se considera importante, specialmente aquilolos referite al financiation del universitate public, e conta con multe detractores e oppositores.

Le programmas educative europee plus importante es Comenius, in le mabito scholar, Leonardo da Vinci, pro le formation professional, programma Erasmus, pro le ensinamento universitari e Grundvig, pro le ensimaneto de adultos. 

Le programma eLearning promove le integration effective del technologias del information e le communication (TIC) in le  sistemas de education e formation in le UE. Le linea le plus importante de iste programma es le iniciativa eTwinning, que pone a disposition del centros scholar un portal de internet con utensiles e supporto pro facilitar le realisation de projectos de hermanamiento/twinning inter centros de differente paises. Le utensiles de eTwinning permitte al proffesores de tote le materias disveloppar projectos pedagogic commun, compartir experientias e recursos didactic e introducer le dimension europee in le aula. Le alumnos ha le opportunitate de aprender de e con lor companieros de altere paises, de practicar linguas e de disveloppar habilitates rilate con le TIC.

Inter le multe linguas e dialectos del Union Europee, illo ha 23 official. Le documentos importante, como le legislation, es traducite a tote le linguas official. Le Parlamento Europee provide traduction a tote le linguas per documentos e su sessiones plenari.

In le statos membros utilisa se, de plus del 24 linguas signalate, un 60 linguas plus, 30 coofficial sole in parte dle territorio o non official (linguas regional e minoritari). Un del politicas clave del UE es la de promover le aprentissage pro tote le cives de duo linguas a parte de su lingua materne. LE scopo non es sole facilitar le communication inter cives, sine anque fomentar un major tolerantia verso le alteres e un respecto pro le diversitate cultural e linguistic del Union. Varie programmas de cooperation promove le apprentissage de linguas e le diversitate linguistic durante, pro exemplo, intercambios scholar, le disveloppamento de nove methodos, o becas pro le proffesorate de linguas. DE alicun maniera de isto parla le motto unitate in le diversitate (latino: «In varietate concordia»).

Interlingua es un lingua neutral e illo es un multe bon aliantia del equalitate del linguas e cives europee. Interlingua pote esser un lingua de trabalio in le institutiones europee e anque un lingua international pro adjutar al communication inter le cives europee, como era le latino in le Antiquitate.

Secunde un studio del Commission Europe in 2005, quatro de cata cinque cives del Union Europee ha credentias religiose o spiritual. Plus concrete, le 52% del population afirma creder in le existentia de Deo e un 27% crede in le existentia de alicun clase de spirito o fortia vital. Solo le 18% del cives declarava non haver necun typo de credentia religiose. 

Del 27 statos del Union Europee, jucnto con Croatia (que entrara le 1 de julio 2013) assi como le statos in negotiationes de adhesion (Turchia, Macedonia, Islandia e Montenegro), axiste alicund differentias inter su cives per motivos religiose. In genral, le majoritate del cives europee que ha un religion es chritian, in alicun del diffente brancas (catholic, protestante o orthodioxe). Assi, durante que in alicun paises como Italia, Espania, Francia o Irlanda predomina le catholicismo, in altere como Svedia o Danmark predomina le protestantismo, e in altere como Grecia o Romania le orthodoxismo. Asimismo, in altere paises como Turchia, le islam es majoritari.

De plus, le porcentage de agnosticos e atheos in le statos del UE varia secunde le stato in que se trova. Secunde le ultime barometros, durante que sole le 2% del turchos e malteses non crede in le existentia de deo, in Espania, le 24% del population declara se non credente o athea e in Francia inter le 30-35%. Le paises con prcentage plus alte de atheismo o agnosticismo es le Republica Chec (60%) e Estonia (76%).

In le conjuncto del UE, secunde un eurobarometro de 2006, le 46% del cives europee considera que le religion occupa un posto multe importante in le societate. Assi, inter le paises ubi le religion haverea un plus grande importantia pro le population se trova Cypro, Italia, Malta, Slovachia, Slovenia, Polonia, Portugal e Espania, in iste oridne. 

Inter le paises membros del Union Europee se trova casos, como Danmark ubi existe un religion de character statal. Le aconfesionalitate del stato non es pro tanto un requisito pro entrar in le Union Europee (essente iste aspecto interne de cata pais) ma si que se garante le libertate religiose pro qualcunque credo, secunde recognosce le Carta del Derectos Fundamental:

Le sport es principalmente un responsabilitate del distincte statos membros o de altere organisationes international. Nonobstante, alicun politicas del UE ha havite un impacto super le sport, tal como le libere circulation de laboratores, trans le  sententia Bosman que prohibi al ligas national de football le imposition de quotas a jocatores estranie con derecto del cive europee.

In le marco del Tractato de Lisbona se ha proposte un statuto spetial pro le sportes, le qual eximira a iste sector de grande partes del regulas economic del Ue. Dum le formulation del politica de sportes del UE, varie associationes sportive europee era consultate, includite le FIBA, le UEFA, le Federation Europee de Handball, le Federation International de Hockey sur gelo, le  FIRA e le Confederation europee de Volleyball. Tote le statos membros del UE e su respective associationes national de sport pote participar in le organisationes sportive europee como le UEFA.




#Article 341: Unicode (211 words)


Unicode es un standard del industria informatic pro le representation, le tractamento e le codification de characteres de maniera consistente qui assigna un numero a cata character presente in le majoritate del systemas de scriptura. Le codification es identic in tote le computatores, le systemas de operation, le programmas e le linguas human. Le codification esseva construite pro crear un systema qui poterea facilemente monstrar tote le characteres super cata computator. 

Le successo de Unicode pro unificar le collectiones de characteres ha conducite a su uso predominante e general in le internationalisation e le traduction de softwares. Le standard ha essite introducite in multe technologias recente, includente systemas de operation moderne, le XML, Java (e altere linguages de programmation), e le platteforma .NET. 

Le Unicode pote esser establite per codificationes de characteres differente. Le standard de Unicode defini UTF-8, UTF-16, e UTF-32, e diverse altere codificationes es in uso. Le codificationes le plus communmente usate es UTF-8, UTF-16 e UCS-2, un predecessor de UTF-16.

Le UTF-8, le plus largemente usate per le sitos web, usa un byte pro le prime 128 punctos de codice, e usque 4 bytes pro le altere characteres. Le prime 128 punctos de codice Unicode es le characteres ASCII; alora un texto ASCII es un texto UTF-8.




#Article 342: Union hypostatic (102 words)


Le union hypostatic es le doctrina del union del natura divin con le natura human in Jesus Christo, sin confusion de lor respective substantias (cfr. incarnation). Un termino usate pro referer al assumption del natura human per Deo, in le persona de Jesus Christo. Le termino incarnationalismo se usa sovente pro referer al approches theologic (como illos del Anglicanismo del tarde 19e seculo), que emphasava specialmente le facto que Deo deveniva homine.

Iste termino se usa generalmente pro referer se al doctrina del duo naturas de Christo (le prime human, le secunde divin). Connectite a isto es le termino: Definition de Chalcedonia.




#Article 343: Urim e Thummim (375 words)


Objectos custodiate in le pectoral o bursa del Sacerdote Maxime (cfr. Exo. 28:30 e seq.), le quales serviva pro discoperir le voluntate de Deo (Num. 17:21; 1 Sam. 28:6; Esd. 2:63). Nos hodie non cognosce qual esseva le natura de tal objectos, ni le exacte significato del parolas hebree Urim e Thummim. Secundo alcun eruditos, Thummim denotava le innocentia e Urim le culpa. Secundo alteres, respectivemente lumine e tenebras.

Le version grec Septuaginta traduce iste terminos dèlosis kai alètheia, illo es indicio e veritate. Forsan se tractava de duo petras o dados, de color e forma differente. In le libro del Proverbios il es scribite: Se jecta le sortes in le gremio, ma le decision perveni del Senior (16:33).

Per le medio de Urim e Thummim se essayava de cognoscer le decision o le responsa de Deo, le qual, generalmente, consisteva in un si o in un no, o culpa o non culpa.

Le passage que majormente illumina nos a iste reguardo es 1 Sam. 14:36-46, specialmente le v. 41, que in le texto del Septuaginta es rendite assi: E Saul diceva: 'Oh Deo de Israel, proque hodie tu non respondeva a tu servitor? Si le iniquitate es in me o in mi filio Jonathan, da Urim, ma si tu dice assi: Le iniquitate es in tu populo Israel, da Thummim'. E Saul e Jonathan esseva designate, ma le populo esseva excludite.

Le privilegio de consultar le Deo de Israel per le medio de Urim e Thummim esseva, plus tarde, reservate al Sacerdote Maxime (Jud. 20:27 seq.; 1 Sam. 2:28). Iste objectos esseva perdite de post le destruction del Templo de Jerusalem.

In le tempores moderne le Mormones assere que Joseph Smith recipeva le Urim e Thummim (Luci e Perfection), insimul al plattas del original del Libro de Mormon, e ille los usava pro traducer le libro, secundo Joseph Smith le Urim e Thummin 
esseva constituite per duo petras montate supra arcos de argento e iste petras que fungeva de lentes, esseva fixate a un pectoral. Post le traduction del Libro de Mormon Joseph Smith debeva restituer le Urim e Thummim assi como le plattas del Libro de Mormon, sed il ha plure testes qui ha vidite iste objectos (vide Libro de Mormon - Introduction).




#Article 344: Vetere Testamento (320 words)


Le Vetere Testamento o le Ancian Testamento es le appellation usate per christianos pro referer al Tanakh, le collection de scripturas judee que alsi constitue le prime parte del Biblia christian. Illo contine 46 libros, comenciante con le libro del Genesis. Illos usualmente se classifica in le categorias legal, historic, poetic e prophetic. Tote ille libros esseva scribite ante le nascentia de Jesus Christo. Le texto del Vetule Testamento usate per le christianos primordial esseva le Septuaginta, un traduction grec que esseva amplemente considerate autorisate per le judeos in le prime seculo.

Le Vetule Testamento christian, sin le libros deuterocanonic, corresponde al Scripturas Judaic (Tanach) in uso hodie per judeos, excepte que ambe versiones ha un ordination legiermente differente de libros, durante que le judeos alexandrin, ethiope e egyptie, accepta le Septuaginta como inspirate. Le christianos denomina iste gruppo de libros Vetule Testamento, a causa de un credentia (inseniate in le Epistola al hebreos) que il ha un nove pacto o testamento inter Deo e le humanitate, post le advento de Jesus. Le judeos mesme non accepta le Nove Testamento o le characterisation del Tanach como le Vetule Testamento (ben que multe judeos accepta Jesus como un figura historic). Il ha alcun controversia inter eruditos protestante super le question de si le Nove Testamento se applica al populo judee, mais il ha multe pauc controversia super su applicabilitate al gentiles. Similarmente, le grado in que le Vetule Testamento e su leges se applica al christianos es un puncto controverse.

Le texto del Nove Testamento totevia contine multe referentias al Vetule Testamento, specialmente in relation al realisation de prophetias concernente le Messia promittite, que le christianos crede esser Jesus Christo. In le vision theologic christian, iste expectation, le realisation presente e le realisation eschatologic del regno divin e eterne sub le autoritate de Christo es le filo que se extende trans ambe Testamentos.

Le judeos alexandrin recognosceva le Septuaginta como inspirate.




#Article 345: Volapük (264 words)


Volapük es un lingua artificial, create per le sacerdote german Johann Martin Schleyer in 1879, con le intention de facilitar le comprension inter personas de distincte culturas. In su prime annos illo obteneva un grande successo e se estima que quasi cento milles personas poteva esser considerate parlatores del lingua al initio del seculo 20. Nonobstante, le relative complexitate del grammatica (in comparation con su principal concurrente, Esperanto, apparite in 1887) e grave divisiones inter le parlatores provocava le declino del lingua. Actualmente, illo es practicate per un parve gruppo de enthusiastas.

Schleyer, qui esseva un german parocho catholic in Bavaria, publicava in 1879 su prime articulo super su lingua auxiliar Volapük. In 1931 Arie de Jong revideva le lingua. Ille re-introduceva le littera r in multe parolas, raffinava le systema verbal, e le numeros, e appurava alicun punctos del grammatica.

Summario del lingua:

Volapük es agglutinante, lo que permitte le union de diverse terminos pro formar un parola nove. Originalmente Volapük habeva quatro casos: nominativo, accusativo (desinentia -i), dativo (desinentia -e) e genitivo (desinentia -a). Le vocativo consiste in le insertion del interjection o ante le substantivo. Le parola volapük significa lingua del mundo: ab vol (mundo) + desinentia de genitivo (-a) + pük (lingua). Un critica al volapük esseva le deformation que habeva suffrite le parolas que esseva prendite ab altere linguas (per exemplo, vol e pük veni ab le terminos anglese world e speech respectivemente); assi le parolas ambe monstra un vista eurocentric, ancora es incomprensibile pro quasi tote le mundo. 

Iste exemplo de Volapük es un traduction del Patre Nostre:




#Article 346: Veneration de sanctos (105 words)


Le veneration de sanctos (ab  venerare) es le practica de venerar un persona qui excelleva in virtutes de un religion.

In ecclesias catholic e orthodoxe in le qual particular personas morte qui christianes recognoscite officialmente per le Ecclesia como sanctos e que assi recipe un culto.  Le veneration de sanctos es considerate idolatria per altere ecclesias christian.

In le fide islam, alcun sectos practica veneration de sanctos, como islam shia e islam sufi.  Altere sectos, como islam sunni e wahabismo non permite tal habitas.

Le hinduismo ha un tradition re le veneration de gurus, vivente e morte.  Alcun sectos practica veneration formal, como buddhismo mahayana.




#Article 347: Vulgata (166 words)


Vulgata es le nomine date al traduction latin del Biblia, executate per Jeronimo, secundo le commission del episcopo de Roma Damaso ab le 382 p. C..

Ab le lat. vulgare, divulgar, publicar.

Litteralmente Divulgata, es le nomine date al traduction latin del Biblia, executate per Jeronimo, secundo le commission del episcopo de Roma Damaso ab le 382 p. C. Gradualmente le Vulgata substitueva altere traductiones latin in uso in le Ecclesia antique, como le Vetus Latina. Ab le Concilio de Trento (1546), le Vulgata esseva recognoscite como authentic in le Ecclesia catholic-roman. Strictemente parlante, Vulgata designa le traduction de Jeronimo del Ancian Testamento (excepte le Psalmos, le quales esseva prendite del psalterio gallican); le obras apocryphe (excepte Sapientia, Ecclesiaste, 1 e 2 Maccabeos, e Baruch, que esseva trahite del Version Vetule Latin); e tote le Nove Testamento. Super illo se fundava largemente le theologia medieval. Le recognoscimento de multe inaccuratessas de iste version esseva de fundamental importantia pro le Reformation.

Vide: Biblia, Latino ecclesiastic.

Johannes 1:1-51




#Article 348: Wiki (1818 words)


Le parolas wiki e WikiWiki es le nomines de un typo de collection de documentos hypertextual o del software collaborative con le qual illo es create.

Wiki es tamben un prenomine commun inter Maori feminin in Nove Zelanda.

 

Un WikiWikiWeb permitte que documentos sia scribite collectivemente in un simple linguage de marcation con un navigator del web. Proque le majoritate del wikis es basate in le World Wide Web, le termino wiki suffice pro le major parte. Un singule pagina in un wiki se appella un pagina wiki, e le integritate del paginas, normalmente multo interconnectite, se appella le wiki.

In wikis traditional, omne pagina ha duo representationes: le forma in que illo es monstrate (generalmente HTML que es visualisate per un navigator del web) e le forma in que illo es editate (un linguage de marcation simplificate, le stilo e syntaxe del qual varia de wiki a wiki).

Le rationamento detra iste designo es que HTML, con su grande assortimento de etiquettas recursive, es troppo complexe pro permitter le edition rapide, e distrahe uno del contento del paginas. In ultra il es a vices reguardate como avantagiose que usatores non pote utilisar tote le functionalitate que HTML permitte, como JavaScript e folios de stilo cascadante, proque isto impone le consistentia del designo graphic.

Syntaxe wiki (MediaWiki)

Un pagina wiki ha duo formas de representation, le syntaxe wiki usate per le motor de wiki e le HTML generate ab illo e inviate al navigator del usator, le qual lo usa postea pro visualisar un pagina formatate.

Nonobstante, alicun mechanismos de wiki recente permitte le edition WYSIWYG, generalmente requirente un controlo ActiveX o altere software de extension que traduce instructiones de formatation entrate graphicamente como grasse e cursive a in etiquettas HTML que es postea inviate transparentemente al servitor. In iste casos, usatores qui non ha le extension requirite pote solmente editar le pagina in su forma de codice HTML.

Le instructiones de formatation permittite varia considerabilemente dependente del mechanismo de wiki specific usate. Wikis simple permitte solmente formatation elementari de texto, e plus complexes permitte le uso de tabellas, imagines, formulas, o mesmo elementos interactive como votationes e jocos. Pro isto, il ha ora un effortio pro stabilir un .

Wikis es un ver medio de hypertexto, con structuras de navigation non-linear. Cata pagina typicamente contine un grande numero de ligamines a altere paginas; wikis plus grande sovente ha paginas de navigation hierarchic, ma le uso de illos es optional. Ligamines se crea con un syntaxe specific, le si-nominate patrono de ligamine.

Originalmente le majoritate de wikis usava PlureMajusculas como patrono de ligamine, per poner in majusculas le prime littera de cata parola e eliminar le spatios inter illos (le parola PlureMajusculas ipse es un exemplo de PlureMajusculas). Durante que PlureMajusculas facilita multo le creation de ligamines, illo anque produce ligamines scribite in forma non-standard. Wikis usante PlureMajusculas es immediatemente recognoscibile per le grande numero de ligamines con nomines como TabulaDeContento e QuestionesProComenciantes.

PlureMajusculas ha multe criticos, e le cambio del grande wiki Wikipedia al si-nominate ligamines libere, parolas ponite intra duple parentheses recte stimulava disveloppatores de software wiki a cercar alternativas. Plure motores de wiki usa singule parentheses, parentheses curve, signos de sublineation, barras oblique o altere characteres como patrono de ligamine. Ligamines trans differente communitates wiki es possibile con un special patrono de ligamine appellate InterWiki.

Nove paginas in un wiki generalmente se crea exactemente como ligamines: un ligamine es create in un pagina pertinente al thema in question; si le pagina ligate non existe, le ligamine es de alicun modo emphatisate como rumpite. Con un clic super le ligamine se aperi un fenestra de edition, permittente al usator entrar le texto pro le nove pagina. Iste mechanismo assecura que si-nominate paginas-orphanos (al quales nulle ligamines se refere) es rarmente create, e un nivello generalmente alte de interconnexion es mantenite.

Wikis respecta in general un philosophia de render facile le correction de errores e non render difficile le entrata de errores. Assi, ben que wikis es multo aperte, illos tamben forni varie manieras de verificar le validitate de additiones recente al corpore de paginas.

Le pagina le plus prominente in quasi omne wiki es le de . Isto es simplemente un lista de un numero specific de modificationes recente, o un lista de tote le modificationes facite intra un certe periodo de tempore. Alicun wikis permitte filtrar le lista pro excluder modificationes marcate minor o que esseva facite per programmas pro importation automatic (bots).

Ab le pagina de modificationes recente, duo altere functiones es disponibile in le majoritate del wikis: le historia de revisiones, que monstra previe versiones de paginas, e le function diff, que distacca le differentias inter duo revisiones. Le historia de revisiones permitte aperir e salvar un previe version de un pagina e restabilir le texto original. Con le function diff on pote decider si isto es necessari o non: un usator regular del wiki pote monstrar le diff de un modification listate in le pagina de modificationes recente e, si illo es reguardate como un modification inacceptabile, restabilir un version previe con le historia. Iste processo es plus o minus efficace, dependente del software wiki in uso.

Le reportos diff emphatisa le cambiamentos inter duo revisiones de un pagina.

In caso que modificationes inacceptabile non es remarcate in le pagina de modificationes recente, alicun wikis forni controlo additional super le contento. Wikipedia esseva le prime wiki que introduceva guarda-paginas (watchlists), que permitte le generation de un lista exclusive de modificationes recente a un collection de paginas specific. Wikipedia permitte tamben le distaccamento de ligamines a paginas minus grande que un certe grandor, rendente micre paginas, si-nominate residuettos (stubs), perceptibile in omne paginas que liga a illos.

In casos extreme, multe wikis permitte proteger certe paginas de esser editate. Paginas protegite in Wikipedia, per exemplo, pote solmente esser editate per si-nominate gerentes, qui pote additionalmente revocar le protection. Isto es generalmente reguardate como un violation del philosophia fundamental de WikiWiki e dunque evitate.

Ben que le majoritate del wikis evita proceduras de registration mandatori, quasi omne grande mechanismos de wiki forni alicun modo de restringer usatores qui viola le regulas del communitate systematicamente. Le plus commun modo de facer isto es bannir le usator de editar, que pote esser complite per bannir lor adresse IP specific. Multe providitores de servicio internet totevia assigna un nove adresse IP pro cata vice que le usator se connecte al rete, assi que tal bannimentos es sovente inefficace.

Pro parve wikis, un commun defensa contra un vandalo persistente es simplemente lassar le disfigurar tante paginas como ille vole, e postea reverter rapidemente le paginas post que le vandalo ha partite. Iste tactica frequentemente es reguardate como inacceptabile in le contexto de communitates plus grande, ubi un action plus drastic e rapide es preferite. Pro arrangiar le problema de adresses IP cambiante a vices es usate bannimentos autoexpirante que se extende a tote le adresses IP in un rete particular, assecurante que le vandalo non pote editar paginas intra un periodo de tempore specific. Le assumption es que isto frequentemente suffice como mesura preventive.

Como un mesura de emergentia, alicun wikis permitte disactivar tote le functionalitate de editar in le base de datos, o permitter continuar a editar solmente a usatores registrate ante un certe data. Generalmente, totevia, qualcunque damno infligite per un vandalo pote esser revertite assatis rapidemente. Plus problematic es le insertion de errores subtil que non es discoperite.

Le majoritate del wikis offere un function de cerca in al minus le titulo, si non un cerca in le texto complete. Si o non le cerca continua a functionar ben con le crescimento del systema depende multo de si le mechanismo de wiki usa un base de datos o non; le indice de un base de datos permitte le cercas rapide in grande wikis. In Wikipedias con software recente, le button denominate Ir permitte al lectores vider directemente le pagina correspondente le melio al criterios de cerca fornite. Pro cercar in plure wikis simultaneemente, le mechanismo de recerca MetaWiki ha essite create.

Viste le simplicitate relative del concepto wiki, il existe un grande numero de implementationes, variante inter improvisationes multo simple con solmente le functionalitate le plus basic e systemas multo sophisticate de gestion de contento. Le major parte del mechanismos de wiki es software libere, e grande projectos como TWiki e le software de Wikipedia es disveloppate collaborativemente. Multe wikis es multo modular, forniente interfacies de programmation que permitte al programmatores disveloppar nove functionalitates sin deber haber cognoscentia del base de codice integre.

Il es difficile determinar qual mechanismos de wiki es le plus popular, ben que le candiatos primari es probabiloemente le wiki UseMod multo simple a installar, TWiki, MoinMoin e le software de Wikipedia. Vide software Wiki pro un lista de mechanismos de wiki.

Le software wiki proveni del communitate de patrono de designo pro scriber linguages de patrono. Le prime wiki esseva Portland Pattern Repository, stabilite per Ward Cunningham in 1995 . Cunningham inventava e denominava le concepto wiki, e produceva le prime implementation de un mechanismo de wiki. Alicun personas insiste que solmente le wiki original debe esser denominate Wiki (con un majuscula) o WikiWikiWeb. Le wiki de Ward remane un del sitos Wiki plus popular.

In le annos final del vintesime seculo, wikis esseva de plus in plus recognoscite como un technologia con promissa a disveloppar bases de cognoscentia private e public, e il esseva iste potential que inspirava le fundatores del projecto encyclopedic Nupedia, Jimbo Wales e Larry Sanger, a usar le technologia wiki como un base pro un encyclopedia electronic: Wikipedia esseva lanceate in januario 2001. Illo esseva originalmente basate super le software de UseMod, ma plus tarde cambiava a su proprie systema a codice-fonte public que ha ora essite adoptate per multe altere wikis.

Hodie, le Wikpedia in lingua anglese es de longe le wiki le plus grande, e le Wikipedias non-anglese occupa multes del altere positiones. Le secunde wiki le plus grande, totevia, es Susning.nu, un base de cognoscentia in lingua svedese, que usa le software UseMod. Le natura comprehensive de Wikipedia ha essite un factor significative in su crescentia, durante que multe altere wikis es multo specialisate. Alcunos tamben ha attribuite le crescimento rapide de Wikipedia al decision a non usar PlureMajusculas.

Il existe excursiones per autobus virtual guidate que duce visitatores a varie sitos wiki. Istes consiste simplemente de un pagina in cata wiki participante nominate TourBusStop, que da le ligamine al proxime station – de facto, un typo de webring. Cata pagina-station da alicun information super le wiki in question, e uno pote optar pro explorar iste wiki (descender del autobus), o pro continuar al proxime wiki in le excursion.

De longe le wiki le plus grande es le Wikipedia in anglese.

Vide in ultra Communitates Wiki per typo e Communitates Wiki per thema.

Vide in ultra , PHP Wiki, Software social, Bliki




#Article 349: World Wide Web (586 words)


Expression in anglese que significa tela mundial, communmente abbreviate como le Web o WWW. Alcun parlantes de interlingua usa etiam le esperantismo TTT (Tela Trans Terrestre).

Le World Wide Web es un systema de hypertexto que opera super le Internet. Pro visualisar le information, uno usa un programma denominate navigator del Web pro recuperar unitates de information (denominate documentos o paginas del Web) de servitores (o sitos) e exhibir los super le schermo del usator. Le usator pote sequer le hyperligamines super le pagina pro attinger altere documentos o mesmo inviar information retro al servitor pro interager con illo. Le acto de sequer hyperligamines es frequentemente denominate surfar le Web.

Justo como uno pote distinguer inter un internet e le Internet, uno pote referer se a un web como un collection de sitos que provide informationes per le medios describite hic (possibilemente trans un intranet) e le Web, que es le singule e grande tela interconnectite disponibile in quasi tote le sitos public del Internet.

Le Web proveni de un projecto de CERN, initiate circa 1989, ubi Tim Berners-Lee ha construite le systema-prototypo que deveniva le nucleo de lo que es hodie le World Wide Web. Le intention original del systema esseva facilitar le uso in commun de articulos de recerca inter collegas. Le nomine original del prime prototypo esseva Enquire Within Upon Everything (inquire intra super toto).

Le functionalitate del Web se basa super tres standardes: le adresse URL (Uniform Resource Locator), que specifica como cata pagina de information recipe un adresse unic specificante ubi illo se trova; HTTP (Hypertext Transfer Protocol), que specifica como le navigator e le servitor excambia information, e HTML (Hypertext Markup Language), un methodo de codificar information de sorta que illo pote esser exhibite in un varietate de dispositivos. Berners-Lee ora dirige le World Wide Web Consortium (o W3C), que disveloppa e mantene iste standardes e alteres que possibilisa que le computatores super le Web effectivemente immagazina e communica tote typos de information.

Le programa www original in CERN solo exhibiva texto, mais navigatores posterior como le Viola de Pei Wei introduceva le possibilitate de exhibir tamben graphicos. Marc Andersen de NCSA lanceava un navigator del Web denominate Mosaic for X in 1993 que produceva un tremende augmento in le popularitate del Web inter usatores-novicios. Andersen fundava Mosaic Communications Corporation (actualmente Netscape Communications, un unitate de AOL Time Warner). Functionalitates additional como contento dynamic, musica e animation pote esser trovate in navigatores moderne. Frequentemente le capacitate technic de navigatores e servitores avantia multo plus rapidemente que le definitores de standardes pote accompaniar; consequentemente non es incommun que iste functionalitates plus nove non functiona ben in tote le computatores, e le web visualisate in Netscape non es ha exactemente le mesme apparentia del web visualisate in Internet Explorer. Le constante melioration technic del WWW ha possibilisate le disveloppamento de servicios in tempore real basate super le web, como le diffusion per web, le radio web e le cameras web in vivo.

Un altere avantiamento significante in le technologia esseva le linguage de programmation Java, de Sun Microsystems, que permitteva al servitores incastrar micre programmas (denominate applets) in le information fornite. Iste programmas, executate in le computator del usator, permitte un interaction plus rapide e ric con le usator.

Le linguage JavaScript, de nomine similar mais multo differente in essentia, es un linguage de programmation de scripts disveloppate pro paginas del Web. In conjunction con le Document Object Model, JavaScript deveniva un linguage multo plus potente que su creatores ha imaginate originalmente.




#Article 350: Wahhabismo (536 words)


Le Wahhabismo [wah-ha-bíz-mo] es un forma fundamentalista de Islam fundate per Muhammad ibn Abd al Wahhab (1703 - 1792). Illo es le predominante forma del movimento Islamista in le mundo de Islam hodie.

Le texto basic de iste forma de Islam es le Kitab at-tawhid (Arabe pro Libro de Unitate). Membros de iste forma de Islam se nomina Muwahhidun (Unitarianos); personas non-musulman se refere al credentes de iste secta con le nomine de Wahhabis. 

Wahhabismo essaya purificar le Islam de lo que le adherentes vide como innovationes, deviationes, heresias e idolatrias. 

In su puncto de vista, sequente su theologia e practica, un musulman deberea retornar al forma del fide Islamic que Allah habeva intendite originalmente pro tote le mundo.

Le majoritate de historicos (ambe illes qui son arabe e non-arabe), non obstante, crede que le Wahhabismo es in facto un nove forma de Islam, le qual contine multe cambios in theologia e practica. 

Le Islam-Wahhabista prohibe le uso de lapides sepulcral con le opinion que illos tende a esser idolatristic, assi como le uso de minaretes (vide moschea) proque illos non esseva usate in le tempore de Muhammad. 

Le fumar (de tabaco o hashish, etc.) es prohibite como un offensa religiose. 

Le Wahhabismo es le practica official del Islam in le Arabia Saudi hodie; le Arabia Saudi considera le conversion a qualque altere forma de Islam como un crimine contra le stato, o mesmo le conversion a qualque altere religion.

Iste section discute le avantiamento de iste forma de Islam in le Oriente Medie, in le majoritate de moscheas in Europa (specialmente in le Regno Unite) e le avantiamento de Islam-Wahhabista in America.

Le Wahhabismo, como ideologia totalitarian, cercava supplantar completemente le traditionalismo del Islam-Sunni e assi purificar le mundo Islamic.
  
Iste processo comenciava in depois le cadita del Imperio Ottoman.

In 1924 le dynastia Wahhabi al-Saud conquireva le sancte citates de Mecca e Medina, creante assi le stato Saudi. 

Iste plano pro le domination del mundo de Islam ha essite adjuvate in grande parte per billiardos de dollares de receptas de moneta gratias al vendita de petroleo.

Le Fraternitate Moslem, un organisation Islamista egyptian, recipeva supporto financial del Saudis in le 1950s, in reaction al secularismo del nationalismo arabe del leader de Egypto, Abdul Nasser, in ille dies. 

Isto causava que le Fraternitate Moslem se tornava in le direction del Wahhabismo. Le majoritate del organisationes terrorista Moslem son organisationes Wahhabista - pro exemplo le gruppo terrorista Hamas que es un descendente Palestinian del Fraternitate Moslem. Le exception es le organisation Shi'a de Hizbollah.

Le Wahhabismo es nunc le forma predominante del Islam predicate in moscheas american. In le anno 1999 un prominente e moderate leader american moslem, Sheik Hisham Kabbani, le fundator del Islamic Supreme Council of America, offereva testimonio super le influentia Wahhabista in America durante un audientia del Departimento de Stato. Ille estimava que le 80 percento del moscheas in America ha venite a esser sub le controlo de Imams (clericos Islamista) qui son del puncto de vista Wahhabi, o de extremismo Islamista.

Le Wahhabis considera le Wahhabismo como le unic forma ver del Islam. Illes son particularmente hostil al Sufismo.

Le Wahhabis considera le Wahhabismo como le unic forma ver de religion.




#Article 351: Wicca (105 words)


Un religion neopagan que se centra in le adoration de natura.

Wiccanos crede que le Divino se manifesta in formas e masculin e feminin.
Wiccanos approcha le Dea e le Deo, le deitates supreme, per le varie deitates
de pantheones ancian, tal como los del celtas, del grecos, del romanos,
del slavos ancian e mesmo del hindus.

Wiccanos celebra le cambio del stationes (appellate le Rota del Anno)
e le phases del luna.

Wiccanos studia le uso de magia pro facer bon cambios in lor vitas.

Le unic commandamento de Wicca es A condition que tu face mal a necuno,
face lo que tu vole.




#Article 352: Walt Disney (211 words)


Walter Walt Elias Disney (1901-12-05 — 1966-12-15), esseva un artista american. Ille esseva anque productor, director e animator de filmes. Ille es le creator de figuras cognoscite como (in anglese) Mickey Mouse (1928) e Donald Duck (1934) e es considerate un del personas le plus importante pro le developpamento del film animate.  

Walt Disney comenciava su production de films animate in blanc-nigre e continuava crear films con sono e in colores. Ille produceva le prime film animate de un longor como un normal film de fiction, Blanca-Nive e le septe nanos (1937), que revolutionava le production de films animate. Altere films animate de su production, famose in grande partes del mundo, comprehende Dumbo (1941) e Bambi (1942) e, specialmente durante le periodo 1990 a hodie multe films animate que es de facto musicals con melodias que ha devenite classicos. 

Walt Disney esseva filio de Flora et Elias Disney, e habeva tres fratres e un soror. Ille e su fratre, Roy O. Disney, ha fundate le corporation Walt Disney Productions. 

