#Article 1: Guåhån (171 words)


Gaige islan Guåhån (Engles: Guam; Españót: Guaján) gi mås yahåyaya gi kadenan Marianas ya guiya mås dångkolu entre todu i isla yan úniku minantietieni ni Estados Unidos desde 1898 na sakkan. Mafa'nana'an i isla Tollai Amerika asta guatu Asia sa' put i minåolek pusisión-ña gi yeogråfiku yan ekonomia. Ma tatáncho' este na isla kåsi 9700 (nuebi mit siete sientos) kilumetro gi ge'lichan San Francisco, 6000 (sais mit) kilumetro ge'lichan låo sumanhaya patte gi ya Honolulu, 2400 (dos mit kuatro sientos) kilumetro gi hayan i kattan Tokyo, 3400 (tres mit kuatro sientos) kilumetro kattan sanhayan Hong Kong yan 2400 (dos mit kuatro sientos) kilumetro gi kattan Manila.

Manestaba esta i manChamorru gi islan Guåhån antes di manhalom i Españót gi 1600 na siklo despues di finatton Fetnando Magallanes. Annok gi manatatte na infotmasión na kasse siña' mås di tres mit kinientos maloffan na tiempo na manggaige i manChamorru gi kadenan Mariånas låo ti ma tungo' amanu na gaige i hale'-ñiha pat tinituhon-ñiha este na rasa.

Dies i nuebi na songsong giya Guåhån:




#Article 2: Hagåtña (506 words)


Hagåtña , eståba nå'an-ña Agana yan gi fino' Españot Agaña, i kapitat i islan Guåhån. Mina'dos gi dikike' mineddong-ña kontodu gi populasion entre todu i sengsong Guåhån. Eståba, i sentrun populasion Guåhån ha' Hagåtña ginen i Mina'dies i ochu na siklo asta i talo' i Mina'bente na siklo. På'go, hagas ha' unu ni mandistritu kometsio mayot kontodu nai gaige guenao i siyan gobietnu.

Gaige Hagåtña gi pachot i saddok Hagåtña gi lichan i patten Guåhån. Kana' 3(tres kuadrao kilumetro) i mineddong-ña Hagåtña. Gaige gi sanlagu i chepchop unai, gi sankattan i saddok yan i sesonyan-ña, gi sanhaya i ladera(ni Tutuhan gi hilo'). Guåha unu kuantos edificios gof takhilo' gi santalo' i sengsong, yan puru residensia gi lichan i patten songsong (guenao nå'an-ña Anigua). Ti parehu Hagåtña yan i otru na songsong, sa' manapattao i sentro tiaguihi as Europa, ya manggaige meggai na dikike' na tenda yan ristorantes siha gi halom gi talo' i sengsong. Gof hihot Hagåtña i manresidensia ni mineggai taotao ni Mongmong-Toto-Maite.

I kapitat giya Guåhån guihi gi Hagåtña, pues manggaige guenao i Liheslatruan Guåhån, i Ofisinan i Magalahi, kontodu otru na manofisinan gobietnon Guåhån. I mayot maelihi gobietna i sengsong taiguenao i otru na songsong. I Gima' I Taotao Guåhån, tradisionatmente i gima' i Magalahi, gaige gi hilo' i ladera, lao gi magahet taigue ha' gi sengsong Hagåtña. Adelup, gaige guenao i ofisinan Magalahi yan i manofisinan eksakatibu ginen i sakkan 1990, eståba ha' patten i sengsong Assan åntes di ma annex ha' gi Hagåtña ya ma na'gaige guenao i siyan i Gobienton Guåhån.

Gaibali Hagåtña esta åntes di manmatto i Españot siha. Gi sakkan 1668, matto i fine'nena na misioneru Españot as Pale' San Vitores. I familian i Magalahi Kepuha ma na'i i misioneru i tano' gi Hagåtña ya siña ma kahat i Dulce Nombre de Maria Catedrat-Basilica (i fine'nena na Guma' Yu'us giya Guåhån).

Durante i gobitenan Españot, ma na'suha megagai na taotao Guåhån yan otru islas Mariånas ginen i sengsong-ñiha para Hagåtña.

Sina manli'e sopblan i gobiento Españot gi Plaza de España hihot i catedrat i Archdiocese Hagåtña. 

Despues di finakpo' i Geran Españot-Amerikanu gi 1898, España ha nå'i i Estådos Unidus ni gobietnan Guåhån. Ma kontinua ha' i siyan gobietno giya Hagåtña gi administrasion i U.S. Naval Administration. Gi 1940 na sakkan, esta kasi dies mit (10,000) na taotao Hagåtña, kana' lamita i taotao Guåhån siha.

I militat Chapones ma konne' Guåhån gi 8 Disembre, 1941. Annai i Amerikanu ma na'libre Guåhån gi Segundo na Geran i Mundo, gof ma dañu i siudat ni bakudang Amerikanu. Meggai na taotao Hagåtña manhuyong i siudat despues di Gera. Gi planean kahat ta'lo i siudåt, i U.S. Navy ma fa'tinas manuebu na chalan ni mantunas, lao umesek i sitio siha ni chalan, ya på'go guåha mas ki unu na dueño i sitio. Este ha na'achaki i adelanton i siudat asta på'go.

På'go, kasi 1,100 na taotao i populasion Hagåtña, lao gaige ha' guenao i siyan gobietnu teritoriat. 

Gaige i plasan batkon aire (Antonio B. Won Pat International Airport) giya Tamuneng yan Barigåda.




#Article 3: Assan-Ma'ina (246 words)


Assan-Ma'ina (Asan-Maina), songsong gi lichan na påtten Guåhån. I munisipalidat Assan-Ma'ina ha na'daña dos na songsong Guåhån, iya Assan yan Ma'ina. Gaige Ma'ina gi ekso' gi sankattan Assan. Gaige guenao giya Assan i finenena na manmarinu siha ni manmatto durante i Segundo na Geran i Mundo muna'libre i isla. Påtten i War in the Pacific National Park i Assan Beach Park.

Gaige iya Assan yan Ma'ina gi halom i Distritun Luchan. Ginen i palabra håssan i na'an-ña Assan. Siña un pula' ma'ina, lao guåha na hinasso na ginen i okasion entre i tiempon mafañågu nene yan i tiempo i baotismo annai i nana ha konne' i neni para i Gima' Yu'us åntes di kinehulu' åtdao; este na bida ma cho'gue para ma presenta i templo pat Gima' Yu'us nu i nene.

