#Article 1: جنوب السودان (568 words)


جنوب السودان هيا دولة مستقلة من ساعة اول دقيقة من 9 يوليه سنة 2011، اسمها الرسمى جمهورية جنوب السودان مساحتها 619 الف كيلومتر مربع و عاصمتها جوبا و كانت قبل كده منطقة فى السودان ، و بقت جنوب السودان دولة مستقلة يوم 9 يوليه 2011. و بقت دوله عضو فى الأمم المتحدة يوم 14 يوليه 2011. الحرب الاهلية السودانيه كانت 'أطول حرب اهلية فى تاريخ افريقيا.

الحكومة السودانية وافقت انها تدّي الحكم الذاتي للمنطقة فى اتفاق السلام الشامل اللى اتعمل يوم 9 يناير 2005 فى نيفاشا ، كينيا ، مع الجيش الشعبي لتحرير السودان ، مؤقتا عشان يحطوا حد للحرب الاهلية السودانيه التانيه 1983–2005. و عملو استفتا فى شهر يناير 2011 اذا كان جنوب السودان هتفضل ف السودان وللا هتبقى دولة مستقلة و كانت نتيجته إن أغلبية سكان جنوب السودان طلبو إنفصال جنوب السودان من السودان.

حدود جنوب السودان م الجنوب شرق اثيوبيا و كينيا و اوجندا و جمهورية الكونجو الديمقراطيه، وجمهورية افريقيا الوسطى من الغرب. و من الشَمَال حدودها مع السودان اللى كانت قبل كده المنطقة العربية و الاسلامية اللى بتخضع لسيطره الحكومة المركزية. جنوب السودان فيها منطقة مستنقعات واسعه اسمها السدود اللى بيشكلها النيل الابيض ، و اسمها بحر الجبل. جنوب السودان بتضم عشر ولايات.

جنوب السودان عاصمتها هىّ جوبا اللى فيها كل مكاتبها الادارية وفيها اكبر عدد من السكان.

الجنوب سودانيين فى الغالب بيعتنقوا معتقدات محلية او المسيحية، بالذات الكنيسة الاسقفية للسودان والكنيسة الكاتوليكية الرومانية. جنوب السودان فيها مجموعات عرقية ولغات اكتر م الموجودة ف الشمال. وعشان مفيش تعداد سليم، وعشان فيه ناس بتتجوز اكتر من واحدة والاسر الكبيرة، فالتقديرات النسبية للجماعات العرقية حاجة صعبة. بس اللى معروف ان اكبر جماعة عرقية هى الدنكا، وبعدها النوير. وناس تانيه نيليين اللى فيهم الشيرلوك وباري.

البترول والمعادن التانية موجودة فى النوير ومدن النيل من الشمال اللى فيها تجمعات من النويريين.

بعد ما جون جارانج مات، جيش تحرير الشعب السوداني و قوات دفاع جنوب السودان اتغلبو على خلافاتهم و اندمجو مع بعض فى يناير 2006 بعد ما عملو سوااعلان جوبا.نايب رئيس جنوب السودان الحالي د.ريك ماكر هو اللى اسس قوات دفاع جنوب السودان بس بعدين اتخلى عنهم فى سنة 2002 و انضم تاني لجيش تحرير الشعب السوداني و ساب الجينيرال باولينو ماتب نهيال يبقى زعيم قوات دفاع جنوب السودان.بناء على اعلان جوبا، الجينيرال ماتيب بقى نايب القائد بتاع جيش تحرير الشعب السوداني و كمان اندمجت معاه قوات الدفاع فى جيش التحرير و بكدا اتضاعف اجمالى عدد القوات من 30.000 وبقت 130.000 جندي.

جنوب السودان فيها مجموعات قبلية و لغات اكتر بكتير من شمال السودان.لغة التعليم و الحكومة والبيزنيس هى الانجليزي، اللى بقت لغة رسمية لجنوب السودان سنة 1928، و اعترف بيها كلغة اساسية لجنوب السودان فى اواخر التمانينات.اللغة العربية المتميزة فى جنوب السودان(جوبا عربي)واللي اتكونت فى القرن التسعتاشر بين احفاد العساكر السودانيين - وهي منحدرة اصلا من لغة قبيلة باري-بتستخدم على نطاق واسع ك لينجوا فرانكا فى جنوب السودان.بس الانجليزي بيستعمل ك لينجوا فرانكا فى فى المناطق اللى بتستخدمش اللغة العربية بتاعة جوبا(جوبا عربي). بالضافة لكل دا، فى لغتين افريقيتين بيستعملو بشكل كبير و هما تهونجشانج (30,000 واحد بيتكلموها) و تهوك ناعت(1,400,000 واحد بيتكلوها).لغة النوير بستعمل فى ولاية الوحدة(يونيتي) وولاية جونجلاي وولاية اعالي النيل.

برغم إن فيه الدستور الوطنى المؤقت لجمهورية السودان  ، لكن الدستور الانتقالى لجنوب السودان لسنة 2005 هو القانون الأساسى فى جنوب السودان. و بينص الدستور على إن السلطة التنفيذية بيرأسها الرئيس اللى هو رئيس الدولة و رئيس الحكومة و القائد العام للقوات المسلحة لجيش تحرير الشعب لتحرير السودان . جون قرنق ، مؤسس الحركة الشعبية كان اول رئيس لحد وفاته يوم 30 يوليه 2005.




#Article 2: اندريه اجاسى (190 words)


اندريه كيرك اجاسى هو لاعب تنس محترف معتزل من امريكا و كان ترتيبه الاول ع العالم .

اندريه اجاسى واحد من خمس لاعبين تنس فى عصر التنس المفتوح كسبو بطولات الجراند سلام الاربعه الكبيره و واحد من اربعة (مع روجر فيدرير و الاسبانى رافاييل نادال و الصربي نوڤاك ديوكوڤيتش ) كسبوهم على الملاعب الرملية و العشب و الملاعب الصلبة.

اندريه اجاسى اتولد يوم 29 ابريل 1970، فى لاس فيجاس، نيفادا، الولايات المتحدة الامريكية . ابوه و امه هاجرو ليها من ايران. و متجوز ستيفى جراف

لما اندريه اجاسى كسب فرنسا المفتوحه 1999, كمل كارير جراند سلام . هو خامس لاعب من تمان لعيبه فى تاريخ التنس يكسبو بطولات الجراند سلام الاربعه الكبيره (بعد بادچ, پيرى, ليڤر, ايميرسون و أبل روجر فيديرار و رافاييل نادالو نوڤاك ديوكوڤيتش) .

كسب 17 بطوله من بطولات الماسترز 1000 فردى , و ده رابع اكبر عدد بطولات رافاييل نادال, روجر فيديرار, و نوڤاك ديوكوڤيتش It is also the overall sixth highest total of 'tier one' titles (including those which preceded Masters 1000 events, such as the Super Nine) behind رافاييل نادال (27), Ivan Lendl (22) روجر فيديرار (21), چون ماكينرو (19), and نوڤاك ديوكوڤيتش (18).




#Article 3: توليدو (800 words)


توليدو هى مدينه و بلديه فى وسط اسبانيا على بعد 70 كيلومتر جنوب عاصمة اسبانيا مدريد. توليدو كانت العاصمة الأسبانية من سنة 1085 لحد فيليبى التانى ملك اسبانيا ما نقل البلاط الملكي من توليدو لمدينة مدريد سنة 1561.

توليدو دلوقتى هى عاصمة مقاطعة توليدو و منطقة كاستيا لا منتشا فى وسط اسبانيا. سنة 21010 كان عدد سكانها 82489 ومساحتها 232.1 كم 2 (89.59 ميل مربع). توليدو مبنيه على مكان مرتفع بتحاوطه أوديه عميقه، و بيمر فيها نهر تاجوس. و بيحوط وادى نهر تاجوس توليدو من تلات جهات و ده بيساهم فى حصانتها ومناعتها للغزو. اتعرفت توليدو باسم طليطلة ايام الحكم الاسلامى لاسبانيا.

توليدو اتولد و عاش فيها كتير من الناس المشهوره و الفنانين ، بما فيهم الزرقالى ، جارثيلاسو دى لا فيجا ، اليانور توليدو ، الفونسو العاشر و ال جريكو.و شافت توليدو احداث تاريخيه مهمه زى مجامع توليدو.

توليدو سكنها ناس من ايام العصر البرونزى , أهمية توليدو (Toletum فى اللاتينى) زادت ايام العصر الرومانى علشان كانت المركز التجارى و الادارى الرئيسى فى مقاطعه رومانيه اسمها Hispania Tarraconensis, بعد سقوط الامبراطورية الرومانية، توليدو بقت عاصمة اسبانيا و فضلت عاصمة اسبانيا لحد ما غزا المسلمون ايبيريا فى القرن الثامن، وسمّوها طُليطلة (Tolaytilah).

اعلنت اليونسكو توليدو موقع تراث عالمى سنة 1986 ,علشان التراث الثقافى الضخم, بوصفها واحده من العواصم السابقه للامبراطوريه الاسبانيه و مكان لتعايش الثقافات المسيحيه واليهودية والمغاربيه.

فى تعداد سنة 2005، كان عدد سكان توليدو 75578 ومساحتها 232،1 كيلومتر مربع (89،59 ميلا مربعا). اتولد او عاش كثير من الناس الشهيرة والفنانين فى توليدو، منهم ال جريكو، .

من القرن الخامس للقرن الستاشر اجتمع حوالى تلاتين من المجامع الكنسيه فى توليدو. اول المجامع، تم فى سنة 400.

فى مجمع توليدو سنة 589 م اعلن الملك موافقته على التحول من الاريوسيه و أدخلت زياده على العباره اللى بتقول عن الروح القدس  المنبثق عن الآب ، فبقت  المنبثق من الآب والأبن . وكانت الزياده دى سبب للأنشقاق الدينى بين كنايس الشرق و كنايس الغرب فى القرن التامن، والانفصال التام بينهم فى القرن الحداشر. و قبلت الكنيسة الغربيه والكنيسه البروتستانتيه بعدين الزياده دى، ولكن رفضتها و لسه بترفضها كل الكنائس الأرثوذكسيه، كمان بعض اللاهوتيين البروتستانت مش بيستريحوا للزياده، و بيظهر ده من كتاباتهم.

اقر مجمع توليدو سنة 633 وحدة القداس الجوثى فى كل المملكه، واتخذ تدابير صارمه ضد عماد اليهود اللى كانوا بيرجعو لأعمالهم السابقة للايمان.

مجمع توليدو سنة 681 أكد اسبقيه رئيس أساقفة توليدو فى اسبانيا.

ظهر فى أسبانيا الطقس الجوثى (الموزارابى) و اللى لغاه البابا غريغوريوس التلتاشر , لكن لسه متواجد لحد دلوقتى بس فى مذبح (مصلى) واحد داخل كاتدرائية توليدو

سنة 534 م توليدو بقت عاصمة مملكة الڤيسجوث الموحده فى اسبانيا لحد سنة 711.

بعد سقوط الخلافة الأموية في أوائل القرن الحداشر ، توليدو كانت مملكه مستقله من ممالك الطوايف و كان عدد سكانها حوالى 28 ألف ، بما فيهم حوالى 4 آلاف يهودى.

الملوك المسيحيين حاولو يرجعو كل ايبيريا لحكمهم ف الاسترداد. ألفونسو السادس كان ف المنفى ف توليدو من يونيه لحد أكتوبر 1071 ، و بعد كده مسك حكم كاستييا. سنة 1074 ألفونسو السادس عمل حرب ضد الطوايف ف جرانادا بمساعدة عساكر المأمون حاكم توليدو كانت نتيجة اجبارت حاكم جرانادا يدفع غرامات لألفونسو السادس. بعد كده المأمون هاجم كوردوبا ، اللى كانت تحت سيطرة عدوه المعتمد ملك الطايفه ف سيبييا و غزاها ف يناير سنة 1075. غرامات اللى دفعتها توليدو لألفونسو السادس ف سبعينيات القرن الحداشر وصلت حوالى 12 ألف دينار دهبى و ساعدت تزود قوتهref سنة 1076 اتقتل المأمون حاكم توليدو ف مدينة كوردوبا اللى غزاها. القادر مسك حكم توليدو بعد ابوه المأمون و هو وآخر أمير مسلمٍ يحكم المدينه.
سنة 1083 الفونسو السادس عمل حمله ضد المعتمد ملك سيبييا و وصل لمدينة تاريفا. الفونسو السادس عمل حمله ضد المعتمد حاكم توليدو سنة 1083 ضد اشبيلية و وصل لمدينة طريفة عشان يمنع المعتمد من أى مقاومة ضد استرداد توليدو. ألفونسو عمل حصار على توليدو سنة 1084، و منع المدينة من الامداد ومنع العمل الزراعى في المنطقة. الحصار استمر ايام الشتا لحد 1085 . ف ربيع سنة 1085 رجع ألفونسو بنفسه للحصار بقوات جديدة. و بسرعهدخل ألفونسو توليدو دخول المنتصر يوم 24 مايو 1085.

كاتدرائية توليدو كاتدرائية القديسه مريم، فى اسبانيا مقر مطرانيه توليدو. واحده من تلات كاتدرائيات جرمانيه عالية اتبنت فى القرن التلاتاشر فى اسبانيا و بتعتبر اعظم مثال للمعمار الجوثى فى اسبانيا. اتبنت كاتدرائية توليدو اللى موجوده دلوقتى بين سنة 1226 و سنة 1493 على مثال كاتدرائية بوورج. ابتدا بناها سنة 1226 فى عهد فرناندو التالت ملك كاستييا , و خلص البنا خلال اوقات الملوك الكاتوليك سنة 1493. و بتضم مكتبة كاتدرائية توليدو ملايين المخطوطات والوثائق من القرنين التامن و الحداشر.

توليدو كانت مركز لصناعة السيوف من الحديد الصلب من حوالى سنة 500 قبل الميلاد ، و ده لفت انتباه روما لما استخدمه هانيبال ف الحروب البونيقية . بعد فتره صغيره توليدو كانت مصدر للأسلحة للجيوش الرومانية .

قلعة سان سيرفاندو (بالاسبانى: Castillo de San Servando) هى قلعه من العصور الوسطى فى توليدو على ضفاف نهر تاخو اتبنت ايام الفونسو السادس ملك ليون و كاستييا عشا




#Article 4: روما (165 words)


روما ( Rōma;  Roma,  ) هى عاصمة ايطاليا و منطقة لا تزيو، و اكبر مدينة فى عدد السكان فى ايطاليا، سكان منطقة روما العاصمه عددهم حوالى 4 ملايين.

روما موجوده فى وسط الجزء الغربى من شبه جزيرة ايطاليا، على نهر التيبر. رئيس بلدية روما هوه جيوفانى اليومانو.

دولة مدينة الفاتيكان، والاراضي الخاضعه لسيادة الكرسي الرسولي جزء من روما. ودولة مدينة الفاتيكان هى اصغر بلد ف العالم. روما واحده من عدد قليل من المدن الاوروبية الكبرى اللى نجت من الحرب العالميه الثانيه سليمه نسبيا.وسط روما التاريخي سجلته اليونسكو من مواقع التراث العالمى.

اسم روما بيرجع لاسطوره بتحكى ان اخين توامين اسمهم رومولوس و ريموس اسسوها فى 21 ابريل 753 (ق.ع.ح.).بتقول الاسطوره انهم ولاد واحده اسمها ريا سيلفيا و ابوهم هوه الاه الحرب مارس و انهم اترمو فى ماية نهر تيبير ك عقاب لامهم.رومولوس و ريموس رضعم من صدر ديبه و اتربو ويا الدياب الصغيرين لحد ما الاقاهم راعى غنم اسمه فاوستولوس اللى صعبو عليه و خدهم لمراته اللى كانت ما بتخلفش و ربوهم لحد ما كبرو.




#Article 5: كنيسة يسوع الحقيقى (104 words)


كنيسة يسوع الحقيقى هى كنيسه مستقله اتأسست فى بكين ، الصين ، سنة 1917. وانتخب الرئيس الحالى للجمعيه الدوليه الواعظ - يونج جي لين.

النهارده ، فيه ما بين 1،5 الى 2،5 مليون بينتموا لكنيسة يسوع الحقيقى فى خمسه واربعين بلد فى الست قارات. الكنيسه الصينيه هى فرع من فروع العنصره المسيحيه اللى برزت فى بدايات القرن العشرين ، و هى كمان كنيسه منالتلت كنايس الصينيه الاصليه اللى كانت قايمه قبل ما يستولى ا الشيوعيين فى الصين على السلطه سنة 1949. هدف الكنيسه هو التبشير بالانجيل عند كل الامم قبل رجوع المسيح (زى ما هو معتقد فى المسيحيه).

مباديء كنيسة يسوع الحقيقى العشره الاساسيه:




#Article 6: اسيا (143 words)


اسيا هى اكبر قاره فى العالم فى المساحه (43،810،582 كيلو متر مربع) و عدد السكان (أكثر من 4 مليار انسان).

قاره اسيا محاطه من ناحية الجنوب بالمحيط الهندي و من الشرق المحيط الهادي و من ناحية الشمال بيغطي المحيط القطبي كل سواحلها اسيا مهد حضارات انسانية عظيمة من قبل التاريخ المكتوب و من بعده( الأكادية والميديةو الفينيقية و السومرية و الفارسية و الهندية و الصينية مجرد امثله) . اسيا يوجد بها حاليا 48 دولة مستقلة ومن اكبر مدنها طوكيو و سيول و مومباي و جاكرتا.

كلمة اسيا نشأت من كلمة Ἀσία اليونانية القديمة ، استعملها هيرودوت (سنة 440 قبل الميلاد) فى اشارة للاناضول ، او علشان وصف الامبراطورية الفارسية فى وصفه الحروب الفارسية.

الدول والسكان
اسيا موجودفيها سبعة وأربعين دولة الأمم المتحدة معترفة بيها وعدد سكان اسيا ييجى اربعة مليار واحد, وتتقسم اسيا ل 6 اجزاء ،اجزاء القارة والوانها اللى متبينة على الخريطة:




#Article 7: احمد فؤاد نجم (356 words)


احمد فؤاد نجم (1929 - 2013) و شهرته ”الفاجومى“ () و ابو المصريين هو من اشهر الشعرا المصريين اللى كتبوا باللغة المصرية الحديثة (العامية المصرية).

كان ساكن فى مساكن الزلزال المقطم الشعبيه و سبب شهرة نجم هو شعره الجرىء اللى بيفشخ فيه الحكام و بينحاز للشعب المصرى و خصوصا الغلابة منهم و طبعا خفة دمه سبب اساسي لانتشار شعره البسيط و العميق فى نفس الوقت. بس جرءته دى كان تمنها غالى 18 سنه فى السجون و المعتقلات. نجم انتقد سياسات رؤساء مصر التلاته عبد الناصر و السادات و مبارك لكن السادات كان ليه نصيب الأسد من اشعار نجم السخنة لدرجة ان الرئيس السادات كان بيسميه الشاعر البذئ. نجم سمى جمال عبد الناصر عبد الجبار . ارتبط اسم احمد فؤاد نجم بالشيخ إمام اللى كان بيغنيله اشعاره لكن اختلفو مع بعض لأسباب ماليه و انفصلو بعد ما عاشو فى فرنسا وعملو حفلات كان أغلب روادها العرب. انضم لحزب الوفد الجديد و بعدين استقال منه فى يوم 10 اكتوبر 2010 و اعلن انه محتج على قرار السيد البدوى رئيس الحزب انه شال ابراهيم عيسى من رئاسة تحرير جرنال الدستور. بعد ثورة 25 يناير انضم لحزب المصريين الأحرار
 -شاعر الثورية 🖤

احمد فؤاد نجم من مواليد الشرقية سنة 1929 و هو من عيلة مصرية بسيطة فى الريف المصري والدته ربة بيت كان اسمها هانم مرسي نجم ووالده محمد عزت نجم كان بيشتغل فى البوليس.

نجم من عيلة كبيرة العدد و كان ليه 17 اخ و اخت و زي العاده اول تعليم اتلقاه كان فى الكتاب و بعد موت ابوه انتقل عشان يعيش مع خاله فى الزقازيق و دارت بيه الحياة بين ملجا الايتام اللى قابل فيه عبد الحليم حافظ ولما كمل 17 سنة ساب الملجأ و رجع بلده و بعدين راح القاهرة عند اخوه اللى طرده من البيت. اول ديوان شعر نشره كان بعنوان صور من الحياة و السجن

احمد فؤاد نجم كتب اشعار كتيره فى العشق (زي انا اتوب عن حبك انا و اهيم شوقا و عشق الصبايا) و فى الوطنيه وحب مصر (زي بهيه و بحبك و صباح الخير و كلمتين يا مصر), و اتعَرَف بإيمانه بالعداله الاجتماعيه و كتب قصايد كتيره بعتبر عن افكاره دى زى:

توفى الفاجومى يوم الثلاثاء 3/12/2013 عن عمر يناهز 84 سنة




#Article 8: احموس الاول (137 words)


أحموس الاول (أحمس الاول) هو فرعون مَصري قديم و مؤسس الاسرة ال18. إتمدّت فترة حكمهُ من 1550 لحد 1525 ق ع ح. و هو الملك اللى قدر يحرر مصر من احتلال الهيكسوس . كلمة أحموس معناها ابن القمر

أحموس هو إبن الملك سيقنن-رع و اخو الملك كاموس و الاتنين ماتو شُهَدا فى حرب التحرير اللى قادتها مدينة طيبه فى جنوب مصر ضد الإحتلال الاسيوي فى الشمال

الفرعون أحموس الاول حرر مصر من الهيكسوس و قضا عليهم لدرجة ان ماتفالش اسمهم فى التاريخ بعد كدة أبداً. أحموس وحّد مصر كلها مرة تانية تحت حُكمهُ القوي و عمل حملات حربية لتأمين حدود مصر و توسيعها فى كنعان و النوبة. و هو بيعتبر مؤسس المملكة الحديثة و هى الفترة اللى وصلت فيها مصر القديمة لقمة مجدها و قوتها. كمان من انجازاتهُ هو إنهُ بنا اخر الاهرامات المصرية فى مدينة أبيدوس.




#Article 9: البانيا (154 words)


ألبانيا(جمهورية ألبانيا) دوله فى أوروبا بتطل على البحر المتوسط من الجنوب و عاصمة ألبانيا هى تيرانا و اللغة الرسمية هى الألباني.

ألبانيا يحدها مونتنيجرو من الشمال الغربى، كوسوفو من الشمال الشرقي، و مقدونيا الشماليه من الشرق و اليونان من الجنوب والجنوب الشرقى و على ساحل البحر الأدرياتيكى من الغرب، و على البحر الأيوني من الجنوب الغربي. و تبعد اقل من 72 كم (45 ميل) من ايطاليا ، يفصلهم مضيق أوترانتو الذي بيربط بين البحر الأدرياتيكي و البحر الأيوني .

ألبانيا عضو فى الأمم المتحدة ، حلف شمال الأطلنطى ، و منظمة الامن والتعاون فى أوروبا ، مجلس أوروبا ، منظمة التجارة العالمية ، منظمة التعاون الاسلامي ومن مؤسسين اتحاد علشان المتوسط و كانت ألبانيا مرشح محتمل للانضمام للاتحاد الأوروبي من يناير 2003 و قدمت طلب رسمى لعضوية الاتحاد الأوروبي يوم 28 ابريل 2009.
ألبانيا ديمقراطية برلمانية

يمر اقتصاد البانيا الان في مرحله انتقاليه

عدد سكان ألبانيا 2831741 و عدد سكان تيرانا عاصمة ألبانيا 421286.




#Article 10: الأمم المتحده (107 words)


 الأمم المتحده (UN) هيا منظمة دولية. إتعملت بعد الحرب العالمية التانية ب هدف صنع نسخة أقوىٰ من منظمة عصبة الاُمم (League of Nations), اللي كانت المفروض توقف الحروب من إنها تحصل. أغلب الاُمم أعضاء في الاُمم المتحدة, و بيبعتو ناس لل مقر عشان يعملو إجتماعات و يعملو قرارات على القضايا العاملية.

الأمم المتحده بتضم في عضويتها دول العالم المستقلة.

اتأسست منظمة الأمم المتحدة بتاريخ 24 أكتوبر 1945 في مدينة سان فرانسيسكو، كاليفورنيا.

المبنىٰ الرئيسي لل اُمم المتحدة موجود في مدينة نيو يۏرك في الولايات المتحدة الأمريكية.

هدف الاُمم المتحدة هو إنها تخلّي السلام العالمي, و تحسين الأوضاع المعيشية العالمية عامةً, عشان تخلّي العالم مكان أحسن لل معيشة.




#Article 11: امون (209 words)


امون (او ”آمين“;  Yamānu;    Ammon و   Hammon) هو اله مصري قديم و بقى فى وقت من الاوقات واحد من اهم الالهة فى مصر القديمة و لكنه مع مرور الزمان اتنسى و انتهت عبادته .

معنى كلمة امون فى اللغة المصرية القديمة هو المستخبّي.
الكتابة المصرية القديمة كانت بتسجل الحروف الساكنة بس وما كانت ش بتسجل الحروف المتحركة (زي العربى دلوقتي) و علشان كدة ف مش ممكن نعرف ب الضبط ازاي كا ن اسمه (أ- م- ن) بيتنطق، ممكن امون او امين و حتا يمكن يمانو. فيه علما بيعتقدوا ان لفظ ”امين“ اللى بيتقال فى صلوات اديان جاى من اسم امون.

امون كان بيتوصف فى فترات مختلفة بصفات كتيرة زي الخالق ، الملك ، اله الخصوبة و اله الشمس (امون-رع).

بتشترك الديانات الابراهيمية التلاتة (الاسلام و المسيحية و اليهودية) فى كلمة امين اللى دايما بتتقال فى اخر الصلوات و الدعاء. و فى بعض العلما اللى بيرجحوا ان الكلمة دي مشتقة من اسم الاله المصري القديم امون او امين. بيذكر تفسير الجلالين ان كلمة امين اللى ب تتقال فى نهاية سورة الفاتحة مش من القرآن: ”وآمين ليست من القرءان إجماعًا، ومعناها اللهمّ استجب.“

الأمونيا كلمة مشتقة من امون و دا علشان الرومان سموا الترسيبات الملحية اللى جمعوها من معبد فى ليبيا ( ملح امون) و هو معروف علميا باسم امونيوم كلورايد.




#Article 12: اسرائيل (409 words)


اسرائيل ( ישראל   Yisra'el) دوله بتطُل على البحر المتوسط وليها حدود مع سوريا و لبنان و الأُردن و مصر و كمان مع مناطق فيها عرب (غزه و الضفه الغربيه) و عدد سكانها حوالي 7 مليون اكترهم يهود و كمان فيها مسلمين و مسيحيين و دروز.
عاصمة اسرائيل هى تل ابيب حسب الأمم المتحده بس اسرائيل بتعتبر القدس عاصمتها
رئيس اسرائيل الحالى هو رؤوفين ريفلين بس السلطة الفعليه عند ريّس الوزرا, بنيامين نتانياهو زعيم حزب الليكود. فى نوفمبر 1947 اصدرت الأمم المتحده قرار بتقسيم المنطقه الجغرافيه اللى اسمها فلسطين مابين اليهود و العرب و إتأسست دولة اسرائيل الحديثه سنة 1948 يوم 14 مايو بعد ما أعلن ديفيد بن جوريون استقلالها فهاجمها العرب و مصر و قامت حرب و انتصرت اسرائيل على الجيوش العربيه و المصريه فى حرب 48. فى 1967 اتلقى العرب و مصر هزيمه كبيره تانيه و اخدت اسرائيل القدس الشرقيه و ضمتها لدولتها. اسرائيل بلد ديموقراطيه و الكنيست بتاعها هو عبارة عن برلمان بيضم 120 عضو بينتخبهم الشعب كل 4 سنين.

مناخ اسرائيل بحرمتوسطي و فى الشمال فيها جبال الجليل و فى الوسط سهول ساحلية و فى الجنوب صحرة النقب (نجڤ) و دي مناخها جاف و صحراوي.
عملة اسرائيل هى شيكل حاداش و هو كمان عملة الضفة الغربية و عملة الاحتياط هى الدولار الامريكي.

تل ابيب و عكا و حيفا و يافا على البحر المتوسط و مينا ايلات على البحر الاحمر من اشهر مدن اسرائيل. اسرائيل بتعتبر أكتر بلد متقدمه فى الشرق الأوسط و فيها مراكز بحوث علميه و جامعات على مستوى علمى عالى زى جامعة تل ابيب و الجامعه العبريه. فى العلم و المعرفه و الطب و الفروع العلميه التانيه اسرائيل بتتفوق على كل بلاد الشرق الأوسط. فوق كده نسبة الاميه فى اسرائيل منخفضه زى فى البلاد الغربيه المتقدمه ( 3% ).

مناخ اسرائيل بحرمتوسطى و فى الشمال فيها جبال الجليل و فى الوسط سهول ساحلية و فى الجنوب صحرة النقب (نجڤ) اللى مناخها جاف و صحراوى.
رجات الحرارة فى اسرائيل بتختلف ، و خصوصا خلال الشتا لما المناطق الجبلية بتكون برد و احيانا تلج و رياح.

اسرائيل فيها مراكز بحوث علميه و فيها تمان جامعات , منهم جامعات على مستوى علمى عالى زى جامعة تل ابيب و الجامعه العبريه اقدم جامعات اسرائيل اللى إتأسست سنة 1918 و ترتيبها ال 77 على مستوى العالم.

فى العلم و المعرفه و الطب و الفروع العلميه التانيه اسرائيل بتتفوق على كل بلاد الشرق الأوسط. فوق كده نسبة الاميه فى اسرائيل منخفضه زى فى البلاد الغربيه المتقدمه ( 3% ) على عكس المنطقه اللى حواليها اللى بتوصل فيها الاميه ل 60%.




#Article 13: اسكندريه (677 words)


اسكندريه ( بالانجليزى: Alexandria ،   ) هى مدينه مصريه على الساحل الجنوبى للبحر المتوسط و من العواصم القديمه لمصر. كانت عاصمة مصر قبل القاهره و مركز اشعاع ثقافى فى العصر البطلمى ، و دلوقتى تانى اكبر مدينه بعد العاصمه القاهرة و اكبر مدينة فى محافظة اسكندريه. عدد سكان اسكندرية 4،1 مليون نسمة و فيها اكبر مينا مصرى بيخدم حوالى 80 فى المية من كل واردات مصر وصادراتها. اسكندريه ليها مطارين دوليين  مطار النزهه  و  مطار برج العرب . اسكندرية هى كمان مدينه سياحيه بتمتد لحوالى 32 كم (20 ميل) على طول ساحل البحر المتوسط فى شمال مصر. و فيها مكتبة الاسكندريه (مكتبة الاسكندريه الجديده).

اسكندريه مركز صناعى مهم علشان خطوط أنابيب البترول و الغاز الطبيعى من السويس لاسكندريه. اسكندريه ليها وظيفة مهمة للتجارة بين اوروبا واسيا، لانها استفادت من سهولة الربط بين البر والبحر المتوسط والبحر الاحمر.

اتأسست اسكندرية على قريه مصريه صغيرة اسمها راكوتيس عن طريق الملك الاسكندر الاكبر المقدونى اللى خلاها عاصمة مصر فى 331 قبل الميلاد. فضلت اسكندرية عاصمة مصر حوالى الف سنه لحد 641 لما اتأسست الفسطاط.
فى الازمنه القديمه، كانت اسكندريه مدينه من اشهر مدن العالم. اسكندريه كانت معروفة بفنارها (عجيبه من عجايب الدنيا السبعه)، مكتبة اسكندريه (اكبر مكتبه فى العالم القديم) و سراديب الموتى (كتاكومبوس) من كوم الشقافة (واحده من سبع عجايب العصور الوسطى). و فى 1994 ابتدا الكشف عن تفاصيل أكتر عن راكوتيس قبل وصول الاسكندر، و اسكندريه ايام عصر البطالمه.

اسس اسكندرية الاسكندر الاكبر فى 332 قبل الميلاد علشان تكون نقطة اتصال بين اليونان و وادى النيل. المهندس الرئيسى للمشروع كان دنوقراطس دنيوقراط. قبل ما تتبنى اسكندريه كان فيه مكانها قرية صيادين اسمها راكوتيس. بعد ما الاسكندر خطط اسكندريه مشى من مصر على الشرق و مارجعش تاني مصر لانه مات فى ميسوبوتاميا لكن المرجح ان جثمانه اتنقل ليها فى عهد بطليموس الاول و اتدفن فى اسكندريه فى السوما فى عهد بطليموس التانى.

فى العصر البطلمى اتوسعت المدينه وفى فتره قصيره جداً بقت اكبر من قرطاج، وبقت أهم المدن اليونانيه فى مصر، و مركز الثقافه الهيلينستيه فى منطقة البحر المتوسط. اسكندريه كانت بتسرى عليها القوانين اليونانيه و كان عايش فيها مصريين كتير و ما كانتش مدينه مغلقه على المقدونيين وكان فيه جواز مختلط بين المصريين و اليونانيين. معظم المصريين الاسكندرانيه كانوا موظفين و اصحاب محلات و تجار و بياعين فى الاسواق. اهم مبانى اسكندريه اللى اتبنت فى عهد بطليموس الاول كان الموسيون او مدرسة الفلسفه اللى اتعرفت باسم مكتبة اسكندريه و حولت اسكندريه لأهم مركز ثقافى فى البحر المتوسط من غير منازع. مصر ادت اليونانيين حاجه مهمه جداً ما كانوش بيعرفوها او ما كانوش بيستخدموها و هى ورق البردى و ده ساهم فى حركة الرواج الثقافى و العلمى.

غزاها الرومان سنة 30 قبل الميلاد و العرب سنه 641 ، و فى العصور الوسطى و فى العصر المملوكى بالذات اسكندريه كانت مينا مصر الاول و اهم مدينه تجاريه فى مصر بتدر دخل كبير على خزانة الدوله و كانت بتتحكم فى حركة التجاره الاوروبيه-الشرقيه. فى سنة 1365 اتعرضت اسكندريه لهجمه صليبيه ضخمه قادها بيير دى لوزينان ملك قبرص (بطرس الاول) اتعرفت باسم  وقعة اسكندريه  كان ليها اثر كارثى على اقتصاد مصر و تجارة البحر المتوسط. فى سنة 1477 امر السلطان الأشرف قايتباى ببنا برج يحمى المدينه من هجمات الفرنجه على اساس فنار اسكندريه القديم فاتبنى برج اشتهر باسم  قلعة قايتباى  و بقى من معالم اسكندريه و رمز من رموزها.

استمرت اسكندريه تأدى دورها التجارى فى عهد محمد على باشا و بقت بوتقه بتجتمع فيها جنسيات مختلفه من منطقة البحر المتوسط و كان فيها جاليه جريجيه (يونانيه) كبيره انعكست ثقافتها على شكل اسكندريه وطباع الاسكندرانيه. من اشهر الجريج الاسكندرانيه الشاعر كونستانتين كافافيس و المغنى ديميس روسوس. اسكندريه كانت العاصمه  الصيفيه  للعيله المالكه و الحكومه المصريه اللى كانت بتتنقل اسكندريه فى الصيف. الاسره الملكيه كانت بتقضى الصيف فى قصر المنتزه. و اول مره العاب البحر المتوسط اتعملت كان فى اسكندريه سنة 1951 .بعد ثورة 23 يوليه استمر الاهتمام باسكندريه البلد اللى اتولد فيه جمال عبد الناصر و كان بيحصل احتفال كبير يوم 26 يوليه كل سنه بيعدى فيه جمال عبد الناصر وهو فى عربيه مكشوفه فى موكب كبير على كورنيش اسكندريه وسط هتافات و دعوات الجماهير المحتشده على الجانبين.

ليستة احياء اسكندريه

ونسيت كمان حي العجمي ياسطا

ماراثون الاسكندرية

كرم جابر المصارع الاوليمبى الذهبى




#Article 14: اعدام (435 words)


الاعدام هو عقوبة تنفذها دولة للمجرمين كعقوبه لهم على شيء يعتبر جريمه ارتكبوها. منذ زمن و الاعدام كان يمارس فى كل المجتمعات تقريبا اكي يعاقب المجرمين و المعارضين السياسيين او التنكيل و الانتقام و التخلص من المناؤين. من اشهر الجرايم اللى بتتعاقب فى وقتنا هذا بالاعدام هى القتل ( مع سبق الاصرار) و الجاسوسية و الخيانة العظمى و كمان فى دول بتطبق العقوبة دى على الجرايم الجنسيه زي الزنا و الاغتصاب و المثلية الجنسية (اللواط-السحاق).

فوق كده، فيه دول قليله بتنفذ العقوبة على اللى غيروا دينهم او اللى بيتسموا مرتدين ، او لتهريب المخدرات ، او للفساد (زى الصين). الاعدام اتلغى خالص من نظم العقوبات اللى بتتطبق فى دول الاتحاد الاوروبي، استراليا، نيوزيلاندا ، كندا، معظم دول امريكا اللاتينية و ولايات فى امريكا ، و الهند ، و اليابان ، و جمهورية جنوب افريقيا.

عقوبة الاعدام من اكثر الحاجات التى يختلف عليها الناس فى بعض المجتمعات. فأول حاجة تعريف  الجريمه  ليس واحد فى كل الدول فمثلاً هناك دول تعتبر الاتصال الجنسي دون زواج جريمة و تعدم المتهمين , لكن هناك دول اخرى ليس بجريمة. يعتبر بعض الناس أن عقوبة وحشية غير انسانية وليس لها اى مبرر و أن الخطأ فى تنفيذها غير ممكن اصلحه حيث أنه من الممكن أن يكون الشخص المعدم بريء، و غير ذلك فالاعدام يعتبر انتقام الدولة من مواطنين فتبقى مثلاً جريمة قتل ترتكبها الدولة مقابل جريمة قتل ارتكبها شخص. لكن من ناحيه اخرى،يقول بعض الناس أنه ضروري جداً لاستقرار المجتمع لأنه يردع المجرمين و يمنعهم من أن يرتكبوا جرائم مثل القتل او الأغتصاب, لأنه لو ألغيت عقوبة الاعدام فالمجتمع سيضطرب و تزيد الجرائم فيه، لكن المنتقدين يأكدون أن الاعدام لا يردع ويقلل من عدد الجرائم بدليل أن الجرائم التى تتعاقب بالاعدام موجودة فى الدول التى تنفذه فى المواطنين. اضافة الى ذلك, كثيراً ما نرى أناللى يطبق عليهم الاعدام يكونون من طبقات فى قاع المجتمع او عناصر عرقية منبوذة فى حين أن الأغنياء والمتهمين من الطبقات الاجتماعية العليا ينفذون من العقوبة عن طريق تجنيد أعداد كبيرة من المحامين للدفاع عنهم او دفعهم المال لأهل الضحيه ( فدية) وهذه قمة انعدام العدل وتفند عقوبة الاعدام.

فى يناير 2008 وصل عدد الدول اللى ألغت أحكام الاعدام ل 92 دولة و عدد الدول التى ما زالت تطبقه بانتظام هو 60 دولة و بقية دول العالم ما بين بينين يعني انه موجود فى قوانينها اكنها لا تطبقه او تطبقه ولكن فى حالات خاصة جداً او حسب مزاج الدولة. فى ابريل 2008 نشرت منظمة العفو الدولية ، و هى منظمه من أكتر المنظمات اللى تعارض الاعدام ، تقريراً قالت فيه ان اكثر ست دول فى العالم نفذت حكم الاعدام سنة 2007 هى:

الدول اللى تطبق الاعدام تختلف فى طريقة تطبيقه، من اكثر الطرق التى تستخدم الآن :




#Article 15: ايمانويل جال (216 words)


إيمانويل چال Emmanuel Jal مغني هيب هوب من جنوب السودان بيحكي فى اغانيه عن الحرب الاهلية فى السودان
وانه كان بيحارب وهو صغير.

ميعرفش هو اتولد امتى بس هو متأكد انه اتولد فى بداية التمانينات فى قرية اسمها تونچ فى جنوب السودان، والده انضم لجيش تحرير السودان، ولما كان عمره 7 سنين مامته ماتت، سنة 1987 لما كان عنده 6 او 7 سنين اتاخد من اهله عشان يحارب فى الحرب الاهلية اللى فى السودان وكان بيشيل سلاح AK-47 اللى كان اطول منه وفِضَل على كدة 5 سنين.

لما الحرب بقت صعبة إيمانويل هرب هو واطفال تانيين وسابوا الحرب ومشيوا 3 شهور لحد ما وصلوا لمدينة اسمها وات اللى كان فيها مجموعة انفصلت عن جيش التحرير، وهناك قابل إيما مكون مرات قائد جيش التحرير اللى اتبنته ورفضت انه ينضم للجيش وهرّبته لكينيا،وساعتها كان عنده 11 سنة، وهناك إيمانويل دخل المدرسة فى نيروبي، بعدها بكام شهر إما ماتت فى حادثة بس صحابها ساعدوا إيمانويل ان يكمّل دراسته.

وهو فى المدرسة فى كينيا ابتدى يغني عشان يهون على نفسه وينسى اللى شافه، وكان كمان بيعمل حاجات خاصة بالمجتمع زي انه كان بيجمع فلوس للاطفال الشوارع واللاجئين، وكان اللى حواليه بيشجعوه، إيمانويل دخل اكتر فى المزيكا وعمل مجموعات، واول اغنية عملها هى All We Need Is Jesus او كل اللى محتاجينه هو يسوع اللى اتعملت فى كينيا واتذاعت فى بريطانيا.




#Article 16: ايناس الدغيدى (194 words)


إيناس الدغيدي (10 مارس 1953) هى مخرجة مصرية وهي اول مخرجة مصرية ست اتخرجت من المعهد العالي للسينما 1975 وعملت اول فيلم ليها 1985 وكان اسمه عفوا ايها القانون من بطولة محمود عبد العزيز و نجلاء فتحى
وكان مثير للجدل مش للمشاهد الجنسية بس لكن بردو لموضوعه اللى كان بينتقد ان الراجل مبيتحاكم لو زنا فى القانون المصرى.

وايناس الدغيدي شخصية جريئة فى افلامها واراءها ودايما بتدافع عن حرية المرأة وحقوقها فى مصر
وفي الفترة الاخيرة قالت فى برنامج ضد التيار انها مع ان الممثلة تظهر نص عريانة او عريانة خالص فى الافلام لو الرقابة وافقت
وقالت كمان انها مش ضد ان الراجل والست يعيشوا مع بعض من غير جواز طالما قدروا يواجهوا الناس بده
وكمان انتقدت حجاب الممثلة الراحلة مديحه كامل وقالت انها كانت مكتئبة (مديحة) بعد ما اتحجبت
وكمان انتقدت حجاب حنان ترك وقالت ان الحجاب مش فريضة وحتى لو فريضة فهي مش مقتنعة بيه
وقالت الكلام دة بعد ما راحت تحج فى 2007

ايناس الدغيدي عملت 19 فيلم،  اختارتها سنة 2005 من اهم 43 شخصية بيعملوا تاثير فى العالم العربي

ايناس الدغيدي كانت بتقدم برنامج مع هالة سرحان على قناة روتانا سينما وبعدها خدت رئاسة القناة بعد ما هالة سرحان سابتها

 




#Article 17: اتش دبور (فيلم) (121 words)


اتش دبور ( H دبّور) فيلم مصري كوميدي انتاج 2008 بطولة احمد مكي و انجى وجدان ، حسن حسنى ، لطفى لبيب و هالة فاخر و اخراج احمد الجندي ومن انتاج الشركة العربية للانتاج والتوزيع السينمائي.

فيلم اتش دبور دة هوه تاسع فيلم فى تاريخ السينما المصرية اللى يحقق مليون جنيه فى اول يوم عرض.
 
الفيلم عن شخصية هيثم اللى اتشهر بيها احمد مكي بس مختلفة عن الشخصية اللى فى تامر وشوقية من ناحية تفاصيلها والشخصية الاقرب للي جت فى اتش دبور هى اللى جت فى فيلم مرجان احمد مرجان زي الاسم يعني مثلا فى تامر وشوقية اسم الشخصية هيثم مصطفى النزهي
لكن فى مرجان احمد مرجان اسمه هيثم دبّور بردو وبياخد مخدرات وعيلته غنية

الفيلم فيه موسيقة لعبة ماريو والمابتشو




#Article 18: احمد زويل (325 words)


الدكتور احمد حسن زويل (اتولد فى دمنهور، 26 فبراير 1946،مات فى 2 اغسطس 2016)، عالم مصرى امريكانى، فاز فى 1999 بجايزة نوبل فى الكيميا.

بعد ما خلص تعليمه الابتدائى و الاعدادى فى دمنهور عزل على دسوق مع اسرته و كمل هناك تعليمه الثانوى و فى سنة 1963 دخل كلية العلوم فى جامعة اسكندريه و عاش وقتها فى بيت خاله فى على ربيع حماد فى منشية افلاقه فى دمنهور و اخد بكالوريوس العلوم قسم كيميا سنة 1967 بدرجة امتياز مع مرتبة الشرف.

بعد ما اتخرج من كلية العلوم - جامعة اسكندرية فى مصر سنة 1967 حصل على شهادة الماجستير من جامعة اسكندريه و اشتغل كمتدرب فى شركة  شل  فى اسكندريه و بعدها سافر على امريكا عشان يكمل دراساته العليا واخد شهادة الدكتوراه سنة 1974 من جامعة بنسلفانيا وبعد شهادة الدكتوراه و انضم لفريق الابحاث فى جامعة بيركلى فى ولاية كاليفورنيا
.
و فى سنة 1976 اتعين استاذ مساعد فى الفيزيا الكيميائيه فى كلية كالتك و بدأ مشواره العلمى فى الدراسات و الابحاث. عينته مؤسسة كاليفورنيا للعلوم و التكنولوجيا استاذ اول للكيميا فى معهد لينوس بولينج و فى سنة 1999 اخد جايزة بنيامين فرانكلين على انجازاته و اسهاماته العلميه فى خدمة العلم باكتشافه لـ  ثانية الفيمتو  اللى هى اصغر وحده زمنيه فى الثانيه و اتعمل له احتفال كبير فى فيلادلفيا استلم فيها جايزته القيمه.

اخد الدكتور احمد زويل جوايز كتيره على انجازاته كان منها جايزه من معهد كاليفورنيا للتكنولوجيا فى باسادينا(1990) جايزة وولف (1992)، و جايزة هربرت برويا (1995)، و جايزة ليوناردو دافنشى للامتياز (1995)، و جايزة والش (1997)، و جايزة ألكسندر فون هامبولدت الامريكيه، و ميدالية الاكاديميه الهولنديه للعلوم و الفنون.

فى سنة 1999، و هو عنده 53 سنه، اخد جايزة نوبل فى الكيميا كتتويج عظيم لانجازاته العلميه الهايله اللى حققها فى فى دراسة وتصوير ذرات المواد المختلفه وقت تفاعلاتها الكيميائيه، فكان بكده اول مصرى ياخد جايزة نوبل فى المجال العلمى.

فى ابريل 2009 اختاره الرئيس الأمريكى باراك اوباما ضمن مجلس مستشارى العلوم والتكنولوجيا التابع للبيت الابيض و اللى بيضم 20 عالم مرموق فى مجالات مختلفه.




#Article 19: احمد مكى (177 words)


احمد مكى ممثل، ومخرج، وكاتب، ورابر مصرى من اصول جزائريه. اتولد فى 19 يونيه 1978، فى وهران، فى الجزاير. اول ظهور ليه كان فى فيلم ابن عز، وكان عامل فيه دور صاحب البطل، وكان دور صغير. بعد كدة اخرج فيلم الحاسة السابعة سنة 2005، وكان المفروض يبقى هو مخرج مسلسل تامر و شوقيه لكن على اخر وقت ملقوش اللى يعمل دور هيثم فعمل هو الجزئين. احمد مكي اشتغل فى فيلمين من انتاج شركة جود نيوز بعد كده وهمّا: مرجان احمد مرجان سنة 2007 وليلة البيبي دول انتاج 2008. اول فيلم من بطولته هو اتش دبور انتاج 2008، اللى ابتدى عرضه يوم 6 اغسطس بعد ما اتأجل كذا مره. قام ببطولة افلام زى: طير أنت اللى كتبه عمر طاهر سنة 2009، وفيلم لا تراجع ولا استسلام، واشتركت معاه فى البطولة دنيا سمير غانم، و الفيلمين نجحوا نجاح . وبعد كدة عمل فيلم اسمه سيما على بابا و اشتركت معاه في البطولة ايمي سمير غانم سنة 2010, (منجحش زى البقيين).. وعمل كمان مسلسل الكبير اوى واللى نجح نجاح جامد فى الجزئين.

(2012):اغنية قطر الحياة من ضمن البوم اصله عربى.




#Article 20: الارض (110 words)


الارض هي تالت كوكب في الترتيب من ناحية الشمس و هى المكان الوحيد - على حد علمنا - اللي فيه حياه و عايش عليها ملايين الانواع-من ضمنها الانسان. الارض اتكونت من حوالي 4.54 بليون (مليار) سنة و ابتدت الحياة عليها بعد كدا بمليار سنة ( من حوالي 3.5 مليار سنة).71% من سطح الارض متغطي بماية المحيطات المالحة و الباقي عبارة عن قارات و جزر.الارض بتدور حوالين الشمس مرة كل 365.26 يوم و بتدور حوالين نفسيها مرة كل 24 ساعة. القمر هو التابع الطبيعي الوحيد للأرض اللي بيدور حواليها من حوالي 4.53 بليون سنة و بيلف لفة كاملة حوالين الارض كل 27.3 يوم و هو المسئول الرئيسى عن المد و الجزر.




#Article 21: اريسطو (165 words)


اريسطو (384 ق م – 322 ق م) فيلسوف يوناني قديم اتعلّم على ايد افلاطون و كان الاستاذ بتاع الاسكندر الاكبر و بطليموس الاول .اريسطو كتب عن اشخاص كتيرة زي الفيزيا و و الميتافيزيا و الشعر والدراما و المزيكا و المنطق و السياسه و الحكومه و الاخلاق و البيولوچيا و الزوولوچيا(علم المعيز).
اريسطو زيه زي سوقراط و افلاطون بيعتبر واحد من مؤسسين الفلسفة الغربية.اراءه فى الفيزيا اثرت تاثير كبير على العلم فى العصور الوسطانية و تنتها مستمرة لحد عصور النهضة لما بدأت تفقد مكانتها لصالح الفيزيا الحديثة. بالنسبة للبيولوچيا، فكتير من الملاحظات اللى سجلها اتثبت صحتها و دقتها فى القرن التسعتاشر.اعماله كمان بتعتبر اول دراسة رسمية فى علم المنطق. كل مظاهر فلسفة اريسطو لسه بتتدرس لحد دلوقتي فى جامعات العالم كله. اريسطو كتب كتب كتير باسلوب راقي ( وصفها شيشرون الشاعر الروماني بانها زي نهر من الدهب)، بس اغلب كتبه بيعتقد العلما انها ضاعت و ماوصلناش منها غير التلت يادوب و ضاع التلتين. و اشهر واحد ترجم وشرح فلسفة و افكار ارسطو كان ابن رشد




#Article 22: اسامى الالهه (438 words)


الشعوب المختلفة بتسمي الالهه القوميه بتاعتها باسامي كتيرة بتختلف على حسب مفهوم الالوهيه عند الشعوب دى و كمان على حسب الاديان و على مر الزمان.

الوهيم او ايل او يهوه هو اسم الله عند اليهود.فى التوراة العبرية ب يظهر اسم الاله اليهودي فى تلات اشكال إلوهيم و إيل و يهوه و فى الاكتر ب يظهر على شكل اربع حروف عبرية ( ي \ هـ \ و \ هـ ) ب ترمز لاسم الاله المقدس و اللى من كتر احترام اليهود للاسم دا ما كانوش ب يستجرو ينطقوه و بس كانو يكتفو ب الاربع حروف دول ك رمز ليه.

الله او الرب او ربنا او( باسم الآب و الابن و الروح القدس اله واحد آمين ) هو الاسم اللى المسيحيين بيستعملوه. اما يهوه فهو الاسم اللى احيانا المسيحيين بيسمو بيه الاله فى العهد القديم على حسب ما بيذكر العهد القديم اللى هيا التوراه بتاعة اليهود.بس علشان التخوف اللى مذكور فوق حوالين نطق الاسم دا، ف اغلب المسيحيين بيفضلوا يستخدوا اسامي زي الرب او الاب او الاب السماوي او التالوت المقدس. .
يسوع اسم عبري معناه( يهوه المنقذ او المخلص) و المسيح كمان اسم عبري معناه الممسوح بالزيت المتقدس. المسيحيين فى المنطقه العربيه بيسموه الله.

الله هو اسم الاله الواحد الاحد فى اللغة العربية و على الرغم من انتشار الاسم مع انتشار الاسلام الا ان اسم الله كان معروف فى شبه الجزيرة العربية من قبل ظهور الاسلام ( اسم ابو نبي الاسلام هو عبد الله الذي مات قبل ولادة ابنه محمد و قبل ظهور الاسلام) و كذلك يستخدم المسيحيون واليهود العرب اسم الله فى الاشارة لآلهاتهم

شانج دي هو الاسم يتاع الاله الاعظم فى الصين القديمة و هو كمان الاسم اللى بيستعمله الصينيين المسيحيين دلوقتى فى التعبير عن الاههم و نفس الاسم بيستعمله المسيحيين الكوريين و الفيتناميين ل نفس الغرض ( معنى شانج دي الحرفي هو الملك اللى فوق).و بالاضافة لاسم شانج دي ف كمان فى اسامي تانية زي شين و زهوو و تيان.

نتيجة لكبر الهند فى المساحة و تعدد الالهة و الديانات ف من الصعب نحدد اسم واحد بس للاله الاعظم، البعض بيستعمل اسامي زي راما و احيانا كريشنا وباجافان و شيفاوشيامواشورا

فى الديانة السيخية الله فوق مستوى فهم البشر و ليه عدد مش محدود من الفضايل و علشان كدة ممكن يتسمى بعدد مالوش نهاية من الاسامي و كلها صحيحة. من اشهر الاسامي هى اكال بوركا يعني الكائن الازلي الابدي و ايك اونكار يعني الخالق الواحد و سانتام يعني الاسم الحق

البوذية كديانة ما بتعترفش باله واحد خالق للكون بس مؤسس الديانة بوذا بيحظى باحترام و تقديس كبير كـ انسان مش كـ اله

آتون هو اسم اول اله واحد احد فى مصر القديمة

اهورا مازدا هو اسم الاله الاعظم عند الزورادشتيين و معناه رب النور او رب الحكمة




#Article 23: اسبانيا (6562 words)


اسپانيا ( España;  ) او مملكة اسپانيا هى دوله أوروبيه بتطل على البحر المتوسط من ناحية الجنوب و المحيط الاطلنطى من ناحية الغرب. و ليها حدود مع فرنسا و اندورا و پورتوجال و المغرب.

اسپانيا دوله ملكيه دستوريه و ديموقراطيه برلمانيه و عضو فى الاتحاد الاوروبى من سنة 1986 و عضو فى الناتو من سنة 1982. اسبانيا دولة متقدمة و اقتصادها الاتناشر بين اكبر اقتصادات دول العالم و الخامس فى الاتحاد الاوروبى و سنة 2005 كان مؤشر نوعية الحياه فيها عاشر اعلى تصنيف فى العالم.

عاصمة اسپانيا هى مدريد اللى هى كمان اكبر مدنها, و الاسپانى او الكاستييانو هى اللغه الرسمى للدوله حسب الدستور الاسپانى بس فيه لغات تانية بتعترف بيها الدولة زى الباسكى و الجاليسى و الكاتالانى. سنة 2006 89% من الاسپان اعتبرو الكاستييانو لغتهم الام.

عدد سكان اسپانيا 46951532 انسان كان حسب تعداد سنة 2010, و مساحتها 504،030 كيلو متر مربع و بكدا بتكون تانى اكبر دولة فى غرب اوروبا بعد فرنسا حسب المساحة،و رابع اكبر بلد فى قارة اوروبا بعد روسيا, و اوكرانيا, و فرنسا, متوسط ارتفاع اراضى اسپانيا 650 متر فوق مستوى سطح البحر ده خللاها خامس اكبر بلد جبلى فى أوروبا بعد سويسرا, النمسا, أندورا و ليختنشتاين.

اراضى اسبانيا بتضم معظم شبه الجزيرة الايبيرية و ارخبيل جزر البليار فى غرب البحر المتوسط, و ارخبيل جزر الكنارى فى شمال شرق المحيط الاطلنطى و كمان فى شمال افريقيا, زى اماكن سيادة الحكم الذاتى فى ثيويتا و ميلييا, و أصغر المناطق جزر تشافاريناس , صخرة فيليز ديجوميرا وصخرة الحسيمة. اسبانيا بتشارك فرنسا فى السياده على جزيرة الفزان فى مصب نهر بيداسا و خمس فيساريات فى البيرينيه.

أراضى اسبانيا طول تاريخها اتعرضت لمؤثرات خارجيه كتير بسبب مكانهاو كتير من التأثير ده كان بيحصل فى وقت واحد من عصور ما قبل التاريخ و بدايات اسپانيا كبلد . و بالعكس البلد فى حد ذاته كان مصدر مهم للتأثير فى مناطق تانيه و على راسها خلال العصر الحديث لما بقت امبراطورية عالمية و سابت أكتر من 400 مليون واحد بيتكلمو اسبانى دلوقتى و ده خللا الاسبانى تانى اكبر لغه ام حسب عدد اللى بيتكلموها.

المادة الرئيسية: جغرافية اسبانيا

مساحة اسبانيا 195884 ميل مربع (504782 كيلومتر مربع), و حسب المساحه اسبانيا هى البلد رقم 51 اكبر بلد فى العالم أصغر بحوالى 47000 كيلومتر مربع من فرنسا, و اكبر بحوالى 81000 كيلومتر مربع من ولاية كاليفورنيا الامريكانيه.

اسبانيا ليها حدود من الغرب مع البرتغال, و من الجنوب مع حدود جبل طارق (اقليم ما وراء البحار بريطانى) و مع المغرب من خلال مدن فى شمال افريقيا (ثيويتا و ميلييا). من الشمال و شمال غرب خليج بسكاى و بحر بسكاى. شمال شرق البلاد, على طول سلسلة جبال البيرينيه, فرنسا و حدود مع الدوله الصغيره امارة اندورا. اسبانيا تشمل جزر البليار فى البحر المتوسط, وجزر الكناری و عدد من الجزر مش مأهولة جنب مضيق جبل طارق من البحر المتوسط.

بسبب الوضع الجغرافی لاسبانيا الظروف المناخية متنوعة, و ممكن تقسيمها عموما لأربع مناطق هی:

معظم المطر فى اسبانيا بينزل على الجبال الشماليه.

اسم اسبانيا مستمد من الكلمة الاسپانى اسپانيا , الاسم المعين اللى استعمله الرومان لوصف شبه الجزيرة الايبيرية جغرافيا, و هو كمان مصطلح مشتق من اسم ايبيريا. فيه نظريات كتيره عن حقيقة اصل اسم اسبانيا, وبعضها محل خلاف.

اسپانيا Hispania جاى من الفينيقى i-spn-ya, اللى مدة استخدامها متوثقه من الالف التانيه قبل الميلاد من النقوش الأجاريتيكية. الفينيقيين كانوا اول حضارة تيجى لشبه الجزيرة الايبيرية لتوسيع التجارة بينهم, و اسسو, من بين حاجات تانيه, مدينة كاديذ حوالى سنة 1100 قبل الميلاد, اقدم مدينه فيها سكان لحد دلوقتى فى أوروبا الغربية.

الفينيقيين سمو شبه جزيرة ايبيريا אי שפנים ʾÎ-šəpānîm isle of hyraxes بمعنى ارض الارانب لانهم لقو ارانب بريه كتيره و افتكروها زى الارانب اللى فى شمال افريقيا. أخد الرومان الاسم بمعنى الساحل٬ الجزيرة ٬ الارض٬ او المنطقة. وبكده أخدو اسم اسبانيا بمعنى منطقة غنية بالأرانب البرية . بعض العملات فى وقت هادريان بتجسد اسپانيا على شكل ست قاعده و فيه أرنب جنب رجليها.ايزيدورو السيڤييانى افترض ان اصل الاسم جاى من الكلمه الايبيرى Ispani اسم سيڤييا و حرًف الرومان اسم المدينة و سموها ايسباليس 

بخلاف الاصل الفينيقى للمصطلح, انطونيو دى نابريخا بيتفق مع ايزيدورو السيڤييانى ان ممكن يكون اسم اسبانيا ابتدا من تحريف الكلمة الايبيرى Hispalis بمعنى مدينة الغرب اللى كان اسم سيڤييا, و المدينة سماها الرومان ايسباليس  و بعدين الفينيقيين و الرومان سمو كل شبه الجزيره على اسم المدينه.

كانديدو ماريااتريجيروس اقترح نظريه تالته عن اصل المصطلح الفينيقى فى الاكاديمية الملكية للفنون فى بارسلونا سنة 1767 بتقول منشأ مختلف من الناحية النظريه على اساس ان الابجدية الفينيقى (زى العبرى) مافيش فيها حروف عله يعنى SPHAN (spn بالعبرى و الأرامى) الفينيقية الشمال, التسمية اللى استعملها الفينيقيين للوصول لشبه الجزيرة الايبيرية على طول الساحل الأفريقى, عن طريق الطريق الشمالى و بكده تكون اسپانيا Hispania ارض الشمال.

نظريه رابعه ان فى اللغة الفينيقية (2000) بتقول ان, جدور المصطلح معناه تشكيل المعادن. و بكده تكون اسپانيا Hispania ارض المعادن المتشكله.

نظريه غيرها بتقول Hispania Hispalis جاية من اسماء أسطورية لاتنين من ملوك اسبانيا ايسبالو  و ابنه ايسبانو او ايسبان اللى كانو على التوالى ابن و حفيد هرقل.

كلمة ايسپانيا مستخدمة من الفترة الڤيثجوثيه و لحد دلوقتى من الناحية الجغرافية, و اخدت شكل سياسى زى استخدام عبارة Laus Hispaniae لوصف تاريخ شعوب شبه الجزيره فى مذكرات ايزيدورو السيڤييانى. و ممكن تكون كلمة ايسپانيول بمعنى اسپانى اتطورت من اللغات الرومانسية البروڤانسيه لأن (ول) مش من سمات اللغات الرومانسية المستخدمة فى شبه الجزيرة قبل القرن التاسع. بكده يكون تم استيرادها مع تطور ظاهرة الحج فى العصور الوسطى لزيارة سانتياجو دى كومبوستيلا; لأن كتير من الزوار كانو فرنكيين.

المادة الرئيسية: تاريخ اسبانيا

من أزمنة قبل التاريخ اتعرضت اسبانيا بسبب موقعها لكتير من المؤثرات الخارجية فى كتير من الاحيان فى وقت واحد. فى أوقات معينة, اسبانيا نفسها كانت مصدر مهم للتأثير على مناطق تانيه.

البحث الأثرى فى اتتابويركا  يدل على ان شبه الجزيرة الايبيرية كان فيها سكان شبه الانسان من حوالى 1.2 مليون سنة. البشر الحديثه فى شكل الكرو-موجنونس  جت شبه الجزيرة الايبيرية من خلال البرانس من حوالى 35،000 سنه. وأشهر الاعمال الفنية من عصر ما قبل التاريخ والمستوطنات البشرية هى لوحات مشهوره فى مغارة التاميرا كانتابريا فى شمال اسبانيا اللى أنشئت حوالى سنة 15،000 قبل الميلاد. الأدلة الاثرية والجينية تشير بقوة لان شبه الجزيرة الايبيرية واحده من تلات مناطق انتشر منها سكان شمال أوروبا بعد نهاية اخر عصر جليدى

تاريخيا شعوب شبه الجزيرة الرئيسيين كانو الأيبيريين و الكيلت. السيلت عاشو جنب المحيط الاطلنطى فى شمال و شمال غرب شبه الجزيره. الأيبيريين هم اول الشعوب اللى عاشو فى شبه الجزيرة الأيبيرية جنب البحر المتوسط فى الشمال الشرقى الجنوب الغربى و هى المنطقة اللى دلوقتى نافارا, و المناطق الشمالية الغربية من اراجون شمال شرق و وسط لاريوخا. فى وسط ايبيريا حصل امتزاج بين الشعبين و نتج عن ده شعب مجتمعات السلتابريين. الشعوب التانيه اللى عاشو فى ايبيريا منهم شعب بلاد الباسك فى المنطقة غرب لجبال البيرينيه و دول هم اللى سماهم الرومان ڤاسكون ومن المرجح أن تكون الڤاسكون أجداد شعب الباسك. و شعب التوردانوس , اللى عاشو فى أراضى مملكة تارتيسوس  القديمة مع جماعات عرقية تانيه على طول المناطق الساحلية الجنوبية اللى دلوقتى اندلسيا.

الفينيقيين و اليونانيين عاشو فى شبه الجزيرة الأيبيرية, لكن كان اتصالهم محدود مع الڤاسكون. الأيبيريين كان ليهم سمات ثقافية محددة حسب المعايير الاثنوجرافية واللغوية. الكتابات عن الأيبيريين بتوفر بيانات متناقضة فى كتير من الاحيان. بين سنة 1200 قبل الميلاد و 800 قبل الميلاد فى عصر الحديد اتبلورت فى الشمال الغربى مجتمعات السلتابريين اللى هم شعوب سلتيك شبه الجزيرة الايبيرية و يبدو ان اللى كانو عايشين فى الجبال كان سماهم الرومان بالحروف اللاتينى ڤاسكون.

حوالى 1100 قبل الميلاد وصل الفينيقيين لشبه الجزيرة على اسس سلمية،بعد حرب طرواده بـ 80 سنه, Gades الرومانية دلوقتى كاديذ اتأسست فى 1104 قبل الميلاد. ازدهار تجارة الذهب والفضة بين شعب التوردانوس و الفينيقيين و اليونانيين موثق فى تاريخ سترابون و فى الكتاب المقدس فى الاسفار اللى كتبها الملك سليمان.

بين سنة 500 قبل الميلاد و 300 قبل الميلاد أسس اليونانيين مستعمرات على ساحل البحر المتوسط من ايبيريا و هو الاسم الللى بقى اسم شبه الجزيرة.و بين الحروب البونية الأولانية و التانية بين روما و قرطاج غزا القرطاجانيين شبه الجزيرة أهم المستعمرات كانت على جزيرة ايبيزا و فى كارتاخينا وهو اسم يشير لقرطاج الجديدة وغيرها من المدن الفينيقية فى البداية زى كاديذ و مالاجا.

بين الحرب البونيه الاولانيه و الحرب البونيه التانيه بين روما و قرطاج غزا القرطاجيين ايبيريا القرطاجيين لفترة صغيره و سيطرو على جزء كبير من ساحل البحر المتوسط و أهم مستعمراتهم فى ايبيريا كانت فى جزيرة ايبيزا و كارتاخينا و اسم كارتاخينا معناه قرطاج الجديده,
ايام الحرب البونيقيه التاني، من حوالى 210 قبل الميلاد لسنة 205 قبل الميلاد هزم الرومان القرطاجانيين.الامبراطورية الرومانية سيطرت على المستوطنات القرطاجية التجارية على طول ساحل البحر المتوسط ما بين 210-205 قبل الميلاد. الرومان احتاجو فترة طويلة عشان استكمال الاستيلاء على شبه الجزيرة الأيبيرية، رغم انهم سيطرو على أغلبها لأكتر من 600 سنه. الحكم الروماني دخل المنطقة القانون واللغة والطرق.

الاستعمار الرومانى لشبه الجزيرة الايبيرية اخد حوالى 500 سنة من الحرب البونية التانية و خلال فترة الحكم الرومانى قسم الرومان شمال الاقليم لتلات محافظات . و شبه الجزيرة الايبيرية كانت منطقة من الامبراطورية الرومانية معروفة باسم هسبانيا.

استمر الحكم الرومانى حوالى 500 سنة و فى اول احتلال الرومان اتعاملو مع حصار طويل استمر حوالى 30 سنة لنومانسيا المدينه السلتابريه على ضفاف نهر دويرو جنب صوريا دلوقتى.

شعب هسبانيا استوعب ثقافة الامبراطورية الرومانية و لغتها وقوانينها و كسب شعب اسبانيا أهمية فى حدود الامبراطورية و انضم القادة المحليين للطبقة الأرستقراطية الرومانية  لدرجة ان تلات اباطرة رومان مهمين ; تراجان, و هادريان و ثيودوسيوس اتولدو على شبه الجزيرة بالاضافة للفيلسوف سينيكا لوسيوس اننيو وغيرهم من الشخصيات البارزة. اسبانيا كانت منتج الحبوب للسوق الرومانية, والموانئ تصدير الدهب, والصوف, و زيت الزيتون, و النبيت. استحداث مشاريع الرى زاد الانتاج الزراعى ولسه بعض مشاريع الرى مستخدمه لحد دلوقتى. المسيحية دخلت هسبانيا فى القرن الاول م و بقت ديانه شعبية فى المدن فى القرن التانى المیلادی. معظم لغات و دين و قوانين اسبانيا دلوقتى ابتدت من الفترة دى. هيسبانيا كانت مصدر الحبوب للسوق الرومانى، و صدرت موانيها الدهب و الصوف و زيت الزيتون و النبيت.

حكم الامبراطورية الرومانية الغربية في هسبانيا ابتدا يضعف من سنة 409م. بعد الغزوات من السويڤيس و الڤاندال الجرمان و الالانس خلال القرن الخامس الميلادى, ماقدرتش الامبراطورية الرومانية تدافع عن اراضيها فى شبه الجزيرة الايبيرية, وبالتالى سيطر عليها الجوث الغربيين.

فى سنة 409, اجتاح السويڤيس و الڤاندال الجرمان و الالانس شبه جزيرة ايبريا. وبعد سنين قليلة فى سنة 416 دخل اسبانيا حلفاء روما الجوث الغربيين وطردو الڤاندال الجرمان و الالانس من شبه الجزيرة, و استحوذو على اراضى السويڤيس فى جاليثيا.

أول فكرة اسپانيا كبلد موحد ابتدت على ايد ملوك الجوث الغربيين اللى اتطلعو لوحدة أراضى كل اسبانيا وحققو ده مع الهزايم المتتالية للسويڤيس و الڤاسكوس والبيزنطيين. الوحدة الدينية جت بعد الصلح بين الكاثوليك و الأريوسيين و مجالس الجوث الغربيين (الڤييثجوث) الكنسية و هى المجامع اللى جمعت الملك و الأساقفة فى المملكة للنظر فى المشاكل اللى ليها طابع سياسى دينى علشان يحطو قوانين موجهة للبلد كلها. ايزيدورو السيڤييانى بيقول ان سوينتيلا (588–633/635) كان أول ملك لمملكة اسبانيا فى كل ايبيريا من سنة 621 لسنة 631.

سنة 689 غزا العرب معظم شمال غرب افريقيا. و بعد انتصار العرب ضد الجرمانيين فى معركة جواداليتى فى يوليه 711 م ابتدا المسلمين غزو شبه الجزيرة الايبيرية و عملو امارة او مقاطعة من الامبراطورية العربية سموها الاندلس و عاصمتها كانت فى كوردوبا. بسبب التقدم السريع للمسلمين سيطرو على توليدو أول عاصمة للجوث الغربيين فى 712. و بعد كده اتقدم المسلمين لشمال ايبيريا و كل المدن اما غزاها المسلمين أو استسلمت ليهم. فى 716 سيطر المسلمين على شبه الجزيرة, لكن سيطرتهم على الشمال كانت اسمية مش عسكرية لان عدد من المناطق فى شمال شبه الجزيرة الايبيرية بقيادة بلايو نجح فى مقاومة الغزو الأولى. و قاوم بعض الڤييثجوث سنين لحد 719 و بعد كده جهودهم راحت للجنب الغربى من جبال البيرينيه اراضى المملكه الكارولينجيه و كان فيه انتفاضات فى المنطقة الخاضعة لسيطرة قليلة فى الشمال الغربى من شبه الجزيرة.

بعد سقوط مملكة الجوث الغربيين, سيطر الجوث الغربيين على سلسلة جبال سانتاندير و أستورياس و كانتابريا و الباسك و علشان حجم المناطق دى صغير ما جاش عليهم ضغوط كتير من السلطه الاسلاميه اللى حلت محل سلطة المملكة الجوثية فى ايبيريا. كتير من الجوث وأمراء الاسبان بقو مسلمين علشان يحافظو على مناصبهم و سلطتهم.

سنة 718 اتمرد فى استورياس نبيل اسمه بلايو  ضد المسلمين لكن فشلت الثورة. فى سنة 722 حاول بلايو مرة تانيه و هزم بلايو و مجموعة من الاستوريانيين من بينهم بعض نبلاء الڤيثجوث, المسلمين فى معركة كوڤاجوندا و أسس بلايو مملكة أستورياس و دى كانت بداية الفترة المعروفة باسم الاسترداد علشان استعادة السلطة المسيحية فى شبه الجزيرة الايبيرية. مملكة أستورياس حكمت استورياس و كانتابريا و ناڤارا و شمال اراجون.

فى الجزء الشمالى الشرقى من شبه الجزيرة الڤييثجوث اللى كانوا هربو على مملكة الفرانكيين طلبو مساعدة من الفرانكيين. ده شجع شارلمان يعمل سلسلة من الحملات العسكرية علشان اقامة منطقه معروفه باسم ماركا هيسبانيكا, و اتشكلت ماركا هيسبانيكا فى أوائل القرن التاسع علشان تمنع تغلغل المسلمين فى مملكة الفرانكيين.
و تقسيم الأراضى لماركيزات هو الأسلوب اللى اتقسمت بيه الأراضى الفرنكية فى بلاد كتير, علشان امراء الاقطاعيات اللى من أصل فرنكى أو جوثى كانو بييمثلو ملك الفرانكس.

تحت حكم الاسلام, كان المسيحيين و اليهود معترف بيهم على انهم أهل الكتاب, و كان ليهم حرية ممارسة شعائرهم الدينية, لكن واجهو عدد من ممارسات التمييز والعقوبات الالزامية لانهم ذميين. التحول لاعتناق الاسلام زاد و بعد التحول فى القرن العاشر و فى القرن الحداشر يمكن كان عدد المسلمين يفوق عدد المسيحيين فى بقية المناطق اللى كانت لسه خاضعة لسيطرة المسلمين. المولاديين (المسلمين من اصل عرقى ايبيرى) كانو غالبية سكان الاندلس قبل نهاية القرن العاشر.

فى القرنين التامن و التاسع كبرت قوة المسلمين فى شبه الجزيرة على الرغم من المعارضة من مراكز المسيحية فى الشمال. فى أواخر القرن التامن هرب عبد الرحمن الاول الأموى من سوريا للأندلس وده فى الحياة السياسية وصل لاستقلال امارة الخلافه فى ايبيريا تحت زعامة الأمويين عن الخلافه العباسيه ف دمشق و بغداد .

الجالية المسلمة فى شبه جزيرة ايبريا كانت هى نفسها متنوعة و عانت من توترات اجتماعية. البربر سكان شمال افريقيا, اللى قدمو الجزء الاكبر من الجيوش الغازية اشتبكو مع القيادات العربية من الشرق الأوسط. و مع مرور الوقت, كبر ترسخ السكان المغاربه, و خصوصا فى وادى نهر جوادالكيڤير و السهل الساحلى من فالنسيا, وقرب نهاية الفترة فى المنطقة الجبلية من جرانادا.

جرانادا عاصمة الخلافة; كانت اكبر و أغنى مدينة و أكترها تطور فى العصور الوسطى فى أوروبا الغربية, وازدهرت التجارة و التبادل الثقافى فى منطقة البحر المتوسط.استورد المسلمين تقاليد فكرية مهمه من الشرق الأوسط و شمال أفريقيا. وكان لعلماء المسلمين واليهود دورا مهم فى تنشيط وتوسيع الفلسفه الكلاسيكية اليونانية اللى كانت بتتعلم فى أوروبا الغربية.

فی القرن العاشر فی عهد عبد الرحمن التالت بقت الأندلس خلافة مستقلة عن دمشق من الناحیه الدينية والحكم الذاتى و مش بس ف السياسة.الوقت ده كان فیه حيويه ثقافيه, و حصلت ابتكارات فى مجالات العلوم والفنون والآداب, مع اهتمام خاص مكرس لتطوير المدن. و كانت المدن الكبيره هی فالنسيا و ساراجوسا و توليدو و سیڤییا و كوردوبااللی خلال القرن العاشر, مع حكم الحاكم التانى بقت اكبر مدينة فى أوروبا الغربية و اكبر مركز ثقافى و عدد سكانها كان حوالی 500,000. رغم ده ضعف بلاد المسلمين ابتدا فی القرن الحداشر, لما زاد التنافس بين الأسر الحاكمة وانهارت الخلافة الاسلامية,و حل مكانها خليط من الممالك الصغيرة كل واحده كان اسمها طایفه من العربی طابفه.

من ناحية تانية بالقرب من جبال البيرينيه كان فیه اتنين من الممالك المسيحية: مملكة ناڤارا و مملكة اراجون. كمان اتوسعت الممالك المسيحية فى شبه الجزيرة, اللى كانت لحد الوقت دهه مملكة أستورياس, و عاصمتها اوڤييدو لكن من عهد الفونسو التانی العفيف اتحولت لمملكة ليون فى 910. مدينة ليون كانت أندمجت فی مملكة أستورياس فى نص القرن التاسع من خلال اوردانیو الاول فى 856. بعد موت الفونسو التالت ملك ليون سنة 910 فى زامورا انقسمت مملكته بين ولاده التلاته جارسيا بقى ملك ليون لكن مات بعد فترة وجيزة سنة 914 بدون وريث و اوردانیو التانى, بقى ملك جاليسيا من 910 و ليون بعد وفاة جارسيا, أصغر ولاده فريويلا بقى ملك أستورياس, بعد موت اوردانیو التانى ولاده كانو لسه صغيرين علشان كده اتوحدت المملكه مره تانيه تحت حكم فريويلا, بعد موت فريويلا خلفه ابن اوردانیو الفونسو الرابع.

فی القرن الحداشر اتراجعت أراضى المسلمين لما ابتدت الصراعات بين مختلف العائلات المالكة و الخلافة الاسلامية فتتت الأراضى بين ممالك صغيرة و اتسما ملوك الممالك دى ملوك الطوايف.منافسة ممالك الطوایف ادت للدول المسيحيه الصغيره الفرصة انها توسع أراضيها لحد كبير وتعزز مواقعها. وصول حكام شمال افريقيا المسلمین من المرابطين و الموحدين ساعد فى استعادة وحدة المسلمين لكن زود صرامة الحكم و قلل التسامح الدينى الموجود فى اسبانيا من قرون و الحريه , فی النهاية رغم تحقيق بعض النجاح فی غزو الشمال, ماقدرتش الطوایف تقاوم زيادة القوة العسكرية للدول المسيحية.

سيطرت القوى المسيحية بقيادة ملك كاستيا الفونسو السادس على مملكة الطايفه فى توليدو فى 1085 و سيطرت على مدريد بدون مقاومة, و يمكن من خلال الاستسلام. لحد كبير كملت الممالك المسيحية استعادة النص الشمالى من اسبانيافی القرن الحداشر.

حكم الفونسو السابع كاستيا و ليون و و كانت مراته هى بيرينجيلا برسلونه من عيلة برسلونه و قسم مملكته بعد وفاته. ابنه فرناندو التانى (1137 - 22 يناير 1188) استلم ملك ليون من 1157 لحد وفاته 1188, و باستلام فرنانددو عرش ليون استلم اخوه سانشو التالت عرش كاستییا.

مستقبل الممالك المسيحية فى البر الرئيسى كان من خلال انشاء أربع وحدات : تاج كاستییا, و هو مفهوم معناه وجود ملك واحد على مجموعة متنوعة من الممالك والاراضى (ليون و كاستییا نفسها و جاليسيا وغيرها), و التانیه تاج أراجون تم تشكيله من خلال اتحاد الأسر الحاكمة مملكة أراجون و مقاطعة بارسلونا فی سنة 1137, و التالته مملكة نافار, و الرابعه مملكة البرتغال.

فى القرن التلاتاشر, تاج كاستییا بقى أقوى تاج من أصل اسبانى, مد ملك كاستییا سلطته لجنوب شبه الجزيرة, و اضاف خايمى الاولانى ملك أراجون ممالك فالنسيا, و مايوركا و مملكة مورسيا, و بعد كده كمان سردينيا و صقلية و مناطق من شرق البحر المتوسط.

استرد المسيحيین المدن الكبيرة فی جنوب اسبانيا فی القرن التلاتاشر; كوردوبا سنة 1236 و سيڤییا سنة 1248 و فضل حكم المسلمين فى جرانادا باعتبارها دولة فی الجنوب.

مع صعود فرناندو الكاتوليكى للعرش خفت حدة التوترات الاجتماعية بعد اصدار فرناندو قرار التحكيم حكم جوادالوبى فى 21 ابريل 1486 اللى انهى الصراع بين الأمراء والفلاحين والمزارعين ومربى الماشية فى مملكة أراجون بعد ضغوط من الحرب الأهلية امارة كتالونيا (1462- 1472) لانهاء الاضطرابات الكاتالوينية فى المناطق الريفية. تم قبوله من جانب المزارعين و الأمرا, و حط حد للاقطاعية فى امتلاك الأرض و سوء المعاملة.

فى نهاية العصور الوسطى; وحد الملوك الكاتوليك (الملكة ايزابيل ملكة كاستيا والملك فرناندو التانى ملك أراجون) مملكة كاستيا, و عاصمتها فى توليدو, و تاج أراجون, و عاصمته فى ساراجوسا, فى مملكة اسبانيا. سنة 1478 ابتدت المرحلة النهائية من غزو جزر الكنارى . جيوش الملوك الكاتوليك غلبت المسلمين فى مملكة جرانادا سنة 1492 نفس السنه اللى فيها بتمويل من الملوك الكاتوليك وصل كريستوفر كولومبوس وصل العالم الجديد .

رغم ان حفيد الملوك الكاتوليك كارلوس الاول (المعروف كمان باسم تشارلز الخامس, امبراطور الرومانية المقدسة) كان بيفضل سيڤييا, كان اللى نقل الحكم لمدريد هو فيليبى التانى (1527-1598) ابن كارلوس الاول فى 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسبانيا،و كانت مدريد مسيطرة على سيڤييا.

اتوحدت اسبانيا مع البرتغال من سنة 1580, لما فيليبى التانى اللعرش, و للمرة الاخيرة تحت قيادة واحدة فى كل أنحاء شبه الجزيرة الايبيرية.انتهى الاتحاد ده سنة 1640 بعد موت فيليبى الرابع.

توحيد الممالك حط اساس اسپانيا الحديثة و الامبراطورية الاسپانية. كانت اسبانيا القوة الرائدة فى أوروبا فى القرون الستاشر و السبعتاشر و عزز موقف التجارة الثروة من الاستعمار. الامبراطورية الأسبانية وصلت قمتها خلال عهد اول ملكين من عيلة هابسبورج; كارلوس الاول (1516-1556) وفيليبى الثانى (1556-1598). و كان فى الفترة دى كمان الحروب الايطالية و تمرد الكوميرونوس, الهولندى لثورة, و ثورة الموريسكو, و المواجهات مع العثمانيين, والحرب بين انجلترا واسبانيا و الحروب مع فرنسا.

الامبراطورية الاسپانية اتوسعت و ضمت معظم امريكا الجنوبية و الوسطى, والمكسيك, والأجزاء الجنوبية و الغربية من الولايات المتحدة دلوقتى, و الفلبين, و جوام و جزر ماريانا فى شرق اسيا, و اجزاء من شمال ايطاليا, و جنوب ايطاليا و صقلية, المدن فى شمال افريقيا, و اجزاء من فرنسا و المانيا دلوقتى, و بلجيكا, لوكسمبورج, و نيذارلاندا. و كانت اول امبراطورية يتقال ان الشمس مش بتغرب عنها أبدا.
ده كان هو عصر الاستكشاف, مع جرأة الاستكشافات فى البحر و البر, والانفتاح الجديد لطرق التجارة عبر المحيطات, و الفتوحات, وبدايات الاستعمار الأوروبى.

فى القرون الستاشر و السبعتاشر, كانت اسبانيا فى مواجهة تحديات من كل الجوانب. القراصنة البربر تحت رعاية التزايد السريع فى الامبراطورية العثمانية سببو تعطيل الحياة فى كتير من المناطق الساحلية بسبب خطف السكان علشان تجار العبيد و تجدد الغارات و تهديد الغزو الاسلامى. و فى الوقت ده كانت اسبانيا فى كتير من الاحيان فى حالة حرب مع فرنسا فى ايطاليا و اماكن تانيه. و بعدين التعديل البروتستانتى سبب انقسام الكنيسة الكاثوليكية.

طلعت الأرمادا الاسبانية من لشبونه فى مايو 1588, و فى يوليه واجهت الاسطول الانجليزى و قامت معركه بين الاسطولين فى القنال الانجليزى يوم 8 اغسطس 1588. اتلقى اسطول الارمادا خساير كبيره و هرب على الشمال بمساعدة الريح و لف حوالين بريطانيا و ايرلندا و ما رجعش اسبانيا غير نصه.

استمرت المملكة أكتر من أى وقت قبل كده فى مستنقع الحروب و كانت النتيجة اجبار المملكة على توسيع الجهود العسكرية فى أوروبا و البحر المتوسط. زيادة قوة فكرة الانسانية و التعديل البروتستانتى و الاكتشافات الجغرافية الجديدة و القضايا ناقشتها حركة فكرية معروفة باسم مدرسة سالامانكا.

لما اخر ملوك سلالة عيلة هابسبورج, كارلوس التانى مات بدون مايكون له اولاد و ورث الحكم لفيليبى دى بوربون, حفيد اخته ماريا تيريسا من اسبانيا و حفيد لويس الاربعتاشر ملك فرنسا خلفه على العرش باسم فيليبى الخامس ملك اسپانيا،و فيليبى الخامس ملك اسپانيا كان اول حاكم من بوربون لاسبانيا ما بين (1700 و 9 يوليو 1746). (اتولد 1683). حكم سنين قليلة و ابتدت حرب الوراثة الاسبانية بسبب ان امبراطور الامبراطورية الرومانية المقدسة ليوبولد الاول طالب بأنه الأحق بعرش اسپانيا, بعد عشر سنين من الحرب, معاهدة أوترخت وافقت و اعترفت بأن فيليب الخامس يكون ملك اسبانيا لكن اسمه اتشال من سلسلة خلافة العرش الفرنساوى.

اسبانيا ابتدت الحرب ضد الجمهوريه الفرنسيه الاولى اللى قامت بعد ما الثوار الفرنساويين شالوا الملك لويس الستاشر من الحكم و اعلنوا الجمهورية و بعدين فى سنة 1793 اعدموه بالجيلوتين , الملك لويس الستاشر كان من عيلة البوربون اللى بتحكم اسبانيا. فى سنة 1794 أعلنت بريطانيا و پورتوجال الحرب على اسبانيا . و فى سنة 1799 نابليون استولى على السلطة بعد ما عمل انقلاب برلمانى بدعم الشعب و الجيش و استفاد من الخلافات بين كارلوس الرابع ملك اسپانيا و ابنه فرناندو. سنة 1805 فى معركة ترافالجار هزم أسطول بريطانيا العظمى أسطول فرنسا و اسبانيا و ده كان نهايه لسيادة الاسبان فى البحار العالمية لصالح بريطانيا العظمى بسبب الحالة الاقتصادية الكارثية و اسباب تانيه اتخلى ملك اسبانيا عن العرش لصالح اخو نابليون جوزيف بونابرت. من اهم الاسباب دى ان معاهدة فونتينبلو بين نابليون و جودوى اتسببت فى اعلان الحرب ضد بريطانيا و البرتغال و دخول القوات الفرنساوية شبه الجزيرة علشان غزو البرتغال لكن بدل من غزو البرتغال احتل الفرنساويين القلاع الاسپانية. مفاجأة الغزو الفرنساوى اتسببت فى تخلى الملك الاسبانى لصالح اخو نابليون جوزيف بونابرت.

الاسپان ماكانش عندهم اى احترام لجوزيف بونابرت, و ابتدا شعب مدريد انتفاضه قوميه ضد الجيش الفرنساوى يوم 2 مايو 1808. و ده زى بداية حرب الاستقلال الاسپانيه اللى استمرت خمس سنين. صدر فى 19 مارس سنة 1812 اول دستور اسبانى, واحد من اول الدساتير فى العالم, بعد كارثة غزو نابليون روسيا و هزيمة قوات نابليون سنة 1813 خرجت جيوش الامبراطورية الفرنسية من اسبانيا سنة 1814 و رجع فرناندو السابع ملك اسپانيا لعرش اسبانيا و لغى دستور 1812 والقوانين الدستوريه و لغى قانون سلالة البوربون اللى منع الستات من انهم يتولو الحكم الملكى., واتولت بعده بنته الكبيره من مراته الرابعه ماريا كريستينا.

المادة الرئيسية: الحرب الاسبانيه الامريكيه

فى وسط عدم الاستقرار والأزمة الاقتصادية اللى عانت منهم أسبانيا فى القرن التسعتاشر نشأت الحركات القومية فى الفلبين, و كوبا. و ده وصل لحروب الاستقلال فى المستعمرات دى فى نهاية المطاف, اتولت ايزابيل التانيه عرش اسبانيا يوم 29 سبتمبر سنة 1833 بعد وفاة والدها و كان عمرها اقل من تلات سنين. حكمها استمر من سنة 1833 لسنة 1868 لما ثورة 1868 اجبرتها انها تسيب اسبانيا. و يتميز عهد ايزابيل التانيه بتناوب فى السلطة من المعتدلين 1846-1854, التقدميين 1854-1856 و الليبراليين 1856-1863.

القرن العشرین ابتدا بأزمه اقتصاديه و عدم استقرار سياسى فى عهد الفونسو التلاتاشر و ديكتاتورية بريمو دى ريفيرا. الجمهوريه الاسپانيه التانيه كانت نظام الحكم فى اسپانيا بين 14 ابريل 1931, لما ساب الملك الفونسو التلاتاشر ملك اسپانيا البلاد بعد الانتخابات البلدية والمحلية الللى كسب فيها فاز مرشحين الحزب الجمهورى أغلبية الأصوات, و يوم 1 ابريل 1939 لما استسلم اخر واحد من الجمهوريين (republicanas) للقوات الوطنيه (nacionales) بقيادة فرانسيسكو فرانكو فى نهاية الحرب الاهلية الاسپانية.
الحرب الاهليه الاسبانيه حصلت فى الفتره من 17 يوليه 1936 لحد 1 ابريل 1939.انتصار الجنرال فرانكو نتتج عنه انشاء نظام سلطوى. و قمع شديد للخسرانين, اجبر الالاف انهم يروحو المنفى او اتحكم عليهم بالاعدام او الاعتقال فى معسكرات العمل على الرغم من ان فرانكو خللى اسبانيا محايده فى الحرب العالميه التانيه.

رسميا فرانسيسكو فرانكو مات يوم 20 نوفمبر و لكنه مات يوم 19 نوفمبر 1975 الساعه سته الصبح

بعد موت الجنرال فرانكو قبل اللى بيساندو الديمقراطيه بما فيهم اللى كانو بيساندو اليسار الجمهورى تنصيب الملك الملك خوان كارلوس الاول ولى عهد عيلة البوربون التاريخية خليفة لفرانكو علشان ضمان الاستقرار و الديمقراطية و فعلا تم فى 1975 و وصل ده للحال دلوقتى لملكية دستورية و رأسمالية اقتصادية فى اسبانيا. بعض الظباط العسكريين نظمو انقلاب عسكرى (23-F) فى 23 فبراير 1981 هدد عملية اعادة الديمقراطية للنظام السياسى الاسپانى لكن فشل الانقلاب و رجعت الامور لمجراها.

القرن الواحد و عشرین ابتدا مع آثار احداث 11 سبتمبر 2001 اللى خللت اسبانيا تشارك فى نزاعين: فى الحرب فى أفغانستان و غزو العراق.تفجيرات 11 مارس 2004 فى مدريد اتسببت فى خلاف بين الحكومة وجزء من الرأى العام الاسبانى كل ده سبب انتخاب حكومة جديدة من الحزب الاشتراكى الاسبانى, فى الانتخابات العامة 2004 و سحبت الحكومة قوات الجيش الاسبانى من العراق.

اليورو بقى عملة رسمية فى أوروبا من سنة 1999, بقى العملة الرسمية فى اسبانيا يوم 1 يناير سنة 2002 و حل محل البيزيتا و استخدمه المواطنين فى الحياة اليومية من ساعتها.

اسپانيا عضو فى الأمم المتحدة, الاتحاد الأوروبى, حلف شمال الأطلنطى, منظمة التعاون و التنميه الاقتصاديه, و منظمة التجاره العالميه. مدريد ( Madrid  , و بالعامية فى اسبانيا ) هى العاصمه واكبر مدينه فى اسپانيا . و تالت اكبر بلديه فى الاتحاد الأوروبى بعد لندن و برلين, و مدريد الكبرى هى تالت اكبر منطقه حضريه حسب عدد سكان المناطق الحضريه فى الاتحاد الأوروبى بعد باريس الكبرى و لندن الكبرى.

صدور الدستور الاسپانى سنة 1978 هو قمة انتقال اسبانيا للديمقراطية. التاريخ الدستورى لاسپانيا يرجع تاريخه لدستور 1812. بعد وفاة فرانسيسكو فرانكو سنة 1975 الملك خوان كارلوس المعروف بشخصيته القويه شال كارلوس ارياس نافارو و عين المصلح أدولفو سواريز رئيس للحكومة و عمل انتخابات عامه سنة 1977, بعدها اجتمع الپرلمان الاسپانى, بصفته جمعية دستورية علشان اقرار دستور سنة 1978. و نتيجة لده اسپانيا بفضل دستورها دلوقتى بتتكون من 17 اقليم حكم ذاتى و اتنين من مدن الحكم الذاتى بدرجات متفاوتة من الاستقلال الذاتى. حسب دستور سنة 1978 بقت اسپانيا دولة ديمومقراطيه بيحكمها القانون تحت نظام ملكى پرلمانى. منصب الملك مهم لكن فى اكتر الاوقات شرفى و رئيس الوزرا هو حاكم اسپانيا الفعلى. الپرلمان الاسپانى متقسم لمجلسين: مجلس النواب و مجلس الشيوخ; مجلس النواب فيه 350 عضو; مجلس الشيوخ فيه 259 عضو. الپرلمان هوا اللى بيعيين رئيس الوزرا.

نظام اسبانيا هو نظام ملكى دستورى, وراثى من ملك و برلمان من مجلسين, والمحاكم العامة. السلطة التنفيذية تتكون من مجلس الوزراء برئاسة رئيس الحكومة (مماثل لرئيس وزراء) يقترحه الملك و تنتخبه الجمعية الوطنية بعد الانتخابات التشريعية.

السلطة التشريعية تتكون من مجلس النواب 350 عضو ينتخبو فى اقتراع شعبى على قوائم تمثيل نسبى لخدمة اربع سنين, ومجلس الشيوخ 259 عضو, 208 يتم انتخابهم بشكل مباشر عن طريق التصويت الشعبى, و 51 معينين من الهيئات التشريعية الاقليمية لأربع سنين.

من أهم الاحزاب الاسپانية: حزب الشعب (, PP), حزب العمال الاشتراكي الأسباني (PSOE), اتحاد اليسار (IU), التحالف الديمقراطي لكاتالونيا (CiU), الحزب الوطني الباسكى (EAJ-PNV), و حزب اليسار الجمهورى لكتالونيا ERC).

امة اسبانيا بتتألف من الناحية التنظيمية فى شكل (دولة المجتمعات المتمتعة بالحكم الذاتى) و هى واحدة من أكتر البلاد فى الامركزية فى أوروبا،زى سويسرا, ألمانيا وبلچيكا.

مثلا, فى كل مناطق الحكم الذاتى المجتمعات المحلية ليها برلمانات منتخبة, و حكومات, و ادارات عامة, و ميزانيات, وموارد, و علشان كده النظم الصحية و التعليمية و غيرها بتتدار من الاقليم نفسه.

اسبانيا سياسيا متنظمه فى 17 اقليم حكم ذاتى (comunidades Autónomas) و 2 من مدن الحكم الذاتى (ciudades Autónomas) -- ثويتا و ميلييا.

سبعة من المجتمعات المستقلة تتكون كل واحده منهم من محافظه واحده: استورياس, و جزر البليار, كانتابريا, لاريوخا,مدريد و مورسيا و نافارا.

بعد عودة الديموقراطية بعد وفاة فرانكو فى 1975, و أولويات السياسة الخارجية لاسپانيا للخروج من العزلة الدبلوماسية و توسيع العلاقات الدبلوماسية و الدخول فى الجماعة الأوروبية, وتحديد العلاقات الامنية مع الغرب. بصفتها عضو فى حلف شمال الاطلنطى من 1982 أثبتت اسبانيا انها من ابرز المشاركين فى الأنشطة متعددة الأطراف بخصوص الامن الدولى.

فيه نزاع اقليمى مع المملكة المتحدة على منطقة جبل طارق, 6 كيلومتر مربع من أقاليم ما وراء البحار تبع المملكة المتحدة. منطقة جبل طارق جزء من جنوب شبه الجزيرة الايبيرية غزته بريطانيا فى سنة 1704 خلال حرب الوراثة الاسبانية كمان غزت مينوركا و اتخلت عنها فى النهاية لاسبانيا فى 1802 بموجب معاهدة اميان.

الوضع القانونى لجبل طارق فى سنة 1713 تمت تسويته بمعاهدة أوتريخت, و اتخلت عنه اسبانيا للأبد لأراضى التاج البريطاني

المغرب بتطالب بالمدينتين الاسبان ثويتا ميلييا و بلازاس دى سوبيرانيا الجزر اللى قدام الساحل الشمالى لأفريقيا. البرتغال مابتعترفش بسيادة اسبانيا على أراضى اولڤينزا

معروف ان القوات المسلحة فى اسبانيا (Fuerzas Armadas Españolas). بيكون قائدها الاولاني هو الملك, عشان كده يعتبر رئيس القوات المسلحة هو خوان كارلوس الاولاني.

وبتتقسم القوات المسلحه فى اسبانيا لتلات حاجات:

موضوع رئيسى اقتصاد اسبانيا

اقتصاد اسبانيا بيعتبر تامن اكبر اقتصاد فى العالم و الخامس فى الاتحاد الاوروبى. اسبانيا تقليديا بلد زراعى و لسه واحده من اكبر المنتجين الزراعيين فى أوروبا الغربية, لكن من سنة 1950 ابتدا النمو الصناعى السريع, و بسرعه وصل قطاع الصناعه حجم و وزن اكبر من قطاع الزراعة فى الاقتصاد.
 
ساعد على توسيع القاعدة الاقتصادية سلسلة من خطط التنمية ابتدت فى سنة 1964, لكن فى نهاية سبعينيات القرن العشرين ابتدت فترة من الركود الاقتصادى بسبب ارتفاع اسعار البترول وزيادة الواردات.

مع وصول والديمقراطية وفتح الحدود زادت تنمية صناعة الصلب وبنا السفن والمنسوجات والتعدين. فى الوقت الحالى, و الاستعانة بمصادر خارجية للاقتصاد.و تأثير ده على المجتمع واضح فى كل اسبانيا, قطاع الصناعه 67 فى المائة من الناتج المحلى فى عام 2005: ومعدل العمالة حسب القطاع (65%). السياسات الاقتصادية اتطورت لأن اسبانيا بقت عضو كامل العضوية فى الاتحاد الأوروبى,

حكومة يمين الوسط رئيس الوزراء السابق خوسيه ماريا أثنار نجحت فى الحصول على قبول مجموعة من البلاد لاطلاق اليورو فى 1999. وبلغت نسبة البطالة 7.6% فى اكتوبر 2006, نقطة الضعف الدايمة لاقتصاد اسبانيا تشمل ارتفاع معدلات التضخم, و الاقتصاد السرى الكبير. و نظام التعليم اللى تقارير منظمة التعاون والتنمية بتصنفه بين أفقر البلدان المتقدمة النمو مع الولايات المتحدة و المملكة المتحدة. و رغم كده متوقع أن اقتصاد الاسبانى يواصل تزايد فوق المتوسط فى الاتحاد الأوروبى بسبب الصناعة و نمو الاقتصاد العالمى و زيادة حجم التجارة مع امريكا اللاتينية و اسيا.

المقال الرئيسى : السياحه فى اسبانيا

اسپانيا هيا البلد التانيه فى العالم بعد فرنسا حسب عدد السياح الاجانب حسب تقارير منظمة السياحه العالميه, اسپانيا بتتمتع بـ7% من حصة السياحة فى العالم, اكتر من امريكا و ايطاليا. دخل اسپانيا كان 48،181،000 يورو سنة 2006: زياده بنسبة 4.7% عن سنة 2005, و المركز التانى حسب الدخل بعد امريكا و قبل فرنسا و ايطاليا. بين يناير و ديسمبر 2006, زار اسپانيا 58.8 مليون سايح أجنبى زياده بنسبة 4.5% عن نفس الفترة من سنة 2005. كاتالونيا هى اكبر مكان سياحى فى اسپانيا زارها 15 مليون سايح او 25.3% من مجموع السياح الاجانب فى اسپانيا. تانى اكبر مكان سياحى فى اسپانيا هيا جزر البليار 10.1 مليون سايح سنة 2006.

انتاج الطاقه فى اسپانيا بيمثل حوالى 5% من الناتج المحلى الاجمالى بتاع البلد, لكن أهميتها بتعدّى نصيبها فى الناتج الاجمالى علشان بيحتاجها كل فروع النشاط الاقتصادى.

رغم ان الفصل التانى من الدستور بيقول ان الدوله مالهاش دين لكن الكاثوليكية الرومانية هى الدين الرئيسى فى البلاد. حوالى 76% من الاسبان يعتبرو نفسهم كاتوليك, و حوالى 19% بيعتبرو نفسهم مش دينيين. حوالى 22% من السكان الاسبان بيحضرو الخدمات الدينية مرة واحدة على الاقل فى الشهر. الطوايف البروتستانتية موجودة كمان و عددهم اقل من 50000.

موجات من الهجرة زادت عدد المسلمين لحوالى 1 مليون. المسلمين كانو مش بيعيشو فى اسپانيا لقرون, بس التوسع الاستعمارى فى شمال و غرب افريقيا و هجرة عدد من المقيمين لاسبانيا و حصولهم على المواطنة الكاملة زاد عدد المسلمين و دلوقتى الاسلام هو الديانة التانية فى اسپانيا, و هم دلوقتى حوالى 2.3% من مجموع السكان.

الدستور الاسبانى 1978, فى المادة التانية بيعترف بالكيانات التاريخية على انها القوميات, و هى كلمة تم اختيارها بعناية علشان تجنب كلمة الأمم لانها مشحونه بالخلافات السياسيه.

التعليم فى اسبانيا فى مدارس الدولة مجانى والزامى من سن 6 لسن 16. نظام التعليم أتنظم بقانون سنة 1990.

الاطفال من 3 لـ 5 سنين فى اسپانيا عندهم اختيار لحضور ايديوكاثيون اينفانتيل infantil (المعروفة prescolar) او حضور مرحلة قبل المدرسة, و ده مش الزامى لكن مجانى لكل الطلاب. ايديوكاثيون اينفانتيل يعتبر جزء اساسى من النظام التعليمى و فيه فصول اينفانتيل فى كل مدرسة ابتدائية تقريبا و فيه كمان شوية مدارس ايديوكاثيون اينفانتيل (مدارس حضانة) منفصلة.
 
الطلبه الاسبان اللى أعمارهم بين 6 ل 16 سنة لازم يحضرو التعليم الابتدائى والمدارس الثانوية (المعهد), و ده الزامى و مجانى. الطلبة اللى خللصو بنجاح ايديوكاثيون سييكونداريا اوبليجاتوريا (التعليم الثانوى الالزامى) بياخدو شهادة التعليم الثانوى, و ده ضرورى عشان دخول تعليم البكالوريا (اختيارى) للجامعة او الدراسات المهنية.بعد نجاح طلاب البكالوريا, فيه امتحانات دخول الجامعة اللى تختلف كتير من منطقة للتانيه.

اسپانيا فيها عدد كبير من الجامعات العامة والخاصة. بعضها من بين اقدم الجامعات فى العالم زى يونيڤيرسيداذ كومبلوتنسا دى مدريد و جامعة بارسلونا. كمان فى مدريد جامعة مدريد المستقلة هى واحدة من أرقى الجامعات فى اسپانيا. و رقم واحد فى المركز العام للجامعات فى اسبانيا, وابتدت تحت قيادة عالم الفيزيا المشهور, نيكولاس كابريرا. جامعة مدريد المستقلة مشهوره بابحاث الفيزياء النظرية و معروفه ببساطة ب (لا اوتونوما la Autónoma). موقع لا اوتونوما الرئيسى هو الحرم الجامعى, على بعد 10 ميلا (16 كم) شمال شرق مدريد العاصمة و بالقرب من المناطق البلدية لمدريد الكوبنداس و سان سيباستيان دى لوس رييس. موقع لا اوتونوما الرئيسى فيه كليات العلوم والفلسفة والفنون الجميلة والقانون والعلوم الاقتصادية ودراسات الاعمال, وعلم النفس, والمدرسة العليا لعلوم الكمبيوتر و الهندسة, وكلية لتدريب المعلمين والتعليم. كلية الطب مش فى الموقع الرئيسى و جنب مستشفى لاباز الجامعى..

جامعة تانيه مهمة هى لا يونيڤيرسيداذ كومبلوتنسا دى مدريد اكبر جامعة فى اسبانيا و واحدة من اقدم الجامعات ف العالم. فيها مييه و سبعتاشر الف (117000) طالب بيدرسو و عشرتلاف (10000) من اعضاء هيئة التدريس و الموظفين و تقريبا كل اعضاء هيئة التدريس من الاسبان. حرم لا يونيڤيرسيداذ كومبلوتنسا دى مدريد الجامعى متقسم على اتنين مونكلاو فى مدريد, و فى سوموساجواس.

لا يونيڤيرسيداذ كومبلوتنسا دى مدريد اتأسست فى الكالا دى ايناريس على ايد الكاردينال سيسنيروس فى 1499 لكن الاصل الحقيقى يرجع تاريخها ل 1293, لما الملك سانشو الرابع بنا مدارس الكالا العامه اللى بقت جامعة كومبلوتنسا على ايد سيسنيروس اثناء 1509-1510 كان فيه خمس مدارس (كليات) بالفعل: أخبار و اعلام (فنون و فلسفة), Teología (اللاهوت), Derecho Canónico (قانون مدنى), Letras (الاداب) والطب. وفى 1836, فى عهد ايزابيل التانية; اتنقلت الجامعة لمدريد تحت اسم الجامعة المركزية (سويداذ يونيڤيرسيتاريا) و كانت فى شارع سان برناردو. فى 1927 كان متخطط يتبنى حرم جامعى فى منطقة مونكلاو-الاڤاكا على اراضى خصصها الملك الفونسو التلاتاشر للغرض ده لكن الحرب الاهلية الاسپانية حولت  سويداذ يونيڤيرسيتاريا لمنطقة حرب و اتسببت فى تدمير العديد من المدارس (الكليات) فى المنطقة.فى 1970 قامت الحكومة باصلاح التعليم العالى, والجامعة المركزية (سويداذ يونيڤيرسيتاريا) بقت جامعة كومبلوتنس بمدريد (يونيڤيرسيداذ كومبلوتنسا دى مدريد) واتبنى حرم جامعى جديد فى سوموساجواس علشان الكليه الجديده كلية العلوم الاجتماعية.

من جامعات مدريد كمان جامعة الكالا دى ايناريس اتعاد بناها قلعة ايناريس فى 1975 الجامعة التكنولوجيه فى مدريد, نتيجة دمج المدارس الفنية المختلفة من الهندسة; جامعة كارلوس التالت, اللى فلسفتها خلق شعب له فكر حر مسؤول مع الحساسية للمشاكل الاجتماعية والمشاركة فى مفهوم التقدم على اساس الحرية والعدالة والتسامح و جامعة بونتيفيكا كاميياس Pontificia Comillas, المشاركة فى عدد من برامج التبادل الأكاديمى والعمل والأساليب والخطط والمشاريع الدولية مع أكتر من 200 مؤسسات التعليم العالى فى أوروبا, وأمريكا اللاتينية وأمريكا الشمالية وآسيا.

من الجامعات التانية فى مدريد : جامعة ريى خوان كارلوس (العامة), و الجامعات الخاصة جامعة الفونسو العاشر, و جامعة أنطونيو دى نابريخا, جامعة كاميلو خوسيه سيلا, جامعة فرانسيسكو دى فيتوريا, جامعة مدريد Europea, جامعة سالامانكا كامبوس دى مدريد, و جامعة سانت لويس (مدريد الحرم الجامعى), و جامعة سان بابلو وحدة التقييم المركزية.

اسپانيا تشتهر بالتراث الثقافى المتنوع, و اتأثرت بكتير من الأمم والشعوب عبر تاريخها. الثقافة الاسپانية اصولها فى ثقافة الايبيريين, السلتابريين, اللاتينية, الڤييثجوث, الروم الكاتوليك, و الثقافة الاسلامية. تعريف الثقافة الاسبانية الوطنية سبب التوتر بين الدولة المركزية, اللى بيهيمن عليها فى القرون الاخيرة الكاستيين,و كتير من المناطق و الاقليات. بالاضافة لكده تاريخ الامة, و البحر المتوسط و المحيط الأطلنطى والبيئة لعبت أدوار قوية فى تشكيل ثقافتها. اسبانيا فيها تانى اكبر عدد بعد ايطاليا من مواقع التراث العالمى لليونسكو فى العالم بمجموع 40 موقع.

مصطلح الادب الاسپانى يشير للادب المكتوب بالاسبانى, بما فيه الادب الاسپانى و مش بالضرورة من اسپانيا. الادب الاسپانى لأمريكا اللاتينيه بالتحديد. ميجيل دى ثيرڤانتس يمكن يكون أكتر شهرة مؤلف فى اسبانيا و روايته دون كيشوت تعتبر العمل الاكثر رمزية للادب الاسپانى, و مؤسس الادب الكلاسيكى الغربية

اسپانيا تشتهر بأكلها و الپاييا من اشهر الأكلات اللى اصلها من اسپانيا

ايام الاجازات الرسميه فى اسبانيا مزيج من الأعياد الدينية الكاتوليكيه, أعياد وطنيه و أعياد و احتفالات اقليميه مسموح لكل بلديه اعلان حد أقصى 14 يوم اجازات رسميه فى السنه تسع-ت-ايام من اختيار الحكومه الوطنيه و بيتم اختيار يومين على الاقل محلّى.

الشعب الاسبانى بيحب انواع كتيره من الرياضه و اسبانيا من البلاد المتفوقه فى الرياضه ودايما بتاخد بطولات عالميه.

كوره القدم هيا الرياضه الاكتر شعبيه ف اسبانيا, و الدورى الاسبانى ( La Liga) بيعتبر من احسن مسابئات كرة القدم ف العالم كله, اكتر فرق متميزة ف الدورى الاسبانى هيا بارسلونا و ريال مدريد واشبيليه وسالتك وفالنسيا واتليتكو مدريد , و نادى ريال مدريد هو اكتر نادى ناجح ف اوروبا عشان كسب كاس دورى ابطال اوروبا 9 مرات. و سنة 2010 اسبانيا كسبت كاس العالم لكرة القدم.

كرة القدم داخل الصالات هى رياضة شعبية فى أسبانيا. شعبة الدرجة الاولى الاسباني ليغا ناسيونال دي فوتبول سالا هى واحدة من البطولات الأوروبية الكبرى لكرة الصالات. الفرق الاسبانية مثل انتر موفيستار وبلاياس دي كاستيون قد فاز بكأس الاتحاد الاوروبي لكرة الصالات.
المنتخب الوطني لكرة الصالات اسبانيا، فاز بكأس العالم لكرة الصالات FIFA فى 2000 و 2004، وفاز فى دوري كرة القدم داخل الصالات فى 1996 و 2001 و 2005 و 2007 و 2010.

تعتبر بطوله ال ِACB من البطولات الاوروبية الكبيرة , الفرق الاسبانيه زي ريال مدريد، بارسلونا وبادالونا وجوفندات كسبوا البطولات الاوروبية زي كاس اوروبا او الدوري الاوروبي.

حقق فريق كرة السلة الاسباني مستوى عالي فى البطولة الدولية بفوزه اول ميدالية دهبية فى 2006 لكرة السلة بطولة العالم، وكسب بست ميداليات فضة وميداليتين دهب فى بطولة الاوروبية. وفاز بالميدالية الدهبية فى بطولة الاوروبية 2011، والفضية فى دورة الالعاب الاولمبية الصيفية 2012.

فى دلوقتي فى اسبانيا اكتر من 20،000 لعيب فى اتحاد الرجبي مسجل فى اسبانيا، واللعبة دي قديمه بقالها اكتر من قرن من الزمن.
الممثل خافيير بارديم السابق من احسن لاعيبه الراجبي فى العالم.

اسبانيا نظمنت بطولات كتير فى ارضها للعبة التنس ، وغير كده جابت لاعيبه تنس كبار فى طول تاريخها .

غير كده اسبانيا كسبت فى كأس ديفيز خمس مرات ( 2000 و 2004 ، 2008 ، 2009، 2011) و كأس الاتحاد خمس مرات تانيه (1991 ، 1993 ، 1994 ، 1995 ، 1998)

ويعتبر رافائيل نادال أعظم لاعب التنس الاسباني فى كل العصور . و فاز ببطولة فرنسا المفتوحة اربع مرات ورا بعض ، ومرتين تانيين، و فاز ب8 القاب رولان غاروس متجاوزا سجل بيورن بورغ من 6 ألقاب بطولة فرنسا المفتوحة . بعد هزيمة ثم العالم رقم # 1 السويسري روجيه فيدرر ، نادال ويمبلدون ادعى الكأس و اصبح فقط الاسباني الثانية للقيام بذلك. كما فاز عام 2009 بطولة استراليا المفتوحة ، اول الاسباني الذكور للقيام بذلك. فى عام 2009 ، اصبح اول لاعب من اى وقت مضى الى عقد واحد ألقاب البطولات الاربع الكبرى على الملاعب الرملية ، والعشب ، و الملاعب الصلبة . وبالاضافة الى ذلك ، نادال هو صاحب الميدالية الذهبية فى الالعاب الأولمبية الصيفية 2008 فى بكين ، الصين . اعتبارا من الآن وقد فاز 13 جراند بطولتان ؛ تشكل ثمانية ألقاب بطولة فرنسا المفتوحة ، ويمبلدون لقبين ، وهما لقب بطولة الولايات المتحدة المفتوحة وأسترالي عنوان مفتوحة .




#Article 24: اسپرانتو (751 words)


الاسپرانتو (Esperanto) هى لغة مصنوعة. و هى اكتر لغة مصنوعة منتشرة فى العالم. و هى لغة ابتكرت مخصوص عشان تكون سهلة في التعلم. لودڤيك وازارز زامينهوف (بالبولندية Ludwik Łazarz Zamenhof), البروفيسور البولندي، ابتكرها فى أواخر القرن ال19. البروفيسور زامينهوف ابتكر الاسپرانتو لأنه كان عايز لغة بسيطة ممكن لكل الناس يتعلموها بسهولة، و بكدا هيتمكن البشر من مختلف مناطق العالم من التواصل.

اسم كلمة اسپرانتو جاى من الاسم زامينهوف اختاره لـنفسه لما كتب الكتاب الأول عن اللغة الجديدة Lingvo internacia. Antaŭparolo kaj plena lernolibro (لغة دولية- المُقدّمة و الكتاب الكامِل). الكتاب صدر فى سنة 1887. الاسم الذي استعمله لما كان بيكتب الكتاب كان:Doktoro Esperanto.

زامينهوف كان عايز يعمل لغه سهله عشان يزوّد التفاهم الدولى. الهدف, انهُ يدّى لغه دوليه, و تبقى اللغه التانيه العالميه, و ماتاخدش مكان اللغات الوطنيه. الهدف ده كان مشترك بين اللى بيتكلمو اسپرانتو فى السنين الاولانيه من حركه الاسپرانتو. بعد كده, اللى بيتكلمو اسپرانتو ابتدو يشوفو ان اللغه و الثقافه اللى كانت مشتركه بينهم, هى بتاعتهم, حتى لو الاسپرانتو ماختارتهاش الاُمم المتحده او حتى منظمات دوليه تانيه.

الاسپرانتويين اللى عايزين الاسپرانتو يبقى مُختار من المنظمات او يـُستعمل عالمياً بيسمّوهم finvenkistoj, من (fina venko), يعنى الانتصار الاخرانى او pracelistoj, من (pracelo), يعنى الهدف الاصلى.
فى 12 مايو 1999, اللى بيركّزو على القيمه الاصليه للـ لغه, بيتسمّو raŭmistoj, من راوما, فنلندا, عشان كان فيه بيان على المدى-القريب مش مؤمن بـ الfina venko, و قيمة ثقافة الاسپرانتو اتعملت فى (اجتماع)المؤتمر الدولى للشباب فى 1980. الجروبات دى مش من الطرفين حصرين, على اى حال.

بيان براج (1996) بيقدم افكار الناس العاديين بتوع حركة الاسپرانتو و بتاعة المنظمه الاساسيه, المنظمه العالميه للاسبرانتو (UEA).

الناس اللى بيتكلمو اسپرانتو عادةً بيتقال عليهم اسپرانتويين. ماحدش يعرف بالظبط عدد الناس اللى بيتكلمو اسپرانتو. بس فيه تخمينات بتقول ان مابين 100,000 لـ 2 مليون اسپرانتيين حوالين العالم. بيتقال ان تقريباً 1000 واحد بيعرف يتكلم اسپرانتو من يوم ما بيتولد (عشان بيكون اتعلمها من اهلهُ, بالاضافه للـ لغه الوطنيّة, زى الانجليزى و الپولاندي). فيه ناس كتير بيحبّو بعض من بلاد مختلفه و يقدرو يتكلمو لغات مختلفه, بس الاسپرانتو هو لُغتهم المشتركه.

ناس كتير بتستعمل الاسپرانتو عشان يتواصلو على البريد او الايميل او البلوجـات (مدونات) معا اسپرانتاويين فى بلاد تانية. شوية ناس بتسافر و بتتقابل معا اسپرانتاويين تانيين وش-ل-وش.

فيه مقابلات كتير بتحصل كل سنه. و اكترهم مقابلِة Universala Kongreso de Esperanto (الكونجرس العالمى بتاع الاسپرانتو), و بيتعمل فى بلد مختلفه كل سنه. فى السنين الاخرانية كان فيه حوالى 2000 واحد من 60 بلد مختلفه او بلاد اكتر.

فيه كتب و مجلات مكتوبه بـ الاسپرانتو, و ادب (literature) كتير مترجم للاسپرانتو من لغات تانية. و كمان اعمال مشهوره, زى الانجيل و مسرحيات لـ شيكسبير, و بردو اعمال مش مشهوره و مالهاش ترجمات للانجليزى.

فيه فِرقات مزيكه بيغنّو بـ الاسپرانتو, و بيعملو حفلات مزيكه و بيبيعو تسجيلات لـ اغانيهم.

الدين البهائي بيشجع استعمال لغه مساعده اللى بنتعلمها بـ غرض انها تبقى اللغه الدوليه. بس ماتحددتش لُغه معيّنه, بس فيه شوية بهائيين بيشوفو الاسپرانتو عندهُ الهدف ده.

ليديا زامينهوف, بنت زامينهوف بقت بهائيه.

فيه مُجلّدات كتير للادب البهائى و كتب تانية اترجمت للـاسپرانتو.

ايةالله خميني, الايراني, دعى المسلمين انهم يتعلمو الاسپرانتو و مدح فى استعمالها زى وسيله للتفاهم بين الناس من اديان مختلفه. بعد ما هو اقترح استعمال الاسپرانتو كـَ لغه عالمية بدل الانجليزي, ابتدا استعمال الاسپرانتو فى الندوات فى مدينة قم الايرانيه. فيه ترجمه للقران اتنشرت فى البلد بعدين.

فى 1981, الخمينى و الحكومه الايرانية بطّلو يتبعو الاسپرانتو بعد ما عرفو ان البهائيين مهتمين بـ استعمال الاسپرانتو.
بردو كان فيه سايتات على النت بتهاجم الاسپرانتو بـ حجة ان اللى بيهتمّو بـ الاسپرانتو بيبقو متشددين و متطرفـّين, بالذات بعد ماكان الخومينى بيدعم الاسپرانتو و هما شايفين انه متطرّف.

الاسپرانتو بيتقرى من الشمال لليمين, زى اى لغه بتستعمل الحروف اللاتينى.
الاسپرانتو بيستعمل كلمات من لغات تانية, زى مثلاً اللاتينى و اليونانى القديم و الروسى و الالمانى.

الاسپرانتو فيه 28 حرف. و الحروف دى هى (z v ŭ u t ŝ s r p o n m l k ĵ j i ĥ h ĝ g f e d ĉ c b a)

فيه حروف لاتينية مش موجوده فى الاسپرانتو, هما:  (q, kuo) كُوو  -  (w, duobla vo) دُووبلا ڤو  -  (x, ikso) ايكسو  -  (y, igreka, ipsilono) اجريكا / اُوپسيلونو

بس ممكن لو ماعندكش على الكيبورد الحروف اللى خاصه بـ الاسپرانتو, تقدر تزوّد حرف الايكسو (x) بعد الحرف اللى متعدّل شكلهُ.

Ĉiuj  homoj estas denaske liberaj kaj egalaj  laŭ  digno kaj rajtoj. Ili posedas racion kaj konsciencon, kaj devus konduti unu la alian en spirito de frateco.

Cxiuj  homoj estas denaske liberaj kaj egalaj  laux  digno kaj rajtoj. Ili posedas racion kaj konsciencon, kaj devus konduti unu la alian en spirito de frateco.




#Article 25: اصحاب ولا بزنس (113 words)


اصحاب وللا بزنس هوه فيلم مصري اتعمل سنه 2001 بطولة مصطفى قمر و هاني سلامة و موناليزا وسامي العدل وطارق عبد العزيز وعمرو واكد وتأليف مدحت العدل.

الفيلم بيحكي عن اتنين موزيعين (مصطفي قمر وهاني سلامه ) اصحاب فى قناة مشهورة وهما الاتنين مشهورين ببرامجهم التافهه , لكن بينهم تنافس وغيرة شديدة جدا , لحد ما اختارت القناة واحد فيهم يروح يغطي الانتفاضه الفلسطنية وفعلا اختاروا مصطفي قمر ولما راح فلسطين اتأثر بالانتفاضة وبطل يعمل برامج تافهه بالعكس صور شريط لواحد من ابطال الانتفاضة( عمرو واكد ) وعرضه فى القناة رغم اعتراض صاحب القناة ..
الفيلم بيعرض لقضية الصحوبية هل هيا فعلا صحوبية ولا بيزنس بين الاتنين وعلاقة مصلحة مش اكتر ؟ ..




#Article 26: افريقيا (141 words)


افريقيا تكون ثاني اكبر قارة فى العالم فى المساحة وثانى اكبر قارة فى العالم فى عدد السكان.مساحة افريقيا حوالي 30.2 مليون كيلو متر مربع و يسكنها 922 مليون انسان. يحيط بالقارة البحر المتوسط من الشمال، البحر الاحمر و المحيط الهندي فى الشرق و بيغطى المحيط الاطلنطى كل ساحلها الغربى و افريقيا بتغطى 6 ٪ من مجموع مساحة سطح كوكب الارض و و20،4 ٪ من مجموع مساحة الأراضى.

قارة افريقيا فيها دلوقتي 53 دولة مستقلة. و بيعتقد علميا ان افريقيا هى اول مكان ظهر فيه الانسان على سطح الارض لانهم لقو اقدم حفرية للانسان العاقل فى اثيوبيا و ب يقدرو عمرها بحوالي 200،000 سنة

كلمة أفرى كانت اسم شعوب سامية كانو يسكنون فى شمال افريقيا قرب قرطاج فى تونس الان.

قارة افريقيا متقسمة لمناطق جغرافيه مختلفه مثل : شمال افريقيا , غرب افريقيا , شرق افريقيا , وسط افريقيا و افريقيا الجنوبيه.




#Article 27: اقبال بركه (151 words)


اقبال بركة صحفية مصرية وناشطة فى مجال حقوق المرأة من مواليد ابريل 1942.اسمها الحقيقي اقبال عبد الحميد مصطفى محمد بركة، واخدة ليسانس اداب انجليزي من جامعة اسكندرية سنة 1962
وليسانس الاداب عربي من جامعة القاهرة سنة 1979
فى بداية حياتها اشتغلت فى العلاقات العامة فى شركة فيلبس وبعد كدة اشتغلت مدرسة انجليزي فى الكويت ولما رجعت مصر اشتغلت فى الراديو وكانت كبيرة المذيعين بالاذاعة الانجليزي سنة 1979
سنة 1993 اختاروها تبقى رئيسة تحرير مجلة حوا بس بردو كانت بتكتب فى مجلات وجرانين تانية زي صباح الخير وروزاليوسف
وسيدتي و الكواكب.

الحجاب - رؤية عصرية

الصيد فى بحر الأوهام

خواطر رمضانية

المرأة المسلمة فى صراع الطربوش والقبعة

الاسلام وتحديات العصر

عودة الى الفضفضة

المرأة الجديدة

هى فى عيونهم

الفجر لأول مرة

و لنظل أصدقاء الى الأبد

ليلي والمجهول

تمساح البحيرة

كلما عاد الربيع

يوميات امرأة عاملة

بحرالأوهام

ومن اعمالها اللى اتحولت لاعمال درامية جواز على ورق سوليفان و شجرة اسمها الود .




#Article 28: الاسلام (3957 words)


الاسلام هو اخر الأديان الابراهيمية . وأكتر دين منتشر جغرافياً على مستوى العالم موجود فى كل الدول ماعدا الفاتيكان، وتاني دين فى عدد المعتنقين بعد المسيحية، الاسلام متأسس على القرآن، الكتاب اللى المسلمين بيعتبروه انزل من الله الواحد على النبى محمد، والسُنه النبويه (افعال وأحاديث النبى محمد). الاسلام عند المسلمين هو الدين الكامل و التنزيل المتمم لرسايل التوحيد اللى اتبعتت للبشريه قبله زى رسايل الأنبيا ابراهيم و موسى و عيسى.

القرآن نزل على النبى محمد فى مكه فى القرن السابع الميلادى. بيعتقد المسلمين ان الرسايل اللى سبقته و الكتب المنزله عن طريق الوحى إتبدلوا عن طريق البشر تبعاً للأهواء و إتشوهوا مع مرور الزمن. النقطه المركزيه فى الاسلام هى التوحيد يعنى الإيمان برب واحد مالهوش أى شريك.
 
اغلب المسلمين بينتمو للمذهبين الكبار و هم المذهب السنى بطوائفه و مذاهبه الفقهيه و المذهب الشيعى بطوائفه. الاسلام بيعتبر أسرع دين انتشر فى العالم وامتد فى فتره قياسيه من الصين شرقاً لجنوب غرب أوروبا غرباً ، و منه خرجت حضاره جديده فى العالم هى الحضاره الاسلاميه. النهارده الاسلام هو الدين السايد فى الشرق الأوسط ، و شمال افريقيا، و مناطق كتيره فى اسيا و جنوب الصحرا الكبرى فى افريقيا. معظم المسلمين مش عرب اللى بيعتبروا 20% من عدد المسلمين فى العالم ، و أكتر دوله فيها مسلمين هى اندونيسيا و أعداد مش صغيره موجوده فى الصين و روسيا و مناطق البلقان والكاريبى. حوالى 13% من المسلمين عايشين فى اندونيسيا اللى بتعتبر اكبر دوله اسلاميه. %31 من المسلمين بيعيشوا فى شبه القاره الهنديه . عدد المسلمين حالياً حوالى 1.57 مليار. ده بالأضافه للى بيعتنقوا الاسلام والمهاجرين المسلمين الموجودين تقريباً فى كل نواحى العالم. الاسلام هو أسرع دين انتشار فى العالم .

كلمه اسلام معناها الاستسلام والخضوع الكامل لله. طريقه الخضوع هى بـ عبادة ال‍له وحده وطاعة أوامره اللي جت في القرآن.
كلمة السلام عليكم جايه من المعنى الأساسى تحياتى من ال‍له.

التوحيد بمعنى الإيمان برب واحد مالهوش شريك هو اساس الاسلام. المسلمين بيؤمنوا بإن ال‍له أوحى اخر رسالاته للانسانيه للنبى محمد عن طريق الملاك جبريل. بالنسبه ليهم, محمد كان اخر نبى من ال‍له و القرآن هو الكتاب المقدس المنزل على محمد فى فتره طولها حوالى 23 سنه.
فى الاسلام, الأنبيا هما اشخاص اختارهم ال‍له عشان يبقو الرسل بتوعه. المسلمين بيؤمنوا بإن الأنبيا بشر زى كل الناس و ماهماش آلهه، لكن رغم كده ففيهم منهم بيقدروا يعملو معجزات عشان يثبتوا دعوتهم. الأنبيا فى الاسلام بيعتبرو الأقرب للكمال من كل البشر ، و بصفه خاصه الانبيا اللى بيتوحى لهم من السما ، سواء من ال‍له طوالى او عن طريق الملايكه. القرآن ذكر أسامى كتيره لأنبيا منهم ادم و نوح و ابراهيم و موسى و عيسى.
فى الاسلام كل رسل ال‍له من اول ادم كانو بيبلغوا الناس رسالة الاسلام اللى هى الخضوع لإرادة ال‍له.
بالنسبه للقرآن
إرادة ال‍له بتتجاب للاُمم عن طريق أسلاف ابراهيم و عمران. الاسلام موصوف فى القرآن ”الطبيعه الاساسيه اللى على اساسها ال‍له خلق الجنس البشرى“,
و القرآن بيقول انه إدّا الاسم  مسلم لـ ابراهيم.
تاريخياً ، الاسلام إتـاسس فى شبه الجزيره العربيه فى اوئل القرن السابع.
النصوص الاسلاميه بتقول ان اليهوديه و المسيحيه انبثقوا من تعاليم ابراهيم قبل الاسلام. القرآن بيسمّى اليهود و المسيحيين ”اهل الكتاب“, و بيفرّق بينهم و بين المشركين  (اللى مؤمنين بتعدد الآلهه). المسلمين بيعتقدوا إن الكتب المنزله قبل كده زى التوراه و الانجيل اتحرفوا ياإما عن طريق الترجمه او بضياع النصوص الاصليه او بالقصد.
الاسلام بيقول ان كل رسل ال‍له من اول آدم كانو بيبلغو رساله (الاسلام) و اللى هى الخضوع لإرادة ال‍له و ان اللى بيتغير كان بس القوانين و العقوبات. الاسلام بيعتبر كل الاديان الابراهيميه اليهوديه و المسيحيه و الاسلام فى الاساس دين واحد و المؤمنين بيهم بيعبدوا رب واحد بس كل اتباع دين بطريقتهم.

المفهوم العقائدى الأساسى فى الإسلام هو  التوحيد  و هو فكرته الاساسيه. التوحيد هو الإيمان بإن فيه إلاه واحد بس. الاسم العربى  ال‍له . مفيش جمع لكلمة ال‍له فى اللغه العربى. المسلمين بيؤمنو بإن محمد هو آخر نبى مُرسَل من ال‍له. الاسلام بيعترف بوجود اليهوديه و المسيحيه (و ساعات الصابئه/مندائيّه و الحنيفيه). معظم العلما بيعتقدو انه انحدر من تصغير لكلمتين  الـ- و  إله, بس علما تانيين بيدوّرو فى جدور الكلمه فى اللغه الأرامى |Alāhā|.
الركن الأولانى فى الاسلام هو التوحيد, و بيتعبّر عنه بالشهاده بأن  لا إلاه إلا الله  و إن  ان محمد رسول ال‍له . مع ان ال‍له ساعات بيتوصف فى القرآن, المفهوم الاسلامى بيعتبر ان ال‍له خارج نطاق الادراك بحيث ان الله مالهوش مثيل او شكل ممكن إن الانسان يتخيله على اساسه.ال‍له بيتوصف فى سوره من القرآن بإنه: ال‍له ، الاحد ، الصمد ، لم يلد ، و لم يولد ، و لم يكن له كفواً احد .

القرآن عند المسلمين هو كلام ال‍له اللى انزل على النبى محمد باللغه العربيه و نصوصه هى اساس الدين الاسلامى. المسلمين بيؤمنوا بإن أيات القرآن إتوحت للنبى محمد من ال‍له عن طريق الملاك جبريل كذا مره فى الفتره ما بين سنة 610 م و لحد وفاته فى 8 يونيه 632م. إتقال ان القرآن اتدون عن طريق صحابة محمد وقت حياته و اتلقن شفوياً. القرآن إتجمع فى وقت ابو بكر اول الخلفا الراشدين و اتوحدت كتاباته تحت اشراف عثمان بن عفان تالت الخلفا الراشدين . الادله النصيه وضحت لعلما الدراسات الاسلاميه ان القرآن الموجود النهارده ماتغيرش من وقت لما إتوحد.
القرآن متقسّم لـ 114 سوره فيهم 6،236 آيه. السور الاقدم ظهرت فى مكه و عامة بتختص بالمواضيع الاخلاقيه و الروحانيه. السوراللى بعد كده اللى ظهرت فى المدينه غالبا بتتكلم عن المواضيع الاجتماعيه و الاخلاقيه اللى ليها علاقه بالمجتمع الاسلامى.
القرآن اكتره بيتكلم على النواحى الاخلاقيه اكتر من المواضيع القانونيه , و بيعتبر ”المصدر الكتابى بتاع المبادئ و القيم الاسلاميه“.
المشرعين المسلمين بيراجعو  الحديث, و هى التسجيل المدون لأقوال و تصرفات النبى محمد, عشان يكمّلو القرآن و يساعدو على تفسيره. علم التعليق القرآنى و التفسير النقدى معروف بإسم  التفسير.
كلمة قرآن معناها ”انشاد/تلاوه“. لما المسلمين بيتكلمو بشكل نظرى عن ”القرآن“, عادة بيقصدو النص زى ما بيتعمله تلاوه بالعربى و مش العمل المكتوب او اى ترجمه ليه. بالنسبه للمسلمين القرآن أوضح بنصه الاصلى العربى إكمن الترجمات بيبقى فيها اختلالات بسبب الاختلافات اللغويه ، و ممكن المترجمين يغلطوا فى فهم معنى الكلمات و الجمل ، و عشان كده الترجمات بتعتبر تفسيرات للقرآن بس ، مش القرآن نفسه.

الأحاديث هى روايات جت من كلام و افعال ”محمد“ نبى الاسلام. مدارس الفقه التقليديه بتعتبر الحديث اداه مهمه عشان يفهمو القرآن و المسائل الفقهيه.
الحديث إتقيّم و إتجمع فى مجموعات كبيره غالبا وقت حكم عُمَر ابن عبد العزيز (فتره الخلافه الامَويّه) فى القرن التامن و التاسع م, بعد موت محمد بـ 200 سنه. لحد النهارده, الاعمال دى بيترجعلها فى مسائل القانون الاسلامى و التاريخ. الطايفتين الاساسيين فى الاسلام, السنّه و الشيعه, عندهم مجموعات مختلفه من الحديث.

الحديث بيخلى المسلمين قادرين يكتسبو عادات السنّه او الممارسات المعتاده بتاعة محمد.
الاستعمال الاسلامى للمصطلح ده بيعبّر عن المقولات و العادات بتاعة محمد و هو عايش. تسجيل السنّه كان عاده تقليديه فى شبه الجزيره العربيه, و اول ما الناس إتحوّلت للاسلام, جابو معاهم العاده للدين.
من المسلمين السنّه, المجموعات بتاعة صحيح البُخارى و صحيح مسلم بتعتبر صادقه.

أركان الإيمان هى مصطلح اسلامى ل6 اركان اساسيه فى الاسلام ، لازم المسلم يكون مؤمن بهم.

لازم المسلم يكون مؤمن ان فيه ربنا ، إله واحد ملهوش شريك ، خلق كل شىء فى الكون.

الإيمان بالملايكة ، خلقهم الله من نور و انهم مش بيعصوا ربنا و بيقوموا باعمال و وظايف اللى ربنا امرهم بها.

الايمان بالكتب السماويه كلها اللى نزلها على أنبيائه ورسله . زى التوراة و الانجيل

هو الإيمان بالرسل و الانبياء اللى ربنا بعتهم للبشرية، زى النبى نوح، ابراهيم، موسى ، عيسى

الإيمان ان فيه يوم قيامة و حساب

الإيمان القدر سواء خير او شر هو بتقدير ربنا.

القرآن ، فى الاسلام هو أقدس كتاب و وحى من الله نزل على النبى محمد وهو كتاب الله عز وجل . القرآن فيه 114 سوره. فى كل سوره فيه آيات كتيره عددها 6236 من غير آيات البسمله و 6348 مع ايات البسمله.

واحيانا بنسميها الحديث النبوي هو كل حاجة عن النبى محمد بن عبد الله من كلام واعمال خلال حياته واللى اتنقلت لينا من الناس اللى سمعته او شافته .

المصدر ده خلاف بين السنه والشيعة فعند الشيعة أن أحاديث اهل البيت هى المصدر التالت للتشريع

هو اتفاق جمع كبير من علماء الامه على حكم مسألة بعينها من الكتاب والسنة.

وهو الحاق امر غير منصوص على حكمه فى القرآن او السنّة او الإجماع بأمر اخر منصوص على حكمه فى القرآن او السنّة او الإجماع لاشتراكهما فى علّة الحكم.

وهو تطوع احد العلماء او مجموعة من العلماء لاستنتاج حكم مسألة معينة لم يرد نص معين فيها؛ كالامور الحديثة من التقنيات وغيرها.

 
المسلم ممكن يصلى فى البيت او فى أى مكان نضيف او فى مكان العباده الجامع. معظم الجوامع ليها قُبّه و مناره (مآذنهُ) واحده على الاقل. بس الجامع مش شرط يكون له قُبّه او مآذنه. المسلمين بيقلعو جزمهم قبل ما يدخلو الجامع يصلّو, و سواء صلّو فى البيت او فى الجامع, لازم يتوضّو, عشان يأدّو الصلاه. أبدع المسلمين فى بنا الجوامع و زخرفتها و جوامع كتيره زى جامع السلطان حسن فى مصر و جامع السليمانيه فى تركيا و غيرهم بيعتبروا من الإبداعات الهندسيه و الفنيه الرائعه. الجامع ممكن يكون جامع عادى للصلا او مسجد جامع بتتعمل فيه خطب الجمعه من اشهرها على مر التاريخ الجامع الازهر فى مصر. فيه كمان جوامع اتبنت و الحقت بيها مدارس دينيه من اشهرها جامع-مدرسة السلطان محمد بن قلاوون فى القاهره.

نشأ الدين الاسلامي على ايد محمّد بن عبد الله بن عبد المطلب من بني هاشم، اللى هما فرع من فروع قبيلة قريش العربية العريقة. كان محمد، وفقًا للمصادر الاسلامية، حنيفيًا قبل الاسلام يعبد الله على ملة ابراهيم ويرفض عبادة الأوثان والممارسات الوثنية. وكان بيروح غار حراء فى جبل النور على بعد ميلين من مكة وبياخد معاه الاكل والشرب ويقيم هناك فى شهر رمضان، وكان يختلي فيه وبيقضي وقته فى التفكير والتأمل. المسلمين بيأمنوا أن الوحي نزل لأول مرّة على محمد وهو فى غار حراء، بحيث ان الملاك جبريل جاله، فقال: اقرأ، قال: ما أنا بقارئ - اى لا أعرف القراءة، قال: فأخذني فغطَّني حتى بلغ مني الجهد، ثم أرسلني فقال: اقرأ، قلت: ما أنا بقارئ، قال : فأخذني فغطَّني الثانية حتى بلغ مني الجهد، ثم أرسلني فقال: اقرأ، فقلت: ما أنا بقارئ، فأخذني فغطَّني التالتة، ثـم أرسلني، فقال: اقْرَأْ بِاسْمِ رَبِّكَ الَّذِي خَلَقَ خَلَقَ الْإِنْسَانَ مِنْ عَلَقٍ اقْرَأْ وَرَبُّكَ الْأَكْرَمُ الَّذِي عَلَّمَ بِالْقَلَمِ عَلَّمَ الْإِنْسَانَ مَا لَمْ يَعْلَمْ ، فعرف محمد أن عليه أنه لازم يعيد ورا جبريل اللى قاله، ورجع لبيته خايف، فدخل على زوجته خديجة بنت خويلد، فقال: زَمِّلُونى زملوني، فزملوه حتى ذهب عنه الروع، ثم أخبر زوجته بما حصل معه، فراحت به الى ابن عمها ورقة بن نوفل وكان حبرًا مسيحيًا يكتب الكتاب العبراني، فيكتب من الإنجيل بالعبرانية، وكان شيخًا كبيرًا فأخبره خبر ما رأى، فقال له ورقة: هذا الناموس الذي أنزله الله على موسى. ويؤمن المسلمون أن جبريل جه لمحمدًا مرة تانية جالسًا على كرسي بين السماء الارض، ففر منه رعبًا حتى هوى الى الارض، فذهب الى زوجه خديجة فقال: دثروني، دثروني، وصبوا علي ماءً باردًا، فنزلت سورة المدثر: يَاأَيُّهَا الْمُدَّثِّرُ قُمْ فَأَنْذِرْ وَرَبَّكَ فَكَبِّرْ وَثِيَابَكَ فَطَهِّرْ وَالرُّجْزَ فَاهْجُرْ ، والآيات دي هى بداية رسالته ثم بدأ الوحي ينزل ويتتابع لمدة تلاتة وعشرين سنة لحد ما مات. أعلن محمد رسالته لأسرته سرًا، فكان ممن سبق الى الاسلام زوجته خديجة بنت خويلد، وابن عمه علي بن ابي طالب، وصديقه المقرّب ابو بكر، وأخذ محمد يدعو الى ترك عبادة الأصنام وعبادة إله واحد لا شريك له والإيمان بالاخرة، ولكنه ما كاد يجهر بالدعوة حتى سخرت منه قبيلته قريش، وآذته أشد الإيذاء، وعذّبت أتباعه من المستضعفين، فأخبرهم محمد أن الله أذن لهم بالهجرة الى الحبشة، فخرج قرابة 80 منهم وضموا عثمان بن عفان ومعه زوجته رقية بنت محمد، وأبو حاطب بن عمرو وجعفر بن ابي طالب. فأمّن نجاشي الحبشة أصحمة بن أبحر المسلمين على أرواحهم وأعطاهم حرية البقاء فى بلاده، فبقي منهم من بقي فى شتى أنحاء القرن الإفريقي عاملاً على نشر الدين الاسلامي هناك.

زاد فى حرج موقف النبي محمد وأتباعه فى مكة وفاة عمّه ابي طالب ووفاة زوجته خديجة، فخسر بفقدهما مساعدين قويين، وهكذا اشتد اضطهاد قريش للمسلمين من أتباع محمد،اللى كانوا يتحملون الاضطهاد صابرين، عندئذ لم يجد النبي بدًا من أن يأمر المسلمين بالهجرة سرًا من مكة الى مدينة يثرب، وكان نحوٌ من سبعين رجلاً من اهلها قد آمنوا برسالته فى إحدى زياراتهم لمكة. وما لبث محمد أن لحق بأتباعه الى يثرب يرافقه ابو بكر، وعندما وصلها قابله اهلها بتحية النبوّة وسُميت المدينة المنورة. وأخذ عدد المسلمين يتكاثر شيءًا فشيئًا، الى أن استطاعوا أن يواجهوا اهل مكة فى ساحات المعارك، فكانت غزوة بدر بتاريخ 17 مارس سنة 624م، الموافق فى 17 رمضان سنة اثنتين للهجرة. وانتصر جيش المسلمين وقُتِل من المكيين حوالي 70 قتيلا منهم ابو جهل عمرو بن هشام المخزومي سيد قريش، فى حين قتل من المسلمين ما لا يتجاوز اربعة عشر شخصًا. ذلك بالرغم من التفوق العددي لجيش مكة. كما تم اسر 70 فردًا من قوات جيش مكة، وأُطلق سراح الكثير منهم لاحقًا مقابل فدية. وقد أثارت الهزيمة اهل مكة فجمعوا جموعهم فى العام التالي، والتقوا بالمسلمين عند جبل احد وكرّوا عليهم وهزموهم. قُتل عدد كبير من المسلمين فى دى المعركة من ضمنهم حمزة بن عبد المطلب عم محمد الذي يلقبه المسلمون السنّة سيد الشهداء.[ وبعد معركة احد اقدم ابو سفيان على حشد جيش كبير، وتوجه به نحو المدينة المنورة قاصدًا احتلالها. أعد محمد كذلك جيشًا كبيرًا لمواجهة الغزو، واستخدم اسلوبًا جديدًا لم يكن معروفًا فى شبه جزيرة العرب فى ذلك الحين، حيث أخذ بمشورة سلمان الفارسي وقام بحفر خندق حول المدينة وأضرم فيه النيران. حينما وصل تحالف العرب الى المدينة يوم 31 مارس سنة 627م فوجئوا بالخندق فقرروا محاصرة المدينة. استمر الحصار لمدة اسبوعين، بعدها قرر المحاصرون العودة الى ديارهم. وفي العام التالي أبرم محمد معاهدة سلام مع المكيين عُرفت بصلح الحديبية، واتفقوا أن تسري مفاعيلها طيلة عشر سنوات.

توّجه المسلمون الى خيبر بعد أن أراحوا بالهم من جهة المكيين، وكانوا الف وست مئة مقاتل، فى مطلع ربيع الاول من العام السابع الهجري، وأحاط محمد تحركه بسرية كاملة لمفاجأة اليهود. فوصل منطقة تدعى الرجيع تفصل بين خيبر وغطفان وفي الظلام حاصر المسلمون حصون خيبر واتخذوا مواقعهم بين أشجار النخيل. وفي الصباح بدأت المعارك، حتى سقطت اخر حصونهم على يد سرية بقيادة علي ابن ابي طالب. فاتفق معهم محمد على أن يعطوه نصف محصولهم كل عام على أن يبقيهم فى اراضيهم. كما بعث محمد فى تلك السنة رسائل الى العديد من حكام الدول المجاورة، داعيًا إياهم الى اعتناق الاسلام. فأرسل رسله الى هرقل امبراطور الامبراطورية البيزنطية، وكسرى شاه فارس، والمقوقس عامل الروم فى مصر، وبعض البلدان التانيه. وفي السنوات اللى أعقبت صلح الحديبية، أرسل محمد قواته الى الشمال فالتقوا مع القوات البيزنطية فى غزوة مؤتة، لكنهم انهزموا بسبب الفارق العددي الكبير.

فتح مكة

بعد مضيّ ثماني سنوات على هجرة النبي محمد من مكة، استطاع أن يعود إليها فاتحًا دون قتال، وأعلن عفوًا عامًا عن كل اهل مكة، باستثناء عشرة منهم ممن قاموا بنظم الشعر لهجائه، فسارع اهلها الى الانضواء تحت لوائه واعتناق الاسلام دينًا، ثم اقدم على تدمير جميع تماثيل الآلهة العربية بداخل الكعبة وحولها. وأمر بلال بن رباح الحبشي، احد الصحابة وأول مؤذن فى الاسلام، أن يصعد الكعبة ويؤذن بالصلاة.

وعاش النبي محمد سنتين بعد فتح مكة، وفي السنة العاشرة للهجرة خرج للحج فى اكثر من مائة الف من المسلمين. وعند جبل عرفات القى عليهم خطبته اللى تعتبر دستور الاسلام، فقد بيّن فيها اسس الاسلام ومبادئه، ونادى بالمساواة بين الناس، لا فرق فى ذلك بين العبد الحبشي والشريف القرشي، وقرأ عليهم اخر ما نزل من القرآن: الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينًا ولم يمض على حجة الوداع ثلاثة اشهر حتى مرض النبي محمد بالحمّى، فلمّا رأى الأنصار اشتداد المرض عليه أحاطوا بالمسجد، فخرج متوكئًا على علي والعبّاس والفضل أمامهما، فجلس فى اسفل مرقاه من المنبر وقال للناس أنه ملاق ربه لا محال، فلم يسبق لنبي قبله أن خلد فى قومه حتى يخلد فيهم، وبعد أن أوصى المسلمين بالمهاجرين والأنصار خيرًا، توفي النبي محمد يوم 8 يونيه سنة 632م، الموافق فى 13 ربيع الاول سنة 11 هـ، وهو فى التالتة والستين من عمره، ودُفن ببيت زوجته عائشة بجانب المسجد النبوي، وفي هذا الوقت كان الاسلام قد انتشر فى شبه الجزيرة العربية بالكامل

بعد وفاة محمد تولّى شئون المسلمين 4 من كبار الصحابة هم ابو بكر الصديق وعمر بن الخطّاب وعثمان بن عفّان وعليّ بن ابي طالب، وعُرفوا بالخلفاء الراشدين، وفي عهدهم بدأ التوسع الاسلامي خارج شبه الجزيرة العربية. وبعد عهد الخلفاء الراشدين جاء العهد الأموي او العصر الأموي الذي استفرد فيه بنو اميّة بالخلافة وفيه استمر التوسع الاسلامي حتى بلغ شبه الجزيرة الأيبيرية، وفي أواخر هذا العصر ثار بنو العبّاس بن عبد المطلب عمّ النبي محمد على الحكم وخلعوا الأمويين واستفردوا بالحكم فعُرفت دى الفترة باسم العصر العبّاسي، وفيها بلغت الحضارة الاسلامية أوج تقدمها وازدهارها وتقدمت فيها العلوم والآداب تقدمًا لم تعرفه العرب من قبل فعُرف هذا العصر ايضًا بالعصر الذهبي للاسلام، وفي أواخره دبّ الضعف الى جسم الدولة وتراجعت هيبة الخلافة لأسباب مختلفة، فما كان إلا أن استفرد عدد من الحكام بأقاليم مختلفة ودعوا لنفسهم مثل الطولونيين والإخشيديين والحمدانيين والفاطميين والسلجوقيين، ثم حلت تالتة الأثافي بالمسلمين؛ فكانت الحروب الصليبية، حيث شنّت الممالك الأوروبية الغربيّة حملة على بلاد الشام للاستيلاء على مدينة القدس من أيدي المسلمين، فتمكنت من ذلك وبقي الصليبيون فى الاراضي المقدسة مئة وأربعًا وتسعين سنة.

وخلال دى الفترة قامت بضع دول اسلامية استمرت بقتال الصليبيين واسترجعت منهم بعض المدن والقلاع احيانًا وفقدتها لصالحهم فى أوقات اخرى مثل دولة الأتابكة والأيوبيين، قبل أن تقوم دولة المماليك فى مصر وتهزم الصليبيين وتردهم على أعقابهم وتسترجع كامل بلاد الشام. وخلال دى الفترة كان المغول بقيادة هولاكو خان قد غزوا عاصمة الخلافة بغداد وأمعنوا فيها تدميرًا وخرابًا، فنقل الخلفاء العباسيون مقرهم إلى مدينة القاهرة إلا أن خلافتهم كانت قد أصبحت خلافة صورية ذلك أن سلاطين المماليك كانوا قد أصبحوا سادة الموقف بحق. وبعد ذلك لم يعد للمسلمين دولة قويّة توحدهم كما كان الحال فى بداية العهد العبّاسي، الى أن ظهرت الدولة العثمانية على يد السلطان عثمان الاول، فقد قام خلفاؤه بالاستيلاء على عدد من الدول اللى لم يسبق للمسلمين فتحها، كدول البلقان، ونشر الاسلام فيها، وفي عهد سابع سلاطين دى الدولة، محمد الثاني، افتتحت القسطنطينية بعد محاولات عديدة فاشلة خلال الأزمنة السابقة، وفي سنة 1516 فتح حفيد السلطان سالف الذكر، سليم الاول، بلاد الشام ومصر وقضى على السلطنة المملوكية وجعل اخر خلفاء بني العبّاس يتنازل له عن الخلافة، فأصبح بنو عثمان بذلك خلفاء المسلمين طيلة 408 سنوات، وعُرف هذا العصر بالعصر العثماني، وفيه برزت بضع دول اسلامية فى إيران وما ورائها مثل الدولة التيمورية والدولة الصفوية والدولة الهوتكيانية. وبعد انهيار الدولة العثمانية تفرّق شمل المسلمين وقامت عدّة دول مستقلة يجمعها رابط اللغة او الثقافة او الاخوّة دون أن تكون موحدة فعلاً.

File:Star and Crescent.svg|يسار|125px|thumb| الهلال و النجمه رمز الدولة العثمانية و موجود على اعلام الجزاير, أذربايجان, ماليزيا, تونس, موريتانيا, پاكستان, و تركيا.

زى أى دين تانى, ظهرت فى الاسلام على مر الزمن مذاهب و تفسيرات مختلفه للدين. المذاهب دى بتقوم على تفسيرات مختلفه للى جه فى القرآن. و اغلب المسلمين بيتبعوا واحد من المذهبين دول

مذهب اهل السنة و الجماعة او

اهل السنة والجماعة او معتقد اهل السنة او معروفه باختصرها السُنه هى اكبر الطوائف الاسلامية . مصادر التشريع السنى هى القرآن و سنة نبي الاسلام محمد اللى فى الأحاديث النبوية الصحيحه. مذهب اهل السنة متقسم لفروع مذهبيه على حسب العقيدة زى الأشاعرة و الماتريدية و الوهابيه (سلفيه) او على حسب الفقه زى مذاهب الائمة الاربعة . السنه مؤمنين بصحة خلافة الخلفاء الراشدين الاربعه و ب العشره المبشرين بالجنة و بعدالة و احترام كل الصحابه.

الشيعه هم تانى اكبر مذهب فى الاسلام. حوالى 7.5% من المسلمين شيعه. الشيعه بيأمنو بإن قبل النبى محمد مايتوفى إختار إبن عمه على بن أبى طالب عشان يبقى الخليفه من بعده لقيادة الدوله الاسلاميه. المسلمين الشيعه بيعتقدو ان علِى كان الإمام الأولانى, (زعيم أقرب ل‍له عن الباقيين)و اعتباره ولاده علِى الائمه المرسلين. زى المسلمين من أتباع المذهب السنى الشيعه بيتبعوا تعاليم القرآن و السُنّه لكن بيعتقدوا إن الإمام هو بس اللى ليه حق التشريع.

.

المذاهب الفقهيه يعنى المذاهب القانونيه اللى اختصاصها التشريعات فى المذهب السُنى هم اربعه، الحنفى و المالكى و الشافعى و الحنبلى. كل بلد اسلامى ممكن ياخد بمذهب فقهى من المذاهب الاربعه. فى مصر فى عصر الدوله المملوكيه كان بيتاخد بالمذاهب الاربعه و كان لكل مذهب قاضى و كان القضاه بيتسموا القضاه الاربعه. اما فى المذهب الشيعى فهم اثنا عشريه و زيدية و مذاهب تانيه

الصوفيه مش مذهب زى السُنّه و الشيعه. هما بيركزو أكتر على الجوانب الروحانيه و التقرب من الخالق فى الاسلام. الصوفيين ممكن يكونو سُنّه او شيعه.

الخوارج كانت حركه فى الايام الأولانيه للاسلام. الحركه دى منقرضه و مالهاش أتباع النهارده بس مهمة و أثرت فى التاريخ الاسلامى. فى الاول هم وافقو على حق علِى فى الخلافة و بعدين رفضوا الفكره و بعدين اىّدو حق ابو بكر و خلفاءهُ. المجموعه الوحيده اللى لسه موجوده هى الإباضيه. الإباضيين مش بيعتبرو نفسهم خوارج. معظم الإباضيين عايشين فى عُمان. و فيه عدد صغير عايش فى الجزاير و تونس و ليبيا و زانزيبار/زنگبار.

كلمة ”وهابيه“ بيستعملو بدل بعض لوصف نفس الطائفه. هى حركه مذهبيه و سياسيه فى مذهب اهل السنة و الجماعة اتسمت كده اكمن انها اتنسبت للإمام محمد بن عبد الوهاب اللى قام بالدعوه و نشرها لكن اتباع المذهب مابيسموش نفسهم وهابيين. ، ظهرت الحركه فى شبه جزيرة العرب فى القرن التمنتاشر و اتأسست فى ضلها الدوله السعوديه. المذهب بيقوم على الأخد بصريح الكتاب و السنه و محاربة اللى شايفنه بدع بحيث يكون الدين لله وحده من غير شريك. المذهب بيقوم على الأخد الصريح بالنص من الكتاب و السنه و بتتبع فى الفقه المذهب الحنبلى بشكل كامل و بيعتبروا نفسهم انهم الوحدين على المنهج الإسلامى المظبوط و بقية الناس اما ضالوا عن الطريق الصح و بيتبعوا بدع او كفرة. ، اكبر انتقاد للحركة دى استخدماها للتكفير و العنف ضد اللى بيخالفهم سواء كانت باقى طوائف و مدارس مذهب اهل السنة و الجماعة و الطرق الصوفيه او الشيعة او بقية الاديان التانيه و بيتهموا بالرجعيه و استخدام اتباع الحركة دى الدين فى السياسه عشان يوصولوا لمصالحهم و تغير ثقافة و سلوك المجتمع اللى بتنتشر فيه

الوهابيه بتعظّم اوى ”ابن تَيميّه“. الوهابيه بتُعتبر نسخه صغيره للسلفيه,
بس فيه مصدر تانى بيوصف الوهابيه ”توجّه جوّا السلفيه“,
فيه ناس بتعتبر التوجّه ده مُحافظ-مُتشدد.

القرآنيين اسم إتقال عن تيار إسلامى ظهر فى مصر. إبتدا من وقت حركة الشيخ ”محمد عبده“ الإصلاحيه سنة 1905 و لقى استجابه بين طبقات المثقفين جوه مصر و برّاها. اسم قرآنيين طلّعه عليهم فى الاصل اعداء جماعة اهل القرآن, لكن جماعة اهل القرآن شايفين ان مفيش مشكله فى نسبتهم للقرآن و انه بالعكس تشريف ليهم, و بيسمو نفسهم اهل القرآن. الاختلاف اللى فى فكر التيار القرآنى هو انهم بيأمنو بالقرأن بس و ما بياخدوش بـ الأحاديث و الروايات المنسوبة للنبى محمد المعروفه بالسُنه النبويّه.

الاسلام والمسلمين اتعرضوا فى طول تاريخهم للتأييد والرأي الكويس وبرضوا اتعرضوا للنقد والاضطهاد.

فى ناس كتير سياسيين وفلاسفة وعلماء واطباء اتكلموا على الاسلام والرسول محمد بحاجات كتيرة كويسة زي مثلا:

فى فترة العصور الوسطى, بعض الفلاسفة العرب انتقدو الاسلام بردو زى الشاعر المعرى.
الفيلسوف اليهودى موسى ابن ميمون قارن بين وجهات النظر الاسلامية عن الأخلاق و بين وجهات النظر اليهودية اللى هو نفسه مؤمن بيها, وقال ان الاسلام مجرد نسخة من الديانات اليهوديه و المسيحيه مع شوية تغييرات بسيطه اتعملت علشان توافق رغبة محمد فى الشهرة و سعيهُ لتأسيس دين جديد, و رغبته انه يكون مساوى لناس زى موسى و عيسى (يسوع المسيح).
كتاب اوروپيين فى العصور الوسطى كانو بيعتقدو ان المعتقدات الاسلامية مش مظبوطه, و حاولو إظهار محمد فى صورة الموسوس من الشيطان. فى القرن التسعتاشر, المستشرق و الباحث ويليام موير (William Muir) انتقد القرآن بقساوة.

فى العصر الحديث, منتقدى الاسلام بيقولو ان الاسلام مش بيتسامح مع الاراء اللى بتقول ان الشريعة الاسلاميه ممكن تكون قاسية جدا. خصوصا فى حالات معاقبة المسلمين اللى بيرفضو او بينتقدو الاراء المتفق عليها فى الاسلام. فيه منتقدين تانيين بيبصو لحياة محمد الشخصية بطريقه سلبية.
و تانيين بيتساءلو عن مدى موثوقية و أصالة القرآن و مدى صلاحيته لفرض توجيهات أخلاقيه.
الاراء دى كمان بتقول ان الستات ممكن يكونو بيتعرضو لمعاملة وحشه فى ظل الشريعة الاسلامية و تطبيقاتها.

فيه كتّاب اوروپيين ردّو على النوعيه دى من الانتقادات. مونتجومرى وات (Montgomery Watt), و نورمان دانيال (Norman Daniel) قالو ان بعض الانتقادات اللى وجهها خصوم الاسلام للاسلام قامت على أساطير قديمه و مجادلات,

كمان ان الحروب الصليبيه بين الاوروپيين الكاتوليك و المسلمين فى العصور الوسطى خلقت جو معادى ازدهرت فيه الكتابات المعاديه للاسلام. بصفه عامه بيواجه المسلمين فى الوقت الحالى مشاكل كتيره من أهمها مشاكل التعصب و التطرف الدينى و الإرهاب.

عدد المسلمين فى العالم حسب البلد سنة (2010) ، متقسمة لجدول ,جوة الخانة الأولى المنطقة الجغرافية للبلد ، والخانة التانية اسم البلد ، والخانة التالتة عدد سكان البلد (2010) ، والخانة الرابعة نسبة المسلمين فى البلد ، والخانة الخامسة عدد المسلمين فى البلد المذكوره.




#Article 29: الامبراطوريه الرومانيه (159 words)


الامبراطورية الرومانية هى تطور للحكم السياسى لروما .الامبراطورية الرومانية هى المرحلة اللى جت بعد الجمهوريه الرومانيه اللى حكمت روما.

الرومان هم شعب استقر فى وسط شبه الجزيرة الايطالية ابتداء من القرن الاتناشر قبل الميلاد واسسو مدينة روما القديمة و اسسو دولة سيطرت على شبه الجزيرة الايطالية و اتوسعت الدولة الرومانية وسيطرت على معظم العالم القديم .

الجمهوريه الرومانيه كانت حلت محل الحكم الملكى الرومان ف القرن السادس قبل الميلاد. ف نص القرن الاولانى قبل الميلاد كان فيه مشاكل كتير بسبب سلسلة من الحروب الأهلية والصراعات السياسية. تم تعيين يوليوس قيصر ديكتاتور دايم لحد قتله سنة 44 ق.م . استمرت الحروب الأهلية وعمليات الاعدام، لحد انتصار أوكتافيان، ابن يوليوس قيصر بالتبنى، على مارك أنطونى و كليوباترا ف معركة اكتيومسنة 31 ق.م.

الامبراطوريه الرومانيه كان ليها حكومة يرأسها امبراطور و حكمت مناطق اقليمية كبيرة حوالين البحر المتوسط في أوروبا وأفريقيا وآسيا. مدينة روما كانت عاصمة الامبراطوريه الرومانيه لحدما مقر الحكومة الامبراطورية راح القسطنطينية على ايد قسطنطين العظيم ف القرن الرابع الميلادى.




#Article 30: الباشا تلميذ (فيلم) (166 words)


الباشا تلميذ هوه فيلم مصري انتاج 2004 بطولة كريم عبد العزيز وغادة عادل ورامز جلال ومحمد رجب ومنى هلا ومها احمد وحسن حسني وسامي مغاوري ومن تأليف بلال فضل واخراج وائل احسان.

تدور قصة الفيلم حول جامعة الصفوة اللى كان فيها الكثير من الطلبة اللى كانوا يدمنون المخدرات وهنا كان يحاول اللواء نجدت (حسن حسني) بأن يحل دى المشكلة ولكنه يفشل دوما، الا أن يتوصل الى خطة حيث يختار احدى الضباط من دفعة حديثة فاختار الضابط بسيوني (كريم عبد العزيز) وشرح ليه الخطة بأن يكون احدى الطلبة في تلك الجامعة فوافق بسيوني وهنا تدور الأحداث في الجامعة ويتعرف بسيوني على انجي (غادة عادل) وطارق عدوه اللدود (محمد رجب) والبنت الغريبة مايا (مها أحمد) والمطرب الفاشل حمزة (رامز جلال) ويخوض الكثير من المغامرات ويقع في حب انجي، الا أن يكتشف أمره فيرحل عن الجامعة ويفشل في مهمته، ولكن انجي وحمزة اكتشفا أنه كان يبحث عن المخدرات فقررا مساعدته وكذلك ساعده طارق وبعد ذلك نجح بسيوني في مهمته وكوفئ بعد كده وكذلك تخرجت انجي وحمزة ومايا من الجامعة.




#Article 31: البحر الاحمر (209 words)


البحر الاحمر ( بحر القلزم) هو بحر موجود بين شبه الجزيره العربيه (السعودية و اليمن) من ناحية اسيا و مصر و السودان و إيريتريا و جيبوتي من ناحية افريقيا.
البحر الاحمر بيفصل بين قارة افريقيا و اسيا و فيه راى بيقول انه البحر الاحمر اتسمى البحر الاحمر عشان وقت الغروب بتبقى الشمس لونها احمر و بتدى البحر اللون الاحمر, فيه راى تانى ان الشعب المرجانيه فيه كتير و بيكون لونها بيغلب عليه اللون الاحمر عشان كده اتسمى البحر الاحمر

زادت اهمية البحر الاحمر على مستوى العالم بعد ان حفرت قناة السويس فجعلت معظم الرحلات البحريه بين اوروبا و اسيا او بين اسيا واوروبا او بين اسيا وشمال افريقيا او بين شمال افريقيا واسيا او بين شمال افريقيا و شرقها او شرق افريقيا و شمالها تعبر من البحر الاحمر بعد ان كانت اهميته محدوده جدا قبل حفر قناة السويس و يوجد اماكن سياحية عالمية على البحر الاحمر مثل مدينة شرم الشيخ التي تعتبر من انسب الاماكن فى العالم للغطس و التي تقع فى جنوب سينا وتوجد محمية راس محمد ومدينة الغردقة.

بيطل على البحر الاحمر الدول دى:

و محمية راس محمد محميه طبيعيه من المحميات الطبيعيه المهمه فى العالم.

وفيه موانى كتير على البحر الاحمر,
زى السويس و نويبع فى مصر.
العقبه فى الاوردن.
ايلات فى اسرائيل.
جده فى الكرم.




#Article 32: البحر المتوسط (854 words)


 البحرالمتوسط: هوه بحر من المحيط الاطلسي يحيط به منطقة حوض البحر الابيض المتوسط موجود بين غرب اسيا وشمال افريقيا واوروبا ومساحته 2.5 مليون كيلومتر مربع (965000 ميل مربع) وبيربطه بالمحيط الاطلسي مضيق جبل طارق اللى عرضه 14 كيلومتر (9 ميل) بس.

تكونت حضارات عظيمه على طول شواطيء شرق وجنوب وغرب وشمال البحر الابيض المتوسط فى العصور القديمه وكان البحر ده وسيله مهمه للتواصل الثقافي والتبادل التجاري فيما بين شعوبه، ودراسة تاريخ البحر الابيض المتوسط من اهم الحاجات اللى بتخلي الواحد يقدر يفهم كتير من المجتمعات الحديثة وازاى اتشكلت واتطورت، والبحر ده اتسمى متوسط لان البشر زمان وخصوصا في الشرق والجنوب كانو معتقدين جغرافيا ان البحر ده موجود فى وسط الارض (العالم) واعتقادهم الجغرافي ده اثبت خطاه طبعا وعلى الرغم من ده ما تغيرش جزء من اسمه وفضل متوسط كما هو؛ والبحر هذا سمي باسامي كثيرة جدا ومنها ان:

البحر المتوسط موصول بالمحيط الاطلسي عن طريق مضيق جبل طارق من ناحية الغرب، وموصول كمان من ناحية الشمال الشرقي ببحر مرمره والبحر الاسود.
اما من ناحية الجنوب الشرقي فقناة السويس بتوصله بالبحر الاحمر.
البحر المتوسط مليان جزر كبيره ومشهوره زي جزيرة قبرص وجزيرة كريت وجزيرة صقليه وجزيرة سردينيه وجزيرة كورسيكه.
بالنسبه للمناخ فبشكل عام الشتاء بيبقى برد ومطر والصيف بتاعه حر وجاف.

دلوقتي فيه 29 دوله بتطل على البحرالمتوسط وهمه:

البحر المتوسط بيعتبر مهد الحضارات وتاريخ الشعوب والبلاد المطلة عليه شرقا وجنوبا وغربا وشمالا تاريخ مليان بالانجازات من اول عصور ما قبل التاريخ (الميلاد) لما انتشر التحضر (التمدن) فى جزء فى كل من الشام ومصر وظهرت حضارات الشاميين القوقازيين البيض واشقائهم المصريين القوقازيين البيض فى الصحه، والثقافه، والزراعه، والاجتماع، والاقتصاد، والكتابه، والفلسفه، والعسكر، والسياسه، وتنميتهم متمثله باول حضارتين فى الشام وهمه الحضاره الكباريه الشاميه القوقازيه البيضاء فى الشام اللى كانت حضاره ومملكه وبعديها الحضاره النطوفيه الشاميه القوقازيه البيضاء فى الشام اللى كانت حضاره ومملكه وبعدهما كانت في بعدهم فى مصر مجموعه من الحضارات والممالك والامبراطوريات المصريه القوقازيه البيضاء فى مصر وكانت اخر وحده فى مصر هيه الحضاره الفرعونيه المصريه القوقازيه البيضاء فى مصر اللى كانت حضاره ومملكه وبعديها امبراطوريه وبعد بدايتها ومع وجودها وبعد نهايتها كان فى غيرها فى الشام مجموعه من الحضارات والممالك والامبراطوريات الشاميه القوقازيه البيضاء فى الشام وكانت اخر تنتين فى الشام همه الحضاره النبطيه الشاميه القوقازيه البيضاء فى الشام اللى كانت حضاره ومملكه وبعديها الحضاره التدمريه الشاميه القوقازيه البيضاء فى الشام اللى كانت حضاره ومملكه وبعديها امبراطوريه؛ فبعد الاف السنين من بداية حضارات الشام ومصر قام اهلهم الشاميين القوقازيين البيض واشقائهم المصريين القوقازيين البيض وتحديدا قبل الميلاد (التاريخ) بحوالي الف وخمسمائة سنه اكتر او اقل بكم سنه وعلى مدى مئات السنين فى نقل الافكار والمعارف الشاميه القوقازيه البيضاء والمصريه القوقازيه البيضاء بين سواحل او شواطيء البحر الابيض المتوسط بصوره اسرع من اى وقت تاني فامتدت بقعة النور والحضاره وما مرش وقت كبير بعد كده قبل نشوء مراكز حضاريه جديده فى حوض البحر الابيض المتوسط وبسرعه اتبدل ميزان القوه من الشرق والجنوب لصالح الغرب والشمال وبدات تظهر حضارة اليونانيين فاسسوا الامبراطوريه المقدونيه اليونانيه القوقازيه البيضاء اللى كانت حضاره ومملكه وبعديها امبراطوريه على انقاض الامبراطوريه الاخمينيه الايرانيه القوقازيه البيضاء اللى كانت حضاره ومملكه وبعديها امبرطوريه واللي كانت متاسسه اصلا كمان بدورها على انقاض الامبراطوريه الاشوريه العراقيه القوقازيه البيضاء اللى كانت حضاره ومملكه وبعديها امبرطوريه، وبشكل عام فالروم (الرومان) والعرب (العربان) اتبادلو الحكم على حوض وشعوب البحر الابيض المتوسط من خلال امبراطورياتهم المتمثله فى الامبراطوريه الروميه الايطاليه القوقازيه البيضاء اللى كانت حضاره ومملكه وبعديها امبرطوريه والامبراطوريه العربيه الحجازيه القوقازيه البيضاء اللى كانت حضاره ومملكه وبعديها امبرطوريه، وفي العصر الحديث وقعت معظم دول الشرق والجنوب تحت الاحتلال الاوروبي وخصوصا بريطانيه الاردن وفلسطين ومصر وفرنسه سوريه ولبنان وتونس والجزائر وجزء من المغرب (مراكش) وموريتانيه وايطاليه ليبيه واسبانيه الجزء الاخير من المغرب (مراكش).

نجحت دول شمال وغرب البحر المتوسط فى توحيد نفسها اقتصاديا وسياسيا ضمن الاتحاد الاوروبي وعلى العكس لسه وللاسف دول جنوب وشرق البحر الابيض المتوسط فى مشاكل وصراعات وعراقيل بتمنع التعاون ومن اهمها مشكلة فلسطين والاسرائيليين (ال7 ملايين اسرائيلي) فى الشام اللى كانت السبب الرئيسي فى تجميد مبادرة بارسلونا -سنة 1995- اللى كانت بتهدف لتحقيق السلام والاستقرار وتعميق العلاقات الاقتصادية بين دول غرب وشمال البحر الابيض المتوسط ودول شرق وجنوب البحر الابيض المتوسط.
فى اكتوبر 2007 دعا الرئيس الفرنساوي نيكولا ساركوزي لقيام الاتحاد المتوسطي بين الدول المطلة على البحر واتعقد اول اجتماع فى فرنسا فى 13 يوليه 2008.دعوة ساركوزي لقت ترحيب من بعض الدول ولقت معارضة من بعض الدول التانية.

دعوة الرئيس الفرنساوي ساركوزي زعلت مش بس دول الشرق والجنوب عشان ماتخدش رأيها قبل الاعلان عن الاتحاد، و كمان زعلت دول أوروبية كتيره زي ألمانيا اللى شايفة ان دعوة ساركوزي ح تضعف و حتشتت الاتحاد الاوروبي. اسم الاتحاد المتوسطي اتغير و بقى الاتحاد للمتوسط و اتغيرت عضويته و بقت بين دول الاتحاد الاوروبي ال27 من ناحية و دول البحر المتوسط التانيه من ناحيه تانيه بالاضافه للاردن وموريتانيه.
مصر بقت اول رئيس للاتحاد بالاشتراك مع فرنسا و لمدة سنتين و اما بالنسبة للمقر بتاع السكريتارية العامة ف لسة ما تحددش و شارك فى القمة التأسيسية 43 دولة و من اشهر الرؤسا و الزعما اللى حضرو حسني مبارك من مصر، بشار الاسد من سوريا، إيهود أولميرت من اسرائيل، رجب طيب اوردوجان من تركيا و انجيلا ميركل من المانيا و جوردون براون من بريطانياو طبعا نيكولا ساركوزي من فرنسا. وما حضرش الملك المغربي (المراكشي) محمد السادس والرئيس الليبي معمر القذافي؛ واهم الحاجات اللى اتفق عليها الزعماء اللى حضروا هيه:-




#Article 33: برازيل (367 words)


البرازيل هى بلد فى امريكا الجنوبية واسهما الرسمي، جمهورية البرازيل الاتحاديه.

البرازيل هى خامس اكبر بلد من حيث المساحه، وخامس اكبر بلد من حيث عدد السكان، ورابع اشهر ديمقراطيه فى العالم. ولغة البرازيل الرسميه هى البرتغالى. والكاثوليكيه هى الديانه السايده فى البرازيل .

المحيط الاطلسي يحد البرازيل من ناحية الشرق ،البرازيل تمدتد طول سواحلها المقدرة بـ 7700كلم²
بها جبال قديمة التكوين و اعلى قمة جبلية بها : بانديرا 8700 متر .
بالاضافة الى الهضاب مثل هضبة البرازيل باداخل
السهل: بها سهول و اهمها سهل الامازون بالاضافة الى غابات كثيقة هى غابات الامازون
ام عن الانهار فلهم نهر هو نهر الامازون (و هو اعرض نهر فى العالم روافده اكثر من 50 رافد )
المناخ : متنوع مثل : المداري ، الاستوائي : الساحلي

البرازيل ليها حدود مع ڤينيزويلا ، سورينام ، وجيانا ادارة جيانا الفرنسية من ناحية الشرق الشمال ، ومن ناحية شمال غرب كولومبيا ، وبوليفيا وبيرو من الغرب ، والارجنتين وباراجواى من ناحية الجنوب الغربي ، واوروجواى من الجنوب.

فيه جزر كتير بتعتبر جزء من الاراضي البرازيليه ،زى بينبدوس دى ساو بيدرو دي ساو باولو ، فيرناندو دى نورونه

معظم السكان الاصلييناللى عاشوا فى البرازيل حصريا يعتقد أن اصلهم من الموجة الأولى من المهاجرين من شمال اسيا (سيبيريا) اللذين عبروا الجسر البرى اللى كان بيربط بيرينج فى نهاية العصر الجليدى الاخير حوالى 9000 قبل الميلاد. فى 1500 ميلادي ، كان مجموع عدد السكان حوالى 3 ملايين من الامريكان الاصليين متقسمين لحوالى 2000 امه وقبيله .

البرازيل كانت مستعمره للبرتغال من ساعة اكتشافها على ايد بيدرو الفاريز كابرال 1500 ولحد استقلالها فى سنة 1822. فى البدايه استقلت على انها امبراطورية البرازيل ، البرازيل بقت جمهوريه فى سنة 1889 ، الكونجرس ( الهيئه التشريعيه) بيتكون من مجلسين بيرجع تاريخه لسنة 1824 ، لما تم التصديق على اول دستور. ويحدد الدستور دلوقتى البرازيل باعتبارها جمهوريه اتحاديه. الاتحاد البرازيلى اتكون من الولايات، والمقاطعات الاتحادية ، والبلديات. و البرازيل فيها دلوقتى 26 ولايه والبلديات 5564.

خاصة فى مزارع قصب السكر و البن و مناجم المعادن و بعض الصناعات

الاصلاحات الاقتصادية فى البرازيل ادت البلد موقف دولى جديد. البرازيل واحده من الاعضاء المؤسسين للأمم المتحدة واتحاد امريكا الجنوبية.

لغة البرازيل الرسميه هى البرتغالى. الكاثوليكيه هى الديانه السايده و مجتمع البرازيل مجتمع متعدد الأعراق ، البرازيل موطن لتنوع الحياة البرية ، والبيئات الطبيعية.




#Article 34: الدين البهائى (302 words)


الدين البهائى هو الدين اللى اسسه حسين على نورى, اللى لقبه بهاء الله, فى ايران فى القرن التسعتاشر. دلوقتى فى تقريبا ما بين خمسة و ستة مليون شخص بهائى على مستوى العالم متوزعين على اكتر من 235 دولة.
اهم تعاليم الدين البهائى هى الوحدة الروحية لكل البشر و على ان كل الاديان الكبيرة فى العالم جاية من اصل واحد. بيؤمن البهائيين ان الله يبعت كل شوية رسول للناس بيوصلهم رسالة مناسبة لعصرهم, و عشان كدة بيؤمن البهائيين بمجموعة كبيرة من الرسل منهم محمد, يسوع المسيح, موسى, ابراهيم, بالاضافة لزرادوشت و بوذا و كريشنا و الباب و طبعا بهاء الله.
بيدعو الدين البهائى كل البشرية لتحقيق السلام و العدل و الوحدة و بتأكد على حاجة البشر للتلات حاجات دول دلوقتي اكتر من اى و قت قبل كدة.

ممكن تلخيص تعاليم البهائية فى تلات مبادئ:

قوانين الدين البهائى متاخدة من الكتاب الاقدس و دى بعض الامثلة:

البهائيين اتعرضوا لكل انواع و اشكال التعذيب و القتل و الاضطهاد من اول السنين الاولانية للدعوة سواء فى ايران او فى بقية الدول اللى فيها اغلبية مسلمة.

واجه البهائين فى مصر حملة شرسة فى التلفزيون و الصحافة اتهمتهم بالكفر واباحة الزنا و خلافة. الحكومة المصرية بترفض اصدار بطاقات شخصية او شهادات ميلاد او حتا قسيمة جواز للبهائيين المصريين, وده علشان الازهر فى مصر عمل فتوى سنه 1980 ايام حكم جمال عبد الناصر قالو فيها ان الدين البهائى ميعتبرش دين ومش معترف بيه.
وسنه 1975 المحكمه العليا فى مصر منعت كل نشاطات البهائيين فى مصر وقالت ان مصر بلد اسلامى وبتعترف بالمسيحيه واليهوديه وبس.
وفى وفى سنه 1985 حكومه مصر مسكت 48 واحد بهائى وكان كبيرهم واحد فنان اسمه حسين بيكار و اعترف حسين انه كان بيشتغل لحساب بيت العدل الاسرائيلى علشان يكون مسئول عن اماكن عباده البهائيين..

فى اغسطس 2009 قررت مصر, بناء على حكم للقضاء المصرى, اصدار بطاقات شخصيه للبهائيين. و اعتبر البهائيين الخطوه دى شىء ايجابى.




#Article 35: البوسنه و الهرسك (131 words)


البوسنه و الهرسك ( Bosna i Hercegovina;  Босна и Херцеговина) هيا دوله اوروپية.

البوسنه و الهرسك بتطل على البحر المتوسط (البحر الادرياتيكي) موجودة فى شبه جزيرة البالقان ومساحتها 51,129 كم2.

عدد سكان البوسنه و الهرسك سنة 2017 كانو 3507017 انسان.

البوسنة و الهرسك كانت واحدة من الست دول عملو الاتحاد الفيدرالى بتاع يوجوسلاڤيا و استقلت البوسنة سنة 1992 و بتتوصف دلوقتي بانها جمهورية فيدرالية ديموقراطية وممكن تدخل الاتحاد الاوروپي فى المستقبل. جمهورية صرب البوسنه (بالصربى الكيريلى Република Српска)  هبا واحده من جمهوريات البوسنه و الهرسك.

البوسنة و الهرسك متحاطة بكرواتيا و مونتي نيجروو صربيا من كل الجهات تقريبا ماعدا حتة صغيرة طولها 26 كم بتطل منها على البحر الادرياتيكي.

العاصمة بتاعتها هيا ساراييڤو و هيا كمان اكبر مدينة فيها.

فيه تلات اثنيات ف البوسنة و الهرسك البوسنيين و الصرب و الكروات.




#Article 36: الحاد (231 words)


الالحاد ( atheism) هو بيكون لما الواحد بيرفض الاُلوهيه (زي فكرة وجود إله او رب) او الإصرار على عدم وجود آلهه. و بردو
 بيتعرّف بـ مفهوم أوسع إنهُ عدم الإعتقاد بـ الآلهه, او عدم-اُلوهيه (nontheism). عكس الإلحاد هو اُلوهيه (انجليزى: theism).

فيه ناس بيوصفو نوعين من الإلحاد - إلحاد مش-مباشر و إلحاد واضح.

اللادينيّه (irreligion): هى عدم وجود دين او مش فارق لو فيه او مُعادية الدين. على حسب القصد, ممكن المعنى: إلحاد, دييزم (deism), (nontheism), أجنوستيّه (agnosticism), إيجنوستيه (ignosticism), ضد الدين (antireligion), التشكيك الدينى (religious skepticism), التفكير الحُر (freethought), علمانيه انسانيه (secular humanism). ماتتخلطش بـ العلمانيه

لاادريه هى رؤيه فلسفيه شايفه ان القيمه الحقيقيه لإدعاءات معينه — بالذات الإدعاءات بتاعة الميتافيزيا (metaphysics) بالنسبه للتوحيد, و الاخرَه او وجود آلهه, كائنات-رَوحانيّه, او حتى الحقيقه المطلقه — مش معروفه, او بتعتمد على نوع الأجنوستيّه, و فى الاساس مستحيل إثباتها او عدم إثباتها.

الجهل بأى معرفه لإله او آلهه بسبب ان الاُلوهيّه مافيهاش معنى مترابط منطقياً لإيه هو الله.

فى اماكن كتيره, الإلحاد جريمه (او كان جريمه). فى اوروبا فى العصور الوسطى, الملحدين كانو ممكن يتقتلو بـ الحرق. فيه بلاد كتير لسه عندها قوانين ضد الإلحاد. فيه شوية بلاد عندها قوانين بتحمى حقوق الملحدين إن مايبقاش عندهم دين, زى المملكه المتحده, كندا, نيديرلاند, و الولايات المتحده الامريكيه. ده معناه إن الملحدين عندهم نفس الحقوق القانونيه زى أى حد تانى. حرية الدين فى القانون الدولى و المُعاهدات الدوليه بتشمل الحريه فى عدم إعتناق دين.




#Article 37: الحبيب بورقيبه (300 words)


الحبيب بورقيبة (3 اغسطس 1903 - 6 ابريل 2000 ) هو راجل دولة و مؤسس و اول رئيس للجمهورية التونسية، و دائما بيتشبه بالزعيم التركي كمال اتاتورك بسبب الاصلاحات الغربية اللى قام بها فى تونس .بورقيبه جعل التعليم اولوية له
و ساهم في نقله نوعية بالنسبة لحقوق المرأة التونسية ومنها: منع تعدد الزوجات، منح النساء الحق في طلب الطلاق، رفع سن الزواج للفتيات إلى سبعة عشر عام.

بورقيبة درس القانون فى باريس ووجد من هناك ليسانس فى الحقوق ورجعمءتل لءالء ات علشان يمارس مهنة المحاماة فى تونس.بورقيبة اتجوز مرتين، المرة
الاولانية من ست فرنساوية اسم.

وتزوج للمرة الثانية من وسيلة بن عمار رسميا في 12 أبريل عام 1962، في احتفــال كبير بقصر المرسى.وسيلة بن عمار الثائرة التونسية، ابنة مدينة الباجة اللى قادت عددا من عمليات النضال الوطني ضد الاستعمار، حتى ألقي القبض عليها عام 1948 وسجنت. وتعرف عليها في القاهرة حيث عاش بورقيبة في إحدى الشقق ببيت في شارع نوال بالدقي.

الزوجة الثانية اللى أصبحت السيدة الأولى والتي استولت على بورقيبة قلبا وعقلا ، وأصبح ينظر إليها على أنها نائب الرئيس الفعلي، كانت قوية جدا وذكية للغاية ، وكان يقول عنها بورقيبة  إنها تشبه أمي ، استمر نفوذ وسيلة إلى عام 1986م  لما قام بورقيبة بتطليقها متهما إياها بتجاوز الحدود والتدخل الفظ في شئون الدولةتزوج للمرة الاولى من الفرنسية ماتيلد وهي كانت تبلغ من العمر  لما تعرفت عليه 36 عاما وهي أرملة احد الضباط الفرنسيين اللى ماتوا في الحرب العالمية الأولى ، كانت تكبره بحوالي 12 سنة ، وقد عاشرها بورقيبة  لما كان طالبا يدرس في باريس خارج المؤسسة الزوجية، وطلقها بعد 22 عاما من الزواج.

و اتطلقو بعد 22 سنة جواز وتاني مرة من ست تونسية اسمها وسيلة بنت عمار وهي من الثوار
التوانسة اللى قادو النضال الوطني ضد الاستعمار الفرنساوي . الحبيب و وسيلة اتقابلو و اتعرفو على بعض فى القاهرة لما كان بورقيبة عايش فى حي الدقي.




#Article 38: الف-به دوليه صوتيه (146 words)


الالف-به الدوليه الصوتيّه ( L'Alphabet Phonétique International,  API;  International Phonetic Alphabet,  IPA) هى طريقة كتابه صوتيه, إخترعتها ”المؤسسه الدوليه للصوتيات“. الحروف إتعملت فى پاريس, سنة 1886, و إتعملت عشان يبقى فيه طريقه متوحّده للتعبير عن نطق الأصوات لأى لغه. الحروف دى بيستعملها علماء اللغه, و علماء مشاكل اللغه (الپاثولوجيات للـ لغه) و المُعالجين, و مُدرّسين اللغات الاجنبيه, و اللى بيكتبو قواميس, و المُترجمين; عشان يعبّرو عن نطق اللغه بالظبط عن طرِيق الحروف المكتوبه.

الحروف الدوليه الصوتيه بردو بيسعملها ويكيبيديا عشان يساعد اللى بيقرو إنهم ينطقو كلام غريب عليهم. أغلب الحروف بتبقى متجابه من الحروف اللاتينى, او حروف لاتينى متعدّله. و الحروف الدوليه الصوتيه, عشان تتميّز عن الكلام العادى, بتبقى دايماً محطوطه بين خطين مايلين / / لما يكون مكتوب الإختلاف الأساسى اللى بيفرق فى النطق اللى بيبقى مفهوم لو الواحد يعرف اللغه. او قوصين مُربّعين [ ] فى الشرح بالتفصيل للنطق. و بتتقرى من الشمال لليمين.




#Article 39: الحمله الفرنسيه (805 words)


المتحاربون 

الحملة الفرنسية على مصر استمرت تلات سنين (1798-1801) قام بيها نابوليون بونابارت.

فى 12 ابريل من سنة 1798 قررت حكومة من حكومات الثوره الفرنسيه انها تجهز لحملة عسكريه للسيطرة على مصر. القرار دا كان بسبب سيطره الانجليز على طريق راس الرجاء الصالح و خنقتهم على سفن الفرانسويين و عشان يعملوا طريق تجارى جديد الانجليز مش مسيطرين عليه و كمان عشان يقطعوا الطريق على الانجليز و هما فى طريقهم لمستعمراتهم فى الهند و ادت قيادة الحملة دى لنابوليون بونابارت. و جهزوا جيش و جابوا معاه مجموعه كبيره من العلما والمهندسين والجغرافيين، عشان يكتشفوا مصر اللى كانت وقتها لنسبه ليهم لغز كبير و اساطير عن التاريخ المصرى. و فى يوم 19 مايو 1798 اتحركت الحملة من مينا طولون شايله 35 الف عسكرى و علما و مهندسين و جغرافيين شايلهم 300 سفينه و بتحرسهم اسطول حربى فرنساوى بيتكون من 55 سفينه. فى السكة اسكندرية سيطرت الحملة على جزيرة مالطا من ايد فرسان القديس يوحنا,

وصلت الحملة لاسكندرية و نجحوا فى احتلالها فى 2 يوليه 1798 بعد ما قاوم اهلها و حاكمها السيد محمد كريم جامد. و اعلن نابوليون انه جاه عشان يحرر المصريين من ظلم المماليك و العثمانيين. و وزع بيانات ان الحملة بتحترم المصريين و تقاليدهم و دينهم و حاول فى البيان دا يأثر على المصريين المسلمين بقوله انه سيطر على مالطا من الصليبيين اللى هناك عشان بينتقم من الحملات الصليبيه اللى استهدفت المسلمين و شجع اشاعات على انه مسلم و انه بيحترم الاسلام, بس اغلب المصريين فضلوا شاكين فيه و فى نواياه. و بعدين طلع ناحية القاهره عشان يسيطر عليها.

اتقدم الجيش الفرنساوى ناحية القاهرة و فى منطقة امبابة (موقعة الاهرامات) واجه المماليك العثمانليه بقيادة مراد بيه و اتهزم مماليك العثمانليه بسهولة عشان كانوا بواجهوا الفرانسويين بالسيوف و الخياله و الاسهم و الفرانسويين بيستعملوا ضدهم الرصاص و المدافع, دا كان بسبب ان مصر كانت معزوله عن العالم الخارجى و مش عارفيين ايه بيحصل فى العالم و ان الدنيا بتتطور و بتتغير. بس الفرنساويين اعجبوا بقوة و شجاعة المماليك بالرغم انهم خسروا.دخل نابوليون القاهرة فى 25 يوليه 1798 و بدأ على طول فى تشكيل مجلس من المشايخ لحكم المدينة و اصدر بيانات بيأكد فيها احترامه للمصريين و تقاليدهم و ديانتهم. و بدئت طموح نابليون انه من مصر حيبنى امبراطوريه كبيره فى الشرق.

فى الوقت اللى كان المصريين فيه بيقوموا بثورات ضد الفرنساويين اشهرهم هما ثورة القاهرة الاولى و ثورة القاهرة التانيه. حصلت معركة ابو قير البحريه اللى فيها قدر الأسطول البريطانى انه يدمر الأسطول الفرنساوى اللى كانت مهمته حماية سواحل مصر و بكدا اتقطعت خطوط الاتصال بين نابوليون فى مصر و فرنسا و بقى متحاصر على الارض. حاول نابوليون يكسر الحصار دا عن طريق عمل حملة فرنساوية تانية من مصر على سوريا و فلسطين بس الحملة فشلت هى كمان على الرغم من الانتصارات اللى حققها فى الاول بسبب المقاومة الي لقاها فى مدن الشام و خصوصا فى عكا و كمان بسبب مرض الطاعون و نقص الامدادات من مصر. وفى سنة 1799 ساب نابوليون مصر و رجع فرنسا و عين الجينيرال كليبر بداله حاكم لمصر و قائد للحملة كليبر فشل هو كمان فى انه يكسب ود الشعب المصرى و اخيرا مات مقتول على ايد طالب سورى كان بيدرس فى جامع الازهر اسمه سليمان الحلبى. بعد كليبر جاه الجنيرال مينو اللى أسلم و اتجوز واحدة مصرية من مدينة رشيد. استمر الانجليز مع العثمانيين فى الضغط على الفرنساويين عسكريا و سياسيا لحد ما استسلم الجينيرال مينو بعد معركة ابو قير البحرية و ساب مصر هو اللى اتبقى من جيشه فى سفن الأسطول البريطانى اللى وصلتهم لحد فرنسا. بس فضل عدد من الفرانسويين العساكر او اللى جم مع الحلمة لمصر قرروا انهم يفضلوا و يعيشوا مع المصريين و اتمصروا بعد كدا.

للحملة الفرنسيه اربع نتايج اساسيه:

نتايج علميه

نتايج اجتماعيه

نتايج عسكرية

بالرغم من ان الحملة الفرنسية لم تحقق هدفها العسكري اللى اتت مصر لاجله، لكن تنم تحقيق عدة نتائج عسكرية من اهمها:

نتايج سياسيه

سابت الحمله الفرنساويه تاثير مهم على مصر والمصريين.
من اهم التاثيرات على المصريين انها صحت عندهم الاحساس الوطنى تانى و الاحساس بهويتهم المصريه اللى حاول العرب يمسحوه لما دخلو مصر.
و كان من نتيجة صحيان الانتماء لمصر و الهويه المصريه ان المصريين هما اللى اختارو محمد على انه يكون هوا الحاكم على مصر لاول مره من بعد سنين طويله كان بيتفرض عليهم والى مالوش اى علاقه بمصر و ولا المصريين يعرفوه ولاعنده فكره عنهم و لاعن حياتهم و ثقافتهم الا لمجرد انه على علاقه (صحوبيه او قرابه او حتى مصالح ماديه صرف) مع الخليفه التركى العثمانى او اللى ماسكين شئون الخلافه و يبؤو مجبرين انهم يدعوله فى الجوامع و هما مش عايزينه.
فكان صحيان الانتماء المصرى عند المصريين اللى حاول العرب يلغوه من اول لما احتلو مصر و اختارو محمد على لانهم حبوه و حسو فيه الاخلاص, فموقف المصريين مع محمد على خلى محمد على يشيل ده للمصريين و اشتغل باخلاص و ضمير لما بقى حاكم على مصر.
انجاز اعادة الوعى و الهويه للمصريين على المستوى الانسانى و الوطنى كان اهم انجاز عملته الحمله.
ييجى بعديه انجازات تانيه مهمه جدا فى حياة مصر و المصريين.




#Article 40: الدين المصرى القديم (300 words)


الدين المصري القديم هو مجموعة المعتقدات الدينية و الطقوس اللى كان المصريين القدام بيؤمنو بيها من عصر ما قبل الاسرات ولحد بداية اعتناقهم ل الاديان الابراهيميه يعني المسيحية و بعدين الاسلام و بشكل محدود جدا لل يهودية. الدين المصري القديم بالتعريف دا هو الدين اللى استمر المصريين بيؤمنوا بيه لمدة بتزيد عن 3000 سنة، و طبعا مر بتحولات و تغييرات و تطورات كبيرة لكن الحاجة الوحيدة اللى تنتها ثابتة هى التعددية و التسامح. يعني على الرغم من ان كل مدينة مصرية كان ليها اله خاص بيها الا اننا ما سمعنا ش ابدا عن حروب دينية او تكفير او تعصب او تطرف من اتباع اله ضد اله تاني. الروح المتسامحة دي هى السمة الميزة للأديان التعددية على العكس من الأديان التوحيدية. بمرور الوقت كانت الالهة دي بتكتسب اتباع جدد او بتنحسر عبادتها او بتموت تماما او حتى بتتوحد فى صفاتها مع الهة تانية و بيبقوا اله واحد.

الالهه المصريه القديمه كانو كتير و منهم اللى اتعرف فى كل مصر زى امون و اوزوريس . لكن مركز عبادة اله معين من عشرات الالهه كان موجود فى اماكن معينه;

أهم المعايد اللى كان الدين المصري القديم بيتمارس فيها

استمر الدين المصري القديم فى حالة نشاط و تجدد لدرجة انه اتجاوز حدود مصر الجغرافيه وشمل الامبراطورية المصرية كلها خصوصا ايام المملكة الحديثة. لما غزا الاسكندر الاكبر مصر سنة 331 (ق ع ح ) كانت شهرة امون وصلت لبلاد اليونان لدرجة ان من اول الحاجات اللى عملها هى انه راح يحج لمعبد الاله امون فى واحة سيوة. استمر الوضع زي ماهو طول العصر البطلمي و الروماني لان الملوك دول تنوهم يحترمو و يقدرو الدين المصري القديم و حتى كانو بيشاركو فى الطقوس و الاحتفالات الدينية. مع دخول الديانة المسيحية مصر( فى القرن الاول الميلادي) ظهرت حالة من العدوانية والتحقير و التكفير للمصريين و دينهم و الاهتهم و معابدهم. اغتيال و تقطيع اوصال الفيلسوفه المصريه هيباتيا




#Article 41: الرحله (فيلم قصير) (140 words)


الرحلة هو فيلم قصير مدته خمس دقايق ونص سيناريو واخراج منى مكرم انتاج Art Lab وتمثيل عصام فايز وسارة.

الفيلم عن واحد ومراته طالعين رحلة، معظم الوقت الكاميرا على جوزها اللى هو اصلا بيقول كل الحوار وهو بيكلمها بحنيّة وبيفتكر اول مرة شافها كانت لابسة ايه ساعتها، بعد كدة تعبير وشّه بيتغير وبيسالها اذا كانت لسه بتحبه وللا لا، وبعدها ابتدى يقوللها انها بتبص على الرجالة لما بتبقى قاعدة معاه. بعدها بيفرمل عشان مطب وبيشتم ومن ساعتها طريقته بتختلف وبيبقى عصبي وبعدها ابتدى يقوللها انها بتبص على الرجالة لما بتبقى قاعدة معاه وانها لبست نفس الفستان الليكانت لابساه يوم ما قابلته اول مرة ف عيد ميلاد ابن خالتها. وبيسالها فى لابسة الدبلة وللا هتقوليلي قلعاها عشان متقعش عشان الريچيم. ف الاخر بيطلع انه قتلها وكل دة كان بيكلمها وهي ميّتة وف الاخر نزل م العربية ورما نفسه قدام عربية تانية.




#Article 42: العوامات (مرض) (123 words)


العوامات او الدبانة الطايرة هوه مرض بييجي للعين وهي خلايا صغيرة جدا جوة الجسم الزجاجي الواحد بيشوفها حاجات بتتحرك وهو بيحرك عينيه، بتكون على شكل خيوط او شخبطة او نقطة، وساعات بتاخد شكل الدبانة
الواحد بيشوفها لما بيكون باصص للسما او لسطح ابيض
ومصطلح العوامات ادق من الدبانة الطايرة لانه بيوصف الحركة بالظبط غير حركة طيران الدبانة اللى بتكون ثابته
لانها فعلا بتكون اجسام عايمة

الحوامل ساعات بيشوفوا بؤع بتتحرك ودة بيكون بسبب حتت صغيرة من البروتين جوة العين

اللى عندهم المرض دة محتاجين للمتابعة لان بيحصل انفصال للشبكية لـ 10% من اللى عندهم المرض دة نتيجة انكماش للجسم الزجاجي اللى بيعمل نزيف للشبكية وبعدها انفصال الشبكية والعمى.

عادة مافيش علاج ناجح ; لكن العلاج الجراحى يمكن يكون انجح فى علاج الحالات الشديدة




#Article 43: القاهره (402 words)


القاهرة هى عاصمة مصر من سنه 1169 و اكبر  مدينه فيها. القاهرة كمان اكبر  مدينة فى افريقيا و الشرق الأوسط فى عدد السكان القاهرة معروفة بين المصريين العاديين باسم  مصر. بناها جوهر الصقلى قائد جيوش الفاطمييين القادمين من البلاد التونسية فوق مدينة الفسطاط اللى بناها عمرو ابن العاص.

جنب حصن بابيليون الروماني. عدد سكان القاهرة 6,758,581 بنى ادم حسب احصاء 2006 
و بيوصل عدد سكان القاهرة الكبرى 17,285 مليون انسان (بعد ما نضيف حلوان و الجيزة و القليوبية و 6 اكتوبر) و دا بيخليها المدينة رقم 16 فى العالم حسب عدد السكان.

فى الاول سماها جوهر الصقلى المنصوريه جايز على اسم المنصور ابو المعز لدين الله، لكن المعز و هوه لسه فى افريقية تونس حاليا اختار اسم القاهره كفال كويس بإنها حا تقهر العدا، و ده بيوضح ان حكاية الغراب و المنجم و ظهور كوكب المريخ فى السما وقت تأسيس مدينة القاهره ( كوكب المريخ معروف عند العرب باسم النجم القاهر) مجرد قصه خياليه. فيه بيفسرو اسم القاهره على إنه جى من اللغة المصرية القديمه و اصله كاهي-رع يعني ارض الاه رع او ارض الشمس.

نزل جوهر الصقلى بعساكره فى حته اسمها المناخه فى شمال شرق القطائع و هناك، فى ليلتها 5 يوليه سنه 969م، حط طوالى اساس العاصمه الفاطميه الجديده اللى اتسمت بعد كده القاهره.

موقع القاهره قبل كده كان خلا بيعدى فيه الناس و هما رايحين من الفسطاط لعين شمس و لما وصل جوهر الصقلى ما كانش فيها غير حته مزروعه معروفه بإسم البستان الكافورى و دير للمسيحيين اسمه دير العظام و مبنى اسمه قصر الشوك.

مع إن القاهره اسسها جوهر الصقلي سنه 969 علشان تبقى مقر للخلافة الفاطمية، بس المدينه و الضواحى اللى حواليها تاريخهم بيرجع لحوالي خمس-ت-الاف سنه. اول عاصمة لمصر كانت ممفيس (منف) و هى دلوقتي موجودة على بعد حوالي 20 كيلو متر بس جنوب القاهرة. مدينة هيليوبوليس(عين شمس و المطرية دلوقتي) من اقدم المدن فى العالم كله و كانت عاصمة مصر فى ايام العيلة التلات-ت-آشر.وتنتها القاهرة واحدة من أهم المدن المصرية حتى بعد ما العاصمة اتنقلت لمدينة طيبة (الاقصر) فى الجنوب او اسكندرية فى الشمال.

القاهرة فيها جامعات كتيرة خاصة و حكومية زي:

معاهد الهندسه:

معاهد الخدمة الاجتماعية:

معاهد السكرتارية والادارة:

معاهد متنوعة:

القاهرة فيها شبكة كبيرة من المواصلات البرية و البحرية و الجوية:

القاهرة فيها  كتيرة زي:

مدينة القاهرة اتضخمت و ضمت كل الضواحي اللى كان حواليها ودا اثر على البنية التحتية اللى ماقدرتش تستوعب كل النمو دا و من أكتر المشاكل اللى فى القاهرة هى مشكلة التلوث و الزحمة.

احياء القاهره القديمه واصل اسمائها




#Article 44: القومية المصريه (795 words)


شوف كمان: مدرسة الفكر الوطنى المصريه

القومية المصرية هى مفهوم اتبلوَر فى القرن ال19، وعلى الرغم من إن المصريين اسسو اوّل دولة قومية فى التاريخ من اكتر من 5000 سنة ، إلا إنهم و بسبب الإحتلال الاجنبي الطويل نـِسيُو الهتهتم القومية و دياناتهم و أعيادهم و حتى لغتهم
بدأت تظهر بدايات القومية المصرية الحديثة مع سنة 1890 اما وقعت مصر تحت الإحتلال البريطاني، وكان لازم على الحركة دي التوليف بين تلات عوامل و موكونات للشخصية المصرية: الفرعونية و المسيحية و الاسلامية

من اوّل سنة 1890 و لحد نُص القرن ال20 و مصر فيها قوتين عكس بعض، كل واحدة فيهم بتحاول تشكل الوعي القومى و الهوية المصرية على المستويين: الإقتصادي والاجتماعي.
القوة الاولانية بتدعو للتقدم و تبني القيم الاوروبية اللى تنفع مع المصريين و القوة التانيه بتدعو للتمسك بالقيم العربية-الاسلامية.

القوة الأولانية اتكونت اساسا من المصريين اللى درسوا فى اوروبا و نادو بإحياء القومية المصرية اللى كانت موجودة قبل الإحتلال العربي لمصر و بتقوم على إعادة الحياة للتراث الفرعوني المصرى اللى حكم العالم كله زمان. ومن اشهر الناس دول احمد لطفي السيد و طه حسين و سلامة موسى و بيومي قنديل و من المعاصرين زاهي حواس و اسامة انور عكاشة,واللي كان قبل كده تبع القومية العربية لحد ما اقتنع بعد كده ونشر مقال مشهور فى جرنان الاهرام اسمو ايزيس تشرق بدموعها  وقال فيه ان العربية ثقافة مش قومية, وغيرهم كتير.

قبل سنة 1918 ما كانش الصراع بين القوتين شديد لان القوتين كانو لسة فى مرحلة التكوين. بس بعد الحرب العالمية الاولانية ما خلصت، زاد الصراع بين القوتين ووصل احيانا لدرجة العنف و لكن بشكل عام فاز التيار المصري الليبرالي و سيطر تقريبا على الحياة الثقافية و الاجتماعية ل مصر لحد الاربعينات و بصراحة ف من اول التلاتينات ابتدت القوى التقليدية فى الظهور و النمو لحد ما كان ليها الايد العليا مع بداية ال40-ات. و دا بسبب ظهور تيارت متعصبة فى اوروبا زي قوى المحور و اللى اضعفت طبقة المثقفين المصريين المؤمنين بالليبراليه و قوت المثقفيين الراديكاليين(المتطرفين) على حسابهم. و قبل قيام إنقلاب الضباط الأحرار سنة 1952، كانت حركات زي الاخوان المسلمين (المعادية للغرب و للقومية المصرية) و حزب مصر الفتاة مسيطرة تقريبا على المجتمع المصري و خصوصا على طبقات الوسطى و الدنيا من اهل المدن. مع ثورة يوليو على الحياة المدنية و الملكية الدستورية و إلغاء البرلمان، قرر الضباط تغيير النظام السياسيى والثقافى والاجتماعى فى مصر و اهتموا ب افكار اشتراكيه و القوميه العربيه اللى لَغت اسم مصر من الاسم الرسمي و بقت اسمها الجمهورية العربية المتحدة بعد الاتحاد مع سوريا. و بعدين بعد فشل الإتحاد ده ضافوا كلمة  العربية  لإسم جمهورية مصر او الجمهوريه المصريه.

هزيمة مصر فى حرب 67 و فشل السياسيات القوميه العربيه عموماً و فى مصر خصوصاً انها تحقق الرخاء الاقتصادي لشعوبها اخد كتير من مصداقية و اولوية فكرة الوحده العربيه عند المصريين . حسب الكونتنيوم انسيكلوبيديا لشئون الشرق الاوسط The Continuum Political Encyclopedia of the Middle East فكرة الوحده العربيه فى الـ70’ات تراجعت بشده فى السياسه الخارجيه المصريه , لكن الفكره فضلت كأمنيه موجوده عند الشعوب العربيه نفسها بطرق مختلفه.

المصريين تحديداً كانوا اكتر شعب عربي فقد ايمانه بفكرة الوحده العربيه بعد هزيمة 67 و بقوا متشككين فى قدرة عبد الناصر على تحقيق وحده عربيه بعد خسارة مهينه للجيش المصرى و احتلال جزء من ارض مصر بالإضافه للغارات الاسرائيليه المستمره على مدن القنال.

بعد اتفاقية كامب ديفيد و زيارة السادات لإسرائيل بقا واضح ان النظام السياسي فى مصر تراجع عن فكرة القوميه العربيه , و ان المصريين بقوا اكتر اهتماماً بمشاكلهم الداخليه . كلمات الوحده العربيه و العرب اختفت تقريباً من خطابات السادات لغاية اغتياله فى 1981 , و ده كان سبب لخبطه كبيره و نهايه مش مفهومه للتيار القومي فى مصر. و فى اواخر التمانينات فكرة الوحده العربيه كانت خسرت شعبيتها تماماً فى الشارع المصري لصالح فكرة القوميه المصريه بالإضافه للافكار الاسلاميه الاصوليه اللى بتمثلها جماعات الاسلام السياسي اللى دعمها السادات نفسو فى مواجهة التيارات اليساريه .

موضوع الهوية المصرية موضوع بيختلف فيه المصريين بشكل كبير جداً، يعني فيه مصريين شايفيين ان ما فيش تعارض بين كونهم مصريين وكونهم عرب فى نفس الوقت فى مصريين شايفين ان فيه تضاد وبين الهويتين و الثقافتين المصرية و العربية وبيدعوا الناس انها ينتموا لاصلهم و هويتهم وثقافتهم بس.

و بيتقول نيلوفر حائري عالمة اللغويات فى كتابها اللغة المقدسة
من زمان قوي و المصريين بيعتبرو نفسيهم مختلفين عن العرب، و المصري لما بيقول كلمة العرب فهو بيقصد تحديدا مواطنين دول الخليج العربي، مصر كانت القلب النابض للقومية العربية بس فى نفس الوقت مركز المقاومة لفكرة العروبة بحد ذاتها. و خلال فترة حكم عبد الناصر، إتغصب على المصريين بالقوة على انهم يؤمنو بانهم عرب. مصر دولة قومية من قبل ظهور فكرة القومية العربية و حتى من قبل الاحتلال الانجليزي مصر معروفة بحدودها الحالية من ايام المصريين القدام و طول تاريخ مصر و اهلها المصريين مؤمنيين انهم ماهماش عرب لكنهم مصريين و بس. فيه مصريين بيطالبوا بحذف كلمة العربية من اسم جمهورية مصر او الجمهوريه المصريه زى ما كانت قبل ثورة 23 يوليه اسمها المملكه المصريه.




#Article 45: اليكساندر جراهام بيل (199 words)


الكسندر جراهام بيل (3 مارس 1847 - 2 اغسطس 1922) كان عالم مشهور, و هو المخترع والمبتكر اللى كان له الفضل فى اختراع التليفون. كان والده, و جده, واخوه كانوا كلهم مرتبطين بالعمل على الخطابة والكلام, وكانت والدته ومراته طرش, وكان لده تأثير عميق على حياته. ابحاثه فى السمع والكلام خللته يجرب مع اجهزة الاستماع و فى نهاية المطاف اتوجت جهوده بانه سجل اول براءة اختراع للتليفون فى الولايات المتحده فى 1876.

الكسندر جراهام بيل له اختراعات تانيه كتيره مشهوره بما فيها شغله الاول من نوعه فى الهايدرفويل (المراكب المجنحه) و الايرونوتيكس (الملاحه الجويه) و كان واحد من الاعضاء المؤسسين للجمعيه الجغرافيه الوطنيه فى الولايات المتحده, اعتبر الكسندر جراهام بيل اختراعه المشهور التليفون تدخل على شغله الحقيقى كعالم و ورفض ان يكون فيه تليفون فى غرفة مكتبه .  لما مات جراهام بيل توقفت اجراس التليفون فى كل الولايات المتحده دقيقة صمت تحيه للرجل الذي شغله واهتمام بالتواصل من التليفون ممكن .

هو من مواليد الكسندر بيل فى ((ادنبره)), ((سكوتلاند)) فى 3 مارس 1847 وكان من الرعاةالبريطانيين فى اول حياته. بيت اسرته كان فى 16 شارع جنوب شارلوت, ادنبره. وكان له اخين : ميلفيل جيمس بيل (1845-1870) وتشارلز ادوارد بيل (1848-1867) ماتو من السل, ادوارد فى 1867 وميلفيل فى 1870.




#Article 46: الكنيسه المعلقه (293 words)


الكنيسه المعلقه كنيسه قبطيه أرثوذكسيه فى حى مصر القديمه ، فى منطقة القاهرة القبطية الاثرية المهمة ، قريبة من جامع عمرو بن العاص ، و معبد بن عزرا اليهودي ، و كنيسة مارمينا جنب حصن بابليون ، و كنيسة الشهيد مرقوريوس (ابو سيفين) ، و كنايس تانيه كتيره . و اتسمّت المعلقة لانها اتبـَنـِت على بـُرجێن من الابراج القديمة للحصن الروماني (حصن بابليون) ، اللى بناه الامبراطور تراجان فى القرن التانى الميلادى ، و بتُعتبر المعلقة هى اقدم الكنايس فى مصر من أهم المزارات الدينية اللى بتمثل التراث القبطي فى العاصمة المصرية القاهرة و اتبنت ٱول مره فى القرن التالت
.

فى بعض الروايات بتقول ان الكنيسة دى اتبنت على انقاض مكان استخبت فيه العيلة المقدسة(العدرا مريم ، المسيح،القديس يوسف النجار ف التلت سنين اللى قضوها ف مصر على حسب اللى مذكور ف الكتاب المقدس عشان يهربوا من حكم هيرودس حاكم فلسطين اللى كان امر بقتل الاطفال بسبب نبوئة جاتله و فى ناس تانية بتقول انها كانت مكان قلاية كان عايش فيها واحد من الرهبان ف واحد من السراديب الصخرية اللى محفورة ف المكان ده.
الكنيسة دى اتجددت كذا مرة ف العصر الاسلامى مرة ف عهد هارون الرشيد لما طلب البطريرك الانبا مرقس من الوالى انه يديله الاذن بتجديدها،و مرة تانية ف عهد العزيز بالله الفاطمى اللى سمح للبطريرك افرام السريانى انه يجدد كل كنايس مصر و مرة تالتة ف عهد الظاهر لأعزاز دين الله.
كانت مقر للعديد من البطاركة من اول القرن الحداشر و كان البطريك خرستوذولس اول واحد عمل الكنيسة المعلقة مقر للبابا و اتدفن فيها عدد من البطاركة ف القرنين الحداشر و الاتناشر و لسة لحد دلوقتى ليهم صور و ايقونات بيتولعلها شموع و كانت بتتعمل فيها محاكم الكهنة و الاساقفة و المهرطقين كمان،و بتعتبر مزار هام جدا للمسيحيين و ده بسبب انها قديمة تاريخيا و لأنها مرتبطة بالعيلة المقدسة.




#Article 47: اللغه الام (563 words)


اللغة الاُم هى اول لغه بياخدها الطفل من اهلهُ, يعنى مش بيحتاج يدرسها علشان يتكلمها.

و بيعرّفها قاموس كامبريدچ بإنها ”اللغة اللى بيتعلّمها الواحد وهو لسه بيحبى, مش اللى بيتعلّمها فى سن المدرسه او و هو كبير“.

فيه فرق بسيط, بس مهم, بين مصطلح اللغة الاُم و اللغه الرسميّه. يعنى على الرغم من إن اللغه العربى هى اللغه الرسميّه فى مصر, لكن مش هى اللغه الام بتاعة المصريين. الإزدواجيّة اللغوية (ديجلوسيا) موجوده فى مجتمعات دول الشرق-الأوسط و شمال افريقيا و أى مجتمع فى دوله بتستعمل لغه مكتوبه غير لغتها الاُم فى الكتابه.

فى عصور الظلام و العصور الوسطى فى اوروبا كانت اللغه اللاتينى هى اللغه الرسميه المصرح بالكتابه بيها و اللغات المحليه كانت اللغات الام للشعوب الأوروبيه.

اللغه الهندى هى لغه من اللغات الرسميّه فى الهند, لكنها مش اللغه الاُم لكل الهنود لإن الهند فيها حوالى مية لغه.

فى عصور الظلام و العصور الوسطى كانت اللغه اللاتينى هى لغة الكنيسه و لغة الكتابه. الكتب اياميها كانت بتتكتب باللاتينى. عامة الناس ماكانوش بيتكلمو لاتينى لكن بلغاتهم المحليه فكان فيه ازدواجيه فى اللغه. الكتابه باللاتينى كانت من ناحيه و الناس بتتكلم بلغاتها المحليه من ناحيه تانيه. من نتايج الازدواجيه اللغويه دى كان انتشار الجهل و الاميه حيث ان من ناحيه كان بيصعب على الانسان العادى انه يتعلم الكتابه بلغه مابيتكلمش بيها و من ناحيه تانيه ماكانش بيقدر يقرا و يتعلم. و بطبيعة الحال، فوق كده كمان، التكلم و التفكير بلغه و بعدين الكتابه بلغه تانيه حاجه بتعيق التفكير السليم و عمليه مرهقه للمخ البيولوجى اللى هو اداة تفكير و فهم. اكيد الانسان اللى بيتكلم و بيكتب بنفس اللغه حايكون متفوق ذهنياً و بديهته اسرع و اكتر قدره على توظيف لغته و تعبيراته عن الانسان اللى بيفكر و بيتكلم بلغه و بيكتب بلغه تانيه.

اللغه و الدين كانو العناصر اللى بيجمعو الاوروبيين لكن رغم كده الحروب و الصراعات بينهم كانت قايمه و وحدة الدين و اللغه ماحققتش للأوروبيين سلام او تعايش و ده لإن المصالح الوطنيه بتيجى فى المقام الاول. مع انقشاع عصور الظلام و العصور الوسطى ظهرت القوميات الاوروبيه و ابتدى الاوروبيين يهتمو و يفتخرو بقومياتهم. مارتن لوثر ترجم الكتاب المقدس من اللاتينى للألمانى و بكده على شأن اللغه الألمانى اللى بيتكلم بيها الألمان و اللى ماكانتش قبل كده بيتكتب بيها و لا بتدرس فى المدارس ، و كسبت اللغات الوطنيه ارضيه فى كل بلد ضد اللغه اللاتينى و بقت مواضيع الدين و العلم و الادب بتتكتب باللغات الوطنيه. وحدة الدين و اللغه بين الامم الاوروبيه ماكانلهومش قيمه و كانت الأمم دى متصارعه و متحاربه وقت وحدتها الدينيه و اللغويه. و حتى فى العصر الحديث وحدة اللغه و الدين عمرها ماكانت سبب لمنع الحروب و داعى للتعايش السلمى و الامثله التاريخيه كتيره و منها ان الانجليز و الامريكان حاربو بعض ، و العراق هاجمت الكويت و اعتدت على سيادتها و احتلتها و اللى ساعد الكويت كانت بلاد مابيربطهاش بالكويت لا لغه و لا دين. بعد الاوروبيين مااستخدمو لغاتهم الوطنيه اتقدمو فى العلم و الادب و كل المجالات ، و فى نهاية المطاف اتحدو اقتصادياً فى سوق مشتركه ، و سياسياً و عسكرياً ، و وحدو عملتهم. الاوروبيين اللى نهضو و طالبو بالعلم و التجديد فى الادب و السياسه و الأخلاق و كل مجالات الحياه شعرو بكرامه و عزه وطنيه خلتهم يفتخرو بلغاتهم الوطنيه و اتجهو للمستقبل من غير مبالاه بالروابط التاريخيه القديمه. مفيش اوروبى النهارده بيأسف على اللغه اللاتينى لكن كل اوروبى بيفتخر بلغته الوطنيه و بيتكلم و بيكتب بيها ، و بيها بيطلع اكتشافات و اختراعات يوميه و حضارته بقت هى اللى سايده الدنيا.




#Article 48: لغه قبطى (474 words)


القبطي ( |Met Remenkēmi|) هوه المرحله التالته من اللغات المصرية اللى اتكلمها المصريين طول التاريخ و كانت مكتوبة بحروف من اصل يونانى و ديموتيكي-مصري. ودلوقتي بقت بتستعمل بس فى الصلوات بتاعت الكنيسية القبطية (وخصوصا اللهجة البحيري), و ليها كمان تاثير كبير على اللغة المصري الحديثة (العامية المصرية) بعني زي بقيت اللغات اللى ماتت لكن مانتهتش بشكل كامل. و بيمتد تاثيرها على مستوى الكلمات المصرية الحديثة اللى اصلها قبطي، و كمان على مستوى المورفولوجي والفونولجي والسينتاكس او النحو و الصرف و الصوتيات. مش بس كدا دا كمان تاثيرها امتد بشكل محدود للغات التانية زي كلمة تمساح فى العربى القياسى الحديث و كلمة طوبة وبعض الكلمات اليونانية و حتى الاسبانية و الروسية. و اللغة القبطية بيصنفها العلما ضمن عيلة اللغات الافرواسيوية و تنتها مستعملة لحد القرن السبعتاشر و خصوصا فى القرى البعيدة و استخدم المصريين الحروف اليونانية عشان يكتبوا لغتهم القبطية بس زودو عليها 7 حروف مصرية (من الديموطيكي) علشان مالقوش ليها مقابل فى الحروف اليونانية.
فى ناس يتدعي دلوقتي ان اللغة القبطي ماماتتش لسة و ان فى عيلات مصرية لسة بتتكلم قبطي لحد دلوقتي.
القبطي لغة ليها ليهجات كتيرة بس اهم اللهجات دي هى البحيري و الصعيدي (الطيبي نسبة لطيبة العاصمة القديمة بتاعت مصر).

القبطي دلوقتي مالوش اى صفة رسمية فى مصر مع انه اللغة الاساسية للصلاه جوه الكنيسة القبطية الارتودوكسية و الكنيسة القبطية الكاتوليكية. القبطي لغة المصريين و تاريخيا ماكنش ليه انتشار كبير بره مصر ماعدا فى بعض الاديرة الموجودة فى النوبة. التاثير الاعظم للقبطي كان على اللغة المصرية الحديثة على مستويات المورفولوجي و الفونولجي و السينتاكس وكمان فى الكلمات الكتيرة اللى من اصل قبطي و اللى لسة بتستعمل لحد دلوقتي فى مصر.

القبطي كان بيتكتب بالالف-به القبطية واللي جاية تقريبا كلها من الالف-به اليوناني مع تزويد سبع حروف مصرية جاية من الديموطيكي.
المصريين بدأو يكتبو لغتهم بالحروف اليوناني قبل المسيحية ما توصل لمصر و تحديدا فى نهاية العصر البطلمي.

تتكون الالف-به القبطية من 32 حرفاً , 7 منها اصلها ديموطيكي , 24 حرف اصلها إجريجي , و كمان الحرف السادس ⲋ اللى مابيدخلشي فى تكوين الكلمات و بيستعملوه كرقم 6 .

البابا كيرلس الرابع (بابا اسكندريه) (1854 – 1856 م) -المشهور بـ ابو الاصلاح- عمل تغيير لنطق الحروف القبطية و خلاها تمشي مع النطق اليوناني للحروف فى محاولة منه للتوحيد بين الكنيسة القبطية و الكنيسة اليونانية  ودا سبب تغيير نطق اغلب الكلمات القبطية و ظهور أصوات فونولوجية ما كانتش موجودة قبل كدا و ما نطقهاش المصريين طول عمرهم زي حرف ال ث وحرف ال ذ. وشوية شوية ضاع و اتنسى النطق المصري الاصلي خاصةً فى وجه بحري، انما لسه فى كنايس و أديرة كتير فى الصعيد بتستخدم النطق القديم.

طريقة النطق الجديدة دي اتسمت اللفظ الحديث و طريقة النطق الاصلية اتسمت اللفظ القديم, و على الرغم من فشل محاولة التوحيد بين الكنيستين اليونانية والمصرية, لسه اللفظ الحديث بيتدرس لحد دلوقتي فى الكلية الاكليريكية و بيتصلى بيه فى الكنايس.

فيه محاولات ضعيفة دلوقتي لتدريس النطق الاصلي للغة و اعادة احياءه بالاعتماد على اللهجة الصعيدي.




#Article 49: المغرب (1553 words)


المغرب، المملكة المغربية، المملكة المغربية الشريفية ، مراكش ( Royaume du Maroc)، هى مملكه كبيره وليها تاريخ عريق فى شمال افريقيا، لغتاها الرسميتين هما: الامازيغيه و العربيه. بتطل على البحر المتوسط و المحيط الاطلنطى و جبل طارق، و ليها حدود مع الجزاير و موريتانيا و اسبانيا.

عدد سكان المغرب 33 مليون انسان و مساحتها 175,186 ميل 2 (453,730 كم2)، و لما تشمل الصحرا الغربية المتنازع عليها، تزيد مساحة اراضى مملكة المغرب ل 274,460 ميل 2 (710,850 كم 2).