In 1955 aperiva le prime parco de amusamento, Disneyland, in California in le SUA. Walt Disney World (o: Disneyworld) aperiva in Florida, SUA, in 1971 e Disneyland Paris (originalmente EuroDisneyland) in Marne-la-Vallée, ca. 30 km est de Paris in Francia, in 1992.




#Article 353: XML (910 words)


eXtensible Markup Language (XML) es un standard mantenite per le World Wide Web Consortium pro crear linguages de marcation pro propositos special. Illo es bastante general, de sorta que linguages basate super XML pote esser usate pro describer varie typos differente de datos e texto etiam. Su proposito principal es de facilitar le uso in commun de texto e information structurate a transverso del Internet. Ben que XML es derivate de SGML, illo es largemente simplificate, malgrado de includer incrementos pro portabilitate. Linguages basate super XML (per exemplo, RDF, SMIL, MathML e SVG) es mesme describite de un maniera formal, permittente que programmas modifica e valida documentos in iste linguages sin cognoscentia previe.

On debe notar que le files XML es simple files de texto. Le codification es specificate in le prime declaration. Le codification predefinite es UTF-8 qui non differe del ASCII si solmente le characteres ASCII es usate.

Al differentia de, per exemplo, HTML, le efficacia de XML es altemente dependente de structura, contento e integritate. A fin que un documento sia considerate ben formate, isto es, totalmente conforme al specification XML, le file XML debe conformar se (al minus) al sequente requisitos:

Il se debe notar que elementos in contexto de XML es sensibile al differentia inter majusculas e minusculas. Per exemplo,  e  es un par correspondente ben formate, durante que  e  non lo es.

Additionalmente, ancora al differentia de HTML, le etiquettas de XML explica isto que significa le datos, in loco de explicar como exhibir illos.

Ante le advento de linguages de description de datos generalisate como SGML e XML, le projectator de software debeva definir formatos de file special o micre linguages pro usar datos in commun inter programmas. Isto demandava de scriber specificationes detaliate e analysatores syntactic e scriptores. Pro un linguage basate super XML, totevia, le projectator de software pote specificar le syntaxe basic in scribente un DTD, o un description plus detaliate usante un Schema XML. Il ha utensiles facilemente disponibile (e, in alcun casos, gratuite) qui comprende iste descriptiones – . Isto pote reducer significantemente le costo de disveloppamento in le cyclo de vita del software.

Quando un file XML es conforme al regulas de bon formato e illo es in concordantia con le DTD o Schema XML al qual illo se refere, alora le file XML es considerate un documento valide.

Le linguage de folios de stilo XSL es un adjuncto ulterior al XML, qui permitte que le usatores describe proprietates visual e transformationes de datos XML sin incastrar iste instructiones in le datos mesme. Le file resultante es alora un file HTML qui usa CSS pro presentation o un altere file XML.

Un file XML pote etiam esser formatate directemente in alcun navigatores web como per exemplo Internet Explorer o Mozilla con le linguage de folios de stilo CSS. Iste processo ancora non esseva stabile in januario de 2003. Le files XML debe alora includer un referentia al folio de stilo:
 

Durante que le formatage de XML in navigatores web se disveloppa, le alternativa es de converter illo in HTML, PDF o altere formatos in le servitor. Programmas como  processa un file XML contra un folio de stilo (e pote effectuar altere processamentos etiam) e invia le resultato al navigator web del usator sin que le usator sia consciente del processo subjacente.

Il es possibile de referer se a componentes individual de un documento XML per medio de XPath. Isto permitte que folios de stilo in XSL o XSLT selige partes specific de un documento in qualcunque sequentia necessari a fin de componer le exito requirite (le documentos non necessita esser tractate sequentialmente).

XML Query es pro XML isto que SQL es pro bases de datos relational.

Spatios de nomine (etiquettas de contextualisation) permitte que le mesme documento contine elementos e attributos proveniente de vocabularios differente, sin le occurrentia del conflictos de nomenclatura.

Illo non es compatibile con DTDs (Schemas XML debe esser usate).

Le APIs largemente usate in le tractamento de datos XML per linguages de programmation es SAX e DOM. SAX se usa pro tractamento sequential durante que DOM se usa pro tractamento de accesso aleatori.

Un processator de XSL pote esser usate pro formatar un file XML pro exhibition o impression. Le function intendite de XSL mesme es de crear files PDF. XSLT es pro transformar illo in altere formatos, includente HTML, altere vocabularios de XML, e qualcunque altere formato de texto pur.

Le formato de file native de OpenOffice.org es XML. Alcun partes de Microsoft Office 11 etiam essera capace de editar files XML con un Schema (sed non un DTD) providite per le usator. Il existe dozenas de altere editores XML disponibile.

Le prime version de XML esseva XML 1.0.

Le ultime version official de XML es 1.1. XML 1.1 (etiam cognite como Blueberry) extende XML 1.0 con le addition de supporto a nove characteres in Unicode 3.0, e le reparation de un omission qui faceva que XML non supporta le conventiones de fin de linea de EBCDIC.

Il existe etiam discussiones super un XML 2.0, ben que il non es clar si un tal entitate jammais apparera. XML-SW (SW pro skunk works), publicate per un del disveloppatores original de XML, contine alcun propositiones de lo que XML 2.0 poterea presentar: elimination de DTDs del syntaxe, integration de spatios de nomines, XML Base e XML Information Set intra le standard basic.

XSL, XUL, XML Query, HTML, XHTML, UIML, S-expression, RSS, ebXML, Schema XML




#Article 354: XUL (112 words)


XUL es le abbreviation del expression anglese XML-based User-interface Language (linguage de interfacie de usator basate super XML). Illo es un application de XML usate pro describer le disposition de fenestras in le navigator web Mozilla.

Illoo creava altere applicationes, tal que le Mozilla Amazon Browser (MAB) e ChatZilla, que, ben que illos non es autonome, es basate super XUL e non usa le parte navigator web de Mozilla. Isto que es interessante a proposito de iste applicationes es que illos pote esser simplemente aperite directemente super le Internet, justo como un sito web. Isto se denomina application remote.

Typicamente un interfacie usator XUL es definite como tres collectiones discrete de componentes:




#Article 355: Zoologia (466 words)


Le zoologia es le disciplina biologic que studia le animales.

Le zoologia se divide in le sequente cinque brancas:

Iste articulo tracta primarimente duo themas:

Le morphographia include le exploration e tabulation systematic del factos concernente le recognition de tote le species existente e extincte de animales e lor distribution in spatio e tempore. Le varietates principal de obreros zoologic situate sub iste capite es:

Gradualmente, post le tempore de Hunter e de Cuvier, le studio anatomic se ha associate con le morphographia plus superficial. Hodie, un studio super le forma de un animal non es considerate de alcun valor si illo non include le structurar interne, histologia e embryologia in su campo de recerca.

Le ver initio del zoologia post le medievo es connectite con le anglese Edward Edward Wotton, nascite a Oxford in 1492, qui laborava como medico in London e moriva in 1555. Ille publicava un tractato titulate De differentiis animalium a Paris in 1552. In multe respectos Wotton esseva simplemente un exponente de Aristoteles, cuje doctrina (con varie additiones capriciose) constitueva le ver base del cognoscentia zoologic trans le medievo. Il esseva le merito de Wotton que ille rejiceva le creaturas legendari e phantastic, e retornava a Aristoteles e al observation del natura.

Le progresso del zoologia durante le 16te, 17me e 18ve seculos se describe le melio per comparar le conceptiones classificatori de naturalistas successive de Aristoteles con illos que se trova in le obras de Caldon. See systemas de classification zoologic.

Charles Darwin pote esser considerate de haber fundate le scientia del bionomia, e simultaaneemente de haber date nove stimulo e nove direction al morpheographia, physiologia e plasmologia, per unir los como contributorios a un doctrina biologic cummun: le doctrina del evolution organic ipse ma como parte del doctrina plus large de evolution universal basate super le leges del physica e del chimia. Le resultato immediate esseva un reconstruction del classification de animales super un base genealogic, e un investigation del disveloppamento individual de animales in relation al passos de lor gradual crescimento per le division de cellulas, con un vista a obtener evidentia de lor relationes genetic. Al altere latere, le studios que tanto occupava Darwin ipse post le publication del Origine del Species, isto es, le explication del mechanismos de animales (e de vegetabiles), coloration, habitos, etc., como avantagiose al specie o a su ancestres, es continuate solmente gradualmente. In le branca del bionomia, totevia, que concerne le leges de variation e de hereditage (thremmatology), il ha essite facite progresso considerabile. Primarimente, le studio continuate del population human ha illuminate ulteriormente alcunes del questiones involvite, durante que le progresso del recerca microscopic ha date nos un clar fundation quanto al factos structural connectite con le origine del cellula de ovo e de sperma e le processo de fertilisation.




#Article 356: Zoroastrismo (391 words)


Zoroastrismo [zo-ro-a-strì-smo], etiam nominate Zarathustraismo, Mazdaismo e Magianismo, es un religion Iranian e un philosophia religiose, e le prime religion monotheistic in le mundo. Il esseva le religion de stato del 

imperios Achaemenid, Parthian e Sasanian. Estimatives del numero actual de Zoroastrianes in le mundo varia inter 145.000 e 2,6 milliones.

Zoroastrismo nasceva in le region oriental del Imperio Persian, quando le philosophe religiose Zoroastre simplificava le pantheon de deoses Iranian antique in duo fortias opponente: Spenta Mainyu (mentalitate progressive) e Angra Mainyu (mentalitate destructive) sob le Deo uno, Ahura Mazda.

Le ideas de Zoroastre induceva a un religion formal portante su nome circa le 6º ceculo a.C. e ha influenciate alter religiones posterior includente Judaismo, Gnosticismo, Christianismo e Islam.

In Zoroastrismo, le creator Ahura Mazda es omne benevolente, e necuno mal se origina de illo. Ita, in Zoroastrimo bene e mal habe origines distincte, cum le mal (Druj) tentante destruir le creation de Mazda (Asha), e le bene tentante sustentar lo. Etiam si Ahura Mazda es non immanente in le mundo, su creation es representate per le Amesha Spentas e le hoste de alter Yazatas, per quem le operas de Deo es evidente pro humanitate, e per quem adoration de Mazda es ultimamente dirigite. Le textos plus importante de le religion es illos del Avesta, de qual un significante portion ha essite perdite, e generalmente solmente le liturgias del qual ha supervivite. Le portiones perdite es cognocite solmente per referentias e breve citationes in le obras posterior, primarimente del 9° al 11° seculo.

In alcun forma, il serviva como le religion national o de stato de un portion significante del populo Iranian per multe seculos. Le religion prime diminuiva quando le Imperio Achaemenid esseva invadite per Alexandre Magno, post que il collapsava e se disintegrava e il esseva plus ultra gradualmente marginalizate per Islam del 7° seculo avante cum le declinio del Imperio Sassanid. Le poter politic del dinastias Iranian pre-Islamic prestava immense prestigio al Zoroastrismo in tempos ancian, e alcun de su doctrinas principal esseva adoptate per alter sistemas religiose. Il habe necuno divisions theologic major (le solo schisma significant es baseate in differentias de calendario), sed il non es uniforme. Influentias del era moderne habe un impacto significante in credentias individual e local, practicas, valores e vocabulario, interdum infusionante cum le tradition e in alter casos lo dislocante.




#Article 357: Zelote (127 words)


Ab le gr. zelotés, zelote

Se appella zelotes le adherentes de un gruppo judaic que professava un messianismo politic radical e que se separava del movimento del Phariseos. Le zelotes non intendeva expectar con patientia le advento del tempore messianic, ma se ingagiava, con le armas, a hastar, con lor interventionismo active, le accomplimento del promissa messianic. In un prime momento, le gruppos zelote viveva de aggressiones in le deserto; pois illes acquireva semper plus influentia e importantia in Palestina, usque in le anno 66 p. C. illes discatenava un insurrection contra Roma e su dominio, que conduceva, in le anno 70 p. C. al destruction de Jerusalem per le imperator Tito. Iste movimento successava superviver intra le Judaismo usque al definitive catastrophe de 135 p. C.




#Article 358: 1000 (numero) (102 words)


Mille (1000) es un numero natural que es equal a dece centos.

Un mille milles es equal a un million.

Le numero mille etiam se scribe 1 000, 1.000 o, in notation scientific, 103.

Le prefixo typic in le SI correspondente a un mille es kilo-.

In numeros roman, le numero mille se representa con le littera M.

In le occidente, le numeros grande sole esser separate in gruppos de tres cifras, isto es, per milles. Per exemplo, cento milliones se scribe 100.000.000. Isto es in contrasto con le systema oriental de separar le numeros grande in gruppos de quatro (per myriades).




#Article 359: Statos Unite de America (1580 words)


Le Statos Unite de America (SUA) es un republica constitutional federal componite de cinquanta statos e un districto federal, Washington, D.C.. Le majoritate del nation es situate in America del Nord, con un extension total de 9 529 063 km²; il etiam ha plure territorios pacific e caribe.

Le population statounitese conta tres centos milliones habitantes. Ethnicitates minoritari include representantes de cata nation in le mundo, gratias al rolo importante del immigration in le economia e historia del nation; e le americanos indigena. Le lingua le plus parlate es le anglese, etiam le espaniol es multo usate
(con plus de 30 milliones parlantes, 11%) assi como le linguas asiatic e indigena.

Su frontieras es al nord (Canada, Oceano Arctic), sud (Mexico, Golfo de Mexico), 
est (Oceano Atlantic) e west (Oceano Pacific).

In le seculo 19, le Statos Unite acquireva territorios de Francia, Espania, Regno Unite, Mexico e Russia, ultra annexar le Republica de Texas e le Republica de Hawai. In le decennio de 1860, le disputas inter le sud agrari e le nord industrial re le derectos del statos e le abolition del sclavitude provocava le Guerra de Succession. Le victoria del nord evitava un division permanente del pais e conduceva al fin del sclavitude legal. Durante le decennio de 1870, le economia national esseva le plus grande del mundo e le guerra hispano-statounitese e le Prime Guerra Mundial confirmava le status del pais como un potentia militar. Post le Secunde Guerra Mundial, le pais surgeva como le prime pais con armas nuclear e un membro permanente del Consilio de Securitate del Nationes Unite. Le fin del Guerra Frigide e le dissolution del Union Sovietic lassava le Statos Unite como le unic superpoter economic, politic, militar e cultural.

Le territorio del Statos Unite ha essite explorate per plure gentes indigena inter 40000 e 12000 annos passate. Le exploration europee in America del Nord comenciava in 1492 con Christophoro Columbo; durante le sequente duo seculos, exploratores e immigrantes de Espania, Francia, Grande Britannia, Nederland, e Svedia, inter altere immigrantes de altere nationes. Ab le initio, ma specialmente in le seculo 17, iste nationes etiam apportava sclavos african, qui pro un seculo prendeva le majoritate de immigration.

Le 4 de julio 1776, le Statos Unite del colonias britannic declarava le independentia de Britannia in le Declaration del Independentia (SUA). Iste declaration initiava le Revolution American, le prime guerra de independentia per un colonia in le Nove Mundo. Le Constitution del Statos Unite de America esseva adoptate le 17 de septembre 1787; su adoption in 1788 creava un singule republica federal. Le Nota de Derectos, que include dece emendamentos constitutional que garantiva plure derectos human, esseva ratificate in 1791 como un condition del stato de Virginia.

Il haveva differente attitudes verso le sclavitude; un phrase in le Constitution protegeva le mercato de sclavos del Atlantico usque 1808. Le statos del Nord aboliva le sclavitude inter 1780 e 1804, lassante le statos sclavista del Sud como defenditores del institution peculiar. Le Secunde Grande Evelia, comenciante circa 1800, faceva del evangelismo un fortia detra varie movimentos de reforma social, includente le abolitionismo.

Le Statos Unite mantene tractatos commercial con le medietate del mundo e un relation special con Porto Rico, Samoa e le insulas Marianas. Illo es le fundator e major socio de multe organisationes international como le BIRD, FMI, OTAN. Illo ha le derecto de veto in le Consilio de Securitate del ONU.

Le stato es le subdivision politic primari del Statos Unite. Alcun factos potentialmente confundente super le Statos Unite include:

Le 50 statos, con lor abbreviationes postal e lor capitales, es:

In addition a su statos, le Statos Unite ha numerose areas de territorio directemente sub controlo federal como, per exemplo le Districto de Columbia (que es le location del capital federal) e varie parve insulas, como Guam e Samoa Statounitese in le Oceano Pacific. Le insula de Porto Rico in le Mar Caribe es un territorio con grande autonomia, que sta in un association particular con le Statos Unite.

Le geographia multo varie del Statos Unite comprehende le zona central ubi se situa le Montanias Roccose, le zona sud-west ubi se trova le Montanias Appalachian e in le region sud ubi comencia le Sierra Madre mexican.

Le population statounitese es 90% urban, situate pro le major parte in le grande centros industrial e 
commercial in le centro del pais e, super toto, in le costas. Su capital es Washington, D.C. e su 
major areas urban include New York (18 100 000 habitantes), Los Angeles (14 500 000), 
Chicago (8 500 000), Houston (3 900 000), Washington (3 600 000), e
Seattle (3 200 000).

Le anglese es le lingua national de facto. Benque non existe un lingua official a nivello federal, alicun leges -como le requisitos per le Naturalisation- impone le anglese como lingua obligatori. Anno 2006, circa 224 milliones, le 80% del population major de cinque annos, parlava solo le anglese in domo. Le espaniol, parlate per 12% del population, es le secunde lingua le plus parlate, e le que plus communmente se apprende como secunde lingua. Alicun personas es favorabile a facer del anglese le lingua official, como il es jam in 28 statos. Le hawaiano e le anglese es le linguas official de Hawai. Benque il non ha lingua official, Novo Mexico ha leges que incoragia le uso del anglese e del espaniol, del mesme modo que Louisiana lo face con le anglese e le francese. In altere statos, como California, le publication de certe documentos official in espaniol es obligatori. Le territorios insular garanti le recognoscentia official del linguas native, juncte con le anglese: le samoan e le chamorro es recognoscite per Samoa American e Guam respectivemente; le carolinian e le chamorro es recognoscite per le Insulas Marianas del Nord e le espaniol es recognoscite in Porto Rico como lingua official.

Le religiones le plus diffundite es le christianismo protestante, insimul con le 
catholic; le islamismo; e le judaismo.

Le economia del Statos Unite es un economia mixte capitalista, que se characterisa per le abundante recursos natural, un infrastructura disveloppate e un alte productivitate. Secundo le Fundo Monetari International, su PIB de US$14,4 billiones constitue le 24% del Producto Mundial Brute e circa 21% del mesme in terminos de paritate de poter acquisitive (PPA). Iste es le PIB le plus grande del mundo, benque in 2008 esseva 5% minor que le PIB (PPA) del Union Europee. LE pais ha le 17 PIB per capite nominal e le sexto PIB (PPA) per capite le plus alte del mundo. De plus, le pais es in secundo loco del Indice de Competitivitate Global.

La education public statounitese es operate per le governamentos statal e local, regulate per le Departimento de Education del Statos Unite. Il es obligatori que le infantes assiste al schola ab le 6 o 7 annos usque le 18 annos; alicun statos permitte al studentes abandonar le schola al 16 annos. Approximatemente le 12% del infantes es inscripte in le scholas private, durante que le 2% recipe education in domo. Il ha multe institutiones private e public de education superior, assi como de scholas communitari con le politicas de admission aperte. Del personas major de 25 annos, le 84,6% graduava se del schola secundari, un 52,6% assisteva a alicun schola, le 27,2% attingeva un licentiatura e le 9,6% attingeva un titulo post-graduation. La tassa de alphabetisation es de un 99%. Le ONU assigna al pais un indice de education de 0,97%, le 12º le plus alte del mundo. Secundo le Unesco, Statos Unite es le secunde pais con plus institutiones de education superior in le mundo, con un total de 5,758 e un media de plus de 15 per stato. Le pais anque ha le major numero de studiantes universitari in le mundo, ascendente a 14.261.778, isto es quasi 4,75% del population total. Finalmente, hic se trova alicun del universitates le plus prestigiose de tote le mundo. Harvard, Yale, Berkeley, Stanford e le Instituto Technologic de Massachusetts es considerate como le melior universitates per varie publicationes.

Statos Unite es le leader in le investigation scientific e technologic ab le seculo 19. In 1876, Alexander Graham Bell recipeva le prime patente pro un statounitese per telephono. Nikola Tesla esseva pionero in experimentar con le currente alterne, le motor del currente alterne e le radio. In le seculo 20, le companias de automobiles de Ransom Eli Olds e Henry Ford promoveva le production in catena. In 1903, le fratres Wright realisava le prime volo propulsate in lor aeronave Wright Flyer.

Le ascension del nazismo in le decennio de 1930 faceva que multe scientificos europee, includente Albert Einstein e Enrico Fermi, emigrava del pais. Durante le Secunde Guerra Mundial le projecto Manhattan jam haveva disveloppate le prime armas nuclear, annunciante le initio del era nuclear. Le carrea spatial anque produceva progresso rapide in le construction e le disveloppamento de rocchettas, le scientia del materiales, e le computation. Le pais esseva le responsabile del disveloppamento del ARPANET e su successor, Internet. Hodie, le plus parte del ingresso pro le investigation e le disveloppamento, 64% procede del sector private. Le pais es le leader mundial in publicationes de investigation scientific e in le factor de impacto. Le statouniteses possede benes de consumption technologicamente avantiate e quasi le medietate del domos ha accesso a Internet. Anque il es le principal disveloppator e cultivator de organismos geneticamente modificate, plus del medietate del terras de cultivation biotechnologic del mundo se trova in le Statos Unite.




#Article 360: Numero natural (619 words)


Un numero natural es un numero integre positive, il es a decir, un numero in le serie 1, 2, 3... que pote esser usate pro contar le elementos de un insimul.

Alcun mathematicos (specialmente les del Theoria de numeros) prefere non recognoscer le zero como un numero natural, durante que alteres, specialmente les del Theoria de insimules, Logica e informatica, ha un opinion opposite. In iste encyclopedia, zero es considerate un numero natural.

Ben que mesmo un infante comprenderea lo que nos cognosce como numeros natural, lor definition non es simple. Le Postulatos de Peano describe de maniera univoc le insimul del numeros natural, que se denota per ℕ o per N, del sequente forma:

Iste ultime postulato assecura le veritate del technica de demonstration cognoscite como induction mathematic.

In le theoria de insimules il es commun definir cata numero natural como le insimul de tote le numeros natural anterior a illo. Isto permitte establir un relation de ordine inter le elementos del insimul (essera plus grande le numero que contine plus numeros), malgrado que un insimul es naturalmente un aggregato de elementos disordinate.

Il es possibile definir per induction le summa per medio del expression:

 a + (b + 1) = (a + b) + 1

Lo que se converte al numeros natural (ℕ, +) in un monoide commutative con le elemento neutre 0, le si-nominate monoide libere con un generator. Iste monoide satisface le proprietate cancellative e per illo tanto pote includer se in un gruppo. Le gruppo le minus grande que contine le numeros natural es le del numeros integre.

De maniera analoge, le multiplication (signo del operation: *) pote esser definite per medio de lo sequente: a * (b + 1) = ab + a . Isto se converte (ℕ, *) [isto es ℕ con iste nove operation], in un monoide commutative; summa e multiplication es compatibile gratias al proprietate distributive que se exprime assi:

a * (b + c) = ab + ac.

Nos trova que le numeros natural es totalmente ordinate; nos lo proba scribente a = b si e solmente si existe un altere numero natural c que compli: a + c = b. Iste ordine es compatibile con tote le operationes arithmetic de iste maniera:

si a, b e c es numeros natural e a = b, tunc a + c = b + c e ac = bc

Un proprietate importante del numeros natural es que illos es ben ordinate: isto es, qualque insimul composite de numeros natural ha un elemento minime (un plus parve que le alteres).

Durante que in general il non es possibile divider un numero natural inter qualque altere e que iste operation resulta in un numero natural; nos ha alco similar al division: pro qualque duo numeros natural aa e b, con b≠0 , nos pote trovar altere numeros natural q e r assi que

Le numero q nos lo nomina le quotiente e r le resto de iste division de a inter b. Le numeros a e b es univocamente determinate per a e b.

Altere proprietates plus complexe del numeros natural, como le distribution del numeros prime per exemplo, es studiate per le theoria de numeros.

Le numeros natural es usate pro duo propositos fundamentalmente: pro describer le position de un elemento in un sequentia ordinate, como se generalisa con le concepto de ordinal, e pro specificar le grandor de un insimul finite, que a su vice se generalisa in le concepto del numeros cardinal. In le mundo de lo finite (?), iste duo conceptos es coincidentes: le ordinales finite es equal a N como es le cardinales finite. Quando nos nos move ultra lo finite, ambe conceptos non es le mesme cosa.




#Article 361: Medicina veterinari (345 words)


Medicina veterinari es le application de principios medical re prophylaxe (o prophylaxis), diagnostica e therapeutica in animales. Primarimente concernente animales domestic, como animales pro production e animales pro compania o sport, ma anque animales in parcos zoologic e animales salvage. Multo importante cargas es anque le supervison public del protection de animales e controlo de viveres. 

Medicina veterinari es in le fundo tanto vetule como le domestication del animales ma durante le ultime annos medicina veterinari ha developate multo rapidemente gratias a methodos diagnostic e therapeutic avantiate pro le plus species. Medicina veterinari garanti le qualitate, quantitate e securitate de viveres per controlo del sanitate de bestiales, animales particular e productos intendite como viveres. 

Anque animales pro compania hodie sovente recipe cura medical avantiate, p.ex. in canes excambio del articulation coxal, chirurgia de cataracta del oculo, intallation de pacemaker e radiotherapia de tumores in. Le extension de iste curas principalmente depende de tanto moneta le possessor del animal desira expender. A vices il habera conflictos ethic re tanto on debe exponer animales a curas penose. Concernente cavallos e specialmente vaccas e altere animales pro production de viveres le aspectos economic es de grande importantia. Pro un cavallo, que pote vale multe milles euros, il vale expender plus moneta que pro un vacca ordinari. In plure paises medicina veterinari equin es multo specialisate. Labor clinical con cavallos comprende primarimente problemas locomotoric e orthopedic ma etiam maladias in le tracto digestive, como colica equin que es un importante causa de morte in cavallos domesticate. Infectiones e altere maladias del tracto respiratori anque exige multe labor in iste animal. 

Scientistas veterinari da contributiones importante in i.a. recercas chemical, virologic, immunologic e pharmacological.

Multe universitates examina veterinarios e in general illes anque pote doctorar se. In le plus paises le veterinarios es registrate e supervisate per autoritates statal. Le duration del inseniamento generalmente es 4-7 annos e include tal disciplinas como anatomia, biochimia, pharmacologia, physiologia, pathologia, parasitologia, microbiologia etc. Naturalmente practic labor clinic es importante, specialmente le ultime tempore. 

Faculty of Veterinary Medicine, Swedish University of Agricultural Sciences (SLU)




#Article 362: Sancte Sede (191 words)


Le Sancte Sede es le institution que incarna le poter spiritual del Ecclesia Catholic Roman, a saper le Papa e su administration, le curia roman. Le Stato del Citate Vatican es le territorio del Sancte Sede; gratias a iste territorio, le autoritate central del Ecclesia Catholic mantene relationes diplomatic in tanto que un stato soveran ad un altere.

Le Papa es al mesme vice Episcopo de Roma, monarcha sacerdotal del Citate Vatican, e capite supreme del Ecclesia Catholic. Diplomaticamente, le Sancte Sede age e parla del parte de tote le Ecclesia Catholic. Ben que on lo appella sovente le Vaticano per synecdoche, le Sancte Sede non es le mesme entitate que le Citate Vatican. Le Stato del Citate Vatican data solo de 1929 e era create per le Tratato Lateran, durante que le Sancte Sede existe desde Christianitate precoce. In tato que entitate soveran, le Sancte Sede es responsabile del affaires diplomatic que concerna le Citate Vatican.

Le Sancte Sede non es un membro del Organisation del Nationes Unite, ma un observator permanente. Le importantia diplomatic e influentia moral del Sancte Sede excede largemente le modeste interesses del parve Citate Vatican.




#Article 363: Union Mundial pro Interlingua (225 words)


Le Union Mundial pro Interlingua (UMI) es un entitate sin scopo lucrative que se dedica a promover le cognoscentia e le uso de Interlingua in le mundo.

Le UMI es un institution pro cooperation international concernente le promotion del uso de Interlingua pro communication international in situationes adequate, le information super iste lingua, le edition de manuales, dictionarios e altere publicationes de Interlingua. 

Le UMI ha membros, representantes e representationes in cinque continentes. Un consilio executive con un presidente, un secretario general, un vice-secretario e un administrator custodia le activitates quotidian del UMI. Un consilio general con al maximo duo representantes ab cata pais, in le qual il ha un representation national de interlingua, discute le lineas plus longe.

Le UMI edita le magazin bimensual, Panorama in Interlingua, con informationes international in interlingua pro un publico global: jornalismo, novas, reportages, interviews, recensiones de libros, e con foco special al diffusion de interlingua e novas de interlingua globalmente. 

Le UMI esseva fundate le 28 de julio 1955 al Hôtel de Ville in Tours, Francia per Ric Berger. Su historic prime presidente esseva desde 1955 al su morte 1970 Alexander Gode, su prime secretario general André Schild.

Le conferentias international occurreva in:

Le UMI esseva registrate juridicamente per le autoritates francese (le subprefecto del departimento Essonne in Étampes) le 3 de augusto 2006 como association numero 0911004931.




#Article 364: Numero integre (182 words)


Le numeros integre son del typo: −59, −3, 0, 1, 5, 78, 34567, etc. , il es a dicer, le numeros natural, su numeros opposite (negative) e le zero.
Le numeros integre con le addition e le multiplication forma un structura algebric nominate anullo. Illos pote esser considerate un extension del numeros natural e un subinsimul del numeros rational (fractiones).

Le numeros integre son un subinsimul del numeros rational.

Le numeros integre pote esser summate e restate, multiplicate e comparate. Le ration principal pro introducer le numeros negative super le numeros natural es le possibilitate de resolver equationes del typo:

pro le incognite x.

Mathematicamente, le insimul del numeros integre con le operationes de summa e multiplication, (Z,+,*) constitue un anullo commutative. 

Per altere latere Z es un insimul completemente ordinate sin quota superior o inferior.

Le insimul del numeros integre se representa mediante 
 (un Z con le linea diagonal duple). Le origine del uso de  veni del germano Zahlen, numero. 

Le numeros integre compli le sequente axiomas, pro tote a, b, c pertinente a :

Pro scriber , on debe scriber  




#Article 365: Administration (164 words)


Le parola administration {s} [ad-mi-nis-tra-tsión] es derivate del latino administratio: un composito de ad (a) e ministratio (dar servicio).

In le usage moderne, le parola ha significatos particular in contextos particular, ma totes retene iste senso de provision de servicio.

In multe casos, administration vole dicer multo generalmente: labor in officio. Tal labor include mantener le responsabilitate financiari per medio de un contabilitate consistente inter alteres de libros de cassa e de jornales. Anteriormente illos esseva scribite a mano. Durante le 20me seculo, le machina a scriber esseva de plus in plus empleate, e in le annos 1980 e annos 1990 le computator lo reimplaciava.

Hodie, administration vole sovente dicer labor automatisate con bases de datos inter alteres pro le departimentos del personal, como le pagamento del salario, le registration del dies libere, et cetera. Altere exemplos include le affaires logistic e le autoritates del allocationes social. In le sector del servicios de sanitate se parla del administration del patientes o del administration medical.




#Article 366: Lynx (navigator web) (195 words)


Lynx es un navigator del web pro uso in terminales de characteres.

Le navigation in Lynx consiste de mover se al ligamine desirate con le claves de cursor (flechas) o con le clave TAB e postea vader al ligamine desirate con le clave ENTER.

Le versiones actual pote facer connexiones secur via Secure Sockets Layer e pote visualisar tabellas e quadros HTML.

Lynx es un producto del Gruppo pro Computation Distribuite intra Servicios de Computation Academic del Universitate de Kansas e esseva originalmente disveloppate per Lou Montulli, Michael Grobe e Charles Rezac. In 1995, Lynx esseva publicate sub le Licentia Public General de GNU e es nunc mantenite per un gruppo de voluntarios.

Lynx esseva originalmente designate pro Unix e VMS e remane le navigator a console le plus popular in le systema de operation Linux. Versiones recente se executa equalmente in Windows de Microsoft.

Lynx es le nomine anglese del lynce, un animal felin (lupo cervari). Le nomine es pronunciate como le parola anglese links (ligamines: un elemento essential del web).

Iste articulo es un traduction del . Illo (o un version minus recente de illo) contine material del  de FOLDOC, usate con .




#Article 367: Lingua catalan (226 words)


Le catalano pertine al familia del linguas romanic. Catalano es lingua official in Andorra assi como, con espaniol, lingua official regional in Catalonia, in le Insulas Baleares et in le region de Valencia. Illo es de plus un del linguas regional in le Departimento Pyrenees-Orientales in Francia. Le numero de parlatores es circa 8.000.000.

Le catalano es un lingua indoeuropee e pertine al branca occitano-romanic del linguas indoeuropee. Le catalan ha un classification bastante complicate e non exempte de polemic, proque comparte multe characteristicas con le espaniol e le portugese (linguas ibero-romanic) e le francese (gallo-romanic) e illo es le lingua le plus proxime al occitan. Illo es pro isto que le classification del catalan varia secundo le differente fontes.

Le prime exemplos de catalano scribite es del seculo 9, benque le prime documento considerate litterario in catalano es le homilies d'Organyà, del seculo 13. Usque le seculos 16 e 17, quando comencia le reculamento del lingua frente al espaniol, le catalano extende se e su litteratura se disveloppa con autores como Ramon Llull, Ausiàs March e Joanot Martorell.