Gi 21 Hunio, 1944 na sakkan, manmatto i manAmerikanu siha giya Assan para ma chule' tatte' i isla ginen i Chapones siha durante i Batiyan Guåhån. I mina'tres na Dibision Marinu manmatto giya Assan alas 8:28 gi egga'an, ya i Fine'nena na Brigadan Marinu Probensionat manmatto hihot Hågat gi haya. I kañon Chapones ma destrosa 20 (bente) na LVT, lao gi alas 9:00 gi egga'an esta manggaige i tanke Amerikanu gi tano'. Manmumu i manmarinu Amerikanu yan i militat Chapones gi esko' gi hilo' i kanton tasi despues di i manAmerikanu ma po'lo fondasion para manmumu. Gi simana sigiente ma dulalak i manChapones para i sanlagu ya gi uttimo i manAmerikanu ma ganna i batiyu.




#Article 4: Chalan Pågu-Otdot (103 words)


Chalan Pågu-Otdot (Chalan Pago-Ordot), songsong gi kattan na påtten Guåhån. I munisipalidat Chalan Pågu-Otdot ha na'daña dos na songsong Guåhån, iya Chalan Pågu yan Otdot.

Mafa'na'an Chalan Pågu taiguenao sa' estaba guåha meggai na tinanom pågu (gi fino' Engles: Hibiscus Tiliaceus) gi kanton i chalan ginen Hagåtña para i sengsong giya Bahia Pågu. 

I Chapones ma usa i sengsong Chalan Pågu para i dipositun-ñiha muna'huyungi durante i Segundo na Geran i Mundo. 
Gaige gi Otdot i sagan basura ni guåha meggai na yinaoyao. Fina'tinas i sagan basura ni US Navy, lao på'gu mampos bula ha' esta, ya ha kontradisi i areklamento i EPA.

 




#Article 5: Dedidu (165 words)


Dedidu (Dededo), songsong gi lagu na påtten Guåhån. I mas mitaotao na songsong Guåhån; guåha 46,000 na taotaogues na populasion songsong nu i senso 2004.

Gaige Dedidu gi lagu na påtten Guåhån gi hilo' i ekso' cho'cho'(i acho' ñañak/tasi). 78 (setenta i ochu) kradrao kilumetro mineddong-ña i sengsong. 

Gaige i sengsong Yigu gi kattan, i sengsong Tamuneng gi kattan para i sanhaya', yan i sengsong Mangilao yan Barigåda gi haya' para i sanlichan.

Guåha dos na hinasso' ni palabra dedidu: 

Åntes di Segundo na Geran i Mundo, gaige i sengsong Dedidu ginen i papa' Macheche Hill (Route 16) para i San Miguel Brewery. Ya despues di destrosu i Gera, i Gobietnu Navy ha suha i sengsong para i lugat mafa'na'an Central Dedidu ni gagaige ha' på'gu.

Despues di Pakyo Karen gi sakkan 1962, madestrosa i mayot i gima' hayu siha. Ya ginen i che'cho yan mandesponi i gobietno i sengsong, ma'asiste megagai na familia siha ni fina'tinas i Dibision Kaiser yan i kinahahat guma' guenao. 




#Article 6: Yoña (117 words)


Yoña (Yona), songsong gi kattan i patten Guåhån.

Eståba, bula guålo' i sengsong Yoña, lao på'go megagai resendensia. Durante i Segundo na Geran i Mundo, i Chapones ma na'suha i taotao ginen i hatlagu na presu para i presu Menengon, halom i sengsong Yoña, ti åpmam åntes di manmatto i Amerikanu muna'libre i isla. Esta på'go, sina manli'e tanke Chapones hihot i Saddok Segua, ya ha na'hasso taotao ni Gera.

Kana' 52 km2 (singkuenta dos kruadao kilumetro) mineddong-na Yoña. Gaige Yoña gi talo' i Saddok Pågo yan i Saddok Togcha. Gaige i sentro i sengsong gi hilo' i ladera entalo' i Bahia Pågo yan i Bahia Ylig. Gaige i residensia Baza Gardens yan Windward Hills gi sanhaya.






#Article 8: Islas Mariånas (288 words)


I Islas Mariånas un kadena ni manmafa'tinas ginen i puntan 15 na botkan, ya manggaige gi halom i grupon i ma'a'agang Micronesia. Nio ho tiorda yayaya 

Ginen i mas sankattan para papa':

I finene'na na taotaogues ni manmåtto para i Mariånas masåsångan na mangginen Asia mågi na lugat. Siha fuma'tinas i acho' latte siha ni siña un li'e' gi islan Tini'an, Luta, yan Guåhån. 

I finene'na na taotao Uropa ni lumi'e' i Mariånas si Fetnando Magallanes gi dia 6 Matsu 1521. Ha ripara i dos mas yahayaya na isla gi grupo ya lumayak entre i dos isla, pues ogan Guåhån. Ha diklara na islas España på'go i ha sodda' siha na isla. Gi sumaga-ña Guåhån, si Magallanes yan i mangga'chong-ña marineru, ma ayudan maisa siha nu i guinahan i tano' yan maseha håfa ni gaige gi uriya. Pues, i taotao tåno' ma li'e' lokkue' håfa guinaha-ña si Magallanes ya ma ayudan maisa siha lokkue' nai håfa gaige gi bapot-ñiha i manestrangheru. Lalålo' si Magallanes annai ha tungo' este ya ha fa'na'an i islas Las Islas de los Ladrones (I Islas Mansakke), lao gi sakkan 1268 matulaika i na'an para Las Marianas gi onrun Mariana de Austria, bi'udan Felipe IV giya España.

I Ma’estudian i isla tinitihon as Commodore George Anson, taotao Englatera, ni gi Agosto 1742 ogan gi islan Tini’an. 

I Mariånas, lao mas espesifiku i islan Guåhån, ma’usa ni Españot komu fansugo’-ñiha gi biahen-ñiha ginen Acapulco, Meksiku asta Manila, Filipinas.

Hapon, i membron Triple Entente, ha tutuhon humåtme i islas gi 1914. Annai manmapetdi Alemaña yan i pumalu na Central Powers gi Primet na Geran i Mundo, i hagas islas Alemaña manma’entrega ni natine UNTITE para i Hapones komu mandate territory (ti parehu yan UN Trust Territory).




