#Article 1: ཐིམ་ཕུུུུ (103 words)


ཐིམ་ཕུག གྲོང་􀮣 ཐིམ་ཕུ་རྫོང་ཁག འབྲུག་ཡུལ་

( 27.48°N 89.7°E - Thimphu, BTTHI )

ཐིམ་ཕུག་འདི་ འབྲུག་གི་རྒྱལ་ས་ལྟེ་བ་དང་ ང་བཅས་རའི་སྐུ་འཁོར་དང་བློན་པོ་ལྷན་རྒྱས་ དེ་ལས་ ཕྱི་རྒྱལ་སྐུ་ཚབ་ཚུ་བཞུགས་ས་དང་ གོང་འཕེལ་ཅན་གྱི་ལས་འགུལ་ཚུ་ ཁག་འབག་སའི་ཁྲོམ་ཚོགས་སྦོམ་ཤོས་ཅིག་ཨིན།

མི་དབང་མངའ་བདག་རིན་པོ་ཆེའི་གསེར་ཁྲི་དང་ཡིག་ ཚང་ དེ་ལས་ གཞན་ལྷན་རྒྱས་གཞུང་ཚོགས་ཀྱི་ཡིག་ཚང་ཡང་ རྫོང་འདི་ནང་ཨིནམ་ལས་ རྫོང་འདི་ག་ནི་བ་ཁག་ཆེ་ཏོག་ཏོ་ཅིག་ཨིན། དེ་གིས་མ་ཚད་པར་ རྒྱལ་ཡོངས་ཚོགས་ཁང་དང་ཡིག་ཚང་གཞན་གྱི་རིགས་ཡང་ ཆུ་ཕར་ཁར་ རྫོང་གི་གདོང་ཕྱོགས་ལུ་ ག་ནི་བ་ཉམས་དགའ་ཏོག་ཏོ་དང་འཇའ་མཆིས་ཆི་སྦེ་ཡོདཔ་ཨིན། འབྲུག་གི་རྒྱལ་ཡོངས་དཔེ་མཛོད་འདི་ བཀྲིས་ཆོས་རྫོང་གི་ཉེ་འདབས་་ལུ་ཆགས་ཏེ་ཡོདཔ་དང་ དེ་ནང་ལུ་ འབྲུག་གི་སྔོན་རབས་དང་ནངས་པའི་ཆོས་དང་འབྲེལ་བའི་རིག་གནས་དང་ གཞུང་ཚུ་ཡོདཔ་ཨིན། འབྲུག་གི་ལམ་སྲོལ་མི་ཉམས་གོང་དུ་སྤེལ་མི་ ལྷ་བྲིས་སློབ་གྲྭ་ནང་ལུ་ ལྷ་བྲིས་དང་འཇིམ་བཟོ་ དེ་ལས་ འདམ་ལཱ་ལ་སོགས་པའི་གྲུབ་འབྲས་ཚུ་ སྟོན་ནི་ཡོད་པའི་ཁར་ སྟོན་ཁང་ནང་ལས་ རང་ལུགས་ཀྱི་དྲན་ཆས་ཚུ་ཡང་ འཐོབ་ཚུགས། རྒྱལ་ས་ལྟེ་བའི་སྦུག་ལུ་ཡོད་པའི་ རྗེས་དྲན་ཆོས་རྟེན་འདི་ མི་དབང་ཞིང་གཤེགས་ རྒྱལ་རབས་གསུམ་པ་ འཇིགས་མེད་རྡོ་རྗེ་དབང་ཕྱུག་ལུ་ རྗེས་དྲན་གྱི་ཚུལ་ལུ་ རྒྱལ་ཡུམ་ཨ་ཞེ་ཕུན་ཚོགས་ཆོས་སྒྲོན་གྱིས་ སྤྱི་ལོ་ ༡༩༧༤ ལུ་ བཞེངས་གནང་ནུག། མཆོད་རྟེན་འདི་ནང་ གསང་སྔགས་ཀྱི་སྐུ་རིགས་ཚུ་ཡོདཔ་ཨིན། འབྲུག་གི་ལག་བཟོ་ཚོང་ཁང་གིས་ ཐགས་རིགས་དང་ལག་བཟོའི་རིགས་ཚུ་ འགྲེམ་སྟོན་འབདཝ་ཨིནམ་དང་ ཐགས་རིགས་འགྲེམ་སྟོན་ཁང་གིས་ ཐགས་ཀྱི་རིག་རྩལ་དང་དེའི་ཐོན་བསྐྱེད་ དེ་ལས་ རང་ལུགས་འབྲུག་པའི་གྱོན་ཆས་ཚུ་ འགྲེམ་སྟོན་འབདཝ་ཨིན། གཞན་ཡང་ སངྱས་སྒང་ལུ་འགྱོ་བ་ཅིན་ ཐིམ་ཕུག་ཁྲོམ་ཡང་ ཧིང་སངས་སངས་སྦེ་མཐོང་ཚུགས་པའི་ཁར་ ལམ་ཁ་ལུ་ཡང་ ང་བཅས་ར་འབྲུག་རྒྱལ་ཡོངས་ཀྱི་སེམས་ཅན་ གྲོང་གྱིམ་ཙེ་ཡང་ མཐོང་ཚུགས། དེ་བཟུམ་སྦེ་ གཟའ་ཉིམ་དང་ཟླ་བའི་ཚེ་ ཚོད་བསྲེ་ཁྲོམ་ཁར་འགྱོ་བ་ཅིན་ མི་དྲག་གཞན་ཆེ་ཆུང་མེད་པར་ ཚོད་བསྲེ་དང་ཤིང་འབྲས་ལ་སོགས་པ་ཚུ་ ཉོ་བ་འོང་ས་དང་ཉོ་སྟེ་ ལོག་འགྱོ་མི་ལེ་ཤ་ཅིག་དང་འཕྱད་ཚུགས། དེ་ཚུ་ལས་ལྷག་པའི་སྤྲོ་བ་གཞན་ ཐིམ་ཕུག་ལས་བྱང་ཁ་ཐུག་ལུ་ ལྕགས་རི་དང་རྟ་མགོ་གནས་ མཇལ་ནི་ཡོད། གནས་གཉིས་མཇལ་བ་འགྱོ་སའི་ལམ་ཁར་ བདེ་ཆེན་ཆོས་གླིང་ཕོ་བྲང་དང་ སྤང་རི་ཟམ་པའི་ལྷ་ཁང་ དེ་ལས་ དེའི་ཉེ་འདབས་ཀྱི་གཡུས་ཚན་ཚུ་ཡང་ མཐོང་ནི་ཡོད།

དུས་རབས་ ༡༧ པའི་ནང་ ཞབས་དྲུང་ངག་དབང་རྣམ་རྒྱལ་གྱིས་ བཞེངས་ཡོད་པའི་སེམས་རྟོགས་ཁ་རྫོང་འདི་ ཐིམ་ཕུག་ཁྲོམ་ལས་ ལྷོ་ཁ་ཐུག་ལུ་ ཀི་ལོ་མི་ཊར་ ༥ འི་ས་ཁར་ ཆགས་ཏེ་ཡོདཔ་དང་ རྫོང་འདི་ནང་ བཤད་གྲྭ་ཅིག་ གཞི་བཙུགས་འབད་དེ་ཡོད།




#Article 2: འབྲུག་རྒྱལ་ཡོངས་དཔེ་མཛོད (136 words)


འབྲུག་རྒྱལ་ཡོངས་དཔེ་མཛོད (National Library of Bhutan)

འབྲུག་རྒྱལ་ཡོངས་དཔེ་མཛོད་དང་ཡིག་རྙིང་གཉེར་འཇོག་ཁང་འདི་ བཀྲིས་ཆོས་རྫོང་དང་ ཀ་ཝང་གྱང་ས་ལུ་ཡོད་པའི་ བཟོ་རིག་བཅུ་གསུམ་སྤེལ་ཁང་གཉིས་ཀྱི་སྦུག་ལུ་ ག་ནི་བ་གཟི་བརྗིད་ཆེ་ཏོག་ཏོ་སྦེ་ ཕྱི་ཁའི་བཟོ་དབྱིབས་ལྷ་ཁང་གི་བཟོ་རྣམ་དང་ ནང་ན་ལུ་རྒྱལ་བའི་གསུང་རབ་ཆེན་མོ་དང་ འབྲུག་པའི་སྔར་སྲོལ་རིག་གཞུང་བཟང་པོའི་ ཕྱག་དཔེ་དང་དཔེ་དེབ་ཚུ་གི་ གང་སྟེ་ཡོདཔ་ཨིན།།

རྒྱལ་ཡོངས་དཔེ་མཛོད་འདི་ གཞི་བཙུགས་འབད་མི་དང་ ས་གནས་འདི་ཁར་སྤོ་བཤུད་མ་འབད་བའི་ཧེ་མ་ ག་སྟེ་ལུ་འབད་གཞི་བཙུགས་འབད་འབདཝ་ཨིན་ན? ཟེར་བའི་ཐུགས་ཀྱི་དོགས་པ་ བསལ་ཐབས་ལུ་ དེའི་ལོ་རྒྱུས་དུམ་གྲ་ཅིག་ཞུ་བ་ཅིན་ འདི་ཡང་ སྤྱི་ལོ་ ༡༩༦༧ ལོ་ལུ་ མི་དབང་རྒྱལ་ཡུམ་ཨ་ཞེ་ སྐལ་བཟང་ཆོས་སྒྲོན་དབང་ཕྱུག་མཆོག་གིས་ སྤྱིར་རྒྱལ་བའི་གསུང་རབ་ཚུ་དང་ བྱེ་བྲག་ཏུ་ དཔལ་ལྡན་འབྲུག་པའི་སྔོན་བྱོན་རྒྱལ་བ་གོང་མ་ སྤྲུལ་པའི་བླམ་ཚུ་དང་ མཁས་པ་དགེ་བཤེས་ཚུ་གིས་ བརྩམས་བཞག་མི་སྔར་སྲོལ་རིག་གཞུང་བཟང་པོ་ཚུ་ འཕྲལ་ཕུག་ཡུན་བརྟན་བཞག་འཐབ་ལུ་དམིགས་ཏེ་ མི་ཉམས་གོང་འཕེལ་དང་ ཉམས་པ་གསོར་ཆུད་མཛད་དེ་ བཀའ་བསྟན་གྱིས་གཙོས་པའི་རིག་གཞུང་གི་ཕྱག་དཔེ་ དུམ་གྲ་ཅིག་མཁོ་བསྒྲུབས་མཛད་ཐོག་ལས་ ཐིམ་ཕུག་བཀྲིས་ཆོས་རྫོང་གི་དབུ་རྩེའི་བར་ཐོག་ལུ་ གཞི་བཙུགས་མཛད་གནང་ནུག།

དཔེ་མཛོད་རྙིངམ་དེ་ནང་ལུ་ ཕྱག་དཔེ་ཚུ་ རིམ་པ་བཞིན་དུ་གོང་འཕེལ་འགྱོ་བའི་སྟབས་ཀྱིས་ ས་གནས་དེ་ནང་དཔེ་ཆ་ མ་ཤོང་པའི་དཀའ་ངལ་བྱུངམ་ལས་ དེ་སེལ་ཐབས་ལུ་དབུ་རྩེའི་བར་ཐོག་ལས་ གནས་སྐབས་ཅིག་གི་རིང་ལུ་ ལྕང་སྒང་ཁ་ལུ་སྤོ་བཤུད་འབད་ནུག སྤྱི་ལོ་ ༡༩༨༤ ལོ་ལུ་ མི་དབང་རྒྱལ་ཡུམ་ཨ་ཞེ་མཆོག་གིས་སྐྱབས་འཛིན་མཛད་དེ་ ཞིང་གཤེགས་སྐྱིད་སྡུག་བློན་པོའམ་ ནང་སྲིད་བློན་པོ་ གཏམ་ཞིང་རྒྱ་གར་མཆོག་གིས་འགོ་འདྲེན་མཛད་དེ་ ད་ལྟོ་མཐོང་ནི་ཡོད་པའི་ རང་ལུགས་ལྷ་ཁང་གི་བཀོད་རིས་དང་ལྡན་པའི་ དུས་གཏན་ཇག་གི་དཔེ་མཛོད་ཁང་ཐོག་ཚད་བཞི་དང་ལྡན་མི་འདི་ འདི་ཕྱི་ནང་མེད་པར་ ལེགས་ཤོམ་འབད་བསྒྲུབས་གནང་སྟེ་  ལྕང་སྒང་ཁ་ལས་འདི་ཁ་ལུ་ སྤོ་བཤུད་འབད་ནུག།

ད་ལྟོ་ ང་བཅས་འབྲུག་རྒྱལ་ཡོངས་དཔེ་མཛོད་ནང་ལུ་ ག་ཅི་རང་བཞུགས་ཏེ་ཡོདཔ་སྨོ་ཟེར་བ་ཅིན་ སྟེང་ཐོག་ལུ་ འབྲུག་པ་བཀའ་བརྒྱུད་ཀྱི་བླ་ཆེན་ཚུག་གིས་མཛད་པའི་ ཕྱག་དཔེ་ཚུ་དང་ སྡེ་དགེ་དང་ཨུར་དགའ། དེ་ལས་དར་ཐང་ལ་སོགས་པའི་ བཀའ་བསྟན་ཆ་ཚང་བཞུགས་ཏེ་ཡོདཔ་ཨིན། ཐོག་གཉིས་པའི་ནང་ལུ་ རྙིང་མའི་བླ་ཆེན་སོགས་ཀྱིས་མཛད་པའི་ རྙིང་མ་བརྒྱུད་འབུམ་གྱིས་གཙོས་པའི་ གཞུང་ཆེན་སོགས་དང་གཞན་ཡང་ གསུང་འབུམ་གྱི་རིགས་ཚུ་བཞུགས་ཏེ་ཡོདཔ་ཨིན། ཐོག་གསུམ་པའི་ནང་ལུ་ བོན་པོ་དང་ དགེ་ལུགས། ཞྭ་ལུ་དང་ས་སྐྱ། ཇོ་ནང་དང་བོ་གདོང་གི་བླ་ཆེན་སོགས་ཀྱིས་མཛད་པའི་ གཞུང་སོགས་དང་ལྷོའི་གཏེར་ལུགས་དང་ དེ་ལས་རྒྱལ་བ་ཀརྨ་པ་སྐུ་ཕྲེང་ ༡༦ པ་གིས་ཞལ་འདེབས་སུ་ཕུལ་བའི་ སྡེ་དགེ་བཀའ་འགྱུར་ཆ་ཚང་གཅིག་བཞུགས་ཡོདཔ་ཨིན། དེ་ལས་ཐོག་ཚད་དང་པའི་ནང་ལུ་ དབྱིན་སྐད་དང་འབྲེལ་བའི་ དཔེ་དེབ་ཀྱི་རིགས་དང་ མཻཀལ་ཧཝ་ལེ་ (Michel Hawley) གི་སྡེ་ཚན་ཚུ་གིས་བསྡུ་བསྒྲིགས་འབད་ཡོད་པའི་ པར་དེབ་འཛམ་གླིང་ནང་སྦོམ་ཤོས་གཅིག་ཨིན་མི་དང་ སྤུ་ན་ཁའི་རྫོང་གི་བཟོ་བཀོད་གཅིག་ཡང་ འགྲེམ་སྟོན་གྱི་ཚུལ་དུ་བཞག་སྟེ་ཡོདཔ་ཨིན།།

ང་བཅས་རའི་མི་དབང་འབྲུག་རྒྱལ་བཞི་པའི་ཐུགས་རིག་མཁས་པའི་བཀྲིན་ལས་དང་ མི་དབང་རྒྱལ་ཡུམ་ཨ་ཞེ་མཆོག་གི་ ཐུགས་སྨོན་ལས་བརྟེན་ འབྲུག་རྒྱལ་ཡོངས་དཔེ་མཛོད་འདི་ ས་གནས་འདི་ཁར་སྤོ་བཤུད་འབད་ཞིནམ་ལས་ཚུར་ དཔེ་མཛོད་ཀྱི་མཐུན་རྐྱེན་ཚུ་ གོང་འཕེལ་གནམ་མེད་ས་མེད་འགྱོ་སྟེ་ཡོདཔ་ཨིན།། ད་ལྟོ་དཔེ་མཛོད་སྒྲིང་ཁྱིམ་གཙོ་བོའི་གཡས་ཁ་ལུ་ཡོད་པའི་ ཡིག་རྙིང་གཉེར་འཇོང་ཁང་ངམ་ གཏན་མཛོད་ཁང་འདི་ སྤྱི་ལོ་ ༢༠༠༠ ལོ་ལུ་ ཌེན་མརྐ་རྒྱལ་གཞུང་གི་མ་དངུལ་གྱི་རྒྱབ་སྐྱོར་མཛད་ཐོག་ལས་ རྒྱལ་ཡོངས་ནང་ དཀོན་དྲགས་ཅན་གྱི་རྒྱལ་བའི་གསུང་རབ་ཚུ་ ཉེན་སྲུང་གྱི་དོན་ལུ་དང་ མ་འོངས་རྒྱུན་སྐྱོངས་ཀྱི་དོན་ལུ་དམིགས་ཏེ་ སྤྱི་ལོ་ ༢༠༠༤ ལུ་ བསྒྲུབས་ཏེ་ཡོད་པའི་ སྒྲིང་ཁྱིམ་འདི་ནང་ལུ་མེ་རྐྱེན་གྱི་ཉེན་བརྡ་དང་ བསིལ་དྲོད་ཚན་མཉམ་བཟོ་ནིའི་ དེང་སང་གི་འཕྲུལ་ཆའི་མཐུན་རྐྱེན་ཚུ་ གཞི་བཙུགས་འབད་དེ་ཡོདཔ་ཨིན། དེ་ལས་དཔེ་མཛོད་ཀྱི་གཡོན་ཁ་ཐུག་ལུ་ བདག་སྐྱོང་གི་སྒྲིང་ཁྱིམ་གསརཔ་འདི་ སྤྱི་ལོ་ ༢༠༠༥ ལོ་ལུ་ རྒྱ་གར་གཞུང་གིས་མ་དངུལ་གྱི་གྲོགས་ གནང་ཐོག་ལས་ལས་ སྤྱི་ལོ་ ༢༠༠༧ ལོ་མཇུག་བསྡུ་ཁམ་ལུ་ བསྒྲུབས་ཚར་སྟེ་ཡོདཔ་ཨིན།།

ང་བཅས་འབྲུག་རྒྱལ་ཡོངས་དཔེ་མཛོད་ཀྱི་དམིགས་དོན་གཙོ་བོ་རང་་་ 

้่ว่่นา้ส่




#Article 3: སྤ་རོ་རིན་སྤུང་རྫོང (116 words)


སྤ་རོ་རིན་སྤུང་རྫོང - རྫོང སྤ་རོ་

སྤ་རོ་རྫོང་འདི་ ༡༦༤༤ ལུ་ ཞབས་དྲུང་ ངག་དབང་རྣམ་རྒྱལ་མཆོག་གི་ བཀའ་རྒྱ་དང་འཁྲིལ་ཏེ་ བཞེངས་ནི་འགོ་བཙུགས་ནུག། ༡༩༠༧ ལུ་ མེ་རྐྱེན་ལུ་བརྟེན་ གནོད་པ་འབྱུང་ཡོད་རུང་ ༡༨༩༧ ལུ་ ས་གཡོམ་རྐྱབས་ཏེ་ རྒྱལ་ཁབ་ཀྱི་ རྫོང་གཞི་གཞན་ཚུ་མེདཔ་གཏང་དེ་ར་འབད་རུང་ སྤ་རོ་རྫོང་འདི་ལུ་གནོད་སྐྱོན་ག་ནི་ཡང་མ་འབྱུངམ་ཨིན་མས།

སྤ་རོ་ རྫོང་གི་མིང་ངོ་མ་འདི་ རིན་སྤུང་རྫོང་ཟེར་སླབ་ཨིནམ་དང་ དེའི་དོན་དག་འདི་ རིན་ཆེན་སྤུངས་བཞག་ཡོད་པའི་རྫོང་ཟེར་ཨིན་མས། དུས་རབས་ ༡༥ པའི་ནང་ ཕ་ཇོ་འབྲུག་སྒོམ་བཞི་པོའི་ སློབ་མ་ རྒྱལ་མཆོག་དང་ རྒྱལ་འཛོས་སྤུན་ཆ་གཉིས་ སྤ་རོ་ལུ་སྡོད་ཡོདཔ་དང་ རྒྱལ་འཛོམས་གིས་ སྒང་ཏ་ཁ་ ལྷ་ཁང་ནང་ལུ་ གདན་ས་བཅག་ཡོདཔ་དང་ ཁོ་གི་སྤུན་ཆ་ རྒྱལ་མཆོག་དེ་ ཆོས་ལུགས་རིག་པ་ལྷཔ་ནིའི་དོན་ལུ་སོང་ཞིནམ་ལས་ ལོག་སྤ་རོ་ལུ་འོང་ནུག། རྒྱལ་མཆོག་གིས་ ཧུམ་རལ་དགོན་པ་ལུ་འབྱོན་ཏེ་ ལྷ་ཁང་ཆུང་ཀུ་གཅིག་བཞེངས་ཡོདཔ་དང་ ཁོ་གི་ སློབ་མ་ཚུ་ ས་གནས་དེ་ཁར་དབང་ཚད་ཡོདཔ་ལས་ འབྲུག་གི་རྒྱལ་རབ་ནང་ལུ་ “ཧུམ་རལ་གྱི་དྲག་རིམ་”ཟེར་ ཡོངས་གྲགས་ཡོདཔ་ཨིན།

༡༦༤༥ ལུ་ ཁོང་ཚུ་གིས་ ཞབས་དྲུག་གི་ ཆོས་དང་སྲིད་ཀྱི་དབང་ཆ་ངོས་འཛིན་འབད་ཞིནམ་ལས་ ཁོང་རའི་རྫོང་ཆུང་ཀུ་དེ་ ཞབས་དྲུག་ལུ་ ཕུལ་ཏེ་ དེ་འཕྲོད་ལས་ ཞབས་དྲུང་མཆོག་གིས་ རྫོང་སྦོམ་སྦེ་བཞེངས་ནི་འགོ་བཙུགས་ཏེ་ ༡༦༤༦ ལུ་ རྫོང་འདི་རབ་གནས་གནང་ནུག།

རི་ དུམ་དྲག་ཅིག་གཟར་དྲགས་དང་ ཤིང་གི་ཟམ་མཛེས་ཏོག་ཏོ་གཅིག་གི་ སྦོ་ལོག་ཁར་བཞེངས་ཡོེད་པའི་རྫོང་འདི་ སྤ་རོ་ རྫོང་ཁག་བདག་སྐྱོང་གི་ཕྱག་ལཱ་གནང་ས་ཨིནམ་མ་ཚད་ འདི་ནང་ལུ་ གྲྭ་ཚང་ཡང་ཡོདཔ་མ་ཚད་ དགེ་སློང་ ༢༠༠ དེ་ཅིག་ཡོདཔ་ཨིན་མས།

རྫོང་གི་རྡོག་ཅལ་དང་པམ་འདི་ནང་ལུ་ བདག་སྐྱོང་གི་ཡིག་ཚང་ཚུ་ཡོདཔ་དང་ འཛུལ་སྒོའི་གཡས་དང་གཡོན་ལུ་ མི་གཅིག་སེམས་ཅན་སྟག་གཅིག་ཁྱིད་དེ་ཡོད་མི་སྐུ་འདྲ་གཅིག་དང་ ཕོ་རྒས་གཅིག་གིས་གཡག་གནགཔོ་གཅིག་ཟུང་སྟེ་ཡོད་པའི་སྐུ་འདྲ་གཅིག་ཡོདཔ་ཨིན། རྫོང་གི་དབུ་རྩེ་འདི་ ཤིང་བཟོ་ངོ་མཚར་ཆེ་ཏོག་ཏོ་ཡོད་མི་དེ་ རྒྱལ་ཁབ་ནང་ལུ་ མཛེས་ཤོས་གཅིག་ཨིན་མས།

རྫོང་གི་ལྟག་ལུ་ ལྟ་རྫོང་ཡོདཔ་དང་ ད་རེས་ནངས་པ་འདི་ནང་ལུ་ རྒྱལ་ཡོངས་ འགྲེམ་སྟོན་ཁང་ཡོདཔ་ཨིན། ༡༩༠༥ ལུ་ རྫོང་འདི་ལུ་མེ་རྐྱེན་འབྱུང་དེ་ར་འབད་རུང་ ༡༩༠༨ དང་ ༡༩༠༩ ལུ་ གུ་རུ་རིན་པོ་ཆེ་དང་ སྟོན་པ་ དེ་ལས་ ཞབས་དྲུང་གི་སྐུ་ཚུ་ ཧེང་བཀལ་བཙུགས་ཏེ་ ཉམས་གསོ་ཞུ་ནུག། རྫོང་འདིའི་ནང་རྟེན་གཙོབོ་ ཐང་ཀ་ མི་ཊར་ ༢༠ x༢༠ འབད་མི་ མཐོང་འགྲོལ་ དེ་ མེ་རྐྱེན་གྱི་སྐབས་ལུ་ བསྲུངས་བཞག་འབད་ཡོད་མི་དེ་ ཚེས་བཅུའི་སྐབས་ལུ་ མི་མང་ལུ་ མཇལ་ཁ་གནངམ་ཨིན།




#Article 4: བཀྲ་ཤིས་ཆོས་རྫོང (112 words)


བཀྲ་ཤིས་ཆོས་རྫོང - རྫོང ཐིམ་ཕུ

བཀྲ་ཤིས་ཆོས་རྫོང་འདི་ ཝང་ཆུ་གི་ མཐའམ་བདའ་སྟེ་ཆགས་ཡོད་པའི་ སྒྲིང་ཁྱིམ་ཚུ་གི་ནང་ལས་ མཛེས་ཤོས་གཅིག་ཨིན།

བཀྲ་ཤིས་ཆོས་རྫོང་འདི་ ༡༦༤༡ ལུ་ ཞབས་དྲུང་ངག་དབང་རྣམ་རྒྱལ་མཆོག་གིས་ བཞེངས་ཡོདཔ་དང་ ༡༩༦༢ ལུ་ འབྲུག་རྒྱལ་གསུམ་པ་ འཇིགས་མེད་རྡོ་རྗེ་དབང་ཕྱུག་མཆོག་གིས་ལོག་བཞེངས་གནང་ནུག།

༡༢༡༦ ལུ་ བླམ་རྒྱལ་བ་ལྷ་སྣང་པ་གིས་ ད་ལྟོ་ བདེ་ཆེན་ཕོ་བྲང་ཡོད་ས་ལུ་ རྡོ་སྔོན་རྫོང་བཞེངས་ཡོདཔ་ཨིན་མས། ཤུལ་ལས་ དུས་རབ་ ༡༧ པ་ ནང་ལུ་ ཞབས་དྲུང་ངག་དབང་རྣམ་རྒྱལ་མཆོག་ འབྲུག་ལུ་འབྱོན་ཞིནམ་ལས་ ལྷ་པ་ཚུ་ཕམ་གཏང་སྟེ་ རྡོ་སྔོན་རྫོང་འདི་ ཞབས་དྲུང་གི་ཕྱག་ལུ་ཚུད་ནུག། ༡༦༤༡ ལུ་ རྡོ་སྔོན་རྫོང་དེ་ ལོག་རྐྱབས་ཞིནམ་ལས་ མིང་ཡང་ བཀྲ་ཤིས་ཆོས་རྫཽང་ཟེར་བཏགས་གནང་ནུག། ༡༦༤༩ ལུ་ སྡེ་སྲིད་བཞི་པ་ བསྟན་འཛིན་རབ་རྒྱས་ཀྱིས་ རྒྱ་བསྐྱེད་མཛད་གནང་ཡོདཔ་དང་ ༡༦༩༨ སྡེ་སྲིད་ལྔ་པ་ དགེ་འདུན་ ཆོས་འཕེལ་གྱི་སྐབས་ལུ་ རྫོང་འདི་ལུ་ མེ་རྐྱེན་འབྱུང་ཏེ་ ལོག་དེ་ ཉམས་བཅོས་འབད་ནུག། སྡེ་སྲིད་ བཅུ་པ་ མི་ཕམ་ དབང་པོ་གིས་ བཀྲ་ཤིས་ཆོས་རྫོང་ནང་ན་ལུ་ བཀའ་རྒྱུད་ལྷ་ཁང་བཞེངས་ཡོདཔ་དང་ ༡༧༤༧ ལུ་ སྡེ་སྲིད་ ༡༣ པ་ ཤེས་རབ་དབང་ཕྱུག་གི་འགོ་འདྲེན་ཐོག་ལས་ རྒྱ་བསྐྱེད་མཛད་གནང་ནུག།

སྡེ་སྲིད་ ༡༦ པ་ བསོད་ནམས་ ལྷུན་སྒྲུབ་དང་ ཇེ་མཁན་པོ་ ཁྲི་རབ་ ༡༣ པ་ ཡོན་ཏན་མཐའ་ཡེ་གི་སྐབས་ལུ་ རྫོང་འདི་ལུ་ ད་རུང་མེ་རྐྱེན་འབྱུང་ཡོདཔ་ལས་ ཁོང་གཉིས་ཀྱིས་ རྫོང་འདི་ད་ལྟོ་ཡོད་ས་ལུ་ བཞེངས་ནིའི་གྲོས་འཆར་བརྩམ་ནུག། ༡༧༧༧ སྡེ་སྲིད་ ༡༨ པ་ འཇིགས་མེད་སེང་གེ་གི་སྐབས་ལུ་ རྫོང་གི་ཀུན་ར་དེ་ གནག་དུང་དུང་སྦེ་ཡོདཔ་ལས་ ཉམས་བཅོས་འབད་ཡོདཔ་མ་ཚད་ སྡེ་སྲིད་ ༢༥ པ་ པདྨ་ཆོས་སྒྲ་གིས་ཡང་ཉམས་བཅོས་འབད་ཡོདཔ་དང་ སྡེ་སྲིད་ ༣༢ པ་ ཕུར་རྒྱལ་གྱིས་ སྐུ་རྟེན་ལེ་ཤ་ཅིག་བཙུགས་གནང་ནུག།

༡༨༦༩ ལུ་ རྫོང་དེ་ལུ་ མེ་རྐྱེན་འབྱུང་ཡོདཔ་ལས་ རྩ་བ་ལས་རང་ཉམས་བཅོས་འབད་དེ་ མི་དབང་ འཇིགས་མེད་ རྡོ་རྗེ་དབང་ཕྱུག་མཆོག་གིས ༡༩༦༢ ལས་ ༡༩༦༩ གི་རིང་ལུ་ རྫོང་འདི་ ཉམས་གསོ་མཛད་གནང་ནུག།




#Article 5: འབྲུག་རྒྱང་བསྒྲགས་ལས་འཛིན (244 words)


འབྲུག་རྒྱང་བསྒྲགས་ལས་འཛིན་གྱི་སྐོར།

རྒྱལ་པོའི་བཀའ་ཤོག

རང་ལོ་ཆུ་ཕོ་སྤྲལ་ལོ་ ཟླ་བ་ ༧ པའི་ཉེར་ ༡ གནམ་ལོ་ ༡༩༩༢ དབྱིན་ཟླ་ ༩ པའི་དབྱིན་ཚེས་ ༡༨ ལུ་མི་དབང་འབྲུག་རྒྱལ་
བཞི་པ་མཆོག་གིས་ འབྲུག་རྒྱང་བསྒྲགས་ལས་ཁུངས་དེ་ རང་དབང་གི་ཐོག་ལས་ཡར་དྲག་འགྱོ་ནི་དང་ འདི་དང་འབྲེལ་བའི་
ལཱ་གི་རིག་རྩལ་ཚུ་མཁས་ཆོད་ཅན་ལུ་འགྱུར་ཞིནམ་ལས་ མི་སྡེ་ལུ་མཁོ་བའི་འགན་ཁ་ འབག་ཚུགས་ནི་གི་དོན་ལུ་ བརྒྱུད་འབྲེལ་
ལྷན་ཁག་ལས་ཁ་ཕྱེ་སྟི་ རང་སྐྱོང་ལས་འཛིན་སྦེ་བཟོ་གནང་ཡོདཔ་ཨིན།

བཀའ་ཤོག་དེ་དང་བསྟུན་ཏི་ གནམ་ལོ་ ༡༩༩༢ དབྱིན་ཟླ་ ༡༠ པའི་དབྱིན་ཚེས་ ༡ ལས་འགོ་བཟུང་ འབྲུག་རྒྱང་བསྒྲགས་རང་
སྐྱོང་ལས་འཛིན་སྦེ་བཟོ་ཞིནམ་ལས་ གཞུང་དང་བརྡ་བརྒྱུད་ དེ་ལས་མཁས་མཆོག་དང་གུས་བསྟུད་ཀྱི་འོས་འབབ་ ལྡན་པའི་
མི་སེར་ཚུ་གིས་བཟོ་ཡོད་པའི་ མདོ་ཆེན་གྱི་བཀོད་ཚོགས་ཀྱི་ཐོག་ལས་གཞུང་སྐྱོང་འབད་དེ་ཡོདཔ་ཨིན།
འབྲུག་ལུ་རེ་ཌེའོ་གི་ཞབས་ཏོག

འབྲུག་ལུ་རེ་ཌེའོ་གི་ཞབས་ཏོག་འདི་ ཧེ་མ་རང་གནམ་ལོ་ ༡༩༧༣ གྱི་ལོ་ལུ་ ཁས་བླང་ཅན་གྱི་ན་གཞོན་སྡེ་ཚན་གཅིག་གིས་ འབྲུག་རྒྱལ་ཡོངས་ན་གཞོན་ཚོགས་སྡེ་ ༼National Youth Association of Bhutan༽ ཟེར་ བཟོ་སྟི་འགོ་བཙུགས་ནུག

ཞབས་ཏོག་དེ་ཡང་བདུན་ཕྲག་རེ་ནང་གཟའ་ཟླཝ་ལུ་ དུས་ཡུན་སྐར་མ་ ༣༠ གི་རིང་ལུ་འབྲུག་རྒྱལ་ཡོངས་ན་གཞོན་ཚོགས་སྡེ་གི་
ཡིག་ཚང་འདི་ རེ་ཌེའོ་རྒྱང་སྒྲགས་འབད་ནི་གི་འཕྲུལ་ཁང་ལུ་བསྒྱུར་བཅོས་འབད་དེ་ རྒྱང་སྒྲགས་འབད་སྡོད་ཡོདཔ་ཨིན་པས།

རྒྱང་བསྒྲགས་ཀྱི་འཕྲུལ་ཆས་དེ་ ཝཊྲ ༤༠༠ འབད་མི་ཅིག་ལྕགས་འཕྲིན་ཡིག་ཚང་ལས་གླ་ཁར་ལན་ཏི་ལག་ལེན་འཐབ་སྟི་
འཕྲུལ་ཁང་གི་མིང་ཡང་འབྲུག་རྒྱལ་ཡོངས་ན་གཞོན་ཚོགས་སྡེ་གི་རེ་ཌེའོ་ཟེར་བཏགས་ནུག

གནམ་ལོ་ ༡༩༧༩ ལུ་འདི་བཟུམ་གྱི་ཞབས་ཏོག་ཚུ་ བརྒྱུད་འབྲེལ་གོང་འཕེལ་བཏང་ནི་ལུ་ཁས་ཕན་ཡོདཔ་འབྲུག་གཞུང་གིས་
མཁྱེན་ཏི་ བརྒྱུད་འབྲེལ་ལྷན་ཁག་གི་འོག་ལུ་བཟོ་གནང་ནུག

གནམ་ལོ་ ༡༩༨༩ ལུ་རྒྱང་བསྒྲགས་ཀྱི་འཕྲུལ་ཨམ་ ཤོཊྲ་ཝེཕ་ཀི་ལོ་ཝཊྲ་ ༡༠ འབད་མི་གཅིག་ཉོ་བསྒྲུབས་འབད་དེ་ འཕྲུལ་ཁང་
ཆུང་ཀུ་ཅིག་གཞི་བཙུགས་འབད་ཞིནམ་ལས་ མིང་ཡང་འབྲུག་རྒྱང་བསྒྲགས་འཕྲུལ་ཁང་ཟེར་བཏགས་ཏི་ ཉིམ་རེ་ནང་དུས་ཡུན་
ཆུ་ཚོད་ ༣ རེ་ ལས་རིམ་ཚུ་རྒྱང་བསྒྲགས་འབད་ནི་འགོ་བཙུགས་ནུག

གནམ་ལོ་ ༡༩༩༡ གི་ལོ་ལས་ འབྲུག་རྒྱང་བསྒྲགས་འཕྲུལ་ཁང་གི་ས་གོ་གཏན་ཁལ་སྦེ་ ཐིམ་ཕུག་ཆུ་འབར་ཆུ་ལུ་ཐོབ་ཏི་ འཕྲུལ་ཨམ་ ཤོཊྲ་ཝེཕ་ཀི་ལོ་ཝཊྲ་ ༥༠ ལུ་ཡར་སེང་འབད་ནུག

གནམ་ལོ་ ༢༠༠༠ ལས་རྒྱང་བསྒྲགས་ལས་འཛིན་གྱིས་ རྡོ་སྐྱུར་ལ་ལུ་ཨེཕ་ཨེམ་ རེ་ཌེའོ་༼FM Radio༽གི་
འཕྲུལ་ཨམ་གཅིག་སྒོ་འབྱེད་འབད་ཡོད་མི་གིས་ ནུབ་ཕྱོགས་རྫོང་ཁག་ཚུ་ནང་ཐོབ་ཚུགསཔ་བཟོ་ ཡོད་པའི་ཁར་ ཏག་ཏི་ལུ་རི་ལེ་
༼Relay station༽ གི་ཨམ་གཅིག་གཞི་བཙུགས་འབད་མི་འདི་གིས་ ལྷོ་ཕྱོགས་རྫོང་ཁག་ཚུ་ནང་ཐོབ་ཚུགསཔ་
བཟོ་ཡོདཔ་མ་ཚད་གནམ་ལོ་ ༢༠༠༡ ལས་དབུས་ཕྱོགས་རྫོང་ཁག་ཚུ་དང་ གནམ་ལོ་ ༢༠༠༥ ལས་ཤར་ཕྱོགས་རྫོང་ཁག་
ཚུ་ནང་བརྒྱ་སྐྱེད་འབད་དེ་ཡོདཔ་ཨིན།

གནམ་ལོ་ ༢༠༠༧ ལས་ ཤོཊྲ་ཝེཕ་ཨམ་ཀི་ལོ་ཝཊྲ་ ༡༠༠ འབད་མི་ཌི་ཇི་ཊལ་རེ་ཌེའོ་མོན་ཌེལ་༼Digital Radio Mondale – DRM༽ ཟེར་མི་གི་མཐུན་རྐྱེན་དང་བཅསཔ་སྦེ་ཡོད་མི་ལུ་བརྒྱ་སྐྱེད་འབད་དེ་
ཡོདཔ་ཨིན།