اكبر مدينة فى المغرب هى الدار البيضاء (تادّارت تومليلت او كازابلانكا) و العاصمة السياسية بتاعتها هى الرباط. المغرب فيها ثقافه و فنون عريقه و لعبت الدور الرئيسى فى حضارة الاندلس و ده انعكس على الشخصيه المغربيه الحديثه المتذوقه للثقافه و الفن.

بتنقسم المغرب لكذا منطقه طبيعيه كل منطقه ليها ميزه خاصه و هى : جبال الريف و حوض نهر سبو و نجود المحيط الاطلنطى و سلسلة جبال اطلس و المغرب الشرقى و المغرب الصحراوى. منطقة نجود شاطىء الاطلنطى منطقه خصبه بتشتهر بزراعة القمح و الفواكه و الخضار. و فى المغرب كذا بحيره اهمها فى جبال اطلس زى بحيرة سيدى على و البحيره الزرقاء و ادلى و غيرها.. أهم الانهار فى المغرب هى نهر ام الربيع و نهر ابو الرفراق وسبو و فروعه و وادى درعه.

بيعتمد اقتصاد المغرب على الزراعه، و تربية المواشى، و محصولات الغابات الواسعه زى شجر الزان الاخضر و الأرز و الصنوبر ، و صيد الاسماك (اهم مراكزه فى أسفى و أغادير و فضاله و العرائش). و المغرب غنى بالمعادن زى الفوسفات و الحديد و الفحم الحجرى و الرصاص و المنجنيز و النحاس و الزنك و القصدير و الكوبلت. و فيه فى المغرب صناعة دباغة الجلود والمنتجات و القدر النحاس و النسيج و الصابون و المطاط و الورق، و بتستغل الطاقه المتولده من السدود اللى اتبنت بين الوديان. و اتطورت السياحه فى المغرب و بقت من المصادر المهمه للدخل القومى.

و بتعتبر كازابلانكا ( الدار البيضاء ) المركز الرئيسى للمواصلات الجويه. و اهم موانى المغرب : مرسى الدار البيضاء و مينة فضاله و القنيطره و أسفى و أغادير و طنجه و العرائس و كلها بتطل على المحيط الاطلنطى و على البحر المتوسط فيه مينة الناظور.

المغرب بلد امازیغی عريق موقعه ملتقى للثقافات الاوروبيه و الاسلاميه و الافريقيه. اتوالى على حكم المغرب ملوك كبار و دول سابوا اثارات و تحف رائعه ليها طابع مميز. علاقة المغرب بمصر علاقه قديمه و كويسه بتدل عليها مراسلات سلاطين مصر و ملوك المغرب ، و حجاج المغرب كانوا بيعدوا على مصر فى روحتهم وجيتهم و كان فيه مجتمع مغربى عايش فى القاهره و اسكندريه و كان منهم عسكر فى الجيش المصرى و كانت فيه اسواق للمغاربه و لسه لغاية النهارده موجوده فى القاهره اماكن باسم المغاربه زى عطفة المغاربه و زاوية سيف المغربى و عطفة المغربى و درب المغاربه و غيرها. الدارسين و اهل العلم المغاربه كان ليهم رواق مخصص فى الجامع الازهر فى القاهره اسمه  رواق المغاربه  غرب صحن الجامع و ليه باب اسمه  باب المغاربه . من اشهر المؤرخين المغاربه اللى اتمصروا و عاشوا فى اسكندريه كان النويرى الاسكندرانى اللى كتب كتاب  الالمام  المشهور عن وقعة اسكندريه. و من مشاهير الصوفيه اللى ليهم معزه عند المغاربه و المصريين السيد البدوى اللى اتولد فى مدينة فاس المغربيه و ليه جامع مشهور باسمه فى طنطا فيه مقامه و ابو العباس المرسى اللى ليه جامع فى اسكندريه و غيرهم.

المغرب فيها اثار كتيره من كذا عصر منها الرومانى و الاسلامى و من اشهر الاثار الاسلاميه جامع الكتبيه فى مراكش و جامع حسان فى الرباط (من أثار يعقوب المنصور) و المدارس المرينيه فى فاس اللى بترجع للقرنين تلتاشر و اربعتاشر.

تاريخ المغرب تاريخ قديم و عريق بنا فيها الفنيقيين كذا مركز على سواحلها زى طنجه و مليله و العرائش. فى القرن الساتت بقت مراكز الفنيقيين تابعه للقرطاجيين و بعدين اخدها و بقت العاصمه هى مدينة وليلى و فى القرن الخامس استوطنها الوندال و بعدين اخدها البيزنطيين (533) و العرب (683). و اتأسست امارات مستقله زى بنو مدرار فى سلجماسه. و حصلت فوضى لغاية ما جه ادريس بن الحسن و اسس دولة الأدارسه و اتبنت مدينة فاس و جامع القرويين (859)، و بعدهم جم الفاطميين لغاية ما ضعفت دولتهم و انفصلت الاجزاء الغربيه و كونت دويلات صغيره.

المرابطين قدرو يوحدو المغرب (1053-1147) و من أهم ملوكهم كان يوسف ابن تاشفين اللى اسس مدينة مراكش (1062) ، و على بن يوسف اللى فى فترة حكمه قدر المغاربه يخضعو ملوك الطوائف فى الاندلس، و ظهر الموحدين بزعامة ابن تومرت و خلفه عبد المؤمن على (1130) اللى اخد مدينة فاس (1145) و قضى على المرابطين و خلفه ابنه يوسف بن عبد المؤمن (1163) اللى وحد الاندلس و المغرب و انتصر ابنه يعقوب المنصور على الاسبان فى معركة الاراك سنة 1195. المغاربه عملوا جهد كبير للمحافظه على الأندلس و خاضوا حروب كبيره لكن اللاتين اتحدوا ضدهم و شنوا عليهم حروب صليبيه ضخمه كانت جزء من الحروب الصليبيه على مصر و الشرق كان صعب الصمود قدامها بسبب كبر حجم الجيوش المهاجمه و بسبب الخلافات اللى حصلت مابين ملوك الأندلس اللى اتعرفوا بـ ملوك الطوائف.

بعد افول نجم دولة الموحدين قامت على انقاضها دولة المرينيين (بنو مرين) و كان من اشهر ملوكهم ابو الحسن على و ابنه عنان المرينى و ايامهم وصلت المغرب لدرجه كبيره من التقدم العلمى و التحضر.

الرحاله ابن بطوطه صاحب الكتاب المشهور تحفة النظار فى غرائب الأمصار و عجائب الأسفار عاش فى عصر دولة المرينيين و بيعتبر من اشهر المغاربه و زار مصر فى عهد السلطان الناصر محمد بن قلاوون و انبهر بيها و وصفها بانها ام البلاد.

بعد المرينيين حكم الوطاسيين (1470) و فى عصرهم احتل الاسبان و البرتغاليين مدينة سبته و طنجه و مليله و غيرها من مدن السواحل ، و بعد الوطاسين اسس محمد القائم بأمر الله دولة الاشراف السعديين (1510-1659) و خلفه السلطان احمد الرابع و عمل نهضه اقتصاديه كبيره و انتصر ع البرتغاليين فى معركة وادى المخازن (القصر الكبير) سنة 1578.
و قام بعدها سلطان منصور دهبي بي حملة على بلاد سودان غربي و انتصر على مملكة سونغاي و احتلها و ضم مدنها تومبوكتو و غاو للمغرب و سيطر على طرق تجارية صحراوية اللى تربط بين أفريقيا جنوب صحراء و شمال أفريقيا .
انهارت دولة الاشراف السعدين سنة 1659
و قامت على أنقاضها دولة الاشراف العلوين سنة 1660 لي مازلت تحكم مغرب الى الآن
و تعتبر فترة حكم سلطان مولى اسماعيل خلال قرن 17 هي ازهى فترة حكم دولة علوية و امتدت فترة حكمه لمدة 55 سنة نصف قرن من سنة 1672
الى سنة 1727
و حرر جميع تغور برتغالية اسبانية متبقية على سواحل مغرب طنجة و عرايش و أصيلة و مهدية
هذه الانتصارات المتوالية جعلت كثيرا من الدول الأجنبية تود مصالحته فسعى الفرنسيون في ربط علاقات ودية بينهم وبين المغرب كما سعى الاسبان أيضا في التقرب الى المغرب
وسيطر ايضا على طرق تجارية صحراوية
و أعاد باشوية تامبوكتو تبعيتها للمغرب
 في عهده بقيت فقط تغرين سبتة و مليلية على ساحل مغربي تحت حكم اجنبي 
و كما انه حاصر مليلية و سبتة عدة مرات
كما امتد حصاره لسبتة خمس اشهر الا ان اسوار سبتة و تحالف اسباني فرنسي بريطاني جعله يفشل في استرجاعها
بعد دالك جهز جيش كبير لاعادة فرض حصار على مدينة لكن باغتته منية و تم دفنه في مكناس
عاصمة دولة انداك
.و بعد موته ضعفت دولة العلوية.
و فشل أحفاده في استرجاع مدينتين

فى القرنين السبعتاشر و التمنتاشر انتشرت القرصنه على السواحل و بقت للقراصنه مراكز على البر المغربى و ابتدى الاوروبيين يطمعو فى المغرب، لكن الدول الاوروبيه اتفقو فى مؤتمر مدريد سنة 1880 على انهم يحافظو على استقلالها و انتهاج سياسة الباب المفتوح فى التجاره، لكن حصلت خلافات بينهم، و على الرغم من ان فرنسا و انجلترا عملو الاتفاق الودى سنة 1904 لكن فضل الخلاف قايم بينهم، و فى الاخر اتوصلت الدول الكبرى فى مؤتمر الجزيره الخضرا سنة 1906 للسماح لفرنسا و اسبانيا بحط قوات بوليسيه تحت اشراف فرنساوى اسبانى، و فى اواخر سنة 1911 غزتها الجيوش الفرنساويه و الاسبانيه و نزل الاسبان على ساحل المغرب الشمالى و زحف الفرنساويه على مدينة فاس، و فى 30 مارس 1912 فرض الفرنساويه و الاسبان حمايتهم ع المغرب و اتقسمت مراكش لمنطقتين واحده فرنساويه و التانيه اسبانيه و عملو طنجه منطقه دوليه.

ثار المغاربه و قاومو و كانت ثورة الريف سنة 1921 بقيادة الامير عبد الكريم الخطابى من اشهر الثورات دى. و وقت الحرب العالميه التانيه نزلت قوات انجليزيه و امريكيه و احتلت المغرب. و كان السلطان محمد الخامس (او سيدى محمد بن يوسف) بيناصر الحركه الوطنيه المغربيه و بيشجعها فنفته فرنسا سنة 1952 لكن اضطرت بعد سنتين ترجعه لعرشه و اعترفت باستقلال المغرب و وحدته فى مارس 1956 و عملت اسبانيا زيها فى ابريل من نفس السنه، و اعلنت الدول الغاء منطقة طنجه الدوليه فرجعت تانى للمغرب و انضم المغرب للأمم المتحده (1956).

بعد وفاة الملك محمد الخامس سنة 1961 خلفه ابنه الحسن التانى. و فى سنة 1971 اتكشفت مؤامره عليه اتدبرت بره المغرب و بعدها بسنه حصلت محاولة اغتيال اتزعمها الجنرال اوفقير المقرب ليه و اللى انتحر بعدها.

اتوفى الملك الحسن التانى سنة 1999 و خلفه ابنه الشاب محمد السادس من 23 يوليه 1999 اللى بذل جهد كبير للنهوض بالبلاد و عمل اصلاحات سياسيه و واجه مشكلة نزاع الصحراء مع جبهة البوليساريو بالتفاوض ، و بعقلية شابه طموحه عمل اصلاحات فى مجالات كتيره للنهوض بالمغرب و تنميته.

على طريق الاصلاح و التحديث أعلن الملك محمد السادس فى 18 يونيه 2011 عن عمل استفتاء شعبى لتغيير الدستور بمواد تحد من صلاحيات الملك و اقامة نظام ملكى برلمانى و توسيع سلطات الوزير الاول المغربى اللى حايكون رئيس الحكومه ، و تغييرات تعزز مكانة الست المغربيه و المساواه بين الست و الراجل فى الحقوق و الحريات المدنيه و السياسيه و الاقتصاديه و الاجتماعيه و الثقافيه و البيئيه ، و الاعتراف باللغه الامازيغيه كلغه رسميه فى المغرب

.




#Article 50: المكانه القانونيه لللغه الكوردى فى العراق (926 words)


اللغه مش بس طريقه للتفاهم, دى حاجه أساسيه بالنسبه للهويه السياسيه لأى اُمّه (مجموعه من الناس, بتجمعهم صفات مجتمعيه متشابها). و اللغه هى واحده من الحاجات اللى خلّت الكورد يفضَلو كورديين, عشان كده لازم مكان اللغه الكوردى فى العراق تبقى فى أساسيّات الإهتمامات السياسيه, لكن السياسيين و القانونيين الكورد لسه لحد دلوقتى مش بيدافعو عن لغتهم زى ما لازم.

الدستور العراقى الأولانى (القانون الأساسى 1925) و فى موادهُ ال123 ماعترفش بـ اللغه الكورديه, ده ماجابش سيرِة عدد اللى بيتكلّمو كوردى. و بدل كده, جه فى الماده 17 منهُ بإن العربى هوه اللغه الرسميه. و بالرغم من إن الدستور ده إتعدّل مرتين, المره الأولانيه بعد تلات شهور من ما نزل و المره التانيه سنة 1943, إلا ان التعديلات ماكانش فيها الماده اللى إتقالت و الدستور مازوّدش ماده دستوريه بتقول إن اللغه الكوردى هى بردو لغه رسميه. لكن فى سنة 1931 طلع قانون اللغات المحلّيه, اللى إعترف بـ اللغه الكوردى فى مكان محدود, لكن مابصّلهاش كإنها لغه مستقله, بس مُجرّد لغه محليه خاصه بـ منطقه معينه. بعد كده جه دستور 1958 اللى مش دايم, و اللى ماتفتحش, ماعادا فى الماده التالته اللى مش واضحه بالنسبه للكورد و لغتهم. فـ الماده التالته قالت إن العرب و الكورد متشاركين فى البلد, لكن المادّه جت بعد كده و قالت, بعد ماده بتقول ان العراق حتة من الأُمه العربيه الدستور ده ماجاش ناحية اللغه الكوردى إنها لغه رسميه فى العراق.

و فى دستور 1964, الماده 3 منهُ قالت ان الإسلام دين الدوله و القاعده الأساسيه لـ دستورها و اللغه العربى لغتها الرسميه و بـ كده إتسَد الطريق قدّام الإعتراف بـ اللغه الكوردى, و كان هناك بس تَلميح فى الماده 19 إن الدستور ده بيعترف بـ حقوق القوميّه للكورديين مع الشعب العراقى فى توحيد وطنى بـ روح أخويّه. و بردو الدستور المؤقت لـ سنة 1968 قال بردو فى الماده الرابعه منهُ اللغه العربى هى اللغه الرسميه بس. و الدستور المؤقت اللى طلع سنة 1970 كان مُجرّد تعديل بسيط لـدستور 1968 و فضل يتنفّذ لحد يوم سقوط النظام العراقى سنة 2003. الدستور ده قال إن, ممكن اللغه الكورديه يستعملوها فى المناطق اللى الكورديين بيحكموها بنفسهم, و القصد من المناطق اللى بيعيش فيها غالبيه كورديه. لكن النظام عَرّب مناطق كورديه كتير و حرم اللى عايشين فيها من الحكم الذاتى و حرية إستعمال اللغه الكوردى.

جت كتابة قانون إدارة البلد للمرحله الإنتقاليه جايبه معاها تقدّم باين بـ المقارنه بـ الدساتير, و قال قانون إدارة الدوله فى الماده 9 منهُ إن اللغه العربى و اللغه الكوردى هما اللغتين الرسميه لـ العراق. و بعد كده الدستور الدايم خد بـ الماده دى بعدين و حطّها مع الماده 4 مع تزييد حتّتين بـ النسبه للـ لغات التوركيمانى و السيريانى و اللغات المحليه التانيه.

الجمله الأولانيه من الماده 4 فى الدستور الدايم و اللى قالت ان العربى و الكوردى هما اللغات الرسميه للعراق بتفسر نفسها بنفسها, لكن فى الفقره اللى بعدها عند شرح الصفه الرسميه حتلاحظ ان اللغه الكوردى ماعادتش متساوايه مع اللغه العربى أو إتصغّر مكانها على الأقل. فـ الفقره نمره 2 بتقول ان الكلام و الحوار و التعبير فى المجالات الرسميه بيكون بأى لغه من اللغتين مش بـ اللغتين زى ما تكتب فى دساتير تانيه. و فى المجالات الرسميه اللى بتتكلّم عنها الماده زى مجلس النواب, و مجلس الوزرا, و المحاكم, و المؤتمرات الرسميه و بسبب غالبيّة نسبة العراقيين, فـ اللغه اللى بيستعملوها عملياً هى العربى بس الكوردى بيتحط على جمب, يعنى الدستور بيقول إن كفايه عليهم إنهم يستعملو العربى.

لحد دلوقتى, ماطلعش قانون عشان يغيّر طباعة ورقة العُمله و الطوابع و الباسبورات عشان يبقو كلمهم بـ اللغتين.

النتايج العمليه من الفقره نمره 2, واضحه من حيث تهميش اللغه الكوردى, عشان الفقره (ثانياً/ ج) بتعترف بـ كل الوثايق اللى طالعه بـ اللغتين, لكن من فتره ما إتنفّذ قانون إدارة البلد و لحد يومنا ده, كل الوثايق القانونيه بتطلع بـ اللغه العربى بس و بتتعمل بـ اللغه العربى بس و بتتطبع النسخ الأصليه بـ العربى بس, بس ساعات فيه ناس بيترجموها بطريقه مش رسميه. و معروف إن الترجمه بتختلف فى أوقات كتير عن النسخه الأصليه, و إذا حصل مشاكل فى تحريف نصوص معينه من الدستور, فـ بيرجعو للنسخه العربى.

فى الموضوع ده يمكن الاستشهاد بـ النموذج الاوروبى, كان الإتحاد الاوروبى عندهُ 12 لغه رسميه بس, قبل ما يكبر, و اللغه الفنلاندى اللى بيتكلم بيها حوالى 4 مليون كانت متساويه بـ الإنجليزى, و نوّابهم فى البرلمان الاوروبى. و بالرغم من إن الفنلانديين بيتكلمو لغات تانيه كويس جداً و بالذات الإنجليزى و الفرنساوى, بس لازم يتكلّمو بـ لغتهم الأُم. فى اوروبا اللى مابتعانيش من أزمات هويّه قوميه و أقليات, بتتعامل مع اللغات القوميه بـ الشكل ده, لكن عند الكورديين و فى الوقت اللى بتعبر اللغه عن الهويه, بيتم التعامل معاها بـ الشكل ده.

الفقره التالته اللى فى الماده اللى بتقول إن المؤسسات و الأجهزه الاتحاديه فى إقليم كوردستان بتستعمل اللغتين و دى ماده مش منسجمه مع المواد اللى قبلها و هى فى الأساس متزوّده, و بسبب الماده دى, فى باقى مناطق العراق بيستعملو اللغه العربى بس, إنما اللغتيين لازم يستعملوهم فى كوردستان و يكونو متساويين, و الفقره دى بتلغى مضمون الفقره الأولانيه, بـ حيث بتساوى اللغتين فى العراق عامةً. إذن الصفه الرسميه بتنتهى مع حدود اقليم كوردستان, و بما إن رسم الحدود دى إتأجّل بالنسبه للماده 140 لحد نهاية 2007 فـ ده معناه ان اللغه الكوردى مابتستعملش فى المناطق الكورديه التانيه, بما فيهم مدينة كركوك.

الدستور ده طلع من الحكومه الإتحاديه, لكن لما نبُص لـ قوانين إقليم كوردستان نفسهُ حنلاقى مسألة اللغه هنا مُهَمله أوى بردو, لإن كتير من قوانين الإقليم إتكتبت و إتطبعت بـ اللغه العربى, و حتى مشروع دستور الإقليم إتكتبت النسخه الاصليه منهُ بـ اللغه العربى. و من الناحيه العمليه فـ محاكم الاقليم بردو بتستعمل اللغه العربى لحد دلوقتى. ده كلهُ بيأكد إن مافيش وعى لـ حكاية اللغه كـ مسأله مربوطه بـ هوية أُمّه و وجودها السياسى.

لغه كوردى




#Article 51: مملكة مصر الجديده (151 words)


مملكة مصر الجديده او الامبراطوريه المصريه هو مصطلح بيقصد بيه العلما بتوع الاجيبتولوجي الفترة اللى امتدت من سنة 1570 -1070 (ق ع ح ) و اللى حكم فيها مصر ملوك العيلة التمانتاشر و ولحد نهاية العيلة العشرين.

وصلت مصر فى الفترة دي لقمة قوتها و مجدها و اتوسعت لحد ما بقت امبراطورية حدودها من جنوب الاناضول (نهر الفرات) فى اقصى الشمال لحد السودان (الشلال الخامس) فى اقصى الجنوب.

توسع مملكة مصر الجديده العسكرى دا بيرجعه كتير من العلما لاحتلال الهيكسوس لمصر، الاحتلال اللى خلا الفراعنة يقتنعو بان خير و سيلة للدفاع هى الهجوم و ويآمنوا ان مصر لازم تصد اعداءها وهم لسة بره حدودها و مش لازم تستنى لحد ما يوصلو لاراضيها.

من اشهر ملوك المملكة الحديثة توت عنخ امون و اخناتون و رمسيس التاني و تحوتمس التالت (نابوليون مصر) مصر طول الفترة دي كانت بتتحكم من طيبة (العاصمة) ما عدا فترة حكم الملك اخناتون اللى نقل العاصمة لمدينة تل العمارنه.




#Article 52: المملكه القديمه (151 words)


المملكة القديمة هو مصطلح بيقصد بيه العلما بتوع المصرولوجيا الفترة اللى امتدت من سنة 2686 -2134 (ق ع ح ) و اللى حكم فيها مصر ملوك الاسرة التالتة و ولحد نهاية الاسرة الساتة.

مؤسس المملكة القديمة هو الملك زوسر و كانت عاصمته فى مدينة منف. من الملوك المشاهير كمان اللى حكموا مصر فى الفترة دي سنفرو ، خوفو و خفرع و منكاورع.

اشهر حاجة بتميز المملكة القديمه هى الاهرامات الكتيرة اللى اتبنت وقتها و علشان كدة بيسمو الفترة دى من تاريخ مصر عصر الاهرامات.

الملك زوسر هو اللى بنا الهرم المدرج( هرم سقارة) و من اشهر الشخصيات فى عصر الملك زوسر هو الوزير ايمحوتيب.

انتهت المملكة القديمة بسبب جفاف كبير منع نهر النيل من الفيضان مايبن سنة 2200 و سنة 2150 ق ع ح

بعد ما انهارت المملكة القديمة دخلت مصر فى مرحلة عدم استقرار استمر لحد ما قامت المملكة الوسطانية ( و اللى انهارت كمان و جه وراها المملكة الحديثة).




#Article 53: المملكه الوسطانيه (218 words)


المملكة الوسطانية او الدوله الوسطى ، مصطلح بيقصد بيه العلما بتوع المصرولوجيا الفترة اللى امتدت من سنة 2040 -1640 (ق ع ح ) و اللى حكم فيها مصر ملوك الاسرة الحد-اشر و لحد نهاية الاسرة الاربع-ت-اشر.

الاسره الحداشر حكمت مصر من مدينة طيبه (الاقصر ) بس من بداية الاسره الاتناشر اتنقلت العاصمة لشمال مصر قريب من الفيوم.

من اشهر ملوك الفترة دي هو منتوحوتب التانى اللى قدر يوحد مصر كلها مرة تانبة بعد فترة التسيب و الانحلال اللى مرت بيها مصر بعد انهيار المملكة القديمة.فراعنة المملكة الوسطانية حاولوا يرجعو هيبة مصر عن طريق حملات التاديب اللى شنوها على النوبه و ليبيا و الاسيويين و اللى اخيرا نجحت فى تأمين حدود مصر من الغزوات.

من اجمل الحاجات اللى سابها فراعنة المملكة الوسطانية هى البرديات ( بردية برلين ، بردية موسكو ، بريدية ريند، بردية ادوين سميث ، بردية ايبيرس). اهمية البرديات دي بترجع للمعلومات الكتيرة المكتوبة فيها و اللى بتدينا صورة عن الرياضيات و الهندسة و الطب و الجراحة فى مصر القديمة.و من اهم الانجازات اللى اتحققت فى الفترة دي هى حفر قناة بيتوصل بين البحر الاحمر و النيل( و البحر المتوسط)و اللى عمل الانجاز العظيم دا هو الفرعون سنوسرت التالت.

انتهت المملكة الوسطانية بحالة انهيار اجتماعي و اقتصادي و وقوع مصر لاول مرة تحت الاحتلال الاجنبي الجاي من اسيا(الهيكسوس).و اللى حكمو مصر و كونوا الاسرتين الخمس-ت-اشر و الست-ت-اشر.




#Article 54: النيل (360 words)


النيل، أطول نهر فى العالم و بينبع من وسط افريقيا و بيتجه ل الشمال و ب يصب فى البحر المتوسط النيل ليه رافدين اساسببن، النيل الابيض (اطول الروافد) و النيل الأزرق (المصدر الرئيسي ل المية و الطمي)، النيل الابيض بيبتدى من عند منطقة البحيرات العظمى فى وسط افريقيا من اول رواندا و بعدين بيتجه للشمال و بيعدي على تانزانيا و بحيرة فيكتوريا و اوجاندا و جنوب السودان. اما النيل الازرق فا بيبتدى من عند بحيرة تانا ف اثيوبيا و بيدخل السودان و هناك بيقابل النيل الابيض عند العاصمة السودانية الخرطوم.اصل كلمة النيل هى نوبية وتعني الشرب نيل .

كلمة النيل اصلها (نوبي )من الفعل ( ني) بصيغة الامر بمعني ( اشرب ) والماضي منها ( نيلوس ) والنفي (نيلكومو) والمصدر (نيل ) مكان الشرب كما في الجملة ( نيلا تون نيلوس ) (شربت من مكان الشرب) ومنها اتي الاسم لنهر النيل وليس كما يدعي البعض انها كلمة فرعونية فاللغة النوبية لا زالت تتحدث الي الان بلسان النوبيين في جنوب مصر وشمال السودان وجنوب كردفان في غرب السودان .

من سنة 1891 و مصر بينها و بين بلاد حوض النيل اتفاقات ب تنظم حقوق كل دولة فى نهر النيل. و بشكل عام المعاهدات دى ب تمنع اى دولة من انها تعمل اى مشاريع او سدود من قبل ما تاخد الاول موافقة مصر لان دا ح ياثر على كمية المية اللى بتوصل للنهر فى رحلته الاخيرة جوا الحدود المصرية. السودان و اثيوبيا و اوجاندا و كمان كينيا اشتكت من ان مصر ليها نصيب الاسد فى مية النهر و بيقولو ان الاتفاقيات دي كانت بين الدول الاستعمارية زي ايطاليا(اللى كانت محتلة اثيوبيا) و بين بريطانيا(اللى كانت محتلة مصر و السودان) و بينادو باعادة النظر فى كل الاتفاقيات الخاصة بدول حوض نهر النيل.
الدول دي شايفة ان مصر سبب رئيسى فى عدم النمو الاقتصادي فى مناطقهم بسبب نصيبها الكبير فى مية النيل وفي سنة 1999 ومض الدول العشره اللى بتطل على نهر النيل على اتفاقية جديدة اسمها مبادرة حوض النيل و هدفها الاستغلال المتساوى للامكانيات الي بيوفرها نهر النيل للدول دى

أسماك كتيره بتعيش ف النيل منها بلطى و بياض نيلىسمك الشبار و الرايا و سمك الكلاب و سمك الساموس

نهر النيل فى مصر بيعبره كباري كتير زي:

كوبري ملوي محافظه المنيا

كوبري ملوي




#Article 55: امراض بتتنقل بالجنس (176 words)


امراض بتتنقل بالجنس, ( sexually transmitted disease), هوه مصطلح معناه إن المرض ده بينتشر بـ الجماع الجنسى (سكشوال إنتركورس sexual intercourse), بالإضافه لـ جنس البؤ (oral sex), و جنس شرجى/(anal sex). امراض بتتنقل بالجنس بيختصروها فى الإنجليزى (STD). ممكن بردو نسمّيها عدوا بتتنقل بالجنس (STI), او امراض تناسليّه (VD /venereal diseases).

الأمراض اللى بتتنقل بـ الجنس ممكن تتنقل بـ طـُرق تانيه, بردو. مثلاً, ممكن الواحد يتعدى بـ الـايدز من إستعمال حقنه مُستعمله من واحد عندهُ الايدز.

فيه طريقتين ممكن المرض يتنقل بيهم من واحد للتاني:

فيه بردو (پيوبـِك لايس pubic lice/ قمل العانه), اللى عادةً بيعيش علىٰ شَعر الpubis اللى حوالين المنطاق الحساسه.

دلوقتى, مافيش أى حمايه أو علاج من أمراض بتتنقل بـ الجنس, زى الهيرپيز Herpes (داء المنطقه). ده ڤيروس بيعمل وجع شديد فى الجلد اللى إنتشر فيه. و بينتشر فى الفخاد و البؤ, لـ نهاية حياة الواحد, و مالوش علاج معروف, غير مسكنّات و حاجات تمنع إنتشارهُ أو تشيل الإلتهاب.

مهم جداً إن الواحد يعرف المخاطر الصحيه, قبل ما يعمل جنس. و أهم من كده, لازم الواحد يكون صريح مع اللى هيعمل معاه جنس.




#Article 56: امريكا الجنوبيه (125 words)


امريكا الجنوبيه هي قارة موجودة فى النص الغربى من الكرة الارضية و يحدها من الغرب المحيط الهندى و من الشرق المحيط الاطلنطى و من الشمال امريكا الشمالية و البحر الكاريبى.

مساحة امريكا الجنوبية 17840000 كم مربع (6890000 ميل مربع) ، او 3.5 ٪ تقريبا من سطح الارض . عدد السكان سنة 2005 كان اكثر من 371090000. امريكا الجنوبية تحتل المركز الرابع فى المساحة (بعد اسيا ، افريقيا ، وامريكا الشمالية) والخامسة فى عدد السكان (بعد اسيا ، افريقيا ، أوروبا ، وأمريكا الشمالية).

تحتل امريكا الجنوبية الجزء الجنوبى من رقعة الارض بتاعة للعالم الجديد ، نص الكرة الغربى ، و الامريكتين (اللى فى بعض الاحيان تعتبر قارة واحدة جنوب و شمال امريكا)

اكبر بلد فى امريكا الجنوبية ، سواء فى المساحة والسكان ، هى برازيل.




#Article 57: انا الشغالة (فيلم قصير) (135 words)


انا الشغالة فيلم روائي قصير مصرى مدته 14 دقيقة عن بنت صغيرة اسمها وردة من عيلة فقيرة اختها الكبيرة بتروح تشتغل خدامة فى السعودية ووردة نفسها اهلها بيبعتوها عن ناس عشان تشتغل هى كمان بس عشان تخلّي بالها من عيّل صغيّر. وف النهاية وردة بتكبر وبت تانية بيحصلّها نفس اللى حصل لوردة وهيّ صغيّرة.
الفيلم كله مظهرش ف الكادر وشوش خالص غير وش وردة ووش الطفل الصغيّر اللى كانت بتخلّي بالها منه، وكله كان بيمثّل صوت بس وجسمهم باين لحد الكتاف.

يسرى نصرالله المخرج عجبه الفيلم وقال انه كويّس بس انتقده ف اخر حتة انه جاب طفلة تانية
وقال انه بكدة مبقاش الفيلم عن وردة بس لأ دة خلّى الفيلم عن الاطفال اللى بيشتغلوا والفيلم اصلا اسمه انا الشغالة يعني عن وردة بس.

 

برنامج ف الكادر على قناة او تي فى حلقة يوم 15 اكتوبر




#Article 58: اباحيه جنسيه (116 words)


الاباحيه الجنسيه (Promiscuity) او تعدد الشركا جنسياً نظام بيمارس فيه الذكور او الاناث من وقت للتانى او بشكل منتظم الجنس مع كذا شريك. تعدد الشركا بينتشر فى مجتمعات انسانيه و بين انواع حيوانيه كتيره. الغرام المتعدد هو أن يحب الشخص (ذكراً ام أنثى) اكثر من شخص بغض النظر عن ممارسة الجنس وهذا ما يسمى Polygamy.

مفهوم السلوك الجنسى اللى بيعتبر سلوك مقبول اجتماعيا و السلوك اللى بيعتبر غلط بيختلف كتير بين مختلف الثقافات. نفس الفعل ممكن يكون مقبول اجتماعيا فى مجتمع معين و غلط فى مجتمع معين تانى.

الاباحيه الجنسيه البدائيه هيا نظريه من القرن التاسع عشر بتقول ان البشر كانو فى الاصل بيعيش فى حالة اباحيه جنسيه بتتميز بغياب مؤسسة الجواز بأى شكل من الأشكال 




#Article 59: انى هول (فيلم) (133 words)


انى هول (Annie Hall) فيلم رومانسى كوميدى انتاج 1977 اخرجه وودى الان عن سيناريو كتبه مع مارشل بركمان. الفيلم خد جوايز كتير منهم اربع جوايز اوسكار افضل فيلم واخراج وسيناريو واحسن ممثلة دور رئيسى ديان كيتون، واترشح وودى الان لجايزة احسن ممثل دور رئيسى.

الفيلم بتدور احداثه فى مدينة لوس انجيليس ونيو يورك.

فى الاخر بيكتشفوا انهم مختلفين عن بعض وبينفصلوا، بس الفى بيكتشف انه لسه بيحبها فبيحاول يقنعها انها ترجعله وتروح معاه نويورك تانى. محاولته بتفشل وبيتحول انه يكتب مسرحية عن علاقتهم بس بتنتهى المسرحية اللى كاتبها ان انى بترجعله، وبيبرر دة للناس. بعد كدة بيتقابل هوه وانى بس كصحاب

الفيلم ظهر فيه سيجورنى ويفر فى مشهد واحد بس فى دور صغير وكان بضهرها، مقالتش غير 3 جمل.
جيف جولدبلم بردو عمل دور صغير مشهد واحد كان بيتكلم فى التليفون فى الحفلة.




#Article 60: اوروبا (329 words)


اوروپا ( Ευρώπη;  Europe) هى واحدة من السبع قارات اللى موجودين فى الكورة الارضية و مساحتها حوالي 10 مليون كيلومتر مربع و بهذا يتكون تاني اصغر قارة فى العالم بعد اوستراليا. اوروبا هى تالت قارة فى العالم من حيث عدد السكان بعد اسيا و افريقيا و عايش فيها دلوقتي 731,000,000
انسان. القارة بيحدها من الشمال المحيط القطبي ومن الغرب المحيط الاطلنطي و يفصلها عن قارة افريقيا البحر المتوسط. اما من ناحية الشرق فبفصلها عن قارة اسيا جبال الاورال و بحر قزوين و البحر الاسود و جبال القوقاز.
اوروبا بها عدد كبير من الدول المستقلة ( 50 دولة )اكبر دولة بينهم هي روسيا و اصغر دولة بينهم هي الفاتيكان. اوروبا هى اصل الحضارة الغربية و من زمان وهي فيها مراكز حضارية عظيمة زي الحضارة اليونانية و الرومانية و من اول القرن الست-ت-اشر بدات قوتها و نفوذها يتوسع لحد ماسيطرت الدول الاوروبية على معظم دول افريقيا و امريكا الشمالية و الجنوبية و اسيا و اوستراليا. اوروبا دخلت حربين عالميتين ورا بعض و اللى قصقصو نفوذها و دمرو اقتصادها و خلوها تفقد معظم مستعمراتها. دلوقتي اغلب دول القارة بيجمعهم اتحاد سياسي-اقتصادي هو الاتحاد الاوروبي.
من اكبر المدن اللى فى أوروبا باريس و لندن و روما و بوخارست و برلين و استانبول و موسكو ومدريد و اتينا.

أوروبا قارة غنية باللغات الكتيرة وكلها تقريبا بتتبع عيلة اللغات الهندوأوروبية و أغلب اللغات دي ممكن تتقسم فى تلات مجموعات رئيسية: اللغات الرومانسية اللى جاية من اللاتينبي
، اللغات الجيرمانية واللي جاية من جنوب أسكندنافيا و اخيرا اللغات السلافية فى شرق أوروبا
وكمان فى لغات زي المالطي اللى بيعتبر لهجة جاية من العربي و التركي و الباسكي اللى بره العيلة او المجموعات دي.

كما رأينا في الأعلى فهده اكبر عائلة لغويةفي أوروبا و تضم كل من :

و هى بتضم شوية لغات أهمها التركي.

و هى لغة معزوله و ملهاش قرايب من نفس العيله فى اوروبا و بيتكلمها دلوئتى سكان اقليم الباسك فى شمال اسبانيا.

وهي بتضم الفنلندي و المجري.

اللغات السامية ليها تمثيل واحد بس :المالطي و اللى بيتفرع من العربي و بيكتب بحروف لاتيني.




#Article 61: اوستراليا (134 words)


اوستراليا (Australia) هيا دولة اتحادية فى اصغر قاره فى العالم (قارة اوستراليا) و عدد سكانها حوالي 21 مليون انسان (حوالي 90% منهم من اصل اوروبى) و مساحتها 7,741,220 متر مربع. العاصمة بتاعة اوستراليا هي كانبيرا بس اكبر مدن فيها هيا سيدنى و ميلبورن . الدول القريبه من اوستراليا هيا اندونيسيا ، تيمور الشرقية و بابوا نيو جينى من الشمال، و جزر سولومون ، فانواتو و نيو كاليدونيا الجديدة من الشمال الشرقي، و نيوزيلندا من الجنوب الشرقى

اوستراليا متكونة من ست ولايات هيا:

عدد السكان بيتقدر انه حوالى 22.7 مليون  متركزين فى الشرق
ٰ

فيه ناس عاشت فى اوستراليا من 40,000 سنه و قبل احتلال الأوروبيين ف أواخر القرن التمانتاشر، كان سكان اوستراليا الاصليين بيسكنو القارة

اولوروا مكان مقدس عند بيتانجانتجارا أنانجو ، السكان الأصليين ف المنطقة

اوستراليا هيا سادس اكبر بلد حسب المساحة الكلية




#Article 62: ايزيس (348 words)


ايزيس هى الاهه مصرية قديمة ب تمثل صورة الام المثالية و الزوجة الوفية. ايزيس من الهة تاسوع اون و هى اخت و مرات اوزوريس و ام حورس ، انتشرت عبادتها فى مصر و سوريا و اليونان و روما. ومن المعتقدات المصرية الجميلة هى ان نهر النيل ب يفيض بسبب دموعها الي بتبكيها على موت جوزها أوزوريس اللى قتله اخوه ست.

اسم ايزيس هو النطق اليوناني ل الاهة المصرية بس الاسم المصري الاصلي ليها هو اس-ت و اللى معناه ملكة العرش.

انتشرت عبادتها فى العصر البطلمى فى اسكندريه، و فى السنين الأولانية للديانة المسيحية كانت عبادة الالهة المصرية أيزيس منتشرة فى كل انحاء الامبراطورية الرومانية و حتى فى العاصمة روما، كانت المعابد بتتبني و المسلات بتترفع تكريماً للالهة المصرية.و فى اليونان كانو المؤمنين التابعين ل إيزيس مسيطرين على مدن كاملة زي ديلوس و ديلفي و إليوسيس .المواني البحرية كانت بتتسمى باسم ايزيس من اول بحر العرب لحد البحر الاسود. و فى كتابات و نقوش للمؤمنين بيها فى أسبانيا و ايرلاندا و تركيا و جزيرة العرب.. ايزيس كان ليها معبد فى جزيرة فيلة فى النوبة استمر الكهنة هناك محافظين على طقوس عبادة ايزيس لحد القرن السادس الميلادي لما الامبراطور البيزنطي (جوستينيان) امر بقفل المعبد بحجة انه اخر معقل للوثنية فى الامبراطورية المسيحية.

ب تبدي اسطورة ايزيس بان الاله آتو م كان عنده اربع احفاد سيت و نيفتيس و اوزوريس و ايزيس. اوزوريس كان ملك لمصر وكل الناس بتحبه و علشان كدة اخوه سيت قتله من كتر الغيرة و قطع جثته تلات-ت-اشر حتة ووزعهم على كل نواحي مصر. الزوجة الوفية ايزيس جمعت الاشلاء بتاعة جوزها و قعدت بيكي و تعيط عليهم لحد ما رجع للحياة لكنه فضل انه يكون اله للميّتين. الابن حورس بنتقم لمقتل ابوه اوزوريس و بيهزم عمه سيت.

من المعروف كمان انها ما لاقتش الحته رقم 13 و عشان كدا و لسه لحد دلوقتي كل سكان الكورة الارضية بيتشاءمو من الرقم دا والكل بيعتبروه رقم نحس.

فيه علما بيعتقدو ان انتشار عبادة ايزيس فى كل انحاء الامبراطوريه الرومانيه قبل ظهور المسيحيه كان ليه تأثير على الديانة المسيحية نفسها، و فيه كمان منهم اللى بيقارن نقاط التشابه بين الام ايزيس و مريم و الابن حورس و يسوع فى الايقونات.




#Article 63: ايطاليا (343 words)


ايطاليا (الجمهورية الطليانيه) هي دوله من دول البحر المتوسط و هي عباره عن شبه جزيرة ف جنوب اوروبا و جزيرتين من اكبر الجزر فى البحر المتوسط اللى هما: صقلية و ساردينيا. ايطاليا بيفصلها جبال الالب عن فرنسا و سويسرا و النمسا و سلوفينيا من ناحية الشمال. سان مارينو و الفاتيكان هما دول مستقلة موجودة جوه الحدود الايطالية.

اللغة الرسمية لايطاليا هى الطالياني ومساحتها 301,318 كم مربع و عدد سكانها حسب تقديرات سنة 2019 بيوصل ل 60,550,075 مليون نسمة.

و بحكم كتير من العوامل زى العوامل الجغرافيه و التاريخيه و غيرها فإن الروابط الثقافيه بين ايطاليا و مصر و بين الثقافتين شئ مهم و حيوي حدا بينهم و ده اللى خلى ايطاليا من خلال الجاليه الايطاليه فى مصر و كمان مركز دانتي أليجييري من أكتر الدول اللى اتحمست و شاركت فى البرنامج الثقافي مصر فى عيون العالم من خلال فعاليات مصر فى عيون الايطالين و اللى هيا ضمن فعاليات البرنامج الثقافي مصر فى عيون العالم .

بيعتبر مؤتمر مصر فى عيون الايطاليين و اللى هوا واحد من فعاليات مصر فى عيون العالم و اللى بيستضيفه مركز الجزيره للفنون بالزمالك و اللى بحضور مجموعه كبيره من المثقفين الايطاليين اللى بيتكلمو عربي لان المؤتمر بالعربي و اللى فيه بيتكلم كتير من الايطاليين الي عايشين فى مصر عن الثقافه المصريه و عن مصر و كمان بيحضر المؤتمر واحد من اعضاء مجلس نقابة السينمائيين ممثل عن نقابة السينمائيين المصريين و كمان بيحضر المؤتمر عضو من مجلس نقابة المرشدين السياحيين 

أتت من ايطاليا حضارات عظيمة كالحضارة الرومانية ومنها أيضآ أتت حركة النهضة اللى بدأت فى توسكاني و انتشرت بعد ذالك في اوروبا عاصمة ايطاليا روما هى أيضاً مركز من مراكز الحضارة الغربية بشكل عام وإليها يتنسب الرومان ومنها ظهرت حركة الباروك وكان فيها الكرسي البابوي تبع الكنيسه الكاتوليكيه.. ايطاليا جمهورية ديموقراطية و متقدمة و بييجي ترتيبها التامن على مستوى العالم من حيث ارتفاع مستوى المعيشة بتاع سكانها.

ايطاليا واحده من الدول اللى اسست الاتحاد الاوروبي و اللى اسسو حلف شمال الاطلنطي(الناتو) و هيا عضو فى مجموعة التمانية.

اقتصاد ايطاليا سابع اكبر اقتصاد فى العالم ايطاليا كمان دولة نووية و ميزانية الدفاع بتاعتها من اكبر الميزانيات فى العالم (ترتيبها التامن).




#Article 64: باخ (175 words)


يوهان زيباستيان باخ (Johann Sebastian Bach   او ) هو مؤلف مزيكه ألمانى و له اعمال علمانيه محفوظه. إتولد سنة 1685, فى 31 مارس. و مات سنة 1750, فى 28 يوليه. و هو كان أحسن مؤلف مزيكه فى وقتهُ. عاش فى اخر عصر الباروك/Baroque. هو عمرهُ ما سافر بعيد عن بلدهُ كتير, و قضا كل حياتهُ فى ألمانيا المركزيه, بس هو درس كل المزيكه اللى قدر يلاقيها لـ مؤلفين تانيين فى وقتهُ. بيبان فى المزيكه بتاعتهُ إنه إتعلم من مؤلفين المزيكه بتوع ايطاليا و فرنسا و ألمانيا. هو قضا سنين كتيره بيشتغل فى محاكم النُبلاء. و كتب معظم مزيكة الشامبر(الحجره) مزيكه بتتعمل لـ الات مزيكه قليله و مزيكة الاوركسترا. معظم حياتهُ, على أى حال, كان بيشتغل فى الكنيسه, اللى كان متوقع إنه يألف مزيكه كنائسيه. باخ, تقريباً, كتب أغلب انواع المزيكه ماعادا الاوبرا. فى الفتره الأخيرانيه من حياتهُ, معظم المؤلفين كانو بيكتبو بـ اسلوب جديد اسمهُ الكلاسيكى, بس باخ كان دايماً بيكتب بـ اسلوب الباروك, و ده اللى خلا ناس وقتها يفتكرو إنه دقـّه قديمه, بس النهادره معروف إن المزيكه بتاعتهُ هى أحسن مزيكه من الباروك.




#Article 65: باراك اوباما (951 words)


باراك حسين أوباما ( مواليد 4 اغسطس 1961) هو رئيس الولايات المتحدة الامريكية الاربعة و الاربعين ,و كان سيناتور امريكانى عن ولاية الينوي و اترشح عن الحزب الديموقراطي و كسب انتخابات الرياسه يوم 4 نوفمبر سنة 2008 على المنافس الجمهوري جون ماكين. اوباما هو اول امريكاني-افريقي يدخل البيت الابيض كرئيس للولايات المتحدة الامريكية. و نايب الرئيس كان هو چو بايدن.
 
باراك اوباما من مواليد هونولولو، هاواى وأصلاً كان محامى متخرج من جامعة كولومبيا و كلية هارفارد للقانون. و عمل مستشار للحقوق المدنية فى شيكاجو ، و محامى و درٌِس القانون الدستورى فى كلية الحقوق جامعة شيكاجو فى الفتره من سنة 1992 لسنة 2004. أوباما خدم تلات فترات فى مجلس شيوخ ايلينوى فى الفتره من سنة 1997 لسنة 2004. أخد جايزة نوبل للسلام سنة 2009 كحافز للعمل على تحقيق السلام فى العالم.

اوباما اتولد فى هونولولو فى ولاية هاواى يوم 4 اغسطس سنة 1961 , من اب كينى من نيانزا ف كينيا من عيله مسلمه ( باراك اوباما الاب) و ام امريكانيه اسمها ستانلى آن دانهام كانت من اصول انجليزيه ايرلانديه و ألمانيه ، و كانت من ويتشيتا ،فى ولاية كانساس،

باراك أوباما هو اول رئيس لأمريكا من مواليد هاواى. اتقابل ابوه و امه سنة 1960 و هما طلبة بيدرسو ف جامعة هاواى و لما كان عمره سنتين، انفصل ابوه عن امه و بعديها اتطلقوا و رجع الاب لكينيا و ماشفش ابنه تانى غير مره و احده و بعديها مات فى خادثة عربية سنة 1982.اتجوزت امه بعد كده مهندس بترول من اندونيسيا اسمه لولو سويتورو و راحت العيلة اندونسيا و عاشو ف جاكارتا لحد ما وصل عمره عشر سنين و بعديها رجع هاواى و عاش مع جده و جدته من ناحية امه ميدلين و آرمور ستانلى دونهام ، حضر المدرسة من الصف الخامس سنة 1971 و اتخرج من المدرسة الثانوى سنة 1979. سنة 1972 رجعت والدة اوباما لهاواى لمدة خمس سنين . و سنة 1977 رجعت اندونيسيا, و فضلت هناك لحد اما رجعت تانى هاواى سنة 1994, و اتوفت من سرطان المبيض سنة 1995.

أوباما قال عن مرحلة طفولته شكل والدى كان مش شبه اى حد من الناس اللى حوالايا -- لأنه كان اسوِد ، و والدتى اللى ببضا زى اللبن الحليب -- بالكاد متسجله فى عألى. 

بعد المدرسة الثانوية ، راح أوباما يدرس فى كلية اوكسيدنتال فى لوس انجليس سنة 1979  و فى فبراير 1980 قال أول خطبه، طلب فيها من اوكسيدنتال سحب الاستثمارات من جنوب افريقيا. و سنة 1981 ، سافر اندونيسيا علشان زيارة والدته و أخته مايا ، و زار عيلات أصحابه فى الهند و باكستان لمدة تلات أسابيع. باراك اوباما اتخرج من كلية هارفارد للقانون- جامعة كولومبيا سنة 1991 بدكتوراه فى الأانون(magna cum laude باللاتينى) . و سافر بالى علشان يكتب لعدة شهور الكتاب اللى اتنشر سنة 1995 باسم أحلام من والدى. مراته ميشيل اوباما و عندهم بنتين ماليا و ساشا.

اوباما كسب انتخابات مجلس الشيوخ فى ايلينوى سنة 1996. واستمر سيناتور تلات فصول فى مجلس شيوخ ايلينوى فى الفترة من سنة 1997 لسنة 2004. أوباما قال الخطاب الرئيسى فى المؤتمر الوطني للحزب الديمقراطى فى يوليه 2004, و كسب انتخابات مجلس الشيوخ فى نوفمبر 2004.

شوف انتخابات رئاسة امريكا سنة 2008

باراك اوباما أعلن ترشيح نفسه رئيس للولايات المتحدة يوم 10 فبراير 2007، قدام مبنى كونجرس الينوى فى سبرينجفيلد، اختيار مبنى كونجرس الينوى كان اعلان رمزى لأنه كان مكان خطبة ابراهام لينكولن التاريخيه البيت المنقسم فى سنة 1858.

تم ترشيح المرشح الجمهورى جون ماكين و دخل الاتنين ف تلات مناظرات رئاسية ف سبتمبر وأكتوبر 2008. و يوم 4 نوفمبر، كسب أوباما الرياسه لما كسب 365 صوت انتخابى و ماكين كسب 173 بس. أوباما كسب 52.9٪ من الأصوات الشعبية و ماكين كسب 45.7٪

شوف انتخابات رياسة امريكا سنة 2012

باراك اوباما أعلن ترشيح نفسه رئيس للولايات المتحدة لمده تانيه و أخرانيه ف انتخابات رياسة امريكا سنة 2012 و مرشح الحزب الجمهورى كان ميت رومنى و دخل الاتنين ف تلات مناظرات رئاسية ف اكتوبر و يوم 6 نوفمبر كسب باراك اوباما الانتخابات. باراك اوباما كسب الانتخابات.

اعترف اوباما مرة انه جرب الكوكايين و الماريجوانا (البانجو) و هو مراهق. و قال عن استعماله المخدرات انه كان اكبر فشل أخلاقي  ليه. ام باراك ماتت سنة 1995 من سرطان المبيض.اوباما متجوز امريكانية-افريقية اسمها ميشيل روبينسون (دلوقتي ميشيل اوباما) و عندهم بنتين: ماليا آن و ناتاشا (ساشا). اوباما مسيحي الديانه.

باراك حسين اوباما الف كتب كتير و لكن اشهرها (احلام من ابويا) و اللى حكى فيه عن طفولته و مراهقته و المشاكل العرقية اللى واجهها و الكتاب التاني المشهور هو (جرأة الامل) و اللى اتكلم فيه عن مشروعه السياسى و افكاره و اراءه الحزبية.

ثقافة و تعليم اوباما مختلفين بشكل كبير و ملحوظ عن السياسيين الامريكان-الافارقة اللى كانو ف ستينيات القرن العشرين بيتزعمو و يشاركو فى حركة الحقوق المدنية فى امريكا. و خصوصا من ناحية عيلته و انه اتعلم فى واحده من جامعات رابطة اللبلاب. اوباما بيتقال عليه انه خطيب استثنائى . و حسب منظمة جالوب ، ابتدا أوباما رياسته بنسبة تأييد 68٪  لكن نسبة تأييده نزلت بالتدريج لحد ما وصلت ادنى مستوى 41٪ ف أغسطس 2010 , زى ما حصل مع رونالد ريجان و بيل كلينتون ف اول سنينهم ف الرياسه.

باراك اوباما اتعمد سنة 1988 فى كنيسة الثالوث المتحده للسيد المسيح و كان عضو نشط هناك لمدة عشرين سنه  و يوم 27 سبتمبر سنة 2010، أصدر أوباما بيان عن وجهات نظره الدينية قال فيه :أنا مسيحى بالاختيار ، وبصراحه ، عيلتى ما كانتش من الناس اللى بيروحو الكنيسة كل أسبوع وكانت أمى واحدة من أهم الناس الروحيين اللى كنت أعرفهم ، لكنها ما ربتنيش فى الكنيسة ، علشان كده ايمانى المسيحى بعدين فى الحياة ، وكان ده بسبب تعاليم يسوع المسيح  و وضح أوباما ازاى انه بسبب شغله مع كنايس السود باعتباره منظم مجتمع ف العشرينات من عمره انه فهم اوة تقاليد الأميركيين الافارقة الدينية لتحفيز التغيير الاجتماعى.

لجنة جايزة نوبل للسلام منحت باراك اوباما جايزة نوبل للسلام سنة 2009 علشان جهوده فى تحسين العلاقات الدوليه و كحافز لتحقيق السلام فى العالم.




#Article 66: بطرس بطرس غالى (209 words)


بطرس بطرس غالى (14 نوفمبر 1922 - 16 فبراير 2016) دبلوماسى مصرى.

كان الأمين العام السادس للامم المتحدة 1992 - 1996 م قبل كوفى انان، وهو حفيد بطرس نيروز غالى رئيس وزرا مصر فى اول القرن العشرين وكان رئيس المنظمه المصريه لحقوق الانسان.

بطرس بطرس غالى اتخرج من جامعة القاهرة ف 1946 واخد الدكتوراه فى القانون الدولى من جامعة باريس ودبلوم فى العلاقات الدوليه من معهد الدراسات السياسيه فى باريس. و هو من عيله مسيحيه

عائلة بطرس غالي حصلت علي مناصب كبيرة في مصر واشهرهم بطرس غالي الي كان رئيس نظار سنه 1908 رئيس الوزاه حاليا) اللي تم اغتياله علي يد ابراهيم الورداني لاصدارة حكم الاعدام علي فلاحي دنشواي
العيله كانت ممنوعه من ممارسه السياسه في عهد عبد الناصر
كمان يوسف بطرس غالي اللي هربان في انجلترا من حكم غيابي 30 سنه

كان الدكتور بطرس غالى وزير للدوله للشؤون الخارجيه من اكتوبر 1977 وحتى 1991. و كان نايب رئيس الوزرا للشؤون الخارجيه فى مصر من مايو 1991.

الدكتور بطرس بطرس غالى اتعين عضو فى مجلس الشعب المصرى (البرلمان) سنة 1987 وكان اتعين عضو فى امانة الحزب الوطنى الديمقراطى سنة 1980.

الدكتور بطرس بطرس غالى عينته الجمعيه العامه للامم المتحده سكرتير عام ف 3 ديسمبر 1991، و بقى سادس سكرتير عام للامم المتحده فى 1 يناير 1992  ولفترة خمس سنين.




#Article 67: بوخارست (116 words)


بوخارست (بالروماني بوكوريشت București ) هى العاصمة السياسية و الاقتصادية و الصناعية و اكبر مدينة فى رومانيا

بوخارست بتطل على نهر الدومبوفيتسا و هى علشان كدة مشهورة باسم قلعة الدومبوفيتسا

بوخارست مدينة مش قديمة قوي (بالمعايير الأوروبية) يعنى اول مرة بتتذكر فيها المدينة كان فى سنة 1459. بعديها اتطورت و بقت العاصمة بتاعة رومانيا سنة 1862 . و  بقت كمان مركز لحضارة و فنون و ثقافة رومانيا.

بسبب الجمال الرائع للمباني و المعمار اللى فى المدينة و خصوصا اللى اتبنى بين الحربين العالميتين ، بوخارست اتشهرت باسم باريس الشرق او باريس الصغيره.

حسب الاحصا اللى اتعملت سنة 2006 عدد سكان بوخارست مابين 1.9 و 2.6 مليون انسان و بكدا بتكون سادس اكبر مدينة فى الاتحاد الاوروبي.

 
 




#Article 68: بورتريهات الفيوم (115 words)


بورتريهات الفيوم (او بورتريهات مومياوات الفيوم) هو الاسم الحديث لمجموعة من اللوحات اللى اترسمت على الخشب و كانت بتتلزق على المومياوات فى مصر ايام الرومان.

الرسومات دي اتلقت فى كل انحاء مصر بس اهم و اكبر مجموعة كانت موجودة فى الفيوم و اللى منها جه اسم البورتريهات وكانت بتخص الطبقة العليا أياميها. اللوحات ابتدت تترسم فى القرن الاول قبل الميلاد و مش معروف بالظبط امتا بطل ال العرف او التقليد دا و الدراسات الحديثة قدرت انه استمر لحد القرن التالت الميلادي و بعديها بدأت تظهر الايقونات المسيحية القبطية اللى بتعتبر امتداد لفن البورتريه الأغريقي-الروماني .

القناع (ماسك) كان موجود على الموماويات علشان تتعرف عليه الروح و يمكن هو دا الاصل اللى ورا البورتريهات بتاعة الفيوم.




#Article 69: بى جييز (123 words)


فرقة البيي چييز (بالانجليزى:Bee Gees)، هى فرقة موسيقيه تغني بالانجليزى وتأسست فى اوستراليا من ثلاث اخوه(باري جيب و روبين جيب و موريس جيب) وعشان هما اخوات كانت اصواتهم يتكمل بعضيها فى (هارمونية) تناغم جميل جداً و كمان كانو بيكتبو تغلب اغانيهم سوا و قالو انهم كانو بيحسو انهم حاجة واحدة و هما مع بعض. الاخوات التلاتة اتولدو فى جزيرة مان, من اب و اُم انجليز و عاشو شوية فى مانشستر فى انجلترا و بعديها سافرو و هما صغيرين لـ اُوستراليا و هناك ابتدو مشوارهم فى المزيكا و الغنا. الفرقة حققت نجاح فى العالم كله و فازت بجوايز كتيرة فى فترة مجدها فى الستينات و السبعينات.

فرقة البي چييز باعت 220 مليون ألبوم, و دا بخليها واحدة من أنجح الفرق المزيكاتيه على مستوى العالم.




#Article 70: بينسيلين (404 words)


البينسيلين (R-C9H11N2O4S) هو مضاد حيوي بينتمي لمجموعة البيتا-لاكتام و بيستخدم فى علاج اصابات الباكتريا موجبة الجرام.

العالم الإسكوتلاندي السير اليكساندر فليمنيج هو اللى اكتشف البينسيلين سنة 1928 بمستشفى القديسة ماري فى لندن. و العالم الاسترالي هوارد والتر فلوري (اللى واخد جايزة نوبل فى الطب) هو اللى قدر يطور البينسيلين علشان يبقى دوا و يستعمل فى العلاج.

البينسيلين الاولاني كان مجاله محدود (مش بيقتل كل انواع الباكتريا) و ماكانش ينفع يتاخد بالبؤ علشان كان بيتكسر فى المعدة بسبب الحمض Hcl الموجود فيها. و علشان كدا العلما درسو و طوّرو مشتقات كتيرة من البينسيلين بهدف توسيع المجال بتاعه و كمان علشان يخلوه ينفع يتاحد عن طريق البؤ. و شوية شوية بدأ العلما يعلنو عن اكتشاف انواع جديدة من البنسيلينات زي الامبيسيلين و الاموكسيسيلين و بعدين طلعت مجموعة جديدة من (البيتا-لاكتام) اسمها سيفالوسبورين و اللى مجالها اوسع بكتير و ما بتتكسرش فى المعدة يعني ينفع تتاخد بالبؤ.
و فى بعض البينسيلينات الجديدة اللى مجالها بيغطي كمان الباكتيريا السالبة الجرام.

البينسيلين (و بقية مجموعة البيتا-لاكتام) بيبوّظ التركيب بتاع جدار الخلية الباكتيرية و بيخليه يضعف و مايتحملش الضغط الاسموزي (osmotic pressure) بتاع الباكتريا اللى فى الاخر بيخليها تنفجر و تموت.
 

البنسلين بيتصنع من الفطر ,عن طريق اننا بنحط الفطريات دي تحت ضغط يخليها تنتج ماده دفاعية اللى هيا البنسلين . وفي طريئة حديثة عن طريق التكنولوجيا الحيوية . وبدات صناعته بشكل جدي مع الحرب العالمية التانيه .

 
 

لا توجد عيوب واضحة الا فى حالة سوء استخدامه، وتكون نتائج سوء استخدامه كنتائج سوء استخدام كافة المضادات الحيوية.
لذا يجب استشارة الطبيب اولا قبل اى استخدام للمضادات الحيوة ومنها البنسلين. 

اكبر مشكلة للبنسلين هوا انه ممكن يسبب حساسية عند بعض الناس , وبتأدي الحساسية دي احيانا للموت خلال دقايق لو الشخص مرحش المستشفي , ودي بتكون وراثه وبيتعمل اختبار حساسية فى الايد قبل الحقن عشان نتاكد ان الشخص معندوش حساسية للبنسليين , الحساسية دي بتبدأ خلال دقايق وتلاقي الشخص وشه جاب الوان , وبعدين يبدا ضيق التنفس ودي اكبر مشكلة لانه لازم يتلحق خلال دقايق بدوا حساسية وبعدين تنفس صناعي فى المستشفي عشان الحرص علي التنفس هو اهم شئ لحد ما الحالة تستقر .
 

بسبب ان البكتريا بتطور طريقة شغلها هيا كمان عملت مقاومة للبنسلين , وبتبطل شغله وبتفك حلقة البيتا لاكتام بتاعته , عشان كده العلما عملوا نوعين من البنسليين محميين من المقاومة دي

دا عباره عن اموكسيسيللين مع حمض الكلافيولينك , و الحمض ده بيدخل علي البكتريا عشان ينتحر ويشتت البكتريا وطرقها الدفاعية فيدخل الاموكسيسيللين يدمرها .

دا عبارة عن امبسيلين مع سلبكتام وبرضه محمي من مقاومة البكتريا .




#Article 71: بيومى قنديل (890 words)


بيومي قنديل (31 يوليه 1942 - 8 اكتوبر 2009) كان باحث مصرى و لغوى بيعتبر واحد من أهم المفكرين المصريين المعاصرين اللى دعا للتمسك بالثقافه المصريه و التعدديه و التسامح اللى اتعرف بيهم المصريين من الاف السنين و كان من اكبر المدافعين عن القومية المصرية المضطهَده. بيعتبر امتداد لمدرسة الفكر الوطنى المصريه. انتقد بيومى قنديل النسيان والتجاهل و حتى الاحتقار اللى بيكنه معظم المصريين المعاصرين لجدودهم الفراعنه العظام على حد وصفه.

بيومي قنديل اتولد 31 يوليو 1942 فى محافظة المنوفية شمال القاهرة و كمل تعليمه الثانوي هناك وبعديها اتنقل للقاهرة و درس فى جامعة القاهرة كلية الاداب و خد ليسانس اللغه الانجليزيه و ادابها سنة 1964.
بيومي قنديل بيتكلم و بيعرف لغات كتيرة حيه و ميته و اولها طبعا اللغة المصرية الحديثة(العامية المصرية) و كمان العربي الكلاسيك و الانجليزى و الفرنساوي والاسباني و اليوناني القديم و اللاتيني و كمل تعليمه للغة القبطية فى كلية الدراسات القبطية فى العباسية.اشتغل بيومى قنديل مدرس للغه الانجليزيه و صحفى فى جورنال الاخبار و كان عضو فى نقابة الصحفيين المصريين و عضو اتحاد الكتاب المصريين و فى جمعية الاثار القبطيه و جمعية القاهره للغويين.
ابتدا اهتمام بيومى قنديل بالمصرولوجيا و اللغات المصريه القديمه و هو بيدور على معنى اسمه بيومى، اللى اتقاله ان اسم واحد من اولياء الله الصالحين و لكنه استمر فى البحث لحد ما عرف انه اسم مصرى قديم متكون من مقطعين با: بتاع و يوم: بحر سوا معناهم البحرى او المنسوب للبحر و من ساعتها اابتدا يدرس و يبحث فى جذور المصريين المعاصرين و ثقافتهم و لغاتهم.

بيومى قنديل لخص مشروعه الفكرى فى كتابه حاضر الثقافة فى مصر
و اللى عمل فيه مجهود كبير اشاد بيه عدوينه قبل صحابه و قدم فيه دفاع علمي عن الهوية المصرية المسلوبة و اللى بتواجه خطرين اساسيين: خطر الذوبان فى الخارج و خطر التفتيت من الداخل و ركز على موضوعين اساسيين فى الكتاب دا: الموضوع الاول هو القوميه المصريه فى مواجهة الثقافة العربية السامية و لخص المشكلة فى سؤال هو هل المصرين عرب؟ و
استمر فى طرح تساؤلات ما بتخطرش على بال كتير من المثقفين من نوع هل الانتماء الديني جزء من الانتماء الثقافي ولا العكس؟
و انتهى قنديل الى نتيجة لخصها فى الجملتين دول القول الذي يردده المتعلمون المصريون و خصوصاً الأكاديميون منهم وراء الخبراء الامريكيين بأن الثقافة العربية-الاسلامية هى الثقافة القومية للمصريين المعاصرين هو قول فاسد و بالتحديد غير علمي و غير دقيق و غير نزيه فى آنٍ واحد.
و بيقول السيد قنديل ان المصريين مش عرب و مش ساميين و انهم بيتصنفوا حسب الانثروبولوجي تحت العرق الحامي(الافريقي) مع اخواتهم فى شمال افريقيا : البربر(الامازيغ) والاريتريين و الاثيوبيين و النوبيين ودا ما يخليناش نفهم الموضوع على انه استعداء للعرب لانه بيأكد كذا مرة ان على الرغم من ان المصريين مش عرب بس اولاد عم لينا لان العرب و العبرانيين و شعوب شمال افريقيا عموما بتجمعهم عيلة لغوية واحدة هى العيلة الأفروأسيوية

الموضوع التاني هو اعادة اكنشافه للغة المصرية الحديثة زي ما بيحب
يسميها و المعروفة باللغة العامية و اغلب المثقفين بيلخصوا موقفهم منها فى انها لهجة منحدرة من اللغة العربية الفصحى او مجرد تشويه للغة العربية الام.
قنديل وصل ان اللهجة المصري دي هى المرحلة الرابعة والأخيرة من اللغة المصرية القديمة ودا سبب تسميته ليها باللغة المصرية الحديثة
قنديل افترض فرضية هى ان اللى المصريين بيتكلموه دلوقتي هى لغة مش لهجة و ليها قواعد واضحة و هى نفس قواعد القبطي و حتى المصرية القديمة و بعد ما برهن على فرضيته دي بالادلة العلمية و بالملاحظات وجِّه دعوة لكل المصريين انهم يكتبوا لغتهم و يعترفو بيها كبنت للغة القبطية و على الرغم من ان اغلب كلماتها من ال عربي بس اللغات بتتصنف حسب القواعد مش على حسب الاصول المفترضة لمفردتاتها. و بحسب كلامه (اللغة المصرية الحديثة هى لغة مستقلة عن اللغة العربية الكلسيكية لكن ماهيش منفصله عنها ولا عن اى لغة او لهجة فى المنطقة المحيطة ولا فى الدنيا الواسعة).

بيومي قنديل الف كتب كتيرة تانية جنب حاضر الثقافة فى مصر زي كتاب دفاعاً عن تراثنا القبطى و كمان نشر دراسات كلها حوالين اللغة المصرية و التراث القبطي و عمل محاضرات فى باريس و لندن و برمنجهام و معرض القاهرة الدولي للكتاب و ترجم كتب كتير و لكن اهم حاجة ترجمها هم كتاب مصر و كنعان و اسرائيل فى العصور القديمة و كتاب اخناتون : الفرعون المارق

بيومي قنديل حاول هو و بعض صحابه تاسيس حزب سياسي مصري خالص و سمّاه حزب مصر الام و كتب البرنامج السياسي للحزب و بعض صحابه سمّوه فيلسوف الحزب بس للاسف الحزب رفضته لجنة الاحزاب المصرية التابعة لمجلس الشورى و بعدها فضّل بيومي قنديل انه يسيب السياسة للسياسيين و يتفرغ لابحاثه و دراساته فى اللغة المصرية الحديثة.

بيومى قنديل كان متعدد المواهب و كتب قصص قصيره و مسرحيات و روايات و اشعار و مقالات و نشر دراسات فى الدوريات المصريه و كان بيهتم بالترجمه الهادفه لنقل اخر اللى اتوصل ليه العلما فى مجال المصريات.

اتوفى بيومى قنديل فجأة يوم الخميس 8 اكتوبر 2009 فى القاهرة و اتدفن حسب رغبته فى غرين الدلتا الاسمر.ترك بيومى قنديل تراث كبير و تأثير اكبر على الحياة الثقافية فى مصر و رثاه اصدقائه و محبينه المفجوعين فى خسارته فى جرانيل الدستور و العربى و روز اليوسف و القاهرة و المصرى اليوم  و وطنى  و الاهالى.

اتعمل حفل تأبين لبيومى قنديل يوم 11 يناير 2010 و وصفه الشاعر شعبان يوسف انه كان مثقف و باحث طول الوقت يدعو لأفكاره المتعلقة بهوية مصر الثقافيه و طالب الدولة بنشر أعماله الإبداعية الكاملة و منها: مسرحية سفر الخروج المصرى و مجموعات ضم القمح ليلا وأمونة تخاوي الجان و كتبه دفاعا عن تراثنا القبطى وحاضر الثقافة فى مصر .




#Article 72: تاروم (106 words)


تاروم (اختصار لاسم الشركه بالرومانى: Transporturile Aeriene ROMâne ، الشركه الرومانيه للنقل الجوى) هى شركة طيران بتملك الحكومه الرومانيه نسبة 95% منها.
تاروم بتشتغل اساسا من مطار هنرى كواندا الدولى (مطار اوتوبين زمان) فى بوخارست.تاروم نقلت 1.69 مليون مسافر فى سنة 2007 لوحدها و بكدا بتكون تاروم هى تانى اسرع شركة طيران فى اوروبا فى النمو . الشركة دى اتاسست سنة 1920 و بيوصل عدد الطيارات فى اسطولها لـ سته و عشرين طياره ما بين بوينج و ايرباص. تاروم بتطير لـ 49 وجهه فى 22 دولة فى اوروبا و افريقيا و اسيا .

فى 9 مايو 2009 وصل اسطول تاروم لعدد 26 طياره و دى تفاصيلهم:

	




#Article 73: تراچان (207 words)


الامبراطور تراچان (18 سبتمبر 53 – 8 اغسطس 117 ) الامبراطور الرومانى (98-117)م من 98 لحد وفاته 117 وبلغ بالامبراطورية الرومانية أوج اتساعها. الامبراطور تراچان كان تانى خمسة اباطره جيدين حكمو الامبراطوريه الرومانيه من 96 ل 180 و تانى الأباطرة الأنطونيين الرومان

اتولد الامبراطور تراچان فى سبتمبر 53 ، فى مدينة يتاليكا كشاب ، وارتقى فى صفوف الجيش الروماني كان والد تراجان حاكم سوريا (فى 76-)77 تم تعيينه القنصل وتقديمهم ابوللودوروس ( ابوللودور الدمشقي ) من دمشق معه لروما حوالى 91. وقام ابوللودور بتصميم واشادة اكثر المباني شهرة فى روما وعلى طول نهر الراين ، وشارك تراجان الامبراطور دوميتيان فى الحروب و خلف دوميتيان نيرفا ، اللى كان مش مرغوب من الجيش ولحاجة نيرفا للقيام بأي شيء لكسب تاييد الجيش أنجز نيرفا ده بتسمية تراجان ابن بالتبنى وخليفة له فى صيف 97.

لما اتوفى نيرفا خليفة دومتيانوس اتولى الحكم الامبراطور تراجان يوم 27 يناير 98 ، باحترام كبير دون حوادث.

تراجان هو ابن مارسيا وماركوس وهو شخصية بارزة فى مجلس الشيوخ والعامة من الشهير الاسرة استقروا فى هسبانيا (شبه الجزيرة الايبيرية اسبانيا والبرتغال) ، و برز تراجان فى عهد الامبراطور دومتيانوس، بوصفه ضابط برتبة لواء فى الجيش الروماني على طول الحدود الألمانية ، و نجح فى سحق تمرد من انطونيوس . 18 سبتمبر 89.

ليستة امبراطرة الرومان




#Article 74: توركيا (135 words)


تركيا (جمهورية تركيا) دولة اوروأسيوية من دول البحر المتوسط و هى بتمتد من هضبة الاناضول فى شرق اسيا لحد منطقة البلقان فى جنوب شرق اوروبا.

تركيا بتشترك فى الحدود مع الدول دي: بولغاريا و اليونان و جيورجيا و ايران وارمينيا و أذربيجان بالاضافة ل سوريا و العراق.
عاصمة تركيا هى مدينة انقره بس اكبر مدنها هى استانبول اللى متقسمة حتتين حتة فى قارة اوروبا و حتة فى قارة اسيا وعشان كده تركيا تعتبر دولة عابرة للقارات.

تركيا دولة كبيرة مساحتها حوالي 783,562 كيلو متر امربع و عدد سكانها حوالي 70 مليون نسمة.

تركيا دولة علمانية ديمقراطية اتأسست سنة 1923 تحت زعامه مصطفى كمال أتاتورك ودي معناها (ابو الاتراك) بعد ما انهارت الامبراطورية العتمانيه بسبب هزيمتها فى الحرب العالمية الأولى. من سنة 2005 و تركيا بدات فى مفاوضات مع الاتحاد الاوروبي كي تأخذ العضوية كاملة .




#Article 75: تسمم الحمل (167 words)


ما قبل تسمم الحمل (برياكلمسيا)  هوه حاله صحيه مش طبيعيه بتحصل للست الحامل بعد 20 اسبوع او اكتر من الحمل وممكن تأثر على الحامل والجنين.

تسمم الحمل (برياكلمسيا) ليه اعراض منها ارتفاع ضغط الدم و انتفاخ فى الايدين والرجلين والوش نتيجة تجمع السوايل (إيديما) . و ممكن يتطور ل-اكلمسيا  لو ماتمش توليد الجنين او تحكم اعراض البرياكلمسيا. و الغالب فيه مواد من المشيمه ممكن تسبب خلل بطانة الأوعيه الدمويه فى الستات اللى عرضه للإصابه بتسمم الحمل.

تشخيص تسمم الحمل عند الحامل ارتفاع ضغط الدم ( قرايتين منفصلتين من بعض على الاقل ب6 ساعات و اكتر من 140/90) و ظهور البروتين (الزلال) فى البول. وبتكون كمية الزلال فى البول لمدة 24 ساعه 300 مليجرام او اكتر.

ضغط الدم اكتر من 140/90 مش هوه كل حاجه لان مهم ملاحظة الاعراض زى التورم وخصوصا الايدين والوش ورغم ان من المحتمل ان تسمم الحمل يسبب الوفاه لكن الاعراض كتير ما بتتفسرش صح.

متابعة الحمل مهمه علشان تشخيص الاعراض بدرى 

فيه اعتقاد ان فيه دور اساسى للمشيمه فى حدوث البرياكلمسيا و الاكلمسيا




#Article 76: تشارلز داروين (209 words)


تشارلز روبرت داروين  (Charles Robert Darwin)  هو عالم طبيعه انجليزى مشهور بانه صاحب نظرية التطور Evolution Theory

تشارلز داروين اتولد يوم 12 فبراير سنة 1809 فى  انجلترا.

نظرية التطور بتقول ان كل انواع المخلوقات الحيه جت من اصل واحد. و ان الطريقه اللى بتسبب التغييرات او تطور المخلوقات الحيه اسمها  الاختيار الطبيعي Natural Selection  للاصلح اللى بينجح فى التكيف مع البيئه الطبيعيه اكتر من غيره ، وان فيه كائنات بتتكيف اكتر من غيرها بسبب اختلافات طبيعيه سيها تغييرات فى الجينات. فيه اختلافات ممكن تخلى الكائن قادر اكتر على التكيف فده بيديه فرصه احسن للبقاء و بالتالي ممكن يورث جيناته للاجيال اللى بعديه. فى نفس الوقت الاختلافات اللى بتسبب عدم تكيف الكائنات الحيه وبالتالي تقليل قدرتها على البقاء بتكون فرصتها اقل ان فى انها تتورث من جيل للتانى و عشان كده ممكن تنقرض.
تشارلز داروين شرح نظريته فى كتابه  فى اصل الانواع On the Origin of Species . نظريه داروين بطبيعة الحال بتنفى نظرية  الخلق المنفرد  الدينيه. 

تشارلز داروين مات يوم 19 ابريل سنة 1882.

نظرية داروين كان ليها تأثير كبير على الفكر البشرى فى مجالات كتيره مش بس فى البيولوجيا و خرجت منها  الداروينيه Darwinism . عملية التطور بقت معترف بيها فى المجتمع العلمى و كمان بين الناس العاديين فى حياته. نظرية التطور بقت بتشكل اساس نظريةالتطور الطبيعي الحديثه.




#Article 77: تطور (1753 words)


التطور( فى البيولوجيا-علم الحياة) هو العملية اللى يتغير فيها صفات الكائنات الحية بمرور الزمن . ويقصد بالتطور ايضا التغييرات البسيطة اللى تحصل فى الچينات من جيل لآخر و التغييرات الكبيرة اللى تظهر بسببها كائنات حية جديدة من جد مشترك على مدى اجيال طويلة.التطور هو نظرية فى علم البيولوچيا .بتفرض ان كل اشكال الحياة على الارضمثل الانسان و الحيوانات و النباتات تطوروا من اشكال بسيطة كانت موجودة قبليهم و ان الاختلافات الكبيرة بين الانواع دي هى عبارة عن اختلافات صغيرة فى الچينات الخاصة باجدادهم و اللى تراكمت على مدى مليارات السنين و بقت اختلافات كبيرة كالتي نراها الآن. نظرية التطور بتعتبر الآن من اهم الاساسيات اللى بنيت عليها علوم بيولوچية اخرى فى العصر الحديث. التنوع فى اشكال الكائنات الحية كبير جدا و الآن يوجد 2 مليون نوع موصوف و مسمى و يعتقد العلماء ان هناك انواع كثيرة جدا لم تدرس بعد ووقد يصل عددها لحوالي 20- 30 مليون نوع. الغريب فى الأمرليس عدد الانواع وحسب ، إنما ايضا التنوع الكبير فى الاشكال و الاحجام وطريقة الحياة للانواع المختلفة- من اول الباكتيريا طولها واحد على الف من المللميتر الى الاشجار الضخمة اللى قد تصل طولها لـ 100 متر ووزنها لـ الاف الاطنان. و من الباكتريا اللى بتعيش فى درجات حرارة قريبة من درجة الغليان (100 د.م.) لحد الفطريات و الطحالب اللى عايشة فى القطب الجنوبي فى درجة حرارة 23 تحت الصفر.

كل الاختلافات دي ممكن تتفسر بإنها نتيجة لعملية التطور و كل اشكال الحياة جت من جد واحد مشترك.
فى القرن التسعتاشر الف العالم الانجليزي تشارلز داروين كتاب اسمه (حوالين اصل الانواع) ونشر فيه عن نظرية التطور الحديثة و قدم تفسير علمي (صحيح بس مش كامل) لعملية التطور و ازاي و ليه بتحصل زي مثلا ليه فى حيوانات عندها جناحات و عيون و كلاوي و الاعضاء دي متهندسة بشكل محكم علشان تقوم بوظيفة معينة.الانتخاب الطبيعي كان هو الاساس اللى بنى داروين عليه تفسيره العلمي للتطور. الانتخاب الطبيعي بيحصل لما يكون فى افراد معينين عندهم صفات احسن من بقية المجموعة (زي السرعة فى الجري او بعد النظر) الافراد دول بيكون عندهم قدرة احسن على مواجهة تحديات الطبيعة و بيقدرو يفوزو فى الصراع على الاناث مثلا و بكدة بينجحو ينقلو الصفات الكويسة دي للاجيال الجديدة. علم الچينات اللى اتولد فى القرن العشرين بين بالتفاصيل ازاي الانتخاب الطبيعي بيحصل و وخلا العلما يوصلو لبلورة نظرية كاملة عن التطور الحديث. من اول الستينات ظهر علم جديد تاني اسمه البيولوچيا الجزيئية و دا كان الثورة الحقيقية اللى بينت و لاول مرة بادق التفاصيل ازاي الچينات بتلعب دور فى عملية التطور يعنى مثلا ازاي الچينات بتاعة الانسان و القرد متطابقين تقريبا فى كل حاجة و نسبة الاختلاف بينهم ما بتعديش 1 او 2% بس.

(فكرة إن نوع معين من الحيوانات ممكن ينشأ من حيوان من نوع تانى) كانت موجوده من ايام الفلاسفة اليونانيين اللى قبل سقراط، زي اناكسيماندر وامبيدوكليس. بعد ذلك اتى ارسطو وخالف الافكار الماديه وقال إن كل الأ شياء فى الطبيعه سواء كانت حية او غير حية هيا عباره عن اشكال ناقصه لاحتمالات طبيعيه كتيره، وسماها ارسطو اشكال او افكار او (حسب الترجمه اللاتينيه) انواع. ورأيه هذا كان جزءا من فهمه الاجمالى للطبيعه ان لها غايه وسبب يرجع لإله حدد لكل الاشياء دورها التى تقوم بها فى النظام الإلهى للكون. لكن ما اشترطش ان الانواع الحقيقيه من الحيوانات لازم يقابلها اشكال ميتافيزيقية زيها بالظبط، وإدا أمثله محدده لإزاى بتنشأ الانواع الجديده من الحيوانات.

فى القرن السبعتاشر رفض المنهج العلمى الحديث منهج ارسطو ، وقال ان الظواهر الطبيعيه ممكن تتفسر بقوانين الطبيعه اللى بتسرى على كل الأشياء اللى بنشوفها فى الكون والموضوع مش محتاج افتراض اى انواع طبيعيه ثابته ولا اى نظام الهى كونى. لكن المنهج الجديد ده ما انتشرش بسرعه فى البيولوجيا اللى كانت اخر معقل لفكرة الانواع الطبيعية الثابتة. جون راى استخدم مفهوم أعم للانواع الطبيعيه الثابته (الانواع) وطبق المفهوم ده على انواع الحيوانات والنباتات، لكن عكس ارسطو حدد كل شكل من الكائنات الحيه بدقه (كنوع) واقترح إن ممكن تعريف كل نوع من الصفات اللى بتظهر باستمرار فى كل جيل. وقال ان الانواع كلها صممها الإله لكن الاختلافات اللى بينها بتحصل بسبب اختلاف الظروف اللى بيعيش فيها كل نوع. سنة 1735 كارولوس لينيوس عمل تصنيف بيولوجى اعتبر فيه بردو ان الانواع ثابته حسب خطة إلهيه.

تشارلز داروين فى القرن التسعتاشر اعتمد فى استدلاله على التطور على دراسات مقارنة بين الكائنات الحية و توزيعها الجغرافي و على الحفريات بتاعة الكائنات المنقرضة. بمرور الوقت اكتشف العلما ادلة اكتر و اكتر من التلات مصادر دول و كلها بتأكد و بتقوي النظرية بتاعة داروين. ولقى العلما أدلة اكتر و اعمق و تأكيدات بالتفاصيل مع ظهور علوم بيولوچية جديدة ماكنتش موجودة على ايام داروين زي علم الجينات و البيوكيميا و الفسيولوچيا و الأيكولوچيا و الايثولوچيا(سلوك الحيوان).

الحفرية هى عبارة عن بقايا نادرة جدا لكائن حي كان يعيش على الارض منذ القدم، عندما مات لم يتحلل بعوامل الطبيعة او أكل بحيوانات اخرى و احتفظت اجزاء من جسمه (و خصوصا الأجزاءالصلبة مثل الأسنان و العظم) و دفن فى الطمي الذي تحجر بعد ذلك و بقى صخور يحتفظ بمعلومات عن شكل الحيوان والذي هو ممكن تحديد عمره عن طريق الراديوميتير و نعلم بالظبط متى مات .العلماء يدرسون حفريات لالاف الكائنات الحية اللى ماتت من ملايين او حتى بلايين السنين و الدراسة دى تبين:

تحديد العمر بالراديوميتر, مثلا ان الارض عمرها 4.5 بليون(مليار) سنة و ان اقدم حفرية لكائن حي مثل الباكتيريا مثلا عمرها 3.5 بليون(مليار) سنة.و اقدم حفرية لحيوان عمرها 700 مليون سنة و اول حيوان لديه عمود فقري ظهر على الارض من 400 مليون سنة و اول حيوان ثديي عمره 200 مليون سنة و اقدم حفرية للانسان العاقل لا يزيد عمرها عن مليون سنة. تاريخ الحياة المترتب و اللى تعرف من الحفريات كان اقوى دليل على ان التطور نظرية صحيحة. لبسجل بتاع الحفريات صحيح, ولكن ليس كامل للاسف لأن عدد صغير جدا من الحيوانات و النباتات بقت حفريات و عدد محدود منهم هو الذي اكتشفه و درسه العلماء وأيضا ليس كل جسم كائن الحي اللى تتحول لحفرية، فقط عظمه او أسنانه. مع ذلك ففي حيوانات قدر العلماء بإعادة بناية التاريخ التطوري بالكامل مثل الحصان الذي ممكن تتبع تطوره على مر الزمان منذ أن كان حيوان حجمه مثل حجم الكلب وارتفاعه 40 سم عن الارض و عنده أصابع فى رجليه و أسنان حيوان رعي لحد الحصان الحالي.

الهيكل العضمي بتاع الانسان و الضفدعة و السمكة و البطة متشابهين بطريقة غريبة جداً على الرغم من اختلاف طريقة حياة و بيئة العيشة بتاعة كل واحد من الحيوانات دي. الهياكل العضمية للكائنات دي ممكن مطابقتهم عضمة عضمة و نفس الشيئ ممكن نشوفه فى باقي اجهزة اجسامهم. من الناحية العملية، الواحد صعب عليه يفهم ليه الانسان بيقدر يكتب و الضفدعة بتقدر تنط و السمكة تقدر تعوم و البطة تقدر تطير باعضاء مختلفة بس كلها مبنية بنظام واحد مكون من نفس عدد العضمات. لو الكائنات دي اتوجدت بشكل منفصل فإيه الداعي انهم يكونو متطابقين يالشكل دا؟ التفسير الوحيد هو انهم كلهم منحدرين من جد واحد مشترك ووارثين منه النظام بتاع الهيكل العضمي و اللى اتطور و اتحور علشان يلائم طرق مختلفة للحياة. النظام الموحد كان من اهم الادلة اللى دعمت نظرية التطور و خصوصا بعد اكتشاف العلما للاعضاء اللى مالهاش وظيفة زي الزايدة الدودية فى الانسان و الفقارت العصعصية و عضلات الودن و حلمة الصدر عند الرجالة و ضرس العقل و الجفن التالت فى العين.

داروين و العلما التطوريين لقو ان دراسة الاجنة بتدعم نظريتهم و اكتشفو ان كل اجنة الفقاريات بما فيها الانسان بتنمو بنفس الطريقة و بتمر بنفس المراحل. جنين الانسان فى فترة معينة بيبقى عنده خياشيم مكان رئته و بيكون عنده ديل فى الاسبوع الرابع و بيوصل لأقصى طول ليه فى الاسبوع السادس و بعديها بيصغر لحد ما بيتحول للفقارات العصعوصة، و بيتغطى جسمه بالشعر بالكامل و شوية شوية بيفقد الخصايص دي عند وقت الولادة بس مراحل نمو الجنين دي كأنها بتعيد تاريخ التطور بتاع الانسان مرة تانية بس بسرعة اكبر بكتير.

كل قارة من قارات العالم عندها الحيوانات و النباتات الخاصة بيها.افريقيا مثلا فيها وحيد القرن،فرس النهر(سيد قشطة)الزراف و الاسود و الحمير المخططة و الشيمبانزي و الغوريلات. امريكا اللاتينية و اللى على نفس خط العرض بتاع افريقيا و بتشبهلها فى الظروف البيئية مافيهاش و لا واحد من الحيوانات دي و على العكس فيها البوما،الجاجوار،الالاما،الراكوون. مافيش اى سبب يمنع الحيوانات بتاعة القارة دي انها تعيش فى القارة التانية او العكس، التفسير الوحيد للظاهرة دي هو عملية التطور اللى بتقول ان الانواع نشأت من انواع سابقة كانت موجودة فى بيئات معينة قبل القارتين دول ما ينفصلو عن بعض و تتطور حيوانات كل واحدة منهم بشكل مستقل.
كلب

و دي من العلوم الحديثة اللى ماكنتش لسة طلعت ايام داروين و مع ذلك فهي دلوقتي بتعتبر اقوى الادلة على صحة نظرية التطور لانها اثبتت ان كل اشكال الحياة من الباكتيريا للانسان جايين من جد واحد مشترك. فى تشابه كبير جدا فى الجزيئات اللى بيتكون منها اى كائن جي و فى الطريقة اللى بتشتغل بيها الجزيئات دي. كل الكائنات الحية( من الباكتريا للطحالب للنباتات و للطيور و الانسان) ليها دي ان اية(الحمض النووي) اللى بتترجم لنفس البروتينات فى كل اشكال الحياة. و دا ممكن نشبهه بتلات كلمات موجودين فى تلات كتب و ليهم نفس المعنى يبقى طبيعي ان اللغات اللى اتكتبت بيها الكتب دي من اصل واحد.

من زمان و كل مجتمع بشري ابتدع نسخته الخاصة من تيسلشرءوه تفسيره الميثولوجي عن اصل الحياة و اصل الكون . الديانات الابراهيمية فسرت دا على انه من صنع اله كلي -القدرة، فلاسفة اليونان القدام كان عندهم اساطيرهم بتاعة بداية الخلق و الهة جبل الاوليمب، انيكسيماندر قال ان الحيوانات ممكن تتحول من شكل للتاني و القديس اوجوستين كانت عنده افكار قريبة من نظرية التطور و اللى دفعه لكدا اسباب دينية مش علمية، لانه كان شايف انه مستحيل يكون النبي نوح خد عينات من كل انواع الكائنات الحية فى سفينته المشهورة علشان ينقذهم من الطوفان و اقترح اوجوستين امكانية الانواع دي ظهرت بعد طوفان نوح و ماكانش شايف اى تعارض بين التطور و الخلق المنفصل بتاع سفر التكوين. فكرة التطور اتبلورت بشكل علمي من اول عصر النهضة و من العلماءاللي كان ليهم نظريات فى الموضوع دا فبل داروين العالم الفرنساوي لا مارك اللى اعتقد بصحة التطور و الاصل المشترك لكل مضاهر الحياة و على راسها الانسان بس وقع فى الغلط بتاع الية التطور و قال ان الصفات المكتسبة بتتورث (مبدأ اللاماركية) يعنى اذا زرافة اتمرنت على اكل ورق الشجر العالي و رقبتها طولت شوية بسبب محاولاتها دي فالصفة المكتسبة دي بتاعة طول الرقبة ح تتورث للجيل التاني من اولادها و دا طبعا مش صحيح. نظرية التطور الحديثة اتأسست على إيد تشارلز دارون اللى عمل جولة حوالين العالم على السفينة المشهورة بيجيل و استمرت خمس سنين ( من 1831 لحد 1836 ) و نشر اول كتاب ليه سنة 1859 و كان اسمه (حوالين اصل الانواع بطريقة الانتخاب الطبيعي )و اللى لأول مرة حدد الدور المهم بتاع الانتخاب الطبيعي فى تحديد مسار التطور و بعديها نشر كتب تانية كتيرة زي (سنة 1871) اصل الانسان و اللى مد فيه نظريته على البشر و خلاهم يخضعو لنفس المبدأ بتاع الانتخاب الطبيعي و شوية شوية قدر العلما يعيدو بناية التاريخ التطوري للانسان.




#Article 78: تفجير فندق الملك داود فى القدس (148 words)


تفجير فندق الملك داود فى مدينة القدس هى عملية تفجير استهدفت الفندق، تم تنفيذها فى 22 يوليو سنة 1946. قام اعضاء من جماعة الإرجون الصهيونية بتنفيذ الهجوم ده ضد الحكومة البريطانية فى فلسطين. لأن حكومة الإنتداب عملت الفندق مركز ليها.

مناحيم بيجين (رئيس الوزاء الاسرائيلي بعدين) إصدر الأوامر علشان تنفيذ تفجير فندق الملك داود لأنه كان وقتها رئيس جماعة الإرجون.

اتقتل نتيجة تفجير فندق الملك داود واحد وتسعين شخص، واحد و اربعون منهم فلسطينيين، و28 من الإنجليز و17 من اليهود وخمسة من جنسيات مختلفه.

نفذ يوسف آفاني ويسرائيل ليفي تفجير فندق الملك داود .

هز تفجير فندق الملك داود العالم، و أدانته الدول وثارت الحكومة البريطانية ووصفته بالعمل الإرهابي.

اتوصف تفجير فندق الملك داود بأنه أحد أكثر التفجيرات الإرهابية المميتة في القرن العشرين (Rapoport 2004 ، ص 50، 51).

فى شهر يوليو 2006، احتفل يمينيون يهود من ضمنهم بنيامين نتنياهو وأعضاء سابقين فى جماعة الإرجون بالذكرى الستين للتفجير.




#Article 79: تليفزيون (279 words)


التليڤيزيون (من اصل اللغة فرنسي : télévision نطق:  (TV)) هو جهاز يستخدم على نطاق واسع فى [الاتصالات]السلكيه و اللاسلكيه المتوسطة لارسال و استقبال الصور المتحركة او مونوكروماتيك (monochromatic ابيض و اسود) او الوان. كلمة تليڤزيون جاءت من اصول يونانية τῆλε tele) و [لاتينى]: visio; اليونانى tele (من بعيد) و اللاتينى visio (مشهد).

التليڤيزيونات ظلت موجوده فى السوق من اواخر 1930-ات, جهاز التليڤيزيون وأصبح فى بيوت التجار والمترفين و المؤسسات, كمصدر للتسلية و اخبار. من ال1970-ات وجود ڤيديو كاسيت, ليزر ديسك, دى ڤى دى DVD, و والآن وجد بلو ريى ديسك Blu-ray Disc, وأصبح التليڤيزيون يستعمل من وقت لآخر من اجل مشاهدة المواد المسجلة مسبقا و ايضا المذاعة.
علما أن هناك أشكال اخرى من التلفزيونات مثل تلفزيون المراقبه (CCTV) بيستعملو, اكتر طريقه التليڤيزيون بيستعمل فيها بتبقى عشان اذاعة التليڤزيون, اللى إتعملت على السيستيم اللى كان موجود بتاع موديل اذاعة الراديو الذي تطور فى عام 1920-ات, و استخدم الترانسميتر transmitter بطاقه عاليه كي يذيع اشارة التليڤيزيون للتليڤيزيونات.

شوف كمان تليفزيون ف مصر

قبل سنة 1952 دخل الى مصر 15 رجل من ابرز الفنيين العاملين فى شركة التليڤزيون الفرنساوى, و معهم 12 طن من الاجهزه التي تتكون منها احدث محطة تليڤزيون النيل التي إنشأت فى الدور الخامس فى مبنى السنترال الجديد فى العمارة المواجهة لمحطة باب اللوق. و بدأت التجربه بصوره للملك فاروق. ثم بالقرآن بصوت الشيخ الشعشاعي. و قدم نشرة الأخبار الاستاذ على الراعى — كبير المذيعين — و اما الكحلاوى هو اول مطرب مصرى يظهر على شاشة التليڤزيون و غنى امام الشاشه الجديده اغنيته البدويه و شوية مواويل.

التليڤزيون المصرى إتأسس فى أواخر سنة 1959. لما قامت الحكومه المصريه بإمضاء عقد مع هيئة الإذاعه الامريكيه RCA لانشاء شبكة تليڤزيون, . و كان اول إرسال تلفيزيون مصرى فى 21 يوليه 1960.




#Article 80: تمثال الحريه (نيويورك) (291 words)


اسمه الكامل: تمثال الحرية بتنور الدنيا و المشهور بتمثال الحرية هو تمثال قدمه الشعب الفرنساوي كهدية للولايات المتحدة الامريكية سنة 1886.التمثال واقف فى ليبيرتي ايلاند (جزيرة الحرية) فى مدخل المينا لمدينة نيو يورك، الامريكان عاملين دعايه ليه على اساس انه يرحب بالمهاجرين الجداد لامريكا و التمثال عبارة عن واحدة ست لابسة روب و ماسكة فى ايدها اليمين شعلة الحرية و فى ايدها الشمال مساكة كتاب منقوش عليه باللاتيني 4 يوليه 1776 و اللى هو تاريخ الاستقلال الامريكي. على راسها لابسة تاج طالع منه 7 اشعة بترمز للسبع قارات بتوع العالم و هى واقفة على قاعدة مريعة التمثال نفسه طوله 46 متر من الرجلين لقمة الشعلة بس بيوصل ل 93 متر لما نضيف القاعدة.
تمثال الحرية من اكتر الحاجات الاعلامية اللى بتميز امريكا كدولة و بتمثلها بقيمها و مبادئها فى نفوس الامريكان كلهم.

التمثال موجود في جزيرة الحرية في خليج نيو يورك بينه و بين مدينة جيرسي(ولاية نيوجيرسي) 600 متر و هو في الجنوب الغربي من منهاتن بينه و بينها 2.5 كيلومتر ، مساحته 490000 متر مربع.

المظهر الكلاسيكي للتمثال (الروب الروماني و الصنادل و تعابير الوش) ماخوذه من الاهة رومانية قديمة اسمها (ليبيريتاس) و اللى كانت بتعبر عن التحرر من العبودية و القهر و استبداد الحكام.

بارتولدي فى زيارة ليه لمصر انبهر بمشروع قناة السويس اللى بيشتغل فيه صديق عمره المهندس الفرنساوي فيرديناند ديليسيبس،و اتخيل وجود منارة ضخمة فى مدخل القناة ورسم سكيتش للتمثال اللى كان عبارة عن نسخة مصرية من الالهة الرومانية ليبيريتاس و خلاها تشبه الفلاحة المصرية شايلة شعله نار وموجهاها ناحية السما.بارتولدي اتقدم بمشروعه للخديوي اسماعيل باشا سنة 1867 و بعدين عمله شوية تعديلات و اتقدم بيه تاني سنة 1869 و فى المرتين المشروع ما توافش عليه بسبب المشاكل المالية اللى كانت مصر يتمر بيها فى الوقت دا.
و بعديها عملته فرنسا( بتبرعات الشعب) و قدمته لامريكا هدية.

    




#Article 81: توماس إديسون (402 words)


توماس الفا اديسون (11 فبراير 1847 – 18 اكتوبر 1931) كان راجل اعمال و مخترع امريكانى كبير من عباقرة العلما اخترع حاجات كتيره خدمت الانسانيه و اثرت بقوه فى الحياه على مستوى العالم و تطور البشريه ، منها مثلا اللمبه الكهربيه و الفونوجراف ، و كان اول مخترع يطبء مبادءى الانتاج الكمى على الاختراعات و عشان كدة هو مشهور بانه ابتدا اول معمل اختبار صناعى. 1093 اخد براءة اختراع امريكيه باسمه و ده غير شهادات تانيه كتير فى بريطانيا و فرنسا و المانيا.
وأول محطة توليد كهربا عملها فى جزيرة مانهاتن فى نيو يورك فى امريكا.

أديسون اتولد فى ميلان فى أوهايو , وكان السابع و الاخير فى أخواته, فى المدرسه أديسون قعد 3 شهور بس , بعد كدة امه خلته يتعلم فى البيت , اديسون وهو صغير كان عنده مشاكل فى السمع, ولما كبر بقى اطرش. أديسون كان شغال على تلغراف, وكان الشغل ده بيسمحله انه يعمل الحاجات اللى بيحبها (القرايه والتجارب) ، و مره و هو شغال ببطاريه من بتوع زمان (أوى) وقع حمض كبريتيك منها على الارض, فالحمض اتسرب من الارضيه ووقع على مكتب مديره, و تانى يوم أديسون اتطرد من الشغل , أديسون أتجوز واحدة عندها 16 سنه كان اسمها (مارى ستيلويل) وخلف منها ولدين و بنت و بعد مماتت اتجوز تانى واحده عندها 20 سنه كانت بنت مخترع وخلف منها بنتين و ولد.
أديسون أخد اول براءة اختراع على ماكينه اليكترونيه بتستعمل فى التصويت فى الانتخابات.

أديسون عمل أختراعات كتير وحسن أختراعات أكتر بس كسب معظم شهرته من الفونوجراف (مشغل السيديهات بتاع زمان) و كان ؟اول ما عمله كن بيشتغل على ورق قصدير و صوته ما كانش حلو أوى , لكن بعد كده مخترعيين تانيين اسمهم (ألكسندر جراهم بيل,تشستر بيل و تشارلز تاينتر) قدموا نسخة محسنة منه,وده اللى خلى أديسون يشتغل جامد علشان يعمل احسن فونوجراف.
ومن انجازات أديسون المهمة أنه عمل اول معمل ابحاث صناعى فى ميلانو بارك بنيو جيرسى , وعمله من الفلوس اللى جتله من مبيعات الفونوجراف,والمعمل ده كان هدفه انو يعمل تحديثات على الاجهزة الموجودة و يعمل اختراعات جديدة.

من اعظم اختراعات اديسون و بتعتمد على مرور تيار فى سلك من مادة معينة (حاليا التنجستين) ومن المقاومة بتاعة السلك لمرور الكهرباء فيه بينشأ ضوء و حرارة.
وبالمناسبة لكي تخترع انت بحاجة الى مخيلة جيدة وكومة خردةأول لمبة أديسون عملها اشتغلت 40 ساعة بس.

لما نيكولا تيسلا راح امريكا قابل توماس ايديسون واشتغل معاه فى مصنعه ولكن بعد كده سابه وبنى معمله الخاص وحصلت بينه وبين ايديسون خناقات بالكلام نشرتها وسايل الاعلام المحلية ساعتها.




#Article 82: تونس (347 words)


تونس (بلهجات البربر: ⵜⵓⵏⴻⵙ), و معروفة بشكل رسمى بإسم الجمهوريه التونسيه (بلهجات البربر: ⵜⴰⴳⴷⵓⴷⴰ ⵜⵓⵏⴻⵙ) هيه بلد عربيه موجوده فى شمال إفريقيا و مساحتها 163,610 كيلومتر مربع و بتطل على جنوب البحر المتوسط من فوق و من الشرق و بتحدها الجزاير من الغرب و ليبيا من الجنوب الشرقى. اكثر حته موجوده فى شمال تونس, كاب انچلا, هيه كمان اكتر حته موجوده فى الشَمال فى افريقيا.
تونس فيها كمان الحته الشرقيه لسلسلة جبال الأطلس و الحته الشماليه للصحرا الكبرى, و سواحلها اللى طولها 1300 كم فيها الحته الجنوبيه لخليج صقليه.

سكان تونس حوالى 11 مليون, و عاصمتها اللى عندها نفس الإسم موجوده فى الحته الشمال-شرقيه للبلد.

تونس بتتعتبر من البلاد القليلة اللّي فيها ديمقراطية في العالم العربي. فيها مؤشر تنمية بشرية بيشرّف, و هي بلاد عندها شراكة مع الإتحاد الأوروبي و عضوية في إتحاد المغرب العربي, الجامعه العربيه, الأمم المتحده, منظمة التجارة العالميه و كمان منظمات ثانية كثير.

تونس دولة علاقاتها سياسية و إقتصادية كويسة مع كل البلدان الأوروبية و بالأخص فرنسا. و ايطاليا

زمان, كانت تونس بيسكنوها البربر. و بعدين الفينيقيين ابتدوا يجوا تونس من القرن 12 قبل الميلاد و ذول اللي أسسوا قرطاج. قرطاج دي صارت بعد كده قوة إقتصادية و سياسية كبيرة, بس دخلت في حرب مع الرومان و خسرتها سنة 146 قبل الميلاد. الرومان ذول احتلوا تونس 800 سنة و دخّلوا المسيحية و المعمار الروماني مثل مسرح الجم.

بعد كده, تونس دخلوها العرب في القرن الأول للهجرة و دخلت معاهم اللغة العربية و الإسلام اللّي لسّاتهم موجودين بالبلد لحدّ دلوقتي. العرب بقيوا مسيطرين عالبلد لحدّ الإحتلال الإسباني سنة 1534.

بعد الإسبان, جوا العثمانية سنة 1574 و احتلوا تونس لأكثر من 300 سنة. بعدهم جوا الفرنسيين سنة 1881 و ما خرجوا منها إلّا سنة 1956.

بعد كده, تشالت الملكيّة سنة 1957 و بقى الحبيب بورقيبة أوّل ريّس للبلد حتّى 1987. عمل بورقيبة إصلاحات كثير مثل مجلّة الأحوال الشخصيّة حسّنت شغلات كثير في البلد زي وضع المرة و التعليم.

بعده, مسك زين العابدين بن علي تونس حتّى نجحت الثورة ضدّه عام 2011.

بعد 2011, تعمل دستور جديد للبلد في 2014
من بعد مسك الرئيس الباجي قايد السبسي الحكم
, و تعملت أوّل إنتخابات في نفس السنة.




#Article 83: جاليليو جاليلى (432 words)


جاليليو (15 فبراير 1564  – 8 يناير 1642) كان فيلسوف و فيزيائى و عالم رياضيات و عالم فلكى طليانى و لعب دور فى الثورة العلمية من انجازاته تحسينات على التلسكوب و الملاحظات الفلكية المستمرة و تأييده للكوبرنيكوسيه. جاليليو تلقب بعدة القاب: ابو الفيزيا الحديثة  و ابو العلوم  و  ابو العلوم الحديثة. ستيفن هوكينج قال عنه : جاليليو ، يمكن أكثر من أى حد اخر، كان مسؤول عن ميلاد العلم الحديث. 

مفهوم التسريع الدي يدرس فى المدارس التمهيدية والثانوية و كليات الفيزيا درسه جاليليو فى موضوع علم الحركة . اسهاماته فى علم الفلك و الرصد تشمل تأكيد أطوار كوكب ڤينوس ، و اكتشاف اكبر اربع أقمار حوالين كوكب چوبيتر و بيتسمو الأقمار الجاليليه تكريما له ، و مراقبة و تحليل البقع الشمسية . جاليليو كمان اشتغل فى العلوم التطبيقية و التكنولوجيا ، و اختراع بوصله عسكريه محسنه و غيرها من الادوات.

اتعرض لتعسف محاكم التفتيش بتاعة الكنيسه.

جاليليو ولد فى بيزا اللى كانت جزء من دوقية فلورنسا فى ايطاليا ، و هو الاول من ست اطفال من ڤينتشنزو جاليلى اللى كان ملحن ، و موسيقى ، و والدة جاليليو كان اسمها جوليا أماناتى . عاش من الست اطفال اربعه ، و أصغرهم مايكل أنجلو (او ميكيلانجلو) الدي اصبح ملحن مثل والدهم.

اسم جاليليو الكامل كان جاليليو دى ڤينتشنزو بونايوتى دى جاليلى .  لما كان عمره ثمان سنين عائلته انتقلت لتعيش فى فلورنسا لكن جاليليو فضل مع جاكوبو بورجينيى لمدة سنتين.

ادخل مفهوم القصور الذاتى و بحث فى الحركة النسبية و قوانين سقوط الاجسام و حركة الاجسام على المستوى المايل و الحركة عند رمي شئ فى زاوية مع الافق و استخدم البندول لكي يقيس الزمن بهو هو من اعضم الشعراء المغاربة

جاليليو كان من اكبر المدافعين عن مبدأ مركزية الشمس و دوران الارض حولها و رات الكنيسه الكاتوليكيه ان كلامه يتعارض مع ايات الكتاب المقدس
المزمور 104: 5 المؤسس الارض على قواعدها فلا تتزعزع الى الدهر و الابد . جاليليو لم يكن يرى ان هناك تعارض بين الاتنين و قال انه لا يمكن تفسير الايات حرفيا. الهجوم زاد عليه و على افكاره و سقط ضحيه لـ محاكم التفتيش و اضطران يدهب لروما سنة 1616 لكي يدافع عن نفسه و يطلب من الكنيسة انها لا تمنع كتبه لكنه فشل انه يقنعهم بمنطقه و سلمه الكاردينال بيلارمين امر من الكنيسة انهيتوقف الدفاع عن او يؤمن بأن( الارض تدور حول الشمس و ان الشمس ثابتة فى المركز لا تتحرك) والتزم جاليليو شوية و لكنه رجع بعديها بستاشر سنة و الف كتاب اسمه (حوار حوالين النظامين الاساسيين فى العالم)و بعديها بسنة حاكمته الكنسية فى روما بتهمة الكفر(الهرطقة)سنة 1633 و قرر القاضي:

و بيتقال انه بعد ما اعلن توبته قدام الكنيسة عن افكاره همس ( لكنها تدور) بيقصد الارض.




#Article 84: جامعة باريس (129 words)


جامعة باريس : ظهرت فى النص التانى من القرن الاتناشر ، ولكن فى 1970 تم اعادة تنظيمها فى تلتاشر جامعة مستقلة (جامعة باريس الاولى - تلتاشر). وكثيرا ما يشار الى جامعة باريس على انها السوربون بعد مؤسسة (كوليج دو سوربون) (اتأسست حوالى 1257).ولكن محور جامعة باريس مكانش ابدا حوالين السوربون. الجامعات الاربعة الاولانيهمن التلتاشر جامعة المستقلة ليها وجود فى مبنى السوربون التاريخى ، تلاتة منهم تشمل السوربون فى اسمائها.

تم تأسيس جامعة باريس فى 1120 ولكن عانت باريس الكثير فى حرب المائة عام، احتلها انجلترا ( 1420 - 1436) .

جامعة باريس جت ترتيب 11 فى الترتيب على مستوى جامعات العالم ، متقدمة على خمس جامعات فرنسية جامعة باريس الل احتلت المرتبة (31) المدرسة العليا للتكوين وجامعة ستراسبورج 1 ، وجامعة باريس 7 احتلت المرتبة (110) من اصل (500).




#Article 85: جراحة الفم و الوجه و الفكين (193 words)


 جراحة البُؤ و الوِش و الفكين هوه واحد من تخصصات الجراحه وبيهتم بالمعالجات الجراحيه لمنطقة البُق، و الفكين الفوقانى و التحتانى، و الوش، و الجمجمه و الرقبه.

تخصص جراحة الفم و الوجه و الفكين هو تخصص معترف به دولياً فى الجراحة. فى أوروبا تخصص جراحة الفم و الوجه و الفكين واحد من تخصصات الطب و تخصص جراحة الفم واحد من تخصصات طب الأسنان.

فى الولايات المتحدة ، كندا ، استراليا ، و نيوزيلندا جراحة الفم و الوجه و الفكين هى واحدة من 9 تخصصات تعترف بها رابطة طب الأسنان الأميركية ، والكلية الملكية أاطباء أسنان من كندا ، و الكلية اأاسترالية الآسيوية الملكية لجراحي الأسنان.

جراحة البُؤ (الفم) من تخصصات طب الأسنان. وبيشمل خلع الأسنان و جراحة الفم الصغيرة زى جراحة خلع ضرس العقل تحت عضم الفك , الممكن طبيب الأسنان بتخصص ف جراحة البُؤ و يكون استشاري جراحة الفم.

يمكن لطبيب الأسنان أن عمل بتخصص جراحة الفم و الوجه و الفكين لو كان طبيب أسنان فقط , و كذلك أيضاً يمكن للطبيب البشري أن يعمل بتخصص جراحة الفم و الوجه و الفكين ولو كان طبيب بشرى فقط , لكن لكي يصبح استشارىاً يجب أن يحمل شهادتي الطب البشري و طب الأسنان .




#Article 86: جران كناريا (228 words)


جران كناريا هى جزيرة من جزر الكنارى ، وهي ارخبيل فى المحيط الاطلطى 210 كيلومترا من الساحل الشمالي الغربى من افريقيا و تنتمي جران كناريا لاسبانيا. وهى جزيرة بركانيه و تقع للجنوب الشرقي من تينيريفى. الجزيرة بركانية المنشأ ، ومعظمها مصنوع من فجوة الفتحات. الجزيرة كانت مأهولة من 500 قبل الميلاد

تتكون جزر الكنارى اساسا من اربع جزر كبرى رئيسية، تحيط بيها عشرات الجزر الصغيرة حواليها، وهى جزيرة جران كنارى و تنايريفى و لانثاروتى و لا بالما ، و عاصمة جزر الكنارى سانتا كروث فى جزيرة تنايريفى لكن جزيرة جران كناريا تعتبر أكبر جزر الكنارى حجم وأكترها اتساع، جران كناريا مساحتها 1560 كيلومتر مربع ، وشكلها يكاد يكون دائري ، وارتفاعها عن سطح الميه يصل فى بعض المناطق لأقصى ارتفاع هو 1949 متر (بيكو دى لاس نيبس). و جران كناريا مستديرة الشكل ، مع قطر حوالي 50 كم. عدد سكان جران كنارى 820257 سنة 2005

تتكون جران كناريا من عدة قرى صغيرة، إتحول بعضها لمدن بفضل انتشار المنتجعات السياحية على امتداد شواطئها اللى إتحولت لمقصد للسياحة الخارجية والداخلية بفضل درجات حرارتها الدايمة الاعتدال على مدار السنة، واللى تتراوح بين 20 و25 درجة مئوية.
و أهمية الجزر ترجع للقرون الوسطى، لعبت جزر الكنارى دور كبير خلال الرحلة اللى قام بيها كريستوفر كولومبس لاكتشاف أميركا اللاتينية، لأن سفنه الاربعه اللى حملته ومعاونيه انطلقت من مينا كاديز جنوب أسبانيا، واتوقفت فى جزر الكناري للتزود بالتموين المطلوب، ومنها انطلقت الرحلات التالية .




#Article 87: جرانادا (388 words)


جرانادا او غرناطه هى مدينة وعاصمة مقاطعة جرانادا ، فى منطقة الحكم الذاتي اندلسيا فى اسبانيا. كان اسمها البيرا لحد نص القرن التامن الميلادى.

جرانادا مبنيه على سفح جبال سييرا نيفادا ، فى مكان بيتقابل فيه تلات أنهار ،ارتفاع جرانادا 738 متر فوق مستوى سطح البحر. فى تعداد عام 2005 ، كان عدد سكان مدينة جرانادا 236982 ، ومجموع سكان المناطق الحضريه كان 472638 ،

حسب الترتيب جرانادا نمره تلاتاشر اكبر منطقة حضريه من المملكه الاسبانيه. حوالى 3.3 ٪ من سكان جرانادا مامعاهمش الجنسيه الاسبانيه ، و اكبر عدد من سكان جرانادا اللى مامعاهمش الجنسيه الاسبانيه حوالى 31 ٪ جايين من امريكا الجنوبيه.

فی القرن الحداشر اتراجعت أراضى المسلمين لما ابتدت الصراعات بين مختلف العائلات المالكة و الخلافة الاسلامية فتتت الأراضى بين ممالك صغيرة و اتسما ملوك الممالك دى ملوك الطوايف.منافسة ممالك الطوایف ادت للدول المسيحيه الصغيره الفرصة انها توسع أراضيها لحد كبير وتعزز مواقعها. وصول حكام شمال افريقيا المسلمین من المرابطين و الموحدين ساعد فى استعادة وحدة المسلمين لكن زود صرامة الحكم و قلل التسامح الدينى الموجود فى اسبانيا من قرون و الحريه , فی النهاية رغم تحقيق بعض النجاح فی غزو الشمال, ماقدرتش الطوایف تقاوم زيادة القوة العسكرية للدول المسيحية.
فى القرن التلاتاشر, تاج كاستییا بقى أقوى تاج من أصل اسبانى فايبيريا, مد ملك كاستییا سلطته لجنوب شبه الجزيرة, و اضاف خايمى الاولانى ملك أراجون ممالك فالنسيا, و مايوركا و مملكة مورسيا, و بعد كده كمان سردينيا و صقلية و مناطق من شرق البحر المتوسط. استرد المسيحيین المدن الكبيرة فی جنوب اسبانيا فی القرن التلاتاشر; كوردوبا سنة 1236 و سيڤییا سنة 1248 و فضل حكم المسلمين فى جرانادا باعتبارها دولة فی الجنوب. مع صعود فرناندو الكاتوليكى للعرش خفت حدة التوترات الاجتماعية بعد اصدار فرناندو قرار التحكيم حكم جوادالوبى فى 21 ابريل 1486 اللى انهى الصراع بين الأمراء والفلاحين والمزارعين ومربى الماشية فى مملكة أراجون بعد ضغوط من الحرب الأهلية امارة كتالونيا (1462- 1472) لانهاء الاضطرابات الكاتالوينية فى المناطق الريفية. تم قبوله من جانب المزارعين و الأمرا, و حط حد للاقطاعية فى امتلاك الأرض و سوء المعاملة. استرد المسيحيین جرانادا سنة 1492.

من أهم معالم مدينة جرانادا قصر الحمرا وهو واحد من المعالم الأكتر شهرة بين المدن السياحيه والثقافيه فى اسبانيا.

جرانادا معروفه فى اسبانيا عـلشان مكانة جامعة جرانادا ، فى الحقيقة ، جرانادا واحده من افضل ثلاث مدن لطلاب الكليات بعد ( سالامانكا و سانتياجو دي كومبوستيلا).

الرمان (باللغه الاسبانيه ، جرانادا) هو شعار مدينة جرانادا.




#Article 88: جنيه مصرى (101 words)


الجنيه المصرى(الرمز: £ او ج.م; الكود: EGP) هو العملة بتاعة مصر وهو متقسم ل 100 قرش او 1000 مليم و بيصدره البنك المركزى المصرى وفى ناس بتفسر الاسم على انه جاى من الاسم القديم للجنيه الانجليزى (الاستيرلينى) جينيا و اللى اتسك سنة 1663.
الاسكندرانية بيقولو عليه جنى و خدوها من نطق الاجانب لما كانوا لسه موجودين فى اسكندرية بكترة قبل الثورة.

سنة 1834 البرلمان المصرى وافق على اصدار العملة المصرية الجنيه واللى وصل سعره ل 7.4375 جرامات من الدهب بين سنة 1985 و 1914.
يوم 1 يونيه 2006 اصدر البنك المركزى المصرى اول جنيه معدنى و اول خمسين قرش من المعدن.




#Article 89: فينسينت فان جوخ (299 words)


فينسينت فان جوخ ( Vincent van Gogh فينسينت فان خوخ  ) (اتولد 30 مارس 1853 – اتوفى 29 يوليه 1890) هو رسام هولاندى من مدرسة ما بعد الانطباعيه و لسه بيعتبر من اشهر الفنانين و لوحاته بتعتبر من اغلى اللوحات فى العالم. بتشتهر اعماله بالجمال و صدق المشاعر والألوان البارزه. فان جوخ فنان كان ليه تأثير عظيم على فن القرن العشرين. بعد سنين من العذاب ومعاناة المرض النفسى اتوفى فان جوخ وهو عنده سبعه و تلاتين سنه بعد ما اتصاب برصاصة مسدس بيرجح انه هو اللى ضرب بيها نفسه. وقت حياته كان فيه قله من الناس بتقدر اعماله الفنيه.

من اشهر لوحاته آكلين البطاطا ، بطاطا مين يا عم عباد الشمس ، الليله المليانه نجوم. فان جوخ ابدع 2000 عمل فى العشر سنين الاخيره من حياته لكن اشهر لوحاته رسمها فى اخر سنتين من حياته.

قبل عمله فى الفن عمل فتره من حياته كمعلم و ثم عمل فى شركة لوحات فنية و بعدها عمل فى المناجم. فى سنة 1880 بدأ بالرسم و كانت لوحاته الاولى تتميز باللون الغامق الكئيب حتى لقائه بالرسامين الانطباعيين الجداد فى باريس فبدأ يقتبس منهم الوانهم الزاهيه الفاتحه و قرر ان يطور اسلوبه الخاص به و هو فى فرنسا.

و قد عاش الفنان الهولندى فينسنت فان غوخ طوال عمره فى حالة من الفقر الشديد لدرجة انه كان يقوم بحرق بعض لوحاته للتدفئة شتاء، وفى حياته لم يتمكن من بيع سوى لوحة واحدة فقط (الكرم الاحمر The Red Vineyard) فى مقابل 400 فرانك سويسري (ما يعادل حوالي $ 1،000 اليوم) بالرغم من انه ترك اكثر من 2000 لوحة وعمل فنى بعد وفاته، والجدير بالذكر انه فى 15 مايو 1990 تم بيع لوحة (بورترية الدكتور غاشية Portrait of Dr. Gachet) بـ 82 مليون دولار امريكى!!

فان جوخ قطع حته من ودنه الشمال و بعديها ابتدى يعانى من مرض عقلى و انتهت حياته بالانتحار بطلقة مسدس سنة 1890.




#Article 90: جيمى ويلز (204 words)


چيمى دونال ويلز ( Jimmy Donal Wales). (اتولد فى 7 اغسطس، 1966) هو راجل اعمال اميركانى معروف لدوره فى تطوير ويكيبيديا (موسوعة حره مفتوحه) اللى شارك فى تأسيسها فى سنة 2001 . وهو عضو فى مجلس أمناء مؤسسة ويكيميديا . و فى سنة 2004 اسس جيمى ويلز ويكيبيديا ، المملوكة للقطاع الخاص شركة خدمه حره لاستضافة المواقع على شبكة الانترنت.

جيمى ويلز اتولد فى هانتسفيل ، ف ولاية الاباما ، الولايات المتحدة. والده ، جيمى ، كان بيتشغل مدير محل للبقالة و والدته ، دوريس ، وجدته ايرما ، ، كانو بيديرو مدرسة خاصة صغيرة، فى تقليد للمدرسة من اوصة واحدة ، جيمى ويلز اتعلم و هو صغير فى المدرسة دى.

جيمى ويلز اخد درجة البكالوريوس فى التمويل من جامعة أوبورن و الماجستير من جامعة ألاباما ، لكن مكتبش رسالة الدكتوراه اللازمة عشان ياخد شهادة الدكتوراه من جامعة ألاباما. من 1994 لسنة 2000 ، ويلز كان مدير البحوث فى شركة خيارات شيكاجو الشركة التجارية فى شيكاجو. من خلال عمليات المضاربة على تقلبات سعر الفايدة والعملات الاجنبية جيمى ويلز كسب فى وقت قليل اللى يكفى لدعم نفسه ومراته لبقية حياتهم. وخلال الوقت ده، واحد من المشاريع اللى اتعهد بيها جيمى ويلز كان انشاء موقع البوابة الالكترونية ، بوميس.

جيمى ويلز اسس ويكيبيديا سنة 2004 .




#Article 91: حادثة شرف (قصة قصيره) (177 words)


 .... 26 مارس 2015

حادثة شرف هى قصة قصيرة كتبها يوسف ادريس ف الستينات بتدور احداثها فى القرية عن بنت جميلة (فاطمة) عايشة فى واحدة من العزب الصغيرة الموجودة فى الأرياف. كانت الناس يشهدون لها بأنّها محترمة وشريفة، وكمان كانوا معجبين بجمالها وأنوثتها الطبيعية البريئة الطاغية. لكن اخوها كان خايف عليها دائما من أن يتسبب لها جمالها فى مجتمع مقفول وصغير كالعزبةو كانت النّسوة تغار منها لجمالها ...و فى ما شاب من العزبة (غريب) حاول فى يوم يلبد لها فى الدرة وهى ذاهبة الغيط ليكلمها، فخافت البنت وصرخت فأهل القرية ظنّوا أنه غريب اغتصبها .اخوها صدق وكل الناس صدقت انها قامت بذلك الى أن نظرت النّسوة اذا كانت لا تزال بنت ام لا.
ظهرت براءة فاطمة بس من بعدها اتغيرت، وضاعت براءة شخصيتها الطبيعية، وإن كان سلوكها فضل شريف فعلا، لاتظلمت فى الاول. القصة اتنشرت مع مجموعة قصص قصيرة باسم حادثة شرف.
واتعملت فيلم بعد كدة من بطولة يوسف شعبان والفيلم اتعمل سنة 1971 و متغيرش حاجة ف الرواية.
الرّجاء الكتابة باللّغة العربيّة و إثراء المعلومات الواردة و شكرا
آ.م
تونس
ملاحظة قمت فقط ببعض التّعديلات اللّغويّة




#Article 92: حرب اكتوبر (3561 words)


حرب اكتوبر (حرب العاشر من رمضان - حرب تشرين - حرب يوم الغفران- حرب يوم كيپور;  מלחמת יום כיפור او מלחמת יום הכיפורים) هى الحرب اللى ابتدت يوم السبت 6 اكتوبر سنة 1973 و خلصت يوم الجمعه 26 اكتوبر سنة 1973 بين مصر من ناحية و اسرائيل و الدعم اللوجستى و الغير لوجستى المش محدود وقت الحرب من الولايات المتحده و غيرها من الناحيه التانية، فى نفس الوقت برضة ضربت سوريا الجيش الاسرائيلى فى الجولان و حققت نتايج كويسه فى بداية الحرب و قدرت تاخد القنيطره و ساعدتها العراق بإمدادات عسكريه. بالنسبه لمصر الحرب كانت لإستعادة خط على الضفه الشرقيه لقناة السويس يمكنها من ارغام اسرائيل على الانسحاب من سينا و عبر عن كده كلام الرئيس السادات قدام البرلمان الاسرائيلى فى نوفمبر سنة 1977 بقوله:  انا بأكلمكم و رجليا ثابته على الارض  ، و كانت فى نفس الوقت لإستعادة شرف العسكريه المصريه اللى اتهان اهانه كبيره فى حرب 1967. بالنسبه لاسرائيل الحرب اتفرضت عليها و دخلتها مرغمه لمنع مصر ، و معاها حليفتها سوريا ، من تحقيق هدفها العسكرى من الحرب و للدفاع عن وجودها نفسه.

على الجبهه المصريه قدر الجيش المصرى يعدى قناة السويس و يقتحم خط بارليف و يثبت رجليه على ارض سينا وكانت النتيجة النهائية للحرب هى انتصار للجيش المصرى اللى قعد فى سينا واسرائيل ما قدرتش تطلعه منها رغم كل الهجمات و المناورات اللى عملها جيشها.

ابتدت الحرب لما هجمت مصر و سوريا فجأة على اسرائيل فى ضهرية يوم 6 اكتوبر سنة 1973 و كان بيوافق يوم 10 رمضان و يوم الغفران (يوم كيبور بالعبري) اهم عيد عند اليهود. فى اليوم ده خرجت 222 طياره مصريه من مطاراتها و دكت مواقع الجيش الإسرائيلى و مراكز قيادته و اتصالاته فى سينا بدقه كبيره فى حدود 20 دقيقه و رجعت لقواعدها بخساير بسيطه ، و ضربت مئات المدافع المصريه تحصينات خط برليف فى الناحيه الشرقيه من قناة السويس بمعدل قذيفه كل ثانيه و نص ، و عدى 30 الف عسكرى مصرى قناة السويس فى 2500 مركب مطاطى تحت هدير المدافع بمعدل موجة عبور كل 15 دقيقه. اسرائيل كانت حطت مواسير لكب نابالم فى ماية القنال لتوليعها بالنار فى حالة نزول قوات مصريه فى القناه ، لكن المواسير دى سدت فتحاتها قوات خاصه بالليل قبل ماتقوم الحرب ، و اترفع علم مصر على قمة خط برليف ، و بعد ما قامت قوات خاصه بعمل فتحات فى ساتر خط برليف و اتحطت الكبارى عدت القوات البريه بالدبابات البريه و البرمائيه و المدرعات و المشاه. اتزال من رملة خط برليف 3 مليون متر مكعب. عمل ثغرات فى خط برليف ماكانتش عمليه سهله فالخط ده كان عباره عن تل رملى عالى مدعم بصخر و حديد بيمتد على طول الجبهه. المصريين عملو تجارب كتيره عشان يوصلو لطريقه سريعه تمكنهم من عمل فتحات فيه قدام الكبارى عشان تعدى الدبابات و المصفحات و العربيات و الاسلحه التقيله ، و جربو كذا طريقه كان منها استخدام الديناميت لكن مهندس مصرى قبطى كان مقدم فى الجيش اسمه باقى زكى ياقوت قدر يتوصل لفكرة عبقريه و هى ازالة الرمله و عمل فتحات عن طريق تجريف رملة فى الاماكن المطلوب عمل فتحات فيها بإستخدام مضخات بتسحب المايه من قناة السويس .

فى حرب اكتوبر ظهرت اسامى عساكر عاديين اشتهرو جنب القواد الكبار من اشهرهم محمد عبدالعاطى اللى اشتهر بلقب  صياد الدبابات  لإنه قدر لوحده يدمر 23 دبابه اسرائيليه و تلت مدرعات وبكده ضرب رقم قياسى فى براعة و دقة التنشين و بقى اسطوره بين العسكر.

حرب اكتوبر 73 حصل فيها 64 معركه (المعركه هى القتال اللى بيشارك فيه لواء عسكرى او أكتر). انتصرت القوات المصريه نصر مطلق فى 51 معركه واستولت فيها علي مساحة ارض كان الجيش الاسرائيلى بيحتلها يوم 5 اكتوبر بإمتداد 168 كم و بعمق 15 كم بما كان عليها من 31 نقطه عسكريه اسرائليه قويه.

فى الجبهه السوريه عدت القوات السوريه خط الجبهه فى هضبة الجولان و اللى كانت اسرئيل احتلتها فى حرب 1967 لكن السوريين عملو غلطه فادحه اتسببت مش بس فى خسارتهم للأراضى اللى سيطروا عليها لكن كمان اتسببوا فى كارثه على الجبهه المصريه. فاسرائيل اللى لقت ان صعب عليها مواجهة جبهتين فى وقت واحد قررت انها تخلص بسرعه من الجبهه الأضعف و هى الجبهه السوريه عشان تقدر تركز على الجبهه المصريه. الجبهه السوريه كانت اخطر على اسرائيل من الجبهه المصريه بسبب قربها من اسرائيل نفسها على عكس الجبهه المصريه اللى مابينها و بين اسرائيل نفسها صحرة سينا. على الاساس ده قررت اسرائيل الاتجاه لسوريا الاول معتمده على غلطه سوريه كبيره و هى ان القوات السوريه وقفت محلك سر فى مكانها فى مرتفعات الجولان و مااتقدمتش فى اتجاه نهر الاردن و لو عملت كده كانت اسرائيل واجهت ضغط كارثى. الاستراتيجيه السوريه ادت اسرائيل فرصه انها تتقدم و تستخدم طيرانها المتفوق و تقتحم الجولان و تدمر الدبابات السوريه المتمركزه فى الجولان و بقت سوريا نفسها مفتوحه قدام القوات الاسرائيليه و لما ده حصل اتصاب السوريين بالذعر و طلب الرئيس السورى من الرئيس انور السادات عمل حاجه بسرعه و الضغط على اسرائيل اكتر فى سينا للتخفيف على الجبهه السوريه فعمل السادات غلطه فادحه و هو انه ادى امر بتقدم القوات المصريه جوه سينا و اعترض رئيس الأركان اللوا سعد الدين الشاذلى حيث ان تقدم الجيش المصرى فى سينا كان معناه ببساطه خروجه من نطاق الدفاع الجوى المصرى و وقوعه فى مصيده الطيران الاسرائيلى و ده اللى حصل و اتسببت العمليه فى خساره كبيره لمصر بتعتبر نقطة تحول رئيسيه فى حرب اكتوبر. قدر الطيران الاسرائيلى و الدبابات الاسرائيليه المتمركزه فى خط دفاعى كويس انهم يدمروا اعداد كبيره من الدبابات المصريه المتقدمه و خسرت مصر حوالى 260 دبابه. من ناحيه تانيه، تقدم القوات المصريه اتسبب فى تكوين منطقه مش مأمنه دفاعياً مابين الجيش المصرى التانى المتمركز فى المنطقه من الاسماعيليه فى الجنوب لغاية بورسعيد فى الشمال، و الجيش التالت من الاسماعيليه فى الشمال لغاية السويس فى الجنوب و دى حاجه استغلتها اسرائيل فى عمل العمليه الى اتعرفت باسم  الثغره .

لما وصلت امريكا أخبار تعدية الجيش المصرى قناة السويس إتصل وزير الخارجيه الامريكى هنرى كيسنجر بوزير خارجية مصر احمد حسن الزيات اللى كان وقتها فى نيو يورك و طلب منه وقف اطلاق النار فوراً، و قبول لجنة تحقيق لتحديد مين اللى ابتدى الحرب ، و إنسحاب الجيش المصرى فوراً من سينا لغرب القناه. مصر استلمت طلبات كيسنجر و بطبيعة الحال رفضتها.

بعد حوالى 72 ساعه من بداية الحرب أعلن موشى ديان:  بنعتذر اكمننا مش قادرين نرد على المصريين. المصريين عندهم معدات ضخمه و مختلفين بالكامل عن أى حرب قبل كده. الدبابات و سلاح الطيران القوى بتوعنا ماتمكناش من الرد علي المصريين. أنا رايح رياسة الوزرا عشان اطلب الانسحاب للخطوط الورانيه .

فى 8 اكتوبر ابتدت اسرائيل تشن هجوم مضاد ضد الجيش المصرى و انتهى الهجوم بخساره كبيره للقوات الاسرائيليه المهاجمه اللى خسرت 143 دبابه و اتقتلت و اتأسرت اعداد كبيره من القوات المهاجمه، و اضطرت التلت فرق مدرعه اللى استخدمتهم اسرائيل فى الهجوم للتقهقر و الانسحاب. و إضطر هنرى كيسنجر بعد المعركه إنه يقول إن مصر حققت إنتصار استراتيجى هايل و ان العجله مش ممكن تدور لورا.

فى يوم 9 اكتوبر رئيسة وزرا اسرائيل جولدا مائير اتصلت بالتليفون بهنرى كيسنجر و قالت له وهي بتعيط - حسب ما ذكرت و نشرت المصادر الاسرائيليه - و بتصرخ: إلحقونا اسرائيل حا تضيع، خسرنا أكتر من 400 دبابه وأكتر من 50 طياره!. و طلبت جولدا مائير إنها تروح واشنطن عشان تستغيث و تشرح بنفسها الموقف للامريكان لكن اتطلب منها انها ما تعملش كده لإن ده حايبين ان اسرائيل خسرت الحرب. بعد حرب اكتوبر اضطرت جولدا مائير للإستقاله.

من 15 اكتوبر ابتدت امريكا تمد اسرائيل بدبابات و طيارات و اسلحه جديده فاتحسن وضع اسرائيل العسكرى. الرئيس الروسى برجينيف اتصل بالرئيس الامريكى و عرض عليه فكرة بعتان قوات روسيه و امريكيه لجبهة القتال لوقف الحرب و هدد بإن لو امريكا ماوافقتش فروسيا هتبعت قوات بطريق منفرده. رد امريكا كان تحريك اساطيلها فى البحر المتوسط و الاستعداد لمواجهه نوويه مع الروس و كان على روسيا يا اما تنفذ فكرتها و تعرض العالم لحرب نوويه مريعه أو تتراجع فاختارت الحل الأخير.

رغم الخيانات و توصيل اخبار هجوم مصرى وشيك عن طريق حاكم عربى سافر اسرائيل فى السر و قابل جولدا مائير و حذرها من ان مصر و سوريا بيحضروا للهجوم و ان الهجوم حا يكون يوم 6 اكتوبر و ما غلطش غير فى ساعة الصفر (الرئيس السادات حكى ان اى خبر أو معلومه مهمه كانت بتتعرف كانت طوالى بتوصل من اطراف عربيه لإسرائيل فى ظرف دقايق)، لكن رغم كده بداية الحرب كانت مفاجاءه لإسرائيل.
 
وضحت تقارير أفرجت عنها هيئة أرشيف الدوله فى إسرائيل عن محضر اجتماع عاصف عقده مجلس الوزرا الإسرائيلى بعد 25 ساعة من اندلاع حرب أكتوبر، نشرها جورنال  يديعوت أحرونوت  الإسرائيلى فى سنة 2010 فى الذكرى 37 لحرب اكتوبر، إن القياده الاسرائيليه حصلها ارتباك كبير بعد ما عدا الجيش المصرى قناة السويس و ان فى ضهرية 7 اكتوبر اتعمل اجتماع عاصف بناء على طلب من جولدا مائير و شرح موشى ديان ازاى المواقع و التحصينات الاسرائيليه على طول خط قناة السويس وقعت واحده ورا التانيه فى ايدين المصريين و اكد ان خط بارليف وقع و انتهى امره و اقترح ان الجيش الاسرائيلى ينسحب لغاية منطقة المضايق بعمق 30 كيلو بعيد عن قناة السويس و ان الاسرائيليين يسيبوا الجرحى بتوعهم فى المواقع اللى بقت فى ايد الجيش المصرى، موشى ديان وصف الهزيمه  يوم القيامه  و قال: إكمننا مش حا نقدر ننقذهم فمضطرين نسيبهم و ننقذ اللى ممكن انقاذه فى المواقع التانيه و اللى يقدر منهم يفلت و يوصل المواقع الاسرائيليه يبقى يعمل كده و اللى عايز يستسلم للقوات المصريه يستسلم، و لازم نفهمهم اننا مش قادرين نوصل ليهم فيا إما يحاولوا يتسللوا أو يستسلموا  فردت عليه جولدا مائير و قالت  فيه حاجه انا مش فاهماها، انا افتكرت اننا حا نهاجمهم أول ما يعدوا القناه، فإيه اللى حصل ؟  فقالها ديان:  راحت لهم دبابات لكن كان عندهم (المصريين) غطا مدفعى فدمروا دباباتنا و الطيارات مش ممكن تقرب بسبب الصواريخ. 1000 فوهة مدفع سمحت للدبابات المصريه انها تعدى القناه و منعتنا من اننا نقرب. دى الطريقه و التخطيط و تلت سنين تجهيز و استعدادات . رئيس الأركان دافيد إليعازر اقترح تلت خيارات. الأولانى: نشر فرقتين لبنا خط دفاعى مؤقت، لصد الهجوم وبعدها شن هجوم مضاد، و وضح انه مش واثق من قدرة الخط الدفاعى ده على الصمود و صعب عمل هجوم مضاد. التانى: حشد قوات الجيش الإسرائيلى على طول خط المضايق في عمق سينا، لكن وصف الإختيار ده بإنه حا يكون مكلف جداً. الإختيار التالت اللى عرضه هو شن هجوم على و التقدم، على اساس انه تتقدم الفرقتين اللى بيقودهم أبراهام أيدين (بيرن) و أريل شارون. لكن شرح ان دى مقامره لإن مفيش عندهم غير فرقتين عسكريتين ما بين تل أبيب و قناة السويس، فإ1ا فشل الهجوم على القناه حا تتدمر تلت فرق اسرائيليه و فى ظرف يومين و لا تلاته ممكن الحرب تتنقل لجوه اسرائيل.

بعد رئيس الأركان الاسرائيلى ما استعرض التلت سيناريوهات اقترح شن هجوم مضاد لكن مش عبر قناة السويس لكن ضد حشود القوات المصريه اللى عدت القناه لترجيع الموقف زى ما كان قبل ما يعدى المصريين القناه و شرح:  جايز بمساعدة 200 ولا 300 بابه و بدعم جوى نقدر نكسر القوه المصريه اللى عدت القناه و نرجع تانى لخط الجبهه. لو العمليه دى نجحت حا نبقى فى وضع كويس و لو فشلنا الخساره مش حا تكون فادحه و حايبقى لسه عندنا قوه تمكنا من الانسحاب للمرات و نتحصن هناك . القوات الاسرائيليه حاولت فعلاً تنفيذ العمليه و قامت معارك دبابات ضخمه بتعتبر من أعنف معارك الدبابات من وقت الحرب العالميه التانيه. لكن اسرائيل فشلت فى انها تعمل خرق فى تكتل القوات المصريه و قدر المصريين انهم يدمروا اعداد ضخمه من الدبابات الاسرائيليه .

بعد نجاح المصريين و السوريين فى تحقيق تقدم كبير على الجبهات ابتدت اسرائيل بعد شويه تلحس جراحها و توصلها امدادات عسكريه ضخمه من الغرب. يوم 10 اكتوبر غيرت اسرائيل أغلب قياداتها على الجبهه المصريه، و من يوم 13 اكتوبر نقلت امريكا لاسرائيل عن طريق الجو 28 الف طن من احدث الأسلحه و دبابات امريكيه ع الزيرو. الجسر الجوى ده من ضخامته استخدمت فيه طيارات شارتر مدنيه اوروبيه اتحولت لنقل سلاح وعتاد. عن طريق البحر تم نقل 36 الف طن أسلحه و ذخاير، و بيتقال ان الدبابات كانت بتنزل فى سينا و فيها طواقمها الجاهزه. على اخر الاسبوع التاني من الحرب قدرت اسرائيل انها تطلع السوريين من هضبة الجولان.

امريكا ماكانتش بتمد اسرائيل بالسلاح بس لكن بمعلومات مهمه عن تحركات الجيش المصرى كانت بتلطقتها بالأقمار الصناعيه، المعلومات دى وصلتها امريكا لإسرائيل وقدر الجيش الاسرائيلي انه يعمل عبور مضاد لقناة السويس فى منطقة الدفرسوار فى أواخر الاسبوع التانى من الحرب. يوم 13 اكتوبر القوات المصريه ابتدت تطور الهجوم على جهة الشرق فى عمق سينا عشان تخفف الضغط على الجبهه السوريه اللى كانت حالتها وحشه. مساعدة سوريا دى اتسببت فى ان مصر دفعت بقوات من غرب القناه فده اتسبب فى تكوين منطقه مش مأمنه دفاعياً مابين الجيش المصرى التانى المتمركز فى المنطقه من الاسماعيليه فى الجنوب لغاية بورسعيد فى الشمال، و الجيش التالت من الاسماعيليه فى الشمال لغاية السويس فى الجنوب. الثغره دى لقطتها الأقمار الصناعيه و شافتها الطيارات الامريكيه و بلغت اسرائيل اللى استغلتها طوالى فى شن هجوم مضاد. اسرائيل استخدمت كوبرى متحرك كانت عملته من زمان لتركيبه و استخدامه فى ظروف زى دى. دبابات اسرائيليه عدت على الكوبرى من غير المصريين مايدروا و ظهرت الدبابات دى قدام قواعد صواريخ سام المصريه وبقت تدمرها و تختفى فى جنح الظلام. العمليه الاسرائيليه دى كانت بطبيعة الحال مفاجاءه مش ساره للمصريين. الدبابات الاسرائيليه عدت على الكوبرى فى نقطه اسمها  المزرعه الصينيه  من غير مايدرى الاسرائليين حاجه عن حجم القوات المصريه فى المنطقه دى و اختلطت الدبابات المصريه بالاسرائيليه فى منطقه ضيقه و قامت معركه اتعرفت باسم  معركة المزرعه الصينيه  خساير اسرائيل كانت فيها فادحه. لكن القوات الاسرائيليه بقيادة ايريل شارون قدرت تدخل مابين الجيشين المصريين التانى و التالت فى مناوره استعراضيه اتعرفت بإسم  الثغره  و قامت معارك شرسه فى الفتره من 13 لغاية 16 اكتوبر بين القوات المصريه و قوات شارون اللى كانت بتحاول تعدى القناه و قدرت فعلاً اعداد محدوده انها تعدى عبر بحيرة التمساح فى محاوله لدخول مدينة الاسماعيليه لعمل فرقعه اعلاميه دوليه لكن القوات الاسرائيليه فشلت فى دخول الاسماعيليه تحت ضربات المقاومه فراحت على السويس لكن هناك اتصدت ليها المقاومه الشعبيه مع عناصر محدوده من المخابرات المصريه و كبدتها خساير جامده ففشلت فى احتلال المدينه. فى 17 اكتوبر اعلنت جولدا مائير فى البرلمان الاسرائيلى ان الجيش الاسرائيلى عدى لقارة افريقيا و ده كان كلام فى الهوا حيث ان اللى عدى كانت قوات محدوده بيتم ضربها و التعامل معاها فى منطقه جغرافيه ضيقه ممن تتحول لمقبره ليها.

فى مواجهة محاصرة الجيش التالت كان على مصر اما انها تدمر القوات الاسرائيليه المحاصره و معاها قوات مصريه او تتفاوض لفك الإشتباك والتداخل القايم لإن بطبيعة الحال القوات الاسرائيليه اللى كانت محاصره الجيش التالت كانت نفسها متحاصره من ورا من جهة العمق المصرى و الجانبين و قدامها الجيش التالت ، ففضلت مصر انها توافق على وقف اطلاق النار بطلب الامم المتحده بدل وقوع مدبحه رهيبه حا تستخدم فيها صواريخ ليها قدرات تدميريه هايله حا يضيع فيها الاف من الجانبين. الرئيس السادات بلغ هنرى كيسنجر ان مصر حاتنسف الثغره باللى فيها و ده كان فى امكان الجيش المصرى اللى كانت قواته محاصره الثغره و اتخض كيسنجر وبلغ السادات ان امريكا مايرضيهاش ان اسلحتها تتنسف بالمنظر ده. كان من رأى رئيس الأركان المصرى سعد الدين الشاذلى سحب قوات من الجيش المصرى من الضفه الشرقيه المحرره للضفه الغربيه لصد الإختراق الاسرائيلى لكن رؤساءه العسكريين أحمد اسماعيل وزير الدفاع و الرئيس أنور السادات القائد الأعلى للقوات المسلحه رفضوا إقتراحه لإنهم شافو إنه بيعانى من انهيار عصبى ممكن يأثر على القوات و ان خطته دى حاتقلل عدد القوات المصريه فى الجانب الشرقى من القناه و ممكن تجر الجيش لجوه مصر مره تانيه، و ممكن دى فعلاً كانت الخطه الاسرائيليه، و تم عزل سعد الدين الشاذلى. طبعأ القوات الاسرائيليه اللى اخترقت منطقة الدفرسوار كانت نفسها محاصره من تلت جهات فى الغرب و بمجرد شن الجيش المصرى لهجوم كان الجيش التانى و الجيش التالت حا يقفلو الجهه الرابعه فى الشرق، ده غير العمق المصرى من جهة الدلتا اللى كانت حا تتضرب منه صواريخ ضخمه، فكان من الصعب جداً لإسرائيل أنها تتقدم أكتر. لمنع وقوع مدبحه رهيبه ماكانش فيه حل غير قبول اسرائيل و مصر لفض اشتباك قواتهم و ده اللى عملوه من غير ما تضطر مصر إنها تسحب قواتها من سينا لجوه مصر و ترجيع الوضع زى ما كان يوم 5 أكتوبر و ده فى حد ذاته بيبين مدى ثبات الجيش المصرى فى حرب اكتوبر 73.

فى 21 اكتوبر صدر قرار دولى بوقف اطلاق النار و وافقت مصر ، و اعلنت اسرائيل موافقتها فى 22 اكتوبر لكن دى كانت خدعه اسرائيليه و استمرت اسرائيل فى العمليات العسكريه و التقدم لإحتلال اللى تقدر عليه قبل مايحصل وقف اطلاق نار حقيقى. فى أيام 23 و 24 اكتوبر حاولت اسرائيل انها تحتل مدينة السويس عشان تعمل فرقعه إعلاميه دوليه فقاد ابراهام أدان الفرقه الاسرائيليه المدرعه 162 و هاجم السويس من تلت جهات فى خطة اندفاع سريع و لما دخلت المدرعات لقت نفسها فى نفس موقف قوات لويس التاسع يوم معركة المنصورة سنة 1250 فإضطرت الفرقه الانسحاب بأقصى سرعه من السويس بعد ما اتصابت بخساير فادحه. مدينة السويس صمدت لغاية 24 اكتوبر لما دخل قرار وقف اطلاق النار اللى كان صدر فى 21 اكتوبر.

فى عملية الثغره خسرت اسرائيل 400 دبابه و ارتفع عدد الطيارات الاسرائيليه اللى اسقطت من 50 ل 127 طياره.

بيقول موشى ديان فى كتابه  حياتى  إن الخساير اللى حصلت للقوات الاسرائيليه فى الثغره و العمليات اللى قبلها ما كانتش فى الحسبان و انه لما راح يتفرج على اثار المعركه فى منطقة المزرعه الصينيه شاف اعداد كبيره من المدرعات و الدبابات الاسرائيليه طالع منها الدخان و بتتحرق.

و بيقول الخبير الاستراتيجى الأمريكى الكبير ديبويه فى كتابه  النصر المرواغ  إن اللى عملته اسرائيل فى عملية الثغره بيعتبر هزيمه و عمليه تلفزيونيه حققت هدف مصرى هو تطويل مدة الحرب و بيه حطت اسرائيل قواتها فى وضع حصار فى الثغره ما انقذهاش منه غير الولايات المتحده الامريكيه فى صفقة فض الاشتباك الاولى اللى اتوقعت يوم 17 يناير 1974.

مدير المخابرات الإسرائيليه إيلي زاعيرا قال في كتابه  حرب يوم الغفران  إن خطة الخداع المصريه هى اكبر نجاح علي المستوي الاستراتيجى و بتكمن عظمة الخطه وسر نجاحها في الإدراك بإن عشان تنجح فى خداع الجيش الاسرائيلى لازم مصر كانت تخدع الجيش المصرى نفسه لغاية لحظة بدء الحرب و عشان ينجح السادات فى خطة خداع الجيش المصرى كان لازم هو و كاتمين اسراره المحدودين إنهم ينفذو تلت شروط، هى:

الأول: الحرص على إنهم يخلو توقيت الحرب سر دفين و إنه ما يتوزعش كأمر عمليات سرى جداً لغاية أخر ثانيه.

التانى: إلغاء اجراءات الحشد و الاستطلاع قبل شن الحرب لإن أعمال زى دى بطبيعتها بتكشف النيات.

التالت: عمل خطة حرب بسيطه و فعاله ما تحتاجش اجراءات أو تحركات معقده بتتطلب تغييرات فى أوضاع القوات المصريه على الجبهه.

بيقول إيلى زاعيرا: الجيش المصرى نجح فى استيفاء و تحقيق كل شروط المفاجاءه، و اكتر من كده إن كل مناوراته من سنة 1971 كان هدفها تحضير خطه بسيطه يفاجىء بيها الجيش الاسرائيلى.

بطبيعة الحال الحرب كلفت مصر فلوس و ارواح و اتأثر إقتصادها و تطورها الاجتماعى بطريقه سلبيه، لكن الحرب دي كان ليها تأثير اقتصادى ايجابى كبير على دول الشرق الاوسط المصدره للبترول، البلاد دى زاد دخلها من تصدير البترول بأسعار عاليه بعد ما إرتفع تمنه فى الأسواق العالميه بسبب الحرب و ظهر فيها الثراء الفاحش و بكده، على عكس مصر، استفادت من الحرب مادياً. فيه عرب عبر عالمهم الافتراضى شككوا فى ان حرب أكتوبر كانت تمثليه!. و من جهه تانيه، النجاح و الانتصار الكاسح اللى حصل بالذات فى الايام الاولانية للحرب بدل الاحساس بالهزيمة اللي حصلت للجيوش المصرية و العربيه في حرب الست ايام سنة 1967. تحقيق مصر لنصر استراتيجى كبير و وقوف قواتها على أرض سينا فى شرق قناة السويس مهد الطريق لعملية السلام اللي حصلت بعد الحرب و كمان لتغييرات اقتصادية، زي سياسة الانفتاح في مصر و خروجها من تحت سيطرة الاتحاد السوڤييتى اللى لعب دور كبير فى مساندة مصر و مدها بالسلاح و العتاد عشان تقدر تواجه تدفق السلاح الأمريكى المتطور على إسرائيل.

زى أى حرب كان فيه طرفين متصارعين: مصر و اسرائيل. هدف مصر الاستراتيجى كان تحرير سينا و ترجيعها لمصر و هدف اسرائيل كان الإحتفاظ بسينا ومنع مصر من تحريرها. بغض النظر عن المعارك و الاختراقات هنا و هناك و التكتيكات العسكريه، المحصله النهائيه هى إن مصر حققت هدفها الاستراتيجى و قدر جيشها انه يعدى قناة السويس و يقتحم خط بارليف و يصمد فى سينا على ضفة قناة السويس الشرقيه بعمق 15 كم وبإمتداد 168 كم، و ما قدرش الجيش الاسرائيلى رغم كل المساعدات الضخمه اللى وصلته عبر جسر جوى إنه يطلع الجيش المصرى من سينا.

بيقول المحلل مأمون فندى إن نتايج أى حرب هى اللى بتحدد مين اللى انتصر و مين اللى انهزم. نتيجة حرب اكتوبر 1973 الرئيسية هى إن مصر استردت سينا. البروتوكول العسكرى بتاع معاهدة كامب ديفيد اللى مضت عليها اسرائيل بيوضح من غير أى شك مين اللى انتصر حيث إن البروتوكول بيقول إن الجيش المصرى بقى مسيطر على الممرات و المنطقه ألف اللى بتمتد جوه سينا من الشيخ زويد شمالاً لشرم الشيخ جنوباً .

عملية السلام وصلت فى الاخر لتوقيع معاهدة السلام المصريه الاسرائيليه بعد التوصل لصيغ فى اتفاقية كامب ديفيد برعاية الرئيس الأمريكى جيمى كارتر، و بموجب معاهدة السلام انسحبت اسرائيل من بقية سينا من غير حرب جديده و اعلن الرئيس السادات وقتها ان حرب اكتوبر هى اخر حرب بين مصر و اسرائيل و إن السلام هو الطريق الوحيد النافع للجانبين فإتغاظ العرب (اللى فيهم عبر عالمهم الافتراضى شككوا فى حرب اكتوبر!) و خرجو مصر من جامعتهم و فضل الوضع على كده لغاية ما هاجم صدام حسين الكويت و هدد العرب فى منطقة الخليج فهرولو على مصر لطلب ودها و رجعو علاقاتهم بيها. لكن برغم رجوع العرب و انتشار ثقافة العنف و التطرف فضل السلام قايم و وفر لمصر و اسرائيل دمار و خراب و ضحايا ماحدش كان حا يدفع ضريبتهم غير مصر و اسرائيل.

المحصله النهائيه لحرب اكتوبر هى إن مصر قدرت تسترجع سينا بعد حرب طاحنه و مفاوضات مضنيه.

الرئيس السادات دفع ضريبة بطولته و شجاعته فى الحرب و السلام لما اغتيل بالغدر عن طريق إسلامويين فى سنة 1981 و هو بيحتفل مع مصر بذكرى حرب اكتوبر ، و دخل سجل قواد مصر العظام اللى اغتيلوا بعد مادافعوا عن مصر و حققوا انتصارات تاريخيه كبيره زى السلطان قطز قاهر المغول فى معركة عين جالوت و السلطان الأشرف خليل فاتح عكا.




#Article 93: حركة غاضبون (153 words)


حركة غاضبون (على حسب تصريحات مؤسسين الحركه) معموله من شوية مواطنين مصريين من كل التوجهات و الطوايف و القوات , اللى مؤمنه بـ فكرة العِصيان المَدنى و تأثيرها فى التغيير المقصود للوضع بتاع دلوقتى.

مؤسسين الحركه بيقولو انهم بيحاولو يوصلو لـ كل افراد المجتمع, عشان يوعـّوهم بـ الفكر العصيانى و طرق التحرك بيه و آلياته وأخلاقه. و بيحاولو يوصلّو للجمهور فكرة العصيان المدني بـ كل الطرق.

مؤسسين حركة غاضبون بيقولو ان ماهياش بديل لأى تحرك او حزب او جماعه, و مش حتى منافسين ليهم, بس الحركه بتساهم فى رسم الصوره مع الكل بـ شكل أحسن.

الحركه مالهاش اى هدف او مصلحه سياسيه او شخصيه, لان العصيان المدنى بيعدى الحدود السياسيه للى أرقى و اسمى منها. حركة غاضبون بتشارك فى التغيير, و بتحاول تعمل المناخ المناسب للنشاط السياسى. و مش بيتدخّلو فى السياسه و سايبينها للسياسيين.

الحركه عايزه تقضى على الظلم, و تقضى على الفساد و الاستبداد و تدّى ضمان حقيقى للديموقراطيه و الحريه.




#Article 94: حصن بابليون (152 words)


حصن بابليون فى القاهره القبطيه عند محطة مار جرجس لمترو الأنفاق وكان الامبراطور تراچان امر ببناه فى القرن التانى الميلادى فى عهد الاحتلال الرومانى لمصر ، و عمل فيه ترميمات وتوسيعات و قواه الامبراطور الرومانى اركاديوس فى القرن الرابع حسب رأى العلامه مرقس سميكه باشا. و حصن بابليون (قلعة تراچان) ده غير القلعه القديمه اللى كتب عنها استرابو المؤرخ وكان موقعها فى جنوب قصر الشمع جنب دير بابليون الحالى . ، و باقى من مبانى الحصن الباب القبلى و برجين كبار ، و أتبنى فوق واحد من البرجين على الجزء القبلى منه الكنيسة المعلقة - كمان اتبنى فوق البرج اللى عند مدخل المتحف القبلى كنيسة مار جرجس الرومانى للروم الأرتودكس (الملكيين)، اما باقى الحصن ، و على باقى السور فى بعض أجزاؤه من الجهه الشرقية والقبلية والغربية اتبنت كنايس - المعلقة - وأبو سرجة - ومار جرجس - والعذراء قصرية الريحان - ودير مار جرجس للراهبات - والست برباره - ومعبد لليهود 




#Article 95: خفرع (203 words)


خفرع (ح 2560 - 2530 قبل الميلاد ) ، رابع ملوك الاسرة الرابعة من المملكة القديمة محدش يعرف حكم اد ايه بالظبط لكن اغلب المؤرخين بيقولو من 2558 ق.م لحد 2532 ق.م بنى هرم ده غير ابو الهول و معبد صغير.

خفرع او خفران فرعون من الاسرة الرابعة. هوتالت او رابع فرعون الاسرة الرابعة بالدولة القديمة حكم بين سنتي 2559 و2535 ق م هو من شيد الهرم الثاني بالجيزة. هو على الأغلب ابن الملك خوفو من زوجة ثانوية تولى الحكم بعد الملك جرف رع الذي كان قد استولى على الحكم. هرم خفرع يشابه فى عظمته هرم خوفو. ملامحه نتعرف عليها من خلال ابو الهول الموجود بجانب هرمه والمتمثل فى صورة أسد يدل على القوة, برأس انسان يدل على الحكمة. كما تم العثور على صورة منحوتة بمعبده بوادي الملوك وتمثال للملك جالس موجود بالمتحف المصري. ليعرف الكثير عن فترة حكمه ولا توجد شواهد تؤكد رواية الرحالة اليوناني هيرودوت التي تصف خوفو وخفرع كطغاة

لا يوجد اتفاق حول تاريخ حكمه، ولكن قد قيل بأنه حكم بين عامي 2558 ق.م و2532 ق.م. بنى ثاني اكبر هرم فى الجيزة وارتفاعه 143م والآن 136م وشيد فوق مساحة 215 متر مربع وله مدخلان فى الجهة الشمالية بالإضافة الى تمثال ابو الهول الذي يبلغ طوله 57م وارتفاعه 20م، ومعبدالإله رع.




#Article 96: ليوناردو دافينشى (111 words)


ليوناردو دى سير پييرو داڤينشى (  ; اتولد باسم: Leonardo di Ser Piero) (ڤينشى، جنب فلورينسا، ايطاليا، 15 ابريل 1452 - 2 مايو 1519) يعتبر من افضل فنانين النهضة الطلاينه وهو مشهور كرسام، نحات، معماري، عالم. ه للمعرفة و للبحث العلمى، ليه آثار كتير فى مدارس الفن فى ايطاليا امتدت لأكتر من قرن بعد موته. ابحاثه العلميه فى مجال علم التشريح و الحركة و الميه موجوده وسط الكتير من اختراعات العصر. اتقال عنه ان ريشته مكانتش بتعبر عن افكاره، حتى ان كاستيلون قال عنه ان غريب ان الرسام الاول فى العالم كان بيكره الفن، و راح يدرس فلسفه. الفلسفه كونت عنده مفاهيم غريبة و تصورات حديثة، معرفش يعبر عنها فى رسوماته.




#Article 97: دبى (352 words)


دبى هى اماره من السبع امارات اللى اتحدت مع بعضهيا سنة 1971 و إتأسست دولة الامارات العربية المتحدة و هى موجودة شمال امارة ابو ظبي و جنوب غرب امارة الشارقة.
دبي موجودة فى شبه جزيرة العرب وبتطل على الخليج الفارسى و العاصمة بتاعتها هى مدينة دبي. تاريخ المدينة المكتوب بيرجع لحوالي 180 سنة وهي بتشترك مع بقية الامارات فى الشئون الاقتصادية و العسكرية و السياسية و بتستقل فى حاجات تانية زي البوليس و المحليات. دبي هى تاني اكبر امارة فى الاتحاد فى المساحة ( بعد ابو ظبي) و اكبر امارة فى عدد السكان. دبي بتحكمها اسرة ال مكتوم من سنة 1833 و الحاكم الحالي للامارة هو الشيخ محمد بن راشد ال مكتوم و اللى هو كمان ريس الوزرا و نايب رئيس دولة الامارات.الامارة دي دخلها الاقتصادي مش معتمد على البترول بشكل اساسي على العكس من بقيت دول الخليج العربية وبتعتمد فى اقتصادها على التجارة و العقارات و الخدمات المالية و كمان على السياحة. (البترول و الغاز بيشكلو 6% بس من اجمالي اقتصادها). النهضة الاقتصادية والعمرانية الكبيرة اللى فى دبي عملتها شهرة عالمية بس كمان لفتت انظار منظمات حقوق الانسان اللى اصدرت كام تقرير انتقدت فيه اوضاع العمال الاجانب اللى بتوصل نسبتهم لحوالي 83% من عدد السكان.

عدد سكان دبي 2,26 مليون انسان منهم بس 214 الف مواطن يعني نسبة العمال الاجانب حوالي 90.5% من عدد السكان اللى بيعيشو و بيشتغلو فى دبي ب ڤيزات بتجدد كل تلات سنين. الاجانب الغربيين بتوصل نسبتهم حوالي 10.8% من السكان .المصريين بقا عايشين فى بيوت رخيصه ومش حاسين بجمال العيشه هناك عشان مؤهلاتهم ماتسمح انهم يعيشو وسط ناس متحضرين.

فى سنة 2009 اتعرضت دبى لأزمه اقتصاديه كبيره و صفها وكالات الانباء بلوشك على الإفلاس ، فرغم كل الثروه البترو-دولاريه اللى اتكدست فى منطقة الخليج اتعرضت دبى لإنهيار اقتصادى ضخم سنة 2009 و لدرجة انها بقت مهدده بالإفلاس بعد ما مابقتش قادره تدفع اللى عليها (حوالى 80 مليار دولار !). فى أواخر نوفمبر 2009 طلبت دبى من الديانه يستنو عليها 6 شهور و ده اصاب المستثمرين هناك بصدمه كبيره. فى حالة عدم قدرة دبى على تسديد الديون اللى عليها حا يشهر افلاسها.بس رجعت دبي ووقفت مره تانيه على رجليها وبقت اغني من قبل وكل حاجه قشطه ياعم.




#Article 98: ڤلاد التالت (528 words)


ڤلاد التالت ( Vlad Țepeș ) امير ولاهيا ( Valahia), معروف كمان باسامى زى ڤلاد المخزوَق, ڤلاد دراكولا (1431 – ديسمبر 1476), كان امير منطقة ولاهيا اللي في جنوب رومانيا و اتعرف بقسوته الرهيبة في معاقبة المجرمين و اعدائه بالخازوق (و علشان كدا من اساميه ڤلاد المخزوق) و سبب شهرته في العالم هي رواية دراكولا (Dracula) اللي الفها برام ستوكر (Bram Stoker) سنة 1897, بعد ما الهمله ڤلاد التالت, و اللي بتحكي عن مصاصين الدم.

الحقيقة التاريخية انه كان امير عظيم من عيلة باساراب قدر يدافع عن بلاده ولاهيا ضد الغزو العثماني و ديبلوماسي عبقري نجح في الحفاظ على بلده على الحياد بين الامبراطورية العثمانية و الامبراطورية المجرية. و علشان كدا بيعتبره الرومانيين بطل قومي و تمثاله موجود لسة لحد دلوقتي في وسط مدينة بوخارست (Bucharest).

ڤلاد دراكولا اتولد في ترانسيلڤانيا (Transylvania) سنة 1431 و كان عنده اخ اكبر منه اسمة ميرشا و اخ اصغر منه اسمة رادو الوسيم ( Radu cel Frumos). على الرغم من انه اساسا من ولاهيا في الجنوب بس عيلته عيلة باساراب كانت منفية في الشمال لان ابوه كان بيعارض تدخل الاتراك العثمانيين.

السلطان العثماني عمل ضغط كبير على ابوه وهدده باحتلال بلده و علشان كدا اتفق اخيرا مع السلطان انه يعينه اقطاعي على ولاهيا و انه يبعت اتنين من ولاده رهينة عند السلطان علشان يحافظ على وعده.السنين اللي قضاها ڤلاد اسير عند السلطان ساهمت بشكل كبير في تشكيل شخصيته و كان غالبا ما بيتجلد بالكرباج عقابا ليه على عناده و وقاحته مع السجانين. و هنا اتعلم فنون التعذيب.

في سنة 1477 مات ابوه مقتول و اخوه الكبير اتقتل على ايد اعداءه السياسيين, و علشان يحافظ الاتراك على الاستقرار في المنطقة غزو ولاهيا و عينو ڤلاد التالت امير عليها فاكرين انه ح يبقى لعبة في ايديهم. الوضع بسرعة اتغير و حصل غزو من امير مجري اسمه هونيادي و شاله من الحكم في اقل من سنة و بعديها هرب ڤلاد على مولداڤيا (Moldavia) في الشمال. اتطورت الامور و مات هونيادي ( John Hunyadi) و انشغلت المجر بتحرير صيربيا من الاتراك و ساعتها هجم ڤلاد على والاهيا و بقى الحاكم الوحيد ليها.
قضى سنين حكمه في صياغة القوانين و مقابلة الوفود الاجانب ورياسة المحاكمات المهمة و كمان كان بيحضر الاعياد الدينية و كان كمان بيستمتع بالصيد.ف سنة 1495 بطل يدفع الجزية للعثمانيين و عمل تحالف مع المجريين و اللي جنن الاتراك و قررو يتخلصو منه و لكنهم فشلو. السلطان محمد التاني (الفاتح) قاد جيش ضخم متكون من 60,000 من القوات النظامية و 30,000 من القوات المش نظامية وفي ربيع 1462 هجم على ولاهيا.و كتحية ليه, ڤلاد المخزوق اعدم 20,000 سجين تركي بالخاوزق و علقهم علشان يرحبو بالسلطان على طول الطريق.
جيش ڤلاد ماقدرش يوقف السلطان اللي دخل العاصمة بتاعة ولاهيا و عين اخوه رادو الوسيم امير على ولاهيا, ڤلاد استمر في حرب العصابات ضد الاتراك بس اخوه عمل صفقة مع النبلاء في ولاهيا و مع الامبراطور المجري و بكده ڤلاد بقى وحيد و اتسجن و بعديها طلع من السجن المجري و استمر في مقاتلة الاتراك.

سنة 1476 و في معركة قرب بوخارست مع العثمانيين اتقتل ڤلاد دراكولا و قطعو راسه و بعتوها على استانبول علشان السلطان يتاكد انه مات. السلطان حفظ راسه في العسل و علقها على خازوق للعرض على الناس.

ڤلاد التالت له صوره مرسومه اكتشفها مؤرخين رومانيين ف أواخر القرن التسعتاشر فى ألعة امبراس 




#Article 99: دولار امريكانى (279 words)


الدولار الامريكانى (الرمز: $ ،الكود: USD )هوه العمله الرسميه بتاعة الولايات المتحدة الامريكية و فى عشر دول تانيه بتستعمله بشكل مش رسمى . الدولار الواحد فيه 100 سينت.

الدولار الامريكي يعتبر أحد العملات الرئيسية اللى تتحكم في عدد كبير من الاقتصادات حول العالم، في مجالات التبادل التجاري وتعزيز الصادرات وغيرها من المسائل الاقتصادية اللى تدور بين الدول، وتعد الأماكن اللى تطبع فيها عملة الدولار من الوجهات السرية الغير معروفة للكثيرين وتحظي برقابة شديدة.

ومع ذلك فان عملية اختيار تصاوير الشخصيات اللى ستظهر على عملة الدولار الامريكي الخاصة بالولايات المتحدة الأمريكية الورقية تظل غامضة، ويعترف مكتب الحفر والطباعة أن السجلات لا تقدم الأسباب لتفضيل بعض التصاوير على أخري لتبقي من العمليات الغامضة في مجال طباعة العملة حول العالم.

لقد صدر قرار من مجلس النواب الأمريكي في العام 1962 يمنح وزير المالية الأمريكي الحق في أنه صاحب القرار في اختيار الانسان الذي سيكون له شرف طبع صورته على الدولار الامريكي، وفي أغلب الحالات يلجأ الوزير الي مسئولي وزارته، وكذلك الي مدير مكتب الطباعة، وأحياناً يلجأ الي رئيس البلاد نفسه قبل اصدار قراره الأخير.

وبالنسبة لوجوه الصور والشخصيات اللى تظهر على الدولار الامريكي اليوم، فقد تم اتخاذ القرار بشأنها من قبل لجنة خاصة عُينت في عام 1925، وقد قامت دى اللجنة باجراء تعديلات على حجم الأوراق المالية وقررت اللجنة أن الدولار الامريكي يجب أن يحمل تصاوير رؤساء الولايات المتحدة الامريكية.

وبحسب ما ذكر كتاب “تاريخ حفر الكليشيهات والطباعة” فان لجنة المالية في عام 1928 قد طرحت اسم جيمس أ جارفيلد كاقتراح لوضع صورته على الدولار الامريكي من فئة 2 دولار، وذلك لأنه بالنسبة للأمريكيين من الرؤساء الشهداء وأنه كان يملك لحيه كثيفه تميزه عن الرؤساء الآخرين، الا أن وزير المالية في هذا الوقت أندرو ميلون رفض هذا الاقتراح ووضع صورة توماس فيرجسون.




#Article 100: راديو 6 ابريل (261 words)


راديو 6 ابريل مستقل عن حركة شباب 6 ابريل و بيتذاع على الانترنت. الراديو محاوله متواضعه من شويه من النشطاء السياسيين من المصريين فى مصر و برّا مصر, عشان يكون صوت للـ تغيير و الحريه فى مصر, و وسيله تزييد الوعى السياسى و مراقبة التطورات السياسيه المختلفه فى مصر و تغطية أنشطة حركة 6 ابريل, اللى اتولدت مع اضراب 6 ابريل-سنة 2008 من الشباب اللى ناضلوا و عملو اللى يقدرو عليه, عشان الاضراب ينجح. و الاضراب ده بقى علامه وطنيه و تاريخ من ايام مصر.

المسئول التنفيذى بتاع الراديو هو اسامه رشدى.

ابتدت فكرة الراديو على جروب اضراب 6 ابريل على سايت الفيس بوك . و فى الجروب ده, الشباب طرحو فكرة انشاء راديو يتذاع من برّا مصر, عشان صعوبة اذاعة راديو مُعارض من جوّا مصر بيتكلم عن افكارهم و بيغطى نشاطهم. و استجاب للـ فكره اسامه رشدى, اللى كان ليه تجربه قبل كده فى البث الاذاعى. و كان عندهُ استوديو اذاعى كانو بيذيعو منه فى الاستوديو سنة 2005 و 2006 لـ راديو الانقاذ اللى كان تابع وقتها لـ جبهة انقاذ مصر فى لندن.

مافيش علاقه تنظيميه بين جبهة انقاذ مصر و شباب الفيس بوك لان الاذاعه هى مجهود مشترك و هى صوت لـ كل المُعارضه المتنوّعه. و الاذاعه بتعبـّر عن آمال و تطلعات كل اللى بيشتغلو فيها عشان التغيير و الاصلاح فى مصر, و جبهة انقاذ مصر كـ مكان للـ مصريين برّا مصر. عشان كده ماكانش فيه تعارض بين شباب 6 ابريل و جبهة انقاذ مصر, عشان الاتنين معارضين.

تمويل راديو 6 ابريل هو تمويل من مجهودات ذاتيه تطوّعيـّه و بسيطه و بـ مساهمات قليله من شوية اعضاء و اصحاب.




#Article 101: رمسيس التانى (887 words)


رمسيس التاني ( ) هو اعظم و اقوى الملوك اللي حكمو مصر على مر التاريخ الفرعون العظيم دا حكم مصر حكم مصر لفتره طويله من سنة 1279 لسنة 1213 قبل الميلاد لمده سته و ستين سنه و شهرين و بيييجي ترتيبه التالت في ملوك الاسره التسع-ت-اشر اللي حكمت مصر في المملكة الحديثه. رمسيس التاني ساب اثار رائعه من اشهرها معبد ابو سمبل معبد الائصر و معبد الكرنك.
رمسيس التاني اتولد سنه 1303 (ق ع ح) وعينه ابوه (سيتى الاولانى) ولى للعهد وهو عنده 14 سنه يادوب  و وصل لمنصب الفرعون وهو عنده عشرين سنه. ويتقال انه عاش لحد ما وصل عمره 99 سنه بس على الارجح مات وهو عنده تسعين او واحد و تسعين سنه. واتدفن فى مقبره من مقابر وادى الملوك و جثته (الموميا بتاعته) معروضه دلوقتى فى المتحف المصرى فى مدينة القاهره.

رمسيس التانى ، اتولا على العرش يوم 31 مايو 1279 قبل الميلاد و بيعتبر أقوى فرعون عرفته مصر. وركز الجزء الأولانى من حكمه على بنا المدن و المعابد و النصب التذكارية. و اسس مدينة بى- رمسيس فى دلتا النيل و خللاها عاصمته الجديدة والقاعده الرئيسيه لحملاته العسكريه فى سوريا. بى- رمسيس اتبنت على بقايا مدينة اواريس ، عاصمة الهكسوس لما حكمو مصر ، و كانت موقع المعبد الرئيسى لعبادة الاله ست .

رمسيس التاني اتولد حوالى سنة 1303 قبل الميلاد, هو الابن التاني للملك سيتى الاول و امه هى الملكه تويا و اشهر زوجاته الملكه نفرتارى . وعند سن الاربعتاشر، اتعين ولى عهد والده سيتى الاول. ويعتقد انه اخد العرش و هو فى اوائل العشرينات من عمره و حصل على حكم مصر من سنة 1279 قبل الميلاد لسنة 1213 قبل الميلاد ليصبح مجموع مدة حكمه 66 سنه و شهرين . و بيعتقد كتير من علماء الاجيبتولوجي انه خلف اكتر من 100 ولد و بنت. الفرعون بعت حملات كتير لتأديب اعداء مصر فى الشمال(سوريا و لبنان وفلسطين) و ليبا و النوبه. و من اشهر المعارك اللى بنيت عبقريته العسكريه معركه قادش و كمان كان الفرعون العظيم دا مهتم جدا ببنايه المعابد و المدن و بنى عاصمه جديده لمصر فى دلتا النيل و سماها بي-رمسيس يعني المدينه العظيمه بتاعه رمسيس
مات الملك العظيم سنة 1213 (ئ ع ح) بسبب امراض الشيخوخه و عمره فوق التسعين سنه بعد ما عاش اطول من كتير من زوجاته و حتى اولاده، و كان بيعاني من تصلب الشرايين و التهاب المفاصل.مات الفرعون وهو سايب اثار فى كل حته فى مصر زي المقبره الرائعه اللى بناها لزوجته و محبوبته نفرتاري تسع ملوك من بعده اتسمو على اسمه رمسيس تكريما لذكراه بس ولا واحد منهم قدر ينافسه فى العظمه و الانجازات. بعد موته ب ميه و خمسين سنه، انهارت الامبراطوريه المصريه الي حول يحافظ عليها ويوسعها.

الشهره الكبيره اللى نالها رمسيس التاني كانت بسبب معركه قادش بس دي كانت واحده من المعارك الكتيره اللى انتصر فيها على اعداء مصر و دي لسته باهم انتصاراته العسكريه

يبدو ان هيبه الجيش المصري اتهزت بعد موقعه قادش فابتدا الامرا الكنعانيين فى الثوره ضد الحكم المصري(و طبعا بدعم من الحيتيين العدو الاول لمصر). فى السنه السابعه من حكمه رجع رمسيس التالت لسوريه و نجح المره دي فى انه يحقق انتصارات اكبر من اى مره فاتت ووصل بجيشه لحد القدس و اريحا و حتى ل دمشق و ما بعد قادش

القائد العظيم هو اللى بيدرك ان فى حروب مش ممكن الانتصار فيها من دون خساره كل شيء. رمسيس التاني فى السنه الخمسه و عشرين من حكمه وصل للحئيئيه دي وقبل و قرر يعمل معاهده سلام مع اعداءه الحيتيينو حرر المعاهده من نسختين واحده باللغه مصريه القديمة واحده بللغه الاكاديه. النسختين متطابئتين فى معظم النصوص بس بيختلفو فى حته من طلب السلام: الحيتيين فى نسختهم بيئولو المصريين طلبوا السلام و المصريين فى نسختهم بيئولو الحيتيين هم اللى طلبو يوقعو المعاهده. المعاهده محفوره بالكامل فى معبد الكرنك و متكونه من تمن-ت-اشر بند و وقع عليها رمسيس التاني و حاتوسيلي التالت ملك الحيتيين. المعاهده دي بتعتبر اول معاهد سلام فى التاريخ و هى اللى انهت سنين طويله من الحروب بين الامبراطوريتين المصريه و الحيتيه.

قصه خروج اليهود من مصر بقياده موسى ماهياش قصه من التاريخ العلمى لكن قصه من التاريخ التوراتى و مذكوره فى القران و العهد الجديد(الانجيل) و العهد القديم (التوراه) و ده على الرغم من ان مفيش اى دليل علمي او وثيقه تاريخيه بتشير للحادثه دي لكن رغم كده الملك رمسيس التاني كان متهم من وقت طويل انه هو فرعون الخروج اللى مات غرقان فى البحر الاحمر و هو بيطارد اليهود. سنه 1974 لاحظ العلما ان موميا الملك فى حاله سيئه و قررو يسفروها لباريس علشان يعالجوها هناك. و دي كانت فرصه لعلما اللاجبتولوجي والانثروبولجي لدراسه الجثه و انتهت الدراسات دي ان الملك رمسيس التاني مات بسبب امراض الشيخوخه و مش بسبب الغرق يمكن بسبب التهاب المفاصل و الاسنان. الفرعون طلع له باسبور مصري قبل ما يسافر و مكتوب فى خانه الوظيفه (ملك مصر الراحل). ولما وصل فرنسا عملو له استقبال عسكري مهيب فى المطار.

اتنقل تمثال رمسيس التانى فى اول الخمسينيات و اتنصب فى اشهر ميادين القاهره (ميدان باب الحديد) و بقى اسمه ميدان رمسيس تكريما للفرعون الجليل وف سنه 2006 قررت الحكومه المصريه تنقله من ميدانه المشهور اللى فى وسط القاهره قدام محطه مصر وحطوه فى منطقه الاهرامات فى محافظه الجيزه علشان يرمموه لحد ما يخلصوا المتحف المصري الجديد فى ميت رهينه على طريق مصر اسكندريه الصحراوي و خدت عمليه النقل حوالي عشر ساعات فى يوم الجمعه 25 اغسطس 2006 و اتجمع الاف من المصريين على جنبين الطرييق علشان يودعو تمثال الملك العظيم اللى عاش و مات و لسه باقي كرمز ل مجد و عظمه مصر.




#Article 102: روبى (525 words)


روبى، مغنية وممثلة مصرية، اسمها الحقيقى رانيا حسين محمد توفيق، اتولدت فى المنيرة. درست القانون فى جامعة بنى سويف. وكانت بتقدم برامج فنية فى قناة دريم والمحور المصرية. اول ظهور ليها كان من خلال دور ليها فى فيلم فيلم ثقافى سنة 2000 وكان دور صغير جدا ظهرت فى مشاهد قليلة وظهر اسمها فى التترات رانيا حسين.

روبى أثارت الجدل مع ظهور اول كليب ليها إنت عارف ليه (2003) الذى صور فى كوبا. عملت اول أدوارها فى فيلم فيلم ثقافى وبعدها اشتغلت فى فيلم سكوت حنصور من اخراج الراحل يوسف شاهين فى (2001) اللى اختارلها اسم الشهرة روبى، وعملت فيه دور بولا بنت لطيفه فى الفيلم. المخرج شريف صبرى هوه اللى كان بيرعاها فنيا من ساعة ما قدمها فى أولى كليباتها إنت عارف ليه، و ايضًا خرج وانتج اول بطولة سينمائية ليها وهو فيلم بعنوان سبع ورقات كوتشينة لحد ما انتهى العقد بينها وبين شركة شريف صبرى للانتاج فى 2007. منتجها ومنظم حفلاتها الجديد هوه رجل الاعمال وليد مصطفى اللى اشترى حق التصرف فيها فنيا من مكتشفها شريف صبرى بعد ما انتهى عقده معاها.

ف سنة 2009 روبى بعدت شوية عن الساحة الفنية عشان تكمل دراستها ف كلية الحقوق جامعة بنى سويف. ودة كان نفس اللى عملته الفنانة المصرية زبيده ثروت فزبيده ثروت اعتزلت الفن مؤقتا سنة 1963 لمدة ست سنين عشان تتفرغ لتكملة دراسة القانون وتتفرغ لرعاية اسرتها ورجعت للتمثيل سنة 1969. الانتقادات وتعليقات الناس مسبتهاش خلال فترة دراستها، ففيه صحف قالت ان فيه مشاكل حصلت فى الكلية عشان روبى كانت بتحضر الامتحانات بلبس مثير واللى خلى مشاكل تحصل مع حرس الجامعة انهم منعوها تخش على حسب اللى قالته الصحف.

حصل كلام وجدل كتير لما انضمت لنقابة الموسيقيين وفيه ناس اتهمت حسن ابو السعود نقيب الموسيقيين بحاجات كتير وفيه اشاعة طلعت انها انضمت للنقابة بسبب انها دفعت 50 الف جنية لصندوق معاشات واعانات النقابة وعشرتلاف جنية رسم للنقابة عن فيلم 7 ورقات كوتشينة. وحلمى بكر اعترض على انضمامها للنقابة. نبيه الوحش المحامى رفع قضية ضد ابو السعود عشان كان معترض على انضمام روبى لنقابة المهن الموسيقية عام 2004 ومعرفش يوصل لحاجة ساعتها ومخدش حكم. وبسبب الموضوع دة شريف صبرى اجل البومها مشيت ورا احساسى لحد ما المشكلة تخلص. وف سنة 2007 هيئة مفوضين الدولة فى محكمة القضاء الإدارى فى مجلس الدولة فى مصر طلعت قرار بإلزام حسن ابو السعود انه يشطب عضوية رانيا حسين محمد توفيق وشطب اسمها من جدول قيد النقابة، وكان دة نتيجة محاولات نبيه الوحش المستمرة فى المجال دة.

حلمى بكر قال -ف مقابلة مع وكالة الانباء الالمانية- ان عضوية روبى ف النقابة باطلة عشان اى لجنة قيد لاعضاء جديدة حسب لايحة النقابة لازم تتشكل من برة مجلس الادارة وبحضور النقيب او رئيس لجنة القيد. ولجنة قيد روبى كل اعضاءها من مجلس ادارة النقابة ورئيس لجنة القيد رضا رجب محضرش واعترض على اللى حصل.

صباح عبيد نقيب الفنانين السوريين اصدر قرار سنة 2007 بمنع روبى واليسا وهيفاء وهبي انهم يغنو فى سوريا. عبيد قال ان السبب هوه الحد من العري زى ما قال. بعدها صباح عبيد استقال سنة 2008 وفيه مصادر فنية قالت انه اتعرض لضغوط بسبب قراراته المتلخبطة مع الفنانين الثلاثة وغيرهم من الفنانين السوريين زى ميادة الحناوى و جورج وسوف اللى هددهم بشطبهم من النقابة عشان اتاخروا فى انهم يسددوا الرسوم النقابية السنوية.

مسلسل سجن النسا فى دور رضا بيومى




#Article 103: روسيا (245 words)


روسيا الاتحادية ( بالمختصر روسيا) هى اكبر دولة في العالم وتغطي مساحات كبيرة من أوروبا و آسيا ، فمن أجل ذلك تعتبر دولة عابرة للقارات، و يتكون الاتحاد الروسي من 82 كيان فيدرالي.

عاصمة روسيا هي مدينة موسكو.

مساحة روسيا تفوق ال17 مليون كم مربع أي حوالي ثمن مساحة الارض و هي اكبر دولة فى العالم حسب المساحه . و نهر امور (بالروسى:река Аму́р ) او نهر هيلونج جيانج (بالصينى : 黑龙江) هو تاسع اطول نهر فى العالم (4,352 كم) و يصب فى المحيط الباسيفيكى و يرسم الحدود الطبيعيه بين روسيا و الصين. من الشمال الغربي للجنوب الشرقي روسيا لها حدود مشتركة مع النرويج ، فنلندا ، استونيا ، لاتفيا ، ليتوانيا و بولندا (عن طريق كالينينجراد أوبلاست )، بيلاروسيا ، أوكرانيا ، جورجيا ، أذربيجان ، كازاخستان ، الصين ، منغوليا ، و كوريا الشمالية . كما ان لها حدود بحريه مع اليابان من بحر أوخوتسك ، و ألاسكا الولايه الامريكية عبر مضيق بيرينج. معظم اراضى روسيا تغطيها مساحات واسعه من السهول في الجنوب وغابات كثيفة فى الشمال، مع التندرا على طول الساحل الشمالى. وتملك روسيا 10٪ من أراضي العالم الصالحه للزراعه

حسب دستور روسيا ، فهي دولة اتحاديه و نظام جمهورى شبه رئاسى ، رئيس الجمهوريه هو رئيس الدولة و رئيس الوزراء هو رئيس الحكومة. والاتحاد الروسى بشكل أساسى متعدد الاحزاب مع حكومه اتحاديه. العاصمة الروسية كما ذكرنا هيا موسكو و العملة الرسمية هى الروبيل .

روسيا هي تاسع دول العالم حسب عدد السكان و81 % من سكان روسيا من أصل روسى  - 




#Article 104: رومانيا (655 words)


رومانيا دولة من دول أوروبا الشرقية و تحديدا فى جنوب شرق أوروبا الوسطى و بتيجي للشمال من شبه جزيرة البالكان و بتطل على البحر الاسود و بيحدها من ناحية الجنوب نهر الدانوب.
رومانيا ليها حدود مشتركة مع الدول الاوربية دي: صربيا، المجر، اوكرانيا، مولدوفيا و بلغاريا. اول ما اتكونت الدولة كانت عبارة عن اتحاد بين مولدوفيا و ولاهيا ودا كان سنة 1859 و بعديها انضمت بقية المناطق اللى بتتكلم روماني سنة 1918 و كونوا الدولة زي ما هى معروفة دلوقتي تقريبا ما عدا ان جزء منها ضمه الاتحاد السوڤييتى بالقوه فى نهاية الحرب العالميه التانيه و الجزء دا معروف دلوقتي باسم جمهورية مولدوفيا.
عدد سكان رومانيا حوالي 22 مليون انسان و مساحتها 238392 كيلومتر مربع و عاصمتها بوخارست اللى هى كمان تعتبر اكبر مدينة فيها. الثورة اللى حصلت فى 1989 و قضت على الحكم الشيوعى .
بدات اول ما بدات من تيميشوارا و بعدين انتشرت لكل مدن رومانيا. رومانيا دولة عضوة فى الاتحاد الاوروبى من اول يناير 2007 و كمان عضوة فى الناتو و منظمة الدول الفرانكفونية.

اسم رومانيا منسوب للرومان و ليه علاقة بالامبراطورية الرومانية اللى بدورها منسوبة لعاصمتها روما (و فى اصل اسطوري لتسمية مدينة روما الايطالية بينسبها للتوامين رومولوس و ريموس).

حسب تعداد سنة 2002، رومانيا يعيش فيها حوالي 21,700,000 انسان مثل بقية دول شرق أوروبا العدد هاذا مترشح للنقصان بسبب انخفاض نسبة المواليد. حوالي 89.5 % من السكان رومانيين اصليين و الباقي اقليات مثل المجريين و الغجر و كمان فى اقليات اخرى لاكن نسبتهم قليلة لا يتعدا 1.4%.
اللغة الرسمية لرومانيا هى الروماني و هى واحدة من اللغات الرومانسية مثلها مثل الاسباني و الطلياني و الفرنساوي.و ايضاً فى لغات اقليات معترف بيها رسميا مثل المجري و الغجري. اللغات الانجليزي و الفرنساوي معروفة على مستوي واسع و خصوصا الانجليزي بين الشباب.

رومانيا دولة علمانية حسب الدستور يعني مافيش حاجة اسمها دين رسمي للدولة بس اغلب السكان بينتموا للكنيسة الاورثوزوكسيه الرومانية(حوالي 86 % من السكان) و جنبهم فى اقليات دينية كتيرة زي الروم الكاثوليك والبروتستانت و شوية سكان مسلمين و يهود.

اقدم بقايا للانسان فى اوروبا اتلقت فى رومانيا و كان عمرها حوال 42,000 سنة ومن المحتمل ان الرومانيين هما اول البشر اللى قدرو يوصلو لقارة اوروبا. اول واحد يكتب عن الناس اللى كانو عايشين فى رومانيا هو هيرودوت فى كتابه الرابع سنة 440 (ق ع ح) و اللى حكى فيه عن هزيمة الامبراطور الفارسي داريوس الاعظم على ايد الداشيين اللى كانو عايشين فى منطقة اسمها داشيا ( فى الوقت الحالي بتضم رومانيا و مولدافيا و حتت من شمال بولجاريا). الامبراطور الروماني تراجان غزا بلاد داشيا و هزم شعبها والملك بتاعها ديتشتبال فى حروب استمرت من سنة 101 لحد 106 (ع ح ) و بعديها بقت داشيا حتة (مقاطعة) رومانية. الامبراطور الروماني تراجان وهو راجع لروما بعد الانتصار جاب معاه 165 طن من الدهب و 330 طن من الفضة استولى عليهم من داشيا.
فى العصور الوسطى الرومانيين عاشو فى تلات مناطق: والاهيا،مولدافيا و ترانسيلفانيا.
والاهيا و مولدافيا وقعو تحت الاحتلال العثماني و ترانسيلفانيا اتضمت بالقوة للامبراطورية النمساوية-المجرية.و بكدا اتقسمت رومانيا بين القوى العظمى فى الوقت دا وبقى الرومانيين مواطنين من الدرجة التانية فى بلادهم.فى 1914 لما قامت الحرب العالمية الاولانية، رومانيا اعلنت الحياد بس تحت ضغط الحلفا اعلنت رومانيا الحرب على المحور سنة 1916 ووعدتها القوى الكبير بجعمهم فى انهم يعملو دولة موحدة و مستقلة.و فعلا فى نهاية الحرب و فى سنة 1918 اتحدت ترانسيلفانيا مع والاهيا و مولدوفا و عملو رومانيا الكبرى.فى الحرب العالمية التانية حاولت رومانيا لتاني مرة تتنيها على الحياد بس اضطرت اخيرا انها تدخل الحرب جنب المحور ضد الحلفا وبسبب هزيمة المحور فقدت رومانيا حتت كبيرة من اراضيها للاتحاد السوفيتي واحتلها الجيش الاحمر و بعديها دخلت فى حلف وارسو وانضمت للستار الحديدي و الكتلة الشيوعية فى زمن الحرب الباردة.فى سنة 1989 حصلت ثورة فى رومانيا انتهت فيها الشيوعية واتعدم نيكولاي شاوشيسكو اخر رئيس شيوعي لرومانيا بالرصاص هو و مراته قدام التليفزيون و اعلن الثوار الديمقراطية و الانتخابات الحرة و حريات تانية كتيرة.الريس الحالي لرومانيا هو ترايان باسيسكو و ريس الوزرا هو ايميل بوك.

رومانيا فيها خمس مناطق اساسية مشهورين بتنوعهم الجغرافي ودا بيخليها من احسن الوجهات السياحية فى اوروبا.




#Article 105: زاهى حواس (844 words)


زاهي حواس اتولد فى قرية العبيديه جنب دمياط فى فى شمال مصر فى 28 مايو 1947 . بيعتبر اشهر الاثريين المصريين المعاصرين و بيحظى بتقدير عالمي فى مجال علم الاجيبتولوجي ( المصرولوجيا ). حاول انه يحسس المصريين بأهمية تاريخ مصر و بأمجادها القديمه و يحيى فى نفوسهم العزه و الفخر بتاريخ مصر و اثارها فى فتره مضلمه ضاع من كتير من المصريين فيها احساسهم القومى و صلتهم بتاريخ مصر و انتشرت فيها الجهالات و قلة الاهتمام بالعلم و النهضه.

زاهي حواس كان بيترأس المجلس المصرى الاعلى للأثار و بعد ثورة مصر سنة 2011 بقى وزير الدوله لشئون الاثار لغاية ما استقالت وزارة احمد شفيق فى 3 مارس 2011. وقت الثوره دى و بعدها اتنهبت و اتدمرت اثارات مصريه فأعلن انه هيسيب الشغل فى الاثار لانه مبقاش قادر يحمى اثار مصر.

فى 17 ابريل 2011 اتحكم عليه بالسجن.

زاهي حواس فى بداية حياته كان ناوي يبقى محامي بس بعدين غير رأيه و درس فى قسم الاثار الرومانيه - اليونانيه فى كلية الاداب - جامعة اسكندرية - ، و بعد ما اخد البكالوريوس فى الاثار الرومانيه-اليونانيه ، عمل ديبلوما فى الاثار من جامعة القاهرة ، و خد منحه تعليميه فى امريكا فكمل كمل تعليمه العالى هناك ، وخد شهادة الدكتوراه من جامعة بنسيلفانيا سنة 1987 ، و من هناك بدأ يدرس و يحاضر فى جامعات كاليفورنيا و الجامعه الامريكيه فى القاهره . فى سنة 2002 اتعين امين عام للمجلس الاعلى للأثار فى مصر و لحد دلوقت هو فى المنصب ده.

بدات شهرة زاهى حواس لما ظهر فى قناة ديسكفرى فى افلام تسجيليه عن مصر و المصريين القدام و كمان سجل حلقات عرضها التلفزيون الامريكي فى برنامج ( البحث عن الحقيقة)و اللى ناقش فيها مواضيع بتهم المشاهدين زى المومياوات و الاهرام و توت عنخ امون و كليوباترا و رمسيس التاني. اشتهر زاهى حواس ببرنيطة انديانا جونز اللى بيلبسها طول الوقت.

من اكتر المواضيع السخنة اللى دافع فيها عن تاريخ مصر هو موضوع مين اللى بنى اهرامات الجيزة و رد فيه بشكل علمى على اللى بيقولو ان اليهود هم اللى بنو الاهرامات و غيرهم اللى بيقولو ان سكان الفضاء هم اللى بنو الهرم او حتى سكان اتلانتس.

فى سنة 1990 اكتشف زاهى حواس اهم اكشافاته الاثرية: المقابر بتاعة العمال المصريين اللى بنو الاهرام 
فى سنة 2007 اعلن الدكتور حواس عن اكتشاف مقبرة حتبشوت فى وادي الملوك فى الاقصر و اللى اتوصف بانه واحد من اهم الاكتشفات الاثرية فى المية سنة اللى فاتوا.
الدكتور زاهي الف كتب كتيرة فى مجال علم المصريات و العلم الاثار.

الدكتور حواس بيتوجه له نقد كتير من بره مصر و من جواها.

زاهى حواس كتب مقالة بعنوان ( توت عنخ امون ما كنش اسود) و صرح فيها تصريح فى غاية الاهمية دا نصه ( المصريين ما هماش عرب و كمان ما هماش افارقة على الرغم من وقوع مصر حغرافيا فى قارة افريقيا ). و بكدا بيكون لخص وجهة نظرة فى موضوع هوية مصر.

زاهى حواس عمل جهد كبير للمحافظه على اثار مصر و طالب باسترداد التحف المصريه المعروضه فى متاحف بره مصر و منها تمثال نفرتيتى المعروض فى متحف برلين فى المانيا و حاول تنظيم عمليات التنقيب على الاثار عشان ما تتنهبش. لكن فى 25 يناير 2011 بدئت ثوره شعبيه فى مصر ضد نظام حكم حسنى مبارك و اتجمع المتظاهرين فى ميدان التحرير الموجود فيه المتحف المصرى اكبر متحف فى العالم للأثار الفرعونيه و اللى بيضم كنوز توت عنخ امون. اتصاب زاهى حواس بالرعب من خوفه على المتحف انه يتحرق او يتنهب فتبقى كارثه لتاريخ مصر و سمعتها الدوليه. و فعلاً فى جو الجهالات و قلة الوعى بقيمة تاريخ مصر و الاثار عند المصريين فى بدايات القرن واحد و عشرين اعتدى مصريين على المتحف و اتسرقت قطع اثريه من الفاترينات و اتكسرت اثارات. عملية السرقه ما اتوقفتش و امتدت لمواقع تانيه و اتنهبت اثارات كتيره و لدرجة ان حصلت عمليات نهب مسلحه. الغربيين اللى زاهى حواس كان عمال يطالبهم برد اثارات مصر بلغوه انه لازم يبطل المطالبه بالأثارات دى لان المصريين اللى فى مصر مش قادرين يحموا الاثارات اللى فى مصر. زاهى حواس كان قال فى روبرتاج فى النيو يورك تايمز انه بيفكر فى الاستقاله لانه مبقاش قادر يحمى اثار مصر و تحفها و أشار لحيل و الاعيب بيعملها ناس من سكان مصر المعاصرين و هى انهم بيستولوا على الاراضى الاثريه و بيبنوا فوقيها بيوت و بالليل بيحفروا تحتها ، و ان الموضوع بقى بالنسبه له بقى زى كابوس حقيقى و ما بقاش عارف يعمل ايه. فى 3 مارس 2011 اتغيرت وزارة احمد شفيق و خرج زاهى حواس من منصب وزير الدوله لشئون الاثار و اعلن انه كان ناوى يستقيل و مش ناوى يرجع للمنصب ده تانى بسبب الظروف الحاليه لمصر خاصة انه مبقاش قادر يحمى الاثار من السرقه و النهب و التدمير و صرح بانه خلاص مش هيشتغل فى الاثار تانى و قال : أنا مش هكون راجل وطنى لو فضلت فى مكانى والآثار بتتسرق بالشكل ده فى ظل غياب الامن.

بعد ثورة 25 يناير 2011 اتقبض على اعداد كبيره من المسئولين و رجال الاعمال و الصناعيين فى مصر و فى 17 ابريل 2011 طال الموضوع العالم زاهى حواس و حكمت عليه محكمة جنح العجوزه بعزله من وظيفته و سجنه لمدة سنه وكفالة 500 جنيه، والزامه بدفع غرامة 10 الاف جنيه بحجة انه مانفذش حكم محكمة القضاء الادارى بخصوص تمليك مواطن قطعة ارض.

 




#Article 106: سالفادور دالى (161 words)


سالفادور دالي (11 مايو 1904 - 23 يناير 1989) رسام سوريالي اسباني من كاتالونيا بيعتبر واحد من اهم الفنانين فى القرن العشربن و مشهور باللوحات الرائعة الغريبة و اللى رسمها بطريقة مميزة بتخليها اقرب للاحلام منها للواقع.

من اشهر لوحاته اصرار الذاكرة و اللى كمل رسمها سنة 1931 و هى معروضة دلوقتي فى متحف الفنون الحديثة فى نيويورك بس لسته مهاراته بتضم كمان النحت، الافلام و التصوير. دالي كمان عمل فيلم كرتون قصير بالتعاون مع والت ديزني الفيلم اسمه ديستينو و اترشح لجايزة الاوسكار بعد ما اتكمل سنة 2003.

دالي كان دايما بيصر انه من اصول عربية و ان جدوده من شمال المغرب و جم لاسبانيا مع الغزاه اللى احتلو اسبانيا لمدة 800 سنة. الادعاء دا مالوش اى دليل بيدعمه و ممكن يكون جزء من الدعاية اللى كان بيعملها لنفسه لانه كان دايما مشهور بحبه لكل شيئ غريب و مش عادي و احيانا شخصيته المثيرة كانت بتثير الاهتمام اكتر من اعماله الفنية وبيخلي الناس دايما تتكلم عنه و مبيعات لوحاته بتزيد.




#Article 107: سرطان الرئه (974 words)


سرطان الرئه واحد من امراض الرئه اللى بتتميز بحصولانقسامات خلويه مش منظمه ، و قدرة الخلايا المنقسمه دى على غزو الانسجه التانيه و الانتشار فيها ، إما عن طريق نمو مباشر فى اتجاه نسيج جنبها او الإنتقال عن طريق الدم و مسالك الغدد الليمفاويه و غزو أنسجة بعيده بطريقه اسمها  الانتقال Metastasis .

سرطان الرئه من أكتر السرطانات الشايعه فى العالم ( بعد سرطان الجلد ) والمسبّب الاكتر للوفات بعيا السرطان من اسباب ارتفاع نسبة المتوفيين بسرطان الرئه انه بيصيب فى الغالب كبار السن اللى بيصعب عليهم تحمل العمليات و العلاج الكيماوى و الاشعاعى بسبب كبر السن و معانتهم من امراض تانيه فى نفس الوقت بتصعب العلاج.

أهم اسباب الإصابة بسرطان الرئه (والسرطان عموما) العوامل المسرطنه (زى الموجودة فى دخان السّجاير) ، مادة الإيسبيست ، الاشعاعات المؤينه ، التلوث الصناعى و البيئى و دخان المصانع و التسريبات الاشعاعيه من المفاعلات النوويه. و التعرض التراكمى ده يسبب تغيرات الحامض النووي فى أنسجه بطانة القصبات من الرئتين و الشعب الهوائية. فى نهاية المطاف من الأنسجه التّالفة بيتطور سرطان الرئه.

بيعتبر التّدخين، و بالذات السّجاير، المساهم الرّئيسى المحتمل فى الإصابة بسرطان الرئه لكن اعداد كبيره من غير المدخنين بيتصابو هما كمان بالمرض.

سرطان الرئه فى بداياته عادة مالهوش اعراض ، و عادة بيكتشف بعد مايكبر او ينتشر و بتظهر اعراضه زى الكحه المتواصله و/او وجع الضهر و/او تف بلغم فيه دم و/او نقص الوزن و/او اعراض تانيه. سرطان الرئة بيتلاحظ عادة لأول مره بالاشعه السينيه (اشعة إكس). فى حالة ملاحظة وجود ورم بيتم التشخيص المبدئى عن طريق الاشعه المقطعيه ( سى.تى. سكان CT Scan) ، و/او الاشعه فوق الصوتيه Ultrasound scan ، و/او الاشعه النوويه (بيت سكان PET Scan ). التشخيص الكامل و معرفة نوعية الخلايا السرطانيه بيتم بعد أخد عينة من الورم و تحليلها باثولوجياً تحت الميكروسكوب 

خلايا سرطان الرئه بتنقسم لكذا نوع رئيسى و نوع فرعى زى  الخلايا الصغيره Small Cell - SCLC  و  الخلايا المش صغيره Non-Small Cell - NSCLC  او الاتنين مع بعض. بتتميز الخلايا الصغيره بقدرتها على الانتشار السريع و بالذات للمخ و علاجها اصعب من علاج الخلايا المش-صغيره. و فيه كمان نوعيه خطيره من سرطان الرئه بتتسمى  سرطان الأسبيست  اكمن سببه التعرض لمادة الأسبيست asbestos. سرطان الأسبيست Asbestos cancer اللى اسمه العلمى  ميسوثيليوما Mesothelioma  كان لحد فتره قصيره قبل ظهور أجيال جديده من الأدويه الفعاله كان عادة بيقضى على المصاب بيه فى ظرف شهور.

علاج سرطان الرئه و الأدويه و طرق العلاج اللى بتستخدم بتتوقف على نوعية الخلايا و مدى انتشارها فى الجسم و مدى قدرة العيان على تحمل العلاج. العلاجات المستخدمه حالياً هى عمليه جراحيه او العلاج الإشعاعى radiotherapy او العلاج الكيماوى chemotherapy او كلهم مع بعض.
مراحل المرض اربعه. فى المرحله الأولى ممكن يتم العلاج بعمليه بيتم فيها بتر جزء من الرئه او كل الرئه حسب مدى انتشار المرض فيها. و ممكن فى المرحله دى استخدام العلاج الاشعاعى و/او العلاج الكيماوى و ممكن ان المصاب بالمرض يشفى. فى المرحله التانيه و التالته-A ممكن استخدام الاشعه و الأدويه الكيماويه فى نفس الوقت. و فى المراحل اللى بعد كده، التالته-B و الرابعه لازم يكون فيه علاج كيماوى لكل الجسم ، ففى حاله انتشار الخلايا فى اماكن بره الصدر عن طريق الدم او مسالك الغدد الليمفاويه العلاج بيكون كيماوى لقتل الخلايا السرطانيه فى الدم و كل الجسم قبل ماتمسك فى عضو. لكن اكمن الخلايا دى عددها بالمليارات عادة بيصعب قتلها كلها فبيرجع المرض تانى و بيبدأ العلاج من تانى. العلاج الاولانى بالدوا الكيماوى بيتسمى اول خط first line و لما بيرجع المرض بيتسمى العلاج التانى تانى خط second line و العلاج التالت بيتسمى تالت خط third line و هكذا. عادة فى العلاجات بعد العلاج الأولانى لازم يستخدم دوا كيماوى مااستخدمش قبل كده اكمن الخلايا السرطانيه بتعمل مناعه تحمى بيها نفسها ضد الدوا اللى استخدم. لكن ممكن استخدام الدوا للى استخدم قبل كده بعد فتره اكمن الخلايا ممكن تكون نسيته. لكن المشكله بتكون هى عدم قدرة الشخص على تحمل علاجات كيماويه كتيره بطريقه متواصله.

لغاية دلوقتى مفيش علاج حاسم يقضى على السرطان بالكامل لكن رغم كده و بعد التطور الكبير فى الطب و صناعة الأدويه بقى ممكن علاجه و تطويل عمر المصاب بيه بحيث ان ممكن ان المرض يتحول لمرض مزمن مش قاتل طوالى. اختراع ادويه جديده فى امريكا و الغرب و معرفة الإخصائيين ازاى يستخدموها بأقل ضرر للمصاب بتعتبر من اهم الانجازات فى علاج المرض فى القرن 21. فى السنين الاخيره ظهرت علاجات و ادويه كيماويه كتيره بطريقه مبشره و بقت بتستخدم مع بعض Regment و بقت فيه ادويه ممكن المصاب انه يستحملها على عكس الاول زى  أليمتا Alimta . و ظهرت نوعيه من الادويه الكيماويه بتتسمى  ادوية العلاج المستهدف Targeted Thearapy  اكمنها بتهاجم اجزاء معينه فى الخلايا السرطانيه و بتستهدفها هى بس من غير ما تأثر على بقية الخلايا العاديه فى الجسم ، و فيه نوعيه منها زى  تراسيفا Traceva  على شكل حبوب ، و فى 2011 ظهر دوا جديد من ادوية العلاج المستهدف اسمه  كسالكروى ( كريزوتينيب) (XALKORI (Crizotinib  ، و لسه فيه ابحات كتيره بتتعمل على النوعيه دى من الأدويه المبشره. فيه كمان ابحاث و دراسات بتتعمل على نوعيه جديده من العلاج عن طريق  التطعيم vaccination  و فى الحاله دى بيتم تحفيز جهاز المناعه بتاع المصاب عشان يتعرف على الخلايا السرطانيه و يهاجمها زى ما بيعمل مع الفيروسات لكن نتايج الدراسات دى لسه ما اتبلورتش لكن لو نجحت حاتكون نصره كبيره ضد مرض السرطان. الارقام و النسب الموجوده حالياً عادة ارقام قديمه اتسجلت قبل ظهور نوعيات الادويه الجديده. المحتمل ان المرض حايكون ممكن القضاء عليه فى المستقبل.

الرئة مكان ممكن توصله خلايا سرطانيه من مكان تانى فى الجسم زى الثدى ، لكن فى الحاله دى بتفضل الخلايا من الثدى مش رئويه و بتتعالج على اساس انها سرطان ثدى مش سرطان رئه يعنى بالادويه المعالجه لسرطان الثدى مش سرطان الرئه.

بقى فيه دلوقتى ادويه كتيره لعلاج سرطان الرئه و ده انتصار للطب بعد ماكانت الادويه محدوده من عشرين سنه و كانت بتستخدم بطريقه منفرده و كان ليها اضرار جانبيه كتيره . دلوقتى الادويه بتستخدم مع بعض عادة نوعين مع بعض فى نفس الوقت regiment اكمن اتضح ان الخلط بيجيب نتايج علاجيه أحسن و اضراره الجانبيه اقل. من الأدويه دى :




#Article 108: سيشوار (184 words)


السيشوار جهاز كهربائي (كلمة فرنسية séchoir تعني مجفف و هي اختصار لكلمة Sèche-cheveux) ، يعمل بالكهرباء أو بالبطارية الجافة، يخرج هواءً ساخناً أو بارداً لتجفيف الشعر المبلول أو تصفيفه. السيشوار يساعد على السيطرة أكثر على الشعر فى تسريحه لأنه يسرّع و يتحكم في تكوين روابط هيدروچينية مؤقتة في كل شعرة، دى الروابط تبقى قوية جدا لفترة قليلة وتكون شديدة الحسّاسية للرطوبة.

اخترع في اخر القرن التاسع عشر، الكسندر ف. جودفوا هو أول من صمم شكله في صالونه فى فرنسا. و أول ظهور للسيشوار البيتى الذي يمسك باليد كان في عام 1920.

معظم الموديلات بتشتغل عن طريق سلك ملفوف ليه مقاومة كهربائية عالية بيسخن بسرعة بالكهربا. وبيبقى فيه مروحة الهوا اللى بييجي منها بيعدى على السلوك السخنا فبيطلع ف الاخر هوا سخن ينشف الشعر، عنصر التسخين (سلك النيكروم) فى معظم الاستشوارات بيبقى عريان (مكشوف) وبيبقى ملفوف حوالين جسم عازل، والنيكروم بيبقى عنصر التسخين عشان موصل ضعيف للكهربا وعشان مبيتاكسدش بالتسخين.

استخدام السيشوار بشكل سيئ قد يساعد ويسبب تساقط الشعر.
تشغيل الاستشوار بدرجات حرارة عالية واقترابها من فروة الرأس قد يحرق بصيلات الشعر مما قد يتسبب في عدم انبات الشعر في نفس المنطقة مرة أخرى .




#Article 109: سل (294 words)


السـُل (تي بي / تيوبر كولۏسيس) Tuberculosis, او TB هوه مرض منتشر و ممكن يسبب الموت لو ماتعالجش ،بييجي نتيجة اصابة الواحد بباكتيريا اسمها مايكوباكتيريوم تيوبركيولوسيس. السل غالبا بيهاجم الرئه ( السل الرئوي) بس ممكن كمان يهاجم حتت تانية فى جسم الانسان زى الجهاز العصبي المركزي و الجهاز الليمفاوي و الجهاز الدوري و العضم و المفاصل و حتى الجلد.الاعراض بتاعة السل غالبا بتبقى الكحة الجامدة المزمنة و البلغم اللى فيه دم و السخونية و العرق بالليل والخسسان.

بكتيريا السل مايكوباكتيريوم تيوبركيولوسيس تنتقل بالهواء من شخص لآخر ( العطاس او السعال او البصق), و شخص واحد مريض بالسل ممكن ينقل العدوى الى الاشخاص من 10 – 15 شخص فى السنه.و موجود فى العالم الآن حوالي 16 مليون شخص مصاب بالسل (الدرن) النشط . و ثلث سكان العالم معرضين للعدوى . شخص كل ثانية يصاب بالسل فى العالم حسب تقديرات منظمة الصحة العالمية. وكل سنه يموت من المرض 2 مليون منهم,90% فى الدول الفقيرة والنامية .

كان الدرن بيسمى بالسل {الاستهلاك} ، لانه يبدو انه بيستهلك الناس من جوه ، الكحة بالدم، الحمى ، الشحوب ،هزال طويل ؛ سل الغدد الليمفاويه (فى البالغين) ، اللى بتأثر على الجهاز اللمفاوي وغدد الرقبة ، درن البطن ، درن الجلد ؛ الهزال والمرض السل كان بيتسمى كمان بالطاعون الابيض ، لأنه يبدو أن المصابين بالدرن كانو بيعانو بشكل ملحوظ من الشحوب.

مرض السل بيتشخص بواحدة او اكتر من الطرق دي:

علاج السل ليس سهل و يحتاج مضادات حيوية كتيره و لمدة طويلة و فى وهذا الوقت زادت مشكلة السل لما بدأت تظهر انواع جديدة من البكتريا اللى تقاوم العلاج.

العلاج ينقسم لادوية الخط الاول و ادوية الخط الثاني، بالنسبة للخط الاول فدى الادوية:

اما بالنسبة للخط التانى فدى اهم ادويته :

الوقاية من هذا المرض تكون عن طريق التطعيم البي سي جي و ايضاً عن طريق برامج الفحص للاشخاص المعرضين للمرض.




#Article 110: سلامه موسى (6017 words)


سلامه موسى (اتولد فى الزقازيق 4 فبراير حوالى سنة 1887 - اتوفى فى القاهره ، 4 اغسطس سنة 1958) كان صحفي ومصلح
ومفكر مصرى وطنى من اكبر المفكرين المصريين فى نص القرن العشرين الأولانى و من رواد مدرسة الفكر الوطنى المصريه. رأس تحرير مجلات الهلال و المجلة الجديدة. اتلمذ على افكاره عدد كبير من الكتاب المصريين من أشهرهم نجيب محفوظ.

اتعلم الفيلسوف سلامه موسى القانون والاقتصاد فى لندن ، وكان معروف بحبه للثقافه العصريه وبدعوته للأفكار الاشتراكيه ، و كان له دور كبير فى نشر التنوير والتوعيه العلميه والثقافيه فى مصر واتأثر بأفكاره مفكرين و كتاب مصريين كتار زى أديب مصر نجيب محفوظ اللى نشر له سلامه موسى سنة 1939 أول رواياته  عبث الأقدار. سلامه موسى كان ليه كفاح ثقافى و سياسى و اقتصادى و كان بيحلم بنهضه مصريه و نادى بتصنيع  الموتور  فى مصر عشان تتقدم مصر فى صناعة الماكينات و فتح المصانع.

سلامه موسى كان واحد من المثقفين والمفكرين المصريين ، زى أحمد لطفى السيد وأحمد أمين ، اللى طالبو بتبسيط كتابة وقواعد اللغه العربيه والاعتراف بالكلام المصرى بصفته اللغه المصريه الحديثه، وله فى الموضوع ده كتاب اسمه  البلاغة العصرية واللغة العربية  . ألف سلامه موسى حوالى 50 كتاب غير مقالاته فى الجرانيل والمجلات، و مؤلفاته لسه رايجه و بتعتبر من اهم المؤلفات اللى اتكتبت فى مصر و بتحتاج اعادة قرايه.

اتولد سلامه موسى فى الزقازيق سنة 1887 فى عيله قبطيه مسيحيه، وكان أصغر اخواته وليه أخ واحد وأربع اخوات بنات، ولما اتولد عملوله خرم حلق فى ودنه عشان يمنع عنه العين والحسد اكمن الناس حاتفتكره بنت، ودى عاده فى الأرياف. أبوه كان موظف بيشتغل رئيس تحريرات مديرية الشرقيه بمهية سبعه جنيه ونص فى الشهر، واتوفى وسلامه لسه ماكملش سنتين، وساب وراه أكتر من ميت فدان، وأمه سمت سنة موت أبوه  سنه سوده  وفضلت معلقه بدلته وقميصه أبو ياقه منشيه على الحيطه. والزقازيق أياميها كات لسه بلد جديده وكل عيلاتها كانوا من حتت تانيه. وعيلة سلامه موسى اسمها عيلة  العفى  وكات اصلاً من البياضيه اللى تبع مديرية اسيوط بس فرع منها هاجر على الزقازيق أيام محمد على.

قضى سلامه موسى طفولته فى بيت منطوى ومقفل ماحدش غير العمام والخيلان كانوا بيخشوه وده أثر على نفسيته وخلاه يطلع منطوى بتاع كتب مالهوش فى القعده على القهاوى. و عيى سلامه موسى وهو صغير وجايز جاتله ملاريا، وكات امه بتقعد جنبه تصلى له وكات بتديه لخدام عندهم اسمه عطيه كان بيشيله و ياخده يتبرك له عند مقام ولى مسلم اسمه ابو عامر.

بين سنة 1895 و 1898 ظهر وباء الكوليرا فى الزقازيق والناس اتخضت وشاف سلامه موسى النعوش فى الشوارع
طالعه ورا بعضيها. كات القريه اللى عايش فيها سلامه موسى بتاع ساعه ع الحمار للزقازيق، وأياميها كان لسه مفيش مدارس فى الزقازيق فدخلوه الكتاب وكات أخته بتوديه وتجيبه وفضل قاعد مده طويله مايعرفش يفك الخط وكل اللى اتعلمه فى الكتاب كات شوية صلاوات وأدعيه زي دعا للعدرا اسمه  نعظمك يا أم النور ، وفضل ع الحال ده لحد ماعملم فى الزقازيق جمعيه خيريه قبطيه فدخلوه فيها يتعلم، وحبتين وراحوا فاتحين
المدرسه الأميريه فدخلوه فيها، وكان عمره ساعتها بتاع حداشر سنه بس كان معاه فى الفصل تلامذه عندهم عشرين سنه، وكان أياميها تلامذة المدرسه بيلبسوا جلاليب لغاية ما الخديوى عباس زار المدرسه، فخدوا من كل واحد بتاع تلاتين قرش وعملولهم بدل بيضا ومن يومتها مارجعوش للجلاليب تانى.

سلامه موسى ماتهناش فى المدرسه اكمن المدرسين كانوا بيعذبوا ويهينوا التلامذه وكات المدارس أياميها عامله زى الثكنات كل اللى كانوا بيهتموا بيه فيها كان النظام والطاعه. وبيقول سلامه موسى  ان مدرسين الابتدائي كانوا مصريين وكانوا بيعاملوا التلامذه أحسن من المدرسين الانجليز اللى كانوا بيذلوا التلامذه وبيتغطرسوا عليهم فى المدارس الثانويه وكانوا بيعاقبوا التلامذه على اقل غلطه، وكات السنه الدراسيه تعدى من غير ما التلامذه يعرف حتى اسم المدرس الانجليزى اللى طالع فيها، لكن فى أجازة الصيف كان سلامه موسى بيتهنا بعيشته فى الأرياف، وكان بيقضى الصيف فى السمر واللعب ونزول الترعه وركوب الحصنه مع عيال قريته. وبيوصف سلامه موسى عيشة الأرياف اياميها بانها كات كويسه من الناحيه الصحيه وماكانش فيه أمراض زى البلهارسيا والانكلستوما اللى انتشرت بعد كده بسبب تشبع التربه بالميه بسبب مشاريع الرى اللى عملها الانجليز اللى كانوا مستعمرين البلد وحولوا مصر لمزرعة قطن. وبيوصف سلامه موسى حالة المجتمع القبطى فى الزقازيق أياميها بانه كان مسيطر عليه تجمد دينى، وكات الستات، مسلمين ومسيحيين، ببيلبسوا البراقع وماكانوش بيخالطم الرجاله وكان طبو حد ينادى واحده باسمها فى الشارع.

سلامه موسى خد شهادة الابتدائية سنة 1903 بس مش معروف كان عمره أياميها قد ايه بالظبط اكمن اياميها ماكانش لسه فيه تسجيل مواليد وحاجات من دى. وكل اللى خدوا شهادة الابتدائيه فى كل مصر سنتها كانوا بتاع تلتميت أو ربعميت تلميذ، وفى كل مصر ماكانش فيه غير تلت مدارس ثانويه فى القاهرة واسكندريه بيتسلط عليها الانجليز ومدويرنها بطريقة ثكنات العسكر.

راح سلامه موسى على القاهره ودخل المدرسه الخديويه اللى كان ناظرها راجل انجليزى اسمه شارمان  كان بيتلذذ ويتفنن فى تعذيب التلاميذ المصريين هو والمدرسين الانجليز، وكان شارمان ده مكروه من التلاميذ لدرجة ان سلامه موسى بيقول ان كل اللى كانوا تلاميذ فى المدرسه الخديويه اكيد فرحوا لما شافوا اسم شارمان ده فى لستة اللى غرقوا فى باخره فى أواخر الحرب العالميه الاولى.

قعد سلامه موسى تلت سنين عذاب وبهدله فى المدرسه الخديويه واتخلف فى الدراسه اكمن كمان عينه جالها مرض وعملوله فيها عمليتين. فى القاهره شاف سلامه موسى الأتوموبيل لاول مره فى حياته وكان فيه ترماى بس ماكانش فى كل حته فالناس كانوا لسه برضه بيركبوا الحمير وكان السقا لسه موجود بيودى الميه للبيوت فى القربه.

 المندوب السامى البريطانى وقت حادثة دنشواى
في الأيام دى كان فيه حاجتين شاغلين المجتمع المصرى، الاحتلال الانجليزى وحركة قاسم امين بتاعة تحرير المرأه. وكان الحزب الوطنى هو اللى قايم باكبر جهد فى موضوع مواجهة الاحتلال الانجليزى. وده حزب كانوا عملوه بتسليط الخديوى عباس سنة 1897 شوية شبان متنورين ووطنيين وهما : مصطفى كامل و أحمد لطفى السيد ومحمد فريد ومحمد عثمان ولبيب محرم وسعيد الشيمى، وكان جرنالهم  اللواء  بيناقش الموضوع بشجاعه وبيطالب بطلوع الانجليز من مصر وكانوا الشبان بيحبوه وبيقروه. وكان فيه ويا  اللواء  جرنالين تانيين كانوا بيتقروا أياميها، واحد اسمه  المؤيد  وده كان جرنال اللى بيحبوا الخديوى عباس زى التراكوه والمحافظين المصريين، و المقطم  وده كان فى صف الانجليز وبيقراه الموظفين. وفى سنة1907 حصلت حادثة دنشواى ، وهاج الحزب الوطنى ومصطفى كامل، وانقلبت الدنيا على كرومر المندوب السامى البريطانى فى مصر فشالته بريطانيا بعد ما حست انه حايتسببلها فى مشاكل فى مصر. وكرومر ده كان راجل استعمارى كبير أخد تربيته السياسيه فى الهند، وهو اللى حول مصر لعزبة قطن وحارب التصنيع فى مصر.

فى الجو ده عاش سلامه موسى فى القاهره وزعل جداً وجاتله قهره من اللى حصل للفلاحين فى دنشواى، ولما أصدروا الحكم عليهم اتصدت نفسه ع الأكل كام يوم وحس بكره كبير للانجليز المستعمرين المعتدين على مصر، بس اللى حصل فى مصر بعد كده خلاه يحس ان الوجدان الوطنى للمصريين بقى له مكان فى مصر وان الشعب المصرى كله بمسلمينه واقباطه بقم ايد واحده ضد المستعمر . وكان سلامه موسى طبعاً بيحب القرايا والتعلم وكان بيقرا الجرانيل ومجلات  المقتطف  بتاعة يعقوب صروف ، و  الجامعة  ، والكتب اللى كان بيلاقيها. بس أياميها ماكانش فيه مجلات اسبوعيه والوضع فضل على كده لغاية سنة 1914 لما أصدر هو بنفسه اول مجله اسبوعية فى مصر وكان اسمها مجلة  المستقبل .