Le catalano ha characteristicas que lo face differente del linguas romanic vicin e faceva se proprie con le evolution local del latino vulgar. Le characteristicas sequente es alicun del mutationes del latino que se ha facite durante le consolidation del catalano, benque etiam mostra altere characteristicas general:




#Article 368: Mechanica quantic (564 words)


Le mechanica quantic es le branca del mechanica, basate al theoria quantic usate pro le interpretation del comportamento de particulas elementari e atomos, que non obedi a le leges del mechanica newtonian. Illo es dividite inter le mechanica quantic classic, le mechanica quantic relativistic e le si-nominate Gravitate Quantic. Le Mechanica Quantic es basate in le existentia de un function de unda, que contine tote le information in re le systema. Le function de unda permitte calcular le probabilitate del systema assumer un date stato in un mesuration. 

Le interpretation de Copenhagen es le interpretation plus commun del mechanica quantic e esseva disveloppate per Niels Bohr e Werner Heisenberg, qui travaliava insimul in Copenhagen in 1927. Le interpretation de Copenhagen pote esser condensate in tres theses.

Le prime these constata que le predictiones probabilistic facite per le mechanica quantic son irreducibile in le senso in que non son un mer effecto del carentia de cognoscentia de hypothetic variabiles celate. In le lanciamento de datos, per exemplo, nos usa probabilitates pro predicer le resultato, proque nos non ha information sufficiente, mesmo que on crede que le processo es deterministic. Le probabilitates son utilisate pro compler nostre cognoscentia. Le interpretation de Copenhagen defende que in mechanica quantic le resultatos son indeterministic.

Le secunde these constata que il non ha senso specular trans de illo que non pote esser mesurate. Isto es etiam un these del philosophia positivistic, que abandona omne question pro le qual non ha un experimento possibile, real o imaginate, pro provar o falsificar su veritate, como, per exemplo, esque Deo existe?. Le physica es le sciencia del resultatos de processos de mesuration. Le interpretation de Copenhagen considera sin senso questiones como le sequente: ubi esseva le electron ante que su position esseva mesurate?. 

Finalmente, le tertie e ultime these constata que le acto de observar provoca le colapso del function de unda. Isto significa que, ben que antea le mesuration del stato del systema, habeva multe statos possibile, solmente un de iste statos esseva selectionate aleatorimente per le processo de mesuration. Le function de unda modifica se instantaneemente pro reflecter iste selection. 

Le complexitate del mechanica quantic esseva attacate pro le experientia ficticie de Einstein-Podolsky-Rosen, le qual intendeva monstrar que il debe exister variabiles celate a fin de evitar effectos non-local et actiones instantanee al distantia. Le inequalitate de Bell sur le resultatos de un tal experientia esseva derivate del hypothese de que il existe variabiles celate e de que il non existe effectos non-local. In 1982, Aspect face un experimento e discoperiva que le inequalitate de Bell esseva violate, assi rejectante interpretationes que postulava variabiles celate e effectos local. Iste experimento serviva de scopo pro multe criticas e nove experimentos facite per Weihs e Rowe qui confimava le resultatos de Aspect.

Multe physicos e philosophos notabile ha criticate le interpretation de Copenhagen, con base o in le facto de non esser deterministic o in le facto de proponer que le realitate es create per un processo de observation non physic. Le phrases de Einstein Deo non joca al datos e Pensa mesmo que le luna non es ibi quando tu non lo vide? illustra bene le position de le criticos. Le experimento del Catto de Schroendinger esseva proponite per monstrar que le Interpretation de Copenhagen es absurde. Le principal alternativa al interpretation de Copenhagen es le interpretation de Everett del mundos parallel.




#Article 369: Encyclopedia (203 words)


Un encyclopedia [en-tsi-klo-pé-dia] es un compendio de cognoscimento human. 

Le termino veni ab le greco enkyklios paideia, que significa in un circulo de instruction.

Multe scriptores in le Antiquitate (como Aristotele) tentava scriber comprehensivemente super tote le cognoscimento human. Nonobstante, John Harris es le persona qui frequentemente recipe le credito pro haber establite le formato ora familiar de encyclopedia in 1704 con su Lexicon technicum. Le venerabile Encyclopaedia Britannica habeva un initio modeste; de 1768 a 1771 se publicava tres volumines. Forsan le plus famose encyclopedia ancian esseva le francese Encyclopédie, editate per Denis Diderot e completate in 1772.

Le encyclopedias pote esser general, continente articulos super themas de tote le areas, o pote specialisar se in un campo in particular (per exemplo, un encyclopedia de scientia). Traditionalmente, le information es ordinate alphabeticamente per parolas que describe le themas. Un encyclopedia general traditional occupa approximatemente un metro de spatio in un mobile.

Le encyclopedias, per lor structura de parolas e referentias cruciate, son extrememente appropriate pro translatar lor contento del formato de libro al formato de computator. Principalmente proque il es multo facile explorar e trovar lo que on cerca, e tamben proque il es possibile includer sonos, videos e altere contentos multimedial.




#Article 370: Software libere (491 words)


Iste definition de software libere es mantenite pro monstrar clarmente le conditiones que un particular programma de software debe satisfacer a fin de esser considerate software libere.

Le essentia del software libere se trova in libertate, non in precio. Pro comprehender le concepto, on debe pensar al libertate de expression, non al entrata libere, per exemplo a un theatro.

Le essentia del software libere es le libertate pro le usator de executar, copiar, distribuer, studiar, cambiar e meliorar le software. Plus precisemente, illo refere a quatro typos de libertate, pro le usatores del software:

Un programma es un software libere si le usatores ha tote iste libertates. De iste maniera, on deberea esser libere de redistribuer copias, con o sin modificationes, qui pote esser gratis o in excambio de un summa monetari pro le distribution, a omne persona in omne location. Iste libertates implica (inter altere cosas) que on non necessita demandar o pagar permission.

On deberea equalmente haber le libertate de facer modificationes e de usar illos privatemente in le proprie labor o recreation, mesmo sin mentionar le existentia de illos. Si on opta pro publicar le cambios, on non deberea esser obligate a notificar un persona in particular, ni de un maniera in particular.

Le libertate de usar un programma significa le libertate pro omne typo de persona o organisation de usar illo in omne typo de systema de computator, pro omne typo de projecto o labor, e sin obligation de communicar posteriormente al disveloppator o a un altere entitate specific.

Le libertate de redistribuer copias debe includer formas binari o executabile del programma, in addition al codice original, pro versiones modificate e non modificate. (Distribuer programmas in forma executabile es necessari pro systemas de operation facile a installar.) Il non es un problema si il non existe un methodo de producer un forma binari o executabile de un certe programma (viste que alcun linguages non ha iste functionalitate), sed on debe haber le libertate de redistribuer tal formas si on trova o disveloppa un methodo de facer illos.

A fin de render effective le libertates de facer cambios e de publicar versiones meliorate, on debe haber accesso al codice original del programma. Pro isto, le accessibilitate del codice original es un condition absolute pro esser un software libere.

A fin de realisar iste libertates, illos debe esser irrevocabile a condition que on non face torto; si le disveloppator del software ha le poter de revocar le licentia, sin que on ha facite alcun cosa que lo justifica, le software non es libere.

Nonobstante, certe typos de regulas super le maniera de distribuer le software libere es acceptabile, si illos non conflige con le libertates central. Per exemplo, copyleft (pro explicar illo multo simplemente) es le regula que, si on redistribue le programma, on non pote adder restrictiones qui nega a altere personas le libertates central. Iste regula non conflige con le libertates central; al contrario, illo lo protege.




#Article 371: Richard Matthew Stallman (497 words)


Richard Matthew Stallman es un del figuras central del movimento de Software Libere. Su major accomplimentos como programmator include le editor de texto Emacs, le compilator GCC, e le depurator GDB, sub le rubrica del Projecto GNU. Ma su influentia es major per le establimento de un marco de referentia moral, politic e legal pro le movimento de Software Libere, como un alternativa al disveloppamento e distribution de software proprietari.

Stallman nasceva in 1953 in Manhattan, New York, U.S.A.

In 1971, quando ille esseva studente de prime anno in le Universitate de Harvard, Stallman se converteva in un hacker del Laboratorio de Inteligentia Artificial del MIT. In le 1980s, le cultura hacker que constitueva le vita de Stallman comenciava a dissolver se sub le pression del commercialisation in le industria de software. In particular, altere hackers del mesme laboratorio fundava le compania Symbolics, le qual tentava activemente reimplaciar le Software Libere del Laboratorio con su proprie software proprietari. Durante duo annos, desde 1983 a 1985, Stallman, laborante sol, duplicava le effortios del programmatores de Symbolics pro impedir les de acquirer un monopolio super le computatores del laboratorio. Verso iste tempore, nonobstante, ille esseva le ultime persona de su generation de hackers que remaneva in le laboratorio.

Le firma Symbolics le exigeva de subsignar un accordo de non divulgation (in anglese: non-disclosure agreement) e de committer certe actiones que ille considerava contra su principios. In 1986, Stallman publicava le Manifiesto GNU, in le qual ille declarava su intentiones e motivationes pro crear un alternativa libere al systema de operation Unix, le qual ille nominava GNU (GNU Non es Unix). Poc tempore depost, ille se incorporava como organisation non lucrative Fundation pro Software Libere pro coordinar le effortio. Ille inventava le concepto de copyleft le qual esseva utilisate in le Licentia Public General de GNU (cognoscite generalmente como le GPL) in 1989. Le majoritate del systema GNU, excepte le kernel, se completava approximatemente al mesme tempore. In 1991, Linus Torvalds publicava le kernel Linux sub le terminos del GPL, creante un systema GNU complete e operational, le systema de operation GNU/Linux (generalmente appellate simplemente Linux).

Le motivationes politic e moral de Richard Stallman le ha facite un figura controversial. Multe programmatores de influentia que concorda con le concepto de usar in commun le codice, se oppone al posturas moral o philosophia personal de Stallman, o al linguage que ille utilisa pro describer su positiones. Un resultato de iste disputas resultava in le establimento de un alternativa al movimento de Software Libere, le movimento de codice aperte.

Stallman ha recipite numerose premios e recognoscimentos pro su travalio, inter illos un membrato in le MacArthur Foundation in 1990, le Grace Hopper Award del Association for Computing Machinery in 1991 pro su travalio in le editor Emacs original, un doctorato honorari del Royal Institute of Technology de Svedia in 1996, le Pioneer award del Electronic Frontier Foundation in 1998, le Yuki Rubinski memorial award in 1999, e le Takeda award in 2001.




#Article 372: Loya jirga (250 words)


In Afghanistan, le dominica 14 de decembre de 2003, un convention politic de 502 delegatos appellate le Loya jirga conveniva sub un grande tabernaculo in le campo del Universitate a Kabul le qual esseva construite per le Sovieticos. Iste gruppo considerava le Constitution Proponite pro Afghaninstan. Cento del delegatos esseva feminas. Le ex-rege de Afghanistan, Mohammad Zaher Shah, parlava al assemblea depois cantos de pace per un dozena de infantes in vestimento traditional qui volava bandieras con le colores de Afghanistan.

Per voto del majoritate, 252 exactemente, Sabghatullah Mujadidi esseva elegite pro presider. Le voto causava alarma ab un multitude del delegatos feminin. Non obstante Mujaddedi selligeva Safia Sediqi pro le quarte position de deputato, e ille nominava duo altere feminas como assistente de deputato.

Delegatos ab le gruppo ethnic tajik, qui domina le Alliantia del Nord clamava le supporto de 241 delegatos, illes parlava in favor de un systema parlamentari e contra un systema presidential. Illes anque demandava que 50 delegatos ellegite per le presidente interim Hamid Karzai non ha le derecto al voto in le Loya jirga; non obstante Mujadidi rejiceva le idea.

Karzai supportava un essayo pro le nove constitution includente le establimento de un systema presidential e diceva que ille non serea un candidato pro le presidentia, in 2004, si iste essayo pro le nove constitution non esseva approbate. Membros del Alliantia del Nord accussava a Karzai de comprar le supporto de su opponentes con promissas de positiones de influentia in le governamento depois le electiones.




#Article 373: Israel (256 words)


Israel es un stato independente in le Oriente Medie, officialmente de character judee. Su pretensiones territorial, e mesmo su existentia legitime, son contestate per plure altere paises. In judaismo le nomine Israel ha un altere significantia: illo es usate pro le populo de Israel, i.e. le judeos.

Israel es un nomine date a Jacob, filio de Isaac, filio de Abraham quando ille luctava con un angelo secundo le Biblia (Genesis 32:28). Le significato de Israel es “Ille qui lucta con Deo”.

Per le mythologia date in Genesis Jacob habeva dece-duo filios que dava origine al dece-duo tribos de Israel; secundo le Biblia, lor descendentia constitueva le «populo de Israel» o le «populo de Deo».

Israel esseva fundate post le Holocausto como un loco de refugio pro le population judee de tote le mundo. Mesmo avante le Secunde Guerra Mundial, il ha habite un colonia zionista de lingua hebree (le «prime aliyah» data de 1881).

Le historia moderne del stato de Israel es marcate per conflicto interne e externe contra arabes (sia statos arabe como Syria, Egypto, Iraq o Jordania, sia organisationes paramilitar palestin como le OLP, Hamas, le FPLP, Hezbollah o Jihad Islamic).

Le territorio internationalmente recognite de Israel es parve; illo extende del Mar Morte e le Jordan usque le Mediterraneo. Illo adjace le Peninsula Sinai e le Mar Rubie in le sud. Le Stato de Israel occupa etiam Cisjordania, reclamate per le palestinos, e Golan, que es reclamate per Syria. Iste duo territorios son principalmente habitate per arabes, malgrado le implantation de colonos judee.




#Article 374: Clonage (124 words)


Clonage es le processo de crear un copia identic de un original. Un clon in le senso biologic, per consequente, es un organismo multicellular que es identic geneticamente a un altere organismo vivente. Alcun vices isto pote referer se a clones natural producite quando un organismo se reproduce asexualmente, mais in linguage commun le clon es un copia identic per medio de intelligentia e designo identic.

Le termino esseva cuneate per le geneticista britannic J. B. S. Haldane in 1963, e se deriva del vocabulo grec κλων (micre ramo).

In biologia, le termino clonage es usate in duo contextos: clonage de un gen, o clonage de un organismo. 

Le clonage human es un subjecto de grande controversia quanto a su consequentias ethic e practic.




#Article 375: Traduction del Nove Mundo del Sancte Scripturas (1109 words)


Le Traduction del Nove Mundo del Sancte Scripturas (abbreviate NWT, in anglese) es un traduction del Biblia basate sur le texto grec de Wescott-Hort e le Biblia Hebraica de Rudolf Kittel. Illo es publicate per le Watchtower Bible and Tract Society of New York Inc. (abbreviate WBTS, in anglese, o solmente Le Watchtower).  Le Testes de Jehovah lo usa como su primari traduction e ha publicate numerose defensas de su traduction de varie passages.

Le traduction original in le lingua anglese esseva commissionate in le medio del Seculo XX con vista a provider un version in anglese moderne fidel al parolas del textos in lor linguas original e reimplaciar le Version del Rege Jacobo (abbreviate KJV in anglese) que usa un lingua nunc bastante archaic. Le Testes de Jehovah sentiva que le texto del KJV habeva circa 50 milles de variationes ab le anglese moderne o con le manuscriptos disponibile in greco e hebreo. (Awake! vol. XXXVIII, numero 17, 8 sept. 1957). Le Watchtower nunquam ha revelate le nomines del personas qui travaliava in le comité de traduction proque illes voleva remaner anonyme, mesmo post lor morte.

Un characteristica significative del NWT es su litteralitate. In grande parte solmente un parola o termino anglese ha essite prendite pro traducer cata parola grec o hebree e il se faceva grande effortio pro adherer se a iste convention, tanto como le contexto lo permitte. Le resultato es un traduction que pote sonar un poco estranie in alcun versiculos secundo le ordine de parolas in altere linguas, ma que es fidel al original e al minus es consistente e ha le avantage de esser libere de archaismos in contrasto con le KJV.

Desde que le NWT esseva publicate in 1950, illo ha essite traducite in altere linguas. Le Biblia integre es disponibile in 73 linguas, e le Nove Testamento (appellate le Scripturas Grec Christian) in 57 altere linguas.

In 2015 le NWT ha essite publicate in 1230 linguas. Su grande total es 208,366,928 biblias. Le traduction a altere linguas es basate in le texto anglese, possibile a causa del natura del traduction anglese, supplementate per comparation con le hebree e le grec

Ben que nulle altere denomination ha adoptate le NWT pro uso commun (e isto quasi certemente non esseva le intention del traductores in omne caso), milliones de personas de varie religiones ha obtenite e legite le NWT. Isto es evidente per le figuras total del impressiones: 171.000.000 copias in le ultime 60 annos. (Pro comparation, le Testes de Jehovah e lor associatos numera circa 16.000.000.) 

Alcun criticos dice que le NWT es un re-scriptura del Biblia pro conformar lo al doctrinas del Testes de Jehovah, viste que illo non supporta alcun del traditiones clave de multe denominationes christian, como le credentia in le focos infernal e le doctrina del Trinitate. 

Altere revisores ha exprimite lor appreciation pro iste traduction. Dr. Jason deBuhn, Cathedra e Professor Associate al Departimento de Humanitates, Arte e Religion, in le Universitate de Nord Arizona commentava que: Le NWT es de alte qualitate, un traduction litteral que evita usos idiomatic traditional in su fidelitate al greco. Illo es, in multe manieras, superior al traductiones le plus succedite in uso hodie.

Benjamin Kedar, Professor de Historia e Director del Instituto pro Studios Avantiate al Hebrew University of Jerusalem, scribeva: Iste classe de obra reflecte un effortio honeste pro attinger un comprension del texto tanto fidel como possibile. Dante evidentia de ample commanda del lingua original, illo rende le parolas original in un secunde lingua comprensibilemente sin deviar se innecessarimente ab le structura specific del Hebreo ... Cata phrase permitte alcun latitude in su interpretation o traduction. Assi que le solution linguistic in qualque caso pote esser arguite. Ma io nunquam ha discoperite in le (NWT) alcun prejudicio pro leger alique in le texto que illo non contine.

Le publication del Testes de Jehovah titulate Reasoning from the Scriptures (Rationamento ab le Scripturas) invita le lectores a examinar le supporto de manuscriptos citate in notas del edition de referentia del NWT, e anque leger le explicationes date in le appendice, e comparar le rendimento del versiculos con un varietate de altere traductiones. Le libro anque sublinea le puncto que le lector trovara que altere traductores tamben ha sentite le necessitate de exprimer le significato in maniera similar. 

In 1998, Rolf Furuli, un del Testes de Jehovah e docente in Linguas Semitic al Universitate de Oslo, publicava su libro titulate The Role of Theology and Bias in Bible Translation: With a special look at the New World Translation of Jehovah's Witnesses, in le qual ille defende le litteralitate del NWT.

Plure Testes de Jehovah se ha involvite in debattos in linea o publicate sitos web in defensa del NWT. Un tal sito es Jehovah's Witnesses United. Un grande parte del ecclesias e del eruditos, considera le NWT solmente un fraude e un deception.

Alicun opponentes del Societate Watchtower opina que le Traduction del Nove Mundo del Sancte Scripturas es solmente un fraude e un deception.

Secundo illes, le traduction del Nove Mundo del Sancte Scripturas es solmente un fraude e un deception: isto es lo que le majoritate del ecclesias christian pensa e vole demonstrar clarmente. Illo es un traduction producite per le Testes de Jehovah pro supportar lor doctrinas peculiar e sectari contra omne seriose criterio exegetic e scientific, ma anque contra le tradition millennari de omne Ecclesia christian.

Ma, alicun academicos biblic lauda le Traduction del Nove Mundo del Sancte Scripturas:

Edgar J. Goodspeed, traductor del “Nove Testamento” grec de An American Translation, scribeva in un epistola del 8 de decembre de 1950 super le Traduction del Nove Mundo del Scripturas Grec Christian: “Me interessa le obra missionari de su organisation, e su sphera de action mundial, e me gaudia multo le traduction agile, franc e vigorose. On trova in illo un ample demonstration de cognoscentia solide e prudente, del qual io pote dar testimonio”.

Le hebraista e hellenista Alexander Thomson scribeva super le version in anglese del Traduction del Nove Mundo del Sancte Scripturas: “Il es clar que le traduction es obra de eruditos qualificate e intelligente qui ha procurate presentar in anglese tanto del senso ver del texto grec como es possibile exprimer” (The Differentiator, april de 1952, pags. 52-57).

In 1989, le doctor Benjamin Kedar, professor e hebraista de Israel, diceva lo sequente: “In mi investigation linguistic con relation al Biblia hebree e su traductiones, frequentemente io me refere al edition in anglese del appellate Traduction del Nove Mundo. Cata vice que io lo face, io vide confirmate que iste obra reflecte un effortio sincer pro comprender le texto con le major exactitude possibile”.




#Article 376: Metallo (136 words)


In chimia, un metallo (grec: Metallon) es un elemento chimic que perde rapidemente electrones pro formar iones positive (cationes) e ha ligamines metallic inter atomos de metallo. 

Septanta-octo del plus de cento elementos que cognosce le homine son metallos. In le Sancte Scripturas se face referentia specific al auro, le plata, le cupro, le ferro e le plumbo. Le prime vice que se mentiona le metallos es in Genesis 4:22.

Inter su proprietates physic metallos se cognosce pro su opacitate e ductilitate, in plus illos se pote funder; illos ha un brillantia metallic, e in general son bon conductores del calor e le electricitate. Le metallos presenta tamben certe characteristicas distinctive in le ordine chimic e physic. Il se pote trovar information specific super illos in le articulos del metallos jam mentionate hic e alteres plus.




#Article 377: Ecclesia de Jesus Christo del Sanctos del Ultime Dies (Strangita) (285 words)


Le Ecclesia de Jesus Christo del Sanctos del Ultime Dies - Strangita, es un fide Mormon. Illo es distincte ab le gruppo principal cognoscite como le Ecclesia de Jesus Christo del Sanctos del Ultime Dies, benque ambe organisationes clama esser le ecclesia original establite per Joseph Smith, Jr. le 6 de april de 1830. Post le morte de Joseph Smith Jr. le majoritate del membros sequeva le trunco principal del ecclesia que hodie conta ultra 12.000.000 (estima de 2005).

Secundo le Strangitas, Joseph Smith Jr. nominava James J. Strang pro esser su successor le 18 de junio de 1844 in un epistola nunc trovate al Universitate de Yale. Secun Strang, quando Smith esseva assassinate in 1844, Strang mesme esseva visitate per angelos, qui commandava le esser le successor de Smith. (Lege plus in le libro Revelations of James M. Strang. Le facto que Strang esseva nominate le successor de Smith esseva opponite per altere mormones, includente Brigham Young, qui duceva le ecclesia al stato american de Utah, le qual deveniva le ben cognoscite Ecclesia de Jesus Christo del Sanctos del Ultime Dies.

Depois le morte de Joseph Smith, Jr., Strang e su adherentes (qui numerava quasi 12000) se establiva in le stato american de Wisconsin, e plus tarde in Michigan. Depois que Strang esseva assassinate in 1856, le gruppo quasi dispareva. Hodie, le gruppo ha un parve ma crescente communitate de credentes. Le ecclesia Stangita crede in le culto del septime die, illo ordina feminas al sacerdotio, practica le baptismo pro le mortos e le ceremonia de Dotation Mormon (Mormon Endowment) similar a illo practicate in pre-Nauvoo (in Illinois) Mormonismo e crede in le marritage eterne. Historicamente, alcun membros del ecclessia Strangita practicava le poligamia.




#Article 378: Communitate de Christo (583 words)


Le Communitate de Christo, originalmente cognoscite como le Ecclesia de Jesus Christo del Sanctos del Ultime Dies Reorganisate, es un fide Mormon. Le gruppo esseva formate depois le morte de Joseph Smith, Jr., le 27 de junio de 1844; illo esseva un tentativa de reorganisar le Ecclesia de Jesus Christo del Sanctos del Ultime Dies fundate per Joseph Smith Jr.. Post le occision del propheta il habeva alicun membros que se separava ex le trunco principal pro formar le varie ramos como le gruppo Strangita, le gruppo Temple Lot, totevia tote iste parve gruppos non habeva un disveloppamento apreciabile, de facto le Communitate de Christo es le gruppo plus consistente de circa 250.000 membros dum le ecclesia original ha ultra 12.000.000 (estima de 2005).

Sequente le morte del fundator del religion, Joseph Smith, Jr., le inimicos del ecclesia credeva que le mormonismo esseva finite. Dum alicun parve gruppos se separava pro formar nove ramos, le trunco principal ducite per Brigham Young, faceva un migration a Utah, USA, e reteneva le nomine original de Ecclesia de Jesus Christo del Sanctos del Ultime Dies. Un plus parve faction remaneva in Illinois, USA, pro varie rationes, includente disaccordos con le Doce Apostolos Mormon e le timor de facer le viage longe e penose a Utah. Alcunos in iste gruppo rejiceva Brigham Young como leader e credeva que Joseph Smith, Jr., habeva nominate su filio major Joseph Smith III, como su successor. Joseph Smith III e su matre, Emma Hale Smith, originalmente rejiceva offertas de ducer le nove movimento mormon, usque le 6 de april de 1860, in Amboy, Illinois, USA, quando le Ecclesia de Jesus Christo del Sanctos del Ultime Dies Reorganisate esseva organisate. Il se debatte usque nunc si Emma Smith (qui se re-maritava depois le morte de su sposo Joseph Smith, Jr.) esseva mesmo un membro official del ecclesia Reorganisate, malgrado le facto que illa toccava le organo pro multe de su reuniones religiose e appareva supportar su filio. Non obstante, necuno mantene que illa se associava con le gruppo de Brigham Young depois le morte de Joseph Smith, Jr., su sposo. 

Le ecclesia Reorganisate esseva ducite per Joseph Smith III pro 54 annos. Joseph Smith III moriva le 10 de decembre de 1914, sin nominar un successor. Su filio Frederick Madison Smith esseva acceptate tosto depois como le nove leader del ecclesia Reorganisate, e deveniva le nove presidente del ecclesia Reorganisate in 1915. Usque alcun annos retro, le succession del leader del ecclesia se continuava in grande parte ab lineas patriarchal, il es passate de patre a filio. Non obstante, quando un del presidentes habeva solmente filias e necun filio, le ecclesia Reorganisate cambiava su politica pro admitter feminas in le sacerdotio e formulava un nove politia pro appunctar successores pro esser leader del ecclesia Reorganisate.

Le scripturas del Communitate de Christo include le Version Inspirate del Biblia (le traduction del version de King James per Joseph Smith), le Libro de Mormon, e le Doctrina e Convenios benque illes include anque un differente sub-conjuncto del revelationes de Joseph Smith, Jr., ab illos includite in le version del ecclesia LDS. In differentia al ecclesia LDS illes non include le Perla de Grande Precio ma recognosce le Lecturas super le Fide.

Desde april de 1920 le centro official del corporation del ecclesia Reorganisate esseva establite in Independence, Missouri, USA.

Le 6 de april de 2001 iste gruppo cambiava su nomine de Ecclesia de Jesus Christo del Sanctos del Ultime Dies Reorganisate a Communitate de Christo.




#Article 379: Sharon (Vermont) (143 words)


Sharon in Vermont es un parve communitate in le Contato de Windsor. In le censo de 2000 le village ha un population de 1 411 personas.

Secun le Bureau de Censo American le village ha un area total de 103.9 km² (40.1 mi²). 102.6 km² (39.6 mi²) in terra e de su territorio 1.2 km² (0.5 mi²) es aqua. Le area total es 1.20% de aqua.

Hic nasceva Joseph Smith, Jr. (1805-1844), le traductor del Libro de Mormon e le fundator del Ecclesia de Jesus Christo del Sanctos del Ultime Dies. Su patre Joseph Smith, Sr., es interrate in Sharon, ubi ha un memorial pro Joseph Smith in le forma de un obelisco 
(erecte in 23 decembre 1905) de 38.5-pedes-in alto facite de granito pro commemorar le 38.5 annos de su vita. Un par de missionarios a tempore complete vive in le sito.




#Article 380: Colica equin (137 words)


Colica = dolores del abdomine. Ex colon = intestino crasse.
Colica es un suffrentia que pote infliger e humanos e animales. Le causas es plure, como torsion, strangulation o invagination de intestinos (intestinos crasse e tenue) ma anque constipation o accumulation de gases. Non solmente le intestinos pote causar dolores appellate colica sed etiam p. ex. le utero, le renes e le hepar con lor ductos. Concretiones in le ductos e le vesica del hepar, petras biliari, provoca dolores multo timite in humanos assi como petras in le conductos ab le renes, petras urinari. 
Colica equin es multo timite per proprietarios de iste animales pois que lor dolores sole esser multo potente e le cavallos a vices se jecta violentemente a terra. In cavallos principalmente le intestinos provoca colica e non rarmente isto pote causar le morte.




#Article 381: Wikimedia (356 words)


Le Fundation Wikimedia (Wikimedia Foundation Inc.) es le organisation-parapluvia comprehendente le pecias o projectos de Wikimedia: Wikipedia, Wiktionary, Wikiquote, Wikibooks, Wikisource e Nupedia. Le Fundation es un societate anonyme sin scopo lucrative organisate sub le leges de Florida, SUA. Su existentia official esseva annunciate le 20 de junio 2003 per un del duo co-fundatores de Wikipedia, Jimmy Wales, qui previemente operava Wikipedia sub le egide de su compania Bomis.

Le objectivos del Fundation es incoragiar le crescimento e disveloppamento de contento libere, projectos basate super WikiWiki e publicar le contento complete de iste projectos gratis e sin annuncios commercial. In addition al jam disveloppate encyclopedia e almanac general multilingue nominate Wikipedia, le Fundation gere un dictionario e thesauro multilingue nominate Wiktionary, un encyclopedia de citationes nominate Wikiquote e un collection de ressources super e-libros nominate WikiBooks visate specificamente a studentes (comprehendente per exemplo libros scholar e libros annotate in le dominio public). Le Fundation gere anque le operationes del projecto Nupedia que pro le major parte es inactive (e que non es un wiki ma totevia es contento libere).

Con le initiation del Fundation, Wales ha anque transferite le proprietate de tote le nomines de dominio de Wikipedia, Wiktionary e Nupedia a Wikimedia con le copyright pro tote le materiales connexe a iste projectos que esseva create per empleatos de Bomis o per Wales ipse. Le equipamento computatorial usate pro executar tote le projectos de Wikimedia esseva anque donate per Wales al Fundation.

Wales ha mentionate plure vices que Bomis continuara a fornir gratis le largor de banda e currente electric pro iste projectos. Il es sperate que le existentia del fundation sin scopo lucrative rendera possibile le generation per donation del publico e per subvention federal statounitese de receptas sufficiente pro assecurar le crescimento continue de cata projecto de Wikimedia.

Il habeva previemente discussiones extense super le responsabilitates de un , e tentativas de comenciar a scriber un . Methodos plus equalitari de  anque esseva explorate. Il non es clar como istes influentiara le nove processo de Wikimedia.

Wikimedia accepta donationes a Actualmente, donationes pote esser facite electronicamente via PayPal o inviate per le posta.




#Article 382: Projecto Gutenberg (145 words)


Le Projecto Gutenberg es un bibliotheca digital. Illo esseva un idea de Michael Hart, qui in 1971 decideva que il poterea esser un idea excellente si copias de textos famose e importante poteva devenir disponibile gratuitemente pro omne homine. Desde alora, a ille se univa centos de voluntarios qui divide su proprie vision. 
In 2006, ultra trenta annos plus tarde, le Projecto Gutenberg ha un disponibilitate de ultra un total de 19.000 obras in multe linguas, inter illos un novella solitari in interlingua.

Le philosophia del Projecto Gutenberg es illo de publicar information. Libros e altere materiales es disponibile al dominio public.

Ibi on trova obras classic de multe autores de diverse paises libere del derecto de autor (copyright). Le operas es scribite majormente in lingua anglese.

Le gente pote leger, usar e citar liberemente tal informationes.

Le Bibliotheca del Projecto Gutenberg ha tres portiones:




#Article 383: Derivation de parolas in interlingua (1061 words)


Le derivation de nove parolas in interlingua es un processo que defini un nove parola pro le usage in interlingua. Omne usatores de interlingua pote usar le regulas pro crear lor proprie parolas. Proque le processo de facer lo es plus o minus objective, il non ha alcun parolas con sanction official in interlingua; le processo de derivation sta pro se.

In Interlingua de IALA, il ha quatro linguas (o unitates linguistic) que determina si un certe parola es un parola in interlingua: anglese, iberico (espaniol combinate con portugese), francese, e italiano. (Iste quatro esseva etiam usate pro definir le grammatica de Interlingua.) 

Un quinte e un sexte, germano e russo, esseva usate como un controlo; si il non habeva consenso inter al minus tres del quatro linguas de base, e solmente duo linguas de base esseva de accordo, le germano o le russo pote funger como le tertie.

In le pauc casos in que mesmo iste processo non resulta in alcun parola eligibile, on prestava originalmente le parola in question del latino, le lingua del scientia ancian. In le interlingua hodierne, le derivationes de altere combinationes de linguas romanic es plus commun, ben que alcun parolas del latino continua a esser in usage popular.

Quando on ha determinate que un certe parola es eligibile pro inclusion in le vocabulario de interlingua, le forma del parola es ancora incognite: on ha solmente le collection del variantes national del parola. Le processo de determinar le forma exacte que le parola assume in interlingua es appellate le prototypamento; interlingua usa formas prototypic del parolas.

Le regula de tres es un del plus importante regulas in le methodica de derivation de parolas international in le vocabulario del Interlingua de IALA.

Iste regula defini le eligibilitate de un parola pro le vocabulario, determinante si nos lo considera international (e dunque interlingua correcte) o non.

Le regula de tres non defini le forma del parola; isto face le regula de duo.

Un parola es acceptate in le vocabulario de interlingua si variationes de illo con significatos equivalente —

Un del ideas inventive de IALA in su recercas ducente al elaboration de interlingua es le division del linguas europee in duo campos: le sphera productive e le sphera receptive.