འདི་བཟུམ་གྱི་འཕྲུལ་ཆས་བརྒྱ་སྐྱེད་འབད་ཡོད་མི་འདི་གིས་ འབྲུག་མི་ཡོངས་ཀྱིས་ སྤུད་ཚད་དང་ལྡན་པའི་ལས་རིམ་ཚུ་
ཤོཊྲ་ཝེཕ་གི་ཐོག་ལས་སྙན་གསན་ཚུགས་ནི་ཨིནམ་མ་ཚད་ ལྷག་པར་དུ་འབྲུག་རྒྱང་བསྒྲགས་ལས་འཛིན་ལུ་ ལས་རིམ་ཚུ་
འཛམ་གླིང་ཡོངས་ན་དངས་འཕྲོད་འཕྲོད་ ཨེཕ་ཨེམ་༼FM༽དང་དྲཝ་སྦེ་གསན་ཚུགསཔ་བཟོ་ནི་གི་དོན་ལུ་ ཨེ་ཨེམ་
༼AM༽ དང་ཌི་ཨར་ཨེམ་༼DRM༽ གཉིས་བསྡམ་ཁ་བརྐྱབ་ནི་གི་གོ་སྐབས་ཡང་ཡོདཔ་ཨིན།

འབྲུག་རྒྱང་བསྒྲགས་ལས་འཛིན་གྱིས་ སྐད་རིགས་མ་འདྲཝ་ རྫོང་ཁ། ཤར་ཕྱོགསཔ། ལྷོ་མཚམས་ཁ་དང་། དབྱིན་སྐད་ཀྱི་ཐོག་ལས་ དྲོ་པ་ཆུ་ཚོད་ ༦ ལས་ཕྱི་རུ་ཆུ་ཚོད་ ༩ ཚུན་རྒྱང་བསྒྲགས་ཀྱི་ལས་རིམ་ཚུ་བཏང་སྟི་ཡོདཔ་ཨིན།།
འབྲུག་ལུ་རྒྱང་མཐོང་ལས་རིམ།

འབྲུག་རྒྱང་བསྒྲགས་ལས་འཛིན་གྱིས་ རྒྱལ་ཁབ་ནང་ རྒྱང་མཐོང་གི་ལས་རིམ་འགོ་དང་པ་ གནམ་ལོ་ ༡༩༩༩ དབྱིན་ཟླ་ ༦ པའི་དབྱིན་ཚེས་ ༢ ལུ་ འབྲུག་རྒྱལ་བཞི་པ་གསེར་ཁྲི་ལུ་བྱོན་ཏི་ མི་ལོ་ ༢༥ འཁོར་བའི་དུས་སྟོན་རྩི་སྲུང་དང་འབྲེལ་ཏི་ རྫོང་ཁ་དང་དབྱིན་སྐད་གཉིས་ཀྱི་ཐོག་ལས་ ཐིམ་ཕུག་ནང་འཁོད་ནང་ ཉིན་བསྟར་བཞིན་དུ་དུས་ཡུན་ཆུ་ཚོད་༡ གི་རིང་རྒྱང་བསྒྲགས་འབད་ནི་འགོ་བཙུགས་ནུག

དེ་ལས་གནམ་ལོ་ ༢༠༠༤ ལུ་ཕུན་ཚོགས་གླིང་དང་ ༢༠༠༥ ལུ་སྤ་རོ་ལུ་ རྒྱང་མཐོང་གི་ལས་རིམ་ཚུ་འཐད་ཀར་དུ་གཟིགས་
ཚུགསཔ་སྦེ་བཟོ་ཡོད་པའི་ཁར་ གནམ་ལོ་ ༢༠༠༦ དབྱིན་ཟླ་ ༢ པ་ལས་འགོ་བཙུགས་ཏི་འབྲུག་རྒྱལ་ཁབ་མཐའ་དབུས་
མེད་པར་ རྒྱང་མཐོང་གི་ལས་རིམ་ཚུ་གནམ་སྟོང་འཕྲུལ་ཆས་ སེ་ཊ་ལཱེཊྲ་(satellite) གི་ཐོག་ལས་ཐོབ་ཚུགསཔ་སྦེ་
བཟོ་ ཡོདཔ་མ་ཚད་ ཤར་ལྷོ་ཨེ་ཤི་ཡ་ལུ་ཡོད་མི་གི་རྒྱལ་ཁབ་ ཨིན་དོ་ནེ་ཤི་ཡ་ལས་ ནུབ་ཕྱོགས་ལུ་
ཀྲར་ཀི་(Turkey) གི་རྒྱལ་ཁབ་གཉིས་ཀྱིས་བརྩི་སྟི་ རྒྱལ་ཁབ་ ༤༠ དེ་ཅིག་ལུ་ རྒྱང་བསྒྲགས་འབད་དེ་ཡོདཔ་ཨིན།

འབྲུག་རྒྱང་བསྒྲགས་ལས་འཛིན་གྱིས་ ཉིན་བསྟར་བཞིན་དུ་ཕྱི་རུ་ཆུ་ཚོད་༦་ལས་ ༡༡ ཚུན་ ཆུ་ཚོད་ ༥ གི་རིང་ལུ་ ལས་རིམ་ཁག་མ་འདྲཝ་ཚུ་བཏང་དོ་ཡོདཔ་ཨིན། ལས་རིམ་དེ་ཡང་ ཕྱི་རུ་ཆུ་ཚོད་ ༦ ལས་ ༨ དང་ ༩ ལས་ ༡༠ ཚུན་ ཆུ་ཚོད་རེ་བཞིན་དུ་ དུས་ཡུན་སྐར་མ་ ༣༠ གི་རིང་ལུ་ གནས་ཚུལ་དང་ཁྱབ་བསྒྲགས་ཚུ་རྒྱང་བསྒྲགས་འབད་དོ་ཡོདཔ་ཨིན།

འདི་བཟུམ་སྦེ་ དབྱིན་སྐད་ཀྱི་གནས་ཚུལ་དང་ཁྱབ་བསྒྲགས་ཚུ་ཕྱི་རུ་ཆུ་ཚོད་ ༨ ལས་ ༩ དང་༡༠་ལས་ ༡༡ ཚུན་རྒྱང་བསྒྲགས་
འབད་དོ་ཡོདཔ་ཨིན།

དེ་ལས་ ནངས་པ་དྲོ་པ་ཆུ་ཚོད་༦ ལས་༡༡ ཚུན་ ཡང་བསྐྱར་དུ་ལས་རིམ་ཚུ་ལོག་རྒྱང་བསྒྲགས་འབདཝ་མ་ཚད་གཟའ་ཉིམ་དང་
ཟླཝ་ལུ་ཆུ་ཚོད་ ༣ ཐེབས་སྦེ་ ཉི་མ་ཆུ་ཚོད་ ༣ ལས་ཕྱི་རུ་ཆུ་ཚོད་ ༦ ཚུན་ཚད་ སྤྲོ་སྟོན་གྱི་ལས་རིམ་ གླུ་གཞས་དང་
གློག་བརྙེན་ཚུ་རྒྱང་བསྒྲགས་འབད་དེ་ཡོདཔ་ཨིན།།




#Article 6: རྟ་མགོ། (342 words)


རྟ་མགོ་དེ་ ཐིམ་ཕུ་གི་ས་གནས་ཐག་རིང་ས་ཅིག་ཁར་བཞེངས་ཡོདཔ་དང་ ཁྲོམ་ཁ་ལས་ ཀི་ལོ་མི་ ཊར་ ༡༤ དེ་ཅིག་གི་ས་ཁར་ཡོདཔ་ཨིན། སྣུམ་འཁོར་གྱི་ལམ་ཁ་ལས་ དུས་ཡུན་ སྐར་མ་ ༤༠ དེ་ཅིག་རྐང་ཐང་འགྱོ་དགོཔ་ཨིན།

རྟ་མགོ་ཟེར་མི་ མིང་དེ་ གནས་བདག་ རྟའི་མགུ་ཏོག་བཟུམ་ཡོད་མི་ རྟ་མགྲིན་ལས་ རྟ་དྲངས་ཏེ་ སླབ་སླབ་ཨིནམ་དང་ ས་གནས་དེ་ འགོ་དང་པ་ དུས་རབ་ བརྒྱད་པའི་ནང་ གུ་རུ་རིན་པོ་ཆེ་མཆོག་གིས་ ངོས་འཛིན་གནང་གནངམ་ཨིན་མས། ༡༢༢༢ ལུ་ ཕ་ཇོ་འབྲུག་སྒོམ་ཞིག་པོ་ མདོ་སྡེ་ནང་ལུ་ ཆོས་གནང་བཞུགས་པའི་སྐབས་ རྟ་མགོ་ ་ཁ་ཐུག་ལས་ རྟ་གི་སྐད་གཅིག་གོ་སྟེ་ ས་གནས་དེ་ཁར་ལྷོདཔ་ད་ ས་གནས་དེའི་གནས་བདག་ རྟ་མགྲིན་གྱིས་ ཕ་ཇོ་ལུ་ ས་གནས་དེ་ཁར་ སྒྲུབ་ཁང་གཅིག་བཞེངས་ཞིནམ་ལས་ མཁའ་འགྲོ་ བསོད་ནམས་དཔལ་སྒྲོན་གསང་ཡུམ་སྦེ་བཞེས་ཏེ་ འབྲུག་ལུ་ འབྲུག་པ་བཀའ་རྒྱུད་པའི་ཆོས་ལུགས་ དར་ཁྱབ་མཛད་ནིའི་ ལུང་བསྟན་གནང་ནུག།

ཤུལ་ལས་ས་གནས་དེ་ཁར་ བླམ་འབྲུག་པ་ཀུན་ལེགས་དང་ ཁོ་གི་སྲས་ བླམ་ ངག་དབང་ བསྟན་འཛིན་ དེ་ལས་ མི་ཕམ་ཚེ་དབང་བསྟན་འཛིན་ དང་ཞབས་དྲུང་ངག་དབང་རྣམ་རྒྱལ་ལ་སོགས་པའི་ གལ་གནད་ཅན་གྱི་སྐྱེས་བུ་ ལེ་ཤ་ཅིག་གིས ཞབས་ཀྱིས་བཅགས་གནང་ནུག། ཞབས་དྲུང་ ངག་དབང་རྣམ་རྒྱལ་མཆོག་གིས་ ས་གནས་དེ་ཁར་ སྒོམ་གནང་སྟེ་ ངག་བཅུ་དྲུག་མ་ཡང་བརྩམས་གནང་ཡོདཔ་དང་ ཡབ་ བསྟན་པའི་ཉི་མ་གི་ སྐུ་གདུང་ཡང་ གནས་བདག་ རྟ་མགྲིན་གྱི་ བྲག་ཕུག་ནང་ བཙུགས་གནང་ནུག།

ད་ལྟོ་ཡོད་པའི་ ལྷ་ཁང་དེ་ ༡༦༨༩ ལུ་ རྒྱལ་སྲས་ བསྟན་འཛིན་རབ་རྒྱས་ དགུང་ལོ་ ༥༡ བཞེས་པའི་སྐབས་ བཞེངས་ཡོདཔ་དང་ ཐོག་གསུམ་སྦེ་མི་ལྷ་ཁང་དེ་ གཡུས་ཁའི་མི་ཚུ་གི་གྲོགས་རམ་འབད་དེ་ ཟླཝ་ གཉིས་ཀྱི་ནང་འཁོད་ལུ་བཞེངས་གནང་ནུག། རྒྱལ་སྲས་ བསྟན་འཛིན་རབ་རྒྱས་མཆོག་ ཡབ་ཚེ་དབང་བསྟན་འཛིན་དང་ ལྕང་སྒང་ཁ་བླམ་གྱི་སྲམོ་ དམ་ཆོས་བསྟན་འཛིན་གཉིས་ཀྱི་སྲས་ལུ་ སྐུ་ཁྲུངས་ཡོདཔ་དང་ ཤུལ་ལས་ཞབས་དྲུང་མཆོག་གིས་ དགེ་སློང་ནང་བཙུགས་གནང་ནུག། རྒྱལ་སྲས་མཆོག་ ཞབས་དྲུང་ ངག་དབང་རྣམ་རྒྱལ་གྱི་ རྗེས་ཤུལ་བཟུང་ནིའི་དོན་ལུ་ ཆོས་སྲིད་དང་རྒྱལ་སྲིད་གཉིས་ཆ་རའི་ ཤེས་ཡོན་སྦྱངས་ཡོདཔ་ལས་ མཚན་ རྒྱལ་སྲས་ཟེར་ཐོབ་ནུག། ༡༦༥༠ ལུ་ ཁོ་ལུ་ རྒྱལ་ཚབ་ཟེར་སླབ་སྲོལ་ཡོདཔ་དང་ ཤུལ་ལས་ ༡༦༧༢ ཁྲི་རིན་པོ་ཆེ་ཟེར་སླབ་སྲོལ་བྱུངས་ནུག། རྒྱལ་སྲས་ བསྟན་འཛིན་རབ་རྒྱས་མཆོག་ ༡༦༨༠ ལུ་ སྡེ་སྲིད་བཞི་པ་སྦེ་ ཁྲི་མངའ་གསོལ་ཡོདཔ་དང་ ༡༦༩༦ ལུ་ དགུང་ལོ་ ༥༩ བཞེས་པའི་སྐབས་ ཞིང་ཕེབས་ཡོདཔ་ཨིན་མས། རྒྱལ་སྲས་ཞིང་ཕེབས་པའི་སྐབས་ སྐུ་ཚུ་ཤུམས་ཡོད་པའི་ ལོ་རྒྱུས་ཚུ་ཡང་ཡོདཔ་དང་ དེ་ཚུ་ ད་ལྟོ་བར་ན་ཡང་ སྡེབས་རིས་ཚུ་གུ་ མཐོང་ཚུགསཔ་ཨིན། རྟ་མགོ་ལུ་ རྒྱལ་སྲས་ བསྟན་འཛིན་རབ་རྒྱས་ཀྱི་སྐུ་གདུང་ཡོད་པའི་ སྐུ་གདུང་མཆོད་རྟེན་གཅིག་ཡང་ཡོདཔ་ཨིན།

རྟ་མགོ་ལུ་ཡོད་པའི་ ཙན་དན་ཤིང་ཚུ་ ཕ་ཇོ་འབྲུག་སྒོམ་ཞིག་པོའི་ ཕྱག་འཁར་ཨིནམ་སྦེ་ བཤདཔ་ཨིནམ་དང་ ཙན་དན་ཤིང་གི་རྩ་བར་ཡོད་པའི་ མཆོད་རྟེན་དེ་ མཁའ་འགྲོ་ བསོད་ནམས་དཔལ་སྒྲོན་སངས་རྒྱས་ས་ ཨིནམ་དང་ མཆོད་རྟེན་དེ་ མོ་གི་རྒྱུ་ཅ་ལ་ཚུ་བཞག་ནིའི་དོན་ལུ་ བཞེངས་ཡོདཔ་ཨིན་མས། ཕ་ཇོ་འབྲུག་སྒོམ་ཞིག་པོ་གིས་ སྒོམ་གནང་བའི་ཤུལ་ལུ་ རྟ་མགྲིན་གནས་ཟེར་མི་ ལྷ་ཁང་ཆུང་ཀུ་གཅིག་ཡང་བཞེངས་གནང་ནུག།

༡༩༦༦ ལུ་ འབྲུག་གི་ རྗེ་མཁན་པོ་ ཁྲི་རབས་ ༦༤ པ་ འཇམ་དབྱངས་ ཡེ་ཤེས་ སེང་གེ་ དང་ ཨ་ཞེས་ ཕུན་ཚོགས་ཆོས་སྒྲོན་གཉིས་ཀྱིས་ བླམ་ བསྟན་འཛིན་དོན་སྒྲུབ་དེ་ རྟ་མགོ་བླམ་སྦེ་བཀལ་གནང་ནུག། ཤུལ་ལས་ རྒྱལ་ཡུམ་ ཨ་ཞེ་ཕུན་ཚོགས་ཆོས་སྒྲོན་གྱིས་ གདན་འདྲེན་ཞུཝ་བཞིན་དུ་ དུས་འཇོམས་རིན་པོ་ཆེ་མཆོག་གིས་ ས་གནས་དེ་ཁར་ ཞབས་ཀྱིས་བཅགས་གནང་ཡོདཔ་དང་ རྗེ་མཁན་པོ་ ཁྲི་རབས་ ༦༩ པ་ དགེ་བཤེས་ དགེ་འདུན་ རིན་ཆེན་མཆོག་གིས་ ལོ་ ༡༢ དེ་ཅིག་གི་རིང་ལུ་བཤད་གྲྭ་དེའི་དབུ་འཛིན་མཛད་དེ་ རྒྱལ་ཡུམ་ ཕུན་ཚོགས་ཆོས་སྒྲོན་ལས་ མ་དངུལ་གྲོགས་རམ་ཞུ་སྟེ་ དབུ་རྩེ་ ཉམས་བཅོས་མཛད་དེ་ མཁན་རྩེ་ རིན་པོ་ཆེ་མཆོག་གིས་ རབ་གནས་མཛད་གནང་ནུག། ༡༩༧༧ ལུ་ རྒྱལ་ཡུམ་ ཨ་ཞེ་ བསྐལ་བཟང་ཆོས་སྒྲོན་མཆོག་གིས་ ལྷ་ཁང་དེ་ ཉམས་བཅོས་མཛད་གནང་ཡོདཔ་དང་ ༡༩༨༦ ལུ་ མི་དབང་འབྲུག་རྒྱལ་བཞི་པ་ འཇིགས་མེད་སེང་གེ་དབང་ཕྱུག་མཆོག་གི་བཀའ་རྒྱལ་ལྟར་དུ་ ལྷ་ཁང་ཉམས་བཅོས་འབད་ནིའི་ལས་འགུལ་འགོ་བཙུགས་ཏེ་ ལོ་དེ་ནང་རང་ ནང་པའི་བཤད་གྲྭ་ བཙུགས་གནང་ཞིནམ་ལས་ ༡༩༩༦ ལུ་ ལས་འགུལ་དེ་ མཐར་འཁྱོལཅན་གཅིག་སྦེ་ མཇུག་བསྡུ་གནང་ནུག།

དགོན་སྡེ་འདི་ནང་ སྤྲུལ་སྐུ་ལྷ་ཁང་དང་ ལོངས་སྐུ་ལྷ་ཁང་ ཆོས་སྐུ་ལྷཁང་དང་ གུ་རུ་ལྷ་ཁང་ དེ་ལས་ རྣམ་སྲས་ལྷ་ཁང་དང་ དགོན་ཁང་བཅས་ ལྷ་ཁང་དྲུག་ཡོདཔ་ཨིན།

སྤྲུལ་སྐུ་ལྷ་ཁང་ནང་ལུ་ ནང་རྟེན་ངོ་མ་ སངས་རྒྱས་ ཤཱཀྱ་མུ་ནི་ནང་ སངས་རྒྱས་མར་མེ་མཛད་ ཇོ་བོ་ བྱམས་པ་དང་ གཞན་ཡང་ (འཇམ་དབྱངས་དང་ ཕྱག་རྡོར་ སྤྱན་རས་གཟིགས་དང་ ནམ་ཁའི་སྙིང་པོ་) ལ་སོགས་པའི་ བྱང་སེམས་ཉེ་བའི་སྲས་ཆེན་བརྒྱད་ཡོདཔ་ཨིན།

དགོན་ཁང་ནང་ལུ་ དཔལ་ཡེ་ཤེས་དགོན་པོ་ ཕྱག་ལུ་ ཐོད་པ་བརྣམས་སྟེ་ཡོདཔ་དང་ ཐོད་པ་དེ་ བོད་ཀྱི་རྒྱལཔོ་ ཁྲི་སྲོང་ལྡེ་བཙན་གྱི་་ཐོད་པ་ཨིནམ་སྦེ་བཤདཔ་ཨིན་མས།

ལོངས་སྐུ་ ལྷ་ཁང་ནང་ལུ་ སྤྱན་རས་གཟིགས་ཀྱི་སྐུ་ཡོདཔ་དང་ སྐུ་དེ་ ནེ་པཱལ་གྱི་ རྒྱུ་རྩལ་མཁནམ་ པེན་རྩ་བདེ་བ་གིས་ བཞེངས་གནང་གནངམ་ཨིན་མས།

ཆོས་སྐུ་ ལྷ་ཁང་ནང་ལུ་ ཞབས་དྲུང་ངག་དབང་རྣམ་རྒྱལ་དང་ རྒྱས་སྲས་ བསྟན་འཛིན་རབ་རྒྱས་གཉིས་ཀྱི་ རྒྱབ་སྐྱོར་མཛད་ཐོག་ལས་ པེན་རྩ་བདེ་བ་གིས་བཞེངས་གནང་མི་ ཚེ་དཔག་མེད་ཀྱི་སྐུ་ཡོདཔ་ཨིན་མས།

གུ་རུ་ ལྷ་ཁང་ནང་ལུ་ ནང་རྟེན་ངོ་མ་ གུ་རུ་ པད་མ་སམ་བྷ་ཝ་དང་ གུ་རུ་མཚན་བརྒྱད་ཡོདཔ་ཨིན།

རྣམ་སྲས་ལྷ་ཁང་ནང་ལུ་ རྣམ་ཐོས་སྲས་ཀྱི་སྐུ་འདྲ་ཡོདཔ་ཨིན།

རྒྱལ་སྲས་ བསྟན་འཛིན་རབ་རྒྱས་ཀྱི་བཞུགས་ཁང་ནང་ལུ་ གུ་རུའི་སྐུ་འདྲ་དེ་ ཚེ་དཔག་མེད་དང་ རྡོ་རྗེ་འཆང་ ཏི་ལོ་པ་དང་ནཱ་རོ་པ་ མར་པ་དང་ སྒམ་པོ་པ་ གླིང་རལ་པ་དང་ སེང་གེ་ཚེེ་ཆེན་དགུ་ རིགས་གསུམ་རྣམ་སྤྲུལ་དང་ རྒྱལ་དབང་རྗེ་ དེ་ལས་ ངག་དབང་ཆོས་རྒྱལ་དང་ ཆོས་སྐྱིད་གྲགས་པ་ བསྟན་པ་རྒྱལ་མཚན་དང་ ངག་གི་དབང་ཕྱུག་ ཀུན་མཁྱེན་ པདྨ་དཀར་པོ་དང་ མི་ཕམ་ཆོས་རྒྱལ་ དེ་ལས་ བསྟན་པའི་ཉི་མ་དང་ ཞབས་དྲུང་ངག་དབང་རྣམ་རྒྱལ་ བླམ་འབྲུག་པ་ཀུན་ལེགས་དང་ ངག་དབང་བསྟན་འཛིན་ རྒྱལ་སྲས་བསྟན་འཛིན་ རབ་རྒྱས་ལ་སོགས་པའི་བྱང་ཆུབ་སེམས་དཔའ་ཚུ་གིས་ མཐའ་བསྐོར་ཏེ་ ཡོདཔ་ཨིན། གཞན་ཡང་ ཚངས་པ་རྒྱ་རེ་ དང་ དྲུང་དམ་ཆོས་ མཁས་ཆེན་ བསོད་ནམས་འོད་ཟེར་དང་ རྡོ་རྗེ་ཕག་མོ་ མཁྱེན་ཆེན་བྱང་ཆུབ་སེམསདཔའ་དང་ དྲག་པོ་མ་ཆེན་ གྲུབ་ཐོབ་ ཤ་ཝ་རི་པ་ དང་ རྡོ་རྗེ་རབ་རྒྱས་ སྦྱིན་པ་རྒྱལ་མཚན་དང་ ཕ་ཇོ་འབྲུག་སྒོམ་ཞིག་པོ་ སྤྱན་རསག་ཟིགས་དང་ སྒྲོལ་དཀར་ སྒྲོལ་སྔོན་ དང་ འབྲུག་པ་ཀུན་ལེགས་ གྲུབ་ཐོབ་ ངག་དབང་བསྟན་འཛིན་དང་ ཚེ་དབང་བསྟན་འཛིན་ ངག་དབང་ཆོས་རྒྱལ་དང་ རྡོ་རྗེ་སེམས་དཔའ་ འཇམ་དཔལ་དམར་གསེར་དང་ ཕྱག་ན་རྡོ་རྗེ་ སློབ་དཔོན་ཀླུ་སྒྲུབ་ དང་ ཇོ་བོ་བྱམས་པ་ སྒྲུབ་ཆེན་ ཤཱཀྱ་ཕེལ་ དེ་ལས་ ཀུན་སྤངས་སྒྱུ་མའི་མགར་མཁྱེན་དང་ རྗེ་རིན་པོ་ཆེ་ ་ ངག་དབང་བསྟན་འཛིན་རབ་རྒྱས་དང་ ནོར་རྒྱུན་མ་ཚུ་ཡོདཔ་ཨིན།

རྟ་མགོ་ལུ་ དུས་ཆེན་གཙོ་བོ་ ༡༩༦༧ ལུ་ གཞི་བཙུགས་འབད་ཡོདཔ་པའི་ དབྱར་གནས་དེ་ ཨིནམ་དང་ དེ་ཡང་ རང་ཟླ་དྲུག་པའི་ ཚེས་ ༡༥ ལས་ རང་ཟླ་བདུན་པའི་ གནམ་སྒང་ཚུན་ཚོད་གནང་སྲོལ་ཡོདཔ་ཨིན།




#Article 7: མགར་ས་ བཀྲིས་མཐོང་སྨོན་རྫོང་། (104 words)


ཡ་མཚན་ཅན་གྱི་ མགར་ས་བཀྲིས་མཐོང་སྨོན་རྫོང་འདི་ མགར་ས་ རྫོང་ཁག་གི་བདག་སྐྱོང་གི་ཕྱག་ལཱ་གནང་ས་ཨིནམ་དང་ རྫོང་ཁག་འདི་ནང་ལུ་ དགོན་ཁ་སྟོད་དང་ ཁ་སྨད་ཟེར་ཡོདཔ་ཨིན་མས། ས་གནས་དེ་ཁ་གི་ མི་ཚུ་གིས་འབད་བ་ཅིན་ སའི་ཆགས་ཚུལ་དེ་ ཚེ་རིང་མོའི་བཟོ་དབྱིབས་བཟུམ་སྦེ་ ཡོདཔ་ཨིནམ་དང་ བཀྲིས་མཐོང་སྨོན་རྫོང་འདི་ དེའི་བྱང་ཁོག་གུ་བཞེངས་ཡོདཔ་ཨིན་ཟེར་བཤདཔ་ཨིན་མས།

གཏམ་རྒྱུད་དང་འཁྲིལཝ་ད་ སྤྱི་ལོ་ ༡༦༡༦ ལུ་ མཐུ་ཆེན་ཆོས་ཀྱི་རྒྱལ་པོ་ ཞབས་དྲུང་ངག་དབང་རྣམ་རྒྱལ་མཆོག་ འབྲུག་ལུ་བྱོན་པའི་སྐབས་ལུ་ མགར་ས་གི་གནས་བདག་གིས་ ཞབས་དྲུང་ངག་དབང་རྣམ་རྒྱལ་མཆོག་ལུ་ ཕེབས་སུ་ཞུ་ནིའི་དོན་ལུ་ རྩ་རི་ སྐྱིད་བུ་ཐང་ལུ་སོང་ཡོདཔ་ཨིན་མས། དེའི་སྐབས་ ཞབས་དྲུང་མཆོག་གིས་ གནས་བདག་འདི་ལུ་དབང་གནང་སྟེ་ བཀྲིས་མཐོང་སྨོན་ཟེར་ མིང་གསརཔ་བཏགས་གནང་ཡོདཔ་ལས་ དེ་ལས་རྟ་དྲངས་ཏེ་ རྫོང་འདི་གི་མིང་ལུ་ཡང་ བཀྲིས་མཐོང་སྨོན་རྫོང་ཟེར་བཏགས་གནང་ནུག། མ་གཞི་ མགར་ས་རྫོང་འདི་ ནམ་བཞེངས་བཞེངསམ་ཨིན་ན་ ཏན་ཏན་ཅིག་ག་གི་ཡང་མ་ཤེས་དེ་འབད་རུང་ རྒྱལ་རབས་མཁས་པ་མང་ཤོས་ཅིག་གིས་ རྫོང་འདི་ ཞབས་དྲུང་ངག་དབང་རྣམ་རྒྱལ་མཆོག་གིས་ སྤྱི་ལོ་ ༡༦༤༨ ལུ་ ཕྱིའི་དགྲ་བྱང་ཕྱད་ཚུ་ལས་ སྲུང་སྐྱོབ་འབད་ནིའི་དོན་ལུ་ བཞེངས་ཡོདཔ་སྦེ་བཤདཔ་ཨིན་མས།

མགར་ས་རྫོང་འདི་ རྒྱལ་ཁབ་ནང་གི་རྫོང་གཞི་གཞན་ཚུ་དང་མ་འདྲཝ་སྦེ་ ཡོདཔ་ཨིན་མས། དེ་ཡང་ རྫོང་དེའི་ཕྱོགས་སོ་སོ་ལུ་ དབྱིབས་ ཐེ་སྒོར་སྒོར་སྦེ་ཡོད་མི་ ལྟ་རྫོང་གསུམ་ཡོདཔ་ཨིནམ་དང་ ཐོག་ཚད་གསུམ་འབད་མི་ དབུ་རྩེ་དེ་ ཧེ་མ་དུས་རབས་ ༡༣ པའི་ནང་ བོད་ཀྱི་གྲུབ་ཐོབ་ གཏེར་ཁུངས་པ་གིས་ མཚམས་གཅད་ཡོད་པའི་བྱག་ཕུག་དེ་འཕྲང་སྟེ་ བཀལ་ཡོདཔ་ཨིན་མས།

གཞུང་དགེ་འདུན་གྲྭ་ཚང་གི་ སྒྲ་པའི་སློབ་དཔོན་གྱི་དབུ་བཞུགས་མཛད་དེ་ དགེ་སློང་ཚུ་གིས་ ལོ་ལྟར་བཞིན་དུ་ ཟླཝ་བཅུ་པའི་ནང་ གནས་བདག་གཞི་བདག་ཚུ་ལུ་གསོལ་ཁ་ཕུལ་ནིའི་དོན་ལུ་ མགར་ས་ལུ་བྱོན་སྲོལ་ཡོདཔ་ཨིནམ་དང་ དཔལ་ཡེ་ཤེས་མགོན་པོ་མཆོག་ལུ་གུས་བསྟུད་ཞུ་ནིའི་དོན་ལུ་ ཚེས་ཉེར་དགུ་ལུ་ ཡེ་ཤེསམགོན་པོའི་གསོལ་ཁ་ཚུ་ཡང་ གནང་སྲོལ་ཡོདཔ་ཨིན།

ཧེ་མ་དུས་རབས་ བཅུ་གསུམ་པའི་ནང་ གཏེར་ཁུངས་པའི་སྐབས་ལུ་ བོན་གྱི་བླམ་མཁས་པ་གཅིག་ཡོདཔ་ཨིན་མས། ནམ་ཅིག་གི་ཚེ་ སྒྲུབ་རྟགས་ཚུ་སྟོན་པའི་སྐབས་ལུ་ བོན་གྱི་བླམ་མཁས་པ་དེ་གིས་ བྱག་དེ་གུ་ལས་ཡར་འཇམ་ཏོང་ཏོ་སྦེ་བྱོན་ཡོདཔ་ལས་ གཏེར་ཁུངས་པ་ཡང་ དེ་བཟུམ་མའི་མཛད་ཤུལ་བཟང་པོ་ལུ་གཟིགས་ཏེ་ ཐུགས་ལུ་རངས་དང་ཡིད་ཆེ་སྦོམ་སྦེ་རང་བྱུང་ཡོདཔ་ལས་ བོན་གྱི་བླམ་དེ་ལུ་ གུས་ཞབས་འབད་ཡོདཔ་ཨིན་མས།

ད་རེས་ནངས་པ་ བོན་གྱི་བླམ་དེ་ལུ་ གུས་བསྟུད་ཞུ་ནིའི་དོན་ལུ་ དཔལ་ཡེ་ཤེས་མགོན་པོ་ལུ་ གསོལ་མཆོད་ཚུ་ཕུལ་བའི་སྐབས་ བོན་གྱི་བླམ་གཅིག་གིས་ཡང་ ཁོ་རའི་ཆོས་ཕྱོགས་མཛད་སྒོའི་ན་བཟའ་ཆ་ཚང་བཞེས་དེ་ འདི་ནང་ལུ་ བཅའ་མར་གཏོགས་སྲོལ་ཡོདཔ་ཨིན་མས། མགར་ས་ ཚེས་བཅུ་དེ་ ལོ་ལྟར་བཞིན་དུ་ ཐིབ་ཕུག་ཚེས་བཅུ་དང་ འདྲན་འདྲ་སྦེ་གནང་སྲོལ་ཡོདཔ་ཨིནམ་དང་ ཚེས་བཅུ་ཉིནམ་དང་པམ་དེ་ ཕུག་ལྷ་ཁང་ནང་ལུ་སྦེ་གནང་སྲོལ་ཡོདཔ་ཨན་མས།




#Article 8: ལྷ་ས་ (121 words)


ལྷ་ས་ནི་། བོད་ཀྱི་ལྟེ་གནས་གྲོང་ཁྱེར་ཡིན་ལ། བོད་རྒྱལ་སྲོང་བཙན་རྒྱལ་པོའི་དུས་ལ་དམར་པོ་རིའི་རྩེ་ལ་བརྩིགས་པ་རེད། འདི་ནི་བོད་ཀྱི་ཆབ་སྲིད་དང་། དཔལ་འབྱོར། རིག་གནས་ཀྱི་ལྟེ་གནས་ཡིན། སྔོ་ལྗང་ཅན་གྱི་ལྷ་ས་སྐྱིད་ཆུ་ནི་གཉན་ཆེན་ཐང་ལྷའི་གངས་འཁྱག་བཞུ་བའི་ཆབ་རྒྱུན་ཡིན་ཞིང་དེ་ཉིད་ནགས་ཚལ་སྟུག་པའི་གྲོག་རོང་དང་། མུ་མཐའ་མེད་པའི་བྱང་ཐང་བརྒྱུད་དེ་ཆུ་ཤུར་ནས་ཡར་ཀླུང་གཙང་པོ་དང་འདྲེས་ཀྱི་ཡོད། གནའ་བོའི་གྲོང་ཁྱེར་ལྷ་ས་ནི་གཡུ་ལྟར་སྔོ་བའི་ཆུ་མོ་འདིའི་འགྲམ་དུ་མཆིས།

གྲོང་ཁྱེར་དེའི་ཡུལ་གྱི་དགེ་མཚན་ནི་ལྷོ་ཕྱོགས་སུ་ལྷ་སའི་སྐྱིད་ཆུ་ཡན་ལག་བརྒྱད་ལྡན་གྱི་གཙང་ཆུ་གཡས་སུ་འཁོར་ཞིང་རྒྱུགས་པ་དང་། ཤར་ན་ཇོ་མོ་ཟེ་ཟེ། བྱང་ཤར་དུ་སྨིན་དྲུག་རྫ་རི། ཤར་ལྷོར་ཆོས་རྒྱལ་བླ་རིའམ་བུམ་པ་རི། ནུབ་བྱང་དུ་དགེ་འཕེལ་རི་སོགས་ཀྱིས་བསྐོར་ཡོད།

ནམ་ཟླ་དུས་བཞིར་ཉི་འོད་འཕྲོ་ཤུགས་ཤིན་ཏུ་ཆེ་བ་དང་། ལོ་འཁོར་གཅིག་ནང་ཉི་འོད་འཕྲོད་ཚད་ཆུ་ཚོད་༣༠༠༠ཙམ་ཟིན་གྱི་ཡོད། གྲོང་ཁྱེར་དེའི་ས་ནང་བབ་ཀྱི་མཐོ་ཚད་རྒྱ་མཚོའི་ངོས་ལས་སྤྱི་ཁྲི་༣༦༥༠ཙམ་ཟིན་ཡོད་པ་དང་མཁའ་རླུང་ཤིན་ཏུ་གཙང་བ་མ་ཟད། དབྱར་དུས་ཆར་ཆུ་འབབ་ཚད་སྙོམ་པ། ལོ་རེའི་ཧོར་ཟླ་༧、༨、༩གསུམ་གྱི་ནང་ཆར་ཆུ་འབབ་ཚད་ཆ་སྙོམས་ལྟར་ན་ཧའོ་རྨིད་༤༥༠ཙམ་དང་། ལོ་རེའི་ཆ་སྙོམས་དྲོད་ཚད་ནི་དྲོད་ཚད་ཨང་གྲངས་༨ཡས་མས་ཡིན། དབྱར་དཀྱིལ་དྲོད་ཚད་མཐོ་ཤོས་ལ་དྲོད་ཚད་ཨང་གྲངས་༢༩ཙམ་ཡོད།

ཧོར་ཟླ་བདུན་པའི་ནང་སྔར་སྲོལ་དུས་སྟོན་འབྲས་སྤུངས་ཞོ་སྟོན་སྐབས་ནོར་བུ་གླིང་ག་དང་། རྫོང་རྒྱབ་ཀླུ་ཁང་སོགས་སུ་ལྷ་མོ་འཁྲབ་པ་དང་། གཞན་ཡང་དུས་དེ་ནི་རྒྱལ་ཁབ་ཕྱི་ནང་ནས་ཕེབས་པའི་ཡུལ་འཁོར་སྤྲོ་འཆམ་པ་དང་། གནས་མཇལ་བ། འཚོང་གཉེར་བ།རིག་གནས་སློབ་གསོའི་ལས་གཉེར་བ་སོགས་ཕྱོགས་མང་པོའི་མཐུན་གྲོགས་མཉམ་འཛོམས་ཐོག་དགའ་སྤྲོའི་ངང་ནས་གྲོང་ཁྱེར་དེ་ཡི་འབྱུང་འགྱུར་བྱ་གཞག་གང་དང་གང་གི་ཐད་ལ་གདུང་སེམས་མཉམ་སྐྱེས་ཀྱིས་ལག་སྦྲེལ་གོང་འཕེལ་གཏོང་རྒྱུའི་ཆོད་སེམས་མཐུན་ལམ་འཛུགས་པའི་གོ་སྐབས་བཟང་ཤོས་ཤིག་ཡིན། 