#Article 9: Luta (179 words)


Luta (Engles: Rota) i mas sanhaya na isla gi Notte Marianas (i US Commonwealth of the Northern Mariana Islands - CNMI) yan i segundo mas sanhaya gi kadenan Marianas. Songsong i mas dangkolu yan mitaotao na songsong giya Luta, tinatittiyi ni sengsong Sinapalu. I prisente na mayot si Onorapble Melchor A. Mendiola, hagas senadot i CNMI.

I taotao Luta pinat manChamoru, i natibu na taotao gi Islas Marianas, lao meggai lokkue' taotao otro lugat tatkomu Filipino, Banggladis, Hapones, Koreanu, Amerikanu yan Taotao Papa', ni manggaige gi isla para u fanmacho'cho'. 

I Taga' Stone Quarry

 Gaige giya As Nieves, este na lugat nai siña hao manli'e' siha acho' latte ni manggagaige ha' gi halom i edda' lao monhayan esta manmaguaddok. Taya' tumungo' hafa na manma'abandona siha i acho' ni manChamoru, lao guaha masasangan na pot guaha siha gi acho' ti man gef fitme, ayu muna'fampara i manChamoru mana'tacho siha i acho'.

Mafanana'an Taga' Stone Quarry sa' segun gi taotao Luta, i acho' latte dipotsi para i gima' i maga'lahi as Taga', lao ha abandona ya ti monhayan mahatsa i gima'.




#Article 10: Si Sirena (959 words)


Åntes na tiempo, guåha un familia mañasaga giya Hagåtña. Guåha lokkue' un bunitan palao'an gi familia ni na'an-ña si Sirena. Gus ya-ña si Sirena ñumangu, espesiatmente gi halom i saddok Hagåtña. I nånan Sirena ha sangani gue' na kalan guihan gue' gi halom hånom.

Un diha, tinago' si Sirena as nåna-ña na para u cho'gue tareha-ña, lao humanao si Sirena para i saddok. Matto i lalalo'-ña i nanan Sirena annai ha li'e' i taibida-ña si Sirena. Pues humuyong i nana para i saddok, sa' ha tungo' na siempre gaige si Sirena guihi. Duru ha agang si Sirena, lao lumi'of si Sirena påpa' para i mas tåhdong na patte gi saddok, todu påpa' asta i fondo. Sisigi ha' umagang i nana, lao ti manoppe si Sirena. 

Esta taipasensia i nana, ya gus lalalo' gue', pues ha kåhnayi si Sirena, Sen båba hao na patgon! Ti ya-mu manosge! Annai hu agang hao, ti humuyong hao gi saddok, lao lumi'of hao papa' para i fondo! Gaige hålom hånom hao kalan guihan, pues un fama'guihan! Gigon ha' monhayan kumuentos i nana, ensigidas matutuhon mama'guihan i tataotao-ña si Sirena. 

Lao hiningok i matdision as matlinan Sirena, ya ha sangani i nanan Sirena na, Håda-hu gue'! Ya malago'-hu na para u taotao i patte-hu! Pues lamita gi tataotao-ña mama'guihan; i sintura para hulo' palao'an ya i sintura para papa' guihan. 

Matto na triniste si Sirena ya ha tungo' na ti siña gue' humuyong gi hanom. På'go, i rainan matingan si Sirena, ya todu i guihan yan i gå'ga' tåsi i tentago'-ña.

Åños yan åños maloffan guåha sumåga un palao'an na nå'an-ña si Sirena yan i familia-ña hihot gi saddok Minondo. Åhe' ti put i guiya mas påtgon yan bunita gi famagu'on; guiya lokkue' i mas suaben kurason. Lao guåha unu difekto-ña. Ga'o-ña ñumangu yan humugando kini u cho'gue i che'cho' siha ni tinago' gue' as nåna-ña para u cho'gue.

Amanu na guåha lugat, malågu ume'kakat para u ñangu gi saddok ni hihot gi gima'-ña. Gof ya-ña i hanom, ya kada tinago' as nåna-ña ñumangu nåya, åntes di u fåtto gi matågo'-ña yan despues di ha cho'gue i matågo'-ña. Despues di ñumangu, matå'chong gi kanton såddok para u gosa i riflekto-ña gi guinaiya gi manchågo' siha na lugat. Guåha na hinago' oras yan oras para u cho'gue un dikike' na tinago'.

Maseha gof guinaiya as nåna-ña, lao meggai na biåhi na malingu pasensia-ña. Put i para u mas chaddek matågo' si Sirena, enespanta as nåna-ña na i rai i hanom un diha siempre u ginacha' ya u binastsala påpa' gi raino-ña. Enlugat di u ma'å'ñao si Sirena, ha tutuhon gumuifi i rai i tasi, ha konsededera kao atanon, yan bunito, ha chachagi lumi'e' gi hinasso-ña i buniton i kastiya-ña.

Pues yanggen humanao på'go ñumangu, ha diseseha na u li'e' i rai i tasi ya u kinenne' para ayu na lugat anai ha cho'gue håfa i malago'-ña ya ningai'an ta'lo na u cho'gue ayu siha i manlangnga' siha na cho'cho' yan tinago'.

Un diha tinago' si Sirena as nåna-ña para u fanggagao ha'iguas para guafi. Ha påpågat i palao'an para u lachaddek tåtte. Ha entendet i palao'an para u fanosge, lao anai mamomokkat gi kanton såddok, kulan ina'agang ni kantan i ichan anai popoddong gi hanom, ya ti siña ha riseste i inagang.

Este na biåhi åpmam hinanao-ña si Sirena ya malingu pinasensian i nana-ña. Ha ågang i haga-ña lameggai na biåhi, lao ti manoppe. Humanao i nana gi halom uchan para u inespiha, ya anai ha li'e' na ñumañangu i haga-ña gi saddok, nina'gof bubu ya ha essalague, U puede mohon un nina'huyong guihan, nu i rai i tasi, tailayi na palao'an! Lao, guihi na momento, i guellan i palao'an - si Doña Rufina de Malbuelo - mamomokkat gi chalan ya ha hungok i matdesion. Ma'å'ñao nu i tinailayi, umessalao i guella ensigidas, Lamita giya guiya iyo-ku. Na'såga iyom-måmi i kurason-ña!