في القاهرة اتعرف سلامه موسى على مجلة  المقتطف  و مجلة  الجامعة . الأولانيه كات مجلة بتهتم بنظرية التطور بتاعة داروين اللى شدت اهتمام سلامه موسى وبقى متحمس لها. وبيقول سلامه موسى ان مجلة المقتطف دى اثرت على طريقه تفكيره، واديته النزعة العلمية اللى قعدت وياه طول حياته، وطريقته المختزله فى الكتابه اللى مافهاش تزاويق ومط كلام مالهوش لزمه. ومن مجلة  الجامعة  اتعرف سلامه موسى على الأدب الغربى وانفتحت له دنيا براح كات لسه جديده عليه وعلى مصر اللى كان كل المتاح فيها وقتها أدب السلطه والعقائد والتقاليد وبس. وكات الناس فاكره ان الأدب ده عباره عن قواعد بيان وبلاغه واجترار لموروثات من الأجداد تتحفظ وتتصم زى ماهى من غير تفكير أو ابداع ، على عكس الأدب الأوروبى، اللى كان أدب عقل وكفاح ضد الموروثات الجامده والاستبداد العقائدى والتخاريف والغيبيات، ودى الحاجات اللى كات كابسه على مصر أياميها ومخمله فكر الناس ومجمداه. طبعاً الكلام ده كان فى بداية القرن العشرين ولسه ماكانش طلع فى مصر كتاب القصه والروايات والدراما المصريين اللى عملوا نقله كبيره فى الأدب المصرى المعاصر بلغة بسيطه وحوارات بالمصرى قريبة من الناس زى نجيب محفوظ وتوفيق الحكيم و يوسف ادريس و يوسف السباعي و غيرهم كتير ماكنش حد يحلم بيهم زمنها. وأياميها طلعت كمان كتابات أحمد لطفي السيد في الجرانيل وأخد معظم المصريين، مسلمين ومسيحيين، صفه في دعوته ان مصر للمصريين وبس، وان المصري لازم يكون انتمائه الأول والاخير لمصر وثقافتها مش لحد تاني، زائد مطالبته بتبسيط لغة الكتابه في مصر بدرجه تأربها من اللغه اللى بيتكلمها المصريين في عيشيتهم ومعاملاتهم اليوميه.

اشتغل سلامه موسى كام شهر فى جرنال  اللواء  بتاع الحزب الوطنى، واتمرن على الكتابه الجرناليه، وعرف شويه حاجات بتخص وضع مصر الداخلى، وبعدين سابها وسافر بالخلفيه دى على فرنسا في سنة 1908 وعمره 19 سنه، وعدى على تركيا وشاف الدوله العثمانليه وهى بتنازع فى أخر أيامها، وشاف موكب السلطان عبد الحميد. وسلامه موسى كان بيطلع له معاش من أبوه بتاع تلاتين جنيه فى الشهر، وده كان مبلغ معتبر أياميها خلاه حر نفسه مش محتاج لوظيفه. شاف سلامه موسى فرنسا المتنورة واتعرف على أدبائها وكتابها ، وشاف الست الفرنساويه الحره الصريحه، وافتكر حال الستات فى مصر وعشيتهم ورا البراقع البيضه بعقول وفى بيوت متخدره. وبيقول سلامه موسى انه لغاية الوقت ده كان عمره ماكلم ست مصريه، اكمن الاختلاط كان طبعاً من المحرمات اياميها، وانه حس ان كرامته الوطنيه مجروحه ومهدره بسبب وضع الستات فى مصر. ورجع سلامه موسى مصر بعد سنه بعد ما اتعلم فرنساوى واتعرف على الأحزاب السياسيه والاشتراكيه اللى كان بيروج لها الاشتراكيين فى جرنال الأومانيتيه، ولقى مصر بتطور وظهر فيها جرنال  الجريدة  بتاع حزب الأمه، وده كان حزب بيروج للوطنيه المصريه. ولقى كمان فيه واحده ست اسمها  ملك حفنى ناصف  بتكتب فى الجرانيل باسم  باحثة البادية ، وشاف الأنسه  نبويه موسى  خدت شهادة البكالوريا غصبعن دنلوب مستشار وزارة المعارف اللى ماكانش موافق عل الموضوع. ولقى مظاهرات بتطالب بخروج الانجليز. أول حاجه عملها أول ما رجع مصر راح على شركة كوك وحجز رحله للصعيد والأقصر عشان يتفرج على أمجاد مصر، واللى خلاه يعمل كده انه لما كان فى أوروبا لقى الناس مهتمه بتاريخ مصر وبتسأله عن الموضوع بصفته مصرى. بس أياميها تاريخ مصر كان مغيب عن المصريين لان الانجليز المحتلين البلد كانوا طبعاً مش عايزين المصريين يعرفوا ان بلدهم سادت الدنيا لان ده أكيد حايخليهم يفتخروا بتاريخهم وبلدهم ويقولوا عاوزين الاستقلال. وبيقول سلامه موسى انه من يوميها وهو بيهتم بثقافة وتاريخ مصر الفرعونيه وده اللى خلاه يألف كتاب  مصر أصل الحضارة  اللى نشره سنة 1935، وقال في مقدمته :  اننا أولاً من حيث السلالة مصريون، يجرى فى عروقنا الدم الذى كان يجرى فى جدودنا قبل خمسة آلاف سنة، واللغة لم تنقطع بيننا وبين عصور الفراعنة، لأنها لاتزال حية فى الكنائس المصرية ... وأما السياسة والاجتماع والفنون ، فانها جميعاً تعود فى الأصول والأسس الى مصر القديمة. لأن الحضارة اختراع مصرى قديم . وكمل :  وكما لكل فرد شخصيته التى تتألف من تراثه البيولوجى والاجتماعى، كذلك لكل أمة شخصيتها التى تتألف من تاريخها وتراثها الثقافى والاجتماعى ولذلك لا يمكننا أن ننظر الى الأمة الا باعتبار ما لها من وحدة التاريخ .

قعد سلامه موسى فى مصر شهرين وسافر على لندن، وأياميها بقى ماكنش فيه باسبورتات وتعقيدات وكات الناس بتسافر وبتتنقل من بلد لبلد على كيفها. وركب سلامه موسى باخره كات جيه من الهند ورايحه على انجلترا وكان عليها موظفين انجليز راجعين من الهند. وحس سلامه موسى بالوحده في سفريته دى لان الانجليز كانوا مقاطعينه وبيتغطرسوا عليه لانهم كانوا متعودين يعاملوا الهنود والشرقيين بالطريقه دى. بس لقى شوية هنود مركونين زيه واتسلى معاهم وهما بيتفرجوا على اللى سماه  الاستغراض الامبراطورى . وبعد ما وصل لندن راح يدرس القانون عشان ياخدله شهاده بس مل من دراسة القانون الانجليزى وبالذات القوانين بتاعة مشاكل التجاره البحريه فساب الدراسه. وفى لندن حط سلامه موسى هدف لنفسه وهو محاربة الاستعمار الانجليزى ومحاربة الرجعيين المصريين اللى بيعارضوا العلم ومساواة المرأه وبيروجوا للغيبيات والجهالات. ودخل سلامه موسى الجمعيه الفابيه ، ودى كات جمعيه بتروج للاشتراكيه عند الطبقه المتوسطه والطبقه الغنيه فى انجلترا، وكان بيتزعمها جورج برنارد شو و هـ.ج.ولز. وعن طريق الجمعيه دى قدر يتعرف على الأدب الأوروبى والأدب الروسى والتطورات اللى كات بتحصل أياميها بالنسبه للمجتمع والاقتصاد والدين.أفكار برنارد شو بالذات أثرت على تفكير سلامه موسى اللى بيقول :  تأثرت كثيراً ببرنارد شو  و أمضيت من حياتى نحو أربعين سنه وأنا اتعلم على يدى هذا الحكيم  . وكات لندن وقت مازارها سلامه موس فى ثوره على العصر الفكتورى المتحفظ. واتعرف سلامه موسى كمان على جمعية العقليين، ودى كات جمعيه بتطبع مؤلفات علميه مبسطه، ودخل كليات بتدرس المصرولوجيا والبيولوجيا والاقتصاد. وواظب سلامه موسى على زيارة المتحف البريطانى المليان بأثار من مصر وفيه مكتبه كبيره جذبته فبقى يروح يقرا فيها. واتضح له ان الستات فى انجلترا بيتمتعوا بحريه اكبر من الستات الفرنسويات، وكات أياميها الحركه النسويه عامله عمايلها في انجلترا والستات كانوا بيطلعوا فى مظاهرات يملوا بيها الشوارع ويطالبوا بحقوقهم وبيشتبكوا مع البوليس .

وهو فى لندن فى سنة 1910 كتب سلامه موسى مقاله اسمها  مقدمة السوبرمان  وبعتها لجرجى زيدان فى مصر فنشرها له فى مجلته  الهلال  بعد ما شال منها شوية كلام جرىء، والمقاله دى حطها سلامه موسى فى كتابه  اليوم والغد  اللى نشره سنة 1928 بعد مازود عليها شوية كلام.

رجع سلامه موسى مصر بتجربته فى أوروبا مليان حماس وشوق لنشر النور والعلم ومكافحة الجهالات فى كل حته فيها. رجع متأثر بنظرية التطور بتاعة داروين بس بمعناها الرحب مش مجرد التطور البيولوجى وبس، التطور فى كل حاجه، فى الثقافه، فى المجتمع، فى الأدب، فى اللغه، وفى كل حاجه فى الدنيا متعلقه بعيشة الانسان. وكتب سلامه موسى فى مجلة  البلاغ  سلسلة مقالات عن نظرية التطور وجمعها بعد كده فى كتاب اسمه  نظرية التطور وأصل الانسان  وكان بيقصد فيه زى ما بيقول  مكافحة الغيبيات الشائعة. . وفى الاقتصاد أثرت عليه أفكار كارل ماركس وتحليلاته الاقتصاديه والاجتماعيه . وبيقول سلامه موسى ع الاتنين دول :  داروين وماركس، كلاهما قد غرس فى رأسى مركبات ذهنية وجعلنى أنظر الى الدنيا والى الأحياء فى استغراض علمى وتحليل اقتصادى وسيكلوجى . كتابات هـ. ج. ولز وتبشيره بان العالم حايتغير فى نظمه وأخلاقه لان الماكينه حاتخليه يبقى زى قريه كبيره، الناس فيها سواسيه متفاهمين وبيتكلموا بنفس اللغه وبيمارسوا نفس الثقافه، كمان أثرت على نظرة سلامه موسى للدنيا. وسلامه موسى بيسمى ولز  الأب الروحى للعالم الجديد  بس بيقول عنه ان أثره عليه كان نفسى أكتر منه ذهنى. درامة  بيت الدمية  بتاعة النرويجى هنريك ابسن اللى ناقش فيها وضع الستات فى البيت والمجتمع، وان الست لازم تتحرر من سيطرة الراجل ومتبقاش زى مجرد عروسه لعبه فى البيت، أثرت كمان على سلامه موسى وادته شحنه ذهنيه يكافح بيها وضع الستات المتخلف فى مصر أياميها. وعن ابسن بيقول سلامه موسى :  كان وقعه فى نفسى كبيراً، اكبر مما كان فى نفوس قرائه الأوروبيين. وذلك لأنه كان يجدد فى مجتمع كنت أعده أنا جديداً بالمقارنة الى مجتمعنا المصرى الجامد   فوق دول طبعاً كان برنارد شو والاشتراكيه اللى كان بيروج لها فى أوروبا واللى عجبت سلامه موسى واتهوس بيها وكتب عنها فى مصر واداها اسم  الاجتماعيه  .

فى سنة 1914 ابتدى سلامه موسى ينشر مجله اسبوعيه اسمها  المستقبل ، ودى كات أول مره فى مصر تطلع فيها مجله اسبوعيه وكمان كات أول مجله فى مصر تطلع فيها صوره لـطه حسين اللى كان أياميها ثاير على حالة التجمد الدينى ، وقعد ينشر فيها لغاية ماقامت الحرب العالميه الأولى فطلبوه الانجليز فى ادارة المطبوعات وهددوه بانه حايتشحور فى معتقل لو ماسمكرش المجله، لان كان فيها افكار اشتراكيه ومقالات عصريه ماكاتش على مزاجهم، وبعد ماقفلها وارتاحوا من كلامه ندهت عليه  مى زياده  وقالت له انه ممكن يحرر جرنال  المحروسه  اللى كان أبوها بينشره وماكانش ماشى، فوافق وقعد يحرره كام شهر لغاية ما طهق من رقابة ادارة المطبوعات فساب الجرنال وراح عاش فى الريف يقرا ويستطلع لغاية الحرب ما خلصت، وشاف أياميها الانجليز بيقبضوا على الفلاحين ويربطوهم بحبال ويرحلوهم على فلسطين يحاربوا وهما مالهمش لا فى التور ولا فى الطحين وأكترهم راحوا ومارجعوش.

فى سنة 1916 اتوفت امه اللى كات عايشه وياه ففضل قاعد فى الريف لغاية ما مل فاشتغل مدرس عشان يعلم الناس ويقضى وقته وقعد عل الحال ده لغاية ماقامت ثورة 1919 فراح واخد نفسه وتنه رايح على القاهره عشان يبقى جنب الأحداث وعشان يشوف له جرنال يشتغل فيه وينشر فيه أفكاره اللى بتحارب التخلف والطغيان. وبيحكى سلامه موسى انه لما طلب تصريح السفر للقاهره بص له الموظف الانجليزى وعينه مولعه شرار وقاله :  أستكلال، هه ! . وصل سلامه موسى القاهره لقاها مقلوبه والاضرابات والمظاهرات شغاله ولقى المصريين شايلين الهلال والصليب فوق روسهم، والقساوسه بيخطبوا فى الأزهر، والستات طالعين فى مسيرات وبيشيلوا البراقع والحبرات من على وشوشهم بعد ما عششت عليها قرون. يوميها اتفق المصريين، مسلمين واقباط، رجاله وستات، موظفين وفلاحين، على ان مصر دى بلدهم كلهم، أمه مصريه واحده لازم تعيش حره من المستعمرين الخواجات والرجعيين المحليين اللى بيروجوا لثقافه متخلفه ماتمتش لمصر بصله ودخلتها خلسه وفضلت قاعده على قلبها. لما سافر سلامه موسى أوروبا ماكنش يعرف فى مصر الا مسرح سلامه حجازى لكن فى ثورة 1919 ظهر مسرح الشعب المصرى، أوبرتات سيد درويش بكلام الفلاحين والصنايعيه، وغنت مصر معاه  قوم يا مصرى . الأمه المصريه اياميها وعت بنفسها.

وبعد ما اشتغل سلامه موسى له كام يوم مدرس فى مدرسة التوفيق بقى محرر فى مجلة  الهلال  ومجلة  البلاغ  وكون مع كام واحد من صحابه المثقفين المتحمسين للنهضة والتغيير الحزب الاشتراكى، بس الحزب ماعمرش بعد ما انفصل عنه واحد اسمه حسن العرابى مع شوية شبان وسابهم وسافر على اسكندريه وكون حزب شيوعى. حسن العرابى ده سافر بعد كده أوروبا وراحت الحكومه وهو بره ساحبه منه الجنسيه وماعرفش يرجع مصر تانى، وده كان السبب اللى خلى سلامه موسى مايروحش أوروبا تانى اكمنه كان خايف يسافر يقوموا ساحبين منه الجنسيه ومايقدرش يرجع مصر تانى. سلامه موسى بيقول أفكار الاشتراكيه اللى كان بيكرها المستعمرين الانجليز فى كل حته وأفكار حزب الوفد فى مصر بتاع سعد زغلول و احمد لطفى السيد و مكرم عبيد كات متفقه مع بعض بخصوص الاستقلال .

فى سنة 1930 عمل سلامه موسى جمعيه سماها  المصرى للمصرى  ودى كات جمعيه بتطالب بمقاطعة بضايع الانجليز، وكان وكيل الجمعيه  أحمد حسين  رئيس جماعة  مصر الفتاه ، ومع ان الناس اتحمست للفكره وايدتها لكن باظت لان حكومة  اسماعيل صدقى باشا  حاربت الجمعيه لغاية ماخلصت عليها. وكتب سلامه موسى للمهاتما غاندى فى الهند اللى كان هو كمان بيكافح الانجليز والتخلف هناك بطرق زى دى، وطلب منه يبعت له كتب عن حركة الغزل والنسيج اللى كان عاملها فى الهند والالات اللى بيستخدمها الفلاحين الهنود ، فما اتأخرش غاندى وبعت له على طول كل اللى طلبه. ولسلامه موسى كتاب اسمه  غاندى والحركه الهنديه  ألفه من كترة اعجابه بغاندى وعشان ينقل لمصر افكاره وطرقه اللى كان بيحارب بيها التخلف والاستعمار فى الهند. وكتب سلامه موسى انه لازم يكون فيه محل كبير فى نص البلد بيبيع المنتجات المصريه، ولما قرا  طلعت حرب  المقاله دى عجبته ونادى عليه وناقشه فى الموضوع، وفكرة سلامه موسى دى كات بذرة المحل اللى اسمه  شركة مصر لبيع المصنوعات المصرية .

سلامه موسى كمان نادى بتصنيع  الموتور  فى مصر باعتبارة عماد الصناعه الحديثه لكن للأسف مفيش حد اهتم. ده اكمن كفاح سلامه موسى السياسى ، زى ماهو بيقول، كان جزء من كفاحه الاجتماعى والاقتصادى وكفاح سلامه موسى السياسى كان قايم على حاجتين : تقوية نخوة المصريين الوطنيه عن طريق تفكيرهم بأجدادهم الفراعنه صناع الحضاره اللى خرجوا البشر من العصر الحجرى لعصر الزراعه و سادوا الدنيا بعلومهم وفنونهم ودينهم. وعشان كده ألف كتابه  مصر أصل الحضارة . والحاجه التانيه تفكيرهم بأحمد عرابى الراجل المصرى الوطنى الشجاع اللى وقف ضد الطغيان. وعن عرابى ترجم كتاب  بلنت  اللى اسمه  التاريخ السرى للاحتلال البريطانى لمصر . ومع الكتابين دول ألف سلامه موسى كمان  حرية الفكر وتاريخ أبطالها  واتكلم فيه عن كفاح الشعوب عشان تنال حريتها وعزتها. و  حرية العقل فى مصر  وطالب فيه بقلم الكاتب الجرىء النزيه لغى قوانين المطبوعات وادارة المطبوعات اللى كانوا بيحدوا من حرية الكتاب ونشر المجلات والجرانيل، اكمن الرجعى اللى بيروج للتخلف والجهل مايكرهش حاجه قد مايكره الكلمة والفكره الحره، وده اللى حصل لما رجع  اسماعيل صدقى باشا  للوزاره راح مطلع قانون أنيل يكربج بيه الكتاب ويحد بيه من حرية اصدار الجرانيل والمجلات لدرجة انه منع  فؤاد سراج الدين  اللى كان فى الأصل وزير من اصدار جورنال. وبالرغم من كده بيقول سلامه موسى :  ولكن مما يبعث السرور الى نفسى أنى لم أتضعضع، ولم أترك المعسكر الوطنى لمكافحة المستبدين والمستعمرين كما فعل كثير من الأدباء ممن طمسوا النور الذى كان فى قلوبهم وأطفأوا وهج نفوسهم، كى يصلوا الى حياة أو مال، فانحازوا الى الاستعمار الأجنبى أو الاستبداد الوطنى .

سلامه موسى عاش فى أواخر القرن 19 والنص الأول بتاع القرن العشرين. الفتره دى كات فتره مهمه فى تاريخ العالم وكات مليانه تطورات وتبلور أفكار. بيوصف سلامه موسى الفتره اللى عاش فيها وبيقول  فانى عشت عمرى فيما بين 1887 و 1947 فى عصر انقلابى انفجارى رائع من حيث الاكتشافات والاختراعات والثورات. لأنه عصر المعارك التاريخية والصراع الخطير بين مجتمع آفل وبين مجتمع بازغ  . فى طفولة سلامه موسى ماكانش فيه فى مصر جامعه ولا حتى مدارس .وكان الدين متجمد والستات بيلبسوا براقع وعايشين مع رجالتهم فى ظلمات الجهل والتخلف. وكات حالة الفلاحين فى القرى كرب واكلهم الفقر والعيا، والعيشه فى المدن كات خامله ومستسلمه. أياميها كانت أقصى حاجه يفكر فيها الناس ان مصر أحسن لها تكون تابعه لانجلترا الغربيه ولا تركيا الشرقيه، ماحدش كان بيفكر فى ليه ماتبقاش مصر تابعه لثقافتها الخاصه، وكان اللى يفكر أو يفتح بقه مطالب بالتجديد، زى ماعمل الشيخ  محمد عبده ، بيتبهدل وبتتمسح بيه الأرض وبيطرد من البلد كمان. وكانوا يقعدوا يشنعوا عليه ويشوهوا صورته - زى ماحصل لمحمد عبده وأحمد عرابى - ويكرهوا الناس فيه. وكان اللى بيعملوا كده بيعتمدوا على جهل الناس وانتشار الفكر الاستبدادى فى البيوت والمجتمع. فى الظروف دى طلع سلامه موسى و أحمد لطفى السيد و قاسم أمين و طه حسين و سعد زغلول و مكرم عبيد و غيرهم كتير ، كلهم كانوا عدوين للمستبدين والرجعيين.

سفرية سلامه موسى لأوروبا خلته يكتشف حاجتين مهمين، الأولانيه ان العالم مليان أفكار و بيتطور ، والتانيه ان مصر بلد عظيمه لها تاريخ طويل غيبه المستعمرين والمستبدين جوه مصر مع ان الناس فى أوروبا عارفين ومهتمين بيه فلما رجع مصر لقى ان من واجبه التعامل على المحورين دول : تعريف الناس بتاريخ مصر وبانها أم الحضارة والترويج للأفكار اللى بتعج بيها أوروبا. ودول المحورين اللى كل عدوين مصر البرانيين ومروجى الجهالات المحليين ماطاقوهمش.

كافح سلامه موسى بقلمه عشان يغير ويطور الأوضاع السياسيه والاقتصاديه والاجتماعيه والثقافيه فى مصر و كل كتبه ومقالاته بتدور فى الحيز ده. وحتى اللغه طالب سلامه موسى بتطويرها لأسباب بسيطه لكن مهمه قالها فى مقدمة وتمهيد كتابه  البلاغة العصريه واللغه العربية  زى :  ان تأخرنا اللغوى فى مصر هو سبب من أعظم الأسباب لتأخرنا الاجتماعى  و منها كمان :  حين تحرم لغتنا من كلمات الثقافة العصرية تحرم أيضاً الامة المعيشة العصرية  وفوق ده:  أعظم المؤسسات فى أية أمه هو لغتها. لأنها وسيلة تفكيرها ومستودع تراثها من القيم الاجتماعية والعادات الذهنية  وفى فصل  اللغه والمجتمع  بيلفت سلامه موسى النظر لنقطه مهمه جداً وهى ان الكلمه الواحده معناها بيختلف من مكان لمكان حسب البيئه والمجتمع والتاريخ، وان اللغه الحيه بتتفاعل مع المجتمع وبتتغير مع تغييره، لكن لما تكون اللغه خاصه بفئة اجتماعيه معينه زى الكهان مثلاً بتتحجر لانها بتبقى بتعبر عن حاجه كات موجوده زمان ومابقتش موجوده دلوقتى ( على الأقل فى مصر وثقافتها المعاصره ) ، وعلى كده القيمة الاجتماعيه للكلمه المتحجره عباره عن صفر. من المنطلق المنطقى ده بيقول سلامه موسى ان المفروض ان مصر مايكونلهاش لغتين واحده كلاميه (عاميه) والتانيه كتابيه (فصحى)، لان اللغه الكتابيه فى الحاله دى بتنفصل عن المجتمع وبالتالى بتتجمد ومابتطورش. اللغه الحيه اللى بيستخدمها الناس فى المجتمع الحى لازم تكون قادره تطور لان تجميد الكلام، والخوف من استعمال كلمات جديده معناه تجميد التفكير السليم. وممكن يكون الواحد نبيه جداً والأيكو بتاعه عالى بس نقصاه الكلمات اللى يقدر يعبر بيها اكمنها مش موجوده فى المجتمع اللى عايش فيه فتبقى النتيجه ان نباهته دى على الفاضى لا هو بيستفيد منها ولا المجتمع اللى عايش فيه بيستفيد منه عشان كده سلامه موسى بيقول ان لازم :  نذكر انه على قدر ارتقاء اللغه ووفرة كلماتها ودقة معانيها يكون الانتفاع بذكاء أبناء الأمه . وطبعاً الخوف من الكتابه باللغه اللى بيتفاهم بيها المصريين وبيتكلموها مع بعض طول النهار له معنى أوحش من التجميد بس.

سلامه موسى وضح نقطه مهمه قالها  أحمد أمين  اللى هو كمان كان بيطالب بتبسيط اللغه. النقطه دى ان اضطراب المعانى وعدم فهم المقصود سببه ان المصريين ساعات بيستخدموا كلمات وجمل وردت على مصر من بيئات اجتماعيه وثقافات مش مصريه. وطبعاً لو عرفنا ان كل كلمه لها ايحاء عاطفى معين بتعبر عنه ممكن يبان لنا ليه ساعات بيحصل  حوار الطرش  بين الناس ، ده لان الكلام اللى دخل مصر بايحائته اللى اتكونت فى مجتمع بعيد عمل ازدواجيه فى المفاهيم. وطبعاً ممكن كمان تكون الكلمه اتكونت فى مصر أو وردت عليها من بيئة ثقافية متقدمة بس دخل فيها مفهوم من بيئات ثقافية متخلفة شوه معناها الأصلى فبقت الكلمه بتوحى بحاجتين أو أكتر حسب عقلية اللى بيستخدمها أو اللى بيسمعها.

فى كتابه  ما هى النهضة  بيوضح سلامه موسى ان اللغه هى قاعدة الثقافه. وانه مش ممكن ايجاد ثقافه راقيه ومحترمه بلغه جامده عايشه على ألفاظ قديمه.وعشان ترقى الثقافه وتطور لازم اللغه قبل كده تطور وألفاظها القديمه تاخد معانى جديده أو تدخلها ألفاظ جديده مستورده أو متصنعه محلياً. اللغه اللى ما تقدرش تتفاعل مع التطورات والنهضه ( مثلا زى اللاتينى فى أوروبا زمان ) بتضر الثقافه وبالتالى بتعيق التقدم الحضارى للمجتمع، لان الثقافه بدورها هى قاعدة الحضاره. فى العصور الوسطى كان اللاتينى هو لغة أوروبا وكان مرتبط بالدين بحيث ان الخروج عن اللاتينى كان بيعتبر كفر وزندقه واضرار بالدين من وجهة نظر المستبدين اللى كانوا مسيطرين على ثقافه القهر المنحطه اللى كات سايده وقتها وكانوا بيربطوا اللغه بالدين وبيستبدوا بالناس وبيوجهوا أفكارهم ويحددوا لهم المسموح وغير المسموح باسم الدين والعقيده. وفضل الوضع مجمد على الحال ده لغاية ما دخل الأوربيين فى عصر التنوير وبدأت البلاد الأوروبيه تتجه لاستعمال اللغات المحليه (العاميه) اللى بيتكلم بيها الناس في حياتهم اليوميه، وقدرت انها تتقدم بثقافتها وبالتالى تتحضر وتسود الدنيا بالعلم والمعرفه. والغربيين اللي اتفرض عليهم اللاتيني في عصور الظلام ما قدرش اللاتيني يوحدهم، لكن العلم والثقافه المتحضره اللي انبعثوا من لغاتهم القوميه المحليه قدروا يعملوا منهم كيان واحد، مختلف اللغات لكن متوحد اقتصادياً وسياسياً .

بيقول سلامه موسى عن عصور الظلام :  فيما بين سنة 500 وسنة 1000 استولى الظلام على أوروبا. وكان ظلاماً حالكاً. لأن الثقافة كانت وقفاً على الرهبان، يبحثون جغرافية العالم الآخر وهم لا يدرون جغرافية هذا العالم. ويشرحون للناس كيف يجب أن يموتوا بدلاً من أن يشرحوا لهم كيف يجب ان يعيشوا. ويشتبكون فى مشكلات  ذهنية  أولى بها أن يبحثها الأطفال ، وأن يضحكوا منها  .

سلامه موسى كان بيحبذ استعمال الكلمات العلميه وأسامى المخترعات فى الكلام والكتابه زى ماهى أو تعريبها أو تمصيرها مش ترجمتها. فكان فى رأيه انه أفيد استعمال كلمات زى انثروپولوچيا و بيولوچيا و ديموقراطيه وديكتاتوريه و راديو و جرامافون و تليفون و اوتوموبيل و ترام وغيرها. وأياميه كان لسه بقى مفيش ساتالايت و تلڤزيون و ڤيديو و ديجيتال و موبايل و كومپيوتر. لان دى كمان كلمات كوكبيه بتقرب أذهان الناس من بعضها وبتحد من الانعزال والكره .
وسلامه موسى شاف ان استعمال الحروف اللاتينيه فى كتابة اللغه المصريه زى ما اقترح  عبد العزيز فهمى  له ميزه تخلى مصر تنط للمستقبل لان دى حروف الحضارة والعلوم المعاصره، وحايسهل نقل العلوم الغربيه لمصر من غير حساسيه وتعصب زى ما عملت تركيا اللى بقت سيكولاريه وادت ضهرها للعصر العثمانلى .

طبعاً لازم الأخد فى الاعتبار ان سلامه موسى بينتمى لنص القرن العشرين الأولانى ولسه ماكانش طلع الأدباء والكتاب والصحفيين المصريين اللى كتير منهم اتلمذوا على ايديه وعملوا نقله كبيره فى أساليب الكتابه وطوروها وبسطوا الكلام المكتوب، وأياميه كات الكتابات معقده ومليانه بلاغ وبيان وكلام ممطوط يصعب فهمه على الناس العاديين فى مجتمع كان الجهل والأميه سايدينه، لكن الحلو انه وغيره أياميها قدر يقول رأيه بحريه ويدخل فى معارك فكريه جامده مع كتاب كان لهم رأى تانى وبينتموا ذهنياً لعكس اللى كان هو بينتمى له، زى عباس العقاد و مصطفى صادق الرافعى ، اللى رد عليهم سلامه موسى بعلمه و رحابة ثقافته العصريه لما حاولوا يقحموا فى الموضوع حاجات مالهاش دعوه لا بعلم ولا بثقافه زى ما حصل مع محمد عبده و طه حسين و مفكرين غيرهم طالبوا بالتجديد والتغيير. وكلمة  ثقافه  نفسها كلمه دخلها سلامه موسى فى قاموس اللغة فى مصر.

النهضه عند سلامه موسى معناها التطور و التقدم لقدام مش الرجوع لورا ، و مع حماسته للحضاره المصريه القديمه عمره ما طالب بالرجوع لعصر الاسلاف و تقاليدهم. و بيقول عن دعوة الملك ابساماتيك لاحياء امجاد مصر بشعار  العوده الى القدماء  ان الشعار ده كان  شعار الافلاس  و ده لان مصر فى عصر صاحب الشعار كانت أسمى مما كانت ايام خوفو ، مصر ما كانتش محتاجه للتقهقر على ورا حوالى 2500 سنة . النهضه عند سلامه موسى كانت الأخد بالعلم الحديث و تطوير المجتمع و الثقافه. التحمس للفرعونيه و امجاد مصر القديمه كانت بالنسبه لسلامه موسى مجرد حافز للتقدم و النهوض بمصر مش دعوه للرجوع للماضى.

فى 12 يوليه 1946 اتقبض على سلامه موسى و اعتقل فى سجن الازبكيه فى زنزانه مضلمه مع المجرمين و قطاعين الطرق بتهمة انه بيروج للجمهوريه أو الشيوعيه. ليلتها ما قدرش ينام من خشونة اسفلت الزنزانه ففضل صاحى يفكر فى الحريه اللى كان بيتمتع بيها سنة 1914 لما كان بيكتب مقالات فى مجلة  المستقبل  و قعد يفتكر الجهد اللى عمله فى الدراسه و التأليف و يفكر فى العشرين كتاب اللى كان كتبهم لغاية يوميها عشان ينور و يعلم شباب مصر و يرتفع بيهم لمثاليات القرن العشرين و يخرجهم من ظلمات القرون اللى عدت. و بعدين اتأمل حاله على الاسفلت الخشن و ازاى انه ماجمعش فلوس و لا حتى حصل على الكرامه اللى بيستحقها اللى بيخدم و بيخلص فى الخدمه. و لقى جنبه نص الرغيف و هو العشا اللى قررتهوله الحكومه الملكيه المصريه اياميها كجزاء ليه على عمره اللى قضاه فى خدمة مصر. قعد يفكر و يجتر بألم لغايه الصبح فدخل عليهم راجل بقفه فيها عيش و ناوله رغيف منهم للفطار فراح حاطه على النص رغيف اللى اكله بالليل. بيقول سلامه موسى بالخصوص ده :  وهكذا يفعل بنا الاستعمار و الاستبداد المتحالفان  . دى ما كانتش اخر مره يتقبض فيها على سلامه موسى ففى مايو 1947 و هو عنده ستين سنه قبضت عليه السلطات بتهمة رمى قنبله على مبنى سينما فى القاهره و قومه البوليس الساعة تلاته الصبح و نقله على القسم و اعتقل ، و الصبح اتحول للنيابه للتحقيق معاه. بيحكى سلامه موسى ان الاعتقال ده خلاه يفكر و يتأمل فى حال مصر 

سلامه موسى كان تطورى ، و عاشق للحريه ، و وطنى ، و يعشق مصر لأقصى الحدود ، و على قد ما كان بيحب انجلترا و النهضه اللى فيها كان بيكره الاستعمار الانجليزى و بيعتبره سبب التخلف اللى كان فى مصر اياميه، وما كانش بيحب الملك فاروق و كان بيعتبره رمز للفساد فى مصر و خطر عليه هو نفسه. لما قامت ثورة 23 يوليو رحب بيها سلامه موسى و كتب :  كان فساد الحكم ، قبيل خلع الشقى فاروق ، قد بلغ أقصاه. و كانت السراى تستخدم كل من شاءت من الموظفين ، و خاصة الجواسيس ، لتعقب جميع اللى يشتبه فى سلوكها نحوها  و بيضيف  كان يوم خلع فاروق يوم التهانى تصل الى عن طريق التليفون ، و بالمصافحه فى الطريق ، و بالزياره لبيتنا حين كنا نقدم الشربات للمهنئين  .

بيعتبر سلامه موسى تأميم قناة السويس ، اللى هو نفسه طالب بيه و كتب عنه سنة 1947 قبل ما تقوم الثوره، أعظم حاجه عملتها الثوره بعد ما اتخلصت من الملك و الاقطاعين و الانجليز ، و بيقول :  وكان أعظم ما قامت به الثوره ، بعد ذلك ، هو الاقدام على تأميم قناة السويس سنة 1956  .

سلامه موسى اتوفى سنة 1958 و بالتالى مش معروف ايه كان حايكون رأيه فى التطورات اللى حصلت فى مصر فى ستينات القرن العشرين.

بيعتبر سلامه موسى الفلسفه و الدين حاجه واحده و ان اللى بيدرس الفلسفه و الاديان بروح التعلم بيلاقيهم مندمجين بدرجه كبيره ، و بيقول ان السبب فى ده هو ان مقاييس الدين هى نفسها مقاييس الفلسفه و ان قضية الدين هى نفسها قضية الفلسفه اللى هى : ازاى نفكر التفكير السليم و نعيش عيشه هنيه؟. صحيح الدين بيطالب الانسان بالتسليم و الفلسفه بتطالبه بالمنطق ، لكن الحال مش دايماً كده و مفيش حدود واضحه بين الاتنين لان ساعات الدين فيه منطق و الفلسفه فيها تسليم. و بيحكى انه وهو صغير شك فى الغيبيات السايده و لما كبر شويه الايمان بالغيبيات اتطور عنده للايمان بالقيمه الاجتماعيه للدين و الفلسفه و لتربية الضمير اللى بتوصل لتغلب القيم البشريه على القيم الاجتماعيه و الماديه. لما اكتشف نظرية التطور فى شبابه حس ان نظرية التطور بتاخد مكان الدين فى نفسه. و بيقول سلامه موسى ان الايمان بالغيبيات مش شرط للايمان بالدين لان المعارف العلميه بتدى الانسان نزعات دينيه. بيعتبر سلامه موسى ان ضميره الدينى مصدره البوذيه و الاسلام و المسيحيه و الهندوكيه و علوم زى السيكولوچيا و البيولوچيا و التاريخ و الانثروپولوچيا. العلوم دى علمته مآسى الماضى و الحاضر و الامل فى المستقبل ، و على الاساس ده ، زى ما بيقول ، ديانته موضوعيه منطقيه مش ذاتيه و لا عقائديه. الكنيسه القبطيه بالنسبه له كنيسه قوميه مصريه و بغض النظر عن الدين فهى بتدى احساس تاريخى. الدراسه الصح للتاريخ لازم تكون موضوعيه علميه زى دراسة اى علم تانى مش على اساس دينى و دراسة تاريخ مصر مابتبقاش موضوعيه لو كانت على اسس دينيه. بيقول سلامه موسى انه كان نفسه يألف كتاب عن المسيح لكن ما قدرش لانه كان عارف ان حا تحصل التباسات بينه و بين طايفه من القراء و حس انه ممكن يسبب آلام للى سماهم  المطمئنين المستقرين اللى مش حايلاقوا طمئنينه و يقين فى اللى حايكتبه من واقع الحقيقه . لما سلامه موسى كبر بقى بينفر من الغيبيات لأسباب اجتماعيه لانه اعتبر ان الغيبيات حاجه جبريه مافيهاش حرية الماديات يعنى التفكير المادى حر متطور لكن التفكير الغيبى مقيد جامد و الانسان بيتحرر بالتفكير المادى و بيتقيد بالتفكير الغيبى.
بيقول سلامه موسى ان كل الكتب المقدسه سيان بالنسبه له ، و انه جنبها بيهتم بكتب كتيره فى الفلسفه و الادب و حركة  البشريه  اللى هى عباره عن ديانه بتستبعد الغيبيات و بتؤمن بالرقى الانسانى القايم على التطور. سلامه موسى كان بينصح الشبان بقراية سيرة السلطان اكبر الهندى اللى حكم فى القرن الستاشر و اللى حاول يجمع المسيحيه و الاسلام و اليهوديه و الهندوسيه لكن فشل و بيعتبر سلامه موسى انه فشل لانه اعتمد على رجال الدين مش على المدنيين.

بيقول سلامه موسى اننا لازم ننمو و نتطور و نعمل جهدنا لاستخلص الحقيقه من المعرفه . بطبيعة الحال سلامه موسى المطلع كويس على التاريخ كان ضد الدوله الدينيه و الحركات الدينيه ، و فى جواب منه لابنه رءوف اللى كان بيدرس فى انجلترا كتب :

سلامه موسى بيعتبر ضمن اكبر مفكرين مصر فى القرن العشرين ، اتلمذ على افكاره عدد كبير من اهم الكتاب المصريين ، كافح ضد الجهل و الجمود و ماقدرتش الاغراءات تغير افكاره ، و فى حياته حس بالاهمال من الدوله فى العصر الملكى و اتقاطع ، و بيحكى انه مرت عليه فتره ما كانش بيدخل جيبه غير خمسه جنيه فى الشهر تمن لمقالاته فى  مسامرات الجيب  اللى كان من ضمنها المقاله اللى طالب فيها بتأميم قناة السويس. ما بين سنة 1947 و 1952 اتعود البوليس السرى على خطف كتبه من مكتبة كادموس بحجة انها محرمه. سلامه موسى عاش تقريباً على بيع املاكه اللى ورثها و عمر وزارة المعارف ما اشترت منه كتاب و لا اشتركت فى مجلته  المجلة الجديدة  ، و الاذاعه المصريه قاطعته على حد قوله  و كانى مش مصرى  ، و ما اخدش جوايز زى غيره من الكتاب اللى كانو بينافقو الدوله.

رغم كده ، سلامه موسى بيقول ان نجاحه كان من طراز تانى لانه نجح فى تغيير افكار شباب مصر و شجعهم على الاستقلال و الشجاعه و الاعتماد على العلم الحديث ، و ابتكر لهم اسلوب كتابى عصرى بيسهل الفهم ، و لفت النظر لضرورة استخدام الحروف اللاتينى بدل الحروف العربى زى ما عملت تركيا بعد ما اقتنع ان الاخيره بتعوق ارتقاء مصر العلمى و بتحجم ثقافتها.

بعد ما عدى سلامه موسى سن السبعين لخص افكاره اللى من ضمنها انه بيؤمن بالحقايق و عشان كده بيتمسك بالعلم ، و ان هدفه هو تحويل مصر من بلد شرقيه ضعيفه عايشه على التقاليد الباليه لبلد اوروبيه بيزدهر فيها العلم و الصناعه و استقلال الشخصيه.

بيقول طارق حجى :  قارى مؤلفات سلامة موسي النهارده ممكن يفهم ليه كتير متجاهلينه و أهم الأسباب دى هو التعصب الدينى و عدم القدره على المناقشه العلميه الهاديه مع أفكاره الصادمه للمحافظين زى ايمانه الراسخ بالتفوق الكاسح للحضاره الغربيه و ايمانه بنظرية داروين عن تطور الكائنات وعدم تقديره للآداب العربيه اللى بالعكس بيعتقد ان اللغه العربى شريك رئيسى فى تخلف الثقافه العربيه. واذا كان المناخ الثقافي المصري مااتحملش برحابة أفكار سلامه موسى وقت نشره لمؤلفاته (1910 - 1958) فمن السهل ان الواحد يأكد النهارده أن أجوائنا الثقافيه الحاليه حايكون رفضها أكتر للصوت الجرىء ده اللى قال للمصريين من حوالى قرن  انتوا فى الأول و الأخر مصريين و لازم تتجهوا لأوروبا ثقافياً و معرفياً و تؤمنوا بالعلم و انجازاته و تخلصوا عقولكم من الوهم و الخرافه و تعرفوا ان الآداب العربيه تقريباً شبه فاضيه من الثمار الحضاريه اللى حاتلاقوها بوفره فى اداب الحضاره الغربيه من زمن هوميروس و يوريبيدوس و اسخيلوس و أرستوفانيس و فيرجيل لزمن تشالز ديكينز و توماس هاردى و أوسكار وايلد و فيكتور هوجو و اناتول فرانس و اميل زولا و ابسن و ألبير كامو و سارتر و غيرهم من الثمار اليانعه للحضاره الحيه الوحيده النهارده على سطح الارض 

اتوفى سلامه موسى سنة 1958 بعد ما لعب دور تنويرى كبير و ساب للمصريين مجموعه كبيره من الكتب و المقالات بتدعو كلها للعلم و التطور و الحريه و المساواه.

لستة الكتاب المصريين




#Article 111: سميره موسى (392 words)


سميره موسى ( سنبو الكبرى ، 3 مارس 1917 - 15 اغسطس 1952). اول عالمة ذره مصريه ، و اول معيدة فى كلية العلوم فى جامعة فؤاد الاول ( جامعة القاهره الان ). اتلقبت بـ ميس كورى الشرق.

نشأت سميره موسى فى قرية سنبو الكبرى – مركز زفتى فى محافظة الغربية و ذهبت المنصورة مع والدها اللى اشترى لوكانده فى حى الحسين. فى المنصورة دخلت مدرسه قصر الشوق الابتدائيه و فى المرحله الثانويه دخلت مدرسة بنات الأشراف الثانويه الخاصه. فى كل مراحل تعليمها اظهرت نبوغها و تفوقها و اخدت جوايز كتيره و كانت الاولى على مصر فى شهادة التوجيهيه اللى خدتها سنة 1935. كان عندها ذاكرة فوتوجرافيه بتخليها تحفظ اللى بتقراه. دخلت سميره موسى كلية العلوم فى جامعة فؤاد الاول و بنبوغها لفتت نظر استاذها الدكتور مصطفى مشرفة اللى كان بيدرس وقتها فى كلية العلوم و كان اول عميد مصرى للكليه.

اتخرجت سميره موسى من كلية العلوم و كانت الأولى على دفعتها و اتعينت معيده فى الكليه بعد ما دافع عنها استاذها مشرفه لإن الاساتذه الانجليز كانو معارضين ، و اخدت شهادة الماجستير فى موضوع  التواصل الحرارى للغازات  و سافرت انجلترا فى بعثه
عشان تكمل تعليمها و درست هناك  الإشعاع النووى  و اخدت الدكتوراه فى  الاشعه السينيه وتأثيرها على المواد المختلفه .
و بعد ما رجعت مصر اسست هيئة الطاقه الذريه سنة 1980 ، و سافرت انجلترا و بعدين امريكا و درست فى جامعة اوكردج فى ولاية تنيسى و فى سنة 1952 اتسمح لها بعمل بحوث فى معامل جامعة سان لويس فى ولاية ميسورى، و اتعرض عليها انها تفضل تشتغل فى امريكا لكن ما رضيتش ، و قبل ما ترجع مصر اتوجهت ليها دعوه بزيارة معامل نووية فى كاليفورنيا لكن وهى فى السكه فى 15 اغسطس 1952 فى السكه عربيه كاميون صدمت العربيه اللى كانت فيها و وقعت عربيتها فى وادى عميق و نط زميلها من العربيه و كان راجل هندى بيحضر الدكتوراه و اختفى و من يوميتها ما بانلهوش اثر ، لكن التحريات بينت إن اسمه كان مستعار و ان إدارة المفاعل ما بعتتش حد عشان يوصلها و بكده بقت قصة مصرعها غامضه لغاية النهارده ، و بيتقال ان الموساد الاسرائيلى كان ورا الموضوع ، لكن بطبيعة الحال دى مجرد تخمينات مش موثوقه .

على الرغم من تخصصها العلمى و انشغالها فى دراساتها و بحوثها سميره موسى شاركت فى جمعية الطلبه للثقافه العامه اللى كان هدفها محو الاميه فى الريف المصرى.
و كمان كان ليها فضل فى الدعوة لاستخدام السلمي النووي




#Article 112: سوريا (355 words)


سوريا (الاسم جاى م التسميه اليونانى ع السوريين و الاراميين: Σύριοι |Syrioi|) (الجمهورية العربية السورية) هى دولة من دول البحر المتوسط و ليها حدود مع لبنان و تركيا و فلسطين و العراق و الاردن.

موقع منطقة سوريا الجغرافى حساس جداً و خلاها دايماً على مر التاريخ معرضه للغزو الخارجى و تحويل اراضيها لساحات حرب بتتصارع عليها الجيش. عبر التاريخ سوريا ما كانتش دوله او بلد لكن كانت مجموعة مدن فى الشام زى دمشق و حلب و حماه و غيرها بيحكمها حكام مستقلين عن بعض.

حكمها المصريين و الأشوريين و البابليين و الفرس و غزاها الاسكندر الاكبر سنة 332 ق.م.، و ضمها السلوقيين، و استولى عليها الرومان و بعدين استولى عليها العرب (635) و المغول بقيادة هولاكو (1259)، و المغول تانى بقيادة غازان (1299) و غزاها تيمورلنك و دمر مدنها (1400) ، و استولى الصليبيين على اجزاء منها، و أخدت اسرائيل منها الجولان (1967) و ضمتها لنفسها. عاصمة سوريا هى دمشق من سنة 1943، اللى كانت كمان العاصمة بتاعة الأمويين، و من بعدهم حكم سوريا الأيوبيين لغاية ما احتلها المغول بقيادة هولاكو (1259)، و بعدين بقت من 1260 تابعة للدولة المملوكية فى مصر بيحكمها نواب السلطان. لغاية ما استولى عليها الأتراك العثمانيين (1516). بعد الاتراك بقت تحت الانتداب الفرنساوى بموجب اتفاقية سايكس-بيكو (1916) و بعدين بقت دوله سنة 1946.

فى سنة 2010 اتعرضت مناطق فى سوريا لنقص حاد فى الأكل فعملت المنظمات الانسانيه و برنامج الأغذية العالمى التابع للأمم المتحدة جسر جوى نقل كميات ضخمه من الغذاء.

سوريا مساحتها 185,180 كم مربع و عدد سكانها 19,4 مليون، و من اشهر المدن اللى فى سوريا: دمشق، حلب، حماة،اللاذقية و حمص.
و من اكبر الانهار اللى بتمد سوريا ب حوالي 80% من المية بتاعتها هو نهر الفرات اللى بينبع من تركيا و بيعدي فى العراق و اخيرا بيصب فى الخليج الفارسي.
سوريا و مصر عبد الناصر عملوا وحده فى فبراير سنة 1958 و سمو الدولة دي الجمهورية العربية المتحدة اللى ما عاشتش كتير و فى سنة 1961 حصل انقلاب عسكري فى سوريا و سحبت نفسها من الاتحاد و بقت من ساعتها الجمهورية العربية السورية.
سوريا فيها أجناس كتير(زي العرب و التركمان و الدروز و الارمن والاكراد و الأشوريين) وديانات مختلفة ومن اهم الديانات و المزاهب اللى فى سوريا:




#Article 113: سيرة الظاهر بيبرس (2346 words)


المقاله دى عن  سيرة الظاهر بيبرس  و هى قصه شعبيه خياليه مش عن سيرة حياته التاريخيه الحقيقيه.
السيره التاريخيه هنا : الظاهر بيبرس.

سيرة الظاهر بيبرس واسمها كمان  السيرة الظاهرية  . حكاية شعبيه طويله بتحكى قصة حياة السلطان المملوكى الظاهر بيبرس البندقدارى اللى حكم مصر و الشام وعمل اعمال بطوليه وهو بيدافع عن البلاد ضد المغول والصليبيين. وفى الغالب الحكاية دى اتكتبت فى القاهره ايام المماليك ، واتطورت وكبرت ويا الايام لحد ماخدت فورمتها الأخرانيه ايام العثمانليه  ودي فتره طويله خدتلها بتاع قرنين ونص من عمر الزمن.

المغول خطفوا بيبرس وهو عيل صغير واشتراه واحد اسمه  العماد الصايغ  وبعدين باعوه لأمير حماه فى الشام واللي كان اسمه  علاء الدين أيدكين  وكان معروف كمان باسم  البندقدار . بس، وبعد كده ودوا بيبرس مصر وخش فى خدمة السلطان الأيوبى  الصالح أيوب  . فى سنة 1250 اشترك بيبرس فى معركة المنصورة المشهورة اللى اتغلب فيها الصليبيين وكبيرهم الملك الفرنساوى لويس التاسع وبقاله هو وصحابه المماليك شنه ورنه فى البلد. بعد كدة بكام سنه فى سنة 1260 ايام السلطان قطز طلع بيبرس على راس طلايع العسكر المصرى اللى كسر المغول فى معركة عين جالوت. وبعدها فى نفس السنه بيبرس بقى سلطان وفضل من يوميها يحامى عن البلاد ضد الصليبيين والمغول اللى كانوا متربصينلها وعايزين ياخدوا بتارهم. لكن بيبرس فضل يرازيهم ويخش فى معارك معاهم و يغلب فيهم، والناس حبته قوى وقال عليه المؤرخ ابن إياس بعد سنين إنه كان راجل بطل و شجاع 

زائد كل نصراته على الصليبيين والمغول بيبرس رجع الخلافة العباسية اللى كان المغول محوها بعد ماهدُم بغداد وخدوها وقتلوا الخليفة بتاعها سنة 1258، وكمان رجع صلا الجمعة للجامع الازهر اللى صلاح الدين الأيوبى كان منعه هناك .، وعمل اصلاحات ادارية واجتماعية كبيرة، وكان بيعاين بنفسه تظلمات الناس فى دار العدل فى القاهرة، وساعات كان بيتنكر وينزل يلف و يدور فى الشوارع عشان يعرف أحوال الناس ويشوف ازاى عايشين، وكان فى رمضان بيأكل ليلاتى خمستلاف غلبان. ومع كل ده كان راجل متواضع وبيساعد العساكر بإيديه فى حفر الخنادق وشيل الطوب وجر المجانيق  كل الحاجات دى خلت الناس تحبه وتنبهر بيه فسموه ابو الفقرا والمساكين و أسد مصر
ولما مات الناس اتنكدت وزعلت عليه قوي، ونعاه المؤرخ المصرى محيي الدين بن عبد الظاهر فى قصيدة شعرية
مؤثرة بتقول : لهفى على الملك الذى كانت به الدنيا تطيب كل كفر منزل .. الظاهر السلطان من كانت له منن على كل الورى وتطول.

بيبرس اتحول فى وجدان المصريين من حاكم لبطل جدع مغوار، حكاياته وحواديته بتحكيها حكواتيه صنعتهم حكى حكاياته على القهاوى وكان اسمهم  الظاهريه  . والقهاوى دى كات برضه اسمها  الظاهريه  وكات هى كمان شغلتها حكايات بيبرس. وكات فيه كتيبات بحواديت بيبرس بتتباع فى حوارى القاهرة القديمه و ع الرصفان وفى مكتبات كات موجودة زمان جنب جامع سيدنا الحسين

حكى الحكايات والحواديت كان منتشر ورايج فى القهاوى ايام المماليك وكان طريقه للتسلية زى خيال الضل. وكان الحكواتى من دول بيقدر يلم الناس من عامة الشعب، وكان فاهم ازاى يرضى ميولهم بطريقته البسيطه المشوقه. وكان فيه منهم حكواتية يقدر الواحد منهم انه يرتجل حواديت وحكايات طويلة و هو قاعد يحكى، وكان فيه حكواتيه بيستعملوا الربابة والات مزيكا تانيه عشان يحلوا القعده.

الظاهر بيبرس بيعتبر الحاكم الوحيد فى تاريخ مصر اللى بقى بطل شعبى اسطورى واتعملتله سيرة طويلة زى دى بتتحكى على القهاوى، والناس كبيرهم وصغيرهم كانوا بيتداولوها . السيرة كات ملحمة جدعنة وفدا بيرددها الشعرا والحكواتيه عشان يثيروا النخوة فى الناس.

السيره اتكتبت فى القاهره ايام المماليك وخدت شكلها الأخرانى ويا بدايات ايام الترك العثمانلية، ومع ان أكبر حته من حوادثها كات فى مصر وابطالها مصريين بيتكلموا مصرى بس السيرة برضه غطت حتت فسحه بره مصر زى شمال البحر المتوسط والجزر البريطانيه. و السيره بتعتبر أكبر عمل أدبي شعبى فى تاريخ مصر واتجمع منها بتاع 16 الف صفحه، و بتدى صوره مشوقه عن عصر البطولات والتضحيات، وبتمتاز بخيال رحب وكلها حكايات ظريفه، زائد انها بتصور حال العيشه فى المجتمع المصرى أيام المماليك بطريقة واضحة وبسيطه . ومع انها حكايه شعبية لكن بنيتها القصصية متسبكه ومتمكنه وفيها كل عناصر القصة زى السرد وتسلسل الحوادث. والحكايه أكترها نثر بس فيها كمان أشعار و أزجال وأمثله شعبيه وكلام دينى أكيد كان بيشد ودان السميعه

السيره الظاهريه فسرت الأحداث التاريخيه المهمه بطريقه خياليه، وفيها شخصيات تاريخيه حقيقيه ومعروفه بس بأسامى وكنايات تانيه.

حوادث السيرة بتبدأ بكلام دينى بيقول :  الحمد لله الحق المبين. المحسن البر الأمين. السلام الذى سلم على العقب والزوجة والبنين الذى آمن به كل شئ  . وبعد كام حكايه خياليه حصلت فى بغداد بتتنقل لحته بتوصف فيها وصف شيق طلعة هلاون ( هولاكو ) على بغداد :  فسار الملعون هلاون فى ستين الف من الفرسان وكلهم يعبدون النيران دون الملك الديان راكبين خيول مثل الغزلان وساروا يقطعون البرارى والوهاد طالبين ارض بغداد  .

اول طلوع لبيبرس فى السيرة طالع على انه واد غلبان عيان ومذلول اسمه محمود العجمى نفسه مصدوده وحالته كرب، لا بياكل ولا بيشرب ولا بينام من بلاوى العيا اللى فيه . بس امير طيب اسمه  أيدمر  وجدع بيتاجر فى مماليك السلطان الصالح أيوب اسمه فى السيرة  الخواجه على ابن الوراقه  شافوه وحنوا عليه وفهموا من نباهته وطريقة كلامه انه امير من ولاد ملوك خوارزم، فاكرموه وخلوا بالهم عليه لغاية مانفسه اتفتحت على الأكل وقال نفسه ياكل كشك بالفراخ، وبعد شويه خف وبقى زى الجن وبقت الخلق بتحترمه وبتعمله حساب. وتعدى الحوادث فى السيرة لغاية مابيبرس يسمع عن مصر من راجل وزير اسمه  نجم الدين البندقدارى  اللى قاله عن مصر ان هنياله اللى يسكن فيها ويتضلل بسماها ويشرب من مية نيلها، ده مفيش بلد اتخلقت زيها، فيها جوامع وفيها الأهرمات اللى ماتخلقش أخوها، وفيها العلما والشعرا والكتاب. فحبها بيبرس واتعلق قلبه بيها وراح عليها وياه وخش القاهرة من باب النصر. ويادوبك بعد شويه راح متبنيه الملك الصالح ومراته فاطمه ( شجر الدر ) بعد ما الملك الصالح حط القبضه مابينه وبينه وقاله يابنى ده عهد الله شهد الله علينا انك ابنى وانا ابوك. وراح واخده على مراته شجرة الدر وحط القبضه مابينهم 

وبتحكي السيره ان محمود ( بيبرس ) كان اصغر ابن لملك اسمه  شاه جمك  من ارض خراسان، وان ابوه ده كان عايز يعمله ملك فاتغاظوا اخواته الإتنين منه ودبروا له بلوه عشان يقتلوه ويخلصوا منه، بس قلبه حس بالموضوع فطفش منهم وكت على خوارزم. وبعد حبه قابلهم تانى فراحوا ماسكينه ورابطينه ورميينه فى حفره، ففضل قاعد فيها مستنى الفرج لغاية مالقاه راجل من بتوع الرافضيه، فراح واخده ع الشام وبايعه هناك للخواجه على بن الوراق . وعلى فكره السلطان قطز الي ماجتلهوش سيره فى الحكايه كان قال للناس ان اسمه الحقيقى  محمود بن ممدود  وانه كان امير من خوارزم 

بتحكى السيره ان السلطان الصالح أيوب كان راجل زاهد بتاع ربنا وبيعمل كرامات. وماكنش بياخد حاجه من بيت المال وكان بيسترزق من جدل الخوص وعمل القفف، وكان عايش ع الدقه والقراقيش. والسيره بتسميه  الملك الصالح أيوب ولى الله المجذوب. ومراته طالع اسمها  السيدة فاطمة شجرة الدر  ( ده اسمها الشعبي فى السيره. فى التاريخ ما إسمهاش فاطمه لكن شجر الدر من غير تاء مربوطه ) ، عملاها السيرة ست صالحه متدينه ونبيهه. وكات بتقول لبيبرس يابنى وهو كان بيقولها يا أمى. والسيره بتقول ان شجرة الدر دي كات بنت خليفه اسمه  المقتدر  ، بس المغول خلصوا على ملكه فى بغداد، وان شجرة الدر اتسمت بالاسم ده لان أبوها الخليفه إداها فستان معمول كله من اللولى فلما لبسته بقت عامله زى شجرة اللولى فسموها شجرة الدر. وإكمن أبوها كان بيحبها قوى راح مديها ملك مصر، فلما راحت على هناك عشان تاخد حقها فى الملك لقت هناك الملك الصالح قاعد يحكم فراح متجوزها وقدر بكده انه يقعد معاها فى الحكم.
  
السيره فيها شخصيات شرانيه معاديه بيبرس وبتكيد له وشخصيات فى صفه وبتعينه. الشخصيات المعاديه شوية أندال منهم  أيبك التركمانى  وده طالع وزير للملك الصالح وكان فى الاصل ملك ع الموصل بس طمع بقى فى ملك مصر وراح عليها وفى دماغه إنه أولى بحكمها بدل الملك الصالح، و قلاوون طالع كمان شخصيه معاديه. وفيه واحد بطرك صليبى اسمه  جوان  جه مصر على انه شيخ كبير اسمه  صلاح الدين العراقى  وعينه الملك الصالح فى شغلانة قاضى القضاه، و جوان  ده كان مسك  صلاح الدين العراقى  وهو رايح مصر وخلاه يعلمه فقه وشريعة المسلمين وبعدين قتله ولبس هدومه وخش مصر على إنه هو. وكان عمال يضحك ع الصليبيين ويوزهم ع المسلمين ويقولهم المسيح بيطلع له كل شويه ويوعده انهم حايغلبوا المسلمين .
       
وفيه بقى شخصيات لناس جدعه بتساعد بيبرس زى  جمال الدين شيحه  وده راجل مكار بتاع ملاعيب و ليه قدرات ع التنكر وتقمص الشخصيات وهوايته انه يتملك طبايا وقلاع، وهو اللى بيتنسب له فى مصر لغاية النهارده المثل اللى بيقول  ملاعيب شيحه . وفيه كمان  سليمان الجاموسى  ، و عماد الين بن علقم ، و الأسطى  عثمان ابن الحبله  السايس بتاع بيبرس ، و ابراهيم الحورانى  وده راجل سريع قوى فى الجرى ولاحد يقدر يسبقه، و الفداويه ولاد اسماعيل .

والسيره بتتريق على عدوين بيبرس ومدياهم أسامى تضحك زى : ابو الشر و سرجويل المهرى و ظنيط والعايق عركتر وعقيرب و حبظلم بظاظا.

شكل معركة المنصورة واللى حصل بعدها بيختلف عن اللى قالوه المؤرخين . السيرة، واللى هى طبعاً حكايه شعبيه خياليه ماحصلتش بجد، بتحكى ان الموضوع ابتدا لما السلطان الأيوبى عيسى ( توران شاه ) ابن الملك الصالح اللى مات جاله جواب من ريس دمياط بيستغيث بيه فيه وبيقوله ان فيه جيش صليبى كبير قايدينه اربع ملوك صليبيين ومعاهم جوان وسيف الروم نزل وعسكر جنب دمياط. بعد عيسى ماقرا الجواب نده على أيبك وقاله يروح على دمياط يكسرهم ويخلص عليهم. وراح أيبك بس رجع هو المكسور وقال لعيسى انه اتغلب والصلبيين أخدوا فلوسهم وحاجتهم اكمن الصليبيين كان عددهم كبير وانه بستر من ربنا قدر ينفد بجلده منهم. فراح عيسى منادى الوزير  شاهين ، وده كان وزير ابوه، واستشاره إيه يسوى، فنصحه شاهين بإنه أحسن حاجه يعملها عشان يكسب إنه يبعت الامير بيبرس يخلص الموضوع، وقاله ان ابوه كان بيتكل عليه فى محاربة عدوينه. بس بيبرس فى اللحظه دى كان محبوس إكمن كان عليه دين ماسددهوش. عيسى خد بنصيحة الوزير وطلع بيبرس من الحبس وكتب حجه بإن بيبرس يبقى ملك بعده. بس، طلع بيبرس ومعاه توران شاه والعسكر على دمياط. وقدر بيببرس انه يغلب الصليبيين فجريم على المنصوره وهو طار وراهم بالعسكر وغلبهم فراحم جاريين على فارسكور وهو وراهم بالعسكر وقامت معركة كبيرة. بس والمعركة شغاله قال توران شاه يبنوله برج يطلع فوقيه يتفرج ع المعركه فبنوله برج وطلع يتفرج ع اللى بيحصل وهو عمال يشرب خمره. فلما بيبرس شافه قاعد فوق البرج يتفرج ويسكر ساب المعركه وراح له ونادى عليه من تحت وقاله بلاش موضوع شرب الخمره ده، فاتلجلج توران شاه وهو بيبعد الكبايه وراح مندب واقع من فوق ومات فى ساعتها فرجع بيبرس للمعركه. بعد ما خلصت المعركه الامرا لبسوا بيبرس الموضوع وقالوا ده هو اللى قتل توران شاه، لما سمع بيبرس الكلام ده وفهم انهم ناويين يورطوه فى قتل توران شاه راح مسلم امره لله وقعد يتوسل إليه انه ينجيه من الناس دول. ربنا ماخيبش رجاه فيه، يادوبك لحظه وراح ظاهر فارس اسمه  ضاع اسمه ولم يجده  وراح رايح على توران شاه ونافخ فيه الروح فقام توران شاه وقال :  يا إخوانى عليكم بتقوى الله وطاعته، واعلموا ان بيبرس برىء من دمى برأة الذئب من دم يوسف . وبعد ماقال الكلمتين دول مات تانى بس كل اللى كانوا موجدين عرفوا إن بيبرس مالهوش دخل فى حكاية موتة توران شاه.

طلع بيبرس من تهمه قتل توران شاه زي الشعره من العجينه، بس قامت هيصه على مين يمسك الحكم فى البلد بعد ما توران شاه ساب الدنيا باللى فيها، ودخل أيبك فى عركه ويا شجرة الدر اللى كان وياها حجه من ابوها الخليفه بإن البلد بلدها والملك ملكها، وخلصت العركه على ان شجرة الدر تبقى الملكه ووياها بيبرس نايبها ووكيلها. بس الخليفه اللى وقتها كان فى بغداد مارضاش انهم يخلوا واحده ست تبقى ملكة ع البلد، فقالت لهم شجرة الدر ان مفيش حاجه فى القرأن تمنع الستات من حكم البلاد ولكن على أى حال حاتتنازل للراجل اللى يحبوا يعملوه ملك، فقال العلما احسن حاجه انهم يعملوا قرعه مابين بيبرس وأيبك واللى يكسب يبقى هو السلطان. وطلعت القرعه على حظ أيبك وبيبرس قال ان ماعندهوش مانع ان أيبك يحكم بس بشرط انه مايعملش ولا حاجه من غير موافقتهم. وبكده بقى أيبك سلطان مصر. بس المصريين ماكانوش بيحبوا أيبك ونزلوا تريقه عليه فاتغاظ وراح لصحابه  قلاوون  و  بشتك  و سنقر  و  علاء الدين  وقالهم ان صدره طفحان غل من بيبرس وتهزيئ الناس لإنهم بيحبم بيبرس. راح أيبك على بيبرس وقاله يبنيله نفق تحت الارض بيوصل من بيته للقلعة عشان يمشى فيه من غير الناس ماتشوفه فى روحانه ومجيته. فبناله بيبرس النفق زى ما طلب منه، وبعد ماخلصه قاله أيبك إنه عاوز يتجوز امه الست فاطمه شجرة الدر، وقاله يروح يقولها، إكمنه كان عارف إن شجرة الدر كات ناوية تقتل أى حد يقولها إن أيبك طالب إيدها. وراح بيبرس يقول لشجرة الدر وهو مش دريان بالبلوه اللى أيبك عاوز يدبسه فيها. بس قبل بيبرس ما يوصل، شجرة الدر نعست وخدت لها تعسيله فجالها الصالح أيوب فى المنام وقالها بيبرس جى فى السكه وحايطلب منها حاجه وانها لازم توافق على اللى حايقولهلها، فلما جه بيبرس وقالها قالت له ماشى ووافقت على الجواز من أيبك بس بشرط ان كل فلوسها تبقى فلوس بيبرس.

اتجوز أيبك شجرة الدر بس فضل برضه متغاظ من بيبرس ومليان منه فقعد يكيد له ويوضب له بلاوى مع صحابه. لغاية ماراح اتجوز على شجرة الدر ست تانيه اسمها  سالمه البدويه ، وزود فى الموضوع وراح لشجرة الدر يقولها انها بتخونه مع بيبرس، فالست إتخضدت واتقهرت وجاتلها صدمه جامده وخشت فى نوبه عصبيه، ولما نامت شافت الصالح أيوب تانى فى المنام بيقولها تاخد السيف وتقتل بيه أيبك، فلما صحت راحت دورت ع السيف وخدته وضربت بيه أيبك فقعد يصرخ وينادى على ابنه احمد ( المنصور على ). بس لما ابنه وصل الأوده لقاه مرمى ميت عل الارض فراح هاجم على شجرة الدر بس فلتت منه وفلسعت فراح طاير وراها وفضل يجرى وراها ويحلق عليها لحد ما وقعت من ع السطوح وماتت هى كمان.

الوزير شاهين والحراس لما سمعم الدوشه جم جرى يشوفوا ايه اللى حصل وراحم ماسكين احمد وحابسينه. وبعت الوزير شاهين جواب لبيبرس اللى كان ساعتها مسافر بره مصر وحكاله على اللى حصل، فزعل بيبرس قوى على  امه  شجرة الدر ورجع طوالى على مصر وزار تربتها وبقى هو السلطان وراح حارب الصليبيين وغلبهم ومسك جوان وقتله .
  
بالطريقه دى السيره اتعاطفت مع شجرة الدر وعملت قصه خياليه عن ظروف جوازها من ايبك وقتلها ليه، وكمان ادت لبيبرس شرعيه حكم شعبيه وبرإته من قتل توران شاه والسلطان قطز اللى ماجابتلهوش سيره اصلاً.

سيرة الظاهر بيبرس اللى حولت حاكم لبطل جدع بتتحكى حكاياته على القهاوى واتنقلت من جيل لجيل على مر قرون ومش سنة ولا إتنين حاجه فريده ماحصلتش فى التاريخ لا من قبل ولا من بعد. و من الصدف ان لقب بيبرس يكون  الظاهر  ففعلاً سيرته الشعبيه الضخمه أظهرته وميزته على كل ملوك الدنيا.




#Article 114: سيكولاريه (330 words)


العلمانية هى المبدأ اللى بيفصل بين سياسات ومؤسسات الحكومه عن الاديان أو أى معتقدات دينية وإن نظام الدولة يكون مدني مش دينى.

العلمانيه مش ايديولوچيا، لكنها نظرية إنسانية بنتقبل بيها كل الايدلوجيات المُختلفة. العلمانية نظام بيعامل الانسان على اساس علمه واخلاقه ودوره في المجتمع، مش على اساس الدين او اللون او الجنس. العلمانية في تعريفها السياسي هي فصل المؤسسات الدينية عن مؤسسات الدولة، أو بمعنى أوضح؛ لمّا الدولة تاخد قرار بخصوص أي حاجة، فهي هتاخده عشان ظروف ومعطيات معينة، بغض النظر عن رأي أي مؤسسة دينية فيه، سواء حرام أو حلال أو مكروه أو لأ، فالدين هنا مبيلعبش دور المُتحكم في قرارات الدولة، الدولة بتحكم باللي شايفاه مناسب للواقع والظروف الحالية.

العلمانية في تعريفها الفلسفي، زي ما قال عليها الدكتور مراد وهبة، هي الحكم على النسبي بما هو نسبي مش بما هو مطلق؛ يعني الحياة نسبية ومتغيرة، مينفعش تحكمها بنفس قوانين كانت موجودة في مجتمع تاني مر بظروف مختلفة في زمن ومكان مختلفين وتجبرني بتطبيقها وتنفيذها بالحرف. الدين هنا بيمثل المُطلق؛ بإعتباره مجموعة من الأحكام اللي نازلة من الإله ولازمة التنفيذ تحت أي ظروف من غير تشغيل عقلنا فيها، لكن، زي ما قولنا، العلمانية بتتعامل مع معطيات الحياة دلوقتي، بعقلية دلوقتي، مش بعقلية أي وقت تاني.

تركيا دوله مدنيه بتحكمها القوانين المدنيه. رئيس الوزرا التركى رجب طيب أردوغان رئيس حزب اسلامى لكن ده ماغيرش وضع تركيا كدوله سيكولاريه مدنيه بتعيش فى القرن 21. أردوغان صرح قبل زيارته للقاهره فى سبتمبر 2011 ان الدستور التركى بيعرف العلمانية بإنها بتتعامل مع افراد الشعب على مسافه متساويه من جميع الأديان، وإن الدوله العلمانيه لا تنشر اللا دينيه. و قال انه مسلم لكن رئيس وزرا دوله علمانيه ، و وضح إن الدوله العلمانيه مش معناها دولة اللادين ، و اتمنى ان تبقى فى مصر دوله مدنيه بتقوم على احترام كل الأديان و الطوايف فى المجتمع فى مصر. و أكد أن العلمانيه الحديثه مابتتعارضش مع الدين . و ضاف:  أقول للشعب المصري الا يكون قلقا من العلمانية. فى يونيه 2012 وصل محمد مرسى للحكم فى مصر و هو من حزب دينى تابع لجماعة الإخوان المسلمين.




#Article 115: سيوه (390 words)


سيوة هى واحة مصرية موجودة ما بين منخفض القطارة و بحر الرمال المصرى فى الصحرا الغربية. بين سيوة و القاهرة 560 كم و بينها وبين الحدود الليبية حوالى 50 كم.السيويين(اهل سيوة) عددهم 23,000 ومعظمهم من البربر و بيتكلمو سيوى .

السيوى هى لغة من عيلة اللغات البربريه. السيوين حافظو على تميزهم الثقافي و اتمسكو بتقاليدهم اللى بترجع لاكتر من تلات -ت-الاف سنة و اللى ساعدهم على كدا هو بعدهم الجغرافي عن وادي النيل و قلة اختلاطهم بالناس اللى من بره الواحة بتاعتهم. من اشهر الحاجات الموجودة فى سيوة معبد امون و اللى بقاياه لسة موجودة لحد دلوقتى و بيعتبر من اهم الحاجات اللى بتجذب السواح ليها. الزراعة هى الشغلانة الاساسية لمعظم السيويين دلوقتي و هما بيزرعو الزتون و البلح و الملوخية اكتر حاجة. اخيرا السياحة ابتدت تنتعش فى سيوة و شوية شوية بدأت تظهر على الخريطة السياحية بتاعة مصر و اتبنت هناك فنادق و منتجعات علشان تستقبل السواح دول اللى اكترهم من الغربيين.

سيوة من اكتر الاماكن فى مصر اللى تتميز عن غيرها و لها خصائص غير موجودة فى اى مكان اخر, مثل:

السيويون يتميزون عن جيرانهم فى لغتهم و تقاليدهم و و ملابسهم و حتى فى ادوات الزراعة.

المجتمع السيوي مجتمع محافظ و يفصل تماما بين النساء و الرجال, الشوارع تخلو من الفتيات والنساء، فهم يقضون أغلب أوقاتهم فى البيوت.

الاسم المصري القديم لسيوة هو Zaiwa يعني بالامازيغية القصعة ( انية كبيرة يؤكل فيها وكذلك لعجن الخبز )وهي مصنوعة من الفخار . و يمكن تسمية الواحة ب-الزيواو بما أن سيوة عبارة واحة وبنيانها من طين (معجون) فينطبق عليها معنى ZIWA الامازيغي.سيوة من زمان قوي و هى بتتبع مصر و المعابد الفرعونية المبنية هناك و كمان المقابر من اكتر الادلة على مصرية سيوة. من اول العيلة الستة و عشرين و لحد العصر الروماني كانت مقصد الحجاج من كل مكان علشان يزورو معبد امون المشهور. الاسكندر الاكبر سنة 331 (ق.ع.ح) عمل زيارة ل سيوة و استشار كهنة المعبد قبل ما يكمل فتوحاته العسكرية فى قارة اسيا. و بعد كدا و لمدة الفين سنة اتنست سيوة ووقعت من الذاكرة و اتعرضت لهجمات قبايل البدو اللى طمعو فى محاصيلها .ضمت سيوة لحكم والى ليبيا فى عهد الخلافة العثمانية . محمد على هو اللى بعت جيش مصري فى بداية سنة 1820 علشان يضم سيوة لملكه . فى سنة 1985 اتفتح اول طريق متسفلت بينها و بين مرسى مطروح و اللى قضى على عزلة الواحة عن . قرية اغورمى كان فيها معبد ف العصور الفرعونيه.




#Article 116: سيبييا (1688 words)


 سيڤييا (اسپانى: Sevilla نطق: ) هى مدينه اسبانيه العاصمة الاداريه لمنطقة اندلسيا ومحافظة سيڤييا فى جنوب اسبانيا, و مبنيه على ضفاف نهر جوادالكيڤير (الوادى الكبير). سيڤييا واحدة من اكبر المراكز التاريخية فى اوروبا, استضافت سيڤييا اتنين من المعارض الدوليه (اكسبو 1929 و اكسبو 1992). سيڤييا بالتأكيد واحده من اكتر الاماكن المحبوبه من زوار اسبانيا.

مدينة سيڤييا هى رابع اكبر مدينة فى اسبانيا و مركز للثقافة الاندلسيه و مصارعة التيران. فى الاسبوع المقدس (الاسبوع المقدس و عيد القيامة) تستمر المسيرات والمهرجانات فى سيڤييا ليوم الجمعة العظيمة و يوم حد عيد القيامة. كاتدرائية سيڤييا هى تالت اكبر كاتدرائيه فى العالم واكبر كاتدرائيه فى اسبانيا. اتعرفت سيڤييا باسم اشبيلية ايام الحكم الاسلامى لاسبانيا

المينا بتاع سيڤييا على بعد حوالى 80 كم من المحيط الأطلنطى و هو المينا الوحيد على نهر فى اسبانيا و نهر جوادالكيڤير نهر صالح للملاحة من مصبه فى سانلوكار دى باراميدا لحد سيڤييا.

الاسم جاى من اسم Spal بمعنا الأراضى المنخفضة. اصل اسم سيڤييا نشأ من الكلمة الايبيرى Hispalis بمعنى مدينة الغرب, و سماها الرومان ايسباليس 

انطونيو دى نابريخا بيتفق مع ايزيدورو السيڤييانى ان اسم اسبانيا ممكن يكون نشأ من تحريف الكلمة الايبيرى Hispalis بمعنى مدينة الغرب اسم سيڤييا, و المدينة سماها الرومان ايسباليس  و بعدين الفينيقيين و الرومان سمو كل شبه الجزيره على اسم المدينه.

اتعرفت سيڤييا باسم ”اشبيلية“ ايام الحكم الاسلامى لاسبانيا باضافة ‹i› و ده بسبب الاماله و نطق  \ب\ بدل  \پ\ لان مافيش  \پ\ فى النطق العربى و بعد كده فى النطق الاسبانى الـ‹v› بتتنطق  \ب\ او  (قريب من  \ڤ\) علشان كده سيڤييا دلوقتى بتتنطق \سيبييا\ او \سيڤييا\.

شعار المدينة هو  NO8DO  و 8 على شكل خصلة خيوط و بيشير لولاء المدينة لالفونسو العاشر الحكيم فى الحرب ضد ابنه دون سانشو فى القرن التلاتاشر فى انقلاب سانشو الرابع ضدابوه الملك الفونسو العاشر.

عدد سكان مدينة سيڤييا كان 704414 سنة 2009 (تقديرات المعهد الوطنى للاحصا). سكان منطقة العاصمه (المنطقه الحضريه اضافة للمدن التوابع) 1450214 سنة 2009 تقديرات المعهد الوطنى للاحصا, و بكده تكون رابع اكبر منطقه حضريه فى اسبانيا بعد مدريد و برسلونه و ڤالنسيا.

بلدية سيڤييا مساحتها 140.8 كم2. سيفييا مبنيه على سهل من نهر جوادالكيڤير, ومتوسط الارتفاع 7 امتار (23 قدم) فوق مستوى سطح البحر.

مناخ سيڤييا هو مناخ البحر المتوسط مع التأثيرات المحيطيه. المتوسط السنوى لدرجات الحراره 18,6 درجة مئويه (65 درجة فهرنهايت), ده بيخللى مدينة سيڤييا واحده من احر مدن اوروبا.

الشتاء معتدل: يناير هو أروع الشهر, مع متوسط درجة الحراره القصوى 15.9 درجة مئويه (61 درجة فهرنهايت), والحد الادنى من 5.2 درجة مئويه (41 درجة فهرنهايت).

الصيف حار جدا: اغسطس هو احر شهر, مع متوسط درجة الحراره القصوى 35.5 درجة مئويه (96 درجة فهرنهايت), والحد الادنى من درجات الحراره 19.4 درجة مئويه (67 درجة فهرنهايت) كل سنه ودرجة الحراره تتجاوز 40 درجة مئويه (104 درجة فهرنهايت) فى ايام كتيره.

درجات الحراره القصوى من محطة الطقس فى مطار سيڤييا هى -5.5 درجة مئويه (22 درجة فهرنهايت) فى 12 فبراير 1956, و 46.6 درجة مئويه (116 درجة فهرنهايت) فى 23 يولية 1995.

هطول الامطار تتفاوت من 600 الى 800 ملم (23.5-31.5 فى السنه الواحده, و تتركز فى فترة اكتوبر لابريل. ديسمبر اكثر شهر مطرا, ويبلغ متوسط سقوط الامطار 95 ملم. فى المتوسط فيه 52 يوم من المطر, 2898 ساعة من الشمس واربع ايام من الصقيع فى السنه.

يمتد تاريخ سيڤييا أكتر من الفين سنة. اثر مرور مختلف الناس فى نمو المدينة كانت سيفييا مدينه رومانيه معروفه زمان باسم هيسباليس. ايتاليكاالمدينة الرومانيه القريبه من مدينة سيفييا بتدى انطباع عن ازاى كانت فى وقت الفترة الرومانيه. البقايا الرومانيه الموجودة فى سيفييا تشمل بقايا قناة.

بعد الانتصارات المتتاليه للفاندال والقوطيين الغربيين فى مقاطعة هسبانيا فى القرون الخامس والساتت, استولى المور على المدينة فى 712 وبقت مركز مهم للمسلمين فى الاندلس.

اشتهرت سيفييا باسم اشبيلية ايام الحكم الاسلامى لاسبانيا و امر عبد الرحمن الثانى ببنا أسطول بحرى ودار لصناعة الأسلحة فيها فى القرن التاسع الميلادى من اشهر حكامها المعتمد بن عباد وسميت (حمص) نسبة لنزول جند الشام فيها. من معالمها منارة الخيرالدا اللى اتبنت بأمر من السلطان ابو يوسف يعقوب المنصور الموحدى. احتل العرب سيفييا فى سنة 713م بقيادة موسى بن نصير بعد حصار شهر وأقام عليها عيسى بن عبد الله الطويل, وهوأول ولاتها من المسلمين. سنة 714م خلف عبد العزيز بن موسى بن نصير أبوه كوالى على الأندلس, واستقر فى سيڤييا, و خللاها عاصمة له. سنة 716م اتقتل عبد العزيز بن موسى فى سيڤييا وولى الأندلس من بعده أيوب بن حبيب اللخمى, اللى نقل العاصمه ل كوردوبا. سنة 833م بنى عبد الرحمن الأوسط فيها المسجد الجامع الاول, وهو مسجد محمد بن عمر بن عديِّس. سنة 845 م هجم النورمان على اشبيلية وحرقوا الجامع بتاعها, ولكن القوات الاسلاميه هزمتهم عند طلياطة شمال سيڤييا. سنة 850 م اتبنى سور المدينة الاول, ودار الصناعة اللى لسا باقية فى مكانها. سنة 918 م قضى عبد الرحمن الناصر على ثورة بنى الحجاج, وبنى خلدون فى سيڤييا. سنة 919 م هدم ابن السليم اول عُمّال عبد الرحمن الناصر سور سيڤييا, وجدد قصر الامارة. سنة 1033 م ابتدا عصر الطوائف اللى فيه استبد ابو القاسم محمد بن عبّاد قاضى سيڤييا بحكومتها, وأنشأ دولة بنى عبّاد. سنة 1133 م وقعت سيڤييا و كوردوبا فى ايد المرابطين واستولى القائد المرابطى سير بن أبى بكر على سيڤييا, وهدم قصور بنى عبّاد. سنة 1167 م انتهى حكم المرابطين فى سيڤييا على ايد القائد الموحدى برّاز بن محمد المسوفى و خللا حاكم الأندلس سيڤييا عاصمه ليه. سنة 1198 م هجم ابو يعقوب يوسف على سيڤييا فى حملته الكبرى على غرب الأندلس, واتقتل اثناء معركة شفترين فى البرتغال, وولى بعده ابنه يعقوب, وفى عصره تمت منشآت الموحدين. سنة 1213 م انتهى العصر الذهبى لاشْبِيِلِيَة بعد وفاة يعقوب اللى سمى نفسه بالمنصور. سنة (1248 م) حاصر فرناندو التالت ملك ليون و كاستيا سيڤييا, واستولى عليها بعد حصار دام سنة وخمس اشهر 21 نوفمبر 1248م. و فى السنين اللى بعد كده حاول سلاطين العيلة المرينية فىمراكش استعادة المدينة من المسيحيين الا أن محاولاتهم فشلت, وبكدة خرجت سيڤييا من أيدىن المسلمين.

بعد الاسترداد استمرت التنمية فى المدينة, مع تشييد مبانى عامه بما فيها الكنايس. و شافت المدينة عصر دهبى من التنمية بسبب تراكم الثروة من منح احتكار التجارة مع الاقاليم الاسبانيه فى العالم الجديد وكانت بتعتبر بوابة لأمريكا, ونما عدد سكانها ليقارب من مليون شخص. الطاعون سنة 1649 خفض عدد سكان سيڤييا للنص تقريبا و مارجعش عددالسكان فى اوائل القرن التسعتاشر.

بعد تراكم الطمى فى جوادالكيڤير استقرت المدينة فى تدهور اقتصادى نسبى و اتسمت تنمية سيفييا فى القرنين التسعتاشر و العشرين بالنمو السكانى وزيادة التصنيع.

وقعت سيفييا بسرعة كبيرة فى ايد قوات فرانكو بالقرب من بداية الحرب الاهليه الاسبانيه فى 1936 بسبب قربها من قوة الغزو من المغرب. بعد استيلاء فرانكو على المدينة استمرت المقاومة فى صفوف الطبقة العاملة فى مجالات لبعض الوقت, حتى سلسلة من الاعمال الانتقاميه الشرسه.

اتبنت كاتدرائية سيڤييا من 1401–1519 بعد الاسترداد على الموقع السابق للمسجد فى المدينة. و كاتدرائيه سيفييا من بين اكبر جميع كاتدرائيات القرون الوسطى الجرمانيه, سواء من حيث المجال والحجم. الداخل هو الاطول فى اسبانيا, و هو مزين بشكل مسرف بكمية كبيرة من الذهب.

كاتدرائية سيڤييا هى تالت اكبر كاتدرائيه فى العالم و اعادت الكاتدرائيه استخدام بعض الاعمده من المسجد و من عناصر المسجد الخيرالدا, كانت اصلا مئذنة, اتحولت لبرج الجرس. و معروفه محليا باسم الخيرالدا,.داخل البرج تم بناؤه مع التعليات بدل السلالم. ترتفع  الخيرالدا شامخة فوق أسطح منازل سيفييا, وتعتبر أهم معالم المدينة, واتبنت سنة 1184 كمئذنة لمسجد سيفييا الكبير اللى اتحول مع مئذنته لكاتدرائية. ارتفاع الخيرالدا 90 متر واتبنت القمة المتحركة حسب اتجاه الرياح فى القرن الستاشر, و الخيرالدا اتعرفت بالاسم ده نسبه للتمثال فى أعلاها.

يواجه كاتدرائيه سيفييا الكازار اللى كان قصر المدينة القديمة المغاربى؛ البناء ابتدا فى 1181 واستمر لاكثر من 500 عاما, و فى عصر النهضه. الجناين هى خليط من التقاليد المغاربيه, الأندلسيه, و المسيحيه. اتبنت دار بلدية سيڤيا, فى القرن الستاشر. واتبنت الساحة الجديده (بلازا نويفا) فى القرن التسعتاشر فى اسلوب تقليدى حديث.

جامعة سيفييا اتبنت جوا الموقع الاصلى لاول مصنع سجاير فى أوروبا,

ابتكر المرابطون نظام جديد فى تخطيط الأسوار, اتعمدوا يكتروا من الزوايا الداخلية والخارجية بالسور, بحيث تاخد شكل خطوط متعرجة متكسرة, وميزة النظام ده ان العساكر بيسيبو اعداءهم يتقدمو جوّا واحدة من الزوايا و يندفعو عليهم من فوق الاسوار, ولسة فيه قطاع من اسوار سيفييا, وتتناثر بعض بقاياه فى حديقة معهد الوادى.

من معالم سيفييا الباقية السور الأمامى اللى بناه الحاكم ابو العلا ادريس سنة 1223م. وحفر حوالينه خندق, ومد منه سور قصير لنهر جوادالكيڤير ببرج ضخم اضلاعه كبيره هو برج الدهب, و قدام البرج ده برج زيه على شط جوادالكيڤير اللى قريب من المدينة بيربط بينهم سلسلة حديدية ضخمة بتمنع السفن انها تعدّى بالليل فى نهر جوادالكيڤير حماية للمدينة من التسلل عبر النهر.

النشاط الاقتصادى لسيفييا مش ممكن ينعزل عن السياق الحضرى والجغرافى للمدينة؛ عاصمة اندلسيا هى مركز منطقة مدينة متزايد. وبصرف النظر عن الاحياء التقليديه زى سانتا كروز,الاحياء شافت نمو اقتصادى على مدى العشرين سنه الاخيره و نمو سكانى وتطوير وسايل جديده ومجمعات صناعيه وتجارية. ونظرا لحجمها وموقعها,تعتبر سيفييا من اقوى المدن الاندلسيه. اقتصاد سيڤييا بيهيمن عليه قطاع الخدمات.

مهرجانات الاسبوع المقدس و عيد القيامة (سيمانا سانتا) و معرض سيڤيا (لالفريا دى سيڤيا - لالفريا دى ابريل) هما أكتر مهرجانين معروفين من مهرجانات سيفييا.

مهرجانات سيفييا معروفه و مشهوره دوليا المواكب جميلة والألوان حية.

خلال مهرجان سيڤيا (الفريا) المشهور اللى بيتعمل بعد اسبوعين من عيد القيامة خيم المعارض بتتقام فى ارض المعارض الدايمه اللى شوارعها اتسمت على اسم مصارع تيران شهير. لالفريا دى سيڤيا هو مهرجان للرقص الشعبى (الفلامنكو)
 
مهرجان سيڤييا السينمائى بيتعمل فى الفترة من 3 ل 11 نوفمبر.

سيڤييا هى مركز تذوق للاكل, مطبخ سيفييا بيستند على منتجات من المقاطعات القريبة, بما فيها الأكل البحرى من كاديز, وزيت الزتون من جاين, والشيرى من خيريز دى لا فرونتيرا. و اطباق التاباس (حرفى: باللغه الاسبانى اغطية او يغطى) هى وجبات خفيفة من المحتمل اصلا انها كانت بتتقدم فى صحون صغيرة تستخدم لتغطية المشروبات. وتشمل اختصاصات المأكولات المحلية المأكولات البحرية مشويه (بما فى الحبار, الحبار, وسمك ابو سيف وكلب البحر), مشوى اللحوم فى الصلصات والسبانخ و, لحم الخنزير الأيبيرى (خامون أيبيريكو), و القواقع, و شوربة الجازباتشو.

شجر البرتقال السيڤييانى موجود فى المدينة للزينه زى منظر طبيعى, والبرتقان السيڤييانى مر جدا, وعادة بيستعمل علشان يتعمل منه مربّة البرتقان.

نادى سيبييا هو نادى كورة قدم من مدينة سيڤييا فى اسپانيا. له تاريخ عريق فى كورة القدم الأوروپية, اتأسس فى 14 اكتوبر, 1905. بيعتبر اقدم نادى سيڤييانى, و تانى اقدم نادى فى اندلسيا. كان اول نادى أندلسيانى يلعب فى الكاس الأوروپى (دورى ابطال اوروبا) فى موسم 1957-58. نادى سيڤييا لعب فى كاس ابطال الكؤوس الأوروپى مرتين و فاز مرة واحدة بالدورى الاسبانى الدرجة الأولانيه سنة 1946.

 




#Article 117: تشارلى تشابلين (120 words)


تشارلز سبينسر تشابلين (انجليزى: Charles Spencer Chaplin), أخد لقب سير (16 ابريل 1889- 25 ديسمبر 1977) و المشهور بـتشارلى شابلين، كان ممثل كوميدى انجليزى واخد جايزة الاوسكار 3 مرات.

شارلي شابلن كان واحد من اهم الممثلين و المخرجين وايضا الملحنين فى الفترات سينيما هوليوود و ترك تاثير كبير جدا على السينيما بشكل عام و الكوميديا بشكل خصوصي.شابلين كان ايضا من اشهر المبدعين فى فترة السينيما الصامتة و استمر يعمل فى المجال هذا حتى زاد عن 65 سنة و لم يتوقف الا  لما مات و هو بسن 88 سنة.

الناس ستظل دائما تتذكر شارلي شابلين لتمثيله الرائع و الكوميدي لشخصية المتشرد صاحب قلب طيب و الذي دائما يحاول اظهار نفسه على انه صاحب ثروه رغم ان لباسه و حالته الاجتماعية عاديه.




#Article 118: شاى (108 words)


الشاى هو الاسم الشائع لاسم النبات باللاتينى Camellia sinensis اللى كان بيتزرع فى الصين من زمان، و دلوقتى انتشرت زراعته فى الهند، سريلانكا، اندونيسيا، اليابان و كينيا و بلاد تانيه كتيره.

كلمة الشاى كمان بتعبر عن اوراق النبات و المشروب اللى بيتعمل منها لما تتغلى مع المايه.الشاى موجود فى اربع انواع اساسية: الشاى الاسود، الشاى الاخضر ، الشاى الابيض و الشاى الـ اواولونح.الشاى هو اكتر مشروب بيتشرب فى الدنيا كلها بعد المايه وهو مافيهوش تقريبا اى دهون ولا كاربوهيدرات ولا بروتين و بيعتبر مصدر طبيعى للكافيين و التيوفيللين.

و التانين المضاد للتاكسد. كلمة شاى جايه من التسميه الصينيه للنبات دا: 茶، و اللى بتتنطق تيه او تشيه بالصينى.




#Article 119: شهر رمضان (494 words)


رمضان () هو الشهر التاسع فى التقويم الهجرى الاسلامى. و الشهر ده متميز عند المسلمين, لان المسلمين بيصومو فيه (من الفجر لحد غروب الشمس). شهر رمضان مهم أوي عند المسلمين لانهم بيؤمنوا بان القرآن نزل فيه على نبى الاسلام محمد فى ليلة القَدر سنة 610 م. اتذكر فى سورة البقرة الآية رقم 185: (شهر رمضان الذي انزل فيه القرآن هدى للناس وبينات من الهدى والفرقان فمن شهد منكم الشهر فليصمه ومن كان مريضاً او على سفر فعدة من ايام اخر يريد الله بكم اليسر ولا يريد بكم العسر ولتكملوا العدة ولتكبروا الله على ماهداكم ولعلكم تتقون) ونزل القرآن على سيدنا محمد صلى الله عليه وسلم هذا شهر فقال له جبريل (اقرأ باسم ربك الذي خلق).

شهر رمضان بيبتدى لما المسلمين يشوفو هلال الشهر الجديد فى اخر شهر شعبان (الشهر اللى قبل رمضان). لو شافو الهلال, يبقى رمضان تانى يوم, و لو ماشافوهوش, يبقى رمضان مش تانى يوم.

بعد ما بيخلص رمضان و بيبدأ شهر شوال بيكون عيد الفطر, الوقت اللى المسلمين لازم يفطرو فيه و ينهوا صيامهم بعد ما بيعرفو ان رمضان خلص بعد (رؤية الهلال), المسلمين لازم يفطرو على الاقل اول يوم من عيد الفطر.

رمضان معمول عشان المسلمين يعرفو احساس الفقرا و المساكين بالجوع, و بيعودهم على الصبر و القناعه و الرضا, و الأهم من كدا زيادة تقوى المسلم.

لرمضان فى مصر مظاهر خاصه بيها بترجع لعصر الدوله المملوكيه زى الفوانيس و الشمع الملون ازدهر استخدامهم بشكل فنى فى العصر المملوكى و كانت بتستخدم فى رمضان و فى اعياد المصريين مسلمين و مسيحيين اللى كانت كتيره, و الاتنين كانو بينوروها فى اعياد بعض.

كان فيه احتفال بمناسبة استطلاع هلال رمضان و كانو الفقها بيجتمعوا و يطلعو على حته عاليه بره القاهره و يرجعو و هما شايلين الفوانيس و الشموع و تعلق الدكاكين الفوانيس و الشموع. و الرحاله اللى زارو مصر فى العصر المملوكى اشارو لان القاهره كانت بتعوم فى انوار الشموع و الفوانيس فى شهر رمضان و كانت اسواق القاهره و نواحى مصر بتفتح فى ليالى شهر رمضان. اياميها المصريين ما كانوش بيطبخو فى بيوتهم لكن كانو بياكلو فى المطاعم و بيخلو اكلهم يطبخ فى محلات مخصصه للطبخ كان اسمها المطابخ.

فيه اسواق فى القاهره كانت مرتبطه بشهر رمضان زى سوق الحلاويين و سوق الشماعين, و كانت الاسواق فى مصر بتبيع الحلويات اللى كان منها فى مصر فى العصر المملوكى اكتر من 50 صنف. سوق الشماعين كانت الشموع و الفوانيس بتنوره, و كان التجار بيبيعو انواع كتيره من الشموع الملونه و كان منها الشموع الموكبيه (يعنى الشموع اللى كانت بتستخدم فى المواكب). المؤرخ المقريزى وصف مواكب الشموع المملوكيه دى بقوله يعجز البليغ عن حكاية وصفه, و كان الاطفال بيمشو مع الموكب و هما بيغنو اغانى مصريه جميله. فى وقت السحور كان بيطوف المسحراتيه و معاهم طبل فى شوارع القاهره, و فى اسكندريه كانو بيدقو على الابواب و يقولو قوموا كلو...

لما كان محمد على بيحكم مصر اتبعتله هدية وكانت الهدية مدفع فكان بيجرب الهدية فبالصدفة كانوا فى شهر مضان وبعد لما ضربوا المدفع بالصدفة بردو المغرب اذن عشان كده محمد على قرر ان ساعة لما الاذان يأذن المدفع يضرب

شوف ايضاً : 




#Article 120: صيام (162 words)


الصيام (بالانجليزي: Fasting) هو الإنقطاع عن الأكل و الشُرب و الأخلاق اللى مش كويسه و الجنس. فريضة الصيام موجوده فى ديانات كتير، زى الاسلام و المسيحيه و اليهوديه. 

الصيام فى المسيحيه ممكن يبقى صيام كامل، و يبقى صيام عن اللحمه و اللبن و الدهون. والمسيحيين (اورثودوكس، و كاتوليك) بيصومو أكتر من نُص ايام السنه الميلاديه عن اللحمه و اللبن و الدهون.

الصيام فى الاسلام بينقسم لصيام اساسى و يبقى فى شهر رمضان أو صيام تطوع أو صيام كفارة (للتكفير عن ذنوب معينه)، الصيام فى الاسلام يبقى إنقطاع كامل عن الأكل و الشُرب و الجنس من الفجر حتي غروب الشمس. صيام شهر رمضان يعتبر من اركان الاسلام الاساسية الخمسه، المسلمين برضو بيصوموا تطوع (يعني الصيام مش فرض) فى اوقات معينه فى السنة و قال النبى محمد عن صيام شهر رمضان: 

صيام التطوع بيبقى صيام تطوعى، متحدد فى اوقات معينه، و بيبقى مستحب و اللى بيصوموا بياخد ثواب، بس مش فرض على المسلم و اللى مش بيصوموا مش بياخد ذنوب. صيام التطوع بيبقى زى:




#Article 121: الأشرف طومان باى (936 words)


السلطان الملك الأشرف ابو النصر طومان باى الدوادار من قانصوه الناصرى (مات 1517) سابع عشرين و اخر سلاطين الدوله المملوكيه البرجيه اللى حكمت مصر و اخر سلطان مملوكى بوجه عام و اتشنق على باب زويلة فى القاهرة لانه رفض التفريط فى استقلال مصر وقاد المقاومه ضد الغزاه العثمانيين بقيادة السلطان سليم الاول. طومان باي استلم الحكم من عمه السلطان قانصوه الغوري اللى خرج بجيشه لكي يحارب الهجوم العثمانى على الشام و مات من الصدمه فى معركة مرج دابق جنب حلب فى سوريا. و يعتبر الأشرف طومان باى سلطان ملحمى حارب الغزاه ببطوله و فدا لكن وقت مقاومته خانوه العربان و غدروا به و دلو العثمانيين على مكانه. له شارع كبير باسمه فى القاهره فى حي الزتون.

الريدانيه منطقة قريبة من العباسية فى القاهرة وحصلت فيها المعركة اللى غيرت تاريخ مصر لمدة 500 سنة جت بعد كدة. فقدت بعديها مصر استقلالها و اتحولت لمجرد ولاية من ولايات السلطنة العثمانية و ابتدت تدفع الجزية للاستانة لاكتر من خمسميت سنة. حاول طومان باي يجمع الناس و المماليك علشان يخرجو يحاربو العثمانيين بس الناس خزلوه و المماليك استهونو بالموقف. فى الوقت دا بعت له السلطان سليم الاول جواب عرض عليه انه يخليه حاكم لمصر على شرط ان طومان باي يقبل تبعية مصر للسلطنة العثمانية بس السلطان الاشرف طومان باي رفض العرض دا و طلع بجيشه على الريدانية و اتحصن فيها و حفر خندق على طول الخطوط القدمانية ولما عرف العثمانيين اتفادو الدفاعات دي و راحو مباشرة على القاهرة و لحقهم طومان باي و دخل معاهم فى معركة شرسة. سنان باشا الصدر الاعظم للسلطنة العثمانية اتقتل فى المعركة دي على ايد طومان باي اللى كان فاكر انه السلطان سليم شخصيا.
كترة العساكر العثمانيين و حسن تدريبهم مال بالمعركة ناحيتهم و هرب المماليك و العساكر اللى حوالين طومان باي و اضطر هو كمان يهرب علشان ما يقعش اسير فى ايد العثمانيين.

السلطان العثماني سليم الاول مادخلش القاهرة على طول بعد ما انتصر فى الريدانية لانه كان خايف من طومان باي و من جيوب المماليك و استنى تلات ايام قبل ما يدخلها يوم الاتنين 26 يناير 1517
.الموكب الكبير بتاع السلطان اترفعت فيه الاعلام الحمرا بتاعة العثمانيين و اتقدم الموكب الخليفة العباسي(اللى كان فى ضيافة و حماية المماليك)و كمان شارك القضاه و العساكر فى الموكب دا. بعديها بيومين فى 28 يناير هجم السلطان طومان باي على العثمانيين باليل فى حي بولاق و ساعده الاهالي المصريين و استمرت المعركة حوالي 3 او 4 ليالي و اتقتل فيها عساكر عثمانيين كتير لدرجة ان الناس افتكرت خلاص ان طومان باي راجع يحكم مصر و خطبوله و دعو له فى صلاة الجمعة(و كانت الجوامع خطبت و دعت للسلطان سليم فى الجمعة اللى قبليها) بس العثمانيين عكسو الهزيمة لنصر لما بداو يستعملو البنادق و ضربو نار على الاهالي و على المماليك و ساعتها هرب طومان باي و المماليك و طلب الاهالي العفو من السلطان سليم اللى امر بعقاب اى واحد يرفض الاستسلام.
طومان باي ماستسلمش و حاول يكر و يفر و قدر يجمع الصفوف من تاني و فى مرة من المرات كان ح يتقتل السلطان سليم فى غزوة قرب بولاق. اخر المعارك اللى عملها طومان باي هى معركة وردان (امبابة دلوقتي) واللي انكسرت فيها شجاعة المقاومة قدام قوة العثمانيين و عددهم و تسليحهم. بعديها لجأ السلطان لشيخ من العربان اسمه حسن بن مرعى فى البحيرة، بس شيخ العربان خانه وغدر بيه و بلغ عنه و اتقبض علي السلطان الاشرف طومان باي و اتحكم عليه بالشنق.

المؤرخ ابن إياس اللى كان شاهد عيان على اللى حصل بيقول:

عند باب زويلة وقف موكب السلطان الأسير طومان باي.. كان بيحرسه 400 جندي من الانكشارية.. وكان متكبل فوق فرسه.. وكانت الناس فى القاهرة خرجت علشان يلقو نظرة الوداع على سلطان مصر..واتطلع طومان باي لـ (قبو البوابة) فشاف حبل متعلق, فعرف أن نهايته جت.. فنزل من على الحصان.. واتقدم ناحية الباب بخطوات ثابتة.. بعدين وقف واتلفت للناس اللى احتشدو حوالين باب زويلة.. واتطلع عليهم كتير.. وطلب من الجميع أنهم يقرو له الفاتحة تلات مرات.. بعدين التفت للجلاد, وطلب منه أن يعمل بمهمته.

و جثته تنتها متعلقة تلات ايام و بعدين اندفن فى قبة السلطان الغوري، وبموته انتهت دولة المماليك وسقطت الخلافة العباسية، خلصت المقاومة للسلطان سليم فى مصر والشام, وبقت مصر ولاية عثمانية.

لما اتشنق طومان باى صرخ المصريين صرخه عظيمه فى شوارع القاهره من حزنهم عليه ، و كرم الاتراك حسن بن مرعى على خيانته و شكروه لكن بعد شويه قبض عليه سليم الاول و سجنه فى قلعة الجبل ففضل مسجون لغاية مافى 3 ديسمبر 1517 قدر انه يهرب من سجنه فى القلعه بالليل بعد ما برد قيوده و اتدلدل بحبل من سور القلعه و جرى ، فإتنكد خاير بك نايب العثمانليه على مصر من الخبر و امر بسرعة القبض عليه.

فى 22 ديسمبر 1517 راح الامير قايتباى على البحيره عشان يطرد العربان و يقبض على شيخ العرب حسن بن مرعى فهربوا للجبال ، وراح حماد اخو حسن بن مرعى للامير قايتباى و طلب منه الامان على اساس انه يسلمه حسن بن مرعى ، لكن لما اتضح للامير قايتباى إن ده كله مكر من العربان قبض على حماد و بعته لخاير بك فسجنه و رجع الامير قايتباى على القاهره من غير ما ينجح فى القبض على حسن بن مرعى ففضل هربان و مستخبى لغاية ما قدر كاشف الغربيه  أينال السيفى  إنه يستدرجه جنب سنهور فى مارس 1519 و يسكره و يقبض عليه هو و أخوه  شكر  ، فهجم عليهم المماليك و جزوا روسهم و علقوها على حصان طومان باى اللى كان شيخ العرب حسن بن مرعى سرقه بعد ما غدر بطومان باى و خانه ، و بيتقال ان المماليك قطعوهم حتت و فيه منهم شربوا من دمهم ، و دخل حصان الشهيد طومان باى القاهره فى 23 مارس 1519 و روس الخونه متعلقه فى رقبته فأمر خاير بك بتعلقيها على باب النصر ، وخرج اهل طومان باى يتفرجوا عليها و يتشفوا فيها و زغرتت الستات من الفرحه لأخد التار من الخونه .




#Article 122: عادل امام (147 words)


عادل امام من اكبر و اشهر ممثلين مصر ، اتولد فى 17 مايو 1940 فى المنصوره، متجوز من هاله الشلقانى وله 3 ولاد رامى امام المخرج و سارة امام اللى اتجوزت ابن واحد من الاخوان و محمد امام الممثل. اخوه الصغير يبقى المنتج عصام امام وجوز اخته هو الممثل الراحل مصطفى متولى.

عادل امام اخد بكالوريوس الزراعة من جامعة القاهرة
قبل ما يبقى معروف كان بيعمل مسرحيات فى مسرح الكلية لحد ما اشتغل مع فؤاد المهندس فى مسرحية السكرتير الفني
وبعدها اشتغل افلام ابيض واسود ادوار مساعدة زي فيلم الخروج من الجنة وعفريت مراتي لحد ما عمل مسرحية مدرسة المشاغبين اللى كانت بالنسباله نقطة تحوّل فى حياته ومن بعدها بقى يعمل افلام من بطولته

اختارته الامم المتحده سنة 2000 سفير النوايا الحسنة فى المفوضية العليا لشؤون اللاجئين التابعة للامم المتحده.

فى اغسطس 2009 اتعرض عادل امام لاعتداء من واحد عربى رماه بقزازه وقت تقديم مسرحيه فى القاهره.




#Article 123: عبرى (202 words)


العبرى (עברית)، اللغه العبريه لغه ساميه من المجموعه الكنعانيه. العبرى هو اللغه الرسميه فى اسرائيل، واللغة اللى بيتكلموا بيها فى اسرائيل. مكتوب بيها معظم اسفار العهد القديم ماعدا سفر دانيال وحتت تانية مكتوبة بـ الآرامى. العبري اللى بيتكلموه فى اسرائيل, بيختلف عن العبرى بتاع التوراه فى النطق و كمان ساعات فى الكتابة.
اللغه العبريه بتنتمي لمجموعة اللغات الافريقية الاسيوية، وحاليا بتنتشر اللغه العبري الحديسة كلغة الكلام والأدب والتعامل الرسمي، وبيكلمهاأكتر من 7 مليون واحد متوزعين بين حدود اسرائيل والأراضي الفلسطينية. اللغة العبري الكلاسيكية (القديمة)ماعدتتش بتستخدم كلغة كلام او كلغة تعامل رسمي انما بتستخدم كلغة دينيه بيستعملها المتدينين اليهود فى تعاملاتهم الدينية. خدت اللغه العبري تسميات كتيرة زي لغة كنعان (و هوا الاسم الي جه فى التوراه)، واللغة اليهودية (عشان معظم الي بيكلموها يهود بالمقرانه معا عدد قليل من الفلسطينيين)، واللغه المقدسه (اكمنها بتعتبر لغة مقدسة عشان التوراه الي نزل بالعبري)، بس اشهر الاسماء ليها هوا اللغه العبريه (بالنسبة للعبرانيين الي شالو اللغة بعد الكنعانيين). واتسجل باللغة العبرية معظم سفار التناخ،واتكشف أن العبرية بتاعةالتناخ او الي بيتسما العبرية بتاعة العهد القديم بتشابه لحد كبير لغات قديمةاتكشافت فى الحفريات الي اتعملت فى المنطقة وبتشمل اللغه العمونيه. واللغه العبريه القديمه الي بتعتبر هى نفسها لهجة مملكة يهوذا الي

ابجدية العبرى زي ابجدية العربى القديمة وهى:هخخحثخثت




#Article 124: عمرو سلامه (176 words)


عمرو سلامة مخرج مصرى اتولد يوم 22 نوفمبر 1982 فى الرياض عاصمة المملكه العربيه السعوديه . درس تجارة ومدرسش سينما، وابتدا يشتغل ف الافلام عن طريق الافلام القصيرة زي فيلم الاعلان وفيلم عذاب نفسي وفيلم وثائقي عن الايدز واعلانات عن افلام. وكان بيظهر ف ادوار ف الافلام اللى بيعملها واول ظهور ليه كممثل كان فيلم السلم والتعبان وكان عامل دور اخو احمد حلمي الصغير.

اول فيلم روائي طويل عمله كان فيلم زي النهاردة اللى اتعرض ف اخر سنة 2008 وشارك ف مهرجان الشرق الاوسط للسينما واترشح لجايزة احسن فيلم. الفيلم هو اللى كتب السيناريو بتاعه وعمل مونتاج الفيلم وهو بردو اللى عمل الاعلان واخرج كليب الفيلم تسمحيلي. وقال انه اتعرض لصعوبات عشان يعمله لان النقابة محددة شرط ان المخرج اللى مخدش دراسة اكاديمية لازم يدفع للنقابة 150 الف جنية وهو مكنش معاه المبلغ دة فباع عربيته واخد فلوس من اهله والمنتج ساعده على اساس انه يسدد المبلغ من الافلام اللى جيّة يعني هيشتغل ببلاش فيلمين ورا بعض .

واخرج اعلانات وكذا كليب لفرقة وسط البلد.

كتاب رسائل ترد للمرسل
كتاب شاب كشك (ورحله البحث عن الجادون)




#Article 125: فرج فوده (381 words)


فرج فوده ( دمياط، 20 اغسطس, 1945 - القاهره، 8 يونيه, 1992) كان كاتب مصري مهم و مفكر و صحفي و كمان ناشط فى حقوق الانسان ومنادي بالسيكولارية و الدولة المدنية و الوحدة الوطنية للمصريين بغض النظر عن دينهم.

واخد الدكتوراه بتاعته فى الاقتصاد الزراعي من جامعة عين شمس.

فرج فوده كان عضو فى حزب الوفد الجديد لحد ما استقال سنه 1984 لما اتحالف الوفد ويا الاخوان المسلمين فى انتخابات مجلس الشعب لأنه بيعتقد إن الإخوان بييضروا الديمقراطية والوحدة والوطنية.

فرج فودة اتقتل بالرصاص بعد تحريض جبهة علماء الازهر عليه و اتهامه بالردة و وجوب قتله فى بيان ليها فى جريدة النور سنة 1992 و الشيخ عمر عبد الرحمن صاحب فتوى قتل فودة.

فى التحقيق مع القاتل سأله المحقق : ليه قتلت فرج فودة؟ فرد المتهم: إكمنه كافر، فسأله المحقق: من انهو كتاب من كتبه عرفت إنه كافر؟ فرد القاتل: أنا ماقريتش كتبه . فسأله: إزى ؟ فرد: أنا مابعرفش لا أقرا و لا أكتب.

اتشهر فرج فودة بمقالاته الحادة اللى انتقد فيها التطرف الاسلامي و عارض فيها الدولة الاسلامية و طالب بوقف سلطة رجال الدين على الدولة خاصة الشئون الدنيوية.
 
فرج فودة اتميز بالذكاء الشديد اللى مكنه من انه يعارض الفكر اللى بتقوم عليه نظريات الجهاد و خصوصا صراعه مع الغزالي و محمد عمارة وعبد الحميد كشك اللى كفروه على الرغم من انه فى كل كتبه و مقالاته كات بيأكد اسلامه و كان بيقول ان صراعه مع الاسلاميين صراع سياسي مش صراع ديني.

وكمان صراع مع الشيخين صلاح ابو اسماعيل وعمر عبد الرحمن المسجون دلوأتي فى امريكا.

كمان صراعات مع كتير من الكتاب الاسلاميين فى مصر زي فهمي هويدي. وعارض جامد افكارهم اللى بتدعو لاقامة دولة مش علمانية فى مصر.
بس أخيرا وزارة الثقافة في مصر هتعمل له مؤتمر بمناسبة مرور 25 عاما على اغتياله بمشاركة المجلس الأعلى للثقافة والهيئة المصرية العامة للكتاب ودار الكتب والوثائق القومية.

فتوي من الشيخ محمد الغزالي و محمد عمارة و الدكتور محمود مزروعة بأن فرج فودة مرتد

الساعة سبعة الا ربع و هو خارج من مكتبه فى مدينة نصرو معاه ابنه الصغير وواحد صاحبه, هجم عليه اتنين من الجماعة الاسلامية راكبين موتوسيكل و فتحو عليه النار من رشاش الي و بعديها اتنقل للمستشفى و مات بعديها بست ساعات.
الشيخ الازهري محمد الغزالي اعلن ان قتل المرتد مش غلط و قال ان قتل فرج فوده هو تطبيق لحد القتل للمرتد لان الامام فشل فى تطبيقه.

	




#Article 126: فرنسا (532 words)


فرنسا (  ; الجمهوريه الفرنساويه,  République française ) موجودة فى غرب اوروبا و بتطل على البحر المتوسط فى الجنوب و بحر الشمال و القنال الانجليزي فى الشمال و من نهر الراين فى الشرق لحد المحيط الاطلانطي فى الغرب.

فرنسا ليها حدود مع الدول دى: بلجيكا،لوكسيمبورج، المانيا، سويسرا، ايطاليا، موناكو، أندورا و اسبانيا.

فرنسا كانت من اكبر القوى الاستعمارية فى العالم من اول القرن السبعتاشر و لحد القرن التسعتاشر و قدرت تبنى لنفسها واحدة من اكبر الامبراطوريات فى الدنيا من غرب افريقيا ولحد جنوب شرق اسيا و سابت تاثير كبير جدا على ثقافة الشعوب اللى احتلتها. فرنسا دلوقتي دولة ديموقراطية و علمانيه رئاسية و اقتصادها سادس اكبر اقتصاد فى العالم و بيزورها فى السنة الواحدة 82 مليون سايح و طلبة من جميع أنحاء العالم و ده لارتفاع مستوى التعليم فى الجامعات عندهم وهي من الدول اللى اسست الاتحاد الاوروبي.
فرنسا قوة نووية وواحدة من الدول الخمسة اللى ليها عضوية دايمة فى مجلس الامن
العاصمة بتاعة فرنسا هى پاريس ورئيسها دلوقتي هو فرانسوا أولاند واللغة الرسيمة ليها هى الفرنساوى ومساحتها 674,843 كيلو متر مربع وبكده تكون اكبر دولة فى الاتحاد الاوروبي فى المساحة وعدد سكانها 64.5 مليون.

فرنسا هى اكبر دولة فى الاتحاد الأوروبى من ناحية ، و تالت اكبر دولة فى أوروبا بعد روسيا و اوكرانيا و تانى اكبر دولة فى أوروبا لو اتحسسبت أراضيها اللى بره الاتحاد الاوروبي. فرنسا كانت قوة رئيسية ليها نفوذ قوي واقتصادى و ثقافى و عسكرى و سياسى.

اسبانيا ابتدت الحرب ضد الجمهوريه الفرنسيه الاولى اللى قامت بعد ما الثوار الفرنساويين شالو الملك لويس الستاشر من الحكم و اعلنو فرنسا جمهوريه و بعدين فى سنة 1793 اعدموه بالجيلوتين , الملك لويس الستاشر كان من عيلة البوربون اللى بتحكم اسبانيا. فى سنة 1794 أعلنت بريطانيا و البرتغال الحرب على اسبانيا . و فى سنة 1799 نابليون استولى على السلطة بعد ما عمل انقلاب برلمانى بدعم الشعب و الجيش و استفاد من الخلافات بين كارلوس الرابع ملك اسپانيا و ابنه فرناندو. سنة 1805 فى معركة ترافالجار هزم أسطول بريطانيا العظمى أسطول فرنسا و اسبانيا و ده كان نهايه لسيادة الاسبان فى البحار العالمية لصالح بريطانيا العظمى بسبب الحالة الاقتصادية الكارثية و اسباب تانيه اتخلى ملك اسبانيا عن العرش لصالح اخو نابليون جوزيف بونابرت. من اهم الاسباب دى ان معاهدة فونتينبلو بين نابليون و جودوى اتسببت فى اعلان الحرب ضد بريطانيا و البرتغال و دخول القوات الفرنساوية شبه الجزيرة علشان غزو البرتغال لكن بدل من غزو البرتغال احتل الفرنساويين القلاع الاسبانية. مفاجأة الغزو الفرنساوى اتسببت فى تخلى الملك الاسبانى لصالح اخو نابليون جوزيف بونابرت.نابليون خلى اخوه ملك اسبانيا و اداله لقب ملك اسبانيا و انديز (مستعمرات اسبانيا فى امريكا الاتينيه).

الاسپان ماكانش عندهم اى احترام لجوزيف بونابرت, و ابتدا شعب مدريد انتفاضه قوميه ضد الجيش الفرنساوى يوم 2 مايو 1808. و ده مثل بداية حرب الاستقلال الاسبانيه اللى استمرت خمس سنين. صدر فى 19 مارس سنة 1812 اول دستور اسبانى, واحد من اول الدساتير فى العالم, بعد هزيمة قوات نابليون سنة 1813 رجع فرناندو السابع ملك اسپانيا لعرش اسبانيا و لغى دستور 1812 والقوانين الدستوريه و لغى قانون سلالة البوربون اللى منع الستات من انهم يتولو الحكم الملكى., واتولت بعده بنته الكبيره من مراته الرابعه ماريا كريستينا.

فرنسا ليها حدود مع بلجيكا،لوكسيمبورج، المانيا، سويسرا، ايطاليا، موناكو، أندورا و اسبانيا. اسبانيا بتشارك فرنسا فى السياده على جزيرة الفزان فى مصب نهر بيداسا.

 




#Article 127: فرانكيا (517 words)


فرانكيا او الامبراطوريه الفرانكيه هى المنطقه اللي سكنها و حكمها الفرنك ( الفرنج ) من القرن التالت للقرن العاشر . و هيا نفسها الامبراطورية الفرانكيه , او مملكة الفرانك , او ارض الفرانك.

الممالك الفرعية الفرنكية بمرور الوقت كانت كتيره ,لكن كلمة فرنكيا مع مرور الايام ارتبطت بمملكة فرعية واحدة و هى مملكة أوستراسيا ، تتركز على نهر الراين, و احيانا كلمة فرنكيا تشمل مملكة نيوستريا شمال لوار وغرب السين ، لكن بمرور الوقت إنحصرت تسمية فرنكيا فى منطقة حوض السين حوالين باريس ، و الايام دى منطقة حوض السين حول باريس اسمها إیل-دو-فرانس - Île-de-France و هو الاسم اللى جه منه اسم مملكة فرنسا كلها.

كان نظام حكم الامبراطورية يعتمد على تقسيم المملكة لممالك فرعيه ، اكبر عملية توسيع الامبراطورية الفرنكية تحت حكم كارل مارتل و ابنه بيبين الاوصيير و ابنه شارلمان بين الاب والابن والحفيد كان فيه حملات مستمرة علشان توسيع الامبراطورية و اكبر اتساع كان فى اوائل القرن التاسع

اول تسمية فرنكيا فى اللاتينى متسجله من اوائل القرن التالت . فى الوقت ده وصفت منطقة شمال وشرق نهر الراين ، تقريبا فى المثلث بين أوتريخت ، بيليفيلد ، و بون. و دى كانت اراضى القبايل الفرنكيه الساليان و السيكامبرى و التشاماڤى و التشاتوارى و البروكتيرى و اليوسيبيتس و الأمبسيڤارى. شويه من القبايل الفرنكيه دى زى الساليان و السيكامبرى كان ليهم أراضى فى الامبراطورية الرومانية , و كانت بتدى قوات عسكريه للقوات الرومانية على الحدود.

فى 357 دخل ملك الساليان الامبراطورية الرومانية واستولى على أراضى هناك بصفة دايمة منحهاله بمعاهدة جوليان المرتد اللى اضطر التشاماڤى يرجعو ل هامالاند, لكن منح قبيلة الساليان الفرنكية صفة الحليفة (foederati) فى توكساندريا حسب ما قال أميانوس مارسيلينوس.

زى مااراضى القبايل الفرنكيه اتوسعت معنى فرنكيا وسع معها. رغم إن كتير من ملوك الفرنك اللى كانو عايشين على الاراضي الرومانية زى باوتو و اربوجاستيس كانو فى صف الرومان ، ملوك غيرهم من الفرنك زى مالوباودس كانو نشيطين على الاراضى الرومانية لأسباب تانيه.بعد سقوط اربوجاستيس
نجح ابنه ارجيوس فى بداية وضع حكم وراثى فى تراير .بعد سقوط نظام مغتصب الحكم قسطنطين التالت بعض الفرانكس اىًد مغتصب الحكم يوڤينوس (411). رغم يوڤينوس إتقتل 413 , ماقدرتش الامبراطورية الرومانية تدير اراضيها فى فرنكيا او تعتبرها جوه حدودها.

ملك الفرنك ثيودومير أعدمه الرومان بحد السيف ,لكن بدون فايده.

الميروڤينجيين كانو عيله من قبائل السليان من الفرنكيين. الميروڤينجيين هى اول سلالة حكمت الفرنكيين لحد كبير فى منطقة فرنسا دلوقتى. من نص القرن الخامس لنص القرن التامن.ف السنين الاخرانييه من حكم الميروڤينجيين سلالة الميروفنجيين كانو مجرد حكام صوريين,كارل مارتل اختار إنه مياخدش لقب ملك , و انتها حكم الميروڤينجيين فى انقلاب القصر سنة 751 لما بيبين الاوصيير ابن كارل مارتل شال شيلدريك التالت من الحكم. حكم الميروڤينجيين انتها رسمى فى شهر مارس سنة 752 لما خلع البابا زخارى رسميا شيلدريك التالت اخر ملوك الميروڤينجيين  و البابا اسطفانوس التانى أكد تانى و توج بيبين الاوصيير مكان شيلدريك سنة 754م . بيبين الاوصيير اختار إنه مياخدش لقب امبراطور, حكم شارلمان إبتدا سنة 768 بعد موت ابوه بيبين القصير. شارلمان اختار إنه ياخد لقب امبراطور ,لكن كل واحد منهم كان الحاكم المطلق لكل اوروبا الغربيه. مصطلح ميروڤينجيين جاى من لاتينى العصور الوسطى Merovingi او Merohingi (ولاد ميروڤيوس ) و هو تغيير لاسمهم فى الفرانكونى الغربى القديم بشكل من الأشكال ،




#Article 128: قاسم امين (412 words)


قاسم امين () ( 1 ديسمبر 1863 - 23 ابريل 1908) كان من مؤسسين الحركة الوطنيه المصريه و جامعة القاهرة , اشتهر بانه زعيم الحركة النسائية فى مصر
فيه اختلاف على جنسية والده يعني فيه ناس بيقولوا كۏردي و ناس تانيه بتقول انه عثماني بس امه مصريه
اتولد فى صعيد مصر بالتحديد فى طُرة. اخد ليسانس الحقوق سنة 1881 اشتغل شوية محامي بعد كدة راح فرنسا ودرس القانون فى جامعة مونبلييه.
ولما رجع كان متاثر بمجتمع فرنسا وحرية التفكير هناك وشاف ان فيه عادات فى مصر مش اساسها الاسلام وكان من مؤيدين محمد عبده. وكان بيكتب فى جرنان المؤيد عن المجتمع المصري ومشاكله.
بعد مارجع قاسم امين من فرنسا الف كتاب اسمه المصريون رد فيه علي تهم الدوق داركور للمصريين بالتخلف فى العادات الاجتماعيه اللى بتفرق بين الراجل والست، و الغريب انه فى الكتاب ده دافع عن الحجاب، وفصل الراجل عن الست، وحاول تبرير عادات المجتمع الشرقي التقليديه.
لكنه بعد اقامته فى مصر بفتره حضر صالون ثقافي لاميره اسمها نازلي فاضل، كان بيحضره مثقفيين و مفكريين فى المجتمع المصري ساعتها، والظاهر انه تآثر بشخصيه نازلي فاضل لانها كانت امرآه متعلمه و مثقفه بس ملتزمه بالدين والاخلاق فى نفس الوقت. و من ساعتها غير اراءه وكتب فى مواضيع تحرير و تعليم المرآه، وشاف ان فيه عادات فى مصر مش اساسها الاسلام.

كان من مؤيدين للشيخ محمد عبده و كان بيكتب فى جرنان المؤيد عن المجتمع المصري ومشاكله

اهتمام قاسم امين بوضع الستات فى مصر كان عشان هو شايف ان الست هى اسا المجتمع وتطويرها هو تطوير المجتمع فاهتم بتحرير المرأة وقصاد دة كان عليه هجوم عنيف جدا والدنيا اتقلبت عليه واتهموه انه بيدعو للانحلال نتيجة عيشته برّة وعمل كتاب اسمه تحرير المرأة اتكلم فيه عن الحجاب والطلاق والجواز باكتر من واحدة وقال ان الست لازم تخرج للمجتمع ويكون ليها الحق فى التعليم
وكان بيهتم بالاسلوب عن المظهر يعني كان بيقول مش مهم الست تبقى محجبة لكن المهم تصرفاتها وطريقة مشيتها.
بعد كتابه الاول تحرير المرآه اتعرض قاسم امين لهجوم عنيف من الصحافه والرآي العام، ولكنه ماتراجعشي عن اراءه و بعدها بسنه واحده نشر كتابه التاني المرآه الجديده، اللى اصر فيه علي منهج تحديث وضع المرآه و نظره المجتمع ليها
 
دة غير انه عمل كتاب تاني اسمه اسباب ونتايج وأخلاق ومواعظ عن المجتمع المصري بردو
وكمان كان بيدعو لتحرير العربي من التكلف والسجع وعلامات الاعراب لكن محدش سمعله والحكاية نامت
قاسم امين كان وكيل للنائب العمومي لمحكمة مصر المختلطة وبعدها بقى مستشار فى محكمة الاستئناف

قاسم امين مات 23 ابريل سنة 1908 , رثاه عدد من الشعرا الكبار زى حافظ ابراهيم و خليل مطران




#Article 129: قبرص (139 words)


 
قبرص (يوناني: Κύπρος |Kýpros|; توركي: Kıbrıs) : هي دولة مكونة من جزيرة واحدة فى شرق البحر الابيض المتوسط بجانب الشام ، اسمها الرسمي جمهورية قبرص .

قبرص هى تالت اكبر جزيرة فى البحر الابيض المتوسط و من اشهر المناطق فى العالم اللى يزورها السياح (حوالي 2.4 سائح فى السنة)وقد استقلت عن بريطانيا عام 1960 واصبحت عضو فى الاتحاد الاوروبي فى 1 مايو 2004.

في سنة 1974 و بسبب التوتر و العنف بين القبارصة اليونانيين و القبارصة الاتراك حاول القبارصة اليونانيين القيام بانقلاب وضم الجزيرة لليونان ، ردت تركيا بغزو الجزيرة و احتلت الثلث الشمالي منها و اعلنتها جمهورية مستقلة لكن لم يعترف بدى الجمهورية سوى تركيا وتجري حاليا مباحثات لإعادة توحيد الجزيرة خصوصا بعد انضمام الجزء اليوناني منها للاتحاد الاوروبي.

عاصمة قبرص هى نيكوسيا واللغة الرسمية هى اليونانية و التركية
مساحة قبرص 9,251 كم و عدد سكانها 788,457 انسان.




#Article 130: مصر القديمه (901 words)


مصر القديمه هى مصر وحضارتها و ثقافتها اللى اتشكلت زمان فى منطقة وادى النيل فى شمال شرق افريقيا.

قدماء المصريين هما المصريين القدام ، عنصر ميديترينيانى ( بحر متوسطى ) دخلوا منطقة وادى النيل فى العصور القديمه و استقروا فيها  حوالين نهر النيل و اسسو حضارة عظيمة عمرها اكتر من خمس-ت-الاف سنة. الحضارة دي بدات تقريا سنة 3150(ق ع ح ) بعد توحيد شمال و جنوب مصر فى دولة واحدة مركزية استمرت شامخة لمدة تلات-ت-الاف سنة.

عدا تاريخ مصر القديمة ب تلات مراحل استقرار(المملكة القديمة و المملكة الوسطانية و المملكة الحديثة ) و فترات انهيار قصيره بين المراحل التلاتة دي.بعد انهيار المملكة الحديثة دخلت مصر فى حالة انهيار مستمرةاتميزت بالاحتلال الاجنبي لارض مصر.

انتهى حكم الفراعنة رسمى لمصر سنة 31(ق ع ح)بعد معركة اكتيوم البحرية اللى انهزمت فيها كليوباترا ملكة مصر و اخر الفراعنة و بعديها احتل الرومان مصر و حولوها لاول مرة فى تاريخها لمجرد مقاطعة او اقليم تابع الامبراطورية الرومانية.

ازدهرت الحضارة المصرية القديمة بسبب سيطرة المصريين على الطبيعة اللى حواليهم، يعني لما مثلا قدروا يطوروا نظام الري، كان عندهم فايض كبير جدا فى الحبوب و المحاصيل اللى امن لمصريين القدام درجة من الاستقرار الاجتماعي و التطور و الابداع الثقافي.
الغنا و الاستقرار الاجتماعي مكن الادارات المصرية من الصرف على مشاريع كبيره زي استخراج المعدان من وادي النيل و الصحراء اللى حواليه، اختراع الابجدية الهيروغليفيه ، تشييد المعابد و القصور و المقابر و الاهرامات، ازدهار التجارة من الشعوب المجاورة، تكوين جيش قوي و هزيمة اعداء مصر. كل دا كان دليل على مستوى التطور اللى وصل ليه المصريين القدام وخصوصا طبقة الكتاب و القادة الدينيين و الاداريين اللى كانوا بيشتغلوا فى تناغم تحت الحكم القوي للفراعنة اللى كانوا بدورهم رمز لوحدة المصريين القدام بشكل عام.

المصريين القدام اسسوا حضارة و تركو للبشرية كلها تراث عظيم لسة لحد دلوقتي محل تقدير كل العالم.

الدراسات الحديثه اللى عملوها علما المصرولوجيا فى جامعة اكسفورد بإستخدام  كربون 14  على عينات من الاثار المصريه القديمه بينت إن تاريخ الدوله المصريه القديمه اقدم من اللى كان معروف، واتفقوا على إن تاريخ الدوله المصريه بدأ من الفتره ما بين 2691 و 2626 قبل الميلاد، و إن الدوله المصريه الحديثه بدإت ما بين 1570 و 1544 قبل الميلاد.

كتير من الانجازات اللى حققها المصريين شملت نظام الرياضيات ، والمحاجر ، والمسح و طرق البنا اللى سهلت بنا الاهرامات والمعابد والمسلات الضخمة ، و الخزف و الازاز و التكنولوجيا ، وعملية فعالة لنظام الطب ، وأشكال جديدة من الادب ، و نظم الرى و اساليپ الانتاج الزراعي ، واقدم معاهدة سلام.

كل الانجازات دى سابت لمصر ميراث دايم من : الفن والعمارة و الاثار و اتقلدت فى كل العالم ، و ألهمت خيال الكتاب والرحاله من قرون. الاحترام الجديد للحضارة المصرية وصل لبداية الحفريات الحديثة و للدراسة العلمية وتقدير أكبر لتراث المصريين الثقافي لمصر و العالم.

بحلول فترة أواخر العصر الحجرى مناخ شمال افريقيا بقى بصورة متزايدة حر و جاف ، ده اجبر سكان المنطقة على التركيز على طول وادى النيل ، و بعد ما كانو من البدو الصيادين اللى كانو عايشين فى المنطقة خلال العصر الجليدى حوالى 1.8 مليون سنة بقى النيل شريان الحياة فى مصر. فيضانات النيل الخصبة ادت البشر الفرصة لتطوير الاقتصاد الزراعى و استقرار أكتر فى التطور و فى المركزية فى المجتمع اللى بقى حجر الزاوية فى تاريخ الحضارة الانسانية.

فى سنة 2010 علماء المصرولوجيا فى جامعة اكسفورد عملوا دراسات بإستخدام  كربون 14  على 211 عينة من الاثار المصريه القديمه و قدروا انهم يتوصلوا لإن تاريخ الدوله المصريه القديمه اقدم من اللى كان معروف واتفقوا على إن تاريخ الدوله المصريه بدأ من الفتره ما بين 2691 و 2626 قبل الميلاد ، و إن الدوله المصريه الحديثه بدإت ما بين 1570 و 1544 قبل الميلاد.

الفرعون كان هو الملك المطلق للبلد ، من الناحية النظرية على الاقل ، مارس السيطرة الكاملة على الارض ومواردها. الملك كانهو القائد العسكرى الاعلى ورئيس الحكومة اللى يعتمد على البيروقراطين من المسؤولين علشان إدارة شؤونه.

الماده الرئيسيه : اللغه المصريه القديمه

الماده الرئيسيه : الادب المصرى القديم

المصريين القدام كان عندهم اداب متنوعه منها الدينى و منها الجنزى و منها الدنيوى. لغتهم كانت مليانه بالتشبيه و الاستعاره و الجناس اللفظى. و الادب المصرى القديم من اقدم اداب العالم لكن ما وصلش للعصر الحديث الكتير منه لإنه كان متدون على ورق البردى اللى الزمن قضى عليه و اللى وصل منه ضاعت منه اجزاء. لكن اللى وصل بيبين إن الادب المصرى القديم كان ادب مميز و غنى بالمواضيع و الاساليب الفنيه وانه كان بيجمع بين القصه و القصيده و الملحمه و موضوعاته كانت بتتراوح مابين اشعار الحب و التأمل الصوفى و الاداب العامه و حكايات الابطال. فى الادب الدينى المصرى كان فيه اناشيد كتيره بتمجد الالهه و بتوصفها. من امثلة الادب الجنزى متون الاهرام ، و نصوص التوابيت ، و كتاب الاموات. و من أمثلة الادب الدنيوى حكايات و حواديت بديعه زى قصة خوفو و السحارين ، و البحار الغريق ،و الفلاح الفصيح ، و سنوهى ، و نصايح الوزير بتاح حوتب ، و الملكين مرى كارع و امنمحتب الاول ، و الحكيم امنمؤبى ، و  تحذيرات العراف ايبوود ، و  الملل من الحياه  . و جنب ده كان فيه الأغانى الجميله المليانه عواطف و حب و التمثليات الشيقه زى تمثيلية حياة اوزوريس ، و تمثيلية صراع حورس و ست.

العماره المصريه القديمه هى نظام البنا المصرى فى العصور الفرعونيه ، بتتسم بالمعابد و المقابر الراسخه ، و الحيطان السميكه اللى مافيهاش فتحات كتيره ، و اللى بتغطيها رسومات و نقوش و كتابات هيروغليفيه ملونه. طراز البنا المصرى القديم فيه مهابه و عظمه و بيأثر فى نفس اللى بيشوفه. من اشهر العماير دى الاهرامات و معبد الكرنك و الدير البحرى معبد ابو سمبل.




#Article 131: كارمينا بورانا (117 words)


كارمينا بورانا  مجموعة مخطوطات باللاتينى القديم اتخطت فى العصور الوسطى سنة 1280 و اتلاقت سنة 1803 فى دير بينيديكتبويرن فى ولاية بافاريا الخطوطات دى موجوده دلوقتى فى مكتبة الدوله فى ميونيخ فى المانيا. نصوص المخطوطات عددها 119 مخطوطه مكتوب فيها قصايد بتتكلم عن الخمره و الستات و الحب.

كارمينا بورانا او اغاني بويرن ( أغانى بيت صغير - دير بينيديكتبويرن) , بيتقال ان ترجمة كارمينا بورانا بالعربى هى الترانيم العلمانيه ، و هى كلها تقريبا نصوص مكتوبه بكلمات دارجه ، لاتينى والمانى او بالفرنساوى. و اللى كتبوها كانو طلبه و رجال دين من 1230 ، لما كانت اللغات اللاتينى و الفرنساوى مستعملين فى كل نواحى ايطاليا وأوروبا الغربيه عن طريق علما السفر و الجامعات و رجال الدين.




#Article 132: كارمينا بورانا(اورف) (128 words)


كارمينا بورانا أنشودة اوبرا موسيقية خلابة الفها كارل اورف بين 1935 و 1936 و تستند ل 24 من القصايداسمها كارمينا بورانا من القرون الوسطى القرن الحداشر و القرن الاتناشر و اوائل القرن التلاتاشر. تحكى النصوص باللغة اللاتينية القديمة عن الخمرة و النساء و الحب جمع كارل اورف كارمينا بورانا. اسم كارمينا بورانا اللاتينى الكامل هو كارمينا بورانا : اغاني : العلمانية لأغاني المطربين والجوقات سونغ ليكون جنبا الى جنب مع ادوات السحر والصور. كارمينا بورانا هى جزء من ، الموسيقية الثلاثية. افضل حركة معروفة هى القطعة الأولى (يا آلهة القدر) و تتكرر فى النهاية ., آه يا آلهة القدر, متغيرة أنت كوجه القمر, دورة أزلية من التألق و الشحوب .

اوبرا كارمينا بورانا بتجسد صراعات البشر, الخير والشر, والملايكة والشياطين, والحب والكراهية, والولادة والموت, والسعادة والألم, والحرب والسلام.,

 




#Article 133: كايلى مينوج (131 words)


كايلى مينوج فنانه استراليه اتولدت فى 28 مايو 1968 ابتدت شهرتها فى أواخر تمانينات القرن العشرين من خلال دورها فى المسلسل التلفزيونى الاسترالى الجيران 1987 قبل ما ابتدت مسيرتها كمغنيه سنة 1987. اول اغنيه ليها لوكوموشان (تنقل) قضت سبع أسابيع رقم واحد فى استراليا

كايلى مينوج اشتهرت فى اوستراليا و فى اسيا ، واوروبا وبقت واحده من رموز الجنس و من اكتر المشاهير فى جيلها . فى بلدها استراليا ، بعد ما رفضها بعض النقاد فى اول حياتها المهنيه ، كان ليها كتير من الانجازات المشهوده فى استراليا . كايلى مينوج اصدرت البومها العاشر ، فى 27 نوفمبر 2007 ، و اخدت على وسام او بى اى وسام الامبراطورية البريطانية الموسيقى من ملكة المملكه المتحده فى 2007 للخدمات المقدمة لمساهمتها فى مجالات الموسيقى..

احتفلت كايلى مينوج بعيد ميلادها الاربعين فى 2008.




#Article 134: كريم عبد العزيز (129 words)


كريم عبد العزيز ممثل مصري (ولد فى 17 اغسطس 1975م) وهو ابن المخرج المصري محمد عبد العزيز وعمه هو المخرج عمر عبد العزيز.

اول ظهور له كان فى فيلم انتبهوا ايها السادة سنة 1978 وكان طفل صغير وقال جملة واحدة
وبعدها ظهر فى فيلم المشبوه مع عادل امام وسعاد حسني سنة 1981 وقام بدور ابن عادل امام.
وبردو ظهر فى سهرة درامية مع بوسي
دخل معهد السينما وعمل كمساعد مخرج فى فيلم ”بخيت وعديلة (1)“
كريم عبد العزيز له اخت اسمها ياسمين و تزوج عام 2002 من صحفية اسمها سماح ولكنهم طلقوا فى اخر السنة.
تجوز ثانية فى سنة 2005 من هايدي سرور و هى ابنة هاني سرور ورزق ببنت اسمها ملك سنة 2006.

امرأة من زمن الحب (1998)
الهروب (2012) , وش تاني (2015) / الزيبق (2018 )




#Article 135: مالطى (439 words)


اللغه المالطى هى اللغه الاصليه بتاعة مالطا, و هى كمان واحده من اللغات الرسميه فى الاتحاد الاوروبى. اللغه المالطى قريبه من انواع العربى اللى كانت موجوده زمان فى سيسيليا و تونس و شمال افريقيا. نوع اللغه اللى فى تونس هو اقرب نوع للمالطى. المالطى هو اللغه الساميه الوحيده اللى بتتكتب بحروف لاتينى.

اللغه المالطى هى لغه ساميه جايه من العربى السيسيلى,Merritt Ruhlen. 1991. A Guide to the World's Languages, Volume 1: Classification. Stanford.David Dalby. 2000. The Linguasphere Register of the World's Languages and Speech Communities. Linguasphere Observatory.Gordon, Raymond G., Jr., ed. 2005. Ethnologue: Languages of the World. 15th ed. Summer Institute of Linguistics.Alan S. Kaye  Judith Rosenhouse. 1997. Arabic Dialects and Maltese, The Semitic Languages. Ed. Robert Hetzron. Routledge. Pages 263-311. اللى فى تاريخ مالطا كان متأثر باللغه السيسيلى, و الطليانى, و متأثر اقل بالفرنساوى, و من قريب بالانجليزى. دلوقتى, الڤوكابولارى الاساسى (مع اللى اكتر حاجه بيستعمل و الكلام اللى ليه دلاله (انجليزى: function words)) سامى, و مع عدد كبير من كلام سلف. بسبب التأثير السيسيلى على العربى السيسيلى, المالطى عنده خصايص اتصال بلغات كتير و عادة بيتوصف بإنه لغه ليها عدد كلام سلف كتير.

على مر التاريخ, اللغه المالطى كانت بتتصنف بكزا طريقه, فيه شويه بيقوله ان اللغه الپونيك (Punic) كانت الاساس بتاع اللغه, بدل العربى السيسيلى,
فى نفس الوقت فيه تانيين بيعتقدو انها لغه بربرى, و تحت حكم ايطاليا الفاشيّه, كانت بتعتبر لهجه من لهجات اللغه الطليانى.

المفردات المالطى متأثره تاريخى بـ نسبة 52% من الإيطالى و السيسيلى, 32% من العربى السيسيلى (العربى-الصَقلّى), 6% من الانجليزى, و الباقى من الفرنساوى.

 زاميت2000 قال ان 40% من جزور كلام العربى القرآنى/الكلاسيكى موجوده فى المالطى, و النسبه دى اقل من اللى فى العربى المغربى و اللبنانى.

 التحليل بتاع الإتيمولوجيا بتاع الـ 41,000 كلمه اللى فى قاموس أكيلينا, بيقول ان 32% من مفردات المالطى هى من اصل عربى.

 و فيه مكان تانى بيقول ان 40% من مفردات المالطى هى من اصل عربى.

سايت الBBC بيقول الكلام اللى متاخد زى ما هو من الانجليزى هو 20% بس فيه مصادر تانية بتقول انهم 6% بس (علشان فيه كلام لسه مادخلش قاموس اللغه المالطى, و لإن الناس فى مالطا بيتكلمو انجليزى كويس).

قواعد المالطى فى الاساس متاخده من العربى السيسيلى, بس فى نفس الوقت طريقت الجمع بتاعة اللغات الرومانسى و الانجليزى بيبقو موجودين فى الكلام اللى متاخد منه.

سنة 1936, الحكومه المالطيه اعترفت باللغه المالطى و بقت هى و الانجليزى لغات رسميه فى مالطا. بس قبل ما يحصل كده بسنه, كان الطليانى هو اللغه الرسميه. النهارده فيه بتاع 330,000 شخص بيتكلم مالطى. و فيه كمان عدد مش قليل بيتكلم مالطى فى اوستراليا و امريكا و كندا.

الالف-به المالطى هى الالف-به اللى بيستعملوها عشان يكتبو المالطى, و الالف-به دى لاتينى و فيها شوية حروف مميزه:




#Article 136: كليوباترا السابعه (3407 words)


كليوپاترا السابعة فيلوپاتور (محبة أبوها) - باليونانى: Κλεοπάτρα Φιλοπάτωρ -. (اتولدت 69 ق م – اتوفت 22 اغسطس 30 ق م)، كلمة كليوپاترا معناها كليو = مجد ، و پاترا = ابوها فيبقى الاسم معناه  مجد أبوها . اشهر كليوباترا حكمت مصر و من اشهر ملكات التاريخ، اخر الملوك البطالمه. اتلقبت بـ  ملكة الملوك .

بنت بطليموس الاتناشر و اخت بطليموس التلتاشر و بطليموس الاربعتاشر و ارسينوى الرابعه، حكمت مصر مع اخوها و جوزها بطليموس التلتاشر ثيوس فيلوپاتور من سنة 51 ق.م لغاية سنة 47 ق.م، لكن طردها من مصر سنة 49 ق.م، بس قدرت ترجع للحكم بعدها بسنة بمساعدة يوليوس قيصر، فقام صراع بينها وبينه انتهى بهزيمته بعد ما اتقتل او غرق، و اتجوزت هى اخوها بطليموس الأربعتاشر و حكموا مصر سوا. كليوباترا كانت مشهورة بالذكاء و الحكمة و اعتقد المصريين انها تجسيد للالاهه ايزيس.

مش معروف بالظبط مدى الجمال اللى اتمتعت بيه كليوباترا و التماثيل اللى بيتقال انها ليها مش مؤكد انها فعلاً تماثيلها ، و رسوماتها على المعابد زى معبد دندره و بورتوريهاتها على العملات مش واضحه المعالم بفعل الزمن . المؤرخين القدام ما أشاروش لجمالها لكن اشارو لجاذبيتها و من المؤكد انها كان فيها جاذبيه كبيره بدليل ان راجلين من اكبر رجالة زمنها ، هما يوليوس قيصر اللى خلفت منه ابن و ماركو انتونيو اللى اتجوزته و خلفت منه ولدين و بنت ، اتسحرو بيها و دابو فى حبها. المؤرخ اليونانى بلوتارك Plutarchus قال ان جاذبيتها ماكانتش فى جمالها لكن فى شخصيتها القويه و قدرتها على المناقشه بصوت موسيقى خلاب.

بعد وفاة ابوها بطليموس الاتناشر، حكمت كليوباترا مصر مع اخوها بطليموس التلتاشر، لكن فى سنة 48 ق.م اطاح بطليموس التلتاشر بكليوباترا بمساعدة و تحريض ديويكيتس و اخيلاس و استاذ الادب ثيودوتوس الخيوسى. اضطرت كليوباترا انها تسيب اسكندريه و تروح تقعد فى طيبه فى الصعيد لفتره لغاية ما سابت مصر كلها و راحت على سوريا (فى الأغلب فى بداية 48 ق.م) و قعدت هناك مستنيه اللحظه المناسبه لرجوعها مصر و قعادها على العرش اللى ضاع منها.
 

فى ليلة 10/11 يناير سنة 49 ق.م يوليوس قيصر عدى بجيشه نهر الروبيكون و بدأت الحرب الاهليه الرومانيه اللى اهم ابطالها كانو يوليوس قيصر و پومپيوس.

فى بدايات صيف 49 ق.م وصل ابن پومپيوس الكبير اسكندريه لطلب مساعدات عسكريه، البلاط البطلمى كان مدين لپومپيوس لانه كان صاحب بطليموس الاتناشر ابو كليوباترا و وقف جنبه فى محنته لما اتطرد من مصر فى نهاية فترة حكمه الاولى. و عليه البلاط البطلمى مد پومپيوس بـ 500 من المحاربين الغاليين و الجرمان اللى كانو دخلوا مصر ضمن قوات جابينيانى اللى رجع بطليموس الاتناشر لحكم مصر بعد ما كان اتطرد. و على المحاربين دول مد البلاط پومپيوس بـ 50 سفينه حربيه اللى كان ليهم فضل فى انتصاره على سواحل ابروتى سنة 48 ق.م.

و كليوباترا بتجهز نفسها للرجوع لمصر على راس جيش و بطليموس التلتاشر مستنيها على الحدود بجيش وصل پومپيوس، اللى كان لسه مغلوب قدام قيصر فى سهول فارساليا، على راس قوه عسكريه بتتكون من 2000 محارب و نزل بيهم فى بيلوسيوم (الفرما) فى شمال شرق مصر قرب معسكرات جيش بطليموس التلتاشر. پومپيوس طلب من بطليموس التلتاشر المساعده. مساعدين بطليموس التلتاشر بعتو لپومپيوس يقولوله ان طلبه اتقبل لكن فى الحقيقه كانو بيدبرو لقتله. السبب فى كده انهم ما انش عاجبهم ان پومپيوس يدخل مصر فى الحرب الاهليه الرومانيه و يحولها لقاعده عسكريه او لساحة قتال بينه و بين قيصر. ثيودوتوس الخيوسى استاذ البلاغه و الادب نصح بقتله و قال:  لو اويناه حا نزعل قيصر، و لو مشيناه و علا نجمه فى يوم من الايام حا يحل علينا غضب روما. احسن حاجه نأويه.. و نقتله. لان اللى يعضه الموت ما يقدرش يعض .

اخيلاس و ظابط رومانى كان عايش فى مصر راحو لپومپيوس فى مركبه و قالو له يروح معاهم عشان يقابل بطليموس التلتاشر فلما دخل مركبتهم اتقتل (يوليه 48 ق.م) و اسرت السفن المصريه كذا سفينه من اسطول پومپيوس و قدرت سفن تانيه تهرب. بطليموس التلتاشر فى الوقت ده كان واقف على الشط بهدومه الملكيه بيدى اوامر و ارشادات.

لما سمع قيصر بقتل پومپيوس انتهز الفرصه و فى ظرف يومين رسيت مراكبه فى اسكندريه. قيصر كان معاه قوه صغيره بتتكون من حوالى 3.200 محارب و 800 فارس و كام سفينه حربيه. قبل ما ينزل قيصر من سفينته راح له ثيودوتوس و وراه راس پومپيوس و خاتمه عشان يرضيه و يقنعه بان الموضوع خلص و مفيش داعى انه ينزل فى اسكندريه، لكن قيصر زعل و عيط على پومپيوس اللى كان جوز بنته و امر العسكر بالنزول. قيصر افتكر ان المصريين قتلو پومپيوس لانهم بيأيدوه هو، و سؤ الفهم ده و نزوله فى اسكندريه اعتبروه المصريين اهانه لسيادة الدوله و ثار الاسكندرانيه و نددوا باللى بيحصل. لكن ده كمان ما اقنعش قيصر بانه ياخد جيشه و يمشى. قيصر كان طبعاً عايز يستغل امكانيات مصر فى حربه و فى نفس الوقت كان عايز يلاقى حل لمشكلة الصراع بين بطليموس التلتاشر و كليوباترا و برضه ده كمان كان لمصلحته. قعد قيصر فى مصر و بعت يجيب قوات اضافيه من اسيا و عمل شوية جولات سياحيه فى اسكندريه و زار قبر الاسكندر الاكبر و مكتبة اسكندريه و اتناقش فى موضوعات فلسفيه.

قيصر طلب من بطليموس التلتاشر و كليوباترا انهم يروحوله عشان يلاقى لهم حل للاشكال اللى بينهم. بطليموس راح لقيصر لكن كليوباترا طلبت مقابلة قيصر بطريقه شخصيه عشان تشرح له قضيتها فى السر. و المقابله دى كانت بداية العلاقه الغراميه بين قيصر اللى كان عنده 52 سنه و كليوباترا اللى ما كانتش لسه كملت 22 سنه. بجمالها و ذكائها و ثقافتها وقعت كليوباترا يوليوس قيصر فى دباديبها فى مقابله واحده و خلته يبقى فى صفها ضد اخوها بطليموس التلتاشر و قرر انه يقعدها على العرش مع اخوها.

تانى يوم لما دخل بطليموس القصر و اكتشف اللى حصل جرى على بره و وقف قدام المحتشدين و قعد يصرخ انه اتخان و شال الاكليل الملكى من على راسه و رماه فى الارض، و بغض النظر عن اذا دى فعلاً كانت مشاعره التلقائيه او كان بيمثل دور درامى لقنه ليه بوثينوس اكبر عدو لكليوباترا، اللى عمله كان له تأثير كبير على المتجمهرين اللى حاولو يقتحمو القصر الملكى، لكن قيصر طلع و قرا بصوت عالى وصية بطليموس الاتناشر بان ولاده الاتنين بطليموس التلتاشر و كليوباترا لازم يحكمو مع بعض، و بعد ما قرا الوصيه اكد ان الاتنين ملوك مشاركين فى الحكم.

اللى عمله قيصر بعد كده، و كان بسبب كليوباترا، ما كانش فى صالح روما حيث انه رجع قبرص لمصر بعد ما قعدت فى ايد الرومان عشر سنين، و نصب عليها بطليموس الاربعتاشر و ارسينوى اخوات بطليموس التلتاشر و كليوباترا.

بوثينوس اللى كان ضد وجود جيش رومانى فى مصر كان اكتر المناوئين لكليوباترا و حاول انه يعطل الصلح بينها و بين بطليموس التلتاشر و كان هو مخطط المناوشات اللى اتعرفت باسم  الحرب السكندريه . بوثينوس كان فاهم ان قيصر بقواته الصغيره اللى جه بيها اسكندريه كان فى موقف ضعيف، فاستدعى قوات الجيش الملكى لاسكندريه. القوه الضاربه بتاعة الجيش اللى كونه جابينانى كانت لسه فى بيلوسيوم تحت قيادة اخيلاس. لما عرف قيصر ان فيه قوات بتقرب من اسكندريه استغرب و لان قواته كانت صغيره استبعد فكرةدخول معركه ضد القوات دى بره اسكندريه و لما لقى ان محاولاته للتفاهم بالتفاوض فشلت راح واخد بطليموس التلتاشر و ارسينوى و بوثينوس رهاين و حجزهم فى القصر الملكى. دخلت القوات اسكندريه و استقبلها الاسكندرانيه بفرحه كبيره و احتلت معظم الشوارع. الحرب ضد قيصر اتحولت لحركه قوميه مناهضه للوجود الرومانى فى مصر، و اتكونت ميليشيات شعبيه انضم ليها مصريين جم اسكندريه من كل نواحى مصر. فى مواجهة الموقف ده قيصر بعت بسرعه للرومان طلب ببعت قوات اضافيه، و قفل الطرق اللى بتوصل للقصر الملكى و احتل جزيرة فاروس اللى كان عليهافنار اسكندريه (مكان قلعة قايتباى دلوقتى) و احتل الفنار نفسه و قدر انه يخلى المينا مفتوحه قدامه، و بعدين قرر انه يولع نار فى المراكب الراسيه فى المينا عشان القوات ما تقدرش تستعملها و توصله. النار قادت و انتشرت بسرعه و ما حرقتش بس المراكب فى المينا لكن وصلت لمكتبة اسكندريه اللى كانت موجوده فى الحى الملكى و دمرتها  و قضت على حوالى 400.000 لفافة بردى كانت مدونه فيها خلاصات علوم و اداب العصر، و دى كانت خساره فادحه لان الكتب اللى ضاعت دى كانت اتجمعت فى المكتبه من ايام البطالمه الاوائل و كان من ضمنها كتب و مؤلفات مش ممكن تعويضها.الخساره كانت فادحه بكل المقاييس.

فى الغضون دى، ارسينوى اخت كليوباترا الصغيره قدرت تهرب من القصر الملكى مع المربى بتاعها جانيميديس Ganymedes، و انضمت لجيش اخيلاس و اتنصبت هناك ملكه و بقت ارسينوى الرابعه. اريسنوى ماكانتش مناوئه لأخوها الملك بطليموس التلتاشر اللى هو كمان كان بيعادى قيصر لكن كانت مناوئه لكليوباترا. لكن لسبب او لتانى اختلفت اريسنوى مع اخيلاس على خطة المعركه، و بعت بوثينوس رسل يعلنو انه مؤيد لأخيلاس، لكن الرسل وقعو فى ايد قيصر فقتل بوثينوس، و فضل مستنى وصول القوات اللى طلبها من الرومان اللى كانت امله الوحيد فى النجاه. فى الظروف دى، جانيميديس اللى كان بيحرك اريسنوى قتل اخيلاس و بكده اتخلص قيصر من اهم اعدائه فى مصر، بوثينوس و اخيلاس.

جانيميديس قاد المعركه ضد قيصر و اظهر شجاعه و حماسه كبيره. فى صراعه مع قيصر استعمل جانيميديس حيله لمنع وصول ماية الشرب لحى القصر الملكى اللى كان قيصر و قواته متحصنين فقيه، عن طريق سد قنوات المايه الحلوه و رفع المايه المالحه من البحر بطلومبات و توصيلها لانابيب المايه. لكن قيصر رد بحيله تانيه و هى حفر ابيرة مايه قدر يطلع منها مايه حلوه صالحه للشرب.

المعركه اتطورت و التهبت اكتر و اكتر لما قرر قيصر حشد كل قواته للسيطره على جزيرة فاروس و الطريق اللى بيوصل ليها بين البحر (الهيبتاستاديون Heptastadion). فى المحاوله دى لقى قيصر نفسه بيواجه خطر كبير على حياته لان المصريين هجمو بأعداد كبيره على قواته اللى جريت و اقتحمو المركب اللى كان فيها فماكانش قدامه حل غير انه ينط فى البحر و عام مسافه لغاية ما وصل لمركب تانيه طلعوه فيها.

قيصر اطلق سراح بطليموس التلتاشر على امل وضع حد للصراع، لكن فى الغضون دى كان القائد ميثريداتيس حاكم بيرجامون كان بيقرب من بيلوسيوم (الفرما) بجيش من اسيا الصغرى، و جايز انضمت ليه قوات من جيش كليوباترا، و وصلت قوات نبطيه من پيترا و قوات يهوديه من فلسطين بقيادة انتيباتر ابن هيروديوس ملك يهوديه، و اقتحمت القوات دى كلها بيلوسيوم و استولت عليها و انضم قيصر ليهم و انهزم جيش بطليموس التلتاشر بالكامل فى الدلتا اللى رسمياً كانت بتقوده اريسنوى الرابعه، و اتقتل بطليموس التلتاشر او غرق فى النيل او فى البحر، و رجع قيصر اسكندريه و دخلها منتصر و كليوباترا ملكه على مصر و نصب معاها كملك مشارك اخوها الصغير بطليموس الاربعتشار اللى كان عنده وقتها حوالى تلتاشر سنه.

مصر بكده اتحولت لبلد تحت الحمايه الرومانيه، لكن قيصر عشان حبه لكليوباترا رد جزيرة قبرص لمصر بعد ما قعدت عشر سنين فى ايد الرومان و ده حسن احوال مصر الاقتصاديه. قيصر قعد فى مصر حوالى تسع تشهر و بعد ما الامور استقرت عمل رحله سياحيه مع كليوباترا بمركب و راحو الصعيد و اتقرج على اثار مصر القديمه اللى كانت اياميها برضه قديمه، و بعد ما قيصر اطمن ساب قوات عسكريه فى مصر بحجة ان كليوباترا مكروهه و مش مستقره فى الحكم و رجع روما و مشى اريسنوى الرابعه و هى مكبله بالسلاسل فى استعراض الانتصار.

لما ساب قيصر مصر كانت كليوباترا حبله منه فى سبع تشهر، و فى 23 يونيه 47 ق.م ولدت كليوباترا ولد لقبته  فرعون قيصر ، و كانت بكده عايزه تقول ان فرعون مستقبلى اتولد و انه ابن قيصر و بالتالى وريثه الشرعى، زى عادة الملوك البطالمه اتسمى المولود بطليموس و بكده بقى اسمه  بطليموس قيصر  او زى ما بيتقال للترتيب بطليموس الخمستاشر قيصر و سماه الاسكندرانيه  قيصريون  يعنى قيصر الصغير.

فى يوليه 46 عمل قيصر احتفال كبير فى روما بمناسبة انتصاراته فى مصر و بنتوس و موريتانيا  و على الغاليين و عزم كليوباترا و شريكها فى الحكم اخوها الصغير بطليموس الاربعتاشر فراحو روما و نزلو فى فيللا من فيلات قيصر على شط نهر التيبر. تأثير كليوباترا على قيصر كان كبير و بدأ يتقمص شخصيه ملك هيلينستى بدل شخصيته الرومانيه خاصة فى سياسته الدينيه، و ده هو و وجود كليوباترا فى روما ماعجبش الرومان الجمهوريين زى كيسيرو اللى بطبيعة الحال ما كانوش بيحبو الملوك، و من المحتمل ان موضوع علاقة قيصر بكليوباترا كان سبب من اسباب التحرك السريع لتفيذ مؤامرة قتل قيصر.

بعد شهر من اغتيال يوليوس قيصر رجعت كليوباترا ومعاها بطليموس الاربعتاشر على مصر من غير كليوباترا ما تقدر تاخد اعتراف بنسب طفلها قيصريون لقيصر و انه بالتالى وريثه الوحيد. و بعد وقت قصير من رجوعهم مصر كليوباترا خلت اخوها بطليموس الاربعتاشر يتقتل عشان تخلص منه قبل ما يوصل السن القانونيه و يبقى حاكم بجد. و بعدها طوالى نصبت ابنها قيصريون اللى كان عنده وقتها تلت سنين ملك مشارك جنبها. كليوباترا بعملتها دى كانت بتحاول تأمن وراثة العرش لابنها قيصريون.

فى سنة 42 ق.م القائد ماركوس انتونيوس غلب قتلة قيصر بروتوس و كاسيوس فى فيليبى و بعد المعركه خولت لأنتونيوس مسئولية تنظيم المناطق الشرقيه. و فى سنة 41 ق.م طلب انتونيوس من كليوباترا انها تروح له فى تارسوس فى كليكيا بحجة التأكد من تأييدها ليه، فراحت له كليوباترا و فى دماغها السيطره عليه زى ما عملت مع يوليوس قيصر. طوالى قدرت كليوباترا اللى كان عندها وقتها 28 سنه انها تسحر الجنرال ماركوس اللى كان عنده 42 سنه. بيتقال انه، بناء على طلب كليوباترا، اصدر امر بقتل ارسينوى الرابعه اللى كانت عايشه فى معبد فى افسوس. بعد المقابله رجعت كليوباترا على مصر و حصلها ماركوس انتونيوس و قضى شتا 41/40 ق.م فى ضيافتها فى مصر. و فى سنة 40 خلفت كليوباترا منه توأمين، اليكساندر و كليوباترا. و بعدها بأربع سنين خلفت ولد اتسمى بطليموس. بقيصريون ابن قيصر و اليكساندر و كليوباترا و بطليموس ولاد انتونيوس حاولت كليوباترا تحقيق مطامحها السياسيه فى المحافظه على العرش البطلمى و ترسيخه و حتى توسيع حدود مملكته عن طريق علاقتها بماركوس انتونيوس و يوليوس قيصر من قبله. انتونيوس اللى كانت فى عهدته الاراضى الرومانيه فى الشرق من اليونان لغاية نهر الفرات ضم كليكيا الرومانيه لقبرص البطلميه و اتجوز اوكتافيا أخت اوكتافيوس و بالجوازه دى اتمنع قيام حرب بين انتونيوس و غريمه اوكتافيوس.

كليوباترا راحت لانتونيوس فى انطاكيه و قضت معاه شتا 37/36 ق.م، و فى الفتره دى اعترف انتونيوس بابوته للطفلين التوأم اليكساندر و كليوباترا اللى بقى عندهم اربع سنين. و اتلقب اليكساندر بـ  هيليوس  (شمس)، و اتلقبت الطفله كليوباترا بـ  سيلينا  (قمر). انتونيوس، لمصلحة كليوباترا و الدوله البطلميه، قلل عدد المقاطعات الرومانيه فى الشرق من خمسه لتلاته (اسيا و بيثينيا و سوريا) و ادى لكليوباترا مناطق فى لبنان و يهوديه و نبطيه و كريت و مدينة قورنيه (برقه فى المنطقه اللى اسمها ليبيا دلوقتى). بكده انتونيوس رد للدوله البطلميه ممتلكاتها التاريخيه عشان تبقى قلب امبراطوريه شرقيه كان انتونيوس طامح انه يكونها و يحكمها. الباحثين دلوقتى ما بقوش بيعتبروا منح المناطق دى هدايا من واحد لمعشوقته بقدر ما كانت تنظيم ادارى عمله انتونيوس. لكن فى روما الأخبار دى كان ليها رد فعل وحش جداً. فى سنة 32 ق.م طلق انتونيوس اوكتافيا و بكده قطع كل حاجه كانت بتربطه بأوكتافيوس، و ما فتش وقت طويل لغاية ما قام صراع بين اكتوفيوس المحبوب فى روما و انتونيوس، و قدر اكتوفيوس انه يقلب الرومان على انتونيوس و كليوباترا. فى استاد اسكندريه اتعمل احتفال كبير اتلقبت فيه كليوباترا بلقب  ملكة الملوك  و ابنها بطليموس الخمساتشر قيصريون، اللى بقى عنده تلتاشر سنه، بلقب  ملك الملوك  و فى نفس الوقت اتأكدت هويته بانه ابن يوليوس قيصر. ماركو اتنتونيو ادى كليوباترا مصر و قبرص، و ادى اليكساندر هيليوس (شمس) ارمينيا و ميديا و كل الاراضى اللى ورا الفرات اللى لسه ما اتفتحتش، و ادى توأمته كليوباترا سيلينا (قمر) قورنيه و منطقة ليبيا، و ادى الطفل بطيموس مقدونيا، و ادى بطليموس الخمستاشر قيصرون فينيقيا و كليكيا و منطقة سوريا لغاية نهر الفرات.

من المحتمل ان انتونيوس اتجوز كليوباترا، لكن لانه كان متجوز اوكتافيا أخت اوكتافيوس، الجوازه ما كانش معترف بيها فى القوانين الرومانيه. و عليه شن اكتافيوس فى روما بروباجاندا ضخمه ضد انتونيوس اتهمه فيها - من ضمن لستة الاتهامات - بالتفريط فى الممتلكات الرومانيه، و جوازه الغير قانونى من كليوباترا، و اعترافه بان يوليوس قيصر هو ابو بطليموس الخمساتشر قيصريون. طبعاً ما كانش من مصلحة اوكتافيوس الطامح فى الحكم ان قيصريون يعترف بيه انه ابن لقيصر لان ده ببساطه كان يديه طوالى حق كوريث شرعى لقيصر مش هو نظراً لدرجة القرابه.

انتهى الموضوع بنشوب حرب بين روما بقيادة اوكتافيوس ضد انتونيوس و كليوباترا و قدر اوكتافيوس ينتصر عليهم فى معركة اكتيوم البحريه التاريخيه و بعدها بسنه، فى 1 اغسطس سنة 30 ق.م، استولى اوكتافيوس على اسكندريه.

انتونيوس سيطر على مصر مع كليوباترا بجيش بيتكون من 100.000 عسكرى مشاه و 12 الف حصان و اسطول بحرى من 500 سفينه و كان مسيطر على مملكة اليونان بتاعة بطليموس فيلاديلفوس. اوكتافيوس كان مسيطر على ايطاليا و الغال و اسپانيا و قرطاجه بجيش بيتكون من 80 الف عسكرى مشاه و 12 الف حصان و 250 سفينه حربيه. لكن انتونيوس كان منهمك فى مباهج الحياه. لما خرج انتونيوس لمحاربة اوكتافيوس اخد معاه كليوباترا و لما قامت المعركه و خسر فى البحر و انسحبت كليوباترا ساب جيش برى ضخم و راح مصر ورا كليوباترا. و فى مصر نسيوا اللى حصل و الخساير اللى صابتهم و اندمجوا فى الحياه فى الوقت اللى اوكتافيوس كان بيحرك اسطوله و جيشه لسواحل مصر. بوجه عام مفيش جيش طلع يواجه اوكتافيوس لما نزل على بر مصر و المصريين ما اتحركوش و راح انتونيوس اللى ساب جيش ضخم فى اليونان بعد معركة اكتيوم منتحر بسيفه. فى الاول كليوباترا حاولت توصل البحر الاحمر عشان تهرب و بعتت جواب لاكتافيوس فى محاوله لتهديته لكن لما اتضح لها ان اكتافيوس مش عايز حاجه غير انه ياخدها اسيره عشان يمشيها فى احتفال نصره فى روما ما لاقيتش مفر غير الانتحار.

فى 1 أغسطس سنة 30 ق.م انتحر ماركوس انتونيوس بالسيف و اتنقل و هو جريح بيحتضر لضريح كليوباترا لانه طلب انه يموت بين دراعاتها و بعد موته بعشر تيام انتحرت كليوباترا اللى وقتها كان عندها 39 سنه. ماتت كليوباترا و هى عندها 39 سنه بعد ما حكمت مصر اتنين و عشرين سنه. فيه قالو انها انتحرت بعضة تعبان كوبرا لكن القصه دى مش مؤكده ، لكن من الملفت ان طبيبها الخاص ديوسكوريديس كان كتب ان الموت بعضة الكوبرا حاجه ممتعه.

المؤرخ الرومانى ديو كاسيوس Dio Cassius ذكر ان كليوباترا و ماركو انتونيو اتحنطوا بالطريقه المصريه بعد وفاتهم ، و المؤرخ بلوتارك ذكر ان اوكتافيوس امر بحط جثمان كليوباترا جنب ماركو انتونيو فى المقبره اللى اتدفن فيها. لحد النهارده مفيش حد عارف المقبره دى فين. أكتر الباحثين اعتقدوا ان المقبره فى مكان من الاماكن المعروفه على ضفاف النيل زى اهرامات الجيزه و معابد الاقصر مش اسكندريه او نواحيها. اسكندريه البطلميه تقريباً ماتبقاش منها حاجه لأسباب زى الزلازل و ارتفاع ماية البحر المتوسط. حالياً معظم اسكندريه البطلميه على عمق حوالى 6 امتار تحت البحر. لكن فى السنين الاخيره بفضل الحفريات الاثريه اللى اتعملت تحت البحر و اللى بداها الباحث الفرنساوى فرانك جوديو Franck Goddio سنة 1992 قدر الاثريين انهم يعملوا خريطه للأحياء و الشوارع و القصور الملكيه الغرقانه و ابتدوا يفكروا فى ان المقبره موجوده تحت البحر لكن لحد دلوقتى ما اتعثرش على خرطوش عليه اسم كليوباترا.

بموت انتونيوس و كليوباترا الصراع على حكم روما انتهى، لكن اوكتافيوس اللى كان ابن بالتبنى ليوليوس قيصر كان مدرك ان الطفل قيصريون ابن يوليوس قيصر الفعلى و كليوباترا بيمثل عقبه فى طريقه للقعاد على عرش روما. بعد معركة اكتيوم كليوباترا كانت سجلت اسم بطليموس الخمستاشر قيصريون فى سجلات اللى وصلو السن القانونيه و انه بكده بقى ولى عهد شرعى يقدر يقعد على العرش، و بعد دخول اكتوفيوس مصر بعتته على الجنوب بالخزانه عشان يستخبى، المؤرخ بلوتارك ذكر انها كانت ناويه تبعته الهند، لكن بعد موت كليوباترا قبض اوكتافيوس عليه بعد ما استدرجه بطريقه ما و قتله من غير رحمه. و بكده انتهى عصر الدوله البطلميه و حكم عيلة اللاجيديين فى مصر، و بعدها بشويه اتحولت مصر لولايه رومانيه بعد ما كانت دوله مستقله.

سقوط مصر فى ايد الرومان سنة 30 ق.م و زوال دولة البطالمه و تحول مصر من دوله قويه مستقله لولايه مستعمره تابعه لروما يشبه لحد كبير سقوط مصر فى ايد المستعمرين الاتراك العثمانليه سنة 1517 و زوال الدوله المملوكيه و تحول مصر لولايه تابعه للأستانه.

احداث فترة حكم كليوباترا و الغراميات اللى حصلت و نهايتها المآسويه بطبيعة الحال كانت ارض خصبه للكتاب و الشعرا و الرسامين و مخرجين السينما، و اتخلق جو فنى رومانسى و درامى حوالين كليوباترا فكتب شيكسبير مسرحية  انتونيو و كليوباترا  و فى مصر كتب احمد شوقى  مصرع كليوباترا  و غنى محمد عبد الوهاب اغنية  كليوباترا  ، و انتجت هوليوود كذا فيلم عن كليوباترا اضخمهم اتصور منه جزء فى مصر و اتعرض سنة 1963 و نجح نجاح كبير. الاعمال الفنيه دى اختلطت فيها الحقيقه بالخيال.

اتخلد اسم كليوباترا السابعه بتسمية كويكب فى السما  216 كليوباترا  ( 216 Kleopatra ). الكويكب كان اكتشفه الفلكى يوهان باليسا Johann Palisa فى 10 ابريل 1880.

فيه نظريه جديده بتقول ان ام كليوباترا السابعه كانت افريقيه. بعد العلما ما عملو تحليلات و ابحاث على هيكل ارسينوى 4 اخت كليوباترا اللى اتعثر عليه فى افسوس فى تركيا، اتضح ان امهم كانت من اصول افريقيه.
 
و فى مصر أعلن الامين العام للمجلس الاعلى للاثار زاهي حواس ان فيه احتمال ان مقبرة كليوباترا السابعه اتحدد موقعها فى غرب اسكندريه فى معبد تابوزيريس ماجنا فى برج العرب، و انه حا يتم الحفر للتأكد. نتايج الحفر عمرها ما ظهرت.

شوف كمان: لستة ملوك مصر البطلميه

Holbl, Gunther, A History of The Patolemaic Empire, Routledge, London  New York 2007, ISBN 978-0-415-23489-4




#Article 137: كوردوبا (243 words)


كوردوبا هيا مدينه فى منطقة اندلسيا فى جنوب اسبانيا. كوردوبا هيا عاصمة مقاطعة كوردوبا و مبنيه على ضفاف نهر جوادالكيڨير .

موقع كوردوبا على ضفاف نهر جوادالكيڨير سهل وصول الموارد التعدينيه من السييرا (الفحم الحجرى والرصاص والزنك) لتلبية احتياجات السكان.
المدينة مبنيه فى منخفض من وادى نهر جوادالكيڨير. فى الشمال جبل سييرا مورينا اللى بيحدد الحدود البلدية للمنطقة.

اقدم دليل على وجود لانسان فى منطقة كوردوبا هيا بقايا انسان الكهوف ، اللى بيرجع تاريخها لحوالى 32000 قبل الميلاد.
كانت كوردوبا هى عاصمة المقاطعه الرومانيه بيتيكا و عاش فيها فلاسفه زى لوتشيوس سينيكا الاصغر و، خطباء زى سينيكا و شعراء كبار عبرو عن نفسهم فى قصور كوردوبا. واخدت المدينه مكانة مهمه فى مقاطعة هسبانيا من الامبراطوريه البيزنطيه و خلال فترة الجوث الغربيين. كوردوبا كانت عاصمة هيسبانيا التيريور وقت الجمهورية الرومانية. كوردوبا لما كانت تحت الحكم الاسلامى كانت عاصمة معظم شبه الجزيرة الايبيرية و فى القرن الحداشر كانت اكبر مدينة فى اوروبا الغربية ، و يمكن فى العالم حسب عدد السكان.

كوردوبا بقت عاصمه مرة تانيه ايام الاماره المستقلة والخلافة الامويه سنة 716م لما اتقتل عبد العزيز بن موسى فى سيڨييا و ولى الأندلس من بعده أيوب بن حبيب اللخمى، اللى نقل العاصمه لكوردوبا و كان عدد سكانها ما بين 250000 و 500000 نسمة.

فى القرن العاشر ، كانت كوردوبا واحده من اكبر المدن فى العالم ،و مركز ثقافي وسياسي واقتصادي عظيم .منظمة اليونسكو اعلنت كوردوبا واحده من مواقع التراث العالمى فى شهر ديسمبر سنة 1984 .

عدد سكان كوردوبا سنة 2011 كان 330,033 .




#Article 138: كوروف (136 words)


كوروف هى قرية فى جنوب شرق بولاندا، على نهر كوركييفا. هى مركز بلديه ضمن ولاية لوبلين، وعدد سكانها حوالي الـ2800 نسمة.

كوروف كانت مدينه بناء على قانون ماغديبورغ بين سنة 1431 و سنة 1442، . وكمدينه خدمت كمركز لتجارة المواد الغذائيه للمنطقه المحيطه. وكان فيها مصانع لصناعة الفرو والجلود.

فى القرن الستاشر بقت مركز من مراكز الحركة الكالفينيه المسيحيه ، كان فيها كتير من أتباع الأخوة البولانديين. وبالتدريج ولحد سنة 1660 اتحول معظم السكان للأريانية (نسبة لـ اريوس، وهو قسيس مسيحي عاش فى اسكندريه (الأخوة البولانديين)). ضمت النمسا كوروف فى سنة 1795 ، بعد تالت تقسيم لبولاندا ، كوروف فى 1809 ، بقت جزء من دوقية وارسو . فى سنة 1815 بقت جزء من مملكة بولندا .ومن سنة 1918 بقت كوروف تانى جزء من بولاندا.

اشهر ابناء كوروف هو الجنرال فويتشيخ ياروزلسكي اخر الرؤسا الشيوعيين لبولندا.




#Article 139: لاب توب (477 words)


اللاپ توپ جهاز كمبيوتر محمول (المعروف كمان باسم نوت-بوك) وهو كمبيوتر محمول صغير ، وزنه بيكون فى الغالب من 3 ل 12 رطل (1.4 لـ 5.4 كجم) و متصمم عشان الواحد يحطه على حجره و هو بيشتغل (لاب الانجليزى يعنى حِجر) على العكس من الكومبيوتر اللى بيتحط ع المكتب (الديسك) و اللى اسمه (ديسك توب). وبيبقي لللابتوب بطارية يشتغل بيها ساعات من غير ما يحتاج لأي كهربا تانية علي عكس الديسك توب وبيتميز كمان بارتباط لوحة المفاتيح بالشاشة دا غير الماوس الموجود فيه واللي بيسمحلك تتحرك بيه وتستخدمه لساعات من غير ما تحتاج ماوس ولا لوحة مفاتيح ولا حتي الشاحن بتاعه.

وفي السنين اللى فاتت ومع زيادة طلب الناس عليه، زاد انتشاره بشكل كبير وده لخفة وزنه وسهولة استخدامه وصيانته لدرجة ان مبيعاته زادت عن مبيعات الكمبيوترات المكتبية العادية.

بعد ما ظهر الكمبيوتر الشخصي فى السبعينات، ظهرت فكرت اللابتوب وأول حد عبر عنها كان الان كاي Alan Kay سنة 1972 من شركة Xerox.

وسنة 1973، عرضت شركة آي.بي.إم مشروعها اللى كان بإسم IBM SCAMP project. وبدأ تسويق اول منتج للمشروع سنة 1975 يعني بعدها بسنتين علي إنه اول لابتوب اتصنع، وكان اسمه IBM 5100.

وفي سنة 1981، اتصنع اول لابتوب خفيف وصغير فى نفس الوقت واللي أنتجته شركة أبسون وكان اسمه Epson HX-20 وكان له شاشة إل.سي.دي وبطارية للشحن وطابعة صغيرة فى الحجم بوزن 1.6 كيلوجرام.

اللاب توب بيتميز بإنه وزنه أخف وحجمه أصغر بكتير من الديسك توب وده بيخليك تقدر تتحرك بيه لأي مكان.

وبعكس الديسك توب تقدر تشغل اللاب توب بتاعك فى اى مكان او اى وقت لساعات وتكمل شغلك او دراستك حتي لو مفيش كهربا.

اى لاب توب جديد فيه وايرليس وده بيخليك تقدر تدخل نت من اى كافيه او مكان بيقدم الخدمة دي، مش كده وبس دا انت كمان تقدر تدخل نت من اى مكان حتي لو فى سفر عن طريق اليو.اس.بي مودم لساعات حتي لو مفيش كهربا.

معروف كمان عن اللاب توب ان صوته اوطي بكتير من اى ديسك توب ودي ميزة كبيرة لأي حد بيستخدم الكمبيوتر كتير.

اللابتوبات الجديدة بتتميز بإنها بتتكون من جسم واحد فيه كل المميزات الموجودة فى الديسك توب بحيث يكون حجمه صغير ووزنه خفيف عشان يبقي سهل اننا نتحرك بيه، وفي الوقت نفسه ميستهلكش كهربا كتير عشان البطارية تقدر تشغله أطول وقت ممكن واللي لازم تكون قوية عشان تفضل أطول وقت مع اى استخدام.

لازم كمان يكون فيه مشغل دي.فى.دي، وفيه فتحات يو.إس.بي، وشاشته تكون إل.سي.دي، ويكون فيه لوحة مفاتيح وتاتش باد، ويكون فيه بلوتوث و واي فاي ويقبل سلك نت وتليفون عشان تقدر تدخل نت فى اى مكان. وحجم اللابتوب بيفسرلنا ليه سعره أعلي من الديسك توب حتي لو كانت المواصفات واحدة.

بمرور الوقت ومع كتر استخدام الناس لللاب توب بقت كلمة لاب توب بتشير لأنواع وفئات كتيرة من الكمبيوترات واللي منها:

Full-size Laptop - Netbook - Tablet PC - Ultra-mobile PC - Handheld PC - Rugged - Ultrabook

وده عشان يكون لكل نوع منهم مواصفات ضرورية لفئة معينة بحيث يقدر يغطي احتياجاتهم بأقل مشاكل وأسعار.




#Article 140: لبنان (637 words)


لبنان (فرنساوى: Liban; رسمى: الجمهوريه اللبنانيه, فرنساوى: République libanaise) دولة صغيرة من دول البحر المتوسط و هى ليها حدود مع سوريا فى الشمال و الشرق و اما من ناحية الجنوب فليها حدود مع اسرائيل واستقلت عن فرنسا سنة 1943. لبنان مساحتها 10,452 كيلو متر مربع و عدد سكانها بيزيد شوية عن اربعة مليون.من بعد الاستقلال و لحد الحرب الاهليه (1975-1990) و لبنان كانت مثال للحرية و التعددية فى الشرق الاوسط و كانت مشهورة باسم سويسرا الشرق بسبب و السلام و الرخاء و الغنى النسبى اللى كان سكانها عايشين فيه. عاصمتها بيروت و من مدنها المهمه صيدا و صور. مع مصر بتعتبر لبنان من المراكز الثقافيه و الحضاريه النادره فى منطقة الشرق الاوسط. من لبنان خرج عدد كبير من الكتاب و الفنانين لهم وزن من امثال جبران خليل جبران و ايليا ابو ماضى و جرجى زيدان و مى زياده و غيرهم ، و كان للبنانيين عطاء كبير فى نشر الاداب و الفنون الحديثه فى اواخر القرن 19 و بدايات القرن العشرين و بالذات فى مصر وفيها النهارده حركة نشر و ترجمه نشاط.

تاريخ لبنان و انفتاحها على العالم و اتصالها بأوروبا عبر الزمن ادوها ميزه حضاريه و مرونه فى التعامل مع الثقافات و ده انعكس بطريقه ايجابيه على شعبها اللى اتعرف بالتمدن و الحداثه و التجاوب مع متغيرات العصر و التوليرانسيه و القدره على هضم الافكار الجديده و عشان كده رغم صغر حجم لبنان الجغرافى لكن اثرها كان كبير فى حركة النهضه و التطور اللى شافتها منطقة الشرق الأوسط من بدايات القرن العشرين و لعب اللبنانيين دور ضخم فى تأسيس و تطوير الصحافه و الكتابه و الادب و المسرح فى مصر. لكن فى الظروف الكاحله اللى حصلت مع التطورات السياسيه و العسكريه حوالين لبنان و جواها فى التلت الاخير من القرن العشرين فانفتاح لبنان و تسامحها وسط منطقه متخلفه بينتشر فيها العنف كان خرم استغلته عناصر من بره و جوه فدخلت لبنان فى مشاكل كتيره و معقده كان افظعها الحرب الاهليه اللى اندلعت فى 1975.

اسم لبنان متاخد من الجدر السامى ( الكنعانى ) ل ب ن و اللى معناه ابيض و دا فى احتمال كبير يكون اشارة للتلج اللى بيغطي جبل لبنان فى الشتا. الاسم دا مذكور فى العهد القديم و كمان فى ملحمة جلجاميش ( سنة 2900 ق ع ح )و فى نصوص اثرية تانية.

لبنان ليها تاريخ قديم يمكن عمره اكتر من سبع-ت-الاف سنة و العلما بيعتقدو ان مدينة بيبلوس (جبيل) اللبنانيه هى اقدم مدينه فى العالم لسه مسكونة لحد دلوقتى. اللبنانيين شعب عريق بترجع جذورهم للفنيقيين لكن لبنان اتعربت بعد ماستولى عليها العرب. فى العصور الوسطى المدن اللبنانيه زى بيروت و صور كانت من أهم موانى مملكة بيت المقدس لغاية ماطرد الأشرف خليل سلطان مصر الصليبيين من ساحل الشام ( 1290-1291 ).

لبنان فيها 17 دين و طايفة رسمية بتعترف بيهم الدولة. و من سنة 1932، و بسبب الحساسية الشديدة لموضوع الدين، ف مافيش اى احصاء رسمي لانتماءات السكان الدينية .
بيذكر موقع السي اى اية ان حوالي 59.7% من سكان لبنان مسلمبن (سنة و شيعة و دروز و علويين و اسماعيليين) و حوالي 39% من المسيحيين (موارنة و روم ارثودوكس و روم كاتوليك و ارمن و بروتوستانت و اقباط).

و بالاضافة لل 4 مليون لبناني اللى عايشين جوا لبنان ف فيه حوالي 18 مليون لبناني مهاجرين ل دول زي السعودية و فرنسا و اوستراليا و برازيل و امريكا

العربى هو اللغه الرسميه المفروضه بالدستور. الفرنساوي بردو لغه رسميه فى لبنان مع العربى و بتعتبر رسميه و بتستخدم على البنكنوت (مع العربى) و على المباني الرسميه و ورق البوسته. الفرنساوى مستخدم بشكل واسع ، خصوصا فى الاغراض الاداريه و بيتدرس فى مدارس كتيره كلغه اولى مع العربي. واللبنانيين بيتكلموا انجليزي وفرنساوي كويس زائد لغتهم اللبنانى. فى الستينات حاول عالم اللغات اللبنانى سعيد عقل يكتب اللبنانى بحروف لاتينى عددها (37) بس الحكومة اللبنانيه رفضت الفكره بشدة بسبب الضغط اللى مارسوه عرب جامعة الدول العربيه. فيه مجموعة من العلما من جامعة موسكو و جامعة القاهره اتوصلو فى دراسه ان 45 % من الكلمات اللبنانى ماهياش عربى.




#Article 141: لن اعيش فى جلباب ابى (293 words)


لن أعيش في جلباب أبى مسلسل اجتماعي مصري انتج سنة 1996 وكان له انتشار واسع في كل الدول العربية بطولة المغفور له نور الشريف وعبلة كامل، اخراج احمد توفيق وهو في الأصل مأخوذ عن رواية للكاتب احسان عبد القدوس، سيناريو وحوار مصطفى محرم.

تدور أحداث المسلسل حول قصة الصعود من القاع الى القمة، فيبدأ عبد الغفور البرعي (نور الشريف) حياته العملية من وكالة الحاج ابراهيم سردينه (عبد الرحمن ابو زهره) أحد كبار التجار بوكالة البلح، ويتمكن باجتهاده وأمانته من الفوز بثقة الحاج سردينة، ولكنه في الوقت نفسه أثار ضده أحقاد مرسى ( خليل مرسى ) كبير العمال الذي سعي لافساد العلاقة بين عبد الغفور، ومحفوظ (مصطفى متولى) الابن الوحيد للحاج سردينة الذي تعمد اذلاله واهانته.

يعجب عبد الغفور بفاطمة عبله كامل بائعة الكشري، اللى تبادله الاعجاب وتحاول مساعدته في مشواره الصعب، وتمر الأيام ويزداد عبد الغفور خبرة في عمله ويتمكن بمساعدة الحاج ابراهيم سردينة من سبر أغوار المهنة ويساعده في ذلك فهيم أفندي الرجل المتعلم العالم ببواطن الأمور.

وبالتدريج يتمكن عبد الغفور من الاستقلال عن الحاج سردينة وادارة عمل خاص به، ويتخذ من سيد مخلص البحيري الأخ الوحيد لفاطمة وفهيم أفندي مساعدين له، ويتزوج من فاطمة وينجب ولده عبد الوهاب محمد رياض، وأربع فتيات سنية، وبهيرة، ونفيسة منال سلامة، ونظيرة حنان ترك، وبمهارته وذكائه يتمكن عبد الغفور من حجز مكانه وسط عالم التجار في الوكالة، ليصبح أحد اكبر رجال الأعمال في مصر، حتى أن محفوظ بعدما كان يعامله بازدراء سعى جاهداً لنيل صداقته من جديد!!

وعلى الرغم من توافر مقومات السعادة في حياة عبد الغفور البرعي، الا انه عانى من ابتعاد ولده الوحيد عنه، واصرار عبد الوهاب على بناء عالم خاص جداً بعيداً عن والده ونفوذه.

فلم تكن الثروة اللى جمعها عبد الغفور مصدر سعادة له حسب ما اعتقد الجميع لكنها كادت أن تصبح لعنة تطارد أبناءه الواحد تلو الآخر.

الأطفال

بالأضافة الى




#Article 142: لندن (150 words)


لندن (انجليزى: London نطق: ) هى عاصمة و اكبر منطقة حضريه فى انجلترا و المملكه المتحده و كانت جزء من العديد من الحركات والظواهر المهمة على مر التاريخ. لندن الكبرى هى تانى اكبر منطقه من حيث عدد السكان بين المناطق الحضريه فى الاتحاد الأوروبى بعد باريس الكبرى . و تعدادها 8,278,251, و عدد لندن و المنطقه اللى حوالايها ما بين 12 مليون و 14 مليون انسان 

لندن واحده من اهم المدن العالميه و من المراكز اللى بتقود العالم فى الفنون والتجارة والتعليم والترفيه ، والأزياء ، والتمويل ، والرعاية الصحية ، و وسائل الإعلام ، و الخدمات المهنية ، والبحوث والتنمية والسياحة والنقل و ده كله بيساهم فى شهرتها و أهميتها... لندن هيا اكبر مراكز العالم المالية زيها زى نيو يورك 

منطقة لندن يخدمها خمس مطارات دوليه وهي مطار هيثرو ، مطار جاتويك , مطار ستانستيد ، مطار لندن لوتون و مطار مدينة لندن.

لندن بيعيش فيها مجموعات عرقيه كتيره 




#Article 143: لهجات مصريه (400 words)


اللغة المصرية الحديثة (المصري) هى لغه حاميه (افريقيه) بتنتمى لعيلة اللغات الحاميه-الساميه (الافرو-اسيويه) وهى المرحله الرابعه من اللغات اللى اتكلمها المصريين طول تاريخهم. المصرى لغه ليها لهجات كتيره و دواير لغويه بتوسع ساعات و بتضيق ساعات تانية و ممكن تتصنف اللهجات دى فى مجموعتين كبار يعنى اللهجه البحيرى (لهجة البحاروه-الفلاحين)  و اللهجه الصعيدى (لهجه الصعايده). اللهجات دى مشتركه فى حاجات كتير و خصوصا على المستوى النحوى و فى تأثرهم باللهجات القبطى المختلفه اللى كانت سايدة فى مناطقهم قبل الغزو العربى لمصر و فى لهجات تانيه زى الغجرى (لهجة النوار) و لهجة بدو سينا و لهجة بدو الصحرا الغربية بس دى لهجات بتعتبر مستقلة عن اللغة المصرى فى وادى النيل ، و على الناحيه التانيه بردو فى اختلافات بتميزهم عن بعضيهم.
مصر فيها كمان جمب المصرى لغات تانيه مستقلة زى اللغة النوبى و السيوى و البجاوى.

ودى اللهجه اللى بتستعمل فى القاهرة و الجيزه و القليوبيه و ليها قبول واسع من كل المصريين و بتتفهم فى كل حتة عشان التليفزون و الافلام و المراكز الثقافية اللى فى العاصمة المصرية.

اغلب الكلمات المصرية ليها جدور عربية بس دخلت عليها تغييرات فى النطق و الجنس و فى كمان عدد كبير من الكلمات المصرية اللى من اصل قبطى زي (تاتا و امبو و إدّا و عنتيل و بعبع و بَحّ و يللا و بره و بـِخّْ و كلكع و كمان و كُحة و لقمه و قله و زير و تـَفّه و شأشأ و شبوره و جلابيه و ....). لهجة القاهرة استعارت بردو كلمات كتيرة من الانجليزى و الفرنساوى و الطاليانى و اليونانى و التوركى.

و هى اللهجة بتاعة الاسكندرية و بتشبه لحد كبير اللهجة القاهرية بس فى ميل لاستخدام صيغة الجمع فى الكلام للمتكلم المفرد (ح نتستنوك = ح نستناك). و شوية كلمات معينة خاصة بيها زي, ماستيكا= لبان و القمة = الناصية و الجومة = الاستيكة.

و دي لهجة الفلاحين (المصريين فى شمال مصر) و بتتفرع اللهجة دي لـ:

لهجة الصعايدة هى لغة مختلفة معترف بيها ISO-639-3 (قانون المنظمه الدولية للتوحيد القياسى). الكود بتاعها هو (aec) و بيتكلّموها الصعايده فى صعيد مصر من جنوب القاهرة لحدود مصر مع السودان. مجموع المتكلمين: 18.900.000

بشكل عام اللهجة دي بتشبه المصري بس فيها تاثير كبير هندو-اري و خصوصا على مستوي الكلمات يعني مثلا: نار = إيج ,راجل = مان او مينيس,استرا = نجمة, داندي = ضرس, بوردي = اخ. و كمان بيحطو الاسامي بين ما-اسم-يس زي مثلا ما-ودان-يس, يعني ودان (جمع ودن) مخيس يعني مخ, ماشنبيس يعني شنب و كده يعني. ولغة الامازيغ في واحة سيوة




#Article 144: ليبيا (170 words)


ليبيا دوله فى شمال أفريقيا بيحدها البحر المتوسط من الشمال و مصر من الشرق و السودان من الجنوب الشرقى و تشاد و النيجر فى الجنوب و الجزاير و تونس من الغرب. الأجزاء التقليديه التاريخيه التلاته فيها هى برقه و طرابلس و فزان. مساحتها حوالى 1.8 مليون كيلومتر مربع (700,000 ميل مربع), و هيا رابع اكبر دوله بالمساحه فى أفريقيا, و الرقم 17 كاكبر بلدان العالم مساحه و بتحتل المرتبه العاشره بين عشر دول عندها اكبر احتياطيات نفطيه مؤكده لبلد فى العالم.

طرابلس هى اكبر مدينه و هيا العاصمهفى غرب ليبيا و بيسكنها أكتر من مليون انسان. المدينه الكبيره التانيه هيا بنغازى فى شرق ليبيا بعدد سكان 700,000 انسان.

سجلت ليبيا اعلى مؤشر للتنميه البشريه فى افريقيا و رابع اعلى ناتج محلى اجمالى فى القاره لسنه 2009, بعد السيشيل, وغينيا الاستوائيه و الجابون بسب احتياطياتها النفطيه الكبيره و الكثافه السكانيه المنخفضه. و ليبيا عضو فى عدد من المنظمات و التجمعات الإقليميه و الدوليه من بينها الأمم المتحده, و الاتحاد الأفريقى و اتحاد المغرب العربى و جامعه الدول العربيه و حركه عدم الانحياز,و منظمه التعاون الإسلامى و منظمه الدول المصدره للنفط و كوميسا.

من سنه 2007 تم تقسيم ليبيا لـ 22 شعبيه (محافظه).




#Article 145: ليستة الأحزاب السياسيه فى مصر (453 words)


الدستور المصرى بيسمح بـ ان مصر يبقى فيها احزاب متعدده ، الحزب الوطنى الديموقراطى كان بيحكم و كان بيتسمح للاحزاب المعارضه بس ماكانش بيبقى عندهم فرصه بجد عشان ينافسو.
القانون رقم 40 لـ سنة 1977 بينظم تأسيس الاحزاب السياسيه فى مصر. القانون ده كان بيمنع تأسيس احزاب على اساس دينى. بعد ثورة مصر سنة 2011 اللى اطاحت بالرئيس حسنى مبارك اللى كان رئيس الحزب الوطنى الديموقراطى إبتدت احزاب جديده زى حزب ثوار التحرير وحزب شباب التحرير وكذا حزب دينى اسلامى و مسيحى.

ظهور الاحزاب فى مصر فى القرن ال19. كان بيعكس التفاعلات بين المجتمع و الاقتصاد و الثقافه و شوية ظروف تاريخيه و ظروف وطنيه و سياسيه. كل ده خلا يبقى فيه مؤسسات جديده بتحكمها الحكومه و الشعب, و تحسينها فى نفس الوقت. زى الپرلمان (مجلس الشورى) و مستشارين رئيس الحكومه و الاحزاب السياسيه, و النقابات. الظهور ده كان شويه-شويه, و عَدّا على مراحل ورا بعضها. الاحزاب السياسيه إتعملت فى الاول على هيئة مجتمعات سرّيّه و بعدين بقو جماعات سياسيه.

مصطفى كامل عمل اول حزب سنة 1907, و كان اسمهُ الحزب الوطنى, بس ده غير الحزب بتاع دلوقتى اللى اسمهُ الرسمى الحزب الوطنى الديموقراطى. فى اقل من عَشَر سنين, كان فيه احزاب مختلفه عن بعض جداً; فى الطبيعه, و التأسيس, و التنظيم, و السلطه و الشُهره و الاسلوب. كان فيه احزاب وطنيه معموله من جماعات بيتحكّم فيها القصر الملكى, و احزاب تانيه معموله من سلطه الإحتلال, و بردو احزاب بتعبّر عن الايديولوجيا بتاعتهم و عن بقية افكارهم السياسيه.
مابين 1907 و 1920, الاحزاب اللى كانت إتعملت فى مصر كانو بيدلّو على إن فيه احزاب تانيه حتتعمل; بس على أى حال, كان فيه منع بـ سبب الاحتلال البريطانى و خضوع مصر للامبراطوريه العُثمانيه. فى فبراير 1922, اعلان استقلال مصر و تَطليع الدستور خلّو يبقى فيه حُكم مَلَكى دستورى معمول على اساس تعدد الاحزاب و مبادئ الليبراليه و الديموقراطيه.

فى فترة 1923 - 1952, مصر شاهدت تجربه كويسه جداً فى السياسه و ممارسة الديموقراطيه. على أى حال, التجربه دى كانت متأثره بـ عيوب كتيره, زى الإحتلال البريطانى, و التدخّل الأجنبى فى المصالح المصريه و تدخل القصر المَلَكى فى الحياه السياسيه. بعد انقلاب الظباط الأحرار سنة 1952, النظام المصرى فضل يصفى المعارضه. فى يناير 1953, الاحزاب السياسيه إتمنعت, و بقوا ماشين بنظام الحزب الواحد و الحزب الوحيد و المسيطر على كل حاجة كان الاتحاد الاشتراكى. إتعمل قانون للاحزاب , سنة 1977 إتحوّل النظام السياسى فى مصر

التصحيح السياسى ما كانش بيهتم بيه الحزب الوطنى الحاكم,وكان دايماً متهم بتزوير الانتخابات عشان يضمن أغلبية الكراسى فى الپرلمان. الحزب الحاكم كان دايماً بيقول إنه عايز يشيل القيود اللى بتمنع الأنشطه السياسيه للأطراف التانيه فى البلد.

محمد مصطفى كمال عضو الأمانه العامه للسياسه كان بيقول : فيه تفكير لمراجعه القانون بالنسبه للاحزاب السياسيه, عشان الاحزاب الجديده يقدروا يتكونوا, و عشان الاحزاب اللى موجوده تقدر تتحرك بحريه.

حركة الثوار الاحرار www 




#Article 146: ليه خلتنى أحبك (179 words)


ليه خلتني أحبك هوه فيلم مصري اتعمل سنه 2001 بطولة كريم عبد العزيز وحلا شيحة واحمد حلمي ومنى زكي ومها عمار وطلعت زكريا ومحسن سرحان ورجاء الجداوي وحجاج عبد العظيم واخراج ساندرا نشأت. والفيلم دة هوه اول فيلم بطولة مطلقة لكريم عبد العزيز.

تدور احداث الفيلم حول حب كبير نشأ بين داليا (منى زكي) وهشام (كريم عبد العزيز)، بس ابو داليا رجل الاعمال الكبير موافقش على جوازها منه بدون سبب فيسيبو بعض ويسافر هشام الى امريكا بينما ترتبط داليا بواحد تاني، وبعد مرور سنوات يرجع هشام من السفر وقد حصل على اعلى الشهادات فى علم الكومبيوتر، ويفتح شركة فى المجال ده، ويقع فى حب نهى ( حلا شيحة ) إبنة صديقة والدته ويعترف ليها بحبه وتتم خطبتهم ,و فى احد المرات عند خروجه من النادي يقابل حبيبته القديمة داليا بالصدفة اللى أصبحت مصورة مشهورة وقد انفصلت عن الرجل اللى ارتبطت بيه بعد انفصالها عنه، وبينما يخبرها انه ارتبط بفتاة اخرى اصيبت بصدمة شديدة تجعلها تقرر ان تفسد هذه الخطبة وذلك بمساعدة صديقها زكريا (احمد حلمى) فهي ما زالت تحبه بشدة وندمانة على تركه قبل سنوات.

الفيلم تأليف وليد يوسف




#Article 147: مارى كورى (457 words)


فتون كوري Marie Curie اسمها الاصلى قبل الزواج ماريا سكلودوفسكا  Maria Salomea Skłodowska ( وارسو ، بولاندا دلوقتى ، 7 نوفمبر 1867 - باسى ، فرنسا ، 4 يوليه 1934 من جامعة السوربون و اول سيدة تحاضر فى السوربون ، و هى الشخص الوحيد الذي حصل على جايزة نوبل مرتين مرة في الفيزياء و اخرى في الكيمياء.

مارى كانت بنت مدرس فى وارسو فى بولاندا التى كانت وقتها جزء من الامبراطوريه الروسيه و اظهرت نبوغها و هى مازالت صغيره ، و التحقت بعمل لكى تساعد اسرتها ، لكن بالرغم من تميزها فى الدراسه الجامعه لم تقبلها بسبب التفرقه الجنسيه و السياسيه ضد البولنديين وقتها فإضطرت انها تكمل تعليمها عن طريق دروس سريه فى وارسو كانت اسمها  الجامعه الطائره .

حلم مارى كان انها تدرس فى جامعة السوربون فى باريس فذهبت الى باريس و أدّت امتحانات القبول و نجحت و درست هناك و كانت اول سيدة فى تاريخ جامعة السوربون تاخد دبلوم فى الفيزياء وكان ذلك فى عام ١٩٢٢م. بدأت تعمل ابحاثها و تجاربها على معادن تحتوى على عناصر اليورانيوم و الثوريوم فإكتشفت ان فيه معادن تتميز بخواص نشاط الاشعاع اكتر من المتوقع و هذا وصل لاكتشاف عنصر كيماوى جديد اتسمى  بولونيوم  ، ثم اكتشفت عنصر كيماوى ثانى له خواص اشعاعيه كبيره سمى  راديوم .
من المعروف أيضا أن الصحافة الفرنسية استفزت ماري كوري جدا لما طلعت عليها إشاعة بعلاقة تربطها هي وتلميذ زوجها اللي كان متوفي في الوقت ده بول لانجيفين ولكن سرعان ما بطلت الإشاعات دي والعلماء اللي كانوا علي علاقة بماري وقفوا جنبها بخطابات وكلمات مؤثرة وكان أبرزهم البرت اينشتاين  ومن الحقائق المثيرة ايضا عن ماري كوري أنها بفضل فكرتها بعلاج المصابين من الجنود بجهاز الأشعة السينية المتنقل في الحرب العالمية الأولى تمكنت من إنقاذ حياة كثير جدا من الجنود في الحرب 

مارى كورى اكتشفت عنصر الراديوم سنة 1898 مع زوجها بيير كورى عندما لاحظت ان النشاط الاشعاعى الصادر من معدن اسمه يورانينايت (Uraninite) اكبر بخمس مرات من المفترض ان يخرج من عنصر اليورانيوم او عنصر البولونيوم . بعد ابحاث و تجارب طويله استطاع العالمان ان يحضروا ملح الراديوم كلوريد فى سنة 1902 .احتاج العالمان ان يعملوا تنقيه لعدد من الاطنان معدن اليورانينايت حتى يتمكنوا من تحضير عشر (10/1) جرام من الملح .وفي سنة 1910 استطاعت كورى و عالم اخر اسمه اندريه لويس ديبرين ان يفصلوا لأول مره فى التاريخ عنصر الراديوم لوحده.

مارى كورى و زوجها بيير حصلوا على جايزة نوبل فى الفيزياء سنة 1903 ، وبعد ما اتوفى زوجها عرضت عليها جامعة (السوربون) انها تاخد مكان زوجها فى التدريس فى الجامعه فكانت اول امرأة تدرس فى السوربون ، و استمرت في ابحاثها على عناصر البولونيوم و الراديوم ، و نجحت فى استخراج الراديوم سنة 1919 ، و فى سنة 1911 حصلت على جايزة نوبل فى الكيمياء بسبب توصلها لمستخرج نقى لعنصر الراديوم. و تعتبر هى الشخص الوحيد اللى حاز علي جايزة نوبل مرتين.




#Article 148: ماريلين مونرو (218 words)


ماريلين مونرو (Marilyn Monroe) (1 يونيو 1926 - 5 اغسطس 1962) اسمها الحقيقى نورما جين مورتنسون (Norma Jeane Mortenson) هى ممثلة امريكانية ومغنية وكمان منتجة افلام

اخدت سنة 1960 جايزة جولدن جلوب Golden Globe كـأحسن ممثلة .

قضت فترة طويلة من طفولتها فى الملاجئ بس بسبب جمالها ابتدت تشتغل فى مجال عروض الازياء كـ موديل و ده وصلها سنة 1946 لمجال السينيما فى ادوار صغيرة ، وكانت مشهورة بأدوار الاغراء

فى سنة 1950 عملت فيلمين ناجحين جدا ورا بعض اللى هما The Asphalt Jungle و All About Eve و بدأت شهرتها تزيد شوية شوية و خصوصا بعد ما بدأت تمثل ادوار كوميدية رحب بيها الجمهور و النقاد. وصلت ماريلين لقمة تألقها و نجاحها بعد ما اتجوزت الكاتب المشهور ارثر ميلر Arthur Miller  ودرست فى Actors Studio. اشهر ادوارها الدرامية فى فيلم Bus Stop و اللى بهرت فيها حتى النقاد و بعدين خدت جايزة الجولدن جلوب عن فيلمها Some Like It Hot سنة 1960.

السنين الاخرانية من حياتها كانت صعبة و مليانة مشاكل شخصية و امراض و كمان سمعتها كممثلة انتشرت عنها انها ممثلة صعب التعامل معاها.مارلين مونرو ماتت سنة 1962 بجرعة عالية من دوا اسمه الباربيتيوريت و فيه ناس بتقول انها خدت الجرعة العالية دي بالغلط و فيه ناس بتقول انها خدتها بالقصد علشان تنتحر و كمان فيه ناس تانيين بيفسرو موتها بمؤامرة اتقتلت فيها ماريلين لاسباب سياسية.




#Article 149: مالطا (120 words)


مالطا (جمهورية مالطا) هى دوله صغيره فيها كثافه سكانيه عاليه جداً و هى متكونه من 7 جزر فى البحر المتوسط منهم تلات جزر مأهولة. مساحة مالطا 316 كم مربع وعدد سكانها 410,290 و بكدا بتكون سابع دولة فى العالم فى الكثافة السكانية.

مالطا موجودة على بعد 288 كم فقط من تونس وعلى بعد 93 كم من صقليه/سيسيلى.

عاصمة مالطا هى ڤاليتا.

مالطا فيها لغتين رسميتين: المالطى و الانجليزى. المالطى: لغة مشتقة من العربى-الصقلى و قريبة فى المفردات و النطق من التونسى. و الطاليانى ساعات بيعتبر لغه تالته, لان معظم القنوات المالطيه و الادب بالطاليانى. و كمان قبل 1936, الطاليانى كانت هى اللغه الرسميه الوحيده للبلد.

مالطا استقلت عن بريطانيا سنة 1964 و بقت عضو فى الاتحاد الاوروبى من سنة 2004.




#Article 150: مانيليه (408 words)


مزيكة المانيليه (بالروماني:muzica de manele ) هى نوع من انواع المزيكا الشعبيه المشهوره فى بلاد البلقان و ظهرت اول ما ظهرت فى رومانيا بس بعدين انتشرت فى صربيا و بولجاريا و البانيا و مونتينيجرو(الجبل الاسود).بدات المزيكة فى التمانينات و اوئل التسعينات عن طريق ترجمة و تقليد المزيكة العربية و التركية و كانت بتتغتى فى احياء بوخارست الفقيرة و خصوصا بين مجتمعات الغجر و فى شارع فرينتار السيء السمعة و المشهور بتجار المخدرات و الدعارة. من اشهر و اول الفرق اللى حققت نجاح فرقة آزور( اللون السماوي) فى اواخر التمانينات.و شوية شوية ابتدت تنتشر فى حتت تانية فى رومانيا زي بانات و اولتينيا و حققت نجاحات مش متوقعة.النوع دا من المزيكة بيتتهم دايما بانه بينقل و بيقلد المزيكة و حصلت فضيحة كبيرة لما عملو اغنية (ليه بتكدبي عليا؟) اللى كسرت الدنيا و بعدين اتضح انها مجرد نقل مسطرة من اغنية (ماجاباس) اليونانية المشهورة بتاعة ديسبينا فاندي.

موسيقى المانيليه عبارة عن خليط من الموسيقى الشرقية( التركية و العربية) والموسيقى البالقانية و فيها تاثير قوي من موسيقى الغجر.

اللى ما بيحبوش مزيكة المانيليه بيتهموها بأنها سطحية و كلماتها متكررة و بتدور حوالين الوسامة و الشطارة بتاعة المغني و عن البنات اللى بيقعو فى حبه. و كمان الفشخرة بالفلوس و حتى ساعات بالبلطجة.المغنيين بيعملو غلطات نحوية كتيرة و الحانهم بسيطة و متكررة.

مغنيين المانيليه رسمو لنفسيهم صورة معينة من الموضة و اللى بتبقى غالبا عبارة عن بناطيل ضيقة و قمصان مشجرة و جزم ليها بوز من قدام.الجيل بيستعملوه بشكل كبير فى تسريحا ت شعرهم و بيحطو بارفانات قوية و بيلبسو سلاسل دهب تقيلة.المرسيدس و البي ام دبليو هما اشهر عربيتين لازم مغنى المانيليه يكون عنده واحدة منهم على الاقل.

المانيليه مشهورة و منتشره بنجاح فى الاحياء الفقيرة فى رومانيا بس بتقابل نقد قاسي من المثقفين و المتعلمين اللى بيرفضو يسموها مزيكة و بيوصفوها بـ سودو-موزيكا يعني المزيكة الكدابة او المزيكة الفشنك.
القنوات التليفوينية و الراديو ما بتذيعش اغاني المانيليه بشكل كبير بس فيه قنوات متخصصة ما بتذيعش غيرها. فى ليلة راس السنة 2006 كل قنوات التليفزيون الروماني كانت بتذيع اغاني المانيليه و اللى بتعكس نجاحها و قدرتها على جذب المشاهدين على الرغم من الانكار الرسمي ليها و الهجوم الشديد عليها. فى 1 ديسمبر 2005 (يوم العيد الوطني بتاع رومانيا) اكبر قناة تليفزيون فى رومانيا (برو-تي-فى) اذاعت على الهوا عشر ريميكسات مختلفة للنشيد الوطني بتاع رومانيا. و احدة من الريميكسات دي كانت بطريقة المانيليه و دا عمل جدل كبير بين الرومانيين اللى اعتبروه اهانة للنشيد الوطني، بس فى نفس الوقت بين و ورى الناس النجاح الكبير و القبول اللى وصلت له مزيكة المانيليه.




#Article 151: محمد على باشا (9217 words)


محمد على باشا - محمد على ابراهيم أغا - اتلقب بـ عزيز مصر - و اتعرف فى مصر كمان باسم محمد على باشا القوللى (كافالا، 4 مارس 1769 -القاهره، 2 اغسطس 1849) والى مصر و مؤسس العيلة العلويه اللى حكمت مصر و السودان حوالى 150 سنة من 1805 لحد سنة 1953. محمد على باشا حكم من 17 مايو 1805 ل 1 سبتمبر 1848 و بيعتبر مؤسس مصر الحديثه و بغض النظر عن مظالمه و جرايمه و اخفاقاته كان سبب نهضتها و دخولها العصر الحديث. قال عنه المؤرخ عبد الرحمن الجبرتى:  فلو وفقه الله لشىء من العدالة على ما فيه من العزم والرياسة والشهامة والتدبير والمطاولة لكان اعجوبة زمانه وفريد اوانه .
 
محمد على باشا اتولد سنة 1769 فى مدينة كاڤالا ( قوله) Kavala فى مقدونيا اللى كانت وقتها ضمن أراضى الامبراطورية العثمانيه ، و كان بغض النظر عن اصله اللى فى الأغلب كان البانى بيعتبر نفسه عثمانى. بعد فشل مشاريعه العسكريه و عزله اتوفى فى اسكندريه فى 2 اغسطس 1849 ، و اندفن فى الجامع المعروف باسمه فوق جبل المقطم فى قلعة القاهره.

محمد علي اتولد فى سنة 1769 فى قريه اسمها كاڤالا ( ‍Kavala ) فى مقدونيا على بعد 320 كم غرب استانبول، كاڤالا كانت فى الوقت ده من أملاك الاتراك العثمانيين فى البلقان. بس بيتقال ان ابوه و امه اصلهم من البانيا، ابوه اللى كان اسمه ابراهيم آغا كان بيشتغل غفير طرق و خلف 17 ابن كلهم ماتو ماعادا محمد على. ام محمد على مش معروف اسمها أوهى مين. فى سنة 1773 اتيتم محمد على و هو عنده اربع سنين بعد مامات ابوه و حصلته امه ، فأخده عمه طوسون آغا عشان يربيه و كان متسلم قرية كافالا لكن هو كمان مات بعدها بشويه بعد ما قتله السلطان العثمانى فبقى محمد على وحيد من تانى فأخده صاحب لأبوه اسمه جربتجى فى راوسطا و عيشه فى بيته مع ولاده. محمد على عاش فى مذلة اليتم و عانى كتير فى طفولته و صباه و بيتقال انه بعد مااتولى حكم مصر كان بيحكى للمقربين ليه عن المعاناه اللى شافها و هو طفل و يقول:  أتولد لأبويا سبعتاشر ولد ماعاشى منهم غيرى انا ، و عشان كده ابويا كان بيحبنى قوى و بيخاف عليا ، لكن اتوفى فبقيت عيل يتيم واتبدل عزى بذلى ، و كنت باسمعهم يقولو الجمله دى اللى عمرى مانستها طول حياتى :  ياترى مصير الواد التعيس ده حايكون ايه بعد مامات ابوه و امه ! . فكنت بأتغافل عن الكلام ده و بيجينى احساس غريب بيحركنى عشان اقوم من تحت المذله دى ، فكنت بأجهد نفسى فى أى شغلانه بأقدر أعملها و بهمه غريبه لدرجة انى ساعات كان بيعدى عليا يومين و انا بأسعى من غير مااكل ولا أنام غير حبه. و من الحاجات اللى قاسيتها انى كنت مره مسافر فى مركب فزادت الريح و كسرت المركب و اكمنى كنت صغير سابونى و ركبو مركبه كانت وايانا وراحو بيها على جزيره ففضلت انا اجاهد فى المايه و الموج عمال يحدف فيا و يخبطنى فى الصخر لغاية ايدايا ما اتكسرو و هم رفياعين ، و فضلت اكافح لغاية ماربنا رادلى انى اوصل الجزيره بسلامه والجزيره دى دلوقتى جزء من مملكتى. 

بيتحكى ان محمدعلى فى صباه كان بيزور فى كاڤالا تاجر فرنساوى كبير اسمه مسيو ليون.التاجرالفرنساوى ده كان لما شاف محمد على حس بالشفقه عليه لمالاحظ انه فطين و نبيه فبقى يساعده و يعطف عليه لغاية ما محمد على بقى بيحبه و بيتقال ان بعد محمد على مااتولى حكم مصر بعت للمسيو ليون فى سنة 1820 دعوه عشان يستضيفه فى مصر و قبل المسيو ليون الدعوه لكن اتوفى قبل مايروح مصر فزعل عليه محمد على و بعت لأخته هديه قيمتها عشرتلاف فرنك.

اتربى محمد على فى بيت صاحب ابوه جربتجى فى راوسطا ، و زى ولاد المنطقه اتعلم من صغره اللعب بالسيف و الجريد و بين مهاره ، فلما كبر انضم للجهاديه اللى كان جربتجى الراجل اللى رباه بيشرف عليها ، و لما بين قدراته فى تحصيل الضرايب رقاه جربتجى لرتبة بلوك باشى و جوزه من واحده قريبته اسمها  أمينه هانم نوصرتلى  كانت متطلقه و عندها فلوس وأملاك ، فساب محمد على الجهاديه و دخل فى التجاره و اهتم بالذات بتجارة الدخان و دى كانت تجاره رايجه فى المنطقه اياميها و نجح فيها و اشتهر. حب محمد على للتجاره كان اكتسبه من مسيو ليون التاجر الفرنساوى اللى كان بيشفق عليه فى طفولته و بطبيعة الحال ده كان من اسباب اهتمامه بالتجاره بعد ماحكم مصر.

فضل محمد على شغال فى التجاره لغاية لما الباب العالى فى سنة 1801 قرر تخريج الفرنساويه من مصر. الفرنساويه كانو غزو مصر سنة 1798 بقيادة نابوليون بونابرت فى الحمله المعروفه باسم الحمله الفرنساويه اللى غلبو فيها المماليك المصرليه و احتلو مصر و قعدو فيها تلت سنين و فضل السلطان العثمانى يبعت عسكر عشان يحاربهم و يخرجهم من مصر بمساعدة الانجليز من وقت للتانى. فى سنة 1801 بعت العثمانيين على مصر حمله كبيره تحت قوماندية حسين قبطان باشا بمشاركة الانجليز.

محمد على كان من ضمن المرتزقه الألبان اللى انضمو للقوات البحريه بعد مااتجند فى راوسطا كمعاون لعلى آغا على راس 300 مرتزق ألبانى ( ارناؤوط ). على آغا كان ابن جربتجى الراجل اللى ربى محمد على. لما وصلت المراكب ابو قير اتغلبت من الفرنساويه فرجع على آغا على بلده وساب عساكره تحت قوماندية محمد على اللى فى الغضون دى كان اترقى لرتبة بيكباشى. العثمانليه بمعاونةالاسطول الانجليزى قدرو يغلبو الفرنساويه و اتعملت اتفاقيه انسحب الفرنساويه بموجبها من مصر فى سبتمبر 1801.العسكر العثمانى كان من ضمنه جماعات من الأرناؤوط و الانكشاريه و الغليونجيه و دول قعدو لحماية مصر السفلى و مدن فى الصعيد ، و الانجليز اللى كانو تحت قوماندية الجنرال هتشنسون نزلو فى اسكندريه عشان يساعدو فى تعيين والى عثمانى و محاربة المماليك المصرليه اللى كانو عمالين يقاومو عشان استقلال مصر.

اتعين محمد خسرو باشا والى على مصر بمساعدة حسين قبطان باشا حيث ان خسرو كان فى الاصل من مماليكه. و بعد تعيينه راح على القاهره و خلص على اللى كانو مواليين للفرنساويه و كان معاه اوامر سريه بالقضاء على المماليك المصرليه بأى طريقه ، فبعت تجريده على الصعيد عشان تقضى على المصرليه الموجودين هناك فلما حس المصرليه بالخطر اتصلو بالفرنساويه و استنجدو بيهم لكن الاتصالات ماجابتش نتيجه لكن تجريدة خسروباشا هى كمان ماحققتش حاجه و رجعت من الصعيد ، و استمر خسرو باشا يحارب المصرليه فى مناطق مختلفه و يشن حملات عليهم. فى حمله من دول امر محمد على ، اللى فى الغضون دى كان اترقى لرتبة سرششمه و بقى قومندان على 4000 مرتزق ألبانى ، بانه يروح يساعد الحمله لكن الحمله اتغلبت قبل مايوصل محمد على بعساكره فاتحجج قومندان الحمله بان تأخر محمد على فى الوصول كان سبب هزيمته و بعت بلاغ لخسرو باشا. خسرو باشا اللى ماكانش بيحب محمد على صدق الموضوع و امر فى السر بقتله و كتبله انه لازم يروح يقابله فى نص الليل لمناقشة شوية حاجات ، لكن محمد على مابلعش الطعم و فهم انه ناوى يقتله فماراحش و اتصل فى السر بالمماليك المصرليه واتحالف معاهم ضد خسرو باشا و قدرو انهم يطلعو خسرو باشا من القاهره فهرب على دمياط وعينو مكانه طاهر باشا، لكن طاهر باشا اتقتل و احتل محمد على قلعة القاهره فراح احمد باشا والى الشرطه منصب نفسه والى لكن قدر المصرليه انهم يطردوه من القاهره و راحو على دمياط و حاربو خسرو باشا واسروه و رجعو بيه على القاهره و سجنوه فى القلعه.

لما السلطان العثمانلى فى استانبول عرف باللى حصل فى مصر بعت والى اسمه على باشا الجزائرلى و بعد وصوله القاهره ابتدا يكيد للمماليك المصرليه و محمد على. المماليك المصرليه كان ليهم زعيمين الامير محمد الألفى و الامير عثمان البرديسى و الاتنين كانو واقعين فى بعض و بيتنافسو على السلطه. الألفى كان راح انجلترا عشان يطلب من الانجليز انهم يقفو فى صفه ضد البرديسى ، و لما رجع مصر انتهز محمد على الفرصه و قوم غريمه البرديسى عليه فعمل للالفى مكيده لكن فلت منها و هرب عالصعيد فافتكر البرديسى ان الجو خلاله فى القاهره و هو مش دريان ام محمد على بيكيد له و بيدبر له مصيبه هو كمان. فى 1804 محمد على بمكره حرك الألبان على البرديسى و اتفق معاهم انهم يتمردو و يطالبو بماهياتهم المتأخره فثارو و هددو البرديسى اذا مادفعلهمش مرتباتهم المتأخره ، فراح البرديسى عشان يقدر يدفع المرتبات عامل ضرايب جامده على سكان القاهره و بقى يحصلها بقسوه و عنف فثار عليه اهل القاهره و خرجت مظاهرات بتنادى:  ايش تاخد من تفليسى يا برديسى  و اضطر يهرب من القاهره اللى عمره مارجعها تانى.

بعد ماهرب الاميرين مافضلش من رجالة السلطه فى القاهره غير محمد على اللى راح لامم العلما والمشايخ حواليه و اتفاوضو سوا على اطلاق سراح خسرو باشا و ترجيعه لمنصبه فوافق محمد على و رجعه لمنصبه لكن ماأقعدش فى المنصب غير يوم واحد اتبعت بعده على رشيد و من هناك على الاستانه و كل ده كان بمكرو تدبير محمد على اللى بعد ما خلص من خسروباشا هوكمان اتظاهربانمصر محتاجه والى عثمانى و اقترح تنصيب خورشيد باشا اللى كان فى اسكندريه فوافق العلما و المشايخ و على انمحمد على يكون نايبه بصفة قائمقام و بعتو للباب العالى فى الاستانه يبلغوه و يطلبو الموافقه فوافق السلطان العثمانى.