དཔལ་ལྷའི་དུས་ཆེན་གྱི་སྐོར་ངོ་སྤྲོད་མདོར་བསྡུས་ཤིག་བྱེད་པ།
ལྷ་ས་གྲོང་ཁྱེར་དུ། ལྷ་ས་དཔལ་ལྷའི་རི་ཁྲོད།། ཞོལ་པ་དགའ་ལྡན་ལྔ་མཆོད།།ཅེས་བཤད་སྲོལ་ཡོད། དེའི་དོན་ནི། དཔལ་ལྷའི་རི་ཁྲོད་ཀྱི་ཉིན་དེར། ལྷ་སའི་གཡས་གཡོན་དུ་བཞུགས་མཁན་གྱི་གྲོང་མི་དང་སྤུན་མཆེད་རྣམས། ལྷ་སའི་གཙུག་ལག་ཁང་དུ་མཆོད་མཇལ་ཞུ་བ་དང་དཔལ་ལྷ་མོ་མཇལ་དུ་ཕེབས་ཀྱི་ཡོད་པ་དང༌། སྐབས་དེར་ལྷ་ས་བ་ཚོས་ཞོལ་བ་རྣམས་སྐུ་མགྲོན་དུ་ཞུ་ནས་གསོལ་ཚིགས་འདེགས་སྲོལ་ཡོད། དབུས་ཁུལ་དང༌། ལྷག་པར་དུ་ལྷ་སའི་གཡས་གཡོན་གྱི་བོད་མི་ཚོར་མཚོན་ན། དཔལ་ལྷ་རི་རབ་ཀྱི་དུས་ཆེན་འདི་ནི་ཆེས་སྤྲོ་སེམས་འཁོལ་བའི་དུས་ཆེན་གྱི་གྲས་ཤིག་ཡིན།
དཔལ་ལྷའི་རི་ཁྲོད་ཀྱི་དུས་ཆེན་དངོས་གཞི་དེ་ནི། ལོ་རེའི་བོད་ཟླ་བཅུ་པའི་ཚེས་བཅོ་ལྔའི་ཉིན་ཡིན་ཞིང༌། ཉིན་དེར། ལྷ་ལྡན་གཙུག་ལག་ཁང་གི་གནས་སྲུང་དཔལ་ལྷ་དྲག་མོར་ལྷ་གསོལ་ཞུ་བའི་དུས་ཆེན་ཞིག་ཆགས་ཀྱི་ཡོད། དཔལ་ལྷའི་གསོལ་བའི་དུས་ཆེན་གྱི་ཐོག་མའི་བྱུང་རིམ་སྐོར་ལ། བོད་ཀྱི་དམངས་ཁྲོད་དུ་ཤོད་སྲོལ་ཞིག་ཡོད་པ་དེའི་སྐོར་ཞུས་ན། གཙུག་ལག་ཁང་གི་སྲུང་མ་ཆེན་མོ་དཔལ་ལྡན་དམག་ཟོར་རྒྱལ་མོ་ལ་ཕྲུ་གུ་བུ་མོ་གསུམ་བྱུང་བ་ལས། ཆུང་བའི་མིང་ལ་དཔལ་ལྷ་ཤིག་མོ་ཞུ་བ་དང༌། དེ་ནི་དམག་ཟོར་རྒྱལ་མོས་ཁོང་གི་དབུ་ལ་ཤིག་མང་པ་ཡོད་ཅིང༌། བུ་མོ་ལ་ཐེངས་མང་པོ་བཏུ་རུ་བཅུག་ནའང༌། བུ་མོ་དེས་ཨ་མའི་ཁ་ལ་མ་ཉན་པར་དུས་རྟག་ཏུ་རྩེད་འཇོར་གཡེང་ནས་བསྡད་པ་རེད་ཟེར། དམག་ཟོར་རྒྱལ་མོ་ཁོང་ཁྲོ་ལངས་ཏེ་བུ་མོ་ཁོང་གི་གཟུགས་པོ་ཡོངས་རྫོགས་ལ་ཤིག་གིས་ཁྱབ་པར་ཤོག་ཅེས་སྨོན་ལམ་ལོག་པ་བཏབས་པས་ཕྱིས་སུ་དཔལ་ལྷ་ཤིག་མོ་ཞེས་ལུས་ཡོངས་རྫོགས་ཤིག་གིས་གཡོག་ཡོད་པར་བཤད།
བུ་མོ་འབྲིང་བའི་མཚན་ལ་གདོང་བཙན་རྒྱལ་མོ་ཟེར་ཞིང༌། མོས་རྟག་ཏུ་ཨ་མར་ཁ་ལན་སློག་གི་ཡོད་སྟབས། ཨ་མས་མོ་རང་སློང་མོ་བ་ཞིག་ཏུ་འགྱུར་བར་ཤོག་ཅེས་སྨོན་ལམ་བཏབས་པ་ལ་བརྟེན་ནས། མཐར་གཙུག་ལག་ཁང་གི་ལྷོ་་ངོས་ཀྱི་རྡོ་སྟེང་དུ་སློང་མོ་བའི་ཚུལ་གྱིས་བཞུགས་ནས་ཡོད་པ་ཞིག་དེང་སང་ཡང་མཇལ་རྒྱུ་ཡོད། དེ་ནི་ལམ་གྱི་མགྲོན་པོ་རྣམས་ཀྱིས་མཆོད་འབུལ་ཁོ་ནར་བརྟེན་ནས་བཞུགས་ཀྱི་ཡོད།
བུ་མོ་ཆེ་བའི་མིང་ལ་དཔལ་ལྷ་དྲག་མོ་ཟེར་བ་དེ་ནི། སྐྱེས་པ་གང་མང་ལ་འགྲོགས་སྟབས། ཨ་མ་དམག་ཟོར་རྒྱལ་མོས། མོ་རང་ལ་ཚེ་གང་བོར་ཁྱོ་ག་གཅིག་ཀྱང་མི་རེག་པར་ཤོག  གལ་སྲིད་རེག་པའི་དབང་དུ་བཏང་ནའང༌། ཁྱོ་ག་དེ་དང་ལོ་གཅིག་ལ་དུས་གཅིག་ལས་ཐུག་འཕྲད་མི་ཡོང་བར་ཤོག་ཅེས་སྨོན་ལམ་བཏབས་པས། ཕྱིས་སུ་དཔལ་ལྷ་དྲག་མོར་ཁྱོ་ག་གཅིག་རང་བྱུང་བ་དེ་ནི་གཙུག་ལག་ཁང་གི་ཇོ་བོའི་སྐུ་སྲུང་སྟེ་ཆོས་སྐྱོང་རྫོང་བཙན་རེད།
དེ་ཡང༌། ཁོང་གཉིས་ལོ་གཅིག་ལ་ཐེངས་གཅིག་ལས་མཇལ་འཕྲད་གནང་ཐུབ་ཀྱི་མེད་དོན་ནི། དཔལ་ལྡན་དམག་ཟོར་རྒྱལ་མོས། ཆོས་སྐྱོང་རྫོང་བཙན་ནི་རང་གི་བུ་མོ་བློ་འབྲིད་མཁན་ཡིན་ཞེས་གཙུག་ལག་ཁང་ནས་ལྷ་སའི་སྐྱིད་ཆུའི་ཁ་གཏད་ལ་ཡོད་པའི་གྲིབ་ཚེ་མཆོག་གླིང་ལ་རྒྱང་ཕུད་དུ་བཏང་ཞིང༌། དུས་དེ་ནས་ཁོང་གཉིས་ལོ་གཅིག་ལ་ཐུག་འཕྲད་ཐེངས་གཅིག་ལས་གནང་ཐུབ་ཀྱི་མེད་པའི་ཅེས་ཤོད་སྲོལ་ཡོད།  དེར་བརྟེན་ལོ་གཅིག་གི་ནང་དུ་དཔལ་ལྷ་དྲག་མོ་དང་གྲིབ་རྫོང་བཙན་གཉིས་ཕན་ཚུན་མཇལ་འཕྲད་ཀྱི་ཉིན་མོ་གཅིག་ཡོད་པ་དེ་ནི་བོད་ཟླ་བཅུ་པའི་ཚེས་བཅོ་ལྔའི་ཉིན་ཡིན་པ་དང༌། ཁོང་གཉིས་ཞལ་མཇལ་བའི་ཆོ་ག་དེ་རིམ་གྱིས་གྲ་རྒྱས་སུ་ཆགས་ནས། དཔལ་ལྷའི་དུས་ཆེན་འདི་བྱུང་བ་ཡིན་པ་རེད་འདུག
དེ་ཡང་དཔེར་ན། དཔལ་ལྷ་དྲག་མོ་གཙུག་ལག་ཁང་གི་ཕྱི་ལ་གདན་འདྲེན་བྱེད་པའི་སྐབས་ལ་མཚོན་ན། ཚེས་བཅོ་ལྔ་ཉིན་གྱི་ཞོགས་པར་དགེ་འདུན་པ་ཚོས་དཔལ་ལྷ་མོའི་སྐུ་གསོབ་བར་སྐོར་ནང་གདན་ཞུའི་སྐབས་སུ། བར་སྐོར་གྱི་ཤར་ལྷོ་མཚམས་སུ་གདན་འདྲེན་ཞུས་ནས་དེར་བཞུགས་པའི་སྤུན་མཆེད་ཆུང་བ་གདོང་བཙན་རྒྱལ་མོ་དང༌།མཇལ་འཕྲད་བྱེད་དུ་འཇུག་པ་དང༌། དེ་ནས་དཔལ་ལྷ་དྲག་མོའི་སྐུ་གསོབ་དེ་གྲིབ་ཚེ་མཆོག་གླིང་གི་ཕྱོགས་ལ་ཁ་ཕྱོགས་སུ་བཅུག་ནས་འཇོག་པ་དང༌། དེའི་སྐབས་སུ་གྲིབ་ཚེ་མཆོག་གླིང་གི་ཕྱོགས་ནས་ཀྱང་རྫོང་བཙན་ཆོས་སྐྱོང་གི་ཞལ་དེ་ཚུར་བྱང་ཕྱོགས་གཙུག་ལག་ཁང་གི་ཕྱོགས་སུ་ཞལ་ཚུར་སློག་ནས་འཇོག་སྲོལ་ཡོད་པ་རེད།
དེ་སྔའི་མཛད་སྒོའི་སྐོར་ནས་ཞུས་པ་ཡིན་ན།  བོད་ཟླ་བཅུ་པའི་ཚེས་བརྒྱད་དགུ་ཙམ་ནས་དུས་ཆེན་འདིའི་མགོ་ཚུགས་ཀྱི་ཡོད་ཅིང་། རྨེ་རི་དགོན་པའི་དགེ་འདུན་པ་ཚོས་གཙུག་ལག་ཁང་གི་དཔལ་ལྷའི་ལྕོག་ལ་གཏོར་སྒྲུབ་ཚུགས་སྲོལ་ཡོད་པ་དང༌། དཔལ་ལྷ་དྲག་མོའི་ཞལ་འབག་གདན་འདྲེན་ཞུས་ནས་དཔལ་ལྷའི་ལྕོག་གི་སྒོ་འགྲམ་གྱི་ཀ་ཕིབས་འོག་ཏུ་དཔལ་ལྷའི་ཞལ་ལྷོ་རུ་གཟིགས་ནས་བཞུགས་སུ་བཅུག་པའི་མདུན་ལ་མཆོད་པའི་རྫས་སྣ་ཚོགས་བཤམས་ནས་མཆོད་བསྟོད་བྱེད་པ་དང༌། སྐབས་དེར། མཆོད་མཇལ་ཞུ་མཁན་ཚོས་ཀྱང༌བསང་མཆོད་དང་གསེར་སྐྱེམས་སོགས་འབུལ་ལ། དཔལ་གསོལ་མ་ཞེས་དཔལ་ལྷ་མོ་གསོལ་མཁན་བུད་མེད་བཅུ་གྲངས་ཤིག་དམིགས་འཛུགས་བྱེད་སྲོལ་ཡོད། བུད་མེད་དེ་ཚོས་རྒྱན་གོས་གཟབ་འཆོར་སྤྲས་ཏེ། དཔལ་ལྷའི་ལྕོག་གི་སྒོ་འགྲམ་དུ་གྲལ་བསྒྲིགས་ནས་བསྡད་དེ་དཔལ་ལྷའི་ལྕོག་ཏུ་བཞུགས་པའི་དགེ་འདུན་པ་ཚོས། དཔལ་ལྷ་ཞི་བ་དང་དྲག་མོའི་གསོལ་མཆོད་ཞལ་འདོན་གནང་བ་དེ་དང་མཉམ་དུ་ཞལ་འདོན་སྐྱོར་བ་སོགས་བྱས་ནས་གསོལ་མཆོད་བྱེད་སྲོལ་ཡོད། ཚེས་བཅུ་བཞི་ཉིན་དྲག་མོའི་སྐུ་གསོབ་དེ། གཙུག་ལག་ཁང་གི་ཡང་སྟེང་ཁྱམས་རའི་འོག་ཏུ་གདན་འདྲེན་པ་དང༌། ཚེས་བཅུ་བཞིའི་ཉིན་གྱི་གསོལ་མཆོད་གྲུབ་རྗེས། དངོས་གྲུབ་གཏོར་མ་ཞེས་མང་ཚོགས་ལ་ཚོགས་གཏོར་མ་འགྲེམས་སྐབས་འཚང་ཁ་ཆེ་ཞིང༌། ཚོགས་གཏོར་དེ་ནི་དངོས་གྲུབ་རྩ་ཆེ་ཤོས་ལྟ་བུར་བརྩི་བ་ཡིན།
བོད་ཟླ་བཅུ་པའི་ཚེས་བཅོ་ལྔ་ཉིན། དཔལ་ལྷའི་དུས་ཆེན་དངོས་གཞིའི་མཛད་སྒོར་མཚོན་ན། ཉིན་དེའི་ཞོགས་པ། ལྷ་ས་ཁུལ་གྱི་ཁྱིམ་འཛིན་བུད་མེད་ཚོ་འཚང་ཁ་ཤིག་ཤིག་གིས་དཔལ་ལྷ་མོར་མཆོད་ མཇལ་དུ་འགྲོ་བ་དང༌། དེ་ནས་ཉི་འོད་ས་གཞིར་ཁྱབ་པ་དང་མཉམ་དུ་དཔལ་ལྷའི་སྐུ་བརྙན་དེ་གཙུག་ལག་ཁང་གི་ཁྱམས་རའི་མཐིལ་དུ་གདན་དྲངས་པའི་སྐབས་ལ། སྙན་ཤལ་སོགས་ཕུལ་རྗེས། གཙུག་ལག་ཁང་གི་སྒོ་མོ་དང༌ཁྱམས་ར་བརྒྱུད་ནས་དཔལ་ལྷ་བར་སྐོར་དུ་གདན་འདྲེན་ཞུ་བ་དང༌། དེའི་སྐབས་སུ་བར་སྐོར་དུ་འཛོམས་པའི་མཆོད་མཇལ་བ་ཚོས། སྙན་ཤལ་འབུལ་བ་དང་མཆོད་མཇལ་བྱེད་སྲོལ་ཡོད།
དཔལ་ལྷ་མོ་གཙུག་ལག་ཁང་ནས་ཐོན་ཏེ་ཐོག་མར་ཀླུ་སྦུག་ཏུ་ཕེབས་རྗེས། གཏོར་ཟོར་འཕེན་པ་དང༌། དེ་ནས་ཁྲོམ་གཟིགས་ཁང་གི་ཐང་སྡེར་བར་སྐོར་གྱི་ཤར་ལམ་ལྷོ་ངོས་སུ་གཏོར་ཟོར་འཕེན་པའི་མཛད་སྒོ་བཅས་ཡོད། གང་ལྟར་ཉིན་འདིར། ལྷ་མོ་ཕེབས་ལམ་འཁེལ་ས་དག་ན་ཡོད་པའི་ཁྱིམ་མི་ཚོས་སྙན་ཤལ་སོགས་འབུལ་བའི་སྲོལ་ཡོད།
དུས་ཆེན་འདི་དང་འབྲེལ་བའི་ཡུལ་སྲོལ་གྱི་སྐོར་ནས་ཞུས་ན།  དེ་སྔར་མཚོན་ན། བུ་མོ་ལོ་ན་བཅུ་དྲུག་ཟིན་སྐབས་སྤ་ཕྲུག་གཡོག་སྲོལ་གྱི་མཛད་སྒོ་དེ་ཡང༌། དཔལ་ལྷའི་དུས་ཆེན་གྱི་ཉིན་འདིར་བྱེད་པ་ལྟ་བུར་ཡོད་པ་དང༌། གཞན་ཡང༌། དཔལ་ལྷའི་དུས་ཆེན་ཐོན་ལ་ཉེ་བའི་སྐབས་སུ་དགའ་ཉེ་སྤུན་མཆེད་དང༌། གྲོང་པ་ཁྱིམ་མཚེས་ཀྱི་ཕྲུ་གུ་ལོ་ཆུང་ཚོ། གཡོག་པོ་བཅས་ནས་དཔལ་ལྷའི་མདུན་ཆང་ཞེས་དངུལ་སློང་སྲོལ་ཡོད་པར། དེ་ལ་མང་ཉུང་ལ་མ་ལྟོས་པའི་དངུལ་སྟེར་སྲོལ་ཡོད་སྟབས། དཔལ་ལྷའི་དུས་ཆེན་ཐོན་ལ་ཉེ་བའི་སྐབས་དེ་ནི་དབུལ་ཁུལ་གྱི་ཕྲུ་གུ་ཚོར་དངུལ་གསོག་པའི་སྐལ་བ་ཡག་ཤོས་ཤིག་ཏུ་གྱུར་ཡོད། ལྷ་ས་གྲོང་ཁྱེར་ལ་མཚོན་ན། དེང་སྐབས་དཔལ་ལྷའི་དུས་ཆེན་ཐོན་ལ་ཉེ་སྐབས། བུད་མེད་ཚོས་སྐྱེས་པ་ཚོར་དངུལ་དང་རྔན་པ་སློང་སྲོལ་ཞིག་དར་བཞིན་ཡོད། ཉིན་འདིར་གནམ་གཤིས་མ་འདྲ་བ་ཞིག་སྟོན་གྱི་ཡོད་པ་ནི། ཉིན་འདིའི་ཕྱི་དྲོ་ལྷ་ས་གྲོང་ཁྱེར་གྱི་གཤམ་གཤིས་ནི་རླུང་འཚུབ་ཅན་གྱི་ལྷགས་པ་ཚ་པོ་ཞིག་ལྡང་གི་ཡོད་པར་བོད་མི་ཚོས་ལྷ་མོ་ར་བཟི་བ་རེད་ཅེས་ཤོད་སྲོལ་ཡོད།




#Article 9: རྒྱལ་ཐང་ (515 words)


རྒྱལ་ཐང་ནི་ཡུན་ནན་ཞིང་ཆེན་གྱི་ནུབ་བྱང་མཚམས་སུ་ཡོད་ལ། ཟི་ཁྲོན་དང་བོད་རང་སྐྱོང་ལྗོངས་གཉིས་ཀྱི་ས་མཚམས་སུ་ཆགས་ཡོད། 200 ལོར་ཤམ་བྷ་ལ་ཞེས་མིང་བསྒྱུར། རྒྱལ་ཐང་ནི་བདེ་ཆེན་བོད་རིགས་རང་སྐྱོང་ཁུལ་སྲིད་གཞུང་གི་ལྟེ་གནས་ཡིན་ལ།ཡུན་ནན་ཞིང་ཆེན་གྱི་བོད་རིགས་རང་སྐྱོང་ཁུལ་གཅིག་བུ་སྟེ་ཡིན།
དབྱིན་ཇའི་སྐད་དུ་  Shangrila  ཟེར་ལ་རྒྱལ་ཐང་ནི་དབྱིན་ཡིག་གིས་Gyalthangཞེས་འབྲི་སྲོལ'ཆགས་  རྒྱ་སྐད་དུ་香格里拉ཟེར

གསལ་བཤད་བྱ་རྒྱུ་ཞིག་ལ་སྤྱི་ལོ་2014 ཟླ་1པོ་རུ་རྒྱལ་ཐང་རྡོ་མཁར་རྫོང་གྲོང་རྙིང་ལ་མེ་སྐྱོན་ཚབ་ཆེན་བྱུང་སྟེ་ལོ་ངོ་སྟོང་ཕྲག་ལྷག་ཕྱིན་པའི་གནས་མཁར་འདི་ཕར་ཆེར་རྨེག་མེད་དུ་བཏང་བས། གཤམ་དུ་བཀོད་པའི་འགྲུལ་ཁང་དང་། ཟ་དང་། ཆང་ཁང་སོགས་གྲོང་རྙིང་དུ་ཡོད་དག་ཀྱང་མེ་ལ་ཤོར་པ་ཐུགས་ལ་མངའ་པར་བྱ།

དགེ་ལྡན་སུམ་རྩེན་གླིང་དགོན་པ། པོ་ཏ་མཚོ་རྒྱལ་ཁབ་སྤྱི་གླིང། རོང་ཆེན་ཁ་བ་དཀར་པོ། ཀོང་རྩེད་རྭ་བ། དོན་འགྲུབ་གླིང་དགོན་པ། གཡང་ཐང་མེ་ཏོག་ཐང་། 
ནགས་ཕག་མཚོ། ཤྭ་ཁ་རི་བོ། རི་བོ་ཨ་བྷོ་ལྗེང་

བྱང་ཆུབ་ཤིང་གུང་སེངས་མགྲོན་ཁང་། Banyantree resort 
སུམ་རྩེན་གླིང་ཁ་དབེན་གནས་མགྲོན་ཁང་། samtsen lingka retreat
སྒྲོལ་མའི་ཁྱིམ། 卓玛的家 Dolma's home
རྒྱལ་ཐང་རྫོང་མགྲོན་ཁང་། Gyalthang Dzong Hotel
ནས་འགྲུལ་ཁང་། Barely Inn

བྷའ་སུ་ཁར་(རྒྱ་གར་ཟས)
ན་ཡཱ་ཕྱི་ཟས་ཁང་།
ཧེ་ལིན་ཕེ་སཱ་ཁང་།
ཨོ་ལིབ་ཕྱི་ཟས་ཁང་།

བྱ་རོག་ཆང་ཁང་། The Raven Bar
ན་མ་སི་ངྷི་བྲོ་གར་ཁང་། 
ཁམས་པའི་མེ་ཐབ་བྲོ་གར་ཁང་། Khampa Fireplace

རྟ་དྲེལ་སོགས་ཀྱི་ཐོག་ནས་ཕྱོགས་ཕན་ཚུན་དུ་འགྲིམ་འགྲུལ་བྱེད་སའི་ས་ལམ་ཆེ་གྲས་ཀྱི་སྐོར།
ཤར་ཕྱོགས་སུ་རྨི་ལི་བརྒྱུད་དར་རྩེ་མདོ་དང་ཁྲིན་དུའུ་སོགས་རྒྱ་ནག་གི་ས་ཁུལ་ཁག་ཏུ་འགྲོ་བའི་ལམ་ཆེན་གཅིག་དང་། ཡང་ཤར་ལྷོའི་ཕྱོགས་ནས་ཐར་ལང་གི་ཡུལ་ལུང་བརྒྱུད་དར་རྩེ་མདོ་སོགས་ལ་འགྲོ་བའི་ལམ་ཆེན་ཁག་གཅིག ལྷོ་ཕྱོགས་ནས་འཇང་གི་ཡུལ་གྲུ་ཁག་བརྒྱུད་ས་ཐང་(ས་དམ?)སོགས་རྒྱ་ནག་གི་མངའ་སྡེ་ཡུན་ནན་གྱི་ས་ཁུལ་ཁག་ལ་འགྲོ་བའི་ལམ་ཆེན་གཅིག ནུབ་ཕྱོགས་སུ་ཀོང་རྩེ་ར་བའི་ཡུལ་དང་ཚ་བ་རོང་པའི་ཡུལ་ཁག་རིམ་བརྒྱུད་ཀྱིས་བོད་དབུས་ལྷ་ལྡན་དུ་འགྲོ་བའི་ལམ་ཆེན་གཅིག ལམ་ཆེན་འདི་ཆབ་མདོའི་ལྷོ་ཕྱོགས་ནས་ཡོད་པས་ཚ་བ་གོས་ཅན་ཐང་རྫོགས་མཚམས་ནས་བྱང་ཕྱོགས་ལ་ཉིན་ཤས་འགྲོ་ན་ཆབ་མདོར་འབྱོར་གྱི་རེད། བྱང་ཕྱོགས་ནས་གཏེར་མ་རོང་པའི་ཡུལ་ཁག་བརྒྱུད་འབའ་པའི་ས་ཁུལ་ཁག་ལ་འགྲོ་བའི་ལམ་ཆེན་གཅིག བྱང་ཤར་ཕྱོགས་ནས་སྔོ་ཤོད་བརྒྱུད་ཆ་ཕྲེང་དང་ལི་ཐང་གི་ས་ཁུལ་ཁག་ལ་འགྲོ་བའི་ལམ་ཆེན་གཅིག་བཅས་ཡོད། ལམ་ཆེན་འདི་རྣམས་རྒྱུན་དུ་འགྲུལ་པ་ཁག་གིས་འགྲོ་བསྐྱོད་བྱེད་མུས་ཀྱི་ལམ་ཆེན་ཁག་ཡིན། ལ་ལམ་ཆུང་གྲས་ནི་གྲངས་མེད་པ་ཡོད། 

ཡུལ་འདི་རྫོང་ཁག་སོ་སོ།
ཆེས་དཀར་ལེགས་བྱས་ཀྱི་འབྲས་བུའི་དཔལ་ཡོན་སྟོང་གིས་ཕྱུག་པའི་ཡུལ་ལྗོངས་འདིར་རྫོང་ཁག་ལྔའི་མངའ་ཁོངས་ཡོད་ལ། རྫོང་ཁག་ལྔ་ནི། རྒྱལ་ཐང་ལྟེ་བའི་ཤོག་ཁག་བཅུ་ལ་རྫོང་ཁག་གཅིག་དང་། གཏེར་མ་རོང་ཤོག་བརྒྱད་དང་ལམ་ལམ་ཚན་དགུ་ལ་རྫོང་ཁག་གཅིག ཡང་ཐང་ཤོག་ཆེན་ལྔ་ལ་རྫོང་ཁག་གཅིག འཇང་ཤོག་ཆེན་བརྒྱད་ལ་རྫོང་ཁག་གཅིག རོང་པ་ཤོག་ཆེན་ལྔ་ལ་རྫོང་ཁག་གཅིག་བཅས་ཡིན་ཞིང་དེ་དག་ནང་གསེས་ཅུང་ཟད་རྒྱས་པར་ཕྱེ་ན། རྒྱལ་ཐང་ཤོག་བཅུའི་རྫོང་ཁོངས་ལ། སྟག་ལུང་ཤོག་དང་། ཡུ་མོ་ཤོག  སྐྱ་སེར་ཤོག   ཨ་ནུ་ཤོག  རྒྱ་ནུ་ཤོག  ཁུར་རྩེ་ཤོག (འདི་ལ་གོང་ས་ལྔ་པ་ཆེན་པོའི་རྣམ་ཐར་ནང་ཁམས་ཚེས་ཞེས་གསལ)།  ར་བ་བེ་ནུའི་ཤོག་བཅས་ལ་རྒྱལ་ཐང་ཤོག་བཅུ་ཞེས་གྲགས། རྒྱལ་ཐང་ཡུལ་ལྟེ་བའི་བྱང་དང་བྱང་ཤར་ཁུལ་དུ།  གཏེར་མ་རོང་ངབ་སྦྲ་ཙག་རྫོང་ཁོངས་སུ། གཏེར་མ་རོང་མཁར་སྟོད་ཤོག་དང་། མཁར་སྨད་ཤོག   འབྲུག་ཐར་ཤོག  རྡོར་ཚ་ཤོག་བཅས་སྟོད་ཤོག་བཞི་དང་། མདོ་བ་ཤོག  ཨ་བཟང་ཤོག དྲུག་ཅུ་ཤོག  འབྲོག་ཡུལ་ཤོག་བཅས་སྨད་ཤོག་བཞི།  གཞན་ཡང་། ལྷས་གསང་ཤོག ཚ་ལུང་ཤོག  འབར་ལ་ཤོག བཙན་བཟང་ཤོག  ས་གཙང་ཤོག  རྒྱལ་ཟེ་ཤོག  ལུང་བཟང་ཤོག  ནགས་སྐེ(ད)་རགས་ཤོག  རྨ་ལོ་ཤོག  བླང་ཤོད་ཤོག  འགོད་ལ་སྟོད་སྨད།  འཕར་བ་ཤོག  སྒྲ་ཙག་ཤོག་བཅས་ཡོད།  དེ་རྣམས་ལ་གཏེར་མ་ཤོག་བརྒྱད་དང་ལམ་ཚན་དགུ་ཞེས་གྲགས། 
རྒྱལ་ཐང་ལྟེ་བའི་ལྷོ་ཕྱོགས་སུ་ཡང་ཐང་རྫོང་ཁོངས་ལ། དར་ར་ཤོག གྲོང་ཆུང་ཤོག ཀི་ཀི་རྫོང་། ལྷོ་རྒྱས་ཤོག ལུང་མདོ་ཤོག་བཅས་ལ་ཡང་ཐང་ཤོག་ཆེན་ལྔ་ཞེས་གྲགས།
ཡང་ཐང་གི་ཤར་ལྷོ་དང་ལྷོ་ཕྱོགས་སུ་འཇང་རྫོང་ཁོངས་ལ། ལར་བབས་ཤོག  ཀེའུ་སྦ་སྦྲིལ་ཤོག འུ་ཡག་གླས་ལུང་། ཨ་ལ་མགོ། ལ་མ་དང་ཧར་སྦར། སྒ་ལོ་གྲོང་(བསམ་སྤོ་འབེལ། འཇང་རྒྱས་ཤོག བསང་བཅའི་ཤོག གླ་རྫི་འགོ་དང་། ཟམ་ཁ་ཤོག་བཅས་ཡོད་པ་དེ་དག་ལ་འཇང་ཤོག་བརྒྱད་ཅེས་གྲགས)
རྒྱལ་ཐང་ལྟེ་བའི་ནུབ་ཕྱོགས་སུ་རོང་པ་རྫོང་ཁོངས་ལ་། ཐང་སྟོད་ཤོག  ཐར་སྟེང་ཐང་སྨད་ཤོག རི་བཞིན་དང་མཁར་མར་ཡུལ་བཞི། བང་སོ་མཁར་འགོ་བཞི ཁྲམ་རྟགས། ནགས་སྟེང་། འཛམས་འཕྲུལ། ཉིན་ཤེར་ཤོག གླེའུ་ལུང་ཡུལ་གྲོང་བཅུ་གཉིས་ཤོག་གཅིག་བཅས་ཡོད་པ་དེ་དག་ལ་རོང་པ་ཤོག་ཆེན་ལྔ་ཞེས་གྲགས་སོ། 
རོང་ཡུལ་གྱི་ལྷོ་ཕྱོགས་ལ་རོང་པ་ཤོག་ཆེན་ལྔའི་ཤོག་སྣོན་ལྟ་བུ་རྒྱ་ཞིང་གི་ཡུལ་ཚོ་ཁག་ཡོད། གོང་གསལ་ཡུལ་སྡེ་དེ་རྣམས་ནི་མི་སྡེའི་གྲས་ཤ་སྟག་ཡིན། ཤོག་ཁག་དེ་རྣམས་ལ་དུད་ཚང་ཐེམ་གྲངས་བརྒྱ་སྐོར་རེ་ལས་མ་ཉུང་བ་ཡོད་ཅིང་། འཇང་གི་ཤོག་ཁག་གྲས་ནས་ཐེམ་གྲངས་སྟོང་ཕྲག་བརྒལ་བ་མང་པོ་ཡོད། འདི་དག་ལ་དབང་ལུང་བསྒྱུར་བ་པོའི་དཔོན་རབས་རྣམས་འོག་ཏུ་གསལ།
ལ་སྡེའམ་ཆོས་སྡེའི་གྲས།  རྒྱལ་ཐང་ལྟེ་བའི་བྱང་ཕྱོགས་སུ་རྒྱལ་སྡེ་ཤོག་བཞི་དང་། དེའི་ཤར་གྱི་འདབས་འབྲེལ་དུ་རྩྭ་སྙིང་ཤོག་ཁག་གཉིས། རྒྱལ་ཐང་དགོན་ཆེན་གྱི་ནུབ་ཕྱོགས་སུ། གནས་གཞི་དང་། གླང་ཐང་། མཆོད་རྫོང་། དར་ར། སྤེ་གླང་། བུམ་སྤེ། ལ་ལུང་། ནགས་ཕག གཟིག་རུ་རྒྱབ། རྒྱལ་ཐང་གི་ལྷོ་ཕྱོགས་སུ་ཡང་ཐང་བོན་དགོན་ཞེས་པའི་ཡུལ་ཁག་གཉིས། མཚོ་འགོ་ལུང་། མཁར་སྣ་བཅས་རྒྱུན་དུ་དགོན་པའི་བདག་ཐོབ་ཀྱི་ལྷ་སྡེའི་གྲས་ཡིན། དེ་རྣམས་ལ་ཆོས་སྡེ་སུམ་བརྒྱ་དང་བླ་སྡེ་བདུན་ཅུ་ཞེས་གྲགས་ཤིང་།
ཆོས་སྡེ་སུམ་བརྒྱ་ནི་གོང་ས་ལྔ་པ་ཆེན་པོའི་རྣམ་ཐར་དུ་ཀུ་ལའི་གོས་བཟང་ལས། རྒྱལ་ཐང་དགའ་ལྡན་སུམ་རྩེན་གླིང་ལ་དུད་སུམ་བརྒྱའི་རྐང་འགྲོ་ལག་འདོན་དང་། གཤོར་འདེབས་སོགས་སྦྱོར་བཇགས་མཛད་ཚུལ་གསལ་བར་གསུངས་པ་ལྟར་དགོན་སྡེ་སྤྱིའི་ཞབས་འདེགས་ཞུ་མི་དང་། བླ་སྡེ་བདུན་ཅུ་ནི་བླ་བྲང་མཁན་པ་རིམ་བྱོན་གྱི་ཞབས་འདེགས་སྒྲུབ་མི་ཡིན། གཞན་ཡང་སྟོད་སྨད་བར་གསུམ་གྱི་ཡུལ་ཁག་གཞན་ནས་བྲོས་བྱོལ་དུ་ཡོང་སྟེ་ཡུལ་ལུང་འདིར་གཞིས་ཆགས་གཏན་སྡོད་བྱེད་པའི་དུད་ཚང་བརྒྱ་ཕྲག་མང་པོ་ཡོད། དེ་རྣམས་ཀྱི་ནང་ནས་ཟ་ཁང་འཛིན་མི་དང་། ཚོང་ལས་ཙག་ཙིག འཚེམ་བཟོ། ལྷམ་མཁན། ཀོ་བའི་དངོས་ཆས་སྤུས་ལེགས་བཟོ་བསྐྲུན། ཚོན་རྩིའི་ལས་དང་། ལྷ་བཟོ་དང་ལྷ་བྲིས། རྡོ་བཟོ་ཤིང་བཟོ་མཁས་པ། གསེར་དངུལ་ཟངས་སོགས་ལ་དཀྲོལ་ཚགས་བརྡུང་གསུམ་གྱི་དངོས་རིགས་སྤུས་ལེགས་བཟོ་མི། ཆོས་འདོན་པ་དང་། རང་མོས་ལས་གླས་འཚོ་བ་སོགས་གང་ལྟར་འཚོ་གོས་རང་མགོ་ཐོན་ངེས་ཤ་སྟག་ཡོད། རྒྱལ་ཐང་ཡུལ་སྡེ་སྤྱི་ལ་དུད་ཁྱིམ་ཆེ་ཆུང་བསྡོམས་ཐེམ་གྲངས་ཆིག་ཁྲི་ལྷག་སྐོར་ཡོད། ཡུལ་གྲོང་དེ་རྣམས་ཀྱི་ཁང་པའི་བཟོ་དབྱིབས་ནི་ཕལ་ཆེར་བོད་དབུས་ཀྱི་ཁང་པ་དང་མཚུངས་ཤིང་། རྩིག་པ་རྣམས་རབ་རྡོ་རྩིག་རྐྱང་པ་དང་། འབྲིང་རྣམས་རྡོ་རྩིག་གི་ཁ་ནས་གྱང་སྲ་བརྟན་དང་། མ་མཐའ་ཡང་རྡོ་རྩིག་གི་སྟེང་ནས་ས་ཕག་བརྩེགས་པ་མ་གཏོགས་རྩ་ཤིང་རྐྱང་པའི་ཁང་པ་བཟོ་སྲོལ་མེད། ཐོག་ས་ཉིས་བརྩེགས་ནས་ལྔ་བརྩེགས་བར་ཡོད། སྒོ་དང་སྐར་ཁུང་གི་འགྲམ་རྒྱན་ནག་རྩི་དང་། ཐོག་སོ་སོའི་ཐོག་རྒྱན་ཤིང་དཀྲོལ་བརྐོས་ཚོན་རྩི་ཅན་གྱིས་བརྒྱན་པ་སོགས་བོད་དབུས་པའི་སྲོལ་ལྟར་ཡིན། ཁང་པའི་ཐོག་ཁར་ལྷ་ཐོ་རེ་དང་བསངས་ཐབ་རེ། དར་ལྕོག་འཛུགས་པ། རྒྱལ་སྒོའི་ཉེ་འཁྲིས་སུ་དར་ཆེན་འཛུགས་པ་དང་། ལམ་བར་ཁག་ཏུ་མ་ཎི་རྡོ་འབུམ་དང་། ཚ་ཁང་ཁག་བཅས་དར་སྲོལ་ཆེན་པོ་ཡོད། 
དགོན་སྡེ་ཁག་གི་ཁང་པའི་དབྱིབས་སོགས་ནི། བོད་དབུས་ཀྱི་ཆོས་སྡེ་གཙུག་ལག་ཁང་སོགས་ཇི་བཞིན་ལས་མི་འདྲ་བ་ཆེར་མེད། 