In le antiquitate, le latino e greco esseva le linguas del fortias dominante in le politica e cultura international (vide Imperio Roman, Grecia ancian). Postea, illos fungeva durante duo millennios como le linguas auxiliar essential in le religion e scientia europee. Isto ha effectuate que tote le linguas europee ha importate milles de parolas de origine grec e latin, directe- e indirectemente.

Le parolas de origine grecolatin que durante iste millennios ha devenite commun al linguas europee forma insimul un extense vocabulario international. On debe dunque considerar le grecolatino, e su directe successores le linguas romanic, como le componente principal del sphera productive.

In tempores moderne, le anglese es un productor avide de parolas international. In le passato illo esseva un del linguas le plus receptive de Europa, e ben que illo es de facto un lingua germanic, illo ha incorporate grandissime partes del vocabulario del francese e del grecolatino, tanto que IALA lo considerava de facto, si non de jure, un lingua romanic.

Le combination del principal linguas producente parolas international in le passato e in le presente resulta in le definition del sphera productive como le sphera anglo-romanic.

Iste nove vista permitteva a IALA simplificar grandemente le recercas ducente al derivation del vocabulario international: on poteva omitter le recerca del linguas del sphera receptive, proque le sol vocabulos que le linguas del sphera receptive ha in commun le unes con le alteres e con le sphera productive es vocabulos grecolatin prestate justo del sphera productive.

Per exemplo, le nederlandese e le hungaro non ha multo in commun, essente de familias toto differente -- excepte variationes de milles de parolas prestate directe- o indirectemente del grecolatino international, como information, international, politica, etc. Dunque lor inclusion como linguas de controlo adderea nihil al vocabulario international que non esserea jam presente.

Totevia, durante le progressos del recercas, IALA trovava que le adherentia stricte al idea del sphera productive anglo-romanic resultava in le omission de alicun parolas obviemente international, e concludeva que un adjustamento al regula de tres esseva necessari.

Assi, le duo linguas le plus importante del sphera receptive esseva admittite al linguas de controlo como adjunctos: le germano e le russo. Si a un parola manca le appoio de un lingua del sphera anglo-romanic, on pote considerar le presentia del parola in le germano o le russo como appoio corrective.

Le linguas iberic espaniol e portugese es considerate como un singule lingua pro lor similaritate linguistic, non pro alicun judicamento quanto a lor importantia o non-importantia como linguas individual.

Post que le vocabulario international es de origine greco-latin, le non-inclusion del greco como lingua de controlo causa a vices surprisa. Ben que le greco esseva un grande productor de parolas international in tempores ancian, causante le incorporation de un extense vocabulario scientific de origine grec in le latino post-classic, le greco moderne non es plus parte del sphera productive. Le parolas international de origine grec hodie vive independentemente in le vocabulario international, e le neologismos scientific grechiforme es de facto formate in linguas como le germano e le anglese, non in le greco proprie. Le parte del greco hodie relevante es includite in toto in le sphera anglo-romanic, e per consequente le inclusion del greco como lingua de controlo distincte essentialmente non facerea differentia.

Le  de IALA de 1945 (in anglese), describente le stato del recercas e proponente possibile variationes del lingua international.

In illo on trova le sequente regulas fundamental que es le base de Interlingua:

Si un parola international es representate per variantes con al minus un
signification commun in al minus tres del quatro unitates de controlo -
anglese, francese, italiano, espaniol-portugese - illo es eligibile pro
representation in le lingua auxiliar.

Le forma standardisate in que un parola eligibile international es
representate es un forma de denominator commun de tote su variantes e pote
esser appellate lor prototypo. Le prototypo es producite per un studio
complete del etymologia del familia de parolas in que le parola international
es trovate.

Le signification o significationes de un parola international standardisate
es le signification o significationes que tote le variantes contribuente a
su eligibilitate possede in commun.




#Article 384: Pais Basse (4977 words)


Le Pais Basse. Al termino del etate de glacie, le area esseva habitate per alicun gruppos paleolithic. Un de illos fabricava canoas e ante isto, circa 8000 aEC, un tribo mesolithic habitava juxta Bergumermeer (Frisia).

Le agricultura arrivava verso le anno 5000 aEC a transverso del cultura de potteria ma solo esseva practicate in le praterias del extreme sud del pais. Le collectores e chassatores del cultura Swifterbant es attestate desde le anno 5600 aEC. Illos disveloppava un societate agricole verso 4300-4000 aEC in le qual esseva conspicue le introduction de parve proportiones de granos in un economia traditional.

Le prime restos notabile del prehistoria esseva le dolmenes, que ha essite trovate in le provincia de Drenthe e esseva probabilemente construite per gente del cultura de Funnelbeaker inter 4100 e 3200 aEC. Le prime evidentia del uso del rota es datate in torno al 2400 aEC e probabilemente es associate al cultura Bellbeaker. Iste cultura anque experimentava con cupro, de lo que alicun evidentia esseva trovate in le parco de Veluwe. Le discopertas de cupro demonstra le commercio con altere regiones, viste que le mineral de cupro non se trova naturalmente in le pais.

Le Etate de Bronzo probabilemente comenciava circa 2000 aEC como in le tumba del ferrero de Wageningen. Post iste discoperta, plus objectos del etate de bronzo appareva como in Epe, in Drouwen e super toto in Drenthe que, considerante le quantitate de objectos trovate, indica que illo esseva le centro de commercio del epocha. Le ricchessa del Paises Basse in le Etate de Ferro pote esser vidite in le Tumba del rege in Oss (500 aEC), ibi un ver rege esseva interrate con alicun objectos como un spada de ferro con un gravure de auro e corallo in le major tumulo funerari de Europa Occidental, que habeva 52 m de amplitude.

Le epocha del arrivate del romanos, le Pais Basse esseva habitate per varie tribos germanic, qui se habeva establite ibi circa 600 aC. Tribos celtic se establiva in le sud. Diverse germanos se establiva in le delta del Rheno al initio del occupation roman e formava le tribo del batavos.

 

In le seculo I aEC, le Imperio Roman conquireva le parte sud del pais, ubi creava le provincia Germania Inferior. Le romanos esseva le prime a construer citates in le pais, como Utrecht (Trajectum ad Rhenum), Nimega (Noviomagus) e Maastricht (Trajectum Mosae). Le parte nord, que esseva foras del Imperio roman e que esseva habitate per le frisios, esseva fortemente influentiate per su vicino del sud.

Le relationes inter le romanos e le habitantes del pais esseva generalmente bon. Nonobstante isto no impediva le rebellion del batavos in le anno 69 aEC (un thema importante in le Historias de Tacito).

Le populos germanic e roman se univa e formava tres populos:

Le francos se converteva al christianismo post que su rege lo faceva in le anno 496 e le christianismo esseva introducite in le nord gratias al conquesta de Frisia per le francos. Le Pais Basse pertineva al Imperio de Carolo Magne, cuje centro esseva in le actual Belgica e Francia del nord, e que se extendeva trans Francia, Germania, Switza, le nord de Italia e altere territorios de Europa occidental. In 843, con le Tractato de Verdun, le Imperio esseva dividite in tres partes: Francia Occidental, Francia Oriental e Lotharingia. Posteriormente, iste regno central se divideva inter le regno de Burgundia, Lorena, e le duo altere regnos. Le region in qual le lingua hollandese vadeva disveloppar se alternava inter le zonas de influentia de Burgundia, Germania (Francia Oriental) e Francia (Francia Occidental).

Le arrivate univase al habitantes original pro crear tres populos: le frisios vicin al costa, le saxones in le est e le francos in le sud. Le francos converteva se al christianismo post que su rege, Clodoveo I lo faceva in le anno 496 e assi le christianismo esseva introducite in le nord gratias al conquesta de Frisia per le francos. Le Pais Basse pertineva al imperio franco de Carolo Magne cuje nucleo trovava se in lo que hodie es Belgica e que se extendeva per le resto de Francia, Germania, nord de Italia e altere territorios de Europa occidental. In 843, con le Tractato de Verdun, le Imperio esseva dividite; le plus parte del territorios de parla nederlandese integrava se in Germania e Francia intentava incorporar Flandra sin successo.

Inter le annos 800 e 1000 le Pais Basse suffreva le sacco del vikingos, su attaccos esseva multe violentos, commo in le destruction del citate de Dorestad. Ma la suprematia viking terminava in 920 quando le rege Enrique I de Germani liberava Utrecht. Le reges e imperatores german dominava le Pais Basse durante le seculos X e XI. Germania recipeva le denomination de Sacro Imperio Roman post le coronation de Oton I le Grande como imperator. Nimega esseva le loco significative pro le imperatores german, varios de illos nasceva e moriva ibi.

Le Cruciadas esseva popular in le Pais Basse e multe univa se pro vader luctar in Terra Sancta. Le Sacro Imperio Roman mostrava se incapace de mantener le unitate politic pro le crescente independentia del citates. Le governantes local transformava lor ducatos e condatos en regnos private e sentiva se pauc obligate a obedir al imperator. Un grande parte de lo que actualmente es le Pais Basse esseva governate per le conte de Holanda, le duce de Groningen, le duce de Brabante e le episcopo de Utratch. In le nord, Frisia e Groninga manteneva lor independentia e esseva governate per un parve nobilitate. 

Groningen e Hollanda luctava pro le controlo de Utrecht. Pro su parte, Utrecht videva se marginate pro le continua difficultates que expreimentava pro eliger nove episcopos, durante que le dynastias del statos vicin esseva plus stabile. Groningen, Drente e le plus parte de Groningen,  que habeva formate parte de Utrecht, deveniva independente. Brabante tractava de conquirer su vicinos ma le intentos falleva. Hollanda anque intentava assecurar su suprematia in Zelandia e Frisia ma non teneva successo. In le nord, Frisia conservava su independentia in iste periodo. Illo habeva su proprie institutiones e opponeva se al imposition de un systema feudal que poteva se trovar in altere municipalitates europee, malgrado illo, le frisios perdeva su independentia quando esseva battite in 1498 pro le mercenari landsknechte german del duce Alberto de Saxonia-Meißen.

In 1433, le grande parte del territorio del Pais Basse e Belgica actual esseva unificate per Philippe III de Burgundia. Ante la union burgundie, le nederlandeses se identificava con lor citates, lor contatos local o como subjectos del Sacre Imperio Roman. Il esseva durante iste epocha burgundie que comenciava a apparer inter le nederlandeses un conscientia como nation. Le nobiles principal de Hollanda invitava al duce a conquirer iste pais. Amsterdam cresceva e in le seculo XV illo esseva le principal porto commercial europee gratias al grano del region baltic.

Geldria se opponeva al dominio de Burgundia e essayava crear su proprie stato in le nord del Pais Basse e nord-west de Germania. Pro carentia de moneta, Geldria instrueva a su soldatos de spoliar le territorios inimic. Iste soldatos deveniva un grande menacia pro le Pais Basse burgundie.

Geldria esseva alliate con Francia, Anglaterra e Danmark, que voleva le fin del prosperitate de Flandra e le dominio burgundie sur le Pais Basse.

Pro hereditage e conquesta le pais arrivava a esser in possession del dynastia del Habsburgo sub Carlos V in le seculo XVI, qui unificava los in un sole stato. Le est de Hollanda sole esseva occupate un decades ante del lucta del nederlandeses pro su independentia. Nonobstante, in 1548, octo annos ante de su abdication del throno, le Imperator Carlos V garantiva le stato del Dece-sete Provincias de Hollanda como un entitate separate del Imperio e de Francia. Iste Pragmatica Sanction de 1549 non esseva independentia plena, sed permitteva un autonomia significative.

Al Imperator Carlos succedeva le su filio Philipe II de Espania. A differentia de su patre, Philippe II non habeva crescite in le Pais Basse e le nobilitate local le considerava indifferente verso su stato. Como catholico devoto, non ille esseva discontente con le successo del Reformation. Su actiones in le Pais Basse (reinfortiar le persecution religiose, centralisar le governamento, le justitia e le impostos) le faceva impopular e conduceva a un revolta. Le nederlandeses luctava pro su independentia de Espania, lo que originava le Guerra del Octanta Annos (1568-1648). Sete provincias univa se in le Union de Utrecht in 1579 e formava le Republica del Sete Paises Basse Unite.

Guillermo I de Orange, le fundator del familia regal nederlandese, dirigeva al hollandese durante le prime parte del guerra. Le prime annos esseva un successo pro le armeas espaniol. Nonobstante, le rege de Espania perdeva del controlo del Paises Basse post que le soldatos de Philipo II spoliava Amberes e occideva a un grande numero de habitantes. Le catholic conservator del sud e del est appoiava al espanioles, que reconquireva Amberes e altere citates flaminge e hollandese. Finalmente, le plus parte del Paises Basse esserea sub le dominio espaniol ma Flandra esserea libere. Multe flamingos fugiva a Hollanda.

Le guerra continuava 60 annos plus sed le affrontamento principal habeva terminate. Le Pace de Westfalia, firmate le 30 de januario 1648, confirmava la independentia del Provincias Unite de Espania e Germania. Le hollandese non considerava se como germanos desde le seculo XV, ma esseva parte de Germania usque 1648. Le identitate national formava se pro le provincia del que procedeva le plus parte del population. Como Hollanda esseva le provincia le plus importante, le Republica del Septe Provincias esserea cognoscite como Hollanda in le altere paises.

Le barcas hollandese chassava balenas in le costa de Svalbard, commerciava con species in India e Indonesia e fundava colonias in Nove Amsterdam (hodie New York), Africa del Sud e le Indias Oriental Nederlandese. Le major colonia nederlandese in le estraniero esseva le Colonia del Capo. Establite per Jan van Riebeeck, in nomine del Compania Hollandese del Indias Oriental, in Citate del Capo in 1652. Le Principe de Orange acquireva le controlo del Colonia del Capo in 1788.

Alicun colonias portugese esseva conquirite, principalmente in le nord-est de Brasil, Angola, Indonesia e Ceilan. Pro isto le seculo XVII es nominate como le Etate de Auro del Pais Basse. Como esseva un republica illes esseva plus governate per un aristocratia de commissos urban, nominate regentes, que per un rege. Le Statos General, con su representantes de tote le provincias, decideva le questiones importante per tote le Republica.

Le territorio del Pais Basse esseva incorporate al Prime Imperio Francese sub le conduction de Napoleon I desde 1810 usque 1814. Post formava se un Regno del Pais Basse que includeva le actual Belgica e Luxemburgo. Le Congresso de Vienna occasionava duo importante cambios: le controlo colonial sur Indonesia esseva perdite e le nord e sud del Pais Basse unificava se.

Le tensiones inter le nord e le sud inter altere causas pro le differentias religiose, provocava que in 1830 le belgas declarava se independente e ben que le rege Guillermo I de Germania inviava truppas, le mobilisation del franceses pro le belgas le faceva desister de qualcunque affrontamento. Solo octo annos plus tarde recognosceva se le independentia de Belgica.

Le ascension del regina Guillermina al throno in 1890 significava le separation de istos e Luxemburgo, proque le titulo de Grande Duce non poteva esser hereditate per un femina. Durante le seculo XIX le pais tardava in industrialisar se in comparation con Germania e Francia.

Le Pais Basse esserea neutral in le Prime Guerra Mundial. Le invasion german de Belgica faceva que quasi un million de belgas fugiva in le Pais Basse. Proque le pais esseva cingite de paises in conflicto, le commercio non esseva secur e le rationamento esseva facite durante le guerra. Post 1918, le situation tornava al normalitate.

Le Grande Depression habeva effectos multe negative in le economia nederlandese. Como le governamento de Henrik Colijn non cambiava su politica economic, le Pais Base tardava plus que altere paises europee in recuperar se del crises. Quando le nazis acquireva le poter, le nederlandese pensava que illos respectarea le neutralitate del Pais Basse.

Con le Secunde Guerra Mundial, le pais declarava su neutralitate sed le 10 de maio 1940 le germanos lanceava un attacco contra le Pais Base e Belgica e conquireva le plus parte del pais in pauc tempo. Le 15 de maio le Pais Basse capitulava. Le familia Regal fugiva al Regno Unite o a Ottawa.

Le japoneses invadeva le Indias Oriental Nederlandese le 11 de januario 1942 e le nederlandeses rendeva se le 8 de maio post le disbarcamento japonese in Java. Nonobstante, multe naves nederlandese attingeva Australia, desde ubi luctava contra le japoneses. Le hiberno de 1944-45 esseva multe dur, con fame e memorate in le historia nederlandese con le nomine de Hongerwinter (hiberno del fame). In maio 1945, le Germania nazi claudicava e firmava le rendition ante le nederlandese in Wageningen.

Post le guerra, le economia nederlandesse prosperava e le pais esseva membro fundator del Communitate Europee del Carbon e del Aciero (CECA) in 1951, le qual conduceva in 1957 al fundation del Communitate Economic Europee. Jam in 1944 Belgica, Nederlandia e Luxemburg comenciava un gruppo de cooperation sub le nomine de Benelux (BElgië-NEderland-LUXemburg), que in 1958 conduceva a un union economic. Le Tractato del Union Europee o Tractato de Maastricht es cognoscite proque illo esseva firmate in le citate nederlandese de Maastricht.

In 1953 le pais suffreva un le pejo catastrophes natural de su historia. In le nocte del 2 de februario multe partes del provincia de Zelanda esseva inundate pro le ruptura de multe dicas del sud-west de pais, causante le morte de 1800 personas. Desde isse momento, comenciava le Plan Delta pro construer multe dicas e operas civil pro le retention del aquas del Mar del Nord. Sed le operas que debeva proteger le provincia de Zelanda non finiva usque finales del seculo XX.

Le creation del Benelux essera le initio del Communitate Economic Europee post le firma del Tractatos de Roma in 1957 pro lo que le Pais Basse es considerate pais fundator de iste organisation. Durante le annos 1970 le crise del petroleo faceva que le differente governamentos crearea un fronte con cambios in le politica economic, creante un exemplo de crescimento. In 1980 le regna Juliana abdicava in su filia Beatriz.

Le nomine del pais Nederlanden (Terras Basse) debe se a que un parte del nord e west del territorio del pais trova se sub le nivello del mar. Al sud-est del pais extende se le nominate Pais alte superior, que eleva se un pauc sur le nivello del mar.

Un complexe systema de escolamento de aqua, cuje construction initiava se in le epocha medieval ha permittite incrementar le superficie del pais in plus de un 20%. Sin un escolamento constante la medietate del Pais Basse esserea inundate pro le mar e pro le fluvios que crucia le pais como le Rhin que imbucca in Rotterdam, lo que ha facite de iste citate le porto de plus traffico de Europa. Junctemente con le Rhin il ha altere duo fluvios que divide le pais in duo partes: le Maas e le Waal. Le puncto plus alte del pais trova se in Vaalserberg, in le provincia de Limburg e ha un altitude de 321 metros sur le nivello del mar.

Durante le inundation del mar del Nord de 1953, le fissura in le dica causava le morte a 1835 personas, e fortiava le evacuation de altere 70000 ultra esser destruite 4500 edificationes. Pro evitar que un catastrophe assi se repite, un ambitiose projecto esseva create, le Plan Delta (Deltawerken) que univa le imbuccaturas del Rhin e del Maas. Le opera plus importante del complexo es le Oosterscheldekering que es considerate un del sete meravilias del mundo moderne secundo le Societate American de Ingenieros Civil.
De plus, le Pais Basse es un del paises que plus suffre le cambio climatic. Non solo es un problema le inundationes producite per le mar, jam que un disbordamento del fluvios anque poterea esser multe periculose.

Le bioma primigene es le bosco temperate foliate. Secundo WWF, le practica totalitate del pais pertine al ecorgion denominate bosco mixte atlantic, minus le extremo sud-est, que corresponde al bosco de frondosas de Europa occidental. Le ventos del west, specialmente in hiberno es forte, le pluvias copiose e le temperaturas moderate. Le sequente tabulas monstra le variationes del climate in le pais:

Le pais ha dece-duo provincias: Frisia (Fryslân in frison, Friesland in nederlandese), Groningen, Drenthe, Overijssel, Geldria (Gelderland), Hollanda del Nord (Noord-Holland), Hollanda del Sud (Zuid-Holland), Flevoland, Utrecht, Zelandia (Zeeland), Brabantia del Nord (Noord-Brabant) e Limburgia (Limburg).

Le densitate de population del Pais Basse es multo alte.

Tres municipalitates del Pais Basse es situate in le Indias Occidental, a saper Bonaire, Sint Eustatius e Saba (cognoscite tamben como le Insulas BES o le Pais Basse Caribe). Tres altere territorios—Curaçao, Aruba e le parte nederlandese de Sancte Martin—es constitutionalmente equal al Pais Basse sub le regina nederlandese.

Le Pais Basse es un monarchia constitutional. Su politicas liberal es multe cognoscite sur le consummation de drogas, le prostitution e le euthanasia. Le politicas de su governamento es characterisate per un effortio de attinger un grande consenso in decisiones importante, intra le communitate politic e le societate in su totalitate. Le Stato se characterisa per reformar institutiones como le familia e permitter con illo le entrata de nove manieras de convivencia social como le matrimonio inter personas del mesme sexo, la transexualitate, le prostitution, le clonation, le euthanasia e le utilisation de drogas recreational.

Intra su conformation politic, le monarcha es le chef de stato. Illa nomina un persona a formar un nove governamento post un election o crise de governamento; iste persona deveni per iste procedura prime ministro e chef de governamento. Le poter legislative es representate per le Parlamento (Stato General), le qual ha duo cameras de representation legislative. Le poter judicial es representate per un systema de cortes, al testa de quales es le Alte Consilio (corte supreme) del Pais Basse in le Haya. In le mesme urbe es ubicate le Corte International de Justitia e le Corte Penal International.

Le Assembleas Provincial es anque selectionate per suffragio directe.

Le pais es regite secundo le Statuto del Regno de 1954 e le Constitution de 1815, le qual ha essite reformate multe vices. Le suffragio masculin esseva implantate in 1917 e le universal, in 1919.

Le pais es sede del Corte International de Justitia. De plus, in Den Haag trova se un del institutiones del Union Europee, Europol.

Le politica externe del Pais Basse es centrate in le defensa del interesses del regno e es presidite per le desiro de fomentar le pace, le libertate, le ben-esser e le ordine juridic international. Illo disveloppa se in grande mesura in le decisiones del Nationes Unite, le Union Europee e le Organisation del Tractato del Atlantico Nord. Illo esseva un del fundatores del ONU, le OTAN, le Communitate Europee, le FMI, le Banco Mundial e le Union Europee Occidental.

Le Pais Basse es un del plus disveloppate economias del mundo. In le anno 2005 su PIB cresceva 1,5%, con un renta per capita de $30 300. Le 79% del fortia laboral labora in le sector tertiari, 17% in le industria e 2% in le agricultura. In 2005 le rata de disoccupation esseva de 6,6% e le povressa, de 0,5%.

Le economia es recognoscite pro su alto grado de competitivitate, situate in le octavo posto del tabula mundial. Le commercio representa plus del 80% de su PIB e si se summa su importationes e exportationes, malgrado que su population ha un peso relative del 0,22% in le population mundial, su commercio equivale al 4% del total. In 2006, le porto de Rotterdam esseva le septime plus grande in terminos de TEU. In le nord, cerca de Slochteren, es locate uno del campos de gas natural le plus grandes del mundo. Usque hodie le exploitation de iste campo donava un ingresso de 159 mille milliones de euros desde le annos 1970. Con un pauc plus del medietate del reservationes consumite e attendente un subite continuate del precios del petroleo, attende se ingressos durante le proxime decades.

In le anno, Nederlandia habeva un population de 16.570.000 e un PIB de 30.174€ per capita. Le lingua official es le nederlandese e le sperantia de vita de  annos. Le 99% del population es alphabetisate es preenta un del densitate de population le plus alta del mundo, con 399.494 hab/km2. De 1950 a 2000, le population incrementava se de 10 a 15.9 milliones de habitantes, ma le rhythmo de crescimento del population esseva plus lente in comparation con le anterior 50 annos. Le estimation del crescimento actual es del 0.412%, con un media de filios per femina de .

Le governamento incoragiava le emigration post le Secunde Guerra Mundial, jam que timeva un superpopulation del territorio. Cerca de medio million de personas abandonava le pais ma le numero de immigrantes proveniente principalmente del Antillas Nederlandese, Turchia, Surinam e Marocco ha superate le numero de emigrantes in le ultime annos.

Le composition ethnic actual es le sequente:

Le pais es densemente populate, ben que le citates sia modeste in grandor comparate con altere paises europee o mundial. Illos non ha multe grandor, ma le grado de urbanisation medio de istas es multe alto. Le capital e le citate plus grande es Amsterdam, ben que le governamento es localisate in Den Haag. Durante que le capital generalmente es definite como le citate ubi habita le sede del governamento, in iste caso nemo nominarea nunquam Den Haag como capital, ben que es cognoscite como le capital legal del mundo.

Le Randstad es le nomine que recipe le plus grande area metropolitan del Pais Basse, un del plus grande de Europa .

Il ha que distinguer inter le region metropolitan de Randstad, con un population circa  milliones de habitantes (40% del Pais Basse) e le Region de Radstad (un association socio-economic) que collecta circa  milliones de habitantes (quasi le medietate del population del pais). Ambe extende se per le provincias de Hollanda del Nord, Utrecht e Flevoland.

Le dece citates con plus habitantes del pais es:

In le Pais Basse del ultime annos, como altere statos del Union Europee, on ha vidite un grande debatto re le multiculturalismo.
Estima se que circa le 21% del population ha un o duo patres nascite al exterior. In Rotterdam, un tertie del habitantes nasceva fora del pais e le tassa de fecunditate es superior al limine de reimplaciamento, tanto que in le scholas elemental duo de cata tres infantes es immigrante o filio de immigrantes. Illo ha essite calculate que, con le tendentia actual, in 2015 le islam essera le region predominante in le citate.

Durante le periodo gothic e le Renascentia, le Pais Basse comenciava a experimentar un disveloppamento artistic notabile. In le plano intellectual, Erasmo de Rotterdam, nascite in le Pais Basse, habeva multe influentia in le vita cultural de su pais e de Europa durante le seculo XVI. In su honor, le Premio Erasmus es premiate desde 1958 in le campos del humanitates, scientias social e le artes.

In le seculo XVII, durante le periodo cognoscite como Etate de Auro nederlandese, le influentia cultural del pais habeva su puncto plus alte. Inter le figuras nederlandese plus eminente de iste epocha esseva Christiaan Huygens e Baruch Spinoza. De plus, habeva estranieros que viveva in le pais gratias al ambiente de tolerantia, como le francese René Descartes o le anglese John Locke. Le pais es cognoscite pro su molinos de vento, su scarpas de madera, tulipanes, bicyclettas e tolerantia social.

Le lingua official del pais es le nederlandese. Illo es anque parlate in Suriname e Flandra. Le lingua frison es tamben in uso official in Frisia e illo es parlate per 453.000 personas.

Illo es traditional in le pais parlar altere linguas, le 70% del population ha un cognoscentia alte del anglese, inter le 55 e 59% parla germano e circa le 19% parla francese.

Le scriptor hollandese le plus cognoscite es sin dubita Anne Frank, cuje diario ha essite traducite in plus de 70 linguas. Altere scriptores hollandese moderne include Multatuli, Willem Frederik Hermans, Gerard Reve e Harry Mulisch. Le litteratura hollandese classic (essentialmente del seculo XVII) include le obras de Vondel, Hooft, Cats, Bredero e Huygens.

Le pictura baroc nederlandese es burgese, dominante le themas de paisage, portraits e vita quotidian, con le figura de Rembrandt como su melior exponente. In iste Etate de Oro nederlandese del seculo XVII anque destacava Johannes Vermeer, Frans Hals e ante Hieronymus Bosch. In seculos plus recente, le pais ha producite pictores eminente como Vincent van Gogh o Piet Mondrian.

Le abstraction de Mondrian elaborava se a partir de la reticula cubista, a la que progressivemente reduceva a tractos horizontal e vertical que incera planos de color pur. Pro su simplification, le linguage del neoplasticismo. In le periodo de interguerras, Theo van Doesburg, dispues de haber essite un del principal defensores del neoplasticismo, renovava de maniera decisive le arte abstracte al mantener que le creation artistic solo poteva esser sometite a regulas logic.

Le education es dividite in scholas e in differente gruppos de etate intra illo, alicun de istos con differente nivellos educative. Le scholas pote esser public o religiose. Le Informe PISA, que es coordinate pro le Organisation pro le Cooperation e le Disveloppamento Economic, collocava in le none posto del ranking de education mundial al Pais Basse in 2008, obtenite un crescimento considerabile in le media del Organisation.

Le education elemental ha desde le 4 al 12 annos. Desde iste etate on pote eliger un education preparatori de nivello medie (duo annos), le education general continuate (tres annos) o le education scientific preparatori (quatro annos). Un vice finite iste studios, on pote opta pro facer le education tertiari inter las que es includite le universitates. Un vice terminate, on pote facer un maestria que es finite con 22 annos pro post comenciar laborar. Tote le universitates, minus le universitate de Nyenrode, recipe financiation del stato. Le universitates de Amsterdam, Leiden, Utrecht e Delft es inter le 100 melior del mundo.

Le cocina characterisa se pro le consummation de grande quantitates de pan e patatas. Illo es multe popular un toast coperite con butyro, le beschuit, que es consumite in le jentaculo, con differente sapores e que es usate in differente celebrationes. Anque es cognoscite un del plattos nacional le Erwtensoep que es un suppa de pisos. Illos es popular le caseos como le Gouda, Edam e Leyden. Multe citates ha lor proprie caseos. Anque on pote destaccar le sandwich de haringo (broodje haring). Su dulce plus appreciate es le biscuites replenate de sirop nominate Stroopwafels.

Post le reforma del seculo XVI, le pais se divideva in un parte catholic e un altere protestante. Le protestantes ha varie brancas como le calvinistas, le ecclesia reformate e le lutheranos.

In 2005, le 27% del population nederlandese esseva christian catholic, e un 16,6% esseva christian protestante. Un 5% es islamic e un parve percentage, judee. Un 48% del population no es religiose. Post le attaccos terrorista le citatanos nederlandese vide le islam como un menacia e la presentia de musulmanes como alicun disagradabile, ben que desde 2006 illos es minus negative con le presentia de musulmanes. Isto es pro non haber existite attaccos in iste tempo e proque ha plus contacto inter musulmanes e non musulmanes.

Un del sports plus importante del pais es le cyclismo. Jan Janssen e Joop Zoetemelk es le unic nederlandese que ha ganate le traditional Tour de Francia de plus illos ha triumphate in le Campeonato del Mundo de Cyclismo e in le Jocos Olympic. Altere cyclista Leontien Van Moorsel tamben ha triumphate in le Jocos Olympic e ha vincite campionatos mundial. Anque merita mention le campiones del Jocos Olympic e del campionatos del mundo Hennie Kuiper, Jan Raas e Gerrie Knetemann.

Le football es altere branca sportive multe popular. Illo ha tres clubes grande local e internationalmente le Ajax Amsterdam, le Feyenoord Rotterdam e le PSV Eindhoven. Istos attingeva esser campiones europee in lor historia, ma solmente le Ajax e le Feyenoord lograva esser campiones mundial de clubes. Le Pais Basse anque ha tenite ballones de auro como Johan Cruyff (tres vices), Ruud Gullit e Marco van Basten (altere tres vices) . Le unic titulo del Selection de football del Pais Basse es le Eurocopa 1988, celebrate in Germania Federal. Illa esseva campion del mundo in 1974, 1978 e 2010. Le tennis anque ha tenite su successos, ma illo non ha tante importantia como le altere duo sportos.

Richard Krajicek es le unic hollandese que ganiava le Grand Slam, concretemente le Campionato de Wimbledon, in 1996. Le hockey super herba es anque un del brancas sportive plus importante a nivello mundial. Le selection feminin de hockey ganiava le campionato mundial sex vices e le masculin, duo.

Anque destcca pro su natatores e records mundial como Inge de Bruijn, ganiator de 8 medalias olympic inter 2000 e 2004, 4 de auro, de plus de batter 10 records mundial, Pieter van den Hoogenband 3 vices campion olympic, 14 vices campion europee e 43 campion national, Marleen Veldhuis, que habeva le record mundial de 50 metros libere assi como le de 4x100 libere.

In altere sports como le athletismo destacca Ellen van Langen ganiator del 800 metros plan in le Jocos Olympic de Barcelona 1992 ma super toto Fanny Blankers-Koen, quatro vice medalia de auro in le Jocos Olympic de Londres 1948. In equitation Anky van Grunsven ha obtenite octo medalias olympic in le disciplina de doma classic. In le artes martial es un pais con un amplia tradition de luctatores de kickboxing como Peter Aerts, Ernesto Hoost, Remy Bonjasky o Semmy Schilt que ha dominate per complete le competitiones international.




#Article 385: Linguas romanic (362 words)


Le linguas romanic, linguas neolatin, o curte linguas latin, es un gruppo de linguas indoeuropee derivate del latino, particularmente del latino vulgar, le variante vernacular parlate foras del institutiones classic.

Le termino romanic proveni del adverbio latin romanica (in roman), derivate de Romanicus, per exemplo in le expression romanice loqui parlar in roman (referente se al latin vulgar), contrastate con latine loqui (parlar in latin (latin medieval, la variante conservative del lingua usate in scriptura e in situationes formal o como lingua franca) e con barbarice loqui parlar in barbaric (le linguas non latin del populos vivente extra le Imperio Roman). De iste adverbio originava se le nomine romanic, que es usate al initio pro tota las scripturas romanic per exemplo en la roman vulgar.

On parlava e on parla iste linguas in un territorio que ha le nomine de Romānia e que coperi le sud de Europa (e del antique Imperio roman). Le terminos romanic e Romania proveni del adjectivo latin romanus: su habitantes usava le lingua del romanos, in opposition a altere linguas que esseva in le territorios del antique Imperio Roman, como le francico in Francia, un lingua germanic.