Gi halom hånom, ha siente estrañu na siniente si Sirena, ya gof hinengang, anai ha a'atan i sampapa' gi tataotao-ña mama'dadalak guihan, go'naf yan todu. Anai ha tutuhon ñumangu para i inai minantieni kannai-ña nu i un bastos na kannai. Guiya i rai i tasi. Ñumangu i dos huyong gi mattingan, ya ti ha hungok i katen nåna-ña.

Desde ayu na tiempo sumåga tåddong gi tasi si Sirena gi liyang siha anai i ininan kandet lalaolao, anai ha chuchukan siha i cha'guan tåsi yan manhugagando yan i kulepblan tåsi. Guihi gi nao'ao na kulot asut, matåtå'chong gi un tronon tå'gong tapon, ha papainie i attelong gapot ilu-ña, ha kåkånta sen despasiu i kanta siha ginen i pinatgon-ña.

Gi Pasgua, ma a'alok, na i mames na sunidon i kampåna siha hohongga påpa' gi liyang hånom, lineletge minahålang i kurason-ña. Ha tåtånga ñumangu gi saddok taiguihi anai påpåtgon gue'. Ha mahålangi mamokkat gi chalan i sengsong yan i amko' yan kulot åpu na guma' Yu'os. Ti ha tungo' na i mañiñila' na kandet gi me'nan i santa Marian Kamalen para u inina i hinanao-ña tåtte para i lina'la' ni ginen ha tungo'.

Kada pupuengen Pasgua, ha guiguifi si nana-ña i mismo guinifi - na måtto tåtte si Sirena ya manggagao åsi'e'. Mahålang si Sirena nu i familia-ña yan todu i atungo'-ña siha. Mahålang lokkue' para u ayuda i nana-ña. Ha tatayuyot si nana-ña para u tinaitayi para un na'ma'åse' na palao'an ni ningai'an na u li'e' gima'-ña ta'lo.

På'go gi todu i patte gi tano', ma såsångan nu i pasaheru siha na ma li'e' si Sirena - un bunita na palao'an yan kun similot na dadalak guihan - ni kumåkånta manna'piniti na kånta siha para u eppok siha para i na'mahålang na raino gi tasi.

Guaha siha na danderu manmama'tinas kanta pot si Sirena. 

Strauch, Edward H (1989). Folktales From Guam/ Estorihan Taotao Guam: Bilingual-Bicultural Education Program.




#Article 11: Totot (112 words)


I Tetot, Ptilinopus roseicapilla, pat Mariana Fruit Dove gi fino' Engles, un dikike' (asta 24 sentimetru na inanåkko') yan betde na paluma ni natibu para i Islas Mariånas gi Pasifiku. Agaga' i ha'i-ña, pues kumulot åpu i ilu, i santatte, yan i pecho-ña, yan amariyu patte gi tiyan yan i sampapa' i papa-ña.

An mañåda' i palao'an, unu ha' na chåda' humuyong. Ya i neni yan i chåda' pinipilan ni dos na saina. Pinat fruta mas nana'-ña i tetot.

Gi bandan kuttura, impottante este na paluma. Este na paluma i ofisiat na paluma para i Notte Mariånas. Gi 2005, i tetot ma'ayek komu ofisiat na simbolun i 2006 Micronesian Games giya Sa'ipan.




#Article 12: Notte Mariånas (106 words)


I Notte Mariånas, ofisiatmente i Commonwealth of the Northern Mariana Islands (CNMI), sumiha gi bandan politika yan i Estados Unidos yan gaige gi un sen impottante na lokasion gi Tasen Pasifiku. Guaha 15 na islas ya gaige tres-kuatto chi-ña ginen Hawaii asta i Filipinas. I Depattamenton i Senso para i Estados Unidos ha ripopotta na i tutat na tano' gi todu islas ha mimidi 179.01 kuadrao miyas (463.63 kuadrao kilometru).

I populasion i Notte Marianas 80,362 (2005 estimate). I ofisiat na tinifong i senso 69,221. 



#Article 13: Direchun i mantituge' (117 words)


I Direchon i Mantituge pat i Direchon Mangopia (Engles:Copyright) i lai ni ha nana'i i dueñon i matuge' na dokumento, fina'tinas musika, lepblo, litratu, pat maseha hafa na fina'tinas hinasso, i direcho para u madisidi hafa taimanu ma'usa-ña ni otru na taotao. Este na lai mas ha garantia na u fanmama'salape' todu ayu siha i fuma'titinas este siha na klasen cho'cho'. Pot este, todu fina'tinas ti siña makopia solu manna'i i dueño petmiso.

Ayu siha na taotao ni manmangopia sin petmiso cho'cho' ni maprotehi ni este na lai, siña manmakastiga segun gi lai. Guaha na biahi na mana'fanapasi ha' i taotao ni lumachi, lao gi mas seriosu na kaosa siha, siña ha' ma'aresta i taotao pat mapresu.




#Article 14: Unibetsidåt Guåhån (148 words)


I Unibetsidåt Guåhån (pat University of Guam gi Engles ya matungo' lokkue' komu U.O.G.) un kuatro años na land-grant institution giya sengsong Mangilao gi islan Guåhån gi tasen Pasifiku. Maaccredit ni Western Association of Schools and Colleges ya ha ofrefresi 35 na degree programs gi Pregrådu yan 13 gi Maestru.

Gi populasion i unibetsidåt, 90% mantaotao Asianu yan Islas Pasifiku, ya kasi 70% manfull-time. 

I Unibetsidåt Guåhån ma'establisa finene'na gi 1952 komu two-year teacher training school, mas matungo' komu Territorial College of Guam. Gi 1960, ma'establisa i kolehio gi prisente na lokasion gi talo' na distritu Mangilao. Gi 1965, maaccredit i kolehio komu four-year, degree granting institution. Matto 1968, kumahulo' i mineggai estudiante gi 1,800 ya i empleao i unibetsidåt kumahulo' asta 130. Mapo'lu na land grant institution ni Kongreson Estados Unidos gi 1972.

I Unibetsidåt Guåhån ha ofrefresi 35 na bachelor's degrees yan 13 na master's degrees. 




#Article 15: Tini'an (135 words)


Tini'an unu gi tres na prinsipat isla giya Notte Mariånas. Ma gof tungo' Tini'an komu i isla ni gumupu i batkon airen Amerikånu ni bumomba Hapon durante i Segundo na Geran i Mundo. 