ཡུལ་མི་ཚོའི་ངག་རྒྱུན་ལ་སུམ་བརྒྱ་སུམ་ཅུ་ཞེས་གྲགས་ཀྱང་གོང་ས་ལྔ་པ་ཆེན་པོའི་རྣམ་ཐར་ནང་དུ་དགེ་འདུན་གྱི་གྲངས་ཚད་དེ་ལྔ་བརྒྱ་སུམ་ཅུ་ཞེས་བཀོད་འདུག དེ་ནས་དགེ་འདུན་གྲངས་འབོར་རིམ་འཕེལ་གྱིས་རྒྱལ་མཆོག་བསྐལ་བཟང་རྒྱ་མཚོའི་སྐུ་དུས་སུ་དགེ་འདུན་ཞལ་གྲངས་ཆིག་སྟོང་སུམ་བརྒྱའི་སྐོར་འཕེལ་རྒྱས་བྱུང་འདུག་པ་ནི། རྒྱལ་མཆོག་བསྐལ་བཟང་རྒྱ་མཚོའི་རྣམ་ཐར་ལས། རྒྱལ་ཐང་སུམ་རྩེན་གླིང་དགེ་འདུན་ཆིག་སྟོང་སུམ་བརྒྱའི་སྐོར་ལ་ཕྱག་མདུད་དང་བྱིན་རྟེན། སྤྱི་འཇོག་ཏུ་རྒྱལ་བའི་བཀའ་འགྱུར་རིན་པོ་ཆེ་མཚལ་དཔར་མ་གླེགས་ཐག་བཅས་ཆ་ཚང་སྤུས་དག་དང་། ཇི་སྲིད་རྒྱལ་བསྟན་ནམ་གནས་བར་ལོ་ལྟར་ས་ག་ཟླ་བའི་ནང་དུ་གསུང་སྒྲོགས་གནང་རྒྱུའི་ཐེབས་བཅས་སྩལ། ཞེས་གསུངས་པར་སྣང་ངོ་། དེ་ནས་ཡུལ་དགོན་གཉིས་ཀ་ཆོས་སྲིད་གང་ཐད་ནས་ཡར་རྒྱས་ཆེ་བོར་བརྟེན་དགེ་འདུན་གྱི་སྡེ་ཡང་ཇེ་རྒྱས་ཇེ་འཕེལ་གྱིས་དགེ་འདུན་ཞལ་གྲངས་ཆིག་སྟོང་ལྔ་བརྒྱའི་སྐོར་རིམ་འཕེལ་འགྲོ་བཞིན་པའི་སྐབས་སུ། བར་ལམ་ཞིག་ནས་ཡུལ་ལུང་འདི་རྒྱ་ནག་གི་མངའ་འོག་ལྟ་བུར་ཚུད་པས་ལོ་ལྟར་དགེ་འདུན་གྱི་འབྲུ་ཕོགས་དེ་བཞིན་ཡུལ་དེར་ཡོད་པའི་རྒྱ་མིའི་དཔོན་རིགས་དང་ལག་སྒྲེལ་ཐོག་འབུལ་དགོས་པར་བརྟེན་རྒྱ་རིགས་ལས་བྱེད་པས་དགེ་འདུན་གྱི་གྲངས་འབོར་འཕེལ་རྒྱས་ཆེ་ཞིང་ཡུལ་འདིའི་འབྲུ་ཁྲལ་གྱིས་ལྡེང་མིན་སོགས་ཀ་ཀོར་མང་པོ་བཤད་མཐར་དགེ་འདུན་ཞལ་གྲངས་ཆིག་སྟོང་ལྔ་བརྒྱ་སྐོར་ལ་ཚད་འཛིན་བཟོ་དགོས་བྱུང་འདུག་ཀྱང་། དགེ་འདུན་གྲངས་ཚད་ལས་བརྒལ་བའི་གསར་ཞུགས་རྣམས་ལ་དགོན་པ་སྤྱི་གཞུང་དང་། ཁང་ཚན་སོ་སོའི་འཆར་འཕར་གྱི་གཏོང་སྒོ་ཡོད་རིགས་དང་། འབྲུ་དངུལ་གྱི་ཕོགས་དང་འགྱེད་སོགས་དགེ་འདུན་བྱིངས་དང་འདྲ་མཚུངས་སུ་འབུལ་སྲོལ་ཡོད་པས་དགེ་འདུན་གྲངས་ཚད་ལས་ལྷག་པ་རྣམས་ལའང་འཚོ་ཆས་ལྡེང་ངེས་ལྷག་དང་བཅས་པ་ཡོད། ཕྱིས་སུ་དགེ་འདུན་གསར་ཞུགས་མང་སྟབས་དགེ་འདུན་ཞལ་གྲངས་ཉིས་སྟོང་ལྷག་སྐོར་བཞུགས། དགེ་འདུན་གྲངས་ཚད་འདི་བཞིན་བཞུགས་པ། སྐྱབས་གཅིག་བཀྲིན་ཟླ་མེད་སྐྱབས་རྗེ་ཡོངས་འཛིན་ཁྲི་བྱང་རྡོ་རྗེ་འཆང་ཆེན་པོ་རང་གི་སྐྱོང་ཡུལ་གཞིས་དགོན་ཆ་ཕྲེང་(ཕྱག་ཕྲེང་)བསམ་འཕེལ་གླིང་དུ་ཞབས་ཀྱིས་བཅགས་ཏེ།  ལོ་ཤས་རིང་ཡུལ་དེའི་སྐལ་ལྡན་གདུལ་བྱ་རྣམས་ལ་རང་རང་གི་བློ་མོས་དང་འཚམས་པའི་ཟབ་རྒྱས་ཆོས་ཀྱི་བདུད་རྩིས་ཚིམས་པར་མཛད་པས་མངོན་མཐོ་དང་ངེས་ལེགས་ཀྱི་ས་བོན་གྲུང་པོ་བསྐྲུན་པར་མཛད་པ་སོགས་རྨད་བྱུང་ཆོས་སྲིད་ཀྱི་མཛད་འཕྲིན་ལེགས་གྲུབ་ཐོག སླར་ཡང་དབུས་འགྱུར་ཆོས་ལྡན་གྱི་ཞིང་དུ་ཆིབས་བསྒྱུར་བསྐྱངས་ཞོར་རང་ཅག་རྒྱལ་ཐང་པའི་དགོན་ཡུལ་སྤྱིའི་བསོད་ནམས་ཀྱི་མགོན་དུ་སུམ་རྩེན་གླིང་དུ་ཞབས་སོར་འཁོད་དེ། ཉིན་གྲངས་ཉི་ཤུའི་སྐོར་དགྱེས་བཞིན་སྤྲོ་བཞུགས་དང་། དགེ་འདུན་ཉིས་སྟོང་སྐོར་ལ་ཟབ་རྒྱས་ཆོས་ཀྱི་བདུད་རྩིའི་སྒོ་སྐལ་དབང་ཆེན་དང་ལམ་རིམ་སོགས་མདོ་སྔགས་ཀྱི་ཟབ་ཆོས་མང་པོས་སྨིན་གྲོལ་གྱི་ལམ་ལ་འགོད་པ་དང་། ཆོས་སྡེའི་སྒྲིག་ཁོངས་སུ་བཞུགས་བདེང་རྒྱག་(?) གནང་མཛད་ཅིང་ཁང་ཚན་སོ་སོར་ཡང་ཞབས་ཀྱིས་བཅགས་ཏེ་ཆོས་འབྲེལ་རེ་དང་བསྙེན་བཀུར་རེ་བཅས་ཆོས་སྲིད་ཀྱི་མཛད་པ་རླབས་པོ་ཆེ་ཇི་ལྟར་མཛད་ཚུལ་རྗེ་ཉིད་ཀྱི་མཛད་རྣམ་ཆེན་མོར་ལམ་ཙམ་གསལ།

རྒྱུན་དུ་བརྐོ་འདོན་བྱེད་བཞིན་པའི་གསེར་གྱི་གཏེར་ཁ་ཁག་བཅུ་གཉིས་དང་། དངུལ་གྱི་གཏེར་ཁ་ཁག་གཉིས། ཟངས་ཀྱི་གཏེར་ཁ་ཁག་གཉིས། ལྕགས་ཀྱི་གཏེར་ཁ་ཁག་གསུམ། ཞ་ཉེ་དང་མུ་ཟིའི་ཐོན་ཁུངས་མང་པོ་ཡོད། ཡང་གསེར་དངུལ་སོགས་ཀྱི་གཏེར་ཁ་ཁག་མང་བཀོ་འདོན་མི་ཆོག་པ་དང་། འདོན་སྲོལ་མེད་པ་ཡང་མང་པོ་ཡོད། ཡང་ཡུལ་གྱི་སྟོད་སྨད་བར་གསུམ་དུ་ཆེད་གཉེར་བཀོ་འདོན་མ་དགོས་པར་རང་བྱུང་ཟངས་དང་། དངུལ་ཆུ།གཡུ་བཟང་དང་གཟིའི་རིགས་སོགས་རྙེད་མི་མང་པོ་ཡོད། དེ་ལྟར་ཟངས་སོགས་ཀྱི་ཐོན་ཁུངས་གཞན་འགྲན་བྲལ་བ་ཡོད་པར་བརྟེན་བོད་གཞུང་དགའ་ལྡན་ཕོ་བྲང་པ་ཆེན་པོས་རྒྱལ་ཐང་ཁུལ་ལ་ལོ་ལྟར་ཟངས་སྒྲུབ་སྡེ་པ་རེ་གཏོང་སྲོལ་ཡོད།

བོད་ཚོན་སྤུས་ལེགས་མཐིང་དམར་ལྗང་གསུམ་དང་། བ་བླ། བཙག་དམར། ས་དཀར། ས་སེར། རྫ་ས། ཨརྒའི་ས་སོགས་དང་། 

རྡོ་སྨན་ཅོང་ཞི་རིགས་མི་འདྲ་བ་གསུམ་དང་། གཡང་ཊི་ལྟ་བུའི་རྡོ་ཆེན་ཐོག་སྟག་སེང་ཁྱུང་འབྲུག་དང་། རྫས་རྟགས་སོགས་ཀྱི་རི་མོ་བརྐོས་དཀྲོལ་བྱས་ཏེ་དགོན་སྡེ་ཁག་གི་སྒོ་འཆོར་གྱི་འགྲམ་སྐྱོར་དང་། སྒེར་ཁག་གི་རྒྱལ་སྒོའི་འགྲམ་རྒྱན་དང་། རྒྱལ་སྐས་ཀྱི་སྟེགས་བུའི་རྒྱན་སོགས་བཟོ་བྱེད་རྡོའི་རིགས་སྤུས་ལེགས་ཤིག་དང་། རྒྱ་སྒོ་སྲ་བརྟན་ཅན་དང་། རྡོ་གཡམ་དང་བརྡར་རྡོ། རྡོ་ཞུན། མེ་རྡོ་དཀར་ནག ཉི་མ་ཁ་ཆུ་སོགས་རྡོའི་རིགས་མི་འདྲ་བ་དུ་མ་དང་།

ཤིང་གི་རིགས་སྤྱིར་ཡུལ་གྱི་རྒྱ་ཁྱབ་ཏུ་ནགས་ཚལ་སྟུག་པོས་ནམ་མཁའ་མི་མངོན་པ་དང་བགྲོད་ལམ་མི་རྙེད་པའི་ནགས་ཀླུང་མཛད་མཐའ་མེད་པ་ལྟ་བུས་ཡོངས་སུ་ཁྱབ་ཡོད། ནགས་ཚལ་ཕལ་ཆེ་བའི་ནང་དུ། མདོང་ཤིང་དང་མདོང་དཀར། འདི་གཉིས་ལ་གསོམ་ཤིང་ཟེར། ཐང་ཤིང་དཀར་ནག་གཉིས། འདི་ལ་སྒྲོན་མེ་ཤིང་ཟེར། འཚག་ཤིང་། འཁྲིགས་ཤིང་། སྟག་མ་དང་སྟག་ཆུང་ཤིང་། བེ་རྡོ་ཤིང་། ལ་ལྦ་དང་། པན་ཙན་ཤིང་། འོ་སེ་ཤིང་། ཤུག་པ་རིགས་མི་འདྲ་བ་གསུམ། ཤུག་པ་ཤུག་ལེབ། འདི་ལ་ཡུལ་མིས་ཙན་དན་ཟེར། ཨ་ག་རུའི་ཤིང་། འཛོ་མོ་ཤིང་། ཇ་ཤིང་། རེ་ལྕགས་ཤིང་། རླན་རྒྱུག་ཤིང་། སྤོས་དཀར་དང་གུལ་གུལ་ནག་པོའི་ཤིང་། གྲོ་བ་ཤིང་། སེང་ལྡེང་། སྦྱར་པ་དང་སྦྱར་སྐྱ་ཤིང་། བླང་མ། ལྕང་མ་མི་འདྲ་བ་གསུམ། སྤ་མ། སུ་ལུ་དཀར་ནག སྐྱེར་པ། བྲག་ཆེར་དཀར་ནག སེ་བ། སྨྱུག་མ། སྦ་སྨྱུག སྨྱུག་ཤེད། ལུང་ཐང་། འབོ་དེ་རྩེ། ཚེར་རུའི་ཤིང་། རྒྱ་རྩིའི་ཤིང་སོགས་ཤིང་གི་རྣམ་གྲངས་མང་པོ་ཡོད། 

ཁམ་སྐྱ། ཁབ་སེར། ཤ་ཁམ། ལོ་གསུམ་ཁམ་བུ། མངར་ཁམ་སོགས་བུའི་རིགས་མི་འདྲ་བ་མང་པོ་དང་། སྟར་ཁ་མི་འདྲ་བ་ཁག་བཞི། ཚ་ལུ་མ། ཀུ་ཤུ་མི་འདྲ་བ་མང་པོ། ལི་(ཆང་བ་ལི)་མི་འདྲ་བ་མང་པོ།
སེའུ། སེ་འབྲུ་མངར་སྐྱུར་ཁག་མང་། རྒུན་འབྲུམ་དཀར་ནག་གཉིས། ཡང་རྒུན་འབྲུམ་ཆུང་བ། རོང་ས་ཁག་ཏུ་ཤིང་ནགས་ཀྱི་གསེབ་ཏུ་རང་གར་སྐྱེས་ཤིང་སྨིན་པ་མདོག་ནག་པོ་དང་རོ་ཤིན་ཏུ་མངར་བ་ཞིག་ཡོད། ཨ་སྨྲའི་འབྲས་བུ་ཆེ་ཆུང་གཉིས། ཆུང་བ་ལ་སོས་ནག་ཟེར། འབྲུག་སོས་ཟེར་བ་ཚེར་བ་ཚེར་ཤིང་གི་འབྲས་བུ་རོ་མངར་ཅན་ཞིག ར་རྒྱུག་སོས་ཟེར་བ་ཚེར་ཤིང་སྡོང་པོ་ཆེན་པོ་ཞིག་གི་འབྲས་བུ་ཆུང་ཆུང་རོ་བཅུད་གསེར་ལི་དང་འདྲ་བ་ཞིག་ཡོད། འདི་ལ་ལུང་ཚན་འགར་ཁྱོ་སོས་ཕག་སོས་ཟེར། བུ་རམ་ཤིང་དང་། ཀེ་ལའི་སྡོང་པོ། སྟག་ཚེར་དཀར་ནག་གཉིས་སོགས་མང་དུ་ཡོད། སྟག་ཚེར་དཀར་པོའི་འབྲས་བུ་མདོག་སེར་པོ་རོ་བཅུད་ཕུན་སུམ་ཚོགས་པ་ཞིག་ཡོད། འདི་ལ་ཡུལ་མི་རྣམས་ཀྱི་རང་སྐད་ལ་ཁྲུ་མ་ཞེས་གྲགས་ཤིང་ཐོན་ཁུངས་ཀྱང་ཆེ་བའི་གྲས་ཡིན། 

ཤོ་མོང་གསེར་ཤ། བེ་རྡོའི་ཤ་མོང་འདི་གཉིས་སྐམ་པོ་བྱས་ཏེ་རྒྱ་ནག་གི་ཡུལ་སོགས་ལ་རྒྱ་ཆེར་བཙོང་སྲོལ་ཡོད། དཀར་ཤ། མདོང་ཤ་མོང་། ཤ་མོང་བྱི་བ་རྐང་ལག ཤ་མོང་ལུ་ཟེར་བ་སོགས་ཤ་མོང་མི་འདྲ་བ་དུ་མ་ཡོད། 

གཡེར་མ་དང་གཡེར་ཅན། གོ་སྙོད། ས་ཚོད། རི་སྒོག སྒ་སྨུག པུད་སྣ་སོགས་ཤ་སྨན་གྱི་རིགས་དུ་མ་ཡོད།

མོག་རོ། དབྲ་ཤག གོ་བོ་ཚོད་མ། དབུར་བོང་སོགས་རི་ཀླུང་ཐང་གསུམ་དུ་རང་གར་སྐྱེས་པའི་སྔོ་ཚོད་ཀྱི་རིགས་དུ་མ་ཡོད། དབུར་བོང་ཞེས་པ་དེ་རི་མཐོ་སར་མདོང་ཤིང་གི་གསེབ་ཏུ་སྐྱེས་ཤིང་སྐམ་པོ་བྱས་ནས་རྒྱ་ཡུལ་སོགས་ལ་འགྲོ་བའི་ཚལ་རིགས་ཤིག་ཡིན། ཆེད་གཉེར་བཏབ་པའི་སྔོ་ཚོད་གྲས་པད་ཚལ་དང་། ཆིན་ཚལ། ལོ་གོར་པད་ཚལ། འཕུལ་ཀོ་ཕེ། ཇིན་ཚལ། ཅུམ་ཚལ། ཊོ་མ་ཊོ། བཙོང་། བཙོང་ལེབ། འུ་སི་འདི་ལ་བོད་དབུས་པས་བསོད་ནམས་པད་འཛོམས་ཟེར། ཞོ་གོག་དཀར་མར་གཉིས། གོང་ལ་ཕུག རྒྱ་ལ་ཕུག ཉུང་མ་རིགས་མི་འདྲ་བ་དུ་མ། དབུར་སིན། ཕག་ཤེ་མི་འདྲ་བཞི་སྐོར། གཞན་ཡང་སྔོ་ཚོད་ཀྱི་རིགས་མི་འདྲ་བ་མང་པོ་དང་ཐོན་ཁུངས་བཟང་ངེས་ཡོད། དེ་བཞིན་རི་ཀླུང་ཐང་གསུམ་དུ་སྐྱེས་པའི་མེ་ཏོག་གི་རིགས་མི་འདྲ་བ་དུ་མ་ཡོད་ཀྱང་རེ་རེ་བཞིན་བརྗོད་ཀྱིས་མི་ལང་ངོ་།

ཞིང་ལུད་གསོག་འདོན་བྱས་ཏེ་ས་བོན་ཐོག་མར་འདེབས་པ་དང་། རྨོ་པ་ཐོག་མར་འགོ་འཛུགས་སྐབས་བཅས་ལ་རྨོ་པ་རྒྱག་མི་མཐོང་མཁན་དང་། ས་བོན་འདེབས་པ་པོ་མིང་བཀྲ་བཟང་ཞིང་དབང་པོ་ཚང་བ་ལོ་ན་གཞོན་པ་ཞིག་གྱོན་གཟབ་འཆོར་དང་བཅས་སྐར་རྩིས་མཁས་པས་རྩིས་འབྲས་ལྟར་འཕྲོད་སྦྱོར་དགེ་བའི་ཉིན་ཕྱོགས་གཙང་ལ་ཁ་བསྟན་ནས་དུས་ཚོད་འཕྱུག་མེད་ཐོག་ས་བོན་འདེབས་ཤིང་མཐོང་མཁན་གྱིས་མཛོ་དང་གླང་གོག་འདུལ་སྦྱོང་ལེགས་པར་བྱས་པ་གཉིས་གཤིབས་ཀྱི་ཐོག་ནས་རྨོ་པ་རྒྱག་འགོ་ཚུགས་དགོས་པ་དང་དེའི་ཉིན་ཇ་ཆང་སོགས་འདོད་ཡོན་བཟང་པོར་ལོངས་སྤྱོད་པ་སོགས་རྟེན་འབྲེལ་གང་ལེགས་བྱ་སྲོལ་ཡོད། 

འབྲུ་རིགས་ནས་དཀར་ནག་གཉིས་དང་། སོ་བ་རིགས་མི་འདྲ་བ་གསུམ་བཞི། གྲོ་རིགས་མི་འདྲ་བ་གསུམ། སྲན་མ་རིགས་མི་འདྲ་བ་ལྔ་སྐོར། བྲ་བོ་དཀར་ནག་སྐྱ་གསུམ། ཏིལ་དཀར་ནག ཡུངས་དཀར། པད་ཁ། སོ་མ་ར་ཙ། ཉི་མ་མེ་ཏོག་གི་འབྲས་བུ། རོང་ས་ཁག་ཏུ་འབྲས། ཁྲེ་དང་ཙི་ཛི། མ་རྨོས་པའི་ལོ་ཏོག སུ་པན། སྒ་སྨུག སྒོག་བཙོང་སོགས་མང་དུ་ཡོད། རྒྱལ་ཐང་ཡུལ་ལྟེ་བ་དང་ཡང་ཐང་རྫོང་ཁོངས། རྫོང་ཁག་གཞན་འགའ་ཞིག་གི་ས་མཐོའི་ཡུལ་ལུང་རེ་ཟུང་བཅས་ལ་ལོ་རེར་སྟོན་འབྲས་ཐེངས་རེ་དང་། དེ་མིན་ཡུལ་གྱི་རྒྱ་ཁྱབ་ཚང་མར་ལོ་རེ་ལ་སྟོན་འབྲས་ཐེངས་གཉིས་རེ་སྨིན་པ་དང་། ཐོན་སྐྱེད་ཀྱི་གཙོ་བོ་གྲོའི་རིགས་དང་ནས་ཀྱི་རིགས། བྲ་བོའི་རིགས་རྣམས་ལོ་ལེགས་བྱུང་ན་སུམ་ཅུའི་སྐོར་ཐང་དང་། སྤྱིར་བཏང་བྲིས་ཁལ་ཞེས་ཉི་ཤུའི་སྐོར་ཐང་དང་། མ་མཐའ་ཡང་བཅོ་ལྔའི་སྐོར་ཐང་ལས་མ་ཉུང་བ་བཅས་ཐོན་སྐྱེད་བཟང་བའི་རྩེ་མོར་སོན་ངེས་ཤིག་ཡིན་ནོ།། 

རི་ཀླུང་སྐམ་གཤེར་ལ་གནས་པའི་སྲོག་ཆགས་ཀྱི་སྐོར། བདག་ཏུ་མ་བཟུང་བའི་སྲོག་ཆགས། གསའ་ཞེས་པའི་གཅན་གཟན་གཟུགས་དབྱིབས་དང་ཆེ་ཆུང་སྟག་དང་མཚུངས་པ་ལ་སྤུ་མདོག་སྐྱ་ལོག་ལོག་ཅིག་ཡོད། དེ་ནི་རི་མཐོན་པོའི་སྒང་གཡའ་རྫ་དང་གངས་རིའི་མཚམས་ཀྱི་ནགས་ཁྲོད་ལ་ཡོད། སྟག་(?)  གཟིག དོམ། དྲེད་མོ། གཡི་ཁྲ། གཡི་དཀར། བྱའི་གཡི། སྤྱང་ཀི འཕར་ར། ཝ་མོ། སྦེད་ཅེས་པ་ཝ་མོ་འདྲ་བ་ལ་རྔ་མའི་རྩེར་དཀར་པོ་མེད་པ་ཞིག  དྲེད་འབམ། སྲམ། ཨོག་དཀར། སྲེ་མོང་། 

ཤ་བ་དང་། མནའ་བ། ར་རྒོད། རྒྱ་བ་ལང་། རི་ཕག། གླ་བ། ཁ་ཤ། ནགས་བེ། འཕྱི་བ། ཟེ་མོང་། རི་བོང་། རྫབ་ར། བྱི་བ། སྤྲ་དང་སྤྲེའུ་སོགས་རིགས་མང་པོ་ཡོད། 

བྱ་རྒོད་དང་། གོ་བོ། བྱ་གླག ཁྲུང་ཁྲུང་སྐེ་རིང་། ལྷ་བྱ་གོང་མོ། རྒྱ་བྱ། དབྲོང་བྱ། བྱ་དཀར། རི་བྱ་རིགས་མི་འདྲ་བ་གསུམ། ནེ་ཙོ། ཁྲའི་རིགས་མི་འདྲ་བ་གསུམ།    ཁུ་བྱུག པིང་ཀྱུ་མ། འདི་ལ་ཡོལ་བ་ཟེར། འུག་པ། སྲིན་བྱ། སྲེག་པ། ཕོག་རོག(ཕོ་རོག) ཁྭ་ཏ། སྐྱུང་ཀ སྐྱ་ཁ། ཕུག་རོན། ཐེ་པ། ཁུག་ཏ། སྤུད་སྤུད་ཀུ་ཤུད།  གཞན་ཡང་ཤིང་ནགས་གསེབ་ཏུ་བྱ་རིགས་མི་འདྲ་བ་མང་པོ་ཡོད། ངང་དཀར། ངང་སེར། ངུར་བ། ཆུ་བྱ་ནག་པོ་གཟུགས་སྟོབས་ཆེ་བ་ཞིག་དང་། ཆུ་སྐྱར་སོགས་ཆུར་གནས་ཀྱི་བྱའི་རིགས་མང་པོ་ཡོད། བྱེའུ་འཇོལ་མོ་དང་། འཇོལ་ཡ། 

ཁང་བྱི། འདག་བྱི། ཆུ་བྱི། གསེར་བྱི་དང་དངུལ་བྱི། འབྲོག་བྱི། པགས་བྱི། བྱིའུ་བག་མ་སོགས་བྱིའུ་རིགས་གྲངས་ཀྱིས་མི་ལང་བ་ལྟ་བུ་ཡོད། གཞན་ཡང་ཉ་སྦྲུལ་སྦལ་གསུམ། རྐང་བརྒྱ་ལག་བརྒྱ། ཕྱེ་མ་ལེབ་སོགས་འབུ་སྲིན་གྱི་རིགས་འདྲ་མིན་སྣ་ཚོགས་པ་བརྗོད་ཀྱིས་མི་ལང་བ་ཡོད། 

བདག་ཏུ་བཟུང་བའི་སེམས་ཅན་གྱི་གྲས། རྟ་དང་དྲེའུ། འབྲི་གཡག མཛོ་དང་མཛོ་མོ། བ་གླང་། ར་ལུག བོང་བུ། ཁྱི་ཕག ཁྱིམ་བྱ་བཅས་གསོ་སྐྱོང་དང་བདག་ཉར་བྱེད་པ་རེད། ཁྱིམ་ཚང་རབ་འབྲིང་ཕལ་ཆེ་བས་ཞིང་འབྲོག་གཉིས་ཀའི་འཚོ་ཐབས་དང་ཚོང་ལས་རྒྱ་ཆེར་བྱེད་ཅིང་། ཁྱིམ་ཚང་དཀྱུས་མ་རྣམས་ཀྱིས་གཙོ་བོར་ཞིང་ལས་དང་། བ་ཕྱུགས་དང་བོང་བུ་ར་ལུག་བྱ་ཕག་བཅས་གསོ་ཉར་དང་ཚོང་ལས་ཙག་ཙིག་བཅས་ལ་བརྟེན་ནས་འཚོ་ཐབས་སྒྲུབ་པའི་སྲོལ་ཡོད། རྒྱལ་ཐང་གི་ཡུལ་ལུང་འདིར་ས་ཞིང་མེད་པའི་འབྲོག་པ་བོད་ཀྱི་བྱང་གི་འབྲོག་ཆེན་ཁག་ལྟ་བུ་ཡོད་པ་མ་རེད། ཡུལ་འབྲོག་ཁག་གི་ཐོན་སྐྱེད་གཙོ་བོར་མར་དང་། ཐུད། ཟོ་ཐུད། རྩིད་པ། ཁུ་ལུ། ལུག་བལ། ཤ་དང་པགས་རིགས། རྔ་མ་སོགས་ཐོན་སྐྱེད་རྒྱ་ཆེར་ཡོད་ཅིང་། རྟ་ཕྱུགས་དང་ལུག་བཅས་ཀྱི་གཞོན་སྐྱེས་འཕེལ་ཐབས་དང་གསོ་སྐྱོང་གང་ལེགས་བྱེད་པ་རེད། ཁྱིམ་ཚང་དཔལ་འབྱོར་རབ་གྲས་ལ་འབྲི་མོ་བརྒྱ་ནས་སྟོང་ཕྲག་བརྒལ་བ་ཡོད་པ་མང་པོ་དང་། མཛོ་མོ་ལྔ་བཅུ་ནས་བརྒྱ་ཕྲག་བརྒལ་བ་མང་པོ་ཡོད། ལུག་དཀར་ནག་ཁྱོན་ཆེ་དང་། རྟ་རྒོད་མ་བརྒྱ་ཕྲག་ལྷག་པ་མང་པོ་དང་། དེ་བཞིན་མཛོ་གཡག་དང་། རྟ་དྲེལ་སོགས་ཀྱང་ཁྱོན་ཆེ་གསོ་ཉར་བྱེད་པ་རེད། འབྲོག་པ་ཁག་གི་སྒོ་ཟོག་སེམས་ཅན་རྣམས་དཔྱིད་ཀ་ནས་སྟོན་མཇུག་གི་བར་རི་མཐོའི་སྤང་གཤོང་ཡངས་ཤིང་རྩྭ་ཆུ་གང་བཟང་སར་རིམ་སྤོས་ཀྱིས་འགྲོ་སྡོད་བྱེད་པ་དང་། དགུན་དུས་སུ་གྲོང་སྡེ་སོ་སོའི་ཉེ་འགྲམ་དུ་སྡོད་གནས་ལོགས་སུ་ཡོད་པ་ཁག་ལ་སྡོད་སྲོལ་ཡོད། ཡུལ་གྱི་ཐོན་སྐྱེད་ཀྱི་ཐོག་ནས་ཡུལ་གྱི་མི་འབོར་ཡོངས་ལ་ཟས་གོས་སོགས་འཚོ་ཆས་ལྡེང་ངེས་ཐོག་ལྷག་འཕྲོས་འབོར་ཆེ་ཕྱིར་ཚོང་བྱ་རྒྱུ་ཡོད། 

ཡུལ་ལུང་འདིར་ཚོང་ལས་རྒྱ་ཆེར་དར་ཞིང་ཚོང་པ་འབྱོར་པ་རབ་རྣམས་ལ་ཁལ་དྲེལ་ལྔ་བཅུ་དྲུག་ཅུ་ནས་དྲེའུ་ཉིས་བརྒྱ་སུམ་བརྒྱའི་བར་ཡོད་པ་མང་པོ་ཡོད། འབྱོར་པ་འབྲིང་རྣམས་ལའང་ཁལ་དྲེལ་ཉི་ཤུ་ནས་སུམ་ཅུའི་བར་ཡོད། ཚོང་ལས་ཀྱི་དངོས་ཟོག་ནི། རང་ཡུལ་ནས་ཐོན་པའི་གསེར་ཕྱེ་དང། དངུལ་ཧྲོབ། ཟངས་གར་བླུགས་ཀྱི་གོང་བུ། རྒྱ་རྩི། ཤིང་གི་མདུན་ཅོག་དཀྲོལ་མར་རྒྱ་རྩི་དང་གསེར་ཤོག་ཅན་སྤུས་ལེགས། ཤིག་གི་ཁམ་ཕོར་དང་ཙམ་ཕོར་(རྩམ་ཕོར་) རྒྱ་རྩི་མ། ཕིང་དང་བུ་རམ། ཀོ་བ་དམར་པོ། ཀོ་བ་དམར་པོའི་ཡོ་བྱད། རྒྱ་ནག་གི་ས་ཁུལ་ཁག་ནས་ཐོན་པའི་དངོས་ཟོག་གོས་ཅན་སྣེ་མང་། ཁ་བཏགས་སྣེ་མང་། ཇ་འབྲུ་དང་། ཇ་སྤྱན་ཤིང་། ཇ་རིལ་སོགས་ཉོ་བསྒྲུབས་བྱས་ཏེ། བོད་དབུས་ལྷ་ལྡན་སོགས་ལ་བཙོང་བསྒྱུར་བྱས་ཤིང་ལྷ་ལྡན་ནས་བོད་སྣམ་གྱི་རིགས་དང་། ཐེར་མ། གཙང་རུམ་(Tsang carpet)གྱི་རིགས། རྒྱ་གར་རས་ཆའི་རིགས། ཉེར་མཁོའི་དངོས་རིགས་སོགས་ཉོ་བསྒྲུབས་བྱས་ཏེ་རང་ཡུལ་གྱི་ས་ཁུལ་ཁག་དང་ས་ཐང་(ས་དམ་) དང་རྒྱ་ནག་གི་ས་ཁུལ་ཁག་ལ་བཙོང་བསྒྱུར་བྱེད་སྲོལ་ཡོད། ཡང་རང་ཡུལ་གྱི་ཐོན་ཟོག  མར་དང་། ཐུད། ཟོ་ཐུད། ཕག་སྤུ། པགས་རིགས། འབྲི་གཡག་གི་རྔ་མ། དབྱར་རྩྭ་དགུན་འབུ། ཆིན་ཅོག གཡའ་གྲོ། བེ་སྨུག ཁྲག་རྭ། གླ་རྩི། དོམ་མཁྲིས། བྲག་ཞུན། སྨན་རིགས་ཀྱི་སྔོ་རྩྭ། བེ་རྡོའི་ཤ་མོང་སྐམ་པོ། དབུར་བོང་སྐམ་པོ། གསེར་ཤ་སྐམ་པོ་བཅས་རྒྱ་ནག་གི་ཚོང་རིགས་ཁག་ལ་རྒྱ་ཆེར་བཙོང་སྲོལ་ཡོད། ཡང་ཚོང་རིགས་འགའ་ཞིག་གིས་ཚ་བ་རོང་དང་ཆབ་མདོའི་བར་དང་། འཇང་ས་ཐང་(ས་དམ་)སོགས་བསྐོར་ནས་ཚོང་ལས་བྱ་སྲོལ་ཡོད། ཡང་ཚོང་རིགས་ཁ་ཤས་ཀྱིས་རྒྱལ་ཐང་རང་གི་རྫོང་ཁག་ཕན་ཚུན་བར་ཚོང་ལས་བྱ་སྲོལ་ཡོད། ལར་ནི་རྒྱལ་ཐང་ཡུལ་ལུང་འདི་ས་གཞི་རྒྱ་ཁྱོན་ཆེ་ལ་སྤང་ཐང་ཡངས་ཤིང་རྩྭ་ཁ་དང་སྐྱ་ནམ་བཟང་བ་དང་། ཉེར་མཁོའི་དངོས་ཟོག་འཚོལ་སྒྲུབ་སླ་བ་སོགས་སྔོན་བསགས་ཆེས་དཀར་ལེགས་བྱས་ཀྱི་འབྲས་བུའི་དཔལ་ཡོན་དུ་མས་ཕྱུག་པས་གཞན་ཡིད་དབང་མེད་དུ་འགུགས་ནུས་པའི་དགེ་མཚན་ཆེར་ཆེར་དར་བ་བཅས་ལ་བརྟེན་བོད་དབུས་ཕྱོགས་ལྷ་ལྡན་ནས་སྤྱི་སྒེར་ཁག་གི་ཚོང་པ་དང་། རྒྱ་ནག་གི་ས་ཁུལ་ཁག་ནས་རྒྱ་རིགས་ཀྱི་ཚོང་པ་མང་པོ་དང་། འདབས་འབྲེལ་གྱི་ཡུལ་ཁག་གཞན་ནས་ཚོང་ལས་དང་ཉེར་མཁོའི་དངོས་ཟོག་འཚོལ་སྒྲུབ་བྱེད་མི་གྲངས་ལས་འདས་པ་པདྨའི་མཚོ་ལ་ངང་པ་འཁོར་བ་ལྟར་ཡུལ་ལུང་འདིར་སྟོབས་འབྱོར་གྱིས་དྲེགས་པའི་འབྱོར་ལྡན་ཚོང་རིགས་ཁག་སོགས་ཀྱིས་འགྲོ་འོང་གི་བྱ་བར་བར་མ་ཆན་དུ་འཇུག་བཞིན་པ་བཅས་བདེ་སྐྱིད་ཀྱི་འཚོ་བ་གཞན་གྱི་བསྒྲུན་དུ་མེད་པའི་ཡུལ་ལུང་ཁྱད་པར་དུ་འཕགས་པ་ཞིག་ཡིན་ནོ།།




#Article 10: མན་ཅི་ཀེའི་ར་རི་རྒྱུད་ (118 words)


མན་ཅི་ཀེའི་ར་རི་རྒྱུད་(པོར་ཅུ་གལ་ཁ་:Serra da Mantiqueira)བྲ་ཛིལ་
གྱི་རི་རྒྱུད་ཅིག་ཨིན།ཤར་ལྷོ་ལུང་སཕྱོགས་ནང་ཨཊ་ལན་ཊིཀ་རྒྱ་མཚོ་ཉེ་དབང་གི་སན་པའུ་ལོ་མི་ནས་ཞེ་རའིས་དང་རིའོ་དེ་ཞ་ནེའི་རོ་རྒྱལ་ཁབ་ཀྱི་ས་མཚམས་ས་ཆ་ནང་འདུག༎རྩེ་མཐོ་ཤོས་དེ་༢༧༩༧mམཐོ་ཚེད་འདུག་༼པེ་དྲ་ད་མི་ན་རྩེ་༽འབདཝ་ལས་རི་དེ་དང་རི་གཞན་གངས་རི་ཅིག་མེན།།

#Article 11: སྒང་སྟེང་གསང་སྔགས་ཆོས་གླིང་ (178 words)


དཔལ་སྒང་སྟེང་གསང་སྔགས་ཆོས་གླིང་གི་གཙུག་ལག་ཁང་འདི་ གཏེར་སྟོན་པདྨ་གླིང་པའི་ཞལ་སློབ་ རྟོགས་པ་རང་དང་མཉམ་པ་ འདུལ་འཛིན་དམ་པ་མཁན་ཆེན་ཚུལ་ཁྲིམས་དཔལ་འབྱོར་གྱི་སྐུ་སྐྱེས་ པདྨ་གླིང་པའི་གདུང་འཛིན་ཐུགས་སྲས་ཟླ་བ་རྒྱལ་མཚན་གྱི་སྲས་སྦེ་འཁྲུངས་མི་ སྒང་སྟེང་སྤྲུལ་སྐུ་སྐུ་ཕྲེང་དང་པ་རྒྱལ་སྲས་པདྨ་ཕྲིན་ལས་མཆོག་གིས་ སྔོན་བྱོན་རྒྱལ་བ་གོང་མའི་ལུང་བསྟན་དང་འཁྲིལ་ཏེ་ ཕྱག་བཏབ་གནང་གནངམ་ཨིན་མས། 

དེ་ཡང་ གཏེར་སྟོན་གྱི་རྒྱལ་པོ་རིག་འཛིན་པདྨ་གླིང་པ་མཆོག་ ཕོབ་སྦྱིས་ཁ་ལུ་བྱོན་པའི་དུས་སྐབས་ཅིག་ལུ་ གཡུས་གསར་ལས་ཞལ་ཡར་བསྒོར་ཞིན་ན་ ད་ལྟོ་ལྷ་ཁང་ཡོད་ས་ཁ་ཐུག་ཕྱག་མཛུབས་དཔགས་སྦེ་ མ་འོངས་པ་ནང་ཨ་ཡི་སྒང་ཏོག་གུ་ལས་ ངེའི་གསང་སྔགས་ཀྱི་བསྟན་པ་དར་ཞིང་རྒྱས་འོང་ ཟེར་ལུང་བསྟན་གནང་ཡོདཔ་ཨིན་མས། དེ་བཟུམ་སྦེ་ པདྨ་གླིང་པའི་སྤྲུལ་སྐུ་ གསུང་སྤྲུལ་རྒྱལ་དབང་བསྟན་འཛིན་གྲགས་པ་མཆོག་གིས་ཡང་ ས་གནས་དེ་ཁར་མཚམས་ཁང་ཆུང་ཀུ་ཅིག་རྐྱབ་སྟེ་སྐུ་མཚམས་གནང་བཞུགས་པའི་ཤུལ་ལུ་ མཚམས་ཁང་དེ་རྒྱལ་སྲས་སྤྲུལ་སྐུ་ལུ་རྩིས་སྤྲོད་གནངམ་དང་གཅིག་ཁར་ ཁྱོད་ཀྱིས་ས་གནས་འདི་ཁར་གདན་ས་བཅགས་ཏེ་ པདྨ་གླིང་པའི་རྣམ་ཐར་གསོལ་འདེབས་ཁ་ཐུན་སྦེ་གཏང་མི་ཡོདཔ་ཅིག་བཟོ་སྨ་རེད། ཤུལ་ལས་ས་གནས་དེ་ཁ་ལས་ པད་གླིང་གི་བསྟན་པ་དར་ཞིང་རྒྱས་ནི་གི་རྟེན་འབྲེལ་ཡོད་ ཟེར་བའི་ལུང་བསྟན་གསུངས་ནུག། 