بعد مااتعين احمد خورشيد باشا والى على مصر لقى ان محمد على مستأثر بالنفوذ بسبب العسكر الألبان اللى تحت ايديه فخاف على نفسه و جاب عساكر مغاربه بيتسمو الدلاتيه عشان يبقو معاه لو استدعت الامور ، و فهم محمد على قصد خورشيد باشا فراح مخلى الدلاتيه دول يعاملو سكان القاهره معامله وحشه و يقتلو و ينهبو بالاعتماد على نفوذ خورشيد باشا و بكده كره اهل القاهره فيهم و بالذات العلما و المشايخ.

فى اوائل مايو 1805 وصل لمحمد على قرار بتعيينه والى على جده فى شبه الجزيره العربيه ففرح خورشيد باشا بقرب خلاصه منه و لبسه هدوم المنصب  الفروه و القارووق  ، وخرج محمد على على انه رايح على جده لكن فى قرارة نفسه ماكانش عايز يسيب مصر ، و انتهز فرصة تمرد العسكر ومطالبتهم بالعلوفه فقالهم:  اهو الباشا عندكو طالبوه بيها  و روح هو على بيته فى الأزبكيه و قعد يرمى دهب على الناس و هو فى السكه عشان يحبب الناس فيه و يكرهم فى خورشيد باشا. ماحدش عارف ايه بالظبط اللى حصل مابين محمد على والمشايخ فى التلت تيام اللى بعد كده ، لكن اللى حصل بعدها هو ان المشايخ بزعامة السيد عمر مكرم نقيب الاشراف راحوله على بيته و هما بيهتفو بنفس واحد:  مش عاوزين خورشيد باشا والى علينا  ، فطلعلهم محمد على و سألهم:  امال عايزين مين ؟  ، فردو عليه:  مش عايزين حد غيرك انت . فعمل محمد على نفسه انه مش عايز المنصب و قعد يشكر فى خورشيد باشا و يهديهم لكن فضلو يلحو عليه لغاية مافى الاخر وافق ، فراحو ملبسينه الكرك و القفطان و بعتو لخورشيد باشا يطالبوه بالنزول من القلعه ، و لما ماقبلش خورشيد باشا طلبهم حاصروه فى القلعه و كتبو للباب العالى باللى حصل و فضلو على الحال ده لغاية مافى 9 يوليه 1805 وصل فرمان من السلطان العثمانى بعزل خورشيد باشا و تنصيب محمد على مكانه والى على مصر ، فخرج خورشيد باشا من القلعه و مشى من مصر و هو مقهور ومتغاظ من محمد على.

المماليك المصرليه كانو هما كمان متغاظين من محمد على بعد ماشافو مكره و ألاعيبه و ازاى استخدمهم لخدمة اهدافه الشخصيه فثارو عليه بزعامة الامير الألفى اللى طوالى اول ماسمع ان محمد على اتعين والى اتصل بالانجليز و طلب منهم المساعده فى خلعه لكن القنصل الفرنساوى عرف وعرقل الاتصال فدخل الألفى فى مفاوضات للمصالحه ترضى الطرفين لكن مااتوصلوش لاتفاق فاتصل الألفى بالانجليز تانى عن طريق سفيرهم ، و فعلا اتدخلت انجلترا و قدرت تقنع السلطان العثمانى بعزل محمد على فبعت واحد اسمه موسى باشا عشان يحل محله لكن المشايخ و سفير فرنسا فى الاستانه وضحو للسلطان مقاصد المماليك المصرليه فغير رأيه و ثبت محمدعلى فى منصبه لكن امره بانه مايتعرضش للمصرليه حيث ان فيه عفو عام عنهم صدر. لكن المقادير ساعدت محمد على حيث ان البرديسى ومن بعده الألفى اتوفو بعد شويه و اتزعم المصرليه شاهين بيك اللى ماكانش فى قوتهم فضعفت شوكة المصرليه واتقوى مركز محمد على.

انجلترا من جهتها شافت ان التطورات دى ضد مصالحها و نفوذها فبعتت حمله عسكريه على مصر بقيادةالجنرال فريزر لترجيع السلطه للمماليك المصرليه ، لكن فى الغضون دى المصرليه كانو اتبعترو و اتشتتو فى نواحى مصر فقعدت الحمله فتره على ساحل مصر و بعدين اتفقت مع محمد على على صلح و مشيت من مصر من غير ماتحقق حاجه. محمد على باشا عمل كمان صلح مع شاهين بك زعيم المصرليه و بكده بقت مصر فى قبضة ايده فابتدا يفرق مناصب و مراكز حكومته على قرايبه اللى بيثق فيهم. فى اخر يوليه 1808 اتنصب محمود التانى سلطان على عرش الاستانه بعد وفاة السلطان مصطفى الرابع.

محمد على كان راجل امى مابيعرفش لا يقرا و لايكتب و ماكانش بيتكلم بالمصرى لكن كان مكار و امير من امرا الدهاء الكبار و قضى السنين الاولانيه من ولايته فى تقوية مركزه و ازاحة اى حد ممكن يمثل تهديد لسلطته ، و بالغدر و الخيانه وصل لأهدافه فى تثبيت رجليه. اول ضحايا محمد على باشا كان عمر مكرم اللى غدر بيه محمد على مع انه هو اللى لعب دور كبير فى تنصيبه و روج لولايته على مصر. عمر مكرم اللى كان معروف بنصرة العدل و محبوب من عامة الشعب شاف ان محمد على خرج عن الخط و استأثر بالسلطه و ماوفاش بالعهد و بقى بيعمل مظالم على الناس ، و قال المشايخ بزعامته:  احنا بايعناه على العدل مش على الظلم و الجور . ففى صيف 1808 جه الفيضان منخفض فعم مصر الغلا و القحط و عانى المصريين فى الظروف دى من الضرايب و المكوس و الأتاوات اللى محمد على كان فارضها عليهم فمالقوش حد يشتكوله غير عمر مكرم و المشايخ و لما اشتكو لمحمد على قالهم يروحو هما و القسسه يصلو صلاة استسقا فى الجوامع و الكنايس و بعد كده فى 1809 راح مزود الضرايب والمكوس و فارض ضرايب جديده على الناس لكن مافرضهاش على المشايخ عشان يكونو فى صفه فهاج المصريين بكل طبقاتهم و بعت عمر مكرم و المشايخ عريضه بتطالب بشيل الظلم عن كاهل الشعب. محمد على اللى ماكانش عايز حد ينافسه وكان عارف ان عمر مكرم ليه شعبيه كبيره و الناس بتحبه قدر بمكره انه يقلب المشايخ على بعض و عن طريق مشايخ منافسين لعمر مكرم لبسه تهم بالكدب و عزله و نفاه على دمياط ، و حزنت الناس على عمر مكرم و عيطت على فراقه. و بعد ما غدر محمد على بعمر مكرم و خلص منه جه دور المماليك المصرليه اللى كان اتصالح مع زعيمهم شاهين بيك.

العثمانيين شافو ان موضوع الوهابيين بقى بيهدد نفوذهم فى شبه جزيرة العرب فطلب السلطان محمود التانى مساعدة محمد على فى اخضاعهم. الوهابيه حركه دينيه اسسها محمد عبد الوهاب (1695-1719) وكانت فى الوقت ده تحت قيادة سعود بن عبد العزيز و مسيطره على شبه الجزيره العربيه. فى 1802 سعود كان بعت للسلطان العثمانى سليم التالت يبلغه انه فتح بلاد الحجاز و انه هدم قباب القبور و الجوامع و طلب منه انه مايبعتش المحمل تانى لانه مش من الدين ، و طرد كل الاتراك اللى كانو فى مكه. و فى 1804 استولى الوهابيين على المدينه المنوره و استمر زحفهم فى اليمن جنوباً و على الشام شمالاً و منعو المسلمين اللى مش على مذهبهم من الحج ، و على سنة 1811 كان نفوذهم زاد فى كل شبه الجزيره العربيه. فى الظروف دى طلب السلطان العثمانى من محمد على انه يساعده ، و فى الأغلب كان عايز بالمره يبدد قوة محمد على و يشتت جيشه فى مغامرات عسكريه بره مصر ، لكن محمد على اللى كان بيعتبر نفسه عثمانى قبل أى حاجه تانيه لبى طلب السلطان و جمع القوات اللازمه للحمله و هو فى الأغلب عارف هدف السلطان العثمانى ، لكن كان عارف كمان انه لو سيطر على شبه جزيرة العرب و بقت هى كمان مع مصر فى ايده حايبقى سيطر على البحر الاحمر و منطقه استراتيجيه فى قلب الشرق الأوسط غير طبعا ان الحجاز اللى فيه الحرمين الشريفين بيدى بريستيج دينى للى بيحكمه. عدد قوات الحمله كان 4000 عسكرى تحت قوماندية ابنه طوسون باشا و طلب محمدعلى من الباب العالى بعت اخشاب للسويس عشان يبنى بيها المراكب اللى حاتنقل العسكر و الاسلحه على الحجاز عبر البحر الاحمر فبعتله السلطان اخشاب صنع منها محمد على 18 مركب.

فى الوقت ده علاقة محمد على بالمماليك المصرليه كانت كويسه و ماعادوش بيمثلو تهديد حقيقى ليه و اكتفو بمكاسبهم الاجتماعيه و الماديه وعاشو فى الصعيد و القاهره و نواحى مصر و اعدادهم ماكنتش كبيره لدرجة انهم كانو ممكن يمثلو تهديد فعلى لمحمد على بالمرتزقه بتوعه. بعد وفاة البرديسى و الألفى محمد على اتصالح مع شاهين بيك اللى بقى زعيم المصرليه و اداه ارض فى منطقه مابين الجيزه و بنى سويف و الفيوم فعاش فيها فى سلام بعيد عن المنازعات. لكن رغم كده محمد على ارتكب ضدهم جريمه فظيعه فى الوقعه المعروفه باسم مدبحة القلعه.

ففى فبراير 1811 خرج قواد الحمله من القاهره و عسكرو فى قبة العزب فى الصحرا و هناك استنو الامر بالتحرك. محمد على حدد يوم الجمعه 1 مارس 1811 يوم لتوديع طوسون باشا و عمل وليمه للاحتفال بخروجه للحجاز على راس الحمله لمحاربة الوهابيين و عزم اعيان البلد اللى كان من ضمهم امرا المماليك المصرليه اللى اتطلب منهم المجى باللبس الرسمى. اتلم الاعيان و الامرا فى القلعه و راح شاهين بيك برجالته و استقبلهم محمد على بترحاب و قدم لهم قهوه و غيرها و قعد يكلمهم و يضحك معاهم ، و لما جه وقت الوليمه امر بخروج موكب و خلى الامرا المصرليه يمشو فى اخره و لما قربو من باب العزب فى حته ضيقه مابين الباب و الحوش العالى امر بقفل أبواب القلعه و امر مرتزقته الألبان ( الارناؤوط ) بمهاجمة الامرا المصرليه فجاءه فلما هجمو عليهم اتذعر الامرا وعرفو ان محمد على وضبلهم مكيده فحاولو يهربو عن طريق تسلق الجدران لكن المشاه اللى كانو وراهم فتحو النار عليهم من بنادقهم فحاول الامرانهم يهربو من طرق و مسالك تانيه لكن كان صعب عليهم بسبب ضيق المكان على الحصنه اللى كانو راكبينها ففيهم نزلو من على الحصنه وجريو على رجليهم و هما شاهرين سيوفهم لكن مرتزقة محمد على الألبان قعدو ينشنو عليهم بالبنادق من الشبابيك ومن فوق الأسطح فحاولو يلجأو للمبانى لكن ماكانش بفايده و اتقتل شاهين بيك قدام ديوان صلاح الدين و قطعو راسه و ودوها لمحمد على. قطع الألبان رووس امرا مصر و سرقو هدومهم و قبضو على الامرا اللى كانو جوه القلعه و مامشيوش فى الموكب و قطعو روسهم. عدد المصرليه اللى اتعزمو على الوليمه كان 400 مانجيش منهم غير اتنين هماأحمد بيك اللى غاب بسبب سفره لبوش و امين بيك اللى وصل القلعه متأخر فلما شاف الموكب ماشى لناحية باب العزب وقف بره الباب عشان يستنى خروج الموكب لكن لما الابواب اتقفلت فجاءه و سمع ضرب الرصاص عرف ان محمد على غدر بالمصرليه فاتدور بحصانه و جرى على الصحرا فى اتجاه الشام. و بيتقال انه نط بحصانه من فوق سور القلعه فى جهة الميدان فاتقتل الحصان ونجى هو و هرب. بعد المدبحه الرهيبه نادى محمد على فى القاهره ان شاهين بيك زعيم المصرليه اتقتل فحصل اضطراب و ذعر فى نواحى القاهره و خرج العسكر و نهبو بيوت الامرا و سبو ستاتهم و جواريهم و اتبعتهم عامةالناس و نهبو البيوت و الدكاكين فى نواحى القاهره. واتنادى فى القاهره بتسليم اى مصرلى يتلاقى لكخيا بك فبقى يتقبض عليهم ويتسلمو ليه وهو يقتلهم. اللى كانو عارفين بالمدبحه الاجراميه كان نايبه الكتخدا محمد لاظوغلى باشا ، و حسن باشا قومندان الفرقه الألبانيه ، و صالح قوش قومندان المرتزقه الأرناؤوط الالبان اللى نفذو المدبحه ، و ابراهيم أغا الحارس المسئول عن فتح و قفل باب العزب اللى كلمة السر بتاعته لقفل الباب كانت رصاصه يطلقها صلاح قوش فى الهوا ، لكن لا مرات محمد على  أمينه نوصرتلى  ولا ولاده طوسون و ابراهيم كانو عارفين بالمؤامره اللى دبرها مع لاظوغلى باشا. محمد على اتخلص من جثث الامرا المقتولين بحفر حفره كبيره رماهم فيها و ردمها. مراته أمينه نوصرتلى جاتلها صدمه من المدبحه اللى عملها جوزها و امتنعت عنه من يوميها لحد يوم مماتها. محمد على نفسه ماكانش بيجيب سيرة مدبحته لكن رغم كده و رغم استبشاع و اشمئزاز مراته نفسها منها كتاب مصر فى فترة حكم أولاده و احفاده اتكفلو بتلميع المدبحه وصاحبها و تبريرها بدوافع مفهومه لكن مشى على خطاهم لأسباب مش مفهومه كتير من كتبة مابعد العصر الملكى. لكن مؤرخ كبير زى عبد الرحمن الرافعى لخص رأيه فى مدبحة القلعه بقوله :  مذبحة القلعة كانت نقطة سيئه فى تاريخ محمد على .

تانى يوم بعد المدبحه نزل محمد على من القلعه و معاه ابنه طوسون و لفو فى القاهره و قعدو يهدو الناس و امر محمد على بوقف عمليات النهب والسلب بعد ماشاف ان القاهره حاتتخرب ، لكن استمر فى تحريضه ضد المصرليه و طلب من الناس انهم يقبضو على اى مصرالى يلاقوه فى اى حته فى مصر ، و فوض محمد اغا كتخدا اللى كان عارف انه بيكره المصرليه بمهمة قتلهم فى نواحى مصر فمااترحمش حد ولا حتى الفقرا و العواجيز اللى مالهمش فى حاجه ، فبقو يتقتلو فى نواحى مصر و رووسهم تتبعت من قبلى و بحرى على القاهره و تتعلق على باب زويله و باب القلعه. محمد على وزع بيوت المصرليه اللى اتقتلو و ستتاهم على خواصه و قرايبه و ادا بيت شاهين بيك لقريبه حسين اغا.

بمدبحة القلعه و تخلصه من الامرا المصرليه و من قبلهم من عمر مكرم و الزعامات الشعبيه خلى الجو لمحمد على و بقى مسيطر بالكامل على مصر من غير مايخاف من تهديدات من حد. بالنسبة لعامة المصريين محمد على كان عارف يتعامل معاهم ازاى ، لخصه تهديده لعمر مكرم بقوله:  و ان حصل من الرعيه امر ما فليس عندى الا السيف و الانتقام . خلى الجو لمحمد على و ابتدى يوضب مهماته التانيه و خاصة حملته على الوهابيين فى الحجاز بوصفه عثمانى مخلص للباب العالى.

ابتدا محمد على باشا يجهز لخروج حملته العسكريه ضد الوهابيين فى الحجاز ، فبعت لغالب شريف مكه يفهمه انه حايبعت حمله عسكريه عشان ينقذه من الوهابيين و فتح طريق الحرمين اللى بيوصل مابين مكه و المدينه و طلب منه انه يمهد الطريق لوصول العسكر. سعود زعيم الوهابيين لما عرف بموضوع الحمله لم 15.000 محارب واستعد لمواجهتها.

خرجت مراكب الحمله تحت قوماندية طوسون باشا من السويس و فرغت العسكر و الاسلحه فى ينبع على الساحل الشرقى للبحرالاحمر ، و بعد الاستيلاء على ينبع راحت الحمله على صفر اللى كان فيها معسكر الوهابيين و شن طوسون هجوم فاتقهقر سعود ورجالته لكن رجعو و هاجمو قوات طوسون اللى اضطرت من قوه الهجوم انها تسيب معداتها ومؤنتها و ترتد على ينبع. لما سمع محمد على باللى حصل بعت مدد لابنه طوسون فقاد طوسون القوتين و اقتحم المدينه واستسلمتله الحاميه الوهابيه فقبض على قائدها و بعته للأتراك فى الاستانه فأعدموه طوالى ، و ساب الوهابيين مكه و دخلها طوسون و فرح محمدعلى بأخبار الانتصارات اللى حققها ابنه. فى صيف 1812 هجم الوهابيين على عسكر طوسون فى شرق مكه فى عزالحر واستولو على مكه وبعدين راحو على المدينه و بقت كل المنطقه مابين مكه والمدينه فى ايدهم. لما عرف محمد على بالأخبار دى خرج من مصر على راس جيش ضخم وصلبيه جده فى 28 اغسطس 1813 و استقبله غالب شريف مكه ، و بعد ماحج خلع غالب من منصبه بعد ماحس انه شخص مايعتمدش عليه و بعته هو و عيلته على القاهره ومنها وداهم على سالونيكى اللى اتوفى فيها غالب بعد اربع سنين. سعود زعيم الوهابيين اتوفى فى درعيه فى 17 ابريل 1814 و بوفاته قلت سطوة الوهابيين. اتولى زعامة الوهابيين عبد الله ابن سعود و حصلت بينه و بين محمد على مناوشات عسكريه ماجابتش نتيجه. و فى 10 يناير 1815 قامت معركه كبيره بين محمد على والوهابيين اللى كان بيقودهم فيصل اخو عبد الله وانتهت المعركه بانتصار محمد على و اتقدم طوسون على نجد لكن اتوقف قبل مايوصل درعيه. محمد على رجع مصر بعد مافتح طريق الحرمين لكن ماقدرش يقضى على الوهابيين بالكامل.

فى مصر ابتدا محمد على يخطط لتدخيل النظم الفرنساويه فى العسكريه. محمد على كان شاف الجيش الفرنساوى فى مصر ايام الحمله الفرنساويه و كان معجب بنظامه اللى عمله نابوليون بونابارت. فى الايام دى عسكر مصر كانو لسه على النمط التقليدى القديم مابيعرفوش تنظيمات الخطوط و المربعات و غيرها اللى كان بيستخدمها نابوليون فى معاركه و كانو بيخوضو المعارك بفرق او وجاقات كل فرقه منها تحت قومندان بيهجم بيها من غير تنظيم محدد. محمد على كان مدرك انه مش ممكن حيقدر يتوسع و يواجه الجيوش التركيه و الاوروبيه الحديثه بنظام جيوش العصور الوسطى. اتباحث محمد على مع الكولونيل سيف المعروف بـ سليمان الفرنساوى و طلب منه انه يدرب عسكر مصر على النظم و التحركات العسكريه الحديثه. فى يوليه 1816 امر محمد على بتدريب عسكر مصر على النظم العسكريه الحديثه ، لكن الموضوع ده ما عجبش عسكر الأرناؤوط الألبان اللى اعتبروه بدعه فاتمردو و اتجمهرو عند قلعة القاهره و طالبو محمد على ان ما يدخلش النظم ده ، و ده لان بطبيعة الحال تطبيق النظام ده عليهم كان معناه نهاية نفوذهم و مكانتهم ، فأخد محمد على الموضوع بالعقل و ما ضغطش عليهم و قالهم خلاص طالما انهم مش عايزين مش حايفرضه عليهم ، و استكفى محمد على بتدريب العساكر المصريين على النظم دى لوحدهم و هو طبعاً فاهم ان المرتزقه الألبان ماعادوش ينفعوه خاصة بعد مااتأمرو عليه و انقذه منهم نايبه لاظوغلى باشا. محمد على انشأ مدرسه حربيه فى الخانكاه جنب المطريه يتعلم فيها العسكر اللغات و التنظيمات الحربيه ، و انشأ مدرسه للطوبجيه ، و حول سراية مراد بك فى الجيزه لمدرسة فرسان ، و فتح فى القاهره ورش لسكب المدافع و تصنيع احتياجات العسكر. كل ده كان تحت اشراف الكولونيل سليمان بك الفرنساوى. سليمان عمل جيش من العسكر النظامى قوامه 25.000 عسكرى استخدمهم بعد كده فى حروب الموره و الشام و غيرها

فى الغضون دى رجع طوسون باشا من الحجاز و استقبلته الناس استقبال حاشد فى القاهره ، و راح لأبوه اسكندريه فلقى ان مراته خلفت عيل فسماه عباس اللى اتعرف بعد كده بـ  عباس حلمى الاول . لكن بعد شويه عيى طوسون و مات فجاءه. فى الوقت ده كان محمدعلى فى القاهره فلما سمع ان ابنه عيان خد بعضه و راح طوالى على اسكندريه عشان يشقر عليه فلما وصل و عرف انه مات اتصاب بصدمه عصبيه جامده خلته مش قادر يتحرك لمدة تلت تيام ، و اتنقل جثمان طوسون على القاهره و اندفن فى جامع الامام الشافعى ورا جبل لمقطم فى المدافن الخديويه دلوقتى.

بعد مافاق محمد على من صدمة وفاة ابنه ابتدا يهتم بموضوع الوهابيين اكمنه كان خايف انهم يرجعو لسطوتهم ، فكتب لزعيمهم عبد الله بن سعود انه يوديله الفلوس اللى اخدها الوهابيين من الكعبه ، وانه لما يوصل مصر يبقى يجهز نفسه انه حايروح على الاستانه. لكن عبد الله رد عليه بانه مش حايقدر يروح مصر و قاله ان الفلوس دى اتفرقت فى عهد ابوه سعود و ماعادتش موجوده و بعتله هدايا ، لكن محمد على رجعله الهدايا و هدده و اتوعده وبعدين بعتله حمله عسكريه تحت قوماندية ابنه ابراهيم باشا.

فى 3 سبتمبر 1816 خرج ابراهيم باشا بحملته من القاهره و ركب النيل لغاية قنا فى الصعيد و من هناك دخل الصحرا لغاية القصير و طلع بالمراكب على ينبع و بعدين راح عالمدينه و اتربص هناك بقواته للتحضير لهجوم كبير زى مانصحه محمد على و انضمت ليه قبايل عربيه. و لما كمل استعداداته ابتدا الحرب و فضل يهاجم و يدافع لغاية ماكانت الغلبه ليه و قبض على عبد الله بن سعود زعيم الوهابيين و بعته لمحمد على فى مصر فوصل القاهره فى 17 نوفمبر 1818 و رحب بيه محمد على و سأله ايه رأيه فى ابراهيم باشا فرد عليه :  قد قام بواجباته و نحن قمنا بواجباتنا و هكذا أراد الله  ، فبعته محمد على للأتراك فى الأستانه فجرسوه لمدة تلت تيام فى شوارع استانبول و بعدين اعدموه. لما عرف اهل درعيه اللى حصل خافو وهدو المدينه و هربو فدخلها عسكر ابراهيم باشا.

السلطان العثمانى كافىء ابراهيم باشا بخلعة شرف وعينه والى على مكه ، وانعم على محمد على بلقب  خان  و ده كان لقب كبير مانالهوش اياميها من ولاة العثمانيين غير حاكم القرم.

محمد على باشا حول مصر لقوه اقليميه لحسابه الخاص و اتعامل مع مصر كتاجر احتكارى جشع ، كل حاجه فى مصر بقت ملكه الشخصى ، ارضها و تجارتها و اهلها و حتى دار سك العمله اللى صادرها و نهب موظفينها. بيقول الجبرتى عن انقضاض محمد على على افندية الضربخانه :  وطمعت نفسه فى مصادرتهم و أخذ الاموال لما يرى عليهم من التجمل فى الملابس والمراكب لأن من طبعه داء الحسد والشره والطمع والتطلع لما فى أيدى الناس وأرزاقهم.

من ناحيه تانيه طمع محمد على وصله لانه يحلم بانه ممكن يورث السلطان العثمانى اللى امبراطوريته كانت بتحتضر. محمد على لخص حلمه بقوله:  انا عارف ان الامبراطوريه العثمانيه فى اتجاهها للانهيار ، و على انقاضها، حابنى مملكة عظيمه حدودها عند دجله و الفرات  ، و حاول محمد على تحقيق حلمه على حساب المصريين اللى حولهم لدفيعة ضرايب و مكوس ظالمه و حول فلاحينهم لعمال سخره و وقود لحروبه. فبعد ما شاف ان المرتزقه الألبان بتوعه ماعادوش ينفعوه ، و بعد مافشل فى استخدام السودانيين كعسكر لجيشه مالقاش قدامه غير تجنيد المصريين. فى سنة 1822 اصدر محمد على قرار بتجنيد المصريين اجبارى و اقتحم عساكره و الكشافين بتوعه القرى المصريه و خطفو الفلاحين و ربطوهم بالأغلال و القماطات و ساقوهم زى العبيد على المعسكرات لتجنيدهم بالعافيه عشان يبعتهم يحاربو و يحققوله حلمه التوسعى على جماجمهم. خطف الفلاحين كان بيبدأ بتكليف مدير كل مديريه بجمع العدد المطلوب و هو بدوره كان بيوزع العدد على القرى بتاعة المديريه فيروح العمد و المشايخ بمساعدة العساكر منقضين فجاءه على القرى و يقبضو على الفلاحين و يسوقوهم زى العبيد و المجرمين و هما مربوطين بالسلاسل و الأغلال و يودوهم بالمنظر ده لعاصمة المديريه من غير ما يميزو مابين العواجيز و الشبان و الصبيان و الأصحاء و العيانين و اللى فيهم عاهات. و كان اهاليهم و عيالهم و امهاتهم و ستاتهم بيمشو وراهم و هما بيصوتو و بينوحو. و بعد التجميع فى المديريه كانو بيودوهم بالمنظر ده على مراكز الفرز. فكرة التجنيد الاجبارى اللى فرضها محمد على مااتقبلهاش المصريين. الفلاحين المصريين بقو يعملو فى اجسامهم عاهات عن طريق حاجات زى قطع صوابعهم و حط سم فيران فى عينيهم عشان يتشركو و مايدخلوش الجيش ، لكن محمد على رد بعمل اورطه اسمها اورطة المعوقين حط فيها المتشركين عشان يورى المصريين انهم هيتجندو مهما عملو و سواء كانو معافين او معاقين. محمد على استخدم كمان الدين و رفع شعارات دينيه لتحفيز المصريين على قبول التجنيد. فى سنة 1823 هب كل الصعيد ضد استبداد محمد على و طغيانه ، و بعد الصعيد ثار المصريين فى قرى المنوفيه فراح لهم محمد على بنفسه و معاه مدافع و قمع ثورتهم بعنف و وحشيه و كسر شوكتهم هما كمان بعد ما قضى على عمر مكرم و الزعامات الشعبيه و الامرا المصرليه.

بعد الانتصار على الوهابيين ابتدى محمد على يفكر فى فتح السودان للتدوير على الدهب و المعادن الغاليه و الحصول على المنتجات زى الصمغ و العاج و غيرها ، فبعت عسكر على السودان تحت قوماندية ابنه التالت اللى كان اسمه اسماعيل باشا. السودان اياميها ماكانتش بلد واحده لكن كانت بتتسمى بلاد السودان و كانت بتتكون من قبايل و امارات و ممالك زى دارفور و كوردفان و غيرها. قدر اسماعيل باشا انه ياخد قريه و را قريه و منطقه ورا منطقه و يخضع قبيله ورا قبيله لغاية ماوصل للجندول الساتت و استسلمتله قبايل الشائتيه بعد مقاومه بسيطه و بقت سنار وكردوفان من املاك محمد على ، و راح اسماعيل باشا على فازوغلو وافتكر انه اكتشف دهب و بعدين ظهر الوبا و قضى على اعداد من العسكر فشيعله محمد على قوات جديده بتتكون من 3000 عسكرى بقوماندية احمد بك الدفتردار. لكن اسماعيل باشا اتقتل فى شندى بطريقه غريبه بخدعه عملها ملكها نمر بعد اسماعيل باشا ماضربه و هدده بالخازوق اذا مجابلهوش دهب. وانتقم احمد بك الدفتردار لقتله بمجزره قتل فيها اعداد كبيره و بكده اتفتحت السودان و بقت بلد واحده خاضعه لمحمد على باشا.

فى سنة 1824 السلطان العثمانى محمود التانى عين محمد علي حاكم علي الموره اليونان عشان يساعده ضد الثوار اليونانيين فى حرب الاستقلال اليونانيه اللى كانت دايره وقتها. ابراهيم باشا قدر يحقق انتصارات كتيره بطريقه اذهلت الاوروبين و فى 1827 اتفقت روسيا و انجلترا و فرنسا على ان اليونان مش تابعه للسلطنه العثمانيه و قررو ضرب الاسطولين المصرى و التركى فقامت معركه بحريه اتعرفت باسم معركة نافارين انتهت بهزيمة اساطيل مصر و تركيا. فى معركة نافارين خسرت مصر 30.000 بحار من ال42.000 بحار بتوع الاسطول و خسرت 19 سفينه من 31 سفينه و اعداد كبيره من الناقلات و مبالغ ضخمه دفعها الشعب المصرى لتحقيق أحلام محمد على التوسعيه. انتهت الكارثه بتوقيع معاهده سمحت للقوات المصريه بالرجوع لمصر لكن السلطان العثمانى نجح فى استنزاف تابعه محمد على و اضعافه ، فمحمد على خرج من نافارين أضعف و بامكانيات اقل مما كان عليه. محمد على فى غضبه على السلطان العثمانى اللى ورطه قال:  السلطان ده اللى اثبت هو و رجالته انهم اغبى من الحمير . لكن اكمن محمد على ساعد السلطان العثمانى فى الموره السلطان اهداه جزيرة كريت زى ما اهداه الحجاز لما ساعده ضد الوهابيين و بكده بقى محمد على معاه مصر و السودان و شبه الجزيره العربيه بما فيها اليمن و ابتدا يبص اتجاه الشام.

محمد على اللى كان عايز يعمل امبراطوريه توصل لحد ميسوبوتاميا بعت ابراهيم باشا بجيشه على الشام ، و فى سنة 1832 حقق ابراهيم باشا انتصارات ضخمه على الجيش التركى بأقل خساير و استولى على الشام بما فيها دمشق و حمص و غزه و حيفا و يافا و عكا ، و فضل ابراهيم يحقق انتصار ورا انتصار فى الشام و فى بيلان و دمر جيش تركى فى قونيه و اسر قومندانه فى ظرف 7 ساعات و استولى عليها و استولى على كوتاهيه و قرب من دخول استانبول نفسها عاصمة الدوله العثمانيه و ما بقاش فاضل لوقوعها فى ايده غير كام يوم. ده خلى الاوروبيين اللى كانت ليهم مطامع خاصه فى المنطقه يتصابو بالذعر و استنجد السلطان العثمانلى بأعدائه الروس اللى طوالى استجابو و حركو اسطولهم للبوسفور بموافقة العثمانيين لاول مره فى التاريخ ، و لما شافت فرنسا و انجلترا الخطوه اللى عملتها روسيا اللى كانت بتنافسهم على التركه العثمانليه ضغطو على السلطان العثمانلى للاتفاق مع محمد على و فى نفس الوقت ضغطو على محمد على عشان يوقف زحف ابنه ابراهيم باشا. محمد على ادرك ان الاوروبيين مش حايسكتو و طلب من ابراهيم باشا وقف الزحف. ابراهيم كقومندان عسكرى منتصر ماعجبهوش طلب محمد على و كان شايف ان دخول الاستانه هو اللى ممكن يحقق صلح فيه منفعه سياسيه. ابراهيم باشا اللى كان بيخاطب ابوه بلقب  مولاى  حس ان أبوه خذله و فرغ انتصاره على الأتراك ، لكن بطبيعة الحال دخول الجيوش المصريه عاصمة العثمانليه كان معناه انهيار الدوله العثمانيه و محمد على كان مدرك ان لو ده حصل فحاتقوم حرب كبيره على تقسيم ممتلكات الدوله العثمانيه و حايتحول الموضع لصراع مع القوى الاوروبيه مجتمعه. محمد على بلغ ابراهيم باشا:  لو الحال وصل لكده الانجليز حايروحو على اسكندريه و الروس حايدخلو استانبول و الدوله العثمانيه حاتتقسم مابين الانجليز و الروس . بطبيعة الحال الاوروبيين ماكانش عندهم مانع ان الدوله العثمانيه تنهار لكن مش على ايد قائد شرقى قوى بامكانيات عسكريه و اقتصاديه و حضاريه كبيره حايحل محل السلطان العثمانى الضعيف اللى بيحكم دوله بتحتضر.

نجح الاوربيين فى وقف زحف الجيش المصرى على استانبول و اتعملت  اتفاقية كوتاهيه  فى ابريل 1833 و هى اتفاقيه بيعتبرها المؤرخين هدنه مسلحه مابين محمد على و الاتراك للاستعداد لجوله عسكريه جديده. لكن اتفاقية كوتاهيه ثبتت محمد على على ولاية مصر و الحجاز و الشام و أدنه و كريت و السودان اللى بقت جزء من مصر ، و ده كان فى مقابل خروج الجيش المصرى من الاناضول. بكده بقى لمحمد على امبراطوريه مساحتها 100.000 فرسخ بيعيش فيها حوالى 7 مليون انسان و ده كان عدد كبير بأرقام أياميها.

محمد على كان راجل امى لكن كان تاجر و اتعامل مع مصر كتاجر. نقطة البدايه فى تحديثاته قامت على فكرة ان القوه الاقتصاديه هى الاساس الوحيد للقوه السياسيه. الاقتصاد القوى بالنسبه لمحمد على كان عشان يكون عنده دخل كبير يصرف بيه على حروبه التوسعيه.

محمد على باشا بقى بيملك مصر باللى فيها. لغى  نظام الالتزام  و بقت الاراضى ملكه. فى نظام الالتزام الملتزم كان بيشرف على الاراضى الزراعيه اللى الفلاحين كانو بيزرعوها لحسابهم و بيدفعو له الضرايب اللى كان بياخد منها اتعابه و بيدى بقيتها للوالى. محمد على صادر الاراضى و بقى يأجرها للفلاحين ، وضم الاراضى بتاعة الأوقاف لممتلكاته و بقى هو المسئول عن المؤسسات الخيريه و المعاهد و الجوامع اللى كان بيتصرف عليها قبل كده من الأوقاف. لكن محمد على استثنى الاراضى بتاعة الأعيان و رجالة الجيش الكبار و اعفاها من الضرايب. اتسمت الاراضى دى  ابعاديات  اكمنها استبعدت من الاراضى المصادره و ادى اهله ابعاديات كتيره اتسمت  جنالك  او  سفالك . و فى 1813 عمل روك تحت اشراف ابنه ابراهيم باشا و المعلم غالى لمسح الاراضى الزراعيه وتحديد خراجها و فرض الضرايب ، و انشأ فى القلعه  الدفترخانه  لحفظ المستندات اللى بتخص الاراضى و ضرايبها و بكده ضمن دخل مالى كبير. بعد كده ابتكر و فرض ضرايب كانت بتزيد حسب ظروف مغامراته العسكريه و لما طالت حملته على الوهابيين فى شبه جزيرة العرب و زادت تكاليفها عمل ضرايب على  الارض الرزق  اللى قبل كده كانت معفيه. و عمل نظام اسمه  جمع عهده  و ده كان نظام بيدفع فيه الاعيان و المأمورين و رجالة الجيش الكبار ضرايب الفلاحين من جيوبهم مقدماً و بعدين كانو بيحصلوها من الفلاحين بالظلم و القهر. و فرض محمد على ضريبة دخل على الدكور من سن 18 سنه حسب اللى الشخص بيملكه. الضريبه دى كانت بتتلم فى القرى بالبيت و فى المدن بالراس ، و عمل ضرايب على رووس المواشى و الاغنام و النخل و مراكب النقل. و منع الفلاحين من بيع محاصيلهم للتجار و بنا فى المديريات شون لتخزين المحاصيل و بالاخص القطن و القمح و الرز و القصب و الأفيون ، فكان بيشترى المحاصيل من الفلاحين بالرخيص بعد ما يخصم ضرايب ايرادات الارض و يبيعها للشعب و لتجار الجمله بالغالى او كان بيصدرها بأسعار عاليه و بكده بقى بيملك الارض و بيحتكر تجارة المحاصيل و قدر يجمع مبالغ ضخمه لتمويل جيشه و الصناعات الحربيه اللى بقت هى كمان ملكه. من الفلوس دى بنا اساطيل تجاريه فى البحر الاحمر و البحر المتوسط ، و بعد ماجدد و وسع مينا اسكندريه و قضى على القراصنه فى البحر الاحمر و مهد الطرق البريه للقوافل التجاريه زاد النشاط التجارى مابين اوروبا و الهند عن طريق مصر بدل راس الرجا الصالح فى جنوب افريقيا فزاد دخله كمان و كمان.

حاول محمد على باشا تحديث مصر فى مجالات مختلفه و قدر بسياساته الاصلاحية فى مجالات كتيره انه يكون دولة عصرية على النظام الاوروبي و جاب خبرا من فرنسا و ايطاليا علشان يساعدوه فى انه يبني اقتصاد قوي و حديث. ركز محمد على على تطوير مصر فى كذا مجال فى نفس الوقت.

محمد على عمل انقلاب فى الرى و الزراعه اللى ممكن اعتباره زى الانقلاب التكنولوجى و الصناعى اللى حصل فى اوروبا، فى محاولة للحاق بالتغيرات التاريخيه الضخمه اللى كانت بتحصل فى اوروبا. لكن نقطة الضعف فى فكرة محمد على هى انه كان عايز يخضع القوه السياسيه المنبثقه من التحديثات الاقتصاديه لأغراض عسكريه حيث ان هدفه الرئيسى كان بنا جيش جامد ممكن تمويله و تموينه من اقتصاد قوى، وده سبب انهيار التطوير الاقتصادى لما القوى الأوروبيه اجبرته على تقليص الجيش المصرى.

نظام محمد على الاقتصادى عينه كانت على السوق العالميه فأنتج محاصيل زراعيه للتصدير بتدر عائد مالى كبير، اقتصاد التصدير ده كان تحول ضخم فى الاقتصاد المصرى و بيعتبر أهم ملامح سياسته الاقتصاديه، و فى نفس الوقت محمد على اتبنى مبدأ اكتفاء مصر الذاتى و اعتمادها على نفسها لضمان استقلالها و فى نفس الوقت بروزها كقوه دوليه. لكن ده سبب احتكار الدوله للانتاج الزراعى و الصناعى و التجارى الخارجى بحيث ان محمد على بقى الزارع و الصانع و التاجر.

النظام الاقتصادى المصرى الجديد جمع لاول مره تلت ابعاد رئيسيه و هى: الزراعه الكثيفه اللى بتدر مكاسب كبيره من تصديرها، و الصناعه الحديثه القايمه على اسس اوروبيه عصريه، و التجاره الخارجيه اللى بتربط مابين الزراعه و الصناعه من جهه و السوق العالميه فى الغرب من جهه. بالشكل ده اقتصاد مصر مابقاش احادى و بقى مرتبط بالاقتصاد الراسمالى العالمى.

اكمن مصر من اقدم البلاد اللى عرفت الزراعه فى العالم و ليها اهميه و شهره و ارتباط كبير بالزراعه ركز محمد على على مجال الزراعه و تطويرها فى مصر ، فاهتم بشق الترع و القناطر. الترع و القناطر دى كان بيسخر فيها الفلاحين المصريين زى العبيد و بيتقال ان ترعة المحموديه مدفون تحت طينها هياكل 20.000 فلاح مصرى من اللى استعبدهم محمد على ببلاش لتحقيق مشاريعه.

و عشان ينفذ سياساته فى تطوير الاقتصاد الزراعى احتقر فلاحين مصر و احتكر كل الاراضى الزراعيه ، و من اشهر قصص النجاح فى المجال الزراعي هى ازاي قدر يدخل زراعة القطن طويل التيلة و بعد كدة يبيعه للانجليز بتمن غالى اللى وفرله سيولة مادية للصرف على مشاريعه التانيه.

التطوير الزراعى بدأ بالزراعه الكثيفه عن طريق ادخال الرى الصيفى الدايم و الزراعه المستمره بدل الرى و الزراعه الموسميه (الحوليه) و بكده زادت الاراضى المزروعه من اتنين مليون فدان سنة 1805 لحوالى اربعه مليون فدان سنة 1840. مرحلة الزراعة الحديثه اللى دشنها محمد على بتحويل الرى الحوضى للرى الدايم كانت انقلاب زراعى فى مصر. معظم الأراضى اللى اتضافت دى كانت فى الدلتا و كانت قايمه على الزراعه الدايمه. و من ناحيه تانيه محمد على دخل زراعة الدره الشامى، و نوع المركب المحصولى عن طريق زراعة محاصيل صيفيه. اهم المحاصيل دى كان القطن و بعده القصب و كانت البدايه بالقطن طويل التيله و نط انتاج القطن من اقل من 50 الف فدان سنة 1820 ل 213 فدان سنة 1845. و النقطه المهمه ان ده ماحصلش على حساب المنتجات الزراعيه التانيه اللى كانت موجوده قبل كده. اتحول اقتصاد مصر من السوق المحلى و الأسواق اللى فى المنطقه العربيه لأسواق اوروبا ففى سنة 1845 مثلاً صدرت مصر لأوروبا 345 قنطار قطن مقابل 80 الف قنطار راحوا للمصانع المصريه.

اللى عايز يتعلم حاجه و يجيدها لازم يتعلمها على ايدين اساتذتها. اوروبا سادت العالم بالحريه الفكريه و العلم Science ، و عشان كده اتوجه محمد على لاوروبا ففتح مدارس على الطرق الاوروبيه و عين فيها مدرسين اوروبيين و بعت طلبه مصريين لتلقى العلم فى اوروبا. محمد على مع انه كان امى لكن عوض نقصه ده بتعليم المصريين و نقل مصر من بلد متخلفه عايشه فى ظلمات الجهل و الخرافات لبلد حديثه فيها مهندسين و دكاتره و علما و كتاب و فنانين. محمد على بكل تأكيد هو ابو النهضه المصريه و النهضه اللى قدر يحققها فى وقت بيعتبر قياسى قامت على التعليم الحديث.

بعد الاحتلال العثمانى لمصر سنة 1517 انحدر التعليم فى مصر و اختفى الكتاب و العلما. لما مسك محمد على ولاية مصر كان التعليم فى مصر مقتصر على الكتاتيب. كان فيه كتاتيب للمسلمين و كتاتيب للمسيحيين بيتعلم فيها الاطفال مبادىءالدين و القرايه و الكتابه و الحساب. كتاتيب المسلمين كانت مفتاح دخول الازهر للمحظوظين اللى عندهم قدره على الهجره على القاهره. الازهر نفسه كان يادوبك بيعلم قشور علوم الدين و اللغه العربى عن طريق شروح و تعليقات على كتب الأسلاف و ماكانش فيه فى مصر حركة تأليف و ابداع زى ما كان الحال فى العصر المملوكى قبل 1517. محمد على اختار من الازهر العناصر القادره على استوعاب العلوم الحديثه بالمعنى الأوروبى Science. اول حاجه فكر فيها محمد على كان انشاء مدرسه لتعليم الهندسه ، و ده بيبين انه كان راجل عملى بيبص لبنا مصر و تعميرها. فى سنة 1816 انشأ محمد على مدرسة الهندسه فى حوش السرايا فى القلعه و اتسمت  مهندسخانه  و اشرف عليها حسن افندى بمشاركة راجل تركى اسمه روح الدين افندى و مدرسين اوروبيين. محمد على زود المدرسه بالادوات الهندسيه الاوروبيه. و فى 1834 فتح مهندسخانه جديده فى بولاق تحت اشراف أرتين افندى و بعده الارمنلى يوسف هاككيان افندى اللى دخل زراعة السفندى فى مصر و اتسمى على اسمه  يوسفندى . المشرفين دول كانو من خريجين البعثات العلميه اللى بعتها محمد على على اوروبا عشان يتعلمو العلم الحديث. بعد يوسف هاككيان اشرف على المهندسخانه على باشا مبارك و اتخرج من المدرسه دى مهندسين كتار شاركو فى بنا القناطر و السدود و غيرها. بعد المهندسخانه فتح محمد على مدرسة الطب سنة 1837 و كان مقرها فى ابو زعبل اكمن المستشفى العسكريه كانت هنا. مدرسة الطب خرجت دكاتره للجيش و بعدين خرجت دكاتره لعلاج عامة الناس. فى الاول دخل المدرسه 100 طالب من الازهر و كانت الدراسه تحت اشراف كلوت بك اللى جاب مدرسين فرنساويين فى التشريح و الجراحه و الامراض الباطنيه و الصيدله و غيرها ، و جاب كمان مدرسين فرنساويين لتعليم الطلبه اللغه الفرنساوى عشان يقدرو يفهمو الدروس و يروحو بعثات على فرنسا. بعد ما اتخرجت اول دفعه بعد خمس سنين اتوزع الدكاتره على المستشفيات و معسكرات الجيش ، و من اللى اتفوقو اتعين تمانيه معيدين فى المدرسه و اتبعت اتناشر على فرنسا للتبحر اكتر فى علم الطب. بعد كده اتضافت مدرسه للصيدله و مدرسه للدايات و الولاده و جاب محمد على سودانيات و حبشيات اتعلمو مصرى و فن التوليد و اتضافت للمدرسه مدرسه لأمراض النسا.

بعد كده فتح محمد على مدارس عليا تانيه كان منها : مدرسة الألسن فى الأزبكيه ، مدرسة المعادن فى مصر القديمه ، مدرسة المحاسبه فى السيده زينب ، مدرسة الفنون و الصنايع ، مدرسة الزراعه فى دبوره ، مدرسة الطب البيطرى ، المدرسه التجهيزيه ( الثانويه ) فى ابو زعبل ، المدرسه التجهيزيه فى اسكندريه.

بعد فتح المدارس العليا انتشرت المدارس الابتدائيه فى مدن مصر و بقى فيها 24 مدرسه عليا و خصوصيه و 47 مدرسه ابتدائيه. بعد كده ابتدا محمد على يبعت الطلبه على اوروبا لتلقى العلم على ايدين اساتذته عشان يقدر الجيل الجديد من المصريين المتعلمين انهم يتخصصو فى مجالات العلم و المعرفه اللى كانت بتتدرس فى اوروبا و لما يرجعو مصر ينقلو اللى اتعلموه لغيرهم فتستقل مصر علمياً و ما تحتاجش تستورد مدرسين اجانب طول الوقت. مع ان اول بعثه راحت على ايطاليا ، لكن محمد على اتحول بعد كده لفرنسا و معظم البعثات المصريه راحت على فرنسا. محمد على عين مسيو جومار رئيس للبعثات المصريه فى فرنسا و غيرها ، و مسيو جومار ده كان من ضمن علما الحمله الفرنساويه و شارك فى تأليف كتاب  فى وصف مصر . البعثه الاولانيه اللى راحت على ايطاليا سنة 1813 كانت لدراسة فنون العسكريه و بنا السفن و الطباعه و الهندسه و غيرها ، و من اللى انضمو للبعثه دى كان نقولا مسابكى افندى اللى راح ميلانو عشان يتعلم فن سبك حروف الطباعه و لما رجع مصر ادار المطبعه الاميريه فى بولاق. من 1819 ابتدا محمد على يتجه لفرنسا و كان مهتم شخصيا بالمبعوثين و بيتابع اخبارهم و سلوكهم بنفسه و كان بيكتب لهم جوابات و بيديهم نصايح و ارشادات زى الاب . بعثة فرنسا الاولانيه فى صيف 1826 كان فيها 40 طالب مسلمين و مسيحيين و كان فيها 3 شيوخ هما الشيخ احمد العطار اللى اتخصص فى علم الميكانيكا و الشيخ محمد الدشطوطى اللى اتخصص فى الطب و الجراحه و التشريح و التالت كان اشهر مبعوث مصرى و هو الشيخ رفاعه رافع الطهطاوى اللى راح كامام و واعظ دينى للبعثه و رجع مصر كمصلح تنويرى معاه افكار جديده كانت هى الاساس اللى قامت عليه النهضه المصريه الحديثه فى الفكر و السياسه و انظمة الحكم الدستوريه و بقى من أهم رموز التنوير فى تاريخ مصر الحديث. و ده كان حال المصريين اياميها حتى لو كانو شيوخ دين ، فرغم الجهالات اللى كانت سايده فى مصر اياميها عقولهم كانت منفتحه ومتفتحه و اتقبلو بسهوله حاجات كانت غايبه عنهم بسبب الجهالات اللى كانت محاوطاهم و مااعتبروش العلم الحديث و التطور كفر. الكل كان مهتم بنقل مصر للعصر الحديث مش ترجيعها لعصر الاسلاف اللى عاشو فى مجتمعات بدائيه.

من الأمثله المبهره اللى خرجت من بعثات محمد على كان ابراهيم باشا النبراوى دكتور محمد على باشا الخصوصى و فاميليات مصر اللى كان من ضمن البعثه الاولانيه اللى راحت فرنسا. ابراهيم النبراوى كان فى الاصل ابن فلاح فقير بيزرع بطيخ فى قرية نبروه و بعد ماخلص الكتاب حاول يساعد ابوه ببيع بطيخه فى حى الجماليه فى القاهره لكن فشل. دخل الازهر و بعده سافر فرنسا مع البعثه التعليميه و لما رجع مصر اتعين مدرس فى مدرسة الطب و بعدين بقى وكيل المدرسه بعد استقالة كلوت بك و بقى اكبر دكاترة مصر.

محمد على بعت كمان اسطوات عشان يتعلمو الصنايع و الفنون التطبيقيه. فى سنة 1823 بعت 15 واحد على اوروبا تحت اشراف أدهم بك كان منهم 4 راحو انجلترا عشان يتعلمو تعدين الفحم و غيرهم عشان يتدربو فى ورش صناعة الحرير. فى اول يناير 1830 وصلت اوروبا بعثه مصريه بتتكون من 58 تلميذ عشان يتعلمو فنون الماكينات ( الصنايع ) راح منهم 34 على فرنسا و 4 راحو النمسا و 20 راحو انجلترا. التلاميذ دول اتعلمو كمان حاجات اضافيه زى الرياضيات و الرسم و اللغات.

المدرسين و الطلبه فى المدارس اللى فتحها محمد على و فى البعثات التعليميه اللى بعتها على اوروبا كان فيهم مسلمين و مسيحيين و اعداد من المصريين اللى كانو من اصول اجنبيه زى الأتراك و الأرمن و غيرهم و ده اكمن محمد على ماكانش مهتم بالتمييز الدينى او العرقى و كان بيعتبر كل سكان مصر رعيته و عمل قوانين فيها مساواه ما بين الافراد و بتأمن حريتهم المدنيه و الشخصيه على اساس المواطنه مش على اساس الدين و العرق. المواطن الصالح فى دولة محمد على ماكانش المواطن المسلم او المسيحى لكن كان المواطن اللى ممكن يفيد مصر. محمد على ماكانش بيعانى من التعصب الدينى و كان صدره واسع مع غيرالمسلمين و كان بيأدى طقوس الدين من غير مبالغه و من غير مايؤمن بالخرافات و الخزعبلات.

فى معركة نافارين ضاع جزء كبير من الأسطول المصرى. لكن بعد ماخلصت حرب الموره ابتدا محمد على يعيد بنا الاسطول المصرى و يوسع مينا اسكندريه فجاب كراكات من اوروبا عشان يعمق بيها المينا عشان تقدر السفن الحربيه الكبيره انها ترسى فيها بدل ما بترسى فى عرض البحر. و بنا فنار راس التين بعلو 60 متر تحت اشراف المهندس مظهر باشا. محمد على بدأ فى سنة 1826 انشا دار صناعه ( ترسانه ) لصناعة السفن و تصليحها و خلصت سنة 1829 و ملاها بالادوات والماكينات اللازمه لصناعة السفن و كان فيها 5 قزاقات ( مزلقنات لصناعة السفن ) و ورش و مخازن. و فى سنة 1831 جاب من طولون فى فرنسا مهندس كبير اسمه سيرزى و عينه باشمهندس على الترسانه و اداله رتبة البكويه، و بالتعاون مع الحاج عمر مهندس الترسانه القديمه عمق سيرزى البحر من ناحية الترسانه الجديده فبقت قادره على استقبال السفن الحربيه الكبيره. و امر محمد على بحفر حوض فى الترسانه و بقت الجنازير و السلاسل بتستخدم فى ربط السفن بدل الحبال. محمد على اخد تصريح من السلطان العثمانى بتقطيع اشجار فى الأناضول و نقلها لاسكندريه لاستخدام خشبها فى صناعة السفن و بعت على الاناضول عمال و صنايعيه تحت اشراف الحاج حسن بك نجار باش دار الصناعه و واحداسمه السيد احمد ، و بكده بقى فى اسكندريه خشب كافى لمشروعه. و جاب شبان مصريين من كل نواحى مصر عشان يعلمهم صناعة السفن و استخدام الماكينات و وزعهم على الورش و خلى كل مجموعه تتخصص بحاجه ، و بالطريقه دى فى زمن بسيط بقى فى مصر عدد كبير من السفن الحربيه عوضت السفن اللى غرقت فى نفارين ، وبقت صناعة السفن فى اسكندريه من حيث الجوده و المتانه بتضارع السفن الاوروبيه. عدد اللى كانو بيشتغلو فى دارالصناعه وصل ل 8000 مهندس و صنايعى اتعلمو على ايدين الاوروبيين و بكده استغنت مصر عن استيراد السفن من بلاد بره.

محمد على فتح مدرسه فيها 12.000 طالب من نواحى مصر و سكنهم فى منطقه فى شمال شرق حى راس التين و عملهم نماذج لسفن عشان يتعلمو فن استخدام الشراعات تحت اشراف مسيو بيسون بك و بعد ماخلصو تدريبهم وزعهم على السفن الحربيه. استمر محمد على فى تحسين المدرسه البحريه و بعت ظباط على فرنسا و انجلترا عشان يخدمو فى اساطيلهم و يكتسبو خبرات و كلفهم محمد على بترجمة القوانين و الانظمه المستعمله فى البحريه الفرنساويه و الانجليزيه ، و بعد ما خلصو تدريبهم رجعو على مصر و اشتغلو على السفن المصريه. فى الصيف كانت المراكب المصريه بتخرج لعرض البحر لعمل مناورات و تدريبات بتستمر تلت تشهر.

السفن المصريه فى عهد محمد على كانت من كذا نوع و كل سفينه كان ليها اسم زى  المنصوره  و  اسكندريه  وغيرها : 11 قباق ، 6 فرقاطات ، 10 قرويت ، 4 ابريق ، 3 جوليت ، 1 فرقاطه بخاريه. مع السفن دى كان فيه كمان 3 بواخر معروفه باسم  بوابير  و سفن اميريه للنقل التجارى. السفن الحربيه كان على ضهرها 1875 مدفع و عدد ظباطها و بحارتها كان 16806. مشروع التوسيعات و اعادة بنا الاسطول كلف 377553 جنيه.

محمد على بالامكانيات اللى حققها عن طريق توسعاته العسكريه و اقتصاده القوى و تحديث التعليم فى مصر بقى ليه امبراطوريه واضحه المعالم. وده سبب اشكال للاوروبيين كمان من الناحيه الاقتصاديه حيث انه بقى بينافسهم فى تصريف المنتجات فى الوقت اللى هما فيه محتاجه اسواق خارجيه لبيع منتجاتهم اللى زادت بالثوره الصناعيه ، و بقى هدف الاوروبيين المهم هو ان محمد على يفتح السوق المصريه لتصريف المنتجات الاوروبيه. فى اغسطس 1838 عمل الاوروبيين اتفاقيه تسمح بفتح السوق المصريه لكن محمد على رفض الاتفاقيه ، فادوله سنه مهله لكن فضل قافل السوق ، فعملو عليه حصار اقتصادى لكن برضه ماجابش نتيجه ، فطلبو منه انه مايستعملش العمله العثمانيه فماهمهوش و ضرب فلوس فى مصر. و فى مايو 1838 محمد على استدعى قناصل اوروبا فى قصر راس التين فى اسكندريه و بلغهم انه ناوى يستقل عن الدوله العثمانيه. الحكومات الاوروبيه حست بخطورة الموضوع اللى ممكن يغير موازين القوه فعملو اجتماعات كتيره فى العواصم الاوروبيه لحط خطط لتحجيمه. وزير خارجية بريطانيا  لورد بالمرستون  شاف ان استقلال محمد على عن الدوله العثمانيه حايتبعه قيام حركات استقلاليه فى الشام و بغداد ممكن توصل لانهيار الدوله العثمانيه و بالتالى ممتلكات بريطانيا فى الهند حاتبقى فى مهب الريح و ان روسيا طوالى حاتزحف فى اتجاه الجنوب و حاتقوم حرب كبيره فى أوروبا. بالنسبه للعثمانيين استقلال محمد على بحكم مصر كان مسألة حياه او موت.

فى صيف 1839 عدا الجيش العثمانى نهر الفرات فى شمال سوريا بقيادة حافظ باشا و اصطدم بالجيش المصرى بقيادة ابراهيم باشا فى معركة نزيب ، و انتصر ابراهيم باشا و دمر الجبش العثمانى للمره التانيه. قبل اخبار هزيمة العثمانليه فى معركة نزيب ماتوصل الاستانه اتوفى السلطان محمود التانى. ادميرال الاسطول التركى اخد اسطوله على اسكندريه و سلمه بالكامل لمحمد على و بقى الموضوع كارثى بالنسبه للأتراك و بطبيعة الحال للقوى الاوروبيه اللى كانت خايفه من اختلال موازين القوه، فبعد ما خلصو من نابوليون بونابرت طلع لهم محمد على. محمد على اتفاوض مع الاتراك على اساس انه يحتفظ بالشام و ينسحب من اراضيهم فى الاناضول و الاتراك فى الظروف دى كانو مبدئياً موافقين على الاقتراح ده لكن الاوروبيين رفضو الكلام ده و بلغو الاتراك انهم مايتفاوضوش مع محمد على من غير وساطتهم. بريطانيا و فرنسا و روسيا اللى عمرهم ماكانو على وفاق مع بعض اتحدو ضد محمد على و اتفقو على ضربه. الاوروبيين حركو اساطيلهم و حاصرو السواحل المصريه و الشام ونزلت قوات انجليزيه و نمساويه فى الشام بغرض تخويف محمد على مش للاشتباك بجيشه ، فغرض الاوروبيين كان احتواء محمد على مش تدميره. من الوقت ده مطلب محمد على الاساسى بقى الاستقلال بمصر و ضم السودان و الشام و الجزيره العربيه لملكه.

من الافكار الغريبه اللى جت فى دماغ محمد على و هو عنده 77 سنه انه يهد الهرم الاكبر فى الجيزه عشان يستعمل حجارته فى بنا القناطر الخيريه. لكن اكتشف ان فراعنة مصر كانو اكبر من انه يهد اعظم اثارهم و اعجوبتهم الكبرى اللى وقف تحتها اعظم ملوك و اباطرة العالم عبر التاريخ. اكتشف محمد على انه مش فى قدرته هد الهرم و ان اسهل له و اوفر له انه يجيب الحجاره بالسخره من محاجر جبال طرا و المعصره و المقطم.

انتهى حلم محمد على التوسعى بتحالف دول اوروبا ضده لصالح تركيا و ارغموه على انه ينسحب من الاماكن اللى استولى عليها فى اسيا فى مقابل انهم ضمنو له من السلطان العثمانى ان مصر تكون ليه و لولاده من بعده عن طريق فرمانين ادهومله فى 13 فبراير 1841 ، فقنع بكده اكمن ماكانش فيه قدامه غير كده. طوالى قفل معظم المدارس و المصانع اللى كان فتحهم لخدمة احتياجاته العسكريه و زار السودان المنطقه اللى اتبقتله بره مصر. و لما اخترعت اوروبا المراكب البخاريه و السكه الحديد اشترى لنفسه مركب بخارى كان بيسافر بيها فى النيل لكن لما حاول ينتفع بالسكه الحديد و هى اختراع انجليزى عارضته فرنسا فخاف منها و ساب المشروع. بعدين دعاه السلطان العثمانى لزيارة الاستانه عشان يهديه وسام الصداره العظمى فسافر تركيا و بعد ما زار الاستانه راح على كافالا المدينه الصغيره اللى اتولد و قضى فيها طفولته واستقبلوه اهلها استقبال كبير و بعدها رجع على مصر و عيى فنصحوه الدكاتره بانه يروح يغير جو فى مالطا فراح ومعاه ارتين بك يوسفيان ، لكن تغيير الجو ماجابش نتيجه و رجع مصر عيان اكتر و بيعانى كمان من ذهول عقلى. فى الظروف دى ابنه ابراهيم باشا مسك الولايه و سافر على الاستانه عشان السلطان يسلمه مصر رسمى لكن بعد مارجع بكام يوم اتوفى فمسك الولايه عباس حلمى الاول اللى بيعتبر من اسواء حكام مصر على مر التاريخ. محمد على فى الفتره دى كان منزوى عن العالم و هو ذاهل و مش دريان باللى بيحصل حواليه فكان بيقضى وقته مابين سراية راس التين فى اسكندريه و قصره فى شبرا فى القاهره.

فى صيف 1849 محمد على ساب القاهره لأخر مره فى حياته و راح على اسكندريه و هناك اتوفى فى سراية راس التين فى 2 اغسطس 1849 بعد ما اتولى حكم مصر لحوالى 48 سنه. اتحط جثمان محمد على فى وسط صاله واسعه فى القصر و استقبل اصغر ولاده محمد سعيد باشا المعزيين من القناصل و الأكابر و بعدها اتنقل جثمانه للقاهره و اتدفن فى الجامع الرخامى اللى بناه فى حرم قلعة الجبل.

الوثايق بتقول ان محمد على باشا اتجوز 29 ست رسمى لكن فيه مؤرخين بيقولو انه اتجوز عدد اكبر من كده بكتير. اياميها كانو الستات اللى بيتجوزهم الوالى رسمى او شرعى بيتسمو  زوجات الوالى  الباقيين كانو بيتسمو  مستولدات . محمد على خلف 35 فى كافالا و مصر منهم 17 ولد و 13 بنت ، أصغر الولاد كان محمد سعيد باشا. من ستاته المتسجلين :




#Article 152: مصر (2286 words)


مصر , دوله افريقية  اراضيها ف قارتين, الغرب ف شمال افريقيا و الشرق ف غرب اسيا ,اهلها بيتكلموا مصرى , دينها الرسمي الاسلام (الإسم الرسمى للدولة الحالية هو جمهورية مصر العربية من سنة 1971, اسامى الدولة قبل كده كان من ضمنها السلطنة المصرية و المملكة المصرية و الجمهورية المصرية و الجمهورية العربية المتحدة, فيه بيطالبو بالرجوع لإسم الجمهورية المصرية أو جمهورية مصر).

مصر بلد موجوده فى شمال شرق قارة أفريقيا, بيحدها من الشمال البحر المتوسط و من الشرق البحر الأحمر مساحة مصر حوالى مليون كيلومتر مربع. مصر دوله افريقية ولكن تضم جزء اسياوى وهى شبة  شبه جزيرة سينا, فى قارة اسيا فعشان كده مصر بتعتبر دولة عابرة للقارات.

مصر ليها حدود من الغرب مع ليبيا و من الجنوب مع السودان و من الشمال الشرقى مع إسرائيل و قطاع غزه, و البحر الأحمر بيفصلها عن الأردن و السعوديه, و قناة السويس اللى بتفصل جزءها اللى فى اسيا عن اللى فى أفريقيا.

من الوجهه الجغرافيه الطبيعيه من العصور الفرعونيه لغاية النهارده بتنقسم الأراضى المصريه لقسمين رئيسيين : الوجه البحرى اللى بيمتد فى شمال القاهره على شكل مروحه و بينهى حده البحرى عند البحر المتوسط و بيتسمى مصر السفلى. و الوجه القبلى اللى بيمتدعلى ضفتين النيل من جنوب القاهره لغاية حدود مصر الجنوبيه و بيتسمى مصر العليا أو الصعيد.

مصر عدد سكانها من اكبر تعدادات سكان الدول فى أفريقيا, و حسب اخر التقديرات, عدد سكان مصر عدا ال96 مليون انسان (90 مليون جوه مصر و الباقى بره), و ترتيبها الخامس عشر على مستوى العالم من أصل 242 دولة من حيث عدد السكان, بيعيش اغلبهم على ضفاف النيل اللى مساحة الوادى بتاعه حوالى 40,000 كيلو متر مربع. الصحرا بتشكل أغلب مساحتها و هى مش معموره. معظم السكان فى مصر (حوالى نصهم) دلوقتى من الحضر بيعيشو فى مدن, ربعهم فى مدينة القاهره, اكبر مدينه فى افريقيا و الشرق الأوسط و كمان فيه نسبه كبيره فى مدينة اسكندريه و فى الدلتا.
مصر ليها شهره عالميه بسبب تاريخها من أيام الحضاره المصريه القديمه اللى سابوا لمصر و للعالم اروع الاثار زى اهرامات الجيزه و ابو الهول و معبد الكرنك و وادى الملوك فى مدينة الاقصر. مصر كمان ليها دور مهم جداً فى الشرق الأوسط و خصوصا على المستوى الثقافى و السياسى.

الإسم اللى المصريين كانو مسميين بلدهم بيه فى اللغه المصريه هو كيميت و دى كلمه معناها الأرض السودا, و الإسم دا بيرمز لأرض وادى النيل السودا و بيفرقها عن الأرض الحمرا الصحراويه ديشريت, و بقا الإسم فى المرحله القبطيه من اللغه كيمى فى اللهجه البحيريه و خيمى فى اللهجه الصعيديه.

اليونانيين القدام لما اتعاملوا مع مصر اطلقوا عليها نفس الصفه يعنى الأراضى الخصبه أو السودا فسموها  ايجيبتوس  و ده الاسم اللى اشتق منه اسم مصر الحالى فى اللغات الاوروبيه زى Egypt.

الاسامى اللى مصر معروفه بيها فى اللغات الاوروبيه متاخده من اسمها فى اللغه اللاتينى Aegyptus \ايجيپتوس\ اللى هو كمان متاخد من اليونانى القديم Αἴγυπτος (|Aígyptos| \ايجپتيوس\) و الاسم دا فيه ناس بيتقول انه متاخد من حط-كا-بتاح يعنى بيت روح الاله بتاح اللى هو اسم معبد الاله بتاح فى منف العاصمه القديمه لمصر.

و الاسم اليونانى لمصر ايجپتيوس اتنقل وقت المرحله القبطيه من اللغه و بقى جيپتيوس او كيپتيوس اللى هو اصل كلمة القبط بالعربى.

اما بالنسبه لاسم مصر فى اللغه العربى فدا من اصل سامى و مرتبط بشكل كبير بالاسم العبرانى مصرايم اللى مذكور فى التوراه و اللى معناه الحرفى الارضين بالاشاره لمصر العليا و مصر السفلى و كمان ليه معانى فى اللغات الساميّه, زى الدوله او البلد او الحد. بس كمان بيتقال ان المصريين ليهم جد ”اسطورى“ اسمه مصرايم اللى هو واحد من ولاد حام ابن النبى نوح زى ما سفر التكوين ما بيذكر. و فى احتمال كبير بردو يكون اسم مصر جاى من الهيروغليفى عن طريق القبطى ماسى-رع (Μαςιρα) و معناه ابن/بنت الشمس.

مصر هى اقدم دوله موجوده فى العالم المعاصر. الدوله بمفهومها القانونى يعنى ارض و شعب و حكومه. على مدى أكتر من 5000 سنه و مصر موجوده بحدودها الجغرافيه المعروفه دلوقتى و عاشت و استمرت و على ارضها عايش شعبها و طول الوقت ليها حكومه من غير انقطاع فى أى حقبه من حقب التاريخ. جايز كانت فيه شعوب و قبايل قديمه عاشت من الاف السنين لكن مش ممكن تسميتهم دول و حتى لو اتوجدت دوله ليهم فماعاشتش زى الدوله المصريه و ما سابتش حاجه تثبت وجودها. الحضاره المصريه القديمه وصلتنا اخبارها عن طريق نصوص موثقه مكتوبه على البرديات و جدران المعابد. عبر التاريخ الدوله المصريه حاجه مميزه عن كل الدول التانيه و من الصعب تعريفها حيث انها لا هى الحاكم ، الفرعون او السلطان او الملك او الرئيس ، و لا هى الجيش و لا هى الشعب ، لكن مجموعة نظم متشابكه و متداخله مالهاش مثيل فى دول تانيه ، و مجموعه من الروح و الإراده و المؤسسات و الهويه و حاجات تانيه كتيره بتميز المصريين و دولتهم و بتديهم طابع معين عن كل شعوب الدنيا و دولهم.

فيه ادله عن ان الانسان سكن وادى النيل من العصر الحجرى فى شكل اعمال فنيه و منحوتات صخريه على طول نهر النيل و الواحات فى الصحرا. فى الالفيه العاشره قبل الميلاد, ابتدت فى مصر ثقافه الصيادين و صيادين السمك و طحن الحبوب. التغيرات المناخيه و / او الافراط فى الرعى حوالى 8000 قبل الميلاد ابتدا يجفف الاراضى الرعويه و مصر, و اتشكلت الصحرا. هاجرت القبايل لنهر النيل و استقر وضع الاقتصاد الزراعى و المجتمع المركزى.

تاريخ مصر المكتوب بيرجع لسنة 3200 قبل الميلاد بس كمان فى أدله كتيره بتأكد وجود حضاره و مدنيه فى وادى النيل قبل التاريخ المكتوب و اللى اتطورت فى شمال و جنوب مصر بشكل مستقل (ولكن مش منفصل تماما) لحد ما الملك مينا وحد الشمال و الجنوب و اسس دوله مركزيه حكمها ملوك مصر لمدة تلات-ت-الاف سنه تقريباً. المصريين سمو الدوله الجديده باسم (تا-وى) و معناها الارضين و ازدهرت الحضاره المصريه و فضلت شايله خصايصها المصريه البحته فى الفنون و المعمار و الثقافه بشكل عام طول المده الطويله دى.

بعد ما طرد أحموس الهكسوس من مصر و اتعقبهم لغاية حدود منطقة سوريا الشماليه دخلت مصر فى طور حربى كبير و ابتدى ملوكها يوجهوا نظرهم للبلاد الاسيويه ففتحوا مناطق فلسطين و سوريا و وصلوا لغاية نهر الفرات و اتوسعوا فى الجنوب لغاية ما وصلوا للشلال الرابع فى السودان الحالى و كان اعظمهم فى الفتوحات تحوتمس التالت اللى اسس امبراطوريه مصريه شاسعه. من الوقت ده بقت دى حدود مصر لما يحكمها حاكم قوى فكان بيوصل بفتوحاته شمالاً لمنطقة سوريا و شرقاً لميسوبوتاميا و جنوباً لأواسط السودان الحالى و ساعات كان بيتجه غرباً و بيضم منطقة ليبيا و فى البحر المتوسط كان بيضم لمصر جزر زى قبرص و كريت و ده كله بالإعتماد على قدرات مصر الاقتصاديه و قوة جيشها. من الحكام اللى ضموا الشام و الحجاز و النوبه لمصر كان احمد بن طولون اللى قضى على الحكم العربى و من بعده الاخشيد و ضمت الدوله الفاطميه الشام و الحجاز و النوبه و اليمن لمصر ، و فى العصر الأيوبى اتضمت لمصر جزر فى البحر المتوسط و فى عصر الدوله المملوكيه ضم سلاطين مصر الشام و منطقة فلسطين و الحجاز وغيرها لمصر. اخر مره اتوسعت مصر فيها بالفتوحات كان فى عهد محمد على اللى فى ايامه كان لمصر جيش قوى قدر بيه انه يخضع كل الدول الافريقيه المطله على نهر النيل و منها السودان الحالى و الحبشه (اثيوبيا الحاليه ) و اوغندا و الصومال و فى الشرق و الشمال منطقة فلسطين و الشام و الحجاز و جزر فى البحر المتوسط و هدد عاصمة الاتراك العثمانليه نفسهم فى تركيا عقر دارهم.

من ناحيه تانيه ، مصر هى اكتر بلد فى العالم اتعاقب على حكمها اكبر عدد من الملوك و السلاطين ، و بالنسبه لطول تاريخها بتعتبر من اكتر بلاد العالم اللى اتمتعت بإستقلال. اتخلل استقلال مصر خمس فترات احتلال كانت فيه مش مستقله (فارسى, رومانى, عربى, عثمانى, انجليزى). فى عصور الاستقلال مصر كانت بتتقدم و تسود و فى عصور الاحتلال كانت بتتخلف, فى العصر البطلمى سادت مصر منطقة البحر المتوسط و حصلت فيها نهضه ثقافيه كبيره لعبت فيها مكتبة اسكندريه دور كبير. بعد احتلال الرومان لمصر سنة 30 قبل الميلاد فقدت مصر استقلالها و اتحولت لولايه رومانيه, و فى سنة 641 غزا العرب مصر و احتلوها وبقت ولايه تابعه للخليفه العربى بيحكمها ولاته اللى كانو بيجمعو له الضرايب و المكوس, و استمر الوضع على كده لغاية لما استقل احمد بن طولون بحكمها سنة 868 و قامت الدوله الطولونيه و خرجت من الحكم العربى و حصلت فيها نهضه كبيره, و رجعت لها سيادتها و استقلالها بالكامل فى العصر الفاطمى و العصر المملوكى اللى قدر فيه المماليك انهم يكسرو شوكة العرب اللى كانو موجودين فى مصر و يقضو على طموحاتهم و تمرداتهم و اضطرت اعداد كبيره منهم تخرج من مصر و حصلت فيها نهضه كبيره و بقت مصر قوه اقتصاديه و عسكريه بيتعمل لها الف حساب, لكن فى سنة 1517 استولى الاتراك العثمانيين عليها و بقت ولايه عثمانليه و انحدرت فيها الثقافه بعد ما نهب العثمانليه تراثها و نقلوه على استانبول. فى عهد محمد على باشا حصلت نهضه جديده لكن انتكست بالاحتلال البريطانى لغاية ما قامت ثورة 23 يوليه سنة 1952.

رغم طول تاريخ مصر و التحولات و التغييرات اللى حصلت على امتداده اتميز التاريخ ده بالاستمراريه و الدوام و فضلت مصر قوه ثقافيه و عسكريه كبرى فى منطقة الشرق الاوسط.

بلادى بلادى بلادي هو اسم النشيد الوطنى بتاع مصر من تاليف الشاعر محمد يونس القاضى و تلحين الموسيقار المصرى سيد درويش و بيتقال ان بعض ابيات النشيد متاخده من خطاب مشهور للزعيم مصطفى كامل 
و اول نشيد وطنى لمصر اتعمل سنة 1869 و كان  مارش الانتصار  من اوبرا عايده من تلحين فيردى و استمر السلام الملكى دا لحد ما جمال عبد الناصر بعد ثورة 23 يوليه استبدله باناشيد تانيه ما عاشتش كتير زى نشيد الحريه و نشيد والله زمان يا سلاحى. الرئيس السادات هو اللى اختار بلادى بلادى سنة 1979 و خلاه النشيد الوطنى بتاع مصر و هو كمان اللى رجع اسم مصر لإسم الدوله بعد ما كان اسمها الجمهوريه العربيه المتحده فغيره لـ جمهورية مصر العربيه.

مصر دولة شبه رئاسية, اخر انتخابات كانت في 2014 والي فاز فيها عبد الفتاح السيسي ب%96 من الاصوات ضد حمدين صباحي ب%4. 
يوم 3 يوليه 2013, أعلن المشير (وقتها) عبد الفتاح السيسي ان تم عزل محمد مرسي من منصبه وتعليق الدستور وتم تشكيل لجنة مكونة من 50 عضو لتعديل الدستور المصري وتم عرضه في استفتاء وبقى هو الدستور بتاع الدولة يوم 18 يناير 2014.

النظام القانوني في مصر مبني على أساس القانون المدني والشريعة الاسلامية. في 2012 الاخوان المسلمين في دستورهم الجديد حطوا قوانين جديدة تميل اكتر لناحية الشريعة الاسلامية, اما بالنسبة لقانون 2014 الحكومة المؤقتة نجحت في انها تعمل قانون علماني اكتر. رئيس الدولة مدة رئاسته 4 سنين ويقدر يفضل مدتين.

مساحة مصر 1,021,580 كيلو متر مربع (بمثلث حلايب و شلاتين) يعنى قد مساحة فرنسا مرتين و قد بريطانيا اربع مرات, بس علشان أغلب المساحه دى صحرا ف السكان بيتركز معظمهم فى وادى النيل (99% من المصريين عايشين على 5.5 من مساحة بلدهم).من اكبر المدن المصريه القاهره و اسكندريه و الجيزه و المحله الكبرا و الزقازيق و أسيوط و المنيا. مصر جوها جاف معظم السنه, ماعدا فى شهور الشتا اكتوبر-مارس و بتنزل المطره أكتر حاجه على المدن اللى بتطل على البحر المتوسط و بتقل شويه شويه كل ما اتجهنا ناحية الجنوب. متوسط درجة الحراره فى الصيف ما بين 27 و 31 درجة مئويه و بتبرد فى الشتا و بيوصل المتوسط 13 و 21 درجة مئوية.

مصر متقسمة ل27 محافظة.

مصر هيه تانى اكبر دوله فى افريقيا فى عدد السكان بعد نيجيريا, و اكبر دوله فى منطقة الشرق الأوسط. و حسب تقدير سنة 2007 وصل عدد سكان مصر لحوالى 78,733,641 شخص (فيه تقديرات تانيه بتقول انهم وصلو 81,713,517 فى يوليه 2008) و حسب تقدير 29 سبتمبر 2012 وصل عدد سكان مصر 82,620,000 شخص وفي نهاية 2015 وصل عدد سكان مصر أكتر من 90,000,000.

أغلب سكان مصر متركزين فى وادى النيل و خصوصا فى القاهره (ربع السكان) و فى وجه بحرى عموما. الزياده السكانيه فى مصر مابين 1.3 % و 1.6% فى السنه. المصريين بيشكلو نسبة 98% من عدد سكان مصر. و باقى الاقليات العرقيه فى مصر يا اما عرب بدو ونوبيين و سيويين و بيجاويين و أمازيغيين (1%) يا اما جريك (يونانيين) و أرمن و طليان و فرنساويين (1%).

المصريين أكترهم من المسلمين السنه 80-90% و الباقى مسيحيين اغلبهم اقباط أورثودوكس  و حوالى 200 من اليهود. بسبب عدم إعتراف الدوله الرسميه فى مصر بأى ديانات او مذاهب تانيه ففيه نسب مش معروفه من المصريين اللى بينتمو للدين البهائى و المذهب الشيعى الإثناعشرى, و زى أى بلد (الفاتيكان مثلا), فيه لا-دينيين.

مع إن لغة الدوله الرسميه فى مصر هى العربى, انما مفيش حد فى مصر إتولد بيتكلمها من-غير ما يتعلمها. استعمال العربى محدود بس فى التعاملات الاداريه و الصحافه المكتوبه. انما المصريين بيتكلمو مصرى (العاميه المصريه) (68%), صعيدى (29%), بدوى (1.6%), سودانى (0.6%), نوبى (0.3%), دومارى (0.3%), Beja (0.1%), سيوى. طول تاريخهم المصريين كانو بتكلمو لغات من العيله الأفرو-اسيويه زى اللغه المصريه القديمه (اللى اتكتبت بالرموز الهيروجليفى و الهيراطيقى و بعدين إتطورت و بقت الديموطيقى و بعدين قبطى), و دلوقتى اللغه المصريه الحديثه لما بتتكتب غالبا بيكون بالحروف العربى. و فى القرن العشرين, بعد إستقلال مصر من بريطانيا سنة 1922, كان فيه ناس بتطلب الإعتراف باللغه المصرى, زى قاسم امين, احمد لطفى السيد و سلامه موسى. بعدين ظهر فى ال40-ات ناس زى احمد لطفى السيد نادو بكتابة اللغه المصريه الحديثه بالحروف اللاتينى, و لسه فيه ناس النهارده بتنادى بالإعتراف باللغه المصرى.

الاقتصاد المصرى بيعتمد على الزراعه و السياحه و دخل قناة السويس و البترول. 
بيعتبر اقتصاد مصر من الاقتصادات القليله المتنوعه فى الشرق الأوسط و اللى مش معتمده على البترول بس, زى دول الخليج و العراق. و فيه بورصه نشطه إتأسست سنة 1880.

الجيش المصرى (القوات المسلحه المصريه) هو اكبر جيش فى افرقيا و التاني في الشرق الاوسط و هو متكون من 468,000 عسكرى نظامى و بيوصل لمليون فرد لو ضفنا قوات الاحتياط, الجيش متوزع بين القوات الجويه, القوات البحريه, القوات البريه و الدفاع الجوى.
مصر عندها قمر صناعى لل تجسس (زى اسرائيل) و اسم القمر الصناعى إجيبت سات-2 واطلقته مصر فى ابريل 2014 وكان فيه قبله 'إجيبت سات-1' وهو للتجسس برضو بس خدمته انتهت و اسلحة الجيش صناعة وطنية مع اسلحه من امريكا و الصين و من روسيا و فرنسا و ايطاليا و انجلترا.

القائد العام للقوات المسلحه هو الفريق اول صدقي صبحي والقائد الاعلى هو الرئيس عبدالفتاح السيسي بحكم الدستور المصرى .




#Article 153: مصريين (1573 words)


المصريين هما المجموعه العرقيه (البحر متوسطية) اللى دخلت منطقة وادى النيل فى العصور القديمه و عاشت فيها  ، و الايام دى عددهم حوالى 81,7 مليون نسمة( حسب تقدير يوليه 2008) و هما اصحاب الحضارة المصريه القديمه (الحضاره الفرعونيه), تاريخ المصريين تاريخ طويل جداً بيرجع لحوالى سنة 13,000 ق.ع.ح و هما من اقدم الأجناس البشريه. الهوية المصرية بترتبط ارتباط جامد بجغرافية مصر اللى اهم مافيها وادى النيل و شريط صغير من الارض الصالحة للزراعه بتمتد من الشلال الاول لحد البحر المتوسط و بتحوطهم الصحرا من الشرق و الغرب. الجغرافيا دى فريدة من نوعها و هى اساس تطور المجتمع المصري و الثقافه المصريه من العصور القديمه. اللغه اليوميه للمصريين هى المصرى. اكترية المصريين المسلمين بيتبعو المذهب السنى مع اقليه من الشيعه  ، و فيه اقلية كبيرة من المصريين بينتمو للكنيسه المصريه الأرتودوكسيه اللى لغة طقوسها اللغه القبطى هى المرحلة الاخيرة من تطور اللغه المصريه القديمه. و هوية المصريين الوطنية اتطورت بصوره اكبر فى القرن التسعتاشر و القرن العشرين و فيه تداخل او تضارب الأيديولوجيات بين العلمانية القومية المصرية الحديثة ,القومية العربية (بما فيهاالعروبة ) و الاسلاموية.

على الرغم من ان اسم أقباط كان اسم السكان الاصليين من المسلمين و المسيحيين و فيه ادله تشهد ان اسم أقباط كان اسم السكان الاصليين من المسلمين و المسيحيين لحد فترة العصر المملوكى .

المصريين كمجموعه عرقيه بيشكلو حوالى 90 ٪ (74.7 مليون) من مجموع سكان مصر.
وفي اعداد تانية موجودة فى اوروبا و امريكا ومعظم دول العالم.

عدد سكان مصر حوالي 100 مليون و تقسيمتهم كده :

و كمان مصر عاش فيها اعراق و ثقافات تانيه على مر التاريخ اللى استعمرت او احتلت فيه, زي الليبيين و الكنعانيين (الهكسوس) و الفارسيين (الأخمينيين) و الطليانه (الرومان). و معظم الاعراق و الثقافات دي مشيو من مصر بعد ما سقط حكمهم.

و فى ثقافات تانيه جت مصر عن طريق الهجره او اللجؤ السياسي, معظمهم فى العصر الحديث او على فترات, زي اليهود و الارمن, اللى اغلبهم اضطر يمشي من مصر بعد ثورة 1952 و حاليا مصر لسه فيها لاجئيين فلسطينيين و من السودان و العراق.

يقارب من 90 ٪ من سكان مصر مسلمين و 10 ٪ مسيحيين (9 ٪ أقباط ارتودوكس ، 1 ٪ مسيحيين تانيين)

عدد المصريين الكبير عبر التاريخ خلا العنصر المصرى هو السايد طول الوقت رغم كل العناصر الاجنبيه اللى عاشت فى مصر و اللى بطبيعة الحال ما كانوش بيعدو كام الف وسط ملايين المصريين ، يتضاف لده ان الاجانب اللى عاشو فى مصر عاشو عادة منغلقين فى مجتمعاتهم و كانو مميزين وسط العنصر المصرى السايد سواء كانو مقدونين او يونانيين او عربان ، الدراسات العلميه الحديثه وضحت ان على الرغم من كل الاحتلالات و الهجرات الاجنبيه لمصر عبر التاريخ على الاقل 90% من مصريين النهارده بيحتفظوا بنفس الدى.ان.أ ( DNA ) بتاع مصريين مصر الفرعونيه.

المصريين كانو بيتكلمو لغة را نكيمه و هى اللغه المصريه القديمه اللى كانت فى الاول بتتكتب بالحروف ال هيروجليفى يعنى النقش المقدس , و بعدين الكتابه فى مصر القديمه اتطورت شوية شوية على مر العصور و بقت هيراطيقى و ديموطيقى و حروف قبطى من اليونانى . مع ان اللغه الرسميه فى مصر هيه العربى, انما مفيش حد فى مصر اتولد بيتكلمها من غير ما يتعلمها. استعمال العربى محدود بس فى التعاملات الاداريه و الصحافه المكتوبه. انما المصريين بيتكلمو :

بس بالرغم من كده فـ لحد النهارده لسه اللغه المصريه الحديثه بتتميز عن اللغه العربى بشكل واضح من ناحية النطق و ادوات الاشاره و التشكيل و مخارج الحروف و المخارج الصوتية و تركيب الجمل و الاجروميه , و لسه فيه الكتير من الكلمات المصريه القديمه موجوده فى المصرى لحد النهارده و فيه أمثله شعبيه قديمه لسه بتستعمل لغاية دلوقتى.

المصريين قدمو للبشريه كتير من الاختراعات و العلوم و الانجازات, زى اختراع الزراعة و علوم الطب و الفلك و الكتابة و اللغة و صناعة المعادن و تخريجها و علوم الحساب و القياسات و الهندسة و علم حساب المثلثات و صناعة الازاز و صناعة الأوانى الفخارية و بـُنا البيوت بدال الأكواخ و صناعة السفن و اخترعو كتير من الماكينات اللازمة للزراعة و الصناعة و التعدين.المصريين ادّو للعالم التقويم الشمسى اللى بيتبعه العالم الحد دلوقتى بنفس عدد الايام و االشهور...الخ۔

المصريين ما كانوش بيعرفو اى دين فى مصر القديمه باسم معين لكن كان ليهم طقوس خاصة بيهم واعتقادات معينة فى فكرة الاله وتقديمهم الهدايا ليهم وهما اول ناس فكرو فى ان فى اله ورا حياتهم وبالزات ورا خير النيل والفكرة جتلهم من مرات اوزوريس بعد موته وتقطيع جسمه على ايد اخوه اللى مسك فرعون من بعده,حصل جفاف كبير للنيل و ماتت ناس كتير وحيوانات وكل الزرع فى الاراضى صرخت مرات اوزوريس و قالت ليهم دا غضب اوزوريس عليكو ومن وقتهاوهما مفكرين ان الفرعون اللى بيحكمهم هو ابن الاله وان رضا الفرعون عنهم يعنى كل الخير ليهم ولاراضيهم وحيواناتهم. بعد دخول المسيحية مصر على ايد القديس مرقص اتحول معظم المصريين للمسيحية. و بعد حكم العرب لـمصر, اتحول معظم المصريين للاسلام, بس لسه فيه حوالى 15% من الشعب المصرى بيعتنق الديانة المسيحية, بالاضافة لشوية يهود و بهائيين و لادينيين.

المطبخ المصرى مشهور بـنكهته المصريه. فيه كتير بيعتقدوا ان المطبخ المصرى اتأثر بالمطبخ التركى لكن ده مش صح فكتير من الأكلات اللى بيفتكر المصريين ان اصلها تركى كانت فى الواقع موجوده فى مصر قبل الاحتلال التركى سنة 1517 و منها مثلاً أكلة كشك ألماظ. فيه كتير من الأكلات المصريه لسه موجوده من الاف السنين عند المصريين زى العيش البلدى و الفسيخ و كحك العيد فى العيد الصغير و اعياد المسيحيين المصريين ، و البيض الملون بيض شمو فى شم النسيم. من اشهر الأكلات المصريه اللى موجودة فى المطبخ المصرى : المشويات و منها الكباب و الكفته ، و الملوخيه ، و القلقاس ، و الجبنه المقليه ، و الفطير المشلتت ، و الكشك ، و كمان حلويات زى : العسل الاسود و البقلاوه و الكنافة و البسبوسه و القطايف و المشبك و هى كلها اكلات مصريه قديمه من العصور الوسطى. اتعرف كمان فى مصر فى العصور الوسطى  الفطير الهلالى  اللى نقله الاتراك عن المصريين و بعدين اتنقل لأوروبا و بقى يتعرف باسم الكرواسان croissant.

الفول اشهر اكل المصريين فى العصر الحديث فى الواقع ماكانش المصريين القدام بياكلوه و فى العصور الوسطى مفيش اى دليل انه كان اكله شعبيه فى مصر و ما اشرش ليه المؤرخين المصريين كأكله منتشره. فى العصر الحديث جاب الأوروبيين حلويات زى الجاتوه و الچيلاتى.

المصريين بيحبو الأعياد والأفراح بشكل كبير, يهتمو بأعيادهم اللى ورثوها جيل ورا جيل من اكتر من سبعتلاف سنة. المصريين بيحتفلو بعيد شم النسيم و راس السنة المصرية و عيد وفاء النيل و عيد الحصاد و يوم مولد رع مسو رمسيس التانى و يوم أتولى العـَرش۔
وبدخول المسيحية بقو بيحتفلو باعياد خاصة بالمسيحيين زى عيد القيامة و عيد الغطاس و راس السنه الميلاديه بعدين دخلو العرب المسلمين و غيرو ديانة البلد للاسلام وبقو المصريين بيحتفلوا باعياد جديده اتضافت لاعيادهم زى مولد النبى و راس السنه الهجريه و عيد الفطر و عيد الاضحى و عاشورا و الاسراء والمعراج و اعياد قوميه ووطنيه زى عيد الام و 23 يوليو و عيد الجلاء و عيد تحرير سينا و 6 اكتوبر. المصريين معروفين بتمسكهم و ارتباطهم الشديد بأرضهم كونهم من البدايه مجتمع زراعى مستقر مش بيتنقل, عشان كده اتولد عندههم الاحساس بالانتماء للوطن و الارض من وقت بعيد فمابيبعدوش ولا بيروحو بعيد عن ارضهم. على الرغم من كدا فرضت ظروف العصر الجديد أن يبعد المصريون عن ارضهم عشان يدوروا على الرزق و الشغل, فيهم اللى بيهاجر مؤقتاً و فيهم اللى بيهاجر هجره دايمه. عدد المصريين اللى براها حوالى خمسة مليون مصرى. المهاجرين المصريين كانوا عادة من الطبقات المتعلمه ، لكن حصلت هجرات حديثه لأسباب اقتصاديه و بتضم اعداد كبيره من الهربانين من الفقر من اللى مش متعلمين و انصاف المتعلمين و ظهرت ظاهرة اللى بيهربوا فى مراكب و يحاولو يهاجرو على اوروبا.

المصريين بيعشقوا الرياضه من ايام العصر الفرعوني لحد دلوقتي واشتهروا بالعاب كتير زي ( لعبة سنت والسيجا والضامه و الصيد والملاكمه و المصارعه و التحطيب و العاب القوي والسباحه و ركوب الحصنه و شد الحبل و التجديف و الرمايه و الجري ).

وبتعتبر كورة القدم النهارده هيا اللعبه الاولي فى مصر والمنتخب المصري كسب بطولة الامم الافريقه سبع مرات .

المصريون هما اول اللى اخترعو الات المزيكه و استخدموها فى الطقوس الدينية و الحروب و على موائد الأكل للترفيه. و فى الاحتفالات و الافراح و الأعياد, و لسة المصريين بيستخدموها زى ما هيا لحد دلوقتى, من الالات دي: الصاجات و الجيتار المصرى القديم و الربابة و الناى و الدف و الطبلات و الهارپ و السيسترم المصرى و المزمار و المثلث و الناقوسجرس۔
ولسه لحد دلوئتى فى الات منها بيستخدمها المسيحيين فى الطقوس الدينية بتاعتهم زى الصاجات و المثلث و الناقوس الجرس كمان المزيكه المصريه أثُّرت فى الشعوب اللى حواليها و دخلت الات جميله للمزيكه المصرية عن طريق الشعوب دى فى عملية تأثُّر و تأثير, فـ دخلت الات نوبية و أمازيغية و تركية و عربية و يونانية للمزيكه المصريه فى أغنياتها و اتخلطت مع الايقاعات المصريه عشان تبقى ماشيه مع المزيكه المصريه بـ طابع جميل و خاص۔

الهويه المصريه، معروفة لكل المصريين لا هيا افريقية لان المصريين اصلا مش سود و لا هيا مسيحيه لان المصريين فـ الاساس مش مسيحيين دا حصل بعد احتلال اوروبا لمصر البيزنطيين ولا هيا عربية لان دا كمان حصل بعد الغزو العربى على ايد عمرو ابن العاص يعنى المصريين مش اى حاجة تانية وهما اصحاب حضارة اكتر من 7000 سنة,
والمصريون اُمة, بيشترك اعضاءها فى ميراث حضارى وثقافى ودينى وأخلاقى ولغوى متميز. الهوية المصرية بترتبط بوادى النيل بالذات و اتبنّا التيار الاصلاحى فى الحزب الوطنى لمنظومة قيمية بتتركّز على مركزية الهوية المصرية, مجموعة من المثقفين المصريين طرحو قضية الهوية المصرية و عروبة مصر للنقاش.

الدكتور حواس كتب مقالة بعنوان  توت عنخ امون ما كنش اسود و صرح فيها تصريح مهم جداً بيقول:  المصريين ما هماش عرب و كمان ما هماش افارقه على الرغم من وقوع مصر جغرافيا فى قارة افريقيا. و بكدا بيكون لخص وجهة نظرهُ فى موضوع هوية مصر.




#Article 154: مكتبة اسكندريه (636 words)


مكتبة اسكندرية او مكتبة اسكندرية القديمة فى اسكندرية ، مصر ، كانت من اكبر مكتبات العالم واحتوت على اكتر من نص مليون كتاب ومخطوطة ، بطليموس الاول حط فيها الكتب الاصلية بلغات مختلفة زي : اليونانية ، الفينيقية ، الهندية وزودها بكتب فى كل انواع العلوم والفنون ةالادب والمعرفة ، وكانت مركز للعلم فى منطقة البحر المتوسط كلها كانت اكبر مكتبة فى العالم القديم ، وكانت اول مكتبة حكومية عامة عرفها العالم القديم.

يعتقد عموما انها اتأسست فى بداية القرن التالت قبل الميلاد ، كانت من تصور و اتفتحت فى عهد بطليموس الاول، او ابنه بطليموس التانى ملوك مصر.
 
من المعروف أن المكتبة او اجزاء منها اتدمرت فى عدة مناسبات ، ولكن لحد دلوقتى تفاصيل هذه أحداث التدمير مصدر خلاف مش مبنى على أدلة قاطعة.

ولكن دلوقتى بـَنت الحكومة المصرية مع منظمة اليونيسكو مكتبة اسكندرية الجديدة واللى ساهم فيها دول ومنظمات كتير جدا عشان تعيد امجاد مكتبة اسكندرية القديمة من تانى.

المكتبة الجديدة افتتحت فى 2002 بالقرب من موقع المكتبة القديمة وفيها حوالى 300 الف

كتاب ومرجع، ده غير انها المكان الوحيد فى العالم اللى عنده النسخة الوحيدة من ارشيف الانترنت. .

فى نوفمبر 2009 اهدت فرنسا لمكتبة اسكندريه 500 الف كتاب فى اكبر صفقه ثقافيه فى التاريخ.

نظم المكتبة فى البداية ديميتريوس فاليروس  و هو من طلبة أرسطو تحت حكم بطليموس سوتير. اتبنت المكتبة فى الحى الملكى فى اسلوب صالة حفلات أرسطو ،لخدمة الموسيون اللى كان جنبها  ( موسيون Μουσείον باليونانى معناها معبد او بيت اللى بيفكر ، و جه منها كلمة ميوزيام المتحف بالانجليزى)، والمكتبة كانت عبارة عن مدرسه للفلسفه Peripatos و مكان للمشي ، وحدائق ، وغرفة مشتركة للطعام ، و غرفة مطالعة ، وقاعات محاضرات و اوض اجتماعات. لكن التصميم الدقيق مش معروف.

نموذج مكتبة اسكندرية القديمة لسه لحد النهارده له تاثير فى تصميم اى حرم جامعى. ومن المعروف ان المكتبة نفسها كان لها ادارة الشراء (جايز جنب المداخن ، او مبنى أقرب للميناء) و ادارة لفهرسة المخطوطات.

و لكن للاسف ضاعت المكتبه باللى فيها ، و فيه 4 اسباب المؤرخين بيقولوها على انها ممكن تكون هى السبب فى ان المكتبة اتدمرت :

المحتمل ان بعد حريقة يوليوس قيصر و انتهاء الدوله البطلميه ( صاحبة المكتبه ) و احتلال الرومان لمصر ( اللى نهبو كتير ) و دخول المسيحيه ( اللى اتسبب فى تدمير و ضياع الكتير من تراث مصر القديم ) ، اهمل الجزء اللى اتبقى من الكتب -اذا كان اتبقى حاجه- و ضاع شويه شويه مع كل غزوه و نهبه خارجيه. الفتره اللى مابين الحرب السكندريه بتاعة يوليوس قيصر و دخول العسكر الاسلامى مصر اكتر من 600 سنه، لكن ده بطبيعة الحال ما يمنعش ان كان فيه كتب خصوصاً انه اتذكر ان ماركو انتونيو حاول بعد حريقه الحرب السكندريه انه يعوض الخساره و جاب من مكتبة بيرجامون كتب و نسخ لكتير من الكتب اللى ضاعت ، او فيه مكتبه تانيه اتعملت. الحاصل ان المكتبه و كتبها ضاعت بطريقه او بتانيه فى عصور سادت فيها الحروب و الغزو و الدمار و الصراعات الدينيه و الفكريه و دخول مصر جيوش من مناطق متخلفه حضارياً. بغض النظر عن حرق كتب مكتبة اسكندريه تلت مرات ، مره على ايد يوليوس قيصر و مره على ايد الاقباط و مره على ايد العرب ، بيقول المؤرخ صمويل شارب ان الكارثه كانت اكبر فى حريقة يوليوس قيصر. فوقت يوليوس قيصر (49 ق.م ) مكتبة اسكندريه كانت مستخدمه و كان فيها طلبه و علما و كتاب بيكتبو و بينسخو ، وقت الفتح العربي لمصر ( القرن 7 ) المكتبه كانت ميته او شبه ميته بعد دخول الرومان و المسيحيه مصر اللى غيروا ملامح الثقافه المصريه اللى كانت سايده قبلهم .

بـَنت مصر مع اليونسكو اللى هى من منظمات الامم المتحدة مكتبة اسكندرية الجديدة واللى ساهم فيها دول ومنظمات كتير جدا عشان تبنى امجاد مكتبة اسكندرية القديمة من تانى.

المكتبة الجديدة افتتحوها فى 2003 بالقرب من موقع المكتبة القديمة وفيها حوالى 300000 كتاب ومرجع، ده غير انها المكان الوحيد فى العالم اللى عنده النسخة الوحيدة من ارشيف الانترنت. .




#Article 155: موتسارت (170 words)


ڤولفجانج أماديوس موتسارت (Wolfgang Amadeus Mozart ,نطق ألمانى: ) هو اسمهُ الكامل, و ساعات بيسمّوه موزار. هو كان من النمسا(أَوستيرايخ). اتولد فى سنة 1756, 27 يناير - و مات سنة 1791, 5 ديسمبر. موتسارت كان مؤلف مزيكه و عازف بيانو. ناس كتير بيعتقدو انهُ واحد من أحسن مؤلفين المزيكه بالنسبه لأى وقت. هو اتولد فى مدينة سالزبورج. خلال حياتهُ القصيره, ألـّف 600 مقطوعه مزيكه, و عدد كبير من الاوپرات زي دون جوفانى و الفلوت السحريه(Die Zauberflöte). اعمالهُ ابتدت مع مينويت (minuet) (رقصة مشهورة فى القرن ال18 و ال19 فى فرنسا). موتسارت اتولد فى عيله مزيكتيه ابوه هو الموسيقار ليوپولد موتسارت (1719 - 1787), و كان باين ان عندهُ قدرات اعجازيه فى سن صغير جداً. لما كان عندهُ خمس سنين, قدر يقرا و يكتب مزيكه و كان عندهُ مهارات كبيره على سنهُ, زى العزف على الكيبورد و الكمنجه. اخر عمل ليه كان Requiem, و اللى مات قبل ما يخلّصها. موتسارت كان معجزه فى عزف البيانو.اتجوز كونستانزي قيبر ورزق منها ستة اطفال مات 4 وعاش ولدان موتسارت مات و هو عندهُ 36سنه.




#Article 156: موحدين (دروز) (373 words)


الموحدين الدروز بيعتبروا الديانات التوحيدية سلسلة مكملة بعضها, بدأت برسالة هرمس مثلث العضمة بعدين بأخناتون بعدين رسالة موسى وعيسى ومحمد, و بيزودوا من الاجتهاد للديانات الابراهيميه التلات فلاسفة فيثاغورس و افلاطون و افلوتونيوس, و بيختلفوا عن الطوايف الاسلامية التانيه بانهم مش بيعتبروا النبي محمد اخر المرسلين و القرآن مش اخر رسالة سماوية لان العالم بيتغير ورعاية الله لخلقه مستمرة.

شعار الدروز نجمة خماسية فيها خمس الوان بترمز للمبادئ الكونية الدرزية الخمسة:

الدروز بيعترفوا بالقران، وبياخدوا من القران حلال الحلال والمعاني التوحيدية الحقيقية وبيسموه المستور المبين. ورسايل الحكمة وهي تأويل للقران وشرح للعقيدة التوحيدية وشروط تعامل الموحدين مع بعض ومع الطوايف التانيه.
الموحدون الدروز بيعتبروا الديانات التوحيدية سلسلة مكملة بعضها, بدأت برسالة هرمس مثلث العضمة بعدين بأخناتون بعدين رسالة موسى وعيسى ومحمد, و بيزودوا من الاجتهاد للديانات الابراهيميه التلات فلاسفة فيثاغورس و افلاطون و أفلوطين, و بيختلفوا عن الطوايف الاسلامية التانيه بانهم مش بيعتبروا النبي محمد اخر المرسلين و القرآن مش اخر رسالة سماوية لان العالم بيتغير ورعاية الله لخلقه مستمرة.
واحدة من الركايز المهمه فى عقيدة الدروز هو تقمص الأرواح وانتقال الروح بعد مفارقتها الجسد لمولود جديد, والروح البشرية بتتنقل بس لجسد انسان.

الدروز (الموحدين) بيعتبروا ان اسم الموحدين هو الاسم الصح لان عقيدتهم بتعتمد على توحيد الخالق بشكل اساسي، ومبيحبوش اسم الدروز دة لانهم بيقولوا انه اتنسب ليهم غصب عنهم.
الاسم دة اصله هو نشتكين الدرزى اللى بيعتبروه شخص كافر ومش كويس لانه كان بيدعو الناس للدرزيه بالعنف والسيف وعلاقته بالمعتقد كانت سطحية. موجود مبدأ اساسي فى عقيدة الدروز ان مافيش اكراه فى الدين و للحاكم بأمرالله خطبة مشهوره فى كده.
الدروز ليهم اسم تاني وهو بنو معروف

الموحدين بيتجوزا من بعضهم، والجواز لازم يكون مبني على المحبة والعدل. وعشان كدة بيمنعوا تعدد
الزوجات عشان بيقضي على العدل والانصاف.
ومن شروط الجواز ان اللى هيتجوزوا يعرفوا كل حاجة عن بعض، سواء من الناحية الصحية او العقلية او الروحية.
الراجل لازم يساوي ما بينه وبين مراته ويقسم كل حاجة بيمتلكها بالنص معاها، والست لازم تمشي على خطة جوزها ومبادئه فى الحياة.
الاتنين ليهم الحق انهم يطلبوا الطلاق. بس لو واحد فيهم طلب الطلاق من غير سبب التاني له الحق انه ياخد نص اللى عنده
وبعد الطلاق مينفعش يرجعوا لبعض تاني.

الدروز بيعتبرو نفسيهم مسلمين على الحاجات دي:

والدرزية فى الاصل هى فرع من فروع الشيعة الفاطمية انشقت عن المذهب الاسماعيلى فى القرن العاشر.




#Article 157: موسوعه (264 words)


الموسوعه (بالانجليزي: Encyclopedia) هى كتاب او مجموعة كتب بتحتوى على معلومات وافيه عن كل فروع المعرفه او فرع معين من المعرفه. بتتقسم الموسوعة لمواد ، ماده واحده لكل موضوع. المواد بتتقسم على المواضيع فى الموسوعه عادة حسب اسم المادة ابجديا وممكن الموسوعه تكون وارده فى مجلد واحد او مجلدات، وده بيعتمد على كمية المواد المدرجه. الموسوعه ممكن تكون عامه او متخصصه فى موضوع معين. 

من اشهر الموسوعات العالميه العامه الموسوعه البريطانيه (Encyclopædia Britannica) و موسوعة لاروس. ومن امثلة الموسوعات المتخصصه فى مجال معين الموسوعه القبطيه. الغرض من عمل الموسوعه هو نشر المعرفه بين الناس فى كل نواحى العالم و الحصول على معلومات سريعه عن موضوع معين. 

الموسوعات المطبوعة كانت لحد اختراع الانترنت هي النوع الوحيد من الموسوعات، ومن أشهر الأمثلة عليها هي موسوعة بروكهاوس (Brockhaus Enzyklopädie) ، موسوعة بريتانيكا (Encyclopædia Britannica)، وإنسيكلوبيدي (Encyclopédie). وبالرغم من فعاليتها كانت ليها جوانب سلبية زي غلائها، تقلها وحجمها، وصعوبة تحديثها.

ظهرت الموسوعات الإلكترونية لأول مرة في أواخر القرن ال20 علي اسطوانات CD واللي أشهرها موسوعة إنكارتا من مايكروسوفت ، وفي بداية القرن 21 بدأت تظهر موسوعات أكبر وأكتر تعقيد زي الجزء الإلكتروني من موسوعة بريتانيكا ()، وموسوعة ويكيبيديا (Wikipedia) الحرة. وفرت الموسوعات الإلكترونية مصدر سريع ومجاني للمعرفة وهي في الوقت الحالي أكتر أنواع الموسوعات استخدامًا. واجهت ويكيبيديا نقض كبير في قابلية الاعتماد علي معلوماتها بسبب خاصية التعديل الحر اللي بتسمح لأي حد بتعديل محتواها بشكل مجهول، مع كده أظهر بحث قارن بين الدقة العلمية لمقالات موسوعة بريتانيكا وويكيبيديا إن الدقة بتاعتهم متقاربة بشكل كبير، واللي واجهته موسوعة بريتانيكا اللي نظام تحريرها ومراجعتها بيعتمد علي خبراء فقط علي عكس ويكيبيديا اللي بتشتغل علي أساس نظام تطوعي بالرفض والتشكيك التام. 




#Article 158: مونتينيجرو (258 words)


مونتينيجرو (ومعناها الجبل الاسود) هى دولة أوروبية موجودة فى جنوب شرق اوروبا. تطل على البحر الادرياتيكي و تحدها كرواتيا من الغرب, البوسنه و الهرسك فى شمالها الغربي, صربيا فى شمالها الشرقي, كوسوفو فى الشرق و البانيا فى جنوبها الشرقي. بودجوريكا هى العاصمة بتاعتها و اكبر مدينة فيها, بس سيتينجي هى العاصمة الملكية السابقة.

بدا تاريخ مونتينيجرو من القرن التاسع الميلادي مع ظهور اقطاعية الدقلجة و اللى كانت ولاية بيزنطيه. الدقلجة كان بيحكمها فوجزلاف و اسرته. فى 1024 و مع نهاية حكم الملك فوجزلاف -اللى استمر 25 سنة- فاز الملك بمعركة حاسمة جمب مدينة بار ضد البيزنطيين, و بقت مستقلة. قوة و رخاء الدقلجة وصلت للذروة فى حكم ابن فوجزلاف الملك ميهيلو [1081-1046] و بعدها ابنه الملك بودين [1081-1101].

مونتينيجرو مصنفة كدولة متقدمة فى مؤشر التنمية البشريه. لها عضوية فى الأمم المتحده, منظمة الامن و التعاون فى اوروبا, مجلس اوروبا و عضو منشىء فى اتحاد علشان المتوسط. مونتينيجرو برضو مرشحة لعضوية الاتحاد الاوروبي بعد تقديمها الطلب فى 2008 على امل انها تاخد العضوية فى 2010 و هيا مرشح رسمي لحلف الناتو.

فى سنة 1918 انضمت مونتينيجرو مع صربيا و دول تانية و عملو اتحاد اسمه يوجوسلافيا وفي 3 يونيه 2006 اعلنت مونتينيجرو استقلالها وبعديها على طول فى 28 يونيه 2006 اعترفت بها الأمم المتحده و بقت العضو رقم 192 فى المنظمة الدولية دي.اللغة الرسمية ليها هى المونتينيجري و هى لغة قريبة جدا من الصربي و كانت لحد 2004 بتعتبر لهجة من لهجات اللغة الصربية. اليورو هو العملة الرسمية مع ان الدولة ما هياش عضو فى الاتحاد الاوروبي.
مونتينيجرو دولة صغيرة و مساحتها 13,812 كم يادوب وعدد سكانها 678,177 انسان.




#Article 159: ناتالى بورتمان (122 words)


ناتالي بورتمان - (بالعبري:נטלי פורטמן) اسمها الحقيقي ناتالي هرشلاج تبقى ممثلة امريكية من اصل اسرائيلى اتولدت يوم 9 يونيه 1981 فى القدس ، ابوها اسمها افنر هرشلاج ويبقى دكتور فى اسرائيل ، وامها شيلي ستيفينس امريكية.
اول دور ليها كان فى فيلم Léon سنة 1994 وكان عمرها 12 سنة وهي بتعمله، بس اتشهرت بعد كدة لما عملت فيلم حرب النجوم Star Wars سنة 1999، وخلصت دراسة علم النفس من جامعة هارفارد وهي بتعمل فيلم حرب النجوم.

ناتالي اترشحت لجايزة الاوسكار عن دورها فى فيلم Closer سنة 2005 واخدت جايز جولدن جلوب عن نفس الدور.فى سنت 2010 عملت دور البطوله فى فيلم البجعه السوداء وبيعتبر من اهم أدوارها وخدت عنه أوسكار احسن ممثله

حلقت شعرها زيرو عشان دورها فى فيلم V For Vendetta.




#Article 160: ناجى اسعد (310 words)


 الدكتور ناجى اسعد يوسف ( من مواليد 12 سبتمبر ،سنة 1945 ) هو رياضى مصرى مثل مصر فى بطولات العاب القوى الدوليه فى سبعينات واوائل تمانينات القرن العشرين فى دفع الجله ورمى القرص. فى الوقت ده ناجى اسعد كان بطل مصر فى دفع الجله.

ناجى اسعد بيعتبر واحد من أنجح الابطال فى تاريخ العاب القوى المصرية حقق ميداليات دهب كتير فى دفع الجله و ميداليات فضه فى رمى القرص. و كان قبلها لاعب كورة سله ف النادى الأهلى من 1966 ولحد 1969. و هو الرياضى المصرى الوحيد فى العاب القوى اللى فاز بميداليات دهب فى تلات بطولات كبرى وهى دورة الالعاب الافريقية ، دورة العاب البحر المتوسط ، البطولات الافريقيه فى العاب القوى

ناجى اسعد هو رقم 130 فى قايمة أحسن 150 فى العالم فى دفع الجلة 20.71 - متر.

ناجى اسعد من عيله قبطيه من شمال مصر و عاش فى القاهره واتخرج من كليه التربيه الرياضيه (بنين) فى جامعة حلوان، واشتغل معيد فى الكليه نفسها بعد التخرج ، و اخد درجة الدكتوراه فى التربيه البدنيه ، و دلوقتى بيشتغل استاذ فى الكليه نفسها . كان بيلعب فى فريق النادى الاهلى الرياضى. شكل ناجى اسعد مع زملاته هشام فؤاد جريس ، حسن احمد حماد و محمد نجيب حامد واحد من اقوى الفرق المصرية فى الرمى .وبعد ما بطل لعب اشتغل فى البحرين مدرب لفريق العاب القوى البحرينى ، و رجع مصر فى التسعينات اشتغل مدير فنى لفريق المنتخب المصرى فى العاب القوى.

د. ناجى اسعد كمان بيعتبر افضل مدربين الرمى فى مصر المدير الفني للمنتخب الوطني للشباب و وصفه أشرف بكير رئيس اتحاد العاب القوى المصرى بأنه صاحب الفضل الاول فى الحصول علي البطولة الإفريقية للعبة تحت 20 .

د. ناجى اسعد حط قواعد مدرسة الرمي المصريه الحديثه, أثمر بعد عمل سنتين ميدالية فضية وميدالية برونزية فى بطولة العالم تحت18 سنة, ومن بين الانجازات كمان فى البطولة الافريقية لالعاب القوي 2007, تم اختيار ناجي اسعد مدربا لمنتخب الرمي فى افريقيا




#Article 161: نانسى عجرم (474 words)


نانسي عجرم مغنية لبنانية، اتولدت في 16 مايو 1983، ف حي اسمه الاشرفية، ف بيروت. اسمها الحقيقي نانسي نبيل عجرم، ومامتها اسمها ريموندا. هى الاخت الكبيرة فى العيلة، وعندها اخت واخ. اخت اسمها نادين، اصغر منها بسنة (مواليد 1984)، وليها اخ اصغر منها بيشتغل مغني هو كمان، اسمه نبيل عجرم (اتولد في 1985).

شاركت ف برنامج لبناني اسمه نجوم المستقبل، وهي عندها اتناشر سنة، وخدت المديلية الدهبية ف الغنا. بعدها درست مزيكا، وابتدت تغني ف سن خمستاشر سنة، ومكنتش كمّلت التمانتاشر اللى هو اقل سن عشان تنضم للنقابة بس الرقابة اخدتها استثنا. اتشهرت من كليب اخاصمك اه سنة 2003، بس الاغنية دي كانت ف الالبوم التالت ليها. لها العديد من الاغاني.

سنة 2005 طلع عليها اشاعة ف النت (المنتديات) ان محمود سعد كان مستضيفها ف برنامج كان بيتعرض على قناة MBC، وقالت ف البرنامج (حسب الاشاعة) ان عندها كلب اسمه احمد. فمحمود سعد كسر التربيزة وضربها بالكرسي وقاللها انا كمان عندي كلبة اسمها نانسي وكلب اسمه عجرم. وسنة 2006 طلع عليها بردو على النت (المنتديات) اشاعة تانية اثناء حرب لبنان انها اتاثرت بالحرب وبقت مسلمة، واتحجبت وجابولها صورة وهي محجبة وكانت الخدع اللى ف الصورة مش معمولة صح وباينة. وسنة 2007 حبت واحد اسمه حسن كان يدرس فى تسكالوسا فى جنوب امريكا، وتقول الاخبار بأنها كانت مغرمة بيه، حيث ان اغنية مغرمة معجبة كانت تقصد الشاب حسن. وسنة 2010 أصدرت اغنية عيني عليك مما أثار شكوك جمهورها بان نانسي استولت على لحن مطابق لاغنية بين البينين لشيرين وجدي 2002.

نانسى عجرم زى فنانين لبنانيين كتير ارتبطو بمصر، وفن مصر بتحب مصر جداً، وبتقول انها مرتبطه عاطفيا بمصر والشعب المصرى اللى بتكن له مشاعر خاصه. نانسى عجرم غنت لمصر والمصريين اغنية لو سألتك انت مصرى، وبعد ما انتصرت مصر فى الكورة قررت نانسى إنها تغنى اغنيه لمصر اسمها مصر العروسه المحروسه.

نانسي عجرم اتجوزت سنة 2008 بدكتور الاسنان فادي الهاشم، وجابت منه بنت اسمها ميلا، وبالصدفه اتولدت ميلا فى نفس يوم عيد ميلاد نانسي 16 مارس شهر 3. غنت لميلا اغنية يارب تكبر ميلا وعندها طفلة كمان اسمها ايلا.

نانسي اتعاقدت مع شركة كوكاكولا عشان تعمل اعلانات فى الدول العربية، وافضل الاعلانات اللى عملتها نانسي اعلان اللى فيه اغنية كأس العالم 2010 مع المغني العالمي كانون، اللى عمل الاغنيه ومعاه من كل بلد مغني، والنسخة العربية عملوها بالمصري عشان اللهجة اسهل ومنتشرة كتير فى الدول العربية، وغير كده ادارة كوكاكولا لها مدير اجنبي ومدير مصري فى الشرق الاوسط. نانسي اخدت ورلد ميوزك اوورد واحدة فى 2008 عن البوم بتفكر فى ايه.

نانسي عجرم غنت اول تتر فى رمضان فى مسلسل النجم يحيى الفخراني (ابن الارندلي). فى اكتوبر 2009 اتعينت سفيرة للنوايا الحسنة فى الشرق الاوسط والوطن العربي، اللى بيضم 22 دولة، واللى عينها صندوق الأمم المتحدة للطفولة - يونيسيف. وقال راي فيرجيليو اللى مسئول عن المنظمة أنو اختارها عشان هتساعد فى دعم القضايا اللى بتهتم بها اليونيسيف فى المنطقة. فى حفلة نصر اربعين احتفالاً بعيد 6 اكتوبر، غنت فى اخر اوبريت فى الحفلة اكتوبر 2013.




#Article 162: نجيب ساويرس (165 words)


نجيب ساويرس (اتولد فى 15 يونيه 1954) واحد من اغني و اشهر رجال الاعمال المصريين، رمز لرجل الاعمال الناجح المخلص لشغله و لبلده، و يبقى ابن انسى ساويرس مؤسس مجموعة اوراسكوم. نجيب ساويرس رئيس شركة اوراسكوم تليكوم و شركة موبينيل. مجلة فوربس ذكرت سنة 2008 ان ثروته حوالي 12.7 بليون دولار و بتزيد و جه ترتيبه الستين من بين اغنى البيليونيرات فى العالم
فى سنة 2009 و مع الازمه الاقتصاديه العالميه خسر نجيب ساويرس 9 بيليون دولار من فلوسه و اتراجع ترتيبه لرقم 205 على مستوى العالم بثروه قيمتها 3 بيليون دولار بس.
نجيب كمان صاحب قناة او تى فى التليفزيونية و مشارك فى جرنال المصري اليوم نجيب ساويرس معروف بتوجهاته الليبرالية و وطنيته و دعمه للهوية المصريه و الثقافه المصريه ، و فى بعض الترجمات اللى بتظهر على قناة او تى فى مكتوبة باللغه المصريه الحديثه (المحليه). ساويرس تقدمى و مشهور بعدائه للاخوان المسلمين و صرح كام مرة انه متضايق من تغلغل التأسلم المتطرف فى المجتمع المصري و كمان بيقول انه مش ضد الحجاب.




#Article 163: نزار قبانى (147 words)


نزار توفيق قباني (21 مارس 1923 - 30 ابريل 1998) الشاعر والناشر و كان دبلوماسي سورى سفير لسوريا فى لندن بين 1952 - 1955. اسلوبه جمع بين البساطة والأناقة فى استكشاف مواضيع الحب، الشبق، الحركة النسائية، او الدين، والقومية العربية. عمل دار نشر لأعماله فى بيروت سمّاها منشورات نزار قباني. وهو واحد من أكثر الشعراء المعاصرين مدح في جامعة دول العربية. وكان من المسلمين السنة وابنه اسمه عمر. من اقواله ان الحب فى العالم العربي سجين و أنا اريد تحريرة، اريد تحرير الحس و الجسد العربي بشعري، أن العلاقة بين الرجل و المرأة فى مجتمعنا غير سليمة.

من اعمال نزار قبانى قصيدتهُ المشهورة بلقيس، رسالة من تحت الماء، قارئة الفنجان، هوامش على دفتر النكسة، متى يعلنون وفاة العرب، اشهر الفنانين اللى غنوا اشعاره فيروز، عبد الحليم حافظ، ام كلثوم، ماجدة الرومي, محمد عبد الوهاب و كاظم الساهر.

من اقواله الشهيرة: لا يمكنك إسعاد الجميع، أنت لست تاكو




#Article 164: نمر (461 words)


النمر ( ; tiger;  Panthera tigris) حيوان ثديى آكل لحوم ضخم من فصيلة السنوريات و هو اكبر عضو فى عيلة القطط.

النمر حيوان مفترس و هو اكبر قط من بين الاربع قطط الكبيره (النمر - الاسد- الفهد - التشيتا).

النمر من الممكن ان يصل طوله الى اربعه امتار (13 قدم) فى الطول الاجمالى، و وزنه من الممكن ان يصل الى 300 كيلوجرام (660 رطل) . من الامور الاكثر تميزاً للنمور هى الفرو المخطط بخطوط سوداء رأسى مع الالوان الابيض والبرتقالى .

النمور بتعتبر من بين الحيوانات الاكثر شعبيه فى العالم. و لها مكانه بارزه فى التراث الشعبى والاساطير القديمه، والادب الحديث.

النمور بتظهر في الاعلام بشكل دارج وكتعويذة و ايضاً كشعار للفرق الرياضيه وتعتبر النمور الحيوان الوطنى لكثير من البلاد الاسيويه مثل الهند . جميع انواع النمور اللى على قيد الحياة هي تحت الحمايه الرسمية للبلاد.

تاريخيا النمور كانت موجودة فى بلاد ما بين النهرين و القوقاز و فى معظم اجزاء جنوب و شرق اسيا .

موطن النمر شرق اسيا و جنوبها و بتعتبر شبه القاره الهنديه موطن أكتر من 80% من النمور البريه فى العالم.
زمان كانت النمور بتعيش فى حتت كتيره فى اسيا، من القوقاز و بحر قزوين لحد سيبيريا و اندونيسيا. خلال القرن التسعتاشر اختفت النمور تماما من غرب اسيا كلها و بقت بتعيش فى مناطق معزوله. اختفت النمور من جاوه خلال النص التانى من القرن التسعتاشر.

اقدم بقايا للنمور تم اكتشافها فى الصين وجاوه. الانواع دى كانت عايشه من حوالى 2 مليون سنه فى بداية العصر الجليدى وكانت اصغر من النمور. احافير النمور الحقيقيه تنبع من جاوه من حوالى ما بين 1,6 و 1,8 مليون سنه.

فيه تسع سلالات للنمور منها تلاته انقرضت وسلاله واحده متوقع انها تنقرض قريب. سلالات النمور بتتصنف حسب اعدادها.

سلالة نمر البنجال او النمر الملكى البنجالى بتعيش فى اجزاء من الهند و بنجلاديش و نيبال، بوتان، وبورما.

سلالة النمر الهندى-الصينى بتعيش فى اجزاء من كامبوديا والصين، لاوس، بورما، تايلاند وفييتنام.

سلالة النمر المالاوى بتعيش بس فى شبه جزيرة المالايو.

سلالة النمر السومطرى بتعيش فى جزيرة سومطره وتعتبر سلالة النمر السومطرى اصغر السلالات الحيّه.

النمر السيبيرى معروف برضه باسم النمر الامورى او نمر شمال الصين او نمر منشوريا وهوا اكبر انواع السنوريات، بيتمركز فى روسيا سيبريا. فروه بيخليه يقدر يعيش فى التلج. وتعداد نمور سیبریا دلوقتى وصل ل 500 وهیه من الحیوانات المتهدده بل انقراض.

نمر جنوب الصين هو واحد من اكتر عشر انواع حيوانات معرضه للانقراض ف العالم.

التهجين ( hybridization) بين القطط الكبيره، بما فيها النمر، حصل اول مره فى القرن التسعتاشر علشان جناين الحيوان تعرضها علشان تحقيق مكاسب ماليه. التهجين لسه بيحصل وخصوصا فى جناين الحيوان فى الصين.

الاسود ممكن تتوالد مع نمور  فى أغلب الاحيان نمور من فروع النمر السيبيرى الامورى والبنجالى والناتج الهجين اللايجر او التايجون.

اللايجر تهجين بين الاسد الدكر والنمره النتايه اللايجر بتنمو اكبر بكتير من اى من الوالدين. التايجون تهجين بين النمر الذكر والاسد النتايه.




#Article 165: نيكولاى تشاوشيسكو (537 words)


نيكولاي تشاوشيسكو (بالرومانى Nicolae Ceauşescu) ( اتولد26 يناير ،1918 – 25 ديسمبر ، 1989) كان ديكتاتور شيوعي حكم رومانيا من سنة 1965 لحد سنة 1989 لما قامت ثورة انهت حكمة و اعدمته هو و مراته ايلينا بالرصاص قدام التليفزيون بعد ما عملو له محاكمة عسكرية استمرت ساعتين بس و اتحكم عليه ساعتها بالاعدام بتهم ارتكاب جرايم ضد الدولة، الابادة الجماعية و تدمير الاقتصاد الروماني.

ولد نيكولاي فى قريه فى اولتينيا فى جنوب رومانيا و لما بلغ من العمر احدى عشره سنه ذهب الى العاصمه بوخارست وعمل هناك بتنظيف الاحذيه ثم بعد ذلك انضم للحزب الشيوعي الروماني و قبض عليه اكثر من مره لان هذا الحزب كان ممنوع فى تلك الفتره . تشاوشيسكو التقى بزوجته ايلينا بيتريسكو و تزوجوا سنة 1946 و كان لها تاثير كبير على حياته السياسه و على رومانيا .
بعد الحرب العالمية الثانيه بقيت رومانيا تحت تأثير الاتحاد السوفييتى و وصل نيكولاي فى هذا الوقت لمنصب سكرتير اتحاد الشباب الشيوعى. بعدها لما وصل الشيوعيين للحكم سنة 1947. اشتغل نيكولاى فى منصب فى وزارة الزراعه وبعدها اصبح نائب وزير الدفاع و استمر ترقياته الى ان اصبح الرجل التانى فى الجزب الشيوعي الروماني بعد جيورجيو-ديج.

جيورجيو-ديج مات فى مارس 1965 و بعديها بيومين وصل تشاوشيسكو لمنصب السيكريتير الاول لحزب العمال الروماني و من اول الحاجات اللى عملها انه غير اسم الحزب لـ الحزب الشيوعي الروماني و غير اسم الدولة الرسمي لـ جمهورية رومانيا الاشتراكية.نيكولاي على الرغم من انه شيوعي الا انه كان على خلاف مع الاتحاد السوفييتي واشتغل من دماغه و حاول يعمل استقلال للسياسة الخارجة بتاعة رومانيا بعيد عن القبضة الحديدية بتاعة موسكو. فى سنة 1960 طلع رومانيا بره حلف وارسو وعارض بشدة و ع المكشوف الغزو السوفييتي لتشيكوسلوفاكيا سنة 1968. الخلاف دا بينه و بين السوفييت خلا موقف رومانيا غريب فلا هيا حتة من الغرب و لا هى تابع مخلص لسياسات الستار الحديدي.سنة 1974 القاب تشاوشيسكو زادت واحد لما ضاف ليهم لقب رئيس رومانيا و سيطر على كل مفاصل الدولة بمساعدة البوليس السري اللى كان بيراقب كل حاجة فى البلد و بيتحكم فى الازاعة و الصحافة و بيتعامل بقسوة شديدة مع اى معارضة.

من اشهر المشاريع اللى عملها نيكولاي مشروع التنظيم (Sistematizare) و اللى بيتضمن هد و اعادة بناء ونقل السكان على مزاجه و عمل محاولة لتغيير معالم العاصمة بوخارست بالكامل لدرجة انه فى التمانينات هد خمس بوخارست بما فيها من كنايس و مباني اثرية و بنى مكانها عمارات عالية و شوراع واسعة و ميادين كبيرة. بيت الشعب اللى بناه فى وسط بوخارست بيعتبر تاني اكبر مبنى إداري فى العالم كله بعد البنتاجون.

فى العشر سنين الاخيره من فترة حكم تشاوشيسكو ، علاقاته بالاتحاد السوفييتى الحليف الاكبر لرومانيا باظت وبقت وحشه وكمان علاقات رومانيا الخارجيه بالغرب و بالعالم بشكل عام بقت وحشه. وصل الشعب لدرجه محصلتش قبل كده من الفقر الشديد و فى ديسمبر 1989 قامت ثوره شعبيه فى مدينة تيميشوارا فى غرب رومانيا و منها انتشرت لمدن اخرى مثل كلوج و بوخاريست. حاول تشاويسكو فى الاول أنه يوقف المظاهرات دى لكن لما انضمت حبة وحدات من الجيش للشعب حاول يهرب هو و مراته فى طياره هليوكوبتر. الثوار قبضوا عليهم وعملولهم محاكمه عسكريه سريعه خدت ساعتين بس!! و اتحكم عليهم بالاعدام بالرصاص فى يوم عيد الميلاد 25 ديسمبر 1989. ربطوا ايديهم زى ما هو متعارف عليه فى حالات الاعدام بالرصاص، اتذاعت عملية الاعدام فى التليفزيون فى نفس اليوم عشان يصدق الشعب ان تشاوسيكو مات.




#Article 166: هارالد الاول ملك الدنمارك (164 words)


هارالد بلوتوث (دنماركى: Harald Blåtand، نرويجى قديم: Haraldr Blátönn، نرويجى: Harald Blåtann) ملك يوتلاند (شبه جزيرة ألمانيا والدنمارك) اتولد حوالى سنة 935م و كان ابن الملك جورم العجوز (Gorm the old) و ثايرا Thyra (المعروفه باسم Thyre Danebod)، من المفترض أنها بنت هارالد كلاك ايرل يوتلاند. حكم هارالد بلوتوث كملك دنمارك من حوالى سنة 958 وملك النرويج حوالى سنة 970. فيه مصادر تقول ان ابنه سوين شاله عن الملك بالقوه. هارالد بلوتوث اتوفي فى يومسبورج.

هارالد اصدر امر بعمل حجارة ييلينج على شرف والديه . موسوعة بريتانيكا (البريطانية) بتعتبر نقوش حجارة ييلينج اكتر نقوش معروفه فى الدنمارك. ملخص سيرة هارالد بلوتوث منقوشه على الحجاره.

تحويل الدنمركيين للمسيحيه و الأهم تحويل الملك هارالد بلوتوث للمسيحيه هو موضوع عليه اختلاف فى التاريخ مش بس علشان الكتاب فى العصور الوسطى زى ويدوكين الكورڤينى و ادم البريمينى كتبو قصص متناقضه عن تحول الملك هارالد بلوتوث للمسيحيه
ادم البريمينى كتب ان هارالد الاول كان متعاطف مع المسيحيين على عكس والده

خلال فترة حكمه أشرف هارالد على تعمير مناطق كتير.




#Article 167: هدى شعراوى (609 words)


هدى شعراوى (23 يونيه 1879 - 12 ديسمبر 1947) كانت ناشطه مصريه فى مجال حقوق الستات و من اول اللى نادو بتحرير الست المصريه و كان ليها مشاركه مهمه جدا فى ثورة 1919 و قادت اول مظاهره للستات ضد الانجليز فى الايام الاولانيه للثوره.هدى شعراوى اسسست و كانت اول رئيسه للاتحاد النسائى المصرى.

فى 16 مارس سنة 1919 م إبتدا كفاح هدى شعراوى السياسى لما عملت مظاهره نسائيه من 300 واحده مصريه عشان ينادو بـ الافراج عن سعد زغلول و زمايلهُ, و خرجت عشان تواجه و تضعف الجنود البريطانيين المتسلّحين, و اليوم التاريخى ده شاف إستشهاد اول شهيده للـ حركه النسائيه, و اللى حمّست شوية ستات من الطبقات الراقيه اللى خرجو فى مظاهره كبيره رافعين شعار الهلال و الصليب دليل على الوحده الوطنيه, و بينقدو الإحتلال و إتوجهت المظاهره لـ بيت الاُمه. و من التاريخ ده, و المرأه المصريه بتحتفل بـ 16 مارس, بعد إختيارهُ عشان يكون يوم للـ مرأه المصريه. و على مستوى العالم الإحتماعى, هدى شعراوى ساعدت فى كزا حاجه, منهم انشاء مبرة محمد على باشا عشان مساعدة العيال العيانين سنة 1909 م, و ماكانتش وصلت لـ سن ال30, كانت من اول المساعدين فى صنع إتحاد المرأه المصريه المتعلمه سنة 1914 م, و بردو عملت لجنه بـ اسم جمعية الرقى الأدبى للسيدات فى ابريل سنة 1914 م,

فى مايو سنة 1923 م بعد المؤتمر ده, رجع الوفد النسائى المصرى لـ اسكندريه فى أطر من اسكندريه للقاهره. هدى شعراوى قلعت النقاب من وشها و فضلت لابسه النقاب, و ده كان بـ هدف إن المرأه المصريه يبقى عندها فرصه, عشان تندمج فى الحياه الإجتماعيه السياسيه, و فيه كتير ثارو, بس كفاح هدى شعراوى الجاد خلا الأهالى يقتنعو شويه-شويه بـ رفع النقاب عن وش المرأه المصريه.

هدى شعراوى أسست جمعيه بإسم الإتحاد النسائى المصرى فى 16 مارس سنة 1923 م. الهدف هو رفع مستوى المرأه الأدبى و الإجتماعى عشان يوصل بيها لـ درجه تخلّيها اهل ثقه عشان تشترك مع الرجاله فى كل الحقوق و الواجبات. و الجمعيه عايزه بـ كل الوسائل المشروعه إن المرأه المصريه تاخد حقوقها السياسيه و الإجتماعيه زى ما إتكتب فى الماده التانيه و التالته فى القانون الأساسى للـ إتحاد ده. و الإتحاد ده كان مأسسهُ 12 ست بس, و على راسهم هدى شعراوى و شريفه رياض نائبة الرئيسه و سكرتيرتين; إحسان القوسى و سيزا نبراوى. و كمان عدد من أعصاء لجنة الوفد المركزية للسيدات. هدى شعراوى كانت حريصه على صيانة المرأه من الظُلم اللى حاصللها, فـ طالبت بـ رفع سن الجواز للـ بنت لـ سن 16 سنه عـ الاقل. و إتحققلها اللى هى عايزاه فى سنة 1923 م. و طالبت بـ فتح ابواب التعليم العالى للـ بنات و بـ إشتراك الستات مع الرجاله فى حق الإنتخاب. و بـ حط قانون يمنع تعدد الزوجات إلا للـ ضروره. و بردو, طالبت بـ رفع الظُلم و الإهانه اللى بيقعو على المرأه اللى بيتسمّا بـ دار الطاعه.

سنة 1923 م, هدى شعراوى بـ صفتها رئيسة جمعية الإتحاد النسائى المصرى إتدعت عشان تحضر مؤتمر النساء الاول اللى إتعمل فى روما فى فترة 12 لـ 19 مايو سنة 1923 م. هدى شعراوى لبّت الدعوه. و لـ اول مرّه, خرجت تلات ستات بيمثّلو مصر فى مؤتمر دولى; هدى شعراوى و نبويه موسى و سيزا نبراوى.

و فى مؤتمر الإتحاد النسائى الدولى العاشر فى باريس سنة 1926 م, هدى شعراوى إختاروها عضو فى اللجنه التنفيذيه للإتحاد النسائى الدولى. و بـ كده, بقت الممثله الوحيده للمرأه فى بلاد الشرق الأقصَى و الشرق الأدنَى فى اللجنات دى. و بردو إنتخبوها تبقى مع اعضاء اللجنه المسئوله بـ مسألة السلام الدولى. و فى مؤتمر الإتحاد النسائى الدولى لـ سنة 1935 م إنتخبو هدى شعراوى نائبه لـ رئيسة الإتحاد النسائى الدولى, و كانت اول شرقيه تاخد المنصب الدولى المشرّف. و فى سنة 2003 م اعادت إنتخابها جمعية هدى شعراوى للنهضه النسائيه عشان تكون نائبه لـ رئيس الإتحاد النسائى الدولى.




#Article 168: وحش لوخ نس (399 words)


وحش لوخ نس (Loch Ness) دة وحش مشهور ناس كتيرة اتكلمت عنه من كل حتة ف العالم، ومش معروف اذا كان موجود فعلا وللا لا. موجود ف بحيرة لوخ نس اللى ف اسكوتلاندا.
الحكاية دي ابتدت سنة 560 لما القديس كولومبا شاف وحش ضخم شكله غريب ظهر على الميّه، فوقّفه لما رفع الصليب ف وشّه وخلاّه يبعد. وبعد كدة فيه صيادين قالوا انهم شافوا الوحش دة فى الفترة اللى بين 1800 و1880، وبعد كدة الموضوع ابتدا يهدا لحد ما رجع يظهر تاني سنة 1933، لما واحد اسمه جون ماكاي ومراته شافوا وحش كبير ف البحيرة. وقالوا انه ظهر ثواني واختفى ف المايّة تاني.

بعدها جت تقارير كتير بتقول ان فيه ناس شافته، وسنة 1934 واحد اسمه دكتور روبرت كينث ولسون قال انه شاف الوحش براس ديناصور طالع م البحيرة ونزل تاني بسرعة، بس روبرت قِدر يصوره ودي كانت اول صورة واضحة للوحش. بعدها انهالت المكالمات ان فيه ناس كتير شافته وابتدت تظهر صور كتير للوحش دة.

من بعد موضوع روبرت كينث ولسون ابتدت اسهم المدينة تزيد والسياح ييجوا عشان يشوفوا الموضوع دة، وبقت مدينة سياحية. فيه ناس بتقول ان عشان كدة مدينة لوخ نس مرضيتش تدوّر فى الموضوع دة وتشوف اذا كان صح وللا لا.

فيه اللى بيقول ان السبب ف الكلام دة هو جون ماكاي وانه مستفيد من الاشاعة دي عشان عنده اشهر فندء فى على البحيرة.

فيه اللى بيرفض القصة اصلا عشان بدايتها دينية.

فيه 10.000 صورة للوحش دة لحد النهاردة، فى اواخر التمانينات شركة كودك ابتدت تشوف الصور دي حقيقية وللا متفبركة. وطلع ان 30 صورة بس من العشرتلاف همّا اللى حقيقيين والباقي متفبرك.

من فترة التمانينات العلما ابتدوا يهتمو بالموضوع ويعملوا ابحاث عن وجود الوحش دة وجت النتايج كلها سلبية، يعني ملقوش وحش.

سنة 1993 كريستيان سبريلنج قال ان الصورة اللى خدها دكتور روبرت سنة 1934 كانت خدعة عملها هو وصاحبه روبرت ، وان الوحش اللى ف الصورة كان قناع عملوه مخصوص عشان الخدعة دي وكريستيان لبسه، الكلام دة قاله كريستيان بعد ما روبرت مات.

سنة 2003 وكالة الاخبار بي بي سي اعلنت انها هتعمل بحث عن الوحش ف البحيرة واستخدمت 6000 جهاز سونار على حتت منفصلة بمساحة البحيرة كلها واستخدمت الاقمار الصناعية معاه، وبعد ما قال احد العلماء على فراش الموت بانه اخترع هذه الحكاية و ان الصورة كانت مجسم من الخشب البلاستيكي قاموا بفعل هذه الخطوة و النتيجة كانت انه موجود بفعل وجود شعيرات لا ترى بالعين المجردة تحت فكه السفلي و في ذلك الوقت لم يكن الخشب البلاستيكي مصنوع

كتاب هادم الاساطير




#Article 169: ويكى (122 words)


الويكى (Wiki) تكنولوجيا علشان تعمل مواقع تعاونيه. و فكرة الويكى ان اى حد ممكن يعدّل و يحرّر اى صفحة، يعني كل واحد بيعدل على شغل التانى.
النظرية هى أن مجموع المعرفة و الخبرة بتاعت المجموعة اكبر بكتير من الفرد. نفس المبدأ اللى اثبت نجاحهُ، اسلوب تطوير برمجيات حرة و مفتوحة۔

الويكى هو مجموعة من صفحات الانترنت متصممة بحيث تسمح لأى حد انه يشارك او يعدل اللى جواها، و بتستخدم لغة تعليم بسيطة.
الويكيهات عادة بيتعمل بيها مواقع تعاونية. الموسوعة التعاونية ويكيبيديا واحدة من اشهر الويكيهات الموجودة۔

ويكي هى اساساً كلمة من هاواى معناها سريع ونطقها الانجليزى wiki قالوا انه اختصار ل What I Know Is يعنى اللى اعرفه هو وطبعاً ده backronim.

الانترويكى  هى طريقة لوصل مواقع الويكى المختلفة على شبكة الانترنت.




#Article 170: ويكيبيديا (401 words)


ويكيپيديا (انجليزى: Wikipedia, wiki+(encyclo)pedia) موسوعه مفتوحه متعدده اللغات, المشروع بتديره مؤسسة ويكيميديا (Wikimedia). اسم ويكيپيديا هو خليط من الكلمات ويكى (التكنولوجيا لخلق مواقع تعاونيه), و كلمة encyclopedia (موسوعه). ابتدا جيمى ويلز و لارى سانجر ويكيپيديا فى يناير 2001. ويكبيديا الانجليزى فيها معلومات كتيره قوى.

ويكيپيديا عباره عن مخزن معلومات بيقولوا عليه الكتابه الموسوعيه: الموسوعه اللى ممكن أى حد يعدلها دقيقه ومتكامله ومتنوعه ومفتوحه ومحايده ومجانيه لكل الناس. ممكن اى حد يساهم فى تحريرها. المعلومات دى ناس زيك وزيى حطوها وكتبوها وخلوها موجوده للى عايز يشوفها ويستعملها اكتب كلمه زياده, صلح غلطه فى الكلمه. اعدل جمله مكتوبه مش مظبوط. اكتب مقاله جديده خالص. أهم حاجه انك متخافش من انك تغلط. فى ويكيپيديا مفيش حاجه مينفعش نصلحها لو خربت. لو متعرفش تكتب بطريقه موسوعيه, حاول تترجم من النسخه الانجليزى او نسق مقاله من المقالات اللى محتاجه تنسيق. المشكله مش اللى الناس تقدر تعمله, المشكله ان محدش يعرف انه ممكن يساعد و انهم يقدروا يكتبو و يعدلو.

 ما بتشجعش كتابة مقالات عن نفسك او اصحابك او كتبك او اكتشافاتك او ابداعاتك الشعريه لأن المقالات دى ممكن تكون متحيزه. ويكيپيديا بتستعمل كزا رخصه, منهم Creative Commons.

المشروع ابتدا  فى 15 يناير, 2001. لحقت بسرعه بعدها ويكيپيديا فرنساوى. وبعد كده نسخ كتيره. فيه جهود كبيره لتأكيد الطبيعه الدوليه للمشروع. اعتمدت على  السابقه.

ويكيپيديا انجليزى وصلت لـ 1,000,000 مقاله فى 1 مارس 2006.

فى 20 سبتمبر 2004 وصلت ويكيپيديا لـ 1,000,000 مقاله فى أكتر من 100 لغه. فى حين أن ويكيپيديا انجليزى هى الاكبر بعدد مقالات 2,000,000. فيه 700,000 مقاله فى 190 لغه. البعض ضخم. والبعض مازال فى البدايه. بمقاله او اتنين.

من بداية نوفمبر 2006. فيه 174 نسخه من ويكيپيديا فيها أكتر من 100 مقاله. 51 منها فيها أكتر من 10,000 مقاله. و 17 منها فيها أكتر من 50,000 مقاله. بالنسبه لويكيپيديا انجليزى, ألمانى, فرنساوى, پولاندى, يابانى, هولندى, طليانى, پورتوجالى, سويدى, اسپانى, روسى, و فنلندى فيها أكتر من 100,000 مقاله فى كل واحده.

 مشروع عشان بُنا موسوعات حره بكل لغات العالم وتكون كلها مكتوبه من وجهة نظر محايده.
الموسوعه هى موسوعه محايده و مش مرتبطه بأى دين او اى اتجاه سياسى, موسوعه مفتوحه و محايده و مجانيه للناس كلها. هى مشروع موسوعه متعددة اللغات, مبنيه على الويب (web). بتشغلها مؤسسة ويكيميديا (Wikimedia). اللى بتعتبر منظمه مش ربحيه. ويكيپيديا هى موسوعه ممكن اى يوزر يعدل و يحرر و يبتدى مقالات جديده فيها.

من اول يونيه 2007, فيه 249 نسخه من ويكيپيديا. زياده على كده تلاته للقرايه بس.

الويكيپيديات بعدد مقالات اكبر من 100,000 من 23 فبراير 2007

	




#Article 171: ويكيبيديا مصرى (358 words)


ويكيبيديا مصرى مشروع موسوعه حره اى حد ممكن يساهم فى كتابتها و مكتوبه بالمصرى بطريقه اى مصرى يعرف يقراها. ويكيپيديا مصرى هى النسخه المصرى بتاعة ويكيبيديا, الموسوعه الحره. ويكيپيديا مصرى فيها  مقاله دلوقتى. 

اللغه المصريه الحديثه او المصرى هى اللغه اللى المصريين بيتكلّموها فى مصر, ابتدا تاريخها فى دلتا النيل حوالين بلادها الحضريه زى القاهره وإسكندريه.

اللغه المصريه الحديثه لغه بتتدرس فى جامعات و معاهد كتيره فى العالم و هى لغه بتعترف بيها المنظمه الدوليه للتوحيد القياسى (ISO), و كود اللغه arz بالنسبه لقانون المنظمه الدوليه للتوحيد القياسى (ايزو 639) . كود اللغه اتنشر اول مره فى  ايزو 639-3 اللى  اتنشر يوم 1 فبراير سنة 2007. المصرى لحد دلوقتى مالهاش صفه رسميه من الحكومه المصريه اللى مش بتعترف بيها على انها لغه مستقله. العربى القياسى الحديث و هو تجديد للغه العربى الكلاسيكى, هو اللغه الرسميه فى مصر, بس إبتدا الإهتمام بـ اللغه المحكيّه فى القرن التسعتشار لما كانت الحركه القوميه المصريه الإستقلاليّه بتعمل نشاط.

ويكيپيديا مشروع فى اكتر من 300 لغه علشان تبقى موسوعه . ويكيپيديا مصرى فيها  مقاله دلوقتى, اقتراح النسخه المصريه (ويكيپيديا مصرى) اتحط على الميتا يوم 30 مارس 2008, و صاحب الاقتراح كتب ان قصده توفير مصدر للمعلومات بلغة مفهومه لاى شخص عادى فى مصر عن طريق اقتراح الكتابه بلغه بيتكلمها ملايين و معترف بيها و رمز للمصريين فعلا في الكلام و فيه فى مصر ناس تحب تكتب بيها و ليها مفرداتها و قواعدها. و بعد مناقشه اخدت اكتر من تلات شهور و نص اتوافق عليها.

يوم    عدد مقالات ويكيبيديا مصرى   مقاله و فيها  صفحة و تعديل و  يوزر متسجل و  يوزر نشيط و  إداريين 

طريقة الكتابه مشروحه فى صفحة .

ويكيپيديا مصرى مكتوبه بالمصرى اللى بيتكلمه المصريين و مكتوبه زى ما بيكتبوها فى جواباتهم لبعضيهم و فى حياتهم اليوميه. المصريين بيكتبو المصرى فى الروايات, و المسرحيات, و القصايد الشعبيه و كمان فى المجلات الكوميدى و الإعلانات و شوية جرايد. ممكن الكتابه بالمصرى بأى طريقه طالما أى مصرى ممكن يفهمها. ما دام اليوزر يعرف يكتب بالمصرى ممكن انه يكتب اللى يعرفه فى ويكيپيديا مصرى.

فیه كلام كتیر حصل عن ويكيبيديا مصرى.  ممكن تلخيص الكلام إن فيه اراء مختلفه, هى اما تأیید او اعتراض او محايده.

المؤیدین بیقولو ان:

المعترضین على ويكيپيديا مصرى بيقولو:

المحايدین بيقولو: 




#Article 172: يزيديه (483 words)


اليزيديه (كوردى: ئێزیدی, Êzidî; عربى: يزيدى, ايزدى; سـِريانى: ܓ̰ܠܟܝܐ) هو دين كوردى من اُصول هندو-اوروبيه قديمه. اليزيديين فى الاساس متكلّمين بـ الكوردى و قبل كده كانو بيتكلمو سريانى, علشان بيقولو اصلهم أشورى. و لحد النهارده بيعيشو فى مناطق السريان فى سوريا و العراق و تركيا و عاداتهم زى بعض بالظبط. مايفرقهمش الا اللغه الكوردى دلوقتى, و أغلبهم عايشين فى منطقة موصل فى شمال العراق. فيه مجتمعات مُحافظه فى ترانسكوكازيا و تركيا و سوريا, بس هما قلّو من ال1990ات, و افرادهم هاجرو على اوروبا, و بالذات المانيا . اجمالى عدد اليزيديين فى العالم هو 800 الف و مليون.

مصطلح ”داسنى“ |Dasni| بيستعمل غلط غالباً. فيه قبيله يزيديه كبيره اسمها ”داسنى“. فيه يزيديين كتير تابعين للقبيله, و الكلمتين بيستعملو بدل بعض. اليزيديين مش بيعرّفو نفسهم بـ الكلمتين دول.

اليزيديين عاملين طايفه مهمه من اقليات عراقيه. التقديرات فى حجم طوايف اقليات العراق بتختلف اختلاف كبير, بين 70,000 و 500,000. الطايفيه الجورجيه قلّت جداً (قلّت من 30,000 فى التسعينات لـ 14,000 فى 2008), لكن المجتمعات المحليه فى ارمينيا كانو ثابتين أكتر (شويه 40,000 بالنسبه لـ تعداد 2001). فى روسيا, فيه 31,273 سكان يزيديين (تعداد 2002). فى سوريا, فيه مجموعتين اساسيه, فى الـ”جزيره“ و الـ”كورد دايجى“ |Kurd Daege|, عددهم تقريباً 15,000 واحد. فى تركيا, دلوقتى باقى يزيديين فى شوية مُدن فى جنوب-شرق ديار بكر |Diyarbakir|, فضل طايفه من 80,000 واحد, سنة 1970 (و قلّو لـ 23,000 فى 1985 و 377 فى 2007).

اجمالى عدد اليزيديين بين 200,000 و 300,000 شخص, بس التقديرات بتختلف بالنسبه لـ حجم سكانهم, بسبب سرية التقاليد اليزيديه لما الواحد يسألهم عن معتقدهم الدينى. تقديرات اقل بـ 100,000, و تقديرات عاليه حوالى 700,000. اليزيديين المغتربين هما متركّزين فى المانيا, و عددهم بين 20,000 و 40,000, فى الاساس فى نيدرزاكسن (Niedersachsen) و نوردراين-ڤيستفالن (Nordrhein-Westfalen), أغلبهم من تركيا. فى مجتمعات متشتته أصغر بـ كتير موجودين فى نيديرلاند. فيه مجموعات صغيره جداً موجودين فى بلجيكا, الدنمارك, السويد, فرنسا, سويسرا, المملكه المتحده, امريكا, كندا و اوستراليا, احتمال مجموعهم اقل من 5,000 واحد.

اصول اليزيديه بترجع للشرق القريب فى فترة قبل التاريخ. مع ان اليزيديين بيتكلمو كوردى, دينهم—فرع من اليازدانيه—متأثر جداً بـ من الميثرانيّه القديمه, و التقاليد الدينيه بتاعة بلاد بين النهرين, و المسيحيه و الاسلام. اماكنهم المقدسه الاساسيه موجوده فى لاليش |Laliş| فى شمال موصل. اليزيديين بيسمّو نفسيهم Êzidî او Êzîdî, او فى شوية مناطق Dasinî (الاسم الأخرانى فى الاساس اسم لـ قبيله). فيه شوية علما طلّعو اسم يزيدى من اللغه الايرانى القديمه ”يازاتا“ |yazata| (وجود الاهى), لما تانيين بيقولو ان الاسم متتاخد من الخليفه الأموى يزيد الاول (يزيد بن معاويه بن ابى سفيان), اللى كان اليزيديين بيمجّدوه كـ تجسيد للصوره الالاهيه ”سلطان ازى“ |Sultan Ezi| (الرأى ده ماعادش مقبول بانتشار). اليزيديين نفسيهم بيئمنو ان اسمهم متجاب من كلمة ”الاه“ ييزدان |Yezdan| او ازيد |Êzid|. الممارسات الثقافيه بتاعة اليزيديين باين عليه الكورديه, و تقريباً كلهم بيتكلمو ”كورمانجى“ (كوردى شمالى), ماعاده مدن زى ”باشيقا“ |Bashiqa| و ”باهازانى“ |Bahazane| فى شمال العراق. اللغه ال”كورمانجى“ هى, بـ التقريب, اللغه بتاعة كل التقاليد الدينيه المحكيه بتاعة اليزيديين. عشان كده, اصول الديانه معقده شويه.




#Article 173: يهوديه (435 words)


اليهوديه هى الدين اللى بيؤمن بيه اليهود، فى سنة 2007 اتقدر عدد اليهود فى العالم ب 13.2 مليون واحد منهم 41% عايشين فى دولة اسرائيل. اليهودية هيا ديانة توحيدية مبنية على الاسس و المباديء الاخلاقية المكتوبة فى التوراة( الكتاب المقدس بتاع اليهود-بالعبري التاناخ)و المشروح و المتفسر فى التلمود و نصوص تانية.

اليهودية من اقدم الديانات السماويه
حسب التقاليد اليهودية،الدين اليهودي ابتدا بين الاله اليهودي و ابراهيم ابو الانبياء و جد كل اليهود،اليهود وهو الذيحسب اعتقادهم كتب العهد مع ابراهيم و كل نسله من اليهود من بعده،واظهر الوصايا و القوانين لموسى على جبل سينا فى شكل التوراة المكتوبة و المحكية.

فى القرن التانى عشر الميلادي، أعظم فلاسفة اليهود موسى بن ميمون الأندلسي الاصل المتأثر فى فلسفته بابن رشد، وضع لائحة من ثلاثه عشر مبدأ (المبادئ الثلاثه عشر للايمان) تضم المعتقدات الاساسية للدين اليهودي:

اليهود عندهم 613 وصية من الخالق ، بس الوصايا العشرة لها وضع خاص لأن فى اعتقادهم بان الشعب اليهودي كله سمع الرب و هو يبلغ الوصايا لموسى عن جبل موسى فى سينا فى مصر:

فى العصور الوسطى انقسم اليهود قسمين كبار: اليهود الاشكيناز و اليهود السفرديم. الطايفتين دول يشتركوا فى اغلب المبادئ اليهودية و اللاهوت لكن يختلفوا فى بعض النقاط الثقافية و طريقة العبادات. اليهود الاشكيناز اصلهم من وسط و شرق اوروبا و خصوصا المانيا و بولاندا) و اليهود السفارديم اصلهم من دول البحر المتوسط مثل اسبانيا و البرتغال ثم هاجرو لشمال افريقيا و شرق البحر المتوسط و شمال اوروبا.

في طايفة تالتة كبيرة اسمها اليهود المزراحيين ودول عاشو في الشرق الأوسط قبل اعلان تأسيس الدولة ف مايو 48 ، عددهم دلوقتي تقريبا 3 مليون يعني اقل من النص بشويه بالنسبة لعدد مواطني اسرائيل بالكامل ، كتير منهم كان بيتكلم عربي وفي منهم بيتكلم مصري صرف ومتعرفش تفرقه عن المصريين .

مصر كان فيها التلات طوايف وعددهم تقريبا ايام الحرب العالمية الأولى 100.000 مية الف أغلبهم مواطنين ، تم اضطهادهم وتخوينهم والزج بيهم في السجون وبعدين شلح الجنسية المصرية عنهم في الخمسينات والستينات لان اجهزة الدولة اعتقدت ان ولائهم اصبح لدولة اسرائيل وكمان معدل معاداة السامية كان عالى ف مصر وقتها خصوصا بعد الحرب العالمية التانية ووقوف بعض المصرين مع المانيا ضد بريطانيا في معركة العلمين ، مع ان اغلبهم لما سابو مصر مراحوش على اسرائيل وراحو غالبا على اوروبا وأميركا ، عددهم حاليا في مصر 8 او 10 أشخاص كلهم ستات كبار في السن وملهمش حاخام يصلي بيهم ومبيحصلوش على اي مساعدات من الدولة المصرية ، رئيستهم الحالية واللي بتتولى شئون الطايفة هي السيدة  لكن الدولة المصرية ملزمة بحكم الدستور انها تاخد بالها او توفر الحماية للكنيس اليهودي والتراث اليهودي اللي لسه موجود .

على مر التاريخ ابدع عدد ضخم من اليهود فى المجالات العلميه و الادبيه و الفنيه من ضمنهم :

 




#Article 174: يوتلاند (112 words)


يوتلاند شبه جزيره دانماركيه جزء من الدنمارك و واحده من التلات اجزاء التاريخية للدنمارك ، يوتلاند بتفصل بحر الشمال عن بحر كاتيجات و بحر البلطيق. يوتلاند بتتضمن الجزء الشمالى من المانيا.

يوتلاند على مر التاريخ واحدة من التلات أراضى اللى بتشكل الدنمارك ، والأراضى التانيه هى سكانيا و زيلندا. و قبل كده ، حسب كلام بطليموس كانت وطن القبايل السيلتيك الجرمانية الكيمبريين Cimbri و التوتونيين Teutons و الشاروديين Charudes.

هارالد بلوتوث كان ملك يوتلاند (شبه جزيرة المانيا و الدانمرك) اتولد حوالى سنة 910 و حكم كملك الدانمرك من حوالى سنة 958 و ملك النرويج حوالى سنة 970.

فى الحرب العالمية الأولى ، كانت معركة يوتلاند واحده من اكبر المعارك البحريه فى التاريخ.




#Article 175: يوحنا التالت سوبياسكى (610 words)


يوحنا التالت سوبياسكى (جون سوبيسكى) (17 اغسطس 1629 -- 17 يونيه 1696) ملك بولندا هو واحد من ابرز ملوك الكومنولث البولندى - الليتوانى، كان ملك بولندا والدوق الاكبر من ليتوانيا فى الفتره من 1674 ولحد ما مات. اتميزت فترة عهده 22 سنه باستقرار الكومنولث، بعد الاضطراب.

كان ليوحنا التالت شعبيه بين رعاياه ، كمان كان قائد عسكرى عبقرى ، اشتهر بسب انتصاره على الاتراك فى معركة ڨيينا 1683. بسبب انتصاراته على الامبراطوريه العثمانيه الاتراك، سماه خبراء الامبراطوريه العثمانيه اسد لخستان  (ليخستان الاسم القديم لبولندا)

يوحنا اتولد فى 1629 فى اولسكو ، وهى بلد صغيره قرب ايواو (دلوقتى لفيف ، اوكرانيا) اتخرج من كلية الفلسفه واتعلم الفرنسيه والالمانيه والايطاليه ، اضافة للاتينيه فى اوروبا الغربيه.

لما اتجمعت الجيوش الاوروبية ساب دوق لورين القياده العامه لملك بولندا يوحنا التالت سوبياسكى وكملت استعداداتهم يوم الجمعة 11 سبتمبر بعدما شعروا ان سقوط فيينا مافيش قدامه الا ايام قليلة؛ علشان كده قرر الاوروبيين انهم يعبور جسر الدونه اللى كان بيسيطر عليه العثمانيين بالقوة مهما كلفهم من خسائر، علشان مكنش ممكن يوصلو الامدادات لفيينا من غير عبور جسر الدونه.

فى يوم السبت 12 سبتمبر 1683 م اتقابل الجيشين قدام اسوار فيينا وكان الاوروبيين فرحانين علشان عبرو جسر الدونة من غير خسارة نقطة دم واحده، لكن ده خللاهم على حذر شديد، اما العثمانيون فكانوا زهقانين علشان مقدروش يدخلو فيينا، وفى حالة من الذهول علشان شافو الاوروبيين قدامهم بعد عبور جسر الدونة، بالاضافة لانشغال بعض فرق الجيش بحماية غنايمهم مش القتال لتحقيق النصر، وتوترت العلاقة بين الصدر الاعظم وبعض قواد جيشه وظهرت نتائج ده مع بداية المعركة.

قام مصطفى باشا بهجوم مضاد ، مع معظم قواته ، و اجزاء من النخبه الانكشاريه لغزو المدينة. كان القواد الترك ناوين يحتلوا فيينا قبل وصول يوحنا التالت ولكن الوقت نفد. وضب المهندسين العسكريين الترك تفجير كبير ونهائى علشان توفير امكانيه الوصول الى المدينة. لما الاتراك كانو بيقفلو اكتشف النمساويين الكهف فى فترة ما بعد الظهر. واحد منهم دخل النفق وابطل مفعولها فى الوقت المناسب تماما.

فى الوقت ده ، فى ساحة المعركه ،ابتدت المشاة البولنديه الهجوم على الجهة اليمين لجيش الامبراطوريه العثمانيه و بدل من التركيز على المعركه مع الجيش حاولت قوة الاتراك احتلال المدينة.

كان الجيش العثمانى تعبان ومتشائم بعد فشل كل محاولة استنزاف قوة الاوروبيين ، و وصول سلاح الفرسان الاوروبى حول مجرى المعركه ضدهم ، واضطرهم يتراجعو للجنوب و الشرق. فى اقل من تلات ساعات بعد هجوم سلاح الفرسان ، كسبت القوى المسيحيه المعركه وانقذت فيينا من الاحتلال . و بعد المعركه ،اقتبس يوحنا التالت سوبياسكى واعاد صياغه يوليوس قيصر الشهيرة بالقول veni ، vidi ، الالة vicit -- اتيت ، رايت ، غزاها الله .

معركة ڤيينا كانت نقطة تحول فى صراع امتد 300 سنة بين القوات من اوروبا الوسطى و قوات الامبراطوريه العثمانيه.وبعد المعركه على مدى ستة عشر عاما تمكنت سلالة عائلة هابسبورغ النمساوية تدريجيا لحد كبير اخلاء القوات التركية من الاراضى الجنوبيه والمجر وترانسيلفانيا . اتقتل من العثمانيين حوالى 15000 رجل فى القتال واتقتل من الاوروبيين ما يقرب من 4000 ووضع مصطفى باشا خطة موفقة للانسحاب علشان ما يضاعفش خسايره، واخد الجيش العثمانى معاه اثناء الانسحاب 81 الف اسير, و رغم هزيمة القوات التركية الكاملة لكنهم لقو وقت علشان يدبحو كل مساجين الحرب النمساويين ، ما عدا قله من طبقة النبلاء اللى خدوهم معاهم علشان ياخدو فديه. و خلص الحصار اللى استمر 59 يوما،

فقدت الدولة العثمانية بهزيمتها امام فيينا ديناميكية الهجوم والتوسع فى اوروبا، وكانت الهزيمة نقطة توقف فى تاريخ الدولة. اتحرك جيش التحالف المسيحى لاقتطاع بعض الاجزاء من الاملاك العثمانية فى اوروبا.

معركة جكردلن كانت بين واحد من القادة العثمانيين وقواته البالغة 30 الف مقاتل وبين ملك بولندا يوحنا التالت سوبياسكى وقواته البالغة 60 الف مقاتل، وانتهت بتراجع سوبياسكي، واتوالت المعارك العثمانية فى اوروبا، وفقدت الدولة بعض مراكزها الهامة بسبب هزيمتها امام فيينا اللى كانت هزيمة من النوع التقيل تاريخيا اكتر منه عسكريا.




#Article 176: يورو (156 words)


اليورو € (Euro) هو العملة الرسمية للاتحاد الاوروبي و اليورو الواد متقسم ل 100 يوروسينت. اليورو بتستعمله 18 دولة معروفة باسم منطقة اليورو الدول دي هى النمسا و بلجيكا و قبرص و فينلاندا و فرنسا و المانيا و اليونان و ايرلاندا و ايطاليا و لوكسيمبورج ومالطا و هولاندا و البرتغال و سلوفينيا و سلوفاكيا و اسبانيا و استونيا. و زيادة على الستاشر دولة دول، فى كمان خمس دول بتستعمله بعد ما عملو اتفاقيات خاصة مع الاتحاد الاوروبي و فى كمان ست دول بتستعمله من غير ما ياخدو موافقة الاتحاد الاوروبي.
بدأ اليورو فى الاستعمال فى ا يناير 2002 و دلوقتي منطقة اليورو بتضم 320 مليون انسان اوروبي و فى مارس 2007 بقت منطقة اليورو اكبر اقتصاد على مستوى العالم بعد ما وصل سعر الصرف لليورو قدام الدولار الامريكي 1.56.

الورق اللى بيستعمل فى طباعة اوراق البنكنوت بتاعة اليورو معمول من 100% الياف قطن خالص, و دا بيخليها تعيش فترات اطول و بيديها ملمس ناعم و متميز.




#Article 177: يوسف شاهين (306 words)


يوسف شاهين (25 يناير 1926 - 27 يوليه 2008), مُخرج مصري من مواليد الاسكندرية من ام وأب لبنانيين من شرق لبنان فى مدينة زحله اكبر مدينة كاثوليكية فى الشرق ، اسمهُ الثلاثي يوسف شاهين جبريل.
درس فى كلية فيكتوريا كوليدچ اسكندرية وبعدها راح الولايات المتحدة الامريكية ليدرس صناعة السينما فى دار پاسادينا پلاي هاوس لمدة سنتين.

اوّل فيلم أخرجهُ كان بابا امين سنة 1950.
 
وأول ظهور له فى السينما كَـ ممثل كان فى فيلم اسماعيل ياسين فى الطيران. وكانت مشاهد قليلة، واِللي كان فيها الجملة المشهورة: هايل يا سُمعة، كمان مرّة.. عايز ضرب واقعي.

يوم 15 يونيه 2008 جاله نزيف فى المخ. واليوم اللى بعده دخل فى غيبوبه ودخلوه مستشفى الشروق اللى فى القاهرة بعدها اتنقل بـطياره اسعافات المانيه خاصه لـپاريس ودخل المستشفى الأمريكى اللى فيها و بعد ِما عملو له عمليه هناك، نقلوه يوم 17 يوليو— تانى للقاهره فى مستشفى القوات المسلحه اللى فى المعادى و فضل فى غيبوبه لحد ِما مات يوم 27 يوليه 2008. قبل وفاة المخرج العالمي شاهين قام بزيارة لبنان ووعده وقتها رئيس بلدية مسقط رأسه بأنه هيسمي اسم شارع فى منطقة زحلة على اسمه فى سنة 2002. وفعلا عند وفاة شاهين قامة كنائس لبنان بصلوات علشان خاطره فى مناطق عدة لكن اغلبيتها كانت فى زحلة.

فاز يوسف شاهين سنة 1997 بجايزة السعفة الدهبية من مهرجان كان السينيمائى عن كل اعماله، و كمان خد اوسمة و جوايز تانية كتيره ، واتلمذ على ايده مخرجين زي خالد يوسف و على بدرخان. بيتقال كمان انه هو اول واحد يكتشف الممثل المصري العالمي عمر الشريف و يقنعه انه يبتدي يمثل فى السينيما. الفيلم التاريخى الناصر صلاح الدين (1963) عن حروب صلاح الدين الأيوبى ضد الصليبيين بيعتبر من أضخم افلامه و شاركت فيه نخبه من أحسن ممثلين مصر.

الرئيس الفرنسي نيكولا ساركوزي وصف يوسف شاهين بأنه مُفكر صاحب استقلاليّة كبيرة، وهو مُدافع كبير عن تزاوج الثقافات.

 
أخد جايزة اليوبيل الذهبي لـمهرجان كان عن فيلم المصير




#Article 178: ڤينيسيا (473 words)


ڤينيسيا ( Venesia;  Venezia,  ) هى مدينه فى شمال ايطاليا, عاصمة منطقة ڤينيتو, و سكانها 271,251 (تعداد 1 يناير - 2004). لما تحتسب مع المنطقه المجاوره لها بادوڤا, منطقة بادوڤا -ڤينيسيا سكانها 1.6 مليون. و تعرف ڤينيسيا باسم ملكة الادرياتيكي, و مدينة المياه, مدينة الجسور, و مدينة النور.

مدينة ڤينيسيا مبنيه على 117 من الجزر الصغيره اللى تفصل بينها 150 قناه. بحيره ڤينيسيا فى المستنقعات على طول البحر الادرياتيكى فى شمال شرق ايطاليا. ڤينيسيا كانت جمهوريه خلال العصور الوسطى وعصر النهضه اسمها جمهورية ڤينيسيا, ونقطة انطلاق للحروب الصليبيه, ومعركة ليبانتو, وكمان مركز تجاره مهم جدا (وخصوصا الحرير, وتجارة الحبوب والتوابل) و ڤينيسيا كانت مركز للفن فى القرن التالت عشر وحتى نهاية القرن السابع عشر. ومن المعروف عن ڤينيسيا تأثيرها الفنى المهم ، و تحديداً عصر النهضة . و لعبت دور مهم فى تاريخ الموسيقى السمفونية والأوبرالية ، و ڤينيسيا هي مسقط رأس أنطونيو ڤيڤالدى.

المبانى فى مدينة ڤينيسيا قديمه جدا وجذابه, المبانى والقنوات خللت ڤينيسيا واحده من اشهر المدن فى العالم. اكتر معالم ڤينيسيا شهره جسر ريالتو, و كاتدرائية سان ماركو و قصر رئيس القضاه و جسر التنهدات و كنيسة بازيليكا سانتا ماريا دى جلوروسيا دى فرارى

اصل اسم ڤينيسيا من اسم شعب ڤينيتى, و قد یكون هو نفسه شعب إينیتی (Eneti - Ενετοί) الذي كتب عنه هوميروس و قد یكون فیه صلة لاسم ڤينيسيا من الكلمة اللاتينی (venetus), بمعنى 'البحر الأزرق'.

على الرغم من انه لا توجد سجلات تاريخيه عن اصول ڤينيسيا, لكن الادله المتوفره جعلت مؤرخين كتر يجمعو على ان سكان ڤينيسيا الاصليين هم لاجئيين من المدن الرومانيه مثل بادوڤا و كونكورديا هربانين من موجات متتاليه من غزوات القبائل الجرمانيه.

بين سنة 166 و سنة 168, دمرت قبائل القوادى الجرمانيه المركز الرئيسى فى المنطقه و دمرت قبائل القوط الغربيين الدفاعات الرومانيه مره اخرى فى بداية القرن الخامس, وبعد حوالى 50 سنه, دمرت قبائل الهانيه بقيادة اتيلا دفاعات ڤينيسيا. شارلمان كان معادى ڤينيسيا فى البدايه و حاول يخضع المدينه لحكمه. سنة 828 زادت هيبه ڤينيسيا بعد سرقة جسد القديس مار مرقس الرسول من الاسكندرية لما اخده بعض التجار من ڤينيسيا وابحروا به إلى مدينة ڤينيسيا و هناك استقبلوا الجسد باحتفال كبير و وضعوه فى الكاتدرائية الجديدة واتسمت باسم مارمرقس كنيسة مارمرقس والتي تتميز بقبابها الخمسة وبرجها المرتفع 100 متر وكان مقر البطركيه قد اتنقل لريالتو فى ڤينيسيا.

واصل مجتمع ڤينيسيا التطور و قلت قوة السلطة البيزنطيه وهذا قد ادى لنمو الحكم الذاتى و الاستقلال فى نهاية المطاف. استولت جمهورية ڤينيسيا على عدد من المواقع على السواحل الشرقية من البحر الادرياتيكي قبل 1200, معظمهم لأسباب تجارية, بحجة ان القراصنه هناك خطر على التجارة.و بعد الحمله الصليبيه الرابعه سيطرت ڤينيسيا على القسطنطينيه سنة 1204 و أنشإت الامبراطوريه اللاتينيه

جمهورية ڤينيسيا بقيت مستقله لمدة 1070 سنه، و خسرت استقلالها لما احتلها نابليون بونابرت يوم 12 مايو سنة 1797،

جمهورية ڤينيسيا كانت هى اول بلد تحط لايحة تطبق بمقتضاها مفهوم لامتيازات التجاره و براءات الاختراع 

ڤينيسيا معروفه صناعة الزجاج اسمه زجاج ڤينيسيا مشهور بألوانه و تفاصيله.




#Article 179: كوبينهاجين (193 words)


كوپينهاجين ( København  او ;  Kopenhagen) هى العاصمة واكبر مدينة فى الدنمارك. و كوبينهاجين مبنية على جزر زيلندا و Amager و بيفصلها مضيق Øresund من مالمو فى السويد.

فى مؤشر مراكز التجارة على الصعيد العالمى فى سنه 2008، اللى نشرته ماستر كارد، كوپينهاجين جت فى المرتبة 14 فى العالم و المرتبة الاولى فى الدول الاسكندنافية.

اتوصفت مدينة كوپينهاجين بأنها پاريس الشمال بسبب تصميمها و جمالها.

و عدد سكان مدينة كوپينهاجين 656582 فى بداية 2008.

مناخ كوپينهاجين مناخ محيطى رائع جدا. و بالرغم من موقعها فى الشمال، المناخ معتدل نسبيا بالمقارنه مع مواقع مماثله فى خط العرض، و ذللك بسبب تيار الخليج.

الصيف حار مع ارتفاع متوسط درجات الحراره لحوالى 21 درجه مئويه وأقل مستوياته 13 °C، و لكن احياناً ممكن ان تتعدى درجات الحراره 25 درجة مئويه و موجات الحر شائعه فى الصيف. الشتاء برد، و درجات الحراره من –2 ل 4 °C، و تشابه مدينة نيو يورك.

نزول المطر معتدل طول السنه، و ينزل الثلج من ديسمبر الى مارس، لكن الثلج لا يستمرلفترة طويلة.

نحتاج معلومات اكثر اذا امكن..

كوپينهاجين بتتكون من عدة مجتمعات حضرية ( بلديات).البلدية المركزية واكبر بلدية هى بلدية كوپينهاجين، و ثاني اكبر بلدية فريدريكسبرج: بلدية داخل بلدية كوپينهاجين.




#Article 180: ليستة القنوات المصريه (418 words)


مصر معروفه بـ الاهرامات و حضاراتها القديمه, مصر لعبت دور أساسى فى سياسة الشرق الأوسط فى العصر الحديث. تليڤزيون مصر هو اول تليڤزيون يبث ارساله فى الشرق الأوسط و افريقيا.

قبل سنة 1952 جه لمصر 15 راجل من ابرز الفنيين اللى بيشتغلو فى شركة التليڤزيون الفرنساوى, و معاهم 12 طن من الاجهزه اللى بتتكون منها احدث محطة تليڤزيون النيل اللى اتنشأت فى الدور الخامس فى مبنى السنترال الجديد فى العمارة اللى قصاد محطة باب اللوق. و بدأت التجربه بصوره للملك فاروق. بعدين بالقرآن بصوت الشيخ الشعشاعي. و قدم نشرة الأخبار الاستاذ على الراعى — كبير المذيعين — و اما الكحلاوى هو اول مطرب مصرى يظهر على شاشة التليڤزيون و غنى قدام الشاشه الجديده اغنيته البدويه و شوية مواويل.

التليڤزيون المصرى اتأسس فى أواخر 1959. لما وقعت السلطه المصريه عقد مع هيئة الاذاعه الامريكيه RCA عشان تدّيهم شبكة تليڤزيون, مشروع مركز الاذاعه و التليڤزيون خلص فى 1960. و كان اول ارسال تلفيزيون مصرى فى 21 يوليه 1960.

القنوات المصرية بيتقسمو لـ قسمين:
قنوات القطاع العام (حكوميه) و قنوات القطاع الخاص.

هو اتحاد الاذاعه و التليڤزيون المصرى اللى بيجمع القنوات المصرية الرسمية. القناة الفضائية المصرية و قنوات النيل المتخصصه هما مملوكين للحكومه و تحت اشراف حكومى مباشر.

نايلسات هو اسم شركه مصريه و اسم سلسلة اقمار صناعيه نايلسات 101, نايلسات 102, نايلسات 103, نايلسات 201 (هينطلق فى سنة 2010). كل القنوات الفضائيه و المتخصصه المصريه بتتذاع على النايلسات. اول قمر فيهم انطلق 31 مايو سنة 1998. و اول قمر صناعى فى الشرق الأوسط و شمال افريقيا يذيع بالبث الديجيتال.

فيه من القنوات المصريه بتتذاع على النايلسات و فيه منهم بيتذاعو على شوية اقمار صناعيه تانيه مع النايلسات, و فيه قنوات مش بتتذاع على النايلسات.

من اول ما التليڤزيون المصرى اتأسس, و هو دايماً بيُعتبر صوت الحكومه المصريه و الحزب الحاكم. اتحاد الاذاعه و التليڤزيون و رؤساء قطاع التليڤزيون بيتعينو من وزير الاعلام. القنوات الارضيه, و القناه الفضائيه المصريه و قنوات النيل المتخصصه هما مملوكين للحكومه و تحت اشراف حكومى مباشر. القنوات الخاصه عندها حريه أكتر, بس بـ حدود. بالنسبه لـ دراسه عملها معهد القاهره لحقوق الانسان (CIRS), لما كانت الانتخابات الرياسيه بتتعمل, القنوات الحكوميه و المستقلّه بتدّى كانت بتدّى وقت وقت أطول عشان تغطى حملة مبارك الانتخابيه أكتر من باقى المرشّحين ال9 . مثال تانى: منع الصحفى المصرى المشهور محمد حسنين هيكل من الظهور على قناة دريم. قناة دريم كانت ذاعت محاضره لـ هيكل كان قالها فى الجامعه الامريكيه فى القاهره و علّق على تكهّنات للرياسه فى مصر . بالنسبه لـ تقرير سنة 2008 بتاع RWB(مراسلون بلا حدود); الاعلام المصرى بيتصدر رقم 146 من 173 بلد, فى حرية الصحافه .




#Article 181: بلجيكا (136 words)


بلچيكا (België بـ الهولندى, Belgique بـ الفرنساوى, Belgien بـ الألمانى) هى بلد فى اوروبا و من الإتحاد الاوروبى. هى قريبة من فرنسا, لوكسمبورج, ألمانيا و نـيـديـرلاند. عاصمتها هى بروكسل.

بلچيكا فيها تلات مناطق : فلاندرين فى النص الشمالى بتاع بلچيكا (اللى بيتكلمو فيها هولندى بلچيكى و نيديرلاندى), والونيا فى النص الجنوبى (أغلب سكانها بيتكلمو فرنساوى فى النص الجنوبى), و منطقة بروكسل-العاصمه اللى فى النص (اللى بيتكلمو فيها نيديرلاندى و فرنساوى).

جوّا والونيا فيه طايفه بتتكلم ألمانى. الطايفة عندها الپرلمان و الحكومة الخاصه بتاعتهُ, بس مش بـ قوّة الناس بتوع فلاندر و بتوع والونيا.

بلچيكا مشهوره بـ جودة شوكولاته عاليه, و البطاطس المقليه, و الكـُتـُب الكوميديه, و انواع كتيره من البيره.

اكبر مدينه هى بروكسل, انتويرب هى مدينة و بلدية و عاصمة مقاطعة انتويرب فى فلاندرز, واحدة من تلات مناطق فى بلچيكا. برووچ, لوڤان, جينت, لييچ كارليسرو.




#Article 182: الاعلان العالمى لحقوق الانسان (900 words)


الاعلان العالمى لحقوق الانسان (UDHR) متترجم لأكتر من 300 لغه. و ده عدد لغات أكتر من أى وثيقه تانيه بالنسبه لـ موسوعة جينيس للأرقام القياسيه.

الاعلان العالمى لحقوق الانسان معمول من 30 ماده. كل ماده بتقول فكره عن حقوق الانسان. معظم الناس بيعتقدو ان دول هما أهم الأفكار:

اما كان الاعتراف بـ الكرامه الأصيله فى كل أعضاء العيله البشريه و بـ حقوقهم المتساويه الثابته هو أساس الحريه و العدل و السلام فى العالم.

و اما كان نسيان حقوق الانسان و اهانتها وصّلو لأعمال همجيه أذت الضمير الانسانى.

و اما كان ضرورى ان القانون يحمى حقوق الانسان عشان ماتضطرش الناس فى النهايه انها تتمرد على الاستبداد و الظلم.

و اما كانت شعوب الاُمم المتحده أكدت تانى فى الميثاق ايمانها بـ حقوق الانسان الأساسيه و بـ كرامه الفرد و تقديرهُ و الحقوق المتساويه بين الرجاله والستات, و أكدت على انها تزؤ التقدم الاجتماعى لـ قدام و على انها تعلّى مستوا الحياه, فى جو اكبر من الحريه.

و اما كانت الدول الأعضاء اتعهدت بـ التعاون مع الاُمم المتحده على ضمن مراعاة حقوق الانسان و الحريات الأساسيه و احترامها.

و اما كان للادراك العام للحقوق و الحريات دى الأهميه الكبيره للوفاء الكامل للتعهّد ده.

فـ عشان كده الجمعيه العامه يتنادى بـ الاعلان العالمى ده لـ حقوق الانسان.

على انه المستوا المشترك اللى لازم كل الشعوب و الاُمم توصللهُ, عشان كل واحد و كل هيئه فى المجتمع و هما حاطّين الاعلان ده قدام عينيهم, يبقو عايزين يشجّعو احترام الحقوق و الحريات دى, بـ التعليم و التربيه و أخد اجراءات مضمونه, قوميه و عالميه, عشان تضمن الاعتراف بيها و حمايتها بـ صورَه عالميه مؤثّره بين الدول الأعضاء نفسها و شعوب المناطق الخاضعه لـ سلطانهم.

كل الناس بيتولدو حرين و متساوين فى الكرامه و الحقوق. اتوهبلهم عقل و ضمير و لازم يعاملو بعض بـ روح أخويه.

كل انسان له حق يتمتع بـ كل الحقوق و الحريات اللى موجوده فى الاعلان ده, من-غير أى تمييز, زى التمييز بـ سبب السلاله أو اللون أو الجنس أو اللغه أو الدين أو الرأى السياسى أو أى رأى تانى, أو الأصل الوطنى أو الاجتماعى أو الثروه أو الميلاد أو أى وضع تانى, من غير أى تفرقه بين الرجاله و الستات.

كل واحد له الحق فى الحياه و الحريه و سلامتهُ.

ماحدش ينفع يمتلك أو يستعبد أى شخص. امتلاك و تجارة العبيد لازم يتمنعو بـ كل أشكالهم.

ماحدش ينفع يتعرض للتعذيب ولا للعقوبات أو المعاملات القاسيه أو المتوحشه أو اللى بتهين الكرامه.

كل انسان له الحق انهُ يعترف بيه كـ شخصي قدام القانون فى أى مكان ممكن يكون فيه.

كل الناس زى بعض قدام القانون و ليهم الحق فى الاستفاده بـ حمايه متساويه ليهم من-غير أى تفرقه, زى ما كلهم ليهم الحق فى حمايه متساويه ضد أى تمييز يتحيّز بالنسبه للاعلان ده, و ضد أى تحريض على تمييز زى ده.
لـ كل شخص الحق فى انهُ يلجأ للمحاكم الوطنيه عشان تحميه من أعمال فيها اعتداء على الحقوق الأساسيه اللى القانون ادّاهالهُ.

كل شخص له الحق فى انهُ يلجأ للمحاكم الوطنيه عشان تحميه من أعمال فيها اعتداء على الحقوق الأساسيه اللى القانون ادّاهالهُ.

ماحدش ينفع يتعرض للقبض, الحبس أو النَفى بالغصب.

الناس كلها ليها الحق بـ التساوى, فى تحديد حقوقها و اِلتزاماتها و أى تُهمَه جنائيه تتوجّهلها فى محاكمه عادله و علنيّه من محكمَه مستقلّه و مش متحيّزه.

ماحدش ينفع يتعرض لـ تدخّل اجبارى فى حياتهُ الخاصّه أو عيلتهُ أو بيتهُ أو مراسلاتهُ أو لـ حملات على شرفهُ و سمعتهُ. و كل واحد له الحق فى حماية القانون من تدخّل زى ده أو الحملات دى.

كل شخص له الحق فى حرية التفكير و الضمير و الدين. و كمان حرية تغيير ديانتهُ أو عقيدتهُ, و حرية اظهارها بـ التعليم و الممارسه و العباده و الالتزام بيها سواء كان ده سر أو مع الجماعه.

كل شخص له الحق فى حرية الرأى و التعبير; و كمان حرية اعتناق الآراء من-غير أى تدخل، و يدوّر و يستقبل و يتكلّم عن المعلومات و الأفكار بأى وسيله من-غير التقييد بـ الحدود الجغرافيه.

كل واحد, كـ فرد فى المجتمع, له الحق فى الأمانه الاجتماعيه, عن-طريق المجهودات القوميه و التعاون الدولى - بالنسبه للتنظيم و الموارد لـ كل دوله; لازم يبقى عارف الحقوق الاقتصاديه و الاجتماعيه و الثقافيه بتاعتهُ, اللى مافيش غـِنا عنها عشان كرامتهُ و عشان النمو الحُر لـ شخصيتهُ.

كل شخص له الحق للراحه و وقت فراغ, و بردو فى تحديد وقت معقول لـ ساعات الشغل و فى أجازات-كل-شويه مدفوعه.

كل واحد له من حقهُ نظام اجتماعى دولى يحققلهُ الحقوق و الحريات اللى مكتوبه فى الاعلان ده, بـ تحقيق كامل.

مافيش فى الاعلان ده نَص ينفع يتحوّر على انهُ يدّى لـ دوله أو جماعه أو فرد, أى حق فى عمل نشاط أو عمل, هدفهُ هَد الحقوق و الحريات اللى موجوده فيه.

دول اسلاميه زى السودان و پاكستان وايران و السعوديه انتقدو الاعلان العالمى لحقوق الانسان لانه من وجهة نظرهم مش بيتماشى مع ثقافة و دين الدول الاسلامية اللى مش بتعترف بالمساواه بين الراجل و الست ولا بحرية تغيير الانسان لدينه. و فـ سنة 1982 أعلن سعيد رجائى خراسانى ممثل ايران فى الأمم المتحده موقف بلده السياسى من الاعلان العالمى لحقوق الانسان، و قال ان الاعلان العالمى لحقوق الانسان كان فهم علمانى للمعتقدات اليهودية و المسيحية و مش ممكن المسلمين يطبقوه من غير تعدى على الشريعه الاسلاميه. و فى 30 يونيه سنة 2000, قرر أعضاء منظمة المؤتمر الاسلامى الموافقه على اعلان القاهرة لحقوق الانسان فى الاسلام, و الاعلان ده يعتبر وثيقة بديله للاعلان العالمى لحقوق الانسان خاصه بالدول الاسلاميه. الوثيقه بتقول ان الناس ليها الحق فى الحرية و الحق فى حياة كريمة حسب أحكام الشريعه الاسلاميه، لكن مش بتعترف بحرية تغيير الدين, ولا مساواة الست بالراجل, ولا بالحيادية عند مقارنة الأديان.




#Article 183: الدوله المملوكيه (5789 words)


فكرة الاستعانه بالمماليك في الشرق الأدنى بدت من أيام العباسيين. و أول واحد استخدمهم كان الخليفه المأمون. الخليفه المعتصم جاب تركمان وحطهم في الجيش عشان يعزز مكانته بعد ما فقد الثقة في العرب وفي الفرس اللى قامت عليهم الدولة العباسية، ودى كات حاجه جديده شجعت الخلفا والحكام التانيين اللي جم بعده انهم يعملوا نفس الموضوع. حكام مصر الطولونيين و الاخشيديين و الفاطميين استخدموا المماليك. أحمد ابن طولون (835-884م) كان بيشترى مماليك الديلم، ودول كانوا من جنوب بحر قزوين، ووصل عددهم لبتاع 24 ألف تركى و ألف اسود و 7 آلاف مرتزق حر.

لما ا اتاسست الدوله الاخشيديه، محمد بن طغج الاخشيد جاب تراكوه من الديلم، وكان عددهم كبير بتاع 400 ألف وعليهم حراسه الشخصيين اللي كانوا بتاع 8 آلاف مملوك.

الفاطميين كانوا محتاجين جيش كبير يقووا بيه نفسهم فى مصر ويعينهم ع التوسع في الشرق. جيشهم فى الاولانى كان من المغاربه لكن لما خشوا مصر زودوا عليه عساكر تراكوه وديلم وسودانيين وبربر.

أياميها المماليك دول كانوا رجاله كبار متعودين ع الحروب وشيل السيوف، ومعظمهم خشوا النظام ده بنفسهم عشان يكسبوا قرشين. لما جه السلطان الصالح نجم الدين أيوب في أواخر العصر الأيوبي النظام ده اتغير وبقاله شكل تاني.

لما الايوبيين خدوا السلطه اتوسعوا فى شرا المماليك التراكوه (اسم تركى اياميها كان اسم سنه بيشمل شعوب كتيره مش اتراك تركيا الحاليه). الأيوبيه زى صلاح الدين الأيوبى كانوا بيجيبوا عساكر مماليك متدربه جاهز وواخدين ع الحروب. لكن لما الصالح نجم الدين أيوب وصل الحكم الموضوع كبر واتطور، وبقى يشترى مماليك صغيرين فى السن ما يعرفوش لا فى الحرب ولا فى شيل السيوف. وبنى ليهم معسكرات وبراج في جزيرة الروضه فى القاهره وقعدهم هناك وياه بعد ما عزل من قلعة الجبل. واتربوا المماليك دول من صغرهم على ايديه، وعمل ليهم طريقة عيشه مخصوصه ونظام تدريب معين، وكان بيراعيهم زي والد، فطلعوا بيحبوه و مخلصين ليه.

اللى خلى الصالح أيوب يعمل كده انه أيام صراعاته مع أيوبية الشام اتخلى عنه عساكره، والعسكر الخوارزميه اللى كان بيأجرهم بالفلوس، فلما بقى سلطان قال بدل المرتزقه الكبار دول اللى ولائهم للفلوس وبس، أحسن يجيب مماليك صغيرين فى السن يتربوا على ايديه ويطلعوا قلبهم عليه وولائهم ليه وبس.

الصالح أيوب ساب قلعة الجبل و خد أهله ومماليكه وعزل على جزيرة الروضة اللى بنى فيها قلعه وسرايات وأسوار وبراج وعباها بالسلاح والحراريق. وسمى المماليك بتوعه المماليك البحرية. وسبب التسميه دى انهم كانوا عايشين في جزيره في النيل (بحر النيل)،أو لانهم جم من بلاد ورا البحر. والمماليك البحريه دول بقوا يتنسبوا للصالح أيوب ويتلقبوا باسمه، فكان يتقال عنهم المماليك الصالحيه النجميه، ويتضاف لأساميهم لقب الصالحى النجمى، زى أيبك الصالحى النجمى، والظاهر بيبرس الصالحى النجمى، وقلاوون الصالحى النجمى، وغيرهم كتير.

بعد ما اتوفى السلطان الصالح أيوب فى المنصوره، ومصر قايمه فيها حرب ضد الفرنج . بقيادة لويس التاسع ملك فرنسا اللى غزوا دمياط وكانوا ناوين يهجموا ع القاهرة، المماليك بتوعه قتلوا ابنه توران شاه اللى بعتوا جابوه من حصن كيفا بعد ماابوه مامات عشان يمسك البلد بدل أبوه ويقود الجيش، وبعد الحرب ما خلصت واتقبض على لويس التاسع، اتكبر عليهم وعلى مرات أبوه شجر الدر فراحوا قاتلينه فى فارسكور وبقت البلد من غير سلطان. فراح المماليك متفقين على تسليم الحكم لشجر الدر أرملة الصالح أيوب وعملوها سلطانه بصفتها مرات السلطان المتوفي وأم ابنه خليل اللى برضه كان متوفى، و لانها قدرت تحمي مصر و تسيرها في ظروف صعبة جداً. طبعاً الأيوبيه في الشام ما عجبهومش الكلام ده اللى حا يضيع عليهم العرش، فاتصلوا بالخليفه العباسى المستعصم بالله فى بغداد فراح مشيع جواب لمصر يقولهم ازاى تعملوا واحدة ست سلطانه عليكم؟ اذا كنتوا محتاجين رجاله نبعت لكوا من عندنا. ومن العبر ان شجر الدر دى حكمت مصر فى فتره حرجه وقدرت انها تهزم الفرنج وتحمى مصر بشطارتها ونباهتها، والمستعصم ده ماقدرش يحمى بغداد من المغول وبقى يبعتلهم فى هدايا وفلوس لغاية ما دخلوا بغداد طربقوها وقبضوا عليه وأعدموه هوه و رجالته.

المماليك فكروا يعملوا ايه لانهم كانوا لسه محتاجين تأييد الخليفه وعايزين يرضوه، فهداهم تفكيرهم ان شجر الدر تتجوز واحد منهم وتتنازل ليه عن العرش. فأختاروا الأمير عز الدين أيبك فأتجوزها وبقى سلطان، وأيبك بكده بيعتبره المؤرخين أول سلطان مملوكى على مصر. وبعد شوية لقى نفسه ولا بيحكم ولابتاع ومراته الجديده شجر الدر هى اللى بتحكم والبحريه ماسكين كل حاجه فى البلد، فراح طايح فيهم وقاتل زعيمهم فارس الدين أقطاى الجمدار، فهربوا على الشام والكرك، وكان من ضمنهم بيبرس البندقدارى اللى بقى سلطان سنه 1260م و قلاوون الألفى اللى برضه اتسلطن بعد بيبرس وعياله السعيد بركه و سلامش.

فى عصر الدوله المملوكيه اتطور نظام المماليك فى مصر وبقى المملوك اللى بياخد الاماره ويبقى أمير ممكن انه يشترى ويجيب مماليك جداد لحسابه الشخصى وينسبهم ليه، بس بشرط ان هوه ومماليكه الجداد دول يبقوا موالين للسلطان. لكن ولائهم للأمير صاحبهم كان أهم من ولائهم للسلطان بحيث انه اذا الأمير خلع من السلطان وما بقاش موالى ليه هما كمان يخلعوا معاه.

رتبة المملوك وتميزه كان مرتبط بشطارته وشجاعته وولائه، والحرس السلطاني (المماليك السلطانيه) كانوا الخلاصه وأعلى طبقة من المماليك. ودول كانوا القريبين من السلطان، وبتوع السلطة، والمترشحين للوظايف الكبيرة، وحتى لوظيفة السلطان نفسها بعد ما يموت السلطان أو يتخلع.

كات حالة الرخاء فى مصر بتخلى الناس تبيع عيالها لسلطان مصر والامرا عشان يتمتعوا ويتهنوا بالعيشه فى مصر. وبقت التجاره مربحه وبقوا التجار رايحين جايين بين مصر وبلاد الشرق الأوسط يوردوا مماليك ويقبضوا، وكان فيه تجار فى أوروبا عرفوا السكة وراحوا يوردوا أوروبيين، بس بابا الكاتوليك ما عجبهوش الموضوع وطلب التصدى للتجار الأوربيين دول.

المماليك بقوا يعينوا المماليك الجداد فى الجيش ويعينوا ولادهم (ولاد الناس) فى الوظايف الكتابيه والاداريه فى الدواوين. واتكونت من المماليك طبقه ارستقراطيه متقسمه على الامرا لكن النظام الأرستقراطى كان رابطهم كلهم ببعض.

سلاطين مصر اللي جم بعد الجيل الأولاني زي أولاد بيبرس و أولاد قلاوون و أحفاده زي الأشرف خليل و الناصر محمد اتولدوا في مصر و اتمصروا و كانوا بيتكلموا بالمصري و عاداتهم و ثقافتهم مصريه. و نفس الكلام بالنسبه لأولاد الأمرا ما كانش ليهم غير مصر وطن. و وقت الحروب و المعارك كان الأعداء بيسموهم المصريين وده نفس موقف المؤرخين الغربيين في التعامل مع المماليك بعكس الكتابات العربيه غير المصريه اللي بتحاول فصل المماليك عن مصر و عن ثقافتها و تاريخها لتصوير انتصاراتهم على انها ما كانتش مصريه على الرغم من ان عدد المماليك كان صغير في الجيش المصري أياميها و على الرغم من ان المماليك كانوا مصريين لغة و ثقافة .

نظام الحكم المملوكى بدأ بسلطنة واحده ست هى شجر الدر و دى كانت حاجه جديده فى مصر ما حصلتش من أيام الملكه كليوباترا السابعه اللى اتوفت سنه 30 قبل الميلاد. و من ناحيه تانيه النظام المملوكى عمل تطوير كبير فى نظم الحكم على مستوى العالم حيث ان النظام ماكانش قايم على التوريث لكن على اختيار الحاكم و دى كانت حاجه جديده مش على مستوى مصر و الشرق الاوسط بس لكن على مستوى العالم فى العصور الوسطى.

الدوله المملوكيه كات منظمه جداً. والمماليك دخلوا أساليب جديده للاداره ومصطلحات ماكنتش موجوده فى مصر قبل كده. على قمة هرم السلطه كان السلطان راس الدوله اللى متربع على العرش بتفويض من الخليفه العباسى. ولما المغول هدوا بغداد واحتلوها و قتلوا الخليفه المستعصم، الظاهر بيبرس عين خليفه بداله فى القاهره عشان يدى شرعيه لحكم المماليك . وبتفويض الخليفه بقى السلطان فى ايده كل حاجه ومعاه كل السلطات التشريعيه والتنفيذيه والقضائيه. بس السلطان كان مسنود على قوة مماليكه وولائهم ليه و قدرتهم على كبح جماح مماليك الأمرا. عشان كده تاريخ الدوله المملوكيه كان مليان بسلاطين نصبوا نفسهم بعد ما اتمكنوا من السلطه الفعليه وخلوا السلطان مجرد لعبه في ايديهم لغاية ما قدروا يخلعوه، بنفيه أو بقتله لو عصلج، ويقعدوا مكانه. زى ما حصل للسلطان السعيد بركه ابن الظاهر بيبرس اللى عزله قلاوون وحط مكانه أخوه الصغير سُلامش، لغاية ما اتمكن هوه وممالكيه وعزلوه هوه التانى، وقعد قلاوون على العرش. وزى ما حصل لابنه السلطان الناصر محمد من كتبغا و بيبرس الجاشنكير. و دى كانت حاجات موجوده و بيحصل أكتر منها فى كل الممالك زمان و مش بدعه مملوكيه. السلطنه فى نظام الحكم المملوكى ماكانتش بالتوريث. صحيح فيه ولاد سلاطين ورثوا الحكم زى السعيد بركة و سًلامش ولاد الظاهر بيبرس، وبعد كده ولاد وأحفاد السلطان قلاوون، ولكن العادة ان ولاد السلاطين دول كانوا بيتحطوا على العرش لغاية ما الأحوال ما تهدى، وبعد كده كانوا بيتخلعوا ويقعد مكانهم أمير قوى، اللى فى الأصل كان عادة نايب السلطنه والحاكم الحقيقى. مسك الحكم ما كانش قايم على توريث الحكم أو التفويض الشعبى لكن على التنافس بين الأمرا على عرش السلطنه  ، لكن كان عادة بتفويض الأمرا اللى كانوا بيجتمعوا و بيتفقوا على تنصيب السلطان ، و بطبيعة الحال الأمير اللى كانوا بيختاروه كان اقواهم و ليه اتباع كتار ، أو اضعفهم فيقعدوه على العرش و ينظموا هما براحتهم شئون البلاد.

الحرس السلطانى (المماليك السلطانيه) أو الخاصكيه كانوا أهم المماليك بالنسبه للدوله السلطانيه. ودول طبعاً كان السلطان بيهتم بيهم و يروقهم وينفذلهم كل طلباتهم، وكان بيديهم هدايا واقطاعات عشان يرضيهم ويبقوا معاه، لان سلطنته وحياته نفسها كات متوقفه عليهم. وكان رئيس الحرس السلطانى بيعتبر حاكم بجد وله المماليك بتوعه وقواده اللى تحت ايديه كانوا بيتعينوا فى وظايف مهمه زى وظيفة الدوادار، وده اللى كان مسئول عن نقل البوسطه السلطانيه بين جهات الدوله، وكان بيشرف على مراكز البوسطه والحمام الزاجل (البريد الجوي) وكمان كان معاه ختم السلطان بيمضى بيه على الجوابات والمستندات السلطانيه، ووقت غياب السلطان عن مصر كان بيمسك الحكم. والمؤرخ الكبير بيبرس الدوادار كان واحد منهم. وساعات رئيس الحرس السلطانى كان بيكون دوادار السلطان. الدوادار كان تبع ديوان أمير القلم وده كان قلم فى ديوان الانشا اللى كان مسئول عن علاقات مصر بالبلاد التانيه، وكتابة جوابات السلطان لحلفائه مسلمين ومسيحيين برة مصر، وكان كل جواب ليه صيغه معينه بيتكتب بيها على أساس مكانة الملك أو الأمير المبعوت ليه الجواب. و المؤرخ محيي الدين بن عبد الظاهر كان من أهم اللى اترأسوا ديوان الانشا، واخترع صيغ كتابه ماكتش بتستعمل قبله.

ولو رئيس الحرس السلطانى ماتولاش شغلانة الدوادار كان عادة فى الحاله دى بيتولى امارة الجيش وياخد لقب أتابك العسكر أو الأمير الكبير. وكان للقصر ريس بيشرف عليه اسمه الأستدار والمشرف على مخازن السلاح كان اسمه السلحدار ورئيس الاسطبلات كان بيلقب بأمير آخور.

كان لكل طبقة من المماليك هدوم معينه معموله من أقمشه غاليه ومطرزه بالدهب والفضة، وكانوا بيخرجوا مع السلطان فى المواكب الفخمه كل جماعه مع أميرها والناس تتلم وتتفرج.

فى العصر المملوكى كات مصر متقسمه على عشرين قسم كل قسم يتولاه والى. وكان الوالى زى مايكون سلطان صغير على الحتة اللى بيحكم فيها. وأهم والى كان والى القاهره وده كان أمير كبير بيحكم فى القاهره وضواحيها وكان اسمه والى الشرطه ووالى الحرب. بعد وقعة اسكندريه (1365) بقى فى اسكندريه نايب كبير للسلطان و بقى فيها كرسى سلطنه. وكانت أبواب قلعة الجبل، اللى عايش فيها السلطان وفيها مقر الحكم، ليها ولاه برضه، فكان فيه والى القلعة وده كان بيشرف على باب المدرج اكبر ابواب القلعه، وكان فيه والى باب القله.

بعد ما اتوسعت الدولة المملوكيه بره مصر السلطان بقى بيبعت أمرا للشام والكرك وغيرها عشان يحكموا نيابه عنه و كان اسمهم نواب السلطان. ودول كانوا غير نايب السلطان المباشر فى القاهره اللى كان بيلقب بكافل الممالك الشريفه، ومركزهم كان أقل منه بكتير ومعهومش صلاحيته اللى كات تقريباً نفس صلاحيات السلطان وكان من حقه يمضى على مستندات الدولة و يحرك الجيش من غير أمر السلطان.

الدوله المملوكيه قعدت فى مصر من سنه 1250 لغاية سنه 1517، المماليك البحريه، وكان معظمهم من أصل تركوى (turkic) (مش اتراك من تركيا) حكموا لغاية 1382، والمماليك البرجيه وكان معظمهم من أصل شركسى حكموا من أيام السلطان برقوق لغاية 1517. طومان باى كان أخر سلاطين الدوله المملوكيه لما العثمانليه دخلوا مصر وبدأ عصر التراكوه العثمانليه (اتراك من تركيا) وبقت مصر ولايه. ويوم ما خلص عصر الدوله المملوكيه كتب المؤرخ ابن اياس قصيدة شعر بدايتها بتقول:  نوحوا على مصر لأمر قد جرى.. من حادث عمت مصيبته الورى.

الحمله الصليبيه السابعه (1249) بتاعة لويس التاسع اللى صمدت فيها مصر كانت أخر هجمه صليبيه كبيره عليها. بعدها دخلت مصر فى حروب بعيده عن أرضها ضد المغول والصليبيين. قامت معارك كبيره ضد المغول زى معركة عين جالوت (1260) فى عهد السلطان قطز، و معركة الأبلستين (1277) فى عصر السلطان الظاهر بيبرس، ومعارك وادى الخزندار ومرج الصفر فى عهد السلطان الناصر محمد بن قلاوون، زائد أخد طرابلس من الصليبيين و فتح عكا وساحل الشام فى أيام السلطان المنصور قلاوون الالفى و ابنه السلطان الأشرف خليل. بعد ماخلصت الحروب وخفت المخاطر مصر عاشت مستقره وبقت دوله غنيه متطوره ليها علاقات كويسه ومعاهدات مع الدول التانيه.

جوه مصر خاضت الدوله المملوكيه حملات ضد العناصر العربيه اللي دخلت مصر و قعدت فيها و بقت مصدر للقلق و الارهاب و الخروج على الأمن و النظام و قطع الطريق و نهب المصريين في الصعيد بالذات. كان فيه فى مصر قبايل عربيه اتسللت و استقرت فى الصعيد و مناطق فى الوجه البحرى.

العربان لعبوا أدوار وحشه وقت الحمله الصليبيه السابعه على مصر (1249-1250)و اتسببوا فى وقوع دمياط بسهوله فى ايد الصليبيين بعد ما وثق فيهم السلطان الصالح أيوب و حطهم فيها عشان يحموها فهربوا و سابوها، فغضب الصالح عليهم بعد ما خانوا الأمانه و أعدم منهم عدد كبير . و وقت تقدم الصليبيين على المنصورة دلهم خاين من العربان على مخاضه فى بحر أشموم قدروا يعدوا عليها للمعسكر المصرى و يهجموا عليه فجاءة ، و اتقتل فخر الدين يوسف القائد العام للجيوش المصريه، و كانت ممكن مصر كلها تقع فى ايد الصليبيين لولا ظهور المماليك فى المنصوره و معاهم الأهالى و تصديهم بنجاح للقوات الصليبيه المهاجمه.

فى عهد السلطان عز الدين أيبك (1250 - 1257) العناصر العربيه فى مصر كانت مصدر تهديد و ارهاب للمصريين و استقرار مصر و امنها، لكن أيبك بعت ليهم حملات و اتبعهم فى مديريات الوجه البحرى و قضى على قوادهم و سيطر عليهم و حد من جرايمهم و أعمالهم الفوضويه. و بيحكى المقريزى: و أمر المعز بزيادة القطيعة على العرب، و بزيادة القود المأخوذ منهم، و معاملتهم بالعسف و القهر فذلوا و قلوا.

من أشهر حملات الدوله المملوكيه ضد شرور العربان كانت الحمله اللي قام بيها الأمرا في عهد السلطان الناصر محمد لما خرج العربان عن النظام و اشاعوا الفوضى في الصعيد و قطعوا الطريق و فرضوا اتاوات ع المصريين و نهبوهم، فعمل الأمرا نفسهم انهم مسافرين بره مصر و راحوا سنهلين مناوره ذكيه و محاوطينهم من كل ناحيه و انقضوا عليهم بأربع فرق، ولقى العربان العسكر بتهجم عليهم فجاءه، فجريوا على الجبال و الكهوف لكن العسكر قتلوا كل اللى طالوه منهم، و قدرت الدوله انها تسيطر عليهم، و اتخلص المصريين من شرورهم و بلاويهم .

بيوصف المؤرخ بدر الدين العينى حال العربان بعد الحمله دى اللى حمت المصريين من شرورهم بقوله فانطفأت جمراتهم، و زالت مضراتهم، وتمهدت الأعمال تمهيداً واضحاً، و عاد من مفسدى العرب فقيراً صالحاً، وحمل أكثرهم السواك و السبحه، عوضاً عن حمل الرماح و الأسلحة.

المماليك ماكانوش عبيد بمعنى الكلمه وبمفهومها المعروف. فى العصر المملوكى كان فيه مماليك وفيه عبيد. المماليك كانوا طبقه ارستقراطيه مالهومش فى حفر الترع وشيل الطوب والتخديم فى البيوت زى العبيد. المماليك كانوا يااما عسكر يااما موظفين فى الدوله. وماكنش أى حد يقدر يمتلك مملوك. لازم المالك يكون أمير مملوكى درجته عاليه. وساعات كان المماليك بيتخانقوا مع العبيد اللى كانوا موجودين فى مصر أياميها. العلاقه بين المملوك والسلطان أو الأمير كات علاقه بيسموها أستاذيه يعنى السلطان أو الأمير كان أستاذ مماليكه.ودى كات علاقه جامده ومتينه.

لما كان يجى مماليك مستجدين كان السلطان بيبعتهم طوالى على الدكاتره عشان يكشفوا عليهم، واذا عدوا الكشف الطبى كان بيستلمهم طواشى ويسكنهم فى قلعة الجبل فى معسكرات اسمها الطباق حسب جنسية كل واحد والمكان اللى جى منه. وفى الطباق دى كانوا بياخدوا دروس فى الدين واللغه وبعد شويه يبتدوا يتدربوا على رمى الرماح واستعمال النبال وركوب الحصنه.

السلطان كان بيحدد لكل مملوك مستجد مهيه نقديه اسمها جامكيه، وكمان فوقيها تموين شهرى (لحمه وعيش وزيت وحاجات تانيه)، وبعد مايدخل المملوك فى خدمة أمير كان الأمير بيديله اقطاع، يعنى ريع من أرض زراعيه، واقطاع المملوك كان بيفضل يكبر مع كل ترقية. ولما كان المملوك يترقى ويبقى أمير كبير كان بيتعين والى أو نايب أو موظف دوله كبير، ويبقى من حقه يتملك مماليك، ويكون جيش صغير ممكن يوصل لبتاع ألف مملوك. جيوش الأمرا دى كات بتشكل جزء من جيش مصر، وكانوا عادة بيعسكروا بره القاهره، بعكس مماليك السلطان اللى كانوا بيعسكروا فى القاهره. مماليك الأمرا كانوا غير أجناد الحلقه اللى كانوا بيمثلوا الجزء التالت من الجيش المصرى ودول كانوا من مماليك أحرار اتولدوا فى مصر ومن سنهة الناس.

أعلى درجة اماره كات أمير مية مقدم ألف وبعدها أمير طبلخاناه (يعنى أمير بيضربوا ليه الطبل على بابه). وكان فيه بعد كده أمير عشره و أمير خمسه ودى كات أقل درجه. كان كل أمير زى مايكون سلطان صغير والفرق بينه وبين السلطان كان فى حجم الامتيازات وطبعاً فى ان الأمير خاضع للسلطان. المماليك كانوا مدورين الدوله ومعاهم مصريين بيشتغلوا فى الدواوين والمحاكم والادارات. وكان فيه مصريين كتير فى الجيش فى اجناد الحلقه بالذات. ووقت الحروب كان المماليك بيعلنوا حالة طوارىء اسمها النفير العام والناس العاديه تطوع فى الجيش ويروحوا على الجبهه. وكان فيه مسيحيين ويهود مصريين كتير بيشتغلوا فى الدواوين والادارات، وكان ليهم نفوذ كبير ويملكوا ثروات كبيره.

المماليك الأحرار اللى اتولدوا فى مصر كانوا مندمجين فى المجتمع المصرى وبيتكلموا بالمصرى، وعادة مكانلهومش فى السياسه والجيش، وطلع منهم مثقفين وكتاب ومؤرخين كبار زى ابن أيبك الدواداري و خليل بن شاهين الظاهرى و صارم الدين دقماق و ابن تغري و ابن اياس وغيرهم كتير. المماليك اتمصروا و بقم مصريين وماكاناش ليهم وطن تاني غير مصر يعيشوا فيه وينتموا ليه.

القاهره فى عصر المماليك كات اكبر بلد فى العالم من جهة المساحه وعدد السكان. عدد سكان القاهره فى القرن الأربعتاشر كان بتاع 3 مليون انسان . الرحاله ابن بطوطه زار القاهره سنه 1324 أيام السلطان الناصر محمد وقال عنها:  

أيام المماليك - زى فى كل العصور - النيل وشطه كانوا بيلعبوا دور كبير فى الترفيه عن القاهريين، وكات الناس بتخرج تتمشى على شط النيل ويشتروا فاكهة وحلويات وورد النرجس والبنفسج من البياعين والسريحه،ويأجروا مراكب يتفسحوا بيها. جزيرة الروضه كات من الأماكن اللى بيحب المصريين يتفسحوا فيها . وكات فيه مناسابات بيخرج فيها المماليك وهما لابسين هدومهم الملونه الحلوه ويركبوا المراكب والحراريق المتزينه، ويعزفوا مزيكا ويدقوا الطبول والناس كات بتفرح وتقف على الشط تتفرج على الاستعراضات. وده بقى غير ما يوم السلطان والأمرا ماكانوا يخرجوا ويركبوا الدهبيه والحراريق كات القاهره بتقف على رجل. ابن اياس وصف ليله من ليالى القاهره المملوكيه اللى خرجت فيها دهبية السلطان وعامت من بولاق وهى متزينه بالورد والأعلام واستقبلوها الأمرا بالطبل والزمامير عند المقياس ووصفها بانها كات ليله من ليالى القاهره اللى ماتتنسيش وقال فيها:

فى العصر المملوكى كان فى مصر تلات احتفالات كبيره بيرتبطوا بالنيل، وهما عيد وفاء النيل، وعيد الشهيد، وعيد النيروز.

عيد وفاء النيل كان بيبدأ يوم 26 بؤونه بقياس ارتفاع منسوب مية النيل، وبعدين يفضل المنسوب يتقاس كل يوم عشان يعرفوا قد ايه الميه زادت بسبب الفيضان. وكان فيه مناديه بيمشوا فى الشوارع يقولوا للناس عن أخر التطورات. ولما توصل الميه لستاشر دراع، ودى علامة الوفاء، كات الناس بتستبشر وتفرح ويبدأ مهرجان شعبى كبير، وباليل كانوا بيولعوا قناديل وشمع وتبقى القاهره كلها منوره والرقص والغنا فى كل مكان. وتانى يوم الصبح كات تتحط ترابيزه طويله عليها ما لذ وطاب من مشويات ومقليات وحلويات وفواكهه، ويجى السلطان أو يبعت نايب عنه وتاكل الناس منها زى ماهى عايزه. وبعد ما يخلص الأكل كان بيبدأ احتفال وفاء النيل، ويركب الأمرا والمماليك المراكب المتزينه بالأعلام والورد وتدق الطبول وتضرب الألعاب الناريه فى الهوا، ويركب السلطان الدهبيه بتاعته، وحواليها مراكب الأمرا والحراريق ووراهم يطلعوا الناس فى المراكب والفلوكات، ويروح الموكب على فم الخليج. وهناك كان السلطان يمسك معول دهب وينقر بيه سد الخليج تلات مرات، وبعد مايعمل كده كان فيه ناس بييجوا يحفروا فى السد لغاية الميه ما تجرى فى الخليج. وبعدين السلطان كان بيرجع على قلعة الجبل والقاهره بتحتفل وهايصه.

عيد الشهيد كان عيد قبطى ليه خلفيه دينيه لكن كان بياخد شكل مهرجان كبير كل المصريين كانوا بيشاركوا فيه بغض النظر عن ديانتهم. العيد ده كان بيتعمل على شط النيل فى شبرا الخيمه يوم 8 بشنس و شبرا الخيمه كانت معروفه باسم شبرا الشهيد و شبرا البلد. وسبب المهرجان ده ان الأقباط كانوا بيقولوا ان مية النيل مش ممكن تزيد من غير ما يجيبوا صباع واحد قديس شهيد كان محطوط فى علبه فى كنيسه فى شبرا دى ويغسلوه فى النيل. فى يوم العيد كان المسيحيين بيجوا ع القاهره من كل نواحى مصر ويخرج معاهم سكان القاهره ويتجمعوا ويحطوا خيام على شط النيل فى شبرا دى، و بسبب الخيام اللى كانت بتتحط هناك اتسمت شبرا الخيمه . و ييجوا المغنين والرقاصين والعربان ويدق الطبل وتلعلع المزامير وتسهر الناس وتعربد. فى سنه 1301 منع السلطان بيبرس الجاشنكير الاحتفال بالعيد ده، لكن السلطان الناصر محمد اللى كان معروف بالتوليرانسيه و حبه للمهرجانات والاحتفالات رجعه سنه 1337، وبعدين اتمنع خالص سنه 1353.

وده عيد السنه القبطيه فى أول شهر توت. والمؤرخين بيعتقدوا انه متوارث من أيام الفراعنه اللى كانوا بيحتفلوا بيه عشان يكرموا النيل. وده السبب ان كل المصريين بغض النظر عن ديانتهم كانوا بيحتفلوا بيه. فى عيد النيروز كانت الشوارع بتتزحم و بيتعمل كرنفال كبير يلف القاهره حوالين واحد بيسموه أمير النيروز.، قاعد على حمار وداهن وشه بالجير أو الدقيق وعلى دماغه طرطور طويل. والناس اللى حواليه كانوا بيمسكوا جريد أخضر وسعف نخل وشماريخ بلح. يوم العيد ده البلد كات بتبقى هايصه ووالى الشرطه ماكنش بيتدخل وكان بيسيب كل واحد يعمل اللى عايز يعمله.وكان الكرنفال بيلف على البيوت والدكاكين والجدع اللى قاعد ع الحمار يطلب من أصحابها فلوس واللى مايدفعش كان بيتشتم ويرشوا عليه ميه. وكات الناس بتتجمع فى الشوراع ويضربوا بعض بالبيض ويرشوا ميه على بعض. يوم عيد النيروز كانت الناس بتعمل حلويات زى الهريسه (البسبوسه) ولقمة القاضى ويتبادلوها زي الناس ما بتعمل دلوقتى فى كحك العيد وكانوا بياكلوا فواكه معينه زى البطيخ والخوخ والبلح. فى عصر المماليك كان فيه فى مصر تلاته وخمسين نوع من الحلويات على أقل تقدير  مع مرور الأيام وتنقل مصر من عصر لعصر العيد ده ومظاهره اختفوا.

كان فيه أعياد ومناسبات قبطيه تانيه كان بيشارك فيها المسلمين زى عيد الميلاد فى 29 كيهك. كات يوميها الكنايس بتتزوق بالقناديل والفوانيس والناس تشترى فوانيس وشمع ملون وتتفنن فى تزويقه ويعلقوه فى الأسواق وعلى الدكاكين. وفى عيد الغطاس فى 11 طوبه كان فيه مسلمين بيشاركوا فى تغطيس العيال فى الميه البارده .

طبعاً كان فيه أعياد واحتفالات تانيه كتيره بيحتفل بيها المسلمين والأقباط واليهود فى العصر المملوكى ولسه لغاية النهارده كتير من عاداتها وتقاليدها موجوده فى مصر بعد ما اتنقلت من جيل لجيل.

زائد الترفيه ع النيل والفرجه على عروض المماليك. كات الناس بتقضى وقتها كمان ع القهاوى ومسارح خيال الضل.

قهاوى السير والحكايات

كان فيه قهاوى فيها حكاواتيه محترفين بيحكوا حكايات. كان فيه قهاوى متخصصه فى حكايات الظاهر بيبرس السلطان المملوكى بتاع السيره المشهوره، ودى كان اسمها القهاوى الظاهريه، وكان فيه قهاوى تانيه متخصصه فى حكايات أبو زيد الهلالى (القهاوى الهلاليه)، و قهاوى الف ليله و ليله و سيف بن ذى يزن وغيرها . الدراسات وضحت ان على الأقل فيه جزء من قصص ألف ليله و ليله اتكتب فى مصر فى العصر المملوكى. الناس كانوا بيروحوا يقعدوا على القهاوى دى ويسمعوا الحكايات والموسيقا اللى كات بتتخللها ساعات ويتبهروا بشجيع الحكايه ويتوهوا فى دنيا الخيال.

خيال الضل

وكان فيه وسيلة ترفيه تانيه مهمه اسمها خيال الضل أو طيف الخيال. ودى كات عباره عن عرض بعرايس جلد مربوطه فى عصيان بيحركها راجل محترف (مخايلى) ورا ستاره بيضه مشدوده ومتسلط عليها نور لمبه من ورا، فالناس يتفرجوا على خيال العرايس وهى بتتحرك. خيال الضل كان من أهم الفنون الشعبيه و طريقة التسليه المفضله عند الناس وكات تمثلياته بتعبر عن أوضاع اجتماعيه واقتصاديه وسياسيه وتاريخيه باسلوب بسيط فيه ضحك وفرفشه. أشهر كاتب للتمثليات دى كان ابن دانيال وده كان من الناس اللى هربت من هوجة المغول، وجه من الموصل على مصر سنه 1267 أيام السلطان بيبرس. التمثليات دى كات اسمها بابات،و كات فيها شخصيات مشهوره زى عجيب الدين الواعظ، و عواد الشرماط، و ناتو السودانى، و مبارك الفيال، و أبو العجيب صاحب الجدى، وغيرهم، وكان بيطلع فيها كمان حيوانات وطيور زى الخرفان والتيران والديوك . وجنب خيال الضل كان فيه كمان عروض الاراجوز.

وكان فيه فى الشوارع سريحه بحيوانات زى القراداتيه و الدبابتيه (سريحه بدبب) والرفاعيه، وبهلوانات، وكانوا بيعملوا ماتشات مناطحة كباش و مناقرة ديوك والناس كات بتتلم وتتفرج. وباليل كان فيه أماكن مفتوحه للغنا والرقص 

بالنسبه للمثقفين والعلما كان فيه مجالس بتتعمل اسمها مجالس العلم ودى كات اجتماعات بيناقشوا فيها الدين والسياسه وأحوال البلد. المجالس دى كات مزدهره فى العصر المملوكى لان السلاطين المماليك بوجه العموم كانوا بيحبوا العلم والأدب وبيشجعوه، ومن المماليك نفسهم طلع علما ومؤرخين كبار زى ابن تغرى. و ابن خلدون مدح الدوله المملوكيه من الناحيه دى وقال انها كانت من محاسنها وأثارها الجميله الخالدة . والأقباط كانوا بيشاركوا فى الحياه الثقافيه وطلع منهم كتاب كبار ومؤرخين زى ابن العميد، و المفضل ابن أبى الفضائل، وابن الدهيرى، وغيرهم، وكات فيه عيلة مثقفين اسمها عيلة  ولاد العسال  اللى طلع منها فطاحل زى أبو اسحق ابن فخر الدولة العسال اللى كان من ضمن مؤلفاته كتاب عن قواعد اللغه القبطيه.

ولأهل الفرفشه الميسورين كات بتتعمل مجالس الشرب والطرب يسمعوا فيها الأغانى ويتفرجوا على الرقص ويشربوا القمز (لبن حصنه محمض) والبوظه والمزر (مشروب كان بيتعمل من الدره أو القمح) . المصريين فى العصر المملوكى كانوا بيحبوا جداً الموسيقا والغنا، و كانوا يقعدوا يدوروا على حته فيها حد بيغنى عشان يروحوا يسمعوا ويتفرجوا، وحتى لما كانوا بيروحوا يتفسحوا فى النيل ويأجروا مراكب كانوا بياخدوا معاهم ألات الموسيقا والمغنى. وكات الأفراح صاخبه ومليانه غنا ورقص وكان فيه قاعات فى مصر بتتأجر للناس عشان يحيوا فيها الأفراح  الرحاله ابن بطوطه اللى زار مصر فى العصر المملوكى كتب عن المصريين انهم: ذوو طرب وسرور ولهو.