Le prime texto in le qual on trova le termino roman, es del Synodo de Tours, in le anno 813. Il es a partir de iste synodo in que se considera que la prime lingua vulgar se separa del latin e es designate como un lingua aparte.

Le evolution del latino vulgar verso le linguas romanic data se assi:

Le evolution phonetic natural del linguas, a le qual le latino no escappava, explica in grande parte le differentias importante inter alicun linguas romanic. A iste processo anque se adjunge le diversitate lexic del que se nomia latino vulgar: le extension del Imperio roman e le absentia de un norma litterari e grammatic resultava in un lingua vulgar non fixate.

Le linguas romanic classifica se in nove gruppos e cata un pote tener varie dialectos. La election de iste dialectos como lingua official es per rationes politic. Le linguas romanic es un conitnuum de  multe linguas con differetnias minime in alicun casos. Iste lista es de le linguas le plus cognoscite.




#Article 386: Magnetoencephalographia (447 words)


La Magnetoencephalographia (MEG) es un technica non invasive que registra le activitate functional cerebral, pro medio del captura de campos magnetic, permittente investigar le relationes inter le structuras cerebral e su functiones. Le posibilitate de iste registros deveni determinate per le activitate postsynaptic neuronal e per le activation synchronic de milliones de neurones, lo que genera un activitate cerebral uniforme, differenciate e localisate, capace de esser registrate pro medio de magnetometros localisate al longe del convexitate craneal. Le equippa de Magnetoencephalographia del Universitate Complutense de Madrid, Espania, consta de 148 squids, shielded room e Neuroscan (R) de 64 canales.

Un del technicas de registro del campos magnetic de origine biologic de major incidentia e relevantia scientific es le Magnetoencephalographia (MEG). Le capacitate del MEG, tanto in analyse como in organisation del information recipite, es tanto grande que permitte valorar in millisecundas le activitate cerebral e organisar mappas functional cerebral con delimitation del structura cerebral in spatio de parve centimetros, e inclusivemente, millimetros cubic. Isto permitte generar mappas functional del activitate cerebral capace de esser organisate e representate temporal e spatialmente. In particular le MEG registra le activitate postsynaptic generate per le dendritas apical del cellulas pyramidal cuje justification desde le puncto de vista neurophysiologic nos lo pote trovar in le potential postsynaptic (PPS) que son potential con un cinetica plus lente, durante inter 10 e plus de 100 ms. Le PPS origina le activitate neuromagnetic de basse frequentia (inter 10 e 100 Hz).

Si nos analysa attentemente le processo nos confirmara que le excitation initial de un region del membrana cytoplasmatic produce le entrata de currente (currente transmembranal o Imemb). A iste region se le denomina le summitero. Ille currente debe formar un circuito claudite, que se propagara per le interior (currente intracellular o Intra) del axoplasma tanto anterograde como retrogrademente, de forma que trovara zonas de membrana per le qual sortira, al mesme vice que illo los dispolarisa. Iste regiones de sortita de currente se denomina fontes. A partir de iste fontes le currente se propagara per le spatio extracellular (currente extracellular o de volumine, Ivol). Iste mechanismo con duo typos de currente (intracellular e de volumine) es responsabile pro le generation del campos magnetic. Viste que il se tracta de un mesme circuito, il resulta evidente que le magnitude de ambe currentes sera equal (Iintra = Ivol). Non obstante, le volumines per le qual se propaga non son equal, e iste differentia va a esser multo importante al tempore de determinar le campos magnetic. 

Fonte principal de iste pagina, ubi on pote vider alcun imagines: 

Iste artículo ha essite adaptate ab le Encyclopedia de Neurophysiologia secun le redaction trovate in le Enciclopedia Libre in espaniol. 




#Article 387: Prion (987 words)


Le priones – le parola es un abbreviation de particula proteinacee infectiose – 
es structuras infectiose autoreproductive. Ben que lor exacte mechanismos de action e reproduction es incognite, il es nunc generalmente acceptate que illos es responsabile de un numero de maladias cognoscite previemente ma non multo comprendite. Iste maladias se classifica generalmente per le termino de encephalopathia spongiforme transmissibile, includente scrapie (un maladia de oves), kuru (trovate in membros del tribo cannibalistic Fore in Papua Nove Guinea, e encephalopathia spongiforme bovin (le “maladia de vacca folle”). Illos affice le structura del cerebro e es incurabile e fatal.

Il esseva Stanley B. Prusiner del UCSF, in 1982, qui faceva le prime hypothese super le existentia de priones. Prusiner recipeva le Premio Nobel in physiologia o medicina in 1997 pro le discoperta. Il esseva Prusiner qui formava le nomine “prion” ab un combination del parolas pro “particula proteinacee infectiose”.

Le priones es le hypothetic (e initialmente negligite) agentes infectiose consistente solmente de proteina, con acidos non-nucleic. Omne pathogenos cognoscite usque ille tempore (bacterios, viruses, etc.) contine acidos nucleic, le quales permitte le reproduction. Le hypothese de priones esseva disveloppate pro explicar proque le mysteriose agente infectiose que causa le maladia de Creutzfeldt-Jakob resisteva le radiation ultraviolette (que disrumpe le acidos nucleic) sed respondeva a agentes que disrumpe proteinas.

Un discoperta importante es que le agente infectiose consiste in major parte de un proteina appellate PrP. Iste proteina se trova in le membranas del cellula normal (su function precise non es cognoscite), ma un forma alterate distingue le agente infectiose. Le normal es appellate PrPC (le C significa “cellular”), durante que le infectiose es appellate PrPSc (le Sc se refere a scrapie, un maladia que occurre in oves). Le hypothese es que le proteina distorte induce distortion in alcun maniera etiam al PrP normal, assi producente un reaction in catena que propaga le maladia e genera nove material infectiose. Post que le hypothese original esseva proponite, un gen pro le proteina PrP ha essite isolate, le mutation que causa le forma variante ha essite identificate e clonate con successo, e studios usante mures geneticamente alterate ha supportate le hypothese del priones. Le evidentia in supporto del hypothese es nunc multo forte, sed non incontrovertibile.

In le secunde articulo de Pruisner in Scientific American, ille proponeva un mechanismo pro le propagation de priones que non require le action directe de un proteina de prion sur un proteina normal. Le suggestion es que il ha e N le proteina normal, e P le proteina de prion, e que illos es le producto de un sentiero metabolic post-translational que se bifurca, ducente a N o P. Le presentia de P ha un effecto negative in le furca ducente a N, assi que P causa que de minus in minus N sia producite, e inversemente de plus in plus P.

Le priones pare esser plus infectiose quando illos es in contacto con membranas afficite. Per exemplo, le maladia de Creutzfeldt-Jakob ha essite transmittite a patientes injectate con hormon de crescentia colligite ab le glandula pituitari de humanos, e ab instrumentos usate in le chirurgia cerebral (le priones pote superviver le processo de sterilisation autoclave usate con quasi omne instrumentos chirurgic). On considera etiam possibile que le priones pote accumular se lentemente a causa del consumption dietetic de animales afficite, specialmente quando le cannibalismo o practicas similar permitte le accumulation de proteinas in plus de un generation. Le lege in paises disveloppate nunc proscribe le uso de proteinas rendite de ruminantes pro le consumption per ruminantes, como precaution contra le infection de iste ruminantes (vaccas, oves, etc.)

Le ration proque le priones non es detegite per le systema immunitari es que su forma secur es jam presente in le corpore desde le nascentia. Le unic distinction con le priones insecur es que illos es plicate un poco differentemente. Le priones infecta le foderatura del nervos del cellulas neural, formante un aggregato que al fin destrue le cellulas neural. Le symptomas pote esser differente secundo le areas infectate. Per exemplo, le infection del cerebello causa paralyse. Le infection del cortice cerebral resulta in un diminution del memoria e del agilitate mental. 

Non tote priones es periculose; de facto illos se trova naturalmente in multe (forsan omne) plantas e animales. A causa de isto, scientistas rationava que le proteinas deformate debe dar alcun avantage disveloppamental a lor hospite. Isto esseva demonstrate con le studio de un typo specific de musco que coperi le solo del forestes. Normalmente viruses pote viagiar ab un section de musco infectate a un section non infectate quando le areas se approxima bastante proque le cellulas de cata section face contacto. Nonobstante, il se trovava priones que appareva viagiar desde le musco infectate al lateres del section de musco non-infectate. Isto causava que le cellulas al lateres del section de musco moriva, creante un barriera de cellulas morte le qual viruses non poteva transir, assi impediente le contamination.

Desde 1965, recercatores laborante con le levatura Saccharomyces cerevisiae sub le guida de Brian Cox characterisava un estranie forma de hereditate biologic, le qual illes appellava le elemento [PSI+]. In 1994, Reed Wickner proponeva que [PSI+] e un altere elemento hereditabile ambes esseva priones. Il se notava tosto que proteinas de choc calorific (le quales adjuta altere proteinas a plicar se correctemente) reduceva le effectos de [PSI+]. Le recercatores studiava como le sequentia aminoacide contribueva al capacitate del proteina PSI (sup35p) de converter se in su stato prionic o non-prionic. Iste recercas duceva Susan Lindquist a proponer que le conversion prionic forsan esseva avantagiose in alcun situationes, ducente al conservation disveloppamental de organismos.

Desde 2003, le sequente proteinas additional in Saccharomyces cerevisiae habeva essite identificate e postulate como priones:

Le priones ha etiam essite ligate speculativemente al memoria e al differentiation cellular, le processo per le qual le cellulas decide a haber un function specialisate (como per exemplo cellulas muscular o de sanguine, etc.). 




#Article 388: Félix Carrasquer (100 words)


Félix Carrasquer (4 de novembre 1905 in Albalate de Cinca, Provincia de Huesca, Aragon, Espania – 7 de octobre 1993 in Thil, Alte Garonna, Francia) esseva un revolutionario, pedagogo, e scriptor espaniol.

Nascite in le Peninsula Iberic al principio del seculo 20, ille imprendeva al minus duo projectos educative, le prime esseva le schola Eliseo Reclús in Barcelona in le anno 1935, e le secunde le schola de militantes en Monzón, Aragon, Espania. Su projectos pedagogic se bassava super toto in le concepto del autogestion, le libertate, e le equalitate de facto inter professores e alumnos. Ille moriva in 1993.




#Article 389: Peninsula Iberic (106 words)


Le Peninsula Iberic (o saepe Iberia) es un peninsula al sud-west de Europa.
Su isthmo de union al continente es le Cordillera del Pyreneos.
Geologicamente illo ha como characteristica special que le major parte de su superficie continental ha un configuration quasi completemente plan a un altitude de 600 metros super le nivello del mar, su litoral nord, nord-est, e west es roccose e con precipitios, essente le litoral est, sud-est, e sud plus suave, con continue plagias.

Politicamente illo es occupate per le Principato de Andorra, Espania, e Portugal, assi como un colonia britannic, Gibraltar, in le stricto que lo separa del continente de Africa.




#Article 390: Hebreos (931 words)


Le hebreos (heberitas o eberitas; hebreo: עברים o עבריים: significante descendentes del patriarcha biblic Eber (o Heber)), esseva un populo que viveva in Canaan. Le termino heberita (ab le feminin עברית) es date a omne cosas hebree, particularmente al gentes. Date le usos limitate del termino hebree conventional, le termino heberita es usate in un senso plus amplie.

Le heberitas esseva un populo de lingua-agglutinative ab le nord-est de Mesopotamia in le nord-west de Iran e le Caucaso, relationate al hurrianos. Varie terminos pro mercenarios migrante, pastores e viagiatores in le linguas vicin possibilemente veni ab le denomination ethnic de iste population. Terminos possibilemente derivate ab populos con relationate denomination ethnic inter le populos turco - slavonic indica que iste gruppos les associava con lo supernatural e le vulturamento, (vide Upyr).

Antiquemente le heberitas habeva infiltrate le sud, usque Canaan e Egypto, ubi illes esseva cognoscite como habiru o hapiru, e usque Sumeria. Il pare que le habiru-heberitas tosto formava un casta social e non totalmente un gruppo ethnic in iste region quando illes esseva jungite per pastores qui fugiva le accresciente conditiones economic oppressive in le regons assyrie e babylonic. Alcun heberitas se establiva in Avar, apparentemente dante le nomine a iste region. Illes anque dava le nomine al valle de Khabur al nord Euphrates e forsan anque al valle de Hebron. Le israelitas qui emmergeva ab le factiones del populo habiru (o de Heber) e qui entrava in Egypto Antique, son le plus famose del populos heberita. Il non es comprendite usque ora le cambio de lingua agglutinative a/ab lingua semitic in iste gruppos. Il se sape con certitude que le gruppos de heberitas in Canaan parlava hebreo antique, relationate al cannanita e le ugaritico. Le mesme cosa se pote dicer pro le sheiks heberita inter le tribos nomadic de Arabia. 

Ille gruppos heberita qui remaneva in le Caucaso plus tarde esseva cognoscite per le grecos antique como le filios del nobile Iberes. Le heberitas-iberic habitava un grande territorio in le Caucaso e le Asia Anterior in le tertie e secunde millennio aEC.
Cognoscite como iberos illes se establi in le est de Espania e in le valle Ebro in le seculo VI aEC e son representate, malgrado le oposition politic in le Pais Basc, per le populo basc assi como es assumite per lor relation linguistic a linguas agglutinative del Caucaso.

Le captivitate babylonic es le 70 annos de exilio del hebreos in Babylon (606-536 a. C.).

Le historia postexilic es le historia israelita in le periodo immediatemente sequente le captivitate babylonic.

Le Biblia lista le sequente patriarchas heberita ab le area de Mesha al minus usque le distante montanias Sephar (Subarian): 

Le definition per le anthropologo W. L. Horowitz de Heberita include le Amorita Hammurabi (La race heberite et ses peuples. Paris [1922]). Legendas que Keturah, le tertie sposa de Abraham e su filios retornava a su patria Hurrian-Heberita e su descendentes se dispersava ab illac per le Eurasia Central (Chronicles of Jerahmeel per Jerahmeel ben Solomon, seculo XII) concorda con le facto que le nationes que preserva un denomination ethnic relationate al termino heberita se accummula in le vicinitate del Caucaso e le Asia Central. Le prime speculation que pote esser formate es in relation al populo denominate le Apar-Di in Asia Central circa 1300 aEC, e isto duce a pensar le possibile connection con le fundation de Khwarezmia del mesme epocha, con connectiones a Heber visibile in ambe terminos. Herodoto mentiona anque le Aparytae in le satrapia de Gandara de Persia lo qual es consistente con le deportation e relocation del tribos hebree in ille area. De facto multe tribos afghani e kashmiri ancora preserva nomines israelita e il se opina que desde iste sito illes veniva usque China ubi illes esseva cognoscite per le character-scripte chinese 滑 e possibilemente veniva al region de Huaguo in China. Tunc nos ha le Iberes e le Iberia Transcaucasian del seculo IV aEC, durante que Strabo (del seculo I) cognosceva ab le populo Abar-noi in su labor, e usava le nomine Abaris in combination con le legendas grec antique. In plus on poterea specular super le Avaros de Priskos considerante lor connection a artefactos hebree (assi forsan originalmente heberitas), que gratias a Simokattes, son connectite con le Hephthalitas e lor antecessor legendari Afrasiab (c. 1100 aEC) le rege de omne le Turs]os, mentionate in le Shahnameh per Ferdowsi. Strabo e le tradition armenie dice que le rege Arsaces de Parthia descendeva ab Hunnos Blanc e memora nos le populo Parni.
Finalmente le Avaros ancora presente in le Caucaso, specialmente in Dagestan, son le resto de o le populo original del Iberia Transcaucasian o del Khawaris qui infiltrava le area desde le est, ab Khwarezmia o un mixtion de ambe gruppos.

Ben que le proximitate de iste populos poterea significar le possibile continuitate e descendentia ab un legendari Heber, il ha dubitas in quanto a relationes a populos con nomines similar. Per exemplo le legendas britannic in quanto al heberitas irlandese qui veniva ab le peninsula iberic, ma que esseva ab origine Magogita. Si le population Ibero-basc ha su origine in le Caucaso tunc forsan le antecessor Heber esseva ab le linea maternal Magogita e anque ab le linea paternal ab Arpaxad. Le legenda grec que le populos de Iberia esseva refugiatos ab Atlantida (del commentario sur Hesperides per Dionysius Periestis) non ha relation a nihil in le memoria israelita - hebree a minus que in le historia del refugiatos ab le deluvio Noahita. Le historias del folklore del populo Avar usque nunc non son bastante cognoscite o publicate.




#Article 391: Scrapie (176 words)


Scrapie es un maladia encephalic de oves causate per priones. Scrapie es le prime cognoscite maladia de iste sorta, ben que on naturalmente non sapeva le causa quando le maladia esseva describite pro le prime vice ante 250 annos. Altere maladias causate per priones es le maladia de Creutzfeldt-Jakob e le kuru de homines e le maladia del vacca folle (encephalopathia spongiforme bovin) de vaccas.

On crede que priones de oves es le causa del prime casos de ESB de vaccas ma il ha opiniones divergente super le question si homines pote esser infectate per carne de oves. Le scrapie pote esser transmittite inter oves per contactos, lo que non pare esser possibile inter vaccas con ESB. Le durata de incubation es longe, circa 2 annos.

Le symptomas es hypersensibilitate a stimulos externe e prurito que pote esser tanto intense que le lana pote disparer totalmente de areas symmetric del collo, del pectore e del partes posterior. Altere symptomas es parve spasmos in le facie, le labios e le aures.

Le maladia semper fini per morte.




#Article 392: David Crystal (147 words)


Dr. David Crystal se graduava in anglese ab le University College, de London, UK (BA, PhD), ille laborava in le Survey of English Usage (Sondage del uso de anglese), depois ille se jungeva al Departimento de Linguistica in Bangor (1963-5). Orator, Lector e Professor de Linguistica al University of Reading (1965-85), e plus tarde Professor Honorari de Linguistica in Bangor.

Dr. David Crystal ora labora ex su casa in Holyhear como scriptor/autor, orator e broadcaster super linguas e linguistica, e ille es editor del 'familia' Cambridge de encyclopaedias general. 

Un ex-editor de varie jornales e series de linguistica, su interesses de recerca ha includite intonation, grammatica, stilistica, e in le application de linguistica in contextos religiose, educational e clinic. Publicationes recente sue include le secunde editiones del obra The Cambridge Encyclopedia of Language e le dictionario The Penguin Dictionary of Language, anque Language Play, and Language Death.




#Article 393: Referentia (456 words)


Un referentia es alco que refere o puncta a alco altere, o face un connexion o ligamine inter duo cosas. Le objectos que illo liga pote esser concrete, comp per exemplo libros o locationes, o abstracte, como per exemplo datos, pensatas o memorias.

In le semantica, referentia es le relation inter le substantivos/nomines o pronomines e le objectos, o inter le parlantes e le objectos.
Assi le nomine Johan se refere a Johan; le termino illo se refere a un objecto specificate previemente.

Alternativemente quando on dice Johan, on se refere a Johan.

Alcun vices isto es appellate denotation pro claritate; ancora, parlantes solo face referentia usante parolas que denota. Le objectos referite son appellate le referentes de ille parola.

Referentia non es in general le mesme cosa que signification, viste que multe parolas, includente verbos e adjectivos non refere ma ha su signification perfectemente obvie.

In ultra, como discoperiva Frege referentia non se tracta como identic al signification mesmo pro nomines (o substantivos): Le stella del matino e Le stella del vespere ambe face referentia al planeta Venus, ma il non esserea apparente si io non sapeva iste facto, si io non sape isto quando io lo dice tunc io non sape lo que mi parolas significa. (Isto duceva a Frege a distinguer inter le senso de un parola e su referentia).

In scientia computatorial, referentias son typos de datos que refere a un objecto in qualcun altere sito in memoria, e son usate pro le construction de un grande varietate de structuras de datos como per exemplo listas ligate. Le majoritate de linguas de programmation supporta alcun forma de referentia. Vide Informatica, Programmation.

Un puncto de referentia es un location usate pro describer un altere, pro medio de dar su position relative. Similarmente nos ha le concepto de referentia marcate (ambe in physica e figurativemente), etc.

In un bibliotheca, le termino referentia pote referer a un dictionario, encyclopedia o un altere obra de referentias que contine multe articulos super un grande varietate de themas in un volumine o serie de volumines. (Vide: Libro de referentia)

Non obstante, le parola referentia es anque usate pro significar que un libro non se pote portar extra del bibliotheca, e solmente pote esser usate intra muros.

Multe libros in le departimento de referentia de un bibliotheca son libros de referentia, il es dictionarios, encyclopedias, etc., ma alcun libros que son simplemente troppo grande o de precio alte non pote esser prestate e remane pro uso solmente in le bibliotheca, pro referentia e non pro prestar.
Ma il ha alcun dictionarios e altere libros pro referentia que si pote esser prestate e que son immagasinate con le altere libros del collection e non strictemente in le section de referentia.




#Article 394: Insulas Canari (721 words)


Le Insulas Canari, o simplemente le Canarias, son un archipelago atlantic que constitue un communitate autonome de Espania. Su capital es compartite in su duo principal citates (Las Palmas de Gran Canaria e Santa Cruz de Tenerife).  Illo es situate in le Oceano Atlantic in le region de Macaronesia (insimul con le Insulas Capo Verde, Azores, Madeira e Salvages) e illo es le region espaniol con le plus grande longitude de costas: 1.583 km. 

Le Canarias consiste de septe insulas major: Tenerife, La Palma, La Gomera, e El Hierro, que forma le provincia de Santa Cruz de Tenerife, e Gran Canaria, Fuerteventura, e Lanzarote, que pertine al provincia de Las Palmas, e in plus sex insulas minor (Alegranza, Graciosa, Montania Clara, Lobos, Roque del Est, e Roque del West) e un serie de parve roccos e parve insulas (Anaga, Salmor, Garachico).

Tenerife es le plus extense (2.059 km2), illo include le Parco National del Caniadas del Teide e ibi se trova le pico del Teide que, con su 3.718 m, es le puncto le plus alte del territorio espaniol. 

La Palma ha viste un activitate vulcanic recente, appreciabile in le vulcano Teneguia e le secunde pico plus alte del insulas, le Rocco del Muchachos (2.426 m), sito in le limites del Parque National del Caldera de Taburiente. 

La Gomera es le plus accidentate, con bastante barrancos abrupte. In illo se situa le Parque National de Garajonay con su spectacular forestes de Laurisilva.

El Hierro es le plus parve, occidental e minus populate. Durante alcun tempore le meridiano 0 passava per le puncta del Orchilla, situate in le insula, usque illo esseva movite a Greenwich. Illo es famose per su sabinas inclinate, per le arbore Garoe e per su lagartos gigante.

Gran Canaria ha un forma circular con un terreno montaniose in le centro, le Rocco Nublo que insimul a plagias como Maspalomas (un ecosystema de dunas) offere un grande attractivo touristic. 

Fuerteventura es le secunde in extension e le plus erodite al esser le plus antique. 

Lanzarote es le plus oriental e illo es formate per materiales vulcanic recente, distaccante le vulcano Timanfaya, que da nomine al Parque National del Timanfaya. 

Le climate es oceanic subtropic, con temperaturas suave e precipitationes minimal e irregular. Le vegetation varia secundo le orientation e le altitude. Sur le montatas orientate al nord e nord-west il ha plantas mesophile (humide), e sur illos orientate al sud e sud-west il ha plantas xerophile (sic). Illo include un ric fauna e vegetation endemic e un grande varietate de aves e animales invertebrate. 

Le densitate del population es de 219 hab/km2, multo plus grande que medio national espaniol. Gran Canaria e Tenerife contine plus de 80% del population de tote le insulas. Il ha habite sempre un forte emigration al citates, a altere regiones de Espania e a paises iberoamerican (specialmente Cuba e Venezuela).
Le citate con le plus grande numero de habitantes es Las Palmas de Gran Canaria (400.000 habitantes aproximatemente), sequite per Santa Cruz de Tenerife, San Cristobal del Laguna e Telde.

Le communicationes interior son per strata (il non existe ferrovias); Tenerife e Gran Canaria dispone de un systema de autovias. Inter le insulas on viagia per avion e per barca (fast ferry, Jet Foil, ferry). Desde le Peninsula iberic e le resto de Europa, le avion es usate. Il ha un linea de Ferry septimanal con Cadiz operate per Transmediterranea. Le importationes e exportationes se realisa principalmente per via maritime. Le insulas include un regimento fiscal special intra le Union Europee (Regiones ultraperiferic). 

Le economia es basate in le sector tertiari (74,6%), principalmente tourismo, lo que ha favorate le disveloppamento del construction e le creation de postos de travalio. Origine del touristas: espaniol (30%), german, anglese, svedese, russe, francese, switze, hollandese e altere nationes europee. 

Le industria es minime, basicamente agro-alimentari, de tabacco e de refinamento de petroleo (Refineria de Petroleo in S.C. de Tenerife). 

Solmente 10% del superficie es cultivate, le majoritate de hordeo, frumento, vites e patatas, e un minoritate de bananas, tomates e tabaco, orientate al commercio con le resto de Espania. Il se ha initiate tamben le exportation de fructos tropic (avocato, ananas, mangos e altere recoltas de conservatorio calide) e flores. Le bestial es minime, principalmente caprin e bovin. Ma illo es le secunde region de pisca de Espania.




#Article 395: Jean-Jacques Rousseau (301 words)


Jean-Jacques Rousseau (Geneva, Switza, 28 de julio 1712 — Ermenonville, Francia, 2 de julio 1778) Scriptor e philosopho switze (Switza e Francia reclama su nationalitate), de lingua francese.

Orphano de su matre, abandonate per su patre al etate de dece annos, adoptate e plus tarde rejectate per le seniora de Warens, Jean-Jacques Rousseau suffreva multo a causa de su situation familiar, de su solitude e del incomprension de su ambiente; lo que le portava a su philosophia del homine, basate in le libertate de conscientia del individuo e in un vision multo negative del societate, al qual ille accusa de corrumper le.

Ille cerca le felicitate del homine trans un major autenticitate (se senti proxime al natura) e del harmonia inter le individuos mediante un contracto social equalitari.

Le discordia inter le homines se debe secundo ille a problemas linguistic (Essayo super le origine del linguas, non completate) e super toto politic: (Discurso super le scientias e le artes in 1750; Discurso super le origine e le fundamentos del inequalitate inter le homines en 1755; e Del contracto social in 1762).

Secundo Rousseau, le societate non respecta principios ethic basic, tanto in le vita public como in le vita private. Iste preocupation appare in tote su obras, tanto philosophic (Émile ou de l'éducation) como autobiographic (Le confessiones, posthume), (rêverie d'un promeneur solitaire, posthume) e in su novellas: Julie ou la nouvelle Héloïse (1761). 

Jean-Jacques Rousseau participava in L'Encyclopédie, encyclopedia dirigite per Denis Diderot, con articulos super le musica.

Su obras non esseva semper ben recipite. In particular, le parlamento de París condemnava su libro Émile que tracta del education del juvenes, e Rousseau debeva fugir a Switza, e depois al territorio de Neuchâtel, proprietate del rege de Prussia. In 1765 le philosopho anglese David Hume le invitava e albergava in Anglaterra.




#Article 396: Jean Piaget (298 words)


Jean Piaget (9 de augusto 1896 — 16 de septembre 1980), era un psychologo francese et switze, cognoscite pro le organisation del disveloppamento cognitive in un serie de stadios. 

Pro exemplo ille delinea quatro de iste stadios del disveloppamento cognitive: 

Iste quatro stadios ha le sequente characteristicas: 

Le theoria de Piaget suppone que le gente disveloppa schemas (modellos conceptual) per assimilation o per accomodation de nove information. Iste conceptos pote esser explicate como le adjustamento de nove information in schemas existente, e le alteration de iste schemas existente pro le possibile accomodation de nove information, respectivemente. 

Benque alcun del ideas de Piaget resimila a illos de Lev Vygotsky, Piaget non sapeva del labor de Vygotsky. 

Originalmente un giologo marin, con specialisation in le molluscos del Laco de Geneva, Piaget usava su studios in biologia disveloppamental quando ille observava le maniera in que su parve filias veniva a comprender le mundo circum illas. 

Le theorias de Piaget super le disveloppamento psychologic ha influentiate le philosophia del education moderne. Inter alteres, le philosopho e theorista social Jürgen Habermas ha incorporate le ideas de Piaget in su labor, specialmente in le Theoria de action communicative. 

Piaget anque ha habite un impacto considerabile in le campo de scientia computatorial. Seymour Papert ha usate le ideas de Piaget in le disveloppamento del linguage de programmation Logo. Alan Kay ha usate le theorias de Piaget como le base pro le concepto del systema de programmation appellate Dynabook, que esseva primemente discutite in le Xerox Palo Alto Research Center, o Xerox PARC. Iste discussiones ha ducite al disvelopamento del prototypo Alto, le qual explorava pro le prime vice tote le elementos de un GUI (interfacie graphic de usator), e influentiava le creation de omne le interfacies computatorial que appareva in ultime duo decennios usque nunc. 




#Article 397: Maria Montessori (251 words)


Maria Montessori (31 de augusto de 1870 - 6 maio de 1952) ha essite describite como educatrice, scientista, medico, philosopha, feminista, e humanitaria. 

Illa nasceva in Chiaravalle in Italia. Montessori esseva le prime medico italian del era moderne. Como tal illa recipeva le labor de essayar educar le idiotas e le infantes ineducabile in Roma. Illa aperiva su prime schola in Roma le 6 de januario de 1907.

Le Methodo Montessori de education que illa derivava ab lor experientia esseva subsequentemente applicate con successo a omne infantes e illo es multo popular in varie partes del mundo. Malgrado le criticismo in le annos 1930 a 1940, su methodo de education ha essite ben applicate e mesmo experientiate un renascentia.

Jam per 1907 Montessori habeva establite le prime Casa dei Bambini (Casa del Infantes, in italiano), in Roma. E per 1913 jam trovava interesse intense in su methodos in Nord America, que plus tarde declinarea. (Nancy McCormick Rambusch reaviva le methodo in America con le establimento del American Montessori Society in 1960.) 

Montessori esseva exiliate per Mussolini a India pro le duration del Secunde Guerra Mundial, in grande parte proque ille refusava compromitter su principios e tornar le infantes in parve soldatos. Montessori viveva le resto de su vita in le Nederlands, ubi on trova usque ora le centro del Association Montessori Internationale (A.M.I.). Illa moriva in Noordwijk aan Zee. Su filio Mario duceva le A.M.I. usque su morte in 1982. 

Punctos de interesse e contributiones al philosophia educational per Montessori include:




#Article 398: James Joyce (636 words)


James Augustine Aloysius Joyce (2 de februario 1882 — 13 de januario 1941) esseva un scriptor e poeta irlandese expatriate, e un del scriptores le plus significante del seculo 20.

James Joyce nasceva in un asssatis ric familia catholic in Dublin, Irlanda, le qual suffreva plure infortunas e deveniva povre. Ille studiava literatura a University College Dublin, al qual ille rejecteva catholicismo.

In 1902, Joyce faceva su prime visita a Paris, Francia, pro esser un parte del movimento artistic in Montparnasse e Montmartre in ille tempore. In 1904 ille retornava a Irlanda, a causa del morte proxime de su matre. In le mesme anno, ille cognosceva Nora Barnacle, un camerera, e plus tarde le copula se exiliava (le sol spectaculo theatric que ille jammais scribeva era intitulate Exiles, o exilios) e Joyce habitava le terra firme de Europa usque su morte. In 1920 ille retornava a Paris e, a parte de duo visitas a Irlanda, ille remaneva in Paris pro le vinti annos ante su morte in 1941.

Su experientias irlandese son essential pro su scriptura, e provide tote le scenas de su fiction, e un grande amonta de su materia subjective. Le prime volumine de contos curte, Dubliners (dublineses), es un analyse penetrante del stagnation e paralyse del societate de Dublin, Irlanda. Le historias son epiphanias, un parola usate particularmente per Joyce, per medio del qual ille significava un conscientia subite del anima de un cosa.

A Portrait of the Artist as a Young Man (un portrait del artista como un homine juvene), autobiographic in grande parte, monstra le processo de attinger maturitate e conscientia de se mesme per un homine juvene talentose. Le protagonista es Stephen Dedalus, le representation per Joyce de se mesme. In iste romance on intervide alcun elementos del technicas usate per Joyce plus tarde, per exemplo le monologo interior e le tractamento de realitate psychic in vice de realitate externe.

In Ulysses, Joyce presenta su personas per medio de su monologos interior, per parodia, per burlas, e per quasi cata altere technica literari. Le action del romance, que occurre in un sol die (16 de junio 1904), conta le mytho ancian de Ulysses, Penelope e Telemacho, mais in le contexto del Dublin contemporanee (alora), e como le personas de Leopold Bloom, su sposa Molly Bloom e Stephen Dedalus, qui contrasta parodicamente con su modellos classic. Le historia explora varie areas del vita de Dublin, con referentia particular a su miseria e monotonia.

In Finnegans Wake (que pote ser traducite como le partita funebre de Finnegan, le eveliar del Finneganes, le sulco de Finnegan, o varie altere cosas), le methodo joycean de monologos interior, allusiones literari, e associationes como illos de sonios era usate al maximo: Finnegans Wake es scripte in un linguage obscur de jocos de parolas con plure nivellos, illo abandona conventiones de intriga e personas.

In un lista del 100 plus bon novellas anglese del seculo XX, Ulysses era classificate nº 1, e su duo altere novellas era nº 3 e nº 77.

Ille scribeva anque un drama e duo collectiones de poesia:

Le obras de Joyce ha essite scrutiniate intensamente per eruditos de tote generes, e ille es un del plus notate scriptores del seculo XX. Finnegans Wake es le fonte del parola quark, un particula physic elementari. Le philosopho francese Jacques Derrida ha scripte un libro super le uso del linguage in Ulysses, e le philosopho american Donald Davidson similarmente ha comparate Finnegans Wake con le scriptos de Lewis Carroll. Le scriptor argentinian Jorge Luis Borges era inspirate per Joyce.