ལུང་བསྟན་དེ་ལུ་བརྟེན་ཏེ་གིས་སྦེ་ གདུང་འཛིན་སྤྲུལ་སྐུ་རྒྱལ་སྲས་པདྨ་ཕྲིན་ལས་མཆོག་གིས་ ཧེ་མ་ར་སྤྱི་ལོ་ ༡༥༩༥ ལུ་ ད་ལྟོ་ལྷ་ཁང་ཡོད་སའི་ས་ཁོངས་ནང་ བོད་ལུགས་ཀྱི་བཟོ་བཀོད་ཐོག་ལས་ ལྷ་ཁང་ཆུང་ཀུ་ཅིག་བཞེངས་གནང་ནུག དེ་ལས་སྤྱི་ལོ་ ༡༦༡༣ རབ་བྱུང་ ༡༠ པའི་གནམ་ལོ་ཆུ་མོ་གླང་ལོ་ལུ་ ལྷ་ཁང་དེ་རྩ་བ་ལས་ར་བཤུགས་ཏེ་ རྒྱལ་སྲས་རིན་པོ་ཆེ་དང་གསུང་སྤྲུལ་ཚུལ་ཁྲིམས་རྡོ་རྗེ་རྣམ་གཉིས་ཀྱིས་ ལོག་སྟེ་ར་ས་བསླངས་དང་རྨང་བཏིང་གི་རྟེན་འབྲེལ་མཛད་ཐོག་ལས་ གཙུག་ལག་ཁང་ཐོག་གསུམ་འབད་མི་ཅིག་བཞེངས་ཏེ་ མཚན་ཡང་སྒང་སྟེང་གསང་སྔགས་ཆོས་གླིང་ཟེར་བཏགས་གནང་ནུག འདི་གི་སྐབས་ལུ་ ཤིང་བཟོ་དང་སྐུ་རྟེན་བཞེངས་ནི་གི་ཕྱག་ལས་གནང་མི་ཡང་ གནས་རྙིང་རྗེ་བཙུན་དང་ལྕགས་ཟམ་པ་ལ་སོགས་པ་ སྐྱེས་ཆེན་དམ་པ་ཚུ་གིས་མཛད་གནང་ཡོདཔ་ཨིན་མས། 

ཨིན་རུང་ ལྷ་ཁང་དེ་ ནར་ནར་སྦེ་ཡོད་ནི་དེ་གིས་ སྤྱི་ལོ་༡༧༠༣ ལུ་ རྒྱལ་སྲས་སྤྲུལ་སྐུ་སྐུ་ཕྲེང་གཉིས་པ་བསྟན་འཛིན་ལེགས་པའི་དོན་གྲུབ་རིན་པོ་ཆེ་མཆོག་གིས་ གཙུག་ལག་ཁང་གི་གཡས་གཡོན་གྱི་གློ་འབུར་གཉིས་དང་ ཀ་སྤུངས་གསར་བཞེངས་གནང་སྟེ་ ཧེ་མ་འདུ་ཁང་ཀ་ཆེན་བཅུ་བཞི་གི་རྒྱ་ཚད་་ཨིན་མི་ལས་ ཀ་ཆེན་བཅོ་བརྒྱད་ལུ་རྒྱ་བསྐྱེད་མཛད་དེ་ གྲུ་བཞི་ཏག་ཏ་སྦེ་བཞེངས་གནང་ནུག དེ་གི་ཤུལ་ལས་ ད་རེས་ཚུན་ཚོད་ཀྱི་བར་ན་ ཉམས་གསོ་ལན་ཐེངས་༣ ཞུ་ཡོད་རུང་ བཟོ་བཀོད་དང་སྦོམ་ཆུང་ཚུ་ འགྱུར་བཅོས་ཆུང་ཀུ་ཅིག་ར་མ་བཏང་པར་ སྔར་ག་ཨིནམ་སྦེ་ར་བཞེངས་གནང་ཡོདཔ་ཨིན་མས།  དེ་ཡང་དང་པ་ར་སྤྱི་ལོ་༡༧༢༡ ལུ་ བསྟན་འཛིན་རིན་པོ་ཆེ་ལེགས་པའི་དོན་གྲུབ་ཀྱི་སྐུ་ཐོག་ལུ་ར་ ས་གཡོམ་གྱི་རྐྱེན་ངན་བྱུང་སྟེ་ཉམས་གསོ་ཞུ་དགོཔ་བྱུང་ནུག དེ་གི་ཤུལ་ལས་ སྒང་སྟེང་རིན་པོ་ཆེ་སྐུ་ཕྲེང་བདུན་པ་བསྟན་པའི་ཉིན་བྱེད་ཀྱི་སྐབས་ལུ་ཡང་ཚར་གཅིག་ ས་གཡོམ་གྱི་རྐྱེན་ངན་གྱིས་སྦེ་ཉམས་གསོ་ཞུ་དགོཔ་བྱུང་ནུག དེ་ལས་ ད་ལྟོ་ཁྲི་ཐོག་བཞུགས་མི་སྒང་སྟེང་རིན་པོ་ཆེ་སྐུ་ཕྲེང་དགུ་པ་ ཀུན་བཟང་རིག་འཛིན་པདྨ་རྣམ་པར་རྒྱལ་བའི་སྡེ་དཔལ་བཟང་པོ་མཆོག་གིས་ སྤྱི་ལོ་༢༠༠༠ ལས་ཉམས་གསོ་ཞུ་ནི་འགོ་བཙུགས་ཏེ་ ༢༠༠༨ ལུ་ མི་དབང་མངའ་བདག་རིན་པོ་ཆེ་ དཔལ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་ འབྲུག་རྒྱལ་རབས་ལྔ་པའི་གསེར་ཁྲིར་མངའ་གསོལ་ཞུ་བའི་དུས་སྟོན་དང་བསྟུན་ རྟེན་དང་བརྟེན་པར་བཅས་པ་ལེགས་པར་གྲུབ་པའི་ བཀྲ་ཤིས་རབ་གནས་ཀྱི་དགའ་སྟོན་རྟེན་འབྲེལ་ མཛད་གནང་ཡོདཔ་ཨིན།

ལྷ་ཁང་དང་རྟེན་གྱི་ངོ་སྤྲོད་མདོར་བསྡུས།
སྒང་སྟེང་གསང་སྔགས་ཆོས་གླིང་གི་གཙུག་ལག་ཁང་འདི་ ཕྱི་ལྟར་དུ་འབད་བ་ཅིན་ བསྐྱེད་པ་མ་ཧཱ་ཡོ་གའི་ལུགས་ཀྱི་དཀྱིལ་འཁོར་གྱི་ཚུལ་དང་། ནང་ལྟར་དུ་འབད་བ་ཅིན་ རྫོགས་པ་ཨ་ནུ་ཡོ་གའི་ལུགས་ཀྱི་ རྡོ་རྗེ་ལུས་ཀྱི་དཀྱིལ་འཁོར་གྱི་ཚུལ། གསང་བ་ལྟར་དུ་འབད་བ་ཅིན་ རྫོགས་པ་ཆེན་པོ་ཨ་ཏི་ཡོ་གའི་ལུགས་ཀྱི་ ལྷུན་གྲུབ་རང་གསལ་གྱི་དཀྱིལ་འཁོར་གྱི་ཚུལ་དུ་ཡོདཔ་ཨིན་མས། དེ་ལྟ་བུའི་གཙུག་ལག་ཁང་གི་འོག་ཐོག་འདུ་ཁང་ཆེན་མོའི་ནང་ ནང་རྟེན་གཙོ་བོ་སངས་རྒྱས་རབས་བདུན་དང་ དེའི་མཐའ་འཁོར་ལུ་ ཉེ་བའི་སྲས་བརྒྱད། གཡས་དང་གཡོན་ལུ་རྟ་མགྲིན་དང་བདུད་རྩི་འཁྱིལ་བ། དེ་ཚུ་གི་གདོང་ཁར་ སྡིག་བཤགས་ཀྱི་མཆོད་རྟེན་བཅས་བཞུགས་ཡོདཔ་ཨིན། 

དེ་ལས་ཐོག་དང་པའི་ནང་ལུ་ སྒང་སྟེང་རིན་པོ་ཆེ་སྐུ་ཕྲེང་རིམ་བྱོན་གྱི་གཟིམ་ཅུང་ གཟིམ་ཅུང་ཀ་གཉིས་མ་ཟེར་ཞུ་མི་དེ་ནང་ ནང་རྟེན་གཙོ་བོ་ གུ་རུ་མཚན་བརྒྱད་ཀྱི་སྐུ་རྟེན་དང་ སྒང་སྟེང་རིན་པོ་ཆེ་སྐུ་ཕྲེང་རིམ་བྱོན་གྱི་སྐུ་སྒེར་གྱི་གསུང་རྟེན་ཚུ་ཡོད། གཟིམ་ཅུང་དེ་གི་གཡོན་ཁ་ཐུག་ལས་ཚུར་དང་པ་ར་ པད་གླིང་གུ་རུ་དྲག་པོའི་ཆོས་སྲུང་ཕ་མ་བུ་གསུམ་གྱི་མགོན་ཁང་ཡོད། དེ་གི་ཚུར་ཁ་ཐུག་ པད་གླིང་མགོན་པོ་སྡེ་བརྒྱད་ཀྱི་མགོན་ཁང་ མགོན་ཁང་ཆེན་མོ་ཟེར་ཞུ་མི་དེ་ནང་ ནང་རྟེན་གཙོ་བོ་ པད་གླིང་ཆོས་སྐྱོང་མགོན་པོ་སྡེ་བརྒྱད་ཀྱི་སྐུ་རྟེན་དང་ རྟེན་མདོས་ཚུ་བཞུགས་ཏེ་ཡོད། དེ་གི་ཚུར་ཁ་ཐུག་ ཕྱག་མཛོད་ལྷ་ཁང་ནང་ ནང་རྟེན་གཙོ་བོ་རྣམ་སྲས་ཕོ་བྲང་ཡོད། དེ་ལས་མཐའ་མ་མཐའ་ར་ ཙིའུ་དམར་དང་ ལྷ་ཆེན་དབང་ཕྱུག་གི་མགོན་ཁང་བཅས་ཡོདཔ་ཨིན། 

ཐོག་གཉིས་པའི་ནང་ལུ་ དང་པ་ར་ གུ་རུ་མཚན་བརྒྱད་ཀྱི་ལྷ་ཁང་ཡོདཔ་ད་ དེ་ནང་ལུ་ནང་རྟེན་གཙོ་བོ་གནས་ཕུ་སྤྲུལ་སྐུ་སྐུ་ཕྲེང་གཉིས་པ་ ཞབས་དྲུང་གསང་སྔགས་རྒྱལ་མཚན་གྱིས་བཞེངས་པའི་ གུ་རུ་མཚན་བརྒྱད་ཀྱི་སྐུ་འདྲ་དང་ པདྨ་གླིང་པ་གིས་དག་སྣང་ལུ་གཟིགས་པའི་ཟངས་མདོག་དཔལ་རི་གི་སྣང་བརྙན་ཚུ་ཡོད། ལྷ་ཁང་དེ་གི་ནང་ལས་གཡས་ཁ་ཐུག་ལུ་ཡོད་མི་ གཟིམ་ཅུང་ཤར་རིམ་ནང་ སངས་རྒྱས་རབས་བདུན་གྱི་སྐུ་འདྲ་དང་ རྒྱལ་བའི་བཀའ་འགྱུར་ཆེན་མོ་བཞུགས་ཏེ་ཡོད། གཡོན་ཁ་ཐུག་ལུ་ཡོད་པའི་གཟིམ་ཅུང་ནུབ་རི་མ་ནང་ པད་གླིང་ཡབ་སྲས་གསུམ་གྱི་སྐུ་འདྲ་དང་གསུང་རྟེན་འཐོར་བུ་ཚུ་ཡོད། དེ་ལས་མཚན་བརྒྱད་ལྷ་ཁང་དེ་གི་ གཡོན་ཁ་ཐུག་ལུ་ ཚེ་དཔག་མེད་ཀྱི་ལྷ་ཁང་ཡོད་མི་དེ་ནང་ ནང་རྟེན་གཙོ་བོ་པད་གླིང་ལུགས་ཀྱི་ཚེ་སྒྲུབ་རྡོ་རྗེ་ཕྲེང་བ་དང་ ཚེ་སྒྲུབ་ནོར་བུ་ལམ་ཁྱེར་གྱི་སྐུ་རྟེན་དང་ལྡེབས་རིས་ དེ་ལས་སྒང་སྟེང་རིན་པོ་ཆེ་སྐུ་ཕྲེང་བདུན་པ་བསྟན་པའི་ཉིན་བྱེད་ཀྱི་སྐུ་འདྲ་ཚུ་ཡོད། དེ་ལས་མ་ཆེན་ལྷ་ཁང་ནང་ལུ་ ནང་རྟེན་གཙོ་བོ་ སྒང་སྟེང་རིན་པོ་ཆེ་སྐུ་ཕྲེང་དྲུག་པ་བསྟན་པའི་ཉི་མའི་སྐུ་གདུང་མཆོད་རྟེན་དང་ དེའི་མཐའ་བསྐོར་ལུ་ འཕགས་པའི་གནས་བརྟན་བཅུ་དྲུག་གི་སྐུ་འདྲ་ དེ་ལས་པད་གླིང་གཏེར་བྱོན་ ཀུན་བཟང་དགོངས་པ་ཀུན་འདུས་ལུགས་ཀྱི་ཞི་ཁྲོ་དམ་པ་རིགས་བརྒྱའི་ལྡེབས་རིས་ཚུ་ཡོད། དེ་གི་ཟུར་ཁ་ལུ་ བླ་མའི་ལྷ་ཁང་ནང་ ནང་རྟེན་གཙོ་བོ་དཔལ་རྡོ་རྗེ་སེམས་དཔའ་དང་དེའི་མཐའ་བསྐོར་ལུ་ པད་གླིང་བླ་མ་བརྒྱུད་པ་རིམ་བྱོན་གྱི་སྐུ་འདྲ་ དེ་ལས་རྙིང་མ་རྒྱུད་འབུམ་ཚུ་བཞུགས་ཏེ་ཡོདཔ་ཨིན། 

དེ་ལས་ལྷ་ཁང་གཙོ་བོ་དེ་གི་གདོང་ཁར་ སྤྱན་རས་གཟིགས་ཀྱི་ལྷ་ཁང་ཡོད། དེ་ནང་ལུ་ བཅུ་གཅིག་ཞལ་གྱིས་གཙོས་པའི་ པད་གླིང་གཏེར་བྱོན་ཐུགས་རྗེ་ཆེན་པོ་མུན་སེལ་སྒྲོན་མེའི་ལྷ་ཚོགས་ཀྱི་སྐུ་འདྲ་ཚུ་ཡོདཔ་ཨིན། ལྷ་ཁང་གཙོ་བོའི་གཡས་ཁ་ཐུག་ སྒང་སྟེང་མདོ་སྔགས་ཐོས་བསམ་རབ་རྒྱས་གླིང་གི་བཤད་གྲྭ་འགོ་ཐོག་བཙུགས་པའི་སྐབས་ལུ་ མི་དབང་རྒྱལ་ཡུམ་ཕུན་ཚོགས་ཆོས་སྒྲོན་གྱིས་སྦྱིན་བདག་མཛད་ཐོག་ལས་བཞེངས་པའི་ལྷ་ཁང་ཅིག་ཡོད་མི་དེ་ནང་ལུ་ ནང་རྟེན་གཙོ་བོ་གུ་རུ་རིན་པོ་ཆེ། གཏེར་སྟོན་པདྨ་གླིང་པ། ཞབས་དྲུང་ངག་དབང་རྣམ་རྒྱལ་གསུམ་གྱི་སྐུ་འདྲ་གིས་གཙོས་པའི་ སྐུ་གསུང་ཐུགས་ཀྱི་རྟེན་བྱིན་ཅན་མང་རབས་ཅིག་བཞུགས་ཡོདཔ་ཨིན། དེ་འབདཝ་ལས་ ལྷ་ཁང་དེ་ཚུ་ལུ་ ཕྱག་དང་མཆོད་པ་ཕུལ་ནི་དང་ བསྐོར་ར་རྐྱབ་ནི་ལ་སོགས་པ་འབད་བ་ཅིན་འདི་ལོད་ ཐ་ན་ཐག་རིང་ལས་མཇལ་བ་ཙམ་དང་ མཚན་རྣ་བར་ཐོས་པར་ཙམ་གྱིས་ཀྱང་ ངན་སོང་གི་སྐྱེ་སྒོ་ཆོད་ནི་དང་ རྒྱུད་ལུ་ཐར་པའི་ས་བོན་བཞག་ཚུགས་པའི་བྱིན་རླབས་ཀྱི་མཚན་ཁ་ཡོདཔ་ལས་ ལྷ་ཁང་འདི་སྲིད་འདིར་ཤིན་ཏུ་དཀོན་པའི་མཐོང་གྲོལ་མཆོག་ཏུ་གྱུར་པ་ཅིག་ཨིན་ནོ༎

གསང་སྔགས་རིག་པ་འཛིན་པ་སྒྲུབ་པའི་སྡེ། །ཁྲིམས་ལྡན་ངུར་སྨྲིག་འཆང་བ་ཆོས་ཀྱི་གླིང་། །




#Article 12: སྐད་སྒྱུར (1293 words)


རིག་གནས་སྤྱིའི་རྣམ་གཞག

སྒྲ་རིག་པ་ཞེས་པ་ནི། བརྗོད་བྱའི་དོན་མཐའ་དག་གི་མིང་ཚིག་བརྗོད་གཞི་རྣམས་གཏན་ལ་ཕབ་ནས་ཚིག་སྦྱོར་ལ་འཁྲུལ་པ་ཚར་གཅོད་པའི་སྒོ་ནས་གང་ལ་ཅི་དགོས་པ་ཇི་མ་ཇི་བཞིན་དུ་ལུང་སྟོན་པའམ་བརྡ་སྤྲོད་པར་བྱེད་པའི་རིག་པ་ཡིན། བརྡ་སྤྲོད་པའི་བསྟན་བཅོས་ནི་ཡི་གེ་ཡོད་པའི་མི་རིགས་གང་འདྲ་ཡིན་རུང་རང་རང་སོ་སོའི་སྐད་དང་མཐུན་པའི་སྒྲ་རིག་པའི་བསྟན་བཅོས་ཡོད་པ་ཡིན། བརྡ་སྤྲོད་རིག་པའི་བསྟན་བཅོས་ལ། སྒྲ་ཀཱ་ལ་པ་དང༌། ཙནྡྲ་པ། པཱ་ཎི་བ། དབྱངས་ཅན་མ་སྟེ་བརྡ་སྤྲོད་པའི་གཞུང་ལུགས་མང་དུ་ཡོད་ཀྱང༌། ཀཱ་ཙན་དབྱངས་གསུམ་གྲགས་ཆེ། སྒྲའི་བསྟན་བཅོས་ཐོག་མར་བྱུང་བའི་ལོ་རྒྱུས་ནི། སྔོན་སུམ་ཅུ་རྩ་གསུམ་དུ་བྲམ་ཟེ་སརྦ་ཛྙཱ་ཞེས་པས་ལྷའི་དབང་པོ་བརྒྱ་བྱིན་ལ་བསླབས། བརྒྱ་བྱིན་གྱིས་དྲང་སྲོང་ཕུར་བུ་ལ་བསླབས། དེ་ལས་འཛམ་བུ་གླིང་དུ་དར་བར་གྲགས།

ཚད་མ་རིག་ཞེས་པ་ནི། མངོན་སུམ་དང་རྗེས་དཔག་ཚད་མ་གཉིས་ཀྱིས་གཞལ་ཏེ་རང་གཞན་གྱི་རྨོངས་པ་དང་འཁྲུལ་པ་ཚར་བཅད་ནས་དངོས་པོ་ཆེ་ཕྲ་སོ་སོའི་ངོ་བོའམ་ཡིན་ལུགས་གཏན་ལ་འབེབས་བྱེད་ཀྱི་རིག་པ་ཡིན། ཚད་མ་རིག་པ་ལ་ཕྱི་རོལ་པའི་གྲུབ་མཐའི་ལུགས་ཀྱི་བསྟན་བཅོས་ཀྱང་མང་ཞིང༌། ནང་པ་ལ་སློབ་དཔོན་ཕྱོགས་ཀྱི་གླང་པོས་མཛད་པའི་ཚད་མ་ཀུན་བཏུས་དང༌། དེའི་འགྲེལ་པ་སློབ་དཔོན་ཆོས་ཀྱི་གྲགས་པས་མཛད་པའི་ཚད་མ་སྡེ་བདུན་སོགས་རྒྱ་གཞུང་དང༌། བོད་དུའང་ས་པན་གྱིས་མཛད་པའི་ཚད་མ་རིགས་གཏེར་དང༌། མཁས་གྲུབ་རྗེས་མཛད་པའི་ཚད་མ་སྡེ་བདུན་ཡིད་ཀྱི་མུན་སེལ། མི་ཕས་པས་མཛད་པའི་ལེགས་བཤད་སྣང་བའི་གཏེར་སོགས་མང་དུ་མཆིས།

བཟོ་རིག་པ་ཞེས་པ་ནི། བློ་རིག་པ་དང་ལག་རྩལ་སྤྱད་ནས་མཁོ་རྒུ་དངོས་པོའི་དཔལ་ཡོན་སྤེལ་བར་བྱེད་པའི་རིག་པ་ཡིན། དེའང་བདེ་བར་གཤེགས་པའི་སྐུ་བརྙན་འབུར་དུ་ཐོན་པ་དང་བྲིས་མ་སོགས་གཟུགས་བརྙན་གྱི་རིགས་དང༌། གཙུག་ལག་ཁང་སོགས་ཁྱིམ། ཟས་གོས་བྱེ་བྲག་ཅི་རིགས་པ་སོགས་ལུས་ཀྱིས་འབད་པས་བཟོ་སྐྲུན་བྱེད་པ་ལུས་བཟོ་དང༌། བཀའ་དང་བསྟན་བཅོས་དང༌། ཡི་གེའི་མིང་ཚིག་བརྗོད་པ། གདངས་དང་དབྱངས་སོགས་ངག་གི་བྱེད་ལས་ལས་ཐོན་དགོས་པ་ངག་བཟོ་དང༌། ཐོས་བསམ་སྒོམ་གསུམ་དང༌། ས་གཞི་བརྟག་པ་དང་སྐྱེས་པ་བུད་མེད་བརྟག་པ་སོགས་ བློ་གྲོས་ཀྱི་རྩལ་གྱིས་རྟོགས་པར་བྱེད་པ་ཡིད་བཟོ་བཅས་གསུམ་དུ་བཤད། བཟོ་རིག་གི་བསྟན་བཅོས་ལ་ འཇིག་རྟེན་ལུགས་ཀྱི་བསྟན་བཅོས་ཤེས་རབ་བརྒྱ་པ་དང༌། སྐྱེ་བོ་གསོ་ཐིག་སོགས་ཀྱི་བསྟན་བཅོས་སོགས་མང་དུ་ཡོད།

གསོ་བ་རིག་པ་ཞེས་པ་ནི། སྐྱེ་འགྲོའི་སྒྱུ་ལུས་ཀྱི་རྟེན་ལ་ཉེ་བར་འཚེ་བའི་ནད་རིགས་བཞི་བརྒྱ་རྩ་བཞིར་གྲགས་པ་དེ་དག་འགོག་སེལ་དང་འབྲལ་ཡུན་དུ་འཚོ་བའི་ཐབས་སམ་རིག་པ་ཡིན། གསོ་བ་རིག་པའི་བསྟན་བཅོས་ལ་ སློབ་དཔོན་ཀླུ་སྒྲུབ་ཀྱིས་མཛད་པའི་སྡེབ་སྦྱོར་བརྒྱ་པ། སློབ་དཔོན་དཔའ་བོས་མཛད་པའི་སྨན་དཔྱད་ཡན་ལག་བརྒྱད་པའི་སྙིང་པོ་བསྡུས་པ་རྩ་འགྲེལ་བཅས་རྒྱ་གར་གྱི་སྨན་གཞུང་དང༌། བོད་དུའང་གཡུ་ཐོག་གསར་རྙིང་ལས་དར་བ་བོད་ཀྱི་སྨན་གཞུང་ཇི་སྙེད་པ་ལས། རྩ་རྒྱུད། བཤད་རྒྱུད། མན་ངག་རྒྱུད། ཕྱི་མའི་རྒྱུད་སོགས་མང་དུ་ཡོད།

ནང་དོན་རིག་པ་ཞེས་པ་ནི། མི་རྣམས་ཀྱི་ཉོན་མངོས་པ་དུག་གསུམ་སེལ་ནས་རང་གཞན་གྱི་གཏན་བདེ་སྒྲུབ་ཐབས་ཐུན་མངོ་མ་ཡིན་པ་ལམ་བསླབ་པ་གསུམ་དང༌། ལུང་སྡེ་སྣོད་གསུམ་དུ་གྲགས་པ་ནང་པ་སངས་རྒྱས་པའི་ཆོས་ལུགས་ཀྱི་རིག་པ་ཡིན། དེ་ལ་ལུང་སྡེ་སྣོད་གསུམ་དང་སྔགས་རྒྱུད་སྡེ་བཞི་སོགས་སངས་ཀྱི་བཀའ་དང༌། བསྟན་བཅོས་ལ་ཡང་བཀའ་འཁོར་ལོ་གསུམ་གྱི་དགོངས་འགྲེལ་དུ་གྱུར་པའི་བསྟན་བཅོས་བྱམས་ཆོས་སྡེ་ལྔ་དང་དབུ་མ་རིགས་ཚོགས་ལྔ་སོགས་རྒྱ་གཞུང་དང༌། བོད་དུའང་མཁས་གྲུབ་རྣམས་ཀྱིས་མཛད་པའི་བསྟན་བཅོས་མང་དུ་མཆིས།

རིག་གནས་ཆུང་བ་ལྔ་ནི།
མངོན་བརྗོད་ནི་ འཁོར་འདས་ཀྱི་ཆོས་རྣམས་ལ་འདྲ་བ་དང༌། འབྲེལ་བ། ལྡོག་པ་རྒྱུ་མཚན་དུ་བྱས་ཏེ་ཐ་སྙད་བཏགས་པ་དོན་གཅིག་ལ་མིང་མང་པོས་མངོན་པར་བརྗོད་པའམ། མིང་གཅིག་ལ་དོན་མང་པོར་འཇུག་ཚུལ་གྱི་རིག་པ་ཡིན། དེ་སྟོན་པའི་གཞུང་ནི་པཎྜི་ཏ་འཆི་མེད་སེངྒེས་མཛད་པའི་མངོན་བརྗོད་འཆི་མེད་མཛོད་དང༌། དེའི་འགྲེལ་པ་རབ་འབྱོར་ཟླ་བས་མཛད་པ་འདོད་འཇོའི་བ་མོ་སོགས་རྒྱ་གཞུང་དང༌། བོད་ཀྱི་མཁས་པ་རིན་སྤུངས་ངག་དབང་འཇིག་རྟེན་གྲགས་པས་མཛད་པའི་མཁས་པའི་རྣ་རྒྱན་སོགས་མང༌།

སྡེབ་སྦྱོར་ནི་ ལྕི་བ་དང་ཡང་བའི་ཡི་གེ་སྒྱུར་བ་དང་སྤེལ་བའི་སྒོ་ནས་ཚིག་གི་སྦྱོར་བ་ལེགས་པར་སྒྲིག་པའི་ཐབས་ཡིན། དེའི་གཞུང་ནི་རྒྱ་གར་པཎྜི་ཏ་ཨ་ཀ་ར་ཤཱནྟིས་མཛད་པའི་སྡེབ་སྦྱོར་རིག་ཆེན་ཕྲེང་བ་དང༌། སློབ་དཔོན་རིན་ཆེན་འབྱུང་གནས། དྲང་སྲོང་དམར་སེར་དང་རྒྱལ་བ་ལྷས་མཛད་པའི་སྡེབ་གྱི་གཞུང་མང་པོ་ཡོད། སྤྱིར་སྡེབ་སྦྱོར་ལ་གཉིས་སུ་ངེས་ཏེ། ཡི་གེ་བགྲང་བ་པྲྀཏྟ་དང༌། ཕྱི་མ་བགྲང་བ་ཛ་ཏི་ཞེས་པའི་སྡེབ་སྦྱོར་རིགས་གཉིས་ཡོད། དེ་ཡང་ལྕི་ཡང་ལས་ཕྱེ་བས་བོད་ཡིག་ལ་གཙོ་མི་ཆེའོ།།

ཟློས་གར་ནི་ འཁྲབ་བྱའི་ནང་དོན་མི་རིགས་གང་ཞིག་གི་ཆས་སུ་ཞུགས་པ་དེའི་སྐད་དུ་སྐྱེ་བོ་རྣམས་ཀྱི་བདེ་སྡུག་དང༌། མཛའ་བརྩེའམ། དགའ་ཁྲོ། བྱམས་སྡང་སོགས་ནང་བློའི་འགྱུར་བ་རྣམས་ཕྱི་ལུས་ཀྱི་ཉམས་ཐོག་ནས་མཚོན་པར་བྱེད་པའི་ཐབས་ཡིན། དེ་ལ་སྤྱིར་བཏང་དུ་བཤད་ན་མདོ་འཛིན་པ་དང༌། རོལ་མོ་བ་དང༌། ཆས་ཞུགས་པ་དང༌། བཞད་གད་མཁན་དང༌། ཟློས་གར་བ་བཅས་ཡན་ལག་ལྔ་ཚང་དགོས་ཤིང༌། ནང་དོན་ནི་དུས་སྐབས་སོ་སོའི་སྤྱི་ཚོགས་འཕེལ་རྒྱས་ཀྱི་དགོས་མཁོ་དང་བསྟུན་ནས་འདེམས་སྒྲིག་བྱེད་པ་ལས་ངེས་པ་མེད། ཟློས་གར་གྱི་བསྟན་བཅོས་ལ་སླབ་དཔོན་ཙནྡྲ་གོ་མིས་མཛད་པའི་འཇིག་རྟེན་ཀུན་ཏུ་དགའ་བའི་བསྟན་བཅོས། དཔལ་དགའ་བའི་ལྷའི་ཀླུ་ཀུན་ཏུ་དགའ་བའི་བསྟན་བཅོས། མགོན་པོ་ཀླུ་སྒྲུབ་ཀྱིས་མཛད་པའི་གསེར་འགྱུར་རྩིའི་བསྟན་བཅོས་སོགས་ཡོད། 
དབྱེ་གཞི་སྒྲའི་སྟེང་དུ། དབྱེ་ངོ་སྙན་ངག མངོན་བརྗོད། སྡེབ་སྦྱོར། ཟློས་གར་བཞི་བསྣན་པས་རིག་པའི་གནས་ཆུང་ལྔའམ། ཐ་སྙད་རིག་པའི་གནས་ལྔ་ར་ཡང་གྲགས། དེ་ལྔ་ལ་དགོས་པའི་དབང་གིས། སྒྲ་ཤེས་ན་དོན་ལ་མི་རྨོངས། སྙན་ངག་ཤེས་ན་ཚིག་རྒྱན་ལ་མི་རྨོངས། མངོན་བརྗོད་ཤེས་ན་མིང་ལ་མི་རྨོངས། སྡེབ་སྦྱོར་ཤེས་ན་ཚིགས་བཅད་ལ་མི་རྨོངས། ཟློས་གར་ཤེས་ན་སྐད་རིགས་ལ་མི་རྨོངས་ཞེས་སྔ་རབས་པ་རྣམས་ལ་གྲགས།

སྐར་རྩིས་ནི་ གྲངས་ཀྱི་རིག་པས་གཞལ་ཏེ་འཁོར་འདས་ཀྱི་ཆོས་ལྐོག་སུ་གྱུར་པ་མཐའ་ཀླས་པ་ཞིག་ངོ་མཚར་ལྡན་པའི་སྒོ་ནས་སྟོན་པའི་རིག་པ་ཡིན། དེ་ལ་བརྟེན་ནས་སྐར་རྩིས་ཤེས་ན་གྲངས་ལ་རྨོངས་ཞེས་གྲགས། དེའི་འབྱུང་ཁུངས་ནི་ སྟོན་པ་ཤཱཀྱ་ཐུབ་པས་བྲམ་ཟེའི་སློབ་དཔོན་ཀུན་གྱི་བཤེས་གཉེན་གྱི་དྲུང་ནས་གསན་ཅིང༌། ཕྱིས་དཔལ་ལྡན་འབྲས་སྤུངས་སུ་ཤམ་བྷ་ལའི་ཆོས་རྒྱལ་ཟླ་བ་བཟང་པོ་འཁོར་ཚོགས་དང་བཅས་པ་ལ་དུས་འཁོར་གྱི་རྩ་རྒྱུད་སྟོང་ཕྲག་བཅུ་གཉིས་སོགས་མྱ་ངན་ལས་འདའ་ཁའི་ཞལ་ཆེམས་ཀྱི་ཚུལ་དུ་གསུངས་ཞིང༌། ལྕགས་སྦྲུལ་ལོ་ལ་ཟླ་བཟང་གིས་རྩ་རྒྱུད་བསྡུས་ཤིང་འགྲེལ་པ་མཛད། ཆུ་རྟ་ལོ་ལ་སྐལ་བ་དང་ལྡན་པ་རྣམས་ལ་བསྟན་ནས་རྩིས་གཞུང་དར་བ་དེ་བོད་དུ་དར་བར་གྲགས། སྐར་རྩིས་ལ་བྱེད་རྩིས་དང་གྲུབ་རྩིས་གཉིས་ཡོད། འདི་དག་གི་གཞུང་ཡང་ལོ་ཙཱ་བ་རྭ་འབྲོམ་ཤོང་གསུམ་གྱི་རིང་ལ་བོད་དུ་ཐོག་མར་འགྱུར་ཞིང༌། ཕྱིས་སུ་ཕུག་པ་ལྷུན་གྲུབ་རྒྱ་མཚོ་སོགས་རྒྱ་མཚོ་རྣམ་གསུམ་ནས་བཟུང་དར་རྒྱས་ཆེ་བ་བྱུང༌། སྡེ་སྲིད་སངས་རྒྱས་རྒྱ་མཚོས་མཛད་པའི་བཻ་དཀར་སོགས་བོད་དུའང་བསྟན་བཅོས་རྩིས་ཀྱི་གཞུང་ཤིན་ཏུ་མང་པོ་ཡོད།

སྙན་ངག་ནི་ བརྗོད་བྱ་གང་དང་གང་རྗོད་པར་བྱེད་པའི་ཚིག་ བཅད་ལྷུག་སྤེལ་གསུམ་གྱི་ལུས་མཛེས་ཤིང་སྙན་པ་དང༌། ཡང་ན་བརྗིད་ཅིང་ཉམས་ལྡན་བྱུང་ན་བློ་ལྡན་རྣམས་ཀྱི་ཡིད་འཕྲོག་པའི་གནས་སུ་འགྱུར་པའི་རིག་པ་ཡིན། དེ་བསྟན་པའི་གཞུང་ཡང་ རྒྱ་གར་དུ་དྲང་སྲང་རྒྱས་པའི་སྙན་ངག་བྷ་ར་ཏ། མེ་བཞིན་འཇུག་གི་བུ་མོའི་སྙན་ངག་བསྒོམ་པའི་ཆོས། དྲང་སྲོང་གྲོག་མཁར་བའི་སྙན་ངག་རཱ་མ་ཡ་ན། མརྐེ་ཎ་ཊའི་སྙན་ངག་ཁྱབ་འཇུག་གི་འཇུག་པ་བཅུ་སོགས་ཤོ་ལོ་ཀ་འབུམ་ཡོད་པ་དང༌། དེ་བཞིན་ནག་མོའི་ཁོལ་གྱི་སྙན་ངག་གཞོན་ནུ་འབྱུང་བ། རཱ་མ་ཤརྨའི་སྙན་ངག་གྷུ་ཝཾ་ཤ། སྙན་ངག་གི་བསྟན་བཅོས་དབྱངས་ཅན་མགུལ་རྒྱན་དང༌། སློབ་དཔོན་དབྱུག་པ་ཅན་གྱིས་མཛད་པའི་སྙན་ངག་གི་བསྟན་བཅོས་མེ་ལོང་མ་སོགས་མང་དུ་ཡོད། བོད་དུ་ཡང་ ལོ་ཙཱ་བ་ཤོང་སྟོན་རྡོ་རྗེ་རྒྱལ་མཚན་གྱིས་སྙན་ངག་མེ་ལོང་མ་ཐོག་མར་བསྒྱུར་ལས་བཟུང་ མཁས་གྲུབ་སྤྱི་དང་བྱེ་བྲག་གིས་མཛད་པའི་སྙན་ངག་གི་བསྟན་བཅོས་དབྱངས་ཅན་དགྱེས་པའི་རོལ་མཚོ། དབྱངས་ཅན་ངག་གི་རོལ་མཚོ། སྙན་ངག་དནྜའི་དགོངས་རྒྱན་སོགས་མང་དུ་མཆིས།

རིག་གནས་ཆུང་ལྔ་པོ་ རིག་པའི་གནས་ཆེན་ལྔའི་ནང་དུ་ཚུལ།
ཤེས་བྱ་རིག་པའི་གནས་ཐམས་ཅད་རིག་པའི་གནས་ཆེན་ལྔའི་ནང་དུ་མ་འདུས་པ་མེད་པས། རིག་པའི་གནས་ཆུང་ལྔ་པོ་ཡང་རིག་པའི་གནས་ལྔའི་ཁོངས་སུ་འདུ་སྟེ། འདི་ཡང་ མངོན་བརྗོད། ཟློས་གར། སྐར་རྩིས། སྡེབ་སྦྱོར། སྙན་ངག་ལྔ་ཀ་ སྒྲ་རིག་པའི་ནང་དུ་འདུ། གཞན་ཡང་འདུལ་བ་ལུང་ལས་གསུངས་པའི་རིག་གནས་བཅོ་བརྒྱད་དང༌། སློབ་དཔོན་དབྱིག་གཉེན་གྱི་མཛོད་རང་འགྲེལ་ལས་གསུངས་པའི་རིག་པའི་གནས་བཅོ་བརྒྱད་ཡང་ཅི་རིགས་པར་རིག་པའི་གནས་ཆེན་ལྔའི་ནང་དུ་འདུ་བ་མ་ཚད། སྒྱུ་རྩལ་དྲུག་ཅུ་རྩ་བཞི་ལ་སོགས་པའང་རིག་གནས་ཆེ་བ་ལྔའི་ནང་དུ་འདུས་པར་ས་སྐྱ་པཎྜི་ཏའི་མཁས་པ་ལ་འཇུག་པའི་སྒོ་ལས་གསུངས།