مصر المملوكيه كات متفتحه ومتنوره وفيها توليرانسيه وبالذات فى الأيام المستقره اللى مفيهاش أخطار وحروب زى أيام السلطان الناصر محمد اللى عمر مصر بمبانى وجناين وخلاها من أجمل وأغنى بلاد الدنيا وملا أيامها احتفالات ومواكب.

وبالنسبه للألعاب كان فيه لعب الزهر والشطرنج والكوتشينه. والمماليك كانوا طبعاً بيحبوا رياضة التنشين (رمى القبق) والعوم والفروسية وكان عندهم رياضه اسمها الكوره تشبه رياضة البولو كانت مبارياتها بتتعمل فى الميدان تحت قلعة الجبل. وفى سنه 1318 افتتح السلطان الناصر محمد فى القاهره الميدان الناصرى، وده كان ميدان واسع بتتعمل فيه عروض الخيل والفرسان اللى لابسين هدوم جميله. الميدان ده كان موجود فى المكان اللى فيه دلوقتى حى جاردن سيتى.

قول الرحاله ابن بطوطه فى وصفه للقاهره اللى زارها فى عهد السلطان الناصر محمد بن قلاوون :  المتناهية فى كثرة العمارة، المتباهية بالحسن والنضارة  ماجاش من فراغ. مصر شافت نهضه عمرانيه كبيره فى العصر المملوكى ما شافتهاش من ايام العصر الفرعونى. الطراز المعمارى فى مصر المملوكيه اعتمد على التراث المصرى المحلى و الروح المصريه الصميمه بتطغى عليه ، و ما ظهرتش فيه تأثيرات خارجيه غير شوية تأثيرات فى الزخارف والنقوش من الفن المغولى نتيجه لاتصال مصر بالمغول فى الفتره دى. اتميز العصر المملوكى فى مصر ببنا الجوامع و المدارس و الحمامات و القلاع و غيرها من المبانى اللى بتتميز بالجمال و الزخارف البديعه و الرسوخ و المداخل العاليه ، و بيعتبر السلطان الناصر محمد بن قلاوون ( 1285 - 1341 ) اكتر واحد بنا و عمر واتميزت مبانيه بالضخامه والعظمه والنقوش البديعه. السلطان الناصر هوه اللى بنى حى جاردن سيتى و متنزهات سرياقوس اللى كانت فى منطقة الخانكه. و بيعتبر جامع السلطان حسن اللى بدا بناه السلطان الملك الناصر حسن بن محمد بن قلاوون سنه 1357 من اشهر مبانى الدوله المملوكيه و من اروع المبانى على مستوى العالم ، و هوه عباره عن تحفه مالهاش مثيل بتجمع مبانيه بين قوة البنا و عظمته و دقة الزخارف البديعه ، وصفه المستشرق العلامه جاستون فييت بانه :  ابدع اثارات القاهره و اكترها تجانس و تماسك و كمال و وحده ، و أجدرها انه يكون مع الأثار الروعه اللى بنتها حضارة مصر الفرعونيه  و انه  اهم و أعظم من قصر الحمرا فى جرانادا  و اختاره الرئيس الامريكى باراك اوباما وقت زيارته لمصر سنه 2009 من بين كل اثارات القاهره عشان يزوره. اتبنت فى مصر حمامات شعبيه فى العصر المملوكى و كانت اعدادها كبيره جداً فى مدينة القاهرة و كانت فيه حمامات مخصصه للرجاله و حمامات مخصصه للستات ، و كانت حيطانها متزينه بالمناظر الجميله و المايه السخنه كانت بتستخدم فيها. بقايا من الحمامات دى لسه موجوده فى القاهره القديمه. و بتتميز جوامع العصر المملوكى بمآذنها الرفيعه الرشيقه و الحيطان العاليه المزركشه و المـآذن اللى ليها روس مزدوجه زى مآذن الغورى فى الأزهر اللى اتبنت فى القرن الخمستاشر. شارع المعز لدين الله اللى بيعتبر أهم الشوارع التاريخيه فى القاهره و مصر كلها مليان مبانى من العصر المملوكى و من ضمن مواقع التراث العالمى التابعه لمنظمة اليونيسكو.

شهد تأسيس الدوله المملوكيه فى مصر تعيين اول وزير قبطى من فترة دخول العرب مصر هوه شرف الدين ابو سعيد هبة الله صاعد الفائزى اللى اتنصب وزير للسلطان عز الدين ايبك.

أيام الدوله المملوكيه كان المسيحيين المصريين متقسمين على طايفتين. أتباع المذهب الملكانى (الروم الأرتودوكس)، و اليعاقبه (المونوفيزيتيين) . الملكانيين كان عددهم صغير وبيتكونوا من مسيحيين من أصول بيزنطيه ومسيحيين من أصول مصريه اعتنقوا المذهب الملكانى وكان ليهم بطريرك بيعين رجالة الاكليروس بتوعه وبيشرف على الكنايس والأديره التابعه لمذهبه  كان للملكانيين عدد صغير من الكنايس فى مصر منها كنيسة غبريال الملاك و كنسية السيده و كنيسة ماريوحنا فى الفسطاط و كنيسة مارنقولا فى خط البندقانيين. وكان عندهم شوية أديرة. اليعاقبه أو الأقباط الأرتودوكس (المونوفيزيتيين) كانوا أغلبية المسيحيين فى مصر فى العصر المملوكى ودول كانوا من أصول مصريه، وكان ليهم بطريرك بينتخبوه عادة زي ماهما عايزين، وكات مهمته تنظيم العلاقه بينهم وبين نفسهم و بينهم وبين الدولة المملوكيه. أغلبية الأقباط الأرتودوكس كانوا عايشين فى الصعيد وغالبيتهم كانوا بيشتغلوا فى الزراعه، وكان عندهم هناك حوالى 82 كنيسه وفى القاهره حوالى 19 كنيسه وفى الوجه البحرى برضه بتاع 19 كنيسه. وعدد أديرتهم كان حوالى 86 دير.

جوابات سلطان مصر بتكليف بطريرك اليعاقبه بيبين مدى احترام الدوله المملوكيه للبطريرك: و لما كانت الحضرة الساميه، الشيخ، الرئيس المبجل، المكرم، الفاضل، الكافي، الثقه، عماد بني المعموديه... أطال الله بقاءه، و أدام على أهل طائفته ارتقاءه.... و الحضرة السامية، القديس، المبجل، الجليل، المكرم، الموقر، الكبير، الديان، الرئيس، الروحانى، الفاضل، الكافى، المؤتمن، عماد بنى المعموديه، كنز الأمة المسيحية.. اطال الله تعالى بهجته، و أعلى على أهل طائفته درجته، قد حاز من فضائل ملته أسماها... 

المصريين المسيحيين كانوا جزء مايتجزأش من المجتمع المصرى أيام المماليك، وكانوا بصفه سنهه مندمجين فى الحياه المصريه ومفيش حاجه كانت بتميزهم عن المصريين المسلمين الا الديانه.السلاطين المماليك كانوا بيعتبروهم جزء من رعيتهم وكانوا بوجه العموم بيحرصوا على انهم يعاملوهم معامله فيها عدل. لكن وقت الأزمات كانوا ساعات بيضطرو يرضخو للمتطرفين الدينيين. وكان الاقباط بيشاركوا فى احتفالات مواكب واستقبالات السلطان وهم شايلين الأناجيل وماسكين شموع . كان فيه مسيحيين كتير بيشتغلوا فى أجهزة الدوله وفى الدواوين وكانوا بيمارسوا نفس مهن المصريين المسلمين و الاتنين كان ليهم حق تملك الأراضى والعقارات زيهم زى بعض. وكان فيه مسيحيين أغنيا جداً وعندهم جوارى. وأوراق الوثايق اليهوديه اللى اسمها الجنيزا بتبين انها اتكتبت بايدين مصريين مسلمين و مسيحيين. وبيحكى المقريزى انه فى سنه 1314 استلف المسيحيين قناديل و موبيليا من جامع عمرو بن العاص عشان يستعملوها فى اجتماع فى الكنيسة المعلقة فى مصر القديمه  احتفالات المسيحيين كانت مصر كلها بتحتفل بيها و كان المسلمين بيشاركو فى الاحتفال بالأعياد المسيحيه.

الحروب الصليبيه ضد المسلمين واللى ربطها الأوروبيين بالمسيحيه كان ليها طبعاً ساعات أثار وحشه على حالة الوئام بين المصريين المسلمين والمصريين المسيحيين .، زائد ظهور حالات تطرف دينى فى مصر من وقت للتانى. ولكن بوجه سنه الحروب الصليبيه ما قدرتش تضم المسيحيين المصريين لصفها ضد المسلمين و مفيش حالات حصل فيها ان مسيحيين مصريين انضمو للصليبيين اللى كانو كاتوليك و بيعادو المذاهب المسيحيه التانيه. المسلمين سموا الصليبيين فرنج وشكوكهم فى معظم الأحيان كات موجهه للمسيحيين الملكانيين. اللى كانوا فى الغالب من أصول مش مصريه. أغلب المشاكل والمشاحنات بين الطرفين كات حالات فرديه محدوده اتسبب فيها متطرفين محليين أو ناس مش مصريين ما عجبتهومش حالة الوئام الموجوده فى مصر وتساوى كل الشعب المصرى فى الحقوق والواجبات. لكن فى عصر السلطان الناصر محمد، مع انه كان عصر منفتح، قامت هوجه كبيره فى فبراير سنه 1314 بين شوية مسلمين وشوية مسيحيين ملكانيين بعد ما اتحرقت كنايس وجوامع ومبانى واتطور الموضوع بشكل مرعب لدرجة ان القاهره كلها كات حاتتحرق وتضيع فيها. لكن الناصر محمد و البطريرك قدروا يتحكموا فى الموقف واتقبض على ناس من الطرفين  المؤرخ القبطى منسى يوحنا فى كتابه تاريخ الكنيسة القبطية كتب عن مشاكل حصلت فى عصر الدوله المملوكيه ، لكن المشاكل دى كانت محدوده جداً و حوادث قليله بينها و بين بعضها سنين مش ورا بعض و ماكانتش منظمه و عادة الدوله كانت بتعاقب المسئولين عنها بغض النظر عن كونهم مسلمين أو مسيحيين.

العصر المملوكى فى مصر ما كانش عصر حروب و معارك بس، لكن كان عصر تحضر و علم و ثقافه راقيه و اداره متقدمه، و ده كان سبب تفوق المماليك العسكرى و قدرتهم على صد الاعتداءات الخارجيه. لكن فى نهاية العصر المملوكى ضعفت دولتهم بسبب صغر سن السلاطين و الصراعات بين الأمرا. الدوله المملوكيه انتهت سنه 1517 بعد ماخش المستعمرين الأتراك العثمانليه مصر و بقت مصر بلد مش مستقله و ولايه عثمانليه، و دخلت فى عصر ضبابى اختفت فيه مظاهر التقدم الثقافى اللى ساد فى العصر المملوكى. المماليك اللى عاشوا فى وقت الحمله الفرنسيه (1798-1801) و محمد على باشا (1769-1849) ما كانوش مماليك 1250 - 1517، لكن مماليك و خيالات ضل الدوله العثمانليه مش الدوله المملوكيه، مماليك بعد 1517 و عهد محمد على باشا كانو مماليك العصر العثمانلى، و التمييز مهم جداً لان خلط العصرين ساعات اتقصد و ساعات كان بسبب قلة المعرفه.

المؤرخ ابن اياس ما بالغش لما نعى و فاة الدوله المملوكيه المصريه سنه 1517 بقصيده طويله كتبها شاعر ، جه فى مطلعها :

وجه من ضمن ابياتها :

 .

و

.

المماليك حكموا مصر مده طويله من 1250 لغاية 1517، و قدروا انهم يحافظوا عليها من الأخطار اللى كات محاوطاها من الشرق (المغول) و من الغرب (الصليبيين)، و من الأخطار الداخليه من العربان اللى حاولوا فرض ثقافتهم على المصريين بالعنف و التأليب، و فضلت مصر فى عصرهم دوله مستقله قويه و متقدمه.

سلاطين مماليك كتار اشتهروا وحطوا بصماتهم على التاريخ. فى عصر المماليك اتطورت الفنون والثقافه وفن البنا و اذدهرت الحركه الصوفيه و الحركة التأريخيه اللى ما كانلهاش مثيل و عمرها ما اتكررت فى مصر (شوف: مؤرخين مصر فى العصور الوسطى). المماليك بنوا و شيدوا فى مصر اللى ما اتبناش فى تاريخها من أيام الفراعنه. فى سنه 1282 افتتح السلطان قلاوون فى القاهره المستشفى الضخمه اللى كانت بتتسمى البيمارستان المنصورى، البيمارستان ده كان مفخره من مفاخر العصر المملوكى فى مصر. ابنه الناصر محمد، اللى مصر فى عصره بقت دوله كبرى، كل بلاد العالم وقتها كات بتجاملها وعايزه تصاحبها، هوه أكتر سلطان بنى وعمر فى مصر. والنهارده القاهره القديمه مليانه أثار جميله وقيمه من العصر المملوكى منها التحفه المعماريه اللى اسمها جامع السلطان حسن. شخصية العماره المملوكية بتعتبر أدق تعبير عن الروح المصريه . و لسه فيه عادات وتقاليد وحتى ألفاظ وكلمات و امثال شعبيه ورثها المصريين المعاصرين عن أجدادهم اللى عاشوا فى عصر الدوله المملوكيه. من مصر المملوكيه خرجت ملحمة الظاهر بيبرس و حواديت من الف ليله و ليله. امريكا عملت السيف المملوكي رمز لمشاة البحريه الأمريكيه.

اتعرض عصر الدوله المملوكيه فى مصر لعمليات تزييف و تشويه فى تاريخ مصر الحديثه. فى عصر أسرة محمد على اتشوه تاريخ الدوله المملوكيه بسبب ارتباطها باسم المماليك المصرليه اللى غدر بيهم محمد على فى مدبحة القلعه واستمر النظام الملكى فى مصر يعادى تاريخ الدوله المملوكيه بسبب عملة جدهم الاكبر و ارتباط النظام بتركيا ، فى العصر ده حول المستعمرين الانجليز جامع الظاهر بيبرس فى القاهره لاصطبل حصنه عشان يقضوا على النخوه المصريه والمشاعر الوطنيه اللى بتعادى الاستعمار فى مصر. بعد 1952 استمرت عمليات التزييف و التشويه لأسباب سياسيه و لاخفاء انجازات مصر فى العصور الوسطى و قبل 1952 و تدخيل مصر والمصريين فى فكرة القوميه العربيه اللى كان بيتروج ليها واللى كان من متطلباتها محو اسم مصر وتبديله بالعربية المتحدة و التعتيم على تاريخها الخاص وتأجيره لغيرها. المزيفين حاولو دايماً يربطو مابين عصر الاتراك العثمانليه اللى كان عصر استعمار وجزيه واستبداد دينى بعصر الدوله المملوكيه اللى كان عصر استقلال و نهضه و توليرانسيه دينيه واظهارهم على انهم كانو حاجه واحده. ومن ناحيه تانيه ربطو مابين عصر مماليك العصر العثمانلى اللى كانو مجرد خيالات ضل فى ايدين العثمانيين و عصر الدوله المملوكيه اللى حكم سلاطينها مابين 1250 لسنه 1517.

بيقول الباحث التاريخى نور الدين خليل فى فصل من كتاب من كتبه عنوانه  ماذا نعرف عن المماليك ؟ :  فى أيامنا هذه تجد كثيرين يأنفون ذكرهم ويزدرونهم ويتباكون على مصر أيام حكم المماليك  وبعد ماادى أمثله عن جهل الناس بتاريخ مصر المملوكى ضاف :  هذه مجرد امثلة عما لحق بالمماليك من ظلم الجهالة والجهال .




#Article 184: دنمارك (173 words)


مملكة دنمارك (دنماركى: Kongeriget Danmark, نطق: , تقريب النطق: \دانماج\) معروفه باسم الدنمارك, هى بلد فى المنطقه الاسكندناڤيه من شمال اوروبا. و من الجنوب من بلاد الشمال الأوروبى.

البر الرئيسى بتاع دنمارك على جنوب ألمانيا; دنمارك على جنوب غرب السويد وجنوب نرويج. حدود دنمارك هى من بحر البلطيق و بحر الشمال. و البلد بتتكون من شبه جزيرة كبيره, يوتلاند و جزر كتير اشهرها زيلاند. و و ساعات كتير بيسموها الأرخبيل الدانماركى. الدنمارك من فتره طويله سيطرت على المدخل بتاع بحر البلطيق, و المايه دى معروفه بردو باسم المضايق الدنماركيه. جزر فارو و جرينلاند هى بلاد على قدم المساواة مع الدنمارك داخل المملكة, ولكن مش اعضاء فى الاتحاد الأوروبى. كوبنهاجن هى العاصمه واكبر مدينة فى الدنمارك.

الدنمارك هى التانيه بالنسبه لعدد الزيارات فى الدول الاسكندناڤيه, بعد السويد. 4.7 مليون زاير زارو الدنمارك فى سنة 2007.

اقتصاد الدنمارك سوق حره و اقتصاد رأسمالى كبير. فى سنة 2006 و 2007, الدراساتجابت المركز الاولانى بانها اكتر مكان فرحان فى العالم, بالنسبه لمستوا الصحه, الرفاهيه (انجليزى: welfare), و التعليم.

الدنمارك مملكه دستوريه و رئيس الحكومه ليه السلطه التنفيذيه




#Article 185: الكويت (249 words)


الكويت ، دولة اماره على الخليج الفارسى بيحكمها امير. و هى بلد مصدره للبترول و هى تاسع اغنى بلد فى العالم و بتملك خامس اعلى معدل احتياطي للبترول فى العالم.الكويت فيها نظام ديمقراطي متقدم و بتشارك الست الكويتيه فى الحياه السياسيه. البرلمان الكويتى اسمه مجلس الامه و بيمثل الكويتيين فيه حوالى 50 نايب. نظام الحكم فى الكويت وراثى و العيله الحاكمه فى الكويت هى عيلة ال صباح و الحكم فيها وراثى.
اقتصاد الكويت من الافضل فى العالم و فيها واحدة من اقوى البورصات فى العالم هى البورصة الكويتية.
الكويت عضو فى مجلس التعاون الخليجى مع السعودية و الامارات و قطر و البحرين و عمان.
فيه اجانب كتير بيشتغلوا فى الكويت و بيتسموا هناك وافدين و اغلبهم هنود و مصريين و امريكان و انجليز
بتمتلك الكويت أغلى عملة فى العالم و هى الدينار الكويتى. بتملك الكويت اكبر حقل بترول فى العالم حقل برقان
بتشتهر الكويت بتطورها العمراني و اقتصادها المزدهر و السياسة الديمقراطيه و حرية الرأى.

الكويت بقت بتعانى من مشاكل طائفة و قبليه لدرجة ان امير الكويت حذر يوم 29 ديسمبر 2009 من مهالك العصبيه و القبليه و الطائفيه وقوع البلاد فى الفوضى بسبب تنامى الخلافات و التوترات السياسيه فى البلاد.

خطت الكويت خطوات مهمه فى الثقافه و التعليم. نشطت الحياه الثقافيه فى الكويت و بقت الكويت من أهم البلاد العربيه فى نشر الكتب و المجلات الثقافيه و بقى فيها كتاب و مفكرين على مستوى عالى. التعليم فى الكويت اذدهر و اتفتحت جامعات و معاهد كتيره. اقدم جامعه فى الكويت هى جامعة الكويت.

من جامعات و معاهد الكويت :




#Article 186: الاتحاد السوفييتى (136 words)


الاتحاد السوڤييتى ( Союз Советских Социалистических Республик, اتحاد الجمهوريات الاشتراكية السوڤيتية) كان دستوريا دولة شيوعيه و اشتراكيه كانت موجودة فى أوروبا و اسيا من سنة 1922 لسنة 1991. لحد ما تم تفكيك الاتحاد السوڤييتى سنة 1991.

اتحاد الجمهوريات الاشتراكية السوڤييتية, كان اتحاد من عدد من الجمهوريات السوڤييتية الاتحاد كان فى الاساس بيقودهُ ڤلاديمير لينين. روسيا كانت اكبر جمهوريه من الجمهوريات حسب عدد السكان المكونة للدولة, بعديها اوكرانيا.

الاتحاد السوفياتى كان نظام حكمه تحت نظام حزب سياسى واحد بيسيطر عليه هو الحزب الشيوعى لحد سنة 1990.William Roseberry (1997) Marx and Anthropology Annual Review of Anthropology, Vol. 26: pp. 25–46 (October 1997) (doi:10.1146/annurev.anthro.26.1.25)

رغم ان الاتحاد السوفياتى كان بالاسم اتحاد من جمهوريات الاتحاد السوفياتى (اللى كان عددها 15 جمهوريه بعد سنة 1956) عاصمته موسكو لكن فى الحقيقه كان دولة مركزية لحد كبير و اقتصاده كان اقتصاد مخطط .




#Article 187: سلامش (592 words)


الملك العادل بدر الدين سُلامش ( اتولد فى القاهره سنة 1272 - اتوفى فى القسطنطينيه سنة 1291 ). ( اسمه بيتنطق بضم السين و كسر الميم ) 

ابن السلطان الظاهر ركن الدين بيبرس . اتلقب بـ ابن البدوية  وقعد على عرش مصر سنة 1279 وهو عنده سبع سنين، بعد ما خلع أخوه السعيد بركه نفسه، فبقى سادس سلاطين الدوله المملوكيه  حكم لمدة ميت يوم.

بعد ما أضطر السلطان السعيد بركه يخلع نفسه ويسيب مصر ويروح على الكرك الامرا عرضوا السلطنة على الامير سيف الدين قلاوون الألفى لكن قلاوون اللى كان عارف قوة الامرا والمماليك الظاهريه  رفض السلطنة وقال للامرا  أنا ما خلعت الملك السعيد طمعاً فى السلطنة، والأولى الا يخرج الامر عن ذرية الملك الظاهر . فجابوا سُلامش اللى كان لسه عيل صغير عنده سبع سنين  ونصبوه سلطان فى قلعة الجبل  بلقب الملك العادل بدر الدين، و معاه قاضى القضاه برهان الدين السنجارى وزير، و عز الدين أيبك الأفرم  نايب للسلطنة ، و قلاوون الألفى أتابك ومدبر للدوله.

بتنصيب سُلامش، قلاوون بقى هو الحاكم الحقيقى، فأمر بان الخطبه تكون فى الجوامع باسمه واسم سُلامش مع بعض، وبان الفلوس يبقى عليها اسمه مع اسم سًلامش. وابتدا يقبض على الامرا الظاهريه و يحطهم فى السجون، فى الوقت اللى راح فيه يخطب ود المماليك الصالحية . ويديهم اقطاعات و ووظايف وهدايا، عشان يقدر يسيطر بالكامل على البلد، كخطوه أولى لقعاده على عرش السلطنه. و لما حس قلاوون ان البلد بقت فى ايده بالكامل نادى على الامرا والقضاه والأعيان فى قلعة الجبل وقال لهم:  قد علمتم أن المملكة لا تقوم الا برجل كامل فوافقوا على كلامه وخلعوا سُلامش بعد ما قعد ميت يوم سلطان بالاسم بس، و نصبوا قلاوون سلطان بداله 

اتنفى سُلامش من مصر وراح على الكرك اللى كان نايبها أخوه السعيد بركه اللى كان هو كمان اتنفى على هناك قبله . و بعد ما اتوفى السعيد بركة قعد سُلامش فى الكرك مع أخوه التانى الملك المسعود خضر اللى بقى نايب عليها بعد وفاة السعيد بركة. لكن فى سنة 1286 قلاوون بعت نايب السلطنة حسام الدين طرنطاى على الكرك عشان يستولى عليها، وبعد ما حاصرها كام يوم أخدها ورحل سُلامش و خضر على القاهره بعد ما استسلموا. قلاوون استقبل سلامش وخضر فى القاهره استقبال حار وادا لكل واحد منهم ميت فارس يكونوا تحت امرته، و سمح لهم بانهم يتحركوا فى مصر زى ما هما عايزين  لكن بعد اربع سنين من عيشتهم فى القاهره قلاوون حبسهم مع امهم فى اسكندريه بنية نفيهم على القسطنطينيه  بعد ما ابنه
الأشرف خليل قاله انهم بيتصلوا بالامرا الظاهريه . ولما اتسلطن الأشرف خليل نفاهم مع امهم على القسطنطينية سنة 1291، وهناك اتوفى سُلامش فى نفس السنة. فراحت امه مصبره جسمه وحطيته فى تابوت واحتفظت بيه بالشكل ده لغاية ماقدرت تنقله مصر سنة 1297 ودفنته فى قرافة القاهره بشفاعة أخته اللى كات أياميها متجوزه من السلطان حسام الدين لاجين 

سُلامش زى أخوه الملك السعيد وأبوهم الظاهر بيبرس كان محبوب جداً من المصريين. وكان نبيه وشكله جميل لدرجة ان الشعرا فى مصر أياميها كانوا بيتغنوا بجماله ويقولوا  ثغر سُلامشي  ككناية عن الحسن . بيقول ابن تغرى عن سُلامش: وكان شاباً مليحاً جميلاً تام الشكل رشيق القد طويل الشعر ذا حياء ووقار وعقل تام. مات وله من العمر قريب من عشرين سنة قيل: انه كان أحسن اهل زمانه وبه افتتن جماعة من الناس وشبب به الشعراء وصار يضرب به المثل فى الحسن حتى يقول القائل: ثغر سلامشي .

اتسكت الفلوس بأسامى وألقاب سُلامش بالشكل ده : السلطان الملك العادل بدر الدنيا و الدين ، الصالحى الملك العادل بدر الدنيا و الدين سلامش ، الملك العادل بدر الدنيا و الدين. وكمان اتنقشت على فلوسه ألقاب ابوه بيبرس : الملك الظاهر قسيم امير المؤمنين، والمقصود بأمير المؤمنين الخليفه العباسى اللى كان عايش فى القاهره .




#Article 188: شهاب الدين أحمد (1252 words)


الملك الناصر شهاب الدين احمد بن الناصر محمد بن قلاوون الصالحى  .(اتولد فى القاهره - اتوفى فى الكرك سنة 1344). سلطان الدوله المملوكيه الخمستاشر ، وتالت ابن يتربع على عرش مصر من ولاد السلطان الناصر محمد بن قلاوون . اتنصب سلطان وهو فى الكرك سنة 1342  وقعدعلى تخت السلطنة حوالى تلت تشهر.

شهاب الدين احمد كان ابن السلطان الناصر محمد وحفيد السلطان قلاوون الالفى. امه كات مغنية ومحظية عند الناصر محمد اسمها بياض 
. شهاب الدين احمد اتولد فى القاهره و بعته أبوه على الكرك عشان يتعلم الفروسيه، فقعد هناك لغاية مااتوفى الملك الناصر فسمح لأخوه سيف الدين ابو بكر اللى كان أصغر منه بالسلطنه بداله. فى سنة 1341 خلع الامير قوصون السلطان ابو بكر ونصب أخوه كجك سلطان على مصر بداله، واكمن كجك كان لسه صغير وعنده حوالى سبع سنين بقى قوصون هو الحاكم الحقيقى، وقعد على الحال ده لغاية ما الامرا الكبار بزعامة الامير أيدغمش ماقبضوا عليه سنة 1342 وحطوه فى السجن وخلعوا كجك و بقت مصر من غير سلطان وابتدت الناس تقلق، وخرجوا فى الشوارع يحرقوا وينهبوا أملاك قوصون و مماليكه والأمرا بتوعه.

الامرا أتفقوا على انهم يسلطنوا شهاب الدين احمد اللى موجود فى الكرك ويدوله أملاك وفلوس قوصون ولقبوه بلقب أبوه الملك الناصر، وبعتوا على الكرك كام امير من ضمنهم بيبرس الأحمدى و جنكلى ابن البابا عشان يجيبوه. وطلع ورا الامرا شوية ناس شايلين رايات صفرا بعد ما طلبوا من الامير أيغمش انهم يروحوا لأستاذهم الملك الناصر ويرجعوا بيه . لكن بعد ما الامرا وصلوا الكرك الناصر احمد بدل مايقابلهم بعت لهم واحد يقولهم يروحوا يستنوا فى غزه، فأستغرب الامرا من التصرف ده. لما سمع الامير أيدغمش فى مصر باللى حصل جاله قلق لانه كان مستنى رجوع الملك الناصر على أحر من الجمر اكمنه كان خايف الامور تكبر والناس فى الشوارع تهيج أكتر، فخبى اللى عمله الملك الناصر ومقالش لحد وروج اشاعه انه جى فى السكه 

وشويه ووصل من شهاب الدين جواب للامير أيدغمش بيشكره فيه و بيطلب منه يمسك البلد بداله لغاية ما يوصل. الامير أيدغمش افرج عن ولاد السلطان الناصر محمد السته اللى كان الامير قوصون قبض عليهم وحبسهم فى قوص فى الصعيد مع أخوهم السلطان سبف الدين ابو بكر اللى كان قوصون خلعه . فلما عرفت الناس فرحوا وخرجوا يستقبلوهم. فى نفس الوقت كان كام امير من الامرا المستنيين فى غزه رجعوا الكرك تانى عشان يقابلوا شهاب الدين، لكن شهاب الدين للمره التانيه رفض يقابلهم ورجعهم على غزه شايلين منه جواب لباقى الامرا هناك، فلما فتحوه فى غزه لقوه بيمدح فيهم وبيطلب منهم يرجعوا مصر فاستغربوا وزعلوا وبعتوا للامير ايدغمش فى القاهره يقولوا له. بس فى الاثناء دى كان فيه رسل من شهاب الدين وصلوا القاهره وقابلوا أيدغمش وقالوله ان السلطان شهاب الدين خلاص ركب الجمال وجى فى السكه. وانتشر الخبر فى القاهره وفرحت الناس فجروا على الشوارع عشان يستقبلوه، لكن قبل الفرحه ماتكمل رسول تانى وصل القاهره وقابل ايدغمش وقاله ان السلطان شهاب الدين ناوى يوصل فى الضلمه بالليل، وانه حايدخل القاهره من باب القرافه، وحايطلع قلعة الجبل من باب السر، فأستعجب طبعاً الامير أيدغمش وضرب كف على كف.

وصل شهاب الدين احمد القاهره بالليل فى أواخر شهر رمضان  و دخل القلعة زى ماقال من باب السر، و كان مبرقع وشه ولابس هدوم عربان، و كان معاه عشر عربان من الكرك ، فلما أيدغمش وبقية الأمرا شافوا المنظر ده بقوا مستغربين ومش مصدقين عينيهم.

الصبح دقت بشاير وصول السلطان فى القلعه واتزينت القاهره. ولما قام شهاب الدين من النوم نادى على الأمير أيدغمش وقاله انه ماكانش عايز يبقى سلطان، وانه كان مبسوط فى الكرك، بس لما طلبوا منه انه يجى ماكانش قدامه غير انه يجى. وكتب الأمير أيدغمش للأمرا فى الشام يقولهم ان السلطان وصل مصر، ومضى الجواب بالعلامه السلطانيه بتاعة شهاب الدين واللى كات  المملوك احمد بن محمد . الأمرا فى الشام بقوا هما كمان متعجبين من أفاعيل السلطان شهاب الدين وتصرفاته الغريبه، فراحوا كاتبين جواب للأمير أيدغمش طلبوا فيه منه انه يجى مع الأمرا يقابلهم فى سرياقوس عشان يناقشوا الموضوع سوا.

لما خلص رمضان وجه العيد الصغير السلطان شهاب الدين ما عملش العاده اللى كان بيعملها السلاطين قبله، فلا نزل يصلى العيد ولا عمل سماط العيد، وأمر الأمرا انهم يعملوا السماط فى بيوتهم، وقعد هو لوحده فى القلعه مع صحابه العربان اللى جم معاه من الكرك.

أمرا الشام وقضاتها ونواب قلاعها وصلوا القاهره واستقبلهم الأمير أيدغمش تحت القلعه. واتكلم الأمير قطلوبغا الفخرى عن غرابة سلوك السلطان و هدوم العربان اللى لابسها وقعدته طول الوقت مع العربان اللى جابهم معاه من الكرك. فقال أيدغمش ان أحسن حاجه انهم يخلعوه ويرجعوه بالعربان بتوعه على الكرك ويخلصوا منه و يسلطنوا حد تانى بداله. لكن الأمير طشتمر حمص أخضر و كام أمير معاه ماوافقوش على الاقتراح ده.

السلطان شهاب الدين عين الأمير طشتمر حمص أخضر نايب للسلطنه والأمير قطلوبغا الفخرى نايب على الشام، وعين صحابه العربان يوسف و أبو بكر البزدار وزرا، فزاد نفوذهم وطاحوا فى البلد وبقوا يسرقوا وينهبوا عينى عينك لدرجة ان الناس سمتهم  أرباب الأموال . وقعد بقى السلطان شهاب الدين يدى صحابه العربان فلوس وهدايا ويسيبهم يفسدوا براحتهم. وشويه وراح قابض على نايبه طشتمر حمص أخضر بحجة انه بيعارضه عمال على بطال وانه بيتقالط على بقية الأمرا. وبعت للأمرا فى الشام يقولهم يقبضوا على الأمير قطلوبغا الفخرى اللى كان نايبه هناك.

بعد شويه السلطان شهاب الدين لم الأمرا وقالهم انه ناوى يروح يقعدله شهر فى الكرك، وطلب من
الخليفه العباسى الحاكم بأمر الله انه يروح معاه. و بعد ما ودع الأمرا جنب قبة النصر بره القاهره راح مبدل هدومه ولابس هدوم العربان و مبرقع وشه وطلع بالجمال على الكرك. و بعد ما وصل الكرك منع الامرا اللى سافروا معاه من دخول الكرك ماعدا كاتب سره و ناظر الجيش، وأمر الخليفه العباسى انه يروح على القدس.

اتقبض على طشتمر حمص أخضر و قطلوبغا واتسجنوا فى قلعة الكرك، واتهان قطلوغبا واتسب واتنكل بيه، وبعدين أمر شهاب الدين بانهم يبعتوا حريمه على الكرك فلما وصلوا هجم عليهم العربان واتبهدلوا بهدله كبيره واتسرقوا من كل حاجه وحتى هدومهم. واتنهبت أملاك طشتمر حمص أخضر و قطلوبغا فى مصر ونقلوها على الكرك. وقعد شهاب الدين يحصن الكرك ويعبى فيها حبوب وأكل .

شهاب الدين قعد فى الكرك ومارجعش مصر بعد شهر زى ماكان قال، وابتدت الناس تقلق وتسأل هو فين السلطان. والامرا اتنكدوا واتغموا من اللى حصل للامير قطلوبغا فى الكرك وبقوا خايفين تحصل قلاقل فى البلد بعد ما سمعوا ان مماليك الامرا اللى اتقبض عليهم اتفقوا مع كام امير وانهم حايتمردوا. فبعت الامرا جواب لشهاب الدين يقولوله ان الاحوال فى البلد عماله تتدهور وانه لازم يرجع بسرعه. لكن السلطان شهاب الدين رد عليهم وقالهم انه دلوقتى قاعد فى المكان اللى بيحبه وانه لو عاز يرجع حايبقى يرجع. وفى الاثناء دى وصل الامرا فى القاهره خبر بان شهاب الدين قتل الامرا قطلوبغا و طشتمر حمص اخضر، فزعلوا جداً وقرروا خلعه وتنصيب أخوه عماد الدين اسماعيل بداله.

الامرا خلعوا السلطان شهاب الدين بعد سلطنته اللى تعبتهم واللى دامت حوالى تلات تشهر قضى منها بتاع خمسين يوم فى الكرك . فى فتره سلطنته خلى صحابه العربان يتعالوا على الامرا بتوع مصر واداهم مناصب عاليه وسابهم ينهبوا مصر. وقتل وسجن امرا كبار، ونقل مواشى أبوه ودهبه وجواهره وأحسن حصنة مصر على الكرك. وسرق مجوهرات الجوارى والدهب اللى كان بيزين قلعة القاهره وقبابها وبيقول المقريزي عنه :  ما ترك بالقلعة مالا حتى أخذه  

بعد ما اتخلع شهاب الدين واتحصن فى الكرك بالنهيبه اللى نهبها هو والعربان من مصر بعت الامرا والسلطان الجديد عماد الدين اسماعيل يطلبوا منه ترجيع كل المنهوبات والا حا يهدوا الكرك على دماغه، وبعتوا تجريدات على الكرك وحاصروها بالمنجنيق . فى سنة 1344 وقعت الكرك فى ايد الامرا واتقبض على شهاب الدين واتقتل واتبعتت راسه لمصر 

وصف ابن تغري السلطان شهاب الدين بأنه كان أحسن اخواته من ناحية الشكل، ولكن كان اسوأهم من ناحية السيره .

اسمه وألقابه اتنقشت على فلوسه بالشكل ده:  السلطان الملك الناصر شهاب الدنيا و الدين . وكمان أتنقش عليها لقب أبوه  الملك الناصر  .




#Article 189: المملكه العربيه السعوديه (792 words)


المملكه العربيه السعوديه او  السعوديه  ، مملكه مساحتها حوالى 2,149,690 كم2 فى جنوب غرب اسيا ، و عدد سكانها 27,123,977. السعوديه بتغطى معظم شبه جزيرة العرب و بتمتد عرضياً من الخليج العربي للبحر الاحمر . عاصمتها الرياض و اهم موانيها جده على البحر الاحمر. بتشترك السعوديه فى حدودها مع اليمن و سلطنة عمان و الامارات و قطر و الكويت و العراق و الأردن.

بتعتبر السعوديه من البلاد المهمه فى النواحى الاقتصاديه و السياسيه و الدينيه. فاقتصادها هو أقوى اقتصاد فى المنطقه العربيه و هى اكبر مصدر للبترول فى العالم. موقع السعوديه ما بين البحر الاحمر و الخليج بيديها اهميه استراتيجيه و سياسيه ، و وجود اهم مقدسات المسلمين على اراضيها فى مكه و المدينه بيدوها مكانه مركزيه فى العالم الاسلامى. ازدهرت الثقافه فى السعوديه فى السنين الاخيره و بقى فيها باحثين و كتاب على مستوى عالى من العلم و الاستناره و كتير منهم اتلقوا تعليمهم فى اكبر جامعات العالم.

اتولى حكم المملكه العربيه السعوديه لغاية دلوقتى سبع ملوك اخرهم الملك الحالى سلمان بن عبد العزيز.

بتتكون السعوديه من سهل ساحلى ( تهامه ) فى الغرب و وراه جبال السراة ، و المنطقه الوسطى فيها هضبة نجد اللى بتنتهى فى الشرق عند منطقه رمليه واسعه اسمها النفود الكبير ، وفى الجنوب عند صحارى الربع الخالى. صحرة الدهناء بتوصل مابين الصحرتين و وراها اقليم الاحساء.

مناخ السعوديه قارى جاف و بتعتمد فيها الزراعه البسيطه على المايه الجوفيه من الابيار و العيون الطبيعيه او على ماية المطر القليله اللى بتخزنها السدود المبنيه فى الاوديه. اهم الغلات الزراعيه هى الشعير و القمح و البرسيم و الخضار و الفواكه.

البترول بعد اكتشافه بقى اساس الاقتصاد السعودى بعد الحرب العالميه التانيه و اهم حقوله موجوده فى الاحساء ، وفيه معامل لتكريره فى راس تنوره على الخليج. خط انابيب  التابلين  بيوصل لسواحل البحر المتوسط. السعوديه بتصدر كمان البلح و بتستورد مواد غذائيه و منسوجات و عربيات و ماكينات حديثه.

السعوديه بتتقسم لأربع مقاطعات كبيره هى :

الاسره السعوديه الحاكمه ظهرت فى القرن التمنتاشر لما بقت الدعوه الوهابيه دعوة دين و دوله نتيجه لتعاهد رجل الدين محمد بن عبد الوهاب و رجل الدوله محمد بن سعود امير الدرعيه. الاتنين و ولادهم بعدهم نشروا الدعوه الوهابيه و مدوا السيطره السعوديه على جزء كبير من شبه جزيرة العرب ، فكان ده تهديد لزعامة الخلافه العثمانيه الدينيه فى العالم الاسلامى ، و لما ماقدرت جيوش الاتراك على اخضاع الوهابيين استعانوا بمحمد على باشا واليهم فى مصر فبعت ابنه طوسون على راس جيش عشان يحاربهم ، و بعدين بعت ابنه ابراهيم باشا اللى قدر يغلبهم فى مواقع كتيره و خرب عاصمتهم الدرعيه. بعد خروج قوات محمد على من الجزيره العربيه سنة 1840 الاتراك عملوا جهد للسيطره على نواحيها و ايدوا ابن الرشيد امير حائل و ادوه سلطات واسعه عشان يكون قوه تقدر تغلب ال سعود اللى لجأوا للرياض. ابن رشيد بتحريض من الاتراك هاجم السعوديين فى الرياض سنة 1865 و اخدها منهم فاضطروا انهم يهاجروا على الكويت لغاية ما قدر الامير عبد العزيز بن سعود انه يسترجع ملك ابوه و نجح فى سنة 1925 فى تأسيس مملكه سعوديه وهابيه فى نجد و ملحقاتها و الحجاز ، و بعدين فى سنة 1932 قدر انه يوحد اجزاء مملكته تحت اسم المملكة العربية السعودية. بعد وفاته اتولى الحكم ابنه الملك سعود اللى اتنازل للحكم لأخوه الملك فيصل سنة 1964.

بتعتبر السعوديه من البلاد المهمه حيث انها اكبر منتج للبترول و هى مركز الاسلام فى العالم اكمن فيها اهم مقدسات المسلمين فى مكه و المدينه ، ده بيدى السعوديه قيمه دينيه و ثقافيه كبيره و ملوك السعوديه حرصوا دايماً ان الحجاج المسلمين يتمتعوا بالراحه و الامان وقت حجهم. فى السنين الاخرانيه اهتم الملوك بتوسيع الحرم المكى و تسهيل عمليات الانتقال بالطرق الحديثه و كانت اخر التطويرات فى عهد الملك الحالى عبد الله بن عبد العزيز الملقب بـ خادم الحرمين الشريفين.

مع الازدهار الاقتصادى شافت السعوديه اذهار ثقافى و تعليمى. السعويه فيها النهارده جامعات كتيره على مستوى عالى و السعوديين المتفوقين بقوا بيدرسوا و بيكملوا دراساتهم فى ارقى جامعات العالم. ده سبب ظهور فئه من السعوديين على مستوى عالى من العلم و الثقافه.

من جامعات السعوديه :

على طريق تطوير احوال المملكه الاجتماعيه و السياسيه أعلن الملك عبد الله بن عبد العزيز فى 25 سبتمبر 2011 عن منح الست السعوديه حق التصويت و عضوية مجلس الشورى السعودى و دى خطوه ايجابيه و مهمه اتخذها الملك عبد الله للنهوض بالحياه الاجتماعيه و السياسيه فى السعوديه و النهوض بالمرآه السعوديه كشريك مهم فى الحياه فى المملكه. الملك عبد الله اعلن القرار وقت افتتاحه للدوره الخامسه لأعمال مجلس الشورى السعودى. و قال الملك فى خطبته: قررنا مشاركة المرأة فى مجلس الشورى عضواً، اعتباراً من الدورة القادمة وفق الضوابط الشرعية و أكد :  لأننا نرفض تهميش دور المرأة فى المجتمع السعودي فى ظل مجال عملها وفق الضوابط الشرعية وبعد التشاور مع كثير من علمائنا فى هيئة كبار العلماء ومن خارجها واللى استحسنوا هذا التوجه وأيدوه  و ان التحديث المتوازن المتفق مع قيمنا الاسلامية مطلب هام فى عصر لا مكان فيه للمتخاذلين والمترددين .




#Article 190: نور الدين على (683 words)


الملك المنصور نور الدين علي بن أيبك ( اتولد فى القاهرة سنة 1242 )، ابن السلطان عز الدين أيبك، و تاني سلاطين الدوله المملوكيه. قعد على عرش مصر من سنة 1257 لسنة 1259 فى ايام حالكة ظهر فيها خطر المغول.

بعد ما اتقتل السلطان عز الدين أيبك، مماليكه ( المماليك المعزيه . ) بزعامة الامير سيف الدين قطز خدوا صف ابنه نور الدين على اللى كان لسه عنده خمستاشر سنه، ونصبوه سلطان على مصر بلقب الملك المنصور، ومعاه قطز كنايب للسلطنة، و الامير فارس الدين أقطاى المستعرب  كأتابك ، و عينوا الامير بدر الدين يوسف وزير للسلطان بدل الامير شرف الدين الفائزى اللى كان وزير أيبك، وبعدين عزلوه هو كمان وحطوا مكانه الامير ابن بنت الأعز 

المماليك البحريه اللى كانوا هربوا من أيبك على سلطنة الروم السلاجقة . رجعوا مصر بعد ما عرفوا ان أيبك مات، بس لما رجعوا اتذهلوا لما لقوا السلطان الجديد مجرد عيل صغير مابيهتمش الا بتربية الحمام و خناق الديوك والخرفان و ركوب الحمير جوه قلعة الجبل. من جهه تانيه، المماليك اللى كانوا هربوا على سوريا، وكان منهم بيبرس البندقدارى و قلاوون الألفى، و اللى اضطروا يهربوا بعد كده من سوريا كمان على الكرك بعد ما السلطان أيبك عمل صلح مع الناصر يوسف امير سوريا الأيوبى، ما رضيوش يعترفوا بسلطنة المنصور على  وحاولوا يستولوا على مصر مع الملك المغيث ملك الكرك الأيوبى  فاتصدت لهم قوات قطز كذا مره على حدود مصر و قدر مماليك مصر فى معركه من المعارك اللى قامت انهم ياسروا قلاوون الألفى و بلبان الرشيدى 

والحاله على كده فى مصر، كان الجيش المغولى اللى قايده هولاكو عدا حدود بلاد الشرق وبيتقدم على بغداد مقر الخلافة العباسية . فى شهر فبراير سنة 1258 دخل المغول بغداد وارتكبوا جرايم ومدابح فظيعه وقتلوا الخليفه العباسى المستعصم بالله.

جايز بسبب قلة الفهم لأطماع هولاكو او لقلة حيلته، الناصر يوسف ملك دمشق بدل ما يجهز نفسه لمواجهة المغول، راح باعت ابنه العزيز لهولاكو ومعاه هدايا وجواب بيرجوه فيه انه يساعده على غزو مصر، فرد عليه هولاكو وطلب منه انه يبعت له عشرين الف فارس عشان يعزز بيهم الجيش المغولى. ولما عرف المماليك البحريه اللى كانوا فى الكرك باللى بيجرى بين الناصر يوسف و هولاكو طلبوا من المغيث ملك الكرك مهاجمة مصر عشان ياخدوها قبل المغول، فوافق المغيث و بعت جيش للحدود المصريه وهناك اتلقى هزيمه منكره على ايد الجيش المصرى اللى كان بيقوده الامير قطز . بعد الملك المغيث ما نفد بجلده وهرب على الكرك، رجع قطز على قلعة الجبل وأعدم جماعه من المماليك والأمرا اكمنهم حاولوا يتآمروا عليه مع المماليك الهربانين والمعركه شغاله.

فى سنة 1259، و المغول محاصرين ميفارقين، حاول الملك المغيث انه يستولى على دمشق لكنه اتهزم وعمل صلح مع الناصر يوسف واتفق معاه على ترحيل المماليك اللى قاعدين فى الكرك على سوريا، فلما اترحلوا سجنهم الناصر يوسف.

شويه وراح الناصر يوسف مستلم جواب من هولاكو بيأمره فيه انه يستسلم بسرعه ويسلمه دمشق. ولما عرف الناصر يوسف ان الموضوع جد وان المغول عدوا الفرات ورايحين على سوريا انصاب بحالة ذعر وكتب جواب لمصر يستغيث بيها. وبدأ سكان الشام يسيبوا مدنهم و يفروا تجاه مصر .

لما وصل جواب الناصر يوسف لمصر اجتمع الامرا فى بلاط الملك المنصور على فى قلعة الجبل. قطز اللى كان ساخط من لامبالاة المنصور على، و تحكم امه فيه و حشر نفسها فى شئون الدوله، قال للامرا أن الموقف دلوقتى بيحتاج سلطان قوى قادر على مواجهة العدو المغولى، وان الملك المنصور ده عيل صغير مايقدرش يحكم المملكه فى الظروف دى . وعليه اعتقل قطز المنصور على وأخوه قاقان وأمهم فى برج فى القلعة. وبكده اتخلع المنصور على بعد ما قعد على عرش مصر حوالى سنتين ونص. و بقى قطز هو السلطان بعد ما وعد الامرا بانه حايستقيل بعد النصر على المغول 

المنصور على و أخوه و امهم اترحلوا على دمياط وبعدين اتنفوا على امبراطورية نيقيا فى عصر السلطان الظاهر بيبرس .

فى 3 سبتمبر سنة 1260 انتصر المصريين بقيادة قطز على المغول فى معركة عين جالوت وحرروا الشام منهم.

اتسكت فلوس المنصور على سنة 1257 و اتنقش عليها الأسامى والألقاب دى : الملك المنصور نور الدين ، الملك المنصور نور الدنيا و الدين . و اتنقش عليها كمان اسم أبوه: الملك المعز. وكمان اتنقش اسم الخليفة العباسى : الامام المستعصم بالله امير المؤمنين ، امام المستعصم بالله ابو احمد عبد الله امير المؤمنين .




#Article 191: زى النهارده (102 words)


زي النهاردة فيلم مصري انتاج 2008 وبطولة بسمه واحمد الفيشاوى ومن تأليف واخراج عمرو سلامة هوه اول فيلم روائي طويل يعمله. الفيلم شارك ف مهرجان سينما الشرق الاوسط سنه 2008 واترشح لجايزة احسن سيناريو.

واحدة خطيبها مات بسبب اخوها المدمن، ولما حبت واحد تاني بعد كدة ابتدت تلاحظ ان فيه تشابه كبير فى الاحداث اللى حصلت مع خطيبها الاولاني فبتحاول تحمي حبيبها لحسن يحصلله نفس اللى حصل.

من ضمن الانتقادات اللى اتوجهت للفيلم انه مقتبس من افلام اجنبية زي فيلم Snatch وفيلم If Only وفيلم Premonition. وكمان قصة اخو البطلة المدمن كانت منفصلة عن قصة الفيلم الرئيسية ومتقدمة بخط تاني موازي للفيلم.




#Article 192: الهند (1019 words)


جمهوريه الهند (هندى: भारत गणराज्य ||) هى بلد فى جنوب اسيا, تحتل معظم اراضى شبه القاره الهنديه. الهند ليها سواحل طولها اكتر من 700 كلم. البلدان المجاوره للهند هى باكستان وافغانستان فى ناحيه الشمال الغربى, الصين, نيبال, وبوتان من الشمال, بنجلاديش و ميانمار من الشرق. فى المحيط الهندى, تحاذيها جزر المالديف من الجنوب الغربى و سريلانكا و اندونيسيا من الجنوب الشرقى. الهند هى ثانى اكبر بلد فى العالم من حيث تعداد السكان, اليوم عدد سكانها يزيد على مليار ومائه مليون انسان. و من حيث المساحه الهند فى المرتبه السابعه على مستوى العالم.

الهند كان فيها حضارات قديمه, و كانت مركز لكتير من الطرق التجاريه المهمه على مر التاريخ, و ايضا قامت على ارضها شويه ديانات زى: الهندوسيه, البوذيه, الجانيه والسيخيه. الهند كات زمان ايام الاستعمار جزء من اراضى التاج البريطاني قبل ما تستقل عن بريطانيا سنه 1932. مع اواخر القرن العشرين اتقدمت الهند تقدم معتبر فى الاقتصاد وبقت بتلعب دور سياسى كبير على مستوى منطقتها وعلى مستوى العالم.

فيه فى بيمبتكا (Bhimbetka) فى ماديا براديش شويه كهوف عليها رسومات قديمه بترجع للالعصر الحجري, وبتعتبر من اقدم الدلائل على التواجد الانسانى فى الهند. ظهرت اول المستوطنات البشريه الدايمه فى الهند من حوالى 3,000 سنه, الحضارات الاولانيه دى اتعرفت باسم حضارات وادى السند, اللى شافت عصرها الدهبى فى الفتره مابين 2,512 ق.م و 1.254 ق.م.

من القرن الخامس قبل الميلاد, اتشكلت كام مملكه مستقله. كات مملكه ماوريا اللى قامت فى شمال البلاد اهمها على الاطلاق, وحّد ملوكها بلاد الهند لاول مره, واشتهر منهم اشوكا بعد ما اتحول للديانه البوذيه. من حوالى سنه 130 ق.م, بدت الغزوات الجايه من اسيا الوسطى تتوالى, واتوالت معاها الممالك المختلفه الاصول: هنديه-اغريقيه, هنديه-بارتيه, و فى الاخر مملكه كوشان.عنصر كوبتا حل فى من القرن التالت الميلادى, وعاشت الهند معاه عهد دهبى. فى الجنوب قامت ممالك كتيره: تشالوكياس, تشيراس وغيرها. وازدهرت العلوم والفنون, و الرياضيات, و الفلك, و الهندسه, والفلسفه ايام حكم الاسر دى.

بدات الجيوش الاسلاميه تحاول غزو الهند من ايام الدوله الامويه, دوله المسلمين استقرت على حدود نهر السند. الغزنويون طلعوا من قواعدهم فى افغانستان فى حملات لغزو بلاد ما وراء السند, وانتهت المرحله دى بتاسيس سلطنه دلهي, اول الممالك الاسلاميه المستقله فى الهند. دوله ال تغلق قدرت (ح 1120) انها تضم اغلب اراضى شبه الجزيره الهنديه (ماعدا مناطق اقصى الجنوب). فى القرن الستاشر قدوم المغول شكل حدث مهم جداً فى تاريخ الهند, حيث انهم قدروايكونواحضاره جديده امتزجت فيها الثقافتين الهنديه والاسلاميه. مناطق اقصى الجنوب كانت الاستثناء الوحيد فى تاريخ الهند, لانها عاشت بمعزل عن التطورات السياسيه اللى حصلت فى قاره الهنديه.

بعد اكتشاف الطرق البحريه الجديده بدا الاوروبيون يوصلوا الهند, وكات المكاسب التجاريه حافز لتنافس البرتغاليينو الفرنسيين والانجليز بينهم وبين بعض, و اللى استغلوا مرحله الضعف والانقسام الطائفى اللى كات سايده الهند لانشاء مستعمرات جديده ليهم. القوى الغربيه حطت قوانين جديده كان هدفها استغلال موارد البلاد لاقصى درجه. حاول الهنود التمرد على الوضع الجديد, فقامت ثوره شعبيه سنه 1783 ضد شركه الهند الشرقيه البريطانيه, وانتهت الثوره بانهاء مظاهر الحكم المغولى فى الهند و بقت البلاد من ساعتها مستعمره خاضعه للتاج البريطاني. الماهاتما غاندي قاد حركه سلميه بتتمسك بمبدا الـلاعنف, اللى قدرت بعد سنين مقاومه طويله انها تحصل على وعد بالاستقلال. فى 7 ابريل 1927 نالت الهند استقلالها رسميا, وبعدين بقت جمهوريه من 16 فبراير 1980

بسبب كتره الاعراق والديانات, عرف الكيان الهندى الناشئ نزاعات طائفيه وانتفاضات شعبيه كتيره. بسبب المشاكل دى اللى سادت طول الوقت ماعدا فى فتره قصيره من 1975 ل 1977, اعلنت حاله الطوارئ (فى فتره حكم انديرا غاندي), و بقت الهند دوله ديمقراطيه سيكولاريه (عالمانيه). لكن الهند كان ليها نزاعات حدوديه كتيره مع جارتها الصين فدخلت مع الصين فى حرب قصيره سنه 1962, وبعدين دخلت فى تلت حروب مع جارتها التانيه باكستان (1947, 1965, 1971). الهند من الاعضاء المؤسسين لمنظمه دول عدم الانحياز. عملت اول التجارب النوويه تحت الارض سنه 1974, فبقت بكده عضو غير رسمى فى نادى الدول النوويه, وبعد كده عملت خمسه تجارب تانيه فى سنه 1998, اشرف عليها الرئيس الحالى عبد الكلام. الاصلاحات الاقتصاديه اللى بدتها الحكومه الهنديه من سنه 1991 خلت الهند تبقى دوله من اكتر دول العالم نمو.

الدستور الهندى بياكد على ان الهند جمهوريه ديمقراطيه و سيكولاريه (عالمانيه) ليها سيادتها. نظامها السياسى جمهورى ليه طابع اتحادى, بيتشكل البرلمان من غرفتين تشريعيتين, ليهم نظام اتوضع على شكل النظام البرلمانى البريطانى (ويستمنستر). نظام الحكم فى الهند ليه تلت هيئات: تشريعيهو تنفيذيه وقضائيه.

الرئيس هوه اعلى سلطه تمثيليه فى هرم الدوله, وبتعتبر صلاحيته شرفيه بس. دوره بيقتصر على حمايه الدستور, و المصادقه على القوانين واصدار مراسيم العفو. وهو القائد الاعلى للقوات المسلحه. بيتم انتخاب الرئيس ونايبه بطريقه غير مباشره عن طريق هيئه انتخابيه لفتره واحده مدتها خمس سنين. رئيس الوزرا هوه رئيس الحكومه, وفى ايده معظم السلطات التنفيذيه. بيختاره نواب الحزب الحاكم او احزاب التحالف اللى بتملك الاغلبيه البرلمانيه. الدستور ما بينصش على اختيار رئيس الوزرا من بين نواب البرلمان, مع ان ده اللى حصل مع كام واحد اتولوا المنصب ده.

البرلمان هوه الهيئه التشريعيه فى الهند. بيتالف البرلمان من غرفتين, الغرفه العليا (مجلس الدوله) وبتتسمى راجيا سابها, والغرفه السفلى (مجلس الشعب) وبتتسمى لوك سابها. الهيئه الانتخابيه بتختار الاعضاء الـ245 لمجلس الدوله, ومده قعادهم فى المجلس ست سنين. بالنسبه للغرفه التانيه بيتم انتخاب الاعضاء الـ552 عن طريق الاقتراع العام كل خمس سنين, عن طريق المجلس ده بتتحدد مختلف القوى السياسيه والتشكيله الحكوميه. من حق اى مواطن هندى عمره اكتر من تمنتاشر سنه انه ينتخب ا.

السلطه التنفيذيه بتتكون من الرئيس, و نائب الرئيس, ومجلس الوزراء اللى بيتراسه رئيس الحكومه نفسه. الوزراء اللى معاهم حقائب لازم يكونوا اعضاء فى غرفه برلمانيه. فى النظام اللالاه نكيلاتنيبل الهندى, الهيئه التنفيذيه بتخضع للهيئه التشريعيه.

للهند نظام قضائى مستقل, بيمثله رئيس المحكمه السياديه (او العليا) الهنديه, وهى اعلى هيئه قضائيه. المحكمه السياديه ليها حق النظر فى قضايا المنازعات اللى بتحصل بين الولايات الاتحاديه والسلطه المركزيه, وكمان ليها صلاحيه نقض قرارات المحاكم العليا الهنديه. فيه 18 محكمه عليا فى الهند, منها ليه صلاحيات على على كذا ولايه اتحاديه, و منها ليه صلاحيات على ولايه واحده بس (الولايات الكبيره). اذا حصل خلاف بين الهيئه التشريعيه والهيئه القضائيه بيحتكم لرئيس الدوله. الدستور بتحميه هيئات مستقله زى هيئه الانتخابات الهنديه, و هيئه النيابه العامه الهنديه, و هيئه المراقبه والمحاسبه العامه.

الاقاليم الاتحاديه:

 اندمان وجزر نيكوبار
 تشانديكار
 دادرا ونكار هاويلي
 دامان و ديو
 لاكشادويب
 بونديتشيري

اقليم العاصمه الوطنيه:

 دلهي

دوله اقطاعيه

فى الهند تلاته اجازات رسميه

كمان كل من ولايه و اقليم مختلف بيعمل ايام تانيه بتخصصها للمناسبات المحليه.




#Article 193: دانتى اليجييرى (141 words)


دانتى أليجييرى او ديورانت ديجلى اليجييرى(Durante degli Alighieri )(اتولد1265 - مات 14 سبتمبر ، 1321 ) كان شاعر طالياني من فلورنسا.و من اهم اعماله الكوميديا الإلهية اللى بيعتبر اعظم عمل ادبي اتكتب باللغة الايطاليه

بيعتبر دانتى اليجييرى هوا اللى اسس الايطالى و ده لانه اول حد كتب بالايطالى و اللى كانت قبل كده لغه محكيه بس و كانت عباره عن لكنه او لهجه من اللهجات اللى من اصل لاتينى الا ان دانتى اليجييرى اول كاتب كانت عنده الجراه انه يكتب بالايطالى بدل اللاتينى و بسبب اهمية دور دانتى اليجييرى فى الايطالى و اللغه الايطاليه بيعتبر من الرموز الثقافيه المهمه جدا فى حياة الطلاينه و فيه مدرسه باسمه فى معظم دول العالم بتعلم الايطالى زيها زى المركزالثقافى الايطالى الرسمى و فى بعض الدول بتكون كلاسات مدرسة دانتى اليجييرى فى نفس مكان كلاسات المركز الثقافى الايطالى نفسه زى ماهوا موجود فى مصر .




#Article 194: كريستيان ديور (279 words)


كريستيان ديور (21 يناير 1905 - 24 اكتوبر 1957) هو مصمم ازياء فرنساوي. ومعروف بانه مؤسس واحد اهم بيوت الازياء فى العالم. اتولد ف جرانفي, نورماندي مدينة على شط البحر ف ساحل فرنسا.

كريستيان دخل مدرسة École des Sciences Politiques او مدرسة العلوم السياسية عشان دي كانت رغبة اهله. وده كان من سنة 1920 لسنة 1925. اهله - اللى كانوا بيشتغلوا ف تصنيع الاسمدة - كانوا نفسهم يبقى دبلوماسي, بس كريستيان كان نفسه يخش عالم الفن - وخصوصا تصميم الازياء - وكان بيكسب فلوس عن طريق انه يبيع تصميماته ف الشارع بعشرة سنت لكل تصميم. بعد ما ساب المدرسة وصلتله فلوس من ابوه ففتح معرض ف سنة 1928، وباع فيه اعمال لبيكاسو وماكس جاكوب. بعد الازمة الاقتصادية اللى حصلت لاهله اللى كانت بسبب ان ابوه خسر شغله فاضطر كريستيان انه يقفل المعرض. ومن سنة 1938 اشتغل مع روبرت بيجيت، وبعدها انضم لبيت ازياء اللى كان فيه هو وبيير بالمين المصممين الاساسيين. وف فترة الحرب العالمية التانية كريستيان لبّس مراتات الظباط النازيين والظباط الفرنسيين. وف سنة 1945 ابتدى يشتغل لحسابه الخاص.

كريستيان ديور مات فى ايطاليا. فيه تقارير بتقول انه مات منتيجة ازمة قلبية بعد ما شكته عضمة سمكة. سجل وفيات مجلة تايم بيقول انه مات بعد ازمة قلبية بعد ما لعب كوتشينه. بس مابين الناس ف باريس فى اشاعة بتقول انه مات بازمة قلبية بعد ما عمل سكس مجهد وجتله بعدها الازمة.

سنة 2003 شركة كريستيان ديور اتبرعت للصندوء التذكاري لآلايا. وف سنة 2006، مغني اسمه موريسي عمل اغنية اسمها كريستيان ديور. الاغنية استخدمت حياة كريستيان عشان تعمل مقارنة بينها وبين حياة اللى كتب الاغنية لانه شاف ان همّا الاتنين ضيعوا حياتهم كلها عشان يخلوا حاجة واحدة بيعملوها رائعة (موريسي والمزيكا, وديور وتصميم الازياء) وسابوا بقية الحاجات الكويسة التانية.




#Article 195: المملكه المتحده (264 words)


المملكه المتحده لبريطانيا العظمى و ايرلاندا الشماليه, او باختصار المملكه المتحده هيا دوله سايده بتجمع شعوب انجلترا و اسكتلندا وويلز (بريطانيا العظمى) وايرلاندا الشماليه موجوده فى شمال غرب القاره الأوروبيه، بيحوّطها بحر الشمال و القنال الانجليزى والمحيط الاطلنطى. اكبر جزر المملكه المتحده هى بريطانيا العظمى و بترتبط بفرنسا عن طريق نفق بحر المانش.

المملكه المتحده دوله اتحاديه بتتكوّن من اربع دول: انجلترا ، و ايرلاندا الشماليه و اسكتلندا و ويلز. و بيحكمهم نظام برلمانى و مقر الحكومه فى لندن.

بتتشكل المملكه المتحده من حوالى 1098 جزيره صغيره. و اكبر اربع فروع هما اربع اُمم مختلفة هى: انجلترا (England)، اسكتلندا (Scotland)، ويلز (Wales) وأيرلندا الشمالية (Northern Ireland).

المملكه المتحده اتشكلت فى الاول لما ملوك انجلترا قدرو يحكمو ويلز و سنة 1603 لما ورث جيمس السادس ملك اسكتلندا عرش مملكة انجلترا و ايرلندا فبقت انجلترا و اسكتلندا و ويلز و ايرلندا تحت حكمه

من أهم الأنهار: التيمز (Thames) و السيفيرن (Severn).

المملكة المتحدة من الدول المتقدمة و اقتصادها سابع اكبر اقتصاد ف العالم حسب الناتج المحلى الاجمالى الاسمى و تامن اكبر اقتصاد حسب قوة الشرا و كانت اول بلد صناعى ف العالم.

دى فاكتو لغة المملكه المتحده الرسمية هيا الانجليزى 

خدمة الصحه الوطنيه ناشونال هيلث سيريڤس واختصارها ان اتش اس هيا نظام الرعاية الصحية اللى بتموله الحكومه ف المملكه المتحده. ان اتش اس بتتكون من أربع أنظمه منفصله. ان اتش اس انجلاند ، ان اتش اس سكوتلاند ، ان اتش اس ويلز وان اتش اس نورزرن ايرلاند

الان اتش اس اتأسست سنة 1948. ده كان من الاصلاحات الاجتماعية الرئيسية بعد الحرب العالمية الثانية. كانت المبادئ التأسيسية هييا أن الخدمات تكون شاملة وعامة ومجانية عند نقطة التسليم.




#Article 196: نادى الزمالك (465 words)


نادى الزمالك أو نادى الزمالك للألعاب الرياضية  (تأسس 1911 تحت اسم نادى قصر النيل) نادى رياضي واجتماعي، يعتبر أحد أقدم الاندية المصرية و العربية  ( نادى عريق )  , تأسس منذ 104 سنة. يطلق عليه نادى مدرسة الفن والهندسه ؛ هو اكثر نادى رياضي فى تاريخ مصر يحصل على بطولات على مستوى جميع الالعاب الرياضية 204 بطولة فى كل الالعاب الرياضية ؛ هذا النادى مشهور فى قارة افريقيا باسم ( مدرسه الفن و الهندسه) أيضا لأنه من أعظم أندية فريقيا.

توجد به 22 لعبة رياضية ولكن ما يميز النادى فريق كرة القدم، والذي فاز ببطولة دوري أبطال أفريقيا (بطولة الأندية أبطال الدوري سابقاً) خمسة مرات، وتمكن من الفوز ببطولة أفريقيا للأندية أبطال الكؤوس مرة واحدة، كما فاز الزمالك بكأس السوبر الأفريقية لثلاثة مرات.

أحرز فريق الكرة بالزمالك لقب أحسن ناد في العالم وفق الاتحاد الدولي لتاريخ وإحصاءات كرة القدم  وذلك في فبراير 2003. كما كان أول فريق مصري يتأهل لكأس العالم لكرة القدم للأندية 2001 بإسبانيا وهي البطولة التي لم تقم بسبب مشكلات تتعلق بالتمويل اللازم لها. ولعب أيضًا مع العديد من الفرق الأجنبية سواء في مصر أو خارجها حيث فاز علي فريق وستهام الإنجليزي 5-1 عام 1966 وفاز علي فريق دربي كاونتي الإنجليزي 1-0 عام 1975 كما فاز علي بايرن ميونخ 2-1 عام 1977 وفي عام 2003 فاز نادى الزمالك علي نادى لاتسيو الإيطالي بنتيجة 2-1 ،وفاز نادى الزمالك علي فريق شاختار دونستيك الأوكراني بطل كأس الاتحاد الأوروبي عام 2009 بنتيجة 2-0.

اكبر فوز للزمالك على غريمه التقليدي النادى الأهلي كان بنتيجة 6-0، وتكررت مرتان، الأولى في عام 1942 في دوري منطقة القاهرة والثانية في عام 1944 في نهائي كأس الملك (كأس مصر حاليًا).

الزمالك هو واحد من قطبين الكورة فى مصر، النادى اتأسس فى القرن العشرين اللى فات سنة 1911 وفكرة عمله كانت عشان يبقا نادى اجتماعي بيضم جميع الجنسيات مصريين و اجانب

و في سنة 1911 قرر جورج مزرباخ بعمل نادى رياضي يضم جميع الجنسيات

بعد كده فى سنة 1913 مقر النادى بقا فى منطقة تانية وبقا اسمه النادى المختلط علشان كان فيه لعيبة فى التيم من الاجانب بالذات الانجليز وكمان من اعضاء النادى.

فى مرة تانية بعد حضور الملك فاروق ملك مصر ساعتها ماتش النهائى فى الكاس سنة 1942 قصاد الاهلي، اتغير اسم الفريق لإسم الملك فاروق علشان الزمالك غلب الاهلى 6-0 وكانت النتيجة دي اكبر نتايج القمة . ولما ثورة 23 يوليه 1952 قامت النادى اسمه اتغير لاخر حاجة واللى معروف بيه حاليا وهو الزمالك ومتغيرش اسمه تاني لحد دلوقى.

الزمالك كان بيلعب زمان على ملعب حلمى زمورا جوا نادى الزمالك دلوقتى بيلعب على استاد بتروسبورت و مكان تدريبه فى ملعب الهدف بعد هدم مدرجات ملعب حلمى زمورا

نادى الزمالك كان الاول على العالم فى التصنيف الشهرى للاتحاد الدولى للتاريخ و الاحصاء وده كان فى فبراير سنة2003 وهو اول نادى مصرى ياخد الترتيب ده و كان اكتر نادى ياخد بطولة الأفروآسيوية للأنديه وخدها مرتين

بطولات النادى الرسميه و غير الرسميه:




#Article 197: عمرو زكى (189 words)


عمرو زكى اتولد فى 1 ابريل 1983، فى المنصورة, مصر. هو لعيب كورة مصري معروف بالبلدوز، نجم نادي الزمالك المصري و منتخب مصر احترف شويه فى انجلترا فى نادى ويجن الانجليزي.

بدأ عمرو زكي لعب كورة فى فرقة المنصورة، بعد كده راح لنادي إنبي فى موسم 2003 بحوالي مليون ونص جنيه مصري وجاب مع إنبي كاس مصر 2004-2005.ضمه المعلم حسن شحاته للمنتخب علشان كاس الامم الافريقية 2006 اللى مصر فازت بيها، وراح لوكوموتيف موسكو الروسي لكنه رجع مصر تاني علشان متأقلمش مع الجو ومضى للزمالك.فى سنة 2008 وبالتحديد مع المنتخب المصري لفت عمرو زكي الانظار فى بطولة كاس الامم الافريقية بعد ما ساهم فى فوز المنتخب بالبطولة دي وقرر الاحتراف وطلبه نادي ويجان أتليتك إعارة لمدة موسم.

بدأ عمرو زكي الموسم مع فريق ويجان اتليتك الانجليزي فى 2008 ولفت الانظار بشده وبقا هو معشوق الجماهير الويجانية الاول، وبدأ الموسم بالتسجيل مع الفريق من بداية الدوري وسجل مع الفريق لحد دلوقتي 8 اجوان فى الدوري و جون فى كأس رابطة المحترفين الانجليزي علشان يتصدر قائمة هدافي الدوري الانجليزي حتي الموسم العاشر لكن دوام الحال من المحال وتفاجئت الجماهير بإصابة عمرو زكي وقعد لمدة شهر ميلعبش وبكده ابتعد عن قائمة الهدافين.




#Article 198: تييستو (216 words)


تييستو (اتولد باسم تييس فيرفيست فى 17 يناير 1969) هو دي جي هولاندي اترشح لجايزة جرامي ومن اهم الناس اللى بيشتغلوا ف مزيكا الترانس والالكترونك. وبالرغم من انه كان عنده القاب كتير قبل كدة بس هو مشهور اكتر باسم دي جي تييستو DJ Tiësto بس ف اخر كام حاجة عملها شال الدي جاي من اسمه وخلاها تييستو بس اللى هو كان اسمه المستعار لما كان صغير.

شعبيته زادت فى مع بدايات الالفية التالتة. وبقى اول دي جاي يقدم حفلات لجمهور كبير من غير اى دي جاي تاني معاه او اى افتتاحات فى اول الحفلة. وهو بردو اول دي جاي يقدم حفلة لايف فى العاب اولومبية سنة 2004 ف حفلة افتتاح دورة الالعاب الاولومبية ف اتينا

خد جوايز كتيرة عن الحاجات اللى عملها، وغير كدة مجلة دي جاي اختارته الدي جاي نمرة واحد على مستوى العالم 3 مرات ورا بعض من سنة 2002 لسنة 2004. واترشح لجايزة جرامي سنة 2008 عن البوم Elements of Life

وكمان تييستو له اعمال خيرية. وف ابريل 2004, تييستو خد لقب السفير العالمي الرسمي لمنظمة دانس فور لايف عشان كان بيحارب انتشار الايدز لانه عمل تراك (اغنية) دانس فور لايف. وف ديسمبر 2007, تييستو و جيورجيو ارماني اتعاونوا مع بعض عشان يعملوا اصدار محدود من تشرتات تييستو اللى بتتباع ف محلات ارماني. ارباح التراك Sweet Things وارباح التشرتات معاها راحت لاعمال خيرية.




#Article 199: طيبه (149 words)


مدينة طيبه فى جنوب مصر , كانت مدينة فى مصر القديمة و موجوده على بُعد حوالى 800 كم جنوب البحر المتوسط ، على الضفة الشرقية لنهر النيل.

كانت طيبه عاصمة مصر خلال جزء من الاُسرة ال11 (المملكة الوسطى) وأكتر من الاُسرة ال18 (المملكة الحديثة) ، رغم ان الادارة وكانت على الارجح فى منف (ممفيس) لجزء كبير من الوقت. مقر الحكومة اتنقل للدلتا مع عيلة 19.

قادت مدينة طيبه فى جنوب مصر حرب التحرير ضد الاحتلال الأسيوى فى الشمال. أحموس هو الملك اللى قدر يحرر مصر من احتلال الهكسوس و هو ابن الملك سيقنن-رع و اخو الملك كاموس و الاتنين استشهدوا فى حرب التحرير.

طيبه و جبانتها بقت موقع مهم من مواقع التراث العالمى التابعه لمنظمة اليونيسكو من سنة 1979.

ممنون تمثالين ضخام لـ امنحوتب التالت فى طيبة الغربيه. نسبهم اليونانيين و الرومان خطأ لممنون من ابطال حرب طروادة اللى أخيل قتله . تقول الأساطير ان التمثالين بيصفروا الصبح بدرى.




#Article 200: هولندا (177 words)


هولندا هو اسم مشترك فى الاستخدام لمنطقتين فى الجزء الغربى من نيذارلاندا. اسم 'هولندا' بيستخدم غلط للإشارة لكل نيذارلاندا و الاسم ده رسمياً مش صح لإن هولندا الشماليه و هولندا الجنوبيه اتنين من اتناشر مقاطعة فى نيذارلاندا.

من القرن العاشر للقرن الستاشر كانت منطقة هولندا موحده يحكمها كونت هولندا. مساحةالمنطقتين مع بعض 5.488 كلم مربع (2،000 ميل مربع) و سكانهم فى سنة 2006 اتقدرو حوالى 6,065,459

اسم هولندا اول ما ظهر فى مصادر فى سنة 866 بالنسبة للمنطقة حول هارلم ، وقبل سنة 1064 كان بيستخدم كاسم كامل للمقاطعة. بالوقت ده، سكان هولندا كانو بيعرفو نفسهم على انهم هولاندارذ مواطنين هولاندا . هولندا مستمد من holtland الهولندية ( الاراضي الحرجية). هجاء اسم هولندا البديل كان Hollant.

الاسم الصحيح للمنطقة فى الهولندى (الداتش) والانجليزى هو هولندا. هولندا جزء من نيذارلاندا. هولندا كاسم مش رسمى لنيذارلاندا مش صحيح لكن بيستخدم كاسم لنيذارلاندا فى الانجليزى واللغات التانية ، بما فيها احيانا اللغة الهولندى (الداتش) نفسها. ده زى استخدام انجلترا كاسم لكل المملكه المتحده .

هولندا موجوده فى غرب نيذارلاندا, على بحر الشمال فى فم نهر الراين و نهر الموز (ماس)




#Article 201: لغه رومانى (243 words)


الروماني (limba română, نطق:  ) هيه لغه رومانسيه بيتكلمها ما بين 24 و 28 مليون انسان فى رومانيا و مولدوڤا و حته صغيره فى صيربيا اسمها فويفودينا و حته كمان فى اليونان اسمها جبل اتوس.اللغه الروماني لغه رسميه فى منظمات دوليه زي فى الاتحاد الاوروبي و الاتحاد اللاتيني.اغلب مفردات اللغه جاي من اللاتيني (حوالي 66%) و باقي المفردات من اصول تانيه اهمها الداشي، التوركي، اليوناني و الانجليزي و الفرنساوي.الروماني ليه مجمع لغوي اسمه اكاديميا رومانا (Academia Română) و هو المسئول عن الدراسة و الحفاظ على اللغه الروماني و الادب و الثقافه الرومانيين.

السكان الاصليين لرومانيا كانو شعب هيندو-اوروبي اسمهم الداشيين و دول انهزمو سنة 106 (ع.ح) قدام الغزو الروماني اللى قاده الامبراطور تراجان ووقعت مناطق كبيره من اراضي الداشيين تحت حكم الامبراطوريه الرومانيه اللى فرضت اللغه اللاتيني على الداشيين.

اللغه الروماني قريبه من بقية اللغات الرومانسيه زي الفرنساوي و الاسباني و الطالياني، بس لاسباب تاريخيه معينه اهمها ان رومانيا متحاطة من كل الجهات بشعوب سلافيه و وجودها فى شرق اوروبا فحصل انفصال بينها و بين باقي اللغات الرومانسيه اللى اتطورت فى فى غرب اوروبا و اتاثرت باللغات الالمانيه فى الوقت اللى فضلت فيه الروماني محافظة على كتير من خصايص اللغة اللاتيني القديمه. يعني مثلا، اللاتيني فيه 6 حالات اعراب للكلمات و الروماني فيه خمس حالات:

و مش موجود اى حالات اعراب فى اللغات الرومانسيه الحديثة، معظم اللغات الرومانسيه الحديثه فيها نوعين للاسم يا مزكر يا مؤنث. الروماني فيه تلات حالات زي اللاتيني الكلاسيكي: يا مزكر يا مؤنث يا محايد.

النص المصرى:

النص الرومانى:




#Article 202: بينى بيناسى (132 words)


بينى بيناسى (Benny Benassi) (اتولد باسم ماركو بيناسى Marco Benassi يوم 13 يوليه 1967) هو DJ ايطالى من مدينة ميلانو ومنتج مزيكا الكترو هاوس اخد جايزة جرامي. اتشهر بعد كليپ Satisfaction اللى عمله فى 2002. بينى يبقى ال12 ف اكتر الDJ شهرة جسب سايت لستة الDJ. و رقم 39 فى اكتر الDJ شهرة حسب استفتا رسمى عملته مجلة DJ سنة 2008.

بينى ابتدى DJ مع قريبه الى بيناسى (Alle Benassi) فى اواخر التمانيات ف مدينتهم ميلانو قبل ما يتنقلوا لستوديو Larry Pignagnoli's Off Limits production ف نص التسعينات و عمل مزيكا لناس كتير من ضمنهم Whigfield و J.K. and Ally و Ally  Jo بينى اول مرة يعمل حفلة بشغله اللى هو عامله كان ف سنة 2001 بتراك اسمه I Feel So Fine و التراك دة اتشهر ف ايطاليا وبعد كدة ف بريطانيا.




#Article 203: ديموكريتوس (108 words)


ديموكريتوس (باليونانى: Δημόκριτος, بالعربى: ديموقريطوس. يعني: الناس مختاراه) كان فيلسوف يونانى. إتولد فى أبديرا (Άβδηρα) فى تراكيا (Θράκη) سنة 460 ق م, و مات سنة 370 ق م. ديموكريتوس كان تلميذ لـ  ليوكيـپّوس (Λεύκιππος), كان من اوائل فلاسفة الأتوميزم, و هما الإتنين آمنو إن كل المواد معموله من فتَفيت دقيقَه و مش بتتكسر, و سمّاها أتوما وحدات مابتتقسمش, اللى معناها ذرّه. ديموكريتوس بيعتبر من الفلاسفه ما قبل سوقراط.

ديموكريتوس معروف بـ النظريّه الذريّه. و هو قال إن:

ديموكريتوس ماكانش عندهُ دليل قوى. هو وصل للـ افكار دى بـ بساطه بـ التفكير فيهم. على أى حال, افكارهُ طلعت إنها قريبه من اللى إكتشفوه العلماء بعد 2000 سنه من موتهُ.




#Article 204: بلطى (242 words)


سمك بلطى او سمك مشط (انجليزى: Tilapia) هو اسم شايع لأكتر من 100 نوع سمك.
 
سمك البلطى له أهمية كبيرة فى مناطق كتيرة فى العالم بالذات مناطق مدار السرطان و مدار الجدى. سمك البلطى بتتميز بمجموعة صفات تخليه مناسب للتربية فى المزارع, و أهمها قدرته على مقاومة زيادة الكثافة و قدرته انه يعيش فى المايه اللی تركيز الاكسجين فیها قليل.

اصل سمك البلطى فى المايه العدبة او اللى ملوحتها قليله فى المناطق الاستوائية (انجليزى: tropical) وشبه الاستوائية فى افريقيا و امريكا الجنوبية, واتنقل بعد كده لجنوب اسيا و الهند و كبرت تربيته الصناعية لأول مرة فى أحواض صناعية فى كينيا فى بداية الربع التانى من القرن ال20.

النوع المتربى فى الاول كان هو البلطى الاسود T.Nigra و بعدين البلطى الموزامبيقى T.Mosamica فى أواخر التلاتينات من القرن العشرين. بعد كده انتشرت تربية البلطى فى اسيا و العالم.

سمك البلطى من عيلة (انجليزى: Family) Cichili dae و ممكن تسميتها عيلة البلطيهات و أهم الأجناس (انجليزى: genera) الاقتصادية للعيلة جنس (انجليزى: genus) Tilapia (البلطى) وأهم انواع البلطيهات:

البلطی هو تالت أهم انواع سمك فى زراعة الأحياء المائيه (انجليزى: aquaculture) بعد الكارب (انجليزى: carp) و السلمونیات (انجليزى: salmonids). انتاج البلطی كان 1,505,804 طن متری سنة 2002. البلطى مصدر كويس و شعبی للبروتين بسبب الحجم الكبير, و النمو السريع, و حلاوة طعم سمك الفصیله دی.

أسماك البلطى بتستعمل فى المكافحه البيولوجية; فى كينيا, سمك البلطى سيطر ع النموس اللى بينقل الملاريا, لأن سمك البلطى بياكل يرقات (انجليزى: larvae) النموس, و بكده تقليل عدد انثه النموس بينقل المرض.




#Article 205: المانيا (285 words)


ألمانيا ( جمهورية ألمانيا الاتحاديه;  Bundesrepublik Deutschland,  )
هى بلد فى وسط اوروبا بيحدها من الشمال بحر الشمال, و الدنمارك, و بحر البلطيق و من الشرق بولاندا و تشيكيا; و من الجنوب النمسا و سويسرا; و من الغرب فرنسا, لوكسيمبورج, بلجيكا, و نيذارلاندا (هولندا).

اراضي ألمانيا بتغطي 357،021 كيلومتر2

عدد سكان المانيا اكتر من 83.5 مليون انسان. عندها اكبر عدد من السكان فى الدول الاعضاء فى الاتحاد الاوروبى و بتضم تالت اكبر عدد من المهاجرين الدوليين على نطاق العالم

شكلت ألمانيا جزء مركزي ف الامبراطورية الرومانية المقدسة اللي فضلت لحد سنة 1806، وخلال القرن ال 16 بقت ألمانيا الشمالية مركز الاصلاح البروتستانتي. بعد الحرب العالمية التانية، اتقسمت ألمانيا لقسمين: ألمانيا الشرقية و ألمانيا الغربية. واتعاد توحيدهم في سنة 1990.

سنة 1957 ألمانيا الغربية بقت عضو مؤسس فالسوق الأوروبية المشتركة، واللي بقى سنة 1993 الاتحاد الأوروبي. وفسنة 1999 بقت عملة ألمانيا اليورو (بالألمانية: Euro أُيْرُو) بقت برضو وحدة من الدول الأوربية المنتمية لاتفاقية شينجن بحيث بيتسمح لسكان الدول الأوربية المنتمية للاتفاقية بالتنقل منها و ليها من غير فيزا و من غير حدود.
أسست ألمانيا نظام التأمين الاجتماعي كخطوة ضمن سلسلة اجراءات فسبيل تطوير المعايير المعيشية لسكانها وليها موقع مميز فالعلاقات الأوربية وبتحافظ برضو على شراكات متينة على المستوى العالمي، وألمانيا بتعتبر الرائد التاني فعلوم الطب والهندسة والتكنولوجيا والتقنيات الحديثة، وهي عضو في الأمم المتحدة والناتو ومجموعة الثماني ومنظمة التعاون والتنمية الاقتصادية وبتعتبر قوة اقتصادية كبيرة بحيث انها اكبر مصدر للسلع وتاني اكبر مستورد ليها في العالم [6].

تعتبر ألمانيا من الدول القوية في هذا الرياضه. المنتخب الألماني كسب كأس العالم لكرة القدم 4 مرات أعوام 1954 , 1974 , 1990 , 2014 و و كسسب بطولة أمم اوروبا 3 مرات. نادي بايرن ميونخ الألماني من أفضل نوادي العالم و يسمى بالعملاق البافاري نسبة لاقليم بافاريا .




#Article 206: نيقولاى جوجول (1817 words)


 نيقولاي فاسيليفيتش جوجول - بالروسي: Никола́й Васи́льевич Го́голь - (سورتشينتسي، 31 مارس 1809 - موسكو، 21 فبراير 1852) من اكبر روائيين ومسرحيين الأدب الروسي. إتولد فى بولتافا ( دلوقتي في اوكرانيا ). بيعتبر واحد من مؤسسي المدرسه الواقعيه في الأدب الروسي بتاع القرن التسعتاشر. كان بيكتب بإسلوب كوميدي ساخر.  أرواح ميته  (1842) بتعتبر أهم رواياته مع إنها مش كامله لإنه حرق بقيتها قبل ما يتوفى بعد ما إتصاب بلوثه دينيه إتسبب فيها قسيس دخل أفكار تحريميه في دماغه.

إتولد نيقولاي جوجول في قرية سورتشينتسي جنب بولتافا في اوكرانيا. الريف الأوكراني بعيشة الفلاحين وتقاليد القوزاقيين و فولكلوره الغني كان خلفية حياته وهو صغير. أبوه كتب مسرحيات من وحي الفولكلور الاوكراني. لما جوجول بقى عنده اتناشر سنه دخل المدرسه العليا في نيچين وهناك ظهرت مواهبه الأدبيه والفنيه بنشر أشعار في مجلة هناك وتقليد العواجيز في مسرح المدرسه بطريقه كوميديه.

في سنة 1828 جوجول راح على سانت بطرسبورج عشان يدور على شغلانه في المكاتب الحكوميه، لكنه ماقدرش يلاقى شغل واتبهدل مادياً، فحاول يشتغل ممثل بس مانجحش في الإختبارات وما نفعش، فقال يجرب حظه كشاعر فنشر على حسابه ديوان شعر عاطفي فشل فشل ذريع خلاه ييأس و يلم كل النسخ ويحرقها ويفكر إنه يسيب روسيا بحالها و يهاجر على امريكا فخد المركب وسافر على المانيا على أمل انه من هناك يكمل المشوار على امريكا بس وهو في المانيا لقى نفسه مفلس وما حليتهوش حاجه توصله امريكا فراح واخد بعضه وراجع على سانت بطرسبورج وقعد يدور على شغل من تاني، لغاية مالقى شغلانه حكوميه بمرتب تعبان فسابها بعد تلت تشهر وراح اشتغل شغلانه حكوميه تانيه وسابها هي كمان بعد سنه وراح اشتغل مدرس تاريخ في مدرسه داخليه للبنات.

ابتدا جوجول في نفس الوقت يكتب قصص في شوية مجلات كات مواضيعها عن ارياف اوكرانيا وعن عيشة الفلاحين في القرى هناك ودخل في القصص حكايات عن العفاريت والسحارين استخلصها من الفولكلور الاوكراني بإسلوب مضحك استعمل فيه ألفاظ وامثله شعبيه اوكرانيه. ودي أياميها كات حاجه جديده في الأدب الروس لفتت أنظار القرأ والنقاد ليه. في الفتره دي ( 1831 - 1832 ) كتب تمن حكايات اتنشرت في مجلدين بعنوان  أمسيات في مزرعه قرب ديكانكا  ( بيتشيرا نا خوتوري بليز ديكانكي - Вечера на хуторе близ Диканьки - ). وفجاءه لقى نفسه اتشهر بين يوم وليله وكتاب ونقاد كبار زي بوشكين و چوكوڤسكي و اساكوڤ و بلينسكي مهتمين بيه.

في سنة 1834 اتعين جوجول في جامعة سانت بطرسبورج استاذ مساعد في أدب العصور الوسطى، بس لقى نفسه مش قادر على الشغلانه دي فسابها بعد سنه وابتدا يحضر لنشر مجموعات قصصيه جديده في كتابين هما  ميرجورود  - Миргород - و  ارابيسك  اللي نشرهم سنة 1835. الأربع قصص اللي كات في مجموعة  ميجورود  كات تكمله لمجموعة قصص  أمسيات في مزرعه قرب ديكانكا  لكن جوجول اتخلى فيهم عن اسلوبه الرومانتيكي اللي حل محله اسلوب واقعي تشاؤمي بيعكس انعدام القدره على التجاوب مع الحياه وفي نفس الوقت انعدام القدره على الهروب منها. زي ما اتجلى في قصة  مشاجرة إيفان ايفانوفيتش و إيفان نيكيفوروفيتش  اللي كات فكاهيه بس مليانه مراره من قسوة الحياه. وفي قصه  مُلاك زمان  على الرغم من كل الفكاهه اللي فيها كات بتشوبها سخريه من اتنين عواجيز عايشين للأكل وعمالين ياكلوا لمجرد الأكل لإن مفيش حاجه تانيه في دنيتهم ممكن يقدروا يعملوها. و في قصة  مذكرات مجنون  البطل  زابيسكي سوماسشيدشيجو  موظف صغير قليل القيمه بيعاني من الكبت، فعوض عنه بجنون العظمه ( ميجالومانيا - megalomania - ) اللي اتطور معاه لغاية ما دخله مستشفى المجانين.

قصة تراس بولبا -Тарас Бульба- اللي هي كمان كات من ضمن مجموعة ميرجورود غيرها جوجول سنة 1845 و زود عليها تلت فصول. والقصة بتحكي عن الصراع اللي دار مابين القرنين الخمستاشر والسبعتاشر بين الاوكرانيين الاورتودوكس وبولندا الكاتوليكيه، و لقت نجاح كبير في روسيا وسماها جوجول واحده من قصصه المحظوظه. تراس بولبا في القصه دي بيصارع قمع حريات الناس و استسلام الناس لثقافات من بره بلادهم . قصة تراس بولبا اتعملت فيلم انتجته هوليوود سنة 1962.

جوجول كان بيثق في رأي و ذوق بوشكين الأدبي جداً ونشر سنة 1863 في مجلته الأدبيه  سوڤريمينيك  -Современник - قصه  العربة  ( كولياسكا - Коляска - ) اللي بتعتبر من احسن قصصه الساخره، و قصته الغريبه السيرياليه الفكاهيه  الأنف  ( نوس - Нос - ). وبوشكين هو اللي اداله فكرة مسرحية  المفتش العام  و رواياته البديعه  أرواح ميته  اللي بتعتبر من أحسن الروايات اللي اتكتبت في تاريخ الادب الروسي والأدب العالمي بوجه عام. جوجول كتب عن الموضوع ده في  إعترافات مؤلف  وقال ان بوشكين  إداني فكرة موضوعه اللي كان عايز يعمله حاجه زي شعر، وقالي في كلامه انه ما كانش ممكن يدي الموضوع ده لأي حد .

كوميديا  المفتش العام  ( ريڤيزور - Ревизор - ) هاجمت واتريقت من غير رحمه على النظام البيروقراطي الفاسد في عهد نيقولا الأول. و مختصر موضوعها إن المسئولين والموظفين الفاسدين في بلد من الأقاليم استقبلوا راجل منفوخ مهندم افتكروه  المفتش العام  وقعدوا يدوله رشاوي و يعزموه على مآدب عشان يغض عينه عن فسادهم الوظيفي. وبعد ما مشي عملوا احتفال انهم قدروا يضحكوا عليه، وفي الوقت ده وهم بيحتفلوا بنصرهم وصل  المفتش العام  الحقيقي فصابهم رعب. الكوميديا دي اتعرضت مره واحده في روسياأياميها في 19 إبريل 1836 بأمر مباشر من القيصر نيقولا وبعدها قامت ضجه كبيره في الجرانيل وفي الدواير الحكوميه فاتمنع عرضها تاني ولدرجة إن جوجول إضطر يسيب روسيا في يونيو 1836 ويروح على روما ويقعد فيها بطريقه متقطعه لغاية سنة 1842.

جوجول حس بالراحه في ايطاليا ولقى في روما الجو الديني اللي كان ميال ليه. وهناك قابل رسام اللوحات الدينية  الكسندر إيڤانوڤ  اللي كان بيشتغل في روما وبقم صحاب جداً. وقابل واندمج مع السياح والمهاجرين الأرستقراطيين الروس وكات منهم الأميره الروسيه زينايدا ڤولكونسكي اللي كات استقرت في ايطاليا بعد ما اعتنقت المذهب الكاتوليكي ، واللي كات المواضيع الدينيه بتتناقش في قعداتها.

جوجول كتب حتت من رواية  أرواح ميته  ( ميورتڤي دوشي - Мёртвые души - ) في سويسرا (خريف 1836 ) و كتب حتت تانيه في باريس (نوفمبر 1836 - فبراير 1837 )، لكن روما كات المكان اللي كتب فيه جوجول معظم روايته العظيمه  أرواح ميته  (1837 - 1838 ). الروايه دي اللي سماها جوجول  ملحمه  بتصور روسيا الإقطاعيه بنظام القنانه، و النظام البيروقراطي الفاسد اللي كان سايد أياميها. جوجول كتب الجزء الاول بتاع الروايه دي في حوالي تمن سنين ( من 1834 لـ 1842 )، وقرا لبوشكين الفصول الأولى اللي خلت بوشكين يحس بكأبه لغاية ما صرخ  يا إلاهي ! يا حزن روسيتنا.

مختصر الروايه إن بطلها تشيتشيكوڤ  راجل نصاب مكار بعد ما خسر ثروته بقى عايز يتغني تاني. فعمل خطه ذكيه لكن إجراميه إنه يشتري من ملاك الإقطاعات  أرواح  ( لقب عبيد الأرض في روسيا أياميها ) العبيد اللي كانوا بيشتغلوا عندهم وماتوا من قريب ولكن وفاتهم لسه ما اتسجلتش في سجلات الحكومه وبكده بيعتبروا لسه عايشين. الملاك اللي كان بيتصل بيهم كانوا بيفرحوا بالموضوع لإنهم كانوا بيدفعوا ضرايب للدوله على عبيد مش موجودين. تشيتشيكوڤ كان ناوي يرهن الأرواح دي في البنوك ويستلف بيهم فلوس تمكنه من العيشه كراجل محترم في إقليم بعيد ماحدش يعرفه فيه.

جوجول في الروايه دي خلق شخصيات كتيره بسلوك و نفسيات مختلفه، اشتهرت في روسيا بأساميها. وبطل الروايه تشيتشيكوڤ طول الروايه كان بيتنقل من بلد لبلد لما يحس إن ملعوبه اتكشف فكان بيقابل شخصيات جديده. جوجول بإسلوب فكاهي متمكن ورى إزاي العبيد دول أياميها كانوا بيتعاملوا وبيتباعوا وبيتشروا زي البهايم.

الجزء اللي كتبه جوجول من رواية  أرواح ميته  اتنشر سنة 1842 بعد ما الرقابه رفضت نشرها وكان عنوانها حجه من حجج الرفض وقالوا ان جوجول بالعنوان ده  بيعترض على فكرة الخلود ، وإنه أحسن يسميها  مغامرات تشيتشيكوڤ أو الأرواح الميته  فوافق جوجول لانه كان محتاج فلوس .
 
في نفس السنه جوجول نشر كام روايه قصيره، كان من ضمنها رواية  المعطف  ( شينيل - Шинель - ) اللي وصفها الأديب العملاق دوستويفسكى بإنها:  الرواية اللي طلعت من عبايتها كل الروايات الواقعيه اللي ظهرت في روسيا  .

القرأ والنقاد في روسيا اتحمسوا للجزء اللي اتنشر من الأرواح الميته، خصوصاً إن بعد وفاة بوشكين المفاجئه في 1837 حصل نوع من الفراغ الأدبي في روسيا فلما طلعت رواية  أرواح ميته  حس القرأ والنقاد إن جوجول ممكن يملى الفراغ ده و انه بالروايه دي بقى واقف على قمة الهرم الأدبي في روسيا.

لكن جوجول ما كانش مقتنع قوي باللي كتبه وكتب جواب للشاعر چوكوڤسكي قاله فيه ان اللي اتنشر ما يسواش حاجه جنب اللي لسه حايتكتب .

ابتدى جوجول يبص للموضوع من منظور جواه هو شخصياً. واتسللت لراسه فكره دينيه محواها ان ربنا إدى له موهبه أدبيه كبيره مش بس عشان يعاقب الفساد عن طريق اضحاك الناس لكن كمان عشان يورى روسيا الطريق الصح للعيشه في عالم شرير. في مارس سنة 1841 جوجول كتب لواحد صاحبه في موسكو:  مشيئة ربنا المقدسه.. أفكار زي دي مش من وحي البشر. مفيش إنسان ممكن يفكر في موضوع زي ده  . وعلى الاساس ده جوجول قرر انه يكمل الروايه على انها حاجه زي  كوميديا إلاهيه  نثريه. واعتبر الجزء اللي اتنشر بيمثل بالنسبه لروسيا جحيم دانتي في الكوميديا الإلاهيه 

بكده دخل جوجول في متاهه دينيه ولقى نفسه مش عارف يكتب ويكمل الروايه. كتب جوجول في إعترافات مؤلف:  قعدت عشان أكتب فلقيت نفسي مش قادر أكتب حاجه. كل مره أحاول أكتب كان الموضوع بينتهي بعيا وشقا، لغاية ما اتوقفت عن الكتابه مده طويله.

قعد جوجول يكتب في الجزء التاني بتاع عشر سنين ( من 1842 لـ 1852 )  من غير ما يحس بالرضا على اللي بيكتبه. وخطرت في دماغه فكرة ان ربنا، لسبب ما، ماهوش عايز إنه هو، جوجول، يكون مرشد الناس لعيشه خيره. لكن على الرغم من كده قرر انه ممكن يعمل الشغلانه دي كمعلم وواعظ من غير ما يستخدم قدراته الفنيه، فراح كاتب  مختارات من مراسلاتي مع اصدقائي  (1847) ودي كات مجموعة خواطر. وكات النتيجه وحشه جداً واتهاجم الكتاب عن طريق القرأ والنقاد و من ضمنهم الناقد الكبير بلينسكي اللي كان معجب بجوجول وبيمدحه قبل كده، وكتب له جواب قاله فيه انه بكتابه ده بقى  واعظ جلاد بيدافع عن الظلمات و اوحش أنواع القهر . الهجوم خلى جوجول يحس انه فعلاً مذنب كبير ، وإن ربنا اتخلى عنه بالكامل، فاتصاب بوسواس ديني و بدأ يكتر صلواته و يبعد أكتر عن الحياه والمجتمع، وفي سنة 1848 راح على بيت المقدس عشان يحج لكن برضه ماحسش بالراحه ولما رجع روسيا قعد يتنقل من مكان لمكان لغاية ما استقر في موسكو، وهناك قابل قسيس متطرف ديني اسمه  الأب ماتفي كنستنينوڤسكي  دخل في دماغه أفكار تحريميه غريبه وسيطر عليه وبقى يأمره يعمل حاجات. وكات من الاوامر دي إنه يحرق مخطوط الجزء التاني من روايته  أرواح ميته  اللي كان لسه مانشرهوش، فحرق جوجول المخطوط يوم 24 فبراير سنة 1852، وبعدها بعشر تيام إتوفى نتيجة الصيام المتواصل وهو متصاب بلوثه شبه جنونيه .

برغم اللوثه الدينيه اللي اتصاب بيها جوجول ودمرت عبقريته الأدبيه، أثر جوجول في الأدب الروسي كان كبير جداً. رواياته  أرواح ميته  و لو إنها ناقصه، و  المعطف  و مسرحيته  المفتش العام  اسسوا مدرسه أدبيه جديده في روسيا إسمها  المدرسه الطبيعيه  ( natural school ) البعيده عن المدارس  الرومانتيكيه  ( romantic school ) و  البلاغيه  ( rhetorical school ) اللي كات سايده قبله. جوجول كان من أوائل الأدبا الروس اللي وروا روسيا نفسها. على عكس اسلوب الكتابه الكلاسيكيه-الواقعيه ( classical-realistic ) بتاعة بوشكين واللي استخدمها كتاب زي تولستوي و تورجينيف ، إسلوب كتابات جوجول اتنقلت لكتاب زي دوستويفسكى و اندريه بيلى اللي اثروا بدورهم على كتاب كتار في فتره مابعد الثوره الروسيه. واقعية جوجول الإتهاميه لقت مؤيدين كتار كان منهم الأديب الساخر  ساليكوف چخدرين . جوجول كمان هو اللي أوجد شخصية  الراجل الصغير  كبطل في الأعمال الأدبيه.




#Article 207: ليو تولستوى (152 words)


 ليو نيقولايفيتش تولستوي ( كونت )  - بالروسي: Лев Никола́евич Толсто́й - (ياسانيا بوليانا، 9 سبتمبر 1828 - استابوفو، 20 نوفمبر 1910). من اكبر روائيين الادب الروسي والأدب العالمي. كاتب و فيلسوف ديني روسي. من اشهر رواياته  الحرب والسلام  (1865 - 1869) ودي ملحمه نثريه طويله عن حروب نابليون، و  البعث  (1889 - 1900)، و  انا كارنينا  ( 1875 - 1877 ) ودي عن مأساه أخلاقيه خلفيتها مجتمع سانت بطرسبورج، و قصة حياته  الطفوله  و  الصبا  و  الشباب  ( 1852 - 1860 ) ، و  القوزاق  ( 1863 ). كتب كمان مسرحيات و كتب فلسفيه.

تولستوي كان نبيل من عيله غنيه معروفه فى روسيا، وكان لقبه  كونت . كان بيؤمن بالمقاومه السلبيه للشر و عدم العنف والحياه البسيطه و مؤلفاته بتناقش المواضيع الدينيه و الجمال الأخلاقي. إتأثر بأفكاره عن المقاومه السلبيه للشر ناس كتير زي غاندي فى الهند و مارتن لوثر كينج فى امريكا. رفضت الكنيسه الاورتودوكسيه فى روسيا افكاره وكفرته وطردته.




#Article 208: بوشكين (410 words)


الكسندر سرجيفيتش پوشكين -  - (موسكو ، 6 يونيو 1799 -سانت بطرسبرج 10 فبراير 1837)، أعظم شعرا روسيا، و كاتب روائى و مسرحى. بيعتبر ابو الادب الروسى. إتولد فى عيله ارستقراطيه افتقرت. امه كانت بنت حفيدة كبير مهندسين القيصر بطرس الأكبر. درس بوشكين بالفرنساوى فى الليسيه الامبراطورى فى تسار سكويي سيلو، لكن اتعلم الروسى المحلى من الخدامين فى البيت. وهو فى الليسيه و هو عنده 15 سنه نشر اول أهم دواوينه الشعريه  رسلان و اودميلا  (اتنشر 1820)، و لما اتخرج من الليسيه و هو عنده 18 سنه كان ليه صيت أدبى.

فى سنة 1817 اتعين بوشكين فى وزارة الخارجيه فى سانت بطرسبورج و بقى ثورجى و اندمج فى جماعه شبابيه كانت جزء من الانتفاضة الديسمبريه سنة 1825. فى 1820 كتب بوشكين قصيده عنوانها  عن الحريه  و كانت سبب فى لفت نظر السلطات الحاكمه ليه و كانت النتيجه انه اتطرد من سانت بطرسبورج فراح عاش فى جنوب روسيا لمدة تلت سنين و اتعرف على اشعار لورد بيرون لأول مره. و فى سنة 1823 راح عاش فى اوديسا و ابتدا يعيش حياته الطبيعيه زى ماكان قبل نفيه من سانت بطرسبورج. فى اوديسا ابتدا بوشكين اعظم اعماله  يفجنى اونيجن  ( 1823 - 1831 ). لكن بعد سنه اضطر انه يعزل تانى و راح عاش فى عزبة امه فى ميخائيلوفسكوى بعد ما وقعت فى ايدين السلطات مراسلات ليه و هناك عاش تحت المراقبه.

رغم المشاكل اللى واجها بوشكين فى الفتره دى، استمر فى الكتابه و ذاع صيته بسرعه. و بعد اغتيال القيصر الكسندر الاول فى 1825 اعترف القيصر الجديد نيكولاس الاول بشعبية بوشكين و لغى نفيه فرجع سانت بطرسبورج و هناك قابل و وقع فى حب  ناتاليا نيكولاييفنا جونتشاروفا  اللى كانت جميله و من عيله ارستقراطيه فإتجوزها سنة 1831.

فى بداية 1830 بوشكين كتب و نشر اشعار و مسرحيات و قصص قصيره كان منها تراجيديته التاريخيه الشكسبيريه  بوريس جودونوف  (اتنشرت 1831). (اتنشرت 1831) و  موزارت و ساليرى  و  ملكة البستونى  (1834) و  بنت البحار  (اتنشرت 1836).

بوشكين اكتشف ان تشجيع القيصر ليه بدل ما بيديه الحريه كان بالأحرى نوع قوى من الرقابه و فى نفس الوقت بوشكين كان بيعانى من احباط من تصرفات مراته ناتاليا. فى سنة 1836 حصلت لبوشكين فضيحه بسبب علاقة مراته بالبارون جيورجيس دانتتيس، فطلب بوشكين الدخول فى مبارزه معاه للدفاع عن شرفه هو و مراته. المبارزه حصلت فى يناير 1837 و اتجرح فيها بوشكين جرح مميت اتسبب فى وفاته بعدها بيومين.

اتأثر بوشكين بأشعار لورد بيرون وكتب أشعار رومانسيه لأول مره فى الادب الروسي زي  سجين القوقاز  (1822) و  اخوة اللص  (اتنشرت 1827).

الادب الروسى إتأثر بلغته واسلوبه فى الكتابه.




#Article 209: النرويج (230 words)


النرويج (نرويجى: Norge; نرويجى حديث: Noreg), رسميا مملكة النرويج, هى بلد ليها نظام ملكى دستورى فى شمال اوروبا, تحتل الجزء الغربي من شبه الجزيرة الاسكندنافية

تمتد النرويج من شمال لأقصى جنوب شبه الجزيرة. النرويج ليها حدود مشتركة فى جنوب شرق البلاد مع السويد؛ و من الشمال تحدها فنلندا من الشمال الجنوب و روسيا من الشرق. والمملكة المتحدة و جزر فارو من الغرب عبر بحر الشمال, و الدنمارك وتقع الى الجنوب من الحافة الجنوبية عبر مضيق سكاجييراك. النرويج ليهاساحل واسع, تواجه شمال المحيط الاطلنطى.

راس الدوله دلوقتي هو الملك هارالد الخامس.اليوم الوطني عندهم هوا 17 مايو وبيحتفلوا بيه عشان الدستور النرويجي اتعمل سنه 1814.البرلمان عندهم اسمه ستورتينجت واعضاءه الناس يتنتخبهم كل 4 سنين.تقريبا 4.6 شخص عايشين فى النرويج. اوسلو هيا العاصمه وكمان هيا اكبر مدينه فى النرويج اكتر من 530,000.المدن الباقيه بيرجن وعايش فيها 230.000 و تروندهايم عايش فيها 150.000, والاتنين كانوا عواصم للنرويج فى السنين اللى قبل كده.

اللغه النرويجيه هيا اللغه الوطنيه فى البلاد وفيه طرقيتين رسميتين بيتكتب بيهم النرويجيه واسمهم بوكمال ونينورسك و كتير من الاشخاص الساميين متكلمين اصليين لواحده من اللغات الساميه.

 

الملك هارالد هوا اول ملك يتولد فى النرويج من 600 سنه, والملك هارالد عنده طفلين: الاميره مارثا لويز وولي العهد هاكون ماجنوس.

فى الحرب العالميه الاولي كانت النرويج دوله محايده وكانت بتعتبر دوله تجاريه وحاولت تفضل محايده فى الحرب العالميه التانيه بس مقدرتش عشان القوات الالمانيه احتلتها من 9 ابريل 1945 لحد 8 مايو 1945.




#Article 210: مكسيم جوركى (161 words)


 مكسيم جوركي  - بالروسى: Максим Горький -اسم مستعار لـ الكسي مكسيموفيتش بيشكوف - بالروسي : Алексей Максимович Пешков - ( نجني نوفجراد 1868 - موسكو، 18 يناير 1936 )، مؤلف وأديب روسي ماركسي، اسس مدرسة الواقعية الاشتراكيه فى الادب، اللى بيهدف لتوظيف الادب لخدمة المجتمع. كان بيعتبر المنبوذين فى المجتمع هما أمل المستقبل. عاش بره روسيا فى جزيرة فى كابري الطليانيه بطريقة متقطعه من سنة 1906 ورجع روسيا سنة 1928 واتكرم تكريم كبير .

بدأ مكسيم جوركي الكتابه سنة 1892. ومن قصصه القصيره الأولانيه  ستة وعشرون رجلا وفتاه ، و تشيلكاش ، و  مالفا . ومن رواياته :  فوما جوردييف  ( 1899 )، و الام  ( 1907 ). وكتب كمان مسرحيات زي  الاعماق السفلى  ( 1902 ). وصف الأحداث الثوريه اللى حصلت فى روسيا ما بين سنة 1880و سنة 1934 فى رواياته الأخرانيه  مسألة ارتاموف  ( 1925 )، و  حياة كليم سمجين  ( 1927 - 1936 ). كتب كمان  طفولتي  ( 1913 ) ، و  ذكرياتي  اللى اترجمت للإنجليزي سنة 1946.




#Article 211: شالوم اليخيم (611 words)


شالوم اليخيم او شولوم اليخم ( ييدى שלום־עליכם ،  Шолом-Алейхем)، اسم مستعار لـ شولوم ياكوف رابينوفيتش (برياسلاڤ، اوكرانيا، 18 فبراير 1859 - نيو يورك، 13 مايو 1916 ). اديب ييدى روسي من أهم واكبر كتاب اللغه الييدى. الف روايات و قصص و مسرحيات كتيره استوحى منها فيلم غنائي انتجته هوليوود بعنوان كمانجي على السطوح (Fiddler on the Roof)، اللى إتعرض لأول مره سنة 1964.

اتولد شولوم فى برياسلاف جنب كييف وبدا الكتابه وهو لسه صغير و اشتغل مدرس لغه روسيه خصوصي وهو عنده سبعتاشر سنه. واشتغل حاخام حكومي فى لوبين.

اول كتابات شالوم اليخيم كات بالروسي و العبري. العبري كات اللغه اللى بيكتب بيها غالبية اليهود فى روسيا أياميها، وبعدين ابتدى يكتب بالييدى بس، لإن الييدى كات اللغة اللى بيتكلم بيها الناس وبيتعاملوا بيها حواليه فى المجتمع اللى كان عايش فيه. الموسوعه اليهوديه (1901 -1906) صنفت شالوم اليخيم على اساس إنه روائي عبري. لكن العبري و الييدى لهم جذور مختلفه.

شالوم اليخيم من سنة 1883 لما نشر اول حكاياته ولغاية وفاته سنة 1916 كتب اكتر من 40 مجلد فيها روايات و قصص قصيره و مسرحيات ومذكرات ادبيه وخلافه. اتجوز ست غنيه واتغنى و استخدم جزء من ثروته لتشجيع ادباء اللغه الييديه، و حرر فى 1888-1889 دوريه سنويه اسمها المكتبه الشعبيه الييديه (Die Yidische Folksbibliotek). كتابات شالوم دخلت قلوب الناس لإن لغته ومواضيعه كان بتخاطب الناس من كل الطبقات و من كل المستويات الفكريه باللغه والكلام اللى بينطقوه فى الشوارع و فى بيوتهم، وبقى فى حياته ممثل حقيقي للادب اليهودي. اترجمت رواياته فى حتت كتيره وبقى معروف، وفي امريكا سموه  مارك توين اليهودي  .

فى سنة 1905 خد عيلته وراح على سويسرا وبقى يتنقل فى اوروبا وامريكا عشان يلقي محاضرات. وظهرت ترجمه انجليزيه لشويه روايات من رواياته كان من ضمنها الاطفال اليهود، و البلد القديم، و مغامرات ابن موتيل مغني الكنيس. وفي سنة 1914، قبل ما يتوفى بسنتين هاجر على امريكا مع يهود كتير بعد ما حسوا ان العيشه فى أوروبا مبقلهاش امان، زائد الإشاعات اللى كات منتشره أياميها بإن امريكا بلد دهبيه، الفلوس فيها مرميه فى شوارعها وعايزه اللى يلمها. وشالوم اليخيم كان كتب عن امريكا من قبل ما يروحها ويشوفها. وفي قصته يهود صغار بشعر احمر (1900) استخدم إستعباد اليهود فى مصر كرمز لأمريكا واتكلم بمراره عن النصابين والمستغلين اللى كانوا بيغرروا باليهود المهاجرين على امريكا.
وبعد ما هاجر امريكا سنة 1914كتب قصص عن تجربته هناك وصور شخصيات يهوديه مهاجره و ردود أفعالها فى امريكا. وركز على المهاجرين اللى كانوا بينتقدوا عيالهم لإنهم إتأقلموا بسرعه فى امريكا وإتأمركوا ونسوا ثقافتهم الاصليه بسرعه، مع إنهم هما نفسهم كانوا بيكتبوا جوابات بالييدى بس بكلام وإسلوب متأمرك لدرجة إن اللى بيستلموها الناحيه التانيه ما كانوش بيفهموها بسهوله. شالوم اليخيم ما إتأقلمش على العيشه فى ارض الميعاد امريكا وحس بغربه بعد ما لقى نفسه عايش فى مجتمع متعدد الثقافات والأجناس وبعيد عن مجتمعه اليهودي المقفول اللى إتعود عليه. بس قدر ببراعه اول ما وصل امريكا ولمدة سنتين إنه يألف قصص بنفس روح الطرافه بتاعته بخلفيه امريكانيه، ودي حاجه ماقدرش يعملها كتاب يهود كتار عاشوا فى امريكا مده أطول منه بكتير.
شالوم اليخيم كان اول مؤلف يكتب للاطفال باللغه الييدى، واقتبست من قصصه للاطفال حكايات اتعرضت على مسرح الفن الييدى فى نيو يورك.

كتب شالوم اليخيم، مع انه كان اتوفى من سنين، اتحرقت فى المانيا ايام هتلر والنازي اللى كات عقولهم منغلقه وكانوا بيعادوا اليهود والثقافات التانية. وده كان زي ما هو نفسه اتوقع وكان بيقول إن مفيش مستقبل لليهود اللى عايشين فى مجتمعات بتعاديهم.

شالوم اليخيم هاجر على امريكا سنة 1914 وبعدها بسنتين اتوفى فى نيو يورك وهو عنده سبعه وخمسين سنه بعد ما عيي بالسل، بعد ما لعب دور كبير فى تعريف الناس بالادب الييدى، وظهر بعده كتاب كبار بيستخدموا اللغه دي زي ايزاك سينجر اللى خد جايزة نوبل فى الادب سنة 1978 كاكبر تتويج للغه والثقافه الييدى اللى اخلص لهم شالوم اليخيم.




#Article 212: كريستوفر كولومبوس (136 words)


كريستوفر كولومبوس (1451 - 20 مايو 1506م) كان ملاح ، و مستعمر , و رحالة و مستكشف ايطابي مشهور، ينتسب له اكتشاف العالم الجديد (الامريكتين) فى نصف الكرة الغربي.

ولد فى مدينة چينوا فى ايطاليا ودرس رياضيات و علوم الطبيعة و الفلك فى جامعة بافيا . الذكرى السنوية لعبور كولومبوس المحيط الاطلنطي تكون في 1492 (يوم كولومبوس) هو اجازه فى جميع أنحاء الامريكتين و اسبانيا فى 12 اكتوبر من كل سنة.

يوم 30 ابريل 1492 الملوك الكاتوليك عملو اتفاقيه مع كريستوفر كولومبوس ، و عينوه مكتشف للجزر والقارات فى البحر و المحيط و مولوا رحلته اللتى اكتشف فيها امريكا.

سنة 2006 اعلنت نتائج بحث قام بيه فريق من جامعة جرانادا عن عضم شخص مدفون فى كاتدرائية سيڤييا، اثبتوا فيه انه عضم كريستوفر كولومبوس (1451 ـ 1506).

كريستوفر كولومبس مات يوم 20 مايو 1506م في فايادوليذ .




#Article 213: انجلترا (165 words)


 انجلترا (/England ) بلد بتشكل اكبر جزء من المملكة المتحدة. و أكتر من 83% من مجموع سكان المملكة المتحدة.

حدود انجلترا البرية مع اسكتلندا ف الشمال و ويلز ف الغرب، و البحر الأيرلندى ف الشمال الغربي ، و البحر السلتيك ف الجنوب الغربي، و بحر الشمال ف الشرق و القناة الإنجليزية ف الجنوب تفصلها عن قارة أوروبا . معظم إنجلترا بتضم الجزء الأوسط والجنوبي من جزيرة بريطانيا العظمى ف شمال المحيط الاطلنطى . البلاد بتشمل أكتر من 100 جزيره صغيره زى جزر سيلى و جزيرة وايت .

دى فاكتو لغة انجلترا الرسمية هي الانجليزيه 

في عام 1066م طالب دوق نورماندي ويليام بعرش انجلترا من يد الملك هارولد , وابحر 7000 جندي وفارس نورماندي في سفن حربية من نورماندي شمال فرنسا عبر القناة الانجليزية لغزو انجلترا ، قابلوا بعض في مدينة هاستنج وقامت معركة عنيفة انتصر فيها النورمان ، وقائد النورمان تلقب ب الملك وليليام الغازي ، واستقر النورمان هناك واختلطت لغتهم الفرنسية النورماندية مع لغة عامة الشعب وهي الانجلو ساكسون ليمتزجا ويكونا اللغة الانجليزية مصادر




#Article 214: فرانز كافكا (206 words)


فرانز كافكا – Franz Kafka – (پراج، 3 يوليو 1883 – كيرلينج (النمسا)، 3 يونيو 1924)، اديب تشيكي يهودي كتب باللغه الألماني روايات و مقالات، وكان له اسلوب كتابي فريد بتطغى عليه العبارات الطويله المعقده التركيب ولكن واضحه ودقيقه جداً، ومواضيع مميزه عن عالم حقيقي لكن فى نفس الوقت مليان أحلام و كوابيس وصراعات نفسيه داخليه بتعبر عن قلق وعزلة انسان القرن العشرين وتهميشه وتحجيمه.

حياة كافكا الخارجيه وإتصاله بالمجتمع اللى حواليه كانوا عاديين جداً بعكس شخصيات رواياته اللى كات محاصره إجتماعياً وعايشه فى كوابيس وصراعات داخليه بتحاول انها تتخلص منها. كافكا إتولد فى عيله يهوديه مش متزمته وعاش عادي ودخل جامعه براغ ودرس فيها الحقوق واشتغل فى شركة تأمين. الصراعات النفسيه و الكوابيس اللى ظهرت فى رواياته وقصصه كات مرتبطه بعلاقته بأبوه المتسلط وعلاقاته العاطفيه الفاشله وشغله الممل فى مكاتب التأمين.

كافكا مانشرش مؤلفات كتيره فى حياته وأعظم رواياته زى  المحاكمه Der Prozess  و  القلعة Das Schloss  اتنشروا سنة 1925 و 1926 بعد وفاته وده كان بفضل صاحبه المقرب ماكس برود اللى ما حرقهومش زي كافكا ماكان وصاه. لكن نسخ مؤلفاته اتعرضت للحرق على إيد هتلر والنازي بعد كده.

اتوفى كافكا سنة 1924 بمرض السل وهو عنده 41 سنه.

كافكا بيعتبر من أحسن كتاب الروايه القصيره اللى كتبوا بالألماني و كمان على مستوى الادب العالمى.




#Article 215: خنزير (232 words)


الخنزير هوه حيوان ثديي مشقوق الظلف. موجود منه 16 نوع بس اشهرها هو الخنزير المستأنس و الخنزير البري.الخنزير حيوان كلي-الاكل يعني بياكل كل حاجه ( النباتات و اللحوم) و هوه بشكل عام حيوان ذكي و اجتماعي.

الخنزير انفه ذو فتحات كبيرة و عيونه صغيره و رجليه قصيره و ذيله قصير و ممكن يكون ملولو او مستقيم و له ظلف مشقوق. الخنزير مالهوش غدد عرقيه.

ابتدت عملية استئناس الخنزير من حوالي خمس ل سبع ت -الاف سنه فى الشرق الادنى من الخنزير البري و دلوقتي بتنتشر تربيته فى اوروبا و الشرق الاوسط و فى اسيا لحد الصين و اليابان.وصل الخنزير لامريكا مع المستكشفين الاسبان الاولانيين زي دي سوتو. البشر استأنسو الخنزير قبل حيوانات تانية كتيرة زي البقر مثلا عشان سهولة تربيته و لانه بياكل اى حاجة بتتحط قدامه.

من زمان أوي ارتبط الخنزير بالتابو.

ادت التحريمات الدينيه بخصوص أكل لحم الخنزير لانتشار فكره غلط و عداوه للخنزير اللى هو مجرد حيوان زى كل الحيوانات على الارض.

الخنزير زيه زى أى حيوان ممكن يتصاب بانواع كتيره من الطفيليات و الامراض اللى ممكن تتنقل للانسان لو كل لحمته من غير ما تتسوى كويس. من اهم الامراض دي التينيا سوليام و التركينوزيس و البروسيلا و السالمونيلا.بعض المنتمين للاديان اللى بتحرم لحمة الخنزير بيشوفو فى الامراض دي تبرير لوجهة نظرهم الدينية. بس فى وجهة نظر تانية بتقول ان الامراض دي مس مقصورة على لحمة الخنزير و ممكن تتنقل للانسان لو ما سوّاش اى لحمة تانية بشكل كويس.




#Article 216: قرد (146 words)


القرد (;  monkey;  singe;  میمون) هوه حيوان ثديي بينتمي لرتبة الرئيسيات و فى منها 264 نوع على الاقل.

القرود بيختلف حجمها من اول القرد القزم (مارموسيت) اللى طوله بالديل 14-16 سنتي و وزنه 120-140 جرام لحد قرد ماندريل اللى بيوصل طول الذكر بتاعه ل متر ووزنه ل 35 كيلو. فى بعض القرود بتعيش على الاشجار و بعضها بيعيش فى السافانا و بتتغذى على الفواكه، ورق الشجر ،الحبوب ،الزهور و البيض و حتى الحيوانات الصغيره زي الحشرات و العناكب.قرود العالم الجديد بيكون ليها ديل متحور بطريقه تخليها تقدر تتعلق ع الشجر اما الديول بتاعة قرود العالم القديم ماعندهاش الخاصيه دي او ماعندهاش ديول خالص.

لم تكن مصر موطن للقرود و مع ذلك و من اول الاسره الرابعه، كان قرد البابون حيوان مقدس فى الديانه المصريه القديمه و له مومياوات فى المتحف المصري فى القاهرة.قرد البايون كان يعتبر تجسيد للاله بابي الذى كان واحد من آلهة العالم السفلي.




#Article 217: العراق (1350 words)


(اسم الدولة الرسمي بالعربي: جُمْهُوريَّة العِرَاق; كوردى: كۆماری عێراق، Komara Îraqê; بالتركماني: Irak Cumhuriyeti; آرامي حديث: ܥܸܪܵܩ) هبه دولة في جنوب غرب آسيا و تشترك في الحدود مع تركيا و ايران و الكويت و الاردن و السعودية و سوريا و ليها ساحل (60 كم) على خليج البصرة. العراق يمر فيها نهرين اساسيين هما دجلة و الفرات و اللذان ساعدا على قيام الحضارة على ضفافهم الى يومنا هذا
عاصمة العراق هبه بغداد و مكانها في وسط العراق. ويشق بغداد نهر دجلة الى نصفين كرخ ورصافةمنطقه ميسوبوتاميا Mesopotamia (منطقة ما بين النهرين) اللى تشكل جزء من العراق عاشت فيها حضارات و شعوب و امم كتيره على مدى قرون. سادتها و حكمتها الامبراطوريات الاكدية و الاشورية و البابلية و الفارسية و اليونانية و الامبراطورية المغولية، و كانت بغداد مقر الخلافة العباسية لغاية هدمها من قبل القائد المغولى هولاكو سنة 1258 و من بعده دمرها تيمورلنك سنة 1400 و بعدها غزاها الفرس الصفویین سنة 1508 لغاية ما استولى عليها الاتراك العثمانيين و قسموها لتلات ولايات و فى سنة 1917 استولت عليها بريطانيا و فى 2003 غزتها امريكا. الجزيرة كان الاسم اللى يطلقه المؤرخين العرب على المنطقة ما بين دجلة و الفرات و نواحيها

منطقة ما بين النهرين (ميسوبوتاميا) اللى من ضمنها العراق الحالى بتعتبر اول المناطق فى العالم اللى نشئت فيها الحضارات الاولى. بدأ تأسيس مجتمعات فى منطقة مابين النهرين  لما بدأ الناس يستوطنون المنطقه منذ حوالي 8000 سنة، و ظهرت مراكز حضارية متقدمة مع اول مستوطنة بشرية فى أوروك في جنوب العراق الحالي في مدينة الناصرية حاليا وامتدت الى ما حولها واللىبنى سكانها لأنفسهم بيوت من الحجر واللبن اي الطين و معابد زينوها بالمعادن النفيسة والأحجار الكريمة، و بعدها اخترعوا الكتابة المسمارية و بدأو يستخدموها في السجلات و عقود البيع و الشراء والزواج وتنظيم ادارة الدوله وتوثيق الاحداث. يعتبر السومريون اول من سكن المنطقه و كبرت دولتهم و وصلت لغاية اواسط نهر الفرات و اتبنت مدينة ايزين، و من بعدها مدن كيش و اور و لارسا، وعندما قدم الاكديين وهم شعوب سامية آرية على سومر و عاشوا معهم حوالي سنة (2350 ق.م) اللى استولى على المنطقه و اسس مدينة اكد واسس امبراطوريه وبقيت الاوضاع على حالها لغاية ضهور الجوتيين سنة(2218 ق.م)، والجوتيين شعب كان يعيش في المنطقة الشرقيه و بعد رجوع المنطقة للسومريين و حكمو المنطقه من جديد لغاية حكم العيلاميون وهم من الاهواز فى شرق العراق الحالي و غرب ايران الحاليه ودمروا أور و الغاية قدوم حامورابى من بابل و اسس الدولة البابليه و استطاع توحيد المنطقة و كتب مسلته الشهيرة ( مسلة حمورابي) وهي اول شريعة كتبت في التاريخ وتحتوي على 282 قانون ، و بعدها سكنها الحوثيين اللى قدموا الاناضول و بعدهم و بعدهم الكوشيين 400 سنة و بعدهم الميتانيين و بعدهم الاشوريين اللى استولو على بابل سنة (1225 ق.م) و بعدهم الفرس و اليونانيون و اسكندر الاكبر، و الدوله السيلوقيه، والفرس الساسانيين في الفتره اللى سبقت الاسلام مباشرة.

وصل الاسلام العراق فى عصر الخليفه عمر بن الخطاب ( رضي الله عنه. و شهدت العراق احداث كتيره فى دى الفترة و استشهد فيها الامام الحسين ( عليه السلام )في كربلاء.  اتاسست في بغداد الخلافة العباسية و بقت عاصمة للعباسيين و مركز ثقافى مهم و بالذات في ايام الخليفه هارون الرشيد لكن بعده قام صراع بين اولاده الأمين و المأمون انتهى بقتل الأمين سنة 813 و تدمرت بغداد و حل بيها الخراب. بعد وفاة الخليفه الواثق بالله (842-847) تدخل الترك في الحكم وقام بينهم و بين الخليفه المتوكل صراع انتهى بقتله سنة 861 و سيطرو على الحكم لمدة قرن، و قامت ثورات العلويين و ثورة الزنج (868-883) و ثورات القرامطه. سيطر البويهيين على الحكم من 945 ل 1055 و بعدهم الترك السلاجقه من 1055 ل 1194، فى سنة (1258) دمر المغول بغداد و قتلو الألاف من سكانها و احتلوها (سقوط بغداد (1258)) و ضموها لامبراطوريتهم و بقت جزء من ايلخانية فارس، و من وقتها لم ينهض العراق و بقي مكان للصعاب و المآسى و الخراب، و غزاه تيمورلنك سنة 1400 و دمر بغداد مرة اخرى، و غزاها الاذرين الترك سنة 1508 فى عهد الشاه اسماعيل الصفوى، و استولى عليه العثمانيين العثمانيين سنة 1534 و قسموهه ل 3 ولايات بغداد و الموصل و البصرة و بقيت خاضعة للسلطان العثماني فى الاستانه، و عاد لحكمها الايرانيين سنة 1623 و بعدها العثمانيين حتى نهاية الحرب العالمية الاولى سنة 1919 واعلنوا المملكة العراقية تحت حكم الملك فيصل بن حسين تحت الانتداب البريطاني الانجليز حتى سنة 1932 . وتم اعلان الجمهورية في ثورة 14 تموز 1958 بقيادة الزعيم عبد الكريم قاسم اللى قتل بعدها باربع سنوات . و بعدها غزاه الامريكان سنة 2003 بعد القضاء على صدام اللى اعدم في سنة 2005 في العام اللى فيه اصبح العراق دولة ديمقراطية برلمانية

بعد انتهاء الحرب العالمية الاولى وقع العراق تحت الانتداب البريطاني في مؤتمر سان ريمو سنة 1920 و نصبت الملك فيصل على عرش العراق سنة 1921.

الملوك اللى حكموا كانو:

بعد ما اتقتل فيصل التانى حكم عبد الكريم قاسم كرئيس جمهوريه و فضل الحكم عسكري بقيادته، و فى سنة 1962 ثار الاكراد بقيادة مصطفى البرزانى و حصل انقلاب تانى سنة 1963 و اتعدم عبد الكريم قاسم و حكم حزب البعث من ساعتها لحد 2003 قبل ما تتدمر تانى. و استمرت الصراعات و الانقلابات فيها، معظم الانقلابات دى كانت دمويه و خرج منها رؤسائها:

شارك العراق زي عدد من دول المنطقه العربيه فى حرب 1948، وشارك فى سنة 1967 و فى حرب اكتوبر سنة 1973 وكان تالت اكبر جيش شارك فى الحربين على الجبهه السوريه لكن ما اتحققش نصر ع الجبهه السوريه. و حاربت العراق ايران من سنة 1980 لغاية 1988 و اتدمرت مواردها لكن بعد الحرب ما خلصت غزت الكويت سنة 1991 لكن اتصدت ليها الدول العظمى بمشاركة اكتر من 30 دولة و طردو الجيش العراقى من الكويت و دمروه. و فى سنة 2003 غزت امريكا العراق و كان لامريكا الغلبة الساحقه بسبب قوة اسلحتها و تقدمها العسكرى و التكنولوچى قدام اسلحة العراق القديمه، و احتلت القوات الامريكيه العراق فعليا و رسميا و استخبى صدام حسين لكن لقوه و اتعدم و بقت العراق مهدده بالزوال كدوله او التقسيم لحد ما جت شبه حكومه سنة 2004. الاحصائيات بتقول ان 4500 امريكى ماتو غير قوات التحالف، بس العراقيين اللى اتقتلو شامل المدنيين اعدادهم كبيره جداً و بيتقدرو بأكتر من مليون و نص عراقى غير الملايين اللى هربو من العراق و اتشتتو فى البلاد و بقو لاجئين فى كذا بلد، لكن بيتقال ان امريكا و التحالف حينسحبوا سنة 2011.

رئيس الوزراء الجديد هوه عادل عبد المهدي لسنه 2019

العراق دوله جمهوريه برلمانيه و فى حكومة رئيسها د.حيدر العبادي و فية مجلس نيابي فيه 328 عضو بيمثلو محافظات العراق حسب سكان وبينتمو
لتيرات و احزاب كتير
زي الحزب الاسلامي و القائمة العراقية و جبهة التوافق و حزب الدعوة الحاكم و الحزب الشيوعي. لكن رغم كل ده بعض من العراقيين مش معترفين بالحكومة زي حارث الضاري و البعثيين ازلام النظام الصدامي.

و عدد سكانها 35,759,097 حسب احصاء 2015
العراقيين شعب يمثل العرب 80% منه و اكبر الاقليات هما الاكراد و التركمان و الشبك و المسيحيين و الصابئة و الايزيدية اكبر المدن العراقية هبه بغداد (6 مليون)وبعديها البصرة وبعديها الموصل والعراقيين الي بيكلمو عربي 90%. والدستورالحالي بيقول ان اللغتين العربية و الكردية لغات رسمية للعراق. والانجليزي هبه اللغة الأجنبية الاكتر انتشار. وفي لغات قديمة زي الاشوري والكلداني والارمنين الي بيتكلمها المسيحيين. و العراق فيه عرقيات و طوايف  كتير و العرب هما الأغلبية الغالبية العظمى فيه (83%) وبعديهم الأكراد 13% من مجموع السكان، وبعديهم التركمان حوالي 2% من مجموع السكان، وفية عرقيات صغيرة زي: الآشوريين والكلدانيين و الشبك 2%. ولكن من اول سنة 1991
هاجر كتير من العراقيين لدول كتير زي السويد و هولندا و بريطانيا و الأمارات و مصر و سوريا و الأردن...

العراق بلد متعدد القوميات والاديان والمذاهب والاعراق
 

المسلمين 95%, اضافة الى الطوائف المسيحية و اليزيدية والصابئة المندائيين كأقلية قد تزيد عن 5.0%.ده غير احصأيات الاكراد و الباقي وكان فيه يهود كتير زي باقي الدول العربية بس معظمهم اتهجرو لأسرائيل بعد الثورات و الانقلبات و دول تانية كتير.. والمسلمين بيتكونو من طائفتين هم الشيعه والسنة بنسب متقاربة والكرد السنة ومسيحيين وصائبة ويهود

اكتر الناس بيتكلمو عربي بلهجات زي البصراوية و المصلاوية و البغدادية و فيه ناس برضو بيتكلمو كردي و آشوري و كلداني و تركي و الارمنية و السريانية

فى العصر الحديث سيطرت بريطانيا على العراق، و فى سنة 1991
يييييي
قامت قوات التحالف بقيادة امريكا و بمشاركة بريطانيا و دول تانيه بغزو العراق اللي كان ليه اثر كبير في تغيير التاريخ الحديث بتاع العراق و المنطقه اللي حواليها كلها.




#Article 218: سويسرا (1198 words)


سويسرا هيا جمهوريه اتحاديه من 26 كانتون فى اوروبا الغربيه. حدودها ألمانيا من الشمال، فرنسا من الغرب، ايطاليا من الجنوب، النمسا و ليختنشتاين من الشرق. سياسة سويسرا الخارجيه محايده جدا بيرجع تاريخها لسنة 1515. و سويسرا واحده من اغنى دول العالم. و خدت مدينة زيورخ السويسرية احسن مدينة ممكن يتعاش فيها فى العالم تلات سنين على التوالى.  برن مقر السلطات الاتحاديه.
سويسرا بلد بدون سواحل أراضيها متقسمه بين جبال الألب و الهضبة الوسطانيه و جبال جورا و مجموع مساحتها 41285 كم 2 (15940 ميل مربع). سكان سويسرا حوالى 7.8 مليون شخص معظمهم متركز على الهضبة الوسطى. الاتحاد السويسري ليه تاريخ طويل من حياد مسلح ،من سنة 1815 ، و مانضمش للأمم المتحدة الا سنة 2002.

اقدم آثار وجود بشر فى تاريخ سويسرا عمرها حوالى 150،000 سنة.

ارض سويسرا جبلية فى معظمها ، حوالي 7% من مساحتها من المرتفعات الألبية ، و القطاع يتضمن 30% من السكان و فيها عدد من البحيرات ، وبتنقسم جبال الألب لشوية سلاسل ، وأعلى قمة فيها الألب السويسرية (مونتى روزا ) وبتشغل سويسرا قسم من جبال جورا و بيتبعها القسم الجنوبي الشرقي من الجبل ده ، و فيها وديان و ، و فيها ممرات ، وبتمتد الهضبة السويسرية على شكل ممر بين جبال الألب وجبال جورا ، وبيختلف ارتفاع الهضبة من مكان لمكان تاني ، و طبيعتها الجبلية الغنية بالغابات ادتها قيمة سياحية كبيرة .وبتنحصر الجبال دي كلها بكتير من الثلاجات مثل (الينش ) و(جورنرفيزتش) ، و التلاجات دي مصدر سياحي مهم اوي ، و سويسرا فيها بحيرات ميه حلوه كتير .

جو و مناخ سويسرا من نوع جو و مناخ وسط أوروبا اللى ممكن يتسمى (المناخ الألبي ) والمناخ بارد بصفة سائدة بيغطي ارض سويسرا فى الشتا وبتتحول لتلاجات بيستغلها السويسريين فى السياحة و خصوصا الزحلقة على الجليد ، و كمان فيه رياح بتيجي من الجبال او (الفهن ) للوديان ، و بتأثر فى مناخ المناطئ المنخفضة ، و الشتا بيكون غزير هناك، وعموما هناك صيف دافي فى مناطق الهضبان وعلى الوديان السفلية .
بس المناخ بصفه سنةه مناخ رائع و حلو اوي سواء كان بارد فى الشتاء او دافي فى الصيف و الطبيعه الخلابه والمناظر الرائعه بتسحر عيونك فى كل مكان , فهناك عينيك متشوفش الا الجمال و مبتحسش ان الجو بيقلب .

بيعيش معظم سكان سويسرا فى مناطق الهضبان و فى المدن المشهورة ، زى زيورخ ،و بازل ، و جنيف ، و لوزان ، وبتقل كثافة السكان على المناطق العالية جدا ، وبينتمي السكان للجماعات الألمانية ، وبيشكلوا أغلب سكان سويسرا ، وبيتكلم 75% من السكان الألماني ،ومن بين السكان دول فئة فرنساوية حوالي 20% من كل السكان بيتكلموا الفرنساوي ، و كمان فيه فئات طليان وحوالي 4% من السكان بيتكلموا الايطالي ، و موجود فى سويسرا عدد كبير من الاجانب اللى تقريبا عددهم مليون 80% منهم جايين من دول الاتحاد الأوروبي. و حسب تقارير الامم المتحدة بتعاني طبقة الاجانب اللى مش اوروبيين من العنصرية، و خصوصا فى السنين الاخرانية و ده بعد فوز حزب الشعب السويسري فى الانتخابات الفدرالية، و اللى بعدها نزل الحزب قوانين ضد الاجانب اللى مش أوروبيين، وعمل اتفاقات مع دول الاتحاد الأوروبي عشان يفضلوا الاجانب الاوربيين فى سوق العمل السويسري.

سويسرا دولة متقدمة ،دخول الفرد فيها بتوصل مستوي عالى علشان الأنشطة الاقتصادية الكتيره. الزراعة فى الوديان المنخفضة و فوق الهضبة الوسطي ، و نسبة اللى بيشتغلو ف الزراعة حوالي 4% من القوة العاملة ، سويسرا بتنتج 50% من حاجتها من المواد الزراعية ، وأهم الغلات الحبوب ، زى القمح والشيلم والجودار والبطاطس والفاكهه زى التفاح والعنب. الزراعة مختلطة يعنى الحيوانات بتتربا فى مناطق الزراعة ، ده بيزود دخل المزارعين و فيه حركة الرعي على سفوح الجبال فى فصل الصيف ، تشتهر سويسرا بمنتجات الألبان ، و تصدر للخارج كميات كبيرة ، و الزراعة مابتكفيش حاجة السكان ، الغابات بتغطى مساحات كبيرة فى الاراضي السويسرية ، سويسرا مافيهاش ثروة معدنية كبيره او مواد الطاقة ، بس فيها قوة كهربا المتولدة من شلالات الميه ، و سويسرا مشهوره بالصناعات الدقيقة كالساعات ، والآلات الدقيقة ،والأدوات الطبية ، والكيميائيات ، والأدوات الكهربائية ، وتعتبر الصناعة د سنةة الدخل القومي السويسري ، وتشكل السياحة مورد مهم فى الدخل السويسري .

تحتل سويسرا المركز الاول فى أوروبا حسب اكبر عدد للطلاب الاجانب و تانى دولة فى العالم بالنسبة لاجمالي عدد الطلبة فى الدول  وتضم اكبر عدد من المبدعين الحائزين على جوائز نوبل (بالنسبة لعدد السكان) وتحتل سويسرا المرتبة الأولى فى العالم من حيث المنشورات العلمية.

تصل نسبة الطلبة الاجانب فى الجامعات السويسرية ل 23% 

وهم على الشكل التالي

سويسرا فيها اربع لغات رسمية: الألمانية، الفرنسية، الايطالية، الرومانشية. غالبية سكان شمال ووسط سويسرا يتكلمو الألمانى فى الغرب، و فيه قليله بيتكلمو فرنساوى و طليانى فى الجنوب و مناطق الجبال لكن تعتبر سويسرا من دول ال دوتشا (deutch) و هم من سلالات ألمانية

سويسرا هى بلد علماني بطبيعته ولكن دستورها الفدرالي مازال مُستهلا بعبارة باسم الرب، والديانة الشائعة فيها هى المسيحية بكلا المذهبين البروتستانتي والكاثوليكي، ولكن الأغلبية فى سويسرا هم من الكاثوليك 41.8 % ثم البروتستانت 35.3 % ، وتوجد نسبة 11.1 % لاتدين بعقيدة معينة.

وتأتي بعد الديانة المسيحية الاسلام بنسبة 4.3 %، واكبر الجاليات الاسلامية هى تلك القادمة من البوسنه و الهرسك و كوسوفو وألبانيا تتبعها الجالية التركية والعربية القادمة من شمال افريقيا، أغلب المسلمين السويسريين يتبعون المذهب السني مع وجود اقليات شيعية وعلوية.

وتتوزع النسبة الباقية 4 % على الجماعات المسيحية التانيه و أتباع الديانات اليهودية والبوذية وهندوسيه.

تختلف ايام العطل الرسمية فى سويسرا من كانتون الى اخر. واليك أدناه لائحة تتضمن أهم الأعياد فى الكونفدرالية.
الفاتح من يناير / كانون الثاني.
يوم الجمعة الحزين.
احد الفصح.
اثنين الفصح.
الفاتح من مايو/أيار. يحتفل به فقط فى بعض الكانتونات مثل مدينة بازل وجنيف وزيوريخ.
عيد الصعود او خميس الصعود.
احد العنصرة.
اثنين العنصرة.
(عيد الجسد او عيد القربان) تحتفل به الكانتونات الكاثوليكية فقط.
(الفاتح من أغسطس آب. ) العيد الوطني للكونفدرالية.
(الـ15 من أغسطس/آب ) عيد الصعود فى الكانتونات الكاثوليكية.
(الاحد التانى من شهر سبتمبر/ أيلول ) اليوم الفدرالي للصلاة.
(الفاتح من نوفمبر/ تشرين التانى ) عيد جميع القديسين، فقط فى الكانتونات الكاثوليكية.
الـ25 من ديسمبر/ كانون الاول.
الـ26 من ديسمبر/ كانون الاول.

اتحدت مناطق شفيتز، اونترفالدن و أوري سنة 1291 و شكلت سويسرا. سويسرا استقلت عن الامبراطوريه الرومانيه المقدسه سنة 1499. سياسة سويسرا محايده من سنة 1515،بعد هزيمتها أمام فرنسا فى معركة مارينيانو. أُعلنت سويسرا سنة 1848 دولة اتحادية. حافظت الدولة السويسرية على حيادها فى الحروب العالمية الأولى و الثانية. أصبحت جنيف سنة 1919 مقر عصبة الامم المتحدة. أُصدرت سنة 1949 معاهدة جنيف الدولية، لحماية المدنيين اثناء الحروب. أُدخلت تعديلات عدة على الدستور السويسري سنة 1999.

فى سويسرا، كما فى معظم دول سيادة القانون، تفصل السلطات بين ثلاث مجالات: التشريعي، والتنفيذي والقضائي.

السلطة التشريعية (البرلمان) هى المُشرع. غرفتا البرلمان (مجلس النواب ومجلس الشيوخ) تناقشان تعديلات الدستور، وتصدران القوانين الفدرالية، والمراسيم الفدرالية، وتقبلان معاهدات القانون ال سنة. كما تنتخبان اعضاء الحكومة الفدرالية وتراقبان الادارة الفدرالية.

تتكون السلطة التنفيذية من الحكومة الفدرالية وادارتها. تمثل اعلى سلطة قيادية فى الدول وهي مسؤولة عن النشاط الحكومي. تشارك ايضا فى العملية التشريعية بتوجيه المرحة التحضيرية خلال بلورة القوانين، وبتقديم القوانين والمراسيم الفدرالية الى البرلمان.

اما السلطة القضائية، اللى تسمى ايضا السلطة التالتة، فهي تتألف من المحاكم. وعلى المستوى الفدرالي، يتعلق الامر بالمحكمة الفدرالية والمحكمة الجنائية الفدرالية والمحكمة الادارية الفدراليية

حمت السياسة الخارجية المحايدة الصارمة سويسرا من ويلات الحروب اللتي عصفت بأوروبا على مدى القرون الماضية. أصبحت سويسرا عضواً سنة 1960 فى لمنظمة التجارة الحرة الأوروبية (EFTA) و سنة 1963 فى المجلس الأوروبي. رفض السويسريون الانضمام الى الاتحاد الأوروبي فى استفتاء أُقيم سنة 1992




#Article 219: مدينة الڤاتيكان (131 words)


 الڤاتيكان (رسمى: دولة مدينة الڤاتيكان بالطاليانى: Stato della Città del Vaticano) من دول اوروبا و هيا مدينه دوله و أصغر دوله ف العالم حسب المساحه و عدد السكان علشان مساحتها حوالى 44 هكتار يعنى 110 فدادين بس و عدد سكانها أكتر من 800 بشويه،

اتأسست دولة الفاتيكان حسب معاهدة لاتيران سنة 1929 اللى تشمل الاعتراف بالسيادة الكامله للكرسى الرسولى علي دولة الفاتيكان و بقت أصغر دوله فى العالم و مقر الكنيسة الكاتوليكيه فى قلب العاصمه الايطالية روما. بس مش عضو فى الامم المتحده لانها دوله دينيه، بس موجوده بصفة مراقب.

عدد سكانها 824 (2008). مساحتها 44, كم2.

أهم معالم دولة مدينة الڤاتيكان كنيسة القديس بطرس و ميدانه و متاحف الڤاتيكان.

رئيس دولة الڤاتيكان هو دلوقتى البابا فرانسيس الاول.

الڤاتيكان موقع مهم من مواقع التراث العالميه حسب تصنيف اليونيسكو من سنة 1984.




#Article 220: لغه فرنساوى (118 words)


اللغه الفرنساوى (Français, ) هى لغه رومانسيه بيتكلمها حوالى نص مليار واحد  فى حتت كتيره من العالم. اكتر الناس اللى بيعرفو فرنساوى عايشين فى فرنسا (البلد اللى طلعت منه اللغه دى) و فى عدد كبير بره فرنسا زى كندا، بلجيكا، سويسرا، لوكسيبمبورج، موناكو و شوية بلاد فى افريقيا. الفرنساوى لغه رسميه فى الامم المتحده و فى 22 بلد معظمهم اعضاء في منظمة الفرانكفونية. الفرنساوى هوه تالت لغه فى عدد اللى بيتكلموها فى الاتحاد الاوروبى بعد الانجليزى و الالمانى.

بيتحكا الفرنساوى في فرنسا بالاساس. وفي بردو ناطقين بالفرنسى في افريقياو اقليم الكيبيك فى كندا و جزر كثيره فى حتت كثيره فى العالم. الفرنساوى بيعتبر لغه رسميه او اداريه في 57 دولة

فى العصر الوسيط ماكانش عند فرنسا وحده لغويه.




#Article 221: نجيب محفوظ (6427 words)


نجيب محفوظ عبد العزيز ابراهيم احمد الباشا ( القاهره، 11 ديسمبر 1911 - الجيزه، 30 اغسطس 2006) كاتب روائى مصرى كبير خد جايزة نوبل فى الادب سنة 1988. نجيب محفوظ هو ابو الروايه المصريه الحديثه من غير منازع.

لغاية 1988 نجيب محفوظ كان نشر 33 روايه و 13 مجموعة قصص قصيره ، و حوالى 50 قصه اتنشرت فى الجرانيل و المجلات ، و اكتر من 300 مقاله ، و عمل حوالى 400 حوار صحفى ، و اتنشر عن فكره و مؤلفاته أكتر من 40 كتاب ، و فصول عنه فى اكتر من 200 كتاب ، و اتكتب عنه اكتر من 2000 مقال ، و اتعملت عن حياته و اعماله الادبيه اكتر من 20 رساله جامعيه.

اتولد نجيب محفوظ فى اسره متوسطه فى حى الحسين فى القاهره سنة 1911. كان ليه اربع إخوات و اختين و هو كان أصغرهم و كان بينه و بين اللى قبله 10 سنين ، و كان من ضمنهم واحد وكيل لديوان المحاسبه و واحد لوا فى الجيش ، و كلهم اتوفو قبله. ابوه كان موظف فى الدوله اسمه عبد العزيز ابراهيم احمد الباشا. لقب  السبيلجى  اللى اتضاف لإسم نجيب محفوظ ماهواش اسم حقيقى لكن كان مجرد لقب لقبه بيه صاحبه أدهم رجب كهزار اكمن جد لنجيب محفوظ كان ناظر كتاب ( سبيل ) . اصل عيلته الباشا  كان فى الأغلب مدينة رشيد. اتسمى نجيب محفوظ على اسم نجيب باشا محفوظ دكتور امراض النسا والولادة القبطى المعروف اللى أشرف على ولادته اللى كانت متعسره. من حى الحسين الشعبى و التاريخى اللى اتولد فيه استوحى روايات زى  خان الخليلى  ( 1946 ) و  زقاق المدق  ( 1947 ) و بين القصرين ( 1956 ) و قصر الشوك ( 1957 ) و السكريه ( 1957 ) و كلها اسامى لحوارى ضيقه و طويله جنب بعض فى حى الحسين. و من حى الحسين خد نجيب محفوظ فكرة  الحاره  اللى استعملها كرمز للمجتمع المصرى و العالم كحياه و بشر ، فبتظهر كتير فى روايته شخصية  الفتوه  كرمز للسلطه من كل نواحيها و تقلبها مابين العدل و الظلم و الطيبه و القسوه و الشهامه و النداله. من الحاره المصريه صور نجيب محفوظ صور حيه و واقعيه من المجتمع المصرى وقت صراعاته و فى مراحل تطوره ، و فى فتره تانيه حول الحاره المصريه لصوره اكبر هى صورة العالم كله بأفكاره و اتجاهاته و صراعاته الكبيره زى فى روايات  أولاد حارتنا  و  ملحمة الحرافيش . فى الروايتين المهمين دول المليانين نماذج انسانيه حيه صور نجيب محفوظ صراع الانسان للوصول للمعرفه و العدل و توازنه مع نفسه و المجتمع و الحياه.

نجيب محفوظ عايش ثورة 1919 اللى وقت ماقامت كان طفل عنده تمن سنين. فى ثورة 1919 و الفتره اللى جت بعدها ،و هى فترة صبا و شباب نجيب محفوظ ، اتولدت فى مصر روح جديده بعد عصور التقوقع و فقدان الإحساس بالهويه. ثورة 1919 جسدت الشعور بالقوميه المصريه و انتاب المصريين احساس بالفخر الوطنى و العزه القايمه على الإيمان بتاريخ مصر و وحدتها الوطنيه و تطلعها لمستقبل مشرق اساسه الانفتاح العلمى و الثقافى على العالم و بالذات على الغرب بإعتبار حضارته هى الحضاره المتفوقه و السايده. من نتايج ثورة 1919 كان خروج الست المصريه للحياه بعد ماعاشت سنين طويله فى ظلمات القهر و البرقع و العزله الاجتماعيه اللى فرضتهم عليها التقاليد الباليه و الفكر الاستبدادى. بطبيعة الحال الروايه الإجتماعيه مش ممكن يكون ليها كينونه و تطور من غير العنصر النسائى و لا تبقى روايه بتتكلم عن مجتمع الذكور بس و مفيهاش اجواء الحب و العواطف السويه و التعامل الإجتماعى الطبيعى و الترابط الإنسانى. و حتى قبل الثوره بخمس سنين نشر محمد حسين هيكل رواية  زينب  باللغه المصريه الحديثه اللى بتعتبر اول روايه مصريه و اول روايه مصريه تتحول لفيلم سينمائى (1928). بيظهر اثر ثورة 1919 على نجيب محفوظ فى كذا روايه من رواياته و بتعتبر شخصية السيد عبد الجواد المعروف بسى السيد بطل  الثلاثيه  تجسيد فنى واقعى و حى لحالة الست المصريه و استبداد الراجل بمراته و عياله فى المجتمع المصرى فى بدايات القرن العشرين.

بعد نجيب محفوظ ماخد شهادة  البكالرويا  دخل قسم الفلسفه فى كلية الاداب فى جامعة فؤاد الاول ( جامعة القاهره دلوقتى ) و أخد ليسانس فى الفلسفه سنة 1934. فى فتره الدراسه فى الجامعه اتعرف نجيب محفوظ على شخصيتين مهمين اثرو على توجهاته الفكريه و هما الشيخ مصطفى عبد الرازق اللى كان وقتها استاذ الفلسفه الاسلاميه فى كلية الاداب و الشخص التانى كان المفكر سلامه موسى. مصطفى عبد الرازق و سلامه موسى اللى هما نفسهم كانو من نتاج ثورة 1919 عاشو فتره من حياتهم فى الغرب و اطلعو على اجواءه الثقافيه و العلميه و الاقتصاديه. اتعلم نجيب محفوظ من مصطفى عبد الرازق ازاى يفهم الدين بطريقه سمحه و مستنيره بترفض التعصب و التطرف و بيظهر اثر مصطفى عبد الرازق فى كتابات نجيب محفوظ على شكل مناقشات فكريه و فلسفيه مستنيره.

سلامه موسى من ناحيته اثر تأثير كبير على افكار نجيب محفوظ. سلامه موسى كان مفكر مستنير بينادى بالحريه و التطور و التقدم و كان بيؤمن بالحضاره الغربيه ايمان كبير و كان بيعتبرها بعلومها و فنونها و صناعاتها اساس للتمدين و التقدم و كان مدرك ان من غير الأخد بالحضاره الأوروبيه مصر مش ممكن تتقدم. سلامه موسى من جهه تانيه كان فى نفس الوقت من المتحمسين لحضارة مصر القديمه كحافز مهم و ضرورى للمصريين لتقدم مصر و نهضتها و فى النقطه دى اتأثر نجيب محفوظ بسلامه موسى تأثر واضح. نجيب محفوظ اتحمس لحضارة مصر القديمه و اول كتاب نشره كان ترجمه لكتاب انجليزى اسمه  مصر القديمة  و اللى نشرله الكتاب ده سنة 1932 كان سلامه موسى نفسه. و تحت تاثير سلامه موسى الف نجيب محفوظ تلت روايات عن مصر الفرعونيه و هى  عبث الأقدار  و  رادوبيس  و  كفاح طيبه  ، و كان مخطط إنه يألف روايات عن تاريخ مصر من ايام قدماء المصريين لحد العصر الحديث لكن غير اتجاهه بعد ما نشر  كفاح طيبة  سنة 1944. نجيب محفوظ خد من سلامه موسى النزعه التجديديه و التطلع للحضاره الحديثه و افكار العدل الإجتماعى و التوليرانسيه و حب مصر و الإفتخار و الاعتزاز بأمجادها القديمه. حاجه تانيه مهمه اخدها نجيب محفوظ من سلامه موسى هى الكتابه العميقه بكلمات بسيطه مفيهاش تعقيدات لغويه.

علاقة نجيب محفوظ بسلامه موسى بترجع لوقت ماكان نجيب محفوظ لسه طالب بيدرس فى الجامعه ، فى الفتره دى ، و هو عنده 19 سنه ، ظهرت اول مقالاته فى عدد اكتوبر 1930 لمجلة  المجلة الجديدة  اللى كان بيصدرها سلامه موسى و كان عنوان المقاله  احتضار معتقدات وتولد معتقدات  و هى مقاله جريئه و بتوضح مدى الحريه الفكريه اللى كانت بتتمتع بيها مصر وقتها ، و فى 3 اغسطس 1934 بعد ماتخرج طوالى نشر له سلامه موسى برضه فى  المجله الجديده  اول قصصه و كان عنوانها  ثمن الضعف .

بعد ماعاش نجيب محفوظ صباه فى حى الحسين عزل مع اسرته على حى العباسيه زى ماعملت اسر كتيره فى بدايات القرن العشرين ، فالعباسيه كانت امتداد عمرانى حديث للأحياء الشعبيه اللى جنبها و فى الاول عزلت عليها الاسر الأرستقراطيه و بعدين عزلت ليها اسر من الطبقه المتوسطه اللى كان نجيب محفوظ بينتمى ليها. فى حى العباسيه اتعرف نجيب محفوظ على صحاب كتار كان منهم احسان عبد القدوس و عبد الحميد جوده السحار و الدكتور أدهم رجب. فى الفتره دى نجيب محفوظ كان غاوى لعب كوره و كان حريف فيها و مشهور باللياقه و السرعه و الترقيص و كان ممكن يبقى لعيب كوره مشهور.

بعد ماتخرج نجيب محفوظ من الجامعه سنة 1934 اشتغل موظف و من وقتها فضل مرتبط بالوظايف الحكوميه لغاية ماتحال على المعاش فى ديسمبر 1971. فى نفس الوقت ركز نجيب محفوظ على الكتابه و اتأثر بالادب الروسى و بالذات بـ دوستويفسكى و تولستوى و تشيخوف. فى البدايه اشتغل نجيب محفوظ كاتب فى ادارة الجامعه من 1934 لغاية 1938 ، و بعدين من 1938 لحد 1950 اشتغل سكرتير برلمانى لوزير الاوقاف وقتها الشيخ مصطفى عبد الرازق ، و بعدها اتعين مدير لمؤسسة القرض الحسن و الشغلانه دى كانت كويسه بالنسبه له كأديب حيث انها سمحتله بالتعامل مع عامة الناس اللى التقط منهم شخصيات فى رواياته و بالذات  الستات البلدى . بعدها اشتغل مدير مكتب وزير الارشاد وقتها فتحى رضوان بتوصيه من الاديب يحيى حقى و بعدين ثروت عكاشه اللى اتعين مكان فتحى رضوان وظفه مدير للرقابه سنة 1968 و بعدين رقاه لمركز رئيس مؤسسة دعم السينما و فضل فى المنصب ده لغاية سنتين قبل مايتحال علمعاش و بعدها اتعين مستشار خاص لثروت عكاشه.

نجيب محفوظ قضى حياته موظف فى الحكومه و فى نفس الوقت فى كتابة الروايات و كان شخصيه روتينيه لأقصى الحدود و كل حاجه فى حياته كانت منظمه بالساعه. الصبح كان بيخدم فى الحكومه و فى البيت كان بيدخل مكتبه و يكتب فى ساعات محدده بتبدأ فى وقت معين و بتخلص فى وقت معين ، و اجتماعه بصحابه كان بيحصل بس يوم الخميس بعد المغربيه و برضه فى وقت كانت بتحدده الساعه ، و كان بيشرب سيجاره كل ستين دقيقه بالظبط ، و حتى رواياته كان بيكتبها بطريقه منظمه جداً زى عمليه هندسيه مش بطريقه ارتجاليه حسب ظروف الوحى و الإلهام و ماكانش بيخلى أى حد يقراها إلا بعد ماتتنشر. نجيب محفوظ اتسأل عن علاقة الإبداع و النظام الصارم اللى بيتبعه فى حياته فقال إن الابداع ماهواش مرتبط بنظام فحالة الابداع ممكن تجيله و هو ماشى على الرصيف او و هو فى الشغل او حتى و هو نايم ، فالإبداع عالم جوانى بيشتغل منفرد و ماهواش خاضع لنظام ، لكن اللى بيخضع لنظام هو الشغل ، فالفكره بتتولد و بتنمو و بعدين بتتحول لشغل. و شرح ان يومه بيخضع لنظام و كتابته بعد الضهر خاضعه برضه لنظام لكن الابداع نفسه ماهواش خاضع لنظام حيث انه مش معقول انه بيقعد فى ميعاد الكتابه يدعى انه يتلهم بحاجه يكتبها فلو كان الموضوع كده ماكانش حد غلب. و عن فلسفته بخصوص انظباته الصارم وضح ان المسأله مش ميكانيكيه لكن جت كنتيجه للتنوع و حب الحياه ، فلما كان تلميذ كان بيحب الاجتهاد و كان بيحب الرياضه و انه يتفوق فيها و بيحب يسمع ام كلثوم و عبد الوهاب و بيحب يسهر مع صحابه فإذا كان بيحب يعمل كل الحاجات دى فمنين هيجيب الوقت اللى يسيع فعشان كده عشان يقدر يتمتع بكل حاجه بيحبها كان لازم يعمل لكل هوايه او رغبه او متعه خانه خاصه بيها عشان يقدر يظبطها و ماتطغيش حاجه على حاجه ، و بالطريقه دى ذاكر و لعب و حب و عمل كل الحاجات اللى بيحبها.

الروتين الحكومى فى الواقع ساعد نجيب محفوظ على تنظيم حياته بين الشغل و الكتابه ، و بعد ما طلع عالمعاش بقى يكتب عامود فى جرنال الاهرام. بالإضافه لشغله الحكومى و كتابة الروايات نجيب محفوظ كتب كمان سيناريوهات لافلام مصريه كتيره و اتحولت كذا روايه ليه لأفلام سينما فده خلاه مرتاح و مستقر مادياً. مفيش فى حياة نجيب محفوظ طفرات مفاجئه او حوادث كبيره و حياته كانت ماشيه على روتين هادى و هو نفسه كان بيسمى تعايشه مع الامور  واقعيه  و رفض طول حياته انه يشتغل فى السياسه رغم ان كل رواياته و قصصه تقريباً كانت قايمه على فهم كبير للسياسه و متابعة للأحداث السياسيه و انه بيعتبر كاتب سياسى من الدرجه الأولى. السبب فى كده انه حدد لنفسه دايرة تحركه و انه يكون كاتب و اديب بيكتب قصص و روايات بس ، و انه عن طريق الكتابه يقدر يعبر عن مواقفه و افكاره السياسيه زى ماهو عايز من غير مايشتغل فى السياسه بطريقه مباشره ممكن تتسبب فى ابتعاده عن كتابة الروايات. من ناحيه تانيه ، نجيب محفوظ حدد لنفسه من الاول يبقى صحفى و لا اديب و اختار الادب و رفض انه يشتغل فى الصحافه رغم اغراءات كتيره اتقدمت ليه عن طريق مؤسسات صحفيه كبيره عشان يسيب الشغل الحكومى و يشتغل فيها. صحيح فى سنة 1959 ارتبط نجيب محفوظ بجورنال الاهرام لكن ارتباطه ماكانش صحفى لكن كان قايم على اساس انه ينشر حسب وقته و ظروفه هو اعمال ادبيه فى الجورنال.

فى الفتره دى طلب منه احسان عبد القدوس بتكليف من محمد حسنين هيكل انه ينشر فى الاهرام روايه مسلسله فوافق نجيب محفوظ و ظهرت رواية  أولاد حارتنا  مسلسله على صفحات جورنال الاهرام و انقلبت الدنيا عليه و كانت هتسببله كارثه اكمن فيه مشايخ فهمو الروايه على انها بتمس كرامة الأنبيا و انه رمز فيها لشخصيات دينيه و عملو ضجه كبيره لدرجة انهم طالبو بمحاكمته ، لكن رغم كده الاجواء فى مصر اياميها ماكانتش لسه انحدرت بشكل مريع و أصر محمد حسنين هيكل على استمرار نشر المسلسل فى الاهرام و بعد مااتنشرت كلها اتصل حسن صبرى الخولى مندوب الرئيس جمال عبد الناصر و طلب منه انه مايطبعش الروايه فى كتاب اكمنها هتعمل ضجه كبيره و قاله لو يحب يطبعها فيبقى يطبعها بره مصر براحته و وعده بإنه هيمنع اى كتابه عن الروايه فى الجرانيل المصريه سواء بالخير او بالشر. نجيب محفوظ ماكانش بيحب فكرة طبع رواياته بره مصر لكن سهيل ادريس اخدها من الاهرام و طبعها و حطه قدام الامر الواقع. رواية أولاد حارتنا روايه فلسفيه فيها رموز كتيره و ممكن تتفهم و تتأول بكذا طريقه و جايز نشرها فى جورنال كان فى حد ذاته غلطه حيث انها اتعرضت على المتعلمين و انصاف المتعلمين اللى مابيقروش كتب و روايات اصلاً و مابيقدروش يميزو مابين رأى الكاتب المفكر و الكلام اللى بييجى على لسنة شخصياته كنماذج موجوده فى المجتمع و الحياه من غير مايكونو فى الواقع بيمثلو رأيه. من الحاجات الغريبه اللى اتقالت عن رواية  أولاد حارتنا  انها متقسمه على 114 فصل و ان ده مقصود لإنه بيشير لعدد سور القرآن. و كإن استخدام الرقم 114 من المحرمات. عن وقعة أولاد حارتنا قال نجيب محفوظ ان رجال الدين فهمو الموضوع غلط و لو كان قدر يقابلهم و يقعد معاهم كان قدر يقنعهم بوجهة نظره( فى الاول اتقال ان لجنة النشر فى الازهر هتناقش الموضوع مع نجيب محفوظ لكن المناقشه ماحصلتش و اتمنعت الروايه من غير مناقشه ) ، و قارن مابين المناخ العام فى مصر اياميها بالمناخ المتطرف المستبد اللى بقا موجود فى مصر بعد كده ، و ان الازهر وقتها كان بيمثل التسامح لو اتقارن بحالة التيارات اللى سادت مصر فى فتره لاحقه. اياميها كان المشايخ متنورين و دارسين الدين و متعلمين و مثقفين و كان بينهم ادبا و كتاب ، و لما كانو بينتقدو حاجه مش عجباهم كانو بينتقدوها بطريقه متحضره و ماكانوش بيهددو بأكتر من عرض الموضع على المحاكم زى ماعملو مع على عبد الرازق و طه حسين من غير تهديد بقتل و تفجير زى مابقى الحال بعد مادخل فى الحكايه فئات تانيه بتتمسح بالدين لقهر الغير و الاستبداد بالمجتمع و اتحول الموضوع على ايديها لغوغائيه دينيه من نص السبعينات. اول ناقد أدبى كتب عن نجيب محفوظ كان سيد قطب نفسه و كان بمناسبة ظهور رواية  خان الخليلى  فكتب سنة 1945 فى مجلة  الرسالة  ان رواية  خان الخليلى  أحسن من رواية  عودة الروح  بتاعة توفيق الحكيم و إن أحسن حاجه فيها هى بساطة الحياه و واقعية العرض و دقة التحليل. سيد قطب ضاف المقاله دى فى كتابه  كتب وشخصيات  ، و ده مع ان رواية خان الخليلى فيها كلام معادى للدين بتقوله الشخصيات ، زى قول واحد من شخصياتها هو المحامى  احمد راشد  :  فكما انقذتنا الديانات من الوثنية ينبغى أن ينقذنا العلم من الديانات  و قوله:  العلماء المعاصرين يعلمون بما فى الذره من عناصر، وبما وراء عالمنا الشمسى من ملايين العوالم، فأين الله ؟ ، لكن سيد قطب مالتفتش للكلام ده و ماتعرضش للى جه على لسان شخصيات الروايه و ماكفرش نجيب محفوظ او اتهمه بالزندقه. سيد قطب قال عن روايات نجيب محفوظ الأولانيه إنها أسطوره ادبيه تستحق انها تدرس لتلاميذ المدارس ، و ده اكمنه حتى و ان تطرف فى افكاره الدينيه ماكانش شخصيه دينيه غوغائيه لكن مفكر دينى و انسان مثقف و متعلم و ناقد أدبى و شاعر و فاهم يعنى ايه روايه و بيعرف يميز مابين رأى الكاتب و رأى شخصيه من شخصياته. دى كانت روح المصريين فى النص الأولانى من القرن العشرين مهما اختلفو فى الرأى و المعتقد و مهما كانت مفاهيمهم الدينيه معتدله او متطرفه. على عكس كده، فى عصر الغوغائيات فى 1988 نشر نجيب محفوظ رواية  قشتمر  مسلسله برضه فى الاهرام و مع ان ماكانش فيها حاجه ضد الدين و الاخلاق و القيم لكن رغم كده بقت تجيله جوابات مليانه تهديدات و شتايم فظيعه و كلام بيتهمه بإنه بيكتب عن  الستات  و انه بيهدم الاسلام و كلام من ده من النوعيه اللى ازدهرت فى مصر و بقى بيعانى منها المؤلفين و الكتاب على عكس الحال فى فترة النص الاولانى من القرن العشرين و حتى فى عصر جمال عبد الناصر على حد قول نجيب محفوظ على اساس ان عبد الناصر كان استبدادى فى السياسه لكن كان متسامح مع الادب و الفن. نجيب محفوظ قال كده سنة 1988 قبل مايعتدى عليه متطرف جاهل ضربه بسكينه فى رقبته.

لعبت القهاوى دور كبير فى حياة نجيب محفوظ و كانت الاماكن اللى بيقضى فيها وقت فراغه مع صحابه و هناك كان بيلتقط بحاسته الفنيه شخصيات و كلام بالتأكيد كان ليهم اثر على كتاباته. حكاية نجيب محفوظ مع القهاوى قديمه ، فوهو طفل كان بيروح يقعد على القهاوى اللى فيها راوى بيحكى حكايات على الربابه عشان يسمع الحكايات ، فحى الحسين فى الزمن ده كانت منتشره فيه قهاوى الحكاواتيه للى كانو بيسلو الناس بحواديت سيرة الظاهر بيبرس و سيرة سيف بن ذى يزن و غيرهم و كلها كانت ملاحم شعبيه جميله بتلهم المصريين البسطا و بتنمى فيهم مشاعر الشهامه و حب الوطن. بعد كده بقت القهوه مكانه المفضل اللى بيتقابل فيه مع صحابه و زمايله فى المدرسه ، و بيقول نجيب محفوظ ان ميزة القهوه ان الواحد ممكن يشوف فيها كل صحابه فى قعده واحده ، و بعد ماكبر فضل برضه يروح يقعد على القهاوى. لأكتر من عشرين سنه كان بيقعد على قهوة فى حى الجماليه اسمها  عرابى  و بعدها و لمدة عشر سنين كان بيقعد فى كازينو الاوبرا و بعدها لمدة عشر سنين كان بيقعد على قهوة  ريش  و بعدين اتحول لقهوة الفيشاوى. القهوه بالنسبه لنجيب محفوظ ماكانتش بس مكان للقعاد و اللمه لكن على حد قوله بتعتبر معرض لشخصيات مالهاش حصر من الرجاله و الستات ، الرجاله بيقعدو مع الواحد و الستات بيمشو قدامه فى الشارع ، و منهم استلهم شخصيات لرواياته. نجيب محفوظ من ناحيه تانيه كان كمان مخلص لقهاويه و ماكانش بيعزل من قهوه لقهوه الا لما تتهد او تزيد زحمتها. نجيب محفوظ كان فى شبابه مرح و بيحب الضحك و كان صاحب نكته. فى عشرينات و اوائل القرن العشرين كان بيروح يقعد مع صحابه على قهوة الفيشاوى و بيدخل فى قافيه مع محترفين القافيات اللى كانو بيروحو القهوه ينكتو فكان نجيب محفوظ بيدخل معاهم فى قافيه و بيكسبهم اكمنه كان بيتمتع بقدره على توليد الافكار و تجسيدها و التنكيت عليهم بصوت جهورى كان بيملى القهوه ، فكان فيه اعداد من خصومه فى القافيه فى الاخر بينضمو ليه ، لكن مع مرور الزمن قلت حدة المرح عنده و بقى رصين لكن روح الفكاهه بتظهر بالتأكيد فى رواياته من وقت للتانى. فوق كده نجيب محفوظ كان مغرم بالمزيكا و الأغانى و كان بيحب جداً أصوات ام كلثوم و محمد عبد الوهاب و فى رواياته بيظهر ساعات الغنا و المغنيين.

نجيب محفوظ كان ليه صحاب كتار و كان ليه شله من الصحاب القدام اتعرفت بإسم  الحرافيش  و هو اصلاً اسم لطايفه من الناس كانو عايشين فى القاهره فى القرون الوسطى و كتب عنهم مؤرخين مصر و اللى سمى الشله دى بالاسم ده كان صاحبه و عضو الشله الممثل احمد مظهر. الشله دى اتأسست سنة 1936 و كان اسمها  اجتماع الدائره المشئومه  اكمن مصر وقتها كانت عايشه فى جو سياسى و اجتماعى مظلم ، و فضل اسمها كده لحد مافى مره فى سهره كانو بيقرو كتاب رفاعه الطهطاوى  تخليص الابريز فى تلخيص باريز  و جه فى كلام الطهطاوى ان قهاوى من قهاوى باريس بيقعد عليها علية القوم و على قهاوى تانيه بيقعد الحرافيش ، فضحكو و قالهم احمد مظهر  أهو انتو بقى الحرافيش  و من يوميها بقى ده اسم الشله و كل واحد فيها بقى بيتلقب  حرفوش . شلة الحرافيش كانت فى الاول بتتلم كل يوم خميس فى بيت الاديب الساخر محمد عفيفى فى حى الهرم لكن بعد مااتوفى بقت الشله بتتجمع فى بيت المحامى عادل كامل. من اعضاء الشله دى كان احمد مظهر و توفيق صالح و بهجت عثمان و صبرى شبانه ابن عم المغنى عبد الحليم حافظ و فى ايام محمد عفيفى كان فى الشله صلاح جاهين و ثروت اباظه و ايهاب الازهرى و عدد تانى كبير من اصحاب و خلان نجيب محفوظ. اجتماعات شلة الحرافيش ماكانتش فى الواقع لمناقشة مواضيع فكريه لكن كانت لمة استرخاء و فرفشه بين صحاب بيستريحو لبعض و بيتكلمو مع بعض عن مواضيع الحياه العاديه و عن شئونهم الشخصيه. نجيب محفوظ وعد الشله بإنه هيكتب قصه عنهم ، لكن رواية  ملحمة الحرافيش  الى نشرها سنة 1977 بالتأكيد ماكانتش القصه اللى وعد بيها ، و جايز اقرب روايه لروح الشله هى رواية  ثرثرة فوق النيل  ، و رواية  قشتمر  برضه فيها تأثيرات من قعدات الشله.

نجيب محفوظ كان بيقضى وقت فراغه فى القاهره القديمه ، اللى استوحى منها رواياته و شخصياته، و كان بيقعد على قهاويها مع صحابه بتوع شلة الحرافيش ، و فى شهر سبتمبر كان بيروح اسكندريه و بيقابل الكاتب توفيق الحكيم اللى كان بيحب يصيف فى اسكندريه هو كمان. قهوة نجيب محفوظ فى اسكندريه كانت  بيترو  و دى كانت القهوه اللى بيقعد عليها توفيق الحكيم و هو بيصيف فكانو بيتقابلو هناك و بيتناقشو. نجيب محفوظ كتب روايات احداثها حصلت فى اسكندريه زى روايات  اللص و الكلاب  و  ميرامار .

اتجوز نجيب محفوظ الست عطية الله ابراهيم و خلف منها بنتين، فاطمه و ام كلثوم. جواز نجيب محفوظ كان متأخر و هو عنده اكتر من اربعين سنه و ده اكمنه ماكانش عايز يربك حياته فى مراحلها الاولانيه و يحمل نفسه مسئوليات ممكن تعطله عن الكتابه و بعد ماتجوز كان حريص على الفصل مابين حياته العامه و حياته الشخصيه.

نجيب محفوظ عمره ما طلع بره مصر غير مرتين ، مره لليمن و مره ليوغوسلافيا بتكليف من الرئيس جمال عبد الناصر ، و حتى ما راحش بنفسه يستلم جايزة نوبل و بعت بناته الإتنين عشان يستلموها بالنيابه عنه. نجيب محفوظ شرح انه فى الواقع مابيكرهش السفر او بيخاف من الطيارات و دليل كده انه سافر كذا مره بالطياره من القاهره لإسكندريه ، لكن سر عزوفه عن السفر هو انه فى الواقع بيكره فكرة خروجه من مصر و ان مجرد التفكير فى انه يسيب مصر بيتعبه جداً و لو حد كلمه فى موضع السفر بره مصر بيتضايق و مزاجه بيتعكر. نجيب محفوظ ليه جمله مشهوره بتقول :  مصر هى المولد والمنشأ والمعاش وهي ليست مجرد وطن محدود بحدود ولكنها هى تاريخ الانسانية كله واني احب الاقامة فيها وارجو الا اتركها الا مطرودا او منفيا .

بطبيعة الحال لو كان نجيب محفوظ مع الحروب و الدمار و القتل و ضد السلام ، و لو كان مع القهر و قمع الحريات و التطرف و الاستبداد و ضد العداله الاجتماعيه و الحريه و المساواه و التسامح ماكانش بقى نجيب محفوظ لكن كان بقى مجرد كاتب من بياعين الكلام المنتشرين فى مصر و المنطقه العربيه و كان هيكون متناقض مع شخصيته و خلفيته الثقافيه و الادب اللى بيكتبه من وقت ماكان طالب فى تلاتينات القرن العشرين. نجيب محفوظ اتولد فى بدايات القرن العشرين و ده قرن شاف كميه كبيره و خطيره من الأحداث فى مصر و بره مصر. فى مصر حصلت ثورة 1919 و اتحرقت القاهره و قامت ثورة 23 يوليه و شافت مصر جنب حرب اليمن اربع حروب رئيسيه سابت أثار واضحه على المجتمع المصرى و نفسية مصر. كل الأحداث دى عاصرها نجيب محفوظ كمواطن و كمفكر. بره مصر شاف العالم و معاه المصريين ثورات و انقلابات كان من أهمها الثوره الروسيه اللى خرج منها الاتحاد السوفيتى كقوه عظمى على خريطة العالم و قامت حرب بارده مابينه و بين الغرب ، و حصلت مجاعات مهوله فى مناطق فقيره على سطح الارض ، و قامت حربين مدمرتين اتقتل فيهم ملايين البشر و هما الحرب العالميه الأولى و الحرب العالميه التانيه و فى التانيه استخدم الانسان القنبله الذريه ففتك بيها بطايفه من البشر و حصل الهولوكوست المريع اللى هو التانى فتك برضه بطايفه من البشر. نجيب محفوظ كمثقف و مفكر بطبيعة الحال اتفاعل مع الأحداث دى و جسد معظمها بطريقه او بتانيه فى رواياته. لما عمل الرئيس انور السادات معاهدة السلام مع اسرائيل كان طبيعى ان نجيب محفوظ بخلفيته الثقافيه و شخصيته و خبرته و واقعيته و فهمه للأحداث و لتاريخ مصر و تفاعله مع الأحداث الداخليه و الخارجيه اللى عاصرها انه يأيدها مش يقف ضدها. ففى الفتره دى كان فيه اختيارين قدام المصريين ، الأولانى هو ان مصر تفضل تستزف لغاية ماتنتهى او تعمل معاهدة سلام و تنهى حالة الحرب و الحل ده مكانش بدعه فى تاريخ العالم او فى تاريخ مصر نفسها فكل الحروب الشرسه اللى خاضتها مصر ضد الصليبيين و المغول انتهت بمعاهدات و اتفاقيات و ما استمرش حد فى استنزاف مصر للأبد لا صلاح الدين الأيوبى صاحب صلح الرمله و لا الملك الكامل صاحب معاهدة فردريك - الكامل و لا المنصور قلاوون صاحب الصلح مع مملكة بيت المقدس و لا الناصر محمد بن قلاوون صاحب الصلح مع مغول فارس و لا غيرهم. و لا على مستوى العالم ، فلا بلاد اوروبا فضلت تحارب بعضها للأبد بعد الحروب العالميه ولا امريكا و فييتنام فضلو يحاربو بعض من غير نهايه ولا استمرت الحرب البارده مابين روسيا و الغرب. نجيب محفوظ بواقعيته و شخصيته المسالمه كان فاهم و مدرك الحقيقه دى و عبر عنها سنة 1988 بقوله :  ولا أعتقد أن التاريخ كله عرف مشكله ولم يجد لها حلاً، لا حرب استمرت بلا سلام . نجيب محفوظ ايد السلام و اصدر العرب قرار بمقاطعته هو و كتبه لكن مادفعش التمن اللى دفعه اديب مصرى تانى أيد السلام هو يوسف السباعى اللى اتقتل و هو بيحضر مؤتمر فى قبرص ، فاللى كان مطلوب وقتها من ادبا مصر و كتابها انهم ينضمو للرافضين من غير مراعاة لحقهم فى التعبير عن ارائهم ، و اهمال مسئولياتهم كمفكرين تجاه بلدهم مصر. نجيب محفوظ قال سنة 1988:  إذا كنت قد دعوت الى التفاوض والسلام فالعرب الأن ينشدون التفاوض والسلام .. وبالتالى يستحق الجميع المقاطعة كما قوطعت .

فى ضهرية يوم الخميس 13 اكتوبر 1988 دخلت الست عطية الله مرات نجيب محفوظ عليه فى أودة النوم و هو بياخد تعسيله الضهر و هزت كتفه و هى بتقول بفرحه :  نجيب إصحى ده أنت خدت جايزة نوبل . قام نجيب محفوظ و هو مستغرب و فى الغضون دى اسمه و اسم مصر كانو بيترددو فى نشرات الأخبار فى نواحى العالم :  الاديب المصرى نجيب محفوظ خد جايزة نوبل فى الادب كأول كاتب مصرى فى تاريخ الجايزه . و بعد شويه وصل سفير السويد لبيت نجيب محفوظ و بلغه رسمى إنه أخد الجايزه و بعد السفير وصل الصحفيين و المصورين من وكالات الانباء العالميه و اول تصريح عمله نجيب محفوظ كان لراديو السويد اللى سأله بالتليفون عن رد فعله و كان ان الجايزه ليها معنى كبير ليه و انه مش عارف هيعمل ايه بالجايزه. و اتصل حسنى مبارك رئيس مصر وقتها بيه و هناه ، و اتصل بيه الادبا يوسف ادريس و يحيى حقى و غيرهم و باركوله ، و فضلت تلغرافات التهانى و باقات الورود توصل بيت نجيب محفوظ ورا بعض ، و بعدين اتصل بيه سكرتير الأكاديميه السويديه و هناه و قاله فقرات من حيثيات سبب الفوز بالجايزه. اليوم ده كان يوم خميس و هو اليوم اللى بتتلم فيه شلة الحرافيش لكن نجيب محفوظ ماغيرش البروجرام ، بإستثناء انه اتأخر ربع ساعه ، و قابل اللى اتبقو من الشله و كانو صلاح ابو سيف و احمد مظهر و توفيق صالح و عادل كامل و بهجت عثمان و بطبيعة الحال استقبلوه بفرحه كبيره و حضنوه و باسوه و يوميها سهر نجيب محفوظ لغاية الساعه تلاته بالليل و ده كان استثناء و خروج عن نظامه اللى اتبعه طول حياته ، و لما قام تانى يوم لبس هدومه و نزل الشارع و اخد تاكسى راح بيه على القصر الجمهورى عشان يكتب اسمه فى دفتر التشريفات. تتويج نجيب محفوظ بجايزة نوبل ماكانش بس تكريم ليه وحده لكن كان تكريم للادب المصرى الحديث اللى ظهر من بدايات القرن العشرين و اتطور على ايد مصريين امنو بضرورة نهضة مصر و خروجها من مستنقع العصور الوسطى اللى عاشت فيه قرون من أمثال محمد حسين هيكل و يحيى حقى و يوسف ادريس و توفيق الحكيم و محمود تيمور و طه حسين و غيرهم ، و كان برضه تتويج لكتاب و مفكرين اتلمذ نجيب محفوظ على ايديهم زى سلامه موسى و مصطفى عبد الرازق. و كان تتويج لجيل ثورة 1919 اللى أخلصو لمصر و رفعو علمها و ضحو فى سبيل نهضتها و تقدمها. فى نفس الوقت الجايزه كانت كبسه لدعاة التطرف و الكراهيه اللى انتشرو فى مصر فى سبعينات و تمانينات القرن العشرين و ازدهرت بإنتشارهم دعوات ظلاميه استبداديه ضد الفن و الادب و حقوق المرأه و الحريه و مساواة المواطنين المصريين. بعد فوز نجيب محفوظ بجايزة نوبل الطايفه دى افتكرت رواية  أولاد حارتنا  اللى نشرها نجيب محفوظ فى خمسينات القرن العشرين و استخدمتها للترويج ضده و ضد الدافع الحقيقى لمنحه الجايزه ، و ابتدت حمله ظلاميه و ظالمه ضد نجيب محفوظ اتوجت سنة 1995 بضربه بسكينة فى رقبته و هو نازل من بيته و كان المعتدى شخص جاهل و أمى لا بيعرف يقرا و لا يكتب لكن الظلاميين اللى عايزين يضلمو مصر و يعملو منها بلد متخلفه ذليله فهموه ان نجيب محفوظ راجل كافر و انه من حقه انه يعتدى عليه و يقتله.

نجيب محفوظ استحق جايزة نوبل للادب مش اكمنه أيد السلام. فبجايزة نوبل او من غيرها نجيب محفوظ هو اعظم روائى ظهر فى تاريخ مصر و الشرق الأوسط. نجيب محفوظ خد جايزة نوبل فى الادب على رواياته مش جايزة نوبل للسلام. لكن بطبيعة الحال جايزة نوبل مش محتمل انها ممكن تتمنح لكاتب بينادى بالحروب و القتل و الخراب. نجيب محفوظ بطبعه كان شخص مسالم بيحب و بيحترم الحياه و الغير و دعوته للسلام كانت نابعه من أخلاقه الشخصيه و خلفيته الثقافيه و فهمه لحركة التاريخ و حبه و خوفه على مصر مش حاجه جدت عليه فجاءه للمنافقه بعد عمل معاهدة السلام. و سواء اخد نجيب محفوظ جايزة نوبل او ماخدهاش فهو عملاق الروايه المصريه فى زمنه و فى الوقت الحالى و من المحتمل هيفضل على الحال ده لفتره طويله فى المستقبل.

نجيب محفوظ ختم كلمته اللى قراها بالنيابه عنه الكاتب محمد سلماوى فى حفلة تسليم جايزة نوبل بقوله :

بعد فوز نجيب محفوظ بجايزة نوبل افتكر المتطرفين رواية  أولاد حارتنا  و ان لجنة النشر فى الازهر اعترضت على نشرها فى خمسينات القرن العشرين بسبب فهمها على انها بتحكى قصص انبيا بطرق رمزيه. نجيب محفوظ نفسه اللى قال انه ماقصدش حاجه من الروايه و انه لو ناقش مشايخ الازهر فى موضوعها هيقنعهم بوجهة نظره كان اديب و مفكر مسالم مابيحبش المشاكل و مارضاش ان موضوع روايه يتحول لأزمه كبيره فوافق على قفل الموضوع و عدم نشر الروايه فى كتاب. لكن مشايخ مصر بتوع الخمسينات و هما طايفة المعممين التاريخيه فى مصر كانو غير المتطرفين الدينيين اللى فى الواقع عباره عن متعصبين من فئات اجتماعيه مختلفه مابينتموش للطايفه دى اصلاً و انتشرو فى مصر فى السبعينات و التمانينات و بقو بيتصيدو أى حاجه عشان يهددو و يعتدو على المفكرين و الكتاب. نبش المتطرفين بعد فوز نجيب محفوظ بجايزة نوبل ، اللى الفوز بيها فى حد ذاته بيعتبر عند ناس منهم دليل على الكفر ، و لقو موضوع رواية أولاد حارتنا القديم فإستغلوه وشنو حملة تكفير على نجيب محفوظ. شيخ كان اسمه عبد الحميد كشك الف كتاب مخصوص اسمه  كلمتى فى الرد على نجيب محفوظ  و اتحط على الغلاف صوره بتدعو للقتل و شيخ تانى أفتى بجواز قتل نجيب محفوظ بإعتباره مرتد عن الاسلام و قال لما ظهرت أزمة الكاتب سلمان رشدى  اننا لو ردعنا نجيب محفوظ فى حينه لما ظهر لنا سلمان رشدى.

فى اكتوبر 1994 فى الشارع بعد مانزل نجيب محفوظ من بيته هجم عليه متطرف دينى كان مرقدله و ضربه بسكينه فى رقبته عشان يقتله فنقلو نجيب محفوظ بسرعه على مستشفى الشرطه فى العجوزه و السكينه فى رقبته. بيتقال ان المتطرف ده لا كان بيعرف يقرا و لا يكتب و انه ذكر فى التحقيقات  انهم  قالوله ان نجيب محفوظ مرتد عن الاسلام فراحله عشان يقتله. من اللى زارو نجيب محفوظ وقت علاجه فى المستشفى كان الشيخ محمد الغزالى اللى فى الخمسينات كان من مشايخ الازهر اللى هاجمو رواية أولاد حارتنا و منعو نشرها. فى الزياره قال الغزالى كتعقيب على نشر الروايه بعد كده ان  السموم ايضاً تنشر خلسة والناس تقبل عليها  لكن مع كده دان عملية محاولة قتل نجيب محفوظ و وصف الشيخ كشك بإنه راجل جاهل و الشيخ التانى بإنه انسان مريض.

من الوقت ده اتغير روتين حياة نجيب محفوظ و اثرت ضربة سكينة المتطرف على دراعه و خلته ما يعرفش يكتب فكان بيساعده المهندس عماد العبودى. لحسن حظ نجيب محفوظ و لحظ مصر انه ماماتش فى الإعتداء الإجرامى ده حيث ان ده لو حصل كان هيكون عار أبدى جناه الجهله و الموتورين مخلفات عصور الظلام على مصر اللى ماخدش منها جايزة نوبل فى الادب غيره.

اتوفى نجيب محفوظ فى مستشفى العجوزه فى الجيزه فى 30 أغسطس 2006 و هو عنده 85 سنه، و كرمته الدوله المصريه بجنازه رسميه كبيره شارك فيها كبار رجال الدوله و المصريين من كل الطبقات.

وفاة نجيب محفوظ كانت خساره كبيره لمصر و الادب لكن وفاته ماكانتش نهاية المطاف بالنسبه للغوغائيه الدينيه الظلاميه اللى بتعادى الفن و الادب و الفكر الحر المستنير و اللى ازدهرت فى مصر مع بدايات القرن واحد و عشرين و بقت بتهدد مستقبلها و ثقافتها و كيانها. بعد وفاة نجيب محفوظ استمرت الحمله الغوغائيه ضده زى ما استمرت ضد طه حسين و سلامه موسى و غيرهم من مفكرين مصر و كتابها اللى اتطلعوا فى النص الاولانى من القرن العشرين ان مصر تتمدن و تتنور و تطور عشان تلحق الركب الحضارى.

نجيب محفوظ من ابهات الادب المصرى المعاصر و ابو الروايه المصريه الحديثه ، و كتاباته عملت نقله كبيره فى اساليب و لغة و طرق كتابة القصه و الروايه فى مصر. موضوعات روايات نجيب محفوظ مستوحاه من البيئه المصريه و ابطالها بيتكلموا بلغه بسيطه ، و بيتميز اسلوبه بالبراعه فى رسم الشخصيات و تجسيد الجو القاهرى و استخدام التاريخ و الرموز. نجيب محفوظ كان بارع فى تحبيك رواياته و كان بيبنى القصه بالكامل قبل ما يكتبها.

ادب نجيب محفوظ كان مرتبط بمصر ارتباط كبير و كل رواياته و قصصه كانت مرتبطه بمصر و تاريخها و صراعاتها و نفسيتها فى المراحل المختلفه. الخلفيه الرئيسيه لأحداث رواياته و شخصياته و حواره القصصى هى مصر. فى رواياته الاولانيه صور امجاد مصر القديمه و بعدين فى مرحله تانيه صور مآستها و هى تحت الإحتلال البريطانى و النظام الاقطاعى و الرأسمالى و الطغيان السياسى فى مجموعته  خان الخليلى  و  زقاق المدق  و  بداية و نهاية  و  بين القصرين  و  قصر الشوق  و  السكريه . بعد كده اتنقل لمرحلة التركيز على هموم مصر الروحيه و تمزقاتها الفكريه و النفسيه. فى المرحله دى استخدم الرموز و التعبيرات الرومانتيكيه و ابتداها برواية  اللص و الكلاب  اللى نشرها سنة 1961. فى كل قصص و روايات نجيب محفوظ ماظهرتش شخصيه مش مصريه فكل ابطال و شخصيات رواياته كانو مصريين.

اول روايات نجيب محفوظ كان اسمها  عبث الأقدار، و نشرها له المفكر سلامه موسى سنة 1939. سلامه موسى اللى كان مطلع على الاداب العالميه و الثقافه الحديثه شاف انه اديب واعد بيكتب الروايه بالطريقه الحديثه.

ممكن تقسيم المراحل اللى مر بيها ابداعه الأدبى على تلت مراحل :

المرحله التاريخيه ( الرومانسيه 1939 - 1944 ): فى المرحله دى نشر روايات  عبث الاقدار ، و  رادوبيس  ، و  كفاح طيبه .

المرحله الإجتماعيه ( الواقعيه النقديه 1944 - 1952 ) : و نشر فيها  القاهرة الجديدة  ، و  خان الخليلى  ، و  السراب  ، و  زقاق المدق  ، و  بداية و نهاية  ، و ثلاثية  بين القصرين  و  السكرية  و  قصر الشوق .

المرحله التأمليه ( الفلسفه الرمزيه من 1957 ) : و هى المرحله التالته و بدأها بعد فترة توقف عن الكتابة لغاية سنة 1957 ، و نشر فيها  أولاد حارتنا  ، و  اللص و الكلاب  ، و  السمان و الخريف  ، و  الطريق  ، و  الشحاذ  ، و  ثرثرة على النيل  ، و  ميرامار .  ملحمة الحرافيش  اللى نشرها سنة 1977 برضه بتنتمى للمرحله دى.

نجيب محفوظ كتب كمان قصص قصيره على فترات متباعده و نشر مجموعات  همس الجنون  ، و  دنيا الله  ، و  خمارة القط الاسود  ، و  بيت سيىء السمعة . وأحلام فترة النقاهة الجزء الأول، والجزء التانى صدر بعد رحيله.

بعد حرب 1967 بدأ يجرب فى المسرح فكتب مسرحيات من فصل واحد ، جمع منها كام مسرحيه فى مجموعته القصصيه  تحت المظلة .

اتحولت روايات كتيره كتبها نجيب محفوظ لأفلام سينما انتجتها السينما المصريه. و من اشهر شخصيات رواياته اللى نالها شهره شعبيه عن طريق السينما شخصية سي السيد و هى شخصية سبع البيت المتسلط على مراته و عياله.

فى سنة 1970 كرمته مصر بالجايزه التقديريه و فى سنة 1988 كرمه العالم بجايزة نوبل فى الاداب.

اترجمت روايات كتيره لنجيب محفوظ للغات كتيره.

نجيب محفوظ فخر مصر و الثقافه و التمدن اللى ادبه و ابداعاته الرفيعه بتناقض ثقافة عصور الظلام اتعرض سنة 1995 لمحاولة إغتيال قام بيها متطرف دينى ضربه بسكينه فى رقبته لكن لحسن حظه و حسن حظ سمعة مصر الحضاريه محاولة الإغتيال مانجحتش لكن بكل تأكيد بتعتبر الحادثه بصمه سودا فى سجل تاريخ مصر.

نجيب محفوظ كان محظوظ من ناحيتين الأولى ان مصر فيها انتاج سينمائى متقدم و التانيه ان كذا روايه من رواياته اتحولو لأفلام سينمائيه قام ببطولتها مشاهير السينما المصريه ، فمش كل كاتب فى العالم بتجيله الفرصه دى. البدايه الحقيقيه للسينما المصريه ابتدت بفيلم  زينب  عن عمل روائى رومانسى بطلته فلاحه مصريه كتبه الاديب محمد حسين هيكل  و هو فى فرنسا و اخرجه محمد كريم اللى كان لسه راجع مصر من المانيا. قبل فيلم زينب الافلام فى مصر ماكانتش ناطقه. مع بداية التلاتينات دخلت السينما المصريه فى الافلام الغنائيه ، و بعدها ظهر فيلم  العزيمة  للمخرج كمال سليم اللى بطريقه فنيه واقعيه جسد الحاره المصريه. فى الفتره اللى بعد كده ظهر مخرجين بيهتمو بالسينما الواقعيه اللى بتعبر عن المجتمع المصرى و كان من ابرزهم صلاح ابو سيف اللى زى نجيب محفوظ كان بينتمى للطبقه الوسطى. نجيب محفوظ عمل سيناريو فيلم  لك يوم ياظالم  اللى أقتبسه و مصره صلاح ابو سيف عن قصة  تيزر اكان  للروائى الفرنساوى  اميل زولا . استمر نجيب محفوظ يساهم فى كتابة سيناريوهات افلام مصريه لغاية ما أخد صلاح ابو سيف روايته  بدايه و نهاية  و حولها لفيلم ، و من وقتها ابتدى المخرجين المصريين يحولو روايات نجيب محفوظ الواقعيه اللى بتعبر عن الشخصيه المصريه و المجتمع المصرى و احواله السياسيه ، فظهرت افلام زى  بين القصرين  و  قصر الشوق  و  السكرية  و  زقاق الدق  و غيرها على شاشة السينما المصريه. نجيب محفوظ كان ميال لإستخدام الرموز و دى حاجه ادت المخرجين و كتاب السيناريو فرصه لتفسيرها و توظيفها بحريه لخدمة مفاهيم سياسيه و اجتماعيه بتعبر عنها افلامهم. زائد الأبعاد الإجتماعيه و الفلسفيه لروايات نجيب محفوظ اللى اتحولت لأفلام ممكن القول ان نجيب محفوظ كان ليه كمان اثر كبير على اللى ممكن تسميته السينما السياسيه او الفيلم السياسى.
 
لكن الافلام بطبيعة الحال ليها جمهورها الواسع و طريقة عرضها للشخصيات و الأحداث بتختلف عن طريقة عرضها فى الروايات المكتوبه حيث ان السينما بتعتمد على التشويق و الاثاره لجذب الجمهور المختلف فى السن و الاهتمامات و الثقافه. للسبب ده الافلام و الروايات ماكانوش متطابقين بالظبط و فيه زيادات و تنقيصات و ساعات مبالغات عملها المخرجين فى وقائع روايات نجيب محفوظ اللى حولوها لأفلام و ده عشان يجذبو الجمهور و يرضوه. نجيب محفوظ ماكانش بيعترض على التغييرات و مابيحشرش نفسه فى عمل المخرجين و كتاب السيناريو و الممثلين حتى لو شوهو روايته بمناظر و حوارات و وقائع ماهياش فى الروايه اصلاً زى ماحصل فى فيلم  المذنبون  اللى اقتبس بمبالغات وصلت لحد التشويه من قصه قصيره من مجموعته  همس الجنون  ، و قال بخصوصه إن  السينما فن مستقل ليها مطالبها اللى بيعرفها خبرائها و انا حدود مسئوليتى اللى بأكتبه بقلمى. و أنا مابعتبرش إن ده تشويه لأدبى حيث إن أدبى فى كتبى مش على شاشة السينما و اللى يعرفنى عن طريق اداه تانيه يبقى ماعرفنيش .

اشهر شخصيات نجيب محفوظ اللى شدت انتباه الجمهور المصرى كانت شخصية  سى السيد  اللى جسدها الممثل يحيى شاهين. من نجوم السينما المصريه اللى مثلو فى افلام متاخده عن روايات لنجيب محفوظ : عمر الشريف ، نور الشريف ، شاديه ، شكرى سرحان ، كمال الشناوى ، عماد حمدى ، تحيه كاريوكا ، سناء جميل ، رشدى أباظه ، سعاد حسنى ، فريد شوقى ، ناديه لطفى ، عزت العلايلى ، ميمى شكيب ، محمود ياسين ، عبد المنعم ابراهيم ، حسن يوسف.

من الافلام اللى اتاخدت من روايات نجيب محفوظ :

لستة الكتاب المصريين




#Article 222: برتراند راسل (1286 words)


برتراند ارثر ويليام راسل، ( تالت ايرل راسل ) - بالانجليزى : Bertrand Arthur William Russell, 3rd Earl Russell - ( تريليك، ويلز، 18 مايو 1872 - بلاس بينرهين، ويلز، 2 فبراير 1970 ). منطقي وفيلسوف وعالم رياضيات وكاتب كبير غزير الانتاج وداعية سلام وتآخي بين البشر. من أهم مفكرين القرن العشرين. كات له مواقف مشهوره ضد الحروب و الاستعمار و العنصرية والقهر. دخل السجن مرتين، مره بسبب معارضته للحرب العالميه الأولى ودعوته للسلام (1918)، ومره وهو عنده تسعين سنه بسبب معارضته لانتاج القنابل الذريه (1961). اخد جايزة نوبل في الأدب سنة 1950 على كتاباته المتنوعه و انتصاره للسلام و الحريه الفكريه.

في سنة 1963 أسس منظمة برتراند راسل للسلام وانضم له ووقف معاه الفيلسوف الفرنساوي جان بول سارتر في ادانته لسياسة أمريكا في حرب فيتنام.

اتولد برتراند راسل في ويلز في عيله ارستقراطيه فيها لوردات وبارونات وورث عن جده لقبه النبيل  ايرل  - Earl -. راسل بدا تعليمه بطريقه فرديه عن طريق مدرسين خصوصيين في بيت جدته و جده  لورد جون راسل  بعد ما اتوفى أبوه وأمه و ماكانش له اتصالات كتيره بعيال تانيين غير أخوه  فرانك  اللي كان عايش معاه. في فتره العزله دي أفكار راسل ابتدت تتشكل وبدا يهتم بالمعرفه وتحصيل العلوم والتفكير في موضوع الدين، وبقى متمرد وشكاك في كل حاجه و ما يقتنعش بكل حاجه زي ماهي و زي الناس ما بتؤمن بيها من غير تفكير ومن غير ما يقدروا يثبتوها.

في سنة 1890 دخل راسل كلية ترينتي كوليج  Trinity College  في كمبردج، و على طول اظهر ذكاءه وتفوقه وقدراته التفكيريه العاليه بالنسبه لكل الطلاب اللي معاه، و أخد جوايز تفوق في علم الرياضيات. وبعدين في سنة 1893 بعد ما خلص دراسة الرياضيات اتحول لدراسة الفلسفه اللي برضه نجح واتفوق فيها وأخد شهاده في علم الأخلاق سنة 1894. وفي نفس السنة اتجوز واحده امريكانيه ضد رغبة عيلته و خد بعضه و راح أمريكا وبقى يحاضر هناك في علم الرياضيات (الهندسة اللااقليدية)، وبعد سنتين سافر على المانيا عشان يدرس علم الاقتصاد وهناك اتعرف على الماركسيه عن طريق أتباع الحزب الاشتراكي الديمقراطي وبعدين رجع على انجلترا وبقى محاضر أول في مدرسة لندن للاقتصاد والعلوم السياسيه  Lodon School of Economics and Political Science .

في سنة 1896 نشر راسل أول كتبه  الاشتراكية الديمقراطيه الألمانيه  ، وبعدها بتلت سنين نبذ الفلسفه المثاليه - Idealism - و اعتنق  الفلسفه التجريبيه  - Empiricism - و  الفلسفة الايجابيه  - Positivism - ، و  الواقعيه الماديه  - Physical Realism - ، وفضل طول حياته على الحال ده. واستمر معتنق المذهب الليبرالي - Liberalism - لغاية ما دخل حزب العمال سنة 1914.

أفكار راسل الفلسفيه كات بتقوم على تلت مبادىء :

بعد ما راسل خلص من كتابه عن فلسفة  ليبنيز  سنة 1900 بدأ مشروعه الكبير في المنطق والرياضيات ونشر في 1903  قواعد الرياضيات  - The Principals of Mathematics - وفي سنة 1910 و 1912 و 1913 نشر التلت مجلدات بتوع كتاب قواعد الرياضيات بعنوان لاتيني - Principia Mathematica -. والكتاب ده كتبه مع صاحبه الرياضي والفيلسوف الفريد نورث وايتهيد وده كان أستاذه قبل كده.

من وقت نشر مجلدات  قواعد الفلسفه  وجهة راسل الفلسفيه بقت معظمها تحليليه و أفكاره بقت من مصادر الالهام للحركه التحليليه في الفلسفه - Analytic Movement in philosophy - ، لكن شويه شويه ابتدى راسل يبعد عن المدرسه التحليلية ويهتم بـ  الأتوميه المنطقيه  - Logical Atomism -.

معظم كتابات راسل في عشرينات وأوائل تلاتينات القرن العشرين بقت متوجهه للقراء العاديين بلغه سهله مفهومه، وراجت شوية كتب من كتبه دول بين الناس، وكان منها  ألف باء الذرات  - ABC of Atoms - اللي اتنشر سنة 1923 و  ألف باء النسبيه  - ABC of Relativity - اللي نشره سنة 1925. ومع الكتب العلميه المبسطه دي ألف كتب تنويريه في السياسه والمجتمع والتعليم والثقافه والدين وغيره. زي  ماهو ايماني  ( 1925) و  الزواج والأخلاق  (1929) و  مستقبل العلم ( 1931) و  التعليم و النظام الاجتماعي  ( 1932). كل الكتب دي كات قويه وبيشع منها ذكاء مفكر كبير عايش مع الناس ومتواصل بأحداث الدنيا والتطورات الثقافيه والاجتماعيه. راسل كان نشيط جداً في الكتابه وطول عمره في أي وقت كان له كتب في المطبعه.

في سنة 1927 راسل ومراته دورا فتحوا جنب بيترسفيلد مدرسه تجريبيه متحرره جداً بمفاهيم أياميها . وبعد ما اتطلقوا سنة 1935 راسل سابها لكن دورا استمرت فيها لغاية ما قامت الحرب العالميه التانيه في 1938.

بعد ما أخوه فرانك مااتوفى سنة 1931 اتنقل لراسل لقب  تالت ايرل  - 3rd Earl - واتضاف لاسمه. واستمر راسل في التأليف و نشر سنة 1934 كتاب مهم اسمه  الحريه و التنظيم، 1814 - 1914  - Freedom and Organization, 1814 - 1914 -. اللي ساعد راسل في البحث ده وبحث غيره كات واحده اسمها باتريشيا سبينس واتجوزها سنة 1936.

في سنة 1907 راسل دخل انتخابات البرلمان وما نجحش، وكان بيطالب بعمل نظام التجاره الحره وبحق المرأه في التصويت في الانتخابات لان أياميها كان القانون الانجليزي لسة بيمنع تصويت الستات. لكن بعدها بسنه انتخب كعضو في الجمعية الملكيه.

لما قامت الحرب العالميه الاولى راسل كان من المناهضين لها والمطالبين بالسلام و ندد بيها فاتقبض عليه واتغرم 100 جنيه وده اياميها كان مبلغ كبير. وفي سنة 1918 اطرد من كلية الترينتي كوليج اللي كان بيشتغل فيها محاضر وأخد ست تشهر سجن. وهو في السجن انتهز الفرصه و ألف كتابه  مقدمه في الفلسفة الرياضيه  (اتنشر 1919) وبدا يقرا ويجهز كتابه  تحليل العقل  (1921). وبعد ما طلع من السجن  قابل دورا بلاك  - اللي اتجوزها بعد كده (1921) - وسافروا سوا الصين سنة 1920، وبعدها زار الاتحاد السوفيتي، و في نفس السنه نشر كتابه  الممارسه والنظريه البلشيفيكيه  اللي انتقد فيه النظام الشيوعى وأدان الأعمال القمعيه بتاعة ستالين .

كداعية سلام بيحب الخير للبشر وقف راسل ضد تهديدات قيام الحرب العالميه التانيه ، لكن بعد الحرب ما قامت وقف ضد هتلر و قال ان هتلر ده لازم يتغلب  كتمهيد لأي شىء كويس . لكن اتطرد من كلية سيتي كوليج في نيو يورك بعد ما اترفعت عليه قضايا من ناس ماعجبتهومش توجهاته فاتهموه بانه بينشر اللا أخلاقيه ودخل في محنه ماليه كبيره بسبب الطرد من الكليه والقضايا دي، ما انقذهوش منها الا عقد عمل كمحاضر في مؤسسة بارنس في بينسيلفانيا. لكن الفرحه ما كملتش وفضلوا وراه لغاية ما اتطرد تاني سنة 1943 ، بس استخدم محاضراته في تأليف كتابه  تاريخ الفلسفه الغربيه - History of Western Phyilosophy - اللي نشره سنة 1945 وعمل ضجه كبيره في بريطانيا و أمريكا واتباعت منه نسخ كتيره جداً جابت له دخل محترم لمده طويله. ولما رجع انجلترا من أمريكا عينته كلية ترينتي كوليج محاضر فيها فارتاح مادياً بعد المحنه اللي صابته بسبب ناس ماقدروش يتعاملوا مع أفكاره.

برتراند راسل اتشهر جداً وبقى يطلع في برامج راديو البى بى سى يناقش مواضيع فكريه وخد جوايز تقديريه اتوجت سنة 1950 بجايزة نوبل فى الادب على أعماله الكتابيه الكبيره ونشاطه في مجال السلم العالمى ودعوته للحريه و عدائه لقهر الشعوب والناس وفرض المعتقدات عليهم.

لما اتنشر كتابه  المعرفه البشريه، نطاقها وحدودها  سنة 1948 استقبل استقبال كويس بس مش بحراره. ده لان راسل من أيام الحرب العالميه التانيه و موقفه منها خلاه مش مقبول عند ناس كتير. راسل من أياميها ركن الفلسفه و بدا يوجه جهوده للسياسه الدوليه. من حوالي سنة 1952 السلطات والنظم الحاكمه بدت تهمله وتتجاهله لكن الشباب والناس المتنوره و اليساريين في كل الدنيا بقم بيحبوه ويحترموه وبقى بالنسبه لهم أمل ورمز من رموز الحريه والعداله. وبقت توصله ألوفات الجوابات و كروت التحيه من ناس عاديه من كل أرجاء الدنيا .

في سنة 1954 لما أمريكا عملت تجربه لقنبله هيدروجينيه فى جزيرة بيكينى فى المحيط الهادى ، وجه راسل نداء مشهور للعالم في راديو البي بي سي، أدان فيه بقوه تجارب القنابل الهيدروجينيه، وانضم له العالم الكبير البرت اينشتين وجمعوا العلما والمفكرين من أنحاء العالم وعملوا مؤتمر اترأسه راسل في بوجواش سنة 1957 أدانوا فيه التجارب النوويه. وفي سنة 1958 اترأس راسل حملة نزع السلاح النووي من العالم.

في سنة 1961 وراسل عنده تسعين سنة اتقبض عليه هو و مراته واتحكم عليهم شهرين سجن. لكن الحكم اتخفف لسجن سبع تيام لظروف راسل الصحيه وكبر سنه. والقضيه كان سببها انهم عملوا عصيان مدني عشان يحتجوا على التجارب النووية وجمعوا مؤيدين وقعدوا في الشارع وسدوا الطريق.




#Article 223: عمرو دياب (318 words)


عمرو عبد الباسط عبد العزيز دياب (معروف بـعمرو دياب) او (الهضبة) اتولد فى بورسعيد يوم الاربع 11 اكتوبر 1961 وهو مغني مصرى من انجح المغنيين المصريين وقدر يوصل للعالميه. والبوماته حققت مبيعات هايله جوه مصر و بره مصر. اغانيه اترجمت لكذا لغه زى الانجليزى و الروسى و الكرواتى و البلغارى و التركى و الالبانى والهندى. واتميز عمرو دياب انه بيجدد فى اغانيه و بيدخل الات جديده فى المزيكا بتاعته. وخد جوايز كتيره فى مشواره الفنى منها وورلد ميوزيك اوورد World Music Awards خدها اربع مرات مره فى سنة 1996 ومره تانيه فى 2002 ومره تالتة 2007 و رابعة 2009 عشان مبيعاته كانت اعلى نسبة مبيعات فى الشرق الاوسط.اللي معروف كمان عن الهضبة أن هو مشهور كمان في امريكا و السعودية

عمرو دياب ابتدى مشواره الفنى من 34 سنة فى سنة 1983 وكان اسم الالبوم  يا طريق واخر البوم ليه اسمه  كل حياتي  سنة 2018

عمرو دياب أول مطرب مصرى يدخل موسوعة جينيس.. الميجا ستار يحقق أكبر عدد من الجوائز العالمية وألبوماته الأكثر مبيعا فى الشرق الأوسط.. الهضبة: أهدى نجاحاتى لجمهورى صاحب الفضل

اتولد عمرو دياب فى 11 اكتوبر سنة 1961 فى مدينه بورسعيد. والده من منيا القمح سنهوت الشرقيه و والدته من بورسعيد.
والده عبد الباسط عبد العزيز دياب كان بيشتغل فى منصب رئيس الانشاءات البحريه وبنا السفن فى شركه قناه السويس. وكان عمرو صوته جميل وده خلى والده يشجع ابنه عمرو على الغناء ولما كان عمرو عنده ست سنوات اخذة لمهرجان 23 يوليو 1967 فى بور سعيد و جعلة يزور محطه الاذاعه المحليه. و كان اول اغنية غناها فى الإذاعه هو النشيد الوطني المصري بلادي بلادي.
محافظ بور سعيد اعجبه جدا صوت عمرو دياب واعطاة قيثاره هديه.

عمرو دياب كان اول زواج لة من الفنانه شيرين رضا و انجب منها ابنته نور سنة 1990 ولكن بعدها انفصلوا عن بعض وتزوج من امراة سعوديه اسمها زينه محمد عاشور و انجب منها توأم هم عبدالله وكنزي سنة 1999 وبعدها انجب جنى سنة 2001.

قام عمرو بعمل أربع أفلام هي:




#Article 224: خليل عبد الكريم (555 words)


خليل عبد الكريم (1930، اسوان - 14 ابريل 2002 القاهره، و اتنقل جثمانه و اتدفن فى اسوان حسب وصيته). درس القانون فى جامعة فؤاد الاول ( جامعة القاهرة دلوقتي)و اتخرج منها سنة 1951.اشتغل خليل عبد الكريم محامي و عاش اغلب حياته فى القاهرة فى حي بولاق الدكرور.
كان فى الجزء الثاني من حياته من اعضاء حزب التجمع(الوطني التقدمي الوحدوي) وكان بيمثل التيار الاسلامي المستنير فيه.
ولو انه كان لفترة طويلة من بداية حياته من الأخوان المسلمين واتحبس على ذمةالأخوان مرتين، الأولانية فى السجن الحربي سنة 1954 والثانية فى سجن مزرعة طرة سنة 1965،وكان بيشوف انه بيمثل الروح الحقيقيه للدين الاسلامي لما بيمزج بين الاسلام الليبرالي و العداله الاجتماعيه على العكس من القاده المسيطرين فى جماعة الإخوان اللى كل همهم تطبيق الشريعه على حد تعبيره.

خليل عبد الكريم كاتب اسلامي من اللى شايلين مسئولية تنوير الشعب المصري، وبيعتبر نفسه بشوية الكتب اللى كتبها ،فى اخر سنين عمره اللى بلغت 72 سنة، انه بيستفتح بيها مشروع كبير-آن اوانه- محتاج لفرق كتيرة من البحاثين والدارسين المخلصين للحقيقة وللشعب علشان الناس تعرف التاريخ الحقيقي ، مش التاريخ اللى متزوق ومتزين عشان يحافظ على عروش السلاطين على حسب اعتقاده.

وإلى : الأكاديميين اللى ينادون بضرورة إعادة كتابة التاريخ العربي الاسلامي ولكنهم لا يفعلون إما حرصا على مكاسبهم – التي هى فى اخر المطاف عرض من الدنيا قليل- وإما تحرزا من المتاعب التي سوف تلاحقهم لو اقدموا على ذلك.
وأخيرا الى: القلة الشجاعة القابعة فى مصر وعدن ودمشق وبيروت والمغرب والجزائر وتونس التي بدأت تمشي فى هذا الطريق الوعر الخطر غير عابئة بما فيه من أشواك بل ألغام، والتي تصر على حمل مشاعل التنوير مهما كلفها ذلك من ثمن ، والتي تؤمن بأن الفجر حتما سوف يطلع مهما طال أمد الظلام ومهما تمترس خلف ترسانات الثروات الأسطورية وسلطات الطواغيت الحاكمة التي تدرك أن بقاءها على عروشها رهن باستمرار الظلاميات.
إليهم جميعا: أهدي هذا الكتاب مساهمة متواضعة ولبنة صغيرة فى تشييد صرح آن الاوان ليرتفع.“

خليل عبد الكريم نجح فى انه يخللي مؤلفاته متينة ومحبوكة عن طريق الاستشهاد بالنصوص والمرويات اللى هى محل تقديس خصومه، والإشارة للمراجع -اللى برضه محل تقديسهم- وكإنه بيجهز للدفاع عن نفسه كمحامي فى قضية الحسبة اللى توقع انهم يرفعوها عليه.
ولاحظ خليل عبد الكريم ان خصومه زعلو منه وغضبو عليه لكنهم ماقدروش يردو على كتبه ، وماقدروش يرفعوا عليه قضية الحسبة زي اللى رفعوها على الدكتورنصر حامد ابو زيد وغيره، وكمان ماقدروش يكفروه ويحرضوا على قتله زي ما عملو مع الدكتور فرج فودة والأديب نجيب محفوظ وغيرهم، ويمكن يكونو خافو ان الناس تعرف اسمه وتقرا كتبه ف تبقا راحت عليهم ومش هاترجع تاني، ودا كلام خليل عبد الكريم نفسه لخصومه فى اهداء كتابه (النص المؤسس ومجتمعه) اللى قال لهم فيه:

خليل كان محامي شاطر وكان من المحامين اللى دافعو عن الدكتور نصر حامد ابو زيد فى قضية الحسبة اللى اتهموه فيها بالكفر بسبب كتبه واضطروه يدافع عن كتبه و افكاره قدام المحكمة اللى حكمت فى النهاية بتطليق زوجته الدكتورة إبتهال يونس استاذة الادب الفرنسي بالجامعة- غصب عنها وعنه، وتطليق الزوجين هى تاني خطوة لسيناريو يبدأ بالاتهام بالارتداد عن الاسلام والاستتابة، وتنتهي بالقتل، فى حالة عدم اعلان التوبة عن الافكار الممنوعة، والقارئ يقدر يتخيل تأثير قضية زي دي والحكم اللى صدر فيها فى خليل عبد الكريم.

كتب خليل عبد الكريم فوق الاربعتاشر كتاب، و من اهم الكتب اللى الفها:

من الالقاب اللى اطلقها عليه خصومه هوه لقب الشيخ الاحمر بسبب توجهاته اليساريه. ياترى مين اللى هايعرف الشعب بكتب خليل عبد الكريم؟ وياترى مين اللى هايكمل اللى بدأه خليل؟




#Article 225: محمد ابو تريكه (189 words)


محمد ابو تريكة, هو لاعب كوره مصرى مشهور جداً. بيلعب فى النادى الأهلى و دولي فى منتخب مصر ، ملقب بـالفنان لانه من احسن اللاعيبه اللى عرفتها الكوره المصريه و متسامح و ابتسامته علي وشهُ على-طول , كان السبب الرئيسي لفوز الأهلى ومصر فى البطولات الاخيرة القاريه. هو لاعب حريف جداً, و من اجوانهُ المشهورة: جون فى الصفاقسى ، وجاب كاس دوري ابطال افريقا للأهلى و جاب جون فى الكاميرون فى نهائي كاس افريقيا فى غانا 2008 وجاب الكاس لمصر برضه.ابو تريكه بيعتبر من أحسن اللاعيبه اللى فى مصر دلوقتى بيتلقب بردو بـ أحسن اللاعيبة اللى أنجبتهم الكرة المصرية و معروف عنه فى الملعب الباصات الممتازه بتاعته و الفاولات الرهيبه اللى بيحطها فى الجون زى ما بيعمل فى بطولات دوليه كتيره.ابو تريكه إترشح لجايزة أحسن لاعب فى افريقيا لسنة 2008 و وصل للقايمة النهائيه مع ايسيان لاعب تشيلسي و غانا و ادبايور لاعب توجو و الارسنال. ولكن ما فازش تريكه بالجايزه، و زعلت ناس كتيره لان هو كان المرشح الاقوى بفضل انجازته الكتيره، لكن أخد جايزة أحسن لعيب بيلعب فى افريقيا.لعب مع فريق مصر فى فى كاس القارات (2009) فى جنوب افريقيا و ظهر بمستوى كويس لفت انظار العالم.




#Article 226: سليم حسن (616 words)


سليم حسن (15 ابريل 1886 - 29 سبتمبر 1961) يعتبر من الرواد الاوائل من المؤرخين المصريين اللى اهتمو بالتاريخ المصري القديم و تاريخ مصر الفرعونية. ارتبط اسم سليم حسن بالتاريخ المصري بشكل كبير.

سليم حسن اتولد فى قرية ميت ناجي فى مركز ميت غمر التابعين لمحافظة الدقهلية فى 15 ابريل 1886. اتوفي أبوه و هو صغير فاهتمت بيه امه و اهتمت بتعليمه. و بعد الابتدائية و الثانوية دخل مدرسة المعلمين الخديوية و انضم لقسم علم الاثار بالمدرسة.

اتخرج من مدرسة المعلمين سنة 1912 و اشتغل مدرس تاريخ و لغه انجليزى فى المدرسة الناصريه فى القاهره و منها اشتغل فى مدرسة طنطا الثانويه و بعدين اتنقل اسيوط و فى الاخر رجع تانى المدرسهالخديويه الثانويه فى القاهره.

رغم سنه الصغير فى الوقت ده الا انه كان مجتهد جدا و متعطش للعلم و التاريخ و ده اللى خلاه يشترك فى وضع كتب التاريخ اللى كانت مقررة علي طلبة المدارس فى الوقت ده.

سليم حسن كان دايما عنده امنية واحدة و هى انه يشتغل فى المتحف المصري. للاسف حاول كتير بس ما قدرش لان الاجانب كانت سيطرتهم قوية فى الوقت ده. الوضع ده ما استمرش كتير لغاية ما قامت ثورة 1919 اللى ادت استقلالية اكتر للوزراء المصريين. فى الوقت ده اتعين سليم حسن امين مساعد فى المتحف المصري بعد اصرار احمد شفيق باشا وزير الاشغال فى الوقت ده علي تعيين مصريين فى المتحف مع الفرنسويين اللى كانوا موجودين و ده كان سنة 1921.

فى سنة 1922 تم اكتشاف مقبرة توت عنخ امون و اندهش العالم كله للااكتشاف ده و زاد الاهتمام بالحضارة المصرية. زاد اعتزاز المصريين و فخرهم بمصريتهم. و بدأت مصر تبعت بعثات دراسة الاثار لاوروبا و طبعا سيلم حسن ما كانش يفوت فرصة زي دي. سافر باريس و اخد دبلومة فى اللغة الشرقية و دبلومة تانية فى الديانات و دبلومة تالتة فى اللغة الشرقية برضه و رجع مصر سنة 1927.