James Joyce moriva le 13 de januario 1941 in Zurico, Switza e ille es inhumate in le Cemeterio Fluntern in Zurico con su sposa Nora.

On celebra le vita de Joyce annualmente cata 16 de junio, Bloomsday, in Dublin e altere citates a transverso le mundo.




#Article 399: B. F. Skinner (294 words)


Burrhus Frederic Skinner (20 de martio 1904 — 18 de augusto 1990) esseva psychologo statounitese.

Ille nasceva in Susquehanna, Pennsylvania, SUA.

Skinner esseva responsabile in grande parte del disveloppamento del philosophia del comportatmento radical e anque le technicas de comportamento in psychologia resultante in analyse del comportamento, un branca del psychologia que essaya disveloppar un theoria unificate del comportamento animal e human basate super principios de apprendimento (o education). Ille demonstrava le conditionamento operante e disveloppava iste technica in contrasto al conditionamento classic. Areas importante includeva le conditionamento del comportamento, le castigamento, reinfortiamento positive e negative, e le effecto de iste conditionamento super le comportamento futur.

Un del experimentos plus famose e interessante de Skinner examinava le formation de superstition in un de su animales favorite pro experimentation, le columba. Skinner poneva un serie de columbas con fame in cassas attaccate a un mechanismo automatic que delivrava alimento al columba in intervallos regular sin qualcunque referentia al comportamento del ave. Ille discoperiva que le columbas associava le delivramento de alimento a alcun actiones que illes esseva in processo de accomplir quando le alimento appareva, e que illes continuava a facer ille mesme actiones depois.

Skinner pensava que le columbas credeva que illes influentiava le mechanismo automatic con su rituales e que le experimento anque illuminava le comportamento human:

Iste comportamentos obviemente non ha qualcunque effecto in le fortuna o in le curso de un bowling-ball, como in le caso del columbas le alimento ancora apparerea mesmo si le columba non faceva qualque cosa — o melio faceva alco differente — le resultatos esserea le mesme.

Skinner es popularmente ben cognoscite per su libros: Walden Two e Beyond Freedom and Dignity (Ultra le libertate e le dignitate). 

Skinner scribeva multe libros. Ecce alcun del titulos:




#Article 400: Calendario islamic (208 words)


Le calendario islamic (o calendario Hijri) es un calendario exclusivemente lunar, illo es fornmate per 12 menses basate super le rotation del luna.
Pois que le periodo de revolution synodic es de circa 29,53 multiplicate per 12 face un total de 354,36 dies al anno, ergo le calendario islamic es plus breve del calendario gregorian.

Le calendario islamic es basate super le Qur'an (Sura IX, 36-37) e su juste conformitate es un deber pro tote le musulmanes.

Le calendario islamic es le calendario official in alicun paises arabic alteres lo usa unicamente pro scopos religiose dum illes usa le calendario gregorian pro scopos civil.

(Le nomines del menses pote haber un differente diction a causa del differentias del traduction del alphabeto arabic)

Cata mense initia quando le Luna Crescente, post le Luna Nove, es per le prime vice vidite per un esser human.

Le annos es contate desde le 16 julio 622 d.C. quando Mahomet fugiva del persecutiones del habitantes de Mecca pro refugiar se in Medina, in tal data initiava le anno 1 AH (Anno Hegirae)

Per exemplo le anno 1997 del calendario gregorian corresponde al anno 1418 AH, isto a causa del facto que le calendario islamic es plus breve de 11 dies del calendario gregorian.




Il ha nulle cambio in annos bissextil.
Le die mundial occurre post decembre tote le annos e in annos bissextil tamben post junio. Le die mundial non es un die normal del septimana, consequentemente le septimana del calendario mundial es retardate un die post cata die mundial, permittente que illo sia compatibile con le anno de calendario.

Le datas de 1 de septembre a 28 de februario inclusive occurre in le mesme dies in le calendario mundial e in le calendario gregorian. Altere datas occurre in le calendario mundial usque a duo dies plus tarde in le calendario gregorian.




#Article 402: Calendario hebree (344 words)


Le actual definition del Calendario Hebree esseva stabilite per le presidente del Sinedrio Hillel II circa in 359 d.C. Le characteristicas original de su calendario es comocunque incerte. Le Calendario Hebree es usate per le Judeos de omne le mundo pro scopos religiose, e illo es le Calendario official in Israel. 
Le Calendario Hebree usa como referentia le Sol e le Luna, in effecto on cerca de facer in modo que su annos coincide con le anno tropic e que su menses coincide con le periodo de revolution synodic del Luna. Iste in effecto es un systema complexe e le regulas del Calendario Hebree es ergo fascinante. 
Le annos pote esser commun de 12 menses lunaric, o embolismic di 13; le unes e le alteres pote esser sia in defecto (353 o 383 dies), sia regular (354 o 384 dies), sia abundante (355 o 385 dies). Un cyclo di 19 annos (12 commun e 7 embolismic) reconduce le initio del anno al mesme data solar. Su tal cyclo le durata media del anno es de 365,2468 dies. 
Cata mense initia approximativemente con le arrivata del Luna Nove. Le nomines del menses e lor dimension es: 

(Le nomines del menses pote haber un differente diction a causa del differentias del traduction del alphabeto hebree)

Le mense Adar I es presente solo in le annos embolismic. 
Es interessante notar que in le annos commun (de 12 menses) regular, le dimension del menses se alterna inter 30 e 29 dies. In celle abundantes es addite un die al mense Heshvan e in celle de defecto es subtraite un die ab Kislev.
Le alternar se de 30 e 29 face in modo que cata anno initia con un Luna Nove como tamben cata mense del anno. 
Le annos embolismic o bisextil, es illos que dividite per 19 da un del sequente restos: 0, 3, 6, 8, 11, 14 o 17.

Le annos es contate desde le creation del mundo, que le Judeos crede sia advenite in 3761 a.C., in tal data initiava le anno 1 AM (Anno Mundi)




#Article 403: Calendario positivista (149 words)


Le calendario positivista es un calendario ideate in 1834 per le abbate Marco Mastrofini (un sacerdote catholic italian) e reproponite in 1849 per Auguste Comte.

Le calendario es componite per 13 menses, longe 364 dies que include un o duo dies extra. Cata un del 13 menses es formate per 28 dies, ha exactemente 4 septimanas e cata mense initia sempre in le mesme die del septimana, ergo il es sufficiente vider un sol mense pro cognoscer tote le configuration del integre calendario perenne.

Le nomines del menses es:

Le calendario presenta duo dies extra que on trova foras del structura del septimana, illos es le prime die del anno scribite 00/00/anno que on trova al initio del anno, e le die bisextil in caso de annos con 366 dies, scribite assi: 00/07/anno e illo cade inter junio e julio.

Il ha duo grande avantages in iste calendario perenne:




#Article 404: Paul Dirac (351 words)


Paul Adrien Maurice Dirac (8 de augusto 1902 in Bristol, Anglaterra – 20 de octobre 1984 in Tallahassee, Florida). Ille studiava ingenieria in su citate natal e obteneva su grado in physica e mathematica al universitate de Cambridge, ubi, in 1932, ille deveniva professor de mathematica in le Professorato Lucasian, le qual esseva occupate per Isaac Newton ante duo seculos. Post su retiro, professor Dirac partiva pro viver in Tallahassee, Florida, ubi ille inseniava al universitate statal de Florida ab 1971 usque su morte.

Professor Dirac esseva un membro del Societate Royal desde 1930 e etiam ganiava le Medalia Royal in 1952. Ille anque recipeva le Premio Nobel in commun con Erwin Schrödinger in 1933 pro su invention del bellissime e fundamental equation relativistic de unda. Con iste equation de unda, ille poteva predicer le existentia del intrinsic spin del electron e del anti-particula del electron, le positron. Iste importantissime discopertas esseva facite quando Dirac habeva solmente 23 annos de etate. Su travalios additional include su formulationes del theoria quantic del campos, statistica del campos e particulas, theoria del unda gravitational e le prediction de monopolos magnetic.

Dirac veniva pro le prime vice a Trieste in junio de 1968 pro le occasion del Symposio International super le Physica Contemporanee, ubi ille pronunciava un discurso super le methodos del physica theoric. Post iste symposio, Dirac esseva un invitato de honor al Centro durante un mense tote anno usque su decesso. In 1972, al symposio super le Conception Physicistic de Natura, organisate in honor de Dirac pro le occasion de su 70me anniversario, ille dava un discurso super le constantes fundamental e le disveloppamento de iste constantes trans le tempore. Dirac etiam attendeva le incontro de Marcel Grossman, tenite al Centro in le anniversario centennial del nascimento de Albert Einstein in 1979.

Abdus Salam, qui institueva le Medalio, esseva studiante de Dirac a Cambridge e il esseva post haber ascoltate le discursos de Dirac que ille decideva devotar su vita al recerca, in loco de devenir un servitor civil in su pais. Ille continuava in contacto con su maestro e deveniva su amico.




#Article 405: File Transfer Protocol (417 words)


Le protocollo FTP (File Transfer Protocol, protocollo pro transferer files) es un parte del protocollos del Internet pro transferer files inter computatores con systemas de operation multo varie.

Ben que FTP es usabile directemente per un usator a un terminal, illo es designate principalmente pro uso per programmas, i.e. on normalmente lo usa de modo indirecte.

Multe sitos que executa servitores FTP permitte si-nominate FTP anonyme. Usatores non besonia un conto in le servitor, ma es requestate de inviar lor adresse de e-mail como contrasigno, ben que il non ha verification.

FTP es standardisate in RFC 0959 per le IETF como:

FTP es un protocolo a 8 bits, capace de transferer qualcunque typo de file sin necessitate de processamento ulterior per medio de p.ex. MIME o UUEncode.

FTP se executa normalmente in porta 21, ma pro le transferimento de files individual es initiate automaticamente connexiones separate in portas qualcunque.

Hodie, navigatores web pote emplear le protocollo FTP, via un URL in le forma de del servitor (p.ex. Un tal adresse URL initia un connexion de FTP anonyme.

Pro ftp non-anonyme es possibile includer un nomine de conto e un contrasigno: de conto:contrasigno@adresse del servitor (p.ex. 

FTP anonyme es le methodo le plus ancian e le plus commun de discargar files public via Internet. Le termino significa que on se connecte a un sito FTP (i.e. protocollo pro transferer files) con le nomine de usator anonymous, le conto generic pro visitatores con privilegios limitate, normalmente de leger/discargar solmente.

Le majoritate del navigatores del web include un function automatic de FTP anonyme, discargante files cuje adresse URL comencia con Si le adresse puncta a un camisa in loco de un file, le navigator construe automaticamente un tabella de contento de illo. Isto rende possibile le interligamento transparente de FTP con le World Wide Web de maniera que on quasi non vide le differentia.

Le costume traditional es que on da con un connexion FTP anonyme su adresse de e-mail como contrasigno ficte, a fin que le administratores del sito pote contactar le usator in caso de problemas. Ma isto deveni de minus in minus commun con le commercialisation del internet, con le uso crescente de navigatores del web como clientes FTP que da solmente alcun codice generic, e con le crescimento del spam que rende gente suspiciose quanto al diffusion de lor adresses e-mail. Totevia, alcun pauc sitos FTP conservative bloca ancora hodie le connexiones de usatores que non da un adresse de e-mail con syntaxe valide como contrasigno.




#Article 406: Lingua auxiliar international (152 words)


Un lingua auxiliar international es un lingua intendite pro communication inter plure nationes, que es neutral, i.e. non es le lingua natal de qualcunque populo existente.

Un motivo commun ma nullemente general de voler introducer un lingua auxiliar international es voler unir le humanitate e per isto promover le pace mundial e meliorar le comprehension e cooperation inter humanos de diverse paises e culturas.

Durante le ultime seculos il habeva plure tentativas de introducer un lingua auxiliar international a in usage general, ma usque ora necun projecto ha succedite totalmente.

Le linguas auxiliar international con le plus grande numero de parlantes hodie es Esperanto e Interlingua de IALA.

Le Union Europee e le Nationes Unite lucta con le traductiones e interpretationes inter un massa de diverse linguas official parlate e scripte. Tote le labor con traductiones etc. augmenta le possibilitate de miscomprehensiones, traductiones erronee, crea barrieras e costa multe tempore e ressources.




#Article 407: Computator (383 words)


Un computator vel ordinator(sive computer /komˈpjuter/, termino original ex anglese), es un machina que processa datos secundo un procedura formal, le algorithmo. Le majoritate del computatores son apparatos digital, sed existe de facto etiam computatores analogic.

Originalmente le parola anglese computer describeva personas qui faceva calculationes complexe, con o sin adjuta mechanic. Plus tarde le termino esseva usate pro denominar apparatos.

Computatores moderne son usate pro multo plus que solmente applicationes mathematic. Multe cargas administrative e financiari son delegate al computator, assi como le provision de information (internet) e de jocos. Computatores mesmo fabrica cosas material, per exemplo in le caso de robots a un banda transportator.

Un scientia qui se disveloppava insimul al computator es le informatica.

Un computator debe, pro poter functionar, esser providite de un programmatura, le parte logic, in anglese: software. Le electronica del qual le computator consiste, le material physic, se appella machinario, in anglese: hardware.

A causa del extense miniaturisation e augmentation de rapiditate, il ha un crescente possibilitate de implementar functionalitate in programmaturas que previemente existeva in le machinario. Le avantage de un tal disveloppamento es que le functionalitate pote esser addite posteriormente. Tal programmas se appella sovente microprogrammaturas, in anglese: firmware.

Desde 1981 e sempre plus, le computator personal, le tabulares e le telephonos intelligente ha devenite gradualmente un parte essential del vita quotidian.

Computatores in le officio moderne es sovente interconnectite in un rete computatorial, in le qual usatores diverse utilisa con su proprie PC software e datos immagazinate in un servitor. Pro obtener informationes de Internet on usa sovente un modem o, in caso de un grande rete computatorial, un router, e optionalmente un servitor proxy pro filtrar datos de Internet.

Un application de computatores ancora multo in disveloppamento es le intelligentia artificial qui es applicate i.a. in le videojocos e in le robotica.

A le casa computatores es sovente usate pro jocar jocos, consultar information via Internet, communicar via e-mail, conversar in-linea (chat) o discuter cosas in foros. Le generation actual de computatores anque es ben usabile pro rediger files digital photographic e videographic. Etiam illos es sovente usate in obra artistic, como designa e arte (ambe in 2 o 3 dimensiones), musica, e scriptura, como narrativas fictional o prosa. Multe personas usa etiam le computator pro correspondentia o pro lor administration.




#Article 408: Algorithmo (1462 words)


Un algorithmo (del latino algorismus, nominate pro le inventator de algebra Mohamet ibn Musa al-Khwarizmi) es un serie de instructiones interpretabile e finite pro resolver contingentias e accomplir qualcunque carga que ha un stato final recognoscibile, puncto final, o resultato pro cata dato possibilemente introducite in illo. (Contrasta con heuristica.) Algorithmos sovente ha passos iterate o requirente decisiones (usante le logica boolean e inequalitates) usque al completion del carga.

In terminos mathematic formal, un algorithmo es considerate esser un qualcunque sequentia de operationes que pote esser exequite per un systema de Turing complete.

Algorithmos differente pote compler le mesme carga con un differente serie de instructiones in plus o minus tempore, spatio, o effortio que alteres. Un recepta pro cocer es un exemplo de un algorithmo. Donate duo differente receptas pro facer salata de patatas, le un pote haber pella le patata ante coce le patata in aqua durante que le altere presenta le passos in ordine reverse; totevia ambes instrue a repeter iste passos pro tote le patatas usque le salata de patatas es preste pro esser mangiate.

Exequer un algorithmo correctemente non solvera un problema si le algorithmo es defecte o inappropriate al problema. Per exemplo, un execution del algorithmo pro salata de patatas fallira si il non ha patatas disponibile, mesmo si tote le motiones de preparar le salata es exequite como si le patatas esseva presente.

Algorithmos es essential a fin que computatores tracta information, proque un programma computatorial es essentialmente un algorithmo que instrue a un computator le passos specific a exequer (e lor ordine specific) a fin de exequer un carga specific, tal como le calculation del salario de empleatos o imprimer le cartas de reporto de studentes.

Normalmente, si un algorithmo es associate con le tractamento de information, datos es legite de un fonte o apparato pro introduction (entrata), scribite a un canal o apparato pro rendimento (sortita), e/o immagazinate pro uso futur. Datos immagazinate es reguardate como parte del stato interne del entitate exequente le algorithmo.

Pro omne tal processo computational, le algorithmo debe esser definite rigorosemente: specificate de tal maniera que illo es applicabile a omne possibile circumstantias que poterea manifestar se. Isto es, omne passos conditional debe esser definite systematicamente, caso per caso; le criterios pro cata caso debe esser clar (e computabile).

Pro que un algorithmo es un lista precise de passos precise, le ordine de computation es quasi sempre essential a su functionamento. Instructiones es normalmente assumite de esser listate explicitemente, e es describite como initiante 'ab le summitate' e descendente 'al fundo', un idea que es describite plus formalmente como un fluxo de controlo.

Usque ora, iste discussion del formalisation de un algorithmo ha assummite le premissos del programmation imperative. Isto es le concepto le plus commun, e illo tenta de describer un carga de maniera discrete e 'mechanic'. Unic a iste concepto de algorithmos formalisate es le operation de assignamento, que assigna un valor a un variabile. Illo deriva del intuition de 'memoria' como un bloco de notas. Infra se trova un exemplo de un tal assignamento.

Vide programmation functional pro un description alternative de un algorithmo.

Quando un description formal ha essite obtenite, un algorithmo es un methodo o procedura ben definite pro solver un problema mathematic o alteremente connexe al manipulation de information.

Algorithmos se implementa hodie le plus sovente como programmas de computator sed pote esser implementate per altere medios, tales como circuitos electric o un machina. Algorithmos pote mesmo esser executate directemente per humanos: pensa per exemplo de un abaco, o le execution de arithmetica con penna e papiro o su equivalente mental – le majoritate del gente usa algorithmos apprendite in le juventute pro facer isto.

Le analyse e studio de algorithmos es un disciplina central del informatica, e se practica sovente abstractemente (sin uso de alcun linguage de programmation specific, designate pro implementation practic). In iste senso, illo resimila altere disciplinas mathematic in le quales le analyse se concentra super le principios fundamental del execution del algorithmo, e non super alcun implementation particular de illo. Le codification de algorithmos de tal maniera abstracte es appellate scriber pseudocodice.

Alcun personas restringe le definition de algorithmo a proceduras con un fin. Alteres include proceduras que poterea exequer se pro sempre e continuemente, con le argumento que un computator pote deber exequer un carga continue. In tal caso on usa altere exigentias que le existentia de un stato final pro determinar si le algorithmo comple un carga con successo.

Il ha plure methodos pro cassificar algorithmos, cata un con su proprie meritos.

Cata campo de scientia habe su proprie problemas que require algorithmos efficiente. Problemas relate in un campo es frequentemente studiate conjunctemente. Exemplos include algorithmos de cercar, algorithmos de assortir, algorithmos de fusionar, algorithmos numeric, algorithmos graphic, algorithmos de series, algorithmos combinatorial, algorithmos de compression, e algorithmos cryptographic.

Le campos differente frequentemente coincide con alteres, e advantias in algorithmos in un campo pote meliorar le solutiones de problemas in altere, a vices non totalmente distincte, campos. Per exemplo, le programmation dynamic esseva inventate pro le optimisation del consumption de ressoures industrial, sed hodie illo es usate pro resolver plure categorias in plure campos.

Algorithmos pote esser classificate per le quantitate de tempore que illos require pro completer, comparate al dimension de su entrata. Iste es su ordine de computation. Il ha un varietate large; alcun algorithmos se complete in tempore linear relative al dimension del entrata, sed alteres ha ordine exponential o pejor, e alcun nunquam fini. Additionalmente, alcun problemas ha plure algorithmos de differente ordines de computation, sed altere problemas ha nulle algorithmo efficiente -- o simplemente nulle algorithmo. Gratias a isto, e al intersection de campos, on crede que il es melior de classificar le problams in categorias de equivalentia, basate super le complexitate maxime del algorithmo possibile inter illos.

Ecce un exemplo simple de un algorithmo.

Imagina haber un lista non assortite de numeros qualcunque. Nostre objectivo es de trovar le numero le plus grande in iste lista. Un prime pensata super le solution rende obvie que cata numero in le lista debe esser examinate. Plus de reflexion revela que il non es necessari de reguardar cata numero plus de un vice. Con isto in consideration, ecce un algorithmo simple pro accomplir isto:

Ecce un codification plus formal del algorithmo in un pseudocodice simile al majoritate del linguages de programmation:

 Date: un lista Lista de longor Longor 
 
 contator = 1
 leplusgrande = Lista[contator]
 durante contator  leplusgrande:
         leplusgrande = Lista[contator]
     contator = contator + 1
 imprime leplusgrande
 
Notas super le notation:

In le practica, le majoritate de personas qui implementa algorithmos vole saper quanto un particular ressource (tal como tempore o immagazination) un algorithmo donate require. Il ha essite disveloppate methodos pro le analyse de algorithmos pro obtener tal datos quantitative, e quando vos ha legite iste section, vos determinara que iste algorithmo ha un requirimente temporal de O(n), ubi le notation de O majuscule esseva usate e n representa le longor del lista.

Le parola algorithmo proveni del anglese algorithm que es un modification de algorisme del latino medieval que proveniva del nomine del mathematico persian Mohamet ibn Musa al-Khwarizmi (ca. 780 - ca. 845). Ille esseva le autor del libro Kitab al-jabr w'al-muqabala (Regulas de restauration e de reduction) que introduceva le algebra al gente occidental. Originalmente le parola refereva solmente al regulas de exequer arithmetica con numerales arabe sed finalmente evolveva a includer omne procedura definite pro resolver problemas o exequer cargas. Le parola algebra mesme proveni de al-Jabr del titulo del libro. 

Le prime caso de un algorithmo scribite pro un computator esseva le notas super le motor analytic de Ada Lovelace scribite in 1842, le quales la ha donate le titulo de prime programmator del mundo.

Le manco de rigor mathematic in le definition procedura ben definite de algorithmos poneva alcun difficultates al mathematicos e al logicos del seculo 19 e del initio del seculo 20. Iste problema esseva pro le major parte resolvite con le description del machina de Turing, un modello abstracte de un computator describite per Alan Turing, e le demonstration que omne methodo pro describer proceduras ben definite trovate usque hodie per altere mathematicos poterea esser emulate in un machina de Turing (un declaration cognoscite como le these de Church-Turing).

Hodie, un criterio formal pro un algorithmo es que illo es un procedura implementabile in un machina de Turing completemente specificate o in un del formalismos equivalente. Le interesse initial de Turing esseva in le problema de haltar, i.e. de decider quando un algorithmo describe un procedura que ha un fin. In terminos practic, le theoria de complexitate computational importa plus: illo include le problema mysteriose del algorithmos appellate NP-complete, que es generalmente presumite de prender un quantitate de tempore plus que polynomial.




#Article 409: Turing complete (231 words)


In le theoria de computatores e fictive e real, de linguages de programmation, e de altere systemas logic, un systema Turing complete es un systema que ha un poter computational equivalente a un machina de Turing universal. Le concepto es nominate in honor de Alan Turing.

In altere parolas, le systema e le machina universal de Turing pote emular le un le altere. Nulle computator satisface iste requirimento completemente, proque un machina de Turing ha un capacitate de immagazinage illimitate, impossibile de emular in un apparato real. Con iste exception, totevia, tote le computatores moderne es systemas Turing complete, como es tote le linguages de programmation pro uso general.

Le stato complete de un systema Turing es significative in que omne designo plausibile de un apparato computational inventate usque ora (mesmo computatores quantic) pote esser emulate per un machina de Turing universal. Assi, un machina que pote ager como un machina de Turing universal pote, in principio, exequer omne calculation del qual omne altere computator es capace. Nota, nonobstante, que isto dice nihil super le effortio requirite pro scriber un programma pro le machina, ni super le tempore requirite pro facer un tal calculation.

Vide le articulo super le theoria de computabilitate pro un longe lista de systemas Turing complete, assi como plure systemas minus potente, e plure systemas theoric que es mesme plus potente que un machina de Turing universal.




#Article 410: Emulator (487 words)


Un emulator, in le senso plus general, duplica le functiones de un systema con un altere systema (i.e. forni un emulation de illos) a fin que le secunde systema duplica le aspecto e le comportamento del prime systema. (Contrasto con simulation).

Le forma de emulation le plus commun es un emulator de software. Un emulator de software es un programma de computator permittente que certe programmas es executate in un platteforma (architectura de computator) e/o systema de operation pro le qual illos non esseva originalmente scribite. Isto es facute per emular, o reproducer, le comportamento de un typo de computator in un altere per acceptar le mesme datos, executar le mesme programmas, e attinger le mesme resultatos.

In un senso technic, le these de Church-Turing implica que omne ambiente de operation pote esser emulate intra omne altere. In le practica, isto pote esser assatis difficile, particularmente quando le comportamento exacte del systema a esser emulate non es ben documentate e ha essite deducite per ingenieria reverse. Isto anque dice nihil super restrictiones de tempore; si le emulator non executa programmas tanto rapidemente como le hardware original, le software in emulation pote esser executate multo plus lentemente que illo haberea essite executate in le hardware original.

Le majoritate del emulatores simplemente emula un architectura de hardware. Si un systema de operation specific es requirite pro le software desirate, isto debe tamben essite providite (e pote mesme esser emulate). E le systema de operation e le operation essera alora interpretate per le emulator, plus tosto que esser executate per le hardware natal. Aparte de iste interpretator pro le linguage del machina emulate, alcun altere hardware (como apparatos pro introduction e pro rendimento) debe anque esser fornite in forma virtual: si per scriber a un location specific in le memoria on pote influentiar le aspecto del schermo, per exemplo, alora isto debe tamben esser emulate.

Un uso popular de emulatores es executar software, sovente jocos, scribite pro hardware que non es plus vendite o disponibile, tal como le Commodore 64 o modellos initial del Amiga. Le emulation de istos in systemas de computator moderne es generalmente minus effortiose que depender super le machina original, que pote esser inoperational. Nonobstante, questiones re le licentias del software pote requirer que autores de emulatores scribe software original que duplica le functionalitate del ROM e del BIOS del computator original.

Disveloppatores de software pro systemas integrate o consolas pro jocos de video sovente designa lor software in un emulator specialmente accurate appellate un simulator ante provar lo in le hardware real, a fin que le software pote esser producite e probate ante que le hardware final existe in grande quantitates, a fin que illo pote esser probate sin pender le tempore de copiar le programma al hardware, o a fin que errores pote esser solvite a un basse nivello sin introducer le effectos lateral de un debugger.

Pro un lista de emulatores, vide .




#Article 411: Fuso horari (119 words)


Fusos horari es sectiones del globo terrestre (vide: fuso (geometria)) que super le quales vige un hora commun. Anteriormente le personas usava le hora solar apparente, lo que resultava que le hora differeva legiermente de un citate al altere. Le fusos horari rectificava le problema partialmente adjustante le horologios de un region al mesme hora solar medie. Le fusos horari generalmente es centrate in meridianos de un longitude multiple de 15°; totevia, como le mappa infra monstra, le formas del fusos horari pote esser bastante irregular a causa del frontieras del paises.

Tote le fusos horari es definite in relation al UTC (Universal Tempore Coordinate). Le puncto de referentia pro le fusos horari es le prime meridiano (longitude 0°).




#Article 412: Afonso Henriques (216 words)


Filio del conte Don Henrique de Burgundia e de Dona Teresa filia de Alfonso VI de Leon. Don Afonso Henriques, nasceva possibilemente in Guimarães, (Oliveira do Castelo) in 25 julio de 1109 e moriva in Coimbra in 6 decembre de 1185. In 1145/1146 sponsava Dona Mafalda, qui nasceva in data incerte, e moriva in Coimbra in 4 novembre de 1157, filia de Amedeo III, conte de Savoia e Pedemonte, e del contessa Mafalda de Albon.

Post le morte de su patre in 1112, prendeva un position politic in oposition a su matre Dona Teresa (qui appoiava le partito del Travas).

In le battalia de San Mamede, que eveniva in 24 junio 1129, al portas de Guimarães, Portugal. Le armea commandate per Don Afonso Henriques e le Contes portucalese luctava contra le armea commandate per Dona Teresa e le Contes gallecian. Le victoria de Don Afonso Henriques resultava in le prime passo per le autonomia del Contado Portucalese que plus tarde portava al fundation de Portugal. 

In 1143 Don Afonso Henriques declara vassallage al Sancte Sede obtenente le bulla de 1179, con le qual le Papa Alexandre III designava per le prime vice Don Afonso Henriques rege al qual dava le derecto de conquirer terras al Mauros super le quales altere princes cristian non habeva derectos anterior.




#Article 413: Licentia GNU pro Documentation Libere (2081 words)


Le Licentia GNU pro Documentation Libere, initiate per le Projecto GNU, es un licentia legal, applicabile a documentos, que garanti a omnes le libertate de copiar, distribuer, e cambiar le documentos in question. Un autor pote subjectar su documento al Licentia per includer un declaration indicante isto. Le  del Licentia es definitive. Le traductiones es sempre non official.

Per favor lege  pro informationes concernente le application de iste licentia a Wikipedia.

 Version 1.3, 3 novembre 2008
 
 Copyright © 2000, 2001, 2002, 2007, 2008 Free Software Foundation, Inc.
 
Usar in le Pagina de Titulo (e in le coperturas, si existe) un titulo distincte de illo del Documento, e de illos de previe versiones (que deberea, si existeva, esser listate in le section Historia del Documento). Vos pote usar le mesme titulo como un previe version si le publicator original de ille version concede le permission.
Listar in le Pagina de Titulo, como autores, un o plus personas o entitates responsabile como autores del modificationes in le Version Modificate, insimul con al minus cinque del principal autores del Documento (tote su autores principal, si il ha minus de cinque), a minus que illes vos exempta de iste requisito.
Declarar in le pagina de Titulo le nomine del publicator del Version Modificate, como le publicator.
Preservar tote le notas de copyright del Documento.
Adder un nota appropriate de copyright pro vostre modificationes adjacente al altere notas de copyright.
Includer, immediatemente post le notas de copyright, un nota de licentia concedente al publico le permission de usar le Version Modificate sub le terminos de iste Licentia, in le forma monstrate in le Addendum infra.
Preservar in ille nota de licentia le complete listas de Sectiones Invariabile e requisite Textos de Copertura specificate in le nota de licentia del Documento.
Includer un copia non alterate de iste Licentia.
Preservar le section Titulate Historia, Preservar su Titulo, e adder a illo un articulo declarante al minus le titulo, anno, nove autores, e publicator del Version Modificate como specificate in le Pagina de Titulo. Si il ha nulle section Titulate Historia in le Documento, crear un, declarante le titulo, anno, autores, e publicator del Documento como specificate in le Pagina de Titulo, postea adder un articulo describente le Version Modificate como prescribite in le previe phrase.
Preservar le adresse de rete, si existe, indicate in le Documento pro accesso public a un copia Transparente del Documento, e similarmente le adresses de rete indicate in le Documento pro previe versiones super que illo esseva basate. Istos pote esser placiate in le section Historia. Vos pote omitter un adresse de rete pro un obra que esseva publicate al minus quatro annos ante le Documento mesme, o si le publicator original del version a que illo se refere concede le permission.
Pro omne section Titulate Recognoscentias o Dedicationes, Preservar le Titulo del section, e preservar in le section tote le substantia e tono de cata un del recognoscentias de, e/o dedicationes a contributores detaliate in illo.
Preservar tote le Sectiones Invariabile del Documento, sin alteration in lor texto e in lor titulos. Le numeros de section o lor equivalente non es considerate como parte del titulos de section.
Deler omne section Titulate Approbationes. Un tal section non pote esser includite in le Version Modificate.
Non retitular alcun section existente de modo que illo sia Titulate Approbationes ni que illo conflige in titulo con alcun Section Invariabile.
Preservar omne Limitationes de Garantia.

Si le Version Modificate include nove sectiones de materia frontal o appendices que es qualificate como Sectiones Secundari e contine nulle material copiate del Documento, vos pote optar pro designar alcunes o totes de iste sectiones como invariabile. Pro facer isto, adde lor titulos al listas del Sectiones Invariabile in le nota de licentia del Version Modificate. Iste titulos debe esser distincte de omne altere titulos de section.

Vos pote adder un section Titulate Approbationes, a condition que illo contine nihil que Approbationes de vostre Version Modificate per varie entitates – per exemplo, declarationes de revision per pares o que le texto ha essite approbate per un organisation como le definition autoritative de un standard.

Vos pote adder un passage con un maximo de cinque parolas como Texto de Copertura Frontal, e un passage con un maximo de 25 parolas como Texto de Copertura Posterior, al fin del lista de Textos de Copertura in le Version Modificate. Solmente un passage de Texto de Copertura Frontal e un de Texto de Copertura Posterior pote esser addite per (o via arrangiamentos facite per) omne entitate specific. Si le Documento jam include un texto de copertura pro le mesme copertura, previemente addite per vos o per arrangiamento facite per le mesme entitate que vos representa, vos non pote adder un altere; ma vos pote reimplaciar le vetule, con permission explicite del previe publicator que addeva le vetule.

Le autor(es) e publicator(es) del Documento non concede per iste Licentia le permission de usar lor nomines pro publicitate, ni de asserer o implicar lor approbation de alcun Version Modificate.

Vos pote combinar le Documento con altere documentos publicate sub iste Licentia, sub le terminos definite in section 4 supra pro versiones modificate, a condition que vos include in le combination tote le Sectiones Invariabile de tote le documentos original, sin modification, e lista los totes como Sectiones Invariabile de vostre obra combinate in su nota de licentia, e que vos preserva tote lor Limitationes de Garantia.