སྤྱིར་རིག་པའི་གནས་ལྔ་སྦྱངས་དགོས་པའི་དགོས་པ་ནི།
དེ་ཡང་མདོ་ལས། བྱང་ཆུབ་སེམས་དཔའ་རིག་པའི་དངོས་པོ་ལྔ་མ་བསླབས་ན་ནི་ནམ་དུ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐམས་ཅད་མཁྱེན་པའི་ཡེ་ཤེས་ཐོབ་པར་མི་ནུས་སོ།། དེ་བས་ན་བླ་ན་མེད་པའི་བྱང་ཆུབ་ཐོབ་པར་བྱ་བའི་ཕྱིར་རིག་པའི་དངོས་པོ་ལྔ་བསླབ་པར་བྱའོ།། ཞེས་དང༌། རྒྱས་ཚབ་བྱམས་པ་མགོན་པོས། རིག་པའི་གནས་ལྔ་དག་ལ་བརྩོན་པར་མ་བྱས་ན།། འཕགས་མཆོག་གིས་ཀྱང་ཐམས་ཅད་མཁྱེན་ཉིད་ཐོབ་མི་འགྱུར།། དེ་བས་གཞན་དག་ཚར་གཅད་རྗེས་སུ་གཟུང་ཕྱིར་དང༌།། བདག་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱ།། ཞེས་དང༌། 
ས་སྐྱ་པཎྜི་ཏས། རང་བློ་ཤེས་བྱའི་གནས་ལ་མ་སྦྱངས་ན།། ཐམས་ཅད་མཁྱེན་པ་ནམ་མཁའི་མཐའ་ལྟར་རིང༌།། དེ་ལྟར་དགོངས་ནས་རྒྱལ་དང་རྒྱལ་སྲས་ཀྱིས།། ཤེས་བྱའི་གནས་ཀུན་སྦྱངས་ཞེས་ལེགས་པར་གསུངས།། ཞེས་གསུངས་པ་ལྟར་ རིག་པའི་གནས་ལྔ་ལ་ཚུལ་བཞིན་དུ་མ་བསླབས་ན། འཕགས་པ་དག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་མི་འགྱུར་ལ། དེའི་ཕྱིར་སོ་སོ་སྐྱེ་བོ་རྣམས་ཀྱིས་ཤེས་བྱ་རིག་པའི་གནས་གཅིག་ཀྱང་མ་ལུས་པ་དེ་དང་དེ་ལ་ཐོག་མ་ཉིད་ནས་བརྩོན་པར་བྱ་དགོས་པས། རིག་པའི་གནས་ལྔ་པོ་ནི་རྣམ་པ་ཐམས་ཅད་མཁྱེན་པའི་གོ་འཕང་འཐོབ་པའི་རྒྱུའི་གཙོ་བོ་དང༌། རང་གཞན་གྱ་ིདོན་གཉིས་འབྱུང་བའི་གཞི། འཕྲལ་ཡུན་གྱི་ལེགས་པ་ཐམས་ཅད་ཀྱི་འབྱུང་ཁུངས་ཡིད་པས་ཐོག་མ་ཉིད་དུ་དེ་ལ་བརྟེན་དགོས་སོ།།

སྒོས་སུ་བརྡ་དང་ཐ་སྙད་རིག་པ་ནི་ཐོག་མ་ཉིད་འཇུག་ཅིང་བསླབ་པར་བྱ་དགོས་པའི་རྒྱུ་མཚན་ནི།
སློབ་དཔོན་འཕགས་པ་ཀླུ་སྒྲུབ་ཀྱིས། ཐ་སྙད་ལ་ནི་མ་བརྟེན་པར།། དམ་པའི་དོན་ནི་བསྟན་མི་ནུས།། དམ་པའི་དོན་ནི་མ་རྟོགས་པར།། མྱ་ངན་འདས་པ་ཐོབ་མི་འགྱུར།། ཞེས་དོན་དམ་པའི་གནས་ལུགས་རྟོགས་པར་བྱེད་པའང་བརྡ་དང་ཐ་སྙད་ལ་བརྟེན་དགོས་ཤིང༌། དེ་ཡང་རྗོད་བྱེད་ཡང་དག་པ་ལ་བརྟེན་ནས་བརྗོད་བྱ་ཕྱིན་ཅི་མ་ལོག་པར་ཁོང་དུ་ཆུད་པར་བྱེད་དགོས་པས་ཐོག་མར་བརྡ་དང་ཐ་སྙད་རིག་པ་ལ་བསླབ་དགོས་སོ།།

སྙན་ངག་རིག་པའི་གཞུང་གི་ལོ་རྒྱུས་ལ། 
སྤྱིར་སྙན་ངག་གཞུང་མ་དར་བའི་གོང་སྙན་ངག་ཡོད་མེད་སྐོར། 
དེ་ཡང་ སྤྱིར་ སྙན་ངག་མཁན་ལ་ཅི་ཡང་རྒྱན།། ཞེས་གསུངས་པ་ལྟར་བརྗོད་བྱའི་དོན་ཆེ་ཕྲ་གང་ཞིག་ཡིག་རུང་རྗོད་བྱེད་ངག་གི་སྦྱོར་བ་ཐ་མལ་པ་ལས་ཁྱད་དུ་འཕགས་པ་ཞིག་ཡིན་ན་སྙན་ངག་ཡིན་པས་ཁྱབ་པས། འགྲོ་བ་མིའི་སྐད་རིགས་ཅིག་ཡོད་ཕྱིན་ཆད་ དེ་ལ་སྙན་ངག་འདི་རང་བཞིན་ཤུགས་ཀྱིས་ཡོད་པ་ཡིན། ཐ་ན་འཇིག་རྟེན་པ་ཕྱུགས་རྫི་རྣམས་ཀྱི་ངག་གཤིས་ལ་ཡང་ ཚིག་སྦྱོར་ཕུན་སུམ་ཚོགས་པའི་སྙན་ངག་འདི་རང་བཞིན་ལྷན་སྐྱེས་སུ་ཡོད། དེ་ཡང་གནའ་རབས་ཀྱི་ཡིག་རྙིང་དང་གླུ་བཞེས་ལ་སོགས་པ་ངག་གི་ཉམས་འགྱུར་ཕུན་སུམ་ཚོགས་པའི་སྙན་ཚིག་རིག་པའི་རྣམ་འགྱུར་སྣ་ཚོགས་པ་བསྒྱུར་ཏེ་བརྗོད་སྲོལ་ཡོད་པ་མཐོང་ཆོས་སུ་ཡིན། 

རྒྱ་གར་འཕགས་པའི་ཡུལ་དུ་སྙན་ངག་གི་གཞུང་ཇི་ལྟར་བྱུང་བའི་ལོ་རྒྱུས་ནི།
དེ་ཡང་སྔོན་རྒྱ་གར་དུ་སྙན་ངག་གི་བསྟན་བཅོས་བྷ་ར་ཏ་ཞེས་བྱ་བ་ཞིག་བརྩམས་པ་ཚོགས་བདག་གིས་ཡིན་མཁན་བྱས་ནས་བྲིས་པར་གྲགས་པའི་གཞུང་ཤོ་ལོ་ཀ་འབུམ་ལྷག་ཡོད་པ་དང༌། དྲང་སྲོང་མེ་བཞིན་འཇུག་གི་བུ་མོས་སྙན་ངག་རཱ་མ་ཡ་ན་ཞེས་པ་ཞིག་བརྩམས་པ་དེ་ནི་རྒྱལ་པོ་རཱ་མ་ན་དང་དེའི་བཙུན་པོ་རོལ་རྙེད་མའི་ལོ་རྒྱུས་སྙན་ངག་ཏུ་སྦྱར་བ་ཤོ་ལོ་ཀ་འབུམ་ཡོད་པ་ཞིག་དང༌། མརྐེ་ཎ་ཊ་ཡིས་བརྩམས་པའི་སྙན་ངག་གི་བསྟན་བཅོས་ཁྱབ་འཇུག་གི་འཇུག་པ་བཅུ་སོགས་གཙོ་བོར་སྟོན་པ་ཤོ་ལོ་ཀ་འབུམ་ལྷག་ཡོད་པ་ཞིག་དང༌། རཱ་མ་ཤརྨས་མཛད་པའི་སྙན་ངག་གི་བསྟན་བཅོས་ཤོ་ལོ་ཀ་སྟོང་ཕྲག་བརྒྱད་ཅུ་ཅན་དང༌། ནག་མོ་ཁོལ་གྱིས་མཛད་པའི་སྙན་ངག་གཞོན་ནུ་འབྱུང་བ་དང༌། གཞན་སྙན་ངག་གི་བསྟན་བཅོས་དབྱངས་ཅན་མགུལ་རྒྱན་སོགས་མང་པོ་ཡོད་ལ། དེ་དག་ལས་རཱ་མ་ཤརྨས་བརྩམས་པའི་གཞུང་དང༌། དབྱངས་ཅན་མགུལ་རྒྱན་གཉིས་གྲགས་ཆེ་བས་ཁྱབ་གདལ་ཆེ། ཕྱིས་སུ་སློབ་དཔོན་དཎྜིའམ་དབྱུག་པ་ཅན་གྱིས་སྔོན་གྱི་སྙན་ངག་གི་བསྟན་བཅོས་མང་པོའི་ཚིག་ཚོགས་ཆེ་བ་རྣམས་ཉུང་ངུར་བསྡུས། དེ་དག་ལས་ལེགས་པའི་ཚིག་སྦྱོར་མཚོན་པར་བྱས་པའི་སྟེང་དུ་བྷ་ར་ཏའི་སྦྱོར་བ་སོགས་ཡོན་ཏན་བཅུ་པོ་ཡང་བསྣན་ཏེ་རྒྱས་བསྡུས་ཤིན་ཏུ་འཚམ་པ། ཚིག་སྦྱོར་ལེགས་ཤིང་གསལ་བ། སྙན་ངག་མེ་ལོང་མ་ཞེས་བྱ་བ་ལེའུ་གསུམ་གྱི་རང་བཞིན་འདི་བརྩམས་པ་ནས་བཟུང༌། འདི་ཉིད་རྒྱ་གར་བ་ཐམས་ཅད་ཀྱིས་ཐུན་མངོ་བའི་གཞུང་དུ་འཛིན་པར་གྲགས།

བོད་དུ་སྙན་ངག་གི་གཞུང་དར་ཚུལ་ནི། 
དེ་ཡང་རབ་བྱུང་བཞི་པའི་སྔོན་བོད་དུ་སྙན་ངག་གི་གཞུང་མ་དར་ལ། ཕྱིས་རབ་བྱུང་བཞི་པའི་དུས་སུ་ས་སྐྱ་འགྲོ་མགོན་འཕགས་པའི་སྐུ་རིང་ལ་ལོ་ཙཱ་བ་ཤོང་སྟོན་རྡོ་རྗེ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་(སྤྱི་ལོ་༡༢༥༠ནས་༡༢༧༠ཙམ་གྱི་བར་ལ)སྙན་ངག་མེ་ལོང་འདི་ཐོག་མར་བསྒྱུར། དེ་རྗེས་དཔང་ལོ་ཙཱ་བ་བློ་གྲོས་བརྟན་པས་གོ་དཀའ་བའི་ཆ་ཤས་སུ་གྱུར་པ་རྣམས་དང༌། དོན་ཆེ་བ་རྣམས་ལ་འགྱུར་བཅོས་བྱས་ཤིང༌། དེ་རྗེས་སྙེ་ཐང་བློ་བརྟན་ཞི་བས་སླར་ཡང་འགྱུར་བཅོས་དང་འབྲེལ་མཆན་ཉན་གྱི་རྒྱུན་སྤེལ་བའི་བཀའ་དྲིན་གྱིས་བོད་ལྗོངས་སུ་ཆེ་ཆེར་དར། དེའི་རྗེས་སུའང་ཞ་ལུ་ལོ་ཙཱ་བ་ཆོས་སྐྱོང་བཟང་པོས་རྒྱ་འགྲེལ་གཉིས་ལ་གཏུགས་ནས་དག་བཅོས་དང་མཆན་འདེབས་མཛད། ཀརྨ་སི་ཏུ་བསྟན་པའི་ཉིན་བྱེད་ཀྱིས་ཀྱང་རྒྱ་དཔེ་དང་བསྡུར་ནས་འགྱུར་བཅོས་ལེགས་པར་མཛད་པའི་སྐད་གཉིས་ཤན་སྦྱར་མཛད། སྡེ་པ་རིན་སྤུངས་པའི་སྙན་འགྲེལ་འཇིགས་མེད་སེང་གེའི་ངོ་རོ། རྒྱལ་བ་ལྔ་པའི་དབྱངས་ཅན་དགྱེས་གླུ། བོད་མཁས་པའི་དཎྜིའི་དགོངས་རྒྱན། ཁམས་སྤྲུལ་བསྟན་འཛིན་ཆོས་ཀྱི་ཉི་མའི་དབྱངས་ཅན་ངག་གི་རོལ་མཚོ། འཇུ་མི་ཕམ་གྱི་དབྱངས་ཅན་དགྱེས་པའི་རོལ་མཚོ་སོགས་དང༌། ཙནྡན་ནགས་མོའི་ལྗོངས་འདིར་ཡང་ རྗེ་དགེ་འདུན་རིན་ཆེན་གྱིས་མཛད་པའི་སྙན་དཔེ། སློབ་དཔོན་ནོར་བུ་དབང་ཕྱུག་གིས་མཛད་པའི་སྙན་ཚིག་འགྲེལ་པ་དང་དཔེར་བརྗོད། གཞན་ཡང་མཁས་གྲུབ་རྣམས་ཀྱིས་མཛད་པའི་སྙན་འགྲེལ་དང་དཔེར་བརྗོད་གྲངས་ལས་འདས་སོ།།

སྙན་ཚིག་རིག་པ་སྦྱང་དགོས་པའི་ཁུངས་དོན།
དེ་ཡང་ འཇིག་རྗེན་འདིར་མཁས་པ་པཎྜི་ཏ་ལས་ ཐ་ན་ཕྱུགས་རྫི་ཡན་ཆད་དུ་མེད་དུ་མི་རུང་པའི་ཁྱད་ཆོས་ མི་རྣམས་ཀྱི་ངག་གི་རྒྱན་ཆ་དང་འདྲ་བའི་སྙན་ངག་ནི། ནང་དོན་རིག་པའི་གསུང་རབ་ མདོ་སྔགས་རིག་གནས་དང་བཅས་པའི་བཀའ་དང་བསྟན་བཅོས་ཇི་སྙེད་ཅིག་ཡོད་པ་རྣམས་ ཕལ་ཆེར་སྙན་ངག་གི་ཚིག་སྦྱོར་གྱིས་བཅིངས་ཤིང༌། སྙན་ངག་མི་འཇུག་པ་མེད་པས་ལོ་རྒྱུས་དང་རྣམ་ཐར་དེབ་ཐེར་སོགས་ནའང་སྙན་ཚིག་གི་ལམ་ནས་ཆེད་དུ་བརྗོད་པ་དང༌། མ་མཐའ་འཕྲིན་ཡིག་ཙམ་ལའང་སྙན་ཚིག་གི་ཚིག་འདི་ལས་མ་འདས་པས། འདི་ནི་རིག་གནས་ཀུན་ལ་བལྟ་བའི་མིག་ཏུ་འགྱུར་པ་མ་ཟད། རང་ཉིད་ཀྱིས་སྐྱེ་བོ་མང་པོའི་ཁྲོད་དུ་རིག་པའི་གནས་ལས་བརྩམས་ཏེ་འཆད་རྩོད་རྩོམ་གསུམ་དང༌། གཞན་ལ་མཛུབ་ཁྲིད་བྱེད་པ་དང༌། གཞན་ཡང་གྲོགས་ཕན་ཚུན་འབེལ་གཏམ་གྱི་གླེང་མོལ་བྱེད་པ་ཚུན་ཆད་ཀྱི་སྐབས་སུའང༌། རང་ཚིག་སྔ་ཕྱི་མི་འགལ་བ་དང༌། ཚིག་དོན་གྱི་ཆ་སྐྱོན་མེད་མིང་འབྲེལ་ཆགས་པར་མ་ཟད། ཐ་ན་ཀུ་རེའམ་བཞད་གད་ཀྱི་གཏམ་དང་འབྲེལ་ཚེ་ཐོས་པ་ཙམ་གྱིས་དགོད་ཤོར་བ་དང༌། སྐྱེ་བོ་གཞན་ལ་བསྡིག་པའི་ཚིག་གམ་མཚང་འབྲུ་བ་ལ་སོགས་པའི་གཏམ་དང་འབྲེལ་ཚེ། གླེངས་པ་ཙམ་གྱིས་གཞན་ཡིད་སྤ་བཀོང་བར་བྱེད་པ། མྱ་ངན་གྱི་གཏམ་དང་འབྲེལ་ཚེ། ཐོས་པ་ཙམ་གྱིས་ཡིད་རང་དབང་མེད་པར་སྐྱོ་བར་བྱེད་པ། གཞན་དགའ་བའི་གཏམ་དང་འབྲེལ་ཚེ། ཐོས་པ་ཙམ་གྱི་འཛུམ་དམུལ་བྱེད་པ་སོགས་ནི་སྙན་ངག་གི་དོན་རྟོགས་ཤིང༌། ཚིག་སྦྱོར་ལ་མཁས་པར་གོམས་པ་འདི་ཁོ་ན་ལ་རག་ལས་པའི་ཕྱིར་སྙན་ངག་གི་གཞུང་འདི་ནི། མཁས་པར་འདོད་པ་དག་གིས་བསླབ་པར་བྱ་བའི་གནས་མཆོག་ཏུ་གྱུར་པ་ཡིན་ཏེ། རྗེ་ཙོང་ཁ་པ་ཆེན་པོས། མཛད་པའི་རིན་པོ་ཆེ་གསུམ་གྱི་གཏམ་གྱི་སྦྱོར་བ་ལས། རིགས་ལམ་རྣམ་པར་ཕྱེད་པའི་རྣམ་དཔྱོད་དང༌།། གཞུང་ལུགས་གདམས་པར་ཤར་བའི་ཉམས་ལེན་དང༌།། ཚིག་སྦྱོར་ཚུལ་ལ་མཁས་པའི་ངག་གི་དཔལ།། ས་སྟེང་འདི་ན་རིན་ཆེན་རྣམ་གསུམ་སྣང༌།། ཞེས་དང༌། སློབ་དཔོན་ཙནྡྲ་གོ་མིས། གང་ཕྱིར་མཁས་པའི་ལས་གསུམ་ལས།། རྩོད་འཆད་ངག་ལ་མ་ངེས་པ།། སྲིད་ཕྱིར་མི་འཁྲུལ་རྩོམ་པ་སྟེ།། ཞེས་དང༌། དཔག་བསམ་འཁྲི་ཤིང་ལས། མཁས་པ་ཉིད་ནི་མེད་ན་བློ་གྲོས་རྣམས་ཉམས་མི་རྣམས་འཚོ་བ་དོན་ཡོད་མིན།། མཚུངས་མེད་རྒྱས་པའི་སྙན་ངག་མེད་ན་མཁས་པ་ཉིད་ནི་ནེ་ཙོའི་ཀློག་དང་མཚུངས།། ཞེས་མཁས་པའི་བྱ་བ་འཆད་རྩོད་རྩོམ་གསུམ་ལས་རྩོམ་པ་བཟང་ངན་སྙན་ངག་ཤེས་མི་ཤེས་ཀྱི་རྗེས་སུ་འགྲོ་ལྡོག་བྱེད་ལ། གལ་ཏེ་ཚིག་སྦྱོར་ལ་མ་མཁས་ན་ ཤེས་བྱའི་གནས་གཞན་ལ་ཅི་ཙམ་མཁས་ཀྱང་ ཟུར་མཁར་བློ་གྲོས་རྒྱལ་བས། རྒྱལ་པོ་ལང་ཚོས་དྲེགས་གྱུར་ཀྱང༌།། རྒྱན་མེད་པ་ན་སྐྱེས་བོས་གླེང༌།། དེ་བཞིན་སྙན་ངག་མི་ལྡན་པའི།། བསྟན་བཅོས་མཁས་ལ་རྩིས་སུ་མེད།། ཅེས་གསུངས་པ་ལྟར་བརྗོད་བྱ་དོན་ཤིན་ཏུ་ཟབ་ཀྱང༌། རྗོད་བྱེད་ཀྱི་ཚིག་སྦྱོར་ཕུན་སུམ་ཚོགས་པ་མ་བྱུང་ན། བརྗོད་བྱའི་དོན་ཉམས་ཤིང༌། འབྲེལ་མི་ཆགས་པ་དང༌། རང་ཚིག་སྔ་ཕྱིའི་གོ་རིམ་འཆོལ་བ་ལ་སོགས་པའི་སྐྱོན་དང་ལྡན་པ་མ་ཟད། རྗོད་བྱེད་ཀྱི་ངག་མི་མཛེས་ཤིང༌། རྣ་བའི་ལམ་དུའང་མི་སྙན་པས་མཁས་པ་དག་གི་བཞད་གད་ཀྱི་ཡུལ་དུ་འགྱུར་བས། གནས་སྐབས་མཁས་པའི་གྲགས་པ་དང༌། རྙེད་བཀུར། མཐར་ཐུག་མཆོག་གི་བྱང་ཆུབ་འདོད་ཅིང་དོན་དུ་གཉེར་བ་རྣམས་ཀྱིས་དུས་རྟག་ཏུ་ལེ་ལོ་དང་སྙོམ་ལས་མེད་པར་སྙན་ཚིག་རིག་པ་འདི་སྦྱང་དགོས་སོ།།

སྙན་ངག་གི་རྒྱུ་བཤད་པ།
ཀ༽ ཕུན་སུམ་ཚོགས་པའི་རྒྱུ་ནི། རྩ་བར་་་་་རང་བཞིན་གྱིས་གྲུབ་སྤོབས་པ་དང༌།། མང་དུ་ཐོས་པ་དྲི་མེད་དང༌།། མངོན་པར་སྦྱོར་བ་མི་དམན་པ།། སྙན་ངག་ཕུན་སུམ་ཚོགས་པའི་རྒྱུ།། ཞེས་པ་སྟེ། སྐྱེ་བ་གཞན་སྔ་མ་མར་རིག་པའི་གནས་ལ་གོམས་པ་སྔོན་དུ་སོང་བའི་མཐུས་ཚེ་འདིར་རང་བཞིན་གྱིས་གྲུབ་པའི་སྤོབས་པ་སྟེ་ སྐྱེ་ཐོབ་ཀྱི་ཤེས་རབ་ཟབ་མོ་དང༌། སྤྱིར་ཤེས་གནས་ཀུན་དང་བྱེ་བྲག་སྙན་ངག་གི་བསྟན་བཅོས་ཀྱི་ཚོགས་དང༌། དེ་དང་འབྲེལ་བ་སྔོན་གྱི་གཏམ་རྒྱུད་དང༌། མངོན་བརྗོད་ལ་སོགས་པ་ལེགས་བཤད་ཀྱི་ཚོགས་མང་དུ་ཐོས་ཤིང་ཐེ་ཚོམ་གྱི་དྲི་མ་མེད་པ་དང༌། དེ་དག་སེམས་པ་དང་གོམས་པ་ལ་མངོན་པར་སྦྱོར་བའི་གུས་སྦྱོར་དང༌། རྟག་སྦྱོར་གྱི་བརྩོན་འགྲུས་མི་དམན་པ་གསུམ་ནི་སྙན་ངག་གི་རིག་ཚུལ་ཕུན་སུམ་ཚོགས་པ་རང་རྒྱུད་ལ་སྐྲུན་པའི་རྒྱུའོ།།
ཁ༽ སྣོད་དུ་རང་བའི་རྒྱུ་ནི། རྩ་བར་་་་་་་གལ་ཏེ་སྔོན་གྱི་བག་ཆགས་ཡོན་ཏན་གྱི།། རྗེས་འགྲེལ་སྤོབས་པ་རྨད་བྱུང་མེད་པ་ལའང༌།། ཐོད་དང་འབད་པ་དག་གིས་ངག་བསྟེན་ན།། ཅི་ཞིག་ལྟར་ཡང་ངེས་པར་རྗེས་འཛིན་བྱེད།། ཅེས་པ་སྟེ། གལ་ཏེ་ཚེ་སྔོན་སྦྱངས་པའི་བག་ཆགས་སད་པའི་ཡོན་ཏན་གྱི་རྗེས་འབྲེལ་དུ་བྱུང་བའི་སྐྱེས་ཐོབ་ཀྱི་སྤོབས་པ་རྨད་དུ་བྱུང་བ་མེད་པས་རྒྱུ་དང་པོ་མ་གྲུབ་པའི་གང་ལ་ལའང་རྒྱུ་གཉིས་པ་མང་དུ་ཐོས་པ་དང༌། རྒྱུ་གསུམ་པ་འབད་པ་བྱས་ན་དབང་པོའི་ཁྱད་པར་ཅི་ཞིག་ལྟར་ཡང་བློ་གྲོས་འཕེལ་བར་འགྱུར་བས་ངེས་པར་དུ་རྗེས་སུ་འཛིན་པར་བྱེད་དེ། སྙན་ངག་བསྟན་པར་བྱ་བའི་སྣོད་དུ་རུང་བ་ཡིན་པས་དེ་ལ་དུས་སུ་བསྟན་པར་བྱ་དགོས་སོ།།

སྙན་ངག་སྦྱང་པའི་ཕན་ཡོན་ནི།
སྦྱངས་ན་གོང་དུ་བཤད་པའི་དོན་རྣམས་འགྲུབ་པར་འགྱུར་པ་དང༌། ངེས་པར་དུ་སྙན་ངག་ཤེས་པའི་སྐལ་བ་དང་ལྡན་པར་འགྱུར་བ་དང༌། བཀའ་བསྟན་རིག་གནས་དང་བཅས་པའི་གཞུང་ལུགས་ཀུན་ནོར་འཁྲུལ་མེད་པར་རྟོགས་ནུས་པ་དང༌། རང་གིས་ཡང་སྙན་ངག་ཆེན་པོ་སརྒས་བཅིངས་པའི་སྒོ་ནས་དམ་པའི་ཆོས་གསལ་བར་བྱེད་པའི་བསྟན་བཅོས་བརྩམས་པ་དང༌། དཀོན་མཆོག་གསུམ་ལ་བསྟོད་པས་ཡིད་དམ་ལྷས་ཞལ་གཟིགས་ཏེ་བྱིན་གྱིས་རློབ་པའང་འབྱུང་བ་དང༌། མཐར་ཐུག་ཐམས་ཅད་མཁྱེན་པའི་གོ་འཕང་དམ་པ་འཐོབ་པར་འགྱུར་བ་དང༌། གལ་ཏེ་དེ་ལྟར་དོན་ཆེན་མ་བྱུང་ནའང་ ངལ་བས་བསྟེན་ན་དེ་ཉིད་རྨོངས་པའི་ངང་ཚུལ་ལས་རིང་དུ་གྲོལ་ཏེ་མཁས་པའི་གོ་འཕང་འཐོབ་པར་གདོན་མི་ཟའོ།།

སྙན་ངག་མཛད་པ་པོ་སློབ་དཔོན་དབྱུག་པ་ཅན་གྱི་ལོ་རྒྱུས།
སྤྱིར་ཁ་རྒྱུན་ལ། མཛེས་པའི་དཔེ་སྟོན་ལ་མཆོག་ཏུ་གྱུར་པ་ནག་མོའི་ཁོལ། རྗེས་ཁྲིད་ཀྱི་སྒྲ་སྦྱོར་ལ་མཁོན་ཏུ་གྱུར་པ་བྷ་ར་ཝི། སྙན་པའི་རོ་འདོན་པ་ལ་མཆོག་ཏུ་གྱུར་པ་དབྱུག་པ་ཅན། ཞེས་གྲགས་པའི་སླབ་དཔོན་དཎྜིའམ་དབྱུག་པ་པ་ཅན་ནི། རབ་བྱུང་གསུམ་པའི་ཕྱེད་ཕྱི་མ་ཙམ་སྟེ་དུས་རབས་བཅུ་གཉིས་པའི་སྨད་ཙམ་དུ་བྱུང་ཞེས་འདོད་པ་དང༌། ཡང་ལོ་རྒྱུས་ཁ་ཅིག་ལས་ དུས་རབས་བདུན་པའི་ནམ་ཙམ་ལ་བྱོན་པར་ཡང་གྲགས། གང་ལྟར་ཀྱང་སླབ་དཔོན་འདི་ནི་སྔ་མ་དག་རྒྱ་གར་གུ་ཛ་ར་ཐའི་ཡུལ་ཀུན་ཏའི་གྲོང་ཞེས་བྱ་བར་ རྒན་པ་ལས་རིམ་གྱིས་ལྷོ་ཕྱོགས་སུ་སོང་སྟེ་ཀཉྩའི་ཡུལ་དུ་ཆགས། རིགས་ལ་སྲེད་མེད་ཀྱི་བུ་ཞེས་བྱ་བའི་མཁས་པ་ཞིག་བྱུང༌། དེའི་བུ་ནི་འགྲན་ཟླ་མེད་པའི་སྙན་ངག་མཁན་ཆེན་པོ་བྷ་ར་ཝིའམ་མེ་དར་བ་བྱ་བ་དེ་ཡིན། དེས་ར་མ་ཡ་ནའི་གཞུང་ཞིག་བྲིས་པར་ དཀྱུས་བཞིན་བཀླགས་པས་རྒྱལ་པོ་ར་མ་ཎའི་གཏམ་རྒྱུད་སྟོན་ཅིང༌། མཇུག་ནས་བཟློག་སྟེ་བཀླགས་པས་བྷ་ར་ཏའི་རྒྱད་སྟོན་པ། དེ་ཡང་དོན་གོ་བེད་ལ་ཚིག་སྙན་པ་ཞིག་བྱུང་བར་གྲགས། བྷ་ར་ཝི་ལ་ཆུང་མ་གསུམ་ཡོད་པའི་འབྲིང་པོ་མ་ནེ་ར་ཐ། དེ་ལ་བུ་བཞི་བྱུང་བའི་ཐ་ཆུང་བི་ར་དརྐ་སྟེ། དེ་དང་མ་གོ་རི་གཉིས་ཀྱི་བུ་ནི་དཎྜི་ཡིན་ལ། རིགས་ནི་བྲརྨཎཱ་སྟེ་བྲམ་ཟེའོ།། ཆུང་ངུ་ནས་ཕ་མ་གཉིས་ཤི་བས་དྭ་ཕྲུག་ཏུ་འཁྱམས། རེ་ཞིག་ནས་ཡུལ་དེར་འབངས་དང་རྒྱལ་པོ་མ་མཐུན་པས་འཁྲུག་ལོང་གི་རྐྱེན་གྱིས་ནགས་ཁྲོད་དུ་བྲོས་ནས་བསྣ་སྐབས། ཡོན་ཏན་ལ་མཁས་པར་སྦྱངས། ཡུལ་འཁྲུག་བདེ་ནས་སླར་ཡུལ་དུ་འཁོར་ཏེ། རྒྱལ་པོ་པཱ་ལླ་ཞེས་བྱ་བའི་བློན་པོར་གྱུར། གཞན་ཡང་རྒྱལ་པོ་པུ་ལ་ཀེ་ཤ་ཞེས་བྱ་བའི་སྤུན་ཁྱབ་འཇུག་འཕེལ་བ་དང་མཛའ་གྲོས་སུ་གྱུར་ནས། སྙན་ངག་མེ་ལོང་མ་འདི་རྒྱལ་པོ་དེའི་བུ་རྣམས་ཀྱི་ཆེད་དུ་བརྩམས་པར་གྲགས། སློབ་དཔོན་འདིས་འཇིག་རྟེན་ན་གྲགས་པའི་གཞུང་གསུམ་མཛད་དེ་སྙན་ངག་མེ་ལོང་འདི་དང༌། གཞོན་ནུ་བཅུའི་འཇུག་པ་ཞེས་བྱ་བ་སྔོན་གྱི་ལེའུ་ལྔ་ལ་རྒྱལ་པོ་བ་ཧ་ན་དང༌། མཛེས་མ་ཨ་བནྟི་གཉིས་ཀྱི་ལོ་རྒྱུས་དང༌། དངོས་གཞི་ལ་གཞོན་ནུ་བཅུ་པོ་རང་རང་གི་སྤྱོད་པ་བཤད་ཡོད་པ་དེ་དང༌། གཅིག་ནི་ཟློས་གར་རིགས་ཀྱི་བསྟན་བཅོས་ཡིན་པར་གྲགས་སོ།།

མཛད་པ་པོ་སློབ་དཔོན་འདི་ཉིད་ཕྱི་ནང་གང་ཡིན་དཔྱད་པ།
མཛད་པ་པོ་སློབ་དཔོན་འདི་ཉིད་མཁས་པ་ཕལ་ཆེ་བས། མེ་ལོང་མའི་གཞུང་འདིར། བརྟན་རྒྱས་དབང་པོ་རབ་བསྡམས་པ།། ཁྱོད་ནི་སྡོམ་ལྡན་ཕྱིར་མི་ཉམས།། ཞེས་སོགས་ནང་པའི་གྲུབ་མཐའ་སྟོན་པའི་ཚིག་དང༌། ཉི་མ་ཟླ་བ་རླུང་ས་མཁའ།། སྦྱིན་སྲེག་བྱེད་དང་མེ་དང་ཆུ།། ཞེས་སོགས་ཕྱི་རོལ་པའི་གྲུབ་མཐའ་སྟོན་པའི་ཚིག་ཡང་མང་དུ་སྣང་བས་ ཕྱི་ནང་ཐུན་མོང་གི་པཎྜི་ཏ་ཡིན་པར་འདོད་པ་དང༌།
ཡང་ཁ་ཅིག་གིས་ སྡེབ་སྦྱོར་རིན་ཆེན་འབྱུང་གནས་མཛད་པ་པོ་ཡིན་ཞེས་པ་དང༌། ལ་ལས་ སློབ་དཔོན་དཔའ་བོ་བསྟན་པ་འདི་ལ་མ་ཞུགས་གོང་གི་མཚན་ལ་དེ་ལྟར་གྲགས་པ་ཡིན་པས་ སློབ་དཔོན་འདི་ཉིད་ནང་པའི་པཎྜི་ཏ་ཡིན་པར་འདོད།
ཡང་ཁ་ཅིག་ དམངས་དོ་ཧ་ལས། དབྱུ་གུ་དབྱུག་གསུམ་ལེགས་ལྡན་གཟུགས།། འཆང་ཞིང་དུས་སུ་མཆོད་པ་དང༌།། ལ་སོགས་པའི་ལུང་དྲངས་ནས་ཕྱི་རོལ་པའི་པཎྜི་ཏ་ཡིན་པར་འདོད།
གང་ལྟར་ཀྱང་སློབ་དཔོན་འདི་རང་གཞན་གྱི་གཞུང་དང་གྲུབ་མཐའ་མང་པོ་ལ་མཁས་པ་ཞིག་ཡིན་པ་ནི་དཔེར་བརྗོད་པ་དག་གིས་ཤེས་ནུས་སོ།།

སྤྱིར་སྙན་ངག་གི་དབྱེ་བ་ནི། 
སྤྱིར་སྙན་ངག་ལ་བལྟ་བྱའི་སྙན་ངག་དང་ ཉན་བྱའི་སྙན་ངག་གཉིས་ཡོད། དེ་ལ་བལྟ་བྱའི་སྙན་ངག་ནི། སྒེག་པ་དང་རོལ་བ་ལ་སོགས་པའི་ཉམས་གཙོ་བོར་གྱུར་པ་ལུས་ཀྱི་འདུག་སྟངས་དང༌། རྐང་ལག་གི་གར་སྟབས་ལྟ་བུ་མིག་གི་ཡུལ་དུ་གྱུར་པའི་དོན་གཙོ་བོར་སྟོན་པའི་སྙན་ངག། དཔེར་ན། ཀླུ་ཀུན་ཏུ་དགའ་བའི་ཟློས་གར་ལྟ་བུ་ལ་བལྟ་བྱའི་སྙན་ངག་ཅེས་བྱ།
ཉན་བྱའི་སྙན་ངག་ནི། བལྟ་བྱའི་ཡུལ་མིན་པ་རྣ་བར་ཉན་བྱའི་ཚིག་ཉམས་གཙོ་བོར་སྟོན་པ། དཔེར་ན་སྙན་ངག་གི་གཞུང་མེ་ལོང་མ་ལྟ་བུ་ནི་ཉན་བྱའི་སྙན་ངག་ཡིན།

སྙན་ངག་རྩོམ་ལུགས་ལ།
རྒྱ་གར་ཤར་ཕྱོགས་གཽ་ཊ་པའི་ལུགས་དང༌། ལྷོ་ཕྱོགས་བཻ་དརྦྷའི་ལུགས་བཅས་གཉིས་ཡོད། དེ་ཡང་ རྒྱ་གར་ཤར་པའི་ལུགས་ནི། ཁ་ཅུང་ཟད་དམ་ཞིང་གོ་དཀའ་ལ་ ཚིག་སྡུ་ཧ་ཅང་མང་བའི་བརྗིད་པའི་ཉམས་གཙོ་བོ་བྱེད་པ། དཔེར་ན། རྒྱལ་དབང་ལྔ་པ་དང༌། བོད་མཁས་པའི་གསུང་རྩོམ་ལྟ་བུ་ཡིན། 
རྒྱ་གར་ལྷོ་པའི་ལུགས་ནི། ཚིག་ཁ་ཤིན་ཏུ་གསལ་ཞིང་འཇམ་ལ་ ཚིག་སྙན་པ་གཙོ་བོར་བྱེད་པ། དཔེར་ན། ལྕང་སྐྱ་རོལ་པའི་རྡོ་རྗེ་དང༌། གུང་ཐང་བསྟན་པའི་སྒྲོན་མེའི་གསུང་རྩོམ་ལྟ་བུ་ཡིན།

སྙན་ངག་མེ་ལོང་མའི་གཞུང་དང་ གཞུང་འདིའི་བརྗོད་བྱ་ནི།
ཕྱི་ནང་ཐུན་མོང་གི་སྦྱང་བྱའི་སྙན་ངག་གི་རྩ་བར་གྱུར་པ་ སྙན་ངག་མེ་ལོང་མའི་གཞུང་ལ་ལེའུ་ཐོག་མཐའ་བར་གསུམ་བཅས་ལེའུ་གསུམ་དུ་བཞུགས་པ་ལས། ལེའུ་དང་པོ་ལ་ཤོ་ལོ་ཀ་བརྒྱ་དང་ལྔ། གཉིས་པལ་ཤོ་ལོ་ཀ་སུམ་བརྒྱ་དྲུག་ཅུ་རེ་ལྔ། གསུམ་པ་ལ་ཤོ་ལོ་ཀ་བརྒྱ་དང་གྱ་དྲུག་སྟེ་བསྡོམས་པས་ཤོ་ལོ་ཀ་དྲུག་བརྒྱ་དང་ང་དྲུག་ཡོད། གཞུང་འདིའི་བརྗོད་བྱའི་དོན་གཙོ་བོ་ལུས་རྒྱན་སྐྱོན་སེལ་གསུམ་གྱི་ཁོངས་སུ་འདུ་བས་ ལུས་དང༌། རྒྱན། སྐྱོན་སེལ་གསུམ་པོ་སྙན་ངག་གི་བརྗོད་བྱའི་གཙོ་བོ་ཡིན།

དེ་ལ་ ལུས་ནི། མེ་ལོང་མའི་རྩ་བར་་་་་་ལུས་ནི་རེ་ཞིག་འདོད་པ་ཡི།། དོན་གྱི་རྣམ་བཅད་ཚིག་གི་ཕྲེང༌།། ཞེས་གསུངས་པ་ལྟར། བརྗོད་འདོད་ཀྱིས་ཀུན་ནས་བསླངས་པའི་བརྗོད་བྱ་དེའི་དོན་དང་དོན་མ་ཡིན་པ་རྣམ་པར་དཔྱོད་པའི་མིང་ཚིག་ཡི་གེ་གསུམ་གྱི་བདག་ཉིད་ཅན་གྱི་ཕྲེང་བ་སྤེལ་བ་དེ་ལ་སྙན་ངག་གི་ལུས་ཟེར། དེ་ནི་སྙན་ཞིང་མཛེས་པའི་ཚིག་རྒྱན་སྣ་ཚོགས་ཀྱི་ཉམས་དོད་སའི་ཡུལ། རྗོད་བྱེད་མིང་ཚིག་ཡི་གེ་གསུམ་ཚོགས་པའི་རང་བཞིན་གྱི་ཚིག་གི་ཕྲེང་བའམ། ངག་གི་རྒྱུན་དེ་ལ་ཟེར་ཏེ། དཔེར་ན། རིན་པོ་ཆེའི་རྒྱན་ཆ་སྣ་ཚོགས་འདོགས་ཡུལ་གྱི་སྐྱེས་བུའི་ལུས་ལྟ་བུ་ཡིན། མདོར་ན་ལུས་ནི་ བརྗོད་བྱའི་དོན་གང་ཡིན་ཡང་ རང་གི་སེམས་ལ་ཤར་བའི་དོན་དེ་གཟུགས་སུ་བཀོད་པའི་ཚིག་སྦྱོར་ཞིག་ལ་ལུས་ཞེས་བྱ། དེ་ལ་དབྱེ་ན། བཅད་ལྷུག་སྤེལ་བ་གསུམ་ཡོད།