Kasi 5 miyas (8 kilumetro) gi sanhayan i islan Sa'ipan i islan Tini'an, yan lokkue' 39 kuadrao miyas (101.01 kuadrao kilumetro) i mineddong-ña. Tini'an yan i bisinu-ña Aguiguan fuma'tinas i Munisipalidat Tini'an, unu gi kuattro na munisipalidat giya Notte Mariånas. I tutåt na mineddong i munisipalidat 41.74 kuadrao miyas (108.1 kuadrao kilumetro). I sengsong San Jose i mas dangkolo na songsong giya Tini'an.

Guaha giya Tini'an dos na gas station yan un casino, i Tinian Dynasty, ni guaha hotel, mandikike' siha na tenda yan ristorante. Gi sengsong San Jose, guaha siha mandikike' na hotel, ristorante yan bar.

Sitio siha gi fino' Engles:




#Article 16: Estorian Chamoru (204 words)


Guåha i kostumbren umestoria giya i Islas Mariånas ginen i eran åntes di manmamatto i Gilagu siha, ya ha kontinuha asta på'gu.
I mayot na estoria siha gi fino'Chamoru, ginen i mañaina annai ma sangani i famagu'on-ñiha ni estoria. Entonses, guåha leksion-ñiha gi finakpo' meggai na estoria siha (mafa'na'an ihemplo lokkue'). Sinembatgo, fihu ma'usa i estoria siha muna'apmam i kuttura, i hinengge, yan i kostumbre ginen i antigu na tiempo.

Unos kuantos na estorian Chamoru ma usa para fama'na'gue un leksion (un ihemplo). Tenga, guåha un påtgon ni ti ha osge i saina-ña, ya entonses guåha na binaba na humuyongña. Tatkomu, i estorian Sirena. Si Sirena ti ha tungo' manosge, pues i nana-ña ha kahnåyi gue', Sottera un fama'guihan. Ya på'go, ti siña si Sirena humoyong i tasi.

Guåha otru na klase estorian Chamoru ni ma usa para u fanoppe i finaisen Sahafa...? Tatkomu, i estorian Håfa Taimanu Mafa'tinas-ña i Taotao pat Puntan Dos Amåntes. I fine'nena na estoria ha eksplika i fina'tinas i taotao siha, mientras i mina'dos na estoria ha eksplika håfa taimanu ma fa'na'an i sitio Puntan Dos Amåntes. 

Guåha lokkue' estorian dibetsion gi kostumbren umestoria. Tatkomu i estorian Halu'u pat Gadao ni guåha hemplon minatatngan yan minetgot i taotao siha.




#Article 17: Håfa na Manggeftao i Taotao Chamoru (1039 words)


Gi antigu na tiempo måtto ta'lo tåtte dos na gof magåhet na takhilo' na taotaomo'na para u ma bisita i islan Guåhån. Nånan i isa i palao'an na taotaomo'na ya tåtan i lamlam yan hulu i lahi na kompåña-ña. Måtto i dos kumu tentågo' i yi'os siha ni muna'huyong i tano', i manglo', i napu yan i guaifi. Manmalago' para u ma tungo' mas put este na nina'huyong ni ma å'ågang taotao - kao maolek gue' pat båba gi espirituat na bånda.

Måtto i dos na yu'os kumu pasaheru sin guinaha o sino pudet. Ma batsala i yinayas pinekkat-ñiha ginen un songsong asta i otro manespipiha gineftao, lao todu i lugat ni ma fatoigue manmadulalak kumu limosneru siha. Guihi na ha'åni, mas lålålo' i taotaomo'na put i chinattao i taotao. Put fin, ma disidi para u ma kastiga i taotao i isla.

Anai esta para minachom åtdao, manmåtto gi un na'mahålang na såde'gåni, takhilo' gi haligi-ña, i atof-ña yan bånda-ña siha bihu lao areklao. Sumåsåga guihi un la'åmko' na umasagua nå'an-ñiha si Francisco yan Måtta, ni maseha manggof popble, lao gogof umaguaiya ha' i dos. I gima'-ñiha ayu na guma' anai ni unu gi dos mandimanda ya uma'osge i dos.

Ma kombida hålom i dos estrangheru nu i amko' na dos umasagua, ni numehong anai humålom gi dikike' såde'gåni ni ma såtge pi'ao yan ma guafaki. Mangkinembida as Francisco i guåfi nu i pinot yan hå'iguas. Ti åpmam i mina'lak i guafi ha na'maipe i kurason i pasaheru. Nina'gimen as Francisco freskon hånom gi ha'iguas, ginen i saddok ni hihot gi sade'gåni-ña. Mañule' si Måtta suni ni achadangkolo yan i talangan ilifånte yan unos kuantos kamuti ginen i dikike' na håtdin-ñiha ya ha na'lågu. Despues, mamfe' si Francisco påhong. Alos uttimu, ha chule' si Måtta i guihan ni kinenne' i asagua-ña guihi na talo'åni. Un pestutu ha' este na guihan ni chatta' ha' nahong un taotao, lao kon guinaiya ha balutan gi hagon ya ha chåhan gi papa' odda'.

Hinatme i halom guma' ni minange' på'go, ya mientras mamåsa i boka mañule' si Francisco tibion hånom para o'mak i dos estrangheru. Anai esta ha rifresko siha i dos, manmatå'chong påpa' yan si Francisco. Duru i tres manggimen tuba ginen i bengbong asta ki animao i konbetsasion yan hinatme chalek i gima' i dos popble na umasagua.

Ginen i niñangon Måtta, manggagao despensasion si Francisco para u huyong. Un ratu ha' måtto gue' tåtte mañuñule' un lisayon flores, dikike' na kurason ni kulot i rosa yan a'paka'. Este na lisayon flores ma å'ågang nu i Chamorro kadena di amot. Ha nå'i si Francisco i palao'an na estrangheru, ni pinacha gof didok ni kariñosu yan gairespetu na bihu yan i mikonsederasion na asagua-ña.

Alos uttimos måsa i boka, ya chumocho i dos taotaomo'na kun gusto yan minagof. Anai esta i dos munhayan chumocho ma ripåra na chatta' chumocho i dos umasagua. Pues ma nå'i i bisita nu i fresko na ensaladan gollai. Uttimu, ma nå'i måsan påpåya yan madoya para u inettimuyi i fiesta. Ma ta'lo ma pasa i bahadot tuba. Malulok siha ta'lo i yi'os, ya ma ripåra i magåhet na minagof gi matan i dos åmko', maseha ånglo' i labios-ñiha sa' didide' kinanno'-ñiha put para u ma na'nahong i bisitan-ñiha.