In le obra combinate es necessari solmente un copia de liste Licentia, e plure Sectiones Invariabile identic pote esser reimplaciate per un singule copia. Si il ha plure Sectiones Invariabile con le mesme nomine ma con contento differente, rende le titulo de cata tal section unic per adder al fin de illo, in parentheses, le nomine del autor o publicator original de ille section si cognoscite, o alteremente un numero unic. Face le mesme adjustamento al titulos del sectiones in le lista del Sectiones Invariabile in le nota de licentia del obra combinate.

In le combination, vos debe combinar omne sectiones Titulate Historia in le varie documentos original, formante un section Titulate Historia; vos debe similarmente combinar omne sectiones Titulate Recognoscentias, e omne sectiones Titulate Dedicationes. Vos debe deler tote le sectiones Titulate Approbationes.

Vos pote facer un collection consistente del Documento e altere documentos publicate sub iste Licentia, e reimplaciar le copias individual de iste Licentia in le varie documentos con un singule copia que es includite in le collection, a condition que vos obedi al regulas de iste Licentia pro facer copias litteral de cata un del documentos in omne altere respectos.

Vos pote extraher un singule documento de un tal collection, e distribuer lo individualmente sub iste Licentia, a condition que vos insere un copia de iste Licentia in le documento extrahite, e obedi a iste Licentia in omne altere respectos concernente le production de copias litteral de ille documento.

Un compilation del Documento o de su derivatos con altere documentos o obras separate e independente, in un volumine de immagazinage o medio de distribution, es appellate un aggregato si le copyright resultante del compilation non es usate pro limitar le derectos legal del usatores del compilation ultra lo permittite per le obras individual. Quando le Documento es includite in un aggregato, iste Licentia non se applica al altere obras in le aggregato que non es illos mesme obras derivate del Documento.

Si le requisito de Texto de Copertura in section 3 es applicabile a iste copias del Documento, alora si le Documento es minus que un medietate del aggregato integre, le Textos de Copertura del Documento pote esser placiate in coperturas que inveloppa le Documento intra le aggregato, o le equivalente electronic de coperturas si le Documento es in forma electronic. Alteremente illos debe apparer in coperturas imprimite que inveloppa le aggregato integre.

Le traduction es considerate como un typo de modification, ergo vos pote distribuer traductiones del Documento sub le terminos de section 4. Reimplaciar le Sectiones Invariabile con traductiones require permission special del possessores de lor copyright, ma vos pote includer traductiones de alcun o omne Sectiones Invariabile in addition al versiones original de iste Sectiones Invariabile. Vos pote includer un traduction de iste Licentia, e de tote le notas de licentia in le Documento, e de omne Limitationes de Garantia a condition que vos include equalmente le version original in anglese de iste Licentia e le versiones original de iste notas e limitationes. In caso de un disaccordo inter le traduction e le version original de iste Licentia o un nota o limitation, le version original prevalera.

Si un section in le Documento es Titulate Recognoscentias, Dedicationes, o Historia, le requisito (section 4) de Preservar su Titulo (section 1) necessita typicamente cambiar le titulo mesme.

Vos non pote copiar, modificar, sublicentiar, o distribuer le Documento excepte como stipulate explicitemente per le terminos de iste Licentia. Omne tentativa de alteremente copiar, modificar, sublicentiar, o distribuer lo es nulle, e resulta automaticamente in le termination de vostre derectos sub iste Licentia.

Nonobstante, si vos cessa tote violation de iste Licentia, alora vostre licentia ab un possessor particular de copyright es restituite (a) provisionalmente, a minus que e usque le possessor de copyright explicite- e definitivemente termina vostre licentia, e (b) permanentemente, si le possessor de copyright neglige de notificar vos del violation per alcun medio rationabile intra 60 dies post le cessation.

In ultra, vostre licentia ab un possessor particular de copyright es restituite permanentemente si le possessor de copyright vos notifica del violation per alcun medio rationabile, si isto es le prime vice que vos ha recipite un advertimento del violation de iste Licentia (pro qualcunque obra) ab ille possessor de copyright, e si vos remedia le violation intra 30 dies post vostre reception del advertimento.

Le termination de vostre derectos sub iste section non resulta in le termination del licentias del personas qui ha recipite copias o derectos de vos sub iste Licentia. Si vostre derectos ha essite terminate e non permanentemente restituite, le reception de un copia de alcun parte o del totalitate del mesme material non vos accorda alcun derecto de usar lo.

Le Fundation pro Software Libere pote publicar versiones nove e revidite del Licentia GNU pro Documentation Libere de tempore a tempore. Tal nove versiones essera similar in spirito al version presente, ma pote differer in detalio pro adressar nove problemas o affaires. Vide 

A cata version del Licentia es assignate un numero de version distincte. Si le Documento specifica que un particular version numerate de iste Licentia o alcun version plus recente es applicabile a illo, vos ha le option de obedir al terminos e conditiones sia de ille version specificate sia de alcun version plus recente que ha essite publicate (non como version provisori) per le Fundation pro Software Libere. Si le Documento non specifica un numero de version de iste Licentia, vos pote seliger omne version jammais publicate (non como version provisori) per le Fundation pro Software Libere. Si le Documento specifica que un mandatario pote decider qual versiones futur de liste Licentia pote esser usate, le declaration public per ille mandatario del acceptation de un version vos autorisa permanentemente a seliger ille version pro le Documento.

Un CMM es eligibile pro relicentiamento si illo es licentiate sub iste Licentia, e si tote le obras que esseva originalmente publicate sub iste Licentia in un altere loco que iste CMM, e posteriormente incorporate in totalitate o in parte in le CMM, (1) non habeva textos de copertura o sectiones invariabile, e (2) esseva assi incorporate ante le 1 de novembre 2008.

Le operator de un Sito CMM pote republicar un CMM continite in le sito sub CC-BY-SA in le mesme sito a omne tempore ante le 1 de augusto 2009, a condition que le CMM es eligibile pro licentiamento.

Pro usar iste Licentia in un documento que vos ha scribite, include un copia del Licentia in le documento e insere le sequente notas de copyright e de licentia immediatemente post le pagina de titulo:

Si vos ha Sectiones Invariabile, Textos de Copertura Frontal e Textos de Copertura Posterior, reimplacia le linea sin...Posterior. con isto:

Si vos ha Sectiones Invariabile sin Textos de Copertura, o un altere combination del tres, combina ille duo alternativas pro convenir al situation.

Si vostre documento contine exemplos non trivial de codice de programma, nos recommenda publicar iste exemplos in parallello sub vostre licentia preferite de software libere, como le Licentia Public General de GNU, pro permitter lor uso in software libere.




#Article 414: George Bernard Shaw (702 words)


George Bernard Shaw (26 de julio 1856 in Dublin — 2 de novembre 1950 in Ayot St Lawrence, Hertfordshire, Anglaterra) esseva un dramaturgo irlandese laureate del Premio Nobel pro Litteratura in 1925.

George Bernard Shaw nasceva in Dublin in un familia protestante irlandese. Su matre esseva un talentose cantatrice amateur, su patre un negotiante. Le education de George esseva alquanto irregular a causa de su disgusto con le inseniamento organisate. Post travaliar durante un tempore in un bureau ille vadeva a London como juvene in (1876), ubi ille se establiva como critico del musica e del theatro.

Desde 1879 usque a 1903, George Bernard Shaw esseva consiliero pro le vicinitate de St. Pancras in London, obtenente su experientia practic in problemas social in le governamento local. Durante tote su vita ille remaneva interessate in le reforma social.

In 1884 ille se adhereva al Societate Fabian ubi ille cognosceva Sidney Webb con le adjuta de qui illes ambes essayava dar un facie respectabile al socialismo. George deveniva famose in London como agitator socialista, apparente in oratorios public un o duo vices per septimana durante le proxime 12 annos. 

Ille comenciava su carriera litterari como novellista; como fervente advocato del nove theatro de Ibsen (The Quintessence of Ibsenism, 1891) 

Ille decideva a scriber dramas pro theatro illustrante su criticismo del theatro anglese. Su prime dramas esseva appropriatemente titulate Dramas Placente e Displacente (Plays Pleasant and Unpleasant, 1898). Le rationalismo radical sue e su carentia de respecto pro le orthodoxismo, su interesse dialectal e astutia verbal es sovente obvie in su dramas. Ille scribeva longe directiones in su dramas e descriptiones del characteres del historia, plus in le stilo de un novella que de un drama pro theatro. Su obras esseva legite, e admirate ma non se prestava ben a representar. Solo in le annos 1920 su obras deveniva appreciate per le publico.

Il es un combination de lo dramatic, de lo comic e de lo socio-corrective que dona al comedias de Shaw lor importantia litterari. In su dramas ulterior le discussion displacia le drama, como in le obra Back to Methusela (Retro a Methusela) de 1921, ben que in le mesme periodo ille laborava super su pecia magistral Saint Joan (Sancte Johanna) 1923, in le qual ille rescribe le famose historia del damisella francese e anque extende le historia desde le Medievo al presente. Altere dramas importante de Shaw es Caesar and Cleopatra de 1901, un drama historic plen de allusiones al tempores moderne, e Androcles and the Lion de 1912, in le qual ille demonstra un sorta de historia retrospective e del qual ille deriva deductiones pro le era christian.

In le obra Major Barbara de 1905, un del dramas de discussion de Shaw plus successose, le attention del audientia se retene per fortia de argumentation astute que presenta le these que le homine pote disveloppar le salvation esthetic solmente per medio del activitate politic, e non como individuo. Le obra The Doctor's Dilemma de 1906, comicamente classificate como un tragedia per Shaw, es de facto plen de humor; illo es un comedia dirigite al profession del medicina. E Candida de 1898, con attitudes social verso le relationes sexual como le objecto de su satira, e Pygmalion de 1912, un studio facetiose del phonetica assi mesmo como un tractamento astute del moralitate burgese e le distinctiones del classes social, esseva un obra que deveniva un del plus successose scriptos de Shaw. Preoccuppate per le inconsistentia del orthographia anglese, ille voleva que un portion de su richessa, secundo lo scripte in su testamento, se dedicava al creation de un nove alphabeto phonetic, (cognoscite como le Alphabeto Shavian) pro le lingua anglese.

In 1925 ille recipeva le Premio Nobel pro Litteratura. Shaw acceptava le honor ma refusava le moneta. 

Le complete obras de George Bernard Shaw appareva in trenta-sex volumines inter 1930 e 1950, le anno de su morte. Ille moriva al etate de 94 annos, in le processo de putar un pomiero. Le majoritate del contemporaneos de Shaw le considerava un irritante persona egoistic ma multo talentose. Forsan George Bernard Shaw lo diceva le melio con iste parolas: Io non es integremente un homine orthodoxe (in anglese: I am not altogether an orthodox man).




#Article 415: J. R. R. Tolkien (358 words)


John Ronald Reuel Tolkien (3 de januario 1892 — 2 de septembre 1973) esseva un anglese autor, poeta e philologista. Ille es cogniscite supertoto como le autor del romances de phantasia, Le Hobbit e Le Senior de Anellos.

Tolkien nasceva in Bloemfontein, capital del Libere Stato de Orange (nunc Africa del Sud). Su familia migrava a Anglaterra post le morte de su patre, Arthur Tolkien, in 1896. Su matre moriva in 1904. A iste puncto in su vita Francis Morgan, se incarga de su cura e de su education. Jam al octo o novem annos de etate ille se interteneva inventante linguas. Ille studiava philologia anglese in le Universitate de Oxford, ubi ille se graduava in 1915 con honores. 

Durante le Prime Guerra Mundial ille luctava in Francia como officiero in le armea britannic. Un maladia sever le fortiava a resider in un hospital militar durante un longe periodo. Illac ille evadeva le tristessa del recuperation per crear nove historias heroic de un antiquitate fictitie. Istos deveniva le initio de su autorato de fiction e de su proprie mundo phantastic Le Terra Medie. 

Ille collaborava con le New English Dictionary. Ille occupava le cathedra de lingua anglese in le Universitate de Leeds e posteriormente in le Universitate de Oxford. Ille primarimente inseniava le anglosaxone e le anglese del vetere medievo, e attingeva un clar distinction academic malgrado su magre production de articulos e essayos scientific; ille placiava qualitate ante quantitate con bon resultatos. Su essayo Beowulf: The Monsters and the Critics super le qualitates particular del poema heroic anglosaxone Beowulf rapidemente deveniva classic pro le philologos del linguas germanic. Etiam su essayo On Fairy-Stories, sur le ver importantia del literatura phantastic, recipeva grande laude ab le homines de litteras. (Vide sub Altere obras in basso.)

Doctor honoris causa per varie universitates (National de Irlanda, Oxford). Vicepresidente del Societate Philologic, membro del Societate Royal de Litteratura.

In 1969, le regina Elizabeth II le donava le Cruce del Imperio Britannic. Ille moriva le 2 de septembre 1973, 81 annos de etate.

Libros publicate per Cristopher Tolkien (su filio, qui organisava e publicava posthumemente material scribite per J. R. R. Tolkien):




#Article 416: Licentia Public General de GNU (2502 words)


Le Licentia Public General de GNU es un licentia de typo copyleft pro software libere. Illo es tamben appellate GNU GPL, o (si il non ha risco de confusion con altere licentias public general) simplemente GPL. In interlingua es usate generalmente le acronymo representante le denomination anglese (GNU General Public License) pro evitar confusion.

Le GPL esseva scribite per Richard Stallman e Eben Moglen in 1989, pro le objectivo de distribuer programmas publicate como parte del Projecto GNU. Illo esseva basate super licentias simile usate pro versiones anterior de GNU Emacs. Post su introduction, illo ha devenite un del licentias in uso le plus general.

Alteremente que licentias pro software proprietari, le GPL es designate pro augmentar le libertate del publico e non pro diminuer lo; le licentia assecura isto per le concepto de copyleft, in contrasto con le licentia de BSD.

Version 2, Junio 1991

Copyright (C) 1989, 1991 Free Software Foundation, Inc.

On autorisa a copiar e distribuer copias litteral de iste documento de licentia,
mais modificationes non es permittite.

Le licentias del majoritate de software es concipite pro restringer le libertate 
del usatores de prender e intercambiar lo. In su loco, le Licentia Public 
General de GNU es destinate a garantir le libertate de prender e intercambiar 
software libere, de assecurar que le software es libere pro tote lor usatores. 
Iste Licentia Public General se applica al majoritate del software del Free 
Software Foundation e a un altere programma cuje autores decide usar iste 
Licentia. (Qualcun altere software del Free Software Foundation es coperite per 
le Licentia Public General de Bibliothecas de GNU in su loco.) On pote 
equalmente applicar lo al programmas proprie.

Quando nos parla de software libere, nos refere a libertate, non a precio. Le 
Licentias Public General es concipite pro assecurar que vos ha le libertate de 
distribuer copias de software libere (e facer vos pagate pro isto si vos vole), 
que vos recipe le codice fonte o pote obtener lo si vos desira lo, que vos pote 
cambiar le software o usar partes de illo in nove programmas libere, e que vos 
sape que vos pote facer iste cosas.

Pro proteger vostre derectos, nos ha necessitate de crear restrictiones que 
prohibi a qualcunque persona negar iste derectos a vos o demandar vos renunciar 
a illos. Iste restrictiones implica certe responsabilitates pro vos si vos 
distribue copias del software o modifica lo.

Per exemplo, si vos distribue copias de un programma, gratuite o non, vos debe 
ceder tote le mesme derectos al destinatarios, vos debe assecurar que illes 
recipe le codice fonte o pote obtener lo, e vos debe communicar iste conditiones a fin que illes cognosce lor derectos.

Nos protege vostre derectos de duo manieras: (1) per registrar le software con 
un copyright e (2) per offerer iste licentia que permitte copiar, distribuer, e/o modificar lo legalmente.

Equalmente, pro proteger le autores e nos, nos vole precisar que le software 
libere non ha garantia. Si le software es modificate per un alter persona e es 
redistribuite, le destinatarios debe saper que illo non es le software original, 
assi que qualcunque problema non afficera al reputation del autores original.

Finalmente, qualcunque programma libere es constantemente menaciate per le
patentes de software. Nos desira evitar le periculo que redistributores de un 
programma libere se procura licentias de patente convertente lo de facto in 
software proprietari. Pro prevenir isto, nos precisa que qualcunque patente debe 
esser registrate pro libere uso per totos o non debe esser registrate de ulle 
maniera.

Le stipulationes e conditiones precise pro copiar, distribuer, e modificar seque 
infra.

LICENTIA PUBLIC GENERAL DE GNU

aviso includite per le detentor del derectos de autor (copyright) declarante que 
illo debe ser distribuite sub le conditiones de iste Licentia Public General. Le 
termino Programma infra citate concerne a qualcunque programma o travalio, e 

derivate de illo sub le leges de derectos de autor. In altere parolas, un 
travalio continente le Programma o un parte de illo, copia litteral o 

modificate, e/o traducite a altere lingua. (De hic in avante, le traduction es 
includite in le termino modification) . Le personas beneficiate per iste 
licentia es mentionate como vos.

Activitates altere que copiar, distribuer, e modificar non es coperite per iste 
licentia, illos es foras de su campo. Le acto de executar le Programma non es 
restringite e su rendimento es coperite solmente si su contento es travalio 
basate in le Programma (independente de haber essite facite executante le 
Programma) . Toto depende de lo que le Programma face.

per qualcunque medio sub le condition de includer in cata copia, clarmente e 
appropriatemente, information super le derectos de autor e le non-garantia, 
mantener intacte tote lo que refere a iste Licentia e al absentia de garantia, e 
attachar un copia de iste Licentia al Programma. 

Vos pote facer vos pagar pro le acto physic de transferer un copia e pote 
offerer optionalmente un garantia remunerate.

creante in consequentia un travalio basate in le Programma, e pote copiar e 
distribuer tal modificationes o travalios sub le stipulationes del Section 1 
precedente e equalmente sub tote le conditiones sequente:

a) Vos debe includer in le archivos notitia del modificationes e datas del 

cambios.
b) Si vos distribue o publica travalios, que contine le Programma o que deriva 
de illo, vos debe facer lo gratuitemente e sub le conditiones de iste Licentia.
c) Si normalmente le programma modificate lege commandos interactivemente 
durante su execution, illo debe monstrar o imprimer al initio del execution 
ordinari un notitia appropriate del derectos de autor e del absentia de garantia 
( o indicante que vos provide un garantia) e que le usatores pote redistribuer 
le programma sub iste conditiones, e ubi illes pote consultar un copia de iste 
Licentia. (Exception: si le Programma original es interactive mais normalmente 
non imprime tal notitia, vostre travalio basate in le Programma non besonia 
imprimer lo.)

Iste requirimentos concerne al totalitate del travalio modificate. Si sectiones 
identificabile de iste travalio non es derivate del Programma e illos pote ser 
rationabilemente considerate travalios independente e separate, iste Licentia e 
su conditiones non es applicabile a ille sectiones quando distribuite como 
travalios separate. Mais quando vos distribue le mesme sectiones como parte de 
un toto que es un travalio basate in le Programma, le distribution del toto debe 
esser sub le conditiones de iste Licentia, cuje permissiones pro altere usatores 
extende se al toto e a cata parte independentemente de qui es le autor.

Dunque, iste section non ha le proposito de reclamar o discuter vostre derectos 
super travalio scripte in toto per vos; le proposito es exercer le derecto a 
controlar le distribution del travalio, derivate o collective, basate in le 
Programma.

Additionalmente, le mer aggregation al Programma (o a un travalio basate in 
illo) de un altere travalio non basate in le Programma effectuate in un medio de 
immagazinage o de distribution non include le altere travalio sub iste Licentia.

Section 2) in forma de codice objecto o executabile sub le stipulationes del 
Sectiones 1 e 2 precedente, e equalmente sub un del conditiones sequente:

a) Accompaniar lo de toto le correspondente codice fonte legibile pro machina, 
le qual debe esser distribuite sub le conditiones del Sectiones 1 e 2 in un 
medio communmente usate pro intercambio de software.

b) Accompaniar lo de un offerta scripte, valide pro al minus tres annos e pro un 
costo non superior al costo de distribution physic, de un copia complete 
legibile pro machina del correspondente codice fonte, le qual debe esser 
distribuite sub le conditiones del Sectiones 1 e 2 in un medio communmente usate 
pro intercambio de software.

c) Accompaniar lo del information que vos recipeva del offerta pro distribuer 
le correspondente codice fonte . (Iste alternativa es permittite solmente pro 
distribution non commercial e si vos recipeva le programma in forma de codice 
objecto o executabile con tal offerta, de accordo con le Subsection b 
precedente.)

Le codice fonte de un travalio designa le forma preferite del travalio pro le 
realisation de modificationes. Le codice fonte complete de un travalio 
executabile designa tote le codice fonte de tote le modulos que illo contine, 
plus qualcunque archivos de definition del interfacie associate, plus qualcunque 
scripto usate pro controlar le compilation e installation del executabile. 
Nonobstante, como exception special, le codice fonte distribuite non necessita 
includer que es normalmente distribuite (in forma fonte o binari) con le 
principal componentes (compilator, nucleo, etc.) del systema operative super le qual le executabile es executate, salvo que tal componente accompania le executabile.

Si le distribution del executabile o del codice objecto es facite per offerer 
accesso pro copiar desde un sito determinate, le offerta de un accesso 
equivalente pro copiar codice fonte desde le mesme sito es considerate como 
distribution del codice fonte, mesmo quando tertie personas non es compellite a 
copiar le fonte conjunctemente con le codice objecto.

iste Licentia autorisa. Qualcunque tentativa de illo es nulle e invalidara 
automaticamente vostre derectos concedite per iste Licentia. Nonobstante, tertie 
personas qui ha recipite copias, o derectos, de vos sub iste Licentia non habera 
invalidate lor licentias si longe que illos lo respecta.

Nonobstante, nihil altere concede vos permission pro modificar o distribuer le 
Programma o su travalios derivative. Iste actiones es prohibite per le lege si 
vos non accepta iste Licentia. Dunque, per modificar o distribuer le Programma 
(o qualcunque travalio basate in illo) vos indica vostre acceptation de iste 
Licentia pro facer lo, e tote lor stipulationes e conditiones pro copiar, 
distribuer, o modificar le Programma o travalios basate in illo.

illo) , le destinatarios recipera automaticamente un licentia del detentor 
original del Licentia pro copiar, distribuer, o modificar le Programma sub iste 
stipulationes e conditiones. Vos non pote imponer al destinatarios restrictiones 
al exercitio del derectos hic garantite. Vos non es responsabile de fortiar le 
accordo de per tertie personas de iste Licentia.

patente o pro un altere ration (non limitate a questiones de patentes) , on 
impone conditiones a vos (pro ordine judicial, accordo, o un altere forma) que 
contradice iste Licentia , illo non vos exime de complir le conditiones de iste 
Licentia. Si vos non pote distribuer satisfacente simultaneemente vostre 
obligationes sub iste Licentia e qualcunque altere obligationes pertinente, in 
consequentia vos non pote distribuer le Programma de ulle maniera. Per exemplo, 
si un licentia de patente non permitte que copias del Programma es redistribuite 
sin pagamento de derectos de autor per personas qui los recipe trans vos, 
directemente o indirectemente, tunc le unic maniera de satisfacer le patente e 
iste Licentia es renunciar al distribution del Programma.

Si alcun parte de iste section es considerate invalide o non applicabile pro 
qualcunque circumstantia, le resto del section remanera applicabile e le 
totalitate del section sera applicabile in altere circumstantias.

Il non es le proposito de iste section inducer vos a infringer patentes o 
derectos de autor, o a contestar lor validitate. Iste section ha solmente le 
proposito de proteger le integritate del systema de distribution de software 
libere le qual es mittite in practica per applicar licentias public. Multe 
personas ha facite generose contributiones al large gamma de software 
distribuite per iste systema confidente in le consequente application de illo. 
Il es decision del autores e donatores si illes vole distribuer software per 
iste o altere systema. Le usatores non pote influentiar iste election.

Iste section es destinate a facer completemente clar le consequentias del resto 
de iste Licentia.

patentes o derectos de autor super interfacies, le detentor original del 
derectos qui pone le Programma sub iste Licentia pote appender un limitation 
explicite del distribution geographic excludente illes paises, dunque le 
distribution es solmente permittite in le paises non excludite. In tal caso, 
iste Licentia incorpora le limitation como si essente parte de illo mesme.

Licentia Public General periodicamente. Tal nove versiones essera simile in 
spirito al presente version, mais pote differer in alcun detalios pro resolver 
nove problemas o situationes.

Cata version es distinguite per un numero. Si le Programma specifica un numero 
de version de iste Licentia que es applicate a illo e a qualcunque version 
posterior , vos ha le option de sequer le stipulationes e conditiones de ille 
version o de qualcunque version publicate per le Free Software Foundation. Si le 
Programma non specifica un numero de version de iste Licentia, vos pote seliger 
qualcunque version publicate.

cuje conditiones de distribution es differente, scribe al autor pro sollicitar 
permission. Pro software del Free Software Foundation, scribe a iste fundation, 
nos a vices face exceptiones. Nostre decision essera basate in le duo scopos: 
preservation del status libere de tote le derivationes de nostre software libere 
e le promotion del possession in commun e le reutilisation de software in 
general.

LIMITES DEL LEGES APPLICABILE. SALVO QUANDO MENTIONATE DE ALTERE MANIERA SCRIPTE, LE DETENTORES DEL DERECTOS DE AUTOR E/O ALTERE PARTES PROVIDE LE PROGRAMMA COMO ES SIN GARANTIA DE ULLE TYPO, EXPLICITE O IMPLICATE, INCLUDENTE, MAIS NON LIMITATE A ILLOS, LE GARANTIAS IMPLICATE DE COMMERCIALISATION E APTITUDE PRO UN PROPOSITO PARTICULAR. VOS ASSUME LE TOTALITATE DEL RISCO CONCERNENTE LE QUALITATE E FUNCTION DEL PROGRAMMA. SI LE PROGRAMMA ES DEFECTUOSE VOS ASSUME TOTE LE COSTOS DE MANTENIMENTO, REPARATION, O CORRECTION.

AUTOR, O QUALCUNQUE PARTES QUI POTE MODIFICAR E/O REDISTRIBUER LE PROGRAMMA COMO
ISTE LICENTIA PERMITTE, NON ES RESPONSABILE DE DAMNOS, INCLUDENTE QUALCUNQUE
GENERAL, SPECIAL, INCIDENTAL, O CONSEQUENTE DAMNOS RESULTANTE DEL USO CORRECTE O
NON DEL PROGRAMMA (INCLUDENTE, MAIS NON LIMITATE A ILLO, LE PERDITA O DETERIORATION DE DATOS, PERDITAS SUFFRITE PER VOS O TERTIE PERSONAS,O INCAPABILITATE DEL PROGRAMMA PRO INTERACTUAR CON ALTERE PROGRAMMAS) , INCLUDITE
SI TAL DETENTORES O ALTERE PARTES HA ESSITE AVISATE DEL POSSIBILITATE DE TAL
DAMNOS.

Si vos disveloppa un nove programma e desira que illo es de grande utilitate pro
le publico, le melior maniera es converter lo in software libere que totos pote
redistribuer e cambiar sub iste conditiones.

Pro facer isto, attacha le sequente notitias al programma. Il es plus secur
attachar los in le initio de cata archivo fonte pro annunciar melio le absentia
de garantia, e cata archivo debera includer le linea de derectos de autor
(copyright) e un indication de ubi es le notitia complete:

Equalmente, attacha vostre adresses electronic e postal.

Si le programma es interactive, illo debera monstrar al initio del modo
interactive un breve notitia:

Le hypothetic commandos monstra g  e monstra c debera monstrar le
appropriate partes del Licentia Public General. Certo vos pote usar altere
commandos in loco de monstra g  e monstra c , illos mesmo pote esser
monstrate per medio del mure, menus, o qualcunque medio adequate pro vostre
programma.

Si vos travalia como programmator, vostre empleator debe equalmente signar le
renunciation al derectos super le programma, si es necessari. Pro exemplo:

Iste Licentia Public General non permitte incorporar vostre programma in
programmas proprietari. Si vostre programma es un bibliotheca de functiones, vos
pote considerar lo plus utile permitter le ligamine de applicationes al
bibliotheca. Si vos desira facer isto, usa le Licentia Public General de
Bibliothecas de GNU in loco de iste Licentia.




#Article 417: Sylvia Pankhurst (278 words)


(Estelle) Sylvia Pankhurst (5 de maio 1882 in Manchester, Anglaterra – 27 de septembre 1960 in Addis Ababa, Ethiopia) esseva un socialista-feminista in le campania del movimento suffragette.

Illa esseva un filia del Dr. Richard Pankhurst e Emmeline Pankhurst.

In 1906 illa comenciava travaliar a tempore - plen con le Women's Social and Political Union con su soror Christabel Pankhurst e su mattre Emmeline Pankhurst.

In 1912 illa rumpeva con le WSPU super le promotion del gruppo pro attaccos de incendiarismo. Sylvia establiva le East London Federation of Suffragettes (ELFS), lo qual durante le annos evolveva politicamente e cambiava su nomine appropriatemente, primo a Womens Suffrage Federation e depois al de: Workers' Socialist Federation. Le gruppo brevemente adoptava le nomine de Communist Party, British Section of the Third International, ma lassava ille titulo in favor de unir se con altere gruppos communista pro formar le CPGB (Partito Communista de Grande Britannia). Sylvia a iste puncto se adhereva al leve o communismo de consilio e illa esseva plus tarde expellite ab ille organisation. Sylvia esseva un importante figura in le movimento communistic al tempore de attender meetings e del International de in Russia e Amsterdam e anque meetings She debatteva con Lenin e illa supportava communistas del leve como Amadeo Bordiga e Anton Pannekoek.

Expellite ab le CPGB illa lanciava le Workers Communist Party ma su existentia esseva ephemere.

In le medietate del annos 1920 illa se distantiava del politica communista in favor al anti-fascismo e anti-colonialism. Plus tarde illa veniva a supportar a Haile Selassie e moriva in Ethiopia in 1960.

Illa scribeva le libro DELPHOS: The future of International Language, (1935, London).

Anque illa fundava le publicationes: 




#Article 418: Miguel de Cervantes (555 words)


Miguel de Cervantes Saavedra (29 de septembre 1547 in Alcalá de Henares - 22 de april 1616 in Madrid), esseva un autor, dramaturgo, e poeta espaniol. Ille es considerate le plus importante persona del litteratura espaniol e es cognoscite in tote le mundo, specialmente pro su novella famose Le ingeniose hidalgo Don Quixote de La Mancha, que frequentemente esf considerate le prime novella moderne, in plus que esser un del plus amate obras del litteratura mundial. Pro iste effortios, ille ha le supernomine principe del genios.

Miguel de Cervantes Saavedra nasceva in Alcalá de Henares in un familia modeste in 1547. Su patre Rodrigo esseva un barbero e chirurgo, qui poneva ossos, faceva sanguination, e adjutava a necessitates medic minor. Su matre Leonor de Cortinas esseva le tertie filia de un nobile qui perdeva su fortuna e debeva vender su filia al matrimonio. Isto causava un matrimonio non felice e plure affaires de su patre. Le registros del corte monstra que su domo esseva multo povre, e que Rodrigo frequentemente esseva indebitate.

Pauc factos real es sapite re le vita juvene de Cervantes. Es sapite que ille esseva un pupo brusc con un natura multo idealistic. Isto es notate in su obras litterari, como El Trabajo de San Juan. Es sapite que ille passava multo de su infantia per mover de citate a citate con su familia. In iste tempore ille incontrava un servitora juvene, Josefina Cataline de Parez. Le duo rapidemente se inamorava e conspirava fugir insimul. Infortunatemente, le patre de Josefina discoperiva lor intriga e prohibiva que illa unquam videva Cervantes de nove.

Ille nunquam obteneva un education universitari. In 1569 ille viagiava a Italia ubi alcunes del elegias que ille scribeva esseva publicate. Ille anque se jungeva al regimento espaniol illac e ille esseva ferite in le Battalia de Lepanto (1571 contra le turcos), ille perdeva le uso de un mano como consequentia. Postea ille esseva appellate el manco de Lepanto (le stropiato de Lepanto). In 1575, durante su retorno a Espania, ille esseva captivate prisionero per piratas de Barbaria. Ille remaneva captivo in Algiers usque esser liberate in 1580 quando on pagava le recompensa pro ille.

Quando ille retornava a Espania, ille se maritava con Catalina de Salazar y Palacios in 1584 e publicava La Galatea un anno depost; ille travaliava como negotiante e como collector de taxas pro un tempore.

Cervantes comenciava scriber Don Quixote in 1597 durante su imprisionamento in Sevilla a causa de non poter pagar su debitas. In 1605 ille publicava Parte I de su obra major, previemente cognoscite con le titulo El Ingenioso Hidalgo Don Quijote de la Mancha (Le Ingeniose Cavallero Don Quixote del Mancha). Parte II non appareva usque 1615. Inter Parte I e Parte II de Don Quixote ille publicava Novelas Ejemplares, un collection de dece-duo historiettas. In 1615 ille anque publicava Ocho Comedias y Ocho Entremeses Nuevos Nunca Representias. Nonobstante su plus famose drama, La Numancia, non esseva editate usque le seculo XVIII.

Su novella Los Trabajos de Persiles y Sigismunda esseva publicate posthumemente un anno post su morte in 1616. Interessantemente, ille lo considerava su melior obra e superior a Don Quixote.

Su influentia esseva tanto in le stilo litterari francese e espaniol del epocha, que le lingua espaniol es appellate proverbialmente le lingua de Cervantes (la langue/la lengua de Cervantes).