རྒྱན་ནི། མེ་ལོང་མའི་རྩ་བར། སྙན་ངག་མཛེས་པར་བྱེད་པ་ཡི།། ཆོས་རྣམས་རྒྱན་ཞེས་རབ་ཏུ་བརྗོད།། ཞེས་གསུངས་པ་ལྟར། སྙན་ངག་གི་ལུས་ཚིགས་སུ་བཅད་པ་དང༌། ལྷུག་པ་དང༌། སྤེལ་མ་རྣམ་པ་གསུམ་པོ་གང་ཞིག་ཡིན་རུང༌། དེ་མཛེས་པར་བྱེད་པའི་ཡོན་ཏན་ནམ་ཆོས་བརྗོད་པ་གང་དང་ཅི་རུང་བ་རྣམས་ལ་རྒྱན་ཞེས་བྱ། དེ་ལ་ཐུན་མོང་མིན་པ་དང༌། ཐུན་མོང་གི་རྒྱན་གཉིས་ཡོད། 

དེ་ཡང་ཐུན་མོང་མ་ཡིན་པའི་རྒྱན་ནི། སྤྱིར་ལེའུ་དང་པོའི་ཐུན་མོང་མ་ཡིན་པའི་རྒྱན་ནི་ ཕལ་ཆེར་ཡི་གེ་འཇམ་རྩུབ་ཀྱི་མང་ཉུང་ལ་བརྟེན་ནས་སྦྱོར་བ་ལྕི་ཡང་གི་ཁྱད་པར་ལས་རྒྱན་སོ་སོར་འབྱེད་ཅིང༌། དེ་རེ་རེ་ལའང་ལྷོ་པའི་ལུགས་དང་ཤར་པའི་ལུགས་གཉིས་འགལ་བ་ལྟག་སྤྲོད་དུ་ཡོད་པས་ན་ ཐུན་མོང་མ་ཡིན་པའི་རྒྱན་ཞེས་བྱ། དེ་ལ་རབ་དྭངས་ལ་སོགས་རྒྱན་བཅུ་ཡོད།

ཐུན་མོང་གི་རྒྱན་ནི། ལེའུ་གཉིས་པ་དང་གསུམ་པར་བཤད་པའི་རྒྱན་རྣམས་ ཤར་ལྷོ་ཐུན་མོང་དུ་འདོད་པས་ཐུན་མོང་གི་རྒྱན་ཞེས་བྱ།
ཐུན་མོང་གི་རྒྱན་དེ་ལ། དོན་རྒྱན། སྒྲ་རྒྱན། གབ་ཚིག་གི་རྒྱན་བཅས་གསུམ་ཡོད།

དེ་ལས་ དོན་རྒྱན་ཞེས་པ་ནི། བརྗོད་བྱ་དོན་གྱི་ཉམས་གཙོ་བོར་འདོན་པ་སྟེ། རྗོད་བྱེད་ཀྱི་ཚིག་སྙན་ཞིང་མཛེས་པའི་ཉམས་སྣ་ཚོགས་ཀྱི་སྒོ་ནས་ གཙོ་བོ་བརྗོད་བྱ་དོན་གྱི་རོ་ཉམས་ཕུན་སུམ་ཚོགས་པའི་ཚིག་སྦྱོར་གྱི་ངག་དོན་ལ་དོན་རྒྱན་ཞེས་བྱ། དེ་ལ་དབྱེ་ན། མེ་ལོང་མའི་རྩ་བར། རང་བཞིན་བརྗོད་དང་དཔེ་དང་ནི།། སོགས་གསུངས་པ་ལྟར་དོན་རྒྱན་སོ་ལྔ་ཡོད།

སྒྲ་རྒྱན་ཞེས་པ་ནི། རྗོད་བྱེད་ཚིག་གམ་སྒྲའི་ཉམས་གཙོ་བོར་འདོན་པ་སྟེ། སྒྲ་དོན་གཉིས་ལས་གཙོ་བོར་རྗོད་བྱེད་ཀྱི་ཚིག་གམ་སྒྲ་སྦྱོར་ཚུལ་གྱི་ཉམས་མི་འདྲ་བ་སྣ་ཚོགས་ཀྱི་སྒོ་ནས་བརྗོད་བྱའི་དོན་དང༌། རྗོད་བྱེད་ཀྱི་ཚིག་མཛེས་པར་བྱེད་ཅིང༌། སྙན་ཞིང་འཇེབས་པའི་སྒྲའི་རོ་ཉམས་ཕུན་སུམ་ཚོགས་པའི་ཚིག་སྦྱོར་གྱི་གང་ལ་སྒྲ་རྒྱན་ཞེས་བྱ། དེ་ལ་དབྱེ་ན། མེ་ལོང་མར། ཟུང་ལྡན་གྱི་རྣམ་གཞག་བསྟན་པ། བྱ་དཀའ་བའི་ཁྱད་པར་གཞན་བརྗོད་པ། དབྱངས་སོགས་ངེས་པའི་བྱ་དཀའ་བ་བཤད་པ་གསུམ་ཡོད།

གབ་ཚིག་གི་རྒྱན་ཞེས་པ་ནི། བརྗོད་བྱའི་དོན་དངོས་སྦ་བའི་ཕྱིར་དུ། ཚིག་དོན་གཞན་གྱིས་བཀབ་ནས་རྗོད་པ་གཙོ་བོར་བྱས་པ་ལ་གབ་ཚིག་གི་རྒྱན་ཞེས་བྱ། དེ་ལ་དབྱེ་ན། ཀུན་ཚོགས་པ་ལ་སོགས་པ་བཅུ་དྲུག་ཡོད།

སྐྱོན་སེལ་ནི། སྙན་ངག་གི་ཚིག་གི་སྦྱོར་བ་གང་ཞིག་ལའང་འདྲེས་ན་མི་རུང་བའི་སྐྱོན་གྱི་ཆ་རྣམས་ སྙན་ངག་མཁན་་རྣམས་ཀྱིས་སྤང་བར་བྱ་བའི་དོན་བཤད་པ་ལ་སྐྱོན་སེལ་ཞེས་བྱ། དེལ་དབྱེ་ན། མེ་ལོང་མར། དོན་ཉམས་དོན་འགལ་དོན་གཅིག་དང༌།། སོགས་བཅུ་ཡོད།

        རང་བཞིན་བརྗོད་པའི་རྒྱན།

དངོས་པོ་རྣམས་ཀྱི་རང་བཞིན་དང་ དེའི་གནས་སྟངས་རྣམས་བརྗོད་ཐངས་སྣ་ཚོགས་པའི་སྒོ་ནས་ དངོས་སུ་དྲང་པོར་བརྗོད་པའི་ཉམས་ལྡན་གྱི་ཚིག་སྦྱོར་ལ་རང་བཞིན་བརྗོད་པའི་རྒྱན་ཞེས་བྱ།

༡༽ སྤྱིར་ཆོས་ཞིག་གི་རང་བཞིན་དྲང་པོར་བརྗོད་པའི་ངག་ལ་རིགས་རང་བཞིན་བརྗོད་པ་ཞེས་བྱ།
 _ བརྗོད་ཡུལ་གྱི་ཁྱད་གཞི་དེའི་ཁྱོད་ཆོས་སྣ་ཚོགས་བརྗོད་པ།
 _ རིགས་ཅན་ཀུན་ལ་ཁྱབ་བྱེད་དུ་ཡོད་པ།
 _ ཁྱད་ཆོས་ཀྱི་ངོ་བོ་དག་ལ་སྒྲོ་སྐུར་སྤངས་ཏེ་དྲང་པོ་བརྗོད་པ།
 _ གཞན་སེལ་གྱི་དོན་དང་ལྡན་པ།
 _ ཁྱད་གཞི་རིགས་སྤྱི་ཞིག་སྐབས་ཀྱི་བརྗོད་བྱ་གཙོ་བོར་བཟུང་བ།

༢༽ ཁྱད་ཆོས་བྱ་བའི་ངོ་བོ་དྲང་པོར་བརྗོད་པ་ལ་བྱ་བ་རང་བཞིན་བརྗོད་པ་ཞེས་བྱ།
 _ ཁྱད་ཆོས་བྱ་བ་དེ་བརྗོད་བྱ་གཙོ་བོར་བཟུང་བ།
 _ རྣམ་དབྱེ་གཉིས་པ་དང་གསུམ་པ་སོགས་ཕྲད་ཀྱི་རིགས་སྦྱོར་བ།
 _ བྱེད་པ་པོ་དང༌། བྱ་ཡུལ། བྱ་བ་གསུམ་ངེས་པར་ཚང་བ།
 _ བྱ་བ་བྱེད་བཞིན་པའམ་བྱས་ཟིན་པ།
 _ དེའི་རང་བཞིན་དྲང་པོར་བརྗོད་པ།

༣༽ ཁྱད་ཆོས་ཡོན་ཏན་གྱི་ངོ་བོ་དྲང་པོར་བརྗོད་པ་ལ་ཡོན་ཏན་གྱི་རང་བཞིན་ཞེས་བྱ།
 _ ཁྱད་གཞི་དེའི་ཁྱད་ཆོས་ཡོན་ཏན་བརྗོད་བྱའི་གཙོ་བོར་བཟུང་བ།
 _ བྱེད་ལས་གསལ་པོར་སྟོན་པ།
 _ བྱེད་ལས་སྟོན་པའི་ཆེད་རྣམ་དབྱེ་གསུམ་པའི་ཕྲད་ཡོད་པ།
 _ དེའི་རང་བཞིན་དྲང་པོར་བརྗོད་པ།
༤༽ ཁྱད་གཞི་ལ་ཡོད་པའི་རྫས་ཀྱི་ངོ་བོ་དྲང་པོར་བརྗོད་པ་ལ་རྫས་རང་བཞིན་བརྗོད་པ་ཞེས་བྱ།
 _ ཁྱད་གཞི་བརྗོད་བྱ་གཙོ་བོར་མ་བཟུང་བར་ ཁྱད་གཞི་དེ་ལ་ཡོད་པའི་ཁྱད་ཆོས་རྫས་རྣམས་སྐབས་ཀྱི་བརྗོད་བྱར་བཟུང་བ།
 _ ཡུལ་དེའི་ཐུན་མོང་མ་ཡིན་པའི་རྫས་སམ་དངོས་པོ་བཀོད་པ།
 _ རྫས་དེས་ཡུལ་གྱི་བྱེ་བྲག་རང་གཅིག་པུ་སྟོན་ནུས་པ།
 _ དེའི་ངོ་བོ་དྲང་པོར་བརྗོད་པ།

             དཔེ་རྒྱན།
གཙོ་བོ་དཔེ་དང་དཔེ་ཅན་གཉིས་ཐ་དད་པའི་ཚུལ་གྱིས་ཁྱད་གཞི་ཁྱད་ཆོས་སོགས་ཕན་ཚུན་འདྲ་མཚུངས་སུ་ མཚུངས་པ་གསལ་བྱེད་ཀྱི་སྒྲ་ལ་བརྟེན་ནས་གོ་བར་བྱེད་པའི་ངག་ལ་དཔེ་རྒྱན་ཞེས་བྱ།

༡༽ དཔེ་དང་དཔེ་ཅན་གཉིས་ཀྱི་འདྲ་བའི་ཁྱད་ཆོས་ཞིག་དངོས་སུ་བརྗོད་པའི་སྒོ་ནས་ དཔེ་དཔེ་ཅན་གཉིས་འདྲ་བར་སྟོན་པའི་ངག་ལ་ཆོས་དཔེ་ཞེས་བྱ།
 _ དཔེ་དང་དཔེ་ཅན་གཉིས་སུ་ཡོད་པ།
 _ མཚུངས་གསལ་གྱི་སྒྲ་ཡོད་པ།
 _ དེ་གཉིས་འདྲ་བའི་ཁྱད་ཆོས་དངོས་སུ་ཡོད་པ།
 _ མཚུངས་ཆོས་མཚུངས་པ་གསལ་བྱེད་ཀྱི་སྒྲའི་ཤུལ་དུ་བཀོད་པ།
༢༽ དཔེ་དང་དཔེ་ཅན་གཉིས་འདྲ་བའི་ཁྱད་ཆོས་དངོས་སུ་མ་བརྗོད་པར་ དཔེ་དོན་གཉིས་ཀྱི་ཁྱད་གཞི་ཁོ་ན་འདྲ་བར་སྟོན་པའི་ངག་ལ་དངོས་དཔེ་ཞེས་བྱ།
 _ ཆོས་ཅན་ཁོ་ན་མཚུངས་པར་སྦྱར་བ།
 _ ཁྱད་ཆོས་འདྲ་བ་དངོས་སུ་མ་སྦྱོར་བ།
 _ ཤུགས་ལས་ཁྱད་ཆོས་འདྲ་བར་གོ་ནུས་པ།
 _ མཚུངས་གསལ་གྱི་སྒྲ་ཡོད་པ།
 _ དཔེ་དང་དཔེ་ཅན་གཉིས་འདྲ་བའི་ཁྱད་གཞི་དངོས་པོ་སོགས་པའི་ཤུལ་དུ་མཚུངས་གསལ་གྱི་སྒྲ་བཀོད་པ།

༣༽ འཇིག་རྟེན་ལ་ཡོངས་སུ་གྲགས་པའི་གནས་སྟངས་ལས་བཟློག་སྟེ་ དཔེ་དེ་དཔེ་ཅན་ལ་བཀོད་པ་དང་ དཔེ་ཅན་དཔེ་ལ་བཀོད་པའི་ངག་ལ་བཟློག་པའི་དཔེ་ཞེས་བྱ།
 _ དཔེ་དང་དཔེ་ཅན་བཀོད་ཐངས་ཀྱི་བཟློག་པ།
 _ དོན་གོ་མ་བཟློག་པ།
 _ ཤུགས་ལས་དཔེ་དོན་ཁྱད་ཆོས་མཚུངས་པར་གོ་ནུས་པ།
 _ མཚུངས་གསལ་གྱི་སྒྲ་ཡོད་པ།

༤༽ དཔེ་དང་དཔེ་ཅན་གཉིས་ཕན་ཚུན་དཔེ་ལེན་རེས་བྱས་ནས་གཉིས་ཀ་ཕན་ཚུན་མཚུངས་པར་བརྗོད་པས་ན་ཕུན་ཚུན་དཔེ་ཞེས་བྱ།
 _ དཔེ་དང་དཔེ་ཅན་རེས་མོས་སུ་བཀོད་པ།
 _ མཚུངས་གསལ་གྱི་སྒྲ་དངོས་སུ་ཡོད་པ།
 _ དཔེ་དཔེ་ཅན་གཉིས་ཀ་ཁྱད་དུ་འཕགས་པར་བརྗོད་པ།

༥༽ མཚུངས་པའི་དངོས་པོ་གཞན་བཟློག་པའི་ཕྱིར། དཔེ་གཅིག་ཁོ་ནར་ངེས་པར་བརྗོད་པས་ན་ངེས་པའི་དཔེ་ཞེས་བྱ།
 _ མཚུངས་པའི་དཔེ་གཅིག་བཀོད་པ།
 _ དཔེ་གཅིག་ཏུ་ངེས་པར་བརྗོད་པའམ་ མཚུངས་པ་གཞན་བཟློག་པ།
 _ མཚུངས་གསལ་གྱི་སྒྲ་ཡོད་པ།

༦༽ དཔེ་གཅིག་ལ་ངེས་པ་མེད་པར་གཞན་ཡང་ཡོད་སྲིད་པར་བརྗོད་པས་ངེས་མེད་དཔེ་ཞེས་བྱ།
 _ དཔེ་དང་དཔེ་ཅན་མཚུངས་ཆོས་སུ་བཀོད་པ།
 _ དཔེ་གཅིག་ཏུ་མ་ངེས་པར་གཞན་ཡོད་སྲིད་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༧༽ དཔེ་ཅན་དེའི་ཁྱད་ཆོས་སམ་ཡོན་ཏན་གྱི་ཕྱོགས་གཅིག་ཁོ་ན་ཙམ་དཔེ་དེ་དང་མཚུངས་པ་མ་ཡིན་པར། དཔེ་ཅན་དེའི་ཡོན་ཏན་ནམ་ཁྱོད་ཆོས་གཞན་རྣམས་ཀྱང་བསྡུས་ནས་དཔེ་དེ་དང་མཚུངས་པར་སྦྱོར་བ་བསྡུས་པའི་དཔེ་ཞེས་བྱ།
 _ དཔེ་ཅན་གྱི་ཁྱད་ཆོས་གཉིས་བསྡུས་པ།  _ དེ་དཔེ་དང་མཚུངས་པར་སྦྱོར་བ།།
 _ མཚུངས་པ་ཚིག་ཟིན་ལ་དངོས་སུ་ཐོན་པ།  _ ཀྱང་སྒྲ་ངེས་པར་དགོས་པ།

༨༽ དཔེ་དང་དཔེ་ཅན་གཉིས་ཀྱི་བར་ འབྱེད་ཆོས་མི་འདྲ་བ་མང་དུ་ཡོད་ཀྱང་ ཁྱོད་ཆོས་གཅིག་ཁོ་ན་ལས་གཞན་ཁྱད་པར་ཅི་ཡང་མེད་ཅེས་ འུད་ཀྱིས་བརྗོད་པས་ཕུལ་གྱི་དཔེ་ཞེས་བྱ།
 _ ཐ་དད་པའི་ཁྱད་པར་ཅུང་ཟད་བརྗོད་པ།
 _ ཁྱད་པར་གཅིག་ལས་གཞན་མེད་པར་སྟོན་པ།
 _ ཁྱད་པར་གཞོན་ཡོད་ཀྱང་མེད་པ་ལྟར་འུད་ཆེན་པོས་བརྗོད་པ།
 _ མཚུངས་གསལ་གྱི་སྒྲ་དངོས་སུ་མེད་པ།
 _ འདྲ་བ་ཤུགས་ཀྱིས་སྟོན་པ།

༩༽ དཔེ་ལ་མེད་པ་ལ་ཡོད་པར་སྒྲོ་བཏགས་ཏེ་བརྗོད་པ་ལ་རབ་བཏགས་ཀྱི་དཔེ་ཞེས་བྱ།
 _ དཔེ་དང་དཔེ་ཅན་གཉིས་སུ་བཀོད་པ།
 _ དཔེ་ལ་སྒྲོ་བཏགས་པའི་ཚིག་དངོས་སུ་ཐོན་པ།
 _ མཚུངས་གསལ་གྱི་སྒྲ་དངོས་སུ་མེད་པ།
 _ འདྲ་བ་ཤུགས་ལས་རྟོགས་པ།

༡༠༽ དཔེ་ལས་ དཔེ་ཅན་ཁྱད་པར་དུ་འཕགས་པའི་ཡོན་ཏན་དང་ལྡན་པར་སྟོན་པ་ལྟ་བུ་ ཚིག་ཟིན་ལ་དངོས་སུ་བརྗོད་པས་རྨད་བྱུང་གི་དཔེ་ཞེས་བྱ། ཡང་ན་ འབྱུང་བར་དཀའ་བའི་དཔེ་ཞིག་བཀོད་པའི་སྒོ་ནས་ དཔེ་ཅན་དེ་ཁྱད་པར་དུ་འཕགས་པར་སྟོན་པ་ལ་གོ།
 _ དཔེ་ཅན་དེའི་དཔེར་བརྟག་པ་མཐའ་བཟུང་གི་སྒོ་ནས་བཀོད་པ།
 _ དཔེ་ཅན་དཔེ་ལས་རྨད་དུ་བྱུང་བའི་ཆོས་ ཚིག་ཟིན་ལ་དངོས་སུ་བརྗོད་པ།
 _ མཚུངས་གསལ་གྱི་སྒྲ་དངོས་སུ་མ་བཀོད་པ།
 _ འདྲ་བ་ཤུགས་ལས་རྟོགས་པ།

༡༡༽ དཔེ་དང་དཔེ་ཅན་གཉིས་པོ་མཚུངས་པ་ཤས་ཆེ་བས་ དབྱེ་བ་འབྱེད་མ་ནུས་པར་ དཔེ་ཅན་དཔེ་རུ་འཁྲུལ་བར་བརྗོད་པས་རྨོངས་པའི་དཔེ་ཞེས་བྱ།
 _ དཔེ་དང་དཔེ་དབྱེ་མི་ནུས་པ་ འཁྲུལ་པར་བརྗོད་པ།
 _ གཙོ་བོ་དཔེ་ཅན་དེ་དཔེ་རུ་འཁྲུལ་པ་ཞིག་དགོས།
 _ མཚུངས་གསལ་གྱི་སྒྲ་ཡོད་པ།
 _ འཁྲུལ་པ་ཐག་བཅད་པ།

༡༢༽ དཔེ་དང་དཔེ་ཅན་གཉིས་ འདྲ་བ་ཤས་ཆེ་བས་ དཔེ་དང་དཔེ་ཅན་གང་ཡིན་དབྱེ་བ་འབྱེད་མི་ནུས་པར་ཐེ་ཚོམ་དུ་གྱུར་པ་ལྟ་བུ་སྟོན་པས་ཐེ་ཚོམ་གྱི་དཔེ་ཞེས་བྱ།
 _ དཔེ་དང་དཔེ་ཅན་གང་ཡིན་མ་ངེས་པ་ཐེ་ཚོམ་གྱི་གཞིར་གྱུར་པར་བརྗོད་པ།
 _ འཁྲུལ་པ་ཐག་མ་བཅད་པ།
 _ མཚུངས་གསལ་གྱི་སྒྲ་དངོས་སུ་མེད་པ།
 _ འདྲ་བ་ཤུགས་ལ་སྟོན་པ།

༡༣༽ གཞི་དེ་ དཔེ་ཡིན་ནམ་ དཔེ་ཅན་ཡིན་ཐེ་ཚོམ་དུ་གྱུར་པ་ལྟར་བྱས་ནས་ སླར་དཔེ་དེ་དཔེ་ཅན་ལས་ཅུང་ཟད་དམན་པས་ དཔེ་ཅན་ལ་དཔེ་དེ་ལས་ཡོན་ཏན་ཁྱད་པར་བ་ཞིག་ཡོད་པའི་རྒྱུ་མཚན་བཀོད་ནས་ དཔེ་ཅན་དེ་ཡིན་པར་གཏན་ལ་འབེབས་པ་ལ་གཏན་འབེབས་ཀྱི་དཔེ་ཞེས་བྱ།
 _ དཔེ་དང་དཔེ་ཅན་ཐེ་ཚོམ་དུ་གྱུར་པ་ལྟར་བཀོད་པ།
 _ དཔེ་ལས་དཔེ་ཅན་ལ་ཡོན་ཏན་ཁྱད་པར་བ་ཞིག་ཡོད་པར་སྟོན་པ།
 _ ཡོན་ཏན་དེ་རྒྱུ་མཚན་དུ་བཀོད་ནས་ དཔེ་ཅན་ཡིན་པར་བརྗོད་པ།
 _ མཚུངས་གསལ་གྱི་སྒྲ་མེད་པ།

༡༤༽ དཔེ་ཅན་དེ་ལ་ཁྱད་ཆོས་སམ་ཡོན་ཏན་འགའ་རེ་ཡོད་པ་དེ་ དཔེ་ལའང་ཁྱད་ཆོས་དེ་དག་ཡོད་པ་སྒྲ་སྦྱར་རམ་ དོན་སྦྱར་གང་རུང་གི་སྒོ་ནས་ དཔེ་ཅན་དེ་དཔེ་དང་མཚུངས་པར་བརྗོད་པ་ལ་སྦྱར་བའི་དཔེ་ཞེས་བྱ།
 _ དཔེ་དང་དཔེ་ཅན་ལ་ཡོད་པའི་ཁྱད་ཆོས་རྣམས་སྒྲ་འམ་དོན་སྦྱར་བ།
 _ མཚུངས་གསལ་གྱི་སྒྲ་དངོས་སུ་ཡོད་པ།
 _ མཚུངས་གསལ་གྱི་མཇུག་ཏུ་བཀོད་པ།

༡༥༽ དོན་གྱི་ཆོས་མཚུངས་སྒྲ་ལ་སྦྱར་ནས་ བརྗོད་བྱའི་ཚིག་གི་སྒྲ་གཅིག་ལ་ གཅོད་མཚམས་མི་འདྲ་བ་གཉིས་ཕྱེ་སྟེ་ མཚུངས་ཆོས་སྒྲ་མཉམ་པའི་སྒོ་ནས་བརྗོད་བྱ་ དཔེ་དང་དཔེ་ཅན་གཉིས་ངོ་བོ་གཅིག་མཚུངས་སུ་སྒྲུབ་པ་ལ་མཉམ་ཉིད་ཀྱི་དཔེ་ཞེས་བྱ།
 _ དོན་གྱི་ཆོས་མཚུངས་སྒྲ་ལ་སྦྱར་བ།
 _ བརྗོད་ཚིག་གཅིག་ལ་གཅོད་མཚམས་མི་འདྲ་བ་གཉིས་སུ་ཕྱེ་བ།
 _ བརྗོད་བྱ་དཔེ་དཔེ་ཅན་ངོ་བོ་གཅིག་མཚུངས་སུ་སྒྲུབ་པ།
 _ དོན་གྱི་མཚུངས་ཆོས་ཅི་ཡང་མེད་པ།
 _ སྒྲ་མཚུངས་ཙམ་ཡོད་པ།
 _ མཚུངས་གསལ་གྱི་སྒྲ་ཡོད་པ།

༡༦༽ དཔེ་དང་དཔེ་ཅན་གཉིས་འདྲ་བ་ཙམ་བཀོད་དེ། དཔེ་ལ་སྐྱོན་གྱི་ཆ་ཅུང་ཟད་ཙམ་འདུག་ཅེས་སྨད་པའི་སྒོ་ནས་ དཔེ་ཅན་ཁྱད་པར་འཕགས་པར་བརྗོད་པ་ལ་སྨད་པའི་དཔེ་ཞེས་བྱ།
 _ དཔེ་གཉིས་ངེས་པར་དུ་ཡོད་པ།
 _ དཔེ་ལ་ཡོད་པའི་སྐྱོན་དངོས་སུ་བརྗོད་པ།
 _ དཔེ་ལ་སྨད་པའི་སྒོ་ནས་མཚུངས་པ་ཙམ་ དངོས་སུ་སྟོན་ཅིང་ དཔེ་ཅན་ཁྱད་པར་དུ་འཕགས་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༡༧༽ དཔེ་ལ་བསྟོད་པའི་སྒོ་ནས་ དཔེ་ཅན་ཀྱང་དེ་དང་འདྲ་བར་སྟོན་པ་ལ་བསྔགས་པའི་དཔེ་ཞེས་བྱ།
 _ དཔེའི་ཁྱད་ཁྱོད་ཆོས་འགའ་ལ་བསྔགས་པ་བརྗོད་པ།
 _ དཔེ་ཅན་ལ་ཡང་མཚུངས་པར་སྟོན་པ།
 _ མཚུངས་གསལ་གྱི་སྒྲ་ཡོད་པ།

༡༨༽ དཔེ་དེ་ལ་སྐྱོན་ཡོན་ཅི་འདྲ་ཡོད་ཀྱང་ དེ་ལ་མི་ལྟ་བར། རང་གི་བསམ་པས་བརྗོད་འདོད་ཀྱི་དབང་གིས་དཔེ་ཅན་དང་མཚུངས་པར་བརྗོད་པ་ ཚིག་ཟིན་ལ་གསལ་བར་བསྟན་པ་ལ་བརྗོད་འདོད་ཀྱི་དཔེ་ཞེས་བྱ།
 _ དཔེའི་སྐྱོན་ཡོན་ལ་མི་ལྟ་བ།
 _ བསམ་པའི་དབང་གིས་མཚུངས་པར་ཚིག་ཟིན་ལ་གསལ་བར་བསྟན་པ།
 _ མཚུངས་གསལ་གྱི་སྒྲ་ཡོད་པ།

༡༩༽ དཔེ་རིགས་མི་འདྲ་བ་གཉིས་ཙམ་བཀོད་ནས། དཔེ་དེ་དག་དང་ དཔེ་ཅན་ཕན་ཚུན་རྣམ་པ་འགལ་བ་ཙམ་མ་གཏོགས༌། དཔེ་དཔེ་
ཅན་གཉིས་ལ་ཁྱད་པར་གཞན་ཅི་ཡང་མེད་ཅེས་མཚུངས་པར་སྟོན་པ་ལ་འགལ་བའི་དཔེ་ཞེས་བྱ།
 _ དཔེ་རིགས་མི་འདྲ་བ་གཉིས་ཙམ་བཀོད་པ།
 _ དཔེ་དོན་རྣམ་པ་འགལ་བ་ཙམ་བརྗོད་པ།
 _ ཆོས་མཚུངས་འདྲ་བར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༢༠༽ དཔེ་ལ་ དེ་ཅན་དང་འགྲན་པའི་ནུས་པ་ནམ་ཡང་མེད་དོ་ཞེས་ མཚུངས་པ་དགག་པའི་སྒོ་ནས་དཔེར་བཀོད་པས་དགག་པའི་དཔེ་ཞེས་བྱ། ཡང་ན་ དཔེ་ལ་སྐྱོན་ཞིག་སྟོན་པའི་སྒོ་ནས་ དཔེ་ཅན་དང་འགྲན་པའི་ནུས་པ་མེད་པར་བརྗོད་པའོ།།
 _ དགག་བྱ་དཔེ།
 _ འགོག་བྱེད་དཔེ་དེའི་སྐྱོན།
 _ དཔེ་དམན་པས་དཔེ་ཅན་དང་མི་མཚུངས་པར་དངོས་སུ་བརྗོད་པ།
 _ དཔེ་ཅན་ཁྱད་འཕགས་ཤུགས་ལས་སྟོན་པ།
 _ དགག་བྱ་དཔེ་ལ་དངོས་སུ་བཀག་པའི་དོན་ཞིག་ངེས་སྟོན་པ་དགོས།
 _ མཚུངས་གསལ་གྱི་སྒྲ་མེད་པ།
 _ མཚུངས་པཤུགས་ལས་རྟོགས་པ།

༢༡༽ དཔེ་དེ་དཔེ་ཅན་ལས་ཁྱད་པར་མང་དུ་ཡོད་ཀྱང་མེད་པ་ལྟར་མཚུངས་པ་ཁོ་ན་བརྗོད་པས། དཔེ་ཅན་ལ་ངོ་བསྟོད་བྱེད་པའམ། དེ་མཛེས་པར་སྟོན་པ་ཞིག་ལ་ངོ་བསྟོད་ཀྱི་དཔེ་ཞེས་བྱ།
 _ དཔེ་དོན་ལ་ཁྱད་པར་ཡོད་ཀྱང་མེད་པར་ལྟར་བརྗོད་པ།
 _ ཚིག་ཟིན་ལ་དངོས་སུ་ཐོན་པ།
 _ མཚུངས་གསལ་གྱི་སྒྲ་ཡོད་པ།

༢༢༽ དཔེ་དང་དཔེ་ཅན་གྱི་ཁྱད་ཆོས་ཕན་ཚུན་ཤིན་ཏུ་འདྲ་ཆེ་བས། ཐ་དད་མིན་པ་ལྟར་དུ་འཁྲུལ་ཉེན་ཡོད་པ་ཞིག་ལ། ཞིབ་ཏུ་བརྟགས་ཤིང་དཔྱད་ནས་ དཔེ་དང་དཔེ་ཅན་གྱི་ཁྱོད་ཆོས་མ་འདྲེས་པར། རང་རང་གི་གནས་ལུགས་སོ་སོ་ངེས་པ བདེན་པར་བརྗོད་པ་ལ་དེ་ཉིད་བརྗོད་པའི་དཔེ་ཞེས་བྱ།
 _ དཔེ་དང་དཔེ་ཅན་འཁྲུལ་ཉེན་ཡོད་པ་ལྟར་བརྗོད་པ།
 _ ཞིབ་ཏུ་བརྟགས་ནས་དཔེ་དོན་མ་འདྲེས་པར་བརྗོད་པའི་དོན་སྟོན་པ།
 _ མཚུངས་གསལ་གྱ་ིསྒྲ་མེད་པ།
 _ མཚུངས་པ་ཤུགས་ལ་བསྟན་པ།

༢༣༽ དཔེ་ཅན་དེ་ལ་ དཔེ་ཅན་རང་ཉིད་ལས་མཚུངས་པ་གཞན་པ་མ་རྙེད་པ་ལྟར་བརྗོད་པས་ཐུན་མོང་མིན་པའི་དཔེ་ཞེས་བྱ།
 _ དཔེ་ཁྱད་འཕགས་ཅན་ཞིག་བཀོད་པ།
 _ དཔེ་ཅན་རང་ཉིད་དཔེར་འོས་པ་མ་གཏོགས་གཞན་མི་སྲིད་ལྟ་བུ་བཀོད་པ།
 _ ཚིག་ཟིན་ལ་དངོས་སུ་ཐོན་པ།
 _ མཚུངས་གསལ་གྱ་ིསྒྲ་ཡོད་པ།

༢༤༽ དཔེ་དེའི་ཁྱོད་ཆོས་སམ་ཡོན་ཏན་ དེ་འདྲ་བ་ཞིག་འཇིག་རྟེན་དུ་འབྱུང་མི་སྲིད་པའི་དཔེ་ ངོ་མཚར་བ་ཞིག་བཀོད་པའི་སྒོ་ནས་ དཔེ་ཅན་དང་མཚུངས་པར་བརྗོད་པ་ལ་འབྱུང་མིན་དཔེ་ཞེས་བྱ།
 _ འཇིག་རྟེན་དུ་འབྱུང་མི་སྲིད་པའི་དཔེ་ཞིག་བཀོད་པ།
 _ དཔེ་ཅན་དེ་དང་མཚུངས་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༢༥༽ དཔེ་ལས་ཁྱོད་ཆོས་དེ་འདྲ་ཞིག་འབྱུང་མི་སྲིད་པ་ལྟར། དཔེ་ཅན་ལས་ཀྱང་ཁྱད་ཆོས་དེ་འདྲ་འབྱུང་མི་སྲིད་པ་ དཔེ་དོན་གཉིས་མཚུངས་པར་སྦྱར་བ་ལ་སྲིད་མིན་གྱི་དཔེ་ཞེས་བྱ།
 _ དཔེ་དོན་ཀུན་ལ་རྣམ་དབྱེ་ལྔ་པ་ཁོ་ན་སྦྱར་བ། 
 _ དཔེ་ལ་ཁྱད་ཆོས་ཞིག་འབྱུང་མི་སྲིད་པར་ དཔེ་དོན་མཚུངས་པར་སྦྱར་བ།
 _ མཚུངས་གསལ་གྱི་སྒྲ་ཡོད་པ།
༢༦༽ དཔེ་མང་པོ་ལྷན་དུ་བཀོད་དེ། དེ་དག་གི་ཁྱད་ཆོས་རེ་རེ་ནས་ དཔེ་ཅན་གྱི་ཁྱད་ཆོས་གཅིག་གསལ་བར་བྱེད་ཅིང་ དེ་དང་རང་བཞིན་མཚུངས་པར་བརྗོད་པ་ལ་མང་བའི་དཔེ་ཞེས་བྱ།
 _ དཔེ་མང་པོ་ཞིག་ལྷན་དུ་བཀོད་པ།
 _ ཁྱད་ཆོས་རེ་རེ་ནས་དཔེ་ཅན་གྱི་ཁྱད་ཆོས་གཅིག་གསལ་བར་བྱེད་པ།
 _ དཔེ་དང་དཔེ་ཅན་རང་བཞིན་མཚུངས་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༢༧༽ དཔེའི་མཛེས་ཆོས་རྣམས་ངོ་བོ་གཅིག་ཀྱང་ རྣམ་འགྱུར་ཙམ་སོ་སོར་སྟོན་པ་ལ་རྣམ་འགྱུར་གྱི་དཔེ་ཞེས་བྱ།
 _ དཔེ་ཅན་དེ་ དཔེ་ཁྱད་འཕགས་ཞིག་ལས་སྟོན་པ་ལྟར་བརྗོད་པ།
 _ རྣམ་འགྱུར་ཙམ་ཐ་དད་པ་ལ་རང་བཞིན་མཚུངས་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

༢༨༽ སྔ་མ་རིམ་བཞིན་དཔེ་དང་ ཕྱི་མ་རིམ་བཞིན་དཔེ་ཅན་དུ་ ཕྲེང་བ་ལྟར་སྤེལ་བ་ལ་ཕྲེང་བའི་དཔེ་ཞེས་བྱ།
 _ དཔེ་དཔེ་ཅན་ཕྲེང་བ་ལྟར་བསྒྲིགས་པ།
 _ སྔ་མ་དཔེ་དང་ཕྱི་མ་དཔེ་ཅན་དུ་གྱུར་བ།
 _ ཚིག་སྔ་ཕྱི་བལྟོས་པའི་སྒོ་ནས་ ཕྱི་མ་ཕྱི་མའི་གནས་ཚུལ་གསལ་བར་བྱེད་པ།
 _ མཚུངས་གསལ་གྱི་སྒྲ་ཡོད་པ།

༢༩༽ ངག་དོན་གྱི་མཚན་ཉིད་་་་་་་་བརྗོད་བྱ་གང་ཡིན་ཡང་ ཚིག་གི་དོན་ཙམ་མ་ཡིན་པར་བྱེད་ཅན་དྲུག་ཅི་རིགས་དང་འབྲེལ་བའི་ འཇལ་བྱེད་དཔེའི་ངག་དོན་གྱིས་གཞལ་བྱ་དོན་གྱི་ངག་དོན་ཉེ་བར་འཇལ་བ་ བཞིན་སྒྲ་དང་བཅས་པ་ཞིག་ལ་ངག་དོན་གྱི་དཔེ་ཞེས་བྱ།
 _ དཔེ་དོན་གྱི་ཆོས་དང་ཆོས་ཅན་ཚོགས་པའི་ངག་དོན་ཡོད་པ།
 _ ངག་དོན་དེ་ལ་བྱ་བྱེད་ལས་གསུམ་གཙོ་བོར་གྱུར་པའི་བྱེད་ཅན་དྲུག་གང་རང་ཡོད་པ།
 _ དཔེའི་ངག་དོན་གྱིས་ དཔེ་ཅན་གྱི་ངག་དོན་འཇལ་བ།
 _ མཚུངས་པ་གསལ་བྱེད་ཀྱི་བཞིན་སྒྲ་ཡོད་པ།
ཀ༽ བཞིན་སྒྲ་གཅིག་པ། ངག་དོན་གང་ཡིན་པ་ཞིར་བཞན་གྱི་སྟེང་ མཚུངས་པ་གསལ་བྱེད་ཀྱི་བཞིན་སྒྲ་གཅིག་གིས་གསལ་བར་བྱེད་པ།
ཁ༽ བཞིན་སྒྲ་དུ་མ། ངག་དོན་གང་ཡིན་པ་ཞིར་བཞན་གྱི་སྟེང་ མཚམས་སྦྱོར་བའི་བཞིན་སྒྲ་དུ་མ་ཡོད་པ།