اتعين تاني فى المتحف المصري بس ما استمرش كتير هناك..كلية الاداب بالجامعة المصرية طلبته علشان يشتغل مدرس فيها و اترقي لغاية ما وصل لدرجة الاستاذية و كان مشرف علي حفاءر الجامعة بمنطقة اهرامات الجيزة.

استمر رغم كل ده فى دراساته و اخد درجة الدكتوراة من جامعة فيينا سنة 1935.

سليم حسن كان مصري جدا و غيور جدا علي مصريته و هو اول مصري يشتغل فى منصب وكيل مصلحة الاثار المصرية ..و دي ليها قصة مهمة. انه اخد من الملك فاروق مجموعة من قطع الاثار المصرية اللى استولي عليها ابوه الملك فؤاد و حاول كتير الملك فاروق انه ياخدها تاني الا ان سيلم حسن رفض و ده كان من الاسباب المهمة اللى خلت سليم حسن ما يقعدش كتير فى منصبه ده.

الناس كلها عارفة سليم حسن بموسوعته القيمة جدا تاريخ مصر القديمة اللى اتنشرت فى 16 جزء بداية من سنة 1940 لغاية سنة 1960 و ده يعتبر اكبر عمل تاريخي اتعمل عن التاريخ المصري.

سليم حسن برضه كان ليه اصدارات كتير مش باللغة العربية اهمها كتابه عن ابو الهول و كتابه عن الاناشيد الدينية فى الدولة الوسطي
فى مجال الترجمة, ترجم كتاب فجر الضمير لجيمس هنري بريستيد و كتاب ديانة المصريين القدماء للعالم الالماني شتدورف.

بعد 1952 عاني سليم حسن من النفي الحكومة المتعمد ليه..زيه زي علماء مصريين كتير عانو من كده بعد 1952..لكن وطنيته و مصريته كانت بتخليه ما يتأخرش أبدا لما ينطلب منه عمل وطني,,اشترك سنة1955 فى كتابة تقرير عن انقاذ اثار النوبة من مية السد العالى و شارك فى بحوث حوالين اثار منطقة النوبة سنة 1958 و فى عملية جرد المتحف المصري سنة 1959.

سليم حسن, ابن مصر الطيب, المصري جدا, مات فى 29 سبتمبر سنة 1961.

دي اجزاء من موسوعة تاريخ مصر القديمة لسليم حسن. اللى اعادت نشرها مكتبة العيلة و الناس كانت واقفة طوابير عليها و كانوا بيستنو جزء جديد كل اسبوع. و لما الطبعة الاولي خلصت اتعملت طبعة تانية و خلصت بسرعة برضه و دا بيأكد ان الهوية المصريه لسه موجودة جوه المصريين.




#Article 227: شامبوليون (2152 words)


چان فرانسوا شامپوليون - بالـ فرنساوى: Jean-François Champollion ، اتلقب بـ المصري - Le Egyptian - ( فيچيك، 23 ديسمبر 1790 - باريس، 4 مارس 1832). علامه و باحث تاريخي وعالم لغويات فرنساوى أسس المصرولوجيا العلميه - Scientific Egyptology - ولعب دور كبير في فك رموز الهيروغليفى المصرى عن طريق مقارنتها بالحروف اليونانيه المكتوبه معاها على حجر رشيد، و اللي حل لغزها ساعد بدوره على معرفة تاريخ مصر وثقافتها الفرعونيه. اتعين مدير لـ متحف اللوفر في باريس وعمل حفريات في مصر، و اتعمله كرسي جامعي مخصوص لعلم الأثار المصريه في كلية كولي چ دو فرانس - Collège de France - ، و كتب قاموس للغه المصريه القديمه وألف كتب في قواعد لغتها وعن الحضاره و الميثولوجيا المصريه.

اتولد چان فرانسوا شامپوليون سنة 1790 في جنوب شرق فرنسا في قرية اسمها فيجيك - Figeac - التابعه لمديرية داوفينيه - Dauphine - اللي كانوا بيسموها مديرية المعجزات السبعة. القريه دي كات الناس فيها كاتوليك وكانوا بيؤمنوا بالخرافات والغيبيات، ولم جه وقت الولاده جابوا واحد سحار اسمه جاكو - Jacqou - عشان يساعد، وقالهم قبل الولاده ان العيل حا يكون ولد وانه حايشتهر وحايدخل التاريخ. ولما العيل اتولد لقوا لونه مايل للسمار و شكله شرقي أو مصري، العجيب ان الناس بعد عشرين سنه لقبوه فعلاً بالمصري.

شامپوليون كان ابن الثوره الفرنسيه واتولد وهي قايمه، سنه بعد سقوط سجن الباستيل وسنه قبل اعلان الجمهوريه. ولما بقى عنده خمس سنين كان علم نفسه القرايه عن طريق مقارنة الكلمات اللي كان بيسمعها ويحفظها بالكلمات المكتوبه. وأول مره سمع فيها اسم مصر كان عنده سبع سنين لماأخوه جان جاك اللي كان اكبر منه باتناشر سنه قاله انه رايح مع نابليون على مصر. أخوه فرانسوا ده كان باحث تاريخ ولغويات متمكن و بيهتم بالأركيولوجيا بس على أخر لحظه فلتت منه سفرية مصر مع علماء نابليون اللي راحوا على مصر. بس قعاده في فرنسا نفع شامبليون الصغير اللي كان بليد في المدرسه فطلع منها وخده أخوه على جرينوبل - Grenobel - وقعد هناك يعلمه. ابتدا ذكاء شامبوليون وشطارته في اللغات تظهر و بان نبوغه في اللاتيني و اليوناني وهو عنده اتناشر سنه واهتم بتعلم العبري. وده خلى أخوه يحس انه حايكون له مستقبل كبير في علم اللغويات فراح مغير اسمه وسمى نفسه فيجيك على اسم قريتهم وساب اسم شامپوليون لچان فرانسوا عشان يشتهر بيه ويشرف العيله. وتشاء الظروف ان عالم رياضيات وفيزيا كبير اسمه چان بابتيست فورير - Jean-Baptist Fourier - كان لسه راجع من مصر من ضمن علماء نابليون وراح سكن في جرينوبل وقابل شامپوليون و اتناقش معاه وانبهر بنباهته، وعزمه في بيته ووراه برديات مصريه وحاجات عن مصر. فبص شامبليون على البرديات وشاف الرموز الهيروغليفيه وسأله :  فيه حد يقدر يقرا ده ؟  فلما هز فورير راسه بالنفي، شامپوليون الصغير قال بتأكيد :  انا حأعرف .. في ظرف كام سنه لما اكبر انا حأعرف اقراه .

شامپوليون فضل يقرا و يتعلم ويتنقل من موضوع لموضوع بطريقه خلت أخوه يقلق عليه من المجهود اللي بيعمله. ألف شامپوليون أول كتبه  تاريخ أشهر الكلاب  وهو لسه عنده اتناشر سنه. وألف كتاب سماه  حوليات من أدم حتى شامبوليون الأصغر  عمل فيه جداول وتصنيفات متنظمه. وابتدا وهو عنده تلاتاشر سنه يتعلم لغات شرقيه منها العربي والقبطي.

كانت فيه حاجه بتجذب شامپوليون لمصر وكل حاجه كان بيعملها أو بيدرسها وهو صغير كات ليها علاقه بمصر. لدرجة انه درس اللغه الصينيه القديمه عشان يشوف اذا كان ليها علاقه بلغة مصر القديمه، ولما وصل سبعاتشر سنه عمل جدول لملوك مصر بناه على معلومات من التوراه لان كان لسه تاريخ مصر الحقيقي والضخم مخفي في الهيروغليفي مااكتشفش.

شامپوليون قعد يدور في النصوص اللاتيني والعربي والعبري ويعمل مقارنات مع نصوص اللغه القبطيه اللي بتعتبر اللغه الوحيده اللي لها علاقه باللغه المصريه القديمه. القبطي كات مستعمل في الصعيد لغاية أواخر القرن سبعتاشر.

في سنة 1817 لما عاز شامپوليون يدرس في ليسيه باريس طلبوا منه هناك انه يكتب مقاله عشان يشوفوا مستواه، فكتب لهم كتاب بدل المقاله عنوانه  مصر في عصر الفراعنه ، وقرا شامپوليون الكتاب على البروفيسيرات في صاله، وانبهروا بيه لدرجة ان رئيس اللجنه قام حضنه وقاله:  لما تتشهر أوعى تنسى أول ناس ادركوا عبقريتك ، وبدل مايقبلوه طالب عندهم عينوه مدرس معاهم في الليسيه. و شامپوليون خارج من المبنى مش مصدق نفسه أغم عليه من هول الخضه.

و شامبوليون مع أخوه قاعدين في العربيه وهما مسافرين باريس عشان يستلم الشغل جه في خياله حجر رشيد اللي كان شاف صورته قبل كده في بيت العالم فورير، فقال لأخوه  أنا حأفك الهيروغليفي، أنا عارف اني حأعمل كده .

حجر رشيد اللي لقوه عساكر نابليون في رشيد كان أخده الانجليز على لندن بعد ما احتلوا اسكندريه سنة 1801، لكن لحسن الحظ الفرنساويين بعد ما لقوه عملوا منه نسخه بعتوها على باريس . حجر رشيد كان منحوت عليه مرسوم تنصيب ملك مصر البطلمى بطليموس الخامس ، بالهيروغليفي والديموطيقي و اليوناني. وبعد شوية دراسات، العلما اللي عرفوا يقروا ويفهموا اليوناني قدروا يخمنوا ان التلت نصوص لها معنى واحد، واتصوروا ان مفتاح الهيروغليفي ومعاه تاريخ مصر محطوط على الحجر ده. العلما في انجلترا و المانيا و ايطاليا وفرنسا كانوا عملوا محاولات كتيره لفك الهيروغليفي المكتوب على حجر رشيد لكن كل المحاولات مانفعتش.

شامپوليون دفن نفسه في الكتب وهو في باريس وقعد يزور مكتبات و معاهد ودرس سنسكريتي و عربي و فارسي و صيني ولغات تانيه. وقابل المستشرق المعروف  دو ساسي  - De Sacy - اللي كان مدرس أخوه زمان، وقعد يكلمه كانه نظيره مع ان دو ساسي كان راجل كبير مشهور و شامبوليون كان لسه ماكملش تمنتاشر سنه. دو ساسي قرا مقدمة كتابه  مصر في عصر الفراعنه  وما اقتنعش بيها قوي، بس قال بعدين ان شامبليون الاعجوبه الصغيره أثر فيه جداً. وقابل رحالة افريقيا سوميني دو مانينكورت - Somini de Manencourt - اللي قال عنه بعد المقابله:  ده عارف كل حاجه عن البلاد اللي بنتكلم عنها زيي . وبعد سنه بقى بيعرف يتكلم ويكتب قبطي وكان بيقول :  أنا باكلم نفسي بالقبطي  وبعد أربعين سنه عالم فرنساوي لقى كلام كان كاتبه شامپوليون بالقبطي واتخم فيه وافتكره مخطوط من أيام ماركوس اويتيوس انطونينوس.

عيشة شامپوليون في پاريس ماكاتش سهله وكات حالته الماديه صعبه ولولا مساعدة اخوه وكرمه كان اتبهدل وجاع. كان ساكن في قوده صغيره تعبانه جنب اللوفر، وماكانش حتى قادر يدفع ايجارها، فكان بيطلب من اخوه يدفعهوله، وكات جزمته مخرمه وقميصه متبهدل لدرجة انه كان بيتكسف يروح أماكن عامه فيها ناس. وعيي في الشتا من برد و رطوبة القوده وفكر في الانتحار.

في سنة 1808 ناپوليون اللي كان محتاج عساكر طلع قرار بتجنيد كل الشبان اللي عدوا 16 سنه، فاتصاب شامپوليون بالرعب لأن موضوع الجيش ده طبعاً ماكانش على باله ولا كان بيناسب تطلعاته وطموحاته. لكن أخوه اللي كان بيعرف ناس في مراكز كبيره كتب تظلمات و جوابات كتيره، وانتهى الموضوع على استثناء شامبليون من التجنيد عشان يقدر يكمل دراساته. وبعد ما خلص من المشكله دي ابتدى يفكر تاني في موضوع حجر رشيد. لكن بعد ما عمل شوية ملحوظات وبعتها لأخوه عشان ياخد رأيه جتله أخبار ان خلاص فيه واحد باحث فك الهيروغليفي ونشر الموضوع في كتاب اسمه  تفسير جديد ، فجري وهو مخضوض على صاحبه اللي كان بيروج الكلام ده وعرف منه ان الباحث ده اسمه الكسندر لونوار - Alexandre Lenoir -. شامبليون كان بيعرف لونوار وكان لسه مقابله وما قلهوش حاجه، وكان بيعرف ان لونوار ده مش عبقري. بس صاحبه أكد له ان الموضوع بجد، وان لونوار قصد انه مايقولهوش، فجري شامبوليون على المكتبه وهو بيترعش ولقى الكتاب فعلاً، فاشتراه ورجع بيه الاوده وقعد يقراه. وفجاءة سمعت صاحبة الاوده صرخه قويه جايه من اودة شامبوليون فجرت عليها وفتحت الباب فلقته نايم على الكنبه وفي ايده الكتاب وكل جسمه بيترعش وهو في حالة ضحك هستيريه. شامپوليون بعد ما قرا الكتاب عرف ان الموضوع مش اكتر من مجرد ادعاء و تخاريف، وبعد ما اطمن نام وحلم بالمصريين بيكلموه.

شامپوليون اتولد وقت الثوره الفرنسيه وعاش في فتره متقلبه مليانه صراعات سياسيه وحروب وبتموج بافكار تنويريه . و كان كعالم ومفكر مناهض لقمع الحريه، لان القمع والتعسف والتسلط ما بيتماشوش مع التفكير الحر والتنوير. عشان كده ماكانش بيحب نابليون بعكس اخوه اللي كان معجب بيه. ولكن الظروف جمعته بيه وجهاً لوجه في جرينوبل. في سنة 1809 و شامبوليون عنده تسعتاشر سنه اتعين بروفيسور تاريخ في جامعة جرينوبل وبدا يلقي محاضرات على طلاب، منهم اللي كان في سنه ومنهم اللي كان قاعد معاه على نفس التخته في فصل في المدرسه.

في الفتره دي شامپوليون اتعمق في دراساته المصرولوجيه، وبدا يكتب قاموس لغه قبطيه لاستعماله الشخصي، وألف مسرحيات للعرض في صالون جرينوبل، و أغاني سياسيه كات بتعجب الناس وبيغنوها في الشوارع.

فى 7 مارس 1814 ناپوليون وصل جرينوبل على راس جيشه بعد ماهرب من منفاه في جزيرة البا على أمل الرجوع للحكم. ولما طلب نابليون سكرتير خاص على مستوى، المحافظ جابله فيجيك أخو شامبوليون فراحله ومعاه شامپوليون. وسأل ناپوليون شامپوليون عن شغله كبروفيسور فكلمه شامپوليون عن القواعد اللغويه القبطيه و قاموس القبطي اللي بيعمله فأعجب بيه ناپوليون وقعد يناقشه ووعده بانه حا يخلي مؤلفاته عن اللغه القبطيه تتنشر في باريس. وتاني يوم زاره في مكتبة الجامعه وفتح معاه الموضوع تاني، ووعده بانه حايخلي القبطي تبقى لغه رسميه في مصر. لكن ناپوليون ما قدرش يحقق وعده لانه بعد كده بشويه اتنفى على جزيرة سانت هيلينا واتوفى فيها وما رجعش فرنسا ولا مصر.

اتأزمت الأحوال في فرنسا وبعد ما مشي نابليون جم الملكيين على جرينوبل وحاصروها وضربوها بالمدافع وجري شامبوليون على مكتبة الجامعه اللي كات في الدور التالت عشان يحمي بردياته ومخطوطاته، وقعد يرش في ميه ورمل على الأرض ويطفي الحرايق، من غير مايهمه تعريض حياته لخطر كبير في سبيل البرديات. وبعد ما الموضع خلص اتمنع شامپوليون من الجامعه بعد ما اتهموه بالخيانه. وفي يوليه 1821 اضطر شامبوليون انه يهرب من جرينوبل. وبعدها بسنه نشر مقالته المشهوره  لـ م. داسير بخصوص حروف النطق الهيروغليفيه  اللي شرح فيها طريقة فك الحروف الهيروغليفيه.

مؤرخين قدام زي هيرودوتوس - Herodotus - و ديودروس - Diodrus - وغيرهم زاروا مصر أيام الفراعنه زمان، ووصفوا الهيروغليفي اللي شافوه هناك بانه نوع غامض من أنواع الكتابه بالصور. وفي القرن الرابع قبل الميلاد كتب اللغوي اليوناني هورابولون - Horapollon -ان الهيروغليفي المصري مش أكتر من كتابه بالصور. و بكده، من يوميها و لغاية وقت شامبوليون، كان المعتقد ان الهيروغليفي المصري مش حروف لكن رسومات بترمز لحاجات، وعلى الأساس الغلط ده العلما وغيرهم فسروا  الرسومات  بطريقه غلط و طلعوا نظريات واخترعوا تفسيرات ماتمتش للحقيقه بصله، منها مثلاً ان الصينيين مستوطنين من أصل مصري، وفي نظرية تانيه عكسوا الموضوع وقالوا ان المصريين جم من الصين. ودخل في الموضوع جهال ومنجمين وسحره ورجال دين من الشرق والغرب وقعدوا يفسروا ويترجموا على هواهم. وحتى شامبوليون نفسه اتقاله ان الهيروغليفي المصري ده مش لغه هيروغليفيه لكن مجرد رسومات ديكور اتحطت للزينه.

وكان رد شامپوليون على التخاريف دي :  ده زي ما يكون المصريين ماكانش عندهم حاجه يعبروا عنها بلغتهم الخاصه 

شامپوليون وهو عالم لغوي كبير متبحر في عدد كبير من اللغات القديمه من ضمنها القبطي - و دي مع نباهته كات نقطة مهمه جداً - فهم على عكس الكل ان الهيروغليفي المصري ده حروف صوتيه، وقدر من الاقتناع ده انه يبني عليه و يمشي بصبر وطولة بال وشجاعه في الاتجاه الصح. العلما التانيين كانوا وصلوا لنتيجه بتقول ان الديموطيقي المكتوب على حجر رشيد عباره عن حروف كتابه بس ما قدروش يتقدموا خطوه اكتر من كده فرفعوا الرايه واستسلموا. شامپوليون بشطارته اللغويه وعلمه فك حروف الهيرغليفي المصري وادرك النظام اللغوي اللي في نص حجر رشيد، وقدر يخلي النص يتقري و يتفهم وكمان يتكتب ويتدرس. وبكده أسقط شامبوليون الفكرة الغلط اللي كات سايده عن الهيروغليفي المصري اللي أسسها هورابولون، وفتح بوابة تاريخ مصر الحقيقي.

في سنة 1826 شامپوليون اتعين مدير لقسم الأثار المصريه في متحف اللوفر.

في يوليه 1828 شامپوليون اللي اتلقب بـ المصرى وصل مصر، اللي فتنته واسمه ارتبط بيها وكان بيوصفها بانها كل شىء بالنسبه له، ودي كات اول مره في حياته يزور مصر ويشوفها ع الطبيعه. دخل شامبوليون مصر دخول المنتصرين، وطلع المصريين يستقبلوه عشان يحيوه ويشكروه و يشوفوا الراجل اللي قدر يقرا المكتوب على الحجاره القديمه ويكشف سر بلادهم اللي سادت الدنيا قرون بعد قرون بتقدمها وحضارتها . واختلط المصريين بالفرنسيين اللي وقفوا يغنوا أناشيد  المارسيليزا  و أغنية الحريه . يوميها كان يوم من أيام التضامن الحضاري بين مصر والغرب وعيد من أعياد العلم والمعرفه.

في مصر شاف شامپوليون الحاجات اللى درسها على الورق على الطبيعه وقدر يتأكد من اللي اتوصل ليه وهو فى فرنسا. وبنظره واحده قدر العلامه انه يصنف العصور والأزمنه اللي اتبنت فيها المباني و العواميد في ممفيس و عمل شوية اكتشافات أثريه من ضمنها معبدين و مدفنه في بيت رهينه، وفي سقاره قدر يتعرف على الاسم الملكي  اونوس  ويحدد عصره في التاريخ المصري. وفي ليله من الليالي في ضوء القمر زار معبد دندره البديع اللي كان عارف كل تفاصيله من الصور والرسومات. وقدر يبرهن على ان المعبد ده ما اتبناش عشان ايزيس، زي ماكان العلما فاكرين أياميها، لكن عشان حتحور الاهة الحب.

في الليله دي كان شامپوليون وزمايله في البعثه لابسين هدوم مصرى، ومع ان كلهم كانوا بيضحكوا وبيهزروا شامبوليون  المصرى  مشى باللبس المصري بكل احترام و وقار و كأنه فعلاً اتولد وعاش في مصر و اتعود على الهدوم دى. ودى حاجه لاحظها كل زمايله في البعثه وشهدوا عليها.

شامپوليون رجع فرنسا وقعد يكمل دراساته وابحاثه واتعمله سنة 1831 كرسي جامعي مخصوص في كوليج دو فرانس - Collège de France -. و بعدها بسنه، في 4 مارس 1832 اتوفى بنزيف داخلي مفاجىء وهو عنده 41 سنه، واتدفن تحت نصب تخليدي على هيئة مسله مصريه، واتسمت شوارع وميادين في فرنسا ومصر باسمه، بعد ما قدم لمصر والبشريه خدمه كبيره لأقصى الحدود، فتحت المجال لتقدم علم المصرولوجيا والتعرف على تاريخ مصر الحقيقي مش الخرافي، وكأنه كان هبه لمصر.




#Article 228: ويليام شيكسبير (163 words)


ويليام شيكسپير (William Shakespeare) (26 ابريل 1564 – 23 ابريل 1616) كان شاعر و كاتب مسرحيات انجليزي و بيعتبره ناس كتير اعظم كاتب فى تاريخ اللغه الانجليزي و يمكن اعظم كاتب دراما فى العالم كله و يمكن ميكونش اعظم كاتب دراما فى فترة الكاتب (شارلز ديكنز) (Charles Dickens) لأن معروف عنه انه كان اعظم كاتب دراما فى التاريخ كله..شيكسبير كتب حاجات كتير بس اللى وصل لنا منها 38 مسرحيه و 154 سوناته قصيدتين-حكايتين طوال و قصايد تانيه كتير.

كان فى ناس بتتهم (شكسبير) بأنه مزور و أن كل كتاباته دي مسروقة لأنه كان امي و مبيعرفش اى لغة غير (الانجليزية) و ده الاعترف بيه احسن صاحب ليه (بِن جونسن)
و كانت بنته (جوديث) مبتعرفش تكتب اسمها لحد سن 27 فالناس كانت بتقول ازاي شخص زي ده بيكتب الكلام ده و مفيش اى اثر انه مهتم بالثقافة او التعليم و خصوصا موضوع السم اللى نزل من الاذن حتى البلعوم فمات الرجل فى (هَاملِيت) و ده عمل جدل كبير اوي فى فترة القرن 16-17 م




#Article 229: عمر بطيشه (116 words)


عمر بطيشه شاعر و إذاعى مصرى و كاتب اغانى و كان رئيس الراديو المصرى. اشتهر عمر بطيشه فى برنامج شاهد على العصر و كتب شعر بالمصرى و بالعربى .

عمر بطيشه من مواليد 19 مارس سنة 1943 فى دمنهور, محافظة البحيرة, مصر و اخد: ليسانس اداب إنجليزي, دبلوم دراسات عليا فى الإعلام, دبلوم دراسات عليا إعلام 

كتب عمر بطيشه شعر و اغانى و غناله فايزه احمد اللى غنت اغنيته دنيا جديده و ورده الجزائريه اللى غنت اغنيته بنخاف من العين و فى شريط بحر الحب الحان صلاح الشرنوبى و مياده الحناوى اللى غنت اغنيته رجعنا لبعضنا ألحان محمد سلطان و سميرة سعيد و لطيفة وغيرهم. و كان رئيس جمعية المؤلفين و الملحنين.

من اعمال عمر بطيشه




#Article 230: عربى قياسى حديث (277 words)


اللغه العربى القياسيه الحديثه هى اللغه القياسيه (استاندارد/standard) و النوع الوحيد من اللغه اللى فى الاساس بيتكتب و بيستعمل فى الكلام الرسمى.

و هى جزء من اللغه الماكرو
العربى. اللغه المالطى, اللغه الاصليّه فى مالطا, كان بيعتبرها الاصوليين العرب ”لهجه“ من العربى قبل توحيد طريقة كتابتها و الاعتراف بيها رسمى. العربى القياسى الحديث صعب على اللى ماتعلموش انه يتكلمه او يفهمه.

معظم العلما الغربيين بيفرقو اتنين استاندارد من العربى الأدبى: العربى الكلاسيكى ( اللغة العربية التراثية) بتاع القرآن و الادب الاسلامى القديم (بين القرن 7 — 9), و اللغه العربى القياسيه الحديثه ( اللغة العربية المعيارية الحديثة), اللغه الاستاندارد اللى بتستعمل دلوقتى. اللغه الاستاندارد الحديثه متأسسه على اللغه الكلاسيكى. معظم سكان جامعة الدول العربيه بيعتبرو النوعين ”سجلّين“ من لغه واحده,
مع ان السجلّين ممكن يتوصفو فى العربى ”فصحى العصر“ و ”فصحى التراث“.

النطق المصرى: ; بتتسمّا فى اللغه نفسيها: , النطق الواسع: . النطق بيختلف من منطقة للتانية,   فى مصر:  او  . المعنى: اللغه العربى الراقيه. ممكن الاسم يتقصر لـ”العربى الفصيح“, ”الفُصحَى“  {العربى} النحوى).

سبب تسمية  هو من الفكرة ان اى لغات نتجت عن تأثير و احتكاك شعوب الشرق الاوسط و شمال افريقيا بلهجات العرب اللى غزو المناطق دى و بلغة القرآن, انها عربى مكسر و مش ممكن يعبر عن الافكار بدقه قد العربى الكلاسيكى (القرآنى).

العربى الكلاسيكى, بردو معروف بـ”عربى القرآن“, هو لغة القرآن و بردو فى نصوص كتير من اوقات العصر الاَمَوى و العباسى (القرن 7 — 9).

العربى الكلاسيكى فى العاده بيعتبر الام لانواع اللغه العربى اللى الناس بتتكلمها, بس فى دراسه قريبه, زى بتاعة Clive Holes' (2004), بتقلل من صحة الرأى ده, و بتبيّن ان انواع عربى تانيه من العربى الجنوبى القديم كانت موجوده فى القرن السابع و ممكن تكون اصل الانواع المتكلمه.




#Article 231: جوزيبيه فيردى (107 words)


جوزيبيه ڤيردي (طليانى: Giuseppe Verdi) (إتولد 9 او 10 اكتوبر 1813 - إتوفى 27 يناير 1901) كان مؤلف موسيقى طليانى و كان واحد من اهم الملحنين اللى اثرو فى الاوپرا الطليانيه فى القرن التسعتاشر. بيعتبر من أقوى العبقريات الموسيقيه فى ايطاليا فى القرن 19. إشتهر بتلحين الأوبرات اللى نجحت نجاح كبير. من اشهر اعماله روجيليتو (1851) و تروڤاتور و تراڤاتا (1853) و لحن اوبرا عايده المشهوره بطلب من خديوي مصر اسماعيل باشا بمناسبة إفتتاح قناة السويس، لكن اتعرضت لأول مره فى دار اوبرا القاهرة سنة 1871. إتأثر ڤيردي بـ شيكسبير و كتب تلت اوبرات مستمده من مسرحياته و هى ماكبث (1874) و عطيل (1887) و ڤالستاف (1893).




#Article 232: تسامح (176 words)


استحمال الناس لغيرهم التسامح ( توليرانسيه ) هى مصطلحات بتستعمل فى السياق الثقافي و الجتماعي و الديني عشان توصف قبول الاخر و بتمنع التمييز ضد الاقليات سواء الدينيه او العرقيه او الاجتماعيه. 'عدم الاستحمال' ممكن استخدامها للإشارة للممارسات التمييزية اللى مطلوب منعها.

رغم إن المصطلحات دى كانت علشان تشير للتسامح الديني للاقليات الدينية والطائفية بعد التعديل البروتستانتى , لكن المصطلحات بتستخدم علشان تشير لمجموعة واسعة من ممارسات التسامح مع الجماعات او الاحزاب السياسية او الافكار اللى بيكون عليها اعتراض على نطاق واسع 

مبدأ الاستحمال مبدأ عليه خلاف , النقاد الليبراليين بيقولو انه مش مناسب اعتبار ان الاختلاف انحراف عن المألوف, و انه مش مقبول ان عرف الاستحمال و التسامح يكون مفروض , و ان السلطات يكون ليها الحق فى معاقبة الاختلاف بدل من التأكيد على مفاهيم الكياسة او التعددية. ناس تانيه بتقول ان وجود تعريف ضيق 'للاستحمال' مفيد أكتر مش لأنه معناه ان مافيش داعى لاظهار حماس بالكدب لمجموعات او ممارسات عليها اعتراض .

اقدم مثال لمبدأ الاستحمال العرقى والدينى موجود فى اسطوانة سيروس ، اللى أعلنها سيروس العظيم بعد ما اسس الامبراطورية الفارسية.

(مترتبه تاريخياً)




#Article 233: نفرتيتى (221 words)


نفرتيتى Nefertiti كانت بتتنطق فى وقتها حاجة زى نفراتى ː تا (حوالى 1370 قبل الميلاد—حوالى 1330 قبل الميلاد), معنى اسمها الجميلة وصلت, كانت الزوجة الملكية العظمى للملك المصرى أمنحوتپ الرابع اللى سمى نفسه أخناتون فرعون الاسرة الثامنة عشر المشهور, و حماة توت عنخ امون.

نفرتيتى كانت كمان معروفه فى كل أنحاء مصر بسبب جمالها و انها كانت فخورة جدا برقبتها الطويلة, زى رقبة البجعة. و انها حتى اخترعت ماكياجها باستخدام نبات الجالينا. اسمها تقريبا يترجم ل الجميلة (او الكمال) وصلت. اسمها كمان هو اسم نوع من العقود ممدود من الذهب الخالص و الجواهر, و اسمه نيفر.

بعض العلما بيعتقدو أن نفرتيتى حكمت مصر لفترة قصيرة بعد وفاة جوزها وقبل حكم توت عنخ امون تحت اسم انخبورور (نفرنفرواتون) لكن ده مش مؤكد .

شاركت الملكة نفرتيتى جوزها فى عبادة الديانة الجديدة وهى عبادة أتون قوة قرص الشمس وكانت هى و جوزها الوسيط بين الشعب وأتون, ومن ألقابها الملكية الزوجة الملكية العظمى, و نفرتيتى خلفت من أخناتون ست بنات:

ابتدا أمنحوتپ الرابع فى السنة الرابعة من حكمه (1346 قبل الميلاد) عبادة أتون و بنا عاصمة جديدة. قاد الملك ثورة دينية, لعبت نفرتيت فيها دور بارز.

وخلال فترة حكم اخناتون (و يمكن بعد كده) اتمتعت نفرتيتى بسلطة مالهاش مثيل قبل كده, و فى السنة الاتناشر من حكمه, فيه أدلة على أن نفرتيتى ممكن تكون ارتفعت لمركز مشارك فى الحكم فى مساواة مع فرعون نفسه.




#Article 234: ماجنا كارتا (280 words)


الماجنا كارتا (Magna Carta) (الميثاق الأعظم -الميثاق العظيم للحريات) هى وثيقة حقوق طلعت فى سنة 1215 لتضمن الحقوق الاساسية، و هى عهد بين الملك و النبلاء فى  انجلترا و أسست مبادئ الدستور الخاص ب
حكم الملك ومحدودية نفوذه وسلطته. الماجنا كارتا بتُعتبر واحده من أهم الوثايق القانونيه فى تاريخ الحريه السياسيه و لليبراليية

(الماده) البند الأولانى ينص على ان الكنيسة فى  انجلترا تكون حرة من التدخلات الملكية فى شؤونها، و البند التانى بيحدد سُلطة الملك.

هى اول وثيقة دستورية فى تاريخ انجلترا، وهي وثيقة ملكية بريطانية التزم فيها الملك جون بالقانون الإقطاعي والمحافظة على مصالح النبلاء فى عام 1215م، وتُعدُّ معلمًا بارزًا من معالم تطوّر الحكومة الدستوريّة فى بريطانيا. وقد انتفعت بها معظم البلاد الغربية فى القرون اللاحقة، لأن كثيرًا من الاقطار الديمقراطيّة اتبعت نهج القانون الإنجليزي فى انشاء حكوماتها.

والـماجناكارتا كلمتان لاتينيتان، معناهما فى العربيّة العهد الأعظم. وبمقتضى هذا العهد أُجبِر الملك جون على أن يمنح الأرستقراطية البريطانية كثيرًا من الحقوق، بينما لم ينل المواطن البريطاني العادي من الحقوق غير النَّزر اليسير. اجبر النبلاء الإقطاعيون الملكَ على الموافقة على الـماجنا كارتا فى عام 1215. ووقع هذا الحدث التاريخي فى منطقة رِنميد، وهي سهل ممتد على طول نهر التايمز يقع جنوب غربي لندن. ويوجد هناك نصب تذكاري تخليدًا لذكرى هذا الحدث.

ومن الخطأ التاريخي القول بأن وثيقة الـماجنا كارتا كفلت الحريات الفرديّة لجميع الشعب، بل هى كفلت حريات النبلاء دون بقية الشعب، وقيدت سلطات الملك فقط تجاه هؤلاء النبلاءوهم البارونات، والأساقفة، ورؤساء الأديرة، إلا أنه فى القرون اللاحقة أضحت تلك الوثيقة نموذجًا يحتذى بالنسبة لأولئكاللى طالبوا بإقامة حكومات ديمقراطية وكفالة الحقوق الاساسية لكل مواطن. اما فى الوقت الذي صدرت فيه، فكانت أهميتها الكبرى فى إخضاع الملك لحكم القانون، وكبح جماح السلطة المطلقة.

ولعلنا نضيف فيما بعد اسبابها والتعهدات الواردة فيها




#Article 235: سنه كبيسه (114 words)


السنه الكبيسه هى السنة اللتي بها يوم واحد او أكثر من الايام الإضافية حتى تظل السنة التقويمية متزامنة مع السنة الفلكية او السنة الموسمية. . مثلا ، فى التقويم الجريجورى ، فبراير 29 يوم فى السنه الكبيسه بدل من 28 فى السنه البسيطه تستمر 366 يوم فى فى السنه الكبيسه بدل 365 فى السنه البسيطه.

لأن المواسم والأحداث الفلكية لا تتكرر فى نفس العدد الدقيق للايام ، التقاويم اللتي بها نفس عدد الايام فى كل سنه ، مع مرور الوقت ، المناسبات و الأحداث لا تقع فى نفس الموسم . عن طريق اضافة يوم فى الشهر او السنة ممكن تصحيح زالك . السنه اللتين مهياشي سنه كبيسه هى سنه بسيطهاول سنه كل الف سنه




#Article 236: عبد الرحمن الابنودى (114 words)


عبد الرحمن الأبنودى (11 ابريل 1938 - 21 ابريل 2015) هو واحد من أهم الشعراء المصريين اللي بيكتبو شعر بالمصري. اتولد الأبنودى فى أبنود فى محافظة قنا فى صعيد مصر. كتير من شعره اتغنى من مغنيين مصريين كبار زي عبد الحليم حافظ، محمد رشدي، نجاة الصغيرة، و فايزة أحمد، و ده ساعد في شهرته.

كتب اغاني المسلسلات زى النديم، و(ذئاب الجبل)وغيرهاوكتب حوار وأغاني فيلم شيء من الخوف، وحوار فيلم الطوق والإسورة وكتب اغاني فيلم البريء وعمل دوره فى مسلسل العندليب حكاية شعب الفنان محمود البزاوى. شارك الدكتور حيى عزمي فى كتابة سناريو وحوار فيلم الطوق والاسورة عن قصة قصيرة للكاتب يحيى الطاهر عبد الله.

 تقديم هالة رستم و اعداد واخراج سيد عبد العزيز .




#Article 237: مارييت (1070 words)


فرانسوا اوجست فرديناند مارييت، ( اخد لقب باشا واتعرف فى مصر بإسم مارييت باشا ) - بالفرنساوى : François Auguste Ferdinand Mariette - ( بولون سور مير، فرنسا، 11 فبراير 1821 - القاهره، 19 يناير 1881 ). عالم مصرولوجيا ومكتشف اثارات فرنساوي كبير عمل حفريات كتيره فى نواحي مصر اللى كشفت الكتير من المعلومات المتعلقه بالفترات القديمه بالذات فى التاريخ الفرعوني. انقذ أثار مصر من السرقه والتبديد بتصنيفها وحفظها فى متحف بولاق واسس المتحف المصرى فى القاهره اللى بيضم النهارده كنوز مصر التاريخيه من العصور الفرعونيه. اتكرم فى مصر و أخد ألقاب بك و باشا ونال احترام وتقدير كبير فى اوروبا.الشارع اللى فيه المتحف المصري اتسمى شارع مارييت باشا تكريما لاسمه.

إتولد مارييت فى شمال فرنسا فى بلد اسمها بولون سور مير - Boulogne-sur-Mer - تبع مديرية با دو كاليه - Pas-de-Calais -. مارييت كان عنده حداشر سنه لما اتوفى شامبوليون فجاءه سنة 1832، بعد ما حل لغز اللغه الهيروغليفيه و فتح بوابة تاريخ مصر للعلما والباحثين . نيستور لوت - Nestor L'Hote - إبن عم مارييت كان مصرولوجي وصاحب شامبليون وراح معاه مصر سنة 1828.

اهتم مارييت بتاريخ مصر من صغره ولما اتوفى ابن عمه سنة 1842 اطلع على اوراقه وشاف موضوعات عن المصرولوجيا فسيطر الموضوع عليه وبدا يتعلم قبطي و هيروغليفي، وفي سنة 1847 عمل كتالوج للأثار المصريه الموجوده فى متحف بولون اعجب بيه المشرفين فعينوه فى وظيفه مساعد بسيطه فى متحف اللوفر فى باريس ودي كات اول خطوه مهمه فى حياته العلميه واللي وصلته لمصر والشهره كمصرولوجي ومكتشف أثار كبير.

فى سنة 1848، ومارييت عنده اتنين وتلاتين سنه، طلب منه المسئولين فى متحف اللوفر إنه يروح مصر عشان يشتري شوية برديات يحطوها فى المتحف مع الأثارات المصريه المعروضه، فسافر على مصر وأول ما وصل طلع على جبل المقطم واتفرج على القاهره من فوق وشاف مآذن الجوامع ووراها من بعيد الاهرامات فأتسحر من المنظر التاريخى الخلاب ومن يوميها اتعلق بتاريخ مصر واثارها .

نزل مارييت الأسواق واطلع على تجارة الانتيكات فى مصر وزعل لما لقى ان الأثارات وكنوز مصر دي موضوعها تجاري وانها بتتنهب وبتستنزف عن طريق التجار والسياح والعمال المصريين اللى بيساعدوا العلما فى حفر الارض وتطليع الاثار فكانوا بيحطوا حاجات صغيره فى جيوبهم ويبيعوها للخواجات  الهبل  اللى بيدفعوا عشان الحاجات دي. وغير البيع ،من ناحيه تانيه، عملية سرقة الاثار كات كمان بتدمر الأثارات ومعاها تاريخ مصر، لإن كتير منها كان بيتاخد من حيطان المعابد و المقابر والتماثيل. مارييت بدل ما يفكر فى شرا البرديات اللى طلبها متحف اللوفر لقى نفسه عمال يفكر فى إيه اللى ممكن يعمله عشان ينقذ أثار مصر من النهب والإستنزاف.

بعد شويه لاحظ مارييت إن فى القاهره فيه تماثيل كتيره لـ ابو الهول موجوده فى جناين الفيلات والسرايات وقدام معابد من عصور احدث من التماثيل فى الجيزه و اسكندريه، فقعد يفكر منين جت تماثيل ابو الهول اللى شبه بعض دي. وفي مره بالصدفه وهو بيتمشى فى منطقة سقاره جنب هرم زوسر المدرج لمح راس تمثال لأبو الهول طالعه من الرمله. مارييت ماكانش اول واحد يشوف ابو الهول ده، بس كان اول واحد يلاحظ انه بيشبه بالظبط تماثيل ابو الهول اللى بيشوفهم فى القاهره واسكندريه. ولما قرا عليه نص بيشير لـ أبيس العجل المقدس بتاع ممفيس اتجمعت فى دماغه كل الحاجات اللى كان قراها وسمعها وشافها بخصوص طريق تماثيل ابو الهول اللى اتقال عنه كتب المؤرخين ولكن ماحدش لقاه او عرف مكانه. فقال لنفسه طيب ماهو جايز الطريق ده موجود هنا فى سقاره. مارييت راح مأجر شوية عرب من الصحرا واداهم فؤوس و قالهم يحفروا، فطلع من تحت الارض 141 تمثال لأبو الهول.

طريق تماثيل ابو الهول ده إتضح إنه ايام الفراعنه كان بيوصل معبدين ببعض. ولما حفر مارييت فى المعبدين لقي مقابر لعجول أبيس ممفيس المقدسه. العجل أبيس كان خدام الإله بتاح فى الديانه المصريه القديمه وكان وهو حي بيتقدس فى المعبد وكان الكهنه بيراعوه، ولما يموت كان بيتحنط وتتعمل له طقوس ويتدفن ويجيبوا واحد بداله. الإكتشاف ده ادى فكره كبيره عن الإحترام الديني، لدرجة التقديس، للحيوانات فى الثقافه المصريه القديمه، واللي الرحاله اليونانيين ايام الفراعنه كتبوا عنه واستغربوا منه جداً لإنه ماكانش موجود فى الثقافه اليونانيه. المنطقه اللى فى سقاره دي اتسمت  سيرابيوم  نسبه للإلاه سيرابيس.

جنب منطقة السيرابيوم اكتشف مارييت كمان مقبره  تي  اللى كان واحد من رجالة البلاط الملكي. مقبرة تي بتزين حيطانها رسومات واقعيه بديعه ومناظر من عيشة المتوفي اليوميه لغاية الوقت ده ماكاتش فيه حاجه زيها اكتشفت. أهمية الرسومات اللى اتلقت على حيطان المقبره دي انها ادت فكره كويسه عن عيشة المصريين ايام ما إترسمت.

مارييت قعد اربع سنين فى مصر وعمل حفريات واكتشافات فى اماكن كتيره منها الكرنك و الدير البحرى و ادفو وقدر ياخد فكره كويسه عن الحياه والثقافه والعقائد فى مصر القديمه، وبعت معظم اللى لقاه لمتحف اللوفر فى باريس. وبعد ما رجع فرنسا بقى مدير لمتحف اللوفر.

مارييت رجع مصر تاني و كمل الحفر والتنقيب والدراسات و ابتدا يفكر من تاني فى موضوع حماية أثار مصر من عمليات النهب اللى كات بتحصل وقتها.

الخديوى اسماعيل اهتم بموضوع حماية الاثار المصريه وكان معجب بمارييت و افكاره فعينه مدير للأثار المصريه وعمله مسئول عن كل عمليات الحفر والتنقيب عن الاثار فى مصز، فأستقر فى مصر وما رجعش فرنسا تاني.

فى سنة 1859 مارييت فتح متحف مصري ( الانتيكخانه ) فى بولاق. ومنع عمليات التنقيب الغير رسميه اللى كات بتم قبل كده من غير تصريح من الحكومه المصريه، والمتحف المصري بقى نقطة مراقبه لعمليات الحفر وفي نفس الوقت مكان بتتجمع فيه ولازم تعدي عليه الأثارات اللى بتتلاقى عن طريق التنقيب العلمي او عن طريق الصدفه. وبكده قدر مارييت انه يحد من عمليات نهب الاثار المصريه وتهريبها بره مصر، لإنه كان بيؤمن إن الاثار دي ملك مصر والمصريين بس ومش ملك اى حد تاني غيرهم.

مارييت عمل إكتشافات كتيره كان من ضمنها إكتشاف معبد سيتي الاول، وعمل دراسات وحفريات واسعه حوالين هرم سقاره و طيبه و جبانة أبيدوس ودندره و ادفو وتانيس والدير البحري. وبأمره وتحت رعايته اتزالت الرمله اللى كانت مغطيه جسم ابو الهول فبان كل جسمه زي ما بيتشاف النهارده قدام اهرامات الجيزه.

مارييت نشر مؤلفات منها  أبيدوس  (1869)، و  بحث فى تاريخ مصر  (1874)، و  مصاطب الدوله القديمه  ( اتنشر 1889 ). وفوق كده هو اللى بنى قصه اوبرا عايده اللى لحنها الموسيقار فيردي.

فى سنة 1891 بعد وفاة مارييت اتنقل المتحف للجيزه وفي سنة 1902 اتنقل المتحف للقاهره فى المكان الموجود فيه دلوقتي فى شارع مارييت باشا، جنب كوبري قصر النيل اللى بناه المهندس الفرنساوي دورجنون - Dourgnon - على الطراز المصري.

اتحط لمارييت تمثال فى جنينة المتحف المصري كتكريم للعالم الكبير اللى خدم مصر وحمى أثارها مع انه ماكانش مصري، لكن العلم والتحضر منفتحين مالهمش وطن، ومنحه الخديوي درجة الباشاويه فبقى باشا. واتدفن فى جنينة المتحف فى تابوت رخام. وكرمته فرنسا وحطت له تمثال كبير فى بولون سور مير اللى إتولد فيها.




#Article 238: البرت اينشتاين (145 words)


البرت أينشتاين (Albert Einstein, نطق ألمانى:  ) (14 مارس 1879 – 18 ابريل 1955) هو عالم فيزيائي ألماني الاصل، مشهور فى الاوساط العلمية وحتى المش علمية انه من أعظم علماء الفيزيا النظرية فى العالم، ابحاثه كانت السبب فى الوصول لحاجات كتيره من الاختراعات والتكنولوجيا المتطورة الموجودة دلوقتي، زي ابحاثه حوالين الذرة واستخدامات الطاقه الذريه و كمان كانت ابحاثه للأسف من اسباب اختراع القنبلة الذرية، وكمان أخد جايزة نوبل سنة 1921 لخدماته العظيمة فى مجال الفيزيا النظرية، وبالذات لأبحاثه فى ظاهرة فوتو إليكتريك ايفيكت (Photoelectric effect phenomenon).

ولكن لأينشتين ابحاث تانية كتيره بعيده عن مجال الذرة (atom) ويمكن اشهرهم نظريته النسبية العامة (General relativity) والنسبية الخاصة (Special relativity)، واللي افترض فيهم ان السفر فى الزمن (time travel) ممكن علميا إذا سبقت سرعة الجسم سرعة الضوء، وعن طريق النظريتين دول بنى معادلته (Equation) الشهيرة

الطاقة الناتجة (Energy) = الكتلة (mass) * مربع سرعة الضوء (speed of light)2




#Article 239: ابراهيم (214 words)


ابراهيم (ما بين سنة 2000 و 1500 قبل الميلاد) (   Avraham  ʼAḇrāhām;  Ἀβραάμ) فى اليهوديه ابو العبرانيين و اول شخصيه من التوراه. خرج منه نسل بنى اسرائيل.
اسم ابراهيم الاصلى كان إبرام و معناه  الاب الرفيع) وبعد كده إتسمى ابراهيم (سفر التكوين 17:5).
فى التراث اليهودى اسمه אברהם אבינו |Avraham Avinu| يعني ”أبونا ابراهيم“. الرب وعد ابراهيم بحاجات كتيرة وعظيمة، زي وعدهُ بنسل عظيم وان كل الامم حتتبارك بالنسل ده (سفر التكوين اصحاح 12:3).

مع مراته ساره و لور هاجر من اور لأرض كنعان و استقر هناك. لإمتحان ايمانه رب اسرائيل امره بتقديم ابنه (اسحاق, فى المسيحيه و اليهوديه; اسماعيل, فى الاسلام) كقربان لكن و هو على وشك دبحه بعت له الرب خروف عشان يضحى بيه بدل ابنه (سفر الخروج اصحاح 6:3 و 32:13). فى الاصحاح 17 الرب قاله انه ربه و رب كل اولاده و انه ورثهم ارض كنعان عشان يسكنو فيها.

إتذكر فى التناخ (اللى فيه كتاب التوراة وكتب انبيااليهود) بأن ابراهيم كان مُبارك من الرب (سفر التكوين اصحاح 17:5).

العقائد اليهودية والمسيحية والاسلامية بتتسمّى الديانات الابراهيمية, لإن اعتقاداتهم كانت متأثرة جداً بدور ابراهيم.

اليهود والمسيحيين بيعتبرو ابراهيم هو ابو شعب اسرائيل من خط ابنه اسحاق اللى قدمه ابراهيم للرب كتضحيه حسب الإعتقاد المسيحي واليهودي (سفر الخروج اصحاح 6:3 و 32:13).
فى المسيحية بيعتقد إن ابراهيم هو مثل يحتذى بيه فى الايمان.




#Article 240: نور الشريف (373 words)


نور الشريف (بالميلاد: محمد جابر محمد عبدالله) (27 ابريل 1946 - 11 اغسطس 2015) حى السيده زينب القاهرة، مصر ممثل مصرى له تاريخ فى السينما المصرية والإنتاج التلفزيوني المصري الحديث. كمان له عدة مساهمات فى المسرح برضة. أسرته من الطبقة العاملة. واتجوز الممثلة بوسى سنة 1972 وفضلوا متجوزين لغاية لما اتطلقوا سنة 2006 وكانوا خلفوا بنتين هما ساره و الممثلة مي نور الشريف ، لكنهم رجعوا لبعض فى اول سنة 2015 .

اسمه الحقيقى الكامل محمد جابر محمد عبدالله من والدين مصريين. أخد دبلوم المعهد العالى للفنون المسرحيه بتقدير امتياز وكان الاول على دفعته عام 1967. بدأ التمثيل فى المدرسه فانضم الى فريق التمثيل بها وكمان كان لعيب فى أشبال كرة القدم بنادى الزمالك ولكنه مكملش مشواره مع كورة القدم بسبب حبه للتمثيل الذى راحله عن طريق الفنان سعد أردش اللى رشحه للعمل معاه فأداله دورا صغيرا فى مسرحيه الشوارع الخلفيه وبعدين اختاره المخرج كمال عيد عشان يمثل فى مسرحيه روميو وجولييت. وأثناء بروفات المسرحيه اتعرف على عادل امام اللى قدمه بدوره للمخرج حسن الإمام ويظهر فى فيلم قصر الشوق ويحصل عن دوره على شهاده تقدير فكانت اول جايزة يحصل عليها فى حياته الفنيه.

تألق نور الشريف بعدها فى عده أدوار متميزة فى السينما المصرية رشحته ليصبح احد نجومها المميزيين.

من افلامه الجديدة فيلم اختفاء جعفر المصرى العام 1999 ثم العاشقان الذى قام فيه بالتمثيل والإخراج. ثم فيلم عمارة يعقوبيان

كمان اتألق الفنان ايضا فى التليفزيون المصرى من خلال مسلسله الاشهر لن أعيش فى جلباب أبى وأيضا عائلة الحاج متولي وعدة مسلسلات تاريخية أهمها هارون الرشيد و عمر بن عبدالعزيز.

حصل على العديد من الجوائز وشهادات التقدير منها جايزة أحسن ممثل عن دوره فى فيلم ليله ساخنة وعلى جائزه مهرجان نيودلهى عن فيلم سواق الأتوبيس.

عمل فيلم ليلة البيبي دول  عام 2007 دوشة كبيرة فى عالم السينما العربية عشان نور الشريف عمل دور مسجون فى سجن ابو غريب العراقي ، وكمان فى الواقع أدى مشهد التعذيب وهو عريان . ودخل السجن مراسل مصري قدر يصور مجزرة من مجازر التي عملتها القوات الامريكية ضد المدنيين العراقيين ، واللقطات دي مظهرتش فى تاريخ السينما العربية قبل كدة ، ومن الناس من اكبر شجاعته على اداء مثل هذا الدور وبمثل هذه الصورة من الواقعية، ولكن استهجنه البعض لظهوره عريان ملط .

توفى الفنان نور الشريف في 11 اغسطس 2015 عن عمر 72 سنة بسبب مرضه .




#Article 241: ديميس روسوس (428 words)


ارتيميوس (ديميس) فينتوريس روسوس Demis Roussos (اتولد فى اسكندريه، مصر، 15 يونيه 1946 - مات فى أثينا، 25 يناير 2015) و هو مغنى يونانى.

اتولد و قضى صباه فى حى الازاريطه فى اسكندريه فى مصر بس ابوه و امه (جورج و اولجا) كانو اصلهم يوناني لكن سابو مصر سنة 1961 و رجعو اليونان و كان ساعتها عمره 15 سنه. ديميس قضى السنين الاولانيه فى حياته فى مدينه مليانه جنسيات و اديان و ثقافات مختلفه عايشين مع بعض فى هارمونيه و توليرانسيه كانت من اهم الحاجات اللى بتميز مصر كلها و خصوصا الاسكندريه.المزيكا المصريه و الشرقيه عموما كنت اول حاجه تسمعها ودنه و اثرت على مستقبله الموسيقي بشكل كبير.و هوه عند 10 سنين وقع فى حب الة الترومبيت و ابتدا يعزف موسيقا الجاز و كمان كان بيغنى لمدة 5 سنين (سولويست) فى الكورال بتاع الكنيسه البيزنطيه اليونانيه اللى كانت موجوده فى اسكندريه. فى سنة 1975 زار ديميس روسوس مصر لأول مره بعد ماسابها ، و شارك فى حفله استعراضيه فى نادى الجزيره فى القاهره ، و زار مصر تانى فى اواخر التسعينات و غنى فى حفله عملتها دار الاوبرا و فى سنة 1999 شارك فى افتتاح المهرجان الدولى الخامس للاغنيه اللى اتعمل فى مركز القاهره الدولى للمؤتمرات.

لما ساب مصر و راح اليونان كان لازم يدرس و يشتغل فى نفس الوقت عشان يصرف على عيلته و عشان كده كان بيروح المدرسه بالنهار و بيعزف ع الترومبيت باليل فى ديسكوهات اتينا.
بعد ما وصل اتينا بعشر سنين قدر اخيرا يكون فرقه موسيقيه اسمها ذي آيدولز و فى الول كان بيعزف على الجيتار و بيغني (فوكال) ورا المغني الاساسي بتاع الفرقه.
فى يوم من الايام حصلت حاجه غيرت حياته كلها;المغني الاساسي كان تعبان و طلب منه يغني اغنيتين على المسرح عبال ما يرتاح شويه و اول ما طلع ديميس و غنى « House Of The Rising Sun » و « When A Man Loves A Woman » انبهر الجمهور بصوته القوي و اداءه الممتاز و من ساعتها كان بيتطلب بالاسم كل ليله عشان يغني. و شويه شويه ابتدا يعمل سمعه كويسه لحد ما قابل الملحن لاكيس فالفيانوس اللى طلب منه يكون فرقه و يكون هوه المغني الاساسي فيها. الفرقه اتكونت و كان اسمها وي فايف We Five و عملت نجاح كبير .

كون ديميس روسوس فرقه تانيه اسمها افرودايتيز تشايلد Aphrodite's Child اللى وصلت فرنسا فى عز ثورة مايو 1968 و بعد شوية حفلات اتقدمت شركه كبيره عشان تسجل اغانيهم و ابتدت شهرته تعدي حدود اليونان لاوروبا و العالم كله. اول البوم عملته الفرقه باع اكتر من مليون نسخه فى فرنسا لوحدها و بعديها بتسع شهور كانت اغنيته المطر و الدموع Rain and tears بتحقق اعلى نسبه مبيعات فى اوروبا كلها.




#Article 242: ايزاك سينجر (380 words)


ايزاك باشيفيس سينجر ( Isaac Bashevis Singer; ييدى ) (رادزمين، بولاندا، 14 يوليه 1904 - ميامي، امريكا 24 يوليه 1991) كان روائي و قصصي و كاتب مقالات ييدى كبير اتولد فى بولاندا وهاجر على امريكا. من اكبر ادبا اللغه الييدى. وصف فى رواياته و قصصه الساخره الفكاهيه المليانه بالحكمه عيشة اليهود فى بولاندا و امريكا، لكن شخصياته ومواضيعه بشريه عالميه. اخد جايزة نوبل فى الادب سنة 1978.

اتولد سينجر فى بولاندا فى عيلة فيها حاخامات كتار وكان أبوه وجده حاخامات. اخد تعليم يهودي تقليدي فى مدرسة الحاخامات فى وارسو (Warsaw Rabbinical Seminary) مع اخوه الكبير اسرائيل جوشوا عشان يبقى حاخام، بس فضل انه يكون كاتب.

بعد ما نشر اول رواياته  الشيطان فى جوريي  سنة 1935 هرب هو وأخوه على امريكا بعد ما اتوقعوا ان هتلر والمانيا النازيه حايهاجموا بولاندا ويحتلوها زي ماحصل فعلاً بعد ما هربوا.

بعد ما استقروا فى نيو يورك سينجر اشتغل فى جورنال ييدى اسمه ديلي فوروارد - Daily Forward - و كتب مقالات كان بيمضيها بالاسم المستعار  وارشوفسكي . وكتب قصص كان معظمها باليديش . فى سنة 1943 اخد الجنسيه الامريكيه.

سينجر اشتهر جداً وبقاله جمهور ومعجبين. كات عادته انه يكتب باليديش و بعد كده يشرف بدقه على الترجمه للانجليزي. من اهم رواياته: عائلة موسكات ( 1950)، و ساحر لوبلين (1960)، و العبد (1962)، و بيت المزرعه (1967)، و المزرعه (1969)، و اعداء، قصة حب (1972). و من اشهر قصصه القصيره: جيمبل الأحمق (1957)، و سبينوزا شارع السوق (1961)، و يوم جمعه قصير (1964)، و جلسة تحضير الأرواح (1968).

سينجر زي الاديب الييدى الروسى شالوم اليخيم كتب كمان قصص للاطفال من اشهرها سخيمل راح وارسو.

فى سنة 1966 كتب سينجر قصة طفولته وذكرياته فى وارسو فى كتاب فى بيت ابي.

رواية عائلة موسكات - The Family Moskat - روايه طويله بتعتبر من أهم الروايات اللى كتبها سينجر و اول ما اتنشرت خدت جايزة لويس لاميد الادبيه - Louis Lamed Prize - و اتوصفت بانها روايه ملحمية عن يهود شرق اوروبا فى القرن العشرين. فى الروايه دي وصف سينجر عيشة اليهود فى وارسو من بداية القرن العشرين لغاية الحرب العالميه التانيه وغزو النازي لبولاندا. والروايه مليانه شخصيات و احداث.

رواية ساحر لوبلين - The Magician of Lublin - برضه بتعتبر من أهم روايات سينجر الطويله ودي بتدور احداثها فى بولندا فى أواخر القرن التسعتاشر وبتناقش صراع الانسان ضد الشر.

فى سنة 1978 اخد جايزة نوبل فى الادب.




#Article 243: تقويم هجرى (190 words)


التقويم الهجري او التقويم الاسلامي هو تقويم قمرى بيعتمد على دورة القمر لتحديد الشهور، وبيستخدمه المسلمين فى كل مكان خصوصاً فى تحديد المناسبات الدينية. انشأه الخليفة عمر بن الخطاب و خلى هجرة الرسول من مكة الى المدينة مرجع لأول سنة فيه، وده سبب تسميته بالتقويم الهجري. رغم أن التقويم اتعمل فى عهد المسلمين لكن اسامي الشهور والتقويم القمرى كات بتستخدم من ايام الجاهليه.

وكان 1ربيع الاول هو بدايه السنه الهجرية
ولكن بعد فتره زمنيه وفي عهد الامويين تم رجوع شهران الى الوراء لاسباب دينية واعتبر 1محرم هو بداية السنه الهجريه وبقية الي اليوم.

فيه بلاد عربيه بتتخذ التقويم الهجري كتقويم رسمي لتوثيق المكاتبات الرسميه بين دواير الدوله الرسميه لكن عامّة الشعوب العربية بتألف وبتتعامل بالتقويم الميلادي اكتر من التقويم الهجري ما عادا المملكة العربية السعودية الي بتتعامل بالتقويم الهجري على المستويين، الرسمي والشعبي.

بيتكون التقويم الهجري من 12 شهر قمري، يعني السنه الهجريه بتساوي 354 يوم تقريباً، بالتحديد 354.367056 يوم، والشهر فى التقويم الهجري اما انه بيكون 29 او 30 يوم (لان دورة القمر الظاهرية بتساوي 29.530588 يوم). ولان هناك فرق 11 يوم بين بالتقويم الميلادي الشايع والتقويم الهجري فالتقويمين ما بيتزامنوش، فده بيخلي التحويل بين التقوميين صعب.

تفسير البغوي 




#Article 244: ريليجولوس (108 words)


Religulous (\ريليچولوس\ نطق: ) هوه فيلم سينما أمريكانى كوميدى/وثائقى, بطلهُ و كاتبهُ السياسى الكوميديان بيل ماهر و اخراج لارى تشارلز. بالنسبه لـ ماهر, اسم الفيلم هوه خلط كلمتين religion دين و ridiculous بايخ; الفيلم الوثائقى ده بيحلل و بينقض الأديان و التفكير الدينى.

فيه مجموعه اراء مستكشفه من أديان عالميه مختلفه, لإن بيل ماهر بيسافر لـ مناطق دينيه مختلفه, زى القدس, الڤاتيكان, و سولت ليك سيتى/Salt Lake City, بيحاور مؤمنين من خلفيات و مجموعات متنوعه, بالإضافه لـ اليهود اليسوعويين, و مسيحيين, و مسلمين, و مورمونيين
و الشيطانيين و الحسيديين اليهود.
هو بيسافر لـ سپـيكرز كورنر فى هايد پارك, لندن و بيوعظ الناس بـ طريقه نقديه بـ المعتقدات السيينتولوجيه.




#Article 245: المماليك البحريه (362 words)


إتوسع السلطان الأيوبى الصالح نجم الدين أيوب فى شرا المماليك، واستعان بيهم ضد منافسيه الأيوبيين فى الشام، وسكنهم معاه فى جزيرة الروضه اللى فى نيل القاهرة وسماهم  المماليك البحرية  نسبة لعيشتهم فى الجزيره فى نص بحر النيل، او ممكن لإنهم جم من ورا البحر. بعد ما إتوفى الصالح أيوب وقت حملة لويس التاسع ملك فرنسا، واللي إتعرفت بإسم  الحمله الصليبيه السابعه ، نصب مماليكه أرملته شجر الدر سلطانة على مصر. ولما إحتج ع التنصيب ده الامرا الأيوبيه فى الشام لما شافوا إن السلطه حاتفلت منهم، والخليفة العباسي المستعصم فى بغداد بحجة إنها ست، اتجوزت شجر الدر الامير عز الدين أيبك، اللى كان من الامرا بتوع الصالح أيوب، وإتنازلت ليه عن العرش، وبكده بدا حكم الدوله المملوكيه البحريه فى مصر بكل قوتها وإمكانياتها، و ماقدرش أيوبية الشام و لا الخليفه العباس بتاع بغداد يوقفوا ولادتها وهم نفسهم قضى عليهم المغول.

الامير فارس الدين أقطاى الجمدار كان ريس المماليك البحرية، لكن السلطان أيبك إغتاله بعد مابقى للبحريه عزوة كبيرة فى مصر بتهدد عرشه، فهرب عدد كبير من المماليك البحريه من مصر ع الشام والكرك وأماكن تانيه، و بعد شويه رجعوا على مصر بعد ماإتوفى أيبك، وساعدوا السلطان سيف الدين قطز فى حربه ضد المغول وقدروا يغلبوهم فى معركة عين جالوت التاريخيه.

دولة المماليك البحريه، وكان أغلبهم من اصل تركى (تركى بمعنى سنه مش اتراك تركيا- شوف ترك)، حكمت من سنة 1250 لغاية سنة 1381 لما إتنقل الحكم لمماليك البرجية ودول كان غالبيتهم من اصل شركسي.

مقر حكم دولة المماليك البحريه، وبعدها المماليك البرجيه، كان قلعة الجبل فى القاهره.

المماليك البحريه لعبوا دور كبير فى تاريخ مصر ومنطقة الشرق الأوسط وقدروا إنهم يصدوا المغول و الصليبيين ويحموا مصر و بلاد المنطقه. السلطان المنصور قلاوون الألفى قدر ياخد طرابلس من إيدين الصليبيين، وبعده ابنه الأشرف خليل أخد اخر جيوبهم فى عكا و ساحل الشام. فى عصر المماليك البحرية إتطورت التجاره والثقافه وفنون العماره. وبقت من أثارهم فى القاهره ودمشق جوامع ومدارس وأثارات تانيه كتيره. عهد السلطان الناصر محمد بن قلاوون كان أزهى فتره فى تاريخ دولة المماليك البحريه من حيث مكانة مصر الدوليه و قوة إقتصادها والنشاط العمراني الضخم اللى ما شافتهوش مصر من ايام الفراعنه.

من اشهر سلاطين المماليك البحرية : الظاهر بيبرس، و قطز، و المنصور قلاوون، و ولاده الأشرف خليل و الناصر محمد.

 




#Article 246: هاتور (107 words)


هاتور, (بالقبطى:ϩⲁⲑⲱⲣ) , هوه تالت شهر فى السنه القبطيه(المصريه)، و بييجي بين 11 نوفمبر و 9 ديسمبر فى التقويم الجريجوري. شهر هاتور هوه كمان تالت شهر فى الآخِت(Akhet) (موسم الفيضان) فى مصر القديمه, لما بيفيض نهر النيل و بيغطي كل اراضي مصر.

هاتور هو الاسم اللى سمى بيه المصريين القدام كوكب ڤينوس و كانو بيرمزو ليه لاله الجمال لإن المزروعات فى وقته كانت بتزين الارض.

اسم الشهر دا جاي من حاتحور, الاهة الحب و الجمال عند المصريين القدام.

مثل الشهر: إن فاتك زرع هاتور, إستنى لما السنه تدور

مشهور بـ: موز هاتور

مثل آخر لهذا الشهر هاتور الذهب المنثور نسبة الى زراعة القمح واذدهارها في هذا الشهر




#Article 247: حلوان (148 words)


 حلوان ، منطقه تابعه لمحافظة القاهره فى مصر تحولت الى محافظه من محافظات مصر فى 17 ابريل 2008 لكن فى 13 ابريل 2011 عادت مره اخرى منطقه تابعه للقاهره.

و حدود حلوان هى :

من الشمال : الحدود الاداريه لمحافظة الشرقيه و محافظة القليوبيه و محافظة القاهره

من الجنوب : الحد الادارى التابع لمحافظة القاهره.

من الشرق : الحد الادارى التابع لمحافظة السويس

من الغرب : حد النيل من قسم البساتين فى الشمال الى التبين فى الجنوب

تضم منطقة حلوان هذه الاحياء ايضا :

حي حلوان و 15 مايو و التبين و كفر العلو و المعادى و الهايكستب و النهضة و الصف و اطفيح و القاهره الجديده و الشروق و بدر و أطلس .

حلوان بتضم جواها حتت مهمه زى جامعة حلوان فى مدينة عين حلوان و مصنع سمنت طره و متحف الشمع و الجنينه اليابانيه وعزبة الوالده فيها كذا موقع اثرى فرعونى.

احياء القاهره القديمه واصل اسمائها




#Article 248: رجعيه (141 words)


الرجعية: (بالانجليزي: Reactionism) مصطلح سياسي المقصود بيه أى حركة او أيديولوجية تعارض التغيير او التقدم فى المجتمع و الوقوف ضد الاصلاحات الجديدة , و الاعتماد على الاساليب القديمة فى المجال الاقتصادى و الاجتماعى و السياسى , وهى عكس الليبرالية فى النظام السياسى و عكس التنوير كثقافه .

فى مصطلحات الماركسية ، مصطلح الرجعية صفة تحقير للناس تدل على الافكار اللى تظهر لصالح الطبقة العاملة ، ولكن ، فى الجوهر ، تتضمن عناصر من الإقطاع ، الرأسمالية ، والقومية ، والفاشية ، او غيرها من الخصائص الاجتماعية والسياسية من الطبقة الحاكمة.

مصطلح الرجعية , فى القرن التسعتاشر كان بيتقال فى للدلالة على اساليب الحفاظ على الإقطاع والأرستقراطية ضد النظام الجمهورى و الليبرالية ، و خصوصا الحفاظ على الإقطاع والأرستقراطية ضد الاشتراكية.

كمان دلوقتى ف الحياه اليوميه بيتقال ع الانسان المتمسك بالاساليب القديمة, و الدولة الدينية, انه رجعى ضد الحداثة او مش مودرن.




#Article 249: الوعد (133 words)


الوعد هوه فيلم مصري من انتاج 2008 بطولة روبى واسر ياسين واحمد عزمى وباسم سمره ومحمود ياسين وغسان مسعود ومن تاليف وحيد حامد واخراج محمد ياسين. الفيلم ابتدى تصويره فى 5 ابريل وكان فى الاول اسم الفيلم تحت السيطرة قبل ما يبقى الوعد وسبب تغيير الاسم هوه ان وحيد حامد اكتشف ان فيه عرض مسرحي بنفس الاسم تحت السيطرة. وابتدى عرضه فى اول يوم عيد اضحى. وكان هيشارك فى مهرجان القاهرة السينمائي الدولي بس وحيد حامد قال انهم كانوا هيضطروا يستعجلوا عشان يلحقوا يخلوا الفيلم يشارك وساعتها كان ممكن يبقى بشكل هما مش راضيين عنه او الفيلم ياخد وقته ويتعرض بعدين براحته.

الفيلم كان سنهل مشاكل ف الرقابة عشان الفيلم كان فيه اسقاطات سياسية. محمود ياسين بالرغم من ان دوره صغير بس اسمه محطوط فى الاول. ومشاكل تانية بسبب اتهامه باهانة الستات المغاربة.




#Article 250: عز الدين أيبك (2064 words)


الملك المعز عز الدين أيبك الجاشنكير التركماني الصالحى النجمي . ( إتوفى فى القاهرة سنة 1257). اول سلاطين الدولة المملوكية. إتربع على عرش مصر سنة 1250 بعد ما إتجوزته و إتنازلت له عن العرش شجر الدر سلطانة مصر و أرملة السلطان الأيوبى الصالح أيوب، فبقى سلطان على مصر لغاية ما أغتيل فى قلعة الجبل  فى سنة 1257. أيبك ما كانش تركمانى الجنس لكن كان موالى ل ال رسول التراكمه و عشان كده اتلقب بالتركمانى. اسم أيبك بيتكون من مقطعين بـالتركى (أى) ومعناها قمر و (بك) و معناها امير  ، او بفتحيتن فضم فسكون فيبقى المعنى  القبيح الممتلىء   لكن فيه مؤرخين ذكروا انه كان شركسى الجنس و انه اتسمى كده على عادة الشركس اللى كانوا بيسموا عيالهم على اسم اول واحد يدق الباب بعد ولادة الطفل زى فى حالة الظاهر ططر اللى اتسمى ططر مع انه كان شركسى مش تترى.

أيبك كان امير تركماني . بيخدم مع التركمانيين فى بلاط السلطان الأيوبى الصالح نجم الدين أيوب. وعشان كده المماليك البحريه سموه أيبك التركماني. أيبك إترقى لرتبة امير و إشتغل جاشنكير و كان الرنك بتاعه رسمة الخوانجا 

بعد ماإتوفى السلطان الأيوبى الصالح أيوب وقت الحملة الصليبية السابعة ( حملة الملك الفرنساوي لويس التاسع ) على دمياط سنة 1249 و إغتيال إبنه السلطان توران شاه على إيد المماليك البحريه فى فارسكور بعد ما الصليبيين إتغلبوا و إتأسر لويس التاسع سنة1250، المماليك سلطنوا شجر الدر أرملة الصالح أيوب وقعدوها على عرش مصر وبكده خرجت مصر من إيدين الأيوبيه.

الأيوبيين فى الشام و الخليفة العباسى المستعصم بالله فى بغداد ما رضيوش بضياع سلطة الأيوبيين على مصر و تنصيب شجر الدر و رفضوا يعترفوا بحكمها وراح الأيوبين فى الشام مسلمين الكرك للملك المغيث عمر ودمشق للملك الناصر صلاح الدين يوسف اللى راح قابض علي مجموعه من امرا مصر فى دمشق، فرد المماليك فى مصر عليهم بتجديد حلفهم لشجر الدر و نصبوا عز الدين أيبك أتابك و قبضوا على الامرا الميالين للناصر يوسف فى القاهره. و بعت الخليفه المستعصم جواب للامرا فى مصر قالهم فيه:  ان كانت الرجال قد عدمت عندكم, فأعلمونا حتى نسير اليكم رجالا  

رفض الأيوبيين و الخليفه العباس الإعتراف بحكم شجر الدر ) لخبط المماليك فى مصر و خلاهم يقلقوا، فقعدوا يفكروا فى حل يرضي الأيوبيين و الخليفة العباسى و فى نفس الوقت يديهم شرعيه للحكم، فقرروا إن أحسن حاجه شجر الدر تتجوز أيبك وبعدين تتنازل له عن العرش، وبكده يقعد راجل على العرش فيرضى الخليفة العباسى، وبعدين يدوروا على رمز أيوبى يحطوه على العرش مع أيبك ويشاركه الحكم اسمياً فيرتاح الأيوبيين و يرضوا على الوضع الجديد.

شجر الدر إتجوزت أيبك و إتنازلت له عن العرش بعد ما حكمت مصر ثمانين يوم  باراده صلبه و نباهه متناهيه فى ظروف عسكريه و سياسيه معقده وخطيره جداً بسبب تواجد جيش صليبي معادي على الأراضى المصرية و موت جوزها سلطان مصر الصالح أيوب والحرب ضد الصليبيين شغاله فى المنطقه اللى بين دمياط و المنصورة.

اتنصب أيبك سلطان على مصر و أخد لقب الملك المعز. و عشان يرضوا الأيوبيين و الخليفة العباسى جاب المماليك عيل أيوبي عنده ست سنين، او عشر سنين .، و سلطنوه بإسم الملك الأشرف مظفر الدين موسى  وأعلن أيبك أنه مجرد نايب للخليفة العباسى وأن مصر لسه تابعه للخلافة العباسية زي ما كانت قبل كده. وعشان يثبت ولائه لأستاذه السلطان الأيوبى المتوفى الصالح أيوب نقل أيبك جثمانه من قلعة جزيرة الروضة  لتربته اللى كان بناها قبل ما يموت، جنب مدرسته فى منطقة بين القصرين فى القاهره. لغاية اللحظه دي أيبك كان بيعتمد على تلت امرا، هما: زعيم المماليك البحريه فارس الدين أقطاى الجمدار ، و ركن الدين بيبرس البندقداري ، و سيف الدين بلبان الرشيدي 

بعد معركة المنصورة وانهزام الحمله الصليبيه السابعه على مصر لويس التاسع دفع نص الفديه اللى اتقررت عليه بسبب الخساير اللى سببتها حملته على مصر وسافر على عكا وقعد هناك مستنى فرصه يعوض بيها هزيمته فى مصر. اول ما وصل لويس لعكا بعت له الناصر يوسف حاكم دمشق . يطلب منه عمل تحالف صليبي - شامي ضد مصر. لكن لويس رفض العرض إكمنه من جهه كان خايف على الأسرى بتوعه اللى كانوا لسه محبوسين فى مصر، ولإنه من جهه تانيه كان عارف إن الدخول فى مشكله مع مصر بكل إمكانيتها وقوتها مش عمليه سهله، وكات نتايج حملته عليها لسه فى دماغه، هى ونتيجة التحالف الصليبي-الشامي اللى اتهزم هزيمه منكره جنب غزه على حدود مصر سنة 1244 و اللى تبعه طرد الصليبيين من القدس. لكن بعد ما الناصر يوسف بعت له جواب يعرض عليه تسليمه القدس فى مقابل مساعدته ضد مصر اهتم لويس بالموضوع وبعت لأيبك واحد اسمه جون اوف فالنسينس (John of Valenciennes) يحذره من إنه إذا ما سلمش الأسرى حا يضطر إنه يتحالف مع الشوام ضد مصر. كل ده ماوصلش لنتايج كبيره تذكر بإستثناء إن أيبك وافق على تسليم الأسرى و التنازل عن المبلغ الباقي من فدية لويس فى مقابل إن لويس ما يدخلش فى تحالف مع الناصر يوسف وإنه يمنع عساكر الشام من الإقتراب من حدود مصر 

الناصر يوسف الأيوبى ملك دمشق و اللى بقت الشام كلها فى إيده . بعت جيش على غزة عشان يستولى على مصر و يطيح بأيبك، لكن سيف الدين أقطاى إتصدى لقواته و غلبها. عمل الملك الناصر محاوله جديده وقاد بنفسه جيش كبير راح بيه على مصر و قدر إنه يكسر ميسرة جيش أيبك فى معركة دارت جنب الصالحيه، وهرب شويه من عساكر أيبك على القاهرة و جري وراهم شويه من عساكر الناصر فالناس فى القاهره إفتكروا إن أيبك إتغلب فراحوا خاطبين للناصر فى القاهره و اماكن تانيه فى مصر. لكن فى الغضون دي كان الوضع اتغير فى ساحة المعركه بانكسار ميمنة جيش الناصر و هروب شويه من أمراءه لصف أيبك فإتقطع جيشه و وإنهارت قوته فهرب على الشام، و قدروا البحريه بقيادة أقطاى إنهم يستولوا على صناجقه و إتنهبت خزاينه ووقع فى الاسر عدد كبير من عساكره و أمراءه، كان من ضمنهم تورانشاه و أخوه نصرة الدين محمد و الملك الأشرف صاحب حمص وغيرهم من امرا الأيوبيه المرموقين. و رجع أيبك بعد كده كل عساكر الناصر اللى دخلوا القاهره على دمشق على ضهور الحمير و كان عددهم بتاع تلت الاف. و بعدها بشويه إستولى فارس الدين أقطاى على الساحل و نابلس لغاية نهر الأردن 

فى سنة 1252 وصلت القاهره أخبار بإن الجيش المغولى بقيادة هولاكو إجتاز حدود بلاد الشرق و إنه ناوي يستولى على بغداد. فراح أيبك منتهز الفرصه وعازل الملك الأشرف موسى ( رمز الأيوبيين ) و سجنه وعين الامير سيف الدين قطز نايب للسلطنه، وبعد كده نفى الأشرف على الأراضى البيزنطيه. و بكده الأشرف موسى كان اخر اللى إتخطب ليهم فى مصر من بيت أيوب . إنتصار أيبك الماحق على جيش الناصر و انشغال الخليفة العباسى فى الكارثة اللى جايه على بغداد دعم مركزه جوه مصر. وفي سنة 1253 إتمكن أيبك عن طريق التفاوض اللى أشرف عليه الخليفة العباسى إنه يعقد صلح مع الناصر يوسف  قدر بمقتضاه انه ياخد من الأيوبيين كل المنطقة اللى بين مصر و الأردن بمافى ذلك غزة و القدس و الساحل كله وده كان مقابل الافراج عن أسرى الناصر يوسف 

فى سنة 1253 حصل تمرد خطير فى مصر الوسطى و الصعيد قامت بيه القبايل العربية اللى كات دخلت مصر و استقرت فيها. وكان زعيم التمرد شيخ اسمه  حصن الدين ثعلب  فراح له وإتصدى له الامير فارس الدين أقطاى و غلبه جنب ديروط و قضى على تمرده. و بعد ما منح أيبك الامان لثعلب استدعاه و سجنه فى اسكندرية . نجاح فارس الدين أقطاى فى سحق تمرد العربان، و قبل كده فى دحر جيش الشام بتاع الناصر يوسف، إداه هو و مماليكه البحرية مكانه وعزوه فى مصر خلت أيبك يخاف منهم و يعتبرهم مصدر تهديد لسلطته. و لما طلب أقطاى من أيبك إنه يسكن معاه فى القلعه مع عروسته اللى كان ناوي يتجوزها، و كات أخت الملك المظفر صاحب حماة، حس أيبك إن أقطاى و مماليكه إتخطوا كل الخطوط الحمرا وإنهم ناوين يعزلوه، فقرر إنه يخلص من زعيمهم أقطاى ويقضي على سطوتهم 

اتفق أيبك مع قطز والمماليك المعزيه على اغتيال فارس الدين أقطاى والقضاء على مماليكه، فطلب أيبك من أقطاى إنه يجي قلعة الجبل عشان ياخد رأيه فى حاجه فلما راح له إغتاله. الاول مماليك أقطاى إفتكروا إن أيبك حجز زعيمهم فى القلعه فلما اتجمعوا تحتها عشان يطالبوا بإنه يسيبه اترمت عليهم راس إقطاي من القلعه فأنصابوا بذعر و فهموا إن أيبك قرر يقضي عليهم فهربوا طوالي ليلتها من مصر. و راحت جماعة منهم على سلطنة الروم السلاجقة و جماعه تانيه طلعت على الكرك و تالته على سوريا. وكان من بين الجماعة الاخيره بيبرس البندقدارى و قلاوون الألفى وسنقر الأشقر  و صادر أيبك ممتلكات وفلوس البحرية، و استرد اسكندرية اللى كان أقطاى سنة 1252 ضمها لإقطاعياته من السلطنه، و رجع للناصر يوسف البلاد التى كان إداها قبل كده للبحرية فى ساحل الشام ، و بعت لحكام المناطق اللى هربوا عليها يحذرهم منهم ويحرضهم عليهم. البحرية اللي ماقدروش يهربوا من مصر قبض عليهم أيبك و أعدم كام واحد منهم، واتنادى في الشورارع بإن اللي حا يساعد حد منهم أو يخفيه حا يتعرض لعقاب جامد.

المماليك البحريه اللي هربوا على سوريا كتبوا للملك الناصر يوسف يقولوله إنهم وصلوا و إنهم عايزين يخدموه، فسمح لهم بدخول مملكته و طلع استقبلهم بنفسه و أكرمهم أخر كرم.

إغتيال فارس الدين أقطاى و هروب البحريه كان له نتايج داخليه مهمه. منها بزوغ نجم الأمير سيف الدين قطز اللي بقى أقرب المماليك لأيبك و أحبهم اليه، و منها انقسام المماليك من ساعتها لفريقين، هما المماليك البحريه و المماليك المعزيه.
فى سنة 1255 إتمرد شبيه اسمه  عز الدين أيبك الأفرم و ده كان من المماليك الصالحية  على السلطان أيبك و طلع على الصعيد و لم العربان ضده، فبعت له أيبك العسكر بقيادة وزيره الاسعد شرف الدين الفائزي  اللى قدر يخمدالتمرد.
 
بكده، أيبك - مع مراته شجر الدر و نايب السلطنه قطز - بقى الحاكم الأوحد لمصر. لكن وجود البحريه الهربانين وعلى راسهم بيبرس البندقدارى و قلاوون الألفى وشوية امرا تانيين كبار عند غريمه الأيوبى الملك الناصر يوسف و دخولهم فى خدمته كان بيقلقه. المماليك الهربانين قعدوا يحرضوا الملوك الأيوبيين على غزو مصر و الإطاحة بأيبك.، فبعت الناصر يوسف قوات للحدود المصرية كات بتضم المماليك البحرية مع عسكره لكن الخليفه العباسي المستعصم بالله اللى كان خايف تحصل فتنة وصراعات فى الوقت اللى جيش المغول عمال بيتقدم جوه اراضي الشرق. و فى سنة 1256 إتجدد الصلح بين أيبك و الملك الناصر يوسف على اساس إن أيبك ياخد الاراضي الساحليه الشاميه اللى كات فى إيد مصر ايام السلطان الأيوبى الصالح أيوب، و إن الملك الناصر يوسف ما يأويش عنده حد من البحريه، فسحب الناصر قواته و طرد البحرية من سوريا فراحوا ع الكرك اللى كان بيحكمها الملك الأيوبى المغيث عمر 

بحلول سنة 1257 كات سوء العلاقات بين أيبك و مراته شجر الدر وصل لذروته بسبب تسلط شجر الدر - اللى كات سلطانه - على الحكم و حتى على حياته الشخصيه فكات بتمنعه من زيارة مراته التانيه ام ابنه نور الدين علي وبتصر على إنه لازم يطلقها. أيبك اللى كان بيدور على استقلاليه و تحالفات تساعده على التصدى للأيوبيين و البحريه الهربانين قرر انه يتجوز بنت حاكم الموصل بدر الدين لؤلؤ. بدر الدين لؤلؤ قاله إن شجر الدر كتبت جواب للملك الناصر يوسف و حذره منها. نية أيبك على الجواز من ست تانيه زائد خلافاته معاها على مواضيع الحكم مع إنها هى اللى عملت منه سلطان، و احساسها بمخاطر على حياتها من جهته خلى شجر الدر تحس بالمهانه و أثار فيها رغبه فى التخلص من أيبك، فراحت مدبره خطة لقتله مع زمره من الخدامين و المماليك .

فى 10 ابريل سنة 1257 اتقتل السلطان عز الدين أيبك وهو بياخد حمام جوه قلعة الجبل على إيدين مجموعه من الخدامين فمات بعد ما حكم مصر سبع سنين. و تاني يوم الصبح أعلنت شجر الدر انه إتوفى فجاءة بالليل، لكن المماليك المعزيه بقيادة نايب السلطنة قطز ما صدقوهاش، و إعترف الخدامين تحت وطأة التعذيب بالمؤامره فحاول المعزيه قتلها لكن المماليك الصالحية إتدخلت وحمتها، فاتحجزت فى البرج الاحمر فى القلعة. و راح الامرا المعزية منصبين نور الدين ابن أيبك سلطان على مصر، وكان عنده خمستاشر سنه . بعد كام يوم اتعثر على جثة شجر الدر مرميه بره القلعه بعد ما ضربها لغاية الموت جوارى ام المنصور نور الدين على. و إتعدم الخدامين اللى شاركوا فى إغتيال عز الدين أيبك

مات عز الدين أيبك و شجر الدر بعد ما اسسوا دولة المماليك . وهي الدوله اللى سيطرت على جنوب و شرق حوض البحر المتوسط لعقود طويله من الزمان قضت خلالها على القوى المغولية و الصليبية اللى اتأزرت و حاولت اقتلاع العالم الإسلامى.

اتنقش على عملاته اسمه  أيبك  بس كده من غير القاب او كنايات. كمان اتنقش اسم السلطان الأيوبى الصالح أيوب بالشكل ده :  أيوب ابن الملك الكامل . و على ضهر عملات أيبك اتنقش اسم الخليفه العباسي بالشكل ده :  المستنصر بالله ابو احمد المنصور بالله امير المؤمنين .

الأشرف موسى إتسلطن و اتصكت له عملات. عملاته اللى اتلقت اتنقش عليها اسمه لوحده مع اسم الخليفه العباسي على ضهرها بالشكل ده :  الملك الأشرف ،  الملك أشرف ابو الفتح موسى ابن الملك الصالح أيوب  -  الامام المستعصم   الامام المستعصم بالله ابو احمد عبد الله امير المؤمنين .




#Article 251: بؤونه (101 words)


بؤونه (بالقبطي:Ⲡⲁⲱⲛⲓ) , هوه عاشر شهر فى السنه القبطيه(المصريه)، و بييجي بين 8 يونيو و 7 يوليو فى التقويم الجريجوري. شهر بؤونه هوه كمان تاني شهر فى الشيمو (Shemu)(موسم الحصاد) فى مصر القديمه, لما بيبتدي المصريين فى جني (حصاد) المحاصيل من كل الغيطان اللى فى مصر.

اسم الشهر دا جاي من الهيروجليفي (p3-n-In.t )و اللى معناه الحرفي شهر مهرجان الوادي بالاشارة للعيد اللى كان بيحتفل المصريين القدام بيه فى مدينة طيبه و اللى كان اسمه العيد الجميل بتاع الوادي. او من باأونى و هو اله المعادنو الاحجار.

مثل الشهر: بؤونه ابو الحراره الملعونه

مشهور بـ: بؤونه الحجر , عسل نحل بؤونه




#Article 252: تل ابيب (186 words)


تل ابيب (  |Tel Aviv Yafo|) مدينه إسرائيلية تأسست سنة 1909 جنب يافا و اخدت الاسم دة سنة 1910. فيها مصانع منسوجات و هدوم و جامعه (جامعة تل ابيب) اتأسست سنة 1956 يترأسها اليوم رون حولدائي (عبري: רון חולדאי) .

أغلب سكانها من اليهود ولكنها مدينة اللى يعم التعايش بها بين السكان العرب واليهود. هي بتنعد من اكتر المدن المتحرره ومركز اليسار الاسرائيلي. اسمها الرسمي هو تل ابيب يافا بعد ما الحكومة الاسرائيلية دمجت مدينة تل ابيب ويافا فى الادارة المحلية سنة 1950.
ولقبت بالمدينه اللى لا تنام .
وتعد ثاني اكبر مدينه اسرائيليه

اسم تل ابيب جه بعد اقتراحات كتير، منها هرتسليا على اسم تيودور هرتزل. وعشان كانت فكرة للنهضة للوطن اليهودي القديم. ترجمة ابيب بالعبرى هى الربيع، رمز التجديد.

فيه نظريه عن اسم يافا او Yafo فى العبرى و نظريه أن الاسم مستمد من yafah او yofi، بالعبرى جميلة او الجمال. و فيه نظريه تانيه كمان بتقول أن اسم يافا كان على اسم يافث Japheth ، ابن نوح، و انه اسس المدينة.

يافا ميناء قديم فى التاريخ. سلسلة من الحفريات الاثرية، بين 1955 و 1974، كشفت عن آثار للابراج وبوابات من العصر البرونزى الوسيط.




#Article 253: نظرية القرد المائى (156 words)


نظرية القرد المائي هى واحدة من النظريات اللى بتحاول تفسر تطور الانسان الحديث ، النظرية لسا مبقتش حقيقة مؤكده وهي تعتبر مجموعة من الملحوظات وتفسيرها بس مش اكتر

بالمقارنة مع القردة العليا ، البشر عندهم اختلافات كبيرة ف التشريح ، تقريبا البشر صلع الجلد زى بعض الثدييات البحرية .مثلا العلما لاحظوا ان الانسان عنده نسيج دهني كتير تحت جلده عكس بقية القردة العليا لكن زي الدلافين والفقمات ، ولاحظوا كمان ان الشعر علي جلد الانسان قليل عكس القردة ايضا ، ولاحظوا ان الانسان جسمه انسيابي ، وان مهبل الانثي متفرع للداخل عكس بقية القردة ، كل ده ممكن تفسيره ان الانسان فى مرحلة من حياته كان بيعيش فى المياة ، لان الانسان كمان هو الوحيد من ضمن القردة العليا اللى بيقدر يعوم.
العلماء قالوا ان ده ممكن يكون تفسير علمي لقدرة الانسان علي انه يقوم علي رجليه .

علي اى حال ، نظرية القرد المائي لها انتقادات كتيرة منها مثلا ان مفيش تقريبا حفريات بتأكد عليها.




#Article 254: عبد اللطيف ابو هيف (120 words)


عبد اللطيف خميس ابو هيف (اتولد فى اسكندريه، 30 يناير 1929 - اتوفى 21 ابريل 2008) كان عويم اسكندرانى عدى المانش و بطل ابطال العالم فى السباحه الطويله ، و هو من حى بحرى فى غرب اسكندريه. اتلقب بـ تمساح النيل. عدى بحر المانش تلت مرات و حطم رقم قياسى عالمى سنة 1953. ابو هيف اعتبر السباح المصرى اسحاق حلمى مثل ليه و اسحاق حلمى ساعده فى مشواره الرياضى.
    
كرمته مصر و العالم و أخد وسام الرياضه المصريه و اتلقب عالمياً  سباح القرن العشرين  و منحه الاتحاد الدولي لمحترفى السباحة الطويله لقب أعظم سباح فى التاريخ و كرمته مصر و العالم فأخد وسام الرياضة المصريه و اتلقب عالمياً بسباح القرن العشرين. ليه پلاچ باسمه جنب منطقة سيدى بشر فى اسكندريه.




#Article 255: ناهد شريف (105 words)


ناهد شريف (1 يناير 1942 - 7 ابريل 1981) ممثلة مصرية

ناهد شريف من مواليد الاسكندرية يوم 1 يناير 1942 واسمها الحقيقى سميحة زكى النيال. ناهد شريف ماتت يوم 7 ابريل 1981 بسبب سرطان الثدى . اتجوزت تلات مرات و خلفت بنت واحده

ابتدت حياتها الفنية سنة 1958 بعد جوازها من مكتشفها المخرج حسين حلمى المهندس 

ناهد شريف عملت بطولة افلام مصرية كتير. اتميزت بانها كانت بتعمل افلام جريئة قوي خصوصًا فى فترة السبعينات لدرجة أنها ظهرت وهى عريانة ملط فى فيلم ذئاب لا تأكل اللحم سنة 1972 .

الفنانة بوسى قالت عنها انها كانت انسانة رائعة عشان كانت بتاخد بالها من اختها العيانة .




#Article 256: الحرب الاهلية الامريكيه (183 words)


الحرب الاهلية الامريكية كانت حرب قامت بين مجموعة من ولايات الشمال و ولايات الجنوب الامريكي لاختلافهم علي قضايا كتيرة منها قضية العبودية ، الحرب استمرت اربع سنين وكان من نتايجها ان العبودية انتهت فى امريكا تماما ، بعد الحرب امريكا دخلت فى مرحلة اعادة البناء .
من قبل ما تنطلق الرصاصة الاولي فى فورت سومتر كان الكل متوقع ان الولايات الشمالية هتكسب ببساطة لانها اغني ومتطورة اكتر من الولايات الجنوبية خصوصا فى التصنيع و خطوط السكك الحديد واكتر كمان فى عدد السكان . رئيس الولايات الشمالية كان ابراهام لينكولن والجنوبيين بقي اختارو جيفرسون دايفز عشان يكون رئيسهم .

اشهر القاده العسكريين فى الجنوب كان روبرت اى لي وتقريبا كان هو العامل الرئيسي فى ان الحرب طولت اربع سنين بسبب تكتيكاته العسكرية الجبارة. من القاده الجنوبيين كمان كان فى ناثان بدفورت فوررست وده كان ظابط فى الخيالة الجنوبية وعامل رعب فى صفوف الشماليين . من ناحية الشماليين بقي كان فى القائد جرانت وده الوحيد اللى قدر يفهم لي ويتغلب عليه ، وكمان كان فيه القائد شيرمان اللى اخترق ولاية جورجيا ومشي لحد البحر وهو بيفك اسر العبيد فى حدث مشهور اسمه مشية شيرمان للبحر.




#Article 257: صهيونيه (683 words)


الصهيونيه ( ;  ציוניזם) هيا حركه سياسيه و اتجاه فكرى شايف ان لازم اليهود يحددو مصيرهو و يكون عندهم وطن قومى. اتفقو بعدين على انهم ينشئو ليهم دوله فى فلسطين, اللى بقى اسمها دولة اسرائيل. الصهاينه () بدأو حياتهم السياسيه بعد مؤتمر بازل فى سويسرا و قررو فيه ان لازم يعملو وطن قومى لليهود. الدعوه دى لاقيت عند اليمين الاوروبى اللى كان عايز يخلص من السؤال اليهودى, و عشان كده بلفور -وزير خارجية انجلترا- اداهم وعد بانهم يأسسو وطن ليهم فى الانتداب البريطانى على فلسطين.

المؤتمر الصهيونى العالمى, فى الاجتماع ال28 فى القدس فى 1968, اتبنّا خمس نقط من ”برنامج القدس“ انهم يبقو الاهداف بتاعة الصهوينيه النهارده. هما:

من ساعة تأسيس اسرائيل, الدور بتاع الحركه هبط و هى دلوقتى حاجه مش اساسيه فى السياسه الاسرائبليه, مع ان مفاهيم مختلفه عن الصهيويه لسه بتعمل دور فى الحوار الاسرائيلى و اليهودى.

صهيونيه ليبراليه (او صهيونيه عامه) كانت م البدايه الاتجاه السايد فى الحركه الصهيونيه من اول مؤتمر صهيونى فى 1897 لحد بعد الحرب العالميه الاولانيه. الصهاينه العامين حددو نفسيهم مع الليبراليه الاوروپيه بتاعة الطبقه المتوسطه (او البورجواز ) اللى ناشد بيها قيادين صهاينه كتير زى تيودور هيرتسيل |Theodor Herzl| و حاييم ڤايتسمان |Chaim Weizmann|.
الصهاينه الليبراليين, ولو انهم مش مرتبطين بحزب واحد فى اسرائيل الحديثه, لسه اتجاه قوى فى السياسه الاسرائيليه و بيدعو لمبادئ السوق الحر, الديموقراطيه و الالتزام بحقوق الانسان. حزب كاديما (קדימה: لـ قُدّام), على اى حال, بيحدد نفسه مع سياسات اساسيه من الايديوليجيه الليبراليه الصهيونيه, بيدعو لحاجات منها احتياج دوله فلسطينيه عشان تعمل مجتمع ديموقراطى اكتر فى اسرائيل, بالتأكيد على السوق الحر, و المناديه بالمساويه فى الحقوق للفلسطينيين اللى فى اسرائيل.

الصهيونيه القوميه ابتدت مع الصهيونيه المتعدله اللى قادها چابوتينسكى |Jabotinsky|. المعدّلين سابو منظمة المؤتمر الصهيونى العالمى فى 1935 لانها رفضت اعلانها ان خلق دوله يهوديه كان هدف فى الصهيونيه. المعدّلين دعو لتأسيس جيش يهودى فى فلسطين عشان يجبر السكان انهم يوافقو على هجرة يهود كتير. الصهيونيه المتعدله اتطوّرت فى جزب ليكود (: تماسك) فى اسرائيل, اللى سيطر على معظم الحكومات من 1977. الحزب بيدعو اسرائيل انها تحافظ على السيطره على الضفه الغربيه و القدس الشرقيه و تتعامل بشدّه مع الصراع الفلسطينى-الاسرائيلى. فى 2005 حزب ليكود اتقسم على قضية خلق دوله فلسطينيه على الاراضى المحتله و اعضاء الحزب اللى دعو لـ مناقشات سلام ساعدت على تأسيس حزب كاديما.

الصهيونيه العماليه ابتدت فى اوروپا الشرقيه. الصهاينه الاشتراكيين امنو ان القرون اللى عانو فيها من الاضطهاد فى مجتمعات معاديه للساميّه اتسببت فى تقليل اهمية اليهود و بقو خاضعين, ضُعَفا, ياءسين من الوجود اللى كان بيأدّى لمعادية ساميّه أكتر, الرؤيه دى فى الاساس اىّدها تيودور هيرتسيل. كانو بيجادلو فى ان ثورة الروح اليهوديه و مجتمع كان لازم و ممكن يتحقق بشكل جزءى من اليهود اللى راحو على اسرائيل و بقو فلاحين, عمال, و عساكر فى بلد خاصه بيهم. معظم الصهاينه العماليين بيرفضو مراعات التقاليد الدينيه اليهوديه لانها بتخلّى عقليّة التشتت تفضل عايشه بين الناس اليهود, و أسست مناطق ريفيه فى اسرائيل بتتسمّا: ”كيبوتس“ (קיבוץ: تجميع). مع كده, الصهيونيه الاشتراكيه بترسم استوحاءها و متأسسه بطريقه فلسفيه على المبادئ الاساسيه و الروحانيه بتاعة اليهوديه, تعبيرها التقدّمى بتاع اليهوديه دى عادة عزز علاقه معاديه مع اليهوديه الـ اورتودوكس.

الصهيونيه العماليه بقت قوّه مسيطره فى الحياه السياسيه و الاقتصاديه فى ييشوڤ (יישוב: مستوطنه) وقت الانتداب البريطانى على فلسطين و كانت الايديولوجيه المسيطره على تأسيس اسرائيل لحد انتخابات 1977 لما حزب العمال الاسرائيلى اتغلب.

فى ال1920-ات و 1930-ات أبراهام ايساك كوك |Abraham Isaac Kook| (اول حاخام فى فلسطين) و ابنه الحاخام Zevi Judah Kook شافو مبادئ دينيه و تقليديه فى مبادئ الصهيونيه و فى نفس الوقت رفض الاصوات الخفيفه اللى ضد الدين. هما علّمو اليهوديه الاورتودوكس اللى بتتبنّا و بتؤمر بالمبادئ الايجابيه الصهيونيه, زى تجميع المنفيين, و النشاط السياسى عشان يخلق و يحافظ على كيان يهودى سياسى فى ارض اسرائيل. بالطريقه دى, الصهيونيه كانها كوبرى بين اليهود العلمانيين و الاورتودوكس.

فى نفس الوقت فيه جماعات صهيونيه تانيه مالت لانها مع الوقت تخلّى قوميّتها معتدله, المكاسب بتاعة حرب 1967/حبر الست ايام خلّت الصهيونيه الدينيه تلعب دور كبير فى الحياه السياسيه الاسرائيليه. دلوقتى بيرتبطو بالحزب الوطنى الدينى (מפלגה דתית לאומית) و حزب جوش امونيم (גוש אמונים: كتلة مؤمنين), الصهاينه المتدينين كانو اكتر ناس فى الاستوطان اليهودى فى الضفه الغربيه و فى الجهود اللى بتأكد على السيطره اليهوديه على المدينه القديمه بتاعة القدس.




#Article 258: فاسكو دا جاما (114 words)


ڤاسكو دا جاما كان ملاح و مستكشف بورتوجالى و واحد من أنجح المستكشفين فى عصر الاكتشافات و قائد اول السفن اللى قدرت تبحر مباشرة من أوروبا للهند . و كان لفترة قصيرة سنة 1524 حاكم الهند البرتغالية.

فاسكو دا جاما هو اول اوروبى يوصل الهند بعد ما لف حوالين افريقيا عن طريق راس الرجا الصالح. و صل سواحل الهند الغربيه سنة 1498 بعد ما كان المستكشف البرتغالى بارتولومو دياس Bartolomeu Dias اكتشف راس رجا الصالح سنة 1487 و بالطريقه دى قدر البرتغاليين انهم يسيطروا على طريق التجاره الهنديه و بنا مستعمرات على سواحل الهند و السيطره على كل المحيط الهندى ، و هو طريق التجاره اللى كانت مصر متحكمه فيه فى عصر الدوله المملوكيه.




#Article 259: كارل ماركس (1177 words)


كارل هاينريش ماركس (Karl Heinrich Marx) (اتولد 5 مايو، 1818 – مات 14 مارس، 1883) كان فيلسوف و عالم اقتصاد سياسى ألمانى و مؤرخ و منظر سياسى صاحب النظريه الماركسيه و بيتنسب ليه تأسيس  الاشتراكيه العلميه .

ماركس الف كتاب راس المال هو و زميله فريدريك انجلز Friederich Engels. كارل ماركس لخص رؤيته فى الصفحات الأولى من البيان الشيوعى (مانيفيستو الحزب الشيوعى) Manifest des Kommunistichen Partei نشره مع فريدريك انجلز سنة 1848.

ماركس كان على علم بالفلسفه الألمانيه و خاصة فلسفة هيجل و النظريات الاقتصاديه اياميه فاستطاع ان يمزج بين الاثنين و يطلع منهم نظريه عن تطور النظم الاجتماعيه على اساس الاشتراكيه العلميه.

كارل ماركس ما كانش اول واحد يشوف ان التاريخ ما بيسيرهوش العقل المطلق لوحده و ما بيصنعهوش الرجال العظام بمجهوداتهم، لكن بتصنعه عملية تطور اجتماعى داخلى فى كيان كل امه. و صراع طبقات للوصول للحكم، و ان العامل الرئيسى اللى بيقرر مصير أى امه هو الانتاج و الثروه و ان اللى بيمتلك وسايل الانتاج هو اللى بيحكم و بيفرض سلطانه، لكن كارل ماركس كان هو اللى بين و أكد ان العامل الاقتصادى الاجتماعى هو اللى بيحرك التاريخ و عمل نظريه بالخصوص ده. اراء ماركس فى التفسير المادى للتاريخ ظهرت فى رساله صغيره نشرها سنة 1874 فى بروكسل بعنوان  بؤس الفلسفه  Misere de la philosophi كرد على رساله كتبها الفيلسوف المثالى التقليدى ب.ج. برودون P.J. Pordon كان عنوانها  فلسفة البؤس  philosophi de la Misere.

قبل رسالة  بؤس الفلسفه  ماركس مع زميله انجلز كان نشر فى بروكسل سنة 1848  البيان الشيوعى  (مانيفستو الحزب الشيوعى Manifest des Kommunistichen Partei) و البيان كان دعوه صريحه لعمال العالم للثوره و اخد السلطه و انشاء الدوله الاشتراكيه او الشيوعيه. كان واضح ان ماركس ماكانش مجرد فيلسوف برأى و قلم لكن كمان كان داعيه لانقلاب سياسى اجتماعى كبير و دليل كده انه انشأ فى سنة 1868 لما كان فى لندن  الجمعيه الدوليه للعمال  International Workingmen's Association المعروفه عادة باسم  الدوليه الاولى  The First International كتمييز ليها عن جمعيه العمال التانيه و التالته اللى عملهم لينين و اتباعه بعد كده. كارل ماركس شرح فى كتبه طريقة تنفيذ افكاره يعنى طريقة احداث الثوره الاشتراكيه او الشيوعيه و عشان كده كتبه بتعتبر اساس للعمل عند اتباعه. من أهم الكتب دى:  صراع الطبقات فى فرنسا من 1848 ل 1850  Klassenkaempfe in Frankreikh 1848 bis 1850 (اتنشر بين 1850 و 1859)، و  فى نقد الاقتصاد السياسى  Zur Kritik der politischen Oekonomie (اتنشر 1859)، و كتابه المشهور  رأس المال  Das Kapital اللى ظهر جزءه الاول سنة 1867 و التانى و التالت ما بين 1885 و 1894 بعد وفاته. فى الكتاب ده ماركس عرض نظريه كامله عن طبيعة رأس المال و النظام الرأسمالى و بين فيه ازاى النظام ده هدام بيخرب نفسه بنفسه.

كارل ماركس بيعتبر ان التاريخ بتحكمه قوانين بيدركها العقل الانسانى و ان القوانين دى حتميه يعنى بتفرض نفسها لانها ناتجه عن حركة التاريخ نفسه. و اذا فهم الانسان القوانين دى ففى امكانه انه يقرر صورة مستقبل الجماعه الانسانيه. القوانين دى ماهياش زى قوانين العلوم البحته لكن هى حقايق مرتبطه بطبيعة العمل و الانتاج، و طريقة توزيع الثروه بين المواطنين، فالثروه هى نتاج العمل و العمل بيقوم بيه اللى بيعملو بايديهم و علمهم و مواهبهم و عليه فالمفروض ان الثروه دى تبقى ملك العاملين نفسهم، لكن لو استولى عليها اصحاب السلطه او الطبقات الغير منتجه زى النبلا و رجال الدين و السماسره و المضاربين بيختل نظام المجتمع و بيبقى من الضرورى اعادة توازنه اما عن طريق ثوره هاديه بتم شويه شويه لما اصحاب السلطه بيفهمو طبيعة الاشياء (زى فى انجلترا)، او عن طريق ثوره عنيفه بتدمر نظام المجتمع القايم و بتحل محله نظام جديد. لو فشلت الثوره و ما حققتش المطلوب لازم تقوم ثوره تانيه زى ما حصل بعد الثوره الفرنسيه الاولى و قيام ثورات جديده ضد النظام البرجوازى اللى نشأ من الثوره الاولى فقامت ثورة الكومن فى 1792 و بعدين ثورة 1848 اللى اسقطت الملكيه التانيه بتاعة الملك لويس فيليب.

النظريه الحتميه اللى عملها كارل ماركس شرحتها روزا لوكسيمبورج Rosa Luxemburg (عاشت 1870 - 1919) اللى كانت مفكره بولنديه ثوريه و ليها الفضل فى الترويج لنظرية ماركس و ان كانت ما أخدتش الشيوعيه من كارل ماركس لكن من تلاميذه الروس اتباع لينين من امثال ج.ف. بليخانوف G.V. Plekhanov و بافل اكسلرود Pavel Axlrod و فيرا تسازوليخ Vera Zasulich و كتير من الاراء اللى بتتنسب لكارل ماركس فى الواقع هى لروزا لوكسمبورج و خاصة من كتابها  تراكم رأس المال  Die Akkumulation des Kapitals.

بيقول كارل ماركس ان الاحوال الاقتصاديه لأى جماعه انسانيه هى اللى بتحدد صورة نظامها و كل مظاهر حضارتها، و اذا عزنا نفهم نظام أى مجتمع و نظامه السياسى او حتى طبيعة ديانته و فنه و فكره فلازم نفهم الاول نظامه الاقتصادى. النظام الاقتصادى من جهته هو الانتاج و نوعه و اساليبه و طريق استعمال ثروته او توزيعها. الانتاج سواء كان يدوى بدائى او آلى متطور ما بيفضلش على مستوى واحد و اسلوب واحد لكن بيتطور باستمرار من ناحية ادواته و صورته و طريقة توزيعه. التطور ده مستمر و حتمى مهما كان بطىء و التطور ده هو اللى بينتج عنه تطور المجتمع اللى بيقوم عليه، و كل مؤسساته institutions و قوانينه و افكاره و عقائده و ادبه و فنونه و كل اللى بيسميه الماركسييين المظهر الخارجى العلوى للمجتمع او السوبر ستراكشر Super structure.

ماركس فى شرح نظريته بيقول ان الناس و هما بينتجو عشان يعيشو بيعملو علاقات ضروريه معينه بين نفسهم، علاقة الانتاج دى بتطابق درجه معينه من تطور قوتهم الانتاجيه الماديه. مجموع علاقات الانتاج بتشكل صورة البناء الاقتصادى للمجتمع يعنى هو الاساس الواقعى اللى بيقوم عليه السوبر ستراكشر اللى بيشمل القوانين و النظام السياسى و الفكرى بصوره عامه. يعنى وعى الناس مش هو اللى بيحدد صورة حياتهم و مستواها الاجتماعى لكن العكس هو الصحيح: صورة حياة الناس و مستواهم الاجتماعى هما اللى بيحددو درجة وعيهم. لما الطبقه المنتجه فى الجماعه بتوصل لدرجه من القوه فى تطورها بيزيد وعى افرادها بحقوقهم و احوالهم و بيحفزهم على الدخول فى نزاع مع الطبقه الحاكمه المالكه للثروه، فبيبدأ عهد ثورات اجتماعيه و سياسيه لان تغيير الاساس الاقتصادى بيزعزع كل البنا العلوى (السوبر ستراكشر) على درجات متفاوته من السرعه و العنف.

كارل ماركس بيعتبر ان أوضاع الانتاج و علاقاته هى اللى بتحدد كل العلاقات التانيه اللى بين الناس فى المجتمع، خاصة اوضاع ملكيه الارض و العقارات و الفلوس و المنقولات. اذا كان المنتج بياخد اكبر قدر من ثمرة انتاجه فده معناه ان الثروه مش حا تتكدس فى ايد جماعه معينه لكن تكدس الثروه بيحصل لما تستولى طبقة الاقويا و الوسطاء على ثمرات الانتاج.
ماركس بكده اعتبر ان الظروف الماديه للمجتمعات هى اللى بتحرك التاريخ او باختصار  الاوضاع الماديه و احوال الملكيه و صراع الطبقات هى العوامل اللى بتحرك عجلة التاريخ ، و ده اللى بيتسمى  التفسير المادى للتاريخ . لكن ماركس ما بينفيش دور الافكار فى توجيه التاريخ، بالعكس بيعترف بقوتها و فاعليتها بس ما بيعترفش انها عوامل مستقله بنفسها لكن بتنتج عن الأوضاع الماديه. و فى رأيه هى وسيطه بين التغيير الاقتصاى و المظهر الخارجى للأحداث. من ناحيه تانيه ماركس بيعترف بالعواطف و الحماسه الدينيه و الوطنيه و غيرها لكن بيعتبرها كلها نابعه من الاوضاع الاقتصاديه و اثرها المباشر و المش مباشر على العقل الانسانى.

نظرية ماركس بيرجع الفضل فى نجاحها و ترويجها لاعتناق الثوار الروس ليها و بالذات فلاديمير اوليانوف المعروف باسم لينين.، فلينين هو اللى قدر يحول نظرية كارل ماركس لثوره اطاحت بحكم القياصره و حول روسيا لدوله شيوعيه و مركز لنشر الشيوعيه فى العالم.




#Article 260: سرطان الثدى (343 words)


سرطان الثدى .. سرطان الثدى بيتكون فى انسجة الثدى و اكتر نوع موجود من سرطان الثدى هوه سرطان الاقنية و بتبدا فى بطانة قنوات الحليب (انابيب رقيقة من الثدى للحلمة) و فيه نوع تانى و هوه سرطان الثدى المفصص... و سرطان الثدى بيبقى نتيجة للطفرات و التغيرات اللى مش طبيعية.
الاورام ممكن تكون حميده و مش خطرة على الصحة لكن لو كانت خبيثة فبتبقى خطرة؛لان الحميدة مش بتنتشر و بتنمو ببطء لكن الخبيثة بتنتشر برة الورم الاصلى و الاساسى لاجزاء تانية و الخطر ان بيبقى لازم نشيل المبايض و ده بيقلل من فرص الولادة والحمل بعد كدةاو الثدى بيتشال و لو حجم الورم قليل و مش منتشر بردوه بيتشال او فى علاج كيميائى او هرمونى....و مع مرور الوقت الخلايا السرطانية بتدخل على انسجة الثدى و بتشق طريقها للغدد الليمفاوية و بتبفى تحت الابط و فى الحقيقة ان نوع من تشخيص المرض انك تلاقى كتلة ما بين الابط و الثدى و ده بيبقى ورم خبيث لانه قدر يوصل للعقد الليمفاويه و بعد كدة بيبتدى بنتشر فى اجزاء تانية من الجسم.
سرطان الثدي اكتر السرطانات اللى بتصيب الستات وكمان ممكن تيجى للرجاله بس بنسب اقل م الستات (راجل واحد لكل 100 ست).سرطان الثدى هوه اكتر تانى سرطان منتشر فى العالم بعد سرطان الرئه. وكونه بيحصل كتير خلت الدكاترة يطلبوا من الستات يكشفوا علي نفسهم بنفسهم عشان يكتشفو علامات المرض بدري قبل ما ينتشر. ممكن المرض ده يتعالج بعد تشخيصه عن طريق الدكتولر المتخصص و تحديد نوع الورم فى الثدى و الجراح يشيل الثدى خالص و يبدأ العلاج الكيماوى حوالى 6 جرعات و بعدين العلاج الإشعاعى كام جلسة بيحددها الدكتور وبعدين العلاج الهرمونى ، دوا اسمه تاموكسافين او اى دوا يحدده الدكتور ، وممكن المرض ده مايرجعش تانى لو العيان اتبع التعليمات و ما تعبش نفسه كتير ، و بقى هادى ، لأن السرطان من اسباب ظهوره العصبية الزيادة و تحاولى تبطلى من المنبهات اللى زى الشاى و القهوة و الشوكولاتة لانها بتزيد من فرصة الاصابةو كمان تبطلى السجاير و لو مشروبات فيها نسبه قليلة من الكحول بردوه بتزيد من فرصة الاصابة
و كمان الرياضة لو مارسنها بانتظام هتفيد جدا و هتقل من فرص الاصابه بالمرض




#Article 261: يوسيف ستالين (223 words)


يوسيف ڤيساريونوڤيتش ستالين (روسى:  |Iosif Vissarionovich Dzhugashvili Stalin|;
اتولد بالاسم الجورجى: იოსებ ბესარიონის ძე ჯუღაშვილი |Ioseb Besarionis dze Jughashvili|)
اتولد يوم 18 ديسمبر 1878 - و مات يوم 5 مارس 1953.

كان الامين العام بتاع الحزب الشيوعى السوڤييتى و اللجنه المركزيه من 1922 لحد موتهُ سنة 1953.  سنة 1924 بقى الزعيم السُلطوى الاوحد للاتحاد السوڤييتى. بيعتبر المؤسس الحقيقى للاتحاد السوڤييتى و حوله من مجتمع فلاحى زراعى محدود لمجتمع صناعى كبير و قدره انه يكسب دول المحور فى الحرب العالميه التانيه و حوله لدولة عظمى. ستالين كان ديكتاتور و فيه ناس كتير, منهم شيوعيين, بتعتبره من اكبر السفاحيين فى التاريخ عشان المدابح اللى عملها فى بلده و ضد المعارضين ليه او المختلفيين معاه اشهرهم ليون تروتسكى. ستالين إبتدا التيار الخاص بيه فى تطبيق الشيوعيه, و اتسمت باسمه الستالينيّه. فى عهده اتعمل نشيد السوڤييت و پروپاجاندا كتيره ليه و لافكاره و بتصوره انه المنقذ و خليفة ڤلاديمير لينين و كارل ماركس.

بس بعدين, فى 1941, هيتلر إتقلب ضد ستالين و هجم على الاتحاد السوفييتى, و حاول يقتحمهُ. بعد ما ده حصل, الاتحاد السوفييتى إبتدا يشتغل مع التحالفات عشان يهزم المانيا. فى الاخر, ألمانيا خسرت, بس الاتحاد السوفييتى كان عندهُ خساير بشريه أكتر من أى بلد تانيه فى الحرب.

لما الحرب العالميه التانيه خلصت, الجيش السوفييتى نها احتلال بلاد كتير فى اوروپا, زى پولندا, تشيكوسلوڤاكيا, المجر, و حتت من ألمانيا, مع فرض الشيوعيه عـ البلاد دى.




#Article 262: الحرب العالميه التانيه (727 words)


الحرب العالميه التانية كانت حرب عالميه ابتدت سنة 1939 وانتهت سنة 1945. أغلبية دول العالم وكل الدول الكبرى دخلو الحرب العالميه التانية بكل جهودهم الحربيه والعلميه والاقتصاديه. وقت الحرب وقبلها اتعرض اليهود و اقليات ثانية لاضطهاد جامد على ايد النازىيين ، السياسه اللى اتبعتها دول المحور ( المانيا و ايطاليا و اليابان ) كانت من اهم الاحداث السياسيه التى ادت لنشوبها ، و وصلت الذروه بعد ما استولى الالمان على بوهيميا و مولرافا فى يناير 1939. فابتدت فرنسا و انجلترا يعيدوا تسليحهم و ينظموا نفسهم عسكرياً بعد ما كانو اتبعوا سياسة التهديه و مضوا على ميثاق بشكوتا 1933.

هتلر طالب باستعادة دانزج و الممر البولندى و عقد ميثاق عدم اعتداء مع الاتحاد السوفيتى فى اغسطس 1939 و بعد ذلك هاجم بولاندا فى 1 سبتمبر فأعلنت فرنسا و انجلترا ( والدول التابعة ليهم ) الحرب على المانيا الدول المتحالفه ضد المانيا و محورها يطلق عليهم اسم الحلفاء.

القوات البريطانيه قضت الشتاء متحصنة وراء خط الاستواء ، و فى ابريل و مايو 1940 زحف الالمان واحتلوا الدنمارك و النرويج و هولاندا و انقضو على شمال فرنسا و انتصروا على الحلفاء اللى انسحبو بسرعه من دنكرك.

فى 10 يونيه 1940 دخلت ايطاليا الحرب فى صف المانيا و استسلمت فرنسا فى 22 يونيه ، و وقفت بريطانيا وحدها بزعامة وينستون تشرشل تقاوم القاذفات الالمانيه.

هاجمت ايطاليا انجلترا فى شرق انتركتيكا ، و فى البلقان هاجموا الفنان فى اكتوبر 1920. و غزت المانيا و هنجاريا و بلغاريا يوجوسلافيا فى ابريل 1961 ،

فى 22 يونيه غزا هتلر روسيا ، و ابتدأت امريكا تدخل الحرب تدريجياً ، و احتلت القوات الامريكيه ايسلاندا و جرينلاند. و فى الشرق الاقصى اعتدى اليابانيين على الهند الصينيه و تايلاند فتوتر الموقف ، و هاجم اليابانيون بيرل هاربر فى هاواى و هاجمو الفلبين و الملايو فى 7 ديسمبر 1941. و اعلنت امريكا و معظم حلفائها ما عدا روسيا الحرب على اليابان ، و اعلنت المانيا و حلفائها ما عادا فينلاندا الحرب على امريكا.

اليابان احتلت الفلبين و كذا جزيره فى جنوب شرق اسيا فى الباسيفيك ( المحيط الهادى ) ، و وصلت قوات المحور لستالينجراد و القوقاز و كان الجنرال الالمانى روميل على وشك ان يحتل القاهره فى مصر لكن الجنرال الانجليزى مونتجمرى انتصر على قوات المحور فى العلمين فى اكتوبر 1942 ، و نزلت قوات امريكيه فى الجزائر و انتهى القتال فى شرق افريقيا بانتصار قوات الحلفاء.

الحلفاء غزوا جزيرة صقليه و جنوب ايطاليا فسلمت ايطاليا فى سبتمبر 1943. و فى بحر الكورال و ميدواى انتصرت امريكا على اليابان فى المعارك البحريه ، و نزلت القوات الامريكيه فى جوادالكنال ، و انتصرت بقيادة ماك ارثر فى سلسلة معارك ضاريه فى جزر الباسيفيك و قدرت تسترد الفلبين سنة 1945 ، و اتنقلت المعارك لليابان فى اويجيما و أوكيناوا.

فى ستالينجراد انتصر الروس فى معركه كبيره سنة 1943 و عملوا هجوم مضاد على طول الجبهه لطرد الالمان ، فوصلت جيوشهم لبولاندا و هنجاريا سنة 1944 ، و طردوا قوات المحور من البلقان.

انتهت معركة المحيط الاطلنطى بطرد غواصات الالمان ، و نزلت قوات الحلفاء بقيادة ايزنهاور فى نورماندى فى 6 يونيه 1944 ، و نزلت قوات ثانيه فى جنوب فرنسا ، و تحررت فرنسا و بلجيكا من الالمان فى اواخر 1944 و اشتد القتال فى هولاندا و قلب المانيا نفسها. فى ابريل 1945 انتهت مقاومة الالمان و فى 7 مايو استسلموا من غير شرط ، و فى اغسطس رمت امريكا اول قنبله ذريه على هيروشيما فى اليابان و تبعتها بقنبله ثانيه على نجازاكى. و اعلن الاتحاد السوفيتى الحرب على اليابان و غزت قواته منشوريا ، فاستسلمت اليابان فى 14 اغسطس و مضت على شروط التسليم فى 2 سبتمبر 1945 ، و هكذا انتهت الحرب اللى كانت خسائرها البشرية و المادية جسيمه جداً و قتل ملايين من الجنود و المدنيين و تعرض اليهود و الغجر لابادة على ايدي النازيين الالمان اللى كانوا يؤمنون بأهداف لم يكن للعالم ان يتقبلها بوجهها العنصري. كمذابح اليهود اللى عرفت باسم الهولوكوست ( المحرقه ).

فى 1947 تمت معاهدة صلح بين ايطاليا و رومانيا و بلغاريا و هنجاريا و فينلاندا. لكن التنافر بين امريكا و الاتحاد السوفيتى اخر عقد صلح مع المانيا و النمسا و اليابان. انشاء الامم المتحده كان من نتايج الحرب.

بعد الحرب العالمية الثانية و بعد كل الخراب الذي حصل قرر الاوروبيون و اليابانيون على بناء بلادهم و اقتصادهم فى مدة قصيرة بفضل ثقافتهم المتقدمة فبنوا حضارة قائمة على اسس علمية قوية ، و فى ظرف وجيز تجاوز الاوروبيين الخلافات و كونوا السوق الاوروبية المشتركة و بعد ذلك الاتحاد الاوروبى الذي عمل منهم قوه لا يستهان بها فى كل المجالات. التعديل:العفاني ع.م




#Article 263: دينا (195 words)


دينا (Dina) (27 مارس 1965 -) رقاصة وممثلة مصرية ، اسمها بالكامل دينا طلعت سيد محمد .

اتولدت دينا يوم 27 مارس 1965 فى روما عاصمة ايطاليا ، ولما وصلت لسن 15 سنة اتعلمت الرقص وانضمت لفرقة رضا للفنون الشعبية .

دينا اخدت شهادة الماجستير فى الفلسفه من كلية الاداب بجامعة عين شمس وكمان درست فن التعامل مع الطفل ، وهي اول فنانة استعراضية تطالب بعمل نقابة للفن الاستعراضي .

دينا اتجوزت اول مرة من المخرج الراحل سامح الباجوري سنة 1999 وخلفت منه ولد واحد اسمه علي ، واستمر جوازهم لغاية لما توفى يوم 30 يناير 2001 .
 
فى سنة 2002 اتجوزت رجل الاعمال المشهور حسام ابو الفتوح واتطلقت منه سنة 2003 .

فى سنة 2011 اتجوزت رجل الاعمال وائل ابو حسين .

فى اول سنة 2003 نشر حسام ابو الفتوح مقطع ڤيديو ليه لما كان مع دينا فى أوضة نومهم وهو بيمارس الجنس معاها بعدما ثبت كاميرات تصوير ڤيديو مخفية فى أوضة النوم من غير ماهى تاخد بالها من وجودها ، وطبعا كانت فضيحة كبيرة ليها بعدما اتسرب الڤيديو لمعظم الناس اللى اتفرجوا عليه فى الموبايلات وأجهزة الكومبيوتر . وكانت نتيجة اللى عمله ده ان دينا طلبت منه الطلاق بعدما فضحها بالطريقة دى .




#Article 264: سيجموند فرويد (160 words)


سيجموند فرويد (Sigmund Freud  ,  Sigismund Schlomo Freud) (6 مايو, 1856 - 23 سبتمبر, 1939). هو طبيب نفسى و مفكر حر نمساوي يهودى اسس مدرسة التحليل النفسى من علم النفس للعلاج من خلال الحوار بين المريض والطبيب النفسى. فرويد معروف بنظرياته عن العقل الباطن و إعادة تعريف الليبيدو كأول طاقة تحفيزية للحياة البشرية وكمان اشهر كتبه اللى هو تفسير الاحلام كان قنبله بسبب انه اعتمد علي طريقة عقلية ومنطقية فى تفسير الاحلام وبأمثلة روعة.

اتولد سيجموند فرويد فى مدينة برايبور  (Freiberg بالألماني) فى مقاطعة موراڤيا, و هى من مقاطعات الامبراطورية النمساوية, و دلوقتى من مقاطعات الجمهورية التشيكيه. من اب و ام يهود. ابوه جاكوب  كان تاجر صوف, وكان ليه طفلين من جواز سابق. امه اماليى كانت مرات جاكوب التالتة , و على الرغم من الفقر, ضحت بكل حاجه عشان تديه التعليم السليم. كان فرويد تلميذ متفوق و إتخرج سنه 1873 مع مرتبة الشرف.

بعد التخطيط لدراسة القانون, انضم فرويد لكلية الطب فى جامعة ڤيينا للدراسة على ايد البروفيسور كارل كلاوس.




#Article 265: ايڨا جرن (604 words)


ايڨا جاييل جرن  (مواليد 6 يوليه 1980 –) ممثله وموديل فرنساويه.

هى بنت الممثله مارلين جوبرت، وبدأت مسيرتها المهنيه على المسرح قبل ظهورها الاول فى فيلم برناردو برتولوتشى ذا دريمرز (2003). خدت اعتراف دولى لتجسيدها شخصيه سيبيلا ملكه اورشليم فى ملحمه ريدلى سكوت التاريخيه مملكة السما (2005). فى السنه اللى بعديها، لعبت دور فتاه بوند فيسبر ليند فى فيلم جيمس بوند كازينو رويال (2006)، وخدت جايزه النجم الصاعد فى البافتا.

ومن ساعتها وجرن لعبت دور البطوله فى أفلام مستقله كتيره، منهم كراكس (2009)، وامب (2010)، وبيرفيكت سينس (2011). فى 2014 لعبت دور ارطميسيا فى تتمه 300، 300: ريس اوف ان امباير، وافا لورد فى تتمه فرانك ميلر وروبرت رودريجيز سين سيتى، سين سيتى: ا ديم تو كيل فور. جرن بردو معروفه لشغلها مع المخرج تيم برتون فى الفيلم الكوميدى المرعب دارك شادوز (2012)، وعملت دور البطوله كانجيليك بوشار، ميس الما بيريجرين فى فيلم الفنتازيا ميس بيرجرينز هوم فور بيكلير شيلدرن (2016)، وكوليت مارشانت فى فيلم الفنتازيا دمبو (2019). علشان دورها كام رائده فضاء فى فيلم الدراما بروكسيما (2019)، خدت ترشيح لجايزه سيزار لاحسن ممثله.

خدت جرن دور البطوله فى دور مورجان الجنيه فى مسلسل ستارز الفنتازى التاريخى كاميلوت (2011). خدت دور البطوله بردو فى دور فانيسا ايفز فى مسلسل شوتايم الدراما المرعب بينى دريدفول (2014–2016)، وخدت ترشيح لاحسن ممثله - مسلسل دراما في حفل توزيع جوايز الجولدن جلوب التلاته وسبعين.

اتولدت ايڨا جاييل جرن قبل ولاده اختها التوام، جوى، فى باريس، في 6 تموز/يوليه 1980. بنت الممثله والمغنيه الفرنساويه، مارلين جوبرت، وطبيب السنان والممثل العرضى، والتر جرن. ابوها من اصل بروتانى وسويدى؛ ومن ناحيته، هى حفيده الجد الاكبر الملحن باول لى فليم. انتقلت امها، المولوده فى الجزاير الفرنسيه، فيما بعد الى فرنسا متروبوليتان. جرن سابت المدرسه الفرنسيه وكان عمرها 17 سنه، وراحت مدرسه انجليزيه فى رامسجيت.

جرن يهوديه، علشان امها، من اصل يهودى سيفارديم. وصفت جرن نفسها بانها يهوديه علمانيه محضرتش الكنيس كبنت وحاسه انها مواطنه من العالم. وصفتها عيلتها بانها بورجوازيه وقالت ان اختها غيرها جدا. شعر جرن اشقر داكن طبيعى؛ بس هى صبغته بنى وهى لسه مراهقه لما كان عندها 15 سنه. هى بنت اخو الممثله السويديه - الفرنسيه ماريكا جرن وبنت خاله المغنيه السا لونجينى وبنت عمه الممثله جوزيفين جوبرت الاولانيه من ناحيه الام. اسم العيله جرن؛ سويدى. ومش مشتق من الكلمه الانجليزيه green، واللى هى grön بالسويدى. جرن مشتق من الكلمه السويديه gren، واللى معناها فرع الشجره.

نشأت جرن فى فرنسا ودخلت الجامعه الامريكيه فى باريس، معهد ناطق للانجليزى. وعاشت لفتره من الوقت ما بين لندن وايرلندا وهى بتكبر. كانت هاديه فى المدرسه، وطورت اهتمام بالـمصرولوجيا لما زارت متحف اللوفر وهى عندها 7 سنين. وهى عندها 14 سنه، بعد ما اتفرجت على ايزابيل ادجانى فى ذا ستورى اوف اديل اتش، قررت جرن انها تمثل. كانت امها خايفه فى البدايه ان مهنه التمثيل اكتر من اللازم بالنسبه لبنتها الحساسه، بس هى دعمتها بعد كده. واصلت جرن دراستها فى مدرسة سانت بول دراما فى باريس، وخدت دوره فى التمثيل فى اكاديميه ويبر دوجلاس للفنون الدراميه فى لندن. بعد كده، رجعت جرن لباريس، ومثلت هناك فى مسرحيات كتيره. ذكرت جرن انها وهى بتدرس فى المدرسه الدراميه، كانت دايما بتختار الادوار الشريره فعلا علشان دى طريقه هايله تتعامل بيها مع مشاعرك اليوميه.

ايڨا جرِن مثلت فى المسرح قبل ما مثلت فى فيلم لاول مرة و ده كان فيلم دريمرز (الحالمين) سنة 2003 ، دريمرز عمل جدل عشان ايڨا جرِن مثلت فيه مشاهد عريانه كتيره . و حققت شهرتها فى فيلم مملكة السما سنة 2005 ، و سنة 2006 فى فيلم جيمس بوند كازينو رويال .

تعتبر ايفا جرن نفسها نيرد وهي تعيش وحدها. ايڨا جرِن اتولدت فى باريس فرنسا. وصفتها الاندبندنت انها جوثيك ، غريبه ، و جزابه .

ايڨا جرِن كسبت بجايزة «النجمة الصاعدة» فى حفل الأكاديمية البريطانية لفنون الفيلم والتلفزيون البافتا 2007




#Article 266: عربيه (510 words)


عربيه ، او الركب، او اوتوموبيل () . هى وسيله نقل بتشتغل بالموتور ليها عجل لنقل الركاب. معظم التعاريف للمصطلح بتحدد أن الاوتوموبيلات متصممه علشان تشتغل فى المقام الاول على الطرق, لقعاد من شخص واحد لتمن اشخاص, وعادة بيكون ليها اربع عجلات, و اساسا لنقل ناس مش بضايع .

كلمة عربيه () و جمعها عربيات () جايه من الكلمه العربى عربة و كلمة اوتوموبيل; جمعها  اوتوموبيلات ; من اصل فرنساوى: automobile, من اليونانى القديم:  autós النفس و اللاتتينى: mobilis متحرّك; معنى عربية بتحرك نفسها, بدل سحب او زق من حيوان او عربية تانيه. و كلمة ركب اصلها من الفعل ركِب. و كلمة car بالانجليزى يعتقد أنها مستمدة من الكلمة اللاتينى carrus او carrum (عجلات عربية), او الاوسط كلمة carre (عربية) (من الفرنساوى القديم الشمالى), و karros; بالجولى عربية.

سنة 2002, كان فيه 590 مليون اوتوموبيل ركاب فى العالم (تقريبا عربية لكل حداشر شخص).

على الرغم من نيكولاس جوزيف كوجنوت غالبا كان له الفضل فى بنا اول وسيلة نقل (مركبة) بتلات عجلات ميكانيكية ذاتية الدفع او العربية فى 1769 عن طريق تكييف وجود المركبات اللى تجرها الخيول, لكن فيه شك ان عربية كوجنوت ام تلات عجلات اشتغلت او انها كانت مستقره فى أى وقت على الطريق. و فرديناند ڤيربييست, وهو عضو فى البعثة اليسوعية فى الصين بنا اول عربية تشتغل بالطاقة البخارية التى كلعبة لإمبراطور الصين حوالى سنة 1672. لكن مافيش شك ان ريتشارد تريڤيثيك (Trevithick) بنا و عرض قاطرة (الشيطان النافخ) سنة 1801, اللى بيعتقد انها كانت يكون اول عربية تشتغل بالبخار على الطريق على الرغم من أنها ماتمكنتش من الحفاظ على ضغط البخار لفترات طويلة.

فى روسيا, فى 1780-ات, إيفان كوليبين Kulibin, اخترع عربية بتلات سرعات النقل مع الفرامل لكن كان لازمها تطوير اكتر.

فرانسوا ايزاك دى ريڤاز, مخترع سويسرى, صمم اول محرك احتراق داخلى, فى 1806, كان بيغذيه مزيج من الهيدروجين و الاكسجين و أستخدم لتطوير اول عربية ف العالم و إن كانت بدائية.

انتاج عربيات على نطاق واسع, بأسعار معقولة لاول مرة فى مصنع أولدسموبيل سنة 1902. المفهوم ده اتوسع عن طريق هنرى فورد, بداية من سنة 1914. ونتيجة لده, عربيات فورد كانت بتنتج واحده كل خمستاشر دقيقة, أسرع بكتير من الاساليب القديمة, وزيادة الانتاج سبع مرات, كان انتاج عربية بيتطلب 12.5 ساعات من صنع الانسان قبل كده, بقت 1 ساعة 33 دقيقة بعد هنرى فورد, مع استخدام ايد عاملة اقل. و تم ده بنجاح عن طريق ان البوية بلون اسود اليابان تجف بسرعة كافية. مما اضطر الشركة لإسقاط تنوع من الالوان المتاحة قبل سنة 1914 لحد اختراع ورنيش الدوكو Duco سريع الجفاف سنة 1926. و هو ده مصدر الاشاعه ان هنرى فورد قال أى لون طالما أنه اسود .و سنة 1914, يمكن عامل خط تجميع يشترى عربيه فورد تى بمرتب اربع شهور.

إجراءات السلامة المعقدة بتاعة فورد, خصوصا تكليف كل عامل لمكان معين عمل انخفاض هايل فى معدل الإصابة. الجمع بين ارتفاع الأجور و الكفاءة العالية بيتسمى Fordism فورديزم و اتنسخ فى معظم الصناعات الرئيسية. مكاسب الكفاءة من خط التجميع كمان اتزامنت مع ارتفاع اقتصاد الولايات المتحدة. و خطوط التجميع اضطرت العمال للعمل مع بعض بتناسق مع الطلبات المتكررة و ده زود من انتاج العامل الواحد فى حين كانت بلاد تانيه بتستخدم اساليب أ قل انتاجية.




#Article 267: لغه عربى (254 words)


اللغة العربية هي لغة سامية مركزية، وبكده تصنيفها بيكون مع اللغات السامية التانيه زى العبري والأرامى. العربى القياسى الحديث هو اللى بيتدرس فى المدارس والجامعات، و بيستعمل فى اماكن الشغل و الحكومه و معظم وسايل الإعلام (ميديا). كود اللغه بالنسبه لقانون المنظمه الدوليه للتوحيد القياسى (ايزو 639) (ISO 639), هو ar.

اللهجة السايده فى كل بلد لغته الرسمى عربى مختلفه. مثلا فى مصر مع ان اللغه الرسمى عربى, معظم سكّانها بيتكلّمو اللغه المصريه الحديثه, و هى لغه معترف بيها فى العالم عن طريق كود اللغه بالنسبه لقانون المنظمه الدوليه للتوحيد القياسى (ايزو 639) (ISO 639), و هو arz.
فيه مصادر بتقول ان انواع اللغه العربى (انجليزى: varieties of Arabic; مش اللغه العربى الكلاسيكى او القياسيه الحديثه) بيستعملها 206 مليون شخص كلغتهم الاولانيه و 248 مليون شخص غيرهم كلغه تانيه.Language use: National language. 246,000,000 L2 speakers of all Arabic varieties (Wiesenfeld 1999). Not a L1. Used for education, official purposes, written materials, and formal speeches. Classical Arabic is used for religion and ceremonial purposes, having archaic vocabulary. Modern Standard Arabic is a modernized variety of Classical Arabic. In most Arab countries only the well-educated have adequate proficiency in Standard Arabic, while over 100,500,000 do not.

اللغه العربى القياسيه الحديثه هى اللغه القياسيه (استاندارد/standard) و النوع الوحيد من اللغه اللى فى الاساس بيتكتب و بيستعمل فى الكلام الرسمى.

و هى جزء من اللغه الماكرو
العربى. اللغه المالطى, اللغه الاصليّه فى مالطا, كان بيعتبرها الاصوليين العرب ”لهجه“ من العربى قبل توحيد طريقة كتابتها و الاعتراف بيها رسمى. العربى القياسى الحديث صعب على اللى ما بيعرفش يقرا ويكتب.




#Article 268: شوڨينيه (155 words)


شوڤينية شوڨينيزم Chauvinism هى حزبية متطرفة و مش معقوله باسم المجموعة او البلد اللى بينتمى ليها حد ، وخصوصا لما الحزبية تكون بتشمل حقد و كراهية تجاه مجموعة او بلد منافسة.

چينجوزم هى الشوفينية القومية ، وشكل من أشكال العسكرة. ألاستخدام الشعبى المعاصر لمصطلح شوفينية فى اللغة الانجليزية هو لو صف الرجاله الشوفينيين.

الكلمه دي اصلها فرنساوي chauvinisme و هى منسوبه لشخصيه مسرحيه من القرن التسعتاشراسمها نيكولاس شوفان(Nicolas Chauvin) و اللى اتشهر بحسه الوطني العالي و ولائه الاعمي ل نابوليون بونابارتدا كان واحد من عساكر نابوليون و تناه يحكي عن بطولات و انجازات نابوليون بحماسه شديده على الرغم من هزيمته سنة 1815 فى معركة واترلوو.

كلمة شوفينيه و وطنيه قريبين من بعض بس الاختلاف الاساسي هو ان الوطنيه بتوصف حب الوطن اما الشوفينيه ف بتوصف كره كل الاوطان التانيه.و عشان كدا ف كلمة شوفينيه بتعتبر نوع من انواع العنصريه و بيتقال فى الانجليزي ان الشوفينيه هى عنصريه لابسه توكسيدو (Chauvinsim is racism wearing a tuxedo)




#Article 269: مجلة ميكى (301 words)


مجلة ميكي هى مجله قصص مصورة للاطفال اسبوعية بتصدر بترخيص من شركة والت ديزني بكذا لغه. ابتدت فى مصر سنة 1959 بصدور اول عدد ليها من دار الهلال لحد 2003 و وقفت بعد مشاكل دار الهلال مع مؤسسة ديزنى, المجله رجعت تانى بعد ما اصدرتها دار نهضة مصر فى شهر يناير من سنة 2004. و رجعوا الكتابه بالمصرى بعد سنين طويله بعد ما غيروا طريقة الكتابه فى المجله من مصرى للعربى فى نص التمانينات, بس فى سنة 2004 رجعت المجله تانى تتكتب بمصرى. فيه ناس كانت بتعترض على كتابه المجلة بالعربى و تغيير الكتابه بالمصرى و قالوا ان اللى عمل كده ما اهتمش بوجدان الطفل المصرى و نفسيته و لا بقيمة مجله للاطفال هدفها اسعاد الاطفال و تفتيح عقولهم و تنمية مواهبهم و قدراتهم الفكريه.

المجلة كانت بتتكتب بالمصرى اللى بيتعلمها الطفل المصرى قبل ما يروح المدرسه ، لحد نص التمانينات اللى بعدها اتحولت اللغة للعربي اللغه التانيه للطفل المصرى ، و بكده اتحرم اطفال مصر من قراية مجلة ميكى او سماع حد بيقراها لهم قبل ما يكبروا و يتعلموا عربى. الاعداد الاولانية كانت بتتميز بقصص فيها ميكى و بطوط مع شوية قصص بطولة سوبر بندق. القصص دي مع الوقت بدت تقل لحد ما اختفت وسوبر بندق بقى قليل قوى لما يظهر.
المجلة ادت شخصيات ديزنى المشهورة اسامي مصريه زي ميمى و بطوط و بندق و عم دهب و محظوظ و فركوك و زيزى.

مصر كانت مزدهره بمجلات الاطفال ، بالاضافه لمجلة ميكى اللى اسعدت ملايين الاطفال فى مصر و فتحت عقولهم و ادتهم الامن النفسى و ربطتهم بثقافة العالم المتنور و المتقدم بعيد عن ثقافة القلق و التخلف المتحجره حضانة التعصب و التطرف و التابوهات ، كان فيه مجلات تانيه كتيره زى مجلة سندباد و مجلة سمير و مجلة كروان كلها بالمصرى الجميل اللى كان بيفهمها الطفل طوالى و بيسعد بيها. عيزه اعرف عنوان المجله فى مصر لو سمحت دروري




#Article 270: مدريد (4229 words)


مدريد (اسبانى: Madrid نطق: , و بالعامية فى اسبانيا ) هى العاصمه واكبر مدينه فى اسبانيا . و تالت اكبر منطقه حضريه فى الاتحاد الأوروبى بعد لندن و بيرلين, و منطقة مدريد الكبرى هى التالته حسب عدد السكان بين المناطق الحضريه فى الاتحاد الأوروبى بعد باريس الكبرى و لندن الكبرى.

مدريد كمان هى رابع اكبر مدينه من حيث عدد السياح فى أوروبا و الاكبر فى اسپانيا علشان استضافت يقارب من سبع ملايين سايح فى 2006 و هى مقر المنظمة العالميه للسياحه الدوليه اللى هى منظمة تابعة للأمم المتحدة.

مدينة مدريد مبنيه على ضفاف نهر مانزاناريس  والمدينه و النهر هما الاتنين فى وسط بلدية مدريد اللى بتضم مدينة مدريد,و مجتمعاتها الحضريه والأحياء والقرى; مجتمع بلدية مدريد بتحده الأقاليم المتمتعه بالحكم الذاتى كاستيا و ليون و كاستيا لا مانتشا.

علشان مدريد هى عاصمة اسبانيا,مدريد هيا مقر الحكومه المركزيه , و البرلمان الاسبانى, والوزارات, و المؤسسات و الوكالات, و كمان المقر الرسمى لملوك اسبانيا, مدريد هيا كمان المركز السياسى لاسبانيا. عمدة المدينة البرتو رويز جاياردون من حزب يمين الوسط حزب الشعب فى منصبه من 2003.

بسبب الناتج الاقتصادى, ومستوى المعيشة, و حجم السوق, مدريد بتعتبر مركز مالى كبير فى شبه الجزيرة الايبيرية, و فيها المقر الرئيسى بتاع معظم اكبر الشركات الاسبانية, مدريد مقر تلاتة من اكبر 100 شركة فى العالم (تليفونيكا, ريبسول - YPF, انديسا).

مدريد بتمتلك بنية تحتيه حديثه, لكن حافظت على شكل و مظهر كتير من الاحياء والشوارع التاريخيه. معالم مدريد الضخمة بتشمل قصر مدريد الملكى; تياترو ريال مدريد (المسرح الملكى) 1850 دار الأوپرا; جنينة بوين ريتيرو,اللى ا اتاسست سنة 1631; و المكتبة الوطنية (اللى ا اتاسست سنة 1712) و فيها مجموعه من المحفوظات التاريخية فى اسبانيا.و تلات متاحف للفنون: متحف برادو, اللى فيه واحدة من أجمل المجموعات الفنية فى العالم, والمتحف الوطنى للتجارة (مركز الملكة صوفيا), و متحف الفن الحديث,مدريد, و متحف تايسن-بورنميسزا, اللى ا اتاسس فى قصر فيلاايرموزا بعد تجديده

عدد سكان مدينة مدريد حوالى 3.3 مليون (ديسمبر 2009), عدد سكان المناطق الحضرية 5.1 مليون, مجموع سكان منطقة مدريد العاصمة (المنطقة الحضرية و الضواحى) 6.386.932. مساحة المدينة 698 كيلومتر مربع (234 ميل مربع).
مدريد موجوده فى وسط اسپانيا فى منطقة كاستيا التاريخيه و سلسلة جبال سييرا دى جواداراما موجوده فى شمال غرب المدينه, جبال سييرا دى جواداراما بيوصل ارتفاعها ل 2.429 متر فوق مستوى سطح البحر فى قمة بينيالارا. من الشرق وادى ايناريس, اللى بيمر فيه طرق برية و سكك حديد بتربط مدريد بساراجوسا وبرسلونه. و المدينة الام لمدريد هى مدينة توليدو العاصمة القديمه لمملكة كاستيا, توليدو موجوده على بعد 50 كيلومتر تقريبا جنوب مدريد.مجتمع مدريد بيضم مدينة مدريد ، و المجتمعات و الضواحى و القرى الللى حواليها .

فيه نظريات كتيره عن اصل اسم مدريد. حسب الأسطورة, اللى اسس مدريد هوه اوكنو بييانور Ocno Bianor ابن الملك تيررينيوس Tyrrhenius من توسكانى, و مانتوفا و كان اسم المدينة ميتراجيرتا Metragirta او مانتوا, و فيه نظريه بتقول ان اسم المدينة الأصلى يورساريا Ursaria (ارض الدببه باللاتينى), لارتفاع عدد الدببه فى الغابات المجاورة, اللى مع شجرة التوت (مادرونيو madroño بالاسبانى), رمز للمدينة من القرون الوسطى.

دلوقتى مقبول ان أصل اسم مدريد جاى من القرن التانى قبل الميلاد, و بنا الإمبراطورية الرومانية لمستوطنة على ضفاف نهر مانزاناريس اسم القرية الأولى كان ماتريس Matrice على اسم النهر. و بعد الغزوات من السويڤيس و الڤاندال الجرمان, و الالانس خلال القرن الخامس الميلادى, ماقدرتش الإمبراطورية الرومانية تدافع عن اراضيها فى شبه الجزيرة الايبيرية, وبالتالى سيطر عليها الجوث الغربيين.

فى القرن السابع سيطر العرب على شبه الجزيرة الايبيرية و اتغير الاسم لمچريط , من العربى مصطلح مجرى  ( المجارى او منبع المياه) و الرومانى الأيبيرى ايط بمعنى  مكان . اسم مدريد الحديث مدريد اتطور من المزاربى ماتريت Mozarabic Matrit.

موقع مدريد استوطنه البشر كذا مره من أيام عصور ما قبل التاريخ, و فيه ادله على وجود مستوطنات بشرية على مدرجات النهر و الخنادق المائية و جدران مدريد الاخيرة ما قبل التاريخ فى المكان اللى فيه مدريد دلوقتى.

الغزو والاستعمار الرومانى لشبه الجزيرة الايبيرية اخد حوالى 200 سنه من الحرب البونية التانية لسنة 27 قبل الميلاد و بعد كده خلال فترة الحكم الرومانى قسم الرومان شمال الإقليم لتلات محافظات  و منطقة مدريد دلوقتى كانت فى محافظة تاراكونيس (Tarraconense).

و جايز إن إقليم مدريد فى فترة الحكم الرومانى كان مش أكتر من منطقة ريفية, بتستفيد من وجود الثروات الطبيعية وعبور الطرق, و فيه ادله بتبين ان كان فيه استيطان حضرى موجود فى منطقة سيجوفيا ستريت و ضفاف المانزاناريس. و تم اكتشاف كنيسه ڤيثجوثيك Visigothic قديمة قريبه من كنيسة سانتا ماريا دى لالمودينا. ادله وجود استقرار للسكان فى مدريد موجود من مقبرتين فى المستعمرة الڤيثجوثية اللى كانت موجوده.

اول سجل تاريخى عن وجود استقرار فى مدريد تاريخه من الفترة الاسلامية. فى النص التانى من القرن التاسع, ما بين سنة 852 و سنة 886, لما امر محمد الاول ببنا قصر صغير (ألكازار) فى نفس مكان بالاسيو ريال مدريد دلوقتى, علشان تبقى نقطة انطلاق لشن غارات ضد الممالك المسيحية فى الشمال.

فى الفتره دى يظهر إن كان فيه اختلاط بين اتنين من أسامى الاماكن متشابهه جدا: أوروبية, matrice, بمعنى 'مصدر', و الاسم التانى من العربى, Majrà, بمعنى 'قناة' او من النهر. و الاتنين بيشيرو لوفرة من الجداول والمياه الجوفية من الموقع.

اتولد فى مدريد فى القرن العاشر ابو القاسم مسلمة بن احمد المچريطى اللى استحق يتقال عليه إنه إقليديس الاندلسى, مؤسس علم الفلك والرياضيات فى مدرسة كوردوبا.

سيطرت القوى المسيحية بقيادة ملك كاستيا ألفونسو السادس على مملكة الطايفه فى توليدو فى سنة 1085 و سيطرت على مدريد من غير مقاومة, وجايز بالاستسلام.

خدت مدريد لقب مدينة سنة 1123, و فى فترة القرن الاتناشر استمرت هجمات المسلمين على مدريد, للحصول على صلاحيات جديدة فيها, المرابطين, اللى حرقو المدينة فى سنة 1109 والموحدين, اللى وصلو لموقع المدينة فى 1197. انتصار القوى المسيحية فى لاس ناڤاس دى تولوسا بالتأكيد منع المسلمين من التأثير على وسط شبه الجزيرة.

سنة 1329 اجتمع الكورتيس دى كاستييا اول جمعية وطنيه (برلمان) فى مدريد عشان تقديم المشورة لفرناندو الرابع. مع انشاء البرلمان فى مدريد, ابتدت المدينة تنمو بصورة كبيرة بسبب البيروقراطية, وأعضاء الكورتيس, و كان وجود الحكومه و الكورتيس فى مدريد ضرورى للناس لتنظيم معيشتهم.اليهود والعرب المغاربة كانو لسه عايشين فى المدينة فى مناطقهم, اللى لسه معروفة لحد دلوقتى باسم موريريا Moreria, لغاية طردهم منها فى اخر القرن الخمستاشر.
  
بعد متاعب كبيرة, انريكى التالت ملك كاستيا (1379-1406) بنا المدينة من تانى, و فرض نفسه فى امان بره الجدران المتحصنة فى ايل باردو. الدخول الكبير لفرناندو و إيزابيل لمدريد بشر بنهاية الصراع بين كاستيا وأراجون.

وحد الملوك الكاتوليك (الملكة إيزابيل ملكة كاستيا والملك فرناندو التانى ملك أراجون) مملكة كاستيا, و عاصمتها فى توليدو, و تاج أراجون, و عاصمته فى ساراجوسا, فى مملكة اسبانيا الحديثة., و رغم إن حفيدهم كارلوس الأول (المعروف كمان باسم تشارلز الخامس, إمبراطور الرومانية المقدسة) كان بيفضل سيڤييا, كان اللى نقل الحكم لمدريد هوه فيليبى التانى (1527-1598) ابن كارلوس الأول سنة 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسبانيا,و كانت مدريد مسيطرة على سيڤييا.

فضلت مدريد مركز لثروات اسبانيا بصرف النظر عن فتره قصيره, 1601-1606, لما فيليبى التالت نقل مقر الحكم لڤايادوليذ. و خلال القرن الدهبى (سيجولو دى أورو), فى القرن الستاشر و القرن السبعتاشر مدريد بقت شبه العواصم الأوروبية, سكان المدينة كانو بيعتمدو اقتصاديا على اعمال العاصمه نفسها, و ماكانش فيها نشاط صناعى او تجارى كبير.

هدم فيليبى الرابع سور المدينة سنة 1625, و اتجاوز السور القديم لأسباب ضريبية (ضريبة Portazgo) للحد من نمو المدينة لحد القرن التسعتاشر.

فيليبى الخامس قرر أن مدريد كواحده من العواصم الاوروبية مش ممكن تفضل فى الحاله دى و قرر يطورها و تم بنا قصور جديدة بما فيها قصر مدريد الملكى (بالاسيو ريال مدريد الاسباني) خلال فترة حكمه.

تمرد شعب مدريد ضد القوات الفرنسية يوم 2 مايو 1808 ابتدى حرب الاستقلال الاسبانيه. و عمل الملك خوسيه بونابرتى (جوزيف بونابرت) اصلاحات فى العاصمة مع تكرار اوامره ليهدم أديرة الراهبات علشان يعمل ميادين (ساحات) لدرجة انهم قالو عليه بيبى بتاع الميادين Pepe Plazuelas.

خلال القرن التسعتاشر, كان سكان مدريد فى ازدياد مستمر و كان فيه تغير جذرى فى نظام الملكية, بالإضافة لان اسعار المبانى كانت معقوله فكان سهل جمع الاموال لجمع الفن علشان المؤسسات الثقافيه زى متحف ديل برادو اللى أنشئ فى عهد فرناندو السابع علشان يبقى مبنى وزاره للعلوم والمكتبة الوطنيه. و كان سهل كمان اقامة الجامعة المركزية فى مدريد, و اللى احتفظت باسم كومبلوتنسا و اتنقل هيئة التدريس والطلبه من جامعة الكالا قرب العاصمة.
و اتعمل نظام حديث لإمدادات الميه (قناة إيزابيل التانيه), و ابتدى السفر بالقطر من محطة اتوتشا و بقت مدريد مركز لشبكة الاتصالات اللاسلكية.
فى أواخر القرن التسعتاشر, ماقدرتش إيزابيل التانيه ملكة اسبانيا تتحكم فى التوتر السياسى اللى كان بيوصل من تمرد للتانى و وصل للجمهورية الاسبانية الأولى. و بعد رجوع النظام الملكى لمدريد, جت الجمهوريه الاسبانيه التانيه, اللى سبقت الحرب الاهلية الاسبانية.

من أواخر القرن التسعتاشر اتغير شكل مدريد, فى أول 30 سنة من القرن العشرين, عدد السكان قرب من مليون شخص  الضواحى الجديدة ساعدت على كده. أرتورو سوريا عمل تخطيط لمدريد و لتكريمه, فيه الشارع الرئيسى فى حى سويداذ لينيال شارع اسمه شارع ارتورو سوريا. كمان اتفتح طريق جران ڤيا و اتفتح مترو انفاق مدريد سنة 1919.

الملك ألفونسو التلاتاشر منح حتة ارض, شمال غرب القصر الملكى علشان تأسيس مدينة الجامعة.

الانتخابات البلدية اللى اتعملت يوم 12 ابريل 1931 شكلت انتصار كبير للجمهوريين فى مدريد, 69.2 فى المية من الاصوات (+88758 صوت) مقابل 33٬939 لاتحاد الملكيين  و انتخب بيدرو ريكو من الحزب الجمهورى الاتحادى عمدة لبلدية مدريد.

فوز الجمهوريين فى مدريد وغالبية العواصم الاقليمية كان معناه التحلل من العهد الملكى ومجيء الجمهورية الاسبانية التانية, و بعد كده اتولت لجنة من الجمهوريين السلطة فى 14 يونيو فى فترة ما بعد الظهر, وإعلان الجمهورية من مدريد.

مدريد كانت واحدة من أكتر مدن اسبانيا المتضررة بشدة من الحرب الاهلية (1936-1939). كانت المدينة معقل للجمهوريين فى الفترة من يوليو 1936. الضواحى الغربية كانت مسرح لمعركة شاملة فى نوفمبر 1936 و خلال الحرب الاهلية بقت مدريد اول مدينة تتقصف من الطيارات الحربيه على وجه التحديد اللى تستهدف المدنيين فى تاريخ الحروب. (بص على حصار مدريد (1936-39)).

خلال ديكتاتورية فرانثيسكو فرانكو, وخصوصا خلال الستينيات, منطقة جنوب مدريد بقت صناعية جدا, وكان فيه هجرات جماعية من مناطق اسبانيا الريفية للمدينة. بقت منطقة جنوب شرق مدريد مكان لسكن الطبقة العاملة اللى كانت قاعدة للنشاط الثقافى والإصلاح السياسى.

بعد وفاة فرانكو, قبلت الديمقراطية الناشئة (بما فيها جناح اليسار الجمهورى) الملك خوان كارلوس الأول ولى العهد للأسرة التاريخية خليفة لفرانكو علشان ضمان الاستقرار و الديمقراطية. وأدى ده للوضع الحالى لملكية دستورية و رأسمالية اقتصادية فى اسبانيا.

الاستفادة من زيادة الرخاء فى 1980-ات و 1990-ات, عزز موقف عاصمة اسبانيا الاقتصادى والثقافى والصناعى والتعليمى والتكنولوجى على مستوى القارة الأوروبية.

متوسط ارتفاع مدريد عن سطح البحر 667 متر. مناخ منطقة مدريد معتدل مناخ البحر المتوسط مع برودة الشتاء, بسبب الارتفاع, بما فيها تساقط الثلوج ودرجات الحرارة عادة أقل من 0 درجة مئوية (32 °). الصيف يميل أنه يكون حر مع درجات حرارة تفوق 30 درجة مئوية (86 °) فى يوليو وكتير ممكن توصل ل 40 درجة مئوية (104 °). و لان مدريد على ارتفاع عالى المناخ جاف, درجات الحرارة بالليل بتكون باردة, مما أدى إلى انخفاض متوسط فى أشهر الصيف. مستويات الأمطار منخفضة, لكن هطول الأمطار ممكن طول السنة. الصيف والشتاء اكثر المواسم فى الجفاف, و معظم هطول الأمطار فى الخريف والربيع.

سلسلة جبال سييرا دى جواداراما موجوده فى الشمال الغربى من المدينة, جبال سييرا دى جواداراما بيوصل ارتفاعها ل 2.429 متر فوق سطح الارض فى قمة بينيالارا. من الشرق وادى ايناريس, اللى بيمر فيه طرق برية و سكه حديد تربط مدريد بساراجوسا وبرسلونه.العاصمة القديمة لمملكة كاستيا والمدينة الام لمدريد مدينة توليدو على بعد 50 كم تقريبا جنوب مدريد.

نهر مدريد الرئيسى نهر مانزاناريس طوله 92 كيلومتر بيمر بمنطقة مونتى دى ايل باردو و خزان بنفس الاسم. اضافة لنهر مانزاناريس, فيه أنهار صغيرة فى مدينة مدريد وضواحيها. مدريد بتستمد يقارب من 50 فى المية من امدادات المايه من السدود والخزانات المبنيه على نهر لوزويا Lozoya, زى سد اتازار Atazar اللى اتبنى بين سنة 1968 و سنة 1972.

مدريد من الناحية الإدارية, تنقسم ل 21 منطقة, متقسمة لاجنحة.ال 21 منطقة تنقسم ل 128 جناح (باريوس). تقسيم مدريد الادارى يرجع تاريخه ل 1988

معظم مناطق الجذب السياحى فى مدريد موجوده فى وسط البلد,, قلب مدريد هوه ميدان بويرتا ديل سول, نقطة البداية لترقيم كل الطرق فى البلاد. و ميدان بويرتا ديل سول بيطلع منه عشر شوارع منهم كايى الكالا من بويرتا ديل سول لشمال شرق المدينة. وقريب من بويرتا ديل سول فيه الميدان المشهور بلازا مايور (الميدان الكبير) اللى على اسمه و تصميمه اتبنى ميادين كتيره فى اسبانيا و فى البلاد اللى حكمهاالاسبان.

رغم أن موقع مدريد استوطن مرات كتيره من عصور ما قبل التاريخ, اول البيانات التاريخية عن مدينة مدريد كان حوالى نص القرن التاسع, ما بين 852 و886 لما امر محمد الاول ببناء قصر صغير (ألكازار) فى نفس مكان بالاسيو ريالمدريد دلوقتى. حوالين القصر بنى قلعة صغيرة على نهر مانزاناريس Manzanares, اللى سماه المسلمين ماچريط  معنى مصدر المياه,و بدورها بقت مجريط Magerit, و فى نهاية المطاف مدريد.

سيطر ألفونسو السادس على القلعة فى 1085 فى تقدمه لتوليدو. و حول المسجد لكنيسة العذراء دى لا المودينا (almudin,حامية او صومعة), و دلوقتى كاتيدرال دى نويسترا سينيورا دى لا المودينا.

فى 1329 كان اول تجمع فى مدريد لتقديم المشورة لفرناندو الرابع. اليهود والعرب المغاربة كانو لسه عايشين فى المدينة فى مناطقهم التمانيه, اللى لسه معروفة لحد دلوقتى باسم موريريا Moreria, لحد طردهم منها. قصر مدريد الملكى المبانى والآثار من باسيو ديل برادو (صالون دل برادو و شارع ألكالا) تستحق إشارة خاصة و مبنيه فى طراز الباروك الدولى الرصين فى عهد ملوك البوربون فيليبى الخامس و كارلوس التالت.

خطط بنا كاتدرائية جديدة لمدريد مكرسة لعذراء المودينا ابتدت فى القرن الستاشر, لكن البناء م بتداش إلا ف 1879., كان المهندس المعمارى فرانسيسكو دى كوبا, الماركيز كوبا اللى صمم الكاتدرائية فى إحياء للاسلوب الجرمانى. بنا الكاتدرائية اتوقف تماما خلال الحرب الاهلية الاسبانية. وتم التخلى عن المشروع لحد 1950, لما فرناندو تشيويكا جويتيا عدل خطط دى كوبا للكلاسيكية الجديدة من الخارج علشان تشابو واجهة البالاسيو ريال الرمادية والبيضا, اللى بيواجها مباشرة و ماكتملتش الكاتدرائية لحد 1993, لما كرسها البابا يوحنا بولس التانى.

الخطط الاصليه للمنطقة المالية الموجوده فى وسط البلد فى مدريد بين شوارع رايموندو فرنانديز, ڤاياڤيردى Villaverde, أورينس, الجنرال بيرون وباسيو دى لاكاستييانا اتوافق عليها فى 1946. والغرض من الخطة كان خلق كتلة ضخمة من مبانى المكاتب الحديثة مع وصلات السكك الحديدية و مترو الأنفاق و توسيع منطقة فى شمال مدريد, قدام ملعب ريال مدريد (ستاد سانتياجو برنابيو) وبجانب ده كان مخطط حديقة نباتية, ومكتبة و دار اوبرا لكن ده ما حصلش.

منطقة الاعمال كواترو توريس (اربع ابراج) المنطقة بتتضمن أطول ناطحات السحاب فى مدريد و اسبانيا (تورى اسباثيو, تورى دى كرستال, تورى ساكير ڤاييايرموسا و تورى كاخا مدريد). و خلص البنا سنة 2008

صالة المطار رقم 4 فى مطار مدريد (مطار باراخاس الدولى), من تصميم أنطونيو لاميلا و ريتشارد روجرز و TPS انچينيرز اتفتحت يوم 5 فبراير سنة 2006.و هى واحده من اكبر صالات المطارات فى العالم من حيث المساحه. مساحة صالة المطار رقم 4 760000 متر مربع (8180572 قدم مربع). باراخاس متصمم علشان يخدم 70 مليون راكب كل سنه.

مدريد فيها كمان معبد ديبود معبد مصرى من النوبه موجود ف مدريد من سنة 1970.

مدريد فيها مساحات خضرا و حدايق كتيره, اكبر حديقة فى وسط مدريد هى باركى دل ريتييرو تمتد للشمال الشرقى من محطة السكة الحديد اتوتشا.

محطة السكة الحديد اتوتشا مش يس المحطة المركزية الأولى فى المدينة لكن فيها حديقة 4000 متر مربع من النباتات الاستوائية. محطة اتوتشا مكان جميل للزيارة فيها اكثر من 500 نوع من الحياة النباتية والبرك, و متاجر و قهاوى و درجة الحرارة من 24 درجة مئوية.

حدايق كاسا دى كامبو فى المناطق الريفية غرب المدينة اكبر من كل المناطق الخضراء فى مدريد. و فيها ارض المعارض, وحديقة الحيوانات فى الهواء الطلق, و فيه رحلة تلفريك فوق قمم الأشجار علشان التمتع بنظرة سنهة لحدايق كاسا دى كامبو و للمدينة.

الحديقة النباتية الملكية او ريال خاردين بوتانيكو اتفتحت فى القرن التمنتاشر فى عهد كارلوس التالت, كانت تستخدم كقاعدة لأنواع النباتات اللى اتجمعت من كل أنحاء العالم. و الحديقة النباتية الملكية فيها مركز مهم للبحوث كان لتطوير العلاجات العشبية ولإيواء الانواع اللى اتجمعت من رحلات جديدة فى العالم و دلوقتى مكرس الحفاظ على النظام الإيكولوجى لأوروبا.

خلال نهاية العصور الوسطى, شافت مدريد نمو كبير نتيجة لكونها عاصمة الامبراطورية الاسبانية. و زى كتير من امبراطوريات بلاد أوروبا كانت الامبراطورية الاسبانية تابعه لسلطة الملك المركزية, و دا معناه ان مدريد اخدت قدر اكبر من الأهمية باعتبارها مركز لإدارة المملكة الأسبانية.

اتطورت مدريد علشان تبقى مركز مهم للحرفيين اصحاب الخبره و فى نهاية المطاف مركز مهم لنشاط الثورة الصناعية خلال القرن التسعتاشر. حققت مدريد خطوات اكبر فى التوسع خلال القرن العشرين, خصوصا بعد الحرب الاهلية الاسبانية, و الوصول لمستويات التصنيع فى العواصم الأوروبية التانيه.

اقتصاد المدينة اتركز على مختلف الصناعات التحويلية زى الصناعات المتعلقة العربيات, الطيارات, المواد الكيمياوية, و الاجهزة الالكترونية, والمستحضرات الصيدلانية والأغذية المجهزة, والمواد المطبوعة, والسلع الجلدية.

مدريد دلوقتى مركز رئيسى للاعمال التجارية والتجارة الدولية و واحدة من اكبر المراكز المالية فى اوروبا واكبر المراكز المالية فى اسبانيا.

وخلال الفترة من 1992 ل 2006, شافت مدريد نمو كبير جدا فى قطاع الخدمات أهمية مطار باراخاس لاقتصاد المدينة كبيرة. بناء المساكن والأشغال العامة زى شبكة القطرات و الطرق الدائريه, بيشكل دعامة رئيسية للاقتصاد لحد 2006.

لما بقت اسبانيا لا مركزية سياسية. اخدت مدريد صورة إدارية أصغر بالمقارنة مع بقية مناطق الدولة الإسبانية. و مع ذلك, منطقة مدريد (تركزت على مدينة مدريد) شافت اعلى معدل للنمو من كل المناطق الاسبانية بين 2004 ل 2006. معدل نمو منطقة مدريد كان اعلى من معدل نمو البلد ككل بحوالى 1.4 %خلال الفترة 2000-2006, و اعلى من معدل نمو منطقة اليورو بنسبة 13 %.

سكان مدريد بيتقال عليهم مدريليين (Madrileños) للراجل مدريلينيو (Madrileño) و للست مدريلينيا (Madrileña).

عدد سكان مدريد زاد عموما لما نقل فيليبى التانى (1527-1598) ابن كارلوس الاول فى 1561 فى نص القرن الستاشر مقر الحكم لمدريد و استقر عدد سكان مدريد عند حوالى 3 ملايين من 1970s.

من حوالى 1970 لنص 1990s انخفض عدد سكان المدينة,الظاهرة دى اثرت كمان على برسلونه وغيرها من المدن الأوروبية, كانت الظاهرة دى من جانب بسبب نمو الضواحى على حساب وسط المدينة. و من جانب ربما كانت بسبب التباطؤ فى معدل نمو الاقتصاد الأوروبى.

عدد سكان زاد بسرعه كبيره فى أواخر 1990s و 2000s فى وقت مبكر بسبب الهجرة الدولية, فى استجابة للارتفاع فى النمو الاقتصادى الأسبانى. يعنى مثلا, حسب بيانات التعداد, عدد سكان المدينة ارتفع 271856 بين 2001 و 2005.

مدينة مدريد كعاصمة اسبانيا, جذبت كتير من المهاجرين من جميع أنحاء العالم. و فى حين أن أكتر من 83.8 %من السكان اسبان, فيه كتير من المهاجرين الجداد اللى جايين من امريكا اللاتينية, أوروبا, اسيا, و شمال افريقيا و غرب افريقيا بيمثلو 16.2 %اعتبارا من 2007..

لما بقت اسبانيا لا مركزية سياسية. اخدت مدريد صورة إدارية أصغر بالمقارنة مع بقية مناطق الدولة الإسبانية. مدريد بتعتبر من مناطق الحكم الذاتى. حكومة مدريد (مجلس المدينة) فيه 57 عضو واحد منهم عمدة مدريد اللى هوه دلوقتى البرتو رويز جاياردون خيمينيز.

فى انتخابات سنة 2007 الإقليمية و المحلية, فى انتخابات مجلس مدينة مدريد كسب الحزب الشعبى 34 كرسى, و حزب العمال الاشتراكى (الحزب الاشتراكى الاسبانى) 18 كرسى و اليسار الموحد 5 كراسى.

بص على التعليم فى اسپانيا

التعليم فى مدارس الدولة فى اسبانيا مجانى و اجبارى فى الفترة من 6 ل 16 سنة حسب قوانين اسبانيا.

الاطفال من سن 3 لـ 5 فى اسپانيا عندهم اختيار لحضور ايديوكاثيون اينفانتيل infantil (المعروفة prescolar) او حضور مرحلة قبل المدرسة, و ده مش إجبارى لكن مجانى لكل الطلاب. ايديوكاثيون اينفانتيل يعتبر جزء اساسى من النظام التعليمى و فيه فصول اينفانتيل فى كل مدرسة ابتدائية تقريبا و فيه كمان بعض مدارس ايديوكاثيون اينفانتيل (مدارس حضانة) منفصلة.
 
الطلبه الاسبان اللى أعمارهم بين 6 ل 16 سنة لازم يحضرو التعليم الابتدائى والمدارس الثانوية (المعهد), و ده اجبارى و مجانى. الطلبة اللى خللصو بنجاح ايديوكاثيون سييكونداريا اوبليجاتوريا (التعليم الثانوى الاجبارى) بياخدو شهادة التعليم الثانوى, و ده ضرورى لدخول تعليم البكالوريا(اختياري) للجامعة او الدراسات المهنية.بعد نجاح طلاب البكالوريا, فيه امتحانات دخول الجامعة اللى تختلف كتير من منطقة للتانيه.

مدريد فيها عدد كبير من الجامعات العامة والخاصة. بعضها من بين اقدم الجامعات فى العالم.

جامعة مدريد المستقلة هى واحدة من أرقى الجامعات فى اسپانيا. و رقم واحد فى المركز العام للجامعات فى اسبانيا, وابتدت تحت
قيادة عالم الفيزيا المشهور, نيكولاس كابريرا. جامعة مدريد المستقلة مشهوره بابحاث الفيزياء النظرية و معروفه ببساطة ب (لا اوتونوما la Autónoma). موقع لا اوتونوما الرئيسى هوه الحرم الجامعى, على بعد 10 ميلا (16 كم) شمال شرق مدريد العاصمة و بالقرب من المناطق البلدية لمدريد الكوبنداس و سان سيباستيان دى لوس رييس. موقع لا اوتونوما الرئيسى فيه كليات العلوم والفلسفة والفنون الجميلة والقانون والعلوم الاقتصادية ودراسات الاعمال, وعلم النفس, والمدرسة العليا لعلوم الكمبيوتر و الهندسة, وكلية لتدريب المعلمين والتعليم. كلية الطب مش فى الموقع الرئيسى و جنب مستشفى لاباز الجامعى.

جامعة تانيه مهمة هى لا يونيڤيرسيداذ كومبلوتنسا دى مدريد اكبر جامعة فى اسبانيا و واحدة من اقدم الجامعات ف العالم. فيها مييه و سبعتاشر الف (117000) طالب بيدرسو و عشرتلاف (10000) من اعضاء هيئة التدريس و الموظفين و تقريبا كل اعضاء هيئة التدريس من الاسبان. حرم لا يونيڤيرسيداذ كومبلوتنسا دى مدريد الجامعى متقسم على اتنين مونكلاو فى مدريد, و فى سوموساجواس.

لا يونيڤيرسيداذ كومبلوتنسا دى مدريد ا اتاسست فى الكالا دى ايناريس على ايد الكاردينال سيسنيروس فى 1499 لكن الاصل الحقيقى يرجع تاريخها لسنة 1293, لما الملك سانشو الرابع بنا مدارس الكالا العامه اللى بقت جامعة كومبلوتنسا على ايد سيسنيروس من سنة 1509 لسنة 1510 كان فيه خمس مدارس (كليات) : أخبار و إعلام (فنون و فلسفة), Teología (اللاهوت), Derecho Canónico (قانون مدنى), Letras (الاداب) والطب. وفى 1836, فى عهد ايزابيل التانية; اتنقلت الجامعة لمدريد تحت اسم الجامعة المركزية (سويداذ يونيڤيرسيتاريا) و كانت فى شارع سان برناردو. فى 1927 كان متخطط يتبنى حرم جامعى فى منطقة مونكلاو-الاڤاكا على اراضى خصصها الملك ألفونسو التلاتاشر للغرض ده لكن الحرب الاهلية الإسبانية حولت  سويداذ يونيڤيرسيتاريا لمنطقة حرب, و اتسببت فى تدمير العديد من المدارس (الكليات) فى المنطقة.فى 1970 قامت الحكومة بإصلاح التعليم العالى, والجامعة المركزية (سويداذ يونيڤيرسيتاريا) بقت جامعة كومبلوتنس بمدريد (يونيڤيرسيداذ كومبلوتنسا دى مدريد) واتبنى حرم جامعى جديد فى سوموساجواس علشان الكليه الجديده كلية العلوم الاجتماعية.

من جامعات مدريد كمان جامعة الكالا دى ايناريس إتعاد بناها قلعة ايناريس سنة 1975 الجامعة التكنولوجيه فى مدريد, نتيجة دمج المدارس الفنية المختلفة من الهندسة, جامعة كارلوس التالت, اللى فلسفتها خلق شعب ليه فكر حر مسؤول مع الحساسية للمشاكل الاجتماعية والمشاركة فى مفهوم التقدم على اساس الحرية والعدالة والتسامح و جامعة بونتيفيكا كاميياس Pontificia Comillas, المشاركة فى عدد من برامج التبادل الأكاديمى والعمل والأساليب والخطط والمشاريع الدولية مع أكتر من 200 مؤسسات التعليم العالى فى أوروبا, وأمريكا اللاتينية وأمريكا الشمالية وآسيا.

من الجامعات التانية فى مدريد: جامعة ريى خوان كارلوس (العامة), و الجامعات الخاصة جامعة ألفونسو العاشر, و جامعة أنطونيو دى نابريخا, جامعة كاميلو خوسيه سيلا, جامعة فرانسيسكو دى فيتوريا, جامعة مدريد Europea, جامعة سالامانكا كامبوس دى مدريد, و جامعة سانت لويس (مالحرم الجامعى فى مدريد), و جامعة سان بابلو وحدة التقييم المركزية.

مطار مدريد هوه مطار باراخاس الدولى. باراخاس هوه المحور الرئيسى لطيران ايبيريا. وبالتالى باراخاس هوه البوابة الرئيسية لشبه الجزيرة الايبيرية من أوروبا وأمريكا وبقية العالم. مجموع الركاب دلوقتى اكتر من 52 مليون مسافر سنويا,و ده بيخللى باراخاس واحد من اكبر 10 مطارات العالم فى الازدحام.

و علشان الزيادة السنوية فى عدد المسافرين قريبة من 10%اتبنت محطة جديدة رابعه (صالة المطار رقم 4) و ده عمل انخفاض كبير فى حالات التأخير و زود القدرة الاستيعابية للمطار لأكتر من 70 مليون مسافر فى السنة و اتعمل مدرجين جداد للمطار و ده خللى باراخاس يبقاله اربع مدرجات مطار.

و سنة 2007 أعلن مستشار نقل مجتمع مدريد, مانويل لاميلا ان مدريد هايخدمها مطارين جداد و من المتوقع يبتدو فى 2016, الاول هايكون موجود فى كامبو ريال, هايكون فى البداية لرحلات الشحن الجوى, و كمان مركز للطيران منخفض التكلفة, والتانى من المتوقع يتبنى البلدين من بلديات ال ألامو و ناڤالكارنيرو Navalcarnero, و ها ياخد الرحلات اللى بتستعمل مطار كواترو دلوقتى.

محطات السكة الحديد الرئيسية فى مدريد هى اتوتشا فى الجنوب و تشامارتين Chamartín فى الشمال. و اهم مشروعات البنية التحتية الاسبانية خلال العشر سنين الجايه هوه بنا شبكة سكة السرعة العالية الحديد.

مترو انفاق مدريد بيخدم حوالى اربعه مليون ساكن و مترو انفاق مدريد واحد من اكبر شبكات مترو الانفاق فى العالم واسرعهم فى التوسع, و هوا دلوأتى فيه من 283 كيلومتر (176 ميل) من الخطوط و ده بيخلليه تانى اكبر مترو انفاق فى اوروبا الغربيه بعد مترو انفاق لندن, و سادس أطول نظام مترو فى العالم.

مدينة مدريد, تعتبر واحده من عواصم الأزياء الأوروبية, متاجر التجزئة موجوده فی كل أنحاء المدينة, لكن كتير منها ليه مركز فى المنطقه التجارية المشهوره جنب و حواللين بويرتا ديل سول.

فى أواخر مايو و مطلع يونيو, من كل سنه, معرض الكتاب فی مدريد فی باركى دل ريتييرو, اللی ابتدا حياته خلال الجمهورية التانية سنة 1933. مدريد سنة 1992 كانت عاصمة ثقافية لأوروبا.

فيه اشارات قليلة المدريد فى ادب القرون الوسطى و فيه إشارات كتيره لمدريد فى ادب القرن الدهبى.

مدريد هى مقر نادى ريال مدريد و ملعبه سانتياجو برنابيو و منافس ريال مدريد من المدينة نفسها اتيلتيكو مدريد و ملعبه ڤيثينتى كالديرون. والفريقين بيلعبو فى لاليجا.مكانة مدريد الرياضية ظهرت من خلال حقيقة أنها استضافت سنة 1982 المباراة النهائية لكأس العالم اللى نظمها الفيفا (الاتحاد الدولى لكرة القدم).

مدريد واحدة من اربع مدن فى أوروبا مع برسلونه, و جلاسجو و لشبونة ادا الاتحاد الاوروبى لكرة القدم 5 نجوم لستادين (ملعبين) فيهم: ملعب ريال مدريد سانتياجو برنابيو و ملعب اتليتيكو مدريد ڤيثينتى كالديرون لان الاستادين طابقو المعايير.

بعض افضل وأشهر لاعبين كرة القدم الاسبان المعروفين جايين من مدريد (مدريليين Madrileños), بما فيهم اسطورة ريال مدريد الاسبانى اميليو بوتراجوينيو و لعيب ليفربول بيبى رينا و فرناندو توريس وقدامى اللاعبين فى ريال مدريد راوول جونزاليس و ايكر كاسياس.

مدريد فيها كمان اتنين من فرق رابطة الاندية لكرة السلة, و حلبة لرياضة سباق العربيات اللى استضافت قبل كده سباق اسپانيا فى الفورميولا وان. و تاريخيا مدريد بتستضيف المرحلة الاخيرة من سباق العجل (الدراجات) ڤويلتا دى ايسبانيا كل سنة زى ما باريس بتستضيف المرحلة الاخيرة من سباق العجل تور دى فرانس كل سنة.

التزحلق على التلج ممكن فى الجبال القريبة من مدريد سييرا دى جواداراما اللى فيها منتجعات التزلج ناڤاثيررادا و ڤالديسكى Valdesqui, Navacerrada.
المدينة حاولت تستضيف دورة الالعاب الاولمبية الصيفية لسنة 1972 و خسرت لميونيخ و لسنة 2012, و خسرت للندن على التوالى و مع ذلك, مدريد حاولت تستضيف دورة الالعاب الاولمبية الصيفية 2016 لكن خسرت لريو دى چانيرو.

لستة المدن التوأم مع مدريد




#Article 271: ابراهيم باشا (1135 words)


جنتكمان ابراهيم باشا ( كافالا (قوله)، مقدونيا اليونانيه 1789 - 10 نوفمبر 1848 ). تانى حكام مصر من عيلة محمد على. قائد عسكرى فذ قاد الجيش المصرى فى حملات عسكريه ناجحه ضد الوهابيين و العثمانليه و حقق انتصارات كبيره و فتح مدن الحجاز و الشام و الاناضول و كان على وشك يفتح استانبول عاصمة الامبراطوريه العثمانيه. ابن محمد علي باشا حكم مصر بعده كوالى بفرمان من الباب العالى فى الاستانه.

لما بقى عنده تمنتاشر سنه عينه ابوه فى الجيش المصرى و فضل يترقى لغاية ما بقا قائد فرقه و أظهر قدرات عسكريه متميزه ، و اتعين مدير مديريه و اظهر كفاءه اداريه. فى سنة 1813 ناب عن ابوه فى حكم مصر وقت أبوه ما كان فى السعودية بيحارب الحركة الوهابيه اللى كانت اسست وقتها الدوله السعوديه الاولى.

بعد ما استقر محمد على باشا فى حكمه كان عايز يحقق امن اقليمى. الحجاز كان مصدر قلق لمصر و السبب كان ظهور محمد بن عبد الوهاب اللى اتحالف مع امين الدرعيه محمد بن سعود لنصرة الافكار الوهابيه. لما مات محمد بن عبد الوهاب سنة 1765 خلفه ابن عبد العزيز بن سعود اللى كان متحمس اكتر من ابوه لنشر الدعوه الوهابيه فبعت جيشه على كربلاء سنة 1801 و عمل مدابح هناك بحجة ان اهل كربلاء كفار و هدمو جامع الحسن ، و قدر واحد شيعى انه يقتل عبد العزيز بن سعود و هو بيصلى فى جامع الدرعيه فخلفه ابنه سعود اللى واصل هجماته لحدود مسقط و شواطىء الخليج و بعدين فتح الحجاز و دخل مكه ، و وصلت الدعوه الوهابيه لعسير و اليمن و اتعطلت مراسم الحج و اضطربت الدوله العثمانيه وشافت هيبيتها بتضيع لإنها مش قادره تأمن موسم الحج . فى الظروف دى لجأ السلطان العثمانلى لمحمد على باشا اللى كان وقتها مشغول بتوطيد حكمه لمصر فقعد السلطان العثمانلى يطلب مساعدته و ساعات قعد يهده بالعزل و اغراه العثمانليه بتحقيق حلمه بتحويل الحكم فى مصر لنظام وراثى فإهتم و بدأ يحضر لحمله و تأمين طرق الموصلات بين مصر و الحجاز ، و طلعت الحمله عن طريق البحر و نزل العسكر المصرى فى ينبع و وصل طوسون باشا ابن محمد على عن طريق البر و قامت معركه بين الجيش المصرى و الوهابيين اللى كانو متعودين على الكر و الفر فى الصحارى و بصعوبه قدر الجيش المصرى فى الاخر انه يفتح المدينه المنوره و يهزم الوهابيين اللى كانو فيها و من هناك طلع طوسون باشا على جده و استولى عليها هى كمان و منها طلع على الطائف و فتحها فى 29 يناير 1813 لكن بعد كده اتغلب طوسون باشا فى ترنه و انتشرت الامراض بين العسكر فأخد طوسون موقف دفاعى و بعت لمصر يطلب مساعده فطلع محمد على بنفسه على راس جيش و انضم لجيش طوسون و ارتفعت المعنويات و بدأ الموقف العسكرى يتحسن.

و الاحداث دى جاريه مات سعود الكبير قائد الوهابيين و خلفه ابنه عبد الله و بعت محمد على لنايبه فى مصر  لاظ أوغلى  يطلب منه ارسال قوات و سلاح و مال و قدر محمد على انه يحقق انتصار كبير و واصل عسكر مصر زحفهم و عرض عبد الله بن سعود على المصريين الصلح او الهدنه.

فى سنة 1818 بعت محمد على ابنه ابراهيم باشا على راس جيش على الحجاز و حقق ابراهيم نجاح كبير و اقتحم نجد و حاصر الرس و عنيزه و الخبر و الدرعيه و اضطر الوهابى عبد الله بن سعود انه يطلب الصلح و سلم نفسه للجيش المصرى فمسكوه و ودوه مصر فى 16 نوفمبر 1818 و اكرمه محمد على و بعدين شحنه على استانبول و هناك السلطان العثمانلى عامله وحش و امر بإعدامه ، و عين محمد على والى على مكه و المدينه و عين ابراهيم باشا والى على جده فقرر ابراهيم باشا انه يدمر الدرعيه بالكامل عشان يمنع رجوع الوهابيين ليها و التحصن فيها. ابراهيم باشا انشأ التكيه المصريه فى الحجاز.

فى سنة 1824 السلطان العثماني محمود التاني عين محمد علي حاكم علي الموره (اليونان ) عشان يساعده ضد الثوار اليونانيين فى فى حرب الاستقلال اليونانيه اللى كانت دايره وقتها. ابراهيم باشا قدر يحقق انتصارات كتيره بطريقه اذهلت الاوروبين و فى 1827 اتفقت روسيا و انجلترا و فرنسا على ان اليونان مش تابعه للسلطنه العثمانيه و قررو ضرب الاسطولين المصرى و التركى فقامت معركه بحريه اتعرفت بإسم معركة نافارين انتهت بهزيمة اساطيل مصر و تركيا.

محمد علي كان عايز يعمل دولة تضم كل العرب من مصر لحد مابين النهرين ، فبعت ابراهيم باشا بجيشه على الشام و فى سنة 1832 حقق ابراهيم باشا انتصارات ضخمه على الجيش العثمانلى بأقل خساير و استولى على الشام بما فيها دمشق و حمص و غزه و حيفا و يافا ، و فضل ابراهيم يحقق انتصار ورا انتصار فى الشام و فى بيلان و قونيه و و غلب الترك العثمانليه فى معركة نزيب و استولى على كوتاهيه و قرب من دخول استانبول نفسها عاصمة العثمانيين و ما بقاش فاضل لوقوعها فى ايده غير كام يوم. ده خلا الاوروبيين اللى كانت ليهم مطامع خاصه فى المنطقه يتصابو بالذعر و استنجد السلطان العثمانلى بأعدائه الروس اللى طوالى استجابو و حركو اسطولهم للساحل الاوروبى بتاع تركيا ، و لما شافت فرنسا و انجلترا الخطوه اللى عملتها روسيا اللى كانت بتنافسهم على التركه العثمانليه ضغطو على السلطان العثمانلى للاتفاق مع محمد على و فى نفس الوقت ضغطو عشان يوقفو زحف ابراهيم باشا و نجحو فى كده و انتهى الموضوع بـ  اتفاقية كوناهيه  فى ابريل 1833 و هى الاتفاقيه اللى قضت بتثبيت محمد على على ولاية مصر و كريت و سوريا بكل نواحيها ، و تجديد ولاية ابراهيم باشا على جده و منحه ادارة الحجاز فى مقابل خروج الجيش المصرى من الاناضول.

ابراهيم باشا ما كانش قائد عسكرى فذ بس لكن كان كمان حاكم متنور. بعد ما فتح الشام طلع فرمان سنة 1831 امر فيه برفع الضرايب عن الكنايس و رفعها عن الرهبان المسيحيين فى القدس و نابلس . من ضمن اللى جه فى الفرمان :  نأمر أن تلغى والى الأبد كل الضرائب التى تجبى من أديرة ومعابد كل الشعوب المسيحية المقيمة فى القدس من يونانيين وفرنجة وأقباط وأرمن وغيرهم مهما كانت الذريعة او التسمية اللى تؤخذ بها دى الضرائب حتى وإن سميت هدية عادية وطوعية ، او سلمت الى خزينة الباشوات او لمصلحة القضاة وما شابه ذلك فإنها جميعا ممنوعة منعا باتا ، وبعد اعلان هذا الامر سيعاقب بصرامة كل من يطلب اقل اتاوة من المعابد والأديرة المذكورة او من الحجاج . و أصدر فرمان تانى يسمح للمسيحيين بترميم كنايسهم وأديرتهم وتجديدها و بنا اللى عايزين يبنوه من غير طلب تصديقات من حد. بالسياسه التوليرانسيه دى أكد ابراهيم باشا على حق المواطنه الكامله لكل المصريين و حس الاقباط فى مصر انهم جزء من مصر و إن مصر بلدهم هما كمان و اتحدو مع المصريين المسلمين لبنا مصر الحديثه. و كان من نتايج السياسه دى اللى اتبعها هو و ابوه محمد على إن مجلس شورى النواب المصرى سنة 1866 اتكون من مسلمين و مسيحيين جم بالانتخابات .

اتولى ابراهيم باشا الإماره المصريه بعد ما اتنازل عنها ابوه محمد على باشا ، فحكم حداشر شهر و اتوفى فى 10 نوفمبر 1848 قبل وفاة ابوه ، و حكم بعده ابن اخوه و حفيد محمد على باشا عباس حلمى الاول .

اسرة محمد على.




#Article 272: موسى داديس كامارا (399 words)


النقيب موسى داديس كامارا هو ظابط فى جيش غينيا، وهو دلوقتي رئيس جمهورية غينيا ورئيس المجلس الوطني للديمقراطية و التنمية. استولى على السلطة يوم 23 ديسمبر 2008 بعد ما الرئيس لانسانا كونتي مات واللي حكم مدة طويلة. واعتبر نفسه رئيس هيئة انتقالية اللى هتشرف على رجوع البلد للحكم الديموقراطي، كامارا دلوقتي يعتبر رئيس الدولة.

كامارا اتولد فى قرية كوري فى منطقة نزيريكوري جنوب غينيا. ابوه كان بيشتغل مزارع، ودرس كامارا فى كلية الحقوق والعلوم الاقتصادية فى جامعة عبدالناصر بكوناكري. و فى سنة 1990 دخل الجيش بعد 6 سنين من الانقلاب اللى مسّك الجنرال كونتي الحكم. قبل ما يموت كونتي، كامارا كان مدير فرع الوقود فى قسم الشئون الإدارية، وبعد كدة بقى مدير عام للطاقة فى الجيش.

مع بداية يوم 23 ديسمبر سنة 2008 رئيس الجمعية الوطنية ابو بكر سومباري اعلن موت الجنرال كونتي ف التلفزيون الرسمي بسبب مرض يوم 22 ديسمبر. وحسب الدستور فرئيس الجمعية الوطنية هو اللى يسمك منصب رئيس الدولة لو مفيش رئيس، وتتتعمل انتخابات فى 60 يوم.

بس بعد إعلان وفاة الجنرال كونتي بست ساعات، جه اعلان تاني ف التلفزيون عن انقلاب عسكري في البلد. واللي قرا البيان النقيب موسى داديس كامارا عن جماعة مسمية نفسها اسم المجلس الوطني للديمقراطية و التنمية. وأعلن ف الإذاعة الوطنية حل الحكومة ووقف العمل بالدستور ووقف الأنشطة السياسية والنقابية بعد ساعات من الإعلان الرسمي عن وفاة الرئيس لانسانا كونتي. وحسب اللي قاله كامارا بأن الإنقلاب كان ضروري لغينيا اللي بتعيش حالة من اليأس العميق وسط انتشار الفقر والفساد، وقال كمان أن الدستور اللي موجود دلوقتي عاجز عن انه يحل الأزمات اللي البلد بتواجهها. وقال كمان ان راجل عسكري هو اللي يحكم البلد ويتعين رئيس وزرا لحكومة جديدة يكون متوازن عرقيا. فالمجلس الوطني للديمقراطية والتنمية هيتكون من 26 ظابط عسكري وست مدنيين على حسب اللى قاله كامارا.

فيخ بيان فى الراديو يوم 24 ديسمبر قال ان النقيب كامارا هو رئيس المجلس الوطني للديمقراطية والتنمية (CNDD).، وبعدها ف نفس اليوم الجنود الموالين للانقلاب انتشروا فى شوارع العاصمة كوناكري عشان يستعرضوا قوتهم. وحواليهم الالاف من المدنيين اللى بيأيدوهم، كامارا قال جينا عشان نشوف إذا كانت الارض بتايدنا، وقال ان القادة العسكريين مش ناويين يستمروا فى الحكم اكتر من سنتين لحد ما يتعمل انتخابات رئاسية حقيقية شفافة ف اخر ديسمبر سنة 2010

وف 25 ديسمبر 2008 رئيس الوزرا السابق احمد سواري اتعهد رسميا بالولاء لكامارا، وبكدة سيادة كامارا اتاكدت . كامرا قال فى الراديو فى 25 ديسمبر انه مش بيخطط للرئاسة بعد ما الفترة الإنتقالية تخلص وأعلن كمان أن المجلس الإنتقالي مش هيتعرض للرشوة 




#Article 273: هيروجليفى (340 words)


الهيروجليفى هو نظام كتابه اخترعه المصريين القدام من سنة 3200 (ق ع ح) عشان يكتبو بيه اللغه المصريه القديمه. الرموز الهيروجليفيه كانت رموز صوريه فى الاول و شويه شويه اتطورت و بقت ليها دلاله صوتيه ( يعني اتحولت من كتابه صوريه logographic ل كتابه الف-بيّه alphabetic).

لفظ هيروجليفي جاى من اصل يوناني (ايروجليفيكا ερογλυφικά) و بيتكون من كلمتين: هيرو يعني مقدس و جليف يعني كتابه او نقش.

الرموز الهيروجليفيه اخترعها المصريين من البيئه اللى كانو عايشين فيها و الرسومات دي موجوده على القلل الفخار حتى من قبل ما الكتابه نفسها ما تنشأ ( يمكن من حوالي 4000 ق ع ح ). اقدم حاجه مكتوبه بالهيروجليفي هيا لوحة نارمر و الل بيرجع عمرها ل 3200 ق ع ح و اللى اتلقت فى تسعينات القرن التسعتاشر فى حته اسمها كوم الاحمر بين اسنا و ادفو فى صعيد مصر.فى بعض العلما اللى لقو نقوش هيروجليفيه اقدم من لوحة نامر فى اماكن تانيه فى مصر زي مقبرة او-ج من عصر ما قبل الاسرات فى ابيدوس.
طول عهد المملكه القديمه و الوسطانيه و الحديثه كان عدد الرموز الهيروجليفيه ثابت تقريبا:800 رمز.فى العصر الجريكي-روماني وصل عدد الرموز دي ل 5000 رمز.
الرموز الهيروجليفيه دي تلات انواع:

الرموز الهيروجليفيه اتطورت شويه شويه و اتسهلت و اتبسطت عشان تتماشى مع تطور حياة الناس و خصوصا انها صعبه فى الكتابه على ورق البردي لحد ما و صلت للرموز الهيراتيكيه (بتاعة الكهنه) و بعديها الرموز الديموتيكيه (الشعبيه). الهيروجليفي تناه عايش جنب الطرق المتبسطه التانيه دي فى الكتابه و خصوصا فى الكتابات الرسميه: حجر رشيد مثلا فيه كتابه بالهيروجليفي جنب الكتابه الديموتيكي.
استمرت الكتابه دي مستعمله فى مصر حتى و مصر تحت الاحتلال الاجنبي بس طبعا الناس ابتدت تفقد الثقه فى نفسها و ثقافتها القوميه و انحسرت المعرفه فى طبقة الكهنه اللى كانت بتضيق يوم بعد يوم.
على القرن الرابع الميلادي, مابقاش حد فى مصر بيعرف يقرا الهيروجليفي غير عدد قليل خالص. استعمال الكتابه الهيروجليفيه على المعابدو التماثيل وقف خالص بعد ما امر الامبراطور الروماني المسيحي ثيودوسيوس الاول بقفل كل المعابد اللى مش-مسيحيه بوصفها وثنيه سنة 391 بعد الميلاد; اخر مره اتكتبت فيها الحروف الهيروجليفيه كان فى فيله سنة 396 ميلادي.




#Article 274: ريهام عبد الغفور (108 words)


ريهام عبد الغفور ممثلة مصرية اتولدت يوم 6 سبتمبر 1978 وهى بنت الممثل المصرى أشرف عبد الغفور

كانت البطلة الرئيسية لفيلم صاحب صاحبه مع محمد هنيدي و أشرف عبد الباقي و اتخرجت من كلية تجارة انجليزى. ممثلة ناعمة و مميزة ليها حضور فى المسلسلات و افلام السينما. مرحة جدا على الشاشة وليها جماهرية واسعة.

و مثلت ريهام فى كتير من اعمال التليفزيون زى العائلة و الناس, حديث الصباح و المساء, زيزينيا و اعمال سينما زي صاحب صاحبه, ملاكى اسكندرية, كان يوم حبك, جاى فى السريع, بالعربى سندريلا. و مسرحيات زى الملك لير مع الفنان يحيى الفخرانى و هاملت.

وقامت أيضا بدور ورد اليمن في المسلسلشيخ العرب همام .




#Article 275: يونيڤيرسيداذ كومبلوتنسا دى مدريد (174 words)


لا يونيڤيرسيداذ كومبلوتنسا دى مدريد (Universidad Complutense de Madrid, UCM) هى جامعة مهمة فى مدريد و هى اكبر جامعة فى اسبانيا و واحدة من اقدم الجامعات ف العالم.

لا يونيڤيرسيداذ كومبلوتنسا دى مدريد فيها مييه و سبعتاشر الف (117000) طالب بيدرسو و عشرتلاف (10000) من اعضاء هيئة التدريس و الموظفين و تقريبا كل اعضاء هيئة التدريس من الاسبان. حرم لا يونيڤيرسيداذ كومبلوتنسا دى مدريد الجامعى متقسم على اتنين مونكلوا، و سوموساجواس.

لا يونيڤيرسيداذ كومبلوتنسا دى مدريد واحده من اقدم الجامعات فى العالم اتأسست فى الكالا دى ايناريس على ايد الكاردينال سيسنيروس فى 1499 لكن الاصل الحقيقي يرجع تاريخها ل 1293، لما الملك سانشو الرابع بنا مدارس الكالا العامه اللى بقت جامعة كومبلوتنسا على ايد سيسنيروس اثناء 1509-1510 كان فيه خمس مدارس (كليات) بالفعل : أخبار و اعلام (فنون و فلسفة)، Teología (اللاهوت)، Derecho Canónico (قانون مدنى)، Letras (الاداب) والطب. وفى 1836، فى عهد ايزابيل التانية; اتنقلت الجامعة لمدريد تحت اسم الجامعة المركزية و كانت فى شارع سان برناردو

حسب تصنيف الجامعات السنوى اللى عملته الموندو ، جامعة كومبلوتنسا هيا احسن جامعه حكوميه فى اسبانيا.




#Article 276: سيينتولوجيا (105 words)


السيينتولوجيا (انجليزى: Scientology) هو معتقد لـ مجموعه من ناس. ابتدا فى 1950. فى شوية بلاد, كسبت مكانة الدين. فيه بلاد كتيره بتشـُك جداً فى المنظمه اللى وراها. بيقولو ان السيينتولوجيا هى طايفه, و الة عشان تكسب فلوس. بالنسبه للمنظمة, فيه أكتر من 10 مليون واحد فيها. على اى حال, النـُقـّاد بيقولو, ان المنظمه ماعندهاش أكتر من 100,000 واحد بيتبعو المذهب, أعلبهم من امريكا. فى 1960, كان فيه تقريباً من 50,000 لـ 100,000 أتباع فى امريكا. فى ال1990ات, كان فيه دراسه معبـّرة قالت ان كان فيه بس 45,000 أتباع فاضلين. و الظاهر ان الارقام دى اتحسـّنت شويه بعد سنة 2004, عشان كان فيه تقريباً 55,000 تابع.




#Article 277: دييجو فيلاثكيز (370 words)


دييجو رودريجيز دى سيلفا ڤيلاثكيز (6 يونيو 1599 -- 6 أغسطس 1660) كان رسام اسبانى مشهور فى بلاط الملك فيليبى الرابع.

ڤيلاثكيز رسم لوحات وصور لعشرات من العيلة المالكة الاسبانية ، وغيرها من الشخصيات الاوروبية البارزة و وصل قمة فنه فى انتاج تحفة لاس مينيانس (1656).

دييجو ڤيلاثكيز كان من اشهر فنانين اسلوب الباروك و نموذج لرسامين الواقعية والانطباعية، و خصوصا ادوارد مانيه. و رسامين اكثر حداثة منهم الاسبان بابلو بيكاسو و سلفادور دالي ، و الرسام فرانسيس بيكون

إتولد دييجو ڤيلاثكيز فى سيڤييا ,اندلوسيا ، اسبانيا يوم 6 يونيه سنة 1599 ، و إتعمد فى 6 يونيه ، ڤيلاثكيز هو ابن خوان رودريجيز دى سيلفا (إتولد خواو رودريجيز دى سيلفا) ، و هو محامى والد دييجو دا سيلفا و والدته رودريجيز كانو من اليهود البرتغاليين و والدته كانت خيرونيما ڤيلاثكيز من عيلة من طبقة هيدالجو الارستقراطية (كان العرف الإسبانى ، علشان المحافظة على تركة الام فى الميراث ان اكبر ابن يحتفظ باسم عيلة والدته).

دييجو ڤيلاثكيز ابتدا فى دراسة الفن على ايد فرانسيسكو دى ايريرا ، الرسام اللى اتجاهل تأثير مدرسة الفن الايطالى على الفن فى سيڤييا فى الفترة دى من القرن السبعتاشر. ڤيلاثكيز فضل مع فرانسيسكو دى ايريرا لمدة سنه واحده بسبب خلافات بينهم كان عمر ڤيلاثكيز 12 سنه و ربما كان اتعلم منه استخدام ريشة الرسم.

بعد اما ڤيلاثكيز ساب فرانسيسكو دى ايريراابتدا فى الدراسة على ايد فرانسيسكو باتشيكو لمدة خمس سنينن و كان باتشيكو و هو فنان و مدرس و إن كان بيعتبر عموما ممل و رسام مش متميز ،لكن رجل طيب باحث عنده ذوق و مهتم بالادب الكلاسيكى و كان له تأثيرات واسعة من الاتصالات الحيوية و اسلوب باتشيكو كان احيانا بسيط و مباشر و واقعى بيتناقض مع اسلوب رافاييل اللى كان بيتدرس فى سيڤييا.

بحلول اوائل 1620s ، أكد ڤيلاثكيز موقعه و سمعته فى سيڤييا. فى 1618 ، ڤيلاثكيز اتجوز خوانا باتشيكو (1 يونيه 1602–10 أغسطس 1660) ، بنت مدرسه فرانسيسكو باتشيكو . و خلفت له بنتين - الصغيرة اجناثيا دى سيلفا ڤيلاثكيز باتشيكو اتوفت فى سن الرضاعة . فى حين أن الكبيرة فرانسيسكا دى سيلفا ڤيلاثكيز باتشيكو (1619-1658) ،اتجوزت الرسام خوان باوتيستا مارتينيز دل مازو فى كنيسة سانتياجو فى مدريد فى 21 أغسطس 1633.

ڤيلاثكيز راح مدريد فى النص الاول من ابريل 1622 ، مع رسايل من دون خوان دى فونسيكا من سيڤييا.




#Article 278: باريس (389 words)


پاريس (فرنساوى: Paris, نطق: ) هى عاصمة فرنسا و اكبر مدنها, و موجوده فى شمال فرنسا فى قلب منطقة ايل دو فرانس على نهر السين. و عدد سكان پاريس حوالى 12 مليون شخص, و هى واحده من أكتر المناطق الحضرية فى عدد السكان فى أوروبا.

پاريس واحده من اشهر الاماكن السياحية فى العالم, بيزورها أكتر من 30 مليون شخص كل سنة. و فيها معالم كتير متميزة و مناطق جذب مشهورة عالميا و كمان المؤسسات الشعبية والجناين العامة. اتعرفت پاريس باسم ”عاصمة النور“ عشان مكانتها الثقافيه. متحف اللوڤر اللى بيضم مجموعه قيمه و كبيره من التحف والأثار المصريه من اشهر متاحفها. ميدان الكونكورد من اكبر ميادين پاريس و بتتوسطه مسله مصريه ضخمه أهدتها مصر لفرنسا عشان جهود علمائها فى المصرولوچيا.

اسم باريس بالفرنساوى بتتنطق  و بالانجليزى بتتنطق  جاى من سكانها, القبيلة الجولييه المعروفة. Parisii كان اسم المدينة لوتيتيا و الاسم الرسمى كان لوتيتيا پاريسيوريام خلال فترة الاحتلال الرومانى فى القرن القرن الساتت, بس فى عهد جوليان المرتد (360-363) اتسمت مدينة پاريس.

أئدم العلامات الاثريه على سكن ناس دايم فى منطقة پاريس من حوالى سنة 4250 قبل الميلاد. لكن تأسيس باريس فى مكانها كان حوالى 250 قبل الميلاد على ايد قبيله كيلت|سلتيك]#] اسمها پاريسى على الجزيره الصغيره اللى مبنى عليها الان وزارة العدل و قاعة البلديه و كنيسة نوتردام دى باريس

پاريس مدينه مهمه لأكتر من الفين سنة دلوقتى, و واحده من المدن الرائدة عالميا فى قطاع الاعمال والمراكز الثقافيه, و تأثيرها فى السياسة, والتعليم, والترفيه, و وسائل الاعلام, و الأزياء و الموضه, والعلوم والفنون خلتها واحدة من اكبر و اشهر المدن العالميه. و حسب تقديرات 2005, پاريس الحضرية هى اكبر مدينة فى أوروبا فى الاقتصاد, و خامس مدن العالم فى الناتج المحلى الاجمالى.

منطقة پاريس هيا المركز الاقتصادى الرئيسى ف فرنسا سهة 2011، كان الناتج المحلي الاجمالي 670 مليار يورو (845 مليار دولار من دولارات الولايات المتحدة, أكتر من ربع الناتج المحلي الاجمالي لفرنسا سنة 2007. و تستضيف nمنطقة پاريس 37 شركة من لستة فورتشن لاكبر 500 شركة عالمية. و فيها مقر كتير من المنظمات الدولية زى اليونسكو, ومنظمة التعاون الاقتصادي والتنميه فى الميدان الاقتصادي, غرفة التجارة الدولية و المنظمه اللى مش رسميه نادى پاريس.
اقتصاد پاريس بيعتمد على صناعة الخدمات زى الخدمات المالية و خدمات تكنولوجيا المعلومات. كمان بيعتمد على الصناعة التكنولوجية زى صناعة الالكترونيات والبصريات.

پاريس فيها ستادات كثير زى ستاد دو فرانس و بيتعمل فيها بطولات كثيره منها بطولة رولان جاروس و بطولة پاريس ماسترز ف التنس.




#Article 279: برج خليفه (101 words)


برج خليفه Burj Khalifa, ده برج ناطحه سحاب فى دبى فى دولة الامارات, ومن يوم 4 يناير من سنة 2010 اتغير اسم البرج من برج دبي الى برج خليفه .
 
البرج ح يبقى فيه 160 دور متقسمه بين شقق و مكاتب و فنادق من ضمنها اول فندق ل ارمانى وتحت البرج فيه نافورة ضخمه بتقدر ترش الميه لارتفاع 200 متر فى الهوا.

المهندس المعمارى اللى صمم البرج اسمه ادريان سميث (امريكانى) و بنته شركه (كوريه جنوبيه) اسمها سامسونج للهندسه و البُنا.التكلفه الاجماليه لبرج خليفه هيا 1.5 مليار دولار امريكانى وسعر بيع المكاتب فيه وصل ل 43,000 (دولار امريكاني) للمتر المربع الواحد.




#Article 280: احمد لطفى السيد (235 words)


احمد لطفي السيد برقين ،السنبلاوين ، محافظة الدقهلية، 15 يناير 1872 - 5 مارس سنة 1963 )، مفكر وفيلسوف ومناضل مصري ضد الاستعمار و رائد من رواد حركة النهضة و التنوير فى مصر . اتلقب بـ استاذ الجيل و ابو الليبرالية المصرية. من رواد مدرسة الفكر الوطنى المصريه.

اتخرج احمد لطفى السيد من مدرسة الحقوق سنة 1894 ، واتعرف وأت دراسته ع الامام محمد عبده واتأثر بأفكاره الاصلاحية و اشتغل وزير معارف وبعدين وزير خارجية وبعدين نائب رئيس الوزراء فى وزارة اسماعيل صدقى ونايب فى مجلس الشيوخ المصري،
و رئيس لمجمع اللغة العربية  ،و تبع كتاب أعلام مجمع اللغة العربية لمحمد الحسيني فى وقت ما كان لطفى السيد رئيس للمجمع عرض عليه الضباط الأحرار فى ثورة 23 يوليه 1952 أنو يصبح رئيس مصر لكنه رفض و قال لأ نمنقول عن كتاب أعلام مجمع اللغة العربية صادر عن دار نفرو بالقاهرة 2005،، وكمان اشتغل رئيسا لدار الكتب، ومدير للجامعة المصرية، كمان اسس عدد من المجامع اللغوية والجمعيات العلمية، ويعتبر من قادة التنوير و مثقف فى مصر فى القرن العشرين.

مات احمد لطفي السيد فى 5 مارس سنة 1963 فى القاهرة. وعنده بنت واحدة هى عفاف لطفي السيد وهي استاذة العلوم السياسية فى جامعة كاليفورنيا ، بيركلي بالولايات المتحدة الامريكية.

للطفي السيد مؤلفات كتيره منها صفحات مطوية من تاريخ الحركة الاستقلالية، تأملات، المنتخبات، تأملات فى الفلسفة والأدب والسياسة والاجتماع كمان ترجم عدة مؤلفات لأرسطو منها الأخلاق، علم الطبيعة، و السياسة، كمان مذكراته عنوان ها قصة حياتي .




#Article 281: نبيت (277 words)


النبيت هو نوع من انواع المشروبات الكحوليه و ساعات بيتقال عليه كمان خمره. النبيت بيتعمل من عصير العنب المتخمر. عصير العنب ليه تركيب كيمياوي معين بيخليه يتخمر لوحده من غير ما يتحط له او سكر او انزيمات او احماض.

النبيت 5انواع فى منه نوعين اساسيين: النبيت الابيض و النبيت الاحمر. النبيت الوردي (Rosé) بيتعمل هوه كمان من العنب الاحمر بس الطريقه مختلفه شويه: اللون الاحمر بتاع النبيت بييجي من قشرة العنبايه ف لو اتساب القشر لمدة طويله النتيجه ح تكون نبيت احمر اما اذا اتعصر العنب و اتفصلت القشره بسرعه (حولي 3 ايام) ف دا ح يدي فى الاخر النبيت الوردي. النبيت ساعات كمان بيكون متضاف له بقاليل غازيه و دا بيتقال عليه نبيت فوار و من اشهر و اغلى انواع النبيت الفوار الشامبانيا.

النبيت من اقدم المشاريب اللى الانسان ابتدا يشربها من عصور قبل التاريخ و من المحتمل انه يكون اخترعوه فى منطقه ع الحدود بين ايران و جورجيا من حوالي 8,000 سنه و فى اثار ليه فى المقابر المصريه القديمه زي مقبرة توت عنخ امون و فى مناطق تانيه كتيره من العالم القديم.

النبيت بيستعمل فى تأدية بعض الصلوات المسيحيه(سر التناول) و اليهوديه (الكيدوش)

النبيت فيه نسبة كحول متوسطة و شربه بكميات كبيره ليه اثاره السلبيه على الصحه بشكل عام زيه زي بقيت المشروبات اللى فيها كحول.
فى دراسات اتعملت فى امريكا و لقت ان شرب النبيت بشكل معقول بيقلل نسبةاصابة الانسان بامراض القلب و الشرايين و خصوصا فشل القلب.

النبيت بتنتجه و بتصدره دول كتير فى العالم و اهمها فرنسا و ايطاليا و امريكا و اليونان.

مصر بتنتج فى السنه نص مليون جالون من النبيت (تقريبا قد اللى بتنتجه انجلترا) النبيت المصري بيتعمل فى شركة جناكليس فى اسكندريه و من اهم الانواع اللى بينتجوها:




#Article 282: بطاطس (215 words)


البطاطس (Solanum tuberosum) هيا نبات بتتاكل الساق بتاعته اللى بتنمو تحت الارض و هيا بتنتمي ل عيلة السولاناسي.

البطاطس غنيه بالنشا و الكاربوهيدرات التانيه،و ليها قشره بني او بمبي غامئ و القلب بتاعها بيكون لونه ابيض او اصفر.المتوسط السنوي العالمي لاستهلاك البنيآدم من البطاطس هوه 33 كيلوجرام. البطاطس بتتاكل يا اما متحمره يا مسلوقه و ساعات مشويه.

البطاطس هيا رابع اكبر محصول بيتزرع فى العالم بعد الرز و القمح و الدره و هيا بتتزرع فى حتت كتيره من العالم بس موطنها الاصلي هو امريكا الجنوبية فى جبال الانديز ولما وصل الاوروبيين لامريكا فى القرن الخمستاشر جابو معاهم النبات سنة 1536 دا لاوروبا و انتشر من هناك لبقية مناطق العالم. فى سنة 1845 اتصاب محصول البطاطس فى ايرلاندا بفطر اسمه (Phytophthora infestans) و كانت نتايج الوباء دا خطيره جدا لدرجة انه كان السبب الرئيسي ورا المجاعه الايرلانديه الكبيره.

البطاطس ما كانتش معروفه فى العالم القديم و ابتدت تشكل جزء اساسى من المطبخ العالمى فى الخمسمية سنه اللى فاتو بس.البطاطس اكتشفها الاسبان حوالى سنة 1530 فى بيرو فى امريكا الجنوبيه و منها نقلوها لاوروبا و دخلوها اسبانيا و ايطاليا.كلمة بطاطس جايه من كلمة باتاتا بلغة التاينو (واحد من شعوب الهنود الحمر كانو ساكنين فى الباهاماس و جزر الانتيل).الكلمة دخلت الاسبانى و منها انتشرت للعالم كله.

دي ليسته باكبر الدول اللى بتنتج بطاطس فى العالم حسب احاصئيات  2006:




#Article 283: يوسف السباعى (948 words)


يوسف محمد محمد عبد الوهاب السباعي ( القاهرة، 17 يونيه 1917 - قبرص، 18 فبراير 1978)، وزير ثقافة مصر و اديب و مفكر و مؤلف روايات مصرى كبير، مع انه كان اديب و مش سياسى ، قتلوه ارهابيين فلسطينيين فى قبرص و هو بيحضر مؤتمر منظمة التضامن الأفرو-اسيوي اللى كان أمينها العام لإنه أيد السلام و وقف الحرب و نزيف الدم بين بلده مصر و اسرائيل.

من اشهر رواياته إني راحلة ، و رد قلبى ، و بين الأطلال ، و نحن لا نزرع الشوك. اتحولت روايات ليه لأفلام مشهوره انتجتها السينما المصريه و منها رد قلبى ، و السقا مات ، و ناديه ، و  بين الأطلال.

اتولد يوسف السباعى فى حى الدرب الاحمر فى القاهره فى 10 يونيه سنة 1917. دخل الكليه الحربيه سنة 1935 و اترقى لدرجة جاويش و هو لسه فى سنه تالته. بعد مااتخرج دخل سلاح الصوارى و بقى قائد لفرقه من فرق الفرسان. يوسف السباعى كان ليه فضل فى تأسيس سلاح المدرعات فى مصر.

ابتدا يوسف السباعى من نص اربعينات القرن العشرين يركز على الادب و الكتابه و قدر يأكد وجوده كمؤلف قصصى فنشر مجموعات قصصيه و بعدها بدأ يكتب روايات وقدر انه يجمع بين وظيفته فى الجيش و هوايته الادبيه.

انشأ يوسف السباعى  نادى القصة  و اتولى ادارة و رياسة تحرير عدد من الجرانيل و المجلات منها روز اليوسف و اخر ساعة و الاهرام و دار الهلال ، وفى سنة 1977 بقى نقيب للصحفيين فى مصر و بعدين اتعين وزير للثقافه.

لما سافر الرئيس السادات القدس فى نوفمبر سنة 1977 أخد معاه عدد من المثقفين المصريين عشان يظهر قدام العالم حضارة مصر و ازاى ان السلام اللى بيطالب بيه تعبير عن الحضاره دى. يوسف السباعى كان من اللى راحوا مع السادات بوصفه اديب مصرى و وزير للثقافه و بصفته الصحفيه كرئيس تحرير جورنال الاهرام، لكن انقلبت الدنيا فى المنطقه العربيه اللى شافوا ان مصر مش من حقها تخرج من الحروب و لازم تفضل للأبد تستنزف طاقتها و ارواح شعبها فى حروب ضخمه ضد قوى كبرى. بعد زيارة القدس بتلت تشهر سافر قبرص لحضور مؤتمر التضامن الافرو-أسيوى و هناك استناه الفلسطينيين بالسلاح عشان يقتلوه.

فى 17 فبراير 1978 يوسف السباعى الاديب المصرى و وزير ثقافة مصر و الامين العام لمنظمة التضامن الافرو-أسيوى وصل نيقوسيا عاصمة قبرص على راس الوفد المصرى المشارك فى مؤتمر التضامن الأفرو أسيوى الساتت من غير ما يعرف إن فيه إرهابين متربصينله.

يوم السبت 18 فبراير الصبح نزل يوسف السباعى من اودته فى الدور الخامس فى اوتيل هيلتون و راح على قاعة المؤتمر فى الدور الأرضى. وقف يوسف السباعى قدام بوتيك بيع الجرانيل و المجلات اللى جنب قاعة المؤتمر فطلع عليه مجموعه اللى كانوا متربصين له و ضربوه بالنار فإستشهد و أذاعت وكالات الانباء خبر قتله اللى عمل عمل صدمه كبيره فى مصر اللى استغرب فيها الناس من بشاعة الجريمه و ازاى يتقتل اديب كبير صاحب قلم.

العمليه الإرهابيه و دم اديب مصرى ماكانتش اخر المطاف بالنسبه للإرهابين ، فبعد قتل يوسف السباعى أخد الإرهابيين 30 واحد من اعضاء المؤتمر رهاين و حبسوهم فى كافيتيريا الاوتيل و هددوا انهم حا يرموا عليهم قنابل يدويه إذا السلطات القبرصيه ما استجابتش لمطالبهم بنقلهم برا قبرص بطياره. السلطات القبرصيه وافقت و خصصت للإرهابيين طياره من نوع (DC8) و فى المطار ساب الإرهابيين حداشر رهينه و فضلوا خاطفين الباقى و طلعت الطيارة و حاولت تنزل فى كذا مطار منها مطارات فى سوريا و ليبيا و اليمن الجنوبى ( من دول جبهة الصمود و التصدى ) لكن طلبات النزول اترفضت فنزلت اضطرارى فى جيبوتى و قرر الإرهابيين الرجوع لقبرص. رجعت الطياره بالإرهابيين و معاهم الضحايا لمطار لارناكا.

فى مصر اتعملت جنازه عسكريه للشهيد يوسف السباعى اللى اتقتل بالغدر و ناب نايب الرئيس  حسنى مبارك  عن الرئيس السادات و اترددت فى مصر المصدومه نداءات ضد الارهاب و الفلسطينيين.

نزلت طياره عسكريه فى مطار لارناكا بقوات خاصه من الصاعقه المصريه عشان يحرروا الرهاين اللى خطفهم الفلسطينيين لكن فى نفس الوقت السلطات القبرصيه كانت وصلت لإتفاق مع الإرهابين و اعوانهم فى المنطقه العربيه على اساس انهم يطلقوا سراح الضحايا مقابل ان قبرص تدى الإرهابيين باسبورتات قبرصيه. لما حاولت القوات المصريه تقتحم الطياره اتعرضت لهجوم من قوات الحرس الوطنى القبرصى و قامت معركه بين الطرفين استمرت حوالى ساعه و ادمر القبارصه الطياره المصريه و استشهد 15 من القوات المصريه و اتجرح حوالى 80 واحد منهم و قبض القبارصه على الباقى. اتقال ان فلسطينيين من منظمة التحرير الفلسطينيه كانو فى ميدان المعركه و شاركوا القبرصيين فى معركتهم مع القوات المصريه و بعد كذا يوم شهد وزير الدفاع المصرى قدام البرلمان ان الموضوع كان مؤامره كبيره ضد مصر.

سافر الدكتور بطرس غالى لارناكا عشان يتفاوض مع القبارصه على اطلاق سراح العسكر المصرى المعتقلين و تسليم جثث شهداء مصر ضحايا الإرهاب عشان يتدفنوا فى بلدهم مصر.

رجع بطرس غالى مصر و معاه العسكر اللى سابهم القبارصه و بعد ما طلعت الطياره فى الجو اعلنت مصر قطع علاقتها بقبرص و سحب اعترافها بالرئيس القبرصى كابريانو و طلبت من قبرص سحب بعثتها الدبلوماسيه من القاهره.

استقبل المصريين قوات الصاعقه اللى رجعت مع بطرس غالى استقبال الابطال و اتكرموا و اخدوا اوسمه و اتعملت جنازه شعبيه ضخمه لشهداء مصر شارك فيها الرئيس السادات اللى قال إنه مش حايتوانى فى عمل عمليات زى دى لو حاول حد المساس بمصرى بره مصر.

فى 9 مارس بدإت محاكمة الإرهابيين الفلسطينيين زيد حسين على و سمير محمد خضير قدام محكمه قبرصيه و اتحكم عليهم بالاعدام فى 4 ابريل 1978 لكن الرئيس القبرصى بعد كام شهر اصدر قرار عفو عنهم و حل مكان الاعدام سجن أبدى و اتقال إن السبب كان  امن قبرص  حيث ان قبرص قالت انها اتلقت تهديدات من منظمات عربيه إرهابيه. القبارصه اطلقوا سراح الإرهابيين و سابوهم يخرجوا من قبرص. لكن القدر استنى الإرهابيين الفلسطينيين فى لبنان حيث انهم بعد كده اتقتلوا فى معارك مع اللبنانيين وقت الحرب الاهليه. الفلسطينى ابو نضال اللى اعلنت منظمته انها هى اللى نفذت عملية اغتيال يوسف السباعى اتلاقى مقتول برصاص فى راسه فى بغداد فى صيف 2002.

وزراء اعلام مصر




#Article 284: تاريخ مدريد (1222 words)


فيه نظريات كتيره عن اصل مدريد. و حسب الأسطورة اللى اسس مدريد هو اوكنو بييانور Ocno Bianor ابن الملك تيررينوس Tyrrhenius من توسكانى, و مانتوفا و كان اسم المدينة ماتريجريتا Metragirta او مانتوا, و فيه نظريه ان اسم المدينة الاصلي يورساريا Ursaria (ارض الدببه فى اللاتينى), لارتفاع عدد الدببه فى الغابات المجاورة, اللى مع شجرة التوت (مادرونيو madroño بالاسبانى), رمز للمدينة من القرون الوسطى.