#Article 419: Zoroastre (467 words)


Zoroastre, es un del grande inseniantes del Oriente, le fundator del Zoroastrismo, le qual esseva le religion national del populo Perso-Iranian desde le tempore del Achaemenidas al fin del periodo Sassanide. Le nomine Ζωροάστρης es le corruption del forma grec pro le avestic Zarathustra (Modern Persian: Zartosht o زرتشت). Su signification es obscur; ma illo certemente contine le parola 'ushtra', camelo.

Zoroastre esseva jam ben cognoscite in le antiquitate classic como le fundator del famose sapientia del Magos. Su nomine non es mentionate per Herodoto in su description del religion Medo-Perse (i. 131 seq.). Illo occurre le prime vice in un fragmento de Xantho (29), e in le Alcibiades de Platon (i. p. 122), qui le appella le filio de Oromazdes. Pro scriptores occidental, Zoroastre es sempre le Mago, o le fundator del integre systema de Magia (Plutarcho de Is. et Osir. 46 ; Platon loc. cit.; Diogenes Laertius prooem. 2; le passages in Jackson’s Zoroaster, 6 seq.). On alcun vices le appella un Bactrian, e altere vices Medio o Perse (cf. Jackson, op. cit. 186). Le ancianos anque narra alcun parve episodios del infantia de Zoroastre e su vita solitari. Assi, secundo Plinio (Nat. Hist. vii. 15), ille surrideva le prime die de su vita, durante su nascentia, dicite trovate in le Zardus/it-Nãma -- e viveva in le deserto solmente mangiante caseo (xi. 97). Plutarcho parla de su relationes con le divino, e le compara con Lycurgus e Numa Pompilius (Numa, 4). Dio Chrysostom, le contemporaneo de Plutarcho, declara que ni Homero ni Hesiod cantava del carro e cavallos de Zeus con tante merito como Zoroastre, de qui le persas diceva que ab le amor al sapientia e justitia, ille se retirava ab le compania del gente, e viveva in solitude in un montania. Le montania esseva consumite per foco, ma Zoroastre escappava sin esser ferite e parlava al multitude (vol. ii. p. 60). Plutarcho, basante se partialmente sur Theopompus, parla de su religion in su Isis e Osiris (cc. 46-47). Ille da un fidel explication del doctrinas, mythologia e systema dualistic del Mago Zoroastre..

Como in le periodo in le qual ille viveva, omne le grecos jam habeva perdite lor ver perspectiva. Hermodorus e Hermippus de Smyrna le pone a 5000 annos ante le Guerra de Troia, Xanthus 6000 annos ante de Xerxes, Eudoxus e Aristotele 6000 annos ante le morte de Platon. Agathias mentiona (ii. 24), con veracitate perfecte que il non es possibile determinar con certitude quando ille viveva e legislava le Persas, e adde dice que Zoroastre viveva sub Hystaspes, ma non lo face clar si per iste nomine illes vole dicer le patre de Darius I o un altere Hystaspes. Ma, qualcunque esseva le data sue, ille esseva lor instructor e inseniante in le religion Magic, modificava lor previe costumes religiose.




#Article 420: Encephalopathia spongiforme bovin (262 words)


Popularmente cognite como le maladia del vacca folle, le encephalopathia spongiforme bovin (ESB) es un maladia transmissibile in vaccas causate per priones, que es proteinas multo stabile que se accumula in le cerebro. Altere maladias causate per priones es le maladia de Creutzfeldt-Jakob e le kuru in humanos, e le scrapie in oves.

Le duration de incubation de iste maladias es multo longe, plure annos, ma duce finalmente sempre al morte.
Symptomas commun del ESB es comportamento abnormal, hypersensibilitate a stimulos externe como sonos, e mal capacitate de coordination.

Le prime caso de ESB occureva in Grande Britannia in 1986. 37.000 casos occurreva ibi in 1992 ma postea le maladia ha decrescite de plus in plus gratias al prohibition de usar residuos de macellerias como componentes in forrage pro vaccas e altere ruminantes. Proteinas fabricate de ossos e carne, molite e siccate, ha essite commun como tal componentes. Certemente isto esseva le via de transmission, forsan primarimente ab oves con scrapie, e postea anque ab vaccas contaminate con ESB.

Pois que priones in carne in alcun casos ha causate un maladia simile al maladia de Creutzfeldt-Jakob, le controlo de iste maladia es multo importante. In plure paises on nunc in le macellerias separa le partes le plus periculose del corpore como cerebro, medulla spinal e grande nervos e in certe situationes anque le ossos. Animales del quales on sape que illos es contaminate naturalmente essera destruite per incineration. In plure paises on anque examina certe animales abattite que ha essite san. Iste investigationes que es costose es facite in le medulla spinal.




#Article 421: Litteratura espaniol (183 words)


Le litteratura espaniol pote referer al litteratura de Espania specificamente, ma in general illo significa alcun litteratura scripte in espaniol. Anque pote esser includite in iste categoria le litteratura hispano-latin, le litteratura judeo-espaniol e le litteratura arabic-espaniol, scribite in latino, hebreo e arabic. Illo es un branca del litteratura romanic e le radice del litteratura hispano-american.

Solmente ab le seculo 13 e in un senso strictemente geographic es possibile parlar de litteratura espaniol scripte. Usque iste periodo, on suppone le coexistentia de un poesia de transmission oral in lingua romance, tanto lyric que epic, juncte a usos scriptural culte cuje expression e transmission esseva le latino.

Usque le decade de 1950 esseva habitual considerar que le comencio del litteratura espaniol esseva la Cantar de mio Cid (seculo 12), obra que esseva transmisse de forma oral per le menestreles. Le historiographia litterari non datos proportionate per chronicas anterior al fixation textual definitive de isse cantar de gesta. Istos datos se refere al tradition oral tanto in su version lyric plus antique que al romances, ambe formas de expression que formava parte del patrimonio popular.




#Article 422: Eric Ahlström (129 words)


Eric Ahlström, pelliciero per profession, esseva un del tres membros fundante del Union Mundial pro Interlingua (UMI), in Svedia. Ab principio ille amava le orthographia collateral de Interlingua. Le qual ha essite referite como le Variante L (L pro literari).

Ille deveniva secretario pro le section litterari del UMI post le prime congresso de interlingua in le citate de Tours, Francia, in 1955. Plus tarde in 1960, ille editava su obra Scriptores Scandinave in Interlingua. In 1967 ille editava quatro plus de su quadernos Episodio con perspectiva de Harald Herdal (1900-1978), Le hyacintho per Hans Hasse Zetterström (1877-1946), Un desertor per Bo Bergman (1869-1967) e Le nove vestimentos del imperator per H.C. Andersen (1805-1875). Ille faceva un edition final de traductiones ab le contos de H.C. Andersen in 1970.




#Article 423: Jørgen Kofod-Jensen (118 words)


Jørgen Kofod-Jensen nasceva le 30 de octobre 1923 in Copenhagen Valby, Danmark. Per profession ille esseva ingeniero civil al Provision de Aqua de Copenhagen. Ille studiava ingenieria al Metropolitanskolen, in plus ille studiava como es su interesse interlingua e altere linguas: e.g. espaniol, esperanto, occidental etc. 

Ille deveniva consiliero del Union Danese pro Interlingua (DIU) ab su fundation in 1960, e desde 1963 ille serviva como le secretario natural, e ab le anno 1985 ille ha servite como le presidente del (DIU).
Ille anque esseva redactor del periodico Actualitates desde 1972 a 2000. 

Con su sposa, Karen, illes celebrava lor 25e anniversario le 7 de julio 1998.

Ille moriva le 13 de decembre 2004, 81 annos de etate.




#Article 424: Åsmund Knutson (223 words)


Åsmund Knutson nasceva le 12 de maio de 1933 in Oslo, Norvegia, filio de Kristoffer e Signe Emilie Knutson. 

Ille studiava pro devenir ingeniero civil al Universitate de Glasgow e Le Royal College of Science and Technology (Universitate de Strathclyde). Ille serviva como corporal e sergente temporari in le artilleria de campo inter 1952 e 1954. Desde 1958 ille esseva membro del Association de Ingenieros Civil Norvegian (Norske Sivilingeniørers Forening). Anque ille es membro del Societate Vegetarian Judee e le Societate del Studios Samaritan. E in plus un . In plus ille ha desde 1973 essite un ministro religiose. In 1991, ille obtineva su Ph.D. in scientia nutritional del Life Science Institute. Ille presentava un discurso al . In ultra ille se involveva multo in le Ringerike Senterparti, un partito politic norvegian.

Su prime interesse in interlingua duceva le in devenir membro del Union Danese pro Interlingua, ma con le adjuta de Ole e Dagrun Øiseth, illes fundava le Union Norvegian pro Interlingua (NIU), le 27 de april de 1992. Åsmund Knutson serviva como su prime presidente.

Åsmund Knutson maritava su sposa Ruth in 1959 e illes ha tres infantes: Toril, Yngvill e Kristoffer, (e anque 12 graninfantes).

Åsmund Knutson recipeva su pension como ingeniero in junio de 1998. E in novembre de 2001, Åsmund Knutson deveniva presidente del NIU un altere vice.




#Article 425: Megatokyo (359 words)


Megatokyo es un comic in linea designate per Fred Gallagher (tamben cognite como Piro). Fred se occupa del designos, del scenario, e del confection del sito. Rodney Caston (cognite como Largo) adjutava con le prime anno del historia, plus o minus, mais ora illo es integremente un carga de Fred. Fred esseva dimittite de su labor diari al fin de 2002, e per consequente ille ora face le historietta in tempore integral.

Megatokyo seque le aventuras de duo americanos, Piro e Largo, fanaticos pro computatores e videojocos, qui viagia al Japon.

Un grande parte del humor se basa super le cultura del videojocos e del informatica.

Tote le bandas es disponibile gratuitemente a . I.C. Entertainment (previemente IronCat Studios) publicava le volumine 1 de Megatokyo in formato imprimite, continente le capitulos 0 e 1 del historietta. Le publication del proxime volumines, assi como le reimpression del volumine 1, es ora assignate a Dark Horse Comics con ISBN 1-59307-163-9 e ISBN 1-59307-118-3.

Nota que le nomines de personages japonese seque le convention japonese, con le nomine de familia ante le prime nomine.

In le animation japonese, le Tokio del futuro es frequentemente denominate Megatokyo o Neo-Tokyo. In multe de iste historias, le citate ha essite destruite per un disastro natural o nuclear, mais ha essite reconstruite major e melior que jammais. Vide per exemplo films como Bubblegum Crisis, AD Police, e Akira. Le nomine esseva attribuite al historietta solmente proque illo esseva un nomine de dominio que Largo habeva disponibile. Largo originalmente stabiliva le sito como un sito de novas super animes, mais illo non habeva successo e al fin esseva substituite per le historietta.

Piro e Largo initia le historia tentante entrar in le Electronic Entertainment Expo (E3). Lor entrata non es permittite proque le E3 es aperte solmente al medios de communication. Largo se irrita, se inebria e provoca un scandalo. Piro decide exir del pais durante alcun tempore e porta Largo (inconsciente) con se. In Japon illes compra tote sorta de jocos e apparatos electronic. In le aeroporto, illes discoperi que le limite de lor cartas de credito ha essite excedite. Ora illes es blocate in Japon.




#Article 426: Calendario roman (584 words)


Le tradition roman attribue a Romulo le division del anno in 10 menses; Martius, Maius, Quintilis e October de 31 dies e Aprilis, Iunius, Sextilis, September, November e December de 30 dies, per un total di 304 dies. 

Secundo le tradition roman, le calendario de Romulo esseva reformate per Numa Pompilio, le qual haberea mantenite le 4 menses de 31 dies, dum ille haberea levate al 6 menses de 30 dies un die a cata un, deveniente de 29 dies; con le 6 dies e plus altere 51, ille haberea formate altere 2 menses, Ianuarius de 29 e Febrarius de 28 dies, que esseva inserite inter December e Martius, deveniente respectivemente le decimo-prime e le decimo-secunde mense del anno. 
Le calendario numan comprendeva un total de 355 dies assi distribuite: 

 

Ianuarius trahe le nomine ab Ianus (Jano), divinitate a qui le mense esseva dedicate.

Februarius trahe le nomine ab le verbo februare purificar e con le grande cerimonia de purification con le qual on claudeva le anno. 

Le anno numan con su 12 menses, correspondeva quasi perfectemente al durata de 

Le base del calendario numan esseva ergo quadriennal, componite per duo annos commun alternate a duo annos intercalar, un con le mense mercedonius de 22 dies, le altere con le mense mercedonius de 23 dies.
Le scopo del intercalamento esseva pro facer concordar le anno civil con le saisones, sed le intercalamento cyclic assignate al collegio del pontefices non adveniva regularmente, sed secundo le arbitrio del collegio sacerdotal, que se serviva subinde de su autoritate pro augmentar o diminuer le anno, como medio de lucta politic. 

Le annos in le Calendario Roman se contava ab le fundation de Roma in 753 a.C., in celle anno initiava le anno 1 a.U.C. ab Urbe Condita (ab le fundation de Roma). 

Le romanos non contava le dies del mense como face nos, ma illes se basava sur tres datas fixe de cata mense, le Kalendae, le Nonae e le Idus. Le Kalendae, cadeva in le prime die de cata mense, ergo, pro indicar le prime del mense on usava le expression Kalendis Ianuariis (le calendas de januario = 1° januario). Le termino Kalendae deriva ex calare = appellar al reunion, perque quando appareva le luna nove, le pontifice minor convocava le populo in le curia calabre, apud le templo de Junon Moneta, e annunciava le initio del mense, e in ultra ille fixava le dies del altere phases del luna, i.e. le Nonae, le prime quarto e le Idus, o luna plen. 

Le Nonae esseva assi appellate perque, computante secundo le uso roman, que includeva le die de initio e le die de fin, cadeva novem dies ante del Idus, ergo in Martius, Maius, Quintilis, October al septime die del mense, in le altere menses al quinte die. 

Le Idus, parola de origine etrusc, cadeva in Martius, Maius, Quintilis, e October al decimo-quinte die, dum in le altere menses al decimo-tertie, ergo novem dies post le Nonae, secundo le systema de computar roman. 
Le Romanos designava tote le dies del mense prendente como base le Kalendae, le Nonae e le Idus: 

a) Le die precedente a iste tres datas fixe esseva indicate con le adverbio pridie (die precedente) sequite de Kalendas, Nonas o Idus; per exemplo: 

b) Pro indicar tote le altere dies del mense on computava quante dies mancava pro arrivar al proxime Calendas, Nonas e Idus, comprendente in le calculo le die de initio e le die de fin. Per exemplo:

a.d. = ante diem




#Article 427: ISO 639 (1290 words)


ISO 639 es un standard international le qual lista abbreviationes de codificationes pro nomines de linguas. 

Ab le sito official del ISO il ha duo punctos pro le standard ISO 639:

Il es pro dicer que, il ha abbreviationes de duo litteras e anque de tres litteras pro le linguas in le lista. 22 del linguas ha abbreviationes de duo o tres litteras. In iste casos, le prime codification es bibliographic (ISO 639-1/B), e le secunde codification es pro uso terminologic (ISO 639-2/T).

Le lista sequente appare in ordine alphabetic per le tertie columna, con le nomine del linguas.


#Article 428: Hypothese de Sapir-Whorf (268 words)


Le hypothese de Sapir-Whorf dice que tote le pensatas theoric son basate in le linguage e que son conditionate per illo.

Le hypothese esseva formulate per Edward Sapir e Benjamin Lee Whorf.

Nos poterea dicer que le hypothese dice que le linguage determina le modo de pensar. Iste hypothese tamben se nomina determinismo linguistic e il ha duo versiones del mesme: le determinismo linguistic forte e le debile. Le forte dice que le linguage determina totalmente le pensatas, usque tal puncto de que le linguage e pensata son le mesme. 

Hodie iste hypothese es disaccreditate. Le exemplos in le qual Sapir-Whorf basava su hypothese se crede esser irreal. Per exemplo, illes diceva que le amerindios Zuni non habeva vocabulos differente pro jalne e orange e que isto deberea conditionar lor modo de pensar. In veritate illes non ha un vocabulo, ma illes differentia perfectemente le colores jalne e orange; lo que occurre vermente es que in lor modo de vita le differentia es irrelevante.

Un altere exemplo pote esser le del multe colores verde que distingue (in le linguage) le indianos del Amazona e le parve numero de colores verde que le personas del culturas occidental distingue. Esque isto significa que le occidentales o europeos non vide le differentias inter le colores verde? Obviemente, non. Lo que isto significa es que in le modo de vita europee occidental iste distinction non es tanto importante.

Un proba del error de Sapir-Whorf es que le traductores es capace de traducer ab un lingua a un altere pro exprimer le mesme senso intendite, malgrado le differentias in grammatica e vocabulario, etc.




#Article 429: Dominio public (635 words)


Del puncto de vista international, le dominio public es le insimul de obras creative e altere cognoscentia – scriptos, obras de arte, musica, scientia, inventiones, etc. – in le qual nulle persona o organisation ha un interesse proprietari (typicamente un 
monopolio concedite per un governamento como copyright o patente). Tal obras e inventiones es considerate parte del hereditage cultural public, e omne persona pote utilisar los o modificar los sin restrictiones (si non es considerate leges concernente securitate public, exportation, etc.).

Durante que le copyright esseva create pro defender le incentivo financiari de illes qui face obras creative como medio de incoragiar plus de tal obras, le obras in le dominio public existe simplemente como se, e le publico ha le derecto de usar e re-usar le obras de alteres sin pagar un precio financiari o social.

Sin le concession de alcun typo de derectos de monopolio – derectos de proprietate intellectual – omne obras appertine al dominio public. Quando lor protectiones de copyright o altere protectiones cessa, obras deveni parte del dominio public.

Le obras creative es in le dominio public quandocunque nulle lege existe pro establir derectos proprietari, o quando le objecto in question es specificamente excludite del leges existente. Per exemplo, 
le major parte de formulas mathematic non es subjecte a copyrightes o patentes in le major parte del mundo (ben que lor application in forma de programmas de computator pote esser patentate). Similemente, obras que esseva create multo ante que tal leges esseva promulgate es parte del dominio public, como le obras de William Shakespeare e Ludwig van Beethoven o le inventiones de Archimedes.

Multe copyrightes e patentes ha un duration finite; quando iste expira, le obra cade in le dominio public. In le major parte del mundo, le patentes expira 20 annos post lor deposition. Un marca de fabrica expira tosto post devenir un termino generic. Le copyrightes es plus complexe; generalmente illos expira (excepte in Guatemala, Mexico, Samoa, e Colombia) quando tote le conditiones sequente es satisfacite:

Iste conditiones es basate super le intersection del leges governante le copyright del Statos Unite e del Union Europee, le quales es recognoscite per le major parte del altere signatorios del Convention de Berne. Nota que in le tradition statounitese un extension general del duration de copyrightes non restabili normalmente le copyrightes del obras jam in le dominio public, sed in le tradition europee isto ha occurite, proque le harmonisation in le UE esseva a base del durationes de copyright in Germania que habeva jam essite extendite al vita del autor plus 70 annos (plus longe que in omne altere stato europee).

Exemplos de inventiones cuje patentes ha expirate include le inventiones de Thomas Edison. Exemplos de obras cuje copyrightes ha expirate include le obras de Carlo Collodi e le major parte del obras de Mark Twain.

Un autor o inventor pote explicitemente declinar omne interesse proprietari in su obra, assignante lo al dominio public. Proque le copyright se applica automaticamente a omne obras, le autor debe facer un declaration explicite. Del altere latere, le publication del detalios de un invention ante demandar un patente pote mitter lo in le dominio public.

Nota que il ha multe obras que non es parte del dominio public, ma pro le quales le autor ha decidite de non exercer su derectos proprietari, o de dar alcun parte de iste derectos al publico. Vide, per exemplo, le Free Software Foundation, que crea software sub copyright ma lo dona al publico pro le major parte de su usos, sub un typo de licentia nominate copyleft, que interdice solmente le redistribution proprietari. Vide anque Wikipedia, que face plus o minus le mesme cosa con su contento sub le Licentia GNU pro Documentation Libere. A vices tal obras es erroneemente indicate in linguage familiar como in le dominio public.




#Article 430: Derecto de autor (705 words)


Un copyright o derecto de autor da al autor de un obra creative (per ex. litteratura, film, musica, pictura, software) le derecto exclusive de controlar le reproduction del obra durante un periodo de tempore, a condition que iste obra sia dotate de certe qualitates minimal de originalitate.

Iste derecto consiste generalmente in le exclusivitate de realisar e vender copias del obra, de facer obras derivate de illo, de presentar le obra in publico, e de vender o transferer iste derectos a altere personas.

Le copyright es un forma de proprietate intellectual. Al contrario de un patente que da un derecto de monopolio super le uso de un invention, un copyright coperi obras de expression creative.

Personas qui copia sin permission obras sub copyright pote esser punite per lege, normalmente con un mulcta sed in casos extreme con arrestation e prision.

In le major parte del paises, le proprietate del copyright de omne obra se assigna automaticamente al autor de illo (a minus que le autor non assigna le copyright a un altere persona), e il non ha necessitate de registrar le copyright. Sin registration il pote totevia esser difficile provar legalmente le proprietate del copyright; il es sovente un bon idea registrar lo, particularmente pro obras commercial.

Si un autor recipe pagamento in excambio de producer obras pro alcuno altere, le persona pagante le obra (p.ex. le empleator del autor) recipe sovente etiam le proprietate del copyright.

Le obras que es foras copyright a causa de lor antiquitate, o cuje autor ha relinquite le copyright, es dicite de esser in le dominio public e pote esser liberemente copiate, usate e modificate.

Le fair use es un doctrina in le lege de copyright statounitese que permitte le uso limitate de materiales sub derectos de autor sin permission del proprietarios del derectos, p.ex. pro scopos academic o jornalistic. Iste doctrina se basa in le derecto del parola libere in le prime emendamento al constitution statounitese.

Ben que le termino fair use es unic in senso legal al Statos Unite illo es in uso informal semi-commun in altere paises pro describer derectos similar existente in ille paises. In altere jurisdictiones de common law existe un derecto similar sub le nomine fair dealing. Le jurisdictiones de derecto civil ha altere limitationes e exceptiones al derecto de autor.

Paises distincte ha differente leges governante le derectos de autor. Le major parte del differentias concerne le question si le obras producite per le governamento cade sub copyright o non, quante tempore dura le copyright post le morte del autor, e le definition de fair use. A causa de tal differentias, un certe obra pote simultaneemente cader sub copyright in un pais e esser in le dominio public in un altere.

Multes crede que le leges de derecto de autor facilita le creation de nove obras e le invention de nove ideas, permittente al autores de reciper un recompensa financiari pro lor effortio e providente un incentivo al production de obras futur. Sed criticos constata que le leges de copyright impedi le excambio e melioration creative de ideas, obras e inventiones.

Le casas editorial existe pro facilitar le publication de obras, faciente tote le labor associate con le publication, promotion e vendita del obra in excambio de un portion del profitos. Le casas editorial es sovente selective quanto al obras vendite, e trovar un editor pro su obra pote esser multo difficile.

Sin editor, totevia, le vendita de su proprie obra pote esser ancora plus difficile: multe mercatos sta sub controlo quasi integre de alcun pauc publicatores prominente, e pro rationes practic le botecas non vende generalmente le obras publicate per autores mesme. Criticos dice que le leges de copyright facilita iste controlo per le casas editorial, e impedi le entrata in le mercato de autores independente.

Como solution de iste problemas, gruppos de autores independente ha inventate le idea de contento aperte, dante a omnes le permission de copiar, modificar e distribuer o vender lor obras, subjecte a certe regulas stipulate in un licentia de contento aperte. Alcun conditiones typic in contento aperte es:

Le paginas de Wikipedia es disponibile sub un licentia de Creative Commons le qual permitte usar le contento sub, in fundo, le prime duo de iste conditiones.




#Article 431: Spam (292 words)


Le spam es messages de e-mail (ma tamben de listas de discussion, foros etc.) non requestate e inviate in massa. Le contento del spam frequentemente, ma non necessarimente, consiste de annuncios commercial a varie grados de honestitate o de fraudulentia.

In le vocabulario anglese se trova le parola spam con le significato de carne de porco in latta (le termino se deriva de spiced ham), e in effecto in le SUA se vende un typo de carne in latta appellate SPAM. 

Le significato de spam como nos lo intende se deriva de un scena del serie televisive Monty Python's Flying Circus. In iste scena, un homine e su marita entra in un restaurante e illes se sede vicin a un tabula de homines jovial, le quales ha in le capites le cascos characteristic viking con cornos. Quando le camerera arriva con le menu, le vikinges initia a cantar un canto que consiste del parolas: Spam, spam, spam, spam…! (con le addition occasional de Lovely spam, wonderful spam!, que significa Spam belle, spam maraviliose!) tanto ruitosemente que le duo clientes non pote communicar con le camerera proque lor voces es continuemente disturbate per le parola spam. Le clientes tenta plure vices a peter qualcosa que non contine spam e, naturalmente, lor voces es coperite con le canto del vikinges.

Le idea que resultava in le selection del termino es iste disturbar continue que impedi le possibilitate de communicar effectivemente. Le significato actual del termino es plus precise; nos pote synthetisar le definition de spam como le messages diffundite in massa per le rete (internet) sin le consenso del recipientes. Le spam consiste typicamente de propaganda e es inviate in maniera automatic e persistente al gruppos de discussion, o al cassa postal electronic personal.




#Article 432: Orthographia collateral (185 words)


Le orthographia collateral de interlingua es un orthographia alternative de interlingua que reimplacia le characteristicas orthographic del latino per characteristicas similar al orthographia del linguas romance.  Il esseva proponite per Blair in Interlingua: A Grammar of the International Language in  1951.  Le regulas de iste systema pote esser usate pro crear formas alternative del parolas del IED.

Inter omne le linguas fonte de interlingua que nunc se parla (anglese, francese, italiano, e espaniol/portugese) solmente le anglese e le francese preserva in lor orthographias moderne multes del characteristicas del orthographia del latino.   Per exemplo, le parolas philosophia e rhetorica del latino e de interlingua es philosophie e rhétorique in francese, e philosophy e rhetoric in anglese. In vice de ph e rh, le altere linguas (italiano, espaniol, e portugese) usa f e r.

Infra il ha le regulas de iste orthographia alternative.

In le paginas 112-114 de , Hugh Blair presentava in iste orthographia collateral un traduction de un articulo de L. Sprague de Camp publicate in Astounding Science Fiction, (julio, 1951, pp. 128 et seq.).

Nota ben iste formas que Blair usava in su traduction:




#Article 433: Ferro (134 words)


Ferro es un elemento chimic de symbolo Fe e numero atomic 26. Illo es le elemento le plus commun que formar le planeta Terra in toto, formante multo del nucleos interior e exterior del Terra. Es le elemento le quarte plus commun in le crusta del terra.

Metallo de ferro ha essite usate de epochas ancian, ben que alligatos de cupro que ha temperaturas de fusion plus basse esseva prime usate in historia. Ferro pur es molle, sed le material es indurate e reinfortiate significantemente per impuritates. Un proportion certe de carbon crea aciero, le qual es usque a 1000 veces plus dur que ferro pur.

Ferro ha un rolo importante in biologia, formante complexos con oxygeno molecular in hemoglobina e myoglobina. Iste duo composites es proteinas commun de transporto de oxygeno in vertebratos.




#Article 434: Cavallo (323 words)


Le familia Equidae contine septe species existente: 3 zebras, 2 asinos e 2 cavallos. Le duo cavallos es le cavallo salvage asian (Equus przewalskii) e le cavallo domesticate (Equus caballus).

Previemente se supponeva que le cavallo domesticate descende del cavallo salvage (Cavallo de Przewalski o Equus przewalskii) mais secundo un articulo in New Scientist (2003-12-06), scientistas del universitate in Vienna pro studios genetic ha demonstrate que iste species se ha divergite ante plus de 120.000 annos. Le cavallo domesticate solmente ha existite durante 6.000 annos.

Le cavallo e le asino es tanto affin que illos pote obtener proles appellate mulos o mulas dependente del sexo. Si le matre es un cavallo le prole essera plus grande e plus simile a un cavallo mais le aures simila le aures longe del asino. Si le matre es un asino le prole essera minor mais le capite simila un cavallo. In plure linguas il ha nomines differente pro iste animales. In ambe casos le proles essera sterile pois que le cavallo ha 64 chromosomas e le asino 62. Per consequente le proles habera 63, lo que impedi reproduction.

Il es equalmente possibile hybridar zebras e cavallas o asinos feminin mais iste proles non ha devenite usabile.

Le unic cavallo salvage es hodie

Olim existeva anque tres altere cavallos salvage; le tarpan, le cavallo steppic arctic e le cavallo silvatic.

In plure areas del mundo il ha cavallos que ha devenite salvage ma illos descende de cavallos domesticate. Un tal cavallo es le mustang american que descende de cavallos del conquistadores espanol. Antea il non habeva cavallos sur le continentes american ma on crede que le cavallo original, Eohippus, viveva in America. Illo esseva tanto parve como un cane.

 
 
Le partes del corpore equin (imagine copiate del pagina )

 
 
Iste imagine demonstra plus clarmente ubi le altura del cavallo es mesurate. Alcun ossos que ha un position que differe a illo del ossos human es anque indicate.




#Article 435: Hugh Blair (175 words)


Hugh Edward Blair (23 de maio 1909, Georgia, Statos Unite de America – 28 de januario 1967) esseva un habile artista e linguista american. 

Hugh E. Blair esseva le assistente de Alice Vanderbilt Morris, le fundatrice del IALA. Ille esseva un membro del equipa recercatori al morte de Alice V. Morris in 1950 e pois deveniva le mano derecte de Alexander Gode. Usque a su morte, Blair esseva le plus intime collaborator de Alexander Gode. Hugh E. Blair e Alexander Gode son le autores del obra .

Quando IALA esseva claudite le 31 de martio 1953, Hugh E. Blair accompaniava Alexander Gode al Division de Interlingua sub Science Service. Ci illes redigeva le nove magazin Novas de Interlingua - le successor natural de Novas de IALA - con un committee redactional international con membros in Switza, Italia, Francia, Danmark, Grande Britannia, Canada e le SUA. Ille quitava isto in le fin de 1955 pro inaugurar su proprie firma. 

Ille esseva le secretario pro American Interlingua Society e redactor del magazin del societate, Interlingua at Work.




#Article 436: Leland Yeager (599 words)


Leland B. Yeager (4 de octobre 1924 - ) era un economista e interlinguista statounitese.

Le gentleman correcte. Quiete e intelligente. Semper professional e seriose in su labor pro interlingua.

Le parolas ab alteres es multes, ma Leland B. Yeager solmente mesme prende le parola quando ille senti poter contribuer con valor al discussion. Pro isto, omnes ascolta quando ille parla.

Leland B. Yeager nasceva le 4 de octobre 1924 in Oak Park, Illinois, SUA. Ille recipeva su A.B. (graduante Phi Beta Kappa) ab Oberlin College in 1948, su M.A. ab le Universitate Columbia in 1949, e su Ph.D. ab le mesme institution in 1952. Durante le 2-nde Guerra Mundial ille traduceva codices japonese pro le armea american. Ille ha desde alora inseniate a plure universitates, includente le Universitate de Virginia, ubi ille – usque ille ante alcun annos se retirava – esseva actualmente Paul Goodloe McIntire Professor de Economia Emerite, e al Universitate Auburn, ubi ille ha tenite le titulo de Professor Distinguite Ludwig con Mises de Economia desde 1985.

In le estate de 1999 Leland B. Yeager se retirava ab su posto durante sex annos como presidente del Union Mundial pro Interlingua que ille semper ha supportate con zelo. Usque alora ille esseva un del duo representantes american in le consilio del UMI que fixa le grande lineas strategic del labor pro diffunder interlingua. Desde le fin de april 1984 ille esseva inter le directores del american Interlingua Institute, cuje presidente ille esseva ab 1989 a 1993.

Leland B. Yeager comprava un parve libro super esperanto, quando ille esseva studente in le schola superior de Scarsdale, vicin a New York. Isto fundava su interesse de linguas. Desde le prime dies de interlingua in 1951, Leland B. Yeager ha essite active collaborator. Ille ha pronunciate numerose discursos professional super interlingua, e durante le conferentias international de interlingua – ma regrettabilemente non in Romania 1999, ubi le longe distantia e le guerra in Kosovo le impediva venir a su grande dissatisfaction – ille ha semper monstrate le participantes, como interlingua pote esser usate como un instrumento de communicar themas non tractante interlingua. Specialmente economia e themas lingual chinese-japonese ha essite sur su agenda, e le salas ha ascoltate con grande attention.

Su discursos professional e ben preparate ha introducite themas difficile como economia e linguistica japonese-chinese a multissime ascoltatores in un maniera capturante e attractive, e plures de su discursos ha essite postea editate in interlingua.

In 1991, ille editava con Ingvar Stenström, Svedia, le libro multo laudate Tema: Interlinguistica e Interlingua – discursos public (ISBN 90-71196-17-8). Un parte de iste discursos se origina ab su presidentia del Interlingua Institute, quando ille como presidente pronunciava un serie de discursos super interlingua in foros national e international.

Durante tosto 50 annos Leland B. Yeager ha publicate un centena de libros, traductiones, essayos technic, monographias, recensiones etc. in varie linguas. Ille ha tenite conferentias e cursos in octo universitates american e ha essite membro e consiliero de un dozena de societates professional. Ille es internationalmente estimate como commentator economic.

In 1997, Liberty Fund publicava le libro spisse de 442 paginas, The Fluttering Veil – Essays on Monetary Disequilibrium, super le theorias e obras de Leland B. Yeager. Le libro esseva le principal super le copertura de un recente catalogo ab Liberty Fund.

Malgrado su pensionamento, Leland B. Yeager non se ha retirate de su labor pro interlingua que continua con fortia non-diminuite. Le ration pro abandonar le posto como presidente del Union Mundial pro Interlingua esseva dar spatio pro fortias plus juvene. E, probabilemente, pro haber plus de tempore pro interlingua...




#Total Article count: 435
#Total Word count: 199764