I dos yu'os pumåra ya ma pangpang i tiyan-ñiha gi bulachon-ñiha, lao umasodda' i atadok-ñiha ya sumiriosu i mata-ñiha. Mumå'å'ñao i dos umasagua na u guåha ti ha cho'gue o sino ti ha na'magof i estrangheru siha. Listo si Francisco ha faisen, Kao siña mas in setbe hamyo?

Despasiusiu ma yengyong i ilon-ñiha i dos yu'os, ya despues mannå'i siñat i yi'os i isa. Gi minahngang i dos umasagua, desnek un hinetnon lechon gi me'nan-ñiha ginen i aire ni ma beste ni todu klasen manmange' na nengkanno' ni siña unu ha guifi. Despues mana'annok todu klasen gimen mansen manengheng yan mandikno na putahi siha na i gima' i manriku ha' na siña manmali'e'.

Sinangani ni yi'os hulu yan lamlam, Nahong esta ñålang-miyu. Tarehan-miyu på'go para en matrata kumu taotaomo'na hamyo.

Gi tutuhon kulan duda i dos umasagua lao despues umumetde, tumekkon ya mannå'i grasia; lao put i ñiñalang-ñiha chumocho i dos kulan tåya' na manli'e' boka. Put i yomåhlao-ñiha i dos, adumidide' ha' ma nana'yan siha estaki håspok i dos.

Anai makmåta i dos umasagua gi sigiente ogga'an, pine'lon-ñiha na ma guiguifi ha' este todu, lao mahngang i dos anai ma li'e' hayi magåhet todu i dos yu'os. Mansinangani ni dos yu'os na u ma fondo i isla påpa' gi tasi ya u fanmatai todu i taotao put i chinattao-ñiha yan tinaihinenggen-ñiha.

Ha alulayi i dos umasagua humotde i sabana amanu i chinaddek-ñiha. Uma'åpo' kada råtu gi un baston ni ma usa entre siha i dos. Ma huhungok ha' gi tatten-ñiha i pakpak i lamlam yan i essalao i hilu. Alos uttimu, måtto i dos gi puntan i sabanan Lamlam anai ma siente na linao i tano', ya gi mina'å'ñao-ñiha i dos dumimu ya manaitai. Mediu diha di mayengyong i tano', ya despues todu kåtma. Si Måtta lumi'e' i isa gi langet.

Tumalakpåpa' i dos umasagua, ya nina'tanges i dos anai ma li'e' i fottunan i bisinon-ñiha. Ma fondo i isla, lao minahinengang anai ma li'e' na despasiu kumahuhulo' ta'lo. Todu ayu siha i manamatungo' manmafa'gåsi.

Guihi na mumento annok i dos yu'os gi me'nan-ñiha gi puntan i sabanan. Kumuentos i yi'os i hilu.

Ha hasso i dos para u ma gågao i yi'os para u na'na'lo i sengsong yan i bisinon-ñiha siha, lao ma siente na kulan ma kuestiotiona i minalago' i dos yu'os. Pues kumuentos si Francisco para guiya yan i asagua-ña.

Mampinacha ni gineftao kurason-ñiha, umakonfotme i dos yu'os para u na'libianu i tehtehnan na lina'la' i dos umasagua. Ilek-ña i yi'os i isa, I yi'os i manglo' yan i napu un nina'i famagu'on ginen meggai na lugat ni manchågo'. Yanggen manmåtto', fa'nå'gue siha para u fanyo'åse', geftao, yan u fanmangguaiya taiguenao iya hamyo, Francisco yan Måtta.

Pues maloffan na i famagu'on i tano' manmåtto Guåhån para u ma tungo' yine'åse' yan rinespetu ni todus hit debi di u ta fa'nu'i estrangheru siha yan para kada unu giya hita. Pues magåhet este asta på'go ha' na tiempo i taotao Guåhån ma saluluda estrangheru kumu manmafa'taotaomo'na siha.




#Article 18: Leonardo da Vinci (129 words)


Leonardo di ser Piero da Vinci , (Abrit 15, 1452 – Måyu 2, 1519) taotao Italia ni sientista, matematiku, enhinieru, imbentadot, pintot, eskuttot, atkitektu, danderu, yan tituge' gue'. Guiya mafana'an i mas gåtbo na hemplon taotao Renaissance. Makonsidera gue' unu gi i mas maolek na pintot gi historia, ya fana'an gue' i taotao ni mas gaitalento yan mitalento gi historia.
Mafañågu gue' baståtdo as Piero da Vinci ni notariu yan Caterina ni pineble giya Vinci, lugåt Florensia. Mafa'nå'gue si Leonardo gi papa' Verrocchio ni pintot Florensia gus matungo'. Annai mas hoben gue', macho'cho' gue' gi setbision Ludovico il Moro giya Milan. Annai mas amko' gue', macho'cho' gue' gi Roma, Bologna, yan Venisia, ya gi finakpo' lina'la'-ña, gaige gue' giya Fransia gi gima' ni manå'i gue' as Rai François I.




#Article 19: Matematika (222 words)


Matematika (mafana'an Matematikas pat Math lokkue') i siensan i idean kantidat, estruktura, kampo, yan tinilaika; kontodu i raman eskuela ni ha estudia håftaimanu umachetton todus siha na idea. I taotao ni ha estudia Matematika mafana'an Matematiku.

Guåha na sinangan i rainan siensa i Matematika, lao guåha lokkue' taotao ni ti ma konsidera i Matematika un siensa naturåt. Prinipåtmente, i matematiku siha ma difina ya ma analisa idean-ñiha para mas ma tungo' i idea—para i adelanton matematika ha'. Malago'-ñiha tumungo' hafa siña ma sangan an guåha estruktura. Pot i hemplu, kao guåha nai siña siha mamprueba gi henerat? Meggai lokkue' na matematiku siha mas ma konsidera i matematika kalan åtte embes di siensa aplikao. Sinembåtgo, humuyongña siensa naturåt meggai na estruktura ni ma analisa i matimatiko siha, ya achokka' ti manaligao siha aplikasion, guåha na biåhi ni ma sodda' aplikasion, meggai na biåhi gi fisika.