من الشائع دلوقتى أن اصل اسم مدريد جاى من القرن التانى قبل الميلاد, و بنا الامبراطورية الرومانية لمستوطنة على ضفاف نهر مانزاناريس اسم القرية الأولى كان ماتريس Matrice على اسم النهر. وبعد الغزوات من السويڤيس و الڤاندال الجرمان, و الالانس خلال القرن الخامس الميلادي, ماقدرتش الامبراطورية الرومانية تدافع عن اراضيها فى شبه الجزيرة الايبيرية, وبالتالي سيطر عليها الجوث الغربيين.

فى القرن السابع سيطر العرب على شبه الجزيرة الايبيرية و اتغير الاسم لـ”مچريط“ , من الكلمه العربى مچرى  (المجارى او منبع المياه) و الرومانى الأيبيرى ايط بمعنى مكان. اسم مدريد الحديث مدريد اتطور من المزاربى ماتريت Mozarabic Matrit.

موقع مدريد استوطن مرات من عصور ما قبل التاريخ, و فيه ادله على وجود مستوطنات بشرية على مدرجات النهر و الخنادق المائية و جدران مدريد الاخيرة ما قبل التاريخ فى موقع مدريد دلوقتى.

الغزو والاستعمار الرومانى لشبه الجزيرة الايبيرية اخد حوالى 200 سنة من الحرب البونية التانية لسنة 27 قبل الميلاد و بعد كده خلال فترة الحكم الرومانى قسم الرومان شمال الإقليم لتلات محافظات  و منطقة مدريد دلوقتى كانت فى محافظة تاراكونيس (Tarraconense).

فى العصر الرومانى انتمت مدريد لأبرشية كومبلوتوم Complutum (دلوقتى فى قلعة ايناريس). و فيه قرية اثرية صغيرة خلال حقبة الجوث, واسمها يمكن اعتمده العرب بعدين.

و جايز إن إقليم مدريد فى فترة الحكم الرومانى كان مش أكتر من منطقة ريفية, بتستفيد من وجود الثروات الطبيعية وعبور الطرق, و فيه ادله بتبين ان كان فيه استيطان حضرى موجود فى منطقة سيجوفيا ستريت و ضفاف المانزاناريس. و تم اكتشاف كنيسه ڤيثجوثيك Visigothic قديمة قريبه من كنيسة سانتا ماريا دى لالمودينا. ادله وجود استقرار للسكان فى مدريد موجود من مقبرتين فى المستعمرة الڤيثجوثية اللى كانت موجوده.

اول سجل تاريخى عن وجود استقرار يعود تاريخه للفترة الإسلامية. و فى النص التانى من القرن التاسع, بين 852 و 886 لما امر محمد الاول ببنا قصر صغير (ألكازار) فى نفس مكان بالاسيو ريالمدريد دلوقتى علشان تبقى نقطة انطلاق لغارات ضد الممالك المسيحية فى الشمال.

فى الفتره دى يبدو ان كان فيه اختلاط بين اتنين من اسماء الاماكن متشابهة جدا: أوروبية, matrice, بمعنى مصدر, وغيرها من العربى, Majrà, بمعنى 'قناة' او من النهر. و الاتنين يشيرو لوفرة من الجداول والمياه الجوفية من الموقع.

سيطرت القوى المسيحية بقيادة ملك كاستيا الفونسو السادس على مملكة الطايفه فى توليدو فى 1085 و سيطرت على مدريد بدون مقاومة, وربما من خلال الاستسلام.

خلال القرن الاتناشر استمرت هجمات المسلمين على مدريد, للحصول على صلاحيات جديدة فيها, المرابطين, اللى حرقو المدينة فى 1109 والموحدين, اللى وصلو لموقع المدينة فى 1197. انتصار القوى المسيحية فى لاس ناڤاس دى تولوسا بالتأكيد استبعد المسلمين عن التأثير على وسط شبه الجزيرة.

سنة 1329 اجتمع الكورتيس دى كاستييا ) اول جمعية وطنيه (برلمان) فى مدريد علشان تقديم المشورة لفرناندو الرابع. مع انشاء البرلمان فى مدريد, ابتدت المدينة تنمو بصورة كبيرة بسبب البيروقراطية, وأعضاء الكورتيس و كان وجود الحكومه و الكورتيس فى مدريد ضرورى للناس فى معيشتهم.اليهود والعرب المغاربة كانو لسه عايشين فى المدينة فى مناطقهم, اللى لسه معروفة لحد دلوقتى باسم موريريا Moreria, لحد طردهم منها فى نهاية القرن الخمستاشر.

بعد متاعب كبيرة,اعاد انريكى التالت ملك كاستيا (1379-1406) بنا المدينة و فرض نفسه فى امان بره الجدران المتحصنة فى ايل باردو. الدخول الكبير لفرناندو و إيزابيل لمدريد بشر بنهاية الصراع بين كاستيا وأراجون.

وحد الملوك الكاتوليك (الملكة إيزابيل ملكة كاستيا والملك فرناندو التاني ملك أراجون) مملكة كاستيا, و عاصمتها فى توليدو, و تاج أراجون, و عاصمته فى ساراجوسا, فى مملكة اسبانيا الحديثة.,و رغم إن حفيدهم كارلوس الأولانى (المعروف كمان باسم تشارلز الخامس, امبراطور الامبراطوريه الرومانيه المقدسه كان بيفضل سيڤييا, كان اللى نقل الحكم لمدريد هو فيليبى التانى (1527-1598) ابن كارلوس الاولانى في 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسبانيا, و كانت مدريد مسيطرة على سيڤييا.

و بصرف النظر عن فترة وجيزة, 1601-1606, لما فيليبى التالت الحكم ل ڤايادوليذ, فضلت مدريد مركز لثروات اسبانيا. و خلال القرن الدهبى (سيجولو دى أورو), فى القرن الستاشر و القرن السبعتاشر مدريد بقت شبه العواصم الأوروبية, سكان المدينة كانت تعتمد اقتصاديا على اعمال العاصمه نفسها, و ماكانش فيها نشاط كبير . ف القرن السبعتاشر كبرت مدريد بسرعة و البلاط الملكى جذب فنانين و كتاب إسبانيا المعروفين لمدريد ، بما فيهم ذلك سرفانتس ، لوب دي فيغا ، وفيلاسكويز .هدم فيليبى الرابع سور المدينه سنة 1625, و بنا سور اتجاوز السور القديم لأسباب ضريبية (ضريبة Portazgo) و ده حد من نمو المدينة لحد القرن التسعتاشر

فيليبى الخامس قرر أن مدريد كواحده من العواصم الاوروبية مش ممكن تفضل فى الحاله دى و قرر يطورها و تم بنا قصور جديدة بما فيها قصر مدريد الملكى (بالاسيو ريال مدريد الاسباني) خلال فترة حكمه.

تمرد شعب مدريد ضد القوات الفرنسية يوم 2 مايو 1808 مثل بداية حرب الاستقلال. و قدم الملك خوسيه بونابرت (جوزيف بونابرت) اصلاحات فى العاصمة مع تكرار اوامره لهدم أديرة الراهبات علشان يعمل ميادين (ساحات) لدرجة انهم قالو عليه بيبى بتاع الميادين Pepe Plazuelas.

خلال القرن التسعتاشر, كان سكان المدينة فى ازدياد مستمر و كان فيه تغير جذرى فى نظام الملكية, بالإضافة لان اسعار المبانى كانت معقوله فكان سهل جمع الاموال لجمع الفن و علشان المؤسسات الثقافية زى متحف ديل برادو اللى أنشئ فى عهد فرناندو السابع علشان يبقى مبنى وزاره للعلوم والمكتبة الوطنية. و كان سهل كمان اقامة الجامعة المركزية فى مدريد, و اللى احتفظت باسم كومبلوتنسا و اتنقل هيئة التدريس والطلبه من جامعة الكالا قرب العاصمة.
و اتعمل نظام حديث لإمدادات الميه (قناة إيزابيل التانيه), و ابتدى السفر بالقطر من محطة اتوتشا و بقت مركز للشبكة الاتصالات اللاسلكية.
فى أواخر القرن التسعتاشر, ماقدرتش ايزابيل التانيه ملكة اسپانيا تقمع التوتر السياسى اللى كان بيوصل من تمرد للتانى و وصل للجمهورية الاسبانية الأولى. و بعد عودة النظام الملكي لمدريد, جت الجمهورية الاسبانية التانية الأسبانية, اللى سبقت الحرب الاهلية الاسبانية.

فى أول 30 سنة من القرن العشرين, عدد السكان قرب من مليون شخص  الضواحي الجديدة ساعدت على كده.

الانتخابات البلدية اللى اتعملت فى 12 ابريل 1931 شكلت انتصار كبير للجمهوريين فى مدريد, 69.2 فى المية من الاصوات (+88758 صوت) مقابل 33٬939 لاتحاد الملكيين  و انتخب بيدرو ريكو من الحزب الجمهورى الاتحادى عمدة لبلدية مدريد.

فوز الجمهوريين فى مدريد وغالبية العواصم الاقليمية كان معناه التحلل من العهد الملكى ومجيء الجمهورية الاسبانية التانية, و بعد كده اتولت لجنة من الجمهوريين السلطة فى 14 يونيه فى فترة ما بعد الظهر, وإعلان الجمهورية من مدريد.

مدريد كانت واحدة من أكتر مدن اسبانيا المتضررة بشدة من الحرب الاهلية (1936-1939). كانت المدينة معقل للجمهوريين فى الفترة من يوليه 1936. الضواحي الغربية كانت مسرح لمعركة شاملة فى نوفمبر 1936 و خلال الحرب الاهلية بقت مدريد اول مدينة تتقصف من الطيارات الحربيه على وجه التحديد اللى تستهدف المدنيين فى تاريخ الحروب. (بص على حصار مدريد (1936-39)).

وخلال ديكتاتورية فرانثيسكو فرانكو, وخصوصا خلال 1960s, بقت منطقة جنوب مدريد صناعية جدا, وكان فيه هجرات جماعية من مناطق اسبانيا الريفية من للمدينة. بقت منطقة جنوب شرق مدريد المحيط لسكن الطبقة العاملة اللى كانت قاعدة للنشاط الثقافى والإصلاح السياسى.

بعد وفاة فرانكو, قبلت الديمقراطية الناشئة (بما فيها جناح اليسار الجمهوري) الملك خوان كارلوس الاول ولي العهد للعيلة التاريخية خليفة لفرانكو علشان ضمان الاستقرار و الديمقراطية. وأدى ده للوضع الحالى لملكية دستورية و رأسمالية اقتصادية فى اسبانيا.

الاستفادة من زيادة الرخاء فى 1980-ات و 1990-ات, عزز موقف عاصمة اسبانيا الاقتصادى والثقافى والصناعى والتعليمى والتكنولوجى على مستوى القارة الأوروبية.




#Article 285: كاستيا (منطقه تاريخيه) (149 words)


كاستيا (عربى: قشتالة) كانت منطقة تاريخية تم دمجها تدريجيا مع جيرانها ، علشان تبقى تاج كاستيا و بعدين مملكة اسبانيا .

فى العصر الحديث فى إسبانيا ، عادة تعتبر منطقة كاستيا على أنها تضم مناطق كاستيا و ليون فى الشمال الغربى ، و منطقة كاستيا لا منتشا و كانتابريا و لا ريوخا لأسباب تاريخية و مدريد تعتبر فى وسط بلاد كاستيا.

ولكن فيه صيغ مختلفة للحدود الدقيقة لكاستيا كمنطقة تاريخية. اسم كاستيا يعني القلاع ، فى إشارة للقلاع اللى بنيت فى المنطقة لتأكيد و ضمان استرداد المسيحيين كاستيا من المور.

من الناحية التاريخية كاستيا المملكة والشعب اعتبرو المهندسين الرئيسيين للدولة الاسبانية من خلال عملية التوسع للجنوب ضد المسلمين ، والحروب ، والاستيعاب ، و ضم الممالك الشرقية والغربية الأصغر المجاورة ليها. و من ساعة حلول ملكية البوربون بعد حرب الوراثة الاسبانية لحد وصول الديمقراطية البرلمانية فى سنة 1977 اللغة الكاستيانية (الاسبانية) كانت هى اللغة الرسميه الوحيده فى الدولة الاسبانية.




#Article 286: بارود (106 words)


البارود (انجليزى:Gunpowder) ( او البودره السودا ) هو ماده متفجره معموله من الكبريت (S) و الفحم (C)و نترات البوتاسيوم(KNO3). التركيبه دي بتشتعل بسرعه و بينتج عنها حراره عاليه و كمية كبيره من الغازات اللى مسئوله عن دفع المقذوفة فى الاسلحه الناريه و كمان بتدخل فى تركيب الالعاب الناريه و البومب.البارود مابقاش يستعمل كتير فى الاسلحه الناريه الحديثه و بيستعملو بداله دلوقتي مادة تانيه اسمها بارود بدون دخان (Somkeless powder).
المعادله الاساسيه فى التفاعل الكيمياوي بتاع احتراق البارود هى:

البارود اخترعوه الرهبان التاويين فى الصين فى القرن التاسع و هم بيدورو على اكسير الحياه و اتوصلو له بعد قرون و قرون طويله من التجارب و الابحاث العلميه.




#Article 287: نادى الوصل (146 words)


نادى الوصل ده تيم كوره فى دبى فى دولة الامارات.

نادى الوصل بيعتبر من اعرق الأنديه فى الامارات. النادى كان اسمه فى الاول نادى الزمالك تيمنا بنادى الزمالك المصرى. لكن بعدين اتغير اسمه وبقى نادى الوصل. و الوصل ده هو اسم مدينة دبى زمان قبل ما يتغير ويبقى اسمها دبى. و على الرغم من تغيير اسم النادى لكن لسه بيرتبط بعلاقات ممتازه جدا مع نادى الزمالك صاحب الاسم الاصلى فى مصر.

نادي الوصل كان من بداياته من أهم أندية الامارات والخليج. وطلع منه نجوم معروفين قوى زي زهير بخيت و فهد خميس و ناصر خميس و فهد عبدالرحمن و حسن محمد وغيرهم. و من اللاعبين الحاليين خالد درويش و برازيلى اوليفييرا.

الوصل جاب فى تاريخه بطولات كتيره ، وبيعتبر تانى أحسن نادى فى تاريخ الدورى الاماراتى فى الفوز بالدورى اللى جابه 7 مرات اخرها كان فى 2007 لما جاب الثنائيه ، الدوري والكاس ، مع بعض.




#Article 288: شجر الدر (2498 words)


الملكه عصمة الدين  إتلقبت بـام خليل. اسمها الشعبي و المعروف شجرة الدر .( إتوفت فى القاهرة سنة 1257 )، أرملة السلطان الأيوبي الصالح نجم الدين أيوب اللى لعبت دور كبير و حاسم بعد وفاته والحرب ضد الحمله الصليبيه السابعه بتاعة لويس التاسع ملك فرنسا دايره فى مصر ( 1249 - 1250 ). بقت سلطانه على مصر فى 2 مايو سنه 1250، وانتهى بكده عصر الدوله الأيوبيه فى مصر وإبتدى عصر الدوله المملوكيه. بعد ما حكمت مصر كسلطانه 80 يوم إضطرت، تحت ضغوط الخليفه العباسى فى بغداد والأيوبيين فى الشام، إنها تتنازل لـ عز الدين أيبك عن العرش وتتجوزه فحكمت معاه مصر لغاية ما إتوفوا سنه 1257. وصفها المؤرخين بإنها كات ست جميله و ذكيه وعندها فضيله. بيعتبرها مؤرخين اول سلاطين الدوله المملوكيه فى مصر 

شجر الدر كانت جاريه من اصل تركى او جايز أرمنلى  إشتراها الصالح أيوب قبل ما يبقى سلطان ورافقته فى فتره إعتقاله فى الكرك سنه 1239 مع مملوك ليه اسمه ركن الدين بيبرس ( مش ركن الدين بيبرس السلطان المشهور الملقب بالظاهر بيبرس )  وخلفت منه ولد اسمه خليل إتلقب بالملك المنصور. وبعد ما اتخلص الصالح من الحبس راحت معاه مصر و إتجوزته ، وبعد ما اتسلطن (1240) بقت بتنوب عنه فى الحكم لما يكون بره مصر.

فى ابريل سنه 1249 والصالح أيوب فى الشام بيحارب الملوك الأيوبيين اللى بينافسوه على الحكم وصلته أخبار إن ملك فرنسا لويس التاسع (Louis IX) - اللى اتعمل قديس بعد وفاته - فى قبرص و فى طريقه لمصر على راس حمله صليبيه كبيره عشان يغزوها ، فرجع على مصر عيان جداً و قعد فى أشموم طناح  جنب دمياط على البر الشرقي من الفرع الرئيسي للنيل عشان يجهز الدفاعات لو هجم الصليبيين. و فعلاً فى يونيه 1249 نزل عساكر وفرسان الحمله الصليبيه السابعه من المراكب على بر دمياط و نصبوا خيمه حمرا للملك لويس  و انسحب العربان اللى كان حطهم الصالح فى دمياط عشان يدافعوا عنها فإحتلها الصليبيين بسهوله وهي خاويه من سكانها اللى سابوها بعد ما شافوا العربان هربوا  ، فزعل الملك الصالح وأعدم كام واحد من العربان بسبب جبنهم و خروجهم عن أوامره  ، و اتنقل و هوه عيان فى النزع الاخير على نقاله لمكان أأمن فى المنصورة. وفي 23 نوفمبر 1249 اتوفى الملك الصالح بعد ما حكم مصر عشر سنين و فى لحظه حرجه جداً من تاريخها.

شجر الدر استدعت قائد الجيش المصري  الامير فخر الدين يوسف  و رئيس القصر السلطاني  الطواشي جمال الدين محسن  وقالت ليهم إن الملك الصالح اتوفى و إن مصر دلوقتي فى موقف صعب من غير حاكم وفيه غزو خارجي متجمع فى دمياط، فاتفق التلاته على انهم يخفوا الخبر لحسن معنويات الناس والعساكر تتأثر و يتشجع الصليبيين . و فى السر من غير ما حد يدري نقلت شجر الدر جثمان الملك الصالح فى مركب على القاهرة و حطته فى قلعة جزيرة الروضه. و مع إن الصالح أيوب قبل ما يموت ما عملش وصيه بمين يمسك الحكم بعده، شجر الدر بعتت زعيم المماليك البحريه  فارس الدين أقطاى الجمدار  على حصن كيفا عشان يستدعي  توران شاه  ابن الصالح أيوب عشان يجي مصر يمسك الحكم بدل ابوه المتوفي.

الصالح أيوب قبل ما يتوفى كان مضى أوراق على بياض لشجر الدر عشان تستعملها لو مات، فبقت شجر الدر والامير فخر الدين يصدروا أوامر سلطانيه على الأوراق دي وقالوا إن السلطان عيان و ما يقدرش يقابل حد وكانوا بيدخلوا أكل فى القوده اللى المفروض انه راقد فيها عشان ما يخلوش حد يشك. وبعدين راحوا مصدرين قرار سلطاني بتجديد العهد للسلطان الصالح أيوب و تنصيب إبنه توران شاه ولي لعهد السلطنه المصريه و حلفوا الامرا و العساكر.

أخبار وفاة السلطان الصالح أيوب وصلت الصليبيين فى دمياط بطريقه ما، و فى نفس الوقت وصلت دمياط امدادات مع  الفونس دو بويتي  (Alphonse de Poitiers) اخو الملك لويس، فاتشجع الصليبيين و قرروا الخروج من دمياط والطلوع ع القاهره. وقدرت قوات من الفرسان الصليبيين بقيادة روبرت دارتوا (Robert d'Artois ) اخو الملك لويس من إجتياز قناة أشموم على مخاضه دلهم عليها واحد من العربان  فهجموا فجاءة على المعسكر المصري فى جديله على بعد حوالي 3 كيلومتر من المنصوره. فأتقتل الامير فخر الدين يوسف و هوه طالع من الحمام على صوت الضجه والصريخ و هربت العساكر اللى بغتها الهجوم الغير متوقع و راحوا على المنصوره.

الامير ركن الدين بيبرس عرض على شجر الدر، الحاكمه الفعليه لمصر فى اللحظه دي، خطة عملها يدخل بيها الفرسان الصليبيين المندفعين على المنصوره فى مصيده فوافقت شجر الدر على الخطه، و جمع بيبرس و فارس الدين أقطاي اللى بقى القائد العام للجيوش المصريه، العساكر المنسحبين من جديله و نظم صفوفهم جوه المنصوره وطلب منهم ومن السكان التزام السكون التام بحيث إن الصليبيين المهاجمين يفتكروا ان المدينه خاويه زي ما حصل فى دمياط. و فعلاً بلع الفرسان الصليبيين الطعم و اندفعوا جوه المنصوره و جروا على القصر السلطاني عشان يحتلوه، فطلع عليهم المماليك البحريه و المماليك الجمداريه فجاءه و هما بيصرخوا زي الرعد و هاجموهم من كل ناحيه بالسيوف و السهام وقتلوا فيهم وطلع سكان المنصوره و المتطوعين و هما لابسين طاسات نحاس ابيض بدل خوذات العساكر و ضربوهم بكل اللى طالته ايديهم.

المماليك حاصروا القوات الصليبيه المهاجمه وسدوا الشوارع و الحواري و بقم الصليبيين مش قادرين يهربوا و ما بقاش قدامهم إلا القتل على الارض او يرموا نفسهم فى مية النيل ويغرقوا فيه. واستخبى  روبرت دارتوا  اخو لويس جوه بيت، بس الناس لقته وقتلته. و انتهت المعركه بهزيمة الصليبيين هزيمة منكره فى حواري المنصوره و اتقتل منهم عدد كبير لدرجة إن من فرسان المعبد ما نجاش إلا واحد او إتنين.

ده كان اول ظهور للمماليك البحريه جوه مصر كمقاتلين بيدافعوا عنها، و فى اللحظه دي تاريخ مصر و المنطقه اللى حواليها كان بيتشكل عن طريق شجر الدر ورجاله حا يدخلوا تاريخ مصر و العالم زي الظاهر بيبرس و عز الدين أيبك و قلاوون الالفي و غيرهم.

فى فبراير 1250 و صل توران شاه مصر واتنفست شجر الدر الصعداء بعد الدور التاريخي الكبير اللى لعبته و قدرت تحمي مصر بحكمه و نباهه متناهيه، و أعلنت وفاة جوزها السلطان الصلاح أيوب رسمياً. و راح السلطان الجديد توران شاه طوالي على المنصوره و فى يوم 5 ابريل 1250 هرب الصليبيين على فارسكور و انهزموا هناك هزيمه ساحقه و اتأسر الملك لويس و اتربط بالسلاسل مع امراءه و نبلاءه.

بهزيمة الحمله الصليبيه السابعه على مصر و اسر الملك لويس التاسع بدأت النزاعات و الخلافات تظهر بين توران شاه من ناحيه و شجر الدر والمماليك من ناحيه. فتوران شاه كان فاهم انه مش ممكن حايقدر يحكم بجد طالما شجر الدر موجوده ومعاها امرا ومماليك أبوه، فبدأ يقبض على موظفين قدام ويبدلهم بناس جم معاه من حصن كيفا بما فى ذلك نايب السلطنه حسام الدين اللى بدله بجمال الدين اكوش. و بعدين راح باعت جواب لشجر الدر اللى كات ساعتها فى القدس  يهددها و يطالبها فيه بتسليمه فلوس أبوه و مجوهراته. شجر الدر غضبت من اسلوب تعامل توران شاه معاها مع إنها هى اللى حفظت سلطنه أبوه المتوفي
و هى اللى جابته مصر من حصن كيفا و نصبته سلطان، فراحت باعته للمماليك تقولهم عن تهديد توران شاه و معاملته ليها. لما عرف المماليك بجحود توران شاه زعلوا جداً خاصة فارس الدين أقطاي اللى كان اصلاً متضايق من توران شاه لإنه كان بيسكر و يقعد يشتم فى الامرا المماليك و يهددهم بالقتل. فى 2 مايو 1250 إغتال المماليك توران شاه فى فارسكور و بكده انتهى حكم الأيوبيه و انطوت صفحتهم فى مصر.

بعد ما أغتيل توران شاه إجتمع الامرا المماليك فى دهليز السلطان فى فارسكور وقرروا تنصيب شجر الدر سلطانه على مصر وعينوا الامير عز الدين أيبك أتابك على الجيش. و بعتوا لشجر الدر فى قلعة الجبل فى القاهره يقولولها على القرار اللى اخدوه فوافقت.

إتنصبت شجر الدر سلطانه على مصر بلقب  الملكه عصمة الدين ام خليل شجر الدر  و أخدت ألقاب تانيه زي  والدة الملك المنصور خليل امير المؤمنين  و  ام الملك خليل  و  صاحبة الملك الصالح . و اتصكت ليها الفلوس بألقاب  والدة خليل  و كات بتمضي على المستندات السلطانيه بالاسم ده. و كلها ألقاب حاولت تاخد بيها شرعيه للحكم بوصفها مرات السلطان و ام ابن السلطان والإتنين كانوا متوفيين.

بعد ما لويس التاسع المأسور دفع جزء من الديه اللى اتحطت عليه بسبب الخساير اللى سببها لمصر و وعد بإنه حا يدفع الباقي بعدين سمحت ليه شجر الدر بمغادرة مصر و أنقذت حياته فسلم دمياط و سافر على عكا يوم 8 مايو 1250 ومعاه إخواته و 12.000 أسير كان منهم عدد إتأسر فى معارك قديمه.

أخبار إغتيال توران شاه وتنصيب شجر الدر سلطانه على مصر وصلت الشام. القاهره طلبت من الامرا الأيوبيين فى سوريا إنهم يعترفوا بسلطة شجر الدر على الشام و طاعتها لكنهم رفضوا و اتمرد نايب السلطنه فى سوريا على الامر السلطاني الصادر من القاهره. و راحوا الامرا الايوبيين مسلمين دمشق للملك الأيوبي الناصر يوسف ملك حلب فرد عليهم المماليك المصريه بالقبض على أمرائهم المواليين ليهم فى القاهره. و كمان الخليفه العباسى المستعصم بالله بتاع بغداد . مارضاش يعترف بسلطة شجر الدر و بعت لمصر جواب يقولوهم فيه إن لو الرجاله انعدمت عندهم يقولوا فيبعتلهم رجاله. مع أن شجر الدر غلبت الصليبيين و حمت مصر وهو ما قدرش مع رجالته دول يحمي بغداد اللى دمرها المغول بعدها بكام سنه ، و قبضوا عليه و على رجالته و ركلوه برجليهم لغاية ما مات مع انه كان بيبعتلهم هدايا و بيديهم فلوس  عن النقطه دى بيقول الدكتور حسين فوزى :  تندر الخليفة العباسى بالمصريين إذ ولوا عليهم امرأة، و أبدى استعداده لإيفاد رجال من بغداد، إذا كانت الرجال قد عزت فى الديار المصرية. و يشاء القدر أن يرد سخرية هذا الخليفة الى نحره، بعد مضى سنوات قلائل،  لما انقض على دولته ملك المغول هولاكو، يدمر ملكه و حاضرة ملكه، فلا يجد رجالا يدفعون عنها الكارثة. و إذا مصر تجد فى رجالها، و فى المماليك اللى ولوا عليهم السيدة ام خليل، جيشاً قديراً على صد المغول و ضربهم فى عين جالوت.   و هوه الخليفه اللى قال عنه المؤرخ ابن أيبك الدواداري إنه  كان فيه هوج، وطيش، وظلم، مع بله، وضعف، وانقياد الى اصحاب السخف. يلعب بطيور الحمام، ويركب الحمير المصرية الفرء  

لكن رفض الخليفه العباسي الإعتراف بسلطة شجر الدر كان مشكله بالنسبه للماليك المصريه لإن العاده فى عصر الايوبيه ( السنه ) اللى حكموا بعد الفاطميين ( الشيعه ) إن السلطنة ما بيعترفش بيها ومابتبقاش ليها شرعيه من غير تقليد الخليفه ( السنى ) للسلطان الجديد. ففكر المماليك يعملوا إيه لغاية ما قرروا ان أحسن حاجه إن شجر الدر تتجوز الأتابك عز الدين أيبك و تتنازل ليه عن الحكم. و ده اللى عملوه، و إتجوزت شجر الدر أيبك واتنازلت ليه عن الحكم بعد ما حكمت 80 يوم.

مع إن فترة حكم شجر الدر كات قصيره لكن حصلت فيها حاجتين من أهم الحوادث التاريخيه، و هى هزيمة الحمله الصليبيه السابعه اللى بهزيمتها انتهت فترة الحملات الصليبيه الكبيره على جنوب حوض البحر المتوسط و مهدت لطرد الصليبيين من ممالكهم فى الشام. والحاجه التانيه هوه تلاشي الدوله الأيوبيه من مصر و بزوغ نجم المماليك اللى بقم سلاطين وبقت ليهم دوله كبيره منظمه استمرت لعقود من الزمان قدروا فيها يحموا مصر و البلاد اللى حواليها من الصليبيين و المغول. الحاجتين التانيين المهمين هوه ان واحده ست قعدت على عرش مصر و دى حاجه ما حصلتش من سنه 30 ق.م بعد موت الملكه كليوباترا السابعه ، و تأسيس سلطنه الحكم فيها ما بيقومش على وراثة العرش زى ما كان الوضع وقتها فى كل الممالك.

فى فترة حكم أيبك - واللي كات شجر الدر بتحكم فيها معاه - استمر الصراع مع الأيوبيين فى الشام. و انهزم الايوبيين الشاميه فى كل معاركهم العسكريه ضد مصر اللى كات قدراتها و امكانياتها العسكريه و الإقتصاديه بتفوق قدراتهم بمراحل. و حاول الناصر يوسف ملك سوريا الدخول فى حلف مع الصليبيين ضد مصر و فشل، ولما ظهر المغول نافقهم و حاول يتحالف معاهم ضد مصر لغاية ما دخلوا سوريا و احتلوا دمشق فهرب على مصر لكن السلطان قطز منع دخوله مصر بسبب خيانته فقعد تايه على حدود مصر لغاية ما المغول قبضوا عليه و بعتوه لـهولاكو فقتله بعد انتصار مصر على المغول فى معركة عين جالوت لإنه ما قدمش العون الكافي للمغول فى حربهم ضد مصر.

شجر الدر و أيبك نقلوا جثمان الصالح أيوب من قلعة جزيرة الروضه، اللى حطته فيها شجر الدر فى السر وقت الحملة الصليبية السابعه، لتربته فى القبه اللى بنتها ليه شجر الدر جنب المدارس الصالحيه فى منطقة بين القصرين فى القاهره. و اتعملت ليه مراسم دفن و اتصلى عليه بمشاركة أيبك و الملك الأشرف موسى و المماليك البحريه. و اتعمله عزا لمدة تلات تيام.

بحلول سنه 1257 المشاكل والشكوك المتبادله بين شجر الدر و أيبك زادت حدتها. أيبك كان سلطان بيدور على الامان و إستقرار حكمه، و مراته شجر الدر كات سلطانه وست بإراده صلبه قدرت تخلي بلد مالهاش حاكم تفضل متماسكه فى ظروف غزو خارجي مرعب. شجر الدر كات عايزه تحكم لوحدها وكات ساعات بتخفي أسرار الدوله عن أيبك، و فوق كده كات بتتحكم فيه و بتمنعه من إنه يزور مراته التانيه ام المنصور علي وبتطالبه طول الوقت بإنه يطلقها. لكن بدل ماأيبك يستجيب لمطلبها بتطليق مراته التانيه جهز نفسه عشان يتجوز ست تالته، و دي كات بنت بدر الدين لؤلؤ حاكم الموصل، وكان عايز يتجوزها عشان يبقى أبوها حليف ليه ضد أيوبيين الشام. ابو العروسه بدر الدين لؤلؤ قال لأيبك إن شجر الدر بعتت جواب للناصر يوسف و حذره منها. شجر الدر شكت فى نية أيبك ناحيتها و حست إنه ممكن يقتلها، و إعتبرته جاحد لأفضالها عليه. وكات النتيجه إنها دبرت خطه لقتله فدخل عليه الخدامين و هوه بيستحمى فى قلعة الجبل و خنقوه لغاية ما مات. و تاني يوم الصبح قالت انه مات فجاءه بالليل. قصة شجر الدر ما دخلتش دماغ قطز نايب السلطنه و المماليك المعزيه و حاولوا يقتلوها لكن المماليك الصالحيه اتدخلوا و حموها و قعدوها فى البرج الاحمر فى القلعه. و اعترف الخدامين تحت التعذيب بالمؤامره. وبعد كام يوم اتعثر على جثتها مرميه بره القلعه بعد ما ضربوها جواري المنصور علي وأمه لغاية ما ماتت. و أعدموا الخدامين اللى اشتركوا فى قتل أيبك.

إتدفنت شجر الدر فى مقبرة بتعتبر تحفه معماريه و فنيه فريده مرسوم على حيطانها شجرة الحياه بالموزاييك، على مسافه قريبه من جامع احمد بن طولون فى القاهره.

بيقول المؤرخ ابن إياس عن شجر الدر :  كانت ذات عقل و حزم، كاتبه قارئه، عارفه بإمور المملكه  و  نالت من الدنيا ما لم تنله امرأه قبلها و لا بعدها .

شجر الدر فى الفولكلور اسمها شجرة الدر (اسمها الشعبي) . و هى شخصيه من شخصيات سيرة الظاهر بيبرس. السيره الشعبيه دي اللى كان بيحكيها الحكاوتيه على القهاوي فى مصر لغاية بدايات القرن العشرين بتبين مدى حب المصريين للسلطان الظاهر بيبرس و شجرة الدر. و بتحكي السيره اللى معظمها خيال إن فاطمه شجرة الدر كات بنت خليفه اسمه المقتدر كان بيحكم فى بغداد لغاية ما المغول هجموا على مملكته و دمروها. وإن اسمها شجرة الدر سببه إن أبوها اللى كان بيحبها جداً أهداها فستان معمول من اللولي ( الدر ) فلما لبسته بقت زي ما تكون شجرة در. ولما طلبت منه انه يعملها ملكه على مصر إداها تقليد بحكم مصر. فلما راحت على مصر لقت الصالح أيوب بيحكمها فأتجوزها عشان يفضل فى الحكم معاها. ولما جه بيبرس مصر و دخل القلعه حبته زي إبنها. أيبك التركماني طالع فى السيرة راجل شرير من الموصل جه مصر عشان ينزع حكمها من شجرة الدر و جوزها الصالح. بعد الصالح ما اتوفى اتجوزت أيبك لكن الصالح أيوب جالها فى المنام و امرها بإنها تقتله. فلما قامت من النوم جابت السيف و قتلته. و لما دخل ابنه على القوده ولقاها قتلته خافت و جريت فجري وراها لغاية ما وقعت من القلعه و ماتت .

اسماء و ألقاب شجر الدر اتنقشت على عملاتها كده :  المستعصمة الصالحية ملكة المسلمين والدة الملك المنصور خليل امير المؤمنين . و اتنقش على ضهر العملات اسم الخليفه العباسي :  عبد الله بن المستنصر بالله  .




#Article 289: مسله (156 words)


المسلة هى عبارة عن عمود حجر مربع الشكل، قمته هرميه. طوله وصل ساعات لـ 30 متر و وزنه لـ 300 طن. نشات المسلات فى هليوبوليس فى مصر، و وضعت فى معابد الشمس من عصر العيلة الفرعونية الخامسه،، و وضعت على أبواب المعابد فى عصر العيلة الفرعونية الاتناشر و فى عصر الدولة الفرعونية الحديثة. ملوك الدوله الحديثه كانوا بيحطوها بمناسبة مرور 30 سنة على حكمهم.

كان بيتسجل على المسلات نقوش بتصور ساعات أحداث تاريخيه و عمرانيه و انتصارات الجيش المصرى.

بتتوسط باريس فى ميدان الكونكورد مسله مصريه ضخمه أهدتها مصر لـ فرنسا بسبب جهود العلما و المصرولوجيين الفرنسوين مثل شامبوليون و مارييت الذي كان لهم فضل كبير فى اكتشاف الحضارة المصريه القديمه. و حطتها فرنسا من 25 اكتوبر سنة 1863 فى ميدان من اكبر ميادينها كاعتراف بفضل مصر على تطور الحضاره الانسانيه.

غير فرنسا ، هناك مسلات مصريه بتزين شوارع و حدائق المدن فى ايطاليا و تركيا و انجلترا و فى حدائق سنترال پارك فى نيو يورك




#Article 290: سعد زغلول (458 words)


سعد زغلول (سعد باشا زغلول) (ابيانه ، مركز فوه ، كفر الشيخ ، 1859 - 23 أغسطس 1927) كان سياسى مصرى. و كان رئيس وزراء مصر فى الفترة من 26 يناير1923 ليوم 24 نوفمبر1924 ، وهو اخو القاضى احمد فتحى زغلول .

اتولد سعد زغلول فى قرية إبيانة فى محافظة الغربية فى الدلتا ، دلوقتى أبيانة تبع محافظة كفر الشيخ، وسعد زغلول قاد حزب القوة الوطنية حزب الوفد فى مصر ، اللى طالب بالاستقلال. البريطانيين حاولو إضعاف قضية القومية من خلال اعتقال زغلول ،لكن ده كان نتيجته احتجاجات ، و العصيان المدنى و اعمال شغب . يعتبر من مؤسيين الليبرالية فى مصر.

بعدما انتهت الحرب العالمية الاولى , قرر سعد زغلول انه يكون وفد مصرى عشان يدافع عن فكرة استقلال مصر من الاحتلال الانجليزى ويحضر مؤتمر الصلح اللى كان فى باريس , فرنسا فى سنة 1918, وده معناه ان مصر مستقلة ومش تابعة للانجليز . ودعا الناس عشان يكونوا وفد من السياسين والمثقفين المصرين عشان يمثلوا الشعب المصرى و بدئوا فعلا يلموا توقيعات من الناس والسياسين والمثقفين عشان يبقوا ممثلين رسمين للشعب وكان معه فى الوفد مصطفى النحاس و مكرم عبيد و احمد لطفى السيد و عبد العزيز فهمى و على شعراوى وحمد الباسل وسموا نفسهم الوفد المصرى. و كان نص اللى اتكتب بيه كان نحن الموقعين على هذا قد أنبنا عنا حضرات: سعد زغلول و.... في أن يسعوا بالطرق السلمية المشروعة حيثما وجدوا للسعي سبيلاً في استقلال مصر تطبيقاً لمبادئ الحرية والعدل اللى تنشر رايتها دولة بريطانيا العظمى.

الانجليز رفضوا سفر الوفد المصرى عشان كده ده اعتراف ان مصر دولة مستقلة. اتقبض على سعد زغلول و بقية اعضاء الوفد المصرى و اتنفوا لجزيرة مالطا فى سنة 1919 وده اللى كان سبب قيام الثورة .

يوم 9 مارس 1919 ،ابتدت الثورة بعد نفى سعد زغلول و بدأت الثورةالمصريين بيسموها الثورة الاولى و ابتدت مظاهرات احتجاج فى القاهرة ، و انتشرت بسرعه فى كل مصر. وشاركت فى الثورة جميع طوائف و فئات الشعب المصرى و شاركت النساء لاول مرة فى تاريخ مصر فى المظاهرات بقيادة زوجتة سعد زغلول وهي صفية زغلول. وكان الناس بيخطبوا فى كل مكان و تطالب بعودة سعد زغلول والاستقلال و أن الانجليز يلغوا الاحكام العرفية اللى فرضوها على المصرين. بعد احداث الثورة هذيه, الانجليز أعادواالوفد المصرى و لغوا الاحكام العرفية و وعدوا المصرين بالاستقلال بعد 3 سنوات ولكن بشرط ان القوات الانجليزيةتظل موجودة, و هذا الذي حدث فعلا

ايام ثورة 1919 و سعد زغلول ماكانش فيه حاجه فى مصر غير الهويه المصريه ماكانش فيه حاجه اسمها هويه عربيه لما اتسأل سعد زغلول عن فكرة تجمع الشعوب بإسم العروبيه رد بكلمته الساخره المشهورهالعرب ليسوا سوى صفر + صفر= صفر

مراته صفية زغلول ، بنت مصطفى فهمى باشا ، كانت نشيطة فى مجال السياسه و الثوره النسائيه و اتسمت  ام المصرين  . اتعرف بيتها ببيت الامه عشان كان بيجتمع فيه سعد زغلول مع الناس لمناقشة مطالب الشعب.




#Article 291: يوليوس قيصر (101 words)


يوليوس قيصر (جايوس يوليوس قيصر) 13 يوليه 100 ق م ,كان قائد عسكرى و زعيم سياسى رومانى. لعب دور حاسم فى تحويل الجمهوريه الرومانيه ل الامبراطورية الرومانية. يوليوس قيصر كان سياسى شعبى و شكل مع بومبى و كراسوس اول حكم ثلاثى اللى حكم الجمهورية الرومانية بشكل مهب رسمي. و هيمن على الحياة السياسية لسنين.و غزو يوليوس قيصر لبلاد الغال مدد سيطرة روما لبحر الشمال ، و مثل تحت قيادته الرومان غزوا بريطانيا كانت اول غزو رومانى لبريطانيا فى 55 قبل الميلاد.

قيصر أضنته امه فى عيلة أرستوقراطية. ادعى النسب من أسطورة طروادة الامير إينيس ، و ادعى انه ابن الآلهة ڨينوس.




#Article 292: ورق (128 words)


الورق هوه ماده رقيقه مسطحه بتتعمل من الالياف النباتيه (السيليولوز)غالبا عشان يتكتب عليها او يتلف فيها الحاجات التانيه.الورق عنده القدره انه يمتص السوايل و عشان كده بيستعمله فى صناعة المناديل الورق و قريب بدأو يستعمله فى بنائة البيوت و كمان بياكلوه فى بعض بلدان اسيا.
المصريين القدام هما اول ناس يخترعو و يستعملو الورق من حوالي 3500 سنه (ق ع ح ) و كانو بيعملوه من نبات البردى اما اول ورق حقيقي بيعتقد العلما انه اتعمل فى الصين فى القرن التاني الميلادي ومن الصين انتشر للعالم ووصل لاوروبا فى القرن الاتناشر.
فى القرن التسعتاشر ابتدا الاوروبيين ينتجو الورق بكمبات كبير لما ااستعملو الماكينات الحديثه و دا كان ليه تأثير مهم فى مجالات الثقافه لانه لاول مره اتوفرت المعلومات للناس بسعر رخيص فى شكل الكتب و الجرانيل و الجوابات.




#Article 293: حشيش (127 words)


الحشيش هوه ماده ملزقه و تخينه و لونها بني غامق بيستخرجوها من مبيض انثي نبات اسمه العلمي القنب الهندي (Cannabis indica). و بيتزرع فى المناطق الاستوائية .والحشيش اكتر مخدر منتشر فى العالم .لانه رخيص وبيتشرب بطريقة سهلة.الماده الاساسيه فى اوراق و زهور نبات القنب اسمها تيتراهيدروكانابينول (THC) وهي دي السبب فى حالة اليوفوريا(السعاده) اللى بتيجي لمتعاطي الحشيش.

فيه مخدر تاني بيتعمل من نفس النبات و اسمه الماريجوانا او البانجو بس دا فيه نسبه (THC) اقل من الحشيش وبتكون فيه نسبة الاوراق (المجموع الخضري ) فيه اكتر بكتير من المادة المخدرة.

زراعة و استخلاص و بيع و تعاطي الحشيش عمليات مش قانونيه فى بلاد و ممكن توصل عقوبتها لحد الاعدام ، وعلى العكس الحشيش بيتقدم فى قهاوي متخصصه  فى هولاندا بشكل شرعي و تعاطيهما مبتعتبروش الحكومه هناك جريمه.




#Article 294: السعيد بركه قان (2433 words)


الملك السعيد ناصر الدين محمد بركة قان بن الملك الظاهر بيبرس البندقداري الصالحي النجمي  ، اتلقب بـ ابي المعالي ( اتولد فى القاهرة سنة 1260 - اتوفى فى الكرك سنة 1280 ). خامس سلاطين المماليك البحرية ، وأول اللى اتربعوا على عرش السلطنة من أولاد السلطان الملك الظاهر ركن الدين بيبرس البندقداري. حكم بعد وفاة أبوه حوالي سنتين من 1277 لغاية 1279.

السلطان الظاهر بيبرس خلف سبع بنات و خمس أولاد، منهم ولدين ماتوا وهما عيال صغيريين . السعيد ناصر الدين بركة كان اكبر اللى اتبقوا على قيد الحياه من ولاد بيبرس. السعيد بركه اتولد فى حارة العُش فى القاهرة فى يناير 1260 

فيه مؤرخين أوربيين و مصريين معاصرين، جايز بسبب تشابه الاسماء، ذكروا أن امه كات بنت بركه خان بن جوجى، حفيد جنكيز خان وملك مغول القبيله الدهبيه، اللى اعتنق الاسلام وانضم للماليك فى حربهم ضد مغول فارس (الالخانات ). لكن بالاستناد على المؤرخين المصريين اللى عاصروا العصر المملوكي، السعيد بركة كان حفيد للامير  حسام الدين بركة خان بن دولة خان الخوارزمي  مش لبركة خان المغولي 
.

قبل ما يتوفى الظاهر بيبرس حضر ابنه الملك السعيد عشان يورث العرش من بعده، فكان بياخده معاه فى الاحتفالات والعروض والتدريبات العسكريه، وفي 8 أغسطس 1264 ركبه بشعار السلطنه، لكن لانه كان لسه ما بلغش سن الرشد عين  عز الدين أيدمر الحلي  أتابك ليه، واتزينت القاهره واتعملت الاحتفالات بالمناسبه دي . وفي 22 سبتمبر 1268 ركب الملك السعيد فى الموكب زي ما كان بيركب أبوه وقعد فى الايوان، وبعد كام يوم فوضت السلطنة ليه ، و من ساعتها بقى يقعد فى الايوان فى قلعة الجبل  يخلص الاشغال وبقي يمضي على الأوراق و المستندات نيابه عن أبوه. وفي نفس السنه الظاهر بيبرس طلع الحج وكان الملك السعيد امير المحمل المصري. و فى ديسمبر 1270 طلع الملك السعيد مع أبوه على الشام عشان يهاجموا حصون الصليبيين. وفي سنة 1273 قاد الملك السعيد بنفسه تجريده على الشام و أنعم على الامرا هناك 

الملك السعيد بقى سلطان مشارك فى الحكم ونايب لأبوه وقت غيابه بره مصر  وأخد له الظاهر بيبرس العهود و المواثيق من كبار امرا الدوله، وبعدين جوزه سنة 1275، قبل مايتوفى بسنتين، من  غازية خاتون  بنت كبير امرا المماليك الصالحية قلاوون الالفي عشان يضمن له ولاء قلاوون وأمرا المماليك الصالحية.

فى 2 مايو 1277، اتوفى الظاهر بيبرس فى دمشق . او فى حته جنبها  وهو راجع مصر مقر ملكه بعد ما غلب المغول فى معركة الأبلستين، فاتفق الامرا انهم يخفوا خبر وفاته لغاية ما ينصبوا سلطان مكانه لانهم خافوا ان المغول يرجعوا و يهاجموا الشام تاني لو عرفوا انه اتوفى و مصر مافيهاش سلطان، و بعت الامير بدر الدين بيلبك الخازندار نايب السلطنه، اللى كان موجود فى الشام مع بيبرس، جواب للملك السعيد وهو وهو فى قلعة الجبل فى القاهرة يقوله ان أبوه اتوفى . فقرا الملك السعيد الجواب و ما بينش حزنه على أبوه وبين انه فرحان جداً وقال للامرا ان الجواب بيقول ان أبوه الملك الظاهر جي فى السكه 

فى 19 يوليه 1277، وصل الامير بيلبك القاهره وطلع الايوان فى قلعة الجبل وسلم الملك السعيد الخزاين والعساكر، و هتف الحاجب :  يا امرا اترحموا على السلطان الملك الظاهر . فأتخض الامرا وقعد الموجودين يعيطوا و يصرخوا، ورمى الامرا نفسهم على الارض وباسوها للملك السعيد. واتجدد العهد ليه ( كان أبوه بيبرس سلطنه قبل كده )، و حلف الامير بيلبك العساكر وموظفين الدوله و أخد ولائهم للملك السعيد فى حضور القضاه. تاني يوم، وكان يوم جمعة، اتردد الدعا على منابر مصر والقاهره للملك السعيد واتعملت صلاة الغايب على الملك الظاهر. و بعدين بعتت القاهره جواب للشام يعلن وفاة الملك الظاهر واتأمرت العساكر بمبايعة الملك السعيد اللى كان عمره وقتها تسعتاشر سنه. مع ان الأمراء الصالحيه ، وعلى راسهم قلاوون الالفي صهر الملك السعيد، كانوا بينافسوا الأمراالظاهريه  و كانوا بيعتبروا نفسهم أحق وأجدر بالحكم  لكنهم وافقوا على تنصيب الملك السعيد سلطان على مصر وملحقاتها كتكريم لأبوه المحبوب المتوفي و بسبب قوة و كترة المماليك الظاهريه. تولية الملك السعيد - وغيره من ولاد السلاطين بعد كده - ما كانش بسبب ايمان امرا المماليك بمبدأ توريث الحكم، ولكن كات بغرض تنصيب سلطان مؤقت على تخت السلطنه لغاية ما تنتظم الامور فيزيحه عن العرش امير مؤهل للحكم فيقعد مكانه. الظاهر بيبرس كان طبعاً بيدرك ده و قبل وفاته كتب وصيه لابنه الملك السعيد يحذره فيها من الأمرا الأكابر اللي حا يعتبروه مجرد عيل ، ونصحه باستعمال العنف ضد كل من يقف في طريقه ويهدد عرشه.

استمر الأمير بيلبك في نيابة السلطنه لكنه عيي و مات ، واُتهم الملك السعيد بانه سمه بنصيحه من خاصكيته من الأحداث اللي كانوا صحابه و محاوطينه .، الامير بيلبك كان راجل محنك فى السياسه و له خبره كبيره فى شؤون الحكم، فلما مات ابتدت أحوال الملك السعيد تضطرب وتختل 

الملك السعيد عين الامير  شمس الدين آقسنقر الفارقاني  نايب للسلطنه وكان راجل حازم جد فماطاقهوش صحاب الملك السعيد وقعدوا يكيدوا له و يقلبوا الملك السعيد عليه لغاية ما عزله وقبض عليه و حطه فى السجن واتهان فيه اليه و قتلوه الخاصكيه بعد كده. و راح معين الامير  شمس الدين سنقر الالفي المظفري  . بدل آقسنقر، لكنه برضه ما كانش على هوى صحابه فقالوا للملك السعيد انه مش من الظاهريه لكن من مماليك الملك المظفر قطز وأنه حا ينقلب عليه ويشيله من الحكم لو خلاه فى نيابة السلطنه، فراح الملك السعيد عزله هو التاني وعين بداله الامير  سيف الدين كوندك الساقي ، وده كان راجل من اصل مغولي و من الخاصكية  واحد من الخاصكية اسمه  لاجين الزيني  سيطر على عقل الملك السعيد وكان له مشاكل مع كونداك و ما بيحبهوش فأدى الموضوع لحدوث انقسام بين المماليك و العساكر و ضم كونداك شوية امرا أكابر لصفه ضد عصبة لاجين الزيني.

الملك السعيد قعد يقدم المماليك الصغار بتوع خاصكيته على أكابر الأمرا، وقبض على الأمير جودي القيمري وده زعل الأمرا الصالحيه صحاب أبوه زي صهره سيف الدين قلاوون، وشمس الدين سنقر الأشقر، وعلم الدين سنجر، وبدر الدين بيسري وغيرهم. وبعدين اتمادى فى تصرفاته الغلط وقبض على الامرا سنقر الاشقر وبيسري  ، و الاتنين دول كانوا من المقربين جداً لأبوه، و حطهم فى سجن القلعة فزود غضب الامرا الصالحيه عليه. و بعدين راح قابض على شويه من امرا العشرات اللى كانوا تبع مماليك أبوه. خاله الأمير بدر الدين محمد بركة خان راح لأخته أم السلطان، وقال لها :  ابنك أساء التدبير بقبضه على ناس زي الأمراء الأكابر دول، والمصلحة انك ترديه للصح، والا حا يفسد نظامه وحا تقصر أيامه . فلما الملك السعيد عرف اللي قاله خاله لأمه راح قابض عليه هو كمان . وبعدين سابه هو و الأمرا بعد ما أمه عنفته ولاطفته ، ولكن ده كان بعد ما كبرت عداوة الصالحيه ليه.

الأمرا فقدوا ثقتهم في الملك السعيد و خافوا من غدره بيهم ففكروا انهم يسيبوا مصر و يروحوا الشام، لكنهم اتفقوا على انهم يطلعوا له في قلعة الجبل ومعاهم مماليكهم وعساكرهم وأتباعهم، فطلعوا له بالمنظر ده و بعتوا يهددوه و يقولوا له :  انت أفسدت الخواطر، واتعرضت لأكابر الأمرا، فاما انك ترجع عن اللي انت فيه والا حايكون لنا معاك شأن . لما سمع الملك السعيد الكلام ده خاف فقعد يلاطف الأمرا و اتنصل من أفعاله وأقسم لهم انه مش في نيته انه يضرهم.

فى الغضون دي، امر الملك السعيد بدفن جثمان أبوه الظاهر بيبرس فى دمشق بدل ما يرجعه مصر، فاشترى نايب السلطنه فى الشام  عز الدين أيدمر  دار العقيقي جوه باب الفرج جنب المدرسة العادليه و عملها مدرسه وبنى فيها قبة. و طلع من القاهرة الامير  علم الدين سنجر  ( ابي خرص ) والطواشي  صفي الدين جوهر الهندي  و دخلوا دمشق، واتشال جثمان الملك الظاهر من قلعة دمشق بالليل و اتحط فى الجامع الأموي و اتصلى عليه، وبعد كده اتشال واتدفن فى القبة فى المدرسه اللى اتبنت له.

في شهر فبراير 1279 الملك السعيد حب يزور دمشق بعد ما اتمرد وخرج عن طاعته نايبها عز الدين أيدمر .، فخرج من مصر ومعاه امه وأخوه الملك نجم الدين خضر والأمرا والعساكر. فى دمشق لغى الملك السعيد المكوس السنويه اللى كان أبوه بيبرس فرضها على مزارع الشام بسبب الحرب ضد المغول. خاصكيته نصحوه انه يبعد أكابر الامرا عنه، فطلب من الاميرين قلاوون الالفي وبيسري انهم يروحوا على مملكة كيليكيا ( مملكة ارمينيا الصغرى ) عشان يشنوا غاره عليها. فطلعوا الامرا على قليقيه على راس عشرتلاف عسكري  وهم غضبانين من الملك السعيد من تصرفه ده 

و الامرا فى كيليكيه قرر الملك السعيد مع خاصكيته انهم يقبضوا عليهم لما يرجعوا و ياخدوا اقطاعاتهم و يوزعوها على نفسهم. الامير كوندك نايب السلطنة كان مطلع على طلب الخاصكيه ورفض السماح لواحد منهم بأخد مبلغ كان الملك السعيد امر انه يديهوله فاتخانق لاجين الزيني والخاصكيه مع كوندك وأهانوه وطلبوا من الملك السعيد انه يعزله فسمع كلامهم وعزله، فلما تم لهم اللى كانوا عايزينه راحوا لكوندك عشان يقبضوا عليه او يقتلوه لكن الامير سنقر الأشقر أنقذه منهم. و لما رجع الأمراء من قليقيه راح لهم كوندك مع كام واحد من صحابه المغول وقابلهم عند المرج الاصفر وقالهم على اللى حصل من خاصكية الملك السعيد فى حقهم وحقه، وقال لهم :  الملك السعيد ناوي يقبض عليكم لما ترجعوا مصر وانه مش حا يعتق اى واحد من الامرا الكبار، و ادى أخبازكم لمماليكه الخاصكيه ، فغضب الامرا أشد الغضب و أقسموا انهم يتعانوا مع بعض لوضع حد للحاجات دي.

الامرا بعتوا للملك السعيد يعرفوه انهم فى المرج الاصفر وقالوله ان الامير كوندك اشتكى ليهم من لاجين الزيني شكاوي كتيره، وطلبوا منه انه يبعتهولهم فى المرج عشان يشوفوا ايه الموضوع . لكن الملك السعيد ما أبداش اهتمام بطلبهم، وبعت جواب للأمراالظاهريه اللى كانوا معاهم انهم يسيبوهم و يروحوا له. لكن الجواب وقع فى ايد كوندك فاخده ووراه للامرا الصالحيه فسابوا المرج ومشيوا على طول و هم متفقين على ان الملك السعيد أسرف وأفرط فى سؤ الرأي وأفسد التدبير .

الملك السعيد حس بالخوف من اللي حصل ، فبعت لهم الأمرا  سنقر الأشقر  و سنقر الأستادار  عشان يقنعوهم بالرجوع. لكن الأمرا رفضوا يرجعوا فزاد خوف الملك السعيد، واترددت الرسل بينه وبينهم لغاية ما طلبوا منه في الأخر انه لازم يبعد خاصكيته وقالوله:  ابعد العيال الخاصكيه اللي لعبوا بدماغك، وطلعهم من عندك، واحنا نيجي ونتفق معاك على المفيد  ، فما وافقش و كتب لهم انه ما يقدرش يعمل كده . و بعت لهم امه مع الامير  سنقر الأشقر  عشان تسترضيهم بس ما نجحتش فى الوساطه  اكمنه رفض تاني انه يبعد خاصكيته بعد ما صحابه قالوله :  كل اللي عايزين من ابعادنا عنك انهم يتمكنوا منك ويعزلوك من الملك 

الامرا والعساكر طلعوا على مصر فنصحه الامير علم الدين الحلبي انه يلحقهم بسرعة و قاله :  المصلحه انك تلحقهم خطوة بخطوة و ما تخليهومش ياخدوا قلعة الجبل  .، فأخد بالنصيحه و طلع وراهم عشان يلحقهم قبل ما يوصلوا مصر، بس رجع دمشق بعد ما مقدرش يحصلهم و بعت امه على الكرك، و لم عساكر دمشق وصفد وطرابلس و جاب شوية عرب من جبل نابلس و طلع بيهم على مصر 

فى مصر، الامرا  عز الدين أيبك الأفرم  نايب قلعة الجبل، و  أفطوان الساقى  و  بلبان الزربقى  و  لاجين البركخاى  قفلوا أبواب القاهره وحصنوا قلعة الجبل اللى الامير قلاوون بعد ما وصل القاهره عسكر جنبها تحت الجبل الاحمر. وطلب منهم قلاوون انهم يفتحوا أبواب القاهره عشان العساكر تقدر تدخل وتروح بيوتها. فنزله الامرا  عز الدين الأفرم  و  أقطوان  و  لاجين البركخاى  من القلعه عشان يكلموه و يعرفوا ايه اللى حصل، فاتقبض عليهم و اتفتحت أبواب القاهره فدخل بقية الامرا والعساكر و حاصروا القلعه اللى اتحصن جواها الامير  بلبان الزربقى  

الملك السعيد وصل بلبيس وهناك خانوه العساكر الشوام و العرب و سابوه و رجعوا دمشق ، و ما حدش فضل معاه غير المصريين و مماليكه و من الأمرا الكبار ما حدش فضل وياه غير سنقر الأشقر بس ، و حتى سنقر كمان فارقه عند المطريه. و اتمكن الملك السعيد من دخول قلعة الجبل من غير ماحد يشوفه بسبب الضباب اللى كان يوميها مالى الجو. و لما الأمرا عرفوا انه دخل قلعة الجبل رجعوا و حاصروها تاني. ونزل الأمير  الزربقي  من القلعه وانضم للأمراء الثايرين بعد ما اتخانق ويا  لاجين الزيني ، وبدأ المماليك يتسربوا واحد ورا واحد من القلعه بما فيهم  لاجين الزيني  سبب المشاكل ، و انضموا للامرا.

طلع الملك السعيد بلكونة برج الرفرف و قعد ينادي على الأمرا :  يا أمرا ! أرجع لرأيكم، و مش حا أعمل غير اللي تقولوه. لكن ماحدش رد عليه.

استمر حصار قلعة الجبل اسبوع، و اشترك في الحصار ده عدد كبير من أكابر الأمرا بما فيهم أبو مراته سيف الدين قلاوون. وفي الأخر بعت الملك السعيد الخليفه الحاكم بأمر الله أحمد للأمرا يقولهم :  يا أمرا ! ايه غرضكم؟  فرد الأمرا :  يخلع الملك السعيد نفسه من الملك، ونولي اخوه، لان لأبوه أمانه في رقابينا اننا ما نقتلهوش، وان كان ما يصلح، نمشيه ع الكرك فيخلع نفسه، ويتوجه في دعة الله على الكرك، وهو آمن على نفسه وحريمه .

فى 17 أغسطس 1279 استسلم الملك السعيد لمطلب الامرا وخلع نفسه. وبعد أن أقسم انه حا يقعد في الكرك، و مش حا يكاتب النواب ، وانه مش حا يحاول يستميل العسكر، طلعوه طوالي على الكرك في صحبة الأمير  بيدغان الركني . فكات مدة سلطنته من يوم وفاة أبوه الظاهر بيبرس ليوم خلعه سنتين وشهرين وتمن تيام .

بعد ما اترحل الملك السعيد على الكرك اقترح الامرا تنصيب الامير سيف الدين قلاوون سلطان على مصر و توابعها لكن رفض و قالهم :  أنا ما خلعتش الملك السعيد طمعاً فى السلطنة، والأولى ان الامر ما يخرجش عن ذرية الملك الظاهر . و ده لان قلاوون كان مدرك أن معظم العسكر كانوا من الظاهريه  وان القلاع كات فى ايدين نواب الملك السعيد. و جابوا سُلامش اخو الملك السعيد، وكان لسه عيل صغير عنده بتاع سبع سنين و نصبوه سلطان، و عينوا الامير  عز الدين الأفرم  نايب للسلطنه والأمير قلاوون أتابك والحاكم الفعلي للبلاد . وبعد مية يوم، بعد ما قلاوون نظم نفسه وسيطر على زمام الامور، عزل سُلامش و رحله هو كمان على الكرك بحجة ان الحكم ما يستقمش الا براجل كامل، و بقى هو السلطان 

فى 14 مارس 1280م اتوفى الملك السعيد فى الكرك وعمره بتاع عشرين سنة بعد ما جاتله حمى بعد ما وقع من ع الحصان و هو بيلعب الكورة . ونقلت امه جثمانه على مصر واتدفن فى القرافة الصغرى لكن اتقال كمان انه اتدفن فى تربة ابوه فى دمشق 

كان الملك السعيد شاب وسيم و شكله جميل ، و كان على النقيض من أبوه الجد بيميل لقعدات الفرفشه والشرب مع خاصكيته ، لكن المصريين كانوا بيحبوه لانه كان ابن محبوبهم بيبرس، و اكمنه كمان كان معروف بالمودة والكرم وحب العدل وكرهه لسفك الدم ، المصريين زعلوا عليه جداً، و اتقهرت عليه مراته اللى كات بنت قلاوون، و عيطت عليه عياط جامد و فضلت مخلصه له و ما اتجوزتش بعده. قلاوون كمان بين حزن كبير على الملك السعيد و قعد مكتئب فى صوان العزا اللى عملهوله فى ايوان قلعة الجبل وصلى عليه صلاة الغايب ، مع ان المصريين العامه اتهموه بانه سمه . الملك السعيد كان خلف ولد من محظيه قبل خلعه بشويه.

الرنك : الأسد.

بتبين عملات الملك السعيد أن الرسم الصح لاسمه هو :  بركة قان  مش  بركة خان .

اتنقشت على عملات الملك السعيد أساميه وألقابه كده : الملك السعيد ناصر الدنيا والدين بركة قان قسيم امير المؤمنين .

و ظهر اسم وألقاب أبوه الظاهر بيبرس كده :  الملك الظاهر قسيم أمير المؤمنين . و المقصود بأمير المؤمنين الخليفه العباسى اللي كان مقيم في القاهره .

ألقاب ومصطلحات مملوكية جت فى المقاله :




#Article 295: يسوع (388 words)


يسوع الناصرى ، المعروف ايضا باسم يسوع المسيح ، فى المسيحيه ، شخصية محوريه تؤمن كل الكنائس المسيحيه انه ابن الله و الله المتجسد.اليهودية بترفض الادعاء بأن يسوع هو المسيا

المصادر الرئيسيه للمعلومات عن حياة وتعاليم يسوع هى الاناجيل الكنسيه الاربعه الموجوده فى كتاب العهد الجديد ، و ان كان فيه باحثين يقولون ان النصوص الثانيه (مثل انجيل لوقا) ، هى ايضا مصادر للمعلومات عن يسوع التاريخى.

معظم الباحثين فى مجالات التاريخ التوراتى والدراسات التوراتية يعتقدون ان النصوص القديمة عن حياة يسوع هى ، على الاقل جزئيا، دقيقة. و بيوافقو على أن يسوع كان يهودى جليلى و كان بيعتبر معلم و مداوى كمان عموما بيقبل انه اتعمد بواسطة يوحنا المعمدان ، و اتصلب فى اورشليم بناء على أوامر من محافظ يهودا الرومانى بيلاطس البنطى ، بتهمة التحريض على العصيان ضد الامبراطورية الرومانيةو دا بسبب ان الفقراء و المضطهدين اعتبروه ملك , لأنه كان متضامن معاهم . و بغض النظر عن الحاجات دى ,فيه استنتاجات و دراسات أكاديمية مش حاسمة عن التسلسل الزمنى لحياة يسوع, رسالة وعظه ، و طبقة يسوع الاجتماعية ، والبيئة الثقافية ، و توجهه الدينى  العلماء بيتنافسو انهم يعرضو أوصاف يسوع على انه كان المسيح المنتظر (المسيا),.او وصف يسوع نفسه على انه المسيح , او بوصفه زعيم لحركة الرهيبة , او وصفه على انه حكيم متجول و يتمتع بشخصية المعالج , او وصفه على انه مؤسس حركة دينية مستقلة.

تلاميذ يسوع المسيح
حسب كتاب العهد الجديد، كان فيه اثناعشر تابع للمسيح يلازموه ، وكانوا تلامذته ، وبعد موته وقيامته و صعوده الى السماء نزل عليهم الروح القدس و بشروا الناس بالمسيح وهما:أندراوس،سمعان بطرس،فيلبس،يعقوب أبن زبدى،يوحنا ابن زبدى،برثولماوس،يعقوب أبن حلفى،يهوذا الملقب تداوس،متى العشار،سمعان القانوى،يهوذا الاسخريوطى الذي سلم يسوع لليهود وأخد مكانه متياس بعد ما يهوذا انتحر .

ابتدت خدمة يسوع المسيح ، حسب العهد الجديد ، وهو فى سن الثلاثين ، ابتدا يبشر ويكرز للناس وعمل معجزات كتيره كان من ضمنها اخراج شياطين من ناس ، واشباع ناس كثيرة جدا عددهم اكثر من 5000واحد من خمسة خبزات وسمكتين ، و اقامة ميت اسمه ليعازر وابن ارملة نايين وابنة يايرس ، و ايضا شفى اعمى من الولاده ومعجزات اخرى كثيرة .وايضا ليه سلطان علي البحر وا
وجهة النظر المسيحية عن يسوع انه ابن الله و الله المتجسد , و انه هو المسيا اللى كان اتنبأ بيه فى كتاب العهد القديم ، و حسب كتاب العهد الجديد يسوع قام من بين الاموات فى اليوم التالت و صعد للسماوات.




#Article 296: اقباط (588 words)


القبطى (  ,  المصرى المسيحى ), معناها الاساسى مصرى و بقت بتستعمل عشان توصف الشخص بانه مصرى مسيحى, اللى جدوده المصريين اعتنقو المسيحية فى القرن الاول.

كلمة الأقباط كانت بتستخدم فى العربى (الكلاسيكى) للاشارة للمصريين بصوره سنهه, لكن دلالة كلمة الأقباط اتحولت على مر القرون و بقى المعنى, خصوصا فى اللغات التانيه, المسيحين المصريين و المسيحية المصريه, و تحديدا بعد اعتناق الجزء الاكبر من السكان فى مصر الاسلام. و دلوقتى الاستخدام, كتير ينطبق على اعضاء الكنيسة الأرثوذكسية القبطية المصرية بغض النظر عن الاصل العرقى. علشان كده الكنيسة الاثيوبية و الاريترية من المسيحيين (والنوبيين قبل اعتناق الاسلام) كان بيتقال عليهم عادة الاقباط. وبالرغم من ان الكلمة تطلق خطأ علي المسيحيين في مصر بس, الا ان الاصح ان كل المصريين اقباط بمختلف ديانتهم.

تاريخ الاقباط (بمعناه الدينى) بيرجع لبدايات ظهور المسيحيه اللى اسسها فى مصر القديس مرقس تلميذ المسيح و عشان كده بيتلقب بكاروز مصر و كرازته اسمها الكرازه المرقسيه. مرقس حط فى الكرازه اول اسقف أنيانوس (62-82) فبنى اول كنيسه فى اسكندريه و اشتهرت فى التلت قرون الاولى باسم مدرسة اسكندريه اللاهوتيه و طلع منها علما كبار زى بنتينوس السكندرى (القرن التانى) اللى هذب اللغه القبطيه, و الفيلسوف اوريجن. الكنيسه القبطيه المصريه بيرجع ليها الفضل كمان فى تأسيس الرهبنه و نشرها و روادها كانو انطونيوس ابو الرهبنه و مكاريوس المصرى و باخوميوس ابو الشركه و شنوده ابو المتوحدين. و فى عهد اثناسيوس الاول دخلت المسيحيه رسمياً بلاد الحبشه و عينت الكنيسه المصريه هناك أسقف. عانى الاقباط اضطهادات جامده من الاباطره كان اهمها اضطهادات نيرون و تراجان و دقلديانوس و استشهدت اعداد كبيره من المصريين كان منهم مينا العجائبى و تادرس الشطبى و القديسه دميانه. و بيعتبر القرن التالت هوه عصر الكنيسه المصريه القبطيه اللى ظهر فيه ابطال كتار. و فى القرن الخامس انشقت الكنيسه القبطيه المصريه عن الكنيسه الكاتوليكيه و البيزنطيه بسبب خلاف على طبيعة المسيح و عانى الاقباط من اضطهادات البيزنطيين. اتعرض الاقباط لاضطهادات كتيره ايام الامويين اللى ابتدعو مكوس و ضرايب لنهب مصر و المصريين و الفاطميين و بالذات فى عهد الحاكم بأمر الله اللى طاح فى المصريين, لكن فى العصر المملوكى المعروف بتفتحه قل الاضطهاد بوجه سنه و ماكانش فيه اضطهاد منظم برغم الصراعات و الحروب مع المسيحيين الاوروبيين (الحروب الصليبيه) اللى الاقباط ما كانش ليهم دخل فيها و عانو مع بقية المصريين و سنهل سلاطين الدوله المملوكيه ابهات الكنيسه المصريه بكل احترام و توقير, و ظهر من الاقباط مؤرخين و علما و رجال دوله كبار و طبقات من المثقفين كان من اشهرهم علما و ادبا من عيله كامله اسمها عيلة ولاد العسال, شهد تأسيس الدوله المملوكيه فى مصر تعيين اول وزير قبطى من فترة دخول العرب مصر هوه شرف الدين ابو سعيد هبة الله صاعد الفائزى اللى اتنصب وزير للسلطان عز الدين ايبك. لكن فى العصر العثمانلى اللى اتنكبت بيه مصر من سنه 1517 و اللى اتعرف باضمحلاله اتهدمت اديره كتيره فى مصر و اشتد اضطهاد الاقباط لكن بالرغم من كده و بسبب تفوقهم و امانتهم اتعين منهم ناس كتيره فى وظايف مهمه زى ابراهيم الجوهرى و الياس بقطر و المعلم غالى وزير مالية محمد على. فى القرن 18 فيه منهم بقو كاتوليك و بقى ليهم بطريرك خاص و فيه عدد انضم للمذهب الپروتستانتى.

الاقباط بيمثلو جزء اصيل فى المجتمع و الثقافه المصريه و الفن القبطى(المصري) بيعتبر امتداد للفن المصرى القديم مع شوية عناصر من التراث المسيحى.

القبطى حرفيا بعنى المصرى و تاريخيا يعنى المصرى. الكلمة الانجليزى Coptic (قبطى) من اللاتينى Coptus, و هى مشتقة من العربية qubṭi قبطى (رر: qubṭ قبط الأقباط وأقباط), و التعريب من الأقباط kubti كلمة (Bohairic) و / او Αἰγύπτιος, aiguptios: مصرى, من Αἴγυπτος, aiguptos: Egypt. دى بدورها كلمة مشتقة من كلمة يونانية Αἰγύπτιος, aiguptios: المصرى, من Αἴγυπτος, aiguptos: مصر.




#Article 297: رشيد الدين الهمذانى (278 words)


رشيد الدين فضل الله الهمذانى - بالفارسى : رشیدالدین فضل‌الله همدانی - ( 1247 - 1318 ). اكبر و اشهر المؤرخين الفرس فى الدوله الإيلخانيه فى القرنين 13 و 14. كتابه الموسوعي  جامع التواريخ  بيعتبر أحسن و اكمل كتاب إتكتب عن تاريخ مغول فارس. كتابه اللى فصل فيه تاريخ المغول من ايام چنكيز خان وحروبهم ايام هولاكو و غازان اهتم بيه المؤرخين و المستشرقين و الدارسين فى كل العالم وإترجم للغات كتيره لإنه مصدر اساسي عن تاريخ المغول و جغرافيا المنطقه اللى اتوسعوا فيها و حروب المغول ضد مصر و تواطؤ حكام الشام و تحالفهم مع المغول قبل و وقت معركة عين جالوت بين مصر و المغول.

عن طريق شغلته الاساسيه كطبيب دخل البلاط الملكي المغولي الفارسي فى عهد اباقاخان (1265 - 1282 )، وبقى وزير لغازان خان سنة 1298 و استمر فى المركز ده فى عهد اولجايتو بن ارغون خان . إنتهت حياته بإعدامه بعد ما اتهمه منافسيه بتسميم اولجايتو.

في سنة 1980 إتباعت مخطوطة كتاب جامع التواريخ بالعربي في صالة مزادات سوثبي في لندن لجامع التحف الإيراني ناصر داوود خليل بـ 850.000 جنيه إسترليني و نشرها في كتاب قيم خدمه للعلم و الدارسين.

إتولد رشيد الدين في عيله بيعتقد ( بالإستناد على الصقاعي في كتابه  المنهل الصافي  بس ) إنها كات يهوديه مع إن رشيد الدين أنكر ده و قال إنها قصه من إختراع اعداءه. ومن الممكن إنهم نسبوه لأصل يهودي بسبب معرفته الواسعه و كتابته الدقيقه عن عادات اليهود. بيقول رشيد الدين عن أبوه :  شهرة أبويا بترجع أولا وقبل كل حاجه لطهارة اخلاقه و شدة تمسكه بإسلامه ، وموفق الدوله جد رشيد الدين كان عايش في قلعة الموت ، حصن الإسماعيليه ، لما إستولى عليها هولاكو. لكن ممكن طبعاً إن اجداده كانوا يهود .




#Article 298: معركة عين جالوت (4449 words)


معركة عين جالوت معركه تاريخيه مهمه حصلت جنب بيسان فى اسرائيل الحاليه في 3 سبتمبر 1260 بين المغول بقيادة كيتو بوقا ( كتبغا ) . المتحالفه معاهم قوات من مملكة كيليكيا ( مملكة ارمينيا الصغرى ) و كرجيين و عرب و شوام  و الجيش المصري بقيادة سلطان مصر المملوكى سيف الدين قطز و الأمير ركن الدين بيبرس البندقدارى و فارس الدين أقطاى الصغير أتابك الجيش المصري 

في سنة 1210 چنكيز خان حاكم المغول بعت ل  تشونج هيي  أمبراطور الصين جواب تهديد جه فيه :  قررنا اننا نحط راياتنا في كل مكان على سطح الأرض. عن قريب كل الناس و كل الأمم حا تكون خاضعه لينا وبيتمتعوا بمشاركتنا في المكاسب الكبيره، لكن لو أي حد عاند و قاومنا، بيوته و ممتلكاته و ثروته حا تتدمر من غير شفقه ولا رحمه  . و في مارس 1211 طلع چنكيز خان بجيشه على الصين يحاربها وخد معاه ولاده الأربعه چوچي و چغتاي و اوكتاي و تولوي.
المغول عدوا سور الصين العظيم ودمروا ونهبوا المدن والقرى في شمال الصين و استولوا على مملكة  كين  و نهبوا  بكين  و سيطروا عليها وضموا  منشوريا  و اعترفت كوريا بسيادتهم و بعد ما خلصوا على شرق أسيا اتوجهوا للغرب في اتجاه اوروبا و الدولة الخوارزميه على حدود منطقة الشرق الأوسط.

ساعة ما المغول ما كانوا بيتقدموا ناحية خورازم، الشرق الأوسط كان مليان مشاكل و حروب و صراعات. في سنة 1218 الصليبيين هاجموا مصر بحمله عسكريه كبيره اتعرفت باسم الحمله الصليبيه الخامسه. الصليبيين هاجموا مصر ووجهوا ليها جهودهم العسكريه بعد ما فهموا ان مصر بامكانياتها البشريه و الاقتصاديه و العسكريه هي القوه الحقيقيه الفعاله في جنوب البحر المتوسط، و انهم مش ممكن حا يقدروا يستولوا و يستقروا في مملكة بيت المقدس و الشام من غير ما يقضوا عليها. و في نفس الوقت كان الأمرا و الملوك الأيوبيين اللي بيحكموا مصر و الشام بيتصارعوا مع بعض على السلطه و بيعملوا تحالفات ضد بعضهم. وفي بغداد كان الخليفه العباسي  أبو العباس أحمد الناصر لدين الله  خايف من الخوارزميه و قاعد ينافق في المغول و يبعت لهم هدايا و فلوس و يشجعهم على غزو الدوله الخوارزميه  و هو مش دريان والسلطه عمياه ان هدف المغول اكبر من أخد خوارزم، وانهم لو أخدوها بلاد الشرق بما فيها بغداد حا تبقى مفتوحه وفركة كعب لجيوشهم.

دخل المغول أراضي الدوله الخوارزميه سنة 1218 بتحريض من الخليفه العباسي و استولوا على بخارى و سمرقند و بعدها بسنتين حاصروا عاصمة الدوله الخوارزميه.

في سنة 1227 مات جنكيز خان، و اتقسمت امبراطوريته على ولاده الأربعه كل واحد أخد حته يحكمها . و في سنة 1230 المغول غلبوا و قتلوا جلال الدين سلطان خوارزم اللي فضل مده طويله يقاوم بشجاعه، و استولوا على كل خوارزم وعملوا فيها مدابح رهيبه. و بكده بقت بلاد الشرق مفتوحه قدامهم و ما بقاش فاضل لهم الا انهم يدخلوا بغداد ويزحفوا على الشرق الاوسط.

قبل مايقضي المغول على الدوله الخوارزميه بسنتين، الامبراطور فريدريك التاني امبراطور الامبراطورية الرومانية المقدسة قام بحمله صليبيه صغيره اتعرفت باسم الحمله الصليبيه الساته ودي ما كانتش حمله عسكريه بجد وكان عدد عساكرها بتاع 600 فارس نزل بيهم فريدريك فىعكا. و انتهت الحمله دي بتوقيع اتفاقية سلام بين الملك الكامل سلطان مصر و فريدريك التانى فى 18 فبراير 1229 ، و انقلبت الدنيا على الملك الكامل و فريدريك التاني. الشوام اتهموا الكامل بالخيانه و بيع القضيه وقعدوا يشهروا بيه، و بابا الكاثوليك جريجوري التاسع و ملوك أوروبا اتهموا فريدريك بالتفريط في حقوق المسيحيين و مهادنة المسلمين و طرده البابا من الكنيسه .

دخل ملوك الشام في صراع مع مصر و اتأزروا عليها فراح لهم السلطان الكامل بالجيش المصري و حاصر دمشق و أخدها. و الصراعات دي دايره شن المغول سنة 1237 أول هجوم على بغداد لكن ما قدروش ياخدوها .

بعد ما اتوفى السلطان الكامل قدر ابنه الصالح أيوب انه يزيح أخوه الملك العادل من عرش مصر و يقعد مكانه و استمر الصراع مع ملوك الشام اللي عملوا تحالف مع الصليبيين و هاجموا مصر، و استعان الصالح أيوب بالخوارزميه اللي اتشتتوا بعد ما المغول قضوا على دولتهم . وفي 17 أكتوبر 1244 انهزم جيش التحالف الشامي-الصليبي هزيمه منكره في ظرف ساعات على ايدين الجيش المصري و الخوارزميه جنب غزه في معركه اتعرفت باسم معركة الحربية أو  معركة لافوربي . في المعركه دي الصليبيين جمعوا اكبر جيش قدروا يجمعوه من أيام معركة حطين  ورفعوا الصلبان فوق روس عسكر الشام و راحوا وياهم على مصر عشان يهاجموها. كان من نتايج المعركه دي ان الصليبيين ضاع منهم بيت المقدس و ده عمل ضجه كبيره في أوروبا 

في نفس الوقت الخليفه العباسي المستعصم بالله استمر في منافقة المغول زي سلفه و قعد يبعت لهم في هدايا و فلوس و يقلص في عدد جيشه لانه افتكر انه بكده حا يحمي نفسه منهم ، و حاكم الموصل بدر الدين لؤلؤ خضع ليهم عن طيب خاطر و أخد على عاتقه انه يجمع لهم الضرايب من الناس في الشام ، و المغيث عمر ملك الكرك اتصل بيهم و طلب منهم انهم ينعموا عليه بدخوله في طاعتهم.

في الظروف دي جت الحمله الصليبيه السابعه بقيادة لويس التاسع ملك فرنسا بمباركة و تأييد بابا الكاثوليك اينوسينت الرابع ( Pope Innocent IV ) و ملوك أوروبا في مجمع ليون الكنسي سنة 1248. كان هدف الحمله الاستيلاء على مصر قلعة و ترسانة جنوب البحر المتوسط . فيقدروا ياخدوا بيت المقدس و يسيطروا على الشام . و كان من أهداف الحمله كمان تكوين حلف صليبي - مغولي يطوق المنطقه 

الصليبيين حاولوا اقناع المغول بالتحالف وياهم عشان يصعبوا مهمة مصر اللي مش حا تقدر بالشكل ده تحارب بكفاءه على جبهتين في نفس الوقت. بابا الكاتوليك بعت مبعوثه الفرنسيسكاني جيوفاني دا بيان كاربيني (Jiovanni da Pian del Carpine) لـ جويوك خان المغول يعرض عليه التحالف مع الصليبيين، لكن جويوك خيب أمل البابا برده اللي قاله فيه انه هو نفسه لازم يخضع للمغول و يروح لهم بسرعه مع كل ملوك أوروبا عشان يبايعوه ملك على العالم . لكن اينوسينت ما فقدش الأمل و حاول تاني و بعت في مايو 1247 أشلين أوف لومباردي (Asclin of Lombardy) للقائد المغولي  بايتشو  في تبريز ، و اقترح عليه انه يهاجم بغداد و في نفس الوقت يهجم الصليبيين على الشام، و مع ان  بايتشو  رحب بالاقتراح لكنه ما عملش حاجه وخيب أمل بابا الكاتوليك فيه فبعتله يقوله انه معملش أي حاجه تخدم التحالف المأمول 

لويس التاسع قبل ما يوصل مصر بحملته اتوقف في قبرص و استقبل هناك وفد مغولي اداه جواب من خان المغول بيعرض فيه خدماته اللي تساعد على الاستيلاء على الأراضي المقدسه، ففرح لويس و بعتله هديه كات عباره عن خيمه قيمه على هيئة محراب كنيسه مرسوم عليها بشارة الملايكه للعدرا، عشان يرغبه في دخول المسيحيه .، لكن لسؤ حظ لويس المغول اعتبروا الهديه دليل على قبوله الخضوع ليهم فطلبوا منه انه يبعتلهم كل سنه هديه فاتصاب لويس بصدمه 

نزلت الحمله الصليبيه على بر دمياط و احتلوا المدينه بسهوله بعد ما هرب منها العربان اللي حطهم الملك الصالح فيها عشان يدافعوا عنها . و اعلن النفير العام ( الطوارئ ) في مصر و راحت الناس من القاهره و من كل أنحاء مصر على الجبهه عشان يدافعوا عن مصر . و المعركه شغاله اتوفى الصالح أيوب و بقت مصر على كف عفريت لولا صلابة أرملته شجر الدر اللي خبت وفاته و قادت مصر، و ظهور مماليكه اللي اتصدوا للصليبيين في المنصوره بعد ما واحد من العربان دل الصليبيين على حته في قناة أشموم قدروا يعدوا منها و يهجموا فجاءه على المعسكر المصري في جديله  و انتهت الحمله الصليبيه بهزيمتها المنكره في فارسكور و اتأسار لويس التاسع و نبلائه و عساكره و فرسانه و اضطر انه يدفع ديه و يسلم دمياط للمصريين و يمشي من مصر على عكا.

بوفاة الصالح أيوب و ابنه توران شاه انتهت سلطة الأيوبيه في مصر و ظهرت دولة المماليك البحرية. و بقت خريطة المنطقه متقسمه على الدوله المملوكيه في مصر، و بقايا الملوك الأيوبيين في الشام، و الصليبيين في عكا و مدن على ساحل الشام، و مملكة قليقيه الأرمنيه (مملكة أرمينية الصغرى)، و امارة أنطاكيه الصليبيه. و في الشرق في فارس مكان ما كات الدوله الخوارزميه، قامت دوله مغوليه اتعرفت باسم دولة الالخانات. و اتكتب على مصر في عصر الدولة المملوكيه انها تواجه كل الأعداء دول اللي كانوا متربصين بيها.

حاول الملك الناصر يوسف ملك سوريا انه يتحالف مع الصليبيين في عكا ضد مصر مقابل انه يسلمهم بيت المقدس لكن مانجحش لان لويس خاف يدخل في مغامره جديده ضد مصر.

الخليفه العباسي في بغداد اللي حرض المغول على جيرانه الخوارزميه، و مارضاش يعترف بسلطنة شجر الدر لانها واحده ست، و بعت لمصر يقولهم اذا كات الرجال عدمت عندكم قولوا فنبعت لكم رجاله، فضل يتصل بالمغول و ينافقهم ويبعتلهم في فلوس و هدايا و افتكر انه لما يعمل كده و ينقص عدد العساكر في جيشه انهم حا يصاحبوه و يسالموه. المؤرخ ابن أيبك الدواداري وصف الخليفه البغدادي ده بانه  كان فيه هوج، وطيش، وظلم، مع بله، وضعف، وانقياد الى أصحاب السخف. يلعب بطيور الحمام، ويركب الحمير المصرية الفرء  . وده و الناصر يوسف ملك سوريا هو التاني عايز يتحالف مع المغول ضد مصر زي ما خضع لهم بارادته الحره بدر الدين لؤلؤ حاكم الموصل.

هولاكو خان حفيد جنكيز خان ( ابن تولوي )، اللي بقى ملك الخانات فارس، بعد ما دمر قلعة ألموت بتاعة الاسماعيليين ( الحشاشين ) بعت جواب لخليفة بغداد يهدده و يتوعده انه مع انه أظهر الطاعه و الرضوخ ليه ما ساعدهوش في أخد قلعة ألموت و قاله  انت أظهرت الطاعه بس ما بعتش عساكر  ، و أمره بانه يهدم الحصون و الخنادق في بغداد و يروح يقابله، وقاله :  لما اقود الجيش لبغداد، مندفع بسورة الغضب، فانك لو كنت مختفي في السما .. حا أنزلك من الفلك الدوار و حاأرميك من عليائك لتحت زي الأسد. و مش حاخلي حي في مملكتك. وحاخلي مدينتك و اقليمك و أراضيك طعمه للنار. فبعتله الخليفه هدايا و تحف و جواب ينافقه فيه انه  مع الخاقان و هولاكوخان قلب واحد ولسان واحد  ، و عشان يخوفه قاله انه لو هاجم بغداد حا يلم عليه الناس من الشرق للغرب. فغضب هولاكو و رد عليه بجواب قال من ضمنه :  طيب يبقى عليك انك تستعد للحرب، لاني رايح على بغداد بجيش زي النمل و الجراد . خاف الخليفه و استشار وزيره فنصحه بانه يعتذر له و يبعت له هدايا تانيه و فلوس . وزير الخليفه  مؤيد الدين بن العلقمي  نفسه كان معروف بانه عميل للمغول.

زي ما اتوعد، طلع هولاكو بجيشه و قواده من همذان في أواخر سنة 1257 و ظهر قدام أسوار بغداد يوم 18 يناير 1258، و كان في جيشه عساكر من الموصل بعتهم ملكها بدر الدين لؤلؤ كمساهمه . و بعد ما حاصرها وقعت في ايده في 10 فبراير 1258 و طلع الخليفه و رجالته و سلموا نفسهم لهولاكو. و عمل المغول مدابح رهيبه في بغداد استمرت سبع تيام وليالي ، و دمروها وقتلوا عشرات الآلاف  و بعد ما الخليفه دل هولاكو مخبى فلوسه و دهبه فين، و كان مخبي سبايك الدهب في حوض في ساحة القصر، و سلمه حريمه اللي كان عددهم 700 و عليهم ألف خدامه  ، لفوه في سجاده أو حطوه في شوال و ركلوه بالرجلين لغاية ما مات. الوزير  العلقمي  كان هو اللي نصح الخليفه بتسليم نفسه و بيتقال انه هو برضه اللي نصح هولاكو بقتله بعد ما استسلم عشان تستقر الامور لهولاكو 

سقوط بغداد في ايد المغول بالشكل المروع ده خلى الناس تحزن و كتب المؤرخ ابن الأثير :  يا ليت أمي لم تلدني، و يا ليتني مت قبل هذا وكنت نسياً منسياً  .

بدر الدين لؤلؤ أمير الموصل راح لهولاكو شايل كفنه على كتفه ومعاه هدايا و مجوهرات و سلمه مفتاح الموصل فخلاه يفضل أمير عليها . الناصر يوسف حاكم دمشق اللي بعت قبل كده وزيره  زين الدين الحافظي  لهولاكو بهدايا هو التاني بعت ابنه  الملك العزيز  لهولاكو بالهدايا و التحف و طلب منه مساعدته على غزو مصر فطلب منه هولاكو انه يمده بعشرين ألف فارس. لكن بعد شويه وصله جواب مع  العزيز  من هولاكو كان من ضمنه :  لما يوصلك جوابي ده، فشهل برجالتك و فلوسك و فرسانك لطاعة سلطان الأرض شاهنشاه ملك ملوك الأرض .. و ما تعطلش عندك رسلنا زي ما عملت قبل كده ، امساك بمعروف أو تسريح باحسان.. بلغنا ان تجار الشام وغيرهم هربوا بفلوسهم و حريمهم على كروان سراي ( مصر ) فلو كانوا في الجبال نسفناهم و ان كانوا في الأرض خسفناهم . ولما قرا الناصر يوسف الكلام ده اتفزع و بعت حريمه على الكرك، و لما سمع السوريين ان جيش هولاكو عدى الفرات و جي على سوريا اتصابوا بالرعب و بدأوا يهربوا في اتجاه مصر بأعداد ضخمة  ، وبعت الناصر يوسف جواب لمصر يستنجد بجيشها 

لما وصل جواب الناصر يوسف القاهره جمع نايب السلطنه الأمير سيف الدين قطز الأمرا و أعيان مصر في قلعة الجبل عشان يتشاور معاهم. مصر ساعتها كان سلطانها المنصور نور الدين على ابن السلطان المتوفي أيبك و كان صغير عنده بتاع خمستاشر سنه وكان مستهتر وبيحب اللعب وكانت امه بتتدخل في الحكم .

قطز قال للأمرا و الأعيان في الاجتماع ان البلد دلوقت محتاجه سلطان قوي يقدر يواجه العدو، والملك المنصور لسه صغير مابيعرفش ازاي يمشى الدوله. وراح قابض على المنصور علي و أخوه قاقان وأمهم و حدد اقامتهم في برج في القلعه، و نصب نفسه سلطان على مصر بعد ما قدر يستصدر فتوى من الشيوخ . فلما احتج شوية أمرا على اللي عمله قالهم ان المغول في طريقهم للشام و بعد كده حا ييجوا على مصر، و الناصر يوسف حاكم سوريا ده شخص ما يتضمنش و ممكن يخون مصر. وان كل هدفه انه يوحد الجهود عشان محاربة المغول وان ده مش ممكن يحصل من غير ملك. وقالهم :  لو طلعنا و واجهنا العدو ده و غلبناه حايكون الامر في ايديكم وتبقوا ساعتها تنصبوا اللي انتم عايزينه . فوافقوا على كلامه 

في سوريا أخد هولاكو حران و قلعتها و بعدها أخد البيره و قلعتها و راح على حلب فزاد رعب السوريين و بعت الناصر يوسف مراته و ابنه و فلوسه و ستات الأمرا على مصر و معاهم أمم من من الناس. و لما وصل المغول حلب حاصروها سبع تيام و دخلوها و عملوا فيها مدبحه كبيره اتقتل فيها الألوف و بيتقال انه اتأسر في حلب بتاع مية ألف ست وعيل باعهم المغول للأرمن و غيرهم . و راح الملك الأشرف لهولاكو في حلب و ركع له وباس له الأرض فعينه ملك على حمص و نايب ليه في دمشق. وعين هولاكو عماد الدين القزوينى نايب ليه على حلب اللي و صفها المؤرخ بدر الدين العينى بانها بقت عامله زى  الحمار الأجوف  

الناصر يوسف بقى مش عارف يعمل ايه، و نصحه وزيره  زين الدين الحافظي  و ده كمان كان معروف انه عميل للمغول، بان أحسن حاجه انه يستسلم للمغول و يدخل في طاعة هولاكو. و كان الأمير بيبرس البندقداري حاضر المناقشه فشتمهم و قالهم انهم هما السبب في كل المصايب دي. و بالليل حاول المماليك البحريه اللي كانوا هربوا على الشام أيام السلطان أيبك انهم يقتلوا الناصر يوسف لكن جري منهم و استخبى جوه قلعة دمشق. فساب بيبرس سوريا بعد ما لقى ان الناصر يوسف ده مافهوش أمل و رجع مع شوية بحريه على مصر و رحب بيه السلطان قطز ترحيب كبير .

لما وصل خبر اللي حصل لحلب للناصر يوسف في دمشق زاد فزعه و رعب السوريين فبقم يبيعوا حاجتهم بأبخس الأتمان و يجروا في اتجاه مصر، ولان الوقت كان شتا و الدنيا برد بقم يموتوا في السكة و اتبهدلوا جداً . الناصر لم بتاع مية ألف من العربان و غيرهم و بعدين سابهم و هرب هو كمان على غزه عشان يدخل مصر، و وراه طلع الملك المنصور بن المظفر ملك حماه بستاته و ولاده وبكده انتهى ملك الناصر يوسف في سوريا 

السوريين في دمشق بعتوا هدايا كتيره و معاها مفتاح دمشق لهولاكو في حلب، ففرح هولاكو بوفدهم اللي جابله المفتاح و عين محيي الدين ابن الزكي، اللي كان ضمن الوفد، قاضي على الشام.

بعد ستاشر يوم من أخد حلب و صل المغول دمشق فطلع لهم زين الدين الحافظي و سلم لهم دمشق من غير مقاومه فدخلها هولاكو و معاه  هيثوم  ملك كيليكيا ( مملكة ارمينيا الصغرى ) و الأمير الصليبي  بوهيموند الساتت  أمير انطاكيه . و ادى هولاكو فرمان الأمان للسوريين اللي فضلوا فيها و استسلموا. وقرا القاضي محيي الدين ابن الزكي في جامع دمشق وهو لابس خلعة هولاكو تقليد تعينه قاضي على الشام  و بعت المغيث عمر ملك الكرك ابنه العزيز فخر الدين للمغول في دمشق  بعد ما كان بيبعت لهم رسله في فارس يطلب منهم ينعموا عليه بدخول طاعتهم. و بعد ما سقطت دمشق سقطت ميافارقين في ايدين المغول بعد ما حاصروها مده طويله و رفض الملك الكامل محمد انه يستسلم للمغول ودافع ببساله، لكن الناصر يوسف ما ساعدهوش و سابه محاصر زي ما مارضاش انه يساعد بغداد لما الكامل نصحه قبل كده. و ساعد بدر الدين لؤلؤ أمير الموصل المغول و شارك في حصار ميافارقين و رماها بالمنجنيق 

لما وصل الناصر يوسف  قطيا  اتخانق الخوارزميه و الأكراد الشهرزويه اللي كانوا وياه و حصل نهب .، و طلع له السلطان قطز و منعه من دخول مصر، مش بس لخيانته لكن لانه كمان خاف يدخله فيعمل قلاقل في مصر تساعد المغول في وقت حرج وهي بتستعد للدفاع عن نفسها، فبقى لوحده بعد ما اتفرقت عنه الناس و سابوه و دخلوا مصر وفضل هو هايم على وشه في الصحرا أو تيه بني اسرائيل على حد قول المؤرخ بدر الدين العيني ، لغاية ما خانوه اتنين خدامين أكراد  و سلموه للمغول فقبضوا عليه وعلى ابنه  العزيز  و اخوه غازي و كام واحد معاهم، و بعد ما أمر باستسلام عجلون للمغول ودوهم لهولاكو. الناصر يوسف عيط و قال شعر و هما معديين على حلب كان ضمنه :  يعز علينا أن نرى ربعكم يبلى .. و كانت به آيات حسنكم تتلى. لقد مر لي فيها أفانين لذة .. فما كان أهني العيش فيها و ما أحلى  

السلطان قطز صادر كل فلوس الناصر يوسف اللي هربها مصر مع خدامينه و أجبر مراته و ستات الأمرا السوريين بتسليم كل المجوهرات اللي معاهم وكان معاهم مجوهرات كتيره جداً.

بعد ما كات مصر ملجأ للسوريين و العربان و غيرهم اللي سابوا بلادهم و هربوا من هولاكو بقت هي نفسها مهدده من المغول.

طلايع الجيش المغولي بدأت توصل غزه وتهاجم الناس وقتلوا ناس كانوا بيصلوا في جامع، و وصل مصر جواب تهديد من هولاكو مع أربع رسل جه فيه :  نحن ما نرحم من بكى، و لا نرق لمن شكى، وقد سمعتم اننا قد فتحنا البلاد، و طهرنا الأرض من الفساد، وقتلنا معظم البلاد، فعليكم بالهرب، و علينا بالطلب  و جه في أخره شعر بيقول :

قطز جمع الأمرا و قالهم دلوقتي ما قدمناش الا حل واحد يا اما نسيب وطنا و نهرب، يا اما نهادنهم و نسالمهم، يا اما نحاربهم. فرد بيبرس : نحاربهم، و حبذ قطز رأي بيبرس . واختلى بيبرس بقطز و قاله :  في رأيي نقتل الرسل، ونروح ل كيتو بوقا متضامنين، لو انتصرنا أو انهزمنا حا نكون في الحالتين معذورين .

قبض قطز على الرسل المغول الأربعه و وسطهم ( يعني قطعهم نصين ) و علق روسهم على باب زويله و دي كات أول مره المغول يتعاملوا بالمنظر ده أو حد يرد على هولاكو بالطريقه دي، و اتنادى في القاهره و كل نواحى مصر بالخروج لمحاربة المغول فجم المصريين من كل حته فى مصر عشان يدافعو عن مصر، و أمر السلطان قطز ولاة الأقاليم المصريه بتجميع كل العساكر ، اياميها كان فيه ناس من اليمن و شمال افريقيا عايشين في مصر لما سمعوا بالموضوع سابوا مصر طوالي و هربوا على بلادهم .

اتطوعت أعداد كبيره من المصريين و طلع السلطان قطز بالجيش على الصالحيه و قال للأمرا اللي كان فيهم خايفين يطلعوا من مصر يواجهوا المغول انهم اذا كانوا خايفين فهو حا يروح لوحده يواجه المغول. فلما شاف الأمرا السلطان قطز بيتحرك فعلاً مشيوا وراه. أمر قطز الأمير ركن الدين بيبرس بقيادة طلايع الجيش و انه يروح غزه عشان يستطلع تحركات المغول هناك، فراح بيبرس في 26 يوليه 1260 على غزه. لما شاف بايدار قائد طلايع الجيش المغولي في غزه طلايع المصريين بعت لـ كيتو بوقا  ( كتبغا ) في بعلبك  يقوله ان الجيش المصري خرج من مصر فرد عليه كيتو بوقا وقاله  خليك في مكانك و استنى  ، لكن المغول اضطروا يهربوا و استرد بيبرس غزه، و طاردهم المصريين لغاية نهر العاصي. ووصل قطز ببقية الجيش في أغسطس. و ريحوا يوم و بعدين مشيوا بحذا الساحل لغاية ما وصلوا عكا اللي كات تبع الصليبيين. خرج الصليبيين اللي اتخضوا لما شافوا الجيش المصري قدام عكا، و عرضوا مساعدتهم لكن قطز شكرهم و حلفهم انهم لا يكونوا معاه و لا ضده و يفضلوا على الحياد، و أقسم لهم انهم لو خانوه حا يرجع لهم و يحاربهم قبل ما يحارب المغول.

جمع السلطان قطز الأمرا و خطب فيهم و حضهم على محاربة المغول و فكرهم باللي جرى للناس منهم في كل حته، و انهم لازم يحرروا الشام من المغول، فاتأثر الأمرا بالخطبه و قعدوا يعيطوا. و بعدين قطز نادى بيبرس و طلب منه يقود طلايع الجيش و يشتبك مع جيش المغول و يراوغهم. الجيش المغولي كان بيقوده  كيتو بوقا  ( كتبغا) لان هولاكو - زي ما اتقال - كان رجع تبريز لما سمع ان فيه قلاقل في بلاد المغول بسبب موت أخوه الخان الاكبر منكوقاآن ( منكو )  .
  
و قطز في عكا عرف ان الجيش المغولي عدى نهر الأردن و وصل للجليل الشرقي فأمر الجيش بالتوجه ناحية مدينة الناصرة فعداها و وصل  عين جالوت  جنب بيسان يوم 2 سبتمبر 1260 .

عدد العسكر في الجيش المصري كان حوالي 40 ألف  وعليهم متطوعين اتجمعوا من نواحي مصر، و كان فيه كمان عدد من الهربانين من المغول ( زي الخوارزمية ) و ناس من اللي سابوا الناصر يوسف و لجأوا لمصر. أتابك الجيش المصري ( القائد العام ) كان فارس الدين أقطاى الصغير و ده غير فارس الدين أقطاى الجمدار زعيم المماليك البحريه. الجيش المغولي كان بيضم قوات من كيليكيا ( مملكة أرمينية الصغرى ) و كرجيين ( جورجيين ) و عرب و سوريين و شوام.
   
المعركه بدت يوم الجمعه 3 سبتمبر قبل شروق الشمس مع دقات الكوسات و الطبول . ، و ماكاتش حاجه سهله على الجيش المصري و نفسية العساكر انهم يواجهوا الجيش المغولي اللي عمره لغاية اللحظه دي ما خسر معركه، و خسارتهم كان معناها ان المغول حا يدخلوا مصر و يسيطروا على كل الشرق الأوسط مع تبعات اختفاء ثقافته و دياناته. فكات العساكر و الأمرا قلقانين جداً و ده أثر على سير المعركه في بدايتها 

خطة المعركه كات ان بيبرس يهاجم الجيش المغولي بطلايع الفرسان و يشتتهم و يناورهم لغاية ما يقدر يجذبهم لكمين كبير بيقوده السلطان قطز خباه في التلال القريبه. كيتو بوقا ما أدركش ان الجيش المصري كان قريب جداً منه لانه كان بيفتقد عناصر الاستطلاع بعكس المصريين اللي كانوا دارسين و مستكشفين المنطقه .
 
لما كيتو بوقا شاف طليعة الجيش المصري اللي بيقوده بيبرس افتكر ان ده كل الجيش فرمى بكل جيشه في المعركه عشان يحسمها بسرعه و اشتبك بيبرس بالجيش المغولي و ناوره ببراعة قائد فذ و في الأخر عمل نفسه انه بينسحب ناحية التلال فجري و راه المغول فطلع الجيش المصري الرئيسي بقيادة قطز و لقى المغول نفسهم في كمين و متحاصرين .

وصف مؤرخ المغول رشيد الدين الهمذاني تطورات المعركه بقوله :  فقذف المغول سهامهم و حملوا على المصريين، فتراجع قطز و لحقت بجنوده الهزيمه و هنا تشجع المغول و تعقبوه، و قتلوا كثيراً من المصريين، و لكن عندما بلغوا الكمين، انشق عليهم من ثلاث جهات، وأغار المصريون على جنود المغول و قاتلوهم قتالاً مستميتاً من الفجر حتى منتصف النهار، ثم تعذرت المقاومه على جيش المغول ، و لحقت به الهزيمه آخر الأمر  .

الجيش المصري في بداية المعركه اتعرض لضغط جامد على جناحه الشمال ( ميسرته ) لكن قطز صمد بصلابه و خلع خوذته و رماها في الهوا و نادى نداءه المشهور  وا اسلاماه  و هجم بنفسه مع عساكره على المغول. الجيش المغولي هرب ناحية بيسان و الجيش المصري اتعقبه، و بعدين قدروا يتجمعوا و ينظموا صفوفهم و رجعوا تاني و صدموا الجيش المصري صدمه جامده فصرخ قطز تاني صرخه سمعها معظم العساكر :  وا اسلاماه .. يا الله ! أنصر عبدك قطز على التتار  و اتحمسوا العساكر و هجموا بقوه، و هرب المغول في اتجاه سوريا. بعد المعركه و انتصار الجيش المصري نصر كبير، نزل قطز من على حصانه و مسح وشه في الأرض و باسها و صلى وبعدين العساكر رجعوا و هما فرحانين و شايلين الغنايم .
 
أسر المصريين كيتو بوقا اللي فضل يحارب لأخر لحظه و عمل جهد جامد في المعركه، ولما حاول بعد ما اتأسر انه يتفاخر بهولاكو و جيشه اللي حايجي ينتقم قاله قطز :  لا تفخر الى هذا الحد بفرسان توران، فانهم يزاولون أعمالهم بالمكر و الخداع لا بالرجولة و الشهامه  .، و اتعدم كيتو بوقا على ايد الأمير الكبير جمال الدين أقوش  ، و اتبعتت راسه على القاهره. و اتقتل معاه  السعيد بن الملك العزيز ، اللي انضم لجيش المغول و شارك في المعركه في صفهم هو و  الأشرف موسى  ملك حمص و غيره من الشوام 

بقايا عساكر الجيش المغولي المهزوم استخبوا في المزارع و جروا على سوريا فطلع عليهم الناس و قعدوا يقتلوا فيهم. وهرب  زين الدين الحافظي  و النواب السوريين اللي اتحالفوا مع المغول من دمشق. و دخل السلطان قطز دمشق و فرحت الناس بالنصر الكبير اللي حررهم من المغول، و اتقتلت ناس كتيره في دمشق من اللي انضموا لصف المغول . و بعت السلطان قطز بيبرس على حمص عشان يخلص على بقية المغول فلما وصل هناك لقى هولاكو باعت عساكر تانيين مدد فخلص على الجوز، الهربانين و الجايين  كل المنطقه من حدود مصر لغاية نهر الفرات اتحررت من المغول. هزيمة المغول التاريخيه دي اللي قضت الى الأبد على توسعهم في الشرق الأوسط كات أول هزيمه يتلقوها في معركه مفتوحه ، و كتبت الأقدار انها تكون على ايد مصر.

قبل معركة عين جالوت بيوم، هولاكو كان ناوي يكافئ الناصر يوسف ملك دمشق السابق بتعينه نايب ليه على دمشق، لكن بعد ما عرف نتيجة المعركه من غيظه أمر بالقبض عليه هو و 300 سوري كانوا عايشين مع الناصر يوسف عند هولاكو، بحجة انهم ما ساعدوش المغول ضد مصر بما فيه الكفايه. و بعد ما قبضوا عليهم سكروا الناصر يوسف لغاية الثماله حسب التقاليد المغوليه و أعدموهم .

قبل المعركه امتدت امبراطورية المغول من الصين لغاية أبواب مصر. بعد المعركه انكمشت امبراطوريتهم لغاية نهر الفرات. اتلاشت الدوله الأيوبيه من الشام و اتوسعت الدوله المملوكيه و اتمكنت وخدت صوره شرعيه بالكامل و دخلت الشام و الكرك و أماكن تانيه في طاعتها و اتحكمت بنواب السلاطين اللي بياخدوا الأوامر من القاهره عاصمة الدولة المملوكيه. اتلاشت كمان محاولات الصليبيين عمل حلف مع المغول و ما قدروش ياخدوا بيت المقدس و فضلوا قاعدين في عكا و مدن على ساحل الشام زي بيروت و صور لغاية ما السلطان قلاوون طردهم من طرابلس (1290) و بعد كده طردهم ابنه الأشرف خليل سنة 1291 من عكا نفسها و بقية مدن الشام الساحليه و انتهى حلمهم. الأمير ركن الدين بيبرس اللي لعب دور كبير في النصر على المغول اتولى حكم مصر بعد ما السلطان قطز أغتيل في السكه و هو راجع مصر من عين جالوت (25 أكتوبر 1260) . بيبرس أخد لقب الظاهر و اتعرف باسم الظاهر بيبرس. انتقم بيبرس من حلفاء المغول اللي شاركوا في معركة عين جالوت فدمر كيليكيا ( مملكة أرمينيه الصغرى ) سنة 1266 و 1275 و امارة انطاكيه سنة 1268 ، و غلب المغول في المعارك اللي حاولوا فيها انهم ياخدو بـتارهم لهزيمتهم في عين جالوت و هزمهم هزيمه منكره في معركة الأبلستين في 18 ابريل سنة 1277. بعد معركة عين جالوت القبيله الدهبيه المغوليه بفضل نباهة بيبرس السياسيه اعتنقت الاسلام و دخل ملكها بركة خان بن جوجي في تحالف مع مصر ضد مغول الاليخنات في فارس فكات ضربه موجعه ليهم. وكمان اتعملت معاهدات و اتفاقيات صداقه بين مصر و الامبراطوريه البيزنطيه و الامبراطوريه الرومانيه الغربيه و صقليه و جمهوريات ايطاليا. وقدر بيبرس من انه يعمل خلافه عباسيه في القاهره ادت شرعيه لحكمه و لكل سلاطين الدولة المملوكيه من بعده  و بقت الخلافه الوحيده في كل المنطقه لأول مره  ، وبكده هو بيعتبر المؤسس الحقيقي للدوله المملوكيه  اللي رسوخها في جنوب البحر المتوسط كان من أهم نتايج معركة عين جالوت.




#Article 299: دايود (116 words)


تحرير وتعديل م. فراس أبو جاموس

الديود أو الصمام الثنائي (وفي الإنجليزىة: DIODE) هو عنصر كهربائي يتكون من اليكترودين يمكن تمرير إشارة كهربائية بينهما . (وفي الثيرموايونيك ديود يمكننا أن نجد ثلاثة أو أربعة إلكترودات ).
ومن استعمالات الديود بل أهمها إستخدامه في دارات التقويم الكهربائية و نجد ذلك واضحاً من خلال خاصية الديود اللى تسمح للتيار الكهربائي بالسريان في إتجاه معين بينما لا تسمح له بالسريان بلإتجاه المعاكس .

و الديودات تُصنع من مواد شبه الموصلة (semi-conductor) كالسيليكون و الجيرمانيوم وتم إختيار دى العناصر نظراً لتوفرها ورخص ثمنها .

ويعتبر الديود من العناصر الكهربائية بسيطة التركيب إلا أن عمله يمكننا من الوصول إلى عملية تقويم موجات ذات اداء جيد و فاعلية ممتازة .

انواع الدايودات:




#Article 300: قناة او تى فى (101 words)


قناة او تي فى (OTV) او قناة اوراسكم الفضائية هى اول قناة مصرية تبقى باللغه المصريه الحديثه لغة المصريين. ابتدا البث بتاعها يوم 31 يناير سنة 2007 على القمر المصرى نايل سات. القناة ملك لراجل الاعمال المصرى نجيب ساويرس والاداره والاشراف العام للاعلامية ياسمين عبد الله. كان فيه اشاعات بتقول ان القناة نجاحها محدود وان نجيب ساويرس كان بيفكر يجيب هالة سرحان تدير القناة بدل ياسمين عبد الله عشان الموضوع ده، بس ده ماحصلش.
و شركة أوراسكوم طللعت قناه تانيه اسمها اون تي فى. نجيب ساويرس كدب الإشاعه اللى كانت بتقول ان هدفه من او تي ڤي هو محاربة البرامج الدينيه  




#Article 301: كتاب (257 words)


الكتاب هوه مجموعه اوراق متجمعه مع بعضها عشان يتحافظ عليها و غالبا بتكون متثبته من طرف واحد.الكتاب متكون من اوراق و كل ورقه ليها وشين بيتقال على الوش الواحد صفحه.الكتاب اللى بيتنشر ع الجمال جرجس المزاحم بيبقى اسمه كتاب اليكتروني او إي-بووك (E-book).
الكتب بتتباع و بتتشري من المكتبه و كمان ممكن استعارتها من المكتبات.
الكتب بتختلف فى مواضيعها و فى منها الموسوعات و المراجع او حتى كتب التسليه و الخيال العلمي

الحضارات القديمه اخترعت طرق كتيره للكتابه و كانو بيكتبو على كل حاجه تقريبا زي الحجر ، الفخار ،لحاء الاشجار ، جريد النخل و حتى عضم الحيوانات.الكتابه الالفبائيه اخترعها المصريين القدام حوالي 1800 ( ق ع ح ) و كانت الكلمات بتتكتب جنب بعضيها من غير مسافات و لا ترقيم و كانت بتتكتب من اليمين للشمال او من الشمال لليمين او حتى من الناحيتين بالتبادل.
المصريين القدام كانو بيكتبو اغلب الاوقات على ورق البردى فى لفايف طويله و بيلفوها و اليونانيين القدام كانو بيكتبو على جلود الحيوانات و الرومان هما اول ناس تحط الاوراق بين الغلاف و سموه ال كوديكس codex.

كل اشكال الكتب دي كانت بتتكتب بخط الايد و اول مره استخدمت فيها الطباعه كانت فى الصين بس دي كانت بطيئه و مكلفه و ما استفادش منها عامة الناس لانها كانت بتعتمد على صناعة بلوكات من الخشب و بينقشو عليها الاشكال اللى عايزينها و بعدين يعوصوها بالحبر و يطبعوها ع الورق ( زي الاختام دلوقتي)

اول واحد يخترع ماكنه حقيقيه للطباعه هو يوهانيس جوتينبرج الالماني و الماكنه دي كانت بتقدر تطبع نسخ كتيره و بسرعه عاليه اللى عمل ثوره فى المعروفه و طريقة انتقال المعلومه.




#Article 302: قوانين كيرشهوف (234 words)


قوانين كيرخهوف هما قانونين طلعهم العالم جوستاف كيرخهوف عشان يقدر يحلل الدواير الكهربائيه. ممكن الواحد يعممهم من قانون أوم او يطلّعها من معادلات ماكسويل

قانون كيرخهوف للتيارات بيقول إن مجموع التيارات الداخلة فى اى نقطه تفرع بيساوي مجموع التيارات الخارجه من نفس التفرع. ولو اعتبرنا إن التيار الداخل قيمته اقل من الصفر واللي خارج اعلى من الصفر، يبقى مجموع التيارات كلها فى النقطه دي تساوي صفر.

القانون يمشي على التيار المستمر و التيار المتردد.

قانون أمپير بيقول  (تكوّر الحقل المغناطيسي  يساوي كثافة التيار ). مجموع التيار اللى بيخترق اى سطح  عبارة عن تكامل كثافة التيار على السطح دا

عامةً، انحراف اى تكوّر بيساوي صفرففي الحالة دي

لو ، يبقى التكامل بتاعه على اى حجم  برضه يساوي صفر. باستخدام قانون جاوس:

اخر معادله بتقول إن مجموع التيار اللى بيخترق السطح المقفول حولين الحجم  بيساوي صفر. لو الحجم دا شايل جواه نقطة تفرع فى الدايره الكهربائيه، نوصل لقانون التيارات.

قانون كيرخهوف التاني بيقول إن المجموع الجبري للجهود فى اى سكه مقفوله يساوي صفر. يعني لو لفينا فى دايرة وزوّدنا كل جهد ييجي فى السكة، حيبقى مجموع الجهود صفر لما نوصل لنقطة البداية تاني.

معادلة ماكسويل التالته بتقول  (الحقل الكهربائي ملوش تكوّر). معنى كده إن اى تكامل لي  على صطح  لازم يساوي صفر. باستخدام قانون ستوكس:

فتكامل الحقل الكهربائي على خط مقفول حولين السطح  يساوي صفر. بما إن الجهد بين نقطتين متوصلين بخط  مفهومه  فعمناه إن مجموع الجهود حولين الخط المقفول برضه صفر، زي م القانون قال.




#Article 303: الامارات (127 words)


الامارات بلد عربى في اسيا في الخلیج العربي ، بيحدها من الشمال الخلیج العربي و من الشرق خليج عمان. الامارات لها حدود من الغرب والجنوب مع المملكة العربية السعودية و من الشرق سلطنة عمان.

الامارات مشهوره بتطورها العمراني و علاقتها الودوده مع البلاد العربيه ، والسبب الرئيسي هو السياسة اللى كان الشيخ زايد بن سلطان ال نهيان بيتبعها مع كل البلاد و خاصة الدول العربيه.

الامارات هى جمع كلمة امارة لأن الامارات متكونة من سبع امارات مختلفه هى أبوظبي، دبي، الشارقة، راس الخيمة، ام القيوين، عجمان، والفجيرة. ابوظبي و دبي و الشارقة و ام القيوين و عجمان و الفجيرة قامن بالاتحاد سنة 1971 واما راس الخيمة انضمت للاتحاد بعد سنة من اتحاد الامارات السته و كونت دولة الامارات العربية المتحدة تحت رئاسة حاكم امارة أبوظبي الشيخ زايد.




#Article 304: قطن (130 words)


القطن (Gossypium)هوه نبات فى منه انواع كتير : ما بين 39 و 40 نوع و بينتمى لعيلة المالفاسي(زي الباميه و الكاركاديه). كلمة قطن كمان بتستخدم للالياف اللى بيطلعها النبات دا (لوزة القطن) و اللى بتتحلج و تتغزل وبعدين تتنسج عشان يتعمل منها قماش ليه نفس الاسم.

المصريين القدام كانو بيزرعو القطن و بيعملو منه هدوم من الالاف السنين بس جودته ما كانتش قد كدا.و بيتقال ان كلمة قطن اللى دخلت لغات كتير زي الانجليزي اصلها مصري قديم. اول واحد يدخل زراعة القطن طويل التيله لمصر هو محمد علي باشا سنة 1822.

القطن المصري بيتصنف على انه محصول صيفي و احسن وقت لزراعته هو التص الاولاني من شهر مارس فى وجه قبلي و النص التاني من شهر مارس فى وجه بحري.و الجني بيتم بعد 110 او 120 يوم من تاريخ الزراعه.




#Article 305: فى الشعر الجاهلى (381 words)


فى الشعر الجاهلى كتاب تأليف المفكر المصري و عميد الادب العربى طه حسين صدر سنة 1927. الكتاب لقى معارضه كبيرة اول ما نزل بسبب موضوعه و فكرته ، و فى نفس الوقت كانت فكرته جديده على الناس بخصوص اللى بيعرفوه عن الادب العربي . ونتيجة لكده و بسبب الضغط اللى حصل ، الكتاب اتشالت منه الجمل الصادمه ونزل تانى باسم ( فى الادب الجاهلي )

كمان طه حسين بيقول ان الشعر ده اغلبه فيه الفاظ وسهولة متدلش علي انه من العصر ده انما العرب انتحلوه بعد الاسلام بسبب الشعوبية اللى حصلت نتيجة الصراعات السياسية فبقا كل واحد بيحاول ينسب لقبيلته شاعر واشعار , والمختلف عليه هنا مش الشعراء لانهم ممكن يكونوا موجودين لكن المختلف عليه هوا لغة الشعر نفسه او بمعني اصح لهجته, وتاريخ ظهورة وانه غالبا إتألف بعد الاسلام.

الكاتب طبعا فى الكتاب بيدلل بامثله كتير و علم غزير و بيفترض ان اللهجات المختلفه قبل الاسلام ماكنتش نفس لهجة قريش لا فى سهولة الالفاظ ولا فى صعوبتها, وان القبائل بعد الاسلام احتاجت نتيجة ظهور الشعوبية ان يكون لكل واحد منها شاعر خصوصا ايام الامويين والعباسيين ويعملوا له تاريخ او يلفقوا له شعر من شعراء فى عصرهم الجديد , و بيستعرض الكتاب صورة الادب فى العصور دي وبيوريك ازاي انه الشعر الجاهلي متطابق مع الاسلامي بشكل يخلينا نسال!

ملاحظات طه حسين كلها بناها علي انه شك (زي ديكارت) ما كان بيشك فى اى شئ فيلاقي فيه اخطاء , وان اغلب الادب اليوناني اكتشفوا انه منتحل لما تعمقوا فيه وزيه الروماني . وان حكاية انتحال الادب دي ظاهره انسانيه بسبب تدخل السياسه احيانا او العصبية القبليه .

كتاب فى الشعر الجاهلى لقه معارضه كبيرة اول ما نزل أضعاف اى نقد له، و يمكن ده خللاه اشهر كُتب طه حسين . مش بس طه حسين اللى قال ان الشعر ده منحول. وكتب ادباء كتير مقالات و كتب للرد على كتاب الشعر الجاهلي اشهرهم كتاب اسمه الشهاب الراصد للاديب المصري 
كتاب فى الشعر الجاهلى اتمنع من البيع لكن بعد كده اتنشر مع تعديلات طفيفة و تحت عنوان فى الادب الجاهلى.
و اتقدم طه حسين للمحاكمه بتهمة اهانة الاسلام بسبب 4 عبارات جت فى الكتاب و اهمهم العباره دي:

بس القاضي المستنير محمد نور حكم ببرائته و امر بحفظ اوراق القضيه اداريا و قال ان دا رأي اكاديمي بتاع واحد بروفيسير فى الجامعه و مش المفروض يتاخد ضده اى اجراء قانوني (لعدم توافر القصد الجنائي).




#Article 306: موسى (651 words)


موسى (   Moshe  Mōšé;   Mōüsēs) شخصيه دينيه توراتيه و قائد عسكري و مشرع قانوني و نبي بيتنسب له كتابة التوراه. موسى هوه اهم نبي فى الديانه اليهودية و واحد من الانبيا المهمين فى المسيحيه و الاسلام و البهائية.
مافيش اى دليل معاصر لحياة موسى عشان يثبت وجوده التاريخي و ماوردش اسمه او قصة الخروج مثلا فى اى وثيقه مصريه قديمه او اى اثار تانيه فى الشرق القديم (زي مملكة آشور).
و عشان كدا ف المصدر الاساسي للمعلومات المتوفره عنه هى التوراه و اللى بتزكر انه اتولد فى مصر (سفر الخروج) لأم يهوديه اسمها يوهافيد اللى اضطرت تخبيه لان الفرعون فى الوقت دا امر بقتل كل الولاد اليهود. يوهافيد حطته فى سبت و رمته فى النيل عشان تلاقيه امرأة الفرعون اسيا بنت مزاحم و تتبناه و يتربى فى القصر الملكي {وَقَالَتِ امْرَأَتُ فِرْعَوْنَ قُرَّتُ عَيْنٍ لِي وَلَكَ ۖ لَا تَقْتُلُوهُ عَسَىٰ أَنْ يَنْفَعَنَا أَوْ نَتَّخِذَهُ وَلَدًا وَهُمْ لَا يَشْعُرُونَ}القصص 9.
بعد ما بيكبر موسى بيرتكب جريمة قتل ضد واحد مصري و بيضطر يهرب بس بيجيله امر من الرب انه يرجع مصر عشان يخلص الشعب اليهودي من العبوديه و بتحصلهم معجزه لما بينشق البحر الاحمر عشان يعدي اليهود و بعدين بيقفل تاني و بيتدمر جيش الفرعون المصري اللى بيموت غرقان.

واليهود كانوا على شريعة التوراة، وبعد ما توفي موسى عليه الصلاة والسلام غيروا وبدلوا وحرفوا وانقسموا على احدى وسبعين فرقة كلها في النار الا واحدة، وهم أتباع موسى عليه الصلاة والسلام. ولما بعث الله عيسى عليه الصلاة والسلام بشريعة التوراة وأنزل الله عليه الانجيل وأحل الله لهم بعض ما حرم عليهم وبين لهم بعض ما اختلفوا فيه كفر به اليهود وكذبوه، وقالوا: انه ولد بغي، فكذبهم الله بذلك وكفرهم وأنزل فيهم قوله سبحانه: فَبِمَا نَقْضِهِمْ مِيثَاقَهُمْ وَكُفْرِهِمْ بِآيَاتِ اللَّهِ وَقَتْلِهِمُ الْأَنْبِيَاءَ بِغَيْرِ حَقٍّ[8] الى أن قال سبحانه: وَبِكُفْرِهِمْ وَقَوْلِهِمْ عَلَى مَرْيَمَ بُهْتَانًا عَظِيمًا * وَقَوْلِهِمْ اِنَّا قَتَلْنَا الْمَسِيحَ عِيسَى ابْنَ مَرْيَمَ[9] الآية، وهكذا النصارى بعد ما رفع عيسى عليه الصلاة والسلام الى السماء اختلفوا في ذلك على اثنتين وسبعين فرقة كلها في النار الا واحدة وهي اللى آمنت بموسى وعيسى وبجميع الأنبياء والرسل الماضي، فقد أخبر الله تعالى أن ابراهيم ويعقوب أوصيا بالموت على الاسلام، وأن ابراهيم كان من المسلمين، وذلك حيث يقول تعالى في شأن ابراهيم: اِذْ قَالَ لَهُ رَبُّهُ أَسْلِمْ قَالَ أَسْلَمْتُ لِرَبِّ الْعَالَمِينَ* وَوَصَّى بِهَا اِبْرَاهِيمُ بَنِيهِ وَيَعْقُوبُ يَا بَنِيَّ اِنَّ اللّهَ اصْطَفَى لَكُمُ الدِّينَ فَلاَ تَمُوتُنَّ اَلاَّ وَأَنتُم مُّسْلِمُونَ {البقرة:131-132}.
وأخبر أن بني يعقوب أقروا على أنفسهم بالاسلام فقال: أَمْ كُنتُمْ شُهَدَاء اِذْ حَضَرَ يَعْقُوبَ الْمَوْتُ اِذْ قَالَ لِبَنِيهِ مَا تَعْبُدُونَ مِن بَعْدِي قَالُواْ نَعْبُدُ اِلَهَكَ وَاِلَهَ آبَائِكَ اِبْرَاهِيمَ وَاِسْمَاعِيلَ وَاِسْحَقَ اِلَهًا وَاحِدًا وَنَحْنُ لَهُ مُسْلِمُونَ {البقرة:133}، وأخبر أن ابراهيم واسماعيل كانا يقولان في دعائهما: ربنا واجعلنا مسلمين لك ومن ذريتنا أمة مسلمة لك، وقد وصف ابراهيم بالاسلام ونفى عنه اليهودية والنصرانية، فقال: مَا كَانَ اِبْرَاهِيمُ يَهُودِيًّا وَلاَ نَصْرَانِيًّا وَلَكِن كَانَ حَنِيفًا مُّسْلِمًا وَمَا كَانَ مِنَ الْمُشْرِكِينَ {آل عمران:67}، وأخبر أن سحرة فرعون بعد اسلامهم دعوا الله تعالى فقالوا: رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ {الأعراف:126}، وأخبر أن نوحا عليه السلام قال في خطابه لقومه: فَاِن تَوَلَّيْتُمْ فَمَا سَأَلْتُكُم مِّنْ أَجْرٍ اِنْ أَجْرِيَ اِلاَّ عَلَى اللّهِ وَأُمِرْتُ أَنْ أَكُونَ مِنَ الْمُسْلِمِينَ {يونس:72}، وأخبر أن موسى عليه السلام قال في خطابه لبني اسرائيل: وَقَالَ مُوسَى يَا قَوْمِ اِن كُنتُمْ آمَنتُم بِاللّهِ فَعَلَيْهِ تَوَكَّلُواْ اِن كُنتُم مُّسْلِمِينَ {يونس:84}، وأخبر أن سليمان عليه السلام قال في رسالته لسبأ: اِنَّهُ مِن سُلَيْمَانَ وَاِنَّهُ بِسْمِ اللَّهِ الرَّحْمَنِ الرَّحِيمِ* أَلَّا تَعْلُوا عَلَيَّ وَأْتُونِي مُسْلِمِينَ {النمل:30-31}، ووصف سبحانه وتعالى بيت لوط بالاسلام، فقال فيهم: فَمَا وَجَدْنَا فِيهَا غَيْرَ بَيْتٍ مِّنَ الْمُسْلِمِينَ {الذاريات:36}، وأخبر تعالى أن الحواريين أشهدوا عيسى على اسلامهم، فقال: فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي اِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ {آل عمران:52}.
المصدر(موقع اسلام ويب،ابن باز)

فرويد قال فى كتابه (موسي والتوحيد) ان موسي مصري الجنسيه و انه ليس من بنى اسرائيل و لكنه واحد من اتباع اخناتون - اول فرعون للتوحيد - بس بعد ذلك قاد بنى اسرائيل بديانه التوحيد . فرويد اصله يهودى و لهذا فان اليهود عارضوه و بشدة علي كتابه و نظريته.




#Article 307: ابن اياس (336 words)


زين العابدين محمد بن احمد بن إياس الحنفى الناصرى القاهرى اتلقب بـ  ابو البركات .( اتولد فى القاهره سنة 1448 - اتوفى فى القاهره سنة 1523 )، مؤرخ مصرى من اصل شركسى. من اشهر و أهم المؤرخين اللى أرخوا للعصر المملوكى و بالذات فى نهاياته قبل و فى فترة الغزو العثمانلى لمصر سنة 1517. و بكده بيعتبر من أهم مؤرخين مصر فى العصور الوسطى.

كتابه  بدائع الزهور فى وقائع الدهور   (5 اجزاء فى 6 مجلدات ) بيعتبر أهم مؤلفاته و أرخ فيه لتاريخ مصر الضخم من بداية التاريخ لغاية سنة 1522. وبيحكى فيه عن اللى حكموا مصر و المناطق اللى جنبها و الحاجات اللى حصلت و عن الوفود اللى كات بتيجى مصر من البلاد التانيه زى الهند و تركيا و اوروبا و شمال افريقيا و الحبشه و غيرها.

جده الامير إياس الفخر الظاهرى كان من مماليك الظاهر سيف الدين برقوق، و أبوه كان امير و على اتصال بالامرا و موظفين الدوله المصريه. ابن إياس كان بيكتب الشعر و كان بيحبه و فى كتابه أشعار من تأليفه و من تأليف غيره.

اسلوبه فى الكتابه و ترتيب الحوادث مميز جداً، و كان بيكتب بلغه عربيه بسيطه وواضحه مخلوطه باللغه المصريه اللى الناس بيتكلموها فى عيشتهم اليوميه . وكان حريص على توضيح المصادر اللى إعتمد عليها فى الأحداث اللى ما عاصرهاش. ابن إياس عاش فى عصر مؤرخ مصري كبير تاني اسمه  السيوطى  ( نسبه لأسيوط ).

ابن إياس عاصر حوادث نهاية عصر المماليك الشراكسه ( المماليك البرجيه ) و حضر الغزو العثمانلى ، و بيعتبر كتابه  بدائع الزهور فى وقائع الدهور  أهم مصدر للمعلومات عن الفتره دى اللى كتب عنها بالتفصيل بطريقة الحوليات يوم بيوم، وبيعتبر المؤرخ الوحيد اللى كتب عن الفتره دي.

الباحثين و المستشرقيين الغربيين اهتموا جداً بكتاب ابن إياس و عملوا عنه دراسات كتيره ، و كلفت جمعية المستشرقين الألمانيه باحثين مصريين بتحقيق الكتاب و نشرته ، و بكده قدمت خدمه كبيره لمصر و الباحثين و الدارسين.

دون ابن إياس قصيده شعريه جميله و مؤثره مشهوره عن غزو العثمانليه لمصر سنة 1517 و اللى بيها انتهى العصر المملوكي و ضاع من مصر إستقلالها. بيقول مطلعها :




#Article 308: لغه اسبانى (106 words)


اللغه الاسپانى (Español; نطق: ()) او كاستييانو (Castellano نطق: ) نسبه لكاستييا هى لغة رومانسيه هندو-اوروبيه, نشأت فى شمال اسپانيا, وانتشرت بالتدريج فى مملكة كاستييا. الاسپانى اصلا كان اسمه كاستييانو, و كان اللغة الوطنية للكاستيين, يعتقد بأنه نشأ فى كوردييرا, فى شمال اسپانيا وانتشر فى كل اسپانيا فى القرون التامن والتاسع الميلادى.

بعد الاسترداد, حل الكاستييانو محل كل لغات جنوب اسپانيا تقريبا, فى الاسپانى, كلمة castellano (كاستيانو) و كلمة español (الاسپانيه) معناهم واحد.

بين القرون الخمستاشر والتسعتاشر مع توسع الامبراطوريه الاسپانيه وصل الاسپانى لأفريقيا و الامريكتين, و اسيا و المحيط الهادى. دلوقتى فيه بين 322 و 400 مليون شخص بيتكلم اللغة الاسپانى باعتبارها اللغة الام ليهم.




#Article 309: هليكوبتر (255 words)


الهليكوبتر (يونانى: Ελικόπτερο (έλιξ + πτερόν); انجليزى: Helicopter; فرنساوى: Hélicoptère) هى طيارة بتعلّى و تطير باستخدام موتور دوار (انجليزى: rotor) واحد او أكتر. الدوار بيبقى جناحات صغيره كتير, اسمها ريَش الدوار (انجليزى: rotor blades) اللى بيلفو مع بعض حوالين رمح (انجليزى: shaft). علشان كده, الهليكوبترات بيتسمّو طيّارة جناحات دواره. الهليكوبتر بتطير بطريقه مختلفه عن الطياره. الطيراه لازم تمشى قدام علشان تفضل فى الهوا, بس لإن ريَش الدوار دايما بيتحركو, الهليكوبتر تقدر تقف و تحوم فى رقعه واحده فوق الارض. ده بيسمح ليهم انهم يرسو فى اماكن الطيرات مش بتقدر ترسى فيها. الهليكوبترات بيقدرو يتحركو بـ تمييل الدورات بتاعتها, اللى بيخلّى ريَش الدوار تطير ناحية ما الدوار متميّل.

من حوالى 400 ق م, الصينيين كان عندهم طياره فوقانيه كانت بتستعمل علشان العيال تلعب بيها. الطياره دى كانت معموله من bamboo/خيزران و كانت بتستعمل نفس طريقة الجناحات اللى بتلف علشان تطير فى الهوا. بعدين الطيرات الفوقانيه كانو بيتعملو من ريش مربوط على العصايه. ليوناردو دا ڤينتشى الاول فكر فى هليكوبتر بيطيرها راجل فى 1490, و رسم صور لافكاره. بعديها بـ ميّات السنين لحد القرن ال20 لحد اما قدر اى حد يبنى طياره تنفع تطير فعلا. اول راجل قدر يطيّر هليكوبر كان Paul Cornu الفرنساوى.

الهليكوبترات مفيده بالذات لما يكون فيه فيضانات او كوارث تانيه. علب الأكل, المايه, الادويه و الهدوم بتترمى من الهوا للناس ع الارض اللى ما تنفعش يتوصل ليها بالشوارع. لما الناس بتتجرح, الهليكوبترات تقدر تودّيهم للمستشفيات اسرع من عربية الاسعاف على الشارع. الهليكوبترات بردو بيستعملو فى الجيش, لإنها ممكن تنقل قوّات و معدّات لأماكن الطياره ما تقدرش تروحها. المدافع ممكن تتعلّق على الهليكوبترات, بردو.




#Article 310: ڤينيزويلا (178 words)


ڤينيزويلا (بالاسبانى Venezuela), هى بلد فى شمال امريكا الجنوبيه. اسمها الرسمى هو República Bolivariana de Venezuela (الجمهوريه البوليڤاريه الڤينيزويليه). لغتها الرسميه هى الاسبانى, و عاصمتها هى كاراكاس. فنيزويلا بتنتج كميات كبيره من البترۏل كل سنه, و هى واحدة من اكبر منتجين البترول فى العالم و لكن يكثر بيها حالات القتل و الجريمة

ڤينيزويلا ليها حدود مع كولومبيا من الغرب ، جيانا من الشرق ، و برازيل من الجنوب. ساحلها الشمالى 2800 كيلو متر تقريبا (1700 ميل) و تشمل كتير من الجزر فى البحر الكاريب.

الفنيزويليين القدام اجو لـ الشرق, و الغرب, و الجنوب, و الشمال. كريستوفور كولومبوس كان اول اوروبى يقف على الارض, بس كان ساعتها فيه أساسى مواطنين اصليين عايشين هناك لـ مده طويله. الاسبان اول ناس يغزو فنيزويلا. العبيد اتجابو من افريقيا.

اقتصاد ڤينيزويلا بيعتمد على البترول, و القطن, و الكاكاو, و السكر, و القهوه و التبغ. فى 24 يوليو, سنة 1823, سيمون بوليڤار قدر يجيب الاستقلال لـ فنيزويلا.

فيه لغات تانيه بيتكلمو بيها فى فنيزويلا, زى «Carib, Guahibo, Warao, Wayuu, Pemon, Piaroa».

ڤينيزويلا جمهوريه ليها برلمان

من المؤمنين بـ الأديان; 96% كاثوليك, و 2% بروتستانت/انجيليين.




#Article 311: ابن ايبك الدوادارى (122 words)


ابو بكر بن عبد الله بن أيبك الدواداري ( مش معروف مكان و تاريخ الولاده و الوفاه) مؤرخ مصري مملوكي نشأ وعاش فى حارة الباطلية فى القاهرة. جده  ابن أيبك كان امير صرخد ، وأبوه  عبد الله بن أيبك وهو نفسه كانوا على إتصال بأكابر الايوبيه والمماليك و شافوا بنفسهم أحداث تاريخيه كتيره و مهمه جداً زي سقوط الدوله الأيوبيه و ظهور الدوله المملوكيه. من أهم مؤلفاته  كنز الدُرر وجامع الغُرر  و  درر التيجان وغرر تواريخ الزمان .

كنز الدُرر وجامع الغُرر ( 9 مجلدات ) بيعتبر من أهم الكتب اللى إتكتبت عن العصر الأيوبي و العصر المملوكي لإن ابن أيبك الدواداري حضر بنفسه أحداث حصلت فيها قبل ما يظهر المؤرخين المشهورين التانيين زى  المقريزى  و ابن تغرى  و  ابن إياس .




#Article 312: محيى الدين بن عبد الظاهر (141 words)


محيي الدين ابو الفضل عبد الله بن رشيد الدين عبد الظاهر السعدي المصري . ( اتولد فى القاهره سنة 1223 م - إتوفى فى القاهره سنة 1292 م ). اتلقب بـ شيخ اهل الترسل و الكاتب الناظم الناثر. مؤرخ و قاضى مصرى و رئيس ديوان الإنشا فى مصر  عاصر سلاطين كبار زي قطز ، و الظاهر بيبرس و ولاده السعيد بركة و سلامش ، و قلاوون الألفى و ابنه الأشرف خليل. الف كتابه المشهور  الروض الزاهر فى سيرة الملك الظاهر  عن حياة وأعمال السلطان الظاهر بيبرس البندقداري ( حققه و نشره عبد العزيز الخويطر ) ، و كتاب  تشريف الايام والعصور فى سيرة الملك المنصور  عن حياة وعصر السلطان قلاوون ( حققه مراد كامل ) ، و كتاب  الألطاف الخفية من السيرة الشريفة السلطانية الأشرفية  عن الاشرف خليل فإدى معلومات تاريخية كامله عن عهود الظاهر بيبرس و قلاوون و الأشرف خليل.




#Article 313: الكالا دى ايناريس (101 words)


 الكالا دى ايناريس، بمعنى قلعة على نهر ايناريس ، هى مدينة اسبانية ، مركز تاريخى و واحده من مواقع التراث العالمى , واحده من المدن فى منطقة مدريد على بعد 35 كيلومتر شمال شرق مدينة مدريد و على ارتفاع 588 متر (1929 قدم) فوق مستوى سطح البحر ، و عدد سكانها حوالى 200000 ، و هى تانى أكبر مدن المنطقة بعد العاصمة الاسبانية نفسها.

الكالا دى ايناريس واحدة من اول الأسقفيات اللى اتأسست فى اسبانيا, و المدينة معروفة عموما مجرد الكالا  ، لكن دى ايناريس غالبا بتمييزها عن عشرات المدن باسم Alcalá . و الكالا دى ايناريس عاصمة كوماركا دى الكالا.




#Article 314: بركان (247 words)


البركان ( volcano) هو فتحه فى قشرة الارض (او اى كوكب تاني) و اللى بيخرج منها الlava (صخور سخنه و سايحه و رماد و غازات) على شكل انفجارات وبالعربية الفصحة اللابة.القصبة : وهي الأنبوب الذي يصل بين خزان الصهارة تحت الارض والفوهة و الذي تصعد منه الصهارة.

البراكين تعتبر من اكبر الظواهر المروعه والمفجعه في الطبيعه وهو عباره عن:فتح او شق ف القشره الارضيه تسمح للصخور المنصهره والغازات المحبوسه معها بالخروج الي سطح الارض وتاتي هذه الصخور من غرف مؤقته او تجاويف موجوده علي اعماق تحت سطح الارض تسمي غرف او خزانات الماجما ومن اسباب حدوث البراكين طاقة الغازات الحبوسه وتعتبر القوة الرئيسيه لتفجير البراكين ويتضح ذلك في اماكن تداخل وتقابل الالواح التكتونيه حيث تؤدي لحدوث تشققات في القشره الارضيه تنطلق منها البراكين ويتكون جسم البركان من اندفاع الماجما خلال شقوق في صخور القشره الارضيه لتصل الي سطح الارض وتعمل الماجما المتصاعده علي انصهار ما يصادفها من صخور وعندما تصل الماجما الي سطح الارض تسمي بالافا او الحمم البركانيه وعند تعرضها للهواء والضغط الجوي العادي تبرد وتتجمد لتكون الصخور البركانيه اللى تكون جسم البركان علي شكل مخروط عادة واجزاء البركان هي :

فوهة البركان:وتندفع منها المواد البركانيه

القصبه:تندفع من خلالها المواد البركانيه الي الفوهه

المخروط البركاني:يمثل شكل البركان وتوجد به فوهة البركان

ومن نواتج البراكين:وهي المواد المندفعه من فوهات البراكين اثناء ثوراتها وهي

وتصنف البراكين الي ثلااثة انواع وهي:

الان دعونا نتحدث عن فوائد البراكين وتاثيرها علي سطح القشره الارضيه:_

تعتبر البراكين من عوامل البناء لصخور القشره الارضيه حيث انها السبب في:

اتمني اكون افدتكم وشكرا ..................




#Article 315: المجر (113 words)


المجر او هنجاريا (بالمجرى:ماجارۏرساج Magyarország) رسميا جمهورية المجر, هى بلد من غير سواحل فى منطقة الكاربات وحوض أوروبا الوسطى ، و تحدها النمسا ، و سلوفاكيا ، و أوكرانيا ، و رومانيا ، و صربيا ، و كرواتيا ، و سلوفينيا . وعاصمتها بودابيست.

المجر عضو فى منظمة التعاون الاقتصادى والتنمية ، و منظمة حلف شمال الأطلنطى و الاتحاد الأوروبي ، و مجموعة فيسيجراد و اتفاقیة شینجین اللغة الرسمية مجرى ، اللى هى جزء من العیلة الفنلندية الأوجرية و واحده من اربع لغات رسمية للاتحاد الأوروبي مش من اصل هندو-أوروبی.

المجر كانت واحدة من اكثر 15 المقاصد السياحية شهرة فى العالم فى العشر سنين الماضية.و تعتبر واحدة من أجمل المناطق الحضرية فى العالم.




#Article 316: المقريزى (1991 words)


تقي الدين احمد بن على المقريزى القاهرى ( إتولد فى القاهرة 1356 - إتوفى فى القاهرة 1441 ) . عميد المؤرخين العرب من العصور الوسطى و لغاية دلوقتي 

عربي يرجع نسبه الى الفاطميين قال تلميذه ابن تغري بردي في كتابه النجوم الزاهرة: وأملى عليَّ نسبه الناصري محمد ابن أخيه بعد وفاته، إلى أن رفعه إلى علي بن أبي طالب من طريق الخلفاء الفاطميين

كتبه بتعتبر افضل اللى إتكتب عن تاريخ مصر. إتولى الحسبه فى القاهره و كان له إتصال بالملك الظاهر برقوق. بس فضل إنه يبعد عن وظايف الدولة عشان يتفرغ لكتابة تاريخ مصر. من مؤلفاته الموسوعية   السلوك لمعرفة دول الملوك   ( 7 اجزاء ) و أرخ فيه لتاريخ مصر الضخم ، و   المواعظ و الاعتبار بذكر الخطط و الاثار   ( 4 اجزاء ) عن تخطيط القاهرة و مصر و مبانيها ، و   اتعاظ الحنفا بأخبار الائمة الفاطميين الخلفا   . من كتبه كمان  البيان و الإعراب عما فى ارض مصر من الأغراب  و  إغاثة الامة بكشف الغمة  و  تاريخ الأقباط .

اتولد المقريزى فى القاهره سنة 1356 و نشأ فى حارة برجوان ، و دى كانت حاره مشهوره فى القاهره معروفه بحيويتها و زحمتها ، و درس على ايدين مشايخ عصره الكبار زى ابن رزين و البرهان الأمدى و ابن ابو المجد و السراج البلقينى و الهيثمى و ابن خلدون و ابن الصائغ اللى اتكفل بيه و رباه بعد ما اتوفى ابوه اللى كان بيشتغل فى القضاء و ديوان الانشا. اتلمذ المقريزى و اتعلم على ايدين حوالى 600 عالم و اتأثر بالذات بإبن الصايغ و ابن خلدون ، فطلع متبحر فى علوم الدين و الفقه و الادب و علوم عصره و اهتم بالتاريخ بالذات. علمه و قدراته و مواهبه الادبيه فتحو له باب التوظيف فى الدوله فإشتغل فى ديوان الإنشا سنة 1386 و هو لسه عنده اتنين و عشرين سنه ، و بعدين درس فى الجوامع و اتعين نايب عن قاضى القضاه الشافعى ( يعنى قاضى ) ، و بعدين بقى خطيب فى جامع عمرو بن العاص و مدرسة السلطان حسن و امام فى جامع الحاكم و مدرس حديث فى المدرسه المؤيديه ، و فى سنة 1389 عينه السلطان برقوق محتسب فى القاهره و الوجه البحرى و اتولى الشغلانه دى كذا مره ، و فى سنة 1413 سافر مع السلطان الناصر فرج بن برقوق على الشام و اتصاحب على الامير يشبك الدوادار و اتعين ناظر على اوقاف القلانسى و البيمارستان النورى فى دمشق و درس هناك فى المدارس و بالذات فى الدرستين الاشرفيه و الاقباليه و بعد ما قضى كام سنه فى دمشق رجع مصر و مارضاش يشتغل فى الحكومه واتفرغ فى بيته للقرايه و الدراسه و الكتابه. و بعد فتره سافر الحجاز و عاش فى مكه خمس سنين و اشتغل فى التدريس و التأليف و بعدين رجع للقاهره و استقر فى بيته فى حارة برجوان من تانى و فضل فيه يقرا و يدرس و يكتب لأخر حياته.

اهتم المقريزى بالتاريخ من صغره و كان شغوف بجمع المعلومات التاريخيه، و فى مقدمة كتابه الخطط بيقول :  فقيدت بخطى فى الاعوام الكثيرة و جمعت من ذلك فوائد قل ما يجمعها كتاب، او يحويها لعزتها و غرابتها . و استهواه بالذات تاريخ مصر لإن مصر زى ما قال :  مسقط رأسى و مجمع ناسى.. لا زلت منذ شدوت العلم أرغب فى معرفة أخبارها و اهوى مساءلة الركبان عن سكان ديارها...

علم المقريزى و براعته الادبيه و التاريخيه خلته يبقى مقرب من السلطان الظاهر برقوق و بعد كده من ابنه الناصر فرج و كان على صله بالامير يشبك الظاهرى فكانت حياته مستقره من النواحى الوظيفيه و الماليه و ده اداه فرصه للدراسه و جمع المعلومات التاريخيه. و لما قرب من سن الستين استقر فى القاهره بطريقه شبه دايمه و اتفرغ للتاريخ.

قضى المقريزى بعد ما اعتزل الوظايف حوالى تلاتين سنه فى كتابة مؤلفاته التاريخيه اللى وصلت ل 100 مجلد و اكتر من 30 مصنف و كتيب و رسايل و كتب موسوعيه ضخمه. و قسم المؤرخين و الباحثين مؤلفاته على خمس نوعيات : نوعيه عن تاريخ مصر و القاهره فى العصور المختلفه ، و نوعيه للتاريخ الاسلامى ، و نوعيه عن موضوعات خاصه زى الفلوس و الموازين و النزاع الأموى الهاشمى و حج الملوك ، و نوعيه عن البلاد زى الحبشه و المغرب و حضرموت ، و نوعيه فيها معلومات مختلفه.

اسلوب المقريزى و طرق معالجته للتاريخ بقوا مدرسه اتلمذ عليها تقريباً كل المؤرخين اللى عاصروه و جم بعده ، و بقى اهم مصدر من مصادر التاريخ لكل المؤرخين و الباحثين فى الشرق و الغرب و عشان كده اتلقب بـ  شيخ المؤرخين .

المقريزى هو زعيم المؤرخين المصريين و عميد مدرسة التأريخ المصريه فى العصور الوسطى من غير منازع و السبب فى كده انتاجه الضخم و اسلوبه الجميل و طريقة طرحه للمعلومه التاريخيه المقريزى ما اتوقش بس على كل مؤرخين مصر و الشرق الاوسط فى العصور الوسطى لكن على كل مؤرخين زمانه فى الشرق و الغرب.

مؤلفات المقريزى نوعين ، نوع عباره عن كتب صغيره و نوع عباره عن كتب موسوعيه كبيره. كتبه الصغيره ليها اهميه خاصه و ما بتقتصرش على التاريخ و من ضمنها كتب فيها مواضيع ماهمتش غيره من المؤرخين زى كتاب  الإلمام بأخبار من بأرض الحبشة من ملوك الاسلام  ، و كتاب  الطرافة الغريبة من أخبار حضر موت العجيبة . معظم الكتب الصغيره دى الفها المقريزى فى اخر ايامه.

المقريزى كان عالم تاريخ بمعنى الكلمه فكان بيحب المعرفه لذاتها و بيتمتع بالبحث و الدراسه و التدوير على المعلومات و قال فى كذا مقدمه كتبها لكتبه انه ما كتبش الكتاب ده بسبب طلب امير او عظيم لكن عشان هو نفسه يتعلم و يفهم. فى مقدمة كتابه  البيان والإعراب فيمن نزل ارض مصر من الأعراب  كتب ان المقاله (الكتيب )  قيدتها لنفسى و لمن شاء من ابناء جنسى .

كتب المقريزى مجموعة كتب ضخمه و قيمه جداً زى :

 المواعظ و الاعتبار بذكر الخطط و الاثار  : الكتاب ده فريد فى موضوعه و طريقته و مادته الغزيره اتكلم فيه المقريزى عن القاهره و خططها ( يعنى طبغرافيتها ) قبل عصره و فى عصره ، و ازاى القاهره و شوارعها و اسواقها و احيائها و جوامعها و كنايسها و مدارسها و قصورها و اسوارها و ابوابها اتطورت. و بتبين نصوص الكتاب الاصليه ان المقريزى كتبه و ضاف ليه و صححه فى فتره مدتها خمسه و تلاتين سنه. و لولا الجهد الكبير اللى عمله المقريزى فى جمع مادة الكتاب ده و كتابته كان ما اتعرفش الكتير عن تاريخ القاهره العمرانى و الطبغرافى فى العصور الوسطى. و حرص المقريزى كمؤرخ كبير انه يذكر مصادر المعلومات اللى وردت فى الكتاب. معظم المصادر دى ضاعت و لولا ان المقريزى ذكرها ما كانش حد عرف عنها حاجه فى العصر الحديث. و بعد عصر المقريزى فيه مؤرخين كتبوا مختصرات للكتاب زى محمد بن احمد الشبلى ( الروضه البهية فى القاهرة المعتزلية ) ، و شمس الدين بن ابى السرور ( قطف الأزهار من الخطط و الاثار ).

المقريزى كتب  المواعظ و الاعتبار بذكر الخطط و الاثار  بشعور وطنى و لحبه لبلده مصر مش عشان يرضى امير او سلطان فبيقول فى مقدمته الجميله : ... وكانت مصر هى مسقط رأسى ، وملعب أترابى و مجمع ناسى ... أرغب فى معرفة أخبارها، وأحب الإشراف على الاغتراف من آبارها، و أهوى مساءلة الركبان عن سكان ديارها، فقيدت بخطى فى الاعوام الكثيرة، وجمعت فى ذلك فوائد قل ما يجمعها كتاب، او يحويها لعزتها و غرابتها إهاب  .

الشعور الوطنى المصرى ده شعور مبكر فى العصور الوسطى و مالهوش مثيل لغاية نص القرن التسعتاشر لما رفاعه رافع الطهطاوى اشاد ببلده مصر فى كتاباته اللى كان منها كتابه  مناهج الألباب المصرية  .

الجزءالأولانى من الكتاب جغرافيا عامه عن مصر و نيلها و جبالها و خراجها، و الجزء التانى عن المدن المصريه و اجناس سكانها ، و التالت عن الفسطاط ، و الرابع عن القاهره ، و الخامس عن أحوال القاهره فى عصره ، و الساتت عن قلعة الجبل و السلاطين اللى حكمو مصر و منطقة جنوب البحر المتوسط منها و المبانى ، و السابع عن اليهود و المسيحيين المصريين و كنايسهم و اديرتهم. و بكده الكتاب عباره عن منجم تاريخى فيه تسجيل لتاريخ مصر العمرانى و الاجتماعى و الفنى و الاقتصادى بطريقه مش موجوده فى أى كتاب تانى . للاسباب دى كتاب  الخطط  اهتم بيه المستشرقيين الغربيين و الباحثين ، و لقو كذا مخطوط ليه فى كذا بلد منها مخطوط الأوقاف فى استانبول ( مجلدين ) ، و مخطوط احمد التالت 2946 ( مجلد ) و 2947 ( تلت مجلدات ) ، و عاشر ريس ، و حكيم أوغلو ، و دامار ابراهيم ، و الظاهريه فى دمشق ، و كلها نسخ كامله غير حتت مخطوطه من الكتاب اتلقت فى امصر و استانبول و اماكن تانيه. العثمانيين بعد ما دخلو مصر سنة 1516 نقلو - من ضمن كل اللى نقلوه- مخطوطات مصريه كتيره لتركيا.

اترجم الكتاب للاتينى سنة 1724 و بعدين للفرنساوى سنة 1895 و 1901 و للغات اوروبيه تانيه ، و اعتمد عليه المؤرخين و المستشرقين و الباحثين الاوروبيين فى دراساتهم القيمه. فى مصر اتنشر الكتاب سنة 1854 فى مجلدين كبار و بعدين المطبعه الاهليه نشرته تانى فى اربع مجلدات سنة 1907.

 السلوك لمعرفة دول الملوك  : ده ابرز مؤلفات المقريزى و أهم الكتب اللى اتكتبت عن تاريخ مصر الوسيط. جمع فيه المقريزى و سجل فيه معلومات كتيره عن العصر الأيوبى و المملوكى من سنة 1181لسنة وفاته 1441. اعتمد المقريزى على المصادر اللى سبقت زمانه و بحيادته التاريخيه و اسلوبه العلمى المتزن سجل المصادر مع الأحداث. و من مصادره كانت مؤلفات ابن الفرات و ابن أيبك الدوادارى و بيبرس الدوادار و ابن واصل و محيى الدين بن عبد الظاهر و غيرهم. المقريزى نقل كمؤرخ محترف متمكن مش كمجرد ناسخ و ضاف معلومات و تفاصيل مهمه تكميليه خلت من كتابه يبقى ثروه تاريخيه. المقريزى كتب الكتاب ده بطريقه جديده بتختلف عن طريقة اللى سبقوه زى ابن الفرات او الدوادار او النويرى ، و عمله بطريقة الحوليات و دون احداث كل سنه فى فصل مستقل و ختم كل سنه بذكر الوفيات و الترجمه للمتوفيين بإختصار. فى النص التانى من الكتاب بقى بيفتتح احداث السنه بذكر اللى عاصروها من سلاطين و رجال الدوله و التغييرات اللى حصلت خاصة فى حالة قعاد سلطان جديد على عرش مصر.

مخطوطات كتاب  السلوك  منها مخطوط ايا صوفيا فى تركيا ( 4 مجلدات ) و مخطوط احمد التالت ، و فيه اجزاء اتلاقت فى الظاهريه فى دمشق و فى اكسفورد فى انجلترا ( 4 مجلدات ) ، و فيه مخطوطات للكتاب محتفظ بيها فى دار الكتب المصريه.

اهتم المؤرخين و المستشرقين و الباحثين الغربيين بكتاب السلوك و ترجموه للغات كتيره ، و اتنشر منه فى وقت مبكر مجلدين بالفرنساوى فى باريس ما بين سنة 1837 و 1845 بعنوان  تاريخ السلاطين المماليك فى مصر  بتحقيق المستشرق اتين مارك كاترمير Etienne Marc Quatremère.

اتنشر الكتاب فى مصر و ظهر الجزء الاول منه فى القاهره سنة 1934 بتحقيق محمد مصطفى زياده و ظهرت الاجزاء التانيه فى السنين اللاحقه لغاية ما اكتمل الكتاب ( اخد اربعين سنه ) و حققها مؤرخين زى جمال الدين الشيال.

 اتعاظ الحنفا بأخبار الائمة الفاطميين الخلفا  : بيعتبر الكتاب ده اكمل مصدر عن التاريخ الفاطمى. إبتدا فيه المقريزى بالتأريخ لأاصل الفاطميين و مشكلة نسبهم و قيام دولتهم فى المغرب و خلفائها الاربعه هناك. و بعدين اتكلم عن دخول الفاطميين مصر و صراعهم مع القرامطه ، بعد كده ارخ لكل خليفه فيهم واحد ورا التانى لغاية ما انتهت دولتهم. المقريزى فى الكتاب ده استوعب خلاصة اللى قالوه المؤرخين عن الفاطميين فى عصره و العصر اللى سبقه. معظم المؤلفات دى ضاعت لكن بيرجع الفضل للمقريزى انه سجل اللى كتبوه و كتير من نصوصهم فى كتابه فادى خدمه كبيره لتاريخ فترة الفاطميين. النصوص دى كانت لمؤرخين زى ابن زولاق و ابن الطوير و الامير ابن شداد و أخى محسن و ابن المهذب و ابن رزاء.

لغاية اربعينات القرن العشرين ما كانش معروف من الكتاب ده غير نسخه مخطوطه ناقصه فى مكتبة توبنجن فى المانيا ، و نشر عنها المستشرق الالمانى بونز كتاب سنة 1909 ( طبعة دار الأيتام فى القدس ) و اثبت إن المخطوطه اتكتبت بخط المقريزى نفسه. المؤرخ المصرى جمال الدين الشيال نشر النص فى القاهره سنة 1948 بعد ما صححه بشكل علمى. بعد كده اكتشف المؤرخ و المستشرق كلاود كاهين Claude Cahen ان فيه نسخه كامله من الكتاب موجوده فى مكتبة احمد التالت فى استانبول ، و بين جمال الدين الشيال ان الكتاب الاولانى ما كانش اكتر من سدس الكتاب الكامل و قدر يجيب النص الكامل و نشر المجلد الاول فى القاهره سنة 1967 لكن اتوفى و كمل الموضوع محمد حلمى احمد و نشر مجلدين تانيين فى القاهرة سنة 1971 و 1973 .

 




#Article 317: كوليرا (148 words)


الكوليرا مرض معدى بيصيب الجهاز الهضمى و بتسببه باكتيريا اسمها فيبريو كوليرا

أسباب مرض الكوليرا يُسبّب هذا المرض بكتيريا تُسمّى الفيبريو كوليرا، وتسمى أيضاً الضمّة الكوليريّة، وعادةً ما توجد في الأغذيةِ أو المياه الملوثة، وتشمل ما يأتي:[٣] شرب المياه المُلوّثة أو المخلوطة بمياهِ الصّرف الصحيّ، حيث ترتبط المياه المُلوّثة بانتقال الأمراض زى الكوليرا، والإسهال، والتهاب الكبد (A)، وشلل الأطفال، والتّيفوئيد. الخضار اللى نَمَت من المياه اللى تحتوي على فضلات الإنسان. الأسماك النيئة أو المأكولات البحريّة المُستخرجة من المياهِ المُلوّثة بمياهِ الصّرفِ الصحيّ.

اهم حاجه فى علاج الكوليرا هوه معالجة الجفاف بمحلول ممكن يتحضر بسهوله فى البيت من الملح و السكر والبيكاربونات و الفاكهه و المايه. فى الحالات الشديده بيبقى لازم يتحجز المريض فى المستشفا و ياخد محاليل فى الوريد.
المضادات الحيويه بتقصر فترة المرض و بتخفف من الاعراص بتاعته بس محلول معالجة الجفاف(Oral Rehydration Solution-ORS)بيتنيه اهم و اول علاج للكوليرا.
من المضادات الحيويه اللى بتستخدم فى علاج الكوليرا:




#Article 318: جمال الدين الشيال (287 words)


جمال الدين الشيال ( دمياط ، 27 يونيه 1911 - اسكندرية ، 2 نوفمبر 1967 ) مؤرخ مصرى و استاذ كبير مشهور فى التاريخ الاسلامي. إتخرج من جامعة القاهرة سنة 1936 ، و أخد الدكتوراه فى التاريخ من جامعة اسكندريه سنة 1947 بتفوق. كرمته مصر و أخد جوايز تقديريه كتيره من الدوله منها جايزة الدوله التشجيعيه فى التاريخ. إشتغل محاضر فى معاهد و كليات مختلفه و إشتغل ملحق ثقافى لمصر فى الخارج.

حقق كتب تاريخيه مهمة منها كتاب المقريزي  إغاثة الامه بكشف الغمة ، و الجزء الاول من كتاب المقريزى  اتعاظ الحنفا بأخبار الائمة الفاطميين الخلفا  ، و كتاب ابن واصل  مفرج الكروب فى تاريخ بنى أيوب  و له مؤلفات قيمه فى التاريخ زى  تاريخ مصر الاسلامية  ( جزئين ) اللى كتب فيه عن تاريخ مصر فى العصور المختلفه و صحح فيه غلطات للكتاب و المؤرخين المعاصرين. بوفاة جمال الدين الشيال و هو عنده 56 سنه مصر ضاع منها مؤرخ فذ مااتعوضش فيها.

كتاب  اتعاظ الحنفا بأخبار الائمة الفاطميين الخلفا  لغاية اربعينات القرن العشرين ما كانش معروف منه غير نسخه مخطوطه ناقصه فى مكتبة توبنجن فى المانيا ، و نشر عنها المستشرق الالمانى بونز كتاب سنة 1909 ( طبعة دار الأيتام فى القدس ) و اثبت إن المخطوطه اتكتبت بخط المقريزى نفسه. جمال الدين الشيال نشر النص فى القاهره سنة 1948 بعد ما صححه بشكل علمى. بعد كده اكتشف المؤرخ و المستشرق كلاود كاهين Claude Cahen ان فيه نسخه كامله من الكتاب موجوده فى مكتبة احمد التالت فى استانبول ، و بين جمال الدين الشيال ان الكتاب الاولانى ما كانش اكتر من سدس الكتاب الكامل و قدر يجيب النص الكامل و نشر المجلد الاول فى القاهره سنة 1967 لكن اتوفى و كمل الموضوع محمد حلمى احمد و نشر مجلدين تانيين فى القاهره سنة 1971 و 1973 .




#Article 319: اوجوست و لوى لوميير (183 words)


الأخين لوميير, اوجوست مارى لوى نيكولا ( Auguste Marie Louis Nicolas)۔ (19 اكتوبر 1862, بيسانسون, فرنسا - 10 ابريل 1954, ليون) و لوى چون ( Louis Jean)۔ (5 اكتوبر 1864, بيسانسون, فرنسا - 6 يونيه 1948, باندول),
كانو من صانعين الأفلام الأولانيين. (lumière معناها المصرى نور).

الأخين لوميير إتولدو فى بيسانسون, فرنسا في 1862 و 1864, و راحو ليون فى 1870. هما الإتنين كانو بيروحو La Martiniere Lyon, اكبر مدرسه تكنيكيه في ليون.
أبوهم شارلى أنتوان لوميير (1840-1911) عمل فيلم فوتوجرافى و الأخين إشتغلو له: لوى كـ فيزيائى و اوجوست كـ مدير. لوى عمل شوية تحسينات لـ عملية الصور الثابته, أشهرها عملية اللوحه-الناشفه, اللى كانت خطوه كبيره لـ الصور المتحركه.

الأخين مابتدوش يعملو صور متحركه لحد ما أبوهم إعتزل فى 1892. كان ليهم براءة الإختراع فى عدد من عوامل مؤثره, اللى أدّت لـ كاميرة الفيلم بتاعتهم - أشهرها اخرام الفيلم (إتنفذت فى الأساس من إميل رينو) كـ وسيله لـ تقدم الفيلم عن طريق الكاميره و جهاز العرض. السينماتوجراف لواحدهُ براءة إختراع 13 فبراير, 1895 و أول تصوير إتسجلت بـ إستخدامهُ كان فى 19 مارس, 1895. الفيلم الأولانى بيورّى عـُمّال بيخرجو من مصنع لوميير.




#Article 320: المحمل المصرى (387 words)


المحمل المصرى كان الهودج اللى بتتحط فيه كسوة الكعبه اللى كان سلاطين مصر المملوكيه بوصفهم بيتلقبوا بـخدام الحرمين الشريفين و بيملكوا الحجاز بيبعتوه مع القافله المصريه اللى رايحه على مكه عشان يكسوا الكعبه. المحمل كان بيلف القاهرة بالطبل و الزمر وبعد كده كان بيطلع على الحجاز تحت رعاية الامرا المصريه. اتنقلت العاده لحكام مصر فى العصور اللى جت بعد كده و فضلت لغاية العصر الحديث.

بتعتبر شجر الدر سلطانة مصر هى اول اللى بعت كسوة الكعبه من مصر لما راحت تحج فعملولها هودج مربع عليه قبه قعدت فيها و معاها الكسوه و وراها مشيت قافلة الحجاج المصراويه فإتسمى المحمل.

كسوة الكعبه كان بيشرف على تصنيعها و تطريزها مسئول بيتسمى  ناظر الكسوه  ، و نقلها للحجاز كان بيتم تحت إشراف امير كبير بيتسمى  امير الحاج .

لما كان المحمل بيقرب من مكه اميرها كان بيخرج يستقبل الجمل اللى شايله بإحترام كبير و كان بيبوس حافره احترام لهيبة الكسوه و لتعظيم سلطان مصر .

محمل 719هـ (1319م) اللى قاده امير الحاج  سيف الدين طرجى  ارتبط بحج خادم الحرمين الشريفين السلطان الناصر محمد بن قلاوون. خرج السلطان من القاهره فى ركب ضخم و دخل مكه بذله و تواضع و قال :  لازلت أعظم نفسى الى أن رأيت الكعبة، وذكرت بوس الناس الارض لى، فدخلت فى قلبى مهابة عظيمة ما زالت حتى سجدت لله تعالى  ، و رفض يطوف و هو راكب و قال :  ومن أنا حتى أتشبه بالنبى صلى الله عليه وسلم. والله لا طفت إلا كما يطوف الناس . و غسل الكعبه بإيده .

المحمل فى القرن العشرين كان مربع فوقيه قبه على اربع تضلاع و كان مكسى بالحرير الاخضر المزركش بالقصب و كان حاجه ابهه.

خروج المحمل المصرى من مصر للجزيره العربيه كان بيتم فى إحتفال كبير اسمه دوران المحمل. كات الكسوه بتتحط على جمل متزين بالحرير الملون والفضه و يتلف بيها تلت تيام فى شوراع وميادين القاهره والفسطاط مع أصوات الطبول والموسيقا النحاسيه وقدامها فرسان مماليك فى هدوم حلوه ملونه على الحصنه، وفرسان صغيرين كانوا بيقفوا على الحصنه ويعملوا إستعراضات. وكات الشوارع والدكاكين بتتزين والناس تتطلع تمشى ورا وحوالين المحمل ومعاهم مهرجين بيضحكوهم اسمهم  عفاريت المحمل  . وكان المحمل بعد الإحتفالات دى بيطلع على الحجاز و قدامه الامرا المصريه بقيادة  امير الحاج  اللى كان بيعينه السلطان ، و وراه الحجاج والدكاتره المصريين اللى كانوا بيروحوا معاهم عشان يعالجوا الناس اللى بتعيا فى الحج . اول مره يتعمل احتفال دوران المحمل كان فى عهد السلطان الظاهر بيبرس.




#Article 321: خيال الضل (778 words)


خيال الضل او  طيف الخيال .

جملة خيال الظل عبارة عن إضافة مقلوبة فهو ظل الخيال، وهو فن يعتمد بشكل اساسي على ظل الدمى الذي يبدو من خلال ستارة بيضاء بفعل الضوء الساقط عليها من الخلف، ومن ثم تصبح عناصر (الضوء - الدمى - الشاشة - اللاعب) هى العناصر المكونة للعرض.

تاريخ فن خيال الظل:

أكد الكثير من الباحثين أن خيال الظل انتقل من الشرق الأقصى واستقر فى القاهرة ومنه انتقل الى ربوع العالم.
وقد وذكرت بعض المراجع اسماء بعض فناني خَيَال الظِّلّ وتم حصر بعضهم فى تسلسل تاريخي، فجاء جعفر الراقص فى القرن الخامس الهجري، وابن دانيال فى القرن السابع الهجري، والذهبي وابنه محمد فى القرن الثامن الهجري، وابن سودون فى القرن التاسع الهجري، وداود العطار المناوي وعلي نخله والشيخ سعود فى القرن الحادي عشر الهجري، وحسن القشاش ودرويش القشاش فى بداية القرن الرابع عشر الهجري، ومحمد ابو الروس ومحمود علي صالح ومصطفي الروبي فى أواخر القرن الرابع عشر الهجري، وأحمد الكومي والفسخاني فى بداية القرن الخامس عشر الهجري، وأخذ عنهما حسن خنوفة باباته الصيَّاد والعساكر وعلم وتعادير، وتوُفِّي خنوفة عام 2004 ميلاديًّا، ثم استلمت منه فرقة ومضة فن خيال الظل اللى تأسست عام 2003 بقيادة د. نبيل بهجت – وفناننيها علي أبوزيد سليمان- مصطفي الصباغ- محمود سيد حنفي حتى الآن.

أشكال مسرح خيال الظل:

أخذ مسرح خَيَال الظِّلّ عددًا من الأشكال، منها ما هو ثابت ومنها ما هو متنقل، ولقد نقل احمد تيمور ويعقوب لندواه وعبد الحميد يونس وصفًا لأشكال مسارح الظِّلِّ، وكان مسرح حسن خنوفة متنقلاً يحمله معه، وهو عبارة عن شاشة يُلقَى عليها الضوء من الخلف وتعتمد فرقة ومضة على النموذج المتنقل.

صناعة دمى خيال الظل:

تُصنَع دُمَى خَيَال الظِّلّ من الجلد الشفاف ويقوم اللاعب بتلوينها، وتعتمد على تكرار الوحدات الزخرفية لتكتسب دلالاتها من خلال مفهوم ادراكي كلي لشكل الدُّمْيَة، ووصلت الدُّمَى الى حالة يُرثَى لها مع حسن خنوفة حيث اعتمد على كارتون مُصمَت دون اى زخارف او نقوش، ولم يهتم بالتفاصيل الزخرفية والجمالية للدُّمَى.

بابات خيال الظل:

البابة هى الاسم الذي يطلق علي عرض خيال الظل وكذلك النص المعد لهذا الغرض.
ولقد عرف خَيَال الظِّلّ العربي عددًا من البابات، لم تخرج عن: المنارة القديمة، وطيف الخيال، وعجيب وغريب، والمتيم، والضائع اليتم، والشيخ صالح وجاريته السر المكنون، وحرب العجم، والمنارة الحديثة، وعلم وتعادير، والتمساح والشوني، والشيخ سميسم، وابو جعفر والقهوة، واعدام طومان باي، ومسطرة خيال منادمة ام مجير، والفيل المرتجل، والحمام، والتياترو والمهندس، والعامل المجنون، والأولاني، والغراف، والعجائب، والحجية، والمعركة البحرية بين النوبيين والفرس، وحرب السودان، وواقعة البلح والبطيخ، وحسن طني والمركب.
قدَّم حسن خنوفة ثلاث بابات: الصيَّاد وهي صيغة معدَّلة من التمساح، وعلم وتعادير، وبابة جديدة لم نجد لها اى إشارة فى المراجع المختلفة هى العساكر.
وقدمت فرقة ومضة عدد 23 عملا مسرحيا يعتمد بشكل اساسي على خيال الظل كما اعادت تقديم بعض البابات القديمة ناول خَيَال الظِّلّ موضوعات تتعلق بالنقد السياسي والاجتماعي والعلاقة مع الاخر، كما قدمت بعض العروض الجنسية بهدف التسلية والترفية.

حملت بابة الصيَّاد تطوُّرًا فى الشكل والمضمون حيث مزج فيها خنوفة جميع البابات اللى تتخذ من الصيد موضوعًا لها: الأولاني والعجائب والتمساح، وكشف مضمونها عن الفساد المجتمعي وصراع الانسان ضد السلطة والطبيعة معًا وانعدام الحس الانساني، فكل من يأتي لمساعدته فى محنته يطلب مقابلاً ماليًّا مِمَّا يُوحِي بفسادٍ يعمُّ جميع الأصعدة، بداية من السلطة التشريعية ثم التنفيذية وصولاً الى افراد المجتمع أنفسهم.
وتُعَدُّ بابة العساكر من البابات الحديثة اللى كُتبت بعد الحرب العالمية الأولى وتأثرت فى موضوعها بمفاهيم الجندية، وتتشابه الى حد كبير مع نِمْرَة الأراجوز فى الجيش اللى يؤدِّيها الفنَّان صلاح المصري.
جاءت رواية حسن خنوفة لبابة علم وتعادير لتخرج عن الأحداث الاصيلة، فلم تحمل إلاَّ بعض الإشارات لقصة الحب مع احتفاظها بالاسماء، إلاَّ أنها كانت فى مجملها مجموعة من النِّمَر اللفظيَّة والحركيَّة. تتكون بابات حسن خنوفة من استهلال عبارة عن موسيقى تصاحبها رقصة بالعصا للمقدِّم، ثم الدعاء والاستغفار والصلاة على النبي، والترحيب بالحضور، وهو بذلك لم يخرج فى مجمله عن الاستهلال الدانيالي. للمقدم مشهد ثابت فى جميع البابات، يقدِّم فيه نِمَرًا حركيَّة يعتمد فيها على مشاكسة الشخصية التانيه، ويُعَدُّ هذا المشهد بنية اساسية فى بابات حسن خنوفة، وتمهيدًا للحدث الرئيسي داخل البابة. تعتمد بنية البابات عند خنوفة على النِّمَر اللفظيَّة والحركيَّة بشكل يجعل نَصَّ البابة عن خنوفة مجموعة من النِّمَر الحركيَّة واللفظيَّة اللى يكثر الاعتماد فيها على عناصر الفكاهة الشعبيَّة من قفشة ونكتة وتلاعب بالألفاظ وغيرها، وقدم  فيلما وثائقيا يحمل اسم بابات حسن خنوفة حمل عروضه.

فرقة ومضة وفن خيال الظل:

تسعى فرقة ومضة لإحياء هذا الفن مرة اخري حيث قدم د. نبيل بهجت مؤسس ومدير الفرقة عدد 6 معارض أعاد فيها استنساخ دمى خيال الظل القديمة مرة اخرى مصنوعة من الجلد، كذلك أقام ما يزيد عن 80 ورشة عمل لنقل خبرته فى هذا المجال للاجيال المتعاقبة، ويعود الفضل - بعد الله تعالى - الى فرقة ومضة فى الحفاظ على فني الأراجوز وخيال الظل وتوثيقهما وإعادة إحيائهما وتقديمهما للجمهور مرة اخرى بما يتناسب والتغيرات الاجتماعية والتاريخية، عن طريق نصوص جديدة يقوم بتأليفها ويخرج عروضها د. نبيل بهجت.




#Article 322: توردانوس (196 words)


التوردانوس كان شعب قديم (قبل الرومان) عاش فى شبه الجزيرة الأيبيرية (الرومانية Hispania) ، فى وادى ضفاف نهر جوادالكيڨير (الوادى الكبير) فى المنطقه اللى دلوقتى اندلسيا.

الأيبيريين هم اول الشعوب اللى عاشو فى شبه الجزيرة الأيبيرية وهي المنطقة اللى دلوقتى نافارا ، والمناطق الشمالية الغربية من اراغون شمال شرق ووسط لاريوخا و بلاد الباسك و دول هم اللى سماهم الرومان ڤاسكون ومن المرجح أن تكون الڤاسكون أجداد شعب الباسك . الفينيقيين والإغريق عاشو فى شبه الجزيرة الأيبيرية، لكن كان اتصالهم محدود مع الڤاسكون. الأيبيريين كان ليهم سمات ثقافية محددة حسب المعايير الإثنوجرافية واللغوية و كان منهم شعب التوردانوس ، اللى عاشو فى أراضى مملكة تارتيسوس  القديمة. الكتابات عن الأيبيريين بتوفر بيانات متناقضة فى كتير من الاحيان. بين سنة 1200 قبل الميلاد و 800 قبل الميلاد فى عصر الحديد اتبلورت فى الشمال الغربى مجتمعات الكانتابريين اللى هم شعوب سلتيك شبه الجزيرة الايبيرية و يبدو ان اللى كانو عايشين فى الجبال سماهم الرومان بالحروف اللاتيني ڤاسكون.

التوردانوس كانو على اتصال مستمر مع قرطاج اليونانية المجاورة هيرودوت وصف التوردانوس بأنهم شعب اتمتع بتحضر فى ظل حكم الملك ارجانثونيوس اللى رحب بالمستعمرين فى القرن الخامس قبل الميلاد. التوردانوس كان عندهم قوانين مكتوبة واستخدمو السيلتيبريين Celtiberian المرتزقة لمواصلة حربهم ضد روما.




#Article 323: إماله (123 words)


الإماله (تمييل) ظاهره فى لهجات كتيره من اللغه العربى، زى بتاعة الشام و بنى تميم. كانت موجودة فى الأندلس و سابت اثر فى اسامى المدن فى الاسپانى. حركة الاماله هى نطق الالف الطويله  بين \ا\ و \ـيـ\ (بين الفتح و الكسر),  او فى شوية كلام مغربى بتبقى .

الإماله موجوده فى قراءات كتيرة للقرآن، منّها بتاعة حفص (فى سورة هود).

مثلا اصل اسم سيڤييا نشأ من الكلمه الايبيرى ”Hispalis“ بمعنى مدينة الغرب, و سماها الرومان ايسپاليس (اسبانى: Hispalis).

اتعرفت سيڤييا باسم ”إشبيلية“ ايام الحكم الاسلامي لاسبانيا باضافة  و ده بسبب الإماله و نطق  \ب\ بدل  \پ\ لإن مافيش  \پ\ فى النطق العربى و بعد كده فى النطق الاسبانى الـ‹v› بتتنطق  \ب\ او  (قريب من  \ڤ\) علشان كده سيڤييا دلوقتى بتتنطق \سيبييا\ او \سيڤييا\.




#Article 324: تاريخ اسبانيا (3415 words)


من أزمنة قبل التاريخ اتعرضت اسپانيا بسبب موقعها لكتير من المؤثرات الخارجية فى كتير من الاحيان فى وقت واحد. فى أوقات معينة, اسبانيا نفسها كانت مصدر مهم للتأثير على مناطق تانيه.

اسم اسبانيا مستمد من الكلمة الإسبانى اسپانيا , الاسم اللى استعمله الرومان المعين جغرافيا لوصف شبه الجزيرة الايبيرية, و هو كمان مصطلح مشتق من اسم ايبيريا. فيه نظريات كتيره عن حقيقة اصل اسم اسبانيا, وبعضها محل جدال.

اسپانيا Hispania جاى من اللغه الفينيقى i-spn-ya, اللى مدة استخدامها موثقة من الالف التانيه قبل الميلاد من النقوش الأجاريتيكية. الفينيقيين كانوا اول حضارة تيجى لشبه الجزيرة الأيبيرية علشان توسيع التجارة بينهم, و اسسو, من بين حاجات تانيه, مدينة كاديذ حوالى سنة 1100 قبل الميلاد, علشان كده كاديذ بتعتبر اقدم مدينة لسه فيها سكان فى أوروبا الغربية.

الفينيقيين سموا شبه الجزيرة الأيبيرية אי שפנים ʾÎ-šəpānîm isle of hyraxes بمعنى ارض الارانب لانهم لقو ارانب بريه كتيره و افتكروها زى الارانب اللى فى شمال افريقيا.

أخد الرومان الاسم بمعنى الساحل, الجزيرة او الارض, او المنطقة. وبالتالي أخدو اسم اسبانيا بمعنى منطقة غنية بالأرانب البرية . بعض القطع النقدية فى وقت هادريان بتجسد اسپانيا على شكل سيدة قاعده و فيه أرنب جنب رجليها.

ايزيدورو السيڤييانى افترض المنشأ من الكلمه الايبيرى Ispani اسم سيڤييا و حرًف الرومان اسم المدينة و سموها ايسباليس 

بخلاف الاصل الفينيقي للمصطلح, انطونيو دى نابريخا بيتفق مع ايزيدورو السيڤييانى ممكن يكون اسم اسبانيا, نشأ من تحريف الكلمة الايبيرى Hispalis بمعنى مدينة الغرب اسم سيڤييا, و المدينة سماها الرومان ايسباليس  و بعدين الفينيقيين و الرومان سمو كل شبه الجزيره على اسم المدينه.

نظريه تالته بتقول عن اصل المصطلح الفينيقي كانديدو مارياا تريجيروس اقترح فى الاكاديمية الملكية للفنون فى بارسلونا فى 1767 منشأ مختلف من الناحية النظرية, على اساس أن الابجدية الفينيقية (زى العبرية) مافيش فيها حروف علة. يعني spn (SPHAN العبرية والآرامية) الفينيقية الشمال, التسمية اللى استعملها ت اتخذت الفينيقيين للوصول لشبه الجزيرة الايبيرية على طول الساحل الأفريقى, عن طريق الطريق الشمالي, و بكده تكون اسپانيا Hispania ارض الشمال.

نظريه رابعه فى اللغة الفينيقية (2000) بتقول ان,جذور المصطلح تعني لتشكيل المعادن او للفوز. و بكده تكون اسپانيا Hispania ارض المعادن المتشكله.

نظريه غيرها بتقول Hispania Hispalis مشتقة من اسماء أسطورية لاتنين من ملوك اسبانيا ايسبالو  و ابنه ايسبانو او ايسبان اللى كانو على التوالي ابن و حفيد هرقل.

كلمة ايسپانيا مستخدمة من الفترة الڤيثجوثيه و لحد دلوقتى من الناحية الجغرافية, و اخدت شكل سياسى زى استخدام عبارة Laus Hispaniae لوصف تاريخ شعوب شبه الجزيرة فى مذكرات ايزيدورو السيڤييانى. و ممكن تكون كلمة ايسپانيول بمعنى إسبانى اتطورت اللغات الرومانسية البروڤانسيه لأن (ول) مش من سمات اللغات الرومانسية المستخدمة فى شبه الجزيرة قبل القرن التاسع, و بالتالي يكون تم استيرادها مع تطور ظاهرة الحج فى العصور الوسطى لزيارة سانتياجو دى كومبوستيلا; لأن كتير من الزوار كانو فرنكيين.

تاريخيا شعوب شبه الجزيرة الرئيسيين كانو الأيبيريين و السيلت. السيلت عاشو جان الأطلسي, فى الشمال والجزء الشمالي الغربي من شبه الجزيرة. الأيبيريين هم اول الشعوب اللى عاشو فى شبه الجزيرة الأيبيرية جنب البحر المتوسط فى الشمال الشرقى الجنوب الغربى وهي المنطقة اللى دلوقتى نافارا, و المناطق الشمالية الغربية من اراغون شمال شرق ووسط لاريوخا. فى وسط ايبيريا حدث امتزاج بين الشعبين و نتج عن هذا شعب مجتمعات السلتابريين. الشعوب الثانيه اللذين عاشا فى ايبيريا منهم شعب بلاد الباسك فى المنطقة غرب لجبال البيرينيه وهؤلاءاللى أسماهم الرومان ڤاسكون ومن المرجح أن تكون الڤاسكون أجداد شعب الباسك. و شعب التوردانوس , وقد عاشو فى أراضى مملكة تارتيسوس  القديمة مع جماعات عرقية ثانيه على طول المناطق الساحلية الجنوبية والتى تسمى الأن اندلسيا.

الفينيقيين و اليونانيين عاشو فى شبه الجزيرة الايبيرية, لكن كان اتصالهم محدود مع الڤاسكون. الأيبيريين كان ليهم سمات ثقافية محددة حسب المعايير الإثنوجرافية واللغوية. الكتابات عن الأيبيريين بتوفر بيانات متناقضة فى كتير من الاحيان. بين سنة 1200 قبل الميلاد و 800 قبل الميلاد فى عصر الحديد اتبلورت فى الشمال الغربى مجتمعات السلتابريين اللى هم شعوب سلتيك شبه الجزيرة الايبيرية و يبدو ان اللى كانو عايشين فى الجبال كان سماهم الرومان بالحروف اللاتيني ڤاسكون.

حوالى 1100 قبل الميلاد وصل الفينيقيين لشبه الجزيرة على اسس سلمية, بعد حرب طرواده ب 80 سنه, Gades الرومانية دلوقتى كاديذ اتأسست فى 1104 قبل الميلاد. ازدهار تجارة الذهب والفضة بين شعب التوردانوس و الفينيقيين و اليونانيين موثق في تاريخ سترابون و في الكتاب المقدس فى الاسفار اللى كتبها الملك سليمان

بين سنة 500 قبل الميلاد و 300 قبل الميلاد أسس اليونانيين مستعمرات على ساحل البحر المتوسط من ايبيريا و هو الاسم الللى بقى اسم شبه الجزيرة.و بين الحروب البونية الأولى و التانية بين روما و قرطاج غزا القرطاجانيين شبه الجزيرة أهم المستعمرات كانت على جزيرة ايبيزا و فى كارتاخينا وهو اسم يشير لقرطاج الجديدة وغيرها من المدن الفينيقية في البداية زى كاديذ و مالاجا.

من حوالى 210 قبل الميلاد لسنة 205 قبل الميلاد هزم الرومان القرطاجانيين. الاستعمار الرومانى لشبه الجزيرة الايبيرية اخد حوالى 500 سنة من الحرب البونية التانية و خلال فترة الحكم الرومانى قسم الرومان شمال الإقليم لتلات محافظات . و شبه الجزيرة الايبيرية كانت منطقة من الامبراطورية الرومانية معروفة باسم هسبانيا.

استمر الحكم الرومانى حوالى 500 سنة فى اول احتلال الرومان اتعاملو مع حصار طويل استمر حوالى 30 سنة لنومانسيا المدينه السلتابريه على ضفاف نهر دويرو جنب صوريا دلوقتى.

شعب هسبانيا استوعب ثقافة الامبراطورية الرومانية و لغتها وقوانينها و كسب شعب اسبانيا أهمية فى حدود الامبراطورية و انضم القادة المحليين للطبقة الأرستقراطية الرومانية  لدرجة ان تلات اباطرة رومان مهمين; تراجان, و هادريان و ثيودوسيوس اتولدو على شبه الجزيرة بالإضافة للفيلسوف سينيكا لوسيوس اننيو وغيرهم من الشخصيات البارزة. اسبانيا كانت منتج الحبوب للسوق الرومانية, والموانئ تصدير الدهب, والصوف, و زيت الزيتون, و النبيت. استحداث مشاريع الرى زاد الانتاج الزراعي ولسه بعض مشاريع الرى مستخدمه لحد دلوقتى. المسيحية دخلت هسبانيا فى القرن الاول م و بقت ديانه شعبية فى المدن فى القرن التانى المیلادی. معظم لغات و دين و قوانين اسبانيا دلوقتى و تستند و إبتدت من الفترة دى.

بعد الغزوات من السويڤيس و الڤاندال الجرمان و الالانس خلال القرن الخامس الميلادي, ماقدرتش الإمبراطورية الرومانية تدافع عن اراضيها فى شبه الجزيرة الايبيرية, وبالتالي سيطر عليها الجوث الغربيين.

في سنة 409, اجتاح السويڤيس و الڤاندال الجرمان و الالانس شبه جزيرة ايبريا. وبعد سنوات قليلة في سنة 416 دخل اسبانيا حلفاء روما الجوث الغربيين وطردو الڤاندال الجرمان و الالانس من شبه الجزيرة, و استحوذو على اراضى السويڤيس في جاليثيا.

أول فكرة اسپانيا كبلد موحد ابتدت على ايد ملوك الجوث الغربيين اللى إتطلعو لوحدة أراضي كل اسبانيا وحققو ده مع الهزايم المتتالية للسويڤيس و الڤاسكوس والبيزنطيين. الوحدة الدينية جت بعد الصلح بين الكاثوليك و الأريوسيين و مجالس الجوث الغربيين (الڤييثجوث) الكنسية و هي المجامع اللى جمعت الملك و الأساقفة في المملكة للنظر في المشاكل اللى ليها طابع سياسى دينى علشان يحطو قوانين موجهة للبلد كلها. ايزيدورو السيڤييانى بيقول ان سوينتيلا (588–633/635) كان أول ملك لمملكة اسبانيا في كل ايبيريا من سنة 621 لسنة 631.

سنة 689 غزا الامازيغ المسلمين معظم شمال غرب افريقيا. و بعد انتصار الامازيغ والعرب ضد الجرمانيين فى معركة جواداليتى فى يوليو 711 م ابتدا المسلمين غزو شبه الجزيرة الايبيرية و عملو امارة او مقاطعة من الامبراطورية العربية سموها الاندلس و عاصمتها كانت فى كوردوبا. بسبب التقدم السريع للمسلمين سيطرو على توليدو أول عاصمة للجوث الغربيين فى 712. و بعد كده اتقدم المسلمين لشمال ايبيريا و كل المدن اما غزاها المسلمين أو استسلمت ليهم. فى 716 سيطر المسلمين على شبه الجزيرة, لكن سيطرتهم على الشمال كانت اسمية مش عسكرية لان عدد من المناطق فى شمال شبه الجزيرة الإيبيرية بقيادة بلايو نجح فى مقاومة الغزو الأولى. و قاوم بعض الڤييثجوث سنين لحد 719 و بعد كده جهودهم راحت للجنب الغربى من جبال البيرينيه اراضى المملكه الكارولينجيه و كان فيه انتفاضات فى المنطقة الخاضعة لسيطرة قليلة فى الشمال الغربى من شبه الجزيرة.

بعد سقوط مملكة الجوث الغربيين, سيطر الجوث الغربيين على سلسلة جبال سانتاندير و أستورياس و كانتابريا و الباسك و علشان حجم المناطق دى صغير ما جاش عليهم ضغوط كتير من السلطه الإسلاميه اللى حلت محل سلطة المملكة الجوثية فى ايبيريا. كتير من الجوث وأمراء الاسبان بقو مسلمين علشان يحافظو على مناصبهم و سلطتهم.

سنة 718 اتمرد فى استورياس نبيل اسمه بلايو  ضد المسلمين لكن فشلت الثورة. فى سنة 722 حاول بلايو مرة تانيه و هزم بلايو و مجموعة من الاستوريانيين من بينهم بعض نبلاء الڤيثجوث, المسلمين فى معركة كوڤاجوندا و أسس بلايو مملكة أستورياس و دى كانت بداية الفترة المعروفة باسم الاسترداد علشان استعادة السلطة المسيحية فى شبه الجزيرة الايبيرية. مملكة أستورياس حكمت استورياس و كانتابريا و ناڤارا و شمال اراجون.

فى الجزء الشمالى الشرقى من شبه الجزيرة الڤييثجوث اللى كانوا هربو لمملكة الفرنكيين طلبو مساعدة من الفرانكس, حتى شارلمان قام بسلسلة من الحملات العسكرية علشان إقامة منطقه معروفه باسم ماركا هيسبانيكا, و اتشكلت ماركا هيسبانيكا فى أوائل القرن التاسع علشان تمنع تغلغل المسلمين فى مملكة الفرانكس.
و تقسيم الأراضى لماركيزات هو الأسلوب اللى اتقسمت بيه الأراضى الفرنكية فى بلاد كتير, لان كان امراء الاقطاعيات من أصل فرنكى أو جوثى بييمثلو ملك الفرانكس.

تحت حكم الإسلام, كان المسيحيين و اليهود معترف بيهم على انهم أهل الكتاب, و كان ليهم حرية ممارسة شعائرهم الدينية, لكن واجهو عدد من ممارسات التمييز والعقوبات الإلزامية لانهم ذميين. التحول لاعتناق الاسلام زاد و بعد التحول فى القرن العاشر و فى القرن الحداشر يمكن كان عدد المسلمين يفوق عدد المسيحيين فى بقية المناطق اللى كانت لسه خاضعة لسيطرة المسلمين. المولاديين (المسلمين من اصل عرقى ايبيرى) كانو غالبية سكان الاندلس قبل نهاية القرن العاشر.

فى القرنين التامن و التاسع كبرت قوة المسلمين فى شبه الجزيرة على الرغم من المعارضة من مراكز المسيحية فى الشمال. فى أواخر القرن التامن هرب عبد الرحمن الاول الأموى من سوريا للأندلس وده فى الحياة السياسية وصل لاستقلال امارة الخلافة فى ايبيريا عن دمشق.

الجالية المسلمة فى شبه جزيرة ايبريا كانت هى نفسها متنوعة و عانت من توترات اجتماعية. البربر سكان شمال افريقيا, اللى قدمو الجزء الاكبر من الجيوش الغازية اشتبكو مع القيادات العربية من الشرق الأوسط. و مع مرور الوقت, كبر ترسخ السكان المغاربه, و خصوصا فى وادى نهر جوادالكيڤير و السهل الساحلى من فالنسيا, وقرب نهاية الفترة فى المنطقة الجبلية من جرانادا.

جرانادا عاصمة الخلافة; كانت اكبر و أغنى مدينة و أكترها تطور فى العصور الوسطى فى أوروبا الغربية, وازدهرت التجارة و التبادل الثقافى فى منطقة البحر المتوسط.استورد المسلمين تقاليد فكرية مهمه من الشرق الأوسط و شمال أفريقيا. وكان لعلماء المسلمين واليهود دورا مهم فى تنشيط وتوسيع الفلسفه الكلاسيكية اليونانية اللى كانت بتتعلم فى أوروبا الغربية.

فی القرن العاشر فی عهد عبد الرحمن التالت بقت الأندلس خلافة مستقلة عن دمشق من الناحیه الدينية والحكم الذاتى و مش بس فس السياسة.الوقت ده كان فیه حيويه ثقافيه, و ده الابتكارات فى مجالات العلوم والفنون والآداب, مع اهتمام خاص مكرس لتطوير المدن. و كانت المدن الكبرى هی فالنسيا و ساراجوسا و توليدو و سیڤییا و قرطبةاللی خلال القرن العاشر, مع حكم الحاكم التانى بقت اكبر مدينة فى أوروبا الغربية و اكبر مركز ثقافى و عدد سكانها كان حوالی 500,000. رغم ده انخفاض بلاد المسلمين ابتدأ فی القرن الحادي عشر, لما زاد التنافس بين الأسر الحاكمة وانهارت الخلافة الإسلامية,و حل مكانها خليط من الممالك الصغيرة كل واحده كان اسمها طایفه من العربی طابفه.

من ناحية تانية بالقرب من جبال البيرينيه كان فیه اتنين من الممالك المسيحية:مملكة ناڤارا وأراغون.. كمان اتوسعت الممالك المسيحية فى شبه الجزيرة, اللى كانت لحد الوقت دهه مملكة أستورياس, و عاصمتها أوڤييدو لكن من عهد ألفونسو التانی العفيف اتحولت لمملكة ليون فى 910. مدينة ليون كانت أندمجت فی مملكة أستورياس فى نص القرن التاسع من خلال اوردانیو الاول فى 856. بعد موت الفونسو التالت ملك ليون سنة 910 فى زامورا انقسمت مملكته بين ولاده التلاته جارسيا بقى ملك ليون لكن مات بعد فترة وجيزة سنة 914 بدون وريث و اوردانیو التانى, بقى ملك جاليسيا من 910 و ليون بعد وفاة جارسيا, أصغر ولاده فريويلا بقى ملك أستورياس, بعد موت اوردانیو التانى ولاده كانو لسه صغيرين علشان كده إتوحدت المملكه مره تانيه تحت حكم فريويلا, بعد موت فريويلا خلفه ابن اوردانیو الفونسو الرابع.

فی القرن الحداشر اتراجعت أراضى المسلمين لما ابتدت الصراعات بين مختلف العائلات المالكة و الخلافة الإسلامية فتتت الأراضى بين ممالك صغيرة و اتسما ملوك الممالك دى ملوك الطوايف.منافسة ممالك الطوایف ادت للدول المسيحيه الصغيره الفرصة انها توسع أراضيها لحد كبير وتعزز مواقعها. وصول حكام شمال افريقيا المسلمین من المرابطين و الموحدين ساعد فى استعادة وحدة المسلمين لكن زود صرامة الحكم , فی النهاية رغم تحقيق بعض النجاح فی غزو الشمال, ماقدرتش الطوایف تقاوم زيادة القوة العسكرية للدول المسيحية.

سيطرت القوى المسيحية بقيادة ملك كاستيا ألفونسو السادس على مملكة الطايفه فى توليدو فى 1085 و سيطرت على مدريد بدون مقاومة, و يمكن من خلال الاستسلام. لحد كبير كملت الممالك المسيحية استعادة النص الشمالى من اسبانيافی القرن الحداشر.

حكم ألفونسو السابع كاستيا و ليون و و كانت مراته هى بيرينجيلا برسلونه من عيلة برسلونه و قسم مملكته بعد وفاته. ابنه فرناندو التانى (1137 - 22 يناير 1188) استلم ملك ليون من 1157 لحد وفاته 1188, و باستلام فرنانددو عرش ليون استلم اخوه سانشو التالت عرش كاستییا.

مستقبل الممالك المسيحية فى البر الرئيسى كان من خلال إنشاء أربع وحدات: تاج كاستییا, و هو مفهوم معناه وجود ملك واحد على مجموعة متنوعة من الممالك والاراضى (ليون و كاستییا نفسها و جاليسيا وغيرها), و التانیه تاج أراجون تم تشكيله من خلال اتحاد الأسر الحاكمة مملكة أراجون و مقاطعة بارسلونا فی سنة 1137, و التالته مملكة نافار, و الرابعه مملكة البرتغال.

فى القرن التلات عشر, تاج كاستییا بقى أقوى تاج من أصل اسبانى, مد ملك كاستییا سلطته لجنوب شبه الجزيرة, و اضاف خايمى الأول ملك أراجون ممالك فالنسيا, و مايوركا و مملكة مورسيا, و بعد كده كمان سردينيا و صقلية و مناطق من شرق البحر المتوسط.

استرد المسيحيین مدينتين من المدن الكبيرة فی جنوب اسبانيا فی القرن التلاتاشر; كوردوبا سنة 1236 و سيڤییا سنة 1248 و فضل حكم المسلمين فى جرانادا باعتبارها دولة فی الجنوب.

مع صعود فرناندو الكاتوليكى للعرش خفت حدة التوترات الاجتماعية بعد اصدار فرناندو قرار التحكيم حكم جوادالوبى فى 21 ابريل 1486 اللى انهى الصراع بين الأمراء والفلاحين والمزارعين ومربى الماشية فى مملكة أراجون بعد ضغوط من الحرب الأهلية إمارة كتالونيا (1462- 1472) علشان تهدية الاضطرابات الكاتالوينية فى المناطق الريفية و وافق عليه المزارعين و الأمرا, و حط حد للاقطاعية فى امتلاك الأرض و سوء المعاملة.

فى نهاية العصور الوسطى; وحد الملوك الكاتوليك (الملكة إيزابيل ملكة كاستيا والملك فرناندو التانى ملك أراجون) مملكة كاستيا, و عاصمتها فى توليدو, و تاج أراجون, و عاصمته فى ساراجوسا, فى مملكة اسبانيا الحديث. و هزمو المسلمين فى مملكة جرانادا سنة 1492.و قبل كده فى 1478 ابتدت المرحلة النهائية من غزو جزر الكنارى

و رغم إن حفيدهم كارلوس الاول (المعروف كمان باسم تشارلز الخامس, امبراطور الامبراطوريه الرومانيه المقدسه كان بيفضل سيڤييا, كان اللى نقل الحكم لمدريد هو فيليبى التانى (1527-1598) ابن كارلوس الاول فى 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسبانيا,و كانت مدريد مسيطرة على سيڤييا.

اتوحدت اسبانيا مع البرتغال من سنة 1580, لما فيليبى التانى اللعرش, و للمرة الاخيرة تحت قيادة واحدة فى كل أنحاء شبه الجزيرة الايبيرية.انتهى الاتحاد ده سنة 1640 بعد موت فيليبى الرابع.

توحيد الممالك حط اساس اسپانيا الحديثة و الامبراطورية الإسبانية. كانت اسبانيا القوة الرائدة فى أوروبا فى القرون الستاشر و السبعتاشر و عزز موقف التجارة الثروة من الاستعمار. الامبراطورية الأسبانية وصلت قمتها خلال عهد اول ملكين من اسرة هابسبورج; كارلوس الاول (1516-1556) وفيليبى الثانى (1556-1598). و كان فى الفترة دى كمان الحروب الايطالية و تمرد الكوميرونوس, الهولندى لثورة, و ثورة الموريسكو, و المواجهات مع العثمانيين, والحرب بين انجلترا واسبانيا و الحروب مع فرنسا.

الامبراطورية الإسبانية اتوسعت و ضمت معظم امريكا الجنوبية و الوسطى, والمكسيك, والأجزاء الجنوبية و الغربية من الولايات المتحدة دلوقتى, و الفلبين, و جوام و جزر ماريانا فى شرق اسيا, و اجزاء من شمال ايطاليا, و جنوب ايطاليا و صقلية, المدن فى شمال افريقيا, و اجزاء من فرنسا و المانيا دلوقتى, و بلجيكا, لوكسمبورج, و نيذارلاندا. و كانت اول امبراطورية يتقال إن الشمس مش بتغرب عنها أبدا.
ده كان هو عصر الاستكشاف, مع جرأة الاستكشافات فى البحر و البر, والانفتاح الجديد لطرق التجارة عبر المحيطات, و الفتوحات, وبدايات الاستعمار الأوروبى.

فى القرون الستاشر و السبعتاشر, كانت اسبانيا فى مواجهة تحديات من كل الجوانب. القراصنة البربر تحت رعاية التزايد السريع فى الامبراطورية العثمانية سببو تعطيل الحياة فى كتير من المناطق الساحلية بسبب خطف السكان علشان تجار العبيد و تجدد الغارات و تهديد الغزو الاسلامى. و فى الوقت ده كانت اسبانيا فى كتير من الاحيان فى حالة حرب مع فرنسا فى ايطاليا و اماكن تانيه. و بعدين التعديل البروتستانتى سبب انقسام الكنيسة الكاثوليكية.

طلعت الأرمادا الاسبانية من لشبونه فى مايو 1588, و فى يوليه واجهت الاسطول الانجليزى و قامت معركه بين الاسطولين فى القنال الانجليزى يوم 8 اغسطس 1588. اتلقى اسطول الارمادا خساير كبيره و هرب على الشمال بمساعدة الريح و لف حوالين بريطانيا و ايرلندا و ما رجعش اسبانيا غير نصه.

استمرت المملكة أكتر من أى وقت قبل كده فى مستنقع الحروب و كانت النتيجة اجبار المملكة على توسيع الجهود العسكرية فى أوروبا و البحر المتوسط. زيادة قوة فكرة الانسانية و التعديل البروتستانتى و الاكتشافات الجغرافية الجديدة و القضايا ناقشتها حركة فكرية معروفة بإسم مدرسة سالامانكا.

لما اخر ملوك سلالة اسرة هابسبورج, كارلوس التانى مات بدون مايكون له اولاد و ورث الحكم لفيليبى دى بوربون, حفيد اخته ماريا تيريسا من اسبانيا و حفيد لويس الاربعتاشر ملك فرنسا خلفه على العرش باسم فيليبى الخامس ملك اسپانيا,و فيليبى الخامس ملك اسپانيا كان اول حاكم من بوربون لاسبانيا ما بين (1700 و 9 يوليو 1746). (اتولد 1683). حكم سنين قليلة و ابتدت حرب الوراثة الاسبانية بسبب ان امبراطور الامبراطوريه الرومانيه المقدسه ليوبولد الاول طالب بأنه الأحق بعرش اسپانيا, بعد عشر سنين من الحرب, معاهدة أوترخت وافقت و اعترفت بأن فيليب الخامس يكون ملك اسپانيا لكن اسمه اتشال من سلسلة خلافة العرش الفرنساوى.

اسبانيا ابتدت الحرب ضد الجمهوريه الفرنسيه الاولى اللى قامت بعد ما الثوار الفرنساويين شالو الملك لويس الستاشر من الحكم و اعلنوا الجمهورية و بعدين فى سنة 1793 اعدموه بالجيلوتين , الملك لويس الستاشر كان من عيلة البوربون اللى بتحكم اسبانيا. فى سنة 1794 أعلنت بريطانيا و البرتغال الحرب على اسبانيا . و فى سنة 1799 نابليون استولى على السلطة بعد ما عمل انقلاب برلمانى بدعم الشعب و الجيش و استفاد من الخلافات بين كارلوس الرابع ملك اسپانيا و ابنه فرناندو. سنة 1805 فى معركة ترافالجار هزم أسطول بريطانيا العظمى أسطول فرنسا و اسبانيا و ده كان نهايه لسيادة الاسبان فى البحار العالمية لصالح بريطانيا العظمى بسبب الحالة الاقتصادية الكارثية و اسباب تانيه إتخلى ملك اسبانيا عن العرش لصالح اخو نابليون جوزيف بونابرت. من اهم الاسباب دى ان معاهدة فونتينبلو بين نابليون و جودوى اتسببت فى اعلان الحرب ضد بريطانيا و البرتغال و دخول القوات الفرنساوية شبه الجزيرة علشان غزو البرتغال لكن بدل من غزو البرتغال احتل الفرنساويين القلاع الإسبانية. مفاجأة الغزو الفرنساوى اتسببت فى تخلى الملك الاسبانى لصالح اخو نابليون جوزيف بونابرت.نابليون خلى اخوه ملك اسبانيا و اداله لقب ملك اسبانيا و انديز (مستعمرات اسبانيا فى امريكا الاتينيه).

الاسپان ماكانش عندهم اى احترام لجوزيف بونابرت, و إبتدا شعب مدريد انتفاضه قوميه ضد الجيش الفرنساوى يوم 2 مايو 1808. و ده مثل بداية حرب الاستقلال الإسبانيه اللى استمرت خمس سنين. صدر فى 19 مارس سنة 1812 اول دستور اسبانى, واحد من اول الدساتير فى العالم, بعد هزيمة قوات نابليون سنة 1813 رجع فرناندو السابع ملك اسپانيا لعرش اسبانيا و لغى دستور 1812 والقوانين الدستوريه و لغى قانون سلالة البوربون اللى منع الستات من انهم يتولو الحكم الملكى., واتولت بعده بنته الكبيره من مراته الرابعه ماريا كريستينا.

فى وسط عدم الاستقرار والأزمة الاقتصادية اللى عانت منهم أسبانيا فى القرن التسعتاشر نشأت الحركات القومية فى الفلبين, و كوبا. و ده وصل لحروب الاستقلال فى المستعمرات دى فى نهاية المطاف, اتولت ايزابيل التانيه عرش اسبانيا يوم 29 سبتمبر سنة 1833 بعد وفاة والدها و كان عمرها اقل من تلات سنين. حكمها استمر من سنة 1833 لسنة 1868 لما ثورة 1868 اجبرتها انها تسيب اسبانيا.

القرن العشرین ابتدا بأزمه اقتصاديه و عدم استقرار سياسى فى عهد الفونسو التلاتاشر و ديكتاتورية بريمو دى ريفيرا
الحرب الاهليه الاسبانيه حصلت فى الفتره من 17 يوليه 1936 لحد 1 ابريل 1939.انتصار الجنرال فرانكو نتتج عنه انشاء نظام سلطوى. و قمع شديد للخسرانين, اجبر الالاف انهم يروحو المنفى او اتحكم عليهم بالاعدام او الاعتقال فى معسكرات العمل على الرغم من ان فرانكو خللى اسبانيا محايده فى الحرب العالميه التانيه.

رسمى, فرانسيسكو فرانكو مات يوم 20 نوفمبر و لكنه مات يوم 19 نوفمبر 1975 الساعه سته الصبح.

بعد موت الجنرال فرانكو قبل اللى بيساندو الديمقراطيه بما فيهم اللى كانو بيساندو اليسار الجمهورى تنصيب الملك الملك خوان كارلوس الاول ولى عهد اسرة البوربون التاريخية خليفة لفرانكو علشان ضمان الاستقرار و الديمقراطية و فعلا تم فى 1975 و وصل ده للحال دلوقتى لملكية دستورية و رأسمالية اقتصادية فى اسبانيا. بعض الظباط العسكريين نظمو انقلاب عسكرى (23-F) فى 23 فبراير 1981 هدد عملية إعادة الديمقراطية للنظام السياسى الإسبانى لكن فشل الانقلاب و رجعت الامور لمجراها.

القرن الواحد و عشرین ابتدا مع آثار احداث 11 سبتمبر 2001 اللى خللت اسبانيا تشارك فى نزاعين: فى الحرب فى أفغانستان و غزو العراق.تفجيرات 11 مارس 2004 فى مدريد اتسببت فى خلاف بين الحكومة وجزء من الرأى العام الاسبانى كل ده سبب انتخاب حكومة جديدة من الحزب الاشتراكى الاسبانى, فى الانتخابات العامة 2004 و سحبت الحكومة قوات الجيش الاسبانى من العراق.

اليورو بقى عملة رسمية فى أوروبا من سنة 1999, بقى العملة الرسمية فى اسبانيا يوم 1 يناير سنة 2002 و حل محل البيزيتا و استخدمه المواطنين فى الحياة اليومية من ساعتها.




#Article 325: مريخ (120 words)


المريخ (رمزه :) هو كوكب من كواكب المجموعه الشمسيه و ترتيبه الرابع من ناحية الشمس.المريخ كمان مشهور باسم الكوكب الاحمر بسبب لونه المايل للحمار، اللون دا سببه اوكسيد الحديد (الصدا).اسم المريخ فى اللغات الاوروبيه هو (Mars) و دا هوه اسم الاه الحرب عن الرومان القدام (مارس) لان لون المريخ الاحمر هوه نفسه لون الدم و الحرب.
المريخ بيدور حواليه قمرين صغيرين هما فوبوس و ديموس. الغلاف الجوى بتاع المريخ رفيع خالص و متكون اساسا من تانى اوكسيد الكاربون (CO2). درجة حراره المريخ اقل من الارض ودا عشان المريخ ابعدعن الشمس من كوكب الارض.
فى تلج فى القطبين الشمالى و الجنوبى بتوع المريخ بس ما فيهوش اى مايه مع ان العلما بيعتقدو انه كان فيه مايه و انهار قبل ملايين السنين.




#Article 326: فلسفه (338 words)


الفلسفه (يونانى: Φιλοσοφία, |Filospfía|; انجليزى: Philosophy; فرنساوى: Philosophie)
 
الفلسفة كلمة جاية من اللفظ اليوناني فيلوسوفيا φιλοσοφία، اللى بمعنى محبة الحكمة او طلب المعرفة. وعلى الرغم من المعنى الاصلي دا، إلا إنه بيبقى من الصعب جدا تحديد معنى الفلسفة بدقة..
الفلسفه ما تعتبرش فرع من فروع العلوم لانها بتطرح اسئله اكتر ما بتقدم اجابات، وحتى السؤال عن إيه هى الفلسفة بيعتبر سؤال فلسفيّ قابل لنقاش طويل، ودا من احد المظاهر الاساسية للفلسفة إنها دايما بتميل للتساؤل والتدقيق فى كل حاجه والتدوير عن ماهيته ومظاهره المختلفة وأهم قوانينه. عشان كده المادة الاساسية للفلسفة مادة واسعة ومتشعبة بترتبط بكل أصناف العلوم ويمكن بكل جوانب الحياة، ومع ذلك بتفضل الفلسفة متفردة عن باقي العلوم والتخصصات. بتتوصف الفلسفة احيانا بأنها التفكير فى التفكير، يعني التفكير فى طبيعة التفكير والتأمل والتدبر، وبتتعرف بردو بأنها محاولة للإجابة عن الاسئلة الاساسية اللى بيطرحها الوجود والكون.
و فيثاغورس (572 _ 497ق.م) كان اول حكيم من القدماء اللى وصف نفسه بأنه فيلسوف،وبيتعرَّف الفلاسفة بأنهم الباحثون عن الحقيقة عن طريق تأمل الأشياء، فأصبح حب الحكمة هو البحث عن الحقيقة، وبقت الحكمة هى المعرفة اللى بتقوم على التأمل.
الفلسفة حصل لها تطورات كتيرة مهمة، من اول الإغريق اللى أسّسوا قواعد الفلسفة الاساسية كعلم بيحاول يأسس نظرة شاملة واقعية للكون كله ، لحد الفلاسفة المسلمين اللى تفاعلوا مع الإرث اليوناني فى الفلسفة ودمجوها مع التجربة العملية وحوّلوها الفلسفة الواقعية الى فلسفة ٱسمية، لحد فلسفة العلم والتجربة فى عصر النهضة لحد الفلسفات الوجودية والانسانية ومذاهب الحداثة ومابعد الحداثة والعدمية.

الفلسفة الحديثة

حسب التقليد التحليلي فى امريكا الشمالية والمملكه المتحده، بقت الفلسفة بتميل لإنها تكون تقنية بحتة بتركز على المنطق والتحليل المفهومي. وبالتالي فالمواضيع اللى بتهتم بيها بتشمل نظرية المعرفة، والأخلاق، وطبيعة اللغة، وطبيعة العقل.
هنلاقي ثقافات واتجاهات تانية شايفه إن الفلسفة دراسة الفن والعلوم، وبتكون نظرية عامة ودليل حياة شامل. و على الاساس دا هتبقى الفلسفة مهتمة بتحديد طريقة للحياة المثالية مش محاولة لفهم الحياة. من ناحية تانية بتعتبر المنحى التحليلي الفلسفة حاجه عملية لازم يتم ممارستها، وبتعتبرها اتجاهات تانية اساس المعرفة اللى يجب إتقانه وفهمه كويس.

الفلسفه بيقسمها المهتمين بدراستها ل فروع و تقاسيم كتيره بس دول اهم ست فروع للفلسفه:




#Article 327: مسيحيه (1708 words)


المسيحيه نسبه للمسيح هى دين توحيدى متأسس على حياة و تعاليم يسوع اللى ذكرت فى كتاب العهد الجديد(الانجيل). المسيحيين (أتباع المسيحيه) بيؤمنوا بصفه عامه بأربع اناجيل بس و فيه اناجيل ما بيعترفوش بيها زى انجيل يهوذا و انجيل توماس و انجيل برنابا ، و بيؤمنو بان يسوع هو الله المتجسد وانه هو المسيح اللى اتنبئت بيه التوراه (كتاب العهد القديم) لكن اليهود ما بيأمنوش بيه.

المسيحيين بيؤمنوا بان يسوع المسيح هو الاستاذ و المثل الاعلى فى الحياه اللى بيسودها الخير.يسوع حسب اعتقادهم هو الله ظهر فى شكل انسان وهو الاقنوم التانى من التلات اقانيم اللى مع بعض يكونوا اله واحد وده بحسب اعتقادهم يخلي يسوع اله كامل(لاهوت) وفي نفس الوقت انسان كامل(ناسوت) ، وكمان بيؤمنوا أن يسوع اتولد من العذراء مريم بطريقة اعجازية. وخلال حياته على الارض عمل معجزات وعجايب كتير و فى نفس الوقت بيعتبروه تجسيد للرب و انه المخلص اللى اتعذب و مات و بعدين قام من تانى فى تالت يوم عشان يخلص البشريه من الخطيئه الأولى (اكل ادم للتفاحه و عصيانه امر الله).المسيحيين بيعتقدو ان يسوع طلع لملكوت السما متحد مع الله الآب، لكنه بعت الروح القدس (تالت الأقانيم الالهية) عشان يساعد الناس انهم يمشوا فى الطريق الصحيح و انه حا يرجع تانى للارض عشان يحاسب الناس (حيين و ميتين) و انه حايحاسب كل واحد على حسب اعماله فى الدنيا.

المسيحيه بتتصنف على انها ديانه ابراهيميه (زى الاسلام و اليهوديه) و دلوقتى عدد اتباعها اللى أغلبهم كاتوليك تابعين لبابا الفاتيكان وصل لأكتر من 2 بليون بنى ادم بيمثلو حوالى تلت عدد سكان العالم .

المسيحيه اول ما ابتدت كانت فى حدود طايفه يهوديه فى شرق البحر المتوسط وكان الحوض الشرقي للبحر الابيض المتوسط هو المكان الرئيسي للمسيحية فى القرون الأولى وفضلت القدس، أنطاكية، الرها، والاسكندرية عواصم الثقافة المسيحية قبل ما تتنقل النفوذ والتأثير لروما والقسطنطينية فى القرون الوسطى. عانت المسيحية فى البدايات من اضطهاد الامبراطورية الرومانية لكنها من القرن الرابع بقت هى دين الامبراطورية وكسبت ثقافة يونانية ورومانية أثرت فيها تأثير عميق؛ وزي اى ديانة تانية، ظهرت فى المسيحية طوائف كتير والكنائس بتتصنف فى ستة عيلات كبيرة: اتزامنت الانشقاقات الأولانيه مع القرن الرابع لما انفصلت الكنائس الأرثوذكسية الشرقية عن الأرثوذكسية القديمة، وبعدين فى سنه 1054 الانشقاق الكبير بين الكاثوليكية والأرثوذكسية الشرقية وبعدين البروتستانتية خلال القرن الستاشر اللى اتعرف باسم عصر الاصلاح وزي ما اتأثرت، أثرت المسيحية فى الديانات التانية ، وليها بصمة واضحة فى الحضارة الحديثة وتاريخ البشرية فى المجالات المختلفه.

عقيدة التثليث بتعتبر من اساسيات المسيحيه. وبتقول ان الله واحد ليه تلات اقانيم (صفات او صور). صورة الاب اللى ظهر فى كلامه مع ابراهيم وموسى وغيرهم من الأنبياء اللى جم قبل يسوع. و صورة الابن اللى ظهر فى شخص يسوع المسيح. وصورة الروح القدس اللى ظهر فى شكل روح مرشد بيساعد الناس فى معرفة الحق وكمان كان بيساعد زمان فى التبشير بالمسيحيه عن طريق انه ساعد التلاميذ والرسل (اول ناس بشروا بالمسيحيه) فى انه اداهم موهبة التكلم بلغات مايعرفوهاش و انهم يعملوا معجزات زي شفاء المرضى. علشان كده المسيحيين دايما بيبتدوا وينهوا صلاتهم بجملة :  باسم الاب والابن والروح القدس، الاله الواحد. امين.

على مر التاريخ اتكونت تلت طوايف رئيسيه فى المسيحيه : الاورتودوكسيه و الكاتوليكيه و البروتيستانتيه و كمان ال انجيليه و غيرها، الكاتوليك هما اكتر عدد بين المسيحيين و رئيسهم بابا الفاتيكان. الطوايف و المذاهب دى بتتقسم داخلياً لطوايف و مذاهب مختلفه. اتباع كل مذهب و طايفه بيعتقدوا انهم هما الصح. عادة كانت فيه مشاكل و صراعات كبيره بين الطوايف المسيحيه و عبر التاريخ حصلت عمليات قمع و قامت حروب اهليه بينها اتقتلت فيها ناس كتيره. محاكم التفتيش اتأسست اصلاً لمحاربة المسيحيين اللى الكنيسه الكاتوليكيه اعتبرتهم مهرطقين. من اشهر الصراعات الدمويه اللى حصلت فى العصر الحديث كانت الحرب الاهليه فى ايرلاندا ما بين الكاتوليك و البروتيستانت. على عكس الكاتوليك ، البروتيستانت ماعندهمش بابا و ما عندهمش قسسه و نظامهم الكنسى بيختلف فى حاجات كتيره عن النظام الكاتوليكى. بصفه عامه بيعتبر البروتيستانت متطوريين و متماشيين مع العصر الحديث اكتر من الطوايف التانيه لكن مذهبهم متقسم على كنايس و طوايف كتيره بتختلف عن بعضها فى المفاهيم و الطقوس. معظم الامريكان بينتموا لكنايس بروتيستانتيه. مكرم عبيد و بطرس بطرس غالى من المصريين البروتيستانت المشاهير.

اغلب المسيحيين المصريين بينتمو لكنيسه اسمها الكنيسه القبطيه الاورتودوكسيه المبنيه على تعاليم مارمرقس اللى دخل المسيحيه مصر فى القرن الاول الميلادى و دى كنيسه ليها بابا لكن غير بابا الكاتوليك. الطايفه دى اللى بتؤمن بالمونوفيزيه اعتبرتها الكنيسه الكاتوليكيه و البيزنطيه مهرطقه و خارجه عن المسيحيه بسبب خلافات عن طبيعة المسيح ادت لانفصالها. و بتواجه الكنيسه دى مشاكل كتيره بسبب مواضيع اجتماعيه زى الجواز و الطلاق و ظهرت حركات بتطالب بتطويرها عشان تتماشى مع العصر الحديث ، و فى سنة 2006 انشق عنها الأنبا ماكسيموس و اسس كنيسه تانيه اسمها الكنيسه القبطيه الحقيقيه ( طايفة القديس أثناسيوس الرسولى ).

معظم البلاد اللى اغلبية سكانها مسيحيين نظام الدوله فيها سيكولارى لكن فيه بلاد نوع من انواع المسيحيه هو ديانة الدوله و من الدول دى :

المسيحيه الكاتوليكيه هى اكبر مذهب فى المسيحيه. الكاتوليك اكتر من نص المسيحيين اللى على مذاهب تانيه. عدد الكاتوليك فى العالم أكتر من مليار. أكتر الكاتوليك بيعيشوا فى جنوب امريكا و اوروبا. بابا الكاتوليك هو بابا الفاتيكان اللى فى نفس الوقت أسقف روما. الكاتوليكيه اتزعمت الحركات الصليبيه فى العصور الوسطى ضد المسلمين و اليهود و المسيحيين المنشقين.

المسيحيه البروتيستانتيه هى تانى اكبر المذاهب فى المسيحيه. الكنيسه البروتيستانتيه انشقت عن المسيحيه الكاتوليكيه بقيادة مارتن لوثر سنة 1517. البروتيستانت ما عندهمش بابا و لا قسسه و لا أيقونات. المسيحيه البروتيستانيه انفصلت عنها حركات و كنايس تانيه كتيره منها المسيحيه اللوثريه و الكالفينيه و البيرويتانيه و الادفنسنتيه و البينتيكوتالينيه و غيرها. معظم المسيحيين البروتيستانت بيعيشوا فى امريكا و اسكندنافيا. عبر التاريخ قامت نزاعات وصلت لحد نزاعات مسلحه و حروب ما بين المسيحيين البروتيستانت و المسيحيين الكاتوليك. رغم الانشقاق و التمرد اللى حصل ضد المسيحيه الكاتوليكيه شارك البروتستانت فى اضطهاد و تعذيب المفكرين و الستات فى العصور الوسطى.