༣༠༽ དཔེ་ཅན་གྱི་དངོས་པོ་འགའ་ཞིག་ སྔར་བཀོད་ནས་ དེ་དང་ཆོས་མཐུན་པའི་དཔེ་ཞིག་ཟླ་བོའམ་གྲོགས་ཀྱི་ཚུལ་དུ་ཕྱིས་སུ་བཀོད་ཅིང༌། དེ་གཉིས་དངོས་སུ་མཚུངས་པར་མ་བརྗོད་ཀྱང་ཤུགས་ལ་མཚུངས་པ་ཞིག་ལ་ཟླ་བོ་དངོས་པོའི་དཔེ་ཞེས་བྱ།
 _ དཔེ་ཅན་གྱི་དངོས་པོ་སྔར་བཀོད་པ།
 _ དེ་དང་མཐུན་པའི་དཔེ་ཞིག་གྲོགས་ཀྱི་ཚུལ་དུ་བཀོད་པ།
 _ མཚུངས་པ་དངོས་སུ་མ་བརྗོད་པ།
 _ མཚུངས་པ་ཤུགས་ལས་བསྟན་པ།
 _ མཚུངས་གསལ་གྱི་སྒྲ་ཡོད་པ།

༣༡༽ དཔེ་ཡོན་ཏན་ལྷག་པ་ཞིག་དང༌། དཔེ་ཅན་ཡོན་ཏན་དམན་པ་གཉིས་ཀྱིས་བྱ་བ་རིགས་འདྲ་བ་གང་ཞིག་ཡིན་པ་ དེའི་རང་བཞིན་གཅིག་ཏུ་བསྡུས་ནས། ཕན་ཚུན་མཚུངས་པར་སྦྱོར་བ་ཞིག་ལ་མཚུངས་སྦྱོར་བྱི་དཔེ་ཞེས་བྱ།
 _ དཔེ་ཡོན་ཏན་ལྷག་པ་དང་ དཔེ་ཅན་ཡོན་ཏན་དམན་པ་ཞིག་ཡོད་པ་གཞིར་བྱས་པ།
 _ དཔེ་དཔེ་ཅན་གྱི་ཡོན་ཏན་དམན་ལྷག་གྱི་ཁྱད་པར་སྒྲ་ཟིན་ལ་མི་ཐོན་པ།
 _ དེ་གཉིས་བྱ་བ་རིགས་འདྲ་བ་གཅིག་ཏུ་བསྡུས་པ།
 _ མཚུངས་པ་ཤུགས་ལ་སྟོན་པ།
 _ མཚུངས་གསལ་གྱི་སྒྲ་དངོས་སུ་སྦྱར་མི་དགོས་པ།

༣༢༽ དཔེ་ཅན་ལ་ཡོད་པའི་ཁྱད་ཆོས་དེའི་རྒྱུ་མཚན་སྔོན་ལ་བཀོད་དེ། དཔེ་ཅན་གྱི་ཁྱད་ཆོས་དེ་དང་མཚུངས་པའི་དཔེ་རྗེས་སུ་བསྟན་ནས། དཔེ་དང་དཔེ་ཅན་མཚུངས་པར་བརྗོད་པ་ལ་རྒྱུའི་དཔེ་ཞེས་བྱ།
 _ དཔེ་ཅན་ལ་ཡོད་པའི་ཁྱད་ཆོས་དེའི་རྒྱུ་མཚན་སྔོན་དུ་བཀོད་པ།
 _ དེ་དང་མཚུངས་པའི་དཔེ་རྗེས་སུ་བསྟན་པ།
 _ དཔེ་དོན་མཚུངས་པར་བརྗོད་པ།
 _ མཚུངས་གསལ་གྱི་སྒྲ་ཡོད་པ།

དཔེ་དོན་སྦྱོར་ཚུལ་གྱི་སྐྱོན་ཡོན།
རྟགས་ཐ་དད་པ་འདྲེས་པ། 
མང་ཚིག་དང་ཉུང་ཚིག་སྟེ་ཚིག་ཐ་དད་པ་འདྲེས་པ།
དཔེ་དོན་མཆོག་དམན་ཆེ་བ།

མཚུངས་པ་གསལ་བྱེད་ཀྱི་སྒྲ།
དཔེ་དང་དཔེ་ཅན་ཐ་དད་དུ་བྱས་ནས་ ཕན་ཚུན་མཚུངས་པར་སྦྱོར་བའིཚིག་ལ་ མཚུངས་པ་གསལ་བྱེད་ཀྱི་སྒྲ་ཞེས་བྱ།
དེ་ལ་  _ ཤོང་སྤང་ལོ་ཙྭ་བ་རྣམ་གཉིས་ཀྱིས་ རྒྱ་སྐད་སོར་བཞག་མང་བས་ རྣམ་གྲངས་རེ་གསུམ་དུ་བཀྲལ།
 _ སྣར་ཐང་ལོ་ཙྭ་བ་སཾགྷ་ཤྲིས་ རྒྱ་སྐད་སུ་ཡོད་པ་ཡོངས་རྫོགས་བསྒྱུར་ནས་ བོད་ཀྱི་ཡི་གེ་དང་ཐ་སྙད་ལ་བསྟུན་ཏེ་ རྣམ་གྲངས་རེ་ལྔར་བཀྲལ།
 _ ཀུན་མཁྱེན་གོང་མའི་སྡོམ་དུ་ སྡེ་ཚན་གཉིས་པའི་མཇུག་གི་ཆོས་མཐུན་དང༌། ཆོས་ཐུན་མོང་བ། གྲིབ་མ་འདྲ་བ་གསུམ་སོ་སོར་བགྲངས་པས་ཉི་ཤུ་དང༌། སྡེ་ཚན་བཞི་པའི་རྗེས་སུ་འགྲོ་འཆིང་གཅིག་ཏུ་སྦྱར་ཏེ་དགུར་བགྲངས་པས་རེ་དྲུག་ཏུ་བཞེད།
དེ་དག་གྲངས་འདྲེན་རྒྱས་བསྡུས་ཙམ་མ་གཏོགས་ཐམས་ཅད་འདྲ།

ཡོངས་གྲགས་ལྟར་མཚུངས་གསལ་གྱི་སྒྲ་རེ་ལྔ་པོ་དེ།
 _ སྔོན་གྱི་རྒྱ་འགྲེལ་གཉིས་ན་དེ་ཚན་གཉིས་སུ་ཕྱེ་ནས་བཤད་པ་དང༌།
 _ སྣར་ཐང་བ་དང་བོད་ཀྱི་མཁས་པ་དག་གིས་སྡེ་ཚན་བཞིར་ཕྱེ་སྟེ་བཤད།
སྡེ་ཚན་བཞི་ནི།
 _ སྡེ་ཚན་དང་ངོ་ལ་དོན་གསལ་བར་བྱེད་པ་ཉེར་གཉིས།
 _ སྡེ་ཚན་གཉིས་པ་ལ་འདྲ་བའི་དོན་སོགས་གསལ་བར་བྱེད་པ་བཅོ་བརྒྱད།
 _ སྡེ་ཚན་གསུམ་པ་ལ་དཔེ་རྒྱན་གསལ་བྱེད་བཅོ་ལྔ།
 _ སྡེ་ཚན་བཞི་པ་ལ་དེ་ལྟ་བུ་ལ་སོགས་པའི་སྒྲ་བཅུའོ།།

            གཟུགས་ཅན་གྱི་རྒྱན།
དཔེ་དང་དཔེ་ཅན་ཐ་དད་དུ་བཀོད་ནས་ དེ་གཉིས་འདྲ་བའམ་མཚུངས་པ་ཙམ་བརྗོད་པ་མ་ཡིན་པར། དཔེ་དང་དཔེ་ཅན་གཉིས་ཐ་དད་དུ་སྣང་བ་མིན་པ་སྟེ། དཔེ་དང་དཔེ་ཅན་གཉིས་སོ་སོར་མ་ཕྱེ་བར་དཔེ་ཅན་དེ་དཔེའི་གཟུགས་སུ་བཀོད་པའི་རྒྱན་ལ་གཟུགས་ཅན་གྱི་རྒྱན་ཞེས་བྱ།

༼དཔེ་དང་དཔེ་ཅན་ཐ་དད་དུ་བཀོད་ནས་དེ་གཉིས་འདྲ་བར་སྦྱོར་བ་དཔེ་རྒྱན།
དཔེ་ཅན་དཔེའི་ངོ་བོར་བཀོད་ནས་དེ་གཉིས་གཅིག་ཏུ་སྒྲོ་བཏགས་པར་སྦྱོར་བ་གཟུགས་རྒྱན།༽

༡༽ དཔེ་དང་དཔེ་ཅན་གཉིས་ཀྱི་བར་གྱི་འབྲེལ་སྒྲ་བསྡུས་ཏེ་ དཔེ་ཅན་དཔེའི་གཟུགས་སུ་བཀོདཔ་ལ་བསྡུས་པའི་གཟུགས་ཅན་ཞེས་བྱ།
 _ དཔེ་ཅན་དཔེའི་ངོ་བོར་བཀོད་པ།
 _ དཔེ་དོན་གཉིས་ཀྱི་བར་གྱི་འབྲེལ་སྒྲ་བསྡུས་པ།

༢༽ དཔེ་ཅན་གྱི་ཁྱད་གཞི་དང་ཁྱད་ཆོས་ དཔེའི་ཁྱད་གཞི་དང་ཁྱད་ཆོས་ཀྱི་ངོ་བོར་དབྱེར་མེད་དུ་བཀོད་ཅིང༌། དཔེ་དང་དཔེ་ཅན་གཉིས་ཀྱི་བར་གྱི་འབྲེལ་སྒྲ་མ་བསྡུས་པར་ དཔེ་ཅན་དཔེའི་གཟུགས་སུ་བཀོད་པ་ལ་མ་བསྡུས་པའི་གཟུགས་ཅན་ཞེས་བྱ།
 _ དཔེ་ཅན་དཔེའི་གཟུགས་སུ་བཀོད་པ།
 _ དཔེ་དོན་བར་གྱི་འབྲེལ་སྒྲ་མ་བསྡུས་པ།

༣༽ དཔེ་དང་དཔེ་ཅན་གཉིས་ཀྱི་བར་གྱི་འབྲེལ་སྒྲ་བསྡུས་པ་དང་མ་བསྡུས་པ་གཉིས་ཀ་བསྲེས་ཏེ་ཡོད་པ་ལ་བསྡུས་ཤིང་མ་བསྡུས་པའི་གཟུགས་ཅན་ཞེས་བྱ།
 _ དཔེ་ཅན་དཔེའི་ངོ་བོར་བཀོད་པ།
 _ དཔེ་དོན་བར་གྱི་འབྲེལ་སྒྲ་བསྲེས་ཏེ་ཡོད་པ།

༤༽ དཔེ་ཅན་གྱི་ཁྱད་གཞི་དང་ཁྱད་ཆོས་མཐའ་དག་ དཔེའི་ཁྱད་གཞི་དང་ཁྱད་ཆོས་ཀྱི་གཟུགས་སུ་བཀོད་དེ།  དེ་གཉིས་ཀ་བཟུང་བར་འོས་པའི་གནས་གཅིག་མཚུངས་སུ་སྨོས་པ་ལ་མཐའ་དག་གཟུགས་ཅན་ཞེས་བྱ།
 _ ཁྱད་གཞན་དང་ ཁྱད་ཆོས་མཐའ་དག་གི་སྒོ་ནས་དཔེ་ཅན་དཔེའི་གཟུགས་སུ་བཀོད་པ།
 _ དཔེ་དོན་གཉིས་ཀ་གཅིག་མཚུངས་སུ་སྨོས་པ།

༥༽ དཔེ་ཅན་གྱི་ཁྱད་ཆོས་གང་ཡིན་པ་དེའི་ཆ་ཤས་ཁོ་ན། དཔེའི་གཟུགས་སུ་བཀོད་པ་ལས། དཔེ་ཅན་གྱི་ཆ་ཤས་ཅན་གཟུགས་སུ་མ་བཀོད་པ་ལ་ཆ་ཤས་གཟུགས་ཅན་ཞེས་བྱ།
 _ དཔེ་ཅན་གྱི་ཆ་ཤས་ཅན་དཔེའི་གཟུགས་སུ་མ་བཀོད་པ།
 _ དཔེ་ཅན་གྱི་ཆ་ཤས་དཔེའི་གཟུགས་སུ་བཀོད་པ།
 _ བྱེད་ལས་གཙོ་ཆེ་བ་དགོས།

༦༽ དཔེ་ཅན་གྱི་ཆ་ཤས་ཅན་ཁོ་ན་ དཔེའི་གཟུགས་སུ་བཀོད་པ་ལས། དཔེ་ཅན་དེའི་ཆ་ཤས་གང་ཡང་དཔེའི་གཟུགས་སུ་མ་བཀོད་པ་ལ་ཆ་ཤས་ཅན་གྱི་གཟུགས་ཅན་ཞེས་བྱ།
 _ དཔེ་ཅན་གྱི་ཆ་ཤས་ཅན་ཁོ་ན་ དཔེའི་གཟུགས་སུ་བཀོད་པ།
 _ ཆ་ཤས་གཞན་དཔེའི་གཟུགས་སུ་མ་བཀོད་པ།

༧༽ དཔེ་ཅན་གྱི་ཡན་ལག་གཅིག་ དཔེའི་ཡན་ལག་གཅིག་གི་གཟུགས་སུ་བཀོད་ཅིང༌། དཔེ་ཅན་གྱི་ཡན་ལག་ལྷག་མ་རྣམས་དང༌། དཔེ་དེའི་ཡན་ལག་གང་གི་གཟུགས་སུའང་མ་བཀོད་པའི་རྒྱན་ལ་ཡན་ལག་གཅིག་གཟུགས་ཅན་ཞེས་བྱ།
 _ དཔེ་ཅན་གྱི་ཡན་ལག་དུ་མ་བཀོད་པ།
 _ དཔེ་ཅན་གྱི་ཡན་ལག་ཅན་གཟུགས་སུ་མ་བཀོད་པ།
 _ དཔེ་ཅན་གྱི་ཡན་ལག་གཅིག་ཁོ་ན་ དཔེའི་ཡན་ལག་གཅིག་གི་གཟུགས་སུ་བཀོད་པ།
 _ དཔེ་ཅན་ཡན་ལག་ལྷག་མ་རྣམས་ དཔེའི་ཡན་ལག་གང་གི་གཟུགས་སུའང་མ་བཀོད་པ།
 _ བདག་པོའི་སྒྲ་སྦྱར་ནས་ ཆོས་ཅན་དེ་ལ་ཡན་ལག་ དེ་ལྡན་པའི་རྐྱེན་གསལ་པོར་ཡོད་པ་དགོས།

དཔེ་ཅན་གྱི་ཁྱད་གཞི་ལ་ ཁྱད་ཆོས་ལྔ་ཙམ་ཞིག་ཡོད་ན། དེའི་ནང་ནས་ཡན་ལག་གཉིས་ཙམ་ཞིག་ཁོ་ན་དཔེའི་གཟུགས་སུབཀོད་ཅིང༌། ཡན་ལག་ལྷག་མ་རྣམས་དང་ ཡན་ལག་ཅན་དེ་གང་གི་གཟུགས་སུའང་མ་བཀོད་པ་ལ་ ཡན་ལག་གཉིས་གཟུགས་ཅན་ཞེས་བྱ།
 _ ཡན་ལག་ཅན་གཟུགས་སུ་མ་བཀོད་པ།
 _ དཔེ་ཅན་གྱི་ཡན་ལག་རྣམས་ལ་གཉིས་ཁོ་ན་གཟུག་སུ་བཀོད་པ།
 _ ཡན་ལག་ལྷག་མ་རྣམས་གང་གི་གཟུགས་སུའང་མ་བཀོད་པ།

དཔེ་ཅན་གྱི་ཡན་ལག་ལྔ་ཙམ་ཞིག་ལས་ གསུམ་ཙམ་ཞིག་དཔེའི་གཟུགས་སུ་བཀོད་ཅིང་ ཡན་ལག་ལྷག་མ་རྣམས་དང་ ཡན་ལག་ཅན་དེ་གང་གི་གཟུགས་སུའང་མ་བཀོད་པ་ལ་ཡན་ལག་གསུམ་གཟུགས་ཅན་ཞེས་བྱ།
 _ དཔེ་ཅན་གྱི་ཡན་ལག་རྣམས་ལས་ གསུམ་ཁོ་ན་གཟུགས་སུ་བཀོད་པ།
 _ ཡན་ལག་ཅན་དང་ཡན་ལག་ལྷག་མ་རྣམས་གང་གི་གཟུགས་སུའང་མ་བཀོད་པ།

༼ཡན་ལག་གཟུགས་ཅན་ལ་་་་་་བདག་པོའི་(ཅན་)སྒྲ་སྦྱར་ནས་ ཆོས་ཅན་དེ་ལ་ཡན་ལག་དེ་ལྡན་པའི་རྐྱེན་གསལ་པོར་ཡོད་པ་དགོས།
ཆ་ཤས་གཟུགས་ཅན་ལ་བྱེད་ལས་གཚོ་ཆེ་བ་དགོས།༽

༨༽ དཔེ་ཅན་གང་གི་རྟེན་དང་བརྟེན་པ་གཉིས་ལྷན་ཅིག་ཏུ་འགྲོགས་པའམ་ལྡན་པ་དེ། དཔེའི་རྟེན་དང་བརྟེན་པ་གཉིས་ཀྱང་ ཕན་ཚུན་འགྲོགས་པའམ་ལྡན་པ་ཞིག་གི་གཟུགས་སུ་བཀོད་པས། དཔེ་ཅན་དེ་དག་ལྷན་ཅིག་ཏུ་གནས་པར་མ་ཟད། དཔེ་རྣམས་ཀྱང་ ལྷན་ཅིག་ཏུ་ལྡན་པའམ་འགྲོགས་པའི་གཟུགས་ཅན་ཞིག་ལ་ལྡན་པའི་གཟུགས་ཅན་ཞེས་བྱ། 
 _ དཔེ་ཅན་གི་རྟེན་དང་བརྟེན་པ་གཉིས་ཕན་ཚུན་དུ་འགྲོགས་པ།
 _ དཔེའི་རྟེན་དང་བརྟེན་པ་གཉིས་ཕན་ཚུན་འགྲོགས་པ།
 _ དཔེ་ཅན་གྱི་རྟེན་དང་བརྟེན་པ་གཉིས་ལྷན་ཅིག་ཏུ་གནས་པ་དེ་ དཔེའི་ལྷན་ཅིག་ཏུ་ལྡན་པའི་གཟུགས་སུ་བཀོད་པ།

༩༽ དཔེ་ཅན་གང་གི་རྟེན་དང་བརྟེན་པ་གཉིས་ དཔེའི་ངོ་བོ་མི་མཐུན་པའམ་ལྷན་ཅིག་ཏུ་མི་ལྡན་པའི་དངོས་པོ་གཉིས་ཀྱི་གཟུགས་སུ་བཀོད་པ་ལ་མི་ལྡན་པའི་གཟུགས་ཅན་ཞེས་བྱ།
 _ དཔེ་ཅན་རྟེན་དང་བརྟེན་པའི་ཚུལ་དུ་ཡོད་པ།
 _ དཔེ་རྟེན་དང་བརྟེན་པར་མེད་པ།
 _ དཔེ་ཅན་གྱི་རྟེན་དང་བརྟེན་པ་གཉིས་པོ་ དཔེའི་ངོ་བོ་མི་མཐུན་པའམ་ལྷན་ཅིག་ཏུ་མི་ལྡན་པའི་དངོས་པོ་གཉིས་ཀྱི་གཟུགས་སུ་བཀོད་པ།

༡༠༽ ཆོས་གང་གི་རྟེན་ཡན་ལག་ཅན། དཔེའི་གཟུགས་སུ་བཀོད་ཅིང༌། དེ་གཟུགས་ཅན་འཕར་མར་བྱས་ཀྱང་རུང༌། བརྟེན་པ་ཡན་ལག་རྣམས་ཀྱི་འགའ་ཞིག་དཔེའི་གཟུགས་སུ་བཀོད་པར་མ་ཟད་གཟུགས་ཅན་འཕར་མར་ཡང་བཀོད། འགའ་ཞིག་གཟུགས་སུ་གཏན་ནས་མ་བཀོད་པ་ཞིག་ལ་ཡན་ལག་གམ། བརྟེན་པའི་ངོས་ནས་མི་མཉམ་པའམ། མཐོ་དམན་ཡོད་པ་ལྟ་བུ་ཡིན་པས་ན་བརྟེན་པ་མི་མཉམ་པའི་གཟུགས་ཅན་ཞེས་བྱ།
 _ རྟེན་པ་ཡན་ལག་ཅན་དེའི་གཟུགས་སུ་བཀོད་པ།
 _ དེ་གཟུགས་ཅན་འཕར་མར་བྱས་ཀྱང་རུང་མ་བྱས་ཀྱང་རུང་བ།
 _ བརྟེན་པ་ཡན་ལག་རྣམས་ཀྱི་འགའ་ཞིག་ དཔེའི་གཟུགས་སུ་བཀོད་པ།
 _ དེ་གཟུགས་ཅན་འཕར་མར་ཡང་བཀོད་པ།
 _ བརྟེན་པ་ཡན་ལག་ འགའ་ཞིག་གཟུགས་སུ་གཏན་ནས་མ་བཀོད་པ།
(འདིར་བོད་མཁས་པས་བཞེད་ཚུལ་ལ།
 _ རྟེན་ཡན་ལག་གང་གིའང་གཟུགས་སུ་མ་བཀོད་པ།
 _ བརྟེན་པའམ་ཡན་ལག་གི་ཆ་འགའ་རེ་གཟུགས་ཅན་འཕར་མར་བཀོད་པས་ཆོག་པར་གསུངས།)

༡༡༽ དཔེ་ཅན་གྱི་དངོས་པོ་དེ། དཔེ་དངོས་པོ་ཁྱད་པར་ཅན་ཞིག་གི་གཟུགས་སུ་བཀོད་དེ། དེའི་དགོས་པའམ་བྱ་བ་ཁྱད་པར་ཅན་དང་ལྡན་པ་ཞིག་སྟོན་པ་ལ་ཁྱད་པར་དང་བཅས་པའི་གཟུགས་ཅན་ཞེས་བྱ།
 _ དཔེ་ཅན་ དཔེའི་དངོས་པོ་ཁྱད་པར་ཅན་ཞིག་གི་གཟུགས་སུ་བཀོད་པ།
 _ དེའི་དགོས་པའམ་བྱ་བ་ཁྱད་པར་ཅན་ཞིག་སྟོན་པ།

༡༢༽ དཔེ་ཅན་གྱི་དངོས་པོ་ཞིག་ དཔེ་གང་ཡང་རུང་བ་ཞིག་གི་གཟུགས་སུ་བཀོད་དེ། དཔེ་དཔེ་ཅན་གྱིས་བྱ་བ་བྱེད་ཚུལ་འགལ་བར་སྟོན་པ་ཞིག་ལ་འགལ་བའི་གཟུགས་ཅན་ཞེས་བྱ།
 _ དཔེ་ཅན་ དཔེ་ཞིག་གི་གཟུགས་སུ་བཀོད་པ།
 _ དཔེ་ཅན་དེས་དཔེའི་བྱ་བ་མི་བྱེད་པར་སྟོན་པ།
 _ དཔེ་དེས་དཔེ་ཅན་དེའི་བྱ་བ་མི་བྱེད་པར་སྟོན་པ།
 _ ཡང་ན་་་་དཔེ་དཔེ་ཅན་གྱི་བྱ་བ་འགལ་བར་བརྗོད་པ།

༡༣༽ དཔེ་ཅན་གྱི་དངོས་པོ་ལ་ཡོད་པའི་རང་གི་ཁྱད་ཆོས་རྣམས་ཀྱི་རྒྱུ་མཚན་དེ་ རང་དང་ཆོས་མཚུངས་པའི་དཔེ་གང་ཡང་རུང་བ་དག་གི་གཟུགས་སུ་བཀོད་པ་ལ་རྒྱུའི་གཟུགས་ཅན་ཞེས་བྱ།
 _ དཔེ་ཅན་གྱི་ཁྱད་ཆོས་རྣམས་ཀྱི་རྒྱུ་མཚན་བཀོད་པ།
 _ རྒྱུ་མཚན་དེ་རང་དང་ཆོས་མཚུངས་པའི་དཔེ་ཞིག་གི་གཟུགས་སུ་བཀོད་པ།
 _ དཔེ་ཅན་གྱི་དངོས་པོའི་ཁྱད་ཆོས་རྣམས་ དཔེ་ཅན་རང་གི་ཁྱད་གཞི་གཙོ་བོ་གཅིག་པོ་དེ་ལ་འབྲེལ་བ་དགོས་པ།
 _ དཔེ་ལ་དངོས་པོ་གཅིག་གི་སྟེང་དུ་འབྲེལ་བ་དགོས་པའི་ངེས་པ་མེད།

༡༤༽ དཔེ་ཅན་གྱི་ཁྱད་གཞི་དེ། དཔེ་གང་ཡང་རུང་བ་ཞིག་གི་ཁྱད་གཞིའི་གཟུགས་སུ་བཀོད་ཅིང༌། དཔེ་དོན་གཉིས་ཀྱི་མཚུངས་ཆོས་འགའ་ཞིག་སྒྲ་ལ་སྦྱར། འགའ་ཞིག་དོན་ལ་སྦྱར་བའི་སྒོ་ནས་ དཔེ་དཔེ་ཅན་སོ་སོར་འགོད་དུ་ཡོད་པ་ལ་སྦྱར་བའི་གཟུགས་ཅན་ཞེས་བྱ།
 _ དཔེ་ཅན་གྱི་ཁྱད་གཞི་ དཔེ་ཞིག་གི་ཁྱད་གཞིའི་གཟུགས་སུ་བཀོད་པ།
 _ དཔེ་དོན་གཉིས་ཀྱི་མཚུངས་ཆོས་འགའ་ཞིག་སྒྲ་དང་དོན་ལ་སྦྱར་བ།
 _ དཔེ་དོན་སོ་སོར་འགོད་དུ་ཡོད་པ།

༡༥༽ ཕལ་པ་དཔེ་ཅན་གྱི་ཁྱད་གཞི་དང་ གཙོ་བོ་དཔེའི་ཁྱད་གཞི་གཉིས་ཀ་ལ་ཡོད་པའི་ཁྱད་ཆོས་ཕན་ཚུན་མཐུན་པར་མཚུངས་པ་གསལ་བྱེད་ཀྱི་སྒྲ་དང་བཅས་གསལ་བར་བརྗོད་ནས། དཔེ་ཅན་དེ་དཔེའི་གཟུགས་སུ་ཡང་བཀོད་པ་ཞིག་ལ་དཔེའི་གཟུགས་ཅན་ཞེས་བྱ།
 _ དཔེ་དང་དཔེ་ཅན་གཉིས་ཀ་ལ་ཡོད་པའི་ཁྱད་ཆོས་ མཐུན་པར་མཚུངས་གསལ་གྱི་སྒྲ་དང་བཅས་གསལ་བར་བརྗོད་པ།
 _ དཔེ་ཅན་དེ་དཔེའི་གཟུགས་སུ་བཀོད་པ།

༡༦༽ ཐོག་མར་དཔེ་ཅན་དེ་དཔེའི་གཟུགས་སུ་བཀོད་དེ། དཔེ་དཔེ་ཅན་གྱི་ཁྱད་གཞི་ཕན་ཚུན་འདྲ་མཚུངས་སུ་ཡོད་པ་ལྟར་བརྗོད་ནས། སླར་ཡང་ཁྱད་ཆོས་གཉིས་མི་མཐུན་པར་སོ་སོར་འབྱེད་བྱེད་ཀྱི་སྒྲ་བཀོད་དེ། མཚུངས་པ་ལས་ལྡོག་པར་བརྗོད་པ་ལ་ལྡོག་པ་ཅན་གྱི་གཟུགས་ཅན་ཞེས་བྱ།
 _ དཔེ་ཅན་དཔེའི་གཟུགས་སུ་བཀོད་པ། 
 _ ཁྱད་གཞི་ཕན་ཚུན་མཚུངས་པར་བརྗོད་པ།
 _ སླར་ཡང་ཁྱད་ཆོས་སོ་སོར་འབྱེད་པའི་སྒྲ་བཀོད་ནས་ མཚུངས་པ་ལས་ལྡོག་པར་བརྗོད་པ།

༡༧༽ དཔེ་ཅན་གྱི་དངོས་པོ་ཞིག་ དཔེ་གང་གི་གཟུགས་སུ་བཀོད་པ་དེ་དགག་བྱ། དེ་འགོག་བྱེད་ནེ་དཔེ་ཅན་རང་གི་བྱ་བའམ་ཁྱད་ཆོས་དེ། དཔེ་དང་མི་མཐུན་པར་བརྗོད་ནས། གང་གི་གཟུགས་སུ་བཀོད་པ་ དེ་དང་མཚུངས་པ་འགོག་པར་བྱེད་པ་ཞིག་ལ་འགོག་པའི་གཟུགས་ཅན་ཞེས་བྱ།
 _ དགག་བྱ་་་་་་དཔེ་ཅན་དཔེའི་གཟུགས་སུ་བཀོད་པ། 
 _ འགོག་བྱེད་་་་དཔེ་ཅན་རང་གི་བྱ་བའམ་ཁྱད་ཆོས་བརྗོད་པ།
 _ དཔེ་དང་མི་མཐུན་པར་བརྗོད་པ།
 _ དཔེའི་གཟུགས་སུ་བཀོད་པ་འགོག་པ།

༡༨༽ དཔེ་ཅན་གང་ཞིག་ དཔེའི་གཟུགས་སུ་བཀོད་པ་དེས། རང་གི་ངང་ཚུལ་དང་མི་མཐུན་པའི་བྱ་བ་བྱེད་པར་འོས་མིན་གྱི་སྐྱོན་དང༌། བྱ་བའི་ཡུལ་ཉིད་ལ་ཡང་སྐབས་གང་ཡིན་གྱི་སྐྱོན་དང་བཅས་ཏེ། མདོར་ན་ཡུལ་དང་ཡུལ་ཅན་གཉིས་ཀ་ལ་སྐྱོན་ཡོད་པ་མཚུངས་པའམ་ མཉམ་དུ་སྟོན་པ་ལ་མཉམ་འཇོག་གི་གཟུགས་ཅན་ཞེས་བྱ།
 _ དཔེ་ཅན་དཔེའི་གཟུགས་སུ་བཀོད་པ།
 _ ཡུལ་དང་ཡུལ་ཅན་གཉིས་ཀ་སྐྱོན་ཡོད་མཚུངས་པར་སྟོན་པ།

༡༩༽ དཔེ་ཅན་གྱི་དངོས་པོ་ཞིག་ དཔེའི་གཟུགས་སུ་བཀོད་ཅིང༌། དཔེ་དེ་ཉིད་ཀྱང་དཔེ་གཞན་གྱི་གཟུགས་སུ་སྦྱོར་བ་ལ་གཟུགས་ཅན་གྱི་གཟུགས་ཅན་ཞེས་བྱ།
 _ དཔེ་ཅན་དཔེའི་གཟུགས་སུ་བཀོད་པ།
 _ དཔེ་ཡང་དཔེ་གཞན་ཞིག་གི་གཟུགས་སུ་བཀོད་པ།

༢༠༽ དཔེ་ཅན་གྱི་དངོས་པོ་དེར། མངོན་སུམ་དུ་བསྙོན་དོར་ནས། དཔེ་ཉིད་ཡིན་པར་བརྗོད་དེ། དཔེ་དང་ངོ་བོ་གཅིག་ཏུ་བྱས་ཤིང་དོན་ལ་དཔེ་ཅན་ཁྱད་འཕགས་སུ་བྱས་ནས་སྟོན་པ་ལ་བསྙོན་དོར་གཟུགས་ཅན་ཞེས་བྱ།
 _ དཔེ་ཅན་ལ་བསྙོན་དོར་བ།
 _ དཔེ་ཉིད་ཡིན་པར་བརྗོད་པ།




#Article 13: དར་དཀར་བཀྲིས་གཡང་རྩེ་རྫོང(དར་དཀར་ན།) (101 words)


༡༦༤༨ ལུ་ ཞབས་དྲུང་ངག་དབང་རྣམ་རྒྱལ་མཆོག་གིས་ མགྲོན་གཉེར་འབྲུགརྣམ་རྒྱལ་དེ་ དར་དཀར་ན་གི་ས་གནས་འདི་དབང་དུ་བསྡུ་ནིའི་དོན་ལུ་ དར་དཀར་ན་ལུ་ གཏང་ཡོདཔ་མ་ཚད་ ལྷོ་མཚམས་ཀྱི་ ཌུའར་ས་གནས་ཚུ་ནང་ལས་ བཙན་འཛུལ་འབད་མི་དམག་མི་ཚུ་ལས་ སྲུང་སྐྱོབ་འབད་ནིའི་དོན་ལུ་ རྫོང་བཞེངས་དགོ་པའི་བཀའ་རྒྱ་གནང་ནུག། འདི་དང་འཁྲིལ་ཏེ་ འབྲུག་རྣམ་རྒྱལ་གྱིས་ དར་དཀར་ལ་གི་ ས་ཁོངས་ཚུ་དབང་དུ་བསྡུ་སྟེ་ རྫོང་བཞེངས་ནིའི་ གྱམ་བཙུགས་ནི་འགོ་བཙུགས་པའི་སྐབས་ དར་དཀར་ན་གི་མི་ཚུ་གིས་ རྫོང་བཞེངས་ནི་ནང་ལུ་ གྲོགས་རམ་འབད་ནུག། ལོ་གཉིས་ཀྱི་ཤུལ་ལས་ ༡༦༥༡ ལུ་ རྫོང་དེ་བཞེང་ཚར་དེ་ གཞུང་འབྲེལ་གྱི་ཐོག་ལས་ ཞབས་དྲུང་རིན་པོ་ཆེ་མཆོག་གིས་ དར་དཀར་བཀྲིས་གཡང་རྩེ་རྫོང་ཟེར་ མིང་བཏགས་གནང་ཞིནམ་ལས་ བསྟན་པ་ ཕྲིན་ལས་འདི་ དར་དཀར་ན་གི་ དཔོན་སློབ་དང་པ་སྦེ་ བཀལ་གནང་ནུག།

རྫོང་འདི་ལུ་ གཞན་དང་མ་འདྲཝ་སྦེ་ དབུ་རྩེ་རིངམོ་ སྦེ་ཡོདཔ་དང་ དེ་ཡང་རྫོང་གཞི་ གཞན་ཚུ་བཟུམ་སྦེ་ བལྟ་རྫོང་སོ་སོ་སྦེ་བཞེངས་ཏེ་མེད་མི་ལུ་བརྟེན་ཏེ་ དམག་ཚུ་ལས་ སྲུང་སྐྱོབ་འབད་ནིའི་དོན་ལུ་ཨིན་མས། འབྲུག་པའི་དམག་ཚུ་གིས་ དབུ་རྩེ་རིངམོ་ཡོད་མི་དེ་ བལྟ་རྫོང་གི་ཚབ་ལུ་ལག་ལེན་འཐབ་སྟེ་ དམག་རྐྱབ་དོ་ཡོདཔ་ཨིན་མས།

ད་རེས་ནངས་པ་ རྫོང་འདི་ནང་ལུ་ གཞུང་གི་གྲྭ་ཚང་ཡོདཔ་མ་ཚད་ དེ་ནང་ལུ་ ལྷ་ཁང་བརྒྱད་ཡོད་མི་ཚུ་ནང་ ནང་བརྟེན་གཙོབོ་ གནས་བརྟེན་བཅུ་དྲུག་གི་ མཐའ་སྐོར་ཏེ་ཡོད་པའི་ ཇོབོ་ ཤཀྱ་མུ་ནི་ཡོདཔ་ཨིན།

རྫོང་འདི་གིས་ རྒྱལ་ཁབ་ལུ་གནོདཔ་བསྐྱལ་མི་ ལྷོ་མཚམས་ཀྱི་བྱང་ཕྱད་ཚུ་ལས་སྲུང་སྐྱོབ་འབད་ནི་ལུ་ ཕན་ཐོགས་འབྱུང་ཡོདཔ་མ་ཚད་ ད་རེས་ རྫོང་འདི་གིས་ དར་དཀར་ན་གི་མི་སེར་ཚུ་གི་ དོན་ལུ་ བདག་སྐྱོང་གི་ཕན་ཐོགས་སྦོམ་སྦེ་ར་འབྱུང་དོ་ཡོདཔ་ཨིན། རྫོང་དེ་ལུ་ ས་གཡོམ་དང་ རླུང་ཚུབ་ལ་སོགས་པ་ཚུ་གིས་གནོད་སྐྱོན་ ལེ་ཤ་ཅིག་འབྱུང་ཡོདཔ་དང་ དེ་ཡང་མང་ཤོས་ཅིག་ དཔོན་སློབ་དྲུག་པ་ པད་དཀར་འབྱུང་གནས་ཀྱི་སྐབས་ལུ་འབྱུང་ནུག། རྫོང་གི་ ཁྱིམ་ཐོག་ཚུ་ག་ར་ རླུང་གིས་ཕྱག་འབག་ཡོདཔ་མ་ཚད་ རྫོང་ནང་ན་ལུ་ གནོད་སྐྱོན་ སྦོམ་སྦེ་ར་འབྱུང་ནུག། དེ་འཕྲོད་ལས་ ཉམས་བཅོས་འབད་ནི་འགོ་བཙུགས་ཏེ་ རྗེ་ བསྟན་འཛིན་ཆོས་རྒྱལ་མཆོག་གིས་ རབ་གནས་མཛད་དེ་ རྫོང་འདི་ནང་ལུ་ གྲྭ་ཚང་འགོ་དང་པ་བཙུགས་ཞིནམ་ལས་ དགེ་ཤེས་ རབ་རྒྱས་དེ་ བླམ་གནས་བརྟེན་དང་པ་སྦེ་ བཀལ་གནང་ནུག།

གནོད་སྐྱོན་ གཉིས་པ་དེ་ ༡༨༩༧ ལུ་ རྫོང་ཧྲིལ་བུམ་ ས་གཡོམ་གྱིས་ཧྲམ་བཏང་བའི་སྐབས་ལུ་འབྱུང་ནུག། དེ་གི་སྐབས་ལུ་ རྫོང་རྩ་བ་ལས་ ཉམས་གསོ་ཞུཝ་མ་ཚད་ ལྷ་ཁང་ཧེང་བཀལ་རྐྱབས་ཏེ་ སྐུ་རྟེན་ཡང་ལེ་ཤ་ཅིག་བཞེངས་གནང་ནུག།




#Total Article count: 13
#Total Word count: 3483