Siña ha' mafana'an matemaika i siensan numiru yan simbolo. Kumekeilek-ña na i analisan estruktura henerat ni madifina ginen axiom nina'i siha, manu'usa lohika yan simbolon matematika. I siensan ophetu yan estudiun inachetton-ñiha. Solo ma usa i sinahguan estruktura para kedanchiyi infotmatsion.

Makonsidera matematika un lengguahe lokkue'. Siña ha' makonsidera matematika un ekstension lengguahen taotao, ni ha usa un gramatika yan bokabulariu ni madifina gof espisifiku. Ya i minito'-ña ineksplika yan inaligao i inachetton hinasso yan fisika ni fino'-ña.




#Article 20: Johann Sebastian Bach (173 words)


Johann Sebastian Bach (Matso 21, 1685 - Hulio 28, 1750) un danderu åtmoniu yan tituge' musika ginen Alemaña. Makonsidera gue' i mas takhilo' na tituge' musika gi eran Baroque, ya mandinaña todus na klåsen musika Baroque ni musika-ña. Kinahulo' i musikan Baroque gi i mas takhilo' na fotma ni musika-ña koru, musiku, yan instrumento solo. Ti mamaa'tinas gue' nuebu na fotma, lao ha kuttiba i fotman Aleman kontrapunta (mafana'an gue' i ma'gas kontrapunta), na guinaguat-ña håtmonia yan otginasion-ña musika ni tairibat-ña, yan i inisan kompas yan teksturan sanhiyong (tatkomu Italianu yan Frances).

Mientras afamao i nina'siña-ña gi åtmoniu gi lina'la'-ña, ti gus matungo' gue' kumu tituge' musika. Sa' gus umusa gue' fotman Baroque yan i kontrapunta, makonsidera gue' antigu na moda ni achataotao-ña, espesiatmente gi infin di ofisinu-ña annai inisa i fotman Rocco (ya despues Klasiku) ni modan musika. Gi i mina'dies i nuebi na sikglo numa'lo i interes fama'nu'en musika, ya pa'go gus makonsidera gue' unu ni mas takhilo' na tituge' musika gi kostumbren sanlichan.

Estegue' pålu siha na che'cho'-ña gus matungo':




#Article 21: Moises (111 words)


Si Moises (Hebreo:מֹשֶׁה; standard - Moshe; tiberianu - Mōšeh) un profeta gi mina'tresse na siklo ni marikonisa na guiya i primet na tituge' i Torah. Impottante gue' lokkue' na profeta gi hinenggen Hudeos, Kristianidat, Islam, i Hinenggen Bahá'í yan meggai otro na hinengge. Segun gi lepblon Exodus, finañagu si Moises ni un Hebreo na nåna ni muna'atok gue' annai ha manda i Faraon na u mapuno' todu i nuebu na manmafañagu na lahen Hebreo. Lao uttimo-ña ma'adapta si Moises ni familian i Faraon. Annai ha puno' si Moises un taotao Ehiptu, malagu ya pumastot, ya despues minanda as Yu'us na u na'fanlibre i manHebreo siha na i manmafa'esklabu ni taotao Ehiptu.




#Article 22: Såkkan (143 words)


Såkkan (pat åñu ginen fino'Españot) gi henerat fa'na'an i tiempo entre dos na susiadet ni umachetton yan i chalan-ña ni ha dibuetta gi atdao. Kumekeilek-ña lokkue' i tiempon tåtme pat i tiempon kosecha.

Såkkan kalendario (åñu kalendario) kumekeilek-ña i tiempo entre dos na fecha ni mamarehu nå'an-ñiha.

Guåha diferente na klasen kalendario siha ni manma'usa pa'go. 

Åñu feskat kumekeilek-ña i dose na mes siha ni ma'usa para u tåha i kuentan bisnis pat otganisasion kada såkkan. Manafuetsao i bisnis siha manmafa'tinas enao na inanokcha kada na 12 mes siha, lao ti afuetsao i åñu feskat tumutuhon gi principion kalendario. Pot i hemplu, tinituhon gi 1 Oktubre, ni åñu feskat i gobietnun Estados Unidus, gi 1 Hulio ni åñu feskat Australia, yan gi 1 Abrit ni åñu feskat Canada.

Såkkan eskuela mafa'na'an i tiempon umeskuela kada såkkan. 

Guåha diferente na dibision i sakkan eskuela:




#Article 23: Kalendario (114 words)


Kalendario un sistema ni ha otganisayi relihion/kometsiat/administrasion ni diha yan fecha siha. Macho'gue este gi manfa'na'an i patten tiempo siha - gi henerat ha'åni, setmana, mes, yan såkkan. I na'an ni mana'i diha mafa'na'an fecha. I otru na dibision siha gi kalendario (kalan mes pat såkkan) mana'achagigu yan i kasun astronomika siha kalan i siklon pulan pat åtdao (lao ti nesisario ha'). 

Mafa'tinas kalendario ni meggai na sibilisasion yan sosiedat siha, (gi mayot i biahi) ginen otru na kalendario ya matulaika para nisisidat i taotao siha. 

Mafa'na'an kalendario lokkue' i kosas ni marepresenta kalendario (buente ha' papet). Ma'usa lokkue' muna'lista i guinahan kåsu (kalendarion kotte).

Guåha diferente na klasen kalendario siha ni manma'usa pa'go. 




#Article 24: Diego Luis de San Vitores (145 words)


Si Diego Luis de San Vitores estaba un misionarion Españot ni umestablisa i fine'na na Guma' Yu'us Katoliku gi islan Guåhån. 

Lahen un nopble, matakpangi Diego Jeronimo de San Vitores y Alonso de Maluendo. Makesoyo' ni mañaina-ña para u tattiyi i lina'la' militåt, lao si San Vitores ha desidi para u tattiyi i interes-ña gi bandan rilihion. Gi sakkan 1641, ma'otdena pale'. Ha hongge na inagang gue' as Yu'us para u setbe siha i ti mangilisyanu komu misionario. Ma'aprueba i finaisen-ña para u misionario ya ma'asikna gue' para un mision giya Manila, Filipinas.

Gi 1662, sumugo' si San Vitores giya Guåhån gi hinanao-ña para i Filipinas ya ha hula na u fatto tatte. Tres años despues, pot i gairelasion gi kotten i nobilidat Españot, ha soyo' si Rai Felipe IV giya España yan i Laraina Maria Ana de Austria na u fanmanestablisa mision giya Guåhån.




#Article 25: Gadao (249 words)


Antes na tiempo, guaha un taotao, sen metgot yan taima'anao na mafa'nana'an gui', Gadao. Guiya i maga'lahen Inalåhan. 