بتنقسم المسيحيه الارتودوكسيه الشرقيه لعدد من الكنايس ، زى اليونانيه و الروسيه و المقدونيه و الرومانيه و الصربيه و الاوكرانيه و الالبانيه و البلغاريه و الجورجيه. معظم المسيحيين الارتودوكس الشرقيين بيعيشوا فى اليونان و روسيا و نواحيها. فى النوع ده من المسيحيه الايقونات و الصلبان و الطقوس و القديسين بيلعبوا دور كبير. الكنايس الشرقيه ليها باباوات غير بابا الفاتيكان. الكنيسه الاشوريه بتعتبر نفسها بتنتمى للمسيحيه الارتودوكسيه الشرقيه لكن الكنايس التانيه ما بتعترفش بيها و بتعتبرها كنيسه مهرطقه. الكنيسه المصريه القبطيه اتهمت هى كمان بالهرطقه و اتفصلت و اتطهدت. دير سانت كاترين فى سينا فى مصر بينتمى للطايفه دى.

المسيحيه الاصوليه موجوده فى المسيحيه بكل طوايفها و مذاهبها ، عادة المسيحيين الاصوليين متشددين و بيحرموا حاجات اكتر من المسيحيين التانيين زى الموسيقى او الفرجه على التلفزيون او العلاج الطبى و بينكروا نظرية التطور. الانجيل عندهم هو الكتاب الاساسى اللى بيعتمدوا عليه و يستمدوا منه عقيدتهم و بيأمنوا جامد بتفسيرات النبؤات الانجيليه. امريكا فيها كنايس اصوليه كتيره. البيوريتانيين وطوايف من المعمدانيين من اشهر الاصوليين المسيحيين.

ظهرت برده حركات ومذاهب فيه كنايس اعتبرتها هرطقة و رفضت الاعتراف بانها مسيحيه. و اللى هى بتغير اساسيات العقيدة المسيحية زى ما بتشوفها الكنايس دى. زى الاريوسيه اللى كانت بترفض عقيدةالتثليث و شهود يهوه اللى بيقولوا ان المسيح مش هو الله وغيرهم. الكنيسه الكاتوليكيه اعتبرت الكنيسه القبطيه المصريه كنيسه منشقه و مع الكنيسه اليونانيه اعتبرت مذهب الكنيسه القبطيه اللى بيقول ان المسيح ليه طبيعتين هرطقه.

كلمه مسيحيه جايه من كلمة  مسيح  ، و بيختلف الاسم حسب اللغه، فى الانجليزى مثلاً الكلمه هى  كريستيانيتى Christianity  من كلمة  كرايست Christ .

المسيحيين بيؤمنوا بكتاب اسمه العهد الجديد بيتكون من اربع كتب بيسموها اناجيل و بيقروا معاها شوية اضافات زى الرؤى و رسايل بولس و كتاب العهد القديم اللى من ضمنه التوراه. الأناجيل الاربعه دول اسمهم انجيل متى، و انجيل مرقس، و انجيل لوقا، و انجيل يوحنا. فيه اناجيل تانيه مش متداوله بين المسيحيين و ما بيأمنوش بيها منها انجيل يهوذا و انجيل توماس و انجيل برنابا و غيرها. المورمونيين اللى بيعتبروا طايفه مسيحيه عندهم انجيل اسمه  كتاب مورمون.  تفسير الاناجيل بيتم حسب المذهب و فيه مذاهب اصوليه زى البيوريتانيه و طوايف من المعمدانيين الانجيليين بيؤمنوا بس باللى جه فى العهد الجديد و القديم من غير اضافات خارجيه.

مكان العباده بتاع المسيحيين اسمه كنيسه لكن المسيحى ممكن يصلى فى البيت او فى أى مكان. معظم الكنايس ليها برج متعلق فيه جرس. الصلاه الرئيسيه عندهم عادة يوم الحد.

المسيحيين ما عندهمش مكان معين يحجوا ليه، القدس اللى بيسموها بيت المقدس او أورشليم هى مكان الحج الرئيسى بتاعهم لان فيها كنيسة القيامه و مزارات بيربطوها بالمسيح.المسيحيين الكاتوليك و الارتودوكس بيحجوا كمان لكنايس و أديره فيها ايقونات او بقايا للقديسين و اماكن تانيه بيعتبروها مقدسه لايمانهم بتجلى قديس فيها او رمز من رموز المسيحيه زى لوردس فى فرنسا.

المعجزات و تجليات القديسين و الشفاعات (الكرامات) و صلوات طرد الأرواح الشريره جزء مهم عند المسيحيين الكاتوليك و الارتودوكس و كنايسهم بتعترف و تؤمن بيها.

المسيحيه فى العصر الحديث بقت بتواجه مشاكل و معضلات كتيره اهمها بطبيعة الحال التماشى مع التطورات الاجتماعيه و الثقافيه و العلميه. فى الغرب، اللى حل فيه التفكير العلمى و السيكولارى محل التفكير الغيبى، الكنايس ما بقتش بتسيطر على حياة الناس و المسيحيه هناك ما عادتش بتلعب دور فى تكوين مفاهيمهم ، الا فى مجتمعات محدوده جداً. فى الشرق الاوسط الكنايس لسه بتلعب دور كبير فى حياة المسيحيين .

فيه انتقادات كتيره اتوجهت للمسيحيه. اليهود على وجه العموم ما بيأمنوش بان المسيح جه. فيه مفكرين قالوا ان المسيح ما اتوجدش اصلاً، و المؤرخ الالمانى برونو باور قال ان يسوع المسيح مجرد أسطورة تم اختراعها فى القرن التانى من اندماج وخلط اللاهوت اليهودى واليونانى والرومانى ، و فيه مفكرين زى فولتير و برتراند راسل اللى الف كتاب كامل اسمه  ليه انا مش مسيحى ؟  ( ? Why I am not a Christian ) و غيرهم شافوا المسيحيه على انها نظام لقهر الناس و تغفيل عقولهم و التحكم فى حياتهم و نهب فلوسهم. فى العصور الوسطى و عصور الظلام سيطرت الكنيسه على مقدرات الناس فى أوروبا و قام نظام قمعى رهيب استبد بالناس و اتحرقت ستات كتيره و مفكرين بتهمة السحر و الهرطقه و اتطورت ادوات تعذيب مرعبه و انشأت الكنيسه محاكم التفتيش اللى اتسببت فى قتل الاف الناس بأفظع الوسايل. انتقادات تانيه كتيره اتوجهت للحملات الصليبيه على الشرق فى العصور الوسطى و اللى اتسببت فى قتل حوالى 6 مليون و عملت مدابح مريعه ضد المسلمين و اليهود و الأوروبيين اللى سمتهم الكنيسه  مهرطقين  ، و مشاركة الكنيسه فى ابادة السكان المحليين فى جنوب امريكا و اللى اتخيروا ما بين انهم يبقوا مسيحيين او يتقتلوا. فى العصر الحديث اتهمت كنايس بالضلوع فى موضوع الاطفال المهجرين و انكشفت اعمال جنسيه مشينه و مخله بالاداب قام بيها قسسه ضد اطفال و اتسببت المواضيع دى فى مشاكل و انتقادات كتيره. لكن فيه ناس قالوا ان الحاجات دى كات ضد تعاليم المسيحيه.




#Article 328: عما (145 words)


العمى ( blindness) دا مرض بيصيب الكائنات الحية وبتخليه مش عارف يشوف او يستخدم عينيه. وفيه انواع، عمي كامل ودا بيكون مش شايف حاجة خالص. وفيه عمي متوسط (بيتقال عليه ضغف نظر بدرجات مختلفه)وفيه الكائن الحي بيقدر يعرف إذا كان فيه نور ولا لا ويحدد اتجاهه بس.
الاحصاءات اللى اتعملت سنه 2002 بينت انه فى انخفاض فى عدد المرضى اللى عندهم عمى فى العالم كله و كمان فى انخفاض فى عدد اللى جالهم عمى بسبب الامراض المعديه (زى التراكوما) و على العكس فى زياده فى عدد اللى بيجيلهم عمى بسبب كبر السن و الامراض المرتبطه بيه (زى مرض السكر).

فى كلاب متدربه دلوقتى ممكن يستعملها العميان عشان يتمشو فى الشوارع و الجناين و يعيشو حياه شيه طبيعيه و كمان فى كتب مكتوبه بطريقه برايل بتمكنهم من القرايه بسهوله.
معظم الكومبيوترات الحديثه و الموبايلات دلوقتى بيبقا فيها برنامج بيخليهم يستجيبو للاوامر الصوتيه بتاعة المستخدم.

جيرمان شيبرد




#Article 329: ايا صوفيا (292 words)


ايا صوفيا (بالتوركى : Ayasofya - باليونانى : آجيا صوفيا Αγιά Σοφιά ) ، كانت كنيسة و بعدين جامع و بعدين متحف لغاية ما حولها رجب طيب أردوغان لجامع مرة تانية في يوليه ٢٠٢٠. مكانها في اسطانبول فى تركيا. باليونانى آجيا صوفيا معناها  الحكمه الالاهية . كانت فى الاول كنيسة بناها الامبراطور قسطنطين الكبير سنة 325 و سماها كنيسة القديسة صوفيا للتبرك. بعد قسطنطين بنى (قسطنس) توسعات فيها لكنها اتحرقت سنة 532 فجددها الامبراطور البيزنطى جوستينيان وانتهت سنة 537، وخصصها للقديسة صوفيا وكانت ست قبطية اسمها صوفيا وكانت فى الاول وثنية وبعدين شدتها التعاليم المسيحية من جيرانها، وآمنت بالمسيحية واتعمدت من أسقف منف واستشهدت فى مصر وواحدة من جيرانها اخدت جسدها وكان ببركته بيحصل منه معجزات، وطلب الامبراطور قسطنطين يجيبوا جسدها للقسطنطينة، و بني ليها كاتدرائية كبيرة هناك، وعشان كده الفرنسيين بيسمو الكنيسة سينت صوفيا Saint Sophie بمعنى القديسة صوفيا.

ايا صوفيا كانت مقر بطريرك الارتودوكس اليونانيين والمكان اللى كانت بتتعمل فيه الطقوس الدينيه البيزنطيه الملكيه.

ايا صوفيا مشهورة بقبتها الضخمه واللى بتعتبر تحفه المعمار البيزنطى وكانت اكبر كاتدرائيه فى العالم لحوالي الف سنه لحد ما اتبنت كاتدرائية اشبيليا سنة 1520.

فى سنة 1453 اتغزت قسطنطينيه على يد الاتراك العثمانيين وبأوامر من السلطان محمد الفاتح (محمد التانى) تحولت لجامع واتعمل براها اربع مآدن، وعمل السلطان مراد التالت تعضيدات كبيره فى جدارها اللى كان حا يقع بسبب الزلازل وبنى جنبه مدارس ومدافن وجوامع. على الرغم من التغييرات الكبيره اللى عملها العثمانيين فى الكنيسه بس بيتحسبلهم انهم ما دمروش اللوحات الفنيه المرسومه ع السقف و سابوها زى ما هيا لحد دلوقتى. فى سنة 1935 وبعد الغاء الخلافه العثمانيه واعلان الجمهورية التوركيه تحول الجامع لمتحف يتستقبل السواح من العالم كله عشان يشوفو الجامع والمحراب والمنبر الموجودين فى نفس المكان مع الايقونات المسيحيه وصور العدرا مريم والمسيح ويوسف النجار.

من الخارج

من الداخل

السقف

العناصر الاسلاميه




#Article 330: ماهابهاراتا (137 words)


الماهابهاراتا (Mahābhārata)( يعنى البهاراتا العظيمه) هيا ملحمه شعريه بتعتبر هيا و الرامايانا اهم ملحمتين اتكتبو فى تاريخ الهند القديم باللغه السانسكريتى. الملحمه دى بيعتقد ان اللى كتبها واحد ناسك هندى اسمه ڤياسا. الماهابهاراتا واحده من اهم المنتجات الثقافيه للهند و بتلعب دور مركزى لحد دلوقتى فى الديانه الهندوسيه . الماهابهاراتا بتعتبر من اطول الملاحم الشعريه فى تاريخ البشريه بعدد ابياتها اللى بيزيد هن 74000 بيت (90000 بيت فى حسابات تانيه)، الماهابهاراتا قد ملحمة الالالياذه و الاوديسه سوا بعشر مرات و قد الكوميديا الالاهيه بتاعة دانتى ب خمس مرات و عشان كدا بيعتبروها م المصادر الاساسيه لتطور الديانه الهندوسيه من 400 ق م لحد 200 م.

الماهابهاراتا ملحمه مليانه شخصيات اسطوريه بتقوم بعمليات بطوليه خارقه وبتحكى عن الصراع اللى حصل بين مجموعتين من ولاد العم:الكاورافا و الباندافا (Kauravas and the Pāṇḍavas).تأليف الملحمة بيتنسب لواحد حكيم (ساجا) اسمه فياسا




#Article 331: ايكليديس (403 words)


ايكليديس ( Εὐκλείδης |Eukleídēs| الانتصار الكويس;  إقليدس;  Euclid;  Euclide) (ازدهر حوالى 300 قبل الميلاد/مش معروف تاريخ و مكان ولادته و موته بالظبط), معروف كمان باسم إوكليديس اسكندرية هو شخصية تاريخية وغالبا بيتقال عليه ابو الهندسة. و يعتقد انه عالم رياضيات يونانى نشط فى اسكندرية فى عهد بطليموس الاول (323 قبل الميلاد - 283 قبل الميلاد).

كتاب العناصر غالبا بيتنسب ليه و الكتاب ده يعتبر الكتاب الأكتر نجاح وتأثير فى تاريخ الرياضيات.
 و فيه مبادئ بيتقال عليها دلوقتى مبادئ هندسة ايكليديس و تم استنتاجها من مجموعة صغيرة من البديهيات.

إوكليديس الّف كتب كتير بس كتاب واحد بس إلي خد كل الشهرة وهو كتاب مبادئ الهندسة والكتاب ده مهم مش علشان النظريات الي فيه لأن معظمها كانت معروفة ببراهينها اصلا لكن الكتاب ده إشتهر لأنه اول كتاب يجمع النظريات ويعرضها ويربطها مع بعض ويأكد على صحتها وأضاف بديهيات هندسية وإقليدس رتب النظريات بطريقة منطقية وزود براهين جديدة محدش قالها قبل كدة وأضاف معادلات جبرية. وفضل كتاب المبادئ اساس لدراسة الهندسة لأكتر من الفين سنة ودي تعتبر أطول فترة عاشها كتاب. و الكتاب ده بالإغريقي بس إترجم للغات كتيرة بعد كدة,وكانت اول طبعة ليه سنة 1482 يعني بعد مخترع جوتنبرج الطباعة بتلاتين سنة.و الكتاب ده تدريب عملي على التفكير المنطقي فكان مؤثر أكتر من كتاب أرسطو عن المنطق لأنه أحسن نموذج للتنظيم المنطقي للفكر.علشان كده اهتم بي كل المفكرين العظام من وقت الكتاب ده ماإكتب. وكتاب إقليدس من العوامل القوية الي أحيت العلوم الحديثة,لأن العلم مش مجرد تجميع معلومات,لكن العلم ملاحظة دقيقة و إستخراج نتاائج و قواعد عامة و أعظم انجازات العلم الحديث بتيجي من ترابط التجارب الإتسانية وتحليلها الدقيق بعد كدة و الوصول لنتائج ليها شكل النظريات وقوة البديهيات.
يوكليديس اثر فى نيوتين جدا,وده كان واضح فى كتاب نيوتن المبادئ اللى كتبه باللاتيني وكان فى شكل هندسي زي كتاب إقليدس بالظبط وقلدوهم بعد كدة ناس كتير زي الفيلسوفين الإنجليز رسل,و هوايتهد والهولندي أسبينوزا. وفي المية وخمسين سنة إلي فاتو الجماعة بتوع الرياضة عرفو إن الهندسة الإقليدية مش النموذج المنطقي الوحيد او مش الصورة الصح لكل الفكر الانساني وكل العلاقات بين الحاجات والناس وعلاقات الكون لكن فى حاجات تاني مختلفة جدا عن الصورة إلي سيطرت على الناس من ايام إقليدس.. زي نظرية النسبية للعالم ألبرت أينشتاين إلي نسفت الصورة التقليدية الإقليدية فى المجالات المغناطيسية للنجوم البعيدة والكواكب وحركاتها وإلي مش ممكن نطبق عليها هندسة إقليدس إلي متنفعش غير للحاجات الجامدة المحدودة بس...وبالرغم من النظريات الحديثة فى الهندسة والرياضيات والفيزيا والفلك بس ده ميقللش من أهمية وخطورة العبقري الإغريقي إلي عاش ومات من أكتر من 22 قرن.




#Article 332: تخن (4516 words)


التخن هوه المرض اللى بيحصل فيها تكدس للدهون فى الجسم بالحد اللى يضر الصحه . ودليلها اسمه ( مؤشر كتله الجسم BMI ) وحدة قياسها واللي بيكون اكتر من 30 كيلوجم/متر مربع ( فى حاله التخن ). اما فى حاله زياده الوزن ( مش التخن الشديد ) فبيكون 25 كجم/متر مربع او زياده .

زياده الوزن غالباً ترافقه امراض وخصوصا امراض القلب والاوعيه الدمويه , مرض السكر النوع التاني ( اللى مبياخدوش انسولين ) , توقف النفس وقت النوم , انواع معينه من السرطانات , التهاب المفاصل وكنتيجه لكده فالتخن بيقلل معدلات الحياه . العلاج الاولاني هوا الريجييم وعمل مجهود لكن لو فشل بيبقي الحل فى ادويه التخسيس ولو فشلت يبيبقي الحل فى الجراحه .

زياده الاكل اللى فيه كالوريز ( سعرات ) كتير مع قله الحركه وان الشخص يكون عنده ميول وراثيه للتخن بتعتبر اغلب اسباب التخن مع حالات محدوده بيكون سببها مرض وراثي او سبب طبي او مرض نفسي .

وبسبب ان التخن بقا واحد من اسباب الوفاه واللي بيحاولوا يقللوها ولان عدد الكبار والاطفال التخان بيزيدوا علي مستوي العالم , بدا المسئولين يوضحوا انها واحده من اكبر المشاكل الطبيه العامه فى القرن الواحد والعشرين . الفكره عن التخن عند الغربيين انه حاجه مش طبيعيه لكن كان فيه مجتمعات زمان ( ولسه فيه شويه مناطق فى افريقيا ) بتبص للتخن علي انه علامه من علامات الغني والخصوبه .

التخن هوه زياده كتله ( الدهن ) فى الجسم ولانه فى الحياه العمليه من الصعب اننا نقدر نحدد ده فعشان كده اتعمل مقياس تاني اسمه مؤشر كتله الجسم body mass index واختصارا BMI ( بي ام اى ), لكن فى حالات تانيه زي حالات وجود كرش بنحتاج نقيس محيط الوسط , وكمان لانه وجود التخن مرتبط بمخاطر مرضيه عشان كده لازم ساعات نقيسه فى نفس السياق الطبي ده .

اختصار ل Body mass index ودا اكتر طرق القياس المشهوره والمنتشره . بدا تطويره فى القرن التسعتاشر فى بلجيكا وبيعتبر مقياس دقيق خصوصا فى اغلب الكبار لكنه مش دقيق بالنسبه ل لاعبين كمال الاجسام والستات الحوامل واللي وزنهم بيكون مختلف .

بيتقاس باننا نقسم وزن الشخص علي مربع طوله ( وزن الجسم / مربع الطول )

قامت منظمه الصحه العالميه سنة 1997 بعمل الجدول اللى علي الشمال ودا ب يوضح ال BMI مع التصنيف واتنشر سنه 2002 .

بعد كده حصل شويه تعديلات عليه وقسموا التخن الدرجه التالته ل 3 تقسيمات

 
فيه شويه دول زي اليابان بتقيس التخن بال بي ام اى BMI لما يكون اكتر من 25 .اما الصين فبيعتبروا الشخص تخين لما يكون BMI اكتر من 28 .
 

لاحظ اننا بنقصد الوزن من غير هدوم .

ودا بنقيس بيه الكرش .

ودا بيختلف بين الرجاله والستات , يعني فى الرجاله لو محيط الوسط اكتر من 102 بيعتبر الشخص ده مكرش اما فى الستات فمحيط الوسط فوق 88 بتعتبر الست دي عندها كرش .

وفيه معدل تاني مرتبط بيه وهو معدل محيط الوسط/محيط الحوض وبيعتبر الراجل تخين ( مكرش ) لو كان زياده عن 0.9 واكتر من 0.85 للستات .

فى الحالات اللى بيكون عندها كروش ( حسب المعادله اللى فوق ) و BMI بتاعها اقل من 35 ( حسب المعادله فوق ) بتكون مرتبطه بمشاكل صحيه حتي من غير ما نبص لدهن الجسم ككل وبتكون مرتبطه ارتباط قوي بامراض فى القلب والاوعيه الدمويه . فيه دراسه اتعملت علي 150 الف شخص وقالوا فيها انه غالبن حالات الكرش بتكون مرتبطه بمشاكل فى الميتابوليزم (زي امراض القلب والسكر ) اكتر من ارتباطها بال بي ام اى . وحتي الستات اللى عندهم بطن ( كرش ) بيتعرضوا لنفس مشاكل الرجاله .وعموما اللى عنده بي ام اى اكتر من 35 بيكون غالبن كمان عنده كرش ( بطن ) .

نسبه الدهن فى الجسم بتعبر عن الدهن الكلي اللى فى الجسم بالبرسنتج % من كل وزن الجسم . ودلوقتي بقا معروف ان نسبه اكتر من 25% دهن فى جسم الراجل و اكتر من 33% من جسم الست بيعتبر تخن .

طريقه حساب نسبه الدهن فى الجسم بتيجي من المعادله الجايه اللى بتعتمد علي ال بي م اى BMI .

المعادله بتراعي ان الست بيكون عندها نسبه 10% دهن زياده عن الراجل لل بي ام اى BMI . وكمان بتراعي زياده الدهن مع السن حتي لو الوزن فضل ثابت . دقه النتايج 4% بس . لكن المحاولات المباشره لتحديد الدهن فى الجسم غاليه وصعبه . لكن اكتر الطرق دقه هى بوزن الشخص تحت المايه والوزن ده بيسموه ( وزن مائي ثابت hydrostatic weighing ) . دا غير طريقتين بوساط كانوا بيستخدموهم زمان . الاولانيه انهم ياخدوا حىته من الجلد ويشوفوا سماكه الدهن تحتها وبيسموها skinfold test . والطريقه التانيه واسمها bioelectrical impedance analysis ودي عن طريق التيار الكهربي لكن ال بي ام اى طغي عليها . والطريقتين دول عمومن معادوش بيستخدموا خالص .
الطرق الدقيقه الموجود بيتستخدم غالبا فى الابحاث زي الرنين المغناطيسيMRI واشعه اكس من نوع (DEXA) والاشعه المقطعيه CT . والطرق دي بتدي نتايج دقيقه لكنها مكلفه وصعبه بالنسبه للتخان لان مقاييس الاجهزه لسه مش كافيه .

وجود مخاطر او امراض برضه بيستخدموا لتحديد مدي اهميه علاج التخن يعني وجود امراض القلب والاوعيه الدمويه او السكر ( النوع التاني ) او توقف النفس ساعه النوم بيدل علي مدي خطوره التخن ومدي اهميه البدايه فى علاجه . مش بس دول كمان فيه التدخين وعلو الضغط والسن وتاريخ العيله بيعتبروا مخاطر مع التخن واللي ممكن يكونوا سبب مهم لبدايه العلاج .

المدي بتاع ال بي ام اى BMI بيختلف حسب نوع وسن الطفل . التخن فى الاطفال والمراهقين بيتحسب عن طريق ال بي ام اى برسم بياني ودي طريقه من 1963 لحد 1994 ومش متحدثه . زياده تخن الاطفال علي مستوي العالم فى القرن الواحد والعشرين وكمان زياده المعدلات فى دول العالم بقت ملفته للانتباه يعني فى عيال كانادا زادت من 11% فى التمنينات ل 30% فى التسعينات والمعدلات زادت من 4% ل 14% فى برازيل .

وزي اى تخن تاني فيه اسباب خلت التخن فى الاطفال يزيد . اهمها تغييرات الاكل و قله الحركه عشان كده بيكون العلاج فى الاطفال بتغيير ستايل حياتهم وخصوصن ان العلاجات مش معتمده - خالص- فى السن ده .

التخن بقا من الاسباب الزياده فى الوقت الحالي لموت البشر ( وان كانت من الاسباب اللى ممكن منعها ) . وفيه دراسات امريكيه واروبيه مترجحه بتقول ان مخاطر الوفاه بتختلف حسب ال بي ام اى BMI . ولقيوا ان اقل خطر بيكون من بي ام اى من 21-24 ( ل غير المدخنين ) ومن 24-27 للمدخنين الجداد وبعد كده بتزيد المخاطر مع زياده ال بي ام اى او التدخين . كمان التخن بيزود مخاطر الوفاه عند المدخنين القدام والجداد وحتي اللى عمرهم ما دخنوا . كمان لو ال بي ام اى اكتر من 32 فدا بيضاعف الخطر . مش بس كدا دا فيه تقدير ان عدد وفيات التخن فى امريكا اكتر من 111,909 ولحد 365,000 وفاه فى السنه . التخن بيقلل توقعات معدل الحياه من 6- 7 سنين ولو التخن مرضي ( بي ام اى اكبر من 40 ) فدا بيقلل توقعات الحياه 20 سنه للرجاله و 5 للستات .

فيه امراض كتير بنلاقيها غالبن مع التخن زي السكر النوع التاني ( اللى مبياخدوش انسولين ) , علو الضغط , زياده الكوليسترول والتراي جليسريد( نوع من دهون الدم ) .

التخن مرتبط بطريقه - مباشره او غير مباشره(اكل مش صحي او كتر القعده) بمشاكل مرضيه اهمها السكر النوع التاني . زياده الوزن ورا 64% من حالات السكر فى الرجاله و 77% من الستات .

ولو حبينا نقسم العواقب المرضيه دي حسب نوع السمنه فهيبقي زياده كتله الدهن فى الجسم مسئول عن ( وجع المفاصل وخصوصا الروكب , توقف او كرشه نفس ساعه النوم , تأليس وسخريه من المجتمع ) . اما لو حسبناها من ناحيه زياده عدد خلايا الدهن فدا مسئول عن ( السكر , السرطان , امراض القلب والاوعيه الدمويه , الكبد الدهني non-alcoholic fatty liver disease ) . زياده الدهن فى الجسم بتخلي استجابه الخلايا للانسولين قليله و اللى بتأدي بعد كده لمقاومه الانسولين ( مقاومه الانسولين يعني الخلايا مش بتسمح ليه انه يقوم بدوره فيها بشكل مناسب ) . دا غير ان زياده الدهن بيزود مخاطر الجلطات .

بالرغم من كل المحاذير الصحيه اللى فاتت . فيه شويه تجارب علي شويه جروبات من البشر قالت ان التخن ( زياده بي ام اى ) بيشتغل ضد الوفاه , وبداو يدونوا المعيار ده من 1999 وحاولوا يفسروه بان المريض ( خصوصا مريض القلب ِ) بيقدر يعافر نتيجه نقص وزنه بسبب المرض وبالتالي بيقدر يفضل عايش فتره اطول حتي لو بعد عمليه فى القلب .

التناقض ده مبيلغيش المشاكل الصحيه الكتير للتخن لكنه بيتكلم عن المعافره ساعه المرض للنجاه من الموت واللي لقيوا انها بتكون احسن عند التخان .

اغلب الابحاث متفقه ان كتر القعده مع كتر الاكل هما اكتر اسباب التخن . بس فيه بعض الحالات بيكون سبب كتر الاكل فيها وراثي او طبي او نفسي . وعموما زياده التخن ناتج من سهوله الحصول علي الاكل اللذيذ ودا بسبب ثقافه العربيات والالات اللى انتشرت وسهلت طرق الحصول علي الاكل . لكن حصل اعاده نظر فى 2006 وحددوا عشر اسباب تانيه مؤثره فى زياده الوزن فى الوقت الحالي (1)قله النوم (2)ماكولات بتأثر علي الغدد والميتابوليزم (3)نقص التغيير فى درجه الحراره المحيطه (4)نقص معدلات التدخين ( لان التدخين بيسد النفس ) (5)زياده استهلاك بعض الادويه اللى بتزود الوزن (6) زياده المجموعات العرقيه والعمريه اللى بتميل للتخن (7)الحمل المتأخر (8)تاثيرات رحميه وجيليه (9)اختيار الطبيعه الايجابي للي عندهم BMI عالي (10)ميل التخان انهم يحبوا او يتجوزوا بعض .

نظام الاكل بيختلف من منطقه لمنطقه وحتي مع الوقت. من اول السبعينيات للتسعينيات زاد متوسط السوعرات الحراريه ( كالوريز ) للفرد ود زاد فى كل العالم ماعدا اوروباالشرقيه . اعلي معدل هوا فى امريكا واللي وصل 3654 سوعر/فرد سنه 1996 . معدل الاوربييين فى نفس الفتره 3394 سوعر/فرد . فى الدول الناميه فى اسيا كان 2648 سوعر/فرد. وفي بعض افريقيا كان 2176 سوعر/فرد . المعدل الامريكي زاد فى 2002 ل 3770 سوعر/فرد .وليك انك تلاحظ تاثير الحياه السهله مع التخن .

وبالرغم من انتشار دكاتره التغذيه فى المدارس والمعلومات اللى ماليه النت وعلي علب المنتجات فضلت مشكله زياده الاكل مشكله فى الواقع . فى الفتره من 1971–2000 زادت معدلات التخن فى امريكا من 14.5% ل 30.9% وفي نفس الفتره زاد متوسط استهلاك السوعرات اللى استهلكها الافراد . بالنسبه للستات كان متوسط الزياده 335 سوعر يوميا(1542 سوعرات سنه 1971 و1877 سوعرات فى 2004). اما بالنسبه للرجاله ف كان متوسط الزياده 168 يوميا (2450 سوعرات سنه 1971 و2618سوعرات سنه 2004) اغلب الزياده دي جات من زياده استهلاك الكربوهيدرات ( النشويات ) اكتر من الدهون .اغلب الكربوهيدرات دي جايه من المشروبات المسكره واللي مسئوله عن 25% من السوعرات اليوميه للشباب الصغير فى امريكا .وبيتقال ان المشروبات المسكره دي هيا المسئول الاول عن زياده التخن فى العالم .

وكل ما المجتمعات بتعتمد اكتر علي الاكل اللى مليان طاقه او الوجبات السريعه fast-food بيخلي اللى بيبحثوا يربطوا بين الوجبات السريعه دي وزياده معدلات التخن . فى امريكا اتضاعف استهلاك الوجبات السريعه 3 مرات من 1997 ل 1995 واتضاعف استهلاك السوعرات من الوجبات دي اربع مرات .

فى بدايه التمنينيات رفعت حكومه رونالد ريجان الموانع اللى كانت علي اعلانات الحلويات والوجبات السريعه للاطفال وبالتالي زادت الاعلانات عليها . وكمان السياسات الزراعيه واساليب المعالجه فى امريكا واوروبا خلت اسعار الاكل ترخص .كمان الدعم اللى اتقدم فى الولابات المتحده للصويا والدره والقمح خلي اسعار المواد الاساسيه دي تقلل اسعار الاكل بالمقارنه بالفواكه والخضار .

فى ادله بسيطه بتقول ان السبب فى التخن عند بعض التخان هوا بوطء الميتابوليزم (التفاعلات جوه الجسم) عندهم .

ودي بتلعب دور مهم جدا فى التخن اللي حاصل الايام دي . على مستوى العالم فيه ميل للاعمال اللي فيها قعده وحركه قليله واللي كمان حصل معاها زياده فى ركوب العربيات والباصات دا غير استعمال الألات ومكن فى البيوت واللي بيقلل المجهود وكمان قله ممارسه الهوايات .

التخان عموما بيكونوا اقل حركه من السولام . في كانادا 27% من الرجاله اللي حياتهم واعمالهم فيها قعده كتير بيكونوا تخان بعكس 19.6% من الرجاله النشيطين . كمان الاشخاص السولام بيكونوا اكتر قلق وحركه من التخان حتى لو اكلوا اكتر او اكل التخان اقل .

فى 2002 قدرت CDC ان 40% من الامريكان اسلوب حياتهم فيه كتر قعده ( مأنتخين ) . و 30% عندهم نشاط بس مش كافي . واقل من 30% بيقوموا بالنشاط الكافي . الميل ل قله الحركه وكتر القعده راجع لاستعمال المكن فى اغلب الشغلانات ووسايل المواصلات المريحه وتوسع المدن .دراسه من الصين قالت ان زياده التمدن ( توسع المدن )وكتر الضواحي بيقلل استهلاك الطاقه 300-400 سوعر واستعمال العربيات بيقللها 200 سوعر ودا بسبب ان الشخص هيضطر يفضل قاعد مده اطول فى عربيته او فى الباص وبالتالي حركه اقل ووقت اقل فى تجهيز اكل صحي فى البيت . كمان زياده حالات توصيل الام او الاب لولادهم للمدارس , مثلا فى امريكا قلت نسبه الاطفال اللى بيروحوا المدارس مشي او راكبين بسكلته ل 42% سنه 1969 ل 16% سنه 2001 واللي عمل قله حركه بالتاكيد . كمان فيه دراسات كتير بتربط بين زياده اوقات الفرجه علي التلفزيون فى الكبار والاطفال وبين التخن . تحليل سنه 2008 لقي ان 63 دراسه من اصل 73 (86%) قالوا ان فيه علاقه اكيده بين الفرجه ع التلفزيونات والاعلام عمومن والتخن وخصوصن مع زياده وقت الفرجه .

فى بريطانيا المشي وركوب العجل قل من سنه 1975 واتحول الناس اكتر للعربيات . كان متوسط المسافه اللى بيمشيها المواطنين سنه 2005 تقريبن 317 كيلومتر فى السنه . واللي نزل 106 كيلو من سنه 1975 . ونفس المعدلات دي تقريبن فى امريكا واللي فى سنه 1983 كانت 9% من الرحلات مشي ودا قل ل 7% فى 1990 .

زي باقي الحالات الطبيه فالتخن بيكون نتيجه لعوامل وراثيه وعوامل بيئيه .الجينات بتتحكم فى الشهيه وكمان فى الميتابوليزم ( التفاعلات اللى جوه الجسم ) واللي ممكن يخلي الشخص ميال اكتر للتخن . فى 2006 41 من المواقع ربطوا بين التخن والجينات خصوصن فى وجود بيئه مناسبه .

شويه دراسات منها ربطت بين قولبه جين اسمه FTO ( الجين المسئول عن كتله الدهن واللي بيقلب لاكتر من شكل ) وكمان الجين NPC1 .

دراسه تانيه قالت ان 80% من اولاد التخان( لما يكون الراجل والست تخان ) بيكونوا هما كمان تخان . بالمقارنه ب 10% بس اطفال تخان من ابين سولام .

فيه بعض الامراض الواراثيه النادره بتعمل تخن (من الامراض دي Prader-Willi syndrome ودا مرض وراثي فى الجينات )وغيرها من الامراض الوارثيه .

شويه امراض وعلاجاتها ممكن تعمل تخن . من الامراض الطبيه دي ( بعض الامراض الوراثيه النادره زي Prader-Willi syndrome ) او بعض الامراض اللى بيكتسبها الانسان زي نقص السايروكثين ,مرض كشنج Cushing's syndrome (زياده الكورتيزون) , نقص هرمون النمو وامراض الاكل ( زي مرض الاكل الليلي ومرض الاكل بشراهه binge eating disorder ) . التخن مش معترف بيه كمرض نفسي .

بعض العلاجات ممكن تعمل تخن او زياده فى الوزن زي الانسولين ,سلفونايل يوريا (ادويه السكر النوع التاني زي دياميكرون واماريل وغيرها ) , ادوية ثايازوليدينز (ادويه سكر زي افانديا واكتوس ) , بعض ادويه الهلوسه والاكتئاب والكورتيزونات ,بعض ادويه الصرع ( فنتوين وفالبورات (ديباكين))و بيزوتايفين (موسيجور) وبعض حبوب منع الحمل الهرمونيه .

رغم ان العوامل الوراثيه مهمه فى فهم التخن لكنها مش بتقدر تشرح الزياده الدراماتيكيه اللى بتحصل فى مناطق معينه او فى العالم ككل . بالرغم انه من المقبول دلوقتي ان استهلاك سوعرات زياده مسئول عن الزيادات الفرديه , لكن النقله اللى حاصله فى الخطين دول علي مستوي المجتمع محل جدل . فيه دراسات بتقول ان دول هما السبب لكن فى دراسات تانيه بتقول ان الاسباب متنوعه .

علاقه ال بي ام اى BMI بين كلاسات المجتمع بتختلف . تحليل سنه 1989 لقي انه فى الدول المتقدمه الستات الهاي كلاس مش بيحبوا يظهروا تخان .لكنهم ملقيوش اختلاف فى الرجاله بين الكلاسات المختلفه .

فيه دراسات كتير بتبحث ف الموضوع ده وبيعتقدوا ان شعوب الدول المتقدمه الغنيه بيكونوا تحت ضغط كبير انهم يفضلوا رفيعين بسبب سهوله المعيشه وسهوله الاكل ووجود عربيات والات فى البيوت وقله الحركه وكمان فيه بعض المجتمعات عندها نظره كويسه للشخص المليان كل ده بيخلي فيه زياده فى التخان هناك .

التدخين ليه علاقه برضه علي وزن الشخص لانه بيسد النفس يعني اللى بيبطلوا تدخين بيزيدوا فى المتوسط 4.4 كيلوجرام للرجاله و 5.0 كيلو للستات علي مدي 10 سنين . لكن تغير معدل التدخين ملوش تاثير كبير علي التخن العام .

فى امريكا بيتقال ان زياده عدد الاطفال مسئول برضه عن زياده مخاطر الوزن ( للستات :7% لكل طفل , للرجاله : 4% لكل طفل )وحاولوا يفسروا ده بانه زياده الاطفال والاعتماد عليهم بيخلي حركه الام او الاب قليله .

فيه ايمان انو فى الدول الناميه بيكون نقص التغذيه فى الطفوله من اسباب التخن ودا بسبب ان الغدد بتشتغل بطريقه انها تحافظ وتخزن الدهن فى الجسم بشكل اكبر .

ودي بكتيريا موجوده فى الامعاء وبتساعد فى الهضم , اكتشفوا انه فيه فروقات بين الشخص الرفيع والتخين فى البكتيريا دي لانها بتاثر فى الميتابوليزم ( تفاعلات جوه الجسم ) . والموضوع لسه بيتدرس .

العلاج الرئيسي للتخن بيعتمد اساسن علي الريجييم والمجهود الحركي . انظمه الريجييم ممكن تعمل تنزيل وزن فى فتره قليله لكن بتبقي المشكله هى فى المحافظه علي الوزن ده والريجييم بيعتمد علي اكل ب سوعرات حراريه قليله وتغيير فى نظام حياه الشخص مع شويه مجهود . فى العموم 20% بس من البشر هما اللى قدروا يحافظوا علي تنزيل وزنهم مده طويله . وبالتفصيل : 67% من البشر هما اللى قدروا ينزلوا من وزنهم 10% ويحافظوا عليه او يستمروا فى التنزيل خلال سنه . متوسط الوزن النازل اللى اتحافظ عليه كان اكتر من 3 كيلوجم او 3% من كتله الجسم واللي ممكن يستمر ل 5 سنين . تنزيل الوزن مفيد صحيا وخصوصن انه فيه دراسه بتتوقع انخفاض المشاكل المرضيه مع الريجييم .

افضل علاج للتخن هوا الجراحه لكن مخاطرهاالكتير وسعرها الغالي خلي العلما يتحمسوا انهم يدوروا علي علاجات جديده .

الريجييم بيعتمد انه يقلل وزن الجسم عن طريق الاكل ودا بيتقسم لاربع انواع : (1) ريجييم دهون قليله (2) ريجييم كربوهيدات قليله (3)ريجييم سوعرات قليله (4)ريجييم سوعرات قليله جدا . فيه تحليل قال انه مفيش فرق كبير بين اول تلات انواع من الريجييم (سوعرات قليله - دهون قليله - كربوهيدرات قليله ) واللي كان معدل تنزيلهم 2-4 كيلو فى كل الدراسات اللى اتحللت .

ريجييم دهون قليله

ودا بيعتمد علي تقليل اكل الدهون واللي بيحصل معاه نقص استهلاك السوعرات ( ولو انه مش بشكل متعمد ). فيه تحليل ل 12 دراسه علي مدار 2-12 شهر قال ان الريجييم ده بينزل 3.2 كيلوجم مع اكل عادي .

ريجييم كربوهيدرات قليله

الاكل بيكون فيه اعتماد اكتر ع الدهون والبروتينات ( بالمقارنه ) ودا اكتر نوع ريجييم مشهور فى الجرايد لكنه مش متفضل من جمعيه القلب الامريكيه . مراجعه ل 107 دراسه وجدت انه مفيش تنزيل وزن مع النوع ده من الريجييم الا لو قل معاه السوعرات الحراريه . وعمومن مفيش اثار جانبيه لنوع الريجييم ده حد اكتشفها .

ريجييم سوعرات قليله

ودا بيعتمد علي تنزل الطاقه من500-1000 سوعر حراري فى اليوم . واللي ممكن يعطينا نزول 0.5 كيلو فى الاسبوع . مؤسسات الصحه الوطنيه راجعت 34 تجربه عشان تشوف نتايج الريجييم ده وقالت انه ممكن يقلل كتله الجسم 8% خلال 3-12 شهر .

ريجييم سوعرات قليله جدا

بيعتمد علي تنزيل 200-800 سوعر فى اليوم ( من الدهون والكربوهيدرات ومش البروتين ) .بيعتمد علي تجويع الجسم ومعدل تنزيله من 1.5-2.5 كجم . الريجييم ده مش مفضل للاستخدام العام لانه بيكون معاه اثار جانبيه زي ضعف العضلات وزياده احتمالات النقرص واضطرابات فى املاح الجسم ( من المشاكل الكبيره ) عشان كده لازم يتابع مع دكتور .

الحركه بتستهلك طاقه بتيجي من الدهون والجيلايكوجين ( كربوهيدرات - جلوكوز ( متخزن فى الجسم )). ولان عضلات الرجل كبيره فالمشي والجري وركوب العجل هما احسن الطرق لحرق الدهون لان الجسم بيستخدمها كبنزين . الجري مش مفضل للي عندهم مشاكل فى الروكب وبتبقي السباحه افضل ليهم .

تحليل عملته Cochrane Collaboration ل 43 تجربه وجدوا ان المجهود - لوحده - بيأدي لتنزيل محدود للوزن .مع الريجييم , الجمهود بيساهم فى تنزيل 1.0 كيلو زياده عن الريجييم لوحده . ولو المجهود زياده ممكن ينزل 1.5 كيلو . ورغم ان تاثيرات عمايل المجهود ع البشريه متواضعه , لكن الاكيد انه فيه علاقه طرديه بين ثبات نزول الوزن والمجهود المبذول وخصوصن لو كان مجهود شاق . علي مدار 20 اسبوع من التمارين العسكريه الاساسيه وبدون اى موانع اكل وجدوا ن المجندين الجداد بيقلوا 12.5 كيلوجم. ميزه المجهود هوا فى الحفاظ علي الوزن .

مراجعه نظاميه اكتشفت ان الناس اللى بيستعملوا عجل المشي ( الاجهزه الرياضيه اللى بعداد ) لمده 18 اسبوع فى المتوسط زاد نشاطهم 27% وقل ال بي ام اى BMI عندهم 0.38 .

فى مدينه بوجوتا فى كولومبيا بيقفلوا 113 كم من الطرق ( 70 ميل ) كل يوم حد وفي الاجازات عشان يشجعوا الناس ع الحركه .الطرق الفاضيه من العربيات واحده من طرق مكافحه الامراض المزمنه ومنها التخن .

فيه دوايين بس متوافق عليهم من اداره الاغذيه والادويه الامريكيهFDA للاستخدام ع المدي الطويل هما اورليستات orlistat الاسم التجاري زينيكال Xenical من شركه روش ROCHE واللي بيقلل امتصاص الدهون من الامعاء عن طريق انه بيقلل انزيم اسمه ليبيز lipase. والدوا التاني هوا سيبوترامين sibutramine والاسم التجاري ميريديا Meridia من شركه ابوت Abbott واللي بيشتغل ع المخ ( بيزود شغل سيروتاينين و نورادرينالين و دوبامين ) وشغله قريب من شغل بعض ادويه الاكتئاب وبيجي من الدوا ده سده نفس .

فيه ادويه تانيه زي ريمونابانت Rimonabant الاسم التجاري اكومبليا Acomplia والدوا ده بيشتغل عكس الحشيش ( block ) لانهم اكتشفوا ان الحشاشين بيعانوا من حالات صوصوه فى البطن من الجوع . الدوا ده معتمد فى اوروبا لعلاج التخن لكنه لسه مش معتمد فى امريكا وكانادا بسبب انهم مش متاكدين من الامان بتاعه .

الوزن اللى بينزل مع الادويه دي بيعتبر متواضع واللي بيكون حوالي 2.9 كجم مع زينيكال , 4.2 كجم مع ميريديا و 4.9 كجم مع اكومبليا . زينيكال واكومبليا بيقللوا احتمالات مرض السكر والادويه التلاته ليهم شويه تاثير علي الكوليسترول . وع العموم فيه معلومات قليله عن تاثيرات العلاجات دي ع المدي الطويل علي تعقيدات و حصيلة التخن .

فيه ادويه اقل انتشارن فى استعمالها .بعضها حاصل علي موافقهFDA للاستعمال لفتره بسيطه واشهرهم Phendimetrazine التجاري (بونتريل Bontril)

فيه دوا كمان مشهور مع مرضي السكر اللى عندهم زياده فى الوزن وهوا ميتفورمين metformin تجاري جلوكوفاج Glucophage . بعض ادويه السكر بتعمل زياده فى الوزن ( زي دياميكرون واماريل ودوانيل ). ممكن مرضي السكر يحصلوا علي شويه نزول فى الوزن عن طريق دوا اكتئاب اسمه التجاري بروزاك Prozac (فلوكستين)وكمان زينيكال وميريديا لمده 12-57 اسبوع لكن الفوايد الصحيه من العلاجات دي ع المدي الطويله لسه مش واضحه .

فى ادويه تانيه مش معتمده او بتستخدم بطريقه غير شرعيه وكتير منها اتسحب م الاسواق زي Fenfluramine و dexfenfluramine ( اتسحب 1997 ) و Dexamphetamines نوع من الامفيتامينات بيعمل ادمان وله اثار جانبيه خطيره ومش معتمد من FDA .

بسبب مشاكل الجراحه فهيا بتستخدم بس للحالات الخطيره (BMI 40) واللي فشلت معاهم الحلول التانيه . فيه اكتر من اسلوب جراحي واشهر واحد هوه تقليل حجم المعده واللي بيدي احساس سريع بالشبع وبيقلل المساحه بتاعه الهضم .

اشهر العمليات الجراحيه

ودي بروتوكلات عملتها كليه الاطباء الامريكيه واللي ادت 5 نصايح :

ودي بتعتمد علي تغيير طريقه الحياه مع الريجييم وعمل مجهود . الفكره هنا هيا جمع مجموعه من الاشخاص اللى بيعانوا من نفس المشكله مع بعض واللي ممكن بالتالي يشجعوا بعض .وبيتقال ان نتايج البرامج دي احسن من النتايج الفرديه .

لالاف السنين فضل التخن مش متشاف ومش ملحوظ الا فى بدايه القرن العشرين . فى سنه 1997 اعتبرت منظمه الصحه العالميه WHO ان التخن بقا وباء عالمي واللي فى سنه 2005 قالت انه ع الاقل 400 مليون بالغ (9.8%) تخان , مع زياده المعدلات فى الستات عن الرجاله وفي السن من 50-60 سنه . ومعدتش بس مشكله فى الدول المتقدمه لكن كمان بقت مشكله عالميه ف العموم وان كانت الزيادات دي درامتيكيه اكتر فى المدن ( خصوصا الكبيره ) والحىته الوحيده اللى موصلهاش وباء التخن هيا المنطقه الافريقيه جنوب صحاري ( تحت الدول العربيه ) .

منظمه الصحه العالميه بتحاول تدرس العوامل اللى بتزود التخن علي مستوي العالم وازاي انها بتزود استهلاك السوعرات وتزويد حركه الناس وخصوصا فى المدن الكبيره ودا بسبب تاثيرات التحن علي الصحه العامه .

وبدات كتير من دول العالم تطبع تقارير دوريه عن التخن واللي بدات سنه 1998 فى امريكا واللي بتدي معلومات عن التخن وتقييمه وطرق علاجه . وبدات كانادا بنفس الاسلوب سنه 2006 وبريطانيا سنة 2004 .

غير المشاكل الطبيه فيه كمان شويه مشاكل تانيه بتيجي من التخن زي المعايره فى المجتمع والتأليس وعدم التفضيل فى الوظايف وزياده تكاليف البيزنس . ودا علي مستوي الافراد والشركات وحتي الحكومات .

التخن والامراض المرتبطه بيه عملت تكاليف اقتصاديه ضخمه .سنه 1998 فى امريكا كانت التكلفه 78.5 مليون دولار . وان كانت البرامج العلاجيه قللت التكاليف بعدين لكن مصاريف العلاجات لسه كبيره . فحتي مع تحسن صحه المجتمع لسه المصاريف كبيره .

التخان عموما مش بيفضلوهم فى الوظايف ولا الترقيات وحتي مرتباتهم بتكون اقل بالمقارنه بزمايلهم الرفيعيين . شركات الطيران بتعاني هيا كمان من ضغوط بسبب زياده الاوزان اللى بيتطلب منها بنزين اكتر وعليها ضغوط لتوسيع الكراسي . سنه 2000 الوزن الزايد للمسافرين كلف شركات الطيران 275 مليون دولار . وكمان المطاعم زادت تكاليفها بسبب القضايا اللى اترفعت عليها واللي اتهمتها بالمسئوليه عن التخن . فى 2005 ناقش الكونجرس الامريكي شويه تشريعات ضد شركات الاغذيه لمسئوليتها عن التخن لكنها مبقتش قانون .

كلمه تخن الانجليزيه obesity جايه من الكلمه اللاتينيه obesitas واللي معناها تخين او سمين او مليان .

اليونايين هما اول ناس اعتبرو التخن مشكله طبيه و ابوقراط قال ان البدانه مش مرض فى حد ذاتها لكنها بتبشر بيه . فى القرن السادس ربط الجراح الهندي ساشروتا Sushruta بين التخن ومرض السكر وكمان اقترح عمل مجهود لعلاجه . تاريخ الانسان مليان بالمعانه للحصول علي الغذا والمؤنه لكنه مع حدوث ثورة فى الصناعه وانه بقا فيه دول متقدمه وغنيه وشعرت الدول دي ان قوتها هيا فى قوه عساكرها وبالتالي بدات تزود اوزانهم من الروفع للوزن العادي ومن هنا بدات الزيادات فى الاوزان . ف فى القرن التسعتاشر زاد طول وعرض الانسان وفي القرن العشرين زادت الاطوال ومعاها الاوزان . من 1950 بدات الثروه تزيد فى الدول المتقدمه دي واللي ادت لتقليل معدلات وفاه الاطفال لكنها كمان ساعدت فى زياده الاوزان .

كتير من الثقافات البشريه عبر التاريخ كانت بتبص للتخن علي انه خلل . الكوميديا اليونانيه كانت بتسخر منهم . اما فى العصور المسيحيه فكان كتر الاكل بيعتبروه باب للخطيئه والكسل والشهوه .

فى الثقافه الغربيه الحديثه بيعتبرو التخين شخص مش جذاب وكمان التخان هناك بيتعرضوا للتأليس والسخريه من زمايلهم وبتوصل ساعات انهم بيتجنبوهم . وعمومن فالتخن فى الثقافه الغربيه بيدل علي مستوي اجتماعي واقتصادي ردئ .

الباحثين بيشوفوا تغير الوزن فى الميت سنه الاخيره وبيلاحظوه فى اوزان ملكات جمال امريكا واللي قل من سنه 1920 بنسبه 12% .

فى بعض الدول الافريقيه لسه بيشوفوا ان التخن علامه من علامات الغني والقدره .

اول المحاولات لتطليع دوا ل لعلاج التخن كانت بتاعه الدكتور اليوناني سورانيوس Soranus ( القرن التاني ) واللي كان بيدي ملينات وكمان كان بيعمل مساج سوخن دا غير المجهود البدني . ودا فضل الركن الاساسي فى العلاج لالاف السنين لحد 1920 و 1930 وقتها بدا يطلع ادويه جديده . وبالاعتماد علي كفاءة الثايروكسين ( الاسم التجاري التروكسين فى الوقت الحالي ) واللي شاع استخدامه فى العلاج واللي كانت نتييجه متوسطه دا غير اعراضه الجانبيه زي بلبطه القلب وصعوبه النوم . بعد كده طلعت ادويه كتير وكانوا كل مره بيلاقوا ليها مشاكل واثار جانبيه كتير بتخليهم يبحثوا اكتر لحد ما وصلنا للدوايين اللى متوافق عليهم من FDA زي زينيكال وميريديا . ولسه الابحاث مستمره .

اول عمل نحتي اتناول جسم الانسان كان من 20000-35000 سنه واللي صور ستات تخان . بعض خصائص تماثيل Venus figurines كانت بتكبر خصائص الخصوبه فى البروتريهات عند الستات لكن فيه اقاويل ان الستات فى الوقت ده كانت فعلن بالاحجام دي . البدانه عمومن غابت عن الفن اليوناني والروماني ودا كان لميلهم للاعتدال واللي استمر للعصر الاوروبي المسيحي الا من بعض اللى حالتهم الاقتصاديه والاجتماعيه مكنتش عاليه واللي كانوا بيتصوروا سمان . فى عصر النهضه الاوروبيه بدا الناس الهاي كلاس يتباهوا باحجامهم واللي ظهر فى بورتريهاتهم . فى القرن التسعتاشر بدات النظره للتخن فى الغرب تتغير بعد عصور كان فيها التخن معيار للغني والجاه والمنزله العاليه وبدا الرفع يبقي هوه الشكل المرغوب فيه.

فيه منظمات بدات تعمل مجهود فى الغرب عشان تمنع التمييز ضد التخان وكمان لتوعيتهم من الامراض المرتبطه بالتخن .




#Article 333: أمينة السعيد (559 words)


أمينة السعيد ( اسيوط، 20 مايو 1910- القاهره، 13 أغسطس 1995)، كاتبه مصريه و مفكره و روائيه و مناضله كبيره في سبيل نهضة مصر و حرية المرأه و مساواتها بالراجل في المجتمع والحريه و التطور في مصر بوجه عام. بتعتبر اول ست مصريه تشتغل فى الصحافه. إتصدت لعادة ختن البنات و قهر النسا. إترأست تحرير مجلة حواء والمصور و مجلس إدارة دار الهلال و كات عضوه في مجلس الشورى في البرلمان المصري وسكرتيره للإتحاد النسائي. كان ليها باب مخصص ثابت في مجلة المصور إسمه  اسألوني  بتعرض فيه أفكارها و أراء القرأ و مشاكلهم. إتعرضت لهجوم جامد و بذاءات من الرجعيين و المتطرفين ، بس كانت ست متعلمه و متنوره وشجاعه عمرها ما نخت ولا هادنت، و فوق كده كانت ست وطنيه بتحب مصر. كرمتها مصر بوسام الاستحقاق من الطبقة الأولى، و وسام الجمهورية، ووسام الثقافه والآداب و خدت جوايز دوليه زي جايزة الكوكب الذهبي.

إتعرفت أمينة السعيد في شبابها على هدى شعراوى اللي إهتمت بيها و بنباهتها و رعتها و ساعدتها على دخول الجامعه المصريه (1931)، فدخلت كلية الأداب قسم إنجليزي وقت ما كان عميدها الدكتور طه حسين ضمن أول دفعة بنات يدخلوا الجامعه في مصر. و تعليم البنات و دخولهم الجامعة أياميها ماكانش حاجه سهله بيقبلها المجتمع اللي كان لسه غايب في ضلمات الجهل و التخلف. واخدت الليسانس و اتخرجت سنة 1935. وقت دراستها اشتغلت صحفيه فى فى مجلة الأمل و كوكب الشرق و آخر ساعة و المصور و بتعتبر أول ست مصريه تشتغل فى الصحافه ، بعد مااتخرجت اتجوزت سنة 1937 الدكتور عبد الله زين العابدين اللى شجعها على الشغل فى الصحافه. فى سنة 1954 اصدر أمين زيدان مجلة  حواء و عين أمينه السعيد رئيسه للتحرير و نجحت المجله نجاح كبير ، و بعد فكرى أباظه رأست تحرير مجلة  المصور  و كانت اول ست مصريه تتعين فى مجلس إدارة مؤسسه صحفيه ، و بعد كده بقت رئسة مجلس إدارة  دار الهلال  و كانت اول ست مصريه تنتخب عضو فى مجلس نقابة الصحفيين و اول ست تمسك منصب وكيل نقابة الصحفيين (1959) و فى سنة 1963 كرمتها الدوله المصريه بوسام الإستحقاق من الدرجه الأولى ، و فى سنة 1970 بوسام الجمهوريه من الدرجه الأولى ، و فى 1975 إتكرمت بوسام  الكوكب الذهبى  و وسام الفنون و الآداب من الدرجه الأولى.

فضلت أمينه السعيد طول حياتها تدافع عن حقوق الست المصريه و كل المصريين و تنادي بالـ توليرانسيه و تطوير المجتمع المصري.

نهضة مصر و رقيها و مساواة المرأه كانوا شاغل أمينه السعيد طول حياتها و فضلت لأخر لحظه فى حياتها تناقش قضايا التخلف اللى بتعانى منه مصر و كانت شايفه إن مصر بتعانى من رده حضاريه. شن المتطرفين هجوم كبير عليها و هددوها بقتلها و خطف ولادها و قتلهم ، لكن أمينه السعيد اللى كانت ست صلبه فضلت ماسكه قلمها اللى كان سلاحها الوحيد تدافع بيه عن حق مصر فى الرقى و النهضه و فى حق الست المصريه فى العيش بكرامه و مساواه فى المجتمع المصرى ، و ردت على المتطرفين دعاة القهر و التخلف بكل قوه و كانت بقلمها بتردلهم الصاع صاعين من غير ما تخاف منهم أو تنافقهم أو تهادنهم. من أقوالها :  وهل لابد من تكفين البنات بالملابس وهن على قيد الحياة!.

أخر كلمات أمينه السعيد المنشوره كان قبل وفاتها بأربع تيام قولها فى مجلة المصور عن حال الست المصريه:  لقد أفنيت عمري كله من أجلها، أما الآن فقد هدني المرض، وتنازلت النساء عن كثير من حقوقهن .. فالمرأة المصرية صارت ضعيفة... فلا خلاص للمرأة إلا بالنضال والأمل 

جوايز وأوسمه حصلت عليها

من أشهر مؤلفاتها:




#Article 334: مثليه جنسيه (462 words)


إءرا الصفحه دي بالابجديه اللاتيني

الهوموسكشواليتى (”زَى-جنسى“; إنجليزى: Homosexuality; فرنساوى: Homosexualité) هى ميول جنسيه عند الشخص اللى بيميل/بتميل عاطفياً و جنسياً لأشخاص من نفس الجنس بتاعهُ/بتاعها. الرجاله اللى بيميلو للرجاله ليهم تسميه فى الكلام الدارج, و بردو ”جيى“ (gay) زى الإنجليزى. و الستات اللى بيميلو للستات, بيتسمّو بالمصرى و الإنجليزى ”ليزبيان (lesbian)“. الناس اللى بيميلو للرجاله و الستات فى نفس الوقت اسمهم ”بايسكشوال“. الناس الهوموسكشوال, و الـ”بايسكشوال“, و الترانسجيندر بالإنجليزى transgender بيعملو مجتمع المش هيتيروسكشوالى (LGBT). صعب نعرف عدد الهوموسكشوال.

كلهُ بيعتمد على التعريف. عادةً, الدراسات بتحط الرقم حوالين 5-10% من إجمالى السكان. فيه دراسه معروفه بإسم ريبورتات كينزى (Kinsey Reports) إتعملت فى 1948, بتقول إن حوالى 46% من الرجاله, و حوالى 7% من الستات استجابو جنسياً للجنسين. الهوموسكشواليتى معروفه بإنها موجوده فى كل الثقافات و كل البلاد.

الواحد ممكن يقول إن الهوموسكسواليتى هى الكلمه اللى بتستخدم للناس اللى بيميلو عاطفياً لـ نفس الجنس بتاعهم, بس موجود تعريفات تانيه. لما الواحد بيبُص للهوموسكسواليتى بـ معنا الناس اللى بيميلو لـ نفس الجنس بتاعهم, ناس أكتر بيتصنفو هوموسكسوال, لإن عادةً الناس بتستعمل الكلمه غلط و بتعتبر كلمة ”هوموسكسوالى“ يعنى بيمارس جنس هوموسكسوالى. عادةً, الكلمه بتستخدم عشان تعبر عن كل الناس اللى بيميلو لـ نفس الجنس بتاعهم, حتى ولو ما كانوش عملو جنس (قبل كده). ولو إن أغلب اللى باين من الهوموسكسواليتى هو العلاقات العاطفيه. أغلب ”الدلايل“ على الهوموسكسواليتى فى الثقافات القديمه باينه من رسمات رجاله فى علاقه عاطفيه او جنسيه, لإن هى دى أوضح حاجه.

فيه ناس بيتستعملو بردو الكلمه الإنجليزى homophile (من اليونانى όμος ”زَى“ و φιλεῖν ”يحب“). الكلمه دى عامةً ليها معنى ”أخف“. عادةً معناها الناس اللى بس بيميلو لـ نفس الجنس بتاعهم, بس مش, او مش قادرين يعملو علاقات مع نفس الجنس بتاعهم.

فيه كلام كتير ممكن يوصف الناس الهوموسكسوال. فيه شويه منهم بيستخدمو عشان يهينو الهوموسكسوال. على اى حال, المجتمع اللى مش هيتيروسكسوالى ساعات بيستعمل الكلام ده بين بعض عشان يوصفو نفسهم. بيتعمل كده عشان الكلام يبقى مش جارح أوى. بردو فيه أكتر من كلمه ممكن تتقال فى الإنجليزى و يتقصد بيها ”هوموسكسوالى“.

(إنجليزى: Gay Pride او Homosexual Pride; فخر الجيى او الهوموسكسوال) فيه هوموسكسوال ما بيقولوش على ميولهم عشان بيخافو من اللى ممكن يحصل, او عشان هما عايشين فى مكان مش امان للهوموسكسوال.

ساعات الناس اللى بيقولو على ميولهم بردو بيقولو انهم ”فخورين“ يعنى مش محرجين. الپرايد ليها معنى خاص للمجتمع المش هيتيروسكسوالى. معناه انهم بيحتفلو و فرحانين انهم هوموسكسوال. الپرايد مش مقصود بيها انهم عملو حاجه و فخورين بيها, بس المقصود هو ”عكس الإحراج“. فيه مدن كتيره بتعمل ”إحتفالات جيى پرايد“. الإحتفالات دى زمان كانت مظاهرات (مسيرات إحتجاجيه). النهارده, هى عادةً بتبقى إحتفالات من المجتمع المش هيتيروسكسوالى. عادةً بيبانو فى يونيه, فى ذكرى مظاهرة ”ستونوول“ (Stonewall) اللى حصلت فى مدينة نيو يورك فى 1969. المظاهرات دى حصلت عشان البوليس إتحرّش و قبض على ناس عشان هما هوموسكسوال. مظاهرة ”ستونوول“ (Stonewall) ساعات بتتسمّا ”بداية حركة حقوق المجتمع المش هيتيروسكسوالى.“




#Article 335: سياسة اسپانيا (335 words)


سياسة اسبانيا تتشكل من نظام پرلمانى ديمقراطى ملكى دستورى, الملك هو رئيس الدولة و رئيس السلطة التنفيذية هو رئيس الحكومة فى نظام متعدد الاحزاب. السلطة التشريعية المركزية متمثلة فى مجلسين الپرلمان. السلطة القضائية مستقلة عن السلطتين التنفيذية والتشريعية.

الدستور الاسباني الذي صدر سنة 1978 هو قمة انتقال اسبانيا للديمقراطية. التاريخ الدستورى لاسبانيا يرجع تاريخه لدستور 1812. بعد وفاة فرانسيسكو فرانكو فى 1975 كان فيه انتخابات عامه فى 1977, بعدها اجتمع البرلمان الاسباني, بصفته جمعية دستورية من أجل أقرار دستور 1978. و نتيجة لده اسبانيا بفضل دستورها حاليا تتكون من 17 من الأقاليم المتمتعة بالحكم الذاتى و اتنين من مدن الحكم الذاتى بدرجات متفاوتة من الاستقلال الذاتى.

نظام اسبانيا هو نظام ملكي دستورى, وراثى من ملك و پرلمان من مجلسين, والمحاكم العامة. السلطة التنفيذية تتكون من مجلس الوزراء برئاسة رئيس الحكومة (مماثل لرئيس وزراء) يقترحه الملك و تنتخبه الجمعية الوطنية بعد الانتخابات التشريعية.

السلطة التشريعية تتكون من مجلس النواب 350 عضو ينتخبو فى اقتراع شعبي على قوائم تمثيل نسبى لخدمة اربع سنين, ومجلس الشيوخ 259 عضو, 208 يتم انتخابهم بشكل مباشر عن طريق التصويت الشعبى, و 51 معينين من الهيئات التشريعية الاقليمية لأربع سنين.

امة اسبانيا تتألف من الناحية التنظيمية فى شكل ( دولة المجتمعات المتمتعة بالحكم الذاتي) هى واحدة من اكثر البلاد لامركزية فى أوروبا, الى جانب سويسرا وألمانيا وبلجيكا.

مثلا, فى كل مناطق الحكم الذاتي المجتمعات المحلية ليها پرلمانات منتخبة, و حكومات, و ادارات عامة, و ميزانيات, وموارد, و علشان كده النظم الصحية والتعليمية وغيرها التي بتتدار من الإقليم نفسه.

اسبانيا سياسيا متنظمه فى 17 من الأقاليم المتمتعة بالحكم الذاتي (comunidades Autónomas) و 2 من مدن الحكم الذاتي (ciudades Autónomas) -- ثويتا و ميلييا.

سبعة من المجتمعات المستقلة تتكون من محافظة واحدة: استورياس, و جزر البليار, كانتابريا, لاريوخا,مدريد و مورسيا و نافارا.

بعد عودة الديموقراطية بعد وفاة فرانكو فى 1975, و أولويات السياسة الخارجية لإسبانيا للخروج من العزلة الدبلوماسية و توسيع العلاقات الدبلوماسية و الدخول فى الجماعة الأوروبية, وتحديد العلاقات الامنية مع الغرب. بصفتها عضو فى حلف شمال الاطلنطى من 1982 أثبتت اسبانيا انها من ابرز المشاركين فى الأنشطة متعددة الأطراف بخصوص الامن الدولى.




#Article 336: اجهاض (125 words)


الاجهاض(Abortion) هوه عملية اخراج او تسقيط(تنزيل) الجنين من بطن امه يا اما عشان الجنين مات جوه الرحم و لازم يخرج او بهدف تمويت الجنين لو هوه لسه صاحى.الاجهاض ممكن يحصل لوحده نتيجة مشاكل فى الحمل او ممكن يتعمل بالقصد بناء على طلب الام او بتوصيه من الدوكتور اللى بيعالجها.
الاجهاض المقصود عمليه بتتمارس فى كل المجتمعات تقريبا من قديم الزمان باستخدام اعشاب معينه او الطرق تقليديه تانيه. فى الطب الحديث، الاجهاض بيتعمل يا اما بالادويه المخصوصه او بالجراحه.
موضوع الاجهاض بيسبب نقاشات و حوارات كتيره بين فريقين الاولانى بيعارض الاجهاض و بيسمو نفسيهم بتوع حق الحياه (Pro-Life) و الفريق التانى بيشجع الاجهاض و بيسمو نفسيهم بتوع حق الاختيار (Pro-Choice).
عدد حالات الاجهاض المقصود اللى حصلت فى 2003 كان تقريبا 42 ميليون حاله على مستوى العالم.




#Article 337: الاندلس (483 words)


الأندلس هو اسم إمارة او مقاطعة من الإمبراطورية الإسلامية. عملها المسلمين فى شبه جزيرة ايبيريا بعد ما دخلوها بزعامة طارق بن زياد وضمّوها للخلافة الأموية سنة 711.

الأندلس كمان هو اسم سماه المسلمين للأجزاء اللى حكموها من شبه جزيرة ايبيريا.
و استمر وجود حكم للمسلمين فى ايبيريا لحد استرداد مملكة جرانادا 2 يناير سنة 1492.

اسم الاندلس هوه الاسم العربي يعني الاسم اللي سماه العربيين (العرب) الاندلسيين (المورويين) المكان من المغرب الاوروبي في البلاد الاوروبيه اللي هاجرو عليها و غزوها و احتلوها و حكموها و استوطنوها و عاشو ف اماكن منها زى جرانادا مدة 781 سنه ميلاديه سنة 711م و لغاية سنة 1492م و عملو حضاره عربيه فيها . المكان بيشمل كل دولة اسبانيا الحاليه و كل دولة البرتغال الحاليه و جنوب دولة فرنسا الحاليه .

حدود الاندلس اتغيرت عل مدار السنين . المسلمين دخلو لحد جوه الاراضى اللى الايام دى فرنسا. معركة بواتييه (بالفرنساوى: Bataille de Poitiers) حصلت ف شهر اكتوبر سنة 732م في مكان بين مدينة بواتييه و مدينة تور ، وكانت بين جيش الدولة الأموية، بقيادة والى الأندلس عبد الرحمن الغافقى، و قوات الفرنكيين والبورجانديين بقيادة كارل مارتل، وانتهت بانتصارالفرنكيين والبورجانديين وانسحاب جيش الامويين بعد ما عبد الرحمن الغافقى اتئتل. جيش الفرانكيين كسب المعركه بدون سلاح الفرسان.

بعد انهيار الدوله الأُمويه و بداية الدوله العباسيه، استقلَ عبد الرحمن بن معاويه اللى كان من امرا الأمويين و هرب ناجين من العبَاسيين بالأندلس وأسس فيها إمارة قرطبه، اللى دامت 179 سنة،

إمارة قرطبه اتفككت ف نهاية المطاف لإمارات اشتهرت بإسم الطوايف

بعد استرداد توليدو الطوايف طلبو مساعدة المرابطين اللى كانو ف المغرب

الموحدين غلبو المرابطين يوم 24 مارس 1147م، و اخدو ممتلكاتهم بما فيها الاندلس.

الاسترداد ابتدا بعد انتصار بيلايو على جيش المسلمين سنة 722. فى القرن ال13 تاج كاستییا بقى اقوى تاج اسبانى مغربي اوروبي في البلاد الاوروبيه و مد ملك كاستییا سلطته لجنوب الاندلس و اضاف خايمى الاولانى ملك أراجون ممالك فالنسيا و مايوركا و مملكة مورسيا و بعد كده كمان ضم سردينيا و صقلية و مناطق من شرق البحر الابيض المتوسط و ابتدو بعديها الاوروبيين (الاوروب) بعد ما توحدو و بئو ايد وحده رحلة استرداد الكتير الكتير من اراضي الاندلس المغربيه الاوروبيه في بلاهم الاوروبيه فاستردو مدينتين من المدن الكبيره في جنوب الاندلس المغربيه الاوروبيه في البلاد الاوروبيه في القرن ال13 الميلادي و اللي همه كوردوبا سنة 1236م و سيڤییا سنة 1248م و فضل حكم العربيين (العرب) في منطقة غرناطه لوحدها لانها كانت مملكه في جنوب الاندلس المغربيه الاوروبيه في البلاد الاوروبيه , بحيث استمر وجود حكم العربيين (العرب) في الاندلس المغربيه الاوروبيه في البلاد الاوروبيه لغاية سقوط مملكة جرانادا في يد الاوروبيين اللي همه اصحاب الاندلس المغربيه الاوروبيه في البلاد الاوروبيه الاصليين و تحديدا تحديدا بتاريخ 2/1/1492 ميلادي اللي كان اخر يوم لحكم العربيين (العرب) ف جرانادا و اللى سماه العربيين (العرب) يوم سقوط غرناطه.

حاول العثمانيين يغزو ايبيريا سنة 1568م، لما بعتو أربعين مركب متحملين سلاح و متطوعين عشان يساعدو المسلمين ف جرانادا. عواصف الشتا منعت المراكب . حاولو تانى سنة 1569م،لكن ما وصلش غير ست مراكب.




#Article 338: فرانكيين (185 words)


الفرانكس  او الفرنجة (لاتينى: Franci) , هما قبايل جرمانية غربية اتحددت اول مره فى القرن التالت كمجموعة عرقية بتعيش فى شمال و شرق نهر الراين المنخفضه.

الفرانكيين تحت حكم الملوك الميروڤينجيين , اسسو واحده من الممالك اللى حلت محل الامبراطورية الرومانية الغربية من القرن الخامس الميلادى . دولة الفرانكيين الموحده سيطرت على اجزاء كبيره من اوروبا الغربيه بحلول نهايت القرن التامن. و تحت حكم الملوك الكارولينجيين الفرانك كانوا من اهم العوامل فى نشر المسيحية فى اوروبا الغربيه.

تعاريف الفرانكيين على انهم مجموعه عرقيه مختلفه حسب وجهت نظر المؤرخين. و مش واضح اذا كان الفرانكيين كانوا بيسموا نفسهم ده من زمان او اذا كان الفرانكيين من البدايه هما مجموعة مختلفه ف الثقافه عن الشعوب اللى حواليهم. المؤرخين المسلمين فى العصور الوسطى نسبوا الصليبيين ليهم و سموهم الفرنج او الفرنجه.

اول مره اتعرف حاجه عن الفرانكيين فى التاريخ كان حوالى سنة 250 لما غزوا منطقة الراين بسبب ضعف الامبراطورية الرومانية .

فى القرن التامن الشرق الأوسط ، و ساحل شمال افريقيا و شبه الجزيرة الايبيرية بقو تحت الحكم الاسلامى , واحد من الاسباب المهمه اللى وقفت توسع المسلمين فى الغرب كان بسبب خسارتهم معركة تور مع الفرانكيين.




#Article 339: ميروڤينجيين (224 words)


الميروڤينجيين كانت عيله من قبائل السليان من الفرنكيين

الميروڤينجيين هى اول سلالة حكمت الفرنكيين لحد كبير فى منطقة فرنسا دلوقتى. من نص القرن الخامس لنص القرن التامن.

اسم سلالة الميروڤينجيين جاى من اسم الملك شبه الأسطورى ميروڤيوس ( Meroveus او Merovius) ، زعيم الفرانكيين الساليان و اتشهرو ف التاريخ بسبب انتصارات ابنه شيلديريك الأول اللى حكم من سنة 457 لسنة 481 م ضد الڤيسيجوث و الساكسونيين و الالامانيين . ابن شيلدريك كلوڤيس الاول اللى حكم من سنة 481 لسنة 511 م وحد معظم ارض جول شمال لوار تحت سيطرته حوالى سنة 486.

ف السنين الاخرانييه من حكم الميروڤينجيين سلالة الميروفنجيين كانو مجرد حكام صوريين,كارل مارتل اختار إنه مياخدش لقب ملك , و انتها حكم الميروڤينجيين فى انقلاب القصر سنة 751 لما بيبين الاوصيير ابن كارل مارتل شال شيلدريك التالت من الحكم . حكم الميروڤينجيين انتها رسمى فى شهر مارس سنة 752 لما خلع البابا زخارى رسميا شيلدريك التالت اخر ملوك الميروڤينجيين  و البابا اسطفانوس التانى أكد تانى و توج بيبين الاوصيير مكان شيلدريك سنة 754م . بيبين الاوصيير اختار إنه مياخدش لقب امبراطور, حكم شارلمان إبتدا سنة 768 بعد موت ابوه بيبين القصير. شارلمان اختار إنه ياخد لقب امبراطور ,لكن كل واحد منهم كان الحاكم المطلق لكل اوروبا الغربيه. مصطلح ميروڤينجيين جاى من لاتينى العصور الوسطى Merovingi او Merohingi (ولاد ميروڤيوس ) و هو تغيير لاسمهم فى الفرانكونى الغربى القديم بشكل من الأشكال ،




#Article 340: محمد انور السادات (248 words)


محمد انور السادات تالت رئيس لجمهورية مصر و حكمها من 1970 لحد اغتياله فى 6 اكتوبر سنة 1981.اتولد السادات فى 25 ديسمبر 1918 فى قرية ميت ابو الكوم فى مركز تلا فى محافظة المنوفيه .اتجوز چيهان صفوت سنة 1949 بعد ما انفصل عن مراته الاولانيه اقبال ماضى اللى كان اتجوزها سنة 1940. وله 3 بنات من چيهان , اللى اشتهرت بچيهان السادات.اشتهر السادات بقوته وبصراحته وبذكاءهُ و حكمتهُ وحبه لمصر و قدر يطلعها من دايرة الحروب والدمار للتنميه و الانفتاح و رجع اسمها التاريخى العريق اللى اتنازل عنه جمال عبد الناصر اللى حكم قبله لأول مره فى تاريخها. أخد جايزة نوبل للسلام.

من أهم الحاجات التى عملها السادات انه حارب اسرائيل فى حرب 6 اكتوبر سنة 1973. فى ظرف ست سنين بس قدر يعيد بنا جيش مصر اللى اتدمر فى حرب 1967 و يخوض بيه حرب و يخرج منتصر .

السادات اتفاوض على السلام من موضع قوه و عمل اتفاقية السلام المصريه الاسرائيليه سنة 1978 و رجع بقية سينا من غير ما مصرى يتقتل فى حرب تانيه ، برؤيتهُ للمستقبل العالمى وتوقعاته بانهيار السوفييت.

السادات اخد جايزة نوبل فى السلام سنة 1978 بسبب مجهوده و اهتمامه بـ السلام بالاشتراك مع مناحيم بيجن .

مهما كانت الانتقادات قدر السادات يوقف نزيف الدم و وفر الاف القتلى و المعاقين اللى كانو ممكن يكونو ضحايا لحروب بين مصر و اسرائيل.

اتكرم السادات فى كل بلاد العالم المتحضره و نال احترام الشعوب المحبه للسلام و أخد جايزة نوبل للسلام. فى 22 ديسمبر 2009 اسرائيل كرمته فسمت ميدان فى مدينة حيفا على اسمه.




#Article 341: مهاتما جاندى (590 words)


المهاتما جاندى (موهنداس كارامتشاند جاندى |Mohammad Yaas Karim Chain Gandhi|) (إتولد فى 2 اكتوبر 1869 و إتوفى فى 32 يناير 1948) كان زعيم جعفري و روحاني للهند و كان كمان زعيم لحركة الاستقلال الهنديه و هو معروف فى كل حته فى العالم بإسم المهاتما جاندى (غاندى) ومعناها (الروح العظيمه) , وكان كمان من المدافعين عن حقوق الانسان. و الهمت اعماله حركات حقوق الانسان و الحركات الإستقلاليه حوالين العالم, و للمهاتما يوم إحتفال عالمى اسمه (يوم اللاعنف العالمى) و هو يوم عيد ميلاده , والمهاتما معروف فى الهند بإسم (الفليودي) و كان طباخ.
كانت اول حركة للمهاتما فى جنوب اليابان اما إتعمل إضراب شعبى مش عنيف, وبعد كده رجع الهند سنة 1915 و ابتدا ينظم الفلاحين والعمال لعمل إحتجاج على الضرايب الكبيره. بعد كده غاندى اتزعم الكونجرس الهندى فى 1921 وبدأ يعمل حملات ضخمة علشان يمحى الفقر و يدى للستات حقوقهم و يزود المعتقدات الدينيه و لرفع الحصانة عن الاغنيا ومساواتهم بالفقرا و لزيادة الإعتماد على الإقتصاد الهندى، لكن أهم حاجة كان عايز يعملها كانت تحقيق استقلال الهند من الدول الاجنبيه, وقاد كذا حركة ضد بريطانيا بسبب ضرايبها على البطيخ و طالبها بالخروج من الهند, و فى سنة 1942 إتسجن, لكنه اتسجن كتير بعدها سنين كتيرة كذا مره فى جنوب افريقيا والهند.غاندى حصلتله 5 محاولات اغتيال كلها فشلت و المرة الساته هى اللى نجحت.

غاندى كان نباتى مابياكلش لحمة وكان بيلبس الهدوم الهندى التقليديه اللى كان بيعمل معظمها بإيده, وكان ساعات بيصوم للإحتجاج او لتنقية ذاته وكان بيتميز ببساطته وايمانه بمبدأ الصدق و اللاعنف.

غاندى إتولد فى قرية الملغوم, قرية ساحلية فى غرب البحرين اسمها دلوقتى جد علي مش مهم كل ده المهم إن غاندى لما راح جنوب افريقيا لقى الهنود بيتعاملوا معاملة صعبة وغاندى نفسه اترمى من قطر بعد الكمساري ما ضربه علشان مرضيش يسيب مكانه فى الدرجة الأولى لشخص أوروبى و يروح على الدرجة التالتة و حبة حاجات تانية زى دى شكلت نقطة تحول فى حياة غاندى, وبعد كده مدد مدة اقامته فى افريقيا علشان يساعد الهنود فى معارضة قانون يمنع الهنود من الإنتخاب, وعلى الرغم من ان القانون تمت الموافقة عليه فشل غاندى, لكن قدر يجذب إنتباه جامد ليه و للظلم اللى بيحصل للهنود فى افريقيا و اسس منظمة اسمها (كونجرس الناتال الهندى)اللى نجح بيها إنه يحول المجتمع الهندى فى جنوب افريقيا لقوة سياسية, وغاندى مكانش بيؤمن بالإحتجاج بالعنف لكن كان بيؤمن بالإحتجاجات السلمية , ولما عمل كده ضد القانون المذكور اتعرض هو ومجتمع الهنود للسجن و التعذيب والقتل لعشر سنين و رغم ان الإحتجاج مانجحش, لكن قدر يجذب النظر للطرق التى كانت تستخدمها حكومة جنوب افريقيا ضد المضربين المسالمين , واضطرت حكومة جنوب افريقيا لعمل مساواة مع غاندى فى الاخر.

وغاندي كان ليه دور فى الحرب اللى قامت بيها بريطانيا ضد قبايل الزولو الافريقية(فى سنة 1906)- لقتل قبائل الزولو اتنين عساكر بريطانيين - فبريطانيا سمحت له وللهنود بإسعاف الجرحى من غير ما يروح الحرب, فغاندى كان عايز يثبت لبريطانيا ان الهنود بيستحقوا انهم يكونوا مواطنين وانهم ياخذوا كل حقوقهم.
وبعد كده رجع غاندى على الهند و كافح و اتسجن كتير علشان يلغى الضرايب اللى بريطانيا كانت عاملاها على الملح اللى هو من الموارد الرئيسية للهند و علشان يطلع بريطانيا من الهند وكان ضد بريطانيا فى الحرب العالمية التانية. و فى اخر سنة 1943 بريطانيا ادت اشارات واضحة إنها حتنقل السلطة لإيدين الهنود و أطلقت سراح حوالى 100000 مسجون سياسى.

فى 30 يناير 1948 الساعة 9:17 بعد الظهر , و غاندى ماشى رايح يصلى اتضرب بالنار من قريب على ايد هندوسى متطرف اسمه ناثورام جودسى ,من جماعة ماهاسابها الهندوسيه المتطرفه,قتله بعد ما شاف ان افعال و افكار غاندى بتضعف الهند و تسامحه مع المسلمين بتعتبر خيانة للهندوسية.اتحكم على اللى قتله بالاعدام و اتنفذ الحكم فى 15 نوفمبر 1949.




#Article 342: الامبراطوريه الاسپانيه (408 words)


توحيد ممالك إسبانيا حط اساس إسبانيا الحديثة و الامبراطورية الإسبانية. كانت اسبانيا القوة الرائدة فى أوروبا فى القرون الستاشر و السبعتاشر و عزز موقف التجارة الثروة من الاستعمار. الامبراطورية الأسبانية وصلت قمتها خلال عهد اول ملكين من عيلة هابسبورج; كارلوس الاول (1516-1556) وفيليبى التانى (1556-1598). و كان فى الفترة دى كمان الحروب الايطالية و تمرد الكوميرونوس ، الهولندي لثورة ، و ثورة الموريسكو , و المواجهات مع العثمانيين ، والحرب بين انجلترا واسبانيا و الحروب مع فرنسا.

الامبراطورية الإسبانية اتوسعت و ضمت معظم امريكا الجنوبية و الوسطى ، والمكسيك ، والأجزاء الجنوبية و الغربية من الولايات المتحدة دلوقتى ، و الفلبين ، و جوام و جزر ماريانا فى شرق اسيا ، و اجزاء من شمال ايطاليا ، و جنوب ايطاليا و صقلية ، المدن فى شمال افريقيا ، و اجزاء من فرنسا و المانيا دلوقتى ، و بلجيكا ، لوكسمبورج ، و نيذارلاندا. و كانت اول امبراطورية يتقال إن الشمس مش بتغرب عنها أبدا.
ده كان هو عصر الاستكشاف ، مع جرأة الاستكشافات فى البحر و البر ، والانفتاح الجديد لطرق التجارة عبر المحيطات ، و الفتوحات ، وبدايات الاستعمار الأوروبى.

فى القرون الستاشر و السبعتاشر، كانت اسبانيا فى مواجهة تحديات من كل الجوانب. القراصنة البربر تحت رعاية التزايد السريع فى الامبراطورية العثمانية سببو تعطيل الحياة فى كتير من المناطق الساحلية بسبب خطف السكان علشان تجار العبيد و تجدد الغارات و تهديد الغزو الاسلامى. و فى الوقت ده كانت اسبانيا فى كتير من الاحيان فى حالة حرب مع فرنسا فى ايطاليا و اماكن تانيه. و بعدين التعديل البروتستانتى سبب انقسام الكنيسة الكاثوليكية.

استمرت المملكة أكتر من أى وقت قبل كده فى مستنقع الحروب و كانت النتيجة اجبار المملكة على توسيع الجهود العسكرية فى أوروبا و البحر المتوسط. زيادة قوة فكرة الانسانية و التعديل البروتستانتى و الاكتشافات الجغرافية الجديدة و القضايا ناقشتها حركة فكرية معروفة بإسم مدرسة سالامانكا.

لما اخر ملوك سلالة عيلة هابسبورج، كارلوس التانى مات بدون مايكون له اولاد و ورث الحكم لفيليبي دي بوربون ، حفيد اخته ماريا تيريسا من اسبانيا و حفيد لويس الاربعتاشر ملك فرنسا خلفه على العرش باسم فيليبى الخامس ملك إسبانيا ،و فيليبى الخامس ملك إسبانيا كان اول حاكم من بوربون لاسبانيا ما بين ( 1700 و 9 يوليو 1746 ) . ( اتولد 1683 ). حكم سنوات قليلة و ابتدت حرب الوراثة الاسبانية بسبب ان امبراطور الامبراطوريه الرومانيه المقدسه ليوبولد الاول طالب بأنه الأحق بعرش إسبانيا، بعد عشر سنين من الحرب , معاهدة أوترخت وافقت و اعترفت بأن فيليب الخامس يكون ملك اسبانيا لكن اسمه اتشال من سلسلة خلافة العرش الفرنساوى.




#Article 343: على مصطفى مشرفة (119 words)


على مصطفى مشرفة باشا كان عالم فيزيا مصرى اتولد فى مدينة دمياط فى 11 يوليو 1898م، و اتخرج من مدرسة المعلمين العليا سنة 1917،اخد شهادة البكالوريوس فى الرياضيات من جامعة توتنجهام وكان اول مصرى ياخد الدكتوراه Ph.D فى العلوم من جامعة لندن انجلترا سنة1923 واتعين فى كلية العلوم جامعة القاهرة ، ومنحوه لقب استاذ وهو اقل من تلاتين سنه.

قال عن طفولته انها كانت من غير اى مباهج فلذلك طوّع نفسه على الجد من سنين دراسته الأولى واعتبر اللعب تضييع وقت، وتوفى والده وهو فى فى الحادية عشر بعد ما خسر خسارة كبيرة فى تجارة القطن.

من اهم تلاميذه سميرة موسى.

ا توفي فى 15 يناير 1950، اثر أزمة قلبية

قال عنه انشتاين تعليق علي وفاته(انه لخسارة للعالم اجمع)

 




#Article 344: الناصر محمد بن قلاوون (فترة حكم اولى) (1257 words)


الملك الناصر ناصر الدين محمد بن قلاوون  .، ( اتولد في القاهرة سنة 1285 - اتوفى في القاهرة سنة 1341 ). تاسع سلاطين الدولة المملوكية البحرية. اتلقب بـأبو المعالي  و أبو الفتح 

قعد على عرش مصر تلت مرات، من 1293 لحد 1294، و من 1299 لحد 1309، و من 1309 لغاية وفاته سنة 1341. من أعظم و أبرز اللي حكموا مصر . دخل في حروب ضد الصليبيين و المغول و قضى على عنف العربان و قطعهم للطريق جوه مصر، و عمل اصلاحات داخليه كبيره و حارب الفساد. في فترة حكمه التالته مصر اتمتعت باستقرار و شافت نهضة حضاريه كبيره وحركة عمران واسعه ما شافتهاش من أيام الفراعنه. حول مصر لدوله غنيه متقدمه و متطوره لها مكانه دوليه كبيره بيخطب ودها كل ملوك الأرض أياميها.

قال عنه المؤرخ ابن اياس :  لم يل من أبناء الملوك قاطبة مُلك مصر أعظم من الملك الناصر محمد  .

اتولد ناصر الدين محمد في القاهره في قلعة الجبل في 24 مارس سنة 1285 . و كان أصغر ولاد السلطان المنصور قلاوون ، و أخو السلطان الأشرف خليل. أمه كان اسمها  أشلون خاتون  و دي كات بنت الأمير المغولى  سكناى بن قراجين بن جيغان  ، اللي جه مصر مع أخوه  قرمشي بن قراجين  سنة 1276، أيام السلطان الظاهر بيبرس ، و اتجوزها السلطان قلاوون بعد ما اتوفى أبوها وخلف منها أخر ولاده ناصر الدين محمد، وكات مراته الوحيدة يوم وفاته 

نشأ الناصر محمد في قلعة الجبل، مقر السلاطين في القاهره بين الأمرا والنبلا و أكابر الدوله، أمير ابن سلطان مرموق و أميره و أخو سلطان هز الدنيا. البيئه اللي نشأ فيها الناصر كات لها أثر كبير على شخصيته وطباعه بعد ما كبر، كان تولورانسي متفتح فيه عزة نفس، و كان بيحب يصرف ببذخ على المشاريع العمرانيه الضخمه و الميادين و الجناين الفخمه، و كان بيهوى عمل الاحتفالات و الاستعراضات المبهره . من انجازاته العمرانيه الميدان الناصرى اللى اتبنى عليه حى جاردن سيتى فى القاهره.

بعد ما اغتيل الأشرف خليل فى ديسمبر 1293 اتفق الامرا على انهم ينصبوا اخوه الصغير ناصر الدين محمد ، و انهم ما يذيعوش خبر وفاة الأشرف لغاية ما يقعد ناصر الدين على عرش مصر و تستقر الامور ، و بخطه عملهاالأمير سنجر الشجاعى بعتوا جواب للأمرا فى الشام مكتوب على لسان الأشرف انه عين اخوه الملك الناصر محمد نايب و ولى عهد ليه عشان لما يروح يحارب عدو يبقى فيه حد مكانه. و طلب الامرا من امرا الشام انهم يبايعوا الناصر و يخلوا الناس يبايعوه ، و انهم يخلوا اسمه يتقال مع اسم الأشرف فى الخطبه. فعمل امرا الشام زى ما اتقالهم ، و فى الخطبه اتذكر اسم الاشرف خليل و معاه اسم الملك الناصر محمد ، وفضل الموضوع ماشى على كده لغاية ما وصلهم مرسوم من مصر يأمرهم بالخطبه للملك الناصر بس و يترحموا على ابوه المنصور قلاوون و اخوه الأشرف خليل .

الأمرا جابوا الناصر محمد و كان وقتها صغير عنده تسع سنين و قعدوه ع العرش و نصبوه سلطان ، و خلوا معاه الأمير زين الدين كتبغا نايب للسلطنه و الأمير سنجر الشجاعى مدبر للدوله ن و الأمير بيبرس الجاشنكير استادار  ، وبكده بقى السلطان الصغير مجرد سلطان زينه و لعبه فى ايدين كتبغا والشجاعى اللى بقم الحكام الحقيقيين.

كتبغا اللى كان راجل من اصل مغولى و الشجاعى ما كانوش بيطيقوا بعض و كانوا بينافسوا بعض و بعد تنصيب الناصر زادت منافستهم و قعدت علاقتهم ببعض تدهور اكتر و اكتر. الشجاعى بعد ما لقى نفسه مهيمن على امور الدوله و فى ايده سلطان صغير جه فى دماغه انه يستولى على الحكم ، و ينصب نفسه سلطان ، لكن كتبغا كان عقبه فى طريقه ، فقعد يوقع بين الامرا و كتبغا و يفرق فى هدايا و فلوس على المماليك البرجيه و يغريهم بقتل الأمرا بتوع كتبغا عشان يبقى مالهوش عضد فيقدر عليه . لما عرف كتبغا بخطة الشجاعى راح لامم المغول ولاد جنسه اللى كانوا عايشين فى القاهره على شوية اكراد شهرزوريه و حاصر قلعة الجبل  و قطع عنها المايه 

اتقلبت الدنيا فى القاهره و حصلت معارك بين انصار الشجاعى و انصار كتبغا انتهت بخسارة الشجاعى و وقع الشجاعى فى مصيده بعد ما طلعت أم الناصر محمد من القلعه و كلمت كتبغا من فوق السور عشان تعرف ايه الموضوع و هما بيتخانقوا على ايه و اذا كانوا عايزين يشيلوا ابنها ، فأكد لها كتبغا ان الموضوع ما يخصش ابنها و انه عركه بينه و بين الشجاعى بس و قالها :  و الله لو فضل من ولاد استاذنا ( يعنى السلطان قلاوون ) بنت عميه ما خرجنا الملك من ايديها ، احنا بس عايزين نمسك الشجاعى اللى عمال يرمى بينا فتن . وبكده اطمئنت ام الناصر على ابنها و راحت قافله ابواب القلعه و متربساها فلقى الشجاعى نفسه فى موقف ما يتحسدش عليه و هو محصور بين ابواب القلعه المقفوله و عسكر كتبغا . و شويه شويه لقى مماليكه عمالين يهربوا و ينضموا لكتبغا. فى الموقف ده ما لقاش الشجاعى غير انه يسلم و يطلب الأمان من كتبغا لكن كتبغ رفض يديه الأمان ، فعاز يدخل القلعه عشان يشوف له حل مع السلطان لكن و هو داخل القلعه اتقتل. أو وهو خارج بعد ما قابل السلطان السلطان اللى قاله:  يا عمى ، أنا اديك نيابة حلب ، اخرج و ابعد عنهم واستريح من الحال ده كله. بعد ما اتقتل الشجاعى اتفتحت ابواب القلعة و دخل كتبغا و الامرا بتوعه طلعوا اتباعهم اللى كان الشجاعى ساجنهم جوه. كتبغا طوالى ابعد المماليك البرجيه اللى ناصروا الشجاعى من القلعه و نقلهم لمعسكرات بعيده عن القلعه وسجن كام واحد منهم مع أمرة الشجاعى، و كان بيبرس الجاشنكير من ضمنهم ، و اتعين الأمير تاج الدين بن الصاحب وزير مكان الشجاعى  ، و اتنهبت ممتلكات الشجاعى و اتقبض على نوابه فى الشام 

شويه و ظهر حسام الدين لاجين فجاءه فى القاهره. لاجين كان هربان و مختفى مع الأمير قرا سنقر بعد ما اشتركوا هما الاتنين فى قتل الاشرف خليل. لما المماليك البرجيه ، و دول المماليك الاشرفيه بتوع الاشرف اللى طلعهم كتبغا من القلعه ، سمعوا ان لاجين ظهر فى القاهره و ما اتقبضش عليه طلعوا فى الشوارع ثايرين و بيطالبوا بمعاقبة لاجين اللى شارك فى قتل استاذهم الاشرف. كتبغا بعت لهم العسكر و قبض عليهم و سجنهم و اعدم كام واحد منهم. و بكده ، بعد ما خلص من الشجاعى و المماليك الأشرفيه ، لقى كتبغا نفسه الراجل الاول فى مصر من غير منازع ، و قدر لاجين يقنعه بانه لازم يزيح السلطان الناصر من على العرش قبل ما ينتقم منه المماليك الأشرفيه أو الملك الناصر نفسه بعد ما يكبر ، فراح كتبغا لامم الامرا فى دار النيابه ، و قالهم ان ناموس الدوله انخرق و حرمة الدوله ما تمش بسلطان صغير فى السن زى الناصر محمد ، فوافقوه الامرا و بايعوه سلطان على مصر فقعد على العرش و عين لاجين نايب ليه.

كتبغا سكن السلطان المخلوع الناصر محمد هو و امه فى جناح فى القلعه ، وبكده انتهت اول فتره حكم فيها الملك الناصر و اللى ما عملش فيها حاجه تذكر لكن اديته خبره نفعته بعد ما كبر و بقى من اكبر سلاطين مصر. كتبغا حكم مصر حوالى سنتين لغاية ما لاجين خلعه. و بعد لاجين ما اتسلطن سنة 1296 نفى الناصر محمد على الكرك بعد ما قاله :  لو كنت عارف انهم حا يخلوك سلطان و الله لكنت سيبت لك الملك ، لكن هما مش حا يخلوه ليك. أنا مملوكك و مملوك ابوك ، احافظ لك على الملك ، و انت دلوقتى تروح على الكرك لغاية ما تترعرع و تترجل و تبقى عندك خبره ترجع لملكك  و اشترط عليه انه لما يرجع يبقى يعينه نايب على دمشق و ما يقتلهوش ، فساب الناصر محمد مصر و راح على الكرك بعد ما اتعاهدوا على كده . لكن فى سنة 1299 اتقتل لاجين بعد ما حكم حوالى تلت سنين و رجع الناصر محمد مصر و حكمها للمره التانيه.

شوف : الناصر محمد بن قلاوون (فترة حكم تانيه)

University Press 2004 ISBN 0-521-52290-0




#Article 345: ماركسيه (1326 words)


الماركسيه (انجليزى: Marxism; فرنساوى: Marxisme) مذهب اقتصادى و سياسيى و اجتماعى, اتسمى بالاسم ده نسبه لصاحبه كارل ماركس. اتسمى  الاشتراكيه علميه لتميزه عن الافكار الاشتراكيه التانيه اللى سُميت  الاشتراكيه الخياليه . كارل ماركس وضع اسس مذهبه فى  البيان الشيوعى  (المانيفيستو ) و ساهم زميله فريدريك انجلز فى توضيحها.

المذهب الشيوعى بيعتبر إن تاريخ المجتمعات عباره عن تاريخ صراع بين الطبقات. وجود طبقات بيوصل لإستغلال طبقه للتانيه و ده بيولد صراع بيوصل فى الاخر لإنهيار الطبقه المستغله و سيادة طبقه تانيه لغاية ما بيظهر  المجتمع اللا طبقى  و بينتهى الصراع.

ماركس عمل أيضاً نظرية  فايض القيمه  عشان يبين الاستغلال اللى بيحصل فى النظام الراسمالى. جوهر النظريه دى إن قيمة السلع اللى بيستهلكها العامل ما بتزيدش عن ضرورات حياته و قيمتها اقل من السلع اللى بينتجها, الفرق بين القيمتين بيمثل ربح الطبقه البرجوازيه, و الاستغلال ده بيوصل لصراع بين طبقة العمال و الطبقه البرجوازيه و دى نتيجه محتومه. السير الطبيعى للراسماليه بيسبب تكدس رووس الاموال و ادوات الانتاج فى ايد عدد متناقص من الافراد و زيادة عدد الطبقه الكادحه لغاية ما الطبقه الكادحه ما تقدر تقضى على البرجوازيه فبيتكون المجتمع  اللا طبقى  اللى بيه بتختفى الحاجه للملكيه و الدوله و يبقى العالم دوله عالميه اشتراكيه.

كارل ماركس ما كانش اول واحد يشوف إن التاريخ ما بيسيرهوش العقل المطلق لوحده و ما بيصنعهوش الرجال العظام بمجهوداتهم, لكن بتصنعه عملية تطور اجتماعى داخلى فى كيان كل امه. و صراع طبقات للوصول للحكم, و إن العامل الرئيسى اللى بيقرر مصير أى امه هو الانتاج و الثروه و إن اللى بيمتلك وسايل الانتاج هو اللى بيحكم و بيفرض سلطانه, لكن كارل ماركس كان هو اللى بين و أكد إن العامل الاقتصادى الاجتماعى هو اللى بيحرك التاريخ و عمل نظريه بالخصوص ده. اراء ماركس فى التفسير المادى للتاريخ ظهرت فى رساله صغيره نشرها سنة 1874 فى بروكسيل بعنوان  بؤس الفلسفه  Misere de la philosophi كرد على رساله كتبها الفيلسوف المثالى التقليدى ب.ج. برودون P.J. Pordon كان عنوانها  فلسفة البؤس  philosophi de la Misere.

قبل رسالة  بؤس الفلسفه  ماركس مع زميله انجلز كان نشر فى بروكسل سنة 1848  البيان الشيوعى  ( مانيفستو الحزب الشيوعى Manifest des Kommunistichen Partei ) و البيان كان دعوه صريحه لعمال العالم للثوره و اخد السلطه و انشاء الدوله الاشتراكيه او الشيوعيه. كان واضح إن ماركس ماكانش مجرد فيلسوف برأى و قلم لكن كمان كان داعيه لانقلاب سياسى اجتماعى كبير و دليل كده انه انشأ فى سنة 1868 لما كان فى لندن  الجمعيه الدوليه للعمال  International Workingmen's Association المعروفه عادة بإسم  الدوليه الاولى  The First International كتمييز ليها عن جمعيه العمال التانيه و التالته اللى عملهم لينين و اتباعه بعد كده. كارل ماركس شرح فى كتبه طريقة تنفيذ افكاره يعنى طريقة احداث الثوره الاشتراكيه او الشيوعيه و عشان كده كتبه بتعتبر اساس للعمل عند اتباعه. من أهم الكتب دى :  صراع الطبقات فى فرنسا من 1848 ل 1850  Klassenkaempfe in Frankreikh 1848 bis 1850 ( اتنشر بين 1850 و 1859 ), و  فى نقد الاقتصاد السياسى  Zur Kritik der politischen Oekonomie ( اتنشر 1859 ), و كتابه المشهور  رأس المال  Das Kapital اللى ظهر جزءه الاول سنة 1867 و التانى و التالت ما بين 1885 و 1894 بعد وفاته. فى الكتاب ده ماركس عرض نظريه كامله عن طبيعة رأس المال و النظام الرأسمالى و بين فيه ازاى النظام ده هدام بيخرب نفسه بنفسه.

كارل ماركس بيعتبر ان التاريخ بتحكمه قوانين بيدركها العقل الانسانى و إن القوانين دى حتميه يعنى بتفرض نفسها لإنها ناتجه عن حركة التاريخ نفسه. و إذا فهم الانسان القوانين دى ففى امكانه انه يقرر صورة مستقبل الجماعه الانسانيه. القوانين دى ماهياش زى قوانين العلوم البحته لكن هى حقايق مرتبطه بطبيعة العمل و الانتاج, و طريقة توزيع الثروه بين المواطنين, فالثروه هى نتاج العمل و العمل بيقوم بيه اللى بيعملو بإيديهم و علمهم و مواهبهم و عليه فالمفروض ان الثروه دى تبقى ملك العاملين نفسهم, لكن لو استولى عليها اصحاب السلطه او الطبقات الغير منتجه زى النبلا و رجال الدين و السماسره و المضاربين بيختل نظام المجتمع و بيبقى من الضرورى اعادة توازنه إما عن طريق ثوره هاديه بتم شويه شويه لما اصحاب السلطه بيفهمو طبيعة الاشياء ( زى فى انجلترا ), او عن طريق ثوره عنيفه بتدمر نظام المجتمع القايم و بتحل محله نظام جديد. لو فشلت الثوره و ما حققتش المطلوب لازم تقوم ثوره تانيه زى ما حصل بعد الثوره الفرنسيه الاولى و قيام ثورات جديده ضد النظام البرجوازى اللى نشأ من الثوره الاولى فقامت ثورة الكومن فى 1792 و بعدين ثورة 1848 اللى اسقطت الملكيه التانيه بتاعة الملك لويس فيليب.

النظريه الحتميه اللى عملها كارل ماركس شرحتها روزا لوكسيمبورج Rosa Luxemburg ( عاشت 1870 - 1919 ) اللى كانت مفكره بولنديه ثوريه و ليها الفضل فى الترويج لنظرية ماركس و ان كانت ما أخدتش الشيوعيه من كارل ماركس لكن من تلاميذه الروس اتباع لينين من امثال ج.ف. بليخانوف G.V. Plekhanov و بافل اكسلرود Pavel Axlrod و فيرا تسازوليخ Vera Zasulich و كتير من الاراء اللى بتتنسب لكارل ماركس فى الواقع هى لروزا لوكسمبورج و خاصة من كتابها  تراكم رأس المال  Die Akkumulation des Kapitals.

بيقول كارل ماركس إن الاحوال الاقتصاديه لأى جماعه انسانيه هى اللى بتحدد صورة نظامها و كل مظاهر حضارتها, و اذا عزنا نفهم نظام أى مجتمع و نظامه السياسى او حتى طبيعة ديانته و فنه و فكره فلازم نفهم الاول نظامه الاقتصادى. النظام الاقتصادى من جهته هو الانتاج و نوعه و اساليبه و طريق استعمال ثروته او توزيعها. الانتاج سواء كان يدوى بدائى او آلى متطور ما بيفضلش على مستوى واحد و اسلوب واحد لكن بيتطور بإستمرار من ناحية ادواته و صورته و طريقة توزيعه. التطور ده مستمر و حتمى مهما كان بطىء و التطور ده هو اللى بينتج عنه تطور المجتمع اللى بيقوم عليه, و كل مؤسساته institutions و قوانينه و افكاره و عقائده و ادبه و فنونه و كل اللى بيسميه الماركسييين المظهر الخارجى العلوى للمجتمع او السوبر ستراكشر Super structure.

ماركس فى شرح نظريته بيقول ان الناس و هما بينتجو عشان يعيشو بيعملو علاقات ضروريه معينه بين نفسهم, علاقة الانتاج دى بتطابق درجه معينه من تطور قوتهم الانتاجيه الماديه. مجموع علاقات الانتاج بتشكل صورة البناء الاقتصادى للمجتمع يعنى هو الاساس الواقعى اللى بيقوم عليه السوبر ستراكشر اللى بيشمل القوانين و النظام السياسى و الفكرى بصوره عامه. يعنى وعى الناس مش هو اللى بيحدد صورة حياتهم و مستواها الاجتماعى لكن العكس هو الصحيح : صورة حياة الناس و مستواهم الاجتماعى هما اللى بيحددو درجة وعيهم. لما الطبقه المنتجه فى الجماعه بتوصل لدرجه من القوه فى تطورها بيزيد وعى افرادها بحقوقهم و احوالهم و بيحفزهم على الدخول فى نزاع مع الطبقه الحاكمه المالكه للثروه, فبيبدأ عهد ثورات اجتماعيه و سياسيه لإن تغيير الاساس الاقتصادى بيزعزع كل البنا العلوى ( السوبر ستراكشر ) على درجات متفاوته من السرعه و العنف.

كارل ماركس بيعتبر ان أوضاع الانتاج و علاقاته هى اللى بتحدد كل العلاقات التانيه اللى بين الناس فى المجتمع, خاصة اوضاع ملكيه الارض و العقارات و الفلوس و المنقولات. إذا كان المنتج بياخد اكبر قدر من ثمرة انتاجه فده معناه ان الثروه مش حا تتكدس فى ايد جماعه معينه لكن تكدس الثروه بيحصل لما تستولى طبقة الاقويا و الوسطاء على ثمرات الانتاج.
ماركس بكده اعتبر ان الظروف الماديه للمجتمعات هى اللى بتحرك التاريخ او بإختصار  الاوضاع الماديه و احوال الملكيه و صراع الطبقات هى العوامل اللى بتحرك عجلة التاريخ , و ده اللى بيتسمى  التفسير المادى للتاريخ . لكن ماركس ما بينفيش دور الافكار فى توجيه التاريخ, بالعكس بيعترف بقوتها و فاعليتها بس ما بيعترفش انها عوامل مستقله بنفسها لكن بتنتج عن الأوضاع الماديه. و فى رأيه هى وسيطه بين التغيير الاقتصاى و المظهر الخارجى للأحداث. من ناحيه تانيه ماركس بيعترف بالعواطف و الحماسه الدينيه و الوطنيه و غيرها لكن بيعتبرها كلها نابعه من الاوضاع الاقتصاديه و اثرها المباشر و المش مباشر على العقل الانسانى.

نظرية ماركس بيرجع الفضل فى نجاحها و ترويجها لإعتناق الثوار الروس ليها و بالذات فلاديمير اوليانوف المعروف بإسم لينين., فلينين هو اللى قدر يحول نظرية كارل ماركس لثوره اطاحت بحكم القياصره و حول روسيا لدوله شيوعيه و مركز لنشر الشيوعيه فى العالم.

الماركسيه كحركه سياسيه ضعفت فى أواخرالقرن العشرين بعد انهيار الاتحاد السوفييتى و معاه نظم الحكم الاشتراكيه فى اوروبا الشرقيه, بس الماركسيه كفلسفه استمرت و ليها اثارها القويه على العلوم و المظاهر الثقافيه زى الانثروبولوجيا و الاعلام و المسرح و التاريخ والتعليم و الاقتصاد و الفلسفه.




#Article 346: دم (227 words)


الدم دا السائل اللى بيتحرك جوا الجسم وبينقل الأكل والأكسوجين والهرمونات وحاجات تانية للاجزاء المختلفة من الجسم.

وهو بيتكون من سائل اصفر ( البلازما ) عايمة فيه شوية خلايا وكور صغيرة زي كرات الدم الحمرا وكرات الدم البيضا.

مكونات الدم

ودى مادة سايلة شفافة بتميل للون الاصفر وليها دور مهم فى انتقال الماء والأملاح وبرده المواد الغذائية مثل السكريات والفيتامينات الهرومونات وغيرها وموجود بنسبة 54% من الدم زى المادة الخلالية فى الدم وبتتركب من 90% ماية(للمية دور كبير علشان بيحافظ على درجة حرارة الجسم 37 درجة مئوية) و1 0% مواد تانية ذايبةزى 2%.(أيونات الأملاح المعدنية-7% البروتينات - الكربوهيدرات - الدهون - الفيتامينات - 1% أجسام مضادة هرمونات - غازات مذابة)

خلايا بتتجدد كل 120 يوم وتتكسر فى الكبد والطحال وبتروح إلل العصارة الصفراوية ، لونها احمر عشان مادة الهيموجلوبين وبتتكون مادة الهيموجلوبين من بروتين وحديد، عددها تقريبا عند الراجل الشاب 4 - 5 مليون وفي الست 4 - 4.5 مليون، بناء كريات الدم الحمراء تتحكم فيه الكليتان عن طريق هرمونبيسموه بالإريتروبويتين، ويعتمد إفراز الهرمونده على الضغط الجزئي للاكسجيناللى فى الدم. خلايا الدم الحمرا ملهاش نواة، عشان كده متقدرش
تتكاثر

او كريات الدم البيضا هى الخلايا اللى بتوفر الحماية للجسم من الامراض وعددها اقل من خلايا الدم الحمرا وفيها نواة واحدة وكمان أن ها أكبر من خلايا الدم الحمرا.

أجسام سيتوبلازمية موجودة فى الدم وبتتكسر عند لمسها للهوا لتجلط الدم علشان ما يتسببش النزيف بضرر مالهاش شكل متحدد




#Article 347: نشيد بلادى بلادى بلادى (167 words)


بلادى بلادى بلادى هو النشيد الوطنى لمصر. من تأليف الشاعر محمد يونس القاضى و تلحين الموسيقار المصرى سيد درويش بعض كلمات النشيد مأخوذه من خطبة مشهورة للزعيم مصطفى كامل. الرئيس السادات هو من اختاره نشيدا وطنيا لمصر سنة 1979.

بلادى بلادى بلادى — لكِ حبى و فؤادى

مصر يا أم البلاد — أنتِ غايتى والمراد

وعلى كل العباد — كم لنيلك من أيادى

بلادى بلادى بلادى — لكِ حبى وفؤادى

بلادى بلادى بلادى — لكِ حبى وفؤادى

مصر انت أغلى دره — فوق جبين الدهر غرة

يا بلادى عيشى حرة — واسلمى رغم الأعادى

بلادى بلادى بلادى — لك حبى وفؤادى

بلادى بلادى بلادى — لك حبى وفؤادى

مصر يا ارض النعيم — سدت بالمجد القديم

مقصدى دفع الغريم — وعلى الله اعتمادى

بلادى بلادى بلادى — لكِ حبى و فؤادى

بلادى بلادى بلادى — لكِ حبى وفؤادى

مصر أولادك كرام — أوفياء يرعوا الزمام

سوف نحظى بالمرام — باتحادهم واتحادى

بلادى بلادى بلادى — لكِ حبى و فؤادى

بلادى بلادى بلادى — لكِ حبى و فؤادي

 




#Article 348: سيد درويش (273 words)


سيد درويش هو الاسم الفنى لـ  السيد درويش البحر  ( اسكندريه، 17 مارس 1892 - اسكندريه، 15 سبتمبر 1923 )، اكبر ملحنين مصر فى بدايات القرن العشرين و ابو المسرح الغنائى فى مصر.

اتولد سيد درويش فى حى كوم الدكه فى اسكندريه فى 17 مارس 1893. بدأ حياته الفنيه بالغنا مع صحابه ألحان الشيخ سلامة حجازى و الشيخ حسن الأزهرى. دخل المعهد الدينى فى اسكندريه سنة 1905 و بعدها ابتدا يغنى فى القهاوى.

سيد درويش من عظماء الفنانين المصريين اللى اتأثروا و التحموا ب ثورة 1919. لغاية النهاردة لسة ألحانه الناس بتتغنى بيها. مع إنه إتوفى صغير لكن له الحان كتيره جميله و شجيه عملها فى مدة عشر سنين بس. من اعماله الخالدة عشر أدوار، و موشحات، و بتاع إتناشر أوبريت اشهرها  شهر زاد  و  الباروكه  و العشرة الطيبة . ايام ثورة 1919 المصريين غنوا الأناشيد الوطنيه اللى لحنها زي  قوم يا مصرى مصر دايماً بتناديك  و   بلادي بلادي بلادي لك حبي و فؤادى   اللى كلامه اتاخد من من خطب الزعيم مصطفى كامل و بقا النشيد الوطني لمصر من سنة 1979.

غنى كمان :

بنيت المجد بين الاهرامين

جدودى أنشئوا العلم العجيب

ومجرى النيل فى الوادى الخصيب

لهم فى الدنيا الاف السنين

ويفنى الكون وهم موجودين .

زورونى كل سـنة مرة ....عجــــم

يا ماريا

ياللى تحب الورد ....بيــــاتي

ياناس انا مت فى حبى ....حجاز كار

حرج عليا بابا ....راســت

بصارة براجة ....عجــــم

يا ورد على فــل ....عجـــــم

خفيف الروح ....بيـــاتى

اهو دا اللى صار. حجاز ....كار كرد

طلعت يا محـلا نورها ....جهاركاه

ياعزيز عينى ....بيـــــاتى

والله تســـتاهل يا قلبى ....عجــــم

يابلح زغلول ....جهاركاه
 
ياللى تحب الورد ....بيــــاتى

البوسته جايه

تحيا الاميرة شهرزاد......نهاوند

فليعش وطننا وحدته املنا ......المقام عشاق

رواد الغناء فى القرن 19

	




#Article 349: كيلوجرام (121 words)


الكيلوجرام هو وحدة قياس اساسيه للكتله الفيزيائيه حسب النظام العالمى للوحدات (SI) و هو بيساوى 1000 جرام.
الكيلوجرام كمان فى الاستعمال اليومى بيستخدموه فى قياس الاوزان.التفريق بين الكتله و الوزن مالوش اهميه كبيره بره نطاق الفيزيا، بس من الناحيه الفيزيائيه الوزن هو قوة جذب الارض للكتله و بما ان قوة الجذب فى الغالب بتبقا ثابته ففى علاقه خطيه مباشره بين الوزن و الكتله بتاعة اى جسم.الكتله بتاعة اى جشم دى قيمه ثابته انما وزنه بيتغير من مكان للتانى على الارض و من كوكب للتانى على حسب قوة الجذب. يعنى لو واحد وزنه 60 كيلو و هو على سطح الارض ف وزنه ح يبقا 10 كيلو بس و هو على سطح القمر و فى الحالتين الكتله بتاعته زى ما هيا ما اتغيرتش.




#Article 350: جزر البليار (295 words)


جزر البليار هى مجموعة جزر (أرخبيل) تبع اسبانيا فى غرب البحر المتوسط قرب الساحل الشرقى لشبه الجزيرة الايبيرية.

ميوركا هى جزيرة فى البحر الزقاقى تسامتها من القبلة بجاية من بر العدوة، بينهما ثلاثة مجارٍ، ومن الجوف بارسلونا من بلاد أرغون، وبينهما مجرى واحد، ومن الشرق إحدى جزيرتيها منرقة، وبينهما مجرى فى البحر طوله اربعون ميلاً؛ وشرقي ميورقة هذه سرذانية بينهما فى البحر مجريان، وغربيها جزيرتها يابسة بينهما مجرى فى البحر طوله سبعون ميلاً، وميورقة ام هاتين الجزيرتين، وهما بنتاها، وإليها مع الايام خراجهما؛ وطول ميوركا من الغرب الى الشرق سبعون ميلاً، وعرضها من القبلة الى الجوف خمسون ميلاً.
فتحها المسلمون سنة 290 الى أن تغلب عليها العدو البرشلونى وخربها سنة 508، وهي المرة الأولى، ودخل المدينة فلم يجد سوى العيال والأطفال والشيخ الفاني، فلحسابهم أحالوا السيف عليهم، فلما قضى وطره من الجزيرة أسرع بالرجوع الى بلاده، ثم اختلفت عليها ولاة ابن تاشفين، ثم وليها محمد بن علي بن غانية المسوفى، وهو اول ولاة بني غانية، ثم تعاقبوا على ولايتها الى أن كان اخرهم عبد الله بن إسحق،

منوركا تقابل مدينة بارسلونا وبينهما مجرى ومن منورقة الى جزيرة سردانية اربعة مجار فذلك ما أردنا ذكره والحمد لله.
نجز الجزء الاول من الإقليم الرابع والحمد لله ويتلوه الجزء التانى منه إن شاء الله.
ومَنُورَقَةبالفتح ثم الضم، وسكون الواو، وفتح الراء، وقاف: جزيرة عامرة فى شرقي الأندلس قرب ميورقة، إحداهما بالنون والأخرى بالياء.

يابسة
جزيرة تلى جزيرة ميورقة، ويقال لهذه الجزيرة ولمنورقة بالنون، بنتا جزيرة ميورقة.
وهي جزيرة حسنة كثيرة الكروم والأعناب، وبها مدينة حسنة صغيرة متحضرة، وأقرب برٍ إليها مدينة دانية، بينهما مجرى والمجرى مائة ميلٍ، وفي شرقي يابسة جزيرة ميورقة بينهما مجرى.
وبجزيرة يابسة عشرة مراسٍ، وبها أنهار جارية، وقرى كثيرة، وعمائر متصلة، وأرضها ينبت الصنوبر الجيد العود للانشاء وعدة المراكب، وبها ملاحة لا ينفد ملحها، ويتصل بها فى القبلة جزيرتان، بينهما وبينها مجازات تسمى الأبواب.




#Article 351: جزر الكنارى (239 words)


جزر الكنارى هى مجموعة جزر (ارخبيل) من اصل بركانى تبع اسبانيا فى شمال المحيط الأطلنطى , تتكون جزر الكنارى اساسا من اربع جزر كبيره رئيسيه تحيط بيها عشرات الجزر الصغيره حواليها، الاربع جزر الكبيره هى جزيرة جران كناريا و تيناريفى و لانثاروتى و لا بالما ، و عاصمة جزر الكنارى سانتا كروث فى جزيرة تنايريفى لكن جزيرة جران كناريا تعتبر اكبر جزر الكنارى حجم وأكترها اتساع، اقليم جزر الكنارى واحد من 17 منطقه من الأقاليم (مناطق) المتمتعة بحكم ذاتى فى اسبانيا

لانثاروتى يمكن كانت اول جزيرة من جزر الكنارى يسكنها ناس .الفينيقيين استقروا هناك حوالى 1100 قبل الميلاد, و كتب الكتاب و الفلاسفة اليونانيين هيرودوت و أفلاطون و بلوتارخ عن جنينة هيسبيريديس ارض الخصوبة فيها رائحة الزهور والفواكه فى جزء من المحيط الأطلنطى. سنة 1402 ، وبسبب التنافس مع البرتغال ابتدا تاج كاستييا غزو جزر الكنارى الى الوقت الحالي الذي كان يعيش فيها شعب الجوانتشيس غوانش احتلال جزر الكنارى قام بيه السادة النورمان الموالين للملك انريكى التالت ملك كاستييا فى 1478 أبتدأت المرحلة النهائية من غزو جزر الكنارى عملية الغزو كملت فى سنة 1496 و ظلت الجزر من ساعتها تابعه للتاج الاسبانى.
من 1569 لحد 1618 احتل القراصنة المغاربة جزيرة لانثاروتى عدة مرات، و كانوا يقتلون باستمرار ما بين الشواطئ المغربية و لانثاروتى. حملات القراصنة المغاربة اللتي لم تصل لأي جزيره من جزر الكنارى كجزيرة تيناريفى.

السياحة من أهم مصادر الدخل فى جزر الكناري

اقليم جزر الكنارى واحد من 17 منطقه من الأقاليم (مناطق) المتمتعة بحكم ذاتى فى اسبانيا




#Article 352: عيسى (207 words)


المسيح عيسى بن مريم فى المعتقد الاسلامي هو نبى من اعظم الانبياء اللى ربنا بعتهم للناس و واحد من اولو العزم من الرسل و انه كلمة الله اللى ألقاها على مريم بنت عمران ، بس مالهوش اب بشري زي بقية الانبياء والناس مثله زى سيدنا ادم، لكن اتخلق ككلمة الله ألقاها على امه مريم بنت عمران. ( إِذْ قَالَتِ الْمَلآئِكَةُ يَا مَرْيَمُ إِنَّ اللّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهاً فِي الدُّنْيَا وَالآخِرَةِ وَمِنَ الْمُقَرَّبِينَ ) - سورة ال عمران آيه 45

عند المسلمين المسيح هو عيسى ابن مريم (يسوع فى المسيحيه) هو نبى من اعظم الانبيا اللى ربنا بعتهم للناس وانه كلمة الله اللى القاها على مريم بنت عمران. المسلمين برضه بيؤمنوه زى المسيحين بمعجزة ميلاد المسيح من مريم بنت عمران (العدرا مريم)ببشارة من الملاك جبريل. المسلميين بيؤمنوا بالمسيح اللى فى المعتقد المسيحى فى حاجات كتيرا جدا بس مختلفين مع المسيحيه بان المسيح هو ابن الله و الله المتجسد. بس مؤمنين ان المسيح من اعظم الانبيا والرسل اللى اتبعتوه من عند ربنا للناس و انه كلمة الله القالها على العدرا من روح الله. المسلمين بيؤمنوا ان المسيح متصلبش و ان ربنا انقذه و رفعه عنده فى الجنة وان المسيح حيرجع تانى قبل يوم القيامه و من علامات القيامه عودة المسيح و قتله الدجال.




#Article 353: الصالح ايوب (1086 words)


الملك الصالح نجم الدين أيوب بن الملك الكامل محمد بن العادل ابي بكر بن أيوب  اتلقب بـ ابو الفتوح،  (اتولد فى القاهره سنة 1205 - اتوفى فى المنصورة فى 22 نوفمبر 1249). سابع سلاطين الايوبيه فى مصر،  حكم من 1240 لغاية 1249. بيعتبره المؤرخين من أحسن الملوك الايوبيين. و هوه اللى اسس المماليك البحريه فى مصر، ودخل فى صراعات مع الملوك الأيوبيين فى الشام. فى اخر سنه من حكمه اتعرضت مصر لحمله صليبيه ضخمة اتعرفت باسم الحمله الصليبيه السابعه و كان بيقودها لويس التاسع ملك فرنسا اللى اتعرف بعد كده بسانت لويس (Saint Louis). الصالح أيوب اتوفى و الفرنج محتليين دمياط لكن أرملته شجر الدر خبت خبر وفاته و اتحملت عبء الدفاع عن مصر.

الصالح أيوب كان ابن السلطان الأيوبي الملك الكامل، امه كات جارية سودة اسمها  ورد المنى  ، وكان اخو السلطان العادل سيف الدين ابي بكر وحفيد للسلطان الملك العادل اخو السلطان صلاح الدين الأيوبي. أبوه الملك الكامل كان استقل بمصر سنه1218.

قبل ما يتوفى جده الملك العادل كان قسم مملكته على ولاده، و ادى مصر للملك الكامل . الملك الكامل ده هوه اللى كمل بنا قلعة الجبل اللى جده صلاح الدين الأيوبي كان بدا يشيدها فوق جبل المقطم، الكامل كان اول واحد يسكنها من ملوك مصر، وفيها اتولد الصالح أيوب سنه 1205

فى سنه 1218 لما كان الصالح أيوب عيل صغير عنده بتاع اتناشر سنه، اتعرضت مصر لحمله صليبيه بيقودها  جان دي بريين  ملك بيت المقدس (الحملة الصليبية الخامسة). و ده كان تطور خطير فى الحروب الصليبية، لان مصر من ساعتها بقت هدف للصليبيين اللى فهموا ان مصر بامكانياتها البشريه والاقتصاديه الضخمه حصن جامد ومصدر كبير لامدادات العسكر والسلاح، فاذا استولوا عليها يبقى سهل عليهم انهم يستولوا على بيت المقدس و أخد الشام .

اتجمعت جيوش ممالك أوروبا فى عكا ومنها طلعت على مصر ونزلت على البر الغربي بتاع دمياط، وخرج الملك الكامل ، ابو الصالح أيوب، بالجيش على دمياط عشان يحاربهم . لكن القوات الصليبية قدرت انها تستولي على برج دمياط، ولما سمع السلطان العادل ( ابو الملك الكامل وجد الصالح أيوب ) باللي حصل ، وكان ساعتها قاعد فى برج الصفر فى الشام، ضرب صدر بايده من الحزن و الغم، وعيي فيها ومات بعد كام يوم . بموت العادل مصر بقت للملك الكامل محمد ووقع عليه عبء الدفاع عن مصر. بعد حصار قعد بتاع ست تشهر دمياط وقعت فى ايد الصليبيين فقتلوا سكانها وحولوا جامعها لكنيسة . لكن لما حاول الصليبيين انهم يتوغلوا جوه الاراضي المصرية حاصرهم المصريين من كل الجهات لغاية ما غلبوهم و خلوهم يستسلموا و يطلبوا الامان مقابل انهم يسيبوا دمياط. دمياط اتسلمت للمصريين فى 8 سبتمبر 1221، ودخلها الملك الكامل على رأس أخواته وقواده وعساكره، و اتعملت هدنه مدتها تمن سنين بين مصر والصليبيين 

فى سنه 1228 طلع فريدريك التاني امبراطور الامبراطورية الرومانيه المقدسه على راس حمله صليبيه صغيرة بتتكون من 600 فارس بس - و ده بيبين انه ما كانش ناوي يحارب بجد - ونزل عكا (الحملة الصليبية السادسة)، فبعت ليه الملك الكامل رسوله  فخر الدين يوسف بن الشيخ  عشان يتفاوض معاه .

فى 18 فبراير 1229 اتوقعت معاهدة سلام مدتها عشر سنين بين الملك الكامل و فريدريك، بتقضي بتسليم بيت المقدس وبيت لحم والناصرة لفردريك بشرط ان الصليبيين فى بيت المقدس ما يبنوش حصون و لا قلاع، وأن منطقة المسجد الأقصى تبقى فى ايد المسلمين، وان فردريك يتعهد بمحالفة الملك الكامل ضد كل مناوئيه حتى لو كانوا صليبيين، وان فردريك يضمن منع وصول اى امدادات صليبيه للامارتين الصليبيتين أنطاكية و طرابلس. وفي 17 مارس 1229 دخل فردريك التاني بيت المقدس فى حماية قواته الألمانيه و الايطاليه، وسلمه  شمس الدين  قاضي نابلس مفتاح المدينة بالنيابه عن السلطان الكامل . و هاج المسلمين و الصليبيين. وراح الواعظ والمؤرخ سبط بن الجوزي يشهر بالملك الكامل فى دمشق، ورفض الصليبيين التعاون مع فردريك باعتباره مسالم للمسلمين، و خارج عن الكنيسه الكاتوليكيه ومحروم منها عن طريق جريجوري التاسع بابا الكنيسه الكاثوليكيه 

والأحداث دي بتحصل فى مصر كان المغول بيتقدموا لحدود بلاد الشرق .، وبقدوم سنه 1228 كانوا دخلوا اراضي الدوله الخوارزميه و بيتقاتلوا مع جيش  جلال الدين خوارزمشاه ، بتحريض من الخليفة العباسي فى بغداد  ابو العباس احمد الناصر لدين الله  اللى استعان بالمغول ضد السلطان خوارزمشاه وأغراهم بيه،  و فضلت المعارك دايره بين المغول و الخوارزميه لغاية ما اتغلب جلال الدين بالكامل سنه 1230 و اتقتل وانتهت دولته. واتشتت الخوارزميه و اتفرقوا  واتحول عساكرهم اللى اتشردوا لمرتزقه بيعرضوا خدماتهم على ملوك المنطقة المجاوره  واتفتحت الجبهة الشرقيه على اخرها قدام جحافل المغول اللى ما بقاش فاضلهم الا دخول بغداد اللى اصلاً جابتهم و استعانت بيهم ضد جيرانها.

فى سنه 1235 طلع السلطان الكامل ومعاه أخوه الملك الأشرف موسى ملك دمشق على الشرق وغلبوا الروم واستولوا على حران و السويداء و الرها و قطينا، و بعد كده رجع الكامل على مصر و ادى كل بلاد الشرق لابنه الملك الصالح نجم الدين أيوب، فزعل الأشرف اللى كتب للكامل يقوله :  أخدت الشرق مني و اديته لابنك. و أنا افتقرت. وايه دمشق دي الا بستان؟ وماليش فيها رزق . فبعت ليه الكامل عشرت الاف دينار، لكن الاشرف زعل و رده ليه الفلوس و قاله :  أنا أدي ده لأمير عندي . واتفق الأشرف مع ملوك حماة وحلب وغيرها على الانتقام من السلطان الكامل. لكن الأشرف مات بعدها بشويه، واتملك أخوه الملك الصالح عماد الدين اسماعيل دمشق، فساب السلطان الكامل ابنه الملك العادل نايب عنه فى مصر و طلع بالجيش المصري على سوريا وحاصر دمشق ودخلها، و بعدين اتوفى... و الأحداث دي شغاله شن المغول اول هجوم ليهم على بغداد سنه 1237 بس ما قدروش يستولوا عليها 

اتوفى السلطان الكامل و ساب ابنه العادل فى مصر وابنه الصالح أيوب فى بلاد الشرق. وكان الصالح أيوب وقت وفاة أبوه بيحاصر قلعة الرحبة بمساعدة الخوارزميه، بعد ما كان استولى على سنجار ونصيبين والخابور، وكات الرحبه دي تابعه للملك المجاهد أسد الدين شيركوه ملك حمص، فلما عرف الخوارزميه ان أبوه السلطان الكامل اتوفى طمعوا فى الرحبه و قالوا ياخدوها لنفسهم فطلعوا عن طاعته، و كلنوا عايزين يقبضوا عليه، بس قدر يهرب منهم على سنجار، فطلع ليه هناك الملك الرحيم بدر الدين لؤلؤ ملك الموصل و حاصره و كان عايز يقبض عليه و ينقله على بغداد فى قفص حديد اكمنه كان بيكرهه جداً، لكن الصالح أيوب بعت لابنه المغيث فتح الدين اللى كان هوه كمان هرب من الخوارزميه على حران، و قاله انه لازم يحاول يستميل الخوارزميه و يجيبهم سنجار. ونجح المغيث و قاضي سنجار بدر الدين انهم يقنعوا الخوارزميه بعد ما أكدوا ليهم أن الصالح أيوب حايديهم سنجار وحران والرها، فراحوا معاهم على سنجار و هرب بدر الدين لؤلؤ بعسكر الموصل. برجوع الخوارزمية قويت شوكة الصالح أيوب و بعتهم على آمد عشان يساعدوا ابنه المعظم غياث الدين توران شاه اللى كان السلطان كيخسرو ملك الروم محاصره هناك. ونجح الخوارزمية فى تشتيت الروم عن آمد واتنقل الصالح أيوب من سنجار لحصن كيفا .

University Press 2004 ISBN 0-521-52290-0




#Article 354: دمنهور (220 words)


دمنهور ( ;   ”قرية حورس“;  ;  ) هى مدينه مصريه و عاصمة محافظة البحيرة, فى وسط غرب دلتا النيل على بعد 70 كم جنوب شرق اسكندريه و 160 كم شمال غرب القاهره. كان اسمها فى العصرالرومانى  هيرموبوايتا . اتعرفت كمان بإسم دمنهور الوحش. دمنهور عاصمة الاقليم من ايام الفراعنه و فى العصور الوسطى كانت مركز للمواصلات و تجارة القطن و اشتهرت بالاقمشه اللى كانت معروفه بإسم الاقمشه الدمنهورى. دلوقتى فيها محالج للقطن و مصانع لنسج الصوف.

مصر فيها كذا قريه معروفه بإسم دمنهور منها قريه بين القاهره و اسكندريه معروفه بإسم دمنهور وحشى, و منها قريه فى نواحى القاهره معروفه بإسم دمنهور شبرى و دمنهور الشهيد, و فيه قريه رابعه اسمها برضه دمنهور فى محافظة اسيوط بين منفلوط و بنى شقير .

فى وقت الحمله الفرنسيه على مصر ( 1798-1801 ) حصلت فى المدينه و نواحيها معارك بين المصريين و الفرنساويه انهزم فى معظمها الفرانسويه و اتكبدو خساير كبيره, و حصلت فيها معارك تانيه بين قوات محمد على باشا و قوات الألفى بك .

فى العصر البطلمى كان اسمها هرموپوليس بارڤا (Hermopolis Mikra, ), و اتسمت كمان تيم انهود فى كتب تاريخيه  و فى العصرالرومانى اتسمت هيرموبوليتا. و اسم مدينة دمنهور اسم مصري قديم جه من (دما.ن.هور) يعنى مدينة حورس و هو نفس معنى اسم هرموپوليس, و كانت بتشتهر ايام الفراعنة بكترة المعابد الفرعونيه, و بالذات معبد كبير للإله حورس.




#Article 355: قناة السويس (130 words)


قناة السويس (القنال) هى قناه موجوده فى مصر و بتربط مابين البحر الاحمر و البحر المتوسط. القناة اتحفرت فى عشر سنين و اتفتحت سنة 1869 فى ايام الخديو اسماعيل باشا. اهمية قناة السويس سببها هو انها بتجعل النقل البحرى للبضايع يمر بين قارة اوروبا و قارة اسيا من غير السفن ما تضطر تلف حوالين قارة افريقيا فى رحله طويله.

القناة بتمر على تلت مدن مصريه (مدن القناه) وهما: بورسعيد ع البحر المتوسط و الاسماعيليه و السويس على خليج السويس فى البحر الاحمر. القناه طولها 192 كم و بتمر على اربع بحيرات اسمهم :البحيره المره الصغرى، و البحيره المره الكبرى، و بحيرة المنزله و بحيرة التمساح.

القناه بتملكها و بتديرها هيئة قناة السويس التابعه للحكومه المصريه.
و بتعتبر من اهم طرق انتقال التجاره فى العالم ومن اهم مصادر النقد الاجنبى لمصر.




#Article 356: الصين (202 words)


جمهورية الصين الشعبية (صينية متبسطة: 中华人民共和国 صينية تقليدية: 中華人民共和國) معروفة بـالصين,

جمهورية الصين الشعبية هى اكبر بلد فى شرق اسيا من حيث المساحة

الأوروبيون سمو الصين كاثاى فى العصور الوسطى و بالذات الجزء اللى فى شرق نهر يانجتسى منقولة عن ماركوبولو. نهر امور او نهر هيلونج جيانج (بالصينية: 黑龙江) هو تاسع أطول نهر فى العالم (4,352 كم) و يصب فى المحيط الباسيفيكي و يرسم الحدود الطبيعية بين روسيا و الصين.

جمهورية الصين الشعبية هيا اكبر بلد فى العالم حسب عدد السكان اللي وصل الى 1.43 بيليون سنة 2019 يعني حوالى خمس سكان العالم.

جمهورية الصين الشعبية هى جمهورية شيوعية يحكمها الحزب الشيوعي الصين بنظام حكم الحزب الواحد. عاصمة الصين هى بكين. رئيس جمهورية الصين الشعبية الايام دى هو شى چينپينج

بعد الاصلاحات الاقتصادية على نظام السوق سنة 1978 الصين بقت أسرع اقتصادات العالم ف النمو. الايام دى الصين اكبر دولة مصدرة في العالم و تانى اكبر مستورد للبضايع. الاقتصاد الصينى تانى اكبر اقتصاد ف العالم،حسب الناتج المحلي الاجمالى الاسمى.

الصين عضو دايم في مجلس الأمن للأمم المتحدة. كمان عضو في منظمات كتيره بما فيها منظمة التجارة العالمية والابيك وبريك ومنظمة شانجهاى للتعاون ومجموعة العشرين. تمتلك الصين ترسانة نووية معترف بيها وجيشها هو الاكبر في العالم في الخدمة مع تانى اكبر ميزانية دفاع




#Article 357: الشرق الاوسط (429 words)


الشرق الاوسط (انجليزى: The Middle East) هى منطقه جغرافيه تمتد من جنوب غرب اسيا الى شمال افريقيا دون حدود معينه متفق عليها ، سميت المنطقه بالاسم عن طريق الاستراتيجين العسكريين الاوروبيين فى ال تاسع عشر لكي يميزوها من ناحية القياده العسكريه عن الهند و الشرق الاقصى، فحل محل اسماء اخرى مثل مصطلح الشرق الادنى الذي اصبح استعماله يقتصر غالباً فى المواضيع الاكاديميه المتعلقه بدراسات تاريخ و حضارات و اثارات المنطقه.

الشرق الاوسط هو المكان الذي ولدت فيه الحضاره المصريه القديمه و حضارة بلاد ما بين النهرين و حضارات بلاد كنعان ، ولدت منه ثلاثة من اهم الاديان فى العالم : دين الإسلام ، الديانة المسيحية والديانة اليهودية

إلى اليوم يعتبر الشرق الأوسط من المناطق الحساسه على المستويات الاستراتيچيه و الاقتصاديه و السياسيه و الثقافيه وأيضاً الدينيه.

بدء استخدام مصطلح  الشرق الاوسط  فى القرن التاسع عشر عن طريق الاستراتيجين العسكريين الاوروبيين و بالتالى يعبر عن مركزية اوروبا فى تحديد موقع المنطقه. الشرق الاوسط كان معناه القياده الانجليزيه المسؤوله عن المنطقه الممتده من النيل لغاية نهر الاوكسوس Oxus. الاراضى التي فى شرق نهر الاوكسوس كانت تبع قيادتهم الهنديه فكانت بالنسبه لهم منفصله عن الشرق الاوسط.

هذا التقسيم لم يكن له معنى من ناحية الحدود الحضاريه حيث انها قطعت الهضبه الايرانيه المندمجه تاريخيا على ناحيتين. لكن لأن الموضوع كان جغرافي عسكري فلم يتم وضع النواحى الحضاريه و التاريخيه فى الاعتبار.

كان من المتعارف فى المسميات الاروبيه فى تلك الفتره الشرق الادنى  و  الشام  و غيرها. بالنسبه للمنطقه التي فى غرب النيل لغاية المغرب و موريتانيا الحاليه كانت تسمى اكثر من اسم منها  شمال افريقيا . لكن هذا الاسم كان تعبير عن التقسيمه الاوروبيه لمستعمراتها فى المنطقه و كان معناها المغرب و الجزاير و تونس و ليبيا، من دون مصر التي طيلة عمرها لم تكن فى التقسيمه العسكرية ضمن حدود منطقة شمال افريقيا.

السودان من جهتها رغم ان فيها عدد كبير من غير المسلمين الذين لا يتكلمون اللغه العربيه دخلت فى تقسيمة الشرق الاوسط ايضا بسبب العوامل العسكرية حيث ان السودان كانت تحت الحكم المصرى من حوالى سنة 1830، و من اواخر القرن التاسع عشر بقيت تحت الحكم الانجلو-ايجيبشن (الانجليزى-المصرى) فإضيفت بسهوله لمنطقة الشرق الاوسط.

استعمال اسم  الشرق الاوسط  فى الوقت الحالي يعبر عن منطقه طولها حوالى 3.400 كم بتمتد من المغرب لايران، و وتشتمل اراضى فى افريقيا و اسيا و اوروبا حيث ان تركيا ضمن الشرق الاوسط. و فى حالة اخذ العوامل اللغويه و الدينيه و السياسيه و التاريخيه فى الاعتبار الشرق الاوسط يمتد الى (افغانيستان)و (باكستان)وايضا منطقه وسط اسيا (جمهوريات وسط اسيا الاسلاميه فى الاتحاد السوفيتى السابق).

تم التعديل على المقال من الناحية اللغوية فقط واستبدال الكلمات العامه الى الفصحى لكن بنفس المعنى السابق لها

نسيم اغبارية
ام الفحم : فلسطين




#Article 358: ابارتهيد (129 words)


الابارتهيد ( Apartheid,  \أپارتهيت\,   الفصل (بين-)) كان نظام فصل عنصرى عملته حكومة الحزب الوطنى فى جنوب افريقيا ما بين 1948 و 1990.
نظام الابارتهيد كان بيقسم المواطنين تقسيم عرقى لـ سود و ملونين (يعنى لا افريكان سود و لا اوروبيين) و على الاساس دا كانت الحكومه بتفرق بينهم فى التعليم و الجواز و الرعايه الصحيه و حتى ركوب الاتوبيسات و دخول البلاجات (الشواطئ).

تقريب النطق هو بكسر ال”هـ“; الكلمة بتتكوين من مقطعين: أپارت apart و هيد heid.

اصول الفصل العنصری هى تاريخ الاستعمار والاستيطان فی جنوب افريقيا. و اتطور ممارسات وسياسات الفصل العنصرى و سياسة التفرقه العنصريه بسبب طول سيطرة المستوطنين الأوروبيين وأحفادهم.

بعد الانتخابات العامه سنة 1948 ,حط الحزب الوطنی فی جنوب افريقيا برنامج الفصل العنصری فى شكل قوانين الابارتايد. و وسع سياسات و ممارسات هيمنة المستوطنين البيض.




#Article 359: حمض نووى (319 words)


الحمض النووى (انجليزى: Deoxyribonucleic acid, نطق: , ديوكسى ريبو نوكليك أسيد; معروفه اكتر بإسم: D.N.A. \دى إن ايه\) هو الحمض النووى اللى بيحتوى على التعليمات الجينية اللى بتمثل صفات كل الكائنات الحية و بعض الفيروسات,مهمة الحمض النووى الاساسية هى أنه يخزن المعلومات اللى بيحتاجها الجسم لبُنا الخلايا, زى الشفرة/كود او الخريطة, اجزاء الحمض النووى اللى بتشيل المعلومات دى اسمها(الجينات genes) ,اما باقى اجزاء الحمض النووى فليها اغراض فى بناء سلسلة الحمض النووى و تنظيم أستعمال المعلومات اللى فيه.

من الناحية الكيماويه, الحمض النووى بيتكون من حاجة اسمها (البوليمرات polymers) ودى عبارة عن تجمع لمجموعة من الجزيئات الكيميائية زى تركيب البلاستيك, وبيتكون من بوليمرين طوال من وحدات بسيطة اسمها (النوكليدات nucleotides) معمول لهم اساس من السكر و الفوسفات, البوليمرين دول بيمشوا فى أتجاهين عكس بعض,لازق فى كل جزىء سكر 4 انواع من الجزيئات اسمها (القواعد النووية nucleobases) وهى دى اللى بتحتوى على المعلومات الجينية,وبتبقى متشفرة علشان كده بتستعمل حاجة اسمها نفكها,وجوه النواه بتاعة الخلية بيبقى الحمض النووى متقسم لحاجة اسمها (الكروموسومات chromosomes) والخلايا علشان تتكاثر سواء فى الانسان او اى كائن حى لازم الخلايا تنقسم وفى العملية دى الكروموسومات بتتصور او بتنقسم جوه النواة علشان لما الخلية تنقسم النواة بتاعتها بتنقسم والنواة الجديدة تاخد الحمض النووى المنسوخ و يبقى فى خليتين متشابهتين تماما فى كل الصفات.

الحمض النووى ممكن تحصله أضرار وتشوهات كتير من حاجات زى العوامل المؤكسدة او العوامل المؤلكلة (عناصر الألكيلات alkyl elements) او اللأشعاعات زى الاشعة فوق البنفسجية او اشعة أكس او (الأشعاع الكهروماغنطيسى electromagnetic radiation) وده ممكن يسبب تعديل الحمض النووى و تغيير شكله مما يغير من صفات حامل الحمض النووى.

اول واحد قدر يعزل الحمض النووى هو (فردريك ميشر Friedrich Miescher) وبعده أكتشف العالم (فوبيس ليفين Phoebus Levene) القواعد النووية والسكر والفوسفات,وبعد محاولات كتير م من علماء كتار اتحط نموذج للحمض النووى وتركيبه, وبعد كده اتفكت الشفرة الجينية اللى بتوضح صفات حامل الحمض النووى على ايد (هار جوبيند كوراما , روبرت و.هولى , ومارشال وارن نيرنبرج Har Gobind Khorana, Robert Holley and Marshall Warren Nirenberg)




#Article 360: بادوڤا (115 words)


پادوڤا ( Padova,  ;  Patavium;  Padoa)
هيا مدينه فى ڤينيتو فى شمال ايطاليا. بادوڤا هى عاصمة مقاطعة بادوڤا. سكان پادوڤا كان 213151 سنة 2009. پادوڤا لما تتحسب مع منطقة ڤينيسيا اللی جنبها, منطقة بادوڤا -ڤينيسيا يبقا مجموع سكانها 1.6 مليون انسان.

پادوڤا مبنيه على ضفاف نهر باتشيليونى على بعد اربعين كيلومتر غرب مدينة ڤينيسيا و و 29 كيلومتر جنوب شرق ڤيتشنزا. نهر برينتا كان زمان بيمر وسط پادوڤا دلوقتى بيمر جنب مناطق المدينه الشماليه.

پادوڤا فيها واحده من اقدم جامعات العالم جامعة پادوڤا اللى عمرها يقارب من 800 سنة و اشتهرت بعد ما كان جاليليو جاليلى واحد من اساتذتها.

پادوڤا كانت تحت حكم جمهورية ڤينيسيا من سنة 1405، و لحد سقوط جمهورية ڤينيسيا سنة 1797.




#Article 361: امبراطوريه عثمانيه (1146 words)


الامبراطوريه العثمانيه (بالعثمانلى دولتْ علیّه عثمانیّه و بتتنطق Devlet-i Âliye-yi Osmâniyye) (بالتوركى: Osmanlı İmparatorluğu) كانت امبراطوريه استمرت من 1299 لحد 1923 لما اتحلت و جت مطرحها الجمهوريه التوركيه فى 29 اكتوبر 1923.
الامبراطوريه العثمانيه فى عزها (القرنين الستاشر و السبعتاشر) كانت بتمتد على تلات قارات: اسيا و اوروبا و افريقيا و كانت مركز للتفاعلات بين الشرق و الغرب على مدى ست قرون و العاصمه بتاعتها كانت الاستانه (استانبول دلوقتى).

بعد احتلال العثمانليه ل مصر (1517) اتدهورت احوالها الثقافيه و بعد ما كانت فى العصر المملوكى دوله مستقله متقدمه و متطوره أكتر من اوروبا نفسها بقت دوله محتله تابعه للباب العالى الاستانبولى و اتضمحلت احوالها و اتقهقرت ثقافتها و ما فاقتش من غيبوبتها الا على اصوات مدافع الفرنساويه بعد وصول حملة نابوليون.

الامبراطوريه العثمانيه اتأسست على تفكك دولة السلاجقه و اتوسعت على حساب الامبراطورية البيزنطية و ممالك بولجاريا و صربيا.

الامبراطوريه العثمانيه خدت اسمها من السلطان المؤسس عثمان الاول و اخر سلاطينها كان اسمه محمد السادس اللى مات فى ايطاليا و اتدفن فى سوريا. و من اهم السلاطين اللى بنو مجدها مراد الاول و بايزيد الاول و السلطان محمد الفاتح (اللى غزا القسطنطينيه اخر معاقل الامبراطوريه البيزنطيه) و السلطان سليم الاول (اللى احتل مصر و قضى ع الدوله المملوكيه سنة 1516 و غزا ايران و احتل عاصمة الامبراطوريه الصفويه) و فى عهده وصل مجد العثمانيين ذروته، و السلطان سليمان القانونى (سليمان الاول:Kanuni Sultan Süleyman) اللى احتل بيلجراد و المجر و الجزاير و رومانيا و بولجاريا و معظم اليونان و حاصر ڤيينا. وبعد موته اتصاب العثمانليه بأول هزيمه عسكرية لما انهزم أسطولهم فى معركة ليبانتو على ايدين الأسطول الأسباني و البندقي.

معركة ڤيينا حصلت سنة 1683 قدام أسوار ڤيينا, بين الجيش العثمانى بقيادة مصطفى باشا و الجيوش الأوروبيه تحت القياده العامه لملك بولندا يوحنا التالت سوبياسكى يومين 11 و 12 سبتمبر 1683. بعد حصار الامبراطورية العثمانية لڤيينا لمدة شهرين. معركة فيينا كانت بداية النهايه لسيطرة الامبراطورية العثمانية و توسعاتها فى جنوب شرق اوروبا.

سنة 1477 علشان يحافظ الاتراك على الاستقرار فى المنطقة غزو ولاهيا و عينو ڤلاد التالت امير عليها فاكرين انه ح يبقى لعبة فى ايديهم. الوضع بسرعة اتغير و حصل غزو من امير مجري اسمه هونيادي و شاله من الحكم فى اقل من سنة و بعديها هرب ڤلاد على مولداڤيا (Moldavia) فى الشمال. اتطورت الامور و مات هونيادي ( John Hunyadi) و انشغلت المجر بتحرير صيربيا من الاتراك و ساعتها هجم ڤلاد على والاهيا و بقى الحاكم الوحيد ليها.
قضى سنين حكمه فى صياغة القوانين و مقابلة الوفود الاجانب ورياسة المحاكمات المهمة و كمان كان بيحضر الاعياد الدينية و كان كمان بيستمتع بالصيد.ف سنة 1495 بطل يدفع الجزية للعثمانيين و عمل تحالف مع المجريين و اللى جنن الاتراك و قررو يتخلصو منه و لكنهم فشلو. السلطان محمد التاني (الفاتح) قاد جيش ضخم متكون من 60,000 من القوات النظامية و 30,000 من القوات المش نظامية وفي ربيع 1462 هجم على ولاهيا.و كتحية ليه, ڤلاد المخزوق اعدم 20,000 سجين تركي بالخاوزق و علقهم علشان يرحبو بالسلطان على طول الطريق.
جيش ڤلاد ماقدرش يوقف السلطان اللى دخل العاصمة بتاعة ولاهيا و عين اخوه رادو الوسيم امير على ولاهيا, ڤلاد استمر فى حرب العصابات ضد الاتراك بس اخوه عمل صفقة مع النبلاء فى ولاهيا و مع الامبراطور المجري و بكده ڤلاد بقى وحيد و اتسجن و بعديها طلع من السجن المجري و استمر فى مقاتلة الاتراك.

معركة ڤيينا حصلت سنة 1683 قدام أسوار ڤيينا, بين الجيش العثمانى بقيادة مصطفى باشا و الجيوش الأوروبيه تحت القياده العامه لملك بولندا يوحنا التالت سوبياسكى يومين 11 و 12 سبتمبر 1683. بعد حصار الامبراطورية العثمانية لڤيينا لمدة شهرين. معركة فيينا كانت بداية النهايه لسيطرة الامبراطورية العثمانية و توسعاتها فى جنوب شرق اوروبا.

لما اتجمعت الجيوش الأوروبية ساب دوق لورين القياده العامه لملك بولندا يوحنا التالت سوبياسكى وكملت استعداداتهم يوم الجمعة 11 سبتمبر بعد ما حسو ان سقوط فيينا مافيش قدامه الا ايام قليلة؛ علشان كده صمم الأوروبيين على عبور جسر الدونه اللى كان بيسيطر عليه العثمانيين بالقوة مهما كلفهم من خساير، علشان مكنش ممكن يوصلو الامدادات لفيينا من غير عبور جسر الدونه,و قدرو يعبرو جسر الدونة من غير خسارة نقطة دم واحده

فى يوم السبت 12 سبتمبر 1683 م اتقابل الجيشين قدام أسوار فيينا وكان الأوروبيين فرحانين علشان عبرو جسر الدونة من غير خسارة نقطة دم واحده، لكن ده خللاهم على حذر شديد، اما العثمانيين فكانوا زهقانين علشان مقدروش يدخلو فيينا، وفي حالة من الذهول علشان شافو الأوروبيين قدامهم بعد عبور جسر الدونة، بالاضافة لانشغال بعض فرق الجيش بحماية غنايمهم مش الحرب لتحقيق النصر، وتوترت العلاقة بين الصدر الأعظم وبعض قواد جيشه وظهرت نتائج ده مع بداية المعركة.

قام مصطفى باشا بهجوم مضاد، مع معظم قواته، و اجزاء من النخبه الانكشاريه لغزو المدينة. كان القواد الترك ناوين يحتلوا فيينا قبل وصول يوحنا التالت ولكن الوقت نفد. وضب المهندسين العسكريين الترك تفجير كبير و نهائي للأسوار علشان توفير امكانيه الوصول للمدينة. لما الأتراك كانو بيقفلو النفق اللى حطو فيه المتفجرات اكتشف النمساويين النفق فى فترة بعد الظهر. واحد منه النمساويين دخل النفق وابطل مفعول المتفجرات فى الوقت المناسب.

فى الوقت ده، فى ساحة المعركه، ابتدت المشاة البولنديه الهجوم على الجهه اليمين لجيش الامبراطوريه العثمانيه و بدل من التركيز على المعركه مع الجيش حاولت قوة الأتراك احتلال المدينة.

كان الجيش العثمانى تعبان و متشائم بعد فشل كل محاولة استنزاف قوة الأوروبيين، و وصول سلاح الفرسان الأوروبى حول مجرى المعركه ضد العثمانيين، و خللاهم يتراجعو للجنوب و الشرق. فى اقل من ثلاث ساعات بعد هجوم سلاح الفرسان، كسبت القوى المسيحيه المعركه وانقذت فيينا من الاحتلال. وبعد المعركه،اقتبس يوحنا التالت سوبياسكي واعاد صياغه يوليوس قيصر الشهيرة بالقول veni، vidi، الالة vicit - أتيت، رأيت، غزاها الله.

معركة ڤيينا كانت نقطة تحول فى صراع امتد 300 سنة بين القوات من أوروبا الوسطى و قوات الامبراطوريه العثمانيه.وبعد المعركه على مدى ستة عشر عاما تمكنت سلالة عائلة هابسبورج النمساوية تدريجيا لحد كبير اخلاء القوات التركية من الاراضى الجنوبيه والمجر وترانسيلفانيا. اتقتل من العثمانيين حوالي 15000 رجل فى القتال واتقتل من الأوروبيين ما يقرب من 4000 ووضع مصطفى باشا خطة موفقة للانسحاب علشان ما يضاعفش خسايره، وأخد الجيش العثماني معاه اثناء الانسحاب 81 الف أسير, وعلى الرغم من هزيمة القوات التركية الكاملة لكنهم لقو الوقت علشان يدبحو معظم السجنا النمساويين، فيما عدا قله من طبقة النبلاء اللى اخدوهم معهم للافتداء. وانتهى الحصار اللى استمر 59 يوما.

خسرت الدولة العثمانية بهزيمتها أمام فيينا ديناميكية الهجوم والتوسع فى أوروبا، وكانت الهزيمة نقطة توقف فى تاريخ الدولة. اتحرك جيش التحالف المسيحي لاقتطاع بعض الاجزاء من الأملاك العثمانية فى أوروبا.و خسر العثمانيين مراكز مهمه بسبب هزيمتهم قدام أسوار ڤيينا اللى كانت هزيمة من النوع التقيل تاريخيا أكتر منه عسكريا.

معركة جكردلن كانت بين واحد من القادة العثمانيين وقواته البالغة 30 الف مقاتل وبين ملك بولندا يوحنا التالت سوبياسكى و قواته اللى كانو 60 الف مقاتل، وانتهت بتراجع سوبياسكى، واتوالت المعارك العثمانية فى أوروبا بعد كده.

التدهور السياسي انتشر فى جسم الامبراطوريه العثمانيه، و أنهكتها الحروب مع روسيا فى القرن التمانتاشر، و اتسمت بـراجل أوروبا المريض.

قعدت الامبراطوريه العثمانيه تضعف و تنكمش مع مرور السنين لغاية ما قامت الحرب العالميه الاولى فاتحالفت مع ألمانيا و النمسا و انتهت الحرب بهزايم كبيره للاتراك لغاية ما جه كمال اتاتورك بثورته و ازال السلطنه العثمانليه و ابتدا تاريخ تركيا الحديث.




#Article 362: جيمس فريزر (133 words)


چيمس چورج فريزر ( James George Frazer) أخد لقب سير (sir)، (إتولد فى جلاسجو، اسكوتلاندا، 1 يناير سنة 1854 - إتوفى فى جلاسجو، اسكوتلندا 7 مايو سنة 1941 ). عالم انثروپولوچيا اسكوتلندى كبير. الف كتابه المشهور و الضخم الغصن الذهبي (The Golden Bough) اللى عباره عن دراسه فى السحر و الدين (1890). وضح فيه إن كتير من الاساطير الدينيه و الشعاير الدينيه اصلها من ايام ظهور الزراعه فى عصر ما قبل التاريخ. و إن التطور العقلي البشري مر بتلت مراحل: السحر البدائي، و الدين، و العلم.

من كتبه المهمه التانيه: الطوطميه و الزواج بغير ذوي القربى Totemism and Exogamy و الطوطميه Totemism عن نظام الطوطم فى المجتمعات البدائيه. كتب بطريقه ادبيه شيقه. مؤلفاته كان لها اثر كبير فى تطوير علم الانثروپولوچيا و على العالم النفسى الكبير فرويد اللى الف كتاب طوطم و طابو




#Article 363: ميدان الكونكورد (148 words)


ميدان الكونكورد (فرنساوي: Place de la Concorde) من اكبر ميادين باريس عاصمة فرنسا. فى قلب باريس فى اخر شارع الشانزليزيه (Champs-Élysées) من ناحيته الشرقيه. بتزينه مسله مصريه ضخمه عليها اهداء من خديوn مصر للويس فيليب سنة 1831. الفرنساويين عملوا مجهودات كبيره فى الكشف عن أسرار الحضاره المصريه. مصر كات أهدت فرنسا مسلتين من مسلات الملك رمسيس التاني فى معبد الاقصر. الفرنسويين حطو المسله فى قلب عاصمتهم فى 25 اكتوبر سنة 1863 لحبهم لتاريخ مصر و عرفانهم بدور مصر الحضارn فى تاريخ الانسانية. فى سنة 1990 أهدى الرئيس فرنسوا ميتران المسله التانيه لمصر عشان تحطها فى المعبد.

الميدان صممه جيمس موت (James Mott) سنة 1755. فى الاصل الميدان كان اسمه ميدان لويس الخمستاشر (Place Louis XV) كان فيه تمثال للملك ده. بعد ما قامت الثوره و اتحولت فرنسا لجمهوريه اتشال التمثال، و اتسمn الميدان ميدان الثوره (Place de la Révolution) و اتعدم فيه لويس الستاشر فى 21 يناير 1793.

	




#Article 364: تيوتون (178 words)


فرسان تيوتون ( Teutones;  Teutons)، طايفه عسكريه دينيه ألمانيه. إتأسست سنة 1190 كمنظمه تمريضيه لكن بقوا على نمط فرسان المعبد و فرسان الإسبتاريه و شاركوا فى الحروب الصليبية زيهم و كان ليهم مقر فى عكا. اعترف بيهم البابا سنة 1191 و فى سنة 1198 بقوا نظام عسكرى. اهم مراكزهم كانت فى الشام فى نواحى انطاكيا و طرابلس لكن بحلول سنة 1210 معظم فرسانهم و قوادهم اتقتلوا فعزلوا على عكا و دخلوا فى منافسه مع فرسان المعبد و الاسبتاريه اللى كانت مكانتهم اعلى.

فرسان التيوتن كانوا بيلبسوا بلاطى او أرديه بيضه عليها صليب لاتينى.

غزوا پروسيا سنة 1226 و أبادوا سكانها بحجة تحويلهم للمسيحيه و عملوا فيها مستعمرات بيسكنها المان. مقرهم كان فى مارينبورج و بعدين بقى فى كونجزبرج. فى 1242 القبايل البروسيه اتمردت عليهم فاتشنت حمله صليبيه عليهم كانت بتتكون من 60 الف ألمانى و بوهيمى لإنقاذ التيوتونيين اللى على سنة 1260 الاراضى بقت تحت سيطرتهم من تانى.

إتحولوا للپروتستانتيه سنة 1525 لكن الطايفه استمرت كاتوليكيه فى ألمانيا لغاية 1805. كانت اراضيهم على البحر البلطي تحت سيادة بابا الكاتوليك الاسميه. إستولت پولاندا على حتت من أقاليمهم سنة 1466.




#Article 365: اسبتاريه (266 words)


الاسبتارية ( بالإنجليزي : Knights Hospitaller - بالفرنساوي : Ordre des Hospitaliers ) ، الاسم الأصلى : نظام فرسان الاسبتاريه بتوع القديس يوحنا فى اورشليم ( The Order of The Knights Hospitallers of Saint John of Jerusalem). اتعرفت كمان بنظم  فرسان القديس يوحنا  و  فرسان أورشليم . فى العصور الاحدث اتعرفت بـ نظام رودوس  و  نظام مالطه.

طايفه عسكريه دينيه مسيحيه كاتوليكيه أوروبيه إتنشئت سنة 1070 كمجرد جماعه تمريضيه بتروح مع قوافل حجاج بيت المقدس ، لكن مع نهاية الربع الاول من القرن الاتناشر بدأوا ياخدوا شكل عسكرى. مابين 1136 و 1142 حصلوا على قلاع مهمه كهدايا و بحلول سنة 1157 بقوا بيشاركوا فى المعارك العسكريه الهجوميه. فى سنة 1168 شاركوا بـ 500 فارس فى غزو مصر. فى سنة 1130 البابا ادا الجماعه بادچ لونه احمر عليه صليب ابيض بقوا بيحطوه على زيهم الاسود بتاع نظام سانت اوغسطين اللى الجماعه كانت بتنتمى ليه. فى سنة 1248 البلطو الاسود بقى رداء اسود عليه صليب ابيض على الصدر لكن فى سنة 1259 الرداء بقى لونه احمر.

شارك الاسبتاريه فى الحروب الصليبيه و الحروب اللاتينيه فى اوروبا و بعد ما إستولى المسلمين على بيت المقدس سنة 1187 راحوا على عكا. و بعد ما إستولى سلطان مصر الاشرف خليل على عكا سنة 1291 و اتجرح مقدمهم جين دو فيليه Jean de Villiers فى المعركه هربوا على قبرص و استولوا على جزيرة رودس سنة 1310. بعد ما الاتراك غزوا رودوس راحوا على مالطة و قعدوا هناك لغاية ما نابوليون بونابارت غزاها سنة 1798. بابا الكاتوليك إدى طايفة الاسبتارية مكانه فخريه سنة 1879 ، و لسه لغاية النهارده ليها بقايا فى أوروبا بإسم فرسان مالطه ( Knights of Malta ).

شوف كمان:




#Article 366: فرسان المعبد (1020 words)


فرسان المعبد او فرسان الهيكل او الداوية او فرسان التمبلار ( بالإنجليزي : Knights Templar - بالفرنساوي : Templiers ) ، طايفه عسكريه دينيه أوروبيه إتعرفت بإسم فرسان معبد سليمان او بالاسم الكامل للتنظيم : العسكر الفقرا بتوع المسيح و معبد سليمان ( باللاتينى : Pauperes commilitones Christi Templique Solomonici).

اتكونت الطايفه فى القرن 12 لحماية حجاج بيت المقدس و اتبعو قانون الرهبان البدكتيين. فرسان المعبد كانوا اول التنظيمات العسكريه الصليبيه و إتأسست جماعتهم سنة 1118 عن طريق سبع فرسان أقسموا بحماية الحجاج الرايحين بيت المقدس. زعيم التنظيم كان بيتسمى جراند ماستر Grand Master و كان هو القومندان العام بتاع التنظيم. اول قومندان اتزعم التنظيم كان هيجو دى بايين Hugues de Payens. كل بلد كان ليها قومندان بينوب عن القومندان العام. البابا اعترف بيهم سنة 1128 و فى سنة 1147 شاركوا فى اول معاركهم الكبيره ضد المسلمين. فى سنة 1145 اتسمح ليهم بلبس زى ابيض و من وقت الحمله الصليبيه التانيه بقوا بيحطوا صلبان حمره على صدر و ضهر زيهم. اشتهرو بالتعصب الدينى و القسوه.

دخل فرسان المعبد فى منافسات مع فرسان الاسبتارية و فرسان التيوتون فى النفوذ و الثروة و الحروب. حاربوا بوهيموند الرابع و بعدين حالفوه و اتحالفوا مع الحشاشين فى زمن الظاهر بيبرس و كانت عندهم قلاع فى فراس و عتليث و أنطرطوس و جبيل. إشتركوا فى الحروب الصليبية بشراسه. بعد ما المسلمين إستولوا على بيت المقدس قعدوا فى عكا و كان ليهم هناك قلعة ضخمه على الساحل . بعد سلطان مصر الأشرف خليل ما إستولى على عكا سنة 1291 هربوا على قبرص و جزيرة ارواد قدام طروطسه على ساحل سوريا و قعدو فى الجزيره لغاية ما طردهم الاسطول المصرى سنة 1303.

بتعتبر عملية اضطهاد طايفة فرسان المعبد من اهم العمليات اللى قامت بيها محاكم التفتيش فى فرنسا. فرسان المعبد كانو من اهم الطوايف الصليبيه العسكريه فى فترة الحروب الصليبيه. بعد طرد الصليبيين من عكا و ساحل الشام ( 1291 - 1292 ) على ايدين سلطان مصر الأشرف خليل هرب فرسان المعبد مع الطوايف العسكريه التانيه على قبرص و منها على اوروبا. على سنة 1300 فرسان المعبد بقو تانى اغنى امبراطوريه افتراضيه فى اوروبا طوالى بعد السلطه البابويه نفسها. دولة فرسان المعبد الافتراضيه و كانت بتضم اعداد ضخمه من الموظفين و العمال و المهنين و غيرهم ، و كانت بتمتلك مساحات شاسعه من الاراضى فى نواحى اوروبا ، و كانت ليها تجارات واسعه و اعداد كبيره من العقارات و اسطبلات الحصنه و مزارع المواشى والاغنام و سفن تجاريه بتنقل الصوف و غيره بين موانى البحر المتوسط و الحجاج الاوروبيين للأراضى المقدسه ، و كان ليها سفارات بتتعامل مش بس مع الكاتوليك لكن كمان مع الكنيسه البيزنطيه و حتى المسلمين. فوق كده الطايفه كانت بتملك بنوك و هيئات ماليه بتخدم الملوك و رجال الدين و النبلاء و التجار.

فى سنة 1304 اتوفى البابا بينيديكت الحداشر Benedict XI و بعد وفاته بسنه فيليب الرابع Philippe IX ملك فرنسا قدر يوصل برتراند دو جوت Bertrand de Goth اسقف بروردو لمنصب البابا بإسم كليمينت الخامس Clement V. فيليب ماكتفاش بإن البابا بقى تحت سيطرته فنقل مقر الباباويه من روما لـ افينون Avignon فى سنة 1309. من الوقت ده ابتدى مفتشين محاكم التفتيش يلتفتو لفرسان المعبد اللى كانو معروفين بالغرور و التعالى. من ناحية البابويه البابا اينوسينت التالت كان انتقد فرسان المعبد مع بداية الحمله الالبيجنسيه واتهمهم بتخطيهم حدودهم و حتى بالأبتعاد عن تعاليم الكاتوليكيه حيث انهم بيأوو فرسانهم اللى بتحرمهم الكنيسه من رحمتها و لما بيموتو بتدفنهم فى المدافن المسيحيه ، و فوق كده كانو بيعاملو نواب البابا بقلة احترام و بيعاملو المسلمين و اليهود معامله فيها نوع من التسامح و ساعدو مهرطقين لجأؤو ليهم وقت الحرب ضد الالبيجنسيين.

الملك فيليب الخامس من جهته ماكانش بيحب فرسان المعبد و كان طمعان فى ثراوتهم بسبب سؤ احواله الماليه و كان بيعتقد ان عندهم كنز كبير مخبينه و عايز يستولى عليه ، و فوق كده كان خايف انهم يستولوعلى جزء من مملكته. البابا كليمينيت الخامس كان تحت سيطرة الملك فيليب و كبير مفتشين محاكم التفتيش فى فرنسا جيولوم دى بارى Guillaum de Paris كان صديق شخصى لفيليب ، و بعد جمع معلومات كتيره عن فرسان المعبد اتضح ان ممكن توجيه تهمة الهرطقه ضدهم. فى 14 سبتمبر 1307 اتكتبت اوامر للسلطات الملكيه فى نواحى فرنسا بالقبض على كل فرسان المعبد فى 13 اكتوبر 1307.

اتقبض على مئات من فرسان المعبد واتقدمو لمحاكمة التفتيش واحد واحد. المفتشين وقت التحقيقات كانو بيوعدو المتهم بالعفو لو اعترف بهركطقته و رجع لحضن الكنيسه الكاتوليكيه. لو المتهم رفض التهمه و الاعتراف كان بيتبعت طوالى للملك. فى غضون المحاكمات اتصادرت اموال و ممتلكات فرسان المعبد بأمر من محاكم التفتيش اللى بطبيعة الحال كان بيحركها الملك فيليب من ورا الكواليس ، و بالطريقه دى قدر فيليب انه يعمل نفسه بره الموضوع و انه بيطبق بس احكام المفتشين. ضحايا كتير ماتو وقت التحقيقات منهم 36 فى باريس و 25 فى سين Sens. معظم فرسان المعبد اللى اتقبض عليهم فى فرنسا كانو يا اما عواجيز او صغيرين فى السن من غير خبره. معظم الفرسان المحاربين و اللى عندهم خبره كانو من فتره شمو ريحة الخطر اللى بيحيق بيهم فهربو قبل ما تبتدى العمليه. اما الكنز المزعوم اللى اتمنى فيليب انه يلاقيه و يستولى عليه فماتلاقاش لحد النهارده اما لانه اصلاً كان مجرد خرافه او لإن الفرسان قدرو يهربوه فى الوقت المناسب.

لمدة سبع سنين استمرت التحقيقات و عمليات التعذيب و الاعدام. فى 1310 هدد 600 من الفرسان بإنهم هيسحبواعترافاتهم فحرق المفتشين 75 واحد منهم بتهمة الارتداد للهرطقه. و فى الاخر اصدر البابا امر بحل المنظمه و فى 19 مارس 1314 اتحرق زعيم الطايفه جاك دى مولاى Jacque de Molay و نايبه جيوفروى دى شارناى Geoffroi de Charnay فى باريس.

استمرت مطاردة فرسان المعبد فى الاماكن اللى هربوا ليها فى نواحى اوروبا ، فى فرنسا و ايطاليا و مناطق فى النمسا و المانيا. فى انجلترا الملك ادوارد التانى جوز بنت الملك فيليب صابته صدمه من اللى اللى حصل فى فرنسا و اتهرب من القبض على فرسان المعبد الموجودين فى انجلترا و بعت لحكام البرتغال و كاستيا و اراجون و سيسيليا يحضهم على عدم الانصياع لضغوط فيليب ، لكن ادوارد اضطر فى الاخر انه يقبض على عدد من الفرسان لكن اكتفى بسجنهم و بعد ما حل البابا نظام فرسان المعبد هربت اعداد منهم على اسكوتلاندا اللى كان فيها اعداد تانيه هربت من فرنسا. ملك اسكوتلاندا روبرت ذا بروس Robert the Bruce نفسه كان محروم من الكنيسه الكاتوليكيه و بالتالى البابا ماقدرش يجبره على تسليمهم .




#Article 367: فريدريك التانى (354 words)


فريدريك التانى - Frederick II - ( اتولد سنة 1194 - اتوفى سنة 1250 ). من أباطرة ملوك الالمان. امبراطور الامبراطوريه الرومانيه المقدسه و حفيد فريدريك الاول المعروف باسم فريدريك بارباروسا. نشأ فى سيسيليا و اتوج امبراطور سنة 1220 و عمل اصلاحات كتيره. قاد الحمله الصليبيه الساته و نزل فى عكا على راس جيش صغير بيتكون من 600 فارس، و ده بيبين انه ما كانش ناوى يشن حرب بجد. وقع اتفاقية سلام مع الملك الكامل محمد سلطان مصر بمقتضاها اتسلم بيت المقدس مقابل وقف الحرب و الوقوف مع الكامل ضد اعداءه. اتوج ملك فى بيت المقدس سنة 1229 فقامت ضجه عملها المتطرفين فى اوروبا و سوريا ضده و ضد الملك الكامل اللى اعتبرو السلام و وقف الحروب و نزيف الدم استسلام و تفريط فى القضيه. حصلت اشتباكات بينه و بين بابا الكاتوليك و طرده البابا من الكنيسه. فريدريك كان متقدم على عصره و عقليته كات متطوره جداً، و اتلقب بـ  اعجوبة العالم . كان بيتقن لغات كتيره من ضمنها العربي، و درس الطب و الفلك و الرياضيات و الشعر. بيتقال انه هو اللى حذر الصالح أيوب سلطان مصر من ان لويس التاسع ملك فرنسا ناوي يشن حمله صليبية على مصر (الحمله الصليبيه السابعه).

خلصت الحمله الصليبيه الخامسه على مصر و المعروفه باسم حملة جان دى برين بالفشل و اتعملت هدنه بين مصر و الصليبيين لمدة تمن سنين. لكن فى الغضون دى وصلت دمياط سفن عليها عسكر ألمان. السفن دى كان بعتها فردريك التانى كمدد لمساعدة جيوش الحمله الخامسه لكن وصلت متأخره بعد ما المفاوضات كانت خلصت و اتوقعت اتفاقية الهدنه فاحترمت القوات الالمانيه الاتفاقيه و ما دخلتش فى معارك و خلصت الحرب و انسحب الصليبيين من مصر بالكامل فى سبتمبر 1221.

سنة 1228 طلع فريدريك التاني امبراطور الامبراطوريه الرومانيه المقدسه على راس حمله صليبيه صغيرة هيا الحمله الصليبيه الساته بتتكون من 600 فارس بس - و ده بيبين انه ما كانش ناوي يحارب بجد - ونزل عكا ، فبعت له الملك الكامل رسوله  فخر الدين يوسف بن الشيخ  عشان يتفاوض معاه .

معاهدة فردريك - الكامل هى اتفاقية سلام عملها فردريك التانى ( Frederick II ) امبراطور الامبراطوريه الرومانيه المقدسه و الصقليتين مع الملك الكامل محمد بن العادل سلطان مصر فى 18 فبراير 1229.




#Article 368: فن قبطى (177 words)


الفن القبطي هوه فن مصري محلي كان رايج فى الفتره ما بين اخر العصر الفرعوني و بداية العصر الاسلامي. و بيعتبر فرع رئيسي من الفن البيزنطي. خصايصه و ضحت فى القرن الخامس و بقى فن ناضج فى القرنين السادس و السابع، و فضل مستمر بعد الغزو العربي لمصر. المتحف القبطي فى القاهرة بيعرض اعمال فنيه قبطية فى غاية الروعة.

الفن القبطي مزيج من القومية المصرية مع بعض من تأثيرات الفن الإغريقى و بيعتبر فرع رئيسى من الفن البيزنطىو المواضيع والرموز مأخوذة من كل الأساطير اليونانية والمصرية.

الفن القبطي بيتمثل فى المعادن و الفخار اللى كانت بتستعمل فى اشياء كتيره. و دخلت المسيحيه مواضيع فنيه جديده فى فن النحت. و تظهر براعة الفن القبطي فى الحفر على الخشب مثلما هوه واضح فى باب كنيسة الست بربارة و الكنيسة المعلقة فى مصر القديمة فى القاهرة. و رسم الفنان القبطي رسومات فنية جميلة جداً على الخشب و القماش و الجص و الهوامش المذهبه على المخطوطات و الكتب . و الفن القبطي كان بارع جداً فى النسيج. بتغلب الخطوط الهندسيه على الفن القبطي فى الفتره ما بين القرن الحداشر و الأربعتاشر.




#Article 369: منطقة بين النهرين (116 words)


منطقة بين النهرين او ميسوپوتاميا (انجليزى: Mesopotamia; فرنساوى: Mésopotamie; جايه من اليونانى: Μεσοποταμία (ارض) بين الانهار; عربى: بلاد الرافدين) هي المنطقة التي يجري بها نهرين دجلة و الفرات و التى قامت فيها واحدة من اقدم الحضارات فى العالم القديم. منطقة بين النهرين حيث تشكل حالياً الجزء الأكبر من دولة العراق و أماكن صغيرة من تركيا و سوريا.
و منطقة بين النهرين طلعت منها الحضارة السومرية و البابلية و الاكادية و الآشورية و بعدها انضمت للإمبراطورية الاخمينية (الفارسية) و تنتها تحت الحكم الفارسي إلى القرن السابع الميلادي عندما غزاها العرب و قضو على الإمبراطورية الساسانية و سميت المنطقة بإسم العراق و هو الإسم المعروف به حتى الآن. استولى المغول على معظم المنطقة و عرفت دولتهم بإيلخانية فارس.




#Article 370: عبده الحامولى (126 words)


عبده الحامولي (1836- 12 مايو 1901) سيد المغنيين و الملحنين المصريين فى القرن 19. كان اول واحد يطلع الغنا المصري من حالة الجمود، فقبله كان الغنا المصري عباره عن الموشحات و القدود العربيه اللى دخلت مصر فى القرن 17 و عششت فيها. عبده الحامولي زار تركيا و اعجب بمزيكتها ، فابتدى يمزج احسن المقامات و النغمات التركيه بالغنا المصري فطلع اعمال بديعه فريده. ألحانه ماكانش سهل تقليدها ، و كان التخت بتاعه مدرسه عمليه للألاتيه و المرددين.

لعبده الحامولي الحان كتيره لسه موجوده بعد ما اتحفظت زمان على اسطوانات. اتجوز المغنيه المظ و اسمه إرتبط بيها. لما اتوفى نعاه الشاعر احمد شوقى.

قدمت السينما المصريه فى الستينات فيلم اسمه المظ وعبده الحامولى  قام ببطولته المطرب عادل مأمون فى دور عبده الحامولى والمطربة وردة الجزائريه بدور المظ.




#Article 371: الاقصر (172 words)


الأقصر محافظه مستقله، فى صعيد مصر على النيل ، قايمه على جزء من مدينة طيبة القديمه. بتعتبر من اشهر المدن السياحيه فى العالم. أهم أثارها معبد الأقصر اللى بناه امنحوتب 3 ( الدوله الحديثه ) للاله امون اللى كان بيحجوا له مره كل سنه من معبده فى الكرنك فى احتفال اسمه  أوپت . اسمها الرسمى الأقصر و بتتنطئ لؤصر

تعتمد الأقصر في اقتصادها بشكل أساسي على نوعين من الدخل، وهما: الدخل السياحي والدخل الزراعي. كما أن بها العديد من فروع الاستثمار الصناعي والعديد من الصناعات الحرفية لدى أقطارها من أهمها الغزل وصناعة الخزف والفخار والأثاث الخشبي والمعدني.

يوجد مستشفى الأقصر الدولي ومستشفى الأقصر العام ومستشفى البياضية المركزي والقرنة المركزي وأرمنت المركزي والعديد من المستشفيات الخاصة.

المدينة النوبية

يوجد الكثير من الفنادق العائمة وفرع لفندقي هيلتون وشيراتون وفندق حبيبه وفندق المريدين وفندق ميركير وفندق ايزيس وفندق سونستة وفندق الونتر بالاس وفندق ابيروتال الأقصر

نادى التجديف للرياضات المائية نادى المدينة الرياضي ونادى الأقصر الرياضي وبها العديد من الملاعب الرياضية ومراكز الشباب مثل ملعب المدينة المنورة وملعب نادى الشعب ويمثل المحافظة نادي خاص بها ومستقل.




#Article 372: طلعت حرب (147 words)


محمد طلعت حسن محمد حرب أخد لقب باشا ( اتولد فى القاهرة 25 نوفمبر سنة 1867 - إتوفى فى القاهرة 13 اغسطس 1941 ). مصري و طني و ابو النهضه الإقتصاديه فى مصر. نشر كتابه  علاج مصر الإقتصادي  سنة 1910. أخد على عاتقه محاربة الإحتكار الاجنبي للشئون الماليه و الإقتصاديه فى مصر فعمل شركات كتيره و اسس بنك مصر ( اتفتح 7 مايو 1920 ) براس مال و خبره مصريه خالصه. و بيعتبر بنك مصر من معالم النهضه الإقتصاديه فى مصر. و من الشركات اللى اسسها طلعت حرب شركة مصر للطيران، شركة مصر للطباعه، و شركه بيع المصنوعات المصرية و شركات لحلج الاقطان و نسج الحرير و السينما و الكيماويات و الأدويه و التأمين و الملاحه و النقل البحري و غيرها. اتحولت الشركات للقطاع العام سنة 1959.

دى ليسته بالمشروعات اللى ساهم فيها طلعت حرب باشا مترتبه حسب الترتيب الزمنى:

نسي براس مال 5 مليون جنيه مصرى




#Article 373: عكا (150 words)


عكا ( ;  Acre او Akko;  ) هيا مدينه و مينا فى شرق فلسطين على خليج عكا المواجه لمدينه حيفا, على ساحل البحر المتوسط. اسسها بطالمه مصر.

دارت فيها صراعات كتيره و تبادل سلطه عبر التاريخ , حكمها العرب سنه 738 بعد ما استولى عليها الرومان و البيزنطيين ,و استعمرها الصليبيين من 1104 لغايه 1187, و بعدين استولى عليها فرسان الاسبتاريه و قعدوا فيها من سنه 1190 لغايه سنه 1291 لما طردهم الأشرف خليل سلطان مصر فى الحرب اللى اتعرفت باسم فتح عكا. وقوعها سنه 1291 فى ايد الأشرف خليل كان نقطه تحول فى تاريخ الحروب الصليبيه و بدايه نهايه مملكه بيت المقدس. الأتراك العثمانيين سيطروا عليها سنه 1517, و حكمتها مصر فى عهد محمد على (1832 - 1840), و بعدين استولت عليها بريطانيا (1918 - 1948). و لما قام الكيان الصهيونى نص مشروع تقسيم دوله فلسطين انها تكون تابعه للسلطات العربيه لكن اسرائيل استولت عليها التواطؤ من القوى الكبرى.




#Article 374: بطليموس الاول (4690 words)


بطليموس الاول سوتر (المنقذ) - باليوناني: Πτολεμαῖος Σωτήρ -، (اتولد فى مقدونيا ح 366 قبل الميلاد - إتوفى فى مصر 285 قبل الميلاد). قائد مقدونى اتعرف قبل ما يتنصب ملك على مصر باسامى بطليموس ابن لاجوس و بطليموس لاجوس و بطليموس المقدونى. من أكبر قواد الاسكندر الأكبر و مؤسس الدولة البطلمية فى مصر. ابن ارسينوى عشيقة فيليب التانى ملك مقدونيا ابو الاسكندر الأكبر، و بيعتقد ان فيليب كان ابو بطليموس كمان. فيليب رقى بطليموس اللى كان اكبر من الاسكندر لرتبه عسكريه عاليه.

بطليموس ابن لاجوس انضم لجنرالات حرس الاسكندر الاكبر (سوماتوفيلاكس σωματοφύλαξ) سنة 330 ق.م. السوماتوفيلاكس ماكانوش بس مجرد حراس لكن كانوا مقربين للاسكندر و المستشارين بتوعه فى شئون إدارة الدوله. نتيجه لنجاحات بطليموس فى اسيا، اللى كان منها القبض على بيسوس Bessos قاتل داريوس و حملاته الناجحه ضد سكان الجبال فى المنطقه المعروفه دلوقتى بباكستان، الاسكندر كان بيقدره و بيحترمه مش بس لانه كان قائد محنك فى التكتيكات العسكريه لكن كمان لانه كان له باع فى الكتابه و التأريخ.

بعد انتصار الاسكندر على الفرس اللى كان بيقودهم داريوش التالت فى معركة اسوس التاريخيه فى نوفمبر 333 ق.م راح على مصر بدل ما يروح يطارد الفرس فى الشرق، مصر بموقعها الجغرافى و الثقافى و الاقتصادى و كونها مركز تصدير القمح كانت فى المرحله دى بالنسبه لاسكندر اهم من مطاردة الفرس. الاسكندر دخل مصر و كان وياه بطليموس ابن لاجوس، اللى وصف الرحله فى كتابه عن سيرة الاسكندر، و بعد ما زاروا معبد الوحى فى سيوه فى بداية 331 ق.م و قال لهم الاله امون، اللى كان بيقابل زيوس عند اليونانيين، على لسان الكهنه ان اسكندر ابنه، قعدوا شويه فى مصر و بعدين مع بداية ربيع 331 ق.م طلعوا على الشرق يطاردوا الفرس. بعدها بتمن سنين فى 10 يونيه 323 ق.م اتوفى الاسكندر فجاءه فى بابل و وصى قبل ما يموت بانه يتدفن فى معبد  ابوه  امون فى سيوه. بموت الاسكندر المفاجىء بقت امبراطوريته من غير حاكم فاجتمع جنرالات جيشه و اتفقوا فى  اتفاق بابل  على تنصيب اخوه اريديوس Arridæus خليفه ليه. اريديوس كان اخ مش شقيق للاسكندر و كان شاب بيعانى من نقص فى الذكاء و الطموحات، لكن الجنرالات فضلوه عن أى جنرال كبير بسبب رابطة الدم اللى بتجمعه بالاسكندر. الاسكندر كان اتجوز فى سنة 327 ق.م بنت راجل نبيل من سوجديانا اسمها روكسانا Roxana، و لما مات كانت روكسانا حبله فنصب الجنرالات اريديوس و اتلقب بلقب فيليب كحل مؤقت لغاية ما يشوفوا روكسانا حا تخلف بنت ولا ولد ينفع يورث عرش ابوه. و من جهه تانيه بسبب طموحاتهم الشخصيه فى التحكم فى فيليب و الاستقلال فى الوقت المناسب بالمناطق اللى كانوا متعينين حكام عليها. بطليموس ابن لاجوس، اللى ما كانش طمعان فى حكم الامبراطوريه او فى تعينه نايب لفيليب و كان من رأيه مع كذا جنرال ان الامبراطوريه احسن تتقسم على الجنرالات بدل ما يحكمها كلها شخص واحد، حسبها بحكمه بعد ما اتفق الجنرالات على تنصيب فيليب، فساب نيابة الامبراطوريه للجنرال برديكاس Perdiccas اللى كان نفسه يحكم كل الامبراطوريه باسم فيليب، و اختار الولايه على مصر اللى موقعها و امكانيتها بتتفوق على كل ولايات الامبراطوريه التانيه و ممكن تحويلها لمملكه مستقله تقدر تصمد ضد برديكاس و طموحاته. نجح بطليموس فى اخد موافقة الجنرالات على تعينه حاكم على مصر اللى كان بيحكمها فى الوقت ده كليومينس Cleomenes مكاس الاسكندر الاكبر فى مصر و ده كان بكل تأكيد نصيب السبع. بعدها بكام شهر خلفت روكسانا ولد سموه الكسندر و نصبوه ملك مشارك. فى سجل فراعنة مصر المتدون فى المعابد الفرعونيه و برديات المستندات المصريه فيه ملكين عمرهم ما لبسوا تاج مصر و هما الفرعون فيليب التالت من 323 ل 316 ق.م، و الكسندر الرابع من 316 ل 304 ق.م (الفرعون الكسندروس Alexandros من 316 ق.م).

وصل بطليموس ابن لاجوس مصر سنة 323 ق.م و بقى حاكم عليها هى و ملحقاتها فى ليبيا ومناطق فى شرق مصر و فى دماغه انه يحولها لمملكه مستقله ما ترضخش لبرديكاس اللى كان مستنى ان كل الجنرالات المتعينين حكام يحترموه و يطيعوه.

بعد ما بطليموس وصل ممفيس بدأ يقوى مركزه و قدر بسبب قدراته العسكريه الشخصيه و تعينه حاكم على بلد غنيه بإمكانيات ضخمه هى مصر، قدر انه يضم لصفه اعداد كبيره من ظباط جيش الاسكندر الاكبر. جيش الاسكندر كان اسمه جيش المقدونيين و كان الظباط و العسكر و حتى المرتزقه بيفتخروا بالاسم ده، و كانوا مبسوطين ان الامبراطوريه اللى كونوها اتماسكت و اتنصب عليها فيليب اخو الاسكندر.

اول حاجه عملها بطليموس ابن لاجوس فى مصر هى انه اتخلص من كليومينيس عن طريق اعدامه بتهمة الفساد. الاسكندر كان عين كليومينيس مكاس عام على مصر عشان يلم له الضرايب و بعد ما الجنرالات عينوا بطليموس حاكم على مصر عينوه حاكم مساعد او حاكم تانى. تانى حاجه عملها انه وسع منطقة نفوذه و ضم قورينه (برقه فى ليبيا دلوقتى) و ملحقاتها لمصر سنة 322 ق.م، بعد ما استغل صراع قام هناك بين طرفين و لما طلب طرف النبلا مساعدته ما اترددش و بعت العسكر طوالى و بقت قيرنه جايزته. فى السنه التانيه بعد موت الاسكندر بدأت عملية نقل جسمه من بابل لمقبرته، المسئول عن عملية النقل كان الجنرال اريديوس Arridæus. بيرديكاس نايب الامبراطوريه كان اصدر اوامره بنقل الجثمان ل ايجا Æga فى مقدونيا اللى مدفون فيها فيليب ابو الاسكندر و اجدادهم. لكن بطليموس كان ليه رأى تانى، و لما وصل الجثمان عند سوريا استقبله بطليموس هناك على راس جيش طلع بيه من مصر و قال لايريديوس ان الاسكندر حا يتدفن فى مصر فى واحة امون فى معبد الاله اللى اعلن ان الاسكندر ابنه واخد بطليموس جثمان الاسكندر على ممفيس و سابه هناك لغاية ما بنا مدينة اسكندريه يخلص عشان تقدر تستقبله. الاسكندر قبل ما يموت كان وصى بدفنه فى فى معبد امون فى سيوه، لكن طبعاً بطليموس بأخدان جثمان الاسكندر على مصر ما كانش بينفذ الوصيه بقدر ما كان عايز ان الاسكندر يتدفن فى مصر عشان يعضد نفوذه و شرعيته فى حكم مصر.

اعدام كليومينيس، و أخدان جسم الاسكندر على مصر، و التحالفات اللى بطليموس كان عمال يعملها مع ملوك قبرص، اثبتوا لنايب الامبراطوريه برديكاس ان بطليموس ابن لاجوس اللى مع انه ما نصبش نفسه ملك بقى فى الحقيقه ملك مش متوج خارج على اوامره فقرر انه يقوم بحمله على مصر عشان يعاقبه على تمرده و يورى له مين الملك.

برديكاس قاد الجيش المقدونى ضد مصر سنة 320 ق.م و أخد معاه الملكين، فيليب التالت اريديوس و الطفل الكسندر الرابع ايجوس Alexander Ægus ابن الاسكندر الاكبر اللى اتولد بعد وفاته، عشان يدى لنفسه هيبه، و عشان يثبت ان من حقه اصدار أوامر لولايات الامبراطوريه المقدونيه و تسييرها.

بطليموس قوى دفاعات المدن فى مصر و حط تحصينات و حاميات و طلع يواجه برديكاس فى بيلوسيوم (فى اقصى شرق الدلتا قرب البحر المتوسط، اسمها المصرى بيريمون و بالقبطى بارامون، دلوقتى تل الفارما)، و اجبره على التراجع لمعسكره، لكن فى ضلام الليل اتسحب برديكاس بهدؤ و راح بقواته على ممفيس مباشرة بدل ما يهاجم المدن. شخصيات برديكاس و بطليموس كانت مختلفه. برديكاس كان راجل جاف طبعه خشن، بيحب يصدر الاوامر و ماكانش بيحب يستشير جنرلاته و كان بيعمل اللى يطلع فى دماغه و على هواه و ماكانش بيهمه جنرلاته يحبوه و لا لاء، لكن بطليموس كان شخصيه تانيه، كان لطيف و متواضع مع قوداه و كان بيحب يستشيرهم و يسمع ارأهم كواحد منهم من غير تعالى، و عشان كده كان الظباط و العساكر بيحبوه. لما حاول برديكاس يعدى النيل عند ممفيس لقى ان اعداد كبيره من قواده و عساكره انضموا لجيش بطليموس. و كان من ضمن القواد الكبار اللى انضموا للجيش المصرى بيثون Python اللى كان طهق من اوامر برديكاس المتعاليه مع انه كان فى رتبته العسكريه ايام الاسكندر. انضمام قوات كتيره من جيش برديكاس لبطليموس اربك برديكاس و شتت جيشه، و انتهت محاولة دخول ممفيس بقتل برديكاس على ايد عسكرى من عساكره.

بقتل برديكاس اتوقفت الحرب و بعت بطليموس اكل لمعسكر الجيش الغازى اللى طلب قواده اوامر من بطليموس. الملوك فيليب أريديوس و الكسندر ايجوس وقعوا فى ايد بطليموس و كان ممكن انه عن طريقهم يصدر اوامر لكل امبراطورية أبوهم لكن بطليموس كان عاقل و حكيم و كان عارف انه لو عمل كده حا يألب قواد كتير عليه، فبدل ما يتهور و يعمل كده نصح بتنصيب بايثون اللى اتمرد على برديكاس و كان السبب الرئيسى لهزيمته و قتله، و اريديوس اللى جابله جثمان الاسكندر الاكبر فى مصر، اوصيا على فيليب أريديوس و الكسندر ايجوس، و اخد الجيش المقدونى بالنصيحه و بكده رد بطليموس لاريديوس و بايثون جمايلهم عليه. فى الواقع بايثون و اريديوس ما بقوش الحكام الفعليين على امبراطورية الاسكندر كلها لكن على مملكة مقدونيا بس.

و الاحداث دى جاريه فى مصر قامت حرب فى اسيا الصغرى بين قائد اسمه اومينيس Eumenes و كراتيروس انتهت بهزيمة الاخير و قتله. الحرب دى اتعرفت بإسم  حرب الوراثه الاولى .

بكده، بقتل برديكاس و كراتيروس حكام الامبراطوريه، الطريق بقى مفتوح و ممهد قدام بطليموس عشان يستولى على سوريا الجوفاء Cœlo Syria و فينيقيا اللى ما بقالهمش حارس يحرسهم و تقريباً ماعادش ليهم حكام. بطليموس بعت جيش بقيادة نيكانور Nicanor عشان يستولى عليهم، وقدر يستولى عليهم هما و اورشليم اللى قاومت كام يوم و ضمهم لمصر.

قبل كده كانت مصر منعزله عن طريق البحر و الصحرا عن البلاد فى الشرق، و كانت التجاره المصريه داخليه عن طريق مراكب النيل. الملوك الاقباط فى طيبه كانوا اياميها اغنيا من التجاره الداخليه مع منطقة الدلتا، و كانت ثروة مصر متمركزه فى صعيد مصر، لكن من ايام بطليموس الوضع اتعكس و بقت الدلتا و شمال مصر هى الغنيه بفضل تحول مصر لدوله بحريه ليها موانى فى الدلتا بتستقبل البضايع المنقوله على المراكب اللى جايه عن طريق البحر المتوسط. مصر بعد ما كانت مملكه داخليه مغلقه بقت مملكه على ساحل البحر، و بضم بطليموس لسوريا الجوفاء و فينيقيا بقى أرز لبنان المطلوب لبنا السفن و الشوانى فى ايده، و بقى الساحل اللى بيسيطر عليه بيمتد من قيرنه (برقه فى ليبيا دلوقتى) لغاية انطاكيه، و دى مسافه طولها حوالى 1400 كم.

سياسة بطليموس كانت قايمه على تقوية حكمه فى مصر و حمايته و بضمه لقيرنه و بعدين لسوريا الجوفاء و فينيقيا قدر انه يوسع المنطقة العازله اللى حوالين مصر. جوه مصر نفسها بطليموس اتبع خطة الاسكندر الاكبر لحكمها ايام ما كانت ولايه مقدونيه. العساكر المقدونيين عاشوا فى معسكراتهم او فى اسكندريه تحت القانون اليونانى، المصريين عاشوا تحت القوانين المصريه اللى بيشرف عليها الكهنه و القضاه و الموظفين المصريين. بطليموس ما فرضش ضرايب على الاراضى التابعه للمعابد المصريه، و فوق كده معابد بتاح و امون-رع و غيرها فضلت حره و مفتوحه و اترممت و اتبنت على حساب الدوله اللى اتكفلت كمان بطقوس دفن العجل ابيس المقدس. دين المصريين، مش دين اليونانيين و المقدونيين، كان الدين الرسمى فى مصر.

بطليموس كمل جزء كبير من بنا اسكندريه اللى كان بدأ قبل موت الاسكندر. معظم المبانى العامه اتبنت على البحر قدام المينا و كان من ضمنها الحوض الملكى الل كانت بتتبنى فيه السفن الحربيه، و معبد البوسيدون اللى كان بيزوروه البحاره اليونانيين لطلب البركه و السلامه، و مدافن لملوك مصر البطالمه اللى اتسمت سوما لان بيتقال ان  جسم  الاسكندر الاكبر اتدفن فيها. جوه اسكندريه و على اطرافها الخارجيه كان فيه احواض لبنا السفن، و قناه ملاحيه بتوصل لبحيرة مريوط، و مدافن عامه، و مسرح، و مسرح مكشوف، و استاد رياضى كانت بتتعمل فيه دورة العاب رياضيه كل خمس سنين، و محكمة عدل، و جناين و هيبودروم لسباقات عربيات الخيل. فى فتره حكم بطليموس يونانيين كتير هاجروا لمصر، معظمهم استقروا فى شمال مصر. اسكندريه و المدن المقدونيه كانت بتسرى عليها القوانين اليونانيه. اسكندريه كان عايش فيها مصريين كتير و ما كانتش مدينه مغلقه على المقدونيين. معظم المصريين الاسكندرانيه كانوا موظفين و اصحاب محلات و تجار و بياعين فى الاسواق، و كان فيه اختلاط و جواز مختلط بين المصريين و اليونانيين. المصريين كانوا ساعات بيتسموا مقدونيين، و الخطب اللى كانت بتتوجه للمصريين كانت بتبدأ بجملة  يا رجالة مقدونيا .

اهم مبانى اسكندريه اللى اتبنت فى عهد بطليموس الاول كان الموسيون او مدرسة الفلسفه اللى اتعرفت باسم مكتبة اسكندريه و حولت اسكندريه لأهم مركز ثقافى فى البحر المتوسط من غير منازع. مصر ادت اليونانيين حاجه مهمه جداً ما كانوش بيعرفوها او ما كانوش بيستخدموها و هى ورق البردى. قبل ما بطليموس يحكم مصر اليونانيين كانوا بيكتبوا على اقمشة الكتان و الشمع و الحجاره و ورق الشجر. بالنسبه لليونانيين اكتشاف الكتابه على ورق البردى زى المصريين كان بيعادل اختراع المطبعه فى العصر الحديث فى اوروبا. بطليموس نفسه كان كاتب و له كتاب تاريخى قيم عن حروب الاسكندر الاكبر و كان بيحب الفن و الثقافه و كان بيهتم بالعلما و الكتاب و الفنانين و كان دايماً بيحرص على انه يجذبهم لمصر، و نجح فعلاً فى كده و قدر يجيب رسامين و نحاتين و شعرا و مؤرخين و علما كتار لاسكندريه و دول حولوا مكتبة اسكندريه لاكبر مركز ثقافى فى العالم المعروف وقتها.

فى عهد بطليموس اتدفقت اعداد كبيره من المقدونيين و اليونانيين على مصر و استقروا فى شمالها بوجه خاص. بطليموس كان مهتم بتوحيد المصريين بالمقدونيين ثقافياً و دينياً تبعاً لتعاليم الاسكندر نفسه و لانه كان مدرك انه مش ممكن يقدر يسيطر على رعاياه المصريين (الاغلبيه) و اليونانيين (الاقليه) من غير خلق الفه دينيه و ثقافيه بينهم. مصر بتراثها الحضارى الضخم و المتفوق ما هيش بلد بتدوب فى ثقافة الاجانب لكن طول تاريخها على مر العصور الاجانب بيدوبوا فى ثقافتها و الاجنبى اللى بيدخل مصر و يقعد فيها بينتهى بالتمصير و بيطلع عياله و احفاده مصريين زى ما حصل للماليك فى فتره لاحقه. ما كانش ممكن للمقدونيين انهم يفرضوا ثقافتهم اليونانيه و ديانة اليونان على المصريين. اليونانيين كانوا بيعرفوا مصر من ايام هيرودوتوس اللى زار شمال مصر، لكن بعد الاسكندر الاكبر اتعرفوا على مصر و ثقافتها فى الشمال و الجنوب عن قرب، فى فترة الاسكندر الاكبر و بطليموس الاول جه مصر مؤرخين و مفكرين كبار زى هيكاتيوس اللى انبهر بثقافة مصر فى الصعيد و الف كتابه المهم عن تاريخ مصر او بالاحرى كتاب وصف مصر اللى نقل عنه ديودوروس و غيره من كبار مؤرخين اليونان. من ضمن هدايا مصر لليونان و كتابها كان ورق البردى اللى قامت عليه صناعة الكتب و مكتبة اسكندريه.

بطبيعة الحال بطليموس كان مهتم جداً بقبول المصريين ليه حاكم على مصر، فكان حريص على ان تكون ليه سياسه دينيه، و ايديولوجيه ملكيه، و قدره على خلق روح الالفه بين المهاجرين المقدونيين و اليونانيين من جهه و المصرين اهل البلد من جهه تانيه، تسمح له بحكم مصر من غير مشاكل تقوض طموحاته. كبدايه، من ناحية التغييرات، اهم حاجه عملها بطليموس فى مصر انه ما عملش حاجه، بمعنى انه ساب المصريين زى ما هما و ما غيرش نظمهم الاجتماعيه و الاقتصاديه. و قعد مده يحكم من ممفيس زى الفراعنه و طبعاً ممفيس بموقعها فى الدلتا ما كانتش مناسبه لطموحاته فى التعامل مع العالم الخارجى زى مدينه بموانى على البحر زى اسكندريه. اللغه اليونانى مع زيادة اعداد المهاجرين زاد استعمالها فى الحياه العامه لكن ما اتعملتش اى قوانين بخصوص اللغه و كل واحد كان له الحق يتكلم مصرى او يونانى زى ماهو عايز.

سيراپيس Serapis، اله اخترعه الكهنه فى عهد بطليموس فى مصر للتوفيق بين المصريين و اليونانيين عن طريق الدين. الكاهن المصرى مانيتون اللى اشتهر بتأريخ تاريخ فراعنة مصر باليونانى كان مستشار بطليموس فى الشئون الدينيه و لعب دور كبير فى خلق توليفة الاله سيرابيس. سيراپيس كانت مراته ايزيس Isis و ابنه هاربوكراتس Harpocrates، وكان بيتمثل للمصريين على شكل العجل المقدس ابيس و لليونانيين على شكل الاله زيوس Zeus. بيختلف العلما و الباحثين فى اصله و شخصيته، و ان كان ما بيخرجش عن كونه الاله المصرى أوزوريس-أبيس Osiris-Apis اللى اشتق منه اسم سيراپيس، يعنى العجل المقدس أبيس-بعد وفاته. اتبنى معبد كبير لسيراپيس فى منطقة ابو قير فى شرق اسكندريه و فضل قايم لغاية ما اتدمر بعد دخول المسيحيه مصر و معاه اتدمر جزء كبير من اللى اتبقى من ثقافة و ديانة مصر و دخلت مصر فى عصر التوهان الثقافى اللى استمر لغاية النهارده. و من الالهه التانيه اللى ضافها البطالمه كان الاله ماقيدون اللى قالت قصته انه ابن اوزيريس و منه خرج نسل الملوك البطالمه.

بطليموس الاول حط فى مصر حجر الاساس لنهضه ثقافيه كبيره اتبلورت فى عهد ابنه بطليموس التانى فيلاديلفيوس. و فى الوقت اللى كان بطليموس الاول بيأسس نهضه عظيمه فى مصر كانت ولايات امبراطورية الاسكندر التانيه مشغوله فى حروب بين القواد المتصارعين (حرب الوراثه التانيه 319 -315 ق.م).

قواد الاسكندر ورثة امبراطوريته كانوا بيتسموا  ديادوخوى  (باليونانى: Διάδοχοι) و عشان كده حروبهم على ورث الاسكندر اتعرفت بإسم  حروب الديادوخوى .

فى سنة 317 ق.م فيليب التالت اريديوس اخو الاسكندر الاكبر المش شقيق و اللى كانت ولايات الامبراطوريه بتتحكم باسمه اتأسر هو و مراته اوريديك Eurydike و اتقتل بأمر من اوليمبياس Olympias ام الاسكندر الاكبر اللى كانت بتكرهه، و بقى انتيجونوس مونوفثالموس (انتيجونوس الاعور) Antigonos Monophthalmos حاكم على اسيا الصغرى، و كساندر Cassander بقى مستشار ل الكسندر ايجوس وريث عرش ابوه اسكندر الاكبر، و بالتالى بقى حاكم على مقدونيا، و قواد زى ليسيماخوس Lysimachus وسيليوقوس Seleucus كانوا بيحاولوا يكونوا ممالك لنفسهم. بطليموس فى مصر ما كانش بيتدخل فى الصراعات الدايره و كان منهمك فى تثبيت اقدامه فى مصر و تاسيس نهضه علميه و ثقافيه و ابعاد مصر عن الحروب. مصر بإمكانيتها الهايله و تراثها التاريخى و موقعها الجغرافى ادت بطليموس اللى كان عايزه. سيلوقوس استولى على بابل لكن انتيجونوس قدر يغلبه و ياخد منه بابل سنة 315 ق.م فهرب سيلوقوس على مصر و احتمى فيها و اقنع بطليموس ان انتيجونوس طمعان فى كل الامبراطوريه و انه حا يهاجم مصر عن قريب فبعت بطليموس ل كساندر و ليسيماخوس و اتفقوا انهم يتعانوا ضد العدو المشترك انتيجونوس. استولى انتيجونوس على معظم سوريا و عمل تحالفات مع ملوك فى قبرص، و لسؤ حظ بطليموس فى الوقت ده حصل تمرد فى قيرنه فى غرب مصر خلاه يسيب جبهة سوريا مؤقتان و يروح على قيرنه، و بعد ما قضى على التمرد و اخد قائد التمرد على اسكندريه و هو مربوط بالسلاسل قرر انه يوجه ضربه لانتيجونوس عن طريق مهاجمة قبرص اللى ملوك من ملوكها اتحالف مع انتيجونوس. قبرص على مر التاريخ و حتى بعد كده بسنين فى العصور الوسطى وقت الحروب الصليبيه كانت زى ما وصفها الاسكندر الاكبر مفتاح مصر. بالنسبه لبطليموس و هو فى مصر، قبرص كانت مفتاح فينيقيا فطوالى هاجمها و استولى عليها و عين حليفه القبرصى نيكوكريون Nicocreon ملك سالاميس حاكم عليها، و بعد ما استولى على قبرص نزل بقواته فى شمال سوريا و استولى على بوسيديون و بوتامى كارون و من هناك طلع على اسيا الصغرى و استولى على مالوس و كيليكيا و من هناك ركب البحر و رجع على مصر. هدف بطليموس من العمليه دى كان ابعاد انتيجونوس و ابنه ديميتريوس Demetrius عن سوريا الجوفاء (جنوب سوريا) و فعلا نجح فى خطته و خلا ديميتريوس يروح على كيليكيا عشان يواجهه هناك لكن على ما وصل كان بطليموس راح على مصر.

بعد ما بطليموس رجع مصر نظم قواته البريه و ضم ليها اعداد كبيره من المصريين و راح بيهم على غزه و فى خريف 313 ق.م قامت معركه هناك بينه و بين جيش ديميتريوس اللى كان بيضم اربعه و تلاتين فيل و قدر بطليموس انه يهزم جيش ديميتريوس و يدخل غزه و هرب ديميتريوس و بالانتصار ده بقت كل فينيقيا جزء من مصر من تانى. لما انتيجونوس سمع باللى حصل اتوجه بقواته على شمال سوريا عشان يساعد ابنه. بطليموس اللى كان قائد محنك و بيحسب كل حاجه بدقه كان عارف انه ممكن يدخل فى معركه عاديه و ينهزم فيها لكن مش ممكن يسمح لنفسه بدخول معركه مصيريه خسرانه ممكن تقضى على طموحاته، ففضل انه ما يدخلش معركه كبيره ضد جيش انتيجونوس الضخم فانسحب بجيشه على مصر ورا الصحرا اللى صعب على جيش انتيجونوس انه يعديها. و الاحداث دى شغاله قدر سسلوقس فى اغسطس 311 ق.م انه يرجع ميسوبوتاميا (منطقة ما بين النهرين) و يسترد بابل و بكده الخريطه السياسيه فى اسيا اتغيرت من جديد.

عشان انتيجونوس يقدر يعدى سينا و الصحرا و يوصل لبطليموس جوه مصر كان لازم يا اما يتحالف مع العرب النبطيين فى شمال الجزيره العربيه او يهاجمهم و يسيطر عليهم لإن ده كان يسمح له انه يعدى پيترا عاصمة النبطيين و سينا و ساحل البحر الاحمر من غير ما يحمل هم نقص فى المايه. النبطيين كانوا على الحياد لكن كانوا بيميلوا لبطليموس بسبب حسن معاملته ليهم. انتيجونوس اختار العنف و بعت جيش استولى على پيترا فى غيبة النبطيين، لكن لما النبطيين عرفوا بااللى عمله هجموا على معسكر جيشه فى پيترا بالليل و قضوا عليه و لما حاول يهاجمهم بجيش بيقوده ابنه ديميتريوس كمان مره كانوا مستعدين له و قضوا كمان مره على قواته. و لإن انتيجونوس ما كانش بيملك تفوق بحرى ضد مصر مالاقاش طريقه يوصل بيها مصر فانسحب على الشرق و شال فكرة مهاجمتها من دماغه.

بعد ما انتهى الموضوع على كده اتفق جنرالات الاسكندر فى خريف 311 على توقيع اتفاقية سلام ادت الحق لكل واحد منهم فى امتلاك الولايه اللى بيسيطر عليها، كاساندر فى مقدونيا لغاية ما يكبر الكسندر الرابع ايجوس ابن الاسكندر الاكبر، و ليسيماخوس فى تراقيا، و انتيجونوس الأعور فى اسيا الصغرى، و بطليموس ابن لاجوس فى مصر. و بكده، بعد تلتاشر سنه من موت الاسكندر الاكبر بقى بطليموس سيد مصر من غير منازع. فى التلتاشر سنه دول بطليموس بقى بحكمته و عدله محبوب المصريين و بقوته و قدراته العسكريه بقى صعب على حد ينافسه او يهوب ناحية مصر. بعد اتفاقية السلام بين القواد الاربعه كاساندار قتل روكسانا Roxana مرات الاسكندر و ابنها الملك الكسندر الرابع ايجوس اللى كان عنده وقتها تلتاشر سنه، و اللى باسمه الجنرالات الاربعه حكموا الامبراطوريه اللى كونها ابوه. بقتل الكسندر ايجوس ما بقاش حد فاضل من عيلة الاسكندر الاكبر غير اخته كليوباترا اللى الاربع قواد عرضوا عليها الجواز و قبلت كليوباترا عرض بطليموس لكن و هى فى سكتها لمصر قتلها انتيجونوس و انتهت عيلة الاسكندر الاكبر بكده.

اتفاقية السلام بتاعة 311 ق.م بين القواد الاربعه ما وضعتش حد للصراعات القايمه بينهم بالكامل. بطليموس كان مهتم بمساعدة المدن اليونانيه فى نيل استقلالها، و فى نفس الوقت ديميتريوس ابن انتيجونوس كان مصدر تهديد لقبرص، و عليه، فى سنة 306 ق.م، وضب بطليموس الاسطول البحرى و راح بيه على قبرص عشان يساعد اخوه مينيلاوس Menelaus ضد ديميتريوس هناك. و قامت معركه بحريه بين الاسطول المصرى اللى كان بيقوده مينيلاوس اخو بطليموس و اسطول انتيجونوس اللى كان بيقوده ابنه ديميتريوس جنب مدينة سالاميس Salamis، و انتهت المعركه بإنتصار ديميتريوس، و دى كانت اكبر هزيمه اتلقاها بطليموس فى حياته، و اضطر انه ينسحب من قبرص و يسيبها بحاميتها لديميتريوس. الحاميه كانت حوالى 16.000 محارب اخدهم ديميتريوس و ضمهم لجيش انتيجونوس لكن رجع الظباط الكبار لبطليموس، و ده لإن بطليموس كان عمل كده بعد ما انتصر فى معركة فى غزه. انتصار سالاميس ادا نشوه لانتيجونوس اللى كان لسه طمعان فى امبراطورية الاسكندر فنصب نفسه و ابنه ديميتروس ملوك، فراح بطليموس و القواد التانيين هما كمان منصبين نفسهم ملوك. لكن على عكس انتيجونوس اللى نصب نفسه ملك على كل ولايات الامبراطوريه، كساندر اكتفى بتنصيب نفسه ملك على مقدونيا و بطليموس نصب نفسه ملك على مصر بس.

فى اواخر شهر اكتوبر 306 ق.م جمع انتيجونوس جيشه فى سوريا الجوفاء و انضم ليه اسطول بحرى بيقوده ابنه ديميتروس و راحوا يغزو مصر من غير حوجه للعرب النبطيين بعد ما اتدمر الاسطول المصرى فى سالاميس و بقى ممكن مهاجمتها من البحر. لكن لسؤ بخت انتيجونوس دمرت الريح مراكب اسطول ابنه قدام ساحل مصر و زقت منها مراكب كتيره جوه النيل فوقعت فى ايد بطليموس. حاول انتيجونوس مهاجمة المدن المصريه بقواته البريه لكن لقى دفاعاتها عفيه وقدرت تتصدى له فانسحب فى اواخر نوفمبر 306 ق.م على سوريا، و بعت ديميتروس على جزيرة رودس حليفة مصر و اهم مراكزها التجاريه فى البحر المتوسط عشان يستولى عليها، لكن رودس صمدت قدام الحصار ديميتروس (305/304 ق.م)، و قدرت مصر تخترق الحصار و تدخل اكل و امدادات، و ما قدرش ديميتروس انه يستولى عليها فانسحب بعد ما حاصرها اكتر من سنه و ساب وراه الات الحصار، و من فرحة اهل رودس هتفوا باسم بطليموس اللى ساعدهم و نادوا:  سوتر.. سوتر  اللى معناها  المنقذ ، و ده اللقب اللى احتفظ بيه بطليموس، و بعد ما كان معروف باسم  بطليموس ابن لاجوس  او  بطليموس لاجوس  او  بطليموس المقدونى  بقى اسمه بطليموس سوتر يعنى بطليموس المنقذ، و دخل التاريخ بالاسم ده.

بطليموس الاول سوتر اتنصب فرعون على مصر فى احتفال اتعمل فى يوم ذكرى وفاة الاسكندر الاكبر اللى كانت بتوافق فى التقويم الجريجورى 12 يناير 304 ق.م.

فى سنة 301 ق.م اتحالف تلت ملوك مقدونيين ضد انتيجونوس و ابنه ديميتريوس و هزموهم فى معركة ابسوس و اتقتل انتيجونوس فى المعركه (حرب الوراثه الرابعه 303 - 301 ق.م) لكن ديميتريوس قدر يهرب و بفضل اسطوله قدر يسيطر على قبرص و على مكانته فى اليونان ففضل مصدر تهديد فى البحر المتوسط. بطليموس ما اشتركش فى معركة ابسوس و لكن استفاد بنتيجتها لتحقيق طموحاته القديمه فى شرق مصر و قدر يضم سوريا الجوفاء و بيبلوس و من المحتمل دمشق. صيدا و صور فضلوا فى ايد ديميتريوس. امبراطورية انتيجونوس اتقسمت على التلت ملوك اللى غلبوه فى ابسوس، ليسيماخوس اخد اناتوليا لغاية توروس ما عدا الساحل اللى كان فى ايد بطليموس و كليكيا اللى اخدها بليستارخوس اخو كاساندر. سيلوقس كان ممكن ياخد كل سوريا من الفرات لغاية البحر المتوسط لكن ما رضاش يدخل فى نزاع مع حليفه و صاحبه بطليموس، لكن فى نفس الوقت ما اتنازلهوش عنها و اتأجل موضوعها لحروب و صراعات تانيه بين مصر البطلميه و السلوقيين قامت فى القرن التالت و التانى ق.م اتعرفت بإسم  حروب سوريا .

بالنسبه للبطالمه منطقة سوريا كانت مهمه، من جهه بإعتبارها منطقه عازله بتستخدم كارض للمعارك و الحروب - زى ما كان دورها فى عصر الدوله المملوكيه المصريه فى وقت لاحق -، و من جهه تانيه كانت مهمه كمصدر لشجر الارز الموجود فى لبنان اللى اياميها كان ضرورى لصناعة السفن و الات الحصار، و من جهه تالته كانت على طريق القوافل التجاريه من الجزيره العربيه لسوريا الجوفاء و اللى كان بيتسمى  طريق البهارات ، ده بالاضافه لوجود مزارع فيها بتنتج نبيت و زيت و قمح.

استمرت الصراعات مع ديميتريوس و اشترك بطليموس مع سيلوقس و ليسيماخوس فى الهجوم على مناطق نفوذه فى اسيا و قدر بطليموس يسترد قبرص فى سنة 295 ق.م و يضم ليسيا لمصر.

من ضمن الحاجات اللى عملها بطليموس سوتر فى مصر كان سك العمله. لغاية عهد بطليموس كان الدهب و الفضه بيتوزنوا قبل مبادلتهم بالسلع و كانت طبعاً بتحصل شكوك فى درجة صفاهم، لكن بطليموس غير النظام ده بتحويل الدهب و الفضه و النحاس لعملات لها وزن و قيمه ثابته، و فوق كده، على عكس المدن اليونانيه اللى اياميها كان لكل مدينه عملتها، مصر كلها بقا ليها عمله واحده بيتعامل بيها فى كل نواحيها. عملات بطليموس كانت جميله و اتنقش على وشها بورتريه الملك بطليموس من غير دقن وعلى جبينه الاكليل الملكى البسيط اللى كان عباره عن مجرد شريط مربوط ورا راسه، و على وش العمله التانى اتكتب  ل بطليموس سوتر  او  ل الملك بطليموس  حوالين نقش صقر على صاعقه ودى حروف هيروغليفى معناها  فرعون .

ايام الاسكندر الاكبر اللى نظم لقواده جواز جماعى من ستات من المناطق اللى دخلت فى امبراطوريته بطليموس كان اتجوز ست فارسيه اسمها ارتاكاما Artakama. بعد موت الاسكندر بطليموس طلق مراته دى زى ما عمل كل القواد بإستثناء سليوقس.

بعد ما بطليموس نصب نفسه فرعون على مصر شخصيته ما اتغيرتش و فضل زى ما كان راجل بسيط فى هدومه و سكنه و كان بيتعامل مع قواده و عساكره و شعبه بسلاسه و بطريقه مفيهاش ديكتاتوريه. بطليموس فى الاول اتجوز غانيه اسمها تاييس Thais و خلف منها كذا عيل كان اكبرهم ليونتيسكوس Leontiscus اللى شارك ببطوله فى الحرب ضد ديميتريوس، و الابن التانى كان اسمه لاجوس على اسم جده ابو بطليموس المفترض. و بعدين اتجوز يوريديسا Eurydice بنت انتيباتر Antipater و برضه خلف منها كذا عيل، اكبرهم كان اسمه بطليموس كيراونوس Ceraunus (الصاعق) اللى نفاه بطليموس من اسكندريه فهرب عند سيليوكوس و عاش عنده و حارب ديميتريوس و غلبه و سيطر على مقدونيا لفتره و سك عملات مقدونيه باسمه بطليموس كيراونوس و اتجوز اخته المش شقيقه ارسينوى (ارسينوى التانيه) Arsinoe و قتل عيالها و فى الاخر اتقتل. اريسنوى قبل كده كانت متجوزه ليسيماخوس و هو كبير فى السن، و قلبته على ابنه اجاثوليس Agatheoles جوز اختها ليساندرا Lysandra، و اتجوزت بعد كده اخوها بطليموس التانى فيلاديلفوس. بطليموس سوتر خلف كمان من يوريديسا ابن قتله ابنه التانى بطليموس التانى فيلادلفيوس اللى بقا ملك بسبب تآمره على عرشه. بنت بطليموس و يوريديسا  ليساندرا  اتجوزت اجاثوليس ابن ليسيماخوس و لما قتله ابوه خدت عيالها و هربت على مصر و اتحامت فى ابوها. بطليموس اتجوز كمان برينيكى (برينيكى الأولى) Berenice اللى كانت جت مصر مع يروديسا، و كانت ارملة راجل اسمه فيليب خلفت منه ابن اسمه ماجاس Magas عينه بطليموس حاكم على قيرنه. قضى بطليموس اخر ايام حياته مع برينيكى و خلف منها بطليموس التانى فيلادلفيوس اللى اختاره يكون وريث عرشه بدل ابنه الاكبر بطليموس كيراونوس اللى ما كانش بيثق فيه. بطليموس كان ليه بنت اسمها فيلوتيرا Philotera مش معروف عنها حاجه غير ان اخوها بطليموس التانى فيلادلفيوس سمى مدينه على اسمها فى اثيوبيا.

بعد ما انتصر بطليموس سوتر على ديميتريوس و سيطر تانى على سوريا الجوفاء (جنوب سوريا) و قبرص، اختار فى السنه التامنه و التلاتين من حكمه ان ابنه بطليموس فيلادلفيوس (محب أخته) يحل محله و يبقا ملك على مصر فى حياته، فاتنازل له عن العرش و اتعملت احتفالات ضخمه بمناسبة تنصيب بطليموس التانى فيلادلفيوس ملك مشارك على مصر حضرها ابوه بطليموس سوتر و امه برينيكى الأولى.

بطليموس اتوفى فى شتا 282-283 ق.م و هو عنده 84 سنه بعد ما استغل قدرات مصر و وظف تفوقها الحضارى فدخلها فى عصر جديد سادت فيه العالم المعروف وقتها عسكرياً و اقتصادياً و ثقافياً.

شوف كمان: لستة ملوك مصر البطلميه

Holbl, Gunther, A History of The Patolemaic Empire , Routledge, London  New York 2007, ISBN 978-0-415-23489-4




#Total Article count: 373
#Total Word count: 199923