Un diha, maniha yan i mangga'chong-na mameska gi ya Humåtak. Sen meggai kinine'-niha ya annai esta para guatu siha halom gi tano' ma li'e' un sen dangkolo na Halu'u na humananao guatu gi ya siha. 

Si Gadao ni' minataknga, ha hatsa i fisga-na ya ha daggao ni' diruru ya madotgan ha' ya sen matai ha' i halu'u engsigidas. 

Ma hungok este na estoria ni' pumalu na manmaga'lahi gi entereru i isla ya mandanna' para u ma disidi kao para guiya etmas takhilo' na ma'gas gi ya Guåhån. Ti todu mangonfotme nu i hafa bida-na. 

Mandanna' todu i manmaga'lahen i sengsong ya kumu para guiya i etmas takhilo' na ma'gas, pues ha nisista ha kumple tres na ginagao-niha. 

I fine'nana na u para nangu i entereru i isla, singkuenta biahi sin pumara. I mina'dos na para u ipe' un niyok ni' kannai-na gi meggai pidasu. Yan para u pannas papa' i etmas takhilo' na sabana Guåhån.

Engsigidas, ha aksepta si Gadao todu i tinago'-niha, ya ha komple gi siette dihas. Konfotme na guiya ha' fine'nana nunanguyi i entereru i isla singkuenta biahi sin hafafa ha' na prublema. Guiya ha'ta'lo umipe i niyok ni' kannai-na ya ha pannas papa' i etmas takhilo' na sabana gi isla.

Deste pa'go, ma sasangan na sina ha' un li'e' i un troson acho' ginen i sabanan Lamlam, na a'annok ha' guatu gi kanton tasi gi iya Piti.




#Article 26: Indonesia (167 words)


Indonesia i tano' gi Hayan na Kattan Asia ya guiya mas dangkolo' na tano entre todu gi Hayan na Kattan Asia. Ma tata'chong este na tano' entalo Tasen India yan Tasen Pasifiku. Indonesai guaha tano' giya 1,919,440 kilometro kuadrao pat 741,096.53 miyas kuadrao. Yakatta i kabisera na siudat gi Indonesia na guaha poblasion siha 12 miyones taotao.

Indonesia guaha tano' na 1,919,440 kilometro kuadrao pat 741,096.53 miyas kuadrao.

Indonesia ma tata'chong gi Talo, ma'ipe i klima siha sanhalom entiru na sakkan pat tiempo. Klima gi Indonesia fa'klase ginen halom tano' asta tano' cha'guan ha.

Todu poblasion gi Indonesia guaha 224,784,210 taotao gi sakkan 2000.
Indo-Malay, i taotao natibu gi Indonesia(94%), Chino(4%), Taotao Papuano(1.2%) yan Indiano, Arabo, Europeano, madaña na taotao yan otro na taotao(0.8%)

Bahasa Indonesia solamente ofisiat na lengguahe gi Indonesia ya guaha 726 lengguahe ha' gi Indonesia.

Relihon giya Indonesia: Muslim(80%), Kristiano(13%), Hindu(1.90%), Relihon Etniko(1%), Konfusianismo(0.5%), Buddhismo(0.3%) yan otros, dumaña ateista(3.3%).
I magahet, siempre kasi 76.5% pat 78% i relihon Muslim gi todu poblasion Indonesiano.




#Article 27: Nazril Irham (144 words)


Nazril Irham fa'na'an Ariel i aktot Indonesiano ya guiya i kakanta ginen båndan gruponña, Peterpan. Guiya mafañago gi Septiembre 16, 1981gi Notte Sumatra, Indonesia. Ha guaha i carrierña anai di taka gue' kasi taftaf na edatña mina biente años. Guiya mångånta i man kantan Aku Dan Bintang, Ada Apa Dengamu, Mungkin Nanti, Semua Tentang Kita, Tak Bisakah, Bintang di Surga, Ku Katakan Dengan Indah  yan Menghapus Jejakmu. Måhuyong i bideoña na fa'tinas siha i garañon na akto asta måli'e' enao na bideo para i manaotao pat gof bula manIndonesiano, ti gaige gi Indonesia ha', lao siña måli'e' para i gef bula taotao na gaige gi otros na tano', sa' este na bideon garañonñiha na'hotge gi internet ya ti gof mappot na'aire i bnideoñiha. I resutta, i dos garañon na bideo ni Ariel i mas mageftungo' na adingan yan komento gi Twitter, giya nå'anña lokkue'.




#Article 28: CEC André-Chavanne (291 words)


Le collège et école de commerce André-Chavanne, inauguré en 1993, est un établissement scolaire post-obligatoire situé dans le quartier du Petit-Saconnex de la ville de Genève, en Suisse. Il tire son nom d'André Chavanne.

À la mi-mai 2009 des fidèles de la Mosquée de Genève insultent des jeunes filles qui pratiquent la gym en tenue sportive et leur jettent des canettes de boisson, leur reprochant d'avoir couru en tenue impudique durant l'heure de la prière, un vendredi après-midi. À cette occasion des insultes raciste tel que Espèce de sales blanches furent prononcées, la course des jeunes filles fut perturbée par les fidèles en se plaçant sur leur trajectoire et en renversant les cônes servant à baliser les pistes.

En 2016, le député du parti libéral-radical genevois Jean Romain a interpellé le Grand Conseil du canton de Genève car des parents ont relancé le questionnement à ce sujet car la question est revenue pour la deuxième fois, après l'avoir été en 2012, car une enseignante aurait refusé que ses élèves participent à un cours sur le terrain d'athlétisme en faisant référence aux incidents de 2009. Il demande au Grand Conseil pourquoi les cours d'endurance de l'École André-Chavanne pour les jeunes filles ne sont-ils pas dispensés à l'extérieur au même titre que ceux réservés aux garçons?. Le département de l'instruction publique indique qu'aucune différence de traitement n'est pratiquée mais que les cours n'étant pas mixtes, ils peuvent comporter des différences sans lien avec la proximité de la mosquée. Les enseignantes de gym ne dispensent pourtant de cours sur la piste extérieure d'athlétisme qu'une fois sur quatre, soit près de trois fois moins que les garçons. L'affaire a également été dénoncée la même année par le député de l'Union démocratique du centre Eric Bertinat.




#Total Article count: 28
#Total Word count: 7112